Ngb-pt-0783-vol-08-text
Front
Body
དང་ཕྲད་པར་ཤོག །རྒྱ་རྒྱ་རྒྱ།། །།འཇམ་དཔལ་ཉིད་ལ་ཕྱག་འཚལ་ལོ། །སྔགས་ཀྱི་ཐེམས་ཡིག་བྲི་བར་བྱ། །སྦྱན་དྲངས་པ་ལ་ཡིག་འབྲུ་བཅྭ་ལྔ། །མཆོད་པ་དབུལ་བ་ལ་བཅུ་གཉིས། །དེ་གོང་ལ་གདགས་སོ། །བོད་པ་ལ་བཅུ་བདུན་པའོ། །རྦད་པ་ལ་བཅུ་བཞི་པའོ། །གསད་པ་དྲུག་ཅུ་རྩ་གཅིག་གོ། །འཁུ་ལྡོག་མེད་པ་ལ་བཅུ་གསུམ་མོ། །སྦྱིན་སྲེག་ལ་བཅུ་གསུམ་མོ། །གནན་སྔགས་ལ་འབྲུ་བདུན་པའོ། །འཕང་བ་ལ་ཡང་བདུན་པའོ། །གསང་སྔགས་ཀྱི་ཚི་ཐིམས་ཡིག་འདི། །མཐའི་ཁ་བཞི་རབ་རྒྱུད་ནས། །གཏན་ལ་ཕབ་ནས་ཡི་གེར་བྲིས། །ལས་འཕྲོ་ཅན་དང་ཕྲད་པར་ཤོག །སམཐཐཐ། །མན་ངག་འདི་ཡི་གདམས་པ་བསྟན་པ། །རྒྱུད་དང་ལག་ལེན་ཐེམ་ཡིག་དང་། །དཔེ་ཆུང་དང་ནི་བཅས་པའོ། །ལས་འཕྲོ་ཅན་དང་ཕད་པར་ཤོག །སྙི་ཐྲི། ས་མ་ཐ། བདག་འདྲ་སངས་རྒྱས་ཡེ་ཤེས་ཀྱིས། །འགལ་བྱེད་ཆོས་ལ་ཕབ་སྟེ་གཏེར་དུ་སྦས། །ལས་འགྲོ་ཅན་གྱི་བསྟན་བསྲུངས་མཛོད། །རྟག་ཁྱུང་མ་ངག་སྙིང་དང་འདྲ། རྒྱ་རྒྱ། །བདག་གནུབས་ཀིར་རྟི་པྲ་དྷ་ཡང་། །འབྲལ་བ་མེད་པར་འདིར་སྤྱོད་ཤོག །ཇི་སྲིད་སྙིང་པོ་མ་ཐོབ་པར། །བསྟན་བསྲུངས་ལག་ཆར་མི་འབྲལ་ཤོག །བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །དཔལ་ལྡན་ལྷ་མོ་ནག་མོ་དེ། །དང་པོ་འདོད་ཁམས་ལྷ་ཡུལ་དུ། །ལྷ་དང་ལྷ་མིན་རྩོད་པ་ཆེ། །ལྷ་ཆེན་མདངས་ལས་སྤྲུལ་པ་ཡིས། །ལེགས་ལྡན་དཀའ་ཐུབ་བཟློག་པ་ཡིས། །ལྷ་མོར་སྐྱོས་ཏེ་མདངས་མས་བྱས། །དེ་ནས་བདེ་སོགས་བར་གྱུར་རོ། །འདོད་ལྷ་ཀུན་གྱི་འདོད་ཚིམ་བྱེད། །དེ་འོག་ལྷ་མོ་མ་རུ་རྩེ། །མེ་ཏོག་ཚོགས་ལ་རོལ་པ་སྟེ། །ལག་ན་མེ་ཏོག་མདའ་འཕེན་མ། །དེ་ནས་དུར་ཁྲོད་ལྷ་མོ་ནི། །འོད་ཟེར་ཅན་ཏེ་རི་ཁྲོད་ཀྱི། །ལོ་མ་སྔོན་པོ་གོས་སུ་གྱོན། །ལག་ན་ཤིང་ཐོག་པི་ཛ་པུ་ར་བསྣམས། །དེ་འོག་ལྷ་མོ་ཙུན་དྷ་སྟེ། །དར་དཀར་གོས་སུ་རྒྱན་མཛེས་ཤིང་། །བདུད་རྩི་བུམ་པའི་ནད་རྣམས་གསོ། །དེ་འོག་ལྷ་མོ་སྟག་གདོང་མ། །བསེ་གོས་གྱོན་ཞིང་རྔ་དཀར་ཐོགས། །མུ་སྟེགས་ལྟ་བ་ཞེ་སྡང་ཆེ། །དེ་ནས་ལྷ་མོ་མེ་ལོང་གདོང་། །མེ་ལོང་རྒྱ་གྲམ་སྙིང་ཁར་འཛིན། །ཏ་ལའི་ལོ་མས་བརྒྱན་པ་ནི། །སྲོག་སྐལ་ཆུ་ལ་ཞེ་སྡང་རན། །དེ་ནས་ལྷ་མོ་དོན་གྲུབ་དེ། །འོད་ཅན་མདངས་ལྡན་དུར་ཁྲོད་གནས། །ལྷ་བྲན་མང་པོ་ཆགས་པའི་ཡུལ། །དེ་ནས་དམུ་ཡི་བུ་མོ་དེ། །མ་ཟན་དན་ཏིང་ཤགས་སུ་སྐྱེས། །རླུད་ནག་ཚུབས་མའི་ནང་ན་གནས། །དེ་འོག་མ་མོ་ཀུན་སྒྲོལ་གྱིས། །ཆགས་པའི་མདངས་ལ་ལས་སྐྱེས་པ། །ཀུན་གྲགས་ཞེས་བྱ་ནག་ལ་འཚིག །དན་ཏིང་ཤགས་ཞེས་ཀྱང་ནི་བྱ། །མིང་པོ་མཛོད་དང་མཛོད་བསྲུངས་ཡིན། །འདོད་པ་བྱེད་ནས་རིག་ངན་ནི། ཏ་ལི་ཏ་ཡིས་ཆུང་མར་ཕྱིན། །ཆེན་མོ་ཡ་ཏ་ཡས་ནིས་བསྐྲད། ལུང་བོང་ཤོན་ཏེ་འ་ས་པ་ལས། །གདོལ་པ་ཕག་རྫི་དུ་མ་བུ་དང་། སྲིན་་རྡོའི་བར་དུ་འཚོས་པའི་བུ། །ཟླ་བ་ཚང་ནས་ངོ་ཚ་སྟེ། ཁྲ་ཟོས་ལྤགས་པ་རྐེད་ལ་བཅིངས། །ཏྲ་ལི་ཏྲ་ཡི་རལ་གྲི་ཡང་བརྐུས་ཏེ། །མཚལ་ཐིག་ཅན་གྱི་ཚེམ་ཚེམ་ཡང་། །རྙེན་ནས་བོང་བུའི་འཕོངས་ལ་བཀལ། །རྨ་བྱའི་སྒྲོ་རྙེད་མགོ་ལ་བཙུགས། །རྒྱ་མཚོ་འགྲམ་གྱི་ཤི་པྲིག་ཤའི། །ལོ་མ་རླུད་གིས་བཙུབ་པ་ཡང་། །བར་སྣང་ལ་ནི་གནས་པ་དེ། །རལ་གྲི་གུང་འཐེབ་ཀྱི་བླངས་ཏེ། །མཚལ་ཏིག་རྡོ་གསོལ་སྦྱར་བ་ཡིས། ཁེ་བ་ཏྲ་ལི་ཏྲ་ཡི་གཟུགས། །བྲིས་ན་སླར་ཡང་སེམས་བཀུག་སྟེ། །ཆགས་པ་སྤྱད་ནས་དབང་དུ་བྱས། །སྐྲ་བཤིག་ཕྱིན་ཕྱོགས་བལྟས་ནས་སུ། །རལ་གྲིས་བོང་བུ་བསྡིགས་འགྲོ་ལས། །རྒྱ་མཚོའི་གཏིང་དུ་འ་་མས་སྒྱུར། །དེར་ནི་རལ་གཅིག་གྲུབ་པས་ནི། །མཐུ་རྩལ་ཀུན་གྱི་བདག་མོར