LONGCHENPA-PECIN-11-DA-002: Difference between revisions
LONGCHENPA-PECIN-11-DA-002
Longchenpa Project: generated page (21 November 2026) |
Longchenpa Project: Tibetan in the wiki's TibetanMachineUni font; «…» notes in small print (22 November 2026) |
||
| Line 25: | Line 25: | ||
}} | }} | ||
= Tibetan Text = | = Tibetan Text = | ||
<div class=" | <div class="TibetanMachineUni16 lcp-etext" lang="bo"> | ||
༄༅། །ཕྱག་འཚལ་ཡིད་བཞིན་ནོར་བུ་བཞུགས་སོ། །<span class="lcp-note"><span class="lcp-mark">«</span> ཨོཾ་ཨཱཿཧཱུྃ། ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱི་སྐུ་དང་གསུང་དང་ཐུགས་མཉམ་པ་ཉིད་རྡོ་རྗེ་རྩེ་མོའི་ངོ་བོ་ལས་ལྷུན་གྱིས་གྲུབ་པ་དཔལ་ཀུན་ཏུ་བཟང་པོའི་རང་བཞིན་ཚད་མེད་པའི་མཁྱེན་རབ་དང་ཐུགས་རྗེར་ལྡན་ལ། ཁམས་གསུམ་གྱི་བླ་མ་རིན་པོ་ཆེ་ཀུ་མ་རཱ་ཛའི་ཞབས་ཀྱི་པདྨོ་དྲི་མ་མེད་པ་ལ་ཕྱག་འཚལ་ལོ། །མཆོད་དོ། །སྐྱབས་སུ་མཆིའོ། །བརྩེ་བ་ཆེན་པོས་དུས་ཐམས་ཅད་དུ་རྗེས་སུ་བཟུང་དུ་གསོལ། ངོ་བོ་བརྗོད་འདས་ཆོས་སྐུའི་ངང༌། །རང་བཞིན་འོད་གསལ་ལོངས་སྤྱོད་རྫོགས། །ཐུགས་རྗེ་ལྷུན་གྲུབ་སྤྲུལ་པའི་སྐུ། །བླ་མ་ཀུན་ལ་ཕྱག་འཚལ་ལོ། །ཤིན་ཏུ་སྐྱེ་མེད་ཆོས་ཉིད་ ཀློང༌། །གདོད་མའི་མགོན་པོ་ཡོན་ཏན་རྫོགས། །སངས་རྒྱས་ཀུན་གྱི་མེས་ཆེན་པོ། །ཀུན་བཟང་ཡབ་ཡུམ་ལ་ཕྱག་འཚལ། །རང་བཞིན་ལྷུན་གྲུབ་འོད་གསལ་ཞིང༌། །གསལ་སྟོང་དབྱེར་མེད་ཞི་ཁྲོའི་སྐུ། །ཀུན་བཟང་ཀློང་ལས་རང་ཤར་བའི། །དམ་པ་རིགས་བརྒྱ་ལ་ཕྱག་འཚལ། །ཤིན་ཏུ་རྣམ་དག་གཉུག་མའི་ཀློང༌། །ཡོན་ཏན་ལྷུན་རྫོགས་འོད་གསལ་སྐུ། །རང་བཞིན་ལྷུན་གྲུབ་རྫོགས་སངས་རྒྱས། །རྡོ་རྗེ་འཆང་ཆེན་ལ་ཕྱག་འཚལ། །ཤིན་ཏུ་སྐྱེ་མེད་ནམ་མཁའི་ངང༌། །ཡེ་ཤེས་ཡོན་ཏན་ཁྱབ་གདལ་ཆེ། །གསལ་སྟོང་འོད་གསལ་སྒྱུ་མའི་ སྐུ། །རྡོ་རྗེ་སེམས་དཔའ་ལ་ཕྱག་འཚལ། །སངས་རྒྱས་ཀུན་དང་དབྱེར་མེད་ཅིང༌། །ཡོན་ཏན་ལྷུན་རྫོགས་རྡོ་རྗེ་འཛིན། །རྒྱུད་ཀུན་སྡུད་མཛད་གསང་སྔགས་འཆང༌། །ཕྱག་ན་རྡོ་རྗེ་ལ་ཕྱག་འཚལ། །རྒྱལ་བའི་ཐུགས་རྗེ་ལྷུན་གྲུབ་ལས། །རང་བྱུང་རིག་འཛིན་ཀུན་གྱི་གཙོ། །དན་ཏིག་ཆུ་བོར་འཇའ་བཞིན་ཡལ། །དགའ་རབ་རྡོ་རྗེ་ལ་ཕྱག་འཚལ། །རང་བཞིན་ལྷུན་རྫོགས་ཀུན་བཟང་ངང༌། །ཤིན་ཏུ་མཉམ་བཞག་གསལ་སྟོང་རྒྱས། །སོ་ས་གླིང་དུ་འོད་དུ་ཡལ། ། འཇམ་དཔལ་བཤེས་གཉེན་ལ་ཕྱག་འཚལ། །ལྷུན་རྫོགས་ཆོས་སྐུར་རྣམ་སངས་རྒྱས། །གསལ་སྟོང་དབྱེར་མེད་ཡོན་ཏན་རྫོགས། །བསིལ་སྦྱིན་མཁའ་ལ་འོད་སྐུར་ཡལ། །ཤྲཱི་སིང་ཧ་ལ་ཕྱག་འཚལ། །གཉུག་མའི་ཀློང་ལས་ཡོན་ཏན་རྫོགས། །གཟུང་འཛིན་རང་གྲོལ་མཉམ་པ་ཉིད། །བྷ་སིང་ནགས་སུ་འོད་དུ་ཡལ། །ཛྙཱ་ན་སཱུ་ཏྲ་ལ་ཕྱག་འཚལ། །གདོད་མའི་ངང་དུ་རང་སར་གྲོལ། ། ཐུགས་རྗེ་ལྷུན་གྲུབ་འགྲོ་བའི་དཔལ། །རིག་པ་འཛིན་པ་ཀུན་གྱི་རྗེ། །བི་མ་མི་ཏྲ་ལ་ཕྱག་འཚལ། །སྐལ་བཟང་འདྲེན་པ་སྟོང་གི་བར། །གཞན་དོན་འཕོ་བ་ཆེན་པོའི་སྐུ། །རི་བོ་རྩེ་ལྔར་རྟག་ཏུ་བཞུགས། །བི་མ་མི་ཏྲ་ལ་ཕྱག་འཚལ། ། མཁྱེན་བརྩེའི་ཕྲིན་ལས་ལྷུན་གྲུབ་གྱིས། །འགྲོ་བའི་དོན་རྣམས་རྫོགས་མཛད་ཅིང༌། །ཟག་མེད་ལྷུན་རྫོགས་རྡོ་རྗེའི་སྐུ། །དྲི་མེད་བཤེས་གཉེན་ལ་ཕྱག་འཚལ། །བླང་དོར་མེད་པ་ཆོས་སྐུའི་ཀློང༌། །འོད་སྐུར་ཡོན་ཏན་ལྷུན་རྫོགས་ཤིང༌། །གང་ཤར་རང་གྲོལ་འཛིན་པ་མེད། །ཏིང་འཛིན་བཟང་པོ་ལ་ཕྱག་འཚལ། །ཚོགས་གཉིས་རྒྱས་མཚོ་ལས་གྲུབ་ཅིང༌། །འཇམ་དཔལ་དབྱངས་ཀྱི་རྣམ་འཕྲུལ་མཆོག<span class="lcp-mark">»</span></span> <span class="lcp-note"><span class="lcp-mark">«</span>།གངས་ཅན་དམ་ཆོས་རྒྱས་མཛད་པའི། །ཆོས་རྒྱལ་མཆོག་ལ་ཕྱག་འཚལ་ལོ། །འཛིན་མེད་རང་གྲོལ་གཉུག་མའི་ངང༌། །འོད་གསལ་ལྷུན་གྲུབ་དབྱིངས་དང་འདྲེས། །མ་འགགས་རོལ་པས་གཞན་དོན་མཛད། །ལྡང་མ་ལྷུན་རྒྱལ་ལ་ཕྱག་འཚལ། །སངས་རྒྱས་ཀུན་དང་རྣམ་དབྱེར་མེད། །ཡོན་ཏན་ལྷུན་རྫོགས་གསལ་སྟོང་རྒྱས། །འོད་ལུས་གྲུབ་ནས་མཁའ་ལ་ཡལ། །སེང་གེ་དབང་ཕྱུག་ལ་ཕྱག་འཚལ། །རྟོག་པ་ཉོན་མོངས་རང་སར་གྲོལ། །ཐུགས་རྗེས་གཞན་དོན་ལྷུན་གྱིས་གྲུབ། །རང་བྱུང་ཟང་ཐལ་