LONGCHENPA-PECIN-12-NA-005: Difference between revisions

From Rangjung Yeshe Wiki Texts
LONGCHENPA-PECIN-12-NA-005
Jump to navigation Jump to search
Longchenpa Project: generated page (21 November 2026)
 
Longchenpa Project: Tibetan in the wiki's TibetanMachineUni font; «…» notes in small print (22 November 2026)
 
Line 25: Line 25:
}}
}}
= Tibetan Text =
= Tibetan Text =
<div class="TibUni18" lang="bo" style="line-height:2.1;">
<div class="TibetanMachineUni16 lcp-etext" lang="bo">
༄༅། །སྙན་བརྒྱུད་དོན་གྱི་མེ་ལོང་བཞུགས་སོ། །«སྙན་བརྒྱུད་དོན་གྱི་མེ་ལོང་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །གདོད་མའི་གནས་སུ་མངོན་པར་བྱང་ཆུབ་སྟེ། །སྐུ་དང་ཡེ་ཤེས་འདུ་འབྲལ་མེད་པ་ཡིས། །དོན་གཉིས་ལྷུན་གྲུབ་དང་པོའི་སངས་རྒྱས་དང༌། །རིག་འཛིན་སྙན་བརྒྱུད་བླ་མའི་ཞབས་ལ་འདུད། །ཐིག་ལེ་མཆོག་གསང་བླ་ན་མེད་པ་ལས། །ཡི་གེ་མེད་པའི་སྙན་བརྒྱུད་རིན་པོ་ཆེ། །རིམ་ནས་རིམ་བརྒྱུད་ཟབ་མོ་གནད་ཀྱི་ཆོས། །ཕྱི་རབས་དོན་དུ་བདག་གིས་གསལ་བར་བྱ། །བཀའ་རྫོགས་པ་ཆེན་པོ་ཐེག་པ་ཀུན་གྱི་རྩེ་རྒྱལ། རྒྱུད་ལུང་མན་ངག་གསུམ་གྱི་ཉ»ི«ང་ཁུ། ཐིག་ལེ་ཕྱི་ནང་གསང་གསུམ་གྱི་ཡང་ཞུན། དུས་གསུམ་སངས་རྒྱས་རྣམས་ཀྱི་དགོངས་པ། ལྟ་སྒོམ་སྤྱོད་པ་གསུམ་གྱི་མཐར་ཐུག ། གཞི་ལམ་འབྲས་བུ་གསུམ་གྱི་གནད་འགག» «།སྒོ་གསུམ་རང་གྲོལ་དུ་སྟོན་པ། སྐུ་གསུམ་ཅེར་མཐོང་དུ་སྟོན་པ། སངས་རྒྱས་ལག་བཅངས་སུ་སྟོན་པ། སྙན་ནས་སྙན་དུ་བརྒྱུད་པ། སྙན་བརྒྱུད་དོན་གྱི་མེ་ལོང་འདི་ལ་གསུམ་སྟེ། ཡིད་ཆེས་ཤིང་ཁུངས་བཙུན་པ་བརྒྱུད་པའི་ལོ་རྒྱུས། ཇི་ལྟར་གདམས་ཚུལ་གནད་ཀྱི་མན་ངག» «།རྟོགས་ཤིང་གྲོལ་བ་ངོ་སྤྲོད་ཀྱི་གདམས་པའོ། །དང་པོ་ལ་གསུམ། རྒྱལ་བ་དགོངས་པའི་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུང་དུ་བརྒྱུད་པ་སྟེ། ཐིག་ལེ་ཀུན་གསལ་ཆེན་པོའི་རྒྱུད་ལས། ལོ་རྒྱུས་དོན་ལ་རྣམ་གསུམ་སྟེ། །གང་ཟག་ཕྲལ་བཅས་མ་ཡིན་པས། །དུས་གསུམ་སངས་རྒྱས་བརྒྱུད་པ་བཤད། །རྒྱལ་བས་གསུངས་པར་ཡིད་ཆེས་འགྱུར། །ངེས་པ་དོན་གྱི་འཁོར་ཡིན་པས། »།«རིག་འཛིན་བརྡ་ཡི་བརྒྱུད་པ་བཤད། །ལྡེམ་པོའི་དགོངས་དོན་མ་ཡིན་པར། །ངེས་པའི་དོན་གསུངས་ཡིད་ཆེས་འགྱུར། །མ་འོངས་གང་ཟག་རྣ་བརྒྱུད་ཤོད། །འབྲེལ་མ་ཆད་པར་ཡིད་ཆེས་འགྱུར། །ཞེས་སོ། །དང་པོ་རྒྱལ་བ་དགོངས་པའི་བརྒྱུད་པའང་གསུམ་ལས། ཆོས་སྐུའི་བྱིན་གྱིས་བརླབས་ཀྱིས་གསུངས་པ་ནི། གནས་ཁྱད་པར་ཅན་ཆོས་ཀྱི་དབྱིངས་པདྨ་བདེ་གསལ་གྱི་གྲོང་ཁྱེར་མཐོ་དམན་དང་མཐའ་དབུས་མེད་པ་ཅིའི་ངོ་བོར་ཡང་མ་གྲུབ་པ་ལས། ཡིད་བྱེད་པ་པོ་ཀུན་ཏུ་བཟང་པོ་ཉིད་ཞལ་ཕྱག་གིས་རྣམ་པར་བཞེངས་ཏེ། བསྟན་པའི་སྙིང་པོ་ཡེ་ཤེས་ལྔ་རང་སྣང་རྟོགས་པའི་འཁོར་རིགས་ལྔ་ལ། མ་ངེས་པའི་དུས་སུ་རང་བཞིན་བྱིན་གྱིས་བརླབས་ཀྱིས་གསུངས་པ་ནི། བསྡུས་རྒྱུད་ལས། ང་ཉིད་མ་འོངས་སྔོན་རོལ་ན། །སྟོན་པ་ཀུན་རིག་ཆོས་ཀྱི་རྗེ། །པདྨ་བདེ་གསལ་གྲོང་ཁྱེར་དུ། །བསྟན་པའི་སྙིང་པོ་ཡེ་ཤེས་ལྔ། །རང་སྣང་རྟོགས་པའི་འཁོར་རྣམས་ལ། །རྟོག་མེད་བྱིན་གྱིས་བརླབས་ཀྱིས་བཤད། །ཅེས་པ་དང༌། གསང་བ་རིག་པ་བཀོད་པའི་རྒྱུད་ལས། ཆོས་སྐུའི་བྱིན་གྱིས་བརླབས་ཀྱིས་བཤད་པའི་དུས། རྟོགས་པའི་རྡོ་རྗེ་རང་སྣང་དུས་ན་ཡིན། །ཞེས་སོ། །ལོངས་སྐུ་རང་གི་ངོ་བོས་གསུངས་པ་ནི། གནས་ཁྱད་པར་ཅན་མཚན་རྫོགས་རྡོ་རྗེ་འཆང་གི་ཞིང་ཁམས་འོག་མིན་ཀྱི་དབྱིངས་ཀྱི་ཕོ་བྲང་དུ། སྟོན་པ་རྣམ་པར་སྣང་མཛད་ཀྱིས་རྡོ་རྗེ་སེམས་དཔའ་ལ་སོགས་བཞི་དང༌། རིགས་བཞི་སོ་སོའི་འཁོར་བཞི་ལ། དུས་རིག་པ་ཡུལ་ལ་ཤར་བའི་ཚེ། བསྟན་པ་རང་སྣང་སྐུ་དང་ཡེ་ཤེས་འདུ་འབྲལ་མེད་པའི་དགོངས་པ། དངོས་སུ་ཚིགས་ལས་འདས་པ་ངོ་བོས་གསུངས་ཏེ། བསྡུས་རྒྱུད་ལས། སྟོན་པ་ཀུན་རིག་ཡེ་ཤེས་ཀྱིས། །ཆོས་ཉིད་གསལ་བའི་རང་གདངས་ལས། །ཡེ་ཤེས་འགག་མེད་དཀྱིལ་འཁོར་བྲིས། །རང་ཉིད་དབུས་ཀྱིས་གཙོར་གནས་ཏེ། །ཉིད་ལས་མི་གཞན་སྟོན་པ་བཞི། །རང་རང་རིགས་ཀྱི་འཁོར་རྣམས་ལ། །གསུང་གྀ་ཆོས་རྣམས་མི་འཆད་པར། །བྱིན་རླབས་རང་ངོའི་སྒོ་ནས་སྟོན། །ཞེས་པ་དང༌། གསང་བ་རིག་པ་བཀོད་པ་ལས། ལོངས་སྐུ་རང་གི་ངོ་བོས་བཤད་པའི་དུས། །སྐུ་མཆོག་འོད་གསལ་སྣང་བའི་ཚེ་ན་ཡིན། ། ཞེས་སོ། །སྤྲུལ་སྐུའི་སྒྲ་ཚིག་སྡེབ་སྦྱོར་ལེགས་པས་བཤད་པ་ནི། གནས་རྣམ་པར་དག་པ་ཡིད་འདྲེས་པའི་ཚལ་དུ། སྟོན་པ་རྡོ་རྗེ་སེམས་དཔའ་ཉིད་མེ་ཏོག་པདྨའི་སྡོང་པོ་ཁ་སྟོང་དང་ལྡན་པའི་དབུས་སུ། བརྫུས་ཏེ་བྱོན་ནས། ཐུགས་ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་ཞལ་གཟིགས་ཏེ། གཞི་ཇི་བཞིན་པ་རྡོ་རྗེ་སེམས་དཔའ་དོན་གྱི་ངོ་སྤྲོད་མཛད། དོན་ཇི་བཞིན་པ་རིན་ཆེན་འབྱུང་ལྡན་རྟགས་ཀྱི་ངོ་སྤྲད་མཛད། བརྡའ་ཇི་བཞིན་པ་སྣང་བ་མཐའ་ཡས་ཀྱི་དཔེའི་ངོ་སྤྲོད་མཛད། སྒྲ་ཇི་བཞིན་པ་དོན་ཡོད་བསག་པའི་སྒྲ་ཚིག་ཏུ་བཤད་དེ། ལོ་བཅུ་དྲུག་གི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ཀྱི་འཁོར་ལོ་ནང་དུ་བསྐོར་ཏེ། ཕྱོགས་ལྷུངས་མེད་པའི་ཤེས་རབ་སོ་སོར་རྟོགས་པའི་ཡེ་ཤེས་ཀྱིས་བདག་བསྒྲལ་ཏེ་དགོངས་པ་ཆོས་ཉིད་ལས་མི་གཡོ་བར་བཞུགས་སོ། །ལོ་བཅུ་དྲུག་ནས་ཉི་ཤུ་རྩ་ལྔའི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ལྔའི་འཁོར་ལོ་ཕྱིར་བསྐོར་ཏེ་གཞན་དོན་མཛད་པ་ནི་ཐུགས་ཀ་ནས་རང་བྱུང་གི་སྤྲུལ་སྐུ་ཐུབ་པ་དྲུག་སྤྲུལ། ཐུན་མོངས་མ་ཡིན་པའི་འཁོར་སྨིན་མཚམས་ནས་དགའ་རབ་རྡོ་རྗེ་སྤྲུལ་ཏེ། སངས་རྒྱས་ཀྱི་རིགས་འཛིན་དུ་བཞག» «།ཤངས་ནས་གསང་བའི་བདག་པོ་སྤྲུལ་ཏེ་ཞུ་བ་པོར་བསྐོས། སྙན་གཉིས་ནས་འཇམ་དཔལ་དང་སྤྱན་རས་གཟིགས་སྤྲུལ་ཏེ་གསང་བའི་ཆོས་བསྟན། ལྷ་གནས་མི་འདྲ་བ་གསུམ་དུ་བརྡའ་སྒྲ་ངེས་པས་ངེས་པ་དོན་གྱི་ཆོས་ཀྱི་འཁོར་ལོ་བསྐོར་ཏེ་ཐུགས་རྗེས་གཞན་བསྒྲལ་ལོ། །དེ་ནས་མྱ་ངན་ལས་འདས་པར་དགོངས་ཏེ། སློབ་དཔོན་ཆེན་པོ་དགའ་རབ་རྡོ་རྗེ་ལ་སྙན་བརྒྱུད་ལུང་དང་མན་ངག་ཐམས་ཅད་སྟེར། མ་འོངས་པའི་དུས་སུ་སྤེལ་ཅིག་ཅེས་གསུངས་ནས། རང་ལོ་ཉི་ཤུ་རྩ་ལྔར་འགྲོ་བའི་ཐོ་རངས་དགོངས་པ་ཡོངས་སུ་མྱ་ངན་ལས་འདས་སོ། ། དགའ་རབ་རྡོ་རྗེས་གསོལ་བ་བཏབ་པས། འདས་རྗེས་གསུམ་བབས་ཏེ་གདུང་བ་གསལ་ལོ། །དེ་ཡང་བསྡུས་རྒྱུད་ལས། ཨུ་དུམ་ཝཱ་ར་འབར་བ་ཆེན་པོ་ ལས། »།«ང་ཉིད་བརྫུས་ཏེ་ཡོད་བའི་ཚེ། »།«ང་ཡི་ཐུགས་ཀྱི་དཀྱིལ་འཁོར་དུ། ། དབང་གི་ཆུ་བོ་བཞི་རྫོགས་པས། །རྟོགས་པའི་ཡེ་ཤེས་རང་དབང་ཐོབ། །བརྡ་སྒྲ་ངེས་པའི་དོན་གསུམ་བཤད། །ཅེས་པ་དང༌། གསང་བར་རིག་པ་བཀོད་པ་ལས། སྤྲུལ་སྐུའི་ཚིག་སྦྱོར་ལེགས་པར་བཤད་པའི་དུས། »།«མཐུན་པའི་སེམས་ཅན་རྣམས་ལ་གནང་པ་ཡིན། །ཞེས་སོ། །རྒྱལ་བ་དགོངས་པའི་བརྒྱུད་པའོ། ། ༈ རིག་འཛིན་བརྡ་ཡི་བརྒྱུད་པ་ནི། དཔལ་རྡོ་རྗེ་སེམས་དཔས་སྤྲུལ་ཞིང་སངས་རྒྱས་ཀྱི་རིག་འཛིན་དུ་བཞག་པའི་སློབ་དཔོན་ཆེན་པོ་དགའ་རབ་རྡོ་རྗེ་ཉིད། མི་རྣམས་འདུལ་བའི་ཕྱིར་འཛམ་བུའི་གླིང་དུ་སྐྱེ་བ་བཞེས་ཚུལ་བསྟན་པ་ནི། རྒྱ་གར་ནུབ་ཕྱོགས་ཨོ་རྒྱན་གྱི་ཡུལ་ན་རྒྱལ་བུ་ཨུ་པ་རཱ་ཛ་དང༌། བཙུན་མོ་གསལ་བའི་འོད་ལྡན་མའི་སྲས་མོ་དགེ་སློང་མ་སུ་དྷརྨ་ཞེས་བྱ་བ་དེ་ནུབ་ཕྱོགས་དྷ་ན་ཀོ་ཤའི་གླིང་ན་བསམ་གཏན་ལ་བཞུགས་པའི་རྨི་ལམ་ན། ཤེལ་གྱི་མི་དཀར་པོ་གཅིག་གིས་ཤེལ་གྱི་བུམ་པ་སྤྱི་བོར་བཞག་སྟེ། དབང་བསྐུར་བར་རྨིས་ནས། ཟླ་བ་དགུ་ངོ་དང་བཅུ་ན་རྩིབ་མ་གཡས་པའི་སྒཽ་བར་ནས་ཁྱེའུ་མཚན་དང་དཔེ་བྱད་དུ་འབར་བ་ཞིག་བལྟམས་པས་ཡུམ་བྲེད་དེ། ཕ་མེད་བུ་འདི་འཇིག་རྟེན་འདྲེ་བས་གཞན་པ་སུ། »།«འཇིག་རྟེན་བདུད་དམ་ཚངས་པ་ལ་སོགས་སམ། ཁམས་གསུམ་དག་ན་འདོད་ལྡན་སུ་ཞིག་ཡིན། །འདི་ལྟར་བྱུང་བའི་དཔེ་ནི་སུས་མཐོང་མེད། »།«ཀྱེ་མ་བདག་ནི་ཁྲིམས་གཙང་སྲིད་ལས་རྒྱལ་འདོད་པས། །ལོག་སྲིད་འགྲོ་བས་དཔྱས་གྱུར་སྡིག་རེ་ཆེ། »།«ཞེས་བརྗོད་ནས། ཐལ་བའི་གོང་བུར་དོར་པ་དང༌། ས་ཆེན་པོ་ཡང་གཡོས། མེ་ཏོག་གི་ཆར་ཆེན་པོ་ཡང་བབས། བར་སྣང་ནས་ལྷ་རྣམས་ཀྱིས་བཀྲ་ཤིས་ཚིགས་སུ་བཅད་པ་ཡང་བརྗོད་པ། མགོན་པོ་སྟོན་པ་བཅོམ་ལྡན་འདས། །རང་བཞིན་སྣང་མཛད་འཇིག་རྟེན་མགོན། །བདག་ཀྱང་རབ་ཏུ་བསྐྱབ་པ་དང༌། »།«མཁའ་ཡི་རྡོ་རྗེ་དེང་བདག་སྩོལ། །ཞེས་བརྗོད་ཅིང༌། མཁའ་འགྲོ་མ་རྣམས་ཀྱིས་མཆོད་པའི་སྤྲིན་ཕུང་གཏིབས། ལྷ་དང༌། ཀླུ་དང༌། གནོད་སྦྱིན་ལ་སོགས་པས་ཙན་དན་གུར་གུམ་ལ་སོགས་པའི་ཆར་འབེབས། ཕྱོགས་ཀུན་ནས་འཇིག་རྟེན་སྐྱོང་བ་རྣམས་ཀྱིས་ཆོས་ཀྱི་རྔ་རྡུང༌། དུང་འབུད། རྒྱལ་མཚན་འཛུགས། བ་དན་བསླངས་པ་ལ་སོགས་པ་བྱེད་པ་དང༌། དྲང་སྲོང་གི་རྒྱལ་པོ་རྣམས་ཀྱིས་ཀྱང༌། སྨན་ཀྱི་ཚོགས་དཔག་ཏུ་མེད་པའི་སྤྲིན་གྱིས་གཏིབས་པ་མཐོང་ནས། སྤྲུལ་པར་ཤེས་ཏེ་བཟོད་པར་གསོལ་ནས། དར་དཀར་གྱིས་ལྕིབས་མོས་བླངས་སྤོས་ཆུ་དང་འོ་མས་བཀྲུས་ཏེ་གསོས་པས། མཚོ་ཆེན་པོའི་པདྨ་ལྟར་གཞན་ལས་ཆེར་བསྐྱེད་ཅིང་འཕགས་སོ། །མཚན་ཡང་མཁའ་འགྲོ་མ་རྣམས་ཀྱིས་རོ་ལངས་ཐལ་མདོག་ཅེས་གསོལ་ཏོ། །ལོ་བདུན་ནས་ཆོས་རྣམས་མ་བསླབས་པར་རང་འཁྲུངས་སུ་མཁྱེན་པའི་ཚུལ་གྱིས། ཨོ་རྒྱན་གྱི་པཎྜི་ཏ་ལྔ་བརྒྱ་དང་རྩོད་ཅིང་གླེང་པས། ཕར་དྲིས་པ་ལས་སུས་ཀྱང་མ་ཐུབ། ཚུར་དྲིས་པའི་ལན་ཐོགས་པ་མེད་པར་བྱུང་བས། མཎྜི་ཏ་རྣམས་ཀྱིས་སློབ་དཔོན་ཆེན་པོ་པྲ་ཛྙཱ་བྷ་བ་ཞེས་གསོལ། རྒྱལ་པོ་དགྱེས་ནས་དགའ་རབ་རྡོ་རྗེར་གསོལ། ཡུལ་མི་ཀུན་གྱིས་རོ་ལངས་བདེ་བར་གསོལ་ཏེ། མཚན་གྱི་རྣམ་གྲངས་བཞིར་བྱུང་བ་ནི། སྔོན་བྱུང་སྟོན་པའི་ཉེ་འཁོར་དུ་སྐྱེ་བ་བཞིའི་ལུས་ཀྱི་འདུན་མའི་བསོད་ནམས་ལས་བྱུང་བའོ། །དེ་ནས་བྱང་ཕྱོགས་སུ་རི་བོ་ཉི་མ་རབ་ཏུ་སྣང་བྱེད་ལ་ལོ་སུམ་ཅུ་རྩ་གཉིས་ཀྱི་བར་དུ་དགོངས་པ་ཏིང་ངེ་འཛིན་ལ་བཞུགས་ནས། མ་ལ་ཡའི་རྩེར་བྱོན་ཏེ། སྔར་སངས་རྒྱས་ཀྱིས་གསུངས་པའི་སྡེ་སྣོད་རིན་པོ་ཆེ་རྣམས་དང༌། ཁྱད་པར་དུ་རྫོགས་པ་ཆེན་པོ་ཤློ་ཀ་འབུམ་ཕྲག་དྲུག་ཅུ་རྩ་བཞི་ཐུགས་ལ་བཞུགས་པ་རྣམས་ཡི་གེར་བཀོད་དེ། མཁའ་འགྲོ་མ་མངོན་པར་འབྱུང་བའི་ཕུག་ཏུ་བཞུགས་པ་མཁའ་འགྲོ་མ་རྣམས་ལ་གཏད་དོ། །དེ་ནས་སློབ་དཔོན་ཆེན་པོ་ཉིད་དུར་ཁྲོད་ཆེན་པོ་བསིལ་བའི་ཚལ་དུ་བཞུགས་ སོ། ། དེའི་ཚེ་རྒྱ་གར་ནུབ་ཕྱོགས་རིམ་པ་གཉིས་པའི་གྲོང་ཁྱེར་ན། ཡབ་བྲམ་ཟེ་ལེགས་ལྡན་སྟོན་པ་དང༌། ཡུམ་སྣང་གསལ་མཛེས་མའི་བུ་སློབ་དཔོན་ཆེན་པོ་འཇམ་དཔལ་བཤེས་གཉེན་ཞེས་བྱ་བ། རིག་པའི་གནས་ལྔ་ལ་མཁས་པ་ཞིག» «།དུར་ཁྲོད་གསང་ལུང་ན་སྤྱོད་པ་མཛད་ཅིང་བཞུགས་པ་ན། འཇམ་དཔལ་རྣོན་པོ་ནམ་མཁའ་ལ་བྱོན་ཏེ་ལུང་སྟོན་པ། ཀྱེ་རིགས་ཀྱི་བུ་འབྲས་བུ་ངེས་པའི་དོན་འདོད་ན་དུར་ཁྲོད་ཆེན་པོ་བསིལ་བའི་ཚལ་དུ་སོང་ཞིག» «།ཅེས་ཐོས་མ་ཐག་བྱོན་པས། ཞལ་མཇལ་ཕྱག་དང་བསྐོར་བ་བྱས་ནས་རྗེས་སུ་གཟུང་བར་ཞུས་པས། གནང་སྟེ་ཆོས་ཐམས་ཅད་རྫོགས་པར་གསུངས་ནས། བླ་མ་ཉིད་ཆུ་བོ་དན་ཏིག་གི་མགོར་ཕུང་པོ་ལྷག་མེད་དུ་གཤེགས་སོ། །དེ་ནས་སློབ་དཔོན་འཇལ་དཔལ་བཤེས་གཉེན་གྱིས་དཔེ་རྒྱུད་ཐམས་ཅད་རྡོ་རྗེ་གན་གྱི་བྱང་ཤར། ཕ་ཝང་རྡོ་རྗེ་རྒྱ་གྲམ་ཅན་གྱི་འོག་ཏུ་རང་རྒྱས་གདབ་ཏེ། དུར་ཁྲོད་སོ་ས་གླིང་དུ་བཞུགས་སོ། །དེའི་ཚེ་རྒྱ་ནག་པོའི་ཡུལ་གྲོང་ཁྱེར་ཤོ་འཁྱམས་ནག་པོ་ཞེས་བྱ་བ་ན། ཁྱིམ་བདག་དགེ་བ་དང་ལྡན་པའི་ཡིད་ཅན་དང༌། སྣང་གསལ་མཁྱེན་པའི་བུ་སློབ་དཔོན་ཆེན་པོ་ཤྲཱི་སིང་ཧ་ཞེས་པ། མཁས་པར་སྦྱངས་པའི་ཡོན་ཏན་དང་ལྡན་པ་ཞིག» «།ནུབ་ཕྱོགས་གསེར་གླིང་དུ་ཐད་ཀ་སྟོང་པའི་ནམ་མཁའ་ལ་སྤྱན་རས་གཟིགས་བྱོན་ནས་ལུང་བསྟན་པ། ཀྱཻ་སྐལ་ལྡན་འབྲས་བུ་ངེས་པའི་དོན་འདོད་ན། རྒྱ་གར་གྱི་དུར་ཁྲོར་སོ་སོའི་གླིང་དུ་སོང་ཞིག» «།ཅེས་པ་ཐོས་ནས། རྐང་མགྱོགས་བསྒྲུབས་ཏུ་བྱོན་པས། སློབ་དཔོན་འཇམ་དཔལ་བཤེས་གཉེན་དང་མཇལ་ནས་ཕྱག་དང་བསྐོར་བ་བྱས། རྗེས་སུ་གཟུང་བར་ཞུས་པས། ཆོས་ཐམས་ཅད་རྫོགས་པར་གནང༌། དཔེ་རྒྱུད་རྣམས་ལུང་བསྟན་ཏེ་དུར་ཁྲོད་དེ་ཉིད་ཀྱི་མཆོད་རྟེན་གྱི་རྩེ་ལ་ལྷག་མེད་དུ་གཤེགས་སོ། །དེ་ནས་སློབ་དཔོན་ཆེན་པོ་ཤྲཱི་སིང་ཧས་རྡོ་རྗེ་གདན་གྱི་བྱང་ཤར་ནས་དཔེ་རྣམས་བཏོན་ནས་རྒྱ་ནག་བྱང་ཆུབ་འབྱུང་བའི་ཤིང་དྲུང་དུ་བྱོན་ཏེ། དཔེ་རྣམས་སྦས་ནས། དུར་ཁྲོད་ཆེན་པོ་བསིལ་སྦྱིན་དུ་དགོངས་པ་ལ་བཞུགས་སོ། །དེའི་ཚེ་རྒྱ་གར་ནུབ་ཕྱོགས་གླང་པོའི་སྒང་ན་རྒྱལ་པོ་དྷརྨཱ་ཨ་ཤོའི་སྲས་མོ་དྷརྨཱ་བྷོ་དྷིའི་སྲས་སློབ་དཔོན་ཆེན་པོ་བྱེ་མ་ལ་མུ་»ཏྲ་«འདི་ལ་ཁ་ཅིག་ཕ་མེད་པས་ཡུམ་གྱིས་ཕྱེ་མའི་ཁུང་དུ་སྦས་པས་མ་ཤི་བར་མིག་བཀྲ་ཧྲིག་གེ་འདུག་པས་བྱེ་མ་ལ་མུ་ཏྲ་ཞེས་པ་དང༌། ཁ་ཅིག་ཆོས་བྱེ་མའི་ལ་བརྒལ་ཙམ་ཤེས་པས། དེ་སྐད་ཟེར་བར་འདོད་པ་ནི་རྡོལ་ཐབས་སུ་སྨྲ་བ་སྟེ། གཡུ་ཡིག་ཅན་དུ་ཡབ་བཤད་པ་དང་འགལ་ལོ། །» «དེས་ན་ཨ་ཏི་བཀོད་པ་ཆེན་པོ་ལས། ཕྱག་རྒྱ་ཅན་ཞེས་བྱ་བའི་མཁས་པ་མཆོག་དེ་ཀ་མ་རུ་གནས། ཞེས་ལུང་བསྟན་པ་ལྟར། བྱེ་མ་བསྒྱུར་བས་རྒྱ་ཆེན་མུ་ཏྲ་ཕྱག་རྒྱ་སྟེ། བྱེ་མ་ལ་མུ་ཏྲའོ། །རབ་ཏུ་བྱུང་བའི་མཚན་ནི། བི་མ་ལ་མི་ཏྲ་སྟེ། དྲི་མེད་བཤེས་གཉེན་བྱ་བའི་མཚན་ཡོད་པའོ། །«ཞེས་བྱ་བ་ལ། ལོ་ལྔ་ནས་རིག་པའི་གནས་ཐམས་ཅད་རང་འཁྲུངས་སུ་མཁྱེན་པ་ཞིག་དང༌། སློབ་དཔོན་ཡེ་ཤེས་མདོ་གཉིས་རྡོ་རྗེ་གདན་གྱི་ནུབ་ཕྱོགས་འདམ་བུའི་ཚལ་དུ་སྐྱོ་སངས་ལ་བྱོན་པ་ལས། སྟེང་གི་ནམ་མཁའ་ནས་རྡོ་རྗེ་སེམས་དཔས་ལུང་བསྟན་པ་ལས། ཀྱཻཻ་སྐལ་ལྡན་ཚེ་གཅིག་གི་འབྲས་བུ་ངེས་པར་འདོད་ན་བྱང་ཆུབ་འབྱུང་བའི་ཤིང་དྲུང་དུ་སོང་ཞིག» «།ཅེས་ཐོས་པ་ལས། སློབ་དཔོན་བྱེ་མ་ལས་བྱོན་ནས་འཇལ་ཏེ། སྙན་བརྒྱུད་རྣམས་གནང་བ་དང༌། སླར་རྒྱ་གར་དུ་བྱོན་ཏེ་དུར་ཁྲོད་ཆེན་པོ་སྣང་བྱེད་དུ་དགོངས་པ་ལ་བཞུགས་སོ། །དེ་ནས་རྒྱལ་པོ་ཨིནྟྲ་བོ་དྷིས་གདན་དྲངས་ནས་བླ་མཆོད་དུ་མཛད་དོ། །རིག་འཛིན་བརྡ་ཡི་བརྒྱུད་པའོ། །༈» «གང་ཟག་སྙན་ཁུང་དུ་བརྒྱུད་པ་ནི། དུས་དེའི་ཚེ་བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས་བྲག་དམར་དཔལ་གྱིས་བསམ་ཡས་བཞེངས། ལོ་པཎ་མང་པོས་རྒྱུ་འབྲས་ཀྱི་ཆོས་དཔག་ཏུ་མེད་པ་བསྒྱུར་ཀྱང་ཐུགས་མ་ཚིམ་སྟེ། ད་རུང་ཆོས་འདི་ལས་ཟབ་པ་རྒྱུ་འབྲས་ལ་བཟླ་བ་ཚེ་གཅིག་ལུས་གཅིག་ལ་སངས་རྒྱ་བའི་ཆོས་ཤིག་འོང་ཐང་སྙམ་པའི་ཚེ། རྗཻའི་ཆོས་བློན་ཉང་ཏིང་འཛིན་བཟང་པོའི་ཞལ་ན་རེ། ཀྱཻ་མངའ་བདག་རྗེ། རྒྱ་གར་གྱི་རྒྱལ་པོ་ཨིནྟྲ་བོ་དྷ»ི«་ལ་བླ་མཆོད་པཎྜི་ཏ་ལྔ་བརྒྱ་བཞུགས་ཟེར་བས། དེ་དག་གི་ནང་ནས་མཁས་ཤིང་གྲུབ་པ་བརྙེས་པ་ཞིག་གདན་དྲངས་འཚལ་ཞེས་ཞུས་པས། ལོ་ཙཱ་བ་སྐ་ཅོག་རྨ་གསུམ་ལ་གསེར་ཕྱེ་དང་གསེར་གྱི་པ་ཏྲ་མང་པོ་སྐྱེས་སུ་བསྐུར་ནས་གདན་འདྲེན་དུ་བཏང་བས། ལོཙྪ་བས་སྐྱེས་ཕུལ་བཀའ་དྲིན་གསོལ་བའི་སྐྱེས་ལན་དུ། རྒྱལ་པོས་པཎྜི་ཏ་རྣམས་ལ་ཁྱེད་རྣམས་ཀྱི་དཀྱིལ་ན་མཁས་ཤིང་གྲུབ་པ་བརྙེས་པ་ཞིག་བོད་དུ་གཤེགས་པར་ཞུ་ཞེས་ཚ་བའི་གྲལ་ལ་བསྐུལ་དུས། ཡར་གྱི་ཕྱེད་དང་སུམ་བརྒྱས་མར་ལ་གཟིགས། མར་གྱི་ཕྱེད་དང་སུམ་བརྒྱས་ཡར་ལ་གཟིགས་པའི་དཀྱིལ་ན། བྱེ་མ་ལ་བསྐུལ་བར་མཁྱེན་ཏེ། ཀ་པཱ་ལི་སོར་བཞི་པ་གཅིག་ཏུ་ཆོས་ཀྱི་སྡོམ་འདུས་པ་བསྣམས་ནས་བྱོན་དུས། བོད་དུ་ཕྱགས་ཕེབས་བསུ་བ་ཆེན་པོ་མཛད། ཕྱི་ནང་གི་ཆོས་མང་པོ་བསྒྱུར་ཞིང་གསུངས། ཁྱད་པར་དུ་རྒྱལ་པོ་ཡབ་སྲས་དང༌། ཉང་ལ་ཐིག་ལེ་སྐོར་གསུམ་རྣམས་གསུངས་ཏེ། ཐུགས་ཚིམས་པར་མཛད་ནས། བི་མ་ལ་རྒྱ་ནག་རི་བོ་རྩེ་ལྔར་གཤེགས། དེ་ནས་ཉང་ཏིང་འཛིན་བཟང་པོས་དབུ་རུ་གཞོའི་བྲག་དཀར་པོ་ལ་བྱོན་ནས་བཞུགས་དུས། རྡོ་རྗེ་ལེགས་པས་ཁམས་གསུམ་སེར་བ་ཕབ་ནས་གྲོ་ཁལ་ལྔ་བརྒྱ་ཙམ་ཡོད་པ་ལ་ཁྲལ་ཕབ་སྟེ། ཞ་པདྨ་དབང་ཆེན་གྱི་གཙུག་ལག་བཞེངས་ནས། ཐིག་ལེ་སྐཽར་རྣམས་དཔེ་བརྒྱུད་དང་སྙན་བརྒྱུད་གཉིས་སུ་ཕྱེས་ཏེ། དཔེ་བརྒྱུད་རྣམས་གཏེར་དུ་སྦས། སྙན་བརྒྱུད་འདི་ཀའི་སྲོལ་མི་ཉམས་པར་བྱ་བའི་ཆེད་དུ། འཕན་ཡུལ་བ་སྦས་བློ་གྲོས་དབང་ཕྱུག་སྐལ་ལྡན་དུ་གཟིགས་ནས་གནང་སྟེ་ཆིག་བརྒྱུད་ལས་སྤེལ་དུ་མེད་པས། སྣོད་ལྡན་གཅིག་ལ་གཏོད་ཅིག་གསུངས་ནས་བཀའ་རྒྱ་དང་བཅས་པ་མཛད་དོ། ། དེས་འབྲོམ་སྟོན་རིན་ཆེན་འབར་བ་གདམས་པའི་སྣོད་ལྡན་དུ་གཟིགས་ནས་བཀའ་རྒྱ་བཅས་པ་གནང་ངོ༌། །དེས་ལྡང་མ་ལྷུན་གྱིས་རྒྱལ་མཚན་བཀའི་བདག་པོར་གཟིགས་ནས་གནང་ངོ༌། །ལྡང་མ་ལ་དམ་ཅན་གྱིས་ལུང་བསྟན་ནས་གཏེར་དཔེ་རྣམས་ཕྱུང་སྟེ་ལོ་སྐོར་གཅིག་གསང་བའི་འོག་ཏུ་གདམས་པ་བཞག་པའི་སྣོད་འཚོལ་དུ་བྱོན་པ་དང༌། ཉང་རེའི་ལྕེ་ཐུབ་པའི་དབང་པོ་དང་ཁྱུང་མོ་བཟའ་ལེགས་མའི་བུ་ལྕེ་བཙུན་སེང་གེ་དབང་ཕྱུག་དད་པ་སྐྱེས་ནས་ཆོས་འཚོལ་དུ་བྱོན་པ་གཉིས། རི་གཟར་རྒོད་པོ་ལུང་དུ་མཇལ་ཏེ། ལས་ཅན་དུ་གཟིགས་ནས་སྙན་བརྒྱུད་རིགས་མི་འདྲ་བ་བདུན་གནང༌། ལྕེ་བཙུན་གྱི་ཤོང་པ་རས་པ་ལས་ཅན་དུ་གཟིགས་ནས་གསུངས། དེས་ཟབ་སྟོན་ཆོས་འབར་སྐལ་ལྡན་དུ་གཟིགས་ནས་གསུངས། དེས་དམ་པ་དགྱེར་སྟོན་གདམས་པའི་བདག་པོར་མཁྱེན་ནས་གསུངས། དེས་སྐྱེ་མེད་ཇོ་སྐྱབས་ལ་གསུངས། དེས་དགྱེར་སྟོང་ཇོ་མེས་ལ་གསུངས། དེ་ཡབ་སྲས་གཉིས་ཀ་ལས་གཉེན་སྟོན་ཤེས་རབ་རྩེ་མོས་གསན་པས་ཉེ་བརྒྱུད་ལས། དགྱེར་གྱི་གཉེན་ལ་གནང་བར་བྱེད། རིང་བརྒྱུད་ལ་སོ་སོར་བྱེད་དོ། །གཉེན་སྟོན་དབུས་སུ་བྱོན་པ་དང༌། རིན་པོ་ཆེ་ཡོན་ཏན་སྒང་པ་མཇལ་ནས་ལས་ཅན་དུ་གཟིགས་ཏེ། གདམས་པ་ཐམས་ཅད་གནང༌། ཡར་བཞུད་དུས་དཔེ་རྣམས་བཞག་ནས་ངའི་གདམས་པ་མ་ལུས་པ་ཁྱོད་ཀྱིས་ཤེས་པར་ཡོད་པས། ད་འགྲོ་དོན་གྱིས་ཤིགས་གསུངས་ནས་བཀའ་རྒྱ་བཀྲོལ། བརྒྱུད་པ་གཏད་དེ་སངས་རྒྱས་ལགས་བཅངས་སུ་གྲགས་སོ། །རིན་པོ་ཆེ་པས་བླ་མ་ནམ་མཁའ་རྡོ་རྗེ་ལས་ཅན་ཡིན་གསུངས་ནས་རྫོགས་པར་གནང་ངོ༌། །དེ་ལ་བླ་མ་དམ་པ་ཀུ་མ་རཱ་ཛས་ཞུས་ཏེ་ངོ་སྤྲོད་རྒྱབ་ཆོས་དང་བཅས་པ་གཞུག་ཆོད་པར་མཛད། རིན་པོ་ཆེའི་གཅུང་པོ་དགེ་སློང་ལ་རིན་པོ་ཆེའི་ཞལ་ནས་སྙན་བརྒྱུད་ཀྱི་བཀའ་འདི་ཀུ་མ་རཱ་ཛ་ལ་གཏོད་ཅིག་གསུངས་པ་ཡིན་གསུངས་ནས་གདམས་གཞུག་ཆོད་པར་གནང༌། ཡང་རིན་པོ་ཆེ་ཡོན་ཏན་སྒང་པས་བླ་མ་རྩེ་ཞིང་ལ། དེ་ལ་བླ་མ་རིན་པོ་ཆེས་ཞུས། ཡོན་ཏན་སྒང་པས་སྟོན་པ་རིན་ཆེན་སེང་གེ །དེས་སྐལ་ལྡན་ཆོས་ཀྱི་ཤེས་རབ། དེས་བླ་མ་ཀུ་མ་རཱ་ཛ། ཡང་གཙང་ཉང་སྟོད་མགར་གྱི་ཉི་མ་ལུང་དུ། གྲུབ་ཐོབ་ཆེན་པོ་ནས་བརྒྱུད་པའི་སློབ་དཔོན་ཡེ་ཤེས་མགོན་ལ་བླ་མ་དམ་པས་ཞུས་ཏེ། དཀའ་བ་དུ་མ་སྤྱད་ནས་གདམས་པའི་ཆུ་བོ་རྫོགས་པར་མཛད་དོ། །རིག་འཛིན་ཆེན་པོ་ཀུ་མ་རཱ་ཛས། བདག་ལ་གཏད་དེ་ཁྱོད་ཀྱིས་སེམས་ཅན་ལ་ཕན་ཐོགས་པར་འོང་གསུངས་ནས། མཉེས་ཚོར་ཆེན་པོ་ཡང་མཛད་དོ། །གང་ཟག་སྙན་ཁུང་དུ་བརྒྱུད་པའོ། །དེ་ལྟར་ཐོག་མའི་མགོན་པོ་ནས། རྣལ་འབྱོར་པ་བདག་ཡན་ཆད་ལ་དམ་ཚིག་ལ་སེལ་མེད། གདམས་པ་ལ་བསླད་མེད། ཉམས་ལེན་ལ་འགལ་འཁྲུལ་མེད། གཞན་དོན་བར་མ་ཆད། གྲོལ་ཚད་རྒྱ་མ་ཆད། བྱིན་རླབས་ཟམ་མ་ཆད་པས་བརྒྱུད་པ་གཞན་ལས་ཁྱད་པར་དུ་འཕགས་པ་ཡིན་ནོ། །གཉིས་པ་ཇི་ལྟར་གདམས་ཚུལ་གནད་ཀྱི་མན་ངག་ལ་གསུམ་སྟེ། གང་གིས་གདམས་པ་སློབ་དཔོན་གྱི་མཚན་ཉིད་ནི། ཕྱི་ཐོས་བསམ་གྱིས་ཤེས་རྒྱུད་གྲོལ་བ། ནང་ཉམས་ལེན་གྱིས་ཡོན་ཏན་རྫོགས་པ། གསང་བ་ཟུང་འཇུག་གིས་གཞན་དོན་སྤྱོད་པའོ། །གང་ལ་གདམས་པ་སློབ་མའི་མཚན་ཉིད་ནི། ཕྱི་དད་བརྩོན་དང་ཤེས་རབ་ཆེ་བ། ནང་མོས་གུས་དང་གཏོང་ཕོད་ཆེ་བ། གསང་བ་ཞི་དུལ་དང་སྙིང་རྗེ་ཆེ་བ། གང་ལྟར་གདམས་པ་གནད་ཀྱི་མན་ངག་ནི། ཕྱི་རྒྱུད་ལུང་མན་ངག་གི་གདམས་པ་སྣོད་མེད་ལ་མི་བཤད། ནང་སྙན་བརྒྱུད་ངོ་སྤྲོད་ཀྱི་གདམས་ངག་ཡི་གེའི་རིས་སུ་མི་གདབ། གསང་བ་ཐུགས་བརྒྱུད་མན་ངག་གིས་གདམས་པ་ཁ་འབྱམས་སུ་མི་བཤད་དོ། །གསུམ་པ་རྟོགས་ཤིང་གྲོལ་བ་ངོ་སྤྲོད་ཀྱི་གདམས་པ་ལ་ལྔ་སྟེ། གཞི་ལམ་འབྲས་གསུམ་གྱིས་གཏན་ལ་དབབ། སྒྲོན་མ་དྲུག་གིས་གནད་བཅིངས། རང་བྱུང་ཡེ་ཤེས་སུ་འགགས་བསྡམ། ཐེམས་ཡིག་ལྔས་གཟེར་གདབ། གཙིགས་ཆེ་བས་བཀའ་རྒྱས་གདབ་པའོ། །དང་པོ་ལ་གསུམ་སྟེ། གཞི་རང་ལུགས་སུ་བཤད་པ། ལམ་དམར་ཁྲིད་དུ་བཤད་པ། འབྲས་བུ་གྲོལ་ཚུལ་དུ་བཤད་པའོ། །དང་པོ་ལ་གསུམ་སྟེ། ཐོག་མའི་སྤྱི་གཞི། ཀུན་ཏུ་བཟང་པོའི་གྲོལ་གཞི། མ་རིག་སེམས་ཅན་གྱི་འཁྲུལ་གཞི་བསྟན་པའོ། །དང་པོ་ནི་རྟོགས་ཏེ་སངས་རྒྱས་སུ་མ་ཤར་མ་རྟོགས་སེམས་ཅན་དུ་མ་བྱུང་བའི་སྔོན་རོལ་ན། ཡུལ་ཆོས་ཀྱི་དབྱིངས་སྟོང་པ་གོ་འབྱེད་པ་ནམ་མཁའ་དངས་པའི་དཀྱིལ་ལྟ་བུ། དངས་ལ་མི་གཡོ་བ་རྒྱ་མཚོའི་གཏིང་ལྟ་བུ། གསལ་ལ་གོ་མ་འགགས་པ། མེ་ལོང་གཡའ་དག་པའི་ངོས་ལྟ་བུ། ཆོས་ཉིད་ཀྱི་ཀློང་ན་སྙིང་པོ་གཞི་འཛིན་པའི་རིག་པ་ངོ་བོར་རང་བཞིན་ཐུགས་རྗེ་གསུམ་དུ་གནས་སོ། །དེ་ཡང་འཁོར་བར་མ་ཆད་ལ། འཁོར་བར་འཆར་བའི་གོ་མ་འགགས་པ་ག་པུར་ལྟ་བུ། མྱང་འདས་སུ་མ་ཆད་ལ། མྱང་འདས་སུ་འཆར་བའི་གོ་མ་འགས་པ་ག་པུར་ལྟ་བུ། ངོ་བོ་གང་དུ་མ་ཆད་ཀྱང་རྐྱེན་གྱིས་ཐ་དད་དུ་འགྱུར་བ། གཞི་ལ་སྐྱོན་ཡོད་མེད་ལ། འཆར་གཞི་ཙམ་དུ་གང་འདོད་དུ་འབྱུང་བས་ཡིད་བཞིན་གྱི་ནོར་བུ་ལྟར་ཀུན་གྱི་འབྱུང་གནས་ཆེན་པོར་གནས་ཏེ། ཀུན་གསལ་ལས། མ་བྱུང་མ་སྐྱེས་སྔོན་རོལ་ན། །ཐོག་མའི་མགོན་པོ་འོད་མི་འགྱུར། །ཀུན་གྱི་འབྱུང་གནས་ཆེན་པོར་གནས། །ནམ་མཁའ་རྒྱ་མཚོ་རིན་ཆེན་ག་པུར་བཞིན། །ཞེས་པ་དང༌། མ་བྱུང་མ་སྐྱེས་སྔོན་རོལ་ན། །རྟོགས་ཏེ་སངས་རྒྱས་མ་བྱུང་ལ། །མ་རྟོགས་སེམས་ཅན་མ་བྱུང་ལ། །གཉིས་ཀར་མི་གནས་སྔོན་རོལ་ན། །ཐོག་མའི་མགོན་པོ་འོད་མི་འགྱུར། །རང་བཞིན་ལྷུན་གྲུབ་སངས་རྒྱས་ཏེ། །ཆད་པ་མ་ཡིན་འོད་གསལ་སྐུ། །རྟག་པ་མ་ཡིན་དངོས་པོ་མེད། །ནམ་མཁའ་འཇའ་ཚོན་ཚུལ་དུ་གནས། །ཀུན་གྱི་འབྱུང་གནས་ཆེན་པོར་གནས། །ཀུན་གྱི་དངོས་གཞིར་གྱུར་པ་ལ། །རྒྱ་ཆད་ཕྱོགས་ལྷུངས་ཀུན་དང་བྲལ། །དབྱེར་མེད་ལྷུན་གྱིས་གྲུབ་པར་གནས། །ཞེས་སོ། །དེ་ཡང་རིག་པ་རང་བྱུང་གི་ཡེ་ཤེས་འདིའི་ངོ་བོ་ནི། ཡེ་ནས་ལྷུན་གྱིས་གྲུབ་པས་ནོར་བུ་ལྟ་བུ། འཁོར་འདས་གང་རུང་དུ་མ་ཆད་ལ། རྟོགས་མ་རྟོགས་ཀྱི་རྐྱེན་གྱིས། འཁོར་འདས་སུ་འཆར་བའི་གོ་མ་འགགས་པར་ག་པུར་ལྟ་བུ་དེ་ངོ་བོ་ཕན་གནོད་གང་དུའང་ཆད་པ་མེད་ལ། ཚད་པ་དང་གྲང་བའི་ནད་སོ་སོའི་རྐྱེན་གྱིས། ཕན་གནོད་ཀྱི་རྣམ་པར་འཆར་བའི་གོ་མ་འགགས་པ་ལྟ་བུ། གང་དུའང་མ་གྲུབ་པའི་རིག་པ་ཉིད། རྐྱེན་གྱིས་གང་ལྟར་ཡང་འཆར་བའི་གཞི་བྱས་དུས། དོན་ལ་བཟང་ངན་འཕོ་འགྱུར་མེད་པ་ལ་གཞིའི་གནས་ལུགས་ཞེས་བྱ་སྟེ། ངོ་མཚར་བའི་དོན་ནོ། །ཀུན་ཏུ་བཟང་པོའི་གྲོལ་གཞི་ནི། གཞི་རང་ཐོག་ནས་རང་ངོ་ཤེས་པས་སངས་རྒྱས་ཏེ། དཔལ་ཀུན་ཏུ་བཟང་པོ་ལ་རང་བྱུང་གི་ཆོས་གསུམ་ཡོད་པ་ནི། ལུང་ལས་མ་བྱུང་བའི་མན་ངག་ངང་ལས་ཤར་ཏེ་སངས་རྒྱས། ལུང་སྟོན་པའི་བླ་ན་མེད་པར་རང་རིག་གོ །སེམས་ལས་མ་བྱུང་བའི་སངས་རྒྱས་རང་གིས་རིག་སྟེ་སངས་རྒྱས། ལུས་ངག་སེམས་མེད་པའི་གཞི་རང་གིས་རིག་གོ །རྒྱུ་ལས་མ་བྱུང་བའི་འབྲས་བུ་རང་ལ་གྲུབ་པས་སངས་རྒྱས། གཞི་སྐུ་གསུམ་དུ་རྐྱེན་མེད་པར་རང་གིས་རིག་པའོ། །དེའང་གཞི་གནས་ཀྱི་ཡེ་ཤེས་གསུམ་པོ་དེ་རང་རིག་པའི་ཤེས་རབ་ཀྱི་ནུས་པས་འབྲས་བུ་སྐུ་གསུམ་དུ་རང་འཁྲུངས་པ་ཡིན་ནོ། ། ཡང་ཀུན་ཏུ་བཟང་པོ་ལ་གྲོལ་གཞི་གསུམ་ཡོད་དོ། །ཡུལ་གྱི་གྲོལ་གཞི་རང་སྣང་གིས་རང་ངོ་ཤེས། སྐུ་ཡི་གྲོལ་གཞི་རང་སྣང་གཟུགས་སྐུ་རང་ངོ་ཤེས། ཐུགས་ཀྱི་གྲོལ་གཞིར་མཁྱེན་པའི་ཡེ་ཤེས་ཤར་ནས་རང་གྲོལ་ཏེ། ཀུན་གསལ་ལས། རང་བྱུང་དཀྱིལ་འཁོར་རང་སྣང་ལ། །རང་ངོ་ཤེས་པ་ལྷན་ཅིག་པས། །ལྷན་ཅིག་སྐྱེས་པའི་ཡེ་ཤེས་ཤར། །ང་ནི་ཆོས་སྐུ་དྲི་མེད་པས། །ཐམས་ཅད་མཁྱེན་པའི་ཡེ་ཤེས་ཤར། །ཆོས་སྐུ་རང་རིག་རང་ཤར་ཤེས། ཞེས་སོ། ། དེ་ཡང་རང་བཞིན་ལྷུན་གྱིས་གྲུབ་པའི་སངས་རྒྱས་ངོ་བོ་ཉིད་ཀྱི་སྐུ་དེ་རང་མལ་ལས་མ་གཡོས་པར་རང་གིས་རིག་ཅིང་རྟོགས་པས། ཀུན་ཏུ་བཟང་པོ་ཆོས་ཀྱི་སྐུའི་སངས་རྒྱས་གཞི་ཐོག་ནས་བྱང་ཆུབ་པ་ཡིན་ནོ། །མ་རིག་པ་སེམས་ཅན་གྱི་འཁྲུལ་གཞི་ནི། གཞི་སྣང་རང་ངོ་མ་ཤེས་པས་འཁྲུལ་ཏེ། དེ་ཡང་ཡུལ་གྱི་འཁྲུལ་གཞི་འོད་གསལ་རང་སྣང་གི་གནས་ངོ་མ་ཤེས་པས་འཁྲུལ། ལུས་ཀྱི་འཁྲུལ་གཞི་འོད་ལྔ་གཟུགས་སྐུ་རང་ལུས་སུ་ངོ་མ་ཤེས་པས་འཁྲུལ། སེམས་ཀྱི་འཁྲུལ་གཞི་རིགས་པ་རང་ངོ་མ་ཤེས་པས་འཁྲུལ་ལོ། །ཀུན་གསལ་ལས། ཆོས་ཉིད་ཡུལ་གྱི་འཁྲུལ་གཞིར་འཐད། །ཅིའི་ཕྱིར་རིགས་མེད་བེམས་པོར་གནས། །རིགས་པ་སེམས་ཀྱི་འཁྲུལ་གཞིར་འཐད། །ཅིའི་ཕྱིར་རིག་ཙམ་ཕྱོགས་མཐུན་ཕྱིར། །འོད་ལྔ་ལུས་ཀྱི་འཁྲུལ་གཞིར་འཐད། ཁ་དོག་དབྱིངས་སུ་ཕྱོགས་མཐུན་ཕྱིན། །ཡེ་གཡོས་སེམས་སུ་འཁྲུལ་པ་སྟེ། །བྱེད་པ་པོ་ནི་ང་བདག་ཡིན། །གཟུང་འཛིན་སྐྱེས་པའི་དུས་ན་འཁྲུལ། །དུས་ནི་རྣམ་པ་གཉིས་སུ་རྟོགས། །འབྲས་བུ་འོད་གསལ་ལྷ་ལས་ནི། །སྣོད་བཅུད་སྲིད་པ་རིམ་གྱིས་ཆགས། ཞེས་སོ། །གཞི་བསྐལ་པ་དང་པོ་ལས། གཞིར་སྣང་བར་ཀྱི་བསྐལ་བ་ཤར་དུས། རང་ངོ་མ་ཤེས་པས་འཁྲུལ་སྣང་བསྐལ་པ་ཕྱི་མར་ཁ་བརྒྱུད་དེ། ཁམས་གསུམ་རིགས་དྲུག་གི་སྣོད་བཅུད་དུ་ཆགས་པ་ལས། སྣོད་ཀྱི་རིམ་པ་ནི་དེ་ཉིད་ལས། དེ་དུས་གཟུང་འཛིན་རྣམ་རྟོག་གིས། །རང་བཞིན་འོད་ལྔ་གསལ་མི་ནུས། »།«གཟུགས་སོགས་ལྔ་ལ་བག་ཆགས་པས། །མཚོ་དར་ཞོ་ལ་སྤྲིས་ཆགས་ལྟར། །གླིང་བཞི་རི་རབ་གླིང་ཕྲན་སྣང༌། །བཅུད་ལས་སྲིད་པའི་སྒོ་ང་དང༌། »།«ནགས་ཚལ་སྨན་དང་མེ་ཏོག་འཁྲུངས། །རླན་དང་དྲོད་ལས་སྐྱེས་པ་ཡིན། །དེ་ལྟར་བར་གྱི་བསྐལ་པ་ལས། »།«སྣོད་ཀྱི་འཇིག་རྟེན་ལོགས་སུ་ བསྐལ། །ཞེས་སོ། །བཅུད་ནི་ཡང་དེ་ལས། ནམ་མཁའ་སྟོང་པར་ཀླུང་རྒྱུ་བཞིན། །ཡིད་ནི་རླུང་ཆེན་ཀུན་ཏུ་རྒྱུ། །སྤྱན་གྱི་སྦྱོར་བས་སྒོ་ང་མཐོང༌། ། ཐུགས་ཀྱི་སྦྱོར་བས་མཛེས་པར་མཁྱེན། །ཞལ་གྱི་སྦྱོར་བས་ཆགས་སེམས་སྐྱེས། །རིག་པ་ཡིད་དང་བཅས་པ་ཞུགས། །སེམས་ཅན་ཕོ་མོ་སོ་སོར་སྨིན། ། སྐྱེ་བ་བཞི་ལས་སྒོང་སྐྱེས་ཡིན། །དེ་ནས་མངལ་ནས་སྐྱེ་བ་བྱུང༌། །མི་མཇེད་འཇིག་རྟེན་རིམ་པར་ཆགས། །ཉོན་མོངས་རགས་ཤིང་འབྲས་བུ་ངན། །དེ་ནས་མནར་མེད་གནས་ལ་ཐུག །ཅེས་གསུངས་སོ། །གཉིས་པ་ལམ་དམར་ཁྲིད་དུ་བཤད་པ་ལ་གསུམ་ལས། བག་ཆགས་ལུས་ཀྱི་གྲུབ་ཚུལ། སེམས་དང་ཡེ་ཤེས་ཀྱི་གནས་ཚུལ། གདམས་པ་ངོ་སྤྲོད་ཀྱི་མཚོན་ཚུལ་ལོ། །དང་པོ་ནི། ཀུན་གསལ་ལས། དང་པོ་ལུས་ཆགས་མིག་ནས་བཟུང༌། །དེ་ནས་ལུས་བྱིང་བསྐྱེད་པ་སྟེ། །མིག་གཉིས་རྩ་གཉིས་ཤར་བ་ ལས། །དེ་ནས་རྩ་ཡི་མདུད་པར་གྱུར། །དེ་ནས་ལུས་བྱིང་བསྐྱེད་པ་ཡིན། །རྩ་ཡི་ཡན་ལག་རྣམས་ཤར་རོ། །དེ་ཡི་དུས་སུ་ཙིཏྟ་དང༌། །གློ་བ་ལ་སོགས་ནང་ཁྲོལ་རྣམས། །དོན་སྙིང་ལ་སོགས་སོ་སོར་གྲུབ། །སྡུད་བྱེད་ལུས་ཀྱི་ཆགས་ལུགས་ཡིན། །ཞེས་པས། ལུས་ཆགས་པ། བསྐྱེད་པ། གནས་པ་གསུམ་ལས། དང་པོ་ནི་ཕ་མའི་ཐིག་ལེ་དཀར་དམར་གཉིས། དྲི་ཟ་ཉེ་བར་འཁོར་བའི་སེམས་ཅན་གྱི་རླུང་སེམས་གཉིས་ཏེ་བཞི་འདྲེས་པ་ལས། ཞག་བདུན་ཚན་དང་པོ་ལ་མེར་མེར་པོ་ཉུང་འབྲུའི་སུམ་ཆ་ཙམ་གྱི་དབུས་སུ་རྩ་མདུད་གྲུ་གསུམ་དེའི་དབུས་སུ་མིག་གཉིས་ཆགས་སོ། །བདུན་ཚན་གཉིས་པ་ལ་ནུར་ནུར་པོ་ལས་ཤར་གྱི་རྩའི་ནང་དུ་ཁྲག་གི་དངས་མ་རྟ་རྔ་བརྒྱར་གཤགས་པ་ཙམ་གཅིག་ཆགས་སོ། །བདུན་ཚན་གསུམ་པ་ལ་ཏར་ཏར་པོ་ལས་ལྷོའི་རྩའི་ནང་དུ་ཤའི་དངས་མ་ཆགས་སོ། བདུན་ཚན་བཞི་པ་ལ་གོར་གོར་པོ་ལས་ནུབ་རྩའི་ནང་དུ་དྲོད་ཀྱི་དངས་མ་ཆགས་སོ། །བྱང་ཤར་དབུགས་ཀྱི་དངས་མ་ཆགས་སོ།།བདུན་ཚན་ལྔ་པ་ལ་འཁྲང་འགྱུར་ཏེ་རྩ་གསུམ་འཁོར་ལོ་བཞི་ཆགས་སོ།།བདུན་ཚན་དྲུག་པ་ལ་ཁྱབ་འཇུག་ཉ་ལྟ་བུ་མའི་ཆག་གང་པར་ཆགས་སོ།།བདུན་ཚན་བདུན་པ་ལ་རུ«ས«་སྦལ་གྱི་རྣམ་པའི་མཁྱིད་གང་བ་ཡན་ལག་དོད་པ་ཙམ་དུ་ཆགས་སོ། །བདུན་ཚན་བརྒྱད་པ་ལ་ཁྱབ་འཇུག་སྦལ་པའི་རྣམ་པ་འདྲ་བ་མའི་མཐོ་གང་པ་དབང་པོ་དང་ཡན་ལག་རྫོགས་པར་ཆགས་སོ།།ལུས་བསྐྱེད་པ་ནི། རླུང་དབུ་མར་ཚུད་མས་ཟས་ཟོས་པའི་དངས་མས་གཟུགས་སུ་སྨིན་ཅིང་བསྐྱེད་དེ། ཟླ་བ་དགུ་ངོ་དང་བཅུར་ཁྱད་པར་དུ་ལུས་རྫོགས་པ་ཡིན། ཀུན་གསལ་ལས། ལུས་བསྐྱེད་བཅུད་ཀྱི་ཆགས་ལུགས་ནི། །» «མ་བུ་ལྟེ་བ་གཉིས་འབྲེལ་ཏེ། །ལྟེ་བའི་གནས་ནས་སྐྱེད་པར་བྱེད། །དེ་ཡི་སྟོབས་དང་གཟི་མདངས་བསྐྱེད། །ཅེས་སོ། །དེ་ནས་མངལ་སྐྱེས་ནས་ལུས་གནས་པ་ནི། རྩ་རླུང་ཐིག་ལེ་གསུམ་གྱི་འཕེལ་གནས་འགྲིབ་གསུམ་གྱིས་བྱེད་དེ། རྩ་ལུས་ཀྱི་རྟེན་དེ་ལ་ཐིག་ལེ་དང་རླུང་བརྟེན་ནོ། །རྩ་ལ་གཙོ་བོ་གསུམ། འཁོར་ལོ་བཞི། རྩ་བྲན་བྱེ་བ་གཅིག་གནས་ཏེ། དེ་ཉིད་ལས། ལུས་ཀྱི་རྒྱབ་མདུན་རྩ་ཡི་འཁོར་ལོ་བཞི། །འཁོར་ལོ་དྲྭ་བ་བཞིན་དུ་མང་འབྲེལ་ཡང༌།།མཆོག་ཏུ་དྲང་བ་ཀ་བའི་ཚུལ། །སྐུ་གསུམ་བསྐྱེད་པའི་ཡེ་ཤེས་རྩ་གསུམ་གནས། །ཞེས་སོ། །རྩ་འདབ་ལ་ལྟེ་བ་ན་དྲུག་ཅུ་རྩ་བཞི། སྙིང་ག་ན་བརྒྱད། མགྲིན་པ་ན་བཅུ་དྲུག» «།སྤྱི་བོ་ན་སུམ་ཅུ་རྩ་གཉིས་སོ། །དེ་དག་ལས་གྱེས་པ་ཕྲ་མོ་དཔག་ཏུ་མེད་དོ། །རླུང་ལ་རྩ་ལ་རྒྱུ་བ་ཆེ་ཆུང་གཉིས་སོ། །ལས་བྱེད་པའི་རླུང་ནི་ལྔ་སྟེ། འདེགས་བྱེད་ཀྱི་རང་ཚིགས་བཞི་ལ་གནས་པས། ཤ་དང་རུས་པའི་སྟོབས་བསྐྱེད། བཀྲག་དང་གཟི་མདངས་བསྐྱེད་པའི་རླུང་སྨིན་ཕྲག་ན་གནས་པས་ཁྲག་དང་ཆུ་སེར་ཀྱི་སྟོབས་བསྐྱེད། མེ་མཉམ་གྱི་རླུང་ཕོ་བ་ན་གནས་པས་ཟས་འཇུ་བར་བྱེད། དངས་སྙིགས་འབྱེད་པའི་རླུང་སྟེང་འོག་གཉིས་ལ་གནས་པས་དངས་མ་ལུས་ལ་མགྲེམས། སྙིགས་མ་ཕྱིར་དོར་བར་བྱེད། སྙིང་རྗེ་མེད་པ་བསྐལ་པ་ལས་ཀྱི་རླུང་རིག་པ་དང་དབྱེར་མེད་པ་སྙིང་གར་གནས། འཁོར་བ་ཆོས་ཉིད་དུ་སྒྲོལ་པའི་ལས་བྱེད་དོ། །བྱང་ཆུབ་ཀྱི་སེམས་ནི་རྩའི་ནང་ནས་རྒྱུ་བ་ལས། དོན་དམ་ཐིག་ལེས་རྐྱང་མ། ཀུན་རྫོབ་ཐིག་ལེས་རོ་མ། རང་བཞིན་གྱི་ཐིག་ལེས་དབུ་མ་ནས་རྒྱུའོ། །བུད་མེད་རྣམས་ལ་དེ་གོ་ལོག་པའོ། །ཐིག་ལེ་དཀར་པོས་ཀླད་པ། རྐང་མར་དེས་རུས་པ། ཚིལ། ཆུ་རྒྱུས་བསྐྱེད་དོ། །དམར་པོས་ཤ། དེས་ཆུ་སེར། དེས་པགས་པ། དེས་སྐྲ་དང་བ་སྤུ་བསྐྱེད་དོ། །དེའི་གནད་ཀྱི་དངས་མ་རྒྱས་དུས་ལུས་མཛེས་ཤིང་སྐྲ་དཀར་དང་གཉེར་མ་མེད་ལ། རྒུད་དུས་འབྱུང་བའོ། །སེམས་དང་ཡེ་ཤེས་ཀྱི་གནས་ཚུལ་ལ། ཆོས་གཞན་ནས་ཕྱེ་བ་མེད་ཀྱང༌། འདིར་གདམས་ངག་གི་ཁྱད་པར་གྱིས་སེམས་དང་ཡེ་ཤེས་གཉིས་པོ་དེ། གནས་དང་ལམ་དང༌། སྒོ་དང༌། འབྲས་བུ་བཞིས་སོ་སོར་འབྱེད་པ་ལས། དང་པོ་ཡེ་ཤེས་ཀྱི་གནས། ཙིཏྟ་རིན་པོ་ཆེ་ན་དཀྱིལ་འཁོར་མུ་ཁྱུད་གསུམ་པ་ལ་ཞི་བ་དང༌། དེའི་གདངས་སུ་དུང་ཁང་ན་ཁྲོ་བོ་བཞུགས་ཏེ། མཚན་བརྗོད་ལས། འོད་བཟང་འབར་བ་དཔལ་བེའུ། །ཞེས་པ་དང༌། ཀུན་གསལ་ལས། ཙིཏྟ་རིན་ཆེན་གཞལ་ཡས་ན།།སྐུ་ནི་ཆ་ཕྲ་ཏིལ་འབྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །ཞེས་པ་དང༌། རིན་ཆེན་ཟུར་བརྒྱད་ཁང་པ་ན། །སྐུ་དང་ཡེ་ཤེས་མར་མེ་ལྟར། །» «ལོགས་ན་མི་གནས་ལྷུན་གྱིས་གྲུབ། ཅེས་སོ། དེའང་རིག་པ་ཡེ་ཤེས་ལྔའི་རང་གདངས་ཀྱི་ཀློང་ན་བཞུགས་པ་དཔེ་རྨ་བྱའི་སྒོ་ང་ལྟ་བུ་སྟེ། ངོ་བོ་སྟོང་པ་སྒོ་ངའི་དབྱིབས་«ཟླུམ་«ལ་ཟང་ཐལ་བ། རང་བཞིན་གསལ་བ་ནང་གི་ཆུ་རིས་འོད་ལྔར་འཁྱིལ་བ། ཐུགས་རྗེ་རིག་པ་དབུས་ཀྱི་ཕྲུག་གུའི་ཤེས་པ་ལྟ་བུར་མཚོན་ཏེ། དུར་ཁྲོད་ཕུང་པོ་འབར་བ་ལས། ངོ་བོ་རང་བཞིན་ཐུགས་རྗེ་སྟེ། །དཔེར་ན་རྨ་བྱའི་སྒོ་ང་བཞིན། །དབྱིབས་སུ་གྲུབ་པ་ཆོས་སྐུ་སྟེ། །ཆུ་རིགས་འོད་ལྔར་འབར་བ་ཉིད། །ལོངས་སྐུ་མཚོན་པའི་དཔེ་རུ་བསྟན། །རྨ་བྱའི་ཕྲུག་གུར་བྱུང་བའི་ཚེ། །སྤྲུལ་པ་སྐུ་ཡི་དཔེ་རུ་བསྟན། །ཞེས་སོ། །ཡེ་ཤེས་ཀྱི་ལམ་ནི་སྙྀང་ནས་མིག་ཏུ་རྩ་དར་དཀར་གྱི་སྐུད་པ་ལྟ་བུ་ཁྲག་དང་ཆུ་སེར་མེད་པ་ལ་བརྒྱུད་དེ། ཀུན་གསལ་ལས། རིན་ཆེན་རྒྱ་མཚོར་འབྲེལ་བ་ནི། ། དཀར་འཇམ་ཁོག་པ་སྟོང་པའི་རྩ། །ཐིག་ལེ་ཁྲག་གིས་མ་གོས་པར། །ཡེ་ཤེས་ཆེན་པོ་ཀུན་ཏུ་རྒྱུ།།དེ་ནི་ཡེ་ཤེས་ལམ་དུ་བཤད། །ཅེས་སོ། །སྒོ་རྒྱང་ཞགས་ཆུའི་སྒྲོན་མ་ནས་ཕྱི་ནང་སྣོད་བཅུད་ཐམས་ཅད་རང་གདངས་འོད་དུ་གསལ་ལོ། །འབྲས་བུ་སྐུ་གསུམ་རང་ལ་ལྷུན་གྲུབ་ཏུ་རྫོགས་པའོ། །སེམས་ཀྱི་གནས་ནི་སྙིང་ནས་གློ་བར་རྩ་གྲོ་སོག་གི་སྦུ་གུ་ཙམ་གྱིས་འབྲེལ་པར་ཡེ་ཤེས་ཀྱི་རང་གདངས་རླུང་དང་འབྲེལ་ཡོད་པ་སྟེ་གློ་བའི་རྩའོ། །ལམ་ནི་གློ་བ་ནས་སྒོ་ལྔའི་དབང་ཤེས་འཆར་བའི་རྩ་འདབ་སོ་སོའོ། །སྒོ་ནི་ཁ་སྣ་དང་སྒོ་ལྔའི་འདོད་ཡོན་སྣང་བའི་དབང་རྟེན་དྭངས་མ་རྣམས་སོ། །བྱེད་ལས་གཟུང་འཛིན་ལས་དང་བག་ཆགས་གསོག་པར་བྱེད། འབྲས་བུ་འཁོར་བ་གྲུབ་པར་བྱེད་པའོ། །སེམས་ཀྱི་ངོ་བོ་ཡེ་ཤེས་ཀྱི་རང་གདངས་རླུང་དང་འབྲེལ་པས་རྣམ་རྟོག་ཡུལ་ལ་འཇུག་པ་ཡིན་» «ནོ། །ཡེ་ཤེས་ཀྱི་རང་གདངས་མི་འཕྱེ་བོ་མིག་ཅན་ལྟ་བུའོ། །རླུང་གི་རྒྱུ་བ་རྟ་ལོང་བ་རྐང་ཅན་ལྟ་བུས་ཁུར་བ་ལས། ཕྱི་ནང་ཚོགས་དྲུག་གི་ཡུལ་གྱི་ཤེས་པ་སེམས་བྱུང་གི་རྣམ་པར་བྱུང་སྟེ། རིག་པའི་རང་གདངས་ཡིན་པས། མི་བཀྲ་དགུ་བཀྲར་བྱུང༌། རླུང་གིས་བསྐྱོད་པས་མི་འགྱུ་དགུ་འགྱུ་བྱུང་བའོ། །ཀུན་གསལ་ལས། སེམས་དང་ཡེ་ཤེས་རྣམ་པ་གཉིས། །གཅིག་མིན་ཐ་དད་མ་ཡིན་ཏེ། །དབྱེ་ན་རབ་ཏུ་དཀའ་བའི་ཆོས། །སེམས་ནི་ཡེ་ཤེས་རྩལ་ཡིན་ཏེ།།སེམས་ཀྱི་གཞི་མ་ཡེ་ཤེས་ཡིན། །གཅིག་པ་དང་ནི་ཐ་དད་ལས། །གྲོལ་བའི་མ་གྲོལ་ཞེས་བྱའོ། །ཞེས་པ་དང༌། དུར་ཁྲོད་ཕུང་པོ་འབར་བ་ལས་ཀྱང༌། སེམས་ཀྱི་ངོ་བོ་ཡེ་ཤེས་ཏེ། དེ་ལས་གཟུང་འཛིན་རྩལ་དུ་ཤར། །དབུགས་ལ་རྟ་བྱས་རྐྱེན་དང་འཕྲད། །གཟུང་འཛིན་རྟོག་པ་ཆེས་སོང་ངོ༌། །གནས་ནི་རླུང་ཅན་གྲོང་ན་གནས། །ལམ་ནི་མགྲིན་པ་དག་ཏུ་རྒྱུ། །སྒོ་ནི་འདོད་པའི་སྒོ་ལྔར་ཤར། །རྐྱེན་ནི་རྟོག་པ་སྣ་ཚོགས་བསྐྱེད། །ལས་ནི་གཟུང་འཛིན་ངར་འཛིན་བྱེད། །ཅེས་པ་དང༌། དགའ་རབ་རྡོ་རྗེའི་གསེར་ཕྲེང་ལས། རིན་ཆེན་སྒྲོན་མར་འབྲེལ་ཏེ་དར་སྐུད་ཙམ་དེ་དཀར། །རིན་ཆེན་རླུང་ཅན་འབྲེལ་ཏེ་སོགས་སྦུག་ཙམ་དེ་དམར།།རླུང་ཅན་སྒོ་དང་འབྲེལ་ཏེ་ཉུག་ལྡོམ་ཙམ། ། ཞེས་སོ། །དེ་ཡང་སྙིང་ནས་མིག་ཏུ་འབྲེལ་བའི་རྩ་གཉིས་ལས་ལྷུན་གྲུབ་རང་བཞིན་གྱི་གདངས་ཡེ་ཤེས་འཆར། སྙིང་ནས་གློ་བར་འབྲེལ་བའི་རྩ་གཉིས་ལ་ཐུགས་རྗེའི་རང་གདངས་འཆར་བ་རླུང་དང་འབྲེལ་བས་སེམས་སུ་ཤར་བའོ། ། གདམས་པ་ངོ་སྤྲོད་ཀྱིས་མཚོན་ཚུལ་ལ་གསུམ་སྟེ། རྡེ་སྐོར་ས་ལ་བཀོད་པ། བརྡ་སྐོར་མཁའ་ལ་བསྟན་པ། དོན་སྐོར་རང་ལ་གནས་པའོ། །དང་པོ་ནི་གནས་ཀྱི་ཚོད་དང་སྦྱར་བའི་མཎྜལ་ལ་ཚངས་ཟུར་གྱི་ཐིག་གདབ། མུ་ཁྱུད་རིམ་པ་གསུམ་འོད་ལྔ་ལྡན་དུ་བཀོད་པའི་ལྟེ་བ་མཐིང་ཀ །མུ་ཁྱུད་ནང་དམར། པདྨ་བཅུ་གཉིས་ཤར་དཀར། ལྷོ་སེར། ནུབ་དམར། བྱང་ལྗང༌། མཚམས་བཞི་མཐིང༌། མུ་ཁྱུད་ཕྱི་མ་པདྨ་བཅུ་དྲུག་མཛེས་ཚོན་དུ་བྱས་པ་ལ། གཞིའི་རྡེའུ་ཉེར་བརྒྱད་བཀྲམ་པ་ནི། གཞི་རྫོགས་ཀྱི་ལྷའི་དག་པའོ། །བརྡ་སྐོར་མཁའ་ལ་བཀྲམ་པ་ནི། དེ་ཡང་བརྡ་མིག་ལ་བསྟན། ངག་རྣ་བར་བླུགས། ཞེས་པ་དང༌། སྡུད་པའི་རྒྱུད་ལས། འཁོར་གྱི་རིག་པ་འཛིན་པ་རྣམས། །ང་ཡི་རྗེས་སུ་འཇུག་རྣམས་ལ། །བརྡ་རྣམས་ཕྱོགས་མཐུན་དངོས་སྟོན་ལ། །ངག་གི་ངེས་དོན་གཏན་ལ་ཕབ། །ཅེས་པས། བླ་མའི་གཡོན་ངོས་སུ་སྟན་འཚམས་པའི་སྟེང་དུ་སློབ་མ་རེ་བཞག་ལ། མན་ཤེལ་བཟུང་སྟེ་འདི་སྐད་བརྗོད་དོ། །དཔལ་རྡོ་རྗེ་སེམས་དཔའི་ཞལ་ནས། ང་ལ་མ་དྲི་རྡོ་རྗེ་སེམས་དཔའི་མེ་ལོང་ལ་དྲིས་གསུངས་པ་དང༌། འཁོར་བ་དོང་སྤྲུག་གི་རྒྱུད་ལས། ཆོས་ལས་འདས་པའི་སྐུ་ངོ་མ་ཤེས་རང་གི་རིག་པ་ལྟོས་ཤིག» «།དེ་ཉིད་མཚོན་པའི་དཔེ་ངོ་མ་ཤེས་ན་རྡོ་རྗེ་སེམས་དཔའི་མེ་ལོང་ལ་ལྟོས་ཤིག» «།དེ་ཉིད་རང་ལ་གནས་པའི་རྟགས་ངོ་མ་ཤེས་ན། བྱང་ཆུབ་ཀྱི་སྒྲོན་མ་ལ་དྲིས་ཤིག» «།ཅེས་པ་དང༌། གཞི་སྦགས་ལས། དེ་ཡང་སྣང་བ་མཐའ་ཡས་ཐུགས་ཀ་ནས། རིན་པོ་ཆེ་ཤེལ་གྱི་མཆོད་རྟེན་ཁྲི་འཕང་ལྔ་པ། ཁྲི་འཕང་རེ་རེ་ལ་རིགས་ལྔ་འཁོར་དང་བཅས་པ་རྫོགས་པ། སངས་རྒྱས་དང་དབྱེར་མེད་པའི་སྐུ་གདུང་ཆེན་པོ་བབས་ཏེ། དེ་ནི་དངོས་སུ་ཕྱག་གཡོན་དུ་བབས་སོ། །དེ་ཡེ་ཤེས་ཀྱི་མེ་ལོང་དུ་གྱུར་ནས་མཐོང་བ་དང༌། རྟོགས་པ་དང་གྲོལ་བ་དུས་གཅིག་ལ་ཤར་ཏེ་ཤེས་བྱའི་མེ་ལོང་དུ་གྱུར་ཏོ། །ཞེས་གསུངས་སོ། །དེ་ནས་སློབ་མའི་མིག་གིས་རྡེ་སྐོར་ཤེལ་གྱི་ནམ་མཁར་བཏེག་ལ་དབང་པོའི་མངོན་སུམ་དུ་བཀྲ་ལམ་ཀྱིས་བསྟན་ནས། ཀྱཻ་སྐལ་ལྡན་རང་གི་སྙིང་གི་དཀྱིལ་ན། རིག་པ་རང་བྱུང་གི་ཡེ་ཤེས་ངོ་བོ་སྟོང་པ། རང་བཞིན་གསལ་བ། ཐུགས་རྗེས་གཉིས་སུ་མེད་པ་སྐུ་དང་ཡེ་ཤེས་ཀྱི་རང་གདངས་སུ་གསལ་བ་ལ། གཞི་རྫོགས་ཀྱི་དཀྱིལ་འཁོར་མུ་ཁྱུད་གསུམ་པ་སྐུ་གསུམ་ལྷུན་གྲུབ་ཆེན་པོར་གནས་པའི་བརྡ་མིག་གིས་མཐོང་བས། ངོ་ཤེས་ཤིང་རིག་པས་གོ་བས་ཐེ་ཚོམ་མེད་པར་ཐག་ཆོད་ཅིག» «།ཀུན་གསལ་ལས། སྐུ་གསུམ་རང་བྱུང་དཀྱིལ་འཁོར་ན། །དབུས་ན་སྐུ་གཉིས་འོད་དཔག་མེད། ། ཀུན་བཟང་ཡབ་ཡུམ་ཆོས་སྐུར་གནས། །བར་ན་འཇའ་ཚོན་འབར་བའི་སྐུ། ། རིགས་ལྔ་ཡབ་ཡུམ་ལོངས་སྐུར་གནས། །ཕྱི་རིམ་སྤྲུལ་པའི་འཁོར་ཡིན་ཏེ། ། སེམས་དཔའ་བཅུ་དྲུག་སྤྲུལ་སྐུར་གནས། །བཅུ་དྲུག་ཕྱེད་ཕྱེད་ཐིག་ལེ་ཙམ། ། ཡན་ལག་མེད་པ་རྩིས་ལས་འདས། །ཞེས་སོ། །དོན་སྐོར་རང་ལ་གནས་པས་ངོ་སྤྲད་པ་ལ་གསུམ་སྟེ། དཔེ། རྟགས། དོན་ངོ་སྤྲད་པའོ། །དཔེ་ལ་བཞི་སྟེ། ཆོས་སྐུ་མན་ཤེལ། ལོངས་སྐུ་འདྲ་ འབག» «།སྤྲུལ་སྐུ་འོད་ཁྱིམ། འདུ་འབྲལ་མེད་པ་ཉི་མའི་སྙིང་པོ་ལ་ངོ་སྤྲད་ པའོ། །དང་པོ་ནི་སྐྱེས་བུ་ལས་དག་པའི་སྤྱན་གཡོན་མའི་སྟེང་དུ། རྡོ་རྗེ་སེམས་དཔའི་མེ་ལོང་བསྟན་ལ། ཀྱཻ་སྐལ་བར་ལྡན་པའི་སྐྱེས་བུ་ཀུན། །སྣོད་ལྡན་ཐུགས་ཀྱི་མེ་ལོང་འདི། །ཆོས་སྐུ་དངོས་ནི་མ་ཡིན་ཏེ། །དཔེ་ནི་འདི་འདྲར་ཤེས་པར་བྱ། །དཔེ་འདི་ལ་ཕྱི་ནང་མེད་པ་ལྟར། ཆོས་སྐུ་ལ་ཕྱི་ནང་མེད་པ་ཤེས་པར་གྱིས་ཤིག །དཔེ་འདི་ལ་མདུན་རྒྱབ་མེད་པ་ལྟར། ཆོས་སྐུ་ལ་མདུན་རྒྱབ་མེད་པར་ངོ་ཤེས་པར་གྱིས་ཤིག །དཔེ་འདི་ལ་ཟང་ཐལ་ལྟར། ཆོས་སྐུ་དྲི་མེད་ཟང་ཐལ་དུ་ཤེས་པར་གྱིས་ཤིག །འདི་ལ་ནང་མེད་པས་ན་རྐྱེན་མེད་པའི་འོད་ལྔ་གསལ་བ་ལྟར། །ཆོས་སྐུ་ཟང་ཐལ་གྱི་ནང་ན། གཟུགས་སྐུ་ནང་གསལ་ལྷུན་གྲུབ་ཡེ་ཤེས་ཀྱི་སྙིང་པོ་ཅན་དུ་ཤེས་པར་གྱིས་ཤིག» «།ནང་མེད་པའི་ནང་ནས་འོད་ལྔ་ཕྱིར་འཆར་ནུས་པ་ལྟར། ཆོས་སྐུ་ལས་གཟུགས་སྐུ་གཉིས་གདུལ་བྱ་ལ་སྣང་ནུས་པར་ཤེས་པར་གྱིས་ཤིག» «།ཅེས་གསུངས་པས། རང་རིག་པའི་ཡེ་ཤེས་ཆོས་སྐུར་ངོ་སྤྲད་དེ། ཞལ་ཆེམས་ལས། མན་ཤེལ་ལྟ་བུའི་དཔེ་བསྟན་ཚེ། །མཐོང་བ་དེ་ཉིད་དོན་ཞེས་བྱ། །ཞེས་སོ། །གཉིས་པ་ནི་རང་སྣང་ལོངས་སྐུ་གཞོན་ནུ་བུམ་པ་སྐུའི་འཆར་ཚུལ་ངོ་ཤེས་པར་བྱེད་པ་སྟེ། བླ་མའི་སྐུ་ལ་རུས་རྒྱན་གསོལ། །སློབ་མའི་སྤྱན་གཡས་ཀྱི་སྟེང་དུ་མེ་ལོང་བསྟན་པ་བཏེག་ལ། ཀྱཻ་སྐལ་ལྡན། ཡེ་ཤེས་སྐུ་དེ་རང་བྱུང་བ། །སྟོང་པ་ཟང་ཐལ་ནམ་མཁའི་སྐུ། །སྐྱེ་ཤི་འཕོ་འགྱུར་མེད་པའི་སྐུ། །ཞེས་གསུངས་པ་ཉིད་ངོ་སྤྲད་ན། བཤད་རྒྱུད་ལས། འདྲ་འབག་མེ་ལོང་བསྟན་པའི་ཚེ། །མེ་ལོང་དག་ཅིང་གསལ་བ་ལྟར། །ཆོས་ཉིད་དག་ཅིང་གསལ་བ་འོ། །མེ་ལོང་གི་ནང་ན་གཟུགས་བརྙན་སྣང་ལ་རང་བཞིན་མེད་པ་ལྟར། ཆོས་ཉིད་སྟོང་པའི་ཀློང་ན་སྐུ་ལྔ་སྣང་ལ་རང་བཞིན་མེད་པར་གནས་སོ། །སྐུ་ནི་ཆ་ཕྲ་ཏིལ་འབྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །ཞེས་པ་དང༌། ད་ལྟ་རང་ལ་གནས་པའི་སྙིང་གའི་ཞི་བ་བཞི་བཅུ་རྩ་གཉིས་ཀྱི་གདངས། དུང་ཁང་ན་ཁྲག་འཐུང་ལྔ་བཅུ་རྩ་བརྒྱད་རྣམས་སྐུ་ཡུངས་འབྲུ་ཙམ་ལས་མེད་ཀྱང༌། གནས་ཡང་དོག་གི་ཕྱིར་བར་དོར་ཆེ་བ་ནམ་མཁའ་དང་མཉམ་པ། དེའི་འོག་མ་རི་རབ་ཙམ། ཆུང་བ་མཁར་ཐབས་ཙམ། ཡང་ཆུང་རང་ལུས་ཙམ་པས་ནམ་མཁའ་ཁེངས་པར་འཆར་རོ། །དེའི་ཚེ་རང་སྣང་གཟུགས་སྐུར་ངོ་ཤེས་པར་གྱིས་ཤིག» «།ཅེས་བརྗོད་དོ། །དེ་ནས་མཐོངས་ཁུང་ཐམས་ཅད་བཀག་ལ་རི་རབ་ཀྱི་རྩེ་ནས། ཉི་མ་ནུབ་པའི་ཚེ་ཡེ་ཤེས་ཁོང་གསལ་གྱི་དགོངས་པ་ངོ་ སྤྲད། སུརྱ་སྐྱོང་དུ་བཅུག་ལ་དཔལ་བེ་ནས་སྒྲོན་མར་འབྲེལ་བའི་རྩ་ལམ་ངོ་སྤྲད། སུརྱའི་ཟུར་ལ་མེ་ལོང་ཕྱར་ལ་སེམས་དང་ཡེ་ཤེས་རྒྱབ་གྱེས་པའི་དུས་ངོ་སྤྲད། མེ་ལོང་སྒྲིལ་ཞིང་གཞི་སྣང་ངོ་སྤྲད། རྩ་གཏེམས། རོལ་མོ་དཀྲོལ། མེ་ལོང་སྒྲིལ་ཞིང་སྒྲ་འོད་ཟེར་གསུམ་ངོ་སྤྲད། དེ་ཡང་ཆོས་ཉིད་བར་དོར་འོད་ལྔའི་རང་སྣང་སོས་ཀའི་ཐང་ལ་སྨིག་རྒྱུ་འགྱུ་བ་ལྟ་བུའི་ནང་ནས་ཆོས་ཉིད་ཀྱི་རང་སྒྲ་འབྲུག་སྟོང་ལྟིར་བ་ཙམ་དང༌། ཟེར་མཚོན་ཆའི་ཆར་བབས་པ་འདྲ་བ་འོང་བས། སྒྲ་རང་སྒྲ། འོད་རང་འོད། ཟེར་རང་ཟེར་དུ་ངོ་ཤེས་པར་གྱིས་ ཤིག །ཅེས་བརྗོད། དེ་ཡང་ད་ལྟ་མི་མོས་ཡེ་ཤེས་ཁོང་གསལ་དང་རྩ་ལས་ངོ་སྤྲད། གཏེམས་པས་རིག་པ་བརྒྱལ་བ་ངོ་སྤྲད། གཞི་སྣང་སྒྲ་འོད་ཟེར་གསུམ་ངོ་སྤྲད་པ་ཞེས་སོ། །སྤྲུལ་སྐུ་འོད་ཁྱིམ་ཁ་སྦྱོར་ལ་ངོ་སྤྲད་པ་ནི། ཐུགས་རྗེ་འཆར་ཚུལ་མ་འགགས་པར་མཚོན་པ་སྟེ། ཉི་ཞུར་གྱི་འོད་མེ་ལོང་གི་འོད་འཛོམས་པ་ལ་མིག་གཏད་དེ། སྙིང་གའི་རང་གདངས་རྒྱང་ཞགས་སུ་འཆར་བ་ཁ་སྦྱར་ལ་ངོ་སྤྲད་དེ། ཀུན་གསལ་ལས། ཀྱཻ་མ་རིགས་ཀྱི་བུ། མེ་ལོང་དག་ཅིང་གསལ་བ་ལྟར། ཆུ་ཡི་སྒྲོན་མ་རྣམ་པར་དག་པའི་ཆོས་ཉིད་དོ། །མེ་ལོང་ལ་ཕྱག་རྒྱ་མ་བསྐྱོད་པའི་སྐུ་ལྔ་འོད་དུ་གསལ་བ་ནི། ཇི་ལྟ་བ་རྟགས་ཀྱི་ཡེ་ཤེས་ཡིན་ཏེ་སྤྲུལ་སྐུའོ། །ཞེས་གསུངས་སོ། །སྐུ་གསུམ་འདུ་འབྲལ་མེད་པ་ཉི་མའི་དཀྱིལ་འཁོར་ངོ་སྤྲད་པ་ནི། ཚོན་གྱིས་བསྒྱུར་བའི་སེང་རས་ཚགས་དམ་ལྷོད་རན་པས་གདོང་གཡོགས་ཏེ་ཉི་མའི་དཀྱིལ་འཁོར་ལ་བལྟས་པས། འོད་ལྔའི་ཀློང་ན་ཉི་མ་ཟེར་སྣ་ཚོགས་སུ་འཕྲོ་བ་ཐིག་ལེ་ལུ་གུ་རྒྱུད་དང་བཅས་པ་མཐོང་དུས། ཡི་གེ་མེད་པའི་བརྡ་ཞེས་མཚོན་ཏེ། ཉི་མའི་སྙིང་པོ་ཆོས་སྐུའི་དཔེ། འོད་ལྔ་ལོངས་སྐུའི་དཔེ། ཟེར་སྤྲུལ་སྐུའི་དཔེ། དེ་གསུམ་གཞི་གཅིག་ལ་འདུ་བ་སྐུ་དང་ཡེ་ཤེས་འདུ་འབྲལ་མེད་པའི་དཔེ་སྟེ། དུར་ཁྲོད་ཕུང་པོ་འབར་བའི་རྒྱུད་ལས། མཚོན་དཔེ་ཉི་མའི་སྙིང་པོ་བཞིན། །ཉི་མའི་སྙིང་པོ་ཆོས་སྐུའི་དཔེ། »།«དེ་ལས་འོད་ཟེར་སྣ་ཚོགས་ཤར། །དེས་ནི་འགྲོ་དྲུག་མུན་པ་སེལ། །དེ་བཞིན་ཆོས་སྐུ་རྟོག་མེད་གསལ། །ལོངས་སྐུ་ཤེས་རབ་འགག་མེད་སྤྱོད། ། སྤྲུལ་སྐུ་ཐུགས་རྗེས་ཉོན་མོངས་སྒྲོལ། །དེ་གསུམ་ཐ་དད་གཅིག་གི་ངང༌། ཞེས་པ་དང༌། ཀུན་གསལ་ལས། ཉི་མའི་སྙིང་པོ་ལ་ཟེར་མི་འགག་པ་བཞིན་དུ། ཆོས་སྐུ་ལ་གཟུགས་སྐུ་གཉིས་ཀྱིས་བརྒྱན་ཏེ་འཆར་རོ། །ཉི་མའི་སྙིང་པོ་དང་འོད་ཟེར་མ་འབྲལ་བ་ལྟར། སྐུ་གསུམ་ཡེ་ཤེས་ཡེ་ནས་འདུ་འབྲལ་མེད་པས། དོན་ལ་ཆོས་སྐུ་འདུ་འབྲལ་མེད་པ་ངས་བཤད་དོ། །ཞེས་སོ། །རྟགས་ལ་ངོ་སྤྲོད་པ་ནི། ཡེ་ཤེས་རང་ལ་འོད་གསལ་ལྷུན་གྲུབ་ཏུ་ཡེ་ནས་གནས་པའི་རྒྱུ་མཚན། བྱང་ཆུབ་སེམས་ཀྱི་སྒྲོན་མ་རང་ལ་ཡོད་པ་བསྟན་པས་ཡིད་ཆེས། དེའང་ད་ལྟར་རང་ལ་ཡོད་པའི་ཡེ་ཤེས་བར་དོར་འཆར་བ་ངོ་ཤེས་པར་བྱེད་པ་ལ་གཞི་སྣང་ངོ་སྤྲོད་ཀྱིས་མཚོན་ཏེ། དེ་ཡང་ལུས་སེམས་བེམས་རིག་གི་འབྲེལ་ཐག་ནི་ཆད། འཇིག་རྟེན་འདིའི་སྣང་བ་ནི་ནུབ། སྲིད་པ་བར་དོ་མ་ཤར་བའི་བར་དེར་སྐད་ཅིག་མ་གསུམ་མམ་དྲུག་ལ་སོགས་པ་ཆོས་ཉིད་ཀྱི་བར་དོ་སྒྲ་འོད་ཟེར་གསུམ་གྱི་སྣང་བ་འཆར་བའི་རྟགས་ལ། རྣ་བ་གླང་པོ་ཆེའི་འུར་སྒྲ་ངོ་སྤྲོད་པས་སྒྲ་རང་སྒྲར་ཡིད་ཆེས། ཆུའི་སྒྲོན་མ་ཉིང་ལག་གིས་གཏེམས་པས་བྱང་ཆུབ་སེམས་ཀྱི་སྒྲོན་མའི་སྣང་བ་མཐོང་སྟེ། འོད་རང་འོད་དུ་ཡིད་ཆེས་ཏེ། སྙནབརྒྱུད་ཏི་ཀ་ལས། དཔལ་བེའུ་སྒྲོན་མ་རྩ་ཡིས་འབྲེལ། །སྒྲོན་མ་ཆོས་ཉིད་རང་ཤར་སྒོ། །སྐར་ཁུང་བཀག་པས་སྣང་བ་གསལ། །ཞེས་སོ། །སེང་རས་ཀྱི་ཆུའི་སྒྲོན་མ་སཱུརྱ་ལ་གཏད་པས་ཡེ་ཤེས་ཀྱི་འོད་ཟེར་ལྷུག་པར་འཆར་པ་མཐོང་སྟེ། ཟེར་རང་ཟེར་དུ་ཡིད་ཆེས་པས་རྟགས་གསུམ་མོ། །དེ་ཡང་འོད་གསལ་མ་བུ་འཕྲད་པའི་དུས། དེར་འོད་ཐམས་ཅད་འགུལ་པ་འཕྲིགས་པོ་ཟེར་མཚོན་ཆའི་རྩེ་མོའི་ཉི་ཟེར་བཞིན་འཕྲོ་བའི་ནང་ནས། ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་ཙམ་འོང་བ་རང་སྣང་དུ་ཤེས་པར་བྱའོ། །དེ་ནས་ངོ་སྤྲོད་ནི། རང་གི་ཐུགས་ཀ་དཔལ་གྱི་བེའུ་ཡེ་ཤེས་ཀྱི་གཞལ་མེད་ཁང་ན་སྐུ་གསུམ་འདུ་འབྲལ་མེད་པར་གནས་པ་དེ། དཔེས་ངོ་སྤྲད་པས་ངོ་ཤེས། རྟགས་ཀྱིས་ངོ་སྤྲད་པས་རང་ལ་ཡིད་ཆེས། དོན་གྱིས་ངོ་སྤྲད་པས་རང་ལ་ཡོད་པར་ཐག་ཆོད། ཚིག་གིས་ཤན་སྦྱར་བས་དཔེ་རྟགས་དོན་གསུམ་ད་ལྟ་རང་ལ་ཡོད་པ་ཕྱིས་བར་དོར་འཆར་བར་ཤན་ཕྱེད་དོ། །ཀུན་གསལ་ལས། ཐུགས་ཀྱི་ཀློང་ན་འོད་གསལ་བ། །བུམ་པ་ནང་གི་མར་མེ་བཞིན། །འགྱུར་བ་མེད་པའི་ཡེ་ཤེས་ནི། ། མ་འཁྲུལ་གཞི་ཡི་ཡེ་ཤེས་ཏེ། །དོན་གྱི་ཡེ་ཤེས་དམ་པ་ཡིན། །ཡེ་ཤེས་ཆེན་པོའི་མེ་ལོང་ནི། །མ་བྱས་པ་ཡི་ཆོས་ཡིན་ཏེ། །དཔེ་ཡི་ཡེ་ཤེས་དམ་པ་ཡིན། ། ཚོན་གང་འོད་ཀྱི་དཀྱིལ་འཁོར་ནི། །མི་འགྱུར་བ་ཡི་ལྟ་བ་སྟེ། །རྟགས་ཀྱི་ཡེ་ཤེས་དམ་པ་ཡིན། །ཞེས་གསུངས་སོ། །ངོ་སྤྲོད་ཐོབ་པའི་གང་ཟག་རྣམས་ཀྱིས་འདིར་བསྟན་པ་བཞིན་ཉམས་སུ་བླངས་པས། གོལ་དུ་གོལ་ས་མེད། རང་སྣང་དཀྱིལ་འཁོར་ཤར། འཁྱར་དུ་འཁྱར་ས་མེད། ཆོས་ཉིད་མ་བུ་འདྲེས་སོ། །དེ་ལྟར་ཡིན་གྱིས་ཀྱང༌། ཕྱིས་བར་དོ་འོད་གསལ་མ་བུ་འཕྲད་ནས་འཁོར་འདས་ཀྱི་རུ་ཤན་འབྱེད་པའི་དུས་དེར་སྔར་འདྲིས་ཀྱི་མི་དང་འཕྲད་པ་ལྟ་བུའི་ཉམས་མེད་ན། གདམས་ངག་གིས་ཕན་མི་ཐོགས་པས་ཉམས་སུ་ལེན་པའི་ཕྱག་བཞེས་ལ་ཡང་ཡང་བརྟག་ཅིང་འདྲིས་པ་ཤིན་ཏུ་གལ་ཆེ་བས། ཉམས་ལེན་ལ་བརྩོན་པར་མཛོད། དེ་རིང་ནས་ཁྱོད་དང་དཔལ་རྡོ་རྗེ་སེམས་དཔའ་ལ་ཁྱད་མེད་ཅེས་ཟེར་ར»ོ«། །ལམ་དམར་ཁྲིད་དུ་བཤད་པའོ། ། ༈ གསུམ་པ་འབྲས་བུ་གྲོལ་ཚུལ་ལྟར་བཤད་པ་ལ་གསུམ་སྟེ། རབ་རང་བཞིན་གྱི་བར་དོར་གྲོལ་ཚུལ། འབྲིང་ཆོས་ཉིད་ཀྱི་བར་དོར་གྲོལ་ཚུལ། ཐ་མ་སྲིད་པའི་བར་དོ་ནས་འཁོར་བའི་རུ་བཟློག་པའོ། །དང་པོ་ལ་དབང་པོ་རབ་འབྲིང་ཐ་མ་གསུམ་ལས། རབ་ཀྱི་རབ་ཡིན་ལུགས་ངོ་སྤྲད་པས་གྲོལ་ཏེ། བཤད་རྒྱུད་ལས། ངོ་སྤྲད་པ་དང་རྟོགས་པ་ཐོབ་པ་དུས་མཉམ། རྟོགས་པ་ཐོབ་པ་དང་ཆོས་བོར་བ་དུས་མཉམ། ཆོས་བོར་བ་དང་འཁྲུལ་རྟོག་འགགས་པ་དུས་མཉམ། འཁྲུལ་རྟོག་འགགས་པ་དང་མ་རིག་པ་སངས་པ་དུས་མཉམ། མ་རིག་པ་སངས་པ་དང་ཡེ་ཤེས་རྒྱས་པ་དུས་མཉམ། ཡེ་ཤེས་རྒྱས་པ་དང་མངོན་སངས་རྒྱས་པ་དུས་མཉམ། བརྡ་དོན་བཤད་ལ་རྒྱལ་བའི་གྲལ་ལ་བཞག» «། ཅེས་གསུངས་སོ། །རབ་ཀྱི་འབྲིང་ཉམས་སུ་བླངས་པས་གྲོལ་བ་ནི། མན་ངག་ཅན་ལམ་ཐོག་ཏུ་རང་ས་བཟུང་པས་གྲོལ་བ་ནི། དེ་ཉིད་ལས། རིན་ཆེན་རྒྱ་མཚོར་འབྲེལ་པའི་རྩ། །དཀར་འཇམ་ཁོག་པ་སྟོང་པ་ནས། །ཐིག་ལེ་ཁྲག་གིས་མ་གོས་པ། །ཡེ་ཤེས་ཆེན་པོ་དེ་ནས་འཆར། །ཞེས་པའི་དོན་ཉམས་སུ་བླངས་པས། མ་ཆོས་ཉིད་ཀྱི་དཀྱིལ་འཁོར་ལ། །བུ་རང་བྱུང་གི་ཡེ་ཤེས་འཆར་ཏེ། རང་ཤར་སྐྱེ་འགག་མེད་པ་ལ། རང་གྲོལ་འདུ་འབྲལ་མེད་པ་ཉམས་སུ་བླངས་པས། སྐུ་གསུམ་འདུ་འབྲལ་མེད་པར་གྲོལ་ཏེ། ཆོས་ཉིད་བར་དོའི་སྣང་བ་མེད་དོ། །རབ་ཀྱི་ཐ་མ་ལུས་བོར་བ་དང་གྲོལ་བ་ནི། ལེ་ལོ་ཅན་གཞི་ཐོག་ཏུ་རང་ངོ་ཤེས་པར་གྲོལ་ཏེ། དཔེར་ན་ཚེས་བཅོ་ལྔའི་ཉི་ཟླ་བར་མེད་པ་བཞིན་དུ། བར་དོ་མེད་པར་ཡར་གྱི་ཟང་ཐལ་དུ་གྲོལ་ལོ། །རིག་པ་ལ་སྐྱེ་ཤི་མེད་ཀྱང་རྣལ་འབྱོར་པ་ལུས་རྒྱའི་གྲོལ་ལུགས་ནི། ས་ཡི་རླུང་ཆུ་ལ་ཐིམ་པས་པག་བཞི་ས་ལ་ལྷུངས་ཏེ་ལུས་ལྕི། ཆུ་ཡི་རླུང་མེ་ལ་ཐིམ་པས་ཁ་སྣ ་སྐམ། མེ་ཡི་རླུང་རླུང་ལ་ཐིམ་པས་ལུས་ཀྱི་མཐའ་བཞི་ནས་དྲོད་ཤོར། རླུང་གི་རླུང་ནམ་མཁའ་ལ་ཐིམ་པས། ཤེས་པ་མི་གསལ། དེའི་དུས་སུ་སེམས་རླུང་དང་བསྡོངས་ནས་གློ་བའི་ནང་ནས་ཐོན། ལམ་མིད་པ་དཀར་ནག་ལ་ཞུགས་སྒོ་ཁ་སྣ་ལས་ཐོན་ནས་དབུགས་ཕར་ལ་ཧ་ཟེར་ནས་ཕྱིར་སོང་ནས་ཚུར་ལ་མ་འདུས་པས་འཆི་བ་ཞེས་བྱ་སྟེ། རླུང་སེམས་ནམ་མཁའི་ངང་དུ་ཞ་སྟེ། གློ་བར་རླུང་མེད་པས་རྟ་ལོང་བ་རྐང་ཅན་དང་མི་འཕྱེ་བོ་མིག་ཅན་གཉིས་བྲལ་ཏེ། སེམས་དང་ཡེ་ཤེས་རྒྱབ་གྱེས་སོ། །དེའི་དུས་སུ་ལུས་གྱི་ཁྲག་ཐམས་ཅད་སྲོག་རྩར་འདུས། སྲོག་རྩ་ནས་སྙིང་ནང་དུ་ཁྲག་འོང་བའི་དུས་སུ། རྒྱལ་པོ་གདན་ལ་བཞུགས་པ་ལ། བློན་པོའི་སྒྱོགས་ཕྱུང་བ་ཞེས་བྱ་སྟེ། དངངས་ཡེད་དེ་བ་བྱུང་ཡང་བློ་ཡི་མིས་མི་ཚོར། ཡེ་ཤེས་སྙིང་ནས་དོན། ལམ་རྩ་དར་དཀར་གྱི་བུ་ག་ལས་ཞུགས། སྒོ་ཆུའི་སྒྲོན་མ་ལས་ཐོན་པའི་དུས་སུ། ཡེ་ཤེས་ཟང་ཐལ་དུ་ཤར་བ་དེ་རང་སྣང་དུ་ངོ་ཤེས་པས། བར་དོ་མེད་པར་སྐད་ཅིག་མ་དང་པོ་ལ་ཡར་གྱི་ཟང་ཐལ་དུ་གྲོལ་ཏེ། ངོ་སྤྲོད་སྤྲས་པ་ལས། །དེའི་ཚེ་ཡེ་ཤེས་མིག་ནས་ཐོན། མིག་ཐུགས་རྗེ་རྒྱུན་མི་ཆད་ཀྱི་ཐག་པ་ལ་གཏད་པས་བར་དོ་མེད་པར་ཡར་གྱི་ཟང་ཐལ་དུ་གྲོལ་ལོ། །ཞེས་གསུངས་སོ། །དེ་ཡང་སྣང་བ། རྟོགས་པ། གྲོལ་བ། ཐུགས་རྗེ་འབྱུང་བ་རྣམས་དུས་མཉམ་མོ། །དབང་པོ་འབྲིང་ཆོས་ཉིད་བར་དོར་གྲོལ་བ་ལ་ཡང་གསུམ་ལས། འབྲིང་གི་རབ་སྐད་ཅིག་མ་ལ་གྲོལ་བ་ནི། འཁོར་བ་དོང་སྤྲུག་གི་སྐད་ཅིག་མ་ལ་ཕྱི་ནང་ཡུལ་སེམས་ཀྱི་འཁྲུལ་པ་འགགས་ནས་རང་གདངས་འོད་དུ་གསལ། ཆོས་ཉིད་བདེན་པ་མཐོང་བའི་སྐད་ཅིག་མ་ལ་ཚོམ་བུའི་སྐུར་སྣང་ལ་འཛིན་པ་མེད་པའི་ཤེས་རབ་སྐྱེ། རྡོ་རྗེ་ལྟ་བུའི་སྐད་ཅིག་མ་ལ་རང་དོན་ཆོས་སྐུ་ཐོབ་ནས་གཞན་དོན་གཟུགས་སྐུ་འབྱུང༌། ཞེས་པས། སྐད་ཅིག་དང་པོ་ལ་ཡེ་ཤེས་ཤར། གཉིས་པ་ལ་ངོ་ཤེས། གསུམ་པ་ལ་གྲོལ་ནས་གཞན་དོན་འབྱུང་བའོ། །འབྲིང་གི་འབྲིང་སྐད་ཅིག་མ་དྲུག་ལ་གྲོལ་བ་ནི། བཤད་རྒྱུད་དེ་ཉིད་ལས། དང་པོ་ཕྱི་ནང་འཁྲུལ་པ་འགགས། གཉིས་པ་རང་གདངས་འོད་དུ་གསལ། །གསུམ་པ་དེ་ལས་སྐད་ཅིག་གནས། །བཞི་པ་རང་ལ་ཤེས་རབ་སྐྱེ། །ལྔ་པ་ལྔ་ལྡན་དགོངས་པ་རྫོགས། །དྲུག་པ་བློ་འདས་ཆོས་སྐུར་ཐིམ། །ཞེས་སོ། །འབྲིང་གི་ཐ་མ་ལ། བསལ་གཏན་གྱི་ཞག་ལྔ་ལ་གྲོལ་བ་ནི། ཕྱི་འབྱུང་ཉི་མ་ནུབ་པ་ལྟར། སྒོ་ལྔའི་ཡུལ་སྣང་འགགས། ནང་འབྱུང་ས་སྲོས་པ་ལྟར་ཚོགས་དྲུག་གི་སེམས་འགགས། གསང་འབྱུང་ཟླ་བ་ཤར་བ་ལྟར་ཡེ་ཤེས་ཀྱི་སྣང་བ་ཤར་བའི་ཚེ། འོད་གསལ་རིགས་ལྔའི་ཚོམ་བུ་ཤར་བ་དུས་གཅིག་ཤར་ཡང༌། ངེས་པ་རིམ་གྱིས་རྙེད་དོ། །དེ་ཉིད་ལས། འོད་གསལ་སྣང་བ་དུས་གཅིག་ཤར། །རྟོགས་པའི་ཤེས་རབ་རིམ་གྱིས་སྐྱེ། །ཞེས་སོ། །དེའང་ཞག་དང་པོ་ལ་འོད་མཐིང་ག་མཐོང་བ་དང་རིག་པའི་ངོ་བོ་སྟོང་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་གདངས་སུ་ངོ་ཤེས་པས། རང་སྣང་རྣམ་པར་སྣང་མཛད་ཀྱི་ཚོམ་བུར་གྲོལ་ལོ། །གཉིས་པ་ལ་འོད་དཀར་པོ་མེ་ལོང་ལྟ་བུའི་ཡེ་ཤེས་ཀྱི་རང་གདངས་སུ་ངོ་ཤེས་པས། རྡོ་རྗེ་སེམས་དཔའི་ཚོམ་བུར་གྲོལ་ ལོ། །གསུམ་པ་ལ་སེར་པོ་མཉམ་པ་ཉིད་ཀྱི་ཡེ་ཤེས་ཀྱི་རང་གདངས་སུ་ངོ་ཤེས་པས། རིན་ཆེན་འབྱུང་ལྡན་གྱི་ཚོམ་བུར་གྲོལ་ལོ། །བཞི་པ་ལ་དམར་པོ་སོ་སོར་རྟོགས་པའི་ཡེ་ཤེས་ཀྱི་རང་གདངས་སུ་ཤེས་པས་འོད་དཔག་མེད་ཀྱི་ཚོམ་བུ་གྲོལ་ལོ། །ལྔ་པ་ལ་ལྗང་གུ་བྱ་བ་གྲུབ་པའི་ཡེ་ཤེས་ཀྱི་རང་གདངས་སུ་ཤེས་པ་དོན་ཡོད་གྲུབ་པའི་ཚོམ་བུར་གྲོལ་ལོ། །གསེར་ཕྲེང་ལས། དཀར་དང་སེར་དང་དམར་དང་ལྗང༌། །མཚན་ཉིད་འཛིན་པ་དབུས་གནས་ཏེ། །རེ་རེ་ལ་ཡང་བཞི་བཞི་སྟེ། །རྡོ་རྗེ་རིན་ཆེན་པདྨ་དང༌། །རྡོ་རྗེ་རྒྱ་གྲམ་ཐུགས་ཀར་གསལ། །ཡུམ་ཡང་ལུས་དང་གྲིབ་མའི་ཚུལ། །གཞི་ཡི་གདན་ལ་རྫོགས་ཚུལ་དུ། །ཚོམ་བུའི་དཀྱིལ་འཁོར་དང་པོ་འོ། །རྡོ་རྗེ་མི་བསྐྱོད་དབུས་གནས་ཏེ། ། ས་ཡི་སྙིང་པོ་ལཱ་སྱེ་དང༌། །བྱམས་པ་དྷཱུ་པེ་བཞིས་བསྐོར་བ། །ཚོམ་བུའི་དཀྱིལ་འཁོར་གཉིས་པ་ཡིན། །རིན་ཆེན་འབྱུང་ལྡན་དབུས་གནས་ཏེ། །ནམ་མཁའི་སྙིང་པོ་མཱ་ལྱེ་དང༌། །ཀུན་བཟང་པུཥྤེ་བཞིས་བསྐོར་བ། །ཚོམ་བུའི་དཀྱིལ་འཁོར་གསུམ་པ་ཡིན། །སྣང་བ་མཐའ་ཡས་དབུས་གནས་ཏེ། །སྤྱན་རས་གཟིགས་དབང་གཱིརྟི་དང༌། འཇམ་དབྱངས་མར་མེ་བཞིས་བསྐོར་བ། །ཚོམ་བུའི་དཀྱིལ་འཁོར་བཞི་པ་འོ། །དོན་ཡོན་གྲུབ་པ་དབུས་གནས་ཏེ། །ཕྱག་ན་རྡོ་རྗེ་ནཱིརྟི་དང༌། །སྒྲིབ་སེལ་གནྡྷེ་བཞིས་བསྐོར་བ། །ཚོམ་བུའི་དཀྱིལ་འཁོར་ལྔ་པ་ཡིན། །འདྲ་བ་མངོན་དུ་བྱེད་པའི་ཕྱིར། །དེ་དང་དེ་ལས་བྱུང་བ་དེ། །སྐུ་མདོག་ཕྱག་མཚན་གཙོ་དང་མཐུན། །འགྲོ་དྲུག་འདུལ་མཛད་ཐུབ་པ་དྲུག ། ཚད་མེད་བཞིས་འདུལ་སྒོ་བ་བཞི། །མཐའ་བཞི་ལས་གྲོལ་སྒོ་མ་བཞི། ། དབྱིངས་དང་ཡེ་ཤེས་མི་འབྲལ་བས། །ཀུན་བཟང་ཡབ་དང་ཡུམ་དུ་གསལ»། །« རྟོགས་པས་ཡོན་ཏན་སྐུར་གྲོལ་ལོ། །ཞེས་གསུངས་སོ། །དེའི་ཚེ་མངོན་ཤེས་དྲུག་འཆར་ཏེ། སྤྱན་གྱི་མངོན་པར་ཤེས་པས་ཡར་གྱི་བློ་འདས་ཆོས་སྐུའི་ཞིང་ཁམས་གཟིགས། ཐད་ཀར་ལོངས་སྐུའི་ཞིང་ཁམས་གཟིགས། མར་སྤྲུལ་སྐུའི་ཞིང་ཁམས་རིགས་དྲུག་གཟིགས་སོ། །སྙན་གྱི་མངོན་པར་ཤེས་པས་ཡར་ཆོས་སྐུའི་གསུང་ཡེ་ཤེས་རྩེ་གཅིག་པ་ཉིད་ལ་གླེང་བ་གསན། ཐད་ཀར་ལོངས་སྐུའི་ཡེ་ཤེས་ལྔའི་རང་སྒྲ་གསན། མར་སྤྲུལ་སྐུའི་གསུང་རིགས་དྲུག་གི་རང་སྒྲ་གསན། ཐུགས་ཀྱི་མངོན་པར་ཤེས་པས་ཡར་ཆོས་སྐུའི་དགོངས་པ་མཁྱེན། ཐད་ཀར་ལོངས་སྐུའི་དགོངས་པ་མཁྱེན། མར་རིགས་དྲུག་གི་སེམས་ཤེས་ སོ། །གནས་ཀྱི་མངོན་པར་ཤེས་པས་ཡར་ཆོས་སྐུའི་བཞུགས་གནས། ཐད་ཀར་ལོངས་སྐུ། མར་སྤྲུལ་སྐུའི་རིགས་དྲུག་གི་གནས་མཁྱེན་ནོ། །ལས་ཀྱི་མངོན་པར་ཤེས་པས་རང་གཞན་གྱི་རྒྱུ་འབྲས་ཐམས་ཅད་མཁྱེན་ཏོ། »།«རྫུ་འཕྲུལ་གྱི་མངོན་པར་ཤེས་པས་སྤྲུལ་སྐུ་ཐུབ་པ་དྲུག་ལ་སོགས་པ་གང་ལ་གང་འདུལ་མཁྱེན་ནས་སྤྲུལ་ཏེ། སེམས་ཅན་གྱི་དོན་མཛད་དོ། །དེ་དག་ལ་རྟོག་མེད་ཆོས་ཀྱི་སྤྱན་ཞེས་བྱའོ། །ཚུལ་དེ་དག་ཀུན་གསལ་ལས། མི་གནས་ཡེ་ཤེས་ཆོས་ཀྱི་སྐུ། །ཡེ་ཤེས་ལྔ་ཡི་མཚན་ཉིད་ཅན། །རང་བྱུང་ཡེ་ཤེས་འབྱུང་བ་ལྔ། །ཆོས་ཉིད་དག་པའི་ཀློང་དུ་ཤར། །ཐིག་ལེ་འོད་ཀྱི་ཁ་དོག་ལྔ། །མཐིང་ཀ་ལ་སོགས་སྣ་ལྔར་གསལ། །རིགས་ལྔའི་སངས་རྒྱས་ངོ་བོར་ཤེས། །སྐུ་ལྔ་ཡེ་ཤེས་ལུས་ཅན་རྫོགས། །བཞི་བཅུ་རྩ་གཉིས་འོད་དུ་གསལ། །རང་རང་ཡེ་ཤེས་གདངས་ལ་བཞུགས། །གསལ་འཚེར་ལྷུན་སྡུག་འོད་ཟེར་འཕྲོ། །ཡེ་ཤེས་ལྔ་ལ་གཞལ་མེད་ཁང༌། །གསལ་དང་རོ་དང་བསལ་བ་དང༌། །ཡངས་དང་ཡང་ཞིང་ཁྱབ་པའི་བདག །ཀུན་འབྱུང་ཡེ་ཤེས་ཕུང་པོར་འབར། །གདན་གསུམ་ངང་ལ་མ་བསྐྱེད་རྫོགས། །སྦྱོར་བ་གསུམ་གྱིས་སྤྲུལ་པ་འབྱིན། །འགྲོ་བའི་མ་རིག་མུན་པ་སེལ། »།«ཞེས་སོ། །དོན་མཛད་ཚུལ་ནི། ལོངས་སྐུ་ཡབ་ཡུམ་གྱི་«ལྗ«གས་ལས་འོད་ཟེར་འཕྲོས་པས་སྐྱེས་བུ་ལས་དག་པ་འཕྲོ་འདུ་བྱེད་པའི་སྤྱན་ནས་ལྷུམས་སུ་ཞུགས། སྤྲུལ་པའི་སྐུར་གྱུར་ནས་གང་ལ་གང་འདུལ་གྱི་དོན་མཛད་ནས། སྤྲུལ་སྐུ་དེ་ཡང་རིན་ཆེན་གསང་བའི་སྦུབས་སུ་འཁྱིལ་ཏེ། ནང་གསལ་དབྱེར་མེད་ཆེན་པོ་གཅིག་གི་ངང་དུ་གནས་སོ། །དེ་ལྟར་སྤྲུལ་པ་རྒྱུན་མི་ཆད་པར་དོན་མཛད་པ་ནི། རྫོགས་ལྡན་ཏེ། མཚན་བརྗོད་ལས། ཕྱོགས་བཅུར་སྤྲུལ་པ་སྣ་ཚོགས་འགྱེད། །ཇི་བཞིན་འགྲོ་བའི་དོན་མཛད་ པའོ། །ཞེས་སོ། །འབྲས་བུའི་རྫོགས་ཚུལ་ནི། རྫོགས་ལྡན་ལ་རིག་པ་ཐུགས་རྗེའི་རྩལ་མ་འགགས་པར་སྣང་བས་དོན་མཛད་པའི་སྐུར་སྣང་བ་དེ་དག་ཀྱང་ཕྱིར་གསལ་ནང་དུ་ཐིམ་པའི་ཚུལ་གྱིས་ཐ་མ་རིག་པའི་ངང་དུ་འདུ་བར་བསྟན་ཏེ། དེ་ཉིད་ལས། མྱ་ངན་འདས་པ་མྱ་ངན་འདས། །ལེགས་པར་མྱ་ངན་འདས་དང་ཉེ། །བདེ་སྡུག་གསལ་བའི་མཐར་འགྱུར་པ། །གྲོལ་བ་ཐར་པ་རྣམས་གྲོལ་ལུས། །མི་མངོན་མི་སྣང་གསལ་བྱེད་མིན། །མི་འགྱུར་ཀུན་འཕྲོ་ཁྱབ་པ་པོ། །ཞེས་སོ། །དེ་ལྟར་གྲོལ་པའི་ཀ་དག་གི་ནང་དབྱིངས་བསྟན་པ་ལ་ལྔར་གནས་ཏེ། ཤེས་རབ་མཁའ་ལ་འདེགས་པ། འབྱུང་བ་མ་ལ་ཞ་བ། ཡེ་ཤེས་དབྱིངས་སུ་ཐིམ་པ། ཤེས་རབ་མཁའ་ལ་འཁྱིལ་བ། རིག་པ་རང་ས་ཟིན་པའོ།།དང་པོ་ནི་ཡེ་ཤེས་ཀྱི་རང་རླུང་གིས་གཟུགས་སྐུ་ཆོས་ཉིད་ཀྱི་ཀློང་དུ་བསྐྱེད་པ་སྟེ། སྲོག་རླུང་བཞི་དག་པས་སྟོབས་ལྡན་མ། ཤུགས་འཆང་མ། འདེགས་བྱེད་མ། བསྟན་མ་བཞིའོ། »།«སྟོབས་ལྡན་མས་ཡེ་ཤེས་ཀྱི་རླུང་གི་གཙོ་འཁོར་གཉིས་དབྱེར་མེད་དུ་སྦྱོར་ཏེ། དོན་ལ་དབྱེར་མེད། ཤུགས་འཆང་མས་གཙོ་འཁོར་ལྔ་པོ་སྐད་ཅིག་ལ་ཆོས་སྐུའི་ངང་དུ་བསྐྱེད། འདེགས་བྱེད་མས་རྟེན་དང་བརྟེན་པ་དབྱེར་མེད་ཆོས་སྐུའི་ངང་དུ་གཟུགས་སྐུར་གནས་སོ། ། བསྟན་མས་དགོངས་པ་མི་རྟོག་པ་ནང་གསལ་ལོ། །འབྱུང་བ་མ་ལ་ཞ་བ་ནི། ས་སྲ་བ། ཆུ་གཤེར་བ། མེ་ཚ་བ། རླུང་གཡོ་བ། ནམ་མཁའ་ཁྱབ་པ་དེ་སྙིགས་མའི་འབྱུང་བ་ལྔ་དངས་མ་ལྔར་གྲོལ་བ་སྟེ། རླུང་རྡོ་རྗེ་རྒྱ་གྲམ་བཀོད་ལེགས་ཏེ་དམ་ཚིག་གི་ལྷ་མོ་མཁའ་ལ་འཁྱིལ་པ་གཡོ་བ་མེད་པའི་རླུང་དབྱིངས་སུ་ཐིམ། ཆུ་ཤེལ་གྱི་འཁོར་ལོ་བརྩེགས་ལེགས་ཏེ་ཀློང་གཅིག་ཏུ་དྲིལ་བས་གཤེར་བ་མེད་པའི་ཆུ་དབྱིངས་སུ་ཐིམ། ས་རིན་པོ་ཆེ་སྣ་ལྔའི་མཆོད་རྟེན་ཁོད་སྙོམས་ཤིང་ཚུལ་དུ་གཤིས་པས་སྲ་བ་མེད་པའི་ས་དབྱིངས་སུ་ཐིམ། མེ་པདྨ་འདྲ་བ་འོད་འབར་ཏེ་མ་སྨིན་པ་སྨིན་པར་བྱས་པས་ཚ་བ་མེད་པའི་དབྱིངས་སུ་ཐིམ། ནམ་མཁའ་»ཁྱ«བ་པ་མེད་པའི་གདངས་ཅན་རྒྱལ་མཚན་གྱི་རྩེ་མོ་ལྟར་ནུབ་པ་མེད་པས་ཁྱབ་པ་མེད་པའི་ནམ་མཁའ་དབྱིངས་སུ་ཐིམ་པའོ། །ཀུན་གསལ་ལས། དེ་ལྟར་འབྱུང་བ་ལྔ་མ་ཐོག་ནས་ཤར་བས། ཐ་མ་ཡང་མ་ཐོག་ཏུ་གྲོལ་ཏེ། མི་གནས་པས་མ་ལ་ཞ་བའོ། །ཞེས་སོ། །ཡེ་ཤེས་དབྱིངས་སུ་ཐིམ་པ་ལ། སྣང་བ་ཅན་ལུས་ཀྱི་ཐིམ་ཚུལ་གསུམ་ལས། སྣང་བ་གསུམ་གཅིག་ལ་གཅིག་ཐིམ་སྟེ། མ་དག་པ་འཁྲུལ་པའི་སྣང་བ་དག་པ་ཆོས་ཉིད་ཀྱི་སྣང་བ་ལ་ཐིམ། དག་པ་ཆོས་ཉིད་ཀྱི་སྣང་བ་ཤིན་ཏུ་དག་པ་ཡེ་ཤེས་ཀྱི་སྣང་བ་ལ་ཐིམ་པའོ། ། སྤྱན་གསུམ་གཅིག་ལ་གཅིག་ཐིམ་སྟེ། ད་ལྟ་ཤེས་རབ་ཀྱི་སྤྱན་བར་དོར་ཆོས་ཉིད་ཀྱི་སྤྱན་ལ་ཐིམ། ཆོས་ཉིད་ཀྱི་སྤྱན་ཡེ་ཤེས་ཀྱི་སྤྱན་ལ་ཐིམ་སྟེ། ཤེས་རབ་ཀྱི་སྤྱན་དག་པས་མི་སྤྱོད། ཆོས་ཉིད་ཀྱི་སྤྱན་དག་པས་མི་གཟིགས། ཡེ་ཤེས་ཀྱི་སྤྱན་རྣམ་པར་དག་པས་རིན་པོ་ཆེའི་སྦུབས་ནི་ཡེ་ཤེས་ནང་གསལ་གྱི་དགོངས་པ་ལ་འགྱུར་བ་མེད་པའོ། །ལུས་གསུམ་གཅིག་ལ་གཅིག་ཐིམ་ཏེ། ད་ལྟར་ཤར་ཁྲག་གི་ལུས་བར་དོར་ཡེ་ཤེས་ཀྱི་ལུས་ལ་ཐིམ། ཡེ་ཤེས་ཀྱི་ལུས་ཆོས་སྐུ་རིན་པོ་ཆེ་གསང་བའི་ལུས་ལ་ཐིམ་མོ། །ཤེས་རབ་མཁའ་ལ་འཁྱིལ་བ་ལ་བཞི་སྟེ། ཐིམ་པ་ལ་མ་རྨུགས་པ། གསལ་བ་ལ་རྟོག་པ་མེད་པ། ཡིན་པ་ལ་བདག་མེད་པ། སོ་སོར་མ་འདྲེས་པ་ལ་གོ་མི་འབྱེད་པའོ། །དང་པོ་ནི། འབྱུང་བ་མ་ལ་ཞ། ཡེ་ཤེས་དབྱིངས་སུ་ཐིམ། སྐུ་གསུམ་འདུ་འབྲལ་མེད་པས་ཡེ་ཤེས་ནང་གསལ་དུ་གནས་པའོ། །གཉིས་པ་ནི། ཆོས་སྐུ་ལ་དྲི་མ་མེད་པར་གསལ། མདུན་རྒྱབ་མེད་པར་གསལ། སྟེང་འོག་མེད་པར་གསལ། ཕྱོགས་མཚམས་མེད་པར་གསལ་བའི་ནང་ན། རིན་པོ་ཆེ་འོད་འབར་བའི་སྐུ་དང་རང་སྣང་རྣམ་དག་གི་སྐུར་གསལ་ཡང༌། བག་ཆགས་ཀྱི་ལུས་མེད་པས་འགྱུ་བྱེད་ཀྱི་རླུང་མེད་པའི་ཕྱིར་རྟོག་དཔྱོད་ཀྱི་སེམས་མེད་པའོ། །གསུམ་པ་ནི། ཡིན་ནི་ལྟ་བ་རང་བྱུང་གི་ཡེ་ཤེས་ཡིན་ཡང་བག་ཆགས་ཀྱི་བདག་དང་བྲལ་བའོ། །བཞི་པ་ནི། ཆོས་སྐུའི་ཀློང་ན་རིན་པོ་ཆེ་འབར་བའི་སྐུ་ལྔ་འོད་ཀྱི་ཀློང་ན་ཕྱག་རྒྱ་མ་འདྲེས་པ་སོ་སོར་གསལ་ཡང་མཚན་མ་རིས་ཅན་གྱི་ཞལ་ཕྱག་དང་གཞི་སྣང་འཁྲུལ་པའི་གོ་མི་འབྱེད་དོ། ནང་དབྱིངས་ཀ་ནས་དག་པའི་ཕྱིར་རོ། །རིག་པ་རང་ས་ཟིན་པ་ལ་བཞི་ལས། ཆོས་སྐུ་ལ་འགྱུར་བ་མེད་པ་རྡོ་རྗེ་ལྟ་བུའི་སྐུ་ནི། རིག་པ་ཆོས་སྐུས་གཟུགས་སྐུའི་བདག་བྱས་པ་ཆོས་སྐུ་འཇིག་འབྲལ་མེད་པའོ། །ཡེ་ཤེས་ལ་འགགས་པ་མེད་པས་གཡུང་དྲུང་ལྟ་བུའི་ཚེ་ནི་ལོངས་སྐུ་ནང་གསལ་ཀྱི་རང་བཞིན་རྟག་པར་གནས་པའོ། །རྒྱུན་གྱི་ཏིང་ངེ་འཛིན་ལ་འདུ་འབྲལ་མེད་པ་ནི། ཐུན་མཚམས་ལས་འདས་པའི་དགོངས་པ་ཆུ་བོའི་གཞུང་ལྟ་བུའོ། །རིག་པ་ལ་གསལ་འགྲིབས་མེད་པ་ནི། དྲི་མ་ཐམས་ཅད་དང་བྲལ་བས་ཡེ་ཤེས་རང་གསལ་བ་ཉི་མའི་སྙིང་པོ་ལྟ་བུའི་སྐུ་ཐོབ་སྟེ། རིན་པོ་ཆེའི་་སྦུབས་ལ་འཕོ་འགྱུར་མེད་པར་གནས་སོ། །དེ་དག་ནི་གདན་ཆེན་པོ་གཅིག་ལ་འདུག་པའི་མན་ངག» «།ཞིང་ཁམས་གཅིག་ཏུ་འདྲེས་པའི་མན་ངག» «། སྣང་བ་གཅིག་ཏུ་གསལ་བའི་མན་ངག» «།སྦུབ་ཆེན་པོ་གཅིག་ཏུ་འདུས་པའི་མན་ངག །སངས་རྒྱས་ལ་ཡུལ་མེད། ཡེ་ཤེས་ལ་ཆོས་མེད། འབྲས་བུ་ལ་བདག་མེད། དགོངས་པ་ལ་འཚུན་མེད། དེ་ལས་ཡར་གཤེགས་ཀྱང་དགུང་ལ་ཤུལ་མི་མངའ་བའོ། །རྫོགས་ལྡན་ཆེན་པོ་རིན་ཆེན་གསང་བའི་སྦུབས་བསྟན་པའོ། །དབང་པོ་ཐ་མ་སྲིད་པའི་བར་དོ་ནས། འཁོར་བའི་རུ་བཟློག་པ་ཡུར་བ་རྐང་ཆག་ལ་ཝ་འཛུགས་པ་ལྟ་བུའི་མན་ངག་ནི། སྲིད་པའི་བར་དོ་ཞེས་བྱ་བ་སྐྱེ་བ་འདིའི་ལུས་དང་བྲལ། ཆོས་ཉིད་ཀྱི་བར་དོ་རང་སྣང་ངོ་མ་ཤེས་པ་ཡེ་ཤེས་ཀྱི་སྣང་བ་ནུབ་སྟེ། སྔར་གྱི་བག་ཆགས་ལངས་པས་དྲན་བྱེད་ལུས་ཅན་རྨི་ལམ་གྱི་སྣང་བ་ལྟ་བུ། དབང་པོ་ཚང་བ་རྫུ་འཕྲུལ་དང་ལྡན་པ། རང་བཞིན་གྱིས་ཉམ་ང་ཞིང་ས་གཅིག་ཏུ་མི་གནས་པར་ཀུན་ཏུ་འགྲོ་བ། བར་དོ་ནང་དང་ལྷའི་མིག་ཡོད་པ་ལས་གཞན་གྱི་མི་མཐོང་བ། ལུས་དང་འདུག་ས་འཚོལ་བ་ལ་བརྩོན་པ་སྟེ། བཤད་རྒྱུད་ལས། ཆོས་ཉིད་འོད་གསལ་སྣང་བ་ལ། །རྟོགས་པའི་ཤེས་རབ་མ་སྐྱེས་པས། །སྔར་གྱི་བག་ཆགས་སྣང་བ་ལངས། །སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། ། རིགས་མཐུན་ལྷ་མིག་དག་པས་མཐོང༌། །ལས་ཀྱི་རྫུ་འཕྲུལ་ཤུགས་ཀྱི་སྤྱོད། ། ལུས་དང་འདུག་ས་འཚོལ་བར་བྱེད། ཁང་བཟངས་རི་སུལ་མུན་རུམ་དང༌། ། གྲོག་ཕུག་ཕྱིན་པས་སྐྱེ་གནས་ཚུད། །དམྱལ་བ་ཡི་དྭགས་ཡིད་ཀྱི་ལུས། །ཞེས་སོ། །འདིའི་དུས་སུ་ཤེས་པ་སྔར་བས་བདུན་འགྱུར་གྱིས་གསལ་བས། རྗེས་དྲན་དྲུག་ལས། སྣང་བ་འོད་ཀྱི་འཁོར་ལོ་དང༌། བླ་མའི་གདམས་ངག་ལ་སོགས་པ་དྲན་པར་བཤད་པས། ཐ་མའི་རབ་ཀྱིས་སྒྱུ་མ་ལྟ་བུའི་བློའི་འཁོར་བའི་རུ་བཟློག་སྟེ། ཡི་དམ་ལྷའི་བསྐྱེད་རིམ་བསྒོམས་པས་གྲོལ་བར་གསུང༌། ཐ་མའི་འབྲིང་གིས་ཤར་ཕྱོགས་མངོན་པར་དགའི་བའི་ཞིང་ཁམས་ན་དཔལ་རྡོ་རྗེ་སེམས་དཔའ་ལ་སྐྱབས་སུ་མཆི་འོ་ལ་སོགས་པ་ཞིང་དག་པ་དང་དེའི་སངས་རྒྱས་ཀྱི་ཡོན་ཏན་ཡིད་ལ་བྱ་སྟེ། སྐྱབས་འགྲོའི་ཞིང་དེ་དག་ཏུ་གྲོལ་བར་གསུངས། ཐ་མའི་ཐ་མ་རྣམས་ངོ་སྤྲོད་ཀྱི་གནད་མཐོང་བའི་ལས་བཟང་པོས་འཕགས་ཏེ། ཕ་མ་དད་ཅན་གྱི་བུ་ཚར་སྐྱེས་ནས་ལས་ཀྱི་འཕྲོ་སད་དེ་ཆོས་འདི་དང་ལོ་ཉི་ཤུ་རྩ་ལྔའམ། སུམ་ཅུ་རྩ་ལྔ་ནི་འཕྲད་ནས་བར་དོ་མེད་པར་གྲོལ་ ལོ། །དེ་དག་གིས་གཞི་ལམ་འབྲས་བུ་གསུམ་གྱི་རྒྱས་པར་བཤད་པ་བསྟན་ཟིན་ཏོ། །༈ དོན་གཉིས་པ་སྒྲོན་མ་དྲུག་གི་གནད་བཅིངས་པ་ལ་དྲུག་ལས། གནས་པ་གཞིའི་སྒྲོན་མ་ནི། གཞི་རང་བཞིན་ལྷུན་གྲུབ་ཀྱི་སངས་རྒྱས་དེས་འཁོར་འདས་ཐམས་ཅད་ལ་ཁྱབ་པ་ནི་འོ་མ་ལ་མར་གྱིས་ཁྱབ་པ་བཞིན་གནས་ཏེ། དཔལ་ཕྲེང་གི་མདོ་ལས། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །ཅེས་པ་དང༌། མཚན་བརྗོད་ལས། མི་འགྱུར་ཀུན་འཕྲོ་ཁྱབ་པ་པོ། །ཞེས་པ་དང༌། མཁའ་འགྲོ་མ་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་པ་དང༌། འཁོར་ལོ་བཞི་སྦགས་ལས། མ་བྱུང་མ་སྐྱེས་འོད་ལྔའི་སྙིང་པོ་ཅན། །འགྲོ་བ་ཡོངས་ཀྱི་གཞི་རྩ་མཆོག །ཅེས་སོ། །ཙིཏྟ་ཤའི་སྒྲོན་མ་ནི། སྙིང་ནང་ན་སྐུ་དང་ཡེ་ཤེས་རང་འོད་དང་བཅས་པ་བུམ་པ་ནང་གི་མར་མེ་ལྟར་གནས་ཏེ། དེ་བཞིན་གཤེགས་པའི་སྙིང་པོ་བསྟན་པའི་མདོ་ལས། སེམས་ཅན་ཐམས་ཅད་ཀྱི་ནང་ན་ཐོག་མ་ཇི་ལྟ་བ་ལས་མ་གཡོས་པར་གནས་སོ། །ཞེས་པ་དང༌། མཚན་བརྗོད་ལས། སོ་སོར་རང་རིག་མི་གཡོ་བ། །མཆོག་གི་དང་པོ་སྐུ་གསུམ་འཆང༌། །ཞེས་པ་དང༌། ཀྱེ་རྡོ་རྗེ་ལས། ལུས་ལ་ཡེ་ཤེས་ཆེན་པོ་གནས། །རྟོག་པ་ཐམས་ཅད་ཡང་དག་སྤང༌། །དངོས་པོ་ཀུན་ལ་ཁྱབ་པའོ། །ལུས་གནས་ལུས་ལས་མ་སྐྱེས་པའོ། །ཞེས་པ་དང༌། ཐིག་ལེ་འདུས་པ་ལས། སེམས་ཅན་དྲན་བྱེད་ཙིཏྟའི་དཀྱིལ། །ཆོས་གསུམ་ཉིད་ཀྱི་ངོ་བོར་གནས། །ཞེས་སོ། ། དཀར་འཇམ་རྩའི་སྒྲོན་མ་ནི། སྙིང་ནས་མིག་ཏུ་རྩ་དར་དཀར་ཀྱི་སྐུད་པ་འདྲ་བའི་ནང་ན། ཡེ་ཤེས་ཀྱི་རང་གདངས་འཆར་བ་རྒྱ་སྐར་གྱི་ཉི་ཞུར་ལྟ་བུ་སྟེ། མདོ་ཚིགས་སུ་བཅད་པ་རྒྱས་པ་ལས། ཡེ་ཤེས་སྒྲོན་མར་འབྲེལ་པས་ནི། ཕྱོགས་བཅུའི་ཞིང་ཁམས་གསལ་བར་མཐོང༌། །ཞེས་པ་དང༌། མཚན་བརྗོད་ལས། སྒྱུ་འཕྲུལ་དྲྭ་བའི་ཚུལ་བསྟན་པ། །འདི་ནི་རྣམ་དག་ལེགས་པའི་ལམ། ཞེས་པ་དང༌། ཕལ་ཆེན་ལས། གཞི་ནས་རྒྱ་མཚོར་འོད་གསལ་བ། »།«ལ་ལ་ནམ་མཁའི་དབྱིངས་ན་གསལ། »།«འོད་ཀྱི་དཀྱིལ་འཁོར་རྣམ་པར་བཀྲ །ཞེས་པ་དང༌། ཐིག་ལེ་འདུས་པ་ལས། རྩ་ཡི་རྒྱལ་པོ་ཤེལ་གྱི་སྦུ་གུ་ཅན། །ཉི་མ་ཟླ་བའི་ནང་དུ་ཟུག་པར་གནས། །ཞེས་སོ། །རྒྱང་ཞགས་ཆུའི་སྒྲོན་མ་ནི། མིག་གི་དངས་མ་ཡེ་ཤེས་ལྷུག་པར་འཆར་བའི་སྒོ་གཉིས་ཏེ། ཤར་གྱི་ལ་ཁར་ཉི་མའི་གདངས་ནུབ་རི་ལ་གསལ་བ་ལྟ་བུའོ། །ཡུལ་ལས། སེམས་ཀྱི་རང་བཞིན་འོད་གསལ་བའོ། །ཞེས་པ་དང༌། མཚན་བརྗོད་ལས། ཡེ་ཤེས་མིག་གཅིག་དྲི་མ་མེད། །ཡེ་ཤེས་ལུས་ཅན་དེ་བཞིན་གཤེགས། །ཞེས་པ་དང༌། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ལས། ཤེས་པ་རང་སྣང་མངོན་སུམ་གནད། ། ལེགས་པའི་ཡེ་ཤེས་རང་སྣང་བ། །ཞེས་པ་དང༌། ཀུན་གསལ་ལས། ཆོས་ཉིད་གསལ་བའི་ཡེ་གདངས་ནི། །ནམ་ལངས་ཞོགས་པ་ལྟ་བུུ་འོ། །ཞེས་སོ། །བར་དོ་དུས་ཀྱི་སྒྲོན་མ་ནི། གཞི་སྣང་སྐུ་དང་ཡེ་ཤེས་སུ་ཤར་བ་རང་ངོ་ཤེས་པས། སྔར་འདྲིས་ཀྱི་མི་དང་འཕྲད་པ་ལྟ་བུ་སྟེ། འདའ་ཁ་ཡེ་ཤེས་ལས། རང་བཞིན་མི་དམིགས་འོད་གསལ་བས། །དངོས་པོ་ཅི་ལའང་མི་ཆགས་བསྒོམས། »།«ཞེས་དང༌། མཚན་བརྗོད་ལས། འོད་ཆེན་རྣམ་པར་སྣང་བར་བྱེད། །ཡེ་ཤེས་སྐར་མ་ལམ་མེ་བ། ། འགྲོ་བའི་མར་མེ་ཡེ་ཤེས་སྒྲོན། །གཟི་བརྗིད་ཕུང་པོ་བལྟ་ན་སྡུག» «།ཅེས་པ་དང༌། གསང་འདུས་ལས། ནམ་མཁའི་དབྱིངས་ཀྱི་དབུས་གནས་པར། །འོད་ཟེར་སྤྲིན་གྱི་ཚོགས་ཆེན་པོ། །སངས་རྒྱས་འབར་བའི་འོད་དང་ལྡན། །ཡེ་ཤེས་འབར་བས་ཀུན་ལ་ཁྱབ། །ཅེས་པ་དང༌། ཐིག་ལེ་འདུས་པ་ལས། རང་བྱུང་ཡེ་ཤེས་ཆེན་པོ་ལས། །རང་གདངས་སྣ་ཚོགས་རིགས་ལྔར་གསལ། །ཞེས་སོ། །མཐར་ཐུག་འབྲས་བུའི་སྒྲོན་མ་ནི། གཞི་སྣང་དབྱིངས་སུ་ཐིམ་པ་རིག་པ་རང་ས་ཟིན་པ་རིན་པོ་ཆེ་གསང་བའི་སྦུབས་ལས་འཕོ་འགྱུར་མེད་པ་སྟེ། དེ་ལས་མཐར་ཐུག་པ་འམ་བོགས་དབྱུང་དུ་མེད་པ་སྟོན་ཀའི་ལོ་ཐོག་སྨིན་ལེགས་པ་ལྟ་བུའོ། །ཡུམ་ལས། ཕྱིན་ཅི་ལོག་ལས་ཤིན་ཏུ་འདས་ནས། མྱ་ངན་ལས་འདས་པའི་མཐར་ཕྱིན་ཏེ་ཞེས་དང༌། མཚན་བརྗོད་ལས། མྱ་ངན་འདས་པ་མྱ་ངན་འདས། །ལེགས་པར་མྱ་ངན་འདས་དང་ཉེ། །ཞེས་པ་དང༌། རྒྱུད་ཀྱི་སྙིང་པོ་ལས། སྣང་སྲིད་འཁོར་འདས་ཆོས་རྣམས་ལ། །ཡེ་ཤེས་སྤྱི་བླུགས་རྒྱས་ཐེབས་ན། །སྐུ་དང་ཡེ་ཤེས་རང་བཞིན་ལས། ཁམས་གསུམ་འཁོར་བར་མི་འགྱུར་ཏེ། །ཐམས་ཅད་ཟབ་མོ་ཆོས་ཉིད་ཀློང༌། །ཞེས་པ་དང༌། ཐིག་ལེ་ཀུན་གསལ་ལས། གཉིས་མེད་ཆོས་སྐུ་མི་འགྱུར་བ། །སྟོང་ཉིད་རྡོ་རྗེའི་སྐུ་ཐོབ་བོ། །གཉིས་མེད་ཆོས་སྐུའི་ངང་ལས་ནི། །རིག་པའི་ཡེ་ཤེས་མི་འགག་གསལ། །ཞེས་གསུངས་སོ། །སྒྲོན་མ་དྲུག་གི་མདོ་བཅིངས་པ་བསྟན་ཟིན་ཏོ། །༈ དོན་གསུམ་པ་རང་བྱུང་ཡེ་ཤེས་འགག་བསྡམ་པ་ནི། བར་དོའི་ཆོས་ཚན་ཐམས་ཅད་བསྡུ་ན། ལིངས་ཀྱིས་བསྐྱུར་བ་སྒྱུ་ལུས་ཀྱི་ཕུང་པོ། ཐིབས་ཀྱིས་འགགས་པ་འགྱུ་བྱེད་ཀྱི་རང་སེམས། ལྟར་གྱིས་ཤར་བ་རང་སྣང་གི་དཀྱིལ་འཁོར། ཧྲིག་གེར་རིག་པ་རང་བྱུང་གི་ཡེ་ཤེས། ཕྱམ་མེར་གྲོལ་བ་གདོད་མའི་གནས་ལུགས། ཞེས་པར་བསྡུ་ལ། དེའི་རྒྱུ་མཚན་ནི། སྒྱུ་ལུས་གཡར་པོ་ཡིན་པས་འབོར་བ་ཡིན། །རང་སེམས་འཁྲུལ་བ་ཡིན་པས་འགག་པ་ཡིན། །ཡེ་ཤེས་ཡེ་ནས་ཡོད་པས་འཆར་བ་ཡིན། »།«འབྲས་བུ་རང་ངོ་ཤེས་པས་གྲོལ་བ་ཡིན། །ཞེས་པར་ཐུག་ལ། དེ་ཡང་བསྡུ་ན། ཧྲིག་གེར་རིག་པ་རང་བྱུང་གི་ཡེ་ཤེས་ཞེས་པར་བསྡུ་སྟེ། རང་བྱུང་གི་ཡེ་ཤེས་རང་ལ་གནས་པ་བླ་མས་ངོ་སྤྲོད་པ་རྟོགས་ཤིང་ཉམས་སུ་བླངས་པས་འདིའམ། རང་སྣང་གྲོལ་ཞེས་པས་བར་དོར་གྲོལ་ཏེ། རིན་ཆེན་གསང་བའི་སྦུབས་ལ་རིག་པ་རང་ས་ཟིན་པས་ཐམས་ཅད་རང་བྱུང་གི་ཡེ་ཤེས་སུ་འདུ་སྟེ། བཤད་རྒྱུད་ལས། ཐམས་ཅད་རང་བྱུང་ཡེ་ཤེས་དང༌། ཞེས་སོ། དེ་ཡང་གཞི་ཡེ་སངས་རྒྱས་པ། ལམ་མངོན་སངས་རྒྱས་པ། འབྲས་བུ་རྫོགས་སངས་རྒྱས་པ། ཞེས་བྱ་སྟེ། དུས་གསུམ་གྱི་སངས་རྒྱས་ཐམས་ཅད་དགོངས་པ་མཉམ་ཁད་ཀྱིས་འདྲེས་སོ། །རང་བྱུང་གི་ཡེ་ཤེས་སུ་དོན་བསྡུ་བ་བསྟན་ཟིན་ཏོ། །དོན་བཞི་པ་ཐེམས་ཡིག་ལྔས་གཟེར་གདབ་པ་ལ་གསུམ་ཚོ་ལྔ་སྟེ། གསལ་འདེབས་ཤར་བའི་དུས་གསུམ། བར་ཆད་མེད་པའི་རྟགས་གསུམ། སྐྱེ་བ་མི་ལེན་པའི་གཏན་ཚིགས་གསུམ། གདམས་པའི་གནད་འགག་གསུམ། སངས་རྒྱ་ཚུལ་གསུམ། དང་པོ་ནི་འོད་ཟེར་རྐྱེན་དུ་ཤར་ཏེ་གསལ་གདབ། ཡེ་ཤེས་ལྔ་ཡི་འོད་ཟེར་འཕྲོ། དཀྱིལ་འཁོར་རྐྱེན་དུ་ཤར་ཏེ་གསལ་གདབ། གསུམ་རིག་གཙང་མ་དག་པ་སྟེ། གདམས་ངག་རྐྱེན་དུ་ཤར་བ་སྟེ་གསལ་གདབ། ཡང་དག་སངས་རྒྱས་ལམ་རིག་པ།» །« གཉིས་པ་ནི་བརྡ་ལ་བར་ཆད་མེད་པ་ཆུ་ཟླ་ལྟ་བུ། རྟགས་ལ་བར་ཆད་མེད་པ་ལུས་དང་གྲིབ་མ་ལྟ་བུ། དོན་ལ་བར་ཆད་མེད་པ་ཆོས་ཉིད་འོད་གསལ་ལོ། །གསུམ་པ་ནི་ཕྱི་གཟུང་བའི་ཡུལ་དག་སྟེ་སྐྱེ་བ་ལེན་པའི་གནས་མེད། ནང་འཛིན་པའི་སེམས་དག་སྟེ་སྐྱེ་བ་ལེན་པའི་བདག་མེད། འོད་གསལ་གྱི་དཀྱིལ་འཁོར་མཁའ་ལ་ཤར་བས་སྐྱེ་བ་རྒྱུན་ཆད་དོ། །བཞི་པ་ནི་འཁོར་དུ་འཁོར་ས་མེད་དེ་སྣང་སྲིད་གཞི་ནས་དག།འཁྲུལ་དུ་འཁྲུལ་ས་མེད་དེ་སྣང་སྲིད་དཀྱིལ་འཁོར་དུ་ཤར། འཁྱར་དུ་འཁྱར་ས་མེད་དེ་ཡེ་ཤེས་མ་བུ་མཇལ་ལོ། །ལྔ་པ་ནི་དབང་པོ་གསུམ་ལ་རབ་འབྲིང་ཐ་གསུམ་ལས། རབ་ཀྱི་རབ་ནི། རབ་སེང་གེའི་མཆོངས་སྟངས་ཀྱིས་སངས་རྒྱ། འབྲིང་ཉི་ཟླ་གའུ་ཁ་སྦྱོར་གྱི་ཚུལ་དུ་སངས་རྒྱ། ཐ་མ་དཔག་ཆེན་མདའི་ཚུལ་དུ་སངས་རྒྱ། འབྲིང་གི་རབ་རི་བོང་དང་འཛིན་པའི་ཚུལ་དུ་སངས་རྒྱ། འབྲིང་ཁྱུང་དང་སྒོ་ངའི་ཚུལ་དུ་སངས་རྒྱ། ཐ་མ་ནེའུ་ཕྲུག་དང་ཁྱུ་བརྒྱའི་ཚུལ་དུ་སངས་རྒྱའོ། །ཐ་མའི་རབ་མགྲོན་པོ་རང་ཁྱིམ་དུ་སླེབས་པ་ལྟ་བུར་སངས་རྒྱ། འབྲིང་མ་པང་དུ་བུ་རྒྱུག་པ་ལྟ་བུར་སངས་རྒྱ། ཐ་མ་ཨ་ནེ་བྱམས་མའི་སྤྱན་དུ་ཚ་བོ་འགྲོ་བ་ལྟ་བུར་སངས་རྒྱའོ། །དེ་དག་གིས་མན་ངག་གི་རང་གནད་མི་འཆུགས་པར་བསྟན་ཟིན་ཏོ། །དོན་ལྔ་པ་གཙིགས་ཆེ་བས་བཀའ་རྒྱས་གདབ་པ་ལ་གསུམ་ལས། བླ་མའི་བཀའ་རྒྱ་ནི། དུས་འདི་ནས་གཟུང་ནས་ལས་རྒྱུ་འབྲས་ཁྱད་མི་གསད། གྲུབ་མཐའ་དམའ་བ་ལ་མི་གཤེ། བླ་མ་ལ་གསོལ་བ་བཏབ་ཅིང་རྒྱུན་དུ་ཉམས་ལེན་ལ་འབུངས། དམ་ཚིག་ཚུལ་བཞིན་དུ་བསྲུང་ཞིང་གཞན་ལ་རབ་ཏུ་གསང་ངོ༌། ཡི་དམ་གྱི་མནའ་རྒྱ་ནི། ཐུབ་པའི་སྐུ་གཅིག་མགོ་ཐོག་ཏུ་བཞག་ལ། འདི་ནས་འབྱུང་བའི་མན་ངག་ཉམས་སུ་ལེན་ཞིང༌། གསང་བའི་མན་ངག་སྐལ་མེད་ལ་མ་བསྟན་ཅིག» «།སྟོན་ན་ཆད་པ་དྲག་པོ་ཕོབ་ཅིག་ཅེས་མནའ་དགག་ ག»ོ «།བཀའ་སྲུང་གི་གཏད་རྒྱ་ནི། འདིའི་སྲུང་མ་དཔལ་ཧཱ་ཀཱ་ལ་དང༌། ཨེ་ཀ་ཙ་ཏི་དང༌། དམ་ཅན་གསུམ་བསྐོས་པ་ཡིན་པས། བཀའི་བྱ་ར་བྱེད་ཅིང་ལེགས་ཉེས་ཀྱི་སྟངས་བཟུང་ནས། དམ་ཚིག་གི་རྗེས་གཅོད་ངེས་པ་ཡིན་ནོ། །བཀའ་དང་དམ་ལས་མ་འདའ་ཞིག །ཅེས་བརྗོད་དོ། བཀའ་རྒྱ་འདས་ན་ཁ་ནས་ཁྲག་སྐྱུགས། མིག་འབྲས་ཐང་ལ་བྲུལ། ཤི་ནས་རྡོ་རྗེའི་དམྱལ་བར་སྐྱེའོ། །གཏད་རྒྱ་འགལ་ན་ཕན་མི་ཐོགས། མནའ་རྒྱ་འགལ་ན་སྲོག་ལ་འོང༌། ཚུལ་བཞིན་སྦྱང་ན་འདི་དང་ཕྱི་མའི་ལེགས་དགུ་འགྲུབ་ཅིང༌། བླ་མ་ཡི་དམ་མཁའ་འགྲོ་ཐམས་ཅད་ཀྱིས་བྱིན་གྱིས་རློབ་པ་ཡིན་ནོ། །དེ་ལྟར་མཆོག་གསང་མན་ངག་སྙིང་པོའི་བཅུད། །ཚེ་འདིར་འཁོར་བའི་རྒྱ་མཚོ་བརྒལ་ནུས་པ། །ངེས་དོན་བླ་མེད་སྙན་བརྒྱུད་ཟབ་མོའི་དོན། །གཞན་ལས་འཕགས་པའི་དམ་ཆོས་ཨེ་མ་ ཧོ། །བླ་མའི་གསུང་སྒྲོས་ཕྱག་བཞེས་མན་ངག་དོན། །དཀྱུས་སུ་སྦས་ཤིང་མི་གསལ་མཐོང་བ་རྣམས། །འདིར་གཅིག་བསྡུས་ཏེ་ཕྱི་རབས་དོན་དུ་བཀོད། ། སྲུང་མ་དམ་ཅན་རྒྱ་མཚོས་བྱ་ར་མཛོད། །དགེ་བ་འདི་ཡིས་མ་ལུས་འགྲོ་བ་རྣམས། །ཀུན་བཟང་ཆོས་རྗེ་བླ་མའི་གནས་ཐོག་ཤོག །འོད་གསལ་སྙན་བརྒྱུད་བསྟན་པ་དར་བ་དང༌། »།«སྐལ་ལྡན་དམ་ཆོས་དགའ་སྟོན་འཕེལ་བར་ཤོག» «།སྙན་བརྒྱུད་དོན་གྱི་མེ་ལོང་ཞེས་བྱ་བ་འོད་གསལ་སྙིང་པོའི་རྣལ་འབྱོར་པ་སྣ་ཚོགས་རང་གྲོལ་གྱིས་གངས་རི་ཐོད་དཀར་གྱི་མགུལ་དུ། འོད་ཟེར་སྤྲིན་གྱི་ནགས་ནང་ཀུན་ཏུ་བཟང་པོའི་ཁང་བཟང། ཟླ་བ་ཆུ་ཤེལ་གྱིས་འཚེར་བ་ལ་སྦྱར་བ་རྫོགས་སོ།། །།འདི་དོན་ཆོས་ལ་དད་པ་དང༌། །མན་ངག་སྟོན་པའི་བླ་མ་དང༌། །འདི་བཟུང་བྱང་ཆུབ་མ་ཐོབ་བར། །རྟག་ཏུ་བསྟེན་ཅིང་བརྩོན་པར་ ཤོག །དགེའོ། །དགེའོ། །དགེའོ།། །།
༄༅། །སྙན་བརྒྱུད་དོན་གྱི་མེ་ལོང་བཞུགས་སོ། །<span class="lcp-note"><span class="lcp-mark">«</span>སྙན་བརྒྱུད་དོན་གྱི་མེ་ལོང་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །གདོད་མའི་གནས་སུ་མངོན་པར་བྱང་ཆུབ་སྟེ། །སྐུ་དང་ཡེ་ཤེས་འདུ་འབྲལ་མེད་པ་ཡིས། །དོན་གཉིས་ལྷུན་གྲུབ་དང་པོའི་སངས་རྒྱས་དང༌། །རིག་འཛིན་སྙན་བརྒྱུད་བླ་མའི་ཞབས་ལ་འདུད། །ཐིག་ལེ་མཆོག་གསང་བླ་ན་མེད་པ་ལས། །ཡི་གེ་མེད་པའི་སྙན་བརྒྱུད་རིན་པོ་ཆེ། །རིམ་ནས་རིམ་བརྒྱུད་ཟབ་མོ་གནད་ཀྱི་ཆོས། །ཕྱི་རབས་དོན་དུ་བདག་གིས་གསལ་བར་བྱ། །བཀའ་རྫོགས་པ་ཆེན་པོ་ཐེག་པ་ཀུན་གྱི་རྩེ་རྒྱལ། རྒྱུད་ལུང་མན་ངག་གསུམ་གྱི་ཉ<span class="lcp-mark">»</span></span>ི<span class="lcp-note"><span class="lcp-mark">«</span>ང་ཁུ། ཐིག་ལེ་ཕྱི་ནང་གསང་གསུམ་གྱི་ཡང་ཞུན། དུས་གསུམ་སངས་རྒྱས་རྣམས་ཀྱི་དགོངས་པ། ལྟ་སྒོམ་སྤྱོད་པ་གསུམ་གྱི་མཐར་ཐུག ། གཞི་ལམ་འབྲས་བུ་གསུམ་གྱི་གནད་འགག<span class="lcp-mark">»</span></span> <span class="lcp-note"><span class="lcp-mark">«</span>།སྒོ་གསུམ་རང་གྲོལ་དུ་སྟོན་པ། སྐུ་གསུམ་ཅེར་མཐོང་དུ་སྟོན་པ། སངས་རྒྱས་ལག་བཅངས་སུ་སྟོན་པ། སྙན་ནས་སྙན་དུ་བརྒྱུད་པ། སྙན་བརྒྱུད་དོན་གྱི་མེ་ལོང་འདི་ལ་གསུམ་སྟེ། ཡིད་ཆེས་ཤིང་ཁུངས་བཙུན་པ་བརྒྱུད་པའི་ལོ་རྒྱུས། ཇི་ལྟར་གདམས་ཚུལ་གནད་ཀྱི་མན་ངག<span class="lcp-mark">»</span></span> <span class="lcp-note"><span class="lcp-mark">«</span>།རྟོགས་ཤིང་གྲོལ་བ་ངོ་སྤྲོད་ཀྱི་གདམས་པའོ། །དང་པོ་ལ་གསུམ། རྒྱལ་བ་དགོངས་པའི་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུང་དུ་བརྒྱུད་པ་སྟེ། ཐིག་ལེ་ཀུན་གསལ་ཆེན་པོའི་རྒྱུད་ལས། ལོ་རྒྱུས་དོན་ལ་རྣམ་གསུམ་སྟེ། །གང་ཟག་ཕྲལ་བཅས་མ་ཡིན་པས། །དུས་གསུམ་སངས་རྒྱས་བརྒྱུད་པ་བཤད། །རྒྱལ་བས་གསུངས་པར་ཡིད་ཆེས་འགྱུར། །ངེས་པ་དོན་གྱི་འཁོར་ཡིན་པས། <span class="lcp-mark">»</span></span>།<span class="lcp-note"><span class="lcp-mark">«</span>རིག་འཛིན་བརྡ་ཡི་བརྒྱུད་པ་བཤད། །ལྡེམ་པོའི་དགོངས་དོན་མ་ཡིན་པར། །ངེས་པའི་དོན་གསུངས་ཡིད་ཆེས་འགྱུར། །མ་འོངས་གང་ཟག་རྣ་བརྒྱུད་ཤོད། །འབྲེལ་མ་ཆད་པར་ཡིད་ཆེས་འགྱུར། །ཞེས་སོ། །དང་པོ་རྒྱལ་བ་དགོངས་པའི་བརྒྱུད་པའང་གསུམ་ལས། ཆོས་སྐུའི་བྱིན་གྱིས་བརླབས་ཀྱིས་གསུངས་པ་ནི། གནས་ཁྱད་པར་ཅན་ཆོས་ཀྱི་དབྱིངས་པདྨ་བདེ་གསལ་གྱི་གྲོང་ཁྱེར་མཐོ་དམན་དང་མཐའ་དབུས་མེད་པ་ཅིའི་ངོ་བོར་ཡང་མ་གྲུབ་པ་ལས། ཡིད་བྱེད་པ་པོ་ཀུན་ཏུ་བཟང་པོ་ཉིད་ཞལ་ཕྱག་གིས་རྣམ་པར་བཞེངས་ཏེ། བསྟན་པའི་སྙིང་པོ་ཡེ་ཤེས་ལྔ་རང་སྣང་རྟོགས་པའི་འཁོར་རིགས་ལྔ་ལ། མ་ངེས་པའི་དུས་སུ་རང་བཞིན་བྱིན་གྱིས་བརླབས་ཀྱིས་གསུངས་པ་ནི། བསྡུས་རྒྱུད་ལས། ང་ཉིད་མ་འོངས་སྔོན་རོལ་ན། །སྟོན་པ་ཀུན་རིག་ཆོས་ཀྱི་རྗེ། །པདྨ་བདེ་གསལ་གྲོང་ཁྱེར་དུ། །བསྟན་པའི་སྙིང་པོ་ཡེ་ཤེས་ལྔ། །རང་སྣང་རྟོགས་པའི་འཁོར་རྣམས་ལ། །རྟོག་མེད་བྱིན་གྱིས་བརླབས་ཀྱིས་བཤད། །ཅེས་པ་དང༌། གསང་བ་རིག་པ་བཀོད་པའི་རྒྱུད་ལས། ཆོས་སྐུའི་བྱིན་གྱིས་བརླབས་ཀྱིས་བཤད་པའི་དུས། རྟོགས་པའི་རྡོ་རྗེ་རང་སྣང་དུས་ན་ཡིན། །ཞེས་སོ། །ལོངས་སྐུ་རང་གི་ངོ་བོས་གསུངས་པ་ནི། གནས་ཁྱད་པར་ཅན་མཚན་རྫོགས་རྡོ་རྗེ་འཆང་གི་ཞིང་ཁམས་འོག་མིན་ཀྱི་དབྱིངས་ཀྱི་ཕོ་བྲང་དུ། སྟོན་པ་རྣམ་པར་སྣང་མཛད་ཀྱིས་རྡོ་རྗེ་སེམས་དཔའ་ལ་སོགས་བཞི་དང༌། རིགས་བཞི་སོ་སོའི་འཁོར་བཞི་ལ། དུས་རིག་པ་ཡུལ་ལ་ཤར་བའི་ཚེ། བསྟན་པ་རང་སྣང་སྐུ་དང་ཡེ་ཤེས་འདུ་འབྲལ་མེད་པའི་དགོངས་པ། དངོས་སུ་ཚིགས་ལས་འདས་པ་ངོ་བོས་གསུངས་ཏེ། བསྡུས་རྒྱུད་ལས། སྟོན་པ་ཀུན་རིག་ཡེ་ཤེས་ཀྱིས། །ཆོས་ཉིད་གསལ་བའི་རང་གདངས་ལས། །ཡེ་ཤེས་འགག་མེད་དཀྱིལ་འཁོར་བྲིས། །རང་ཉིད་དབུས་ཀྱིས་གཙོར་གནས་ཏེ། །ཉིད་ལས་མི་གཞན་སྟོན་པ་བཞི། །རང་རང་རིགས་ཀྱི་འཁོར་རྣམས་ལ། །གསུང་གྀ་ཆོས་རྣམས་མི་འཆད་པར། །བྱིན་རླབས་རང་ངོའི་སྒོ་ནས་སྟོན། །ཞེས་པ་དང༌། གསང་བ་རིག་པ་བཀོད་པ་ལས། ལོངས་སྐུ་རང་གི་ངོ་བོས་བཤད་པའི་དུས། །སྐུ་མཆོག་འོད་གསལ་སྣང་བའི་ཚེ་ན་ཡིན། ། ཞེས་སོ། །སྤྲུལ་སྐུའི་སྒྲ་ཚིག་སྡེབ་སྦྱོར་ལེགས་པས་བཤད་པ་ནི། གནས་རྣམ་པར་དག་པ་ཡིད་འདྲེས་པའི་ཚལ་དུ། སྟོན་པ་རྡོ་རྗེ་སེམས་དཔའ་ཉིད་མེ་ཏོག་པདྨའི་སྡོང་པོ་ཁ་སྟོང་དང་ལྡན་པའི་དབུས་སུ། བརྫུས་ཏེ་བྱོན་ནས། ཐུགས་ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་ཞལ་གཟིགས་ཏེ། གཞི་ཇི་བཞིན་པ་རྡོ་རྗེ་སེམས་དཔའ་དོན་གྱི་ངོ་སྤྲོད་མཛད། དོན་ཇི་བཞིན་པ་རིན་ཆེན་འབྱུང་ལྡན་རྟགས་ཀྱི་ངོ་སྤྲད་མཛད། བརྡའ་ཇི་བཞིན་པ་སྣང་བ་མཐའ་ཡས་ཀྱི་དཔེའི་ངོ་སྤྲོད་མཛད། སྒྲ་ཇི་བཞིན་པ་དོན་ཡོད་བསག་པའི་སྒྲ་ཚིག་ཏུ་བཤད་དེ། ལོ་བཅུ་དྲུག་གི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ཀྱི་འཁོར་ལོ་ནང་དུ་བསྐོར་ཏེ། ཕྱོགས་ལྷུངས་མེད་པའི་ཤེས་རབ་སོ་སོར་རྟོགས་པའི་ཡེ་ཤེས་ཀྱིས་བདག་བསྒྲལ་ཏེ་དགོངས་པ་ཆོས་ཉིད་ལས་མི་གཡོ་བར་བཞུགས་སོ། །ལོ་བཅུ་དྲུག་ནས་ཉི་ཤུ་རྩ་ལྔའི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ལྔའི་འཁོར་ལོ་ཕྱིར་བསྐོར་ཏེ་གཞན་དོན་མཛད་པ་ནི་ཐུགས་ཀ་ནས་རང་བྱུང་གི་སྤྲུལ་སྐུ་ཐུབ་པ་དྲུག་སྤྲུལ། ཐུན་མོངས་མ་ཡིན་པའི་འཁོར་སྨིན་མཚམས་ནས་དགའ་རབ་རྡོ་རྗེ་སྤྲུལ་ཏེ། སངས་རྒྱས་ཀྱི་རིགས་འཛིན་དུ་བཞག<span class="lcp-mark">»</span></span> <span class="lcp-note"><span class="lcp-mark">«</span>།ཤངས་ནས་གསང་བའི་བདག་པོ་སྤྲུལ་ཏེ་ཞུ་བ་པོར་བསྐོས། སྙན་གཉིས་ནས་འཇམ་དཔལ་དང་སྤྱན་རས་གཟིགས་སྤྲུལ་ཏེ་གསང་བའི་ཆོས་བསྟན། ལྷ་གནས་མི་འདྲ་བ་གསུམ་དུ་བརྡའ་སྒྲ་ངེས་པས་ངེས་པ་དོན་གྱི་ཆོས་ཀྱི་འཁོར་ལོ་བསྐོར་ཏེ་ཐུགས་རྗེས་གཞན་བསྒྲལ་ལོ། །དེ་ནས་མྱ་ངན་ལས་འདས་པར་དགོངས་ཏེ། སློབ་དཔོན་ཆེན་པོ་དགའ་རབ་རྡོ་རྗེ་ལ་སྙན་བརྒྱུད་ལུང་དང་མན་ངག་ཐམས་ཅད་སྟེར། མ་འོངས་པའི་དུས་སུ་སྤེལ་ཅིག་ཅེས་གསུངས་ནས། རང་ལོ་ཉི་ཤུ་རྩ་ལྔར་འགྲོ་བའི་ཐོ་རངས་དགོངས་པ་ཡོངས་སུ་མྱ་ངན་ལས་འདས་སོ། ། དགའ་རབ་རྡོ་རྗེས་གསོལ་བ་བཏབ་པས། འདས་རྗེས་གསུམ་བབས་ཏེ་གདུང་བ་གསལ་ལོ། །དེ་ཡང་བསྡུས་རྒྱུད་ལས། ཨུ་དུམ་ཝཱ་ར་འབར་བ་ཆེན་པོ་ ལས། <span class="lcp-mark">»</span></span>།<span class="lcp-note"><span class="lcp-mark">«</span>ང་ཉིད་བརྫུས་ཏེ་ཡོད་བའི་ཚེ། <span class="lcp-mark">»</span></span>།<span class="lcp-note"><span class="lcp-mark">«</span>ང་ཡི་ཐུགས་ཀྱི་དཀྱིལ་འཁོར་དུ། ། དབང་གི་ཆུ་བོ་བཞི་རྫོགས་པས། །རྟོགས་པའི་ཡེ་ཤེས་རང་དབང་ཐོབ། །བརྡ་སྒྲ་ངེས་པའི་དོན་གསུམ་བཤད། །ཅེས་པ་དང༌། གསང་བར་རིག་པ་བཀོད་པ་ལས། སྤྲུལ་སྐུའི་ཚིག་སྦྱོར་ལེགས་པར་བཤད་པའི་དུས། <span class="lcp-mark">»</span></span>།<span class="lcp-note"><span class="lcp-mark">«</span>མཐུན་པའི་སེམས་ཅན་རྣམས་ལ་གནང་པ་ཡིན། །ཞེས་སོ། །རྒྱལ་བ་དགོངས་པའི་བརྒྱུད་པའོ། ། ༈ རིག་འཛིན་བརྡ་ཡི་བརྒྱུད་པ་ནི། དཔལ་རྡོ་རྗེ་སེམས་དཔས་སྤྲུལ་ཞིང་སངས་རྒྱས་ཀྱི་རིག་འཛིན་དུ་བཞག་པའི་སློབ་དཔོན་ཆེན་པོ་དགའ་རབ་རྡོ་རྗེ་ཉིད། མི་རྣམས་འདུལ་བའི་ཕྱིར་འཛམ་བུའི་གླིང་དུ་སྐྱེ་བ་བཞེས་ཚུལ་བསྟན་པ་ནི། རྒྱ་གར་ནུབ་ཕྱོགས་ཨོ་རྒྱན་གྱི་ཡུལ་ན་རྒྱལ་བུ་ཨུ་པ་རཱ་ཛ་དང༌། བཙུན་མོ་གསལ་བའི་འོད་ལྡན་མའི་སྲས་མོ་དགེ་སློང་མ་སུ་དྷརྨ་ཞེས་བྱ་བ་དེ་ནུབ་ཕྱོགས་དྷ་ན་ཀོ་ཤའི་གླིང་ན་བསམ་གཏན་ལ་བཞུགས་པའི་རྨི་ལམ་ན། ཤེལ་གྱི་མི་དཀར་པོ་གཅིག་གིས་ཤེལ་གྱི་བུམ་པ་སྤྱི་བོར་བཞག་སྟེ། དབང་བསྐུར་བར་རྨིས་ནས། ཟླ་བ་དགུ་ངོ་དང་བཅུ་ན་རྩིབ་མ་གཡས་པའི་སྒཽ་བར་ནས་ཁྱེའུ་མཚན་དང་དཔེ་བྱད་དུ་འབར་བ་ཞིག་བལྟམས་པས་ཡུམ་བྲེད་དེ། ཕ་མེད་བུ་འདི་འཇིག་རྟེན་འདྲེ་བས་གཞན་པ་སུ། <span class="lcp-mark">»</span></span>།<span class="lcp-note"><span class="lcp-mark">«</span>འཇིག་རྟེན་བདུད་དམ་ཚངས་པ་ལ་སོགས་སམ། ཁམས་གསུམ་དག་ན་འདོད་ལྡན་སུ་ཞིག་ཡིན། །འདི་ལྟར་བྱུང་བའི་དཔེ་ནི་སུས་མཐོང་མེད། <span class="lcp-mark">»</span></span>།<span class="lcp-note"><span class="lcp-mark">«</span>ཀྱེ་མ་བདག་ནི་ཁྲིམས་གཙང་སྲིད་ལས་རྒྱལ་འདོད་པས། །ལོག་སྲིད་འགྲོ་བས་དཔྱས་གྱུར་སྡིག་རེ་ཆེ། <span class="lcp-mark">»</span></span>།<span class="lcp-note"><span class="lcp-mark">«</span>ཞེས་བརྗོད་ནས། ཐལ་བའི་གོང་བུར་དོར་པ་དང༌། ས་ཆེན་པོ་ཡང་གཡོས། མེ་ཏོག་གི་ཆར་ཆེན་པོ་ཡང་བབས། བར་སྣང་ནས་ལྷ་རྣམས་ཀྱིས་བཀྲ་ཤིས་ཚིགས་སུ་བཅད་པ་ཡང་བརྗོད་པ། མགོན་པོ་སྟོན་པ་བཅོམ་ལྡན་འདས། །རང་བཞིན་སྣང་མཛད་འཇིག་རྟེན་མགོན། །བདག་ཀྱང་རབ་ཏུ་བསྐྱབ་པ་དང༌། <span class="lcp-mark">»</span></span>།<span class="lcp-note"><span class="lcp-mark">«</span>མཁའ་ཡི་རྡོ་རྗེ་དེང་བདག་སྩོལ། །ཞེས་བརྗོད་ཅིང༌། མཁའ་འགྲོ་མ་རྣམས་ཀྱིས་མཆོད་པའི་སྤྲིན་ཕུང་གཏིབས། ལྷ་དང༌། ཀླུ་དང༌། གནོད་སྦྱིན་ལ་སོགས་པས་ཙན་དན་གུར་གུམ་ལ་སོགས་པའི་ཆར་འབེབས། ཕྱོགས་ཀུན་ནས་འཇིག་རྟེན་སྐྱོང་བ་རྣམས་ཀྱིས་ཆོས་ཀྱི་རྔ་རྡུང༌། དུང་འབུད། རྒྱལ་མཚན་འཛུགས། བ་དན་བསླངས་པ་ལ་སོགས་པ་བྱེད་པ་དང༌། དྲང་སྲོང་གི་རྒྱལ་པོ་རྣམས་ཀྱིས་ཀྱང༌། སྨན་ཀྱི་ཚོགས་དཔག་ཏུ་མེད་པའི་སྤྲིན་གྱིས་གཏིབས་པ་མཐོང་ནས། སྤྲུལ་པར་ཤེས་ཏེ་བཟོད་པར་གསོལ་ནས། དར་དཀར་གྱིས་ལྕིབས་མོས་བླངས་སྤོས་ཆུ་དང་འོ་མས་བཀྲུས་ཏེ་གསོས་པས། མཚོ་ཆེན་པོའི་པདྨ་ལྟར་གཞན་ལས་ཆེར་བསྐྱེད་ཅིང་འཕགས་སོ། །མཚན་ཡང་མཁའ་འགྲོ་མ་རྣམས་ཀྱིས་རོ་ལངས་ཐལ་མདོག་ཅེས་གསོལ་ཏོ། །ལོ་བདུན་ནས་ཆོས་རྣམས་མ་བསླབས་པར་རང་འཁྲུངས་སུ་མཁྱེན་པའི་ཚུལ་གྱིས། ཨོ་རྒྱན་གྱི་པཎྜི་ཏ་ལྔ་བརྒྱ་དང་རྩོད་ཅིང་གླེང་པས། ཕར་དྲིས་པ་ལས་སུས་ཀྱང་མ་ཐུབ། ཚུར་དྲིས་པའི་ལན་ཐོགས་པ་མེད་པར་བྱུང་བས། མཎྜི་ཏ་རྣམས་ཀྱིས་སློབ་དཔོན་ཆེན་པོ་པྲ་ཛྙཱ་བྷ་བ་ཞེས་གསོལ། རྒྱལ་པོ་དགྱེས་ནས་དགའ་རབ་རྡོ་རྗེར་གསོལ། ཡུལ་མི་ཀུན་གྱིས་རོ་ལངས་བདེ་བར་གསོལ་ཏེ། མཚན་གྱི་རྣམ་གྲངས་བཞིར་བྱུང་བ་ནི། སྔོན་བྱུང་སྟོན་པའི་ཉེ་འཁོར་དུ་སྐྱེ་བ་བཞིའི་ལུས་ཀྱི་འདུན་མའི་བསོད་ནམས་ལས་བྱུང་བའོ། །དེ་ནས་བྱང་ཕྱོགས་སུ་རི་བོ་ཉི་མ་རབ་ཏུ་སྣང་བྱེད་ལ་ལོ་སུམ་ཅུ་རྩ་གཉིས་ཀྱི་བར་དུ་དགོངས་པ་ཏིང་ངེ་འཛིན་ལ་བཞུགས་ནས། མ་ལ་ཡའི་རྩེར་བྱོན་ཏེ། སྔར་སངས་རྒྱས་ཀྱིས་གསུངས་པའི་སྡེ་སྣོད་རིན་པོ་ཆེ་རྣམས་དང༌། ཁྱད་པར་དུ་རྫོགས་པ་ཆེན་པོ་ཤློ་ཀ་འབུམ་ཕྲག་དྲུག་ཅུ་རྩ་བཞི་ཐུགས་ལ་བཞུགས་པ་རྣམས་ཡི་གེར་བཀོད་དེ། མཁའ་འགྲོ་མ་མངོན་པར་འབྱུང་བའི་ཕུག་ཏུ་བཞུགས་པ་མཁའ་འགྲོ་མ་རྣམས་ལ་གཏད་དོ། །དེ་ནས་སློབ་དཔོན་ཆེན་པོ་ཉིད་དུར་ཁྲོད་ཆེན་པོ་བསིལ་བའི་ཚལ་དུ་བཞུགས་ སོ། ། དེའི་ཚེ་རྒྱ་གར་ནུབ་ཕྱོགས་རིམ་པ་གཉིས་པའི་གྲོང་ཁྱེར་ན། ཡབ་བྲམ་ཟེ་ལེགས་ལྡན་སྟོན་པ་དང༌། ཡུམ་སྣང་གསལ་མཛེས་མའི་བུ་སློབ་དཔོན་ཆེན་པོ་འཇམ་དཔལ་བཤེས་གཉེན་ཞེས་བྱ་བ། རིག་པའི་གནས་ལྔ་ལ་མཁས་པ་ཞིག<span class="lcp-mark">»</span></span> <span class="lcp-note"><span