བརྒྱུད་འཛིན་གི་སློབ་བུའི་ལུང་བསྟན

From Rangjung Yeshe Wiki Texts
Revision as of 21:16, 21 November 2026 by Eric (talk | contribs) (Longchenpa Project: Tibetan in the wiki's TibetanMachineUni font; «…» notes in small print (22 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-06-CHA-029
Jump to navigation Jump to search

ཟབ་གསང་མཁའ་འགྲོ་སྙིང་ཐིག་གི་གསོལ་འདེབས klong chen rab 'byams kyi gsung 'bum (pe cin 2009)· Volume 6(CHA) མཁའ་འགྲོ་སྙིང་ཐིག་གི་ཆ་རྐྱེན༔ ལྷ་མོ་ལྔའི་ཚེ་སྒྲུབ

Title བརྒྱུད་འཛིན་གི་སློབ་བུའི་ལུང་བསྟན
Wylie brgyud 'dzin gi slob bu'i lung bstan


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 6(CHA), text 29, pages 195–198 (BDRC scan pages)
Section snying thig ya bzhi › mkha' 'gro snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.2.2.31
Citation Klong chen rab 'byams pa. brgyud 'dzin gi slob bu'i lung bstan. In Kun mkhyen klong chen rab 'byams kyi gsung 'bum, vol. 6, pp. 195–198. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the BDRC outline; text boundaries and page numbers from the BDRC outline of MW1KG4884.
[edit]

