Ngb-pt-0952-vol-10-text
Front
Body
བྱང་ཆུབ་སེམས་དཔའ་གསང་བའི་ཐེག་པའི་རྒྱུད་ཅེས་བྱ་བ་བཞུགས་སོ། ། ༄་། །རྒྱ་གར་སྐད་དུ། བོ་དྷི་ཙིསྟ་ཨ་ཏི་བྷ་མ་ཧྭ་མ། བོད་སྐད་དུ། བྱང་ཆུབ་སེམས་དཔའ་གསང་བའི་ཐེག་པ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བདག་མེད་གཉིས་མེད་ཡེ་ཤེས་སངས་རྒྱས་པས། །ཞེན་པ་བཟློག་ཕྱིར་རྐྱེན་བཤད་བསམ་ཡས་ཀྱང་། །ཆོས་ཉིད་ངང་ལ་བརྗོད་བྱ་རྗོད་བྱེད་མེད། །རྟོག་དང་ལྟ་སྒོམ་ལ་སོགས་པའི། །བསླབ་པ་མ་ལུས་ཀུན་འཇིག་པ། །གསང་བའི་བསླབ་པ་ཡིན། །རྟོག་པ་ལ་སོགས་སུ་འདོད་པ། །དེ་ལ་དེ་གསོག་ནམ་ཡང་མེད། །སྐྱེས་ན་འགག་ཅིང་འགག་ན་སྐྱེ། །དེ་ནི་བདག་བཅས་འ་ལ་པའི་བློ། །བདག་མེད་གང་སྐྱེ་སྐྱེ་རྒྱུ་ཅིང་། །མི་སྐྱེ་མི་འགག་ཅིར་མི་རིག །བུས་པ་མ་རབས་རྟོགས་པར་འདོད། །གང་གིས་གང་རྟོགས་ཇི་ལྟར་རྟོགས། །རྟོག་པ་བདག་མེད་སྐྱེ་མེད་ཅིང་། །བདག་སྐྱེ་འཁོར་བ་ཅི་ཕྱིར་མིན། །བློ་དང་བློ་ཡུལ་མ་ཡིན་པའི། །འཁོར་བ་སྐྱེ་འགག་རྒྱུ་ཅི་ཞིག །དེ་བས་རྟོགས་པས་འཁོར་བར་འཆིངས། ཁྲེས་རྟོགས་ལྟ་བུའི་སྡིག་པ་ནི། །སྟོང་གསུམ་མ་ལུས་སྲོག་གཅད་པས། །སྡིག་པས་དེ་བརྟུལ་ཆར་མི་ཕོད། །ལྟ་སྒོམ་འབྲས་བུ་དེ་དང་མཚུངས། །རྟོག་བྱ་རྟོག་བྱེད་གཉིས་མེད་ཅིང་། །རྟོགས་ལྟ་ལ་སོགས་མི་སྐྱེ་ན། །དགོས་ཆེད་རྐྱེད་དུ་དེ་བསོགས་གསུངས། །མ་རྟོགས་མ་བསྒོམས་མ་ཤེས་ན། །རྡོ་རྗེ་ཀུན་ཏུ་༄༅ བཟང་པོ་ཡིན། །བདག་མེད་དམིགས་དང་རྣམ་ཤེས་ཇི་ལྟར་སྐྱེད། །དྲན་བྱ་དྲན་བྱེད་མེད་དེ་ཤེས་དང་མི་ཤེས་བྲལ། །རྟོགས་བྱ་རྟོགས་བྱེད་མེད་དེ་དགོས་ཆེད་དེ་རྟོགས་བརྗོད། །རྟོགས་པ་མ་སྐྱེས་པ་ནི་རྟོགས་པའི་མཆོག །འཆིང་གྲོལ་མེད་པ་གྲོལ་བའི་དམ་པ་ཡིན། །བཅིངས་ན་གྲོལ་ཞིང་གྲོལ་ན་འཆིང་། །ཡུལ་སེམས་གཉིས་སུ་མེད་པ་ནི། །བྱང་ཆུབ་སེམས་ཞེས་བདེ་གཤེགས་གསུངས། །ཡུམ་སེམས་གཉིས་སུ་འདོད་པ་དང་། །ཡུལ་མེད་སེམས་ལ་གསལ་སྟོང་དང་། །ཡོད་མེད་རྟག་ཆད་འཁྲུལ་པའི་སེམས། །འཁྲུལ་དང་མ་འཁྲུལ་གཉིས་མེད་ལ། །མ་འ་ལ་དགོས་ཆེད་གཉིས་ཡོད་འཁྲུལ། །དེ་དེ་ཉིད་དེ་དགོས་ཆེད་ཀྱིས། །དེ་མཚོན་འཁྲུལ་པ་བློ་བུར་དང་། །མེད་པ་དང་ནི་ཅིར་མི་རུང་། །སྐབས་ཀྱི་རེ་ཤིག་བརྗོད་པར་ཟད། །ཡུལ་སེམས་གཉིས་སུ་མེད་པ་ན། །དེ་མིན་ཆོས་མེད་གཉིས་སུ་མེད། །སྣོད་བཅུད་རབ་འཕྲིང་ཐ་མ་ཡིས།བཤད་དུ་ཡོད་དང་བཤད་དུ་མེད། །བཤད་བྱ་བཤད་བྱེད་གཉིས་སུ་མེད། །རྟོགས་སུ་ཡོད་དང་རྟོགས་སུ་མེད། །རྟོགས་བྱ་རྟོགས་བྱེད་གཉིས་སུ་མེད། །སྒོམ་སྒོད་འབྲས་བུ་ལ་སོགས་མཚུངས། །བྱ་བ་མེད་པས་གྲོལ་བ་གྲོལ། །བྱ་མེད་ལྷུན་གྲུབ་རྫོགས་པ་ཆེ། །རྟོག་སྒོམ་འབྲས་བུ་འདོད་པ་དང་། །ཐར་པ་འདོད་པའི་ཡིད་ཅན་ལ། །བྱང་ཆུབ་ནམ་ཡང་ཡོད་མ་ཡིན། །རྡོ་རྗེ་སོམས་དཔའི་གསང་བའི་ཐིགས་པ་འདི། །དགའ་རབ་རྡོ་རྗེའི་ཐུགས་ལ་དབྱེར་མེད་ཐིམ། །ཞེས་ལྟ་བ་ལྷག་པ་བྱང་ཆུབ་སེམས་ཀྱི་གསང་པའི་ཐིགས་པ་ཞེས་བྱ་བ་སྟེ། ལེའུ་དང་པོའོ།། །།བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འཁོར་འདས་རྣམ་པ་གཉིས་ལ་ཡང་། །ཆོས་ཅན་རྟོགས་དང་ཆོས་ཉིད་རྟོགས། །བྱ་བ་ཡོད་དང་ལྷུན་གྱིས་གྲུབ། །དོན་རྟོགས་རྟག་རྟོགས་འདུས་མ་བྱས། །བྱང་ཆུབ་སེམས་དང་འཕྲུལ་པའི་སེམས། །རང་བྱུང་རྟེན་བྱུང་ལ་སོགས་ཀྱིས། །འཁོར་འདས་གཉིས་སུ་ཤེས་མེད་ཤེས། །སྨན་རྡོ་ཙམ་ན་དུག་སྦང་། །སྨན་རྡོ་ཙམ་ན་དུག་མི་གནས། །སྨན་རྡོ་ཙམ་ན་དུག་ཀྱང་མེད། །སྨན་རྡོ་ཙམ་ན་དུག་མ་སྤངས། །དེབཞིནཆོསརྣམས་ཐམས་ཅད་ཀྱང་། །སྣང་རྡོ་ཙམ་ན་སྟོང་རྡོ་མེད། །སྟོང་རྡོ་ཙམ་ན་སྣང་མི་གནས། །གཉིས་དང་གཉིས་མེད་ལ་སོགས་དང་། །ཀུན་ཡིན་གང་ཡང་མ་ཡིན་དང་། །གང་མ་ཡིན་ན་ཀུན་མི་གནས། །ཀུན་ཡིན་ན་ནི་གང་མིན་མེད། །དེ་བས་བྱ་བྲལ་ཤེས་མེད་དང་། །བརྗོད་མེད་ཀུན་བཟང་རྡོ་རྗེ་དགྱེ། །ཤེས་བརྗོད་ལྟ་བུའི་སྡིག་པ་མེད། །བརྗོད་བྱ་བརྗོད་བྱེད་ལ་སོགས་དང་། ་གོས་བྱ་ཤེས་བྱེད་གཉིས་མེད་ན། །ཆད་མེད་ཐམས་ཅད་ལྷུན་གྲུབ་སྐུ། །མཉམ་ཉིད་བསམ་འདས་གཉིས་མེད་དུ། །རང་ཉིད་ཤེས་ཤིང་མ་གྱུར་ན། །ཚིག་ཏུ་ཇི་སྐད་བརྗོད་གྱུར་ཡང་། །དབུལ་པོས་ཕྱུག་པོའི་ནོར་བགྲངས་འདྲ། །རང་ལ་མ་ཕན་གདུང་པས་འཛིན། །དེ་བས་རང་ཉིད་གཉེས་མེད་ན། ཤེས་བྱ་ཤེས་བྱེད་ལ་སོགས་མེད། །སྦྱངས་ནས་རྟོགས་ཐོབ་ཕྱིས་འདོད་དང་། །རྟོགས་ཐོབ་ཐབས་ལ་རྟེན་པ་དང་། །བྱ་བ་མ་བྲལ་ཐབས་ཀྱིས་ཀྱང་། །ཡང་དག་འབྲས་བུ་ཐོབ་པ་མེད། །བྱ་མེད་བྱེད་བྲལ་འབྲས་བུ་དེ། །ཆོས་ཉིད་དོན་རྟོགས་བདེ་ཆེན་འགྲུབ། །འདོད་པ་མ་ཟད་འབྲས་བུ་དང་། །འདོད་པས་གྲུབ་པའི་འབྲས་བུ་དང་། །འདོད་པ་མེད་པས་ལེན་པ་རྣི། །བྱ་བྲལ་ལྷུན་གྲུབ་ཤེས་པར་གྱིས། །མདོར་ན་ཆོས་རྣམས་ཐམས་ཅད་ནི། །འཁོར་དང་མྱ་ངན་འདས་བ་སྟེ། །འཁོར་བའི་སེམས་རིག་འཁྲུལ་པའི་སེམས། །མྱ་ངན་འདས་རིག་བྱང་ཆུབ་སེམས། །སེམས་ཀྱི་ཡུལ་དང་རང་རིག་ཡུལ། །སྤྱོད་ཡུལ་དག་དང་མ་དག་བགྱིས། །འཁོར་འདས་གཉིས་སུ་རྒྱལ་བས་མངགས། སྤྱོད་ཡུལ་དག་པའི་རྣལ་འབྱོར་ནི། །འཁོར་བར་ནམ་ཡང་མི་འཁོར་ཏེ། །རྟོགས་པ་བསྟན་པར་མ་གྱུར་ནས། །རྟེན་ནི་ཁམས་གསུམ་གནས་གྱུར་ཀྱང་། །སེམས་དགོངས་རྣམ་དག་རྫོགས་སངས་རྒྱས། །གལ་ཏེ་བསྟན་པར་མ་གྱུར་ན། །ཛོགས་དྲུག་འཇུག་པ་ལྷོད་པ་ཡིས། །དམྱལ་བའི་གནས་སུ་དེ་མི་སྐྱེ། །ཆོས་ཉིད་རྟོགས་དང་ལྡན་པ་ཡིས། །བྱོལ་སོང་གནས་སུ་དེ་མི་སྐྱེ། ། འདོད་པའི་གདུང་བ་ལྷོད་པ་ཡིས། །ཡི་དྭགས་གནས་སུ་དེ་མི