Ngb-pt-0760-vol-08-text
Front[edit]
Body[edit]
དཔོན་ཀ་མ་ལ་དང་། གླང་དཔལ་གྱི་སེང་གེ་གཉིས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། མྱ་བཱ་དེ་བི་ཀི་ལི་མ་ར་ཤ་ཏ་ས་ཧ་སྲི་ཀ་ཙིཏི་མ་ཧྭ་ཏན་ཏྲ།བོད་སྐད་དུ། མ་མོ་འབུམ་གྱི་མངའ་བདག་དཔལ་ལྷ་མོ་ནག་མོ་རེ་མ་ཏི། དབང་མོ་མཆེད་བཞིའི་སྲོག་རྩ་མངོན་དུ་དབྱུང་བའི་རྒྱུད། བཅོམ་ལྡན་འདས་ཆེ་མཆོག་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། རི་རབ་རིའི་རྩེ་མོ་བྱང་ཤར་མཚམས་ཀྱི་གནས་མཆོག་ན། དུར་ཁྲོད་ཆེན་པོའི་ཚལ་གསེབ་ན་ཡུམ་ཆེན་མོ་རྡོ་རྗེ་ཨེ་ཀ་ཛུ་ཏིའི་བྷ་ག་རྣམ་པར་དག་པའི་དབྱིངས་ན་བཞུགས་སོ། །དེ་ལས་ཡུམ་ཆེན་མོ་ལྔའི་བྷ་གར་སྣང་བ་ལས་སེམས་ཅན་སྐྱེ་འགྲོ་མཐའ་དག་ཇི་སྲིད་ཅིག་ཆགས་སོ། །སེམས་ཅན་སྐྱེ་འགྲོ་མཐའ་དག་ལ་དབང་བྱེད་པའོ། །དེ་ལ་ཐམས་ཅད་ཀྱི་དབང་མོ་ཆེ་ལྔ་ལ་ཀུན་ཏུ་སྣང་ཞིང་གོ་འབྱིན་ནམ་མཁའི་དབང་མོ་ཆེ་ནི། །སྣང་སྲིད་ཐམས་ཅད་སྐྱེ་ཞིང་འབྱུང་བར་གོ་འབྱེད་པས། ཐམས་ཅད་ཀུན་གྱི་ནང་ན་དབང་ཆེ་བའི་བདག་མོ་ཨེ་ཀ་ཛ་ཏི་དང་། ཐམས་ཅད་གནས་ཤིང་ཆགས་པའི་ས་གཞིའི་དབང་མོ་ཆེ་ནི། སྣང་སྲིད་ཐམས་ཅད་སྐྱེ་ཞིང་སྨིན་པར་བྱེད་པའི་ཕྱི་ནང་ཀུན་གྱི་ནང་ན་དབང་ཆེ་བའི་བདག་མོ་རེ་མ་ཏི་དང་། སྣོད་བཅུད་འདེགས་པ་དང་། སྐྱོད་པར་བྱེད་པའི་རླུད་གི་དབང་མོ་ཆེ་ནི། རྒྱུ་འབྲས་ཀུན་གྱི་རྐྱེན་གྱིས་བསྐྱོད་ནས་དངས་སྙིགས་འབྱེད་ཅིང་སེལ་བར་བྱེད་པས། སྟེང་འོག་ཀུན་གྱི་ནང་ན་དབང་ཆེན་བདག་མོར་མ་ཏི་དང་། འགྲོ་བ་ཐམས་ཅད་སྡུད་ཅིང་སྣུན་པར་བྱེད་པའི་དབང་མོ་ཆེ་ནི། ལུས་དང་རྣམ་པར་ཤེས་པ་དྭངས་མར་བྱེད་པའི་སྣོད་བཅུད་ཀུན་གྱི་ནང་ན་དབང་ཆེ་བའི་བདག་མོ་རེ་མ་ཛ་དང་། སྣང་སྲིད་ཐམས་ཅད་དྲོད་སྙོམས་པར་བྱེད་པའི་མེའི་དབང་མོ་ཆེ་ནི། སྣང་སྲིད་ཀྱི་སེམས་ཅན་ཐམས་ཅད་ཀྱི་དྲོད་སྙོམས་པར་བྱེད་པས་སྣོད་བ་་ཀྱི་ནང་ན་དབང་ཆེ་བའི་བདག་མོ་རེ་མ་ཛུ་དང་། གཞན་ཡང་ལྷ་མོ་རེ་མ་ཏི་དང་། ཀླུ་མོ་རེ་མ་ཏི་དང་། བདུད་མོ་རེ་མ་ཏི་དང་། གནོད་སྦྱིན་རེ་མ་ཏི་དང་། ཤ་ཟ་ནག་མོའི་ཚོགས་འབུམ་དང་། རུ་