Ngb-pt-0944-vol-10-text
Front
Body
བ་འཁོར་རྒྱ་ཐེག་ཏུ་བསྟན་པའི་ཕྱིར། སྒྲུབ་པ་མ་ཧྭ་ཡོ་ག་ལ་ངོ་སྤྲད་པ་དང་། ལུང་ཨ་ནུ་ཡོ་ག་ལ་ངོ་སྤྲད་པ་དང་། མན་ངག་ཨ་ཏི་ཡོ་ལ་ངོ་སྤྲད་པ་དདྭ་། ཡང་དཀུ་པའི་མན་ངག་ཐིག་ལེ་འདུས་པ་ལ་ངོ་སྤྲད་པ་དང་།རྩདང་རླུད་ཐིག་ལེ་ངོ་སྤྲད་པ་དང་། བརྡ་ངོ་སྤྲས་པ་དང་། འཁྲུལ་བཞི་ལ་ངོ་སྤྲད་པ་དང་། །འཁྲུལ་པ་ལ་ངོ་སྤྲད་པ་དང་། །གནས་ལ་ངོ་སྤྲད་པ་དང་། ལྡག་པ་ལ་ང་སྤྲད་པ་དང་། ལོག་པ་རང་གིམཚན་ཉིད་ལ་ངོ་སྤྲད་པའོ། །རྩ་བ་མདོར་བསྡུས་པའི་ལེའུ་སྟེ་དང་པའོ།། །།ཐོག་མ་མེད་པའི་དུས་ཉིད་ན། གནས་མེད་ངོ་བོ་གཉིས་ཀྱི་གནས། །སྟོན་པའིལྷུན་གྲུབ་ཆེན་པོ་སྟེ། །འཁོར་ནི་རང་གདངས་ཆེན་པོ་སྟེ། །བསྟན་པ་རང་ཤར་ཆེན་པོ་ལ། །ངོ་བོ་རང་བཞིན་ཐུགས་རྗེ་གསུམ་དུ་གནས་སོ། །ངོ་བོའི་སྟོན་པ་འོད་མི་འགྱུར་བ་ཞེསབྱ་བ། །རང་གསལ་བརྡལ་ཁྱབ་འདུས་མ་བྱས་སུ་གནས་སོ། །ཐུགས་རྗེའི་སྟོན་པ་མར་མེ་མཛད་ཅེས་བྱ་བ། །འགག་མེད་བརྡལ་ཁྱབ་འདུས་མ་བྱས་ལ་གནས་སོ། །རང་བཞིན་གྱིས་སྟོན་པ་འོད་བསྲུངས ཞེས་བྱ་བ། གཉིས་མེད་བརྡལ་ཁྱབ་འདུས་མ་བྱས་ལ་གནས་སོ། །གཞི་གཏན་ལ་དབབ་པའི་ལེའུ་སྟེ་གཉིས་པའོ།། །།སྟོན་པ་གསུམ་ལ་སྲས་རྣམ་པ་གསུམ་འཁྲུངས་པ་ཡ་ཆ། ལྷུན་གྲུབ་རླུད་ཆེན་མ་འགགས་པས། །རིག་པ་རང་གསལ་ཆེན་པོར་བསྐྱོད། །སྟོངཔ་རང་གདངས་འོད་དུ་གཟུང་། །སྲས་གསུམ་དུས་མེད་རྟག་ཏུ་འཐབས་པ་ཡ་ཆ། །འབྱེད་པ་མེད་པའི་ཆོས་སྐུ་ལ། །སྐུ་གསུམ་སྟུང་བ་གསུམ་དུ་ཤར། །སྐུ་གསུམ་རང་བཞིན་འདུག་ཚུལ་གཅིག་པ་ལ། །དུས་གསུམ་དབང་གིས་འཁོར་བར་འ་ས་པ་ཡ་ཆསྲས་གསུམ་འགག་པ་མེད་པ་ལ། རང་གདངས་ཡུལ་ལ་རྟོབ་ཤ་བྱེད་པ་ཡ་ཆ། བརྡའི་ང་སྒྱུད་པའི་