Sems nyid ngal gso - Part five

<tib size="30" tibpos="bottom">rdzogs pa chen po sems nyid ngal gso zhes bya ba bzhugs so/</tib>

<tib> /de ltar las 'bras ma nor legs pa'i lam/
/dam pa rnams la nye bar brten las 'byung/
/dus gsum rgyal ba sras bcas nyan rang tshogs/
/byang chub gsum brnyes dge ba'i bshes las byung/
/srid na mngon mtho bde ba'i shas thob pa/
/de yang dam pa dag la brten nas 'byung/
/de phyir skye bo dam pa bsten par bya/
/ji ltar tsandan shing la 'khri shing dang/
/mi gtsang 'dam du brten pa'i ku sha ltar/
/dam pa bsten pas rang nyid dam par 'gyur
</tib><tib> /ngan pa bsten pas rang nyid ngan par 'gyur/
/de phyir skye bo dam pa bsten pa dang/
/sdig pa'i bshes gnyen spangs la nan tan bya/
/dam pa de yang chos tshul de zhe na/
/'jig rten 'dres phyir kun dang cha mthun la/
/'jig rten 'das phyir kun dang cha mi mthun/
/sgo gsum spyod pa kun las khyad par 'phags/
/zhi sku kun spyod gtsang zhing skyon med la/
/the tshom gcod mkhas gsung snyan dri ma med/
/thugs ni zab zhi kun mkhyen ye shes mdzod/
</tib><tib> /yon tan mtha' yas thos dang snying rje che/
/shes rab rgya che dgongs spyod nam mkha' 'dra/
/phrin las tshad med 'brel tshad don dang ldan/
/byams ldan skyong la spangs shing rtag tu brtson/
/'gro ba'i kha lo gyen du bsgyur la brten/
/khyad par gsang sngags bla ma'i mtshan nyid ni/
/dbang dang sdom pa dam tshig gtsang ldan zhing /
/rgyud don man ngag rgya mtsho'i pha rol phyin/
/bsnyen sgrub las sbyor 'phrin las mnga' brnyes shing/
/lta sgom spyod 'bras nyams rtogs drod tshad thob/
</tib><tib> /brtse chen thabs mkhas gdul bya smin grol 'god/
/brgyud pa'i byin rlabs sprin phung ma yal ba/
/de 'dra'i mkhas grub dpal ldan bla ma bsten/
/gang gi yon tan shin tu mtha' yas te/
/'gro ba'i gnyen gyur phyogs tsam rab bsngags na/
/srid mtsho sgrol bas gru chen gnyen pa ste/
/lam zhugs rnams kyi ded dpon bla na med/
/rgud pa sel pas yid bzhin nor bu ste/
/las dang nyon mongs me 'jil bdud rtsi'i chu/
/chos char bsil bas char sprin bzang po ste/
</tib><tib> /'gro kun dga' bskyed lha yi rnga bo che/
/dug gsum nad sel sman pa'i rgyal po ste/
/ma rig mun sel sgron me 'od po che/
/skye dgu'i bde 'byung dpag bsam shing chen te/
/'dod dgu lhug grub rin chen bum pa bzang/
/byams chen nyi ma 'od zer dpag med de/
/gdung sel zla ba phan bde'i 'od dkar can/
/dgongs klong yangs pas dri med mkha' 'dra la/
/ting 'dzin 'od gsal gza' skor lhun grub 'dra/
/mkhyen brtse'i rang bzhin dpag med mtsho 'dra zhing/
</tib><tib> /thugs rje'i rlabs chen g.yo bas chu klung 'dra/
/rnam g.yeng mi bskyod gangs ri'i dpal 'dra zhing/
/mchog tu mi g.yo ri rgyal lhun po 'dra/
/srid gnas mi gos 'dam skyes pad 'dra zhing/
/kun la thugs snyoms byams sdug pha ma 'dra/
/yon tan mtha' yas rin chen gter 'dra zhing/
/'jig rten 'dren pas rgyal ba'i dbang po 'dr/
/de 'dra'i bla ma dpal ldan chos kyi rje/
/gang na bzhugs rnams sangs rgyas kun dang mnyam/
/mthong thos dran reg 'khor ba phyir bsnyil zhing/
</tib><tib> /rlabs chen phrin las khur chen dpag tu med/
/sa chen 'gro ba kun gyi rten bzhin no/
/dkon mchog bzhi pa bla ma sangs rgyas te/
/dkyil 'khor dbang phyug he ru ka dpal nyid/
/snyigs dus 'gro ba gdul ka'i don mdzad pas/
/gdul bya'i ngor ni sangs rgyas kun pas lhag/
/dngos grub rtsa ba rdo rje slob dpon la/
/sgog sum zol med gtsang ma'i spyi bos bsten/
