Ngb-pt-0947-vol-10-text

Body

ལ༷།། །།རྩོད་པའི་འཁོར་ལོའི་རྒྱུད་བཞུགས་སོ། ། ༄་། །རྒྱ་གར་སྐད་དུ། བྲེ་ཧུ་ཏེ་ཙཀྲ་་་ཏྲ། བོད་སྐད་དུ། རྩོད་པའི་འཁོར་ལེའི་རྒྱུད། བཅོམ་ལྡན་འདས་རོ་ལངས་བདེ་བ་ལ་ཕྱག་འཚལ་ལོ། །རིན་པོ་ཆེ་རྩོད་པ་སྒྲའི་འཁོར་ལོ། །འཇམ་དཔལ་བཤེས་གཉེན་ལ་བཤད་པ། གནས་ནི་བྱང་ཆུབ་ཤིང་དྲུང་དུ། སྟོན་པ་དགའ་རབ་རྡོ་རྗེ་ཡིས། འཁོར་ནི་པརྫིཏ་ཉིས་བརྒྱ་ལ། དུས་ནི་རྩོད་པ་སྒའི་དུས། བསྟན་པ་དྷ་ཧེའི་ཁང་དུ། རྩོད་པའི་འཁོར་ལོ་འདི་བསྟན་ཏོ། །རྩོད་པའི་གཞི་ལ་གཉིས་སུ་འདུས། །གཞིའི་དོན་ལ་རྩོད་པ་དང་། །ལམ་གྱི་ཆོས་ལ་རྩོད་པའོ། །རྫོགས་པ་ཆེན་པོའི་རྩོད་པ་འདི། །གཞི་ཆོས་ཉིད་ཐིག་ལེ་ཉག་ཅིག་ཏུ་དམ་བཅའ། །སྟན་ཚིགས་ཅིའི་ཕྱིར་ཞེ་ན། །གཉིས་སྣང་མེད་པའི་ཕྱིར་ཞེས་བྱ། །གཉིས་སུ་སྣང་བའི་སྐྱོན་གཏོང་ལ། །ཁྱོད་རང་ལ་གཉིས་སུ་སྣང་ངམ། །ངའི་གྲུབ་མཐའ་ལ་སྐྱོན་གཏོང་། །ང་ལ་སྐྱོན་གཏོང་ན། །རིག་པས་གཏོང་ངམ། །ཚད་མའི་གཞལ་བྱས་གཏོང་། །རིག་པས་གཏོང་ན། ཆོས་ཉིད་ཀྱི་རིག་པས་གཏོང་ངམ། །འཐད་པ་སྒྲུབ་པའི་རིག་པས་གཏོང་ངམ། །བྱ་བ་བྱེད་པའི་རིག་པས་གཏོང་ངམ། །ལྟོས་པའི་རིག་པས་གཏོང་། ཆོས་ཉིད་ཀྱི་རིག་པས་གཏོང་ཟེར་ན། །ཆོས་དྭང་ཆོས་ཉིད་རིག་པ་གསུམ་དུ་འདོདདམ། །གཅིགཏུའདོད་དམ།།ཞེས་ཕར་འདྲིའོ། །རིག་པའི་རྒྱབ་གནོན་ཕར་ལ་བྱའོ། །གསུམ་དུ་འདོད་ན། རིག་པ་ལས་ཆོས་བྱུང་ངམ། །ཆོས་ལས་རིགས་པ་བྱུང་། །ཉིད་ལས་རིག་པ་དང་ཆོས་རྒྱུང་། །དེ་གསུམ་ཁྱོད་རང་ཡིན་ནམ་ལོགས་པ་ཡེན། །ཞེས་འདྲི་སྟེ། གང་ཡང་ཁས་མི་ལེན་ན། །གོང་དུ་དམ་བཅའ།སྲུ་ཧྭ་ཆོས་ལས་རིག་པ་བྱུང་ཟེར་ན་རྒྱ་ཆད་པ་དང་། །ཡུལ་ལས་རིག་པ་རྒྱུང་པའི་སྐྱོན། །འགལ་ལོ་ཉིད་ལས་རིག་པ་བྱུང་ཟེར་ན། །རྒྱ་ཆདཔའི༷་སྒྲོནགཏང་ངོ་། །ཅི་ཏེ་ཟེར་ན། ཉིད་ཀྱི་གོ་བ་འདྲིའོ། །ཉིད་ལ་རྒྱུ་རྐྱེན་ཡོད་ནས་བྱུང་ངམ་མེད་ནས་བྱུང་འདྲིའོ། །རྒྱུ་རྐྱེན་ཡོད་ན་ཉིད་མ་ཡིན་པའི་སྐྱོན་འབྱུང་ངོ་། །རྒྱུ་རྐྱེན་མེད་ནས་འབྱུང་ན། །ནམ་མཁའ་ལ་མེ་གཏང་པར་འབྱུང་བར་ཐལ་ལོ། །ཅི་སྟེ་བཞི་མེད་པ་ལས་འབྱུང་པའི་ཕྱིར་རོ། །དེ་བས་ཀྱང་འདི་ལྟར་ཕར་འདྲིའོ། །རིག་པ་ཁྱོད་གཉིས་གཅིག་ནས་གཏན་ལ་འབེབས་སམ། །མི་ཅིག་ཀྱང་གཏན་ལ་འབེབས། །གཅིག་ཟེར་ན་རིགས་པས་རིག་པ་གཏན་ལ་འབེབས། །འབེབས་ན་ཐུགས་མེད་དུ་ཐལ་ལོ། །རིགས་པས་རང་གཏན་ལ་འབེབས་ན་འབྲེལ་མེད་དུ་ཐལ་ལོ། །གཅིག་ལ་འབེབས་མཁན་མེད་པར་ཐལ་ལོ། །ཐད་དད་འབྲེལ་པ་མེད་ཏེ་དབབ་ཏུ་མི་འདོད་པར་ཐལ་ལོ། །འབྲེལ་པ་ཡོད་ཟེར་ན།བདག་ཉིད་གཅིག་གམ་འདྲིའོ། །བདག་ཉིད་ཅིག་ན། བདག་རིག་པ་ཅིག་གམ། །རིག་པ་བདག་ཏུ་གཅིག །བདག་རིག་པ་ཅིག་ན། གོང་སྐྱོན་འོང་། དེ་ལས་བྱུང་བའི་འབྲེལ་པ་ཡོད་ཟེར་ན། རྒྱ་ཆད་པའི་སྐྱོན་འོང་ངོ་། །དེ་ལས་བྱུང་ན་རིག་པ་བདག་ལས་བྱུང་ངམ། །བདག་ལས་རིག་པ་བྱུང་། །བྱུང་བའི་སྐྱོན་འོང་། སྦྲུལ་ཤུགས་ནས་བྱུང་བའི་འབྲེལ་པ་དང་འདྲ་སྟེ། ལྡོག་ཏུ་མི་འདོད་པའི་སྐྱོན་འོང་སྟེ་རྒྱ་ཆད་པར་ཐལ། །མི་ཤིབའི་ལུས་ལ་རིག་པ་མི་འབྱུང་བ་དང་འདྲ་སྟེ། །ཕྱིས་དོན་བྱེད་མི་ནུས་པའི་སྐྱོན་འརྒྱུང་ངོ་། །ཡང་ན་བདག་ཉིད་ལས་རིགས་པ་བྱུང་ན་བྱུང་བའི་ནད་ཀས་འབྲེལ་མེད་དུ་ཐལ་ལོ། །རིགས་པ་ལས་བདག་བྱུང་ན། །ཤེས་རིག་རྫས་སུ་ཐལ་ལོ། །རང་གི་ཤེས་པར་བྱ་བ་ནི། །ཐིག་ལེ་ལྷུན་གྲུབ་ཆོས་ཅན་ཞིས་དམ་བཅའ། །ཅིའི་ཕྱིར་མ་འགགས་རང་ཤར་བའི་ཕྱིར། །ཐིག་ལེ་རྫས་ཡོད་དུ་ཐལ་ཟེར་རམ། །ལྷུན་གྲུབ་རྫས་ཡོད་མེ་སྤངས་པའི་ཕྱིར། །འཇིག་པར་ཐལ་ཟེ་ན་ལྷུན་གྲུབ་འཇིག་པ་མ་བཀག་ཅེས་བྱ། །ཁྱོད་ལྷུན་གྲུབ་མིན་ནམ་ཅེས་འདྲི། །ཡིན་ཟེར་ན་འདོད་ཐོག །མིན་ཟེར་ན་མུ་སྟེགས་རྟགས་ཆད་ཏུ་ཐལ་ཅེས་འགལ་ལོ། །སྒྲའི་འཁོར་ལོ་ལས་བརྒལ་བ་དང་པོའོ།། །།འཐད་པ་སྒྲུབ་པས་གཏོང་ཟེར་ནས། །སྣང་བ་འདི་རང་མི་ཤར་དུ་འཐད་དེ། །འཐད་པས་འོན་འཐད་པས་སྣང་བ་ཤར་མང་དུ་འབྱུང་བར་ཐལ། །བྱ་བ་བྱེད་པའི་རིག་པའི་གཏོང་ཟེར་ན། །འཁྲུལ་པའི་ཤེས་པ་ལ་ཐག་པས་སྦྲུལ་གྱི་བྱ་བ་བྱས་ནས་འཁྲུལ་ཏེ། རྟེན་དུ་སྦྲུལ་གྱི་བྱ་བ་བྱེད་པར་ཐལ། །ལྡོས་པའི་རིག་པས་གཏོང་ཟེར་ན། །འཕང་ལས་ལྷོས་ན་མདུང་རིང་། ། མདུང་ལས་ལྟོས་ན་མདའ་རྒྱང་རིང་སྟེ། །ངེས་པ་མེད་པར་ཐལ་ལོ། ཁུད་ཀྱི་གཏན་ལ་འབེབས་ཟེར་ན། །རྒྱུད་རང་ཡིན་ནམ་ལོག་པ་གཅིག་དྲིའོ། །རང་ཡིན་ཟེར་ན་བསྟན་ལ་དབབ་པ་དང་འབེབས་པ་མི་རུང་སྟེ། ། རལ་གྲི་རལ་གྲི་རང་གིས་སོས་ཆོད་པར་ཐལ་ལོ། །གཉིས་ཡིན་གོང་དུ་འབྲེལ་རྟག་གོ །དེ་ཡང་ལུང་ཡང་དེ་འདྲེའོ། །མཚོན་པ་གཉིས་པའོ།། །།ཚས་མས་གཏན་ལས་འབེབས་ཟེར་ན། །ཚད་མ་དེ་རང་ཡིན་ནམ་མིན་ཅེས་འདྲིའོ། །རང་ཡིན་ཟེར་ན་གཏན་ལ་དབབ་ཏུ་མི་བཏུབ་པའི་སྐྱོན་གཏང་སྟེ་། །གསེར་གྱི་སེར་པོ་གཏན་ལ་འབེབས་པ་དང་། །སེར་པོས་གསེར་གཏན་ལ་འབེབས་པ་དང་ཞེས་འབྱུང་ངོ་། །ཚད་མ་ལོགས་ཅིག་ཡིན་ནོ་ཟེར་ན། །ཆོས་ཚད་མ་དང་། །དོན་ཚད་མ་དང་འཇལ་བྱའི་ཤེས་པ་ཅིག །གཞལ་བྱའི་ཡུལ་མང་དུ་སྨྲ་ན་འདི་སྐད་བྱའོ། །འུད་ཀྱི་བསྡུས་ནས་ཡུལ་ལ་འཇལ་ལམ། ཁྲེས་པ་ལ་འཇལ། གཉིས་ཀ་ལ་འཇལ་ཅེས་འདྲི། ཡུལ་ལ་འཇལ་ན་ཡུལ་ཉམས་སུ་མྱོང་ནས་འཇལ་ལམ། །མ་མྱོང་ནས་འཇལ་། མྱོང་ནས་འཇལ་ན་མོ་ཤམ་བུ་ཆེ་ཆུང་། །རི་བོང་ར་རྣོ་རྟུལ་ཀྱང་ཤེས་པར་ཐལ། ཁེས་སོ་ཟེར་ན་དབང་པོའི་མངོན་སུམ་གྱིས་གསལ། །ཞེས་སྐྱོན་བཏང་ངོ་། །ཉམས་སུ་མྱོང་ནས་འཇལ་ན། །ཆུ་བོའི་རོ་མྱོང་ཡང་། །ཆུ་བོའི་རོལ་ཚོལ་བ་དང་འདྲ་ཏེ་ཐུག་མེད་དུ་ཐལ་ལོ། ཁྲེས་པ་ལ་འཇལ་ན་ཤེས་པ་དངོས་པོ་ཡོད་ནས་འཇལ་ལམ་མེད་ཀྱང་འཇལ། །དངོས་པོ་ཡོད་ཟེར་ན་མངོན་སུམ་གྱིས་གསལ། །མེད་ནས་འཇལ་ན་རི་བོང་རྭ་ལ་མཐོ་ཚད་གཞལ་དུ་བཏུབ་པར་ཐལ། །ཡོད་རུང་མེད་རུང་མཇལ་ན། ལུང་དུ་མ་བསྟན་པར་ཐལ་ལོ། །མཚོནཔགསུམ་པའོ། །དེ་ལྟར་སྒྲོས་བཏགས་ཆམ་ལ་ཕེབས་ནས། །རང་གི་མཚན་ཉིད་བསྟན་པར་བྱ། །རང་སྣང་དུ་རང་ཤར་བས། །ཡུལ་ལས་གཞལ་དུ་མེད། །རང་བྱུང་ཡེ་ཤེས་ཤར་བས། ནང་ལ་གཞལ་དུ་མེད། འདུ་འབྲལ་མེད་པས་ཡུལ་དང་ཡུལ་ཅན་དུ་གཞལ་དུ་མེད། །ཐམས་ཅད་ཡེ་ནས་རང་སར་གྲོལ་བས་འབྲེལ་པ་རྩིར་མེད། ཁྲེས་རིག་གི་ཡུལ་ལས་གྲོལ་བས། །རྒྱུད་ལུང་རིག་པས་གཏན་ལ་དབབ་མེད། །ཅེས་གསུངས་སོ། །མཚོན་པ་བཞི་པའོ། ཁེས་པས་འཕྲུལ་ཏེ། རྒྱལ་བ་རིག་ལྔ་འོད་དཀར་དམར་ལྔ་རྟེན་པས་འཕྲུལ། །སྒྲུབས་པས་གོལ་ཏེ། །རང་སྣང་ཆོས་སྐུ་ལ་བདེ་བ་འདོད་ཅིང་། །སྒྲུབ་པས་འ་ལ། སྒོམ་པས་རླག །ཡེ་ནས་རང་གསལ་སྒོམས་པས་རང་གསལ་སྟོང་པས་རླག །ཡུལ་ཅན་གྱི་གོལ་ཏེ་སྤང་བླང་གི་ལན་ནོ། །སྣང་བ་སྒྲིབས་གཡོགས་ཀྱི་ཆོད། །རང་སྣང་རང་གསལ་ལ་འབྱུང་བ་ལྟར་མཐོང་བས་ཆོད། །རང་བྱུང་མིན་ཏེ་ཡེ་ཤེས་མེད་ཆོས་ཉིད་ཡིན་ཏེ་སྐུ་མིན། །སྙིང་པོ་ཡིན་ཏེ་ཡེ་ཤེས་མིན། །དེ་ལྟར་ཤེས་པ་ནི་རང་བྱུང་ཡེ་ཤེས་ཡིན་ལ་ཡེ་ཤེས་ཡིན། །ཆོས་སྐུ་ཡིན། སྙིང་པོ་ཡིན། ཐིག་ལེ་ཡིན། ཉག་ཅིག་ཡིན། ཞེས་གསུངས་སོ། །དྷ་ཧེ་མའི་འདུ་ཁང་དུ་མཁས་པ་འཇམ་དཔལ་བཤེས་གཉེན་ལ། །ཐིག་ལེ་ཉག་ཅིག་གྲུབ་མཐའ་བསྟན་རྩོད་པའི་སྨྲ་མི་འཁོར་ཡི་འདི། །ཆུ་སྲིན་བར་གྱི་གྲི་བ་སྲ རུས་སྦལ་ནག་པོ་ཆུད་སབཞིན། །བསྐལཔའཁྲུགས་ཀྱང་ཁར་མར་བྱུང་། །ཅེས་གདམས་སོ། །རྨོངས་པས་མི་གོ་དྲིས་ལན་ཁོན་དུ་ཆུད། །སྦྱངས་པའི་སྒྲ་དང་སོང་འགྱུར་འབྱུང་བ་དང་། །བྱུང་པ་ཅན་དང་སྒྲ་སྐྱོན་རྣམས་བརྒྱུད། །མན་ངག་ཁོང་དུ་བཅས་ཏེ་འགའ་རྩམ་བྲིས་པའོ། །མཚོན་ཆའི་འཁོར་ལོ་དུམ་བུ་བཞི་པ་རྫོགས་སོ། །མདྨ་ལ༷།། །། །།བྱང་ཆུབ་ཏུ་སེམས་སྐྱོབ་པ་ཞེས་བྱ་བ་བཞུགས་སོ། ། ༄་། །རྒྱ་གར་སྐད་དུ། བོ་དེ་ཙི་ཏ་མན་ཏྲ་ན་མ།