Dbu ma rgyan - Part two
41<tib width=800 wyliecol="40%">
/nam mkha' la sogs shes pa dag
/ming tsam du ni snang ba rnams/
/yi ge du ma snang ba'i phyir/
/sna tshogs snang bar gsal ba yin/
</tib>
42<tib width=800 wyliecol="40%">
/rnam shes sna tshogs min snang ba/
/'ga' zhig yod par gzhug na yang/
/'on kyang yang dag gzhag mi rung/
/mtshan nyid bcas la gnod mthong phyir/
</tib>
43<tib width=800 wyliecol="40%">
/de phyir sna tshogs snang ba yi/
/rnam shes rnam pa kun tu gnas/
/de ni rnam pa tha dad ltar/
/gcig bu'i rang bzhin mi rigs so/
</tib>
44<tib width=800 wyliecol="40%">
/ji ste thog ma med rgyud nyid/
/bag chags smin pas sprul pa yi/
/rnam pa dag ni snang ba yang/
/nor bas sgyu ma'i rang bzhin 'dra/
</tib>
45<tib width=800 wyliecol="40%">
/de dag 'on kyang de dag gi
/dngos de yang dag nyid dam ci/
/'on te ma brtags gcig pu na/
/dga' bar khas len 'di bsam mo/
</tib>
46<tib width=800 wyliecol="40%">
/gal te yang dag rnam par shes/
/du mar 'gyur ro yang na ni/
/de dag gcig 'gyur 'gal ldan pas/
/gdon mi za bar so sor 'gyur/
</tib>
47<tib width=800 wyliecol="40%">
/rnam pa tha dad ma yin na/
/g.yo dang mi g.yo la sogs pa/
/gcig gis thams cad g.yo la sogs/
/thal bar 'gyur te lan gdab dka'/
</tib>
48<tib width=800 wyliecol="40%">
/phyi rol don gyi tshul la yang/
/de ltar rnam pa ma bral na/
/gcig gi chos su thams cad kyang/
/'jug par 'gyur te bzlog pa med/
</tib>
49<tib width=800 wyliecol="40%">
/ji ste rnam pa'i grangs bzhin du/
/rnam par shes pa khas len na/
/de tshe rdul phran 'drar 'gyur ba/
/dpyad pa 'di las bzlog par dka'/
</tib>
50<tib width=800 wyliecol="40%">
/gal te sna tshogs de gcig na/
/nam mkha'i gos can lugs sam ci/
/sna tshogs gcig pa'i rang bzhin min/
/rin chen sna tshogs la sogs 'dra/
</tib>
51<tib width=800 wyliecol="40%">
/sna tshogs gcig po'i rang bzhin na/
/sna tshogs ngo bor snang ba dang/
/bsgribs dang ma bsgribs la sogs pa/
/tha dad 'di ni ji ltar 'gyur/
</tib>
52<tib width=800 wyliecol="40%">
/ji ste ngo bo nyid du de'i/
/rnam pa 'di dag med pa ste/
/yang dag tu rnams med pa yi/
/rnam par shes pa nor bas snang/
</tib>
53<tib width=800 wyliecol="40%">
/gal te med na ji lta bur/
/de dag 'di ltar gsal bar tshor/
/de yi dngos las tha dad pa'i/
/shes pa de 'dra ma yin no/
</tib>
54<tib width=800 wyliecol="40%">
/'di ltar gang la dngos gang med/
/de la der shes yod ma yin/
/bde ba min la bde sogs dang/
/dkar ba rnams la'ang mi dkar bzhin/
</tib>
55<tib width=800 wyliecol="40%">
/rnam pa 'di la shes pa'i don/
/dngos su 'thad pa ma yin te/
/shes pa'i bdag dang bral ba'i phyir/
/nam mkha'i me tog la sogs bzhin/
</tib>
56<tib width=800 wyliecol="40%">
/med pa nus pa med pas na/
/gdags pa'ang mi rung rta ru bzhin/
/med pa bdag snang shes skyed par/
/nus pa rung ba ma yin no/
</tib>
57<tib width=800 wyliecol="40%">
/gang phyir de yod nges tshor ba/
/shes dang 'brel pa ci zhig yod/
/bdag med de yi bdag nyid dang/
/de las byung ba ma yin no/
</tib>
58<tib width=800 wyliecol="40%">
/rgyu med na ni gang zhig gis/
/res 'ga' 'byung ba 'di rung 'gyur/
/rgyu dang ldan na gang zhig gis/
/gzhan gyi dbang las zlog par 'gyur/
</tib>
59<tib width=800 wyliecol="40%">
/de med na ni shes de yang/
/rnam pa med pa nyid kyis 'gyur/
/shel sgong dag pa 'dra ba yin/
/shes pa rab tu tshor ba med/
</tib>
60<tib width=800 wyliecol="40%">
/'di ni 'khrul pas shes she na/
/de ci 'khrul la rag las sam/
/de yi mthu yis byung na ni/
/de yang gzhan gyi dbang nyid do/