/de dag gis ni ngan 'gro'i lam 'gog cing/
/bde 'gro'i skas 'dzugs 'di phyir phan bde mdzad/
</tib><tib> /yang dag don ston sems rgyud byin gyis rlobs/
/tshe 'dir smin grol lam la 'god pas na/
/rtag brtan 'pho 'gyur med pa'i dad pa yis/
/dus rnams kun tu skyo ngal med par bsten/
/ji ltar nad pas sman pa'i rgyal po dang/
/dmangs kyi rgyal po 'gron pos skyel ma dang/
/tshong pas ded dpon gru pas gnyen pa ltar/
/nyon mongs zhi phyir nyes kun gnod bral phyir/
/skye shis 'jigs phyir don gnyis lhun grub phyir/
/srid mtsho brgal phyir bla ma bsten par bya/
</tib><tib> /bla ma sman pa gdams ngag sman dang ni/
/rang la nad pa'i 'du shes nyer gzhag ste/
/nan tan brtson pa sman nyid bsten tshul dang/
/zhi bde nad las grol ba'i 'bras thob bzhin/
/bsten tshul gzhan rnams tshul des dpag byas la/
/dag pa'i 'du shes bzhi yis bsten par bya/
/gzhan du skal ngan slob ma nyes kun gzhi/
/dad dang ngo tsha khrel med snying rje chung/
/rigs dang rang bzhin kun spyod skal pa ngan/
/sems dang las dang nyon mongs dug lnga rags/
</tib><tib> /chos dang chos min dge sdig bslab pa 'chal/
/sdom dang dam tshig mi bsrung gnyen po med/
/rab rmongs blo gros chung zhi dgang dka' ba/
/khro dang tshig rtsub 'phel ba de dag gis
/bla ma ri dvags chos la gla rtsi dang/
/rang la rngon pa nan tan mda' 'phen dang/
/chos grub 'bras bu gzhan du 'tshong ba'i tshul/
/'du shes log pa lnga yis bsten pa ni/
/dam tshig med pas 'di phyir sdug bsngal 'thob/
/la las thog mar ma brtags pa bcol 'jug
</tib><tib> /gsar ngas yon tan brjod cing phyi nas smod/
/kha cig 'dres mas ngo lkog ngan g.yo'i tshul/
/zur gyis bla ma nye 'khor sun 'byin pa/
/de dag gis ni 'bras bu mnar med nyid/
/skal bzang slob ma dad dang shes rab che/
/brtson 'grus bag yod dran dang shes bzhin ldan/
/bka' las mi 'da' sdom dang dam tshig bsrung/
/sgo gsum dul zhing snying rje phan sems che/
/khong yangs spro ring gtong phod dag snang che/
/brtan zhing mos gus che ba de dag gis/
</tib><tib> /rtag tu bla ma'i yon tan dran bya zhing/
/skyon la mi rtog mthong yang yon tan bsam/
/rang snang yin nges khong la mi mnga' zhes/
/snying nas bsam zhing bshags bsdam gnyen po bsten/
/bla ma mi mnyes cha dang bcas spang zhing/
/ji ltar mnyes pa'i thabs la 'bad par bya/
/bla mas bka' stsal nam yang mi bcag cing/
/bla ma'i nye 'khor sdug pa'ang bla ma bzhin/
/bla ma'i 'khor g.yog slob mar mi bsdu zhing/
/chos bshad dbang bskur la sogs zhus te bya/
</tib><tib> /bla ma'i spyan sngar lus ngag yid bsdam zhing/
/rkang pa brkyang dang skyil krung rgyab mi bstan/
/ngo 'dzum mi gnag khro gnyer bstan mi bya/
/bab col mi smra brdzun tshig phra ma dang/
/gzhan gyi skyon brjod mi snyan rtsub mo'i tshig
/ma brtags 'brel pa med rnams smra mi bya/
/bla ma'i rdzas la brnab sems mi bya zhing/
/sder bcas gnod sems cha dang bcas kun bsdam/
/bla ma'i mdzad spyod sna tshogs cho 'phrul la/
/kha zhe 'ol pas 'khrul bar mi brtag cing/
</tib><tib> /'di ni mi rigs khong rang mdzad mod snyam/
/cung zad 'gal 'du nyes skyon log lta dor/
/gal te bla ma sdang bar mngon na yang/
/rang skyon yod nges brtags la bshags bsdam bya/
/spyi gtsug bsgoms la gsol ba drag po gdab/
/de yis mnyes shing dngos grub myur du 'thob/
/bla ma mthong tshe ldang ngang phyag 'tshal zhing/
/bzhugs tshe stan sogs mkho ba'i yo dbul/
/snyan par smra bas bstod cing thal mo sbyor/
/bzhud tshe ldang dang zhabs 'bring bsnyen bkur bya/
