གཏེར་སྲུང་ལྡང་ལྷའི་སྒྲུབ་ཐབས

From Rangjung Yeshe Wiki Texts
Revision as of 21:16, 21 November 2026 by Eric (talk | contribs) (Longchenpa Project: Tibetan in the wiki's TibetanMachineUni font; «…» notes in small print (22 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-06-CHA-027
Jump to navigation Jump to search

འཕོ་བ klong chen rab 'byams kyi gsung 'bum (pe cin 2009)· Volume 6(CHA) ཟབ་གསང་མཁའ་འགྲོ་སྙིང་ཐིག་གི་གསོལ་འདེབས

Title གཏེར་སྲུང་ལྡང་ལྷའི་སྒྲུབ་ཐབས
Wylie gter srung ldang lha'i sgrub thabs


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 6(CHA), text 27, pages 190–192 (BDRC scan pages)
Section snying thig ya bzhi › mkha' 'gro snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.2.2.29
Citation Klong chen rab 'byams pa. gter srung ldang lha'i sgrub thabs. In Kun mkhyen klong chen rab 'byams kyi gsung 'bum, vol. 6, pp. 190–192. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །གཏེར་སྲུང་ལྡང་ལྷའི་སྒྲུབ་ཐབས་བཞུགས་སོ༔

« དཔལ་ཕྱག་ན་རྡོ་རྗེ་ལ་ཕྱག་འཚལ་ལོ༔ བདག་འདྲ་པདྨ་འབྱུང་གནས་ངས༔ རྒྱལ་པོའི་བཀའ་འབྱུང་བོད་འདིར་འོངས༔ ལྷ་སྲིན་གདུག་པ་ཐམས་ཅད་བཏུལ༔ གཏེར་བདག་བཀའ་ཡི་སྲུང་མར་བསྐོས༔ མཆིམས་ཡུལ་སྟོད་འདིར་གཏེར་ཕྲན་སྦས༔ གཏེར་བདག་བཙན་གྱི་ལྡང་ལྷ་ཡི༔ སྲོག་སྙིང་འཕྲོག་སྟེ་དམ་ལ་བཏགས༔ ཕྱི་རབས་དོན་དུ་གཏེར་དུ་སྦས༔ ལས་ཅན་ཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ས།རྒྱ།ཐ།ཀྩ༔ འདི་ལ་སྲོག་དང་ཆོ་འཕྲུལ་གཉིས༔ སྲོག་ཏུ་སྒྲུབ་པ་བྱེད་འདོད་ན༔ གཡའ་རི་གངས་བྲག་དབེན་པའི་སར༔ སྟེགས་བུ་«ར་ཁྲག་གིས་བྱུགས་«ཁྲུ་གང་གྲུ་བཞིའི་དབུས༔ ཟངས་གཞོང་ནང་དུ་བཤོས་བུ་བཤམ༔ མཐའ་མ་མཐེབ་སྐྱུ་«ར་ཁྲག་གིས་བྱུགས་«བདུན་གྱིས་བསྐོར༔ ཤིང་ལ་དགྲ་བོའི་མིང་རུས་བྲིས༔ གང་འདོད་ཁྲག་གིས་བྱུགས་ནས་བྱ༔ གཏོར་མའི་ནང་དུ་སྤྱི་ཚུགས«་མགོ་མཇུག་ལྡོག་«གཞུག༔ གཏོར་མ་ར་ཡི་ཤ་ཁྲག་བཤམ༔ ལས་ཁུང་གཅིག་ཏུ་ལིང་ག་གཅིག༔ གོང་ལྟར་སྤྱི་ཚུགས་དག་ཏུ་གཞུག༔ ཡུངས་ཀར་སྔགས་ལ་མིང་རུས་བྲབ༔ སྲོག་གི་སྙིང་པོ་འདི་ཡིས་འབོད་པ་རི་བ་རི་གིང་ཀ་ར་ཛ༔ཛ༔ ཆེ་གེ་མོའི་ཤ་ལ་བཾ་བཾ༔ ཞེས་པ་ཞག་གསུམ་བཟླས་པ་ཡི༔ སྒྲ་དང་འོད་ནི་དངོས་སུ་འོང་༔ དེ་ནས་རྦད་བསད་ལས་བྱ་བ༔ དགྲ་བོ་ཁྲག་སྐྱུགས་ནད་ཀྱིས་གསོད་འདོད་ན༔ ཙ་མུན་རག་མུན༔ ཐུཾ་བ་དྷུ་རག༔ མཚོན་གྱིས་གསོད་ན་སྔགས་འདི་འོ༔ རང་ཕྱི་གྷ་དྷ་རི་སཱ་དྷུ་ཤིག༔ སྦོས་གྲིས་གསོད་ན་སྔགས་འདི་འོ༔ ཕུད་མང་ཆོད༔ ཕུས་གསོད༔ རུ་དམ་པ་ཡར་གཏོར་ཤིག༔ ཅེས་པའི་ལས་སྔགས་ཞག་གསུམ་བཟླས༔ སོ་སོའི་གནད་ཁྲག་ཐུན་གྱིས་བྲབ༔ ཞེ་སྡང་བསྐྱེད་ལ་ལས་ལ་བསྐུལ༔ ཧཱུྃ༔ ལྷ་ཡི་དགེ་བསྙེན་ཆེན་པོ་དྲག་པོ་རྩལ༔ སྐུ་ལ་དར་དཀར་རལ་ཁ་གསོལ༔ བཙན་རྒོད་བྱ་ར་སྟོང་གིས་བསྐོར༔ ཁྱོད་ཀྱི་ཐུགས་དམ་དུས་ལ་བབས༔ བསྟན་པ་འཇིག་པའི་དགྲ་བོ་འདི༔ ཁྲག་སྐྱུགས་ནད་ཀྱིས་སོད་ལ་ཤོག༔ མཚོན་གྲི་སྦཽས་གྲི་གླང་ཐབས་སོད༔ ད་ལྟ་མྱུར་དུ་སོད་ལ་ཤོག༔ ན་གེ་ནའུ་ཀྱིན་བུ་ཧཱུྃ༔ ཤོད་ཤོད་སྟི་ཏ་རྦད་ཐུཾ་རི་ལི་ལི་ས་མ་ཡ་རྦད༔ ཅེས་པས་དྲག་ཏུ་རྦད་པར་བྱ༔ བུད་མེད་ཞག་གསུམ་དག་གིས་སོད༔ སྐྱེ་བོ་དྲུག་གིས་སོད་པར་ངེས༔ བསོད་ནམས་ཅན་ལ་ཞག་བདུན་ནོ༔ ནང་འགྲས་བྱེད་ན་བཅུ་བཞི་འོ༔ རྦད་རྟགས་བསད་རྟགས་སྤྱི་དང་འདྲ༔ ལས་སྦྱོར་གཏོར་མ་ལིང་གར་བཅས༔ བཙན་རྒོད་རྒྱུ་བའི་སྲོང་ལ་མནན༔ ལས་ཁུང་ལིངྒ་འགུག་གདབ་སྲཻག༔ ཀླུ་ཡོད་ས་རུ་མནན་པར་བྱ༔ རྩ་དུམ་ཡ་དུམ་མོད་ལ་ཁྲག་ཤ་རྦད༔ ཅེས་པས༔ ཀླུ་དང་བཙན་ལ་བཅོལ་གཏད་བྱའོ༔ ལས་འགྱངས་ན་ལན་གསུམ་བསྐྱར་རོ༔ གང་ཡིན་དགྲ་བོ་མོད་ལ་འཆི༔ གནོད་སྦྱིན་ལྷ་ཡི་རེག་ཆོད་འདི༔ ཅོག་རྡུང་ལྷ་ཡི་སྤུ་གྲི་ཡིན༔ གཏེར་བདག་སྲོག་རྩའི་སྙིང་འབྱིན་ཡིན༔ ལས་ཅན་ཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ཨྠིྀ༔ བདག་འདྲ་པདྨ་འབྱུང་གནས་ཀྱིས༔ ལྷ་སྲིན་སྲོག་གི་ཤན་པ་ལས༔ ཆོ་འཕྲུལ་གཏང་བའི་ལས་བཤད་པ༔ སྟཻགས་བུ་ཁྲུ་གང་གྲུ་བཞིའི་སྟེང་༔ འདྲེ་ཅན་གནས་པའི་ལྡེར་བཟོའི་ས༔ ཀླུ་གནས་ས་དང་ས་འགྱུའི་ས༔ ས་ནག་གསུམ་པོ་སྤར་རེ་དང༌། ཞིབ་བཙགས་ཕུག་རོན་སྒོ་ང་གང་༔ ཁམ་ས་ཅིག་པོ་དག་དང་བསྲེས༔ ཨ་ཙ་ར་གཉིས་སྤྲེལ«་སྤྲེའུ་སྤུ་ཚོམ་གཅིག་«གཟུགས་གཅིག༔ སྤྲཻལ་ལ་ཐི་གུ་དཀར་ནག་གདགས༔ དཀར་པོ་«ཨ་ཙ་ར་«གཡས་ལ་ནག་པོ་གཡོན༔ དབུས་སུ་སྤྲེ་འུ་བཞག་པར་བྱ༔ ཐི་གུ་ཨ་ཙ་ར་«དཀར་ནག་«ཡིས་བཟུང་༔ རང་ལ་མདུན་བསྟན་སྔགས་འདིས་འབོད༔ ཏྲིའུ་ཏྲིའུ་«འབོད་པ་«མ་མ་ཤོད་ཛ༔ མ་རུ་མ་རུ་«རྦད་པ་ཡིན་«རྒྱུགས་རྒྱུགས༔ ཁ་ཕུར་ཁ་ཕུར་ཆེ་གེ་ལ་བྷྱོ་བྷྱོ༔ ཞག་ལྔ་བཟླས་པས་ནང་རྟགས་ནི༔ ཨ་ཙ་ར་དང་མི་རེངས་དང་༔ སྤྲེ་འུའི་དམག་འོང་སོ་སྒྲ་དང་༔ སྨྲ་སྙིང་འདོད་དང་ཤེས་པ་འཁྲུགས༔ དེ་ལྟར་རྨི་ལམ་དག་ཏུ་འོང་༔ སྤྲེའུ་དངོས་སུ་མ་བྱུང་བར་དུ་བསྒྲུབ༔ དེ་ནས་གོང་གི་རྫས་གསུམ་པོ༔ དགྲ་བོའི་ཕྱོགས་སུ་ཁ་བསྟན་ཏེ༔ ཨ་ཙར་ནག་པོས་སྔོན་མ་བྱ༔ དཀར་པོ་ཕྱི་ལ་བཞག་པར་བྱ༔ གོང་མའི་སྔགས་ཤམ་འདི་བཏགས་ལ༔ ཧེ་ཙ་དུ་ན་ཕབ་ཡཱ༔ ཞེས་ཞག་བདུན་བཟླས་ཏེ༔ དཀར་པོ་ཐིག་གུར་བཅས་པ་བཞག༔ དེ་མིན་གཉིས་པོ་དགྲ་ཡི་ཁང་པར་བསྐྱལ༔ སྤྲེ་འུ་དངོས་སུ་ས་གཏོར་འོང་༔ དཀར་པོ་དཔོན་ལ་ནག་པོ་གཡོག༔ སྤྲེ་འུ་ལས་མཁན་དག་ཡིན་ནོ༔ ལྷ་བཙན་གིང་གི་ཆོ་འཕྲུལ་ལོ༔ ཤིན་ཏུ་ཟབ་ཕྱིར་གཏེར་དུ་སྦས༔ ལས་ཅན་ཅིག་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ ལྡང་ལུང་ཁྲ་མོ་བྲག་ནས་སྤྲུལ་སྐུ་རིན་ཆེན་ཚུལ་རྡོར་གྱིས་ཆུ་མོ་གླང་གི་ལོ་ལ་བཏོན་པའོ༔ ༔

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).