ཐིག་ལེ་དངས་སྙིགས་འབྱེད་པ་དང་༔ རིགས་རྒྱུད་གཞག་ཐབས་ལག་ལེན

From Rangjung Yeshe Wiki Texts
Revision as of 07:00, 21 November 2026 by Eric (talk | contribs) (Longchenpa Project: generated page (21 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-06-CHA-009
Jump to navigation Jump to search

རྩལ་དབང klong chen rab 'byams kyi gsung 'bum (pe cin 2009)· Volume 6(CHA) བར་དོའི་ངོ་སྤྲོད

Title ཐིག་ལེ་དངས་སྙིགས་འབྱེད་པ་དང་༔ རིགས་རྒྱུད་གཞག་ཐབས་ལག་ལེན
Wylie thig le dangs snyigs 'byed pa dang :_rigs rgyud gzhag thabs lag len
Catalogue title thig le dangs snyigs 'byed pa dang rigs rgyud bzhag thabs kyi lag len (BDRC outline)
Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 6(CHA), text 9, pages 78–82 (BDRC scan pages)
Section snying thig ya bzhi › mkha' 'gro snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.2.2.11
Citation Klong chen rab 'byams pa. thig le dangs snyigs 'byed pa dang rigs rgyud bzhag thabs kyi lag len. In Kun mkhyen klong chen rab 'byams kyi gsung 'bum, vol. 6, pp. 78–82. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །ཐིག་ལེ་དངས་སྙིགས་འབྱེད་པ་དང་༔ རིགས་རྒྱུད་« »གཞག་ཐབས་ལག་ལེན་བཞུགས་པ་ལགས་སོ༔

