LONGCHENPA-PECIN-22-ZA-013: Difference between revisions
LONGCHENPA-PECIN-22-ZA-013
Longchenpa Project: generated page (21 November 2026) |
Longchenpa Project: Tibetan in the wiki's TibetanMachineUni font; «…» notes in small print (22 November 2026) |
||
| Line 26: | Line 26: | ||
}} | }} | ||
= Tibetan Text = | = Tibetan Text = | ||
<div class=" | <div class="TibetanMachineUni16 lcp-etext" lang="bo"> | ||
༈ སེམས་ཉིད་རང་གྲོལ་གྱི་གསོལ་འདེབས་བཞུགས། | ༈ སེམས་ཉིད་རང་གྲོལ་གྱི་གསོལ་འདེབས་བཞུགས། | ||
« སྐྱབས་སུ་འགྲོ་བ་ནི། ནམ་མཁའི་གནས་སུ་ནམ་མཁའ་གང་བ་ཡི། །བླ་མ་ཡི་དམ་མཁའ་འགྲོའི་ཚོགས་རྣམས་དང༌། །སངས་རྒྱས་ཆོས་དང་འཕགས་པའི་དགེ་འདུན་ལ། །བདག་དང་འགྲོ་དྲུག་གུས་པས་སྐྱབས་སུ་མཆི། །སེམས་བསྐྱེད་པ་ནི། མགོན་པོ་སྲས་དང་བཅས་རྣམས་དགོངས། །ཇི་ལྟར་དུས་གསུམ་རྒྱལ་བ་རྣམས། །བྱང་ཆུབ་ཐུག་ནི་བསྐྱེད་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །ཇི་ལྟར་གསུངས་པའི་བསླབ་པ་ལ། །རིམ་པ་བཞིན་དུ་ལེགས་སློབ་ཅིང༌། །འགྲོ་བའི་སྡུག་བསྔལ་ཀུན་བསལ་ཏེ། །ཅི་བྱས་གཞན་དོན་འགྲུབ་པར་ཤོག །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ། ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །ལོངས་སྐུ་སྣང་མཐའ་་ཡབ་ཡུམ་ལ་གསོལ་བ་འདེབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །སྤྲུལ་སྐུ་ཨོ་རྒྱན་ཡབ་ཡུམ་ལ་གསོལ་བ་འདེབ། ཨོཾ་ཨཱཿཧཱུྃ་བཛྲ༴ །རྒྱལ་སྲས་དྲི་མེད་འོད་ཟེར་ལ༴ །ཨོཾ་ཨཱཿཧཱུྃ་བཛྲ༴ །མཁས་གྲུབ་བདེ་ལེགས་རྒྱ་མཚོ་ལ༴ །ཨོཾ་ཨཱཿཧཱུྃ་བཛྲ༴ །བྱ་བཏང་མ་ཏི་མངྒ་ལ༴ །ཨོཾ་ཨཱཿཧཱུྃ་བཛྲ༴ བྱང་སེམས་གུ་ཎ་ཤྲཱི་ལ༴ །ཨོཾ་ཨཱཿཧཱུྃ་བཛྲ༴ སྤྲུལ་སྐུ་བསམ་གྲུབ་རྒྱལ་པོ་ལ༴ །ཨོཾ་ཨཱཿཧཱུྃ་བཛྲ༴ འཁྲུལ་ཞིག་ནམ་མཁའ་གཞོན་ནུ་ལ༴ །ཨོཾ་ཨཱཿཧཱུྃབཛྲ༴ རྒྱལ་སྲས་ཆོས་དབྱིངས་རྡོ་རྗེ་ལ༴ །ཨོཾ་ཨཱཿཧཱུྃབཛྲ༴ མཁས་གྲུབ་བློ་གྲོས་རྒྱལ་མཚན་ལ༴ །ཨོཾ་ཨཱཿཧཱུྃ་བཛྲ༴ དྲིན་ཆེན་རྩ་བའི་བླ་མ་ལ༴ །ཨོཾ་ཨཱཿཧཱུྃ༴ ཡི་དམ་དཀྱིལ་འཁོར་ལྷ་ཚོགས་ལ། ཨོཾ་ཨཱཿཧཱུྃ༴ བཀའ་སྲུང་མཁའ་འགྲོ་ཆོས་སྐྱོང་ ལ༴ །ཨོཾ་ཨཱཿཧཱུྃ་བཛྲ༴ བླ་མ་རིན་པོ་ཆེ་བདག་གི་ལུས་ངག་ཡིད་གསུམ་གྱི་སྦྲིབ་པ་བྱང་ཞིང༌། སྐུ་གསུང་ཐུགས་ཀྱི་དངོས་གྲུབ་ཐོབ་ནས་ཚེ་འདི་ཉིད་ལ་སངས་རྒྱས་ཐོབ་པར་བྱིན་གྱིས་བརླབ་ཏུ་གསོལ། ཞེས་བརྗོད། ཨོཾ་ཨཱཿཧཱུྃབཛྲ་གུ་རུ་པདྨ་སིདྡྷི་ཧཱུྃ། །ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཐུགས་ཡེ་ཤེས་གངས་ཅན་མཚོ་ལས་ལྷུན་གྱིས་གྲུབ་པའི་རང་བཞིན། རྒྱལ་སྲས་པདྨ་འབྱུང་གནས་ཀྱི་ཞབས་ཀྱི་པདྨོ་དྲི་མ་མེད་པ་ལ་དུས་གསུམ་ཐམས་ཅད་དུ་ཕྱག་འཚལ་ཞིང་སྐྱབས་སུ་མཆིའོ། །བརྩེ་བ་ཆེན་པོས་རྗེས་སུ་བཟུང་དུ་གསོལ། མགོན་པོ་གདོད་ནས་རྫོགས་སངས་རྒྱས། །བདེ་ཆེན་ཡོན་ཏན་འབྱུང་བའི་མཛོད། །སངས་རྒྱས་ཀུན་གྱི་བླ་མ་མཆོག །ཀུན་བཟང་ཡབ་ཡུམ་ལ་ཕྱག་འཚལ། །རིགས་ལྔ་ཡེ་ཤེས་ལྔ་ཡི་དངོས། །རྡོ་རྗེ་འཆང་གི་ངོ་བོ་ཉིད། །ཞི་དང་ཁྲོ་ཚུལ་དཔག་མེད་སྟོན། །སྣང་མཐའ་ཡབ་ཡུམ་ལ་ཕྱག་་འཚལ། །བདེ་གཤེགས་རྒྱ་མཚོའི་རྣམ་འཕྲུལ་ལས། །རང་བྱུང་གེ་སར་པདྨའི་སྟེང༌། །མཚན་རྫོགས་དཔེ་བྱད་འབར་བའི་སྐུ། །པདྨ་འབྱུང་གནས་ལ་ཕྱག་འཚལ། །ངོ་བོ་ཡེ་ནས་ནས་ཀུན་ཏུ་བཟང༌། །རང་བཞིན་བདེ་གཤེགས་འོད་དཔག་མེད། །ཐུག་རྗེ་པདྨར་སྐུ་སྤྲུལ་པ། །ཤཱཀྱ་སེང་གེ་ལ་ཕྱག་འཚལ། །སྐུ་གསུམ་མཛད་པའི་འཕྲིན་ལས་ཀྱིས། །གདུལ་བྱའི་རེ་བ་རྣམས་སྐོང་ཞིང༌། །མཁའ་འགྲོ་འབར་བའི་སྤྲིན་འཕྲོ་བ། པདྨ་རྒྱལ་པོ་ལ་ཕྱག་འཚལ། །ཇི་སྙིད་ཇི་བཞིན་ཐམས་ཅད་མཁྱེན། །སྣ་ཚོགས་ཆོས་ཀྱི་རྔ་སྒྲ་ཡིས། །བདུད་དང་མུ་སྟེགས་ཚར་གཅོད་ པ། །བློ་ལྡན་མཆོག་སྲེད་ལ་ཕྱག་འཚལ། །ཀུན་མཁྱེན་ཡེ་ཤེས་གངས་རི་ ལ། །རྣམ་གྲོལ་མཆོག་གི་གོ་འཕང་བརྙེས། །དཔག་མེད་འཁོར་གྱི་ཚོགས་ནང་དུ། །སེང་གེའི་སྒྲ་སྒྲོགས་ལ་ཕྱག་འཚལ། །ཐུགས་རྗེའི་ཆར་སྤྲིན་རོལ་པ་ ལས། །ཕན་བདེའི་གློག་ཕྲེང་ཆར་འབེབས་ཤིང༌། །འགྲོ་བློའི་ཕུན་ཚོགས་རྒྱས་བྱེད་པ། །པདྨ་སམྦྷ་ལ་ཕྱག་འཚལ། །མཁྱེན་བརྩེའི་འོད་སྟོང་དཀྱིལ་འཁོར་གྱིས། །གསུང་རབ་པདྨོ་རྒྱས་མཛད་ཅིང༌། །འགྲོ་བའི་ལམ་ཡང་དཀར་པོ་མཛད། །ཉི་མ་འོད་ཟེར་ལ་ཕྱག་འཚལ། །རྣམ་འཕྲུལ་དྲག་པོས་འདུལ་བ་ ལ། །འཇིགས་རུང་གར་དགུའི་ཉམས་ལྡན་ཞིང༌། །ལྷ་སྲིན་གདུག་པ་ཚར་གཅོད་པའི། །པདྨ་ཐོད་ཕྲེང་ལ་ཕྱག་འཚལ། །མཁའ་འགྲོ་འབར་བའི་སྤྲིན་ཕུང་ལས། །དངོས་གྲུབ་བདུད་རྩིའི་ཆར་འབེབས་ཤིང༌། །བདེ་ཆེན་རྒྱལ་བ་མཉེས་མཛད་ཡུམ། །མཁར་ཆེན་མཚོ་རྒྱལ་ལ་ཕྱག་འཚལ། །ཤེས་བྱའི་དཀྱིལ་འཁོར་རབ་གཟིགས་ཤིང༌། །དམ་ཆོས་རིན་ཆེན་མཛོད་འཛིན་པས། །ཟབ་མོའི་དགོངས་གཏེར་རྒྱས་མཛད་པ། །དྲི་མེད་འོད་ཟེར་ལ་ཕྱག་འཚལ། །ལྟ་སྤྱོད་ཟུང་དུ་འཇུག་པ་ཡིས། །རིག་་འཛིན་མཆོག་གི་དངོས་གྲུབ་བརྙེས། །བླ་མེད་སྙིང་པོའི་བསྟན་པ་འཛིན། །བདེ་ལེགས་རྒྱ་མཚོ་ལ་ཕྱག་འཚལ། །བསྟན་པའི་གདུང་འཛིན་འགྲོ་བའི་་ཡབ། །རྟོགས་པ་ཕུལ་ཕྱིན་བྱང་སེམས་ལྡན། ། འགྲོ་རྣམས་སྨིན་གྲོལ་ལམ་ལ་འགོད། །མ་ཏི་མངྒ་ལ་ཕྱག་འཚལ། །སྔོན་སྦྱངས་སྨོན་ལམ་སྟོབས་ཆེན་གྱིས། །སྟོང་ཉིད་སྙིང་རྗེའི་དོན་རྟོགས་ནས། ། འགྲོ་ཀུན་བརྩེ་བས་འདྲེན་པའི་དཔལ། །གུ་ཎ་ཤྲཱི་ལ༴ །མདོ་རྒྱུད་དགོངས་པ་ཐུགས་ཆུད་ཅིང༌། །བསླབ་གསུམ་གྱིས་བརྒྱན་རྟོགས་པ་འབར། །སངས་རྒྱས་བསྟན་པའི་སྙིང་པོ་འཛིན། །སྤྲུལ་སྐུ་བསམ་རྒྱལ་ལ༴ །རྣལ་གྲོལ་ཆོས་དབྱིངས་མཉམ་ཉིད་དང༌། །ཟག་མེད་ཡེ་ཤེས་འོད་གསལ་མཆོག །ཉིན་་དང་མཚན་མོ་དབྱེར་མེད་པའི། །ནམ་མཁའ་གཞོན་ནུ་ལ༴ །གདོད་ནས་ལྷུན་གྲུབ་ཆོས་སྐུའི་ངང༌། །གཟུགས་སྐུར་རོལ་པ་སྒྱུ་མའི་སྐུ། །སྣ་ཚོགས་ཐབས་ལྡན་འགྲོ་ཀུན་སྒྲོལ། །མཁའ་ཀློང་ཡངས་པ་ལ༴ །སྟོང་ཉིད་ཟབ་མོ་འདི་ཉིད་ལ། །མི་ཤེས་རང་བློས་བཅིངས་པ་ཀུན། །ཡེ་ཤེས་རིག་པའི་རལ་གྲིས་གཅོད། །མ་ཏི་དྷྭ་ཛ་ལ༴ །སྔོན་སྦྱང་སྟོབས་ཆེན་ལས་འཕྲོ་་ཡིས། །བླ་མེད་རྡོ་རྗེ་སྙིང་པོའི་དོན། ། འབད་རྩོལ་མེད་པ་ལྷུན་གྱིས་གྲུབ། །རྩ་བའི་བླ་མ་ལ་ཕྱག་འཚལ། །ངང་ཉིད་ཆོས་དབྱིངས་རོལ་པ་ལས། །སྣ་ཚོགས་ཐབས་ཀྱི་རྣམ་འཕྲུལ་གྱིས། །ཕྲིན་ལས་རྣམ་བཞིས་ལས་མཛད་པ། །མཁའ་འགྲོ་དམ་ཅན་ལ༴ །གཞན་ཡང་ཕྱོགས་བཅུའི་རིག་འཛིན་དང༌། །བདེ་གཤེགས་ཆོས་དང་འཕགས་པའི་ ཚོགས། །མཁའ་འགྲོ་བདེ་ཆེན་རྒྱ་མཚོ་དང༌། །མཆོད་འོས་ཀུན་ལ་བདག་ཕྱག་འཚལ། །དགེའོ།། | <span