ཉིན་མཚན་འོད་གསལ་གྱི་འཁོར་ལོ

From Rangjung Yeshe Wiki Texts
Revision as of 07:00, 21 November 2026 by Eric (talk | contribs) (Longchenpa Project: generated page (21 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-10-THA-013
Jump to navigation Jump to search

འོད་གསལ་སྦྱོང་བའི་གནད་ཡིག་བདུད་རྩི་རྒྱལ་པོ klong chen rab 'byams kyi gsung 'bum (pe cin 2009)· Volume 10(THA) གནད་གསུམ་ཆོས་ཉིད་ཀྱི་འཁོར་ལོ

Title ཉིན་མཚན་འོད་གསལ་གྱི་འཁོར་ལོ
Wylie nyin mtshan 'od gsal gyi 'khor lo


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 10(THA), text 13, pages 139–142 (BDRC scan pages)
Section snying thig ya bzhi › bla ma yang tig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.4.2.15
Citation Klong chen rab 'byams pa. nyin mtshan 'od gsal gyi 'khor lo. In Kun mkhyen klong chen rab 'byams kyi gsung 'bum, vol. 10, pp. 139–142. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །ཉིན་མཚན་འོད་གསལ་གྱི་འཁོར་ལོ་བཞུགས་སོ། ། ཡེ་ཤེས་ཀུན་འབྱུང་མགོན་པོ་ནི། །འོད་ཀྱི་ཕུང་པོ་ལ་བཏུད་དེ། །སྐལ་ལྡན་རྣམས་ཀྱི་གསང་ཆེན་ལམ། །ཉིན་མཚན་འོད་གསལ་འཁོར་ལོ་བྲི། ། མངོན་སུམ་སྙིང་པོའི་དོན་ཉམས་སུ་ལེན་པའི་གནད་ནི་གཉིས་ཏེ། མཚན་མོའི་རྣལ་འབྱོར་རྒྱ་མཚོ་ཨར་ལ་གཏད་པ་དང༌། ཉིན་མོའི་རྣལ་འབྱོར་འོད་གསལ་མཆོག་ཏུ་གསང་བའོ། །དང་པོ་ལ་གཉིས་ལས། ཨར་ལ་གཏད་པ་ནི། མུན་ཁང་གཉིས་རིམ་པའམ། སུམ་རིམ་པ་སྣང་བའི་གསེང་ཅུང་ཟད་ཀྱང་མེད་པར་སྟན་བདེ་བ་ལ་འདུག་སྟེ། བླ་མའི་རྣལ་འབྱོར་བསྒོམ་པའི་རྗེས་ལ། དྲང་སྲོང་ཙོག་པུའི་པུས་མོའི་སྟེང་གཉིས་སུ་གྲུ་མོ་གཉིས་གྱེན་དུ་བསླངས་པའི་ལག་པ་གཡས་གཡོན་གྱི་མཐེབ་མཛུབ་རྣམས་ཀྱིས་མིག་གི་མཐའ་གཉིས་ནས་ཅུང་ཟད་བཙིར་བའམ། མིག་གི་འབྲས་བུའི་སྟེང་ནས་ཡས་ལྕྀབས་ཀྱི་པགས་པ་དང་བཅས་པ་ཆིལ་གྱིས་དལ་བུས་མནན་པས། དང་པོ་ཡེ་ཤེས་ཀྱི་སྣང་བ་དམར་སེར་རམ་ལྗང་སྔོན་ནམ། དཀར་སེར་དུ་ཤར་བ་མཉམ་པའི་ནང་ན་འོད་དང་ཐིག