Ngb-pt-0853-vol-09-text
Front
Body
རྒྱ་གར་སྐད་དུ། བྷ་ག་བཱན་གུ་རྒྱ་རྙོ་ན་ཤཱང་ཧེ་རུ་ཀ་མ་ཧྭ་ཀྭ་བཱ་ཙི༔ ཤཱང་མ་ཧྭ་ཀྭ་ལ་བྷན་ཀརྨ་ཏནཏྲ་ཀྭ་ལ་ནཱ་མ། བོད་སྐད་དུ། བཅོམ་ལྡན་འདས་གསང་བ་ཡ་་ཤེས་ཀྱང་ཁྲོ་བོ་དཔལ་ཆེ་མཆོག་ཧེ་རུ་ཀའི་སྐུ་གསུང་ཐུགས་ཀྱང་སྤྲུལ་པ། དཔལ་མ་ནིང་ནག་པོའང་ལས་རྒྱུད་ཅེས་བྱ་བ། བཅོམ་ལྡན་འདས་རྡོ་རྗ་ཆོས་ལ་ཕྱག་འཚལ་ལོ། ། བྲ་ །འདི་སྐད་བདག་གངས་ཐོས་པའི་དུས་གཅངག་ན། བཅོམ་ལྡན་འདས་དཔལ་ཀུན་བཟང་ཆེ་མཆོག་ཧེ་རུ་ཀ་ཆོས་དབྱངངས་སྐྱ་་བ་མེད་པའི་ངང་ལ་སྙོམས་པར་བཞུགས་སོ། །དའི་ཚེ་ཡུམ་ཆེན་མོ་ཀུན་ཏུ་བཟང་མོ་གནམ་ཞལ་དབྱངངས་ཕྱུག་མ། རོལ་པ་འགག་པ་མེད་པའི་ངང་ལས་བཞེངས་ཏ་།ཡབ་ལ་འདི་སྐད་ཅེས་གསོལ་ཏོ། །ཀྱ་་ཀྱེ་ཀྱ་། ཡབ་ཅངག་ཀུན་བཟང་ཧེ་རུ་ཀ །དཔའ་བོ་དཔལ་ཆེན་ཆེ་བའི་མཆོག །ཕྱོགས་བཅུ་དུས་བཞང་བད་་བར་གཤགས། །འདུལ་བྱ་ད་ཁྲག་འཐུང་གར་གྱང་བདག །རོལ་པ་ཆེན་པོའི་ཏིང་ངེ་འཛིན་གྱངས། །སྤྲུལ་པ་བྱ་་བ་དཔག་མེད་འགྱ་ད། །འོག་མངན་བྱ་་བའི་གནས་མཆོག་འདིར། །ང་ཡང་བྷ་ག་ཡངས་པ་འདིར། །བླ་མེད་མཆོག་གང་བད་བ་སྐྱེ། །དུས་གསུམ་སངས་རྒྱས་འཕྲངན་ལས་མཆོག །སྦྱོར་སྒྲོལ་སྤྲུལ་པའི་དུས་ལ་བབ། །ས་མ་ཧོ། ས་མ་ཡ་སྟུ༷། ཨེ་ཧོ་ར་ག་ཡ་མི། ཞེས་གླུ་བླངས་ཏེ་བསྐུལ་བས། ཆོས་ཉིད་ཀྱི་ས་མ་ཏི་ལས་བཞེངས་ཏེ་དགྱས་པ་ཆེན་པོ་བསྐྱེད་ནས། སྐུ་གསུང་ཐུགས་ལས་སྤྲུལ་པ་བྱེ་བ་ཕྲག་མང་པོ་ཕོ་ཉ་དང་བཅས་པ་བཀྱེ་ནས། ཡུམ་དང་གཉིས་སུ་མེད་པར་རོལ་བ་མཛད་དོ། །དེའི་ཚེ་སྤྲུལ་པའི་ཏིང་ངེ་འཛིན་ལ་སྙོམས་པར་བཞུགས་སོ། །དེའི་ཚེ་སྐུ་གསུང་ཐུགས་ལས་འོད་ཟེར་མང་པོ་འཇིག་རྟེན་ཁམས་སྟེང་འོག་ཤར་ལྷོ་ནུབ་བྱང་ལ་སོགས་མཚམས་གདྷ་ཀླུང་གི་བྱེ་མ་ཐམས་ཅད་བཀང་སྟེ། འཇིག་རྟེན་ཐམས་ཅད་འགུལ་འགུལ། ལྡེག་ལྡེག ཆེམ་ཆེམ། འུར་འུར། ཤིག་ཤིག ཡོམ་ཡོམ། ཤར་ནུབ་ལྷོ་བྱང་མཐའ་དབུས་མཐོ་དམན་ཅན་དུ་གཡོས་པར་གྱུར་ཏོ། །སླར་འོད་ཟེར་ཚུར་འདུས་པར་གྱུར་ཏེ་སྤྱི་གཙུག་ཏུ་ཐིམ་ནས། དེ་ནས་ཡབ་ཡུམ་སྦྱོར་མཚམས་ནས་འཆོལ་བའི་ཁྲོ་བོ་ཆེན་པོ་བརྒྱད་སྤྲུལ་ཏེ། སྐུ་གསུང་ཐུགས་ནས་ཁྲོ་བོ་འཆོལ་བ་གསུམ་སྤྲུལ་ཏོ། །གཞན་ཡང་སྤྱི་གཙུག་ནས་སྐུའི་མགོན་པོ་སྤྲུལ། མགྲིན་པ་ནས་གསུང་གི་མགོན་པོ་སྤྲུལ། སྙིང་ཁ་ནས་ཐུགས་ཀྱི་མགོན་པོ་སྤྲུལ། ལྟེ་བ་ནས་ཡོན་ཏན་གྱི་མགོན་པོ་སྤྲུལ། གསང་བ་ནས་འཕྲིན་ལས་ཀྱི་མགོན་པོ་སྤྲུལ་ཏེ། ཀུན་ཀྱང་སྒྱུ་མ་རྣམ་པར་སྤྲུལ་པ་ཞེས་བྱ་བའི་ངང་ལས་སྤྱོད་དོ། །དེའི་ཚེ་བསྐལ་པ་དང་པོའི་རུ་ཏྲ་གདུག་པ་ཅན་རྣམས་སེམས་ཅན་ལ་འཚེ་བར་གྱུར་ཏོ། །དེ་ཡང་འདི་ལྟ་སྟེ། ཨ་ཀར་ཤ་རུ་ཏྲ་དང་། མ་ཏྲ༷་ཀ་རུ་ཏྲ་དང་། ཀླུ་ཁ་ཏྲང་ཀ་རུ་་་གསུམ་མོ། །གཞན་ཡང་བདུད་རུ་ཏྲ་ནག་པོ། སྲིན་པོ་རུ་ཏྲ། གནོད་སྤྱིན་རུ་ཧྲ། གཟའ་རུ་ཏྲ། ཀ་ཏྲ༷་ཀ་རུ་ཏྲ། མ་སངས་རུ་ཏྲ། བཙན་རུ་ཏྲ། མོ་རྒྱུད་རུ་ཏྲའོ། །དེ་རྣམས་ཀུན་ལ་གནོད་ཅིང་འཚེ་བར་གྱུར་ཏོ། །གཞན་ཡང་བདུད་ཀྱི་སྡེ་ཚོགས་བྱེ་བ་ཕྲག་མང་པོ་འཁོད་བར་གྱུར་ཏོ། །དེའི་ཚེ་ཡུམ་ཁྲོ་མོ་གནམ་ཞལ་མས་སྟན་ལས་ལངས་ཏེ་འདི་སྐད་ཅེས་གསོལ་ཏོ། །ཀྱེ། ཀྱེ་ཀྱེ་ཆེ་མཆོག་ཧེ་རུ་ཀ །ཐུགས་རྗེ་ཆེན་པོ་འགྲོ་བའི་མགོན། །སེམས་ཅན་ཀུན་གྱི་མགོན་གཅིག་པོ། །འདུལ་དཀའ་མ་ལུས་གདུལ་བ་པོ། །དཔའ་བོ་བདུད་དགྲ་འདུལ་བ་པོ། །སངས་རྒྱས་བསྟན་པ་བསྲུང་བ་དང་། །དཀོན་མཆོག་དབུ་འཕངས་བསྟོད་པ་དང་། །སེམས་ཅན་བདེ་ལ་འགོད་པའི་ཕྱིར། །རུ་ཏྲ་བདུད་ཀྱི་དཔུང་ཚོགས་སྡེ། །དཔའ་བོ་ཆེན་པོས་འདུལ་དུ་གསོལ། །ཅེས་ཞུས་སོ། །དཔའ་བོ་ཡབ་ཀྱིས་བཀའ་སྩལ་པ། །ཉོན་ཅིག་གནམ་ཞལ་ཁྲོ་མོ་ཡུམ། །དེ་དོན་ཁྱོད་ཀྱིས་ཞུས་པ་ལེགས། ། སྔོན་ཚེ་འདས་དུས་དང་པོ་ལ། །བདག་ཉིད་ཆེན་པོ་རྟག་པ་ཡིས། །དེ་བཞིན་གཤེགས་པའི་གསུང་རབ་ལ། །ཆོས་ཉིད་ཞི་བས་མི་འདུལ་བའི། །དེ་ཚེ་བདུད་དང་སྲིན་པོ་རྣམས། །ཁྲོ་བོ་གར་གྱིས་འདུལ་བར་བྱ། །ཁྲོ་བོ་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་འཕྲོས་པས་ཀྱང་། །འཇིག་རྟེན་ཀུན་ཀྱང་སྲེག་བྱེད་དེ། །སངས་རྒྱས་ཐུགས་རྗེ་འཕྲོས་པ་ཡིས། །ཁམས་གསུམ་མ་ལུས་སྨོས་ཅི་དགོས། །རྡོ་རྗེ་སེམས་དཔའ་དེ་བཞིན་གཤེགས། །དམ་ཚིག་ལས་སྡང་རྣམས་བསྒྲལ་ཕྱིར། །དུར་ཁྲོད་གར་གྱི་ཕྱག་རྒྱར་གསལ། །ཧུ༷་ཧུ༷་ཧུ༷། ཨོ༷་བཛྲ་མ་ཧྭ་ཀྲོ་དྷ་ཤི་ཧེ་རུ་ཀ་ཕཊ། མ་ཧྭ་ཀྲོ་དྷི་ཤྭ་རི་སྟུ༷། དེའི་ཚེ་དཔལ་ཆེན་སྤྲུལ་པ་རྣམས་དང་། རུ་ཏྲེརེ་བདུད་རྣམས་སྟོབས་འགྲན་པར་གྱུར་ཏོ། །ཞལ་གཅིག་ཕྱག་གཉིས་པ་དང་། ཞལ་གསུམ་ཕྱག་དྲུག་པ་དང་། དབུ་དགུ་ཕྱག་བཅོ་བརྒྱད་པ་དང་། དབུ་ཉི་ཤུ་རྩ་གཅིག་ཕྱག་བཞི་བཅུ་ཞེ་གཉིས་པ་ལ་སོགས་པའི་སྤྲུལ་པ་འགྲན་པར་གྱུར་ཏོ། །དེའི་ཚེ་དཔལ་ཆེན་པོས་སྙིང་རྗེས་བསྒྲལ་བ་ཞེས་བྱ་བའི་ཏིང་ངེ་འཛིན་ལ་བཞུགས་སོ། །དེའི་ཚེ་བདུད་དང་རུ་ཏྲ་བྲེད་དེ་བྲོས་སོ། །རྒྱུགས་ཕྱོགས་བཅུ་ཀུན་ཏུ་བྲོས་ཀྱང་མ་ཐར། མ་ལ་ཀའི་ཡུལ་རི་གནམ་ལྕགས་མ་ལ་ཡའི་རྩེར་འདུས་སོ། །དེར་སྡེ་དང་དཔུང་དང་བཅས་པ་རྣམས་ད་རུང་རྩོད་པར་འདོད་དོ། ། དེའི་ཚེ་དཔལ་ཆེན་པོས་ཐབས་ཀྱིས་རུ་ཏྲོརེ་སྡེ་དཔོན་དུ་སྤྲུལ་ནས། རུ་ཏྲའི་ཆུང་མ་ཀྲོ་དྷི་ཤྭ་རི་མ་ལ་ཆགས། ཡིད་ཀྱིས་བདེ་བར་རོལ་ཏོ། །དེ་ནས་རུ་ཏྲའི་ཆུང་མ་ལ་བུ་ཆགས་ཏེ། ཁྲོ་བོ་ལྗང་ནག་ཞལ་གསུམ་པ་ཅིག་བྱུང་སྟེ།རུ་ཏྲོརེ་བུར་བརྫུས་ནས་ཕྱག་དྲུག་པ་བེང་ཐོགས་པ། གསང་བདག་དཔལ་ཆེན་དངོས་ཀྱི་རུ་ཏྲ་ཆེན་པོས་མ་ཏྲ༷་མགོ་ལ་བེང་བརྒྱབ་པས། མགོ་ཚལ་པ་ལྔར་སོང་བར་བསྒྲལ། ཁོག་པ་སྒྲུ༷་ལས་གཞལ་ཡས་ཁང་དུ་གྱུར།རུ་ཏྲོརེ་སེམས་ཉིད་གདན་དུ་བཏིང་ནས་དམ་ལ་བཏགས། རུ་ཏྲའི་འཁོར་དེ་ཕོ་ཉ་རང་གི་འཁོར་དུ་བཀོད། དེའི་ཚེ་དཔལ་ཆེན་པོའི་བྱིན་རླབས་ཀྱིས། བདུད་རིགས་རུ་ཏྲ་ཐམས་ཅད་བཏུལ། སྐུའི་མགོན་པོས་ཀ་ཏྲ༷་རུ་ཏྲ་བཏུལ། གསུང་གི་མགོན་པོས་ཁ་ཏྲ༷་རུ་་་བཏུལ། ཐུགས་ཀྱི་མགོན་པོས་མ་ཏྲ༷་རུ་་་བཏུལ། ཡོན་ཏན་གྱི་མགོན་པོས་ཕོ་རྒྱུད་རུ་ཏྲ་བཏུལ། འཕྲིན་ལས་ཀྱི་མགོན་པོས་མོ་རྒྱུད་རུ་ཏྲ་བཏུལ། དེ་ཚེ་དཔལ་ཆེན་ཧེ་རུ་ཀས། །ལྷ་སྲིན་སྡེ་བརྒྱད་འདུལ་བའི་ཕྱིར། ། འཆོལ་བའི་ཁྲོ་རྒྱལ་སྟོབས་པོ་ཆེ། །མཧྭ་ཀྭ་ལ་དྲག་པོས་ཏེ། །མ་ནིང་མཆེད་གསུམ་སྐུ་གསུང་ཐུགས། །དཔལ་ཆེན་བརྒྱད་ཀྱི་སྤྲུལ་པས། །ལྷ་སྲིན་སྡེ་བརྒྱད་ལ་སོགས་པའི། ། བདུད་སྡེ་དཔུང་ཚོགས་འདུལ་བའི་ཕྱིར། །ཡོངས་རྫོགས་དཔལ་དགུའི་དགོངས་པ་སྐྱེད། ། བདེ་གཤེགས་ཞི་ཁྲོ་ཡོངས་རྫོགས་པའི། །སྲོག་སྙིང་མཐར་ཐུག་འདི་བརྗོད་དོ། །ལྷ་སྲིན་སྡེ་བརྒྱད་ལ་སོགས་པའི། །ཨོ་བཛྲ་མ་ཧྭ་ཀྲོ་དྷ་ཤི་ཧེ་རུ་ཀ་ཧུ༷་ཕཊ། མ་ཧྭ་ཀྲོ་དྷི་ཤྭ་རི་སྟུ༷། ཨོ་རུ་ལུ་རུ་ལུ་ཧཱུཾ་སྨྱོ་ཧུ༷་ཕཊ། ཨོ་ཨ་ཀྲོ་ཏེ་ཀ་ཡ་མརྙ་ཀ་ཧ་ན་མ་ཏ་བརྫི་ཧུ༷་ཕཊ། ཨོ་བཛྲ་མ་ཧྭ་ཀྲོ་དྷ་ཧ་ཡ་གྲོ་བ་ཧུ༷། ཧུ་ལུ་ཧུ་ལུ་ཧུ༷་ཕཊ། ཨོ་བཛྲ་ཀི་ལི་ཀི་ལ་ཡ། སརྦ་བིག་ནན་བ༷་ཧུ༷་ཕཊ། ཨོ་གུ་རྒྱ་ཙྭ་ན་ཤི་ཧེ་རུ་ཀ་ཧུ༷་ཕཊ། གུ་རྒྱ་ཀྲོ་དྷ་ཤྭ་རི་སྟོ། ཨོ་མ་ཧྭ་གུ་རུ་སརྦ་སིརྙི་ཧུ༷་ཕཊ། ཨོ་བཛྲ་ཙཎྜ་སརྦ་དུ་ཛི༷་ཧུ༷་ཕཊ། ཨོ་བཛྲ་སརྦ་དུཛི་ན་ཨེ་ཛ་སྨྱོ་ཧུ༷་ཕཊ། ཅེས་བཟླས་པས་སྲིད་རྩ་བདག་ཏུ་འཛིན་པའི་རུ་ཏྲ་རྣམ་གསུམ་དང་། སྡེ་བརྒྱད་ལ་སོགས་བདུད་དམག་བྱེ་བ་དུང་ཕྱུར་ཐམས་ཅད་བཏུལ་ལོ། །ཐུལ་ལོ། །ཚར་གཅད་དོ། །ཆོད་དོ། །ལ་ལ་བསྒྲལ་ཏེ་གདན་དུ་བཏིང་། ། ལ་ལ་བསྒྲལ་ཏེ་རྩིག་པར་བརྩིགས། །ལ་ལ་བསྒྲལ་ཏེ་ཐོག་ཕུབ་བྱས། །ལ་ལ་བསྒྲལ་ཏེ་ཀ་བར་བཙུགས། །ལ་ལ་བསྒྲལ་ཏེ་ཀ་ཞུར་བཀོས། །ལ་ལ་བསྒྲལ་ཏེ་ཀ་གདན་བཏིང་། །ལ་ལ་བསྒྲལ་ཏེ་དམ་ལ་བཏགས། །ཨེ་ཞེས་བརྗོད་པས། རུ་ཏྲེརེ་སེམས་ལས་ནམ་མཁའ་ཆོས་འབྱུང་སྲིད། །ཡ༷་ཞེས་བརྗོད་པས། མ་ཏྲ༷་སྦུགས་ལས་དམ་ཚིག་སྒྲོན་མ་སྲིད། །ར་ཞེས་བརྗོད་པས། མ་ཏྲེ་ཁྲག་ལས་མ་མ་ཀི་རུ་སྲིད། །སུ་ར་ཅེས་བརྗོད་པས།ཤ་ལྤགས་ལས་སངས་རྒྱས་སྦྱན་མ་སྲིད། །ཀེ་ཞེས་བརྗོད་པས། ཀེང་རུས་རི་རབ་གྲུ་བཞི་སྲིད། །ར༷་ཞེས་བརྗོད་པས། ཡུམ་ཆེན་གོས་དཀར་སྲིད། །བྲུ༷་ཞེས་བརྗོད་པས། ཁོག་པ་དུར་ཁྲོད་ཆེན་པོའི་གཞལ་ཡས་ཁང་ནང་གླིང་དགུར་ཡོད་པ། ཕྱི་རིན་པོ་ཆེའི་རྩིག་པ་འཇའ་ཚོན་རིས་སུ་ཡོད་པ། ཕྱི་དུར་ཁྲོད་ཐོད་པའི་མཁར་ཆེན་པོ་རྩེ་མོ་ལྟར་མི་མངོན་པ། ཐོད་པ་སྐམ་རློན་གྱི་ཕག་ཐབས་སུ་བརྩིགས་པ། དུར་ཁྲོད་ཀྱི་རྒྱན་སྣ་ཚོགས་ཀྱིས་བཏབ་པ། གནམ་ལྕགས་ཀྱི་གཟེར་བཏབ་པ། ཕྱོགས་སྐྱོང་བཅུས་རྩིག་པར་བརྩིགས་པ། ཀླུ་རིགས་བཞི་ཕོ་མོས་ཀ་གདན་བྱས་པ། ལྷ་ཆེན་བརྒྱད་ཀྱི་ཀ་བ་བཙུགས་པ། གཟའ་ཆེན་བརྒྱད་ཀྱི་ཀ་གཞུ་བྱས་པ།རྒྱུ་སྐར་རྣམས་ཀྱི་དྲལ་ལྕམ་བྱས་པ། རུ་ཏྲེརེ་པགས་པས་ཐོག་ཕུབ་པ། མི་མགོའི་ཏོག་གིས་བརྒྱན་པ། ཐོད་ཚལ་གྱི་དྲི་བསསྦྲསཔ། ཙིལྟིའིཕོལྟོསབརྒྱན་པ། ཤ་ཆེན་ཁྲག་ཆེན་གྱི་ཞལ་ཞལ་བྱས་པ། ཕྱི་མེ་རླུང་འཚུབ་མའི་ཀློང་། ནང་དུར་ཁྲོད་ཐོད་མཁར་གྱི་དབུས་སུ། རུ་ཏྲ་ཀྲོ་དྷི་སྟི་ར་བ༷། ཞེས་སྲིད་རྩ་བདག་འཛིན་གྱི་རུ་ཏྲ་ཆེན་པོ་བསྣོལ་བ་དེའི་སྟེང་དུ། མ་སྲུབྱ་མཎྜལ་ཞེས་པ་ཉི་མའ་གདན། ཨ་ཙནྟྲ་མཎྜལ་ཞེས་པ་ཟླ་བའི་གདན། པ༷་པདྨ་མཎྜལ་ཞེས་པ་པདྨའི་གདན། དེའི་སྟེང་དུ་དཔལ་ཆེན་ཡོངས་རྫོགས་ཆེ་མཆོག་ཧེ་རུ་ཀ་ཉིད། སྐུ་ཕྱག་རྒྱ་ཆེན་པོ་ཟིལ་གནོན་ཆོས་སྐུ་ལོངས་སྐུ་སྤྲུལ་སྐུ་གསུམ་གྱི་ངང་ལས་རྩལ་ཆེན་འཕྲིན་ལས་མཛད་པའི་ཕྱིར། ཡེ་ཤེས་ཀྱི་མགོན་པོ་མ་ནིང་ནག་པོ་ཞལ་གཅིག་ཕྱག་གཉིས་པ། གཡས་པ་འཁོར་བའི་བདུད་དམག་རུམ་བཟློག་པའི་ཕྱིར་མཚོན་མདུང་རིང་བསྣམས་པ། གཡོན་པ་རུ་ཏྲ་ཕྱུང་ནས་ཞལ་དུ་གསོལ་བ། ཆོས་སྐུ་ལོངས་སྐུ་སྤྲུལ་སྐུ་གསུམ་ལྡན་ཕྱིར་སྤྱན་གསུམ་གྱེན་ཐུར་ཐད་ཀར་གཟིགས་པ། རབ་ཏུ་འཇིགས་པའི་ཁྲོ་བོ་སྨིན་མས་བསྡུས་ཤིང་སྤྱན་ཟློག་པ། ཤངས་གཉེར་བ། ཞལ་གདངས་པ། མཆེ་བ་གཙིགས་པ། ཤིན་ཏུ་གཏུམ་ཞིང་སྲོག་ལ་རྔམ་པ། ཆོས་སྐུ་ལོངས་སྐུ་སྤྲུལ་སྐུ་མི་འགྱུར་རྡོ་རྗེའི་མངོན་པར་བྱང་ཆུབ་པ་ལྔ་གནོན་པའི་བརྡར་རིན་པོ་ཆེའི་སྲོག་ཞུ་ལྔ་ཡོད་པ། ཨ་ཀར་རུ་ཏྲའི་ཐོད་སྐམ་ལྔས་དབུ་ལ་བརྒྱན་པ། ཀླུ་ཁ་ཏྲ༷་ཁ་རུ་ཏྲ་བཏུལ་ནས་སྦྲུལ་ནག་པོའི་རལ་པས་བརྒྱན་པ། མ་ཏྲ༷་བསྒྲལ་པའི་ཙན་དན་གྱི་བེང་སྐེད་ལ་བཙུགས་པ། བེང་གི་ནང་ལྷ་དང་ལྷ་མིན་སྡེ་བརྒྱད་ཐམས་ཅད་འདུལ་བའི་དམག་ཚོགས་བྱེད་བ་འགྱེད་པ། བདུད་ཐམས་ཅད་བསྒྲལ་བའི་མགོ་སྙིང་འཕྲེང་བར་བརྒྱུས་ཏེ་སྐུ་ལ་བརྒྱན་པ། ཀླུ་ཐམས་ཅད་བསྒྲལ་ཏེ་སྦྲུལ་གྱི་ཆུན་པོར་བྱས་པ། དར་ནག་གི་བེར་གསོལ་བ། གསེར་ག་རིན་ཆེན་སྐེད་ལ་བཅིངས་པམི་ལྤགས་ཀྱི་གཡང་གཞི་སྟོད་དུ་བཅིངས་པ་ཅིག་ཏུ་སྤྲུལ་ཏེ། དེའི་ཞལ་ནས། ཧུ༷་ཧུ༷་ཧུ༷། ཨོ་བཛྲ་མཧྭ་ཀྲོ་དྷ་ཤི་ཧེ་རུ་ཀ་ཧུ༷་ཕཊ། ཅེས་བརྗོད་པས་རུ་ཏྲ་ཐུལ་ཏེ་སྲོག་གི་སྙིང་པོ། རྙོ་ནཱ་མ་ཧྭ་ཀྭ་ལ། ཨེ་སྒྲི་ག་བྷ་ན་སྟུ་པ་ར༷་སིརྙི་དུ་བེང་ནི་རུ་པ་སརྦ་ཧོ། ཞེས་མདོངས་གསོལ་དུ་ཕུལ་ཏེ་དམ་ལ་བཏགས། བསྟན་པ་བསྲུང་བར་ཁས་བླངས། ས་མ་ཡ་ཨི་ཏན་ཏེ་ན་ར་ཀན་ཞེས་དམ་སྒྲགས། ཡེ་ཤེས་ཀྱི་མགོན་པོ་ལས་མགོན་མཐུའི་རྩལ་ཆེ་བས་སྲོག་བདུད་དུ་དབང་བསྐུར་རོ། །དཔལ་ཆེན་ཆེ་མཆོག་ཧེ་རུ་ཀ་དངོས་ཀྱི་སྤྲུལ་པ་མ་ནིང་ལས་རྒྱུད་ནག་པོ་ལས། གླིང་གཞིའི་ལེའུ་ལས་རུ་ཏྲ་སྡེ་གསུམ་བདུད་དམག་དང་བཅས་པ་བཏུལ་བའི་ལེའུ་སྟེ་དང་པོའོ།། །།དེའི་ཚེ་རི་གནམ་ལྕགས་མ་ལ་ཡའི་རྩེར། གནས་དུར་ཁྲོད་ཐོད་མཁར་འབར་བའི་དབུས་ན། དཔལ་ཆེན་དངོས་སྤྲུལ་མ་ཧྭ་ཀ་ལ་གསུང་བའི་ཁྲོ་རྒྱལ་སྟོབས་པོ་ཆེ། སྨེ་བརྩེགས་མ་ནིང་འཆོལ་བའི་བུ་ནག་པོ་ཆེན་པོ་ལ། འཁོར་དུ་གསང་བའི་བདག་པོ་ལ་སོགས་པ་བྱང་སེམས་རིགས་འཛིན་གྱི་ཚོགས་དང་། མ་ཧྭ་དེ་བ་ལ་སོགས་པ་ལྷའི་འཁོར་དང་། ཕྱུ་དང་དབང་ཕྱུག་ཆེན་པོ་དང་། མུ་སྟེགས་རུ་ཏྲ་བཏུལ་བའི་ལྷག་མ་དང་། གཞན་ཡང་བདུད་པོ་ཁྲམ་ཐོགས་ཀྱི་འཁོར་དང་། ཤན་པ་གྲི་ཐོགས་ཀྱི་འཁོར་དང་། ནག་པོ་ཟོར་ཐོགས་ཀྱི་འཁོར་དང་། ནག་པོ་མཚོན་ཐོགས་ཀྱི་འཁོར་དང་། སྒྲོལ་བྱེད་དར་ཐོགས་ཀྱི་འཁོར་དང་། ཡི་དྭགས་འདྲེ་སྲིན་གྱི་འཁོར་ལ་སོགས་པ་མང་པོ་དང་ཐབས་ཅིག་ཏུ་བཞུགས་སོ། །དེའི་ཚེ་ནག་པོ་ཆེན་པོ་གཟི་བརྗིད་ཀྱིས་ཉི་མ་དང་ཟླ་བ་ཡང་ཐོད་མཁར་གྱི་ལོགས་ལ་ཏ་ལ་ལ། མེ་རླུད་ཚུབ་མ་ཡང་ཐོད་མཁར་གྱི་རྩེ་ལ་འུ་རུ་སྲ དུག་མཚོ་ཁོལ་མ་ཡང་ཐོད་མཁར་གྱི་རྨང་ན་ཆི་ལི་ལི། དེའི་ནང་ན་སྤྲུལ་ནག་མང་པོ་འཁྱུག་པ། དོམ་ནག་ཁྱི་ནག་མང་པོ་ངུར་བ། ལྕགས་སྤྱང་ཅེ་སྤྱང་མང་པོ་འདུར་བ། བྱ་ནག་མང་པོ་འཐིབ་པ། གཡག་རོག་མང་པོ་ངུར་བ། རྟ་ནག་མང་པོ་འཚེར་བ། མོན་པ་ཕོ་མོ་གར་བྱེད་པ། ལིང་པས་མདའ་འཐེན་པ། བྱ་རོག་ཤ་འཐོག་པ། འུག་པ་རྐན་འདེབས་པ། ཐུན་གྱི་སེར་བ་འབབ་པ། རླུད་ནག་ཚུབ་མ་འཁྱིལ་བ། མི་ལྤགས་གཡབ་མོ་གཡོབ་པ། འགོང་པོ་མང་པོ་ངུ་བ། འདྲེ་ངན་མང་པོ་སྐད་འདོན་པ། དེ་ལྟ་བུའི་དབུས་ན་སྲོག་བདུད་དུ་སྤྲུལ་ནས་བཞུགས་སོ། །དེའི་ཚེ་བྲང་གི་སྤྱན་གསུམ་གྱི་སྟེང་ལྷའི་སྲིད་པ། འོག་ཀླུའི་སྲིད་པ། བར་མིའི་སྲིད་པ་རྣམས་གཟིགས་པས། ལྷ་དང་ལྷ་ཡིན་རྣམས་འཐབ་པ་ལ། ཐུགས་རྗེའི་འོད་ཟེར་དབང་པོ་བརྒྱ་བྱིན་ལ་འཕོག་པས། བརྒྱ་བྱིན་མངོན་པར་ཤེས་ཏེ། དུར་ཁྲོད་ཆེན་པོ་ཐོད་མཁར་གྱི་དབུས་ན་ཡེ་ཤེས་ཀྱི་མགོན་པོ་སྤྲུལ་པ་སྲོ་ག་བདུད་ཆེན་པོ་དེ་སྤྱན་དྲངས་ལ། དམག་དཔོན་བཅོལ་ན་རུང་སྙམ་ནས། ལྷ་ཀར་རྟི་ཀའི་བུ་མོ་།་མ་དེ་བ་བྱ་བ་སྤྱན་འདྲེན་དུ་གཏང་བས། ཐབས་ཀྱི་སྤྱན་འདྲོངས་སོ། །དེ་ནས་ལྷ་རྣམས་ཀྱིས་ཆོས་བཟང་ལྷའི་མདུན་སར་ཕྱག་བྱས། རྣམ་རྒྱལ་ཁང་བཟངས་སུ་མཆོད་པ་ཆེན་པོ་བྱས་སོ། །ཤིང་ཡོངས་འདུ་ ས་བརྟོལ་གྱི་རྩར་ལྷའི་བུ་མོ་བྱེ་བ་ཕྲག་མང་པོས་མཆོད་པ་བྱས་སོ། །རྡོ་ཨ་མོ་ལི་ཀའི་སྟེང་དུ་ལྷའི་བུ་མོ་བྱེ་པ་ཕྲག་མང་པོས་མཆོད་པ་བྱས་སོ། །ལྷའི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་ཚལ་ཆེན་པོ་བཞིར་མཆོད་པ་བྱས་སོ། །མགོན་པོ་བདུན་ཅུ་རྩ་གཉིས་ཀྱིས་བྲན་བྱེད་པར་ཁས་བླངས་མཆོད་པ་ཆེན་པོ་ཡང་བྱས་སོ། །དེར་ལྷ་རྣམས་ཀྱིས་དམག་དཔོན་དུ་མངའ་གསོལ་འོ་། །ཟས་ཀྱང་ལྷའི་བདུད་རྩི་གསོལ་འོ་། །ལྷ་མོ་ཨུ་མ་དེ་བ་དང་གཉིས་མ་ཆགས་ཡིད་ཀྱིས་རོལ་ཏེ། བུ་ཚ་མིང་སྲིང་གཉིས་སྐྱེས་ཏེ། བུ་ལེགས་ལྡན་ནག་པོ། །བུ་མོ་དཔལ་ལྡན་ལྷ་མོ་རེ་མ་ཏིར་མིང་བཏགས་སོ། །དེའི་ཚ་མ་ནིང་སྲོག་བདུད་ནག་པོ་དམག་ཆས་སུ་ཞུགས་ཏེ། ཕྱག་གི་ཉྭ་ལྷུ་གཉིས་དང་། ཞབས་ཀྱི་བྱིན་ལྷུ་གཉིས་དང་བཞི་དང་། སྤྱན་བཞི་ལས་དམག་དཔོན་ཆེན་པོ་བཞིའོ། །པྲ་མ་རྭ་ཛ། ཡ་མ་རྭ་ཛ། ནཱ་ག་རྭ་ཛ། ཨག་སེ་རྒྱལ་བ་རྣམས་སྤྲུལ་ཏོ། །རྟ་ནག་པོ་རྟིང་དཀར་ལ་ཞོན་པ། ཉི་ཟླའི་ཟེར་དང་དཀར་ཆེན་གྱི་འོད་འཕྲོག་པ།སྟག་རལ་གཟིག་ཤུགས་གཡས་གཡོན་ལ་བཏགས་པ། བདུད་མདའ་དགྲ་སྙིང་གཟེར་ཞིང་གླིང་བཞི་ཡུད་ལ་བསྐོར་བ། སྦྱན་ནས་ཁྲག་འཛག་པ། ཞལ་ནས་མེ་འབར་བ། ཕྱག་གཡས་གྲི་གུག །གཡོན་ལྕགས་པར། ཁ་ཊ༷་མཆན་ཁུང་དུ་བཅུག་པ། སྣང་སྲིད་ཀྱི་ཕོ་རྒྱུད་ཐམས་ཅད་ཕོ་ཉར་འགྱེད་པ། རྟག་པའི་ཁུང་བུ་ནས་ཁྲོ་བོའི་སྤྱན་གཟིགས་པ། མ་ཚོགས་ཐམས་ཅད་དམག་ལ་འགྱེད་པ། ཉི་མ་བྱང་ཤར་མཚམས་ཀྱི་གནོད་སྤྱིན་ཆེན་པོ་བརྒྱད་ནི། ལྕགས་ཀྱི་བྱ་ཁྲ་བརྒྱད་དུ་སྤྲུལ་ནས་དགྲའི་ཤ་ཁྲག་ལ་རྔམ་པ། སྔོན་ལ་འགྲོ་ཞིང་དམ་ཚིག་ཉམས་པ་ཐམས་ཅད་ཀྱི་གཡེན་པ་མཛད་ཅིང་གཡས་ཀྱི་ཕྱོགས་ནས་ལྡིང་བ། ལྷོ་ཕྱོགས་ཀྱི་གཤིན་རྗེ་ཆེན་པོ་བརྒྱད་ནི། སྟག་གཟིག་དོམ་སྤྱང་ཁྱིར་སྤྲུལ་ནས་ཕྱིར་འབྲང་ཞིང་ཕྱིའི་དགྲ་བགེགས་འདུལ་བ། ལྷ་མ་སྲིན་གྱི་བུ་མོ་ནམ་མཁའི་གློག་མ་སྲིན་རྡུལ་དུ་རློག་པ། གདུག་པའི་ཀླུ་ཆེན་པོ་བརྒྱད་བཀའ་སྡོད་ཀྱི་ཕོ་ཉ་བྱེད་ཅིང་ཁ་རླངས་ནག་པོ་སྤྲིན་འཕུང་དུ་གཏིབས་ནས། གཡུ་སྤྲུལ་སྔོན་པོ་བརྒྱད་དུ་སྤྲུལ་ནས་གཡོན་ཕྱོགས་ནས་འཁྱུག་པ། དྲག་པོའི་ཕྱོགས་སྐྱོང་བཅུ་ནི་བཀའ་ཉན་གྱི་བློན་པོ་བྱས་ཏེ་ཁྱི་ནག་དོམ་ནག་རོལ་དུ་ཁྲིད་པ། ལྷ་ཆེན་པོ་བརྒྱན་ནི་ཐུགས་ཀྱི་ཕོ་ཉར་མངའ་གསོལ་ཏེ། ཁྱེའུ་ཆུང་གདུག་པའི་མཚོན་ཐོགས་པ་བརྒྱད་དུ་སྤྲུལ་ནས་དབུའི་འོད་ལས་འཕྲོ་ཞིང་དྲག་པོའི་ལས་མཛད་པ། རྒྱལ་ཆེན་བཞིའི་ནི་གོ་མཚོན་ཐོགས་ནས་ཅི་ཉན་གྱི་འཕྲིན་ལས་བྱེད་པ། བདུད་འདུལ་གྱི་དམག་ཚོགས་ཉི་ཁྲི་ཆིག་སྟོང་དང་ཆས་ནས་བར་སྣང་ཁམས་སུ་སྤྲུལ་ནས་འཐབ་སྟེ་ལྷ་མ་ཡིན་གྱི་གཡུལ་ཐམས་ཅད་བཟློག་སྟེ་ཕུང་བར་བྱས་སོ། །དེ་ནས་ལྷ་མ་ཡིན་འཕམ་སྟེ་རྒྱ་མཚོའི་གཏིང་དུ་བྲོས་ནས། ཀླུ་ལ་སྐྱབས་སུ་གསོལ་འོ་། །དེ་ནས་ལྷ་རྣམས་གཡུལ་ལས་རྒྱལ་བས། ལྷའི་དབང་པོ་བརྒྱ་བྱིན་ཤིན་ཏུ་མཉེས་ནས་བསྟོད་པ། ཆོས་སྐུ་སྐྱེ་མེད་ཀུན་ཏུ་བཟང་། །ལོངས་སྐུ་ཆེ་མཆོག་ཧེ་རུ་ཀ །སྤྲུལ་སྐུ་མ་ནིང་ཁྲོ་བོའའ་རྒྱལ། །གསང་བདག་ཆེན་པོ་སྟོབས་པོ་ཆེ། །འཆོལ་བའི་ཁྲོ་རྒྱལ་སྲོག་བདུད་ཆེ། །ལྷ་རྣམས་བསོད་ནམས་རྒྱས་མཛད་པའི། །ལྟ་ཆེན་དཔལ་འབར་ཁྱོད་ལ་ཕྱག་འཚལ་ལོ། །དམག་དཔོན་ཆེན་པོའི་སྐུ་ལ་ཕྱག་འཚལ་འོ་། །སྡེ་དཔོན་ཆེན་པོའི་སྐུ་ལ་ཕྱག་འཚལ་ལོ། །ཞེས་བསྟོད་ཅིང་གཏང་རག་གི་མཆོད་པ་ཆེན་པོ་བྱས་སོ། །དཔལ་ཆེ་མཆོག་ཧེ་རུ་ཀ་དངོས་ཀྱི་སྤྲུལ་པ་དཔལ་མགོན་མ་ནིང་ནག་པོའི་ལས་རྒྱུད་ལས། གླེང་སླང་ཞིང་ལྷ་ཡུལ་དུ་སྤྲུལ་ནས་ལྷ་མ་ཡིན་བཏུལ་བའི་ལེའུ་སྟེ་གཉིས་པའོ།། །།དེ་ནས་དཔལ་ཆེ་མཆོག་ཧེ་རུ་ཀའི་ཐུགས་ཀྱི་སྤྲུལ་པ་གསང་བདག་ལག་ན་རྡོ་རྗེས་རིགས་འཛིན་རྡོ་རྗེ་ཆོས་སུ་སྐུ་སྤྲུལ་ཏེ། གནས་འོག་མིན་ལྕང་ལོ་ཅན་གྱི་གནས་མཆོག་ཏུ། སྟོན་པ་བཅོམ་ལྡན་འདས་ཆེ་མཆོག་ཧེ་རུ་ཀ་ལ་དུས་རུ་ཏྲ་དང་ལྷ་མིན་ཐུལ་བའི་ཚ། ཡོ་བྱད་འཇིག་རྟེན་པའི་ཡོ་བྱད་དང་། ལྷའི་ཡོ་བྱད་དང་། ཀླུའི་ཡོ་བྱད་དང་། མཁའ་འགྲོ་མའི་ཡོ་བྱད་དང་། གནོད་སྤྱིན་གྱི་ཡོ་བྱད་དང་། དུར་ཁྲོད་ཀྱི་ཤ་ཁྲག་ཤ་ལྔ་བདུད་རྩི་ལྔ་ལ་སོགས་པའི་ཚོགས་ཀྱི་འཁོར་ལོ་རྒྱ་ཆེན་པོ་མཛད་ནས་གསོལ་པ།ཀྱེ་ཀྱེ་ཀྱེ། བཅོམ་ལྡན་གསང་བདག་ཧེ་རུ་ཀ །དཔལ་ཆེན་ཡོངས་རྫོགས་འགྲོ་བའི་མགོན། །རུ་ཏྲ་ཚར་གཅད་བདུད་འདུལ་རྒྱལ། །གསང་བའི་ཁྲོ་རྒྱལ་སྟོབས་པོ་ཆེ། །ཉིད་སྤྲུལ་མ་ནིང་འཁོར་བཅས་ཀྱི། །དང་པོ་ངོ་བོ་ངེས་ཚིག་དང་། །དབྱེ་བ་དགོས་ཆེད་ཕན་ཡོན་གང་། །ལྟ་བ་སྒོམ་པ་སྤྱོད་པ་གང་། །དབང་དང་འཕྲིན་ལས་བསྐྱེད་རྫོགས་འབྲས་བུ་གང་། །ཞེས་གསོལ་པས། དཔའ་བོ་ཆེན་པོས་བཀའ་སྩལ་པ། །ཉོན་ཅིག་རིགས་འཛིན་གསང་བའི་བདག །ལག་ན་རྡོ་རྗེ་མཐའ་ཡས་པ། །དཔའ་བོ་གདུལ་དཀའ་འདུལ་བ་པོ། །དེ་དོན་ཁྱོད་ཀྱིས་ཞུས་པ་ལེགས། །ཕྱོགས་བཅུའི་བདེ་གཤེགས་ཡོངས་རྫོགས་པའི། །དཔལ་ཆེན་དངོས་སྤྲུལ་ནག་པོ་ཆེ། །མ་ནིང་ལས་རྒྱུད་ནག་པོ་ལས། །ཕུན་ཚོགས་ལྔ་འམ་བདུན་བཞི་གཟུང་། །ཐོག་མར་སྟོན་འཁོར་གནས་སུ་ཡོ་བྱད་འཛོམ། །ངོ་བོ་ཀུན་ཁྱབ་བྱང་ཆུབ་སེམས། །དེ་ཉིད་རྟོགས་པ་ཀུན་བཟང་ཧེ་རུ་ཀ །ཕྱོགས་བཅུའི་སངས་རྒྱས་དགོངས་པ་དེས། །མ་རྟོགས་མ་རིག་བདག་འཛིན་རུ་ཏྲེརེ་རྒྱུད། །ངེས་ཚིག་རུ་ཏྲ་རྣམ་པ་གཉིས། །རྟག་པ་རང་རྒྱུད་རུ་ཏྲ་དང་། །ཆད་པ་སྟོང་ཙམ་རུ་ཏྲོསྣོ། །རྟག་པའི་རུ་ཏྲ་ཕོ་མོར་ཤར། །ལྟ་ལོག་སྟོང་ཉིད་ཆད་པའོ། །སྟོང་རྩལ་འགག་རྩལ་སྟོབས་པོ་ཆེ། །རུ་ཏྲ་མ་ནིང་འཆོལ་པའོ། །དབྱེ་བ་རྣམ་པ་གསུམ་ཡིན་ཏེ། །རྟག་པ་རྒྱུན་གྱི་རུ་ཏྲ་དང་། །ཞབྲུལ་པ་རང་རྒྱུད་རུ་ཏྲ་དང་། །ཐུགས་རྗེ་སྤྲུལ་པའི་རུ་ཏྲའོ། །།གཞན་ཡང་རུ་ཏྲ་རྣམ་པ་བདུན། །ལྷ་ཆེན་ཀླུ་ཆེན་སྲིན་པོ་དང་། །ལོག་སྲེད་ཅན་དང་མི་མ་ཡིན། །འབྱུང་པོ་ཡི་དགས་ལ་སོགས་ཡིན། །དགོས་བྱེད་རྟོགས་དང་མ་རྟོགས་ཁྱད། །དེ་བཞིན་རིགས་དང་རྟག་དང་ཆེད། །སངས་རྒྱས་ཐུགས་རྗེས་བྱིན་རླབས་དང་། །རུ་ཏྲ་རྗེས་གཟུང་ཕན་ཡོན་བསྟན་པའོ། །སངས་རྒྱས་བསྟན་པའི་བྱ་བ་བྱས། །རང་མཐར་ཐུག་རྫོགས་པར་སངས་རྒྱས་སོ། །མ་ནིང་ལས་རྒྱུད་ནག་པོ་ལས། སྣང་བའི་སྐབས་ཕྱེ་ནས་དངོས་པོ་ལྔ་རུ་བསྟན་པའི་ལེའུ་སྟེ་གསུམ་པའོ།། །།དེ་ནས་ཡང་གསང་བའི་བདག་པོས་གསོལ་བ། ཀྱེ་ཀྱེ་ཀྱེ། སྟོན་པ་ཀུན་བཟང་ཧེ་རུ་ཀ །ཏིང་འཛིན་དུ་མས་དབང་སྒྱུར་བའི། །རྒྱུད་དོན་ཉམས་ལེན་དོན་ཆེད་དུ། །གཞི་ལམ་འབྲས་བུ་གང་ལྟར་ལགས། །ཞེས་གསོལ་པས། ཆེ་མཆོག་ཧེ་རུ་ཀས་བཀའ་སྩལ་པ། ཉོན་ཅིག་ཁྲོ་རྒྱལ་གསང་བའི་བདག །མ་ནིང་ལས་རྒྱུད་ནག་པོ་ལས། །ཉམས་སུ་ལེན་ཅིང་སྒྲུབ་འདོད་ན། །ཐོག་མར་དབང་དང་ལྡན་པ་གཅེས། །དབང་རྣམས་ཐོབ་པར་མ་བྱས་ཤིང་། །བླ་མ་མཉེས་པར་མ་བྱས་ན། །ཉན་པ་ལ་སོགས་རྩོལ་པ་རྣམས། །འབྲས་བུ་མེད་ཅིང་རླག་པར་འགྱུར། །དེས་ན་དབང་ཐོབ་རབ་རུ་གཅེས། །འདི་ལ་རྐྱེན་སྟེན་བཅུད་ལྡན་གཅེས། །རྐྱེན་ནི་མཚན་ཉིད་དྲུག་ལྡན་བླ་མ་གཅེས། །རྟེན་ནི་སྣོད་ལྡན་སློབ་མས་ཏེ། །སྙིང་རྗེ་བྱམས་ལྡན་ཤེས་རབ་ལྡན། །གཏོང་ཕོད་གུས་ལྡན་བཀའ་མི་ཅོག །ཁོག་ཡང་གཞུད་བཟང་གསང་ཐུབ་ཅིང་། །བློ་ཆེ་ཡིད་གཞུང་རྐྱེན་ཐུབ་པ། །ཤ་ཚ་སྙིང་ཉེ་དམ་ལྡན་གྱིས། །བླ་མ་མཚན་ལྡན་དམ་པ་བཙལ། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་འབུལ། །ངང་བསྲིངས་ཡུན་དུ་བླ་མ་བསྟེན། །ཐོག་མར་ཚོགས་བསགས་སྦྱང་ལ་འབད། །དུས་དང་ཚེས་གྲངས་བཟང་པོ་ལ། །བླ་མ་སློབ་བུ་ཡོ་བྱད་ཚོགས་ལ་སོགས། །ཀུན་ཀྱང་སྟ་གོན་སྔོན་དུ་འགྲོ། །གསང་བ་ཡོངས་རྫོགས་དབང་སྙན་སྒྲུབ། །མཚམས་གཤེགས་གང་བསྒོ་བརྡ་ཕྱག་དང་། །དམ་བཅའ་བྱིན་དབབ་བྱིན་རླབས་བདུན། །བསྐྱེད་རྫོགས་གཞུང་སྲང་ཚོགས་འཁོར་བྱ། །རྩ་བ་གསུམ་དང་ནག་པོ་ཆེ། །ཐམས་ཅད་ཆོས་ཀྱིས་མཉེས་པར་བྱ། །ཕྱི་ནང་གསང་བའི་དབང་རིམ་རྣམས། །བུམ་པ་ལྷ་སྐུ་ཡིག་འབྲུ་དང་། །ཕྱག་མཚན་དབུ་རྒྱན་རྟེན་དབང་བསྐུར། །དུག་གསུམ་དུག་ལྔ་སྦྱོར་སྒྲོལ་མཐུ། །ཁྱད་པར་མ་ནིང་དྲེགས་པའི་སྲོག་དབང་བསྐུར། །བླ་མ་ཡོན་གྱིས་མཉེས་བྱས་ཞིང་། །མགོན་པོ་སྐོངས་ཀྱི་མཉེས་པར་བྱ། །དེ་ལྟར་དབང་ཐོབ་ཡོན་ཏན་བསམ་མི་ཁྱབ། །ལོ་ག་འདིར་ན་ཆེ་བཙན་ལྡན། །ཞི་རྒྱས་དབང་དྲག་བསམ་པ་འགྲུབ། །མཆོག་དང་ཐུན་མོང་དངོས་གྲུབ་ཐོབ། །བཀྲ་ཤིས་ནོར་འཕེལ་མཐུ་རྩལ་ཆེ། །ཀུན་གྱི་ཡིད་འོང་གཙུག་ཏུ་ཁུར། །དབང་སྲོག་དམ་ཚིག་གིས་གཟུང་བ། །བླ་མ་ཡི་དམ་ཆོས་སྐྱོང་མཁའ་འགྲོ་མའི། །སྐུ་གསུང་ཐུགས་རྩ་བའི་ཡན་ལག་དམ་ཚིག་སྲུང་། །བླ་མའི་དམ་ཚིག་སྐུ་མི་སྨད། །གསུང་མི་ཅག་ཅིང་ཐུགས་མི་དཀྲུག །ཡི་དམ་དམ་ཚིག་བསྐྱེད་རྫོགས་དང་། །གསུང་གི་བཟླས་པ་མི་ཅག་ཅིང་། །དུས་མཆོད་མི་ཅག་རྟེན་མི་སྤང་། །ཆོས་སྐྱོང་དམ་ཚིག་ལྟ་བ་ཡིས། །རྒྱས་གདབ་གསོལ་མཆོད་རེམ་པ་གཅེས། །སྒོམ་བཟླས་རེམ་ཅིང་ཕུད་མི་འབག །དམ་རྫས་མི་སྟེན་མི་སྤེལ་ཅིང་། །རྟེན་མཆོད་མི་བཙིང་མཚམས་གཅོད་རེམ། །ཉམས་པ་མི་སྟོན་བསྐང་མདོས་བྱ། །ཌའ་ཀིའི་དམ་ཚིག་ཚོགས་འཁོར་བྱ། །རྩ་བ་གསུམ་པོ་སྤྱི་ཡི་དམ་ཚིག་ནི། །སྐྲ་སེན་མི་བྲེག་གདན་མི་སྤྲུག །རལ་པའི་རྩེ་མོ་མི་བཅད་ཅིང་། །བླ་མ་མིན་པར་ཕྱག་མི་བཙལ། །དེ་ལྟར་དམ་ཚིག་གཙང་འགྱུར་ན། །ཚེ་འདིར་བདེ་སྐྱིད་ཕུན་སུམ་ཚོགས། །ཕྱི་མ་རྒྱལ་བའི་སྲས་སུ་འགྱུར། །དམ་ཚིག་ཉམས་པའི་སྔ་ལྟས་ནི། །སྔོན་ལ་བུ་དང་ཆུང་མ་འཆི། །ཡིད་དུ་མི་འོང་སྣ་ཚོགས་འབྱུང་། །ཕྱི་མ་རྡོ་རྗེ་དམྱལ་གཏིང་ནས། །བསྐལ་པ་འབུམ་དུ་ཐར་དུ་མེད། །དེ་བས་དམ་ཚིག་མཆོག་ཏུ་གཅེས། །མ་ནིང་ནག་པོའི་ལྟ་བ་ནི། །རང་སེམས་སྟོང་གསལ་འགག་མེད་ལ། །བདག་འཛིན་ཡེ་མེད་ཆད་པའོ། །ཀུན་ཁྱབ་ནམ་མཁའི་རང་བཞིན་ནོ། །སྒོམ་པ་ཀུན་ཁྱབ་ཧེ་རུ་ཀ །ཕྱག་རྒྱ་ཆེན་པོ་ཟིལ་གནོན་སྐུ། །རྟག་པ་ཆེན་པོ་མི་འགྱུར་བའི། །ཚེ་ཡི་གཡུང་དྲུང་ཅན་ཡིན་ནོ། །སྤྱོད་པ་ཐབས་ཤེས་ཟུང་འཇུག་སྟེ། །དེ་ཡང་ཁྲོ་གཏུམ་སྦྱོར་སྒྲོལ་བརྩོན། །ཤ་ཁྲག་དམར་ལ་སྤྱོད་པའོ། །ཐབས་ནི་བསྐྱེད་པའི་རིམ་པ་སྟེ། །ཨི། སྐྱེ་མེད་སྟོང་པའི་ནམ་མཁའ་ནི། །མ་ནོར་མ་བཅོས་ཆོས་ཀྱི་སྐུ། །རང་བཞིན་ལྷུན་གྲུབ་ངང་གི་གསལ། །ཨོ་མ་ཧྭ་ཤཱ་ཙྭ་ཏ་ཙྭ་ན་སྭ་བྷ་བ་ཨུད་མ་ཀོཉ་ཧ༷། ཨོ༷། འགག་མེད་སྙིང་རྗེའི་སྤྲིན་ཚོགས་ནི། །སྟོང་གསལ་ཀུན་སྣང་ལོངས་སྤྱོད་རྫོགས། །སྙིང་རྗེས་སེམས་ཅན་ཀུན་ལ་ཁྱབ། །ཨོ་དྷརྨ་དྷ་ཏུ་སྭ་བྷ་བ་ཤུདྷི་ཨོ༷།ཧུ༷། རྒྱུ་ལས་ཀུན་བསྐྱེད་ཡི་གེ་ཧུ༷། །ཐམས་ཅད་འབྱུང་བའི་ངང་དུ་ཤར། །གཉིས་མེད་སྤྲུལ་པའི་སྐུར་གསལ་སྒོམ། །ཧུ༷་ཨེ་ཡ༷་ར་སུ༷་ཀེང་བྲུ༷་བི་ཤ་བི་ཤུདྷི་བནྟྲ་ཙྭ་ན་མ་ཙཀྲ་མཎྜལ་ཨེ་བྲུ༷༔རུ་ཏྲ་ཀྲོ་ཏི་ཏི་ར་བ། མ་སྐྲུ་བྱ་མཎྜལ། ཨ་ཙནྟྲ་མཎྜལ། པ༷་པདྨ་མཎྜལ་ཧུ༷། ཧཱུཾ། དུར་ཁྲོད་ཐོད་མཁར་མེ་རླུང་ཚུབ་མའི་དཀྱིལ་འཁོར་ནས། །རབ་འཇིགས་ཀེང་རུས་ཕྱོགས་སྐྱོང་བརྩིགས་པའི་དབུས། །རིན་ཆེན་སྣ་ལྔས་འཇའ་འོད་ཟང་ཐལ་འོད་དུ་ཤར། །གྲུ་ཆད་བར་ཁྱམས་སྒོ་བཞི་མུ་ཁྱུད་བཅས། །ལྟེ་དབུས་ཟླ་གམ་མཐིང་ནག་ཨེ་དབུས་སུ། །མ་ཏྲ༷་རུ་ཏྲ་ཆེན་པོ་བསྣོལ་བའི་ཁྲི་སྟེངས་ན། །ཧཱུཾ་ལས་མེ་འོད་རྡོ་རྗེ་ཚ་ཚ་སྐར་ལྟར་འཕྲོ། །འཕྲོས་པས་སྟོང་གསུམ་རབ་འབྱམས་ཕྱོགས་དུས་སངས་རྒྱས་མཆོད། །བསྡུས་པས་སྒྲིབ་སྦྱངས་ཕྱག་མཚན་ཐུགས་རྡོ་རྗེ། །དེ་ལས་ཙན་དན་བེང་ཆེན་པོ། །ཨོ་བཛྲ་ཤི་ཧེ་རུ་ཀ་མ་ཧྭ་ཀྭ་ལ་བྷ་ན་ཨེ། ཨི། རབ་འཇིགས་དུར་ཁྲོད་འབར་བའི་གཞལ་ཡས་སུ། །མི་འགྱུར་མཐིང་ནག་གྲུ་གསུམ་ཨེ་དཀྱིལ་ནས། །མ་ཏྲ༷་རུ་ཏྲ་ཆེན་པོའི་ཁྲི་སྟེངས་ནས། །ཉི་ཟླ་པདྨ་རིན་ཆེན་བརྩེགས་པའི་གདན། །ཧེ་རུ་ཀ་དཔལ་འཇིགས་པའི་སྐུ། །མ་ནིང་ནག་པོ་ཁྲོ་རྒྱལ་ཆེ། །གསང་བའི་ཁྲོ་རྒྱལ་སྟོབས་པོ་ཆེ། །མ་ཧྭ་ཀྭ་ལ་དཔལ་འབར་སྐུ། །སྐུ་མདོག་མཐིང་ནག་འཇིགས་པ་ལ། །ཞལ་གཅིག་ཕྱག་ནི་གཉིས་པ་སྟེ། གཡས་ན་རུ་མཚོན་གཡོན་ན་སྙིང་ཞགས་བསྣམས། །སྤྱན་གསུམ་གྱེན་འཐུར་ཐད་ཀར་གཟིགས། །འཇིགས་བྱེད་ཁྲོ་གཉེར་གསུམ་ལྡན་གཏུམ་ཞིང་རྔམ། །སྦྲུལ་ཆེན་འབར་བའི་རལ་པས་ས་གཞི་ཁྱབ། །རིན་ཆེན་བར་ཁབ་ལྔ་ཡིས་དབུ་ལ་བརྒྱན། །ཐོད་པ་སྐམ་པོ་ལྔ་ཡི་དབུ་རྒྱན་ཅན། །རིགས་ལྔའི་སངས་རྒྱས་དབུ་ལ་རྒྱན། །སྐུ་ལ་དར་ནག་བེར་ཆེན་གསོལ། །གསེར་ག་རིན་ཆེན་སྐེད་ལ་བཅིངས། །མི་ལྤགས་གཡང་གཞིས་སྟོད་དུ་གཡོགས། །དེ་དང་གཉིས་མེད་འཁྲིལ་བའི་ཡུམ་ཆེན་ནི། །ལྷ་མོ་ཨུ་མ་དེ་བ་ཞེས། །དངོས་སུ་ལྷ་མོ་དཔལ་འབར་མ། །སྐུ་མདོག་དཀར་ལ་འོད་ཟེར་འབར། །གཡས་ན་ཤེལ་གྲི་དཀར་པོ་བསྣམས། །གཡོན་ན་ཐོད་པ་ཁྲག་གིས་བཀང་བ་བསྣམས། །གཙོ་བོ་ཡབ་ཀྱི་ཞལ་དུ་སྟོབས། །དེ་གཉིས་ཐུགས་ལས་སྤྲུལ་པའི་སྲས། །འཆོལ་པའི་ཁྲོ་རྒྱལ་སྲོག་བདུད་ནག་པོའི་སྐུ། །སྲིད་གསུམ་གཟིགས་པའི་སྤྱན་གསུམ་བྲང་ལ་ཤར། །སྤྱན་བཞིས་ལྷུ་ཚིགས་བརྒྱན་པའོ། །ཞལ་ནས་ཁྲག་འཛག་སྤྱན་མིག་ཕུང་པོར་འབར། །རྟ་ནག་རྟིང་དཀར་ཆིབས་སུ་ཆིབས། །སྟག་རལ་གཟིག་ཤུགས་གློ་ལ་བཏགས། །གཡས་ན་གྲི་གུག་གཡོན་པ་ལྕགས་པར་ཐོགས། །ལག་ན་ལྕགས་གཞུ་བདུད་མདའ་བསྣམས། །སྐད་ཅིག་ཡུད་ལ་གླིང་བཞིར་རྒྱུག །ཟློག་པས་མི་ཟློག་སྔགས་ཟློག་མཁན་གཤེད་བྱེད། །ཏྲི་ཡ༷་རུ་ཏྲ་ཧུ༷་སྨྱོ། ཧུ༷། སྐུ་ལས་སྤྲུལ་པའི་མགོན་པོ་སྟག་ཞོན་ནི། །ཞལ་གཅིག་ཕྱག་གཉིས་མཐའ་བེར་གསོལ། །མི་མགོ་འཕྲེང་བའི་དོ་ཤལ་ཅན། །ཕྱག་གཡས་བེང་ཆེན་གཡོན་པ་བདུད་ཞགས་པ། །ཆིབས་སུ་སྟག་ཆེན་རྔམ་པ་ཆིབས། །ཨོ་ཤི་མ་ཧྭ་ཀྭ་ལ་རུ་པ་ཏྲི་ཡ༷་ཧུ༷་ཛ། ཧུ༷། གསུང་ལས་སྤྲུལ་པའི་མགོན་པོ་བེང་ཆེན་ནི། །སྐུ་མདོག་མཐིང་ནག་ཞལ་གཅིག་ཕྱག་གཉིས་པ། །དར་ནག་སྔོ་ཁྲའི་འཇོལ་བེར་སྐུ་ལ་གསོལ། །གསེར་གའི་སྐྱེ་རགས་སྐེད་ལ་བཅིངས། །དབུ་སྐྲ་ཁམ་ནག་གྱེན་དུ་འཁྱིལ། །སྨིན་མཚམས་ཁྲོ་གཉེར་རབ་ཏུ་བརྗིད། །སྤྱན་གསུམ་སྡང་མིག་ཞལ་བགྲད་པ། །མཆེ་གཙིགས་སྨ་ར་མུན་ལྟར་འཐིབས། །གཡས་པ་ཙན་དན་བེང་ཆེན་ཕྱག་གཡོན་ན། །ལྕགས་པར་བདུད་རྩིས་བཀང་བ་ཞལ་དུ་གསོལ། །ཨོ་ཤི་མ་ཧྭ་ཀྭ་ལ་རག་ཤ་དུ་བེ་ནི་ཛ། ཐུགས་ཀྱི་མགོན་པོ་གྲི་གུག་ནི། །ཞལ་གཅིག་ཕྱག་གཉིས་སྐུ་མདོག་གནག །གཡས་གཡོན་གྲི་གུག་ཐོད་ཁྲག་བསྣམས། །ཐོད་པའི་འཕྲེང་བས་དོ་ཤལ་བྱས། །དབུ་སྐྲ་ཁམ་པ་གྱེན་དུ་བརྗེས། །ཡན་ལག་ཐུང་ཞིང་གྱེལ་ཆགས་པ། །ལྷུ་གཟུགས་སྦྲུལ་གྱིས་རབ་ཏུ་བརྒྱན། །ཞལ་ནས་ཁྲག་དང་ཞག་ཏུ་འཛག །ཨོ༷་བཛྲ་ཤི་མ་ཧྭ་ཀྭ་ལ་སྟེ་ཏ་ཧ་ན་ཧུ༷་ཧུ༷། ཧུ༷། ཡོན་ཏན་མགོན་པོ་སེང་ཞོན་ནི། །སྐུ་མདོག་མཐིང་ནག་འཇིགས་པ་ལ། །ཕྱག་ན་རིན་ཆེན་ཐོད་ཁྲག་བསྣམས། །ཞབས་གཉིས་བརྐྱང་བསྐུམ་དོར་ཐབས་བགྲད། །མི་མགོ་རློན་པའི་དོ་ཤལ་ཅན། །མི་ལྤགས་གཡང་གཞི་སྐུ་ལ་གསོལ། །མེ་ཡི་ཚུབ་མས་བརྒྱན་པ་པོ། །ཨོ༷་ཤི་མ་ཧྭ་ཀྭ་ལ་སིང་ངེ་ར༷་ཧུ༷། ཧུ༷། འཕྲིན་ལས་མགོན་༷པོ་ཏྲག་ཤད་ནི། །སྐུ་མདོག་མུན་པའི་གཡུང་དྲུང་འདྲ། །སྐུ་ལ་དུར་ཁྲོད་ཆས་ཀྱིས་བརྒྱན། །ཕྱག་གཡས་བེ་ཅོན་འབར་བ་བསྣམས། །གཡོན་པ་མི་སྙིང་ཞལ་དུ་གསོལ། །བསྐལ་པ་མེ་དཔུང་ཀློང་ན་བཞུགས། །ཨོ་ཤི་མ་ཧྭ་ཀྭ་ལ་སྒག་ཤད་ཛ་ཧུ༷། གཞན་ཡང་སྤྲུལ་འཁོར་བྱེ་བ་ས་ཡ་འབུམ་དང་བཅས་པ་བསྐྱེད་པར་བྱ། དེ་ལྟར་དམ་ཚིག་བསྐྱེད་ནས་ནི། །ཡེ་ཤེས་སེམས་དཔའ་སྤྱན་དྲངས་པ། །ཧུ༷། དད་པ་དང་ནི་དམ་ཚིག་གིས། །ཚུར་གཤེགས་ཚུར་སྤྱོན་ལྷ་ཆེན་པོ། །མ་ཧྭ་ཀྭ་ལ་མཐུ་བོ་ཆེ། །གསང་བའི་ཁྲོ་རྒྱལ་སྟོབས་པོ་ཆེ། །མ་ནིང་ནག་པོ་ཀུན་གྱི་རྗེ། །འོག་མིན་གནས་མཆོག་དམ་པ་ནས། །གསང་ཆེན་ལྷུན་གྱིས་གྲུབ་པའི་གཙུག་ལག་ཏུ། །དུར་ཁྲོད་རབ་འཇིགས་གཞལ་ཡས་སུ། །མཆོད་ཕྱིར་སྤྱན་འདྲེན་གཤེགས་སུ་གསོལ། །ལྷ་ཆེན་དཔལ་འབར་གཤེགས་སུ་གསོལ། །སྲོག་བདུད་ཆེན་པོ་གཤེགས་སུ་གསོལ། །ལེགས་ལྡན་ནག་པོ་གཤེགས་སུ་གསོལ། །བྷ་ག་ནག་པོ་གཤེགས་སུ་གསོལ། །ཚོགས་བདག་ཆེན་པོ་གཤེགས་སུ་གསོལ། །འཛམ་ལྷ་ནག་པོ་གཤེགས་སུ་གསོལ། །ནག་པོ་ཚེ་བདུད་གཤེགས་སུ་གསོལ། །བྱ་རྒོད་ཐང་ནག་གཤེགས་སུ་གསོལ། །ནག་པོ་ཐོད་འཕྲེང་གཤེགས་སུ་གསོལ། །མཁའ་ལྡིང་ནག་པོ་གཤེགས་སུ་གསོལ། །རྟ་ཀི་ནག་པོ་གཤེགས་སུ་གསོལ། །བདག་གི་གྲོགས་པོ་གཤེགས་སུ་གསོལ། །བགེགས་ཀྱི་གཉེན་པོ་གཤེགས་སུ་གསོལ། །འགྲོ་བ་ཀུན་བཟང་གཤེགས་སུ་གསོལ། །སྲིང་ཅིག་ཆེན་མོ་གཤེགས་སུ་གསོལ། །མཁའ་འགྲོ་གཙོ་མོ་གཤེགས་སུ་གསོལ། །རེ་ཏི་ཆེན་མོ་གཤེགས་སུ་གསོལ། །ཨེ་རྒྱ་ཧི་བྷ་ག་ལྭན་མ་ཧྭ་ཀྭ་ལ་ཤི་བྷ་ན་ལྷུ་ཡ་ཛ་ཛ། ཞེས་རྒྱལ་སྤོས་ལ་སོགས་སྦྱར་བས་བསྲེག་གོ །བཞུགས་སུ་གསོལ་བ་ནི། ཧུ༷། དུར་ཁྲོད་འཇིགས་པའི་གཞལ་ཡས་དམ་པ་འདིར། །རུ་ཏྲ་ཕོ་མོ་བསྒྱེལ་བའི་ཁྲི་སྟེངས་སུ། །ཁྲོ་རྒྱལ་མ་ནིང་འཁོར་བཅས་གདན་ལ་བཞུགས་སུ་གསོལ། །ཨོ༷་ཤི་མཧྭ་ཀྭ་ལ་ཀྟ་ན་གུ་ཡ་ས་མ་ཡ་ཏིཁྱི་ལྷན། ཧུ༷། ཆོས་དབྱིངས་སྐྱེ་བ་མེད་པའི་ཕོ་བྲང་ནས། །སྐྱེ་བའེ་ཆོ་འཕྲུལ་ཁྲོ་རྒྱལ་མ་ནིང་སྐུ། །མཉམ་ཉིད་མཐུ་ལྔ་གཏུམ་ཆེན་མེ་རླུང་འབར། །རུ་ཏྲ་འཇོམས་མཛད་བདུད་དཔུང་ཐལ་བར་རློག །ཐར་བྱེད་གཞན་དུ་འཇིགས་པའི་གད་རྒྱངས་ཅན། །མ་ཧྭ་ཀྭ་ལ་ཁྱོད་ལ་ཕྱག་འཚལ་ལོ། །ཡེ་ཤེས་མཁའ་འདྲ་སྔོན་པོའི་མདོག་ཏུ་འགྱུར། །སྐུ་མདོག་སྔོ་ནག་དབྱར་གྱི་ཆར་སྤྲིན་འདྲ། །དུག་གསུམ་མུན་ཁམས་མ་ལུས་འཇོམས་མ།ཛད་པའི། །མ་ཧྭ་ཀྭ་ལ་ཁྱོད་ལ་ཕྱག་འཚལ་ལོ། །དུག་གསུམ་རྩད་གཅོད་སྐུ་གསུམ་ལྷུན་གྱིས་གྲུབ། །དུས་གསུམ་སངས་རྒྱས་བསྟན་པ་བསྲུང་། །ཕྱི་ནང་བར་གསུམ་དགྲ་བགེགས་ཐལ་བར་རློག །མ་ནིང་མཆེད་གསུམ་སྐུ་ལ་ཕྱག་འཚལ་ལོ། །ཚོགས་བདག་ཆེན་པོའི་སྐུ་ལ་ཕྱག་འཚལ་ལོ། །སྲོག་བདུད་ཆེན་པོའི་སྐུ་ལ་ཕྱག་འཚལ་ལོ། །ནག་པོ་ཚ་བདུད་སྐུ་ལ་ཕྱག་འཚལ་ལོ། །ནག་པོ་ཐོད་འཕྲེང་སྐུ་ལ་ཕྱག་འཚལ་ལོ། །བྷ་ག་ནག་པོའི་སྐུ་ལ་ཕྱག་འཚལ་ལོ། །ཆོས་སྐྱོང་ཆེན་པོའི་སྐུ་ལ་ཕྱག་འཚལ་ལོ། །ཏ་ཀི་ནག་པོའི་སྐུ་ལ་ཕྱག་འཚལ་ལོ། །ཀླུ་བདུད་ནག་པོའི་སྐུ་ལ་ཕྱག་འཚལ་ལོ། །གཟའ་བདུད་ནག་པོའི་སྐུ་ལ་ཕྱག་འཚལ་ལོ། །ཤར་གྱི་ནག་པོའི་སྐུ་ལ་ཕྱག་འཚལ་ལོ། །དགྲ་གཤེད་ཆེན་པོའི་སྐུ་ལ་ཕྱག་འཚལ་ལོ། །ཛམ་ལྷ་ནག་པོའི་སྐུ་ལ་ཕྱག་འཚལ་ལོ། །བགེགས་ཀྱི་གཉེན་པོའི་སྐུ་ལ་ཕྱག་འཚལ་ལོ། །བདག་གི་གྲོགས་པོའི་སྐུ་ལ་ཕྱག་འཚལ་ལོ། །དམ་ཅན་ཆེན་པོའི་སྐུ་ལ་ཕྱག་འཚལ་ལོ། །གཙུག་ལག་ཁང་སྐྱོང་ཁྱོད་ལ་ཕྱག་འཚལ་ལོ། །སེར་ཆགས་དགྲ་ལྟ་ཁྱོད་ལ་ཕྱག་འཚལ་ལོ། །རྣལ་འབྱོར་དཔལ་མགོན་ཁྱོད་ལ་ཕྱག་འཚལ་ལོ། །དུག་གསུམ་སྨན་པ་ཁྱོད་ལ་ཕྱག་འཚལ་ལོ། །རིགས་འཛིན་སྲོག་ཤིང་ཁྱོད་ལ་ཕྱག་འཚལ་ལོ། །བསྟན་པའི་མངའ་བདག་ཁྱོད་ལ་ཕྱག་འཚལ་ལོ། །གསང་བའི་མཛོད་འཛིན་ཁྱོད་ལ་ཕྱག་འཚལ་ལོ། །མགོན་པོ་སྡེ་ལྔའི་སྐུ་ལ་ཕྱག་འཚལ་ལོ། །ལྷ་སྲིན་སྡེ་བརྒྱད་ཆེ་ལ་ཕྱག་འཚལ་ལོ། །སྲིང་ཅིག་ཆེན་མོའི་སྐུ་ལ་ཕྱག་འཚལ་ལོ། །རེ་ཏི་ཆེན་མོའི་སྐུ་ལ་ཕྱག་འཚལ་ལོ། །བདུད་འདུལ་ཉི་ཁྲི་ཆིག་སྟོང་སྐུ་ལ་ཕྱག་འཚལ་ལོ། །ཧུ༷། ཁྱེད་ལ་མཆོད་པ་དབུལ་བ་ནི། །ཁྱེད་ཀྱི་མཐུན་པའི་དམ་རྫས་ནི། །རྣལ་འབྱོར་འབྱོར་པས་བསགས་པའི་ཐུགས་དམ་ཅན། །ཐོད་ཅན་བན་དྷ་རློན་པའི་སྣོད་ནང་དུ། །རྒྱ་ཤུགས་ཛ་ཏི་ཨ་ཀ་མྲ །གླ་རྩི་ཤིང་ཀུན་ལ་སོགས་པ། །དྲི་ཞིམ་སྤོས་ལྔ་ཏུ་ལུ་ལུ། །ག་བུར་ལ་སོགས་སྨན་ལྔ་ཆི་ལི་ལི