class="lcp-mark">«</span> སྐྱབས་སུ་འགྲོ་བ་ནི། ནམ་མཁའི་གནས་སུ་ནམ་མཁའ་གང་བ་ཡི། །བླ་མ་ཡི་དམ་མཁའ་འགྲོའི་ཚོགས་རྣམས་དང༌། །སངས་རྒྱས་ཆོས་དང་འཕགས་པའི་དགེ་འདུན་ལ། །བདག་དང་འགྲོ་དྲུག་གུས་པས་སྐྱབས་སུ་མཆི། །སེམས་བསྐྱེད་པ་ནི། མགོན་པོ་སྲས་དང་བཅས་རྣམས་དགོངས། །ཇི་ལྟར་དུས་གསུམ་རྒྱལ་བ་རྣམས། །བྱང་ཆུབ་ཐུག་ནི་བསྐྱེད་པ་ལྟར། །དེ་བཞིན་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །ཇི་ལྟར་གསུངས་པའི་བསླབ་པ་ལ། །རིམ་པ་བཞིན་དུ་ལེགས་སློབ་ཅིང༌། །འགྲོ་བའི་སྡུག་བསྔལ་ཀུན་བསལ་ཏེ། །ཅི་བྱས་གཞན་དོན་འགྲུབ་པར་ཤོག །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ། ཆོས་སྐུ་ཀུན་བཟང་ཡབ་ཡུམ་ལ་གསོལ་བ་འདེབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །ལོངས་སྐུ་སྣང་མཐའ་་ཡབ་ཡུམ་ལ་གསོལ་བ་འདེབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། །སྤྲུལ་སྐུ་ཨོ་རྒྱན་ཡབ་ཡུམ་ལ་གསོལ་བ་འདེབ། ཨོཾ་ཨཱཿཧཱུྃ་བཛྲ༴ །རྒྱལ་སྲས་དྲི་མེད་འོད་ཟེར་ལ༴ །ཨོཾ་ཨཱཿཧཱུྃ་བཛྲ༴ །མཁས་གྲུབ་བདེ་ལེགས་རྒྱ་མཚོ་ལ༴ །ཨོཾ་ཨཱཿཧཱུྃ་བཛྲ༴ །བྱ་བཏང་མ་ཏི་མངྒ་ལ༴ །ཨོཾ་ཨཱཿཧཱུྃ་བཛྲ༴ བྱང་སེམས་གུ་ཎ་ཤྲཱི་ལ༴ །ཨོཾ་ཨཱཿཧཱུྃ་བཛྲ༴ སྤྲུལ་སྐུ་བསམ་གྲུབ་རྒྱལ་པོ་ལ༴ །ཨོཾ་ཨཱཿཧཱུྃ་བཛྲ༴ འཁྲུལ་ཞིག་ནམ་མཁའ་གཞོན་ནུ་ལ༴ །ཨོཾ་ཨཱཿཧཱུྃབཛྲ༴ རྒྱལ་སྲས་ཆོས་དབྱིངས་རྡོ་རྗེ་ལ༴ །ཨོཾ་ཨཱཿཧཱུྃབཛྲ༴ མཁས་གྲུབ་བློ་གྲོས་རྒྱལ་མཚན་ལ༴ །ཨོཾ་ཨཱཿཧཱུྃ་བཛྲ༴ དྲིན་ཆེན་རྩ་བའི་བླ་མ་ལ༴ །ཨོཾ་ཨཱཿཧཱུྃ༴ ཡི་དམ་དཀྱིལ་འཁོར་ལྷ་ཚོགས་ལ། ཨོཾ་ཨཱཿཧཱུྃ༴ བཀའ་སྲུང་མཁའ་འགྲོ་ཆོས་སྐྱོང་ ལ༴ །ཨོཾ་ཨཱཿཧཱུྃ་བཛྲ༴ བླ་མ་རིན་པོ་ཆེ་བདག་གི་ལུས་ངག་ཡིད་གསུམ་གྱི་སྦྲིབ་པ་བྱང་ཞིང༌། སྐུ་གསུང་ཐུགས་ཀྱི་དངོས་གྲུབ་ཐོབ་ནས་ཚེ་འདི་ཉིད་ལ་སངས་རྒྱས་ཐོབ་པར་བྱིན་གྱིས་བརླབ་ཏུ་གསོལ། ཞེས་བརྗོད། ཨོཾ་ཨཱཿཧཱུྃབཛྲ་གུ་རུ་པདྨ་སིདྡྷི་ཧཱུྃ། །ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཐུགས་ཡེ་ཤེས་གངས་ཅན་མཚོ་ལས་ལྷུན་གྱིས་གྲུབ་པའི་རང་བཞིན། རྒྱལ་སྲས་པདྨ་འབྱུང་གནས་ཀྱི་ཞབས་ཀྱི་པདྨོ་དྲི་མ་མེད་པ་ལ་དུས་གསུམ་ཐམས་ཅད་དུ་ཕྱག་འཚལ་ཞིང་སྐྱབས་སུ་མཆིའོ། །བརྩེ་བ་ཆེན་པོས་རྗེས་སུ་བཟུང་དུ་གསོལ། མགོན་པོ་གདོད་ནས་རྫོགས་སངས་རྒྱས། །བདེ་ཆེན་ཡོན་ཏན་འབྱུང་བའི་མཛོད། །སངས་རྒྱས་ཀུན་གྱི་བླ་མ་མཆོག །ཀུན་བཟང་ཡབ་ཡུམ་ལ་ཕྱག་འཚལ། །རིགས་ལྔ་ཡེ་ཤེས་ལྔ་ཡི་དངོས། །རྡོ་རྗེ་འཆང་གི་ངོ་བོ་ཉིད། །ཞི་དང་ཁྲོ་ཚུལ་དཔག་མེད་སྟོན། །སྣང་མཐའ་ཡབ་ཡུམ་ལ་ཕྱག་་འཚལ། །བདེ་གཤེགས་རྒྱ་མཚོའི་རྣམ་འཕྲུལ་ལས། །རང་བྱུང་གེ་སར་པདྨའི་སྟེང༌། །མཚན་རྫོགས་དཔེ་བྱད་འབར་བའི་སྐུ། །པདྨ་འབྱུང་གནས་ལ་ཕྱག་འཚལ། །ངོ་བོ་ཡེ་ནས་ནས་ཀུན་ཏུ་བཟང༌། །རང་བཞིན་བདེ་གཤེགས་འོད་དཔག་མེད། །ཐུག་རྗེ་པདྨར་སྐུ་སྤྲུལ་པ། །ཤཱཀྱ་སེང་གེ་ལ་ཕྱག་འཚལ། །སྐུ་གསུམ་མཛད་པའི་འཕྲིན་ལས་ཀྱིས། །གདུལ་བྱའི་རེ་བ་རྣམས་སྐོང་ཞིང༌། །མཁའ་འགྲོ་འབར་བའི་སྤྲིན་འཕྲོ་བ། པདྨ་རྒྱལ་པོ་ལ་ཕྱག་འཚལ། །ཇི་སྙིད་ཇི་བཞིན་ཐམས་ཅད་མཁྱེན། །སྣ་ཚོགས་ཆོས་ཀྱི་རྔ་སྒྲ་ཡིས། །བདུད་དང་མུ་སྟེགས་ཚར་གཅོད་ པ། །བློ་ལྡན་མཆོག་སྲེད་ལ་ཕྱག་འཚལ། །ཀུན་མཁྱེན་ཡེ་ཤེས་གངས་རི་ ལ། །རྣམ་གྲོལ་མཆོག་གི་གོ་འཕང་བརྙེས། །དཔག་མེད་འཁོར་གྱི་ཚོགས་ནང་དུ། །སེང་གེའི་སྒྲ་སྒྲོགས་ལ་ཕྱག་འཚལ། །ཐུགས་རྗེའི་ཆར་སྤྲིན་རོལ་པ་ ལས། །ཕན་བདེའི་གློག་ཕྲེང་ཆར་འབེབས་ཤིང༌། །འགྲོ་བློའི་ཕུན་ཚོགས་རྒྱས་བྱེད་པ། །པདྨ་སམྦྷ་ལ་ཕྱག་འཚལ། །མཁྱེན་བརྩེའི་འོད་སྟོང་དཀྱིལ་འཁོར་གྱིས། །གསུང་རབ་པདྨོ་རྒྱས་མཛད་ཅིང༌། །འགྲོ་བའི་ལམ་ཡང་དཀར་པོ་མཛད། །ཉི་མ་འོད་ཟེར་ལ་ཕྱག་འཚལ། །རྣམ་འཕྲུལ་དྲག་པོས་འདུལ་བ་ ལ། །འཇིགས་རུང་གར་དགུའི་ཉམས་ལྡན་ཞིང༌། །ལྷ་སྲིན་གདུག་པ་ཚར་གཅོད་པའི། །པདྨ་ཐོད་ཕྲེང་ལ་ཕྱག་འཚལ། །མཁའ་འགྲོ་འབར་བའི་སྤྲིན་ཕུང་ལས། །དངོས་གྲུབ་བདུད་རྩིའི་ཆར་འབེབས་ཤིང༌། །བདེ་ཆེན་རྒྱལ་བ་མཉེས་མཛད་ཡུམ། །མཁར་ཆེན་མཚོ་རྒྱལ་ལ་ཕྱག་འཚལ། །ཤེས་བྱའི་དཀྱིལ་འཁོར་རབ་གཟིགས་ཤིང༌། །དམ་ཆོས་རིན་ཆེན་མཛོད་འཛིན་པས། །ཟབ་མོའི་དགོངས་གཏེར་རྒྱས་མཛད་པ། །དྲི་མེད་འོད་ཟེར་ལ་ཕྱག་འཚལ། །ལྟ་སྤྱོད་ཟུང་དུ་འཇུག་པ་ཡིས། །རིག་་འཛིན་མཆོག་གི་དངོས་གྲུབ་བརྙེས། །བླ་མེད་སྙིང་པོའི་བསྟན་པ་འཛིན། །བདེ་ལེགས་རྒྱ་མཚོ་ལ་ཕྱག་འཚལ། །བསྟན་པའི་གདུང་འཛིན་འགྲོ་བའི་་ཡབ། །རྟོགས་པ་ཕུལ་ཕྱིན་བྱང་སེམས་ལྡན། ། འགྲོ་རྣམས་སྨིན་གྲོལ་ལམ་ལ་འགོད། །མ་ཏི་མངྒ་ལ་ཕྱག་འཚལ། །སྔོན་སྦྱངས་སྨོན་ལམ་སྟོབས་ཆེན་གྱིས། །སྟོང་ཉིད་སྙིང་རྗེའི་དོན་རྟོགས་ནས། ། འགྲོ་ཀུན་བརྩེ་བས་འདྲེན་པའི་དཔལ། །གུ་ཎ་ཤྲཱི་ལ༴ །མདོ་རྒྱུད་དགོངས་པ་ཐུགས་ཆུད་ཅིང༌། །བསླབ་གསུམ་གྱིས་བརྒྱན་རྟོགས་པ་འབར། །སངས་རྒྱས་བསྟན་པའི་སྙིང་པོ་འཛིན། །སྤྲུལ་སྐུ་བསམ་རྒྱལ་ལ༴ །རྣལ་གྲོལ་ཆོས་དབྱིངས་མཉམ་ཉིད་དང༌། །ཟག་མེད་ཡེ་ཤེས་འོད་གསལ་མཆོག །ཉིན་་དང་མཚན་མོ་དབྱེར་མེད་པའི། །ནམ་མཁའ་གཞོན་ནུ་ལ༴ །གདོད་ནས་ལྷུན་གྲུབ་ཆོས་སྐུའི་ངང༌། །གཟུགས་སྐུར་རོལ་པ་སྒྱུ་མའི་སྐུ། །སྣ་ཚོགས་ཐབས་ལྡན་འགྲོ་ཀུན་སྒྲོལ། །མཁའ་ཀློང་ཡངས་པ་ལ༴ །སྟོང་ཉིད་ཟབ་མོ་འདི་ཉིད་ལ། །མི་ཤེས་རང་བློས་བཅིངས་པ་ཀུན། །ཡེ་ཤེས་རིག་པའི་རལ་གྲིས་གཅོད། །མ་ཏི་དྷྭ་ཛ་ལ༴ །སྔོན་སྦྱང་སྟོབས་ཆེན་ལས་འཕྲོ་་ཡིས། །བླ་མེད་རྡོ་རྗེ་སྙིང་པོའི་དོན། ། འབད་རྩོལ་མེད་པ་ལྷུན་གྱིས་གྲུབ། །རྩ་བའི་བླ་མ་ལ་ཕྱག་འཚལ། །ངང་ཉིད་ཆོས་དབྱིངས་རོལ་པ་ལས། །སྣ་ཚོགས་ཐབས་ཀྱི་རྣམ་འཕྲུལ་གྱིས། །ཕྲིན་ལས་རྣམ་བཞིས་ལས་མཛད་པ། །མཁའ་འགྲོ་དམ་ཅན་ལ༴ །གཞན་ཡང་ཕྱོགས་བཅུའི་རིག་འཛིན་དང༌། །བདེ་གཤེགས་ཆོས་དང་འཕགས་པའི་ ཚོགས། །མཁའ་འགྲོ་བདེ་ཆེན་རྒྱ་མཚོ་དང༌། །མཆོད་འོས་ཀུན་ལ་བདག་ཕྱག་འཚལ། །དགེའོ།། <span class="lcp-mark">«</span>མེ | ||
</div> | </div> | ||
= Source = | = Source = | ||
This page is a cleaned copy of the following rywikitexts page, which stay unchanged: | This page is a cleaned copy of the following rywikitexts page, which stay unchanged: | ||
* [[Klong chen rab byams gsung 'bum/volume 022 492]] (revision 10962, 2020-03-22) | * [[Klong chen rab byams gsung 'bum/volume 022 492]] (revision 10962, 2020-03-22) | ||
