Page property search

This page provides a browsing interface for finding all values of a property and a given page. Other available search interfaces include the property search, and the ask query builder.

List of results

• །གཉིས་མེད་བླང་དོར་བྲལ་བའི་གནས་ལུགས་ལ།།ཡང་ཡང་སྤྱད་ན་སྤྱད་དུ་མེད་པ་མཐོང༌།།སྤྱད་མེད་རིག་པ་སྤྱི་བླུགས་སྤྱོད་པ་ཡིན།  +
• །གཤིས་ལ་གཞལ་ན་གང་ཡང་མ་གྲུབ་ལྟར།།ལམ་དུ་བྱེད་པས་གཤིས་ཐོག་མི་གཡོའི་དུས།།གང་ཡང་མི་དམིགས་དགོངས་པའི་དུས་ན་རྩི།།གཤིས་ཐོག་མཐར་ཕྱིན་གང་ཡང་གོས་མི་འགྱུར།  +
• །ཇི་ལྟར་བསམས་ཀྱང་རང་གི་ངང་ལ་བསམ།།ཇི་ལྟར་རྟོག་ཀྱང་རང་གི་ངང་ལ་རྟོག།བྱང་ཆུབ་སེམས་ལ་བསམ་རྟོག་ཡེ་ནས་མེད།།བསམ་རྟོག་བྲལ་བ་དུས་གསུམ་རྒྱལ་བའི་ཐུགས།  +
• །ཇི་ལྟར་སྨྲས་ཀྱང་རང་གི་ངང་ལ་སྨྲ།།ཇི་ལྟར་བརྗོད་ཀྱང་རང་གི་ངང་ལ་བརྗོད།།བྱང་ཆུབ་སེམས་ལ་སྨྲ་བརྗོད་ངང་གིས་མེད།།སྨྲ་བརྗོད་མེད་པ་དུས་གསུམ་རྒྱལ་བའི་གསུང༌།  +
• །དཀར་དམར་ཡུལ་དུ་སྣང་བའི་རྣམ་པ་ལ།།དབང་པོ་མི་བསྡུ་མིག་ཀྱང་མི་འགུལ་པས།།བདག་ལ་མི་བསམ་གཞན་ལ་མི་རྟོག་པར།།ཕྱམ་ཕྱལ་ཡངས་པ་ཆེན་པོར་ངང་གིས་ཞོག  +
• །བྱང་ཆུབ་སེམས་ཀྱི་ཀློང་ཆེན་ངང་ཉིད་ལས།།དྲན་པའི་རྣམ་པར་རྟོག་པ་མི་འབྱུང་སྟེ།།ཤེས་པའི་མཚན་མ་ཡིད་ལ་མི་གཡོ་ན།།དེ་ཉིད་སངས་རྒྱས་ཉག་ཅིག་དགོངས་པ་ཡིན།  +
• །མ་བསྒོམས་རིག་པ་བཏང་གཞག་བྲལ་བ་ལ།།ཡང་ཡང་བསྒོམས་ན་བསྒོམ་དུ་མེད་པ་མཐོང༌།།སྒོམ་མེད་རིག་པ་སྤྱི་བླུགས་སྒོམ་པ་ཡིན།  +
• །མི་གཡོ་མཉམ་པ་ཆེན་པོའི་རིག་པ་ལ།།ཤར་བའི་དུས་ན་རང་ཤར་རང་ས་ཟིན།།གནས་པའི་དུས་ན་རང་གནས་རང་ས་ཟིན།།གྲོལ་བའི་དུས་ན་རང་གྲོལ་རང་ས་ཟིན།  +
• །མི་འགྱུར་ལྷུན་གྱིས་གྲུབ་པའི་ཆོས་ཉིད་ལ།།དམིགས་བསམ་ཚོལ་ཁྲོ་བྲལ་བའི་རང་རིག་གིས།།ཡང་ཡང་བལྟས་ན་བལྟ་རུ་མེད་པ་མཐོང༌།།བལྟར་མེད་རིག་པ་སྤྱི་བླུགས་ལྟ་བ་ཡིན།  +