་སྐྱེ། །འདོད་ཡོན་ལྔ་ལ་ཆགས་མེད་ཅིང་། །སྤྱོད་ཀྱང་བསྟན་པོར་མ་མཐོང་སྟེ། །འཁྲུལ་ཞིང་རང་བཞིན་མེད་རྟོགས་པས། །ལྷའི་གནས་སུ་དེ་མི་སྐྱེ། ། མིའི་ལུས་ཀྱི་རྟོགས་མཐུ་ཡིས། །གལ་ཏེ་རྟེན་ན་མི་ལུས་ཏེ། །གང་དུ་སྐྱེས་ཀྱང་རྣམ་དག་གསལ། །གང་དྭ་གསལ་ཡང་མངོན་སངས་རྒྱས། །དེ་ལ་འཁོར་བའི་མིང་མི་གདགས། །དེ་བས་གསང་སྔགས་བདག་ཉིད་ཆེ། །དོན་མེད་སྒྲ་ཕྱིར་དེ་འབྲངས་ནས། །དེ་ནི་འཐོམས་ནས་དམྱལ་བར་འགྲོ། །དེ་རྟོགས་དམྱལ་པའི་ས་བོ་ན་ཟད། །དེ་རིང་ཕན་ཆོད་རྒྱལ་བའི་སྲས། །གཟུང་འཛིན་དབེན་པ་རྒྱལ་བ་སྙེ། །དེ་ན་རྟོག་པའི་སྲས་ཞེས་བྱའོ། །རྟོག་པ་ཟད་ལ་རྟོག་ཞེས་ཏེ། །རྟོག་པ་སྐྱེས་ན་འགག་པར་ངེས། །དེ་ནི་སྐྱེ་འཇིག་འཁོར་བའི་ཆོས། །མངོན་པར་ཤེས་པ་ལ་ཡང་གཉིས། །ཆོས་ཅན་མངོན་པར་ཤེས་པ་དང་། །ཆོས་ཉིད་མངོན་པར་ཤེས་པ་སྟེ། ཁོ།ས་པར་བྱ་བྱེད་ཅིག་ལས་མེད། །ཅིག་པོའི་དོན་དེ་འདི་ལྟར་སྟེ། །ཤེས་བྱ་ཤེས་བྱེད་གཉིས་ཡོད་ན། །ཆོས་ཅན་ཡིན་དེ་ཆོས་ཉིད་མིན། །དེ་རང་ཉིད་ལ་བྱེ་བྲག་མང་། །ཐེག་པ་རེ་ལ་ལྟ་བ་རེ། །དེ་རེ་སྒོམ་རེ་མངོན་ཤེས་ཏེ། །ཆོས་ཉིད་མངོན་པར་ཤེས་པ་ནི། ཁོགོས་དང་ཤེས་བྱ་གཉིས་མེད་ལ། །ཆོས་ཅན་ཤེས་བྱ་ཡང་དག་ལྡན། །དེ་སྤངས་ན་ཡང་དེ་མེད་དེ། །དེ་ཡོད་ན་ཡང་དེ་མེད་དོ། །རྣམ་པ་དག་ན་ལམ་ཆེན་རྙེད། །གཉིས་སུ་མེད་ན་བདེ་ཆེན་ཐོབ། །གཟུང་འཛིན་ངག་ན་ཡེ་ཤེས་ཆེ། །བྱ་བ་བྲལ་ན་རྫོགས་པ་ཆེ། །བྱེད་པ་བྲལ་ན་ལྷུན་གྱིས་གྲུབ། །སེམས་དང་ཆོས་ནི་ཡེ་ནས་གཉིས་མེད་ལ། །རྟོགས་པར་འདོད་པས་ནམ་༄༅ ཡང་ཐར་པ་མེད། མདོར་ན་སེམས་ཅན་སངས་རྒྱས་ཀྱང་། །སེམས་ཆོས་གཉིས་སུ་ཡོད་མེད་ལས། །རྡོ་རྗེ་ཀུན་བཟང་མི་གསུང་ངོ་། །སེམས་དང་ཆོས་ནི་གཉིས་མེད་ན། །ལྟ་རྟོགས་ལ་སོགས་གང་གིས་ཀྱང་། །དེ་བས་བྱ་བྲ་ལ་ལྷུན་རྫོགས་མོད། །དེ་བས་སྨན་པའི་ཐེག་ཕྲན་ཀུན། །སེམས་ཀྱིས་ཆོས་རྟོགས་རྟོགས་པས་སྨན། །དེ་བས་བྱ་བྱེད་དྲང་དོན་མོད། །ཅེས་ཆོས་སེམས་གཉིས་སུ་མེད་པའི་གསང་ཐིགས་སྟེ། །མན་ངག་གཉིས་པའོ།། །།བཅོམ་ལྡན་འདས་ལོག་པར་དད་སེལ་ལ་ཕྱག་འཚལ་ལོ། །རྩོད་དང་གདམས་དང་་ཤད་དང་གསུམ། །དབྱེ་བ་འདི་ཡིས་ཤེས་པར་བྱ། །རང་བཞིན་དག་པའི་ཀུན་གཞི་དང་། །རྟོགས་པས་དག་པའི་ཀུན་གཞི་དང་། །འཛིན་པས་གསགས་བའི་ཀུན་གཞི་ལ། །འཁོར་བའི་ཀུན་བཞི་འདས་བའི་གཞི། །གཉིས་ཀའི་ཀུན་གཞི་དབྱེ་བ་ཡིས། །འབྱུང་བ་དང་ནི་འབྱུང་ཆེན་དང་། །འབྱུང་ཆུང་གཞི་སྟེ་སོ་སོར་དབྱེ། །འབྱུང་བ་ཆོས་ཉིད་འབྱུང་ཆེན་ནམ་མཁའ་ལ། །འབྱུང་ཆུང་རེ་རེ་ལ་ཡང་ལྔ། །ཆོས་ཉིད་འཁོར་འདས་ཀུན་གྱིས་གཞི། །བྱང་སེམས་འདས་པ་ཀུན་གྱིས་གཞི། །འཁྲུལ་སེམས་འཁོར་བ་ཀུན་གྱིས་གཞི། །སེམས་དང་སེམས་ལས་བྱུང་བ་དང་། །སེམས་དང་སེམས་ལས་ཐིམ་པ་དང་། །འཁོར་འདས་གཉིས་སུ་མཁས་པར་རིག །ཅིའི་ཕྱིར་ན་སེམས་ཞེས་ན། །སེམས་ཐིམ་པ་ཡི་སེམས་ཞེས་ན། །སེམས་འཛིན་པའི་སེམས་ཞེས་སོ། ། གང་ལྟར་བྱུང་ཡང་དེ་དེ་ཉིད། །དེ་དེ་བསྲེག་ཤང་པར་བུ་བསྣམས། །མ་རིག་མུན་པ་གསལ་བའི་ཕྱིར། །ཆོས་ཀྱི་པུ་ཏི་རབ་ཏུ་བསྣམས། །བཀྲེས་བསྐོམ་སྡུག་བསྔལ་ཞི་བྱའི་ཕྱིར། །རིན་རེན་སྒྲོམ་བུ་ཕྱག་ན་བསྣམས། ཚ་གྲང་སྡུག་བསྔལ་ཞི་བྱའི་ཕྱིར། །མེ་ཆུའི་བསིལ་སྒྲོམ་ཕྱག་ན་བསྣམས། །གང་འཐད་ཐེག་པ་དེ་ལ་སྟན། །རྫོགས་པ་ཆེན་པོ་སྙིང་ཁྲིད་མན་ངག་གི་རྒྱུད། །སློབ་དཔོན་དགའ་རབ་རྡོ་རྗེས་ཡི་གེར་བཀོད་པ་རྫོགས་སོ། །ཡང་ཏི་ནག་པོའི་འ་་གཅིག་པ་བཞྭགས་སོ། །༄་། །རྒྱ་གར་སྐད་དུ། ཤི་མན་ཛུ་ཏན་ཏྲ་དུ། བོད་སྐད་དུ། འཇམ་དཔལ་འདུས་པའི་རྒྱུད། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