་ལེ་དང་རི་མོའི་རྣམ་པ་ཝལ་གྱིས་ཡོད་པ་སྙམ་པ་དང༌། འོད་སྐྱ་ཙེམ་ཙེམ། དཀར་ཕྲོ་ཕྲོ་བ་དང༌། འཇའ་ཚོན་ལྟ་བུ་དང༌། སྤྲིན་ལྟ་བུ་དང༌། མིག་ལྟ་བུས་རྣམ་པར་ལམ་ལམ་བྱུང་དུས། ལག་པ་ཕྱིས་ཀྱིས་བཏང་ལ་བལྟས་པས་འོད་སྣང་དཀར་པོ་དང༌། སེར་པོ་དང༌། དམར་པོ་དང༌། ལྗང་གུ་དང༌། ཟ་འོག་རིས་དང༌། སྐྱ་ཕྲོམ་ཕྲོམ་པ་དང༌། སྐུད་པ་བརྐྱང་པ་ལྟ་བུ་དང༌། དྲ་མིག་རིས་དང༌། འཇའ་ཚོན་དང༌། རྨ་བྱའི་མདོངས་ལྟ་བུ་དག་འཆར་རོ། །དེ་དག་ལ་བལྟས་ནས་སྣང་བ་དེ་མ་ཡལ་གྱི་བར་ལ་བསྒོམ་མོ། །ཡལ་བ་དང་དབུགས་ཐུབ་ཐང་གཟུང་ལ་སྔ་མ་བཞིན་མནན་པས་ཤར་བ་ལ་བལྟ་ཞིང་བསྒོམ་པར་བྱའོ། །དེ་ལྟར་རྩོལ་བས་ཡང་དང་ཡང་དུ་མ་བརྟན་གྱི་བར་དུ་ཉམས་སུ་བླངས་པས། ཞག་ལྔའམ་བདུན་ན། མཐེབ་མཛུབ་ཀྱི་རྩོལ་བ་བཞག་ཀྱང༌། ངང་སྣང་བ་ནི་ཨར་ལ་གཏད་པ་འབྱོངས་པའི་ཚད་དོ། །དེ་ནས་རྒྱ་མཚོ་དྭངས་སུ་གཞུག་པ་ནི། རྡོ་རྗེ་སྐྱིལ་ཀྲུང་རྣམ་སྣང་གི་ཆོས་བདུན་ལྟར་བྱས་ལ། མིག་གིས་གཟིགས་སྟངས་མཐུར་དུ་བལྟ་བ་ལ་ཞག་བདུན། ཐད་དྲང་ལ་བལྟ་བ་ལ་ཞག་བདུན། གྱེན་དུ་བལྟ་བ་ལ་ཞག་བདུན་དུ་བྱས་པས། སྔོན་བས་འོད་སྣང་དེ་དག་གསལ་ཞིང་རྒྱ་ཆེ་བ་འཆར་ཞིང༌། ཐིག་ལེའི་ནང་དུ་འགྲོ་དྲུག་གི་གཟུགས་དང༌། སངས་རྒྱས་དང་བྱང་ཆུབ་སེམས་དཔའ་དང༌། ཉན་ཐོས་དང་རང་སངས་རྒྱས་ལ་སོགས་པའི་སྐུ་མང་པོ་སྣང་བ་དང༌། སེམས་ཅན་རྣམ་པ་སྣ་ཚོགས་པའི་གཟུགས་དང༌། ལྷའི་གནས་ལ་སོགས་པ་དང༌། འཇའ་འོད་ཀྱི་བར་དང་མཚམས་སུ་ལྷའི་སྐུ་ཆེ་བ་དང་ཆུང་བ་དང༌། བར་མ་སྣ་ཚོགས་སུ་འཆར་བར་མཐོང་བར་འགྱུར་རོ། །དེ་ནས་སྣང་བ་ཐམས་ཅད་དྭངས་ལ་འོད་གསལ་བ། ཆེས་ཕྲ་ལ། འགུལ་འཁྲིགས་ཇེ་དལ་དུ་སོང་བ་ན། ལུས་ངག་ཡིད་གསུམ་ལ་བདེ་གསལ་མི་རྟོག་པའི་ཏིང་ངེ་འཛིན་དུ་བློ་གནས་པ་ངང་གིས་འཆར་ཏེ། །དེ་ཡང་ལུས་མི་འགུལ་བས་རྩ་མི་འགུལ། དེས་རླུང་མི་འགུལ་བས་རྟོག་པ་གཞི་ཐིམ་ལ་གྲོལ་ནས། སྐྱེ་མེད་བསམ་འདས་ཆེན་པོའི་ངང་ལ་གནས་པ་ནི་རྟེན་འབྲེལ་གྱི་ཆེ་བའོ། །དེ་དག་གི་ངོ་བོ་སྣང་ལ་རང་བཞིན་མེད་པའི་ཆོས་ཉིད་སྟོང་པའི་གཟུགས་བརྙན་རང་སྣང་བས་ན། དེའི་ངང་ལས་མི་གཡོ་བ་ནི། སྐུ་དང་ཡེ་ཤེས་འདུ་འབྲལ་མེད་པའི་དགོངས་པའོ། །དེ་ལྟར་ཞག་ཉི་ཤུ་རྩ་བརྒྱད་དུ་བསྒོམ་པ་ནི་མུན་ཁྲིད་ངོ་སྤྲོད་པ་སྟེ། ཕྱིས་ནི་ཉིན་མཚན་མ་འདྲེས་ཀྱི་བར་ཅི་འགྲུབ་ཏུ་བསྒོམ་པ་ལ་བསླབ་པར་བྱའོ། ། དོན་གཉིས་པ། ཉིན་མོའི་རྣལ་འབྱོར་འོད་གསལ་མཆོག་ཏུ་གསང་བ་ནི། དྲང་སྲོང་ངམ་རྡོ་རྗེ་སྐྱིལ་ཀྲུང་གིས་འདུག་ལ། ལུས་མི་འགུལ། རླུང་དལ་བ། རིག་པ་མིག་ལས་མ་ཡེངས་པར། ཉི་མའི་ངོས་ལ་གཏད་དེ། མཐོང་བ་བརྒྱུད་པ་བཞིན། ག་གའི་ཐིགས་པ་འཛམ་བུའི་པྲྀ་ཤའི་ཡལ་ག་ལ་དཔྱངས་པའི་དབུས་སུ་དྲིལ་ནས་བལྟས་པས། སྐུ་དང་ཡེ་ཤེས་ཀྱི་སྣང་བ་སྟཽན་པས་གསལ་ཞིང་དྭངས་ལ་མི་གཡོ་བ་ཟ་འོག་གྀ་བེར་ཁྱིམ་ལྟ་བུའི་ནང་དུ། རྡོ་རྗེ་ལུ་གུ་རྒྱུད་ཐིག་ལེ་ཐིག་ཕྲན་དང་བཅས་པ་འཆར་རོ། །དེ་ཉིད་ལ་ཉམས་སུ་བླང་ཞིང་དང་པོ་སྨིན་མཚམས་སུ་བལྟས་པས། དེ་ནས་སྣ་རྩེ་ནས་ཇེ་རིང་དུ་མཆེད་དེ། རྒྱང་རིང་པོའི་བར་དུ་སྣང་བ་ནས་ཕྱོགས་ཐམས་ཅད་དུ་ཁྲིད་ལ་བལྟས་པས། ཉི་མའི་རྐྱེན་ལ་མི་ལྟོས་པར་རྟག་ཏུ་སྣང་བ་དེ་འདྲ་བས། གང་དུ་བལྟས་པ་ཐམས་ཅད་ལ་ཁྱབ་པར་འཆར་རོ། །དེ་ཉིད་ལ་གཏད་དེ་ཉམས་སུ་བླངས་པས་སྣང་བ་བཞི་ཚད་དུ་ཕྱིན་ཏེ་གདོད་མའི་དབྱིངས་སུ་བརྩོན་འགྲུས་རབ་རྣམས་ཚེ་འདི་ཉིད་དུ་གྲོལ་ལ། འབྲིང་རྣམས་བར་དོའི་རང་སྣང་ལ་བརྟན་པ་ཐོབ་ཅིང༌། ཐ་མ་ཡང་རང་བཞིན་སྤྲུལ་སྐུའི་ཞིང་དུ་བར་དོ་མེད་པར་སངས་རྒྱ་བ་ནི་མངོན་སུམ་སྙིང་ཏིག་གི་གནད་ཀྱི་ཆེ་བ་ཡང་དག་པ་ཡིན་ནོ། །དེ་ལྟར་འོད་གསལ་གནད་ཀྱི་མན་ངག་མཆོག །གཅིག་ནས་གཅིག་བརྒྱུད་བསྟན་པར་ཕངས་ན་ཡང༌། །ཕྱི་རབས་སྐལ་ལྡན་དོན་དུ་བཀོད་པ་ཡིས། །འགྲོ་ཀུན་འོད་ལུས་ཚེ་འདིར་འགྲུབ་པར་ཤོག །གངས་རི་ཐོད་དཀར་མགུལ་ན་རབ་གསལ་བ། ། ཀློང་ཆེན་རབ་འབྱམས་བཟང་པོའི་ཉི་ཟེར་གྱིས། །སྐལ་བཟང་བློ་ཡི་པདྨོ་རྒྱས་བྱེད་ཅིང༌། །ཐར་གླིང་མ་ལུས་རྒྱུན་དུ་སྣང་བྱེད་ཡིན། །གསང་བ་སྙིང་ཏིག་གི་གདམས་པ་ལས། ཉིན་མཚན་འོད་གསལ་གྱི་འཁོར་ལོ་ཞེས་བྱ་བ། ཐེག་པ་མཆོག་གི་རྣལ་འབྱོར་པ་ཀློང་ཆེན་རབ་འབྱམས་ཀྱིས་བཀོད་པ་རྫོགས་སོ། ། དགེའོ། །དགེའོ། །དགེའོ།། །།

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept: in this e-text they enclose the small-print notes of the print.

Part of the Longchenpa Collected Works (about this project).