ཀློང་ཡངས་ཤར། །རྒྱལ་བ་ཞང་སྟོན་ལ་ཕྱག་འཚལ། །རང་བཞིན་ལྷུན་རྫོགས་རོལ་པའི་ངང༌། །ཀུན་བཟང་དགོངས་པ་མཐར་ཕྱིན་ཞིང༌། །ཤེས་བྱ་ཀུན་ལ་ཐོགས་པ་མེད། །མཁས་པ་ཉི་འབུམ་ལ་ཕྱག་འཚལ། །རང་བཞིན་གཉུག་མ་གདལ་བའི་ཀློང༌། །གཟུང་འཛིན་རང་གྲོལ་ཆོས་སྐུའི་ངང༌། །གསལ་སྟོང་འཛིན་མེད་ངོ་བོ་ཉིད། །གུ་རུ་ཇོ་འབེར་ལ་ཕྱག་འཚལ། །གཉིས་འཛིན་འཁྲུལ་པ་རང་སར་ཞིག<span class="lcp-mark">»</span></span> <span class="lcp-note"><span class="lcp-mark">«</span>།སྤང་བླང་རེ་དོགས་དབྱིངས་སུ་གྲོལ། །འགྱུར་མེད་སྙིང་པོའི་ཀློང་དུ་རྫོགས། །སེང་གེ་རྒྱབ་པ་ལ་ཕྱག་འཚལ། །ལྷུན་རྫོགས་རོལ་པ་ཀུན་བཟང་དང༌། །ཐམས་ཅད་རང་གྲོལ་འོད་གསལ་ཤར། །དཔེ་མེད་ནམ་མཁའི་རྣལ་འབྱོར་པ། །མེ་ལོང་མཚན་ཅན་ལ་ཕྱག་འཚལ། །སངས་རྒྱས་ཀུན་དངོས་ཆོས་སྐུའི་ཀློང༌། །ཟག་མེད་རང་གྲོལ་དགེ་འདུན་ཆེ། །དུས་གསུམ་འཕོ་འགྱུར་མེད་པའི་ངང༌། །ཀུ་མ་རཱ་ཛ་ལ་ཕྱག་འཚལ། །གདོད་མའི་ཆོས་དབྱིངས་ཀུན་ཏུ་བཟང༌། །ལྷུན་མཉམ་ངང་ལས་མི་གཡོ་ཞིང༌། །མཁྱེན་བརྩེའི་ཕྲིན་ལས་བསམ་ཡས་བརྙེས། །དྲི་མེད་འོད་ཟེར་ལ་ཕྱག་འཚལ། །ངོ་བོར་བརྗོད་འདས་ནམ་མཁའ་ཀློང༌། །རང་བཞིན་འོད་གསལ་མཉམ་སྦྱོར་ཞིང༌། །ཐུགས་རྗེ་འགྲོ་ཀུན་ཡོངས་ལ་ཁྱབ། ། སྐྱབས་མཆོག་ཁྱེད་ལ་ཕྱག་འཚལ་ལོ། །སྙིང་པོའི་ཀློང་དུ་ཡེ་ནས་གྲོལ། ། གསལ་སྣང་ཞིང་ཁམས་ཆེན་པོར་རྒྱས། །ཐམས་ཅད་མཉམ་སྦྱོར་ནམ་མཁའི་ངང༌། །དཔེ་བྲལ་ཁྱེད་ལ་ཕྱག་འཚལ་ལོ། །ཡེ་ནས་ཀུན་བཟང་རོལ་པའི་ངང༌། ཁྱེད་ནི་རྟག་ཏུ་མཉམ་བཞག་ཀྱང༌། །ནོར་བུ་ཇི་བཞིན་གཞན་དོན་མཛད། ། ཡིད་བཞིན་ཁྱེད་ལ་ཕྱག་འཚལ་ལོ། །ཏིང་འཛིན་དང་ནི་མངོན་ཤེས་ཀྱི། ། གདུལ་བྱ་འཇིག་རྟེན་མ་ལུས་ཀུན། །གདོད་མའི་ཀློང་དུ་འཁྲིད་མཛད་པའི། ། དེད་དཔོན་ཁྱེད་ལ་ཕྱག་འཚལ་ལོ། །འཁོར་བར་མགོན་མེད་རབ་འཁྱམས་ཤིང༌། །སྡུག་བསྔལ་རྒྱ་མཚོའི་ཀློང་ཡངས་ལས། །སྒྲོལ་བར་མཛད་པའི་གྲུ་བོ་ཆེ། །བརྩེ་ཆེན་ཁྱེད་ལ་ཕྱག་འཚལ་ལོ། །ལས་དང་ཉོན་མོངས་འཁྲུལ་འཁོར་གྱིས། །ཡུན་རིང་སྲིད་པར་འདུག་པ་ལ། །སྤངས་གཉེན་རང་གྲོལ་མངོན་སུམ་ལམ། །སྟོན་མཆོག་ཁྱེད་ལ་ཕྱག་འཚལ་ལོ། །གང་ཞིག་མཐོང་བས་རབ་དད་ཅིང༌། །ཐོས་པས་ཐེ་ཚོམ་དྲ་བ་གཅོད། །རེག་པས་བྱིན་རླབས་དངོས་གྲུབ་འབྱུང༌། །མཚུངས་བྲལ་ཁྱོད་ལ་ཕྱག་འཚལ་ལོ། །གང་ཞིག་ཁྱོད་སྐུ་མཐོང་བ་དང༌། ཁྱོད་གསུང་ཐོས་དང་འཛིན་པ་ཡི། །འགྲོ་བ་དེ་དག་ཀུན་ལ་ཡང༌། །རྟག་ཏུ་བདག་ནི་ཕྱག་འཚལ་ལོ། །དེ་བཞིན་ཕྱོགས་བཅུའི་སངས་རྒྱས་དང༌། །ཆོས་དང་བྱང་ཆུབ་སེམས་དཔའི་ཚོགས། །ཉན་ཐོས་རང་སངས་རྒྱས་ཀུན་ལའང༌། ། རྟག་ཏུ་གུས་པས་ཕྱག་འཚལ་ལོ། །འཇིག་རྟེན་རྒྱ་མཚོའི་ཀློང་ཡངས་ནས། ། མཆོད་པའི་སྤྲིན་གྱི་ཕུང་པོ་ནི། །མཁའ་དང་མཉམ་པ་ཇི་སྙེད་ཀྱིས། །བླ་མའི་ཚོགས་དང་དཀོན་མཆོག་མཆོད། །དེ་བཞིན་དངོས་དང་ཡིད་ལས་སྐྱེས། །བླ་ན་ཡོད་མེད་མཆོད་པའི་སྤྲིན། །ལུས་དང་ལོངས་སྤྱོད་ལ་སོགས་ཀྱིས། །མཆོད་འོས་ཀུན་ལ་མཆོད་པར་བགྱི། །ཐམས་ཅད་ཀུན་བཟང་རོལ་པའི་ངང༌། ། མཆོད་པར་མི་འོས་གང་ཡང་མེད། །སྣང་སྟོང་མཆོད་སྤྲིན་རོལ་པ་ཡིས། །ཀུན་ལ་དེ་བཞིན་མཆོད་པར་བགྱི། །ཐོག་མ་མེད་ནས་ལུས་དང་ངག<span class="lcp-mark">»</span></span> <span class="lcp-note"><span class="lcp-mark">«</span>།ཡིད་ཀྱིས་སྡིག་པའི་ལས་བགྱིས་པ། །དེ་ཀུན་རབ་ཏུ་འགྱོད་སེམས་ཀྱིས། །མཆོད་འོས་ཀུན་གྱི་སྤྱན་སྔར་བཤགས། །<span class="lcp-mark">»</span></span> <span class="lcp-note"><span class="lcp-mark">«</span>དྲི་མ་གློ་བུར་དང་ལྡན་ཞིང༌། །ཡོན་ཏན་ཡེ་ནས་རྫོགས་པའི་ངང༌། །<span class="lcp-mark">»</span></span> <span class="lcp-note"><span class="lcp-mark">«</span>འཁྲུལ་བའི་བག་ཆགས་ཅི་མཆིས་པ། །ཐམས་ཅད་ཀུན་བཟང་རོལ་པར་བཤགས། །ཡེ་ནས་གྲོལ་བའི་དེ་བཞིན་ཉིད། །སྤང་བླང་རེ་དོགས་མེད་པའི་ངང༌། །ཆོས་ཀུན་བསམ་བརྗོད་མེད་པའི་དབྱིངས། །རང་བཞིན་གདོད་མའི་ཀློང་དུ་བཤགས། །བླ་ན་ཡོད་མེད་དགེ་བའི་ཚོགས། །བགྱིད་དང་བགྱིད་སྩལ་བགྱིས་པ་ལའང༌། །དགའ་བས་རྗེས་སུ་ཡི་རང་ཞིང༌། །རང་གྲོལ་ཆོས་ཀྱི་འཁོར་ལོ་བསྐོར། །ཀུན་ཀྱང་ཡེ་ནས་སྐྱེ་ཤི་མེད། །འདུ་འབྲལ་མེད་པའི་ཀློང་ཡངས་ལ། །མྱ་ངན་མི་འདའ་རྟག་པར་ཡང༌། །སྒྱུ་མ་ཙམ་དུ་གསོལ་བ་འདེབས། །གདོད་ནས་ཁྱབ་བདག་རོལ་པ་ཆེ། །རང་གྲོལ་ཀུན་བཟང་ཆོས་སྐུ་ཡི། །འགྲོ་ཀུན་མ་སྤངས་རང་གྲོལ་དུ། །དགེ་བ་གཉུག་མར་བསྔོ་བར་<span