« » «རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ བདག་འདྲ་པདྨ་འབྱུང་གནས་ཀྱིས༔ ལས་དང་ལྡན་པའི་སྐྱེས་བུ་ལ༔ འབྱུང་བའི་དྭངས་སྙིགས་དབྱེ་བ་དང་༔ རིགས་རྒྱུད་གཞག་པའི་གདམས་པ་བསྟན༔ ས་མ་ཡ༔ རྒྱ་རྒྱ་རྒྱ༔ དང་པོ་ཐིག་ལེའི་དངས་སྙིགས་དབྱེ་བ་བསྟན་པ་ནི༔ ཡབ་ཡུམ་སྦྱོར་བ་བྱེད་པའི་དུས་སུ༔ ཐིག་ལེ་གསང་གནས་སུ་རྫོགས་འདོད་པའི་«རྩེ་མཛོད་གཤམ་དགག་«དུས་ན༔ རང་གི་སྨིན་མཚམས་སུ་གཡུང་དྲུང་འཁྱིལ་བའི་དབུས་ན༔ ཐིག་ལེ་དཀར་པོ་དྲུག་བརྩེགས་ལ་དམིགས་པ་མ་ཡེངས་པར་གཏད་པས་རང་གི་སྙིགས་མ་ཤོར་ཡང་དངས་མ་མི་འཆོར་ངེས༔ དེ་ལ་ཡུན་རིང་དུ་སྦྱང་བ་གལ་ཆེའོ༔ གོམས་ན་ཐེ་ཚོམ་མེད་དོ༔ རྒྱུད་འཛིན་གྱི་བུ་འཇོག་ན་ཐིག་ལེ་དྲུག་པོ་དེ་འཕངས་པ་ལྟར་ཡུམ་གྱི་དངས་མའི་དབུས་སུ་ཆིལ་གྱི་སོང་བར་བསམ་མ»ོ་««དུས་ཡ་ལ་མོར་ཡོང་ཟུང་ལ་ཕོར་ཡོང་ཕའི་རྒྱུ་མང་ན་ཕོར་ཡོང་མའི་རྒྱུ་མང་ན་མོར་ཡོང་ངོ་«༔ དེ་ལྟར་ཡང་ཡང་བྱས་པས་འབྱུང་ངེས་སོ༔ དེ་ལྟར་བཏང་བའི་དུས་ནི་དེ་ཡང་ཟླ་མཚན་འབབ་པའི་དུས་སུ་ཕབས་ཀྱང་མི་ཆགས་སོ༔ ཕལ་ཆེར་ཞག་གཉིས་པའི་ནུབ་མོ་ཡ»ོ«ང་«ཆགས་ཀྱང་བུ་མོར་ཡོང་ཟླ་མཚན་མང་བས«་བུ་མ»ོ«༔ གསུམ་དང་བཞིའི་ནུབ་མོ་པདྨར་རྡོ་རྗེ་བཅུག་སྤྱོད་ཅིང་༔ ཐིག་ལེ་མི་གཏོང་བར་མོའི་སྙིགས་མ་ཟགས་སུ་གཞུག༔ ཞག་བཞིའི་ཐོ་རངས་སྙིགས་མ་བཏང་༔ དེ་ཡང་ཁྲག་ཞག་གཅིག་ལས་མི་འབབ་པ་དང་༔ «པདྨའི་ཁ་མི་འཛུམ་པར་«ཞག་མང་དུ་འབབ་པ་ཡང་ཡོད༔ ཁྲག་གི་སྙིགས་མ་ཟད་པ་དང་ཞག་ཟུང་ཐེམ་ན་བུར་ཡོང་༔ སྙིགས་མ་ཟད་ནས་ཞག་དྲུག་ཚུན་ཆད་ལ་ཆགས་སོ༔ ཁྲག་ཞག་མང་པོ་ཡོང་བ་ནི་མི་ཆགས་པ་ཡང་ཡོད༔ ཞག་གཅིག་རྩི་ལུགས་ནི་སྐྱ་རེངས་དང་པོ་ཤར་ནས་ཞག་ཕྱི་མའི་སྐྱ་རེངས་ཚུན་ཆད་ཞག་གོ༔ ཡང་ཁ་ཅིག་ལ་ཁྲག་བྱུང་ནས་ཞག་བདུན་ཚུན་ཆད་དུ་བུ་སྣོད་ཁ་བྱེ་བར་བཤད་པ་ཡང་ཡོད་ཞག་ཟུང་ལ་བུ༔ ཁ་ཡར་ལ་བུ་མོ་ཡོང་བར་བཤད༔ འགའ་ཞིག་ཡ་ལ་བུ༔ ཟུང་ལ་བུ་མོར་ཡོང་བ་ཡང་ཡོད༔ དུས་གང་ཡིན་ལ་ས་བོན་བཏང་ངོ་༔ ཟླ་བ་ཕྱི་མར་ཁྲག་མ་བྱུང་ན་ཆགས་པ་ཡིན་ནོ༔ དེ་ཡང་«རབ་«ཟླ་བ་གཅིག་«འབྲིང་«གཉིས་ལ་ཚོར་རོ༔ ལུས་ཀྱི་གཡས་ལ་བརྟེན་ན་བུ་ཡིན༔ གཡོན་ལ་བྱུང་ན་བུ་མོ་ཡོང་བས་ལྟེ་བསྒྱུར་བྱའོ༔ གནད་ཀྱི་མན་ངག་གཉིས་པ་རྫོགས་སོ༔ ས་མ་ཡ༔ རྒྱ་རྒྱ་རྒྱ༔ ཁ་ཐཾ༔ ཨྠིྀ༔ »༄༅། །གཞན་དོན་སྤྲུལ་སྐུ་གཞག་ཐབས་བཞུགས་པ་ལགས་སོ༔

«རིགས་ཀྱི་ཌཱཀྐི་ལྔ་ལ་ཕྱག་འཚལ་ལོ༔ སྙིགས་མ་ལྔ་བདོ་བའི་དུས་སུ༔ རང་ཚད་དང་ལྡན་པའི་རྣལ་འབྱོར་པས༔ སྤྲུལ་པའི་སྐུ་འགྱེད་དེ༔ གང་ལ་གང་འདུལ་དུ་འགྲོ་དོན་བྱ་བར་འདོད་ན༔ གོང་དུ་ཐིག་ལེ་བཟུང་བར་བཤད་པ་དང་འགལ་ལམ་སྙམ་ན་མི་འགལ་ཏེ༔ འདི་ཐེག་པ་ཆེན་པོ་གསང་སྔགས་ཀྱི་ཆོས་ཡིན་གསང་སྔགས་ནས་གཞན་དོན་ཁོ་ན་སྟོན་པས་ཐེག་པ་ཆེན་པོ་ཞེས་བྱའོ༔ རྟེན་རབ་ཏུ་བྱུང་བའི་དགེ་སློང་ཡིན་ཀྱང་ཉེས་པ་ཏིལ་ཙམ་ཡང་མི་འབྱུང་སྟེ་བསམ་པ་བྱང་ཆུབ་ཀྱི་སེམས་གཙོ་ཆེ་བའི་ཕྱིར་རོ༔ དེ་ལྟར་མ་བྱས་ན་ཐེག་པ་ཆུང་ངུར་ལྟུང་སྟེ་དམ་ཚིག་ཉམས་སོ༔ རང་གི་དཔེ་རྒྱུད༔ ཚིག་རྒྱུད༔ དོན་རྒྱུད༔ སྐུ་ཡིས་བཟུང་བའི་ཕྱིར་སྤྲུལ་པའི་སྐུ་གང་ལ་གང་འདོད་དུ་འབྱུང་བར་འདོད་ན༔ ཡུམ་མཚན་དང་ལྡན་པ་ལ་བུ་འཛིན་པའི་དུས་སུ༔ མཁས་པ་ལྔའི་སྒོ་ནས་ཐིག་ལེ་བཏང་སྟེ༔ སེམས་བསྐྱེད་ཁྱད་པར་ཅན་གྱི་སྒོ་ནས་བདག་དང་ཕྱག་རྒྱ་མ་བདེ་བ་གསུམ་སེམས་སུ་ཤེས་པའི་ཡེ་ཤེས་རྟོགས་པར་བྱ་སྙམ་པ་ཡིས༔ ཕུང་པོ༔ ཁམས༔ སྐྱེ་མཆེད་ཀྱི་ལྷ་ཐམས་ཅད་གསལ་ཞིང་མཆོད་པར་དྲན་པ༔ བདེ་བ་དེས་བདེ་སྟོང་ལྷན་ཅིག་སྐྱེས་པའི་ཡེ་ཤེས་རྟོགས་པར་བྱ་སྙམ་པ་དང་༔ བདེ་བ་དེས་སྤང་བྱ་ཐམས་ཅད་ཞི་ནས་བདག་གཞན་ཐམས་ཅད་ཀྱིས་བདེ་སྟོང་གི་ཡེ་ཤེས་རྟོགས་པར་བྱ་སྙམ་པ་དང་༔ བདག་གི་སྤྲུལ་པའི་སྐུ་འདིས་འགྲོ་བའི་དོན་དཔག་ཏུ་མེད་པ་འགྲུབ་ལ༔ སེམས་ཅན་བདེ་བ་ཆེན་པོའི་ངང་དུ་དྲང་བར་བྱའོ་སྙམ་པ་དེས༔ རྟེན་རབ་ཏུ་བྱུང་བའི་དགེ་སློང་ཡིན་ཀྱང་ཆོས་ལ་ཞུགས་ནས་ཉེས་པ་མིང་འབྱུང་ངོ་༔ གོང་དུ་སྙིང་ཐིག་ལས༔ ཐིག་ལེ་ཉུང་འབྲུ་ཙམ་ལ་བརྒྱར་གཤགས་པའི་ཆ་ཙམ་ཉམས་ན༔ མཁའ་འགྲོ་མ་ཁྲི་འབུམ་ངུ་དི་རི་རི་འོང་བར་བཤད་པ་དང་འགལ་ལམ་སྙམ་ན་མི་འགལ་ཏེ༔ ཀུན་ཏུ་བཟང་པོ་ཀློང་གསལ་ཉི་མའི་རྒྱུད་ལས༔ བྱང་ཆུབ་སེམས་ཀྱིས་ཀུན་བསླངས་ནས༔ གཞན་དོན་ལྷུར་ལེན་སེམས་དཔའ་ཡིས༔ སྤྲུལ་པ་འཛིན་ལ་ཉེས་པ་མེད༔ ཅེས་པས༔ བདེ་བ་བྱང་སེམས་དེ་རང་གའམ་རྩིས་མེད་དུ་བཏང་ན་ཉེས་པ་གོང་བཞིན་དུ་འབྱུང་ངེས་སོ༔ གཞན་དོན་དུ་བཏང་བ་ནི༔ དགེ་བ་རླབས་ཆེ་བ་ཡིན་ཏེ་ཉེས་པ་མི་འབྱུང་ངོ་༔ གང་ལ་གང་འདུལ་དུ་སྤྲུལ་པ་འབྱུང་བར་བྱ་བ་ནི་བྱང་ཆུབ་ཀྱི་སེམས་ཆེ་བར་འདོད་ན༔ མགོན་པོ་སྤྱན་རས་གཟིགས་ཀྱི་བསྐྱེད་རིམ་གསལ་བར་བསྒོམ༔ དེ་བཞིན་འཇམ་དཔལ༔ ཕྱག་ན་རྡོ་རྗེ་གང་མོས་པའི་ཆོས་སྐྱོང་ངམ་ནོར་ལྷའམ་ལྷ་གང་འདོད་པ་དེའི་བསྐྱེད་རིམ་གསལ་བར་བསྐྱེད་ཅིང་ཡུམ་ཡང་དེ་དག་གི་ཡུམ་དུ་བསྐྱེད་ལ་སྐུ་གསུང་ཐུགས་བྱིན་གྱིས་བརླབ༔ ངག་ཏུ་བསྐྱེད་པའི་ཕྲིན་ལས་དེ་འདོན་པ་དང་བཅས་པས་གསལ་ཞིང་མ་ཡེངས་པར་རང་གི་ཐིག་ལེ་གང་འདོད་པའི་ལྷར་བསྐྱེད་དེ༔ ཡུམ་གྱི་མངལ་གཞལ་ཡས་ཁང་གི་ལྟེ་བ་ལ་ཡུམ་གྱི་ཐིག་ལེ་དམར་པོ་ཉི་མའི་དཀྱིལ་འཁོར་གྱི་སྟེང་དུ་ཡབ་ཀྱི་ཐིག་ལེ་ལྷ་སྐུར་བྱོན་ནས་བཞུགས་པས་འདྲེས་པར་བསམ་སྟེ༔ བྷ་ག་པདྨའི་སྒོར་བསྒོམ༔ སྒོ་སྲུང་གིས་སྒོ་བཞི་ནས་སྲུང་བར་བསམ་པས་དེས་གང་འདོད་པའི་སྤྲུལ་སྐུ་འབྱུང་ངེས་སོ༔ དེ་ལ་བར་ཆད་གང་གིས་ཀྱང་མི་ཚུགས་སོ༔ དེ་ལྟར་འབྱུང་བར་ཅིས་ཞེ་ན༔ ཀུན་རྫོབ་རྒྱུའི་ཐིག་ལེ་དེ་སྟོབས་རྒྱས་པའི་དུས་ན་བསམ་པ་གོང་ལྟར་འབྱུང་བ་ནི༔ རླུང་སེམས་དངས་མ་གསུམ་གནད་གཅིག་པའི་དོན་ནོ༔ སྤྲུལ་པའི་སྐུས་འགྲོ་དོན་དཔག་ཏུ་མེད་པ་འབྱུང་བར་ཐེ་ཚོམ་མེད་དོ༔ ཐིག་ལེ་དངོས་པོ་དེ་ཉིད་ཉམས་པས་དགེ་སྦྱོར་ལ་སྐྱོན་མི་འབྱུང་ངམ་སྙམ་ན་རྒྱུའི་ཐིག་ལེ་དེ་བ་སྦྲུམ་མའི་འོ་མ་དང་འདྲ་སྟེ༔ དཔེར་ན༔ བ་སྦྲུམ་མའི་འོ་མ་དེ་ལུས་ཐམས་ཅད་ལ་ཁྱབ་ཀྱང་ནུ་མ་ནས་འཐེན་པའི་དུས་སུ་ནང་བཞོས་ཀྱང་ནང་འབྱུང་༔ ནུབ་བཞོས་ཀྱང་ནུབ་འབྱུང་སྟེ༔ ཟ་བ་ཟས་ཀྱི་འོ་མ་ཡ»ི«ན་པར་འཕྲལ་དུ་འབྱུང་བ་ཡིན་ནོ༔ འོ་མ་བཞོས་པའི་བ་དེ་གཞན་པས་རྗུད་པ་ཡིན༔ འོ་མ་བཞོ་འཕྲོ་ལ་སྐམ་ན༔ དེ་ལུས་སྟོབས་འགྲིབ་དུ་འགྲོ༔ དཔེ་དེ་བཞིན་དུ༔ རྒྱུའི་ཐིག་ལེ་ནང་བཏང་ཡང་ནང་འབྱུང་༔ ནུབ་བཏང་ཡང་ནུབ་འབྱུང་༔ ནང་ནུབ་ཟས་དངས་མ་ཞུ་བས་འཕྲལ་དུ་སྐྱེ་བ་ཡིན༔ དེ་བཟུང་བས་ལུས་སྟོབས་མི་ཉམས་པ་ཡིན༔ བ་དེ་བེའུ་འབྱུང་བའི་དུས་ལ་བབ་ནས་མ་སྐྱེས་བར་དུ་འོ་མ་སྐྱེ་བ་ཡིན༔ བེའུ་ཕྱི་མ་ཚུན་ནས་འོ་མ་སྐམ་པ་ཡིན༔ དཔེ་དེ་དང་འདྲ་བར་བྱིས་པའི་དུས་ནས་ལོ་བཅུ་དྲུག་གི་བར་ལ་ཐིག་ལེ་སྐྱེ་བ་ཡིན༔ རྒས་ནས་སྐམ་པ་ཡིན༔ ཐིག་ལེ་རྒྱུན་དུ་ཉམས་ན་ནི༔ ལུས་སེམས་ཀྱི་ཏིང་ངེ་འཛིན་ལ་གནོད་པ་ཤིན་ཏུ་ཆེའོ༔ ཞལ་གདམས་གནད་ཀྱི་ཕྲེང་བ་འདི༔ པདྨ་བདག་འདྲས་ལོགས་སུ་གབ༔ མ་སྤེལ་རང་གི་སྙིང་ལ་ཟུང་༔ ཀུན་གྱི་ཐུན་མོང་མ་ཡིན་པས༔ ལས་ཅན་ཅིག་དང་འཕྲད་པར་ཤོག༔ བཀའ་རྒྱ༔ གཏད་རྒྱ༔ གཏེར་རྒྱ༔ སྦས་རྒྱ༔ ཌཱཀྐིའི་རྒྱ༔ གབ་རྒྱ༔ རྒྱ་དྲུག་ནང་དུ་གདམས་པ་འདི་སྦས་སོ༔ ཨྠིྀ༔

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields, 1 embedded-object codes. The «» marks are kept: in this e-text they enclose the small-print notes of the print.

Part of the Longchenpa Collected Works (about this project).