</tib><tib> /rtag tu dran dang shes bzhin bag yod cing/
/gus dang 'jigs bcas zhum pas gnas par bya/
/aji ltar bag ma gsar pa'i tshul bzhin du/
/sgo gsum zhi bas bla ma'i drung 'dug gis/
/'phyar zhing g.yeng la rgod bag bya ba min/
/phyogs ris ma yin khe dang grags pas min/
/g.yo sgyus ma yin de bzhin tshul 'chos min/
/ngo lkog ma yin nye ring chags sdang min/
/rang la 'byor pa yod na bla ma mchod/
/lus ngag zhabs tog bsnyen bkur sri zhi dang/
</tib><tib> /tshe 'di blo btang bsgrub pas mnyes par bya/
/gzhan gyis mi snyan brjod na'ang de bzlog cing/
/nus pa med na slar yang yon tan bsam/
/rna ba dag bcing snying rjes phan pa bsgrub/
/de la mi brten bag phebs smra ba min/
/des ni tshe rabs kun tu phan pa 'grub/
/dam pa rnams dang phrad cing chos rab thos/
/sa dang lam dang gzungs dang ting nge 'dzin/
/sna tshogs yon tan 'byor pas yongs gang zhing/
/'gro la zhi bde'i dga' sten 'gyed pa yin/
</tib><tib> /de ltar dam pa rnams la legs brten pas/
/sdig pa'i bshes gnyen ngan pa'ang kun tu spang/
/de yang sngar bshad yon tan mi ldan zhing/
/log pa'i skyon mang sdom dang dam tshig 'chal/
/byams dang snying rje shes rab thos pa chung/
/le lo snyom las mi shes nga rgyal che/
/ko long gdug rtsub nyon mongs dug lnga rags/
/tshe 'di don gnyer phyi ma rgyang ring 'phang/
/chos ltar ston yang chos min zog po'i rigs/
/mi gtsang phung po lta bu'i bla ma ni/
</tib><tib> /gdul bya'i bung ba mang yang ring du spang/
/dad ldan log lam ngan 'gror 'khrid pas na/
/thar lam 'dod pas nam yang bsten mi bya/
/sdig pa'i grogs po de yang spang bya ste/
/ji tsam 'grogs pa de tsam sdig pa 'phel/
/dge ba 'grib cing nyon mongs char bzhin 'bab/
/bde 'gro 'gog cing ngan 'gro'i 'bab stegs te/
/dam pa smod cing dkar po'i chos la sdang/
/ngan pa bstod cing nag po'i chos la bsten/
/skal mnyam mi dge spyod rnams bsngags pa ste/
</tib><tib> /rtag tu long lam ngan 'gror 'khrid pas na/
/blo mig ldan pas ring du spang bar bya/
/sdig pa'i bshes gnyen grogs bcas spangs pa yis/
/'di phyir bde zhing legs pa'i yon tan 'grub/
/rtag tu dge 'phel thar lam zab mo zin/
/skye bo ngan pa nam yang mi mthong zhing/
/bde gshegs sras kyis bskor ba'i mgon po yis/
/bdag dang dgongs shing byin gyis rlob par mthong/
/bde bar tshe yi dus byed mtho ris 'gro/
/de sogs bsam gyis mi khyab yon tan ldan/
</tib><tib> /dge ba'i grogs po dam pa rtag tu bsten/
/de dag gis ni dge ba'i las 'phel zhing/
/sdig dang nyon mongs 'grib la nyes pa 'gog
/srid las mthar 'byin mngon mtho nges legs 'grub/
/tshe 'dir bde zhing phyi ma 'bras dang bcas/
/rtag tu don yod lha mi'i 'dren par 'gyur/
/dge ba'i bshes dang dge grogs bsten pa yis/
/dge tshogs 'phel zhing 'bras bu bde ba 'thob/
/srid na mi 'jigs phan bde dpag med cing/
/'gro ba'i don gnyis 'byor pa mtha' yas 'grub/
</tib><tib> /'di ni rnam 'dren rgyal ba'i sprul pa ste/
/snyigs ma'i dus su de ltar snang ba yin/
/de bas ji srid byang chub snying po'i bar/
/skye bo dam pa rnams la brten par bya/
/de yis dag snang phyogs med 'char ba dang/
/byams dang snying rje byang chub sems 'byongs shing/
/nyams dang rtogs pa rang bzhin gong du 'phel/
/gzhan don dpag med ci bsam chos bzhin 'grub/
/ji ltar bsgom zhing gsol ba gdab pa ni/
/rgyun du tshogs bsag sgrib pa sbyong ba la/
</tib><tib> /nyin mo spyi gtsug mtshan mo snying nang du/
/rtsa ba'i bla ma gang mos yi dam dang/
