Ngb-pt-0858-vol-09-text
Front
Body
རྒྱ་གར་སྐད་དུ། བོད་སྐད་དུ། ཀུ་མ་ར་ཛ་སྐུ་མངོན་དུ་དབྱུང་བ་ཆེ་མཆོག་འཇིགས་བྱེད་ངན་སྔགས་ཀྱི་རྒྱུད་ཅེས་བྱ་བ། འཇིག་རྟེན་ཐར་བྱེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། །རི་མ་ལ་ཡའི་རྩེ་མོ་གནམ་ལྕགས་ཀྱི་ཐོག་འབབ་པ་ཐོད་པ་དམར་ནག་གི་གཞལ་ཡས་ཁང་ན། །སྒྲོལ་བའི་གིང་དང་། འཛིན་གིང་ཆེན་པོ་ཡབ་ཅིག་སྐུ་མཆོག་དམར་པོ་དང་། སྲིང་མོ་ཆེན་མོ་རྟག་ཏུ་སྲོག་གཅོད་པ་ལ་དགའ་བའི་ཨེ་ཀ་ཛ་ཏི་དང་། བདུད་ཕོ་མོ་མིང་སྲིང་གི་ཚོགས་ལ་ལ་ནི་འཛིན་གིང་བྱེད། ལ་ལ་ནི་སྒྲོལ་བའི་གིང་བྱེད། །མ་མོའི་ཚོགས་ནི་རོ་ལ་དགའ་ཞིང་དུར་ཁྲོད་ཀྱི་ཤ་ཟ། སྲོག་གཅོད་པ་ལ་དགའ་བའི་མ་མོ་རྣམས་དགྲ་བོའི་སྲོག་ལ་དབང་བྱེད་པར་བསྒོས་སོ། །དེའི་ཚེ་དེའི་དུས་ན་མ་མོ་ཨེ་ཀ་ཛ་ཏི་ལ་འཛིན་པའི་གིང་གཉིས། སྒྲོལ་བའི་གིང་བཅོ་ལྔས་བསྐོར་ཏེ། །སྒྲོལ་གིང་ཆེན་པ་་ཧུ་རི་ནི་དམ་ཚིག་གི་ཏིང་འཛིན་པར་བསྐོས་སོ། །ཧཱུཾ༷་ཏི་ཀ་ཞེས་བྱ་བ་ནི་གཞན་གྱི་གཡུལ་ཟློག་པར་བསྐོས་སོ། །པ་ར་ཏ་རི་ཞེས་པ་ནི་བདུད་གཅོད་པར་བསྐོས་སོ། །ཀུན་ཏུ་རྒྱུ་ཞེས་བྱ་བ་ནི་སྲོག་གཅོད་པར་བསྐོས་སོ། ཁུ་ཧུ་ཙ་ཞེས་བྱ་བ་ནི་རྐུ་བར་བསྐོས་སོ། །པ་ཤ་ཀ་ཞེས་བྱ་བ་ནི་ལྷ་དང་འབྲེལ་བར་བསྐོས་སོ། །དུ་ན་པ་ལི་ན་ཞེས་བྱ་བ་ནི་ཕོ་ཉ་རུ་བསྐོས་སོ། ཁུ་ལེ་ལག་དགུ་ཞེས་པ་ནི་གསོད་པའི་ཁྲམ་ཐོགས་སུ་དབང་བསྐུར་རོ། །འགོང་པོ་སྤུན་བདུན་ནི་མགྱོགས་བྱེད་ལས་ཀྱི་གིང་བྱ་བར་བསྐོས་སོ། །འཛིན་གིང་གི་ཁ་བློན་པ་ནི་མ་མོ་དང་ལུས་དང་གྲིབ་མ་བཞིན་གནས་ཏེ་སྐོས་རྗེ་དྲང་དཀར་ཞེས་བྱའོ། །མོ་ཁྲོས་ན་ཕོ་བཅོས་དགོས་ཏེ། ལུག་ནག་པོ་ལྕགས་རུ་འམ། ཡང་ན་དཀར་པོ་དུང་རུ་ལ་དར་སྣ་ཚོགས་ཀྱིས་བརྒྱན་ལ་མདོས་ཀྱིས་བསྐང