ལེའུ་སྟེ་གསུམ་པའོ།། །།བསྒྲུབ་པ་མ་ཧྭ་ཡོ་ག་ལ་ངོ་སྤྲད་པ་ནི། སྣང་ལ་རང་བཞིན་མེད་པའི་སྐུ་མེ་ལོང་ལོགས་ལ་ངོ་སྤྲད། ། ཡུལ་གསལ་ལ་མ་འདྲེས་པ་ནམ་མཁའི་འཇའ་མཚོན་ལ་ངོ་སྤྲོད། །ཐུགས་གཉིས་སུ་མེད་པ་ཆུའི་ཟླ་བ་ལ་ངོ་སྤྲད། །མ་ཧྭ་ཡོ་ག་ངོ་སྤྲོད་གསུམ་པོ་འདིས་ནི་མ་སྒྲུབས་པར་སངས་རྒྱས་པར་བསྟན་པའོ། །ལུང་ཨ་ནུ་ཡོ་ག་ལ་ངོ་སྤྲད་པ་ནི། འཛིན་པའི་རིག་པ་ཀུན་ཏུ་བཟང་པོ་ཡུལ་རང་གདངས་ནི། སྐུ་བདེ་བ་འགག་མེད་དུ་ངོ་སྤྲད་པས་རྩོལ་བ་མེད་པར་སངས་རྒྱས་པའོ། །མ་ཧྭ་ཨ་ནུའི་ངོ་སྤྲད་པའི་ལེའུ་སྟེ་བཞི་པའོ།། །།མན་ངག་རྫོགས་ཆེན་ཁ་འཇམ་ལ་ངོ་སྤྲདྭ་པ་ནི། རང་བཞིན་ལྷུན་གྱི་གྲུབ་པའི་སྐུ་བརྡལ་ཁྱབ་ཆེན་པོ་ལ་བསྒོམས་དང་མ་བསྒོམས་གཉིས་སུ་མེད་ཡེ་ཤེས་སངས་རྒྱས་ཆེན་པོར་བསྟན་པའོ། །མན་ངག་ཨ་ཏི་ཡོ་ག་ལ་ཁ་འཇམ་ངོ་སྤྲད་པ་དང་། །ཡང་དག་པའི་མན་ངག་ཐིག་ལེ་འདུས་པ་ལ་ངོ་སྤྲོད་པ་གསུམ་ཏེ། རང་ཕྱིའི་སྣང་བ་ཐམས་ཅད་རང་བཞིན་གྱི་འོད་གསལ་བ་ཞེས་བྱ་གཞི་རང་གདངས་སུ་ངོ་སྤྲད་པ་དང་། །བསྒྲུབ་པ་མ་ཧྭ་ཡོ་ག་ལ་རྩོལ་སྒྲུབ་དང་། བྲལ་བར་བསྟན་པའོ། །རིག་པ་སྣ་ཚོགས་སུ་མ་འགགས་པས་ཡེ་ཤེས་ཀྱིས་རྩལ་ལས་མ་འདས་པར་ངོ་སྤྲད་པས་ལུང་ཨ་ནུ་ཡོ་གལ་རྩོལ་སྒྲུབ་དང་བྲལ་བར་བསྟན་པའོ། །ཕྱི་ནང་སྣོད་བཅུད་ཐམས་ཅད་འཁྲུལ་པའི་དུས་སུ་ཡེ་ཤེས་རྩལ་དུ་སྣང་ལ། གྲོལ་བའི་དུས་རྩལ་སྣང་བ་ངོས་ཟིན་ལ། འཆི་ཀའི་དུས་སུ་ཡེ་ཤེས་ཁོང་གསལ་དུ་ཐིམ་ནས་སངས་རྒྱས་པར་བསྟན་པའོ། །འབྲས་བུ་བར་དོ་ཐོབ་དུས་མེད་པར་བསྟན་པས་ཐམས་ཅད་རང་གྲོལ་རང་སྣང་རང་སངས་རང་ཤར་གཉིས་འཛིན་ལས་འདས་ཏེ། རང་གྲོལ་བའེ་སངས་རྒྱས་ཀྱི་དགོངས་པ་འདུས་ཅེས་བྱའོ། །ཡང་དག་པའི་མན་ངག་འདུས་པའི་ངོ་སྤྲད་པའི་ལེའུ་སྟེ་ལྔཔའོ།། །།རྩ་དང་རླུད་དང་ཐིག་ལེ་ལ་ངོ་སྤྲད་པ་ནི། སེམས་ཅན་དྲནཤེསཙིཀྟའིདཀྱིལ། །ཆོས་གསུམ་འོད་ཀྱི་ངོ་བོ་ཤར། བསྐལ་པ་བར་མ་ལ་སངས་རྒྱས་འོང་སྲངས་ཀྱིས་ཐོག་མའི་སངས་རྒྱས་འོད་མི་འགྱུར་བ་ཞལ་མ་མཇལ་ཡ་ཆང་རྩ་ལ་ཡང་ཕྱི་ནང་གསང་བ་གསུམ་སྟེ། ཕྱི་ཆོས་ཀྱི་རང་བྱུང་གདང་ཆེན་པོའི་རྩ་དང་ནང་རིགས་སྟོང་པའི་རྩ་དང་། །གསང་བ་ཐིག་ལེ་བརྟེན་པཟླ་རྩའོ། །རྒྱས་པའི་རྩ་ལ་ཉི་ཁྲི་ཆིག་སྟོང་ཀྱང་། །བསྡུས་པའི་ངོ་སྤྲོད་གསུམ་དུ་འདུས། །རླུད་ལ་ཡང་ཕྱི་ནང་གསུམ་སྟེ། ཕྱི་རླུད་ཐམས་ཅད་ནང་རླུད་སྣང་བ་ཡིན། །ནང་རླུད་ཐམས་ཅད་ཡེ་ཤེས་རླུད་གིས་རྩལ། །གསང་བའི་རླུད་ཆེན་ངོས་ཟིན་ན། །འཁོར་བ་དོང་ནས་སྤྲུགས་པ་ཡིན། །ཐིག་ལེ་ལ་ཕྱི་ནང་གསང་བ་གསུམ་སྟེ། ཕྱིའི་ཐིག་ལེ་རང་བྱུང་ཡེ་ཤེས་ཡིན། །ནང་གིས་ཐིག་ལེ་རིག་པ་ཡེ་ཤེས་ཡིན། །གསང་བའི་ཐིག་ལེ་ཆོས་ཀུན་མཁའ་ཁྱབ་ཡིན། །ཡང་གསང་ཐིག་ལེ་ཡེ་ཤེས་ཁོང་གསལ་ཡིན། །གནད་དུ་འཛིན་པ་རིག་པ་ཡེ་ཤེས་ཡིན། །གཉིས་མེད་ལྟངས་ཀྱིས་རྟོགས་པས་ཡེ་ཤེས་རླུད་དུ་ཤེས། །གཟུང་འཛིན་གཉིས་སུ་སྤྲོས་པས་མ་རིག་རླུད་དུ་ཤེས། ། རྩ་རླུད་ཐིག་ལེ་ལ་ངོ་སྦད་པའི་མཚན་མ་ལམ་པའི་རྩོལ་གྲུབ་ལ་མི་རྟེན་པའི་ལེའུ་སྟེ་དྲུག་པའོ།། །།སྟོན་པ་གསུམ་དུས་གཅིག་ལ་འཁོར་བར་འཁྱམས་པ་ཡ་མཚན་ཆེ། །བྱེད་པ་མེད་པ་གཏི་མུག་རང་བཞིནགྱིསྟོནཔ། ། འགག་པམེ་ ད་པ་ཞེ་སྡང་ངོ་བོ་ཉིད་ཀྱི་སྟོན་པ། །རང་སྣང་ཆེན་པོའི་རྩལ་མི་འགག་པ་འདོད་ཐུགས་རྗེའི་སྟོན་པ། །རྩལ་འགག་པ་མེད་པ་དུག་ལྔ། །ཐུགས་རྗེ་རོལ་པ་མ་འགགས་པ་འགྲོ་དྲུག་རང་བཞིནཆོསསྐུ། །ངོ་བོ་ལོངས་སྐུ། ཐུགས་རྗེ་སྤྲུལ་སྐུ། སྐུ་གསུམ་འཁོར་བར་འ་ས་ཀྱང་། སྙིང་པོ་ལ་འགྱུར་བ་མེད་པར་གནས་སོ། །གནས་ལུགས་ལ་ངོ་སྤྲད་པའི་ལེའུ་སྟེ་བདུན་པའོ།། །།བསྐལ་པ་ཐ་མ་ལ་གསུམ་གྱི་ཐབས་པས་སྐད་ཅིག་ལ་ཁྱམས་པ་ཐམས་ཅད་ཀྱི་སྲོག་དུས་གཅིག་ཏུ་གཅད་ནས། མེ་ཆིན་གྱི་སྲེགས། རླུང་ཆེན་གྱི་ཕྱག་པ་དེ་ཡ་ཆ། །ཡེ་ཤེས་ཆེན་པོའི་སྤྱན། གཉིས་འཛིན་མེད་པའི་རང་གསལ་ཆོས་ཀྱི་སྤྱན་བར་དོ་མེད་པའི་རང་གདངས། ཐབས་དང་ཤེས་རབ་ཀྱི་སྤྱན་ཅི་སྣང་ཅིར་འཛིན་གྱི་ཡེ་ཤེས། མ་བསྒྲུབས་མ་བཙལ་ཡེ་ཡིན་པའི་སྤྱན་གསལ་ལོ། །སྤྱན་གསུམ་ལ་སྐུ་གསུམ་ངོ་སྤྲད་པ་ནི། ཡེ་ཤེས་ཀྱི་སྨན་ཆོས་བསྐུར་ངོ་སྤྲད་ཆོས་ཀྱི་སྤྱན་ལོང་སྐུར་ངོ་སྦྲད། །ཐབས་དང་ཤེས་རབ་ཀྱི་སྤྱན་སྤྲུལ་པའི་སྐུར་ངོ་སྦྲད། །ངོ་སྤྲད་པའི་མན་ངག་གིས་འདུག་ཚུལ་ནི། །རྔོ་བོརང་བཞིན་ཐུགསརྗེགསུམ་ལས་མ་འདས་པའོ་། ། སྤྱན་གསུམ་རང་ལ་གནས་པ་ནི། །སྤྱན་གྱི་ནི་རིག་པ་ཡེ་ཤེས་ལྷངས་ཀྱིས་རྟོགས་པའོ། །ཆོས་ཀྱེ་སྤྱན་ནི་སྒྲོ་འདོགས་སྒོད་པའོ། །ཐབས་དང་ཤེས་རབ་ཀྱི་སྤྱན་ནི་ཐམས་ཅད་རང་གི་འདུག་ཚུལ་གཅིག་པ་ལས་མ་འདས་པར་ཤེས་པས་སྤྱན་གསུམ་ཁོང་དུ་ཆུད་པས་ཐེག་པ་རིམ་པ་བརྒྱད་ཀྱི་ཆོས་དང་། །མུ་སྟེགས་རྟགས་་ད་དང་། རྫོགས་ཆེན་ཁ་འཇམ་གཞི་ལ་དགོངས་ནས་ལས་ཀྱིས་དབང་མི་བཙན་ཟེར་བ་ལ་ཤན་ཕྱེ་ཏེ། ཆོས་སྐུ་མཁའ་ཁྱབ་དྭངས་པ། སྤྱན་གསུམ་འདུག་ཚུལ་གཅིག་ཏུ་བསྟན་པས་གྲོལ་བ་མཐར་ཕྱིན་པའོ། །ལོག་པའི་སྤྲད་པའི་ལེའུ་སྟེ་བརྒྱད་པའོ།། །།ལོག་པ་རང་གིས་མཚན་ཉིད་ནི། །འདས་པ་གསུམ་དུ་ངོ་སྤྲད་པ། སྐུ་འདས་པ་ཡེ་ཤེས་ཁོང་གསལ། །ཡུལ་འདས་པ་ཆོས་ཀུན་མཁའ་ཁྱབ་དྭངས་བ། །གཉིས་མེད་ལས་འདས་པ་ཐུགས་རིན་པོ་ཆེ་མན་ཤེལ་དྭངས་པ་ལྟ་བུའོ། །སྟོན་པ་རྣམ་གསུམ་