Ngb-pt-0769-vol-08-text
Front
Body
རྒྱ་གར་སྐད་དུ། ཨེ་ཀ་ཛ་ཏི་ཡ་གུ་ཡ་ཙིཏི་ས་མ་ཛ་ནཱ་མ་ཏན་ཏྲ། བོད་སྐད་དུ། ཨེ་ཀ་ཛ་ཏི་གསང་བ་ཡང་སྙིང་འདུས་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཁྲག་འཐུང་རྒྱལ་པོ་ཧེ་རུ་ཀ་ལ་ཕྱག་འཚལ་ལོ། འདི་སྐད་བསྟན་པའི་དུས་གཅིག་ན། བཅོམ་ལྡན་འདས་དཔལ་ཆེན་པོ་ཉིད་ཡུལ་ཀྲོ་དྷི་ཤཱ་རི་དང་གཉིས་སུ་མེད་པར་རང་བཞིན་ཡེ་ཤེས་ཀྱི་གནས་ན། བདེ་བ་ཆེན་པོའི་ངང་ལ་བཞུགས་སོ། །དེ་ནས་སྔགས་སྲུངས་ཨེ་ཀ་ཛ་ཏི་ཞེས་བྱ་བས། དཔལ་ཆེན་པོ་ཧེ་རུ་ཀ་ལ་བ་་དེ་བཀའ་ལྡན་དཔལ་ཆེན་ཧེ་རུ་ཉིད། སྔགས་སྲུངས་ཨེ་ཀ་ཛ་ཏི་ནི། །གསང་སྔགས་གཉན་གྱི་སྲུངས་མ་སྟེ། བསྒྲུབ་པར་བྱ་བའི་རིམ་པ་དང་།ཕོ་མཆོད་མོ་མཆོད་གདགས་པ་དང་། སྔགས་ཀྱི་གནད་ཀྱི་མན་ངག་རྣམས། །རིམ་པར་གདགས་ལ་བཤད་དུ་གསོལ། །ཞེས་གསོལ་པས། བཅོམ་ལྡན་འདས་དཔལ་ཧེ་རུ་ཀས། ཨེ་ཀ་ཛ་ཏི་ལ་དམིགས་ཏེ། ལྷ་མོ་བདེ་བྱེད་མ་ལ་བཀའ་སྩལ་པ། ཉོན་ཅིག་ལྷ་མོ་བདེ་བྱེད་མ། སྔགས་སྲུངས་ཨེ་ཀ་ཛ་ཏི་ནི། །ཨེ་ནི་ཆོས་དབྱིངས་རང་བཞིན་ཏེ། ཀ་ནི་འཕྲིན་ལས་བདག་མོ་ཡིན། །ཛ་ནི་འགུགས་པར་བྱེད་པ་སྟེ། ཏི་ནི་དཔལ་གྱི་བཀའ་ཉན་གཟུགས། འདི་ཉིད་བསྒྲུབ་པར་འདོད་པ་ཡི། །རྣལ་འབྱོར་དམ་ཚིག་ལྡན་པ་ཡིས། །བྲག་དམར་ཆོས་བཟང་འདྲ་བ་འམ ། ཡང་བ་དབེན་པའི་གནས་ཉིད་དུ། །ཕྱི་ནང་བཤགས་པཚུལབཞིནབྱ། །རྒྱབནི་འཇམ་དཔལ་ཕུར་ལ་བརྟེན། །ཡང་ན་ཆེ་མཆོག་ཧེ་རུ་ཀའོ། ཞེས་གསུངས་སོ། །ཡང་སྙིང་འདུས་པའི་རྒྱུད་ལས་ལེའུ་དང་པོའོ།། །།དེ་ནས་གཞན་ཡང་བཀའ་སྩལ་པ། དཀྱིལ་འཁོར་མདའ་གང་གྲུ་བཞི་ལ། བདུད་རྩི་ལྔའི་ཆག་ཆག་གདབ། །འཕྲིན་ལས་བཞི་ཡི་དཀྱིལ་འཁོར་ལ། ། སྐྱེར་བའི་འགོ་ལིང་ལྔ་པ་ཡི། །སྐུ་རྟེན་མཁར་བ་གཟུགས་པར་བྱ། །མ་མོར་བསྐྱེད་ལ་དབང་ཡང་བསྐུར །།ཡང་ན་རཀྟའི་་གྲུ་གསུམ་སྟེ། །རྣོལ་ཐོད་ནང་དུ་རཀྟ་བཤམ། །སྨན་གཏོར་རཀྟ་བཤམ་པར་བྱ། །ཏིང་འཛིན་རྣམ་གསུམ་གཞལ་ཡས་བཅས། །གདན་སྟེངས་བདག་བསྐྱེད་མ་མོ་བདུན། །རང་བཞིན་སྤྱན་དྲངས་བསྟིམ་མཆོད་དབུལ། དེ་ནས་གསང་སྔགས་འདི་ཉིད་བཟླས། །ཏྲག་རག་ཤ་ཁ་མུན་ཏྲ། མུ་རུ་ལུ་རུ་ལུ་ཧཱུཾ༷་སྨྱོ་ཧཱུཾ༷། རག་མོ་ཏེ་ཀེམ་ཛ་ཛ་ཁ་ལ་མ་ཧི་སྨྱོ། རུ་ལུ་རུ་ལུ་མ་ཧྲི་སྨྱོ། ཡིག་གེ་སུམ་ཅུ་རྩ་གཉིས་པ། མ་མོ་སྲོག་གི་སྙིང་པོ་སྟེ། །འདི་ལ་ནན་ཏན་བྱས་གྱུར་ན། །མ་མོ་ལུས་དང་གྲིབ་བཞིན་འགྱུར། །དེ་ནས་རྣོལ་གྲི་ཐུན་ཁྲག་ལ། །ཡང་སྙིང་བཅོ་ལྔས་སྣ་གྲངས་ཏེ། །སྟོང་གུ་རྩ་བརྒྱད་ཐུན་ལ་བསྒྲུབ། །ཏྲག་རག་ཤ་ཁ་མུན་ཏྲ། །ཨེ་ཀ་ཛ་ཏི་སྙིང་ཁ་རག་མ་སྨྱོ། །་ག་རག་ཤ་ས་མ་ཡ་དགྲ་བོ་སྙིང་ལིང་རྦུད་དམ། ཞེས་ནི་མ་མོ་ཉེ་སྙིང་ངོ། །མ་མ་སྙིང་ཁ་རག་ཅེས་པའི་སྐྲུ་གྲིའི་རྒྱུ་ནས་གསུངས་པ་ལྟར། བཟླས་ལ་བྱ་རྒོད་སྒྲོ་རྩས་མངག །རྒྱ་ཞིག་ཙིསྟ་བྱུང་ན་གྲུབ་པའི་རྟགས། །ཁྲག་ཁོལ་རླངས་པ་བྱུང་ན་གྲུབ་པའི་རྟགས། །ཙིསྟ་དངོས་སུ་བྱུང་ན་དབང་བསྐུར་དགོངས་པ་བྱ། །དེ་ནས་མ་བཞིའི་ཕུར་པས་གདབ། །ལིང་ག་ཧོ་ཏུ་བསྲེག་པར་བྱ། །ཁྲག་ནི་དགྲ་ལ་འཕངས་གྱུར་ན། །མྱུར་བར་དགྲ་བོ་སྒྲོལ་བར་ངེས། །ཞེས་གསུངས་སོ། ། ཨེ་ཀ་ཛ་ཏི་གསང་བ་ཡང་སྙིང་འདུས་པའི་རྒྱུད་ལས་ལེའུ་གཉིས་པའི་སྐབས་སོ།། །།དེ་ནས་གཞན་ཡང་བཀའ་སྩལ་པ། །དེ་ལྟར་སྒྲུབ་པའི་དུས་ཉིད་དུ། །རྒྱུད་གཞན་དག་ནས་བྱུང་བ་ཡི། །བསྟོད་དང་འཕྲིན་ལས་རྣམ་བཞི་ནི། །ལྷུན་གྱིས་གྲུབ་ཅེས་བསྐུལ་པར་བྱ། །སྒོ་བཞི་འབྱེད་པའི་ཕོ་ཉ་གཏང་། །མ་མོ་ཨེ་ཀ་ཛ་ཏི་ཡི། སྦྱོར་གིང་དྲང་ཀུན་ནག་པོ་ནི། །བསྒྲུབས་ན་བཀྲ་ཤིས་ལས་མྱུར་ཏེ། །བུད་མེད་འཁོར་ལ་ཤིས་པར་གསུངས། །གནོད་སྦྱིན་ལོ་ཏི་ནག་པོ་ཡང་། ཉུར་བས་བླ་ཀུན་དག་ཏུ་རྦད། །མིང་པོ་གིང་དང་སྦྲེལ་བ་ནི། །དགྲ་བོ་སྨྱོ་འབོག་དག་ཏུ་འཆི། །སྲོད་ལ་བདུད་དང་སྦྲེལ་ལ་བྱ། །ནམ་གུང་གནོད་སྦྱིན་བླ་རྐུན་བསྐུལ། །ཐོ་རངས་མིང་པོ་གིང་ཡང་བསྐུལ། །དེ་ཡི་ཡོན་ཏན་འདི་ལྟ་སྟེ། །ཁྱོ་ཉིད་བསྒྲུབས་པས་བཀྲ་ཤིས་ལ། དགྲ་ལ་ཉུང་ཞིང་པ་རྣོ་བར་བྱེད། །མིང་པོ་གིང་ནི་བསྒྲུབས་བརྟགས་ན། རྣལ་འབྱོར་གཤེས་ངན་འཆི་མི་འགྱུར། །དགྲ་ལ་ཉུར་ཞིང་སྨྱོ་འབོག་འོངས། །བུ་ཉིད་གནོད་སྦྱིན་བསྒྲུབས་པ་ཡིས། །དགྲ་ཡི་བླ་ཀུན་ཉུར་བར་བྱེད། །དེ་ཕྱིར་ཤས་ཙམ་བཏགས་ཤིང་སྐྲུབ། །དེ་རྣམས་གནོད་སྤྱིན་མ་ཡིན་པ། དྲང་ཀུན་ཤན་པའི་རྒྱུད་དང་ནི། །སྲོག་ཐིག་རྒྱུད་དུ་བཤད་པར་སྦྱར། །ཞེས་གསུངས་སོ། །ཨེ་ཀ་ཛ་ཏི་གསང་བ་ཡང་སྙིང་འདུས་པའི་རྒྱུད་ལས། །ཕོ་མཆོད་གདགས་པའི་ལེའུ་གསུམ་པའི་སྐབས་སོ། །གཞན་ཡང་དེ་ནས་གསུངས་པ་ནི། །ཞང་པོ་ཀླུ་ལ་གཏད་པ་ནི། །ཀླུ་གཉན་ས་བདག་རིགས་ལྔ་ཡང་། །མ་མོ་ཉིད་ཀྱི་ཞང་པོར་མཉམ། གང་ལྟར་གཏད་ཀྱང་ལས་གྲུབ་སྟེ། །དཔེའུ་ཆུང་སྒྲུལ་གྱིས་བསྐོར་བ་ཡི། མན་ངག་གཏད་ཆུང་བཞིན་དུ་བྱ། །བསྲུང་བ་རྫས་བསྲུངས་སྦྱིར་སྦྱར་ལ། མ་མོ་ལ་ནི་གཉེར་གཏད་པས། །མི་ལྷོག་འགྲུབ་པར་བཤད་པ་ཡིན། །ཞེས་གསུངས་སོ། །ཨེ་ཀ་ཛ་ཏི་གསང་བ་ཡང་སྙིང་འདུས་པའི་རྒྱུད་ལས། །ཞང་པོ་ཀླུ་ལ་གཏད་པའི་ལེའུ་སྟེ་བཞི་པའི་སྐབས་སོ། །དེ་ནི་རིམ་པར་བཀའ་སྩལ་པ། །རང་བྱུང་རྒྱལ་མོ་ཛ་ཏི་མ། །མ་མོ་ཉི་ཀྱི་ཤམ་བུ་མྲ །འཁོར་གྱི་མ་མོ་མཆོད་བཞི།། གདགས་པར་བྱ་བའི་རིམ་པ་ནི། །བལ་མོ་ནག་མོ་ཀུན་དུག་མ། །ལས་ལ་བསྐོལ་བར་བྱ་བ་ནི། །བུད་མེད་ཀྱི་ནི་སྙིང་ནང་དུ། སྣ་ཚོགས་སྙིང་གི་ཕྱེ་མ་བླུགས། །ལིང་ག་འབྲུབ་ཁུང་ནང་བཅུག་ལ། །མ་མོ་ཐུན་མཚམས་སྦྱར་བ་ནི། །རག་མོབཛྲ་ཛ་མ་དུན་སྨྱོ། །ཐོག་རག་ཤ་ཁ་མུན་ཏྲ་མུ་རུ་ལུ་རུ་སྨྱོ། །བོད་པའོ། །་ག་རག་ཤསམཡཏིགསྣསྨྱོ། །ཨེཀ་ཛ་ཏི་སྙིང་ཁ་རག་བམ་རིལ་སྲོག་མོ་ལྭ་ལ་བ༷་རིལ་སྦྱོ། རྦད་པའོ། །ཨ་ཀར་ནག་མོ་རག་མོ་ཡག་ཤ་སྙིང་ལ་སྨྱོ། །ཨེ་ཀ་ཛ་ཏི་མི་དར་ལིག་སྙིང་ཁ་རག་སྙིང་ཐིང་ལིང་རྦུད་ཡག་ཤ་སྙིང་ཏེ་ཀེ་མ་རྦད་པུ་རྦད་ད་ར་ཡ་རྦད། །ཏྲག་རག་ཤ་ས་མ་ཡ་སྙིང་ལིང་བུད། །གསད་པའོ། །དེ་རྣམས་དྲིལ་ལ་ཐུན་བྲབ་ཅིང་། །སྔར་གྱི་སྙིང་ཕྱེ་གཏོར་མ་ལ། །དབུལ་ཞིང་རྦད་ན་མྱུར་དུ་འགྲུབ། །ཅེས་གསུངས་སོ། །ཨེ་ཀ་ཛ་ཏི་ཡང་སྙིང་འདུས་པའི་རྒྱུད་ལས་ལེའུ་ལྔ་པའི་སྐབས་སོ།། །།དེ་ནས་ཡང་ནི་ངེས་གསུངས་པ། །མོན་མོ་ནག་མོ་རྣ་ཆ་ཅན། །གཏོར་མར་རཀྟ་ཏ་སྦྲེང་ཞིང་སྦད། །ཏད་ཡ་ཐུ་ད་ཧུ་དེ་ཧུ་ཏྲིག་མ་རུ་ཤི་ཛ་ཛ་སྨྱོ། །བོད་པའོ། ར་ཧཱུཾ་ཤ་ཙི་ཏ་བ༷་ཤིག་ཐུམ་བདུག་ལིང་། ཡེར་ཡེར་སོད་མུག་སྟི་རི་རྒྱོབ། །ས་མ་ཡ་དགྲ་ལ་སྨྱོ། །རྦད་པའོ། །ར་ཧུ་ཤ་སེན་རེའུ་ཏྲི་མ་ཤུ་ཤུ་རྦད། །ཙིསྟ་མི་ལ་རཀྟ་ཐུན་སྨྱོ། ། གསང་པའོ། །དྲིལ་ལ་ཐུན་བྲལ་རྦད་པར་བྱའོ། །དེ་ཡིས་ཚན་ཆེ་མྱུར་བར་སྒྲོལ། །དེ་ནས་སྲིན་མོ་རོ་བཤལ་མ། །སྒྲུབ་ཅིག་གདགས་ན