Ngb-pt-0491-vol-05-text: Difference between revisions
m Move page script moved page /home/ec2-user/Ngb/PT-400-499/ngb-pt-0491-text.docx.wiki to Ngb-pt-0491-vol-05-text |
Content fix 22 Nov 2026 (audit): Gyubum: duplicated overlap with the previous page removed (cut at the opening of the next text) |
||
| Line 3: | Line 3: | ||
= Body = | = Body = | ||
རྒྱ་གར་སྐད་དུ། །ཤི་ཧེ་ཏན་ཏྲ་ནཱ་མ། །བོད་སྐད་དུ། །དཔལ་ལྡན་དགྱེས་པའི་རྒྱུད་ཅེས་བྱ་བ། །ངོ་མཚར་ཚེ་དང་དགྱེས་པའི་ཐུགས། །གཉིས་སུ་མེད་ལ་ཕྱག་འཚལ་ལོ། །བསྟན་པ་སྟོན་པ་འཁོར་གནས་དུས། །བདེ་བ་ཐམས་ཅད་འབྱུང་བའི་གནས། །ངོ་མཚར་ཆེན་པོའི་ཚིག་དགུ་ལ། །དགྱེས་པའི་ཐུགས་ཀྱིས་ཐབས་དགུར་བཞད། །སངས་རྒྱས་སེམས་ཅན་རྒྱུ་གཅིག་པར། །ངོ་མཚར་ཆེན་པོ་རྨད་དུ་བྱུང་ཧ་ཧ། །ཕྱི་ནང་སྣོད་བཅུདརངབཞིནགཅིགཔཧཧ། །ཡེ་ཤེས་འཁྲུལ་བ་གཞི་ལ་གཅིག་པ་ཧ་ཧ། །བདེ་དང་སྡུག་བསྔལ་ངོ་བོ་གཅིག་པ་ཧ་ཧ། །དགེ་སྡིག་ལས་ཀྱི་འབྲས་བུ་གཅིག་པ་ཧ་ཧ། །གསེར་དངུལ་ལུགས་ཀྱི་དཀྱིལ་འཁོར་དང་། །ས་རྡོ་རི་བྲག་དོན་ལ་གཅིག་པ་ཧ་ཧ། །ཐུབ་པའི་མཛད་པ་བཅུ་གཉིས་དང། །རྫོགས་ཆེན་རོལ་པ་ལས་གཅིག་པ་ཧ་ཧ། །དྲུག་གི་བསྟན་པའི་ལོག་ཆོས་དང་། །རྒྱལ་བའི་བཀའ་རྒྱུད་བདུད་རྩི་གཉིས། །བྱང་ཆུབ་སེམས་ཀྱི་ངང་དུ་གཅིག་པ་ཧ་ཧ། །དངོས་པོ་གཅིག་ལ་སྣང་ཚུལ་བཅུ་དགུར་གསལ། །ཆོས་ཀྱི་དབྱིངས་སུ་རང་བཞིན་གཅིག་པ་ཡོངས་ཀྱིས་མཉམ། །ངོ་མཚར་ཆེ་ཧ་ཧ། །ངོ་མཚར་ཆེན་པོའི་ཚིག་དགུ་ལ། །དུས་གསུམ་རྒྱལ་བས་ལན་དགུར་བཞད། །ཧེ་ཧེ་ཧེ། །ཚིག་ཏུ་འདུས་ལ་དོན་དུ་རྒྱས། །རྒྱ་མཚོ་ཆུ་བོའི་འཕྲོ་འདུ་བཞིན། །ནམ་མཁའ་རྡོ་རྗེ་ཨ་ལས་བྱུང། །བདེ་བ་ཆེན་པོའི་མཆོག་འདི་ལ། །མཚོན་དུ་ཡོད་པ་མ་ཡིན་ཏེ། །མཚོན་དུ་མེད་པའི་ཆོས་ཉིད་ནི། །བརྗོད་དུ་མེད་པའི་བདེ་ཆེན་ཡིན། །བརྗོད་དུ་མེད་པའི་བདེ་ཆེན་ལ། །བརྗོད་དུ་མེད་པའི་ཚིག་བརྗོད་ནས། །བརྗོད་དུ་མེད་དོན་གྱི་ངོ་བོ་སྟོན། །མཚོན་མེད་བརྗོད་ལས་འདས་པ་ཡི། །བྱང་ཆུབ་སེམས་ཀྱི་བདེ་ཆེན་ལ། །དགོངས་པའི་དབང་གིས་རྒྱལ་བ་རྣམས། །ང་དང་བདག་ཅེས་གསུངས་པ་ནི། །དེ་བཞིན་པ་ཡི་དབང་གིས་ནི། །ཆོས་སྒོ་བརྒྱད་ཁྲི་བཞི་སྟོང་གསུངས། །གསུངས་ཀྱང་གནས་ལུགས་གཅིག་ལས་མེད། །བསྟན་པའི་སྙིང་པོ་བདེ་ཆེན་མཆོག །གནས་ལུགས་ཡིན་པར་ཤེས་པར་བྱའོ། །བྱང་སེམས་བདེ་བ་ཆེན་པོ་ལ། །རྒྱལ་སྲས་གང་འདོད་དབང་ཕྱུག་སྐལ་ལྡན་གྱིས། །ངེས་པར་རྟོགས་ལ་ཐུགས་ཀྱི་དཀྱིལ་དུ་ཆོངས། །སླད་མ་གཞན་དང་བྱིས་པ་ཕྱོགས་རིས་ཅན་གྱི་མི་གོ་བས། །དོན་ལ་འགྲེད་ལ་ཚིག་ལ་འཕྱར། །གནད་ལ་མ་ཐེབས་ཉོན་མོངས་རགས། །མན་ངག་མེད་པར་རྫོབ་རྐྱེན་ཆེ། །དེ་འདྲའི་ལག་ཏུ་དེ་བསྐུར་ན། །གདོན་སྤྱིན་ལག་ན་མཚོན་ཐོགས་དང་། །མོན་མོའི་ལག་ན་དུག་སྤྱོད་འདྲ། །རྒྱལ་ཁམས་མེ་ཡིས་གཏོང་བ་ཡིན། །མེད་ཐུང་མེད་པར་འདི་འཆང་ན། །རྒྱ་མཚོར་གསེར་སྦྲ་མ་་།ར་བ་དང་། །རི་གཟར་ཁ་ནས་རྦབ་་།ར་འདྲ། །གྱེན་དུ་བཟློག་པའི་ཐབས་མེད་ཕྱིར། །རྒྱལ་ཁམས་ཕུང་བའི་ཐབས་ཡིན་པས། །གདམས་པ་རྒྱ་དང་ལྡན་པར་གྱིས། །རང་རིག་བྱང་ཆུབ་སེམས་ཀྱི་འཁྲུལ་དགུ་ལ། །དུས་གསུམ་རྒྱལ་བའི་ཐུགས་ཀྱིས་དགྱེས་དགུར་རོལ། །རྣལ་འབྱོར་དོན་རྟོགས་སེམས་ཀྱི་དགའ་དགུར་སྤྱོད། །རང་ན་གུ་རྒྱ་སི་དྷི་ཀན། །ཞང་དྲུང་དྲི་མེད་ཟླ་ཤར་རྒྱ། །ཀུ་མ་ར་ཡིས་རྒྱ་བོད་གྲགས། །ཙྭ་ན་བུ་ཡིས་གདེང་ལྡན་གྱིས། །ངོ་མཚར་ཆེ་བའི་ཚིག་དགུ་སྨྲས། །དཔལ་ལྡན་དགྱེས་པའི་རྒྱུད་རྫོགས་སོ།། །། | |||
[[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 05]] | [[Category:རྙིང་མ་རྒྱུད་འབུམ།]] [[Category:རྙིང་མ་རྒྱུད་འབུམ། Vol 05]] | ||
Latest revision as of 12:31, 22 November 2026
Front
Body
རྒྱ་གར་སྐད་དུ། །ཤི་ཧེ་ཏན་ཏྲ་ནཱ་མ། །བོད་སྐད་དུ། །དཔལ་ལྡན་དགྱེས་པའི་རྒྱུད་ཅེས་བྱ་བ། །ངོ་མཚར་ཚེ་དང་དགྱེས་པའི་ཐུགས། །གཉིས་སུ་མེད་ལ་ཕྱག་འཚལ་ལོ། །བསྟན་པ་སྟོན་པ་འཁོར་གནས་དུས། །བདེ་བ་ཐམས་ཅད་འབྱུང་བའི་གནས། །ངོ་མཚར་ཆེན་པོའི་ཚིག་དགུ་ལ། །དགྱེས་པའི་ཐུགས་ཀྱིས་ཐབས་དགུར་བཞད། །སངས་རྒྱས་སེམས་ཅན་རྒྱུ་གཅིག་པར། །ངོ་མཚར་ཆེན་པོ་རྨད་དུ་བྱུང་ཧ་ཧ། །ཕྱི་ནང་སྣོད་བཅུདརངབཞིནགཅིགཔཧཧ། །ཡེ་ཤེས་འཁྲུལ་བ་གཞི་ལ་གཅིག་པ་ཧ་ཧ། །བདེ་དང་སྡུག་བསྔལ་ངོ་བོ་གཅིག་པ་ཧ་ཧ། །དགེ་སྡིག་ལས་ཀྱི་འབྲས་བུ་གཅིག་པ་ཧ་ཧ། །གསེར་དངུལ་ལུགས་ཀྱི་དཀྱིལ་འཁོར་དང་། །ས་རྡོ་རི་བྲག་དོན་ལ་གཅིག་པ་ཧ་ཧ། །ཐུབ་པའི་མཛད་པ་བཅུ་གཉིས་དང། །རྫོགས་ཆེན་