Ngb-pt-0590-vol-06-text

From Rangjung Yeshe Wiki Texts
Revision as of 11:43, 20 March 2020 by Move page script (talk | contribs) (Move page script moved page /home/ec2-user/Ngb/PT-500-599/ngb-pt-0590-text.docx.wiki to Ngb-pt-0590-vol-06-text)
(diff) ← Older revision | Latest revision (diff) | Newer revision → (diff)
Jump to navigation Jump to search

Front

Body

སྣང་བ་བཀོད་པའི་ཞིང་ཁམས་ན། །མ་བཀོད་རིགས་པའི་རང་སྣང་སྐུ་ལ་ཕྱག་འཚལ་ལོ། །དེ་ནས་ལོ་ནི་སུམ་བརྒྱ་ཉེར་ལྔ་ན། །པྱ༷ར་གྱི་མེ་ཏོག་པད་གླིང་ལ། །འཇམ་དཔལ་དཔལ་བཟངས་རྫུས་ཏེ་འཁྲུངས། །རྫོགས་ཆེན་འབུམ་ཕྲག་དྲུག་ཅུ་བཞི། ཁྱད་པར་ཡང་ཏིག་སྲོག་ཏིག་རྣམས། །ཨུ་རྒྱན་པདྨ་ཉིད་ལ་གཏད། །དུར་ཁྲོད་འཇག་མའི་གླིང་གོང་དུ། །ཕུང་པོ་ལྷག་མེད་རང་ཡལ་ལོ། །པདྨས་གདུང་བའི་སྨྲེ་སྔགས་རྡུངས། །འོད་ཀྱིས་ནང་ནས་འདི་སྐད་ཤར། །ཀྱེ་མ་ཀྱེ་མ་རིགས་ལྡན་ཉོན། །གསང་སྔགས་ཨ་ཏི་འདི་ལྟར་སྤྱོད། །ཞལ་ཆེམས་བཞག་ཐབས་བཞི་ལ་ཉོན། །ལུས་འདི་བཞུགས་སྟངས་གསུམ་ལ་གཞག །ངག་བསླབ་གནས་དང་ལ་ཟླའོ། །ཡིད་ནི་གཟེག་བྲལ་ངང་བཞག་གདུང་བའོ། །ནང་དབྱིངས་རྒྱང་ཞགས་ལམ་ལ་བཞག །ཕྱི་དབྱིངས་ལུ་གུ་རྒྱུད་ལ་བཞག །གཉིས་པོ་དྲིལ་ལ་ཐིག་ལེར་བཞག །ཐིག་ལེ་དམིགས་གཏད་བྲལ་བར་བཞག །གཉིས་པའོ། །སྐྱེས་གནས་བར་དོར་ཅིག་ཆོད་བཞག །ཆོས་ཉིད་བར་དོར་རང་སྣང་བཞག །སྲིད་པ་བར་དོར་རང་ལོག་གཞག །གཞག་ཐབས་བཞི་པ་རྫོགས་སོ།། །།གསང་སྔགས་གསང་བའི་ཡང་གནད་རྣམས། །བཞག་ཚིགས་འདི་ལས་མ་འདུས་མེད། །ཉམས་སུ་ལོང་ཞིག་ཕྱི་རབས་རྣམས། །ལྔ་ལྡན་བུ་ལ་འདི་གཏོད་ཅིག །པྱ་མྱ་ཡ། རྒྱ་རྒྱ་རྒྱ། གཏེར་རྒྱ། སྦས་རྒྱ། ཟབ་རྒྱ།། །།