LONGCHENPA-PECIN-26-LA-FM6: Difference between revisions
LONGCHENPA-PECIN-26-LA-FM6
Longchenpa Project: generated page (21 November 2026) |
Longchenpa Project: Tibetan in the wiki's TibetanMachineUni font; «…» notes in small print (22 November 2026) |
||
| Line 15: | Line 15: | ||
}} | }} | ||
= Tibetan Text = | = Tibetan Text = | ||
<div class=" | <div class="TibetanMachineUni16 lcp-etext" lang="bo"> | ||
གསལ་བཤད་ཉུང་བསྡུས། | གསལ་བཤད་ཉུང་བསྡུས། | ||
«» | <span class="lcp-mark">«»</span> <span class="lcp-mark">«</span>དཔེ་ཆ་འདི་ནི་སྤྱི་ལོ་༢༠༠༣གྱི་ལོར་ཁམ་གསེར་ཐར་གནུབ་ཟུར་དགོན་གྱི་སྤྲུལ་སྐུ་འཇམ་དཔལ་མཁྱེན་རབ་ཀྱིས་འབྲུག་ཡུལ་ནས་གསར་དུ་རྙེད་ནས་བོད་དུ་ཁྱེར་འོང་བ་ཞིག་ཡིན་ལ། དེའི་ཐོག་མའི་འབྱུང་ཁུངས་ནི། འབྲུག་ཡུལ་དཔེ་མཛོད་ཀྱི་ཕྱག་ལས་པ་རི་ཁུད་སྤྲུལ་རིན་པོ་ཆེ་ནས་འབྲུག་ཡུལ་གྱི་དཔེ་རྙིང་འཚོལ་སྡུད་བྱས་སྐབས་ཁྱིམ་ཚང་ཞིག་གི་ཡིག་རྙིང་ཁྲོད་ནས་རྙེད་པ་ཞིག་ཡིན་ནོ། །གཞུང་གི་ཆོས་ཚན་རྣམས་ཀྱི་མཛད་བྱང་དུ་ཀུན་མཁྱེན་ཀློང་ཆེན་རབ་འབྱམས་དང་ཀུན་མཁྱེན་དྲི་མེད་འོད་ཟེར་གྱིས་མཛད་པར་གསུངས་མོད་ད་དུང་མཁས་པ་དག་གིས་ཀུན་མཁྱེན་གྱི་གསུང་དངོས་དག་ཡིན་མིན་ཞིབ་ཏུ་དཔྱད་པ་མཛད་དགོས་སོ། །གཞུང་འདིའི་ལུང་རྒྱུན་ནི་རིག་འཛིན་པདྨ་གླིང་པ་ལས་བརྒྱུད་པར་གསུངས་ལ་གཏེར་ཆེན་པདྨ་གླིང་པ་ནི་ཆོས་རྗེ་ཀུན་མཁྱེན་པའི་སྐུ་སྐྱེ་དེ་མ་ཐག་པ་ཡིན་ནོ། །ཆོས་ཚན་འགའ་རེ་ལ་མཛད་བྱང་མི་གསལ་བ་དང་མ་ཅིག་ཉིད་ཀྱིས་གསུང་པ་ཡང་ཡོད་ལ། གཞུང་རྩ་བ་ཟབ་དོན་ཐུགས་ཀྱི་སྙིང་པོ་ནི་ཀོང་སྤྲུལ་གདམས་ངག་མཛོད་ཀྱི་དཀར་ཆག་ཏུ་ལོ་རས་འཇམ་དབྱངས་མགོན་པོའི་གསུང་ཡིན་པར་ཡང་གསུངས་ཡོད་དོ། །དེ་ཡང་གཞུང་འདི་ནི་གཅོད་ཀྱི་གདམས་ངག་ཆ་ཚང་ལ་ཟབ་ཁྱད་རྨད་དུ་བྱུང་བའི་གཞུང་བཟང་ཡིད་བཞིན་གྱི་ནོར་བུ་ལྟ་བུ་ཞིག་ཡིན་པར་བློ་ལྡན་ཐོས་པ་ཅན་ཞིག་གིས་བཀླག་པ་ཙམ་གྱིས་ཤེས་པར་ནུས་པ་ཞིག་ཡིན་པས། འདིར་ཡང་ནུབ་ལ་ཉེ་བའི་ལེགས་བཤད་དམ་པ་འདི་ཉིད་མྱུར་སྐྱོབ་ཀྱི་ཚུལ་དུ་ཀུན་མཁྱེན་ཆོས་ཀྱི་རྒྱལ་པོའི་གསུང་རབ་ཀྱི་གྲལ་དུ་ཐོག་མར་བཞག་པ་ཡིན་ལ་འོན་ཀྱང་རང་ཉིད་ཀྱི་ཤེས་རིག་ཞན་པའི་ཐོག །མ་ཕྱི་དེ་ལ་བརྡ་དག་དང་མི་མཐུན་པའི་ཡུལ་སྐད་མང་བ་དང་ཡིག་འབྲུ་མི་གསལ་བ་དང་ཆད་ལྷག་མང་བ་སོགས་ཀྱི་རྐྱེན་གྱིས་མ་དཔེ་དེ་ཤིན་ཏུ་དཔེ་ཆོད་དཀའ་བར་ཡོད་པས་ཐོག་མའི་རྩོམ་གཞི་ཇི་ལྟ་བ་ཞིག་བྱུང་ཐུབ་མེད་དོ་སྙམ། དེས་ན་རྗེས་སོར་ཡང་བློ་ལྡན་མཁས་པ་དག་གིས་ད་ལྟའི་མ་དཔེ་འདི་དང་ད་དུང་ཡིག་རྙིང་གཞན་རེ་རྙེད་ཚེ་དཔེ་བསྡུར་བྱེད་ནས་ཡི་གེ་ཇེ་དག་ཏུ་གཏོང་ཐུབ་ན་ཤིན་ཏུ་བཀའ་དྲིན་ཆེ་ལ། མ་ཅིག་བཀའ་ཚོམས་ལྟ་བུ་ཡང་གདམས་ངག་མཛོད་ཀྱི་ནང་དུ་བཞུགས་པའི་བཀའ་ཚོམས་དེ་དང་འདྲ་ལ་མི་འདྲ་བ་དང་གཞུང་ཚད་མང་ཉུང་གི་ཁྱད་པར་མང་དུ་ཡོད་ན་ཡང་ཕྱོགས་གཅིག་ཏུ་ཁ་ཚོན་མ་བཅད་པར་ཡིག་ནོར་ཡིན་ངེས་འགའ་རེ་ལས་གཞན་དག་རང་སོར་བཞག་ཡོད་དོ། །ཞེས་པ་འདི་ཡང་༢༠༠༩ལོ་ཟླ་བ་༡༢པའི་ཚེས་༩ལ་ཞུ་དག་པས་བྲིས། <span class="lcp-mark">«</span>གཅོད་པོད་འདིའི་གསལ་བཤད་ཉུང་བསྡུས།གསལ་བཤད་ཉུང་བསྡུས། | ||
</div> | </div> | ||
= Source = | = Source = | ||
Latest revision as of 21:16, 21 November 2026
| Title | གསལ་བཤད་ཉུང་བསྡུས |
|---|---|
| Wylie | gsal bshad nyung bsdus |
| English | Editors' note on the gcod texts (gcod kyi gsal bshad nyung bsdus) |
| Author | dpal brtsegs bod yig dpe rnying zhib 'jug khang (editors of the 2009 edition) |
| Location | klong chen rab 'byams kyi gsung 'bum (pe cin 2009), volume 26(LA), front matter
|
| Tibetan text | E-text from the typeset edition, cleaned 21 November 2026.
|