Conclusion
།དེ་ལྟར་ཆོས་ཉིད་རྡོ་རྗེ་སྙིང་པོའི་གླུ།
།མཁའ་མཉམ་གདོད་ནས་དག་པའི་རང་བཞིན་འདི།
།མི་འགྱུར་གཞི་རྩ་བྲལ་བའི་གནས་ཉིད་དུ།
།རང་ཤར་འཕོ་འགྱུར་མེད་པའི་རོལ་པར་ཤར། [comm 1]
།ཡེ་མཉམ་ཕྱམ་གདལ་ཀློང་ཆེན་ཡངས་པའི་དོན།
།གར་ཡང་མ་ཕྱིན་གདོད་མའི་རང་བཞིན་ངང༌།
།མི་གཡོ་ལྷུན་གྱིས་གྲུབ་པའི་ཆོས་ཉིད་ལ།
།རྒྱ་ཆད་མེད་ཅིང་ཕྱོགས་ལྷུང་བྲལ་བར་གྱུར། [comm 2]
།དོན་རྣམས་ཇི་བཞིན་མཁའ་མཉམ་ཡངས་པའི་དཀྱིལ།
།གང་དུ་རང་བྱུང་ཀློང་ཆེན་རྒྱལ་པོ་ནི།
།རྟག་ཏུ་མི་གཡོ་སྣ་ཚོགས་རང་སར་གྲོལ།
།འདི་ཞེས་མི་མཚོན་དབྱིངས་རུམ་ཡངས་པར་ཕྱིན། [comm 3]
།རྟོགས་པའི་དུས་ངེས་མཁའ་འདྲའི་རྣལ་འབྱོར་པས།
།རང་ཉམས་ཕྱོགས་གཅིག་ལུང་དོན་མཐུན་པ་ནི།
།རྩ་བའི་སེམས་ལུང་ཉི་ཤུ་རྩ་གཅིག་དང༌།
།ཀློང་གསུམ་མན་ངག་སྡེ་བཞི་མཐུན་པར་བཀོད། [comm 4]
།དགེ་བ་དེ་ཡིས་མ་ལུས་འགྲོ་བ་ཀུན།
།མ་འབད་བཞིན་དུ་གདོད་མའི་སར་ཕྱིན་ནས།
།ཀུན་བཟང་ས་ལ་འཕོ་འགྱུར་མེད་པ་ཡི།
།དོན་གཉིས་ལྷུན་གྲུབ་ཆོས་ཀྱི་རྒྱལ་པོར་ཤོག [comm 5]
།ཕྱོགས་རྣམས་ཀུན་ཏུ་བདེ་དཔལ་འབྱོར་པ་ནི།
།དག་པའི་ཞིང་བཞིན་འདོད་དགུ་ལྷུན་གྲུབ་ཅིང༌།
།ཆོས་རྔ་སྒྲོགས་པས་ཐར་པའི་རྒྱལ་མཚན་འཛུགས།
།དམ་ཆོས་མི་ནུབ་བསྟན་པ་རྒྱས་པར་ཤོག [comm 6]
།ཆོས་དབྱིངས་རིན་པོ་ཆེའི་མཛོད་ཅེས་བྱ་བ།
།ཐེག་པ་མཆོག་གི་རྣལ་འབྱོར་པ་ཀློང་ཆེན་རབ་འབྱམས་ཀྱིས་གངས་རི་ཐོད་དཀར་གྱི་མགུལ་དུ་ལེགས་པར་བཀོད་པ་རྫོགས་སོ།།
།དགེའོ།
།དགེའོ།
།དགེའོ།། [comm 7]
Cite error: <ref> tags exist for a group named "comm", but no corresponding <references group="comm"/> tag was found