ལྟ་བ་ལ་ཤན་ཆེན་པོ་རིན་ཆེན་སྒྲོན་མ་རྩ་བའི་རྒྱུད།

།།རྒྱ་གར་སྐད་དུ། དྲིཉི་མ་ཧྭ་ནི་ཡ་མ་རཏྣ་དི་པ་མྱུ་ལ་ཏནྟྲ།

བོད་སྐད་དུ། ལྟ་བ་ལ་ཤན་ཆེན་པོ་རིན་ཆེན་སྒྲོན་མ་རྩ་བའི་རྒྱུད།

མིང་མེད་མཐའ་ལས་འདས་པའི་གསང་བདག་ཆེན་པོ་ལ་ཕྱགས་ཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། མ་བྱུང་མ་སྐྱེས་མཉམ་པ་ཆེན་པོ། ཆོས་དབྱིངས་རྒྱ་ཆད་ཕྱོགས་ལྷུང་[328.1]མེད་པ། རང་བཞིན་གྱི་མིང་ལས་འདས་པའི་གནས་ནས། སྙིང་པོ་རང་བྱུང་བློ་ལས་འདས་པའི་སྟོན་པ་གསང་བདག་ཆེན་པོ་ལ། རང་གི་བཞིན་གྱི་འཁོར་རྣམ་པ་གསུམ་གྱིས་བསྐོར་ནས། ཐོག་བར་ཐ་གསུམ་གྱི་[328.2]ཕྱོགས་རིས་དང་བྲལ་བའི་དུས་སུ། སྣང་ཚུལ་ཐམས་ཅད་བློ་འདས་སུ་སྟོན་པ། མིང་མེད་མཐའ་གྲོལ་གྱི་བསྟན་པ་འདི་བཀོད་དོ། །དེའི་ཚེ་འཁོར་གྱི་ནང་ནས་རང་གསལ་སེམས་དཔལ་རྡོ་རྗེས་སྟོན་པ་ལ་ཞུས་པ།[328.3]ཨེ་མ་སྟོན་པ་གསང་བའི་བདག་པོ་ཆེ། །མིང་མེད་མཐའ་གྲོལ་བློ་འདས་རང་ངོ་འདི། །མ་རྟོགས་གཉིས་འཛིན་གྲུབ་མཐས་བཅིངས་པ་རྣམས། །བློས་བཏགས་མཐར་འཛིན་རང་སར་གྲོལ་བའི་ཕྱིར། །རྒྱུ་དང་འབྲས་[328.4]བུའི་ཆོས་རྣམས་ལ་བཟླ་བའི། །ཁྱད་འཕགས་དོན་ཀྱི་རང་བཞིན་ཡང་ཏིག་གང་། །དེ་ཡིས་འཛིན་པའི་མཐའ་རྣམས་ཇི་ལྟར་གྲོལ། །ཞེས་ཞུས་སོ། །བལྟ་བ་ལ་ཤན་ཆེན་པོ་རིན་ཆེན་སྒྲོན་མ་རྩ་བའི་རྒྱུད་ལས། །གླེང་[328.5]གཞིའི་ལེའུ་སྟེ་དང་པོའོ།། །།དེ་ནས་སྟོན་པ་གསང་བའི་བདག་པོ་དེ། །ཆོས་ཐམས་ཅད་དབྱིངས་ལས་ཤར་ཏེ་དབྱིངས་སུ་རང་སར་གྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལ་རང་[328.6]གསལ་སེམས་དཔའ་རྡོ་རྗེས་ཞུས་པ། མ་བྱུང་མ་སྐྱེས་ཐོག་མའི་སྔོན་རོལ་ན། །མིང་མེད་དོན་གྱི་དངོས་གཞི་ཇི་ལྟ་བུ། །ཞེས་ཞུས་པས། གསང་བདག་་ན་པ་ཆེན་པོ་དེས་ཏིང་ངེ་འཛིན་དེ་ལས་བཞེངས་ཏེ་བཀའ་[329.1]སྩལ་པ། །མ་བྱུང་མ་སྐྱེས་ཐོག་མའི་སྔོན་རོལ་ནས། །སེམས་ཉིད་གཏིང་ཡངས་དོན་གྱི་གནས་ལུགས་ནི། །མིང་མེད་ཤེས་མེད་རྟོག་མེད་ཀུན་འབྱུང་མཛོད། །མཐའ་སྟོངས་སྙིང་པོ་དོན་གྱི་རང་བཞིན་[329.2]ལ། །མ་རིག་ཡེ་ཤེས་འཁྲུལ་དང་མ་འཁྲུལ་མེད། །སྟོང་ལས་ཀུན་འབྱུང་འཁྲུལ་རྟོག་སྣ་ཚོགས་དང་། །བྱུང་སར་རང་གྲོལ་རང་སྣང་ཡེ་ཤེས་ཡིན། །སྙིང་པོ་གཞི་ཡི་ངང་དུ་དབྱེ་བསལ་མེད། །ངོ་བོ་ཀུན་བྲལ་ཐོག་[329.3]མཐའ་དགེ་སྡིག་དང་། །མཐའ་དབུས་ཕྱོགས་རིས་བླང་དོར་མིང་ལང་མེད། །ཇི་བཞིན་ཅང་མེད་དབྱིངས་ལས་མ་གཡོས་ཀྱང་། །འོན་ཀྱང་རང་བཞིན་ཇི་ལྟར་གསལ་བར་སྣང་། །ཆོས་ཀུན་རྩ་བ་དངོས་མེད་བྱང་ཆུབ་[329.4]སེམས། །མེད་ལས་མི་ཟད་འབྱུང་བའི་མཛོད་ཆེན་པོ། །རང་བཞིན་ཡེ་ནས་མ་བཅོས་གཏིང་མཐའ་ཡས ངོ་བོ་ཅི་ཡང་མ་ཡིན་བློ་ལས་འདས། །མཚན་ཉིད་ཐ་དད་བསམ་ཡས་ཅིར་ཡང་སྣང་། །གནས་ལུགས་[329.5]གཏིང་ཡངས་དོན་གྱི་ངོ་བོ་ལ། །ཆོས་ཅན་ཆོས་ཉིད་མི་ཕྱེད་མཉམ་པ་ཉིད། །བདེན་རྫུན་འཁྲུལ་མཐའ་རང་གྲོལ་ཞེ་འདོད་མེད། །གསལ་དག་ཟང་ཐལ་རིན་ཆེན་སྒྲོན་མ་འདི། །ངོ་བོ་ཅིར་ཡང་མ་གྲུབ་ནམ་མཁའ་[329.6]བཞིན། །རྒྱུ་ལས་མ་བྱུང་ནམ་ཡང་སྐྱེ་མི་འགྱུར། །སངས་རྒྱས་སེམས་ཅན་དབྱེར་མེད་ངོ་བོ་གཅིག །གཅིག་པོ་བསྟན་དུ་མེད་པའི་སྙིང་པོ་ངོ་བོ་ཉིད། །སྣང་སྟོང་རྟག་དང་ཆད་པའི་མཐའ་ལས་གྲོལ། །སྤང་བྱ་གཉེན་པོ་[330.1]བླང་དོར་དམིགས་འཛིན་བྲལ། །རིགས་དྲུག་སེམས་ཅན་འཁྲུལ་པའི་རྟོག་པ་དང་། །དུས་གསུམ་རྒྱལ་བའི་ཡེ་ཤེས་དགོངས་པ་གཉིས། །སྙིང་པོ་མིང་མེད་དོན་གྱི་ངོ་བོ་མཉམ། །མཉམ་དང་མི་མཉམ་ཉིད་ཀྱང་མཚོན་[330.2]བརྗོད་མེད། །མཚོན་བརྗོད་ཡོད་མེད་ཉིད་ཀྱང་གཏིང་མཐའ་གྲོལ། །མ་བྱུང་མ་སྐྱེས་རང་བཞིན་བར་དོ་ན། །སེམས་ཉིད་ངོ་བོ་མཁའ་དང་འཇའ་ལྟར་གནས། །ཇི་བཞིན་མ་བསླད་སྙིང་པོ་ཀུན་གྱི་གཞི། །མ་ཕྱེད་མི་[330.3]ཕྱེད་འགྲོ་འོང་མེད་པའི་གནས། ཁྲེས་འགྱུ་མྱོང་རིག་མེད་པའི་དངོས་གཞི་ཅན། །མ་བྱུང་མ་བཙལ་དམིགས་མེད་དངོས་པོ་མེད། །བྱར་མེད་ཆགས་པ་མེད་པ་བདེ་བའི་ངང་། །འགྱུར་མེད་རང་གནས་ཀློང་ཡངས་[330.4]ཚིག་ལས་འདས། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། གནས་ལུགས་གཏན་ལ་ཕབ་པའི་ལེའུ་སྟེ་གཉིསཔའོ།། །།དེ་ནས་རང་གསལ་སེམས་དཔའ་རྡོ་རྗེ་དེས། བློ་འདས་གསང་བདག་སྟོན་[330.5]པ་ལ་ཞུས་པ། །གནས་ལུགས་རང་བཞིན་དེ་ལྟར་གནས་པ་ལ། །འགྲོ་དྲུག་སེམས་ཅན་འདི་དག་ཇི་ལྟར་འཁྲུལ། །འཁྲུལ་པའི་ངོ་བོ་གང་ཡིན་འཁྲུལ་ཚུལ་གང་། །དེ་ཡི་ཉེས་པ་གང་ལགས་བཀའ་སྩོལ་ཅིག །ཅེས་[330.6]ཞུས་པས། གསང་བདག་དོན་གྱི་སྟོན་པས་བཀའ་སྩལ་པ། །གནས་ལུགས་མཉམ་པའི་ངང་ལས་འཁྲུལ་ཚུལ་ནི། །སྟོང་པའི་ངང་ལས་འགྱུ་བ་རླུང་གཡོས་པས། །དེ་ལས་རིག་པ་རང་སར་ཤར་བ་ལས། །ཡིན་ནམ་མ་[331.1]ཡིན་སྙམ་པ་ཡིད་དུ་མྱོངས། །སྙམས་བྱེད་འདོད་པས་སེམས་སུ་གསལ་བར་འགྱུས། །གསལ་བ་ཁ་དོག་ལྔ་རུ་སྣང་བ་ལ། །འོད་ཀྱི་དངོས་པོ་དེ་ཡིས་རྐྱེན་བྱས་ནས། །མེད་ལས་ཡོད་བྱུང་རིགས་དྲུག་[331.2]སེམས་ཅན་རྣམས། །སྙིང་པོ་མིང་མེད་རང་ངོ་མ་ཤེས་འཁྲུལ། །དཔེར་ན་དམུས་ལོང་མདུན་ན་གཟུགས་སྣང་འདྲ། །མེད་པར་ཡོད་སྣང་དུང་ལ་སེར་པོ་བཞིན། །ཀུན་གཞིའི་རྣམ་པར་ཤེས་པས་གཞི་བྱས་[331.3]ནས། །ཚོགས་བདུན་ཤེས་པའི་རྩལ་གྱིས་རང་མ་ཤེས། །དཔེར་ན་རྒན་མོ་ལོང་བའི་མིག་དང་འདྲ། །རྩལ་དང་རང་ངོ་རང་གིས་མ་ཤེས་པས། །གཞི་ལ་འཁྲུལ་དུས་ལྷན་ཅིག་སྐྱེས་པ་ལས། །ལྷན་ཅིག་སྐྱེས་པའི་མ་[331.4]རིག་པ་ཞེས་བྱ། །དེ་ནས་ང་བདག་གཟུང་འཛིན་ཕྱི་ནང་ཟུང་། །ཤིང་གི་སྲིན་བཞིན་ཁམས་གསུམ་སྡུག་བསྔལ་མྱངས། །རང་ངོ་རང་གི་མ་ཤེས་བསྒྲིབས་པས་བྱུང། །རང་ལས་གཞན་དུ་བཙལ་པས་གོལ་བར་[331.5]ལྷུང་། །རྩོལ་བསྒྲུབ་གཉིས་འཛིན་རྒྱས་པས་འཁྲུལ་པ་བརྟས། །རྣམ་རྟོག་བཏགས་ཆགས་གཟུགས་གཞན་གོལ་བ་དང་། །གདེང་མེད་ཚིག་ལ་འབྱམས་པས་གོལ་བ་དང་། །གྲུབ་མཐའི་ལྟ་བ་བཟུང་བས་གོལ་བ་[331.6]དང་། །སྤངས་བླངས་སྤྱོད་པ་བྱས་པས་གོལ་བ་དང་། །བསྒོམ་ཆགས་ཉམས་ལ་ཞེན་པས་གོལ་བ་དང་། །བློས་བྱས་འབྲས་བུ་བསྒྲུབས་པས་གོལ་བ་ཡིས། །སྙིང་པོ་མིང་མེད་མཐའ་སྟོང་རྟོགས་པ་མིན། །འཇིག་རྟེན་[332.1]རྒྱུ་འབྲས་རྩོལ་བ་མཐར་འབྱིན་པས། །ཡང་དག་སྙིང་པོ་མིང་མེད་རྒྱང་དུ་འཕར། །ཅང་མེད་ཅིར་ཡང་སྣང་བའི་རྐྱེན་བྱས་ནས། །རང་རང་འདོད་པའི་དོན་ལ་ཞེན་པ་ཡིས། །ཡང་དག་དོན་ལས་འཁྲུལ་པས་རྟོགས་[332.2]པར་བཟུང་། །ཀུན་ཏུ་བརྟགས་པའི་མ་རིག་པ་ཞེས་བྱ། །ལོག་རྟོགས་ཁམས་གསུམ་སེམས་ཅན་ཐམས་ཅད་ནི། །དུས་གསུམ་གཉིས་འཛིན་ནད་ཀྱིས་རབ་གཟིར་ནས། །ཡུན་རིང་འཁོར་བའི་གནས་སུ་སྡུག་བསྔལ་[332.3]མྱངས། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། སེམས་ཅན་གྱི་འཁྲུལ་ཚུལ་བསྟན་པའི་ལེའུ་སྟེ་གསུམ་པའོ།། །།དེ་ནས་རང་གསལ་སེམས་དཔའ་རྡོ་རྗེ་དེས། །བློ་འདས་གསང་བདག་སྟོན་པ་[332.4]ལ་ཞུས་པ། །དེ་ལྟར་མ་རིག་འཁོར་བའི་སེམས་ཅན་རྣམས། །འཁྲུལ་ཚུལ་འཁོར་བའི་ཉེས་པ་དེ་ལྟར་ན། །ཡང་དག་སངས་རྒྱས་ངོ་བོ་འབྱུང་ཚུལ་གང་། །ཞེས་གསོལ་པས། བློ་འདས་གསང་བདག་སྟོན་པས་བཀའ་[332.5]སྩལ་པ། །མ་བྱུང་མ་སྐྱེས་ཐོག་མའི་སྔོན་རོལ་ན། །མིང་མེད་མཉམ་ཉིད་ཕྱོགས་ལྷུང་མེད་པ་ལས། །རྩལ་གྱི་ཡན་ལག་རྟོགས་པའི་ཟེར་འཕྲོས་ཀྱང་། །འཕྲོ་ས་མ་རྙེད་གཞི་ཡི་ཀློང་དུ་ཐིམ། །གཞི་ཉིད་ངོ་ཤེས་རྟོག་[332.6]པའི་གདངས་ལྡན་པས། །སྔོན་ཐོག་གཞི་ཡི་སངས་རྒྱས་ཞེས་བྱའོ། །དཔེར་ན་ག་པུར་གཞི་ལ་གཉིས་མེད་ཀྱང་། །ཚ་གྲང་རྐྱེན་གྱི་སྨན་དུག་གཉིས་སུ་སྣང་། །གྲང་བའི་དུག་ཏུ་ངོ་ཤེས་ཟ་མི་སྲིད། །དེ་བཞིན་གཞི་ཡི་[333.1]ངང་ལས་ཀུན་འབྱུང་བས། །རྟོགས་མ་རྟོགས་ཀྱས་འཁོར་འདས་གཉས་སྣང་ཡང་། །མ་རྟོགས་འཁོར་བ་རྟོགས་པས་གཞ་ཤེས་ནས། །རྟོགས་པའ་གདེངས་ལྡན་འཁོར་བར་འཁྲུལ་ ་སྲད། །དེས་ན་སྦྱ་[333.2]གཞི་རྒྱ་ཆད་མེད་ན་ཡང་། །དེ་ཉིད་ངོ་ཤེས་སངས་རྒྱས་ཞེས་བྱ་སྟེ། །མ་བུ་དབྱེར་མེད་ཡེ་སངས་རྒྱས་པའོ། །དེ་ལས་སྣང་བ་གསུམ་གྱི་དཀྱིལ་འཁོར་ནས། །རྩལ་ཟེར་བསྟན་པ་གསུམ་གྱི་སྐུར་སྣང་བས། །འདོད་པའི་[333.3]འབྲས་བུ་འཆར་གཞི་འདི་བསྟན་ཏོ། །གསལ་བྱེད་མིང་མེད་རིན་ཆེན་སྒྲོན་མ་འདི། །སྣང་ཚུལ་སྐུ་གསུམ་འགྲོ་བ་ཀུན་དོན་དུ། །འཛད་པ་མེད་པའི་ཐུགས་རྗེ་ཆེན་པོར་སྣང་། །ཞེས་གསུངས་སོ། །རིན་ཆེན་སྒྲོན་མ་རྩ་[333.4]བའི་རྒྱུད་ལས། སངས་རྒྱས་ཀྱི་འབྱུང་ཚུལ་གཏན་ལ་འབེབས་པའི་ལེའུ་སྟེ་བཞི་པའོ།། །།དེ་ནས་སེམས་དཔའ་རྡོ་རྗེས་ཡང