class="lcp-mark">«</span>།དུར་ཁྲོད་གསང་ལུང་ན་སྤྱོད་པ་མཛད་ཅིང་བཞུགས་པ་ན། འཇམ་དཔལ་རྣོན་པོ་ནམ་མཁའ་ལ་བྱོན་ཏེ་ལུང་སྟོན་པ། ཀྱེ་རིགས་ཀྱི་བུ་འབྲས་བུ་ངེས་པའི་དོན་འདོད་ན་དུར་ཁྲོད་ཆེན་པོ་བསིལ་བའི་ཚལ་དུ་སོང་ཞིག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་ཐོས་མ་ཐག་བྱོན་པས། ཞལ་མཇལ་ཕྱག་དང་བསྐོར་བ་བྱས་ནས་རྗེས་སུ་གཟུང་བར་ཞུས་པས། གནང་སྟེ་ཆོས་ཐམས་ཅད་རྫོགས་པར་གསུངས་ནས། བླ་མ་ཉིད་ཆུ་བོ་དན་ཏིག་གི་མགོར་ཕུང་པོ་ལྷག་མེད་དུ་གཤེགས་སོ། །དེ་ནས་སློབ་དཔོན་འཇལ་དཔལ་བཤེས་གཉེན་གྱིས་དཔེ་རྒྱུད་ཐམས་ཅད་རྡོ་རྗེ་གན་གྱི་བྱང་ཤར། ཕ་ཝང་རྡོ་རྗེ་རྒྱ་གྲམ་ཅན་གྱི་འོག་ཏུ་རང་རྒྱས་གདབ་ཏེ། དུར་ཁྲོད་སོ་ས་གླིང་དུ་བཞུགས་སོ། །དེའི་ཚེ་རྒྱ་ནག་པོའི་ཡུལ་གྲོང་ཁྱེར་ཤོ་འཁྱམས་ནག་པོ་ཞེས་བྱ་བ་ན། ཁྱིམ་བདག་དགེ་བ་དང་ལྡན་པའི་ཡིད་ཅན་དང༌། སྣང་གསལ་མཁྱེན་པའི་བུ་སློབ་དཔོན་ཆེན་པོ་ཤྲཱི་སིང་ཧ་ཞེས་པ། མཁས་པར་སྦྱངས་པའི་ཡོན་ཏན་དང་ལྡན་པ་ཞིག<span class="lcp-mark">»</span></span> <span class="lcp-note"><span class="lcp-mark">«</span>།ནུབ་ཕྱོགས་གསེར་གླིང་དུ་ཐད་ཀ་སྟོང་པའི་ནམ་མཁའ་ལ་སྤྱན་རས་གཟིགས་བྱོན་ནས་ལུང་བསྟན་པ། ཀྱཻ་སྐལ་ལྡན་འབྲས་བུ་ངེས་པའི་དོན་འདོད་ན། རྒྱ་གར་གྱི་དུར་ཁྲོར་སོ་སོའི་གླིང་དུ་སོང་ཞིག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་པ་ཐོས་ནས། རྐང་མགྱོགས་བསྒྲུབས་ཏུ་བྱོན་པས། སློབ་དཔོན་འཇམ་དཔལ་བཤེས་གཉེན་དང་མཇལ་ནས་ཕྱག་དང་བསྐོར་བ་བྱས། རྗེས་སུ་གཟུང་བར་ཞུས་པས། ཆོས་ཐམས་ཅད་རྫོགས་པར་གནང༌། དཔེ་རྒྱུད་རྣམས་ལུང་བསྟན་ཏེ་དུར་ཁྲོད་དེ་ཉིད་ཀྱི་མཆོད་རྟེན་གྱི་རྩེ་ལ་ལྷག་མེད་དུ་གཤེགས་སོ། །དེ་ནས་སློབ་དཔོན་ཆེན་པོ་ཤྲཱི་སིང་ཧས་རྡོ་རྗེ་གདན་གྱི་བྱང་ཤར་ནས་དཔེ་རྣམས་བཏོན་ནས་རྒྱ་ནག་བྱང་ཆུབ་འབྱུང་བའི་ཤིང་དྲུང་དུ་བྱོན་ཏེ། དཔེ་རྣམས་སྦས་ནས། དུར་ཁྲོད་ཆེན་པོ་བསིལ་སྦྱིན་དུ་དགོངས་པ་ལ་བཞུགས་སོ། །དེའི་ཚེ་རྒྱ་གར་ནུབ་ཕྱོགས་གླང་པོའི་སྒང་ན་རྒྱལ་པོ་དྷརྨཱ་ཨ་ཤོའི་སྲས་མོ་དྷརྨཱ་བྷོ་དྷིའི་སྲས་སློབ་དཔོན་ཆེན་པོ་བྱེ་མ་ལ་མུ་<span class="lcp-mark">»</span></span>ཏྲ་<span class="lcp-note"><span class="lcp-mark">«</span>འདི་ལ་ཁ་ཅིག་ཕ་མེད་པས་ཡུམ་གྱིས་ཕྱེ་མའི་ཁུང་དུ་སྦས་པས་མ་ཤི་བར་མིག་བཀྲ་ཧྲིག་གེ་འདུག་པས་བྱེ་མ་ལ་མུ་ཏྲ་ཞེས་པ་དང༌། ཁ་ཅིག་ཆོས་བྱེ་མའི་ལ་བརྒལ་ཙམ་ཤེས་པས། དེ་སྐད་ཟེར་བར་འདོད་པ་ནི་རྡོལ་ཐབས་སུ་སྨྲ་བ་སྟེ། གཡུ་ཡིག་ཅན་དུ་ཡབ་བཤད་པ་དང་འགལ་ལོ། །<span class="lcp-mark">»</span></span> <span class="lcp-mark">«</span>དེས་ན་ཨ་ཏི་བཀོད་པ་ཆེན་པོ་ལས། ཕྱག་རྒྱ་ཅན་ཞེས་བྱ་བའི་མཁས་པ་མཆོག་དེ་ཀ་མ་རུ་གནས། ཞེས་ལུང་བསྟན་པ་ལྟར། བྱེ་མ་བསྒྱུར་བས་རྒྱ་ཆེན་མུ་ཏྲ་ཕྱག་རྒྱ་སྟེ། བྱེ་མ་ལ་མུ་ཏྲའོ། །རབ་ཏུ་བྱུང་བའི་མཚན་ནི། བི་མ་ལ་མི་ཏྲ་སྟེ། དྲི་མེད་བཤེས་གཉེན་བྱ་བའི་མཚན་ཡོད་པའོ། །<span class="lcp-note"><span class="lcp-mark">«</span>ཞེས་བྱ་བ་ལ། ལོ་ལྔ་ནས་རིག་པའི་གནས་ཐམས་ཅད་རང་འཁྲུངས་སུ་མཁྱེན་པ་ཞིག་དང༌། སློབ་དཔོན་ཡེ་ཤེས་མདོ་གཉིས་རྡོ་རྗེ་གདན་གྱི་ནུབ་ཕྱོགས་འདམ་བུའི་ཚལ་དུ་སྐྱོ་སངས་ལ་བྱོན་པ་ལས། སྟེང་གི་ནམ་མཁའ་ནས་རྡོ་རྗེ་སེམས་དཔས་ལུང་བསྟན་པ་ལས། ཀྱཻཻ་སྐལ་ལྡན་ཚེ་གཅིག་གི་འབྲས་བུ་ངེས་པར་འདོད་ན་བྱང་ཆུབ་འབྱུང་བའི་ཤིང་དྲུང་དུ་སོང་ཞིག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་ཐོས་པ་ལས། སློབ་དཔོན་བྱེ་མ་ལས་བྱོན་ནས་འཇལ་ཏེ། སྙན་བརྒྱུད་རྣམས་གནང་བ་དང༌། སླར་རྒྱ་གར་དུ་བྱོན་ཏེ་དུར་ཁྲོད་ཆེན་པོ་སྣང་བྱེད་དུ་དགོངས་པ་ལ་བཞུགས་སོ། །དེ་ནས་རྒྱལ་པོ་ཨིནྟྲ་བོ་དྷིས་གདན་དྲངས་ནས་བླ་མཆོད་དུ་མཛད་དོ། །རིག་འཛིན་བརྡ་ཡི་བརྒྱུད་པའོ། །༈<span class="lcp-mark">»</span></span> <span class="lcp-note"><span class="lcp-mark">«</span>གང་ཟག་སྙན་ཁུང་དུ་བརྒྱུད་པ་ནི། དུས་དེའི་ཚེ་བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས་བྲག་དམར་དཔལ་གྱིས་བསམ་ཡས་བཞེངས། ལོ་པཎ་མང་པོས་རྒྱུ་འབྲས་ཀྱི་ཆོས་དཔག་ཏུ་མེད་པ་བསྒྱུར་ཀྱང་ཐུགས་མ་ཚིམ་སྟེ། ད་རུང་ཆོས་འདི་ལས་ཟབ་པ་རྒྱུ་འབྲས་ལ་བཟླ་བ་ཚེ་གཅིག་ལུས་གཅིག་ལ་སངས་རྒྱ་བའི་ཆོས་ཤིག་འོང་ཐང་སྙམ་པའི་ཚེ། རྗཻའི་ཆོས་བློན་ཉང་ཏིང་འཛིན་བཟང་པོའི་ཞལ་ན་རེ། ཀྱཻ་མངའ་བདག་རྗེ། རྒྱ་གར་གྱི་རྒྱལ་པོ་ཨིནྟྲ་བོ་དྷ<span class="lcp-mark">»</span></span>ི<span class="lcp-note"><span class="lcp-mark">«</span>་ལ་བླ་མཆོད་པཎྜི་ཏ་ལྔ་བརྒྱ་བཞུགས་ཟེར་བས། དེ་དག་གི་ནང་ནས་མཁས་ཤིང་གྲུབ་པ་བརྙེས་པ་ཞིག་གདན་དྲངས་འཚལ་ཞེས་ཞུས་པས། ལོ་ཙཱ་བ་སྐ་ཅོག་རྨ་གསུམ་ལ་གསེར་ཕྱེ་དང་གསེར་གྱི་པ་ཏྲ་མང་པོ་སྐྱེས་སུ་བསྐུར་ནས་གདན་འདྲེན་དུ་བཏང་བས། ལོཙྪ་བས་སྐྱེས་ཕུལ་བཀའ་དྲིན་གསོལ་བའི་སྐྱེས་ལན་དུ། རྒྱལ་པོས་པཎྜི་ཏ་རྣམས་ལ་ཁྱེད་རྣམས་ཀྱི་དཀྱིལ་ན་མཁས་ཤིང་གྲུབ་པ་བརྙེས་པ་ཞིག་བོད་དུ་གཤེགས་པར་ཞུ་ཞེས་ཚ་བའི་གྲལ་ལ་བསྐུལ་དུས། ཡར་གྱི་ཕྱེད་དང་སུམ་བརྒྱས་མར་ལ་གཟིགས། མར་གྱི་ཕྱེད་དང་སུམ་བརྒྱས་ཡར་ལ་གཟིགས་པའི་དཀྱིལ་ན། བྱེ་མ་ལ་བསྐུལ་བར་མཁྱེན་ཏེ། ཀ་པཱ་ལི་སོར་བཞི་པ་གཅིག་ཏུ་ཆོས་ཀྱི་སྡོམ་འདུས་པ་བསྣམས་ནས་བྱོན་དུས། བོད་དུ་ཕྱགས་ཕེབས་བསུ་བ་ཆེན་པོ་མཛད། ཕྱི་ནང་གི་ཆོས་མང་པོ་བསྒྱུར་ཞིང་གསུངས། ཁྱད་པར་དུ་རྒྱལ་པོ་ཡབ་སྲས་དང༌། ཉང་ལ་ཐིག་ལེ་སྐོར་གསུམ་རྣམས་གསུངས་ཏེ། ཐུགས་ཚིམས་པར་མཛད་ནས། བི་མ་ལ་རྒྱ་ནག་རི་བོ་རྩེ་ལྔར་གཤེགས། དེ་ནས་ཉང་ཏིང་འཛིན་བཟང་པོས་དབུ་རུ་གཞོའི་བྲག་དཀར་པོ་ལ་བྱོན་ནས་བཞུགས་དུས། རྡོ་རྗེ་ལེགས་པས་ཁམས་གསུམ་སེར་བ་ཕབ་ནས་གྲོ་ཁལ་ལྔ་བརྒྱ་ཙམ་ཡོད་པ་ལ་ཁྲལ་ཕབ་སྟེ། ཞ་པདྨ་དབང་ཆེན་གྱི་གཙུག་ལག་བཞེངས་ནས། ཐིག་ལེ་སྐཽར་རྣམས་དཔེ་བརྒྱུད་དང་སྙན་བརྒྱུད་གཉིས་སུ་ཕྱེས་ཏེ། དཔེ་བརྒྱུད་རྣམས་གཏེར་དུ་སྦས། སྙན་བརྒྱུད་འདི་ཀའི་སྲོལ་མི་ཉམས་པར་བྱ་བའི་ཆེད་དུ། འཕན་ཡུལ་བ་སྦས་བློ་གྲོས་དབང་ཕྱུག་སྐལ་ལྡན་དུ་གཟིགས་ནས་གནང་སྟེ་ཆིག་བརྒྱུད་ལས་སྤེལ་དུ་མེད་པས། སྣོད་ལྡན་གཅིག་ལ་གཏོད་ཅིག་གསུངས་ནས་བཀའ་རྒྱ་དང་བཅས་པ་མཛད་དོ། ། དེས་འབྲོམ་སྟོན་རིན་ཆེན་འབར་བ་གདམས་པའི་སྣོད་ལྡན་དུ་གཟིགས་ནས་བཀའ་རྒྱ་བཅས་པ་གནང་ངོ༌། །དེས་ལྡང་མ་ལྷུན་གྱིས་རྒྱལ་མཚན་བཀའི་བདག་པོར་གཟིགས་ནས་གནང་ངོ༌། །ལྡང་མ་ལ་དམ་ཅན་གྱིས་ལུང་བསྟན་ནས་གཏེར་དཔེ་རྣམས་ཕྱུང་སྟེ་ལོ་སྐོར་གཅིག་གསང་བའི་འོག་ཏུ་གདམས་པ་བཞག་པའི་སྣོད་འཚོལ་དུ་བྱོན་པ་དང༌། ཉང་རེའི་ལྕེ་ཐུབ་པའི་དབང་པོ་དང་ཁྱུང་མོ་བཟའ་ལེགས་མའི་བུ་ལྕེ་བཙུན་སེང་གེ་དབང་ཕྱུག་དད་པ་སྐྱེས་ནས་ཆོས་འཚོལ་དུ་བྱོན་པ་གཉིས། རི་གཟར་རྒོད་པོ་ལུང་དུ་མཇལ་ཏེ། ལས་ཅན་དུ་གཟིགས་ནས་སྙན་བརྒྱུད་རིགས་མི་འདྲ་བ་བདུན་གནང༌། ལྕེ་བཙུན་གྱི་ཤོང་པ་རས་པ་ལས་ཅན་དུ་གཟིགས་ནས་གསུངས། དེས་ཟབ་སྟོན་ཆོས་འབར་སྐལ་ལྡན་དུ་གཟིགས་ནས་གསུངས། དེས་དམ་པ་དགྱེར་སྟོན་གདམས་པའི་བདག་པོར་མཁྱེན་ནས་གསུངས། དེས་སྐྱེ་མེད་ཇོ་སྐྱབས་ལ་གསུངས། དེས་དགྱེར་སྟོང་ཇོ་མེས་ལ་གསུངས། དེ་ཡབ་སྲས་གཉིས་ཀ་ལས་གཉེན་སྟོན་ཤེས་རབ་རྩེ་མོས་གསན་པས་ཉེ་བརྒྱུད་ལས། དགྱེར་གྱི་གཉེན་ལ་གནང་བར་བྱེད། རིང་བརྒྱུད་ལ་སོ་སོར་བྱེད་དོ། །གཉེན་སྟོན་དབུས་སུ་བྱོན་པ་དང༌། རིན་པོ་ཆེ་ཡོན་ཏན་སྒང་པ་མཇལ་ནས་ལས་ཅན་དུ་གཟིགས་ཏེ། གདམས་པ་ཐམས་ཅད་གནང༌། ཡར་བཞུད་དུས་དཔེ་རྣམས་བཞག་ནས་ངའི་གདམས་པ་མ་ལུས་པ་ཁྱོད་ཀྱིས་ཤེས་པར་ཡོད་པས། ད་འགྲོ་དོན་གྱིས་ཤིགས་གསུངས་ནས་བཀའ་རྒྱ་བཀྲོལ། བརྒྱུད་པ་གཏད་དེ་སངས་རྒྱས་ལགས་བཅངས་སུ་གྲགས་སོ། །རིན་པོ་ཆེ་པས་བླ་མ་ནམ་མཁའ་རྡོ་རྗེ་ལས་ཅན་ཡིན་གསུངས་ནས་རྫོགས་པར་གནང་ངོ༌། །དེ་ལ་བླ་མ་དམ་པ་ཀུ་མ་རཱ་ཛས་ཞུས་ཏེ་ངོ་སྤྲོད་རྒྱབ་ཆོས་དང་བཅས་པ་གཞུག་ཆོད་པར་མཛད། རིན་པོ་ཆེའི་གཅུང་པོ་དགེ་སློང་ལ་རིན་པོ་ཆེའི་ཞལ་ནས་སྙན་བརྒྱུད་ཀྱི་བཀའ་འདི་ཀུ་མ་རཱ་ཛ་ལ་གཏོད་ཅིག་གསུངས་པ་ཡིན་གསུངས་ནས་གདམས་གཞུག་ཆོད་པར་གནང༌། ཡང་རིན་པོ་ཆེ་ཡོན་ཏན་སྒང་པས་བླ་མ་རྩེ་ཞིང་ལ། དེ་ལ་བླ་མ་རིན་པོ་ཆེས་ཞུས། ཡོན་ཏན་སྒང་པས་སྟོན་པ་རིན་ཆེན་སེང་གེ །དེས་སྐལ་ལྡན་ཆོས་ཀྱི་ཤེས་རབ། དེས་བླ་མ་ཀུ་མ་རཱ་ཛ། ཡང་གཙང་ཉང་སྟོད་མགར་གྱི་ཉི་མ་ལུང་དུ། གྲུབ་ཐོབ་ཆེན་པོ་ནས་བརྒྱུད་པའི་སློབ་དཔོན་ཡེ་ཤེས་མགོན་ལ་བླ་མ་དམ་པས་ཞུས་ཏེ། དཀའ་བ་དུ་མ་སྤྱད་ནས་གདམས་པའི་ཆུ་བོ་རྫོགས་པར་མཛད་དོ། །རིག་འཛིན་ཆེན་པོ་ཀུ་མ་རཱ་ཛས། བདག་ལ་གཏད་དེ་ཁྱོད་ཀྱིས་སེམས་ཅན་ལ་ཕན་ཐོགས་པར་འོང་གསུངས་ནས། མཉེས་ཚོར་ཆེན་པོ་ཡང་མཛད་དོ། །གང་ཟག་སྙན་ཁུང་དུ་བརྒྱུད་པའོ། །དེ་ལྟར་ཐོག་མའི་མགོན་པོ་ནས། རྣལ་འབྱོར་པ་བདག་ཡན་ཆད་ལ་དམ་ཚིག་ལ་སེལ་མེད། གདམས་པ་ལ་བསླད་མེད། ཉམས་ལེན་ལ་འགལ་འཁྲུལ་མེད། གཞན་དོན་བར་མ་ཆད། གྲོལ་ཚད་རྒྱ་མ་ཆད། བྱིན་རླབས་ཟམ་མ་ཆད་པས་བརྒྱུད་པ་གཞན་ལས་ཁྱད་པར་དུ་འཕགས་པ་ཡིན་ནོ། །གཉིས་པ་ཇི་ལྟར་གདམས་ཚུལ་གནད་ཀྱི་མན་ངག་ལ་གསུམ་སྟེ། གང་གིས་གདམས་པ་སློབ་དཔོན་གྱི་མཚན་ཉིད་ནི། ཕྱི་ཐོས་བསམ་གྱིས་ཤེས་རྒྱུད་གྲོལ་བ། ནང་ཉམས་ལེན་གྱིས་ཡོན་ཏན་རྫོགས་པ། གསང་བ་ཟུང་འཇུག་གིས་གཞན་དོན་སྤྱོད་པའོ། །གང་ལ་གདམས་པ་སློབ་མའི་མཚན་ཉིད་ནི། ཕྱི་དད་བརྩོན་དང་ཤེས་རབ་ཆེ་བ། ནང་མོས་གུས་དང་གཏོང་ཕོད་ཆེ་བ། གསང་བ་ཞི་དུལ་དང་སྙིང་རྗེ་ཆེ་བ། གང་ལྟར་གདམས་པ་གནད་ཀྱི་མན་ངག་ནི། ཕྱི་རྒྱུད་ལུང་མན་ངག་གི་གདམས་པ་སྣོད་མེད་ལ་མི་བཤད། ནང་སྙན་བརྒྱུད་ངོ་སྤྲོད་ཀྱི་གདམས་ངག་ཡི་གེའི་རིས་སུ་མི་གདབ། གསང་བ་ཐུགས་བརྒྱུད་མན་ངག་གིས་གདམས་པ་ཁ་འབྱམས་སུ་མི་བཤད་དོ། །གསུམ་པ་རྟོགས་ཤིང་གྲོལ་བ་ངོ་སྤྲོད་ཀྱི་གདམས་པ་ལ་ལྔ་སྟེ། གཞི་ལམ་འབྲས་གསུམ་གྱིས་གཏན་ལ་དབབ། སྒྲོན་མ་དྲུག་གིས་གནད་བཅིངས། རང་བྱུང་ཡེ་ཤེས་སུ་འགགས་བསྡམ། ཐེམས་ཡིག་ལྔས་གཟེར་གདབ། གཙིགས་ཆེ་བས་བཀའ་རྒྱས་གདབ་པའོ། །དང་པོ་ལ་གསུམ་སྟེ། གཞི་རང་ལུགས་སུ་བཤད་པ། ལམ་དམར་ཁྲིད་དུ་བཤད་པ། འབྲས་བུ་གྲོལ་ཚུལ་དུ་བཤད་པའོ། །དང་པོ་ལ་གསུམ་སྟེ། ཐོག་མའི་སྤྱི་གཞི། ཀུན་ཏུ་བཟང་པོའི་གྲོལ་གཞི། མ་རིག་སེམས་ཅན་གྱི་འཁྲུལ་གཞི་བསྟན་པའོ། །དང་པོ་ནི་རྟོགས་ཏེ་སངས་རྒྱས་སུ་མ་ཤར་མ་རྟོགས་སེམས་ཅན་དུ་མ་བྱུང་བའི་སྔོན་རོལ་ན། ཡུལ་ཆོས་ཀྱི་དབྱིངས་སྟོང་པ་གོ་འབྱེད་པ་ནམ་མཁའ་དངས་པའི་དཀྱིལ་ལྟ་བུ། དངས་ལ་མི་གཡོ་བ་རྒྱ་མཚོའི་གཏིང་ལྟ་བུ། གསལ་ལ་གོ་མ་འགགས་པ། མེ་ལོང་གཡའ་དག་པའི་ངོས་ལྟ་བུ། ཆོས་ཉིད་ཀྱི་ཀློང་ན་སྙིང་པོ་གཞི་འཛིན་པའི་རིག་པ་ངོ་བོར་རང་བཞིན་ཐུགས་རྗེ་གསུམ་དུ་གནས་སོ། །དེ་ཡང་འཁོར་བར་མ་ཆད་ལ། འཁོར་བར་འཆར་བའི་གོ་མ་འགགས་པ་ག་པུར་ལྟ་བུ། མྱང་འདས་སུ་མ་ཆད་ལ། མྱང་འདས་སུ་འཆར་བའི་གོ་མ་འགས་པ་ག་པུར་ལྟ་བུ། ངོ་བོ་གང་དུ་མ་ཆད་ཀྱང་རྐྱེན་གྱིས་ཐ་དད་དུ་འགྱུར་བ། གཞི་ལ་སྐྱོན་ཡོད་མེད་ལ། འཆར་གཞི་ཙམ་དུ་གང་འདོད་དུ་འབྱུང་བས་ཡིད་བཞིན་གྱི་ནོར་བུ་ལྟར་ཀུན་གྱི་འབྱུང་གནས་ཆེན་པོར་གནས་ཏེ། ཀུན་གསལ་ལས། མ་བྱུང་མ་སྐྱེས་སྔོན་རོལ་ན། །ཐོག་མའི་མགོན་པོ་འོད་མི་འགྱུར། །ཀུན་གྱི་འབྱུང་གནས་ཆེན་པོར་གནས། །ནམ་མཁའ་རྒྱ་མཚོ་རིན་ཆེན་ག་པུར་བཞིན། །ཞེས་པ་དང༌། མ་བྱུང་མ་སྐྱེས་སྔོན་རོལ་ན། །རྟོགས་ཏེ་སངས་རྒྱས་མ་བྱུང་ལ། །མ་རྟོགས་སེམས་ཅན་མ་བྱུང་ལ། །གཉིས་ཀར་མི་གནས་སྔོན་རོལ་ན། །ཐོག་མའི་མགོན་པོ་འོད་མི་འགྱུར། །རང་བཞིན་ལྷུན་གྲུབ་སངས་རྒྱས་ཏེ། །ཆད་པ་མ་ཡིན་འོད་གསལ་སྐུ། །རྟག་པ་མ་ཡིན་དངོས་པོ་མེད། །ནམ་མཁའ་འཇའ་ཚོན་ཚུལ་དུ་གནས། །ཀུན་གྱི་འབྱུང་གནས་ཆེན་པོར་གནས། །ཀུན་གྱི་དངོས་གཞིར་གྱུར་པ་ལ། །རྒྱ་ཆད་ཕྱོགས་ལྷུངས་ཀུན་དང་བྲལ། །དབྱེར་མེད་ལྷུན་གྱིས་གྲུབ་པར་གནས། །ཞེས་སོ། །དེ་ཡང་རིག་པ་རང་བྱུང་གི་ཡེ་ཤེས་འདིའི་ངོ་བོ་ནི། ཡེ་ནས་ལྷུན་གྱིས་གྲུབ་པས་ནོར་བུ་ལྟ་བུ། འཁོར་འདས་གང་རུང་དུ་མ་ཆད་ལ། རྟོགས་མ་རྟོགས་ཀྱི་རྐྱེན་གྱིས། འཁོར་འདས་སུ་འཆར་བའི་གོ་མ་འགགས་པར་ག་པུར་ལྟ་བུ་དེ་ངོ་བོ་ཕན་གནོད་གང་དུའང་ཆད་པ་མེད་ལ། ཚད་པ་དང་གྲང་བའི་ནད་སོ་སོའི་རྐྱེན་གྱིས། ཕན་གནོད་ཀྱི་རྣམ་པར་འཆར་བའི་གོ་མ་འགགས་པ་ལྟ་བུ། གང་དུའང་མ་གྲུབ་པའི་རིག་པ་ཉིད། རྐྱེན་གྱིས་གང་ལྟར་ཡང་འཆར་བའི་གཞི་བྱས་དུས། དོན་ལ་བཟང་ངན་འཕོ་འགྱུར་མེད་པ་ལ་གཞིའི་གནས་ལུགས་ཞེས་བྱ་སྟེ། ངོ་མཚར་བའི་དོན་ནོ། །ཀུན་ཏུ་བཟང་པོའི་གྲོལ་གཞི་ནི། གཞི་རང་ཐོག་ནས་རང་ངོ་ཤེས་པས་སངས་རྒྱས་ཏེ། དཔལ་ཀུན་ཏུ་བཟང་པོ་ལ་རང་བྱུང་གི་ཆོས་གསུམ་ཡོད་པ་ནི། ལུང་ལས་མ་བྱུང་བའི་མན་ངག་ངང་ལས་ཤར་ཏེ་སངས་རྒྱས། ལུང་སྟོན་པའི་བླ་ན་མེད་པར་རང་རིག་གོ །སེམས་ལས་མ་བྱུང་བའི་སངས་རྒྱས་རང་གིས་རིག་སྟེ་སངས་རྒྱས། ལུས་ངག་སེམས་མེད་པའི་གཞི་རང་གིས་རིག་གོ །རྒྱུ་ལས་མ་བྱུང་བའི་འབྲས་བུ་རང་ལ་གྲུབ་པས་སངས་རྒྱས། གཞི་སྐུ་གསུམ་དུ་རྐྱེན་མེད་པར་རང་གིས་རིག་པའོ། །དེའང་གཞི་གནས་ཀྱི་ཡེ་ཤེས་གསུམ་པོ་དེ་རང་རིག་པའི་ཤེས་རབ་ཀྱི་ནུས་པས་འབྲས་བུ་སྐུ་གསུམ་དུ་རང་འཁྲུངས་པ་ཡིན་ནོ། ། ཡང་ཀུན་ཏུ་བཟང་པོ་ལ་གྲོལ་གཞི་གསུམ་ཡོད་དོ། །ཡུལ་གྱི་གྲོལ་གཞི་རང་སྣང་གིས་རང་ངོ་ཤེས། སྐུ་ཡི་གྲོལ་གཞི་རང་སྣང་གཟུགས་སྐུ་རང་ངོ་ཤེས། ཐུགས་ཀྱི་གྲོལ་གཞིར་མཁྱེན་པའི་ཡེ་ཤེས་ཤར་ནས་རང་གྲོལ་ཏེ། ཀུན་གསལ་ལས། རང་བྱུང་དཀྱིལ་འཁོར་རང་སྣང་ལ། །རང་ངོ་ཤེས་པ་ལྷན་ཅིག་པས། །ལྷན་ཅིག་སྐྱེས་པའི་ཡེ་ཤེས་ཤར། །ང་ནི་ཆོས་སྐུ་དྲི་མེད་པས། །ཐམས་ཅད་མཁྱེན་པའི་ཡེ་ཤེས་ཤར། །ཆོས་སྐུ་རང་རིག་རང་ཤར་ཤེས། ཞེས་སོ། ། དེ་ཡང་རང་བཞིན་ལྷུན་གྱིས་གྲུབ་པའི་སངས་རྒྱས་ངོ་བོ་ཉིད་ཀྱི་སྐུ་དེ་རང་མལ་ལས་མ་གཡོས་པར་རང་གིས་རིག་ཅིང་རྟོགས་པས། ཀུན་ཏུ་བཟང་པོ་ཆོས་ཀྱི་སྐུའི་སངས་རྒྱས་གཞི་ཐོག་ནས་བྱང་ཆུབ་པ་ཡིན་ནོ། །མ་རིག་པ་སེམས་ཅན་གྱི་འཁྲུལ་གཞི་ནི། གཞི་སྣང་རང་ངོ་མ་ཤེས་པས་འཁྲུལ་ཏེ། དེ་ཡང་ཡུལ་གྱི་འཁྲུལ་གཞི་འོད་གསལ་རང་སྣང་གི་གནས་ངོ་མ་ཤེས་པས་འཁྲུལ། ལུས་ཀྱི་འཁྲུལ་གཞི་འོད་ལྔ་གཟུགས་སྐུ་རང་ལུས་སུ་ངོ་མ་ཤེས་པས་འཁྲུལ། སེམས་ཀྱི་འཁྲུལ་གཞི་རིགས་པ་རང་ངོ་མ་ཤེས་པས་འཁྲུལ་ལོ། །ཀུན་གསལ་ལས། ཆོས་ཉིད་ཡུལ་གྱི་འཁྲུལ་གཞིར་འཐད། །ཅིའི་ཕྱིར་རིགས་མེད་བེམས་པོར་གནས། །རིགས་པ་སེམས་ཀྱི་འཁྲུལ་གཞིར་འཐད། །ཅིའི་ཕྱིར་རིག་ཙམ་ཕྱོགས་མཐུན་ཕྱིར། །འོད་ལྔ་ལུས་ཀྱི་འཁྲུལ་གཞིར་འཐད། ཁ་དོག་དབྱིངས་སུ་ཕྱོགས་མཐུན་ཕྱིན། །ཡེ་གཡོས་སེམས་སུ་འཁྲུལ་པ་སྟེ། །བྱེད་པ་པོ་ནི་ང་བདག་ཡིན། །གཟུང་འཛིན་སྐྱེས་པའི་དུས་ན་འཁྲུལ། །དུས་ནི་རྣམ་པ་གཉིས་སུ་རྟོགས། །འབྲས་བུ་འོད་གསལ་ལྷ་ལས་ནི། །སྣོད་བཅུད་སྲིད་པ་རིམ་གྱིས་ཆགས། ཞེས་སོ། །གཞི་བསྐལ་པ་དང་པོ་ལས། གཞིར་སྣང་བར་ཀྱི་བསྐལ་བ་ཤར་དུས། རང་ངོ་མ་ཤེས་པས་འཁྲུལ་སྣང་བསྐལ་པ་ཕྱི་མར་ཁ་བརྒྱུད་དེ། ཁམས་གསུམ་རིགས་དྲུག་གི་སྣོད་བཅུད་དུ་ཆགས་པ་ལས། སྣོད་ཀྱི་རིམ་པ་ནི་དེ་ཉིད་ལས། དེ་དུས་གཟུང་འཛིན་རྣམ་རྟོག་གིས། །རང་བཞིན་འོད་ལྔ་གསལ་མི་ནུས། <span class="lcp-mark">»</span></span>།<span class="lcp-note"><span class="lcp-mark">«</span>གཟུགས་སོགས་ལྔ་ལ་བག་ཆགས་པས། །མཚོ་དར་ཞོ་ལ་སྤྲིས་ཆགས་ལྟར། །གླིང་བཞི་རི་རབ་གླིང་ཕྲན་སྣང༌། །བཅུད་ལས་སྲིད་པའི་སྒོ་ང་དང༌། <span class="lcp-mark">»</span></span>།<span class="lcp-note"><span class="lcp-mark">«</span>ནགས་ཚལ་སྨན་དང་མེ་ཏོག་འཁྲུངས། །རླན་དང་དྲོད་ལས་སྐྱེས་པ་ཡིན། །དེ་ལྟར་བར་གྱི་བསྐལ་པ་ལས། <span class="lcp-mark">»</span></span>།<span class="lcp-mark">«</span>སྣོད་ཀྱི་འཇིག་རྟེན་ལོགས་སུ་ བསྐལ། །ཞེས་སོ། །བཅུད་ནི་ཡང་དེ་ལས། ནམ་མཁའ་སྟོང་པར་ཀླུང་རྒྱུ་བཞིན། །ཡིད་ནི་རླུང་ཆེན་ཀུན་ཏུ་རྒྱུ། །སྤྱན་གྱི་སྦྱོར་བས་སྒོ་ང་མཐོང༌། ། ཐུགས་ཀྱི་སྦྱོར་བས་མཛེས་པར་མཁྱེན། །ཞལ་གྱི་སྦྱོར་བས་ཆགས་སེམས་སྐྱེས། །རིག་པ་ཡིད་དང་བཅས་པ་ཞུགས། །སེམས་ཅན་ཕོ་མོ་སོ་སོར་སྨིན། ། སྐྱེ་བ་བཞི་ལས་སྒོང་སྐྱེས་ཡིན། །དེ་ནས་མངལ་ནས་སྐྱེ་བ་བྱུང༌། །མི་མཇེད་འཇིག་རྟེན་རིམ་པར་ཆགས། །ཉོན་མོངས་རགས་ཤིང་འབྲས་བུ་ངན། །དེ་ནས་མནར་མེད་གནས་ལ་ཐུག །ཅེས་གསུངས་སོ། །གཉིས་པ་ལམ་དམར་ཁྲིད་དུ་བཤད་པ་ལ་གསུམ་ལས། བག་ཆགས་ལུས་ཀྱི་གྲུབ་ཚུལ། སེམས་དང་ཡེ་ཤེས་ཀྱི་གནས་ཚུལ། གདམས་པ་ངོ་སྤྲོད་ཀྱི་མཚོན་ཚུལ་ལོ། །དང་པོ་ནི། ཀུན་གསལ་ལས། དང་པོ་ལུས་ཆགས་མིག་ནས་བཟུང༌། །དེ་ནས་ལུས་བྱིང་བསྐྱེད་པ་སྟེ། །མིག་གཉིས་རྩ་གཉིས་ཤར་བ་ ལས། །དེ་ནས་རྩ་ཡི་མདུད་པར་གྱུར། །དེ་ནས་ལུས་བྱིང་བསྐྱེད་པ་ཡིན། །རྩ་ཡི་ཡན་ལག་རྣམས་ཤར་རོ། །དེ་ཡི་དུས་སུ་ཙིཏྟ་དང༌། །གློ་བ་ལ་སོགས་ནང་ཁྲོལ་རྣམས། །དོན་སྙིང་ལ་སོགས་སོ་སོར་གྲུབ། །སྡུད་བྱེད་ལུས་ཀྱི་ཆགས་ལུགས་ཡིན། །ཞེས་པས། ལུས་ཆགས་པ། བསྐྱེད་པ། གནས་པ་གསུམ་ལས། དང་པོ་ནི་ཕ་མའི་ཐིག་ལེ་དཀར་དམར་གཉིས། དྲི་ཟ་ཉེ་བར་འཁོར་བའི་སེམས་ཅན་གྱི་རླུང་སེམས་གཉིས་ཏེ་བཞི་འདྲེས་པ་ལས། ཞག་བདུན་ཚན་དང་པོ་ལ་མེར་མེར་པོ་ཉུང་འབྲུའི་སུམ་ཆ་ཙམ་གྱི་དབུས་སུ་རྩ་མདུད་གྲུ་གསུམ་དེའི་དབུས་སུ་མིག་གཉིས་ཆགས་སོ། །བདུན་ཚན་གཉིས་པ་ལ་ནུར་ནུར་པོ་ལས་ཤར་གྱི་རྩའི་ནང་དུ་ཁྲག་གི་དངས་མ་རྟ་རྔ་བརྒྱར་གཤགས་པ་ཙམ་གཅིག་ཆགས་སོ། །བདུན་ཚན་གསུམ་པ་ལ་ཏར་ཏར་པོ་ལས་ལྷོའི་རྩའི་ནང་དུ་ཤའི་དངས་མ་ཆགས་སོ། བདུན་ཚན་བཞི་པ་ལ་གོར་གོར་པོ་ལས་ནུབ་རྩའི་ནང་དུ་དྲོད་ཀྱི་དངས་མ་ཆགས་སོ། །བྱང་ཤར་དབུགས་ཀྱི་དངས་མ་ཆགས་སོ།།བདུན་ཚན་ལྔ་པ་ལ་འཁྲང་འགྱུར་ཏེ་རྩ་གསུམ་འཁོར་ལོ་བཞི་ཆགས་སོ།།བདུན་ཚན་དྲུག་པ་ལ་ཁྱབ་འཇུག་ཉ་ལྟ་བུ་མའི་ཆག་གང་པར་ཆགས་སོ།།བདུན་ཚན་བདུན་པ་ལ་རུ<span class="lcp-mark">«</span>ས<span class="lcp-note"><span class="lcp-mark">«</span>་སྦལ་གྱི་རྣམ་པའི་མཁྱིད་གང་བ་ཡན་ལག་དོད་པ་ཙམ་དུ་ཆགས་སོ། །བདུན་ཚན་བརྒྱད་པ་ལ་ཁྱབ་འཇུག་སྦལ་པའི་རྣམ་པ་འདྲ་བ་མའི་མཐོ་གང་པ་དབང་པོ་དང་ཡན་ལག་རྫོགས་པར་ཆགས་སོ།།ལུས་བསྐྱེད་པ་ནི། རླུང་དབུ་མར་ཚུད་མས་ཟས་ཟོས་པའི་དངས་མས་གཟུགས་སུ་སྨིན་ཅིང་བསྐྱེད་དེ། ཟླ་བ་དགུ་ངོ་དང་བཅུར་ཁྱད་པར་དུ་ལུས་རྫོགས་པ་ཡིན། ཀུན་གསལ་ལས། ལུས་བསྐྱེད་བཅུད་ཀྱི་ཆགས་ལུགས་ནི། །<span class="lcp-mark">»</span></span> <span class="lcp-note"><span class="lcp-mark">«</span>མ་བུ་ལྟེ་བ་གཉིས་འབྲེལ་ཏེ། །ལྟེ་བའི་གནས་ནས་སྐྱེད་པར་བྱེད། །དེ་ཡི་སྟོབས་དང་གཟི་མདངས་བསྐྱེད། །ཅེས་སོ། །དེ་ནས་མངལ་སྐྱེས་ནས་ལུས་གནས་པ་ནི། རྩ་རླུང་ཐིག་ལེ་གསུམ་གྱི་འཕེལ་གནས་འགྲིབ་གསུམ་གྱིས་བྱེད་དེ། རྩ་ལུས་ཀྱི་རྟེན་དེ་ལ་ཐིག་ལེ་དང་རླུང་བརྟེན་ནོ། །རྩ་ལ་གཙོ་བོ་གསུམ། འཁོར་ལོ་བཞི། རྩ་བྲན་བྱེ་བ་གཅིག་གནས་ཏེ། དེ་ཉིད་ལས། ལུས་ཀྱི་རྒྱབ་མདུན་རྩ་ཡི་འཁོར་ལོ་བཞི། །འཁོར་ལོ་དྲྭ་བ་བཞིན་དུ་མང་འབྲེལ་ཡང༌།།མཆོག་ཏུ་དྲང་བ་ཀ་བའི་ཚུལ། །སྐུ་གསུམ་བསྐྱེད་པའི་ཡེ་ཤེས་རྩ་གསུམ་གནས། །ཞེས་སོ། །རྩ་འདབ་ལ་ལྟེ་བ་ན་དྲུག་ཅུ་རྩ་བཞི། སྙིང་ག་ན་བརྒྱད། མགྲིན་པ་ན་བཅུ་དྲུག<span class="lcp-mark">»</span></span> <span class="lcp-note"><span class="lcp-mark">«</span>།སྤྱི་བོ་ན་སུམ་ཅུ་རྩ་གཉིས་སོ། །དེ་དག་ལས་གྱེས་པ་ཕྲ་མོ་དཔག་ཏུ་མེད་དོ། །རླུང་ལ་རྩ་ལ་རྒྱུ་བ་ཆེ་ཆུང་གཉིས་སོ། །ལས་བྱེད་པའི་རླུང་ནི་ལྔ་སྟེ། འདེགས་བྱེད་ཀྱི་རང་ཚིགས་བཞི་ལ་གནས་པས། ཤ་དང་རུས་པའི་སྟོབས་བསྐྱེད། བཀྲག་དང་གཟི་མདངས་བསྐྱེད་པའི་རླུང་སྨིན་ཕྲག་ན་གནས་པས་ཁྲག་དང་ཆུ་སེར་ཀྱི་སྟོབས་བསྐྱེད། མེ་མཉམ་གྱི་རླུང་ཕོ་བ་ན་གནས་པས་ཟས་འཇུ་བར་བྱེད། དངས་སྙིགས་འབྱེད་པའི་རླུང་སྟེང་འོག་གཉིས་ལ་གནས་པས་དངས་མ་ལུས་ལ་མགྲེམས། སྙིགས་མ་ཕྱིར་དོར་བར་བྱེད། སྙིང་རྗེ་མེད་པ་བསྐལ་པ་ལས་ཀྱི་རླུང་རིག་པ་དང་དབྱེར་མེད་པ་སྙིང་གར་གནས། འཁོར་བ་ཆོས་ཉིད་དུ་སྒྲོལ་པའི་ལས་བྱེད་དོ། །བྱང་ཆུབ་ཀྱི་སེམས་ནི་རྩའི་ནང་ནས་རྒྱུ་བ་ལས། དོན་དམ་ཐིག་ལེས་རྐྱང་མ། ཀུན་རྫོབ་ཐིག་ལེས་རོ་མ། རང་བཞིན་གྱི་ཐིག་ལེས་དབུ་མ་ནས་རྒྱུའོ། །བུད་མེད་རྣམས་ལ་དེ་གོ་ལོག་པའོ། །ཐིག་ལེ་དཀར་པོས་ཀླད་པ། རྐང་མར་དེས་རུས་པ། ཚིལ། ཆུ་རྒྱུས་བསྐྱེད་དོ། །དམར་པོས་ཤ། དེས་ཆུ་སེར། དེས་པགས་པ། དེས་སྐྲ་དང་བ་སྤུ་བསྐྱེད་དོ། །དེའི་གནད་ཀྱི་དངས་མ་རྒྱས་དུས་ལུས་མཛེས་ཤིང་སྐྲ་དཀར་དང་གཉེར་མ་མེད་ལ། རྒུད་དུས་འབྱུང་བའོ། །སེམས་དང་ཡེ་ཤེས་ཀྱི་གནས་ཚུལ་ལ། ཆོས་གཞན་ནས་ཕྱེ་བ་མེད་ཀྱང༌། འདིར་གདམས་ངག་གི་ཁྱད་པར་གྱིས་སེམས་དང་ཡེ་ཤེས་གཉིས་པོ་དེ། གནས་དང་ལམ་དང༌། སྒོ་དང༌། འབྲས་བུ་བཞིས་སོ་སོར་འབྱེད་པ་ལས། དང་པོ་ཡེ་ཤེས་ཀྱི་གནས། ཙིཏྟ་རིན་པོ་ཆེ་ན་དཀྱིལ་འཁོར་མུ་ཁྱུད་གསུམ་པ་ལ་ཞི་བ་དང༌། དེའི་གདངས་སུ་དུང་ཁང་ན་ཁྲོ་བོ་བཞུགས་ཏེ། མཚན་བརྗོད་ལས། འོད་བཟང་འབར་བ་དཔལ་བེའུ། །ཞེས་པ་དང༌། ཀུན་གསལ་ལས། ཙིཏྟ་རིན་ཆེན་གཞལ་ཡས་ན།།སྐུ་ནི་ཆ་ཕྲ་ཏིལ་འབྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །ཞེས་པ་དང༌། རིན་ཆེན་ཟུར་བརྒྱད་ཁང་པ་ན། །སྐུ་དང་ཡེ་ཤེས་མར་མེ་ལྟར། །<span class="lcp-mark">»</span></span> <span class="lcp-mark">«</span>ལོགས་ན་མི་གནས་ལྷུན་གྱིས་གྲུབ། ཅེས་སོ། དེའང་རིག་པ་ཡེ་ཤེས་ལྔའི་རང་གདངས་ཀྱི་ཀློང་ན་བཞུགས་པ་དཔེ་རྨ་བྱའི་སྒོ་ང་ལྟ་བུ་སྟེ། ངོ་བོ་སྟོང་པ་སྒོ་ངའི་དབྱིབས་<span class="lcp-mark">«</span>ཟླུམ་<span class="lcp-note"><span class="lcp-mark">«</span>ལ་ཟང་ཐལ་བ། རང་བཞིན་གསལ་བ་ནང་གི་ཆུ་རིས་འོད་ལྔར་འཁྱིལ་བ། ཐུགས་རྗེ་རིག་པ་དབུས་ཀྱི་ཕྲུག་གུའི་ཤེས་པ་ལྟ་བུར་མཚོན་ཏེ། དུར་ཁྲོད་ཕུང་པོ་འབར་བ་ལས། ངོ་བོ་རང་བཞིན་ཐུགས་རྗེ་སྟེ། །དཔེར་ན་རྨ་བྱའི་སྒོ་ང་བཞིན། །དབྱིབས་སུ་གྲུབ་པ་ཆོས་སྐུ་སྟེ། །ཆུ་རིགས་འོད་ལྔར་འབར་བ་ཉིད། །ལོངས་སྐུ་མཚོན་པའི་དཔེ་རུ་བསྟན། །རྨ་བྱའི་ཕྲུག་གུར་བྱུང་བའི་ཚེ། །སྤྲུལ་པ་སྐུ་ཡི་དཔེ་རུ་བསྟན། །ཞེས་སོ། །ཡེ་ཤེས་ཀྱི་ལམ་ནི་སྙྀང་ནས་མིག་ཏུ་རྩ་དར་དཀར་གྱི་སྐུད་པ་ལྟ་བུ་ཁྲག་དང་ཆུ་སེར་མེད་པ་ལ་བརྒྱུད་དེ། ཀུན་གསལ་ལས། རིན་ཆེན་རྒྱ་མཚོར་འབྲེལ་བ་ནི། ། དཀར་འཇམ་ཁོག་པ་སྟོང་པའི་རྩ། །ཐིག་ལེ་ཁྲག་གིས་མ་གོས་པར། །ཡེ་ཤེས་ཆེན་པོ་ཀུན་ཏུ་རྒྱུ།།དེ་ནི་ཡེ་ཤེས་ལམ་དུ་བཤད། །ཅེས་སོ། །སྒོ་རྒྱང་ཞགས་ཆུའི་སྒྲོན་མ་ནས་ཕྱི་ནང་སྣོད་བཅུད་ཐམས་ཅད་རང་གདངས་འོད་དུ་གསལ་ལོ། །འབྲས་བུ་སྐུ་གསུམ་རང་ལ་ལྷུན་གྲུབ་ཏུ་རྫོགས་པའོ། །སེམས་ཀྱི་གནས་ནི་སྙིང་ནས་གློ་བར་རྩ་གྲོ་སོག་གི་སྦུ་གུ་ཙམ་གྱིས་འབྲེལ་པར་ཡེ་ཤེས་ཀྱི་རང་གདངས་རླུང་དང་འབྲེལ་ཡོད་པ་སྟེ་གློ་བའི་རྩའོ། །ལམ་ནི་གློ་བ་ནས་སྒོ་ལྔའི་དབང་ཤེས་འཆར་བའི་རྩ་འདབ་སོ་སོའོ། །སྒོ་ནི་ཁ་སྣ་དང་སྒོ་ལྔའི་འདོད་ཡོན་སྣང་བའི་དབང་རྟེན་དྭངས་མ་རྣམས་སོ། །བྱེད་ལས་གཟུང་འཛིན་ལས་དང་བག་ཆགས་གསོག་པར་བྱེད། འབྲས་བུ་འཁོར་བ་གྲུབ་པར་བྱེད་པའོ། །སེམས་ཀྱི་ངོ་བོ་ཡེ་ཤེས་ཀྱི་རང་གདངས་རླུང་དང་འབྲེལ་པས་རྣམ་རྟོག་ཡུལ་ལ་འཇུག་པ་ཡིན་<span class="lcp-mark">»</span></span> <span class="lcp-note"><span class="lcp-mark">«</span>ནོ། །ཡེ་ཤེས་ཀྱི་རང་གདངས་མི་འཕྱེ་བོ་མིག་ཅན་ལྟ་བུའོ། །རླུང་གི་རྒྱུ་བ་རྟ་ལོང་བ་རྐང་ཅན་ལྟ་བུས་ཁུར་བ་ལས། ཕྱི་ནང་ཚོགས་དྲུག་གི་ཡུལ་གྱི་ཤེས་པ་སེམས་བྱུང་གི་རྣམ་པར་བྱུང་སྟེ། རིག་པའི་རང་གདངས་ཡིན་པས། མི་བཀྲ་དགུ་བཀྲར་བྱུང༌། རླུང་གིས་བསྐྱོད་པས་མི་འགྱུ་དགུ་འགྱུ་བྱུང་བའོ། །ཀུན་གསལ་ལས། སེམས་དང་ཡེ་ཤེས་རྣམ་པ་གཉིས། །གཅིག་མིན་ཐ་དད་མ་ཡིན་ཏེ། །དབྱེ་ན་རབ་ཏུ་དཀའ་བའི་ཆོས། །སེམས་ནི་ཡེ་ཤེས་རྩལ་ཡིན་ཏེ།།སེམས་ཀྱི་གཞི་མ་ཡེ་ཤེས་ཡིན། །གཅིག་པ་དང་ནི་ཐ་དད་ལས། །གྲོལ་བའི་མ་གྲོལ་ཞེས་བྱའོ། །ཞེས་པ་དང༌། དུར་ཁྲོད་ཕུང་པོ་འབར་བ་ལས་ཀྱང༌། སེམས་ཀྱི་ངོ་བོ་ཡེ་ཤེས་ཏེ། དེ་ལས་གཟུང་འཛིན་རྩལ་དུ་ཤར། །དབུགས་ལ་རྟ་བྱས་རྐྱེན་དང་འཕྲད། །གཟུང་འཛིན་རྟོག་པ་ཆེས་སོང་ངོ༌། །གནས་ནི་རླུང་ཅན་གྲོང་ན་གནས། །ལམ་ནི་མགྲིན་པ་དག་ཏུ་རྒྱུ། །སྒོ་ནི་འདོད་པའི་སྒོ་ལྔར་ཤར། །རྐྱེན་ནི་རྟོག་པ་སྣ་ཚོགས་བསྐྱེད། །ལས་ནི་གཟུང་འཛིན་ངར་འཛིན་བྱེད། །ཅེས་པ་དང༌། དགའ་རབ་རྡོ་རྗེའི་གསེར་ཕྲེང་ལས། རིན་ཆེན་སྒྲོན་མར་འབྲེལ་ཏེ་དར་སྐུད་ཙམ་དེ་དཀར། །རིན་ཆེན་རླུང་ཅན་འབྲེལ་ཏེ་སོགས་སྦུག་ཙམ་དེ་དམར།།རླུང་ཅན་སྒོ་དང་འབྲེལ་ཏེ་ཉུག་ལྡོམ་ཙམ། ། ཞེས་སོ། །དེ་ཡང་སྙིང་ནས་མིག་ཏུ་འབྲེལ་བའི་རྩ་གཉིས་ལས་ལྷུན་གྲུབ་རང་བཞིན་གྱི་གདངས་ཡེ་ཤེས་འཆར། སྙིང་ནས་གློ་བར་འབྲེལ་བའི་རྩ་གཉིས་ལ་ཐུགས་རྗེའི་རང་གདངས་འཆར་བ་རླུང་དང་འབྲེལ་བས་སེམས་སུ་ཤར་བའོ། ། གདམས་པ་ངོ་སྤྲོད་ཀྱིས་མཚོན་ཚུལ་ལ་གསུམ་སྟེ། རྡེ་སྐོར་ས་ལ་བཀོད་པ། བརྡ་སྐོར་མཁའ་ལ་བསྟན་པ། དོན་སྐོར་རང་ལ་གནས་པའོ། །དང་པོ་ནི་གནས་ཀྱི་ཚོད་དང་སྦྱར་བའི་མཎྜལ་ལ་ཚངས་ཟུར་གྱི་ཐིག་གདབ། མུ་ཁྱུད་རིམ་པ་གསུམ་འོད་ལྔ་ལྡན་དུ་བཀོད་པའི་ལྟེ་བ་མཐིང་ཀ །མུ་ཁྱུད་ནང་དམར། པདྨ་བཅུ་གཉིས་ཤར་དཀར། ལྷོ་སེར། ནུབ་དམར། བྱང་ལྗང༌། མཚམས་བཞི་མཐིང༌། མུ་ཁྱུད་ཕྱི་མ་པདྨ་བཅུ་དྲུག་མཛེས་ཚོན་དུ་བྱས་པ་ལ། གཞིའི་རྡེའུ་ཉེར་བརྒྱད་བཀྲམ་པ་ནི། གཞི་རྫོགས་ཀྱི་ལྷའི་དག་པའོ། །བརྡ་སྐོར་མཁའ་ལ་བཀྲམ་པ་ནི། དེ་ཡང་བརྡ་མིག་ལ་བསྟན། ངག་རྣ་བར་བླུགས། ཞེས་པ་དང༌། སྡུད་པའི་རྒྱུད་ལས། འཁོར་གྱི་རིག་པ་འཛིན་པ་རྣམས། །ང་ཡི་རྗེས་སུ་འཇུག་རྣམས་ལ། །བརྡ་རྣམས་ཕྱོགས་མཐུན་དངོས་སྟོན་ལ། །ངག་གི་ངེས་དོན་གཏན་ལ་ཕབ། །ཅེས་པས། བླ་མའི་གཡོན་ངོས་སུ་སྟན་འཚམས་པའི་སྟེང་དུ་སློབ་མ་རེ་བཞག་ལ། མན་ཤེལ་བཟུང་སྟེ་འདི་སྐད་བརྗོད་དོ། །དཔལ་རྡོ་རྗེ་སེམས་དཔའི་ཞལ་ནས། ང་ལ་མ་དྲི་རྡོ་རྗེ་སེམས་དཔའི་མེ་ལོང་ལ་དྲིས་གསུངས་པ་དང༌། འཁོར་བ་དོང་སྤྲུག་གི་རྒྱུད་ལས། ཆོས་ལས་འདས་པའི་སྐུ་ངོ་མ་ཤེས་རང་གི་རིག་པ་ལྟོས་ཤིག<span class="lcp-mark">»</span></span> <span class="lcp-note"><span class="lcp-mark">«</span>།དེ་ཉིད་མཚོན་པའི་དཔེ་ངོ་མ་ཤེས་ན་རྡོ་རྗེ་སེམས་དཔའི་མེ་ལོང་ལ་ལྟོས་ཤིག<span class="lcp-mark">»</span></span> <span class="lcp-note"><span class="lcp-mark">«</span>།དེ་ཉིད་རང་ལ་གནས་པའི་རྟགས་ངོ་མ་ཤེས་ན། བྱང་ཆུབ་ཀྱི་སྒྲོན་མ་ལ་དྲིས་ཤིག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་པ་དང༌། གཞི་སྦགས་ལས། དེ་ཡང་སྣང་བ་མཐའ་ཡས་ཐུགས་ཀ་ནས། རིན་པོ་ཆེ་ཤེལ་གྱི་མཆོད་རྟེན་ཁྲི་འཕང་ལྔ་པ། ཁྲི་འཕང་རེ་རེ་ལ་རིགས་ལྔ་འཁོར་དང་བཅས་པ་རྫོགས་པ། སངས་རྒྱས་དང་དབྱེར་མེད་པའི་སྐུ་གདུང་ཆེན་པོ་བབས་ཏེ། དེ་ནི་དངོས་སུ་ཕྱག་གཡོན་དུ་བབས་སོ། །དེ་ཡེ་ཤེས་ཀྱི་མེ་ལོང་དུ་གྱུར་ནས་མཐོང་བ་དང༌། རྟོགས་པ་དང་གྲོལ་བ་དུས་གཅིག་ལ་ཤར་ཏེ་ཤེས་བྱའི་མེ་ལོང་དུ་གྱུར་ཏོ། །ཞེས་གསུངས་སོ། །དེ་ནས་སློབ་མའི་མིག་གིས་རྡེ་སྐོར་ཤེལ་གྱི་ནམ་མཁར་བཏེག་ལ་དབང་པོའི་མངོན་སུམ་དུ་བཀྲ་ལམ་ཀྱིས་བསྟན་ནས། ཀྱཻ་སྐལ་ལྡན་རང་གི་སྙིང་གི་དཀྱིལ་ན། རིག་པ་རང་བྱུང་གི་ཡེ་ཤེས་ངོ་བོ་སྟོང་པ། རང་བཞིན་གསལ་བ། ཐུགས་རྗེས་གཉིས་སུ་མེད་པ་སྐུ་དང་ཡེ་ཤེས་ཀྱི་རང་གདངས་སུ་གསལ་བ་ལ། གཞི་རྫོགས་ཀྱི་དཀྱིལ་འཁོར་མུ་ཁྱུད་གསུམ་པ་སྐུ་གསུམ་ལྷུན་གྲུབ་ཆེན་པོར་གནས་པའི་བརྡ་མིག་གིས་མཐོང་བས། ངོ་ཤེས་ཤིང་རིག་པས་གོ་བས་ཐེ་ཚོམ་མེད་པར་ཐག་ཆོད་ཅིག<span