འབྲུ་བཅུད་ཛ་གད་གསེར་སྐྱེམས་བྲེངས་སེ་བྲེངས། །རཀྟ་དམར་ཆེན་ཨརྒ་ཁྱི་ལི་ལི། བན་དྷ་རུས་པའི་ཚོགས་ནི་ཁྲོ་ལོ་ལོ། །ཤ་ཆེན་གསུར་དུད་ངད་པ་ཆི་ལི་ལི། །བདུད་རྩི་སྨན་གྱི་མཆོད་པ་བྲེངས་སེ་བྲེངས། །བྷ་ལིང་གཏོར་མའི་མཆོད་པ་རོལ་སེ་རོལ། །མཧྭ་མ༷་ས་ལ་སོགས་ཤ་སྣ་སྟོང་། །མ་ཧྭ་ཙིསྟ་ལ་སོགས་སྙིང་སྣ་སྟོང་། །མ་ཧྭ་རཀྟ་ལ་སོགས་ཁྲག་སྣ་སྟོང་། །གོ་རོ་ཙ་ན་ལ་སོགས་ཀླད་ཆེན་སྟོང་། །བ་སུ་ཏ་དང་ནང་ཁྲོལ་རྣམ་པ་ལྔ། །ཤིང་ཐོག་མེ་ཏོག་འབྲུ་སྣ་སྨན་སྣ་དང་། །ཟན་དང་ཁུར་བ་ཐུག་པའི་བྱེ་བྲག་དང་། །ཁྲག་རུལ་ཉ་ཤ་ལ་སོགས་མཐུན་པའི་ཁ་ཟས་དང་། །ལ་ཕུག་ལ་དུ་ཡིད་བཞིན་འབྲས་བུའི་ཟས། །མར་ཐུད་ཁྲོམ་དང་ཞོ་དང་འོ་མར་བཅས། །རྩི་དང་རྩབས་རུ་གོ་སྙོད་སྒོག་པ་དང་། །གཟུགས་དང་སྒྲ་དྲི་རེག་བྱ་ཆོས་ལ་སོགས། །འདོད་ཡོན་ལྔ་ལྡན་མཆོད་པ་དམ་པ་འདི། །ཆེ་མཆོག་ཧེ་རུ་ཀ་ཡི་ཐུགས་དམ་སྐོངས། །དཔལ་མགོན་མ་ནིང་ནག་པོའི་ཐུགས་དམ་སྐོངས། །སྤྲུལ་འཁོར་ཉི་ཁྲི་ཆིག་སྟོང་ཐུགས་དམ་སྐོངས། །ཞེས་མཆོད་པའི་རིམ་པ་རྒྱས་པར་བྱ། །གཞན་ཡང་སྨན་རཀ་གཏོར་མ་དང་། །ཕྱི་ནང་གསང་བའི་མཆོད་པ་དང་། །ཕྱག་རྒྱའི་མཆོད་པས་བསྟོད་པ་བྱ། །ཧུ༷། འཇིག་རྟེན་འདས་པའི་དུས་ན་སྔོན་བྱུང་བའི། །ཆེ་མཆོག་ཧེ་རུ་ཀ་དཔལ་སྐུ་གསུམ་རྫ་གས། །སྲིད་རྩ་བདག་འཛིན་རུ་ཏྲ་སྡེ་གསུམ་བཏུལ། །རྩལ་ཆེན་འཕྲིན་ལས་བདག་ལ་ཕྱག་འཚལ་ལོ། །ཧུ༷། དཔལ་ཆེན་དངོས་སྤྲུལ་ནག་པོ་ཆེན་པོའི་སྐུ། །འཆོལ་བའི་ཁྲོ་རྒྱལ་མ་ནིང་དགྲ་བགེགས་གཤེད། །ལྷ་ཆེན་དཔལ་འབར་ཆོས་སྐྱོང་ཡོངས་ཀྱི་རྗེ། །དམག་དཔོན་ཆེན་པོའ་སྐུ་ལ་ཕྱག་འཚལ་བསྟོད། །ཧྲུ༷།དུར་ཁྲོད་ཐོད་མཁར་མེ་རླུང་ཚུབ་དཀྱིལ་ནས། །རྣལ་འབྱོར་དཔལ་མགོན་ཁྱོད་ཀྱི་ཆ་ལུགས་ནི། །སྐུ་མདོག་མཐིང་ནག་ཞལ་གཅིག་ཕྱག་གཉིས་པ། །སྐུ་གསུམ་ལྡན་ཕྱིར་སྤྱན་གསུམ་གྱེན་འཐུར་གཟིགས། །རབ་འཇིགས་ཁྲོ་གཉེར་གསུམ་ལྡན་གཏམ་ལ་རྔམ། །རིན་ཆེན་ཐོད་སྐམ་ལྔ་ཡིས་དབུ་ལ་བརྒྱན། །སྤྲུལ་ནག་རལ་པ་ནག་པོས་ས་གཞི་ཁྱབ། །གཡས་པ་རུ་མཚོན་གཡོན་པ་སྙིང་ཞགས་བསྣམས། །ཙན་དན་བེང་ཆེན་སྐེད་བཙུགས་དམག་ཚོགས་འགྱེད། །ཐོད་པ་སྐམ་རློན་སྙིང་འཕྲེང་སྦྲུལ་ཆུན་སྤྲས། །དར་ནག་བེར་ཆེན་གསེར་ག་མི་ལྤགས་བཅིངས ལས་ལ་ཆས་ཚེ་སྲོག་བདུད་ཆ་ལུགས་འཛིན། །སྲིད་གསུམ་གཟིགས་ཕྱིར་སྤྱན་གསུམ་བྲང་ལ་ཤར། །དམག་དཔོན་བཞི་འགྱེད་སྤྱན་བཞིས་ལྷུ་ཚིགས་བརྒྱན། །སྟག་རལ་གཟིག་ཤུགས་བཏགས་ནས་རྟ་ནག་ཞོན། །བདུད་མདའ་དགྲ་སྙིང་གཟེར་འདེབས་གླིང་བཞིར་རྒྱུག །སྤྱན་ནས་ཁྲག་འཛག་མེ་ཡི་ཁ་རླངས་འབར། །ཁ་ཊ༷་གྲི་གུག་ལྕགས་རལ་ཐོགས་ནས་སུ། །སྣང་སྲིད་ཕོ་རྒྱུད་ཐམས་ཅད་ཕོ་ཉར་འགྱེད། །ཅི་བཅོལ་ལས་རྣམས་སྐད་ཅིག་ཡུད་ལ་སྒྲུབས། །རྟག་ཏུ་གྲོགས་མཛད་མགོན་པོ་ནག་པོ་ནི། །མ་བསྐུལ་བར་ཡང་གནག་པའི་དགྲ་བགེགས་སྒྲོལ། །རྟ་གནས་སྤྱན་བཞི་དམག་ཚོགས་དམག་དཔུང་སྡུད། །གར་བསྐུལ་ས་རུ་མི་རོ་ཚེར་མར་འཚེར། །ཟློག་པས་མི་ཟློག་སྔགས་ཟློག་མཁན་གྱི་གཤེད། །སྡེ་བརྒྱད་བྲན་འཁོལ་སྟག་ཤམ་མིག་བརྒྱན་ཅན། །གཙུག་ལག་ཁང་སྲུང་དཀོར་ཀུན་རྩད་ནས་ཆོད། །དྲེགས་པ་ཀུན་འདུལ་ཁྱོད་ལ་ཕྱག་འཚལ་བསྟོད། །གཞན་ཡང་འཛབ་བཟླས་དངོས་གྲུབ་བླང་ཞིང་འཕྲིན་ལས་བསྐུལ། །གསོལ་ཀ་ཚོགས་མཆོད་རྒྱུན་ཏིང་འཛིན་རིམ་སྒོམ། །འཛབ་ནི་སྤྱི་འཛབ་དགོས་འཛབ་རང་རང་གཞུང་། །སྤྱི་འཛབ་ཆེ་མཆོག་ཧེ་རུ་ཀའི། །སྙིང་པོ་མ་ནོར་འདི་ལྟར་བཟླས། །ཨོ་གྲི་མ་ཧྭ་ཀྲོ་དྷ་ཧེ་རུ་ཀ་ཧུ༷་ཕཊ། ་4་ཧྭ་ཀྲོ་དྷི་ཤྭ་རི་ཧུ༷་ཕཊ། དགོས་འཛབ་མ་ནིང་༷སྙིང་པོ་ནི། །ཆུ་བོའི་གཞུང་བཞིན་བཟླས་གྱུར་ན། །ལུས་དང་གྲིབ་མ་བཞིན་དུ་འཁོར། །ཡོན་ཏན་སྲིད་གསུམ་དབང་དུ་སྡུད། །ཁམས་གསུམ་ཟིལ་གྱིས་གནོན། །བཀྲ་ཤིས་ནོར་འཕེལ་དཀོར་སྲུངས་མཆོག །ཨོ་ཤི་མ་ཧྭ་ཀྭ་ལ་བྷ་ན་གུ་ཡ་ར༷་སིད་དྷི་ཧུ༷། བྱེ་བ་ཐེམ་ནས་ལས་ཀུན་འགྲུབ། །གང་བསམས་པ་ལ་ཐོགས་པ་མེད། །དངོས་གྲུབ་བན་དྷར་ཆང་དང་བདུད་རྩིར་སྦྱར། ཁྲ་དམར་ཟས་དང་དངོས་གྲུབ་རྫས་རྣམས་བསགས། །ཧུ༷། རང་བྱུང་གདོད་ནས་རྣམ་དག་རྫས། །འཆི་མེད་རང་འབྱུང་བདུད་རྩིའི་མཆོག །གསང་བ་ཡོངས་རྫོགས་དངོས་གྲུབ་ཞུ། །ཁམས་གསུམ་དབང་སྡུད་འགྲན་ཟླ་མེད། །དཔལ་མགོན་མ་ནིང་ཆེན་པོའི་དངོས་གྲུབ་སྩོལ། །གཞན་གྱིས་མི་ཐུབ་མཐུ་ཆེ་རྩལ་དྲག་པའི། །མ་ནིང་སྲོག་བདུད་ཆེན་པོའི་དངོས་གྲུབ་སྩོལ། །གསང་སྔགས་རྒྱུད་འཛིན་གཞན་དོན་ལྷུན་གྲུབ་པའི། །ཚེ་བདུད་ཆེན་པོའི་དངོས་གྲུབ་སྩོལ། །འཆི་མེད་ཚེ་ཡི་དངོས་གྲུབ་སྩོལ། །འཛད་མེད་ནོར་གྱི་དངོས་གྲུབ་སྩོལ། །འབྲུ་བཅུད་ཟས་ཀྱི་དངོས་གྲུབ་སྩོལ། །འབྲལ་མེད་གྲོགས་ཀྱི་དངོས་གྲུབ་སྩོལ། །རྫུ་འཕྲུལ་མཐུ་ཡི་དངོས་གྲུབ་སྩོལ། །ཨོ༷་ཨུ༷༷ཧུ༷། ཨོ༷་མ་ཧྭ་ཀྭ་ལ་བྷ་ན་གུ་ཡ་ར༷་ཀྭ་ཡ་སིརྙི་བཱསྐ་སིརྙི་ཙིསྟ་སིརྙི་སརྦ་སིརྙི་ཧུ༷་ཛ། འཕྲིན་ལས་གསུམ་སྟེ་བཅས་གཞི་དམིགས་པ་སྔགས། །ནད་གདོན་ཞི་བྱེད་བུམ་པ་མཚན་ལྡན་བཤམས། །ཚད་མེད་བཞི་ལྡན་སྐྱབས་འགྲོ་སེམས་བསྐྱེད་བྱ། །བདེན་པའི་སྟོབས་བརྗོད་སྤྱན་རས་གཟིགས་སུ་གསོལ། །འོད་ཟེར་དཀར་པོ་འཕྲོས་ཏེ་གང་དམིགས་དེ་ལ་ཕོག །རྩ་སྔགས་ཤམ་དུ་ཤརྙིང་ཀུ་རུ་གདགས། །ནད་གདོན་རྣམ་རྟོག་ཞི་བར་ངེས། །ཚེ་ནོར་རྒྱས་བྱེད་བང་མཛོད་ཚད་ལྡན་བཤམས། །ནང་དུ་མ་ནིང་ཚོགས་བདག་འཛམ་ལྷའི་སྐུ། །རིན་ཆེན་སྣ་ལྔ་ལས་བཞེངས་པ། །མངའ་གསོལ་རབ་གནས་བྱ། །རང་ཉིད་ཚེ་དཔག་མེད་དུ་བསམ། །ཁང་པ་ལྕང་ལོ་ཅན་དུ་བསྒོམ། །འོད་ཟེར་སེར་པོས་སྟོང་གསུམ་བཀང་། །ཚེ་དཔལ་ལོངས་སྤྱོད་འདུས་པར་བསམ། །རྩ་སྔགས་ཤམ་བུར་ནན་ཁ་ཏེ་མ་མ་ཁ་ཤི་མི་སྙིང་འགུལ། །མི་འགྲམ་ཆོག་ཨ་ཡུ་པུ་ནི་སརྦ་རུ་པ་པྲརྨྱི་ཀུ་རུ་ཡ་སྭ་ཧྭ། ཚེ་ནོར་ལོངས་སྤྱོད་རྒྱས་པར་འགྱུར། །ཁམས་གསུམ་དབང་བསྡུས་རྒྱལ་མཚན་ཕྱོགས་བཞིར་གཟུགས། །ཟངས་མའི་གའུ་རྟག་ཏུ་ལུས་ལ་སྲེལ། །རྒྱལ་མཚན་གའུའི་ནང་དུ་དཔལ་འཁོར་གཞུག །མ་ནིང་སྐུ་མདོག་དམར་པོར་གསལ། །འོད་ཟེར་དམར་པོ་སྤྲོ་བསྡུ་ཡིས། །གང་དམིགས་ཙིལྟིའི་ཞལ་དྲངས་ལ། །རྩ་སྔགས་ཤམ་བུར་བ་ཤང་ཀུ་རུ་གདགས། །དེས་ནི་ཁམས་གསུམ་སྲིད་གསུམ་དུས་གཅིག་སྡུད། །དྲག་པོ་འབྲུབ་ཁུང་ཚད་ལྡན་བཤམས། །ནང་དུ་ཟག་རྫས་ཉ་བོ་གཞུག །སྟེང་ནས་འཁོར་ལོས་བཀབ་ནས་ནི། །ལྟེ་བར་བུག་པ་ཐུན་ལམ་བྱ། །རོ་གཡམ་རྒྱ་གྲམ་བྲིས་པས་ཁ་བཅད། །ཆུ་ཤིང་ཕུར་ལ་སྔགས་འདི་གདབ། །རྩ་སྔགས་ཤམ་བུར་མྱ་ར་ཡ་ཀུ་རུ་ཡེ་གྲྭ་ཧྭ། མ་ནིང་སྟོབས་ལྡན་ཆེན་པོར་བསམ། །འོད་ཟེར་ནག་པོ་འཕྲོ་འདུ་ཡིས། །དགྲ་བགེགས་ཐལ་བར་རླག་པར་འགྱུར། །གཏོར་མ་བདུད་ཤོས་ནག་པོ་ལ། ཁྲ་དམར་སྒོག་བཙོང་ལ་ཕུག་དང་། །སྨན་རག་ཆང་ཕུད་ཤ་ཆེན་གསུར། །ཨ་ཀ་རུ་དང་རྒྱ་སྤོས་ཏམ། །དཔལ་ཆེན་གསལ་བས་བྱིན་གྱིས་བརླབས། །སྲོག་སྙིང་ཁ་ཡི་རྟགས་ཏེ་དབུལ། །རྔ་བརྡུང་དར་ནག་འཕྱར་ལ་འདི་སྐད་བསྐུལ། །ཧུ༷་སྨྱོ། ལྷ་ཆེན་དཔལ་འབར་གཤེགས་སུ་གསོལ། །ལེགས་ལྡན་ནག་པོ་གཤེགས་སུ་གསོལ། །བྷ་ག་ནག་པོ་གཤེགས་སུ་གསོལ། །ཚོགས་བདག་ཆེན་པོ་གཤེགས་སུ་གསོལ། །ཛམ་ལྷ་ནག་པོ་གཤེགས་སུ་གསོལ། །ནག་པོ་ཐོད་འཕྲེང་གཤེགས་སུ་གསོལ། །ཆོས་སྐྱོང་ནག་པོ་གཤེགས་སུ་གསོལ། །དགྲ་བོའི་གཤེད་མ་གཤེགས་སུ་གསོལ། །བགེགས་ཀྱི་གཉེན་པོ་གཤེགས་སུ་གསོལ། །བདག་གི་གྲོགས་པོ་གཤེགས་སུ་གསོལ། །དམ་ཅན་ཆེན་མོ་གཤེགས་སུ་གསོལ། །ནག་པོ་གཟིམ་དངས་ཡ་ལ་ལ། །སྲིང་མོ་ཟོར་ཐོགས་ཐིབས་༄༅ སེ་ཐིབས། །བདུད་པོ་ཁྲམ་ཐོགས་ཡེ་རེ་རེ། ཁྲན་པ་གྲི་ཐོགས་ཟངས་སེ་ཟངས། །ནག་པོ་ཟོར་ཐོགས་ཆེམས་སེ་ཆེམས། །དར་ནག་རུ་མཚོན་རོངས་སེ་རོངས། །གཡབ་དར་ནག་པོ་ལྷབས་སེ་ལྷབས། །ཉི་མ་ཟླ་བ་ཏ་ལ་ལ། །མེ་སྟག་ཚུབ་མ་འུ་རུ་མྲ །དུག་མཚོ་ཁོལ་མ་ཆི་ལི་ལི། །སྦྲུལ་ནག་མང་པོ་ཁྱུག་སེ་ཁྱུགས། །དོམ་ནག་ཁྱི་ནག་ང་ར་ར། །ལྕགས་སྤྱང་ཅེ་སྤྱང་འདུ་རུ་སྲ །བྱ་ནག་མང་པོ་ཐིབས་སེ་ཐིབས། །གཡག་རོག་མང་པོ་འདུ་རུ་མྲ །རྟ་ནག་མང་པོ་ཙེ་རེ་རེ། །མོན་པ་གར་བྱེད་ཁྱུགས་སེ་ཁྱུགས། །ལིང་བ་མདའ་འཕེན་སྤྲིངས་སེ་སྤྱིངས། །བྱ་རོག་ཤ་འཐོག་ལིངས་སེ་ལིངས། །འུག་པའི་རྐན་སྒྲ་ཆེམས་སེ་ཆེམས། །ཐུན་གྱི་སེར་ར་ཤ་ར་ར། །གནམ་ལྕགས་ཐོག་འབེབས་ལོངས་སེ་ལོངས། །རླུད་ནག་ཚུབ་མར་ཁྱི་ལི་ལི། །མ་མོའི་སྒྱུགས་པ་ཀྱུ་རུ་མྲ །མི་ལྤགས་གཡབ་དོར་ལིངས་སེ་ལིངས། །འགོང་པོ་ངུས་སྐད་ལྷངས་སེ་ལྷངས། །འདྲེ་ངན་སྐད་ངན་ཙེ་རེ་རེ། །རྒྱལ་སེན་སྨྱོ་སྒྲ་ཏེག་གེ་ཏེག །ཆོས་སྐྱོང་འཁོར་བཅས་ཐིབས་སེ་ཐིབས། །ཚུར་སྤྱོན་ཚུར་སྤྱོན་དམ་ལ་འདུ། །རྒྱན་གྱི་བཤོས་གཏོར་འདི་བཞེས་ལ། །བཅོལ་བའི་འཕྲིན་ལས་གྲུབ་པར་མཛོད། །ཧུ༷་སྨྱོ། དོ་ནུབ་ནམ་གྱི་གུང་ཐུན་ལ། །བླ་རྐུན་ཇག་པ་ལས་ལ་ཁྱེ། །དམ་ཉམས་དགྲ་བོ་གཉིད་སོང་གི །དགྲ་བོ་བླ་འཁྱམས་ཁྲིད་ལས་ཤོག །བསད་རྟགས་དོན་སྙིང་ཁྱེར་ལས་ཤོག །དཀོར་རྐུན་སྙིང་རྩ་ཁྱེར་ལ་ཤོག །སྨྱོ། མ་ནིང་ནག་པོའི་དུས་ལ་བབ། །བྷ་ག་ནག་པོའི་དུས་ལ་བབ། །དགྲ་གཤེད་ཆེན་པོའི་དུས་ལ་བབ། །མགོན་པོ་ནག་པོའི་དུས་ལ་བབ། །ཡབ་རྗེ་ནག་པོའི་དུས་ལ་བབ། །འཛམ་ལྟ་ནག་པོའི་དུས་ལ་བབ། །རྟ་ཀི་ནག་པོའི་དུས་ལ་བབ། །མོན་པ་ནག་པོའི་དུས་ལ་བབ། །ཤར་གིང་ནག་པོའི་དུས་ལ་བབ། །གཟའ་བདུད་ནག་པོའི་དུས་ལ་བབ། །ཚོགས་བདག་ནག་པོའི་དུས་ལ་བབ། །ནག་པོ་ཚེ་བདུད་དུས་ལ་བབ། །སྲིང་ཅིག་ཆེན་མོའི་དུས་ལ་བབ། །འགྲོ་བ་ཀུན་བཟང་དུས་ལ་བབ། །མཁའ་འགྲོའི་གཙོ་མོའི་དུས་ལ་བབ། །ལས་ཀྱི་དབང་ཆེན་དུས་ལ་བབ། །རེ་མ་ཏི་ཡི་དུས་ལ་བབ། །མོན་མོ་ནག་མོའི་དུས་ལ་བབ ཅི་བཅོལ་ལས་རྣམས་ཐམས་ཅད་སྒྲུབས། །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །ལས་སུ་གནོད་བྱེད་དགྲ་བགེགས་སྒྲོལ། །ཨེ་ཡ༷་ར༷་སིད་དི་ཏྲི་ཡ༷་རུ་ཏྲ་ཧུ༷་སྨྱོ། ཞེས་པས་དྲག་ཏུ་བསྐུལ། གཏོར་ཟོར་འཕང་། གསོལ་ཀ་བཤམ་དང་བྱིན་བརླབ་ཅིང་། །སྤྱན་འདྲེན་མཆོད་དབུལ་བསྟོད་བསྐུལ་བྱ། །ཕུད་མཆོད་རྒྱས་དང་སྔགས་མཆོད་འབུལ། །བཤམ་པ་མ་འབགས་ཕྱེ་ཕུད་ལ། །རིན་ཆེན་བརྡར་ཅིང་མགོ་བོའི་བཤོས། །ཟུར་གསུམ་ནག་པོ་ནང་ཅན་འབྲུ། །རྩེ་ལ་སྨྱུག་རྒོད་རྟེན་མདའ་དར་ནག་གཟུགས། །དེའི་མཐར་བཤོས་བུ་ཟུར་གསུམ་བརྒྱད། །མཐེབ་ཀྱུས་བསྐོར། སྨན་རག་ཚོགས་འཁོར་སྤོས་དུད་བཤམ། །སྐྱབས་འགྲོ་སེམས་བསྐྱེད་ཚོགས་བསག་ཅིང་། །ཕྱི་ལྟར་སྔགས་དྲུག་ཕྱག་རྒྱ་དྲུག །ནང་ལྟརའབྲུ་གསུམ་སྦྱངས་སྤེལ་སྒྱུར། །གསང་བར་རང་ཉིད་ཆེ་མཆོག་སྒོམ། །ཐུགས་སྲོག་ཧུ༷་ལས་འབྲུ་ལྔར་འཕྲོས། །ཨེ་ཡ༷་ར༷་ཀེ །ཨེ་ལས་ནམ་མཁའ་སྟོང་པའི་ངང་ ཡ༷་ལས་རླུང་གི་དཀྱིལ་འཁོར་སྒོམ། །ར༷་ལས་མེ་ཡི་དཀྱིལ་འཁོར་སྐྱེད། །ཀོ་ལས་བན་དྷའི་སྒྱེད་བུ་གསུམ། །དེ་སྟེང་བན་དྷ་སྟོང་གསུམ་ཙམ། །ཨ་ལས་ཤ་ལྔ་བདུད་རྩི་ལྔ་རུ་བསྐྱེད། །དེ་དབུས་རྡོ་རྗེ་རྩེ་ལྔ་བསམ། །མེ་རླུང་འབར་བས་རླངས་འཕུངས་ཏེ། །ཕྱོགས་བཅུའི་སངས་རྒྱས་ཞིང་དུ་འཕྲོས། །རྒྱལ་བ་མཉེས་པའི་མཆོད་པ་འབུལ། །བྱང་སེམས་བདུད་རྩིའི་རྒྱུན་དྲངས་ནས། །རྡོ་རྗེ་ལ་ཐིམ་རྡོ་རྗེ་ལན་གསུམ་དཀྲུགས་པས་བདུད་རྩིར་འཁྱིལ། །ཕྱོགས་བཅུའི་སངས་རྒྱས་བྱང་སེམས་དང་། །ཞི་ཁྲོ་ཡོངས་རྫོགས་ལྟ་ཚོགས་དང་། །མ་ནིང་མགོ་དགུ་རྣམ་གསུམ་དང་། །སྣང་སྲིད་ལྷ་སྲིན་སྡེ་བརྒྱད་སོགས། །མ་ལུས་མཉེས་མཆོད་མགྲོན་བཞི་མཆོད། །རྒྱས་པར་ཡོངས་སུ་རྫོགས་པར་བྱ། །བློ་འབྲིང་བསྟོད་བསྐུལ་ཚིག་བཤད་མཆོད། །དབང་མཐས་བྱིན་རླབས་སྔགས་ཀྱིས་གསོལ། །སྨན་རཀ་གཏོར་མ་སྦྲེང་བྱ་ཞིང་། །ཧུ༷་སྨྱོ། ལྟ་ཆེན་དཔལ་འབར་འདིར་གཤེགས་གསོལ། །མ་ནིང་ནག་པོ་གཤེགས་སུ་གསོལ། །ལེགས་ལྡན་ནག་པོ་གཤེགས་སུ་གསོལ། །བྷ་ག་ནག་པོ་གཤེགས་སུ་གསོལ། །ཚོགས་བདག་ཆེན་་པ་གཤ་གས་སུ་གསོལ།།ཛམ་ལྷ་ནག་་པ་གཤ་གས་སུ་གསོལ།།ནག་་པ་་ཐད་འཕྲེང་གཤ་གས་སུ་གསོལ།།་ཆས་སྐྱོང་ཆེན་་པ་གཤ་གས་སུ་གསོལ།།གཟའ་བདུད་ཆེན་་པ་གཤ་གས་སུ་གསོལ།།སྲོག་བདུད་ནག་་པ་གཤེགས་སུ་གསོལ།།ཏ་ཀང་ནག་་པ་གཤེགས་སུ་གསོལ།།ནག་་པ་ཚེ་བདུད་གཤེགས་སུ་གསོལ།།བྱ་རྒོད་ཐང་ནག་གཤེགས་སུ་གསོལ།།མཁའ་ལྡངང་ནག་་པ་གཤེགས་སུ་གསོལ།།ཀླུ་བདུད་ནག་་པ་་་གས་སུ་གསོལ།།ཐར་པ་ནག་་པ་གཤེགས་སུ་གསོལ།།དགྲ་་བའི་གཤེད་མ་གཤ་གས་སུ་གསོལ།།བགེགས་ཀྱང་གཉ་ན་་པ་གཤེགས་སུ་གསོལ།།བདག་གང་གྲོགས་་པ་གཤེགས་སུ་གསོལ།།དམ་ཅན་གོ་་པ་གཤེགས་སུ་གསོལ།།སྤྲུལ་འཁོར་དཔའ་་བ་གཤེགས་སུ་གསོལ།ཡབ་རྗེ་ནག་་པ་གཤེགས་སུ་གསོལ།ཁྲར་གངང་ནག་་པ་གཤེགས་སུ་གསོལ།།དུང་གི་སྣ་ཅན་གཤེགས་སུ་གསོལ།།མོན་པ་ནག་་པ་གཤེགས་སུ་གསོལ།།སྲངང་ཅངག་ཆེན་མོ་གཤེགས་སུ་གསོལ།།འགྲོ་བ་སྣོ་་་་ང་གཤེགས་སུ་གསོལ།།མཁའ་འ་འ་གཙོ་མོ་གཤེགས་སུ་གསོལ།།ལས་ཀྱང་དབང་ཆེན་གཤེགས་སུ་གསོལ།།རེ་ཏི་གོ་མོ་གཤེགས་སུ་གསོལ།།མོན་མོནག་མོགཤེགས་སུ་གསོལ།།འདིར་གཤེགས་་གདན་ལ་བཝས་སུ་གསོལ།།འདོད་ཡོན་ལྔ་ཡི་མཆོད་པ་འབུལ།།བྷ་ལིང་རྒྱན་གྱི་མཆོད་པ་འབུལ།།སྨན་རཀ་བདུད་རྩིའི་མཇོ་པ་འབུལ།།གོརོ་ཙ་ནའི་མཆོད་པ་འབུལ། །བ་སུ་ཏ་ཡི་མཆོད་པ་འབུལ། །མ་ཧྭ་མ༷་སའི་མཆོད་པ་འབུལ། །མ་ཧྭ་ཙིལྟིའི་མཆོད་པ་འབུལ། །མ་ཧྭ་རཀྟའི་མཆོད་པ་འབུལ། །ཚོགས་ཀྱི་འཁོར་ལོའི་མཆོད་པ་འབུལ། །ཛ་གད་ཆང་གི་མཆོད་པ་འབུལ། །ཕྱི་ནང་གསང་བའི་མཆོད་པ་འདི་བཞེས་ལ། །བདག་ཅག་རྣལ་འབྱོར་འཁོར་བཅས་ལ། །ནད་གདོན་རྣམ་རྟོག་ཞི་བ་དང་། །ཚེ་དང་བསོད་ནམས་རྒྱས་པ་དང་། །ཁམས་གསུམ་སྲིད་གསུམ་དབང་སྡུད་པ། །དྲེགས་པས་དགྲ་བགེགས་ཚར་གཅོད་པ། །མི་མཐུན་ཕྱོགས་རྣམས་ཞི་བ་དང་། །སངས་རྒྱས་བསྟན་པ་བསྲུང་བ་དང་། །དཀོན་མ༷ཆོག་དབུ་འཕངས་བསྟོད་པ་དང་། །རྣལ་འབྱོར་སྐུ་དགྲ་འདུལ་བ་དང་། །གཙུག་ལག་ཁང་བསྲུང་ཆོས་འཁོར་སྐྱོང་། །བཅོལ་བའི་འཕྲིན་ལས་གྲུབ་པར་མཛོད། །ཅེས་བསྐུལ་ལོ། །གཞན་ཡང་སྔགས་གསོལ་ཁ་ནི། །ཨོ་ཤི་བཛྲ་མ་ཧྭ་ཀྲོ་དྷ་ཤི་ཧེ་རུ་ཀ་ཧུ༷་ཕཊ། མཧྭ་ཀྲོ་དྷི་ཤྭ་རི་སྟུ༷། མ་ཧྭ་པ྅་བྷ་ལིང་ཏ་རཀྟ་སརྦ་པྲུ་ཙ་ལ་ཁའ་ཧི་ཁའ་ཧི། ཨོ༷་ཤི་མ་ཧྭ་ཀྭ་ལ་བྷ་ན་གུ་ན་ར༷་སིདྷི་མ་ཧྭ་པ྅་བྷ་ལིང་ཏ་རཀྟ་ཁའ་ཧི་ཁའ་ཧི། ཨོ་མ་ཧྭ་ཀྭ་ལ་རུ་པ་ཏྲི་ཡ༷་ཛ་མ་ཧྭ་པལྒ ཨོ་མ་ཧྭ་ཀྭ་ལ་རསྒ་དུ་བེ་ནི་མ་ཧྭ་པཉུ།ཨོ་བཛྲ་ཤི་མཧྭ་ཀྭ་ལ་ཁ་སྟེ་ཏ་ཧ་ན་མ་ཧྭ་པལྒ ཨོ༷་མ་ཧྭ་ཀྭ་ལ་སིང་ང་ར༷་ཧུ༷་མ་ཧྭ་པལྒ ཨོ༷་ཤི་མ་ཧྭ་ཀྭ་ལ་ཀྲག་ཤད་མ་ཧྭ་པལྒ ཨོ་རུ་ལུ་རུ་ལུ་ཧུ༷་སྦྱོ་མ་ཧྭ་པན་ཏྲི་ཡ༷་རུ་ཏྲ་ཧུ༷་སྨྱོ་མ་ཧྭ་པལྒ མུན་ཤི་སྨྱོ་མ་ཧྭ་པལྒ མུན་ནག་ཤི་སྨྱོ་མ་ཧྭ་པལྕ རུ་ཏྲ་ནག་པོ་དགྲ་བོའི་སྙིང་ལ་སུ་ཏྲི་ཙིལྟི་རྦད་མ་ཧྭ་པལྕ སུ་ཏྲི་མྱ་ར་ཡ་རྦད་མ་ཧྭ་པ྅་བྷ་ལིང་ཏ་མ་ཧྭ་རཀྟ་ཀྟན་ཁའ་ཧི་ཁུ་ཧི། ཧུ༷་སྨྱོ་ལྷ་ཆེན་དཔལ་འབར་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙཀྲ་ཁ་ར༷་ཁུ་ཧི། མ་ཧྭ་ཀྭ་ལའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་ཀྟ་ན་ཙསྐྲ་ཁ་ར༷་ཁུ་ཧི། མ་ནིང་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་མ་ཧྭ་རཀྟ་ཀྟ་ན་ཁ་ར༷་ཁའ་ཧི། སྲོག་བདུད་ཆེན་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཁ་ར༷་ཁུ་ཧི། གཟའ་བདུད་མ་ནིང་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཁ་ར༷་ཁའ་ཧི། ཀླུ་བདུད་མ་ནིང་ཞལ་དུ་མ་ཧྭ་པ྅་བྷ་ལིང་ཏ་མ་ཧྭ་རཀྟ་བྷ་ན་ཁ་ར༷་ཁྭ་ཧི། བ་ག་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་ཀྟ་ན་ཁ་ར༷་ཁའ་ཧི། ལེགས་ལྡན་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་ཀྟ་ན་ཁ་ར༷་ཁའ་ཧི། ཡབ་རྗེ་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཁ་ར༷་ཁའ་ཧི། ཆོས་སྐྱོང་ཆེན་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། ཚོགས་བདག་ཆེན་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། ཛམ་ལྷ་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་ཀྟ་ན་ཙསྐྲ་ཁ་ར༷་ཁའ་ཧི། ཏ་ཀི་ནག་པོའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། མོན་པ་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙཀླ་ཁ་ར༷་ཁའ་ཧི། ཤར་གིང་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁུ་ཧི། དམ་ཅན་ཆེན་པོའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། ནག་པོ་ཐོད་འཕྲེང་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙཀླ་ཁའ་ར༷་ཁུ་ཧི། བྱ་རྒོད་ཐང་ནག་ཞལ་དུ་མ་ཧྭ་པརྩི་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། མཁའ་ལྡིང་ནག་པོའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། ཚེ་བདུད་ནག་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། དགྲ་བོའི་གཤེད་མའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། བགེགས་ཀྱི་གཉེན་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། བདག་གི་གྲོགས་པོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙཀྲ་ཁ་ར༷་ཁའ་ཧི། སྲིང་ཅིག་ཆེན་མོའི་ཞལ་དུ་མ་ཧྭ་པ྅་བྷ་ལིང་ཏ་རཀྟ་བྷ་ན་ཙཀླུ་ཁ་ར༷་ཁའ་ཧི། འགྲོ་བ་ཀུན་བཟང་ཞལ་དུ་མ་ཧྭ་པ྅་བྷ་ལིང་ཏ་རཀྟ་ཀྟ་ན་ཙསྐྲ་ཁ་ར༷་ཁའ་ཧི། མཁའ་འགྲོའི་གཙོ་མོའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་ཀྟ་ན་ཙཀྲུ་ཁ་ར༷་ཁའ་ཧི། ལས་ཀྱི་དབང་ཆེན་ཞལ་དུ་མ་ཧྭ་པརྩི་བྷ་ལིང་ཏ་རཀྟ་བྷ་ན་ཙསྐྲ་ཁ་ར༷་ཁའ་ཧི། རེ་མ་ཏིའི་ཞལ་དུ་མ་ཧྭ་པརྩི་བྷ་ལིང་ཏ་རཀྟ་སརྦ་པྱུ་ཛ་ཁའ་ཧི། ནག་པོ་གཟི་མདངས་ཡ་ལ་ལ། །སྲིང་མོ་མ་ཚོགས་ཐིབས་སེ་ཐིབས། །བདུད་ཕོ་ཁྲམ་ཐོགས་ཉེ་རེ་རེ། །ཤན་པ་གྲི་ཐོགས་ཟིངས་སེ་ཟིངས། །ནག་པོ་ཟོར་ཐོགས་ཆེམས་སེ་ཆེམས། །དར་ནག་རུ་མཚོན་རོངས་སེ་རོངས། །གཡབ་དར་ནག་པོ་ལྷབས་སེ་ལྷབས། །ཉི་མ་ཟླ་བ་ཏ་ལ་ལ། །མེ་སྟག་ཚུབ་མ་འུ་རུ་རུ། །དུག་མཚོ་ཁོལ་མ་ཆི་ལི་ལི། །སྦྲུལ་ནག་མང་པོ་ཁྱུགས་སེ་ཁྱུགས། །དོམ་ནག་ཁྱི་ནག་ང་ར་ར། །ལྕགས་སྤྱང་ཅེ་སྤྱང་འདུ་རུ་མྲ །བྱ་ནག་མང་པོ་ཐིབས་སེ་ཐིབས། །གཡག་རོག་མང་པོ་ངུ་རུ་སྲ །རྟ་ནག་མང་པོ་ཙ་རེ་རེ། །མོན་པ་གར་བྱེད་ཁྱུགས་སེ་ཁྱུགས། །ལིང་པ་མདའ་འཕེན་སྦྲངས་སེ་སྦྲངས། །བྱ་རོག་ཤ་འཐོག་ལིངས་སེ་ལིངས། །འུག་པ་རྐན་སྒྲ་ཆེམས་སེ་ཆེམས། །ཐུན་གྱི་སེར་བ་ཤ་ར་ར། །གནམ་ལྕགས་ཐོག་འབབ་ལོངས་སེ་ལོངས། །རླུད་ནག་ཚུབ་མ་ཀྱི་ལི་ལི། །མ་མོའི་སྒྱུགས་པ་ཀྱུ་རུ་མྲ །མི་ལྤགས་གཡབ་འདོར་ལིངས་སེ་ལིངས། །འགོང་པོ་ངུ་སྐད་ལྷངས་སེ་ལྷངས། །འདྲེ་ངན་སྐད་ངན་ཙ་རེ་རེ། །རྒྱལ་བསེན་སྨྱོ་སྒྲ་ཏེག་གེ་ཏེག །ཆོས་སྐྱོང་འཁོར་བཅས་ཐིབས་སེ་ཐིབས། །ཚུར་སྦྱོན་ཚུར་སྦྱོན་དམ་ལ་འདུ། །རྒྱན་གྱི་གཏོར་མ་འདི་བཞེས་ལ། །བཅོལ་བའི་འཕྲིན་ལས་གྲུབ་པར་མཛོད། །དོ་ནུབ་ནམ་གྱི་གུང་ཐུན་ལ། །བླ་རྐུན་ཇག་པ་ལས་ལ་ཁྱེ། །དམ་ཉམས་དགྲ་བོ་གཉིད་སོང་གིས། །དགྲ་བོ་བླ་འཁྱམ་ཁྲིད་ལས་་།ག །བསད་རྟགས་དོན་སྙིང་ཁྱེར་ལས་ཤོག །དཀོར་རྐུན་སྙིང་རྩ་ཆོད་ལས་་།ག །སྨྱོ། མ་ནིང་ནག་པོའི་དུས་ལ་བབ། །བྷ་ག་ནག་པོའི་དུས་ལ་བབ། །དགྲ་གཤེད་ནག་པོའི་དུས་ལ་བབ། །མགོན་པོ་ནག་པོའི་དུས་ལ་བབ། །ཡབ་རྗེ་ནག་པོའི་དུས་ལ་བབ། །ཛམ་ལྷ་ནག་པོའི་དུས་ལ་བབ། །ཏ་ཀི་ནག་པོའི་དུས་ལ་བབ། །མོན་པ་ནག་པོའི་དུས་ལ་བབ། །ཤར་གིང་ནག་པོའི་དུས་ལ་བབ། །གཟའ་བདུད་ནག་པོའི་དུས་ལ་བབ། །ཚོགས་བདག་ནག་པོའི་དུས་ལ་བབ། །ནག་པོ་ཚེ་བདུད་དུས་ལ་བབ། །སྲིང་ཅིག་ཆེན་མོའི་དུས་ལ་བབ། །འགྲོ་བ་ཀུན་བཟང་དུས་ལ་བབ། །མཁའ་འགྲོའི་གཙོ་མོའི་དུས་ལ་བབ། །ལས་ཀྱི་དབང་ཆེན་དུས་ལ་བབ། །རེ་མ་ཏི་ཡི་དུས་ལ་བབ། །མོན་མོ་ནག་མོའི་དུས་ལ་བབ ཅི་བཅོལ་ལས་རྣམས་ཐམས་ཅད་སྒྲུབས། །ཟས་སུ་དགྲ་བོའི་ཤ་ལ་ཟོ། །སྐོམ་དུ་དགྲ་བོའི་ཁྲག་ལ་འཐུང་། །ལས་སུ་གནོད་བྱེད་དགྲ་བགེགས་སྒྲོལ། །ཨེ་ཡ༷་ར༷་སིརྙི་ཏྲི་ཡ༷་རུ་ཏྲ་ཧུ༷་སྨྱོ། ཞེས་གསོལ། དྲག་ཏུ་བསྐུལ། །ཐལ་མོ་གདབ། །འདོར་ན་འདི་ཉིད་གསོལ་བས་གྲུབ། །མ་ནིང་ཡིན་ཕྱིར་ཟློག་ཏུ་མེད། །གཞན་ཡང་ཚོགས་ཀྱི་མཆོད་པ་ནི། །བཤམ་ཞིང་བསང་སྦྱང་བྱིན་བརླབ་ཅིང་། །སྤྱན་དྲངས་ཕུད་འབུལ་བར་མ་བཤགས། །ཞལ་དུ་བཏབ་ཅིང་རོལ་བར་བྱ། །བཤམ་པ་གལ་ཟ་ཟླ་རྒྱས་ཟླ་ཕྲོམ་དང་། །ཛ་གད་ཛ་ཏི་ཛ་དེས་ཀུན་ཏུ་རྒྱུ། །མ༷་ས་རཀྟ་ཙིཀྟ་བ་སུ་ཏ། །གོ་རོ་ཙ་ན་ལ་སོགས་ཡོ་བྱད་བསགས་གསང་བ། །ཨོ་ཨུ་ཙུས་མ་པེ་ཏ་ལི་ཀྲོ་ཏ་ནི་སརྦ་ཕྲ༷་ཧཱུཾ་ས༷་ཤོ་དྷ་ཡ་ཧུ༷་ཕཊ། སྦྱང་བ་ར༷་ཡ༷་ཁ༷་སྦྱང་སྤེལ། །བདུད་རྩིར་བསྒྱུར་བྱིན་རླབས། །ཨོ་ཨུ༷༷ཧུ༷་ཧྲི། བྷ་ན་ཀ་སརྦ་ཙ་ཧོ་འདོད་ཡོན་ལྔ་ལྡན་བྱིན་བརླབས་ནས། །སྤྱན་འདྲེན་མ་ནིང་གཙོ་འཁོར་བཅས། །ཕུད་བཤགས་བཏབ་ཅིང་ལྷག་མ་རོལ། །རྒྱུན་དུ་དཔལ་ཆེན་ཀྲོང་བསྐྱེད་བྱ། །སྤྲུལ་འཁོར་གཞལ་ཡས་རང་ལུས་བསྡུ། །རང་ལུས་སྣང་ལ་རང་བཞིན་མེད། །འགག་མེད་སྙིང་ཁའི་ཧུ༷་ལ་འདུས། །དེ་གཉིས་མཐའ་ནས་བསྡུས་པ་ལ། །སྟོང་གསལ་ཅིག་བཞག །འབྲས་བུ་ལྟ་བསྐྱེད་སྟོང་མཐའ་འགག །སྤྲུལ་པའི་སྐུ་རུ་མངོན་སངས་རྒྱ་ས། །རྫོགས་རིམ་སྣང་ལ་རང་བཞིན་མེད། །ལོངས་སྤྱོད་རྫོགས་སྐུར་མངོན་སངས་རྒྱས། །བསྐྱེད་རྫོགས་གང་དུ་འཛིན་མེད་པས། །ཆོས་ཀྱི་སྐུ་རུ་མངོན་སངས་རྒྱས། །ཞེས་གསུངས་སོ། །དཔལ་མགོན་མ་ཧྭ་ཀྭ་ལའི་ལས་རྒྱུད་ཆེན་པོ་ལས། བསྐྱེད་རྫོགས་ལས་བྱང་དུ་བསྡེབས་ནས་ལྡང་ཚད་བརྒྱད་དུ་བསྟན་པའི་ལེའུ་སྟེ་བཞི་པའོ།། །།གསང་བ་༩་་བདག་པོས་ཡང་ཞུས་པ། ཀྱེ་ཀྱེ་བཅོམ་ལྡན་ཧེ་རུ་ཀ །སྤྲུལ་པ་སྐུ་སྟེ་སྐུ་ཡི་མཆོག །སངས་རྒྱས་སྤྲུལ་པའི་རྒྱུད་འཆང་བ། །ཕྱོགས་བཅུར་སྤྲུལ་པ་སྣ་ཚོགས་འགྱེད། །ནམ་མཁའི་བདག་པོ་སྣ་ཚོགས་སྟོན། །ཉིད་སྤྲུལ་དཔལ་མགོན་མ་ཧྭ་ཀྭ་ལ་འདིའི། །སྤྲུལ་པའི་དོན་བྱེད་གང་ཡིན་དང་། །སྤྲུལ་པའི་བྱེ་བྲག་ཇི་ལྟར་བྱེད། །རིགས་དང་སྡེ་ཚན་དུ་རུ་འདུས། །གཉེན་པོའི་ལྟ་ནི་གང་གང་ལགས། །གནས་ཁང་སྒྲུབ་ཁང་ཅི་འདྲ་དགོས། །བསྙེན་སྒྲུབ་ལས་སྦྱོར་ཇི་ལྟར་བགྱི། །སྤྱི་ཡི་དམ་རྫས་གང་ལ་བྱེད། །སྒོ་སྒོའི་དམ་རྫས་གང་ལྟར་ཡིན། །བསྟེན་ཅིང་སྒྲུབ་པའི་ཡོན་ཏན་གང་། །ལས་ཀྱི་ཁ་ཚར་ཇི་ཙམ་ཡོད། །དཔའ་བོ་ཆེན་པོས་བཀའ་སྩོལ་ཅིག །ཅེས་ཞུས་པས། ཆེ་མཆོག་ཧེ་རུ་ཀས་བཀའ་སྩལ་པ། ཉོན་ཅིག་རིགས་འཛིན་གསང་བའི་བདག །དེ་དོན་ཁྱོད་ཀྱིས་ཞུས་པ་ལེགས། །མ་ནོར་བདག་གིས་ལེགས་པར་བསྟན། །ལྷ་མགོན་མ་ཧྭ་ཀྭ་ལ་འདིའི། །སྤྲུལ་པའི་དོན་བྱེད་འགྲོ་བ་འདུལ། །སྤྲུལ་པའི་བྱེ་བྲག་བཞི་ལྔ་བརྒྱད། །རིགས་ནི་ཉི་ཤུ་རྩ་ལྔར་འབྱེད། །སྡེ་ཚན་ཉི་ཁྲི་ཆིག་སྟོང་ཡོད། །ཤིས་པའི་ལྷ་ནི་ཆེ་མཆོག་བདག་ཉིད་དང་། །གཤིན་རྗེ་རྟ་མགྲིན་གསང་བདག་ཁྱོད་ཡིན་ནོ། །གནས་ཁང་དབེན་ཞིང་ཉམས་དགའ་བ། །གཙུག་ལག་ཁང་ངམ་མཚན་ལྡན་གཅེས། །གྲོགས་ནི་དད་ལྡན་ཤེས་རབ་ཅན། །སྙིང་རྗེ་ཅན་དང་སྡུག་སྲན་ཅན། །ཕྱག་རྒྱ་གསང་ཐུབ་མཚན་ལྡན་གཅེས། །བསྙེན་པ་རབ་འབྲིང་རྟགས་ལ་སྦྱོར། །སྒྲུབ་པ་ཕྱི་ནང་གསང་བ་གསུམ། །ལས་སྦྱོར་སྲོག་སེར་ཆོ་འཕྲུལ་གཏད། །བྲན་དང་ཕོ་ཉར་སྡེ་བརྒྱད་བཀོལ། །ཡང་འཁོལ་བརྒྱད་པོ་རྣོ་མྱུར་མགྱོགས། །སྒྲུབ་མཆོག་མཚོན་ཆ་རྣམ་པ་བཞི། །བེང་བཅས་བླ་རྡོ་ཀུན་དབང་བསྒྱུར། །སྤྱི་ཡི་དམ་རྫས་བསྙེན་བསྒྲུབ་ཅིང་། །ལས་སྦྱོར་བསད་ལས་ཆོ་འཕྲུལ་རྫས། །སྒོ་སྒོའི་དམ་རྫས་རང་རིག་གཙོ། །བསྙེན་སྒྲུབ་ཡོན་ཏན་བརྗོད་ལས་འདས། །ལས་ཀྱི་ཁ་ཚར་བསམ་མི་ཁྱབ། །ཅེས་གསུངས་སོ། །མ་ནིང་ལས་རྒྱུད་ནག་པོ་ལས། མདོར་བསྟན་པའི་ལེའུ་སྟེ་ལྔ་པའོ།། །།ཡང་གསང་བའི་བདག་པོས་ཞུས་པ། ཀྱེ་ཀྱེ་ཆེ་མཆོག་ཧེ་རུ་ཀ །གོང་ཞུས་དོན་རྣམས་མདོར་བསྟན་ཀྱང་། །དེ་དོན་ཞིབ་རྒྱས་མ་གསུངས་ན། །མ་རིགས་འཁྲུལ་བས་བློ་མི་ཁྲོལ། །བྱེ་བྲག་ཤིན་ཏུ་རྒྱས་པར་ཞུ། །ཞེས་ཞུས་པས། ཆེ་མཆོག་ཧེ་རུ་ཀས་བཀའ་སྩལ་པ།དེ་དོན་ཞུས་པ་ཤིན་ཏུ་ལེགས། །དག་པར་བྱེད་ཅིང་སྡིག་སེལ་བ། །ང་ལས་ཉན་པར་བརྩོན་པ་རྣམས། །ལེགས་སོ་དཔལ་ལྡན་རྡོ་རྗེ་འཆང་། ཤེས་རབ་རལ་གྲི་མདའ་གཞུ་ཐོགས། །མི་ཤེས་གཡུལ་ངོ་སེལ་བ་པོ། །རྒྱས་པར་བཤད་ཀྱིས་གུས་པས་ཉོན། །ལྷ་མགོན་མ་ཧྭ་ཀྭ་ལ་འདི། །ང་ཡི་སྐུ་གསུང་ཐུགས་ཀྱི་སྤྲུལ་པ་ཡིན། །ཅིའི་ཕྱིར་རུ་ཏྲ་བཏུལ་བའི་ཕྱིར། །ལྔ་བརྒྱ་དུས་ཀྱི་ཐ་མ་ལ། །གཟའ་བདུད་མ་ནིང་ནག་པོ་དང་། །བདག་ཏུ་འཛིན་པའི་རུ་ཏྲ་དར། །དེ་ཚེ་གཞན་གྱིས་མི་ཐུལ་བས། །བདག་འཛིན་སྔོན་བཅོམ་མ་ནིང་འདིས། །དེ་ཚེ་བདག་འཛིན་རུ་ཏྲ་བཏུལ། །བྱེ་བྲག་ཕྱེ་ན་རྣམ་པ་བཞི། །མགོན་པོ་མ་ནིང་ནག་པོ་དང་། །གཟའ་བདུད་མ་ནིང་ནག་པོ་དང་། །སྲོག་བདུད་མ་ནིང་ནག་པོ་དང་། །ཀླུ་བདུད་མ་ནིང་ནག་པོ་དང་བཞི་ཡིན་ཏེ། །སྐུ་གསུང་ཐུགས་ཡོན་ཏན་འཕྲིན་ལས་མགོན་པོ་ལྔ་རུ་ཕྱེ། །དེ་ཡང་ལྷ་སྲིན་སྡེ་བརྒྱད་དོན་གྱི་ངོ་བོ་གཅིག་པ་ཡིན། །རིགས་ནི་གཅིག་ཏུ་མ་ངེས་ཏེ། །སྟོན་པ་ས་གསུང་རྒྱུད་གཞུང་རེ། །རིགས་འཛིན་མང་པོ་དམ་ལ་བཏགས། །ཡེ་ཤེས་མགོན་པོ་ལས་མགོན་དང་། །དམ་ཚིག་མགོན་པོ་སྤྲུལ་མགོན་དང་། །རུ་ཏྲ་རང་རྒྱུད་གནས་བསྒྱུར་བའི། །ཤ་ཟའི་མགོན་པོ་ལ་སོགས་པ། །དམ་ཚིག་ཨསྙེ༷་དམར་ལ་དམ་བཅས་པའི། །མགོན་པོ་ཉི་ཤུ་རྩ་ལྔ་ཡོད། །དཀྱིལ་འཁོར་མུ་རན་སྐྱོང་བ་ཡི། །དཔལ་མགོན་བདུན་ཅུ་རྩ་བཞི་དང་། །བདུད་འདུལ་ཉི་ཁྲི་ཆིག་སྟོང་ཡོད། །ལྷ་ནི་ལྟ་བ་གྱབས་ཀྱི་ལྷ། །གསལ་སྟོང་འཛིན་མེད་རུ་ཏྲོརེ་གཉེན་པོ་ཡིན། །སྒོམ་པ་སྟོབས་སུ་གྱུར་པའི་ལྷ། །བདག་ཉིད་ཆེན་པོ་ཧེ་རུ་ཀ །ང་ནི་དུས་གསུམ་སྔོན་ཡང་བྱུང་། །ང་ནི་དུས་གསུམ་ཕྱིས་ཀྱང་འབྱུང་། །ང་ནི་ད་ལྟ་ཀུན་གྱི་རྗེ། །ང་ནི་ཁྲོ་བོ་ཀུན་གྱི་རྒྱལ། །ང་ནི་ཁྲག་འཐུང་ཀུན་གྱི་རྗེ། །ང་ནི་མ་མོ་ཀུན་གྱི་ཡབ། །ང་ནི་རུ་ཏྲ་ཀུན་གྱི་གཤེད། །ང་ཡི་སྐུ་ཡི་བརྗིད་མཐོང་ན། །དུས་གསུམ་སངས་རྒྱས་བ་སྤུ་གཟིང་། །ང་ཡི་གསུང་གི་སྒྲ་སྒྲགས་ན། །ཁམས་གསུམ་སྲིད་གསུམ་བརྒྱལ་སྐྲག་དངངས། །ང་ཡི་སེམས་ཀྱི་དོན་རིག་ན། །སེམས་ཅན་སངས་རྒྱས་མཉམ་པོར་སྦྱོར། །མ་རིག་མུན་པའི་འཁོར་སྒོ་སངས། །གཞན་ཡང་སྐུ་གསུང་ཐུགས་ཀྱི་ལྷ། །ཡོན་ཏན་འཕྲིན་ལས་རྦོད་གཏོང་དྲག་སྔགས་དང་། །མཆོད་བསྟོད་ལ་སོགས་བཀའ་བརྒྱད་གཙོ་བོ་དགུ །གཉེན་པོ་ཡིན་ཞེས་ང་ཡིས་བཤད། །མདོར་ན་ལྷ་ཚོགས་མང་པོ་ཀུན། །ཐམས་ཅད་སེམས་ཀྱི་སྤྲུལ་པ་ཡིན། །སེམས་ཉིད་གསང་བདག་ཁྱོད་དུ་འདུས། །ཁྱོད་ཀྱི་ཀུན་གྱི་གཉེན་པོར་ཆེ། །ཅི་ཕྱིར་རྒྱལ་བའི་ཐུགས་གསང་འདུས། །ཁྱོད་ནི་མཐུ་སྟོབས་བདག་པོ་མྲ །སངས་རྒྱས་ཀུན་གྱི་དབང་བསྐུར་བས། །དེ་ཕྱིར་ཁྱོད་ཉིད་གཉེན་པོའི་ལྷ། །ཞེས་གསུངས་སོ། །མ་ནིང་ལས་རྒྱུད་ནག་པོ་ལས། ཆེ་མཆོག་གི་སྤྲུལ་དོན་ཆེད་དུ་འབྱུང་ཁུང་དང་བྱེ་བྲག་རིགས་དང་སྡེ་ཚན་གཉེན་པོའི་ལྷ་རྣམས་རྒྱས་པར་སྤྱད་པའི་ལེའུ་སྟེ་དྲུག་པའོ།། །།གསང་བའི་བདག་པོས་ཡང་ཞུས་པ། །ཀྱེ་ཀྱེ་ཆེ་མཆོག་ཧེ་རུ་ཀ །བསྙེན་ཅིང་སྒྲུབ་པའི་གནས་ནི་གང་དུ་བགྱི། །གནས་ཀྱི་མཚན་ཉིད་ཇི་ལྟ་བུ། །ཞེས་གསོལ་པས། དཔའ་བོ་ཆེན་པོས་བཀའ་སྩལ་པ། །ཉོན་ཅིག་མ་ཡེངས་གསང་བའི་བདག །གནས་ལ་རྣམ་པ་ལྔ་རུ་སྤྱད། །དམ་གནས་བསྙེན་གནས་སྒྲུབ་པའི་གནས། །རྟེན་གཟུགས་གནས་དང་ལས་ལ་སྦྱར་བའི་གནས། །དབང་གནས་བཀྲ་ཤིས་གྲུབ་ཐོབ་གནས། །ཡང་ན་བླ་མའི་གདན་སར་བྱ། །བསྙེན་པའི་གནས་རྙེད་ཉམས་དགའ་བ། །ཤར་རི་དམའ་ལ་ནུབ་རི་མཐོ། །ལྷོ་གཞོལ་བྱང་སྐྱོབས་རྩེ་ལ་རྒོད་པོ་ལྡིང་། །མདུན་ན་མེ་ཏོག་སྣ་དགུ་ཡོད། །ཕུ་ན་གངས་དང་རི་རྩེ་མཐོ། །མདའ་ན་མཚོ་དང་གཙང་པོ་འབབ། །རྩི་ཤིང་ནགས་ཚལ་འབྲས་བུ་སྨིན། །བྱ་སྐད་རི་དྭགས་གཅན་གཟན་འཁྲོལ། །དེ་རུ་མ་ཡེངས་གུས་པས་བསྙེན། །སྒྲུབ་གནས་དུར་ཁྲོད་ཆེན་པོར་ཤིས། །ཡང་ན་གཙུག་ལག་ཁང་ཆེན་པོར། །སྒྲུབ་ཅིང་རྟེན་གཟུགས་མཆོད་པ་བྱ། །རྟེན་གནས་རང་གི་ཁང་པར་བྱ། །ལས་སྦྱོར་རི་གསུམ་འདུས་པའི་རྩེ། །ལུང་གསུམ་མདོ་འམ་ཆུ་གསུམ་མདོ། །གནམ་ས་གྲུ་གསུམ་ཡོད་པ་སྲ །ཕུང་ཤུལ་བཀྲ་མི་ཤིས་དང་ལྷ་འདྲེ་འཚོགས་པའི་ས། །སྲིན་པོ་རལ་པ་གཡེང་བ་འདྲ་བ་དང་། །སོག་པོ་ཁྲོས་པ་འདྲ་བའི་ས་རུ་སྦྱར། །མ་ནིང་ལས་རྒྱུད་ནག་པོ་ལས། གནས་ཀྱི་མཚན་ཉིད་ལྔ་རུ་བསྟན་པའི་ལེའུ་སྟེ་བདུན་པའོ།། །།གསང་བའི་བདག་པོས་ཡང་ཞུས་པ། །ཀྱེ་ཀྱེ་བཅོམ་ལྡན་ཆེ་མཆོག་དཔལ། །གྲོགས་དང་ཕྱག་རྒྱའི་མཚན་ཉིད་གང་། །ཞེས་ཞུས་པས། དཔའ་བོ་ཆེན་པོས་བཀའ་སྩལ་པ། །གསང་བའི་བདག་པོ་ཡང་ཉོན་ཅིག །གྲོགས་ནི་འཁོར་བས་སུན་པ་ཡི། །དད་ལྡན་ཤེས་རབ་སྙིང་རྗེ་ཅན། །ཁོང་ཡངས་གསང་ཐུབ་རིགས་བཟང་བཙལ། །ཕྱག་རྒྱ་དུང་ཅན་གླང་སྣ་ལ། །པད་ཅན་ལྕུག་ཕྲན་རི་མོ་ཅན། །ཡིད་འོང་གསང་ཐུབ་རྩ་བཟང་བ བོངས་མཚམས་ཤ་རྒྱས་སྨིན་དཀྱུས་རིང་། །མདངས་མཚམས་ངང་རིང་སོས་དལ་བ། །མདོར་ན་རྣལ་འབྱོར་སྤྱོད་དང་མཐུན། །ཕྱག་རྒྱའི་མཆོག་ནི་ཡིན་པར་ངེས། །མ་ནིང་ལས་རྒྱུད་ནག་པོ་ལས། གྲོགས་དང་ཕྱག་རྒྱའི་མཚན་ཉིད་བསྟན་པའི་ལེའུ་སྟེ་བརྒྱད་པའོ།། །།གསང་བའི་བདག་པོས་ཡང་གསོལ་པ། །ཀྱེ་ཀྱེ་བཅོམ་ལྡན་ཆེ་མཆོག་ཧེ་རུ་ཀ །བསྙེན་པ་རབ་འབྲིང་ཇི་ལྟར་ལགས། །ཞེས་ཞུས་པས། དཔའ་བོ་ཆེན་པོས་བཀའ་སྩལ་པ། །ཉོན་ཅིག་ཁྲོ་རྒྱལ་གསང་བདག་ཆེ། །དབེན་པའི་གནས་སུ་རང་འདུག་སྟེ། །གཙང་ཞིང་ཡིད་འོང་རྒྱན་བཀྲམ་སྟེ། །དཀོན་མཆོག་རྟེན་གསུམ་རས་བྲིས་མཆོད་པ་བཤམ། །དཔལ་གཏོར་རྟགས་གཏོར་འཛིན་གཏོར་བཤམ། །འཚོ་ཟས་རྐྱེན་ཟློག་བདུད་འདུལ་གོ་མཚོན་བསགས། །ཕྱི་ནང་གསང་བའི་མཚམས་གཅད་ལ། །ཡོངས་རྫོགས་ལས་གཞུང་སྲང་། །ཡང་ན་ཡི་དམ་གང་བྱེད་དམ། །གསང་བདག་ཆེན་པོའི་ལས་གཞུང་སྲང་། །བསོད་ནམས་ཚོགས་ལ་དབང་བ་དང་། །སྐྱབས་འགྲོ་སེམས་བསྐྱེད་སྔོན་དུ་བཏང་། །དེའི་རྗེས་བདག་ཉིད་ཆེ་མཆོག་གམ། །གསང་བདག་ཁྱོད་ཀྱི་བསྙེན་པ་ལ། །རབ་ཏུ་ལོ་སྒྲུབ་རྟགས་ལ་སྦྱར། །འབྲིང་དུ་ཟླ་སྒྲུབ་དྲངས་ལ་སྦྱར། །ཐ་མ་ཞག་བསྙེན་དུས་སྒྲུབ་བོ། །ལས་གཞུང་གཞན་རྒྱས་མ་གྲུབ་ཀྱང་། །གསང་བདག་བསྙེན་སྒྲུབ་ཤིན་ཏུ་གཅེས། །གསང་བདག་བསྙེན་རྫོགས་མཆོག་ཏུ་གཅེས། །བདེ་གཤེགས་གཅིག་གྲུབ་རྒྱལ་བ་ཀུན་གྱི་ངང་། །དེ་ལྟར་གཉེན་པོའི་བསྙེན་རྫོགས་ནས། །གོང་བསྟན་གནས་སུ་རང་འདུག་སྟེ། །ཚད་མེད་བཞི༷་པོ་སྔོན་སོང་བས། །མ་ནིང་ནག་པོའི་བསྙེན་པ་བསྐྱལ། །རང་ཉིད་ཆེ་མཆོག་སྐུར་སྒོམ་ལ། །མདུན་དུ་མ་ནིང་སྐུ་གཟུགས་སྒོམ། །སྤོས་སྦྱར་བསྲེགས་ལ་གཏོར་མ་གཏང་། །དེ་ནས་སྨྲ་བཅད་སྔགས་འདི་བཟླས། །ཨོ་ཤི་མ་ཧྭ་ཀྭ་ལྭ་བྷ་ན་ལྷུ་རྒྱ་ར༷་སིརྙི་ཧུ༷། གྲངས་བསྙེན་བྱེ་བ་འཐེམ་པར་བསྐྱལ། །དུས་བསྙེན་ཞག་གྲངས་ཉི་ཤུ་གཅིག །བསྙེན་རྟགས་ལས་འཕྲོ་ཆེ་ཆུང་ཤེས། །ལས་འཕྲོ་རབ་ལ་གོང་གིས་གྲུབ། །འབྲིང་ལ་ཉིས་འདབ་ཐ་མ་གསུམ་འདབ་གྲུབ། །ལས་འཕྲོ་གཅིག་ཀྱང་མེད་གྱུར་ཀྱང་། །བྱེ་བ་བདུན་འབུམ་བསྙེན་བྱས་ན། །སྐུ་དངོས་སྟོན་ཅིང་གསུང་ཐོས་དང་། །ཐུགས་སེམས་དབྱེར་མེད་གཅིག་ཏུ་འདྲེས། །ཕན་གནོད་གང་ཡང་བསམས་པས་འགྲུབ། །རྟགས་ནི་མ་ནོར་འདི་ལྟར་སྟོན། །སློབ་དཔོན་ཞང་བློན་ཕ་གུ་སྤུན། །ཨ་ཙར་མོན་ནག་ཁོལ་པོ་སོགས། །གླུ་བྲོ་གར་དང་ལས་རོགས་ཡོང་། །བྱ་དོམ་ཀྱི་གཡག་ནག་པོའི་ཚོགས། །འཁོར་བཅས་བསྙེན་པོའི་རྟགས་ཡིན་ནོ། །ཞེས་གསུངས་སོ། །མགོན་པོ་མ་ནིང་གསང་བའི་ལས་རྒྱུད་ནག་པོ་ལས། བསྙེན་པའི་རིམ་པ་བསྟན་པའི་ལེའུ་སྟེ་དགུ་པའོ།། །།གསང་བདག་ཆེན་པོས་ཡང་ཞུས་པ། །ཀྱེ་ཀྱེ། བཅོམ་ལྡན་དཔལ་ཆེན་ཧེ་རུ་ཀ །ལྷ་མགོན་མ་ནིང་ནག་པོ་འདིའི། །སྒྲུབ་ཐབས་ཕྱི་ནང་གསང་བ་གསུམ། །མ་ནོར་བདག་ལ་བཀའ་སྩོལ་ཅིག ༷།ཅེས་ཞུས་པས། །དཔལ་ཆེན་ཧེ་རུ་ཀས་བཀའ་སྩལ་པ། གསང་བདག་ཆེན་པོ་ཡང་ཉོན་ཅིག །མགོན་པོ་མ་ནིང་ནག་པོ་ཡི། །སྒྲུབ་ཐབས་ཕྱི་ནང་གསང་བ་གསུམ། །ལེགས་པར་བཤད་ཀྱི་ཡིད་ལ་ཟུང་ ཕྱི་སྒྲུབ་ཧོ་དང་རི་རབ་མཎྜལ་གསུམ། །ཧོམ་ནི་རང་ལུས་སུམ་འགྱུར་ཚད། །སེ་སྐྱེར་བླ་བ་ཚེར་ནག་བཞི། །བམ་དུ་སྦམས་ལ་ཐོགས་གསུམ་ཆིང་མ་གསུམ། །ཡང་ན་ཆིང་མ་ལྔ་རུ་བྱ། །བྱེ་ཚང་དང་པོ་གསང་བ་སྦེད། །བར་མ་ཐ་མ་མ་ཡི་་ཚང་། །ས་ལ་རྟགས་བླང་རིན་གཞལ་སྦྱང་། །འོག་ཏུ་འབྲུབ་ཁུང་མདའ་གང་ཚད། །དེ་རུ་དགྲ་ཡི་མིང་རུས་གཟུགས། །གཞན་ཡང་ལིང་ག་མང་དུ་བྲིས། །ཕྱི་རུ་གདགས་ཤིང་གསེབ་ཏུ་རྫང་། །དེ་ནི་མགོན་པོ་དངོས་སུ་བསྐྱེད། །ཕྱི་གཤེགས་ཕྱི་སྐོངས་བཀའ་སྒྲགས་ཚ་ཚ་གདབ། །མགོན་པོ་མཆོད་པའི་རྫས་རྣམས་ལ། །མི་ཤ་རྟ་ནག་ཁྱི་ནག་ཤ། །སྤོས་རེང་མ་ནིང་གཙོ་ལ་དབུལ། །ཨོ༷་ཤི་མ་ཧྭ་ཀྭ་ལ་ག་ན་ལྷུ་ཡ་ར༷་སིརྙི་དུ་པེ་དེ་ཨ་ཧུ༷། ར་དུག་ཀྱི་ལྕེ་མེ་ཏོག་སྤང་རྒྱན་གསུམ། །མགོན་པོ་མེ་ཏོག་མཆོད་པར་འབུལ། །ཨོ༷་ཤི་མ་ཧྭ་ཀྭ་ལ་བྷ་ན་སྟུ་ཡ་ར༷་སིདྷི་པུརྨྱེ་ཏེ་ཨུ་ཧུ༷། ར་རོག་ཕག་ཚིལ་མེ་ཞུས་མར་མེ་སྦྱར། །ནག་པོ་ཆེན་པོ་ཉིད་ལ་དབུལ། །ཨོ༷་ཤི་མ་ཧྭ་ཀྭ་ལ་བྷ་ན་གྲུ་ཡ་ར༷་སིརྙི་ཨ་ལོ་ཀེ་ཨ་ཧུ༷། གཡག་རོག་གླང་རོག་ལུག་ནག་ཁྲག །དྲི་ཆབ་མགོན་པོ་ཉིད་ལ་དབུལ། །ཨོ༷་ཤི་མ་ཧྭ་ཀྭ་ལ་བྷ་ན་གྱུ་ཡ་ར༷་སིདྷི་ས་མ་ཡ་བཛྲ་བྷན་དྷི་ཨ་ཧུ༷།ནས་ནག་བྲ་བོ་སྲན་ནག་གསུམ། །ལྷ་བཤོལ་མགོན་པོ་ཉིད་ལ་དབུལ། །ཨོ༷་ཤི་མ་ཧྭ་ཀྭ་ལ་བྷ་ན་སྟུ་ཡ་ར༷་སིརྙི་ས་མ་ཡ་ནེ་བེ་ཏེ་ཨུ་ཧུ༷། དམ་ཚོགས་མཆོད་པ་ཤིན་ཏུ་གཉན། །འདི་ནི་ཀུན་ལ་གསང་བར་བྱ། །སྤྱི་ཡི་རྣམ་ལྔ་དངོས་སུ་མཆོད། །ཉམས་ཆག་སྐོང་ན་གོང་བཞིན་བྱ། །བག་ཕྱེ་ཀ་ར་སྦྲང་རྩི་བུ་རམ་ཐུད། །དེ་རྣམས་སྦྱར་ལ་འོ་མར་བཙོ། །དེ་ནས་རི་ལུ་སྲན་ཚད་མར་དུ་བཙོ། །སྟག་ཞོན་འཕྲིན་ལས་གཞུང་སྲངས་ལ། །མ་ནིང་སྔགས་སྒྲུབ་ཤམ་བུ་མྲ །གང་འདོད་ལས་ཀྱི་ཁ་སྒྱུར་ཅིག །ཐབས་ལྡན་མེ་འབར་ཧོ་སྲེག་ཅིང་། །གོང་གི་མཆོད་དབུལ་རི་ལུག་སྲེག །རྔ་རྡུང་དུང་བུས་ཆ་ལང་གདབ། །ཀྟན་དྷི་བརྡུང་ཞིང་རྐང་དུང་འབུད། །དར་འཕྱར་སྨྱོས་གདབ་གསེར་སྐྱེམས་གཏོར། །དེས་ནི་དམ་ཅན་སྤྲིན་བཞིན་འདུ། །མཐུ་རྩལ་ནམ་མཁའི་མཐའ་དང་མཉམ། །གཞན་ཡང་རི་རབ་ལ་རྟེན་ནས། །དམ་ཅན་རྟེན་པའི་ཕྱི་སྒྲུབ་ནི། །ས་བཟང་སྤྱིན་ལ་རིན་ཆེན་བརྡར། །ཙན་དན་ཆུས་སྦྲུས་རི་རབ་ནི། །ལྕོག་ལྡན་བང་རིམ་བཞི་པ་བྱ། །མ་ནིང་དམར་ནག་འཇིགས་པ་ལ། །ཕྱི་ནི་དུར་ཁྲོད་ཐོད་མཁར་བྲི། །གསེབ་ན་མེ་རླུང་ཚུབ་མར་འཁྱིལ། །རྩེ་ལ་དར་འཕྱར་སྨྱུ་རྒོད་གཟུགས། །བསེ་བྱང་སྟག་གཟིགས་རས་མ་གདགས། །ཤེས་དང་ཞིང་རས་བྲིས་སྐུ་བཏགས། །ཉ་སྟོང་བརྒྱད་གསུམ་གཏོར་མ་གཏང་། །གསེར་སྐྱེམས་བཏང་ལ་གསོལ་ཁ་བྱ། །དེས་ནི་དམ་ཅན་གྲིབ་སོ་བཞན་དུ་འདུ། །དེ་ནས་ཡང་དག་བཤད་བྱ་བ། །མཎྜལ་ནག་པོ་མདའ་གང་ལ། །དབུས་ནི་ཟླ་གམ་གནམ་སྒོ་ཅན། །པདྨ་འདབ་བརྒྱད་ནག་པོར་བྱ། །མུ་ཁྱུད་ཐོད་པའི་ར་བས་བསྐོར། །སྒོ་བཞི་ཕྱོགས་མཐུན་སྒོ་རྒྱན་གཞན་དང་མཐུན། །ཕྱི་རིམ་རྡོ་རྗེ་མེ་རིས་བསྐོར། །སེང་ལྡེང་ཕུར་པ་མགོན་པོར་སྐྱེད། །བྱིན་རླབས་དབང་བསྐུར་རབ་གནས་བྱ། །དུས་བཞི་དུས་དྲུག་ལས་གཞུང་སྲང་། །ར་བ་བཞི་ལ་དུས་མཆོད་བྱ། །བསྙེན་སྔགས་སྒྲུབ་སྔགས་ལས་སྦྱོར་གསུམ། །ཉིན་མཚན་སྤེལ་མར་དྲང་བར་བྱ། །དེ་བྱས་མ་ནིང་ནག་པོ་ཡང་། །ནང་མ་བཞིན་དུ་བདག་ལ་འཁོར། །མཐུ་རྩལ་ནམ་མཁའི་ཐོག་ལྟར་འབྱུང་། །དེ་ནས་ཡང་དག་བཤད་བྱ་བ། །མ་ནིང་ནག་པོའི་ནང་སྒྲུབ་ནི། །བེང་དང་གཏོར་མ་དཀྱིལ་འཁོར་གསུམ། །ཙན་དན་ཤིང་ལ་བེང་བཅས་ཏེ། །ཞི་རྒྱས་དབང་དྲག་འཕྲིན་ལས་སྒོ། །རྩེ་ལ་རིན་ཆེན་འབར་བ་བྱ། །ལོགས་ལ་སྲོག་སྔགས་བསྙེན་སྒྲུབ་བྲི། །ནང་དུ་དམ་རྫས་འཁོར་ལོ་གཞུག །རབ་གནས་དགུག་གཞུག་ལྷ་བསྐྱེད་བྱ། །གང་འདོད་བེང་གི་ཁ་ལོ་སྒྱུར། །བེང་ནི་ལྷ་ཡི་ནོར་བུ་ཡིན། །གཏོར་མ་ཆང་བཅུད་ཀྱིས་སྦྲུས་ལ། །རིན་ཆེན་འབར་བའི་གཟུགས་སུ་བྱ། །རི་བདུན་མཚོ་བདུན་གླིང་བཞི་གླིང་ཕྲན་བརྒྱད། །ཉི་མ་ཤར་ནུབ་ཐ་མ་ལྕགས་རིས་བསྐོར། །གཏོར་རྒྱན་ཤ་ཁྲག་དཀར་དང་སྤོས་སྣ་ཚོགས། །འབྲས་ཆང་འོ་ཐུག་ལ་ཕུག་སྒོག་བཙོང་བྲན། །དངོས་གྲུབ་རྫས་དང་སྨན་རག་ཚོགས། །ལས་མགོན་གཏོར་མ་ལ་སོགས་བཤམ། །བྱིན་རླབས་སྔགས་དྲུག་ཕྱག་རྒྱ་དྲུག །ར༷་ཡ༷་ཁ༷་སྦྱང་གསོལ་ཀའི་སྐབས་བཞིན་བྱ། ། །རང་ཉིད་ཆེ་མཆོག་གསལ་བ་ཡི། །ཐུགས་ཀའི་ཧུ༷་ལས་མགོན་པོ་གྲངས་མེད་སྤྲོས། །ཕྱི་ནང་གསང་བའི་མཚམས་གཅད་ཅིང་། །འདི་ཡི་ལས་གཞུང་རྒྱས་པར་སྲང་། །བེང་མའི་གཞུང་ཡང་སྐབས་སུ་སྲང་། །ཚོགས་འཁོར་འབྱོར་པ་མངའ་ཐང་བསྐྱེད། །བོད་རྦད་བསད་གསུམ་དྲིལ་ལ་བཟླས། །མ་ནིང་ལ་སོགས་མགོན་པོ་རྣམས། ཁྲ་རུལ་སྤྲག་མ་བཞིན་དུ་འཁོར། །དེ་ལྟར་ཟླ་གཅིག་བར་དུ་བྱས་པ་ཡིས། །མ་ནིང་ནག་པོ་དངོས་སུ་འཁོལ། །སྟོང་གསུམ་ཁ་ལོ་སྒྱུར་བར་ནུས། །དཀྱིལ་འཁོར་གོང་དང་འདྲ་བ་ལ། །པད་འདབ་རིན་ཆེན་ཟུར་བརྒྱད་སྒྱུར། །དེ་ནས་ཡང་དག་བཤད་བྱ་བ། །གསང་བ་མཎྜལ་གཏོར་མ་དང་། །འབྲུབ་ཁུང་གྲི་སྙིང་ལ་སྟེན་ནས། །མ་ནིང་ནག་པོ་དངོས་སུ་སྒྲུབ། །མཎྜལ་ནག་པོ་གྲུ་བཞི་བཤམ། །པདྨའི་དོད་ལ་འཁོར་ལོ་བྲི། །དེ་དབུས་ཁྲུ་གང་གྲུ་གསུམ་བྱ། །ལིང་ག་འབྲུབ་ལ་རྩང་གིས་བསྐོར། །སྟེང་དུ་ཁྲི་སྟེངས་རྟག་གཏོར་བཤམ། །རྒྱུན་གཏོར་དུས་བཞིར་ནམ་ཕྱེད་གཏང་། །བརྟེན་མདའ་རྒོད་སྒྲོ་གཞོབ་མ་ཕོབ་པ། །གྲི་སྙིང་རྟགས་ལ་རྟེན་དུ་གཟུང་། །ཚེས་གཅིག་ནས་ནི་ཉེར་གཅིག་བར། །རང་ལན་ནག་པོ་མདུན་དུ་བསམ། །ཨོ་ཤི་མ་ཧྭ་ཀྭ་ལ་བྷ་ན་གུ་རྒྱ་ར༷་སིརྙི་ཧུ༷་ཕཊ། བསྙེན་རྟགས་བྱུང་ནས་རྦད་བསད་གདགས། །ཏྲི་ཡ༷་རུ་ཏྲ་ཧུ༷་སྨྱོ། མུན་ཤི་སྨྱོ། མུན་ནག་ཤི་སྨྱོ། རུ་ཏྲ་ནག་པོ་དགྲ་བོའི་སྙིང་ལ་པུ་ཏྲི་ཙིསྟ་རྦད། བུ་དྲི་མུ་ར་ཡ་རྦད། གསོལ་ཀ་བསྐུལ་བྱ་དྲག་ཏུ་རྦད། དཔལ་གཏོར་འོག་གི་ལིང་ག་དེ། །གྲིས་གཏུབ་ཐུན་བྲབ་དགུག་འདབ་སྲེག །ཐལ་བ་མཆོད་རྟེན་ལམ་འོག་མནན། །མདོར་ན་འདི་ཉིད་གསོལ་ཀས་འགྲུབ། །གསང་སྒྲུབ་འདི་བཞིན་སུས་སྒྲུབ་པ། །མ་ནིང་ལུས་དང་གྲིབ་མ་བཞིན་དུ་འཁོར། །ཅེས་གསུངས་སོ། །དཔལ་མ་ནིང་གསང་བའི་ལས་རྒྱུད་ནག་པོ་ལས། ཕྱ་ར་་ཀསང་བ་གསུམ་དུ་སྒྲུབ་པའི་ལེའུ་སྟེ་བཅུ་པའོ།། །།གསང་བའི་བདག་པོས་ཡང་ཞུས་པ། ཀྱེ་ཀྱེ། ཆེ་མཆོག་དཔལ་ཆེན་ཧེ་རུ་ཀ །ལས་སྦྱོར་སྲོག་སེར་ཆོ་འཕྲུལ་གཏད། །ལག་ལེན་རིམ་པས་བསྟན་དུ་གསོལ། །ཅེས་ཞུས་པས། ཆེ་མཆོག་ཧེ་རུས་བཀའ་སྩལ་པ། །གསང་བདག་ཆེན་པོ་ཡང་ཉོན་ཅིག །ལྔ་བརྒྱ་དུས་ཀྱི་ཐ་མ་ལ། །སངས་རྒྱས་བསྟན་པའི་སྐུ་དགྲ་ལྡང་། །དེ་ཚ་ལོག་ལྷ་ཚར་བཅད་པའི། །གསད་པ་སྲོག་གི་ལས་སྦྱོར་ནི། །དཀྱིལ་འཁོར་མདའ་གང་གྲུ་བཞིའི་དབུས། །ཁྲུ་གང་གྲུ་གསུམ་འབྲུབ་ཁུང་ནང་། །དགྲ་དུ་ཡོད་པའི་ལིང་ག་དག །ནལ་བུ་རྐྱལ་པའི་ནང་དུ་གྲུབ། །ལྟེ་བར་འབྲི་རུ་གཡས་པ་གཟུགས། །ལྤགས་ཕུར་བརྒྱད་ཀྱིས་ཐ་མ་བསྐོར། །སྐྱེ་ཚ་ཤང་ཚ་ཐུན་གྱིས་བྲབ། །འབྲི་རུའི་ནང་བླུག་སྔགས་ཀྱི་སྦལ། །ནལ་བུའི་ལྟེ་བར་མི་རྐང་གཟུད། །ནང་ནས་སྔགས་ཐུན་བཅས་པས་བྲབ། །ཞག་གྲངས་བདུན་གསུམ་ཉེར་གཅིག་ཏུ། །སྤུ་གྲི་ངར་མའི་སྔགས་རྒོད་འདི། །མ་ཡེངས་སེལ་མེད་ཐོག་ལྟར་འཕགས། །མྱ་ར་ཡ་ཐུན་སྨྱོ། ཨབ་པྲ་སིབ་པྲེ། ཨེ་སྣ་ཕུ་ནི། ཨི་ས་ཏྲ་བོ་རོ། །ཁིན་ན་ཁིན་ན། ཨ་བོ་རོ། །སད་ཏ་སད་ཏ། །ཁྲིད་ཏ་ཁྲིད་ཏ། དྲག་སྔགས་བདུན་རེ་བཟླས་པས། །དགྲ་བོ་དངོས་ཉམས་ཁྲིད་ནས་གསོད། །གསོད་མཁན་ང་ཡི་གདན་འོག་གི །མུ་སྟེགས་རབ་འཇིགས་ཁོ་ན་སྟེ། །སྲོག་གི་མཐར་ཐུག་དེ་ཁོ་ནའོ། །དེ་ནས་ཡང་དག་བཤད་བྱ་བ། །སེར་བ་འབེབས་ན་འདི་ལྟར་བྱ། །ཟངས་གཞོག་ནང་དུ་རྫས་བསགས་པ། །ར་ཁྲག་ཁྱི་ཁྲག་རྟ་ཁྲག་དང་། །མངལ་ཁྲག་དུག་སྣ་ཚོགས་ཚད་བསགས། །མཛོ་འམ་ཁྱི་འམ་ཕག་པ་འམ། །དེ་རྣམས་མེད་ན་གང་རྙེད་པའི། །འོ་མ་དགྲ་ཡུལ་སྔོ་སྣ་བསགས། །ཡུངས་ཀར་རྣམས་ལ་བཟླས་ཏེ་སྒྲུབ། །ཙན་དན་ཕུར་བ་སོར་བཞི་ལ། །སྔགས་བྲིས་དགྲ་བོའི་འོངས་དཀྱིལ་གཟུགས། །ཡང་ན་ཆུ་ཤིང་ནག་པོ་ཡི། །ཕུར་པ་གཟའ་བདུད་མ་ནིང་སྒོམ། །སྔགས་བཟླས་ཆུ་མིག་ཞིང་དཀྱིལ་སྦ། །ཟངས་གཞོང་རྫས་ལ་ཐབ་བྱས་ལ། །དགྲ་བོ་ཡུལ་དུ་ཁྱབ་པར་གཏོར། །ཨོ༷་ཤི་མ་ཧྭ་ཀྭ་ལ་བྷ་ན་ལྷུ་ཡ་ར༷་སིརྙི་ཧུ༷། མི་ཤ་ཀུ་མྲ བྱ་ཤ་ཀུ་སྲ བྱི་ཤ་ཀུ་མྲ སད་ཀུ་སྲ ཀུ་རུ་ར༷། སད་ཀུ་མྲ ཀུ་མི་ནི་ར་སྐྱེ། པྲད་ཉ་ས་ལ་ནིར་ཧུ༷་ཧུ༷་ཕཊ་ཕཊ། ཤི་ར་ཡག་ཤ༷་ཕོབ། ཧཱུཾ་ཧུ༷་ཕོབ། ཨབྱ་རག་ཤ་ཧྲིལ་ཧྲིལ། དུ་རུ་དུ་རུ་ཕོབ། ཧ་ན་ཧ་ན་དྲིལ་དྲིལ། དུ་ན་དུ་ན་རོལ། པ་ཙ་པ་ཙ་ཕོབ། བཛྲ་བཛྲ་ཧ་ལ་ཧ་ལ། ཕུ་ཧ་ཕུ་ཧ། ཧབ་ཧོབ་ཡ། རྩ་དམར་རྩ་དམར། སེར་བ་ཕོབ་ཡ། ཨད་གོད་ཏ༷། ཨ་བཛྲ་བཛྲ སེར་བ་ཕོབ་ཡའ། རྩ་དམར་རྩ་དམར། ཧུ་རུ་ཧུ་རུ་ཧྲིལ་ཧྲིལ། ཨ་བྱ་ཧ་བྱ། བ་ཧུ་བ་ཧུ། སྡང་བའི་དགྲ་བོ་འཁོར་བཅས་ཀྱི། །མཁར་ཁྱིམ་ཞིང་ལ་ཐོག་སེར་ཕོབ། །འཕྲན་ཚེགས་ཙམ་ལ་བྱས་གྱུར་ན། །མུ་གེའི་ཆད་པ་འབྱུང་བར་འགྱུར། །དེ་ནས་ཡང་དག་བཤད་བྱ་བ། །ཆོ་འཕྲུལ་འབེབས་ན་འདི་ལྟར་བྱ། །གླ་བ་དང་ནི་བ་གླང་དང་། །ཝ་དརྔ་སྲིན་བྱ་ཕོ་རོག་སོགས། །ཀླད་སྙིང་སྤུ་རྐང་ཤ་ཁྲག་སོགས། །གཏོར་མར་བླུག་ལ་སྔགས་འདི་བཟླས། །གཏོར་ཟོར་དགྲ་ཡི་ཁྱིམ་ལ་བརྡེག །འོད་དང་སེམས་ཅན་དེ་དག་ནི། །གཟུགས་ནི་སྣང་ལ་རང་བཞིན་མེད། །དགྲ་ཡི་དབང་པོ་འཁྲུལ་ནས་འོང་། །ཨོ་ཧི་ལ་ཀ་ཤེའུ་རེའུ་ཧུ༷། ཨོ་ཏོ་ཏེ་ཨ་ཤེའུ་རེའུ་ཧུ༷། ཨོ༷་གོ་རེ་ཤེའུ་རེའུ་ཧུ༷། ཨོ་ཙིཀྟ་ཤེའུ་རེའུ་ཧུ༷། ཨོ་ཀས་ཏོ་རེ་ཤེའུ་རེའུ་ཧུ༷། ཨོ་ཀས་ཏོ་རེ་ཤེའུ་རེའུ་ཧུ༷། ཞེས་ཞག་བདུན་བཟླས་པས་འབྱུང་བར་འགྱུར་རོ། །དེ་ནས་ཡང་དག་བཤད་བྱ་བ། །ནག་པོ་ཀླུ་ལ་གཏད་པའི་ཐབས། །ཀླུ་རིགས་རྣམ་པ་གྲངས་མང་ཡང་། །ཀླུ་གཉན་ས་བདག་མཚོ་སྨན་བཞི། །གཏོད་པ་བཞིར་འདུས་སྐམ་གཏད་དེ་དང་མཚུངས། །གང་ལ་གཏོད་ཀྱང་འདི་ལྟར་བྱ། །བུམ་པ་ལིང་ག་རྫས་ཀུན་ལ། །རང་དྲེ་ཁ་རླངས་མི་གཏང་ཞིང་། །བུམ་རྫས་དཀར་གསུམ་མངར་གསུམ་དང་། །རིན་ཆེན་དར་སྣ་ཀླུ་སྨན་སོགས། །རྣལ་འབྱོར་རྫས་ལ་བསྙེན་པ་བྱ། །གཉེན་པའི་བདག་པོ་དེ་ལ་གཏད། །དྲག་གཏད་གང་བྱེད་རྫས་ལྔ་ལ། །བུམ་སྐྱེད་རྫས་ལྔ་རེ་བར་བླུག །བུམ་པ་རེ་བས་དྲིལ་ལ་གཏད། །ཀླུ་རྟགས་མེད་ན་ཡི་གེ་བདུན། །ཞབས་ལ་ཛ་བཟླས་པས་རྟགས་འབྱུང་། །དགྲའི་མིང་གཞུག །ཏིས་ཏ་རྦད་ནི་ལས་སྔགས་སོ། །བཟློག་པའི་རྟགས་མཚོན་མ་བྱུང་ན། །ཛ་དང་ཆེ་གེ་མོ་གཞུག །སྔགས་རྣམས་བཟླས། དེས་ནི་རང་སྲངས་ནན་ཏན་སྐྱེད། །གསང་སྔགས་འབྲུ་དྲུག་པོ་འདི་བཟླས། །ནི་མ་ཏ་ས་ན་ག་ཏི་ཏ་རྦད། ཛ་ཆེ་གེ་མོ་རྗོགས་ནས་འདོམ་གང་ཁྲུ་གང་གྱེན་ལ་ཅན། །རང་འབྱུང་ཕུར་པས་རྐོས་ལ་གཏད། །མང་པོར་འདྲས་ན་གཏད་ལ་ཐུག །གཏད་ནི་ཀུན་གྱི་ལས་མཐའ་ཡིན། །གཏད་ནི་འཔྱོར་མེད་ཐེབས་ག་སྡེང་ངོ་། །ཁ་རུ་མི་བརྗོད་གསང་ལ་གཏད། །དཔལ་ནག་པོ་ཆེན་པོ་འཕྲིན་ལས་ཀྱི་རྒྱུད་ལས། ལས་སྦྱོར་སྲོག་སེར་ཆོ་འཕྲུལ་གཏད་ཀྱི་ལེའུ་སྟེ་བཅུ་གཅིག་པའོ།། །།གསང་བདག་ཆེན་པོས་ཡང་གསོལ་པ། ཀྱེ་ཀྱེ། བཅོམ་ལྡན་དཔལ་ཆེན་ཧེ་རུ་ཀ །བྲན་པོར་སྡེ་བརྒྱད་ཇི་ལྟར་བཀོལ། །ཡང་འཁོལ་བརྒྱད་པོ་ཇི་ལྟར་འགྱེད། །སྒྲུབ་མཆོག་མཚོན་ཆ་གང་ལ་བགྱི། །དཔའ་བོ་ཆེན་པོས་བཀའ་སྩོལ་ཅིག །ཆེ་མཆོག་ཧེ་རུ་ཀས་བཀའ་སྩལ་པ། །གསང་བདག་ཆེན་པོ་ཡང་ཉོན་ཅིག །དམག་འགྱེད་བྲན་པོ་རྟེན་པ་ནི། །དྲེགས་པ་ལྷ་སྲིན་སྡེ་བརྒྱད་ཡིན། །སྨྱོ་འབོག་གཏོང་བ་རྒྱལ་པོའི་སྡེ། །མཛེ་ཤུ་གཏོང་བ་ཀླུ་ཡི་སྡེ། །ཐོག་སེར་གཏོང་བ་གཟའ་ཡི་སྡེ། །རིམས་ནད་གཏོང་བ་མ་མོའི་སྡེ། །གཟེར་ཐབས་གཏོང་བ་བཙན་གྱི་སྡེ། །ཐིབས་ནད་གཏོང་བ་དམུ་ཡི་སྡེ། །ཁྲམ་ནད་འདེབས་པ་བདུད་ཀྱི་སྡེ། །ཕོ་ལོག་གཏོང་བ་སྲིན་པོའི་སྡེ། །དྲེད་སྡིགས་གཟེར་བ་གནད་ཀྱིས་བཅུན། །སྨྱོ་འབོག་རྒྱལ་པོ་འཁོལ་འདོད་ན། །མགོན་ཁང་རྙིང་པར་སོག་ནས་ཀྱང་། །མཎྜལ་ར་ཁྲག་ཆག་ཆག་གདབ། །ལེ་ཕྱི་གཙང་མ་གྲུ་བཞི་གདིང་། །གྱི་ལིང་གསེར་མདོག་ཐོད་པ་ལ། །རྒྱལ་མཁར་གླིང་བཞི་བྲི་བར་བྱ། །དར་ཟབ་ཀྱས་བརྒྱན་སྨྱུག་ཚིགས་དགུ། །ནམ་མཁའ་དཀར་པོ་དགུ་འཕར་གཟུགས། །དཀར་པོ་གསུམ་གྱི་སྙིང་སྲོག་བཅས། །དར་དང་ཟབ་ཀྱིས་བརྒྱན་པ་གཟུགས། །སྟག་དང་བྱ་རྒོད་རྒྱལ་མཚན་བཙུགས། །དར་དཀར་ཚལ་གྱི་ཏྲེ་གནས་པས། །འོད་དཀར་སྤྲུལ་ནག་འཁྲིལ་བའི་ཏྲི། །སྲོག་བདག་བླ་སྲོག་དེར་གནས་པས། །བུས་པ་གཅེར་བུ་སྐྲུ་མེད་ཅིག །སྙིང་དཀར་བླ་སྲོག་དམིགས་པའི་རྟེན། །ཏིང་ངེ་འཛིན་གྱིས་མི་གཏང་ཞིང་། །དམིགས་པ་གྱད་དུ་འགྱུར་བ་དང་། །སྲོག་གི་སྙིང་པོ་འདི་བཟླས་པས། །ཤ་རུལ་དོང་དུ་བཅུག་པ་ལ། ་།་སྦྲང་ནམ་མཁའ་འཁོར་བ་ལྟར། །ལས་ཀྱི་སྐལ་བའི་མི་མ་ཡིན། །ཅིར་ཡང་སྤྲུལ་ཅིང་ཉམས་བག་ལེན། །བརྟེན་པར་བྱས་ཏེ་ངེས་པར་བརྟག །ཅི་བྱུང་དངོས་གྲུབ་ཡིན་ཤེས་ན། །གཅེར་བུ་སྤུ་མེད་མཆན་དུ་འོང་། །ཅི་བྱ་ཟེར་ནས་བཀའ་སྩལ་དོན། །དགོས་པའི་ཐ་ཚིགས་བཀའ་བསྒོས་ཏེ། ་།་ཁྲག་རོག་པོ་ལྟ་བུ་ལ། །སྙིང་ཁྲག་བྲན་པོ་ལྟ་བུར་བསྟན། །མངལ་ཁྲག་ནུ་ཞོ་སྦྱར་ལ་གཏོར། །བུད་མེད་བླ་ཁབ་ཐོད་དུ་བཅིངས། །གོང་གི་རྟན་ལ་གཡབ་ཅིང་འདུལ། །ལྕགས་ཀྱུའི་ཕྱག་རྒྱས་སྔགས་འདི་བཟླས། །ཏྲི་བཛྲ་ཏྲི་བཛྲ་ཏྲི་བཛྲ་ལྭ་ཏ་སྟ་སྟ། བཛྲ་ཨ༷་གུ་ཤ་ཛ། འབར་བ་ལས་ཀྱི་ཤན་པའི་སྲོག །རྒྱལ་པོའི་སྡེ་དཔོན་བྲན་དུ་འཁོལ། །རྣལ་འབྱོར་པ་ཡི་ལས་ཀུན་འགྲུབ། ཁྲི༑། མཛེ་ཤུའི་མངའ་བདག་ཀླུ་ཡི་སྡེ། །ཁོལ་པོ་དགྲ་ལ་དམག་འདྲེན་ནོ། །གྲོ་ག་ཤིང་ཤུན་མིང་རུས་བྲི། །བར་དཀར་དམར་མར་གྱིས་བྲི། །ཚོན་སྐུད་བཅིངས་ལ་རྦད་ནང་གཞུག །རི་ལུ་གླང་རུ་ནང་དུ་གཞུག །གཟའ་དང་གཏུན་ཅིང་རྟགས་ལ་སྦྱར། །ནཱ་ག་གུ་ར་ལིང་སྙིང་ལ་འདུས་འདུས། །སྙིང་ཁྲག་བ་མོ་རུལ་སྙིང་ལ་འདུས། །ནཱ་ག་ཀེན་རྩི་སྙིང་ལ་འདུས། །ནཱ་ག་དུ་ནཱ་དྲི་སྙིང་ལ་འདུས་འདུས། དགྲ་བོ་ནི་སོང་ནི་ཆོད། སྙིང་ལ་འདུས་འདུས། །ས་མ་ཡ་དོ་ད༷་ཛ། དེ་བྱས་དགྲ་བོ་གྲི་རུ་འཆི། །ལྷག་མ་བདུན་བརྒྱུད་མཛེ་ནད་འབྱུང་། །ཐོག་སེར་བདག་པོ་གཟའ་ཡི་སྡེ། །གཟའ་རྒོད་བདུད་པོ་འཁོལ་འདོད་ན། །སྦྲུལ་སྔོན་དག་གི་ཤུན་པ་ལ། །ལྕགས་ཀྱི་སྡིག་པ་མགོ་དགུའི་གཟུགས། །ཚོན་རྩིས་ལེགས་བྲིས་དམིགས་རྟེན་བྱ། །རྟགས་བྱུང་དངོས་གྲུབ་བླང་པར་བྱ། །ས་ཤ་མི་གེ་ག་ར་ཐང་ནུ་ཨ་ཧྲི། གྲུབ་ནས་ལས་རྣམས་བརྩམ་པར་བྱ། གཟའ་ཡི་འཕྲིན་ལས་སྣ་ཚོགས་ཀུན། །ཐོགས་པ་མེད་པར་འགྲུབ་པར་འགྱུར། །རིམས་ནད་གཏོང་བ་མ་མོའི་སྡེ། །འཁོལ་འདོད་དྲི་ཡི་ཐོད་པ་མྲ །སྙིང་བཅུག་དེའི་ནང་ལིང་ག་བཅུག །དར་གྱིས་ཁ་བཅད་རྒོད་སྒྲོ་བཙུགས། །ཐོད་པ་བྱད་གཞུག་གྲུ་གསུམ་གཞུག །ར་ལུག་བྱ་ནག་ཐུན་རྫས་མཆོད། །ཐུ་བྲབ་བརྡ་ཀའི་དམོད་སྔགས་བཟླ། །མ་མྱ་སྙིང་ཁ་མ་མ་རག་ཤ། ཏྲག་རག་ཤ་སྙིང་ཁ་ཁྲག །མ་ཧུ་བ་ཛ་ཛ། ཆེ་གེ་ལ་རྦད་ཡ། མ་ནིང་སྙིང་ཙིརྟི་ལ་ཐིན། ཏྲཀ་མོ་རག་ཤ་ཐུན། མུགས་མྱོགས་རྦད་ཛ་ཛ། མ་ཐུན་སྙིང་ཁྲག་ཐུན་ཤ་ཏི་ཏ་མ་རག་མོ། །ཡ་ཡ་སྨྱོ་སྨྱོ། མ་མོའི་སྲོག་སྡེའི་རྦད་གསད་དྲིལ། །རྟགས་འབྱུང་ལིང་ག་གདབ་སྲོག་མནན། །དགྲ་ལ་རིམས་ནད་རྒྱུ་གཟེར་འབྱུང་། །དེ་ནས་ཡང་དག་བཤད་བྱ་བ། །དྲག་པོ་བཙན་རྣམས་འཁོལ་འདོད་ན། །ནུབ་ལྟས་བྲག་དམར་ཟངས་འདྲའི་གནས། །མཎྜལ་ར་ཁྲག་ཆག་ཆག་གདབ། །གསེར་སྐྱེམས་དཔང་བཙུགས་བདེན་པ་བདར། །དཀྱིལ་འཁོར་ཞི་རྒྱས་དབང་དྲག་རྩིག །ར་ཤ་ར་ཁྲག་གཏོར་མར་གཏང་། །ཡི་དམ་ལྷ་སྒོམ་སྔགས་རྒོད་བཟླས། །ཨོ་ཨ་བི་ཤུ་ས་མ་ལྭ་ཏྲིག་ཤ༷་རྦད་སྨྱོ། ལག་ལེན་སྡེབས་ལ་ཁོང་བཀྲུལ་ན། །བཙན་རྒོད་དངོས་སུ་ཁོལ་པོར་འཁོལ། །དེ་ནས་ཡང་དག་བཤད་བྱ་བ། །དམུ་ཡི་བྲན་པོ་ཁོལ་འདོད་ན། །དབེན་པའི་གནས་སུ་མཎྜལ་བཤམ། །མོན་ནག་དིག་པའི་ཐོད་པ་མྲ །དགྲ་ཡི་ལིང་ག་བྲིས་ལ་གཞུག །སྔོ་དམར་བྱད་གཞུག་ཕུར་ལ་བརྟོད། །རང་ཉིད་ཡི་དམ་ལྷར་སྒོམ་ལ། །ག་ལས་དམུ་ཡི་རྒྱལ་པོ་སྐྱེད། །ཨེ་མུན་མུན་པ་ནི་ག་ཛ་ཞེས་བཟླས་སོ། །དམུ་རྗེ་བཙན་པོ་ཁོལ་དུ་འཁོལ། །དགྲ་ལ་དམུ་རྗེ་ཐིབས་ནད་འབྱུང་། །དེ་ནས་ཡང་དག་བཤད་བྱ་བ། །ཁྲམ་འདེབས་བདུད་སྡེ་འཁོལ་འདོད་ན། །ནུབ་ཕྱོགས་བྲག་ནག་རྩར་སོང་ལ། །མཎྜལ་ནག་པོ་ཟུར་གསུམ་བཤམ། །ནག་པོ་གསུམ་གྱི་སྙིང་སྣ་སོགས། །མཐུན་པའི་དམ་རྫས་གཏོར་མ་གཏང་། །བདུད་ཀྱི་དྲག་སྔགས་བདུན་པ་བཟླས། །སྲོག་བདུད་ནག་པོ་ཐོད་འཕྲེང་ཅན། །སྔུན་དུ་འོང་ནས་ཅི་བྱ་ཟེར། །དམ་བསྲེ་ལས་གཞོལ་བླ་རྡོ་བཅངས། །དེ་ནས་ཡང་དག་བཤད་བྱ་བ། །སྲིན་པོ་བྲན་དུ་འཁོལ་འདོད་ན། །སྐྱེས་པ་དར་མའི་སྙིང་སྲོག་རྩར། །བདུན་པོའི་བླ་བྱང་བྲིས་ལ་གཞུག །ཚོན་སྐུད་ཀྱིས་དཀྲིས་རྟ་ཐོད་རྩལ། །ཨག་རྩེ་བ་ནས་ཐུན་སྔགས་བརྡེག །ཡུངས་ཀར་ཡུངས་ན་་སྐྱེ་ཚེས་བྲབ། །རག་ཤ་སྲིན་པོ་ས་མུ་ཛ། །རག་ཤ་རུ་ཏྲ་ཧུ༷་སྨྱོ། རུ་གཉེན་ནག་པོ་ཆོ་ཆོ་ས། །ཆེ་གེ་བ་དུ་སེ་ཤིག་སོད། གཏོར་ཧ་བ་ལེ་ཧོབ་ལ་ཐུན་སྨྱོ། ཞེ་བཟླས་སྲིན་པོ་བྲན་དུ་ཁོལ། །དྲེད་སྡིགས་གཟིར་བ་ལས་ལ་བཅུན། །འདི་དག་ལོགས་ན་མེད། །དཔལ་ཆེན་རིག་རྩལ་ཅིར་ཡང་སྒྱུར། །ནག་པོ་སྤྲུལ་འགྱེད་འཁོལ་བ་གཅེས། །མ་ནིང་ལས་རྒྱུད་ནག་པོ་ལས། བྲན་ཕོ་སྡེ་བརྒྱད་འཁོལ་བའི་ལེའུ་སྟེ་བཅུ་གཉིས་པའོ།། །།དེ་ནས་ཡང་གསང་བའི་བདག་པོས་གསོལ་པ། ཀྱེ་ཀྱེ། བཅོམ་ལྡན་དཔལ་ཆེན་ཧེ་རུ་ཀ །རྒྱུད་འདིའི་མཚན་གྱི་རྣམ་གྲངས་གང་། །ཇི་ལྟར་བཟུང་ཞིང་བཅང་བར་བགྱི། །སུ་ལ་གསང་ཞིང་སུ་ལ་གཏད། །ཅེས་གསོལ་པས། ཆེ་མཆོག་ཧེ་རུ་ཀས་བཀའ་སྩལ་པ། གསང་བདག་ཆེན་པོ་ཁྱོད་ཉོན་ཅིག །ང་ཡི་རྒྱུད་ཆེན་ཀུན་འདུས་པའི། །བདེ་གཤེགས་ཡོངས་ཀྱི་སྲོག་འདུས་པས། །གསང་བ་སྲོག་རྒྱུད་ཅེས་ཀྱང་གྲགས། །དྲེགས་པ་སྤྱི་ཡི་རྒྱུད་འདུས་པས། །དྲེགས་པ་སྤྱི་རྒྱུད་ཅེས་ཀྱང་བྱ། །ལྷ་འདྲེ་ཡོངས་ཀྱི་གཙོ་ཡིན་པས། །གཙོ་མཆོག་ཆེན་པོའི་རྒྱུད་ཅེས་བྱ། །སེམས་ཅན་ཀུན་གྱི་མགོན་མཛད་པས། །མགོན་པོའི་རྒྱུད་ཆེན་ཞེས་ཀྱང་བྱ། །ཕོ་མོ་ཀླུ་གསུམ་འདིར་དྲིལ་བས། །དྲིལ་རྒྱུད་ཆེན་པོ་ཞེས་ཀྱང་བྱ། །དགྲ་བགེགས་ཐམས་ཅད་འདིར་སྒྲོལ་བས། །དྲག་པོ་སྒྲོལ་རྒྱུད་ཅེས་ཀྱང་བྱ། །ཕོ་མོ་གང་དུ་མ་ངེས་ཤིང་། །སངས་རྒྱས་འཕྲིན་ལས་བདག་མཛད་པས། །མ་ནིང་ལས་རྒྱུད་ནག་པོར་གྲགས། །ཞི་རྒྱས་དབང་དྲག་ཐུན་མོང་མཆོག །འདས་དང་མ་འདས་ཀུན་དབང་སྒྱུར། །འདི་ནི་ནོར་བུ་རིན་པོ་ཆེ། །མ་རིག་མུན་སེལ་སྒྲོན་མའོ། །རྒྱུད་འདི་རིན་ཆེན་གསེར་གྱིས་བྲིས། །རྟག་ཏུ་མི་འབྲལ་ལུས་ལ་བཅང་། །ཕྱི་ནང་གསང་བའི་རྟེན་རྫས་བཅང་། །རྒྱུན་དུ་བསྙེན་སྒྲུབ་ནར་མར་བྱེད། །དུས་ཀྱི་མཆོད་པ་མི་བཅག་ཅིང་། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་མ་ནིང་གཙོ་འཁོར་ལ། །བརྩེ་གདུང་གུས་པ་རྒྱུན་མི་བཅད། །དཔལ་མགོན་མ་ནིང་ལས་རྒྱུད་འདི། །བླ་མ་མི་འཁུར་རང་ཆེར་འཛིན། །དབུལ་བ་མི་ནུས་སྟོང་ཞུས་བྱེད། །དད་གུས་མེད་ཅིང་གཡོ་ཁྲམ་བྱེད། །རབ་འབྲིང་ཐ་མའི་ཞབས་ཏོག་མེད། །ཕ་མ་དཀོན་མཆོག་མི་འཁུར་ཞིང་། །སངས་རྒྱས་བསྟན་པའི་སྤྱི་ཚོགས་མེད། །གཙུག་ལག་ཁང་འཇོམས་སྡེ་འཁྲུགས་སྐྱོང་། །ཁ་གསག་སྟོང་ཞུས་ཉམས་ལེན་མི་སྐྱོང་དང་། །གནག་པ་སྙིང་རུས་མེད་ཅིང་བློ་མི་བརྟན། །དེ་ལྟ་བུ་ལ་བཀའ་འདི་གསང་། །དད་མེད་གཡེམ་ལ་ཕྱར་ལ་བཀའ་འདི་གསང་། །དམ་ཚིག་སྡོམ་པ་ཉམས་ལ་བཀའ་འདི་གསང་། །སྣོད་མེད་རང་དགར་མོད་ལ་བཀའ་འདི་གསང་། །སྐལ་མེད་རང་དོན་ཅན་ལ་བཀའ་འདི་གསང་། །དེ་ལྟ་བུ་ལ་འདི་་།ར་ན། །རྒྱལ་ཁམས་མེས་སྲེགས་བསྐལ་པ་ཆུས་འཁྲུ་བས། །དེ་བས་རབ་ཏུ་ནན་ཏན་གཅེས། །མགོ་ལ་མེ་འབར་ཁོང་དུ་སྦྲུལ་ཞུགས་ཀྱང་། །ཆུ་སྲིན་གྲེ་བར་རིན་ཆེན་ཚུད་པ་བཞིན། །བསྐལ་པ་འཁྲུག་ཀྱང་ཁར་མི་དབྱུང་། །གོང་བསྟན་སྣོད་མེད་རྣམས་ལ་འདི་སྤེལ་ན། །མ་ནིང་ནག་པོ་ཉིད་ཀྱིས་སྲོག་རྩ་ཆད། །སྲོག་ཐིག་ནག་པོས་ཚེ་ཡི་འདུ་བྱེད་བསྐུལ། །ལྷ་སྲིན་སྡེ་བརྒྱད་རྣམས་ཀྱིས་བཀའ་འདི་སྲུངས། །ནམ་ཞིག་ལས་ཅན་རྡོ་རྗེ་ཐོད་འཕྲེང་རྩལ། །སྤྱན་རས་གཟིགས་སྤྲུལ་འདི་ལ་བཀའ་འདི་གཏོད། །དེས་ཀྱང་གཏེར་ནས་གཏེར་དུ་སྦོས། །ཌའ་ཀི་ལས་ཀྱི་དབང་མོ་ཆེ། །མཁའ་འགྲོ་གཙོ་མོ་ཁྱོད་ཀྱིས་བཀའ་འདི་སྲུངས། །ཆེད་དུ་གཉེར་རོ་་།ར་ར་རེ། །ནམ་ཞིག་དུས་ཀྱི་ཐ་མ་ལ། །སེམས་ཅན་རྣམས་ནི་ཉོན་མོངས་རང་དགར་སྤྱོད། །ཆོས་པ་རྣམས་ནི་ཆོས་གཞུང་སྤངས་ནས་ཆོས་བརྒྱད་སྐྱོང་། །སྒོམ་ཆེན་སྒོམ་སྒྲུབ་མི་བྱེད་བསོད་ནམས་སྐྱོང་། །གསང་སྔགས་བསྐྱེད་རྫོགས་ཆོས་རྣམས་སྐྱངས་ལ། །དགེ་བཤེས་ཐོས་བསམ་སྤངས་ནས་བཟང་རྫུས་བྱེད། །མཚན་ཉིད་སྡེ་གསུམ་ཆོས་ལ་ཡང་། །དགེ་བཅུ་ཕ་རོལ་ཕྱིན་དྲུག་དང་། །ལམ་ལྔ་ས་བཅུ་སྤྱོད་མཁན་མེད། །དཀོན་མཆོག་གསུམ་གྱི་དབུ་འཕང་དམའ། །དུས་གསུམ་སངས་རྒྱས་བསྟན་པ་ཉམས། །གཙུག་ལག་ཁང་ལ་བདག་འཛིན་ཕྱུགས་ར་བྱེད། །དེའི་ཚ་སེམས་ཅན་ཐམས་ཅད་ཀུན། །བདག་འཛིན་རུ་ཏྲ་ཁེངས་པའི་ཚ །དེ་དུས་སྐལ་ལྡན་བྱང་སེམས་ཅན། །སྔོན་དུས་ས་ལམ་རབ་སྦྱངས་བ། །དེ་དུས་ཀུན་ལ་སྙིང་རྗེ་ཆེ། །རྒྱུ་འབྲས་ཆོས་ཀུན་མ་ལུས་མཁྱེན། །རིག་པའི་གནས་ཀུན་བློ་ཁ་བྱེ། །རིགས་རྩལ་ཕྱོགས་མེད་ཀུན་སྒྲོལ་བདག །བློ་བརྟན་བློ་ཟབ་བློ་ཆེ་བ། །གསང་སྔགས་སྤྱི་གནད་ཀུན་ལ་གོམས། །བླ་མ་ལ་གུས་གཏོང་ཕོད་ཆེ། །དབང་རིགས་ཡོངས་རྫོགས་མཆེད་ལ་དུང་། །གཙུག་ལག་ཁང་སྐྱོང་སྟན་ཚིས་ཆེ། །རང་དོན་མ་ཡིན་གཞན་དོན་བརྩོན། །ལུས་སྲོག་བབ་ཀྱང་ཆོས་མི་འདོར། །བླ་མའི་བཀའ་ཙམ་མི་ཅོག་ཅིང་། །ཡི་དམ་བསྙེན་སྒྲུབ་མི་ཅོག་པ། །ཆོས་སྐྱོང་དུས་མཆོད་མི་ཅོག་པ། །གཙང་རྨེ་ཆུང་ཞིང་དཔའ་བརྟུལ་ཆེ། །དེ་ལྟ་བུ་ཡི་སྐལ་ལྡན་ལ། །བཀའ་འདི་སྟོན་ཅིག་ས་མ་ཡ། །དེས་ཀྱང་རང་དོན་མ་ཡིན་གཞན་དོན་དུ། །བདག་འཛིན་རུ་ཏྲ་ཐམས་ཅད་བསྒྲལ། །ཅེས་གསུངས་སོ། །དཔལ་མགོན་མ་ནིང་གསང་བ་འཕྲིན་ལས་ནག་པོའི་རྒྱུད་ཆེན་པོ་ལས།མཚན་གྱིས་རྣམ་གྲངས་བསྟན་པ་དང་། སྣོད་མེད་ལ་གསང་ཞིང་སྣོད་ལྡན་ལ་གཏད་པའི་ལེའུ་སྟེ་བཅུ་གསུམ་པའོ།། །།དེ་ནས་ཡུམ་ཁྲོ་མོ་གནམ་ཞལ་མ་དང་། རིགས་འཛིན་ཆེན་པོ་རྡོ་རྗེ་ཆོས་དང་། གསང་བའི་བདག་པོ་ལག་ན་རྡོ་རྗེ་མགྲིན་གཅིག་ཏུ་བསྟོད་པ། ཨེ་མ་ཧོ་ངོ་མཚར་རྨད་ཀྱི་ཆོས། །ཆོས་སྐུ་སྐྱེ་མེད་ངང་ནས་ནི། །ལོངས་སྐུ་འགག་མེད་དཔལ་ཆེན་སྐུ། །སྐུ་སྤྲུལ་འགྲོ་འདུལ་སྟོབས་པོ་ཆེ། །རུ་ཏྲ་བདུད་སྡེ་དཔུང་བཅས་མ་ལུས་ཐུལ། །རྩལ་ཆེན་ཐོགས་མེད་ཁྱོད་ལ་ཕྱག་འཚལ་ལོ། །དཔལ་ཆེན་སྐུ་གསུང་ཐུགས་ལས་སྤྲུལ་པའི་སྐུ། །མ་རུངས་འདུལ་དཀའ་བདུད་སྡེ་ཇི་སྙེད་བཏུལ། །ལྷ་ཡུལ་སུམ་ཅུ་རྩ་གསུམ་གནས་སུ་ལྷ་ཡི་དམག་དཔོན་མཛད། །ཕྲག་དོག་ལྷ་མ་ཡིན་རྣམས་བརླག་པར་མཛད། །ལྷ་རྣམས་གཡུལ་རྒྱལ་བསྟན་པར་དར་རྒྱས་མཛད། །ལྷ་ཆེན་དཔལ་འབར་ཁྱོད་ལ་ཕྱག་འཚལ་ལོ། །ལྷ་དབང་བརྒྱ་བྱིན་དང་ལྷའི་བུ་མོ་བྱེ་བ་ཕྲག་མང་པོས་བསྟོད་པ། མ་ལ་ཡ་ཡི་རྩེ་མོ་རུ། །དུར་ཁྲོད་ཐོད་མཁར་མེ་རླུང་ཚུབ་དཀྱིལ་དུ། །རུ་ཏྲ་སྡེ་གསུམ་སྡེ་བརྒྱད་མ་ལུས་བཏུལ། །གསང་སྔགས་བསྐྱེད་རྫོགས་བསྟན་པ་དར་རྒྱས་མཛད། །དཔལ་མགོན་མ་ནིང་སྐུ་ལ་ཕྱག་འཚལ་བསྟོད། །མི་ཐོད་པ་ཅན་གྱིས་བསྟོད་པ། བསིལ་བ་ཚལ་གྱི་དུར་ཁྲོད་དུ། །ལྷ་ལོག་སུམ་བརྒྱ་དྲུག་ཅུ་བཅོམ། །གྲུབ་མཐའ་ངན་པ་ཀུན་ཚར་བཅད། །མུ་སྟེགས་བསྟན་པ་གཏན་ནས་བརླག །ཞིང་སྐྱོང་མ་མོ་མཁའ་འགྲོས་བསྐོར། །ནག་པོ་ཆེན་པོ་ཁྱོད་ལ་ཕྱག་འཚལ་བསྟོད། །སྲིད་རྩ་བདག་འཛིན་འདུལ་ལ་ཕྱག་འཚལ་བསྟོད། །ཕ་རོལ་ཕྱིན་དྲུག་སྤྱོད་ལ་ཕྱག་འཚལ་བསྟོད། །སྤྱོད་པ་རླབས་ཆེན་འཕགས་ལ་ཕྱག་འཚལ་བསྟོད། །སྲིད་རྩ་བདག་འཛིན་གཟི་མདངས་ཅན་ལ་ཕྱག་འཚལ་བསྟོད། །རྩལ་ཆེན་གཟི་མདངས་ཅན་ལ་ཕྱག་འཚལ་བསྟོད། །ནག་པོ་ཐོད་འཕྲེང་ཁྱོད་ལ་ཕྱག་འཚལ་བསྟོད། །རིགས་འཛིན་སྲོག་ཤིང་ཁྱོད་ལ་ཕྱག་འཚལ་བསྟོད། །ས་ཆུ་མངའ་བདག་ཁྱོད་ལ་ཕྱག་འཚལ་བསྟོད། །བདུད་འདུལ་དབང་ཕྱུག་ཁྱོད་ལ་ཕྱག་འཚལ་བསྟོད། །ཚོགས་ཀྱི་བདག་པོ་ཁྱོད་ལ་ཕྱག་འཚལ་བསྟོད། །གཙུག་ལག་ཁང་སྐྱོང་ཁྱོད་ལ་ཕྱག་འཚལ་བསྟོད། །ཅེས་དོན་དང་མཐུན་པས་བསྟོད་དོ། །དེ་ནས་ཡུམ་ཁྲོ་མོ་གནམ་ཞལ་མ་དང་། སྤྲུལ་པའི་མགོན་པོ་རྣམས་དང་། མ་ནིང་མཆེད་བཞི་ལ་སོགས་པ་རྣམས་འོད་དུ་གྱུར་ནས། ཡབ་ཀྱི་ཐུགས་ཀར་ཐིམ། དཔའ་བོ་ཡབ་ཆེན་ཆེ་མཆོག་ཧེ་རུ་ཀ་སྣང་ལ་རང་བཞིན་མེད་པ། ནམ་མཁའི་འཇའ་ཚོན་ལྟར་དབྱིངས་སུ་ཐིམ་མོ། །སླར་ཡང་སྤྲུལ་པ་དུ་མ་འགྱེད་དོ། །དེ་ནས་རིགས་འཛིན་གསང་བའི་བདག་པོ་དང་། ལྷ་མ་སྲིན་སྡེ་བརྒྱད་དང་། ཡེ་ཤེས་ཀྱི་མཁའ་འགྲོ་ལས་ཀྱི་དབང་མོ་ཆེ་དང་། འཁོར་མཁའ་འགྲོ་བྱེ་བ་འབུམ་ཕྲག་དུ་མ་དང་། ཤ་ཟ་འབུམ་གྱི་ཚོགས་དང་། མ་མོ་བྱེ་བའི་ཚོགས་དང་། ཁྲོ་བོ་འབུམ་གྱི་ཚོགས་དང་། ལདྷ་དུར་ཁྲོད་བདག་པོ་དང་། བདུད་འདུལ་ཉི་ཁྲི་ཆིག་སྟོང་གི་ཚོགས་དང་། ཐམས་ཅད་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དཔལ་ཆེན་པོ་སྐུ་གསུང་ཐུགས་ཀྱི་སྤྲུལ་པ་ཡེ་ཤེས་ཀྱི་མགོན་པོ་མ་ནིང་ནག་པོས་དུས་གསུམ་སངས་རྒྱས་ཀྱི་འཕྲིན་ལས་མཛད་པའི་མ་ནིང་ལས་རྒྱུད་ནག་པོ་ཞེས་བྱ་བ་རྫོགས་སོ།། །།ཤ་མི་ལ་ཞུས།འབྲིང་གིས་བྲིས། ས་མ་ཡུ། ཁ་ཐ༷། གཏེར་རྒྱ། སྦས་རྒྱ། ཟབ་རྒྱ། མན་ཏྲ། གུ་ཡུ། ལྟུ།།། །། རྒྱ་གར་སྐད་དུ། མ་ཧྭ་ཀྭ་ལ་པ་ཏནྟྲ། བོད་སྐད་དུ། ནག་