འོད་གསལ་སྦྱོང་བའི་གནད་ཡིག་བདུད་རྩི་རྒྱལ་པོ

From Rangjung Yeshe Wiki Texts
Revision as of 07:00, 21 November 2026 by Eric (talk | contribs) (Longchenpa Project: generated page (21 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-10-THA-012
Jump to navigation Jump to search

བདུད་རྩི་དྲི་མེད klong chen rab 'byams kyi gsung 'bum (pe cin 2009)· Volume 10(THA) ཉིན་མཚན་འོད་གསལ་གྱི་འཁོར་ལོ

Title འོད་གསལ་སྦྱོང་བའི་གནད་ཡིག་བདུད་རྩི་རྒྱལ་པོ
Wylie 'od gsal sbyong ba'i gnad yig bdud rtsi rgyal po


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 10(THA), text 12, pages 136–138 (BDRC scan pages)
Section snying thig ya bzhi › bla ma yang tig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.4.2.14
Citation Klong chen rab 'byams pa. 'od gsal sbyong ba'i gnad yig bdud rtsi rgyal po. In Kun mkhyen klong chen rab 'byams kyi gsung 'bum, vol. 10, pp. 136–138. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །འོད་གསལ་སྦྱོང་བའི་གནད་ཡིག་བདུད་རྩི་« »རྒྱལ་པོ་བཞུགས་སོ། །

«ཆོས་མཆོག་རྒྱ་མཚོ་ཟབ་མོ་ཡི། །མཛོད་བརྙེས་གང་ལ་ཕྱག་འཚལ་ཏེ། ། བླ་མ་རྡོ་རྗེ་སྙིང་པོ་ཡི། །སྤྱོད་མཆོག་བདུད་རྩི་རྒྱལ་པོ་བྲི། །ནགས་ཚལ་མཚོ་གླིང་དུར་ཁྲོད་དང༌། །ལྷ་ཁང་ཕྱུགས་ལྷས་གྲོང་ཁྱེར་དང༌། །ཁང་སྟོང་ཤིང་གཅིག་ཆུ་ངོགས་འགྲམ། །འཇིགས་དང་དགའ་དང་མྱ་ངན་གནས། །སེམས་གཡེང་བྱེད་དེར་རབ་སོང་ལ། །བདེ་བའི་སྟན་ལ་རབ་འདུག་སྟེ། །སྐྱབས་སུ་འགྲོ་དང་སེམས་བསྐྱེད་ནས། །མདུན་གྱི་ནམ་མཁར་བླ་མ་དང༌། །ཡི་དམ་མཁའ་འགྲོ་ཆོས་སྐྱོང་དང༌། །འགྲོ་དྲུག་ལན་ཆགས་གནོད་བྱེད་འདྲེ། །ཐམས་ཅད་བསམ་ལ་རང་གི་ལུས། །ཤ་ཁྲག་འདོད་ཡོན་ལོངས་སྤྱོད་དུ། །གང་ལ་གང་འདོད་ཆགས་མེད་སྦྱིན། །དེ་རྗེས་གང་ཡང་མི་བསམ་པར། །ཆོས་ཉིད་མཉམ་པའི་ངང་དུ་ཉལ། །དེ་ཚེ་རང་གི་རྣམ་རྟོག་དང༌། །འཁྲུལ་སྣང་ལྷ་འདྲེའི་ཆོ་འཕྲུལ་ནི། །དངོས་དང་ཉམས་སྣང་རྨི་ལམ་དུ། །རྣམ་པ་སྣ་ཚོགས་འབྱུང་བར་འགྱུར། །དེ་ཚེ་གནད་ཀྱི་གདམས་ངག་ལ། །རྒྱུ་མཚན་བརྟགས་པས་ཤེས་པ་དང༌། །རང་བཞིན་སྙེམས་བྲལ་གླཽད་པའོ། །དང་པོ་རྒྱུ་མཚན་བརྟག་པ་ནི། ། ཆོ་་འཕྲུལ་གང་སྣང་དཔེ་མཚོན་པ། །སྣང་སྲིད་སྣོད་བཅུད་ཐམས་ཅད་ཀྱི། ། གཟུགས་སུ་སྣང་བ་ངོ་བོས་སྟོང༌། །ཆ་ཤས་མེད་ཅིང་རང་བཞིན་བྲལ། །སྒྱུ་མ་རྨི་ལམ་ཆུ་ཟླ་བཞིན། །མ་སྐྱེས་པས་ན་གནས་པ་མེད། །འགགས་མེད་འགྲོ་འོང་ཀུན་ལས་འདས། །དེ་ལ་འཇིགས་པ་ཅི་ཞིག་ཡིན། །སྒྲ་ནི་གྲགས་པ་ཉིད་ནས་སྟོང༌། །དྲི་རོ་རེག་དང་ཆོས་ཀུན་ཡང༌། །ངོ་བོས་སྟོང་སྟེ་གཟུགས་བརྙན་བཞིན། །མེད་སྣང་སྟོང་པའི་རང་བཞིན་ལ། །འཇིགས་དང་དགའ་བ་ཅི་ཞིག་བྱ། །འཇིགས་པའི་ཡུལ་ལ་བརྟགས་དཔྱད་པས། །རང་བཞིན་མེད་པ་ཇི་ལྟ་བར། །འཇིགས་མཁན་སེམས་ལ་ཚུར་བལྟས་པས། །སེམས་ནི་དུས་གསུམ་གཞི་རྩ་བྲལ། །བརྟག་པས་མ་རྙེད་རྒྱུ་མཚན་བྲལ། ཁ་དོག་དབྱིབས་མེད་ངོས་གཟུང་བྲལ། །གང་ཞིག་གང་གིས་དགའ་འཇིགས་སྐྱེད། །དེ་ལྟར་ཡུལ་སེམས་གཟུང་འཛིན་དུ། །མེད་པ་དེ་ཚེ་ཆོས་རྣམས་ཀུན། །ནམ་མཁའ་ལྟ་བུར་བདག་མེད་པས། །གཞན་དུ་འཛིན་པ་ངང་གིས་སྟོང༌། །དེ་ཉིད་རང་བྱུང་ཡེ་ཤེས་ཏེ། ། རང་གསལ་སྤྲོས་དང་བྲལ་བར་གཞག» «།གཉིས་པ་རང་ཞིར་གློད་པ་ནི། བརྟགས་དང་མ་བརྟགས་གང་ཚེ་ཡང༌། །རང་བཞིན་མེད་དེ་གཟུགས་བརྙན་བཞིན། །དེ་ལ་དྲན་བསམ་དགོས་པ་མེད། །གང་སྣང་སྟེང་དུ་གང་ཤར་གློད། ། སྣང་སྲིད་འཁོར་འདས་ཐམས་ཅད་ཀུན། །སྣང་ན་ཆོས་ཉིད་སྟོང་པར་སྣང༌། ། སྟོང་ན་སྲིད་གསུམ་འཁོར་བ་སྟོང༌། །རྟག་ན་ཆོས་སྐུ་འགྱུར་བ་མེད། །ཆད་ན་ལས་དང་ཉོན་མོངས་ཆད། །དེས་ན་གང་སྣང་མི་སྣང་མེད། །ལེགས་ཉེས་ཤོར་གོད་འགའ་མེད་པས། །གཞི་བྲལ་མཉམ་པའི་ངང་དུ་ཉལ། །ལྷ་འདྲེར་སྣང་ཡང་ངོས་གཟུང་མེད། །དེ་ལ་གཟུགས་མེད་འཇིགས་མེད་དགོས། །འཇིགས་མཁན་སེམས་ཡིན་ངོས་གཟུང་མེད། །དེ་ལ་བདེན་མེད་སྤང་མི་དགོས། །དེ་ལྟར་ཡུལ་སེམས་དགའ་འཇིགས་དང༌། །དུག་ལྔའི་རྣམ་རྟོག་ཐམས་ཅད་ལ། ། ཅེར་མཐོང་རང་སངས་ངོས་གཟུང་ལ། །སྙེམས་མེད་ངང་དུ་གློད་པར་བྱ། །དེ་ནས་གཉན་སར་གཉིས་འཛིན་ཞིག» «།རེ་དོགས་བྲལ་བའི་ཚར་ཚད་ཐོག ། ཞར་ལ་ཐུན་མོངས་དངོས་གྲུབ་ནི། །ལྷ་འདྲེ་དམ་ཐོགས་སྟོང་གྲོགས་བྱེད། ། རྐྱེན་རྣམས་ཐུགས་ཕྲད་རང་གྲོལ་ཡིན། །དེ་ཕྱིར་གནད་འདི་ཉམས་སུ་ ལོངས། །དགེ་བ་དེ་ཡིས་འགྲོ་བ་ཀུན། །སྐྱེ་མེད་ཀློང་དུ་གྲོལ་བར་ཤོག» «།འོད་གསལ་སྤྱོད་པའི་གནད་ཡིག» །«བདུད་རྩི་རྒྱལ་པོ་ཞེས་བྱ་བ།» «ཐེག་པ་མཆོག་གི་རྣལ་འབྱོར་པ་ཀློང་ཆེན་རབ་འབྱམས་ཀྱིས་བཀོད་པ་རྫོགས་སོ། །དགེའོ། ། དགེའོ། །དགེའོ།། །།

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept: in this e-text they enclose the small-print notes of the print.

Part of the Longchenpa Collected Works (about this project).