་གྲགས། །དེ་ནས་གཤིན་རྗེའི་ཆུང་མ་སྟེ། །བྲག་དམར་ཆོལ་ཟངས་འདྲ་ལ་གནས། །གསོད་གཅོད་ལས་ལ་དབང་ཐོབ་སྟེ། །ཏྲ་ལི་ཏྲ་ཡི་ཡུལ་དུ་ཕྱིན། །ཁྱོ་དང་ཆུང་མ་གཉིས་ཀ་གསད། །འགྲོ་བའི་ཚེ་སྲོག་ཀུན་དབང་བྱེད། །དྲི་དང་བླངས་ཀྱིས་སེམས་ཉམས་བྱེད། །ནམ་གུང་ཉུལ་ལེན་ཕྱིན་པའི་ཚེ། །སྟོན་པ་དཔལ་ཆེན་སྐུར་བསྟན་ནས། །མ་རུ་རྩེ་ཡི་སྒོར་གནན་ཏེ། །དྲག་པོ་བསྒྲུབ་པར་གཟས་པ་ལས། །དམ་ཚིག་བླངས་ཏེ་ངོ་སྦྱར་ནས། །དབང་དྲག་འབར་བའི་དཀྱིལ་འཁོར་དུ། །དམ་ཚིག་བྱིན་ནས་གསང་མིང་བཏགས། །སྲོག་ཟའི་ཕྱིར་ན་ཟ་བྱེད་མ། །སྦྱོར་བ་ཡིས་ན་དཔལ་ཆེན་མ། །ཕྱི་དུས་དམ་བཅའ་དུང་སྐྱོང་མ། །ཕོ་ཉ་འབར་མ་གློག་འགྱུར་མ། །གུང་རྒྱུག་ནག་མོ་རེ་མ་ཏི། །ཛ་གི་གྲུབ་པས་རལ་གཅིག་མ། །དེ་ལ་སོགས་ཏེ་མཁན་སྟོང་བཏགས། །བྱུང་ཁུངས་ཀྱི་ལེའུ་སྟེ་དང་པོའོ།། །།དེ་ནས་དེ་ཉིད་བསྒྲུབ་པ་ནི། །རི་བྲག་གཉན་ཞིང་དགོན་པ་ལ། །རྒྱ་སྐྱེགས་མདོག་འདྲ་ཆོལ་ཟངས་དབྱིབས། །རི་སྣ་ཆུ་ལ་ཟུག་པ་དང་། ཡང་ན་དུར་ཁྲོད་དབེན་པ་དང་། །ཆུའི་གླིང་ངམ་ཡང་ཤིས་པར་བཤད། །སྔགས་པ་བྱང་ཆུབ་སེམས་ལྡན་ཞིང་། །གདེང་ལྡན་ལྟ་སྤྱོད་ཀུན་ལ་མཁས། །ལྷ་མོའི་དབང་རྣམས་རིམ་པར་ཐོབ། །དམ་ཚིག་བརྟུལ་ཞུགས་དང་ལྡན་ཞིང་། །བསྒོམ་དང་བསྒྲུབ་ལ་རྟག་ཏུ་དགའ། །གཙུ་གཟུགས་མང་ན་བསྩོའོ། །རྟའི་ལོ་ལ་བསྒྲུབ་ནས་བསྒྱུར། །ཟླ་བ་མར་གྱི་དུས་མཚམས་ལ། །བྱ་བའི་དུས་ནི་ནམ་གུང་ལའོ། །ཕྱི་ནང་འཚོ་བའི་ཡོ་བྱད་ལ། །མཆོད་པ་རྫས་དང་ལག་ཆ་སོགས། །ཁྱད་པར་དུ་ཡང་དགོད་པ་ནི། །མཚོན་གྱིས་དུས་བྱས་སྙིང་ཁྲག་དང་། །མི་དབང་སྨིན་པའི་འབྲས་བུ་དང་། །ཚུབ་མའི་ལོ་མ་རྡོ་སོལ་དང་། །གང་ལ་བྱ་བ་དེ་དང་ནི། །མཁའ་ལྡིང་ཤེལ་སྒོང་ལྷིང་ནག་དང་། །སེམས་ཀྱི་རྩ་ལག་མ་ཉམས་རྣམས། །དཀྱིལ་འཁོར་འདོམ་གང་གྲུ་བཞི་ལ། ཁུ།་གསུམ་ཟླ་གམ་གྲུ་གསུམ་བཞི། །སྒོ་བཞི་སྒོ་ཁྱུད་ལྡན་པར་བྱ། །ཟུར་གསུམ་ཐོད་པ་ཞལ་གསུམ་བྲི། །གཞུ་བདུན་དགྲ་སྟ་བརྒྱད་ཀྱང་དགོད། །ནང་དུ་རྡོ་སོལ་གྱིས་ནི་གང་། །ཟླ་གམ་ཁྲག་སྣ་གསུམ་གྱིས་བྱུག །རྡོ་རྗེ་ར་བས་བསྐོར་བར་བྱ། །དབུས་སུ་རལ་པ་གཅིག་མ་ལ། །ཟླ་གམ་གསུམ་ལ་དཔོན་གཡོག་གསུམ། ཁུ་ཆད་དག་གམ་དཔོན་མཆེད་བཞི་གཞག །སྒོར་ནི་མ་བདུན་སྲིང་བཞི་བྲི། །སྒྱི་བླུགས་ཞོ་དང་ཤུན་ཆེས་བླག །འཕྲེང་ཆེན་བགྲག་ཞིང་བསྒོམ་པ་ནི། །ཏིང་འཛིན་རྣམ་གསུམ་གསལ་བ་ལས། །དཔལ་ཆེན་འཁོར་བཅས་གསལ་བར་བྱ། །བདག་ཉིད་ཡབ་ཡུམ་ཐུགས་ཀ་ནས། །དམར་སྨུག་མ་གཉིས་འཕྲོས་འདུས་ལས། །གཅིག་ལས་རལ་པ་གཅིག་མ་སྟེ། །ཞལ་གཅིག་ཕྱག་གཉིས་ཐོར་ཚུགས་ཅན། །སྔོ་བས་གཡས་ནས་ཁ་ཊ༷་ཁ། །གཡོན་ནས་ལྕང་ལོ་སྣོད་བབ་བཅས། །གཡང་གཞི་རཀ་ཏའི་ཐིག་ལེས་མཚན། །གཟུགས་དང་གཉིས་སུ་མེད་པར་བྱ། །མ་གཅིག་བྱང་ཤར་མཚམས་སུ་ཡང་། །རླུ་་ནག་འ་་མའི་ནང་དུ་ཡང་། །ལྷ་མོ་བཅུ་བདུན་དབུར་ལྡན་པ། །ཕྱག་གཡས་རླུད་གི་རལ་གྲི་བསྣམས། །གཡོན་ན་ནད་ཀྱི་རྐྱལ་པ་ཅན། །རལ་པ་ཅན་ལ་རྨ་བྱས་བརྒྱན། །ནག་མོ་འཁོར་འབུམ་རླུད་དང་བཅས། །བཀའ་ནོད་མདུན་ན་གནས་པར་བསྐྱེད། །དྲེ་སྣ་ཁྲག་སྨན་དམག་དཔོན་སོགས། །སྦྱོའི་ཡི་གེ་ལས་བསྐྱེད་པར་བྱ། །དཀྱིལ་འཁོར་ནུབ་ཀྱི་ཕྱོགས་སུ་ཡང་། །ཚེ་ཡང་རྫས་རྣམས་བཤམས་ནས་སུ། །ཚེ་གཟུངས་ཆོ་ག་བྱ་བར་ཤིས། །རྫས་དང་ཐུན་རྫས་ཚང་བ་དང་། །སྤྱན་དྲངས་མཆོད་པ་རྫོགས་པ་་ཧཱུཾཉྭཕཊ། །བདག་ཉད་བསྐྱེད་པའོ། ། ་ཀྲོ་དྷི་ཤཱ་རི་མ༷་མ༷་མ༷། །ཡུམ་བསྐྱེད་པའོ། །ཧ་ཧ་ཧ་ཧ་ཧ་ཧ་ཧ་ཧ། །གནས་ཀྱི་ལྷ་མོའི། །ཧེ་ཧེ་ཧེ་ཧེ་ཧེ་ཧེ་ཧེ་ཧེ། །ཡུལ་གྱི་ལྷ་མོའོ ། །ཕཊ་ཕཊ་ཕཊ་ཕཊ། །སྨྱོ་ཉི་ཤུ་རྩ་བརྒྱད་ཀྱིས་དབང་ཕྱུག་མ་བསྐུལ་པའོ། །ཛ༷༷ཧཱུཾ༷་བ༷་ཧོ་ཕྲི་ཧེ་རུ་ཀ་མ་ཧྭ་བཛྲ་སརྦ་དུ་་ན། །ས་མ་ཡ་མུ་ཏྲ་པྲ་བན་ཙཀྲ་ཧཱུཾ༷་ཕཊ། །སྤྱན་དྲངས་ཏེ་བསྟིན་པའོ། །ཨེ་ཀ་ཛ་གི་གུ་ཡ་ཏི་ཏི་ས་མ་ཡ་ཧཱུཾ༷། །རུ་ལུ་རུ་ལུ་ཧཱུཾ༷་ཕཊ། །ཙ་པ་ལ་ཨ་ཤུག་མེ་ཧཱུཾ༷། །རལ་པ་གཅིག་མ་བསྐྱེད་པའོ། །ཨེ་ཀ་ཛ་ཞི་གུ་ཡ་སིརྙི་ཏི་སྟ་རུ་ལུ་རུ་ལུ། །ཨ་ཨ་ཨ། །བདག་གིས་ཡུམ་དང་གཉིས་སུ་མེད་པར་བྱའོ། །རུ་རུ་རོ་རུ་ཙ་པ་ལ་ཨ་ཤུག་མེ་ཧཱུཾ༷་སྨྱོ་ཛ་ཛ། །དཔལ་ལྷ་མོའི་སྐུ་བསྐྱེད་པའོ། །ཨོ་ཏད་ཡ་ཐུ། །རུ་རུ་རོ་རུ་པ་ཏི་ཤི་སྟ་བ་དོ་སི་རྩ་ཧ། །ཡ་བ་ཨོ་པ་ཙ་ལ་ཨ་ཤུག་མེ་ཧཱུཾ༷་སྨྱོ་ཛ་ཛ། །ཧཱུཾ༷་ཧཱུཾ༷་ཀ་ཛ་ཧྲིང་ཧྲིང་མ༷་མ༷། ཤེན་ཏུ་རྔམ་པར་བྱོན་ཏེ་སྤྱན་དྲངས་པའོ། །རུ་རུ་རོ་རུ་ཙ་པ་ལ་ཨུ་ཤུག་མེ་མ་ཧཱུཾ༷་སྨྱོ་ཛ། ཁུན་གྱི་འཛབ་བོ། །ཨོ་ཙ་པ་ཨ་ཤུག་མེ་རྩ་ཧ། །འདི་ཡང་རྟག་ཏུ་བཟླས་པའོ། །བླ་ཤ་མ་ཏི་ར་ཏི་འདྲིམ་འགྲིམ། །ར་མ་ཏི་ཐུལ་ཐུལ། །མྱོག་མྱོག་ཡེད་ཡེད། ཁྲ་ར་ཏི་གུག་ལིང་། །མྱོས་ལིང་། ཁྲ་ལིང་ལིང་ཐུན། །ཙ་མུན་དུ་སྨྱོ། །མྱོག་མྱོག་ཤིག་ཤིག །ཙིསྟ་བ༷་ཤིག །ཙིསྟ་བ༷་ཤིག །ཙིསྟ་བ༷་མྱོག ། མུག་ཏི་རི་ཛ། །ཙིསྟ་བ༷་ཕྱུང་། །ཆོད་ཅིག་ཐུམ་ཁུག་ལི་ལི་ཐུམ་ལིང་ཡེར་ཡེར། །ཙ་པ་ལ་ཨ་རྒ༷་པྲ་ཏི་་ག་་ག་ཤ་ཁ་མུ་ཏྲ་སྨྱོ། །རུ་ལུ་རུ་ལུ་་ག་རག་ཤ་སྙིང་ཁ་རག་སྙིང་སྨྱོ་སྤུ་ཏ་སྤུ་ཏ་སྨྱོ། །ཤཤ་ཁྲག་ཤ་་ག་མོ་ཏྲ་བ་སྙིང་་ག་སྙིང་སྒག །སྒག་མུ་ཏྲ་སྒག་མ། །དམ་ཚིག་གི་སྙིང་པོ་སྟེ་དབང་དུ་བྱ་ཞིང་བསྐུལ་ལོ། །རུ་རུ་རོ་རུ་ཙ་པ་ལ་ཨ་ཤུག་མེ། །རུ་རུ་རོ་རུ་སྟི་སྟ། །སྟ་ཤ་བོ་ཏི་སི་རྩ་ཧ། །ཙ་པ་ལ་ཨ་ཁ་ར༷་ཁྭ་ཧི་ས་མ་ཡ་ཁུའི། །དམ་རྫས་ཀྱི་མཆོད་པ་བྱའོ། །མ་བདུན་སྨྱོ་མ་བདུན་ཧ་ལ་ཧ་ལ་བདུན་ཏྲི་ཤུལ་བདུན་ས་མ་ཡ། །བདུན་བཟླས་པ་ནི་གནད་ལ་བོར་པའོ། །སྔགས་ཀྱི་ལེའུ་སྟེ་གསུམ་པའོ། །རུ་རུ་ཤི་སི་ཏྲི་མ་དུ་སོད། །སྲོག་ཐུམ་ཆུག་སྲོད། །མ་རག་ཏུ་རྦད། །དེ་ནས་པྲ་དབབ་པར་འདོད་ན། །བུ་མོ་ལོ་བཅུ་གཉིས་ལོན་པ་གཅིག་ཁྲུས་ལེགས་པར་བྱས་ཏེ། །བདུད་རྩི་ལྔས་བྱུགས་ལ། །དར་སྣ་ཆས་སྣའི་གོས་དང་ལྡན་པར་བྱས་ལ། །དཀྱིལ་འཁོར་པདྨ་འདབ་མ་བརྒྱད་པའི་སྟེང་དུ། །དྲེའུ་ཡི་གཟུགས་བྲིས་ཏེ། །དེའི་སྟེང་དུ་ཉི་མའི་དཀྱིལ་འཁོར། །དེ་ཡི་སྟེང་དུ་ཡ་བདུད་ཁ་གཅིག་བྲིས་ལ། །དེ་ཡི་སྟེང་དུ་བུ་མོ་གཞག །མགོ་ལ་རྨ་བྱའི་མདོངས་གཅིག་བཙུགས་ལ། །ལག་ཏུ་རལ་གྲི། །ཟེར་མོའི་རྐྱང་པ་གཅིག་བསྐུར་ལ། །སྙིང་ཁར་མེ་ལོང་བཏགས་ལ། །མཚམས་དྲག་ཏུ་གཅད་དེ། །བླ་མ་གཅིག་གི་བུ་མོ་ཚེ་གཟུང་། །བསྒྲུབ་པའི་གཞུང་གོང་མ་ལྟར་བསྟང་སྟེ། །གནས་ལྔར་རིགས་ཀྱི་ཡུམ་ལྔར་བྱིན་གྱིས་བརླབས་ཏེ། །སྲིན་ལག་གཡོན་པ་ལ་གཟུངས་ཐག་སྣ་ལ་བཏགས་ལ། །ཨོ་རུ་རུ་རོ་རུ་ཙ་པ་ལ་ཨ་ཤུག་མེ་པྲ་པེ་ཤ་ཛེའུ་ཨ་ཨ་ཨ། །ཞེས་འཛབ་མང་དུ་བྱས་ན། །ཕེབས་པར་འགྱུར་ཏེ། །བྲིས་ནི་སྲིད་པ་གསུམ་གྱི་གཏམ་སྨྲ་སྟེ། །ཇི་ཙམ་ན་ཚེ་བརྗེ་བ་ཡང་སྟོན། །གཏེར་དང་སྨན་ས་ཕྱོགས་གང་ན་ཡོད་པ་ཡང་སྟོན་ཏོ། །དེ་ནས་སླར་གཏང་བར་འདོད་ན། །མཛུབ་མོ་གཉིས་ནམ་མཁའ་ལ་བཏེག་སྟེ། །གཟུངས་ཐག་བཀྲོལ་ལ། །མུ་པེ་བ་ཨ་ཀྲ་མ། །ཞེས་བརྗོད་པས་འགྱུར་རོ། །དེ་ནས་བུ་མོ་བསྲུངས་ཏེ་གཏང་ངོ། །པྲ་དབབ་པའི་ལེའུ་སྟེ་བཞི་པའོ།། །།ཧོ༷་བྱ་བར་འདོད་ན། །ཧོ༷་ཁུང་གྲུ་བཞི་ལ་སྒོ་བཞི་དང་ལྡན་པར་བྱས་ཏེ། །ནང་ཐལ་ཆེན་ནམ་རྒྱ་སྲོལ་གྱིས་བཀའ་སྟེ། །མཐིལ་དུ་རྡོ་རྗེ་རྒྱ་གྲམ་གཞག །ཁ་ཁྱེར་ལ་ཐོད་འཕྲེང་རྡོ་རྗེ་ར་བས་བསྐོར་ཏེ། །ཟུར་གསུམ་དུ་ཕཊ་གསུམ་བྲི། །སྲེག་ཤིང་ཚེར་མ་ཅན་བདུག་ཤིང་མེ་སྤར་ཏེ། །ལྷ་མོའི་རྫས་སྨོས་པ་རྣམས་དང་། །དུག་སྣ་ཚོགས་དང་། །ཚ་བའི་མར་དང་། །འབྲུ་ནག་པོའི་ཆན་དང་། ཁྲ་དང་། །རུས་པ་དང་། །ཁྲག་མང་པོ་རྣམས་དང་། །གང་ལ་བྱ་བའི་གཟུགས་ཕོ་ཡིན་ན་རྐང་པ་གཡས་པ། །མོ་ཞིག་ཡིན་ན་རྐང་པ་གཡོན་པ་ནས་རལ་གྲིལ་དུམ་བུར་ག་་ཅིང་། །ཧོམ་གཟར་ནལ་ཕྲུག་གི་མགོའི་དུམ་བུ་ལ་བྱས་ཏེ། །སྤྱིན་སྲེག་བྱ། །བྱིན་ཟ་མདོག་ནག་པོ་རིད་པ། །ར་སྐྱེས་ཁམ་ནག་ལ་ཆིབས་པ། །དབྱིག་པ་དང་མེ་ཐབ་ཐོགས་པ་ར༷་ལས་བསྐྱེད། །ཡེ་ཤེས་ཀྱི་མེ་ལྷ་ཡང་སྤྱན་དྲངས་ཏེ། །དེ་གཉིས་སུ་མེད་པར་བྱ་བའི་སྙིང་ཁར། །གཟུགས་བརྙན་གྱི་དཀྱིལ་འཁོར་ཅི་འདྲ་བ་ཅིག་བསྐྱེད་ལ། །རྗེས་ལ་རལ་གཅིག་མའི་སྔགས་དང་། །ཆེ་གེ་མོ་མ༷་ས་ཁུ་ཧི། །ཀེང་ནི་རི་ཁུ་ཧི། །རག་ཏ་ཁུ་ཧི་ཏི། །ཨག་ན་ཡེ་ཧཱུཾ༷་ཕཊ། །ཅེས་པ་དང་སྤེལ་ཏེ་བརྒྱ་རྩ་བརྒྱད་དབུལ། །དེ་ནས། །ཨོ་ཨག་ནེ་ཡེ། །རུ་རུ་རོ་རུ་པ་ཙ་པ་ལ་ཨ་ཤུག་མེ་ཧཱུཾ༷་སྨྱོ། །ཆེ་གེ་མོ་མ་ཧྭ་མེ་ས་ཁུ་ཧི། །ཀེང་ནི་རི་ཁུ་ཧི། །རག་ཏ་ཁུ་ཧི། །ཨག་ན་ཡེ་ཧཱུཾ་ཕཊ། །ཞེས་བརྒྱ་རྩ་བརྒྱད་ཚང་བར་དབུལ། །དེ་ནས་གཡོག་མོ་རྣམས་ཀྱི་སྔགས་དང་སྤེལ་ཏེ་བརྒྱ་རྩ་བརྒྱད་དུ་བསྲེག་གོ །བདག་ཉིད་ཧེ་རུ་ཀའི་བསམ་གཏན་བྱས་ཏེ། །གང་ལ་བྱ་བའི་དངོས་པོ་བསྲེགས་ཏེ་ཐིམ་པར་བསམ་མོ དེ་ནས་བྱིན་ཟ་དང་ལྷ་མོ་འཁོར་བཅས་ཀྱི་བསྟོད་པ་དག་ཀྱང་ཅི་རིགས་སུ་བྱའོ། །དེ་ནས་ཐབ་ཁུག་དུ་རྡོ་རྗེ་བརྗིད་གནོན་གྱི་བསམ་གཏན་བྱས་ཏེ། །དབང་གི་བྲོ་བརྡུང་པར་བྱའོ། །དེའི་དུས་སུ་ཆས་གོས་ནག་པོ་གོན་ལ། །གཅེར་བུ་སྐྲ་བཤིག་པར་བྱ་སྟེ། །རུས་སྦལ་གྱི་སྟང་སྟབས་སུ་འདུག་གོ །མེ་ཡང་ཡུག་ས་མོའི་ཁྱིམ་ནས་བླང་ངོ་། །ལས་ཟིན་་པ་དང་གཤེགས་སུ་གསོལ། །སྦྱིན་སྲེག་གི་ལེའུ་སྟེ་ལྔ་པའོ།། །།མནན་པ་བྱ་བར་འདོད་ན། །ལམ་གྱི་བཞི་མདོ་འམ། །གང་ལ་བྱ་བའི་ཁྱིམ་སྒོ་འམ། །དུར་ཁྲོད་དམ་ཀླུ་གནས་པའི་སར། །འབྲུབ་ཁུང་ཡུམ་གྱི་མཁའ་དབྱིབས་ཟུར་གསུམ་ལ་ཟླུམ་པོར་བྱས་ཏེ། །རབས་ཆད་པ་འམ། །གདོལ་བ་འམ། །གྲིར་ཤི་བའི་ཐོད་པ་མ་ཉམས་པའི་ནང་དུ། །གང་ལ་བྱ་བའི་གཟུགས་བརྙན་མིང་དུ་བཅས་པ་དང་། །ལྷ་མོ་དཔོན་གཡོག་གི་སྔགས་དང་སྤེལ་ཏེ། དུག་སྣ་ཚོགས་དང་བཅས་པ་བླུགས་ལ། །ཁ་བག་ཟན་གྱིས་གཅད། །ཐོད་པའི་སྤྱི་བོར་རལ་པ་གཅིག་མའི་སྙིང་པོ། །ཨོ་ཤུ་ལ་ནི་ཧཱུཾ༷་ཕཊ། །ཅེས་རྡོ་རྗེ་རྒྱ་གྲམ་གྱི་དབུས་ཟླ་བའི་དཀྱིལ་འཁོར་ལ་བྲི། །གྲྭ་མཚམས་རྣམས་སུ་ལྷ་མོ་ཡོན་གཡོག་གི་སྙིང་པོ་རྣམས་རག་ཏས་བྲིས། །དེའི་སྟེང་དུ་སུ༷་ལས་རི་རབ་བསྐྱེད་དེ། །ཨོ་བཛྲ་སུ་མེ་ཧཱུཾ༷། །ཞེས་ཉི་ཤུ་རྩ་གཅིག་བཟླས། །དེ་ནས་དོན་ཡོད་གྲུབ་པ་འཁོར་དང་བཅས་པས་མནན་པར་བསམ་མོ། །འདི་ལྟ་བུ་ལན་བདུན་སྤོགས་སོ། །གཅིག་ཏུ་མཆོད་རྟེན་ནག་པོའི་ནང་དུ་ཐོར་ཚུགས་གཅིག་མ་དང་། །ལྷ་མོའི་སྙིང་པོའི་འོག་ཏུ་བཅུག་ན་བཟང་རབ། །མནན་པའི་ལེའུ་སྟེ་དྲུག་པའོ། །ཐུན་དུ་དབབ་པར་འདོད་ན། །དྲི་བོ་རབས་ཆད་པའི་ཐོད་པ་དུམ་བུ་དྲུག་པ མ་མོའི་ཐུན་རྫས་སྨོས་པ་རྣམས་དང་། །རག་ཏ་སྣ་ཚོགས་དང་། །དུག་སྣ་ཚོགས་དང་། །སྐྱེས་པ་གྲིར་ཤི་བའི་ཙིསྟ་ལ་སྤོགས་པ། །ཙིསྟ་སྣ་དགུ་ཚང་བར་བསགས་ཏེ། །བསྒྲུབ་པ་གོང་ལྟར་གཞུང་བསྲང་སྟེ། །ཡུངས་ཀར་རྒྱལ་པོ་ལ། །ལྷ་མོ་འཐུན་འཛབ་རེ་རེ་ལ་ཁྲི་ཁྲི་བཟླས་ཏེ། །འབུམ་ཚང་བ་དང་། །རྟགས་བྱུང་བའི་ཚེ། །ཕུར་བུ་དར་པའི་ཟླ་བ་མང་ངོའི་དུས་ནམ་པྱེད་ན། །དབང་བཙུགས་ཏེ། །ལྷ་མོ་འཁོར་དང་༄༅ བཅས་པའི་ཐུགས་དམ་དྲག་ཏུ་བསྐུལ་ལོ། །ཐག་ཉེ་ན་ཡུལ་མཁར་ལ་བརྡེག །རིང་ན་ཡུལ་ཕྱོགས་འཕང་ངོ། །བདག་ཉིད་དཔལ་གྱི་ཏིང་ངེ་འཛིན་གསལ་བར་བྱས་ཏེ། །ཡུངས་ཀར་རྣམས་ལྷ་མོའི་སྐུ་