འཆའ་དཀར་མོའི་ཚོགས་འབུམ་དང་། །ཁྲག་འཐུང་དམར་མོའི་ཚོགས་འབུམ་དང་། དྲི་སྣོམ་ལྗང་ནག་གི་ཚོགས་འབུམ་གྱིས་བསྐོར་ཏེ་གནས་སོ། །དེ་ལྟར་མ་མོ་ཐམས་ཅད་ཀྱིས་སེམས་ཅན་སྐྱེ་འགྲོའི་ཚེ་དང་སྲོག་ལ་དབང་བྱེད་པས། འབྱུང་བ་ལྔ་ཡི་ངང་ལས་སྣང་སྲིད་ཀྱི་མ་མོ་ཐམས་ཅད་འབྱུང་བའོ། །དཔལ་ལྷ་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། གླེང་གཞིའི་ལེའུ་སྟེ་དང་པའོ།། །།དེ་ནས་བཅོམ་ལྡན་འདས་ཆེ་མཆོག་ཧེ་རུ་ཀས། སྲིན་མོ་ཆེན་མོ་གདུག་བྱེད་མ་བཞི་ལ་འདི་སྐད་ཅེས་གསུངས་སོ། །ཁྱེད་བཞིའི་ཕ་གང་ཡིན། མ་གང་ཡིན། མིང་ཅི་སྐད་བོད། མཁན་ཅི་སྐད་བོད། མཎྜལ་ནི་དུ་ཡོད། གནས་གང་ན་གནས། གཞལ་ཡས་ཁང་ནི་ཇི་ལྟ་བུ་ཞིག་ན། ཤུལ་གང་དུ་དབྱུང་། ཞེས་གསུངས་པས། རེ་མ་ཏི་ན་རེ། ངའི་ཕ་བདུད་གཤིན་རྗེ་བྲང་དཀར་ཡིན། མ་བདུད་མོ་སྲོག་ལེན་ཧབ་ཤམ་མ་བྱ་བ་ཡིན། རེ་མ་ཏིའི་ཕ་བདུད་པདྨ་གར་གྱི་དབང་ཕྱུག་ཡིན། མ་བདུད་མོ་བརྒྱ་བྱིན་ཀུན་དགའ་མ་ཡིན། རེ་མ་ཛའི་ཕ་བདུད་ཐོད་པའི་འཕྲེང་བ་ཅན་བྱ་བ་ཡིན། མ་བདུད་མོ་ཨེ་ཀ་ཛུ་ཎྜ་མ་ཡིན། རེ་མ་ཛུཁྲི་ཕ་སྲིན་པོ་མ་ཊ༷་རུ་ཏྲ་ཡིན། མ་གླིང་བཞི་ཀུན་འབྱམ་མ་ཡིན་ནོ། །ངེད་ཀྱི་ཕ་མ་དེ་རྣམས་ལ། ངེད་དུ་མ་ཟད་དེ་བུ་ཕོ་འབུམ་བུ་མོ་འབུམ་ཡོད་དོ། །ངེད་ཀྱི་མིང་དུ་ཤེས་པ་སྟེ། འབོད་པ་རྣམས་ཀྱིས་དགུར་ཤེས་སོ། །ངེད་ཀྱི་མཁན་ནི་བརྒྱ་འམ་སྟོང་ངོ་། །དཀྱིལ་འཁོར་ནི་གཉིས་སོ། །གནས་ནི་བྱང་ཤར་མཚམས་དྲང་པོར་བྱིང་བྱེད་མུ་ལེ་ཏིང་གི་མཚོ་བྱ་བ་ན་གནས་སོ། །གཞལ་ཡས་ཁང་རིན་པོ་ཆེའི་གཞལ་ཡས་ཁང་དུར་ཁྲོད་ཀྱི་རྒྱན་གྱིས་སྤྲས་པ་སྟེ། དུར་ཁྲོད་ལ་ལོངས་སྤྱོད་པའི་གནས་ཞིག་ན་གནས་སོ། ཁུལ་ནི་རླུད་ཚུབ་ཆེན་པོ་དང་། ཆུ་གཞུང་དང་། རི་རྩིབས་དང་། བར་སྣང་ལ་རྒྱུའོ། །དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། ཕ་མའི་ཁུངས་དང་མིང་མཁན་དང་བཅས་པའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་ཆེ་མཆོག་ཧེ་རུ་ཀས། སྲིན་མོ་ཆེན་མོ་གདུག་བྱེད་མ་བཞི་ལ་འདི་སྐད་ཅེས་གསུངས་སོ། །ཁྱེད་ཀྱིས་དཀོན་མཆོག་གི་དབུ་འཕངས་སྨོད་པ་དང