LONGCHENPA-PECIN-10-THA-014: Difference between revisions

From Rangjung Yeshe Wiki Texts
LONGCHENPA-PECIN-10-THA-014
Jump to navigation Jump to search
Longchenpa Project: generated page (21 November 2026)
 
Longchenpa Project: Tibetan in the wiki's TibetanMachineUni font; «…» notes in small print (22 November 2026)
 
Line 25: Line 25:
}}
}}
= Tibetan Text =
= Tibetan Text =
<div class="TibUni18" lang="bo" style="line-height:2.1;">
<div class="TibetanMachineUni16 lcp-etext" lang="bo">
༄༅། །གནད་གསུམ་ཆོས་ཉིད་ཀྱི་འཁོར་ལོ་བཞུགས་སོ། ། དོན་གྲུབ་ཡོན་ཏན་རྫོགས་དང་ཀུན་དབང་པོ། །མི་འགྱུར་འོད་ཟེར་མཐའ་ཡས་རྒྱལ་བའི་མཛོད། །གང་གི་ཞབས་པད་ཟླ་བ་ལ་བཏུད་དེ། །གནད་གསུམ་ཆོས་ཉིད་འཁོར་ལོ་གསལ་བར་བྲི། །ཐེག་པ་ཀུན་གྱི་རྩེ་མོར་གྱུར། ། གནད་ལས་འོད་གསལ་མངོན་སུམ་འཆར། །སྐད་ཅིག་གཅིག་གིས་ཆོས་སྐུར་སྦྱོར། །གང་དེ་དང་པོ་རྒྱལ་གྱུར་ཅིགད།འདི་ལྟར་དེ་འདྲའི་གདམས་ངག་ མཆོག །བདག་གིས་བླ་མ་ལས་ཐོས་བཞིན། །མ་འཁྲུལ་ཤིན་ཏུ་ཟབ་མོ་ འདི། །ཇི་བཞིན་དེ་ཉིད་རྣམ་ངེས་བྱ། །རྫོགས་པ་ཆེན་པོ་གསང་བ་སྙིང་ཏིག་གི་གནད་ངེས་པ་རྣམས་གཅིག་ཏུ་བསྡུས་ནས་བརྩོན་པས་ཉམས་སུ་བླང་བ་ལ་གསུམ་སྟེ། ལུས་དང༌། ངག་དང༌། རིག་པའི་གནད་དོ། །དང་པོ་ལ་རྟེན་གཞི་ལུས་ཀྱི་གནད་དང༌། བརྟེན་པ་སྒོའི་གནད་གཉིས་ལས། ལུས་ཀྱི་གནད་དང་པོར་བསྟན་ཏེ། དེ་ཡང་ལུས་གནད་དུ་མ་གཅུན་ན། རྩ་གནད་དུ་མི་འཆུན། རྩ་མ་འཆུན་ན། རླུང་རིག་གནད་དུ་མི་འཆུན། རླུང་རིག་གནད་དུ་མ་འཆུན་ན། ། འོད་གསལ་མངོན་དུ་མི་གསལ་བས། །དེ་དག་གནད་དུ་དབབ་པའི་ཕྱིར། །སྐུ་ལྔའི་བཞུགས་སྟངས་ལ་བསླབ་པ་གཅེས་སོ། །དང་པོ་ཆོས་སྐུའི་བཞུགས་སྟངས་་སེང་གེ་ལྟ་བུ་ལས་རྐང་མཐིལ་གཉིས་ས་ལ་ཕབ་པས་གཡོ་བྱེད་ལས་ཀྱི་རླུང་གནོན། ལུས་ཀྱི་ཆ་བསྲངས་པས་རླུང་བདེ་ལུགས་སུ་རྒྱུ། མགོ་བོའི་རྩལ་མཇིངས་པ་ལ་བསྐུར་བས་རྣམ་རྟོག་རང་བཞིན་གྱིས་འགགད།ལག་སོར་བསྒོངས་ཏེ་ཁྱི་ཚུགས་སུ་འདུག་པས་ཡེ་ཤེས་ཀྱི་དྲོད་ཕེབས་ཤིང་འབྱུང་བ་ཆ་སྙོམས་པར་བྱེད་དོ། །ལོངས་སྐུའི་བཞུགས་སྟངས་གླང་པོ་ཆེ་ལྟ་བུ་ལས་ཁ་སྦུབ་སྟེ་པུས་བྲང་སྦྱར་བས་བདེ་དྲོད་ཡེ་ཤེས་ཀྱི་ཁམས་རྒྱས། གྲུ་མོ་གཉིས་ས་ལ་བཙུགས་པས་ཕོ་མོའི་རླུང་གཉིས་མ་ནིང་དུ་རང་རྒྱུ། ཐལ་མོས་མགྲིན་པ་ཡུད་ཙམ་བཏེག་པས་རགས་པའི་རླུང་འགག །རྐང་པའི་སོར་མོ་ཕྱིར་ཕུལ་ཏེ་བསྐུམས་པས་བྱིང་རྒོད་ཀྱི་ཆ་སྙོམས་པར་བྱེད་པའོ། །སྤྲུལ་སྐུའི་བཞུགས་སྟངས་དྲང་སྲོང་ལྟ་བུ་ལས། ལུས་ཙོག་པུར་འདུག་པས་རྩ་རླུང་རང་སོར་སྙོམས། རྐང་མཐིལ་ས་ལ་ཕབ་པས་ཆུའི་རྩལ་གནོན། སྒལ་ཚིགས་དྲང་པོར་བསྲངས་པས་རླུང་སེམས་ཆོས་ཉིད་དུ་རྒྱུ། པུས་བྲང་་སྦྱར་བས་མེ་རླུང་ཡེ་ཤེས་སུ་འབར། རྒྱུ་མ་ཡུད་ཙམ་གྱེན་ལ་འཐེན་ནས་སྒལ་པ་ལ་བཅར་བས་རྣམ་རྟོག་གི་འཕྲོ་འདུ་འགག །ལག་པ་རེ་མིག་ཏུ་བསྣོལ་ནས་པུས་མོའི་སྟེང་དུ་བཀབ་ན་ཚ་བའི་ནད་སེལ། གལ་ཏེ་བསྣོལ་ནས་མཆན་ཁུང་གཉིས་སུ་རེག་ན་གྲང་བའི་ནད་སེལ། འོན་ཏེ་གྲུ་མོ་གཉིས་པུས་མོའི་སྟེང་དུ་བཞག་སྟེ། ཐལ་མོའི་ལག་སོར་བསྒོངས་པས་ལྐོག་མ་ནས་བཏེག་ན་ཚ་གྲང་སྙོམས་པའི་གསོས་བྱེད་དོ། །མངོན་པར་བྱང་ཆུབ་པའི་བཞུགས་སྟངས་བྱ་རྒོད་ལྟ་བུ་ལས། རྐང་མཐིལ་གཉིས་ས་ལ་བཞག་པས་་འཕྲོ་བ་ལས་ཀྱི་རླུང་གནོན། རྩོས་པོ་ས་ལ་མ་རེག་པས་བག་ཆགས་ལས་ཀྱི་མཐའ་སྟོངས། རོ་སྟོད་མདུན་དུ་གཅུན་པས་རྩ་ནང་གི་ཡེ་ཤེས་འཆར། ལུས་ཀྱི་ཟུར་ནས་ལག་པ་གཉིས་གཤོག་པ་ལྟར་བསྒོངས་ཏེ་རྩོས་པོའི་སྟེང་དུ་་སོར་མོ་གཉིས་བསྣོལ་བས་འབྱུང་བཞི་ལས་ཀྱི་རླུང་བཞི་ཡེ་ཤེས་ཀྱི་སྦུབས་སུ་་ཐིམ་ཞྀང་རང་ལྡོག །ལུས་ཀྱི་སྤྱི་བསྒོངས་པས་ཉོན་མོངས་པའི་ཡིད་འཆར་མི་སྲིད་པར་བྱེད་པའོ། །མི་འགྱུར་རྡོ་རྗེའི་བཞུགས་སྟངས་རྡོ་རྗེ་ལྟ་བུ་ལས་ལུས་སྤྱི་བསྲངས་པས་ནི་འགྱུ་བྱེད་ལས་ཀྱི་རླུང་འགགས། རྐང་མཐིལ་ཁ་་སྦྱར་བས་ཕོ་མོ་མ་ནིང་གི་རླུང་སྟོངས་ཏེ། འོད་གསལ་ཡེ་ཤེས་ཀྱི་ངང་དུ་རང་གནས། རྟྀང་པ་གཉིས་གསང་བ་ལ་ཟུག་པར་གཏད་པས་འདོད་ཆགས་ཀྱི་གཞི་སྟོངས། ཐལ་མོ་སྤྱི་བོར་སྦྱར་བས་ལུས་ཀྱི་གནད་སྦྱོང་བར་བྱེད་པའོ། ། དེ་ལྟར་ལྔ་ལས་དང་པོ་གསུམ་ནི། རྒྱུན་དུ་བྱ་བ་ཡིན་ལ། ཐ་མ་གཉིས་ནི་སྐབས་སུ་བཞུགས་སྟངས་ངལ་གསོ་བ་དང་རྩལ་སྦྱོང་བའི་ཚེ་བྱེད་པ་ཡིན་ ནོ། །གཞན་ཡང་སངས་རྒྱས་འགྲོ་བ་རྣམ་སྣང་གི་ཆོས་བདུན་་དང༌། དྲག་ཤུལ་ཆེན་པོ་གྱད་ཀྱི་དོར་སྟབས་དང༌། མཁའ་མཉམ་དག་པ་སྐྱེས་བུའི་བརྒྱངས་སྟབས་དང༌། གནམ་གཟེར་ཆེན་པོ་ལྕགས་སྡོང་གི་འདྲིལ་ལུགས་དང༌། འོད་གསལ་རྣལ་སྦྱོང་རྒྱལ་བའི་གཟིགས་ལུགས་ལྟ་བུ་དང་ལྔ་ནི། ཡེ་ཤེས་ལྔའི་ལྟ་སྟངས་ཏེ་སྐབས་སུ་བསླབ་པར་བྱའོ། །ཆོས་དབྱིངས་ཡེ་ཤེས་ཀྱི་གནད་དུ་ཆོས་བདུན་ནི། རྐང་པ་སྐྱིལ་ཀྲུང་ལག་པ་མཉམ་གཞག་མིག་སྣ་རྩཻ། སྒལ་ཚིག་དྲང་པོ། ལྕེ་རྩེ་ཡར་རྐན། སོ་མཆུ་ཅུང་ཟད་མ་རེག་པ་དང༌། རླུང་དལ་བ་ཅན་ནོ། ། བྱ་བ་གྲུབ་པའི་གནད་དུ་དོར་སྟབས་ནི་གཡས་བརྐྱང་གཡོན་བསྐུམ་ལས་ལག་པ་གཉིས་ཁྲོ་བོའི་སྡིགས་འཛུབ་དང་མཚོན་ཆ་འཛིན་པ་ལ་སོགས་པ་སྣ་ཚོགས་སུ་བསྒྱུར་བ་་དང༌། གཡས་བསྐུམ་གཡོན་བརྐྱང་ལས་ཁུ་ཚུར་བྲང་ཁར་བསྣོལ་བ་དང༌། ཅུང་ཟད་བསྐུམ་པ་ལས་རི་བོ་འདེགས་པ་ལྟར་བྱ་བ་ལ་སོགས་ པའོ། །མཉམ་པ་ཉིད་ཀྱི་གནད་དུ་གན་རྐྱལ་ཏུ་ཉལ་ཏེ། མིག་ནམ་མཁའི་དཀྱིལ་དུ་བལྟ་ཞིང་རྐང་ལག་བརྐྱང་པའོ། །སོ་སོར་རྟགས་པའི་གནད་དུ་དྲིལ་ལུགས་ནི། ཙོག་པུའམ་སྐྱིལ་ཀྲུང་གང་རུང་ལས། ལག་པ་བསྣོལ་བའི་ཐལ་མོས་དཔུང་པ་གཉིས་བསྡམས་ཏེ་ལུས་བཅུམས་པའོ། །མེ་ལོང་ཡེ་ཤེས་ཀྱི་གཟིགས་ལུགས་ནི། གཡས་ཕབ་ནས་མིག་མི་འགུལ་བར་རླུང་རབ་ཏུ་དལ་བ་ཅན་ནོ། །འདི་དག་གིས་རྩ་རླུང་རང་གཅུན་ནས་ཡེ་ཤེས་ངང་གིས་སྐྱེ་བའི་གནད་སྔ་མ་བཞིན་གསུངས་མོད་ཀྱང་ཡི་གེ་མང་བས་མ་བྲིས་སོ། །ལྟ་་སྟངས་འདི་ལྔ་ནི། འདས་རྗེས་དང༌། ཟངས་ཡིག་ཅན་དང༌། ལུས་གནད་གསང་བའི་སྒྲོན་མེ་ལས་ཁ་འཐོར་དུ་གསུངས་པ་དག་ཕྱོགས་གཅིག་ཏུ་བསྡོམས་ནས་བཀོད་པའོ། །ད་ནི་ལུས་ལ་བརྟེན་པ་སྒོའི་གནད་གཟིགས་་སྟངས་བཤད་པར་བྱ་བ་ལ། རྩ་བ་དང་ཡན་ལག་གི་གཟིགས་སྟངས་གཉིས་ལས། རྩ་བ་ལ་ལྔ་སྟེ། དང་པོ་ཆོས་སྐུའི་གཟིགས་སྟངས་མིག་གི་ཨ་འབྲས་གྱཻན་ལ་བཟློག་ནས་བལྟས་པས་དབྱིངས་རིག་གི་འཕེལ་ཆེ། ལོངས་སྐུའི་གཟིགས་སྟངས་ཐད་ཀར་བལྟས་པས་ཡེ་ཤེས་ཀྱི་སྣང་བ་མཐོང༌། སྤྲུལ་སྐུའི་གཟིགས་སྟངས་ཐུར་ལ་བལྟས་པས་འོད་ཁྱིམ་གྱི་སྒྲོན་མ་མཐོང༌། མངོན་པར་བྱང་ཆུབ་ཀྱི་གཟིགས་སྟངས་ཁྲིད་ཅིང་ཟླུམ་པོར་བལྟས་པས་དབྱིངས་སྣང་གི་སྣང་བ་ཆེར་འཕེལ། རྡོ་རྗེའི་གཟིགས་སྟངས་ཀྱིས་ཟུར་ལ་བལྟས་པས་ཞིང་ཁམས་ཀྱི་རྒྱན་རྫོགས་པར་བྱེད་དོ། །དེ་ལྟར་ན་ཆོས་སྐུ་སེང་གེ་ལྟ་བུས་གྲོལ་གཞིའི་ཞིང་ལ་སྤྱོད། ལོངས་སྐུ་གླང་པོ་ལྟ་བུས་གྲོལ་སྣང་ཡེ་ཤེས་ལ་སྤྱོད། སྤྲུལ་སྐུ་དྲང་སྲོང་ལྟ་བུས་འཆར་ཚུལ་ཕྲིན་ལས་ལ་སྤྱོད། མངོན་བྱང་རི་དྭགས་ལྟ་བུས་འོད་གསལ་ཞིང་སྣང་ལ་སྤྱོད། རྡོ་རྗེ་མདའ་སྲོང་ལྟ་བུས་སྐུ་གསུམ་ལྷུན་གྲུབ་ལ་སྤྱོད་པར་བྱེད་དོ། །འདི་དག་ནི་སྒྲོན་མ་སྣང་བྱེད་དང༌། དབང་རྣམ་པར་ཕྱེ་བའི་ཕྲ་ཏིག་ལས་འབྱུང་བ་བཞིན་ནོ། །ཡན་ལག་གི་གཟིགས་སྟངས་ལ་ཡང་ལྔ་ལས། འདབ་ཆགས་ཀྱི་ལྡིང་སྟབས་ནི་ཅུང་ཟད་གྱེན་ལ་བལྟས་པས། ནམ་མཁའ་དང་བསྲེ་བ་ནི་ཆོས་ཀྱི་དབྱིངས་སོ། །སྟག་མོའི་མཆོངས་སྟབས་ནི་འཕྲེད་ལ་བལྟས་པས་ཐིག་ལེའི་དབུས་ན་བྱང་ཆུབ་སེམས་དཔའི་སྐུ་སྣང་བ་ནི་མེ་ལོང་ཡེ་ཤེས་སོ། །འབུ་སྲིན་གྱི་ནུར་འགྲོས་ནི་གཡས་ཟུར་དུ་བལྟས་པས་རང་སངས་རྒྱས་མཐོང་བ་སྟེ་མཉམ་པ་ཉིད་དོ། །གྱད་ཀྱི་དོར་སྟབས་ནི་གཡོན་ཟུར་དུ་བལྟས་པས་ཉན་ཐོས་མཐོང་བ་སྟེ་སོ་སོར་རྟོགས་པའོ། །རྒྱ་མདུད་ཀྱི་འདྲིལ་ལུགས་ནི། རིག་པ་མིག་ཏུ་བཅུག་ནས་ཐིག་ལེ་དང་མི་འབྲལ་བར་མི་གཡོ་མི་འཕྱུགས་པར་བལྟ་བ་སྟེ་སངས་རྒྱས་ཀྱི་སྐུ་སྣང་བ་ནི་བྱ་བ་གྲུབ་པའི་ཡེ་ཤེས་ཀྱི་གཟིགས་སྟངས་སུ་བཤད་དོ། །ལྟ་སྟངས་འདི་དག་ཀྱང༌། འདས་རྗེས་དང༌། ཕྲ་ཏིག་ལས་གསུངས་ཤིང་རླུང་རིག་གི་གནད་གལ་པོ་ཆེ་ཡོད་པས་ཅུང་ཟད་ཀྱང་མ་འཕྱུགས་པ་གལ་ཆེའོ། །མན་ངག་གཞན་ལས་མིང་དུ་མ་བཤད་ཀྱང་འདིར་མ་འདུས་པའི་གཟིགས་སྟངས་ཅུང་ཟད་ཀྱང་མེད་པ་ཡིན་ནོ། །གཟིགས་སྟངས་གང་ལ་ཡང་ཧ་ཅང་རྩོལ་བས་སྒྲིམས་ཤིང་བསྡམས་པ་ནི། རླུང་བཙན་ཐབས་སུ་གཅུན་པས་གེགས་སུ་འགྱུར་བའི་ཕྱིར་དལ་བུས་བྱ་བ་གནད་ཀྱི་དམ་ པའོ། །ལུས་ཀྱི་གནད་བསྟན་པའི་དུམ་བུ་སྟེ་དང་པོའོ།། །། དོན་གཉིས་པ་ངག་གི་གནད་ལ་སྨྲ་བ་གཅད་པ་དང༌། རླུང་དལ་བས་སྟོང་པར་བྱ་བ་གཉིས་ལས། སྨྲ་བ་མ་བཅད་ན་ངག་གི་བརྗོད་པས་སེམས་འཁྲུགས་ཤིང༌། རྩོད་པ་དང་བཅས་པས་དུས་འདའ་བ་དང༌། སྒྲིབ་པར་འགྱུར་བ་དང༌། ཏིང་ངེ་འཛིན་ལས་ཉམས་པ་ལ་སོགས་པའི་ཉེས་པ་དུ་མ་ལ་རེག་པས་མི་སྨྲ་བ་ལ་བསླབ་བོ། །དེ་ཡང་དང་པོ་ལུང་སྟོང་ལ་སོགས་པའི་དབེན་པར་སོང་ལ། ཅི་ཙམ་བརྗོད་པར་འདོད་ཅིང་གང་ལ་ཞེན་པའི་སྨྲ་བརྗོད་དེ་ཉིད་བརྒྱ་སྟོང་དུ་མར་བརྗོད་ཅིང༌། འདས་མ་འོངས་ད་ལྟར་གྱི་བརྗོད་པའི་རྣམ་པ་རྣམས་དྲན་པས་བསླད་ན་སྐད་ཅིག་ཀྱང་མི་དལ་བར་བརྗོད་པས་ཐང་ཆད་པས་བརྗོད་སྙིང་མི་འདོད་པར་གྱུར་པ་ན། ཉིན་རེ་བས་ངག་ཇེ་ཉུང་ལ་གཏང་ལ་ཟླ་བ་གཅིག་ན་གཞན་དང་མི་སྨྲ་བ་དང༌། དེ་ནས་ཞག་བཅུ་ན་རང་གི་སྔགས་དང་ཁ་ཏོན་ཙམ་ཡང་མི་བརྗོད་པ་ལ་བསླབས་པས་བརྗོད་དུ་མེད་པའི་དོན་རྒྱུད་ལ་སྐྱེ་བར་བྱེད་དོ། །རླུང་དལ་བས་སྟོང་པར་བྱ་བ་ནི། འགྲོ་འོང་ལས་ཀྱི་རླུང་ནི་རང་སོར་བཞག་པས། རྟོག་ཚོགས་ཉོན་མོངས་པའི་རླུང་བག་ལ་ཞ་སྟེ། རིག་པ་ཡེ་ཤེས་ཀྱི་རླུང་དབྱིངས་སུ་འཁྱིལ་བ་ནི། གནད་གཅིག་ཏུ་ཡོད་པའི་ཕྱིར་རོ། །དེ་ཡང་གློ་བ་ན་འགྲོ་འོང་གི་རླུང་རྟའི་ཚུལ་དུ་ཡོད་པ་ལས། སྙིང་ནང་ན་རྩ་གྲོ་སོག་གི་སྦུག་མ་ཙམ་ན་ཚུར་ཡེ་ཤེས་ཀྱི་གདངས་ཞུགས་པ་མི་ལྟར་སོང་བ་གཉིས་འདྲེས་པས་སེམས་ཞེས་བྱ་བ་བྱུང་སྟེ། རླུང་ཟད་པ་དང༌། འགགས་པ་ན་རྟོགས་པ་འགགས་ནས། མི་རྟོག་པ་སིང་བག་དང་བཅས་པ་འོང་བ་ནི། དེའི་ཚེ་རླུང་རང་ཞི། ཡེ་ཤེས་ཀྱི་གདངས་སྙིང་ནང་ན་མི་གཡོ་བར་བཞུགས་པའི་གནད་ཀྱིས་སོ། །སྙིང་ནས་འཁོར་ལོ་བཞིའམ་ལྔར་ཡེ་ཤེས་ཀྱི་གདངས་ཞུགས་པ་ན། འཁོར་ལོ་བཞི་ནས་སྦྱང་བྱ་ལས་ཀྱི་རླུང་འགྱུ་བ་དང་བཅས་པ་དང༌། སྤྱོད་བྱེད་ཡེ་ཤེས་ཀྱི་རླུང་འགྱུ་བ་མེད་པ་དང༌། གདངས་ཉིད་སྦྱང་གཞི་རིག་པའི་ཡེ་ཤེས་སུ་ཞུགས་པས་སྣ་བུག་གཉིས་རོ་རྐྱང་གི་རྩ་ནས་ཞུགས་པའི་རླུང་འཁོར་ལོ་བཞིའི་རྩ་ནང་དུ་ཟིན་པས། རྟོག་མེད་ཀྱི་ཡེ་ཤེས་སུ་འཆར་བ་ཡང་འགྱུ་བ་རང་ཐིམ་སྟེ། གློ་བའི་རླུང་ཐིམ་པ་དང་གནད་གཅིག་གོ །དེས་ན་ཁ་སྣའི་རླུང་དལ་བུས་རང་སོར་ཞི་བ་ལ་བསླབ་ཅིང༌། སྙིང་ཏིག་པས་རླུང་ཁ་ནས་དྲང་ཞིང་དལ་བུས་བྱ་བ་ལ་བསླབ་པ་ནི་གནད་དམ་པ་སྟེ། འདི་ལྟར་རྩ་རླུང་པ་གཞན་གྱིས་སྣ་ནས་དྲངས་པས་འཁོར་ལོ་བཞིར་་སྦྱང་བྱའི་རླུང་སྟོབས་སུ་གྱུར་ནས་གེགས་རྣམ་པ་སྣ་ཚོགས་སུ་འབྱུང་སྟེ། ཡེ་ཤེས་ཀྱི་རླུང་ཅུང་ཟད་ཟིན་ཡང་རྩ་བའི་ཡེ་ཤེས་སྙིང་ནང་ནས་འཕྲོས་པ་ངོས་ཀྱང་མ་ཟིན་ཆ་མེད་པས། འཁྲུལ་འཁོར་དང་དམིགས་པ་སྣ་ཚོགས་ལ་བརྟེན་དགོས་ཤིང༌། ཡོན་ཏན་སྐྱེ་བ་ལྟར་སྣང་ཡང༌། རྩ་བ་མ་ཆོད་པས་རྣལ་མ་ཞིག་མི་ཡོང་བའི་གནད་དེ་ཡིན་ནོ། །འདིར་ཁ་ནས་དྲངས་པས་གློ་བའི་རླུང་རང་དག