རིག་པའི་གནད་དོན་ལྟ་བ་ཞེས་བྱ

From Rangjung Yeshe Wiki Texts
Revision as of 21:16, 21 November 2026 by Eric (talk | contribs) (Longchenpa Project: Tibetan in the wiki's TibetanMachineUni font; «…» notes in small print (22 November 2026))
(diff) ← Older revision | Latest revision (diff) | Newer revision → (diff)

LONGCHENPA-PECIN-03-GA-015
Jump to navigation Jump to search

བདུད་རྩི་སྙིང་གི་ཐིགས་པ་ཞེས་བྱ་བ klong chen rab 'byams kyi gsung 'bum (pe cin 2009)· Volume 3(GA) ཐོད་རྒལ་གྱི་བོགས་འདོན་ཨར་གཏད་ཀྱི་གདམས་པ་སྙིང་གི་ཡང་ཞུན་ཞེས་བྱ་བ

Title རིག་པའི་གནད་དོན་ལྟ་བ་ཞེས་བྱ
Wylie rig pa'i gnad don lta ba zhes bya
Catalogue title rig pa'i gnad don lta ba (BDRC outline)
Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 3(GA), text 15, pages 273–275 (BDRC scan pages)
Section snying thig ya bzhi › bi ma snying thig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.1.3.17
Citation Klong chen rab 'byams pa. rig pa'i gnad don lta ba. In Kun mkhyen klong chen rab 'byams kyi gsung 'bum, vol. 3, pp. 273–275. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །རིག་པའི་གནད་དོན་ལྟ་བ་ཞེས་བྱ་བཞུགས་སོ། །«མན་ངག་བརྒྱ་བཅུ་བཞིའི་ནང་ཚན།

