མཁའ་འགྲོ་སྙིང་ཏིག་གི་ལག་འགྲིག

From Rangjung Yeshe Wiki Texts
Revision as of 07:00, 21 November 2026 by Eric (talk | contribs) (Longchenpa Project: generated page (21 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-06-CHA-022
Jump to navigation Jump to search

གཏེར་གྱི་ཁ་བྱང klong chen rab 'byams kyi gsung 'bum (pe cin 2009)· Volume 6(CHA) ལོ་རྒྱུས་རྒྱལ་བ་གཡུང་གིས་མཛད་པ

Title མཁའ་འགྲོ་སྙིང་ཏིག་གི་ལག་འགྲིག
Wylie mkha' 'gro snying tig gi lag 'grig


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 6(CHA), text 22, pages 164–167 (BDRC scan pages)
Section snying thig ya bzhi › mkha' 'gro snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.2.2.24
Citation Klong chen rab 'byams pa. mkha' 'gro snying tig gi lag 'grig. In Kun mkhyen klong chen rab 'byams kyi gsung 'bum, vol. 6, pp. 164–167. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །མཁའ་འགྲོ་སྙིང་ཏིག་གི་ལག་འགྲིག་བཞུགས་པ་ལགས་སོ་ཨང༌།

« བླ་མ་ཡི་དམ་ཌཱཀྐི་ལ་ན་མོ། །མཁའ་འགྲོ་སྙིང་ཏིག་གི་ལག་འགྲིག་ལ། དང་པོ་དལ་འབྱོར་རྙེད་དཀའ་བསྒོམ། ལས་རྒྱུ་འབྲས། འཁོར་བའི་ཉེས་དམིགས། ཐར་པའི་ཕན་ཡོན་བསམ། འཆི་བ་མི་རྟག་པ་བསྒོམས་པ་དང༌། སྔོན་འགྲོའི་ཆོས་བཞི་ཚང་བར་བྱ། དེ་ནས་སྐྱབས་འགྲོ་སེམས་བསྐྱེད་བྱ། ཡིག་བརྒྱ་བསྒོམ་བཟླས། མཎྜལ་འབུལ་བ། བླ་མའི་རྣལ་འབྱོར་རྣམས་རིམ་པར་བྱའོ། །བསྐྱེད་རིམ་གྱི་སྐོར་ལ། སྐྱབས་འགྲོ་སེམས་བསྐྱེད་སྤྱི་མཐུན་བྱས། རིགས་ལྔ་མཆོད་འབུམ་གྱི་བཀའ་བསྒོ་ནས་མཆོད་པ་བྱིན་བརླབ་ཡན་བྱས། རིགས་ལྔ་ཕྱི་སྒྲུབ་ལྟར་གཞལ་ཡས་ཁང་བསྐྱེད་ནས་བདག་བསྐྱེད་རིགས་ལྔ་ནང་སྒྲུབ་ལ་བྱ། མདུན་བསྐྱེད་རིགས་ལྔ་ཕྱི་སྒྲུབ་ལ་བྱེད། སྤྱན་འདྲེན་ནས་ནང་མཆོད་འབུལ་བ་ཡན་དཀྱུས་བཞིན་བྱ། དེ་ནས་སྨན་རག་གཏོར་གསུམ་འབུལ། གསང་མཆོད་བྱ། བསྟོད་པ་དང་བཤགས་པ་བྱ། ཚོགས་མཆོད་བྱ། ལྷག་མ་མཁའ་འགྲོའི་ལས་བྱང་ནས་བཏང༌། གཏོར་ལྷག་ཆད་མདོ་བསྟན་སྐྱོང་དང་བཅས་པ་བྱའོ། །མཁའ་འགྲོའི་ལས་བྱང་ཡང༌། སྐྱབས་འགྲོ་ནས་མཆོད་པ་བྱིན་བརླབ་ཡན་དཀྱུས་བཞིན་ནོ། །གཞལ་ཡས་ཁང་རིགས་ལྔ་ཕྱི་སྒྲུབ་ལྟར་ རོ། །རྟ་མགྲིན་ལུས་དཀྱིལ་ལ་བདག་བསྐྱེད་བྱ། ཌཱཀྐི་མངོན་རྟོགས་ལ་མདུན་བསྐྱེད་བྱ། སྤྱན་འདྲེན་ནས་ནང་མཆོད་ཡན་དཀྱུས་བཞིན་ནོ། །སྨན་རཀ་གཏོར་གསུམ་གསང་མཆོད་བྱ། བསྟོད་པ་གཞུང་ལྟར་བྱའོ། །ཚོགས་མཆོད་རྒྱས་པར་བྱེད་པ་ལ། གོང་མ་ལྟར་སྤྱན་འདྲེན་ཅིག་ཚོགས་ལ་སྤྱན་འདྲེན་གཤེགས་སུ་གསོལ་ཅེས་པ་སྦྱར་རོ། །ཚོགས་འབུལ། བསྐང་བ་བྱ། ལས་བྱང་ལྟར་བཤགས་པ་བྱ། བསྒྲལ་བཏབ་བྱ། ལྷག་ཆོག་བྱ། ཤིན་ཏུ་གལ་ཆེ་མཁའ་འགྲོའི་བསྐུལ་ཡང་བྱ། གཏོར་ལྷག་བསྐྱང་ངོ༌། །ད་དབང་གི་སྐོར་ལ་སློབ་དཔོན་དང་སློབ་མའི་མཚན་ཉིད་བརྟགས་པ་ནི་དང་པོའི་དུས་སུ་བྱའོ། །ས་ཆོག་བྱ། དཀྱིལ་འཁོར་སྟེགས་བུ་ལེགས་པར་བྱས་ཏེ་དྲིས་བྱུགས། མེ་ཏོག་ཚོམ་ཕུན་གཞུང་ལྟར་བཀོད། བུམ་པ་བཅའ། མངོན་རྟོགས་རིགས་ལྔ་ཕྱི་ནང་གིས་བསྒོམ་ཞིང་ཚོགས་ཡན་ཚང་བར་བྱ། གསོལ་བ་གདབ། སྟ་གོན་གྱི་ཆོ་ག་རྣམས་བྱ། བུམ་པ་བསྒྲུབ། སློབ་བུ་སྟ་གོན་བྱ། དམ་ཚིག་ཕོག །ཐུན་མོང་གི་རྫས་བཞི་གཏད། ཆོས་བཤད། དེ་ནས་ཐེག་ཆོག་དང་ཚོན་ཆོག་བྱ། དེ་ནས་དལ་སྒྲུབ། དལ་བསྟན་པའི་སྐབས་སུ་དཀྱིལ་འཁོར་གྱི་རྣམ་དག་བཤད། ལྷ་ངོ་བསྟན་པའི་དུས་སུ་ལྷའི་རྣམ་དག་བཤད། དེ་ནས་དབང་བསྐུར་བ་ནས་རྗེས་ཆོག་ཡན་དཀྱུས་ལྟར་བྱའོ། །རྩོད་པའི་སྐྱོན་བསལ། དེ་ནས་གསང་དབང་གི་སྐབས་སུ་ནུབ་གཅིག་ལ་དབང་རྫོགས་པར་བྱེད་ན་དབང་རྣམས་དཀྱུས་སུ་བསྐུར། ནུབ་གསུམ་ལྟར་བྱེད་ན་གསང་དབང་གི་དུས་སུ་དཀྱིལ་འཁོར་གོང་མ་བཞག །གཞུང་ལྟར་རྫས་བསགས་ལ་དབང་བསྐུར། ལྷའི་དཀྱིལ་འཁོར་ངོ་ཡང་སྤྲད། ཅེས་པའི་རྗེས་སུ་གསང་དབང་གི་ལྷན་ཐབས་བཤད་ས་བཅད་ཀྱི་ལུང་བྱ། ཤེས་རབ་ཡེ་ཤེས་ཀྱི་དབང་བྱ་བའི་སྐབས་སུ་གསོལ་བ་གདབ། དམ་ཚིག་བསྲུང་སྡོམ་བཤད། དེ་ནས་མངོན་རྟོགས་དྲན་རྫོགས་བསྒོམ། གདོང་གཡོགས་ཡེ་ཤེས་དབབ། ལྷན་ཐབས་བཤད། ངའི་བྷ་ག་གསང་ཆེན་ཞེས་པ་ནས། དེ་ནས་རྡོ་རྗེ་ཚིག་འདི་བརྗོད་ཅེས་པ་ཡན་བྱ། དབང་གི་རྒྱབ་ཡིག་བཤད། ཀྱེ་མ་ལས་ལྡན་རིགས་ཀྱི་བུ། ཞེས་སོགས་བརྗོད། དེ་ནས་ས་བཅད་བཤད། དེ་ནས་ཚིག་དབང་བསྐུར། ས་བཅད་བཤད། དབང་བསྒྲིགས་སུ་བྱེད་ན་རིག་པ་ཡང་རྩལ་གྱི་དབང་བྱེད། དབང་གི་དོན་ཁྲིད་བྱའོ། །དེ་ནས་ཁྲིད་ཀྱི་སྐབས་སུ། སྔོན་འགྲོ་དང་བླ་མའི་རྣལ་འབྱོར་རྣམས་གོང་དུ་སོང་ནས། དངོས་གཞི་ནི། བཏགས་གྲོལ་དོན་ཁྲིད་དང་ཐོད་རྒལ་དོན་ཁྲིད་ནོར་བུའི་སྙིང་པོ་གཉིས་ཀྱིས་ཁོག་ཕུབ། ཐོག་རྒལ་དོན་ཁྲིད་གསལ་སྒྲོན་ལ་གཞུང་བྱ། ཁྲིད་རྒྱབ་ལུང་ཕྲེང་གིས་སྤྲོ་བ་བསྐྱེད། རྣལ་དབབ་ཡན་ཆད་ཚང་བར་བྱ། རབ་འབྱམས་རིག་པའི་རྩལ་དབང་རིག་པ་སྒྲོན་མའི་ཏི་ཀ་བཤད། ཁྲེགས་གཅོད་ངོ་སྤྲད། རིག་པ་ཡང་རྩལ་གྱི་དབང་བསྐུར། ཐོད་རྒལ་གྱི་ཁྲིད་བྱའོ། །དེ་རྣམས་ལ་བརྟགས་ཡིག་གིས་བརྟག» «།ཚད་ཡིག་གིས་ཚད་དུ་སྐྱོལ་མ་སྐྱོལ་བརྟག» «།ལག་ཁྲིད་ཀྱིས་ཞག་གྲངས་གཏན་ལ་ཕབ་པོ། །བར་དོ་ངོ་སྤྲོད་བྱེད་པ་ལ། དང་པོ་ཉིན་མོའི་ངོ་སྤྲོད་ལ་སྟེགས་བུ་དང་ཡོ་བྱད་ཐམས་ཅད་བསགས། བསྒོམ་བཟླས་མཆོད་བསྟོད་ཚང་བར་བྱ། གསོལ་བ་གདབ། གནང་བ་སྤྱིན། བུམ་དབང་བསྐུར། ཤེལ་ལ་«ཆོས་སྐུ«་«ངོ་སྤྲད། གསང་དབང་བསྐུར། མེ་ལོང་དང་རྨ་བྱའི་མདངས་ཀྱི་«ལོངས་སྐུ་«ངོ་སྤྲད། ཤེས་རབ་ཡེ་ཤེས་ཀྱི་དབང་བསྐུར། མེ་ལོང་གཡའ་དག་པའི«་ཆོས་སྐུ་རང་ལ་གནས་ཚུལ་«ནང་དུ་གཟུགས་བརྙན་ཤར་བ་ལ་ངོ་སྤྲད། ཚིག་དབང་རིན་པོ་ཆེ་བསྐུར། དོན་རང་རིག་གསལ་སྟོང་ཆོས་སྐུར་ངོ་སྤྲད་པ་ནི། «ཤེལ་མིག་ལ་མ་རེག་ཙམ་ལ་བལྟས་ནས་«བླ་མ་ལ་བལྟས་ཏེ་རིམ་གྱིས་བརྟགས་ནས་དེ་ལ་ངོ་སྤྲད། དེ་ནས་ཆོས་ཉིད་བར་དོ་ངོ་སྤྲོད་བྱའོ། །དེ་ནས་མཚན་མོ་ངོ་སྤྲོད་བྱ་བ་ནི་རྫས་ཡོ་བྱད་ཐམས་ཅད་བསགས་ཏེ། གཏོར་མའི་དབང་བསྐུར། རྒྱལ་ཐབས་སྤྱི་བླུགས་ཀྱི་དབང་བསྐུར། དེ་ནས་ངོ་སྤྲོད་དངོས་ལ་གསུམ་སྟེ། སྡེ་སྐོར་ས་ལ་བཀོད་པ་ནི་བཅའ་གཞི་རྣམས་སོ། །བརྡ་སྐོར་མཁའ་ལ་འཆར་བ་ནི། འཇའ་འོད་ལ་སོགས་པའོ། །དོན་སྐོར་རང་ལ་གནས་པ་ནི་རང་གི་སེམས་ཉིད་ལའོ། །ཞེས་ངོ་སྤྲད་དོ། །དེས་གཞན་རྣམས་ཚིག་གིས་འགྲེལ་དང་བསྟུན་ནས་བཤད་དོ། །དཔལ་ལྡན་བླ་མའི་གསུང་ལས་བྱུང་བའི་སྙིང་ཏིག་གི་ལག་འགྲིག་འདི། བླ་མའི་གསུང་ལས་བྱུང་བ་བཞིན་དུ་མ་ནོར་བར་བརྗེད་ཐོ་ཡི་གེར་བཏབ་པ་ནི། བདག་བརྗེད་ངས་ཆེས་བས་བྲིས་པ་ལ་བླ་མ་ཡི་དམ་མཁའ་འགྲོས་བཟོད་པར་གནང་དུ་གསོལ་ལོ། །མངྒ་ལཾ། ཤུ་བྷཾ། བྷ་ཝནྟུ།། །།»-

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept: in this e-text they enclose the small-print notes of the print.

Part of the Longchenpa Collected Works (about this project).