Ngb-pt-0778-vol-08-text
Front
Body
རྒྱ་གར་སྐད་དུ། །ཤི་དུར་རྩིར་རག་ཏ་སྟི་ལ་ཐ་ཏན་ཏྲ། །བོད་སྐད་དུ། །དཔལ་ཨེ་ཀ་ཛ་ཏི་ཁྲག་གི་རྦ་ཀློང་གི་རྒྱུད་ཅེས་བྱ་བ། །དཔལ་རང་བྱུང་གི་རྒྱལ་མོ་ལ་ཕྱག་འཚལ་ལོ། །ཨ་དེ་ལ་ཡབ་ཀྱི་དབྱིངས་ཡུམ་གྱི་མཁའ་ཐམས་ཅད་འབྱུང་བའི་གནས་སྙིང་པོ་བྱང་ཆུབ་ཀྱི་སེམས་མོ། །སེམས་ཀྱི་དཀྱིལ་འཁོར་འོད་གསལ་བའི་འཕྲིན་ལས་ཐམས་ཅད་ཀྱིས་བདག་མོར་སྟོན་ཏོ། །ཛ་འགུག་པའི་ལྕགས་ཀྱུ་ཡིས་འཕྲིན་ལས་ཐམས་ཅད་ཐོགས་པ་མེད་ན་མྱུར་དུ་འགྲུབ་པར་བྱེད་དོ། །ཆོས་གཉིས་པ་ཡང་འཕྲིན་ལས་བདག་མོའི་སྙིང་པོ་སྟེ། །སྙིང་པོ་འགུགས་བྱེད་ཐུགས་རྗེའི་ལྕགས་ཀྱུ་ཡིན། །ཏིང་འཛིན་སེམས་ཀྱི་དཀྱིལ་འཁོར་འོད་གསལ་བ་ཉིད། །འཕྲིན་ལས་མ་ཀ་མི་འགེགས་ཡོངས་སུ་རྫོགས་པར་བྱེད་པའི་བདག་མོ་ལྟར་ཡང་སྣང་ལ །དཔལ་ཆེན་པོའི་གཟུངས་མ་ཡང་མཛད་ལ། །བདུད་དང་གཤིན་རྗེའི་ལྕམ་མོ་ཡང་མཛད་དོ། །དོན་ཐམས་ཅད་དུ་མ་ངེས་སོ། །དཔལ་ཨེ་ཀ་ཛ་གིའི་ཁྲག་གི་རྦ་ཀློང་གི་རྒྱུད་ལས། །གླེང་གཞིའི་ལེའུ་སྟེ་དང་པོའོ།། །།དེ་ནས་གོང་དུ་ཐམས་ཅད་བྱེད་པ་ཡང་གོང་དུ་མ་མོའི་བསྙེན་པ་རྫོགས་པར་བྱས་ལ། །ལས་བསམ་གྱིས་མི་ཁྱབ་པ་འདི་ལྟ་སྟེ། །དེ་ལ་ཞི་བའི་གནས་ནི། །བཀྲ་ཤིས་ཞི་བའི་གནས་སུ་སའི། །དཀྱིལ་འཁོར་ཟླ་བ་ཉ་བའི་དབྱིབས་དང་། །ཁ་དོག་དཀར་ལ་ཟླུམ་པོར་བརྩིག །དབུས་སུ་ཟླུམ་པོ་ཆག་གང་བྲུ། །བྱང་ཆུབ་སེམས་ཀྱིས་ཆག་ཆག་གདབ། །ཀར་ནི་ཀ་ཡི་ཁུ་བས་ནི། །དཀར་ལ་འཚེར་བའི་ཏྲག་གཅིག་བྲི། །དཀར་དམར་སྦྱར་བའི་ཁུབས་གཏོར་ཞིང་སྒག་ཅེས་སེམས་ཞི་བའི་དབང་གི་བརྗོད་པས་བུད་མེད་དཀར་མོ་གཡུའི་རལ་པས་ས་གཞི་ཁྱབ་པ་ཤིན་ཏུ་འཛུམ་པའི་ཆ་བྱད་ཅན་གཅིག་ལང་ནས་ཏེ་མི་འདར་ཞིང་མི་ཡེངས་པར་བྱའོ། །དེ་མངོན་དུ་གྱུར་པ་དང་སྤྱིའི་ལས་འབྱུང་བའི་ཞི་བའི་རྫས་ཀྱིས་སྔགས་འདི་རྒྱུན་དུ་བཟླས་སོ། །སྒག་རག་ཤ་ཁ་མུན་ཏྲ། །ཨེ་ཀ་ཛ་སྐྱི་སྙིང་ཁ་རག་མ། །ས་མ་ཡ་ཛ། ཁྲན་ཏིང་ཀུ་རུ་གྲྭ་ཧྭ། །མངོན་དུ་གྱུར་པ་དང་ཇི་ལྟར་བསམས་པའི་ལས་རྣམས་དེ་བཞིན་དུ་འགྲུབ་པར་འགྱུར་རོ། །དཔལ་ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །ཞི་བའི་ལེའུ་སྟེ་གཉིས་པའོ།། །།དེ་ནས་ཡང་འདི་གསུངས་སོ། །རྒྱས་པའི་གནས་ནི་རི་བོ་འམ། །རྩི་ཤིང་ནགས་ཚལ་རྒྱས་པ་འམ། །སེམས་ཅན་ཐམས་ཅད་གནས་པ་འི་ས། །དབྱིབས་ནི་གྲུ་བཞི་ལྷམ་པའི་གནས། །ས་ཡི་དཀྱིལ་འཁོར་གྲུ་བཞིར་བརྩིགས། །ཁ་ཁྱེར་ཐོད་པ་སེར་པོས་བསྐོར། །དབུས་སུ་རིན་ཆེན་གསེར་གྱི་ཏྲག་གཅིག་བྲི། །ཏྲག་རག་ཤ་མུ་ཏྲ། །ཨེ་ཀ་ཛ་ཞི་སྙིང་ཁ་རག་མ་ས་མ་ཡ་ཛ། །ཚུརྨྱེ་ཀུ་རུ་གྲྭ་ཧྭ། །ཆང་ཕུད་དང་ཨ་མྲི་ཏ་སྦྱར་ལ་མཆོད་ཅིང། །གོངབཞིནགསལབརགྱུར་པ་དང་། །ཐམས་ཅད་དུ་རྒྱས་པའི་ལས་བྱའོ། །དཔལ་ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །རྒྱས་པའི་ལེའུ་སྟེ་གསུམ་པའོ།། །།དེ་ནས་ཡང་འདི་གསུངས་སོ། །དབང་གི་གནས་ནི་བྲག་དམར་ཆོལ་ཟངས་སུ། །དབང་ལ་མཎྜལ་ཟླ་གམ་བརྩིག །དབུས་སུ་ཟླ་གམ་ཆག་གང་ཐུར་དུ་བྲུ། ཁྲེས་རབ་རཀྟས་ཆག་ཆག་གདབ། །ཟངས་ཀྱི་ཁུ་བ་འམ་མི་ཁྲག་གིས། །དམར་ལ་འཚེར་བའི་་ག་གཅིག་བྲི། །མཐའ་ནི་ཐོད་པ་དམར་པོས་བསྐོར། །་ག་རག་ཤ་མུ་ཨེ་ཀ་ཛ་ཏི། །སྙིང་ཁར་མ་ས་མ་ཡ་ཛ་པ་ཤ༷་ཀུ་རུ་ཧཱུཾ། །རཀྟ་དང་ཆང་ཕུད་སྦྱར་ལ་དབུལ་ལོ། །དེ་མངོན་དུ་གྱུར་པ་དང་། །དབང་གི་ལས་ཇི་ལྟ་བ་བཞིན་ནོ། །དཔལ་ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །དབང་གི་ལེའུ་སྟེ་བཞི་པའོ།། །།དེ་ནས་ཡང་འདི་གསུངས་སོ། །དྲག་པོའི་གནས་ནི་དུར་ཁྲོད་ཕུང་ཤུལ་དུ། །ས་ཡི་མཎྜལ་མཐིང་ནག་གྲུ་གསུམ་བརྩིག །ཆག་གང་གྲུ་གསུམ་ཐུར་དུ་བྲུ། །དུག་དང་རོ་བསྲེགས་པས་་ག་གཅིག་བྲི། ཁུ།་གསུམ་ཁ་ཁྱེར་ཐོད་པ་ནག་པོས་བསྐོར། །སྙིང་ཁྲག་ཆད་ཕུད་ཨ་མྲི་ཏ། །གཏོར་ཞིང་དྲག་པོའི་སྔགས་བཟླས་ལ། །སྔོན་གྱི་ཐུགས་དམ་རྗེས་སུ་དྲན་པར་བྱ། །ཏག་རག་ཤ་མུ་ཏྲ། །ཨེ་ཀ་ཛ་ཏི་སྙིང་ཁ་རགས་མ་ཡ་སྦྱོ། །མུ་ར་ཡ་རྦད། །དེ་ལ་མངོན་དུ་གྱུར་པ་དང་། །དྲག་པོའི་ལས་རྣམས་ད་བཞིན་ནོ། །དཔལ་ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །དྲག་པོའི་ལེའུ་སྟེ་ལྔ་པའོ། །དེ་ནས་ཡང་འདི་གསུངས་སོ། །སྲིའུ་གསོ་བའི་བྱ་ན། །ཚེ་བུམ་གོས་ལ་སྔགས་འདི་བཟླས། །སྒག་རག་ཤ་མུ་ཏྲ་ཨེ་ཀ་ཛ་གི་སྙིང་ག་རག་མ་ས་མ་ཡ་ཛ། །ན་མོ་སྨྱོ་ཛ། །ཧྲི་ད་ཡ་སྦྱོ། །ཏྲ་ཏ་ཡ་ཏོ་ཏ་ཡ། །ཛུ་ལ་ཛུ་ལ། །མ་ཀར་ཛུ་ལ། །པྲ་ཛུ་ལ་སྐྲུ་ཏ་སྐྲུ་ཏ་སརྦ་ག་ག་ན། །ནི་པ་པ་ཏི། །ས་ར་ནི་ས་རི། །བྱིས་ར་བྱིས་ར། །སརྦ་དུཤུན་བྱི་ཏོ་ནི། ་༑་ཏ་ནི་ཧཱུཾ༷་ཕཊ། །མའི་ནུ་མ་དང་། །ཚེ་བུ་མ་དང་། །གོས་ལ་ཅི་མང་དུ་བཏབ་ན་དེ་བཞིན་དུ་སྲིའུ་སོས་པར་འགྱུར་རོ། །དབལ་ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །སྲིའུ་གསོ་བའི་ལེའུ་སྟེ་དྲུག་པའོ།། །།དེ་ནས་ཡང་འདི་གསུངས་སོ། །རྨི་ལམ་ངན་པ་བཟློག་ན། །སྤེན་མ་སོར་རེ་བ་བརྒྱ་རྩ་བརྒྱད་བྱས་ལ། །རེ་རེ་ལ་བརྒྱ་རྩ་བརྒྱད་བསྔགས་ལ་གདབ་བོ། །སྒཀུ་རག་ཤ་མུ་ཏྲ། །ཨེ་ཀ་ཛ་གི་སྙིང་ཁ་རག་མ་ས་མ་ཡ་ཛ། ཨ་ཏི་མེ་རུ་མེའི་སྟེ་སྟ་ཧྭ་སྲུ་ཧྭ། །བསྒྲུབ་་པོ་བདག་ལ་སྡང་བར་བྱེད་པའི་དགྲ་དང་། །གནོད་པར་བྱེད་པའི་བགེགས་རྣམས་རིལ་མ་བཞིན་དུ་ཆུས་ཁྱེར་ཅིག །སྤེན་མ་བཞིན་དུ་ཆགས་ཅིག །བོང་བ་བཞིན་དུ་དགྲ་བགེགས་ཞིག་ཅིག །ཅེས་བྱས་ལ་མ་མོའི་བཅོལ་བ་བྱའོ། །ཟངས་བུ་གཅིག་ཏུ་བླུགས་ལ་ཟངས་བུ་ཆུས་བཀང་བ་ལ་ཆེན་པོ་ལ་བསྐུར་ན་དེ་བཞིན་དུ་རྨི་ལམ་ངན་པ་བཟློག་པར་འགྱུར་རོ། །དཔལ་ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །རྨི་ལམ་ངན་པ་བཟློག་པའི་ལེའུ་སྟེ་བདུན་པའོ།། །།དེ་ནས་ཡང་འདི་གསུངས་སོ། །ཐེའུ་རང་བརྡུང་བའི་ཐབས་ལ་ཤོག་བུ་སོར་བཞི་པ་གཅིག་ལ། །ཐེའུ་རང་གི་གཟུགས་དང་སྙིང་པོ་བྲིས་ལ་རྡོག་པའི་འོག་ཏུ་བཅུག་ལ། །མིག་རྣོན་གཅིག་ཀྱང་དྲུང་དུ་གཞག་ལ། །སྒག་རག་ཤ་མུ་ཏྲ་ཨེ་ཀ་ཛ་ཊ་སྙིང་ཁ་རག་མ་ས་མ་ཡ་ཛ། །ཏྲི་ཏ་མང་མཛེས་རི་ལི་ལིངས། །ཞེས་ཅི་མང་དུ་བརྗོད་ལ་འོངས་པ་དང་། །གཟུགས་དེ་སྒོང་ཁོག་གི་ནང་དུ་བཅུག་ལ་ཁ་བག་ཟན་གྱིས་གཅད་དེ་ཆུ་གླིང་ལ་བསྐྱལ་ལོ། །ཡང་ན་ལམ་པོ་ཆེའི་བཞི་མདོར་གནན་ནོ། །འགུག་འདྲེན་བྱའོ། །དེ་བཞིན་དུ་བྱས་ནས་ཐེ་ཐུབ་པར་འགྱུར་རོ། །ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །ཐེའུ་རང་བརྡུང་བའི་ལེའུ་སྟེ་བརྒྱད་པའོ།། །།དེ་ནས་ཡང་འདི་གསུངས་སོ། །བྱང་དང་། །མི་ཁ་ཆོམ་རྐུན་དང་། །ངན་སྔགས་བཟློག་པར་འདོད་ན། །སེ་གོལ་བརྡབ་ཅིང་། །སྒག་རག་ཤ་མུ་ཏྲ། །ཨེ་ཀ་ཛ་ཞི་སྙིང་ཁ་རག་མ་ས་མ་ཡ་ཛ། །ཨོ་སྒྲིག་ཤ་ཁྲི་ཚིན་དྷ། །ཁ་སྒ་ཁ་སྒ། །ཨུ༷་པ་གྲྭ་ཧྭ། །སྔགས་དེ་ལ་ལན་གསུམ་ཅུ་རྩ་བཞི་བཟླས་ཏེ། །སེ་གོལ་གྱིས་བརྡབས་ན་རྐུན་བྱད་དང་མི་ཁ་བཟློག་པར་འགྱུར་རོ། །ཁྲག་གི་རྦ་ཀློང་གི་རྒྱུད་ལས། །བྱད་དང་ངན་སྔགས་བཟློག་པའི་ལེའུ་སྟེ་དགུ་པའོ།། །།དེ་ནས་ཡང་འདི་གསུངས་སོ། །བུད་མེད་བུ་མ་སྨིན་པ་སྨིན་པར་བྱ་བའི་ཐབས་ལ། །བུད་མེད་སྐད་ཁྲག་ཆད་ནས་ཟླ་བ་གཅིག་ལོན་པ་དང་། །གོས་ལ་འདི་གདབ་བོ། །སྒག་རག་ཤ་མུ་ཏྲ། ཨེ་ཀ་ཛ་ཏི་སྙིང་ཁ་རག་མ་ས་མ་ཡ་ཛ། །ཨོ་མ་ཁེ་དྷ་ར་ནི། །མ་ཧི་པྲ་ཏི་ས་རེ་ཡེ་གྲྭ་ཧྭ། །སྲུངས་ཅིག་བྱས་ལ་སྔགས་མདུད་བྱས་ལ་སྟོང་ངམ། །འབུམ་བཟླས་ནས་མ་ལ་གདགས་སོ། །དེ་ནས་བུ་བཙས་པ་དང་བུ་ལ་གདགས་སོ། །བུ་སོས་པར་འགྱུར་བར་འོངས་ངེས་སོ། །ཁྲག་གི་རྦ་ཀློང་གི་རྒྱུད་ལས། །བུ་ཚ་སོས་པར་བྱ་བའི་ལེའུ་སྟེ་བཅུ་པའོ།། །།དེ་ནས་ཡང་འདི་གསུངས་སོ། །བུད་མེད་བུ་ནད་མ་ཕྱིན་དང་ནད་ལངས་པ་སོས་པར་བྱ་བའི་ཐབས་ལ མར་ལ་བསྔགས་ལ་ནད་པའི་ཁོང་དུ་བླུད་དོ། །སྒག་རག་ཤ་མུ་ཏྲ། །ཨེ་ཀ་ཛ་ཞི་སྙིང་ཁ་རག་མ་ས་མ་ཡ་ཛ། །ནད་ཛ་མུ་ད་ཛ། །ཨོ་བཛྲ་འདྲེ་བྱིལ་མར་ལ་བྱིལ་གྲྭ་ཧྭ། །ཞེས་ཅི་མང་དུ་བཟླས་ན་ཐུབ་པར་འགྱུར་རོ །ཁྲག་གི་རྦ་ཀློང་གི་རྒྱུད་ལས། །བུ་ནད་སོས་པར་བྱ་བའི་ལེའུ་སྟེ་བཅུ་གཅིག་པའོ།། །།དེ་ནས་ཡང་འདི་གསུངས་སོ། །རིམས་ནད་དང་འབྲུམ་པུས་མི་ཚུགས་པར་བྱ་བའི་ཐབས་ལ། །སྒག་རག་ཤ་མུ་ཏྲ་ཨེ་ཀ་ཛ་ཏི་སྙིང་ཁ་རག །ས་མ་ཡ་ཛ། །ཞི་ཞི་མ་ཧ་ཏི་ཀ་ཤ༷་པ་ནི་ན། །ཐེམས་ཕལ་ཅན་གྲུ་གོ་སེ། །ཧེ་དུ་སྲ །དུ་ན་ཆིངས། །སུ་ཕང་ཁྲི་ཤང་ཅ་པྲད་ཞི། །ཅེས་ལྕི་བ་སེར་ཀ་མའི་ཐལ་བལ་ལག་པ་མ་རེག་པར་གྲི་རྩེས་བླངས་ཤིང་སྔགས་མང་དུ་བཟླས་ལ་གདབ་བོ། །ཁྲག་གི་རྦ་ཀློང་གི་རྒྱུད་ལས། །འབྲུལ་བུ་དང་རིམས་ནད་སོས་པར་བྱེད་པའི་ལེའུ་སྟེ་བཅུ་གཉིས་པའོ། །དེ་ནས་ཡང་འདི་གསུངས་སོ། །ལྷོག་པ་འདུལ་བར་བྱ་བའི་ཐབས་ལ། །སྒག་རག་ཤ་ཁ་མུན་ཏྲ། །ཨེ་ཀ་ཛ་ཏི། སྙིང་ཁ་རག་མ་ས་མ་ཡ་ཛ། །མ་ཏི་ཀྲི་ཞུ། མུ་ལ་ཁུ་སྤྱི་ལེ་ཞུས། སརྦ་ཕུས་ན་ཏི་ནི་ཏི་ཅོར་ཅོར་རྦུ་དང་། །བུ་མ་ཅོ་ཀ་ཁ་ག་ནན་ཁེ། ཞུ་ཆུ་ཞུ་སྟ་སུ་སར་རོ་ལ་སར་རོ། །ནས་ཕུས་ཏ་གྲྭ་ཧྭ། །བྱི་བྲུན་ཁ་ཕྱོགས་བཞིར་བལྟས་པའི་ས་ལ་ཞག་གསུམ་གདབ། །དེས་མ་ཐུབ་ན་ལན་དགུར་བཟླས་ཏེ་གདབ་པ། །མི་ཕྱུགས་གང་ཡང་རུང་འདེབས་ཀར་མདའ་བྱ་རྒོད་མ། །པགས་པུ་དཀར་པོ། །ནས་དཀར་མོ་བྲེ་གང་། སྲིད་པའི་ལྷ་སྲིན་མཆོད་འཚལ་ལོ། །རླུད་དང་། །བྱ་དང་། །ཁྱི་དང་། །བུད་མེད་ཀྱིས་ཐོས་སུ་མི་རུང་ངོ། །ཁྲག་གི་རྦ་ཀློང་གི་རྒྱུས་ལས། །ལྷོག་པ་གསོ་བའི་ལེའུ་སྟེ་བཅུ་གསུམ་པའོ།། །།དེ་ནས་ཡང་འདི་གསུངས་སོ། །ཅི་ཡང་ཐུབ་པར་བྱ་བའི་ལས་ལ། །བདག་ཉིད་མ་མོ་ཆེན་མོ་སྨུག་ནག་མེ་དཔུང་སྐུ་ལས་འབར་བ་ལས་ཐུགས་ཁ་ནས་ཧཱུཾ༷་སྨུག་ནག་འབར་བ་གཉིས་ཕྱུང་པ་ལས། །དེ་ལྕེ་སྟེངས་སུ་ཧཱུཾ༷་གིས་དྲངས་པ་ལས་ཧཱུཾ༷་ཉིད་རྡོ་རྗེ་ནས་ཙམ་ལ་མེ་འབར་བའི་འོད་འཕྲོ་བ་ལས་བདག་ཉིད་མཆུ་ཡང་རྡོ་རྗེ་རྣོན་པོར་བསྒོམ། །སྔགས་བཏབ་པས་གང་ལ་བྱ་བ་དེ་རྡུལ་མེས་ཚིག་པ་བཞིན་པས་མ་མོ། །ལྟས་ངན་དང་ངན་སྔགས་ནད་ཐམས་ཅད་འཇོམས་ཏེ། །ཅི་ཡང་ཐུབ་པས་གང་ལ་ཡང་གདབ་པོ། །ཏྲག་རག་ཤ་མུ་ཏྲ་ཨེ་ཀ་ཛ་ཞི། །སྙིང་ཁ་རགས་མ་ཡ་ཛ། །སོ་ཏ་ཀུརུནན། །ཏིགཞིངཀུརུནན། །ཞི་ཞི་ཀུ་རུ་ནན། །རུ་རུ་ཀུ་ནན། །ཅེས་བཟླས་ན་ཅི་ཡང་ཐུབ་པར་འགྱུར་རོ། །ཁྲག་གི་རྦ་ཀློང་གི་རྒྱུད་ལས། །ཅི་ཡང་ཐུབ་་པར་བྱ་བའི་ལེའུ་སྟེ་བཅུ་བཞི་པའོ།། །།དེ་ནས་ཡང་འདི་གསུངས་སོ། །ལྷག་པ་དང་སེར་བ་གཅད་པའི་ལས་ལ། །ཡ་སྟགས་ནི་སྐྱེར་པའི་འབྲས་བུ་དང་། །སྐེ་ཚུའི་འབྲས་བུ་དང་། །ཉུངས་ནག་གི་འབྲས་བུ་དང་། །བྱ་ཚལ་གྱི་སྒལ་པ་དང་། །དེ་ཀུན་བསྲེས་ལ་མེ་ཏག་ལ་ཐབ་ཏུ་ཀོང་ནས་གླང་རུ་གསུམ་བརྡར་ལ་ཚགས་བྱས་ལ་བསྲེག་གོ། །འཕྲལ་ཐབས་སུ་ཡོད་ན་གླང་རུ་གསུམ་བསྲེགས་ལ་གོང་གི་ཡ་སྟགས་དེ་ཀུན་དང་སྔགས་སྤེལ་མར་གདབ་པོ། །བདག་འཕགས་པ་འཇམ་དཔལ་གྱི་ཏིང་ངེ་འཛིན་ལ་སྙོམས་པར་ཞུགས་ལ། །གོང་ནས་སྔགས་འདི་ཅི་མང་བཟླས་སོ། །མགུལ་ཁུག་ཏུ་གསལ་ཏེ་དུས་དེར་ཡང་རྟགས་ལ་བརྒྱ་རྩ་བརྒྱད་བཟླས་ཤིང་ཐབ་ཏུ་གཏོར་རོ། །་ག་རག་ཤ་མུ་ཏྲ་ཨེ་ཀ་ཛ་ཞི། །སྙིང་ཁ་རག་མ་ས་མ་ཡ་ཛ། །ཨོ་སུ་པྲ་ཏི་བཛྲ་དུན་ཏི། །མི་ལི་མི་ལི་ཧཱུཾ༷་ཕཊ། །ཅེས་བཟླས་ཤིང་ཐབ་ཁུང་དུ་གཏོར་རོ། །གཙང་རིགས་ཀྱི་མགོན་པོ་དམ་ཚིག་ཅན་རྣམས་ལ་གཏོར་མ་ཆ་གཅིག་གཏང་། །སད་སེར་དང་ཁ་ཆར་ཆོད་ཅེས་འཕྲིན་ལས་བཅོལ་ལོ། །ཁྲག་གི་རྦ་ཀློང་གི་རྒྱུད་ལས། །སད་སེར་གཅད་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་འདི་གསུངས་སོ། །མི་རྒོད་བྱད་བཅིགས་བྱ་བའི་ལས་ལ། ། ཏིང་ངེ་འཛིན་གྱི་ལྷས་བསྙེན་རྒྱུན་དུ་བྱས་ལ། །ཧྲི་དི་མི་ཏི་སྟ་རྦན་དྷ། །ས་ཏ་ས་ཏ་ས་ཀ་ར། །མ་བ་ལ་ཐ། །འདིའི་ཉ་དྲུག་ལ་བར་མ་ཆད་པར་བཟླས། །བདག་ཉིད་ཏིང་འཛིན་ཆས་སུ་ཞུགས་ལ་བར་མ་ཆད་པར་བཟླས་སོ། །མི་རྒོད་མ་བྱུང་གི་བར་དུ་ལག་པ་གཡས་པ་ལ་ཉི་ཤུ་རྩ་གཅིག་བཟླས་ལ་གདབ་པོ། །བྱུང་ཙམ་ན་ཕྱག་རྒྱ་བཅས་ཏེ་མཐེ་བོང་སོར་མོ་གཞན་གྱིས་གནན་ནས། །བདག་གིས་མ་གཏང་བར་དུ་འགྲོ་མི་ཤེས་སོ །ཁྲག་གི་རྦ་ཀློང་གི་རྒྱུད་ལས། །མི་རྒོད་བཅིངས་པའི་ལེའུ་སྟེ་བཅུ་དྲུག་པའོ། །དེ་ནས་ཡང་འདི་གསུངས་སོ། །ཚེ་རིང་བའི་ལས་ནི། །བྱ་ཐབས་བཀྲ་ཤིས་པ་དང་། ། མཚན་དང་ལྡན་པའི་ཐོད་པ་ལ་ཚེའི་གའུ་བྱས་ལ། །སྨན་དང་། །སྤོས་དང་། །དྲི་བཟངས་པོས་བྱུགས་ལ་ཚེ་འབྲས་སྤྱི་དང་མཐུན་པ་གསལ། །དགོངས་པ་དང་ཚེའི་ལྷ་མོ་བསྐུལ་ལོ། །ཏྲག་རག་ཤ་ཁ་མུན་ཏྲ་ཨེ་ཀ་ཛ་གིའི་སྙིང་ཁ་རག་མ་ས་མ་ཡ་ཛ། །ཨུ་ཡུ་ཙྭ་ན་བྲུ༷་ཨུ་ཡུ་ཚེ་ཨ་པ་ན་བྲུ༷་གྲྭ་ཧྭ། །ཁྲག་གི་རྦ་ཀློང་གི་རྒྱུད་ལས། །ཚེ་དགུག་པའི་ལེའུ་སྟེ་བཅུ་བདུན་པའོ། །དེ་ནས་ཡང་འདི་གསུངས་སོ། །བགེགས་བསྐྲད་པའི་ལས་ནི་ཉུངས་ཀར་རྒྱལ་པོ་ལ་བསྔགས་ནས། །གང་གནོད་པ་ལ་བཏབ་ན་འབྲོས་པར་འགྱུར་རོ། །ཏྲག་རག་ཤ་ཁ་མུན་ཏྲ། །ཨེ་ཀ་ཛ་ཏི་སྙིང་ཁ་རག་མ་ས་མ་ཡ་ཛ །ར་ཙ་བི་ར་ཏུ་ཨ་བ་ཡ་གྲྭ་ཧྭ། །ཁྲག་གི་རྦ་ཀློང་གི་རྒྱུད་ལས། །བགེགས་བསྐྲད་པའི་ལེའུ་སྟེ་བཅྭ་བརྒྱད་པའོ།། །།དེ་ནས་ཡང་འདི་གསུངས་སོ། །མེ་ཆུའི་གནོད་པ་བཟློག་ན། །སེང་ལྡེང་ངམ་མཆོག་ཕུར་གང་ཡང་ཅིག་ལ་སྔགས་འདི་རྒྱུན་དུ་བཟླས་ཏེ། །ཏིང་འཛིན་རྩེ་གཅིག་དང་མི་འབྲལ་བར་བྱའོ། །་ག་རག་ཤ་ཁ་མུ་ཏྲ། །ཨེ་ཀ་ཛ་གི་སྙིང་ཁ་རག་མ་ས་མ་ཡ་ཛ། །ཨག་ནེམ་ར་ཡ་རྦད། །ཅེས་བཏབ་ན་མེ་ཆེན་པོ་བཟློག་པར་འགྱུར་རོ། །མེ་དགྲ་ཞི་བའི་ལེའུ་སྟེ་བཅུ་དགུ་པའོ། །ཆུ་དགྲ་ལ་ཕུར་བུ་གོང་མ་ལ། །ཏྲག་རག་ཤ་མུ་ཏྲ་ཨ་ཀ་ཛ་གི་སྙིང་ཁ་རག་མ་ས་མ་ཡ་ཛ། །པ་ནི་མ་ར་ཡ་རྦད། །ཅེས་བཏབ་ན་ཆུ་ཆེན་པོ་བཟློག་པར་འགྱུར་རོ། །ཆུ་དགྲ་ཞི་བའི་ལེའུ་སྟེ་ཉི་ཤུ་པའོ། །དེ་ནས་ཡང་འདི་གསུངས་སོ། །དགྲ་བགེགས་འགྲུལ་ཐག་གཅད་པའི་ལས་བྱ་ན། །མཆོག་གམ། །སེང་ལྡེང་ངམ། །དྲག་པོའི་ཤིང་ཅིག་ལ། །ཕུར་བ་སོར་བརྒྱད་ལ་བྱས་ལ་བྱིན་གྱིས་བརླབས། །གུ་གུལ་གྱིས་བདུག །ཏྲག་རག་ཤ་ཁ་མུན་ཏྲ་ཨེ་ཀ་ཛ་གི་སྙིང་ཁ་རག་མ་ས་མ་ཡ་ཛ། །ལྷ་སྲིན་པྲི་མ་ར་ཡ་རྦད། །ཅེས་བཏབ་འགྲུལ་ཐད་ཆད་པར་འགྱུར་རོ། །བགེགས་འགྲུལ་ཐག་བཅད་པའི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ཡང་འདི་གསུངས་སོ། །སེང་ལྡེང་ངམ་མཆོག་ཕུར་གཅིག་ལ་གུ་གུལ་གྱི་བདུགས་བྱིན་གྱིས་བརླབས་ཏེ། །མི་ཕུང་བའི་འདྲེན་ཆེན་པོ་ལ་བཏབ་ན་འཆད་པར་འགྱུར་རོ། སྒག་རག་ཤ་མུ་ཏྲ། །ཨེ་ཀ་ཛ་ཏི། །སྙིང་ཁ་རག་མ་ས་མ་ཡ་ཛ། །ཕུར་སྲི་པྲི་ཕྲི་མ་ར་ཡ་རྦད། །ཅེས་བཟླས་སོ། །ཕུང་འཇུག་གཅད་པའི་ལེའུ་སྟེ་ཉེར་གཉིས་པའོ། །དེ་ནས་ཡང་འདི་གསུངས་སོ། །དམ་སྲི་བ་་ན། །གོང་གི་ཕུར་བུ་བརླབས་པ་དེས་ཞིང་རས་ལ་གཟུགས་བྲིས། །དེ་ལ་ཤེས་པ་བསྟིམ་ལ། །ཏྲག་རག་ཤ་ཁ་མུ་ཏྲ། །ཨེ་ཀ་ཛ་ཞི་སྙིང་ཁ་རག་མ་ཛ། །དམ་སྲིན་བཱ་ར་ཡ་རྦད། །ཅེས་བཏབ་ན་དམ་སྲི་རླག་པར་འགྱུར་རོ། །དམ་སྲི་གདུལ་བའི་ལེའུ་སྟེ་ཉེར་གསུམ་པའོ།། །།དེ་ནས་ཡང་འདི་གསུངས་སོ། །དགྲ་ལ་ངན་སྔགས་བྱ་བའི་ཐབས་ལ། །སྟགས་དང་རྟེན་ནི་ཟོར་བྱ་སྟེ་མི་ཁྲག་དང་གསེར་རྒོད་གཡུ་རྒོད་གསུམ་དུ་བསྲེས་ལ། ་་ས་ཀར་ལ་བསྔགས་ཅིང་དགོངས་པ་སྔགས། །བཏབ་པས། །གྱི་ས་ཚས་མགོ་གས་སྙིང་ཚིག་ལུས་ཐམས་ཅད་རླག་པར་བསམ། །ཏྲག་རག་ཤ་ཁ་མུ་ཏྲ་ཨེ་ཀ་ཛ་ཏི་སྙིང་ཁ་མ་ས་མ་ཡ་ཛ། ཁྲ་བ་ར་ཤ་བ་ར་ལི་བྱི་སྟི་ལི་བྱི་སྟི། །ཡེར་བ་ག་མ་ར་ཡ། །བུ་བུ་བུ་དེ། །རྐྱང་རྐྱང་། །རྒྱང་རྒྱང་འགྲེང་འགྲེང་། །ས་ལ་ཧ་དམ་ཙུ་ལི། །བྱི་བ་ཀྲ༷་ཁྲ༷། །ཀུ་ཚེ་མེ་ཧ། །སྨ་ལེ་ཧ། །མ་ག་ལེ་བྲུ་བྲུ། །ཡ་ཡ་ནེ་ནེ་ཛ། །ཛ་ཏེ་ཙུ་མ་པ་པ་བ༷། །ཧི་ཧི་ཧི་མ་ཁུ་མང་ཁུ། །མྱ༷་མྱི་མ་ཏྲ་ཐ། །ལན་སྟོང་བཟླས་ན་རབ་ཏུ་ཤིས་སོ། །ཟོར་ཐུན་ཐབས་སུ་གསད་པའི་ལེའུ་སྟེ་ཉེར་བཞི་པའོ།། །།དེ་ནས་ཡང་འདི་གསུངས་སོ། །དགྲ་བོ་ཤུགས་ཀྱིས་གསད་པ་ནི། །དམར་གཏོར་བཤམས་ནས། །མ་མོ་དང་སྔགས་བསྲུངས་ལ་གཏང་ངོ། །ཕུད་དང་རག་ཏར་བསྲེས་ལ། རང་དཔལ་ཆེན་པོར་བསྒོམས་ལ་བཏུང་། །གཏོར་མ་ཡང་སྦྲེངསལ། །ཏིཤཱཁར༷གྲ༷་གྲོ་ཀུ་སྲ །ཞེས་རྗོད་དོ། །དེ་ནས་སྲོག་དབང་ལ་བོར་པའི་སྙིང་ཁྲག་ཐང་ལ་དབྱུང་བའི་སྔགས་ལ། །སོ་ཏི་རུ་ཙ་ཤིན་ཏི་སྲ །ཁ་རམ་ན་ཙཀྲ་ཐ། །ཙ་ཏ་ཤད་ཤད། །པྲ་ཧ་པྲི་ཐད། །རྐང་རྗེས་དང་དྲི་ཆེན་བཏབ་ན་ཤོར་མི་སྲིད་དོ། །ཁྲག་གི་རྦ་ཀློང་གི་རྒྱུད་ལས། །དཔལ་ཨེ་ཀ་ཛ་གིས་ཤུགས་ཀྱིས་སྒྲོལ་བའི་ལེའུ་སྟེ་ཉེར་ལྔ་པའོ། །དེ་ནས་ཡང་འདི་གསུངས་སོ། །འཕྲ་མེན་ཉེ་འབྱེད་ཀྱི་ལས་ལ། །གསེར་དམར་རིལ་ལ་སྔགས་སོ། །མ་མ་ཏྲག་རག་ཤ། །རུ་ཏྲག་མུ་ར་ཡ་ཕྱེ། །མ་མ་ཏྲག་རུ་ཏྲག་མྱ་ར་ཡ་ཕྱེ། །མ་མ་ཏྲག་རུ་ཏྲག་མ་ར་ཡ་ཕྱེ། །མྱ་ར་ཡ་རྦད། །ཅེས་ར་ཁྱིའི་ཁྲག་གིས་མིང་རུས་བྲིས་ལ་གདབ་པོ། །འཕྲ་མེན་ཉེ་འབྱེད་ཀྱི་ལེའུ་སྟེ་ཉེར་དྲུག་པའོ།། །།དེ་ནས་ཡང་འདི་གསུངས་སོ། །རྒྱལ་ཁམས་ཚན་ཆེན་པོ་འམ། །ཡུལ་གྲུ་ཆེན་པོ་ཕུང་བ་འམ། །རྡོ་རྗེའི་ཐེག་པ་ཆེན་པོ་བསྟན་པ་འཇིག་པ་ལ་ཐུག་པ་ལ་ལྷ་མོ་ལ་དཔང་བཙུགས་ལ་བྱའོ། །མིང་རུས་བྲི། །མི་ཁྲག་ལ་གནོད་སྤྱིན་གྱི་གཟུགས་སོར་བཞི་པ་བྲིས་ཏེ། །ཁྱི་ལ་གཏོར་མ་དང་སྦྱར་ཏེ་སྤྱིན་ན་འཆིའོ། །མིང་རུས་དང་སྙིང་པོ་ནི། །མིང་ཆེ་གེ་མོ་ཞིག །ཨོ་ཧ་ན་ཧ་ན་པི་པོ་ཏ་ཡ་ཕཊ། །ད་ར་པི་པོ་ཏེ་ཡ་ཕཊ། །བརྒྱད་བརྒྱ་བཟླས་སོ། །གཟུགས་དང་མིང་རུས་ལ་ཉུངས་ཀར་བརྡེག་གོ། །དྲག་པོའི་ལས་ཀྱིས་གསད་པའི་ལེའུ་སྟེ་ཉེར་བདུན་པའོ། །དེ་ནས་ཡང་འདི་གསུངས་སོ། །རྣམ་ཅིག་ཏུ་ཤ་ཆེན་དང་གླང་ཤ་ཉིས་གཅིག་ཏུ་བརྡུངས་ལ། །རྗེས་དང་བསྲེས་ལ་གདོན་གྱི་མིང་རུས་གྲོ་ག་འམ་ཤིང་ཤུན་ལ་བཙག་གིས་བྲིས་ལ་གཟུགས་ཀྱི་ནང་དུ་གཞུག །དུ་ཡོད་པའི་གཟུགས་བྱས་ཏེ་སྔགས་མ་ཡེངས་པར་བཟླས་སྟོང་དུ་དབ་པོ། །གདོན་ཀུན་བདག་གིས་དབང་དུ་འདུས་པར་བསམ་ལ་གཟུགས་བརྙན་རྡོག་པའི་ཞབས་སུ་བཅུག་ལ། །ཨོ་ཧ་ན་པི་པོ་ཏ་ཡ་ནན། །ཅེས་བཟླས་སོ། །གདོན་གཟེར་ལེའུ་སྟེ་ཉེར་བརྒྱད་པའོ།། །།དེ་ས་ཡང་འདི་གསུང་སོ། །ཡང་ན་གོང་གི་གདོན་གཟུགས་དེ་ལ་མཆོག་ཕུར་སོར་བརྒྱད་པ་དྲིལ་ཞིང་གདབ་བོ། །ཨོ་ཀྭ་ལ་རུ་པ་ཆེ་གེ་མོ་མ་ར་ཡ་ཕཊ། །བརྒྱ་རྩ་བརྒྱད་དུ་སྔགས་དང་ཏིང་ངེ་འཛིན་ལ་མ་ཡེངས་པར་ཟླས་སོ། །གཟུགས་ཐོད་པའི་ནང་དུ་གཞུག་གོ། །ལྷ་འདྲེ་མི་སྲིན་པོ་ཡོད་པའི་ཟ་འམ་ལམ་པོ་རྒྱ་གྲམ་དུ་གནན་ནོ། །ཟླ་བ་མར་ངོ་དང་གཟའ་མིག་དམ༷ར་ལ་བྱས་ན་ཐེབས་སོ། །གནན་པའི་ལེའུ་སྟེ་ཉེར་དགུ་འོ།། །།དེ་ནས་ཡ༷ང་འདི་གསུངས་སོ། །ཧོ་གྱིས་གསད་པའི་ཐུན་ནི། །གྲུ་གསུམ་མཐིང་ནག་གཅིག་བྱས་ཏེ། །དབུས་སུ་གདུག་པ་ཅན་ཚེར་མ་ལ་ཧོ། །བྱས་ལ། །དགྲའི་མིང་རུས་ཀྱང་གདགས། །ཏིང་ངེ་ཛིན་ནི་སྐད་ཅིག་མས་ཧོ་མ་མོར་བརླབ། །མངོན་དུ་བྱུང་བའི་རྟགས་བྱུང་ནས་ལས་བྱའོ། །སྔགས་འདི་ལ་བརྩོན་པར་བྱའོ། །མ་རག་མོ་སྙིང་རག་མ་སྨྱོ། །མ་མ་སྙིང་ཁ་རག །བྷན་དྷ་ར༷་ར༷་སྨྱོ་སྨྱོ། །ཞེས་བཟླས་པ་རྫོགས་ནས། །སྐྱེས་པ་དར་མའི་སྙིང་དང་། །ཕག་རོག་པོའི་སྙིང་དང་། །ཁྱི་ནག་པོའི་སྙིང་དང་། །མོན་པ་ནག་པོའི་སྙིང་དང་། ར་རོག་པོའི་སྙིང་དང་། །དེ་རྣམས་ཀྱི་སྙིང་ཁྲག་གིས་ཐུགས་དམ་བསྐང་། །ཧོམ་སྤར་ལ་སྙིང་དང་ལིང་ག་མཆོད་པར་དབུལ་ལོ། །ཐལ་པ་རླུད་ལ་ཕྱར་རོ། །མ་མོ་བསྐུལ་ཞིང་ཆོག་བྱའོ། །སྤྱིན་སྲེག་དང་ཐུན་གྱི་ལེའུ་སྟེ་སུམ་ཅུ་པའོ།། །།དེ་ནས་ཡང་འདི་གསུངས་སོ། །རོ་ལ་སྤྱོད་པའི་བརྟུལ་ཞུགས་ནི། །མཚན་དང་ལྡན་པའི་རོ་བཙལ་ཏེ། །མཁའ་འགྲོ་རོ་ཚལ་གྱི་ཆོ་ག་བྱ། །ནམ་ཟླ་དུས་བཞིའི་ཕྱོགས་བརྟགས། །མདའ་རྒྱང་ངམ་མིག་མཐོང་ཙམ་ནས་མཚམས་གཅད ། །མ་མོའི་དམག་དྲང་། །དབེན་ཐག་ཙམ་ནས་དགེས་པར་གར་བྱ། །ཞགས་གང་ཙམ་ནས་དབྱུག་བརྡ་བཏང་། །འདོམ་གང་ཙམ་ནས་དགེས་པའི་བརྐན་བརྡབ། །རོའི་ཁ་ནས་བྱིན་གྱིས་བརླབ་པའི་དགོངས་པ་བྱ། །ཕྱུང་ལ་རོ་ཁྱེར་ལུགས་ཀྱི་རོ་ཁྱེར། །ཁོག་གྲུངས་རོ་ཤོལ་གྱི་ཆོ་ག་བྱ། །དེ་ནས་སླར་ལོག་སྟེ་གནས་སུ་རོ་ལ་བྲོ་རྡུང་། །བམ་སྒྲུབ་ཆེན་པོའི་གཞུང་བསྙེན་མ་མོ་སྐོངས་བྱ། །ཐོག་མར་རེ་ལྷར་བསྒྲུབ། །དེ་ནས་དངོས་གྲུབ་བླང་པ་དང་རོལ་པ་བྱའོ། །དཔལ་ཨེ་ཀ་ཛ་ཏི་ཁྲག་གི་རྦ་ཀློང་གི་རྒྱུད་ལས། །བམ་ཆེན་བསྒྲུབ་པའི་ལེའུ་སྟེ་སོ་གཅིག་པའོ།། །།དེ་ནས་ཡང་འདི་གསུངས་སོ། །མཆོག་ལྡན་པ་གཅིག་ལ་ནི་དགོངས་པ་བསམ་གྱིས་མི་ཁྱབ་སྟེ། །རོ་ལྷར་བསྒྲུབ་པས་འཕྲིན་ལས་ཀྱི་སྦྱོར་བ་བསམ་གྱིས་མི་ཁྱབ་པ་དང་སྦྱར་བ་དང་། །རོ་དཀྱིལ་འཁོར་དུ་བསྒྲུབ་པའི་ལྷ་བསམ་གྱིས་མི་ཁྱབ་པ་དང་སྦྱར་བ་དང་། །རོ་ཡོ་བྱད་དུ་བསྒྲུབས་ལ་རྣལ་འབྱོར་པའི་ཡོ་བྱད་འཚོ་བར་སྦྱར་བ་དང་། །རོ་དངོས་གྲུབ་ཏུ་བསྒྲུབས་ལ་རོལ་པ་ལོངས་སྤྱོད་ཆེན་པོར་རོལ་པ་དང་། །རོ་དམ་རྫས་སུ་བསྒྲུབས་ལ་དགོས་པ་སྤྲོ་བ་དང་། །རོ་མཆོད་རྫས་སུ་བསྒྲུབས་ཏེ་པུ་ཙར་དབུལ་བ་དང་། །རོ་པྲ་བསྒྲུབས་ཏེ་སྲིད་པ་གསུམ་གྱི་གཏམ་སྨྲ་བ་དང་། །རོ་རིན་པོ་ཆེར་བསྒྲུབས་ཏེ་ཡུན་གྱི་དགོས་འདོད་བྱ་བ་དང་། །དེ་ལ་སོགས་པ་རོལ་བ་བསམ་གྱིས་མི་ཁྱབ་པ་དང་སྦྱར་རོ། །བམ་ཆེན་པོའི་ཡོན་ཏན་གྱི་ལེའུ་སྟེ་སོ་གཉིས་པའོ།། །།དེ་ནས་ཡང་འདི་གསུངས་སོ། །སྙིང་དང་འདྲ་བའི་བུ་ལ་དབང་མཆོག་དམ་པ་བསྐུར་པ་དང་། །རོའི་དགོངས་པ་བསམ་གྱིས་མི་ཁྱབ་པ་ཡང་། །དགོངས་པ་གང་བསྒྲུབ་ཀྱི་དབང་བསྐུར་བ་དང་། །མཆོག་ཆེན་པོ་གཅིག་ལ་ཡང་མ་མོའི་དཀྱིལ་འཁོར་ཆེན་པོ་བཞེངས་སུ་གསོལ་ལ། །དཀྱིལ་འཁོར་གྱི་དབུས་སུ་རོ་བཞུགས་སུ་གསོལ་ཏེ། །གཟུངས་ཐག་ཆེན་པོས་དྲན་པའི་ཐད་ཀར་བཏགས་ལ། །རོའི་འདུག་ཚུལ་བརྐྱང་བསྐུམ་དུ་བཞག །དགོངས་པ་བརྟུལ་ཞུགས་ཉི་ཤུ་ནི། །ཕུང་པོ་བམ་རིལ་ཕྱི་ཡི་དབང་། །རབ་ཏུ་ཤེས་པས་བསྐུར་བར་བྱ། །གཟུངས་ཐག་བཏགས་ནས་ཞག་དགུར་བསྒྲུབས། །མཚན་རྟགས་རྣམས་གཏན་ལ་ཕེབས་པ་དང་། །རོ་ལ་བསྒྲལ་བའི་ལས་བྱས་ཏེ། །གཅེས་པའི་དམ་རྫས་བཅུ་གཅིག་གིས། །དགོས་པར་བྱ་བའི་ནང་གི་དབང་། །མ་མོ་ཨེ་ཀ་ཛ་ཏི་ཡང་། །རང་གི་སྙིང་པོ་བྱང་ཆུབ་སེམས་སུ་ངོ་ཤེས་པས་ཐམས་ཅད་ལ་དབང་བྱེད་པས་མན་ངག་གསང་བའི་དབང་བསྐུར་བར་བྱའོ། །དཔལ་ཨེ་ཀ་ཛ་གི་ཁྲག་གི་རྦ་ཀློང་གི་རྒྱུད་ལས། །དབང་བསྐུར་བའི་ལེའུ་སྟེ་སོ་གསུམ་པའོ།། །།དེ་ནས་ཡང་འདི་གསུངས་སོ། །དབང་བསྐུར་ཏེ་མན་ངག་བཤད་པར་བྱ་བ་ལ། །ཕྱི་ནང་གསང་བ་གསུམ་སྟེ། །ཕྱིའི་ཨེ་ཀ་ཛ་ཏི་ནི་ཆོས་ཐམས་ཅད་ཀྱི་བདག་ཉིད་དམ་རང་བཞིན་ནི་རང་གི་སྙིང་པོ་བྱང་ཆུབ་ཀྱི་སེམས་ཉིད་ཡིན་པ་ལ། །སེམས་ངོ་མ་ཤེས་ཏེ་བདག་འཛིན་གྱི་མཐུ་རྟས་པས་ཉོན་མོངས་པ་རྣམ་རྟོག་གི་སྤྱོད་བྱེད་དུ་འཇུག་པ། །གཟུང་འཛིན་གྱི་དྲ་བ་དང་བཅས་པ་འདི། །ཉིད་སྦྱོའི་ཨེ་ཀ་ཛ་ཏི་ཞེས་བྱའོ། །ནང་གི་ཨེ་ཀ་ཛ་ཏི་ནི། །རང་གི་སེམས་ངོ་མ་ཤེས་ཏེ། །རིག་པ་ཉིད་དུ་ཐམས་ཅད་དུ་རྟོགས་ལ། །ཡེ་ཤེས་ཀྱི་སྣང་བ་མི་འདྲ་བ་ཕྱོགས་གཅིག་ཙམ་ནི་མ་མོ་ཨེ་ཀ་ཛ་ཏི་ཇི་ལྟར་སྣང་བ་ཡིན་ནོ། །གསང་བ་ཨེ་ཀ་ཛ་ཏི་ནི་རང་གི་སེམས་ལས་གཡོས་པ་མེད་པར་ཤེས་རབ་ཀྱིས་ཐག་ཆོད་པའོ། །སེམས་ནི་སྣ་ཚོགས་གཟུགས་ཅན་ཡིན་ལ་བྱ་བ་ཡང་སོ་སོའི་བྱེད་པ་ཡིན་ནོ། །དེ་ལྟར་རྟོགས་ཤིང་གོ་ན་དབང་མཆོག་ཆེན་པོ་ཐོབ་ཅེས་བྱའོ། །དབང་བསྐུར་བ་བསྟན་པའི་ལེའུ་སྟེ་སོ་བཞི་པའོ།། །།དེ་ནས་ཡང་འདི་གསུངས་སོ། ཁེན་ཏུ་མྱུར་བའི་ལས་ཀྱི་ཏི་ཀ་སྟེ། །ཁྱི་ནག་པོའི་ཐོད་པར་ཤོག་བུ་ལ་དགྲའི་མི་རུས་བྲིས་ལ་གསལ། །བ་དམར་མོའི་འོ་མ་དང་མཚེའི་ཐལ་ཆུ་བླུག །ལེའུ་རྒན་ལ་སྲོག་ཏིག་གི་སྔགས་བྲིས་ལ་སྤྱང་ཀུའི་ཐོད་པར་སྩལ། །བྱ་ནག་ལུག་ནག་གི་སྙིང་ཁྲག་ལ་གཏོར་མ་བྱ། །ཐོད་པ་བརྡབ་ཅིང་སྔགས་འདི་བཟླས་སོ། །རག་མོ་རྩེ་རྩེ་སྙིང་ཁ་ལ་བམ་ཡ། སྲོག་མ་རི་རག་མོ་རྦད། །ཡ་ཐུ་མ་བ༷་སྲ མ་ཏི་རག་མོ་སོད། །མ་མོ་ནག་མོ་སྲོགས་ལ་ཡམ། །ཁྱི་ཁ་ལི་ནག་མོ་སོད་ཡ། །ཐུམ་ཡ་ཐུམ་ཛ་ཐུམ་སོད། །རྟགས་ནི་བུད་མེད་ནག་མོའི་རང་གི་མཆན་དུ་འོང་། །ཁྱི་མོ་ནག་མོ་མཆན་དུ་འོང་། །ཐོད་པའི་མིང་རུས་སྐད་ངན་འདོན་དེ་ལྟར་རྟགས་བྱུང་བ་དང་དྲ་བ་ནག་པོར་ག་ས་ལ། །ཕ་མེས་དུར་སར་གནན་པར་བྱ། །སྲོག་གི་ཏི་ཀའི་ལེའུ་སྟེ་སོ་ལྔ་པའོ།། །།དེ་ནས་ཡང་འདི་གསུངས་སོ། །སྙིང་པོ་དྲག་པོ་ཞན་བཤད་པའི། །ཕོ་དང་མོ་དང་མ་ནིང་དང་། །རིང་པོ་དང་ནི་ཐུང་དང་། དྲག་པོ་དང་ནི་རབ་ཏུ་དྲག །དེ་ཡི་རིམ་་པ་བཤད་པ་ནི། །མ་ནིང་པས་ནི་ཕོ་ཡི་དྲག །མོ་བས་ཕོ་ཡིག་རབ་ཏུ་དྲག །རིང་པོ་པས་ཀྱང་ཐུང་ངུ་དྲག །གསད་པའི་དྲག་སྔགས་དུ་མ་ལས། །དམོད་པའི་དྲག་སྔགས་རབ་ཏུ་དྲག །རིང་པོ་ཐམས་ཅད་དལ་བ་ལས། །བསྙེན་པ་ཉེ་བསྙེན་དུས་སུ་བཤད། །ཐུང་དུ་ཐམས་ཅད་དྲག་པ་ལས། །སྒྲུབ་དང་ལས་ལ་སྦྱོར་ཀར་བཤད། །རབ་ཏུ་དྲག་པོ་དམོད་པའི་སྔགས། །རྦད་དང་སོད་ཀྱིས་ཆོད་ན་ཟབ། །དྷི་དང་ཕཊ་ཀྱིས་ཆོད་ན་ཟབ། །གདོལ་པའི་སྔགས་ལ་གཅེར་བུར་བྱུང་། །མ་ཡ་དང་ནི་ཛ་ཡིས་ཆོད། །ཐུན་དང་རྦད་ཀྱིས་གཅོད་ན་ཟབ། །རག་དང་ཀེ་གིས་ཆོད་ན་ཟབ། །བམ་དང་རིལ་དང་རྡ་ར་ཟབ། །དེ་བཞིན་རབ་ཏུ་དྲག་པ་རྣམས། །དམོད་པའི་སྔགས་དེ་རབ་ཏུ་རྣག །ཡི་གེའི་སྣད་ཀྱི་ལེའུ་སྟེ་སོ་དྲུག་པའོ།། །།དེ་ནས་ཡང་འདི་གསུངས་སོ། །སྙིང་པོའི་ཐེམ་ཡིག་བརྩི་བ་ནི། །མིང་གི་ཡི་གེ་མ་ཐེམ་ན། །དམག་དཔོན་མེད་པའི་དམག་མི་འདྲ། །གྲོགས་ཀྱི་ཡི་གེ་མ་ཐེམ་ན། །རྩ་བ་ཞན་པའེ་དམག་མི་འདྲ། །རྒྱན་གྱི་ཡི་གེ་མ་ཐེམ་ན། །མཚོན་ཆ་མེད་པའི་དམག་མི་འདྲ། །དེ་ལ་མིང་གི་ཡི་གེ་ནི། །དང་པོར་གནས་པའི་ཡི་གེ་ཡིན། །དྲངས་ཀྱི་ཡི་གེ་ཞེས་བྱ་བ། །འཕུལ་ཞིང་བོད་པའི་ཡེ་གེ་ཡིན། །རྒྱན་གྱི་ཡི་གེ་ཞེས་བྱ་བ། །གཞི་ལས་ཡན་ལག་སྤྲོས་པ་ཡིན། །དེ་ཡི་ཐིམ་ཡིག་བརྩིས་པ་ལས། །དམག་དཔོན་དམག་གི་མཚོན་ཆར་ལྡན། །ཕ་རོལ་གཞན་གྱི་གཡུལ་ངོ་འཇོམས། །ཞེས་གསུངས་སོ། །ཡི་གེ་ཐེམས་སུ་བརྩིས་པའི་ལེའུ་སྟེ་སོ་བདུན་པའོ།། །།དེ་ནས་ཡང་འདི་གསུངས་སོ། །འཕྲིན་ལས་བྱ་བའི་རིམ་པ་ནི། །ཐོག་མར་རྡོ་ལས་ལྕགས་སུ་བཞུ། །ལྕགས་ལས་གོདངམཚོནཆབརྡུང། །གོམཚོནཞུནཐོརཐོལྟར། །མ་མོ་དེ་ཉིད་བསྒྲུབ་པར་བྱ། །དེ་ལ་ཏིལ་མར་ངར་བཏགས་ལྟར། །དེ་ཉིད་མངོན་དུ་བསྒྲུབ་པར་བྱ། །དཔའ་པོའི་ལག་ཏུ་བསྐུར་བ་ལྟར། །བསྙེན་པ་རྫོགས་པའི་རྣལ་འབྱོར་པས། །དཔའ་བོའི་གཡུལ་ངོ་བཟློག་པ་ལྟར། །འཕྲིན་ལས་སྦྱོར་བ་སོ་སོར་བྱ། །དེ་བཞིན་ཡིད་ཀྱིས་བཤད་པ་ནི། །མ་མོ་རིམ་གྱིས་སྒྲུབ་པའི་ཐབས རིམ་པའི་ལས་རྣམས་རྫོགས་པ་དང་། །མ་མོའི་དངོས་གྲུབ་ཐོབ་པར་བཤད། །རིམ་གྱིས་བསྒྲུབ་པའི་ལེའུ་སྟེ་སོ་བརྒྱད་པའོ།། །།དེ་ནས་ཡང་འདི་གསུངས་སོ། །མཉེས་པར་བསྐོང་བཟློག་བྱ་བ་ནི། །བསྒྲུབ་དང་དངོས་ཀྱིས་བསྐང་ཞིང་བཟློག །བསྒྲུབ་ནི་ཞི་རྒྱས་གཉིས་ཀྱིས་ཏེ། །མདོས་ལ་རྣམ་པ་གཉིས་སུ་བཤད། །གསོ་བའི་མདོས་དང་གསད་པའི་མདོས། །གསོ་བའི་མདོས་ལ་རྣམ་གཉིས་ཏེ། །བསྐང་བའི་མདོས་དང་བཟློག་པའི་མདོས། །བཟློག་པའི་མདོས་ལ་རྣམ་པ་གཉིས། །གཞན་གྱི་རིག་སྔགས་བཟློག་པ་དང་། །བསྐང་མདོས་གསོ་གསད་གཉིས་པས་འཇུག །གསད་པའི་མདོས་ནི་གཅིག་ལས་མེད། །དེ་ལ་མདོས་ཀྱི་རིམ་པ་ནི། །རི་རབ་གླིང་བཞིར་བཅས་པ་ལ། །སྣང་སྲིད་གདུགས་ཀྱིས་བསྐོར་བ་ནི། །མ་མོ་ཉིད་ཀྱི་ཞལ་ཕྱུང་སྟེ། །ལེའུ་རྒན་དར་གྱིས་བཀབ་ནས་ནི། །སྔགས་བསྲུངས་ཉིད་ལ་དམིགས་བཏང་ནས། །སྲིད་པའི་སྤྱི་མདོས་བྱ་བར་འགྲོ། །རི་རབ་གླིང་བཞིར་བཅས་པ་ལ། །མ་མོའི་ཞལ་ཕྱུག་གདུགས་བཀབ་ནས། ཁྲ་སྣ་མང་པོ་བཀོད་པ་ནི། །སྲིད་པའི་ཤ་མདོས་བྱ་བར་འགྲོ། །གོང་མ་བཞིན་དུ་བཅས་པ་ན། །ཁྲག་སྐམ་མང་པོ་བཀོད་པ་ནི། །སྲིད་པའི་ཁྲག་མདོས་བྱ་བར་འགྲོ། །གོང་མ་བཞིན་དུ་བྱས་པ་ལ། །རུས་པ་མང་པོ་བཀོད་པ་ནི། །སྲིད་པའི་ཀེང་རུས་མདོས་སུ་འགྲོ། །གོང་མ་བཞིན་དུ་བཅས་པ་ལ། །སྙིང་སྣ་མང་པོ་བཀོད་པ་ནི། །སྲིད་པའི་སྙིང་མདོས་བྱ་བར་འགྲོ། །གོང་མ་བཞིན་དུ་བྱས་པ་ལ། །སྐྱེས་པའི་གཟུགས་ཀྱིས་བསྐོར་བ་ནི། །སྲིད་པའི་ཕོ་མདོས་བྱ་བར་འགྲོ། །གོང་མ་བཞིན་དུ་བྱས་པ་ལ། །བུས་པའི་ཚིགས་ཀྱིས་བསྐོར་བ་ནི། །སྲིད་པའི་ཆུང་མདོས་བྱ་བར་འགྲོ། །གོང་མ་བཞིན་དུ་བཅས་པ་ལ། །དགྲ་བགེགས་གཟུགས་ཀྱིས་བསྐོར་བ་ནི། །སྲིད་པའི་དགྲ་མདོས་བྱ་བར་འགྲོ། །དེ་བཞིན་ཤས་ཆེར་གང་བཀོད་པ། །རང་ཤས་ཆེ་བའི་མདོས་སུ་འགྲོ། །གཅིག་ཏུ་ཞེན་ཅིང་ཆགས་པ་མེད། །གསང་སྔགས་ནོར་བུ་རིན་ཆེན་མ། །ཐམས་ཅད་འཕྲུལ་ཞིངའཁོར་པའི་ཕྱིར། །རང་བཞིན་གཅིག་ཏུ་མ་ངེས་ཏེ། །གང་ལྟར་བརྟགས་པ་དེ་ལྟར་སྣང་། །ཁ་དོག་སོ་སོའི་རིམ་པ་ཡང་། ཐམས་ཅད་དཀར་པོར་བྱས་པ་ལ། །སྲིད་པའི་ཞི་མདོས་བྱ་བར་འགྲོ། །ཐམས་ཅད་སེར་པོར་བསྒྱུར་བ་ནི། །སྲིད་པའི་རྒྱས་མདོས་བྱ་བར་འགྲོ། །ཐམས་ཅད་དམར་པོར་བསྒྱུར་བ་ནི། །སྲིད་པའི་དབང་མདོས་བྱ་བར་འགྲོ། །ཐམས་ཅད་མཐིང་ཀར་གནས་པ་ནི། །སྲིད་པའི་དྲག་མདོས་བྱ་བར་འགྲོ། །སྔགས་དང་དགོངས་པའི་རིམ་པ་ནི། །གདུག་རྩུབ་ཐམས་ཅད་ཞི་བ་ལ། །འཇམ་པའི་ངག་གིས་མདོས་བཏང་ན། ཁྲན་ཏིང་ཀུ་རུའི་སྔགས་བཟླས་ཏེ། །གསོལ་ཟས་ལོངས་སྤྱོད་ཐམས་ཅད་ཀུན། །དཀར་གསུམ་སྒོ་ནས་ལོངས་སྤྱད་ན། །ཐམས་ཅད་ཞི་བ་ཆེན་པོའི་མདོས། །ཚེ་དང་བསོད་ནམས་ལོངས་སྤྱོད་རྒྱས། །རྒྱས་པའི་ངག་གིས་མདོས་བཏང་བས། པུ་སྤྱི་ཀུ་རའི་སྔགས་བཟླས་པས། རྣལ་འབྱོར་ལོངས་སྤྱོད་ཐམས་ཅད་ཀྱང་།སྦྲང་རྩིའི་རོ་རྣམས་ལོངས་སྤྱད་ན། །ཐམས་ཅད་རྒྱས་པ་ཆེན་པོར་འགྲོ། །ཐམས་ཅད་དབང་དུ་འདུས་པ་ལ། །ཆེ་བའི་ངག་གིས་མདོས་གཏང་ན། །པ་ཤ༷་ཀུ་རུའི་སྔགས་བཟླས་ཏེ། །ལོངས་སྦྱོད་མངར་གསུམ་སྒོ་ནས་སྤྱད། །ཐམས་ཅད་དབང་ཕྱུག་ཆེན་པོའི་མདོས། །ཐམས་ཅད་མ་ལུས་བསྒྲལ་བ་ལ། །དྲག་པོའི་ངག་གིས་མདོས་བཏང་ན། །མ་ར་ཡི་སྒྲ་བརྗོད་པས། །ལོངས་སྦྱོད་ཆེན་པོའི་ཤ་ཁྲག་སྤྱད། །ཁ་དོག་མཐིང་ནག་དམར་ནག་གྱོན། །ཐམས་ཅད་བསྒྲལ་བ་ཆེན་པོའི་མདོས། །བཅས་བཞི་དང་མཐུན་པ་ལ། །དར་མདུང་སྟོང་ཕྲག་བརྒྱད་ཅུ་ལ། །བགེགས་རིགས་སྟོང་ཕྲག་བརྒྱད་ཅུ་ཡི། །སོ་སོའི་མིང་དང་སྲོག་སྙིང་གི །འཇུག་ཏུ་གཡུལ་བཟློག་བྱ་བ་བྲི། །ཡི་དྭགས་ཕལ་ཆེར་གཡུལ་བཟློག་མདོས། །སྡེ་བརྒྱད་སོ་སོར་བྲིས་པ་ནི། །ལྷ་སྲིན་སྡེ་བརྒྱད་གཡུལ་བཟློག་མདོས། །མོ་རྒྱུད་སོ་སོར་བྲིས་པ་ནི། །སྲིད་པའི་མ་མོའི་གཡུལ་བཟློག་མདོས། །ཕོ་རྒྱུད་སོ་སོར་བྲིས་པ་ནི། །སྲིད་པའི་ཕོ་རྒྱུད་གཡུལ་བཟློག་མདོས། །དེ་དག་སོ་སོའི་དམག་དཔུང་ཡང་། །སྔགས་བསྲུངས་མ་ཡི་དམག་དཔུང་གིས། །སོ་སོར་བཟློག་ཅིག་བསྒྱུར་དམིགས་ཏེ། །གསང་སྔགས་སྒྲ་ཡང་དགོང་མ་བརྗོད། །ཅེས་གསུངས་སོ། །ཨེ་ཀ་ཛ་ཏི་ཁྲག་གི་རྒྱ་མཚོའི་ཟ་བྱེད་སྤྱང་རྐྱལ་ནག་མོའི་རྒྱུད་ལས། །སྲིད་པའི་མདོས་ཀྱི་ལེའུ་སྟེ་སོ་དགུ་པའོ།། །།དེ་ནས་ཡང་འདི་གསུངས་སོ། །འཁོར་ལོ་རྣམ་པ་དུ་རུ་བསྟན། །འཁོར་ལོའི་ཡོན་་་གང་ཞིག་ཡིན། །འཁོར་ལོ་རྣམ་པ་དྲུག་ཏུ་བསྟན། །མ་མོའི་སྲོག་གི་འཁོར་ལོ་དང་། །བསྒྲུབ་པར་བྱ་བའི་འཁོར་ལོ་དང་། །དྲག་པོས་གསད་པའི་ཙ་ཀྲ་དང་། །གནད་ལ་དབབ་པའི་འཁོར་ལོ་དང་། །དེ་བཞིན་དཀྲུག་པའི་འཁོར་ལོ་དང་། །དགྲ་བགེགས་གནན་པའི་འཁོར་ལེའོ། །སྲོག་གི་འཁོར་ལོ་བསྐོར་བ་ཡིས། །ལུས་དང་གྲིབ་མ་བཞིན་དུ་འགྱུར། །སྒྲུབ་པའི་འཁོར་ལོ་བསྐོར་བ་ཡིས། །མ་མོ་དམ་ལ་གནས་པར་འགྱུར། །གསད་པའི་འཁོར་ལོ་བསྐོར་བ་ཡིས། །འཕྲིན་ལས་ཡོངས་སུ་རྫོགས་པར་འགྱུར། །གནད་ལ་དབབ་པའི་འཁོར་ལོ་ཡིས། །མ་མོའི་སྙིང་ཁྲག་ཁར་འཛག་འགྱུར། །དཀྲུག་པའི་ཙཀྲ་བསྐོར་བ་ཡིས། །སྡིག་པ་གསུམ་ཡང་འཁྲུག་པར་འགྱུར། །གནན་པའི་འཁོར་ལོ་བསྐོར་བ་ཡིས། །འགལ་བ་ཨ་ལགས་འཁོར་བར་འགྱུར། །ཞེས་གསུངས་སོ། །འཁོར་ལ་་གྲངས་དང་ཡོན་ཏན་བསྟན་པའི་ལེའུ་སྟེ་བཞི་བཅུ་པའོ།། །།དེ་ནས་ཡང་འདི་གསུངས་སོ། ཁུ་དང་གནས་དང་ཐབས་དང་དུས། །རྐྱེན་དང་ལས་དང་འཁོར་དང་གྲོགས། །ངེས་པར་བཤད་ཀྱིས་ཡིད་ལ་ཟུང་། །མ་མོའི་སྲོག་གི་འཁོར་ལོ་ཡི། །རྒྱུ་ནི་སྙིང་པོ་བྱང་ཆུབ་སེམས། །གནས་ནི་ཡུམ་གྱི་བྷ་གའི་ཀློང། །ཐབས་ནི་རོལ་པ་བསམ་མི་ཁྱབ། །དུས་ནི་མ་ངེས་རྒྱུན་དུ་འཁོར། །རྐྱེན་ནི་ཁམས་གསུམ་སེམས་ཅན་ཏེ། །ལས་ནི་གཉིས་སུ་མེད་པར་བྱེད། །གྲོགས་ནི་ཤེས་རབ་ཏིང་ངེ་འཛིན། །དེ་ནི་སྲོག་གི་འཁོར་ལོ་ཡིན། །བསྒྲུབས་དང་གསད་པའི་འཁོར་ལོ་དང་། །གནད་ལ་དབབ་དང་དཀྲུག་པ་དང་། །དགྲ་བགེགས་གནས་པའི་འཁོར་ལེའོ། །རྒྱུ་ནི་དུར་ཁྲོད་ཤིང་རས་དང་། །གནས་ནི་ག་འུ་གནས་པའི་ས། །ཐབས་ནི་བྱེ་བྲག་བསམ་མི་ཁྱབ། །ཚུལ་དང་ཐབས་ནི་ཤེས་པར་བྱོས་། །ཨེ་ཀ་ཛ་ཞི་ཁྲག་གི་རྦ་ཀློང་གི་རྒྱུད་ལས། །འཁོར་ལོའི་རྒྱུ་མཚན་བསྟན་པའི་ལེའུ་སྟེ་ཞེ་གཅིག་པའོ།། །།དེ་ནས་ཡང་འདི་གསུངས་སོ། །འཁོར་ལོ་བསྐོར་བའི་ལས་དག་ཀྱང་། །རྩིབས་དང་ལྡན་པའི་རིའུ་མིག་ལ། །མ་མོ་ཉིད་ཀྱི་ཞལ་ཕྱུང་སྟེ། །བོད་རྦད་གསད་པའི་སྔགས་བཀོད་དེ། །སོ་སོའི་འཁོར་ལོ་བསྐོར་བ་ནི། །མ་མོའི་ཞལ་གྱི་འཁོར་ལོར་བཤད། །རྩིབས་དང་བཅས་པའི་རིའུ་མིག་ལ། །སྲོག་སྙིང་འཁོར་ལོ་བསྐོར་བ་ནི། །མ་མོ་སྲོག་གི་འཁོར་ལོར་བཤད། །རྦད་སྔགས་འཁོར་ལོ་བསྐོར་བ་ནི། །ལས་ལ་གཏང་པའི་འཁོར་ལོར་བཤད། །གསང་སྔགས་འཁོར་ལོ་བསྐོར་བ་ནི། །མ་མོ་གསད་པའི་འཁོར་ལོར་བཤད། །ཡི་གེ་བཅུ་བདུན་བསྐོར་བ་ཡིས། །གནད་ལ་དབབ་པའི་འཁོར་ལོརབཤད། །གཡས་དང་གཡོན་དུ་བསྐོར་བ་ནི། །སྲིད་པ་ཕོ་མོའི་འཁོར་ལོ་སྟེ། །ཐབས་དང་ཤེས་རབ་འཁོར་ལོར་བཤད། །ཐུན་སྔགས་འཁོར་ལོ་བསྐོར་བ་ནི། འཁོར་ལོ་ཐུན་དངའབྲོལ་བར་བཤད། །རིགས་ཀྱི༷་བཟློག་ནས་བསྐོར་བའི་ནི། མ་མོ་དཀྲུག་པ༷འི་འཁོར་ལོར་བཤད། །གནན་སྔགས་འཁོར་ལོ་བསྐོར་བ་ནི། འཁོར་ལོ་གནན་པར་བྱ་བར་བཤད། །མ་མོ་དྲུག་ཅུ་རྩ་བརྒྱད་ཀྱི། །སྲོག་གི་འཁོར་ལོར་བསྐོར་བ་ལ། །ཧོ་ལས་བསྲེག་པའི་ལས་བྱས་ན། །འཁོར་ལོ་ཧོ་ནག་འབྲེལ་བར་བཤད། །གཞན་ཡང་གང་དང་གང་རུང་བ། །མ་མོ་ལས་ཀྱི་ཁ་ཚར་ནི། །སོ་སོ་རང་རང་བསྐོར་བ་ནི། །འཕྲིན་ལས་ཡོངས་རྫོགས་འཁོར་ལོ་བཤད། །རེ་མིག་ཡི་གེའུ་གྲངས་དང་སྦྱར། །ཡི་གེའི་གྲངས་ཀྱང་འདི་ལྟར་བྱ། །མིང་གི་ཡི་གེ་རྐྱང་པ་རྣམས། །མགོ་བོ་ཕྱིར་བསྟན་ནང་བསྟན་གཉིས། །སྒྲུབ་དང་གསད་པའི་སྔགས་སུ་བསྒྱུར། །འཁོར་ལོའི་རེ་མིག་རེ་དེ་གཞག །མིང་ཡིག་སྒྲོགས་དང་རྒྱན་ལྡན་པ། །འཁོར་ལོའི་རེ་མིག་རེ་ལ་གཞག །སྔགས་ཀྱི་རིམ་པ་མ་འཁྲུགས་པར། །མགོ་པོ་ཕྱིར་བསྟན་ནང་བསྟན་གཉིས། །སྒྲུབ་དང་གསད་པའི་སྔགས་སུ་བསྒྱུར། །འཁོར་ལོ་མ་མོའི་གནས་སུ་བཤད། །འཁོར་ལོ་མ་མོའི་ཁང་པར་བཤད། །འཁོར་ལོ་མ་མོའི་གུར་དུ་བཤད། །འཁོར་ལོ་ཁྲག་གི་རྒྱ་མཚོར་བཤད། །ཙཀྲ་དུག་གི་རྒྱ་མཚོར་བཤད། །འཁོར་ལོ་ལྕགས་ཀྱི་སྤྱིལ་པོར་བཤད། །འཁོར་ལོ་གངས་རི་ཆེན་པོར་བཤད། །སྲིད་པའི་ཁྲི་མུན་ཆེན་པོར་བཤད། །འཁོར་ལོ་མ་མོའི་སྲོག་ཏུ་བཤད། །འཁོར་ལོ་མ་མོའི་ལྟེ་བར་བཤད། །འཁོར་ལོ་མ་མོའི་སྨོན་པར་བཤད། །འཁོར་ལོ་གཅོད་པའི་མཆོག་ཏུ་བཤད། །འཁོར་ལོ་གདུགས་པ་དཔལ་དུ་བཤད། །དེ་ལྟར་འཁོར་ལོ་བསྐོར་བ་ཡིས། །མན་ངག་ཅན་གྱི་སོ་སོར་དབྱེ། །རིག་པ་ཅན་གྱི་སྐྱེས་བུ་ཡིས། །རེ་རེ་ལ་ཡང་མང་དུ་སྤྲོ། །རྒྱས་པར་བཤད་ཀྱང་གཅིག་ཏུ་འདུས། །དཔལ་ཨེ་ཀ་ཛ་གི་ཁྲག་གི་རྦ་ཀློང་གི་རྒྱུད་ལས །འཁོར་ལོ་ག་་ལ་ཕབ་པའི་ལེའུ་སྟེ་ཞེ་གཉིས་པའོ།། །།མན་ངག་འདི་ཡི་གཏད་ལས་ནི། །མ་ཡེངས་བརྩོན་པས་གཏད་པས་འགྲུབ། །དྲང་སྲོང་གཡོ་སྒྱུ་ཆུང་ན་ཉེ། །དྲི་མེད་ལྷ་སེམས་ཅན་ལ་ཆགས། །མེ་གཏོང་ཆུ་སྲིན་སེམས་ཀྱིས་བྱ། །མན་ངག་གཏད་པའི་གནས། །སློབ་མའི་སྣོད་བརྟག་པའི་ལེའུ་སྟེ་ཞེ་གསུམ་པའོ།། །།རྒྱུད་ཀྱི་ནང་ནས་དམ་པར་གྱུར་པ་འདི། །བལ་པོའི་བ་སུ་དྷ་ར་ཡིས་གདམས། །རུམ་བུ་ལྷུ་ཡ་དེ་བ་ཙན་ཏྲོརེ་ཐུགས་དམ་ལགས། །དེ་ལ་བསྣུབས་བན་སངས་རྒྱས་བདག་གིས་རྙེད། །དཔལ་ཨེ་ཀ་ཛ་གི་ཁྲག་གི་རྦ་ཀློང་གི་༄༅། ཁུད་ཅེས་བྱ་བ་རྫོགས་སོ།། །། རྒྱ་གར་སྐད་དུ། །ཨེ་ཀ་ཛ་ཏི་ས་མན་ཏ་ཀ་ནཱ་མ་ཏན་ཏྲ། །བོད་སྐད་དུ། །རལ་གཅིག་མ་འདུས་པ་ནག་མོའི་རྒྱུད་ཅེས་བྱ་བ། །དཔལ་ཡ་མན་