༄༅། །བརྒྱུད་འཛིན་གྱི་སློབ་བུའི་ལུང་བསྟན་ནོ༔

« » « ཨེ་མ་ཤེས་རབ་སྙིང་རྗེ་ཅན༔ ཁྱོད་ཉིད་ང་ཡི་གཏེར་སྒོ་ཕྱེ་ནས་ཚེའི་དུས་མ་བྱས་ཀྱི་བར་དུ་བརྒྱུད་འཛིན་གྱི་སློབ་བུ་རིགས་མི་འདྲ་བ་བདུན་གསུམ་འབྱུང་སྟེ༔ སྐྱེས་པའི་སློབ་བུ་བཅུ་བཞི་འབྱུང་༔ བུད་མེད་ཌཱཀྐིའི་རིགས་ཆོས་སམ་ལུས་ཀྱི་འབྲེལ་པ་བདུན་འབྱུང་སྟེ༔ དང་པོ་རིགས་གཅིག་ནི༔ སྐྱེ་བ་བཟང་བ༔ དད་པ་ཆེ་བ༔ ཡོན་ཏན་ཨེན་རེ་ཤེས་པ༔ ཐེག་པ་ཆེན་པོ་ལ་མོས་པ༔ ཤེས་རབ་ཆེ་བ༔ བློ་སྲབ་པ༔ ཚ་རུས་ཆེ་བ༔ རང་འདོད་ཆེ༔ གཞན་ཡང་བློ་མི་མཐུན་པ༔ ཀུན་གྱིས་གཤེ་བ་ཞིག་འོང་༔ དེ་ཀརྨ་ཌཱཀྐིའི་རིགས་ཏེ༔ དེ་ལ་བྱིན་རླབས་འཇུག་རྐྱེན་ཚེ་ལོ་འབྲིང་ཐུབ༔ གདམས་པ་གནད་དུ་ཚུད»༔ «བར་དོ་དང་པོར་གྲོལ་ལོ༔ རིགས་གཅིག་ནི༔ དམ་ཚིག་བསྲུང་༔ བརྒྱུད་འཛིན་ཞེན༔ ཤེས་རབ་ཆུང་༔ སྙིང་རུས་འབྲིང་༔ བློ་མི་རྒོད༔ དད་པ་མི་འགྱུར་བ་ཅིག་ཡོང་སྟེ༔ ཚེ་འབྲིང་ཐུབ༔ སྐྱེ་བ་ཕྱི་མ་ལ་ལྷག་མེད་དུ་འཚང་རྒྱ༔ རིགས་གཅིག་ནི་སྙིང་རུས་ཆེ༔ ཤེས་རབ་ཆེ༔ འཁྲི་བ་ཆོད༔ རི་ཁྲོད་འགྲིམ་ནུས༔ བླ་མའི་ཅི་གསུང་སྒྲུབ༔ དག་སྣང་ཆུང་བ་ཞིག་འོང་༔ དེ་རཏྣ་དཔའ་བོའི་རིགས་ཏེ༔ དེ་ཡང་ཚེ་ལོ་འབྲིང་ཐུབ༔ ཚེ་འདིར་ས་ཟིན་ཏེ་སྐྱེ་བ་བདུན་གྱིས་འཇུག་མི་སྲིད་དོ༔ གཅིག་ནི་བློ་རྒོད་གཏོང་ཆོད་ཆེ༔ རྒྱུ་འབྲས་ཕྲ་མོ་ལ་མི་འཛེམ༔ ཆོས་ཕྱོགས་སུ་གཏོང་ནུས༔ རང་འདོད་ཆེ༔ ཚེ་འདི་པ་གཅིག་འོང་༔ དེས་ཆོས་འབྲེལ་ཐོགས་པ་ཙམ་སྟེ༔ སྐྱེ་བ་བཅུ་བཞི་ན་ལོངས་སྤྱོད་དང་ལྡན་པར་འཚང་རྒྱའོ༔ ཚེ་ཡང་འབྲིང་ཐུབ༔ རིགས་གཅིག་ནི༔ ང་རྒྱལ་ཆེ༔ ཁྱོད་ལ་མོས་གུས་མེད་པར་ཆོས་ཐོབ་ནས་གདོད་མི་རྟག༔ རང་ཆེར་འགྱིང་ཞིང་ཕྱག་ལ་སྐྲག༔ བྱིན་རླབས་མི་ཐོབ་སྟེ༔ ཆོས་ཀྱི་ལས་མེད་པས་དེའི་རིགས་ཀྱི་རྩ་བ་ཆོད༔ གཅིག་ནི་ཁ་གསོད༔ སྙིང་སྡར༔ གཡོ་སྒྱུ་ཆུང་༔ ཤེས་རབ་ཅན་ཞ»ི«ག་འོང་སྟེ་གསོལ་ལམ་དཔའ་བོའི་རིགས་ཏེ༔ ཚེ་རིང་༔ ནད་ཉུང་༔ འབྱོར་པ་ཆུང་༔ སྐྱེ་བ་འདི་ལ་འཚང་རྒྱའོ༔ གཅིག་ནི་འདོད་པ་ཆུང་༔ བཀའ་དྲང་༔ བློ་བརྟན༔ ཁ་ཉུང་༔ སྒོམ་བསྲན་ཆེ༔ ཤ་མདོག་དམར༔ ཆགས་པ་ཆེ༔ དེ་པདྨ་དཔའ་བོའི་རིགས་ཏེ༔ ཚེ་རིང་སྐྱེ་བ་ལ་འདི་ལ་འཚང་རྒྱའོ༔ གཅིག་ནི་འཚང་ཆེ༔ དད་པ་ཆུང་༔ ཆོས་ལ་མི་མོས༔ སྡིག་ལ་དགའ༔ དེ་ནི་སྐྱེ་བ་བཅུ་བཞི་ན་འཚང་རྒྱ་བ་ཙམ་མོ༔ གཅིག་ནི༔ ཆོས་མཁས༔ ཕྲག་དོག་ཆེ༔ བསོད་ནམས་ཆེ༔ འཁོར་སྐྱོང་བ་ལ་ལྟ་བ་མཐོ༔ རབ་ཏུ་བྱུང་ན་བཤེས་གཉེན་གཅིག་གིས་གསང་ནས་ཉམས་སུ་ལེན༔ དེ་རཏྣ་དཔའ་བོའི་རིགས་ཏེ༔ སྐྱེ་བ་འདི་ལ་འཚང་རྒྱའོ༔ གཅིག་ནི༔ སྙིང་རྗཻ་དང་བྱང་སེམས་ཆེ༔ ནོར་སྒྲུབ་སྨན་གྱི་ལས་འཕྲོ་ཡོད་དེ༔ གཞན་ལ་ཕན་ཐོགས༔ ལོ་ཀ་དཔའ་བོའི་རིགས་ཏེ་བར་དོ་གཉིས་ལ་གྲོལ་ལོ༔ གཅིག་ནི༔ ཆོས་ཞུ་བ་རེམ༔ ཉམས་སུ་མི་ལེན་འཁོར་ཨེན་རེ་སྐྱོང་༔ ཤེས་རབ་ཆེ་བས་ཆོས་རྣམས་ལ་ཅོ་ལྟ་མང་དུ་བྱེད༔ དེ་ནི་དམ་ཚིག་མི་གཙང་སྟེ༔ དམ་པས་འགལ་ཏེ་སྐྱེ་བ་ཕྱི་མ་ལ་དུཿཁ་སྤྱོད༔ ལོ་བདུན་ན་གྲོལ༔ ཀརྨ་ཌཱཀྐི་ཤུགས་འགྲོ་དཔའ་བོའི་རིགས་ཡིན༔ ཚེ་ཐུང་༔ གཅིག་ནི༔ སྡོད་མི་ཚུགས༔ བློ་སྣ་ མང་༔ དགེ་སྦྱོར་རེམ༔ ཚེ་ཐུང་ཕྱི་མ་ལ་འཚང་རྒྱ༔ གཅིག་ནི་ཁ་འཇམ༔ ཞེ་ངན༔ ཁ་གསག་ཆེ༔ སྙིང་སྡར༔ དམ་ལ་མི་གནས༔ དེས་ནི་གདམས་ངག་གཏོང་༔ སློབ་དཔོན་དང་འཁོན་ཉེན་ཡོད་པས་སྤང་བར་བྱའོ༔ རྟོགས་པ་མངོན་དུ་གྱུར་པ་སྐྱེས་པ་ལ་བཞི་འབྱུང་ངོ་༔ བུད་མེད་ཀྱི་སློབ་མ་བདུན་ནི༔ དང་པོ་རིགས་གཅིག་ནི༔ ལུས་ཕྲ༔ རྣམ་གཞག་ཚ༔ ཡིད་དུ་འོང་༔ ལུས་དམར༔ དད་པ་མི་འགྱུར༔ བློ་བརྟན་པ་ཅིག་འོང་སྟེ༔ རིགས་ཀྱང་པདྨ་ཌཱཀྐིའི་རིགས༔ ཚེ་རིང་སྐྱེ་བ་འདི་ལ་ལྷག་མེད་དུ་འཚང་རྒྱའོ༔ གཅིག་ནི་ཆགས་པ་ཆེ༔ སྤྲོ་ཐུང་༔ ཤེས་རབ་ཆུང་༔ ལུས་སྔོ༔ གཟུགས་འབྲིང་༔ དེ་ནི་ལས་ཀྱི་ཌཱཀྐིའི་རིགས་ཏེ༔ ཁྱེད་ལ་སེམས་པས་ཆགས་པ་སྤྱོད༔ བདེ་སྟོང་གི་ཏིང་འཛིན་སྟེར་བར་བྱེད༔ ཟབ་མོ་གནད་ཀྱི་འབྲེལ་མེད་དེ༔ སྐྱེ་བ་གཉིས་ན་ཁྱོད་ཀྱི་གདུལ་བྱར་གྱུར་ནས་འཚང་རྒྱའོ༔ ཚེ་འབྲིང་ཐུབ༔ གཅིག་ནི་བློ་བརྟན་ཆོས་ལ་མོས༔ སྙིང་རྗེ་ཆེ༔ དེ་ཡང་ཟབ་མོ་གནད་ཀྱིས་འབྲེལ་ནས་འཚང་རྒྱའོ༔ ཚེ་ཡང་རིང་༔ པདྨ་ཤུགས་འགྲོའི་རིགས་སོ༔ གཅིག་ནི༔ ཆོས་ལ་མི་མོས་བདེ་བ་ཆེ༔ ལུས་རྒྱས༔ བཞིན་སྡུག༔ བློ་ཤོ་རྒོད༔ སྐད་སྙན༔ དེ་ནི་སྔོན་གྱི་འབྲེལ་པས་གུས་ཤིང་འདུད༔ གཟུགས་ཐ་མལ་འཛིན་ཏེ༔ ཆགས་པ་སྤྱོད༔ རྩ་སྒོ་འབྱེད༔ ཐུན་མོང་གི་སིདྡྷི་སྟེར༔ རྡོ་རྗེ་ཤུགས་འགྲོའི་རིགས་ཏེ་ལུས་ཀྱི་འབྲེལ་པ་ལས༔ ཆོས་ཀྱི་འབྲེལ་པ་མེད༔ སྐྱེ་བ་ཕྱི་མ་ལ་སྤྲོད༔ ལས་རྒྱ་བྱས་ཏེ་འཚང་རྒྱའོ༔ གཅིག་ནི་དད་པ་ཆེ༔ ཤ་མདོག་སེར་ལ་ཡིད་དུ་འོང་༔ ཁ་ཉུང་༔ བློ་བརྟན༔ བྱ་བ་འོལ་ཆེ༔ ལུས་ཐུང་ལ་རྒྱས༔ དེས་ཀྱང་ཁྱེད་ལ་དད་ཅིང་ལུས་འབྲེལ་བྱེད་དོ༔ བསོད་ནམས་སྤེལ༔ ༔རིགས་ཀྱང་རིན་ཆེན་རིགས༔ ཚེ་རིང་ངོ་༔ གཅིག་ནི༔ ཁ་མང་༔ མདོག་ནག༔ རྩབ་རྩུབ་མང་༔ བློ་རྒོད༔ ངས་བྱས་ཆེ༔ འགྲོ་ས་དྲག༔ བློ་སྟེབ༔ ངུ་དད་ཆེ༔ དབུགས་ཐུང་༔ སྤྲོ་ཐུང་༔ སྙིང་ཆུང་ངོ་༔ གལ་ཏེ་འབྲེལ་པ་རྣམས་མ་རྫོགས་པར་འདའ་མི་སྲིད་དེ༔ སྐྱེ་བ་ཕྱི་མའི་གདུལ་བྱར་འོང་ངེས་སོ༔ ཁྱོད་ཚད་དུ་བཞུགས་ན་ཚེ་འདི་ཉིད་ཀྱི་གདུལ་བྱ་ཡིན་ནོ༔ ཨྠིྀ བརྒྱུད་འཛིན་སློབ་བུའི་ལུང་བསྟན་ནི༔ ཚེ་སྒྲུབ་འོད་ཕྲེང་གི་གཏེར་ཁ་ནས་བྱུང་བ་ཡིན་ནོ༔ སྤྲུལ་སྐུ་ཉིད་ལོ་གྲོ་སར་མགོན་རིན་གྱིས་ཞུས་ཟེར་བའི་ཕྱི་མོ་ལས་བཤུས་སོ༔ ༔

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields, 1 embedded-object codes. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).