་མཎྜལ་ལ། ཁུ་གསུམ་མཐིང་ནག་བྲིས་བྱས་ལ། གཏོར་མ་རྣོལ་སྙིང་དབང་པོ་རྣམས། །བསོ་ཅིང་གཏོར་མར་བརྡར་ལ་དབུལ། །སྲིན་མོ་རོ་བཤལ་གཟུགས་བྲིས་ལ། ཁུ་གསུམ་རྩིའི་གྲྭ་ལ་བཞག། །རུ་ཏི་ཛ་རོ་རྩ་རྩ་རྩི་རྩི་ཏྲག་རག་ཤ་ཁ་མུན་རྩི་སྨྱོ། །བོད་པའོ། །རྟགས་ནི་འོད་དང་སྒྱུགས་པའབྱུང། ཏྲིགཏྲིལིངགིཤག་དུ་ཡ་ཏྲི་ཛ་ཏྲིང་ལིང་ཧས་སྨྱོ། །རྦད་པའོ། །དྲིགཏྲིགརགཤམུརུསྲིན་ཀི་པ་ལི་ཁ་ས་རྦད། །ཅེས་གསད་པའོ། །དྲིལ་ལ་ཐུན་བྲབ་རྦད་བྱས་ན། དགྲ་བོ་མྱུར་དུ་སྒྲོལ་བར་ངེས། ། དེ་ནས་ལྷ་མོ་ནག་མོ་ནི། །རེའུ་མ་ཏི་ཞེས་བྱ་བ། །མ་མོ་སྔགས་སྲུངས་བཀའ་ཉན་ཏེ། །སྒྲུབས་ཐབས་གང་ལྟར་བྱས་གྱུར་ཡང་། །མ་མོ་སྔགས་སྲུངས་ཉིད་ཀྱི་ནི། །སྔོན་དུ་བསྙེན་བྱས་བཀྲ་ཤིས་ལ། །དགྲ་ལ་མྱུར་ལ་སྒྲོལ་པར་འགྱུར། །དེ་ཡང་བསྡུས་ན་འདི་ལྟར་བྱ། །མསྒོལ་ལ་ནི་གྲུ་གསུམ་༷བྲི། །ནལ་བུའི་སྙིང་དང་དབང་པོ་རྣམས། །ཐོད་པར་སྩལ་ལ་དར་བཀབ་ལ། རྨ་བྱའི་རྒྱལ་མཚན་རུ་དར་དང་། །ཚིལ་ཆེན་སྤོས་དང་མར་མེ་ལྷང་། །གཏོར་མར་དབུལ་ཞིང་རྦད་པར་བྱ། །ཨོ་ཏད་ཡ་ཐ། །རུ་རུ་བོ་རུ་ཧོ་ཏི་བ་ཏོ་སི་སྙིང་ཛ་ཛ། །དུན་དུན་སྙིང་སྙིང་ཁ་རག་མ་སྨྱོ་སྨྱོ། །བོད་པའོ། །མ་མ་ནག་མོ་དུང་དུན་ཏིང་མ་ལས་ལ་ཡ༷། །ནག་མོ་ཧར་ཧུ་མུ་ཁ་ལེ་ཆོ་ཆོ་མ་ར་ཛ་ཛ། རྦད་པའོ། །ནག་མོ་ནི་ཤ་ཀུ་རུ་ཐུ༷་ཐུ༷་རྦད་རྦད་མ་ཏ་ཡ། །མྱོས་མྱོས་ལོང་ལོང་རྦད་རྦད་ཧ༷་ཧ༷་ཡེད་ཡེད་ཐུམས་ཐུམས་ལིང་ལིང་དགྲ་བོ་མ་ར་ཡ་ཛ། གསད་པའོ། དེ་རྣམས་དྲིལ་ལ་ལིང་ག་ལ། ་་ས་ཀར་རག་བྲབ་བར་བྱ། །ཚན་ཆེ་དགྲ་བོ་མྱུར་པར་སྒྲོལ། །ཞེས་གསུངས་སོ། །མ་མོ་ཨེ་ཀ་ཛ་ཏི་ཡང་སྙིང་འདྲེས་པའི་རྒྱུད་ལས་མོ་མཆོད་གདགས་པའི་ལེའུ་སྟ་སྐབས་དྲུག་པའོ།། །།དེ་ནས་ཡང་དག་གསུངས་པ་ནི། ། བདུད་དང་མ་མོའི་བུ་ཉིད་ནི། །ལོ་ཏི་ནག་པོ་ཞེས་བྱ་བ། །སྒོ་རྒྱུད་མེད་སྟེ་འདི་ལྟར་སྦྱར། ཁ་ན་སྒྲོག་པའི་བྱ་ཤ་ཡིས། །གཏོར་མ་བརྒྱན་ལ་དབུལ་བར་བྱ། །ནམ་གུང་བོད་ཅིང་རྦད་པར་བྱ། །ཀུ་ཧི་ཀུ་ཧི་ཁུག་ཆུབ་དུན་ཏྲི་ཉཔ་འབར་བདུན་དུན་ཧབ་ཧབ། །བོད་པའོ། །དགྲ་བོའི་བླ་ལ་ཛ་ཐུན་ཡ། །རྦད་པའོ། དགྲ་བོ་མ་ར་ཡ་ལྷང་ལྷང་ཆར་ཆར་ལོ་ཏི་ནག་པོ་དགྲ་བོ་མྱུར་དུ་སོད། བསད་པའི། །དྲིལ་ལ་ལིང་ག་དག་ལ་བརྟེན། །དེས་ནི་མྱུར་དུ་བླ་རྐུན་འགྱུར། །ཞེས་གསུངས་སོ། །ཨེ་ཀ་ཛ་ཏི་ཡང་སྙིང་འདུས་པའི་རྒྱུད་ལས། བུ་གནོད་སྤྱིན་གྱི་ལེའུ་སྟེ་སྐབས་བདུན་པའོ།། །།དེ་ནས་གཞན་ཡང་བཤད་བྱ་བ། །མ་མོ་ཨེ་ཀ་ཛ་ཏི་ནི། །རྣལ་འབྱོར་ཀུན་གྱི་སྲུངས་མ་སྟེ། །མ་མོའི་འཕྲིན་ལས་གང་བྱེད་ཀྱང་། །སྔོན་དུ་སུམ་ཅུ་རྩ་གཉིས་པ། །བཟླས་ན་ཚན་ཆེ་བཀྲ་ཤིས་ཏེ། །ཛུ་ཛུ་ཙ་ཛ་ཙ་ཙ་དང་། །ཏེ་ཀུ༷་ཏེ་ཀེ་མ་ཏི་སྐ་དང་། །མ་ཏིང་མ་ཧིང་མ་ཧྲིར་རྣམས། །རྦོད་རྦོད་གསད་བར་སྦྱར་བྱས་ལ། །སྔོན་དུ་མ་ཡེངས་གྲུབ་པར་སྦྱར་བྱས་ལ། །སྔོན་དུ་མ་ཡེངས་གྲུབ་པར་བཟླས། །མ་མོ་ལུས་དང་གྲིབ་བཞིན་འགྱུར། ་ག་དང་ཏྲོཛེ་ཐོག་མཐའ་ཅན། །རང་དམ་སྲོག་གི་སྙིང་པོ་ཡིན། །འདི་མེད་མ་མོ་ཡེ་མི་འགྲུབ། །སྒག་རག་ཤ་ཁ་མུན་ཏྲ། །ཞེས་པའོ། །མུ་དང་ཧཱུཾ༷་གི་ཐོག་མཐའ་ཅན། །ཡི་གེ་འབྲུ་ནི་བརྒྱད་པའོ། །གྲུབ་བརྟགས་ཀྱི་སྙིང་པོ་ཡིན། །འདི་མེད་མ་མོ་དབང་མི་འདུས། །མུ་རུ་ལུ་རུ་ལུ་ཧཱུཾ༷་སྨྱོ་ཧཱུཾ། ཞེས་པའོ། །རག་དང་སྦྱོ་ཡི་ཐོག་མཐའ་ཅན། ཡི་གེ་འབྲུནིབཅུགཅིགཔ། །སྟོང་གསུམ་ཟ་བྱེད་སྙིང་པོ་ཡིན། འདི་མེད་ཕ་རོལ་པོས་བཟློག་བཟླའོ། །རག་མོ་ཏེ་སྐ་ཛུ་ཛུ་ཁ་ལ་མ་ཧི་སྦྱོ། །ཞེས་པའོ། །རུ་དང་སྨྱོ་ཡི་ཐོག་མཐའ་ཅན། ཡི་གེ་འབྲུ་ནི་བདུན་པས་ཏེ། །གདུག་པ་འདུལ་བྱེད་སྙིང་པོ་ཡིན། །འདི་མེད་དགྲ་བགེགས་མི་སྒྲོལ་པའོ། །རུ་ལུ་རུ་ལུ་མ་ཧྲིང་སྨྱོ། །ཞེས་པའོ། །ཡི་གེ་སུམ་ཅུ་རྩ་གཉིས་ལས། །མངན་འོ་མ་ཆུས་སླད་འདྲ། ་་་ན་མཆོན་ཆ་ཁ་སྙོལ་འདྲ། དེ་ཕྱིན་ཅེས་པས་སྔོན་བཟླས་ན། །སྙིང་ཐུན་ཁྲག་ཐུན་ལ་སོགས་པ། །བསྒྲུབས་ན་དངོས་གྲུབ་ཐོབ་པར་གསུངས། །མ་མོའི་རྟགས་བྱུང་གྱུར་པ་ན། །གསང་ཐུབ་ལྷ་ནི་མི་བསྐྱེད་འགྱུར། །སྨྲས་ན་ལྷ་རྟགས་ཡེལ་བར་འགྱུར། །དེ་བས་གསང་ན་དངོས་གྲུབ་ཐོབ། །ཅེས་གསུངས་སོ། །ཨེ་ཀ་ཛ་ཏི་ཡང་སྙིང་འདུས་པའི་རྒྱུད་ལས། །སྔགས་ཀྱི་མན་ངག་གི་ལེའུ་སྟེ་སྐབས་བརྒྱད་པའོ།། །།དེ་ནས་ལྷ་མོ་བདེ་བྱེད་མས། །བཅོམ་ལྡན་འདས་དཔལ་ཧེ་རུ་ཀ་ལ་མཆོད་པ་དང་བསྟོད་པ་སྣ་ཚོགས་བྱས་པ་དང་། །དཔལ་ཧེ་རུ་ཀས་བཀའ་སྩལ་པ། ལྷ་མོ་བདེ་བྱེད་མས་རང་བྱུང་རྒྱལ་མོའི་རྒྱུད་འདི་ཉིད་གཟུང་ཞིང་བཅང་པར་བྱ། དམ་མེད་ལ་སྦ་བར་བྱའོ། །ཞེས་བཀའ་སྩལ་པདང་། ལྷ་མོ་བདེ་བྱེད་མ་རྗེས་སུ་ཡི་རང་བར་གྱུར་ཏོ། །ཨེ་ཀ་ཛ་ཏི་གསང་བ་ཡང་སྙིང་འདུས་པའི་རྒྱུད་ལས། རྒྱུད་གཟུང་བ་དང་བཅང་བར་བྱ་བའི་ལེའུ་སྟེ་དགུ་པའོ།། །།ཨེ་ཀ་ཛ་ཞི་གསང་བ་ཡང་སྙིང་འདུས་པའི་རྒྱུད་འདུས་པའི་རྒྱུད་ཅེས་བྱ་བ་རྫོགས་སྟེ། །གུ་རུ་བ་སུ་དྷ་རས་རྡོ་རྗེ་ཡང་དབང་གཏེར་ལ་གནང་བའོ། །ས་ཐ༷་རྒྱ་རྒྱ་རྒྱ། ྅།། རྒྱ་གར་སྐད་དུ། ཨེ་ཀ་ཛ་ཏི་ཨེ་མན་ཏྲས་ཆེན་ཏ་