གྱི་འཁོར་བར་འཁྱམས་པ་ཛོར་ནས། །ཆོས་ཀྱི་སྐུ་བརྩལ་བས་བསམ་སྡུག་ཀྱི་ལྷ་ཁང་དུ་གླེབས་ནས། འགྲོ་ས་མ་རྙེད་བདེ་ཡ་ཆ། །ཐོག་མའི་སྟོན་པ་འོད་མི་འགྱུར་བས། །གཅུང་གཉིས་པ་ལ་བོས་པ། །ཀྱི་ཀྱི་གྲོགས་པོ། །བསམ་སྡུག་གི་ལྷ་ཁང་དུ་སླེབས་ནས་འགྲོ་ས་ཉེས་པ་ཡ་ཆ། །ཆོས་སྐུ་མཁའ་ཁྱབ་དྭངས་པ་བཙལ་བས་མ་རྙེད་པ་ཡ་ཆ། །ཆོས་བསྒྲུབས་པ་འབྲས་བུ་སྟོར་བ་ཡ་ཆ། །རྩོལ་བསྒྲུབས་བྱས་པས་དྲིལ་རྟུབ་པ་ཡ་ཆ། །དེ་སྐད་ཅེས་བཀའ་སྩལ་པ། སྟོན་པ་འོད་སྲུངས་ཀྱི་ཞལ་ནས། །རང་རིག་རང་ཤར་ནས་ཆོས་ལས་འདས་པ་ཡ་ཆ། །ཡེ་ཤེས་ཁོང་གསལ་རྟོགས་པས་བསམ་དུ་མེད་པ་ཡ་ཆ། །ཆོས་སྐུ་མཁའ་ཁྱབ་རང་ཆས་ཡིན་པས་བཙལ་དུ་མེད་པ་ཡ་ཆ། །སྒྲུབ་པས་མ་རྙེད་རང་ལ་ཡོད་པ་ཡ་ཆ། །ཡེ་ཤེས་རང་གྲོལ་དུ་ཤར་བས། །སྟོན་པ་གསུམ་དུས་གཅིག་ལ་རྩོལ་སྒྲུབ་ལ་མ་རྟེན་པར་སངས་རྒྱས་པ་ནི་ཡ་ཆ་གསུངས་སོ། །སྟོན་པ་མར་མེ་མཛད་ཀྱི་ཞལ་ནས། ང་ནི་མཐའ་གཉིས་ཟད་པ་སྟེ། འབྱུང་བ་འོད་དུ་སྣང་བ་རང་གིས་གདངས་ཡིན་པས། །ཉོན་མོངས་བག་ཆགས་ཀྱིས་སྒྲིབ་པའི་མཐའ་གཉིས་ཟད་པ་ཡ་ཆ། །འཛིན་པ་ཡེ་ཤེས་ཁོང་གསལ་ཆེན་པོའི་རྩལ་དུ་ཤེས་པས།ཤེས་བྱའི་སྒྲིབ་པའི་ལས་ཀྱིས་མཐའ་གཉིས་ཟད་པ་ཡ་ཆ། །ཆོས་སྐུ་མཁའ་ཁྱབ་དྭངས་བ་རང་ཆས་ཡིན་པ་ཡ་ཆ། ལས་ཀྱི་སྒྲིབ་པ་མཐའ་གཉིས་ཟད་པ་ཡ་ཆ། །ཕུང་པོ་བོར་ནས་དུས་ཀྱི་མཐའ་ཟད་པ་ཡ་ཆ། །བར་དོ་མེད་པར་ཡེ་ཤེས་ཁོང་གསལ་དུ་འཐིམས་པས་ལས་ཀྱི་མཐའ་གཉིས་ཟད་པས་ཡ་ཆ་གསུངས་སོ། །སྟོན་པ་རྣམ་པ་གསུམ་གྱི་དགོངས་པ་བསྡུར་བའི་ལེའུ་སྟེ་དགུ་པའོ།། །།ཐམས་ཅད་རྩ་བ་རང་རྒྱུང་དུ་འདུས་པས་རྩོལ་ལས་འདས་པ་ཡིན། །ཡེ་ཤེས་ཁོང་གསལ་དུ་རྟོགས་པས་མཚན་མའི་ཆོས་ལས་འདས་པ་ཡིན །ཆོས་སྐུ་མཁའ་ཁྱབ་ཏུ་འདུས་པས། །འབྲས་བུ་མ་བསྒྲུབས་པར་སངས་རྒྱས་པར་བསྟན་པའོ། །ཕྱེའི་སྣང་བ་ལྷ་མོ། བུམ་པ་བསྐྱེད་པའི་རིམ་པ་རང་སྣང་ཐོགས་མེད་དུ་ངོ་སྤྲད་པས་ཕྱིའི་དབང་ཐམས་ཅད་དུས་གརྩིག་ལ་ཐོ་བ་པ་ཡིན། །མ་རིག་པ་ཁོང་གསལ་དུ་འདུས་པས་ཐམས་ཅད་ཤེས་ཀྱི་སྣང་བ་གསལ་བས། །ཐབས་དང་ཤེས་རབ་ཀྱིས་དབང་སྐད་གཅིག་ལ་ཐོབ་པ་ཡིན། །གསང་བ་ཕྱི་ནང་མེད་པ་ཆོས་མཁའ་ཁྱབ་ཏུ་རྟོགས་པས། །གསང་བ་ཡེ་ཤེས་ཀྱི་དབང་སྐད་ཅིག་ལ་ཐོབ་པ་ཡིན། །དེ་བླ་མས་བསྟན་ནས་མི་གོ་མི་སྲིད་པས་བསྟན་པས་ཚིག་དབང་རིན་པོ་ཆེའི་སྐད་ཅིག་ལ་ཐོབ་པ་ཡིན། དབང་གི་ལེའུ་སྟེ་བཅུ་པའོ།། །།རང་བྱུང་ཡེ་ཤེས་ཆེན་པོ་ལ། །རང་གདངས་སྣ་ཚོགས་རིགས་ལྔར་སྣང་། །སྣང་བ་ཡིན་པར་ཐག་ཆོད་པས། །ལྷ་བསྐྱེད་རིམ་སྐད་ཅིག་ལ་རྫོགས་པ་ཡིན། །མ་བྲིས་དཀྱིལ་འཁོར་རང་སྣང་བས། །དཀྱིལ་འཁོར་གཞལ་ཡས་ཁང་སྒོམ་པས། །སྐད་ཅིག་གཅིག་ལ་རྫོགས་པ་ཡིན། །རྫོགས་པའི་ངང་ལ་མི་འདའ་བས། །དམ་ཚིགས་ཐམས་ཅད་དུས་གཅིག་བསྲུངས། །ཡེ་ཤེས་ཁོང་གསལ་མི་འགྱུར་དྲན། །སྔགས་ཀྱི་འཛབ་འདྲེན་དུས་གཅིག་ཐོན། །དེའི་དོན་ལ་ཡེ་ནས་གནས་པ་ལ། །སྲུངས་མཚམས་ཐམས་དུས་གཅིག་དག་པ་ཡིན། །ལྷ་རྣམས་བསྐྱེད་དང་འཁོར་སྒོམ་པ་དང་། །དམ་ཚིགས་སྲུང་དང་སྔགས་ཀྱི་འོད་འདུ་དང་། །སྲུང་མཚམས་དཀྱིལ་འཁོར་བསྟན་པའི་ལེའུ་སྟེ་བཅུ་གཅིག་པའོ།། །།སྟོན་པ་རྣམ་གསུམ་གྱི་རྫ་མཁན་གྱི་བུ་མོ་ཐམས་ཅད་སྲོག་དུས་གཅིག་ལ་གཅད་ནས། གཅིག་པུ་རབ་ཏུ་ཆེ་བའི་གམ་དུ་བསྐྱལ་བ་དེ་ཡ་ཆ། །སྲོག་གཅད་པ་དང་བདུད་གཅད་པའོ། །ཀུན་ཏུ་བཟང་པོ་ལ་བདུད་ཞུགས་པའི་དུས་སུ། འཁྲུལ་སྣང་ལོང་སྐུར་འཁྱམས་པ་ཡ་ཆ། སྟོན་པ་འོད་སྲུངས་དང་བསྒྲོས་པས་མི་ཐུབ་པར་གཟིགས་ནས། དྲང་སྲོང་རང་གིས་གཅད་རང་བདུད་རང་གིས་གཅད་ནས། མཁའ་ཁྱབ་རང་བའི་དུར་ས། ཕུང་པོ་ལྷག་མ་མེད་པར་མྱ་ངན་འདས་པས་ན། ཕྱིས་འོང་མ་ནུས་པས་དེ་ཡ་ཆ། དེ་ནས་རྡོ་རྗེ་སེམས་དཔའ་ཞེས་བྱ་བ། སངས་རྒྱས་འོད་སྲུང་དང་འཇལ་ནས་བགྲོས་པས། མི་ཐུབ་པར་གཟིགས་ནས། ཁོང་གཉིས་གྲོགས་པོ་བྱས་ནས། སྟོན་པས་ས་ཟུང་ནས། འཁོར་རིགས་ལྔ་ལ་ཆོས་སྟོན་པ་ཡ་ཆ། །དེ་ནས་སློབ་དཔོན་དགའ་རབ་རྡོ་རྗེ་ཞེས་བྱ་བ། །རྡོ་རྗེ་སེམས་དཔའི་སྤྲུལ་པ། ཁྱིའུ་སྣང་བ་དམ་པ་ཞེས་བྱ་བ། སྟོན་པ་འོད་བསྲུང་ཞེས་བྱ་བ། །དེས་ངོ་མ་ཤེས་ནས། །ལྷ་སྒོམ་ཉི་ཚེ་ལ་སྤྱད་པས་འགྲོ་དྲུག་ཏུ་འཁྱམས་པ་ཡ་ཆ། དེ་ནས་སྟོན་པ་དགའ་རབ་རྡོ་རྗེསཐུ་ །ན་ཏུ་བཟང་པོ་ལ་ལུང་བསྟན་ཐོབ་ནས། །སྟོན་པ་འོད་སྲུང་དང་མར་མེ་མཛད་དེ་གཉིས་ཀྱིས་ཞལ་གཟིགས་ནས། སྟོན་པ་གཉིས་ལ་མ་ཆགས་པར་ཕྱད་ཀྱིས་སོང་བ་སྟེ་ཡ་མཚན་ཆེ། སངས་རྒྱས་ཐམས་ཅད་ཀྱི་དགངས་པ་འདུས་པ། ཐིག་ལེ་འདུས་པ་མན་ངག་གི་རྒྱུད། སྟོན་པ་གསུམ་གསུམ་དྲུག་གིས་གདར་ཤ་གཅད་ནས། ཁམས་གསུམ་སེམས་ཅན་ངོ་སྤྲོད་བྱས་ནས།༷ལྷ་སྒོམ་ལ་རག་མ་ལུས་པ། སྐུ་གསུམ་བཀོད་བཞེངས། འཁོར་བ་དོང་སྤྲུགས་མངལ་ལ་རྒྱས་འདེབས། བརྡ་ཆོས་ཡང་དག །ཟག་བཅས་ཀྱི་ཕུང་པོ་ལ། སྐུ་གསུམ་ངོ་སྤྲད་ནས་འཇོག་པ། བར་དོ་མེད་པར་ཡེ་ཤེས་ཁང་གསལ་དུ་སངས་རྒྱས་པ། འབྲས་བུ་དུས་ཟད་པ་ཐོབ་པ། ལས་ཀྱི་མཐའ་ཟད་པས་སངས་རྒྱས་པ། ཐམས་ཅད་ངོ་སྤྲོད་དུ་སྟོན་པ། བཞི་དང་ཚུལ། ལྡོག་ཚུལ། ལྡོག་པ་རང་གིས་མཚན་བསྟན་པའོ། །ཐིག་ལེ་འདུས་པ་མན་ངག་གི་རྒྱུད་རྫོགས་སོ།། །།ཨུ་ཏི་རྫོགས་པ་ཆེན་པོའི་རྒྱུད་བཞུགས་སོ། །༄་། །རྒྱ་གར་སྐད་དུ། ཨདྷི་སརྙི་མ་ཧྭ་ཏུནྟྲ། བོདྭ་སྐད་དུ། ཨ་ཏི་རྫོགས་པ་ཆེན་