class="lcp-mark">»</span></span> <span class="lcp-note"><span class="lcp-mark">«</span>།ཀུན་གསལ་ལས། སྐུ་གསུམ་རང་བྱུང་དཀྱིལ་འཁོར་ན། །དབུས་ན་སྐུ་གཉིས་འོད་དཔག་མེད། ། ཀུན་བཟང་ཡབ་ཡུམ་ཆོས་སྐུར་གནས། །བར་ན་འཇའ་ཚོན་འབར་བའི་སྐུ། ། རིགས་ལྔ་ཡབ་ཡུམ་ལོངས་སྐུར་གནས། །ཕྱི་རིམ་སྤྲུལ་པའི་འཁོར་ཡིན་ཏེ། ། སེམས་དཔའ་བཅུ་དྲུག་སྤྲུལ་སྐུར་གནས། །བཅུ་དྲུག་ཕྱེད་ཕྱེད་ཐིག་ལེ་ཙམ། ། ཡན་ལག་མེད་པ་རྩིས་ལས་འདས། །ཞེས་སོ། །དོན་སྐོར་རང་ལ་གནས་པས་ངོ་སྤྲད་པ་ལ་གསུམ་སྟེ། དཔེ། རྟགས། དོན་ངོ་སྤྲད་པའོ། །དཔེ་ལ་བཞི་སྟེ། ཆོས་སྐུ་མན་ཤེལ། ལོངས་སྐུ་འདྲ་ འབག<span class="lcp-mark">»</span></span> <span class="lcp-note"><span class="lcp-mark">«</span>།སྤྲུལ་སྐུ་འོད་ཁྱིམ། འདུ་འབྲལ་མེད་པ་ཉི་མའི་སྙིང་པོ་ལ་ངོ་སྤྲད་ པའོ། །དང་པོ་ནི་སྐྱེས་བུ་ལས་དག་པའི་སྤྱན་གཡོན་མའི་སྟེང་དུ། རྡོ་རྗེ་སེམས་དཔའི་མེ་ལོང་བསྟན་ལ། ཀྱཻ་སྐལ་བར་ལྡན་པའི་སྐྱེས་བུ་ཀུན། །སྣོད་ལྡན་ཐུགས་ཀྱི་མེ་ལོང་འདི། །ཆོས་སྐུ་དངོས་ནི་མ་ཡིན་ཏེ། །དཔེ་ནི་འདི་འདྲར་ཤེས་པར་བྱ། །དཔེ་འདི་ལ་ཕྱི་ནང་མེད་པ་ལྟར། ཆོས་སྐུ་ལ་ཕྱི་ནང་མེད་པ་ཤེས་པར་གྱིས་ཤིག །དཔེ་འདི་ལ་མདུན་རྒྱབ་མེད་པ་ལྟར། ཆོས་སྐུ་ལ་མདུན་རྒྱབ་མེད་པར་ངོ་ཤེས་པར་གྱིས་ཤིག །དཔེ་འདི་ལ་ཟང་ཐལ་ལྟར། ཆོས་སྐུ་དྲི་མེད་ཟང་ཐལ་དུ་ཤེས་པར་གྱིས་ཤིག །འདི་ལ་ནང་མེད་པས་ན་རྐྱེན་མེད་པའི་འོད་ལྔ་གསལ་བ་ལྟར། །ཆོས་སྐུ་ཟང་ཐལ་གྱི་ནང་ན། གཟུགས་སྐུ་ནང་གསལ་ལྷུན་གྲུབ་ཡེ་ཤེས་ཀྱི་སྙིང་པོ་ཅན་དུ་ཤེས་པར་གྱིས་ཤིག<span class="lcp-mark">»</span></span> <span class="lcp-note"><span class="lcp-mark">«</span>།ནང་མེད་པའི་ནང་ནས་འོད་ལྔ་ཕྱིར་འཆར་ནུས་པ་ལྟར། ཆོས་སྐུ་ལས་གཟུགས་སྐུ་གཉིས་གདུལ་བྱ་ལ་སྣང་ནུས་པར་ཤེས་པར་གྱིས་ཤིག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་གསུངས་པས། རང་རིག་པའི་ཡེ་ཤེས་ཆོས་སྐུར་ངོ་སྤྲད་དེ། ཞལ་ཆེམས་ལས། མན་ཤེལ་ལྟ་བུའི་དཔེ་བསྟན་ཚེ། །མཐོང་བ་དེ་ཉིད་དོན་ཞེས་བྱ། །ཞེས་སོ། །གཉིས་པ་ནི་རང་སྣང་ལོངས་སྐུ་གཞོན་ནུ་བུམ་པ་སྐུའི་འཆར་ཚུལ་ངོ་ཤེས་པར་བྱེད་པ་སྟེ། བླ་མའི་སྐུ་ལ་རུས་རྒྱན་གསོལ། །སློབ་མའི་སྤྱན་གཡས་ཀྱི་སྟེང་དུ་མེ་ལོང་བསྟན་པ་བཏེག་ལ། ཀྱཻ་སྐལ་ལྡན། ཡེ་ཤེས་སྐུ་དེ་རང་བྱུང་བ། །སྟོང་པ་ཟང་ཐལ་ནམ་མཁའི་སྐུ། །སྐྱེ་ཤི་འཕོ་འགྱུར་མེད་པའི་སྐུ། །ཞེས་གསུངས་པ་ཉིད་ངོ་སྤྲད་ན། བཤད་རྒྱུད་ལས། འདྲ་འབག་མེ་ལོང་བསྟན་པའི་ཚེ། །མེ་ལོང་དག་ཅིང་གསལ་བ་ལྟར། །ཆོས་ཉིད་དག་ཅིང་གསལ་བ་འོ། །མེ་ལོང་གི་ནང་ན་གཟུགས་བརྙན་སྣང་ལ་རང་བཞིན་མེད་པ་ལྟར། ཆོས་ཉིད་སྟོང་པའི་ཀློང་ན་སྐུ་ལྔ་སྣང་ལ་རང་བཞིན་མེད་པར་གནས་སོ། །སྐུ་ནི་ཆ་ཕྲ་ཏིལ་འབྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །ཞེས་པ་དང༌། ད་ལྟ་རང་ལ་གནས་པའི་སྙིང་གའི་ཞི་བ་བཞི་བཅུ་རྩ་གཉིས་ཀྱི་གདངས། དུང་ཁང་ན་ཁྲག་འཐུང་ལྔ་བཅུ་རྩ་བརྒྱད་རྣམས་སྐུ་ཡུངས་འབྲུ་ཙམ་ལས་མེད་ཀྱང༌། གནས་ཡང་དོག་གི་ཕྱིར་བར་དོར་ཆེ་བ་ནམ་མཁའ་དང་མཉམ་པ། དེའི་འོག་མ་རི་རབ་ཙམ། ཆུང་བ་མཁར་ཐབས་ཙམ། ཡང་ཆུང་རང་ལུས་ཙམ་པས་ནམ་མཁའ་ཁེངས་པར་འཆར་རོ། །དེའི་ཚེ་རང་སྣང་གཟུགས་སྐུར་ངོ་ཤེས་པར་གྱིས་ཤིག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་བརྗོད་དོ། །དེ་ནས་མཐོངས་ཁུང་ཐམས་ཅད་བཀག་ལ་རི་རབ་ཀྱི་རྩེ་ནས། ཉི་མ་ནུབ་པའི་ཚེ་ཡེ་ཤེས་ཁོང་གསལ་གྱི་དགོངས་པ་ངོ་ སྤྲད། སུརྱ་སྐྱོང་དུ་བཅུག་ལ་དཔལ་བེ་ནས་སྒྲོན་མར་འབྲེལ་བའི་རྩ་ལམ་ངོ་སྤྲད། སུརྱའི་ཟུར་ལ་མེ་ལོང་ཕྱར་ལ་སེམས་དང་ཡེ་ཤེས་རྒྱབ་གྱེས་པའི་དུས་ངོ་སྤྲད། མེ་ལོང་སྒྲིལ་ཞིང་གཞི་སྣང་ངོ་སྤྲད། རྩ་གཏེམས། རོལ་མོ་དཀྲོལ། མེ་ལོང་སྒྲིལ་ཞིང་སྒྲ་འོད་ཟེར་གསུམ་ངོ་སྤྲད། དེ་ཡང་ཆོས་ཉིད་བར་དོར་འོད་ལྔའི་རང་སྣང་སོས་ཀའི་ཐང་ལ་སྨིག་རྒྱུ་འགྱུ་བ་ལྟ་བུའི་ནང་ནས་ཆོས་ཉིད་ཀྱི་རང་སྒྲ་འབྲུག་སྟོང་ལྟིར་བ་ཙམ་དང༌། ཟེར་མཚོན་ཆའི་ཆར་བབས་པ་འདྲ་བ་འོང་བས། སྒྲ་རང་སྒྲ། འོད་རང་འོད། ཟེར་རང་ཟེར་དུ་ངོ་ཤེས་པར་གྱིས་ ཤིག །ཅེས་བརྗོད། དེ་ཡང་ད་ལྟ་མི་མོས་ཡེ་ཤེས་ཁོང་གསལ་དང་རྩ་ལས་ངོ་སྤྲད། གཏེམས་པས་རིག་པ་བརྒྱལ་བ་ངོ་སྤྲད། གཞི་སྣང་སྒྲ་འོད་ཟེར་གསུམ་ངོ་སྤྲད་པ་ཞེས་སོ། །སྤྲུལ་སྐུ་འོད་ཁྱིམ་ཁ་སྦྱོར་ལ་ངོ་སྤྲད་པ་ནི། ཐུགས་རྗེ་འཆར་ཚུལ་མ་འགགས་པར་མཚོན་པ་སྟེ། ཉི་ཞུར་གྱི་འོད་མེ་ལོང་གི་འོད་འཛོམས་པ་ལ་མིག་གཏད་དེ། སྙིང་གའི་རང་གདངས་རྒྱང་ཞགས་སུ་འཆར་བ་ཁ་སྦྱར་ལ་ངོ་སྤྲད་དེ། ཀུན་གསལ་ལས། ཀྱཻ་མ་རིགས་ཀྱི་བུ། མེ་ལོང་དག་ཅིང་གསལ་བ་ལྟར། ཆུ་ཡི་སྒྲོན་མ་རྣམ་པར་དག་པའི་ཆོས་ཉིད་དོ། །མེ་ལོང་ལ་ཕྱག་རྒྱ་མ་བསྐྱོད་པའི་སྐུ་ལྔ་འོད་དུ་གསལ་བ་ནི། ཇི་ལྟ་བ་རྟགས་ཀྱི་ཡེ་ཤེས་ཡིན་ཏེ་སྤྲུལ་སྐུའོ། །ཞེས་གསུངས་སོ། །སྐུ་གསུམ་འདུ་འབྲལ་མེད་པ་ཉི་མའི་དཀྱིལ་འཁོར་ངོ་སྤྲད་པ་ནི། ཚོན་གྱིས་བསྒྱུར་བའི་སེང་རས་ཚགས་དམ་ལྷོད་རན་པས་གདོང་གཡོགས་ཏེ་ཉི་མའི་དཀྱིལ་འཁོར་ལ་བལྟས་པས། འོད་ལྔའི་ཀློང་ན་ཉི་མ་ཟེར་སྣ་ཚོགས་སུ་འཕྲོ་བ་ཐིག་ལེ་ལུ་གུ་རྒྱུད་དང་བཅས་པ་མཐོང་དུས། ཡི་གེ་མེད་པའི་བརྡ་ཞེས་མཚོན་ཏེ། ཉི་མའི་སྙིང་པོ་ཆོས་སྐུའི་དཔེ། འོད་ལྔ་ལོངས་སྐུའི་དཔེ། ཟེར་སྤྲུལ་སྐུའི་དཔེ། དེ་གསུམ་གཞི་གཅིག་ལ་འདུ་བ་སྐུ་དང་ཡེ་ཤེས་འདུ་འབྲལ་མེད་པའི་དཔེ་སྟེ། དུར་ཁྲོད་ཕུང་པོ་འབར་བའི་རྒྱུད་ལས། མཚོན་དཔེ་ཉི་མའི་སྙིང་པོ་བཞིན། །ཉི་མའི་སྙིང་པོ་ཆོས་སྐུའི་དཔེ། <span class="lcp-mark">»</span></span>།<span class="lcp-note"><span class="lcp-mark">«</span>དེ་ལས་འོད་ཟེར་སྣ་ཚོགས་ཤར། །དེས་ནི་འགྲོ་དྲུག་མུན་པ་སེལ། །དེ་བཞིན་ཆོས་སྐུ་རྟོག་མེད་གསལ། །ལོངས་སྐུ་ཤེས་རབ་འགག་མེད་སྤྱོད། ། སྤྲུལ་སྐུ་ཐུགས་རྗེས་ཉོན་མོངས་སྒྲོལ། །དེ་གསུམ་ཐ་དད་གཅིག་གི་ངང༌། ཞེས་པ་དང༌། ཀུན་གསལ་ལས། ཉི་མའི་སྙིང་པོ་ལ་ཟེར་མི་འགག་པ་བཞིན་དུ། ཆོས་སྐུ་ལ་གཟུགས་སྐུ་གཉིས་ཀྱིས་བརྒྱན་ཏེ་འཆར་རོ། །ཉི་མའི་སྙིང་པོ་དང་འོད་ཟེར་མ་འབྲལ་བ་ལྟར། སྐུ་གསུམ་ཡེ་ཤེས་ཡེ་ནས་འདུ་འབྲལ་མེད་པས། དོན་ལ་ཆོས་སྐུ་འདུ་འབྲལ་མེད་པ་ངས་བཤད་དོ། །ཞེས་སོ། །རྟགས་ལ་ངོ་སྤྲོད་པ་ནི། ཡེ་ཤེས་རང་ལ་འོད་གསལ་ལྷུན་གྲུབ་ཏུ་ཡེ་ནས་གནས་པའི་རྒྱུ་མཚན། བྱང་ཆུབ་སེམས་ཀྱི་སྒྲོན་མ་རང་ལ་ཡོད་པ་བསྟན་པས་ཡིད་ཆེས། དེའང་ད་ལྟར་རང་ལ་ཡོད་པའི་ཡེ་ཤེས་བར་དོར་འཆར་བ་ངོ་ཤེས་པར་བྱེད་པ་ལ་གཞི་སྣང་ངོ་སྤྲོད་ཀྱིས་མཚོན་ཏེ། དེ་ཡང་ལུས་སེམས་བེམས་རིག་གི་འབྲེལ་ཐག་ནི་ཆད། འཇིག་རྟེན་འདིའི་སྣང་བ་ནི་ནུབ། སྲིད་པ་བར་དོ་མ་ཤར་བའི་བར་དེར་སྐད་ཅིག་མ་གསུམ་མམ་དྲུག་ལ་སོགས་པ་ཆོས་ཉིད་ཀྱི་བར་དོ་སྒྲ་འོད་ཟེར་གསུམ་གྱི་སྣང་བ་འཆར་བའི་རྟགས་ལ། རྣ་བ་གླང་པོ་ཆེའི་འུར་སྒྲ་ངོ་སྤྲོད་པས་སྒྲ་རང་སྒྲར་ཡིད་ཆེས། ཆུའི་སྒྲོན་མ་ཉིང་ལག་གིས་གཏེམས་པས་བྱང་ཆུབ་སེམས་ཀྱི་སྒྲོན་མའི་སྣང་བ་མཐོང་སྟེ། འོད་རང་འོད་དུ་ཡིད་ཆེས་ཏེ། སྙནབརྒྱུད་ཏི་ཀ་ལས། དཔལ་བེའུ་སྒྲོན་མ་རྩ་ཡིས་འབྲེལ། །སྒྲོན་མ་ཆོས་ཉིད་རང་ཤར་སྒོ། །སྐར་ཁུང་བཀག་པས་སྣང་བ་གསལ། །ཞེས་སོ། །སེང་རས་ཀྱི་ཆུའི་སྒྲོན་མ་སཱུརྱ་ལ་གཏད་པས་ཡེ་ཤེས་ཀྱི་འོད་ཟེར་ལྷུག་པར་འཆར་པ་མཐོང་སྟེ། ཟེར་རང་ཟེར་དུ་ཡིད་ཆེས་པས་རྟགས་གསུམ་མོ། །དེ་ཡང་འོད་གསལ་མ་བུ་འཕྲད་པའི་དུས། དེར་འོད་ཐམས་ཅད་འགུལ་པ་འཕྲིགས་པོ་ཟེར་མཚོན་ཆའི་རྩེ་མོའི་ཉི་ཟེར་བཞིན་འཕྲོ་བའི་ནང་ནས། ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་ཙམ་འོང་བ་རང་སྣང་དུ་ཤེས་པར་བྱའོ། །དེ་ནས་ངོ་སྤྲོད་ནི། རང་གི་ཐུགས་ཀ་དཔལ་གྱི་བེའུ་ཡེ་ཤེས་ཀྱི་གཞལ་མེད་ཁང་ན་སྐུ་གསུམ་འདུ་འབྲལ་མེད་པར་གནས་པ་དེ། དཔེས་ངོ་སྤྲད་པས་ངོ་ཤེས། རྟགས་ཀྱིས་ངོ་སྤྲད་པས་རང་ལ་ཡིད་ཆེས། དོན་གྱིས་ངོ་སྤྲད་པས་རང་ལ་ཡོད་པར་ཐག་ཆོད། ཚིག་གིས་ཤན་སྦྱར་བས་དཔེ་རྟགས་དོན་གསུམ་ད་ལྟ་རང་ལ་ཡོད་པ་ཕྱིས་བར་དོར་འཆར་བར་ཤན་ཕྱེད་དོ། །ཀུན་གསལ་ལས། ཐུགས་ཀྱི་ཀློང་ན་འོད་གསལ་བ། །བུམ་པ་ནང་གི་མར་མེ་བཞིན། །འགྱུར་བ་མེད་པའི་ཡེ་ཤེས་ནི། ། མ་འཁྲུལ་གཞི་ཡི་ཡེ་ཤེས་ཏེ། །དོན་གྱི་ཡེ་ཤེས་དམ་པ་ཡིན། །ཡེ་ཤེས་ཆེན་པོའི་མེ་ལོང་ནི། །མ་བྱས་པ་ཡི་ཆོས་ཡིན་ཏེ། །དཔེ་ཡི་ཡེ་ཤེས་དམ་པ་ཡིན། ། ཚོན་གང་འོད་ཀྱི་དཀྱིལ་འཁོར་ནི། །མི་འགྱུར་བ་ཡི་ལྟ་བ་སྟེ། །རྟགས་ཀྱི་ཡེ་ཤེས་དམ་པ་ཡིན། །ཞེས་གསུངས་སོ། །ངོ་སྤྲོད་ཐོབ་པའི་གང་ཟག་རྣམས་ཀྱིས་འདིར་བསྟན་པ་བཞིན་ཉམས་སུ་བླངས་པས། གོལ་དུ་གོལ་ས་མེད། རང་སྣང་དཀྱིལ་འཁོར་ཤར། འཁྱར་དུ་འཁྱར་ས་མེད། ཆོས་ཉིད་མ་བུ་འདྲེས་སོ། །དེ་ལྟར་ཡིན་གྱིས་ཀྱང༌། ཕྱིས་བར་དོ་འོད་གསལ་མ་བུ་འཕྲད་ནས་འཁོར་འདས་ཀྱི་རུ་ཤན་འབྱེད་པའི་དུས་དེར་སྔར་འདྲིས་ཀྱི་མི་དང་འཕྲད་པ་ལྟ་བུའི་ཉམས་མེད་ན། གདམས་ངག་གིས་ཕན་མི་ཐོགས་པས་ཉམས་སུ་ལེན་པའི་ཕྱག་བཞེས་ལ་ཡང་ཡང་བརྟག་ཅིང་འདྲིས་པ་ཤིན་ཏུ་གལ་ཆེ་བས། ཉམས་ལེན་ལ་བརྩོན་པར་མཛོད། དེ་རིང་ནས་ཁྱོད་དང་དཔལ་རྡོ་རྗེ་སེམས་དཔའ་ལ་ཁྱད་མེད་ཅེས་ཟེར་ར<span class="lcp-mark">»</span></span>ོ<span class="lcp-note"><span class="lcp-mark">«</span>། །ལམ་དམར་ཁྲིད་དུ་བཤད་པའོ། ། ༈ གསུམ་པ་འབྲས་བུ་གྲོལ་ཚུལ་ལྟར་བཤད་པ་ལ་གསུམ་སྟེ། རབ་རང་བཞིན་གྱི་བར་དོར་གྲོལ་ཚུལ། འབྲིང་ཆོས་ཉིད་ཀྱི་བར་དོར་གྲོལ་ཚུལ། ཐ་མ་སྲིད་པའི་བར་དོ་ནས་འཁོར་བའི་རུ་བཟློག་པའོ། །དང་པོ་ལ་དབང་པོ་རབ་འབྲིང་ཐ་མ་གསུམ་ལས། རབ་ཀྱི་རབ་ཡིན་ལུགས་ངོ་སྤྲད་པས་གྲོལ་ཏེ། བཤད་རྒྱུད་ལས། ངོ་སྤྲད་པ་དང་རྟོགས་པ་ཐོབ་པ་དུས་མཉམ། རྟོགས་པ་ཐོབ་པ་དང་ཆོས་བོར་བ་དུས་མཉམ། ཆོས་བོར་བ་དང་འཁྲུལ་རྟོག་འགགས་པ་དུས་མཉམ། འཁྲུལ་རྟོག་འགགས་པ་དང་མ་རིག་པ་སངས་པ་དུས་མཉམ། མ་རིག་པ་སངས་པ་དང་ཡེ་ཤེས་རྒྱས་པ་དུས་མཉམ། ཡེ་ཤེས་རྒྱས་པ་དང་མངོན་སངས་རྒྱས་པ་དུས་མཉམ། བརྡ་དོན་བཤད་ལ་རྒྱལ་བའི་གྲལ་ལ་བཞག<span class="lcp-mark">»</span></span> <span class="lcp-note"><span class="lcp-mark">«</span>། ཅེས་གསུངས་སོ། །རབ་ཀྱི་འབྲིང་ཉམས་སུ་བླངས་པས་གྲོལ་བ་ནི། མན་ངག་ཅན་ལམ་ཐོག་ཏུ་རང་ས་བཟུང་པས་གྲོལ་བ་ནི། དེ་ཉིད་ལས། རིན་ཆེན་རྒྱ་མཚོར་འབྲེལ་པའི་རྩ། །དཀར་འཇམ་ཁོག་པ་སྟོང་པ་ནས། །ཐིག་ལེ་ཁྲག་གིས་མ་གོས་པ། །ཡེ་ཤེས་ཆེན་པོ་དེ་ནས་འཆར། །ཞེས་པའི་དོན་ཉམས་སུ་བླངས་པས། མ་ཆོས་ཉིད་ཀྱི་དཀྱིལ་འཁོར་ལ། །བུ་རང་བྱུང་གི་ཡེ་ཤེས་འཆར་ཏེ། རང་ཤར་སྐྱེ་འགག་མེད་པ་ལ། རང་གྲོལ་འདུ་འབྲལ་མེད་པ་ཉམས་སུ་བླངས་པས། སྐུ་གསུམ་འདུ་འབྲལ་མེད་པར་གྲོལ་ཏེ། ཆོས་ཉིད་བར་དོའི་སྣང་བ་མེད་དོ། །རབ་ཀྱི་ཐ་མ་ལུས་བོར་བ་དང་གྲོལ་བ་ནི། ལེ་ལོ་ཅན་གཞི་ཐོག་ཏུ་རང་ངོ་ཤེས་པར་གྲོལ་ཏེ། དཔེར་ན་ཚེས་བཅོ་ལྔའི་ཉི་ཟླ་བར་མེད་པ་བཞིན་དུ། བར་དོ་མེད་པར་ཡར་གྱི་ཟང་ཐལ་དུ་གྲོལ་ལོ། །རིག་པ་ལ་སྐྱེ་ཤི་མེད་ཀྱང་རྣལ་འབྱོར་པ་ལུས་རྒྱའི་གྲོལ་ལུགས་ནི། ས་ཡི་རླུང་ཆུ་ལ་ཐིམ་པས་པག་བཞི་ས་ལ་ལྷུངས་ཏེ་ལུས་ལྕི། ཆུ་ཡི་རླུང་མེ་ལ་ཐིམ་པས་ཁ་སྣ ་སྐམ། མེ་ཡི་རླུང་རླུང་ལ་ཐིམ་པས་ལུས་ཀྱི་མཐའ་བཞི་ནས་དྲོད་ཤོར། རླུང་གི་རླུང་ནམ་མཁའ་ལ་ཐིམ་པས། ཤེས་པ་མི་གསལ། དེའི་དུས་སུ་སེམས་རླུང་དང་བསྡོངས་ནས་གློ་བའི་ནང་ནས་ཐོན། ལམ་མིད་པ་དཀར་ནག་ལ་ཞུགས་སྒོ་ཁ་སྣ་ལས་ཐོན་ནས་དབུགས་ཕར་ལ་ཧ་ཟེར་ནས་ཕྱིར་སོང་ནས་ཚུར་ལ་མ་འདུས་པས་འཆི་བ་ཞེས་བྱ་སྟེ། རླུང་སེམས་ནམ་མཁའི་ངང་དུ་ཞ་སྟེ། གློ་བར་རླུང་མེད་པས་རྟ་ལོང་བ་རྐང་ཅན་དང་མི་འཕྱེ་བོ་མིག་ཅན་གཉིས་བྲལ་ཏེ། སེམས་དང་ཡེ་ཤེས་རྒྱབ་གྱེས་སོ། །དེའི་དུས་སུ་ལུས་གྱི་ཁྲག་ཐམས་ཅད་སྲོག་རྩར་འདུས། སྲོག་རྩ་ནས་སྙིང་ནང་དུ་ཁྲག་འོང་བའི་དུས་སུ། རྒྱལ་པོ་གདན་ལ་བཞུགས་པ་ལ། བློན་པོའི་སྒྱོགས་ཕྱུང་བ་ཞེས་བྱ་སྟེ། དངངས་ཡེད་དེ་བ་བྱུང་ཡང་བློ་ཡི་མིས་མི་ཚོར། ཡེ་ཤེས་སྙིང་ནས་དོན། ལམ་རྩ་དར་དཀར་གྱི་བུ་ག་ལས་ཞུགས། སྒོ་ཆུའི་སྒྲོན་མ་ལས་ཐོན་པའི་དུས་སུ། ཡེ་ཤེས་ཟང་ཐལ་དུ་ཤར་བ་དེ་རང་སྣང་དུ་ངོ་ཤེས་པས། བར་དོ་མེད་པར་སྐད་ཅིག་མ་དང་པོ་ལ་ཡར་གྱི་ཟང་ཐལ་དུ་གྲོལ་ཏེ། ངོ་སྤྲོད་སྤྲས་པ་ལས། །དེའི་ཚེ་ཡེ་ཤེས་མིག་ནས་ཐོན། མིག་ཐུགས་རྗེ་རྒྱུན་མི་ཆད་ཀྱི་ཐག་པ་ལ་གཏད་པས་བར་དོ་མེད་པར་ཡར་གྱི་ཟང་ཐལ་དུ་གྲོལ་ལོ། །ཞེས་གསུངས་སོ། །དེ་ཡང་སྣང་བ། རྟོགས་པ། གྲོལ་བ། ཐུགས་རྗེ་འབྱུང་བ་རྣམས་དུས་མཉམ་མོ། །དབང་པོ་འབྲིང་ཆོས་ཉིད་བར་དོར་གྲོལ་བ་ལ་ཡང་གསུམ་ལས། འབྲིང་གི་རབ་སྐད་ཅིག་མ་ལ་གྲོལ་བ་ནི། འཁོར་བ་དོང་སྤྲུག་གི་སྐད་ཅིག་མ་ལ་ཕྱི་ནང་ཡུལ་སེམས་ཀྱི་འཁྲུལ་པ་འགགས་ནས་རང་གདངས་འོད་དུ་གསལ། ཆོས་ཉིད་བདེན་པ་མཐོང་བའི་སྐད་ཅིག་མ་ལ་ཚོམ་བུའི་སྐུར་སྣང་ལ་འཛིན་པ་མེད་པའི་ཤེས་རབ་སྐྱེ། རྡོ་རྗེ་ལྟ་བུའི་སྐད་ཅིག་མ་ལ་རང་དོན་ཆོས་སྐུ་ཐོབ་ནས་གཞན་དོན་གཟུགས་སྐུ་འབྱུང༌། ཞེས་པས། སྐད་ཅིག་དང་པོ་ལ་ཡེ་ཤེས་ཤར། གཉིས་པ་ལ་ངོ་ཤེས། གསུམ་པ་ལ་གྲོལ་ནས་གཞན་དོན་འབྱུང་བའོ། །འབྲིང་གི་འབྲིང་སྐད་ཅིག་མ་དྲུག་ལ་གྲོལ་བ་ནི། བཤད་རྒྱུད་དེ་ཉིད་ལས། དང་པོ་ཕྱི་ནང་འཁྲུལ་པ་འགགས། གཉིས་པ་རང་གདངས་འོད་དུ་གསལ། །གསུམ་པ་དེ་ལས་སྐད་ཅིག་གནས། །བཞི་པ་རང་ལ་ཤེས་རབ་སྐྱེ། །ལྔ་པ་ལྔ་ལྡན་དགོངས་པ་རྫོགས། །དྲུག་པ་བློ་འདས་ཆོས་སྐུར་ཐིམ། །ཞེས་སོ། །འབྲིང་གི་ཐ་མ་ལ། བསལ་གཏན་གྱི་ཞག་ལྔ་ལ་གྲོལ་བ་ནི། ཕྱི་འབྱུང་ཉི་མ་ནུབ་པ་ལྟར། སྒོ་ལྔའི་ཡུལ་སྣང་འགགས། ནང་འབྱུང་ས་སྲོས་པ་ལྟར་ཚོགས་དྲུག་གི་སེམས་འགགས། གསང་འབྱུང་ཟླ་བ་ཤར་བ་ལྟར་ཡེ་ཤེས་ཀྱི་སྣང་བ་ཤར་བའི་ཚེ། འོད་གསལ་རིགས་ལྔའི་ཚོམ་བུ་ཤར་བ་དུས་གཅིག་ཤར་ཡང༌། ངེས་པ་རིམ་གྱིས་རྙེད་དོ། །དེ་ཉིད་ལས། འོད་གསལ་སྣང་བ་དུས་གཅིག་ཤར། །རྟོགས་པའི་ཤེས་རབ་རིམ་གྱིས་སྐྱེ། །ཞེས་སོ། །དེའང་ཞག་དང་པོ་ལ་འོད་མཐིང་ག་མཐོང་བ་དང་རིག་པའི་ངོ་བོ་སྟོང་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་གདངས་སུ་ངོ་ཤེས་པས། རང་སྣང་རྣམ་པར་སྣང་མཛད་ཀྱི་ཚོམ་བུར་གྲོལ་ལོ། །གཉིས་པ་ལ་འོད་དཀར་པོ་མེ་ལོང་ལྟ་བུའི་ཡེ་ཤེས་ཀྱི་རང་གདངས་སུ་ངོ་ཤེས་པས། རྡོ་རྗེ་སེམས་དཔའི་ཚོམ་བུར་གྲོལ་ ལོ། །གསུམ་པ་ལ་སེར་པོ་མཉམ་པ་ཉིད་ཀྱི་ཡེ་ཤེས་ཀྱི་རང་གདངས་སུ་ངོ་ཤེས་པས། རིན་ཆེན་འབྱུང་ལྡན་གྱི་ཚོམ་བུར་གྲོལ་ལོ། །བཞི་པ་ལ་དམར་པོ་སོ་སོར་རྟོགས་པའི་ཡེ་ཤེས་ཀྱི་རང་གདངས་སུ་ཤེས་པས་འོད་དཔག་མེད་ཀྱི་ཚོམ་བུ་གྲོལ་ལོ། །ལྔ་པ་ལ་ལྗང་གུ་བྱ་བ་གྲུབ་པའི་ཡེ་ཤེས་ཀྱི་རང་གདངས་སུ་ཤེས་པ་དོན་ཡོད་གྲུབ་པའི་ཚོམ་བུར་གྲོལ་ལོ། །གསེར་ཕྲེང་ལས། དཀར་དང་སེར་དང་དམར་དང་ལྗང༌། །མཚན་ཉིད་འཛིན་པ་དབུས་གནས་ཏེ། །རེ་རེ་ལ་ཡང་བཞི་བཞི་སྟེ། །རྡོ་རྗེ་རིན་ཆེན་པདྨ་དང༌། །རྡོ་རྗེ་རྒྱ་གྲམ་ཐུགས་ཀར་གསལ། །ཡུམ་ཡང་ལུས་དང་གྲིབ་མའི་ཚུལ། །གཞི་ཡི་གདན་ལ་རྫོགས་ཚུལ་དུ། །ཚོམ་བུའི་དཀྱིལ་འཁོར་དང་པོ་འོ། །རྡོ་རྗེ་མི་བསྐྱོད་དབུས་གནས་ཏེ། ། ས་ཡི་སྙིང་པོ་ལཱ་སྱེ་དང༌། །བྱམས་པ་དྷཱུ་པེ་བཞིས་བསྐོར་བ། །ཚོམ་བུའི་དཀྱིལ་འཁོར་གཉིས་པ་ཡིན། །རིན་ཆེན་འབྱུང་ལྡན་དབུས་གནས་ཏེ། །ནམ་མཁའི་སྙིང་པོ་མཱ་ལྱེ་དང༌། །ཀུན་བཟང་པུཥྤེ་བཞིས་བསྐོར་བ། །ཚོམ་བུའི་དཀྱིལ་འཁོར་གསུམ་པ་ཡིན། །སྣང་བ་མཐའ་ཡས་དབུས་གནས་ཏེ། །སྤྱན་རས་གཟིགས་དབང་གཱིརྟི་དང༌། འཇམ་དབྱངས་མར་མེ་བཞིས་བསྐོར་བ། །ཚོམ་བུའི་དཀྱིལ་འཁོར་བཞི་པ་འོ། །དོན་ཡོན་གྲུབ་པ་དབུས་གནས་ཏེ། །ཕྱག་ན་རྡོ་རྗེ་ནཱིརྟི་དང༌། །སྒྲིབ་སེལ་གནྡྷེ་བཞིས་བསྐོར་བ། །ཚོམ་བུའི་དཀྱིལ་འཁོར་ལྔ་པ་ཡིན། །འདྲ་བ་མངོན་དུ་བྱེད་པའི་ཕྱིར། །དེ་དང་དེ་ལས་བྱུང་བ་དེ། །སྐུ་མདོག་ཕྱག་མཚན་གཙོ་དང་མཐུན། །འགྲོ་དྲུག་འདུལ་མཛད་ཐུབ་པ་དྲུག ། ཚད་མེད་བཞིས་འདུལ་སྒོ་བ་བཞི། །མཐའ་བཞི་ལས་གྲོལ་སྒོ་མ་བཞི། ། དབྱིངས་དང་ཡེ་ཤེས་མི་འབྲལ་བས། །ཀུན་བཟང་ཡབ་དང་ཡུམ་དུ་གསལ<span class="lcp-mark">»</span></span>། །<span class="lcp-note"><span class="lcp-mark">«</span> རྟོགས་པས་ཡོན་ཏན་སྐུར་གྲོལ་ལོ། །ཞེས་གསུངས་སོ། །དེའི་ཚེ་མངོན་ཤེས་དྲུག་འཆར་ཏེ། སྤྱན་གྱི་མངོན་པར་ཤེས་པས་ཡར་གྱི་བློ་འདས་ཆོས་སྐུའི་ཞིང་ཁམས་གཟིགས། ཐད་ཀར་ལོངས་སྐུའི་ཞིང་ཁམས་གཟིགས། མར་སྤྲུལ་སྐུའི་ཞིང་ཁམས་རིགས་དྲུག་གཟིགས་སོ། །སྙན་གྱི་མངོན་པར་ཤེས་པས་ཡར་ཆོས་སྐུའི་གསུང་ཡེ་ཤེས་རྩེ་གཅིག་པ་ཉིད་ལ་གླེང་བ་གསན། ཐད་ཀར་ལོངས་སྐུའི་ཡེ་ཤེས་ལྔའི་རང་སྒྲ་གསན། མར་སྤྲུལ་སྐུའི་གསུང་རིགས་དྲུག་གི་རང་སྒྲ་གསན། ཐུགས་ཀྱི་མངོན་པར་ཤེས་པས་ཡར་ཆོས་སྐུའི་དགོངས་པ་མཁྱེན། ཐད་ཀར་ལོངས་སྐུའི་དགོངས་པ་མཁྱེན། མར་རིགས་དྲུག་གི་སེམས་ཤེས་ སོ། །གནས་ཀྱི་མངོན་པར་ཤེས་པས་ཡར་ཆོས་སྐུའི་བཞུགས་གནས། ཐད་ཀར་ལོངས་སྐུ། མར་སྤྲུལ་སྐུའི་རིགས་དྲུག་གི་གནས་མཁྱེན་ནོ། །ལས་ཀྱི་མངོན་པར་ཤེས་པས་རང་གཞན་གྱི་རྒྱུ་འབྲས་ཐམས་ཅད་མཁྱེན་ཏོ། <span class="lcp-mark">»</span></span>།<span class="lcp-note"><span class="lcp-mark">«</span>རྫུ་འཕྲུལ་གྱི་མངོན་པར་ཤེས་པས་སྤྲུལ་སྐུ་ཐུབ་པ་དྲུག་ལ་སོགས་པ་གང་ལ་གང་འདུལ་མཁྱེན་ནས་སྤྲུལ་ཏེ། སེམས་ཅན་གྱི་དོན་མཛད་དོ། །དེ་དག་ལ་རྟོག་མེད་ཆོས་ཀྱི་སྤྱན་ཞེས་བྱའོ། །ཚུལ་དེ་དག་ཀུན་གསལ་ལས། མི་གནས་ཡེ་ཤེས་ཆོས་ཀྱི་སྐུ། །ཡེ་ཤེས་ལྔ་ཡི་མཚན་ཉིད་ཅན། །རང་བྱུང་ཡེ་ཤེས་འབྱུང་བ་ལྔ། །ཆོས་ཉིད་དག་པའི་ཀློང་དུ་ཤར། །ཐིག་ལེ་འོད་ཀྱི་ཁ་དོག་ལྔ། །མཐིང་ཀ་ལ་སོགས་སྣ་ལྔར་གསལ། །རིགས་ལྔའི་སངས་རྒྱས་ངོ་བོར་ཤེས། །སྐུ་ལྔ་ཡེ་ཤེས་ལུས་ཅན་རྫོགས། །བཞི་བཅུ་རྩ་གཉིས་འོད་དུ་གསལ། །རང་རང་ཡེ་ཤེས་གདངས་ལ་བཞུགས། །གསལ་འཚེར་ལྷུན་སྡུག་འོད་ཟེར་འཕྲོ། །ཡེ་ཤེས་ལྔ་ལ་གཞལ་མེད་ཁང༌། །གསལ་དང་རོ་དང་བསལ་བ་དང༌། །ཡངས་དང་ཡང་ཞིང་ཁྱབ་པའི་བདག །ཀུན་འབྱུང་ཡེ་ཤེས་ཕུང་པོར་འབར། །གདན་གསུམ་ངང་ལ་མ་བསྐྱེད་རྫོགས། །སྦྱོར་བ་གསུམ་གྱིས་སྤྲུལ་པ་འབྱིན། །འགྲོ་བའི་མ་རིག་མུན་པ་སེལ། <span class="lcp-mark">»</span></span>།<span class="lcp-mark">«</span>ཞེས་སོ། །དོན་མཛད་ཚུལ་ནི། ལོངས་སྐུ་ཡབ་ཡུམ་གྱི་<span class="lcp-mark">«</span>ལྗ<span class="lcp-note"><span class="lcp-mark">«</span>གས་ལས་འོད་ཟེར་འཕྲོས་པས་སྐྱེས་བུ་ལས་དག་པ་འཕྲོ་འདུ་བྱེད་པའི་སྤྱན་ནས་ལྷུམས་སུ་ཞུགས། སྤྲུལ་པའི་སྐུར་གྱུར་ནས་གང་ལ་གང་འདུལ་གྱི་དོན་མཛད་ནས། སྤྲུལ་སྐུ་དེ་ཡང་རིན་ཆེན་གསང་བའི་སྦུབས་སུ་འཁྱིལ་ཏེ། ནང་གསལ་དབྱེར་མེད་ཆེན་པོ་གཅིག་གི་ངང་དུ་གནས་སོ། །དེ་ལྟར་སྤྲུལ་པ་རྒྱུན་མི་ཆད་པར་དོན་མཛད་པ་ནི། རྫོགས་ལྡན་ཏེ། མཚན་བརྗོད་ལས། ཕྱོགས་བཅུར་སྤྲུལ་པ་སྣ་ཚོགས་འགྱེད། །ཇི་བཞིན་འགྲོ་བའི་དོན་མཛད་ པའོ། །ཞེས་སོ། །འབྲས་བུའི་རྫོགས་ཚུལ་ནི། རྫོགས་ལྡན་ལ་རིག་པ་ཐུགས་རྗེའི་རྩལ་མ་འགགས་པར་སྣང་བས་དོན་མཛད་པའི་སྐུར་སྣང་བ་དེ་དག་ཀྱང་ཕྱིར་གསལ་ནང་དུ་ཐིམ་པའི་ཚུལ་གྱིས་ཐ་མ་རིག་པའི་ངང་དུ་འདུ་བར་བསྟན་ཏེ། དེ་ཉིད་ལས། མྱ་ངན་འདས་པ་མྱ་ངན་འདས། །ལེགས་པར་མྱ་ངན་འདས་དང་ཉེ། །བདེ་སྡུག་གསལ་བའི་མཐར་འགྱུར་པ། །གྲོལ་བ་ཐར་པ་རྣམས་གྲོལ་ལུས། །མི་མངོན་མི་སྣང་གསལ་བྱེད་མིན། །མི་འགྱུར་ཀུན་འཕྲོ་ཁྱབ་པ་པོ། །ཞེས་སོ། །དེ་ལྟར་གྲོལ་པའི་ཀ་དག་གི་ནང་དབྱིངས་བསྟན་པ་ལ་ལྔར་གནས་ཏེ། ཤེས་རབ་མཁའ་ལ་འདེགས་པ། འབྱུང་བ་མ་ལ་ཞ་བ། ཡེ་ཤེས་དབྱིངས་སུ་ཐིམ་པ། ཤེས་རབ་མཁའ་ལ་འཁྱིལ་བ། རིག་པ་རང་ས་ཟིན་པའོ།།དང་པོ་ནི་ཡེ་ཤེས་ཀྱི་རང་རླུང་གིས་གཟུགས་སྐུ་ཆོས་ཉིད་ཀྱི་ཀློང་དུ་བསྐྱེད་པ་སྟེ། སྲོག་རླུང་བཞི་དག་པས་སྟོབས་ལྡན་མ། ཤུགས་འཆང་མ། འདེགས་བྱེད་མ། བསྟན་མ་བཞིའོ། <span class="lcp-mark">»</span></span>།<span class="lcp-note"><span class="lcp-mark">«</span>སྟོབས་ལྡན་མས་ཡེ་ཤེས་ཀྱི་རླུང་གི་གཙོ་འཁོར་གཉིས་དབྱེར་མེད་དུ་སྦྱོར་ཏེ། དོན་ལ་དབྱེར་མེད། ཤུགས་འཆང་མས་གཙོ་འཁོར་ལྔ་པོ་སྐད་ཅིག་ལ་ཆོས་སྐུའི་ངང་དུ་བསྐྱེད། འདེགས་བྱེད་མས་རྟེན་དང་བརྟེན་པ་དབྱེར་མེད་ཆོས་སྐུའི་ངང་དུ་གཟུགས་སྐུར་གནས་སོ། ། བསྟན་མས་དགོངས་པ་མི་རྟོག་པ་ནང་གསལ་ལོ། །འབྱུང་བ་མ་ལ་ཞ་བ་ནི། ས་སྲ་བ། ཆུ་གཤེར་བ། མེ་ཚ་བ། རླུང་གཡོ་བ། ནམ་མཁའ་ཁྱབ་པ་དེ་སྙིགས་མའི་འབྱུང་བ་ལྔ་དངས་མ་ལྔར་གྲོལ་བ་སྟེ། རླུང་རྡོ་རྗེ་རྒྱ་གྲམ་བཀོད་ལེགས་ཏེ་དམ་ཚིག་གི་ལྷ་མོ་མཁའ་ལ་འཁྱིལ་པ་གཡོ་བ་མེད་པའི་རླུང་དབྱིངས་སུ་ཐིམ། ཆུ་ཤེལ་གྱི་འཁོར་ལོ་བརྩེགས་ལེགས་ཏེ་ཀློང་གཅིག་ཏུ་དྲིལ་བས་གཤེར་བ་མེད་པའི་ཆུ་དབྱིངས་སུ་ཐིམ། ས་རིན་པོ་ཆེ་སྣ་ལྔའི་མཆོད་རྟེན་ཁོད་སྙོམས་ཤིང་ཚུལ་དུ་གཤིས་པས་སྲ་བ་མེད་པའི་ས་དབྱིངས་སུ་ཐིམ། མེ་པདྨ་འདྲ་བ་འོད་འབར་ཏེ་མ་སྨིན་པ་སྨིན་པར་བྱས་པས་ཚ་བ་མེད་པའི་དབྱིངས་སུ་ཐིམ། ནམ་མཁའ་<span class="lcp-mark">»</span></span>ཁྱ<span class="lcp-note"><span class="lcp-mark">«</span>བ་པ་མེད་པའི་གདངས་ཅན་རྒྱལ་མཚན་གྱི་རྩེ་མོ་ལྟར་ནུབ་པ་མེད་པས་ཁྱབ་པ་མེད་པའི་ནམ་མཁའ་དབྱིངས་སུ་ཐིམ་པའོ། །ཀུན་གསལ་ལས། དེ་ལྟར་འབྱུང་བ་ལྔ་མ་ཐོག་ནས་ཤར་བས། ཐ་མ་ཡང་མ་ཐོག་ཏུ་གྲོལ་ཏེ། མི་གནས་པས་མ་ལ་ཞ་བའོ། །ཞེས་སོ། །ཡེ་ཤེས་དབྱིངས་སུ་ཐིམ་པ་ལ། སྣང་བ་ཅན་ལུས་ཀྱི་ཐིམ་ཚུལ་གསུམ་ལས། སྣང་བ་གསུམ་གཅིག་ལ་གཅིག་ཐིམ་སྟེ། མ་དག་པ་འཁྲུལ་པའི་སྣང་བ་དག་པ་ཆོས་ཉིད་ཀྱི་སྣང་བ་ལ་ཐིམ། དག་པ་ཆོས་ཉིད་ཀྱི་སྣང་བ་ཤིན་ཏུ་དག་པ་ཡེ་ཤེས་ཀྱི་སྣང་བ་ལ་ཐིམ་པའོ། ། སྤྱན་གསུམ་གཅིག་ལ་གཅིག་ཐིམ་སྟེ། ད་ལྟ་ཤེས་རབ་ཀྱི་སྤྱན་བར་དོར་ཆོས་ཉིད་ཀྱི་སྤྱན་ལ་ཐིམ། ཆོས་ཉིད་ཀྱི་སྤྱན་ཡེ་ཤེས་ཀྱི་སྤྱན་ལ་ཐིམ་སྟེ། ཤེས་རབ་ཀྱི་སྤྱན་དག་པས་མི་སྤྱོད། ཆོས་ཉིད་ཀྱི་སྤྱན་དག་པས་མི་གཟིགས། ཡེ་ཤེས་ཀྱི་སྤྱན་རྣམ་པར་དག་པས་རིན་པོ་ཆེའི་སྦུབས་ནི་ཡེ་ཤེས་ནང་གསལ་གྱི་དགོངས་པ་ལ་འགྱུར་བ་མེད་པའོ། །ལུས་གསུམ་གཅིག་ལ་གཅིག་ཐིམ་ཏེ། ད་ལྟར་ཤར་ཁྲག་གི་ལུས་བར་དོར་ཡེ་ཤེས་ཀྱི་ལུས་ལ་ཐིམ། ཡེ་ཤེས་ཀྱི་ལུས་ཆོས་སྐུ་རིན་པོ་ཆེ་གསང་བའི་ལུས་ལ་ཐིམ་མོ། །ཤེས་རབ་མཁའ་ལ་འཁྱིལ་བ་ལ་བཞི་སྟེ། ཐིམ་པ་ལ་མ་རྨུགས་པ། གསལ་བ་ལ་རྟོག་པ་མེད་པ། ཡིན་པ་ལ་བདག་མེད་པ། སོ་སོར་མ་འདྲེས་པ་ལ་གོ་མི་འབྱེད་པའོ། །དང་པོ་ནི། འབྱུང་བ་མ་ལ་ཞ། ཡེ་ཤེས་དབྱིངས་སུ་ཐིམ། སྐུ་གསུམ་འདུ་འབྲལ་མེད་པས་ཡེ་ཤེས་ནང་གསལ་དུ་གནས་པའོ། །གཉིས་པ་ནི། ཆོས་སྐུ་ལ་དྲི་མ་མེད་པར་གསལ། མདུན་རྒྱབ་མེད་པར་གསལ། སྟེང་འོག་མེད་པར་གསལ། ཕྱོགས་མཚམས་མེད་པར་གསལ་བའི་ནང་ན། རིན་པོ་ཆེ་འོད་འབར་བའི་སྐུ་དང་རང་སྣང་རྣམ་དག་གི་སྐུར་གསལ་ཡང༌། བག་ཆགས་ཀྱི་ལུས་མེད་པས་འགྱུ་བྱེད་ཀྱི་རླུང་མེད་པའི་ཕྱིར་རྟོག་དཔྱོད་ཀྱི་སེམས་མེད་པའོ། །གསུམ་པ་ནི། ཡིན་ནི་ལྟ་བ་རང་བྱུང་གི་ཡེ་ཤེས་ཡིན་ཡང་བག་ཆགས་ཀྱི་བདག་དང་བྲལ་བའོ། །བཞི་པ་ནི། ཆོས་སྐུའི་ཀློང་ན་རིན་པོ་ཆེ་འབར་བའི་སྐུ་ལྔ་འོད་ཀྱི་ཀློང་ན་ཕྱག་རྒྱ་མ་འདྲེས་པ་སོ་སོར་གསལ་ཡང་མཚན་མ་རིས་ཅན་གྱི་ཞལ་ཕྱག་དང་གཞི་སྣང་འཁྲུལ་པའི་གོ་མི་འབྱེད་དོ། ནང་དབྱིངས་ཀ་ནས་དག་པའི་ཕྱིར་རོ། །རིག་པ་རང་ས་ཟིན་པ་ལ་བཞི་ལས། ཆོས་སྐུ་ལ་འགྱུར་བ་མེད་པ་རྡོ་རྗེ་ལྟ་བུའི་སྐུ་ནི། རིག་པ་ཆོས་སྐུས་གཟུགས་སྐུའི་བདག་བྱས་པ་ཆོས་སྐུ་འཇིག་འབྲལ་མེད་པའོ། །ཡེ་ཤེས་ལ་འགགས་པ་མེད་པས་གཡུང་དྲུང་ལྟ་བུའི་ཚེ་ནི་ལོངས་སྐུ་ནང་གསལ་ཀྱི་རང་བཞིན་རྟག་པར་གནས་པའོ། །རྒྱུན་གྱི་ཏིང་ངེ་འཛིན་ལ་འདུ་འབྲལ་མེད་པ་ནི། ཐུན་མཚམས་ལས་འདས་པའི་དགོངས་པ་ཆུ་བོའི་གཞུང་ལྟ་བུའོ། །རིག་པ་ལ་གསལ་འགྲིབས་མེད་པ་ནི། དྲི་མ་ཐམས་ཅད་དང་བྲལ་བས་ཡེ་ཤེས་རང་གསལ་བ་ཉི་མའི་སྙིང་པོ་ལྟ་བུའི་སྐུ་ཐོབ་སྟེ། རིན་པོ་ཆེའི་་སྦུབས་ལ་འཕོ་འགྱུར་མེད་པར་གནས་སོ། །དེ་དག་ནི་གདན་ཆེན་པོ་གཅིག་ལ་འདུག་པའི་མན་ངག<span class="lcp-mark">»</span></span> <span class="lcp-note"><span class="lcp-mark">«</span>།ཞིང་ཁམས་གཅིག་ཏུ་འདྲེས་པའི་མན་ངག<span class="lcp-mark">»</span></span> <span class="lcp-note"><span class="lcp-mark">«</span>། སྣང་བ་གཅིག་ཏུ་གསལ་བའི་མན་ངག<span class="lcp-mark">»</span></span> <span class="lcp-note"><span class="lcp-mark">«</span>།སྦུབ་ཆེན་པོ་གཅིག་ཏུ་འདུས་པའི་མན་ངག །སངས་རྒྱས་ལ་ཡུལ་མེད། ཡེ་ཤེས་ལ་ཆོས་མེད། འབྲས་བུ་ལ་བདག་མེད། དགོངས་པ་ལ་འཚུན་མེད། དེ་ལས་ཡར་གཤེགས་ཀྱང་དགུང་ལ་ཤུལ་མི་མངའ་བའོ། །རྫོགས་ལྡན་ཆེན་པོ་རིན་ཆེན་གསང་བའི་སྦུབས་བསྟན་པའོ། །དབང་པོ་ཐ་མ་སྲིད་པའི་བར་དོ་ནས། འཁོར་བའི་རུ་བཟློག་པ་ཡུར་བ་རྐང་ཆག་ལ་ཝ་འཛུགས་པ་ལྟ་བུའི་མན་ངག་ནི། སྲིད་པའི་བར་དོ་ཞེས་བྱ་བ་སྐྱེ་བ་འདིའི་ལུས་དང་བྲལ། ཆོས་ཉིད་ཀྱི་བར་དོ་རང་སྣང་ངོ་མ་ཤེས་པ་ཡེ་ཤེས་ཀྱི་སྣང་བ་ནུབ་སྟེ། སྔར་གྱི་བག་ཆགས་ལངས་པས་དྲན་བྱེད་ལུས་ཅན་རྨི་ལམ་གྱི་སྣང་བ་ལྟ་བུ། དབང་པོ་ཚང་བ་རྫུ་འཕྲུལ་དང་ལྡན་པ། རང་བཞིན་གྱིས་ཉམ་ང་ཞིང་ས་གཅིག་ཏུ་མི་གནས་པར་ཀུན་ཏུ་འགྲོ་བ། བར་དོ་ནང་དང་ལྷའི་མིག་ཡོད་པ་ལས་གཞན་གྱི་མི་མཐོང་བ། ལུས་དང་འདུག་ས་འཚོལ་བ་ལ་བརྩོན་པ་སྟེ། བཤད་རྒྱུད་ལས། ཆོས་ཉིད་འོད་གསལ་སྣང་བ་ལ། །རྟོགས་པའི་ཤེས་རབ་མ་སྐྱེས་པས། །སྔར་གྱི་བག་ཆགས་སྣང་བ་ལངས། །སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། ། རིགས་མཐུན་ལྷ་མིག་དག་པས་མཐོང༌། །ལས་ཀྱི་རྫུ་འཕྲུལ་ཤུགས་ཀྱི་སྤྱོད། ། ལུས་དང་འདུག་ས་འཚོལ་བར་བྱེད། ཁང་བཟངས་རི་སུལ་མུན་རུམ་དང༌། ། གྲོག་ཕུག་ཕྱིན་པས་སྐྱེ་གནས་ཚུད། །དམྱལ་བ་ཡི་དྭགས་ཡིད་ཀྱི་ལུས། །ཞེས་སོ། །འདིའི་དུས་སུ་ཤེས་པ་སྔར་བས་བདུན་འགྱུར་གྱིས་གསལ་བས། རྗེས་དྲན་དྲུག་ལས། སྣང་བ་འོད་ཀྱི་འཁོར་ལོ་དང༌། བླ་མའི་གདམས་ངག་ལ་སོགས་པ་དྲན་པར་བཤད་པས། ཐ་མའི་རབ་ཀྱིས་སྒྱུ་མ་ལྟ་བུའི་བློའི་འཁོར་བའི་རུ་བཟློག་སྟེ། ཡི་དམ་ལྷའི་བསྐྱེད་རིམ་བསྒོམས་པས་གྲོལ་བར་གསུང༌། ཐ་མའི་འབྲིང་གིས་ཤར་ཕྱོགས་མངོན་པར་དགའི་བའི་ཞིང་ཁམས་ན་དཔལ་རྡོ་རྗེ་སེམས་དཔའ་ལ་སྐྱབས་སུ་མཆི་འོ་ལ་སོགས་པ་ཞིང་དག་པ་དང་དེའི་སངས་རྒྱས་ཀྱི་ཡོན་ཏན་ཡིད་ལ་བྱ་སྟེ། སྐྱབས་འགྲོའི་ཞིང་དེ་དག་ཏུ་གྲོལ་བར་གསུངས། ཐ་མའི་ཐ་མ་རྣམས་ངོ་སྤྲོད་ཀྱི་གནད་མཐོང་བའི་ལས་བཟང་པོས་འཕགས་ཏེ། ཕ་མ་དད་ཅན་གྱི་བུ་ཚར་སྐྱེས་ནས་ལས་ཀྱི་འཕྲོ་སད་དེ་ཆོས་འདི་དང་ལོ་ཉི་ཤུ་རྩ་ལྔའམ། སུམ་ཅུ་རྩ་ལྔ་ནི་འཕྲད་ནས་བར་དོ་མེད་པར་གྲོལ་ ལོ། །དེ་དག་གིས་གཞི་ལམ་འབྲས་བུ་གསུམ་གྱི་རྒྱས་པར་བཤད་པ་བསྟན་ཟིན་ཏོ། །༈ དོན་གཉིས་པ་སྒྲོན་མ་དྲུག་གི་གནད་བཅིངས་པ་ལ་དྲུག་ལས། གནས་པ་གཞིའི་སྒྲོན་མ་ནི། གཞི་རང་བཞིན་ལྷུན་གྲུབ་ཀྱི་སངས་རྒྱས་དེས་འཁོར་འདས་ཐམས་ཅད་ལ་ཁྱབ་པ་ནི་འོ་མ་ལ་མར་གྱིས་ཁྱབ་པ་བཞིན་གནས་ཏེ། དཔལ་ཕྲེང་གི་མདོ་ལས། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །ཅེས་པ་དང༌། མཚན་བརྗོད་ལས། མི་འགྱུར་ཀུན་འཕྲོ་ཁྱབ་པ་པོ། །ཞེས་པ་དང༌། མཁའ་འགྲོ་མ་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་པ་དང༌། འཁོར་ལོ་བཞི་སྦགས་ལས། མ་བྱུང་མ་སྐྱེས་འོད་ལྔའི་སྙིང་པོ་ཅན། །འགྲོ་བ་ཡོངས་ཀྱི་གཞི་རྩ་མཆོག །ཅེས་སོ། །ཙིཏྟ་ཤའི་སྒྲོན་མ་ནི། སྙིང་ནང་ན་སྐུ་དང་ཡེ་ཤེས་རང་འོད་དང་བཅས་པ་བུམ་པ་ནང་གི་མར་མེ་ལྟར་གནས་ཏེ། དེ་བཞིན་གཤེགས་པའི་སྙིང་པོ་བསྟན་པའི་མདོ་ལས། སེམས་ཅན་ཐམས་ཅད་ཀྱི་ནང་ན་ཐོག་མ་ཇི་ལྟ་བ་ལས་མ་གཡོས་པར་གནས་སོ། །ཞེས་པ་དང༌། མཚན་བརྗོད་ལས། སོ་སོར་རང་རིག་མི་གཡོ་བ། །མཆོག་གི་དང་པོ་སྐུ་གསུམ་འཆང༌། །ཞེས་པ་དང༌། ཀྱེ་རྡོ་རྗེ་ལས། ལུས་ལ་ཡེ་ཤེས་ཆེན་པོ་གནས། །རྟོག་པ་ཐམས་ཅད་ཡང་དག་སྤང༌། །དངོས་པོ་ཀུན་ལ་ཁྱབ་པའོ། །ལུས་གནས་ལུས་ལས་མ་སྐྱེས་པའོ། །ཞེས་པ་དང༌། ཐིག་ལེ་འདུས་པ་ལས། སེམས་ཅན་དྲན་བྱེད་ཙིཏྟའི་དཀྱིལ། །ཆོས་གསུམ་ཉིད་ཀྱི་ངོ་བོར་གནས། །ཞེས་སོ། ། དཀར་འཇམ་རྩའི་སྒྲོན་མ་ནི། སྙིང་ནས་མིག་ཏུ་རྩ་དར་དཀར་ཀྱི་སྐུད་པ་འདྲ་བའི་ནང་ན། ཡེ་ཤེས་ཀྱི་རང་གདངས་འཆར་བ་རྒྱ་སྐར་གྱི་ཉི་ཞུར་ལྟ་བུ་སྟེ། མདོ་ཚིགས་སུ་བཅད་པ་རྒྱས་པ་ལས། ཡེ་ཤེས་སྒྲོན་མར་འབྲེལ་པས་ནི། ཕྱོགས་བཅུའི་ཞིང་ཁམས་གསལ་བར་མཐོང༌། །ཞེས་པ་དང༌། མཚན་བརྗོད་ལས། སྒྱུ་འཕྲུལ་དྲྭ་བའི་ཚུལ་བསྟན་པ། །འདི་ནི་རྣམ་དག་ལེགས་པའི་ལམ། ཞེས་པ་དང༌། ཕལ་ཆེན་ལས། གཞི་ནས་རྒྱ་མཚོར་འོད་གསལ་བ། <span class="lcp-mark">»</span></span>།<span class="lcp-note"><span class="lcp-mark">«</span>ལ་ལ་ནམ་མཁའི་དབྱིངས་ན་གསལ། <span class="lcp-mark">»</span></span>།<span class="lcp-note"><span class="lcp-mark">«</span>འོད་ཀྱི་དཀྱིལ་འཁོར་རྣམ་པར་བཀྲ །ཞེས་པ་དང༌། ཐིག་ལེ་འདུས་པ་ལས། རྩ་ཡི་རྒྱལ་པོ་ཤེལ་གྱི་སྦུ་གུ་ཅན། །ཉི་མ་ཟླ་བའི་ནང་དུ་ཟུག་པར་གནས། །ཞེས་སོ། །རྒྱང་ཞགས་ཆུའི་སྒྲོན་མ་ནི། མིག་གི་དངས་མ་ཡེ་ཤེས་ལྷུག་པར་འཆར་བའི་སྒོ་གཉིས་ཏེ། ཤར་གྱི་ལ་ཁར་ཉི་མའི་གདངས་ནུབ་རི་ལ་གསལ་བ་ལྟ་བུའོ། །ཡུལ་ལས། སེམས་ཀྱི་རང་བཞིན་འོད་གསལ་བའོ། །ཞེས་པ་དང༌། མཚན་བརྗོད་ལས། ཡེ་ཤེས་མིག་གཅིག་དྲི་མ་མེད། །ཡེ་ཤེས་ལུས་ཅན་དེ་བཞིན་གཤེགས། །ཞེས་པ་དང༌། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ལས། ཤེས་པ་རང་སྣང་མངོན་སུམ་གནད། ། ལེགས་པའི་ཡེ་ཤེས་རང་སྣང་བ། །ཞེས་པ་དང༌། ཀུན་གསལ་ལས། ཆོས་ཉིད་གསལ་བའི་ཡེ་གདངས་ནི། །ནམ་ལངས་ཞོགས་པ་ལྟ་བུུ་འོ། །ཞེས་སོ། །བར་དོ་དུས་ཀྱི་སྒྲོན་མ་ནི། གཞི་སྣང་སྐུ་དང་ཡེ་ཤེས་སུ་ཤར་བ་རང་ངོ་ཤེས་པས། སྔར་འདྲིས་ཀྱི་མི་དང་འཕྲད་པ་ལྟ་བུ་སྟེ། འདའ་ཁ་ཡེ་ཤེས་ལས། རང་བཞིན་མི་དམིགས་འོད་གསལ་བས། །དངོས་པོ་ཅི་ལའང་མི་ཆགས་བསྒོམས། <span class="lcp-mark">»</span></span>།<span class="lcp-note"><span class="lcp-mark">«</span>ཞེས་དང༌། མཚན་བརྗོད་ལས། འོད་ཆེན་རྣམ་པར་སྣང་བར་བྱེད། །ཡེ་ཤེས་སྐར་མ་ལམ་མེ་བ། ། འགྲོ་བའི་མར་མེ་ཡེ་ཤེས་སྒྲོན། །གཟི་བརྗིད་ཕུང་པོ་བལྟ་ན་སྡུག<span class="lcp-mark">»</span></span> <span class="lcp-note"><span class="lcp-mark">«</span>།ཅེས་པ་དང༌། གསང་འདུས་ལས། ནམ་མཁའི་དབྱིངས་ཀྱི་དབུས་གནས་པར། །འོད་ཟེར་སྤྲིན་གྱི་ཚོགས་ཆེན་པོ། །སངས་རྒྱས་འབར་བའི་འོད་དང་ལྡན། །ཡེ་ཤེས་འབར་བས་ཀུན་ལ་ཁྱབ། །ཅེས་པ་དང༌། ཐིག་ལེ་འདུས་པ་ལས། རང་བྱུང་ཡེ་ཤེས་ཆེན་པོ་ལས། །རང་གདངས་སྣ་ཚོགས་རིགས་ལྔར་གསལ། །ཞེས་སོ། །མཐར་ཐུག་འབྲས་བུའི་སྒྲོན་མ་ནི། གཞི་སྣང་དབྱིངས་སུ་ཐིམ་པ་རིག་པ་རང་ས་ཟིན་པ་རིན་པོ་ཆེ་གསང་བའི་སྦུབས་ལས་འཕོ་འགྱུར་མེད་པ་སྟེ། དེ་ལས་མཐར་ཐུག་པ་འམ་བོགས་དབྱུང་དུ་མེད་པ་སྟོན་ཀའི་ལོ་ཐོག་སྨིན་ལེགས་པ་ལྟ་བུའོ། །ཡུམ་ལས། ཕྱིན་ཅི་ལོག་ལས་ཤིན་ཏུ་འདས་ནས། མྱ་ངན་ལས་འདས་པའི་མཐར་ཕྱིན་ཏེ་ཞེས་དང༌། མཚན་བརྗོད་ལས། མྱ་ངན་འདས་པ་མྱ་ངན་འདས། །ལེགས་པར་མྱ་ངན་འདས་དང་ཉེ། །ཞེས་པ་དང༌། རྒྱུད་ཀྱི་སྙིང་པོ་ལས། སྣང་སྲིད་འཁོར་འདས་ཆོས་རྣམས་ལ། །ཡེ་ཤེས་སྤྱི་བླུགས་རྒྱས་ཐེབས་ན། །སྐུ་དང་ཡེ་ཤེས་རང་བཞིན་ལས། ཁམས་གསུམ་འཁོར་བར་མི་འགྱུར་ཏེ། །ཐམས་ཅད་ཟབ་མོ་ཆོས་ཉིད་ཀློང༌། །ཞེས་པ་དང༌། ཐིག་ལེ་ཀུན་གསལ་ལས། གཉིས་མེད་ཆོས་སྐུ་མི་འགྱུར་བ། །སྟོང་ཉིད་རྡོ་རྗེའི་སྐུ་ཐོབ་བོ། །གཉིས་མེད་ཆོས་སྐུའི་ངང་ལས་ནི། །རིག་པའི་ཡེ་ཤེས་མི་འགག་གསལ། །ཞེས་གསུངས་སོ། །སྒྲོན་མ་དྲུག་གི་མདོ་བཅིངས་པ་བསྟན་ཟིན་ཏོ། །༈ དོན་གསུམ་པ་རང་བྱུང་ཡེ་ཤེས་འགག་བསྡམ་པ་ནི། བར་དོའི་ཆོས་ཚན་ཐམས་ཅད་བསྡུ་ན། ལིངས་ཀྱིས་བསྐྱུར་བ་སྒྱུ་ལུས་ཀྱི་ཕུང་པོ། ཐིབས་ཀྱིས་འགགས་པ་འགྱུ་བྱེད་ཀྱི་རང་སེམས། ལྟར་གྱིས་ཤར་བ་རང་སྣང་གི་དཀྱིལ་འཁོར། ཧྲིག་གེར་རིག་པ་རང་བྱུང་གི་ཡེ་ཤེས། ཕྱམ་མེར་གྲོལ་བ་གདོད་མའི་གནས་ལུགས། ཞེས་པར་བསྡུ་ལ། དེའི་རྒྱུ་མཚན་ནི། སྒྱུ་ལུས་གཡར་པོ་ཡིན་པས་འབོར་བ་ཡིན། །རང་སེམས་འཁྲུལ་བ་ཡིན་པས་འགག་པ་ཡིན། །ཡེ་ཤེས་ཡེ་ནས་ཡོད་པས་འཆར་བ་ཡིན། <span class="lcp-mark">»</span></span>།<span class="lcp-note"><span class="lcp-mark">«</span>འབྲས་བུ་རང་ངོ་ཤེས་པས་གྲོལ་བ་ཡིན། །ཞེས་པར་ཐུག་ལ། དེ་ཡང་བསྡུ་ན། ཧྲིག་གེར་རིག་པ་རང་བྱུང་གི་ཡེ་ཤེས་ཞེས་པར་བསྡུ་སྟེ། རང་བྱུང་གི་ཡེ་ཤེས་རང་ལ་གནས་པ་བླ་མས་ངོ་སྤྲོད་པ་རྟོགས་ཤིང་ཉམས་སུ་བླངས་པས་འདིའམ། རང་སྣང་གྲོལ་ཞེས་པས་བར་དོར་གྲོལ་ཏེ། རིན་ཆེན་གསང་བའི་སྦུབས་ལ་རིག་པ་རང་ས་ཟིན་པས་ཐམས་ཅད་རང་བྱུང་གི་ཡེ་ཤེས་སུ་འདུ་སྟེ། བཤད་རྒྱུད་ལས། ཐམས་ཅད་རང་བྱུང་ཡེ་ཤེས་དང༌། ཞེས་སོ། དེ་ཡང་གཞི་ཡེ་སངས་རྒྱས་པ། ལམ་མངོན་སངས་རྒྱས་པ། འབྲས་བུ་རྫོགས་སངས་རྒྱས་པ། ཞེས་བྱ་སྟེ། དུས་གསུམ་གྱི་སངས་རྒྱས་ཐམས་ཅད་དགོངས་པ་མཉམ་ཁད་ཀྱིས་འདྲེས་སོ། །རང་བྱུང་གི་ཡེ་ཤེས་སུ་དོན་བསྡུ་བ་བསྟན་ཟིན་ཏོ། །དོན་བཞི་པ་ཐེམས་ཡིག་ལྔས་གཟེར་གདབ་པ་ལ་གསུམ་ཚོ་ལྔ་སྟེ། གསལ་འདེབས་ཤར་བའི་དུས་གསུམ། བར་ཆད་མེད་པའི་རྟགས་གསུམ། སྐྱེ་བ་མི་ལེན་པའི་གཏན་ཚིགས་གསུམ། གདམས་པའི་གནད་འགག་གསུམ། སངས་རྒྱ་ཚུལ་གསུམ། དང་པོ་ནི་འོད་ཟེར་རྐྱེན་དུ་ཤར་ཏེ་གསལ་གདབ། ཡེ་ཤེས་ལྔ་ཡི་འོད་ཟེར་འཕྲོ། དཀྱིལ་འཁོར་རྐྱེན་དུ་ཤར་ཏེ་གསལ་གདབ། གསུམ་རིག་གཙང་མ་དག་པ་སྟེ། གདམས་ངག་རྐྱེན་དུ་ཤར་བ་སྟེ་གསལ་གདབ། ཡང་དག་སངས་རྒྱས་ལམ་རིག་པ།<span class="lcp-mark">»</span></span> །<span class="lcp-note"><span class="lcp-mark">«</span> གཉིས་པ་ནི་བརྡ་ལ་བར་ཆད་མེད་པ་ཆུ་ཟླ་ལྟ་བུ། རྟགས་ལ་བར་ཆད་མེད་པ་ལུས་དང་གྲིབ་མ་ལྟ་བུ། དོན་ལ་བར་ཆད་མེད་པ་ཆོས་ཉིད་འོད་གསལ་ལོ། །གསུམ་པ་ནི་ཕྱི་གཟུང་བའི་ཡུལ་དག་སྟེ་སྐྱེ་བ་ལེན་པའི་གནས་མེད། ནང་འཛིན་པའི་སེམས་དག་སྟེ་སྐྱེ་བ་ལེན་པའི་བདག་མེད། འོད་གསལ་གྱི་དཀྱིལ་འཁོར་མཁའ་ལ་ཤར་བས་སྐྱེ་བ་རྒྱུན་ཆད་དོ། །བཞི་པ་ནི་འཁོར་དུ་འཁོར་ས་མེད་དེ་སྣང་སྲིད་གཞི་ནས་དག།འཁྲུལ་དུ་འཁྲུལ་ས་མེད་དེ་སྣང་སྲིད་དཀྱིལ་འཁོར་དུ་ཤར། འཁྱར་དུ་འཁྱར་ས་མེད་དེ་ཡེ་ཤེས་མ་བུ་མཇལ་ལོ། །ལྔ་པ་ནི་དབང་པོ་གསུམ་ལ་རབ་འབྲིང་ཐ་གསུམ་ལས། རབ་ཀྱི་རབ་ནི། རབ་སེང་གེའི་མཆོངས་སྟངས་ཀྱིས་སངས་རྒྱ། འབྲིང་ཉི་ཟླ་གའུ་ཁ་སྦྱོར་གྱི་ཚུལ་དུ་སངས་རྒྱ། ཐ་མ་དཔག་ཆེན་མདའི་ཚུལ་དུ་སངས་རྒྱ། འབྲིང་གི་རབ་རི་བོང་དང་འཛིན་པའི་ཚུལ་དུ་སངས་རྒྱ། འབྲིང་ཁྱུང་དང་སྒོ་ངའི་ཚུལ་དུ་སངས་རྒྱ། ཐ་མ་ནེའུ་ཕྲུག་དང་ཁྱུ་བརྒྱའི་ཚུལ་དུ་སངས་རྒྱའོ། །ཐ་མའི་རབ་མགྲོན་པོ་རང་ཁྱིམ་དུ་སླེབས་པ་ལྟ་བུར་སངས་རྒྱ། འབྲིང་མ་པང་དུ་བུ་རྒྱུག་པ་ལྟ་བུར་སངས་རྒྱ། ཐ་མ་ཨ་ནེ་བྱམས་མའི་སྤྱན་དུ་ཚ་བོ་འགྲོ་བ་ལྟ་བུར་སངས་རྒྱའོ། །དེ་དག་གིས་མན་ངག་གི་རང་གནད་མི་འཆུགས་པར་བསྟན་ཟིན་ཏོ། །དོན་ལྔ་པ་གཙིགས་ཆེ་བས་བཀའ་རྒྱས་གདབ་པ་ལ་གསུམ་ལས། བླ་མའི་བཀའ་རྒྱ་ནི། དུས་འདི་ནས་གཟུང་ནས་ལས་རྒྱུ་འབྲས་ཁྱད་མི་གསད། གྲུབ་མཐའ་དམའ་བ་ལ་མི་གཤེ། བླ་མ་ལ་གསོལ་བ་བཏབ་ཅིང་རྒྱུན་དུ་ཉམས་ལེན་ལ་འབུངས། དམ་ཚིག་ཚུལ་བཞིན་དུ་བསྲུང་ཞིང་གཞན་ལ་རབ་ཏུ་གསང་ངོ༌། ཡི་དམ་གྱི་མནའ་རྒྱ་ནི། ཐུབ་པའི་སྐུ་གཅིག་མགོ་ཐོག་ཏུ་བཞག་ལ། འདི་ནས་འབྱུང་བའི་མན་ངག་ཉམས་སུ་ལེན་ཞིང༌། གསང་བའི་མན་ངག་སྐལ་མེད་ལ་མ་བསྟན་ཅིག<span class="lcp-mark">»</span></span> <span class="lcp-note"><span class="lcp-mark">«</span>།སྟོན་ན་ཆད་པ་དྲག་པོ་ཕོབ་ཅིག་ཅེས་མནའ་དགག་ ག<span class="lcp-mark">»</span></span>ོ <span class="lcp-note"><span class="lcp-mark">«</span>།བཀའ་སྲུང་གི་གཏད་རྒྱ་ནི། འདིའི་སྲུང་མ་དཔལ་ཧཱ་ཀཱ་ལ་དང༌། ཨེ་ཀ་ཙ་ཏི་དང༌། དམ་ཅན་གསུམ་བསྐོས་པ་ཡིན་པས། བཀའི་བྱ་ར་བྱེད་ཅིང་ལེགས་ཉེས་ཀྱི་སྟངས་བཟུང་ནས། དམ་ཚིག་གི་རྗེས་གཅོད་ངེས་པ་ཡིན་ནོ། །བཀའ་དང་དམ་ལས་མ་འདའ་ཞིག །ཅེས་བརྗོད་དོ། བཀའ་རྒྱ་འདས་ན་ཁ་ནས་ཁྲག་སྐྱུགས། མིག་འབྲས་ཐང་ལ་བྲུལ། ཤི་ནས་རྡོ་རྗེའི་དམྱལ་བར་སྐྱེའོ། །གཏད་རྒྱ་འགལ་ན་ཕན་མི་ཐོགས། མནའ་རྒྱ་འགལ་ན་སྲོག་ལ་འོང༌། ཚུལ་བཞིན་སྦྱང་ན་འདི་དང་ཕྱི་མའི་ལེགས་དགུ་འགྲུབ་ཅིང༌། བླ་མ་ཡི་དམ་མཁའ་འགྲོ་ཐམས་ཅད་ཀྱིས་བྱིན་གྱིས་རློབ་པ་ཡིན་ནོ། །དེ་ལྟར་མཆོག་གསང་མན་ངག་སྙིང་པོའི་བཅུད། །ཚེ་འདིར་འཁོར་བའི་རྒྱ་མཚོ་བརྒལ་ནུས་པ། །ངེས་དོན་བླ་མེད་སྙན་བརྒྱུད་ཟབ་མོའི་དོན། །གཞན་ལས་འཕགས་པའི་དམ་ཆོས་ཨེ་མ་ ཧོ། །བླ་མའི་གསུང་སྒྲོས་ཕྱག་བཞེས་མན་ངག་དོན། །དཀྱུས་སུ་སྦས་ཤིང་མི་གསལ་མཐོང་བ་རྣམས། །འདིར་གཅིག་བསྡུས་ཏེ་ཕྱི་རབས་དོན་དུ་བཀོད། ། སྲུང་མ་དམ་ཅན་རྒྱ་མཚོས་བྱ་ར་མཛོད། །དགེ་བ་འདི་ཡིས་མ་ལུས་འགྲོ་བ་རྣམས། །ཀུན་བཟང་ཆོས་རྗེ་བླ་མའི་གནས་ཐོག་ཤོག །འོད་གསལ་སྙན་བརྒྱུད་བསྟན་པ་དར་བ་དང༌། <span class="lcp-mark">»</span></span>།<span class="lcp-note"><span class="lcp-mark">«</span>སྐལ་ལྡན་དམ་ཆོས་དགའ་སྟོན་འཕེལ་བར་ཤོག<span class="lcp-mark">»</span></span> <span class="lcp-mark">«</span>།སྙན་བརྒྱུད་དོན་གྱི་མེ་ལོང་ཞེས་བྱ་བ་འོད་གསལ་སྙིང་པོའི་རྣལ་འབྱོར་པ་སྣ་ཚོགས་རང་གྲོལ་གྱིས་གངས་རི་ཐོད་དཀར་གྱི་མགུལ་དུ། འོད་ཟེར་སྤྲིན་གྱི་ནགས་ནང་ཀུན་ཏུ་བཟང་པོའི་ཁང་བཟང། ཟླ་བ་ཆུ་ཤེལ་གྱིས་འཚེར་བ་ལ་སྦྱར་བ་རྫོགས་སོ།། །།འདི་དོན་ཆོས་ལ་དད་པ་དང༌། །མན་ངག་སྟོན་པའི་བླ་མ་དང༌། །འདི་བཟུང་བྱང་ཆུབ་མ་ཐོབ་བར། །རྟག་ཏུ་བསྟེན་ཅིང་བརྩོན་པར་ ཤོག །དགེའོ། །དགེའོ། །དགེའོ།། །།
</div>
</div>
= Source =
= Source =
This page is a cleaned copy of the following rywikitexts page, which stay unchanged:
This page is a cleaned copy of the following rywikitexts page, which stay unchanged:
* [[Klong chen rab byams gsung 'bum/volume 012 389]] (revision 10857, 2020-03-22)
* [[Klong chen rab byams gsung 'bum/volume 012 389]] (revision 10857, 2020-03-22)
Cleaning (21 November 2026): removed 1 running heads, 3 Word page fields. The «» marks are kept: in this e-text they enclose the small-print notes of the print.
Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.


Part of the [[Longchenpa Collected Works]] ([[Longchenpa Collected Works/About|about this project]]).
Part of the [[Longchenpa Collected Works]] ([[Longchenpa Collected Works/About|about this project]]).
<headertabs/>
<headertabs/>



Latest revision as of 21:16, 21 November 2026

སྙན་བརྒྱུད་ཐུགས་ཀྱི་མེ་ལོང klong chen rab 'byams kyi gsung 'bum (pe cin 2009)· Volume 12(NA) ལག་ཁྲིད་སྙིང་པོ

Title སྙན་བརྒྱུད་དོན་གྱི་མེ་ལོང
Wylie snyan brgyud don gyi me long


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 12(NA), text 5, pages 60–101 (BDRC scan pages)
Section snying thig ya bzhi › zab mo yang tig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.5.2.07
Citation Klong chen rab 'byams pa. snyan brgyud don gyi me long. In Kun mkhyen klong chen rab 'byams kyi gsung 'bum, vol. 12, pp. 60–101. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །སྙན་བརྒྱུད་དོན་གྱི་མེ་ལོང་བཞུགས་སོ། །«སྙན་བརྒྱུད་དོན་གྱི་མེ་ལོང་ཞེས་བྱ་བ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །གདོད་མའི་གནས་སུ་མངོན་པར་བྱང་ཆུབ་སྟེ། །སྐུ་དང་ཡེ་ཤེས་འདུ་འབྲལ་མེད་པ་ཡིས། །དོན་གཉིས་ལྷུན་གྲུབ་དང་པོའི་སངས་རྒྱས་དང༌། །རིག་འཛིན་སྙན་བརྒྱུད་བླ་མའི་ཞབས་ལ་འདུད། །ཐིག་ལེ་མཆོག་གསང་བླ་ན་མེད་པ་ལས། །ཡི་གེ་མེད་པའི་སྙན་བརྒྱུད་རིན་པོ་ཆེ། །རིམ་ནས་རིམ་བརྒྱུད་ཟབ་མོ་གནད་ཀྱི་ཆོས། །ཕྱི་རབས་དོན་དུ་བདག་གིས་གསལ་བར་བྱ། །བཀའ་རྫོགས་པ་ཆེན་པོ་ཐེག་པ་ཀུན་གྱི་རྩེ་རྒྱལ། རྒྱུད་ལུང་མན་ངག་གསུམ་གྱི་ཉ»ི«ང་ཁུ། ཐིག་ལེ་ཕྱི་ནང་གསང་གསུམ་གྱི་ཡང་ཞུན། དུས་གསུམ་སངས་རྒྱས་རྣམས་ཀྱི་དགོངས་པ། ལྟ་སྒོམ་སྤྱོད་པ་གསུམ་གྱི་མཐར་ཐུག ། གཞི་ལམ་འབྲས་བུ་གསུམ་གྱི་གནད་འགག» «།སྒོ་གསུམ་རང་གྲོལ་དུ་སྟོན་པ། སྐུ་གསུམ་ཅེར་མཐོང་དུ་སྟོན་པ། སངས་རྒྱས་ལག་བཅངས་སུ་སྟོན་པ། སྙན་ནས་སྙན་དུ་བརྒྱུད་པ། སྙན་བརྒྱུད་དོན་གྱི་མེ་ལོང་འདི་ལ་གསུམ་སྟེ། ཡིད་ཆེས་ཤིང་ཁུངས་བཙུན་པ་བརྒྱུད་པའི་ལོ་རྒྱུས། ཇི་ལྟར་གདམས་ཚུལ་གནད་ཀྱི་མན་ངག» «།རྟོགས་ཤིང་གྲོལ་བ་ངོ་སྤྲོད་ཀྱི་གདམས་པའོ། །དང་པོ་ལ་གསུམ། རྒྱལ་བ་དགོངས་པའི་བརྒྱུད་པ། རིག་འཛིན་བརྡའི་བརྒྱུད་པ། གང་ཟག་སྙན་ཁུང་དུ་བརྒྱུད་པ་སྟེ། ཐིག་ལེ་ཀུན་གསལ་ཆེན་པོའི་རྒྱུད་ལས། ལོ་རྒྱུས་དོན་ལ་རྣམ་གསུམ་སྟེ། །གང་ཟག་ཕྲལ་བཅས་མ་ཡིན་པས། །དུས་གསུམ་སངས་རྒྱས་བརྒྱུད་པ་བཤད། །རྒྱལ་བས་གསུངས་པར་ཡིད་ཆེས་འགྱུར། །ངེས་པ་དོན་གྱི་འཁོར་ཡིན་པས། »།«རིག་འཛིན་བརྡ་ཡི་བརྒྱུད་པ་བཤད། །ལྡེམ་པོའི་དགོངས་དོན་མ་ཡིན་པར། །ངེས་པའི་དོན་གསུངས་ཡིད་ཆེས་འགྱུར། །མ་འོངས་གང་ཟག་རྣ་བརྒྱུད་ཤོད། །འབྲེལ་མ་ཆད་པར་ཡིད་ཆེས་འགྱུར། །ཞེས་སོ། །དང་པོ་རྒྱལ་བ་དགོངས་པའི་བརྒྱུད་པའང་གསུམ་ལས། ཆོས་སྐུའི་བྱིན་གྱིས་བརླབས་ཀྱིས་གསུངས་པ་ནི། གནས་ཁྱད་པར་ཅན་ཆོས་ཀྱི་དབྱིངས་པདྨ་བདེ་གསལ་གྱི་གྲོང་ཁྱེར་མཐོ་དམན་དང་མཐའ་དབུས་མེད་པ་ཅིའི་ངོ་བོར་ཡང་མ་གྲུབ་པ་ལས། ཡིད་བྱེད་པ་པོ་ཀུན་ཏུ་བཟང་པོ་ཉིད་ཞལ་ཕྱག་གིས་རྣམ་པར་བཞེངས་ཏེ། བསྟན་པའི་སྙིང་པོ་ཡེ་ཤེས་ལྔ་རང་སྣང་རྟོགས་པའི་འཁོར་རིགས་ལྔ་ལ། མ་ངེས་པའི་དུས་སུ་རང་བཞིན་བྱིན་གྱིས་བརླབས་ཀྱིས་གསུངས་པ་ནི། བསྡུས་རྒྱུད་ལས། ང་ཉིད་མ་འོངས་སྔོན་རོལ་ན། །སྟོན་པ་ཀུན་རིག་ཆོས་ཀྱི་རྗེ། །པདྨ་བདེ་གསལ་གྲོང་ཁྱེར་དུ། །བསྟན་པའི་སྙིང་པོ་ཡེ་ཤེས་ལྔ། །རང་སྣང་རྟོགས་པའི་འཁོར་རྣམས་ལ། །རྟོག་མེད་བྱིན་གྱིས་བརླབས་ཀྱིས་བཤད། །ཅེས་པ་དང༌། གསང་བ་རིག་པ་བཀོད་པའི་རྒྱུད་ལས། ཆོས་སྐུའི་བྱིན་གྱིས་བརླབས་ཀྱིས་བཤད་པའི་དུས། རྟོགས་པའི་རྡོ་རྗེ་རང་སྣང་དུས་ན་ཡིན། །ཞེས་སོ། །ལོངས་སྐུ་རང་གི་ངོ་བོས་གསུངས་པ་ནི། གནས་ཁྱད་པར་ཅན་མཚན་རྫོགས་རྡོ་རྗེ་འཆང་གི་ཞིང་ཁམས་འོག་མིན་ཀྱི་དབྱིངས་ཀྱི་ཕོ་བྲང་དུ། སྟོན་པ་རྣམ་པར་སྣང་མཛད་ཀྱིས་རྡོ་རྗེ་སེམས་དཔའ་ལ་སོགས་བཞི་དང༌། རིགས་བཞི་སོ་སོའི་འཁོར་བཞི་ལ། དུས་རིག་པ་ཡུལ་ལ་ཤར་བའི་ཚེ། བསྟན་པ་རང་སྣང་སྐུ་དང་ཡེ་ཤེས་འདུ་འབྲལ་མེད་པའི་དགོངས་པ། དངོས་སུ་ཚིགས་ལས་འདས་པ་ངོ་བོས་གསུངས་ཏེ། བསྡུས་རྒྱུད་ལས། སྟོན་པ་ཀུན་རིག་ཡེ་ཤེས་ཀྱིས། །ཆོས་ཉིད་གསལ་བའི་རང་གདངས་ལས། །ཡེ་ཤེས་འགག་མེད་དཀྱིལ་འཁོར་བྲིས། །རང་ཉིད་དབུས་ཀྱིས་གཙོར་གནས་ཏེ། །ཉིད་ལས་མི་གཞན་སྟོན་པ་བཞི། །རང་རང་རིགས་ཀྱི་འཁོར་རྣམས་ལ། །གསུང་གྀ་ཆོས་རྣམས་མི་འཆད་པར། །བྱིན་རླབས་རང་ངོའི་སྒོ་ནས་སྟོན། །ཞེས་པ་དང༌། གསང་བ་རིག་པ་བཀོད་པ་ལས། ལོངས་སྐུ་རང་གི་ངོ་བོས་བཤད་པའི་དུས། །སྐུ་མཆོག་འོད་གསལ་སྣང་བའི་ཚེ་ན་ཡིན། ། ཞེས་སོ། །སྤྲུལ་སྐུའི་སྒྲ་ཚིག་སྡེབ་སྦྱོར་ལེགས་པས་བཤད་པ་ནི། གནས་རྣམ་པར་དག་པ་ཡིད་འདྲེས་པའི་ཚལ་དུ། སྟོན་པ་རྡོ་རྗེ་སེམས་དཔའ་ཉིད་མེ་ཏོག་པདྨའི་སྡོང་པོ་ཁ་སྟོང་དང་ལྡན་པའི་དབུས་སུ། བརྫུས་ཏེ་བྱོན་ནས། ཐུགས་ཞི་བ་རྡོ་རྗེ་དབྱིངས་ཀྱི་དཀྱིལ་འཁོར་ཞལ་གཟིགས་ཏེ། གཞི་ཇི་བཞིན་པ་རྡོ་རྗེ་སེམས་དཔའ་དོན་གྱི་ངོ་སྤྲོད་མཛད། དོན་ཇི་བཞིན་པ་རིན་ཆེན་འབྱུང་ལྡན་རྟགས་ཀྱི་ངོ་སྤྲད་མཛད། བརྡའ་ཇི་བཞིན་པ་སྣང་བ་མཐའ་ཡས་ཀྱི་དཔེའི་ངོ་སྤྲོད་མཛད། སྒྲ་ཇི་བཞིན་པ་དོན་ཡོད་བསག་པའི་སྒྲ་ཚིག་ཏུ་བཤད་དེ། ལོ་བཅུ་དྲུག་གི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ཀྱི་འཁོར་ལོ་ནང་དུ་བསྐོར་ཏེ། ཕྱོགས་ལྷུངས་མེད་པའི་ཤེས་རབ་སོ་སོར་རྟོགས་པའི་ཡེ་ཤེས་ཀྱིས་བདག་བསྒྲལ་ཏེ་དགོངས་པ་ཆོས་ཉིད་ལས་མི་གཡོ་བར་བཞུགས་སོ། །ལོ་བཅུ་དྲུག་ནས་ཉི་ཤུ་རྩ་ལྔའི་བར་དུ་ཤེས་རབ་ཀྱི་སྲོག་ཤིང་ལ་ཡེ་ཤེས་ལྔའི་འཁོར་ལོ་ཕྱིར་བསྐོར་ཏེ་གཞན་དོན་མཛད་པ་ནི་ཐུགས་ཀ་ནས་རང་བྱུང་གི་སྤྲུལ་སྐུ་ཐུབ་པ་དྲུག་སྤྲུལ། ཐུན་མོངས་མ་ཡིན་པའི་འཁོར་སྨིན་མཚམས་ནས་དགའ་རབ་རྡོ་རྗེ་སྤྲུལ་ཏེ། སངས་རྒྱས་ཀྱི་རིགས་འཛིན་དུ་བཞག» «།ཤངས་ནས་གསང་བའི་བདག་པོ་སྤྲུལ་ཏེ་ཞུ་བ་པོར་བསྐོས། སྙན་གཉིས་ནས་འཇམ་དཔལ་དང་སྤྱན་རས་གཟིགས་སྤྲུལ་ཏེ་གསང་བའི་ཆོས་བསྟན། ལྷ་གནས་མི་འདྲ་བ་གསུམ་དུ་བརྡའ་སྒྲ་ངེས་པས་ངེས་པ་དོན་གྱི་ཆོས་ཀྱི་འཁོར་ལོ་བསྐོར་ཏེ་ཐུགས་རྗེས་གཞན་བསྒྲལ་ལོ། །དེ་ནས་མྱ་ངན་ལས་འདས་པར་དགོངས་ཏེ། སློབ་དཔོན་ཆེན་པོ་དགའ་རབ་རྡོ་རྗེ་ལ་སྙན་བརྒྱུད་ལུང་དང་མན་ངག་ཐམས་ཅད་སྟེར། མ་འོངས་པའི་དུས་སུ་སྤེལ་ཅིག་ཅེས་གསུངས་ནས། རང་ལོ་ཉི་ཤུ་རྩ་ལྔར་འགྲོ་བའི་ཐོ་རངས་དགོངས་པ་ཡོངས་སུ་མྱ་ངན་ལས་འདས་སོ། ། དགའ་རབ་རྡོ་རྗེས་གསོལ་བ་བཏབ་པས། འདས་རྗེས་གསུམ་བབས་ཏེ་གདུང་བ་གསལ་ལོ། །དེ་ཡང་བསྡུས་རྒྱུད་ལས། ཨུ་དུམ་ཝཱ་ར་འབར་བ་ཆེན་པོ་ ལས། »།«ང་ཉིད་བརྫུས་ཏེ་ཡོད་བའི་ཚེ། »།«ང་ཡི་ཐུགས་ཀྱི་དཀྱིལ་འཁོར་དུ། ། དབང་གི་ཆུ་བོ་བཞི་རྫོགས་པས། །རྟོགས་པའི་ཡེ་ཤེས་རང་དབང་ཐོབ། །བརྡ་སྒྲ་ངེས་པའི་དོན་གསུམ་བཤད། །ཅེས་པ་དང༌། གསང་བར་རིག་པ་བཀོད་པ་ལས། སྤྲུལ་སྐུའི་ཚིག་སྦྱོར་ལེགས་པར་བཤད་པའི་དུས། »།«མཐུན་པའི་སེམས་ཅན་རྣམས་ལ་གནང་པ་ཡིན། །ཞེས་སོ། །རྒྱལ་བ་དགོངས་པའི་བརྒྱུད་པའོ། ། ༈ རིག་འཛིན་བརྡ་ཡི་བརྒྱུད་པ་ནི། དཔལ་རྡོ་རྗེ་སེམས་དཔས་སྤྲུལ་ཞིང་སངས་རྒྱས་ཀྱི་རིག་འཛིན་དུ་བཞག་པའི་སློབ་དཔོན་ཆེན་པོ་དགའ་རབ་རྡོ་རྗེ་ཉིད། མི་རྣམས་འདུལ་བའི་ཕྱིར་འཛམ་བུའི་གླིང་དུ་སྐྱེ་བ་བཞེས་ཚུལ་བསྟན་པ་ནི། རྒྱ་གར་ནུབ་ཕྱོགས་ཨོ་རྒྱན་གྱི་ཡུལ་ན་རྒྱལ་བུ་ཨུ་པ་རཱ་ཛ་དང༌། བཙུན་མོ་གསལ་བའི་འོད་ལྡན་མའི་སྲས་མོ་དགེ་སློང་མ་སུ་དྷརྨ་ཞེས་བྱ་བ་དེ་ནུབ་ཕྱོགས་དྷ་ན་ཀོ་ཤའི་གླིང་ན་བསམ་གཏན་ལ་བཞུགས་པའི་རྨི་ལམ་ན། ཤེལ་གྱི་མི་དཀར་པོ་གཅིག་གིས་ཤེལ་གྱི་བུམ་པ་སྤྱི་བོར་བཞག་སྟེ། དབང་བསྐུར་བར་རྨིས་ནས། ཟླ་བ་དགུ་ངོ་དང་བཅུ་ན་རྩིབ་མ་གཡས་པའི་སྒཽ་བར་ནས་ཁྱེའུ་མཚན་དང་དཔེ་བྱད་དུ་འབར་བ་ཞིག་བལྟམས་པས་ཡུམ་བྲེད་དེ། ཕ་མེད་བུ་འདི་འཇིག་རྟེན་འདྲེ་བས་གཞན་པ་སུ། »།«འཇིག་རྟེན་བདུད་དམ་ཚངས་པ་ལ་སོགས་སམ། ཁམས་གསུམ་དག་ན་འདོད་ལྡན་སུ་ཞིག་ཡིན། །འདི་ལྟར་བྱུང་བའི་དཔེ་ནི་སུས་མཐོང་མེད། »།«ཀྱེ་མ་བདག་ནི་ཁྲིམས་གཙང་སྲིད་ལས་རྒྱལ་འདོད་པས། །ལོག་སྲིད་འགྲོ་བས་དཔྱས་གྱུར་སྡིག་རེ་ཆེ། »།«ཞེས་བརྗོད་ནས། ཐལ་བའི་གོང་བུར་དོར་པ་དང༌། ས་ཆེན་པོ་ཡང་གཡོས། མེ་ཏོག་གི་ཆར་ཆེན་པོ་ཡང་བབས། བར་སྣང་ནས་ལྷ་རྣམས་ཀྱིས་བཀྲ་ཤིས་ཚིགས་སུ་བཅད་པ་ཡང་བརྗོད་པ། མགོན་པོ་སྟོན་པ་བཅོམ་ལྡན་འདས། །རང་བཞིན་སྣང་མཛད་འཇིག་རྟེན་མགོན། །བདག་ཀྱང་རབ་ཏུ་བསྐྱབ་པ་དང༌། »།«མཁའ་ཡི་རྡོ་རྗེ་དེང་བདག་སྩོལ། །ཞེས་བརྗོད་ཅིང༌། མཁའ་འགྲོ་མ་རྣམས་ཀྱིས་མཆོད་པའི་སྤྲིན་ཕུང་གཏིབས། ལྷ་དང༌། ཀླུ་དང༌། གནོད་སྦྱིན་ལ་སོགས་པས་ཙན་དན་གུར་གུམ་ལ་སོགས་པའི་ཆར་འབེབས། ཕྱོགས་ཀུན་ནས་འཇིག་རྟེན་སྐྱོང་བ་རྣམས་ཀྱིས་ཆོས་ཀྱི་རྔ་རྡུང༌། དུང་འབུད། རྒྱལ་མཚན་འཛུགས། བ་དན་བསླངས་པ་ལ་སོགས་པ་བྱེད་པ་དང༌། དྲང་སྲོང་གི་རྒྱལ་པོ་རྣམས་ཀྱིས་ཀྱང༌། སྨན་ཀྱི་ཚོགས་དཔག་ཏུ་མེད་པའི་སྤྲིན་གྱིས་གཏིབས་པ་མཐོང་ནས། སྤྲུལ་པར་ཤེས་ཏེ་བཟོད་པར་གསོལ་ནས། དར་དཀར་གྱིས་ལྕིབས་མོས་བླངས་སྤོས་ཆུ་དང་འོ་མས་བཀྲུས་ཏེ་གསོས་པས། མཚོ་ཆེན་པོའི་པདྨ་ལྟར་གཞན་ལས་ཆེར་བསྐྱེད་ཅིང་འཕགས་སོ། །མཚན་ཡང་མཁའ་འགྲོ་མ་རྣམས་ཀྱིས་རོ་ལངས་ཐལ་མདོག་ཅེས་གསོལ་ཏོ། །ལོ་བདུན་ནས་ཆོས་རྣམས་མ་བསླབས་པར་རང་འཁྲུངས་སུ་མཁྱེན་པའི་ཚུལ་གྱིས། ཨོ་རྒྱན་གྱི་པཎྜི་ཏ་ལྔ་བརྒྱ་དང་རྩོད་ཅིང་གླེང་པས། ཕར་དྲིས་པ་ལས་སུས་ཀྱང་མ་ཐུབ། ཚུར་དྲིས་པའི་ལན་ཐོགས་པ་མེད་པར་བྱུང་བས། མཎྜི་ཏ་རྣམས་ཀྱིས་སློབ་དཔོན་ཆེན་པོ་པྲ་ཛྙཱ་བྷ་བ་ཞེས་གསོལ། རྒྱལ་པོ་དགྱེས་ནས་དགའ་རབ་རྡོ་རྗེར་གསོལ། ཡུལ་མི་ཀུན་གྱིས་རོ་ལངས་བདེ་བར་གསོལ་ཏེ། མཚན་གྱི་རྣམ་གྲངས་བཞིར་བྱུང་བ་ནི། སྔོན་བྱུང་སྟོན་པའི་ཉེ་འཁོར་དུ་སྐྱེ་བ་བཞིའི་ལུས་ཀྱི་འདུན་མའི་བསོད་ནམས་ལས་བྱུང་བའོ། །དེ་ནས་བྱང་ཕྱོགས་སུ་རི་བོ་ཉི་མ་རབ་ཏུ་སྣང་བྱེད་ལ་ལོ་སུམ་ཅུ་རྩ་གཉིས་ཀྱི་བར་དུ་དགོངས་པ་ཏིང་ངེ་འཛིན་ལ་བཞུགས་ནས། མ་ལ་ཡའི་རྩེར་བྱོན་ཏེ། སྔར་སངས་རྒྱས་ཀྱིས་གསུངས་པའི་སྡེ་སྣོད་རིན་པོ་ཆེ་རྣམས་དང༌། ཁྱད་པར་དུ་རྫོགས་པ་ཆེན་པོ་ཤློ་ཀ་འབུམ་ཕྲག་དྲུག་ཅུ་རྩ་བཞི་ཐུགས་ལ་བཞུགས་པ་རྣམས་ཡི་གེར་བཀོད་དེ། མཁའ་འགྲོ་མ་མངོན་པར་འབྱུང་བའི་ཕུག་ཏུ་བཞུགས་པ་མཁའ་འགྲོ་མ་རྣམས་ལ་གཏད་དོ། །དེ་ནས་སློབ་དཔོན་ཆེན་པོ་ཉིད་དུར་ཁྲོད་ཆེན་པོ་བསིལ་བའི་ཚལ་དུ་བཞུགས་ སོ། ། དེའི་ཚེ་རྒྱ་གར་ནུབ་ཕྱོགས་རིམ་པ་གཉིས་པའི་གྲོང་ཁྱེར་ན། ཡབ་བྲམ་ཟེ་ལེགས་ལྡན་སྟོན་པ་དང༌། ཡུམ་སྣང་གསལ་མཛེས་མའི་བུ་སློབ་དཔོན་ཆེན་པོ་འཇམ་དཔལ་བཤེས་གཉེན་ཞེས་བྱ་བ། རིག་པའི་གནས་ལྔ་ལ་མཁས་པ་ཞིག» «།དུར་ཁྲོད་གསང་ལུང་ན་སྤྱོད་པ་མཛད་ཅིང་བཞུགས་པ་ན། འཇམ་དཔལ་རྣོན་པོ་ནམ་མཁའ་ལ་བྱོན་ཏེ་ལུང་སྟོན་པ། ཀྱེ་རིགས་ཀྱི་བུ་འབྲས་བུ་ངེས་པའི་དོན་འདོད་ན་དུར་ཁྲོད་ཆེན་པོ་བསིལ་བའི་ཚལ་དུ་སོང་ཞིག» «།ཅེས་ཐོས་མ་ཐག་བྱོན་པས། ཞལ་མཇལ་ཕྱག་དང་བསྐོར་བ་བྱས་ནས་རྗེས་སུ་གཟུང་བར་ཞུས་པས། གནང་སྟེ་ཆོས་ཐམས་ཅད་རྫོགས་པར་གསུངས་ནས། བླ་མ་ཉིད་ཆུ་བོ་དན་ཏིག་གི་མགོར་ཕུང་པོ་ལྷག་མེད་དུ་གཤེགས་སོ། །དེ་ནས་སློབ་དཔོན་འཇལ་དཔལ་བཤེས་གཉེན་གྱིས་དཔེ་རྒྱུད་ཐམས་ཅད་རྡོ་རྗེ་གན་གྱི་བྱང་ཤར། ཕ་ཝང་རྡོ་རྗེ་རྒྱ་གྲམ་ཅན་གྱི་འོག་ཏུ་རང་རྒྱས་གདབ་ཏེ། དུར་ཁྲོད་སོ་ས་གླིང་དུ་བཞུགས་སོ། །དེའི་ཚེ་རྒྱ་ནག་པོའི་ཡུལ་གྲོང་ཁྱེར་ཤོ་འཁྱམས་ནག་པོ་ཞེས་བྱ་བ་ན། ཁྱིམ་བདག་དགེ་བ་དང་ལྡན་པའི་ཡིད་ཅན་དང༌། སྣང་གསལ་མཁྱེན་པའི་བུ་སློབ་དཔོན་ཆེན་པོ་ཤྲཱི་སིང་ཧ་ཞེས་པ། མཁས་པར་སྦྱངས་པའི་ཡོན་ཏན་དང་ལྡན་པ་ཞིག» «།ནུབ་ཕྱོགས་གསེར་གླིང་དུ་ཐད་ཀ་སྟོང་པའི་ནམ་མཁའ་ལ་སྤྱན་རས་གཟིགས་བྱོན་ནས་ལུང་བསྟན་པ། ཀྱཻ་སྐལ་ལྡན་འབྲས་བུ་ངེས་པའི་དོན་འདོད་ན། རྒྱ་གར་གྱི་དུར་ཁྲོར་སོ་སོའི་གླིང་དུ་སོང་ཞིག» «།ཅེས་པ་ཐོས་ནས། རྐང་མགྱོགས་བསྒྲུབས་ཏུ་བྱོན་པས། སློབ་དཔོན་འཇམ་དཔལ་བཤེས་གཉེན་དང་མཇལ་ནས་ཕྱག་དང་བསྐོར་བ་བྱས། རྗེས་སུ་གཟུང་བར་ཞུས་པས། ཆོས་ཐམས་ཅད་རྫོགས་པར་གནང༌། དཔེ་རྒྱུད་རྣམས་ལུང་བསྟན་ཏེ་དུར་ཁྲོད་དེ་ཉིད་ཀྱི་མཆོད་རྟེན་གྱི་རྩེ་ལ་ལྷག་མེད་དུ་གཤེགས་སོ། །དེ་ནས་སློབ་དཔོན་ཆེན་པོ་ཤྲཱི་སིང་ཧས་རྡོ་རྗེ་གདན་གྱི་བྱང་ཤར་ནས་དཔེ་རྣམས་བཏོན་ནས་རྒྱ་ནག་བྱང་ཆུབ་འབྱུང་བའི་ཤིང་དྲུང་དུ་བྱོན་ཏེ། དཔེ་རྣམས་སྦས་ནས། དུར་ཁྲོད་ཆེན་པོ་བསིལ་སྦྱིན་དུ་དགོངས་པ་ལ་བཞུགས་སོ། །དེའི་ཚེ་རྒྱ་གར་ནུབ་ཕྱོགས་གླང་པོའི་སྒང་ན་རྒྱལ་པོ་དྷརྨཱ་ཨ་ཤོའི་སྲས་མོ་དྷརྨཱ་བྷོ་དྷིའི་སྲས་སློབ་དཔོན་ཆེན་པོ་བྱེ་མ་ལ་མུ་»ཏྲ་«འདི་ལ་ཁ་ཅིག་ཕ་མེད་པས་ཡུམ་གྱིས་ཕྱེ་མའི་ཁུང་དུ་སྦས་པས་མ་ཤི་བར་མིག་བཀྲ་ཧྲིག་གེ་འདུག་པས་བྱེ་མ་ལ་མུ་ཏྲ་ཞེས་པ་དང༌། ཁ་ཅིག་ཆོས་བྱེ་མའི་ལ་བརྒལ་ཙམ་ཤེས་པས། དེ་སྐད་ཟེར་བར་འདོད་པ་ནི་རྡོལ་ཐབས་སུ་སྨྲ་བ་སྟེ། གཡུ་ཡིག་ཅན་དུ་ཡབ་བཤད་པ་དང་འགལ་ལོ། །» «དེས་ན་ཨ་ཏི་བཀོད་པ་ཆེན་པོ་ལས། ཕྱག་རྒྱ་ཅན་ཞེས་བྱ་བའི་མཁས་པ་མཆོག་དེ་ཀ་མ་རུ་གནས། ཞེས་ལུང་བསྟན་པ་ལྟར། བྱེ་མ་བསྒྱུར་བས་རྒྱ་ཆེན་མུ་ཏྲ་ཕྱག་རྒྱ་སྟེ། བྱེ་མ་ལ་མུ་ཏྲའོ། །རབ་ཏུ་བྱུང་བའི་མཚན་ནི། བི་མ་ལ་མི་ཏྲ་སྟེ། དྲི་མེད་བཤེས་གཉེན་བྱ་བའི་མཚན་ཡོད་པའོ། །«ཞེས་བྱ་བ་ལ། ལོ་ལྔ་ནས་རིག་པའི་གནས་ཐམས་ཅད་རང་འཁྲུངས་སུ་མཁྱེན་པ་ཞིག་དང༌། སློབ་དཔོན་ཡེ་ཤེས་མདོ་གཉིས་རྡོ་རྗེ་གདན་གྱི་ནུབ་ཕྱོགས་འདམ་བུའི་ཚལ་དུ་སྐྱོ་སངས་ལ་བྱོན་པ་ལས། སྟེང་གི་ནམ་མཁའ་ནས་རྡོ་རྗེ་སེམས་དཔས་ལུང་བསྟན་པ་ལས། ཀྱཻཻ་སྐལ་ལྡན་ཚེ་གཅིག་གི་འབྲས་བུ་ངེས་པར་འདོད་ན་བྱང་ཆུབ་འབྱུང་བའི་ཤིང་དྲུང་དུ་སོང་ཞིག» «།ཅེས་ཐོས་པ་ལས། སློབ་དཔོན་བྱེ་མ་ལས་བྱོན་ནས་འཇལ་ཏེ། སྙན་བརྒྱུད་རྣམས་གནང་བ་དང༌། སླར་རྒྱ་གར་དུ་བྱོན་ཏེ་དུར་ཁྲོད་ཆེན་པོ་སྣང་བྱེད་དུ་དགོངས་པ་ལ་བཞུགས་སོ། །དེ་ནས་རྒྱལ་པོ་ཨིནྟྲ་བོ་དྷིས་གདན་དྲངས་ནས་བླ་མཆོད་དུ་མཛད་དོ། །རིག་འཛིན་བརྡ་ཡི་བརྒྱུད་པའོ། །༈» «གང་ཟག་སྙན་ཁུང་དུ་བརྒྱུད་པ་ནི། དུས་དེའི་ཚེ་བོད་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱིས་བྲག་དམར་དཔལ་གྱིས་བསམ་ཡས་བཞེངས། ལོ་པཎ་མང་པོས་རྒྱུ་འབྲས་ཀྱི་ཆོས་དཔག་ཏུ་མེད་པ་བསྒྱུར་ཀྱང་ཐུགས་མ་ཚིམ་སྟེ། ད་རུང་ཆོས་འདི་ལས་ཟབ་པ་རྒྱུ་འབྲས་ལ་བཟླ་བ་ཚེ་གཅིག་ལུས་གཅིག་ལ་སངས་རྒྱ་བའི་ཆོས་ཤིག་འོང་ཐང་སྙམ་པའི་ཚེ། རྗཻའི་ཆོས་བློན་ཉང་ཏིང་འཛིན་བཟང་པོའི་ཞལ་ན་རེ། ཀྱཻ་མངའ་བདག་རྗེ། རྒྱ་གར་གྱི་རྒྱལ་པོ་ཨིནྟྲ་བོ་དྷ»ི«་ལ་བླ་མཆོད་པཎྜི་ཏ་ལྔ་བརྒྱ་བཞུགས་ཟེར་བས། དེ་དག་གི་ནང་ནས་མཁས་ཤིང་གྲུབ་པ་བརྙེས་པ་ཞིག་གདན་དྲངས་འཚལ་ཞེས་ཞུས་པས། ལོ་ཙཱ་བ་སྐ་ཅོག་རྨ་གསུམ་ལ་གསེར་ཕྱེ་དང་གསེར་གྱི་པ་ཏྲ་མང་པོ་སྐྱེས་སུ་བསྐུར་ནས་གདན་འདྲེན་དུ་བཏང་བས། ལོཙྪ་བས་སྐྱེས་ཕུལ་བཀའ་དྲིན་གསོལ་བའི་སྐྱེས་ལན་དུ། རྒྱལ་པོས་པཎྜི་ཏ་རྣམས་ལ་ཁྱེད་རྣམས་ཀྱི་དཀྱིལ་ན་མཁས་ཤིང་གྲུབ་པ་བརྙེས་པ་ཞིག་བོད་དུ་གཤེགས་པར་ཞུ་ཞེས་ཚ་བའི་གྲལ་ལ་བསྐུལ་དུས། ཡར་གྱི་ཕྱེད་དང་སུམ་བརྒྱས་མར་ལ་གཟིགས། མར་གྱི་ཕྱེད་དང་སུམ་བརྒྱས་ཡར་ལ་གཟིགས་པའི་དཀྱིལ་ན། བྱེ་མ་ལ་བསྐུལ་བར་མཁྱེན་ཏེ། ཀ་པཱ་ལི་སོར་བཞི་པ་གཅིག་ཏུ་ཆོས་ཀྱི་སྡོམ་འདུས་པ་བསྣམས་ནས་བྱོན་དུས། བོད་དུ་ཕྱགས་ཕེབས་བསུ་བ་ཆེན་པོ་མཛད། ཕྱི་ནང་གི་ཆོས་མང་པོ་བསྒྱུར་ཞིང་གསུངས། ཁྱད་པར་དུ་རྒྱལ་པོ་ཡབ་སྲས་དང༌། ཉང་ལ་ཐིག་ལེ་སྐོར་གསུམ་རྣམས་གསུངས་ཏེ། ཐུགས་ཚིམས་པར་མཛད་ནས། བི་མ་ལ་རྒྱ་ནག་རི་བོ་རྩེ་ལྔར་གཤེགས། དེ་ནས་ཉང་ཏིང་འཛིན་བཟང་པོས་དབུ་རུ་གཞོའི་བྲག་དཀར་པོ་ལ་བྱོན་ནས་བཞུགས་དུས། རྡོ་རྗེ་ལེགས་པས་ཁམས་གསུམ་སེར་བ་ཕབ་ནས་གྲོ་ཁལ་ལྔ་བརྒྱ་ཙམ་ཡོད་པ་ལ་ཁྲལ་ཕབ་སྟེ། ཞ་པདྨ་དབང་ཆེན་གྱི་གཙུག་ལག་བཞེངས་ནས། ཐིག་ལེ་སྐཽར་རྣམས་དཔེ་བརྒྱུད་དང་སྙན་བརྒྱུད་གཉིས་སུ་ཕྱེས་ཏེ། དཔེ་བརྒྱུད་རྣམས་གཏེར་དུ་སྦས། སྙན་བརྒྱུད་འདི་ཀའི་སྲོལ་མི་ཉམས་པར་བྱ་བའི་ཆེད་དུ། འཕན་ཡུལ་བ་སྦས་བློ་གྲོས་དབང་ཕྱུག་སྐལ་ལྡན་དུ་གཟིགས་ནས་གནང་སྟེ་ཆིག་བརྒྱུད་ལས་སྤེལ་དུ་མེད་པས། སྣོད་ལྡན་གཅིག་ལ་གཏོད་ཅིག་གསུངས་ནས་བཀའ་རྒྱ་དང་བཅས་པ་མཛད་དོ། ། དེས་འབྲོམ་སྟོན་རིན་ཆེན་འབར་བ་གདམས་པའི་སྣོད་ལྡན་དུ་གཟིགས་ནས་བཀའ་རྒྱ་བཅས་པ་གནང་ངོ༌། །དེས་ལྡང་མ་ལྷུན་གྱིས་རྒྱལ་མཚན་བཀའི་བདག་པོར་གཟིགས་ནས་གནང་ངོ༌། །ལྡང་མ་ལ་དམ་ཅན་གྱིས་ལུང་བསྟན་ནས་གཏེར་དཔེ་རྣམས་ཕྱུང་སྟེ་ལོ་སྐོར་གཅིག་གསང་བའི་འོག་ཏུ་གདམས་པ་བཞག་པའི་སྣོད་འཚོལ་དུ་བྱོན་པ་དང༌། ཉང་རེའི་ལྕེ་ཐུབ་པའི་དབང་པོ་དང་ཁྱུང་མོ་བཟའ་ལེགས་མའི་བུ་ལྕེ་བཙུན་སེང་གེ་དབང་ཕྱུག་དད་པ་སྐྱེས་ནས་ཆོས་འཚོལ་དུ་བྱོན་པ་གཉིས། རི་གཟར་རྒོད་པོ་ལུང་དུ་མཇལ་ཏེ། ལས་ཅན་དུ་གཟིགས་ནས་སྙན་བརྒྱུད་རིགས་མི་འདྲ་བ་བདུན་གནང༌། ལྕེ་བཙུན་གྱི་ཤོང་པ་རས་པ་ལས་ཅན་དུ་གཟིགས་ནས་གསུངས། དེས་ཟབ་སྟོན་ཆོས་འབར་སྐལ་ལྡན་དུ་གཟིགས་ནས་གསུངས། དེས་དམ་པ་དགྱེར་སྟོན་གདམས་པའི་བདག་པོར་མཁྱེན་ནས་གསུངས། དེས་སྐྱེ་མེད་ཇོ་སྐྱབས་ལ་གསུངས། དེས་དགྱེར་སྟོང་ཇོ་མེས་ལ་གསུངས། དེ་ཡབ་སྲས་གཉིས་ཀ་ལས་གཉེན་སྟོན་ཤེས་རབ་རྩེ་མོས་གསན་པས་ཉེ་བརྒྱུད་ལས། དགྱེར་གྱི་གཉེན་ལ་གནང་བར་བྱེད། རིང་བརྒྱུད་ལ་སོ་སོར་བྱེད་དོ། །གཉེན་སྟོན་དབུས་སུ་བྱོན་པ་དང༌། རིན་པོ་ཆེ་ཡོན་ཏན་སྒང་པ་མཇལ་ནས་ལས་ཅན་དུ་གཟིགས་ཏེ། གདམས་པ་ཐམས་ཅད་གནང༌། ཡར་བཞུད་དུས་དཔེ་རྣམས་བཞག་ནས་ངའི་གདམས་པ་མ་ལུས་པ་ཁྱོད་ཀྱིས་ཤེས་པར་ཡོད་པས། ད་འགྲོ་དོན་གྱིས་ཤིགས་གསུངས་ནས་བཀའ་རྒྱ་བཀྲོལ། བརྒྱུད་པ་གཏད་དེ་སངས་རྒྱས་ལགས་བཅངས་སུ་གྲགས་སོ། །རིན་པོ་ཆེ་པས་བླ་མ་ནམ་མཁའ་རྡོ་རྗེ་ལས་ཅན་ཡིན་གསུངས་ནས་རྫོགས་པར་གནང་ངོ༌། །དེ་ལ་བླ་མ་དམ་པ་ཀུ་མ་རཱ་ཛས་ཞུས་ཏེ་ངོ་སྤྲོད་རྒྱབ་ཆོས་དང་བཅས་པ་གཞུག་ཆོད་པར་མཛད། རིན་པོ་ཆེའི་གཅུང་པོ་དགེ་སློང་ལ་རིན་པོ་ཆེའི་ཞལ་ནས་སྙན་བརྒྱུད་ཀྱི་བཀའ་འདི་ཀུ་མ་རཱ་ཛ་ལ་གཏོད་ཅིག་གསུངས་པ་ཡིན་གསུངས་ནས་གདམས་གཞུག་ཆོད་པར་གནང༌། ཡང་རིན་པོ་ཆེ་ཡོན་ཏན་སྒང་པས་བླ་མ་རྩེ་ཞིང་ལ། དེ་ལ་བླ་མ་རིན་པོ་ཆེས་ཞུས། ཡོན་ཏན་སྒང་པས་སྟོན་པ་རིན་ཆེན་སེང་གེ །དེས་སྐལ་ལྡན་ཆོས་ཀྱི་ཤེས་རབ། དེས་བླ་མ་ཀུ་མ་རཱ་ཛ། ཡང་གཙང་ཉང་སྟོད་མགར་གྱི་ཉི་མ་ལུང་དུ། གྲུབ་ཐོབ་ཆེན་པོ་ནས་བརྒྱུད་པའི་སློབ་དཔོན་ཡེ་ཤེས་མགོན་ལ་བླ་མ་དམ་པས་ཞུས་ཏེ། དཀའ་བ་དུ་མ་སྤྱད་ནས་གདམས་པའི་ཆུ་བོ་རྫོགས་པར་མཛད་དོ། །རིག་འཛིན་ཆེན་པོ་ཀུ་མ་རཱ་ཛས། བདག་ལ་གཏད་དེ་ཁྱོད་ཀྱིས་སེམས་ཅན་ལ་ཕན་ཐོགས་པར་འོང་གསུངས་ནས། མཉེས་ཚོར་ཆེན་པོ་ཡང་མཛད་དོ། །གང་ཟག་སྙན་ཁུང་དུ་བརྒྱུད་པའོ། །དེ་ལྟར་ཐོག་མའི་མགོན་པོ་ནས། རྣལ་འབྱོར་པ་བདག་ཡན་ཆད་ལ་དམ་ཚིག་ལ་སེལ་མེད། གདམས་པ་ལ་བསླད་མེད། ཉམས་ལེན་ལ་འགལ་འཁྲུལ་མེད། གཞན་དོན་བར་མ་ཆད། གྲོལ་ཚད་རྒྱ་མ་ཆད། བྱིན་རླབས་ཟམ་མ་ཆད་པས་བརྒྱུད་པ་གཞན་ལས་ཁྱད་པར་དུ་འཕགས་པ་ཡིན་ནོ། །གཉིས་པ་ཇི་ལྟར་གདམས་ཚུལ་གནད་ཀྱི་མན་ངག་ལ་གསུམ་སྟེ། གང་གིས་གདམས་པ་སློབ་དཔོན་གྱི་མཚན་ཉིད་ནི། ཕྱི་ཐོས་བསམ་གྱིས་ཤེས་རྒྱུད་གྲོལ་བ། ནང་ཉམས་ལེན་གྱིས་ཡོན་ཏན་རྫོགས་པ། གསང་བ་ཟུང་འཇུག་གིས་གཞན་དོན་སྤྱོད་པའོ། །གང་ལ་གདམས་པ་སློབ་མའི་མཚན་ཉིད་ནི། ཕྱི་དད་བརྩོན་དང་ཤེས་རབ་ཆེ་བ། ནང་མོས་གུས་དང་གཏོང་ཕོད་ཆེ་བ། གསང་བ་ཞི་དུལ་དང་སྙིང་རྗེ་ཆེ་བ། གང་ལྟར་གདམས་པ་གནད་ཀྱི་མན་ངག་ནི། ཕྱི་རྒྱུད་ལུང་མན་ངག་གི་གདམས་པ་སྣོད་མེད་ལ་མི་བཤད། ནང་སྙན་བརྒྱུད་ངོ་སྤྲོད་ཀྱི་གདམས་ངག་ཡི་གེའི་རིས་སུ་མི་གདབ། གསང་བ་ཐུགས་བརྒྱུད་མན་ངག་གིས་གདམས་པ་ཁ་འབྱམས་སུ་མི་བཤད་དོ། །གསུམ་པ་རྟོགས་ཤིང་གྲོལ་བ་ངོ་སྤྲོད་ཀྱི་གདམས་པ་ལ་ལྔ་སྟེ། གཞི་ལམ་འབྲས་གསུམ་གྱིས་གཏན་ལ་དབབ། སྒྲོན་མ་དྲུག་གིས་གནད་བཅིངས། རང་བྱུང་ཡེ་ཤེས་སུ་འགགས་བསྡམ། ཐེམས་ཡིག་ལྔས་གཟེར་གདབ། གཙིགས་ཆེ་བས་བཀའ་རྒྱས་གདབ་པའོ། །དང་པོ་ལ་གསུམ་སྟེ། གཞི་རང་ལུགས་སུ་བཤད་པ། ལམ་དམར་ཁྲིད་དུ་བཤད་པ། འབྲས་བུ་གྲོལ་ཚུལ་དུ་བཤད་པའོ། །དང་པོ་ལ་གསུམ་སྟེ། ཐོག་མའི་སྤྱི་གཞི། ཀུན་ཏུ་བཟང་པོའི་གྲོལ་གཞི། མ་རིག་སེམས་ཅན་གྱི་འཁྲུལ་གཞི་བསྟན་པའོ། །དང་པོ་ནི་རྟོགས་ཏེ་སངས་རྒྱས་སུ་མ་ཤར་མ་རྟོགས་སེམས་ཅན་དུ་མ་བྱུང་བའི་སྔོན་རོལ་ན། ཡུལ་ཆོས་ཀྱི་དབྱིངས་སྟོང་པ་གོ་འབྱེད་པ་ནམ་མཁའ་དངས་པའི་དཀྱིལ་ལྟ་བུ། དངས་ལ་མི་གཡོ་བ་རྒྱ་མཚོའི་གཏིང་ལྟ་བུ། གསལ་ལ་གོ་མ་འགགས་པ། མེ་ལོང་གཡའ་དག་པའི་ངོས་ལྟ་བུ། ཆོས་ཉིད་ཀྱི་ཀློང་ན་སྙིང་པོ་གཞི་འཛིན་པའི་རིག་པ་ངོ་བོར་རང་བཞིན་ཐུགས་རྗེ་གསུམ་དུ་གནས་སོ། །དེ་ཡང་འཁོར་བར་མ་ཆད་ལ། འཁོར་བར་འཆར་བའི་གོ་མ་འགགས་པ་ག་པུར་ལྟ་བུ། མྱང་འདས་སུ་མ་ཆད་ལ། མྱང་འདས་སུ་འཆར་བའི་གོ་མ་འགས་པ་ག་པུར་ལྟ་བུ། ངོ་བོ་གང་དུ་མ་ཆད་ཀྱང་རྐྱེན་གྱིས་ཐ་དད་དུ་འགྱུར་བ། གཞི་ལ་སྐྱོན་ཡོད་མེད་ལ། འཆར་གཞི་ཙམ་དུ་གང་འདོད་དུ་འབྱུང་བས་ཡིད་བཞིན་གྱི་ནོར་བུ་ལྟར་ཀུན་གྱི་འབྱུང་གནས་ཆེན་པོར་གནས་ཏེ། ཀུན་གསལ་ལས། མ་བྱུང་མ་སྐྱེས་སྔོན་རོལ་ན། །ཐོག་མའི་མགོན་པོ་འོད་མི་འགྱུར། །ཀུན་གྱི་འབྱུང་གནས་ཆེན་པོར་གནས། །ནམ་མཁའ་རྒྱ་མཚོ་རིན་ཆེན་ག་པུར་བཞིན། །ཞེས་པ་དང༌། མ་བྱུང་མ་སྐྱེས་སྔོན་རོལ་ན། །རྟོགས་ཏེ་སངས་རྒྱས་མ་བྱུང་ལ། །མ་རྟོགས་སེམས་ཅན་མ་བྱུང་ལ། །གཉིས་ཀར་མི་གནས་སྔོན་རོལ་ན། །ཐོག་མའི་མགོན་པོ་འོད་མི་འགྱུར། །རང་བཞིན་ལྷུན་གྲུབ་སངས་རྒྱས་ཏེ། །ཆད་པ་མ་ཡིན་འོད་གསལ་སྐུ། །རྟག་པ་མ་ཡིན་དངོས་པོ་མེད། །ནམ་མཁའ་འཇའ་ཚོན་ཚུལ་དུ་གནས། །ཀུན་གྱི་འབྱུང་གནས་ཆེན་པོར་གནས། །ཀུན་གྱི་དངོས་གཞིར་གྱུར་པ་ལ། །རྒྱ་ཆད་ཕྱོགས་ལྷུངས་ཀུན་དང་བྲལ། །དབྱེར་མེད་ལྷུན་གྱིས་གྲུབ་པར་གནས། །ཞེས་སོ། །དེ་ཡང་རིག་པ་རང་བྱུང་གི་ཡེ་ཤེས་འདིའི་ངོ་བོ་ནི། ཡེ་ནས་ལྷུན་གྱིས་གྲུབ་པས་ནོར་བུ་ལྟ་བུ། འཁོར་འདས་གང་རུང་དུ་མ་ཆད་ལ། རྟོགས་མ་རྟོགས་ཀྱི་རྐྱེན་གྱིས། འཁོར་འདས་སུ་འཆར་བའི་གོ་མ་འགགས་པར་ག་པུར་ལྟ་བུ་དེ་ངོ་བོ་ཕན་གནོད་གང་དུའང་ཆད་པ་མེད་ལ། ཚད་པ་དང་གྲང་བའི་ནད་སོ་སོའི་རྐྱེན་གྱིས། ཕན་གནོད་ཀྱི་རྣམ་པར་འཆར་བའི་གོ་མ་འགགས་པ་ལྟ་བུ། གང་དུའང་མ་གྲུབ་པའི་རིག་པ་ཉིད། རྐྱེན་གྱིས་གང་ལྟར་ཡང་འཆར་བའི་གཞི་བྱས་དུས། དོན་ལ་བཟང་ངན་འཕོ་འགྱུར་མེད་པ་ལ་གཞིའི་གནས་ལུགས་ཞེས་བྱ་སྟེ། ངོ་མཚར་བའི་དོན་ནོ། །ཀུན་ཏུ་བཟང་པོའི་གྲོལ་གཞི་ནི། གཞི་རང་ཐོག་ནས་རང་ངོ་ཤེས་པས་སངས་རྒྱས་ཏེ། དཔལ་ཀུན་ཏུ་བཟང་པོ་ལ་རང་བྱུང་གི་ཆོས་གསུམ་ཡོད་པ་ནི། ལུང་ལས་མ་བྱུང་བའི་མན་ངག་ངང་ལས་ཤར་ཏེ་སངས་རྒྱས། ལུང་སྟོན་པའི་བླ་ན་མེད་པར་རང་རིག་གོ །སེམས་ལས་མ་བྱུང་བའི་སངས་རྒྱས་རང་གིས་རིག་སྟེ་སངས་རྒྱས། ལུས་ངག་སེམས་མེད་པའི་གཞི་རང་གིས་རིག་གོ །རྒྱུ་ལས་མ་བྱུང་བའི་འབྲས་བུ་རང་ལ་གྲུབ་པས་སངས་རྒྱས། གཞི་སྐུ་གསུམ་དུ་རྐྱེན་མེད་པར་རང་གིས་རིག་པའོ། །དེའང་གཞི་གནས་ཀྱི་ཡེ་ཤེས་གསུམ་པོ་དེ་རང་རིག་པའི་ཤེས་རབ་ཀྱི་ནུས་པས་འབྲས་བུ་སྐུ་གསུམ་དུ་རང་འཁྲུངས་པ་ཡིན་ནོ། ། ཡང་ཀུན་ཏུ་བཟང་པོ་ལ་གྲོལ་གཞི་གསུམ་ཡོད་དོ། །ཡུལ་གྱི་གྲོལ་གཞི་རང་སྣང་གིས་རང་ངོ་ཤེས། སྐུ་ཡི་གྲོལ་གཞི་རང་སྣང་གཟུགས་སྐུ་རང་ངོ་ཤེས། ཐུགས་ཀྱི་གྲོལ་གཞིར་མཁྱེན་པའི་ཡེ་ཤེས་ཤར་ནས་རང་གྲོལ་ཏེ། ཀུན་གསལ་ལས། རང་བྱུང་དཀྱིལ་འཁོར་རང་སྣང་ལ། །རང་ངོ་ཤེས་པ་ལྷན་ཅིག་པས། །ལྷན་ཅིག་སྐྱེས་པའི་ཡེ་ཤེས་ཤར། །ང་ནི་ཆོས་སྐུ་དྲི་མེད་པས། །ཐམས་ཅད་མཁྱེན་པའི་ཡེ་ཤེས་ཤར། །ཆོས་སྐུ་རང་རིག་རང་ཤར་ཤེས། ཞེས་སོ། ། དེ་ཡང་རང་བཞིན་ལྷུན་གྱིས་གྲུབ་པའི་སངས་རྒྱས་ངོ་བོ་ཉིད་ཀྱི་སྐུ་དེ་རང་མལ་ལས་མ་གཡོས་པར་རང་གིས་རིག་ཅིང་རྟོགས་པས། ཀུན་ཏུ་བཟང་པོ་ཆོས་ཀྱི་སྐུའི་སངས་རྒྱས་གཞི་ཐོག་ནས་བྱང་ཆུབ་པ་ཡིན་ནོ། །མ་རིག་པ་སེམས་ཅན་གྱི་འཁྲུལ་གཞི་ནི། གཞི་སྣང་རང་ངོ་མ་ཤེས་པས་འཁྲུལ་ཏེ། དེ་ཡང་ཡུལ་གྱི་འཁྲུལ་གཞི་འོད་གསལ་རང་སྣང་གི་གནས་ངོ་མ་ཤེས་པས་འཁྲུལ། ལུས་ཀྱི་འཁྲུལ་གཞི་འོད་ལྔ་གཟུགས་སྐུ་རང་ལུས་སུ་ངོ་མ་ཤེས་པས་འཁྲུལ། སེམས་ཀྱི་འཁྲུལ་གཞི་རིགས་པ་རང་ངོ་མ་ཤེས་པས་འཁྲུལ་ལོ། །ཀུན་གསལ་ལས། ཆོས་ཉིད་ཡུལ་གྱི་འཁྲུལ་གཞིར་འཐད། །ཅིའི་ཕྱིར་རིགས་མེད་བེམས་པོར་གནས། །རིགས་པ་སེམས་ཀྱི་འཁྲུལ་གཞིར་འཐད། །ཅིའི་ཕྱིར་རིག་ཙམ་ཕྱོགས་མཐུན་ཕྱིར། །འོད་ལྔ་ལུས་ཀྱི་འཁྲུལ་གཞིར་འཐད། ཁ་དོག་དབྱིངས་སུ་ཕྱོགས་མཐུན་ཕྱིན། །ཡེ་གཡོས་སེམས་སུ་འཁྲུལ་པ་སྟེ། །བྱེད་པ་པོ་ནི་ང་བདག་ཡིན། །གཟུང་འཛིན་སྐྱེས་པའི་དུས་ན་འཁྲུལ། །དུས་ནི་རྣམ་པ་གཉིས་སུ་རྟོགས། །འབྲས་བུ་འོད་གསལ་ལྷ་ལས་ནི། །སྣོད་བཅུད་སྲིད་པ་རིམ་གྱིས་ཆགས། ཞེས་སོ། །གཞི་བསྐལ་པ་དང་པོ་ལས། གཞིར་སྣང་བར་ཀྱི་བསྐལ་བ་ཤར་དུས། རང་ངོ་མ་ཤེས་པས་འཁྲུལ་སྣང་བསྐལ་པ་ཕྱི་མར་ཁ་བརྒྱུད་དེ། ཁམས་གསུམ་རིགས་དྲུག་གི་སྣོད་བཅུད་དུ་ཆགས་པ་ལས། སྣོད་ཀྱི་རིམ་པ་ནི་དེ་ཉིད་ལས། དེ་དུས་གཟུང་འཛིན་རྣམ་རྟོག་གིས། །རང་བཞིན་འོད་ལྔ་གསལ་མི་ནུས། »།«གཟུགས་སོགས་ལྔ་ལ་བག་ཆགས་པས། །མཚོ་དར་ཞོ་ལ་སྤྲིས་ཆགས་ལྟར། །གླིང་བཞི་རི་རབ་གླིང་ཕྲན་སྣང༌། །བཅུད་ལས་སྲིད་པའི་སྒོ་ང་དང༌། »།«ནགས་ཚལ་སྨན་དང་མེ་ཏོག་འཁྲུངས། །རླན་དང་དྲོད་ལས་སྐྱེས་པ་ཡིན། །དེ་ལྟར་བར་གྱི་བསྐལ་པ་ལས། »།«སྣོད་ཀྱི་འཇིག་རྟེན་ལོགས་སུ་ བསྐལ། །ཞེས་སོ། །བཅུད་ནི་ཡང་དེ་ལས། ནམ་མཁའ་སྟོང་པར་ཀླུང་རྒྱུ་བཞིན། །ཡིད་ནི་རླུང་ཆེན་ཀུན་ཏུ་རྒྱུ། །སྤྱན་གྱི་སྦྱོར་བས་སྒོ་ང་མཐོང༌། ། ཐུགས་ཀྱི་སྦྱོར་བས་མཛེས་པར་མཁྱེན། །ཞལ་གྱི་སྦྱོར་བས་ཆགས་སེམས་སྐྱེས། །རིག་པ་ཡིད་དང་བཅས་པ་ཞུགས། །སེམས་ཅན་ཕོ་མོ་སོ་སོར་སྨིན། ། སྐྱེ་བ་བཞི་ལས་སྒོང་སྐྱེས་ཡིན། །དེ་ནས་མངལ་ནས་སྐྱེ་བ་བྱུང༌། །མི་མཇེད་འཇིག་རྟེན་རིམ་པར་ཆགས། །ཉོན་མོངས་རགས་ཤིང་འབྲས་བུ་ངན། །དེ་ནས་མནར་མེད་གནས་ལ་ཐུག །ཅེས་གསུངས་སོ། །གཉིས་པ་ལམ་དམར་ཁྲིད་དུ་བཤད་པ་ལ་གསུམ་ལས། བག་ཆགས་ལུས་ཀྱི་གྲུབ་ཚུལ། སེམས་དང་ཡེ་ཤེས་ཀྱི་གནས་ཚུལ། གདམས་པ་ངོ་སྤྲོད་ཀྱི་མཚོན་ཚུལ་ལོ། །དང་པོ་ནི། ཀུན་གསལ་ལས། དང་པོ་ལུས་ཆགས་མིག་ནས་བཟུང༌། །དེ་ནས་ལུས་བྱིང་བསྐྱེད་པ་སྟེ། །མིག་གཉིས་རྩ་གཉིས་ཤར་བ་ ལས། །དེ་ནས་རྩ་ཡི་མདུད་པར་གྱུར། །དེ་ནས་ལུས་བྱིང་བསྐྱེད་པ་ཡིན། །རྩ་ཡི་ཡན་ལག་རྣམས་ཤར་རོ། །དེ་ཡི་དུས་སུ་ཙིཏྟ་དང༌། །གློ་བ་ལ་སོགས་ནང་ཁྲོལ་རྣམས། །དོན་སྙིང་ལ་སོགས་སོ་སོར་གྲུབ། །སྡུད་བྱེད་ལུས་ཀྱི་ཆགས་ལུགས་ཡིན། །ཞེས་པས། ལུས་ཆགས་པ། བསྐྱེད་པ། གནས་པ་གསུམ་ལས། དང་པོ་ནི་ཕ་མའི་ཐིག་ལེ་དཀར་དམར་གཉིས། དྲི་ཟ་ཉེ་བར་འཁོར་བའི་སེམས་ཅན་གྱི་རླུང་སེམས་གཉིས་ཏེ་བཞི་འདྲེས་པ་ལས། ཞག་བདུན་ཚན་དང་པོ་ལ་མེར་མེར་པོ་ཉུང་འབྲུའི་སུམ་ཆ་ཙམ་གྱི་དབུས་སུ་རྩ་མདུད་གྲུ་གསུམ་དེའི་དབུས་སུ་མིག་གཉིས་ཆགས་སོ། །བདུན་ཚན་གཉིས་པ་ལ་ནུར་ནུར་པོ་ལས་ཤར་གྱི་རྩའི་ནང་དུ་ཁྲག་གི་དངས་མ་རྟ་རྔ་བརྒྱར་གཤགས་པ་ཙམ་གཅིག་ཆགས་སོ། །བདུན་ཚན་གསུམ་པ་ལ་ཏར་ཏར་པོ་ལས་ལྷོའི་རྩའི་ནང་དུ་ཤའི་དངས་མ་ཆགས་སོ། བདུན་ཚན་བཞི་པ་ལ་གོར་གོར་པོ་ལས་ནུབ་རྩའི་ནང་དུ་དྲོད་ཀྱི་དངས་མ་ཆགས་སོ། །བྱང་ཤར་དབུགས་ཀྱི་དངས་མ་ཆགས་སོ།།བདུན་ཚན་ལྔ་པ་ལ་འཁྲང་འགྱུར་ཏེ་རྩ་གསུམ་འཁོར་ལོ་བཞི་ཆགས་སོ།།བདུན་ཚན་དྲུག་པ་ལ་ཁྱབ་འཇུག་ཉ་ལྟ་བུ་མའི་ཆག་གང་པར་ཆགས་སོ།།བདུན་ཚན་བདུན་པ་ལ་རུ«ས«་སྦལ་གྱི་རྣམ་པའི་མཁྱིད་གང་བ་ཡན་ལག་དོད་པ་ཙམ་དུ་ཆགས་སོ། །བདུན་ཚན་བརྒྱད་པ་ལ་ཁྱབ་འཇུག་སྦལ་པའི་རྣམ་པ་འདྲ་བ་མའི་མཐོ་གང་པ་དབང་པོ་དང་ཡན་ལག་རྫོགས་པར་ཆགས་སོ།།ལུས་བསྐྱེད་པ་ནི། རླུང་དབུ་མར་ཚུད་མས་ཟས་ཟོས་པའི་དངས་མས་གཟུགས་སུ་སྨིན་ཅིང་བསྐྱེད་དེ། ཟླ་བ་དགུ་ངོ་དང་བཅུར་ཁྱད་པར་དུ་ལུས་རྫོགས་པ་ཡིན། ཀུན་གསལ་ལས། ལུས་བསྐྱེད་བཅུད་ཀྱི་ཆགས་ལུགས་ནི། །» «མ་བུ་ལྟེ་བ་གཉིས་འབྲེལ་ཏེ། །ལྟེ་བའི་གནས་ནས་སྐྱེད་པར་བྱེད། །དེ་ཡི་སྟོབས་དང་གཟི་མདངས་བསྐྱེད། །ཅེས་སོ། །དེ་ནས་མངལ་སྐྱེས་ནས་ལུས་གནས་པ་ནི། རྩ་རླུང་ཐིག་ལེ་གསུམ་གྱི་འཕེལ་གནས་འགྲིབ་གསུམ་གྱིས་བྱེད་དེ། རྩ་ལུས་ཀྱི་རྟེན་དེ་ལ་ཐིག་ལེ་དང་རླུང་བརྟེན་ནོ། །རྩ་ལ་གཙོ་བོ་གསུམ། འཁོར་ལོ་བཞི། རྩ་བྲན་བྱེ་བ་གཅིག་གནས་ཏེ། དེ་ཉིད་ལས། ལུས་ཀྱི་རྒྱབ་མདུན་རྩ་ཡི་འཁོར་ལོ་བཞི། །འཁོར་ལོ་དྲྭ་བ་བཞིན་དུ་མང་འབྲེལ་ཡང༌།།མཆོག་ཏུ་དྲང་བ་ཀ་བའི་ཚུལ། །སྐུ་གསུམ་བསྐྱེད་པའི་ཡེ་ཤེས་རྩ་གསུམ་གནས། །ཞེས་སོ། །རྩ་འདབ་ལ་ལྟེ་བ་ན་དྲུག་ཅུ་རྩ་བཞི། སྙིང་ག་ན་བརྒྱད། མགྲིན་པ་ན་བཅུ་དྲུག» «།སྤྱི་བོ་ན་སུམ་ཅུ་རྩ་གཉིས་སོ། །དེ་དག་ལས་གྱེས་པ་ཕྲ་མོ་དཔག་ཏུ་མེད་དོ། །རླུང་ལ་རྩ་ལ་རྒྱུ་བ་ཆེ་ཆུང་གཉིས་སོ། །ལས་བྱེད་པའི་རླུང་ནི་ལྔ་སྟེ། འདེགས་བྱེད་ཀྱི་རང་ཚིགས་བཞི་ལ་གནས་པས། ཤ་དང་རུས་པའི་སྟོབས་བསྐྱེད། བཀྲག་དང་གཟི་མདངས་བསྐྱེད་པའི་རླུང་སྨིན་ཕྲག་ན་གནས་པས་ཁྲག་དང་ཆུ་སེར་ཀྱི་སྟོབས་བསྐྱེད། མེ་མཉམ་གྱི་རླུང་ཕོ་བ་ན་གནས་པས་ཟས་འཇུ་བར་བྱེད། དངས་སྙིགས་འབྱེད་པའི་རླུང་སྟེང་འོག་གཉིས་ལ་གནས་པས་དངས་མ་ལུས་ལ་མགྲེམས། སྙིགས་མ་ཕྱིར་དོར་བར་བྱེད། སྙིང་རྗེ་མེད་པ་བསྐལ་པ་ལས་ཀྱི་རླུང་རིག་པ་དང་དབྱེར་མེད་པ་སྙིང་གར་གནས། འཁོར་བ་ཆོས་ཉིད་དུ་སྒྲོལ་པའི་ལས་བྱེད་དོ། །བྱང་ཆུབ་ཀྱི་སེམས་ནི་རྩའི་ནང་ནས་རྒྱུ་བ་ལས། དོན་དམ་ཐིག་ལེས་རྐྱང་མ། ཀུན་རྫོབ་ཐིག་ལེས་རོ་མ། རང་བཞིན་གྱི་ཐིག་ལེས་དབུ་མ་ནས་རྒྱུའོ། །བུད་མེད་རྣམས་ལ་དེ་གོ་ལོག་པའོ། །ཐིག་ལེ་དཀར་པོས་ཀླད་པ། རྐང་མར་དེས་རུས་པ། ཚིལ། ཆུ་རྒྱུས་བསྐྱེད་དོ། །དམར་པོས་ཤ། དེས་ཆུ་སེར། དེས་པགས་པ། དེས་སྐྲ་དང་བ་སྤུ་བསྐྱེད་དོ། །དེའི་གནད་ཀྱི་དངས་མ་རྒྱས་དུས་ལུས་མཛེས་ཤིང་སྐྲ་དཀར་དང་གཉེར་མ་མེད་ལ། རྒུད་དུས་འབྱུང་བའོ། །སེམས་དང་ཡེ་ཤེས་ཀྱི་གནས་ཚུལ་ལ། ཆོས་གཞན་ནས་ཕྱེ་བ་མེད་ཀྱང༌། འདིར་གདམས་ངག་གི་ཁྱད་པར་གྱིས་སེམས་དང་ཡེ་ཤེས་གཉིས་པོ་དེ། གནས་དང་ལམ་དང༌། སྒོ་དང༌། འབྲས་བུ་བཞིས་སོ་སོར་འབྱེད་པ་ལས། དང་པོ་ཡེ་ཤེས་ཀྱི་གནས། ཙིཏྟ་རིན་པོ་ཆེ་ན་དཀྱིལ་འཁོར་མུ་ཁྱུད་གསུམ་པ་ལ་ཞི་བ་དང༌། དེའི་གདངས་སུ་དུང་ཁང་ན་ཁྲོ་བོ་བཞུགས་ཏེ། མཚན་བརྗོད་ལས། འོད་བཟང་འབར་བ་དཔལ་བེའུ། །ཞེས་པ་དང༌། ཀུན་གསལ་ལས། ཙིཏྟ་རིན་ཆེན་གཞལ་ཡས་ན།།སྐུ་ནི་ཆ་ཕྲ་ཏིལ་འབྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །ཞེས་པ་དང༌། རིན་ཆེན་ཟུར་བརྒྱད་ཁང་པ་ན། །སྐུ་དང་ཡེ་ཤེས་མར་མེ་ལྟར། །» «ལོགས་ན་མི་གནས་ལྷུན་གྱིས་གྲུབ། ཅེས་སོ། དེའང་རིག་པ་ཡེ་ཤེས་ལྔའི་རང་གདངས་ཀྱི་ཀློང་ན་བཞུགས་པ་དཔེ་རྨ་བྱའི་སྒོ་ང་ལྟ་བུ་སྟེ། ངོ་བོ་སྟོང་པ་སྒོ་ངའི་དབྱིབས་«ཟླུམ་«ལ་ཟང་ཐལ་བ། རང་བཞིན་གསལ་བ་ནང་གི་ཆུ་རིས་འོད་ལྔར་འཁྱིལ་བ། ཐུགས་རྗེ་རིག་པ་དབུས་ཀྱི་ཕྲུག་གུའི་ཤེས་པ་ལྟ་བུར་མཚོན་ཏེ། དུར་ཁྲོད་ཕུང་པོ་འབར་བ་ལས། ངོ་བོ་རང་བཞིན་ཐུགས་རྗེ་སྟེ། །དཔེར་ན་རྨ་བྱའི་སྒོ་ང་བཞིན། །དབྱིབས་སུ་གྲུབ་པ་ཆོས་སྐུ་སྟེ། །ཆུ་རིགས་འོད་ལྔར་འབར་བ་ཉིད། །ལོངས་སྐུ་མཚོན་པའི་དཔེ་རུ་བསྟན། །རྨ་བྱའི་ཕྲུག་གུར་བྱུང་བའི་ཚེ། །སྤྲུལ་པ་སྐུ་ཡི་དཔེ་རུ་བསྟན། །ཞེས་སོ། །ཡེ་ཤེས་ཀྱི་ལམ་ནི་སྙྀང་ནས་མིག་ཏུ་རྩ་དར་དཀར་གྱི་སྐུད་པ་ལྟ་བུ་ཁྲག་དང་ཆུ་སེར་མེད་པ་ལ་བརྒྱུད་དེ། ཀུན་གསལ་ལས། རིན་ཆེན་རྒྱ་མཚོར་འབྲེལ་བ་ནི། ། དཀར་འཇམ་ཁོག་པ་སྟོང་པའི་རྩ། །ཐིག་ལེ་ཁྲག་གིས་མ་གོས་པར། །ཡེ་ཤེས་ཆེན་པོ་ཀུན་ཏུ་རྒྱུ།།དེ་ནི་ཡེ་ཤེས་ལམ་དུ་བཤད། །ཅེས་སོ། །སྒོ་རྒྱང་ཞགས་ཆུའི་སྒྲོན་མ་ནས་ཕྱི་ནང་སྣོད་བཅུད་ཐམས་ཅད་རང་གདངས་འོད་དུ་གསལ་ལོ། །འབྲས་བུ་སྐུ་གསུམ་རང་ལ་ལྷུན་གྲུབ་ཏུ་རྫོགས་པའོ། །སེམས་ཀྱི་གནས་ནི་སྙིང་ནས་གློ་བར་རྩ་གྲོ་སོག་གི་སྦུ་གུ་ཙམ་གྱིས་འབྲེལ་པར་ཡེ་ཤེས་ཀྱི་རང་གདངས་རླུང་དང་འབྲེལ་ཡོད་པ་སྟེ་གློ་བའི་རྩའོ། །ལམ་ནི་གློ་བ་ནས་སྒོ་ལྔའི་དབང་ཤེས་འཆར་བའི་རྩ་འདབ་སོ་སོའོ། །སྒོ་ནི་ཁ་སྣ་དང་སྒོ་ལྔའི་འདོད་ཡོན་སྣང་བའི་དབང་རྟེན་དྭངས་མ་རྣམས་སོ། །བྱེད་ལས་གཟུང་འཛིན་ལས་དང་བག་ཆགས་གསོག་པར་བྱེད། འབྲས་བུ་འཁོར་བ་གྲུབ་པར་བྱེད་པའོ། །སེམས་ཀྱི་ངོ་བོ་ཡེ་ཤེས་ཀྱི་རང་གདངས་རླུང་དང་འབྲེལ་པས་རྣམ་རྟོག་ཡུལ་ལ་འཇུག་པ་ཡིན་» «ནོ། །ཡེ་ཤེས་ཀྱི་རང་གདངས་མི་འཕྱེ་བོ་མིག་ཅན་ལྟ་བུའོ། །རླུང་གི་རྒྱུ་བ་རྟ་ལོང་བ་རྐང་ཅན་ལྟ་བུས་ཁུར་བ་ལས། ཕྱི་ནང་ཚོགས་དྲུག་གི་ཡུལ་གྱི་ཤེས་པ་སེམས་བྱུང་གི་རྣམ་པར་བྱུང་སྟེ། རིག་པའི་རང་གདངས་ཡིན་པས། མི་བཀྲ་དགུ་བཀྲར་བྱུང༌། རླུང་གིས་བསྐྱོད་པས་མི་འགྱུ་དགུ་འགྱུ་བྱུང་བའོ། །ཀུན་གསལ་ལས། སེམས་དང་ཡེ་ཤེས་རྣམ་པ་གཉིས། །གཅིག་མིན་ཐ་དད་མ་ཡིན་ཏེ། །དབྱེ་ན་རབ་ཏུ་དཀའ་བའི་ཆོས། །སེམས་ནི་ཡེ་ཤེས་རྩལ་ཡིན་ཏེ།།སེམས་ཀྱི་གཞི་མ་ཡེ་ཤེས་ཡིན། །གཅིག་པ་དང་ནི་ཐ་དད་ལས། །གྲོལ་བའི་མ་གྲོལ་ཞེས་བྱའོ། །ཞེས་པ་དང༌། དུར་ཁྲོད་ཕུང་པོ་འབར་བ་ལས་ཀྱང༌། སེམས་ཀྱི་ངོ་བོ་ཡེ་ཤེས་ཏེ། དེ་ལས་གཟུང་འཛིན་རྩལ་དུ་ཤར། །དབུགས་ལ་རྟ་བྱས་རྐྱེན་དང་འཕྲད། །གཟུང་འཛིན་རྟོག་པ་ཆེས་སོང་ངོ༌། །གནས་ནི་རླུང་ཅན་གྲོང་ན་གནས། །ལམ་ནི་མགྲིན་པ་དག་ཏུ་རྒྱུ། །སྒོ་ནི་འདོད་པའི་སྒོ་ལྔར་ཤར། །རྐྱེན་ནི་རྟོག་པ་སྣ་ཚོགས་བསྐྱེད། །ལས་ནི་གཟུང་འཛིན་ངར་འཛིན་བྱེད། །ཅེས་པ་དང༌། དགའ་རབ་རྡོ་རྗེའི་གསེར་ཕྲེང་ལས། རིན་ཆེན་སྒྲོན་མར་འབྲེལ་ཏེ་དར་སྐུད་ཙམ་དེ་དཀར། །རིན་ཆེན་རླུང་ཅན་འབྲེལ་ཏེ་སོགས་སྦུག་ཙམ་དེ་དམར།།རླུང་ཅན་སྒོ་དང་འབྲེལ་ཏེ་ཉུག་ལྡོམ་ཙམ། ། ཞེས་སོ། །དེ་ཡང་སྙིང་ནས་མིག་ཏུ་འབྲེལ་བའི་རྩ་གཉིས་ལས་ལྷུན་གྲུབ་རང་བཞིན་གྱི་གདངས་ཡེ་ཤེས་འཆར། སྙིང་ནས་གློ་བར་འབྲེལ་བའི་རྩ་གཉིས་ལ་ཐུགས་རྗེའི་རང་གདངས་འཆར་བ་རླུང་དང་འབྲེལ་བས་སེམས་སུ་ཤར་བའོ། ། གདམས་པ་ངོ་སྤྲོད་ཀྱིས་མཚོན་ཚུལ་ལ་གསུམ་སྟེ། རྡེ་སྐོར་ས་ལ་བཀོད་པ། བརྡ་སྐོར་མཁའ་ལ་བསྟན་པ། དོན་སྐོར་རང་ལ་གནས་པའོ། །དང་པོ་ནི་གནས་ཀྱི་ཚོད་དང་སྦྱར་བའི་མཎྜལ་ལ་ཚངས་ཟུར་གྱི་ཐིག་གདབ། མུ་ཁྱུད་རིམ་པ་གསུམ་འོད་ལྔ་ལྡན་དུ་བཀོད་པའི་ལྟེ་བ་མཐིང་ཀ །མུ་ཁྱུད་ནང་དམར། པདྨ་བཅུ་གཉིས་ཤར་དཀར། ལྷོ་སེར། ནུབ་དམར། བྱང་ལྗང༌། མཚམས་བཞི་མཐིང༌། མུ་ཁྱུད་ཕྱི་མ་པདྨ་བཅུ་དྲུག་མཛེས་ཚོན་དུ་བྱས་པ་ལ། གཞིའི་རྡེའུ་ཉེར་བརྒྱད་བཀྲམ་པ་ནི། གཞི་རྫོགས་ཀྱི་ལྷའི་དག་པའོ། །བརྡ་སྐོར་མཁའ་ལ་བཀྲམ་པ་ནི། དེ་ཡང་བརྡ་མིག་ལ་བསྟན། ངག་རྣ་བར་བླུགས། ཞེས་པ་དང༌། སྡུད་པའི་རྒྱུད་ལས། འཁོར་གྱི་རིག་པ་འཛིན་པ་རྣམས། །ང་ཡི་རྗེས་སུ་འཇུག་རྣམས་ལ། །བརྡ་རྣམས་ཕྱོགས་མཐུན་དངོས་སྟོན་ལ། །ངག་གི་ངེས་དོན་གཏན་ལ་ཕབ། །ཅེས་པས། བླ་མའི་གཡོན་ངོས་སུ་སྟན་འཚམས་པའི་སྟེང་དུ་སློབ་མ་རེ་བཞག་ལ། མན་ཤེལ་བཟུང་སྟེ་འདི་སྐད་བརྗོད་དོ། །དཔལ་རྡོ་རྗེ་སེམས་དཔའི་ཞལ་ནས། ང་ལ་མ་དྲི་རྡོ་རྗེ་སེམས་དཔའི་མེ་ལོང་ལ་དྲིས་གསུངས་པ་དང༌། འཁོར་བ་དོང་སྤྲུག་གི་རྒྱུད་ལས། ཆོས་ལས་འདས་པའི་སྐུ་ངོ་མ་ཤེས་རང་གི་རིག་པ་ལྟོས་ཤིག» «།དེ་ཉིད་མཚོན་པའི་དཔེ་ངོ་མ་ཤེས་ན་རྡོ་རྗེ་སེམས་དཔའི་མེ་ལོང་ལ་ལྟོས་ཤིག» «།དེ་ཉིད་རང་ལ་གནས་པའི་རྟགས་ངོ་མ་ཤེས་ན། བྱང་ཆུབ་ཀྱི་སྒྲོན་མ་ལ་དྲིས་ཤིག» «།ཅེས་པ་དང༌། གཞི་སྦགས་ལས། དེ་ཡང་སྣང་བ་མཐའ་ཡས་ཐུགས་ཀ་ནས། རིན་པོ་ཆེ་ཤེལ་གྱི་མཆོད་རྟེན་ཁྲི་འཕང་ལྔ་པ། ཁྲི་འཕང་རེ་རེ་ལ་རིགས་ལྔ་འཁོར་དང་བཅས་པ་རྫོགས་པ། སངས་རྒྱས་དང་དབྱེར་མེད་པའི་སྐུ་གདུང་ཆེན་པོ་བབས་ཏེ། དེ་ནི་དངོས་སུ་ཕྱག་གཡོན་དུ་བབས་སོ། །དེ་ཡེ་ཤེས་ཀྱི་མེ་ལོང་དུ་གྱུར་ནས་མཐོང་བ་དང༌། རྟོགས་པ་དང་གྲོལ་བ་དུས་གཅིག་ལ་ཤར་ཏེ་ཤེས་བྱའི་མེ་ལོང་དུ་གྱུར་ཏོ། །ཞེས་གསུངས་སོ། །དེ་ནས་སློབ་མའི་མིག་གིས་རྡེ་སྐོར་ཤེལ་གྱི་ནམ་མཁར་བཏེག་ལ་དབང་པོའི་མངོན་སུམ་དུ་བཀྲ་ལམ་ཀྱིས་བསྟན་ནས། ཀྱཻ་སྐལ་ལྡན་རང་གི་སྙིང་གི་དཀྱིལ་ན། རིག་པ་རང་བྱུང་གི་ཡེ་ཤེས་ངོ་བོ་སྟོང་པ། རང་བཞིན་གསལ་བ། ཐུགས་རྗེས་གཉིས་སུ་མེད་པ་སྐུ་དང་ཡེ་ཤེས་ཀྱི་རང་གདངས་སུ་གསལ་བ་ལ། གཞི་རྫོགས་ཀྱི་དཀྱིལ་འཁོར་མུ་ཁྱུད་གསུམ་པ་སྐུ་གསུམ་ལྷུན་གྲུབ་ཆེན་པོར་གནས་པའི་བརྡ་མིག་གིས་མཐོང་བས། ངོ་ཤེས་ཤིང་རིག་པས་གོ་བས་ཐེ་ཚོམ་མེད་པར་ཐག་ཆོད་ཅིག» «།ཀུན་གསལ་ལས། སྐུ་གསུམ་རང་བྱུང་དཀྱིལ་འཁོར་ན། །དབུས་ན་སྐུ་གཉིས་འོད་དཔག་མེད། ། ཀུན་བཟང་ཡབ་ཡུམ་ཆོས་སྐུར་གནས། །བར་ན་འཇའ་ཚོན་འབར་བའི་སྐུ། ། རིགས་ལྔ་ཡབ་ཡུམ་ལོངས་སྐུར་གནས། །ཕྱི་རིམ་སྤྲུལ་པའི་འཁོར་ཡིན་ཏེ། ། སེམས་དཔའ་བཅུ་དྲུག་སྤྲུལ་སྐུར་གནས། །བཅུ་དྲུག་ཕྱེད་ཕྱེད་ཐིག་ལེ་ཙམ། ། ཡན་ལག་མེད་པ་རྩིས་ལས་འདས། །ཞེས་སོ། །དོན་སྐོར་རང་ལ་གནས་པས་ངོ་སྤྲད་པ་ལ་གསུམ་སྟེ། དཔེ། རྟགས། དོན་ངོ་སྤྲད་པའོ། །དཔེ་ལ་བཞི་སྟེ། ཆོས་སྐུ་མན་ཤེལ། ལོངས་སྐུ་འདྲ་ འབག» «།སྤྲུལ་སྐུ་འོད་ཁྱིམ། འདུ་འབྲལ་མེད་པ་ཉི་མའི་སྙིང་པོ་ལ་ངོ་སྤྲད་ པའོ། །དང་པོ་ནི་སྐྱེས་བུ་ལས་དག་པའི་སྤྱན་གཡོན་མའི་སྟེང་དུ། རྡོ་རྗེ་སེམས་དཔའི་མེ་ལོང་བསྟན་ལ། ཀྱཻ་སྐལ་བར་ལྡན་པའི་སྐྱེས་བུ་ཀུན། །སྣོད་ལྡན་ཐུགས་ཀྱི་མེ་ལོང་འདི། །ཆོས་སྐུ་དངོས་ནི་མ་ཡིན་ཏེ། །དཔེ་ནི་འདི་འདྲར་ཤེས་པར་བྱ། །དཔེ་འདི་ལ་ཕྱི་ནང་མེད་པ་ལྟར། ཆོས་སྐུ་ལ་ཕྱི་ནང་མེད་པ་ཤེས་པར་གྱིས་ཤིག །དཔེ་འདི་ལ་མདུན་རྒྱབ་མེད་པ་ལྟར། ཆོས་སྐུ་ལ་མདུན་རྒྱབ་མེད་པར་ངོ་ཤེས་པར་གྱིས་ཤིག །དཔེ་འདི་ལ་ཟང་ཐལ་ལྟར། ཆོས་སྐུ་དྲི་མེད་ཟང་ཐལ་དུ་ཤེས་པར་གྱིས་ཤིག །འདི་ལ་ནང་མེད་པས་ན་རྐྱེན་མེད་པའི་འོད་ལྔ་གསལ་བ་ལྟར། །ཆོས་སྐུ་ཟང་ཐལ་གྱི་ནང་ན། གཟུགས་སྐུ་ནང་གསལ་ལྷུན་གྲུབ་ཡེ་ཤེས་ཀྱི་སྙིང་པོ་ཅན་དུ་ཤེས་པར་གྱིས་ཤིག» «།ནང་མེད་པའི་ནང་ནས་འོད་ལྔ་ཕྱིར་འཆར་ནུས་པ་ལྟར། ཆོས་སྐུ་ལས་གཟུགས་སྐུ་གཉིས་གདུལ་བྱ་ལ་སྣང་ནུས་པར་ཤེས་པར་གྱིས་ཤིག» «།ཅེས་གསུངས་པས། རང་རིག་པའི་ཡེ་ཤེས་ཆོས་སྐུར་ངོ་སྤྲད་དེ། ཞལ་ཆེམས་ལས། མན་ཤེལ་ལྟ་བུའི་དཔེ་བསྟན་ཚེ། །མཐོང་བ་དེ་ཉིད་དོན་ཞེས་བྱ། །ཞེས་སོ། །གཉིས་པ་ནི་རང་སྣང་ལོངས་སྐུ་གཞོན་ནུ་བུམ་པ་སྐུའི་འཆར་ཚུལ་ངོ་ཤེས་པར་བྱེད་པ་སྟེ། བླ་མའི་སྐུ་ལ་རུས་རྒྱན་གསོལ། །སློབ་མའི་སྤྱན་གཡས་ཀྱི་སྟེང་དུ་མེ་ལོང་བསྟན་པ་བཏེག་ལ། ཀྱཻ་སྐལ་ལྡན། ཡེ་ཤེས་སྐུ་དེ་རང་བྱུང་བ། །སྟོང་པ་ཟང་ཐལ་ནམ་མཁའི་སྐུ། །སྐྱེ་ཤི་འཕོ་འགྱུར་མེད་པའི་སྐུ། །ཞེས་གསུངས་པ་ཉིད་ངོ་སྤྲད་ན། བཤད་རྒྱུད་ལས། འདྲ་འབག་མེ་ལོང་བསྟན་པའི་ཚེ། །མེ་ལོང་དག་ཅིང་གསལ་བ་ལྟར། །ཆོས་ཉིད་དག་ཅིང་གསལ་བ་འོ། །མེ་ལོང་གི་ནང་ན་གཟུགས་བརྙན་སྣང་ལ་རང་བཞིན་མེད་པ་ལྟར། ཆོས་ཉིད་སྟོང་པའི་ཀློང་ན་སྐུ་ལྔ་སྣང་ལ་རང་བཞིན་མེད་པར་གནས་སོ། །སྐུ་ནི་ཆ་ཕྲ་ཏིལ་འབྲུ་ཙམ། །འོད་ལྔའི་ཀློང་ན་རྫོགས་པར་བཞུགས། །ཞེས་པ་དང༌། ད་ལྟ་རང་ལ་གནས་པའི་སྙིང་གའི་ཞི་བ་བཞི་བཅུ་རྩ་གཉིས་ཀྱི་གདངས། དུང་ཁང་ན་ཁྲག་འཐུང་ལྔ་བཅུ་རྩ་བརྒྱད་རྣམས་སྐུ་ཡུངས་འབྲུ་ཙམ་ལས་མེད་ཀྱང༌། གནས་ཡང་དོག་གི་ཕྱིར་བར་དོར་ཆེ་བ་ནམ་མཁའ་དང་མཉམ་པ། དེའི་འོག་མ་རི་རབ་ཙམ། ཆུང་བ་མཁར་ཐབས་ཙམ། ཡང་ཆུང་རང་ལུས་ཙམ་པས་ནམ་མཁའ་ཁེངས་པར་འཆར་རོ། །དེའི་ཚེ་རང་སྣང་གཟུགས་སྐུར་ངོ་ཤེས་པར་གྱིས་ཤིག» «།ཅེས་བརྗོད་དོ། །དེ་ནས་མཐོངས་ཁུང་ཐམས་ཅད་བཀག་ལ་རི་རབ་ཀྱི་རྩེ་ནས། ཉི་མ་ནུབ་པའི་ཚེ་ཡེ་ཤེས་ཁོང་གསལ་གྱི་དགོངས་པ་ངོ་ སྤྲད། སུརྱ་སྐྱོང་དུ་བཅུག་ལ་དཔལ་བེ་ནས་སྒྲོན་མར་འབྲེལ་བའི་རྩ་ལམ་ངོ་སྤྲད། སུརྱའི་ཟུར་ལ་མེ་ལོང་ཕྱར་ལ་སེམས་དང་ཡེ་ཤེས་རྒྱབ་གྱེས་པའི་དུས་ངོ་སྤྲད། མེ་ལོང་སྒྲིལ་ཞིང་གཞི་སྣང་ངོ་སྤྲད། རྩ་གཏེམས། རོལ་མོ་དཀྲོལ། མེ་ལོང་སྒྲིལ་ཞིང་སྒྲ་འོད་ཟེར་གསུམ་ངོ་སྤྲད། དེ་ཡང་ཆོས་ཉིད་བར་དོར་འོད་ལྔའི་རང་སྣང་སོས་ཀའི་ཐང་ལ་སྨིག་རྒྱུ་འགྱུ་བ་ལྟ་བུའི་ནང་ནས་ཆོས་ཉིད་ཀྱི་རང་སྒྲ་འབྲུག་སྟོང་ལྟིར་བ་ཙམ་དང༌། ཟེར་མཚོན་ཆའི་ཆར་བབས་པ་འདྲ་བ་འོང་བས། སྒྲ་རང་སྒྲ། འོད་རང་འོད། ཟེར་རང་ཟེར་དུ་ངོ་ཤེས་པར་གྱིས་ ཤིག །ཅེས་བརྗོད། དེ་ཡང་ད་ལྟ་མི་མོས་ཡེ་ཤེས་ཁོང་གསལ་དང་རྩ་ལས་ངོ་སྤྲད། གཏེམས་པས་རིག་པ་བརྒྱལ་བ་ངོ་སྤྲད། གཞི་སྣང་སྒྲ་འོད་ཟེར་གསུམ་ངོ་སྤྲད་པ་ཞེས་སོ། །སྤྲུལ་སྐུ་འོད་ཁྱིམ་ཁ་སྦྱོར་ལ་ངོ་སྤྲད་པ་ནི། ཐུགས་རྗེ་འཆར་ཚུལ་མ་འགགས་པར་མཚོན་པ་སྟེ། ཉི་ཞུར་གྱི་འོད་མེ་ལོང་གི་འོད་འཛོམས་པ་ལ་མིག་གཏད་དེ། སྙིང་གའི་རང་གདངས་རྒྱང་ཞགས་སུ་འཆར་བ་ཁ་སྦྱར་ལ་ངོ་སྤྲད་དེ། ཀུན་གསལ་ལས། ཀྱཻ་མ་རིགས་ཀྱི་བུ། མེ་ལོང་དག་ཅིང་གསལ་བ་ལྟར། ཆུ་ཡི་སྒྲོན་མ་རྣམ་པར་དག་པའི་ཆོས་ཉིད་དོ། །མེ་ལོང་ལ་ཕྱག་རྒྱ་མ་བསྐྱོད་པའི་སྐུ་ལྔ་འོད་དུ་གསལ་བ་ནི། ཇི་ལྟ་བ་རྟགས་ཀྱི་ཡེ་ཤེས་ཡིན་ཏེ་སྤྲུལ་སྐུའོ། །ཞེས་གསུངས་སོ། །སྐུ་གསུམ་འདུ་འབྲལ་མེད་པ་ཉི་མའི་དཀྱིལ་འཁོར་ངོ་སྤྲད་པ་ནི། ཚོན་གྱིས་བསྒྱུར་བའི་སེང་རས་ཚགས་དམ་ལྷོད་རན་པས་གདོང་གཡོགས་ཏེ་ཉི་མའི་དཀྱིལ་འཁོར་ལ་བལྟས་པས། འོད་ལྔའི་ཀློང་ན་ཉི་མ་ཟེར་སྣ་ཚོགས་སུ་འཕྲོ་བ་ཐིག་ལེ་ལུ་གུ་རྒྱུད་དང་བཅས་པ་མཐོང་དུས། ཡི་གེ་མེད་པའི་བརྡ་ཞེས་མཚོན་ཏེ། ཉི་མའི་སྙིང་པོ་ཆོས་སྐུའི་དཔེ། འོད་ལྔ་ལོངས་སྐུའི་དཔེ། ཟེར་སྤྲུལ་སྐུའི་དཔེ། དེ་གསུམ་གཞི་གཅིག་ལ་འདུ་བ་སྐུ་དང་ཡེ་ཤེས་འདུ་འབྲལ་མེད་པའི་དཔེ་སྟེ། དུར་ཁྲོད་ཕུང་པོ་འབར་བའི་རྒྱུད་ལས། མཚོན་དཔེ་ཉི་མའི་སྙིང་པོ་བཞིན། །ཉི་མའི་སྙིང་པོ་ཆོས་སྐུའི་དཔེ། »།«དེ་ལས་འོད་ཟེར་སྣ་ཚོགས་ཤར། །དེས་ནི་འགྲོ་དྲུག་མུན་པ་སེལ། །དེ་བཞིན་ཆོས་སྐུ་རྟོག་མེད་གསལ། །ལོངས་སྐུ་ཤེས་རབ་འགག་མེད་སྤྱོད། ། སྤྲུལ་སྐུ་ཐུགས་རྗེས་ཉོན་མོངས་སྒྲོལ། །དེ་གསུམ་ཐ་དད་གཅིག་གི་ངང༌། ཞེས་པ་དང༌། ཀུན་གསལ་ལས། ཉི་མའི་སྙིང་པོ་ལ་ཟེར་མི་འགག་པ་བཞིན་དུ། ཆོས་སྐུ་ལ་གཟུགས་སྐུ་གཉིས་ཀྱིས་བརྒྱན་ཏེ་འཆར་རོ། །ཉི་མའི་སྙིང་པོ་དང་འོད་ཟེར་མ་འབྲལ་བ་ལྟར། སྐུ་གསུམ་ཡེ་ཤེས་ཡེ་ནས་འདུ་འབྲལ་མེད་པས། དོན་ལ་ཆོས་སྐུ་འདུ་འབྲལ་མེད་པ་ངས་བཤད་དོ། །ཞེས་སོ། །རྟགས་ལ་ངོ་སྤྲོད་པ་ནི། ཡེ་ཤེས་རང་ལ་འོད་གསལ་ལྷུན་གྲུབ་ཏུ་ཡེ་ནས་གནས་པའི་རྒྱུ་མཚན། བྱང་ཆུབ་སེམས་ཀྱི་སྒྲོན་མ་རང་ལ་ཡོད་པ་བསྟན་པས་ཡིད་ཆེས། དེའང་ད་ལྟར་རང་ལ་ཡོད་པའི་ཡེ་ཤེས་བར་དོར་འཆར་བ་ངོ་ཤེས་པར་བྱེད་པ་ལ་གཞི་སྣང་ངོ་སྤྲོད་ཀྱིས་མཚོན་ཏེ། དེ་ཡང་ལུས་སེམས་བེམས་རིག་གི་འབྲེལ་ཐག་ནི་ཆད། འཇིག་རྟེན་འདིའི་སྣང་བ་ནི་ནུབ། སྲིད་པ་བར་དོ་མ་ཤར་བའི་བར་དེར་སྐད་ཅིག་མ་གསུམ་མམ་དྲུག་ལ་སོགས་པ་ཆོས་ཉིད་ཀྱི་བར་དོ་སྒྲ་འོད་ཟེར་གསུམ་གྱི་སྣང་བ་འཆར་བའི་རྟགས་ལ། རྣ་བ་གླང་པོ་ཆེའི་འུར་སྒྲ་ངོ་སྤྲོད་པས་སྒྲ་རང་སྒྲར་ཡིད་ཆེས། ཆུའི་སྒྲོན་མ་ཉིང་ལག་གིས་གཏེམས་པས་བྱང་ཆུབ་སེམས་ཀྱི་སྒྲོན་མའི་སྣང་བ་མཐོང་སྟེ། འོད་རང་འོད་དུ་ཡིད་ཆེས་ཏེ། སྙནབརྒྱུད་ཏི་ཀ་ལས། དཔལ་བེའུ་སྒྲོན་མ་རྩ་ཡིས་འབྲེལ། །སྒྲོན་མ་ཆོས་ཉིད་རང་ཤར་སྒོ། །སྐར་ཁུང་བཀག་པས་སྣང་བ་གསལ། །ཞེས་སོ། །སེང་རས་ཀྱི་ཆུའི་སྒྲོན་མ་སཱུརྱ་ལ་གཏད་པས་ཡེ་ཤེས་ཀྱི་འོད་ཟེར་ལྷུག་པར་འཆར་པ་མཐོང་སྟེ། ཟེར་རང་ཟེར་དུ་ཡིད་ཆེས་པས་རྟགས་གསུམ་མོ། །དེ་ཡང་འོད་གསལ་མ་བུ་འཕྲད་པའི་དུས། དེར་འོད་ཐམས་ཅད་འགུལ་པ་འཕྲིགས་པོ་ཟེར་མཚོན་ཆའི་རྩེ་མོའི་ཉི་ཟེར་བཞིན་འཕྲོ་བའི་ནང་ནས། ཆོས་ཉིད་ཀྱི་རང་སྒྲ་འབྲུག་སྟོང་ལྡིར་བ་ཙམ་འོང་བ་རང་སྣང་དུ་ཤེས་པར་བྱའོ། །དེ་ནས་ངོ་སྤྲོད་ནི། རང་གི་ཐུགས་ཀ་དཔལ་གྱི་བེའུ་ཡེ་ཤེས་ཀྱི་གཞལ་མེད་ཁང་ན་སྐུ་གསུམ་འདུ་འབྲལ་མེད་པར་གནས་པ་དེ། དཔེས་ངོ་སྤྲད་པས་ངོ་ཤེས། རྟགས་ཀྱིས་ངོ་སྤྲད་པས་རང་ལ་ཡིད་ཆེས། དོན་གྱིས་ངོ་སྤྲད་པས་རང་ལ་ཡོད་པར་ཐག་ཆོད། ཚིག་གིས་ཤན་སྦྱར་བས་དཔེ་རྟགས་དོན་གསུམ་ད་ལྟ་རང་ལ་ཡོད་པ་ཕྱིས་བར་དོར་འཆར་བར་ཤན་ཕྱེད་དོ། །ཀུན་གསལ་ལས། ཐུགས་ཀྱི་ཀློང་ན་འོད་གསལ་བ། །བུམ་པ་ནང་གི་མར་མེ་བཞིན། །འགྱུར་བ་མེད་པའི་ཡེ་ཤེས་ནི། ། མ་འཁྲུལ་གཞི་ཡི་ཡེ་ཤེས་ཏེ། །དོན་གྱི་ཡེ་ཤེས་དམ་པ་ཡིན། །ཡེ་ཤེས་ཆེན་པོའི་མེ་ལོང་ནི། །མ་བྱས་པ་ཡི་ཆོས་ཡིན་ཏེ། །དཔེ་ཡི་ཡེ་ཤེས་དམ་པ་ཡིན། ། ཚོན་གང་འོད་ཀྱི་དཀྱིལ་འཁོར་ནི། །མི་འགྱུར་བ་ཡི་ལྟ་བ་སྟེ། །རྟགས་ཀྱི་ཡེ་ཤེས་དམ་པ་ཡིན། །ཞེས་གསུངས་སོ། །ངོ་སྤྲོད་ཐོབ་པའི་གང་ཟག་རྣམས་ཀྱིས་འདིར་བསྟན་པ་བཞིན་ཉམས་སུ་བླངས་པས། གོལ་དུ་གོལ་ས་མེད། རང་སྣང་དཀྱིལ་འཁོར་ཤར། འཁྱར་དུ་འཁྱར་ས་མེད། ཆོས་ཉིད་མ་བུ་འདྲེས་སོ། །དེ་ལྟར་ཡིན་གྱིས་ཀྱང༌། ཕྱིས་བར་དོ་འོད་གསལ་མ་བུ་འཕྲད་ནས་འཁོར་འདས་ཀྱི་རུ་ཤན་འབྱེད་པའི་དུས་དེར་སྔར་འདྲིས་ཀྱི་མི་དང་འཕྲད་པ་ལྟ་བུའི་ཉམས་མེད་ན། གདམས་ངག་གིས་ཕན་མི་ཐོགས་པས་ཉམས་སུ་ལེན་པའི་ཕྱག་བཞེས་ལ་ཡང་ཡང་བརྟག་ཅིང་འདྲིས་པ་ཤིན་ཏུ་གལ་ཆེ་བས། ཉམས་ལེན་ལ་བརྩོན་པར་མཛོད། དེ་རིང་ནས་ཁྱོད་དང་དཔལ་རྡོ་རྗེ་སེམས་དཔའ་ལ་ཁྱད་མེད་ཅེས་ཟེར་ར»ོ«། །ལམ་དམར་ཁྲིད་དུ་བཤད་པའོ། ། ༈ གསུམ་པ་འབྲས་བུ་གྲོལ་ཚུལ་ལྟར་བཤད་པ་ལ་གསུམ་སྟེ། རབ་རང་བཞིན་གྱི་བར་དོར་གྲོལ་ཚུལ། འབྲིང་ཆོས་ཉིད་ཀྱི་བར་དོར་གྲོལ་ཚུལ། ཐ་མ་སྲིད་པའི་བར་དོ་ནས་འཁོར་བའི་རུ་བཟློག་པའོ། །དང་པོ་ལ་དབང་པོ་རབ་འབྲིང་ཐ་མ་གསུམ་ལས། རབ་ཀྱི་རབ་ཡིན་ལུགས་ངོ་སྤྲད་པས་གྲོལ་ཏེ། བཤད་རྒྱུད་ལས། ངོ་སྤྲད་པ་དང་རྟོགས་པ་ཐོབ་པ་དུས་མཉམ། རྟོགས་པ་ཐོབ་པ་དང་ཆོས་བོར་བ་དུས་མཉམ། ཆོས་བོར་བ་དང་འཁྲུལ་རྟོག་འགགས་པ་དུས་མཉམ། འཁྲུལ་རྟོག་འགགས་པ་དང་མ་རིག་པ་སངས་པ་དུས་མཉམ། མ་རིག་པ་སངས་པ་དང་ཡེ་ཤེས་རྒྱས་པ་དུས་མཉམ། ཡེ་ཤེས་རྒྱས་པ་དང་མངོན་སངས་རྒྱས་པ་དུས་མཉམ། བརྡ་དོན་བཤད་ལ་རྒྱལ་བའི་གྲལ་ལ་བཞག» «། ཅེས་གསུངས་སོ། །རབ་ཀྱི་འབྲིང་ཉམས་སུ་བླངས་པས་གྲོལ་བ་ནི། མན་ངག་ཅན་ལམ་ཐོག་ཏུ་རང་ས་བཟུང་པས་གྲོལ་བ་ནི། དེ་ཉིད་ལས། རིན་ཆེན་རྒྱ་མཚོར་འབྲེལ་པའི་རྩ། །དཀར་འཇམ་ཁོག་པ་སྟོང་པ་ནས། །ཐིག་ལེ་ཁྲག་གིས་མ་གོས་པ། །ཡེ་ཤེས་ཆེན་པོ་དེ་ནས་འཆར། །ཞེས་པའི་དོན་ཉམས་སུ་བླངས་པས། མ་ཆོས་ཉིད་ཀྱི་དཀྱིལ་འཁོར་ལ། །བུ་རང་བྱུང་གི་ཡེ་ཤེས་འཆར་ཏེ། རང་ཤར་སྐྱེ་འགག་མེད་པ་ལ། རང་གྲོལ་འདུ་འབྲལ་མེད་པ་ཉམས་སུ་བླངས་པས། སྐུ་གསུམ་འདུ་འབྲལ་མེད་པར་གྲོལ་ཏེ། ཆོས་ཉིད་བར་དོའི་སྣང་བ་མེད་དོ། །རབ་ཀྱི་ཐ་མ་ལུས་བོར་བ་དང་གྲོལ་བ་ནི། ལེ་ལོ་ཅན་གཞི་ཐོག་ཏུ་རང་ངོ་ཤེས་པར་གྲོལ་ཏེ། དཔེར་ན་ཚེས་བཅོ་ལྔའི་ཉི་ཟླ་བར་མེད་པ་བཞིན་དུ། བར་དོ་མེད་པར་ཡར་གྱི་ཟང་ཐལ་དུ་གྲོལ་ལོ། །རིག་པ་ལ་སྐྱེ་ཤི་མེད་ཀྱང་རྣལ་འབྱོར་པ་ལུས་རྒྱའི་གྲོལ་ལུགས་ནི། ས་ཡི་རླུང་ཆུ་ལ་ཐིམ་པས་པག་བཞི་ས་ལ་ལྷུངས་ཏེ་ལུས་ལྕི། ཆུ་ཡི་རླུང་མེ་ལ་ཐིམ་པས་ཁ་སྣ ་སྐམ། མེ་ཡི་རླུང་རླུང་ལ་ཐིམ་པས་ལུས་ཀྱི་མཐའ་བཞི་ནས་དྲོད་ཤོར། རླུང་གི་རླུང་ནམ་མཁའ་ལ་ཐིམ་པས། ཤེས་པ་མི་གསལ། དེའི་དུས་སུ་སེམས་རླུང་དང་བསྡོངས་ནས་གློ་བའི་ནང་ནས་ཐོན། ལམ་མིད་པ་དཀར་ནག་ལ་ཞུགས་སྒོ་ཁ་སྣ་ལས་ཐོན་ནས་དབུགས་ཕར་ལ་ཧ་ཟེར་ནས་ཕྱིར་སོང་ནས་ཚུར་ལ་མ་འདུས་པས་འཆི་བ་ཞེས་བྱ་སྟེ། རླུང་སེམས་ནམ་མཁའི་ངང་དུ་ཞ་སྟེ། གློ་བར་རླུང་མེད་པས་རྟ་ལོང་བ་རྐང་ཅན་དང་མི་འཕྱེ་བོ་མིག་ཅན་གཉིས་བྲལ་ཏེ། སེམས་དང་ཡེ་ཤེས་རྒྱབ་གྱེས་སོ། །དེའི་དུས་སུ་ལུས་གྱི་ཁྲག་ཐམས་ཅད་སྲོག་རྩར་འདུས། སྲོག་རྩ་ནས་སྙིང་ནང་དུ་ཁྲག་འོང་བའི་དུས་སུ། རྒྱལ་པོ་གདན་ལ་བཞུགས་པ་ལ། བློན་པོའི་སྒྱོགས་ཕྱུང་བ་ཞེས་བྱ་སྟེ། དངངས་ཡེད་དེ་བ་བྱུང་ཡང་བློ་ཡི་མིས་མི་ཚོར། ཡེ་ཤེས་སྙིང་ནས་དོན། ལམ་རྩ་དར་དཀར་གྱི་བུ་ག་ལས་ཞུགས། སྒོ་ཆུའི་སྒྲོན་མ་ལས་ཐོན་པའི་དུས་སུ། ཡེ་ཤེས་ཟང་ཐལ་དུ་ཤར་བ་དེ་རང་སྣང་དུ་ངོ་ཤེས་པས། བར་དོ་མེད་པར་སྐད་ཅིག་མ་དང་པོ་ལ་ཡར་གྱི་ཟང་ཐལ་དུ་གྲོལ་ཏེ། ངོ་སྤྲོད་སྤྲས་པ་ལས། །དེའི་ཚེ་ཡེ་ཤེས་མིག་ནས་ཐོན། མིག་ཐུགས་རྗེ་རྒྱུན་མི་ཆད་ཀྱི་ཐག་པ་ལ་གཏད་པས་བར་དོ་མེད་པར་ཡར་གྱི་ཟང་ཐལ་དུ་གྲོལ་ལོ། །ཞེས་གསུངས་སོ། །དེ་ཡང་སྣང་བ། རྟོགས་པ། གྲོལ་བ། ཐུགས་རྗེ་འབྱུང་བ་རྣམས་དུས་མཉམ་མོ། །དབང་པོ་འབྲིང་ཆོས་ཉིད་བར་དོར་གྲོལ་བ་ལ་ཡང་གསུམ་ལས། འབྲིང་གི་རབ་སྐད་ཅིག་མ་ལ་གྲོལ་བ་ནི། འཁོར་བ་དོང་སྤྲུག་གི་སྐད་ཅིག་མ་ལ་ཕྱི་ནང་ཡུལ་སེམས་ཀྱི་འཁྲུལ་པ་འགགས་ནས་རང་གདངས་འོད་དུ་གསལ། ཆོས་ཉིད་བདེན་པ་མཐོང་བའི་སྐད་ཅིག་མ་ལ་ཚོམ་བུའི་སྐུར་སྣང་ལ་འཛིན་པ་མེད་པའི་ཤེས་རབ་སྐྱེ། རྡོ་རྗེ་ལྟ་བུའི་སྐད་ཅིག་མ་ལ་རང་དོན་ཆོས་སྐུ་ཐོབ་ནས་གཞན་དོན་གཟུགས་སྐུ་འབྱུང༌། ཞེས་པས། སྐད་ཅིག་དང་པོ་ལ་ཡེ་ཤེས་ཤར། གཉིས་པ་ལ་ངོ་ཤེས། གསུམ་པ་ལ་གྲོལ་ནས་གཞན་དོན་འབྱུང་བའོ། །འབྲིང་གི་འབྲིང་སྐད་ཅིག་མ་དྲུག་ལ་གྲོལ་བ་ནི། བཤད་རྒྱུད་དེ་ཉིད་ལས། དང་པོ་ཕྱི་ནང་འཁྲུལ་པ་འགགས། གཉིས་པ་རང་གདངས་འོད་དུ་གསལ། །གསུམ་པ་དེ་ལས་སྐད་ཅིག་གནས། །བཞི་པ་རང་ལ་ཤེས་རབ་སྐྱེ། །ལྔ་པ་ལྔ་ལྡན་དགོངས་པ་རྫོགས། །དྲུག་པ་བློ་འདས་ཆོས་སྐུར་ཐིམ། །ཞེས་སོ། །འབྲིང་གི་ཐ་མ་ལ། བསལ་གཏན་གྱི་ཞག་ལྔ་ལ་གྲོལ་བ་ནི། ཕྱི་འབྱུང་ཉི་མ་ནུབ་པ་ལྟར། སྒོ་ལྔའི་ཡུལ་སྣང་འགགས། ནང་འབྱུང་ས་སྲོས་པ་ལྟར་ཚོགས་དྲུག་གི་སེམས་འགགས། གསང་འབྱུང་ཟླ་བ་ཤར་བ་ལྟར་ཡེ་ཤེས་ཀྱི་སྣང་བ་ཤར་བའི་ཚེ། འོད་གསལ་རིགས་ལྔའི་ཚོམ་བུ་ཤར་བ་དུས་གཅིག་ཤར་ཡང༌། ངེས་པ་རིམ་གྱིས་རྙེད་དོ། །དེ་ཉིད་ལས། འོད་གསལ་སྣང་བ་དུས་གཅིག་ཤར། །རྟོགས་པའི་ཤེས་རབ་རིམ་གྱིས་སྐྱེ། །ཞེས་སོ། །དེའང་ཞག་དང་པོ་ལ་འོད་མཐིང་ག་མཐོང་བ་དང་རིག་པའི་ངོ་བོ་སྟོང་པ་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་གདངས་སུ་ངོ་ཤེས་པས། རང་སྣང་རྣམ་པར་སྣང་མཛད་ཀྱི་ཚོམ་བུར་གྲོལ་ལོ། །གཉིས་པ་ལ་འོད་དཀར་པོ་མེ་ལོང་ལྟ་བུའི་ཡེ་ཤེས་ཀྱི་རང་གདངས་སུ་ངོ་ཤེས་པས། རྡོ་རྗེ་སེམས་དཔའི་ཚོམ་བུར་གྲོལ་ ལོ། །གསུམ་པ་ལ་སེར་པོ་མཉམ་པ་ཉིད་ཀྱི་ཡེ་ཤེས་ཀྱི་རང་གདངས་སུ་ངོ་ཤེས་པས། རིན་ཆེན་འབྱུང་ལྡན་གྱི་ཚོམ་བུར་གྲོལ་ལོ། །བཞི་པ་ལ་དམར་པོ་སོ་སོར་རྟོགས་པའི་ཡེ་ཤེས་ཀྱི་རང་གདངས་སུ་ཤེས་པས་འོད་དཔག་མེད་ཀྱི་ཚོམ་བུ་གྲོལ་ལོ། །ལྔ་པ་ལ་ལྗང་གུ་བྱ་བ་གྲུབ་པའི་ཡེ་ཤེས་ཀྱི་རང་གདངས་སུ་ཤེས་པ་དོན་ཡོད་གྲུབ་པའི་ཚོམ་བུར་གྲོལ་ལོ། །གསེར་ཕྲེང་ལས། དཀར་དང་སེར་དང་དམར་དང་ལྗང༌། །མཚན་ཉིད་འཛིན་པ་དབུས་གནས་ཏེ། །རེ་རེ་ལ་ཡང་བཞི་བཞི་སྟེ། །རྡོ་རྗེ་རིན་ཆེན་པདྨ་དང༌། །རྡོ་རྗེ་རྒྱ་གྲམ་ཐུགས་ཀར་གསལ། །ཡུམ་ཡང་ལུས་དང་གྲིབ་མའི་ཚུལ། །གཞི་ཡི་གདན་ལ་རྫོགས་ཚུལ་དུ། །ཚོམ་བུའི་དཀྱིལ་འཁོར་དང་པོ་འོ། །རྡོ་རྗེ་མི་བསྐྱོད་དབུས་གནས་ཏེ། ། ས་ཡི་སྙིང་པོ་ལཱ་སྱེ་དང༌། །བྱམས་པ་དྷཱུ་པེ་བཞིས་བསྐོར་བ། །ཚོམ་བུའི་དཀྱིལ་འཁོར་གཉིས་པ་ཡིན། །རིན་ཆེན་འབྱུང་ལྡན་དབུས་གནས་ཏེ། །ནམ་མཁའི་སྙིང་པོ་མཱ་ལྱེ་དང༌། །ཀུན་བཟང་པུཥྤེ་བཞིས་བསྐོར་བ། །ཚོམ་བུའི་དཀྱིལ་འཁོར་གསུམ་པ་ཡིན། །སྣང་བ་མཐའ་ཡས་དབུས་གནས་ཏེ། །སྤྱན་རས་གཟིགས་དབང་གཱིརྟི་དང༌། འཇམ་དབྱངས་མར་མེ་བཞིས་བསྐོར་བ། །ཚོམ་བུའི་དཀྱིལ་འཁོར་བཞི་པ་འོ། །དོན་ཡོན་གྲུབ་པ་དབུས་གནས་ཏེ། །ཕྱག་ན་རྡོ་རྗེ་ནཱིརྟི་དང༌། །སྒྲིབ་སེལ་གནྡྷེ་བཞིས་བསྐོར་བ། །ཚོམ་བུའི་དཀྱིལ་འཁོར་ལྔ་པ་ཡིན། །འདྲ་བ་མངོན་དུ་བྱེད་པའི་ཕྱིར། །དེ་དང་དེ་ལས་བྱུང་བ་དེ། །སྐུ་མདོག་ཕྱག་མཚན་གཙོ་དང་མཐུན། །འགྲོ་དྲུག་འདུལ་མཛད་ཐུབ་པ་དྲུག ། ཚད་མེད་བཞིས་འདུལ་སྒོ་བ་བཞི། །མཐའ་བཞི་ལས་གྲོལ་སྒོ་མ་བཞི། ། དབྱིངས་དང་ཡེ་ཤེས་མི་འབྲལ་བས། །ཀུན་བཟང་ཡབ་དང་ཡུམ་དུ་གསལ»། །« རྟོགས་པས་ཡོན་ཏན་སྐུར་གྲོལ་ལོ། །ཞེས་གསུངས་སོ། །དེའི་ཚེ་མངོན་ཤེས་དྲུག་འཆར་ཏེ། སྤྱན་གྱི་མངོན་པར་ཤེས་པས་ཡར་གྱི་བློ་འདས་ཆོས་སྐུའི་ཞིང་ཁམས་གཟིགས། ཐད་ཀར་ལོངས་སྐུའི་ཞིང་ཁམས་གཟིགས། མར་སྤྲུལ་སྐུའི་ཞིང་ཁམས་རིགས་དྲུག་གཟིགས་སོ། །སྙན་གྱི་མངོན་པར་ཤེས་པས་ཡར་ཆོས་སྐུའི་གསུང་ཡེ་ཤེས་རྩེ་གཅིག་པ་ཉིད་ལ་གླེང་བ་གསན། ཐད་ཀར་ལོངས་སྐུའི་ཡེ་ཤེས་ལྔའི་རང་སྒྲ་གསན། མར་སྤྲུལ་སྐུའི་གསུང་རིགས་དྲུག་གི་རང་སྒྲ་གསན། ཐུགས་ཀྱི་མངོན་པར་ཤེས་པས་ཡར་ཆོས་སྐུའི་དགོངས་པ་མཁྱེན། ཐད་ཀར་ལོངས་སྐུའི་དགོངས་པ་མཁྱེན། མར་རིགས་དྲུག་གི་སེམས་ཤེས་ སོ། །གནས་ཀྱི་མངོན་པར་ཤེས་པས་ཡར་ཆོས་སྐུའི་བཞུགས་གནས། ཐད་ཀར་ལོངས་སྐུ། མར་སྤྲུལ་སྐུའི་རིགས་དྲུག་གི་གནས་མཁྱེན་ནོ། །ལས་ཀྱི་མངོན་པར་ཤེས་པས་རང་གཞན་གྱི་རྒྱུ་འབྲས་ཐམས་ཅད་མཁྱེན་ཏོ། »།«རྫུ་འཕྲུལ་གྱི་མངོན་པར་ཤེས་པས་སྤྲུལ་སྐུ་ཐུབ་པ་དྲུག་ལ་སོགས་པ་གང་ལ་གང་འདུལ་མཁྱེན་ནས་སྤྲུལ་ཏེ། སེམས་ཅན་གྱི་དོན་མཛད་དོ། །དེ་དག་ལ་རྟོག་མེད་ཆོས་ཀྱི་སྤྱན་ཞེས་བྱའོ། །ཚུལ་དེ་དག་ཀུན་གསལ་ལས། མི་གནས་ཡེ་ཤེས་ཆོས་ཀྱི་སྐུ། །ཡེ་ཤེས་ལྔ་ཡི་མཚན་ཉིད་ཅན། །རང་བྱུང་ཡེ་ཤེས་འབྱུང་བ་ལྔ། །ཆོས་ཉིད་དག་པའི་ཀློང་དུ་ཤར། །ཐིག་ལེ་འོད་ཀྱི་ཁ་དོག་ལྔ། །མཐིང་ཀ་ལ་སོགས་སྣ་ལྔར་གསལ། །རིགས་ལྔའི་སངས་རྒྱས་ངོ་བོར་ཤེས། །སྐུ་ལྔ་ཡེ་ཤེས་ལུས་ཅན་རྫོགས། །བཞི་བཅུ་རྩ་གཉིས་འོད་དུ་གསལ། །རང་རང་ཡེ་ཤེས་གདངས་ལ་བཞུགས། །གསལ་འཚེར་ལྷུན་སྡུག་འོད་ཟེར་འཕྲོ། །ཡེ་ཤེས་ལྔ་ལ་གཞལ་མེད་ཁང༌། །གསལ་དང་རོ་དང་བསལ་བ་དང༌། །ཡངས་དང་ཡང་ཞིང་ཁྱབ་པའི་བདག །ཀུན་འབྱུང་ཡེ་ཤེས་ཕུང་པོར་འབར། །གདན་གསུམ་ངང་ལ་མ་བསྐྱེད་རྫོགས། །སྦྱོར་བ་གསུམ་གྱིས་སྤྲུལ་པ་འབྱིན། །འགྲོ་བའི་མ་རིག་མུན་པ་སེལ། »།«ཞེས་སོ། །དོན་མཛད་ཚུལ་ནི། ལོངས་སྐུ་ཡབ་ཡུམ་གྱི་«ལྗ«གས་ལས་འོད་ཟེར་འཕྲོས་པས་སྐྱེས་བུ་ལས་དག་པ་འཕྲོ་འདུ་བྱེད་པའི་སྤྱན་ནས་ལྷུམས་སུ་ཞུགས། སྤྲུལ་པའི་སྐུར་གྱུར་ནས་གང་ལ་གང་འདུལ་གྱི་དོན་མཛད་ནས། སྤྲུལ་སྐུ་དེ་ཡང་རིན་ཆེན་གསང་བའི་སྦུབས་སུ་འཁྱིལ་ཏེ། ནང་གསལ་དབྱེར་མེད་ཆེན་པོ་གཅིག་གི་ངང་དུ་གནས་སོ། །དེ་ལྟར་སྤྲུལ་པ་རྒྱུན་མི་ཆད་པར་དོན་མཛད་པ་ནི། རྫོགས་ལྡན་ཏེ། མཚན་བརྗོད་ལས། ཕྱོགས་བཅུར་སྤྲུལ་པ་སྣ་ཚོགས་འགྱེད། །ཇི་བཞིན་འགྲོ་བའི་དོན་མཛད་ པའོ། །ཞེས་སོ། །འབྲས་བུའི་རྫོགས་ཚུལ་ནི། རྫོགས་ལྡན་ལ་རིག་པ་ཐུགས་རྗེའི་རྩལ་མ་འགགས་པར་སྣང་བས་དོན་མཛད་པའི་སྐུར་སྣང་བ་དེ་དག་ཀྱང་ཕྱིར་གསལ་ནང་དུ་ཐིམ་པའི་ཚུལ་གྱིས་ཐ་མ་རིག་པའི་ངང་དུ་འདུ་བར་བསྟན་ཏེ། དེ་ཉིད་ལས། མྱ་ངན་འདས་པ་མྱ་ངན་འདས། །ལེགས་པར་མྱ་ངན་འདས་དང་ཉེ། །བདེ་སྡུག་གསལ་བའི་མཐར་འགྱུར་པ། །གྲོལ་བ་ཐར་པ་རྣམས་གྲོལ་ལུས། །མི་མངོན་མི་སྣང་གསལ་བྱེད་མིན། །མི་འགྱུར་ཀུན་འཕྲོ་ཁྱབ་པ་པོ། །ཞེས་སོ། །དེ་ལྟར་གྲོལ་པའི་ཀ་དག་གི་ནང་དབྱིངས་བསྟན་པ་ལ་ལྔར་གནས་ཏེ། ཤེས་རབ་མཁའ་ལ་འདེགས་པ། འབྱུང་བ་མ་ལ་ཞ་བ། ཡེ་ཤེས་དབྱིངས་སུ་ཐིམ་པ། ཤེས་རབ་མཁའ་ལ་འཁྱིལ་བ། རིག་པ་རང་ས་ཟིན་པའོ།།དང་པོ་ནི་ཡེ་ཤེས་ཀྱི་རང་རླུང་གིས་གཟུགས་སྐུ་ཆོས་ཉིད་ཀྱི་ཀློང་དུ་བསྐྱེད་པ་སྟེ། སྲོག་རླུང་བཞི་དག་པས་སྟོབས་ལྡན་མ། ཤུགས་འཆང་མ། འདེགས་བྱེད་མ། བསྟན་མ་བཞིའོ། »།«སྟོབས་ལྡན་མས་ཡེ་ཤེས་ཀྱི་རླུང་གི་གཙོ་འཁོར་གཉིས་དབྱེར་མེད་དུ་སྦྱོར་ཏེ། དོན་ལ་དབྱེར་མེད། ཤུགས་འཆང་མས་གཙོ་འཁོར་ལྔ་པོ་སྐད་ཅིག་ལ་ཆོས་སྐུའི་ངང་དུ་བསྐྱེད། འདེགས་བྱེད་མས་རྟེན་དང་བརྟེན་པ་དབྱེར་མེད་ཆོས་སྐུའི་ངང་དུ་གཟུགས་སྐུར་གནས་སོ། ། བསྟན་མས་དགོངས་པ་མི་རྟོག་པ་ནང་གསལ་ལོ། །འབྱུང་བ་མ་ལ་ཞ་བ་ནི། ས་སྲ་བ། ཆུ་གཤེར་བ། མེ་ཚ་བ། རླུང་གཡོ་བ། ནམ་མཁའ་ཁྱབ་པ་དེ་སྙིགས་མའི་འབྱུང་བ་ལྔ་དངས་མ་ལྔར་གྲོལ་བ་སྟེ། རླུང་རྡོ་རྗེ་རྒྱ་གྲམ་བཀོད་ལེགས་ཏེ་དམ་ཚིག་གི་ལྷ་མོ་མཁའ་ལ་འཁྱིལ་པ་གཡོ་བ་མེད་པའི་རླུང་དབྱིངས་སུ་ཐིམ། ཆུ་ཤེལ་གྱི་འཁོར་ལོ་བརྩེགས་ལེགས་ཏེ་ཀློང་གཅིག་ཏུ་དྲིལ་བས་གཤེར་བ་མེད་པའི་ཆུ་དབྱིངས་སུ་ཐིམ། ས་རིན་པོ་ཆེ་སྣ་ལྔའི་མཆོད་རྟེན་ཁོད་སྙོམས་ཤིང་ཚུལ་དུ་གཤིས་པས་སྲ་བ་མེད་པའི་ས་དབྱིངས་སུ་ཐིམ། མེ་པདྨ་འདྲ་བ་འོད་འབར་ཏེ་མ་སྨིན་པ་སྨིན་པར་བྱས་པས་ཚ་བ་མེད་པའི་དབྱིངས་སུ་ཐིམ། ནམ་མཁའ་»ཁྱ«བ་པ་མེད་པའི་གདངས་ཅན་རྒྱལ་མཚན་གྱི་རྩེ་མོ་ལྟར་ནུབ་པ་མེད་པས་ཁྱབ་པ་མེད་པའི་ནམ་མཁའ་དབྱིངས་སུ་ཐིམ་པའོ། །ཀུན་གསལ་ལས། དེ་ལྟར་འབྱུང་བ་ལྔ་མ་ཐོག་ནས་ཤར་བས། ཐ་མ་ཡང་མ་ཐོག་ཏུ་གྲོལ་ཏེ། མི་གནས་པས་མ་ལ་ཞ་བའོ། །ཞེས་སོ། །ཡེ་ཤེས་དབྱིངས་སུ་ཐིམ་པ་ལ། སྣང་བ་ཅན་ལུས་ཀྱི་ཐིམ་ཚུལ་གསུམ་ལས། སྣང་བ་གསུམ་གཅིག་ལ་གཅིག་ཐིམ་སྟེ། མ་དག་པ་འཁྲུལ་པའི་སྣང་བ་དག་པ་ཆོས་ཉིད་ཀྱི་སྣང་བ་ལ་ཐིམ། དག་པ་ཆོས་ཉིད་ཀྱི་སྣང་བ་ཤིན་ཏུ་དག་པ་ཡེ་ཤེས་ཀྱི་སྣང་བ་ལ་ཐིམ་པའོ། ། སྤྱན་གསུམ་གཅིག་ལ་གཅིག་ཐིམ་སྟེ། ད་ལྟ་ཤེས་རབ་ཀྱི་སྤྱན་བར་དོར་ཆོས་ཉིད་ཀྱི་སྤྱན་ལ་ཐིམ། ཆོས་ཉིད་ཀྱི་སྤྱན་ཡེ་ཤེས་ཀྱི་སྤྱན་ལ་ཐིམ་སྟེ། ཤེས་རབ་ཀྱི་སྤྱན་དག་པས་མི་སྤྱོད། ཆོས་ཉིད་ཀྱི་སྤྱན་དག་པས་མི་གཟིགས། ཡེ་ཤེས་ཀྱི་སྤྱན་རྣམ་པར་དག་པས་རིན་པོ་ཆེའི་སྦུབས་ནི་ཡེ་ཤེས་ནང་གསལ་གྱི་དགོངས་པ་ལ་འགྱུར་བ་མེད་པའོ། །ལུས་གསུམ་གཅིག་ལ་གཅིག་ཐིམ་ཏེ། ད་ལྟར་ཤར་ཁྲག་གི་ལུས་བར་དོར་ཡེ་ཤེས་ཀྱི་ལུས་ལ་ཐིམ། ཡེ་ཤེས་ཀྱི་ལུས་ཆོས་སྐུ་རིན་པོ་ཆེ་གསང་བའི་ལུས་ལ་ཐིམ་མོ། །ཤེས་རབ་མཁའ་ལ་འཁྱིལ་བ་ལ་བཞི་སྟེ། ཐིམ་པ་ལ་མ་རྨུགས་པ། གསལ་བ་ལ་རྟོག་པ་མེད་པ། ཡིན་པ་ལ་བདག་མེད་པ། སོ་སོར་མ་འདྲེས་པ་ལ་གོ་མི་འབྱེད་པའོ། །དང་པོ་ནི། འབྱུང་བ་མ་ལ་ཞ། ཡེ་ཤེས་དབྱིངས་སུ་ཐིམ། སྐུ་གསུམ་འདུ་འབྲལ་མེད་པས་ཡེ་ཤེས་ནང་གསལ་དུ་གནས་པའོ། །གཉིས་པ་ནི། ཆོས་སྐུ་ལ་དྲི་མ་མེད་པར་གསལ། མདུན་རྒྱབ་མེད་པར་གསལ། སྟེང་འོག་མེད་པར་གསལ། ཕྱོགས་མཚམས་མེད་པར་གསལ་བའི་ནང་ན། རིན་པོ་ཆེ་འོད་འབར་བའི་སྐུ་དང་རང་སྣང་རྣམ་དག་གི་སྐུར་གསལ་ཡང༌། བག་ཆགས་ཀྱི་ལུས་མེད་པས་འགྱུ་བྱེད་ཀྱི་རླུང་མེད་པའི་ཕྱིར་རྟོག་དཔྱོད་ཀྱི་སེམས་མེད་པའོ། །གསུམ་པ་ནི། ཡིན་ནི་ལྟ་བ་རང་བྱུང་གི་ཡེ་ཤེས་ཡིན་ཡང་བག་ཆགས་ཀྱི་བདག་དང་བྲལ་བའོ། །བཞི་པ་ནི། ཆོས་སྐུའི་ཀློང་ན་རིན་པོ་ཆེ་འབར་བའི་སྐུ་ལྔ་འོད་ཀྱི་ཀློང་ན་ཕྱག་རྒྱ་མ་འདྲེས་པ་སོ་སོར་གསལ་ཡང་མཚན་མ་རིས་ཅན་གྱི་ཞལ་ཕྱག་དང་གཞི་སྣང་འཁྲུལ་པའི་གོ་མི་འབྱེད་དོ། ནང་དབྱིངས་ཀ་ནས་དག་པའི་ཕྱིར་རོ། །རིག་པ་རང་ས་ཟིན་པ་ལ་བཞི་ལས། ཆོས་སྐུ་ལ་འགྱུར་བ་མེད་པ་རྡོ་རྗེ་ལྟ་བུའི་སྐུ་ནི། རིག་པ་ཆོས་སྐུས་གཟུགས་སྐུའི་བདག་བྱས་པ་ཆོས་སྐུ་འཇིག་འབྲལ་མེད་པའོ། །ཡེ་ཤེས་ལ་འགགས་པ་མེད་པས་གཡུང་དྲུང་ལྟ་བུའི་ཚེ་ནི་ལོངས་སྐུ་ནང་གསལ་ཀྱི་རང་བཞིན་རྟག་པར་གནས་པའོ། །རྒྱུན་གྱི་ཏིང་ངེ་འཛིན་ལ་འདུ་འབྲལ་མེད་པ་ནི། ཐུན་མཚམས་ལས་འདས་པའི་དགོངས་པ་ཆུ་བོའི་གཞུང་ལྟ་བུའོ། །རིག་པ་ལ་གསལ་འགྲིབས་མེད་པ་ནི། དྲི་མ་ཐམས་ཅད་དང་བྲལ་བས་ཡེ་ཤེས་རང་གསལ་བ་ཉི་མའི་སྙིང་པོ་ལྟ་བུའི་སྐུ་ཐོབ་སྟེ། རིན་པོ་ཆེའི་་སྦུབས་ལ་འཕོ་འགྱུར་མེད་པར་གནས་སོ། །དེ་དག་ནི་གདན་ཆེན་པོ་གཅིག་ལ་འདུག་པའི་མན་ངག» «།ཞིང་ཁམས་གཅིག་ཏུ་འདྲེས་པའི་མན་ངག» «། སྣང་བ་གཅིག་ཏུ་གསལ་བའི་མན་ངག» «།སྦུབ་ཆེན་པོ་གཅིག་ཏུ་འདུས་པའི་མན་ངག །སངས་རྒྱས་ལ་ཡུལ་མེད། ཡེ་ཤེས་ལ་ཆོས་མེད། འབྲས་བུ་ལ་བདག་མེད། དགོངས་པ་ལ་འཚུན་མེད། དེ་ལས་ཡར་གཤེགས་ཀྱང་དགུང་ལ་ཤུལ་མི་མངའ་བའོ། །རྫོགས་ལྡན་ཆེན་པོ་རིན་ཆེན་གསང་བའི་སྦུབས་བསྟན་པའོ། །དབང་པོ་ཐ་མ་སྲིད་པའི་བར་དོ་ནས། འཁོར་བའི་རུ་བཟློག་པ་ཡུར་བ་རྐང་ཆག་ལ་ཝ་འཛུགས་པ་ལྟ་བུའི་མན་ངག་ནི། སྲིད་པའི་བར་དོ་ཞེས་བྱ་བ་སྐྱེ་བ་འདིའི་ལུས་དང་བྲལ། ཆོས་ཉིད་ཀྱི་བར་དོ་རང་སྣང་ངོ་མ་ཤེས་པ་ཡེ་ཤེས་ཀྱི་སྣང་བ་ནུབ་སྟེ། སྔར་གྱི་བག་ཆགས་ལངས་པས་དྲན་བྱེད་ལུས་ཅན་རྨི་ལམ་གྱི་སྣང་བ་ལྟ་བུ། དབང་པོ་ཚང་བ་རྫུ་འཕྲུལ་དང་ལྡན་པ། རང་བཞིན་གྱིས་ཉམ་ང་ཞིང་ས་གཅིག་ཏུ་མི་གནས་པར་ཀུན་ཏུ་འགྲོ་བ། བར་དོ་ནང་དང་ལྷའི་མིག་ཡོད་པ་ལས་གཞན་གྱི་མི་མཐོང་བ། ལུས་དང་འདུག་ས་འཚོལ་བ་ལ་བརྩོན་པ་སྟེ། བཤད་རྒྱུད་ལས། ཆོས་ཉིད་འོད་གསལ་སྣང་བ་ལ། །རྟོགས་པའི་ཤེས་རབ་མ་སྐྱེས་པས། །སྔར་གྱི་བག་ཆགས་སྣང་བ་ལངས། །སྔོན་འབྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། ། རིགས་མཐུན་ལྷ་མིག་དག་པས་མཐོང༌། །ལས་ཀྱི་རྫུ་འཕྲུལ་ཤུགས་ཀྱི་སྤྱོད། ། ལུས་དང་འདུག་ས་འཚོལ་བར་བྱེད། ཁང་བཟངས་རི་སུལ་མུན་རུམ་དང༌། ། གྲོག་ཕུག་ཕྱིན་པས་སྐྱེ་གནས་ཚུད། །དམྱལ་བ་ཡི་དྭགས་ཡིད་ཀྱི་ལུས། །ཞེས་སོ། །འདིའི་དུས་སུ་ཤེས་པ་སྔར་བས་བདུན་འགྱུར་གྱིས་གསལ་བས། རྗེས་དྲན་དྲུག་ལས། སྣང་བ་འོད་ཀྱི་འཁོར་ལོ་དང༌། བླ་མའི་གདམས་ངག་ལ་སོགས་པ་དྲན་པར་བཤད་པས། ཐ་མའི་རབ་ཀྱིས་སྒྱུ་མ་ལྟ་བུའི་བློའི་འཁོར་བའི་རུ་བཟློག་སྟེ། ཡི་དམ་ལྷའི་བསྐྱེད་རིམ་བསྒོམས་པས་གྲོལ་བར་གསུང༌། ཐ་མའི་འབྲིང་གིས་ཤར་ཕྱོགས་མངོན་པར་དགའི་བའི་ཞིང་ཁམས་ན་དཔལ་རྡོ་རྗེ་སེམས་དཔའ་ལ་སྐྱབས་སུ་མཆི་འོ་ལ་སོགས་པ་ཞིང་དག་པ་དང་དེའི་སངས་རྒྱས་ཀྱི་ཡོན་ཏན་ཡིད་ལ་བྱ་སྟེ། སྐྱབས་འགྲོའི་ཞིང་དེ་དག་ཏུ་གྲོལ་བར་གསུངས། ཐ་མའི་ཐ་མ་རྣམས་ངོ་སྤྲོད་ཀྱི་གནད་མཐོང་བའི་ལས་བཟང་པོས་འཕགས་ཏེ། ཕ་མ་དད་ཅན་གྱི་བུ་ཚར་སྐྱེས་ནས་ལས་ཀྱི་འཕྲོ་སད་དེ་ཆོས་འདི་དང་ལོ་ཉི་ཤུ་རྩ་ལྔའམ། སུམ་ཅུ་རྩ་ལྔ་ནི་འཕྲད་ནས་བར་དོ་མེད་པར་གྲོལ་ ལོ། །དེ་དག་གིས་གཞི་ལམ་འབྲས་བུ་གསུམ་གྱི་རྒྱས་པར་བཤད་པ་བསྟན་ཟིན་ཏོ། །༈ དོན་གཉིས་པ་སྒྲོན་མ་དྲུག་གི་གནད་བཅིངས་པ་ལ་དྲུག་ལས། གནས་པ་གཞིའི་སྒྲོན་མ་ནི། གཞི་རང་བཞིན་ལྷུན་གྲུབ་ཀྱི་སངས་རྒྱས་དེས་འཁོར་འདས་ཐམས་ཅད་ལ་ཁྱབ་པ་ནི་འོ་མ་ལ་མར་གྱིས་ཁྱབ་པ་བཞིན་གནས་ཏེ། དཔལ་ཕྲེང་གི་མདོ་ལས། བདེ་གཤེགས་སྙིང་པོས་འགྲོ་ཀུན་ཡོངས་ལ་ཁྱབ། །ཅེས་པ་དང༌། མཚན་བརྗོད་ལས། མི་འགྱུར་ཀུན་འཕྲོ་ཁྱབ་པ་པོ། །ཞེས་པ་དང༌། མཁའ་འགྲོ་མ་གུར་ལས། རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་པ་དང༌། འཁོར་ལོ་བཞི་སྦགས་ལས། མ་བྱུང་མ་སྐྱེས་འོད་ལྔའི་སྙིང་པོ་ཅན། །འགྲོ་བ་ཡོངས་ཀྱི་གཞི་རྩ་མཆོག །ཅེས་སོ། །ཙིཏྟ་ཤའི་སྒྲོན་མ་ནི། སྙིང་ནང་ན་སྐུ་དང་ཡེ་ཤེས་རང་འོད་དང་བཅས་པ་བུམ་པ་ནང་གི་མར་མེ་ལྟར་གནས་ཏེ། དེ་བཞིན་གཤེགས་པའི་སྙིང་པོ་བསྟན་པའི་མདོ་ལས། སེམས་ཅན་ཐམས་ཅད་ཀྱི་ནང་ན་ཐོག་མ་ཇི་ལྟ་བ་ལས་མ་གཡོས་པར་གནས་སོ། །ཞེས་པ་དང༌། མཚན་བརྗོད་ལས། སོ་སོར་རང་རིག་མི་གཡོ་བ། །མཆོག་གི་དང་པོ་སྐུ་གསུམ་འཆང༌། །ཞེས་པ་དང༌། ཀྱེ་རྡོ་རྗེ་ལས། ལུས་ལ་ཡེ་ཤེས་ཆེན་པོ་གནས། །རྟོག་པ་ཐམས་ཅད་ཡང་དག་སྤང༌། །དངོས་པོ་ཀུན་ལ་ཁྱབ་པའོ། །ལུས་གནས་ལུས་ལས་མ་སྐྱེས་པའོ། །ཞེས་པ་དང༌། ཐིག་ལེ་འདུས་པ་ལས། སེམས་ཅན་དྲན་བྱེད་ཙིཏྟའི་དཀྱིལ། །ཆོས་གསུམ་ཉིད་ཀྱི་ངོ་བོར་གནས། །ཞེས་སོ། ། དཀར་འཇམ་རྩའི་སྒྲོན་མ་ནི། སྙིང་ནས་མིག་ཏུ་རྩ་དར་དཀར་ཀྱི་སྐུད་པ་འདྲ་བའི་ནང་ན། ཡེ་ཤེས་ཀྱི་རང་གདངས་འཆར་བ་རྒྱ་སྐར་གྱི་ཉི་ཞུར་ལྟ་བུ་སྟེ། མདོ་ཚིགས་སུ་བཅད་པ་རྒྱས་པ་ལས། ཡེ་ཤེས་སྒྲོན་མར་འབྲེལ་པས་ནི། ཕྱོགས་བཅུའི་ཞིང་ཁམས་གསལ་བར་མཐོང༌། །ཞེས་པ་དང༌། མཚན་བརྗོད་ལས། སྒྱུ་འཕྲུལ་དྲྭ་བའི་ཚུལ་བསྟན་པ། །འདི་ནི་རྣམ་དག་ལེགས་པའི་ལམ། ཞེས་པ་དང༌། ཕལ་ཆེན་ལས། གཞི་ནས་རྒྱ་མཚོར་འོད་གསལ་བ། »།«ལ་ལ་ནམ་མཁའི་དབྱིངས་ན་གསལ། »།«འོད་ཀྱི་དཀྱིལ་འཁོར་རྣམ་པར་བཀྲ །ཞེས་པ་དང༌། ཐིག་ལེ་འདུས་པ་ལས། རྩ་ཡི་རྒྱལ་པོ་ཤེལ་གྱི་སྦུ་གུ་ཅན། །ཉི་མ་ཟླ་བའི་ནང་དུ་ཟུག་པར་གནས། །ཞེས་སོ། །རྒྱང་ཞགས་ཆུའི་སྒྲོན་མ་ནི། མིག་གི་དངས་མ་ཡེ་ཤེས་ལྷུག་པར་འཆར་བའི་སྒོ་གཉིས་ཏེ། ཤར་གྱི་ལ་ཁར་ཉི་མའི་གདངས་ནུབ་རི་ལ་གསལ་བ་ལྟ་བུའོ། །ཡུལ་ལས། སེམས་ཀྱི་རང་བཞིན་འོད་གསལ་བའོ། །ཞེས་པ་དང༌། མཚན་བརྗོད་ལས། ཡེ་ཤེས་མིག་གཅིག་དྲི་མ་མེད། །ཡེ་ཤེས་ལུས་ཅན་དེ་བཞིན་གཤེགས། །ཞེས་པ་དང༌། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ལས། ཤེས་པ་རང་སྣང་མངོན་སུམ་གནད། ། ལེགས་པའི་ཡེ་ཤེས་རང་སྣང་བ། །ཞེས་པ་དང༌། ཀུན་གསལ་ལས། ཆོས་ཉིད་གསལ་བའི་ཡེ་གདངས་ནི། །ནམ་ལངས་ཞོགས་པ་ལྟ་བུུ་འོ། །ཞེས་སོ། །བར་དོ་དུས་ཀྱི་སྒྲོན་མ་ནི། གཞི་སྣང་སྐུ་དང་ཡེ་ཤེས་སུ་ཤར་བ་རང་ངོ་ཤེས་པས། སྔར་འདྲིས་ཀྱི་མི་དང་འཕྲད་པ་ལྟ་བུ་སྟེ། འདའ་ཁ་ཡེ་ཤེས་ལས། རང་བཞིན་མི་དམིགས་འོད་གསལ་བས། །དངོས་པོ་ཅི་ལའང་མི་ཆགས་བསྒོམས། »།«ཞེས་དང༌། མཚན་བརྗོད་ལས། འོད་ཆེན་རྣམ་པར་སྣང་བར་བྱེད། །ཡེ་ཤེས་སྐར་མ་ལམ་མེ་བ། ། འགྲོ་བའི་མར་མེ་ཡེ་ཤེས་སྒྲོན། །གཟི་བརྗིད་ཕུང་པོ་བལྟ་ན་སྡུག» «།ཅེས་པ་དང༌། གསང་འདུས་ལས། ནམ་མཁའི་དབྱིངས་ཀྱི་དབུས་གནས་པར། །འོད་ཟེར་སྤྲིན་གྱི་ཚོགས་ཆེན་པོ། །སངས་རྒྱས་འབར་བའི་འོད་དང་ལྡན། །ཡེ་ཤེས་འབར་བས་ཀུན་ལ་ཁྱབ། །ཅེས་པ་དང༌། ཐིག་ལེ་འདུས་པ་ལས། རང་བྱུང་ཡེ་ཤེས་ཆེན་པོ་ལས། །རང་གདངས་སྣ་ཚོགས་རིགས་ལྔར་གསལ། །ཞེས་སོ། །མཐར་ཐུག་འབྲས་བུའི་སྒྲོན་མ་ནི། གཞི་སྣང་དབྱིངས་སུ་ཐིམ་པ་རིག་པ་རང་ས་ཟིན་པ་རིན་པོ་ཆེ་གསང་བའི་སྦུབས་ལས་འཕོ་འགྱུར་མེད་པ་སྟེ། དེ་ལས་མཐར་ཐུག་པ་འམ་བོགས་དབྱུང་དུ་མེད་པ་སྟོན་ཀའི་ལོ་ཐོག་སྨིན་ལེགས་པ་ལྟ་བུའོ། །ཡུམ་ལས། ཕྱིན་ཅི་ལོག་ལས་ཤིན་ཏུ་འདས་ནས། མྱ་ངན་ལས་འདས་པའི་མཐར་ཕྱིན་ཏེ་ཞེས་དང༌། མཚན་བརྗོད་ལས། མྱ་ངན་འདས་པ་མྱ་ངན་འདས། །ལེགས་པར་མྱ་ངན་འདས་དང་ཉེ། །ཞེས་པ་དང༌། རྒྱུད་ཀྱི་སྙིང་པོ་ལས། སྣང་སྲིད་འཁོར་འདས་ཆོས་རྣམས་ལ། །ཡེ་ཤེས་སྤྱི་བླུགས་རྒྱས་ཐེབས་ན། །སྐུ་དང་ཡེ་ཤེས་རང་བཞིན་ལས། ཁམས་གསུམ་འཁོར་བར་མི་འགྱུར་ཏེ། །ཐམས་ཅད་ཟབ་མོ་ཆོས་ཉིད་ཀློང༌། །ཞེས་པ་དང༌། ཐིག་ལེ་ཀུན་གསལ་ལས། གཉིས་མེད་ཆོས་སྐུ་མི་འགྱུར་བ། །སྟོང་ཉིད་རྡོ་རྗེའི་སྐུ་ཐོབ་བོ། །གཉིས་མེད་ཆོས་སྐུའི་ངང་ལས་ནི། །རིག་པའི་ཡེ་ཤེས་མི་འགག་གསལ། །ཞེས་གསུངས་སོ། །སྒྲོན་མ་དྲུག་གི་མདོ་བཅིངས་པ་བསྟན་ཟིན་ཏོ། །༈ དོན་གསུམ་པ་རང་བྱུང་ཡེ་ཤེས་འགག་བསྡམ་པ་ནི། བར་དོའི་ཆོས་ཚན་ཐམས་ཅད་བསྡུ་ན། ལིངས་ཀྱིས་བསྐྱུར་བ་སྒྱུ་ལུས་ཀྱི་ཕུང་པོ། ཐིབས་ཀྱིས་འགགས་པ་འགྱུ་བྱེད་ཀྱི་རང་སེམས། ལྟར་གྱིས་ཤར་བ་རང་སྣང་གི་དཀྱིལ་འཁོར། ཧྲིག་གེར་རིག་པ་རང་བྱུང་གི་ཡེ་ཤེས། ཕྱམ་མེར་གྲོལ་བ་གདོད་མའི་གནས་ལུགས། ཞེས་པར་བསྡུ་ལ། དེའི་རྒྱུ་མཚན་ནི། སྒྱུ་ལུས་གཡར་པོ་ཡིན་པས་འབོར་བ་ཡིན། །རང་སེམས་འཁྲུལ་བ་ཡིན་པས་འགག་པ་ཡིན། །ཡེ་ཤེས་ཡེ་ནས་ཡོད་པས་འཆར་བ་ཡིན། »།«འབྲས་བུ་རང་ངོ་ཤེས་པས་གྲོལ་བ་ཡིན། །ཞེས་པར་ཐུག་ལ། དེ་ཡང་བསྡུ་ན། ཧྲིག་གེར་རིག་པ་རང་བྱུང་གི་ཡེ་ཤེས་ཞེས་པར་བསྡུ་སྟེ། རང་བྱུང་གི་ཡེ་ཤེས་རང་ལ་གནས་པ་བླ་མས་ངོ་སྤྲོད་པ་རྟོགས་ཤིང་ཉམས་སུ་བླངས་པས་འདིའམ། རང་སྣང་གྲོལ་ཞེས་པས་བར་དོར་གྲོལ་ཏེ། རིན་ཆེན་གསང་བའི་སྦུབས་ལ་རིག་པ་རང་ས་ཟིན་པས་ཐམས་ཅད་རང་བྱུང་གི་ཡེ་ཤེས་སུ་འདུ་སྟེ། བཤད་རྒྱུད་ལས། ཐམས་ཅད་རང་བྱུང་ཡེ་ཤེས་དང༌། ཞེས་སོ། དེ་ཡང་གཞི་ཡེ་སངས་རྒྱས་པ། ལམ་མངོན་སངས་རྒྱས་པ། འབྲས་བུ་རྫོགས་སངས་རྒྱས་པ། ཞེས་བྱ་སྟེ། དུས་གསུམ་གྱི་སངས་རྒྱས་ཐམས་ཅད་དགོངས་པ་མཉམ་ཁད་ཀྱིས་འདྲེས་སོ། །རང་བྱུང་གི་ཡེ་ཤེས་སུ་དོན་བསྡུ་བ་བསྟན་ཟིན་ཏོ། །དོན་བཞི་པ་ཐེམས་ཡིག་ལྔས་གཟེར་གདབ་པ་ལ་གསུམ་ཚོ་ལྔ་སྟེ། གསལ་འདེབས་ཤར་བའི་དུས་གསུམ། བར་ཆད་མེད་པའི་རྟགས་གསུམ། སྐྱེ་བ་མི་ལེན་པའི་གཏན་ཚིགས་གསུམ། གདམས་པའི་གནད་འགག་གསུམ། སངས་རྒྱ་ཚུལ་གསུམ། དང་པོ་ནི་འོད་ཟེར་རྐྱེན་དུ་ཤར་ཏེ་གསལ་གདབ། ཡེ་ཤེས་ལྔ་ཡི་འོད་ཟེར་འཕྲོ། དཀྱིལ་འཁོར་རྐྱེན་དུ་ཤར་ཏེ་གསལ་གདབ། གསུམ་རིག་གཙང་མ་དག་པ་སྟེ། གདམས་ངག་རྐྱེན་དུ་ཤར་བ་སྟེ་གསལ་གདབ། ཡང་དག་སངས་རྒྱས་ལམ་རིག་པ།» །« གཉིས་པ་ནི་བརྡ་ལ་བར་ཆད་མེད་པ་ཆུ་ཟླ་ལྟ་བུ། རྟགས་ལ་བར་ཆད་མེད་པ་ལུས་དང་གྲིབ་མ་ལྟ་བུ། དོན་ལ་བར་ཆད་མེད་པ་ཆོས་ཉིད་འོད་གསལ་ལོ། །གསུམ་པ་ནི་ཕྱི་གཟུང་བའི་ཡུལ་དག་སྟེ་སྐྱེ་བ་ལེན་པའི་གནས་མེད། ནང་འཛིན་པའི་སེམས་དག་སྟེ་སྐྱེ་བ་ལེན་པའི་བདག་མེད། འོད་གསལ་གྱི་དཀྱིལ་འཁོར་མཁའ་ལ་ཤར་བས་སྐྱེ་བ་རྒྱུན་ཆད་དོ། །བཞི་པ་ནི་འཁོར་དུ་འཁོར་ས་མེད་དེ་སྣང་སྲིད་གཞི་ནས་དག།འཁྲུལ་དུ་འཁྲུལ་ས་མེད་དེ་སྣང་སྲིད་དཀྱིལ་འཁོར་དུ་ཤར། འཁྱར་དུ་འཁྱར་ས་མེད་དེ་ཡེ་ཤེས་མ་བུ་མཇལ་ལོ། །ལྔ་པ་ནི་དབང་པོ་གསུམ་ལ་རབ་འབྲིང་ཐ་གསུམ་ལས། རབ་ཀྱི་རབ་ནི། རབ་སེང་གེའི་མཆོངས་སྟངས་ཀྱིས་སངས་རྒྱ། འབྲིང་ཉི་ཟླ་གའུ་ཁ་སྦྱོར་གྱི་ཚུལ་དུ་སངས་རྒྱ། ཐ་མ་དཔག་ཆེན་མདའི་ཚུལ་དུ་སངས་རྒྱ། འབྲིང་གི་རབ་རི་བོང་དང་འཛིན་པའི་ཚུལ་དུ་སངས་རྒྱ། འབྲིང་ཁྱུང་དང་སྒོ་ངའི་ཚུལ་དུ་སངས་རྒྱ། ཐ་མ་ནེའུ་ཕྲུག་དང་ཁྱུ་བརྒྱའི་ཚུལ་དུ་སངས་རྒྱའོ། །ཐ་མའི་རབ་མགྲོན་པོ་རང་ཁྱིམ་དུ་སླེབས་པ་ལྟ་བུར་སངས་རྒྱ། འབྲིང་མ་པང་དུ་བུ་རྒྱུག་པ་ལྟ་བུར་སངས་རྒྱ། ཐ་མ་ཨ་ནེ་བྱམས་མའི་སྤྱན་དུ་ཚ་བོ་འགྲོ་བ་ལྟ་བུར་སངས་རྒྱའོ། །དེ་དག་གིས་མན་ངག་གི་རང་གནད་མི་འཆུགས་པར་བསྟན་ཟིན་ཏོ། །དོན་ལྔ་པ་གཙིགས་ཆེ་བས་བཀའ་རྒྱས་གདབ་པ་ལ་གསུམ་ལས། བླ་མའི་བཀའ་རྒྱ་ནི། དུས་འདི་ནས་གཟུང་ནས་ལས་རྒྱུ་འབྲས་ཁྱད་མི་གསད། གྲུབ་མཐའ་དམའ་བ་ལ་མི་གཤེ། བླ་མ་ལ་གསོལ་བ་བཏབ་ཅིང་རྒྱུན་དུ་ཉམས་ལེན་ལ་འབུངས། དམ་ཚིག་ཚུལ་བཞིན་དུ་བསྲུང་ཞིང་གཞན་ལ་རབ་ཏུ་གསང་ངོ༌། ཡི་དམ་གྱི་མནའ་རྒྱ་ནི། ཐུབ་པའི་སྐུ་གཅིག་མགོ་ཐོག་ཏུ་བཞག་ལ། འདི་ནས་འབྱུང་བའི་མན་ངག་ཉམས་སུ་ལེན་ཞིང༌། གསང་བའི་མན་ངག་སྐལ་མེད་ལ་མ་བསྟན་ཅིག» «།སྟོན་ན་ཆད་པ་དྲག་པོ་ཕོབ་ཅིག་ཅེས་མནའ་དགག་ ག»ོ «།བཀའ་སྲུང་གི་གཏད་རྒྱ་ནི། འདིའི་སྲུང་མ་དཔལ་ཧཱ་ཀཱ་ལ་དང༌། ཨེ་ཀ་ཙ་ཏི་དང༌། དམ་ཅན་གསུམ་བསྐོས་པ་ཡིན་པས། བཀའི་བྱ་ར་བྱེད་ཅིང་ལེགས་ཉེས་ཀྱི་སྟངས་བཟུང་ནས། དམ་ཚིག་གི་རྗེས་གཅོད་ངེས་པ་ཡིན་ནོ། །བཀའ་དང་དམ་ལས་མ་འདའ་ཞིག །ཅེས་བརྗོད་དོ། བཀའ་རྒྱ་འདས་ན་ཁ་ནས་ཁྲག་སྐྱུགས། མིག་འབྲས་ཐང་ལ་བྲུལ། ཤི་ནས་རྡོ་རྗེའི་དམྱལ་བར་སྐྱེའོ། །གཏད་རྒྱ་འགལ་ན་ཕན་མི་ཐོགས། མནའ་རྒྱ་འགལ་ན་སྲོག་ལ་འོང༌། ཚུལ་བཞིན་སྦྱང་ན་འདི་དང་ཕྱི་མའི་ལེགས་དགུ་འགྲུབ་ཅིང༌། བླ་མ་ཡི་དམ་མཁའ་འགྲོ་ཐམས་ཅད་ཀྱིས་བྱིན་གྱིས་རློབ་པ་ཡིན་ནོ། །དེ་ལྟར་མཆོག་གསང་མན་ངག་སྙིང་པོའི་བཅུད། །ཚེ་འདིར་འཁོར་བའི་རྒྱ་མཚོ་བརྒལ་ནུས་པ། །ངེས་དོན་བླ་མེད་སྙན་བརྒྱུད་ཟབ་མོའི་དོན། །གཞན་ལས་འཕགས་པའི་དམ་ཆོས་ཨེ་མ་ ཧོ། །བླ་མའི་གསུང་སྒྲོས་ཕྱག་བཞེས་མན་ངག་དོན། །དཀྱུས་སུ་སྦས་ཤིང་མི་གསལ་མཐོང་བ་རྣམས། །འདིར་གཅིག་བསྡུས་ཏེ་ཕྱི་རབས་དོན་དུ་བཀོད། ། སྲུང་མ་དམ་ཅན་རྒྱ་མཚོས་བྱ་ར་མཛོད། །དགེ་བ་འདི་ཡིས་མ་ལུས་འགྲོ་བ་རྣམས། །ཀུན་བཟང་ཆོས་རྗེ་བླ་མའི་གནས་ཐོག་ཤོག །འོད་གསལ་སྙན་བརྒྱུད་བསྟན་པ་དར་བ་དང༌། »།«སྐལ་ལྡན་དམ་ཆོས་དགའ་སྟོན་འཕེལ་བར་ཤོག» «།སྙན་བརྒྱུད་དོན་གྱི་མེ་ལོང་ཞེས་བྱ་བ་འོད་གསལ་སྙིང་པོའི་རྣལ་འབྱོར་པ་སྣ་ཚོགས་རང་གྲོལ་གྱིས་གངས་རི་ཐོད་དཀར་གྱི་མགུལ་དུ། འོད་ཟེར་སྤྲིན་གྱི་ནགས་ནང་ཀུན་ཏུ་བཟང་པོའི་ཁང་བཟང། ཟླ་བ་ཆུ་ཤེལ་གྱིས་འཚེར་བ་ལ་སྦྱར་བ་རྫོགས་སོ།། །།འདི་དོན་ཆོས་ལ་དད་པ་དང༌། །མན་ངག་སྟོན་པའི་བླ་མ་དང༌། །འདི་བཟུང་བྱང་ཆུབ་མ་ཐོབ་བར། །རྟག་ཏུ་བསྟེན་ཅིང་བརྩོན་པར་ ཤོག །དགེའོ། །དགེའོ། །དགེའོ།། །།

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).