རྟ་མགྲིན་ཡབ་ཡུམ་གྱི་ལུས་དཀྱིལ

From Rangjung Yeshe Wiki Texts
Revision as of 07:00, 21 November 2026 by Eric (talk | contribs) (Longchenpa Project: generated page (21 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-06-CHA-013
Jump to navigation Jump to search

བཏགས་གྲོལ་ཕྲན་དྲུག་གི་ཏི་ཀ klong chen rab 'byams kyi gsung 'bum (pe cin 2009)· Volume 6(CHA) ཌཱཀྐིའི་རྐྱང་སྒྲུབ

Title རྟ་མགྲིན་ཡབ་ཡུམ་གྱི་ལུས་དཀྱིལ
Wylie rta mgrin yab yum gyi lus dkyil


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 6(CHA), text 13, pages 110–111 (BDRC scan pages)
Section snying thig ya bzhi › mkha' 'gro snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.2.2.15
Citation Klong chen rab 'byams pa. rta mgrin yab yum gyi lus dkyil. In Kun mkhyen klong chen rab 'byams kyi gsung 'bum, vol. 6, pp. 110–111. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །རྟ་མགྲིན་ཡབ་ཡུམ་གྱི་ལུས་དཀྱིལ་བཞུགས་སོ༔

« པད་མ་དབང་གི་སྐུ་ལ་ཕྱག་འཚལ་ལོ༔ ཐུགས་དམ་རྟ་ཕག་ལུས་དཀྱིལ་འདི༔ སྒྲུབ་ཐབས་གསོལ་འདེབས་བསྟོད་པ་ཕྱོགས་གཅིག་བསྟན༔ རིག་རྩལ་ངར་དང་ལྡན་པས་འདི་ལྟར་བསྒོམ༔ ཨོཾ་མི་གནས་མི་དམིགས་ཆོས་སྐུ་དེ་བཞིན་ཉིད༔ ཨཱཿཀུན་སྣང་ཀུན་ཁྱབ་འགྲོ་ལ་སྙིང་རྗེ་བསྒོམ༔ ཧཱུྃ་སྟོང་ཉིད་སྙིང་རྗེ་དབྱེར་མེད་འཕྲིན་ལས་ཀྱིས༔ ཧྲཱིཿཐབས་ཤེས་ཉི་ཟླ་རྟོག་མེད་བམ་གྱི་སྟེང་༔ སྐད་ཅིག་རང་རིག་རྟ་མགྲིན་དབང་གི་རྒྱལ༔ པད་མ་རཱ་གའི་མདོག་ལྟར་སྐུ་མདོག་དམར༔ ཞལ་གཅིག་ཕྱག་གཉིས་ཞབས་གཉིས་བརྐྱང་བསྐུམ་བསྐྲད༔ རལ་པ་ཁམ་ནག་གྱེན་བརྫེས་སྤྱི་བོའི་གཙུག༔ རྟ་མགོ་ལྗང་ཞུར་རྔོག་མ་ལེབ་རྒན་འབར༔ དྲག་པོའི་རྟ་སྐད་ཁམས་གསུམ་དབང་དུ་སྡུད༔ སྤྱན་བགྲད་ལྗགས་འདྲིལ་མཆེ་གཙིགས་ཧཱུྃ་སྒྲ་སྒྲོགས༔ གྲི་གུག་ཐོད་ཁྲག་ཁ་ཊྭཱཾ་ཕྱག་ན་བསྣམས༔ འགྱིང་ཞིང་བརྗིད་ལྡན་སྐུ་ཆེ་ཡན་ལག་རགས༔ དཔལ་གྱི་དུར་ཁྲོད་ཆས་བརྒྱད་སྐུ་ལ་རྫོགས༔ འཇིགས་བྱེད་གཏུམ་དྲག་དབང་གི་ཆ་ལུགས་ཅན༔ སྣ་ཚོགས་ཐབས་ལྡན་འབར་བའི་གར་དགུར་རོལ༔ གཡོན་ན་རྡོ་རྗེ་ཕག་མོ་བདེ་གཤེགས་ཡུམ༔ སྐུ་མདོག་དམར་མོ་བསྐལ་པའི་མེ་ལྟར་འབར༔ ཞལ་གཅིག་ཕྱག་གཉིས་ཞབས་གཉིས་ཡབ་ལ་འཁྲིལ༔ སྤྱི་གཙུག་ཕག་ཞལ་མཐིང་ཁ་ངུར་སྒྲ་སྒྲོགས༔ གཅེར་བུ་སྤྱན་གསུམ་མཆེ་གཙིགས་དབུ་སྐྲ་གྲོལ༔ བཅུ་དྲུག་ལང་ཚོ་བྷ་ག་ནུ་མ་རྒྱས༔ ཕྱག་གཡས་གྲི་གུག་ཡབ་ཀྱི་མགུལ་ནས་འཁྱུད༔ གཡོན་པས་དུང་དམར་སྟོབ་ཅིང་ཁ་ཊྭཱཾ་བསྣམས༔ རུས་རྒྱན་མེ་ལོང་དྲིལ་བུའི་རྒྱན་ཆ་འཁྲོལ༔ འོད་ཟེར་རྡོ་རྗེའི་ཚ་ཚ་སྐར་ལྟར་འཁྲུགས༔ ཡེ་ཤེས་མེ་འབར་རྡོ་རྗེའི་གུར་ཁང་བཞུགས༔ དེ་ཉིད་སྤྱི་གཙུག་ཉི་ཟླ་པད་མའི་སྟེང་༔ བླ་མ་ཀུན་བཟང་ཆེ་མཆོག་ཧེ་རུ་ཀ༔ རྡོ་རྗེ་དྲིལ་འཛིན་གཉིས་མེད་ཡུམ་དང་སྦྱོར༔ ཀུན་ཏུ་བཟང་པོ་ཁྲོ་མོ་གནམ་ཞལ་མ༔ རྡོ་རྗེ་ཐོད་ཁྲག་བསྣམས་ནས་ཡབ་དང་འཁྲིལ༔ གཅེར་བུ་གཟི་མདངས་བདེ་བས་གང་བའི་སྐུ༔ ནམ་མཁའི་མདོག་ཅན་སྒེག་ཞལ་མཉེན་ལྕུགས་ལྡན༔ གསལ་འཚེར་ལྷུན་སྡུག་གཟི་བརྗིད་འོད་ཟེར་འཕྲོ༔ རིན་ཆེན་རུས་རྒྱན་ཅོད་པན་དུ་མས་མཛེས༔ ཙིཏྟའི་ནང་ན་ཞི་བ་བཞི་བཅུ་གཉིས༔ དུང་ཁང་ནང་ན་འབར་བ་ལྔ་བཅུ་བརྒྱད༔ བདག་ཉིད་ལུས་ལ་ཌཱཀྐི་ཡབ་ཡུམ་ལྔ༔ གྲངས་ཅན་གྲངས་མེད་གཙོ་འཁོར་ཚུལ་དུ་གསལ༔ ཡེ་ནས་རང་ཡིན་འཛིན་མེད་རང་གསལ་གདབ༔ བླ་མ་རང་རིག་རང་གསལ་ཀུན་ཏུ་བཟང་༔ བདེ་ཆེན་རྣམ་དག་སྤྲོས་བྲལ་ཀུན་བཟང་མོ༔ སྐྱེ་འགག་འགྱུར་མེད་མཉམ་ཉིད་ཆོས་ཀྱི་སྐུ༔ འགྱུར་མེད་ཐག་ཆོད་དཔའ་བོ་ཤེས་རབ་མ༔ རང་བྱུང་རང་ཤར་ཅིང་ཡང་སྟོན་ཅིང་སྤྲུལ༔ ལྷུན་གྲུབ་འདུ་འབྲལ་མེད་པ་ཨ་ལ་ལ༔ སྣང་སྲིད་རྣམ་དག་དེ་ལ་རང་ལུས་རྫོགས༔ ཡེ་ཤེས་སྐུ་མཆོག་དེ་ལ་ཕྱག་འཚལ་ལོ༔ ཨོཾ་ཨཱཿཧཱུྃ་ཨོཾ་ཨཱཿཧཱུྃ་ཏྲཱཾ་ཧྲཱིཿཨཱ༔ ཨེ་ཡཾ་རཾ་བཾ་ལཾ༔ ཧྲཱི་མ་ཧ་རི་ནི་ས༔ ར་ཙ་ཧྲཱི་ཡ༔ ཙིཏྟ་ཧྲིང་ཧྲིང་ཛ་ཛཿ» «སྐལ་ལྡན་སྙིང་གི་བུ་དང་འཕྲད་པར་ཤོག༔ ས་མ་ཡ༔ རྒྱ་རྒྱ་རྒྱ༔ »༔«རྟ་མགྲིན་ཡབ་ཡུམ་གྱི་ལུས་དཀྱིལ།

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 3 Word page fields. The «» marks are kept: in this e-text they enclose the small-print notes of the print.

Part of the Longchenpa Collected Works (about this project).