ས་ར་ཧའི་ཞབས་ཀྱི་གུཉྫ་རི་ཞེས་བྱ་བའི་གླུ་དབྱངས་བཞུགས་སོ། །
Jump to navigation
Jump to search
ས་ར་ཧའི་ཞབས་ཀྱི་གུཉྫ་རི་ཞེས་བྱ་བའི་གླུ་དབྱངས་བཞུགས་སོ།
།གུཉྫ་རི་ཞེས་བྱ་བའི་གླུ་དབྱངས་ས་ར་ཧའི་ཞབས་ཀྱིའོ། །རང་གིས་རྟོགས་བྱས་འཁོར་བ་མྱ་ངན་འདས། །ལོག་ལྟས་འཇིག་རྟེན་རང་ཉིད་འཆིང་བར་བྱེད། །བདག་གིས་མི་ཤེས་བསམ་མེད་རྣལ་འབྱོར་པ། །སྐྱེ་དང་འཆི་བའི་སྲིད་པ་ཇི་ལྟར་ཡིན། །ཇི་ལྟར་སྐྱེ་དང་འཆི་བ་དེ་བཞིན་དུ། །གསོན་དང་ཤི་བ་དག་ལ་ཁྱད་པར་མེད། །གང་འདིར་སྐྱེ་འཆི་དག་ལ་ཐེ་ཚོམ་མེད། །དེ་བྱེད་གསེར་འགྱུར་བཅུད་ལེན་སྒྲུབ་པར་བྱེད། །གང་གི་གཡོ་དང་མི་གཡོར་བཅས་པར་འཁྱམ། །དེ་རྣམས་རྒ་དང་འཆི་བར་ཅིས་མི་འགྱུར། །སྐྱེ་ལས་ལས་སམ་ཅི་སྟེ་ལས་ལས་སྐྱེ། །ས་ར་ཧས་སྨྲས་བསམ་མེད་པ་དེ་ཆོས། །དོན་དེ་ཉིད་ཆོས་ཐམས་ཅད་ཁོང་དུ་ཆུད་པའི་ས་ར་ཧའི་ཞབས་ཀྱིས་གསུངས་སོ།། །།