• །མི་འགྱུར་སྤྲོས་དང་བྲལ་བའི་རིག་པ་ལ།།ཤར་བ་ཡེ་ཤར་གནས་པ་ཡེ་གནས་ལ།།གྲོལ་བ་ཡེ་གྲོལ་ནམ་མཁའི་རང་བཞིན་ནོ།  +
• །མི་སྤྲོ་མི་བསྡུ་རང་དྭངས་སང་ངེ་བ།།དྭངས་པའི་རྒྱ་མཚོ་མི་གཡོ་མཉམ་པ་བཞིན།།ཆོས་ཉིད་གཏིང་གསལ་རང་བྱུང་ཡེ་ཤེས་དང༌།།འབྱུང་འཇུག་རེ་དགོས་བྲལ་བར་གནས་པ་ཡིན།  +
• །མེད་ལ་ཅིར་ཡང་འབྱུང་བ་སྤྲུལ་པའི་སྐུ།།ཉིད་ལ་ཉིད་ལོངས་སྤྱོད་པ་ལོངས་སྤྱོད་རྫོགས།།དེ་ལ་དངོས་གཞི་མེད་པས་ཆོས་སྐུ་སྟེ།།འབྲས་བུ་སྐུ་གསུམ་ལྷུན་གྱིས་གྲུབ་པའི་ཀློང༌།  +
• །ཡུལ་ཀྱང་མི་དགག་སེམས་ཀྱང་མི་གཟུང་བར།།རང་བཞིན་ལྷུན་གྲུབ་ངང་ལས་མི་གཡོ་ན།།ཀུན་བཟང་ཡངས་པ་ཆེན་པོའི་དགོངས་པའི་ཕྱིན།  +
• །ཡེ་ནས་མི་འགྱུར་ཀུན་ཏུ་བཟང་པོའི་ཀློང༌།།འཕོ་འགྱུར་མེད་པ་རྡོ་རྗེ་སེམས་དཔའི་ཀློང༌།།གནས་ལུགས་རང་ངོ་ཤེས་པ་ཙམ་ཉིད་ལ།།སངས་རྒྱས་ཞེས་སུ་མིང་འདི་བཏགས་པར་ཟད།  +
• །ཡེ་ཟིན་རེ་དོགས་བྲལ་བའི་ལྷུན་གྲུབ་ལ།།ཡང་ཡང་བསྒྲུབས་ན་བསྒྲུབ་ཏུ་མེད་པ་མཐོང༌།།བསྒྲུབ་མེད་རིག་པ་སྤྱི་བླུགས་འབྲས་བུ་ཡིན།  +
• །རང་བྱུང་ཡེ་ཤེས་ཕྱོགས་དང་རིས་མེད་པས།།འདི་ཞེས་མི་མཚོན་རང་བཞིན་སྤྲོས་ཀུན་ཞི།།དེ་བས་ཡིད་ལ་བྱེད་པ་རྣམས་སྤངས་ཏེ།།གཞི་བྲལ་ཡངས་པ་ཆེན་པོའི་དོན་ལ་བསླབ།  +
• །རྒྱ་བསྐྱེད་དཔངས་བསྟོད་སྤྲོ་བསྡུ་བྲལ་བའི་སེམས།།ཀུན་མཉམ་རང་བྱུང་ཡེ་ཤེས་དགོངས་པ་ལ།།ཕྱི་ནང་བར་མེད་ནམ་མཁའ་འདྲེས་པའི་ཉམས།བདེ་གསལ་སྤྲོས་དང་བྲལ་བའི་ཏིང་འཛིན་འཆར།  +
• །རྟེན་འབྲེལ་རྐྱེན་འབྱུང་འདུས་བྱས་གྲངས་བསམ་འདས།།འཁོར་བའི་འཁྲུལ་སྣང་ཞི་བདེའང་གྲངས་བསམ་འདས།།དེ་ཀུན་རྒྱུ་རྐྱེན་ཚོགས་པའི་རྟེན་འབྲེལ་ཉིད།  +
• །ཤར་གནས་གྲོལ་གསུམ་ཤར་གྲོལ་རྒྱུན་ཆད་མེད།།རྒྱུན་ཆད་མེད་པས་རྒྱུ་འབྲས་བར་མ་ཆོད།།རྒྱུ་འབྲས་མེད་པས་འཁོར་བའི་གཡང་ས་ཆོད།།གཡང་ས་མེད་པས་གོལ་ས་ག་ལ་ཡོད།  +
• །སྣ་ཚོགས་ཡུལ་དུ་སྣང་བའི་ཆོས་ཉིད་ལ།།གང་དུ་འདི་ལྟར་འཇོག་ཅེས་མི་རྟོག་པར།།རང་བབས་སྤྲོ་བསྡུ་བྲལ་བར་ལྷུན་གྱིས་ཞོག།ཆོས་ཉིད་མཉམ་པའི་ཀློང་དུ་ངང་གིས་གནས།  +