« བཅོམ་ལྡན་འདས་རང་སྣང་ཡེ་ཤེས་རྫོགས་ལ་ཕྱག་འཚལ་ལོ། །འཇིག་རྟེན་རྣམས་ཀྱིས་བཅིངས་པའི་ཆོས་ལས་གྲོལ། །གང་ལའང་ཆགས་པ་ཞེན་པ་རབ་གཅད་པའི། །སྙིང་པོ་ངེས་པའི་གསང་ཆེན་བཅུད་དུ་དྲིལ། །ཐོགས་མེད་ལམ་དུ་འཇུག་པའི་གནད་བསྡུས་པ། །ཡང་དག་སྙིང་པོ་དཔལ་ལྡན་བླ་མའི་གསུང༌། །ཆགས་བྲལ་དྲི་མ་དག་པའི་ནམ་མཁའ་ལ། །སྣ་ཚོགས་མ་ཕྱེ་སོ་སོར་གསལ་བ་ཡི། །ཡེ་ཤེས་ལྔ་ལ་བསྟན་པའི་སྣང་བ་ཉིད། །གང་ཞིག་སྐལ་ལྡན་སྙིང་པོའི་དོན་རྙེད་པའི། །དབང་པོ་ལྔ་ཡི་ཞེན་པ་རང་ལོག་པའི། །ཞེན་པ་བཞི་བྲལ་ཚད་དང་ལྡན་པའི་དབང་པོ་ཡིས། །རང་དག་སྣ་ཚོགས་སྣང་བའི་སྒོ་ཕྱེ་ལ། །ཆགས་དང་ཞེན་པ་མེད་པའི་གནད་གཅུན་ལ། །འདི་ལྟར་ངེས་པའི་དོན་ལ་བལྟ་བར་བྱ། །འདི་ལྟར་ཉམས་སུ་ལེན་པའི་སྐལ་ལྡན་རང་བཞིན་རྫོགས་པ་ཆེན་པོའི་དོན་ལ་ཐེ་ཚོམ་མེད་པས་ཐི་བྱ་ཚང་དུ་འཇུག་པ་དང་འདྲ་བའི་བློ་གྲོས་ཅན་རྣམས་ཀྱིས། ཐོག་མར་ཐབས་སྣ་ཚོགས་ཀྱིས་བླ་མ་མཉེས་པར་བྱས་ལ། འཇིག་རྟེན་འཁྲུལ་པའི་བྱ་བ་ཐམས་ཅད་སྤངས་ལ། ཡུལ་རྐྱེན་དང་བྲལ་བའི་དགོན་པར། བླ་མའི་མན་ངག་རྩོལ་བས་འདི་ཉིད་ལ་ཡང་ནས་ཡང་དུ་ནན་ཏན་དུ་བསྒྲུབ་པར་བྱའོ། །དེ་ལྟ་བུ་ལ་ནི་རང་བཞིན་དག་པའི་སྣང་བ་སྣ་ཚོགས་པར་རང་སྣང་ངེས་པ་ཡིན་ཏེ། དེའི་དུས་ན་འདི་དག་སྐྱེས་བུ་ཆེན་པོ་དེས་ངོ་ཤེས་པ་རབ་ཏུ་གལ་ཆེའོ། །ཡེ་ཤེས་ཕྱོགས་དག་གི་སྣང་བ་ནི། སྔོན་དུ་སྒྲོན་མ་ཨར་ལ་གཏད་པའི་སྟོབས་ཀྱིས་འོད་སྣ་ཚོགས་པའི་སྣང་བ་ནི། དཀར་པོ་དང༌། དམར་པོ་དང༌། སེར་པོ་དང༌། ལྗང་གུ་དང༌། མཐིང་ག་དག་གི་སྣང་བ་དང༌། དེ་ལྟར་ཡང་ཁ་དོག་མི་འདྲ་བ་ཉི་ཤུ་རྩ་ལྔ་དག་ཏུ་ཡང་སྣང་བར་བྱེད་དོ། །དབྱིབས་ནི་བདུད་རྩིའི་རྣམ་པ་དང༌། མཆོད་རྟེན་དང༌། པདྨ་དང༌། མིག་མངས་དང༌། མིག་ཚགས་དང༌། ཟ་འོག་གུར་ཁྱིམ་དང༌། རྒྱ་དང༌། ཁྲ་བོའི་རྣམ་པ་དང༌། དྲ་བ་དང༌། དྲ་བ་ཕྱེད་པའི་དབྱིབས་ལྟ་བུའོ། །སྣང་ལུགས་ནི་གྱེན་འགྲེང་དང༌། ཐུར་ཚུགས་དང༌། དུམ་བུ་དང༌། གྲུ་ཆད་དང༌། རྩིབས་ཤར་དང༌། མུ་ཁྱུད་ཀྱི་རང་བཞིན་དུའོ། །ཐིག་ལེའི་སྣང་བ་ནི། ཕྲ་བའི་ཐིག་ལེ་ཡུངས་འབྲུ་ལ་བཅུར་གཤགས་པའི་ཆ་ཙམ་དང༌། ཟླུམ་པ་དང༌། རབ་ཏུ་ཟླུམ་པ་དང༌། འཁྲིལ་བ་དང༌། རབ་ཏུ་འཁྲིལ་བ་དང། མུ་ཁྱུད་དང༌། མུ་ཁྱུད་ཀྱི་ར་བའི་དབྱིབས་སུ་སྣང་བའོ། །གྲངས་ནི་ཉིས་སྦྲེལ་དང༌། གསུམ་སྦྲེལ་དང༌། བརྒྱ་སྟོང་དང༌། བགྲང་དུ་མི་ལངས་པ་དག་ཏུའོ། །སྣང་ལུགས་ནི། ཁྲིགས་ཆགས་སུ་སྣང་བའོ། ཁ་འཐོར་དུ་སྣང་བ་དང༌། ཕན་ཚུན་དུ་སྣང་བ་དང༌། ཡན་ལག་ཏུ་སྣང་བ་དང༌། རེ་རེའི་དབུས་སུ་ཐིག་ལེ་ལྔ་ལྔ་ཆུད་པར་སྣང་བའོ། །སྐུ་སྣ་ཚོགས་པའི་སྣང་བ་ནི། རེ་རེ་རྐྱང་བ་དང༌། ཡབ་ཡུམ་གྱི་ཆ་དང༌། ལྔ་ལྔས་ཁྱབ་པ་དང༌། ཆུང་བ་དང༌། རགས་པ་དང༌། ཤིན་ཏུ་ཆུང་བ་དང༌། ཤིན་ཏུ་རགས་པའོ། །ཞི་བའི་སྐུ་དང་ཁྲོ་བོའི་སྐུ་སྣ་ཚོགས་སོ། །སྣང་བ་དེ་བསྡུས་ན་དག་པའི་སྣང་བ་དང༌། མ་དག་པའི་སྣང་བ་ཡིན་ཏེ། དག་པའི་གནས་ལུགས་མཐོང་བའི་ཚེ། དངོས་པོའི་འདུག་ཚུལ་གྱིས་རྟོག་པ་ཐམས་ཅད་རང་ཆོད་ནས། འབྲས་བུ་གཉིས་མེད་དུ་མཐོང་བ་ཡིན་ལ། མ་དག་པའི་སྣང་བ་མཐོང་བས་ཕྱིན་ཅི་ལོག་དང༌། མ་ལོག་པའི་མཚན་ཉིད་ཐམས་ཅད་རང་ཤེས་ ནས། རང་བཞིན་གྱི་གྲུབ་པའི་ཐམས་ཅད་ཇི་ལྟ་བ་བཞིན་དུ། མ་འཁྲུལ་བར་རྟོགས་ཤིང་ཁོང་དུ་ཆུད་པའོ། །དེ་ལྟར་སྣང་བ་གཉིས་ལ་མཁས་པས་ཆོས་ཐམས་ཅད་ཚིག་དང་ཡི་གེ་ལ་མཁས་ཡིན་ནོ། །དེ་ལྟར་ན་རང་གཞན་ཐམས་ཅད་ལ་མཁས་པས་གྲུབ་མཐའ་འཛིན་པའི་དཔའ་བོ་ཞེས་བྱ་བར་འགྱུར་རོ། །རིག་པའི་གནད་དོན་ལྟ་བ་ཞེས་བྱ་བ་སློབ་དཔོན་བྲམ་ཟེ་འཇམ་དཔལ་བཤེས་གཉེན་གྱིས་མཛད་པ། རྒྱ་གར་གྱི་མཁས་པ་བི་མ་ལའི་ཞལ་སྔ་ནས། བོད་ཀྱི་ལོ་ཙཱ་བ་དགེ་སློང་ཀ་བ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།ཨྠིྀ།།

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).