རོལ་པ་ལས་གཅིག་པ་ཧ་ཧ། །དྲུག་གི་བསྟན་པའི་ལོག་ཆོས་དང་། །རྒྱལ་བའི་བཀའ་རྒྱུད་བདུད་རྩི་གཉིས། །བྱང་ཆུབ་སེམས་ཀྱི་ངང་དུ་གཅིག་པ་ཧ་ཧ། །དངོས་པོ་གཅིག་ལ་སྣང་ཚུལ་བཅུ་དགུར་གསལ། །ཆོས་ཀྱི་དབྱིངས་སུ་རང་བཞིན་གཅིག་པ་ཡོངས་ཀྱིས་མཉམ། །ངོ་མཚར་ཆེ་ཧ་ཧ། །ངོ་མཚར་ཆེན་པོའི་ཚིག་དགུ་ལ། །དུས་གསུམ་རྒྱལ་བས་ལན་དགུར་བཞད། །ཧེ་ཧེ་ཧེ། །ཚིག་ཏུ་འདུས་ལ་དོན་དུ་རྒྱས། །རྒྱ་མཚོ་ཆུ་བོའི་འཕྲོ་འདུ་བཞིན། །ནམ་མཁའ་རྡོ་རྗེ་ཨ་ལས་བྱུང། །བདེ་བ་ཆེན་པོའི་མཆོག་འདི་ལ། །མཚོན་དུ་ཡོད་པ་མ་ཡིན་ཏེ། །མཚོན་དུ་མེད་པའི་ཆོས་ཉིད་ནི། །བརྗོད་དུ་མེད་པའི་བདེ་ཆེན་ཡིན། །བརྗོད་དུ་མེད་པའི་བདེ་ཆེན་ལ། །བརྗོད་དུ་མེད་པའི་ཚིག་བརྗོད་ནས། །བརྗོད་དུ་མེད་དོན་གྱི་ངོ་བོ་སྟོན། །མཚོན་མེད་བརྗོད་ལས་འདས་པ་ཡི། །བྱང་ཆུབ་སེམས་ཀྱི་བདེ་ཆེན་ལ། །དགོངས་པའི་དབང་གིས་རྒྱལ་བ་རྣམས། །ང་དང་བདག་ཅེས་གསུངས་པ་ནི། །དེ་བཞིན་པ་ཡི་དབང་གིས་ནི། །ཆོས་སྒོ་བརྒྱད་ཁྲི་བཞི་སྟོང་གསུངས། །གསུངས་ཀྱང་གནས་ལུགས་གཅིག་ལས་མེད། །བསྟན་པའི་སྙིང་པོ་བདེ་ཆེན་མཆོག །གནས་ལུགས་ཡིན་པར་ཤེས་པར་བྱའོ། །བྱང་སེམས་བདེ་བ་ཆེན་པོ་ལ། །རྒྱལ་སྲས་གང་འདོད་དབང་ཕྱུག་སྐལ་ལྡན་གྱིས། །ངེས་པར་རྟོགས་ལ་ཐུགས་ཀྱི་དཀྱིལ་དུ་ཆོངས། །སླད་མ་གཞན་དང་བྱིས་པ་ཕྱོགས་རིས་ཅན་གྱི་མི་གོ་བས། །དོན་ལ་འགྲེད་ལ་ཚིག་ལ་འཕྱར། །གནད་ལ་མ་ཐེབས་ཉོན་མོངས་རགས། །མན་ངག་མེད་པར་རྫོབ་རྐྱེན་ཆེ། །དེ་འདྲའི་ལག་ཏུ་དེ་བསྐུར་ན། །གདོན་སྤྱིན་ལག་ན་མཚོན་ཐོགས་དང་། །མོན་མོའི་ལག་ན་དུག་སྤྱོད་འདྲ། །རྒྱལ་ཁམས་མེ་ཡིས་གཏོང་བ་ཡིན། །མེད་ཐུང་མེད་པར་འདི་འཆང་ན། །རྒྱ་མཚོར་གསེར་སྦྲ་མ་་།ར་བ་དང་། །རི་གཟར་ཁ་ནས་རྦབ་་།ར་འདྲ། །གྱེན་དུ་བཟློག་པའི་ཐབས་མེད་ཕྱིར། །རྒྱལ་ཁམས་ཕུང་བའི་ཐབས་ཡིན་པས། །གདམས་པ་རྒྱ་དང་ལྡན་པར་གྱིས། །རང་རིག་བྱང་ཆུབ་སེམས་ཀྱི་འཁྲུལ་དགུ་ལ། །དུས་གསུམ་རྒྱལ་བའི་ཐུགས་ཀྱིས་དགྱེས་དགུར་རོལ། །རྣལ་འབྱོར་དོན་རྟོགས་སེམས་ཀྱི་དགའ་དགུར་སྤྱོད། །རང་ན་གུ་རྒྱ་སི་དྷི་ཀན། །ཞང་དྲུང་དྲི་མེད་ཟླ་ཤར་རྒྱ། །ཀུ་མ་ར་ཡིས་རྒྱ་བོད་གྲགས། །ཙྭ་ན་བུ་ཡིས་གདེང་ལྡན་གྱིས། །ངོ་མཚར་ཆེ་བའི་ཚིག་དགུ་སྨྲས། །དཔལ་ལྡན་དགྱེས་པའི་རྒྱུད་རྫོགས་སོ།། །།