LONGCHENPA-PECIN-22-ZA-008: Difference between revisions
LONGCHENPA-PECIN-22-ZA-008
Longchenpa Project: generated page (21 November 2026) |
Longchenpa Project: Tibetan in the wiki's TibetanMachineUni font; «…» notes in small print (22 November 2026) |
||
| Line 30: | Line 30: | ||
}} | }} | ||
= Tibetan Text = | = Tibetan Text = | ||
<div class=" | <div class="TibetanMachineUni16 lcp-etext" lang="bo"> | ||
༈ རྫོགས་པ་ཆེན་པོ་བསམ་གཏན་ངལ་གསོའི་དོན་ཁྲིད་སྙིང་པོ་བཅུད་བསྡུས་ཞེས་བྱ་བ་བཞུགས་སོ།<span class="lcp-mark">«</span> ། | |||
འོད་གསལ་བ་ཡི་ཡེ་ཤེས་ནི། །སེམས་ཀྱི་དམ་པ་ལ་བཏུད་ནས། །དྲི་མེད་རང་བཞིན་དག་པ་ཡི། །སྒོམ་པའི་སྙིང་པོ་འདིར་བརྗོད་བྱ། །དང་པོར་སྟན་བདེ་བ་ལ་འདུག་སྟེ། ཚེ་མི་རྟག་པ་དང༌། འཁོར་བའི་སྡུག་བསྔལ་ལ་སྐྱོ་བ་དང༌། སེམས་ཅན་ལ་ཚད་མེད་པའི་སྙིང་རྗེས་སེམས་བསྐྱེད་པ་དང༌། སྣང་སྲིད་འོག་མིན་ཏུ་གསལ་ཞིང་རང་ལུས་རྡོ་རྗེ་སེམས་དཔའ་འཇའ་ཚོན་ལྟ་བུ་རྡོ་རྗེ་དང་དྲིལ་བུ་འཛིན་པ་བསྐྱེད་དེ། ཡི་གེ་བརྒྱ་པ་བཟླས་པ་དང༌། སྤྱི་བོར་པད་ཟླ་ཉི་མའི་དབུས་་སུ་བླ་མ་ཀུན་འདུས་ཀུན་ཏུ་བཟང་པོ་ཡབ་ཡུམ་གྱི་རྣམ་པ་ཅན་མཐིང་ག །རྡོ་རྗེ་སྐྱིལ་ཀྲུང་དང་མཉམ་གཞག་མཛད་པ་ལས་འོད་ཟེར་མུ་མེད་པ་འཕྲོས་ཏེ། ནམ་མཁའི་དབྱིངས་ཐམས་ཅད་ལོངས་སྐུའི་ཞིང་དུ་བསྒོམ་ཞིང༌། རྩ་བ་དང་བརྒྱུད་པའི་བླ་མ་ཡི་དམ་མཁའ་འགྲོ་ཐམས་ཅད་ཐིམ་པར་བསམ་ཞིང༌། གནས་ལུགས་ཀྱི་རྟོགས་པ་རྒྱུད་ལ་སྐྱེ་བར་གསོལ་བ་བཏབ་པའི་རིམ་པ་རྣམས་ལ་ཉིན་ཞག་གསུམ་གསུམ་སྟེ་ཟླ་བ་ཕྱེད་དུ་བློ་སྦྱོང་ངོ༌། །སྔོན་འགྲོ་བསྟན་པའོ། །དངོས་གཞི་ལ་གསུམ། དང་པོ་བདེ་བའི་འོད་གསལ་ནི། ལུས་སྐྱིལ་ཀྲུང་གི་པུས་མོར་ཐལ་མོ་གཉིས་བཀབ་ལ། རླུང་ཕྱིར་བུས་བའི་རྗེས་ལ་དལ་བུས་ནང་དུ་རྔུབས་ཏེ། རྩ་གསུམ་འཁོར་ལོ་བཞི་གསལ་བའི་ལྟེ་བར་ཨ་དམར་པོ་ལས་མེ་འབར་བ་སྤྱི་བོའི་ཧཾ་དཀར་པོ་ལ་ཕོག་པས་བདུད་རྩིའི་རྒྱུན་བབས་པ་སྙིང་དབུས་ཀྱི་བཾ་སྔོ་སྐྱ་ལ་ཕོག་པས་བདེ་ཕྲི་ལི་ལི་བྱུང་བར་བསམས་ལ། བདེ་བ་མ་སྐྱེས་ཀྱི་བར་དུ་བསྒོམ་མོ། །སྐྱེས་ནས་བཾ་དེ་ཉིད་ཇེ་ཕྲར་གྱུར་