རྫོགས་རིམ

From Rangjung Yeshe Wiki Texts
Revision as of 21:16, 21 November 2026 by Eric (talk | contribs) (Longchenpa Project: Tibetan in the wiki's TibetanMachineUni font; «…» notes in small print (22 November 2026))

LONGCHENPA-PECIN-08-NYA-006
Jump to navigation Jump to search

མཁའ་འགྲོ་བདེ་ཆེན་རྒྱ་མཚོ klong chen rab 'byams kyi gsung 'bum (pe cin 2009)· Volume 8(NYA) རླུང་དྲུག་རྡོ་རྗེའི་ཆིངས

Title རྫོགས་རིམ
Wylie rdzogs rim
Catalogue title rdzogs rim ye shes 'khor lo (BDRC outline)
Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 8(NYA), text 6, pages 68–70 (BDRC scan pages)
Section snying thig ya bzhi › mkha' 'gro yang tig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.3.3.08
Citation Klong chen rab 'byams pa. rdzogs rim ye shes 'khor lo. In Kun mkhyen klong chen rab 'byams kyi gsung 'bum, vol. 8, pp. 68–70. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །རྫོགས་རིམ་བཞུགས༔

« མཁའ་འགྲོ་བདེ་ཆེན་རྒྱ་མཚོ་ལས༔ རྫོགས་རིམ་ཡེ་ཤེས་འཁོར་ལོ་བཤད༔ དེ་ཡང་ཡེ་ཤེས་སེམས་གཉིས་ལས༔ ལྔ་ལྡན་འོད་ཀྱི་རིམ་པ་ནི༔ བདེ་བའི་སྟན་ལ་འདུག་ནས་ཀྱང་༔ སངས་རྒྱས་མཁའ་འགྲོའི་ཞིང་ཁམས་སུ༔ རྡོ་རྗེ་མཁའ་འགྲོའི་མེ་ལོང་ལ༔ པདྨ་མཁའ་འགྲོའི་སྒོ་ཕྱེ་སྟེ༔ སྒོ་ལ་ལས་ཀྱི་མཁའ་འགྲོ་བྱོན༔ རིན་ཆེན་མཁའ་འགྲོ་མཁའ་ལ་སྣང་༔ མི་འགུལ་མི་བསམ་མི་ཡེངས་པར༔ ཡེ་ཤེས་ཉིད་ལས་འབྲལ་མི་བྱ༔ ཚེ་འདི་ཉིད་ལ་རྫོགས་སངས་རྒྱས༔ སེམས་ཀྱི་རྫོགས་རིམ་རྣམ་གསུམ་ལས༔ བདེ་བ་ཉིད་ནི་བསྒོམ་འདོད་ན༔ འཁོར་ལོ་ལྔ་ཡི་དབུས་དག་ན༔ རྩ་གསུམ་སྦུག་མ་སྟོང་པ་ལ༔ ཡར་སྣ་ཚང་བུག་ཡི་གེ་ཧཾ༔ མར་སྣ་གསང་གནས་ཡི་གེ་ཨ༔ ལྟེ་བར་རཾ་ལས་མེ་འབར་བས༔ ཧཾ་ལས་བྱང་སེམས་འོ་རྒྱུན་བབ༔ གསང་གནས་བར་དུ་ཁྱབ་པ་ལ༔ ཨ་དང་འདྲེས་པས་བདེ་སྟོང་སྐྱེས༔ སླར་བཟློག་ཧཱུྃ་རིང་བཞི་བརྗོད་ནས༔ ནི་ནྲྀ་ཧིང་ནི་ཉེར་གཅིག་གིས༔ སྒལ་ཚིགས་དྲངས་ལ་དགྲམ་པར་བྱ༔ དེ་ཉིད་འབྱངས་ནས་བཙུན་མོ་དང་༔ མཉམ་དུ་སྦྱར་བས་བདེ་སྟོང་སྒོམ༔ མི་རྟོག་ཀ་དག་ངང་ལ་གཞག༔ གཉིས་པ་གསལ་སྟོང་ཡེ་ཤེས་ནི༔ གང་ཤར་རིག་པ་ངོས་བཟུང་ལ༔ མི་དགག་མི་སྒྲུབ་རང་སར་བཞག༔ ཁྱད་པར་རྩ་གསུམ་གསལ་བཏབ་ལ༔ བུམ་པ་ཅན་དུ་བསྐྱིལ་བ་དང་༔ སེངྒེ་རྣམ་གྲོལ་འཆིང་བ་དང་༔ ཆུ་སྲིན་ཅན་དུ་མཉམ་པར་གནས༔ དང་པོར་རླུང་རོ་ཕུད་ནས་ཀྱང་༔ ལྟེ་འོག་ཨ་ལ་སེམས་བཟུང་ལ༔ འོག་རླུང་གཙོ་བོར་བསྐྱིལ་བ་ཡིན༔ གཉིས་པ་སྟེང་རླུང་འཆིང་བ་སྟེ༔ སྙིང་ཀའི་ཧ་རི་ནི་ས་ལ༔ སེམས་བཟུང་གཙོ་བོར་སྟེང་རླུང་མནན༔ གསུམ་པ་བར་རླུང་སྦྱང་བ་སྟེ༔ མཉམ་གནས་གང་ལའང་མི་རྟོག་པས༔ འགྲོ་འོང་རབ་ཏུ་དལ་བ་ཡིན༔ དེ་དུས་གསལ་ལ་མི་རྟོག་པའི༔ ཡེ་ཤེས་དོན་དེ་ངོས་བཟུང་ལ༔ ཡུན་དུ་བསྒོམ་པ་རབ་ཏུ་གཅེས༔ ལུས་གཅུན་འཁྲུལ་འཁོར་སྣ་ཚོགས་བྱ༔ གཡོན་དང་མཉམ་རྒྱུའི་རླུང་དང་ནི༔ དད་དང་ངེས་འབྱུང་སྐྱེས་ཚེ་གཟུང་༔ ཆགས་སོགས་ཉོན་མོངས་སྐྱེས་ཚེ་འབུད༔ ནང་དུ་མི་གཟུང་དྲག་ཏུ་འདོན༔ དེས་ནི་གསལ་སྟོང་ཆོས་སྐུ་སྐྱེ༔ གསུམ་པ་མི་རྟོག་ཡེ་ཤེས་ནི༔ ལུས་བསྲང་ཨེ་ཡི་འདུག་སྟངས་ཀྱིས༔ སྟེང་འོག་རླུང་སྦྱར་མིག་མི་འགུལ༔ བར་སྣང་མདའ་གང་ཚད་དུ་གཏད༔ གང་ཡང་མི་སེམས་མི་རྟོག་ཅིང་༔ མ་བཅོས་མ་བསླད་འགྱུར་བ་མེད༔ ཇི་ལྟར་ནམ་མཁའ་དག་པ་བཞིན༔ མི་རྟོག་མཐའ་དབུས་མེད་པར་བཞག༔ འཕྲོ་ན་འཕྲོ་མཁན་རང་གི་སེམས༔ ཁ་དོག་དབྱིབས་བྲལ་ངོས་གཟུང་མེད༔ གནས་ན་གནས་མཁན་རང་གི་སེམས༔ ཡེ་གྲོལ་གདོད་མའི་གནས་ལུགས་ཉིད༔ བླང་དོར་རེ་དོགས་རྩིས་གདབ་མེད༔ ཡེ་སྟོང་རྩ་བྲལ་ཆེན་པོར་གཞག༔ རྗེས་ལ་ཕྱི་ནང་སྣང་སྲིད་ཀུན༔ རང་སྣང་ཡིན་ཏེ་རྨི་ལམ་འདྲ༔ སྣང་ལ་བདེན་མེད་ཆུ་ཟླ་འདྲ༔ རྟེན་འབྲེལ་ཙམ་སྟེ་སྒྱུ་མ་འདྲ༔ ཆགས་སྡང་རེ་དོགས་མེད་པར་བལྟ༔ ཉོན་མོངས་དུག་ལྔ་གང་སྐྱེས་ཀྱང་༔ རླབས་ཉིད་རྒྱ་མཚོར་ཐིམ་པ་ལྟར༔ རང་ཤར་ཆོས་སྐུའི་ལམ་ཁྱེར་བྱ༔ ཡོད་མེད་སྣང་སྟོང་བཏགས་པ་ཙམ༔ འཁོར་འདས་རང་སྣང་རྨི་ལམ་ཙམ༔ བླང་དོར་རེ་དོགས་བློས་བཏགས་ཙམ༔ དོན་ལ་གཉིས་མེད་ཆོས་སྐུར་སྦྱར༔ དེ་ལྟར་ཤེས་པའི་རྣལ་འབྱོར་ལ༔ ཐམས་ཅད་རྣམ་དག་བདེ་བའི་ཞིང་༔ ཨོ་རྒྱན་ཡེ་ཤེས་མཁའ་འགྲོའི་ཞིང་༔ ལོགས་ན་མེད་དེ་རང་ལ་ཚང་༔ མཁའ་འགྲོ་སྤྲིན་བཞིན་ངང་གིས་འདུ༔ མཆོག་དང་ཐུན་མོང་དངོས་གྲུབ་ཐོབ༔ བདག་འདྲ་དྲི་མེད་འོད་ཟེར་གྱ»ི«ས༔ མཁའ་འགྲོའི་གནད་ཡིག་གསང་བ་འདི༔ གངས་རི་ཐོད་དཀར་མགུལ་དུ་བཀོད༔ ཨྠིྀ༔ རྒྱ་རྒྱ་རྒྱཿཀློང་ཆེན་བཀའ་འབུམ། ༼༨༽རྫོགས་རིམ།

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).