Ngb-pt-0863-vol-09-text
Front[edit]
Body[edit]
ཉེར་དྲུག་པའོ།། །།རྡོ་རྗེ་གཙུག་ལག་འཁོར་ལོ་གསུམ་པའི་རྒྱུད་རྫོགས་སོ།། །། རྒྱ་གར་སྐད་དུ། ཀྲི་ཡ་བཛྲ་ཙཀྲ་མ་ཧྭ་ཏན་ཏྲ། །བོད་སྐད་དུ། འཕགས་པ་རྡོ་རྗེ་གཙུག་ལག་གི་འཁོར་ལོའི་རྒྱུད་ཆེན་པོ། དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གསང་བ་བསམ་གྱིས་མི་ཁྱབ་པའི་ངང་དང་ལྡན། གསང་བའི་བྷ་ག་ལས་བཞེངས་ནས། །གསང་བའི་མཁའ་ལ་བཞུགས་པ་ལ། །གསང་བའི་རིགས་ཀྱི་འཁོར་རྣམས་ཀྱི་བསྐོར་ཏེ་བཞུགས་སོ། །དེ་ནས་གསང་བའི་བདག་པོ་རྡོ་རྗེ་འཆང་གསང་བའི་བྷ་ག་ལས་ལངས་ནས། །བཅོམ་ལྡན་འདས་ལ་གསང་བའི་གར་གྱིས་སྦྱོར་བའི་མཆོད་པ་བརྒྱ་ཕྲག་དུ་མ་བྱས་ཏེ། །གདུལ་བྱ་བསམ་གྱིས་མི་ཁྱབ་པ་ལ་གཟིགས་ནས། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མ་བདེ་གཤེགས་བཅོམ་ལྡན་འདས། །གསང་བའི་འཁོར་ལོ་རྒྱ་ཆེན་རྣམས། །མ་འོངས་པ་ཡི་དོན་དུ་ཞུ། །འཁྲུལ་འཁོར་དབྱེ་བ་ཇི་ལྟར་ལགས། །འཁྲུལ་འཁོར་ངོ་བོ་ཇི་ལྟར་ལགས། །འཁྲུལ་འཁོར་བཅའ་བ་ཇི་ལྟར་ལགས། །འཁྲུལ་འཁོར་བྲི་བ་ཇི་ལྟར་ལགས། །འཁྲུལ་འཁོར་ལྡེགས་པ་ཇི་ལྟར་ལགས། །འཁྲུལ་འཁོར་ལྟོ་བྲལ་ཇི་ལྟར་ལགས། །རྟག་ཏུ་འཁོར་ལོ་ཇི་ལྟར་ལགས། །འཁྲུལ་འཁོར་བསྐོར་བ་ཇི་ལྟར་ལགས། །འཁྲུལ་འཁོར་སྡེབས་པ་ཇི་ལྟར་ལགས། །དཀྲུག་པའི་འཁྲུལ་འཁོར་ཇི་ལྟར་ལགས། །ཟློག་པའི་འཁྲུལ་འཁོར་ཇི་ལྟར་ལགས། །གཏོར་བའི་འཁྲུལ་འཁོར་ཇི་ལྟར་ལགས། །ཐབས་ཀྱི་འཁྲུལ་འཁོར་ཇི་ལྟར་ལགས། །ཤེས་རབ་འཁྲུལ་འཁོར་ཇི་ལྟར་ལགས། །མ་ནིང་འཁྲུལ་འཁོར་ཇི་ལྟར་ལགས། །དབུས་འཁོར་འཁྲུལ་འཁོར་ཇི་ལྟར་ལགས། །མཐའ་སྐོར་འཁྲུལ་འཁོར་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁྲུལ་འཁོར་ཞུ་བ་རབ་ཏུ་ལེགས། །འཁྲུལ་འཁོར་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པས་ཉོན། །དང་པོ་འཁྲུལ་འཁོར་དབྱེ་བ་ཡང་། །རྣམ་གྲངས་བཅུ་རུ་ཤེས་བྱ་སྟེ། །ཕྱི་ལ་གསུམ་ལ་ནང་ལ་གསུམ། །གསང་བ་གསུམ་ལ་གསང་ཆེན་གཅིག །ཕྱི་ཡི་འཁྲུལ་འཁོར་བསྟན་པ་ནི། །ཡན་ཏྲ་མན་ཏྲ་ཏན་ཏྲ་གསུམ། །ནང་གི་འཁྲུལ་འཁོར་བསྟན་པ་ནི། །དབང་པོ་རྩ་དང་སེམས་ཉིད་གསུམ། །གསང་བའི་འཁྲུལ་འཁོར་བསྟན་པ་ནི། །ཆོས་དང་ལོངས་སྦྱོད་སྤྲུལ་པ་གསུམ། །གསང་ཆེན་འཁྲུལ་འཁོར་བསྟན་པ་ནི། །ལྷ་གདོན་དབྱེ་བའི་འཁྲུལ་འཁོར་རོ། །འཁྲུལ་འཁོར་ངོ་བོ་བསྟན་པ་ནི། །ངོ་བོ་བཅུ་རུ་ཤེས་བྱ་སྟེ། །ཞི་བས་འཇིགས་པ་བརྒྱད་ལ་སྐྱོབ། །རྒྱས་པས་ཡོན་ཏན་དྲུག་དང་སྦྱོར། །གསང་བས་དབང་པོ་དྲུག་ཆིང་བྱེད། །དབང་གིས་མོས་པ་རྣམ་བཞི་བསྒྱུར། །དགུག་པས་གནས་གསུམ་མངོན་དུ་འགྱུར། །གནན་པས་ལས་གསུམ་གནོན་པར་བྱེད། །བསྐྲད་པས་བཞི་པའི་མཚམས་ལ་སྦྱོར། །ལྐུགས་པས་རྟེན་ཞིང་ལྐུགས་པར་བྱེད། །དབྱེ་བས་གསང་སྟེ་བརྒྱད་དང་དབྱེ། །སྨྱོ་བྲོས་རྟེན་བཞི་སྨྱོ་བར་བྱེད། །འཁྲུལ་འཁོར་ལས་ཀྱི་ངོ་བོ་ཡིན། །འཁྲུལ་འཁོར་བཅའ་ལུགས་བཅུ་ཡིན་ཏེ། །ཕྱི་གསུམ་ནང་གསུམ་གསང་བ་གསུམ། །གསང་ཆེན་སྦུ་གྲི་འཁོར་ལོ་ཡིན། །འཁོར་ལོ་བྲི་བ་བསྟན་པ་ནི། །ཕྱི་གསུམ་ནང་གསུམ་གསང་བ་གསུམ། །གསང་ཆེན་སྤུ་གྲིའི་འཁོར་ལོ་རྫས། །བྲི་བ་རྣམ་པ་བཅུ་ཡིན་ཏེ། །རང་རང་རྫས་ནི་བཅུས་བྲི་བ། །རྒྱས་དང་བསྡུས་དང་ཤིན་ཏུ་བསྡུས། །ཞི་བ་ཟླ་བའི་དཀྱིལ་འཁོར་ཏེ། །རྒྱས་པ་གླང་གི་རྒྱབ་ཏུ་བྱ། །དབང་ནི་བུད་མེད་སྙིང་ཁར་བརྩམས། །བསད པ གཤིན རྗེའིལྟོབ་མྲ །དགུག་པ་དྲེ་དང་སེང་གེ་གཉིས། །མནན་པ་རྡོ་རྗེ་རྒྱ་གྲམ་མོ། །བསྐྲད་པ་རྔ་མོའི་རྒྱབ་ཏུ་བྱ། །བཀུག་བ་ལུག་གི་ཁོང་དུ་གཞུག །དབྱེ་བ་རྟ་དང་མ་ཧེ་གཉིས། །སྨྱོ་འབྲོས་ཤན་དམར་རྒྱབ་ཏུ་བྱ། །འཁྲུལ་འཁོར་ལྡེགས་པ་བཅུ་ཡིན་ཏེ། །ཕྱི་དང་ནང་དང་གསང་བ་དང་། །རེ་རེ་ཡན་ལག་གསུམ་དང་ལྡན། །མན་ངག་མེད་དང་ཡན་ལག་ཉམས། །གསང་ཆེན་སྐྲུ་གྲི་འཁོར་ལོ་ནི། །དབྱེ་མེད་ཡན་ལག་གསུམ་དང་ལྡན། ཁྱམ་དང་ལྟོ་བྲག་རྟག་འཁོར་ནི། །དེ་ལྟར་ཡན་ལག་བཅུ་བཅུ་ལྡན། །གསུམ་གསུམ་དབྱེ་བ་དེ་བཞིན་སྦྱར། །བསྐོར་བ་རྣམ་པ་བཅུ་ཡིན་ཏེ། །ཕྱི་དང་ནང་དང་གསང་བ་གསུམ། །གསུམ་གསུམ་དག་ཏུ་སོ་སོར་དབྱེ། །སྤུ་གྲི་གསང་ཆེན་གཅིག་ཏུ་འདུས། །ཕྱི་བསྐོར་བཅུ་ནི་ནད་ཀྱིས་དབྱེ། །ནང་བསྐོར་བཅུ་ནི་ལུས་སུ་དབྱེ། །གསང་བསྐོར་བཅུ་ནི་ཕྱིར་བཟློག་གོ །གསང་ཆེན་སྤུ་གྲི་གཅིག་ཏུ་འདུས། །སྡེབས་པ་རྣམ་པ་བཅུ་ཡིན་ཏེ། །དེ་ལ་རྣམ་པ་གསུམ་དུ་འགྱུར། །རྩ་བ་རང་ཐད་སྡེབས་པ་དང་། །དབྱངས་ཀྱིས་རུ་ཁུག་སྡེབས་པ་དང་། །དྲག་སྔགས་སྨེ་ཟློག་སྡེབས་པ་གསུམ། །དབྱངས་ལ་རྣམ་པ་བཅུ་རུ་འགྱུར། །དེ་ལ་ཕྱི་ནང་གསང་བ་གསུམ། །རྩ་བ་རྣམ་པ་བཅུ་ཡིན་ཏེ། །དེ་ལས་རྣམ་པར་གསུམ་དུ་འདུས། །དྲག་སྔགས་རྣམ་པ་བཅུ་ཡིན་ཏེ། །དེ་ལས་ཡང་ནི་གསུམ་དུ་འགྱུར། །དེ་རྣམས་ལས་ནི་གང་འགྲུབ་དང་། །དང་པོ་འཁོར་ལོ་ལྷ་གདོན་དབྱེ། །གཉིས་པ་བསྒྲུབ་ཐབས་མ་བུ་སྤྲད། །གསུམ་པས་གསང་སྔགས་ངོ་ཏི་སྤྲད། །བཞི་པས་གསང་སྔགས་འཁྲུག་པ་སྡེབས། །སྡེབས་པ་རྣམ་པ་བཅུ་རུ་འགྱུར། །ཕྱི་ནང་བཅུ་དང་སྐྲུ་ཏྲི་བཅུ། །ལས་ཕྲད་བཅུ་ཕྲན་བཅུ་རུ་སྡེབས། །བཀྲུག་པ་གཅིག་ལ་ཡན་ལག་བཅུ། །དེ་ནས་བསྡུ་ན་རྣམ་པ་གསུམ། །ཟློག་པ་གཅིག་ལ་ཡན་ལག་བཅུ། །དེ་ལས་བསྡུ་ན་རྣམ་པ་བཞི། །གཏོར་མ་གཅིག་ལ་རྣམ་པ་བཅུ། །དེ་ལས་བསྡུ་ན་རྣམ་པ་ལྔ། ཁྲེས་རབ་གཅིག་ལ་ཡན་ལག་བཅུ། །དེ་ལས་བསྡུ་ན་རྣམ་པ་དྲུག །ཐབས་གཅིག་ལ་ནི་ཡན་ལག་བཅུ། །དེ་ལས་བསྡུ་ན་རྣམ་པ་བདུན། །དབུས་བསྐོར་གཅིག་ལ་ཡན་ལག་བཅུ། །དེ་ལས་བསྡུ་ན་རྣམ་པ་བརྒྱད། །མཐའ་བསྐོར་གཅིག་ལ་ཡན་ལག་བཅུ། །དེ་ལས་བསྡུ་ན་རྣམ་པ་གསུམ། །མ་ནིང་གཅིག་ལ་ཡན་ལག་བཅུ། །དེ་ལས་བསྡུ་ན་རྣམ་གྲངས་གསུམ། །རྡོ་རྗེ་གཙུག་ལག་གི་འཁྲུལ་འཁོར་གྱི་བཤད་རྒྱུད་ལས། འཁྲུལ་འཁོར་བརྒྱ་རྩ་བརྒྱད་བཤད་པའི་ལེའུ་སྟེ་དང་པོའོ།། །།དེ་ནས་གསང་པའི་བདག་པོ་རྡོ་རྗེ་འཛིན་པས། །བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་བདེ་གཤེགས་བཅོམ་ལྡན་འདས། །མ་འོངས་རྣམས་ཀྱོ་དོན་ཕྱིར་དུ། །སྔགས་ཀྱི་དེ་ཉིད་བཤད་དུ་གསོལ། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། མ་འོངས་རྣམས་ཀྱི་དོན་ཕྱིར་དུ། །སྔགས་དོན་ཞུ་བ་རབ་ཏུ་ལེགས། །སྔགས་ཀྱི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པར་ཉོན། །དང་པོར་མིང་གིས་རིགས་པ་ཡང་། །བཀའ་ཙན་རྡོ་རྗེའི་ཡི་གེ་སྟེ། །ཨ་ཙན་པདྨའི་ཡི་གེ་ཡིན། །ཀ་ནི་ལས་ཀྱི་རང་བཞིན་ཏེ། །ཙ་ནི་འཁོར་ལོ་ཏ་ནི་མྱུར། །ཏ་ཡང་དེ་བཞིན་གཤེགས་པ་སྟེ། །རྡོ་རྗེ་ཡི་གེ་དབྱེ་བའོ། །ཨ་ནི་སེང་གེ་ཨི་ནི་སྟག །ཨུ་ནི་གླང་པོ་རི་ནི་དྲེད། །རི་ནི་ཕག་ལ་ཨེ་ནི་ཁྭ། །ཨོ་ནི་ཁྲ་སྟེ་ཨ༷་ནི་ཁྱི། །པདྨ་ཡི་གེ་དབྱེ་བའོ། །གསང་སྔགས་ཕ་དང་མ་གཉིས་ལས། །སྔགས་ཀྱི་དངོས་གྲུབ་སྣ་ཚོགས་འབྱུང་། །བརྡ་ཡི་སྦྱོར་བས་བཤད་པར་བྱ། །དེ་ཡི་རིགས་པ་འདི་ལྟར་རོ། །ཟླ་བ་མིག་དང་ཡོན་ཏན་དང་། །རིག་བྱེད་མདའ་དང་དབང་པོ་དང་། །རྒྱ་མཚོ་བཀྲ་ཤིས་གཟའ་དང་ཕྱོགས། །དྲེགས་པ་ཉི་མ་ཡན་ལག་ས། །ཚེས་ཞེས་བྱ་བར་རབ་ཏུ་གྲགས། །བརྡ་ཡི་སྒྲོར་བས་རིགས་པ་དྲངས། །ཐམས་ཅད་དུ་ཡང་ཤེས་པར་བྱའོ། །གཞན་ཡང་བརྡ་ཡིག་འདི་རྣམས་སོ། །ལྷ་ཡི་མཚན་མས་བསྡུ་བ་དང་། །གྲངས་ཀྱི་བརྡ་ཡིས་བསྡུ་བ་དང་། །ཀ་ཤ་ར་ཡི་བརྡ་ཡིག་དང་། །ཀ་ས་ལ་ཡི་བརྡ་ཡིག་དང་། །ཀ་པ་ར་ཡི་བརྡ་ཡིག་དང་། །གཞན་ཡང་སྒྲ་ཡི་སྦྱོར་བས་དྲངས། །ལྷ་ཡི་སྒྲ་དང་གླིང་བཞིའི་སྒྲ། །འཁོར་ལོའི་སྒྲ་དང་གནས་བརྒྱད་སྒྲ། །དེ་བ་སད་ཀྱི་སྒྲ་ཡི་བཤད། །དེ་ཡིས་གསང་སྔགས་རྒྱུད་སྡེ་རྣམས། །མི་འགྱུར་གཏན་ལ་ཕེབ་པར་འགྱུར། །ཐམས་ཅད་དུ་ནི་ཤེས་པར་བྱ། །དེ་རྣམས་གསང་སྔགས་གཙུག་ལག་ནི། །ཚད་ནི་རྣམས་པ་བརྒྱད་ཡིན་ཏེ། །སོ་ནི་རྣམ་པ་ལྔ་ཡིན་ནོ། །ཐེབས་ནི་རྣམ་པ་ལྔ་རུ་འགྱུར། །སྦོ་ནི་བརྒྱ་དང་ལྔ་བཅུ་འོ། །གཟིར་བ་རྣམ་པ་གཉིས་ཡིན་ཏེ། །ཕྱེ་བས་བརྒྱ་དང་ལྔ་བཅུར་འགྱུར། །སྡོམ་ནི་རྣམ་པ་བཞི་ཡིན་ཏེ། །རྩིས་ནི་ཐམས་ཅད་ཀུན་ཏུ་རྒྱུག །མིང་དང་གནས་དང་སྦྱར་བ་དང་། །ལྟག་དང་ཆད་དང་ནོར་བ་དང་། །རྒྱུ་དང་དབྱེ་བ་དག་དང་བརྒྱད། །མགོ་ཅན་མགོ་ནི་གཅད་པ་དང་། །མགོ་མེད་མགོ་ནི་གདགས་པ་དང་། །འདུག་པ་གོང་འོག་སྤོ་བ་དང་། །མཐའ་རྟེན་རྣམས་ནི་དག་པ་དང་། །ལོང་པ་རྒྱབ་སྤྲེལ་གཏད་པའོ། །ཕྱི་དང་ནང་དང་གསང་བ་དང་། །གསང་ཆེན་དང་ནི་གཏེར་དུ་གནས། །སྭ་ནི་ལས་ཀྱི་རིག་པ་སྟེ། །བརྒྱ་དང་ལྔ་བཅུ་སྐབས་དང་སྦྱར། །ལས་མཁན་དང་ནི་བསྒྲུབ་བྱ་དང་། བརྒྱ་དང་ལྔ་བཅུ་སྐབས་དང་སྦྱར། །ཆོས་བུ་ཀུན་ལ་བསྐུས་པ་དང་། །མང་པོ་གཅིག་ལ་བསྦམས་པ་དང་། །མེ་ཆུ་འགལ་པ་སོགས་པ་དང་། །འུར་པ་གཅིག་ཏུ་དྲིལ་བའོ། །ཡི་གེའི་གྲང་གི་ངོས་འཛིན་ནི། །ན་ཡང་དག་ནི་རྩ་བར་གསུངས། །སྐུ་གསུང་ཐུགས་དང་ཡོན་ཏན་དང་། །འཕྲིན་ལས་དག་ནི་སྐབས་ཀྱིས་འཇུག །སྲོག་སྙིང་རིག་པའི་དེ་ཉིད་ལ། །སྙིང་པོ་ལྔ་ཡི་རིག་པ་དང་། །གདགས་པ་མིང་གི་སྙིང་པོ་དང་། །དམ་ཚིག་རྗེ་དྲན་སྙིང་པོ་དང་། །རང་དབང་མེད་པ་བོད་པ་དང་། །དངས་མ་སྐྱེད་པའི་སྲོག་སྙིང་དང་། །རྣམ་པར་ཤེས་པའི་སྲོག་སྙིང་ལ། །སྐབས་ཀྱིས་ཡང་དག་ཤེས་བྱ་སྟེ། །སྔགས་ཀྱི་ཚད་མས་གཏན་ལ་དབབ། །དང་པོའི་རྒྱུད་དུ་ཚད་མ་གཅིག །གཉིས་པའི་རྒྱུད་དུ་ཚད་མ་གཉིས། །གསུམ་པའི་རྒྱུད་དུ་ཚད་མ་གསུམ། །བཞི་པའི་རྒྱུད་དུ་ཚད་མ་བཞི། །ལྔ་པའི་རྒྱུད་དུ་ཚད་མ་ལྔ། །དྲུག་པའི་རྒྱུད་དུ་ཚད་མ་དྲུག །བདུན་པའི་རྒྱུད་དུ་ཚད་མ་བདུན། །བརྒྱད་པའི་རྒྱུད་དུ་ཚད་མ་བརྒྱད། །དགུ་པའི་རྒྱུད་དུ་ཚད་མ་དགུ། །རང་བཞིན་གྲུབ་པར་བསྟན་པར་བྱ། །གཏགས་པའི་ཚིག་ཏུ་གཏན་ལ་དབབ། །གདགས་པ་རྣམ་པ་གསུམ་དུ་འགྱུར། །གསང་སྔགས་རིག་སྔགས་གཟུངས་སྔགས་སོ། །ཕྱེ་བས་རྣམ་གྲངས་དགུ་རུ་འགྱུར། །འབྲིང་དུ་ཕྱེ་ན་བཅོ་བརྒྱད་འགྱུར། །དེ་ལས་ཕྱེ་བས་འབུམ་དུ་འགྱུར། །འཇིག་རྟེན་དྲེགས་པའི་དྲག་སྔགས་སོ། །བསྡུ་ན་རྣམ་གྲངས་གསུམ་དུ་འགྱུར། །བཀའ་རྒྱུད་གསང་སྔགས་འབུམ་དུ་འགྱུར། །བསྡུ་ན་གཅིག་ནས་བརྒྱ་རུ་འགྱུར། །རྡོ་རྗེ་གཙུག་ལག་གི་འཁྲུལ་འཁོར་གྱི་བཤད་རྒྱུད་ཆེན་པོ་ལས། དྲག་སྔགས་ཀྱི་རྩིས་བརྒྱ་ལྔ་བཅུ་བཤད་པའི་ལེའུ་སྟེ་གཉིས་པའོ།། །།དེ་ནས་ཡང་གསང་བའི་བདག་པོ་རྡོ་རྗེ་འཆང་བས། བཅོམ་ལྡན་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་བདེ་གཤེགས་བཅོམ་ལྡན་འདས། །མ་འོངས་རྣམས་ཀྱི་དོན་ཕྱིར་དུ། །དྲག་སྔགས་རྡོ་རྗེ་གཙུག་ལག་གི །གཞི་ཡི་འཁོར་ལོ་བཤད་པར་ཞུ། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁོར་ལོའི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པས་ཉོན། །གསང་སྔགས་མཐར་ཐུག་འཁོར་ལོ་འདི། །གཏན་ལ་ཕབ་ཕྱིར་དོན་བཤད་ན། །གནས་པ་རྩ་དང་གཡོ་བ་རླུད་། །བཀོད་པ་ཡི་གེའི་ཚོགས་ཡིན་ཏེ། །རྩ་བ་བྱང་སེམས་ག་་མ་སྟེ། །མི་འགྱུར་ཕྱིར་ན་གཡུང་དྲུང་ཡིན། །མི་ཤིགས་པས་ན་རྡོ་རྗེ་ ་སྟེ། །མི་ནུབ་གསལ་བྱེད་རྒྱལ་མཚན་ཡིན། །ཐམས་ཅད་འབྱུང་བའི་ཡུམ་ཡིན་ཏེ། །དབྱིབས་དང་ཁ་དོག་འདི་ལྟར་སྣང་། །བྱང་སེམས་གཉུག་མའི་འོད་ཟེར་དང་། །འགྱུར་མེད་རྟག་ཆེན་གཡུང་དྲུང་ལས། །འཕྲིན་ལས་རྣམ་བཞི་རྫོགས་འཆར་བས། །ཞི་བའི་སྐུར་གྲུབ་དཀར་ལ་ཟླུམ། །རྒྱས་པའི་སྐུར་གྲུབ་གྲུ་བཞི་སེར། །དབང་གི་སྐུར་གྲུབ་ཟླ་ཁམ་དམར། །མངོན་སྤྱོད་སྐུར་གྲུབ་རྣམ་ཤེས་བརྒྱད། །འཁོར་ལོ་བརྒྱད་ཀྱི་གཞལ་ཡས་ཁང་། །སྣ་ཚོགས་སྤྲུལ་པའི་ཚོགས་བརྒྱད་ནས། །འགྲོ་བའི་དོན་དུ་ཡང་དག་འཕྲོས། །འཕྲིན་ལས་སྐུར་གྲུབ་གྲུ་གསུམ་གནག །རྣམ་ཤེས་བརྒྱད་ཀྱིས་ཡུམ་བརྒྱད་དོ། །གསང་སྔགས་ཡིད་བཞིན་ནོར་བུ་འདི། །ཨ་ལྔ་བྱང་སེམས་གཝ་མ་ཡི། །འགྱུར་མེད་གཡུང་དྲུང་ཐིག་ལེ་ལ། །ཕྱོགས་བཞི་དབུས་དང་ལྔ་ན་གནས། །འཕྲིན་ལས་རྣམ་བཞི་མཐའ་རུ་འབྱིན། །ཀ་ལྔ་རྣམ་ཤེས་ཤར་གླིང་གི །ཟླ་ཁམ་ཀམ་ཀང་ཀར་ལ་གནས། །བཀྲ་ཤིས་མཐའ་རུ་འབྱིན་པའོ། །ལྟ་ལྔ་རྣམ་ཤེས་ལྷོ་གླིང་གི །སོགས་ཀ་བི་ཌརླ་ན་གནས། །དབང་པོ་དྲུག་ནི་བཅིང་པའོ། །པ་ལྔ་རྣམ་ཤེས་ནུབ་གླིང་གི །ཟླུམ་པོ་ར་ག་དམར་ལ་གནས། །རིགས་བྱེད་མཐའ་རུ་བྱིན་པ་ཡིན། །རྩ་ལྔ་རྣམ་ཤེས་བྱང་གི་གླིང་། །གྲུ་བཞི་ཨིནྟྲ་ལྗང་ལ་གནས། །ཡོན་ཏན་ཐམས་ཅད་མཐའ་རུ་ཕྱིན། །ཅ་ལྔ་རྣམ་ཤེས་ཤར་ལྷོ་གླིང་། །རྡོ་རྗེ་རྒྱ་གྲམ་སེར་ལ་གནས། །མིག་གི་ལས་སུ་བསྟན་པ་ཡིན། །ཊ་ལྔ་རྣམ་ཤེས་ལྷོ་ནུབ་གླིང་། །རིན་ཆེན་རྒྱ་གྲམ་སྨུག་ལ་གནས། །ཡོན་ཏན་གྱིས་ནི་ལས་སུ་གནས། །ཞ་ལྔ་རྣམ་ཤེས་བྱང་ནུབ་གླིང་། །པདྨ་རྒྱ་གྲམ་དཀར་ལ་གནས། །ཟླ་བའི་ལས་སུ་བསྟན་པ་ཡིན། །ར་ལྔ་རྣམ་ཤེས་བྱང་ཤར་གླིང་། །འཁོར་ལོ་རྒྱ་གྲམ་ལྕགས་ལ་གནས། །རིགས་བྱེད་ཀྱི་ནི་ལས་སུ་བསྟན། །རྣམ་ཤེས་བརྒྱད་ཀྱིས་ཡུལ་བརྒྱད་ན། །ཀླ་ཀློ་ཡན་ལག་ཡི་གེ་གནས། །བཀའ་ཡི་གསང་སྔགས་ཇི་སྙེད་པ། །ཐམས་ཅད་ཀུན་གྱི་འབྱུང་གནས་སོ། །ཀླ་ཀློ་ཡི་གེ་འབྱུང་འཇུག་རྣམས། །རིག་སྔགས་འཆང་གིས་ཤེས་པར་བྱ། །གཞན་དུ་འབྱུང་བར་ག་ལ་འགྱུར། །སྔགས་ཀྱི་ཚད་མ་གཏན་ལ་དབབ། །དབྱངས་ཡིག་སྒྲ་ཡི་འཁྲུལ་འཁོར་ནི། །དང་པོ་གསུམ་ཡིན་དེ་ལ་བཞི། །དེ་ལས་བཅུ་ཡི་དེ་ལས་ལྔ། །དེ་ལས་འབུམ་ཕྲག་དུ་མར་སྦྱར། །གསལ་བྱེད་འཁྲུལ་འཁོར་གོང་ལྟར་སྦྱར། ཁྱད་པར་མེད་དེ་གོང་ལྟར་སྦྱར། །དུར་ཁྲོད་དྲག་པོའི་འཁྲུལ་འཁོར་ནི། །བསྙེན་སྒྲུབ་གསུམ་ལ་བཅུ་དྲུག་འགྱུར། །གསང་ཆེན་འབྲུ་རེ་བསྒྲུབ་པ་ནི། །བཞི་ལ་ཉི་ཤུ་རྩ་བརྒྱད་འགྱུར། །བཀའ་དང་སྒྲ་དང་དུར་ཁྲོད་ཀྱི། །འཁྲུལ་འཁོར་རྣམ་པ་གསུམ་དུ་འགྱུར། །སྔགས་ཀྱི་གཙུག་ལ་མ་ཤེས་ན། །འཕྲིན་ལས་བྱ་བའི་ལས་ལ་རྨོངས། །དྲེགས་པའི་སྲོག་ཕྲོག་མ་ཤེས་ན། ཁྱི་ཡིས་བྱ་རོག་སྙེགས་པ་འདྲ། །རྩ་བ་ལྷ་བསྙེན་མ་སྐྱོལ་བར། ཁ་ཚར་ལས་ལ་སྦྱོར་བྱེད་ན། །མི་རྒན་དབང་པོ་ཁས་ལེན་འདྲ། །དྲག་སྔགས་སོ་ཐེམས་མ་ཤེས་ན། །མཚོན་ཆའི་འཁོར་ལ་ངར་མེད་འདྲ། །སྔགས་ཀྱི་འཁྲུལ་འཁོར་མ་ཤེས་ན། །རིག་སྔགས་ཀྱི་ནི་ལས་བརྩོན་པ། །བདག་ཕུང་གཞན་བརླག་ཡ་ཀ་དར། །རྡོ་རྗེ་གཙུག་ལག་གི་འཁྲུལ་གྱི་བཤད་རྒྱུད་ཆེན་པོ་ལས། སྒྲའི་འཁྲུལ་འཁོར་ཐམས་ཅད་བཤད་པའི་ལེའུ་སྟེ་གསུམ་པའོ།། །།དེ་ནས་ཡང་གསང་བའི་བདག་པོ་རྡོ་རྗེ་འཆང་བས། །བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་བདེ་གཤེགས་བཅོམ་ལྡན་འདས། །གཤིན་རྗེ་གཤེད་ནག་གཙུག་ལག་གི །འཁྲུལ་འཁོར་བདག་ལ་བཤད་པར་ཞུ། །ཞེས་གསོལ་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁོར་ལོའི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པར་ཉོན། །འཇམ་དཔལ་རྒྱུད་སྡེ་འབུམ་ཕྲག་ལྔ། །སྐུ་གསུང་ཐུགས་དང་ཡོན་ཏན་དང་། །འཕྲིན་ལས་དང་ནི་རྣམ་ལྔ་ཡིན། །དཀར་པོ་སྐུ་ཡི་རྒྱུད་སྡེ་འབུམ། །དམར་པོ་གསུང་གི་རྒྱུད་སྡེ་འབུམ། །ནག་པོ་ཐུགས་ཀྱི་རྒྱུད་སྡེ་འབུམ། །གཙུག་ལག་ཡོན་ཏན་རྒྱུད་སྡེ་འབུམ། །དགོངས་རྒྱུད་འཕྲིན་ལས་རྒྱུད་སྡེ་འབུམ། །རེ་རེ་བཞིན་ཡང་རྒྱུད་སྡེ་ལྔ། །འབུམ་ཕྲག་ཅེས་ནི་བཤད་པ་ཡིན། །དེ་ལ་ལྡེ་མིག་གསུམ་ཡིན་ཏེ། །ཐེམས་དང་ཚད་མ་རྩིས་དང་གསུམ། །དང་པོ་ཐེམས་ཀྱི་མན་ངག་བཤད། །འཁོར་ལོ་རྣམ་པ་གསུམ་དུ་བཤད། །སྒྲ་དང་དུར་ཁྲོད་བཀའ་འཁོར་ཡིན། །དེ་ལ་སྐྱོན་ཡོན་རྣམ་བཞི་སྟེ། །ལྡོགས་དང་ཁྱལ་དང་ལྟོ་བྲལ་དང་། །འཁོར་ལོ་རྟག་ཏུ་འཁོར་ལོ་བཞི། །ལྡོགས་པ་དགུ་ལ་འཁམ་པ་དགུ། །ལྟོ་བྲག་དགུ་ལ་འཁོར་བ་དགུ། །དེ་ལས་བཟློག་པ་ཡོན་ཏན་ཡིན། །སྐུ་ལས་འབྱུང་བའི་ཡོན་ཏན་འཁོར་ལོ་ནི། །འཇམ་དཔལ་གསང་བའི་ལྟོ་བ་མྲ །རིམ་པ་ལྔ་རུ་བསྐོར་བ་སྟེ། །དང་པོ་ཡེ་ཤེས་སེམས་དཔའི་གནས། །སྙིང་ཁ་ལྟེ་བ་གསང་བ་དང་། །ཡན་ལག་བཞི་ལ་གནས་པ་སྟེ། །ལས་ཀྱི་འཁོར་ལོ་རྒྱ་མཚོར་གྲགས། །དེ་འོག་རྫོགས་པའི་འཁོར་ལོ་ནི། །བསྡུ་བཀོད་འཁོར་ལོའི་བཞི་བཅུ་གཉིས། །དྲག་པོ་སྐུ་ཡི་འཁོར་ལོ་ནི། །བསྡུ་བཀོད་འཁོར་ལོ་དྲུག་ཅུ་དྲུག །བཞི་པའི་ས་ཀྱིས་འཁོར་ལོ་ནི། །བསྡུ་བཀོད་འཁོར་ལོ་བཞི་བཅུ་གཉིས། །ཉི་ཤུ་ཕྱག་གི་འཁོར་ལོ་སྟེ། །བཅུ་གཉིས་ཞབས་ཀྱི་འཁོར་ལོ་བྲི། །འཁོར་ལོ་དེ་དག་རྣམས་ལ་ནི། །ལྷ་དང་འདྲེ་དང་ནད་དང་ནི། །འཕྲིན་ལས་འཁོར་ལོ་བཞི་རུ་རྟག །སྐུ་ལས་བྱུང་བའི་འཁོར་ལོ་ནི། །དང་པོ་བཅུ་ཡི་དྲུག་དག་དང་། །དེ་བཞིན་བདུན་གྱིས་རྣམ་པར་མཛེས། །གསང་བའི་འཁོར་ལོ་འདི་ལྟར་འབྱུང་། །དང་པོ་ལྟེ་བའི་འཁོར་ལོ་ནི། །ཡེ་ཤེས་སེམས་དཔའ་བཞག་པ་སྟེ། །སྙིང་ཁ་ཆོས་སྐུ་འཁོར་ལོ་དང་། །ལྟེ་བ་རྫོགས་པའི་འཁོར་ལོ་དང་། །གསང་བ་སྤྲུལ་པའི་འཁོར་ལོ་དང་། །ཡན་ལག་གཅོད་པའི་འཁོར་ལོ་སྟེ། །གཅོད་པའི་འཁོར་ལོ་བཞི་རུ་འགྱུར། །འཛིན་བྱེད་འཁོར་ལོ་དང་པོ་སྟེ། །ཕན་པའི་འཁོར་ལོ་གཉིས་པ་ཡིན། །གཅོད་པའི་འཁོར་ལོ་གསུམ་པ་སྟེ། །སྒྱུར་བའི་འཁོར་ལོ་བཞི་པ་ཡིན། །དེ་ཡིས་རྒྱ་མཚོ་ཡིན་པར་འདོད། །གཉིས་པའི་གསུམ་ལས་བྱུང་བ་ཡིས། །རྫོགས་པའི་འཁོར་ལོ་ཉི་ཤུ་གཅིག །གཤིན་རྗེ་མ་མོ་སྲིན་པོ་དང་། །དམུ་བདུད་ས་བདག་ཀླུ་དང་ནི། །བཙན་དང་རྒྱལ་པོ་རིགས་འཛིན་དང་། །དྲི་ཟ་བདུད་ཀྱི་འཁོར་ལོ་དང་། །འཇིགས་པ་བརྒྱད་སེལ་འཁོར་ལོ་དང་། །བདུད་འཇོམས་ཀོང་རྩེ་འཁོར་ལོ་གཉིས། །ཕྱ་སངས་རྟེལ་བའི་འཁོར་ལོ་གཉིས། །ལྷ་མཆོག་ཡ་བ་ཏི་དང་གཉིས། །ཆོས་རྒྱལ་ཨ་བ་གླང་མགོ་གཉིས། །རྨིག་བུ་མིག་དམར་འཁོར་ལོ་གཉིས། །རྫོགས་པའི་འཁོར་ལོ་སྤྱི་རུ་ནི། །ཕྱོགས་གཉིས་ཟླ་བ་ཡིན་པར་འདོད། །སྐུ་ཡི་འཁོར་ལོ་སུམ་ཅུ་གསུམ། །ཞེན་བཟློག་ཕན་གནོད་འཁོར་ལོ་དང་། །དབབ་དང་གསད་པའི་འཁོར་ལོ་དང་། །རྒྱ་ཡིས་གདབ་ཅིང་གཟིར་དང་སྟེ། ཁུག་དང་གཞན་གྱི་མཐུ་དབྲོག་དང་། ཁུག་དང་མདའ་ལེན་དབན་འཛུགས་དང་། །རྟ་ཤི་མི་དང་རུ་སྦལ་དང་། །སྟག་དང་སེང་གེ་སྦྲུལ་དང་ནི། །རྒྱས་དང་དབང་དང་གསད་པ་དང་། །དགུག་དང་དབྱེ་དང་བསྐྲད་པ་དང་། །སྨྱོ་འབྲོས་ལྐུགས་དང་གནན་པ་དང་། །བཟློག་དང་བསྲུང་དང་བཤིག་པ་དང་། །དྲལ་དང་བཅིང་དང་གཅད་པ་དང་། །འབྱེད་ཞེན་བཟློག་དང་ཟུག་དབྱུང་དང་། །སྐུ་ཡི་འཁོར་ལོ་སྤྱི་རུ་ནི། །ཕྱོགས་གསུམ་ཡོན་ཏན་ཞེས་སུ་འདོད། །འཕྲིན་ལས་འཁོར་ལོ་བཅུ་དྲུག་ནི། །ཕྱི་རོལ་ལུས་ཀྱི་འཁོར་ལོ་སྟེ། །གླང་ཐབས་ཕོ་ལོག་ལྷོག་པ་དང་། །ལྐུགས་དང་སྨྱོ་འབོག་འཁོར་ལོ་ནི། །ཕྱག་གཡས་འཕྲིན་ལས་འཁོར་ལོ་ཡིན། །མཛེ་ཤུ་མཁྲིས་ནད་རིམས་ནད་དང་། ཁྲག་སྒྱུག་གཟེར་ནད་རྣམ་པ་ལྔ། །ཕྱག་གཡོན་འཕྲིན་ལས་འཁོར་ལོ་ཡིན། །འབྲུམ་ནད་གཞོགས་སྐེམ་ཆོག་འགྱེལ་གསུམ། །ཕྱག་གཡས་འཕྲིན་ལས་འཁོར་ལོ་ཡིན། །འཕྲེད་ནད་ལེག་རྒན་སྐྱ་བབས་གསུམ། །ཞབས་གཡོན་འཕྲིན་ལས་འཁོར་ལོ་ཡིན། །སྤྲུལ་པའི་འཁོར་ལོ་རྒྱས་འབྲིང་གསུམ། །རྒྱས་པའི་འཁོར་ལོ་འབྲི་བ་ནི། །རིམ་པ་གསུམ་དུ་བསྐོར་བ་ལ། །སྒོ་མེད་ལྕགས་ཁང་བཅུ་དྲུག་བྱ། །འདི་ནི་གཤིནརྗེའིགྲོང་ཁྱེར་ཏེ། །སྲིད་པ་གསུམ་གྱི་སྐྱེ་འཇུག་ཡིན། །དེ་ཡི་ཕྱི་རིམ་མུ་ཁྱུད་གསུམ། །ཀུན་ཏུ་ལྕགས་རིས་བསྐོར་བ་སྟེ། །མུ་ཁྱུད་དེ་དག་རེ་རེ་ཡང་། ཁང་པ་སུམ་ཅུ་གཉིས་དང་ལྡན། །འགྲོ་བའི་ཆོས་བཞིན་གཅོད་པ་ཡིས། །འཁོར་ལོ་འདི་དག་བྲིས་ནས་ནི། །ཕྱི་རོལ་མུ་ཁྱུད་ཐ་མ་ལ། །ཡི་གེ་ཀ་སོགས་ངང་ཡིག་མཐའ། །ང་ཉ་གསལ་ནས་དགོད་པར་བྱ། །ཡི་གེ་ཀྟ་ལས་ད་ཡིག་མཐའ། །དེ་ཡི་རྗེས་སུ་བྲི་བར་བྱ། །ཀླ་ཀློ་ཡི་གེ་གསལ་ལ་དགོད། །མུ་ཁྱུད་དབུ་མ་དག་ལ་ནི། །དབྱངས་ཡིག་བཅུ་དྲུག་གཉིས་འགྱུར་དགོད། །བསྡུ་དང་དགོད་ལས་བརྩོམ་པ་ནི། །ཕྱི་རོལ་མུ་ཁྱུད་ཐ་མ་ལ། ་།ར་གྱི་ཚངས་ཐིག་ནས་རྩམ་ནས། །རིམ་མིན་བཟའ་ཅན་ཁང་པ་ནས། །ཡི་གེ་བཀྲ་ཤིས་ཚད་བླངས་ཏེ། །ནང་གི་ངོས་ཀྱི་མུ་ཁྱུད་ཀྱི། །ཚངས་ཐིག་དག་གི་ངོས་དག་ལ། །ཕྱོགས་བཞི་མིག་གི་ཚད་དུ་སྒྱིན། །རིམ་མིན་ཕྱོགས་ཅན་ཁང་པ་ནས། །ཡི་གེ་མིག་གི་ཚད་བླངས་ཏེ། །ཤར་དུ་དེ་ཡི་ག་ས་གཡོན་གཞག །རིམ་མིན་བཀྲ་ཤིས་ཁང་པ་ན། །དབྱངས་ཡིག་གཉིས་པ་ཅན་བླངས་ཏེ། །མིག་གི་ཚད་དུ་བླངས་ནས་ནི། །དེ་ཡི་ངོས་ལ་རེ་རེ་བཞག །ནུབ་ཀྱི་ཚངས་ཐིག་ནས་བགྲངས་པའི། །བཀྲ་ཤིས་ཅན་གྱི་ཁང་པ་ནས། །དབྱངས་ཡིག་བཅུ་གཅིག་པ་ལྡན་པ། །མིག་གི་ཚད་དུ་བླངས་ནས་ནི། །ལྷོ་ཡི་ངོས་ལ་དེ་བཞིན་བཞག །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁྱིམ་ནས་ནི། །དབྱངས་ཡིག་བཅུ་གསུམ་པ་ལྡན་པ། །མིག་གི་ཚད་དུ་བླངས་ནས་ན། །ལྷོ་རུ་དེ་རྗེས་སྤྱིན་པར་བྱ། །དེ་ཉིད་དབྱངས་ཡིག་གསལ་བ་ནི། །མིག་གི་ཚད་དུ་བླངས་ནས་ནི། །སྔོན་སྤྱིན་ནུབ་ཀྱི་ངོས་སུ་སྤྱིན། །ནུབ་ནས་བཟའ་ཅན་ཁང་པ་ནས། །དབྱངས་ཡིག་བཅུ་གསུམ་པ་ཅན་པ། །མིག་གི་ཚད་དུ་བླངས་ནས་ནི། །ནུབ་ངོས་སུ་ནི་དེ་བཞིན་སྨིན། །བྱང་ནས་བཟའ་ཅན་ཁང་པ་ནས། །དབྱངས་ཅན་གཟའ་ཅན་ཁང་པ་ནས། །དབྱངས་ཡིག་བཅུ་གཅིག་པ་ལྡན་པ། །མིག་གི་ཚད་དུ་བླངས་ནས་ནི། །བྱང་གི་ངེས་ལ་དེ་བཞིན་སྤྱིན། །རླུད་གི་ས་བོན་ཞེས་བྱ་བ་། །མིག་གི་ཚད་བླངས་དེ་རྗེས་སྤྱིན། །མདའ་ཅན་ཁང་པ་ནང་གནས་པ། །འོད་ཀྱི་གོང་བུར་བྱས་པ་དང་། །དེ་ཉིད་རྣམས་ནི་བགྲང་པ་ཡི། །ས་ཅན་ཁང་པ་ནང་གནས་པས། །དབྱངས་ཡིག་གསུམ་པ་དང་ལྡན་དག །ཟླ་བའི་ཚད་དུ་བླངས་ནས་ནི། །བྱང་ཤར་མཚམས་སུ་རེ་རེ་སྤྱིན། །རྒྱམཚོ་ཁང་པའི་ནང་གནས་པ། །དབྱངས་ཡིག་གཉིས་པ་ལྡན་པ་དང་། །རིམ་མིན་ཡོན་ཏན་ཁང་པ་ན། །ཟླ་བའི་ཚད་དུ་བཟུང་ནས་ནི། ཁྲར་ལྷོ་མཚམས་སུ་དེ་བཞིན་སྤྱིན། །རིམ་མིན་བཀྲ་ཤིས་ཁང་པ་ནས། །དབྱངས་ཡིག་ལྔ་པ་ལྡན་པ་དང་། །ཡན་ལག་ཅན་གྱི་ཁང་པ་ནས། །ཟླ་བའི་ཚད་དུ་བླངས་ནས་ནི། །ལྷོ་ནུབ་མཚམས་སུ་དེ་བཞིན་སྤྱིན། །རིམ་མིན་ཚེས་ཅན་ཁང་པ་ནས། །དབྱངས་ཡིག་གསུམ་པ་ལྡན་པ་དང་། །རིམ་མིན་བཀྲ་ཤིས་ཁང་པ་ནས། །ནུབ་བྱང་མཚམས་སུ་དེ་བཞིན་སྦྱིན། །རྡོ་རྗེ་གཙུག་ལག་གི་འཁྲུལ་འཁོར་གྱི་བཤད་རྒྱུད་ཆེན་པོ་ལས། རྩ་བའི་འཁོར་ལོ་བྲི་ཞིང་བསྡུ་བ་བཤད་པའི་ལེའུ་སྟེ་བཞི་པའོ།། །།རྫོགས་པའི་འཁོར་ལོ་བསྡུ་བ་ནི། །ཤར་གྱི་ཚངས་ཐིག་ནས་གྲངས་པའི། །རིམ་མིག་གཟའ་ཆེན་ཁང་པ་ནས། །ཡི་གེ་མིག་གི་ཚད་དུ་བླངས། །རིན་མིན་ཕྱོགས་ཅན་ཁང་པ་ནས། །ཡི་གེ་ཟླ་བའི་ཚད་དུ་བླངས། །རིམ་མིན་བཀྲ་ཤིང་ཁང་པ་ནས། །ཡི་གེ་ཟླ་བའི་ཚད་བླངས་བཞག །རྒྱ་མཚོ་ཁང་པའི་ནང་གནས་པའི། །ཡི་གེ་ཟླ་བའི་ཚད་དུ་བླངས། །རིམ་མིན་ཡོན་ཏན་ཁང་པ་ནས། །ཡི་གེ་ཟླ་བའི་ཚད་བླངས་བཞག །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁྱིམ་ནས་ནི། །ཡི་གེ་ཟླ་བའི་ཚད་བླངས་ཏེ། །དབྱངས་ཡིག་བཅུ་གསུམ་པ་ལྡན་བླངས། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །དབྱངས་ཡིག་བཅུ་གཅིག་པ་ལྡན་པ། །ཟླ་བའི་ཚད་དུ་བླང་བར་བྱ། །གཟའ་ཅན་ཁང་པའི་ནང་གནས་པ། །མིག་གི་ཚད་བླང་གོང་ལྟར་སྦྱར། །གཉིས་དང་གསུམ་བཞི་དེ་བཞིན་བླང་། །གཤིན་རྗེ་ཉི་མ་བཞི་རུ་བཤད། ཁྲར་གྱི་ཚངས་ཐིག་ནས་བགྲངས་པའི། །རིམ་མིན་ཕྱོགས་ཅན་ཁང་པ་ནས། །ཡི་གེ་མིག་གི་ཚད་བླང་བྱ། །རིམ་མིན་བཀྲ་ཤིས་ཁང་པ་ནས། །ཡི་གེ་མིག་གི་ཚད་བླང་བཞག །རྒྱ་མཚོ་ཁང་པའི་ནང་གནས་པའི། །ཡི་གེ་ཟླ་བའི་ཚད་དུ་བླང་། །རིམ་མིག་ཡོན་ཏན་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁྱིམ་ནས་ནི། །ཡི་གེ་ཟླ་བའི་ཚད་བླང་སྟེ། །དབྱངས་ཡིག་བཅུ་གསུམ་ལྡན་པའོ། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །དབྱངས་ཡིག་བཅུ་གཅིག་ལྡན་པའོ། །ཕྱོགས་ནས་ཁང་པ་ཟླ་ཚད་བླང་། །ཕྱོགས་ཅན་ཁང་པ་ནང་གནས་པ། །མིག་གི་ཚད་བླང་གོང་ལྟར་སྦྱར། །གཉིས་དང་གསུམ་བཞི་དེ་བཞིན་བླངས། །མ་མོ་ཉི་མ་བཞི་རུ་བཤད། །ནུབ་ཀྱི་ཚངས་ཐིག་ནས་གྲངས་པའི། །བཀྲ་ཤིས་ཅན་གྱི་ཁང་པ་ནས། །ཡི་གེ་མིག་གི་ཚད་བླང་བྱ། །རྒྱ་མཚོ་ཁང་པའི་ནང་གནས་པའི། །ཡི་གེ་ཟླ་བའི་ཚད་བླང་བྱ། །ནུབ་ཀྱི་ཚངས་ཐིག་ནས་བགྲངས་པའི། །ཡོན་ཏན་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླངས། །ནུབ་ཀྱི་ཚངས་ཐིག་ནས་གྲངས་པའི། །རིམ་མིན་ཟླ་ཅན་ཁང་པ་ནས། །དབྱངས་ཡིག་བཅུ་གསུམ་པ་ལྡན་པ། །ཟླ་བའི་ཚད་དུ་བླངས་ནས་ནི། །དེ་ཉིད་ནས་ནི་བགྲངས་པ་ཡི། །རིམ་མིན་བཀྲ་ཤིས་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ཀྱི་ཚངས་ཐིག་ནས་བགྲངས་པའི། །རིམ་མིན་རྒྱ་མཚོ་ཁང་པ་ནས། །དབྱངས་ཡིག་བཅུ་གཅིག་པ་ལྡན་པ། །ཟླ་བའི་ཚད་དུ་བླང་བར་བྱ། །དེ་འོག་དེ་ཉིད་དབྱངས་སྤངས་པ། །ཟླ་བའི་ཚད་དུ་བླངས་པར་བྱ། །བཀྲ་ཤིས་ཁང་པ་ནང་གནས་པ། །མིག་གི་ཚད་བླང་གོང་ལྟར་སྦྱར། །གཉིས་དང་གསུམ་བཞིདེབཞིན བླང། །སྲིནཔོ་ཉི་མ་བཞི་རུ་བཤད། །ཤར་གྱི་ཚངས་ཐིག་ནས་བགྲངས་པའི། །རྒྱ་མཚོ་ཅན་གྱི་ཁང་པ་ནས། །ཡི་གེ་མིག་གི་ཚད་བླང་བྱ། ་།ར་གྱི་ཚངས་ཐིག་ནས་བགྲངས་པའི། །རིམ་མིན་ཡོན་ཏན་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ཀྱི་ཚངས་ཐིག་ནས་བགྲངས་པའི། །རིམ་མིན་ཟླ་ཅན་ཁང་པ་ནས། །དབྱངས་ཡིག་བཅུ་གསུམ་པ་ལྡན་པ། །ཟླ་བའི་ཚད་དུ་བླངས་པར་བྱ། །ནུབ་ཀྱི་ཚངས་ཐིག་ནས་བགྲང་བའི། །རྒྱ་མཚོ་ཅན་གྱི་ཁང་པ་ནས། །དབྱངས་ཡིག་བཅུ་གཅིག་པ་ལྡན་པ། །ཟླ་བའི་ཚད་དུ་བླངས་པར་བྱ། །རིམ་མིན་ཕྱོགས་ཅན་ཁང་པ་ནས། །ཡི་གེ་ཟླ་བའི་ཚད་དུ་བླང་། །རིམ་མིན་དྲེགས་པའི་ཁང་པ་ནས། །ཡི་གེ་ཟླ་བའི་ཚད་དུ་བླང་། །རིམ་མིན་བཀྲ་ཤིས་ཁང་པ་ནས། །ཡི་གེ་ཟླ་བའི་ཚད་དུ་བླང་། ་།ར་གྱི་ཚངས་ཐིག་ནས་བགྲངས་པའི། །རྒྱ་མཚོ་ཁང་པའི་ནང་གནས་པའི། །མིག་གི་ཚད་བླང་གོང་བཞིན་སྦྱར། །གཉིས་དང་གསུམ་བཞི་དེ་བཞིན་བླང་། །དམུ་བདུད་ཉི་མ་བཞིན་དུ་བཤད། །ཤར་གྱི་ཚངས་ཐིག་ནས་བགྲངས་པའི། །རིམ་མིན་ཡོན་ཏན་ཁང་པ་ནས། །ཡི་གེ་མིག་གི་ཚད་བླང་བཞག །ནུབ་ཀྱི་ཚངས་ཐིག་ནས་བགྲངས་པའི། །རིམ་མིན་ནི་ཟླ་ཅན་ཁང་པ་ནས། །དབྱངས་ཡིག་བཅུ་གསུམ་པ་ལྡན་པ། །ཟླ་བའི་ཚད་དུ་བླང་པ་ཡིས། །ནུབ་ཀྱི་ཚངས་ཐིག་ནས་གྲངས་པའི། །རྒྱ་མཚོ་ཅན་གྱི་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །ཟླ་བའི་ཚད་དུ་བླང་བར་བྱ། ་།ར་གྱི་ཚངས་ཐིག་ནས་བགྲངས་པའི། །རིམ་མིན་གཟའ་ཅན་ཁང་པ་ནས། །ཡི་གེ་མིག་གི་ཚད་དུ་བླང་། །ནུབ་ཀྱི་ཚངས་ཐིག་ནས་བགྲངས་པའི། །རྒྱ་མཚོ་ཅན་གྱི་ཁང་པ་ནས། །ཡི་གེ་མིག་གི་ཚད་དུ་བླང་། ཁྲར་གྱི་ཚངས་ཐིག་ནས་བགྲངས་པའི། །རིམ་མིན་བཀྲ་ཤིས་ཁང་པ་ནས། །ཡི་གེ་ཟླ་བའི་ཚད་དུ་བླང་། ཁྲར་གྱི་ཚངས་ཐིག་ནས་བགྲངས་པའི། །རྒྱ་མཚོ་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླངས། ཁྲར་གྱི་ཚངས་ཐིག་ནས་བགྲངས་བའི། །རིམ་མིན་ཡོན་ཏན་ཁང་པ་ནས། །ཡི་གེ་མིག་གི་ཚད་དུ་བླང་། །གཉིས་དང་གསུམ་བཞི་དེ་བཞིན་བླང་། །ས་བདག་ཉི་མ་བཞི་རུ་བཤད། །ནུབ་ཀྱི་ཚངས་ཐིག་ནས་བགྲང་པའི། །རིག་བྱེད་ཁང་པའི་ནང་གནས་པའི། །ཡི་གེ་མིག་གི་ཚད་དུ་བླང་། །དེ་ཉིད་ནས་ནི་བགྲངས་པ་ཡི། །རིམ་མིན་བཀྲ་ཤིས་ཁང་པ་ནས། །དབྱངས་ཡིག་སུམ་ཅུ་དང་ལྡན་པ། །ཟླ་བའི་ཚད་དུ་བླང་བར་བྱ། །དེ་ཉིད་ནས་ནི་བགྲངས་པ་ཡི། །ཟླ་བ་ཅན་གྱི་ཁྱིམ་ནས་ནི། །ཡི་གེ་ཟླ་བའི་ཚད་དུ་བླང་། །དེ་ཉིད་ནས་ནི་བགྲངས་པ་ཡི། །བཀྲ་ཤིས་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླངས། །ཤར་གྱི་ཚངས་ཐིག་ནས་བགྲངས་པའི། །རིམ་མིན་ཕྱོགས་ཅན་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །ཟླ་བའི་ཚད་དུ་བླང་བར་བྱ། །ནུབ་ཀྱི་ཚངས་ཐིག་ནས་བགྲང་བའི། །རིམ་མིན་ཟླ་བའི་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །ཟླ་བའི་ཚད་དུ་བླང་བར་བྱ། །དེ་ཉིད་ནས་ནི་བགྲང་བ་ཡི། །ཕྱོགས་ཅན་ཁང་པའི་ནང་གནས་པའི། །དབྱངས་ཡིག་ལྔ་པ་དང་ལྡན་པ། །ཟླ་བའི་ཚད་དུ་བླང་བར་བྱ། །ནུབ་ཀྱི་ཚངས་ཐིག་ནས་བགྲང་བའི། །རིགས་བྱེད་ཅན་གྱི་ཁང་པ་ནས། །ཡ་གེ་མག་གི་ཚད་དུ་བླང་། །གཉིས་དང་གསུམ་བཞི་དེ་བཞན་བླང་། །ཀླུ་ཡི་ཉི་མ་བཞིན་རྔ་་བཤད། །ཤར་གྱི་ཚངས་ཐིག་ནས་བགྲང་བའི། །མདའ་ཅན་ཁང་པ་ནང་གནས་པ། །མིག་ག་ཚད་དུ་བླང་བར་བྱ། །ནུབ་ནས་རིམ་པ་མ་ཡིན་པའི། །མིག་ཅན་ཁང་པའི་ནང་གནས་པ། །དབྱངས་ཡིག་གསུམ་པ་དང་ལྡན་པ། །ཟླ་བའི་ཚད་དུ་བླང་བར་བྱ། །ཤར་གྱི་ཚངས་ཐིག་ནས་གྲངས་པའི། །རིམ་མིན་བཀྲ་ཤིས་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །རྒྱ་མཚོ་ཅན་གྱི་ཁང་པ་ནས། །ཡི་གེ་མིག་གི་ཚད་དུ་བླང་། །ཤར་གྱི་ཚངས་ཐིག་ནས་བགྲངས་པའི། །རིམ་མིན་ཕྱོགས་ཅན་ཁང་པ་ནས། །ཡི་ག་ཟླ་བའི་ཚད་དུ་བླངས། །ཤར་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །ཟླ་བའི་ཚད་དུ་བླང་བར་བྱ། །དེ་ཉིད་ནས་ནི་བགྲངས་པ་ཡིས། །རིམ་མིན་གཟའ་ཅན་ཁང་པ་ནས། །ཡི་གེ་མིག་གི་ཚད་བླང་བྱ། །ཤར་གྱི་ཚངས་ཐིག་ནས་བགྲངས་པའི། །མདའ་ཅན་ཁང་པ་ནང་གནས་པ། །མིག་གི་ཚད་དུ་བླང་བར་བྱ། །གཉིས་དང་གསུམ་བཞི་དེ་བཞིན་བླང་། །བཙན་དང་རྒྱལ་པོ་ཉི་མ་བཞི་རུ་བཤད། །ནུབ་ནས་རིམ་པ་མ་ཡིན་པའི། །མིག་ཅན་ཁང་པའི་ནང་གནས་པའི། །དབྱངས་ཡིག་གསུམ་པ་དང་ལྡན་པ། །མིག་གི་ཚད་དུ་བླང་བར་བྱ། །ཤར་གྱི་ཚངས་ཐིག་ནས་བགྲང་པའི། །བཀྲ་ཤིས་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །རིམ་མིན་རྒྱ་མཚོ་ཁང་པ་ནས། །ཡི་གེ་མིག་གི་ཚད་དུ་བླངས། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ན་། །ཡི་གེ་མིག་གི་ཚད་དུ་བླང་། །ཤར་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །ཟླ་བའི་ཚད་དུ་བླང་བར་བྱ། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླང་། ་།ར་གྱི་ཚངས་ཐིག་ནས་བགྲངས་པའི། །མདའ་ཅན་ཁང་པའི་ནང་གནས་པའི། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །མིག་ཅན་ཁང་པའི་ནང་གནས་པའི། །ཡི་གེ་མིག་གི་ཚད་དུ་བླང་། །གཉིས་དང་གསུམ་བཞི་དེ་བཞིན་བླང་། །རྔ་་ ག་ཉི་མ་བཞི་རུ་བཤད། །ནུབ་ཀྱི་ཚངས་ཐིག་ནས་གྲངས་པའི། །རིམ་མིན་ཟླ་བའི་ཁང་པ་ནས། །ཡི་གེ་མིག་གི་ཚད་དུ་བླང་། །ནུབ་ཀྱི་ཚངས་ཐིག་ནས་བགྲངས་པའི། །རིམ་མིན་བཟའ་ཆེན་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །ཟླ་བའི་ཚད་དུ་བླང་བར་བྱ། །ནུབ་ཀྱི་ཚངས་ཐིག་ནས་གྲང་བའི། །རིམ་མིན་མིག་ཅན་ཁང་པ་ནས། །དབྱངས་ཡིག་གསུམ་པ་དང་ལྡན་པ། །ཟླ་བའི་ཚད་དུ་བླང་པར་བྱ། །ཤར་གྱི་ཚངས་ཐིག་ནས་བགྲངས་པའི། །རིམ་མིན་བཀྲ་ཤིས་ཁང་པ་ནས། །ཡི་གེ་མིག་གི་ཚད་དུ་བླང་། །ནུབ་ཀྱི་ཚངས་ཐིག་ནས་བགྲངས་པའི། །རིམ་མིན་བཀྲ་ཤིས་ཁང་པ་ནས། །ཡི་གེ་ཟླ་བའི་ཚད་དུ་བླང་། །ཤར་གྱི་ཚངས་ཐིག་ནས་བགྲངས་པའི། །རིམ་མིན་ཟླ་ཅན་ཁང་པ་ནས། །དབྱངས་ཡིག་བཅུ་གཅིག་དང་ལྡན་པའི། །ཟླ་བའི་ཚད་དུ་བླང་པར་བྱ། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །ཡི་གེ་མིག་གི་ཚད་དུ་བླང་། །གཉིས་དང་གསུམ་བཞི་དེ་བཞིན་བླང་། །དྲི་ཟ་ཉི་མ་བཞི་རུ་་བཤད། །ཤར་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །མིག་གི་ཚད་དུ་བླང་བར་བྱ། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླངས། །ཤར་ནས་ཟླ་ཅན་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རམ་པ་མ་ཡིན་པའི། །མིག་ཅན་ཁང་པའི་ནང་གནས་པའི། །དབྱངས་ཡིག་གསུམ་པ་དང་ལྡན་པ། །ཟླ་བའི་ཚད་དུ་བླང་བར་བྱ། །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གསུམ་པ་ལྡན་པ། །ཟླ་བའི་ཚད་དུ་བླང་བར་བྱ། ་།ར་གྱི་ཚངས་ཐིག་ནས་གྲངས་པའི། །རིམ་མིན་ཕྱོགས་ཅན་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །ཟླ་བའི་ཚད་དུ་བླང་བར་བྱ། །ནུབ་ནས་རིམ་པ་མ་ཡིན་པའི། །བཀྲ་ཤིས་ཅན་གྱིས་ཁང་པ་ནས། །ཡི་གེ་མིག་གི་ཚད་དུ་བླང་། །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །མིག་གི་ཚད་དུ་བླང་བར་བྱ། །གཉིས་དང་གསུམ་བཞི་དེ་བཞིན་བླང་། །བདུད་ཀྱི་ཉི་མ་བཞི་རུ་བཤད། །ནུབ་ཀྱི་ཚངས་ཐིག་ནས་གྲངས་པའི། །རིམ་མིན་བཀྲ་ཤིས་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །རྒྱ་མཚོ་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླང་། ་།ར་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླང་། །ཤར་ནས་རིམ་པ་མ་ཡིན་པའི། །ཡོན་ཏན་ཅན་གྱི་ཁང་པ་ནས། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གསུམ་པ་ལྡན་པ། །ཟླ་བའི་ཚད་དུ་བླང་བར་བྱ། ་།ར་ནས་རིམ་པ་མ་ཡིན་པའི། །བཀྲ་ཤིས་ཅན་གྱི་ཁང་པ་ནས། །དབྱངས་ཡིག་ལྔ་པ་དང་ལྡན་པ། །ཟླ་བའི་ཚས་དུ་བླང་བར་བྱ། །ནུབ་ནས་རིམ་པ་མ་ཡིན་པའི། །མིག་ཅན་ཁང་པའི་ནང་གནས་པའི། །ཡི་གེ་ཟླ་བའི་ཚད་དུ་བླང་། ་།ར་གྱི་ཚངས་ཐིག་ནས་བགྲང་པའི། །རིམ་མིན་བཟའ་ཅན་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །མིག་ཅན་ཁང་པའི་ནང་གནས་པ། །དབྱངས་ཡིག་གསུམ་པ་དང་ལྡན་པའོ། །ཤར་གྱི་ཚངས་ཐིག་ནས་བགྲང་བའི། །རིམ་མིན་བཀྲ་ཤིས་ཁང་པ་ནས། །ཡི་གེ་མིག་གི་ཚད་དུ་བླང་། །ཤར་ནས་རིམ་པ་མ་ཡིན་པའི། །གཟའ་ཅན་ཁང་པའི་ནང་གནས་པ། །ཟླ་བའི་ཚད་དུ་བླང་བར་བྱ། ་།ར་གྱི་ཚངས་ཐིག་ནས་བགྲངས་པའི། །མདའ་ཅན་ཁང་པའི་ནང་གནས་པ། །ཡི་གེ་ཟླ་བའི་ཚད་དུ་བླང་། །ནུབ་ནས་རིམ་པ་མ་ཡིན་པའི། །མིག་ཅན་ཁང་པ་མ་ཡིན་པའི། །དབྱངས་ཡིག་གསུམ་པ་དང་ལྡན་པ། །ཟླ་བའི་ཚད་དུ་བླང་བར་བྱ། །གཉིས་དང་གསུམ་བཞི་དེ་བཞིན་བླང་། །ཞི་བའི་ཉི་མ་ཞི་རུ་བཤད། །དེ་ནས་ལྟ་ཡི་འཁོར་ལོ་སོགས། །གྲགས་པ་གྲངས་ཀྱི་བརྡ་ཡིས་བཏུ། །ར་གསུམ་རྫས་ནི་ཨ་ཡིན་ཏེ། །སྔ་མ་ཅོ།་ཨེ་ཡན་ལག་གོ །ཡ་མ་ར་གསུམ་ཨ་དང་ལྡན། །གཉིས་དང་གསུམ་བཞི་དེ་བཞིན་བླང་། །བདུད་འཇོམས་ཉི་མ་བཞི་རུ་བཤད། །ཛ་གསུམ་ས་ནི་ཨ་ཡིན་ཏེ། །མ་ནི་ཨེ་ཡི་ཡན་ལག་གོ །ཡ་མ་ར་ཛ་གསུམ་གསུམ་ལྡན། །གཉིས་དང་གསུམ་བཞི་དེ་བཞིན་བླང་། །བྲག་འཇོམས་ཉི་མ་བཞི་རུ་བཤད། །ས་གསུམ་ཨ་སྟེ་དྷ་ནི་ཨེ། །མ་ནི་ཨེ་ཨི་ཡན་ལག་གོ །ཡ་མ་ར་ཛ་གསུམ་གསུམ་ལྡན། །གཉིས་དང་གསུམ་བཞི་དེ་བཞིན་སྦྱར། །ཕྱ་སངས་ཉི་མ་བཞི་རུ་བཤད། །ཏོ་གསུམ་ཨོ་ཏེ་ཡ་མ་ར། །ཛ་ས་མ་སྟེ་དྷ་ཨོ་གསུམ། །གཉིས་དང་གསུམ་བཞི་དེ་བཞིན་བླང་། །རྟེལ་པ་ཉི་མ་བཞི་རུ་བཤད། །ར་གསུམ་མུ་སྟེ་ན་ནི་ཨ། །ཡ་ནི་ཨོ་རུ་ཤེས་པར་བྱ། །དྷ་ཡ་ཨ་སྟེ་མ་ནི་ཨེ། །ཏ་ཨ་ར་གསུམ་ཨུ་དང་ལྡན། །གཉིས་དང་གསུམ་བཞི་དེ་བཞིན་བླང་། །ལྷ་མཆོག་ཉི་མ་བཞི་རུ་བཤད། །ན་གསུམ་ཨ་ཏེ་ཡ་ནི་ཨོ། །དྷ་ཡ་ཨ་ཏེ་མ་དྷ་ར། །ཨེ་ཨོ་ཨུ་རུ་ཤེས་པར་བྱ། །མ་གསུམ་ཨ་དང་ལྡན་པའོ། །གཉིས་དང་གསུམ་བཞི་དེ་བཞིན་བླང་། །ཡབ་ཏིའི་ཉི་མ་བཞི་རུ་བཤད། །ན་གསུམ་ཨི་ཏེ་ར་ཡ་ཨ། །ཀ་ནི་ཨེ་ཏ་ཡ་མ་ཨ། །ཨ་ར་ན་གསུམ་ཨི་དང་ལྡན། །གཉིས་དང་གསུམ་བཞི་དེ་བཞིན་བླང་། །ཆོས་རྒྱལ་ཉི་མ་བཞི་རུ་བཤད། །ཙ་གསུམ་ཡ་མ་ར་ནི་ཨ། །ཀ་ནི་ཨེ་སྟེ་ཡ་ནི་ཨ། །ཡ་ནི་ཨ་ཏེ་ཙ་གསུམ་ཨ། །གཉིས་དང་གསུམ་བཞི་དེ་བཞིན་བླང་། །དམིགས་པ་ཉི་མ་བཞི་རུ་བཤད། ཎ་གསུམ་ཨི་སྟེ་ར་ཡ་ཨ། །ཀྟ་ནི་ཨེ་སྟེ་ཡ་དྷ་ཨ། །ཡ་ནི་ཨོ་ནི་ཎ་གསུམ་ཨི། །གཉིས་དང་གསུམ་བཞི་དེ་བཞིན་བླང་། །མིག་དམར་ཉི་མ་བཞི་རུ་བཤད། །རྫོགས་པའི་འཁོར་ལོར་བཤད་པ་ཡིན། །རྡོ་རྗེ་གཙུགས་ལག་གི་བཤད་རྒྱུད་ཆེན་པོ་ལས། རྫོགས་པའི་འཁོར་ལོ་བཏུ་བ་བཤད་པའི་ལེའུ་སྟེ་ལྔ་པའོ།། །།སྐུ་ཡི་འཁོར་ལོ་བཏུ་བ་ནི། །ཡ་མ་ཡ་གཉིས་ཨ་ཡིན་ཏེ། །ར་ཅི་ཨ་གཉིས་ཛ་ནི་ཨ། །ཡ་གཉིས་ས་ཨ་ཡ་གཉིས་ཨ། །གཉིས་དང་གསུམ་བཞི་དེ་བཞིན་བླང་། །ཞེན་ཟློག་ཉི་མ་བཞི་རུ་བཤད། །མ་ཨ་མ་གཉིས་ཨེ་དང་ལྡན། །མ་ར་ཨ་སྟེ་དྷ་གཉིས་ཨོ་ཨ། །ར་ཛ་ས་གཉིས་ཛ་ནི་ཨ། །གཉིས་དང་གསུམ་བཞི་དེ་བཞིན་བླང་། །ཕན་ཕྱ་གནོད་བཏང་ཉི་བཞིར་བཤད། །མྱ་ར་ཡ་གསུམ་ཨ་ཡིན་ཏེ། །ར་ཡ་མ་གསུམ་ཡན་ལག་སྤངས། །ཡ་མ་ཡ་ར་གསུམ་ཨ་དང་ལྡན། །སེར་བ་ལྟས་ངན་ལ་སོགས་པ། །གཉིས་དང་གསུམ་བཞི་དེ་བཞིན་བླང་། །དབབ་པའི་ཉི་མ་བཞི་རུ་བཤད། །ར་ཡ་མ་གསུམ་ཨ་ཡིན་ཏེ། །ཡ་མ་ར་གསུམ་ཡན་ལག་སྤངས། །སེར་བ་ལྟས་ངན་ལ་སོགས་པ། །གཉིས་དང་གསུམ་བཞི་དེ་བཞིན་བླང་། །གཅད་པ་ཉི་མ་བཞི་རུ་བཤད་། །ཡ་མ་ཨ་ཏེ་མ་ནི་ཨེ། །ར་ཨ་དྷ་གཉིས་ཨོ་དང་ལྡན། །ར་ནི་ཡན་ལག་སྤངས་པའོ། །གཉིས་དང་གསུམ་བཞི་དེ་བཞིན་བླང་། །རྒྱས་གདབ་ཉི་མ་བཞི་རུ་བཤད། །ར་ནི་ཨ་ཏེ་ན་ནི་ཨོ། །ཡ་ཨི་ན་ཨ་ར་ནི་ཨུ། །དྷ་ཨོ༷་མ་ཨེ་ཡ་ནི་ཨ། །གཉིས་དང་གསུམ་བཞི་དེ་བཞིན་བླང་། །གཟེར་བ་ཉི་མ་བཞི་རུ་བཤད། །ན་ཨི་ཛར་ཛ་ར་ནི་ཨ། །མ་གཉིས་ཡན་ལག་སྤངས་པའོ། །གཉིས་དང་གསུམ་བཞི་དེ་བཞིན་བླང་། །ལྷ་འགུག་ཉི་མ་བཞི་རུ་བཤད། །ར་ཡ་མ་གསུམ་ཨ་ཡིན་ཏེ། །དྷ་ནི་ཨེ་ཡི་ཡན་ལག་གོ །ཡ་མ་ཨ་ཏེ་ཡ་ནི་ཨོ། །ཡ་ཏ་ཡ་གཉིས་ཨ་དང་ལྡན། །ཀྟ་ནི་ཨེ་ཡི་ཡན་ལག་ཡིན། །གཉིས་དང་གསུམནིདེབཞིན བླང། །མཐུ་འཕྲོག་ཉི་མ་བཞི་རུ་བཤད། །ཡ་མ་ར་གསུམ་ཨ་ཡིན་ཏེ། །ན་ནི་ཨི་ཡི་ཡན་ལག་གོ །ཡ་མ་ར་གསུམ་ཛ་ནི་ཨ། །གཉིས་དང་གསུམ་བཞི་དེ་བཞིན་བླང་། །གདོན་ཁུག་ཉི་མ་བཞི་རུ་བཤད། །མ་ཙ་གཉིས་ནི་ཨ་ཡིན་ཏེ། །མ་ཨེ་ས་ར་ཨ་དྷ་ཨོ། །ཡ་ནི་ཨ་རུ་བཤད་པ་ཡིན། །གཉིས་དང་གསུམ་བཞི་དེ་བཞིན་བླང་། །མདའ་ལེན་ཉི་མ་བཞི་རུ་བཤད། །མ་ར་ཨ་སྟེ་མ་ནི་ཨེ། །དྷ་ཨོ་ཛྲ་ས་ཡ་གསུམ་ཨ། །གཉིས་དང་གསུམ་བཞི་དེ་བཞིན་བླང་། །རྟ་ཤི་གཡག་འགྱེལ་ཉི་མ་བཞི་རུ་བཤད། །མ་ས་ཨ་ཏེ་མ་ནི་ཨེ། །ཙ་ར་ཨ་སྟེ་དྷ་ནི་ཨོ༷། །ཨ་ནི་ཡན་ལག་སྤངས་པའོ། །གཉིས་དང་གསུམ་བཞི་དེ་བཞིན་བླང་། །མི་ཤི་ཁྱི་ལུས་ཉི་བཞིར་བཤད། །ར་ཙ་ས་གསུམ་ཨ་ཡིན་ཏེ། །དྷ་ཨོ་ར་ཨུ་ན་ནི་ཨ། །ཡ་ཨོ་ན་ཨི་ར་ཡ་ཨ། །གཉིས་དང་གསུམ་བཞི་དེ་བཞིན་བླང་། །རུ་སྦལ་གྱིང་སྒྲལ་ཉི་བཞིར་བཤད། །ཡ་མ་དྷ་ཨ་ཨ་ཡིན་ཏེ། །མ་ཀེ་གཉིས་ནི་ཨེ་དང་ལྡན། །དྷ་ཨོ་ཡ་ཨོ་ཡ་ནི་ཨོ། །ར་ཨ་ན་ཨིར་བསྟན་པ་སྟེ། །ཛ་ར་ས་གསུམ་ཨ་དང་ལྡན། །ན་ནི་ཨ་སྟེ་ན་ནི་ཨ། །ཙ་ནི་ཨ་སྟེ་ར་ཨུར་བཤད། །གཉིས་དང་གསུམ་བཞི་དེ་བཞིན་བླང་། །སྟག་མོ་ཁ་འཐབ་ཉི་བཞིར་བཤད། །ཡ་མ་དྷ་གསུམ་ཨ་ཡིན་ཏེ། །ཡ་ན་ཨོ༷་ཨུ་ལྡན་པའོ། །ར་ཡ་རྩ་གསུམ་ཨ་ཡིན་ཏེ། །ན་ནི་ཨེ་སྟེ་ར་ཙ་ཨ། །ས་ནི་ཨ་སྟེ་ར་ནི་ཨུ། །གཉིས་དང་གསུམ་བཞི་དེ་བཞིན་བླང་། །སེང་གེ་ཁ་འཐབ་ཉི་བཞིར་བཤད། །ཛ་ར་མ་ཡ་ཨ་ཡིན་ཏི། །མ་དྷ་ཨ་ཨོ་ས་ནི་ཨ། །གཉིས་དང་གསུམ་བཞི་དེ་བཞིན་བླང་། །སྦྲུལ་གྱི་ཆུན་འཁོར་ཉི་བཞིར་བཤད། །ཡ་མ་ར་ཛ་ས་ནི་ཡ། །དྷ་ནི་ཨོ་སྟེ་མ་ཀྟ་ཨེ། །ཡ་ཙ་ཨ་སྟེ་ན་ནི་ཨི། །ར་མ་ཡ་གསུམ་ཨ་ཡིན་ནོ། །གཉིས་དང་གསུམ་བཞི་དེ་བཞིན་བླང་། །རྒྱས་པའི་ཉི་མ་བཞི་རུ་བཤད། །མ་ར་ཛ་སི་ན་ཨ་ཡིན་ཏེ། །དྷ་མ་ཨོ་ཨེ་གཉིས་དང་ལྡན། །གཉིས་དང་གསུམ་བཞི་དེ་བཞིན་བླང་། །དབང་གི་ཉི་མ་བཞི་རུ་བཤད། །མ་ཛ་ར་ས་ཨ་ཡིན་ཏེ། །མ་དྷ་ཨེ་ཨོར་ལྡན་པའོ། །ཡ་ནི་ཨ་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །སྐྲུ་གྲི་ཉི་མ་བཞི་རུ་བཤད། །ར་མ་ཡ་གསུམ་ཨ་ཡིན་ཏེ། །ན་ཨི་ར་ཙ་ས་ནི་ཨ། །ཀྟ་ར་ཨོ་ཨུར་བཤད་པ་ཡིན། །ན་ཡ་ཨ་ན་ཨོ་དང་ཨི། །ར་ཡ་ཙ་གསུམ་ཨ་ཡིན་ཏེ། །ན་ནི་ཨི་དང་ལྡན་པའོ། །གཉིས་དང་གསུམ་བཞི་དེ་བཞིན་ཉིད། །དགུག་པའི་ཉི་མ་བཞི་རུ་བཤད། །ར་མ་ཡ་ས་ཨ་ཡིན་ཏེ། །དྷ་ར་ཨོ་ཨུར་བཤད་པ་ཡིན། །ས་ཛ་ར་གསུམ་ཨ་ཡིན་ནོ། །ཡ་མ་གཉིས་ནི་ཨ་རུ་བཤད། །ཡ་ན་ཨོ་ནི་ཨི་ཞེས་གྲགས། །ར་ཡ་ཙ་ནི་ཨ་ཡིན་ཏེ། །ན་ནི་ཨི་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །དབྱེ་བའི་ཉི་མ་བཞི་ཞེས་བཤད། །མ་ར་ཛ་ནི་ཨ་ཡིན་ཏེ། །ས་ནི་ཨ་ཏེ་དྷ་ནི་ཨོ། །གཉིས་དང་གསུམ་བཞི་དེ་བཞིན་བླང་། །བསྐྲད་པའི་ཉི་མ་བཞི་རུ་བཤད། །ར་མ་ཡ་གསུམ་ཨ་ཡིན་ཏེ། །མ་ཨེ་ས་ཛ་ར་མ་ཡ། །ཡ་གཉིས་ཨ་ཏེ་ཀྟ་ནི་ཨེ། །ཡ་ནི་ཨ་ཞེས་བྱ་བར་བཤད། །ཙ་ན་ཨ་ཨིར་བཤད་པ་ཡིན། །ར་མ་ཡ་གསུམ་ཨ་དང་ལྡན། །གཉིས་དང་གསུམ་བཞི་དེ་བཞིན་བླང་། །སྨྱོ་འབྲོས་ཉི་མ་བཞི་རུ་བཤད། །ར་མ་ཡ་གསུམ་ཨ་ཡིན་ཏེ། །མ་དྷ་ཨེ་ཨོར་ལྡན་པའོ། །ས་ཛ་ཨ་སྟེ་ན་ནི་ཨི། །ཙ་ཡ་ཨ་སྟེ་ཀྟ་ནི་ཨེ། །ཡ་ནི་ཨ་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །ལྐུག་པའི་ཉི་མ་བཞི་ཞེས་བཤད། །ཡ་མ་རྭ་ཛ་ས་ནི་ཨ། །དྷ་ནི་ཨོ་སྟེ་མ་ནི་ཨེ། །ཡ་ནི་ཨོ་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །མནན་པ་ཉི་མ་བཞི་རུ་བཤད། །མ་ཛ་ས་ནི་ཨ་ཡིན་ཏེ། །དྷ་མ་ཨོ་ཨེར་བསྟན་པ་ཡིན། །ཡ་ནི་ཨ་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །བཟློག་པའི་ཉི་མ་བཞི་རུ་བཤད། །ར་ཡ་མ་ཡ་ཨ་ནི་སྟེ། །ཛ་ཡ་ས་ཡ་ཨ་དང་ལྡན། །དྷ་ཡ་གཉིས་ནི་ཨོ་དང་ལྡན། །མ་ཡ་ཨེ་དང་ཨ་རུ་བཤད། །གཉིས་དང་གསུམ་བཞི་དེ་བཞིན་བླང་། །རིག་བསྲུང་ཉི་མ་བཞི་རུ་བཤད། །ཡ་ཡ་མ་དང་ཨ་ཡིན་ཏེ། །ཡ་མ་ཨ་དང་ཨེར་བསྟན་པའོ། །ཡ་ཡ་དྷ་ཡ་ཨ་དང་ལྡན། །ཡ་ཀྟ་ཨ་དང་ཨེར་ལྡན་པའོ། །གཉིས་དང་གསུམ་བཞི་དེ་བཞིན་བླང་། །བཤིག་པའི་ཉི་མ་བཞི་རུ་བཤད། །མ་གཉིས་ཨ་སྟེ་ཡ་ནི་ཨ། །མ་གཉིས་ཨེ་ཏེ་ཡ་ནི་ཨེ། །དྷ་གཉིས་ཨ་སྟེ་ཡ་ཡང་ཨ། །ཀྟ་གཉིས་ཨ་སྟེ་ཡ་ནི་ང་ཨ། །གཉིས་དང་གསུམ་བཞིདེབཞིནབླང། །འདྲལ་བྱེད་ཉི་མ་བཞི་རུ་བཤད། །ཛ་ཡ་ར་ནི་ཨ་ཡིན་ཏེ། །ན་ཡ་ཨི་དང་ཨོར་ལྡན་པའོ། །ན་ཨ་ར་དང་དྷ་གཉིས་ནི། །ཨུ་ཨོ་ཞེས་ནི་གྲགས་པ་ཡིན། །ས་ཙ་ར་ནི་ཨི་ཡིན་ཏེ། །ན་ནི་ཨི་རུ་ལྡན་པའོ། །ཀྟ་ནི་ཨེ་སྟེ་དྷ་ནི་ཨ། །མ་ནི་ཨེ་ཏེ་ཡ་མ་ཨ། །གཉིས་དང་གསུམ་བཞི་དེ་བཞིན་བླང་། །ཞི་བའི་ཉི་མ་བཞི་རུ་བཤད། །ར་གཉིས་ཛ་ས་ཨ་ཡིན་ཏེ། །དྷ་ར་གཉིས་ནི་ཨོ་དང་ཨུ། །ན་ཨ་ཡ་ན་ཨོ་དང་ཨི། །ར་ཡ་ཙ་ནི་ཨ་ཡིན་ཏེ། །ན་ནི་ཨི་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །གཅད་པའི་ཉི་མ་བཞི་རུ་བཤད། །ས་ཨ་ཛ་གཉིས་ར་གཉིས་ཨ། །མ་གཉིས་ཨ་ནི་ཨ་ཡིན་ཏེ། །གཉིས་དང་གསུམ་བཞི་དེ་བཞིན་བླང་། །འབྱེད་པ་ཉི་མ་བཞི་རུ་བཤད། །ར་གཉིས་མ་གཉིས་ཨ་གཉིས་ཨ། །དྷ་གཉིས་ཡ་གཉིས་ཨོ་དང་ལྡན། །གཉིས་དང་གསུམ་བཞི་དེ་བཞིན་བླང་། །ཟུག་དབྱུང་ཉི་མ་བཞི་རུ་བཤད། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། སྐུའི་འཁོར་ལོ་བཏུ་བ་བཤད་པའི་ལེའུ་སྟེ་དྲུག་པའོ།། །།སྤྲུལ་པའི་འཁོར་ལོ་བཏུ་བ་ནི། །ཀྟ་ནི་ཨེ་ཏེ་ཡ་ཙ་ཨ། །ན་ནི་ཨེ་ཏེ་ར་མ་ཨ། །ཡ་ནི་ཨ་ཏེ་ཀྟ་ནི་ཨེ། །གཉིས་དང་གསུམ་བཞི་དེ་བཞིན་བླང་། །བླང་ཐབས་ཉི་མ་བཞི་རུ་བཤད། །དྷ་ནི་ཨ་ཏེ་ཡ་ནི་ཨོ། །ན་ནི་ཨི་སྟེ་ར་ཡ་ཨ། །ཀྟ་ནི་ཨེ་སྟེ་ཡ་དྷ་ཨ། །གཉིས་དང་གསུམ་བཞི་དེ་བཞིན་བླང་། །ཕོ་ལྷོག་ཉི་མ་བཞི་རུ་བཤད། །མ་དྷ་ཨེ་ཨོ་ར་ནི་ཨུ། །ན་ཡ་ཨ་ཨོ་དྷ་ཡ་ཨ། །མ་ནི་ཨེ་དང་ལྡན་པའོ། །གཉིས་དང་གསུམ་བཞི་དེ་བཞིན་བླང་། །ལྷོག་པ་ཉི་མ་བཞི་རུ་བཤད། །མ་ཛ་ས་ཨ་ཡིན་ཏེ། །དྷ་མ་ཨོ་ཨེ་ཡ་མ་ཨ། །གཉིས་དང་གསུམ་བཞི་དེ་བཞིན་བླང་། །རྒྱུ་གཟེར་ཉི་མ་བཞི་རུ་བཤད། །ཡ་མ་ར་ཛ་ཨ་ཡིན་ཏེ། །ས་ནི་ཨ་ཏེ་དྷ་ནི་ཨོ། །མ་མ་གཉིས་ནི་ཨེ་ཨ་ལྡན། །གཉིས་དང་གསུམ་བཞི་དེ་བཞི་བླང་། །སྨྱོ་འབོག་གཞོགས་སྐམས་ཉི་བཞིར་བཤད། །དྷ་ནི་ཨ་སྟེ་ར་ནི་ཨུ། །ན་ནི་ཨ་སྟེ་ར་ནི་ཨོ། །དྷ་ཡ་གཉིས་ནི་ཨ་ཡིན་ནོ། །མ་དྷ་གཉིས་ནི་ཨེ་ཨོར་ལྡན། །གཉིས་དང་གསུམ་བཞི་དེ་བཞིན་བླང་། །མཛེ་ཤུ་ཉི་མ་བཞི་རུ་བཤད། །ར་ན་གཉིས་ནི་ཨུ་དང་ཨ། །དྷ་ཡ་གཉིས་ནི་ཨོ་དང་ཨ། །ཡ་ཨ་མ་དྷ་ཨེ་ཨོར་ལྡན། །ར་ནི་ཨུ་དང་ལྡན་པའོ། །གཉིས་དང་གསུམ་བཞི་དེ་བཞིན་བླང་། །མཁྲིས་ནད་ཉི་མ་བཞི་རུ་བཤད། །ས་ཨ་དྷ་མ་ཨོ་དང་ཨེ། །ཡ་ཡ་མ་ར་ཨ་ཡིན་ཏེ། །རྫ་ས་གཉིས་ནི་ཨ་དང་ལྡན། །གཉིས་དང་གསུམ་བཞི་དེ་བཞིན་བླང་། །རིམས་ནད་ཉི་མ་བཞི་རུ་བཤད། །ཛ་ས་གཉིས་ནི་ཨ་ཡིན་ཏེ། །དྷ་མ་ཨོ་ཨེར་ལྡན་པའོ། །ཡ་མ་ར་ཛ་ཨ་ཡིན་ནོ། །གཉིས་དང་གསུམ་བཞི་དེ་བཞིན་བླང་། །ཟེར་ནད་ཉི་མ་བཞི་རུ་བཤད། །ཙ་ན་ཨ་སྟེ་ན་ནི་ཨི། །ར་མ་ཡ་གསུམ་ཨ་དང་ལྡན། །ཀྟ་ནི་ཨེ་ཡི་ཡན་ལག་གོ །ཡ་ཛ་གཉིས་ནི་ཨ་དང་ལྡན། །གཉིས་དང་གསུམ་བཞིདེབཞིནབླང། །འབྲུམ་ནདཉིམབཞིནརུབཤད། །ཡ་ཙ་ཨ་སྟེ་ན་ནི་ཨི། །ར་མ་ཡ་གསུམ་ཨ་དང་ལྡན། །ཀྟ་ནི་ཨེ་སྟེ་ཡ་ནི་ཨ། །གཉིས་དང་གསུམ་བཞི་དེ་བཞིན་བླང་། །གཞོགས་བསྐམས་ཉི་མ་བཞི་རུ་བཤད། །ར་ཡ་ཨ་སྟེ་ཀྟ་ནི་ཨེ། །དྷ་ཨ་ཨ་སྟེ་ཡ་ནི་ཨོ། །ན་ནི་ཨི་སྟེ་ར་ནི་ཨ། །གཉིས་དང་གསུམ་བཞི་དེ་བཞིན་བླང་། །ལྕོགས་འགྱེལ་ཉི་མ་བཞི་རུ་བཤད། །ན་ནི་ཨེ་ཏེ་ར་ཡ་ཨ། །ཀྟ་ནི་ཨེ་སྟེ་ཡ་དྷ་ཨ། །ཡ་ན་ཨེ་དང་ཨིར་ལྡན་པའོ། །གཉིས་དང་གསུམ་བཞི་དེ་བཞིན་བླང་། །འཕྲེད་ནད་ཉི་མ་བཞི་རུ་བཤད། །ཡ་ན་གཉིས་ནི་ཨོ་དང་ཨི། །ར་ཡ་ཨ་སྟེ་ཀྟ་ནི་ཨེ། །ཡ་དྷ་ཨ་སྟེ་ཡ་ནི་ཨོ། །གཉིས་དང་གསུམ་བཞི་དེ་བཞིན་བླང་། ཁྲག་ནད་ལེ་བརྒན་ཉི་བཞིར་བཤད། །ན་ནི་ཨ་སྟེ་ཡ་ནི་ཨེ། །དྷ་ཡ་ཨ་སྟེ་ཡ་ནི་ཨོ། །ད་ནི་ཨོ་ཏེ་ར་ནི་ཨུ། །ན་ནི་ཨ་ཞེས་བྱ་བར་གྲགས། །གཉིས་དང་གསུམ་བཞི་དེ་བཞིན་བླང་། །སྐྱ་རྦབ་ཉི་མ་བཞི་རུ་བཤད། །རྡོ་རྗེ་གཙུག་ལག་འཁོར་ལོའི་བཤད་རྒྱུད་ཆེན་པོ་ལས།སྤྲུལ་པ་འཕྲིན་ལས་ཀྱི་འཁོར་ལོ་བཏུ་བ་བཤད་པའི་ལེའུ་སྟེ་བདུན་པའོ།། །།ཚད་མ་རྩིས་ཀྱི་དབྱེ་བ་ནི། །ཚད་མ་བཞི་བཅུ་རྩ་དགུ་དང་། །འབུམ་དུ་དབྱེ་བར་ཤེས་བྱའོ། །བསྡུས་པ་བཞི་གསུམ་གཉིས་ཀྱང་རུང་། །དེ་ལས་ཕྱེ་ན་བཞི་འམ་བཅུ། །རྨེ་འཁྲུགས་ཕྱེ་བས་བརྒྱ་རྩ་བརྒྱད། །རྩིབས་དང་བཞི་བཅུ་རྩ་དགུར་སྡེབ། །ཡང་གསང་དགུ་པ་ལས་ཀྱི་སྡེབ། །ཡང་ན་རྒྱས་འབྲེང་ཕྱེ་ཡང་རུང་། །ཡང་ན་རབ་ཀྱི་སྦྱོར་བས་སྡེབ། །ཡང་ན་སྒྲ་ལ་ལྔ་འགྱུར་སྡེབ། །ཡང་ན་དུར་ཁྲོད་ལྔ་འགྱུར་སྡེབ། །ཡང་ན་ཐུན་ལ་དྲུག་འགྱུར་སྡེབ། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། ཚད་མ་རྩིས་ཀྱི་ལེའུ་སྟེ་བརྒྱད་པའོ།། །།དེ་ནས་ཡང་གསང་བའི་བདག་པོ་རྡོ་རྗེ་འཆང་བས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་བདེར་གཤེགས་བཅོམ་ལྡན་འདས། །ཁྲོ་བོ་རྡོ་རྗེ་གཙུག་ལག་གི །འཁྲུལ་འཁོར་བདག་ལ་བཤད་དུ་གསོལ། །ཞེས་གསུངས་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁོར་ལོའི་དོན་རྣམས་ངས་བཤད་ཀྱི། །འགྲོ་ལ་ཕན་ཕྱིར་གུས་པར་ཉོན། །འཁོར་ལོའི་རྒྱུད་དོན་འབུམ་ཕྲག་ལྔ། །སྐུ་གསུང་ཐུགས་དང་ཡོན་ཏན་ལྔ་། །འཕྲིན་ལས་དང་ནི་རྣམ་པ་ལྔ། །བསྐོར་ཐབས་རྣམ་པ་བཞིར་བཤད་དེ། །འདོད་ཆགས་བཤིག་པའི་འཁོར་ལོ་ནི། །བརྒྱད་དང་བཅུ་དྲུག་སུམ་ཅུ་གཉིས། །དྲུག་ཅུ་བཞི་པར་ཤེས་པར་བྱ། །དེ་ལ་རྣམ་པ་གཉིས་ཡིན་ཏེ། །རྟེན་ཅན་དང་ནི་རྟེན་མེད་དོ། །རྟེན་མེད་བསམ་གཏན་བཞི་ལས་ནི། །ཡན་ལག་རྣམ་པ་ལྔ་རུ་བཤད། །རྟེན་ཅན་ལ་ཡང་བདུན་དུ་འགྱུར། །ཉོན་མོངས་སྤངས་ཏེ་བདུད་བཞི་བཅོམ། །ཡན་ལག་ཉི་ཤུ་རྩ་བརྒྱད་པའི། །བསམ་གཏན་གྱི་ནི་ས་ལ་གནས། །ཡན་ལག་སུམ་ཅུ་ལྡན་པ་ཡི། །བསམ་གཏན་གྱི་ནི་ཚེ་འདི་ལ། །རྡོ་རྗེ་འཛིན་གྱི་ས་ལ་གནས། །འདི་དོན་ཡན་ལག་བྲལ་བ་ཡི། །ངན་སོང་གནས་འགྲོ་མུ་སྟེགས་ལྟུང་། །ཞེ་སྡང་གཅོད་པའི་འཁོར་ལོ་ནི། །ཉོན་མོངས་ཉིད་ནི་ཡེ་ཤེས་ལ། །མུན་པ་ཉིད་ནི་སྣང་བ་སྟེ། །ཡེ་ནས་རྫོགས་པའི་སངས་རྒྱས་ཏེ། །ས་དང་ལམ་ལ་འགྲོད་དང་བྲལ། །སྡུག་བསྔལ་ཉིད་ན་ཡེ་ཤེས་སོ། །མཚམས་མེད་ལྔ་པོ་འབྲས་བུའི་ཚུལ། །དེས་ནི་སངས་རྒྱས་འབྲས་བུ་ཐོབ། །རྫོགས་སངས་རྒྱས་ནི་སྡུག་བསྔལ་ཉིད། །འབྲས་བུ་ཆེན་པོ་ས་ལ་གནས། །ཕྱིར་ལྡོག་དྲག་པོའི་འཁོར་ལོ་ནི། །བཞི་དང་བཅུ་དང་བརྒྱ་རྩ་གཅིག །གསང་བ་གསུམ་ནས་འབུམ་དུ་འགྱུར། །དེ་ལ་འཁོར་ལོ་རྒྱས་འབྲིང་གསུམ། །ལས་དང་དེ་བཞིན་ཤེས་པར་བྱ། །དེ་དག་ལས་རྣམས་གང་བྱེད་པ། །དང་པོར་གསང་བའི་བསྙེན་པར་བྱ། །གཉིས་པ་གསང་སྔགས་བསྒྲུབ་པ་བྱ། །གསུམ་པ་འཁོར་ལོ་དང་པོ་བསྐོར། །བཞི་པ་འཁོར་ལོ་གཉིས་པ་སྟེ། །ལྔ་པ་འཁོར་ལོ་གསུམ་པ་སྟེ། །དྲུག་ནས་བདུན་དུ་བསྐོར་བྱས་ཏེ། །དེ་ལ་བཏབ་པའི་ལས་རྣམས་བྱ། །བྲོ་སྟབས་གསང་བ་རྫོགས་པར་བྱ། །མི་ཡི་གསང་བ་རབ་ཏུ་རྫོགས། །བྱང་ཆུབ་སེམས་ཀྱི་ཕུར་པས་གདབ། །མངོན་དུ་ཕྱུང་བའི་སྦྱོར་སྒྲོལ་ཏེ། །གཞི་ནས་གསང་བ་འབུམ་དུ་འགྱུར། །ཐམས་ཅད་མ་ལུས་སྒྲོལ་བར་འགྱུར། །འབྲས་བུ་མཉམ་ཉིད་རྒྱལ་པོ་ཐོབ། །ཡུལ་དང་བྲལ་བའི་བསྒྲལ་བ་ཡིན། །རྡོ་རྗེ་གཙུག་ལག་གི་འཁྲུལ་འཁོར་གྱི་བཤད་རྒྱུད་ཆེན་པོ་ལས། ཁྲོ་བོ་གཙུག་གི་ཐེམས་བཤད་པའི་ལེའུ་སྟེ་དགུ་པའོ།། །།གཉིས་པ་ཚད་མར་བསྟན་པ་ནི། །སྤྱི་དང་བྱེ་བྲག་གསང་སྔགས་ཏེ། །ལས་སྔགས་ཡན་ལག་བཞི་ཡིས་མཛེས། །བཞི་བཅུ་བརྒྱ་དང་འབུམ་དུ་གྲགས། །དཀྲུགས་པས་བསྒྲུབ་པའི་སྔགས་སུ་འགྱུར། །འབྲུ་རེ་སྡེབས་པ་ལས་སུ་འགྱུར། །དེ་ཡང་རྣམ་པ་གཉིས་ཡིན་ཏེ། །ཐབས་ཀྱི་ཡོན་ཏན་བསྟན་པས་བཞི། ཁྲེས་རབ་ཡོན་ཏན་བཞི་རུ་འགྱུར། །དང་པོས་འཇིག་པ་བརྒྱད་ལས་སྐྱོབ། །གཉིས་པས་ཡོན་ཏན་དྲུག་ཏུ་འགྱུར། །གསུམ་པས་དང་པོ་དྲུག་འཆིང་བྱེད། །བཞི་པས་མོས་པ་རྣམ་བཞིར་བསྒྱུར། ཁྲེས་རབ་རྣམ་པ་བཞི་ཡིན་ཏེ། །དང་པོ་བཀྲ་ཤིས་ཡིན་པར་བཤད། །གཉིས་པ་དབང་པོ་ཞེས་བྱར་བཤད། །གསུམ་པས་དབང་པོ་བྱ་བར་གྲགས། །བཞི་པས་ཡོན་ཏན་བྱ་བར་འདོད། །རྩ་བ་དེ་ལས་ཡན་ལག་ནི། །རྣམ་པ་བཞི་རུ་ཤེས་པར་བྱ། །དེ་ལ་གསང་བ་ལྔ་དང་ལྡན། །གཅིག་པ་སྐུ་སྟེ་གཉིས་པ་གསུང་། །གསུམ་པ་ཡོན་ཏན་ལྔ་པ་ལས། །གསང་བའི་ཡུམ་ནི་གསུམ་དུ་བཤད། །སྐུ་གསུང་ཐུགས་ཀྱི་གསང་བའོ། །དེ་ལ་གསང་སྔགས་རྒྱན་དང་ལྡན། །དུག་སྤངས་རབ་ཏུ་གསང་བར་གསུངས། །བྱེ་བྲག་གསང་སྔགས་བསྟན་པ་ནི། །དགུ་འམ་ལྔ་པ་བསྙེན་པར་གསུངས། །བརྒྱད་དང་བཀྲ་ཤིས་བཞི་བསྒྲུབས་ཏེ། །བདུན་བཞི་ལས་ཀྱི་སྔགས་སུ་བཤད། །འཕྲིན་ལས་བཞི་ཞེས་བཤད་པ་ཡིན། །དང་པོར་རིགས་ཀྱི་ལས་སྔ་སྟེ། །གཉིས་དང་གསུམ་ལ་ལས་བརྒྱད་དོ། །བཞི་པ་ལས་ཞེས་བཤད་པ་ཡིན། །ལྔ་པ་ཐོགས་མེད་ཐམས་ཅད་གྲུབ། །གཅིག་པ་སྐུ་སྟེ་གཉིས་པ་གསུང་། །གསུམ་པ་ཐུགས་དང་ཡོན་ཏན་ཡིན། །ལྔ་པ་ལས་སུ་ཤེས་པར་བྱ། །གཞན་ཡང་རིགས་སུ་དབྱེ་བ་དང་། །རིགས་ནི་གཉིས་པར་ཤེས་པར་བྱ། །སྤྱི་དང་བྱེ་བྲག་གསང་སྔགས་ནི། །མཁས་པས་གསང་བའི་རྒྱུད་ལས་ཤེས། །ལྷ་དང་ལས་ཀྱི་དབྱེ་བ་ཡིན། །རྒྱས་འབྲིང་ཐ་མ་བཞིར་བསྟན་ནོ། །གསང་ཆེན་ཡུམ་གྱི་དབྱེ་བ་ཡི། །གསང་བ་གསུམ་མམ་ལྔ་རུ་བཤད། །ཐོགས་མེད་ལས་ཀྱི་དབྱེ་བ་ཡིས། །རྣམ་པ་བཞི་རུ་ཤེས་པར་བྱ། །རྡོ་རྗེ་གཙུག་ལག་གི་ཁྲུལ་འཁོར་གྱི་བཤད་རྒྱུད་ཆེན་པོ་ལས། ཁྲོ་བོ་གཙུག་ལག་གི་ཚད་མ་བསྟན་པའི་ལེའུ་སྟེ་བཅུ་པའོ།། །།གསུམ་པ་གསང་བ་བསྟན་པ་ནི། །ལས་ཀྱི་དབྱེ་བ་སྡེབ་པར་ཤེས། །དང་པོར་སྐུ་དང་ལས་སྔགས་ཏེ། །གཉིས་པར་གསུང་རྩ་ལས་སྔགས་སོ། །གསུམ་པར་ཐུགས་རྩ་ལས་སྔགས་སོ། །བཞི་པར་ཡོན་ཏན་ལས་སྔགས་ཏེ། །ལྔ་པར་འཕྲིན་ལས་ལས་སྔགས་སོ། །སྤྱི་དང་བྱེ་བྲག་གང་བསྒྲུབ་དང་། །གསང་བའི་འཁོར་ལོ་འདི་ལྟར་བསྐོར། །དང་པོ་ལྷ་ལ་བསྐོར་བ་ནི། །རྣམ་པ་བདུན་དུ་ཤེས་པར་བྱ། །དང་པོ་བསྙེན་པའི་འཁོར་ལོ་བསྐོར། །གཉིས་པ་ཉེ་བསྙེན་འཁོར་ལོ་བསྐོར། །གསུམ་པ་བསྒྲུབ་པའི་འཁོར་ལོ་ཡིན། །བཞི་པ་བསྒྲུབ་ཆེན་འཁོར་ལོ་ཡིན། །ལྔ་པ་འཕྲིན་ལས་འཁོར་ལོ་སྟེ། །དྲུག་པ་འཕྲིན་ལས་འཁོར་ལོ་ཡིན། །བདུན་པ་ཚར་གཅད་འཁོར་ལོ་ཡིན། །ཡང་ན་རྣམ་པ་བཞི་རུ་ཤེས། །བསྙེན་པ་ཉེ་བསྙེན་བསྟན་པ་དང་། །སྒྲུབ་པ་བསྒྲུབ་ཆེན་བསྟན་པའོ། །ཡང་ན་རྣམ་པར་གསུམ་དུ་བསྟན། །བསྙེན་བསྒྲུབ་ལས་ལ་སྦྱར་བའོ། །དེ་དག་ལས་ནི་གང་བསྒྲུབ་དང་། །སྤྱི་དང་བྱེ་བྲག་གཉིས་སུ་བཤད། །སྤྱི་ལ་འཁོར་ལོ་བསྐོར་བ་ནི། །ལྷ་ཡི་འཁོར་ལོ་རབ་རྫོགས་ནས། །དང་པོར་དགུག་པའི་འཁོར་ལོ་སྟེ། །གཉིས་པ་དབྱེ་བའི་འཁོར་ལོ་བསྐོར། །གསུམ་པ་དབང་གི་འཁོར་ལོ་བསྐོར། །བཞི་པ་བསད་པའི་འཁོར་ལོ་སྟེ། །མཚན་མ་བརྟགས་ལ་དབབ་པར་བྱ། །དེ་ལྷར་ལས་ཐབས་རེ་རེ་ལ། །བྲོ་སྟབས་ལ་སོགས་གསུམ་དང་ལྡན། །ཞི་རྒྱས་ལ་སོགས་འཁོར་ལོ་ནི། །དང་པོ་སྐུ་ཡི་ཞི་བ་སྟེ། །གཉིས་པ་གསུང་གི་ཞི་བ་འོ། །གསུམ་པ་ཐུགས་ཀྱི་ཞི་བ་སྟེ། །རྒྱས་པ་ལ་སོགས་ལས་ལ་སྦྱར། །རྨེ་འཁྲུག་འཁོར་ལོ་བསྐོར་བ་ལ། །དང་པོར་དཀྲུག་དང་གཉིས་པར་དབབ། །གསུམ་པ་དབྱེ་དང་བཞི་པ་བསྐྲད། །ལྔ་པ་གནན་པ་དྲུག་པ་དཀྲུགས། །བདུན་པ་བསད་པའི་འཁོར་ལོ་བསྐོར། །སྟབས་པ་ལ་སོགས་ལས་གསུམ་བྱ། །དེ་ལས་ཞི་བའི་འཁོར་ལོ་ནི། །རྣམ་པ་བཞི་རུ་བསྐོར་བར་བྱ། །དེ་ལས་རྒྱས་པའི་འཁོར་ལོ་བསྐོར། །བྲོ་སྟབས་ལ་སོགས་རྫོགས་པར་བྱ། །ལས་༄༅ མཐའ་ཐམས་ཅད་རབ་ཏུ་བསྡུ། །རྡོ་རྗེ་གཙུག་ལག་འཁྲུལ་འཁོར་གྱི་བཤད་རྒྱུད་ཆེན་པོ་ལས། ཁྲོ་བོ་གཙུག་ལག་གི་རྩིབས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་གསང་བའི་བདག་པོ་རྡོ་རྗེ་འཆང་བས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་བདེ་གཤེགས་བཅོམ་ལྡན་འདས། རྡོ་རྗེ་པདྨ་གཙུག་ལག་གི འཁྲུལ་འཁོར་བདག་ལ་བཤད་དུ་གསོལ། །ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁོར་ལོའི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པར་ཉོན། །པདྨའི་རྒྱུད་དོན་འབུམ་ཕྲག་ལྔ། །དང་པོར་ཐེམས་ཀྱི་ཇི་ལྟར་དབྱེ། །དང་པོར་ཆོས་སྐུ་འཁོར་ལོ་ནི། །རིན་ཆེན་འོད་དང་འབར་བ་སྟེ། །སྣ་ཚོགས་སྣང་ལ་རང་བཞིན་མེད། །གཉིས་པ་ལོངས་སྐུ་འཁོར་ལོ་སྟེ། །མི་འགྱུར་རྡོ་རྗེ་སྣ་ཚོགས་གསལ། །གསུམ་པ་སྤྲུལ་པའི་འཁོར་ལོ་ནི། །དག་བྱེད་པདྨ་སྣ་ཚོགས་འབར། །དབུས་ཀྱི་འཁོར་ལོ་མཚན་པ་ཡི། །གཉིས་པ་བཞི་པ་ལས་འཁོར་ཏེ། །རྒྱས་འབྲིང་ཐ་མ་གསུམ་དུ་བསྟན། །བཞི་བརྒྱད་རྣམ་པ་བཅུ་རྣམས་སོ། །བཞི་ནི་ལས་ཆེན་འཁོར་ལོ་སྟེ། །བརྒྱད་ནི་གསང་ཆེན་ཤེས་རབ་ཡིན། །བཅུ་ནི་ལས་རབ་ཆེན་པོའོ། །རྨེ་འཁྲུག་འཁོར་ལོ་གསུམ་མམ་བཞི། །རང་དང་གཞན་དང་མུ་སྟེགས་དང་། །ཉན་ཐོས་སྡེ་བཞིར་བཤད་པ་ཡིན། །དེ་དག་ལས་ནི་གང་བྱེད་དང་། །བསྲུང་པ་གཅིག་ལས་རྒྱས་འབྲིང་ཐ། །དང་པོར་ལས་སུ་བཤད་ཡིན་པ། །གནན་པ་གཅིག་ལས་རྒྱས་འབྲིང་ཐ། །གཉིས་པའི་ལས་སུ་བཤད་པ་ཡིན། །བཟློག་པ་གཅིག་ལ་རྒྱས་འབྲིང་ཐ། །གསུམ་པའི་ལས་སུ་བསྟན་པ་ཡིན། །ཕྱེ་བས་རྣམ་པ་བཅུ་གཉིས་ཏེ། །བསྡུས་པ་རྣམ་པ་དགུ་རུ་འགྱུར། ཤེན་ཏུ་བསྡུས་ན་གསུམ་དུ་འདུས། །གཞན་ཡང་བྱས་གཤིག་ཞེན་བཟློག་དང་། །ཟུག་པ་དབྱུང་དང་གནས་པ་སྤོངས། །བཅིངས་པ་བཀྲོལ་དང་སྡེ་བརྒྱད་དཀྲུག །འཁོར་ལོ་བཞི་བསྡུ་བྱད་ཁ་བཏུ། །སྤར་བུ་གཤིག་དང་དཔལ་གསད་དང་། །རྡོ་རྗེ་རྒྱ་གྲམ་གཤིག་པ་དང་། །ཐེ་རང་དཀར་གཅིག་ཀླུ་འཁོར་གཤིག །བཅིང་དང་གཟིར་དང་གསད་པ་དང་། །ཕན་བྱ་གནོད་དང་གནོད་བྱ་ཕན། །རྨེ་འཁྲུག་བདུན་དང་ལྔ་པ་དང་། །བརྒྱད་དང་བཅུ་པར་ཤེས་པར་བྱ། །རྡོ་རྗེ་གཙུག་ལག་འཁོར་ལོའི་བཤད་རྒྱུད་ཆེན་པོ་ལས། པདྨ་གཙུག་ལག་གི་ཐམས་བཤད་པའི་ལེའུ་སྟེ་བཅུ་གཉིས་པའོ།། །།གཉིས་པ་ཚད་མ་བསྟན་པ་ནི། །ཚད་མ་རྣམ་པ་ལྔ་ཡིན་ཏེ། །བཏུ་བ་རྣམ་པ་གཉིས་སུ་འདུས། །རྩ་བ་ཡི་ནི་ལས་སྔགས་སོ། །རྩ་བ་ཉི་ཤུ་རྩ་ལྔ་སྟེ། །ལས་སྔགས་རྒྱས་འབྲིང་ཐ་མའོ། །སྐུ་ཡི་སྐུ་སྟེ་བཅུ་བདུན་ལ། །བསྙེན་པ་རྟགས་ཕྱུང་ཐོབ་པར་བྱ། །སྐུ་ཡི་གསུང་སྟེ་བཅུ་བདུན་ལ། །གསུང་གི་རྟགས་བྱང་ཐོབ་པར་བྱ། །སྐུ་ཡི་ཐུགས་ཏེ་བཅུ་བདུན་ལ། །ཐུགས་ཀྱི་རྟགས་བྱུང་ཐོབ་པར་བྱ། །སྐུ་ཡི་ཡོན་ཏན་བཅུ་བདུན་ལ། །ཡོན་ཏན་རྟགས་བྱུང་ཐོབ་པར་བྱ། །སྐུ་ཡི་འཕྲིན་ལས་བཅུ་བདུན་ལ། །འཕྲིན་ལས་རྟགས་བྱུང་ཐོབ་པར་བྱ། །དེ་རྫོགས་བསྙེན་པར་ཤེས་པར་བྱ། །གསུང་གི་སྐུ་སྟེ་བཅུ་དྲུག་དང་། །གསུང་གི་གསུང་སྟེ་བཅུ་དྲུག་དང་། །གསུང་གི་ཐུགས་ཏེ་བཅུ་དྲུག་དང་། །གསུང་གི་ཡོན་ཏན་བཅུ་དྲུག་དང་། །གསུང་གི་འཕྲིན་ལས་བཅུ་དྲུག་ནི། །ཉེ་བསྙེན་ཞེས་ནི་བཤད་པ་ཡིན། །ཐུགས་ཀྱི་སྐུ་སྟེ་བཅོ་ལྔ་དང་། །ཐུགས་ཀྱི་གསུངསྟེ་བཅོ་ལྔ་དང་། །ཐུགས་ཀྱི་ཡོན་ཏན་བཅོ་ལྔ་དང་། །ཐུགས་ཀྱི་འཕྲིན་ལས་བཅོ་ལྔ་དང་། །བསྒྲུབ་པ་ཞེས་ནི་བཤད་པ་ཡིན། །ཡོན་ཏན་སྐུ་སྟེ་བཅུ་བཞི་དང་། །ཡོན་ཏན་ཐུགས་ཏེ་བཅུ་བཞི་དང་། །ཡོན་ཏན་ཡོན་ཏན་བཅུ་བཞི་དང་། །ཡོན་ཏན་འཕྲིན་ལས་བཅུ་བཞི་ནི། །བསྒྲུབ་ཆེན་ཞེས་སུ་བཤད་པ་ཡིན། །འཕྲིན་ལས་སྐུ་ནི་བཅུ་གསུམ་དང་། །འཕྲིན་ལས་གསུང་ནི་བཅུ་གསུམ་དང་། །འཕྲིན་ལས་ཐུགས་ནི་བཅུ་གསུམ་དང་། །འཕྲིན་ལས་ཡོན་ཏན་བཅུ་གསུམ་དང་། །འཕྲིན་ལས་འཕྲིན་ལས་བཅུ་གསུམ་ནི། །འཕྲིན་ལས་ཞེས་ནི་བཤད་པ་ཡིན། །དེ་རྣམས་གཡོན་དུ་བཟླས་པ་ནི། །ཡུམ་གྱི་སྔགས་སུ་བཤད་པ་ཡིན། །ལྔ་པ་སྤྱིར་ནི་དྲིལ་བྱས་པས། །ཡོངས་སུ་རྫོགས་པའི་འཕྲིན་ལས་ནི། །མནན་བསྲེག་འཕང་གསུམ་རྫོགས་པར་སྦྱར། །དབང་གི་རྟ་བྲོ་རྟག་ཏུ་བརྡུང་། །དམུན་ལོང་རྒྱབ་སྦྲེལ་དག་ཏུ་བསྐུལ། །བརྟུལ་ཞུགས་བརྒྱད་བརྒྱད་དྲག་སྔགས་བཟླས། །དུར་ཁྲོད་མ་བརྒྱད་འཁོར་ལོ་བསྐོར། །དབང་གི་ཀླུ་བརྒྱད་བླངས་ནས་ནི། །དྲེགས་པའི་ཀླུ་བརྒྱད་དབང་དུ་བསྡུ། །དབང་གི་རྟ་བྲོ་གསུམ་བརྡུངས་ལ། ཁམས་གསུམ་ཐམས་ཅད་རྡུལ་དུ་རླག །སངས་རྒྱས་སེམས་ཅན་ཟས་སུ་ཟ། །རྡོ་རྗེ་གཙུག་ལག་གི་འཁྲུལ་འཁོར་གྱི་བཤད་རྒྱུད་ཆེན་པོ་ལས། རྡོ་རྗེ་པདྨ་གཙུག་ལག་གི་ཚད་མ་བསྟན་པའི་ལེའུ་སྟེ་བཅུ་གསུམ་པའོ།། །།གསུམ་པའི་གསང་བ་བསྟན་པ་ནི། །ལས་ཀྱི་དབྱེ་བ་ཤེས་བྱ་སྟེ། །སྐུ་ཡིས་རང་གི་སྡེ་པ་སྒྲོལ། །གསུང་གིས་གཞན་གྱི་སྡེ་པ་སྟེ། །ཐུགས་ཀྱིས་མུ་སྟེགས་ལོག་ལྟ་སྒྲོལ། །ཡོན་ཏན་ཉན་ཐོས་སྡེ་བཞི་སྒྲོལ། །འཕྲིན་ལས་སྤྱི་ཡི་སྒྲོལ་སྔགས་སོ། །ལས་དང་ལྔ་རུ་ཤེས་བྱ་སྟེ། །ཞི་དང་རྒྱས་དང་དབང་དང་ནི། །དྲག་པོ་ལས་དང་སྣ་ཚོགས་ལྔ། །ཞི་བ་སྐུ་སྡེ་དབང་གི་གསུང་། །དྲག་པོ་ཐུགས་ཏེ་ཡོན་ཏན་རྒྱས། །འཕྲིན་ལས་སྣ་ཚོགས་སྦྱར་བར་བྱ། །གཞན་ཡང་ལས་སྣ་ཚོགས་རྒྱས་འབྲིང་བཞི། །བཞི་བཅུ་བརྒྱ་རྩ་འབུམ་དུ་གསུང་། །སྐུ་དང་བཞི་བཅུ་བརྒྱ་རྩ་འབུམ། །ཐུགས་ཀྱི་བཞི་བཅུ་བརྒྱ་རྩ་འབུམ། །ཡོན་ཏན་བཞི་བཅུ་བརྒྱ་རྩ་འབུམ། །འཕྲིན་ལས་བཞི་བཅུ་བརྒྱ་རྩ་འབུམ། །རྨེ་འཁྲུག་ལས་ཀྱི་དབྱེ་བ་རྣམས། །རིག་སྔགས་གནན་དང་བསྲུང་བ་དང་། །བཟློག་དང་བཅིང་དང་བྲལ་བ་དང་། །དགུག་དང་དབང་བསྡུ་གཟིར་བ་དང་། །ལས་ཀྱི་དབྱེ་བས་ཤེས་པར་བྱ། །ཟབ་ཅིང་རྒྱ་ཆེ་གསང་བའི་གཏེར། །དང་པོ་སྐུ་སྟེ་ཡོན་ཏན་དང་། །གཉིས་པ་གསུང་སྟེ་འཕྲིན་ལས་ནི། །དང་པོ་ལས་ནི་ཤེས་པར་བྱ། །དང་པོ་གསུང་སྟེ་གཉིས་པ་སྐུ། །གསུམ་པ་ཐུགས་ཏེ་བཞི་བ་གསུང་། །གཉིས་པའི་དུས་སུ་ཤེས་པར་བྱ། །དང་པོ་ཐུགས་ཏེ་ཡོན་ཏན་དང་། །གཉིས་པ་འཕྲིན་ལས་ཐ་མ་སྐུ། །གསུང་གྱི་དུས་སུ་ཤེས་པར་བྱ། །དང་པོ་ཡོན་ཏན་གཉིས་པ་ཐུགས། །སྐུ་སྟེ་ཐ་མ་གསུང་དང་ལྡན། །བཞི་པའི་དུས་སུ་ཤེས་པར་བྱ། །དང་པོ་འཕྲིན་ལས་གཉིས་པ་ཐུགས། །ཡོན་ཏན་ཐ་མ་གསུང་དང་ལྡན། །ལྔ་པའི་དུས་སུ་ཤེས་པར་བྱ། །སྐུ་གཉིས་ཐ་མ་གསུང་དང་ལྡན། །རྨེ་འཁྲུག་དུས་སུ་ཤེས་པར་བྱ། །གསུང་གི་ཐ་མ་སྐུ་དང་ལྡན། །རྨེ་འཁྲུག་དུས་སུ་ཤེས་པར་བྱ། །ཐུགས་གཉིས་ཐ་མ་སྐུ་དང་ལྡན། །རྨེ་འཁྲུག་དུས་སུ་ཤེས་པར་བྱ། །སྐུ་གཉིས་ཐ་མ་ཐུགས་དང་ལྡན། །རྨེ་འཁྲུག་དུས་སུ་ཤེས་པར་བྱ། །གསུང་གཉིས་ཐ་མ་ཐུགས་དང་ལྡན། །རྨེ་འཁྲུག་དུས་སུ་ཤེས་པར་བྱ། །གཞན་ཡང་ཉི་ཤུ་རྩ་ལྔར་འཁྲུག །རྨེ་འཁྲུག་དུས་སུ་ཤེས་པར་བྱ། །རྡོ་རྗེ་གཙུག་ལག་གི་འཁྲུལ་འཁོར་གྱི་བཤད་རྒྱུད་ཆེན་པོ་ལས། རྡོ་རྗེ་པདྨ་གཙུག་ལག་གི་རྩིས་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་གསང་བའི་བདག་པོ་རྡོ་རྗེ་འཆང་བས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་བདེ་གཤེགས་བཅོམ་ལྡན་འདས། །རྡོ་རྗེ་ཕུར་པ་གཙུག་ལག་གི །འཁྲུལ་འཁོར་བདག་ལ་བཤད་དུ་གསོལ། །ཞེས་གསོལ་པ་དང་། །བཅོམ་ལྡན་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁྲུལ་འཁོར་དོན་རྣམས་ངས་བཤད་ཀྱི། །འགྲོ་ལ་ཕན་ཕྱིར་གུས་པས་ཉོན། །ཕུར་པའི་རྒྱུད་དོན་འབུམ་ཕྲག་ལྔ། །རིགས་ནི་རྣམ་པ་ལྔར་བཤད་དེ། །བདེ་གཤེགས་རིགས་དང་རྡོ་རྗེའི་རིགས། །རིན་ཞོ་རིགས་དང་པདྨའི་རིགས། །ལས་ཀྱི་རིགས་དང་རྣམ་པ་ལྔ། །འཁྲུལ་འཁོར་རྣམ་པ་གསུམ་དུ་འདུས། །ཆོས་སྐུ་ལོངས་སྐུ་སྤྲུལ་སྐུ་གསུམ། །སྐུ་ལས་བྱུང་བའི་འཁོར་ལོར་འཕྲོས། །མགོ་མ་རྣམས་པ་གསུམ་དུ་བཤད། །ཆོས་སྐུ་རིན་གོ་འོད་འབར་མགོ། །ལོངས་སྐུ་རྡོ་རྗེ་སྣ་ཚོགས་མགོ། །སྤྲུལ་སྐུ་པདྨ་འབར་བས་མགོ། །དེ་ལས་སྐུ་འཁོར་རྒྱས་འབྲིང་གསུམ། །བརྒྱད་དང་བཅུ་དང་རྫོགས་པའོ། །ཡེ་ཤེས་ལྔ་ཡི་ཁ་དོག་གསལ། །ལས་ཀྱི་འཁོར་ལོར་བཤད་པ་ཡིན། །དེ་ལས་སྤྲོས་པ་འབུམ་དུ་འགྱུར། །བསྡུས་པ་རྣམ་པ་ལྔ་རུ་བཤད། །ལས་ཀྱི་དབྱེ་བས་བཅུ་དྲུག་འགྱུར། །བསྡུས་པའི་འཁོར་ལོར་བཤད་པའོ། །གསང་གོ་ལས་བརྒྱ་རྣམ་པ་གསུམ། །ཕོ་བྲང་ལྷ་ནི་དཀྱིལ་འཁོར་གསུམ། །དེ་ཡང་ཕྱི་ནང་གསང་བ་གསུམ། །རྟག་པ་ཤེས་རབ་འཁོར་ལོ་བཞི། །ལྷ་ཡི་དཀྱིལ་འཁོར་རྒྱས་འབྲིང་བསྒོམ། །འཁྲུལ་འཁོར་ལས་ཀྱི་འཁོར་ལོ་ནི། །རྟེན་འབྲེལ་རྫས་ཀྱི་རྣམ་པར་བཤད། །དེ་ལས་རྒྱས་འབྲིང་ཐ་མ་གསུམ། །དེ་ལས་ཡན་ལག་རྒྱས་འབྲིང་གསུམ། །བཞི་དང་ལྔ་པ་ཐ་མ་སྟེ། །བདུན་པ་འབྲིང་གི་ཐེམས་སུ་བཤད། །བཅུ་པས་རྒྱས་འབྲིང་ཐེམས་སུ་བཤད། །སྐྱོན་ནི་བཞི་ལྔ་བདུན་དང་བཅུ། །དེ་བཟློག་ཐེམས་ཀྱི་ཡོན་ཏན་ནོ། །ཡང་ནི་འཁོར་ཐེམས་རྣམ་པ་གསུམ། །ཡན་ཏྲ་མན་ཏྲ་ཏན་ཏྲ་གསུམ། །ཡན་ཏྲ་རྒྱས་འབྲིང་རྣམ་གསུམ་སྟེ། །མན་ཏྲ་རྒྱས་འབྲིང་གསུམ་མམ་བཞི། །ཏན་ཏྲ་རྒྱས་འབྲིང་སྔགས་སུ་ཤེས། །རྨེ་འཁྲུག་ཐེམས་ལ་གསུམ་དུ་བསྟན། །དེ་ལས་ལས་ཀ་རྒྱས་འབྲིང་གསུམ། །བྱས་པ་གཤིག་དང་རིག་སྔགས་བཅད། །ཟུག་པ་དབྱུང་དང་བྱེད་ལས་གྲོལ། །ཞེན་པ་བཟློག་དང་མཐུ་བྱིན་འཕྲོག །དེ་ལས་སྤྲོས་ན་འབུམ་དུ་འགྱུར། །བསྡུ་ན་བརྒྱ་རྩ་གཅིག་ཏུ་འདུས། །རྡོ་རྗེ་གཙུག་ལག་གི་འཁྲུལ་འཁོརགྱི་བཤད་རྒྱུད་ཆེན་པོ་ལས། རྡོ་རྗེ་ཕུར་པ་གཙུག་ལག་གི་ཐེམས་བསྟན་པའི་ལེའུ་སྟེ་བཅོ་ལྔ་པའོ།། །།གཉིས་པ་ཚད་མ་བསྟན་པ་ནི། །ཚད་མ་བརྒྱ་དང་ཉི་ཤུ་སྟེ། །ཡན་ལག་རྣམ་པ་དྲུག་བཅུ་ལྡན། །དང་པོར་ཚད་མ་ཉི་ཤུ་བཞི། །ཡན་ལག་རྣམ་པ་བཅུ་གཉིས་ལྡན། །གཏི་མུག་སྒྲོལ་བའི་འཁྲུལ་འཁོར་ཏེ། །རིགས་རྣམས་བསྡུས་བའི་འཁོར་ལོར་བཤད། །བདེ་གཤེགས་ཁྲོས་པའི་འཁྲུལ་འཁོར་རོ། །གཉིས་པ་ཚད་མ་བསྟན་པ་ནི། །ཚད་མ་ཉི་ཤུ་རྩ་བཞི་སྟེ། །ཡན་ལག་རྣམ་པ་བཅུ་གཉིས་ལྡན། །དང་པོར་ཚད་མ་ཉི་ཤུ་བཞི། །ཞེ་སྡང་སྒྲོལ་བའི་འཁྲུལ་འཁོར་ཏེ། །རྡོ་རྗེ་བསྡུས་པའི་འཁོར་ལོར་བཤད། །རྡོ་རྗེ་བསྡུས་པའི་འཁྲུལ་འཁོར་རོ། །གསུམ་པའི་གོ་མ་བསྟན་པ་ནི། །ཚད་མ་ཉི་ཤུ་རྩ་བཞི་སྟེ། །ཡན་ལག་རྣམ་པ་བཅུ་གཉིས་ལྡན། །ང་རྒྱལ་བསྒྲལ་བའི་འཁྲུལ་འཁོར་ཏེ། །རིན་གོ་བསྡུས་པའི་འཁོར་ལོར་བཤད། །རིན་ཆེན་ཁྲོས་པའི་འཁྲུལ་འཁོར་རོ། །བཞི་བའི་ཚད་མ་བསྟན་པ་ནི། །ཚད་མ་ཉི་ཤུ་རྩ་བཞི་སྟེ། །ཡན་ལག་རྣམ་པ་བཅུ་གཉིས་ལྡན། །འདོད་ཆགས་སྒྲོལ་བའི་འཁྲུལ་འཁོར་རོ། །པདྨ་འདུས་པའི་འཁོར་ལོར་བཤད། །པདྨ་ཁྲོས་པའི་འཁྲུལ་འཁོར་རོ། །ལྔ་པའི་ཚད་མ་བསྟན་པ་ནི། །ཚད་མ་ཉི་ཤུ་རྩ་བཞི་སྟེ། །ཡན་ལག་རྣམ་པ་བཅུ་གཉིས་ལྡན། །ཕྲག་དོག་སྒྲོལ་བའི་འཁྲུལ་འཁོར་ཏེ། །འཕྲིན་ལས་འདུས་པའི་འཁོར་ལོར་བཤད། །ལས་རབ་ཁྲོས་པའི་འཁྲུལ་འཁོར་རོ། །ཡི་གེ་གྲངས་ཀྱི་ངེས་འཛིན་ནི། །ན་ཡ་རྣམ་པ་ལྔ་རུ་བརྩི། །དང་པོ་ལས་ནི་འཁོར་ལོ་སྒྲ། །ན་ཡ་རྣམ་པ་གཉིས་སུ་བགྲང་། །དེ་ལས་རྣམ་པ་བཅོ་ལྔའོ། །གཉིས་པ་ལས་ནི་རྡོ་རྗེ་སྒྲ། །ན་ཡ་རྣམ་པ་གཉིས་སུ་བགྲང་། །དེ་ལ་རྣམ་པ་བཅོ་ལྔའོ། །གསུམ་པ་ལ་ནི་རིན་ཆེན་སྒྲ། །ན་ཡ་རྣམ་པ་གཉིས་སུ་བགྲང་། །དེ་ལས་རྣམ་པ་བཅོ་ལྔའོ། །བཞི་པ་ལ་ནི་པདྨའི་སྒྲ། །ན་ཡ་རྣམ་པ་གཉིས་སུ་བགྲང། །དེ་ལ་རྣམ་པ་བཅོ་ལྔའོ། །ལྔ་པ་ལ་ནི་འཕྲིན་ལས་སྒྲ། །ན་ཡ་རྣམ་པ་གཉིས་སུ་བགྲང་། །དེ་ལས་རྣམ་པ་བཅོ་ལྔའོ། །དེ་ལྟར་གསང་སྔགས་ཉི་ཤུ་ལས། །བརྒྱ་ཡི་སྒྲ་དང་རབ་ལྡན་པས། །རིགས་ལྡན་གསང་བའི་རྒྱུད་ལས་བཏུ། །ཚད་མ་བརྒྱད་དང་ཉི་ཤུ་ནི། །གསང་སྔགས་དངོས་གྲུབ་རྩ་བ་སྟེ། །ཡན་ལག་རྣམ་པ་དྲུག་ཅུ་ནི། །དངོས་གྲུབ་འབྱུང་བའི་རྐྱེན་དུ་གསུངས། །དེ་ལས་དངོས་གྲུབ་ཐམས་ཅད་འབྱུང་། །ཡང་ན་གསང་སྔགས་སྐྱེས་བུར་བསྒྱུར། །ལས་རྣམས་གང་འགྲུབ་འདོད་པས་སྦྱར། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་ཕུར་པ་གཙུག་ལག་གི་ཚད་མ་བསྟན་པའི་ལེའུ་སྟེ་བཅུ་དྲུག་པའོ།། །།གསུམ་པ་རྩིས་ཀྱི་མན་ངག་བཤད། །བསྙེན་པ་དང་ཉེ་བསྙེན་པ། །བསྒྲུབ་པ་དང་ནི་བསྒྲུབ་ཆེན་དང་། །རྣམ་པ་ཉི་ཤུར་བཤད་པ་ཡིན། །རྩ་བའི་བསྙེན་པ་བཅོ་ལྔ་ལ། །གཟས་པ་གཏན་འཕོ་དྲག་པོ་དང་། །ཡོངས་སུ་སྒྲོལ་བར་དབྱེ་བར་བྱ། །འཁོར་གྱི་བསྙེན་པ་བཞི་ཡིན་ལ། །ཕྱེ་བས་རྣམ་གྲངས་ཉི་ཤུར་བརྗོད། །ཡོངས་སུ་རྫོགས་པས་བརྒྱ་རྩར་བཤད། །ཕན་བྱ་ལྷ་སྔགས་དབྱེ་བ་ཡིས། །རྣམ་པ་བཅུ་ཞེས་བཤད་པ་ཡིན། །གནོད་བྱེད་ལྷ་སྔགས་དབྱེ་བ་ཡིས། །ཕྱོགས་ཀྱི་སྒྲ་ཞེས་བཤད་པ་ཡིན། །ཀུན་ཡང་སྦྱོར་བ་སྡེབས་པ་ནི། །གསང་བ་བཅུ་རུ་ཤེས་པར་བྱ། །རྣལ་འབྱོར་ནང་རྨེ་འཐབ་བྱེད་ཚེ། ཁེ་བའི་རྣམ་པ་གསུམ་ལས་བཅུ། །ཕྱི་བས་བརྒྱ་རྩ་འབུམ་དུ་འགྱུར། །འཁོར་ལོ་རྣམ་པ་ལྔ་བཅུ་སྟེ། །ཕན་གནོད་ཕྱེ་བས་བརྒྱ་རུ་འགྱུར། །རྨེ་འཁྲུག་ཕྱེ་བས་ལྔ་བརྒྱར་འགྱུར། །དུག་མདའ་ལྔ་བཅུ་རྩ་གཅིག་གོ །དྲག་པོ་ཐུན་ལ་ལྔ་བཅུ་ཉིད། །ལས་ཀྱི་དབྱེ་བ་བཅུ་ཉིད་དེ། །ཞི་དང་རྒྱས་དང་དབང་དང་དྲག །བསྐྲད་དང་དབྱེ་དང་དགུག་དང་བསྲེག །གནན་དང་བཅིང་བར་གསུངས་པ་སྟེ། །ཕྱོགས་སྐྱོང་བཅུ་འདུལ་བགེགས་ཀྱི་གཤེད། །ཕྱི་བས་རྣམ་པ་བརྒྱད་བཤད་དེ། །བསྡུ་ན་རྣམ་པ་ལྔ་བཅུ་ཉིད། །གིང་གི་རྣམ་པ་ལྔ་རུ་འགྱུར། །རྨེ་འཁྲུག་ཕྱེ་བས་ལྔ་བརྒྱར་འགྱུར། །ལས་རྣམས་ཐམས་ཅད་ཐོག་མེད་འགྲུབ། །གཉེན་པོ་མགོ་སྟེ་རྩ་བ་ལུས། །ཡན་ལག་གཉིས་དང་དེ་བཞིན་ནོ། །ལས་བྱེད་རྩ་བ་ཡན་ལག་གཉིས། །ལུས་དང་ཡན་ལག་བར་དུ་སྤེལ། །སྤེལ་བ་དགྲ་བགེགས་གང་ཡང་རུང་། །ལུས་ཀྱི་སྡུད་བྱེད་འཇུག་ལ་སྟེ། །གསང་བ་ལས་ཀྱི་འཁོར་ལོ་བཤད། །དུག་མཐའ་གིང་ཉིད་མཐའ་ཉིད་ལ། །ལས་བྱེད་རྩ་བ་དང་པོ་སྲ །སྦྱོར་བ་གོང་འོག་གཉིས་སུ་འགྱུར། །གསང་སྔགས་འཁྲུལ་འཁོར་ལྔ་ཉིད་ལ། །སྦྱོར་བ་མཁས་པས་སྡེབ་པར་བཤད། །ལས་ཀྱི་རྩ་བ་གསང་བའི་རྒྱུད། །འཁོར་ལོ་རྒྱུད་ཆེན་གསང་བཤད་པ། །གསང་བའི་རྒྱུད་ལས་ཐུག་པར་བཤད། །གསང་བ་རྩ་བ་ཚད་མ་སྟེ། །ཚད་མ་ཐེབས་ཀྱིས་སྒྲོལ་བར་བཤད། །ཐེབས་ཀྱིས་མཐའ་ནི་རྩིས་ལ་ཐུག །རྩིས་མཐའ་ཡི་གེ་ངོས་འཛིན་ཡིན། །ཡི་གེ་མཐའ་ནི་ཕ་དང་མ། །ཕ་མ་མཐའ་ནི་སྡེབས་པའོ། །སྡེབས་པས་དངོས་གྲུབ་གང་འདོད་འབྱུང་། །གསང་སྔགས་ཡིད་བཞིན་ནོར་བུ་ལ། །གསང་སྔགས་ལྔ་ལས་འདོད་པ་འབྱུང་། རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་ཕུར་པ་གཙུག་ལག་གི་རྩིས་བསྟན་པའི་ལེའུ་སྟེ་བཅུ་བདུན་པའོ།། །།ཡང་གསང་བདག་པོ་རྡོ་རྗེ་འཆང་བས། །བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་བདེ་གཤེགས་བཅོམ་ལྡན་འདས། །རྡོ་རྗེ་འཛིན་པ་གཙུག་ལག་གི །འཁྲུལ་འཁོར་བདག་ལ་བཤད་དུ་གསོལ། །ཞེས་གསོལ་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁོར་ལོའི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པས་ཉོན། །གསང་སྔགས་འབུམ་དང་བྱེ་བ་བདུན། །དམ་པ་བརྒྱད་དུ་འདུས་ཞེས་བྱ། །དེ་ལ་དང་པོར་གསང་ཐེབས་བཤད། །འཁོར་ལོ་སྐུ་གསུམ་མཚན་མ་གསུམ། །ཆོས་སྐུ་རིན་ཆེན་འབར་བ་དང་། །ལོངས་སྐུ་རྡོ་རྗེ་སྣ་ཚོགས་མཚོན། །སྤྲུལ་པ་དག་པའི་པདྨ་འབར། །སྐུ་འཁོར་དབུས་ཀྱི་དང་པོའོ། །དེ་ལས་འཁོར་ལོ་རྒྱས་འབྲིང་བཞི། །སུམ་བཅུ་དྲུག་དང་ཉི་ཤུ་བརྒྱད། །བཅོ་བརྒྱད་ལས་བཞིར་བཤད་པ་ཡིན། །སྤྱིར་དོན་འཁོར་ལོ་ཉི་ཤུ་གཅིག །རབ་ཏུ་གསང་བའི་འཁོར་ལོ་སྟེ། །སྐྱོན་སྤངས་ཡོན་ཏན་ལྡན་པའོ། །འཁོར་ལོ་བསྒྲུབ་པ་གཉིས་ཡིན་ཏེ། །ཐུན་མོང་ཐུན་མོང་མ་ཡིན་པའོ། །ཐུན་མོང་བསྒྲུབ་པ་དྲུག་ཏུ་བསྟན། །སྙིང་པོ་གསང་སྔགས་བསྒྲུབ་པ་དང་། །རིག་སྔགས་དྲག་པོར་བསྒྲུབ་པ་དང་། །གཟུངས་སྔགས་གསང་བར་བསྒྲུབ་པ་དང་། །མདོར་ལྟར་བསྒྲུབ་པ་དྲུག་ཏུ་བཤད། །བསྒྲུབ་ལུགས་རེ་རེ་དག་ལ་ཡང་། །བསྙེན་བསྒྲུབ་ལས་ལ་སྦྱར་བ་སྟེ། །བསྙེན་པའི་བསྒྲུབ་ལུགས་དྲུག་ཉིད་ལ། །གསང་ཆེན་བསྒྲུབ་པ་དྲུག་ཏུ་འདོད། །མཐར་ཕྱིན་ལས་དང་དེ་བཞིན་ནོ། །ཐུན་མོངས་བསྒྲུབ་ཅེས་བཤད་པ་ཡིན། །གསང་བ་ཐུན་མོངས་མ་ཡིན་པའི། །རྣམ་པ་བཞི་རུ་ཤེས་པར་བྱ། །སྙིང་པོ་ཕྱག་རྒྱ་ཆེན་པོ་དང་། །གསང་སྔགས་བསྒྲུབ་དང་རིག་སྔགས་བསྒྲུབ། །གཟུངས་ལྟར་བསྒྲུབ་པ་བཞིར་བཤད་དོ། །དེ་ལས་གསང་བ་བཅུ་གཉིས་ཏེ། །འཁོར་ལོ་ཉི་ཤུ་རྩ་གཅིག་ལྡན། ཏིང་འཛིན་ལས་ཀྱི་འཁོར་ལོ་བསྐོར། །མན་ཏྲ་འཁོར་ལོ་དྲག་ཏུ་དྲག །ཏན་ཏྲ་འཁོར་ལོ་ལེགས་པར་བཅོ། །རྨེ་འཁྲུག་ལས་ཀྱི་འཁོར་ལོ་ནི། །གསང་བ་བཅུ་པར་ཤེས་པར་བྱ། །གསང་བ་རྫོགས་ལྡན་འཁོར་ལོ་ནི། །གསང་བ་ཉི་ཤུ་རྩ་གཅིག་གོ །ལས་རྣམས་བྱེད་པའི་འཁོར་ལོ་ནི། །གསང་བ་བརྒྱ་རྩ་གཅིག་ཏུ་འགྱུར། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་འཛིན་པ་གཙུག་ལག་གི་ཐེམས་བཤད་པའི་ལེའུ་སྟེ་བཅོ་བརྒྱད་པའོ།། །།གཉིས་པ་ཚད་མ་གསང་བ་བཤད། །ཚད་མ་ཉི་ཤུ་རྩ་བཞི་སྟེ། །དང་པོར་གསང་བ་དྲུག་པ་ཡི། །དང་པོ་རྣམ་པ་གཉིས་ཡིན་ཏེ། །ཕྱེ་བས་དྲུག་དང་བཞི་རུ་འགྱུར། །དེ་རེ་རྣམ་པ་གསུམ་དུ་བསྟན། །དོན་ཆེན་མན་ངག་བསྙེན་པ་དང་། ཁུགས་ཆེན་སྔོན་དུ་འགྲོ་བ་དང་། །ལས་ཆེན་ནོར་བུ་ལུགས་དང་གསུམ། །ཕྱེ་བས་འདིར་ཡང་ཉི་ཤུ་བཞི། །དམ་པ་རྣམ་པ་བརྒྱད་རྣམས་ཀྱི། །གསང་ལྡན་བཞི་བཅུ་རྩ་བརྒྱད་པ། །བསྙེན་པའི་ཚད་མར་ངས་ལུང་བསྟན། །བསྒྲུབ་པའི་ཚད་མ་ཉི་ཤུ་བཞི། །གཉིས་པའི་གསང་བ་དྲུག་པ་ཡི། །ཚད་མ་རྣམ་པ་གཉིས་ཡིན་ཏེ། །གསང་ལྡན་བཞི་བཅུ་རྩ་བརྒྱད་པ། །བསྒྲུབ་པའི་ཚད་མར་ངས་ལུང་བསྟན། །ལས་ཀྱི་ཚད་མ་རྒྱས་འབྲིང་བཞི། །དང་པོ་ཚད་མ་བསྟན་པ་ནི། །རབ་ལ་སུམ་ཅུ་རྩ་དྲུག་ལ། །འབྲིང་ལ་ཉི་ཤུ་རྩ་བརྒྱད་དོ། །ཐ་མ་བཅོ་བརྒྱད་བཞིར་བསྟན་པ། །ཀུན་ལ་རིམ་བཞིན་སྦྱར་བར་བྱ། །ལས་ཀྱི་ཚད་མར་ངས་ལུང་བསྟན། །རྨེ་འཁྲུག་ལྔ་ཡི་ལས་བྱས་ན། །གསང་བ་བཞི་ལས་རེ་རེ་སྟེ། །སྤྱི་ཡི་སྔགས་བསྟན་ལྔ་པ་་ཡིན། །དྲག་པོ་བརྒྱད་དང་གསུམ་རྣམས་དང་། །དྲག་སྔགས་སྐྱབས་ཀྱི་ཤེས་བྱ་སྟེ། །གསང་བ་བཅུ་ནས་བརྒྱ་རྩའི་བར། །བཟློག་དང་དཀྲུག་དང་རྣམ་པ་དང་། །གསང་བ་བདུན་ནམ་ལྔ་རུ་ཤེས། །འདྲེན་པའི་ཡི་གེ་བདུན་ནམ་ལྔ། །ཡན་ལག་རྫོགས་པའི་ལས་སྔགས་བརྒྱ། །བརྒྱད་དང་ལྡན་པས་ངས་ལུང་བསྟན། །སྒྲ་ཡི་དྲག་སྔགས་ལྔ་ཡི་མཛེས། །བསྒྱུར་བའི་སྭ་ནི་བརྒྱ་དང་བཅུ། །ལྔ་ལྡན་གསང་བར་ངས་ལུངས་བསྟན། །དམ་པ་བརྒྱད་ཀྱི་རྗེས་འབྲིང་ནས། །གཅིག་ལ་ལྔ་ལྔར་བར་ཏུ་དབྱེ། །གཙོ་དང་འཁོར་གྱི་དབྱེ་བས་སོ། །རིགས་ནི་ཕྱེ་བས་ལྔ་འམ་གསུམ། །སྤྱི་དང་བྱེ་བྲག་གཉིས་སུ་ཤེས། །སྤྱི་གསང་སྤྱི་ཡི་ལས་རྣམས་ནི། །གསང་བ་གྲུབ་པའི་ཚོད་དང་སྦྱར། །སྒྲུབ་པ་དལ་དྲག་ཚོད་དང་སྦྱར། །བྱས་པ་བཤིག་དང་ལས་ལ་སྦྱར། །བཀྲུ་དང་བྱབ་དང་བྲབ་དང་གསུམ། །གནན་དང་བསྲེག་དང་འཕང་དང་གསུམ། །མཆོད་དང་ཞི་བྱ་ཡེངས་དང་གསུམ། །གསང་དང་སྦ་དང་བཀྲག་དང་གསུམ། །བཅོ་ལྔ་རྩ་བའི་མཐའ་ཡིན་ལ། །བཅོ་བརྒྱད་གསང་མཐའ་གཉིས་པའོ། །ཉི་ཤུ་གཅིག་པ་གསུམ་པར་སྦ། །བཅུ་གཉིས་བཀྲག་པར་གསུངས་པ་ཡིན། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་འཛིན་པ་གཙུག་ལག་གི་ཚད་མ་བཤད་པའི་ལེའུ་སྟེ་བཅུ་དགུ་པའོ།། །།གསུམ་པར་རྩིས་ཀྱི་རྣམ་གྲངས་བཤད། །རྩིས་ནི་རྣམ་པ་རྒྱས་འབྲིང་བཞི། །གསང་བའི་ལས་དང་ལྔ་རུ་བཤད། །བསྙེན་པ་གསང་བ་བདུན་དང་ལྡན། །བསྡུས་པའི་རྣམ་པ་གསུམ་དུ་འགྱུར། །བསྒྲུབ་ལུགས་དྲུག་གམ་བཞི་ཉིད་ལ། །རེ་རེ་དག་ལ་གསུམ་གསུམ་མམ། །ཡང་ན་རྫོགས་པ་བདུན་དང་ལྡན། །ཉོན་མོངས་སྤངས་དང་སྤྱད་དང་མཉམ། །ཚད་མེད་རྫོགས་ལྡན་རབ་ཏུ་གསང་། །བསྙེད་བསྒྲུབ་ལས་ལ་སྦྱར་བར་གསུངས། །འཕྲིན་ལས་དབྱེ་བས་བཞི་ལས་ནི། །ཉི་ཤུ་རྩ་བཞིར་ཤེས་པར་བྱ། །བསྒྲུབ་པ་གསང་བ་བདུན་དང་ལྡན། །བསྡུས་པ་རྣམ་པ་གསུམ་དུ་འགྱུར། །བསྒྲུབ་ལུགས་བཞི་འམ་དྲུག་ཉིད་དམ། །རེ་རེ་དག་ལ་གསུམ་གསུམ་མམ། །ཡང་ན་རྫོགས་པ་བདུན་དང་ལྡན། །ཉོན་མོངས་སྤྱོད་དང་སྤངས་དང་མཉམ། །ཚད་མེད་རྫོགས་ལྡན་རབ་ཏུ་གསང་། །འཕྲིན་ལས་དབྱེ་བ་བཞི་ལས་ནི། །ཉི་ཤུ་རྩ་བཞིར་ཤེས་པར་བྱ། །ལས་ནི་རྣམ་པ་བཞི་ཉིད་ལས། །བཞི་དང་བཅོ་བརྒྱད་ཉི་ཤུ་བཞི། །གསུམ་བཅུ་རྣམ་པ་དྲུག་དང་ལྡན། །བདུན་དང་དགུ་དང་ལྔ་པ་དང་། །ཡང་ན་གསུམ་པར་ཤེས་པར་བྱ། །གཙོ་བོ་འཁོར་དང་ཡན་ལག་དང་། །ཡུམ་དང་དེ་འཁོར་ཡན་ལག་བཅས་པ་སྟེ། །སྤྱི་དང་ལས་དང་ལས་ཀུན་བྱེད། །གསང་སྔགས་དགུ་ཞེས་བཤད་པ་ཡིན། །གསང་བའི་སྒྲ་གཉིས་སྤངས་པ་བདུན། །གབ་པ་སྤངས་པ་བདུན་དུ་འགྱུར། །སྦས་པའི་གཉིས་སྤངས་ལྔ་པ་སྟེ། །ཡན་ལག་བྲལ་བས་གསུམ་མམ་བཞི། །དང་པོ་འཇུག་ནི་ལས་མྱུར་ཏེ། །དང་པོ་བར་ནི་བཀྲ་ཤིས་འགྱུར། །དང་པོ་ཅི་ཞེས་བཤད་པ་ཡིན། །བར་མ་དང་པོར་མགོ་བར་ལས བར་མ་ཐ་མ་སྤྱི་ཞེས་བཤད། །ཐ་མ་དང་པོ་བར་མ་དང་། །གསང་བའི་སྒྲ་དང་བཅས་པ་སྤོང་། །གང་ལ་སྤྱད་དང་འགྲུབ་འགྱུར་ཏེ། །སྤྱི་ཡི་ལས་ནི་རྣམ་པ་ལྔ། །རང་དང་གཞན་དང་མུ་སྟེགས་དང་། །ཉན་ཐོས་སྤོག་པར་བཤད་པ་ཡིན། །བྱས་ནས་བྱས་པ་གཞིག་འགྱུར་ཏེ། །བཅིང་དང་མནན་བཟློག་བསྲུང་བ་དང་། །འཁོར་ལོ་གསུམ་གྱི་ལས་ཀྱི་མཐའ། །འབྲེལ་བ་བརྒྱད་ལ་ལས་བརྒྱད་དེ། །གསང་གནས་བཅུ་ལ་ལས་བཅུ་ཡིན། །མཚན་ལ་གསུམ་དང་སྦྱར་བར་བྱ། །དང་པོར་ལྷ་དང་འདྲེ་གདོན་དབྱེ། །གཉིས་པས་བགེགས་ལ་གསལ་བར་འགྱུར། །གསུམ་པས་ལྷ་ཡི་རྟགས་སུ་འགྱུར། །རིམ་པ་བྱེ་བྲག་རྒྱུད་དུ་བཤད། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་གཙུག་ལག་གི་རྩིས་བཤད་པའི་ལེའུ་སྟེ་ཉི་ཤུ་པའོ།། །།དེ་ནས་ཡང་གསང་བའི་བདག་པོ་རྡོ་རྗེ་འཆང་བས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏེ། །ཨེ་མ་བདེ་གཤེགས་བཅོམ་ལྡན་འདས། །རྡོ་རྗེ་ཁྱུང་ཆེན་གཙུག་་་་ག་གི །འཁྲུལ་འཁོར་བདག་ལ་བཤད་དུ་གསོལ། །ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། འཁོར་ལོའི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པར་ཉོན། ཁྱུང་ཆེན་རྒྱུད་སྡེ་འབུམ་ཕྲག་ལྔ། །སྐུ་གསུང་ཐུགས་དང་ཡོན་ཏན་དང་། །འཕྲིན་ལས་རྒྱུད་དང་ལྔ་རུ་བསྟན། །དེ་ལ་དང་པོར་སྦས་ཐེམས་བཤད། །འཁོར་ལོ་སྐུ་གསུམ་མཚན་མ་གསུམ། །ཆོས་སྐུ་ནོར་བུ་རིན་ཆེན་མཚན། །ལོངས་སྐུ་རྡོ་རྗེ་རྒྱ་གྲམ་མཚན། །སྤྲུལ་སྐུ་པདྨ་སྣ་ཚོགས་མཚན། །སྐུ་འཁོར་དབུས་འཁོར་ལྟེ་བར་རོ། །དེ་ལས་སྐུ་འཁོར་རྒྱས་འབྲིང་གསུམ། །བཅུ་དང་བརྒྱད་དང་བཞི་རྣམས་སོ། །བཅུ་ནི་ལས་ཀ་བཅུར་བརྒྱན་ཏེ། །ཞི་དང་རྒྱས་དང་དབང་དང་དྲག །དགུག་དང་དབྱེ་དང་བསྐྲད་པ་དང་། །གནན་དང་དཀྲུག་དང་སྨྱོ་འབྲོས་དང་། །རྣམ་པ་བཅུ་ཞེས་བཤད་པ་ཡིན། །འབྲིང་ལ་ལས་ཁ་རྣམ་པར་བརྒྱད། །དགུག་དང་བསྐྲད་དང་གདབ་པ་དང་། །དབྱེ་དང་མནན་དང་བསད་པ་དང་། །བྲུབ་དང་སྡེབ་པ་རྣམ་པ་བརྒྱད། །ཐ་མ་ཞི་རྒྱས་དབང་དྲག་བཞི། །ལས་ཀྱི་དབྱེ་བ་བསྟན་པའོ། །རྨེ་འཁྲུག་རྣམ་པ་བཞི་བཅུ་སྟེ། །ཕྱི་བསྐོར་བཅུ་དང་ནང་བསྐོར་བཅུ། །གསང་བསྐོར་བཅུ་དང་མཐར་ཐུག་བཅུ། །རིགས་ཀྱི་དབྱེ་བས་བཅུ་ཕྲག་ནི། །ཉི་ཤུ་ཐམ་པ་ཤེས་པར་བྱ། །སྤོག་པའི་དབྱེ་བས་བརྒྱད་ཅུ་སྟེ། །ལས་ཀྱི་དབྱེ་བས་ཉི་ཤུ་ནི། །ཕྲག་ནི་རྣམ་པ་ལྔར་བཤད་དེ། །སྤོག་པའི་དབྱེ་བ་ཉི་ཤུ་ནི། །ཕྲག་ནི་བཞི་བཅུར་ཤེས་པར་བྱ། །རྒྱས་པར་ཕྱེ་བས་འབུམ་དུ་འགྱིར་། །དེ་ལ་ཐེབས་ཀྱི་སྐྱོན་ཡོན་ནི། །བཞི་འམ་དྲུག་ཅུ་བདུན་དུ་བཤད། །སྐྱོན་སྤངས་ཡོན་ཏན་བཅུ་བདུན་ལྡན། །གཞན་ཡང་རིགས་ཀྱི་འཁོར་ལོ་བཞི། །གསང་མཇོད་རྣམ་པ་བརྒྱད་དང་ལྡན། །རིགས་ཀྱི་གཤེད་འཁོར་རྣམ་པ་ལྔ། །འཁོར་གྱི་གཤེད་ནི་རྣམ་པ་བཞི། །ཕྱེ་བས་བརྒྱད་ལྔ་བཞི་བཞིར་བཤད། །རྡོ་རྗེ་གཙུག་ལག་འཁྲུལ་འཁོར་གྱི་བཤད་རྒྱུད་ཆེན་པོ་ལས། རྡོ་རྗེ་ཁྱུང་ཆེན་གཙུག་ལག་གི་ཐེམས་བཤད་པའི་ལེའུ་སྟེ་ཉེར་གཅིག་པའོ།། །།གཉིས་པ་ཚད་མ་བསྟན་པ་ནི། །ཚད་མ་རྣམ་པ་གཉིས་ཡིན་ཏེ། །ཐུན་མོང་དང་ནི་ཁྱད་པར་རོ། །ཐུན་མོང་རྣམ་པ་ལྔར་བཤད་དོ། ཁྱད་པར་ཀྱང་ནི་ལྔ་རུ་བཤད། །ཐུན་མོངས་སྤྱི་ཞེས་སྤྱད་པ་ཡིན། ཁྱད་པར་ཉི་ཤུ་རྩ་ལྔར་བཤད། །ལྔས་ནི་བསྙེན་པ་བཤད་པ་སྟེ། །ལྔས་ནི་བསྒྲུབ་པ་ཤེས་པར་བྱ། །ལྔས་ནི་ལས་ལ་སྦྱར་བ་སྟེ། །ལྔས་ནི་སྤོག་པར་བསྟན་པ་ཡིན། །ལྔས་ནི་རྣམ་འབྱོར་རྨེ་སྔགས་སོ། །འཁོར་ནི་དྲག་སྔགས་ཉི་ཤུ་བ། །དེ་ལ་ལྔས་ནི་བསྙེན་པ་སྟེ། །ལྔས་ནི་བསྒྲུབ་པའི་སྔགས་སུ་ཤེས། །ལྔས་ནི་སྤོག་པའི་སྔགས་སུ་བཤད། །རྩ་སྔགས་ཐུན་མོང་ཁྱད་པར་ལས། །ལས་སྔགས་ཐུན་མོང་ཁྱད་པར་ཏེ། །ཐུན་མོང་ལས་སྔགས་རྒྱས་འབྲིང་ཐ།ཁྱད་པར་དེ་བཞིན་ཤེས་པར་བྱ། །གསང་བ་བདུན་དང་ལས་ཕྲན་ནི། །རྣམ་པ་བཅུ་བཞིར་ཤེས་པར་བྱ། །བཅུ་ཕྲག་བརྒྱད་བཅུ་དབྱེ་ལ་སོགས། །འཁོར་ལོ་དབྱེ་བས་ཤེས་པར་བྱ། །ཐུན་མོང་ཚད་མ་རྣམ་པ་བཅུ། །ཕྱི་ལ་གཉིས་ཏེ་ནང་ལ་གཉིས། །གསང་བ་གཉིས་ལ་གསང་ཆེན་གཉིས། །སྦས་པ་གཏེར་ལ་གཉིས་སུ་བསྟན། །སྦས་པ་གཏེར་ལ་ཐུན་མོང་ནི། །རྣམ་པར་ལྔ་རུ་ཤེས་པར་བྱ། །ཐུན་མོང་མ་ཡིན་ཚད་མ་ནི། །རྣམ་པ་བཅོ་ལྔར་ཤེས་པ་སྟེ། །ཕྱི་གསུམ་ནང་གསུམ་གསང་བ་གསུམ། །གསང་ཆེན་གསུམ་ལ་སྦས་པ་གསུམ། །ཚད་མ་རྣམ་པ་བརྒྱད་ཡིན་ཏེ། །གཉིས་པ་ནང་གི་ཚད་མ་བརྒྱད། །གསུམ་པ་གསང་བའི་ཚད་མ་བརྒྱད། །བཞི་པ་གསང་ཆེན་ཚད་མ་བརྒྱད། །སྦས་པ་གཏེར་ལ་ཚད་མ་བརྒྱད། །སྤྱིར་ན་ཚད་མ་ལྔ་ཉིད་ལ། །རིགས་ཀྱིས་ཕྱེ་བས་ཉི་ཤུ་ནི། །རྩ་ལྔ་པར་ནི་བཤད་པ་ཡིན། །བདེ་བཤེགས་རིགས་ཆེན་ལྔ་ཉིད་ལ། །རྡོ་རྗེ་ཞེ་སྡང་རིགས་ཏེ་ལྔ། །ང་རྒྱལ་རིན་ཆེན་རིགས་ཏེ་ལྔ། །འདོད་ཆགས་པདྨའི་རིགས་ཏེ་ལྔ། །ཕྲག་དོག་ལས་ཀྱི་རིགས་ཏེ་ལྔ། །དེ་ལ་རིགས་ཀྱི་བསྒྲུབ་པ་ནི། །ཉི་ཤུ་རྩ་ལྔ་ཤེས་པར་བྱ། །དེ་ལ་བརྒྱད་ཕྲག་ལྔ་རུ་སྦྱར། །འཁོར་གྱི་གསུམ་ལས་ལྔ་རུ་སྦྱར། །སྤྱིར་ན་རྣམ་པ་བཅོ་ལྔར་བཤད། །དེ་ལ་བསྒྲུབ་པ་བཅོ་ལྔ་སྟེ། །ཚད་མ་བརྒྱད་ཕྲག་གསུམ་དུ་སྦྱར། །གསང་བའི་ལས་ལྔ་རིགས་ཀྱི་དབྱེ། །བདུན་པའི་སྦྱོར་བ་རབ་ཏུ་སྔགས། །བདུན་ཚོ་གསུམ་དུ་ཤེས་པར་བྱ། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་ཁྱུང་ཆེན་གཙུག་ལག་གི་ཚད་མ་བརྒྱད་པའི་ལེའུ་སྟེ་ཉེར་གཉིས་པའོ།། །།གསུམ་པ་རྩིས་ཀྱི་གྲངས་བསྟན་པ། །རྩིས་ནི་རྣམ་པ་ལྔ་ཡིན་ཏེ། །གཙོ་བོ་རིགས་ཀྱི་དབྱེ་བས་སོ། །བསྙེན་པའི་རིམ་པ་བཅོ་ལྔ་འམ། །ཡང་ན་ཉི་ཤུ་རྩ་ལྔ་འམ། །ཉི་ཤུར་བསྒྲུབས་ཀྱང་འགལ་བ་མེད། །བསྒྲུབ་པའི་རྩིས་ནི་ལྔ་ཡིན་ཏེ། །འཁོར་གྱིས་དབྱེ་བ་བཅུ་རུ་འགྱུར། །ཡང་ན་གོང་ལྟར་བཅོ་ལྔ་འམ། །ཡང་ན་ཉི་ཤུ་རྩ་ལྔ་འམ། །ཉི་ཤུ་བསྒྲུབས་ཀྱང་འགལ་བ་མེད། །དང་པོར་རྩ་སྔགས་ལྔ་སྡེབ་སྡེབ། །གསང་བ་གཅིག་པ་དང་པོ་སྡེབ། །གསང་བ་གཉིས་པ་གཉིས་པར་སྡེབ། །གསང་བ་གསུམ་ལ་གསུམ་པ་སྟེ། །གསང་བ་བཞི་ལ་བཞི་པར་སྡེབ། །གསང་བ་ལྔ་པ་ལྔ་པར་སྡེབ། །དེ་ལ་ལས་སྔགས་སྦྱོར་བར་ལྡན། །དེ་འོག་སྦས་པ་ལྔ་པ་སྟེ། །སྦས་པ་གཅིག་ལ་དང་པོ་སྟེ། །སྦས་པ་གཉིས་པ་གཉིས་པར་སྡེབ། །སྦས་པ་གསུམ་པ་གསུམ་པར་སྡེབ། །སྦས་པ་བཞི་པ་བཞི་པར་སྟེ། །སྦས་པ་ལྔ་པ་ལྔ་པར་རོ། །དེ་ལས་གསང་སྔགས་སྦྱོར་བར་ལྡན། །དེ་འོག་གབ་པ་ལྔ་པ་སྟེ། །གབ་པ་གཅིག་པ་དང་པོ་སྟེ། །གབ་པ་གཉིས་པ་གཉིས་པར་སྡེབ། །གབ་པ་གསུམ་པ་གསུམ་པར་སྡེབ། །གབ་པ་བཞི་པ་བཞི་པར་རོ། །གབ་པ་ལྔ་པ་ལྔ་པར་ཏེ། །དེ་ལས་ལྔགས་ཀྱི་སྦྱོར་བར་ལྡན། །དེ་འོག་ལས་སྔགས་ལྔ་པ་སྟེ། །ལས་སྔགས་བཞི་པ་དང་པོ་སྟེ། །ལས་སྔགས་གཉིས་པ་གཉིས་པར་སྡེབ། །ལས་སྔགས་གསུམ་པ་གསུམ་པར་སྡེབ། །ལས་སྔགས་བཞི་པ་བཞི་པར་སྡེབ། །ལས་སྔགས་ལྔ་པ་ལྔ་པར་སྡེབ། །དེ་ལས་ལས་སྔགས་སྦྱོར་བར་ལྡན། །དེ་འོག་དཀྲུག་པའི་སྔགས་ལྔ་སྟེ། །དཀྲུག་པ་གཅིག་པ་དང་པོར་སྟེ། །དཀྲུག་པ་གཉིས་པར་གཉིས་པར་སྡེབ། །དཀྲུག་པ་གསུམ་པ་གསུམ་པར་སྡེབ། །དཀྲུག་པ་བཞི་པ་བཞི་པར་ལྡན། །དཀྲུག་སྔགས་ལྔ་པ་ལྔ་པར་སྡེབ། །དེ་ལ་ལས་སྔགས་སྦྱོར་བར་ལྡན། །ཉི་ཤུ་པར་ནི་རབ་སྡེབ་པར། །དང་པོར་རིག་འབྱེད་གསང་བ་བཞི། །གཉིས་པ་རིགས་བསྡུས་གསང་བ་བཞི། །གསུམ་པར་རིགས་འགལ་གསང་བ་བཞི། །བཞི་པ་རིགས་སྡེབ་གསང་བ་བཞི། །རིམས་ཆགས་ལ་ནི་ལས་སྔགས་ལྡན། །དེ་འོག་སྐུ་གསུང་ཐུགས་སྔགས་ཏེ། །རིགས་ཀྱི་དབྱེ་བ་བཅོ་ལྔ་སྟེ། །རིམས་ཆགས་སུ་ནི་སྡེབ་པར་གསུངས། །ལས་སྔགས་སྦྱོར་བ་ཐམས་ཅད་སྦྱར། །འཁོར་གྱི་སྦྱོར་བ་དྲག་འགལ་མེད། །དྲག་དལ་སྦྱོར་བས་གཙོ་འཁོར་དབྱེ། །ཡང་ན་དྲག་དྲལ་གཉིས་ཀའོ། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། རྡོ་རྗེ་ཁྱུང་ཆེན་གཙུག་ལག་གི་རྩིས་བཤད་པའི་ལེའུ་སྟེ་ཉེར་གསུམ་པའོ།། །།དེ་ནས་ཡང་གསུང་བའི་བདག་པོ་ལག་ན་རྡོ་རྗེ་འཆང་བས། བཅོམ་ལྡན་འདས་དཔལ་ཀུན་ཏུ་བཟང་པོ་ལ་མཆོད་པ་སྣ་ཚོགས་པས་མཆོད་ནས། །ཨེ་མ་ལེགས་སོ་འཁོར་ལོ་ཆེ། །གསང་བའི་དྲུག་འཁོར་ལོ་ལེགས། །རོལ་པའི་འཁོར་ལོ་ཁྱོད་ལ་བསྟོད། །ཨེ་མ་བདེ་གཤེགས་བཅོམ་ལྡན་འདས། །འཇིག་རྟེན་དྲེགས་པའི་སྡེ་དཔོན་གང་། །དྲེགས་པའི་སྲོག་འཁོར་ཇི་ལྟར་ལགས། །གསང་ཆེན་འཁོར་ལོ་བཤད་དུ་གསོལ། །ཞེས་གསོལ་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །མ་འོངས་རྣམས་ཀྱི་དོན་ཕྱིར་དུ། །འཁོར་ལོ་ཞུ་བ་རབ་ཏུ་ལེགས། །འཁོར་ལོའི་དོན་རྣམས་ངས་བཤད་ཀྱིས། །འགྲོ་ལ་ཕན་ཕྱིར་གུས་པར་ཉོན། །གདོན་ཆེན་བཅོ་བརྒྱད་འཁོར་ལོ་ནི། །སྡེ་དཔོན་བཅོ་བརྒྱད་འཁོརལོསྟེ། །གཤིནརྗེམམོའཁོར་དང་བཅས། །སྡེ་བརྒྱད་ལྷ་སྲིན་འཁོར་དང་བཅས། །དྲེགས་པའི་སྤྱི་ཡི་སྡེ་དཔོན་ཡིན། །འཆི་བདག་གཤིན་རྗེ་ནག་པོ་ནི། །གཤིན་རྗེ་ཡོངས་ཀྱི་སྡེ་དཔོན་ཡིན། །སྐྱེ་འགྲོ་སྲོག་གི་བདག་མོ་ནི། །འཆི་བདག་ནག་མོའི་བཙུན་མོ་ཡིན། །འབྱུང་བ་ལྔ་ཡི་བདག་མོ་ནི། །སྣང་སྲིད་མ་མོའི་སྡེ་དཔོན་ཡིན། །མུ་སྟེགས་ཀ་ལ་ཡཀྟ་ནི། །ལོག་འདྲེན་ཡོངས་ཀྱི་སྡེ་དཔོན་ཡིན། །སྔགས་པ་ལྔ་པ་གོལ་བ་ནི། །རུ་ཏྲེརེ་སྡེ་དཔོན་ཆེན་པོ་ཡིན། །ནག་པོ་མེ་ཡི་ཁ་རླངས་ཅན། །བདུད་རྣམས་ཡོངས་ཀྱི་སྡེ་དཔོན་ཡིན། །བདུད་མོ་ནག་མོ་ཁྲག་འཛག་མ། །བདུད་མོ་ཡོངས་ཀྱི་སྡེ་དཔོན་ཡིན། །མ་ཧྭ་ཀྭ་ལ་ལྷ་ཆེན་པོ། །འཇིག་རྟེན་ལྷ་ཡི་སྡེ་དཔོན་ཡིན། །ཡཀྟ་ནག་པོ་གློག་འཕྲེང་དང་། །སྦལ་མགོན་ནག་མོ་ཁྲག་མིག་མ། ཁྱབ་འཇུག་ཆེན་པོ་མིང་སྲིང་རྣམས། །སྲིན་པོ་མོ་ཡིན་སྡེ་དཔོན་ཡིན། །གནོད་སྤྱིན་གང་བ་བཟང་པོ་ནི། །གནོད་སྦྱིན་ཡོངས་ཀྱི་སྡེ་དཔོན་ཡིན། ཁྲ་ཟ་སྤྱིན་མོ་རལ་གཅིག་མ། །གནོད་སྤྱིན་མོ་ཡི་སྡེ་དཔོན་ཡིན། །སྲིད་པའི་རྒྱལ་པོ་ལི་བྱིན་ཧར། །རྒྱལ་པོ་གདོན་གྱི་སྡེ་དཔོན་ཡིན། །ཡམ་ཤུད་དམར་པོ་ཞེས་བྱ་བ། །བཙན་རྣམས་ཡོངས་ཀྱི་སྡེ་དཔོན་ཡིན། །རྗེ་དམུ་བཙན་པ་ཞེས་བྱ་བ། །དམུ་ཡི་སྡེ་དཔོན་ཆེན་པོ་ཡིན། །རྡོ་རྗེ་ལེགས་པ་ཞེས་བྱ་བ། །ཐེ་བྲང་ཡོངས་ཀྱི་སྡེ་དཔོན་ཡིན། ཁུ་ལེ་ལགས་དགུ་ཞེས་བྱ་བ། །འགོང་པོ་ཡོངས་ཀྱི་སྡེ་དཔོན་ཡིན། །དངོས་གྲུབ་བར་ཆོད་བྱེད་པ་ཡིན། །དམ་སྲི་ཕོ་མོ་བསྒྲལ་བར་བྱ། །ཀླུ་རྒྱལ་གཞོན་ནུ་གཏུམ་མོ་དང་། །དགའ་བོ་ལ་སོགས་ཀླུ་ཆེན་བརྒྱད། །ཀླུ་ཡི་སྡེ་དཔོན་ཆེན་པོ་ཡིན། །སྡེ་དཔོན་ཆེན་པོ་བཅོ་བརྒྱད་ཀྱི། །བླ་རྡོ་བཅང་ཞིང་དེ་ཉིད་དྲན། །རྣལ་འབྱོར་རབ་འབྲིང་ཐ་མ་ཡིས། །གནད་མ་དགུ་ཡི་འཁོར་ལོ་བསྐོར། །སྡེ་དཔོན་རྒྱལ་དང་དམངས་བཞིན་ནོ། །སྦྱོར་བ་བཞིན་གང་ཡང་གྲུབ། །སྡེ་དཔོན་བཅོ་བརྒྱད་ལས་སུ་དྲན། །གསང་སྒྲོལ་ཡིན་ཏེ་གདོན་མི་ཟ། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། སྡེ་དཔོན་བཅོ་བརྒྱད་བཤད་པའི་ལེའུ་སྡེ་ཉེར་བཞི་པའོ།། །།དྲེགས་པའི་སྲོག་འཁོར་བསྟན་པ་ནི། །སྲོག་དང་སྲོག་འཁོར་དེ་ཁོ་ན། །བསྐུར་བ་ཕོ་ཉ་རང་སྔགས་རྨོད། །ཐམས་ཅད་བསྒྲལ་ཕྱིར་ཤེས་པར་བྱ། །འཁོར་ལོ་རྩིབས་བརྒྱད་འབར་བ་ལ། །ཞེ་སྡང་རྟགས་མཚན་ཁ་དོག་ལྔ། །དྲག་སྔགས་ལྔ་དང་བཅས་པའོ། །སྙིང་ཁྲག་དྲག་སྔགས་བསྟན་པ་ནི། །བཛྲ་སརྦ་དུ་། །ཨེ་ཡ་མ་ཡ། མ་མ་རུ་ལུ། མ་ཏིར་ཏི་ཀ་ཏ། རུ་དྲ་ནི། རུ་དྲ་དུ། དུན་ཏིང་དུ། དེ་བ་ཨ། རག་ཤ་ར། རག་མོ་མྲ ཡག་ཤ་ཀྟ། ཡག་མོ་ཀྟ། ར་ཙ་ཙ། ཙ་ར་ཙ། མུན་མུན་པ། བཛྲ་ས་ཏུ་ཙ། ཧ༷་ཤ༷་ཏྲི་ཏྲི། རུ་ཏྲི་སྲི།ནཱགཕུ། ཏྲིགནན། ཧུརཐུམས་ཛ། མུ་ར་ཡ་རྦད། སྨྱོ་ར༷་ནན། ཞེས་ནི་དྲེགས་སྔགས་བརྗོད་ཙམ་གྱིས། །དྲེགས་པ་བཅོ་བརྒྱད་རང་འོད་ལས། །བུ་ག་དགུ་ནས་ཁྲག་ཏུ་སྒྱུག །དྲན་པ་ཙམ་གྱིས་སྒྲོལ་བར་བྱེད། །ལུས་ཉམས་གྱུར་ནས་ནུས་པ་བྲལ། །རང་གཤེད་རང་ལ་འབེབས་པར་བྱེད། །རྡོ་རྗེ་གཙུག་ལག་གི་རྒྱུད་ཆེན་པོ་ལས། དྲེགས་པ་བཅོ་བརྒྱད་ཀྱི་སྲོག་འཁོར་བཤད་པའི་ལེའུ་སྡེ་ཉེར་ལྔ་པའོ།། །།གསང་ཆེན་འཁོར་ལོ་བསྟན་པ་ནི། །གསང་ཆེན་འཁོར་ལོ་ལྔ་ཡིན་ཏེ། །གསང་ཆེན་རིགས་ཆེན་འཁོར་ལོ་ནི། །བདེ་གཤེགས་དང་མ་འདུས་པ་ཡིན། །གཉིས་པར་གསང་ཆེན་ཆུ་འཁོར་རོ། །འདོད་ཆགས་སྒྲོལ་བའི་འཁོར་ལོ་ཡིན། །གསུམ་པར་གསང་ཆེན་མེ་འཁོར་ལོ། །ཞེ་སྡང་སྒྲོལ་བའི་འཁོར་ལོ་ཡིན། །བཞི་པར་གསང་གོ་རླུང་འཁོར་ལོ། །གཏི་མུག་སྒྲོལ་བའི་འཁོར་ལོ་ཡིན། །ལྔ་པར་གསང་ཆེན་སྤྱི་འཁོར་ལོ། །ཆགས་སྡང་འབྱེད་པའི་འཁོར་ལོ་ཡིན། །དེ་ལས་ཤེས་རབ་འཁོར་ལོ་ལྔ། །ཆགས་པའི་སེམས་ཀྱིས་དྲང་བར་བྱ། །གསང་ཆེན་འཁོར་ལོ་གཉིས་སུ་གསུངས། །ཐམས་ཅད་འབྱེད་པའི་འཁོར་ལོ་བཅུ། །ཐབས་དང་ཤེས་རབ་འཁོར་ལོའོ། །འདོད་ཆགས་ཞེ་སྡང་གཏི་མུག་རྣམས། །སྤངས་པས་མུ་སྟེགས་ལམ་དུ་འགྲོ། །མ་སྤངས་དངོས་གྲུབ་གོ་པོ་ཐོབ། །རང་བཞིན་མེད་པར་དེ་ཤེས་ན། །བསད་པ་ཉིད་ཀྱི་བྱང་ཆུབ་འཐོབ། །འདི་ལ་སྤང་བྱ་ཅི་ཡང་མེད། །བླང་བར་བྱ་བ་ཅི་ཡང་མེད། །ཐམས་ཅད་བྱང་ཆུབ་ཆེན་པོ་སྟེ། །གསང་ཆེན་འཁོར་ལོ་བསྙེན་པ་ཡིན། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། གསང་གོ་བསྙེན་པའི་འཁོར་ལོ་བཤད་པའི་ལེའུ་སྟེ་ཉེར་དྲུག་པའོ།། །།གསང་ཆེན་གཉིས་པའི་འཁོར་ལོ་ནི། གསང་ཆེན་འཁོར་ལོ་རྣམ་པ་དྲུག །ཆགས་སྡང་ལྔ་ཡི་འཁོར་ལོ་དང་། །འཕེན་བྱེད་འཁོར་ལོར་བཤད་པ་ཡིན། །གཉིས་པ་ཤེས་རབ་འཁོར་ལོ་ནི། །གསང་བ་བདུན་དུ་བཤད་པ་ཡིན། །དབང་ངོ་གསང་བ་གཅིག་པ་ལ། །རྟགས་པ་ཕབ་ནས་གསང་བ་བསྟན། །གཞན་གྱི་མཐུ་རྣམས་འཇོམས་པར་འགྱུར། །གཉིས་པ་གཉིས་ལྡན་འཁོར་ལོ་ལ། །རྟགས་ལ་ཕབ་ནས་གསང་བ་བསྟན། །དྲོད་དང་འབྲེལ་བར་བྱེད་པའི་སྔགས། །གསུམ་པ་གསང་བ་དངས་མ་སྟེ། །རྟགས་ལ་ཕབ་ནས་གསང་བ་བསྟན། །ས་ཐོབ་རྟགས་རྣམས་འཇིགས་པ་ཡིན། །བཞི་པ་གསང་བ་སྒྲོལ་སྔགས་ཏེ། །ཡི་གེ་སྲོག་ནི་ཡི་གེས་འཛིན། །ལྔ་པ་གསང་བ་འབྱིན་པའི་ལྔགས། །ཡི་གེ་སྲོག་ནི་ཡི་གེས་འཛིན། །དྲུག་པ་འབྱིན་པ་འཛིན་པའི་སྔགས། །ཡི་གེ་སྲོག་ནི་ཡི་གེས་འཛིན། །བདུན་པ་འདུས་པ་དཀྲུག་པ་སྟེ། །ཡི་གེ་སྲོག་ནི་ཡི་གེས་འཛིན། །འཁོར་ལོ་ཁོང་ནས་འཁོར་ལོ་འབྱུང་། །དངས་མའི་འཁོར་ལོ་ཆེར་གསང་བའོ། །ཡི་གེ་ཁོང་ནས་ཡི་གེ་བྱུང་། །དངས་མའི་ཡི་གེ་ཆེར་གསང་བའོ། །འབྱུང་བའི་ཁོང་ནས་འབྱུང་བ་འབྱུང་། །དངས་མའི་འབྱུང་བ་ཆེར་གསང་བའོ། །གསང་ཆེན་འཁོར་ལོ་སྒྲུབ་པ་ཡིན། །རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། གསང་ཆེན་བསྒྲུབ་པ་བཤད་པའི་ལེའུ་སྟེ་ཉེར་བདུན་པའོ།། །།གསང་ཆེན་ལས་ཀྱི་འཁོར་ལོ་ནི། །དངས་མ་འདུས་པ་བཅོ་བརྒྱད་ལ། །གསང་ཆེན་ལས་ཀྱི་འཁོར་ལོ་གསུམ། །དངས་མའི་འཁོར་ལོ་ཆེན་པོ་ཡིན། །འཁོར་ལོ་སྲོག་ནི་འཁོར་ལོས་འཛིན། །ཡི་གེ་སྲོག་ནི་ཡི་གེ་སྟེ། །འདུས་པའི་སྲོག་ནི་ཏིང་འཛིན་ཡིན། །ཏིང་འཛིན་སྲོག་ནི་ཏིང་འཛིན་ཏེ། །བཞི་བཅུ་རྩ་བཞི་འཁོར་ལོ་ཡིན། །སྲོག་འཁོར་ལས་ཆེན་བཅོ་བརྒྱད་དེ། །དྲེགས་པ་བཅུ་ལ་ཡིག་འབྲུ་ལྔ། །གཤིན་རྗེ་ལ་ནི་ཡིག་འབྲུ་གཉིས། །མ་མོ་ལ་ནི་ཡིག་འབྲུ་བཞི། །མུ་སྟེགས་གསུམ་ལ་རུ་ཏྲ་གཉིས། །བདུད་ཕོ་གཉིས་ལ་བདུད་མོ་གཉིས། །འཇིག་རྟེན་ལྷ་ལ་གཉིས་སུ་བསྟན། །སྲིན་པོ་གཉིས་ལ་སྲིན་མོ་གཉིས། །གནོད་སྤྱིན་ཕོ་མོ་གཉིས་གཉིས་ཏེ། །རྒྱལ་པོ་གཉིས་ལ་བཙན་ལ་གཉིས། །དམུ་ལ་གཉིས་ལ་ཐེ་རང་གསུམ། །འགོང་པོ་གསུམ་ལ་དམ་སྲི་གསུམ། །ཀླུ་གཉན་ས་བདག་གསུམ་དུ་འདུས། །དངས་མ་བཅོ་བརྒྱད་འབྲུ་རེ་སྟེ། །གཟིར་བྱེད་ཡི་གེ་འབྲུ་གཉིས་ཏེ། །ཕྲོག་བྱེད་ཡི་གེ་འབྲུ་གསུམ་ཡིན། །གཅོད་བྱེད་མཚོན་ཆ་འབྲུ་བཞི་སྟེ། །མཐར་སྡུད་ལས་ཀྱི་ཡི་གེ་གསུམ། །སྐྱིན་ཐང་སེར་བའི་ཡི་གེ་བརྒྱད། །སྒྲོལ་བྱེད་ཐོག་ལྔ་འབྲུ་ལྔ་སྟེ། །སྒྲོལ་བྱེད་དྲེགས་པ་བཅོ་བརྒྱད་ཀྱིས། །ལུས་ངག་ཡིད་གསུམ་དྲག་པ་སྟེ། ཁ་རླངས་སྤྲིན་དུ་ཆགས་པར་བྱེད། །གཟི་མདངས་གློག་གི་འོད་དུ་འབྱུང་། །རྐན་སྒྲ་དྲག་པོ་འབྲུག་ཏུ་སྒྲོགས། །སྤྲུལ་པ་ཐོག་སེར་སྐྱིན་ཐང་འབེབས། རྡོ་རྗེ་གཙུག་ལག་གི་བཤད་རྒྱུད་ཆེན་པོ་ལས། །གསང་ཆེན་ལས་ཀྱི་འཁོར་ལོ་བཤད་པའི་ལེའུ་སྟེ་ཉེར་བརྒྱད་པའོ།། །།གསང་ཆེན་འཁོར་ལོ་བསྟན་པ་ནི། །རང་བཞིན་དྲག་སྔགས་བསྟན་པ་སྟེ། །ཕྱི་དང་ནང་དང་གསང་བ་དང་། །གསང་ཆེན་དང་ནི་གཏེར་དང་གནས། །ལྔ་གསུམ་ལས་ཀྱི་མཐའ་གསུམ་དང་། །འབྲུ་གསུམ་ལས་རྣམས་བསྒྲུབ་པ་སྟེ། །ཏྲིག་ནན་རྦད། ཏྲིག་ནན་ཕཊ། ཏྲིག་ནན་ནན། །ཐུན་གཟེར་སྐབས་དང་སྦྱར་བར་བྱ། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། གསང་ཆེན་རང་བཞིན་གྱི་ལེའུ་སྟེ་ཉེར་དགུ་པའོ།། །།གསང་ཆེན་འཁོར་ལོ་བསྟན་པ་ནི། །དྲག་པོ་སྔགས་ཏེ་གསང་བའི་གནས། །ཕྱི་དང་ནང་དང་གསང་བ་དང་། །གསང་ཆེན་དང་ནི་གཏེར་དུ་སྦས། །དྲུག་གསུམ་ལས་ཀྱིས་མཐའ་གསུམ་དང་། །རྦད་ཐུན་རྦད། རྦད་རིལ་རྦད། རྦད་ཧུར་རྦད།རྦད་ཐུམ་རྦད། སྐབས་ཀྱི་ཡན་ལག་ཤེས་བར་བྱ་རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། གསང་ཆེན་དྲག་པོའི་ལེའུ་སྟེ་སུམ་ཅུ་པའོ།། །།གསང་ཆེན་འཁོར་ལོ་བསྟན་པ་ནི། །བཙན་ཐབས་སྔགས་ཏེ་གསང་བའི་ལས། །ཕྱི་དང་ནང་དང་གསང་བ་དང་། །གསང་ཆེན་དང་ནི་གཏེར་དུ་གནས། །བདུན་གནམ་ལས་ཀྱི་མཐའ་གསུམ་དང་། །རྦད་ནན་རྦད་ཕཊ། རྦད་ནན་རྦད། རྦད་ནན་ཏྲོག །ཏྲིག་རྦད་ནན། འདི་ནི་སྔགས་ཀྱི་ཡང་སྙིང་སྟེ། །མེད་དུ་མི་རུང་ཀུན་ལ་གཅེས། །རྡོ་རྗེ་གཙུག་ལག་འཁོར་ལོ་གསུམ་པའི་རྒྱུད་ཆེན་པོ་ལས། །གསང་ཆེན་བཙན་ཐབས་ཀྱི་ལེའུ་སྟེ་སོ་གཅིག་པའོ།། །།གསང་ཆེན་འཁོར་ལོ་བསྟན་པ་ནི། །གསང་སྔགས་ཡིག་འབྲུ་བཅུ་གསུམ་པ། །ཐུན་གཟེར་རྩ་བའི་ལས་སུ་བསྟན། །ཨེ་བཛྲ་སརྦ་དུ་་རྦད་ནན། སྭ་རྦ་བི་ཤ་ཏྲི། ཨེ་བཛྲ་སརྦ་བི་ཤ་ཏྲི་རྦད་ནན། །རུ་ཏྲ་རྦད་ཛ། ཕྱི་དང་ནང་དང་གསང་བ་དང་། །གསང་ཆེན་དང་ནི་གཏེར་དུ་གནས། ཁ་བཅིངས་ལ་སོགས་ལས་རྣམས་ལ། །རྩིས་ནི་དྲུག་གིས་བརྩིས་པར་བྱ། །རྡོ་རྗེ་གཙུག་ལག་འཁོར་ལོ་གསུམ་པའི། །བཤད་རྒྱུད་ཆེན་པོ་ལས། །གསང་ཆེན་ཐུན་གཟེར་གྱི་ལེའུ་སྟེ་སོ་གཉིས་པའོ།། །།གསང་ཆེན་འཁོར་ལོ་བསྟན་པ་ནི། །དུག་ལྔ་གཤེད་དུ་དབབ་པ་ཡི། །ཕྱི་དང་ནང་དང་གསང་བ་དང་། །གསང་ཆེན་དང་ནི་གཏེར་དུ་གནས། །རྩ་བའི་ཡིག་འབྲུ་བཅུ་གསུམ་ནི། །ར་ག་དེ་ཝེ། ཤ་མོ་ཧ། མ་ན། ཨི་རི་ཤ་སྨྱོ། རྒྱན་ལྔ་བཏགས་པས་གཤེད་ཏུ་དབབ། །རྒྱན་ལྔ་བཏགས་པས་གཤེད་དུ་བླང་། །དེ་ལ་སྦྱོར་བའི་རྩིས་དྲུག་བྱ། ཁམས་ལྔས་དུག་ལྔ་སྐྱེད་པར་བྱེད། །དུག་ལྔས་ཁམས་ལྔ་སྡེབ་པར་བྱ། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། དུག་ལྔ་གཤེད་དུ་དབབ་བསླང་གི་ལེའུ་སྟེ་སོ་གསུམ་པའོ།། །།གསང་ཆེན་འཁོར་ལོ་བསྟན་པ་ནི། །དུག་གསུམ་གཤེད་དུ་དབབ་ཅིང་བླང་། །ཕྱི་དང་ནང་དང་གསང་བ་དང་། །གསང་ཆེན་དང་ནི་སྦས་པའི་གཏེར། །རྩ་བའི་ཡིག་འབྲུ་བརྒྱད་ཀྱིས་བསྐུལ། ར་ག་དེ་ཝེ། ཤ་མོ་ཧ་སྨྱོ། རྒྱན་གསུམ་བཏགས་པས་གཤེད་དུ་དབབ། །དེ་ལ་རྩ་བའི་རྩིས་དྲུག་ཏུ། ཁམས་གསུམ་དག་དང་དུག་གསུམ་བསྡེབ། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། དུག་གསུམ་བཤེད་དུ་དབབ་བླང་གི་ལེའུ་སྟེ་སོ་བཞི་པའོ།། །།གསང་ཆེན་གདབ་པའི་དྲག་སྔགས་བསྟན། །རྩ་བའི་ཡིག་འབྲུ་དགུ་ཡིས་བསྐུལ། །ཨེ་ནི་དུ་མ་རྭ་མུ་ར་ཡ་ཕཊ། དེ་ལ་སྦྱར་བ་རྒྱལ་པོ་སྡེབ། །ལྔ་བརྒྱ་དུས་ཀྱི་ཐ་མ་ལ། །སྦྱོར་བའི་མན་ངག་གསུམ་གྱིས་གདབ། །གདབ་པའི་གདབ་པ་ཆེན་གསང་བ། །སྦྱོར་བ་རྣམ་པ་ལྔ་དང་ལྡན། །སེམས་ཅན་རིགས་དྲུག་འགྲོ་བ་ལ། །སྦྱོར་བ་བཏགས་ལ་གདབ་པ་སྟེ། །མཁའ་ལ་རྒྱུ་བའི་སེམས་ཅན་དང་། །རི་དྭགས་རྣམས་དང་སེམས་ཅན་ལ། །གདབ་པའི་སྔགས་ཀྱིས་ཚད་དང་ལྷ། །འཇིག་རྟེན་ཁམས་ཀྱི་རྐུན་མོ་རྣམས། །བཅིངས་ཏེ་རངས་པར་བྱ་བ་ནི། །ཨ་ཏི་རྦད་ཅེས་སྦྱོར་བ་སྡེབ། །ཉི་ཟླ་གསད་པའི་སྦྱོར་བ་ནི། །སྲུརླ་རྦད་ཐུམ་རིལ།ཙན་དྲ་རྦད་རིལ། དེ་ལྟར་སྦྱོར་བ་བརྩམས་ཙམ་གྱིས། །མངོན་སུམ་ཚད་པའི་རྟགས་རྣམས་འབྱིན། །ཉི་ཤུ་རྩ་གཅིག་གྲངས་ཚང་བས། །རྫས་གཏོར་འཕྲོས་པས་འཕྲལ་དུ་འཆི། །རྡོ་རྗེ་གཙུག་ལག་འཁོར་ལོ་གསུམ་པའི་རྒྱུད་ཆེན་པོ་ལས། གདབ་པའི་དྲག་སྔགས་བསྟན་པའི་ལེའུ་སྟེ་སོ་ལྔ་པའོ།། །།གསང་ཆེན་ལུང་བསྟན་ནམ་མཁའ་བརྒྱད། །ཨེ་ཕཊ། ཨེ་ཛ། ཨེ་སྨྱོ། ཨེ་རྦད། ཨེ་ནན། ཨེ་རོལ། ཨེ་ཐུ༷་ཨེ་ཏྲིག །དེ་ལས་ཆེ་བས་སུམ་ཅུ་གཉིས། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། ལུང་བསྟན་ནམ་མཁའ་བརྒྱད་ཀྱི་འཁོར་ལོ་བསྟན་པའི་ལེའུ་སྟེ་སོ་དྲུག་པའོ།། །།གསང་ཆེན་ལུང་བསྟན་རླང་ཆེན་བརྒྱད། །ཡ༷་ཕཊ། ཡ༷་ཛ། ཡ༷་སྦྱོ། ཡ༷་རྦད། ཡ༷་ནན། ཡ༷་རིལ། ཡ༷་ཐུལ་ཡ༷་ཏྲིག །དེ་ལས་ཕྱེ་བས་སུམ་ཅུ་གཉིས། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། གསང་ཆེན་ལུང་བསྟན་རླུད་ཆེན་བརྒྱད་ཀྱི་འཁོར་ལོ་བསྟན་པའི་ལེའུ་སྟེ་སོ་བདུན་པའོ།། །།གསང་ཆེན་ལུང་བསྟན་ཆུ་ཆེན་བརྒྱད། །བ༷་ཕཊ། བ༷་ཛ། བ༷་སྨྱོ། བ༷་རྦད། བ༷་ནན། བ༷་རིལ། བ༷་ཐུ༷། བ༷་ཏྲིག །དེ་ལས་ཕྱེ་བས་སུམ་ཅུ་གཉིས། །རྡོ་རྗ་གཙུག་ལག་འཁོར་གསུམ་པའི་བཤད་རྒྱུད་ཆེན་པོ་ལས། གསང་ཆེན་ལུང་བསྟན་ཆུ་བརྒྱད་ཀྱི་ལེའུ་སྟེ་སོ་བརྒྱད་པའོ།། །།གསང་ཆེན་མེ་བརྒྱད་འཁོར་ལོ་མེ་ཆེན་བརྒྱད། །ར༷་ཕཊ། ར༷་ཛ། ར༷་སྨྱོ། ར༷་རྦད། ར༷་ནན།ར༷་རིལ། ར༷་ཐུ༷། གསང་ཆེན་ལུང་བསྟན་ས་ཆེན་བརྒྱད། །སུ༷་ཕཊ། སུ༷་ཛ། སུ༷་སྨྱོ། སུ༷་རྦད། སུ༷་ནན། སུ༷་རིལ། སུ༷ ཐུ༷། སུ༷ཏྲིག །དེལསཕྱེབས་སུམ། བཤད་རྒྱུད་ཆེན་པོ་ལས། གསང་ཆེན་ལུང་བསྟན་ས་བརྒྱད་ཀྱི་ལེའུ་སྟེ་བཞི་བཅུ་པའོ།། །།གསང་ཆེན་དུས་ཀྱི་འཁོར་ལོ་བསྟན། །འབྱུང་བ་ལྔ་ཡིས་ཕྱེ་བ་ཡི། །ལོ་ནི་བཅུ་གཉིས་བསྟན་པ་ལ། །འབྱུང་བ་ལྔས་ཕྱེ་དྲུག་ཅུར་འགྱུར། །རླུད་རྟ་དབང་ཐང་སྲོག་ལུས་དང་། །སྐྱེས་སྨེ་སྐར་མ་སྦྱར་བ་ནི། །ལོ་ཟླ་ཉི་མ་དུས་ཚོད་སྙིང་། །གཟུང་ལ་དགྲ་བགེགས་འདུལ་བར་བྱ། །རེ་རེ་རྟེན་འབྲེལ་ལྔ་ཚང་བས། །འདུས་པའི་དྲག་སྔགས་ལྔས་བརྡེག་བྱ། །རླུད་རྟ་འགོ་ནས་གཟིར་བྱེད་གཉིས། །ཏྲིག་ནན། དབང་ཐང་སྐྱེས་ནས་འཕྲོག་བྱེད་གསུམ། ཧུར་ཐུམས་ཛ། སྲོག་གི་སྙིང་ཁར་གནས་པ་སྟེ། །རང་བཞིན་དྲག་པོ་བཙན་ཐབས་གསུམ། །ཏྲིག་ནན་ཧཱུཾ༷་ཕཊ། རྦད་ནན་ཕཊ། ཙིསྟ་རྦད་ནན། ལུས་ནི་ལྟེ་བ་ན་གནས་ཏེ། །འཁོར་བ་བརྩད་གཅོད་ཡིག་འབྲུ་དགུ། །ཙིསྟ་རྦད་ཐུམ་རིལ། མ་ར་ཡ་རྦད། ཀེ་སྨེ་འཛོམ་པ་གསང་གནས་ཏེ། །ཨོ་མྱ་ར་ཡ་ཛ་ཧཱུཾ༷་ལྭ་ར་ཡ་སྨྱོ། ཨེ་མུ་ར་ཡ། དེ་ལ་གསང་བའི་ལས་ལྔ་སྡེབ། དེ་ཡི་སྣ་ཚོགས་འཁོར་ལོ་འགྲུབ། །ལས་རྣམས་ཀུན་ལ་སྦྱར་བར་བྱ། །གསང་བའི་རྩིས་སུ་ངས་ལུང་བསྟན། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། ལུང་བསྟན་གྱི་འཁོར་ལོ་སྣ་ཚོགས་བསྟན་པའི་ལེའུ་སྟེ་ཞེ་གཅིག་པའོ།། །།གསང་ཆེན་མུ་ར་ཡ་ཡི་གཟེར། །འཇིག་རྟེན་འབྱུང་བའི་གཟེར་དུ་བསྟན། །དང་པོ་འབྱུང་བ་རླུད་གི་གཟེར། །དབུས་སུ་ཡ་ལ་གཡས་སུ་མ། །ཕཊ་ནས་བཟུང་ནས་ར་ལ་གཏུག །བར་དུ་རྦད་བཅུ་རླུད་གི་གཟེར། །གཉིས་པ་མེ་ཡི་གཟེར་གདབ་སྟེ། །ཡ་སར་ར་ལ་ར་སར་ཡ། །མ་ནས་བཟུང་ནས་ཕཊ་ལ་གཏུག །རྦད་གཉིས་བར་དུ་བཅུག་པའོ། །གསུམ་པ་འབྱུང་བ་ཆུ་ཡི་གཟེར། །ར་སར་ཕཊ་ལ་ཕཊ་སར་ར། །ཕཊ་ནས་བཟུང་ནས་ཡ་ལ་གཏུག །ཡ་ནས་གཟུང་ནས་ར་ལ་གཏུག །རྦད་གཉིས་བར་དུ་མ་བཅུག་པ། །གསད་པ་དྲག་པོ་བཙན་ཐབས་ཡིན། །བཞི་པ་འབྱུང་བ་ས་ཡི་གཟེར། །ཕཊ་སར་ནན་ལ་ནན་སར་ཕཊ། །ཕཊ་ནས་བཟུང་ན་ཡ་ལ་གཏུག །ཡ་ནས་བཟུང་ན་ར་ལ་གཏུག །མཚོན་ཆའི་ཡི་གེ་ནན་བཅུག་སྟེ། །རྦད་གཉིས་བར་བཅུག་བཞག་བྱ་བ། །གཟེར་བ་དྲག་པོ་བཙན་ཐབས་ཡིན། །དང་པོ་རང་བཞིན་དཀྲུགས་པ་ལ། །ནད་ནི་རླུང་ནད་ལྟ་བུ་འོང་། །གཉིས་པའི་རང་བཞིན་དཀྲུགས་པ་ལ། །ནད་ནི་ཚ་བ་མྱོས་པ་འོང་། །གསུམ་པའི་རང་བཞིན་དཀྲུགས་པ་ལ། །ནད་ནི་གཟེར་ནད་དྲུག་ཅུ་འོང་། །བཞི་པའི་རང་བཞིན་དཀྲུགས་པ་ལ། །ནད་ནི་བྱིང་འགྱུར་སྐད་མི་ཐོན། །རང་བཞིན་དཀྲུགས་དང་དྲག་པོར་དཀྲུགས། །བཙན་ཐབས་དཀྲུགས་པར་ཤེས་པར་བྱ། །སྟོབས་ཉམས་དཀྲུགས་པ་རང་བཞིན་ཏེ། །དགྲ་གཤེད་དཀྲུགས་པ་དྲག་པོར་འགྱུར། །བཟློག་པའི་དཀྲུགས་པ་བཙན་ཐབས་ཡིན། །རྡོ་རྗེ་གཙུག་ལ་འཁོར་ལོ་གསུམ་པའི་བཤད་རྒྱུད་ཆེན་པོ་ལས། མ་ར་ཡ་གསང་བའི་གཟེར་གྱི་ལེའུ་སྟེ་ཞེ་གཉིས་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། འཁོར་འདུས་པ་ལ་མཚན་ཉིད་ལྔ་དང་ལྡན་པར་གཟིགས་ཏེ། མཚན་ཉིད་གསུམ་དང་ལྡན་པའི་ཨུཏུ་ལ་ལྟ་བུ་དང་། མཚན་ཉིད་གསུམ་དང་ལྡན་པའི་པདྨ་དཀར་པོ་ལྟ་བུ་དང་། མཚན་ཉིད་བཞི་དང་ལྡན་པའི་པདྨ་དམར་པོ་ལྟ་བུ་དང་། མཚན་ཉིད་ལྔ་དང་ལྡན་པའི་ཙན་དན་ལྟ་བུ་དང་། མཚན་ཉིད་བདུན་དང་ལྡན་པའི་རིན་པོ་ཆེ་ལྟ་བུ་ལ། རང་གི་མཚན་དང་སྦྱར་བའི་དོན་གསང་ང་ངངང་་ང་ང་ཆེ་ངཅེངརྟེངརྟེང་ང་བའ་རྒྱུད་དན་རྣམས་ཟུང་ཞག །གསང་བའ་རྒྱ་བདུན་གྱ་དན་ཁྲལ་ཅག །ནར་བུ་རན་པ་ ་ལྟར་ཆངས་ཤག ། ས་བཀའ་སྩལ་པས། འཇག་ ན་ལས་འདས་པ་དང་འཇག་ ན་པའ་འཁར་རྣམས་ཡད་རངས་ཏ།བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་ལས། རྒྱུད་ཡོངས་སུ་གཏད་པ་དང་རྗེས་སུ་ཡི་རང་བའི་ལེའུ་སྟེ་ཞེ་གསུམ་པའོ།། །།རྡོ་རྗེ་གཙུག་ལག་འཁོར་ལོ་གསུམ་པའི་བཤད་རྒྱུད་ཆེན་པོ་རྫོགས་སོ།། །།