CyzKangsarComm

Title

༄༅། །ཆོས་དབྱིངས་རིན་པོ་ཆེའི་མཛོད་ཀྱི་འབྲུ་འགྲེལ་འོད་གསལ་ཐིག་ལེ་ཉག་གཅིག་ཅེས་བྱ་བའི་སྟོད་ཆ་བཞུགས་སོ། །

༄༅། །ཆོས་དབྱིངས་རིན་པོ་ཆེའི་མཛོད་ཀྱི་འབྲུ་འགྲེལ་འོད་གསལ་ཐིག་ལེ་ཉག་གཅིག་ཅེས་བྱ་བའི་སྨད་ཆ་བཞུགས་སོ། །

Forward

སྔོན་དུ་འགྲོ་བའི་གཏམ། དེའང་ ར་ བ་ གངས་ རི་ཅན་གྱི་ཡུལ་གྲུ་འདིར། རྒྱལ་ཀུན་གསུང་གི་དབང་ཕྱུག རྗེ་བཙུན་འཇམ་པའི་རྡོ་རྗེ་དེ་ཉིད། མངོན་སུམ་མིའི་ཤ་ཚུགས་སུ་བྱོན་པ། ཀུན་མཁྱེན་ ཆོས་ཀྱི་རྒྱལ་པོ་ཀློང་ཆེན་རབ་འབྱམས། རྗེ་ཙོང་ཁ་པ་བློ་བཟང་གྲགས་པ། འཇམ་ དབྱངས་ས་སྐྱ་པཎྚི་ཏ་ཀུན་དགའ་རྒྱལ་མཚན་གསུམ་ནི། གངས་ཅན་འཇམ་དབྱངས་ རྣམ་གསུམ་ཞེས་ཡོངས་ སུ་ གྲགས་སོ།། དེ་ལས་ཀྱང༌། ཀུན་མཁྱེན་ཀློང་ཆེན་པ་ནི་ ཟབ་མོ་ནང༌གི༌དེ༌ཉིད༌ལ༌རང་བྱན་ཆུད་ཅིང༌། རྒྱ་ཆེ་བ་པཎྚི་ཏའི་ལུགས་གླེགས་བམ་ མཛོད་ཆེན་བདུན་དང༌། ཟབ་པ་ཀུ་ སཱ་ལིའི་ལུགས་སྙིང་ཐིག་ཡ་བཞི། ཟབ་རྒྱས་ གཉིས་ཀྱི་དོན་ཚང་ལ་མ་ནོར་བར་བསྟན་པ་ངེས་དོན་ངལ་གསོ་སྐོར་གསུམ། རང་ གྲོལ་སྐོར་གསུམ། མུན་སེལ་སྐོར་གསུམ་སོགས་རྒྱལ་བ་རྡོ་རྗེ་འཆང་གི་བཀའ་དང་ གཉིས་སུ་མེད་པའི་ཆོས་སྐུའི་རིང་བསྲེལ་འདི། རང་རེ་ཕྱི་རབས་པ་རྣམས་ལ་གཅེས་ ནོར་དུ་བཞག ཁྱད་པར་དུ་མཛོད་ཆེན་བདུན་གྱི་ཡང་སྙིང་ཆོས་དབྱིངས་རིན་པོ་ཆེའི་ མཛོད་ནི། ཀུན་མཁྱེན་བླ་མའི་རྟོགས་པའི་འདྲ་འབག་ཡིན་པར་རྫོགས་ཆེན་དཔལ་ སྤྲུལ་རིན་པོ་ཆེེས་གསུངས་སོ། ། འདི་ལ་རང་འགྲེལ་ལུང་གི་གཏེར་མཛོད་བཞུགས་ ཀྱང༌། རྩ་བའི་ཚིག་ལ་རྫོགས་པ་ཆེན་པོའི་རྒྱུད་ཀྱི་ལུང་གིས་རྒྱབ་བརྟེན་མཛད་པ་ཙམ་ ལས། ཚིག་འགྲེལ་མཐར་ཆགས་སུ་མ་གནང་ཞིང༌། ཕྱིས་ཀྱི་མཁས་པ་སུས་ཀྱང་དེ་ ལྟར་མཛད་པར་མ་ཐོས་པས། ཀུན་མཁྱེན་ཀློང་ཆེན་པ་དང་ཞལ་མི་གཉིས་པའི་ཟབ་ གསང་རྫོགས་པ་ཆེན་པོའི་རྣལ་འབྱོཪ་བ་ ༧ དཔལ་རྟོགས་ལྡན་བློ་གྲོས་རྒྱ་མཚོ་ལྷུན་ 1 མཉམ་བྱ་བྲལ་རིན་པོ་ཆེ་མཆོག་གི་ཞལ་སྔ་ནས་ཀྱིས་བསྐུལ་མ་མཛད་པའི་ངོར། རྗེ་ བཙུན་བསྟན་པའི་དབང་ཕྱུག་ཉིད་ཀྱིས། རང་འགྲེལ་ལུང་གི་གཏེར་མཛོད་ལ་གཞི བཅོལ། བརྒྱུད་གསུམ་བླ་མའི་ཞལ་རྒྱུན་དང༌། ཁོང་གི་རྟོགས་པའི་ཉམས་མྱོང་གིས་ ཟུར་བརྒྱན་ཏེ། ཆོས་དབྱིངས་རིན་པོ་ཆེའི་མཛོད་ཀྱི་འགྲེལ་བ་འོད་གསལ་ཐིག་ལེ་ཉག་ གཅིག ཅེས་པ་འདི་ཉིད་རྩོམ་པ་རབ་ཀྱི་ལུགས་སྲོལ་བཟུང་སྟེ། ཟབ་ཅིང་རྒྱུ་ཆེ་བའི་ དོན་གསལ་ཞིང་གོ་བདེ་བའི་ཚིག་གིས་རྣམ་པར་བཀྲལ། ཤིན་ཏུ་གསང་བའི་དཀའ་ གནད་རྣམས་འགྲེལ་བའི་ཚེ། གསང་ཆེན་སྔགས་ཀྱི་སྲུང་མ་སོགས་ལ་ བཀའ་ འདྲི་ བྱས་ཤིང༌། དེ་དག་གིས་ཀྱང་དངོས་ཉམས་རྨི་ལམ་གྱི་སྣང་བར། རྡོ་རྗེའི་གསུང་ གིས་ལུང་བསྟན་ཏེ་རམ་འདེགས་མཛད་པར་མ་ཟད། ཉིད་ཀྱི་ཞལ་ནས་ཀྱང༌། ངས་ འགྲེལ་བ་འདི་ཉིད་ལེགས་པར་བརྩམས་གྲུབ་པའི་མོད། ཀུན་མཁྱེན་བླ་མ་པཎྚི་ཏའི་ ཆ་བྱད་ཅན་ཞིག་བྱོན་ནས། མཛོད་ཆེན་བདུན་ ང་ ལ་གཏད་དེ་ཐུགས་ སྨོན་འགའ་ གནང་ཚེ། གླེགས་བམ་གྱི་ཞལ་ཕྱེས་ནས། སྡེབ་མ་རེ་རེ་བཞིན་ང༌ལ༌ཐིམ༌ཞིང༌ ། ཆོས་དབྱིངས་མཛོད་ནི་ཡིག་འབྲུ་རེ་རེ༌བཞིན༌ང༌ལ༌སིབ༌སིབ༌ཐིམ༌སོང༌བར་རྨིས་པས། གཞན་ལ་ཕན་པ་རེ་ཐོག་པར་བྱིན་གྱིས་བརླབས་པ་ཡིན་ནམ་སྙམ་ཞེས་གསང་ཐབས་སུ་ གསུངས་པས་ན། ཀུན་མཁྱེན་བླ་མའི་ཡེ་ཤེས་སྒྱུ་མའི་སྐུས་རྗེས་སུ་བཟུང་བར་ངེས་ པས། ཆོས་འདི་ལ་ཉེ་བརྒྱུད་དགོངས་པའི་བྱིན་རླབས་དང་ལྡན་པའང༌ཡིད་ཆེས་བྱེད་ ཆོག་པར་སེམས། དེའི་ཕྱིར་གཞུང་བཟང་པོ་ཡིད་བཞིན་ནོར་བུ་ལྟ་བུ་འདི་ཉིད། ད་ལོ་ དག་སྒྲིག་པར་སྐྲུན་བྱེད་པའི་བཀའ་གནང་ཐོབ་པ་བཞིན། མཛོད་ཚ་ཨ་བུ་དཀར་ལོ་ དང་ཁོ་བོ་དམན་བུ་ སྐལ་བཟང་རྣམ་འདྲེན་གཉིས་ཀྱིས་ཞུས་དག་གི་ཞབས་ཏོག་ཅུང་ ཟད་བགྱིས་ཤིང༌། མི་རིགས་དཔེ་སྐྲུན་ཁང་གི་མགོ་ཁྲིད་རྣམ་པའི་ཐུགས་ཁུར་དང་ རྒྱབ་སྐྱོར་འོག ད་ལམ་པར་དུ་བསྐྲུན་པར་ཉེས་པའི་ཆ་གང་མཆིས་ལ་གཟིགས་པ་པོ་ 2 རྣམས་ཀྱིས་དགོངས་འཆར་ལྷུག་སྩོལ་གྱི་བཀའ་དྲིན་མི་ཆུང་བར་མཁྱེན་ཞུ། ཆེད་དུ་ཞུ་བ། ད་སྔོན་ངེད་ཅག་གིས་ཞུས་དག་ལེགས་པར་མ་ཐོན་པའི་དཔེ་དེབ་ འགའ་སྤེལ་བ་དང༌། ཁྱད་པར་ད་ལོ༌གསུང༌འབུམ༌ཞུས༌དག་མ་ཟིན་པའི་བར་ནས། གཞན༌ཞིག༌གིས༌མ༌ཤེས༌པར༌ཞུས༌དག་པ་ངེད་གཉིས་ཀྱི་མིང་བཀོད་དེ་པར་སྐྲུན་བྱས་ ཤིང་དཔེ་དེབ་བརྒྱད་བཟོས་ཏེ་བཀྲམ་པ་ལ་ནི་ཚིག་དོན་གང་གི་ཆ་ལའང་སྲི་ཞུ་ལེགས་ པར་མ་ཐོན་པར་མ་ཟད། རྗེ་འདིའི་གསུང་མ་ཡིན་པ་བཀོད་པ་དང༌། ཡིན་པ་མ་ བཀོད་པ་སོགས་ཀྱི་ཞན་ཆ་ཆེས༌མང་བས་ངེད་ཅག་ལ་བློ་ཕམ་ཆེན་པོ་བྱུང་བའི་ངང༌། ཀློག༌པ༌པོ༌རྣམས༌ལའང༌དགོངས༌ཚོམས་མེད་པར་སྙིང་ནས་ཞུ། གསུང་འབུམ་འདི་ ཉིད་ནི་ཞུས་དག་བྱེད་སྐབས། ཚིག་དོན་གང་གི་ཆ་ནས་ཀྱང་དོགས་པ་ཅན་རྣམས་རྗེ་ ཉིད་ལ་བཀའ་འདྲི་བྱས་ཏེ་དགོངས་གནང་ཐོབ་རྗེས་གཏན་པ་ཕབ་པ་ལས། ཡིད་ཚོད་ དང་སྣང་མེད་ཀྱིས་བསྒྱུར་བ་གང་ཡང་མེད་ཕྱིར་བྱིན་རླབས་ཀྱང༌། དག་དང་མ་དག་ བརྒྱ་འགྱུར་དང༌། ཏིང་འཛིན་ཡོད་མེད་འབུམ་འགྱུར་ཡིན་ཞེས་པའི་ཁྱད་པར་ཡོད་ ཚུལ་ཀློག་པ་པོ་རྣམས་ཀྱིས་མཁྱེན་པར་འཚལ་ཞུ།