</tib>
61<tib width=800 wyliecol="40%">
/dngos po gang gang rnam dpyad pa/
/de dang de la gcig nyid med/
/gang la gcig nyid yod min pa/
/de la du ma nyid kyang med/
</tib>
62<tib width=800 wyliecol="40%">
/gcig dang du ma ma gtogs par/
/rnam pa gzhan dang ldan pa yi/
/dngos po mi rung 'di gnyis ni/
/phan tshun spangs te gnas phyir ro/
</tib>
63<tib width=800 wyliecol="40%">
/de phyir dngos po 'di dag ni/
/kun rdzob kho na'i mtshan nyid 'dzin/
/gal te 'di bdag don 'dod na/
/de la bdag gis ci zhig bya/
</tib>
64<tib width=800 wyliecol="40%">
/ma brtags gcig pu nyams dga' zhing/
/skye dang 'jig pa'i chos can pa/
/don byed pa dag nus rnams kyis/
/rang bzhin kun rdzob pa yin rtogs/
</tib>
65<tib width=800 wyliecol="40%">
/brtag pa ma byas nyams dga' ba'ang/
/bdag rgyu snga ma snga ma la/
/brten nas phyi ma phyi ma yi/
/'bras bu de 'dra 'byung ba yin/
</tib>
66<tib width=800 wyliecol="40%">
/de phyir kun rdzob rgyu med na/
/rung min zhes pa'ang legs pa yin/
/gal te 'di yi nyer len pa/
/yang dag yin na de smros shing/
</tib>
67<tib width=800 wyliecol="40%">
/dngos po kun gyi rang bzhin ni/
/rigs pa'i lam gyi rjes 'brang ba/
/gzhan dag 'dod pa sel bar byed/
/de phyir rgol ba'i gnas med do/
</tib>
68<tib width=800 wyliecol="40%">
/yod dang med dang yod med ces/
/khas mi len pa gang yin pa/
/de la nan tan ldan pas kyang/
/cir yang klan ka bya mi nus/
</tib>
69<tib width=800 wyliecol="40%">
/de phyir yang dag nyid du na/
/dngos po gang yang grub pa med/
/de phyir de bzhin gshegs rnams kyis/
/chos rnams thams cad ma skyes gsungs/
</tib>
70<tib width=800 wyliecol="40%">
/dam pa'i don dang mthun pa'i phyir/
/'di ni dam pa'i don zhes bya/
/yang dag tu na spros pa yi/
/tshogs rnams kun las de grol yin/
</tib>
71<tib width=800 wyliecol="40%">
/skye la sogs pa med pa'i phyir/
/skye ba med la sogs mi srid/
/de yi ngo bo bkag pa'i phyir/
/de yi tshig gi sgra mi srid/
</tib>
72<tib width=800 wyliecol="40%">
/yul med pa la dgag pa yi/
/sbyor ba legs pa yod ma yin/
/rnam par rtog la rten la yang/
/kun rdzob par 'gyur yang dag min/
</tib>
73<tib width=800 wyliecol="40%">
/'o na de ni rtogs gyur pas/
/de yi rang bzhin mngon sum phyir/
/mi mkhas rnams kyang dngos rnams kyi/
/dngos po 'di 'dra cis mi rtogs/
</tib>
74<tib width=800 wyliecol="40%">
/ma yin thog med rgyud lci bar/
/dngos por sgro btags dbang byas pas/
/de phyir srog chags thams cad kyis/
/mngon sum rtogs par mi 'gyur ro/
</tib>
75<tib width=800 wyliecol="40%">
/de la sgro btags gcod byed pa/
/shes par byed pa'i gtan tshigs kyis/
/rjes su dpog rnams shes par byed/
/rnal 'byor dbang rnams mngon sum gsal/
</tib>
76<tib width=800 wyliecol="40%">
/gzhung gis skyed pa'i bye brag gis/
/chos can spangs nas mkhas pa dang/
/bud med byis pa'i bar dag la/
/grags par gyur pa'i dngos rnams la/
</tib>
77<tib width=800 wyliecol="40%">
/bsgrub dang bsgrub pa'i dngos po 'di/
/ma lus yang dag 'jug par 'gyur/
/de lta min na gzhi ma grub/
/la sogs len ni ji skad gdab/
</tib>
78<tib width=800 wyliecol="40%">
/bdag ni snang ba'i ngang can gyis/
/dngos po dgag par mi byed de/
/de lta bas na bsgrub pa dang/
/bsgrub bya gzhag pa 'khrugs pa med/
</tib>
79<tib width=800 wyliecol="40%">
/de phyir thog med srid rgyud nas/
/dngos dang dngos med rtogs sogs kyi/
/rigs dang mthun pa'i sa bon nyid/
/rjes su dpag par bya ba yin/
</tib>
80<tib width=800 wyliecol="40%">
/'di ni dngos po'i mthu stobs kyis/
/'byung ba ma yin de med phyir/