ནས་མཐར་མི་དམིགས་པའི་ངང་དུ་སེམས་ཀློད་ནས་བསྒོམས་པས། བདེ་སྟོང་སྤྲོས་པ་དང་བྲལ་བའི་ཡེ་ཤེས་ཉིན་ཞག་གསུམ་གྱིས་འགྲུབ་པར་འགྱུར་རོ། ། གཉིས་པ་གསལ་བའི་འོད་གསལ་ནི་ལུས་གནད་དང་རྩ་གནས་དེ་དང་འདྲ་བ་ལས། རོ་རྐྱང་གི་ནང་ནས་རླུང་ཚུར་རྔུབས་དུས་སྣང་སྲིད་འཁོར་འདས་ཐམས་ཅད་འོད་དུ་ཞུ་བ་སྙིང་གའི་དབུས་ཀྱི་འོད་ལྔའི་གོང་བུ་ལ་ཐིམ་པས་གསལ་སྟོང་གི་ཡེ་ཤེས་སྐྱེས་པར་བསམས་ལ། རླུང་ཁ་སྦྱར་ཏེ་སྙིང་གར་གཟུང་ཞིང་དལ་བུས་རླུང་རྔུབས་བྱ་ཞིང་མཐར་ཇེ་ཕྲ་་ཇེ་ཆུང་མི་དམིགས་པའི་ངང་དུ་གློད་ལ་བསྒོམས་པས། ཉིན་ཞག་གསུམ་ནས་གསལ་སྟོང་མི་རྟོག་པའི་འོད་གསལ་འཆར་རོ། ། གསུམ་པ་མི་རྟོག་པའི་འོད་གསལ་ནི། ལུས་གནད་འདྲ་བ་ལ་སེམས་གནད་ཀྱིས་འཕང་བ་ནི། སྙིང་གར་ཨ་དཀར་པོ་འོད་འཕྲོ་བ་བསམ་སྟེ། ཧ་ཉེར་གཅིག་གིས་སྤྱི་བོ་ནས་ནམ་མཁའི་དབྱིངས་སུ་སོང་སྟེ། དྲན་པ་རང་ཡལ་གྱི་ངང་དེར་བཞག་པས། རྟོག་མེད་གསལ་བའི་ཡེ་ཤེས་སྐྱེའོ། །གཟུང་བ་ནི་གནམ་དངས་པའི་ཚེ་ཉི་མ་ལ་རྒྱབ་གཏད་དེ་ནམ་མཁའི་ངང་དེར་བལྟས་ལ། སེམས་མ་་ཡེངས་པར་བཞག་པས་མི་རྟོག་པའི་ཡེ་ཤེས་སྐྱེའོ། །སྦྱང་བ་ནི། ནམ་མཁའ་ལ་གཏད་ནས་ས་རྡོ་རི་བྲག་ལ་སོགས་པའི་སྣང་བ་རྣམས་ལ་རིམ་གྱིས་བལྟས་པས། དངོས་པོ་མེད་པ་ནམ་མཁའ་ལྟར་གྱུར། རང་གི་ལུས་ཀྱང་ནམ་མཁའ་ལྟར་གྱུར། ཕྱི་ནང་བར་གསུམ་ནམ་མཁའ་གྱུར་ཏེ་དབྱེར་མེད་ནམ་མཁའི་ངང་ལ་མི་གཡོ་ཞིང་མ་ཡེངས་པར་ལྷན་ནེ་བསྒོམ་པས། ཆོས་ཐམས་ཅད་རྟོག་མེད་ཡེ་གྲོལ་ཆེན་པོ། གདོད་མའི་གནས་ལུགས་ཀ་དག་བློ་ཟད་ཆེན་པོའི་ཡེ་ཤེས་སྐྱེ་བར་འགྱུར་རོ། །དངོས་གཞི་འོད་གསལ་གྱི་གདམས་པའོ། ། རྗེས་ནི་གང་ལའང་འཛིན་ཞེན་མེད་པས་སྐྱེད་མེད་ཐུག་ཕྲད་དུ་རྩལ་སྦྱངས་བ་ལ་བསླབ་པར་བྱའོ། །དེ་ལྟར་བདེ་གསལ་རྣམ་པར་རྟོག་མེད་ཀྱི། །འོད་གསལ་ཉམས་མྱོང་ཡི་གེར་བཀོད་པ་ཡི། །དགེ་བས་འགྲོ་ཀུན་སེམས་ཉིད་དོན་རྟོགས་ནས། | འོད་གསལ་བ་ཡི་ཡེ་ཤེས་ནི། །སེམས་ཀྱི་དམ་པ་ལ་བཏུད་ནས། །དྲི་མེད་རང་བཞིན་དག་པ་ཡི། །སྒོམ་པའི་སྙིང་པོ་འདིར་བརྗོད་བྱ། །དང་པོར་སྟན་བདེ་བ་ལ་འདུག་སྟེ། ཚེ་མི་རྟག་པ་དང༌། འཁོར་བའི་སྡུག་བསྔལ་ལ་སྐྱོ་བ་དང༌། སེམས་ཅན་ལ་ཚད་མེད་པའི་སྙིང་རྗེས་སེམས་བསྐྱེད་པ་དང༌། སྣང་སྲིད་འོག་མིན་ཏུ་གསལ་ཞིང་རང་ལུས་རྡོ་རྗེ་སེམས་དཔའ་འཇའ་ཚོན་ལྟ་བུ་རྡོ་རྗེ་དང་དྲིལ་བུ་འཛིན་པ་བསྐྱེད་དེ། ཡི་གེ་བརྒྱ་པ་བཟླས་པ་དང༌། སྤྱི་བོར་པད་ཟླ་ཉི་མའི་དབུས་་སུ་བླ་མ་ཀུན་འདུས་ཀུན་ཏུ་བཟང་པོ་ཡབ་ཡུམ་གྱི་རྣམ་པ་ཅན་མཐིང་ག །རྡོ་རྗེ་སྐྱིལ་ཀྲུང་དང་མཉམ་གཞག་མཛད་པ་ལས་འོད་ཟེར་མུ་མེད་པ་འཕྲོས་ཏེ། ནམ་མཁའི་དབྱིངས་ཐམས་ཅད་ལོངས་སྐུའི་ཞིང་དུ་བསྒོམ་ཞིང༌། རྩ་བ་དང་བརྒྱུད་པའི་བླ་མ་ཡི་དམ་མཁའ་འགྲོ་ཐམས་ཅད་ཐིམ་པར་བསམ་ཞིང༌། གནས་ལུགས་ཀྱི་རྟོགས་པ་རྒྱུད་ལ་སྐྱེ་བར་གསོལ་བ་བཏབ་པའི་རིམ་པ་རྣམས་ལ་ཉིན་ཞག་གསུམ་གསུམ་སྟེ་ཟླ་བ་ཕྱེད་དུ་བློ་སྦྱོང་ངོ༌། །སྔོན་འགྲོ་བསྟན་པའོ། །དངོས་གཞི་ལ་གསུམ། དང་པོ་བདེ་བའི་འོད་གསལ་ནི། ལུས་སྐྱིལ་ཀྲུང་གི་པུས་མོར་ཐལ་མོ་གཉིས་བཀབ་ལ། རླུང་ཕྱིར་བུས་བའི་རྗེས་ལ་དལ་བུས་ནང་དུ་རྔུབས་ཏེ། རྩ་གསུམ་འཁོར་ལོ་བཞི་གསལ་བའི་ལྟེ་བར་ཨ་དམར་པོ་ལས་མེ་འབར་བ་སྤྱི་བོའི་ཧཾ་དཀར་པོ་ལ་ཕོག་པས་བདུད་རྩིའི་རྒྱུན་བབས་པ་སྙིང་དབུས་ཀྱི་བཾ་སྔོ་སྐྱ་ལ་ཕོག་པས་བདེ་ཕྲི་ལི་ལི་བྱུང་བར་བསམས་ལ། བདེ་བ་མ་སྐྱེས་ཀྱི་བར་དུ་བསྒོམ་མོ། །སྐྱེས་ནས་བཾ་དེ་ཉིད་ཇེ་ཕྲར་གྱུར་ནས་མཐར་མི་དམིགས་པའི་ངང་དུ་སེམས་ཀློད་ནས་བསྒོམས་པས། བདེ་སྟོང་སྤྲོས་པ་དང་བྲལ་བའི་ཡེ་ཤེས་ཉིན་ཞག་གསུམ་གྱིས་འགྲུབ་པར་འགྱུར་རོ། ། གཉིས་པ་གསལ་བའི་འོད་གསལ་ནི་ལུས་གནད་དང་རྩ་གནས་དེ་དང་འདྲ་བ་ལས། རོ་རྐྱང་གི་ནང་ནས་རླུང་ཚུར་རྔུབས་དུས་སྣང་སྲིད་འཁོར་འདས་ཐམས་ཅད་འོད་དུ་ཞུ་བ་སྙིང་གའི་དབུས་ཀྱི་འོད་ལྔའི་གོང་བུ་ལ་ཐིམ་པས་གསལ་སྟོང་གི་ཡེ་ཤེས་སྐྱེས་པར་བསམས་ལ། རླུང་ཁ་སྦྱར་ཏེ་སྙིང་གར་གཟུང་ཞིང་དལ་བུས་རླུང་རྔུབས་བྱ་ཞིང་མཐར་ཇེ་ཕྲ་་ཇེ་ཆུང་མི་དམིགས་པའི་ངང་དུ་གློད་ལ་བསྒོམས་པས། ཉིན་ཞག་གསུམ་ནས་གསལ་སྟོང་མི་རྟོག་པའི་འོད་གསལ་འཆར་རོ། ། གསུམ་པ་མི་རྟོག་པའི་འོད་གསལ་ནི། ལུས་གནད་འདྲ་བ་ལ་སེམས་གནད་ཀྱིས་འཕང་བ་ནི། སྙིང་གར་ཨ་དཀར་པོ་འོད་འཕྲོ་བ་བསམ་སྟེ། ཧ་ཉེར་གཅིག་གིས་སྤྱི་བོ་ནས་ནམ་མཁའི་དབྱིངས་སུ་སོང་སྟེ། དྲན་པ་རང་ཡལ་གྱི་ངང་དེར་བཞག་པས། རྟོག་མེད་གསལ་བའི་ཡེ་ཤེས་སྐྱེའོ། །གཟུང་བ་ནི་གནམ་དངས་པའི་ཚེ་ཉི་མ་ལ་རྒྱབ་གཏད་དེ་ནམ་མཁའི་ངང་དེར་བལྟས་ལ། སེམས་མ་་ཡེངས་པར་བཞག་པས་མི་རྟོག་པའི་ཡེ་ཤེས་སྐྱེའོ། །སྦྱང་བ་ནི། ནམ་མཁའ་ལ་གཏད་ནས་ས་རྡོ་རི་བྲག་ལ་སོགས་པའི་སྣང་བ་རྣམས་ལ་རིམ་གྱིས་བལྟས་པས། དངོས་པོ་མེད་པ་ནམ་མཁའ་ལྟར་གྱུར། རང་གི་ལུས་ཀྱང་ནམ་མཁའ་ལྟར་གྱུར། ཕྱི་ནང་བར་གསུམ་ནམ་མཁའ་གྱུར་ཏེ་དབྱེར་མེད་ནམ་མཁའི་ངང་ལ་མི་གཡོ་ཞིང་མ་ཡེངས་པར་ལྷན་ནེ་བསྒོམ་པས། ཆོས་ཐམས་ཅད་རྟོག་མེད་ཡེ་གྲོལ་ཆེན་པོ། གདོད་མའི་གནས་ལུགས་ཀ་དག་བློ་ཟད་ཆེན་པོའི་ཡེ་ཤེས་སྐྱེ་བར་འགྱུར་རོ། །དངོས་གཞི་འོད་གསལ་གྱི་གདམས་པའོ། ། རྗེས་ནི་གང་ལའང་འཛིན་ཞེན་མེད་པས་སྐྱེད་མེད་ཐུག་ཕྲད་དུ་རྩལ་སྦྱངས་བ་ལ་བསླབ་པར་བྱའོ། །དེ་ལྟར་བདེ་གསལ་རྣམ་པར་རྟོག་མེད་ཀྱི། །འོད་གསལ་ཉམས་མྱོང་ཡི་གེར་བཀོད་པ་ཡི། །དགེ་བས་འགྲོ་ཀུན་སེམས་ཉིད་དོན་རྟོགས་ནས། །མི་གནས་གདོད་མའི་ཆོས་སྐུ་ཐོབ་པར་ཤོག<span class="lcp-mark">»</span> <span class="lcp-mark">«</span>།ཡང་ཟབ་སྙིང་པོ་འོད་གསལ་ཡེ་ཤེས་གནད། །བླ་མའི་གསུང་བཞིན་ཉམས་སུ་མྱོང་བ་རྣམས། ། གངས་རི་ཐོད་དཀར་མགུལ་དུ་བདག་གིས་ནི། །ལེགས་པར་བཤད་དེ་ལེགས་བཤད་རྒྱས་གྱུར་ཅིག །རྫོགས་པ་ཆེན་པོ་བསམ་གཏན་ངལ་གསོའི་དོན་ཁྲིད་སྙིང་པོ་བཅུད་བསྡུས་དྲི་མེད་འོད་ཟེར་གྱིས་མཛད་པ་རྫོགས་སོ།། །།དགེའོ། ། དགེའོ། །དགེའོ། | ||
</div> | </div> | ||
= Source = | = Source = | ||
This page is a cleaned copy of the following rywikitexts page, which stay unchanged: | This page is a cleaned copy of the following rywikitexts page, which stay unchanged: | ||
* [[Klong chen rab byams gsung 'bum/volume 022 505]] (revision 10975, 2020-03-22) | * [[Klong chen rab byams gsung 'bum/volume 022 505]] (revision 10975, 2020-03-22) | ||
Cleaning (21 November 2026): removed 1 running heads, 3 Word page fields. The «» marks are kept | Cleaning (21 November 2026): removed 1 running heads, 3 Word page fields. The «» marks are kept in the text: they enclose the small-print notes of the print, which are shown in small print with the marks hidden. | ||
Part of the [[Longchenpa Collected Works]] ([[Longchenpa Collected Works/About|about this project]]). | Part of the [[Longchenpa Collected Works]] ([[Longchenpa Collected Works/About|about this project]]). | ||
<headertabs/> | <headertabs/> | ||
Latest revision as of 21:16, 21 November 2026
རྫོགས་པ་ཆེན་པོ་བསམ་གཏན་ངལ་གསོའི་འགྲེལ་པ་ཤིང་རྟ་རྣམ་པར་དག་པ་ཞེས་བྱ་བ klong chen rab 'byams kyi gsung 'bum (pe cin 2009)· Volume 22(ZA) ངལ་གསོ་སྐོར་གསུམ་གྱི་སྤྱི་དོན་ལེགས་བཤད་རྒྱ་མཚོ་ཞེས་བྱ་བ
| Title | རྫོགས་པ་ཆེན་པོ་བསམ་གཏན་ངལ་གསོའི་དོན་ཁྲིད་སྙིང་པོ་བཅུད་བསྡུས་ཞེས་བྱ་བ |
|---|---|
| Wylie | rdzogs pa chen po bsam gtan ngal gso'i don khrid snying po bcud bsdus zhes bya ba |
| English | The Essential Elixir |
| Catalogue title | bsam gtan ngal gso'i don khrid (BDRC outline) |
| Author | Longchenpa ཀློང་ཆེན་རབ་འབྱམས་པ་དྲི་མེད་འོད་ཟེར། |
| Location | klong chen rab 'byams kyi gsung 'bum (pe cin 2009), volume 22(ZA), text 8, pages 293–295 (BDRC scan pages) |
| Section | ngal gso skor gsum › bsam gtan ngal gso |
| Part of | bsam gtan ngal gso (BDRC 3.3.1.1, pp. 199–295) |
| Tibetan text | E-text from the typeset Pe cin edition (input 2020 on rywikitexts), cleaned 21 November 2026; not proofread against the print. |
| BDRC | MW1KG4884, outline 3.3.1.1.4 |
| Same work in | བསམ་གཏན་ངལ་གསོའི་དོན་ཁྲིད (sde dge) |
| Citation | Klong chen rab 'byams pa. bsam gtan ngal gso'i don khrid. In Kun mkhyen klong chen rab 'byams kyi gsung 'bum, vol. 22, pp. 293–295. Pe cin: Krung go'i bod rig pa dpe skrun khang, 2009. BDRC MW1KG4884. |
| Notes | Title from the first line of the e-text; text boundaries and page numbers from the BDRC outline of MW1KG4884. |