་ངོ་། །ཕོ་ནན་ལྟར་ཁྲོས་ན་མོ་བཅོས་དགོས་ཏེ། །བྱ་ལུག་སྨུག་ནག་དང་། བམ་མཚན་དང་ལྡན་པས་བསྐང་ངོ་། །དེས་མ་སྐོངས་ན་གསལ་བའི་དམ་རྫས་དང་། །གུ་རུའི་བྱང་ཆུབ་སེམས་ཀྱིས་བསྐང་ངོ་། །དེ་ནས་ཐོད་པ་དམར་ནག་བདུད་ཕོ་མོ་རུ་བསྒྲུབ་པར་བྱའོ། །ངན་སྔགས་སྐུ་མ་རྭ་ཛ་སྐུ་མངོན་དུ་དབྱུང་བ་ཆེ་མཆོག་འཇིགས་བྱེད་ངན་སྔགས་ཀྱི་རྒྱུད་ལས། གླེང་གཞིའི་ལེའུ་སྟེ་སྐབས་དང་པོའོ།། །།དེ་ནས་སྦྱིན་སྲེག་གི་ལེའུ་འདི་གསུངས་སོ། །དང་པོ་རྟགས་རྣམས་མོའི་བྱུང་བ་དང་། །ཕོ་ལ་དགྲ་རྟགས་ཐོན་པར་བྱ། །དེ་ཡང་དང་པོ་ཡུངས་ཀར་བསྣུན། །དེ་ནས་ཕུར་བུ་གནས་བདུན་གདབ། །དེ་ནས་ལིང་ག་མེ་ལ་བསྲེག་པར་བྱའོ། །དེའི་དྲག་སྔགས་ཡིག་འབྲུ་བཅུ་བདུན་པ་འདི་གསུངས་སོ། །གིང་ཀ་ར་གིང་ཀ་ར། རག་ཤ་རག་ཤ །སྙིང་ལ་དྲལ། སྲོག་ལ་ཡ༷་ཡ༷ མ་མ་ར་མོ་རག་མོ་ཐུམ་ལིངས། སྲོ་ལ་ཡ༷་ཡ༷་ཛ་ལ་ར༷། ལིང་ག་ཆ་གཉིས་བྱ་སྟེ། ཕོ་ལྟོར་དང་མོ་ལྟོར་དུ་བསྲེག་པར་བྱའོ། །སྔགས་ནི་ཕོ་རྐྱང་ལ་བཟླས་པར་བྱའོ། །མ་མོ་ལ་འབུལ་བའི་དུས་སུ་མོའི་སྔགས་རྣལ་དྲང་ངོ་། །ཕོ་ནི་འདི་ཇི་བཞིན་ནོ། །དེ་ནས་གཏོར་མ་ནི་དགྲ་ངོས་འཕངས་ཉེ་བར་སྐྱེལ་ལོ། །འཛིན་གིང་ཆེན་པོ་ཡབ་ཅིག་སྐུ་མཆོག་དམར་པོ་དང་། །འཁོར་གྱི་གིང་བརྒྱད་དང་བཅས་པ་ལ་འདིས་བསྟོད་དོ། །ཧཱུཾ༷། ཡབ་ཅིག་སྐུ་མཆོག་དམར་པོ་ནི། །བཞུགས་ནི་ནམ་མཁའི་དཀྱིལ་ན་བཞུགས། །དབུ་ལ་གསེར་གྱི་རྒྱན་ཐོད་བཅིངས། །ཕྱག་ནི་ཐུགས་ཀྱི་དཀྱིལ་ནས་འབྱིན། །གཡུ་ཡི་མཆེ་བ་སྔོན་པོ་གཙིགས། །ཕྱག་ན་གཡུ་གྲི་སྔོན་པོ་བསྣམས། །ཡས་ཀྱི་མཆེ་གཙིགས་བྲང་གི་ལྷེང་རྣར་ཟུག །མས་ཀྱི་མཆེ་གཙིགས་སྨིན་མའི་ཁུགས་སུ་ཟུག །སྐུ་ལ་ཞིང་ཆེན་གསར་རྙིང་གསོལ། །ཟས་སུ་པདྨའི་མ༷་ས་ཟ། །སྐོམ་དུ་པདྨའི་རག་ཏ་ཐུང་། །མ༷་ས་བཞི་བརྒྱའི་ཁྲི་ལ་བཞུགས། །མ་མོ་བརྒྱ་ཡི་དབུས་ན་འགྱིང་། །མཁའ་འགྲོ་ཀུན་གྱི་གཙོ་མོ་མཛད། །འཕྲ་མེན་རྣམས་ཀྱི་རྫོང་དང་བཅས། །ལྷ་ཆེན་བརྒྱད་ཀྱི་མགོ་བཅད་ནས། །བན་དྷ་བརྒྱད་ནི་རག་ཏས་བརྒྱན། །རུ་ཏྲ་བརྒྱད་ནི་འཁྲུལ་ཅིང་གསོལ། །དེ་ཡི་འཁོར་ན་ཅི་ཕན་ན། །མགྱོགས་བྱེད་ཆེན་པོ་སྲིན་པོ་ཤ་ཞུན་ཅན། །མང་ཀ་ལ་དང་ཤང་ཀ་ལ། །སྟག་ཆས་ཅན་དང་གཟིག་ཆས་ཅན། །སྔོ་ནག་གཟི་ཆེན་དགྲ་ལ་ཆོ། །གྲགས་པ་ཆེན་པོ་དགྲ་ལ་ཆོ། །བདུད་འདུལ་ཆེན་པོ་དགྲ་ལ་ཆོ། །ཆོ་ཆོ་ཤར་ནས་ཆུ་ཀུན་ཆོ། །ལྷོ་ནས་ཕོད་ཀུན་ཆོ། །ནུབ་ནས་དྲིད་རྩོད་དམར་ཀུན་ཆོ། །བྱང་ནས་ནིར་ཀུན་ཆོ། མཚམས་སུ་ཨག་ནེ་ཆོ། པ་ནེ་ཆོ། རམ་ན་ཆོ། ཛ་ལ་ར༷་ཆོ། ཉ་ཏི་བ་ཏི་ཆོ། འཁར་ཏི་ཆོ། ཧ་ཏི་ཆོ། ག་་པོ་ཡ༷་ཡ༷། སྒྲོལ་གིང་ཡ༷་ཡ༷། མ་རུ་རྩེ་ལས་ལ་ཡ༷་ཡ༷། དུ་ཡ་ཀྲི་ཏི་ས་མ་ཡ་ཡ༷་ཡ༷། གྲིང་ཀ་ར་གིང་ཀ་ར། རག་ཤ་རག་ཤ །ཡག་ཤ་གྲི་བ། ཡག་ཤ་གྲི་བ། ཧ་ཧ་རུ་ལུ་ཧ་ཧ་རུ་ལུ། ཀར་མ་རག་ཤ་ཧྲིང་ཀར་མ་རག་ཤ་ཧྲིང་། ཞེས་བསྐུལ་ན་ལས་མྱུར་དུ་བྱེད་པར་འགྱུར་རོ། །སྐབས་གཉིས་པའོ།། །།དེ་ནས་ཐོད་པ་དམར་པོའི་བཅའ་ཐབས་འདི་གསུངས་སོ། །གཙང་ཞིང་དར་བའི་ཐོད་པ་ལ། །གྲུ་གསུམ་བདུན་ནི་ཐོད་མཐའ་བསྐོར། །ཡ་རྐན་ཕོ་ལ་མར་རྐན་མོ། །གྲི་མོའི་སྙིང་ཆེན་གཤགས་ནས་ནི། །ཕོ་མོའི་འཁོར་ལོ་ལིང་ག་བྲི། ཁུས་ཆེན་བཙེམས་ཏེ་ཐོད་པའི་ཁ། །མ་མོ་ཉིད་དམིགས་ཞལ་དུ་བཏབ། །དབང་བསྐུར་ལིང་ག་ཁར་བཅུག་གུར་ཕུབ་ཨེ་དབུས་བཞག །འབྲུབ་ཁུང་བསྲེགས་པའི་ལིང་ག་ནི། །སྐོས་རྗེའི་ཡི་གེ་དགུ་པའི་སྐོར། །སྔོན་དམར་སྐུད་པས་གདབ་ཕུར་གཉིས་ལ་གཏོད། །དེ་ནི་ཐོད་ནག་དྲུང་དུ་བཞག །དེ་ནི་དགྱིང་དགུའི་འགྱིང་ཕུར་ཡིན། །གྲུ་གསུམ་ལིང་ག་ཨེ་དབུས་གདན། །དབང་བསྐུར་གྲུ་གསུམ་ལོགས་ལ་བཞག །དེ་ལ་ཐོད་པ་བདུན་བདུན་བྲི། །དུར་ཁྲོད་མཚན་ངན་ཐོད་པ་ལ། །ལིང་ཀུན་སོལ་ཆེན་དམེ་ཁྲག་སྦྱར། །དེ་ཡིས་ནག་པོར་བྱུག་པར་བྱ། །ཉི་ཤུ་རྩ་ལྔ་ཕས་ཤར་ནས། །གྲུ་གསུམ་ལིང་ག་ཐོད་པར་གཞུག །གིང་དགུ་རྦད་དེ་གཟེར་སྔགས་ཉུངས་ཀར་བསྣུན། །རྩ་དགུའི་ནུབ་མོ་ཕུར་གདབ་བསྲེག །བཅོ་བརྒྱད་ཤར་ནས་ཞག་བདུན་བསྒྲུབ། །ཧཱུཾ༷་བཛྲ་མཧྭ་ཡག་ཤ་མ་རུ་རྩེ་ཧཱུཾ༷་ཡ། ཨོ་བཛྲ་ཨ་པ་ཏ་ལོ་ཀི་ཏེ་ཡ་ན་མང་ཤོ་ཧྲི་ལྟི། སྙིང་ཁ་ལ་རག་ཤ །ག་དུ་ན་ག་དུ་ན། ཨེ་གེ་ནི་བོད། ཏྲི་ཁ་རླངས་མ་རུ་ཏྲ། ཧཱུཾ༷་ཏུ་ཐུ༷་རུ་ལུ་རུ་ལ་མ་ཧིང་སྨྱོ། དེ་ཡི་གྲུབ་རྟགས་ཤར་བ་ནི། ་༑་ན་མང་པོ་གསོ་བ་དང་། །སྐྱེས་པ་ཆས་བཟང་པོ་འདུ་བའམ། །མཐའ་ཡི་མི་རུ་འོང་ཞིང་བསྒོ་བ་ཉན། ཁྲ་དང་སྤྱང་ཁུ་སྲོག་ཆགས་གསོད། །རང་གི་བྲན་ཁོལ་ལས་བྱེད་ན། །འདི་དག་བཟང་བར་བཤད་པ་ཡིན། །བཙུན་པ་མང་པོ་བྱུང་བ་ནི། །མི་འགྲུབ་འཁོར་ལ་གཟན་པ་ཡིན། །འབད་རྩོལ་ཕྱང་སྟེ་ཐུགས་དམ་བསྐུལ། །དེ་ཡང་གསང་མདོས་ཙ་ར་དཀར་དམར་དང་། །ཨུ་པ་དཀར་ནག་ཐུགས་དམ་བསྐང་། །དགྲ་རྟགས་རྣམས་ནི་གཞན་དང་མཐུན། །མོ་ཡི་རྟོགས་ཀྱང་དེ་བཞིན་ནོ། །ཕོ་བསྒྲུབ་པའི་འཐེམས། །ན་མོ་རྟགས་འབྱུང་། གྲུབ་ནས་ཕོ་མོ་ཉིན་མཚན་བཟླས། །མནན་པ་ཐོད་པ་ནག་པོ་སྲ །རྒྱ་གྲམ་ལམ་དུ་སྲོག་སྔགས་གཉིས་དང་འབྲིལ་བར་མནན། །ཕོ་མོའི་བར་དུ་ལིང་ག་འབྲེལ་བར་མནན། །རྣལ་འབྱོར་དམ་ཚིག་མ་ཉམས་ན། །ངེས་པར་མྱུར་དུ་འགྲུབ་པ་ཡིན། །གལ་ཏེ་མ་གྲུབ་དམ་ཅན་དེས། །དམ་ཚིག་གཉིས་པ་ཡིན་པར་ན། །རང་ཕུང་བརླག་པར་གདོན་མི་ཟ། །དེ་ཕྱིར་དམ་ཚིག་གཙོ་རུ་བླངས། །ཚེས་གཅིག་ཤར་ནས་བཅུ་བདུན་པར། །བར་ཆོད་བསལ་ཏེ་མ་མོ་འགྲུབ། །གྲུབ་རྟགས་གཞན་གཞུང་ཀུན་དང་མཐུན། །སྐབས་གསུམ་པའོ།། །།དེ་ནས་གིང་དགུ་གནད་ལ་དབབ་པ་འདི་གསུངས་སོ། །རབས་ཆད་ཐོད་པ་ཚན་ངན་ལ། །སྲོག་སྔགས་རིང་པོ་བྲི་བར་བྱ། །མཐོ་གང་གྲུ་བཞིའི་སྟེགས་བུ་བརྩིགས། །དེ་སྟེངས་གསང་ཕྱེ་ལས་བྱས་པའི། །འཛིན་གིང་མཐོང་གང་གཟུགས་བརྩིགས་ཏེ། སྲོགས་སྔགས་དེ་བཞིན་སྙིང་ཀར་གདགས། །རས་སམ་ཤོག་བུའི་འཕེན་བདུན་གདགས། །འཛིན་གིང་འོག་ཏུ་གིང་བརྒྱད་རང་སྔགས་གཞུག །གིང་ཀ་ར་པ་ཏི་ཡ། ཏྲི་ཡ༷་རག་ཤ་ཡ་ཏྲི། གུར་ན་ཏྲི་ཛ། པ༷་ཏྲི། ཤོ་ན་ཏྲི། པ་ཏྲ་པ་ཏྲ་སྨྱོ།དེ་ནས་བྱང་ཤར་མཚམས་སུ་དོང་གྲུ་གསུམ་བྲུས་ལ་གཟུགས་བྱང་བཅུག་ལ། སྟེང་ནས་ཐོད་པས་དགབ་བོ། །མིས་མི་རྙེད་པར་སྦས་ལ་གཞག་གོ །སྐབས་བཞི་པའོ།། །།་་་ དེ་ནས་གིང་ཕོ་དགུ་མོ་དང་བཅུ། སྤྱི་སྒྲུབ་དང་དགོས་སྒྲུབ་གཉིས་སུ་ཤེས་པར་བྱའོ། །དེ་ཡང་སྤྱི་སྒྲུབ་ནི་བསད་པ་ཞལ་གྱི་སྒྲུབ་ཐབས་སོ། །ཕོ་སྒྲུབ་ནི་འདི་ལྟར་ཤེས་པར་བྱའོ། །ཐོད་པ་འགལ་མ་འགལ་མ་བྲལ་བ་ལ་ཁ་སོ་ཁྲག་གིས་བྱུགས་ལ། །ནང་དུ་དགྲའི་ལིང་ག་གཞུག །གཅན་གཟན་གྱི་ཁྲག་གིས་དམར་པོ་བྱུག །བྱི་ཁྲའི་སྙིང་དང་སྤྱང་ཀུའི་སྙིང་དང་། སྲིན་བྱའི་སྙིང་དང་། འུག་པའི་སྙིང་དང་། མི་གྲི་རུ་ཤི་བའི་སྙིང་དང་། དེ་རྣམས་ཀྱི་ནང་དུ་གཟེར་སྔགས་བྲིས་ཏེ། ཕྱོགས་བཞི་རུ་སྙིང་གི་ནང་དུ་བཅུག་ལ་གདགས་སོ། །སྤྱི་གཙུག་སྙིང་ཆེན་ལ་མོ་སྔགས་འབྲེལ་བར་གདགས་སོ། །དེ་ནས་གསད་པའི་ལས་བྱའོ། །ཐ་མར་དགྲ་རྟགས་བྱུང་ནས་མནན་པའི་ལས་བྱའོ། །དེ་ནས་བདུད་ཆམ་ལ་དབརྦ་པའི་དྲག་སྔགས་འདི་གསུངས་སོ། །ཀུན་ཏུ་རྒྱལ་བ་ཞེས་བྱ་བ། །བདུད་གཅོད་པའི་གིང་། འཆི་བ་ཐམད་ཅད་ཀྱི་བདུད་ཀྱི་བདུད། ཐམས་ཅད་ལ་གནོད་པར་སྦྱོར་བས།བདུད་ཐམས་ཅད་ཀྱི་སྲོག་ཀུན་ལས་རྒྱལ་བས་ཀུན་ཏུ་རྒྱལ་བ། ཐམས་ཅད་ཀྱི་སྲོག་དང་མདངས་འཕྲོག་པས་སྔོ་ནག །གཟི་ཆེན་ཞེས་བྱ་བ་དེ་ལས་ཐ་མར། །དེ་སྲོག་གཅོད་པར་བསྐུལ་ལོ། །དེ་ཡི་མཚང་ཚིག་དྲག་སྔགས་བདུན། །རྒྱལ་པོའི་མཚོན་ཆ་འཁོར་བ་འདྲ། །སྐྱ་རེངས་ཟེར་ལ་གཏོར་མ་ནི། ཨ་མྲི་ཏ་དང་ཆང་དུ་སྦྱར། །དྲག་སྔགས་འདི་བཟླས་བདག་རྒྱལ་འགྱུར། །དགྲ་རྣམས་བརླག་པར་གནོད་མི་ཟ། །ཞེས་དྲག་སྔགས་བདུན་པ་འདི་སྨྲས་སོ། །གིང་ཀ་ར་པ༷་ཏི་ན་ཛི། པ་ཏྲ་པ་ཏྲ་ཡ༷་ཏྲ༷་ཛ། ཡག་ཤ་ཡག་ཤ་སྲོག་ལ་ལྷ། མ་རེ་ཡ༷་ཏི་དྲི་ཛ་ཛ། ཀྲོ་ཏ་ནི་དྲི་ཧྲོ་ཏ་ནི། བདུད་ཡ་ཡ་ཁྲག་ཏི་ཡ༷་ཡ། གུར་ཏྲི་ལང་ཏྲི་ཡ༷་ཛ། ཞེས་རྒྱུན་དུ་དྲང་ངོ་། །ཞེས་གསུངས་པ་དང་། གིང་རྣམས་ཡི་རང་བར་གྱུར་ཏོ། །ཀུ་མ་ར་ཆེ་མཆོག་འཇིགས་བྱེད་ཀྱི་རྒྱུད་ལས་སྐབས་ལྔ་པའོ།། །།ཀུ་མ་ར་ངན་སྔགས་ཆེ་མཆོག་འཇིགས་བྱེད་ཀྱི་རྒྱུད་ཅེས་བྱ་བ་རྫོགས་སོ།། །།།་་ ། །བདག་འདྲའི་གཡར་དམ་ངན་སྔགས་སྙིང་པོ་དམ་པ་འདི། གུ་རུ་དེ་བ་ཙན་ཏྲའི་ཐུགས་མཛོད་ལས་ཞག་བདུན་བར་དུ་གཏན་ལ་ཕབ། །ཡིག་ཆུང་བསྒྲུབ་ཡིག་དང་བཅས་དྲགས་ལུང་། །དམ་པར་མཐོང་སྟེ་གཏན་ལ་དབབ། །འཛམ་གླིང་དབུས་ན་ཤིན་ཏུ་དཀོན། །གཏད་པའི་གནས་མེད་གཏེར་དུ་སྦས། །སྐལ་མཆོག་ལས་རབ་ཅིག་དང་འཕྲད་པར་ཤོག །གུ་རུ་འཕྲུལ་གྱི་གཤོག་རྒོད་རྩལ་དང་། །རྡོ་རྗེ་ཡང་དབང་གཏེར་གྱིས་བསྒྱུར་ཞིང་ཞུས་ཏེ་གཏན་ལ་ཕབ་པའོ།། །།དམར་པོ་ལྕམ་དྲལ་གྱི་རྒྱུད་ཅེས་བྱའོ། །སྤྱིར་རྒྱུད་འདི་དམར་པོ་ལྕམ་དྲལ་དུ་སྒྲུབ་པའི་རྒྱུད་ཡིན་ཏེ། །ཐོད་པ་དམར་ནག་གསད་པ་ཞལ་གྱི་དཀྱིལ་འཁོར་གྱི་ཕོ་རྒྱུད་དུ་ཡང་འགྲོ་སྟེ། ཐོད་པ་དམར་ནག་གསད་པ་ཞལ་གྱི་དཀྱིལ་འཁོར་སྤ་དྲོ་སྐྱེར་ཆུར་སྦས་སོ། །འདིར་མ་སྨོས་སོ། །འདིར་དམར་པོ་ལྕམ་དྲལ་གྱི་བསྒྲུབ་ཐབས་ཆུང་ངུ་འདི་དང་། ཕོ་མོ་ཁྲོས་ན་བསྐང་ལུགས་འདི་ནི་གསལ་པ་ཡིན་ཏེ། གནད་ཤིན་དུ་ཆེའོ། །གཟུས་སྟོན་རིན་ཆེན་རྒྱལ་པོའི་མཚོན་ཆའོ།། །། རྒྱ་གར་སྐད་དུ། བ་ལ་པ་ཏྲ་བྷ་ལས་ཛི་ཏནྟྲ་ནཱ་མ།