/dngos po rnams kyi bdag nyid de/
/rgya cher rab tu bkag pa yin/
</tib>
81<tib width=800 wyliecol="40%">
/rim gyis 'byung phyir glo bur min/
/rtag 'byung ma yin rtag ma yin/
/de bas goms 'dra de nyid phyir/
/dang po rang gi rigs las skyes/
</tib>
82<tib width=800 wyliecol="40%">
/de phyir rtag chad lta ba rnams/
/gzhung 'di la ni ring du gnas/
/ldog dang rjes su 'jug pa yang/
/sa bon myu gu lcug sogs bzhin/
</tib>
83<tib width=800 wyliecol="40%">
/chos la bdag med mkhas pa ni/
/rang bzhin med pa goms byas pas/
/phyin ci log las byung ba yi/
/nyon mongs sgrib pa med par spong/
</tib>
84<tib width=800 wyliecol="40%">
/rgyu dang 'bras bu'i dngos po ni/
/kun rdzob tu ni ma bzlog pas/
/kun nas nyon mongs rnam byang sogs/
/rnam par gzhag pa 'khrugs pa med/
</tib>
85<tib width=800 wyliecol="40%">
/'di ltar rgyu dang 'bras bu yi/
/chos 'di rnam par gzhag pas na/
/tshogs rnams dri ma med pa yang/
/gzhung 'di nyid la rung ba yin/
</tib>
86<tib width=800 wyliecol="40%">
/rnam par dag pa'i rgyu las ni/
/'bras bu rnam par dag pa 'byung/
/yang dag ltas byung tshul khrims kyi/
/yan lag la sogs rnam dag bzhin/
</tib>
87<tib width=800 wyliecol="40%">
/de bzhin rnam dag ma yin las/
/'bras bu rnam dag ma yin 'byung/
/log lta'i stobs las byung ba yi/
/log par g.yem la sogs pa bzhin/
</tib>
88<tib width=800 wyliecol="40%">
/tshad ma'i gnod pa yod pas na/
/dngos por dmigs pa yod pa ni/
/smig rgyu la sogs shes pa bzhin/
/phyin ci log par yongs su rtog/
</tib>
89<tib width=800 wyliecol="40%">
/de phyir de mthus byung ba yi/
/pha rol phyin pa bsgrub pa kun/
/bdag dang bdag gir log pa las/
/byung ba bzhin du stobs chung ngo/
</tib>
90<tib width=800 wyliecol="40%">
/dngos por dmigs pa med pa las/
/byung ba 'bras bu chen po ste/
/rgyas pa'i rgyu las byung ba'i phyir/
/sa bon grub po'i myug sogs bzhin/
</tib>
91<tib width=800 wyliecol="40%">
/rgyu dang 'bras bur gyur pa yang/
/shes pa 'ba' zhig kho na ste/
/rang gi grub pa gang yin pa/
/de ni shes par gnas pa yin/
</tib>
92<tib width=800 wyliecol="40%">
/sems tsam la ni brten nas su/
/phyi rol dngos med shes par bya/
/tshul 'dir brten nas de la yang/
/shin tu bdag med shes par bya/
</tib>
93<tib width=800 wyliecol="40%" >
/tshul gnyis shing rta zhon nas su/
/rigs pa'i srab skyogs 'ju byed pa/
/de dag de phyir ji bzhin don/
/theg pa chen po pa nyid 'thob/
</tib>
94<tib width=800 wyliecol="40%">
/khyab dang dbang la sogs ma myong/
/dpag tu med par gnas pa'i rgyu/
/'jig rten spyi bor gyur pas kyang/
/shin tu myong ba ma yin pa/
</tib>
95<tib width=800 wyliecol="40%">
/yang dag bdud rtsi dag pa 'di/
/thugs rje dag pa'i rgyu can gyi/
/de bzhin gshegs pa ma gtogs par/
/gzhan gyi longs spyod ma yin no/
</tib>
96<tib width=800 wyliecol="40%">
/de phyir log par bstan pa yi/
/grub mthar 'chel ba'i blo can la/
/de lugs rjes 'jug blo can rnams/
/snying rje nyid ni rab tu skye/
</tib>
97<tib width=800 wyliecol="40%">
/blo nor ldan pas lugs gzhan la/
/ji ltar snying po med mthong ba/
/de ltar de dag skyob pa la/
/gus pa shin tu skye bar 'gyur/
</tib>
<tib>
/dbu ma'i rgyan gyi tshig le'ur byas pa/
slob dpon zhi ba 'tsho ba dag dang gzhan gyi grub
pa'i mtha' rgya mtsho'i pha rol tu son pa 'phags pa ngag
gi dbang phyug gi zhabs kyi padma rnyog pa
med pa'i ze'u 'bru spyi bos len pas mdzad pa rdzogs so/
/rgya gar gyi mkhan po su ren dra bo dhi dang/
zhu chen gyi lo ts'a ba bande ye shes sdes
bsgyur cing zhus te gtan la phab pa'o/
</tib>