་། སངས་རྒྱས་ཀྱི་བསྟན་པ་འཇིག་པའི་དམ་སྲི་ལ་ཕུང་བར་བྱ་བའི་དམོད་པའི་མཚོན་ཆ་ནི་གང་ཡིན། ཁྱེད་བསྒྲུབ་པའི་གནས་ནི་གང་ལ་བྱ། རྟེན་པའི་རྫས་ནི་གང་ཡིན། སྲོག་གི་སྙིང་པོ་ནི་ཇི་སྐད་དྲང་། བསྙེན་པའི་དཀྱིལ་འཁོར་ནི་ཇི་ལྟར་བྱ། བསད་པའི་དཀྱིལ་འཁོར་ནི་ཇི་ལྟར་བྱ། །རབ་ཏུ་གསད་པའི་མཎྜལ་ནི་ཇི་ལྟར་བྱ། ཁྱེད་ཀྱིས་སྨོས་ཤིག །ཧེ་ཧེ། ཆེ་མཆོག་རྒྱལ་པོ་བཀའ་སྩལ་ཉན། །རྡོ་རྗེ་ཆེ་མཆོག་སྤྱན་ལྔ་སྲ །དམོད་པ་ལ་སོགས་སྨྲ་བར་བྱ། །རྡོ་རྗེ་ཆེ་མཆོག་ཧེ་རུ་ཀས། །དམོད་པའི་འདི་ལ་བྱིན་རླབས་མཛོད། །དཀྱིལ་འཁོར་ལ་སོགས་རྫས་རྣམས་ལ། །བྱིན་རླབས་དམ་པ་ཐོབ་པར་མཛོད། །ཐེག་མཆོག་སྤྱད་པའི་རྣལ་འབྱོར་ལ། །ཐུགས་རྗེའི་ཤུགས་ཀྱིས་བསྒྲག་ཏུ་གསོལ། །བསྟན་པ་ལ་གནོད་པའི་རིགས་ཐམས་ཅད་ལ་དམོད་པ་དོར་བ་འདིའོ། །ཨོ་ཏྭ་ཏྭ་ལ་་ག་རཀྟ་རུ་ཏི་ནན། མུར་ཏི་བ༷། རེ་མ་ཏི་ཆེ་གེ་མོའི་སྲོག་ལ་ཛུ་ཛུ་ཛུ་ཛུ། པདྨ་མ་ར་ཏི་རུ་ཏེ་རེ་མ་ཏི་ཆེ་གེ་མོའི་སྲོག་ལ་ཛུ་ཛུ་ཛུ་ཛུ། ནག་མོ་དུན་ཏིང་མ་མ་སྨྱོ་སྨྱོ། སྙིང་ཤད་ཤད་ནི་ཛུ་ཛུ། ཆེ་གེ་མོའི་སྲོག་རྩ་ལ་སྨྱོ་སྨྱོ། ཞེས་སྨོས་པས་བསྟན་པ་ལ་གནོད་པ་ལྟ་ཅི་སྨོས་ཏེ། གླིང་བཞི་ཙམ་ཡང་ཕུང་བར་བྱེད་དོ། །ངེས་བསྒྲུབ་པའི་གནས་ནི། བྲག་དམར་པོ་ཆོས་ཟངས་འདྲ་བ་འམ། རྒྱ་སྐགས་ཀྱི་ཁ་དོག་འདྲ་བའམ། དྲག་པོ་ཁྲག་གི་མཆེ་རིས་ཅན་ནམ། མཚོ་གླིང་ངམ། ཆུ་འགུར་ལྟ་བུ་འམ། ཡང་ན་དུར་ཁྲོད་གསར་སྙིང་གི་གནས་སུ་བྱའོ། །ངེད་བསྟེན་པའི་དམ་རྫས་ནི་ལུག་ནག་མོ་སྤྱི་དཀར་དང་། ཁྱི་ནག་དང་། བྱ་ནག་དང་། མི་སྙིང་དང་། རྟ་སྙིང་དང་། ར་སྙིང་དང་། ཁྱི་སྙིང་དང་། ནལ་ཤ་དང་། སྙིང་དང་། ཁྲག་སྣ་ཚོགས་དང་། ཤ་སྣ་ཚོགས་དང་། བདུད་རྩི་དང་། གཏོར་མ་ཆེན་པོ་དང་། མེ་ཏོག་སྣ་ཚོགས་པ་ལ་བྱའོ། །སྲོག་གི་སྙིང་པོ་ནི། ཨོ་ཏབྱ་ཐུ།་ག་རག་ཤ་མུསྟི་བ༷་མ་རུ་ལུ་ཛུ་ཛུ། དགྲའི་སྙིང་ལ་སྨྱོ་སྨྱོ། ཨོ་མ་པདྨ་ར་ཏ་རུ་ཏེ་རེ་མ་ཏི། ཙིསྟ་ཙིསྟ། དགྲ་སྙིང་ལ་སྨྱོ་སྨྱོ། ཨོ་རུ་ལུ་ཀོའུ་མེན་པྱེན་མྱེན་མ་ཛུ་ཛུ། དགྲ་སྙིང་ལ་སྨྱོ་སྨྱོ། ཨོ་ཨུ་ཏི་དུ་རུ་དུ་སྲ ཚལ་བཱ་མེ་ད་རྭ་ཛུ་ཛུ། དགྲ་སྙིང་ལ་སྨྱོ་སྨྱོ། བདག་ཅག་བཞིའི་འོ། །ནག་མོ་དུན་སྨྱོ་སྨྱོ། ནག་མོ་དུན་ཏིང་མ་ལས་ལ་སྨྱོ་སྨྱོ་སྨྱོ་སྨྱོ། འཁོར་གྱིའོ། །མ་མ་ཤ་ཤ་རུ་ཁྲག་ཤུ་ཧྲིང་། ཙིཏི་དགྲ་བོའི་སྙིང་ལ་ཐུན་ཐུན། འུབ་ལུབ་རིལ་མའི་སྙིང་ལ་རིལ་རིལ། ་ག་རཀྟ་རུ་ཁྲག་སྙིང་ལ་ཛུ་ཛུ། རུ་རུ་ལུ་ནི་ཏི་སྟ་རྦད། ཏྲིག་ཏྲིག་ཧྲིང་མྱ་མྱ་མ་ཤམ་ཙིསྟ་དཔལ་ལྷ་མོ་ཡ། བདག་ཅག་གི་སྤྱི་སྡོམ་གྱི་སྙིང་པོའོ། །བསྙེན་པའི་དཀྱིལ་འཁོར་ནི། དབུས་སུ་གྲུ་གསུམ་པདྨ་འདབ་བརྒྱད་བཅས་པར་བྱས་ལ། ཟླུམ་པོ་ལ་ཐོད་པའི་འཕྲེང་བས་བསྐོར་བ་གྲུ་ཆད་དང་བཅས་པར་བྱའོ། །གསད་པའི་དཀྱིལ་འཁོར་ནི། གྲུ་གསུམ་དམར་ནག་ཏུ་བྱས་ལ། ཐོད་འཕྲེང་གྲུ་ཆད་དུ་བཅས་པ་སྒོ་ཁྱུད་དང་མེ་རིར་བཅས་པར་བྱའོ། །རག་ཏུ་གསད་པའི་དཀྱིལ་འཁོར་ནི། ཐོད་པ་སྐྱ་བོ་ལ་ཕྱི་ནང་དུ་སྲོག་ལེན་ཕོ་མོ་བརྒྱད་ཀྱི་ཞལ་ཕྱུང་བའོ། །དེ་ལྟར་བསྙེན་བསྒྲུབས་གསད་དང་གསུམ་གྱི་དཀྱིལ་འཁོར་ལ་བ་སུ་ཏའི་ཕྲ་ལག་དང་འཕྲེང་བས་བསྐོར། ཞིང་གི་རྒྱལ་མཚན་དང་། རྐང་ཆེན་གྱི་དུང་དང་། ཐོད་པའི་རྔ་དང་། བབྷའི་ཆ་ལང་དང་། སྤྱི་བླུགས་ཞྭ་ཆེན་གོན། འཕྲེང་ཆེན་བགྲང་། རཀྟའི་དར་ཕྱར། ཀུ་ཤའི་གླུ་བླང་།ཤེལ་ནག་ལ་འབེན་བཅའ། དེ་ནས་བསྙེན་བསྒྲུབ་ཚུལ་བཞིན་པ། མཚན་མ་བཟང་པོར་མ་བྱུང་བར། འཛབ་གདོན་བསྟོད་དང་བསྐུལ་བ་གཏང་། རྒྱུ་དུས་དག་ཏུ་གཏོར་མ་ནི། གནད་ནས་བོད་ཅིང་སྦྱིན་པར་བྱ། །དེ་ནས་མཚན་མ་བྱུང་བ་དང་། །ཐུན་འཕང་དངོས་གྲུབ་བླང་བར་བྱ། །དེ་ནི་བསྒྲུབ་པར་བཤད་པའོ། །དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། སྲོག་སྙིང་བསྟན་པ་དང་རྩ་བའི་མཎྜལ་བསྟན་པའི་ལེའུ་སྟེ་གསུམ་པའོ།། །།བསྙེན་ཅིང་བསྒྲུབ་པར་བྱ་བ་ནི། །དཀྱིལ་འཁོར་པདྨ་འདབ་བརྒྱད་ལ། །དབུས་སུ་མཐིང་ནག་གྲུ་གསུམ་ལ། ཐོད་འཕྲེང་མེ་རིས་བརྒྱན་པར་བྱ། །སྒོ་དང་སྒོ་ཁྱུད་བཅས་པར་བྲི། །དེ་ལ་དམ་རྫས་དགོད་པ་ནི། །མཆོག་ཕུར་བཅུ་དང་ལྕགས་ཕུར་ཅུ། །མཐིང་ནག་དར་གྱིས་བརྒྱན་པ་དགོད། །སེང་གེའི་སྙིང་དང་མི་སྙིང་དང་། །རྟ་སྙིང་ཁྱི་སྙིང་ར་སྙིང་དང་། །ལུག་གི་སྙིང་དང་གླང་གི་སྙིང་། །དོམ་གྱི་སྙིང་དང་སྟག་གི་སྙིང་། །ཕག་པའི་སྙིང་དང་བཅུ་པོ་ཡིས། །སྙིང་རྩེ་ལ་དར་མཐིང་ནག་ལྕེའུ་རེ་གདགས། །སྙིང་གི་རྩ་བ་སྙིང་རང་དངོས་སུ་དར་དམར་པོ་ལྕེ་རེ་གདགས། མི་ཁྲག་དང་རྟ་ཁྲག་ལ་གཞི་བླངས་ལ། །ཁྲག་སྣ་ཅི་མང་ཐོད་པ་གསུམ་བཞག །རྩང་ལ་གློ་སྙིང་དམར་ཕྲུལ་ལེ་བཀལ་ལ་གཟུགས། བཤོས་བུ་ཆག་གང་བ་ཅིག་ལ་ཁྲག་གི་ཐིག་ལེ་ལོགས་བཞིར་བྱུག་ལ་སྟེགས་བུའི་སྟེང་དུ་བཞག །སྨྱུག་མ་ཚིགས་དགུ་པ་ཅིག་ལ་ཚོན་ཚོགས་ཀྱི་ནམ་མཁའ་ཅིག་བྱས་ལ། བཤོས་བུའི་དཀྱིལ་ན་ཡར་གཟུགས་སོ། །བྱ་ཚལ་བུ་ཅིག་གིས་ཐུགས་དམ་བསྐང་། གསོབ་ཤུསབྱསལགཤོགཔགཡས་པ་ལ་དགྲ་བོའི་མིང་རུས་བཏགས་ལ། དར་ཚོན་སྣ་ལྔས་བརྒྱན་ལ་ནམ་མཁའི་དཀྱིལ་དུ་གདགས་སོ། །བྱ་མཚལ་བུ་ཅིག་གི་གཤོག་པ་གཡས་པ་ལ་དགྲ་བོའི་མིང་རུས་བཏགས་ལ། བདུད་སྒྲོལ་གྱིང་རྣམས་ཀྱི་རྟ་རུ་བཟུང་ཞིང་རྟེན་དུ་བཅའ་འོ། །རྨད་དུ་བྱུང་བའི་གཏོར་མ་ཆ་གཅིག་བཤམས་ལ། སྲིད་པ་ཕོ་བཅུ་བསྐུལ་ཞིང་དམོད་བཙུགས་ལ་གཏང་ངོ་། །ཟླ་ཁམ་བསེ་ཞལ་ཅན་ཅིག་ལ་བྱང་ཆུབ་སེམས་ཀྱི་ཐིག་བཏབ་ལ། དེ་ལ་ནམ་མཁའ་ནག་པོ་ཅིག་བཙུགས་ལ། བྱ་མོ་ནག་མོའི་གསོབ་ཅིག་གི་གཤོག་པ་གཡོན་པ་ལ་དགྲ་བོའི་མིང་རུས་བཏགས་ལ། གཤོག་པ་གཡས་དང་གཞུང་ལ་དར་ཚོན་སྣ་ལྔས་བརྒྱན་ནམ་མཁའ་ལ་གདགས། བྱ་ནག་མོ་ཅིག་ལ་སྐེརཙིསྟའི་འཕྲེང་བ་གདགས། ལུས་ལ་དར་ཚོན་སྣ་ལྔས་བརྒྱན་ལ་བདུད་མོ་རྣམས་ཀྱི་ཐུགས་དམ་བསྐང་ཞིང་རྟེན་དུ་བཅའ་འོ། །རྨད་དུ་བྱུང་བའི་གཏོར་མ་ལ་དམོད་བཙུགས་ཤིང་གྲོད་དང་ཐོ་རངས་གཏད་དོ། །དེ་ནས་བདུད་ཡབ་ཡུམ་རྣམས་ལ་སྲོག་སྙིང་ཚད་དུ་བསྐྱལ་ཏེ་ལས་བཅོལ་ན། དགྲ་བགེགས་བརྒྱ་བརྒྱ་སྒྲོལ་ནུས་སོ། །ཨོ་ཏྲི་ཙ་པ་ལ་ཨ་ཤུག་མེ་གྲྭཧྭ། ཨོ་མ་ཙ་པ་ལ་ཨ་ཤུག་མེ་གྲྭཧྭ། ཞེས་སྲོག་སྙིང་དེ་རེ་རེ་ལ་བྱེ་བའི་ཚད་དུ་སྐྱོན་ན། རྟགས་ནི་རབ་འབྲིང་རྣམ་གསུམ་སྟོན། རབ་ཏུ་སྐུ་ནི་མངོན་དུ་སྟོན། །འབྲིང་དུ་སྐད་འབྱིན་འོད་དང་སྒྲ། །ཐ་མར་མེ་འབར་བ་རུ་འབྱུང་། །རྟགས་ནི་མངོན་དུ་བསྟན་པ་དང་། །འཕྲིན་ལས་རིམ་པ་གཞུང་བཞིན་བརྩམ། །ཧུ༷། བསྐལ་པ་མེ་ལྟར་འབར་བའི་ཀློང་དཀྱིལ་ནས། ཡབ་ཅིག་གཤིན་རྗེའི་རྒྱལ་པོ་གཤེགས་སུ་གསོལ། །ཡུམ་ཅིག་སྲིན་མོ་དུར་ཁྲོད་བདག་མོ་གཤེགས་སུ་གསོལ། །སྲས་མཆོག་སྤྲུལ་པ་ཡ་མ་ར་ཛ་གཤེགས་སུ་གསོལ། །དེ་ཡི་འཁོར་ན་གནས་པའི་སྲས་ཀྱི་མཆོག །གིང་ཆེན་བདུད་མོའི་ཚོགས་རྣམས་རྣམས་གཤེགས་སུ་གསོལ། །ཕྱོགས་ཕྱོགས་ནི་ཡ་ཀི་ན། །ནམ་མཁའ་ནི་ཡ་གི་ན། །རི་རབ་ནི་ཟོམ་རྩེ་ན། །ཕྱོགས་བཞི་ནི་མཚམས་བརྒྱད་ན། །བདུད་ཀྱི་རྒྱལ་པོ་ཕོ་དགུ་མོ་དགུ་བཞུགས། །བདུད་ཕོ་བདུན་མོའི་མཚན་བཏགས་པས། །སྒྲོལ་གིང་ཕོ་མོ་བཅོ་བརྒྱད་པོ། །སྐྱེས་པ་ཕོ་མོ་ཀུན་གྱི་བདུད། །མི་ཕྱུགས་དེ་ནི་གཉིས་ཀྱི་བདུད། །ཁྱེད་ཀྱི་དེ་ནི་ཕྱག་ན་མངའ། །སྐྱེས་མཆོག་གིང་ཆེན་ཕོ་མོའི་ཚོགས། །རྣལ་འབྱོར་དབང་ཕྱུག་བདག་བསྒྲུབ་ཀྱི། །དོ་ནུབ་སྤྱན་འདྲེན་གཤེགས་སུ་གསོལ། །ཛ་ཧུ༷་བ༷་ཧོ་གིང་ཀ་ར་ཧུ༷་ཛ། ནག་མོ་དུན་ཏིང་ཧུ༷་ཛ། །ཧུ༷། སྙན་པའི་སྒྲས་ནི་སྤྱན་འདྲེན་ན། །དུང་དང་པི་ཝང་གླིང་བུའི་སྒྲ། །སྙན་པའི་གླུ་དབྱངས་ཕྱོགས་བཅུར་འབུལ། །སྲོག་ལེན་ཕོ་དགུ་མོ་དགུའི་ཚོགས། །ཕོ་བྲང་ཆེན་པོར་བཞུགས་སུ་གསོལ། །གིང་ཀ་རག་མོ་རཀྟ་ས་མ་ཡ་ཏིཇི་ལྷན། །ཧུ༷། དགའ་དང་གུས་པས་ཕྱག་ཀྱང་འཚལ། །ང་ནི་དབང་ཕྱུག་ཆེན་པོ་སྟེ། །ཁྱེད་ནི་རྣལ་འབྱོར་དམ་ལ་གནས། །དམ་ཚིག་གཞུང་དུ་ཕྱག་འཚལ་ལོ། །སྐྱེ་མཆོག་གིང་ཆེན་ཕོ་མོ་ལ །མོས་པའི་དམ་ཚིག་མཆོད་པ་ནི། །ཆང་ཕུད་དང་ནི་ཁྲག་ཕུད་དང་། ཁྲ་ཁྲག་དང་ནི་སྙིང་སྣ་དང་། །འཛའ་གད་ཕུད་དང་གཏོར་མར་བཅས། །དྲི་བསྲུང་སྤོས་ཀྱི་མཆོད་པ་འདི། །གིང་ཆེན་ཡབ་ཡུམ་ཞལ་དུ་འབུལ། །ས་མ་ཡ་གིང་ཀར་ནག་མོ་རཀྟ་དུན་ཏིང་། མ་ཧྭ་པུ་ཛ་པྲ་ཏི་ཛ་ཧོ་ཁར༷་ཁུ་ཧི་ཁུ་ཧི། ཧུ༷། ཕོ་བྲང་ཆེན་པོའི་ཟོམ་རྩེ་ན། །སྒྲོལ་བའི་གིང་ཆེན་ཕོ་མོ་བཞུགས། །ལེགས་ཉེས་འཛིན་པའི་དམ་ཚིག་ཅན། །སྔོན་དང་སྔོན་གྱི་དམ་བཅས་པ། །བཅོམ་ལྡན་དཔལ་ཆེན་ཧེ་རུ་ཀས། །ལག་ཏུ་རྡོ་རྗེ་གཏན་ནས་ནི། །རྣལ་འབྱོར་ཕ་ཡི་བགྲུང་མ་སྲ །ཇི་ལྟར་ཁས་བླངས་དམ་བཅས་པ། །མི་བསྙལ་ཕྱིར་དུ་རྡོ་རྗེ་གཏད། །ང་ཡང་རྣལ་འབྱོར་དབང་ཕྱུག་ཆེན་པོ་སྟེ། །ཁྱེད་ཀྱང་སྒྲོལ་བའི་དམ་ཚིག་ཅན། །དམ་ཚིག་བསྲེ་ཡིས་ད་ཚུར་སྤྱོན། །ངེད་ཀྱང་ལྷ་རུ་ཁྱེད་མཆོད་དེ། །ཁྱེད་ཀྱང་དམ་ལྡོག་ན་ར་སྐན། །བདག་ལ་ཚེ་ཡི་དབང་ཆེན་གསོལ། །བདག་གི་བུད་མེད་འཁོར་བཅས་ལ། །སྲོག་དང་སྲིད་ལ་མངའ་མ་མཛད། །འཁོར་འདི་སྲུངས་ལ་གནས་སྐྱོངས་ཤིག །ཅི་བཅོལ་བྱ་བར་ཁས་བླངས་སོ། །དགྲ་བགེགས་བསྒྲལ་བར་དམ་བཅས་སོ། །བདུད་བྲམ་ཡ་དགྲ་སྙིང་ལ་དུན་སྨྱོ་སྨྱོ། ནག་མོ་རཀྟ་དུན་ཏིང་ཁ་ར༷། དགྲ་སྙིང་ལ་དུན་སྨྱོ་སྦྱོ། དེ་ནས་བདུད་ཕོ་མོ་རྣམས་ལ་འཕྲིན་ལས་བཅོལ་བ། ཧུ༷། སྐྱེ་མཆོག་གིང་ཆེན་བཅོ་བརྒྱད་ཀྱང་། །བཞུགས་ནི་རི་རབ་བརྩེ་ལ་བཞུགས། །གནས་ནི་ནམ་མཁའི་དཀྱིལ་དུ་བཅས། ཁུ་ནི་བར་སྣང་ཁམས་སུ་རྒྱུ། །གྲོགས་ནི་རྣལ་འབྱོར་སྤྱི་ལ་མཛད། །ཀུན་ཀྱང་ཁྲོ་བོའི་རྒྱལ་པོ་སྟེ། །ཀུན་ཀྱང་སྒྲོལ་བའི་བདག་མོ་མཛད། །སྐྱེ་མཆོག་ཁྲོ་བོ་གིང་ཀ་ར། །བཞུགས་ནི་ནམ་མཁའི་དཀྱིལ་ན་བཞུགས། །ཆིབས་སུ་སེང་གེ་དཀར་མོ་ཆིབས། །སྐུ་ལ་གཡུ་ཡི་སླག་པ་གསོལ། །གཡས་ན་གསོད་པའི་སྐྲུ་གྲིབ་བསྣམས། །གཡོན་ན་ལྕགས་ཀྱུ་རྣོན་པོ་བསྣམས། །རྔམ་ཞིང་བྲོས་པའི་ང་རོ་ཡིས། །ལྷ་ཆེན་ཚངས་པ་སྒྲོལ་ལ་བརྩོན། །དེ་ལ་གསང་བའི་མཚན་བཏགས་པ། །སྐྱེ་མཆོག་དུང་གི་གཙུག་ཕུད་ཅན། །ཁྲོ་མོ་གནས་པའི་འཕྲུལ་མོ་ཆེ། །གོས་སུ་མུན་པ་ནག་པོ་གོན། །མེ་སྒྲོན་འབར་བའི་ཤམ་ཐབས་ཅན། །གནམ་ཕྱེད་གོས་སུ་གོན་པ་ལ། །ས་ཕྱེད་སྟན་དུ་འདིངས་པ་མོ། །ཕྱག་ན་མདུང་དམར་ལྕགས་ཀྱུ་བསྣམས། །ཆིབས་སུ་བསེ་ཡུ་ཁྱུང་ཆེན་ཆིབས། ཁྲ་ཁྲག་ཀུན་གྱི་དྲི་སྣོམས་མ། །ལས་སུ་སྒྲོལ་ལ་དགའ་བ་མོ། །སྐྲུ་གྲིས་འདེབས་ཤིང་མཆོད་སྟབས་བྱེད། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡིས། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། སྐྱེ་མཆོག་རྡོ་རྗེ་དུར་ཁྲོད་གཤེད། །བཞུགས་ནི་རི་རབ་བརྩེ་ལ་བཞུགས། །ཆིབས་སུ་ཁྱུང་ཆེན་གཤོག་ལ་ཆིབས། །སྐུ་ལ་ཁྱུང་གི་སླག་པ་གསོལ། །གཡས་ན་གསོད་པའི་སྤུ་གྲི་ཐོགས། །གཡོན་ན་ལྕགས་ཀྱུ་རྣོན་པོ་ཐོགས། །རྔམ་ཞིང་ཁྲོས་པའི་ང་རོ་ཡིས། །མ་བདུད་ནག་མོ་སྒྲོལ་ལ་བརྩོན། །དེ་ལ་གསང་བའི་མཚན་བཏགས་པ། །སྐྱེ་མཆོག་ཁྱུང་གི་གཤོག་རྒོད་རྩལ། །ཁྲོ་མོ་ནམ་མཁའི་གློག་