་ཞུས་པ། །སྐུ་གསུམ་རྒྱུ་དང་རང་བཞིན་མཚན་ཉིད་དང་། །གཞི་དང་གནས་དང་[333.5]གདུལ་བྱའི་ཞིང་ཁམས་དང་། །བསྟན་པ་གསུང་ཚུལ་བརྒྱུད་པ་དགོས་ཆེད་གང་། །ཞེས་ཞུས་པས། བློ་འདས་གསང་བདག་སྟོན་པས་བཀའ་སྩལ་པ། །ཆོས་སྐུའི་རྒྱུ་ནི་ཀུན་གཞིའི་རྣམ་ཤེས་ཏེ། །ལོངས་སྐུ་ཡིད་ཀྱི་[333.6]རྣམ་པར་ཤེས་ལས་བྱུང་། །སྤྲུལ་སྐུ་སྒོ་ལྔའི་རྣམ་ཤེས་དེ་ལས་སོ། །ཆོས་སྐུའི་རང་བཞིན་སྙིང་པོ་སྐྱེ་བ་མེད། །ལོངས་སྐུའི་རང་བཞིན་འགག་མེད་གཡོ་བ་མེད། །སྤྲུལ་སྐུ་གཉིས་མེད་རྒྱུན་པར་བཞུགས་པའོ། །ཆོས་[334.1]སྐུའ་མཚན་ཉད་ནམ་མཁའ་ལྟ་བུ་ལ། །ལོངས་སྐུ་སྤྲུལ་སྐུ་འཇའ་མཚོན་ཆུ་ཟླ་འདྲ། །ཆོས་སྐུའ་གནས་ན་དབྱངས་ཉད་རྣམ་པར་དག །ལོངས་སྐུ་འོག་ ན་སྤྲུལ་སྐུ་འཛམ་གླང་ཀུན། །ཆོས་སྐུའ་ག ་ན་སྟོང་ཉད་ཡེ་[334.2]ཤེས་ལ། །ལོངས་སྐུའི་གཞི་ནི་མཉམ་ཉིད་ཡེ་ཤེས་ཏེ། །སོ་སོར་རྟོག་དང་ནན་ཏན་སྤྲུལ་སྐུའི་གཞི། །ཆོས་སྐུའི་གདུལ་བྱ་སྐུ་གསུང་ཐུགས་སྤྲུལ་ལ། །རང་རྒྱུད་འབྲེལ་པའི་འཁོར་རྣམས་འདུལ་བར་བྱེད། །ལོངས་སྐུའི་[334.3]གདུལ་བྱ་ཕྱི་ནང་གསང་གསུམ་ལ། །དོན་གྱིས་གཅིག་པའི་འཁོར་རྣམས་འདུལ་བར་བྱེད། །སྤྲུལ་སྐུ་ཕྱི་འཁོར་ནང་འཁོར་གསུམ་ལས་ནི། །འདོད་པས་འདུས་པའི་འཁོར་རྣམས་འདུལ་བར་བྱེད། །ཆོས་སྐུའི་ཞིང་[334.4]ཁམས་ནམ་མཁའི་མཐས་གཏུགས་པ། །ལོངས་སྐུའི་ཞིང་ཁམས་འོག་མིན་གནས་ཐམས་ཅད། །འཛམ་གླིང་བྱེ་བ་ཕྲག་བརྒྱར་སྤྲུལ་སྐུའོ། །ཆོས་སྐུའི་བསྟན་པ་བསྐྱེད་རྫོགས་རྣམ་གསུམ་སྟེ། །ལོངས་སྐུའི་བསྟན་པ་ཕྱི་[334.5]རྒྱུད་སྡེ་གསུམ་ཡིན། །སྤྲུལ་སྐུའི་བསྟན་པ་མཚན་ཉིད་རྣམ་གསུམ་མོ། །ཆོས་སྐུས་བྱིན་རླབས་ལོངས་སྐུའི་ངོ་བོས་བཤད། །སྤྲུལ་སྐུས་ཚིག་གི་སྡེབས་ཀྱིས་འཆད་པར་བྱེད། །ཆོས་སྐུས་དགོངས་པ་ལོངས་སྐུའི་རིག་[334.6]པས་བརྒྱུད། །སྤྲུལ་སྐུས་རྣ་བ་ནས་ནི་རྣ་བར་རོ། །སྟོན་པ་སྐུ་གསུམ་བསྟན་པའི་དགོས་པ་ནི། །གདུལ་བྱ་དབང་པོ་རབ་འབྲིང་གསུམ་འདུལ་བའོ། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། སྐུ་གསུམ་[335.1]གཏན་ལ་འབེབས་པའི་ལེའུ་སྟེ་ལྔ་པའོ།། །།རང་གསལ་རྡོ་རྗེ་སེམས་དཔས་ཡང་ཞུས་པ། །མིང་མེད་མཐའ་འདས་སྟོན་པ་གསང་བའི་བདག །ཡང་ཏི་ལ་ཤན་རིན་ཆེན་སྒྲོན་མ་འདི། །སྐུ་གསུམ་[335.2]བསྟན་པ་གསུམ་གྱིས་གསུངས་མ་གསུངས། །གསུང་ན་ཐེག་པའི་ཆོས་དང་ཁྱད་པར་གང་། །མ་གསུངས་སྟོན་པས་བསྟན་པ་གང་ཅི་ཞག །ཅེས་ཞུས་པ་དང་། བློ་འདས་གསང་བདག་སྟོན་པས་བཀའ་སྩལ་[335.3]པ། །མ་གཡོས་མཉམ་ཉིད་མིང་མེད་བློ་འདས་ལས། ཀུན་འབྱུང་རིམ་བརྒྱུད་འཁོར་ལོ་གསུམ་རིམ་གྱིས། །གསལ་བའི་རྣམ་པ་གཅིག་ཏུ་ཤར་ནས་ནི། །གསལ་བའི་འོད་ལས་ཁ་དོག་རྣམ་པ་ལྔ། །མེད་ལས་ཡོད་པར་[335.4]བཟུང་བས་རིགས་དྲུག་བྱུང་། །མི་ཟད་གཏེར་མཛོད་ཀུན་འབྱུང་རིན་པོ་ཆེ། །སྐུ་ཡི་ཀློང་ནས་རང་བཞིན་སྣང་བ་གསུམ། །སྟོན་པ་རྣམ་གསུམ་ངོ་བོར་ཤར་ནས་ནི། །མོས་པ་ཐ་དད་ཐུགས་རྗེས་དྲང་བའི་ཕྱིར། །ཐབས་[335.5]ཀྱི་བྱེ་བྲག་ཐ་དད་བསམ་ཡས་པ། །རྒྱུ་འབྲས་རིམ་དགུས་བསྡུས་པའི་ཆོས་རྣམས་ནི། །སྣང་ཚུལ་སྟོན་པ་སྐུ་གསུམ་རང་བྱུང་ནས། །སྙིང་པོ་རྟོགས་པར་བྱེད་པའི་ཐབས་སུ་བསྟན། །མིང་མེད་བློ་འདས་གྲུབ་པའི་[335.6]མཐའ་བརླག་པའི། །སྙིང་པོ་ངེས་དོན་བླ་མེད་ཡང་ཏི་འདི། །སྐུ་གསུམ་སྟོན་པའི་བསྟན་པ་མ་ཡིན་ཏེ། །བློ་ཆོས་མཚན་མས་གྲོལ་བར་མི་སྟོན་པས། །ཆོས་འདས་ལ་བཟླ་ཆེན་པོར་ང་ཡིས་བཤད། །སྐུ་གསུམ་སྟོན་[336.1]པའི་བསྟན་པར་བཅས་པ་ཅན། །མིང་མེད་གཏིང་མཐའ་ཡས་ལ་མུ་མཐའ་གྲོལ། །གྲུབ་མཐའི་འདོད་པ་གྲོལ་བས་ཁྱད་པར་འཕགས། །དགག་བསྒྲུབ་གཉིས་འཛིན་མཐའ་སྟོང་ངོ་མཚར་ཆེ། །མཚོན་བརྗོད་བློ་ཡི་[336.2]ཡུལ་དུ་མ་གྱུར་ཀྱང་། །ཚིག་གི་སྒྲོན་མས་བློ་ལྡན་རྣམས་ལ་བསྟན། །ཅེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། ཆོས་དང་ཐེག་པ་ལས་འདས་པར་ལ་བཟླ་བའི་ལེའུ་སྟེ་དྲུག་པའོ།། །།དེ་ནས་རང་[336.3]གསལ་རྡོ་རྗེ་སེམས་དཔའ་དེས། །གསང་བ་དོན་གྱི་སྟོན་པ་ལ་ཞུས་པ། །ཐེག་པའི་ཆོས་རྣམས་ལ་བཟླ་ཤན་དབྱེའི་ཕྱིར། །ཀུན་བརྟགས་རིམ་དགུའི་འདོད་པ་ཇི་ལྟ་བུ། །དེ་ལས་ཡང་ཏི་ཁྱད་པར་གང་གིས་[336.4]འཕགས། །ཞེས་ཞུས་པས། བློ་འདས་སྟོན་པས་འཁོར་ལ་བཀའ་སྩལ་པ། །ཐེག་པ་རྣམས་ཀྱི་འདོད་པ་དུ་མ་རྣམས། །བློ་ཡི་སྤྲོས་པས་བཅད་ཕྱིར་བསྟན་པར་བྱ། །ཉན་ཐོས་རང་རྒྱལ་བྱང་ཆུབ་སེམས་དཔའ་[336.5]གསུམ། །བདེན་བཞི་རྟེན་འབྲེལ་བདེན་གཉིས་སྒོ་ནས་འཇུག །ཀྲི་ཡ་ཨུ་པ་ཡ་དང་ཡོ་ག་གསུམ། །དག་པ་གསུམ་དང་ཕྱག་རྒྱ་བཞི་ནས་འཇུག །ནང་པ་བསྐྱེད་རྫོགས་གསུམ་གྱི་འཇུག་སྒོ་ནི། །ཏིང་འཛིན་དབྱིངས་[336.6]དང་ཡེ་ཤེས་བཀའ་ཚོགས་བཞི། །དེ་ལྟར་ཐེག་པའི་རིམ་པ་འདོད་པ་ལྟར། །ཆེད་དུ་འཇུག་པའི་མིང་མེད་མུ་མཐའ་སྟོངས། །འཇུག་སྒོ་མི་དམིགས་མིང་མེད་མུ་མཐའ་སྟོངས། །དེ་ལྟར་གཉིས་ཀ་མིང་མེད་མུ་མཐའ་[337.1]སྟོངས། །གཉིས་མེད་ཉིད་ཀྱང་མིང་མེད་མུ་མཐའ་སྟོངས། །ཉན་ཐོས་རང་རྒྱལ་ཉིས་བརྒྱ་ལྔ་བཅུ་བསྲུང་། །བྱང་ཆུབ་སེམས་དཔའི་སྡོམ་པ་ཉི་ཤུ་སྟེ། །ཀྲི་ཡས་རྩ་བ་ཡན་ལག་ཉིས་སྡོམ་བརྒྱད། །ཡོ་[337.2]གས་རྩ་བ་ཡན་ལག་ཉིས་སྡོམ་བཅུ། །རྣལ་འབྱོར་ཆེན་པོས་ཉིས་སྡོམ་ཉི་ཤུ་བརྒྱད། །ཨ་ནུས་དམིགས་པ་བཞི་ཡི་དམ་ཚིག་བསྲུང་། །ཨ་ཏིས་དོན་གྱི་དམ་ཚིག་རྣམ་བཞི་བསྲུང་། །དེ་ལྟར་རིམ་པར་བསྟན་པ་ཐམས་[337.3]ཅད་ནི། །བསྲུང་བྱ་སྲུང་བྱེད་བདག་འཛིན་མ་ལོགས་པས། ་བདྲུ་ང་ཉམས་རྟོག་པའི་ནད་ཀྱིས་ཚིག་པར་འགྱུར། །ཡང་ཏི་རྒྱུད་ཆེན་རིན་ཆེན་སྒྲོན་མ་འདི། །དེ་ལྟ་བསྲུང་བ་ཆེད་དུ་མི་འགེག་སྟེ། །ཆེད་དུ་བསྲུང་བ་[337.4]བསྒྲུབ་པ་མི་བྱེད་པས། །དགག་བསྒྲུབ་གཉིས་མེད་མཐའ་སྟོང་སྙིང་པོ་ལ། །གཉིས་མེད་ཉིད་ཀྱང་མིང་མེད་མུ་མཐའ་སྟོངས། །སྤྱོད་པ་ཉན་ཐོས་རང་རྒྱལ་བྱང་སེམས་གསུམ། །ཡོན་ཏན་བཅུ་གཉིས་རྫུ་འཕྲུལ་ཡ་མ་[337.5]ཟུང་། །ཕ་རོལ་ཕྱིན་དྲུག་གཞན་གྱི་དོན་དུ་སྤྱོད། །ཀྲི་ཡ་ཨུ་པ་ཡ་དང་ཡོ་ག་གསུམ། །གཙང་སྦྲ་ཕྲིན་ལས་བཞི་དང་ཆོ་འཕྲུལ་བཞི། །མ་ཧྭ་ཨ་ནུ་ཨ་ཏི་ནང་པ་གསུམ། །སྦྱོར་སྒྲོལ་རྫོགས་ལོངས་མ་བཅོས་ངང་[337.6]ལ་སྤྱོད། །དེ་ལྟར་རིམ་པར་སྤྱོད་པའི་རྣམ་གྲངས་རྣམས། །མ་རྟོགས་བློ་ཅན་དྲང་བའི་དོན་དུ་བསྟན། །མིང་མེད་མ་རྟོགས་ཇི་ལྟར་སྤྱད་ཀྱང་འཆིང་། །རྩོལ་བསྒྲུབ་བླང་དོར་ནད་ཀྱིས་རང་ཚི་ཆད། །ཡང་ཏི་ལ་ཤན་[338.1]རིན་ཆེན་སྒྲོལ་མ་འདི། །དེ་ལྟར་སྤྱོད་པའི་མིང་མེད་མུ་མཐའ་སྟོངས། །སྤྱོད་པ་འགག་པའི་མིང་མེད་མུ་མཐའ་སྟོངས། །དགག་བསྒྲུབ་གཉིས་ཀའི་མིང་མེད་མུ་མཐའ་སྟོངས། །གཉིས་མེད་ཉིད་ཀྱང་མིང་མེད་མུ་མཐའ་[338.2]སྟོངས། །སྒོམ་པ་ཉན་ཐོས་རང་རྒྱལ་བྱང་སེམས་གསུམ། །ཀེང་རུས་ཚོལ་བའི་དབང་པོའི་སྒོ་འགེགས་པ། །རྟེན་འབྲེལ་ལུགས་འབྱུང་ལུགས་ལས་བཟློག་པ་དང་། །མཉམ་གཞག་རྗེས་ཐོབ་རྟོག་བཅས་རྟོག་མེད་[338.3]བསྒོམ། །གསང་སྔགས་ཕྱི་པ་ཀྲི་ཨུ་ཡོ་ག་གསུམ། །ཡན་ལག་བཅུ་གཅིག་བྱང་ཆུབ་ལྔ་རིམ་གྱིས། །རིགས་གསུམ་རིགས་བཞི་རིགས་ལྔའི་དཀྱིལ་འཁོར་བསྒོམ། །ནང་པ་མ་ཧྭ་ཨ་ནུ་ཨ་ཏི་གསུམ། །མ་ཧྭས་ཕུང་པོ་[338.4]ཁམས་དང་སྐྱེ་མཆེད་རྣམས། །ལྷ་དང་ལྷ་མོའི་དལ་དུ་སྒོམ་པར་བྱེད། །ཨ་ནུས་ཆོ་ག་ཡན་ལག་རྣམ་གསུམ་གྱིས། །དམ་ཚིག་ཡེ་ཤེས་གཉིས་མེད་སྒོམ་པར་བྱེད། །ཨ་ཏིས་བསྒོམ་དུ་ཡོད་མེད་རྣམ་པ་གཉིས། །བསྒོམ་[338.5]ཡོད་འགྲོ་བ་གསུམ་གྱི་ལམ་བསྡོམས་ཤིང་། །སྐྱོན་ཅན་རྣམ་པ་གསུམ་གྱི་འཕྲང་བསལ་ནས། །དྲན་རྟོག་ཀུན་བྲལ་ལྟ་བའི་ངང་ལ་འཇོག །བསྒོམ་མེད་འཁོར་འདས་གཉིས་མེད་ཆོས་རྣམས་ཀུན། །རང་བྱུང་ཡེ་ཤེས་[338.6]ཆོས་ཉིད་རང་ཡིན་པས། །དེ་ལ་བསྒོམ་བྱ་སྒོམ་བྱེད་གཉིས་མེད་དོ། །ཅི་ཡང་བསྒོམ་དུ་མེད་པར་རྫོགས་པར་འདོད། །སྙིང་པོ་ངེས་དོན་བླ་མེད་ཡང་ཏི་འདིར། །གཉིས་འཛིན་བློས་བྱས་བསྒོམ་པ་ངས་མ་[339.1]བསྟན། །བསྒོམ་ཡོད་བསྒོམ་མེད་གང་ཡང་བློ་རྟོག་སྟེ། །བསྒོམ་པའ་ ང་དུ་བཏགས་པས་བཅངས་པ་ཡན། །ཅང་མེད་མ་ཡན་ཀློང་དུ་ཅར་སྣང་ །ཡན་ལག་བུ་དང་ཆོས་ཉད་ངོ་སྤྲོད་ད། །འགྱུ་མེད་[339.2]ངང་དུ་རང་ཉིད་རང་ཐིམ་པས། །མ་བསྒོམས་དྲན་བསམ་སྐྱེ་མེད་སྙིང་པོའི་དོན། །གང་ཡང་རང་གྲོལ་འཛིན་བྲལ་ངོ་བོ་ཉིད། །ཆགས་བྲལ་མུ་མེད་གཏིང་ཡངས་སྙིང་པོ་འདི། །རྩོལ་བསྒྲུབ་གཉིས་འཛིན་བློ་ཡིས་[339.3]རྟོགས་མི་འགྱུར། །ཤེས་མེད་གསལ་བའི་ངོ་བོར་འཁྲུལ་སྣང་དག །ཡིད་གཉིས་མཐའ་སྟོང་བརྗོད་མེད་གསུང་གིས་ནི། །བློ་འདས་གཏིང་ཡངས་གསང་བདག་དགོངས་པ་སྟོན། །སྙིང་པོ་མཐའ་སྟོངས་རིན་ཆེན་སྒྲོན་[339.4]མ་འདིར། །བསྒོམ་ཡོད་བསྒོམ་མེད་མི་འདོད་མུ་མཐའ་སྟོངས། །གཉིས་ཀ་ཆེད་དུ་མི་འགག་མུ་མཐའ་སྟོངས། །དགག་བསྒྲུབ་གཉིས་མེད་མི་བསྒྲུབ་མུ་མཐའ་སྟོངས། །སྟོངས་དང་མི་སྟོངས་མིང་མེད་མུ་མཐའ་[339.5]སྟོངས། །ལྟ་བ་ཐེག་པ་ཆུང་ངུ་ཉན་ཐོས་པས། །ཕྱི་ཡི་ཡུལ་དང་སེམས་ཉིད་སྣང་བ་ལ། །སེམས་ནི་བདག་མེད་ཡུལ་ནི་ཕྲ་རགས་རྡུལ། །རང་རྒྱལ་ཡུལ་གྱི་རྒྱུ་ནི་སྣང་བ་ལ། །སེམས་ནི་རྣམ་པར་རིག་བྱེད་མ་ཡིན་[339.6]ནོ། །སེམས་ཙམ་ཡུལ་གྱི་རྣམ་པ་སེམས་ཡིན་ཞིང་། །སེམས་ཀྱི་ངོ་བོ་རང་རིག་རང་གསལ་འདོད། །ཡུལ་གྱི་རྣམ་པ་ཅིར་སྣང་བརྫུན་པ་ལ། །སེམས་ནི་རིག་པའི་ངོ་བོ་བདེན་པར་འདོད། །དབུ་མས་བདེན་པ་གཉིས་[340.1]སུ་ཕྱེ་ནས་ན། །ཡུལ་ན་ཀུན་རྫོབ་འཁྲུལ་པའ་སྣང་བ་ལ། །སེམས་ན་དོན་དམ་སྤྲོས་དང་བྲལ་བར་བལྟ། ། ་ཡས་ཀུན་རྫོབ་སྣང་བ་ གས་གསུམ་ལྷ། །དོན་དམ་དག་པའ་ཆོས་ཉད་དུ་བལྟའོ། །ཨུ་པས་རགས་བ ་[340.2]དལ་དང་སྐྱེ་འགག་མེད། །ཡོ་གས་རིགས་ལྔ་སྐྱེ་འགག་གཉིས་མེད་ལྟ། །མ་ཧྭས་སྣང་སྟོང་ཐབས་ཤེས་གཉིས་མེད་ལ། །ཨ་ནུས་རྒྱུ་འབྲས་དབྱིངས་དང་ཡེ་ཤེས་ལྷ། །ཨ་ཏིས་ཀ་དག་ལྷུན་གྲུབ་ངེས་མེད་ལྟ། །མིང་[340.3]མེད་གཏིང་མཐའ་ཡས་པའི་ངོ་བོ་ལ། །དེ་ལྟར་ལྟ་བར་མིང་དུ་བཏགས་པས་ནོར། །ལྟ་བ་མ་སྐྱེས་ལྟ་བ་མ་འགགས་ཏེ། །ལྟ་བ་གཉིས་མེད་ལྟ་བ་རང་སར་གྲོལ། །ང་ཡི་ཡང་ཏི་རིན་ཆེན་སྒྲོན་མ་འདིར། །ཐེག་དགུའི་[340.4]ལྟ་བ་མི་བསྒྲུབ་མུ་མཐའ་སྟོངས། །ལྟ་བ་ཆེད་དུ་མི་འགེག་མུ་མཐའ་སྟོངས། །དགག་བསྒྲུབ་གཉིས་སུ་མིང་མེད་མུ་མཐའ་སྟོངས། །གཉིས་མེད་མཐའ་གྲོལ་མིང་མེད་མུ་མཐའ་སྟོངས། །འབྲས་བུ་མཚན་ཉིད་[340.5]སྡེ་གསུམ་ཐེག་པ་ཡིས། །དགྲ་བཅོམ་བསེ་རུ་སྐུ་གཞི་ཐོབ་པར་འདོད། །ཕྱི་པའི་སྔགས་ཀྱིས་ལོངས་སྐུ་ཞི་བའི་སྐུ། །མ་ཧྭས་སྐུ་ལྔ་ཡེ་ཤེས་ལྔ་བསྒྲུབ་ཅིང་། །ཨ་ནུ་དབྱིངས་གཅིག་ཡེ་ཤེས་གཅིག་བསྒྲུབ་དང་། །ཨ་[340.6]ཏིས་སྐུ་གཅིག་ཡེ་ཤེས་གཅིག་ཏུ་བསྒྲུབ། །དེ་ལྟར་བློས་བཏགས་ཐེག་པའི་རིམ་པ་ཡི། །ཐོབ་བྱ་འཐོབ་བྱེད་རང་སར་དག་པ་ཡིས། །ཐིག་ལེ་སྤྱི་བརྡོལ་གཏིང་མཐའ་མ་རྟོགས་པས། །འབྲས་བུ་སངས་རྒྱས་མིང་དུ་[341.1]བཏགས་པས་ཕུང་། །བསྒྲུབ་བྱ་སྒྲུབ་བྱེད་གཉིས་འཛིན་སྐྱེས་པས་རླགས། །ཡང་ཏི་ལ་ཤན་རིན་ཆེན་སྒྲོན་མ་འདིར། །འཁོར་འདས་བླང་དོར་མ་གྲུབ་མུ་མཐའ་སྟོངས། །བླང་དོར་གཉིས་པོ་མི་འགེག་མུ་[341.2]མཐའ་སྟོངས། །བླང་དོར་གཉིས་མེད་མི་འདོད་མུ་མཐའ་སྟོངས། །བླང་དོར་གཉིས་མེད་མི་འགོག་མུ་མཐའ་སྟོངས། །དེ་ལྟར་སྣང་སྲིད་འཁོར་འདས་ཆོས་རྣམས་ལ། །ཆེད་དུ་བསྒྲུབ་དང་ཆེད་དུ་འགེགས་པ་[341.3]དང་། །དགག་བསྒྲུབ་གཉིས་ཀ་གཉིས་མེད་གང་གི་ཡང་། །མང་མེད་མུ་མཐའ་སྟོངས་པ་གནས་ཀྱི་རྫོང་། །གཉིས་འཛིན་མཚན་མའི་ཆོས་ལ་བསྐོར་བར་གྱིས། །རིམ་དགུ་བློས་བཏགས་ཐེག་པའི་རིམ་པ་ལས ངོ་[341.4]བོ་ཉིད་ཀྱིས་འཕགས་པ་ངོ་མཚར་ཆེ། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། ཐེག་པའི་རིམ་པ་ལས་ཁྱད་པར་འཕགས་པའི་རྫོང་བཅའ་བའི་ལེའུ་སྟེ་བདུན་པའོ།། །།དེ་ནས་རང་གསལ་[341.5]སེམས་དཔའ་རྡོ་རྗེ་དེས། །བློ་འདས་གསང་བདག་སྟོན་པ་ལ་ཞུས་པ། །རྒྱུད་ཅེས་བྱ་བའི་རང་བཞིན་ཇི་ལྟ་བུ། །རིན་ཆེན་སྒྲོན་མ་འདི་ཉིད་གང་གི་རྒྱུད། །དེ་ཡིས་དགོས་པ་ཇི་ཞིག་སྒྲུབ་པར་བྱེད། །ཅེས་ཞུས་[341.6]པས། །གསང་བདག་སྟོན་པས་འཁོར་ལ་བཀའ་སྩལ་པ། །རྒྱུད་ནི་དངོས་པོ་ལྔ་དང་ལྡང་ཚད་བརྒྱད། །ངེས་ཚིག་དགོངས་པའི་གཞི་དང་དབྱེ་བའི་དོན། །མཐུན་པའི་དཔེ་དང་དགོས་པའི་གཞི་བསྟན་པའོ། །དངོས་པོ་[342.1]ལྔ་ནི་ངོ་བོ་ངེས་ཚིག་དང་། །དབྱེ་བ་ཕན་ཡོན་དགོས་པ་དང་ལྔའོ། །ལྡང་ཚད་དབང་དང་དམ་ཚིག་འབྲེལ་པ་དང་། །ཐབས་དང་ཤེས་རབ་ལྟ་བ་སྤྱོད་པ་དང་། །འབྲས་བུ་མཆོག་དང་ཐུན་མོང་འབྲེལ་པའོ། །འབྲེལ་[342.2]དང་མ་ཚང་མེད་པས་རྒྱུད་ཅེས་བྱ། །གདུལ་དཀའ་ཟབ་ཅིང་རྒྱ་ཆེས་འདུལ་བར་དགོངས། །དབྱེ་ན་ཚིག་དང་དོན་དང་གཉིས་མེད་རྒྱུད། །མཐུན་དཔེ་ཟ་འོག་གུར་ཁྱིམ་ཐགས་དང་འདྲ། །དགོས་པའི་གཞི་ནི་མྱུར་དུ་[342.3]དོན་སྒྲུབ་བྱེད། །དེ་ཡང་ཡངས་དང་གསལ་དང་ཟབ་པ་དང་། །དགོས་འབྱུང་ཐམས་ཅད་ཡོངས་རྫོགས་རྒྱུད་ལྔ་ལས། །ང་ཡི་ཡང་ཏི་རིན་ཆེན་སྒྲོན་མ་འདི། །ཐམས་ཅད་ཡོངས་རྫོགས་རྒྱ་ཆད་མེད་པའི་རྒྱུད། །འདི་ཡི་[342.4]དགོས་པ་ཐེག་པ་རིམ་དགུ་ཡི། ཀུན་བརྟགས་མཐར་འཛིན་ཐམས་ཅད་སེལ་བར་བྱེད། །མིང་མེད་མཐའ་སྟོངས་ཆེན་པོར་ཡོངས་སུ་གྲོལ། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། རྒྱུད་ཀྱི་དོན་[342.5]གཏན་ལ་ཕབ་པའི་ལེའུ་སྟེ་བརྒྱད་པའོ།། །།དེ་ནས་རང་གསལ་སེམས་དཔའ་རྡོ་རྗེ་དེས། །བློ་འདས་གསང་བདག་སྟོན་པ་ལ་ཞུས་པ། །མིང་མེད་མཐའ་སྟོངས་དོན་གྱི་ངོ་བོ་ལ། །དབང་དང་འཇུག་སྒོ་ལ་[342.6]སོགས་མིང་མེད་ཀྱང་། །ཡོངས་རྫོགས་རྒྱ་ཆད་མེད་པར་སྟོན་པའི་ཕྱིར། །ཡེ་རྫོགས་དབང་གི་རྒྱལ་པོ་ཇི་ལྟར་ལགས། །ཞེས་ཞུས་པས། བློ་འདས་སྟོན་པས་འཁོར་ལ་བཀའ་སྩལ་པ། །དབང་ལ་ཐུན་མོང་ཁྱད་པར་[343.1]གཉིས་སུ་བསྟན། །ཐུན་མོང་དབང་ལ་རྣམ་པ་བཞི་ཡིན་ཏེ། །ལྷ་དབང་ལུས་ལ་བསྐུར་བ་བུམ་པའི་དབང་། །རྫས་དབང་ངག་ལ་བསྐུར་བ་གསང་བའི་དབང་། །བདེ་བ་རྒྱུད་ལ་སྐྱེས་པ་ཤེས་རབ་[343.2]དབང་། །དེ་ཉིད་རང་ངོ་སྤྲོད་པ་ཚིག་དབང་སྟེ། །བསྐུར་ཐབས་སྤྲོས་པའི་མཚན་མ་ལ་བརྟེན་ནས། །དགོས་པ་ལུས་ངག་ཡིད་གསུམ་དག་པར་བྱེད། །འབྲས་བུ་སྐུ་གསུམ་སངས་རྒྱས་ཐོབ་པར་འདོད། །བློ་དམན་དྲང་[343.3]བའི་དོན་དུ་དེ་ཡང་བསྟན། །བསྐུར་བྱ་སྐུར་བྱེད་ཐོབ་བྱ་འཐོབ་བྱེད་དང་། །གཉིས་འཛིན་དབྱེ་བསལ་བྱུང་བས་འཁོར་བའི་ཆོས། །ཁྱད་པར་ཆོས་དབང་སེམས་ལ་བསྐུར་བ་ནི། །དབང་གི་ངོ་བོ་ངེས་ཚིག་དབྱེ་བ་[343.4]དང་། །བསྐུར་ཐབས་དགོས་པ་འབྲས་བུར་བཅས་ཏེ་བསྟན། །ངོ་བོ་སེམས་ཉིད་ཡེ་ནས་སྐྱེ་བ་མེད། །མཚན་མའི་དྲི་བྲལ་མིང་མེད་མཐའ་སྟོངས་སོ། །ངེས་ཚིག་སྙིང་པོ་ཡེ་ནས་རང་དབང་རང་གིས་ཐོབ། །དབྱེ་ན་ཕྱི་[343.5]ནང་གསང་བ་ཁོ་ན་ཉིད། །བསྐུར་བའི་ཐབས་ནི་རིག་པའི་རྩལ་དང་སྟེ། །ཤེས་མེད་རང་སར་སྟོངས་པ་བུམ་པའི་དབང་། །མཚོན་བརྗོད་བསྟན་དུ་མེད་པ་གསང་བའི་དབང་། །ཀུན་འབྱུང་རང་སར་གྲོལ་བ་མིང་མེད་[343.6]གཏིང་ཡངས་ཏེ། །རྒྱུད་ལ་འདྲེས་པ་ཤེས་རབ་ཡེ་ཤེས་དབང་། །ཞེ་འདོད་བློ་བཏགས་མེད་པ་བརྡའ་ཡི་དབང་། །དབང་བཞི་བསྐུར་བས་དྲི་མ་བཞི་རང་དག ཁོ།ས་པར་འདོད་དང་མཐོང་བར་འདོད་པ་དང་། །[344.1]བཟང་ངན་བླང་དོར་གཉིས་སུ་འདོད་པ་དང་། །ཞེ་འདོད་འབྲས་བུ་འདོད་པའི་དྲི་མ་དག །སྟོང་ལས་ཅིར་ཡང་གསལ་བ་བུམ་པའི་དབང་། །གསལ་ཡང་མཐོང་ཡུལ་འདས་པ་གསང་བའི་དབང་། །གསལ་དག་ཉམས་[344.2]སུ་མྱོང་བ་ཐབས་ཤེས་དབང་། །ཉམས་ལ་ཞེན་མེད་མཐའ་སྟོངས་བརྡའ་ཡི་དབང་། །དབང་བཞི་བསྐུར་བས་དྲི་མ་རྣམ་བཞི་དག །ལྷན་ཅིག་སྐྱེས་དང་ཀུན་ཏུ་བརྟགས་པ་དང་། །བསམ་བརྗོད་རྟོག་ཚོགས་ཞེན་པའི་[344.3]མཐའ་ལས་གྲོལ། །འབྲས་བུ་བློ་དངོས་མུ་མཐའ་རང་གྲོལ་ནས། །གྲོལ་དང་མ་གྲོལ་ཉིད་ཀྱང་མཐའ་སྟོངས་ཏེ། །བསྐུར་ཐོབ་རང་སར་དག་པ་ངོ་མཚར་ཆེ། །ཡང་ཏི་རིན་ཆེན་སྒྲོན་མར་བསྟན་པ་ཡིན། །ཞེས་[344.4]གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། །རིག་པའི་རྩལ་དབང་བསྟན་པའི་ལེའུ་སྟེ་དགུ་པའོ།། །།དེ་ནས་རང་གསལ་སེམས་དཔའ་རྡོ་རྗེ་དེས། །སྟོན་པ་གསང་བདག་ཆེན་པོ་ལ་ཞུས་པ། །ཡང་ཏི་[344.5]ལ་ཤན་རིན་ཆེན་སྒྲོན་མ་འདིའི། །རྒྱུད་ཀྱི་ལྡང་ཚད་འབྲེལ་ནས་ཇི་ལྟར་རྫོགས། །ཞེས་ཞུས་པས། བློ་འདས་སྟོན་པས་འཁོར་ལ་བཀའ་སྩལ་པ། །སྙིང་པོ་མུ་མཐའ་ཀུན་གྲོལ་དཀྱིལ་འཁོར་དུ། །འཛིན་མེད་འཇུག་པ་[344.6]དབང་གི་རྒྱལ་པོ་ཡིན། །མིང་མེད་གཏིང་ཡངས་མཐའ་སྟོངས་ངོ་བོ་ལས། །རྟག་ཏུ་འདའ་བ་མེད་པ་དམ་ཚིག་ཡིན། །ཅིར་སྣང་རང་སར་གྲོལ་བ་ཐབས་ཡིན་ཏེ། །གྲོལ་བྱ་གྲོལ་བྱེད་བློ་འདས་ཤེས་རབ་ཡིན། །མིང་[345.1]མེད་མཐའ་ཡས་སྟོངས་པ་ལྟ་བ་སྟེ། །དེ་ཉད་འདུ་འབྲལ་མེད་པ་སྤྱོད་པ་དང་། །ཡོངས་རྫོགས་འགྱུར་མེད་འབྲས་བུ་ཀུན་གྱ་མཆོག །མ་བཙལ་འགྲོ་དོན་རང་བྱུང་ཐུན་མོང་ ། །དངོས་གྲུབ་བླ་ན་མེད་[345.2]པར་ང་ཡི་བཤད། །ཐམས་ཅད་ཡོངས་རྫོགས་རིན་ཆེན་སྒྲོན་མའི་རྒྱུད། །རྩོལ་བྲལ་མིང་མེད་ཡང་ཏིའི་ངོ་བོ་འདི། །སྲོག་དང་བྲལ་བའི་ཁ་བཞིན་བསྡམ་པར་གྱིས། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་[345.3]ལས། །རྒྱུད་ཀྱི་ལྡང་ཚད་བརྒྱད་རྫོགས་པར་བསྟན་པའི་ལེའུ་སྟེ་བཅུ་པའོ།། །།དེ་ནས་རང་གསལ་སེམས་དཔའ་རྡོ་རྗེ་དེས། །གསང་བདག་བློ་འདས་སྟོན་པ་ལ་ཞུས་པ། །ཡང་ཏི་སེམས་ཉིད་རིན་ཆེན་སྒྲོན་[345.4]མ་འདི། །རྟོགས་པའི་དོན་ལ་རྩིས་གདབ་དབྱེར་མེད་ཀྱང་། །དེ་ཉིད་མ་རྟོགས་བློ་ལ་མཚོན་པའི་ཕྱིར། །གཏིང་ཡངས་དོན་དང་རང་ངོ་ཇི་ལྟར་སྤྲད། །ཅེས་ཞུས་པས། །བློ་འདས་དོན་གྱི་སྟོན་པས་བཀའ་སྩལ་[345.5]པ། །སྟོང་ལས་ཀུན་འབྱུང་སྟོང་པར་རང་ཡལ་བའི། །མེ་ལོང་རྣམ་པ་གསུམ་གྱི་ངོ་སྤྲོད་བསྟན། །སྐལ་ལྡན་རྣམས་ཀྱི་བློ་ལ་གདགས་པར་གྱིས། །ཀུན་གཞི་ཕྱོགས་མེད་སེམས་ཀྱི་མེ་ལོང་དང་། །རིག་པ་ཅིར་ཡང་[345.6]གསལ་བའི་མེ་ལོང་དང་། །གསལ་བ་རང་དངས་ཆོས་དབྱིངས་མེ་ལོང་ངོ་། །དང་པོ་ཀུན་གཞི་སེམས་ཀྱི་མེ་ལོང་དུ། །བདེ་བར་གཤེགས་པའི་དགོངས་པ་རང་ངོ་སྤྲད། །སྤྲད་པས་ཅང་མེད་ཅིར་ཡང་སྣང་བར་[346.1]ཤེས། །དེ་ལ་སྣང་བ་གྲོལ་བའ་རྒྱ་ཡས་གདབ། །རག་པ་ ར་ཡང་གསལ་བའ་མེ་ལོང་དུ། །འཁྲུལ་པའ་རྟོག་པ་བག་ཆགས་རང་ངོ་སྤྲད། །སྤྲད་པས་མེ་ལོང་གཟུགས་བརྙན་ལྟ་བུར་རྟོགས། །དེ་ལ་གསལ་དག་རང་[346.2]གྲོལ་རྒྱ་ཡིས་གདབ། །གསལ་བར་རང་དངས་ཆོས་དབྱིངས་མེ་ལོང་དུ། །སྣང་བའི་དངོས་པོ་ཡུལ་རྣམས་རང་ངོ་སྤྲད། །སྤྲད་པའི་སྣང་ཡང་མིང་མེད་མཐའ་སྟོངས་རྟོགས། །དེ་ལ་དབྱེར་མེད་གཏིང་ཡངས་རྒྱ་ཡིས་[346.3]གདབ། །དེ་ལྟར་བསྟན་པ་དེ་ཡང་མཚོན་པ་ཙམ། །སྤྲད་བྱ་སྤྲོད་བྱེད་གཉིས་དང་གཉིས་མེད་ཀྱིས། །མིང་མེད་མཐའ་སྟོངས་རང་དག་ཀློང་དུ་གྲོལ། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། མེ་ལོང་[346.4]རྣམ་པ་གསུམ་དུ་རང་ངོ་སྤྲད་པའི་ལེའུ་སྟེ་བཅུ་གཅིག་པའོ།། །།དེ་ནས་རང་གསལ་སེམས་དཔའ་རྡོ་རྗེ་དེས། །གསང་བདག་དོན་གྱི་སྟོན་པ་ལ་ཞུས་པ། །ཡང་ཏི་སེམས་ཉིད་རིན་ཆེན་སྒྲོན་མ་འདིར། །ཡང་[346.5]གསང་དོན་གྱི་གདམས་ངག་ལ་བཟླ་གང་། །ཞེས་ཞུས་པས། །བློ་འདས་དོན་གྱི་སྟོན་པས་བཀའ་སྩལ་པ། །ལྟ་སྒོམ་སྤྱོད་པ་འབྲས་བུ་རྣམ་པ་བཞིས། །སངས་རྒྱས་དགོངས་པ་མཐའ་སྟོངས་ཀློང་དུ་བཟླ། །གཏན་[346.6]ཚིགས་ཚད་མ་གསུམ་གྱིས་དེ་ཉིད་རྟོགས། །མིང་གི་འདོད་པ་ལྟ་སྒོམ་སྤྱོད་འབྲས་རྣམས། །ཐོགས་མེད་དོན་གྱི་ངང་དུ་ལ་བཟླའོ། །ཐོག་མའི་གནས་དང་མཐའ་མའི་གནད་དག་གིས། །འཁྲུལ་པ་རྩད་ནས་བཅད་ཅིང་[347.1]ཉམས་སུ་བླང་། །སྙིང་པོ་གནས་ལུགས་གཞི་ཡི་འཕྲང་ཆེན་དུ། །སངས་རྒྱས་སེམས་ཅན་ཐམས་ཅད་ལ་བཟླའོ། །མཚན་ཉིད་རྣམ་པ་གསུམ་པོ་ངོ་སྤྲད་འཕྲང་། །ཕྱི་ནང་གསང་བ་རྣམ་གསུམ་ལ་[347.2]བཟླའོ། །འཁྲུལ་པ་བཟློག་ཐབས་རིམ་པ་གདམས་ངག་འཕྲང་། །འགྱུ་ལུགས་གསུམ་གྱིས་དུས་མཚམས་ལ་བཟླའོ། །སྙིང་པོའི་ཆོས་འདས་ཐེག་གཅིག་སྒྲོན་མ་འདིས། །ཀུན་བརྟགས་ཐེག་པ་རིམ་དགུ་ལ་[347.3]བཟླའོ། །འདོད་བྲལ་མིང་མེད་མཐའ་སྟོངས་ལྟ་བའི་མཆོག །བསམ་བྲལ་འགྱུར་མེད་གཏིང་ཡངས་སྒོམ་པའི་མཆོག །རང་ལུགས་བྱང་མེད་འཛིན་བྲལ་སྤྱོད་པའི་མཆོག །རེ་མེད་མུ་མཐའ་གྲོལ་བ་འབྲས་བུའི་[347.4]མཆོག །འཁྲུལ་རྩད་ཆོད་ན་ལྟ་བའི་མིང་ཡང་མེད། །དུས་གསུམ་འགྱུ་མེད་བསྒོམ་པས་ཅི་ཞིག་བྱ། །སྙིང་པོ་མིང་མེད་མངོན་གྱུར་བསྒོམ་མི་དགོས། །འཁྲུལ་པ་བཟློག་ཐབས་མ་ཤེས་མུན་པ་འཇལ། །སྙིང་པོའི་[347.5]མཐའ་སྟོངས་ཤེས་མེད་གསལ་དག་འདི། །དངོས་དང་དངོས་མེད་གཉིས་ཀ་གཉིས་མེད་ཡིན། །རིག་པ་མེད་ལ་ཇི་ལྟར་སྐྱེ་བར་འགྱུར། །བསྒོམ་དུ་མེད་པའི་དོན་ལ་ཅི་ཞིག་བསྒོམ། །བརྗོད་མེད་ངང་ལ་ཅི་ཞིག་[347.6]བཤད་དུ་ཡོད། །སྙིང་པོ་མིང་མེད་རང་བཞིན་མཐོང་བ་མེད། །རྒྱུ་འབྲས་མདོ་རྒྱུད་ཐོས་བསམ་བསྒོམ་བསྒྲུབ་རྣམས། །གཞན་དག་སྤྲོ་བ་བསྐྱེད་ཕྱིར་རོལ་པར་སྤྱོད། །དོན་དུ་སྤྱོད་པ་དེ་ཉིད་འཁྲུལ་པའི་ལམ། །དབེན་[348.1]པར་ལུས་ངག་བྱ་བཏང་དགོངས་པ་ལ། །ཡིད་གདུང་མ་བྱེད་གཏིང་ཡངས་ཀློང་དུ་ཞོག །འགྱུ་དྲན་སྐྱེ་མེད་སྐྱེས་ཀྱང་ཤར་བྱུང་ན། །ཕྱི་ནང་ཞབྲུལ་པ་མཚོན་ཆེན་གཅིག་གིས་ཆོད། །དབུས་མཐའ་ཀུན་བྲལ་སྙིང་པོ་[348.2]ཚིག་ལས་འདས། །མཚོན་མེད་མཐའ་སྟོངས་འགྱུ་མེད་ཀུན་གྱི་ལམ། །ཞེ་འདོད་འཛིན་པ་མེད་པ་ཐིག་ལེའི་ཀློང་། །ཡེ་སྟོང་ཡེ་བྲལ་སྒྲོ་སྐུར་མིང་དང་བྲལ། །ཀུན་ཁྱབ་རྒྱུ་དང་རྐྱེན་མེད་རྒྱ་མ་ཆད། །མི་ཟད་གཏེར་[348.3]མཛོད་སྙིང་པོ་བསྟན་དུ་མེད། །ངོ་བོ་ཅིར་ཡང་མ་མཐོང་ལྟ་བ་ལ། །རྩལ་གྱི་ཡན་ལག་ལྟ་བའི་རིམ་པ་རྣམས། །རང་འདོད་སོ་སོར་སྣང་ཡང་གཅིག་ལས་མེད། །གཅིག་པོ་མ་སྐྱེས་བཅོས་མེད་ནམ་མཁའ་[348.4]འདྲ། །དབྱིབས་དང་ཁ་དོག་གང་ཡང་མ་གྲུབ་པས། །འདི་འདྲ་མཚོན་དུ་མེད་པའི་བྱང་ཆུབ་སེམས། །ལུས་ངག་ཡིད་གསུམ་རྩོལ་བྲལ་ངང་དུ་སྤྱོད། །འཁྲུལ་རྟོགས་སྐྱེས་དང་སྐྱེ་མེད་གཉིས་མེད་སྤྱོད། །མི་འགྱུར་མི་[348.5]དམིགས་མཚོན་བྲལ་ངང་ལ་བསྒོམས། །འགྲོ་འོང་ཡེངས་མེད་བསྒོམ་བྱ་སྒོམ་བྱེད་མེད། །གཞན་མེད་རང་ས་སྙིང་པོའི་ཀློང་བསྒོམ་མཆོག །གཞན་ནས་ཐོབ་མེད་རང་གནས་འབྲས་བུའི་རྒྱལ། །རྒྱུ་དང་རྐྱེན་མེད་ཆོས་[348.6]སྐུ་མཁའ་མཉམ་མཆོག །རང་བཞིན་ཀུན་ཁྱབ་མཚན་ཉིད་ཐམས་ཅད་མཁྱེན། །ཆོས་སྐུའི་ངོ་བོ་འདི་ཞེས་བསྟན་དུ་མེད། །ཐོབ་བྱ་འཐོབ་བྱེད་མིང་མེད་མུ་མཐའ་སྟོངས། །འཁྲུལ་ཞེན་གྲོལ་ཚེ་བདག་གཞན་ཡོད་མ་[349.1]ཡིན། །ལོག་པའི་རྒྱུད་ལས་གྲོལ་བས་བདེ་ཆེན་དོན། །སྙིང་པོ་འཁྲུལ་པའི་རྐྱེན་གྱིས་རྟོགས་པར་དཀའ། །ལྡོག་ཐབས་གནད་ཀྱིས་གང་སྐྱེས་ཐད་ཀར་གསལ། །སྙིང་པོ་མ་ཡི་རྩ་བ་མཚོན་དུ་[349.2]མེད། །འཁྲུལ་སྣང་རང་དངས་མ་བུ་ངོ་སྤྲོད་མཆོག །འཁོར་འདས་ཆོས་རྣམས་གང་ཡང་མཐོང་མེད་ལ། །འཁྲུལ་པའི་རྣམ་པར་རྟོག་པ་ཅིར་ཡང་སྣང་། །སྣང་བ་གྲོལ་བར་ཤེས་པས་བག་ཆགས་སྟོངས། །མཉམ་རྗེས་[349.3]གཉིས་མེད་མཐའ་སྟོངས་སྙིང་པོ་རྟོགས། །གཉིས་བསྡུས་མཚན་མའི་མིང་མེད་མུ་མཐའ་སྟོངས། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། །ཆོས་ཐམས་ཅད་ཡང་ཏིར་ལ་བཟླ་བའི་ལེའུ་སྟེ་བཅུ་གཉིས་[349.4]པའོ།། །།དེ་ནས་རང་གསལ་རྡོ་རྗེ་སེམས་དཔའ་དེས། །སྟོན་པ་བློ་འདས་གསང་བདག་ལ་ཞུས་པ། །ཆོས་རྣམས་ཐམས་ཅད་སྣང་གྲོལ་ཀུན་བརླག་པར། །རྟོགས་པའི་དོན་ལ་དབྱེ་བསལ་མིང་མེད་ཀྱང་། །ཅིར་[349.5]སྣང་མ་སྤངས་རྫོགས་ཕྱིར་བར་དོ་གང་། །ཞེས་ཞུས་པས། །བློ་འདས་སྟོན་པས་འཁོར་ལ་བཀའ་སྩལ་པ། །ཅང་མེད་ཅིར་སྣང་སྣང་ཚུལ་བསམ་འདས་པས། །བར་དོའི་མཚན་ཉིད་བསྟན་གྱིས་བཟུང་བར་གྱིས། །རང་[349.6]བཞིན་གནས་ལུགས་ཐོག་མའི་བར་དོ་མྲ །སངས་རྒྱས་སེམས་ཅན་གཉིས་ཀྱི་འབྱུང་གཞི་བཙལ། །རང་བཞིན་དང་ནི་རླུང་གི་བར་དོ་མྲ །རླུང་དང་འགྱུ་བ་གཉིས་ཀྱི་གྱེས་གཞི་བཙལ། །རྩལ་ཟེར་ཤེས་པ་ཕྲ་མོ་སྐྱེས་[350.1]པ་ལ། །རགས་པ་སྐྱེ་བའི་གཞི་མ་བཙལ་བར་བྱ། །ཡན་ལག་སྣང་ཚུལ་རིག་པའི་བར་དོ་སྲ །ཡར་མར་འཆར་སྒོ་འཁྲུལ་སྒོའི་གཞི་མ་བཙལ། །སྣང་བ་རྣམ་པ་གསུམ་གྱི་བར་དོ་མྲ །སྟོན་པ་སྐུ་གསུམ་འབྱུང་བའི་[350.2]གཞི་མ་བཙལ། །ཁ་དོག་རྣམ་པ་ལྔ་ཡི་བར་དོ་མུ །གཟུགས་བརྙན་འོད་ཀྱི་གཞི་མ་བཙལ་བར་བྱ། །འོད་ལྔ་གཟུགས་ལྔར་འཆར་བའི་བར་དོ་སྲ །རིགས་དྲུག་ཞབྲུལ་ང་འི་གཞི་མ་བཙལ་བར་བྱ། །ཐོས་དང་བསམ་[350.3]པ་ཤེས་རབ་བར་དོ་སྲ །མར་གྱི་སེམས་ཅན་འཁྲུལ་ཚུལ་རྩད་ནས་བཅད། །ད་ལྟ་ཤེས་པ་སྔ་ཕྱིའི་བར་དོ་མྲ །འཁྲུལ་པ་བཟློག་ཐབས་རྣམ་གསུམ་ཉམས་སུ་བླངས། །སྐྱེ་དང་ཤི་བ་སྲིད་པའི་བར་དོ་སྲ །སྙིང་པོ་[350.4]མཐའ་གྲོལ་ཀློང་དུ་གནས་པར་གྱིས། །ཞེས་གསུངས་སོ། །རིན་ཆེན་སྒྲོན་མ་རྩ་བའི་རྒྱུད་ལས། བར་དོའི་ལེའུ་སྟེ་བཅུ་གསུམ་པའོ།། །།དེ་ནས་རང་གསལ་སེམས་པ་རྡོ་རྗེ་དེས། །བློ་འདས་དོན་གྱི་སྟོན་པ་ལ་[350.5]ཞུས་པ། །ཡང་ཏི་ལ་ཤན་རིན་ཆེན་སྒྲོན་མ་འདིར། །ཕྱི་རབ་གཏད་པའི་སྣོད་ཀྱི་ཁྱད་པར་གང་། །ཞེས་ཞུས་པས། གསང་བདག་སྟོན་པས་འཁོར་ལ་བཀའ་སྩལ་པ། །དགོས་འདོད་ཀུན་འབྱུང་ནམ་མཁའི་མཐའ་དང་[350.6]མཉམ། །གསལ་བའི་གོ་འབྱེད་ཐམས་ཅད་ཡོངས་རྫོགས་པས། །ཐེག་པ་ལ་ཟློ་ཤན་འབྱེད་ཡང་ཏི་འདི། །ལྷ་མིའི་འཇིག་རྟེན་གནས་སུ་དར་བའི་ཚེ། །རིན་ཆེན་ལྟ་བུར་སྣོད་ལྡན་གཅིག་ལ་གཏོད། །ནམ་མཁའ་ལྟ་[351.1]བུར་ ཀློང་ ཡངས་གཅག་ ལ་ གཏོད། །ཉ་ ཟླ་ ལྟ་ བུར་ བློ་ གསལ་ ག ག་ ལ་ གཏོད། །མ་འོངས་ བསྟན་ པའ་སྒྲོན་ མ་ བྱེད་ པར་ འགྱུར། །ཞེས་ གསུངས་ སོ། །ལྟ་ བ་ ལ་ཤན་ ཆེན་ པའ་