/mkha' 'gro gnyis med mtshan dpes brgyan pa'i mthar/
/brgyud pa'i bla ma dpa' bo mkha' 'gros bskor/
/yid kyis mchod cing 'dod don gsol ba gdab/
/mtshan de rgya skad thog mar a'alM sbyin zhing/
/tha mar a':h'uM gang 'dod sham bur gdags/
/nad gdon sdig rib zhi bar 'dod pa yis/
/thams cad dkar po 'od zer rab 'phros pas/
/mi mthun phyogs zhi dngos grub thob par bsam/
</tib><tib> /tshe dpal 'byor sogs rgyas pa'i las 'dod pas/
/ser po 'dod dgu'i char pa 'bebs par bsam/
/dbang dang dgug pa la sogs dbang rnams la/
/thams cad dmar po 'od zer lcags kyu'i tshul/
/bgegs dang gdon sogs tshar gcod mngon spyod la/
/thams cad mthing nag 'od zer mtshon cha 'phro/
/me dpung rtsibs stong 'khor los 'joms par bsam/
/sngags bzlas stong gsum g.yo 'gul ldeg cing 'phar/
/las rnams grub cing lhag pa'i bskyed rim bsgom/
/rjes rnams rim bsdu mi dmigs stong pa'i ngang/
</tib><tib> /dar cig glod la dge ba byang chub bsngo/
/so so'i las dang rjes mthun rtags rnams 'byung/
/'di ni zab lam bde chen rgya mtsho yin/
/khyad par nad gdon bar chad 'chi bslu'i tshe/
/mdun gyi nam mkha' pad sdong seng ge'i khri/
/mi 'jigs yangs pa can steng bla ma dang/
/sangs rgyas dbyer med 'dzum mdangs ldan pa la/
/brgyud pa'i bla ma byang sems mkha' 'gros bskor/
/'og tu rigs drug lan chags snying rje'i mgron/
/dus gsum pha ma 'khor ba'i sems can bsam/
</tib><tib> /rang sems spyi gtsug h'uM 'thon dpa' bo'i sku/
/chu gri thod pa thogs pa'i rnam pa yis/
/lus kyi thod pa smin mtshams mdzod spur bcad/
/thod pa'i sgyed pu gsum steng bzhag pa'i nang/
/lus kyi sha khrag rus pas khengs pa la/
/bdud rtsi'i char bab 'og nas me 'bar bas/
/thod pa stong gsum dang mnyam bdud rtsis khengs/
/rang sems dpa' bo grangs med sprul pa yis/
/thod pas thams cad dus mnyam bdud rtsi bkye/
/zhi ba'i mgron mnyes tshogs rdzogs dngos grub thob/
</tib><tib> /srid pa'i mgron mnyes thog med lan chags 'khor/
/khyad par gang gnad gdon mnyes bar chad zhi/
/thams cad mnyes pa'i 'od zer bdag la phog
/nad zhi gdon zhi bar chad rang sar zhi/
/'chi ba slus shing dngos grub thob par bsam/
/rjes la thams cad mi dmigs sems kyi ngang/
/sems nyid mi dmigs chos dbyings mnyam par gzhag
/sgyu ma'i rang bzhin dag pas bsngo ba bya/
/'dis ni mi mthun rkyen rnams zhi ba dang/
/tshogs chen rab rdzogs sgrib kun bral ba ste/
</tib><tib> /byin rlabs tshad med rtogs pa rgyud la skye/
/bdag 'dzin med cing nges 'byung blo sna thung/
/bsam pa 'grub cing snang srid bla mar 'char/
/gnad gcod med cing 'chi ka'i 'od gsal 'grub/
/bar dor grol zhing don gnyis phun sum tshogs/
/de phyir bla ma bsgrub la nan tan bya/
/gang gis bskyed rim bskal par bsgoms pas kyang/
/bla ma skad cig dran pa mchog tu gsungs/
/dpal ldan 'byor pa dam pa'i gzhir gyur pa/
/yon tan yongs gang phan bde'i sprin tshogs can/
</tib><tib> /sa gsum bdud rtsi dam pa'i char 'dod pas/
/thugs rje'i ngang can rnams la brten par bya/
/thog med dus nas nye bar goms pa yi/
/yid mkha'i nyon mongs gdung bzhi bya'i phyir/
/nor bzang rtag tu ngu bzhin chos tshol bas/
/skyo ngal spangs la dge ba'i bshes gnyen bsten/
/de ltar don spyod dbang po'i rgyud stong ldan/
/skal bzang rna ba'i bdud rtsir lhung ba las/
/nyes gyur log pa'i lam la brten pa yis/
/dub pa'i sems nyid di ring ngal sos shig
</tib><tib> /rdzogs pa chen po sems nyid ngal gso las/
/dge ba'i bshes gnyen bsten pa'i le'u ste lnga pa'o/
</tib>