class="lcp-mark">»</span></span> <span class="lcp-note"><span class="lcp-mark">«</span>བགྱི། །དེང་ནས་བྱང་ཆུབ་སྙིང་པོའི་བར། །འགྲོ་བའི་ཁམས་ཀུན་རྣམ་གྲོལ་ཕྱིར། །སྨོན་ལམ་རྒྱ་མཚོའི་ཀློང་ཡང་འདེབས། །མ་སྤངས་དབྱིངས་སུ་གྲོལ་བར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།ཚུལ་ཁྲིམས་ནམ་མཁའི་རང་བཞིན་ལ། །བློ་གྲོས་འོད་གསལ་ཉི་མ་ཡིས། །འགྲོ་བའི་མུན་པ་རབ་སེལ་ཞིང༌། །གདོད་མའི་ཀློང་དུ་གྲོལ་བར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།སེམས་ཅན་ཇི་སྲིད་གནས་ཀྱི་བར། །འགྲོ་བ་ཕན་པའི་ཡིད་བཞིན་<span class="lcp-mark">»</span></span> <span class="lcp-note"><span class="lcp-mark">«</span>དུ། །བདག་ནི་དེང་ནས་གནས་གྱུར་ཏེ། །སྐུ་གསུམ་འབྲས་བུ་ཐོབ་པར་<span class="lcp-mark">»</span></span> <span class="lcp-note"><span class="lcp-mark">«</span>ཤོག །གང་སྣང་མི་སྤོང་མི་སྒྲུབ་ཅིང༌། །རང་གྲོལ་གཉུག་མ་ཆོས་ཀྱི་སྐུ། །གང་ཤར་དོན་ལས་མ་འདས་པའི། །ལྷག་མཐོང་ཡེ་ཤེས་ཐོབ་གྱུར་ཅིག །འཁོར་དང་མྱ་ངན་འདས་པའི་ཆོས། །རོ་མཉམ་རྟོགས་པའི་གདེང་ཆེན་གྱིས། །གང་ཡང་མི་སྤོང་མི་སྒྲུབ་ཅིང༌། །གཉུག་མའི་རང་བཞིན་རྫོགས་པ་ཆེ། །བྱར་མེད་ཀློང་ཏུ་རྫོགས་པར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།དབང་པོའི་སྐལ་པ་ཇི་བཞིན་དུ། །ཚེ་འདི་ཉིད་དམ་བར་དོ་རུ། །སྐྱེ་བ་གཞན་དུ་གོམས་བྱས་ཏེ། །སྐུ་དང་ཡེ་ཤེས་འགྲུབ་པར་ ཤོག<span class="lcp-mark">»</span></span> <span class="lcp-note"><span class="lcp-mark">«</span>།རྣམ་སྨིན་འབྱུང་བའི་ལུས་འདི་ཡང༌། །རང་མདངས་འོད་ཀྱི་རང་བཞིན་སྐུ། །ཕུང་པོ་ལྷག་མེད་འགྲུབ་གྱུར་ནས། །འགྲོ་བའི་དོན་ཀུན་འགྲུབ་པར་ ཤོག<span class="lcp-mark">»</span></span> <span class="lcp-note"><span class="lcp-mark">«</span>།ཀུན་བཟང་ཆོས་སྐུའི་ངོ་བོ་ཉིད། །ཡོན་ཏན་ལྷུན་རྫོགས་དངོས་གྲུབ་གཏེར། །དཔལ་ལྡན་བླ་མའི་ཚོགས་རྣམས་ཀྱིས། །རྟག་ཏུ་བདག་ནི་སྐྱོང་བར་ཤོག །ཨེ་མ་གང་ཡང་མ་གྲུབ་ལ། །གང་དུུ་འང་ནི་མི་གནས་ཤིང༌། །གང་གིས་ཀྱང་ནི་མ་གཡོས་པ། །དོན་དམ་བདེན་པ་མཐོང་བར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།ཆོས་རྣམས་རང་བཞིན་མ་སྐྱེས་པ། །གདོད་ནས་མྱ་ངན་འདས་པ་ཡིས། །ཡེ་ནས་འོད་གསལ་ཆོས་ཀྱི་སྐུ། །རང་བྱུང་ཡེ་ཤེས་རྟོགས་པར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།དེ་ལྟར་བླ་མའི་ཚོགས་རྣམས་ལ། །དད་པས་དགེ་བསགས་དངོས་ཀུན་གྱིས། །འགྲོ་ཀུན་རང་གྲོལ་གཉུག་མའི་ངང༌། །ཀུན་བཟང་ཀློང་དུ་རྫོགས་པར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།དེང་ནས་བདག་དང་འགྲོ་བ་ཀུན། །སེམས་དང་སེམས་ཉིད་ཀུན་བཟང་ཀློང༌། །གདོད་མའི་ངང་དུ་རབ་རྫོགས་ནས། །འགྲོ་བའི་དོན་ཀུན་འགྲུབ་པར་ཤོག<span class="lcp-mark">»</span></span> <span class="lcp-note"><span class="lcp-mark">«</span>།<span class="lcp-mark">»</span></span> <span class="lcp-mark">«</span>བླ་མ་བརྒྱུད་པའི་རིམ་པ་རྣམས་ལ་གསོལ་བ་འདེབས་པ་ཡིད་བཞིན་ནོར་བུ་ཞེས་བྱ་བ། བླ་མ་དམ་པ་རྣམས་ལ་མི་ཕྱེད་པའི་དད་པ་དང་ལྡན་ཞིང༌། ལུང་དང༌། རིག་པ་དང༌། མན་ངག་གི་དོན་ལ་བློ་གྲོས་ཀྱི་སྣང་བ་གོང་དུ་འཕེལ་བའི་ཆོས་སྨྲ་བ། དཔལ་ལྡན་བསམ་ཡས་པ་ཚུལ་ཁྲིམས་བློ་གྲོས་ཀྱིས་མཆིམས་ཕུ་དཔལ་གྱི་དབེན་གནས་སུ་བཀོད་པའོ། །དགེའོ། །དགེའོ།། །། | |||
</div> | </div> | ||
= Source = | = Source = | ||
This page is a cleaned copy of the following rywikitexts page, which stay unchanged: | This page is a cleaned copy of the following rywikitexts page, which stay unchanged: | ||
* [[Klong chen rab byams gsung 'bum/volume 011 348]] (revision 10816, 2020-03-22) | * [[Klong chen rab byams gsung 'bum/volume 011 348]] (revision 10816, 2020-03-22) | ||
Cleaning (21 November 2026): removed 1 running heads, 3 Word page fields. The «» marks are kept | Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden. | ||
Part of the [[Longchenpa Collected Works]] ([[Longchenpa Collected Works/About|about this project]]). | Part of the [[Longchenpa Collected Works]] ([[Longchenpa Collected Works/About|about this project]]). | ||
<headertabs/> | <headertabs/> | ||
Latest revision as of 21:16, 21 November 2026
ལོ་རྒྱུས་རིན་པོ་ཆེ་འོད་ཀྱི་ཕྲེང་བ klong chen rab 'byams kyi gsung 'bum (pe cin 2009)· Volume 11(DA) གསོལ་འདེབས་བདུད་རྩིའི་ཆུ་རྒྱུན
| Title | ཕྱག་འཚལ་ཡིད་བཞིན་ནོར་བུ |
|---|---|
| Wylie | phyag 'tshal yid bzhin nor bu
|
| Author | Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར། |
| Location | klong chen rab 'byams kyi gsung 'bum (pe cin 2009), volume 11(DA), text 2, pages 44–50 (BDRC scan pages) |
| Section | snying thig ya bzhi › zab mo yang tig
|
| Tibetan text | E-text from the typeset Pe cin edition (input 2020 on rywikitexts), cleaned 21 November 2026; not proofread against the print. |
| BDRC | MW1KG4884, outline 1.5.1.04 |
| Citation | Klong chen rab 'byams pa. phyag tshal yid bzhin nor bu. In Kun mkhyen klong chen rab 'byams kyi gsung 'bum, vol. 11, pp. 44–50. Pe cin: Krung go'i bod rig pa dpe skrun khang, 2009. BDRC MW1KG4884. |
| Notes | Title from the first line of the e-text; text boundaries and page numbers from the BDRC outline of MW1KG4884. |