གདངས་སྙིང་གར་རང་ཐིམ་ནས་གསལ་སྟོང་ཡེ་ཤེས་ཀྱི་ངང་ལས་མི་གཡོ་ཞིང༌། དེའི་གནད་ཀྱིས་འཁོར་ལོ་བཞིའམ་ལྔའི་གདངས་མི་གཡོ་བར་སྙིང་ནང་དང་འདྲེས་པར་རང་གསལ་བས། སྦྱང་བྱ་འགྱུ་བའི་རླུང་རྟོག་ཚོགས་དང་བཅས་པ་མ་སྤངས་པར་རང་སར་དག་ནས་འཁོར་ལོ་སོ་་སོ་ལ་བརྟེན་པའི་ཡོན་ཏན་མ་བཙལ་བར་ལྷུན་གྱིས་གྲུབ་སྟེ། འོད་གསལ་་དུ་གྲོལ་ནས་འགྲོ་བའི་གནད་དེ་ཡིན་ནོ། ། འདི་དག་ནི་སློབ་དཔོན་ཆེན་པོ་བི་མ་ལའི་ཡེ་ཤེས་གསང་ཏིག་ཏུ་བསྟན་པ་བཞིན། འཕྲོས་པར་བཤད་ནས་ལས་རླུང་སོར་གཞག་པ་དང༌། ཉོན་མོངས་པའི་རླུང་གནས་སུ་སྦྱང་བ་གཉིས། འཇུག་པ་གཅིག་གི་འདི་ལྟར་ཉམས་སུ་བླངས་ཏེ། དེ་ཡང་ལས་དང་པོ་པ་སྤྲོས་པ་ཤས་ཆེ་དུས་སུ་མངོན་སུམ་ལ་སྒོམ་དུས། རྣམ་རྟོག་་འཕྲོ་བ་རང་ཞི་བར་བྱ་དགོས་པས་ཡི་གེ་ཨ་རྣམ་པ་ལྔ་སོགས་དུས་གཅིག་ལ་བརྩེགས་མར་བསྒོམས་པས་འབྱུང་བ་ལྔ་གནད་ལ་ཕེབས་ཏེ། ཨའི་དོན་སྐྱེ་མེད་ལ་གནས་པའི་དོན་གྱི་ཕྱིར་རོ། །དང་པོ་ལྟ་སྟངས་དང༌། གཟིགས་་སྟངས་བསྟུན་ནས་རླུང་དལ་བུས་ཕྱིར་ཁ་ནས་སོང་བ་ནང་དུ་ཡང་དལ་བུས་བརྡུབས་ཏེ་དར་ཅིག་རྩོལ་ལ་ལྷོད་པའི་ངང་ནས་ཅུང་ཟད་འཐེན་ཏེ་གཟུང་ནས། ནམ་མཁའ་ལ་མིག་བཏད་པའི་སར། ཨ་དམར་པོ་ ལྔ་བརྩེགས་པ་ལ་མ་ཡེངས་པར་སེམས་གཟུང་ཞིང་ཧུར་ཐོན་པས་རིག་ པ་སིང་བག་དང་བཅས་པ་འབྱུང་ངོ༌། །དེ་ནི་རྟོག་དཔྱོད་མེ་དང་འདྲ་བ་དག་པར་བྱེད་པས་བསམ་གཏན་དང་པོ་སྐྱེ་བའི་ཡན་ལག་སྟེ་མེ་རླུང་རང་ལོག་གི་དགོངས་པ་ཞེས་བྱའོ། །དེ་བཞིན་དུ་་དཀར་པོ་བཞི་བརྩེགས་ལ་གཏད་པས་ཉམས་དགའ་བདེ་ཆུ་དང་འདྲ་བ་དག་ནས། བསམ་གཏན་གཉིས་པ་སྐྱེ་བའི་ཡན་ལག་ཆུ་རླུང་རང་ཟད་ཀྱི་དགོངས་པ་ཞེས་བྱའོ། ། དེ་ནསཎམྱཊཎཌགྲཁྱཁྲཔྲཁྲདྲཁྱཁྲགྲདགྱམྱཨཀྱཎདཝགླདྲ་ལྗང་ཁུ་སུམ་བརྩེགས་ལ་གཏད་པས་དྲན་རྟོག་གི་གཡོ་བ་ཕྲ་མོ་རླུང་དང་འདྲ་བ་དག་ནས། བསམ་གཏན་གསུམ་པ་སྐྱེ་བའི་ཡན་ལག་འདེགས་རླུང་རང་ཟད་ཀྱི་དགོངས་པ་ཞེས་བྱའོ། །དེ་ནས་ཨྸ་སེར་པོ་གཉིས་བརྩེགས་ལ་གཏད་པས་དྲན་པས་བཅིངས་པའི་གཉེན་པོ་ལས་དག་ནས། བསམ་གཏན་བཞི་པ་སྐྱེ་བའི་ཡན་ལག་དྲན་གཞི་རང་ཟད་ཀྱི་དགོངས་པ་ཞེས་བྱའོ། །དེ་ནས་ཨ་མཐིང་ཀ་རྐྱང་པ་གཅིག་ལ་གཏད་པས་གཟུང་འཛིན་ཞེན་རྟོག་གི་དྲི་མ་སྤང་གཉེན་ཆ་དང་བཅས་པ་ལས་གྲོལ་ནས། གཟུགས་མེད་པ་དང་འགོག་པའི་ཡེ་ཤེས་རྣམ་པར་མི་རྟོག་པ་སྐྱེ་བའི་ཡན་ལག་ནམ་མཁའ་རང་ཟད་ཀྱི་དགོངས་པ་ཞེས་བྱའོ། །མན་ངག་འདི་དག་ནི་རྟོག་དཔྱོད་རགས་པ་ནས་གཟུང་སྟེ། དྲན་པ་དབྱིངས་་སུ་མ་དག་གི་བར་འབྱུང་བ་ལྔའི་རྡོས་པ་དང༌། འཛིན་རྟོག་དབྱིངས་སུ་ཐིམ་པར་བྱེད་པའི་གནད་གལ་པོ་ཆེའོ། །དེ་ཡང་དང་པོ་ཨ་ལ་ཤེས་པ་གཏད་ནས་དར་ཅིག་ནས་དམིགས་མེད་ཕྱམ་གྱིས་འགྲོ་བ་དེའི་ངང་དང་མི་འབྲལ་བ་ནི་ཉམས་སུ་མྱོང་བའོ། ། དེ་ལྟར་ཉམས་སུ་ལེན་པའི་དུས་སུ་འབྱུང་བ་འཁྲུགས་པ་དང་བྱིང་རྒོད་ཤས་ཆེར་གྱུར་ན། གནས་གསུམ་དུ་ཡི་གེ་གསུམ་བསྒོམ་ནས་རླུང་དྲང་བས་ཐོན་པར་གསུངས་ཀྱང༌། ལག་ལེན་ལ་ཚད་པའི་་དུས་སུ། བདེ་ཆེན་འཁོར་ལོའི་ཧཾ་ལས་ཐིག་ལེ་དཀར་བསིལ་བབས་པས་ནད་སོང་བར་བསྒོམས་ལ། རླུང་ཕྱིར་སངས་སངས་ཕུལ་ལ་ཕྱིར་གཟུང༌། གྲང་བ་ལ་ལྟེ་བ་སྤྲུལ་པའི་འཁོར་ལོའི་རཾ་ལས་མེ་འབར་བས་བསྲེག་པར་བསམ་ལ། རླུང་ཁ་སྦྱར་ལ་ནང་དུ་གཟུང༌། བད་ཀན་ལའང་དེ་དང་འདྲ་བ་ལས། ཁྱད་པར་དུ་ལོངས་སྤྱོད་འཁོར་ལོའི་ཏྲཱཾ་ལས་བདུད་རྩི་བབས་པས་ནད་སངས་བར་བསམས་ཏེ། རླུང་ཕྱིར་གསུམ་གསུམ་ཕུལ་ལ། ནང་དུ་རེ་རེ་གཟུང༌། སེམས་རྒོད་ཅིང་པྲ་ཡས་ན་བདེ་སྐྱོང་འཁོར་ལོའི་ཧཾ་ལས། བདེ་དྲོད་འབར་བ་ལ་སེམས་གཟུང་ཞིང་རླུང་གཟུང༌། སྙོམས་དུས་ཏིང་ངེ་་འཛིན་ཇི་ལྟར་བྱས་ཀྱང་མ་སྐྱེས་ན་ཆོས་ཀྱི་འཁོར་ལོའི་ཧཱུཾ་ལས་སྤྱི་བོའི་དྭངས་མ་བབས་པར་བསམས་ཏེ་རླུང་ནང་དུ་བཟུང་བས། ནད་ཀུན་ཞི་ཞིང་ཏིང་ངེ་འཛིན་རང་ལུགས་སུ་སྐྱེ་བ་ཡིན་ནོ། །འདི་དག་ནི་གནད་དམ་པའོ། །འདིའི་དུས་སུ་ཡི་གེ་དེ་དག་ངག་ཏུ་ཡང་བརྗོད་ཅིང༌། ཧ་དང་ཧཱུཾ་དང་ཨ་མང་པོ་འདོན་པ་ནི་ཐབས་སོ། །རླུང་གནད་མེད་པར་བསྒོམས་ཀྱང་ཡེ་ཤེས་མྱུར་དུ་མི་འཆར་ཞིང་དལ་བ་འབྲས་བུ་ཆུང་བ་ཡིན་པས་གནད་ཤེས་ནས་སྒོམས་པ་གཅེས་སོ། །ངག་གི་གནད་བསྟན་པའི་དུམ་བུ་སྟེ། གཉིས་པའོ།། །། སྤྱི་དོན་གསུམ་པ་རིག་པའི་གནད་ལ་གདངས་ཀྱི་རིག་པ་དང༌། རིག་པའི་དངོས་ཉམས་སུ་བླང་བའི་གནད་གཉིས་ལས། དང་པོ་གདངས་ཉམས་སུ་བླངས་པས་རིག་པ་དངོས་ཀྱི་གཤེད་ཐོག་ཏུ་བཅོས་བསླད་མེད་པར་ཕེབས་པའི་ཕྱིར་རིག་གདངས་དངོས་ཁྲེགས་ཆོད་ཀྱིས་བསྟན་པ་དང༌། འོད་གདངས་ཐོད་རྒལ་གྱིས་བསྒོམ་པའོ། །དང་པོ་ནི། རིག་གདངས་རླུང་དང་འདྲེས་པའི་རྩལ་སེམས་སུ་ཤར་དུས་ལྟ་སྒོམ་སྤྱོད་འབྲས་བཞེས་ཉམས་སུ་་བླང་བ་ལས། དང་པོ་ལྟ་བ་རང་བྱུང་གི་ཡེ་ཤེས་རིག་སྟོང་ཆོས་སྐུའི་ངོ་བོར་་ཐག་གཅད་ནས། ཡར་སངས་རྒྱས་ལ་རེ་མི་ཆེ། མར་འཁོར་བ་ལ་དོགས་མི་ཟ། འཁོར་འདས་སེམས་ཀྱི་གནས་ལུགས་རིག་མ་རིག་ཏུ་ཤེས་པས། གང་ཤར་གྱི་རིག་པ། རིག་བདོ་བའི་དུས་སུ་སྤང་བླང་བཟང་ངན་མེད་པ། ཟངས་ཐལ་ཡེ་སངས་ཆེན་པོར་གདེང་འཆོས་པ་ནི་ངོ་རང་ཐོག་ཏུ་སྤྲད་པ་དང༌། ཐག་གཅིག་ཐོག་ཏུ་གཅད་པ་སྟེ། བཟང་ངན་གཉིས་སུ་མེད་པའི་ཆ་ནས། ཡེ་ཤེས་ཟངས་ཐལ་གྱི་གཟེར་འཁོར་འདས་གཉིས་ཀྱི་བར་དུ་གདབ་པ་རྩྭ་དང་མེ་འཕྲད་པ་ལྟ་བུ་དང༌། ཡོད་མེད་ཕྱོགས་ཡན་དུ་ཤར་བས་ལྟ་བ་གྲོལ་ཡན་གྱི་གཟེར་རྟག་ཆད་གཉིས་ཀྱི་བར་དུ་གདབ་པ་བཞིན་དང་མེ་ལོང་འཕྲད་པ་ལྟ་བུ་ཡིན་ཏེ། ཆོས་ཐམས་ཅད་ཡེ་ནས་མ་གྲོལ་བ་མེད་པར་ཡེ་སངས་རྒྱས་སུ་རྟོགས་པས་གང་ཤར་ཆོས་ཉིད་དུ་སོང་བས་རི་རྒྱལ་གྱི་རྩེར་ཕྱིན་པས་དམའ་བའི་ལུང་ཕྲན་མཐོང་བ་ལྟ་བུ་ལ། རི་བོ་ཅོག་བཞག་གི་དགོངས་པ་ཞེས་བྱའོ། །གཉིས་པ་སྒོམ་པ་རང་གྲོལ་སོར་བཞག་སྣང་སེམས་ཆིག་ཆོད་དུ་གྲོལ་བ་དུ་མ་རོ་མཉམ་ཆེན་པོ་ནི། གང་ཤར་གང་སྣང་གི་ངོ་བོ་སྒོམ་པ་ཤར་ཐོག་ཏུ་བཅོས་བསླད་རེ་དོགས་མེད་པར་བཞག་པས་བྱིང་རྒོད་ཡེངས་པ་མེད་པའི་ངང་དུ་རོ་གཅིག་དུས། ཤར་སྣང་ཅེར་མཐོང་དུ་གྲོལ་བའི་ཆ་ནས་སྒྲོན་མ་རང་དག་གི་གཟེར་ཡུལ་སེམས་གཉིས་ཀྱི་བར་དུ་གདབ་པ་མུན་ཁུང་དུ་སྒྲོན་མེ་བཏེགས་པ་ལྟ་བུ་དང༌། བྱིང་རྒོད་་ཡེངས་པ་མེད་པར་སྒོ་ལྔ་ཐུག་ཕྲད་དུ་གྲོལ་བའི་ཆ་ནས། སྒོ་སྔ་རང་ཡན་གྱི་གཟེར་བྱིང་རྒོད་གཉིས་ཀྱི་བར་དུ་གདབ་པ་བུ་གཅིག་པུ་མ་དང་འཕྲད་པ་ལྟ་བུ་སྟེ། གང་ཤར་རོ་མཉམ་དུ་འདྲེས་པས་བློ་དངོས་གཉིས་མེད་དུ་གྲོལ་ཏེ་དྲན་བསམ་གཞི་ཐིམ་ལ་སོང་བ་རྒྱ་མཚོ་ཅོག་གཞག་གི་དགོངས་པ་རྒྱ་མཚོ་རླུང་གིས་མ་བསྐྱོད་པ་ལྟ་བུ་ལ་ཉིན་མཚན་དུ་གནས་པར་བྱའོ། ། གསུམ་པ་སྤྱོད་པ་སྐྱེས་གྲོལ་ཐུག་ཕྲད་རིས་མེད་དུ་སྦྱང་བ་ནི། དགག་སྒྲུབ་དང་རེ་དོགས་ཅི་བྱུང་དུས་སེམས་ལས་བྱུང་བ་སེམས་སུ་ཐིམ་ནས་རོ་མཉམ་རྗེས་མེད་གང་ཤར་ཐུག་ཕྲད་ལ་བཏང་བས་གང་ཤར་གྱི་ངོ་བོར་རང་དག་ཏུ་སོང་བས་གཉིས་ཆོས་སུ་མ་གྲུབ་པའི་ཆ་ནས། ངོ་བོར་རང་དག་གི་གཟེར་བློ་དངོས་གཉིས་ཀྱི་བར་དུ་གདབ་པ་སྟེ། དགོངས་པ་གཞི་ལ་འདྲེས་པ་ཡིད་མཐུན་པའི་ཕོ་མོ་འཕྲད་པ་ལྟ་བུ་དང༌། ཤར་བ་དེ་ཉིད་སྐད་ཅིག་ལ་ལྷན་གྱིས་གྲོལ་བའི་ཆ་ནས། རིག་པ་ཆོས་མིན་གྱི་གཟེར་ཆོས་ཅན་ཆོས་ཉིད་ཀྱི་བར་དུ་གདབ་པ་རྟོག་དཔྱོད་དྲན་བསམ་ལས་འདས་པས་ཉི་ཟེར་དང་བ་མོ་འཕྲད་པ་ལྟ་བུ་སྟེ། གང་སྣང་ཡེ་སྟོང་ཡེ་གྲོལ་དུ་གནས་པས་གང་ཤར་སྣང་བའི་ངོ་བོ་བཅས་བཅོས་བྱ་མི་དགོས་ཏེ། ཆང་གིས་བཟི་བའི་སྣང་བ་དཔྱད་ར་མེད་པར་ཝལ་ལེ་སྣང་བ་ལྟ་བུ་ལ་བསླབ་པ་ནི། སྣང་བ་སྣང་ཐོག་ཏུ་གྲོལ་བ་གཟུ་བོའི་བློ་ཅན་ལྷ་ཁང་དུ་ཕྱིན་པ་ལྟར་རྒྱུ་མཚན་ཤེས་ལ་མ་ཆགས་པས་སྣང་བ་ཅེར་གཞག་གི་དགོངས་པ་ཞེས་བྱའོ། །བཞི་པ་འབྲས་བུ་རང་རྫོགས་ལྷུན་གྲུབ་ཆེན་པོ་ལ་རེ་དོགས་ཀྱི་འཕྲང་མི་བཅའ་བ་ནི། གདེང་གྲོལ་ཐོག་ཏུ་བཅའ་བ་སྟེ། གང་ཤར་རང་གྲོལ་གྱི་ངང་དེ་ཉིད་ཡེ་སངས་རྒྱས་པའི་ཆོས་སྐུར་ཕྱིན་པས། དེ་ལས་བཟང་དུ་འགྲོར་མེད་པའི་གདེང་དང་བཅས་པའི་ངང་ལ་གནས་པ་སྟེ། རང་རིག་ཆོས་སྐུར་མཐོང་བས་གང་ཤར་ཆོས་སྐུའི་རོལ་པ་ཐག་ཆོད་པའི་ཆ་ནས། ཆོས་སྐུ་ཡེ་རྫོགས་ཀྱི་གཟེར་སྣང་སྟོང་གཉིས་ཀྱི་བར་དུ་གདབ་པ་དབུལ་པོ་གཏེར་མཛོད་དང་འཕྲད་པ་ལྟ་བུ་སྟེ། འགྱུས་སམ། གནས་སམ། གང་བྱུང་གི་དུས་ཉིད་ནས་སྐུ་གསུང་ཐུགས་ཀྱི་ཡེ་ཤེས་སུ་བྱུང་བས་བཅོས་བསླད་མེད་པར་གཞག་པ་ནི་རིག་པ་སངས་རྒྱས་སུ་གདེང་འཆོས་པ་རིམས་ནད་བྱང་ནས་མི་ལྡོག་པའམ། བསི་ཤིང་གི་འབྲས་བུ་ལྟར་འབྲས་བུ་རྒྱུར་མི་ལྡོག་པ་སྟེ། སྣང་བ་ཅེར་བཞག་གི་དགོངས་པ་ཞེས་བྱའོ། །དེ་ལྟར་བསྟན་པ་ཐམས་ཅད་ཀྱང་ཐུགས་ཕྲད་རྗེས་མེད་དུ་གྲོལ་ནས། །སོར་གཞག་རེ་དོགས་མེད་པའི་ངང་དུ་འདུས་ཏེ། གཞི་ཁྲེགས་ཆོད་ཀྱི་ངོ་བོ་ཉམས་སུ་བླང་ཐབས་སོ། །དོན་གཉིས་པ་འོད་གསལ་ཐོད་རྒལ་གྱི་སྒོམ་པ་ནི། རིག་པ་བུམ་ནང་གི་མར་མེ་ལྟ་བུའི་འོད་གདངས་རྩ་ནས་མིག་ཏུ་འབྲེལ་བ་ནམ་མཁར་ཤར་བའི་འོད་དང༌། ཐིག་ལེའི་རྣམ་པ་སྣང་བ་ལ་ཉམས་སུ་ལེན་པ་སྟེ། དེ་ཡང་གནད་ཆེན་པོ་དྲུག་ལས། དང་པོ་རིག་པ་མི་གནས་པ་གནས་པར་བྱ་བའི་གདམས་ངག་གི་ཤེས་པ་བག་ལ་བཙལ་བ་ནི། གཅིག་པུར་དབེན་པའི་སར་གནས་ཏེ་བྱ་བ་དགུ་ཕྲུགས་སུ་བཏང་ནས། ལུས་འདུག་སྟངས། མིག་གཟིགས་སྟངས། རིག་པ་འོད་སྣང་ལས་མི་འགུལ་བར་བྱས་ནས། སེམས་འཕྲོ་ན་ལུས་ཀྱི་ཡན་ལག་བསྐུམ། དབུགས་སྙིང་ཀར་གཟུང༌། རིག་པ་ལྟེ་བར་གཏད། མིག་བཙུམས་པས་དྲན་བསམ་འཕྲོ་འདུའི་རྟོག་པ་བབས་ཀྱིས་འགགས་པ་ནི་བུས་ཕ་འཚོལ་གྱི་གདམས་པ་ཞེས་བྱ་སྟེ། ཐབས་དེ་ཉིད་བུ་འདྲ་བས་ཤེས་རབ་གདོད་མའི་ངང་དུ་གནས་པར་བྱེད་པའི་ཕྱིར་རོ། །དེ་ལྟར་སྐྱེ་མེད་ནམ་མཁའ་ལྟ་བུའི་ངང་ལ་གནས་པ་དེ་ཡང་གཞན་ནས་བྱུང་བ་མ་ཡིན་ཏེ། ནང་གི་ཡེ་ཤེས་རང་སོར་སྙིང་ནང་ན་གནས་པའི་རང་བཞིན་གསལ་བ་ཡིན་ནོ། ། གཉིས་པ་རིག་པ་མ་ཟིན་པ་ཟིན་པར་བྱ་བའི་གདམས་ངག་གིས་གནད་རྣམ་པ་གསུམ་ལ་མཁས་པར་བྱ་བ་ནི། དབུགས་ཐུབ་ཐང་བཟུང་ནས་བཏང་སྟེ་ཡིད་ཀྱིས་ཉེར་གཅིག་རེའི་ཚད་དུ་བྱས་པས་ཤེས་པ་རང་སོར་གནས་ཤིང་འཕྲོ་འདུ་མེད་་དུས་རིག་པ་མིག་ལ་བཅུག །མིག་ནམ་མཁའ་ལ་གཏད་ནས་འོད་སྣང་ལ་ཧྲིག་གི་བཟུང་བས་དྲན་པ་གཞན་དུ་མ་ཡེངས་པར་བྱས་ལ། དེ་ནས་ཤེས་པ་སྙིང་ཀ་དང་མགྲིན་པ་དང་སྤྱི་བོར་གཏད་ཅིང་མིག་འོད་སྣང་ལ་བལྟས་པས་རྟོག་པ་ཞི་དུས། རིག་པ་མིག་ནས་མ་ཡེངས་པར་བལྟས་པས་ཞེན་འཛིན་རང་འགགས་སུ་འགྲོ་བ་ནི། སྡོད་པ་རྣམ་པར་དག་པའི་དགོངས་པ་མདའ་ཡིས་གཞུ་འཚོལ་གྱི་གདམས་ངག་ཅེས་བྱ་སྟེ། གནད་ཀྱི་མདས་མཉམ་གནས་འཕོ་འགྱུར་མེད་པའི་ངང་གིས་གཞུ་འཚོལ་བའི་ཕྱིར་རོ། །དེའི་ཚེ་རིགས་པ་རང་གནས་འཕྲོ་འདུ་མེད་པར་ཟིན་པ་ནི། རང་རིག་མཉམ་པའི་་ཡེ་ཤེས་སྙིང་ནང་ན་མི་གཡོ་བའི་དགོངས་པ་ཟིན་པ་ཡིན་ནོ། ། གསུམ་པ་རིག་པ་མི་བརྟན་པ་བརྟན་པར་བྱ་བའི་གདམས་ངག་གི་ཡུལ་དང་ཤེས་པ་བསྲེ་བ་ནི། འདུག་སྟངས་གསུམ་པོ་གང་རུང་ལ་གནས་པས། ཡེ་ཤེས་རང་གསལ་དུ་ཤར་ནས་གྲོལ་ས་ཟིན་པར་བྱེད་དེ། ཤེས་པ་རང་ཐོག་ཏུ་ཕབ་པས་ལུས་མི་འཕོ། མིག་ནམ་མཁའ་ལ་ཕབ་པས་དབྱིངས་མི་འཕོ། དབྱིངས་ངོ་བོའི་སྟེང་དུ་ཕབ་པས་ཡེ་ཤེས་ལྷུག་པའི་ངང་ལས་མི་འཕོ་བར་གནས་དུས། བྱིང་བ་སྙམ་བྱེད་ན་མིག་ཧར་པོར་གྱེན་ལ་བལྟས་ཏེ་ཧ་དྲག་ཏུ་བརྗོད་པས་བསེང་ངོ༌། །དེ་ནས་མིག་ནས་རིག་པ་བཏོན་ནས་ནམ་མཁར་གཏད་པ་ནི་ཡུལ་དབྱིངས་ལ་བཙལ་བའི་ཐབས་ཏེ། ཐོབ་པ་རྣམ་པར་དག་པའི་དགོངས་པ་འབེམ་གྱིས་མདའ་འཚོལ་གྱི་གདམས་པ་ཞེས་བྱའོ། །དེ་་ཡང་འོད་སྣང་གི་འབེམ་ལ་བལྟས་པས་འོད་གསལ་རང་དྭངས་ཀྱི་མདའ་འཚོལ་བའི་ཕྱིར་རོ། །དེའི་ཚེ་བདེ་གསལ་མི་རྟོག་པའི་བསམ་གཏན་གྱི་ངང་ལ་བརྟན་པ་ཅུང་ཟད་ཐོབ་པ་ནི་གོམས་པའི་སྟོབས་ལས་འབྱུང་བའོ། །བཞི་པ་རིག་པ་མ་སྐྱེས་པ་སྐྱེས་པར་བྱ་བའི་གདམས་ངག་གིས། སྣང་བའི་ཚད་གཟུང་བ་ནི་རིག་པའི་གནད་སྒོ་མིག་ནས་སྐར་མདའ་ལྟར་ནམ་མཁའི་དབྱིངས་སུ་གདོན་པར་བྱ་སྟེ། དེ་ལ་མ་ཡེངས་པར་བལྟ་ཞིང༌། འོད་སྣང་་དུམ་བུ་དང་ཐིག་ལེ་སྐུ་ལ་སོགས་པའི་སྣང་བ་ཤར་བ་ལ་གཏད་པས། རྟོག་མེད་འོད་གསལ་ཀྱི་ཡེ་ཤེས་ཁོང་ནས་འཆར་ཞིང་དེའི་ངང་ལ་སྒོམ་དུས་རླུང་་འོག་སྒོ་ནས་ཡར་འཐེན། རིག་པ་ནམ་མཁར་གཏད་པས་སྣང་བ་འཕྲལ་ལ་མཆེད་པ་སྟེ། སྣང་བ་དེ་ཀུན་ཇེ་དལ་ལ་ཁྲིད་ཅིང་བཞག་པ་ནི། འདབ་ཆགས་ཀྱི་ལྡིང་ལུགས་ཞེས་བྱ་སྟེ། དང་པོ་འོད་དུ་སྣང༌། གཉིས་པ་ཐིག་ལེར་འཆར། གསུམ་པ་སྐུར་གྱུར་པ་ལ་སོགས་པ་རིམ་གྱིས་མཆེད་པ་ནི། རིག་པ་དྲན་གཞི་ཟད་པས་འོད་གསལ་འདུ་འབྲལ་མེད་པ་སྟེ། འཇུག་པ་རྣམ་པར་དག་པའི་དགོངས་པ་ཆུང་མས་ཁྱོ་ཚུལ་གྱི་མན་ངག་ཅེས་བྱ་སྟེ། གདོད་མའི་ངང་དུ་ད་ལྟར་གྱི་དྲན་རིག་འཇུག་པ་ཐབས་ཀྱི་ཆུང་མས་སྐུ་གསུམ་་འདུ་འབྲལ་མེད་པའི་ཁྱོ་འཚོལ་བའི་ཕྱིར་རོ། །དེའི་ཚེ་ཕྱི་སྣང་བའི་རྟགས་་འོད། ནང་རིག་པའི་རྟགས་ཏིང་ངེ་འཛིན་ལ་སོགས་པ་བསྐྱེད་པ་ནི་འོད་གསལ་མ་བུ་འདྲེས་པའི་རྟགས་ཡིན་ནོ། ། ལྔ་པ་རིག་པ་མ་ཤེས་པ་ཤེས་པར་བྱ་བའི་གདམས་ངག་གི་དྲོད་ཚད་གཏན་ལ་དབབ་པ་ནི། ནང་ན་རིག་པ་ནི་འོད་དུ་ཡོད་པའི་རྟགས་ཕྱིར་རྡོ་རྗེ་ལུ་གུ་རྒྱུད་དུ་ཤར་བ་ཡང་གདོད་མ་ནས་དེ་ལྟར་ཡོད་ཀྱི། གློ་བུར་བ་མ་ཡིན་ཏེ། འོད་རྩའི་གདངས་ཡེ་ནས་་ཡོད་པའི་སྣང་བ་ལ་ངོ་སྤྲད་ནས། དེ་ཉིད་ལ་བལྟ་ཞིང་བྱིང་རྒོད་མེད་པ་སྒེག་མོ་མེ་ལོང་བལྟ་བ་ལྟར་བསླབ་ཅིང༌། དབྱིངས་སྣང་གི་དབུས་དང་མ་བྲལ་བས་དང་པོ་སྨིན་མཚམས་ལས་ཕྱིས་ཇེ་རིང་དུ་བལྟ་བ་ནི། རིག་པ་དབྱིངས་དང་སྦྲེལ་པའི་ཐབས་ཏེ། གསལ་བ་རྣམ་པར་དག་པའི་དགོངས་པ་བུ་མོས་ཕ་འཚོལ་གྱི་མན་ངག་ཅེས་བྱའོ། །དེ་ཡང་རིག་གདངས་རྡོ་རྗེ་ལུ་གུ་རྒྱུད་བུ་མོ་ལ་བལྟས་པས། དེའི་སྙིང་ནང་གི་ཡེ་ཤེས་མི་གཡོ་བའི་དགོངས་པ་ལ་གནས་པའི་ཕྱིར་རོ། །དེའི་ཚེ་རིག་གནད་ཤེས་པས་འོད་གསལ་གྱི་ངང་དུ་གནས་པ་ནི་ཐབས་ཀྱི་དམ་པའོ། །དྲུག་པ་རིག་པ་མ་གྲོལ་བ་གྲོལ་བར་བྱ་བའི་གདམས་ངག་གིས་སྐུ་གསུམ་གྱི་ས་ལ་གོམས་པར་བྱ་བ་ནི། ཆོས་སྐུ་འོད། ལོངས་སྐུ་ཐིག་ལེ། སྤྲུལ་སྐུ་ཟེར་གདངས་སུ་ལུས་ལ་གནས་པ་ལས། ཆོས་སྐུའི་གནད་དུ་དབྱིངས་ལ་བལྟ་བ་མ་ཡེངས་པ། ལོངས་སྐུའི་གནད་རྩ་ཡིན་པས་ལུས་ཀྱི་འདུག་སྟངས་གཟིར་བ། སྤྲུལ་སྐུའི་གནད་སྒོ་ཡིན་པས་གཟིགས་སྟངས་གང་རུང་ལ་བལྟས་པས། ནམ་མཁར་་འོད་དབྱིངས་ཐིག་ལེ། ཟེར་གདངས་ལུ་གུ་རྒྱུད་དང་བཅས་པར་རང་སྣང་བ་ནི། གྱད་རྩལ་པོ་ཆེས་མདའ་འཕངས་པ་ཕྱིར་མི་ལྡོག་པ་ལྟར། རིག་པ་སྐུ་གསུམ་གྱི་སྣང་བ་ལས་མི་ལྡོག་པའི་ངང་དུ་གནས་དུས། དབྱིངས་རིག་གི་སྣང་བ་དེ་ལ་མ་ཞེན་པས་རང་གསལ་འཛིན་མེད་ཆེན་པོར་དྲིལ་ནས་བལྟ་བ་ནི་དུག་སྦྲུལ་གྱི་མདུད་ལུགས་ཏེ། སྣང་རིག་རང་གིས་རང་གྲོལ་བའི་ཕྱིར། རང་གྲོལ་ཐབས་ཀྱི་རྒྱལ་པོ་སྟེ། སྣང་བ་དེ་ཡང་འབྱུང་བཞི་ཟད་པའི་ཆ་ནས་དག་པ་རྣམ་པར་དག་པའི་དགོངས་པ་རྗེ་ཡིས་འབངས་འཚོལ་གྱིས་གདམས་ངག་ཅེས་བྱ་བ་སྟེ། སྐུ་གསུམ་རང་སྣང་གི་རྗེས་དང་གནས་་སོར་བཞག་གི་ཏིང་ངེ་འཛིན་འབངས་དང་འདྲ་བ་ཚོལ་བའི་ཕྱིར་རོ། །དེའི་ཚེ་འབྲས་བུ་ཡེ་དག་གདོད་མའི་ངང་དུ་རང་གནས་སུ་སོང་བ་ནི། ཡེ་གྲོལ་ཆེན་པོའི་དགོངས་པ་ཆོས་ཉིད་ཟད་པའི་ངང་དུ་ཕྱིན་པ་ཞེས་བྱའོ། །འདི་དག་ནི་རྡོ་རྗེ་སེམས་དཔའ་ཞལ་མཐོང་གི་གནད་ཡིག་ལས་གསལ་བར་ཕྱེ་སྟེ། ཤིན་ཏུ་ཟབ་པའི་ཡང་ཟབ་ཆེན་པོའོ། ། དོན་གཉིས་པ། རིག་པ་དངོས་ཉམས་སུ་བླང་བ་ནི། གདངས་གཉིས་ཀྱི་ཚེ་ཡང་ཡོད་ལ་གཞན་དུའང་ཡོད་་དེ། དོན་ལ་རིག་པའི་ངོ་བོ་སྟོང༌། རང་བཞིན་གསལ། ཐུགས་རྗེ་འགགས་མེད་ཆེན་པོར་འཆར་བའི་ངོ་བོ་ཤེས་ནས། དེའི་ཐོག་ཏུ་བཅོས་བསླད་མེད་པར་བཞག་དུས་སྟོང་གསལ་སྤྲོ་བསྡུ་དང་བྲལ་བའི་ངོ་བོ་ཁོང་ནས་་འཆར་ཏེ། ངོ་བོ་སྟོང་ཉམས་ནམ་མཁའ་ལྟ་བུའི་རྟོགས་པ་མི་རྟོགས་པའི་ངང་དང་བཅས་པ། རང་བཞིན་གསལ་ཉམས་ཉི་ཟླ་ལྟ་བུའི་སྒོམ་པ་ཉིན་མཚན་ཁ་སྦྱོར་སིང་བག་དང་བཅས་པ། ཐུགས་རྗེ་རིག་ཉམས་ཤར་གྲོལ་་ཐུག་ཕྲད་སྤྱོད་པའི་ངོ་བོ་ཆུ་དང་རླབས་སམ་སྦྲུལ་མདུད་ལྟར་རང་གྲོལ་བདེ་བའི་ངར་དང་བཅས་པ་སྐྱེ་དུས་དང༌། ཐ་མལ་གྱི་ཤེས་པ་རང་སོར་བཞག་་དུས་ལ་སོགས་པ་ཐམས་ཅད་ན། རིག་པའི་ཡེ་ཤེས་འབྲལ་མེད་དུ་གནས་པ་ཤེས་ཐོག་ནས་བསྐྱང་བ་ངོས་བཟུང་ལ་ལམ་དུ་ཁྱེར་བའོ། །རིག་པ་ལ་་དབྱེ་ན་ལྔ་ལས། མཚན་ཉིད་འཛིན་པའི་རིག་པ་ཞེས་རིག་པའི་ཆ་ནས་བཏགས་པ་མ་རིག་པ་ལས་ལྡོག་པ་དང༌། གཞི་འཛིན་པའི་རིག་པ་ལུས་ལ་གནས་དུས་ཤེས་པ་ཐམས་ཅད་ཀྱི་འཆར་གཞིར་གནས་པ་དང༌། གཞི་གནས་ཀྱི་རིག་པ་ངོ་བོ་རང་བཞིན་ཐུགས་རྗེ་གསུམ་དུ་དབྱེར་མེད་དུ་གནས་པའི་ཆ་དང༌། ལྷག་མཐོང་གི་རིག་པ་རྡོ་རྗེ་ལུ་གུ་རྒྱུད་འོད་སྣང་དང་བཅས་པའི་ཆ་ནས་དང༌། ཐོད་རྒལ་གྱི་རིག་པ་ཆོས་ཉིད་ཀྱི་ངང་ལ་ཕྱམ་གྱིས་སོང་དུས་སྤྲོས་བྲལ་ནམ་མཁའ་ལྟ་བུའོ། །རིག་པ་དེ་ཡང་ཟད་པའི་ཆ་ལ་བཏགས་ཏེ། དེ་ཐམས་ཅད་ཀྱང་གནས་སྐབས་ཀྱི་ཆའམ། ལྡོག་པ་ཐ་་དད་ནས་སོ་སོར་བཏགས་ཀྱང་དོན་ལ་ངོ་བོ་གཅིག་སྟེ། མུན་པ་སེལ་བས་སྣང་བྱེད་དང༌། པདྨོ་འབྱེད་པས་པདྨོའི་གཉེན་དང༌། རླུང་རྟ་བདུན་གྱིས་བསྐྱོད་པས་རྟ་བདུན་དབང་པོ་ལ་སོགས་པ་ཉི་མ་གཅིག་གི་ཆའམ་ལྡོག་པ་ནས་བཏགས་པ་བཞིན་ནོ། །མདོར་ན་རིག་པའི་གནས་སྙིང༌། ངོ་བོ་སྐུ་དང་་ཡེ་ཤེས་འདུ་འབྲལ་མེད་པ། རྩལ་སེམས་དང་འོད་གསལ་གྱི་སྣང་བ། ཡུལ་དག་དང་མ་དག་ཐམས་ཅད་ལ་ཁྱབ་པར་འཇུག་པ། གནས་ལུགས་་འཕོ་འགྱུར་བཟང་ངན་མེད་པས་འཁོར་འདས་ཀུན་ལ་ཁྱབ་པ། ཐབས་དུ་མས་མཚོན་ནས་ངོ་བོ་བཅོས་བསླད་མེད་པའི་དགོངས་པར་འཇོག་པ། འབྲས་བུ་རང་ངོ་ཡེ་དག་ལ་ཡང་དག་གི་དག་པ་གཉིས་ལྡན་མཐར་ཐུག་པ། གདོད་མའི་གྲོལ་ས་ལ་ཐུགས་པར་ཕྱིན་པ་སྟེ། ཡེ་སངས་རྒྱས་ལ་ཡང་སངས་རྒྱས་པའི་གནས་ལུགས་ཞེས་བྱ་བའི་དགོངས་པ་མཐའ་གྲོལ་ཀློང་ཡངས་ཆེན་པོར་ཤེས་པར་བྱའོ། །དེ་ལྟར་སྙིང་ཏིག་འོད་གསལ་སྙིང་པོའི་གནད། །བླ་མའི་ལུང་ལ་བརྟེན་ནས་བཀོད་པ་དེས། །འགྲོ་ཀུན་བྱང་ཆུབ་སྙིང་པོ་ལ་རེག་ནས། །སྐུ་དང་ཡེ་ཤེས་ལྷུན་གྱིས་གྲུབ་པར་ ཤོག །སྙིང་པོའི་འོད་གསལ་སྙིང་ཐིག་བསྒོམ་འདོད་ཀྱང༌། །འདི་འདྲའི་གནད་འདི་དེང་སང་མཐོང་བ་དཀོན། །དེ་བས་མྱུར་དུ་འོད་གསལ་འགྲུབ་འདོད་ན། ། ཡི་གེ་འདི་ཉིད་སྙིང་བཞིན་གཅེས་པར་ཟུངས། །གངས་རི་ཐོད་དཀར་ཨོ་རྒྱན་རྫོང་གནས་སུ། །རང་བཞིན་རྫོགས་པ་ཆེན་པོའི་རྣལ་འབྱོར་པ། །ཀློང་ཆེན་རབ་འབྱམས་བཟང་པོས་བཀོད་པ་སྟེ། །སྐལ་ལྡན་སྙིང་གི་བུ་རྣམས་དགའ་བར་མཛོད། །རྫོགས་པ་ཆེན་པོ་གསང་བ་སྙིང་ཏིག་གི་གདམས་པ། གནད་གསུམ་ཆོས་ཉིད་འཁོར་ལོ་ཞེས་བྱ་བ་ཐེག་པ་མཆོག་གི་རྣལ་འབྱོར་པ་ཀློང་ཆེན་རབ་འབྱམས་ཀྱིས་བཀོད་པ་རྫོགས་སོ། །དགེའོ། །དགེའོ། །དགེའོ།། །།
༄༅། །གནད་གསུམ་ཆོས་ཉིད་ཀྱི་འཁོར་ལོ་བཞུགས་སོ། ། དོན་གྲུབ་ཡོན་ཏན་རྫོགས་དང་ཀུན་དབང་པོ། །མི་འགྱུར་འོད་ཟེར་མཐའ་ཡས་རྒྱལ་བའི་མཛོད། །གང་གི་ཞབས་པད་ཟླ་བ་ལ་བཏུད་དེ། །གནད་གསུམ་ཆོས་ཉིད་འཁོར་ལོ་གསལ་བར་བྲི། །ཐེག་པ་ཀུན་གྱི་རྩེ་མོར་གྱུར། ། གནད་ལས་འོད་གསལ་མངོན་སུམ་འཆར། །སྐད་ཅིག་གཅིག་གིས་ཆོས་སྐུར་སྦྱོར། །གང་དེ་དང་པོ་རྒྱལ་གྱུར་ཅིགད།འདི་ལྟར་དེ་འདྲའི་གདམས་ངག་ མཆོག །བདག་གིས་བླ་མ་ལས་ཐོས་བཞིན། །མ་འཁྲུལ་ཤིན་ཏུ་ཟབ་མོ་ འདི། །ཇི་བཞིན་དེ་ཉིད་རྣམ་ངེས་བྱ། །རྫོགས་པ་ཆེན་པོ་གསང་བ་སྙིང་ཏིག་གི་གནད་ངེས་པ་རྣམས་གཅིག་ཏུ་བསྡུས་ནས་བརྩོན་པས་ཉམས་སུ་བླང་བ་ལ་གསུམ་སྟེ། ལུས་དང༌། ངག་དང༌། རིག་པའི་གནད་དོ། །དང་པོ་ལ་རྟེན་གཞི་ལུས་ཀྱི་གནད་དང༌། བརྟེན་པ་སྒོའི་གནད་གཉིས་ལས། ལུས་ཀྱི་གནད་དང་པོར་བསྟན་ཏེ། དེ་ཡང་ལུས་གནད་དུ་མ་གཅུན་ན། རྩ་གནད་དུ་མི་འཆུན། རྩ་མ་འཆུན་ན། རླུང་རིག་གནད་དུ་མི་འཆུན། རླུང་རིག་གནད་དུ་མ་འཆུན་ན། ། འོད་གསལ་མངོན་དུ་མི་གསལ་བས། །དེ་དག་གནད་དུ་དབབ་པའི་ཕྱིར། །སྐུ་ལྔའི་བཞུགས་སྟངས་ལ་བསླབ་པ་གཅེས་སོ། །དང་པོ་ཆོས་སྐུའི་བཞུགས་སྟངས་་སེང་གེ་ལྟ་བུ་ལས་རྐང་མཐིལ་གཉིས་ས་ལ་ཕབ་པས་གཡོ་བྱེད་ལས་ཀྱི་རླུང་གནོན། ལུས་ཀྱི་ཆ་བསྲངས་པས་རླུང་བདེ་ལུགས་སུ་རྒྱུ། མགོ་བོའི་རྩལ་མཇིངས་པ་ལ་བསྐུར་བས་རྣམ་རྟོག་རང་བཞིན་གྱིས་འགགད།ལག་སོར་བསྒོངས་ཏེ་ཁྱི་ཚུགས་སུ་འདུག་པས་ཡེ་ཤེས་ཀྱི་དྲོད་ཕེབས་ཤིང་འབྱུང་བ་ཆ་སྙོམས་པར་བྱེད་དོ། །ལོངས་སྐུའི་བཞུགས་སྟངས་གླང་པོ་ཆེ་ལྟ་བུ་ལས་ཁ་སྦུབ་སྟེ་པུས་བྲང་སྦྱར་བས་བདེ་དྲོད་ཡེ་ཤེས་ཀྱི་ཁམས་རྒྱས། གྲུ་མོ་གཉིས་ས་ལ་བཙུགས་པས་ཕོ་མོའི་རླུང་གཉིས་མ་ནིང་དུ་རང་རྒྱུ། ཐལ་མོས་མགྲིན་པ་ཡུད་ཙམ་བཏེག་པས་རགས་པའི་རླུང་འགག །རྐང་པའི་སོར་མོ་ཕྱིར་ཕུལ་ཏེ་བསྐུམས་པས་བྱིང་རྒོད་ཀྱི་ཆ་སྙོམས་པར་བྱེད་པའོ། །སྤྲུལ་སྐུའི་བཞུགས་སྟངས་དྲང་སྲོང་ལྟ་བུ་ལས། ལུས་ཙོག་པུར་འདུག་པས་རྩ་རླུང་རང་སོར་སྙོམས། རྐང་མཐིལ་ས་ལ་ཕབ་པས་ཆུའི་རྩལ་གནོན། སྒལ་ཚིགས་དྲང་པོར་བསྲངས་པས་རླུང་སེམས་ཆོས་ཉིད་དུ་རྒྱུ། པུས་བྲང་་སྦྱར་བས་མེ་རླུང་ཡེ་ཤེས་སུ་འབར། རྒྱུ་མ་ཡུད་ཙམ་གྱེན་ལ་འཐེན་ནས་སྒལ་པ་ལ་བཅར་བས་རྣམ་རྟོག་གི་འཕྲོ་འདུ་འགག །ལག་པ་རེ་མིག་ཏུ་བསྣོལ་ནས་པུས་མོའི་སྟེང་དུ་བཀབ་ན་ཚ་བའི་ནད་སེལ། གལ་ཏེ་བསྣོལ་ནས་མཆན་ཁུང་གཉིས་སུ་རེག་ན་གྲང་བའི་ནད་སེལ། འོན་ཏེ་གྲུ་མོ་གཉིས་པུས་མོའི་སྟེང་དུ་བཞག་སྟེ། ཐལ་མོའི་ལག་སོར་བསྒོངས་པས་ལྐོག་མ་ནས་བཏེག་ན་ཚ་གྲང་སྙོམས་པའི་གསོས་བྱེད་དོ། །མངོན་པར་བྱང་ཆུབ་པའི་བཞུགས་སྟངས་བྱ་རྒོད་ལྟ་བུ་ལས། རྐང་མཐིལ་གཉིས་ས་ལ་བཞག་པས་་འཕྲོ་བ་ལས་ཀྱི་རླུང་གནོན། རྩོས་པོ་ས་ལ་མ་རེག་པས་བག་ཆགས་ལས་ཀྱི་མཐའ་སྟོངས། རོ་སྟོད་མདུན་དུ་གཅུན་པས་རྩ་ནང་གི་ཡེ་ཤེས་འཆར། ལུས་ཀྱི་ཟུར་ནས་ལག་པ་གཉིས་གཤོག་པ་ལྟར་བསྒོངས་ཏེ་རྩོས་པོའི་སྟེང་དུ་་སོར་མོ་གཉིས་བསྣོལ་བས་འབྱུང་བཞི་ལས་ཀྱི་རླུང་བཞི་ཡེ་ཤེས་ཀྱི་སྦུབས་སུ་་ཐིམ་ཞྀང་རང་ལྡོག །ལུས་ཀྱི་སྤྱི་བསྒོངས་པས་ཉོན་མོངས་པའི་ཡིད་འཆར་མི་སྲིད་པར་བྱེད་པའོ། །མི་འགྱུར་རྡོ་རྗེའི་བཞུགས་སྟངས་རྡོ་རྗེ་ལྟ་བུ་ལས་ལུས་སྤྱི་བསྲངས་པས་ནི་འགྱུ་བྱེད་ལས་ཀྱི་རླུང་འགགས། རྐང་མཐིལ་ཁ་་སྦྱར་བས་ཕོ་མོ་མ་ནིང་གི་རླུང་སྟོངས་ཏེ། འོད་གསལ་ཡེ་ཤེས་ཀྱི་ངང་དུ་རང་གནས། རྟྀང་པ་གཉིས་གསང་བ་ལ་ཟུག་པར་གཏད་པས་འདོད་ཆགས་ཀྱི་གཞི་སྟོངས། ཐལ་མོ་སྤྱི་བོར་སྦྱར་བས་ལུས་ཀྱི་གནད་སྦྱོང་བར་བྱེད་པའོ། ། དེ་ལྟར་ལྔ་ལས་དང་པོ་གསུམ་ནི། རྒྱུན་དུ་བྱ་བ་ཡིན་ལ། ཐ་མ་གཉིས་ནི་སྐབས་སུ་བཞུགས་སྟངས་ངལ་གསོ་བ་དང་རྩལ་སྦྱོང་བའི་ཚེ་བྱེད་པ་ཡིན་ ནོ། །གཞན་ཡང་སངས་རྒྱས་འགྲོ་བ་རྣམ་སྣང་གི་ཆོས་བདུན་་དང༌། དྲག་ཤུལ་ཆེན་པོ་གྱད་ཀྱི་དོར་སྟབས་དང༌། མཁའ་མཉམ་དག་པ་སྐྱེས་བུའི་བརྒྱངས་སྟབས་དང༌། གནམ་གཟེར་ཆེན་པོ་ལྕགས་སྡོང་གི་འདྲིལ་ལུགས་དང༌། འོད་གསལ་རྣལ་སྦྱོང་རྒྱལ་བའི་གཟིགས་ལུགས་ལྟ་བུ་དང་ལྔ་ནི། ཡེ་ཤེས་ལྔའི་ལྟ་སྟངས་ཏེ་སྐབས་སུ་བསླབ་པར་བྱའོ། །ཆོས་དབྱིངས་ཡེ་ཤེས་ཀྱི་གནད་དུ་ཆོས་བདུན་ནི། རྐང་པ་སྐྱིལ་ཀྲུང་ལག་པ་མཉམ་གཞག་མིག་སྣ་རྩཻ། སྒལ་ཚིག་དྲང་པོ། ལྕེ་རྩེ་ཡར་རྐན། སོ་མཆུ་ཅུང་ཟད་མ་རེག་པ་དང༌། རླུང་དལ་བ་ཅན་ནོ། ། བྱ་བ་གྲུབ་པའི་གནད་དུ་དོར་སྟབས་ནི་གཡས་བརྐྱང་གཡོན་བསྐུམ་ལས་ལག་པ་གཉིས་ཁྲོ་བོའི་སྡིགས་འཛུབ་དང་མཚོན་ཆ་འཛིན་པ་ལ་སོགས་པ་སྣ་ཚོགས་སུ་བསྒྱུར་བ་་དང༌། གཡས་བསྐུམ་གཡོན་བརྐྱང་ལས་ཁུ་ཚུར་བྲང་ཁར་བསྣོལ་བ་དང༌། ཅུང་ཟད་བསྐུམ་པ་ལས་རི་བོ་འདེགས་པ་ལྟར་བྱ་བ་ལ་སོགས་ པའོ། །མཉམ་པ་ཉིད་ཀྱི་གནད་དུ་གན་རྐྱལ་ཏུ་ཉལ་ཏེ། མིག་ནམ་མཁའི་དཀྱིལ་དུ་བལྟ་ཞིང་རྐང་ལག་བརྐྱང་པའོ། །སོ་སོར་རྟགས་པའི་གནད་དུ་དྲིལ་ལུགས་ནི། ཙོག་པུའམ་སྐྱིལ་ཀྲུང་གང་རུང་ལས། ལག་པ་བསྣོལ་བའི་ཐལ་མོས་དཔུང་པ་གཉིས་བསྡམས་ཏེ་ལུས་བཅུམས་པའོ། །མེ་ལོང་ཡེ་ཤེས་ཀྱི་གཟིགས་ལུགས་ནི། གཡས་ཕབ་ནས་མིག་མི་འགུལ་བར་རླུང་རབ་ཏུ་དལ་བ་ཅན་ནོ། །འདི་དག་གིས་རྩ་རླུང་རང་གཅུན་ནས་ཡེ་ཤེས་ངང་གིས་སྐྱེ་བའི་གནད་སྔ་མ་བཞིན་གསུངས་མོད་ཀྱང་ཡི་གེ་མང་བས་མ་བྲིས་སོ། །ལྟ་་སྟངས་འདི་ལྔ་ནི། འདས་རྗེས་དང༌། ཟངས་ཡིག་ཅན་དང༌། ལུས་གནད་གསང་བའི་སྒྲོན་མེ་ལས་ཁ་འཐོར་དུ་གསུངས་པ་དག་ཕྱོགས་གཅིག་ཏུ་བསྡོམས་ནས་བཀོད་པའོ། །ད་ནི་ལུས་ལ་བརྟེན་པ་སྒོའི་གནད་གཟིགས་་སྟངས་བཤད་པར་བྱ་བ་ལ། རྩ་བ་དང་ཡན་ལག་གི་གཟིགས་སྟངས་གཉིས་ལས། རྩ་བ་ལ་ལྔ་སྟེ། དང་པོ་ཆོས་སྐུའི་གཟིགས་སྟངས་མིག་གི་ཨ་འབྲས་གྱཻན་ལ་བཟློག་ནས་བལྟས་པས་དབྱིངས་རིག་གི་འཕེལ་ཆེ། ལོངས་སྐུའི་གཟིགས་སྟངས་ཐད་ཀར་བལྟས་པས་ཡེ་ཤེས་ཀྱི་སྣང་བ་མཐོང༌། སྤྲུལ་སྐུའི་གཟིགས་སྟངས་ཐུར་ལ་བལྟས་པས་འོད་ཁྱིམ་གྱི་སྒྲོན་མ་མཐོང༌། མངོན་པར་བྱང་ཆུབ་ཀྱི་གཟིགས་སྟངས་ཁྲིད་ཅིང་ཟླུམ་པོར་བལྟས་པས་དབྱིངས་སྣང་གི་སྣང་བ་ཆེར་འཕེལ། རྡོ་རྗེའི་གཟིགས་སྟངས་ཀྱིས་ཟུར་ལ་བལྟས་པས་ཞིང་ཁམས་ཀྱི་རྒྱན་རྫོགས་པར་བྱེད་དོ། །དེ་ལྟར་ན་ཆོས་སྐུ་སེང་གེ་ལྟ་བུས་གྲོལ་གཞིའི་ཞིང་ལ་སྤྱོད། ལོངས་སྐུ་གླང་པོ་ལྟ་བུས་གྲོལ་སྣང་ཡེ་ཤེས་ལ་སྤྱོད། སྤྲུལ་སྐུ་དྲང་སྲོང་ལྟ་བུས་འཆར་ཚུལ་ཕྲིན་ལས་ལ་སྤྱོད། མངོན་བྱང་རི་དྭགས་ལྟ་བུས་འོད་གསལ་ཞིང་སྣང་ལ་སྤྱོད། རྡོ་རྗེ་མདའ་སྲོང་ལྟ་བུས་སྐུ་གསུམ་ལྷུན་གྲུབ་ལ་སྤྱོད་པར་བྱེད་དོ། །འདི་དག་ནི་སྒྲོན་མ་སྣང་བྱེད་དང༌། དབང་རྣམ་པར་ཕྱེ་བའི་ཕྲ་ཏིག་ལས་འབྱུང་བ་བཞིན་ནོ། །ཡན་ལག་གི་གཟིགས་སྟངས་ལ་ཡང་ལྔ་ལས། འདབ་ཆགས་ཀྱི་ལྡིང་སྟབས་ནི་ཅུང་ཟད་གྱེན་ལ་བལྟས་པས། ནམ་མཁའ་དང་བསྲེ་བ་ནི་ཆོས་ཀྱི་དབྱིངས་སོ། །སྟག་མོའི་མཆོངས་སྟབས་ནི་འཕྲེད་ལ་བལྟས་པས་ཐིག་ལེའི་དབུས་ན་བྱང་ཆུབ་སེམས་དཔའི་སྐུ་སྣང་བ་ནི་མེ་ལོང་ཡེ་ཤེས་སོ། །འབུ་སྲིན་གྱི་ནུར་འགྲོས་ནི་གཡས་ཟུར་དུ་བལྟས་པས་རང་སངས་རྒྱས་མཐོང་བ་སྟེ་མཉམ་པ་ཉིད་དོ། །གྱད་ཀྱི་དོར་སྟབས་ནི་གཡོན་ཟུར་དུ་བལྟས་པས་ཉན་ཐོས་མཐོང་བ་སྟེ་སོ་སོར་རྟོགས་པའོ། །རྒྱ་མདུད་ཀྱི་འདྲིལ་ལུགས་ནི། རིག་པ་མིག་ཏུ་བཅུག་ནས་ཐིག་ལེ་དང་མི་འབྲལ་བར་མི་གཡོ་མི་འཕྱུགས་པར་བལྟ་བ་སྟེ་སངས་རྒྱས་ཀྱི་སྐུ་སྣང་བ་ནི་བྱ་བ་གྲུབ་པའི་ཡེ་ཤེས་ཀྱི་གཟིགས་སྟངས་སུ་བཤད་དོ། །ལྟ་སྟངས་འདི་དག་ཀྱང༌། འདས་རྗེས་དང༌། ཕྲ་ཏིག་ལས་གསུངས་ཤིང་རླུང་རིག་གི་གནད་གལ་པོ་ཆེ་ཡོད་པས་ཅུང་ཟད་ཀྱང་མ་འཕྱུགས་པ་གལ་ཆེའོ། །མན་ངག་གཞན་ལས་མིང་དུ་མ་བཤད་ཀྱང་འདིར་མ་འདུས་པའི་གཟིགས་སྟངས་ཅུང་ཟད་ཀྱང་མེད་པ་ཡིན་ནོ། །གཟིགས་སྟངས་གང་ལ་ཡང་ཧ་ཅང་རྩོལ་བས་སྒྲིམས་ཤིང་བསྡམས་པ་ནི། རླུང་བཙན་ཐབས་སུ་གཅུན་པས་གེགས་སུ་འགྱུར་བའི་ཕྱིར་དལ་བུས་བྱ་བ་གནད་ཀྱི་དམ་ པའོ། །ལུས་ཀྱི་གནད་བསྟན་པའི་དུམ་བུ་སྟེ་དང་པོའོ།། །། དོན་གཉིས་པ་ངག་གི་གནད་ལ་སྨྲ་བ་གཅད་པ་དང༌། རླུང་དལ་བས་སྟོང་པར་བྱ་བ་གཉིས་ལས། སྨྲ་བ་མ་བཅད་ན་ངག་གི་བརྗོད་པས་སེམས་འཁྲུགས་ཤིང༌། རྩོད་པ་དང་བཅས་པས་དུས་འདའ་བ་དང༌། སྒྲིབ་པར་འགྱུར་བ་དང༌། ཏིང་ངེ་འཛིན་ལས་ཉམས་པ་ལ་སོགས་པའི་ཉེས་པ་དུ་མ་ལ་རེག་པས་མི་སྨྲ་བ་ལ་བསླབ་བོ། །དེ་ཡང་དང་པོ་ལུང་སྟོང་ལ་སོགས་པའི་དབེན་པར་སོང་ལ། ཅི་ཙམ་བརྗོད་པར་འདོད་ཅིང་གང་ལ་ཞེན་པའི་སྨྲ་བརྗོད་དེ་ཉིད་བརྒྱ་སྟོང་དུ་མར་བརྗོད་ཅིང༌། འདས་མ་འོངས་ད་ལྟར་གྱི་བརྗོད་པའི་རྣམ་པ་རྣམས་དྲན་པས་བསླད་ན་སྐད་ཅིག་ཀྱང་མི་དལ་བར་བརྗོད་པས་ཐང་ཆད་པས་བརྗོད་སྙིང་མི་འདོད་པར་གྱུར་པ་ན། ཉིན་རེ་བས་ངག་ཇེ་ཉུང་ལ་གཏང་ལ་ཟླ་བ་གཅིག་ན་གཞན་དང་མི་སྨྲ་བ་དང༌། དེ་ནས་ཞག་བཅུ་ན་རང་གི་སྔགས་དང་ཁ་ཏོན་ཙམ་ཡང་མི་བརྗོད་པ་ལ་བསླབས་པས་བརྗོད་དུ་མེད་པའི་དོན་རྒྱུད་ལ་སྐྱེ་བར་བྱེད་དོ། །རླུང་དལ་བས་སྟོང་པར་བྱ་བ་ནི། འགྲོ་འོང་ལས་ཀྱི་རླུང་ནི་རང་སོར་བཞག་པས། རྟོག་ཚོགས་ཉོན་མོངས་པའི་རླུང་བག་ལ་ཞ་སྟེ། རིག་པ་ཡེ་ཤེས་ཀྱི་རླུང་དབྱིངས་སུ་འཁྱིལ་བ་ནི། གནད་གཅིག་ཏུ་ཡོད་པའི་ཕྱིར་རོ། །དེ་ཡང་གློ་བ་ན་འགྲོ་འོང་གི་རླུང་རྟའི་ཚུལ་དུ་ཡོད་པ་ལས། སྙིང་ནང་ན་རྩ་གྲོ་སོག་གི་སྦུག་མ་ཙམ་ན་ཚུར་ཡེ་ཤེས་ཀྱི་གདངས་ཞུགས་པ་མི་ལྟར་སོང་བ་གཉིས་འདྲེས་པས་སེམས་ཞེས་བྱ་བ་བྱུང་སྟེ། རླུང་ཟད་པ་དང༌། འགགས་པ་ན་རྟོགས་པ་འགགས་ནས། མི་རྟོག་པ་སིང་བག་དང་བཅས་པ་འོང་བ་ནི། དེའི་ཚེ་རླུང་རང་ཞི། ཡེ་ཤེས་ཀྱི་གདངས་སྙིང་ནང་ན་མི་གཡོ་བར་བཞུགས་པའི་གནད་ཀྱིས་སོ། །སྙིང་ནས་འཁོར་ལོ་བཞིའམ་ལྔར་ཡེ་ཤེས་ཀྱི་གདངས་ཞུགས་པ་ན། འཁོར་ལོ་བཞི་ནས་སྦྱང་བྱ་ལས་ཀྱི་རླུང་འགྱུ་བ་དང་བཅས་པ་དང༌། སྤྱོད་བྱེད་ཡེ་ཤེས་ཀྱི་རླུང་འགྱུ་བ་མེད་པ་དང༌། གདངས་ཉིད་སྦྱང་གཞི་རིག་པའི་ཡེ་ཤེས་སུ་ཞུགས་པས་སྣ་བུག་གཉིས་རོ་རྐྱང་གི་རྩ་ནས་ཞུགས་པའི་རླུང་འཁོར་ལོ་བཞིའི་རྩ་ནང་དུ་ཟིན་པས། རྟོག་མེད་ཀྱི་ཡེ་ཤེས་སུ་འཆར་བ་ཡང་འགྱུ་བ་རང་ཐིམ་སྟེ། གློ་བའི་རླུང་ཐིམ་པ་དང་གནད་གཅིག་གོ །དེས་ན་ཁ་སྣའི་རླུང་དལ་བུས་རང་སོར་ཞི་བ་ལ་བསླབ་ཅིང༌། སྙིང་ཏིག་པས་རླུང་ཁ་ནས་དྲང་ཞིང་དལ་བུས་བྱ་བ་ལ་བསླབ་པ་ནི་གནད་དམ་པ་སྟེ། འདི་ལྟར་རྩ་རླུང་པ་གཞན་གྱིས་སྣ་ནས་དྲངས་པས་འཁོར་ལོ་བཞིར་་སྦྱང་བྱའི་རླུང་སྟོབས་སུ་གྱུར་ནས་གེགས་རྣམ་པ་སྣ་ཚོགས་སུ་འབྱུང་སྟེ། ཡེ་ཤེས་ཀྱི་རླུང་ཅུང་ཟད་ཟིན་ཡང་རྩ་བའི་ཡེ་ཤེས་སྙིང་ནང་ནས་འཕྲོས་པ་ངོས་ཀྱང་མ་ཟིན་ཆ་མེད་པས། འཁྲུལ་འཁོར་དང་དམིགས་པ་སྣ་ཚོགས་ལ་བརྟེན་དགོས་ཤིང༌། ཡོན་ཏན་སྐྱེ་བ་ལྟར་སྣང་ཡང༌། རྩ་བ་མ་ཆོད་པས་རྣལ་མ་ཞིག་མི་ཡོང་བའི་གནད་དེ་ཡིན་ནོ། །འདིར་ཁ་ནས་དྲངས་པས་གློ་བའི་རླུང་རང་དག གདངས་སྙིང་གར་རང་ཐིམ་ནས་གསལ་སྟོང་ཡེ་ཤེས་ཀྱི་ངང་ལས་མི་གཡོ་ཞིང༌། དེའི་གནད་ཀྱིས་འཁོར་ལོ་བཞིའམ་ལྔའི་གདངས་མི་གཡོ་བར་སྙིང་ནང་དང་འདྲེས་པར་རང་གསལ་བས། སྦྱང་བྱ་འགྱུ་བའི་རླུང་རྟོག་ཚོགས་དང་བཅས་པ་མ་སྤངས་པར་རང་སར་དག་ནས་འཁོར་ལོ་སོ་་སོ་ལ་བརྟེན་པའི་ཡོན་ཏན་མ་བཙལ་བར་ལྷུན་གྱིས་གྲུབ་སྟེ། འོད་གསལ་་དུ་གྲོལ་ནས་འགྲོ་བའི་གནད་དེ་ཡིན་ནོ། ། འདི་དག་ནི་སློབ་དཔོན་ཆེན་པོ་བི་མ་ལའི་ཡེ་ཤེས་གསང་ཏིག་ཏུ་བསྟན་པ་བཞིན། འཕྲོས་པར་བཤད་ནས་ལས་རླུང་སོར་གཞག་པ་དང༌། ཉོན་མོངས་པའི་རླུང་གནས་སུ་སྦྱང་བ་གཉིས། འཇུག་པ་གཅིག་གི་འདི་ལྟར་ཉམས་སུ་བླངས་ཏེ། དེ་ཡང་ལས་དང་པོ་པ་སྤྲོས་པ་ཤས་ཆེ་དུས་སུ་མངོན་སུམ་ལ་སྒོམ་དུས། རྣམ་རྟོག་་འཕྲོ་བ་རང་ཞི་བར་བྱ་དགོས་པས་ཡི་གེ་ཨ་རྣམ་པ་ལྔ་སོགས་དུས་གཅིག་ལ་བརྩེགས་མར་བསྒོམས་པས་འབྱུང་བ་ལྔ་གནད་ལ་ཕེབས་ཏེ། ཨའི་དོན་སྐྱེ་མེད་ལ་གནས་པའི་དོན་གྱི་ཕྱིར་རོ། །དང་པོ་ལྟ་སྟངས་དང༌། གཟིགས་་སྟངས་བསྟུན་ནས་རླུང་དལ་བུས་ཕྱིར་ཁ་ནས་སོང་བ་ནང་དུ་ཡང་དལ་བུས་བརྡུབས་ཏེ་དར་ཅིག་རྩོལ་ལ་ལྷོད་པའི་ངང་ནས་ཅུང་ཟད་འཐེན་ཏེ་གཟུང་ནས། ནམ་མཁའ་ལ་མིག་བཏད་པའི་སར། ཨ་དམར་པོ་ ལྔ་བརྩེགས་པ་ལ་མ་ཡེངས་པར་སེམས་གཟུང་ཞིང་ཧུར་ཐོན་པས་རིག་ པ་སིང་བག་དང་བཅས་པ་འབྱུང་ངོ༌། །དེ་ནི་རྟོག་དཔྱོད་མེ་དང་འདྲ་བ་དག་པར་བྱེད་པས་བསམ་གཏན་དང་པོ་སྐྱེ་བའི་ཡན་ལག་སྟེ་མེ་རླུང་རང་ལོག་གི་དགོངས་པ་ཞེས་བྱའོ། །དེ་བཞིན་དུ་་དཀར་པོ་བཞི་བརྩེགས་ལ་གཏད་པས་ཉམས་དགའ་བདེ་ཆུ་དང་འདྲ་བ་དག་ནས། བསམ་གཏན་གཉིས་པ་སྐྱེ་བའི་ཡན་ལག་ཆུ་རླུང་རང་ཟད་ཀྱི་དགོངས་པ་ཞེས་བྱའོ། ། དེ་ནསཎམྱཊཎཌགྲཁྱཁྲཔྲཁྲདྲཁྱཁྲགྲདགྱམྱཨཀྱཎདཝགླདྲ་ལྗང་ཁུ་སུམ་བརྩེགས་ལ་གཏད་པས་དྲན་རྟོག་གི་གཡོ་བ་ཕྲ་མོ་རླུང་དང་འདྲ་བ་དག་ནས། བསམ་གཏན་གསུམ་པ་སྐྱེ་བའི་ཡན་ལག་འདེགས་རླུང་རང་ཟད་ཀྱི་དགོངས་པ་ཞེས་བྱའོ། །དེ་ནས་ཨྸ་སེར་པོ་གཉིས་བརྩེགས་ལ་གཏད་པས་དྲན་པས་བཅིངས་པའི་གཉེན་པོ་ལས་དག་ནས། བསམ་གཏན་བཞི་པ་སྐྱེ་བའི་ཡན་ལག་དྲན་གཞི་རང་ཟད་ཀྱི་དགོངས་པ་ཞེས་བྱའོ། །དེ་ནས་ཨ་མཐིང་ཀ་རྐྱང་པ་གཅིག་ལ་གཏད་པས་གཟུང་འཛིན་ཞེན་རྟོག་གི་དྲི་མ་སྤང་གཉེན་ཆ་དང་བཅས་པ་ལས་གྲོལ་ནས། གཟུགས་མེད་པ་དང་འགོག་པའི་ཡེ་ཤེས་རྣམ་པར་མི་རྟོག་པ་སྐྱེ་བའི་ཡན་ལག་ནམ་མཁའ་རང་ཟད་ཀྱི་དགོངས་པ་ཞེས་བྱའོ། །མན་ངག་འདི་དག་ནི་རྟོག་དཔྱོད་རགས་པ་ནས་གཟུང་སྟེ། དྲན་པ་དབྱིངས་་སུ་མ་དག་གི་བར་འབྱུང་བ་ལྔའི་རྡོས་པ་དང༌། འཛིན་རྟོག་དབྱིངས་སུ་ཐིམ་པར་བྱེད་པའི་གནད་གལ་པོ་ཆེའོ། །དེ་ཡང་དང་པོ་ཨ་ལ་ཤེས་པ་གཏད་ནས་དར་ཅིག་ནས་དམིགས་མེད་ཕྱམ་གྱིས་འགྲོ་བ་དེའི་ངང་དང་མི་འབྲལ་བ་ནི་ཉམས་སུ་མྱོང་བའོ། ། དེ་ལྟར་ཉམས་སུ་ལེན་པའི་དུས་སུ་འབྱུང་བ་འཁྲུགས་པ་དང་བྱིང་རྒོད་ཤས་ཆེར་གྱུར་ན། གནས་གསུམ་དུ་ཡི་གེ་གསུམ་བསྒོམ་ནས་རླུང་དྲང་བས་ཐོན་པར་གསུངས་ཀྱང༌། ལག་ལེན་ལ་ཚད་པའི་་དུས་སུ། བདེ་ཆེན་འཁོར་ལོའི་ཧཾ་ལས་ཐིག་ལེ་དཀར་བསིལ་བབས་པས་ནད་སོང་བར་བསྒོམས་ལ། རླུང་ཕྱིར་སངས་སངས་ཕུལ་ལ་ཕྱིར་གཟུང༌། གྲང་བ་ལ་ལྟེ་བ་སྤྲུལ་པའི་འཁོར་ལོའི་རཾ་ལས་མེ་འབར་བས་བསྲེག་པར་བསམ་ལ། རླུང་ཁ་སྦྱར་ལ་ནང་དུ་གཟུང༌། བད་ཀན་ལའང་དེ་དང་འདྲ་བ་ལས། ཁྱད་པར་དུ་ལོངས་སྤྱོད་འཁོར་ལོའི་ཏྲཱཾ་ལས་བདུད་རྩི་བབས་པས་ནད་སངས་བར་བསམས་ཏེ། རླུང་ཕྱིར་གསུམ་གསུམ་ཕུལ་ལ། ནང་དུ་རེ་རེ་གཟུང༌། སེམས་རྒོད་ཅིང་པྲ་ཡས་ན་བདེ་སྐྱོང་འཁོར་ལོའི་ཧཾ་ལས། བདེ་དྲོད་འབར་བ་ལ་སེམས་གཟུང་ཞིང་རླུང་གཟུང༌། སྙོམས་དུས་ཏིང་ངེ་་འཛིན་ཇི་ལྟར་བྱས་ཀྱང་མ་སྐྱེས་ན་ཆོས་ཀྱི་འཁོར་ལོའི་ཧཱུཾ་ལས་སྤྱི་བོའི་དྭངས་མ་བབས་པར་བསམས་ཏེ་རླུང་ནང་དུ་བཟུང་བས། ནད་ཀུན་ཞི་ཞིང་ཏིང་ངེ་འཛིན་རང་ལུགས་སུ་སྐྱེ་བ་ཡིན་ནོ། །འདི་དག་ནི་གནད་དམ་པའོ། །འདིའི་དུས་སུ་ཡི་གེ་དེ་དག་ངག་ཏུ་ཡང་བརྗོད་ཅིང༌། ཧ་དང་ཧཱུཾ་དང་ཨ་མང་པོ་འདོན་པ་ནི་ཐབས་སོ། །རླུང་གནད་མེད་པར་བསྒོམས་ཀྱང་ཡེ་ཤེས་མྱུར་དུ་མི་འཆར་ཞིང་དལ་བ་འབྲས་བུ་ཆུང་བ་ཡིན་པས་གནད་ཤེས་ནས་སྒོམས་པ་གཅེས་སོ། །ངག་གི་གནད་བསྟན་པའི་དུམ་བུ་སྟེ། གཉིས་པའོ།། །། སྤྱི་དོན་གསུམ་པ་རིག་པའི་གནད་ལ་གདངས་ཀྱི་རིག་པ་དང༌། རིག་པའི་དངོས་ཉམས་སུ་བླང་བའི་གནད་གཉིས་ལས། དང་པོ་གདངས་ཉམས་སུ་བླངས་པས་རིག་པ་དངོས་ཀྱི་གཤེད་ཐོག་ཏུ་བཅོས་བསླད་མེད་པར་ཕེབས་པའི་ཕྱིར་རིག་གདངས་དངོས་ཁྲེགས་ཆོད་ཀྱིས་བསྟན་པ་དང༌། འོད་གདངས་ཐོད་རྒལ་གྱིས་བསྒོམ་པའོ། །དང་པོ་ནི། རིག་གདངས་རླུང་དང་འདྲེས་པའི་རྩལ་སེམས་སུ་ཤར་དུས་ལྟ་སྒོམ་སྤྱོད་འབྲས་བཞེས་ཉམས་སུ་་བླང་བ་ལས། དང་པོ་ལྟ་བ་རང་བྱུང་གི་ཡེ་ཤེས་རིག་སྟོང་ཆོས་སྐུའི་ངོ་བོར་་ཐག་གཅད་ནས། ཡར་སངས་རྒྱས་ལ་རེ་མི་ཆེ། མར་འཁོར་བ་ལ་དོགས་མི་ཟ། འཁོར་འདས་སེམས་ཀྱི་གནས་ལུགས་རིག་མ་རིག་ཏུ་ཤེས་པས། གང་ཤར་གྱི་རིག་པ། རིག་བདོ་བའི་དུས་སུ་སྤང་བླང་བཟང་ངན་མེད་པ། ཟངས་ཐལ་ཡེ་སངས་ཆེན་པོར་གདེང་འཆོས་པ་ནི་ངོ་རང་ཐོག་ཏུ་སྤྲད་པ་དང༌། ཐག་གཅིག་ཐོག་ཏུ་གཅད་པ་སྟེ། བཟང་ངན་གཉིས་སུ་མེད་པའི་ཆ་ནས། ཡེ་ཤེས་ཟངས་ཐལ་གྱི་གཟེར་འཁོར་འདས་གཉིས་ཀྱི་བར་དུ་གདབ་པ་རྩྭ་དང་མེ་འཕྲད་པ་ལྟ་བུ་དང༌། ཡོད་མེད་ཕྱོགས་ཡན་དུ་ཤར་བས་ལྟ་བ་གྲོལ་ཡན་གྱི་གཟེར་རྟག་ཆད་གཉིས་ཀྱི་བར་དུ་གདབ་པ་བཞིན་དང་མེ་ལོང་འཕྲད་པ་ལྟ་བུ་ཡིན་ཏེ། ཆོས་ཐམས་ཅད་ཡེ་ནས་མ་གྲོལ་བ་མེད་པར་ཡེ་སངས་རྒྱས་སུ་རྟོགས་པས་གང་ཤར་ཆོས་ཉིད་དུ་སོང་བས་རི་རྒྱལ་གྱི་རྩེར་ཕྱིན་པས་དམའ་བའི་ལུང་ཕྲན་མཐོང་བ་ལྟ་བུ་ལ། རི་བོ་ཅོག་བཞག་གི་དགོངས་པ་ཞེས་བྱའོ། །གཉིས་པ་སྒོམ་པ་རང་གྲོལ་སོར་བཞག་སྣང་སེམས་ཆིག་ཆོད་དུ་གྲོལ་བ་དུ་མ་རོ་མཉམ་ཆེན་པོ་ནི། གང་ཤར་གང་སྣང་གི་ངོ་བོ་སྒོམ་པ་ཤར་ཐོག་ཏུ་བཅོས་བསླད་རེ་དོགས་མེད་པར་བཞག་པས་བྱིང་རྒོད་ཡེངས་པ་མེད་པའི་ངང་དུ་རོ་གཅིག་དུས། ཤར་སྣང་ཅེར་མཐོང་དུ་གྲོལ་བའི་ཆ་ནས་སྒྲོན་མ་རང་དག་གི་གཟེར་ཡུལ་སེམས་གཉིས་ཀྱི་བར་དུ་གདབ་པ་མུན་ཁུང་དུ་སྒྲོན་མེ་བཏེགས་པ་ལྟ་བུ་དང༌། བྱིང་རྒོད་་ཡེངས་པ་མེད་པར་སྒོ་ལྔ་ཐུག་ཕྲད་དུ་གྲོལ་བའི་ཆ་ནས། སྒོ་སྔ་རང་ཡན་གྱི་གཟེར་བྱིང་རྒོད་གཉིས་ཀྱི་བར་དུ་གདབ་པ་བུ་གཅིག་པུ་མ་དང་འཕྲད་པ་ལྟ་བུ་སྟེ། གང་ཤར་རོ་མཉམ་དུ་འདྲེས་པས་བློ་དངོས་གཉིས་མེད་དུ་གྲོལ་ཏེ་དྲན་བསམ་གཞི་ཐིམ་ལ་སོང་བ་རྒྱ་མཚོ་ཅོག་གཞག་གི་དགོངས་པ་རྒྱ་མཚོ་རླུང་གིས་མ་བསྐྱོད་པ་ལྟ་བུ་ལ་ཉིན་མཚན་དུ་གནས་པར་བྱའོ། ། གསུམ་པ་སྤྱོད་པ་སྐྱེས་གྲོལ་ཐུག་ཕྲད་རིས་མེད་དུ་སྦྱང་བ་ནི། དགག་སྒྲུབ་དང་རེ་དོགས་ཅི་བྱུང་དུས་སེམས་ལས་བྱུང་བ་སེམས་སུ་ཐིམ་ནས་རོ་མཉམ་རྗེས་མེད་གང་ཤར་ཐུག་ཕྲད་ལ་བཏང་བས་གང་ཤར་གྱི་ངོ་བོར་རང་དག་ཏུ་སོང་བས་གཉིས་ཆོས་སུ་མ་གྲུབ་པའི་ཆ་ནས། ངོ་བོར་རང་དག་གི་གཟེར་བློ་དངོས་གཉིས་ཀྱི་བར་དུ་གདབ་པ་སྟེ། དགོངས་པ་གཞི་ལ་འདྲེས་པ་ཡིད་མཐུན་པའི་ཕོ་མོ་འཕྲད་པ་ལྟ་བུ་དང༌། ཤར་བ་དེ་ཉིད་སྐད་ཅིག་ལ་ལྷན་གྱིས་གྲོལ་བའི་ཆ་ནས། རིག་པ་ཆོས་མིན་གྱི་གཟེར་ཆོས་ཅན་ཆོས་ཉིད་ཀྱི་བར་དུ་གདབ་པ་རྟོག་དཔྱོད་དྲན་བསམ་ལས་འདས་པས་ཉི་ཟེར་དང་བ་མོ་འཕྲད་པ་ལྟ་བུ་སྟེ། གང་སྣང་ཡེ་སྟོང་ཡེ་གྲོལ་དུ་གནས་པས་གང་ཤར་སྣང་བའི་ངོ་བོ་བཅས་བཅོས་བྱ་མི་དགོས་ཏེ། ཆང་གིས་བཟི་བའི་སྣང་བ་དཔྱད་ར་མེད་པར་ཝལ་ལེ་སྣང་བ་ལྟ་བུ་ལ་བསླབ་པ་ནི། སྣང་བ་སྣང་ཐོག་ཏུ་གྲོལ་བ་གཟུ་བོའི་བློ་ཅན་ལྷ་ཁང་དུ་ཕྱིན་པ་ལྟར་རྒྱུ་མཚན་ཤེས་ལ་མ་ཆགས་པས་སྣང་བ་ཅེར་གཞག་གི་དགོངས་པ་ཞེས་བྱའོ། །བཞི་པ་འབྲས་བུ་རང་རྫོགས་ལྷུན་གྲུབ་ཆེན་པོ་ལ་རེ་དོགས་ཀྱི་འཕྲང་མི་བཅའ་བ་ནི། གདེང་གྲོལ་ཐོག་ཏུ་བཅའ་བ་སྟེ། གང་ཤར་རང་གྲོལ་གྱི་ངང་དེ་ཉིད་ཡེ་སངས་རྒྱས་པའི་ཆོས་སྐུར་ཕྱིན་པས། དེ་ལས་བཟང་དུ་འགྲོར་མེད་པའི་གདེང་དང་བཅས་པའི་ངང་ལ་གནས་པ་སྟེ། རང་རིག་ཆོས་སྐུར་མཐོང་བས་གང་ཤར་ཆོས་སྐུའི་རོལ་པ་ཐག་ཆོད་པའི་ཆ་ནས། ཆོས་སྐུ་ཡེ་རྫོགས་ཀྱི་གཟེར་སྣང་སྟོང་གཉིས་ཀྱི་བར་དུ་གདབ་པ་དབུལ་པོ་གཏེར་མཛོད་དང་འཕྲད་པ་ལྟ་བུ་སྟེ། འགྱུས་སམ། གནས་སམ། གང་བྱུང་གི་དུས་ཉིད་ནས་སྐུ་གསུང་ཐུགས་ཀྱི་ཡེ་ཤེས་སུ་བྱུང་བས་བཅོས་བསླད་མེད་པར་གཞག་པ་ནི་རིག་པ་སངས་རྒྱས་སུ་གདེང་འཆོས་པ་རིམས་ནད་བྱང་ནས་མི་ལྡོག་པའམ། བསི་ཤིང་གི་འབྲས་བུ་ལྟར་འབྲས་བུ་རྒྱུར་མི་ལྡོག་པ་སྟེ། སྣང་བ་ཅེར་བཞག་གི་དགོངས་པ་ཞེས་བྱའོ། །དེ་ལྟར་བསྟན་པ་ཐམས་ཅད་ཀྱང་ཐུགས་ཕྲད་རྗེས་མེད་དུ་གྲོལ་ནས། །སོར་གཞག་རེ་དོགས་མེད་པའི་ངང་དུ་འདུས་ཏེ། གཞི་ཁྲེགས་ཆོད་ཀྱི་ངོ་བོ་ཉམས་སུ་བླང་ཐབས་སོ། །དོན་གཉིས་པ་འོད་གསལ་ཐོད་རྒལ་གྱི་སྒོམ་པ་ནི། རིག་པ་བུམ་ནང་གི་མར་མེ་ལྟ་བུའི་འོད་གདངས་རྩ་ནས་མིག་ཏུ་འབྲེལ་བ་ནམ་མཁར་ཤར་བའི་འོད་དང༌། ཐིག་ལེའི་རྣམ་པ་སྣང་བ་ལ་ཉམས་སུ་ལེན་པ་སྟེ། དེ་ཡང་གནད་ཆེན་པོ་དྲུག་ལས། དང་པོ་རིག་པ་མི་གནས་པ་གནས་པར་བྱ་བའི་གདམས་ངག་གི་ཤེས་པ་བག་ལ་བཙལ་བ་ནི། གཅིག་པུར་དབེན་པའི་སར་གནས་ཏེ་བྱ་བ་དགུ་ཕྲུགས་སུ་བཏང་ནས། ལུས་འདུག་སྟངས། མིག་གཟིགས་སྟངས། རིག་པ་འོད་སྣང་ལས་མི་འགུལ་བར་བྱས་ནས། སེམས་འཕྲོ་ན་ལུས་ཀྱི་ཡན་ལག་བསྐུམ། དབུགས་སྙིང་ཀར་གཟུང༌། རིག་པ་ལྟེ་བར་གཏད། མིག་བཙུམས་པས་དྲན་བསམ་འཕྲོ་འདུའི་རྟོག་པ་བབས་ཀྱིས་འགགས་པ་ནི་བུས་ཕ་འཚོལ་གྱི་གདམས་པ་ཞེས་བྱ་སྟེ། ཐབས་དེ་ཉིད་བུ་འདྲ་བས་ཤེས་རབ་གདོད་མའི་ངང་དུ་གནས་པར་བྱེད་པའི་ཕྱིར་རོ། །དེ་ལྟར་སྐྱེ་མེད་ནམ་མཁའ་ལྟ་བུའི་ངང་ལ་གནས་པ་དེ་ཡང་གཞན་ནས་བྱུང་བ་མ་ཡིན་ཏེ། ནང་གི་ཡེ་ཤེས་རང་སོར་སྙིང་ནང་ན་གནས་པའི་རང་བཞིན་གསལ་བ་ཡིན་ནོ། ། གཉིས་པ་རིག་པ་མ་ཟིན་པ་ཟིན་པར་བྱ་བའི་གདམས་ངག་གིས་གནད་རྣམ་པ་གསུམ་ལ་མཁས་པར་བྱ་བ་ནི། དབུགས་ཐུབ་ཐང་བཟུང་ནས་བཏང་སྟེ་ཡིད་ཀྱིས་ཉེར་གཅིག་རེའི་ཚད་དུ་བྱས་པས་ཤེས་པ་རང་སོར་གནས་ཤིང་འཕྲོ་འདུ་མེད་་དུས་རིག་པ་མིག་ལ་བཅུག །མིག་ནམ་མཁའ་ལ་གཏད་ནས་འོད་སྣང་ལ་ཧྲིག་གི་བཟུང་བས་དྲན་པ་གཞན་དུ་མ་ཡེངས་པར་བྱས་ལ། དེ་ནས་ཤེས་པ་སྙིང་ཀ་དང་མགྲིན་པ་དང་སྤྱི་བོར་གཏད་ཅིང་མིག་འོད་སྣང་ལ་བལྟས་པས་རྟོག་པ་ཞི་དུས། རིག་པ་མིག་ནས་མ་ཡེངས་པར་བལྟས་པས་ཞེན་འཛིན་རང་འགགས་སུ་འགྲོ་བ་ནི། སྡོད་པ་རྣམ་པར་དག་པའི་དགོངས་པ་མདའ་ཡིས་གཞུ་འཚོལ་གྱི་གདམས་ངག་ཅེས་བྱ་སྟེ། གནད་ཀྱི་མདས་མཉམ་གནས་འཕོ་འགྱུར་མེད་པའི་ངང་གིས་གཞུ་འཚོལ་བའི་ཕྱིར་རོ། །དེའི་ཚེ་རིགས་པ་རང་གནས་འཕྲོ་འདུ་མེད་པར་ཟིན་པ་ནི། རང་རིག་མཉམ་པའི་་ཡེ་ཤེས་སྙིང་ནང་ན་མི་གཡོ་བའི་དགོངས་པ་ཟིན་པ་ཡིན་ནོ། ། གསུམ་པ་རིག་པ་མི་བརྟན་པ་བརྟན་པར་བྱ་བའི་གདམས་ངག་གི་ཡུལ་དང་ཤེས་པ་བསྲེ་བ་ནི། འདུག་སྟངས་གསུམ་པོ་གང་རུང་ལ་གནས་པས། ཡེ་ཤེས་རང་གསལ་དུ་ཤར་ནས་གྲོལ་ས་ཟིན་པར་བྱེད་དེ། ཤེས་པ་རང་ཐོག་ཏུ་ཕབ་པས་ལུས་མི་འཕོ། མིག་ནམ་མཁའ་ལ་ཕབ་པས་དབྱིངས་མི་འཕོ། དབྱིངས་ངོ་བོའི་སྟེང་དུ་ཕབ་པས་ཡེ་ཤེས་ལྷུག་པའི་ངང་ལས་མི་འཕོ་བར་གནས་དུས། བྱིང་བ་སྙམ་བྱེད་ན་མིག་ཧར་པོར་གྱེན་ལ་བལྟས་ཏེ་ཧ་དྲག་ཏུ་བརྗོད་པས་བསེང་ངོ༌། །དེ་ནས་མིག་ནས་རིག་པ་བཏོན་ནས་ནམ་མཁར་གཏད་པ་ནི་ཡུལ་དབྱིངས་ལ་བཙལ་བའི་ཐབས་ཏེ། ཐོབ་པ་རྣམ་པར་དག་པའི་དགོངས་པ་འབེམ་གྱིས་མདའ་འཚོལ་གྱི་གདམས་པ་ཞེས་བྱའོ། །དེ་་ཡང་འོད་སྣང་གི་འབེམ་ལ་བལྟས་པས་འོད་གསལ་རང་དྭངས་ཀྱི་མདའ་འཚོལ་བའི་ཕྱིར་རོ། །དེའི་ཚེ་བདེ་གསལ་མི་རྟོག་པའི་བསམ་གཏན་གྱི་ངང་ལ་བརྟན་པ་ཅུང་ཟད་ཐོབ་པ་ནི་གོམས་པའི་སྟོབས་ལས་འབྱུང་བའོ། །བཞི་པ་རིག་པ་མ་སྐྱེས་པ་སྐྱེས་པར་བྱ་བའི་གདམས་ངག་གིས། སྣང་བའི་ཚད་གཟུང་བ་ནི་རིག་པའི་གནད་སྒོ་མིག་ནས་སྐར་མདའ་ལྟར་ནམ་མཁའི་དབྱིངས་སུ་གདོན་པར་བྱ་སྟེ། དེ་ལ་མ་ཡེངས་པར་བལྟ་ཞིང༌། འོད་སྣང་་དུམ་བུ་དང་ཐིག་ལེ་སྐུ་ལ་སོགས་པའི་སྣང་བ་ཤར་བ་ལ་གཏད་པས། རྟོག་མེད་འོད་གསལ་ཀྱི་ཡེ་ཤེས་ཁོང་ནས་འཆར་ཞིང་དེའི་ངང་ལ་སྒོམ་དུས་རླུང་་འོག་སྒོ་ནས་ཡར་འཐེན། རིག་པ་ནམ་མཁར་གཏད་པས་སྣང་བ་འཕྲལ་ལ་མཆེད་པ་སྟེ། སྣང་བ་དེ་ཀུན་ཇེ་དལ་ལ་ཁྲིད་ཅིང་བཞག་པ་ནི། འདབ་ཆགས་ཀྱི་ལྡིང་ལུགས་ཞེས་བྱ་སྟེ། དང་པོ་འོད་དུ་སྣང༌། གཉིས་པ་ཐིག་ལེར་འཆར། གསུམ་པ་སྐུར་གྱུར་པ་ལ་སོགས་པ་རིམ་གྱིས་མཆེད་པ་ནི། རིག་པ་དྲན་གཞི་ཟད་པས་འོད་གསལ་འདུ་འབྲལ་མེད་པ་སྟེ། འཇུག་པ་རྣམ་པར་དག་པའི་དགོངས་པ་ཆུང་མས་ཁྱོ་ཚུལ་གྱི་མན་ངག་ཅེས་བྱ་སྟེ། གདོད་མའི་ངང་དུ་ད་ལྟར་གྱི་དྲན་རིག་འཇུག་པ་ཐབས་ཀྱི་ཆུང་མས་སྐུ་གསུམ་་འདུ་འབྲལ་མེད་པའི་ཁྱོ་འཚོལ་བའི་ཕྱིར་རོ། །དེའི་ཚེ་ཕྱི་སྣང་བའི་རྟགས་་འོད། ནང་རིག་པའི་རྟགས་ཏིང་ངེ་འཛིན་ལ་སོགས་པ་བསྐྱེད་པ་ནི་འོད་གསལ་མ་བུ་འདྲེས་པའི་རྟགས་ཡིན་ནོ། ། ལྔ་པ་རིག་པ་མ་ཤེས་པ་ཤེས་པར་བྱ་བའི་གདམས་ངག་གི་དྲོད་ཚད་གཏན་ལ་དབབ་པ་ནི། ནང་ན་རིག་པ་ནི་འོད་དུ་ཡོད་པའི་རྟགས་ཕྱིར་རྡོ་རྗེ་ལུ་གུ་རྒྱུད་དུ་ཤར་བ་ཡང་གདོད་མ་ནས་དེ་ལྟར་ཡོད་ཀྱི། གློ་བུར་བ་མ་ཡིན་ཏེ། འོད་རྩའི་གདངས་ཡེ་ནས་་ཡོད་པའི་སྣང་བ་ལ་ངོ་སྤྲད་ནས། དེ་ཉིད་ལ་བལྟ་ཞིང་བྱིང་རྒོད་མེད་པ་སྒེག་མོ་མེ་ལོང་བལྟ་བ་ལྟར་བསླབ་ཅིང༌། དབྱིངས་སྣང་གི་དབུས་དང་མ་བྲལ་བས་དང་པོ་སྨིན་མཚམས་ལས་ཕྱིས་ཇེ་རིང་དུ་བལྟ་བ་ནི། རིག་པ་དབྱིངས་དང་སྦྲེལ་པའི་ཐབས་ཏེ། གསལ་བ་རྣམ་པར་དག་པའི་དགོངས་པ་བུ་མོས་ཕ་འཚོལ་གྱི་མན་ངག་ཅེས་བྱའོ། །དེ་ཡང་རིག་གདངས་རྡོ་རྗེ་ལུ་གུ་རྒྱུད་བུ་མོ་ལ་བལྟས་པས། དེའི་སྙིང་ནང་གི་ཡེ་ཤེས་མི་གཡོ་བའི་དགོངས་པ་ལ་གནས་པའི་ཕྱིར་རོ། །དེའི་ཚེ་རིག་གནད་ཤེས་པས་འོད་གསལ་གྱི་ངང་དུ་གནས་པ་ནི་ཐབས་ཀྱི་དམ་པའོ། །དྲུག་པ་རིག་པ་མ་གྲོལ་བ་གྲོལ་བར་བྱ་བའི་གདམས་ངག་གིས་སྐུ་གསུམ་གྱི་ས་ལ་གོམས་པར་བྱ་བ་ནི། ཆོས་སྐུ་འོད། ལོངས་སྐུ་ཐིག་ལེ། སྤྲུལ་སྐུ་ཟེར་གདངས་སུ་ལུས་ལ་གནས་པ་ལས། ཆོས་སྐུའི་གནད་དུ་དབྱིངས་ལ་བལྟ་བ་མ་ཡེངས་པ། ལོངས་སྐུའི་གནད་རྩ་ཡིན་པས་ལུས་ཀྱི་འདུག་སྟངས་གཟིར་བ། སྤྲུལ་སྐུའི་གནད་སྒོ་ཡིན་པས་གཟིགས་སྟངས་གང་རུང་ལ་བལྟས་པས། ནམ་མཁར་་འོད་དབྱིངས་ཐིག་ལེ། ཟེར་གདངས་ལུ་གུ་རྒྱུད་དང་བཅས་པར་རང་སྣང་བ་ནི། གྱད་རྩལ་པོ་ཆེས་མདའ་འཕངས་པ་ཕྱིར་མི་ལྡོག་པ་ལྟར། རིག་པ་སྐུ་གསུམ་གྱི་སྣང་བ་ལས་མི་ལྡོག་པའི་ངང་དུ་གནས་དུས། དབྱིངས་རིག་གི་སྣང་བ་དེ་ལ་མ་ཞེན་པས་རང་གསལ་འཛིན་མེད་ཆེན་པོར་དྲིལ་ནས་བལྟ་བ་ནི་དུག་སྦྲུལ་གྱི་མདུད་ལུགས་ཏེ། སྣང་རིག་རང་གིས་རང་གྲོལ་བའི་ཕྱིར། རང་གྲོལ་ཐབས་ཀྱི་རྒྱལ་པོ་སྟེ། སྣང་བ་དེ་ཡང་འབྱུང་བཞི་ཟད་པའི་ཆ་ནས་དག་པ་རྣམ་པར་དག་པའི་དགོངས་པ་རྗེ་ཡིས་འབངས་འཚོལ་གྱིས་གདམས་ངག་ཅེས་བྱ་བ་སྟེ། སྐུ་གསུམ་རང་སྣང་གི་རྗེས་དང་གནས་་སོར་བཞག་གི་ཏིང་ངེ་འཛིན་འབངས་དང་འདྲ་བ་ཚོལ་བའི་ཕྱིར་རོ། །དེའི་ཚེ་འབྲས་བུ་ཡེ་དག་གདོད་མའི་ངང་དུ་རང་གནས་སུ་སོང་བ་ནི། ཡེ་གྲོལ་ཆེན་པོའི་དགོངས་པ་ཆོས་ཉིད་ཟད་པའི་ངང་དུ་ཕྱིན་པ་ཞེས་བྱའོ། །འདི་དག་ནི་རྡོ་རྗེ་སེམས་དཔའ་ཞལ་མཐོང་གི་གནད་ཡིག་ལས་གསལ་བར་ཕྱེ་སྟེ། ཤིན་ཏུ་ཟབ་པའི་ཡང་ཟབ་ཆེན་པོའོ། ། དོན་གཉིས་པ། རིག་པ་དངོས་ཉམས་སུ་བླང་བ་ནི། གདངས་གཉིས་ཀྱི་ཚེ་ཡང་ཡོད་ལ་གཞན་དུའང་ཡོད་་དེ། དོན་ལ་རིག་པའི་ངོ་བོ་སྟོང༌། རང་བཞིན་གསལ། ཐུགས་རྗེ་འགགས་མེད་ཆེན་པོར་འཆར་བའི་ངོ་བོ་ཤེས་ནས། དེའི་ཐོག་ཏུ་བཅོས་བསླད་མེད་པར་བཞག་དུས་སྟོང་གསལ་སྤྲོ་བསྡུ་དང་བྲལ་བའི་ངོ་བོ་ཁོང་ནས་་འཆར་ཏེ། ངོ་བོ་སྟོང་ཉམས་ནམ་མཁའ་ལྟ་བུའི་རྟོགས་པ་མི་རྟོགས་པའི་ངང་དང་བཅས་པ། རང་བཞིན་གསལ་ཉམས་ཉི་ཟླ་ལྟ་བུའི་སྒོམ་པ་ཉིན་མཚན་ཁ་སྦྱོར་སིང་བག་དང་བཅས་པ། ཐུགས་རྗེ་རིག་ཉམས་ཤར་གྲོལ་་ཐུག་ཕྲད་སྤྱོད་པའི་ངོ་བོ་ཆུ་དང་རླབས་སམ་སྦྲུལ་མདུད་ལྟར་རང་གྲོལ་བདེ་བའི་ངར་དང་བཅས་པ་སྐྱེ་དུས་དང༌། ཐ་མལ་གྱི་ཤེས་པ་རང་སོར་བཞག་་དུས་ལ་སོགས་པ་ཐམས་ཅད་ན། རིག་པའི་ཡེ་ཤེས་འབྲལ་མེད་དུ་གནས་པ་ཤེས་ཐོག་ནས་བསྐྱང་བ་ངོས་བཟུང་ལ་ལམ་དུ་ཁྱེར་བའོ། །རིག་པ་ལ་་དབྱེ་ན་ལྔ་ལས། མཚན་ཉིད་འཛིན་པའི་རིག་པ་ཞེས་རིག་པའི་ཆ་ནས་བཏགས་པ་མ་རིག་པ་ལས་ལྡོག་པ་དང༌། གཞི་འཛིན་པའི་རིག་པ་ལུས་ལ་གནས་དུས་ཤེས་པ་ཐམས་ཅད་ཀྱི་འཆར་གཞིར་གནས་པ་དང༌། གཞི་གནས་ཀྱི་རིག་པ་ངོ་བོ་རང་བཞིན་ཐུགས་རྗེ་གསུམ་དུ་དབྱེར་མེད་དུ་གནས་པའི་ཆ་དང༌། ལྷག་མཐོང་གི་རིག་པ་རྡོ་རྗེ་ལུ་གུ་རྒྱུད་འོད་སྣང་དང་བཅས་པའི་ཆ་ནས་དང༌། ཐོད་རྒལ་གྱི་རིག་པ་ཆོས་ཉིད་ཀྱི་ངང་ལ་ཕྱམ་གྱིས་སོང་དུས་སྤྲོས་བྲལ་ནམ་མཁའ་ལྟ་བུའོ། །རིག་པ་དེ་ཡང་ཟད་པའི་ཆ་ལ་བཏགས་ཏེ། དེ་ཐམས་ཅད་ཀྱང་གནས་སྐབས་ཀྱི་ཆའམ། ལྡོག་པ་ཐ་་དད་ནས་སོ་སོར་བཏགས་ཀྱང་དོན་ལ་ངོ་བོ་གཅིག་སྟེ། མུན་པ་སེལ་བས་སྣང་བྱེད་དང༌། པདྨོ་འབྱེད་པས་པདྨོའི་གཉེན་དང༌། རླུང་རྟ་བདུན་གྱིས་བསྐྱོད་པས་རྟ་བདུན་དབང་པོ་ལ་སོགས་པ་ཉི་མ་གཅིག་གི་ཆའམ་ལྡོག་པ་ནས་བཏགས་པ་བཞིན་ནོ། །མདོར་ན་རིག་པའི་གནས་སྙིང༌། ངོ་བོ་སྐུ་དང་་ཡེ་ཤེས་འདུ་འབྲལ་མེད་པ། རྩལ་སེམས་དང་འོད་གསལ་གྱི་སྣང་བ། ཡུལ་དག་དང་མ་དག་ཐམས་ཅད་ལ་ཁྱབ་པར་འཇུག་པ། གནས་ལུགས་་འཕོ་འགྱུར་བཟང་ངན་མེད་པས་འཁོར་འདས་ཀུན་ལ་ཁྱབ་པ། ཐབས་དུ་མས་མཚོན་ནས་ངོ་བོ་བཅོས་བསླད་མེད་པའི་དགོངས་པར་འཇོག་པ། འབྲས་བུ་རང་ངོ་ཡེ་དག་ལ་ཡང་དག་གི་དག་པ་གཉིས་ལྡན་མཐར་ཐུག་པ། གདོད་མའི་གྲོལ་ས་ལ་ཐུགས་པར་ཕྱིན་པ་སྟེ། ཡེ་སངས་རྒྱས་ལ་ཡང་སངས་རྒྱས་པའི་གནས་ལུགས་ཞེས་བྱ་བའི་དགོངས་པ་མཐའ་གྲོལ་ཀློང་ཡངས་ཆེན་པོར་ཤེས་པར་བྱའོ། །དེ་ལྟར་སྙིང་ཏིག་འོད་གསལ་སྙིང་པོའི་གནད། །བླ་མའི་ལུང་ལ་བརྟེན་ནས་བཀོད་པ་དེས། །འགྲོ་ཀུན་བྱང་ཆུབ་སྙིང་པོ་ལ་རེག་ནས། །སྐུ་དང་ཡེ་ཤེས་ལྷུན་གྱིས་གྲུབ་པར་ ཤོག །སྙིང་པོའི་འོད་གསལ་སྙིང་ཐིག་བསྒོམ་འདོད་ཀྱང༌། །འདི་འདྲའི་གནད་འདི་དེང་སང་མཐོང་བ་དཀོན། །དེ་བས་མྱུར་དུ་འོད་གསལ་འགྲུབ་འདོད་ན། ། ཡི་གེ་འདི་ཉིད་སྙིང་བཞིན་གཅེས་པར་ཟུངས། །གངས་རི་ཐོད་དཀར་ཨོ་རྒྱན་རྫོང་གནས་སུ། །རང་བཞིན་རྫོགས་པ་ཆེན་པོའི་རྣལ་འབྱོར་པ། །ཀློང་ཆེན་རབ་འབྱམས་བཟང་པོས་བཀོད་པ་སྟེ། །སྐལ་ལྡན་སྙིང་གི་བུ་རྣམས་དགའ་བར་མཛོད། །རྫོགས་པ་ཆེན་པོ་གསང་བ་སྙིང་ཏིག་གི་གདམས་པ། གནད་གསུམ་ཆོས་ཉིད་འཁོར་ལོ་ཞེས་བྱ་བ་ཐེག་པ་མཆོག་གི་རྣལ་འབྱོར་པ་ཀློང་ཆེན་རབ་འབྱམས་ཀྱིས་བཀོད་པ་རྫོགས་སོ། །དགེའོ། །དགེའོ། །དགེའོ།། །།