Cleaning (21 November 2026): removed 1 running heads, 3 Word page fields. The «» marks are kept | Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden. | ||
Part of the [[Longchenpa Collected Works]] ([[Longchenpa Collected Works/About|about this project]]). | Part of the [[Longchenpa Collected Works]] ([[Longchenpa Collected Works/About|about this project]]). | ||
<headertabs/> | <headertabs/> | ||
Latest revision as of 21:16, 21 November 2026
རྫོགས་པ་ཆེན་པོ་སེམས་ཉིད་རང་གྲོལ་གྱི་ལམ་རིམ་སྙིང་པོའི་དོན་ཁྲིད་ཅེས་བྱ་བ klong chen rab 'byams kyi gsung 'bum (pe cin 2009)· Volume 22(ZA) རྫོགས་པ་ཆེན་པོ་ཆོས་ཉིད་རང་གྲོལ
| Title | སེམས་ཉིད་རང་གྲོལ་གྱི་གསོལ་འདེབས |
|---|---|
| Wylie | sems nyid rang grol gyi gsol 'debs
|
| Author | Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར། |
| Location | klong chen rab 'byams kyi gsung 'bum (pe cin 2009), volume 22(ZA), text 13, pages 431–434 (BDRC scan pages) |
| Section | rang grol skor gsum dang kun byed rgyal po'i don khrid |
| Part of | rang grol skor gsum (BDRC 4.1.1, pp. 389–503) |
| Tibetan text | E-text from the typeset Pe cin edition (input 2020 on rywikitexts), cleaned 21 November 2026; not proofread against the print. |
| BDRC | MW1KG4884, outline 4.1.1.3 |
| Citation | Klong chen rab 'byams pa. sems nyid rang grol gyi gsol 'debs. In Kun mkhyen klong chen rab 'byams kyi gsung 'bum, vol. 22, pp. 431–434. Pe cin: Krung go'i bod rig pa dpe skrun khang, 2009. BDRC MW1KG4884. |
| Notes | Title from the first line of the e-text; text boundaries and page numbers from the BDRC outline of MW1KG4884. |