Ngb-pt-0790-vol-08-text
Front
Body
རྒྱ་གར་སྐད་དུ། །ཨུ་རུ་དེ་བི་ཀྭ་ལི་ཨེ་ཀ་འདའ་ན་མན་ཏྲ་ཏན་ཏྲ། །བོད་སྐད་དུ། །འཕགས་མ་ལྷ་མོ་ནག་མོའི་རོ་ག་ནག་མོའི་གསང་སྔགས་ཀྱི་རྒྱུད་ཅེས་བྱ་བ། །བཅོམ་ལྡན་འདས་བཛྲ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། །གསུང་དང་། །ཐུགས་མི་ཕྱེད་པའི་རྒྱལ་པོ། །ཡུམ་གྱི་མཁའ་ཆོས་ཐམས་ཅད་མི་ནུབ་པའི་དཀྱིལ་ན་ཐིག་ལེ་ཆོས་ཉིད་ངང་ལ་བཞུགས་སོ། །ཉིས་ལས་མི་གཞན་པའི་འཁོར་ཁྲག་འཐུང་འབར་བའི་ཚོགས་བསམ་གྱིས་མི་ཁྱབ་པ་དང་། །གཞན་ཡང་བྱང་ཆུབ་སེམས་དཔའ་ཕྱག་ན་རྡོ་རྗེ་དང་། །དེ་དག་ལ་སོགས་པའི་མ་མོ་བསམ་གྱིས་མི་ཁྱབ་པ་དང་། །གནོད་སྤྱིན་མོ་དང་། ཁྲ་ཟ་ཁྲག་འཐུང་སྲིན་མོ་ལ་སོགས་པའི་འཁོར་བསམ་གྱིས་མི་ཁྱབ་པ་དང་། །གཉིས་སུ་མེད་པའི་དོན་མ་མཐོང་བ། །སྙིང་རྗེ་དང་བྲལ་བ། །འཇིགས་པ་སྐྱེ་བ། །བ་སྐྲུ་ལྡང་བ། ཁེན་ཏུ་ཁྲོ་བ། །ག་་པའི་ཤུགས་དང་ལྡན་པ། །སེམས་ཅན་རྣམས་ལ་རྣམ་པར་འཚེར་བ། །ཁ་རླངས་དང་སྣ་རླངས་ཀྱི་ནད་ངན་སྣ་ཚོགས་གཏོང་བ། །བརྡ་མི་ཕྲད་པ་དག་དང་ཐབས་ཅིག་ཏུ་བཞུགས་སོ། །དེའི་ཚེ་འཇིག་རྟེན་ན་བྲན་མོའི་རང་བཞིན་རེ་མ་ཏི་ཞེས་བྱ་བ་གཅིག་གནས་ཏེ། །བཅོམ་ལྡན་འདས་དཔལ་བཛྲ་ཧེ་རུ་ཀ་ལ་འདི་སྐད་ཅེས་གསོལ་ཏོ། །ཧི་ཧི་དཔའ་བོ་ཧེ་རུ་ཀ །སྲིད་པ་གསུམ་ན་དབང་ཆེ་བ། །ང་ཉིད་ཡིན་ཏེ་ཐམས་ཅད་སྒྲོལ། །སྒྲོལ་མ་དཔའ་བོ་བདག་ཉིད་ལ། །དབང་བསྐུར་དམ་པ་རྫོགས་པར་མཛོད། །ཧེ་རུ་ཀ་ཡིས་བཀའ་སྩལ་པ། །སྲིན་མོ་གདུག་མོ་སྒྲོལ་མ་ཡིས། །བུརྙའི་བསྟན་པ་འཇིག་པ་དང་། །ཆོས་འཁོར་གཉན་པོ་འཇོམས་པ་དང་། །དགེ་འདུན་ཆེ་བ་སྨོད་པ་དང་། །རྣལ་འབྱོར་སྲོག་ལ་འབེབས་པ་རྣམས། །ཁྱོད་ཀྱིས་རབ་ཏུ་སྒྲོལ་བར་གྱིས། །བསྟན་ལ་གནོད་ཅིང་སྨོད་པ་རྣམས་ཕལ་ཆེར་བསྒྲལ་ཏེ་བསྟན་པ་བསྲུང་ཞིང་ལས་ཀུན་བྱེད་པའི་བདག་ཉིད་དུ་གྱུར་ཏོ། །འཕགས་པ་ལྷ་མོ་སྐུ་གཅིག་མ་རོག་ནག་མོའི་རྒྱུད་ལས། །གླེང་གཞིའི་ལེའུ་སྟེ་དང་པོའོ། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས། །བཅོམ་ལྡན་འདས་ཧེ་རུ་ཀ་ལ་འདི་སྐད་ཅེས་གསོལ་ཏོ། །གདུག་མོ་རེ་ཏི་སྒྲུབ་པའི་གནས་ནི་གང་། །སྒྲུབ་པའི་དཀྱིལ་འཁོར་ནི་གང་། །བསྟེན་པའི་དམ་རྫས་གང་། །སྲོག་གི་སྙིང་པོ་ནི་གང་། །གསད་པར་བྱ་བའི་མཎྜལ་ནི་གང་། །ཕུང་བར་བྱེད་པའི་དམོད་པའི་མཚོན་ཆ་ནི་གང་། །བསད་པའི་་།ཐུ་ནི་གང་། །བསྒྲུབ་པའི་དུས་ནི་གང་ལགས། །མཚན་གྱི་རྣམ་གྲངས་ནི་གང་ལགས། །ཧེ་རུ་ཀས་གསུངས་པ། །ཕྱག་ན་རྡོ་རྗེ་ཁྱོད་ཉོན་ཅིག །གདུག་བྱེད་མོ་རེ་མ་ཏི་སྒྲུབ་པའི་གནས་ནི། །རི་ཟླུམ་པོ་ལ་ཕུག་ཟབ་མོ་ཡོད་ལ་འམ། །བྲག་དམར་ཆོལ་ཟངས་འདྲ་བ་འམ། །ཁང་རུལ་ནག་པོའམ། །ངམ་གྲོག་གམ། །ངམ་ཕུག་གམ། །ཆུ་འགྲམ་མམ། ཁེང་རྐང་གཅིག་ཡོད་པ་འམ། །བྱང་རི་མཐིན་པོ་ཡོད་པའི་ས་ཕུག་ཉམས་དགའ་བར་བྱ། །བསྒྲུབ་པའི་དཀྱིལ་འཁོར་ནི། ཁུ།་གསུམ་མཐིང་ནག་ལ་ཐོད་འཕྲེང་དང་མེ་རི་སྒོ་དང་སྒོ་ཁྱུད་དུ་བཅས་པའོ། །བསྟེན་པའི་དམ་རྫས་ནི། །མཚོན་གྱིས་བསད་པའི་སྐྱེས་པའི་སྙིང་དང་། །མཁལ་མ་ཁྲག་མཆིན་དང་། །མི་དབང་སྨིན་པའི་འབྲས་བུ་དང་། །རག་ཏ་མཚལ་ཏིག་རྣམ་གསུམ་དང་། །སྲུབ་མའི་ལོ་མ་རྡོ་སོལ་བཅས། །སེམས་ཀྱི་རྩ་ལམ་མ་ཉམས་པ་རྣམས་སོ། །སྲོག་གི་སྙིང་པོ་ནི། །ཨོ་བཛྲ་ཁ་རག་སྙིང་ཁ་རག །ཏྲག་རག་ཤ་ཙ་མུན་ཙག་ཤ། །ཏྲག་རསྒ་ཁ་མུན་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷། །གསད་པའི་དཀྱིལ་འཁོར་ནི། །དཀྱིལ་འཁོར་དབྱིབས་ནི་གྲུ་གསུམ་ལ། །མཐིང་ནག་ཟླ་གམ་གསུམ་ལྡན་ནོ། ཁུ།་གསུམ་སྟེང་དུ་ཟླ་གམ་མོ། །ཟླ་གམ་སྟེང་དུ་གྲུ་གསུམ་བརྩིག །ཟུར་གསུམ་ལ། །མཐིང་ནག་ཟླ་གམ་གསུམ་ལྡན་ནོ། ཁུ།་གསུམ་སྟེང་དུ་ཟླ་གམ་མོ། །ཟླ་གམ་སྟེང་དུ་གྲུ་གསུམ་བརྩིག །ཟུར་གསུམ་ལ་ཐོད་པ་གནན། །མཐའ་མ་རཀ་ཏའི་རྒྱ་མཚོར་བཅས་པའོ། །ཕུང་པར་བྱེད་པའི་དམོད་པ་ནི། །ཁྲག་གཤམ་དུན་རྦད། །སྙིང་ཁ་ལ་རྦུད་སྨྱོ། །སྦ་ར་ཡ་དྲི་ཛུ་ཛུ། །དུ་ཡ༷་ཚལ་པ་རྦད། ཁྲག་ཤག་ཐུ༷་ལྟེ་བྲོས་པས། །ཁྲག་ཤ་རི་ཙིསྟ་རྦད། །ཐུམས་ལིས། །སྙིང་རྩ་འདུ་འདུ། །ཐྲོག་ཕྲིག་ཤམ་ཁྱེར་ལུགས་རྦད། །ཐུམས་ཐུམས་འདུ་འདུ་རྦུད་རྦུད། །གསད་པའི་ཐུན་རྫས་ནི། ཁྲར་གྱི་གྲུ་གསུམ་ལ་དུག་སྣ་ཚོགས་ཀྱི་ཐུན། །བྱང་དུ་མིའི་ཟན་ཟུར་གསུམ་དུ་བྱས་ལ་ཁམས་བུའི་ཐུན། །ལྷོར་ཁྲག་སྣ་ཚོགས་ཀྱི་ཐུན་དང་། །སྙིང་དང་། །ཕུར་པ་རྣམས་གཞག་གོ། །དུས་ནི་ཟླ་བ་ཡར་གྱི་ངོ་ཚེས་བརྒྱད་དང་བཅྭ་ལྔ། །མར་ངོའི་ཉི་ཤུ་གཉིས་ཀྱི་ནུབ་མོ་གདོན། །མཚན་གྱི་རྣམ་གྲངས་ནི །དམར་མོ་ཟ་བྱེད་མ་ཞེས་ཀྱང་བྱ། །དཔལ་ལྡན་ཞེས་ཀྱང་། །དུང་སྐྱོང་མ་ཞེས་ཀྱང་བྱ། །ཞབྲུག་བྱེད་མ་ཞེས་ཀྱང་བྱ། །གནོད་སྤྱིན་མོ་མཐུ་མོ། །ཞེས་ཀྱང་བྱ། །དུས་མཐའ་སྡུད་བྱེད་མ་ཞེས་ཀྱང་བྱ། །དཔལ་ལྡན་ནག་མོ་རེ་མ་ཏི་སྐུ་གཅིག་མ་ཞེས་ཀྱང་བྱའོ། །འཕགས་མ་ལྷོ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །དཀྱིལ་འཁོར་དང་། །དམ་རྫས་དང་། སྲོག་སྙིང་གདུག་པའི་དམོད་མོ་དང་། །བཅུ་བཞི་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །བསྙེན་ཅིང་བསྒྲུབ་པ་བྱ་བ་ནི། ། གནས་བཀྲ་ཤིས་ཤིངཡིད་དུ་འོང་བར། །ཚེས་གྲངས་དང་དུས་ཚོད་མཐུན་པར་བྱས་ལ། །བསྙེན་བསྒྲུབ་ཀྱིས་ལས་བྱ་སྟེ། །སྒྲུབ་པའི་དཀྱིལ་འཁོར་ནི་མོ་གྲིར་ཤི་བའི་ཁྲག་ཟགས་པའི་ས་འམ། །རོ་སྦས་པའི་ས་ཕུང་ངམ། །ལུབྲུག་པ་འཕམ་རྒྱལ་བྱུང་བའི་མི་བསད་པའི་ཁྲག་ཟགས་པའི་ས་འམ། །མི་པ་ཚན་ཆེན་པོའི་རོ་བསྲེགས་པའི་ས་བླངས་ལ། །དསྐྱུལ་འཁོར་གྱི་དབྱིབས་འདོམ་གང་གྲུ་གུསམ་དུ་བརྩིགས་ལ། ཁུ།་ཅིག་བྱང་ཤར་དུ་བསྟན། ཁྲུ་ཅི་ཧོར་དྲང་པོར་བསྟན། ཁུ་ཅིག་ནུབ་བྱང་གི་མཚམས་སུ་བསྟན། །སྟེགས་བུ་རིམ་པ་གསུམ་དུ་བྱ། །སྟེགས་བུ་བར་མ་ཟླ་གམ་དུ་བྱ། །ཟུར་གསུམ་གྱི་འོག་ཏུ་ཐོད་པ་གསུམ་གཞུག །རངས་པ་མེད་ན་དུམ་བུ་གསུམ་གཞུག །ཐོད་པའི་དཀྱིལ་གྱི་ཞབས་སུ་ཡ་ནག་པོ་རྡོ་སོལ་གྱི་བྲིས་པ་དང་། །མ་དམར་མོ་ཁྱི་ཁྲག་གིས་བྲིས་པ་གཞུག །ནང་རིམས་བཙག་གིས་བྱུག ཁྲར་གྱི་ཟླ་གམ་མ་དུག་སྣ་ཚོགས་ཀྱི་བྱུག །བྱང་ཕྱོགས་ཀྱི་ཟླ་གམ་ཕག་ཁྲག་གིས་བྱུག །ནུབ་ཕྱོགས་ཀྱི་ཟླ་གམ་མི་ཁྲག་གིས་བྱུག །དེ་ལྟར་གསུམ་གྱིས་འགོ་མ་ཡང་བྱེ་མ་ཕྱིན་མ་དཀྱིལ་འཁོར་གྱི་ཞལ་རྡོ་སོལ་གྱིས་བྲིས། །དེའི་སྟེང་དུ་མཆོད་རྫས་དང་ཐུན་རྫས་དགྲམ་པ་ནི། །དབུས་དུ་མཆོག་ཕུར་རམ། །སེང་ལྡེང་གི་ཕུར་བ་སོར་གཅིག་གི་ཚདདུབྱསཔགཅིགགཟུགས། །དེའི་མགུལ་དུ་ཙིསྟ་གདགས། །སྐྱེར་བ་འམ། །ཚེར་ནག་ཅན་གྱི་ཤིང་ལ་སོར་དགུའི་ཚད་དུ་བྱས་ལ་བདུན་གྲྭ་མཚམས་སུ་དགྲམ་མོ། །ཞིང་གི་རྒྱུ་མ་འམ། །གཅན་གཟན་གྱི་རྒྱུ་མ་ཕྲ་མོར་བཀལ་ལ་སུམ་སྒྲིག་དུ་བྱས་པ་ཅིག་མའི་ཐུགས་ཀར་སྙིང་པོ་བྲུས་ལ་གདགས། །རྩེ་མོ་གཅིག་དབུས་ཀྱི་ཕུར་བུ་ལ་གདགས། ཁྲར་དུ་བན་ད་རག་ཏས་བཀང་བ་གཅིག་དང་དུག་སྣ་ཚོགས་ཀྱི་ཐུན་གཏོར་གཞག་བྱང་དུ་བསྟན་པར་བཞུགས་སུ་གསོལ་བའི་ཐུན་གཏོར་ན། །སྲུབ་མའི་འབྲས་བུ་དང་། །པྲ་བོ་དང་། །རམ་བུ་དང་། །ནས་ནག་དང་། །ཏི་ལ་ནག་པོ་དང་། །སྐེ་ཚེ་རྣམས་ལ་ཟུར་གསུམ་དུ་བྱས་པ་བརྒྱ་རྩ་དགུ་གུར་ཀུམ་གྱི་ཆུས་བརྫིས་ལ། །ངོས་ཅིག་རཀ་ཏས་བྱུག །ངོས་ཅིག་ལ་དགྲ་བོའི་མིང་རུས་རྡོ་སོལ་གྱི་བྲི། ཁེང་ལོ་ལ་དགྲ་བོའི་མིང་བྱང་བྲིས་ལ་ཐུན་གཏོར་དེའི་ནང་དུ་གཞུག །ཙིསྟ་རྩ་བ་མ་ཉམས་པ་དང་། ་རྐོང་ཁའི་མཚལ་ཏིག་མ་ཉམས་པ་དང་། །སྨན་སྣ་ཚོགས་པ་དང་། །དྲི་སྣ་ཚོགས་པ་དང་། །འབྲུ་སྣ་ཚོགས་པ་དང་། །མེ་ཏོག་སྣ་ཚོགས་པ་དང་། །མི་དབང་སྨིན་པའི་འབྲས་བུ་དང་། ཁེང་ལོ་རླུད་ཁྱེར་ས་ལ་མ་རེག་པ་ལ་སོགས་ཏེ། །རྫས་ཕག་བན་ད་ལྕང་ལོ་ཅན་གྱི་ནང་དུ་ཆང་བླུགས་ལ། །མི་དབང་སྨིན་པའི་འབྲས་བུའི་ཤ་ཕྱེད་བསྐམས་ལ་ཕྱེ་བཏགས་ལ་བླུགས་ལ་གཞག །ནུབ་ཀྱི་ཟླ་གམ་ལ་རྒྱུན་གཏོར་ཁམ་བུ་ཟུར་གསུམ་བཅུ་དགུ་བྱས་ཏེ་རག་ཏས་བཀང་ལ་གཞག །ལྷོ་ཕྱོགས་ཀྱི་ཟོར་ལ་གང་ལ་བྱ་བའི་གཟུགས་བྲིས་ལ་གཞག །དཀྱིལ་འཁོར་གྱི་མཚམས་གསུམ་དུ་བན་ད་རག་ཏས་བཀང་བ་གསུམ་གཞུག་གོ །དེ་ནས་དྲག་པོའི་ལས་བྱེད་ན། །གང་ལ་བྱ་བའི་གཟུགས་རས་ས་མ། ་རྐོང་ཤུན་ལ་བྱས་ལ། །གྲོག་དམར་པོས་གཟུགས་གཡོགས་ལ། །སྙིང་པོ་ར་ཕག་གི་སྤྱང་ཁུ་དང་གཅན་གཟན་སྣ་ཚོགས་པའི་ཁྲག་བསྲེས་ལ། །སྤྱི་བོར་ཨོ་བྲིས། །སྙིང་ཁར་ཧཱུཾ༷་དམར་པོ་སྒྲིམ་མའི་བར་དུ་ཧྲི་གཞུག །འདོམས་སུ་ཕཊ་ནག་པོ་བྲི། །སྤྱི་བོའི་ཨོ་འོད་དུ་འཕྲོས་པ་ལས། །དེའི་སེམས་ཤི་བར་བསམ། །སྙིང་ཁར་ཧཱུཾ༷་ལས་ཁྲོ་བོ་གྲངས་མེད་པར་འཕྲོས་པས་བཀྲག་དང་གཟི་མདངས་ཕྲོག་པར་བསམ། །འདོམས་ཀྱི་ཕཊ་ལས་མ་མོའི་སྤྲུལ་པ་གྲངས་མེད་པ་ལག་ན་ལྕགས་ཀྱུ་ཁ་དགུ་ཐོགས་ནས་བུ་ག་དགུ་ནས་བཟུང་སྟེ་སོང་བར་བསམ་ལ། །བྱང་ཕྱོགས་ནམ་མཁའི་སྟོང་ནས་བསྐུལ་ལ། །རང་གི་སྙིང་ཀ་ལས་འཕྲོས་པར་བསྒོམས་ལ། །དགྲ་བོ་མངོན་སུམ་པར་བཀུག་ལ། །དུག་གཏོར་ལ་དབབ་ཅིང་དགྲ་བོ་དེ་གནས་པར་བྱའོ། །དགུག་པའི་དུས་བསྟན་པ་ནི་སྔ་དྲོ་དང་། །ཉི་མ་ཕྱེད་དང་། །ནུབ་ཀའོ། །ནུབ་གཅིག་ལའང་སྲོད་དང་སྐྱ་རེངས་ཤར་ཀར་དྲང་ངོ། །དགུག་པའི་ལས་ཀྱང་རླང་ནག་ཚུབ་མའི་ནང་དུ་བཅུག་སྟེ་ཁུག་པར་བསམ་ལ་སྔ་མའི་དགྲ་བོ་དེ་གཟུགས་ལ་ཕབ་སྟེ། །ཁོའི་གཟུགས་དང་སེམས་ཤག་གི་བྱེ་བར་བསམ་ལ། །དེ་དང་དབྱེར་མེད་པར་མངོན་སུམ་དུ་དམིགས་ལ་ཕྱག་རྒྱ་བཞི་བཅས་ཏེ། །ཡེ་ཤེས་ཀྱི་ལྷ་མོ་ལྕགས་ཀྱུ་ཅན་ཏེ་བདག་གི་ལྟེ་བའི་དཀྱིལ་འཁོར་ལ་མེ་དཔུང་དུ་འབར་བ་ནས། །གནམ་ལྕགས་ཀྱི་ཁང་པ་དེའི་ནང་ན་བཞུགས་པར་བསམ་མོ། །ལྷ་མོ་ནག་མོ་བྱང་ཤར་མཚམས་ན་བརྟན་པར་བཞུགས་སུ་གསོལ་ལོ། །སྔ་མའི་ཕུར་བུ་ཁྲོ་བོ་ཞལ་གསུམ་ཕྱག་དྲུག་པ། །ལྟེ་བ་མན་ཆད་ལྕགས་ཀྱི་ཕུར་པ་གསུམ་དམིགས་ལ། །དགྲ་བོའི་སྙིང་ཀ་ལ་སོགས་པས་གནས་བདུན་དུ་གདབ་བོ། །དེར་ལེགས་པར་གསོད་པར་བསམ༷་སྟེ་དབང་པོ་དང་རྣམ་པར་ཤེས་པ་ཀུན་མ་མོ་ཆེན་མོ་ལ་བསྟབ་པོ། །ཐད་ཀར་མེད་པར་བྱས་ནས་མཛུབ་བསུ་ན་མི་གསད་པའི་མཚོན་གྱིས་སྐྱེས་པ་གཡས། །བུད་མེད་གཡོན་ནས་དུམ་བུ་བདུན་དུ་གཏུབས་ཅིང་། །ཧོ་མ་མོའི་ཆེན་མོའི་ཞལ་དུ་བསམ་སྟེ་བསྲེག་གོ། །བྱང་གི་གཏོར་མ་ཆེན་པོའང་དེར་དབུལ། །དུག་གི་ཐུན་གཏོར་ཡང་མཚོན་ཆའི་ཆར་དུ་བྱིན་གྱིས་བརླབས་ཏེ་དམིགས་ལ་མནན་ནོ། །དེ་ལྟར་བསྒྲུབས་སམ་བྱས་ན་མངོན་སུམ་དུ་འགྱུར་བར་རིགས་སོ། །ཅི་འདོད་འདྲི་བ་དང་། །ད་ཕྱིན་ཆད་ངའི་གི་ཀ་ར་གྱིས་ཤིག་པར་བསྒོ། །ནུབ་གཅིག་ལ་ལན་གསུམ་འོང་སྟེ། །བདག་གིས་ཡིད་ལ་ཅི་འདོད་པའི་ལས་བཅོལ་པའི་ཚེ་ན། །ནུས་མི་ནུས་དྲིར་མི་རུང་ངོ། །སྲིད་པའི་རྩེ་མོ་ནས་དམྱལ་བའི་གནས་ཡན་ཆད་དུ་ལྷ་མོས་མི་འདུལ་བ་གང་ཡང་མེད་དོ། །དེ་བས་ན་སོམ་ཉི་མེད་པར་བསྒྲུབ་པར་བྱའོ། །སོ་མ་ཉི་བྱས་ན་སྒྲུབ་པ་པོ་ཉིད་ལྷ་མོས་བསྒྲོལ་བར་འགྱུར་རོ། །དེ་ལྟར་ཉེན་ཆེ་བས་སྒྲུབ་པ་པོས་ནན་ཏན་བྱའོ། །འཕགས་པ་ལྷ་མོ་སྐུ་གཅིག་མ་རོག་ནག་མོའི་རྒྱུད་ལས། །བསྙེན་བསྒྲུབ་དཀྱིལ་འཁོར་ཡན་ལག་གི་ལས་ཀྱི་ལེའུ་སྟེ་གསུམ་པའོ། །དེ་ནས་ཡང་དག་བཤད་བྱ་བ། །མཚན་མ་བཟང་ངན་རྟགས་བསྟན་ཏེ། །ནམ་མཁའ་ལ་མེ་ཏོག་གི་ཆར་འབབ་པ་དང་། །ནམ་ལངས་པ་དང་། །ཉི་མ་ཤར་བ་དང་། །སྦྱོར་བའི་ཚུལ་སྟོན་པ་དང་། །ནམ་མཁའ་དམར་པོར་འོང་བ་དང་། །ན་ཆུང་ལྟར་ཕྱག་བྱེད་ཅིང་མི་སྲུག་པའི་ཚུལ་སྟོན་ཅིང་ལྷ་ཕྱག་བྱེད་པའི་ཚུལ་དུ་བྱུང་ན། །མཚན་མ་ངན་པ་ཡིན་པས། །ཏིང་ངེ་འཛིན་ལས་མི་ཡེངས་པར་ངན་པའི་མཚན་མི་བསྐྱེད་དོ། །ནམ་མཁའ་ནག་པོར་འགྱུར་བ་དང་། །རླུད་ནག་གི་ཚུབ་མར་ལྡང་བ་དང་། །ནམ་མཁའ་སྨུག་ནག་ཏུ་འགྱུར་བ་དང་། །ཁང་པ་དང་སྒོ་ཆེམ་ཆེམ་ཟེར་བ་དང་། །ནམ་མཁའ་ལ་འཇའ་ཚོནི་འབྱུང་བ་དང་། །བུད་མེད་དཀར་མོ་ལ་བསེའི་ལན་ཕྲན་ཅན། །དུང་གི་སོ་ཐམས་ཅན། །གཡུའི་སྨེ་བ་ཅན། །ནམ་མཁའི་དབྱིངས་ནས་བྱུང་ན་བཟང་པོའི་ཆོ་འཕྲུལ་ལོ། །མུན་པ་ནག་པོ་བྱུང་ན་མཐུ་གྲུབ་པས་བཟང་པོའི་མཚན་མའོ། །རླུང་ནག་གི་འཚུབ་མ་ལྟར་ལྡང་ཞིང་སྒྲ་ཆེམ་ཆེམ་ཟེར་ན་ཡེ་ཤེས་ཀྱི་མཐུ་རང་བྱུང་སྟེ། །དགྲ་བོའི་གཟུགས་དང་ལིང་ཀ་རླུད་ལ་བསྐྲོར་རོ། །ནམ་མཁའ་ལ་འཇའ་ཚོན་བྱུང་ན་རྣལ་འབྱོར་པ་ཚེ་རིང་བའི་སིརྙི་སྩོལ། །བུད་མེད་དཀར་མོ་ནམ་མཁའ་ལ་བྱུང་ན། །རྣལ་འབྱོར་པ་ཅི་འདོད་པའི་སིརྙི་སྩོལ་པ་ཡིན་ནོ། །བུད་མེད་ནག་མོ་རལ་པ་ཅན་བྱུང་ནི་ཅི་བསམ་པའི་དོན་གྲུབ་ཅིང་སིརྙི་སྩོལ་པའོ། །སེམས་སེང་སེང་པོར་སོང་ན་སྐུ་ཕྱག་རྒྱ་ཆེན་པོ་གསལ་བར་བསྒོམ། །བག་ཅིག་ཉམ་ཆུང་ན་མ་མོའི་ཐུགས་དམ་བསྐུལ། །ངུ་ཞིག་བྲང་རྡུང་བ་ལྟ་བུ་བྱུང་ན་བདག་རྣལ་འབྱོར་པ་ལ་ཉམས་པའི་སྐྱོན་ཡོད་པའི་ཤེལ་དཀར་མོ་སྤྱི་དཀར་དང་གློ་སྙིང་གིས་བཀང་། །བཤགས་སྦྱང་བྱ། །ཁྲོ་ཞིང་ཁྲོ་ཞིང་བྱུང་ན་རྣལ་འབྱོར་པས་ཕུད་མ་ཉམས་པ་དང་དམ་རྫས་དགོས་སོ། །དགོད་ཅིང་བྱུང་ན་རྣལ་འབྱོར་པས་སིརྙི་བླང་ངོ། །འཇུག་མ་རློག་ཅིང་བྱུང་ན་སེམས་མི་གཡོ་བར་གཞག་གོ། །གདུང་བའི་མཆི་མ་བྱུང་ན་དྲག་པོའི་ལས་བྱའོ། །བདག་རྒོད་ཅིང་ལྷེའུ་ཆུང་འདོད་ན་ལས་ཐམས་ཅད་མི་འགྲུབ་པར་སྟོན་ཏེ། །ཅི་བྱུང་ཡང་སེམས་མི་ཡེངས་པར་རྩེ་གཅིག་ཏུ་བྱའོ། །མའི་ཚུལ་དུ་བྱུང་ན་ཅི་བགྱི་ཟེར་ན་ཇི་ལྟར་བསམ་པ་བཞིན་དུ་འགྲུབ་པོ། །སྲིང་མོ་དང་ནེ་ནེ་མོའི་ཚུལ་ལྟ་བུར་བྱུང་ན་བུ་དང་ནོར་གྱི་སིརྙི་སྩོལ་ལོ། །བུད་མེད་དཀར་མོ་ལ་ཆ་བྱད་སྡུག་པའི་ཚུལ་བསྟན་ནས་བྱུང་ཚེའི་སིརྙི་སྩོལ་པ་ཡིན་ནོ། །བོང་བུ་ལྕགས་སྒྲོག་ཅན་རྨི་ལམ་དུ་བྱུང་ན། །སིརྙི་ཐོབ་པར་ངེས་པ་ཡིན་ནོ། །དེ་ལྟར་སྒྲུབ་པ་ལ་བརྩོན་ཅིང་སེམས་སྲན་ཞིང་གསང་ཐུབ་ན་སྐུ་མངོན་དུ་སྟོན་ནོ། །སྐུ་མངོན་དུ་བསྟན་ན་འདར་རམ་འཇིགས་ན། །དེ་ལ་མི་འཇིགས་པ་ཅིའང་མི་རྟོག །ཅི་ལའང་མི་སེམས་པར་ཆོས་ཉིད་དུ་བསྒོམ་མོ། །ཉམས་དགའ་བ་འམ། །ཏིང་ངེ་འཛིན་གསལ་ན་དཔལ་པདྨ་དབང་ཆེན་གྱི་སྐུ་བསྒོམས་ལ་དབང་དུ་བསྡུའོ། །དེ་ལྟར་བྱུང་བྱུང་ན་སྡོད་ཅིང་འདོད་པ་རྩོལ་ཏེ་དགྲ་བྱུང་ནའང་གོང་མ་ལྟར་བྱའོ། །འཇིག་རྟེན་གྱི་བུད་མེད་ཡིད་དུ་འོང་བ་འདོན་ནའང་ལན་གཅིག་སྤྱད་དོ་ཞེས་བྱས་ལ། ཡུལ་ཁམས་མི་གཅིག་པ་ནས་ཁུག་ཅེས་པས་སྐད་ཅིག་ཙམ་གྱིས་ཡིད་དུ་འོང་བ་འོང་ངོ། །འདོད་པ་སྤྱད་ལ་རང་གི་གནས་སུ་སླར་མཚོར་བར་ཁྱེར་དུ་གཞུག །རིན་པོ་ཆེ་འདོད་ནའང་ལན་ཅིག་བྱ། །དྲོ་དགོངས་དང་བཟའ་བཏུང་ལ་སྨོས་ཅི་དགོས། །ཆར་པ་དབབ་བམ། །གཅད་དམ། །རླུང་ནག་གི་ཚུབ་མ་བསླང་བ་དང་། །གཅད་པ་དང་། །ཐོག་དབབ་པ་དང་། །ལུང་སྐམ་དུ་ཆུ་དབབ་པ་ལ་སྩོགས་པ་བྱེད་དོ། །རྒྱ་གར་ཡུལ་ལ་སོགས་ཏེ་ཡུལ་ཁམས་མི་གཅིག་པར་འགྲོ་འདོད་ནའང་རླུད་ནག་ཚུབ་མའི་ནང་མའི་ནང་དུ་བཅུག་སྟེ། །མཚན་མོ་གཅིག་པ་དཔག་ཚད་བརྒྱད་ཁྲི་བཞི་སྟོང་དུ་ཕྱིན་ཏེ། །དག་ཆད་དམ་ངན་ལ་དམ་ཚིག་གི་ཕྱག་རྒྱ་བསྟན་ཏེ་ངལ་ལོ་ཞེས་བསྒོའོ། །བདག་དམག་གི་ནང་ན་འདུག་པ་ཡང་བདག་ལྷ་མོའི་མན་ངག་ཏུ་འདུག་པས་བདག་གི་གཞན་མཐོང་ལ། །གཞན་གྱིས་བདག་གི་མཐོང་བར་འགྱུར་རོ། །གོང་མ་ལྟར་བསྒྲུབས་ན་དེ་ལས་ཉེ་བ་མེད་དོ། །སྲིང་མོ་ལྟར་བསྒྲུབས་ན། །སྡིག་ལྟ་བས་རྒྱབ་ནས་ཕན་བྱེད་དོ། །ཆུང་མ་ལྟར་བསྒྲུབས་ན་ཕྲག་དོག་ཆེ་བས་ལྷ་མོ་ལས་བུད་མེད་གཞན་ལ་འདུ་ཤེས་ཟུར་ཙམ་ལས་ཤོར་དུ་མི་རུང་། །དེ་ཐུབ་ན་ཉེ་བར་བསྟེན་དུ་རུང་། ། དེ་བས་མར་བསྒྲུབ་། །བུད་མེད་རྣམས་ཀྱིས་བསྒྲུབ་ན་བུ་ཡིན་སྙམ་ནས་ཕན་བྱེད་དོ། །བསྙེན་པ་དང་རྒྱུན་གཏོར་བཞི་འབུམ་བྱས་ནས་བསྒྲུབས་ན་ཞག་བདུན་གྱིས་འགྲུབ། །དེའོ་འོག་མ་ཞག་བདུན་གསུམ་གྱིས་འགྲུབ། །དེའི་འགོ་མ་ཟླ་བ་གཅིག་གིས་འགྲུབ་ཐ་མ་ལོ་གཅིག་ཚུན་ཆད་ཀྱིས་འགྲུབ། ཁུན་གཏོར་ནི་ཉི་མ་དམར་ཐག་ཆད་པ་དང་། །ནང་པར་སྐྱ་རེངས་ཤ་བའི་དུས་དེར་གཏང་ངོ། །ཉམས་པ་དང་ས་འཕྲང་དོག་པར་ཕྲད་ན་བདག་ལ་དབང་མེད་དོ་བའི་དཔང་གཟུགས། །དེ་ནས་ལྷ་མོའི་གཟུགས་བརྙན་དར་རམ། །ཞིང་ལྤགས་ལ་རི་མོར་བྲིས་ཀྱང་རུང་། །གསེར་དངུལ་ལ་ལུགས་སུ་བླུགས་ཀྱང་རུང་སྟེ། །དྲེའུ་ལ་ཕྱིན་ཕྱོགས་སུ་ཞོན་པ་གཅིག་བྱང་ཤར་གྱི་མཚམས་སུ་བྲིས་ལ། །བསྒྲུབ་པ་པོའི་སྲིན་ལག་ལ་ཁྲག་ཕྱུང་ལ་ལྷ་མོའི་ཐགུས་ཀར་བསྐུའོ། །མ་མོའི་སྙིང་པོ་དེའི་སྟེང་དཡ་བྲིའོ། །བདག་ཉིད་ཀྱང་གཅེར་བུ་ཕྱུང་ལ་སྐྲ་བཤིག་ལ་ཁྲག་གམ། །བཙག་གིས་བསྐུས་ལ་རལ་པ་དམར་པོ་ཚར་གསུམ་དུ་བྱའོ། །ཚོམ་བུ་དགུའོ་དཀྱིལ་འཁོར་ཁ་བཅྭ་བརྒྱད་དུ་བསྒྲུབ་པ་ནི་ཚིགས་མདོ་དྲུག་ཚིགས་ཆེན་བཞི་ལ་རྐང་ལག་གི་མཐིལ་བོས་ཕྱི་ནང་བརྒྱད། །དེ་རྣམས་སུ་རག་ཏ་དང་རྡོ་རྗེ་སོལ་གྱིས་ཐིག་ལེར་བྱས་ལ། །དེའི་ནང་དུ་མ་མོའི་སྙིང་པོ་རྡོ་སོལ་གྱིས་བྲིས་ལ། །ཞིང་གི་བ་སུ་ཏ་འམ། །གཅན་གཟན་གྱི་རྒྱུ་མ་ཕྲ་མོར་བཀལ་ཏེ། །མ་མོའི་ཐུགས་ཀར་གདགས། །སྣ་ཅིག་དབུས་ཀྱི་ཕུར་པའི་མགུལ་དུ་གདགས། །དེ་ལ་མན་ངག་གི་སྦྱར་ཏེ་གཞག་གོ། །འཕགས་པ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །མཚན་རྟགས་བཟང་ངན་བསྟན་པའི་ལེའུ་སྟེ་བཞི་པའོ། །དེ་ནས་ཡང་དག་བཤད་བྱ་བ། །བསྒྲུབ་པའི་ལས་རིམ་བཤད་བྱ་སྟེ། །སྐྲ་བ་ཤིག་སྟན་ལ་བདེ་གནས་ལ། །སྦྱི་བླུག་ཞྭ་དང་ཤུན་ཆེན་སླག །དུར་ཁྲོད་རྒྱུན་ཆས་མཚན་པ་ནི། །ཧེ་རུ་ཀའི་ཕྱག་རྒྱར་གསལ་བ་ཡི། །ཡབ་ཡུམ་གཉིས་མེད་འཕྲོ་འདུ་ལས། །དམར་སྨུག་མ་གཉིས་འཕྲོས་པ་ལས། །མ་ཅིག་འོད་ཀྱི་འཕྲོ་འདུ་ལས། །རལ་པ་གཅིག་མ་ཁྲོ་མོ་ཆེ། །ཞལ་གཅིག་ཕྱག་གཉིས་ཐུར་ཚུགས་ཅན། །སྔོ་བསངས་མདོག་ནི་འཇིགས་པའི་གཟུགས། །གཡས་པ་ཁ་ཊ་རྩེ་གསུམ་ལ། །གཡོན་པ་ཐོད་རློན་དམར་བཅས་འཛིན། །དུར་ཁྲོད་ན་བཟས་ཀླུབས་པ་ལས། །ཁྲག་དང་ཞག་གི་ཐིག་ལེས་མཚན། །གཟུངས་དང་གཉིས་སུ་མེད་པར་བྱ། །ཡབ་ཡུམ་གྱིས་མ་ཏིར་ཞུགས་ལ། །ཧྭ་སྟི་ར་བ༷། །ཞེས་བརྗོད་པས་མཆོག་ཕྲན་གྱི་ས་གཞི་གཤག་ཚལ་གྱིས་གཏམསཔབཞིནདུགྱུར། །དེའི་སྟེང་དུ་ཡ༷་ལས་རླུད་ནག་ཚབ་མའི་དཀྱིལ་འཁོར་སྟོང་ཁམས་ཁེངས་པ་ཅིག་བསྒོམ། །དེའི་སྟེང་དུ་ཡི་གེ་ཏི་འཕྲོས་འདུས་པ་ལས། །ཧིང་སྟི་ས་མ་ཡ་ཛ་ལ། །ཞེས་བརྗོད་པས། །དྲེའུ་རྟ་རྐང་གསུམ་ལ་ཞིང་རྒྱུ་མས་མཐར་སྲབ་བྱས་པ། །ཞིང་གི་ཡལ་མཁའ་མ་མཁལ་གྱིས་སྔ་རུ་བྱས་པ། །ཞིང་གི་སོགས་པས་སྒལ་བ་བྱས་པ། །རས་ཆེན་གྱིས་སྒ་གཡོགས་བྱས་པ། །སྦྲུལ་ནག་པོས་གློ་དང་། །གོང་ཐག་དང་། །གོང་རྨེད་བྱས་པ། །ཞིང་རྐྱང་པ་གཉིས་མགོ་འཇུག་མའི་འོག་ཏུ་བསྣོལ་ཏེ། །རྐང་པ་མེད་ཟུང་ལ་བཏགས་ནས་རྨེད་ཀྱི་ཚུལ་དུ་བྱས་པ་གཅིག་གསལ་གྱིས་བསྐྱེད་དེ། །དེའི་སྒ་གོང་གི་སྟེང་དུ་ཞིང་རྐྱང་པ་གཉིས་མགོ་བསྣོལ་བ། །དེའི་སྟེང་དུ་མ་དམར་སེར་ལས། །མ་སྲུ་རུ་མཎྜལ་ར༷། །ཞེས་བརྗོད་པས་ཉི་མའི་དཀྱིལ་འཁོར་བསྐལ་པ་མེ་ལྟར་འབར་བ་གཅིག་སལ་གྱིས་བསྐྱེད་ལ། །དེའི་དབུས་སུ་མ་སྔོ་གནག་ལས། །ཨོ་རུ་རུ་རོ་རུ་ཙ་པ་ལ་ཨ་ཤུག་མེ་ཧཱུཾ༷་ཛ། །ཞེས་བརྗོད་པས། །དཔལ་ལྡན་ལྷ་མོ་ནག་མོ་ཆེ། །ཁྲོ་གཉེར་སྤྱནགསུམ་འཇིགས་བྱེད་མ། །ལྷ་མོ་ཞལ་གཅིག་ཕྱག་གཉིས་པ། །ཕྱག་གཡས་རླུད་ནག་ཚུབ་མའི་ནང་ནས་རལ་གྲི་འབར་པ་སྟོང་གསུམ་དུས་གཅིག་ཏུ་འབྱིན་པ་བསྣམས་པ། །གཡོན་པ་ནེའུ་རྐྱལ་པ་བསྣམས་པ། །དབུ་སྐྲ་རལ་པ་ཁམ་ནག་གྱེན་དུ་འཁྱིལ་བ། །སྤྱན་སྐར་ཆེན་ཤར་བ་འདྲ་བ་། །ཞལ་གདངས་ཤིང་མཆེ་བ་གཙིགས་པ། །དབུ་ལ་ཐོད་པ་སྐམ་རློན་གྱི་འཕྲེང་བས་བརྒྱན་པ། །སྐུ་ལ་ཐོད་རློན་དང་། །ཞིང་ཆེན་གྱི་གཡང་གཞི་དང་། །སྦྲུལ་ནག་སྟོང་གིས་བརྒྱན་པ། །གླང་ཆེན་གྱི་ཡ་བ་ཀོར་དང་། སྟག་ལྤགས་ཀྱི་ཤམ་ཐབས་གསོལ་བ། །སྙན་གཡས་ན་སྦྲུལ་ནག་གི་གདེངས་ཀ་འཕྱོ་བ། །སྙན་ཆ་གཡོན་ན་སེང་གེ་མཚུངས་མེད་ཀྱི་སྒྲ་སྒྲོགས་པ། །འཁོར་དུ་སྲིན་བུ་འབུམ་ཕྲག་བསམ་གྱིས་མི་ཁྱབ་པས་བསྐོར་བར་བསྒོམ་མོ། །དེ་ལྟར་གསལ་བ་དང་སྤྱན་དྲང་བ་ནི། །ལྕགས་ཀྱུའི་ཕྱག་རྒྱ་བཅས་ལ། །བདག་གི་ཐུགས་ཀ་ནས་འོད་ཟེར་ལྕགས་ཀྱུ་འདྲ་བ་འཕྲོས་པས། །ལྷ་མོ་འཁོར་དང་བཅས་པ་སིལ་གྱིས་བྱོན་པར་བསམ་མོ། །དེ་ནས་བཞུགས་སུ་གསོལ་བར་བྱ་བ་ནི། །རྡོ་རྗེ་རྒྱ་གྲམ་གྱི་ཕྱག་རྒྱ་ཐུགས་ཀར་གཏདལ། །མ་ཅིག་མས་བུ་ལ་བྱམས་པའི་ཚུལ་དུ་ཞུགས་པར་བསྒོམ་མོ། །དེ་ནས་ཕྱག་འཚལ་བ་ནི། །མ་སྐུ་བརྗིད་དང་ལྡན་བཞུགས་པ་ལ་བུས་མ་ལ་བསྟོད་པའི་ཚུལ་དུ་བྱའོ། །དེ་ནས་མཆོད་པ་དབུལ། །སྨན་མཆོད་བྱ། །དངོས་གྲུབ་བླང་། །བསྟབ་པ་བྱ། ཁྲགས་བསྟོད་འཕྲིན་ལས་བཅོལ་ལོ། །འཕགས་པ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །བསྒྲུབ་པའི་ལས་རིམས་གཏན་ལ་དབང་བའི་ལེའུ་སྟེ་ལྔ་པའོ། །དེ་ནས་ཡང་དག་བཤད་བྱ་བ། །ལྷ་མོ་བསྒྲུབ་པར་འདོད་པ་དེས། །རྩོལ་བས་ཕུན་སུམ་ཚོགས་ལྡན་བྱ། །རིགས་མཐུན་གནས་དང་མཐུན་པའི་རྫས། །སྙིང་རྗེའི་རྒྱུད་དང་དམ་ཚིག་དང་། །བསྙེན་མཆོད་དུས་དང་ཞག་གི་གྲངས། །བར་ཆད་མེད་པའི་འཛབ་དགོངས་དང་། །བརྟུལ་ཞུགས་ཟབ་མོའི་དཀའ་ཐུབ་དང་། །ལྷ་སྤྱོད་བསྒྲུབ་པས་གཞུང་བསྲང་བྱ། །བདེན་གཉིས་གཅིག་ཏུ་རྟོགས་པ་ཡིས། ཁྲེས་རབ་ཏིང་འཛིན་ལྡན་པའི་མིས། །མན་ངག་གསུམ་ལ་བརྟེན་ནས་ནི། །ཐབས་ཀྱི་བྱེ་བྲག་བཞི་འབྲེལ་པས། །སྦྱོར་བ་ལྔ་པ་ཉམས་སུ་བླངས། །མཚན་རྟགས་གཉིས་པོ་ཤེས་པར་བྱ། །བསྒོམ་པའི་ལྷ་དང་མཐུན་པའི་རྫས། །བཟླས་པའི་སྔགས་དང་མན་ངག་གསུམ། །དང་པོའི་བོད་ཅིང་དགུག་པ་དང་། །དེ་ནས་བསྙེན་ཅིང་མཆོད་པ་དང་། །དེ་ནས་རྦད་ཅིག་བསྒྲལ་བར་བྱ། ཁེན་ཏུ་དྲག་པོའི་སྣོད་ནང་དུ། །ཙིསྟ་དང་ནི་རག་ཏ་དག་། །བཙན་དུག་ལ་སོགས་བླུགས་བྱས་ལ། །གསང་ཐུན་དྲག་པོའི་ངན་སྔགས་བཟླས། །སྙིང་ཁ་རག་སྙིང་ཁ་རག །རྩ་རྩ་བྲེང་བྲེང་། །ཛ་ལ་ཏི་ཛ་ལ་ཏི་མ་སྲོག་ལ་ཏུག་ཏུག་ཁྲག་ལ་དུན་དུན། །སྙིང་ལ་རྦད། །མ་སྲོག་ལ་ཐུན་ཕོབ་། །སྙིང་ལ་ཁས་པ་མེ་རག་མོ་ཐུན་ཕོབ། །ཁྲག་བཤམ་དུ་རྦད། །སྙིང་ཁ་ལ་རྦུད་སྦྱོ། །བཱ་ར་ཡ་དྲི་ཛ་ཛ། །དུ་ཡ་ཚལ་པ་རྦད། ཁྲག་ཤག་དབང་པོ་རྣམ་ལྔ་ཤག་ཐུམས་ལྟོ་བྲོབས། །ཁྲག་ཤ་རི་ཙིསྟ་རྦད། །ཐུམ་ལིངས། །སྙིང་རྩ་འདུས་འདུས། །སྲོག་གི་ཕྲིག་ཕྲིག་ཤམ་ཁྱེར་མུགས་རྦད། །ཐུམས་ཐུམས་འདུ་འདུ་མ་མ་སྲོག་རྩ་དགྲ་བོ་ལ་རྦུད་རྦུད། །རྩ་བ་བདུནབརྒྱུདཆོགཅིག །སྔགས་པའི་དམ་རྫས་ལས་རྣམས་ལ། །དང་པོ་ལྷ་ཡི་ཏིང་འཛིན་བསྒོམ། །སིརྙིའི་སྔགས་དང་ཕྱག་རྒྱ་ཡིས། །གང་ཞིག་དགུག་པ་གཉིས་པའོ། །སྔགས་དང་རྫས་དང་ཕོ་ཉ་ཡིས། །ལྷ་དང་བྲལ་བ་གསུམ་པའོ། །རྣམ་ཤེས་གཟུགས་ལ་ཕབ་ནས་ནི། །ཚུལ་བཞིན་བྱིན་གྱིས་བརླབས་བྱས་ཏེ། །བསྒྲལ་ཞིང་བཏང་པ་བཞི་པའོ། །དེ་ཡིས་དངོས་པོ་བརླག་བྱས་ཏེ། །རྣམ་ཤེས་ཐིམ་པར་ཚུར་བསྡུས་ནས། །གནས་སྤར་བ་ནི་ལྔ་པའོ། །དེ་དག་ལས་ཀྱི་གོ་རིམས་ནི། །འཇུག་པའི་དུས་སུ་སྒྲུབ་བསྙེན་དང་། །མཆོད་ཅིང་ཉེ་བར་བསྙེན་པ་དང་། །སྒྲུབ་པའི་དུས་དང་དགོངས་འཛབ་དང་། །རྡོ་རྗེ་དམ་ཚིག་བསྒྲག་བྱས་ཏེ། །དབང་དང་དངོས་གྲུབ་བླང་པ་དང་། །ཉེ་བར་རྦད་ཅིག་བསྐུལ་བ་དང་། །བསྟོད་ཅིང་དམ་རྫས་ཕྱར་བ་དང་། །གཏོར་མ་གཏོང་ཞེང་ལས་བཅོལ་བ། །ཐུན་ཟོར་དབབ་དང་འཕང་བར་བྱ། །བསྒྲལ་བའི་ཕུང་པོ་ལྷག་མ་དེ། །བསྟབ་ཅིང་བསྲེགས་ལ་མནན་པར་བྱ། །དྲག་པོའི་ཐུན་གྱིས་བསྣུན་པར་བྱ། །དཀྱིལ་འཁོར་རང་ལ་བསྡུས་ནས་ནི། །རྒྱུན་གྱི་ཡི་དམ་རྩེ་གཅིག་བྱ། །འཕགས་པ་ལྷ་མོ་སྐུ་གཅིག་མ་རོ་ནག་མོའི་རྒྱུད་ལས། །དྲག་པོའི་གསང་ཐུན་གྱིས་བརླག་པར་བྱ་བའི་ངན་སྔགས་དང་ལས་རིམས་བསྟན་པའི་ལེའུ་སྟེ་དྲུག་པའོ། །དེ་ནས་ཡང་དག་བཤད་བྱ་བ། །གསང་སྔགས་དྲག་པོ་ཐུགས་ལས་བསྟོན། །དཔའ་བོ་ཆེན་པོ་ཧེ་རུ་ཀས། །གསང་སྔགས་འདི་ལ་བྱིན་རླབས་མཛོད། །ཨོ་བཛྲ་ཁ་རག་སྙིང་ཁ་རག །་ག་རག་ཤ་ཙ་མུན་ཙག་ཤ། །་ག་རག་ཤ་ཁ་མུན་ཏྲ་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷། །སྙིང་་ཀུ་ཤ་ཛ་ཛ ། །ཙིསྟ་སྲོག་ལ་དུང་དུང་ཛ། །ཨོ་བཛྲ་ཀ་ལ༷་སྟོ་ཛ། །ཨོ་རུ་རུ་རོ་རུ་ཙ་པ་ལ་ཨ་ཤུག་མེ་བཱ་ཧཱུཾ༷་མ་སྨྱོ་ཛ་ཛ། །ཐུམ་ལིངས་སྙིང་རྩ་འདུ་སྲོག་ཕྲིག་ཕྲིག་ཤམ་ཤམ་ཁྱེར་སྨྱོ། །ཨོ་སྲོག་ཁལ་མུག་ཧཱུཾ་ཐུ༷་འདུ་འདུ། མ་མ་ཨ་ཤ་ཇི་ལ་དྷི། དུ་རུ་བག་ཤ་ཨོ། མ་ནི་སྲོག་ཛ་ཧཱུཾ༷། ཨོ་མ་ཧྭ་སྲོག་ཁ་ལ་མུག་ཐུབ་ཐུབ་འདུ་འདུ་ཤིག །མ་ཧྭ་སྲོག་ཐུམ་སྙིང་ལ་སྨྱོ། སྙིང་ཁྲ་རྩ་ལ་བྲེང་བྲེང་ཨོ་ཛུ་ལ་ཛུ་ལ་ཏིང་སྲོག་ཁ་མུག་ཐུམ་ཐུ༷། །ཧཱུཾ༷་མཧྭ་སྲོག་ཏུག་ཏུག་ཁྲག་ལ་སྙིང་རྦུད། །མཧྭ་རག་ཤ་ཙིཉི་སྲོག་ཏུང་ཏུང་། །སུ་རུ་ཛ་ཏུ་མ་ཙིསྟ་སྲོག་ཏུ་ཏུང་ཏུང་སྲོག་ཁལ་མུག་ཐུམ་འདུ་འདུ། །སྙིང་ལ་སྨྱོ། །སྙིང་ཁྲག་རྩ་ལ་བྲེང་བྲེང་། །ཨོ་ཛ་ལ་ཏ་ཁ་ལ་མུ་ཁས་མུག་མུག །ཧཱུཾ༷་ཧ་སྲོག་རྩ་ལ་ཏུག་ཏུག །སྙིང་ཁྲག་རྩ་ལ་རྦུད་རྦུད། །རག་མོ་ནི་ཤ་ཀུ་རུ་ཐུམ་སྨྱོ། །རག་ཏ་ཐུམ་རྦད། །རག་མོ་ཁ་ལ་རྩ་རྩ་དུན་སྨྱོ། །ས་མ་ཡ་ལ་རྩ་རྩ་དུན་སྦྱོ། །དབང་དུ་སྡུས་ལ་ཤོག །སྒག་རག་ཤ་ཁ་མུན་ཏྲ་དུར་མ་ཏི་རག་མོ་རྩ་། དུམ་ལོ་ན་ཧཱུཾ༷་སྨྱོ། །སྙིང་ཁྲག་ཤ་མྱ་ཛ། ཙིརྟི་བ༷་མྱོས་སྙིང་ཁྲག་འཐུང་། །ཧ་སྤྲ་རུ་རུ་ཐུམ། ཤིང་ནི་ཐུ༷། དུ་ཐུ༷་ཕྲ་ར༷་ཐུ༷། དགྲ་བོ་མར་ཡ་ཕཊ། །ཁ་བེ་ཤུ་ཁ་བེ་ཤཱ། །རུ་བེ་ཐུན་ཕོབ། རུ་ཐུན་ཕོབ། །མ་སྲོག་མུག་མུག །ཐུན་ཐུན་འདུ་འདུ། ཙིག་ཅིག་དུག་ཁོང་སྤྱོས། མ་མ་སྒག་རག་ཤ །མུ་ཏྲ་ཁ་མུན་ཏྲ་མུ་རུ་ལུ་རུ་ལུ་སྨྱོ། ཏྲག་རྭ་ག་ཤ་མུ་ཏྲ། །དུར་བཱ་ཏི། །རག་མོ་ཙ་ཙ་མྱ་བཱ་དུར། དུ་མ་ལོ་ན་དུ་མ་ལོ་ན་། །སྙིང་ཁ་ལ་རག་ཤ་རྦུད། གཏུབས་ཙི་་བ༷། འགའ་འུབས། མྱོག་སྙིང་ཁྲག །ཧ་པྲ་རུ་རུ་ཐུ༷། པྲ་ར༷་ཐུ༷། །ཤི་ན་ཐུ༷། སྙི་ཡུ་ཨུ་སྭ་མྱ་ཡུ། །ཏི་སྟ་བཱ་མྱ་རུ་རུ་ཐིབས་ཐིབས། ཐབ་པྲ་ཕུར་ཁ་ཤ་བ༷། །ཡ༷་ཐུ༷་རི་ལི་ལི། །ཐིག་ནིག་གཅིག་མེད། གཉིས་ཏྲག་བརྒྱད་གཅད། གནམ་མཐོང་ཕྱེ། ལྕགས་སྒྲོག་ཁྲོལ། མི་རེང་སོད། བཛྲ་བཱ་ཁི་ཕཊ། བཛྲ་ར་ཏེ་ཕཊ། བཛྲ་ཛུ་ར་ཏེ་ཕཊ།བཛྲ་ཨེ་ཧི་ཨེ་ཧི། །ན་གེ་ལེ་ན་གེ་ལེ། །སུ༷་བ་ལེ་སུམ་པ་ལེ། །ཙིན་མང་ཙིན་མང་། ལེན་ཡང་ལེན་ཡང་། ཁ་ཤ་བ༷་ཁ་ཤ་བ༷། མུ་དུང་བཱ་སྨྱོ་མུ་དུ་དྭ་སྨྱོ། །མ་སྙིང་ཏྲག་ཤ་མ་ཛ་ཛ། ཙིསྟ་སྲོག་དུང་དུང་། །ཐུ་མ་རིལ་སྙིང་རྩ་ལ་ལུ་ལུ། གྲོག་ཕྲིག་ཕྲིག་ཤུ་ཁྱེར་ལ་ཡུ་མྱ་སྨྱོ། །དགྲ་བོ་ནི་གསར་མྱགས་ཐུམ་རི་ལི་ལི་རྦད། ཨོ་འདྲིག་ཤོ་འདྲོག་ཤོ །བ་རུ་ཐུམ་ཙ་རུ་ཐུ་མ་མ་རག་ཤ་སྙིང་དྲོལ་དྲོལ་བ་ཏི་ཧུབ་ལྗུང་ཏི་ཕྱུར་སྨྱུ་ར་ཡ་ཛ་ཛ། ཙིསྟ། དེ་ནས་དྲག་པོའི་སྔགས་འདི་ཡང་། དགོས་པ་ཕུན་སུམ་ཚོགས་ལྡན་པས། །རིགས་དང་མཐུན་པའི་ས་ཕྱོགས་སུ། །སྔོན་འགྲོའི་རིམ་པ་རྫོགས་བྱས་ལ། །དཀྱིལ་འཁོར་གསང་བའི་ལས་ལ་འཇུག །བདག་ཉིད་བསྒྲུབ་པའི་ལྷར་བསྒོམས་ལ། །དྲག་པོའི་ཐུན་ཁ་གང་རྩོམ་པའི། །དེ་ཡི་སྦྱོར་ཁ་ཚགས་པར་བྱ། །སྐེ་ཚེ་རག་ཏ་ཡུངས་ནག་དུག །དམ་པར་བསྔགས་པའི་རྫས་རྣམས་ལ། །བོད་པ་རྦད་པ་གསད་སྔགས་ལ། །བདུན་འབུམ་གྲངས་ནི་ཐིམ་གྱུར་ནི། །སྲིན་མོ་ནད་གཏོང་བདག་མོ་ཡིས། །རིང་པོར་མི་ཐོགས་མྱུར་དུ་འཆི། །འཕགས་པ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །གསང་སྔགས་དྲག་པོའི་ལེའུ་སྟེ་བདུན་པའོ། །དེ་ནས་ཡང་དག་བཤད་བྱ་བ། །སྔོན་བྱུང་འདུས་པའི་དུས་ཚེ་ན། །སེམས་ཅན་ཀུན་ལ་གནོད་བྱེད་པ། །གནོད་སྦྱིན་རྒྱལ་པོ་ནོར་སྐྱོང་བ། །མཐུ་དང་རྫུ་འཕྲུལ་ཆེར་གྲགས་པ། །འཛམ་གླིང་ཀུན་རྡའི་རི་ལ་གནས། །སྙིང་རྗེ་མེད་ཅིང་ཤ་ཁྲག་རློན་པར་ཟ། །གནོད་སྤྱིན་སྲིན་པོའི་ཚོགས་ཀྱིས་བསྐོར། །འཇིག་རྟེན་ཁམས་ན་གནས་པ་ཡིས། །མཐུ་དག་རྫུ་འཕྲུལ་ཆེར་གྲགས་པས། །ལྷ་ཆེན་རྣམས་ཀྱི་མཐུ་བ་སྟེ། །རི་རབ་ཆེན་པོའི་ལྷོ་ངོས་སུ། །མ་ཧྭ་དེ་བ་ལ་སོགས་པས། །ལྷ་རྣམས་མང་པོ་གདན་ཚོགས་ཏེ། །བཀའ་གྲོས་ཆེན་པོ་མཛད་པ་ལས། །དབང་ཕྱུག་མཧྭ་དེ་བ་དང་། །ཨུ་མ་དེ་བ་རོལ་པའི་ཚེ། །དྲང་སྲོང་ཆེན་པོས་ཞལ་བསྟན་ཏེ། །ལྷ་མོ་ངོ་མཚར་མཆོག་སྐྱེས་ནས། །གནོད་སྤྱིན་ཐུལ་བར་གསོལ་བར་གདབ། །སྲོག་གི་སྙིང་པོ་གཉེར་གཏད་དེ། །དྲང་སྲོང་ཆེན་པོ་ཨ་ཀ་གཉིས། །གྲོག་སྙིང་བུམ་པར་སྩལ་ནས་ནི། །ཟླ་བ་དྲུག་ཏུ་དགོངས་པ་ལས། །མ་ནུའི་གཟུགས་ཅན་མགོ་གསུམ་པས། །ལག་དྲུག་རྐང་བཞི་རྐང་གཉིས་པ། །ལུས་པོ་ཆེ་ལ་གཟིགས་པའི་གཟུགས། །སྦྲུལ་སྐུ་ལྷ་མོ་ནག་མོར་སྐྱེས། །རི་རབ་རྩེ་ལ་གནས་བཅས་ནས། །བར་སྣང་ཁམས་ཀྱི་ལྷ་བྲན་ཀྱང་། །འཇིགས་ཤིག་སྐྲག་སྟེ་ངོ་མཚར་སྐྱེས། །དེ་ནས་ལྷ་རྣམས་ཀུན་འདུས་ནས། །དྲིང་སྲོང་ཆེ་ལ་ལེགས་བསྟོད་པ། །སྙན་པ་བརྗོད་ཅིང་གུས་ཕྱག་འཚལ། །རྗེས་སུ་ཡི་རང་སྨོན་ལམ་གདབ། །དེ་ནས་འཇིག་རྟེན་ལྷ་རྣམས་ཀྱིས། །དཔལ་ལྡན་ལྷ་མོ་ཆེན་མོ་ལ། །ན་བཟའ་རྒྱན་དང་ཆ་ལུགས་དང་། །ཕྱག་མཚན་ཕུལ་ཏེ་རིམ་པས་དབང་ཡང་བསྐུར། །མ་ཧྭ་དེ་བ་ལྷ་ཆེན་གྱིས། །ཏྲི་ཤུལ་རྩེ་གསུམ་ཕུལ་ནས་ནི། །དབང་བསྐུར་དབང་ཕྱུག་སྲས་མོར་བཏགས། །ཁྱབ་འཇུག་ཆེན་པོས་འཁོར་ལོ་ཕུལ། །བརྒྱ་བྱིན་གྱིས་ནི་རྡོ་རྗེ་ཕུལ། །རྒན་བྱེད་ཀྱིས་ནི་མདའ་གཞུ་ཕུལ། །སྒྲིང་གི་རི་སྟིས་ཅང་ཏེའུ་ཕུལ། །འགའ་ན་པ་ཏིས་རལ་གྲི་ཕུལ། །ལེགས་ལྡན་ནག་པོས་དྲེའུ་རྟ་ཕུལ། །ས་བདག་རྒྱལ་པོས་པ་ཏ་ལིས། །དེ་བཞིན་སྟག་གི་ཤམ་ཐབས་ཕུལ། །ནག་མོ་འཁྲུག་བྱེད་ཆེན་མོར་བཏགས། །ཚངས་པས་རིནཆེན་དབུ་རྒྱན་ཕུལ། །དཔལ་ལྡན་ཆེན་མོ་མཚན་བདག་མོ། །དྲང་སོལ་སྲས་མོ་ཀུན་གྲགས་མ། །འདོད་པ་ཁམས་ཀྱི་དབང་ཕྱུག་མ། །དོན་གྱིས་མཚན་གསོལ་སྨོན་ལམ་གདབ། །དེ་ནས་དཔལ་ལྡན་ལྷ་མོ་ནག་མོ་ཆེ། །ཀུན་དའི་རི་ལ་གཤེགས་ནས་ནི། །གདུལ་བྱའི་གནོད་སྤྱིན་རྒྱལ་པོ་དང་། །གླང་ཆེན་དྲེའི་གཉིས་གང་མགྱོགས་པ། །སྔན་ཆད་བསྒྲལ་པར་དམ་བཅས་པ། །རི་རབ་གཡས་བསྐོར་གཡོན་བསྐོར་པས། །དཔལ་ལྡན་ཆེན་མོའི་གླང་ཆེན་མགྱོགས། །མོལཆདབཞིནདུགནོདསྤྱིན་བསྒྲལ། །ལྷག་བཅས་ཕུང་པོ་དཔལ་འབར་འཁོར་ལ་ཕུལ། །བསྟན་པ་སྲུང་བར་དམ་ཡང་བཅས། །སྙིང་པོ་བྱང་ཆུབ་ཤིང་དྲུང་དུ། །རྒྱལ་བ་ཤཱཀྱ་ཐུབ་པ་ཡིས། །ལྷ་མོ་རྡོ་རྗེ་དབང་ཕྱུག་མར། །དོན་གྱིས་མཚན་གསོལ་སྡོམ་པ་ཕོག །དཀར་མོ་དགེ་ཚོགས་འཕེལ་སྤྱོད་ཅིང་། །མཐུ་དང་རྫུ་འཕྲུལ་ལྡན་པར་གནང་། །དེ་ནས་རི་རབ་བྱང་ཤར་དུ། །མ་རུ་རྩེ་ཡི་སྒོ་འགྲམ་དུ། །དྲི་ཟ་གཤིན་རྗེ་སྲིན་པོ་དང་། །གནོད་སྤྱིན་གདུག་པ་མ་ལུས་བ་། །དེ་ནས་གདུག་པའི་ཚོགས་རྣམས་ཀྱིས། །སྐྱོང་མ་རྣམས་བཞི་འབངས་སུ་ཕུལ། །དེ་ནས་གནོད་སྦྱིན་རྒྱལ་པོ་ནི། །ཅུ་དབང་ནོར་གྱི་བདག་པོ་སྟེ། །ཨུ་རུ་ཛ་ལྷ་ལར་གྱུར་ནས། །ལྷ་མོའི་ཞལ་ལ་མངོན་བསྟོད་དེ། །རིན་ཆེན་ནོར་གྱི་རྐྱལ་པ་ཕུལ། །དཔལ་ལྡན་ནོར་སྐྱོང་ཆེན་མོར་བཏགས། །དེ་ནས་རི་རབ་ངོས་ལ་གཤེགས། །ནག་མོ་ཆེན་མོ་མ་རུང་ལས། །བདུད་ཀྱི་སྡེ་བ་་འཕམ་པར་བྱས། །བདུད་ཀྱི་ཉིད་ལ་སྐྱབས་སུ་ཕྱིན། །རང་ལྤགས་བཤུས་ནས་བཟར་གསོལ། །བདུད་འདུལ་དྲེའུའི་འཕོངས་ལ་བཏགས། །བདུད་འདུལ་ནག་མོ་རེ་མ་ཏི་དེ་ནས་དཔལ་གྱི་ཞལ་མཐོང་ན། །ཞབས་ལ་བརྐྱང་བསྐུམ་གུས་ཕྱག་འཚལ། །དཔལ་གྱི་འབངས་སུ་ཁ་ཡིས་བླངས། །རང་རྟགས་སྲོག་གི་སྙིང་པོ་ཕུལ། །ལས་ཀྱི་རྡོ་རྗེ་རྩེ་གསུམ་རྣོས། །ཐར་པའི་མིང་གིས་གསང་དབང་བསྐུར། །དམར་ཆེན་དམ་ལ་ཟབ་མོར་འབྲེལ། །དུར་ཁྲོད་འབར་བའི་རྒྱན་ཆ་གནང་། །ཁྲག་དང་ཞག་གི་ཐིག་ལེས་མཚན། །གཉིས་མེད་བདེ་བའི་རོལ་པ་མཛད། །དཔལ་ཆེན་གཟུངས་མ་ཡིན་པར་བསྟོད། །དེ་ནས་ལྷ་ཆེན་གཞོན་ནུ་ཡིས །མདུང་དམར་ལྡེམ་པ་ཕྱག་ཏུ་ཕུལ། །ཏིང་འཛིན་དྲག་པོས་ཀླུ་རྣམས་བ་་ཏེ་བསྟོད་པ་བྱ། །དེ་བཞིན་ཀླུ་རྣམས་ཀུན་གྱིས་ཀྱང་། །རིན་པོ་ཆེ་ཡི་དབུ་རྒྱན་དང་། །སྦྲུལ་གྱི་སྙན་ཆ་སྐུ་རགས་བཅིངས། །ནག་མོ་གདུལ་བྱེད་ཆེན་མོར་བཏགས། །འཕགས་པ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །བྱུང་ཁུངས་དང་དྲེགས་པ་ཅན་རྣམས་བརྟུལ་ནས་དྲེགས་པ་ཅན་རྣམས་ཀྱིས་ཕྱག་མཚན་ཕུལ་ཏེ་དབང་བསྐུར་པའི་ལེའུ་སྟེ་བརྒྱད་པའོ། །དེ་ནས་ཡག་དག་བཤད་བྱ་བ། །གང་འདིར་བསྟན་པ་བསྲུང་འདོད་པས། །འགྲོ་དོན་ཡིད་ལ་དྲན་པ་གྱིས། །གནས་དང་མཐུན་རྫས་ཡོ་བྱད་དུས། །མ་མོའི་ཁྱིམ་མམ་ཤིང་གཅིག་དྲུང་། །ཁང་སྟོང་ནགས་ཚལ་དུར་ཁྲོད་དང་། །བྲག་ཕུག་ངམ་གྲོག་རེའུ་རེལ་ལམ། །རྒྱ་མཚོའི་འགྲམ་མམ་ཆུ་གླིང་ངམ། །བྲག་མར་ངོས་སམ་བཞི་མདོ་འམ། །ལུང་རིག་མཐུན་པའི་གནས་དེ་སྲ །ཁྱད་པར་དུས་ཚེས་འཇུག་ཅིང་བསྒྲུབ། །སྔོན་དུ་འགྲོ་བ་རིམ་པ་དང་། །བསླང་དང་བྱིན་བརླབས་མཆོད་སྦྱིན་བྱ། །དབང་བཅོལ་ཞིང་བསྲུང་མཚམས་དང་། །འབྱུང་པོའི་གཏོར་མ་གཏང་བར་བྱ། །དུར་ཁྲོད་རྒྱུ་ལས་སྟེགས་བུ་སྐྱང་ནུལ་བྱ། །བདུད་རྩི་རཀ་ཏ་ཆ་བསྙམས་ཏེ། །མམ་ས་ཤ་ཆེན་འགོ་མ་ཡེང་། །བསུ་ཐལ་ཆེན་ཞི་རྒྱུས་ཀྱིས། །རསྐོ་པར་ཆ་བསྙམས་ཐིག་གདབ་བྱ། །གྲུ་བཞི་གྲུ་གསུམ་སྒོ་དང་བཅས། །མཐིང་ནག་ཁྲག་གི་རྒྱ་མཚོ་གཏང་། །རྩེ་མོ་ཟུར་གསུམ་འོག་ཏུ་ནི། །ཐོད་པ་འཁོར་ལོ་བཅས་པ་གནན། །སྒོ་བཞིར་མཆོག་གི་ཕུར་བུ་བཞི། །མཐིའ་མ་རྩ་ང་དམར་ཚོགས་ཀྱིས་བསྐོར། །གྲྭ་བཞིར་མི་དབང་རྒྱལ་མཚན་གཟུངས། །སྨྱུག་ཆེན་སྨྱུག་ཆུང་བྱ་ལའི་གཅིན། །དཔལ་གྱི་གཏོར་མ་ཤར་དུ་བཤམ། །མ་མོའི་གཏོར་མ་ལྷོ་རུ་བཤམ། །ནུབ་ཏུ་སྨན་དང་རཀ་ཏའོ། །དྲད་པོའི་ཐུན་ནི་དབུས་སུ་གཞག །ལིང་ག་ཚོན་སྐུད་ནག་པོས་བཏགས་ནས་ནི། །ལྷ་མོ་ཉིད་ཀྱི་ཕྱག་ཏུ་གཏད། །ཡུངས་ཀར་ཡུངས་ནག་སྐེ་ཆེ་དྲུག །དྲག་པོའི་རྫས་ཀྱིས་བསྣུན་པར་བྱ། །ཏིང་འཛིན་གསལ་བས་ལྷ་མོ་བསྒོམ། །བོད་པ་རྦད་གསད་པའི་སྔགས། །བདུན་འབུམ་གྲངས་ནི་ཚངས་གྱུར་ན། །བདུན་ནམ་དགུ་ན་ལེན་ཏི་འཆི། །ཏད་ཡ་ཐུ། །ཨོ་རུ་རུ་རོ་རུ་བེ་སྟི་སྤྲོ་བ་ཏོ་སྙི་གྲྭཧྭ། །བོད་པའོ། །མ་མ་ལུས་སྲོག་སྙིང་ལ་ཡ། ཁྲ་ཁྲག་ལ་ཐུན་རྦུད། །རྦུད་པའོ། །་ག་མོ་ཁ་རག་དུན་དུན། ཁུལ་ཤུལ་ནལ་ནལ། །ཁྲག་ལ་མུ་ཤ་མ་མ་གྲོག་ལ་ཐུན་ཁྲག་ལ་སྙིང་རྦུད། །མ་ར་ཡ་གསད་པའོ། །དཀྱིལ་འཁོར་བསྡུས་ལ་ཐུན་ཡང་འཕང་། །མ་ཉེས་དཔང་བཅོལ་དམ་ཅན་བོད། །གཏོར་མ་གཏང་ཞིང་དབང་བསྐུར་བྱ། །འཕགསཔལྷམོསྐུགཅིགམརོགནག་མོའི་རྒྱུད་ལས། །དྲག་སྔགས་གསང་བསྒྲུབ་ཀྱི་ལེའུ་སྟེ་དགུ་པའོ། །དེ་ནས་ཡང་དག་བཤད་བྱ་བ། །འདོད་ཁནས་མ་མོ་ནག་མོ་འདི། ཁེན་ཏུ་གདུག་ཅིང་མི་སྲུན་པའི། འདི་ཡི་གཉེན་པོ་གང་ལ་བགྱི། ཤེན་ཏུ་གདུག་ཅིང་མི་སྲུན་པ། དེ་ཡི་གཉེན་པོ་ངས་བསྟན་གྱིས། །སྲིད་པའི་མ་མོའི་གཉེན་པོ་ནི། །ཨེ་ཀ་ཛ་ཞི་སྤུན་དྲུག་ཡིན། །སྲིད་པའི་ཨེ་ཀ་ཛ་གི་མ། །གཉེན་པོའི་ནང་ནས་ཁྱད་པར་འཕགས། །དེ་ཡི་སྒྲུབ་ཐབས་ངས་བཤད་ཀྱིས། །སྲིན་མོ་སྒྲུབ་པའི་རྣལ་འབྱོར་པས། །ཞག་ནི་ལྔ་བཅུ་རྩ་ལྔའི་པར། ཨེ་ཀ་ཛ་ཞི་བསྒྲུབ་པར་བྱ། །དང་པོར་དབེན་པའི་གནས་སོང་ལ། །དུར་ཁྲོད་རྒྱན་གྱིས་གཞལ་ཡས་ཁང་། ཁུ།་བཞི་ཟླ་གན་མོ་ཞལ་གཅིག་ཕྱག་གམ་བཞི་ཡིས་བསྐོར། །གདུལ་པའི་གཉེན་པོར་རང་ཉི་བསྒོམ། །དབུས་སུ་ཨེ་ཀ་ཛ་ཞི་ནི། །སྔོན་་མོན་ལ་གཅིག་ཕྱག་གཉིས་པ། །མཆོང་གི་རལ་པ་སེ་ཡེན་ཅན། །དུང་གི་ཐོར་ཚུགས་དབུ་ལ་བརྒྱན། །ཕྱག་ན་ཁ་ཊ༷་རྩེ་གསུམ་བསྣམས། །བན་རྙི་རག་ཏ་གཡོན་ནའོ། །ལུས་ལ་ཞིང་ལྤགས་གོ་ཟུ་གོན། །དུར་ཁྲོད་ཆས་བརྒྱད་སྐུ་ལ་བརྒྱན། །བསྐྱེད་པའི་སྔགས་འདི་བརྗོད་ལ་བསྐྱེད། །མ་ཨེ་ཀ་ཛ་ཞི་གུ་རྒྱ་སིརྙི་ས་མ་ཡ་སྟུ༷། །རུ་ལུ་རུ་ལུ་ཙ་པ་ལ་ཨ་ཤུག་མེ་སྨྱོ་ཛུ་ཛུ། །དེ་ནས་དབྱིངས་ནས་བསྐུལ་བ་དང་། །སྤྱན་དྲངས་པ་དང་མཆོད་པ་དབུལ་བར་བྱ། །ཨེ་ཀ་ཛ་གི་གུ་ཡ་གསང་པའི་ཡུམ། །བི་སྐྱུར་སྔོན་མོའི་རོལ་པས་ཐོར་ཚུགས་གཅིག་ཏུ་འཁྱིལ། །དུར་ཁྲོད་དབང་གི་ཆས་བརྒྱད་སྐུ་ལ་བརྒྱན། །རིན་ཆེན་ཕོ་བྲང་དུར་ཁྲོད་གཞལ་ཡས་སུ། །སྲིད་པའི་མ་མོ་སྟོང་གི་ཚོགས་པ་དང་གཤེགས་སུ་གསོལ། ཨེ་ཧྲེ་ཧི་ཐྲི་རི་རག་མོ་ཏྲག་རཀ་ཤ་ཛུ་ཛུ། །བཛྲ་མ་མ་ཏྲག་རག་ཤ་ཁ་རག་སྙིང་ཁྲག་ས་མ་ཡ་སྟི་ཛི་ལྷན། །མ་བཅོས་ཐོད་པའི་གཞལ་ཡས་སུ། །ཨེ་ཀ་ཛ་ཞི་སྲིད་པའི་བདག །གུ་ཡ་གསང་པའི་ཡུམ་གཅིག་མ། དགེས་པའི་ངང་གིས་ཕྱག་འཚལ་ལོ། །དུག་གསུམ་ཞལ་དུ་མཆོད་པར་དབུལ། །གསད་པའི་ཤ་དང་མྱོས་པའི་ཆང་། །བསྲེག་པའི་གསུར་དང་རློན་པོའི་ཤ། །གཞན་གྱི་དོན་དུ་བཞེས་སུ་གསོལ། །གུ་ཡ་སི་ཏི་མང་ས་རག་ཏ་ཁུ་ཧི། །རིས་ལས་སྐྱེས་དང་། །རིན་ཆེན་སྣ་ལྔའི་མཆོད་པ་འདི། །གསང་བའི་ཡུམ་ལ་མཆོད་པར་འབུལ། །བདག་གི་དོན་དུ་བཞེས་སུ་གསོལ། །སརྦ་ས་གུར་ག་ཁུ་ཧི། །དུར་ཁྲོད་གནས་བརྒྱད་ཁྲག་གི་ཀློང་དཀྱིལ་ནས། ཁེན་ཏུ་མི་བཟད་ཁྲོ་མོའི་སྐུ་བྱུང་བ། །ཆོས་ཉིད་མི་འགྱུར་སྔོན་མོའི་མདོག་ལ། །གདུག་པ་དབང་སྡུད་མཆོང་གི་རལ་པ་ཅན། །སེམས་པའི་ཚུལ་སྟོན་དུང་གི་ཐོར་ཚུགས་ཅན། །སྲིད་གསུམ་སྒྲོལ་མཛད་ཁུ་ཊ༷་རྩེ་གསུམ་དང་། །བན་དྷ་རག་ཏས་བཀང་པ་ཉིད་ཀྱི་ཞལ་དུ་གསོལ། ། །ཆོས་ཉིད་དོན་དང་ལྡན་པས་ཞིང་ལྤགས་སྐུ་ལ་གསོལ། །ཐེག་པ་དགུ་ལྡན་གླང་ཆེན་ཡབ་ཀོར། །ཆེ་བའི་རྟགས་ལྡན་དུར་ཁྲོད་རྒྱན་གྱིས་བརྒྱན་གདུལ་པའི་འཕྲིན་ལས་་གནོད་སྤྱིན་དབང་དུ་སྡུད། །བརྗིད་པའི་གདན་དུ་སྨན་མོ་ཞབས་ཀྱིས་གནོན། །སྲིད་པའི་ཁྲོ་མོ་ཁྱོད་ལ་ཕྱག་འཚལ་བསྟོད། །ཅེས་བསྟོད་དོ། །འཕགས་མ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །གཉེན་པོ་བསྒྲུབ་པའི་ལེའུ་སྟེ་བཅུ་པའོ། དེ་ནས་ཡང་དག་བཤད་བྱ་བ། ཁེན་ཏུ་གདུག་ཅིང་མི་སྲུན་པ། །འདོད་ཁམས་དབང་བྱེད་ནག་མོ་ཡི། །སྤྱི་ཡི་དམ་ཚིག་གང་བསྲུང་ལགས། །ཁྱད་པར་དམ་ཚིག་གང་དང་གང་། །སྤྱི་ཡི་དམ་ཚིག་ཉི་ཤུ་རྩ་བརྒྱད་ནི། །རིན་ཆེན་ས་གཞི་འདྲ་སྟེ་ཀུན་ལ་གཅེས། །ཡི་དམ་ལྷ་དང་རྡོ་རྗེ་སློབ་དཔོན་ལ །བླང་དང་དོར་བ་མི་བྱ་ཤིན་ཏུ་བཀུར། །མཆེད་དང་ལྕམ་དྲལ་རྒྱལ་བ་རྒྱ་མཚོ་ལ། །ངན་པའི་སེམས་དང་ཞེ་སྡང་བརྔན་མི་བྱ། །སྔགས་དང་ཕྱག་རྒྱ་ཏིང་འཛིན་རྒྱུན་མི་གཅད། །སྐྱེ་ཤི་མེད་པར་རྟོགས་པ་ཀླུང་ལྡན་པས། །རྒྱུ་དྲུག་འཁོར་བའི་གནས་ནས་བསྒྲལ་པའི་ཕྱིར། །གནས་ཀྱི་ཡུལ་དང་ཏིང་འཛིན་གསལ་བ་ཡིས། །ཁམས་གསུམ་འཁོར་བཅན་དག་བསྒྲལ་བར་བྱ། །གཞན་གྱིས་མ་རྟོགས་རྫུན་དུ་སྨྲ་བར་བྱ། །མཁའ་འགྲོ་མཆོད་ཕྱིར་མ་བྱིན་བླང་བར་བྱ། །རྟོག་མེད་གཞན་གྱི་བུ་མོ་སྤྱད་པར་བྱ། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲག་དོག་བདེ་གེས་སྐུ་སྟེ་དང་དུ་བླང་། །དཀར་རྩི་དམར་རྩི་དྲི་ཆེན་ཤ་ཆེན་དང་། །དྲི་ཆུ་མཆོད་པའི་རྫས་ཏེ་དང་དུ་བླང་། །ཕྱི་ནང་སྣོད་བཅུད་འཁོར་བའི་ཆོས་རྒྱས་བཏབ། །སངས་རྒྱས་ཞིང་དུ་ཤེས་པར་བྱ། །ཕུང་པོ་ལྔ་དང་རྣམ་ཤེས་དབང་པོ་ལྔ། །རིགས་ལྔ་ཡེ་ཤེས་ལྔ་རུ་ཤེས་པར་བྱ། །ཁྱད་པར་བསྲུང་བའི་དམ་ཚིག་ནི། །སྤྱོར་བའི་རྟོག་པ་མི་བྱ་སྟེ། །ནལ་བུ་དག་ལ་སྤྱད་པར་བྱ། །ནལ་བུ་དག་ལ་བྱམས་པབསྐྱེད། །ཕག་རྫི་དག་ལ་བརྟེན་པར་བྱ། །ཡུག་ས་མོ་ལ་སྤྱད་མི་བྱ། །མཁར་བ་དག་ལ་བཀུར་མི་བྱ། །བོང་བུ་དྲེའུ་ལ་བརྡུང་མི་བྱ། །བསྲེ་དྲི་ཅན་གྱི་ཤ་མི་བཟའ། །གླང་དམར་དག་ལ་བརྡེག་མི་བྱ། །རླུད་ནག་ཞེ་སྡང་བསྐྱེད་མི་བྱ། །སྤྱི་ཡི་དམ་ཚིག་ཉམས་གྱུར་ན། །རྒྱལ་ཁམས་ཆུ་ཡིས་ཁྱེར་བ་འདྲ། །ཕྱིས་ཀྱང་འཚོ་བར་མི་འཀྱུར་ཏེ། །མནར་མེད་དམྱལ་བའི་གནས་སུ་ལྷུང་། །ཁྱད་པར་དམ་ཚིག་ཉམས་གྱུར་ན། །ཏ་ལ་ཤིང་གི་མདོ་བཅད་བཞིན། །ཕྱི་མར་འགྲུབ་པར་མི་འགྱུར་ཏེ། །ཁྲེལ་ནས་རང་ལ་གནོད་པར་འགྱུར། །དོན་དུ་རང་སེམས་བརྟན་པ་བདེ། །ལྟ་བ་རྣམ་བཞི་རྟོགས་གྱུར་ན། །མ་མོ་ངེས་པར་འགྲུབ་པར་འགྱུར། །རང་བཞིན་མེད་ལས་རང་བཞིན་སྣང་། ཁུ་དྲུག་བསྒྲལ་བའི་ཞིང་དུ་སྣང་། །དུས་གསུམ་བདུད་རྩི་ཆེན་པོར་སྣང་། །དོན་དམ་ཆོས་ཉིད་རྣམ་པར་དག །ལྷ་དང་ལྷ་མོའི་ཕྱག་རྒྱར་གསལ། །དམ་ཚིག་གཉན་པོ་ཐུབ་པར་བགྲུངས། །བྱུང་ཁུངས་ལོ་བརྒྱུས་གཏན་ལ་འབེབས། །རྣམ་བཞི་གདེང་དང་ལྡན་གྱུར་ན། །མ་མོ་ངེས་པར་འགྲུབ་པར་འགྱུར། །འཕགསམལྷམོསྐུགཅིགམརོགནག་མོའི་རྒྱུད་ལས། །བགྲུང་བ་དམ་ཚིག་གི་ལེའུ་སྟེ་བཅུ་གཅིག་པའོ། །དེ་ནས་ཡང་དག་བཤད་བྱ་བ། །ཕྱི་རབས་རྣམས་ལ་གནོད་སྲིན་ན། །ངན་ཐབས་བགྱི་ན་གང་གིས་བགྱི། རྫས་སུ་བཙལ་བའི་རྫས་དེ་ལ། །དེ་ལ་ངན་སྔགས་གང་གིས་བརྡེག །ངན་ཐབས་བྱ་ན་འདི་ལྟར་རོ། །སྨས་པ་མོའི་རོ་དག་ལ། །ཀླད་པའི་དཀྱིལ་དུ་མཐོངས་བརྟོལ་ནས། །སྲིན་མོ་ཆེན་མོ་རེ་མ་ཏི། །ཁྲུ་གང་དག་ནི་གཞུག་པར་བྱ། །སྙིང་ཁར་ཕོ་ཡི་མིང་རུས་གཞུག །ལྟེ་བར་མེ་ཡིས་མིང་རུས་གཞུག །གསང་བར་བུ་ཡིས་མིང་རུས་གཞུག །བུས་མོས་རྐང་མཐིལ་གཡས་གཡོན་ལ། །འཁོར་འདས་ལོངས་སྤྱོད་ཡན་ཆད་གཞུག ཁེ་ཤིང་ནག་པོའི་ཕུར་པ་ལ། །ལྷ་མོ་ཉིད་དུ་དབང་བསྐུར་ཏེ། །སྟོད་ནས་གནས་བརྒྱད་དག་ཏུ་གདབ། །་ག་རག་ཤ་རག་མོ་ཨ་ནལྭ་རྦད་རྦད། །་ག་རག་ཤ་རག་མོ་བན་དྷ་བུ༷་ཀྲུག་མུ་ཀ་འདྲི་རྦད་རྦད། །་ག་རག་ཤ་རག་མོ་ཙིསྟ་འབུར་ཏི་དྷི་སྟི་ཁ་རག་རྦད། །་ག་རག་ཤ་མོ་ཤ་འཕྲི་བྲ་སུ་ཏུ་ཤ་རྦད། །སྒག་རག་ཤ་རག་མོ་ཨུ་རྦད། །པྲ་པུ་རུ་རྦད་རྦད། །སྒག་རག་ཤ་རག་མོ་པ་ལ་ཏི་ཙེ་ཙེ་མུན་ཏི་རྦད་རྦད །སྒག་རག་ཤ་རག་མོ་པ་ལ་ཏི་ཙེ་ཙེ་མུན་ཏི་རྦད་བོད། །་ག་རག་ཤ་རག་མོ་ཙ་ཀ་ན་ཧེ་ཀུམ་རྦད་རྦད། །དྲི་ཤ་ཀུ་རུ་ཐུམ་རིལ་རྦད། །སུ༷་ཀུ་རུ་ཐུམ་རིལ་རྦད། །མགོ་དང་མཇུགཏུདེབཞིནགདག །རྨས་པ་མོ་ཡི་ཞབས་མས་གདབ། །སྨེ་བ་ལྔ་ཡི་དུད་པས་བདུག །དེབཞིནགདུགཔའིསྔགས་ཀྱིས་བརྡེག །སྒག་རག་ཤ་རག་མོ་ཀླད་པ་ལ་ཐིབས་ཨ་རྙུ་ཤ་ཛུ། །་ག་རག་ཤ་རག་མོ་ཙིསྟ་བ༷་ལོག་ཨ་རྙུ་ཛུ་ཛུ། ་ག་རག་མོ་འདྲི་ན་མུ་ཏི། །ཨ་གུ་ཤ་ཛུ། །་ག་རག་ཤ་རག་མོ་སྟ་ན་བ་ཏི་ཨ་ཀ་རུ་ཨ་གུ་ཤ་ཛུ། །་ག་རག་ཤ་རག་མོ་ཛུ་ན་ར་ཨ་ནིར་ཏི་མྱ་ར་ཡ་ཨ་གུ་ཤ་ཛུ་ཛུ། །ཏྲག་རག་ཤ་ཛུ་མུན་ཏྲི་ནཱ་ར་ཡ་ཕྱེ་ཕྲ་མ་ཤུ་ཏོ་མུག་ཏ་ཤག་ཤག །ཏྲ་རྩེ་མ་ཕྲོལ་ཕྲོལ། །ཡག་ཏུ་མ་ཤིག་ཤིག །ཆུམ་ཤིག་ཧབ་བན་ཧབ་འབན། །ཁུག་ཁུག་དྲི་མ་ར་ཡ་པྱེ་ཐུམ་རིལ་ཁ་ཏམ་རྒྱུགས། །སྣ་རྩེ་ར་རྩེ་རྦད་རྦད། །དེ་དག་དེ་བཞིན་བཟླས་བྱ་ཞིང་། །སྐབས་སུ་དྲག་པོའི་ཕོ་ཉ་གཏང་། །ཐོད་པ་ནག་པོའི་ནང་དག་ཏུ། །ཐུན་སྣ་དག་ནི་བླུགས་བྱས་ལ། །ཐོད་ཟེར་གསང་བའི་ཕོ་ཉ་གཏང་། །གང་ལ་དམིགས་པ་སྨོས་ལ་བརྡེག །འབེན་གང་ཙམ་ནས་འཕངས་ལ་གཏང་། །གནས་ལྔ་དག་ཏུ་མ་ཕོག་ན། །བརྣག་པའི་ལས་རྣམས་རིམ་པས་བྱ། །གང་ཡིན་དག་ལ་ཕོག་པར་བརྡེག །འཕགས་པ་ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་ལས། ངན་ཐབས་ཀྱིས་གདུལ་ཞིང་ཐོད་པྲ་བརྟག་པའི་ལེའུ་སྟེ་བཅུ་གཉིས་པའོ། །དེ་ནས་ཡང་དག་བཤད་བྱ་བ། །དེ་ནས་ལྷ་མོ་ནག་མོ་དེ། །འཇིགས་བྱེད་སྲིན་མོའི་ཆ་ལུགས་ཅན། །སེམས་ཅན་བསྐྱེད་ཕྱིར་མ་མོའོ། །འཇིགས་པའི་ཚུལ་སྟོན་ཟ་ལ་དགའ། །བུད་མེད་གཟུགས་སུ་སྤྲུལ་པས་ན། །མ་མོ་ཞེས་སུ་གྲགས་པ་ཡིན། །མ་མོའི་ཚོགས་ཀྱི་དབྱིངས་ཀྱི་དང་། །མ་མོ་བརྡལ་པ་ཕྱག་རྒྱའི་སྐུ། །འཇིགས་ཚུལ་སྟོན་པས་སྲིན་མོའོ། །ཨུ་པར་སྐྱེས་པས་མ་མོའོ། །གཤིན་རྗེ་ནག་པོའི་སྲིན་མོའོ། །གནག་པའི་ཆ་ལུགས་བདུད་མའོ། །མདངས་ལས་སྦྲུལ་པས་ལྷ་མོའོ། །གནོད་པར་སྟེར་བས་གནོད་སྦྱིན་མོ། །ལས་རྣམས་བྱེད་པས་སེམས་ཅན་ནོ། །རེ་མ་ཏི་དང་རེ་མ་ལས། །ལྷ་མོ་ཀླུ་མོ་གནོད་སྦྱིན་མོ། །སྲིན་མོ་གདུག་གཏུམ་ཟབ་མོ། །ལས་རྣམས་བྱེད་པའི་མ་མོ་ཡིན། །གཡོག་མེ་དག་གི་དབྱེ་བ་ནི། དྲེའུ་སྣ་ཁྲི་སྨན་སྐྱི་མཐིང་མ། །ཕྱི་ལྟར་བསྟན་པའི་མ་མོ་ཡིན། །ཡི་འདར་གློང་སྲིན་ཕུང་བྱེད་མ། །ནང་ལྟར་བསྟན་པའི་མ་མོ་ཡིན། །མིང་མེད་པ་ཡི་མ་མོ་གསུམ། །གསང་བར་བསྟན་པའི་མ་མོ་ཡིན། །ཤན་པ་ར་མགོ་མི་སྲུན་པ། །ལས་རྣམས་བྱེད་པའི་མིང་པོ་ཡིན། །འཕགས་པ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །མ་མོའི་མཚན་ཉིད་བསྟན་པའི་ལེའུ་སྟེ་བཅུ་གསུམ་པའོ། །དེ་ནས་ཡང་དག་བཤད་བྱ་བ། །གཡེན་པོ་ཉིད་དང་གཡོག་ཏུ་བཅས། །བཟླས་ཤིང་སྤད་དང་གསང་སྔགས་གང་། །ངེས་པའི་གསང་སྔགས་འདི་རྣམས་སོ། །ཏྲག་རག་ཤ་ཁ་མུན་ཏྲ་རུ་ལུ་རུ་ལུ་སྙིང་ཁ་རག་མ་སྨྱོ། །རག་མོ་ཏེ་ཀུམ་ཁ་ལ་ཙ་ཙ་སྨྱོ། །རུ་ལུ་རུ་ལུ་མ་ཏིང་སྨྱོ། །སྨྱོ་ཐུར་རག་མོ་ཐུ༷་ལིས་སྙིང་རྩ་འདུ་འདུ། །སྲོག་པྲིག་ཕྲིག་ཤམ་ཤམ་ཁྱེར་སྨྱོ། །ཁ་ཐུན་དྲི་ཛུ་ཛུ། །མ་མོ་རེ་ཏེ་སྲོག་གི་སྙིང་པོ་མ་རུ་རྩེའི་སྒོ་འགྲམ་དུ་ཕུལ་བ། །ཏད་ཡ་ཐུ། །ཏྲག་རག་ཤ་རུ་རུ་བེ་རོ་ཧཱུཾ༷། །ཏི་སྟ་བ་ཏོ་སི་སྙིང་ཁ་རག་མོ་སྦྱོ་ཛུ་ཛུ། །སྐུའི་སྙིང་པོའོ། །གཤིན་རྗེ་དམར་པོས་དམ་ལ་བཏགས་པའི་དུས་སུ་ཕུལ་བ། །མ་མ་རུ་རུ་རོ་ཙུ་ཙ་པ་ལ་ཨ་ཤུ་མེ་སྨྱོ་སྨྱོ་ཛུ་ཛུ། །གསུང་གི་སྙིང་པོའོ། །བྱང་ཆུབ་ཀྱི་ཤིང་དྲུང་དུ་ཕུལ་བ། །བཛྲ་ཁ་རག་སྙིང་ཁ་རག །་ག་རག་ཤ་རུ་རུ་རོ་སྲ །ཙ་མུན་ཙག་ཤ་ཧཱུཾ༷་སྨྱོཧཱུཾ༷་ཛུ་ཛུ། །ཐུགས་ཀྱི་སྙིང་པོའོ། །་ག་རག་ཤ་རག་མོ་ཁ་ལ་རག་ཤ་མ་དུན་ཏིང་ཛུ། །ཡོན་ཏན་གྱིའོ། །རུ་རུ་རག་མོ་མུ་ཤམ་ནི་ཙ་པ་ལ་ལྷ་མོ་ཡ་མ་དུང་ཧྲིང་ཡག་དུ་མྱ་ཛུ་ཛུ། །འཕྲིན་ལས་ཀྱིའོ །སྐུ་གསུང་ཐུགས་གཞི་གཅིག་ཏུ་རྦད་པ། །ཏད་ཡ་ཐུ། །རུ་རུ་རག་མོ་གུ་སི་དུན་རག་མོ་སྙིང་ཁྲག་རྩ་སྲོག་བྲེང་བྲེང་རྦད། །ཨོ་ཛུ་ལ་ཛུ་ལ་ཧཱུཾ༷། །མ་སྲོག་ཏུག་ཏུག་ཁྲག་ལང་སྙིང་རྦུད། །མ་ཧྭ་སྲོག་ཐུན་སྙིང་ལ་མ་སྨྱོ། །མ་ར་ཡ་ཕཊ། །ཁ་ཐུན་ནི་རྡོ། །སྐུ་གསུང་ཐུགས་གཞི་གཅིག་ཏུ་དྲིལ་ཏེ་གསད་པའི་སྔགས་ལ། །ཐང་མུ་ལེ་ཐང་མུ་ལེ་རྦད་རྦད། །མུ༷་སྣི་མུ༷་སྣི་ནཎ་ནཎ། །རག་མོ་ནི་རག་མོ་ནི་རྦད། །དུག་སྣ་དུག་སྣེ་ཁ་ལོ་རྦད་རྦད། །ཀྱི་ཁ་ལོ་ཀྱི་ཁ་རྦད་རྦད། །རྩ་སྟི་རྩ་སྟི་རྦད་རྦད། །དྲིར་སྟང་ནིར་སྟི་སྙིང་ལ་མུགས་མུགས། །ཐུ༷་ཐུ༷་སུབས་ཏི་སྟ་རྦད་རྦད། །ཁ་འདར་ཡེད་ཡེད ། །ཐུ༷་ཐུ༷་རྦད་རྦད། །ས་ཁ་ལོ་མུ་མ་ཁ་ལོ་རྦད་རྦད། །གཡོག་མོའི་བོད་རྦད་གསད་པ་ནི། །རུ་རུ་རོ་རུ་རུ་མུན་ཏྲ། །རུ་རུ་རོ་རུ་རག་མོ་ཁ་མུན་ཏྲ། །མ་དུང་ད་ཏན་མ་ཏིང་སྨྱོ། །མ་ཏེ་ཀུམ་ཁ་ལ་རྩ་རྦད། །མ་ཏེ་ཀེ་མ་སྙིང་ཁ་རག་རྦད། །མ་སྲོག་ལ་ཡེད་ཡེད་རྦད། །རྦད་གསད་དོན་བསྡུས་པའོ། །འཕགས་མ་ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་ལས། །བོད་པ་རྦད་པ་གསད་པ་སྔགས་ཀྱི་ལེའུ་སྟེ་བཅུ་བཞི་པའོ། །དེ་ནས་ཡང་དག་བཤད་བྱ་བ། །བཟླས་པའི་ཐབས་དང་སྐྱོན་ཡོན་བསྟན། །བོད་པ་རྦད་པ་གསད་པ་ལ། །རིང་བར་ཡང་ནི་མི་བཟླས་ཏེ། །ཐུང་བར་ཡང་ནི་མི་བཟླས་སོ། །ཆེ་བ་མ་ཡིན་ཆུང་བ་མིན། །རིང་བ་མ་ཡིན་བུལ་བ་མིན། །བྱང་བ་མ་ཡིན་སྤང་བར་བྱའོ། །གུག་ཀྱེད་ཉམས་པར་མི་བྱའོ། །སྤང་བྱ་དྲུག་ནི་སྤང་བར་བྱའོ། །གཞན་དུ་སེམས་ནི་འ་ས་པ་དང་། །གཉིད་དང་གཡལ་དང་སྤྲིད་པ་དང་། །གློ་དང་ཆམ་ལ་སོགས་པ་ནི། །དོར་བྱ་དྲུག་ནི་དོར་བར་བྱ། །བུལ་ན་ནོར་ནི་ཡལ་བར་གྱུར། །སྐྱེན་ན་སྔགས་ཀྱི་ཡན་ལག་ཉམས། །བར་ཆད་སྔགས་པ་རང་ལ་འོང་། །འཕགས་མ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས།།བཟླས་པའི་ཐབས་དང་སྐྱོན་ཡོན་ཏན་བསྟན་པའི་ལེའུ་སྟེ་བཅྭ་ལྔ་པའོ། །དེ་ནས་ཡང་དག་བཤད་བྱ་བ། །བཟླས་པར་བྱ་བའི་སྔགས་རྣམས་ལ། །གྲངས་ཀྱི་ཚད་ནི་ཇི་ཙམ་བཟླས། །ཨེ་ཀ་ཛ་ཞི་དྲུག་འབུམ་མོ། །སྐུ་གསུང་ཐུགས་ལ་བྱེ་པའོ། །སྤྱན་དྲངས་ཉ་བསྙེན་དྲུག་འབུམ་སྟེ། །བན་དྷི་འབུམ་ལ་སྐྱེ་བོ་ཁྲི། །བུད་མེད་ལ་ནི་སྟོང་སྟོང་ངོ། །གསད་པའི་རྒྱལ་པོ་བྱེ་བ་སྟེ། བན་དེ་བདུན་འབུམ་སྐྱེ་བོ་འབུལ། །བུད་མེད་ཁྲི་ཕྲག་གཅིག་གིས་འགྲུབ། །འཁོར་གྱི་སྔགས་ལ་བརྒྱ་རྩ་བརྒྱད། །རྟོགས་པ་ངན་པ་སྤངས་ཏེ་བཟླས། །འཕགས་མ་ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་ལས། །བཟླས་པའི་གྲངས་དང་གཏན་ཚིགས་ཀྱི་ལེའུ་སྟེ་བཅུ་དྲུག་པའོ། །དེ་ནས་ཡང་དག་བཤད་བྱ་བ། །ཐེག་པ་འོག་མའི་གང་ཟག་གིས། །དབང་མ་ཐོབ་ན་མི་འགྲུབ་སྟེ། །དབང་གི་རྫས་སུ་བཙལ་བ་ནི། །བུམ་པ་ལྔ་འམ་ཡང་ན་གཅིག །ཀ་ར་བུ་རམ་སྦྲང་རྩི་དང་། །ས་བདག་རྒྱལ་པོའི་སྙིང་བཅུག་ལ། །ཏིང་འཛིན་ལྡན་པའི་རྣོལ་འབྱོར་གྱིས། །ཡེ་ཤེས་བདུད་རྩི་བཀུག་བྱས་ཏེ། །ཡེ་ཤེས་འབྲུ་གསུམ་སྦྱོར་བ་ཡིས། །བདུད་རྩི་ཉིད་དུ་བྱིན་གྱིས་བརླབ། །འབྲུ་ཆང་འབྲས་ཆང་རྩི་ཆང་དང་། །གྲོ་ཁུ་འབྲུ་སྣ་ན་བླུགས་ཏེ། །གོང་མ་བཞིན་ཏེ་བྱིན་གྱིས་བརླབ། །མ་རྟོགས་རྨོངས་ལ་བསྟན་ཕྱི་སྲ །དབུས་ཟླུམ་ཟླ་གམ་གསུམ་གྱིས་བསྐོར། །རང་ཉིད་ཨེ་ཀ་ཛ་གི་བསྒོམ། །ལུབའ་འགྲོ་འགྲོས་པའི་འབྱོན་ཚུལ་གྱིས། །བགེགས་རྣམས་བསྐྲད་དེ་ནང་དུ་བཞུགས། །བཀག་པས་མེ་ཏོག་དོར་བར་བྱ། །དཀྱིལ་འཁོར་ལྷ་རྣམས་ངོ་བསྟན་བྱ། །དེ་ནས་བུམ་པ་གང་ཡིན་པ། །སྤྱི་བོའི་གཙུག་ནས་དབང་བསྐུར་བྱ། །བདུད་རྩི་བྱང་ཆུབ་སེམས་བཞུ་སྟེ། །འོད་འདུས་དང་པོ་རིམས་ཀྱིས་བསྐོར། །མ་མ་ཤ་སྟ་པ ལ ཨ སྟིཁི྅ཨོ། །སྤྱིགཙུག་མགྲིན་པར་དབང་བསྐུར་རོ། །མ་མ་པ་ཙ་ལ་ཨ་སྟི་ཁི་྅་ཨུ། །མ་མ་པ་ཤང་ཀུ་རུ་ཨ་སྟི་ཁི྅་ཧཱུཾ༷། །ཨོ་ཨུ༷༷ཧཱུཾ༷ །བུམ་པ་ལྔ་ཡིས་དབང་བསྐུར་བས། །ལུས་ཀྱི་སྒྲིབ་པ་བྱང་གྱུར་ཅིག །སེམས་ཀྱི་དཀྱིལ་འཁོར་རྫོགས་གྱུར་ཅིག །མ་མོའ་དངོས་གྲུབ་ཐོབ་གྱུར་ཅིག །འཕགས་མ་ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་ལས། །བུམ་པ་ལ་སོགས་པ་དབང་བསྐུར་པའི་ལེའུ་སྟེ་བཅུ་བདུན་པའོ། །དེ་ནས་ཡང་དག་བཤད་བྱབ། །གང་ཞིག་མོས་པའིརྣལ་འབྱོར་ལ། །རིན་ཆེན་ནོར་དང་ཟས་དག་དང་། །རིན་ཆེན་སྣ་ཚོགས་ལུས་ཀྱི་རྒྱན། །འཛམ་གླིང་ནོར་གྱི་དངོས་གྲུབ་ཐོབ། །ནམ་མཁའ་མཛོད་ལ་མངའ་བརྙེས་མ། །ནོར་དང་ཟས་ཀྱི་དངོས་གྲུབ་ཐོབ་གྱུར་ཅིག །སེམས་ཀྱི་དཀྱིལ་འཁོར་རྫོགས་གྱུར་ཅིག །མ་མོའི་དངོས་གྲུབ་ཐོབ་གྱུར་ཅིག །མ་མ་ཏྲག་རག་ཤ་མང་ས་གོ་རོ་ཙ་ན་པ་ལ་ས་མ་ཡ་སིརྙི་ཧཱུཾ༷། །དབུ་ཞུ་ཁྱད་པར་གཞན་ལས་འཕགས། །བན་དྷ་འཕགས་པས་དབང་བསྐུར་པས། །དབུ་ཡི་སྒྲི་པ་བྱང་གྱུར་ཅིག །སེམས་ཀྱི་སྒྲིབ་པ་བྱང་གྱུར་ཅིག །མ་མོའི་དངོས་གྲུབ་ཐོབ་གྱུར་ཅིག །ཨོ་བན་དྷ་ནི་མ་ས་མ་ཡ་སིརྙི་ཧཱུཾ༷། །ཁྱད་པར་འཕགས་པའི་དུང་ཆེན་དང་། །མི་དབང་རྒྱལ་མཚན་གཡང་གཞིས་དབང་བསྐུར་བས། །ལུས་ཀྱི་སྒྲིབ་པ་བྱང་གྱུར་ཅིག །སེམས་ཀྱི་དཀྱིལ་འཁོར་རྫོགས་གྱུར་ཅིག །མ་མོའི་དངོས་གྲུབ་ཐོབ་གྱུར་ཅིག །ནིམ་པ་ས་མ་ཡ་སིརྙི་ཧཱུཾ༷། །འཕགས་མ་ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་ལས། །རིན་ཆེན་ཕྱི་ནང་གསང་དབང་བསྐུར་བའི་ལེའུ་སྟེ་བཅྭ་བརྒྱད་པའོ། །དེ་ནས་ཡང་དག་བཤད་བྱ་བ། ཐུན་གྱིས་བརྡེག་པའི་ལས་དག་ནི། །བཟླས་པའི་ཚད་དུ་ཕྱིན་པ་དང་། །ཞག་ནི་སུམ་ཅུ་རྩ་ལྔའི་བར། །བཟའ་བ་པོ་ལ་མིང་མིང་བཟའ། །ལྕགས་ཕྱེ་དུག་དང་རྡོ་ཕྱེ་དང་། །ཡུངས་ཀར་ཡུངས་ནག་སྐེ་ཚེ་དང་། །ཁྲག་སྣ་དུག་དང་སེན་དགུ་དང་། །ལྔ་འབུམ་དག་ཏུ་སྔགས་འདིས་བསྒྲུབ། །མ་མ་སྒག་རག་ཤ་ཁ་མུན་ཏྲ། །སྙིང་ཁ་རག་མོ་དུན་སྨྱོ་ཛ་ཛ་སྙིང་ཤ་ཀུ་རུ་ཐུ༷་རྦད། །སྒག་རག་ཤ་རུ་པི་ནན། །མུག་ཏི་བ༷། །རག་མོ་ནི་ཤ་ཀུ་རུ་ཐུ༷་རྦད། །རག་མོ་ཁ་ལ་ཙ་ཙ་དུན་སྨྱོ། །རཀྟ་ཐུན་རྦད། ནག་མོ། ཧར་ཧོར། ནག་མོ་དུན་ཏིང་རྦད། ཙ་ཙ་ར་ཙེ་ཧིད། སྙིང་ལ་ཐུན། ཁ་ལ་ཙ་ས་མ་ཡདུན་སྨྱོ། ཧུ་ལུ་ཧུ་ལུ་སྙིང་ལ་སྨྱོ། ནག་པོའི་ཟླ་བ་དག་ལ་བརྡེག་པར་བྱ། །ཏད་ཡ་ཐུ། །ཏྲ་རག་ཤ་རུ་རུ་རོ་རུ་བེ་རོ་ཧཱུཾ༷་ཏི་སྟ་བ་སྟོ་སི་མུ་ཡ་མུགས་ཏི་སུབས། །སྙིང་རྩ་ལ་ཆོ་ཆོ། །བལ་ཧུབས་བལ་ཡུ་སྙིང་འགོང་རྩ་ལ་ཐུན་ནན། །ཁོང་ཁྲག་རྩ་ལ་བ༷་ཀུག་ཐུན་ནན། །ཀླད་པ་ལ་ཏིབ་ཏིབ་ནན། །བལ་ཐུན་ནན། །ཁྲག་རྩ་སྙིང་ལ་མུག་ནན། །ཐིབས་ཐིབས་མུགས་ཐིབས་མ་མ་ཛུ་ཐུན་སྨྱོ། །བན་དྷི་ལ་འདེབས་པ། །མ་ཏྲི་མ་ཏྲི་ས་དོ་ཡ་ནི་བན་དྷིའི་སྲོག་རྦད། །རྒྱལ་པོ་འདེབས་པ། །རྭ་ཛ་རྭ་ཛ་གུག་ཐུ༷་ལིང་རྦད། སྐྱེ་བོ་ལ་འདེབས་པ། །དྲི་ཁ་ལ་མ་ཏི་བཱ་ར་ཡ་རྦད། །བུད་མེད་ལ་འདེབས་པ། །ལོག་པ་ཙ་ལོང་པ་ཙ་ཙ་ར་མ་ཧྲི་རྦད། །འཕགས་མ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། །རོ་ལ་ཐུན་གྱིས་བརྡེག་པ༷འི་ལེའུ་སྟེ་བཅུ་དགུ་པའོ།། །།དེ་ནས་ཡང་དག་བཤད་བྱ་བ། །བསད་པའི་ལས་ཀྱི་སྦྱིན་སྲེག་གི །ལས་ཀྱི་རིམ་པ་གང་དང་གང་། །བསྒྲུབ་པ་རྒྱུན་གྱིས་དུས་དག་ཏུ། །རང་ཉིད་ཨེ་ཀ་ཛ་ཛ་ཞིར་བསྒོམ། །ཧོ་ཁུང་གྲུ་གསུམ་སུམ་བརྩེགས་ལ། །དབུས་སུ་སྲིན་མོ་ནག་མོར་བསམ། །ཟུར་ཕུར་སྐོས་འདེབས་མ་མོ་གསུམ། །གྲངས་ཀྱི་ཟ་བྱེད་མགོ་བརྙན་བཞི། །གཞུང་བཞིན་དག་ཏུ་འཕྲིན་ལས་བྱ། །རོ་ཤིང་དུག་དང་ཚེར་མ་ཅན། །སྟེང་དུ་བརྩིགས་ཏེ་གཞག་པར་བྱ། །སྤྱན་དྲངས་མཆོད་དང་བསྟོད་པ་དང་། །བཤགས་དང་སྨོན་ལམ་གདབ་པར་བྱ། །དངོས་སུ་བྱ་རོག་འུག་པ་བསྲེག །སྲིན་མོ་ནགམོ་བསྲེས་རྫས་ནི། །བུད་མེད་དར་མའི་སྙིང་ཁྲག་དང་། །རྨས་པ་མོ་ཡི་རོ་རུ་བཅས། །བཅྭ་ལྔ་བསྲེགས་ནས་གདོན་མ་ཟ། །མགོ་བརྙན་བཞི་ཡི་བསྲེག་རྫས་ནི། །སེང་གེ་དཀར་མོའི་ཤ་ཁྲག་དང་། །སྟག་སྤྱང་ཤ་དང་བྱ་རྒོད་དང་། །ཀང་ཀའི་ཤ་དང་ཁྲག་རྣམས་དང་། །དགྲ་བོའི་མིང་དང་རུས་སུ་བཅས། །དུས་སུ་བསྙེགས་ན་གདོན་མི་ཟ། །གཡས་ནས་ནག་མོའི་ཐུགས་དམ་བསྐུལ། །གཡོན་དུ་དགུག་པའི་སྦྱོར་བ་བྱ། ཁྲར་ནས་རྒྱལ་པོའི་གསང་སྔགས་བཟླས། །གཞན་གྱིས་ལས་ཀྱངདེབཞིནནོ། །གཙོམོ་ཉིད་ལ་ལན་འབུམ་མོ། །མགོ་བརྙན་ལ་ནི་སྟོང་སྟོང་ངོ། །རྫོགས་དང་དུར་ཁྲོད་དཀྱི་དུ་མནན། །སྒག་རག་ཤ་ཛ་མུན་ཏྲི་ཏྲག་ཤ་སྨྱོ། །སྙིང་ཁ་རག་སྙིང་ཁ་རག །རག་མོ་སྙིང་ལ་ཤད་ཤད་སྨྱོ། །སིང་ང་མུ་ཀ་དགྲ་སྙིང་ལ་རྦད། །སིང་ང་མུ་ཀ་ས་མ་ཡ་ས་ཏི་ཨ་ཏི་ཟུང་ཟུང་། །སྙིང་ཤད་ཤདསྨྱོ། །བྱ་གྲི་མུ་སྟི་ཛུ་ཛུ། །ཁ་ལ་ཛུ་ཛུ། །བྱ་གྲི་མུ་ཀ་ཧྲི་ཛུ་ལུབས་སྙིང་ཤད་ཤད་སྨྱོ། །ཏི་ཏ་མ་ཏི་ཤ་ཙིསྟ་རོ་ལ་ཤ་ཏྲ་ཛུ་སྙིང་ཤད་ཤད་སྨྱོ། །ཀང་ཀ་མ་ཏི་ས་ཏྲི་ཧེ་ཤ་སོད། །ཙིསྟ་དུ་ཤ་སོད། །ཙིལྟི་དུ་ཤ་སོད། །ཀ་ཀ་ཁ་རག་སོད་སྙིང་ཤད་སྨྱོ། །བསྟབ་པ་ནི། །རག་མོ་སྙིང་ཤ་མ་སྙིང་ཁ་རག་སྒག་ཤ་ཁ་ར༷་ཁུ་ཧི། །ཙ་མུན་ཙག་ཤ་ཁ་ར༷་ཁུ་ཧི། །ཕུ་ཡི་ཕུ་ཡ་རག་ཏ་ཛུ་མུན་ཏི་ཁུ་ཧི། །དུལ་དུལ་ཤིག་ཤིག་ཧྲི་ར། །མེ་ལ་ཛ་ལུབས་ལུབས། །འབྲུ་དུ་ས་རི་ཤིག །མེ་ར༷་མེ་ར༷་ཁུ་ཧི། །བ༷་ཡོས་བ༷་ཡོས་ཛུ་ལ་ར༷་ཁ་ཧི། །ཧྲི་ཐུ་ལུམ་ཐུ་ལུམ་ཛུ་ལ་ར༷། །སྙིང་ཧྲི་ཛ་ལ་ར༷་ཤིག །མུ་ཡ་མུག་ཏི་ཛ། །བརྒྱ་རྩ་བརྒྱད་བཟླས་སོ། །མི་བསྲེག་ན། །ཧྲི་ཡ༷་དུ་རུ་ཛ་ལ་ར༷། །ལྷ་ལ། །དེ་བ་རྭ་ཙ་དུ་རུ་ཛ་ལ་ར༷། །མཚར་པ་དྲོ་སོལ་ལྷ་ཡི་ཤིང་། །འབྲས་དང་སོ་བ་བསྲེག་རྫས་སོ། །ན་ག་ལྕུག་ནི་ཀླུ་ཡི་ཤིང་། །བ་མར་འོ་མ་བསྲེག་རྫས་སོ། །ནམ་ཕྱེད་བརྒྱད་ཀྱི་གུང་དུས་སུ། །ར་བ་བཞི་ཡི་དུས་སུ་གསུངས། །བཅྭ་ལྔ་ཉི་ཕྱེད་ནང་གི་ལྷ། །མར་ཁམས་ནམ་ལངས་བསང་བ་ཀླུ། །ཉི་ཤུ་ཉི་ནུབ་ལས་བྱེད་མ། །བན་དྷི་བསྲེག་པའི་དུས་སུ་ཤིག །འཕགས་མ་ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་ལས། །སྦྱིན་བསྲེག་ཧོ༷་གྱི་ལེའུ་སྟེ་ཉི་ཤུ་པའོ། །དེ་ནས་ཡང་དག་བཤད་བྱ་བ། །གསད་པ་ལས་ཀྱི་གོ་རིམ་དང་། །རྣལ་འབྱོར་གང་ཞིག་རྩོམ་འདོད་པས། །བསྙེན་འཛབ་མཚན་མ་ཐོབ་པ་དང་། །དམོད་སྔགས་མ་ཡེངས་བརྩོན་པར་བཟླས། །དེ་ནས་ཕོ་ཉ་གཏང་ལ་དགུག །ཁྲ༷ག་སྣ་གསུམ་དང་དུག་སྣ་ཚོགས། །དྲག་པོའི་སྣོད་དུ་བླུགས་བྱས་ལ། །ཡུངས་ཀར་ཡུངས་ནག་སྐེ་ཚེ་ལ། །དམོད་སྔགས་བཟླས་ལ་ཐུན་ལ་བརྡེག །སྐབས་སུ་ཕུར་ནག་དག་གིས་གདབ། །རལ་གྲིས་གཏུབས་ལ་ཧོ་ལ་བསྲེག །དེ་ནས་ལིང་ག་ཤན་ན་མོའི་ཁར་བཅུག་ལ་དུར་ཁྲོད་རྙིང་པར་སོང་ལ་བདག་ཉིད་ལྷ་མོ་ནག་མོའི་ཏིང་ངེ་འཛིན་དུ་ཞུགས་ལ། །བདུད་ཆས་ལེགས་པར་བྱས་ལ་རལ་པ་སྤྱི་བོར་བཅིངས་ཏེ་ར་འམ། །བོད་བུ་ལ་ཞོན་ལ། །གདོང་པ་ཁྲག་གིས་བྱུག །ལག་པ་མཁྲིག་མ་ཡན་ཆད་ཁྲག་གིས་བྱུག །ཐུན་ཐོད་ལག་ཏུ་ཐོགས་ལ་གཡོག་པོ་གཅིག་གིས་རྔ་དྲག་ཏུ་བརྡུང་དུ་གཞུག །སློབ་དཔོན་གྱིས་ཐུན་འཕེན་པའི་རྐེད་པ་ནས་དར་དམར་པོའི་གཟུངས་ཐག་བཏགས་ལ་ཚེ་གཟུང་། ཞིང་ལྤགས་ས་ལ་བརྡབ་ཅིང་། །ལྷ་མ་སྲིན་སྡེ་བརྒྱད་ཀྱི་ར་མདའ་བཟློག །ཧཱུཾ༷་སྲིན་མོ་ཁྲག་འཐུང་གློག་འགྱུ་མ། །བྱ་བའི་ཚེ་བཏང་ལ། །མུ་བཱ་མུ་བཱ། །མུ་འོ་མུ་འོ་མུ་འོ་བཱ་འོ། །སྨྱོ་སྨྱོ་སྨྱོ། །ཧ་ཧ་ཧ་ཧ། །ཧི་ཧི་ཧི་ཧི། །ཞེས་མ་མོ་ཐམས་ཅད་ཀྱི་སྲོག་གི་སྙིང་པོ་ནས་བསྒྲང་ཞིང་། །མ་མོ་དབང་དུ་བསྡུས་ལ་དམོད་གཟུགས། །དེ་ནས་ཡང་ནམ་མཁའི་མཐའ་དང་མཉམ་པའི་དཀྱིལ་འཁོར་ནས་བྱ་བ་དང་། །ཐུ་ལུམ་སྲེག་བྱེད་འབར་བའི་སྙིང་ཟན་མ་ཞེས་བསྐུལ་ནས། །ནད་བདག་མོ་བོད་ཅིང་རྦད། ཐུན་བསྐུལ། །ང་ནི་སྲིད་པའི་རྒྱལ་མོ་སྟེ་བྱ་བ་དང་། །ཉི་མ་སྟོང་ཁམས་ཁྱབ་པའི་དཀྱིལ་འཁོར་ནས་བྱ་བའི་ཚེ་ཐུན་བསྐུལ་རང་བ་གཏང་ལ། །སྦད་སྔགས་འདི་བཟླས་སོ། །བཙན་མོ་མྱ་སྟི་ལྭ་ལྭ་རག་མོ་སྙིང་ལ་ལྭ་ཡུ། །བ་ཏ་ཙ་ཀ་ཛུ་རག་ཤ་ལྭ་ཡུ། །ཙཀྲ་མ་ནི་ཛུ་ཛུ། །མ་མོ་ནག་མོ་བ༷། །རིལ་ཐུལ་རྦད་ཛུ་ཡ་ཛུ་ཡ། །མ་ར་ཟྭ་མར་ཟྭ་སྨྱོ་སྤྱོ་སྨྱོ། །ཐུན་ཕོབ་ཅིག་ཡུ་ཡུ། །ཞེས་བརྗོད་ལ་ཐུན་འཕང་། །གཡང་གཞི་བརྡབ། །འོ་དོད་བོད། །དཔང་བཅོལ། །དེ་ནས་ཡང་ལིང་ག་རྣེལ་གྲི་མོའི་ཐོད་པར་བཅུག་ལ་མནན་ཏེ། །དུར་དུ་སྦས་ན་ཕ་ཚན་ཙམ་ལ་གནོད་དེ་ཡི་གྲིར་མཆི། །ཚང་བང་དུ་སྦས་ན་བུད་མེད་འཆི། །མལ་དུ་སྦས་ན་ཁྱོ་འཆི། །ར་བར་སྤྱང་ཐོད་དམ །དྲི་མོའི་ཐོད་པ་སྦས་ན་ཕྱུང་མི་ལྟས་སོ། །ཡང་ན་བྲག་དང་ཆུ་འཐབ་ཏུ་བྱ་བ་སྟེ། །བདག་ཉིད་སྐྱེ་བ་མེད་པ་སྟོང་ཞིང་བདག་མེད་པའི་ངང་ལས་གཡོས་པ་རྡུལ་ཙམ་ཡང་མེད་པ་ལ། །ཡི་གེ་ཏོ་སྔོ་སྐྱ་གཅིག་གསལ་བར་བསྒོམས་ཏ། །བསྐྱེད་པའི་སྔགས། །ཛ༷༷་ཧཱུཾ༷་བ༷་ཧོ། །ཏང་རུ་ཏྲ༷་བུ་ཏ་ཤར་ཤར། །ཅེས་བརྗོད་པས། །དཔེར་ན་རྒྱ་མཚོའི་རླངས་པ་ལ་བྱུང་བ་ལས་དུད་སྦྲིན་ནག་པོ་ཆགས་པ་དང་། །དེའི་ནང་ནས་གཤིན་རྗེ་ནག་པོ་དབུ་སྐྲ་ཁམ་ནག་གྱེན་དུ་འཁྱིལ་པ་ཞལ་དམར་ནག་ནས་བདུད་ཀྱི་སེར་བ་འབེབས་པ། །དུག་གི་ཁ་རླངས་སྤྲིན་དུ་འཁྱིལ་པ། །མཆེ་བ་ཟང་གཙིགས་པ། །སྤྱན་མིག་བཟློག་ནས་ལྟ་བ། །ཡན་ལག་ཐུང་ཞིང་གསུས་པ་ཆེ་བ། །འཇིགས་ཤིང་རྔམ་པ། །སྐུ་ལ་ཞིང་ལྤགས་དང་ཀླད་ལྤགས་རྒྱན་པ། །ཐལ་བས་ལུས་བྱུགས་པ། །ཕྱག་གཡས་ན་གཤིན་རྗེའི་ཞགས་པ་ནག་པོ་ཐོགས་པ། །གཡོན་ན་བེ་ཅོན་སྔོན་པོ་ཐོགས་པ། །མ་ཧེ་འམ་གླང་ཆེན་ལ་ཞོན་པས་མ་མོ་ཐམས་ཅད་དབང་དུ་སྡུད་ཅིང་ལས་ལ་འགྱེད་པ་གཅིག་གསལ་བར་བསྐྱེད་ལ། །མདུན་དུ་ཧོ༷་ཁུང་གྲུ་གསུམ་བྲུས་ཏེ། །ཆགས་སུམ་གཏིང་དུ་བརྐོ་ལ་ནང་སོལ་ཕྱེས་བཀང་ལ། །དེའི་ནང་དུ་ཐོད་པ་ལིང་ག་བཅུག་ལ། །གོང་མ་སྐད་ཟེར་ཡང་རང་ཁྲོ་བོ་གཤིན་རྗེ་གཤེད་དུ་བསྒོམས་ལ། །གཟས་པ་པོའི་སྟེང་དུ་གཤིན་རྗེ་ནག་པོ་བསྐྱེད་དེ། །ལྷ་བཤོས་ནག་པོ་གཅིག་དང་། །མེ་ཏོག་ནག་པོ་དང་། །གུ་གུལ་ནག་པོ་དང་། །བདུད་རྩི་ཨ་མྲི་ཏ་རྣམས་ཀྱིས་མཆོད་ལ་འཕྲིན་ལས་བཅོལ། །དམོད་གཟུགས། །གནན་པའི་ཆོ་ག་མ་ལས་པར་བྱ། །རུ་ཆུ༷་རུ་ཆུ༷་རྟག་ཤོབ། ་༑བ་ཤོབ་སྨྱོ་ར་སོད། །ཚ་ལ་ཐུན་སྨྱོ། །ཡ་མ་ར་ཙ་ས་ཏེ་མེ་ཡ། ལ༷་ནན། སྟམ་བྷ་ནན། ཅེས་ནན་ནོ། །འཕགས་ན་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། ཟོར་ཐུན་ལུབང་བ་དང་གནན་པ་དང་། །གནད་ལ་དབབ་པའི་ལེའུ་སྟེ་ཉུ་ཤུ་རྩ་གཅིག་པའོ། །དེ་ནས་ཡང་དག་བཤད་བྱ་བ། །ནད་དང་བདུད་དང་། །གདོན་རང་ལ་མི་གདོན་པར་བཟློག་པ་འདི་གསུངས་སོ། །བྲ༷་མཛེ་ཐམས་ཅད་འདུས་ནས། །བྲམ་མཛེ་དམར་པོ་ལ་ནད་དང་གདོན་བཟློག་པར་ཞུས་པའི་སྔགས་ལ། །ཨོ་ཏད་ཡ་ཐུ། །རྭ་རྭ་རུ་སྲ །པ་ཏོ་སྟ་པ་ལྟ་པ་ཏོ་སིདྷི་གྲྭཧྭ། །སྔགས་འདི་བརྗོད་པས་བདག་ལ་ནད་དང་། །བདུད་དང་། །གདོན་ཐམས་ཅད་ཀྱིས་མི་ཚུགས་པར་ཞི་བར་གྱུར་ཅིག །བླ་འོག་དང་ཕྱོགས་མཚམས་ཁོ་ར་ཁོར་ཡུག་བཅིང་ངོ། །དེ་ནས་མོ་ཐམས་ཅད་བཅིང་ཞིང་བཟློག་པ་འདི་གསུངས་སོ། །མ་མོ་ར་ཙ་ཡ་ཐུན་བཟློག །མ་མ་སྙིང་ཁ་རག་ར་རྩ་ཡ་ཐུན་བཟློག །མ་མ་ཏོ་མ་རི་ཤ་ཤ་ཧེད་ཧེད་ཐུན་བཟློག །མ་མ་ཀེ་ཐུན་པྲ་མ་སྣི་ཤ་ཡ་ཐུན་སྨྱོ་བཟློག་ཡུ། །དེ་ནས་ཡང་ཕོ་ཐམས་ཅད་བཅིང་ཞིང་བཟློག་པ་འདི་གསུངས་སོ། །ཨོ་ཨ་ཀྲོ་ཏེ་ཀ་ཤི་མཉུ་ཡ་མན་ཏ་ཀ་ཧ་ན་ཧཱུཾ༷། །ཡ་ཡ་པྲ་པྲ་མ་ཀྲི་ཀ་ལ༷་རུ་པ་ཤ་ཕཊ། །ཕྱེ་སྣི་སྨྱོ། །ཧྲོ་མ་རི་ཤ་ཤ་ཐུན་སྨྱོ། །ཨེ་ཀ་པ་ར་ཧྲིད་ཧྲིད་དུག་ཁ་ཚེ་ཐུན་སྨྱོ་ཐུན་བཟློག་ཡ། །དེ་ནས་གདུག་པ་ཀླུ་ཐམས་ཅད་བཅིངས་ཤིང་བཟློག་པ་འདི་གསུངས་སོ། །ཨོ་ག་རུ་ན་ཙ་ལ་ཧཱུཾ་ཕཊ། །ཨོ་ཏད་ཡ་ཐུ། །ཙི་ཏི་བི་ཙ་ཏི། །ཧུ་ཡ་ཧུ་ཡ། ཁུ་ལུ་ཧུ་ལུ། །པུ་རུ་ཏེ་པུ་རུ་ཏེ་སྲུཧྭ། །་ཀྲོ་ར་ཙ་དུར་ན་ས་དུ་སྙིང་ལ་ཕྲིལ་ཕྲིལ་ཐུན་སྨྱོ། །ཐུན་བཟློག ། ཡ་ཐ་སྲིད་པའི་རྩེ་མོ་ནས། །མཐ་དམྱལ་བའི་འཇིག་རྟེན་ཡན་ཆད་དུ། །བདག་ལ་ཉེས་པར་བསམ་པ་དང་། །ཉེས་པར་བྱེད་པ་དང་། །བདག་ལ་མི་མཐུན་པར་བྱེད་པའི་བསམ་སྦྱོར་ངན་པ་ཐམས་ཅད་བཅིང་ངོ། །འཕགས་མ་ལྷ་མོ་སྐུ་གཅིག་མ་རོ་ག་ནག་མོའི་རྒྱུད་ལས། ནད་དང་། །བདུད་དང་། །གདོན་དང་། །མི་མཐུན་པ་ཐམས་ཅད་བཅིང་་ ཤང་བཟློག་པའི་ལེའུ་སྟེ་ཉི་ཤུ་རྩ་གཉིས་པའོ།། །།ལྷ་མོ་ནག་མོ་སྐུ་གཅིག་མ་རོ་ག་ནག་མོའི་རྒྱུད་རྫོགས་སོ། །འོ་བྲན་སྐུ་རྒྱུད་ལས་གཞན་ལ་མ་འཕེལ་ལོ། །རྒྱ་གར་གྱི་སློབ་དཔོན་པདྨ་དང་། །བོད་ཀྱི་ལོསྣྲོ་བ་འོ་བྲན་དཔལ་གྱི་གཞོན་ནུས། །འཆིངས་ཕུར་བསྒྱུར་ཅིང་གཏན་ལ་ཕབ་པའོརྒྱ་གར་སྐད་དུ། །ཀྭ་ལི་ཏན་ཏྲ་ཙ་ཏི་ནཱ་མ། །བོད་སྐད་དུ། །ནག་མོ་རེ་མ་ཏིའི་རྒྱུད་ཅེས་བྱ་བ། །དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། །བཅོམ་