Line 33: Line 33:
This page is a cleaned copy of the following rywikitexts page, which stay unchanged:
This page is a cleaned copy of the following rywikitexts page, which stay unchanged:
* [[Klong chen rab byams gsung 'bum/volume 010 298]] (revision 10683, 2020-03-22)
* [[Klong chen rab byams gsung 'bum/volume 010 298]] (revision 10683, 2020-03-22)
Cleaning (21 November 2026): removed 1 running heads, 3 Word page fields. The «» marks are kept: in this e-text they enclose the small-print notes of the print.
Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.


Part of the [[Longchenpa Collected Works]] ([[Longchenpa Collected Works/About|about this project]]).
Part of the [[Longchenpa Collected Works]] ([[Longchenpa Collected Works/About|about this project]]).
<headertabs/>
<headertabs/>



Latest revision as of 21:16, 21 November 2026

ཉིན་མཚན་འོད་གསལ་གྱི་འཁོར་ལོ klong chen rab 'byams kyi gsung 'bum (pe cin 2009)· Volume 10(THA) ཡང་ཟབ་ཡེ་ཤེས་འཁོར་ལོ

Title གནད་གསུམ་ཆོས་ཉིད་ཀྱི་འཁོར་ལོ
Wylie gnad gsum chos nyid kyi 'khor lo


Author Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར།
Location klong chen rab 'byams kyi gsung 'bum (pe cin 2009), volume 10(THA), text 14, pages 143–160 (BDRC scan pages)
Section snying thig ya bzhi › bla ma yang tig


Tibetan text E-text from the typeset Pe cin edition (input 2020 on rywikitexts), cleaned 21 November 2026; not proofread against the print.
BDRC MW1KG4884, outline 1.4.2.16
Citation Klong chen rab 'byams pa. gnad gsum chos nyid kyi 'khor lo. In Kun mkhyen klong chen rab 'byams kyi gsung 'bum, vol. 10, pp. 143–160. Pe cin: Krung go'i bod rig pa dpe skrun khang, 2009. BDRC MW1KG4884.
Notes Title from the first line of the e-text; text boundaries and page numbers from the BDRC outline of MW1KG4884.
[edit]

