Ngb-pt-0434-vol-05-text

From Rangjung Yeshe Wiki Texts
Revision as of 12:31, 22 November 2026 by Eric (talk | contribs) (Content fix 22 Nov 2026 (audit): Gyubum: duplicated overlap with the previous page removed (cut after the colophon))
(diff) ← Older revision | Latest revision (diff) | Newer revision → (diff)
Jump to navigation Jump to search

Front

Body

བཅོམ་ལྡན་འདས་བདེ་ཆེན་རྫོགས་པའི་ཀློང་ལ་ཕྱག་འཚལ་ལོ། །བྱང་ཆུབ་སེམས་ནི་ཀུན་ཏུ་བཟང་། །བདག་དང་གཞན་དོན་གནས་མེད་པས། ལྷུན་གྱི་རྫོགས་པའི་ངང་ཉིད་ལ། །སྐྱེ་དང་འཆི་མེད་འགྱུར་བའི་ཆོས་མེད་དོ། །དག་པས་བདུད་རྩི་ཆེན་པོ་ཡང་། །མི་འགྱུར་གསལ་བས་གསེར་གཞིན་ཏེ། །དགེ་སྡིག་སོ་སོར་བཅིངས་པ་ཡིས། །རྣམ་གྲོལ་ཐར་པ་བཅིངས་པ་ཧ། །གང་གིས་དེ་ལྟར་མ་རིག་སྟེ། །དོན་མེད་སྒྲ་ཕྱིར་འབྲངས་པ་ཡང་། །དགེ་སྡིག་གཉིས་ཀའི་ཕྱོགས་འཛིན་པས། །དམིགས་མེད་ལྡོངས་ནས་འགྲོ་བ་ཧ། །དཀར་བས་དཀར་བའི་ཉི་མ་མེད། །གནག་པས་གནག་པའི་མུན་པ་མེད། །ཞི་བས་གསལ་བའི་ཐིག་ལེ་ལ། །ལྷག་པའི་ལྷ་ཡང་ཡོད་མ་ཡིན། །མུ་མེད་བརྡལ་བར་གནས་པའི་ཕྱིར། །ཐམས་ཅད་དུ་ནི་གཅིག་པུ་ཉིད། །ནམ་མཁའ་ལྟ་བུའི་བདག་ཉིད་ལ། །སེམས་ཅན་མེད་ཅིང་སངས་རྒྱས་མེད། །རིག་པ་མེད་ཅིང་སངས་རྒྱས་མེད། །བྲི་བ་མེད་ཅིང་འཕེལ་བ་མེད། །དུས་གསུམ་ཐིག་ལེ་བདེ་བའི་ཕྱིར། །སུ་ལ་ཕན་མེད་གནོད་མི་འགྱུར། །རྣམ་པར་དག་པའི་སྙིང་པོ་ལ། །མངོན་སུམ་ལྷུན་གྱི་གྲུབ་པ་ཧ། །མི་སྣང་འགྱུར་བ་མེད་པ་ནི། །ཤེས་རབ་ཐབས་ལས་འདས་པའི་ཕྱིར། །ལམ་དང་བྱང་ཆུབ་དང་མེད་པ་སྟེ། །མེད་པའི་སྙིང་པོ་ཤར་བ་ཧ། །སྐལ་ལྡན་གང་ཞིག་འབྱུང་བ་ཡི། །དོན་དུ་གསུངས་པའི་དགོངས་སྤྱོད་ཀྱང་། །འདི་དོན་གདེངས་དང་ལྡན་པ་ཡིས། །གང་ལྟར་སྤྱད་ཀྱ་ང་མེ་ཏོག་སྐྱེ། །ཡང་དག་ངེས་པའི་ལུང་འདི་ཡང་ ། །རང་རིག་ཀློང་དུ་ཁྲོལ་འདོད་པས། །སེམས་ཀྱི་ཀློང་དུ་བརྣག་པ་ལས། །ཕལ་ལ་སྤྲོ་བར་མི་བྱའོ། །རྫོགས་པའི་སྤྱི་གཅོད་ཅེས་བྱ་བ་རྫོགས་སོ།། །།