༄༅། །གནད་གསུམ་ཆོས་ཉིད་ཀྱི་འཁོར་ལོ་བཞུགས་སོ། ། དོན་གྲུབ་ཡོན་ཏན་རྫོགས་དང་ཀུན་དབང་པོ། །མི་འགྱུར་འོད་ཟེར་མཐའ་ཡས་རྒྱལ་བའི་མཛོད། །གང་གི་ཞབས་པད་ཟླ་བ་ལ་བཏུད་དེ། །གནད་གསུམ་ཆོས་ཉིད་འཁོར་ལོ་གསལ་བར་བྲི། །ཐེག་པ་ཀུན་གྱི་རྩེ་མོར་གྱུར། ། གནད་ལས་འོད་གསལ་མངོན་སུམ་འཆར། །སྐད་ཅིག་གཅིག་གིས་ཆོས་སྐུར་སྦྱོར། །གང་དེ་དང་པོ་རྒྱལ་གྱུར་ཅིགད།འདི་ལྟར་དེ་འདྲའི་གདམས་ངག་ མཆོག །བདག་གིས་བླ་མ་ལས་ཐོས་བཞིན། །མ་འཁྲུལ་ཤིན་ཏུ་ཟབ་མོ་ འདི། །ཇི་བཞིན་དེ་ཉིད་རྣམ་ངེས་བྱ། །རྫོགས་པ་ཆེན་པོ་གསང་བ་སྙིང་ཏིག་གི་གནད་ངེས་པ་རྣམས་གཅིག་ཏུ་བསྡུས་ནས་བརྩོན་པས་ཉམས་སུ་བླང་བ་ལ་གསུམ་སྟེ། ལུས་དང༌། ངག་དང༌། རིག་པའི་གནད་དོ། །དང་པོ་ལ་རྟེན་གཞི་ལུས་ཀྱི་གནད་དང༌། བརྟེན་པ་སྒོའི་གནད་གཉིས་ལས། ལུས་ཀྱི་གནད་དང་པོར་བསྟན་ཏེ། དེ་ཡང་ལུས་གནད་དུ་མ་གཅུན་ན། རྩ་གནད་དུ་མི་འཆུན། རྩ་མ་འཆུན་ན། རླུང་རིག་གནད་དུ་མི་འཆུན། རླུང་རིག་གནད་དུ་མ་འཆུན་ན། ། འོད་གསལ་མངོན་དུ་མི་གསལ་བས། །དེ་དག་གནད་དུ་དབབ་པའི་ཕྱིར། །སྐུ་ལྔའི་བཞུགས་སྟངས་ལ་བསླབ་པ་གཅེས་སོ། །དང་པོ་ཆོས་སྐུའི་བཞུགས་སྟངས་་སེང་གེ་ལྟ་བུ་ལས་རྐང་མཐིལ་གཉིས་ས་ལ་ཕབ་པས་གཡོ་བྱེད་ལས་ཀྱི་རླུང་གནོན། ལུས་ཀྱི་ཆ་བསྲངས་པས་རླུང་བདེ་ལུགས་སུ་རྒྱུ། མགོ་བོའི་རྩལ་མཇིངས་པ་ལ་བསྐུར་བས་རྣམ་རྟོག་རང་བཞིན་གྱིས་འགགད།ལག་སོར་བསྒོངས་ཏེ་ཁྱི་ཚུགས་སུ་འདུག་པས་ཡེ་ཤེས་ཀྱི་དྲོད་ཕེབས་ཤིང་འབྱུང་བ་ཆ་སྙོམས་པར་བྱེད་དོ། །ལོངས་སྐུའི་བཞུགས་སྟངས་གླང་པོ་ཆེ་ལྟ་བུ་ལས་ཁ་སྦུབ་སྟེ་པུས་བྲང་སྦྱར་བས་བདེ་དྲོད་ཡེ་ཤེས་ཀྱི་ཁམས་རྒྱས། གྲུ་མོ་གཉིས་ས་ལ་བཙུགས་པས་ཕོ་མོའི་རླུང་གཉིས་མ་ནིང་དུ་རང་རྒྱུ། ཐལ་མོས་མགྲིན་པ་ཡུད་ཙམ་བཏེག་པས་རགས་པའི་རླུང་འགག །རྐང་པའི་སོར་མོ་ཕྱིར་ཕུལ་ཏེ་བསྐུམས་པས་བྱིང་རྒོད་ཀྱི་ཆ་སྙོམས་པར་བྱེད་པའོ། །སྤྲུལ་སྐུའི་བཞུགས་སྟངས་དྲང་སྲོང་ལྟ་བུ་ལས། ལུས་ཙོག་པུར་འདུག་པས་རྩ་རླུང་རང་སོར་སྙོམས། རྐང་མཐིལ་ས་ལ་ཕབ་པས་ཆུའི་རྩལ་གནོན། སྒལ་ཚིགས་དྲང་པོར་བསྲངས་པས་རླུང་སེམས་ཆོས་ཉིད་དུ་རྒྱུ། པུས་བྲང་་སྦྱར་བས་མེ་རླུང་ཡེ་ཤེས་སུ་འབར། རྒྱུ་མ་ཡུད་ཙམ་གྱེན་ལ་འཐེན་ནས་སྒལ་པ་ལ་བཅར་བས་རྣམ་རྟོག་གི་འཕྲོ་འདུ་འགག །ལག་པ་རེ་མིག་ཏུ་བསྣོལ་ནས་པུས་མོའི་སྟེང་དུ་བཀབ་ན་ཚ་བའི་ནད་སེལ། གལ་ཏེ་བསྣོལ་ནས་མཆན་ཁུང་གཉིས་སུ་རེག་ན་གྲང་བའི་ནད་སེལ། འོན་ཏེ་གྲུ་མོ་གཉིས་པུས་མོའི་སྟེང་དུ་བཞག་སྟེ། ཐལ་མོའི་ལག་སོར་བསྒོངས་པས་ལྐོག་མ་ནས་བཏེག་ན་ཚ་གྲང་སྙོམས་པའི་གསོས་བྱེད་དོ། །མངོན་པར་བྱང་ཆུབ་པའི་བཞུགས་སྟངས་བྱ་རྒོད་ལྟ་བུ་ལས། རྐང་མཐིལ་གཉིས་ས་ལ་བཞག་པས་་འཕྲོ་བ་ལས་ཀྱི་རླུང་གནོན། རྩོས་པོ་ས་ལ་མ་རེག་པས་བག་ཆགས་ལས་ཀྱི་མཐའ་སྟོངས། རོ་སྟོད་མདུན་དུ་གཅུན་པས་རྩ་ནང་གི་ཡེ་ཤེས་འཆར། ལུས་ཀྱི་ཟུར་ནས་ལག་པ་གཉིས་གཤོག་པ་ལྟར་བསྒོངས་ཏེ་རྩོས་པོའི་སྟེང་དུ་་སོར་མོ་གཉིས་བསྣོལ་བས་འབྱུང་བཞི་ལས་ཀྱི་རླུང་བཞི་ཡེ་ཤེས་ཀྱི་སྦུབས་སུ་་ཐིམ་ཞྀང་རང་ལྡོག །ལུས་ཀྱི་སྤྱི་བསྒོངས་པས་ཉོན་མོངས་པའི་ཡིད་འཆར་མི་སྲིད་པར་བྱེད་པའོ། །མི་འགྱུར་རྡོ་རྗེའི་བཞུགས་སྟངས་རྡོ་རྗེ་ལྟ་བུ་ལས་ལུས་སྤྱི་བསྲངས་པས་ནི་འགྱུ་བྱེད་ལས་ཀྱི་རླུང་འགགས། རྐང་མཐིལ་ཁ་་སྦྱར་བས་ཕོ་མོ་མ་ནིང་གི་རླུང་སྟོངས་ཏེ། འོད་གསལ་ཡེ་ཤེས་ཀྱི་ངང་དུ་རང་གནས། རྟྀང་པ་གཉིས་གསང་བ་ལ་ཟུག་པར་གཏད་པས་འདོད་ཆགས་ཀྱི་གཞི་སྟོངས། ཐལ་མོ་སྤྱི་བོར་སྦྱར་བས་ལུས་ཀྱི་གནད་སྦྱོང་བར་བྱེད་པའོ། ། དེ་ལྟར་ལྔ་ལས་དང་པོ་གསུམ་ནི། རྒྱུན་དུ་བྱ་བ་ཡིན་ལ། ཐ་མ་གཉིས་ནི་སྐབས་སུ་བཞུགས་སྟངས་ངལ་གསོ་བ་དང་རྩལ་སྦྱོང་བའི་ཚེ་བྱེད་པ་ཡིན་ ནོ། །གཞན་ཡང་སངས་རྒྱས་འགྲོ་བ་རྣམ་སྣང་གི་ཆོས་བདུན་་དང༌། དྲག་ཤུལ་ཆེན་པོ་གྱད་ཀྱི་དོར་སྟབས་དང༌། མཁའ་མཉམ་དག་པ་སྐྱེས་བུའི་བརྒྱངས་སྟབས་དང༌། གནམ་གཟེར་ཆེན་པོ་ལྕགས་སྡོང་གི་འདྲིལ་ལུགས་དང༌། འོད་གསལ་རྣལ་སྦྱོང་རྒྱལ་བའི་གཟིགས་ལུགས་ལྟ་བུ་དང་ལྔ་ནི། ཡེ་ཤེས་ལྔའི་ལྟ་སྟངས་ཏེ་སྐབས་སུ་བསླབ་པར་བྱའོ། །ཆོས་དབྱིངས་ཡེ་ཤེས་ཀྱི་གནད་དུ་ཆོས་བདུན་ནི། རྐང་པ་སྐྱིལ་ཀྲུང་ལག་པ་མཉམ་གཞག་མིག་སྣ་རྩཻ། སྒལ་ཚིག་དྲང་པོ། ལྕེ་རྩེ་ཡར་རྐན། སོ་མཆུ་ཅུང་ཟད་མ་རེག་པ་དང༌། རླུང་དལ་བ་ཅན་ནོ། ། བྱ་བ་གྲུབ་པའི་གནད་དུ་དོར་སྟབས་ནི་གཡས་བརྐྱང་གཡོན་བསྐུམ་ལས་ལག་པ་གཉིས་ཁྲོ་བོའི་སྡིགས་འཛུབ་དང་མཚོན་ཆ་འཛིན་པ་ལ་སོགས་པ་སྣ་ཚོགས་སུ་བསྒྱུར་བ་་དང༌། གཡས་བསྐུམ་གཡོན་བརྐྱང་ལས་ཁུ་ཚུར་བྲང་ཁར་བསྣོལ་བ་དང༌། ཅུང་ཟད་བསྐུམ་པ་ལས་རི་བོ་འདེགས་པ་ལྟར་བྱ་བ་ལ་སོགས་ པའོ། །མཉམ་པ་ཉིད་ཀྱི་གནད་དུ་གན་རྐྱལ་ཏུ་ཉལ་ཏེ། མིག་ནམ་མཁའི་དཀྱིལ་དུ་བལྟ་ཞིང་རྐང་ལག་བརྐྱང་པའོ། །སོ་སོར་རྟགས་པའི་གནད་དུ་དྲིལ་ལུགས་ནི། ཙོག་པུའམ་སྐྱིལ་ཀྲུང་གང་རུང་ལས། ལག་པ་བསྣོལ་བའི་ཐལ་མོས་དཔུང་པ་གཉིས་བསྡམས་ཏེ་ལུས་བཅུམས་པའོ། །མེ་ལོང་ཡེ་ཤེས་ཀྱི་གཟིགས་ལུགས་ནི། གཡས་ཕབ་ནས་མིག་མི་འགུལ་བར་རླུང་རབ་ཏུ་དལ་བ་ཅན་ནོ། །འདི་དག་གིས་རྩ་རླུང་རང་གཅུན་ནས་ཡེ་ཤེས་ངང་གིས་སྐྱེ་བའི་གནད་སྔ་མ་བཞིན་གསུངས་མོད་ཀྱང་ཡི་གེ་མང་བས་མ་བྲིས་སོ། །ལྟ་་སྟངས་འདི་ལྔ་ནི། འདས་རྗེས་དང༌། ཟངས་ཡིག་ཅན་དང༌། ལུས་གནད་གསང་བའི་སྒྲོན་མེ་ལས་ཁ་འཐོར་དུ་གསུངས་པ་དག་ཕྱོགས་གཅིག་ཏུ་བསྡོམས་ནས་བཀོད་པའོ། །ད་ནི་ལུས་ལ་བརྟེན་པ་སྒོའི་གནད་གཟིགས་་སྟངས་བཤད་པར་བྱ་བ་ལ། རྩ་བ་དང་ཡན་ལག་གི་གཟིགས་སྟངས་གཉིས་ལས། རྩ་བ་ལ་ལྔ་སྟེ། དང་པོ་ཆོས་སྐུའི་གཟིགས་སྟངས་མིག་གི་ཨ་འབྲས་གྱཻན་ལ་བཟློག་ནས་བལྟས་པས་དབྱིངས་རིག་གི་འཕེལ་ཆེ། ལོངས་སྐུའི་གཟིགས་སྟངས་ཐད་ཀར་བལྟས་པས་ཡེ་ཤེས་ཀྱི་སྣང་བ་མཐོང༌། སྤྲུལ་སྐུའི་གཟིགས་སྟངས་ཐུར་ལ་བལྟས་པས་འོད་ཁྱིམ་གྱི་སྒྲོན་མ་མཐོང༌། མངོན་པར་བྱང་ཆུབ་ཀྱི་གཟིགས་སྟངས་ཁྲིད་ཅིང་ཟླུམ་པོར་བལྟས་པས་དབྱིངས་སྣང་གི་སྣང་བ་ཆེར་འཕེལ། རྡོ་རྗེའི་གཟིགས་སྟངས་ཀྱིས་ཟུར་ལ་བལྟས་པས་ཞིང་ཁམས་ཀྱི་རྒྱན་རྫོགས་པར་བྱེད་དོ། །དེ་ལྟར་ན་ཆོས་སྐུ་སེང་གེ་ལྟ་བུས་གྲོལ་གཞིའི་ཞིང་ལ་སྤྱོད། ལོངས་སྐུ་གླང་པོ་ལྟ་བུས་གྲོལ་སྣང་ཡེ་ཤེས་ལ་སྤྱོད། སྤྲུལ་སྐུ་དྲང་སྲོང་ལྟ་བུས་འཆར་ཚུལ་ཕྲིན་ལས་ལ་སྤྱོད། མངོན་བྱང་རི་དྭགས་ལྟ་བུས་འོད་གསལ་ཞིང་སྣང་ལ་སྤྱོད། རྡོ་རྗེ་མདའ་སྲོང་ལྟ་བུས་སྐུ་གསུམ་ལྷུན་གྲུབ་ལ་སྤྱོད་པར་བྱེད་དོ། །འདི་དག་ནི་སྒྲོན་མ་སྣང་བྱེད་དང༌། དབང་རྣམ་པར་ཕྱེ་བའི་ཕྲ་ཏིག་ལས་འབྱུང་བ་བཞིན་ནོ། །ཡན་ལག་གི་གཟིགས་སྟངས་ལ་ཡང་ལྔ་ལས། འདབ་ཆགས་ཀྱི་ལྡིང་སྟབས་ནི་ཅུང་ཟད་གྱེན་ལ་བལྟས་པས། ནམ་མཁའ་དང་བསྲེ་བ་ནི་ཆོས་ཀྱི་དབྱིངས་སོ། །སྟག་མོའི་མཆོངས་སྟབས་ནི་འཕྲེད་ལ་བལྟས་པས་ཐིག་ལེའི་དབུས་ན་བྱང་ཆུབ་སེམས་དཔའི་སྐུ་སྣང་བ་ནི་མེ་ལོང་ཡེ་ཤེས་སོ། །འབུ་སྲིན་གྱི་ནུར་འགྲོས་ནི་གཡས་ཟུར་དུ་བལྟས་པས་རང་སངས་རྒྱས་མཐོང་བ་སྟེ་མཉམ་པ་ཉིད་དོ། །གྱད་ཀྱི་དོར་སྟབས་ནི་གཡོན་ཟུར་དུ་བལྟས་པས་ཉན་ཐོས་མཐོང་བ་སྟེ་སོ་སོར་རྟོགས་པའོ། །རྒྱ་མདུད་ཀྱི་འདྲིལ་ལུགས་ནི། རིག་པ་མིག་ཏུ་བཅུག་ནས་ཐིག་ལེ་དང་མི་འབྲལ་བར་མི་གཡོ་མི་འཕྱུགས་པར་བལྟ་བ་སྟེ་སངས་རྒྱས་ཀྱི་སྐུ་སྣང་བ་ནི་བྱ་བ་གྲུབ་པའི་ཡེ་ཤེས་ཀྱི་གཟིགས་སྟངས་སུ་བཤད་དོ། །ལྟ་སྟངས་འདི་དག་ཀྱང༌། འདས་རྗེས་དང༌། ཕྲ་ཏིག་ལས་གསུངས་ཤིང་རླུང་རིག་གི་གནད་གལ་པོ་ཆེ་ཡོད་པས་ཅུང་ཟད་ཀྱང་མ་འཕྱུགས་པ་གལ་ཆེའོ། །མན་ངག་གཞན་ལས་མིང་དུ་མ་བཤད་ཀྱང་འདིར་མ་འདུས་པའི་གཟིགས་སྟངས་ཅུང་ཟད་ཀྱང་མེད་པ་ཡིན་ནོ། །གཟིགས་སྟངས་གང་ལ་ཡང་ཧ་ཅང་རྩོལ་བས་སྒྲིམས་ཤིང་བསྡམས་པ་ནི། རླུང་བཙན་ཐབས་སུ་གཅུན་པས་གེགས་སུ་འགྱུར་བའི་ཕྱིར་དལ་བུས་བྱ་བ་གནད་ཀྱི་དམ་ པའོ། །ལུས་ཀྱི་གནད་བསྟན་པའི་དུམ་བུ་སྟེ་དང་པོའོ།། །། དོན་གཉིས་པ་ངག་གི་གནད་ལ་སྨྲ་བ་གཅད་པ་དང༌། རླུང་དལ་བས་སྟོང་པར་བྱ་བ་གཉིས་ལས། སྨྲ་བ་མ་བཅད་ན་ངག་གི་བརྗོད་པས་སེམས་འཁྲུགས་ཤིང༌། རྩོད་པ་དང་བཅས་པས་དུས་འདའ་བ་དང༌། སྒྲིབ་པར་འགྱུར་བ་དང༌། ཏིང་ངེ་འཛིན་ལས་ཉམས་པ་ལ་སོགས་པའི་ཉེས་པ་དུ་མ་ལ་རེག་པས་མི་སྨྲ་བ་ལ་བསླབ་བོ། །དེ་ཡང་དང་པོ་ལུང་སྟོང་ལ་སོགས་པའི་དབེན་པར་སོང་ལ། ཅི་ཙམ་བརྗོད་པར་འདོད་ཅིང་གང་ལ་ཞེན་པའི་སྨྲ་བརྗོད་དེ་ཉིད་བརྒྱ་སྟོང་དུ་མར་བརྗོད་ཅིང༌། འདས་མ་འོངས་ད་ལྟར་གྱི་བརྗོད་པའི་རྣམ་པ་རྣམས་དྲན་པས་བསླད་ན་སྐད་ཅིག་ཀྱང་མི་དལ་བར་བརྗོད་པས་ཐང་ཆད་པས་བརྗོད་སྙིང་མི་འདོད་པར་གྱུར་པ་ན། ཉིན་རེ་བས་ངག་ཇེ་ཉུང་ལ་གཏང་ལ་ཟླ་བ་གཅིག་ན་གཞན་དང་མི་སྨྲ་བ་དང༌། དེ་ནས་ཞག་བཅུ་ན་རང་གི་སྔགས་དང་ཁ་ཏོན་ཙམ་ཡང་མི་བརྗོད་པ་ལ་བསླབས་པས་བརྗོད་དུ་མེད་པའི་དོན་རྒྱུད་ལ་སྐྱེ་བར་བྱེད་དོ། །རླུང་དལ་བས་སྟོང་པར་བྱ་བ་ནི། འགྲོ་འོང་ལས་ཀྱི་རླུང་ནི་རང་སོར་བཞག་པས། རྟོག་ཚོགས་ཉོན་མོངས་པའི་རླུང་བག་ལ་ཞ་སྟེ། རིག་པ་ཡེ་ཤེས་ཀྱི་རླུང་དབྱིངས་སུ་འཁྱིལ་བ་ནི། གནད་གཅིག་ཏུ་ཡོད་པའི་ཕྱིར་རོ། །དེ་ཡང་གློ་བ་ན་འགྲོ་འོང་གི་རླུང་རྟའི་ཚུལ་དུ་ཡོད་པ་ལས། སྙིང་ནང་ན་རྩ་གྲོ་སོག་གི་སྦུག་མ་ཙམ་ན་ཚུར་ཡེ་ཤེས་ཀྱི་གདངས་ཞུགས་པ་མི་ལྟར་སོང་བ་གཉིས་འདྲེས་པས་སེམས་ཞེས་བྱ་བ་བྱུང་སྟེ། རླུང་ཟད་པ་དང༌། འགགས་པ་ན་རྟོགས་པ་འགགས་ནས། མི་རྟོག་པ་སིང་བག་དང་བཅས་པ་འོང་བ་ནི། དེའི་ཚེ་རླུང་རང་ཞི། ཡེ་ཤེས་ཀྱི་གདངས་སྙིང་ནང་ན་མི་གཡོ་བར་བཞུགས་པའི་གནད་ཀྱིས་སོ། །སྙིང་ནས་འཁོར་ལོ་བཞིའམ་ལྔར་ཡེ་ཤེས་ཀྱི་གདངས་ཞུགས་པ་ན། འཁོར་ལོ་བཞི་ནས་སྦྱང་བྱ་ལས་ཀྱི་རླུང་འགྱུ་བ་དང་བཅས་པ་དང༌། སྤྱོད་བྱེད་ཡེ་ཤེས་ཀྱི་རླུང་འགྱུ་བ་མེད་པ་དང༌། གདངས་ཉིད་སྦྱང་གཞི་རིག་པའི་ཡེ་ཤེས་སུ་ཞུགས་པས་སྣ་བུག་གཉིས་རོ་རྐྱང་གི་རྩ་ནས་ཞུགས་པའི་རླུང་འཁོར་ལོ་བཞིའི་རྩ་ནང་དུ་ཟིན་པས། རྟོག་མེད་ཀྱི་ཡེ་ཤེས་སུ་འཆར་བ་ཡང་འགྱུ་བ་རང་ཐིམ་སྟེ། གློ་བའི་རླུང་ཐིམ་པ་དང་གནད་གཅིག་གོ །དེས་ན་ཁ་སྣའི་རླུང་དལ་བུས་རང་སོར་ཞི་བ་ལ་བསླབ་ཅིང༌། སྙིང་ཏིག་པས་རླུང་ཁ་ནས་དྲང་ཞིང་དལ་བུས་བྱ་བ་ལ་བསླབ་པ་ནི་གནད་དམ་པ་སྟེ། འདི་ལྟར་རྩ་རླུང་པ་གཞན་གྱིས་སྣ་ནས་དྲངས་པས་འཁོར་ལོ་བཞིར་་སྦྱང་བྱའི་རླུང་སྟོབས་སུ་གྱུར་ནས་གེགས་རྣམ་པ་སྣ་ཚོགས་སུ་འབྱུང་སྟེ། ཡེ་ཤེས་ཀྱི་རླུང་ཅུང་ཟད་ཟིན་ཡང་རྩ་བའི་ཡེ་ཤེས་སྙིང་ནང་ནས་འཕྲོས་པ་ངོས་ཀྱང་མ་ཟིན་ཆ་མེད་པས། འཁྲུལ་འཁོར་དང་དམིགས་པ་སྣ་ཚོགས་ལ་བརྟེན་དགོས་ཤིང༌། ཡོན་ཏན་སྐྱེ་བ་ལྟར་སྣང་ཡང༌། རྩ་བ་མ་ཆོད་པས་རྣལ་མ་ཞིག་མི་ཡོང་བའི་གནད་དེ་ཡིན་ནོ། །འདིར་ཁ་ནས་དྲངས་པས་གློ་བའི་རླུང་རང་དག གདངས་སྙིང་གར་རང་ཐིམ་ནས་གསལ་སྟོང་ཡེ་ཤེས་ཀྱི་ངང་ལས་མི་གཡོ་ཞིང༌། དེའི་གནད་ཀྱིས་འཁོར་ལོ་བཞིའམ་ལྔའི་གདངས་མི་གཡོ་བར་སྙིང་ནང་དང་འདྲེས་པར་རང་གསལ་བས། སྦྱང་བྱ་འགྱུ་བའི་རླུང་རྟོག་ཚོགས་དང་བཅས་པ་མ་སྤངས་པར་རང་སར་དག་ནས་འཁོར་ལོ་སོ་་སོ་ལ་བརྟེན་པའི་ཡོན་ཏན་མ་བཙལ་བར་ལྷུན་གྱིས་གྲུབ་སྟེ། འོད་གསལ་་དུ་གྲོལ་ནས་འགྲོ་བའི་གནད་དེ་ཡིན་ནོ། ། འདི་དག་ནི་སློབ་དཔོན་ཆེན་པོ་བི་མ་ལའི་ཡེ་ཤེས་གསང་ཏིག་ཏུ་བསྟན་པ་བཞིན། འཕྲོས་པར་བཤད་ནས་ལས་རླུང་སོར་གཞག་པ་དང༌། ཉོན་མོངས་པའི་རླུང་གནས་སུ་སྦྱང་བ་གཉིས། འཇུག་པ་གཅིག་གི་འདི་ལྟར་ཉམས་སུ་བླངས་ཏེ། དེ་ཡང་ལས་དང་པོ་པ་སྤྲོས་པ་ཤས་ཆེ་དུས་སུ་མངོན་སུམ་ལ་སྒོམ་དུས། རྣམ་རྟོག་་འཕྲོ་བ་རང་ཞི་བར་བྱ་དགོས་པས་ཡི་གེ་ཨ་རྣམ་པ་ལྔ་སོགས་དུས་གཅིག་ལ་བརྩེགས་མར་བསྒོམས་པས་འབྱུང་བ་ལྔ་གནད་ལ་ཕེབས་ཏེ། ཨའི་དོན་སྐྱེ་མེད་ལ་གནས་པའི་དོན་གྱི་ཕྱིར་རོ། །དང་པོ་ལྟ་སྟངས་དང༌། གཟིགས་་སྟངས་བསྟུན་ནས་རླུང་དལ་བུས་ཕྱིར་ཁ་ནས་སོང་བ་ནང་དུ་ཡང་དལ་བུས་བརྡུབས་ཏེ་དར་ཅིག་རྩོལ་ལ་ལྷོད་པའི་ངང་ནས་ཅུང་ཟད་འཐེན་ཏེ་གཟུང་ནས། ནམ་མཁའ་ལ་མིག་བཏད་པའི་སར། ཨ་དམར་པོ་ ལྔ་བརྩེགས་པ་ལ་མ་ཡེངས་པར་སེམས་གཟུང་ཞིང་ཧུར་ཐོན་པས་རིག་ པ་སིང་བག་དང་བཅས་པ་འབྱུང་ངོ༌། །དེ་ནི་རྟོག་དཔྱོད་མེ་དང་འདྲ་བ་དག་པར་བྱེད་པས་བསམ་གཏན་དང་པོ་སྐྱེ་བའི་ཡན་ལག་སྟེ་མེ་རླུང་རང་ལོག་གི་དགོངས་པ་ཞེས་བྱའོ། །དེ་བཞིན་དུ་་དཀར་པོ་བཞི་བརྩེགས་ལ་གཏད་པས་ཉམས་དགའ་བདེ་ཆུ་དང་འདྲ་བ་དག་ནས། བསམ་གཏན་གཉིས་པ་སྐྱེ་བའི་ཡན་ལག་ཆུ་རླུང་རང་ཟད་ཀྱི་དགོངས་པ་ཞེས་བྱའོ། ། དེ་ནསཎམྱཊཎཌགྲཁྱཁྲཔྲཁྲདྲཁྱཁྲགྲདགྱམྱཨཀྱཎདཝགླདྲ་ལྗང་ཁུ་སུམ་བརྩེགས་ལ་གཏད་པས་དྲན་རྟོག་གི་གཡོ་བ་ཕྲ་མོ་རླུང་དང་འདྲ་བ་དག་ནས། བསམ་གཏན་གསུམ་པ་སྐྱེ་བའི་ཡན་ལག་འདེགས་རླུང་རང་ཟད་ཀྱི་དགོངས་པ་ཞེས་བྱའོ། །དེ་ནས་ཨྸ་སེར་པོ་གཉིས་བརྩེགས་ལ་གཏད་པས་དྲན་པས་བཅིངས་པའི་གཉེན་པོ་ལས་དག་ནས། བསམ་གཏན་བཞི་པ་སྐྱེ་བའི་ཡན་ལག་དྲན་གཞི་རང་ཟད་ཀྱི་དགོངས་པ་ཞེས་བྱའོ། །དེ་ནས་ཨ་མཐིང་ཀ་རྐྱང་པ་གཅིག་ལ་གཏད་པས་གཟུང་འཛིན་ཞེན་རྟོག་གི་དྲི་མ་སྤང་གཉེན་ཆ་དང་བཅས་པ་ལས་གྲོལ་ནས། གཟུགས་མེད་པ་དང་འགོག་པའི་ཡེ་ཤེས་རྣམ་པར་མི་རྟོག་པ་སྐྱེ་བའི་ཡན་ལག་ནམ་མཁའ་རང་ཟད་ཀྱི་དགོངས་པ་ཞེས་བྱའོ། །མན་ངག་འདི་དག་ནི་རྟོག་དཔྱོད་རགས་པ་ནས་གཟུང་སྟེ། དྲན་པ་དབྱིངས་་སུ་མ་དག་གི་བར་འབྱུང་བ་ལྔའི་རྡོས་པ་དང༌། འཛིན་རྟོག་དབྱིངས་སུ་ཐིམ་པར་བྱེད་པའི་གནད་གལ་པོ་ཆེའོ། །དེ་ཡང་དང་པོ་ཨ་ལ་ཤེས་པ་གཏད་ནས་དར་ཅིག་ནས་དམིགས་མེད་ཕྱམ་གྱིས་འགྲོ་བ་དེའི་ངང་དང་མི་འབྲལ་བ་ནི་ཉམས་སུ་མྱོང་བའོ། ། དེ་ལྟར་ཉམས་སུ་ལེན་པའི་དུས་སུ་འབྱུང་བ་འཁྲུགས་པ་དང་བྱིང་རྒོད་ཤས་ཆེར་གྱུར་ན། གནས་གསུམ་དུ་ཡི་གེ་གསུམ་བསྒོམ་ནས་རླུང་དྲང་བས་ཐོན་པར་གསུངས་ཀྱང༌། ལག་ལེན་ལ་ཚད་པའི་་དུས་སུ། བདེ་ཆེན་འཁོར་ལོའི་ཧཾ་ལས་ཐིག་ལེ་དཀར་བསིལ་བབས་པས་ནད་སོང་བར་བསྒོམས་ལ། རླུང་ཕྱིར་སངས་སངས་ཕུལ་ལ་ཕྱིར་གཟུང༌། གྲང་བ་ལ་ལྟེ་བ་སྤྲུལ་པའི་འཁོར་ལོའི་རཾ་ལས་མེ་འབར་བས་བསྲེག་པར་བསམ་ལ། རླུང་ཁ་སྦྱར་ལ་ནང་དུ་གཟུང༌། བད་ཀན་ལའང་དེ་དང་འདྲ་བ་ལས། ཁྱད་པར་དུ་ལོངས་སྤྱོད་འཁོར་ལོའི་ཏྲཱཾ་ལས་བདུད་རྩི་བབས་པས་ནད་སངས་བར་བསམས་ཏེ། རླུང་ཕྱིར་གསུམ་གསུམ་ཕུལ་ལ། ནང་དུ་རེ་རེ་གཟུང༌། སེམས་རྒོད་ཅིང་པྲ་ཡས་ན་བདེ་སྐྱོང་འཁོར་ལོའི་ཧཾ་ལས། བདེ་དྲོད་འབར་བ་ལ་སེམས་གཟུང་ཞིང་རླུང་གཟུང༌། སྙོམས་དུས་ཏིང་ངེ་་འཛིན་ཇི་ལྟར་བྱས་ཀྱང་མ་སྐྱེས་ན་ཆོས་ཀྱི་འཁོར་ལོའི་ཧཱུཾ་ལས་སྤྱི་བོའི་དྭངས་མ་བབས་པར་བསམས་ཏེ་རླུང་ནང་དུ་བཟུང་བས། ནད་ཀུན་ཞི་ཞིང་ཏིང་ངེ་འཛིན་རང་ལུགས་སུ་སྐྱེ་བ་ཡིན་ནོ། །འདི་དག་ནི་གནད་དམ་པའོ། །འདིའི་དུས་སུ་ཡི་གེ་དེ་དག་ངག་ཏུ་ཡང་བརྗོད་ཅིང༌། ཧ་དང་ཧཱུཾ་དང་ཨ་མང་པོ་འདོན་པ་ནི་ཐབས་སོ། །རླུང་གནད་མེད་པར་བསྒོམས་ཀྱང་ཡེ་ཤེས་མྱུར་དུ་མི་འཆར་ཞིང་དལ་བ་འབྲས་བུ་ཆུང་བ་ཡིན་པས་གནད་ཤེས་ནས་སྒོམས་པ་གཅེས་སོ། །ངག་གི་གནད་བསྟན་པའི་དུམ་བུ་སྟེ། གཉིས་པའོ།། །། སྤྱི་དོན་གསུམ་པ་རིག་པའི་གནད་ལ་གདངས་ཀྱི་རིག་པ་དང༌། རིག་པའི་དངོས་ཉམས་སུ་བླང་བའི་གནད་གཉིས་ལས། དང་པོ་གདངས་ཉམས་སུ་བླངས་པས་རིག་པ་དངོས་ཀྱི་གཤེད་ཐོག་ཏུ་བཅོས་བསླད་མེད་པར་ཕེབས་པའི་ཕྱིར་རིག་གདངས་དངོས་ཁྲེགས་ཆོད་ཀྱིས་བསྟན་པ་དང༌། འོད་གདངས་ཐོད་རྒལ་གྱིས་བསྒོམ་པའོ། །དང་པོ་ནི། རིག་གདངས་རླུང་དང་འདྲེས་པའི་རྩལ་སེམས་སུ་ཤར་དུས་ལྟ་སྒོམ་སྤྱོད་འབྲས་བཞེས་ཉམས་སུ་་བླང་བ་ལས། དང་པོ་ལྟ་བ་རང་བྱུང་གི་ཡེ་ཤེས་རིག་སྟོང་ཆོས་སྐུའི་ངོ་བོར་་ཐག་གཅད་ནས། ཡར་སངས་རྒྱས་ལ་རེ་མི་ཆེ། མར་འཁོར་བ་ལ་དོགས་མི་ཟ། འཁོར་འདས་སེམས་ཀྱི་གནས་ལུགས་རིག་མ་རིག་ཏུ་ཤེས་པས། གང་ཤར་གྱི་རིག་པ། རིག་བདོ་བའི་དུས་སུ་སྤང་བླང་བཟང་ངན་མེད་པ། ཟངས་ཐལ་ཡེ་སངས་ཆེན་པོར་གདེང་འཆོས་པ་ནི་ངོ་རང་ཐོག་ཏུ་སྤྲད་པ་དང༌། ཐག་གཅིག་ཐོག་ཏུ་གཅད་པ་སྟེ། བཟང་ངན་གཉིས་སུ་མེད་པའི་ཆ་ནས། ཡེ་ཤེས་ཟངས་ཐལ་གྱི་གཟེར་འཁོར་འདས་གཉིས་ཀྱི་བར་དུ་གདབ་པ་རྩྭ་དང་མེ་འཕྲད་པ་ལྟ་བུ་དང༌། ཡོད་མེད་ཕྱོགས་ཡན་དུ་ཤར་བས་ལྟ་བ་གྲོལ་ཡན་གྱི་གཟེར་རྟག་ཆད་གཉིས་ཀྱི་བར་དུ་གདབ་པ་བཞིན་དང་མེ་ལོང་འཕྲད་པ་ལྟ་བུ་ཡིན་ཏེ། ཆོས་ཐམས་ཅད་ཡེ་ནས་མ་གྲོལ་བ་མེད་པར་ཡེ་སངས་རྒྱས་སུ་རྟོགས་པས་གང་ཤར་ཆོས་ཉིད་དུ་སོང་བས་རི་རྒྱལ་གྱི་རྩེར་ཕྱིན་པས་དམའ་བའི་ལུང་ཕྲན་མཐོང་བ་ལྟ་བུ་ལ། རི་བོ་ཅོག་བཞག་གི་དགོངས་པ་ཞེས་བྱའོ། །གཉིས་པ་སྒོམ་པ་རང་གྲོལ་སོར་བཞག་སྣང་སེམས་ཆིག་ཆོད་དུ་གྲོལ་བ་དུ་མ་རོ་མཉམ་ཆེན་པོ་ནི། གང་ཤར་གང་སྣང་གི་ངོ་བོ་སྒོམ་པ་ཤར་ཐོག་ཏུ་བཅོས་བསླད་རེ་དོགས་མེད་པར་བཞག་པས་བྱིང་རྒོད་ཡེངས་པ་མེད་པའི་ངང་དུ་རོ་གཅིག་དུས། ཤར་སྣང་ཅེར་མཐོང་དུ་གྲོལ་བའི་ཆ་ནས་སྒྲོན་མ་རང་དག་གི་གཟེར་ཡུལ་སེམས་གཉིས་ཀྱི་བར་དུ་གདབ་པ་མུན་ཁུང་དུ་སྒྲོན་མེ་བཏེགས་པ་ལྟ་བུ་དང༌། བྱིང་རྒོད་་ཡེངས་པ་མེད་པར་སྒོ་ལྔ་ཐུག་ཕྲད་དུ་གྲོལ་བའི་ཆ་ནས། སྒོ་སྔ་རང་ཡན་གྱི་གཟེར་བྱིང་རྒོད་གཉིས་ཀྱི་བར་དུ་གདབ་པ་བུ་གཅིག་པུ་མ་དང་འཕྲད་པ་ལྟ་བུ་སྟེ། གང་ཤར་རོ་མཉམ་དུ་འདྲེས་པས་བློ་དངོས་གཉིས་མེད་དུ་གྲོལ་ཏེ་དྲན་བསམ་གཞི་ཐིམ་ལ་སོང་བ་རྒྱ་མཚོ་ཅོག་གཞག་གི་དགོངས་པ་རྒྱ་མཚོ་རླུང་གིས་མ་བསྐྱོད་པ་ལྟ་བུ་ལ་ཉིན་མཚན་དུ་གནས་པར་བྱའོ། ། གསུམ་པ་སྤྱོད་པ་སྐྱེས་གྲོལ་ཐུག་ཕྲད་རིས་མེད་དུ་སྦྱང་བ་ནི། དགག་སྒྲུབ་དང་རེ་དོགས་ཅི་བྱུང་དུས་སེམས་ལས་བྱུང་བ་སེམས་སུ་ཐིམ་ནས་རོ་མཉམ་རྗེས་མེད་གང་ཤར་ཐུག་ཕྲད་ལ་བཏང་བས་གང་ཤར་གྱི་ངོ་བོར་རང་དག་ཏུ་སོང་བས་གཉིས་ཆོས་སུ་མ་གྲུབ་པའི་ཆ་ནས། ངོ་བོར་རང་དག་གི་གཟེར་བློ་དངོས་གཉིས་ཀྱི་བར་དུ་གདབ་པ་སྟེ། དགོངས་པ་གཞི་ལ་འདྲེས་པ་ཡིད་མཐུན་པའི་ཕོ་མོ་འཕྲད་པ་ལྟ་བུ་དང༌། ཤར་བ་དེ་ཉིད་སྐད་ཅིག་ལ་ལྷན་གྱིས་གྲོལ་བའི་ཆ་ནས། རིག་པ་ཆོས་མིན་གྱི་གཟེར་ཆོས་ཅན་ཆོས་ཉིད་ཀྱི་བར་དུ་གདབ་པ་རྟོག་དཔྱོད་དྲན་བསམ་ལས་འདས་པས་ཉི་ཟེར་དང་བ་མོ་འཕྲད་པ་ལྟ་བུ་སྟེ། གང་སྣང་ཡེ་སྟོང་ཡེ་གྲོལ་དུ་གནས་པས་གང་ཤར་སྣང་བའི་ངོ་བོ་བཅས་བཅོས་བྱ་མི་དགོས་ཏེ། ཆང་གིས་བཟི་བའི་སྣང་བ་དཔྱད་ར་མེད་པར་ཝལ་ལེ་སྣང་བ་ལྟ་བུ་ལ་བསླབ་པ་ནི། སྣང་བ་སྣང་ཐོག་ཏུ་གྲོལ་བ་གཟུ་བོའི་བློ་ཅན་ལྷ་ཁང་དུ་ཕྱིན་པ་ལྟར་རྒྱུ་མཚན་ཤེས་ལ་མ་ཆགས་པས་སྣང་བ་ཅེར་གཞག་གི་དགོངས་པ་ཞེས་བྱའོ། །བཞི་པ་འབྲས་བུ་རང་རྫོགས་ལྷུན་གྲུབ་ཆེན་པོ་ལ་རེ་དོགས་ཀྱི་འཕྲང་མི་བཅའ་བ་ནི། གདེང་གྲོལ་ཐོག་ཏུ་བཅའ་བ་སྟེ། གང་ཤར་རང་གྲོལ་གྱི་ངང་དེ་ཉིད་ཡེ་སངས་རྒྱས་པའི་ཆོས་སྐུར་ཕྱིན་པས། དེ་ལས་བཟང་དུ་འགྲོར་མེད་པའི་གདེང་དང་བཅས་པའི་ངང་ལ་གནས་པ་སྟེ། རང་རིག་ཆོས་སྐུར་མཐོང་བས་གང་ཤར་ཆོས་སྐུའི་རོལ་པ་ཐག་ཆོད་པའི་ཆ་ནས། ཆོས་སྐུ་ཡེ་རྫོགས་ཀྱི་གཟེར་སྣང་སྟོང་གཉིས་ཀྱི་བར་དུ་གདབ་པ་དབུལ་པོ་གཏེར་མཛོད་དང་འཕྲད་པ་ལྟ་བུ་སྟེ། འགྱུས་སམ། གནས་སམ། གང་བྱུང་གི་དུས་ཉིད་ནས་སྐུ་གསུང་ཐུགས་ཀྱི་ཡེ་ཤེས་སུ་བྱུང་བས་བཅོས་བསླད་མེད་པར་གཞག་པ་ནི་རིག་པ་སངས་རྒྱས་སུ་གདེང་འཆོས་པ་རིམས་ནད་བྱང་ནས་མི་ལྡོག་པའམ། བསི་ཤིང་གི་འབྲས་བུ་ལྟར་འབྲས་བུ་རྒྱུར་མི་ལྡོག་པ་སྟེ། སྣང་བ་ཅེར་བཞག་གི་དགོངས་པ་ཞེས་བྱའོ། །དེ་ལྟར་བསྟན་པ་ཐམས་ཅད་ཀྱང་ཐུགས་ཕྲད་རྗེས་མེད་དུ་གྲོལ་ནས། །སོར་གཞག་རེ་དོགས་མེད་པའི་ངང་དུ་འདུས་ཏེ། གཞི་ཁྲེགས་ཆོད་ཀྱི་ངོ་བོ་ཉམས་སུ་བླང་ཐབས་སོ། །དོན་གཉིས་པ་འོད་གསལ་ཐོད་རྒལ་གྱི་སྒོམ་པ་ནི། རིག་པ་བུམ་ནང་གི་མར་མེ་ལྟ་བུའི་འོད་གདངས་རྩ་ནས་མིག་ཏུ་འབྲེལ་བ་ནམ་མཁར་ཤར་བའི་འོད་དང༌། ཐིག་ལེའི་རྣམ་པ་སྣང་བ་ལ་ཉམས་སུ་ལེན་པ་སྟེ། དེ་ཡང་གནད་ཆེན་པོ་དྲུག་ལས། དང་པོ་རིག་པ་མི་གནས་པ་གནས་པར་བྱ་བའི་གདམས་ངག་གི་ཤེས་པ་བག་ལ་བཙལ་བ་ནི། གཅིག་པུར་དབེན་པའི་སར་གནས་ཏེ་བྱ་བ་དགུ་ཕྲུགས་སུ་བཏང་ནས། ལུས་འདུག་སྟངས། མིག་གཟིགས་སྟངས། རིག་པ་འོད་སྣང་ལས་མི་འགུལ་བར་བྱས་ནས། སེམས་འཕྲོ་ན་ལུས་ཀྱི་ཡན་ལག་བསྐུམ། དབུགས་སྙིང་ཀར་གཟུང༌། རིག་པ་ལྟེ་བར་གཏད། མིག་བཙུམས་པས་དྲན་བསམ་འཕྲོ་འདུའི་རྟོག་པ་བབས་ཀྱིས་འགགས་པ་ནི་བུས་ཕ་འཚོལ་གྱི་གདམས་པ་ཞེས་བྱ་སྟེ། ཐབས་དེ་ཉིད་བུ་འདྲ་བས་ཤེས་རབ་གདོད་མའི་ངང་དུ་གནས་པར་བྱེད་པའི་ཕྱིར་རོ། །དེ་ལྟར་སྐྱེ་མེད་ནམ་མཁའ་ལྟ་བུའི་ངང་ལ་གནས་པ་དེ་ཡང་གཞན་ནས་བྱུང་བ་མ་ཡིན་ཏེ། ནང་གི་ཡེ་ཤེས་རང་སོར་སྙིང་ནང་ན་གནས་པའི་རང་བཞིན་གསལ་བ་ཡིན་ནོ། ། གཉིས་པ་རིག་པ་མ་ཟིན་པ་ཟིན་པར་བྱ་བའི་གདམས་ངག་གིས་གནད་རྣམ་པ་གསུམ་ལ་མཁས་པར་བྱ་བ་ནི། དབུགས་ཐུབ་ཐང་བཟུང་ནས་བཏང་སྟེ་ཡིད་ཀྱིས་ཉེར་གཅིག་རེའི་ཚད་དུ་བྱས་པས་ཤེས་པ་རང་སོར་གནས་ཤིང་འཕྲོ་འདུ་མེད་་དུས་རིག་པ་མིག་ལ་བཅུག །མིག་ནམ་མཁའ་ལ་གཏད་ནས་འོད་སྣང་ལ་ཧྲིག་གི་བཟུང་བས་དྲན་པ་གཞན་དུ་མ་ཡེངས་པར་བྱས་ལ། དེ་ནས་ཤེས་པ་སྙིང་ཀ་དང་མགྲིན་པ་དང་སྤྱི་བོར་གཏད་ཅིང་མིག་འོད་སྣང་ལ་བལྟས་པས་རྟོག་པ་ཞི་དུས། རིག་པ་མིག་ནས་མ་ཡེངས་པར་བལྟས་པས་ཞེན་འཛིན་རང་འགགས་སུ་འགྲོ་བ་ནི། སྡོད་པ་རྣམ་པར་དག་པའི་དགོངས་པ་མདའ་ཡིས་གཞུ་འཚོལ་གྱི་གདམས་ངག་ཅེས་བྱ་སྟེ། གནད་ཀྱི་མདས་མཉམ་གནས་འཕོ་འགྱུར་མེད་པའི་ངང་གིས་གཞུ་འཚོལ་བའི་ཕྱིར་རོ། །དེའི་ཚེ་རིགས་པ་རང་གནས་འཕྲོ་འདུ་མེད་པར་ཟིན་པ་ནི། རང་རིག་མཉམ་པའི་་ཡེ་ཤེས་སྙིང་ནང་ན་མི་གཡོ་བའི་དགོངས་པ་ཟིན་པ་ཡིན་ནོ། ། གསུམ་པ་རིག་པ་མི་བརྟན་པ་བརྟན་པར་བྱ་བའི་གདམས་ངག་གི་ཡུལ་དང་ཤེས་པ་བསྲེ་བ་ནི། འདུག་སྟངས་གསུམ་པོ་གང་རུང་ལ་གནས་པས། ཡེ་ཤེས་རང་གསལ་དུ་ཤར་ནས་གྲོལ་ས་ཟིན་པར་བྱེད་དེ། ཤེས་པ་རང་ཐོག་ཏུ་ཕབ་པས་ལུས་མི་འཕོ། མིག་ནམ་མཁའ་ལ་ཕབ་པས་དབྱིངས་མི་འཕོ། དབྱིངས་ངོ་བོའི་སྟེང་དུ་ཕབ་པས་ཡེ་ཤེས་ལྷུག་པའི་ངང་ལས་མི་འཕོ་བར་གནས་དུས། བྱིང་བ་སྙམ་བྱེད་ན་མིག་ཧར་པོར་གྱེན་ལ་བལྟས་ཏེ་ཧ་དྲག་ཏུ་བརྗོད་པས་བསེང་ངོ༌། །དེ་ནས་མིག་ནས་རིག་པ་བཏོན་ནས་ནམ་མཁར་གཏད་པ་ནི་ཡུལ་དབྱིངས་ལ་བཙལ་བའི་ཐབས་ཏེ། ཐོབ་པ་རྣམ་པར་དག་པའི་དགོངས་པ་འབེམ་གྱིས་མདའ་འཚོལ་གྱི་གདམས་པ་ཞེས་བྱའོ། །དེ་་ཡང་འོད་སྣང་གི་འབེམ་ལ་བལྟས་པས་འོད་གསལ་རང་དྭངས་ཀྱི་མདའ་འཚོལ་བའི་ཕྱིར་རོ། །དེའི་ཚེ་བདེ་གསལ་མི་རྟོག་པའི་བསམ་གཏན་གྱི་ངང་ལ་བརྟན་པ་ཅུང་ཟད་ཐོབ་པ་ནི་གོམས་པའི་སྟོབས་ལས་འབྱུང་བའོ། །བཞི་པ་རིག་པ་མ་སྐྱེས་པ་སྐྱེས་པར་བྱ་བའི་གདམས་ངག་གིས། སྣང་བའི་ཚད་གཟུང་བ་ནི་རིག་པའི་གནད་སྒོ་མིག་ནས་སྐར་མདའ་ལྟར་ནམ་མཁའི་དབྱིངས་སུ་གདོན་པར་བྱ་སྟེ། དེ་ལ་མ་ཡེངས་པར་བལྟ་ཞིང༌། འོད་སྣང་་དུམ་བུ་དང་ཐིག་ལེ་སྐུ་ལ་སོགས་པའི་སྣང་བ་ཤར་བ་ལ་གཏད་པས། རྟོག་མེད་འོད་གསལ་ཀྱི་ཡེ་ཤེས་ཁོང་ནས་འཆར་ཞིང་དེའི་ངང་ལ་སྒོམ་དུས་རླུང་་འོག་སྒོ་ནས་ཡར་འཐེན། རིག་པ་ནམ་མཁར་གཏད་པས་སྣང་བ་འཕྲལ་ལ་མཆེད་པ་སྟེ། སྣང་བ་དེ་ཀུན་ཇེ་དལ་ལ་ཁྲིད་ཅིང་བཞག་པ་ནི། འདབ་ཆགས་ཀྱི་ལྡིང་ལུགས་ཞེས་བྱ་སྟེ། དང་པོ་འོད་དུ་སྣང༌། གཉིས་པ་ཐིག་ལེར་འཆར། གསུམ་པ་སྐུར་གྱུར་པ་ལ་སོགས་པ་རིམ་གྱིས་མཆེད་པ་ནི། རིག་པ་དྲན་གཞི་ཟད་པས་འོད་གསལ་འདུ་འབྲལ་མེད་པ་སྟེ། འཇུག་པ་རྣམ་པར་དག་པའི་དགོངས་པ་ཆུང་མས་ཁྱོ་ཚུལ་གྱི་མན་ངག་ཅེས་བྱ་སྟེ། གདོད་མའི་ངང་དུ་ད་ལྟར་གྱི་དྲན་རིག་འཇུག་པ་ཐབས་ཀྱི་ཆུང་མས་སྐུ་གསུམ་་འདུ་འབྲལ་མེད་པའི་ཁྱོ་འཚོལ་བའི་ཕྱིར་རོ། །དེའི་ཚེ་ཕྱི་སྣང་བའི་རྟགས་་འོད། ནང་རིག་པའི་རྟགས་ཏིང་ངེ་འཛིན་ལ་སོགས་པ་བསྐྱེད་པ་ནི་འོད་གསལ་མ་བུ་འདྲེས་པའི་རྟགས་ཡིན་ནོ། ། ལྔ་པ་རིག་པ་མ་ཤེས་པ་ཤེས་པར་བྱ་བའི་གདམས་ངག་གི་དྲོད་ཚད་གཏན་ལ་དབབ་པ་ནི། ནང་ན་རིག་པ་ནི་འོད་དུ་ཡོད་པའི་རྟགས་ཕྱིར་རྡོ་རྗེ་ལུ་གུ་རྒྱུད་དུ་ཤར་བ་ཡང་གདོད་མ་ནས་དེ་ལྟར་ཡོད་ཀྱི། གློ་བུར་བ་མ་ཡིན་ཏེ། འོད་རྩའི་གདངས་ཡེ་ནས་་ཡོད་པའི་སྣང་བ་ལ་ངོ་སྤྲད་ནས། དེ་ཉིད་ལ་བལྟ་ཞིང་བྱིང་རྒོད་མེད་པ་སྒེག་མོ་མེ་ལོང་བལྟ་བ་ལྟར་བསླབ་ཅིང༌། དབྱིངས་སྣང་གི་དབུས་དང་མ་བྲལ་བས་དང་པོ་སྨིན་མཚམས་ལས་ཕྱིས་ཇེ་རིང་དུ་བལྟ་བ་ནི། རིག་པ་དབྱིངས་དང་སྦྲེལ་པའི་ཐབས་ཏེ། གསལ་བ་རྣམ་པར་དག་པའི་དགོངས་པ་བུ་མོས་ཕ་འཚོལ་གྱི་མན་ངག་ཅེས་བྱའོ། །དེ་ཡང་རིག་གདངས་རྡོ་རྗེ་ལུ་གུ་རྒྱུད་བུ་མོ་ལ་བལྟས་པས། དེའི་སྙིང་ནང་གི་ཡེ་ཤེས་མི་གཡོ་བའི་དགོངས་པ་ལ་གནས་པའི་ཕྱིར་རོ། །དེའི་ཚེ་རིག་གནད་ཤེས་པས་འོད་གསལ་གྱི་ངང་དུ་གནས་པ་ནི་ཐབས་ཀྱི་དམ་པའོ། །དྲུག་པ་རིག་པ་མ་གྲོལ་བ་གྲོལ་བར་བྱ་བའི་གདམས་ངག་གིས་སྐུ་གསུམ་གྱི་ས་ལ་གོམས་པར་བྱ་བ་ནི། ཆོས་སྐུ་འོད། ལོངས་སྐུ་ཐིག་ལེ། སྤྲུལ་སྐུ་ཟེར་གདངས་སུ་ལུས་ལ་གནས་པ་ལས། ཆོས་སྐུའི་གནད་དུ་དབྱིངས་ལ་བལྟ་བ་མ་ཡེངས་པ། ལོངས་སྐུའི་གནད་རྩ་ཡིན་པས་ལུས་ཀྱི་འདུག་སྟངས་གཟིར་བ། སྤྲུལ་སྐུའི་གནད་སྒོ་ཡིན་པས་གཟིགས་སྟངས་གང་རུང་ལ་བལྟས་པས། ནམ་མཁར་་འོད་དབྱིངས་ཐིག་ལེ། ཟེར་གདངས་ལུ་གུ་རྒྱུད་དང་བཅས་པར་རང་སྣང་བ་ནི། གྱད་རྩལ་པོ་ཆེས་མདའ་འཕངས་པ་ཕྱིར་མི་ལྡོག་པ་ལྟར། རིག་པ་སྐུ་གསུམ་གྱི་སྣང་བ་ལས་མི་ལྡོག་པའི་ངང་དུ་གནས་དུས། དབྱིངས་རིག་གི་སྣང་བ་དེ་ལ་མ་ཞེན་པས་རང་གསལ་འཛིན་མེད་ཆེན་པོར་དྲིལ་ནས་བལྟ་བ་ནི་དུག་སྦྲུལ་གྱི་མདུད་ལུགས་ཏེ། སྣང་རིག་རང་གིས་རང་གྲོལ་བའི་ཕྱིར། རང་གྲོལ་ཐབས་ཀྱི་རྒྱལ་པོ་སྟེ། སྣང་བ་དེ་ཡང་འབྱུང་བཞི་ཟད་པའི་ཆ་ནས་དག་པ་རྣམ་པར་དག་པའི་དགོངས་པ་རྗེ་ཡིས་འབངས་འཚོལ་གྱིས་གདམས་ངག་ཅེས་བྱ་བ་སྟེ། སྐུ་གསུམ་རང་སྣང་གི་རྗེས་དང་གནས་་སོར་བཞག་གི་ཏིང་ངེ་འཛིན་འབངས་དང་འདྲ་བ་ཚོལ་བའི་ཕྱིར་རོ། །དེའི་ཚེ་འབྲས་བུ་ཡེ་དག་གདོད་མའི་ངང་དུ་རང་གནས་སུ་སོང་བ་ནི། ཡེ་གྲོལ་ཆེན་པོའི་དགོངས་པ་ཆོས་ཉིད་ཟད་པའི་ངང་དུ་ཕྱིན་པ་ཞེས་བྱའོ། །འདི་དག་ནི་རྡོ་རྗེ་སེམས་དཔའ་ཞལ་མཐོང་གི་གནད་ཡིག་ལས་གསལ་བར་ཕྱེ་སྟེ། ཤིན་ཏུ་ཟབ་པའི་ཡང་ཟབ་ཆེན་པོའོ། ། དོན་གཉིས་པ། རིག་པ་དངོས་ཉམས་སུ་བླང་བ་ནི། གདངས་གཉིས་ཀྱི་ཚེ་ཡང་ཡོད་ལ་གཞན་དུའང་ཡོད་་དེ། དོན་ལ་རིག་པའི་ངོ་བོ་སྟོང༌། རང་བཞིན་གསལ། ཐུགས་རྗེ་འགགས་མེད་ཆེན་པོར་འཆར་བའི་ངོ་བོ་ཤེས་ནས། དེའི་ཐོག་ཏུ་བཅོས་བསླད་མེད་པར་བཞག་དུས་སྟོང་གསལ་སྤྲོ་བསྡུ་དང་བྲལ་བའི་ངོ་བོ་ཁོང་ནས་་འཆར་ཏེ། ངོ་བོ་སྟོང་ཉམས་ནམ་མཁའ་ལྟ་བུའི་རྟོགས་པ་མི་རྟོགས་པའི་ངང་དང་བཅས་པ། རང་བཞིན་གསལ་ཉམས་ཉི་ཟླ་ལྟ་བུའི་སྒོམ་པ་ཉིན་མཚན་ཁ་སྦྱོར་སིང་བག་དང་བཅས་པ། ཐུགས་རྗེ་རིག་ཉམས་ཤར་གྲོལ་་ཐུག་ཕྲད་སྤྱོད་པའི་ངོ་བོ་ཆུ་དང་རླབས་སམ་སྦྲུལ་མདུད་ལྟར་རང་གྲོལ་བདེ་བའི་ངར་དང་བཅས་པ་སྐྱེ་དུས་དང༌། ཐ་མལ་གྱི་ཤེས་པ་རང་སོར་བཞག་་དུས་ལ་སོགས་པ་ཐམས་ཅད་ན། རིག་པའི་ཡེ་ཤེས་འབྲལ་མེད་དུ་གནས་པ་ཤེས་ཐོག་ནས་བསྐྱང་བ་ངོས་བཟུང་ལ་ལམ་དུ་ཁྱེར་བའོ། །རིག་པ་ལ་་དབྱེ་ན་ལྔ་ལས། མཚན་ཉིད་འཛིན་པའི་རིག་པ་ཞེས་རིག་པའི་ཆ་ནས་བཏགས་པ་མ་རིག་པ་ལས་ལྡོག་པ་དང༌། གཞི་འཛིན་པའི་རིག་པ་ལུས་ལ་གནས་དུས་ཤེས་པ་ཐམས་ཅད་ཀྱི་འཆར་གཞིར་གནས་པ་དང༌། གཞི་གནས་ཀྱི་རིག་པ་ངོ་བོ་རང་བཞིན་ཐུགས་རྗེ་གསུམ་དུ་དབྱེར་མེད་དུ་གནས་པའི་ཆ་དང༌། ལྷག་མཐོང་གི་རིག་པ་རྡོ་རྗེ་ལུ་གུ་རྒྱུད་འོད་སྣང་དང་བཅས་པའི་ཆ་ནས་དང༌། ཐོད་རྒལ་གྱི་རིག་པ་ཆོས་ཉིད་ཀྱི་ངང་ལ་ཕྱམ་གྱིས་སོང་དུས་སྤྲོས་བྲལ་ནམ་མཁའ་ལྟ་བུའོ། །རིག་པ་དེ་ཡང་ཟད་པའི་ཆ་ལ་བཏགས་ཏེ། དེ་ཐམས་ཅད་ཀྱང་གནས་སྐབས་ཀྱི་ཆའམ། ལྡོག་པ་ཐ་་དད་ནས་སོ་སོར་བཏགས་ཀྱང་དོན་ལ་ངོ་བོ་གཅིག་སྟེ། མུན་པ་སེལ་བས་སྣང་བྱེད་དང༌། པདྨོ་འབྱེད་པས་པདྨོའི་གཉེན་དང༌། རླུང་རྟ་བདུན་གྱིས་བསྐྱོད་པས་རྟ་བདུན་དབང་པོ་ལ་སོགས་པ་ཉི་མ་གཅིག་གི་ཆའམ་ལྡོག་པ་ནས་བཏགས་པ་བཞིན་ནོ། །མདོར་ན་རིག་པའི་གནས་སྙིང༌། ངོ་བོ་སྐུ་དང་་ཡེ་ཤེས་འདུ་འབྲལ་མེད་པ། རྩལ་སེམས་དང་འོད་གསལ་གྱི་སྣང་བ། ཡུལ་དག་དང་མ་དག་ཐམས་ཅད་ལ་ཁྱབ་པར་འཇུག་པ། གནས་ལུགས་་འཕོ་འགྱུར་བཟང་ངན་མེད་པས་འཁོར་འདས་ཀུན་ལ་ཁྱབ་པ། ཐབས་དུ་མས་མཚོན་ནས་ངོ་བོ་བཅོས་བསླད་མེད་པའི་དགོངས་པར་འཇོག་པ། འབྲས་བུ་རང་ངོ་ཡེ་དག་ལ་ཡང་དག་གི་དག་པ་གཉིས་ལྡན་མཐར་ཐུག་པ། གདོད་མའི་གྲོལ་ས་ལ་ཐུགས་པར་ཕྱིན་པ་སྟེ། ཡེ་སངས་རྒྱས་ལ་ཡང་སངས་རྒྱས་པའི་གནས་ལུགས་ཞེས་བྱ་བའི་དགོངས་པ་མཐའ་གྲོལ་ཀློང་ཡངས་ཆེན་པོར་ཤེས་པར་བྱའོ། །དེ་ལྟར་སྙིང་ཏིག་འོད་གསལ་སྙིང་པོའི་གནད། །བླ་མའི་ལུང་ལ་བརྟེན་ནས་བཀོད་པ་དེས། །འགྲོ་ཀུན་བྱང་ཆུབ་སྙིང་པོ་ལ་རེག་ནས། །སྐུ་དང་ཡེ་ཤེས་ལྷུན་གྱིས་གྲུབ་པར་ ཤོག །སྙིང་པོའི་འོད་གསལ་སྙིང་ཐིག་བསྒོམ་འདོད་ཀྱང༌། །འདི་འདྲའི་གནད་འདི་དེང་སང་མཐོང་བ་དཀོན། །དེ་བས་མྱུར་དུ་འོད་གསལ་འགྲུབ་འདོད་ན། ། ཡི་གེ་འདི་ཉིད་སྙིང་བཞིན་གཅེས་པར་ཟུངས། །གངས་རི་ཐོད་དཀར་ཨོ་རྒྱན་རྫོང་གནས་སུ། །རང་བཞིན་རྫོགས་པ་ཆེན་པོའི་རྣལ་འབྱོར་པ། །ཀློང་ཆེན་རབ་འབྱམས་བཟང་པོས་བཀོད་པ་སྟེ། །སྐལ་ལྡན་སྙིང་གི་བུ་རྣམས་དགའ་བར་མཛོད། །རྫོགས་པ་ཆེན་པོ་གསང་བ་སྙིང་ཏིག་གི་གདམས་པ། གནད་གསུམ་ཆོས་ཉིད་འཁོར་ལོ་ཞེས་བྱ་བ་ཐེག་པ་མཆོག་གི་རྣལ་འབྱོར་པ་ཀློང་ཆེན་རབ་འབྱམས་ཀྱིས་བཀོད་པ་རྫོགས་སོ། །དགེའོ། །དགེའོ། །དགེའོ།། །།

ཎམྱཊཎཌགྲཁྱཁྲཔྲཁྲདྲཁྱཁྲགྲདགྱམྱཨཀྱཎདཝགླདྲཎམྱཊཎཌགྲཁྱཁྲཔྲཁྲདྲཁྱཁྲགྲདགྱམྱཨཀྱཎདཝགླདྲ

[edit]

This page is a cleaned copy of the following rywikitexts page, which stay unchanged:

Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden.

Part of the Longchenpa Collected Works (about this project).