འབར་མ། །གོས་སུ་ནམ་མཁའི་ཁམས་ཀུན་གོན། །ཕྱག་ན་སྲོག་གི་ཆན་པ་ཐོགས། །ཆིབས་སུ་འབྲུག་དང་རླུང་ལ་ཆིབས། །རོལ་དུ་གློག་དང་འཅོས་མ་ཁྲིད། །གང་དུ་བསམ་པར་ཡུད་ཀྱིས་ཕྱིན། །སྔོན་གྱི་ཐུགས་དམ་སྨར་ལགས་ཀྱིས། །ཁྱག་ཆེན་དམ་ལ་ད་ཚུར་སྦྱོན། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། རྡོ་རྗེ་སྤྱང་ཁུ་ཆེན་མོ་ནི། །བཞུགས་ནི་དུར་ཁྲོད་གནས་ན་བཞུགས། །ཆིབས་སུ་ཟ་བྱེད་སྤྱང་ཁུ་ཆིབས། །སྐུ་ལ་ལྕེ་སྤྱང་སླག་པ་གསོལ། །སྐུ་ནི་ནག་པོའི་འགྱིང་སྟབས་ཅན། །གིང་ཆེན་མང་པོ་ཕོ་ཉེར་འགྱེད། །གཡས་ན་གསོད་པའི་སྐྲུ་གྲི་བསྣམས། །གཡོན་པ་ལྕགས་ཀྱུ་འབར་བས་སྙིང་ཡང་འབྱིན། །རྔམ་ཞིང་ཁྲོས་པའི་ང་རོ་ཡིས། །དམ་སྲི་ཐམས་ཅད་སྒྲོལ་མ་བརྩོན། །དེ་ལ་གསང་བའི་མཚན་བཏགས་པ། །སྐྱེས་མཆོག་རྡོ་རྗེ་སྒྲོལ་བྱེད་རྩལ། །ཁྲོ་མོ་བར་སྣང་གློག་འབར་མ། །བདུདཀྱིལྕམམོགཤིན རྗེའིཡུམ། །ཉི་མ་གཅིག་ལ་ཁམས་གསུམ་རྒྱུ། །མཚན་མོ་གཅིག་ལ་སྟོང་ཁམས་རྒྱུ། །གཡས་པ་ཁྲག་ནག་ཕྱར་ཞིང་གཡོབ། །གཡོན་པ་ཏྲི་ཤུལ་འཕྱར་ཞིང་བརྡེག །གཡུ་ཡི་ཆུ་སྲིན་འབར་བ་ཆིབས། །སྡང་བར་བྱེད་པའི་དགྲ་ལ་ཡ། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་སྒྲོལ་དུ་གསོལ། །ཧུ༷། སྐྱེ་མཆོག་རྡོ་རྗེ་གཏུམ་པོ་རྩལ། །བཞུགས་ནི་བར་སྣང་ཁམས་ན་བཞུགས། །ཆིབས་སུ་རྔམ་པ་དོམ་ལ་ཆིབས། །སྐུ་ལ་དོམ་སླག་ནག་པོ་གསོལ། །ཕྱག་ན་དགྲ་སྟ་ཞགས་པ་བསྣམས། །རྔམ་ཞིང་ཁྲོས་པའི་ང་རོ་ཡིས། །བདུད་རྗེ་ནག་པོ་སྒྲོལ་ལ་བརྩོན། །དེ་གསང་བའི་མཚན་བཏགས་པ། །སྐྱེས་མཆོག་རྡོ་རྗེ་བདུད་འདུལ་རྩལ། །ཁྲོ་མོ་མི་མཚན་ལྕང་ལོའི་བདག །སྐུ་ལ་འོད་འབྱུང་ཁམས་གསུམ་བསྲེགས། །ཞལ་ནས་མེ་འབར་རྒྱ་མཚོ་སྐེམས། །ཆིབས་སུ་ཆུ་གླང་ལུ་མོ་ཆིབས། །གོས་སུ་ཤ་ཐུལ་ནག་པོ་གོན། །ཕྱག་ན་ཤ་ཞགས་རིང་མོ་བསྣམས། །ཕྱག་གཡོན་ཐོད་ཁྲག་ཟོར་དུ་འཕེན། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། ཁྲོ་བོའི་རྒྱལ་པོ་གཤིན་རྗེ་གཤེད། །བཞུགས་ནི་འོད་ཀྱི་དཀྱིལ་ན་བཞུགས། །ཆིབས་སུ་སྟག་གུ་རིགས་ལ་ཆིབས། །སྐུ་ལ་སྟག་གི་སླག་པ་གསོལ། །སྐུ་སྟོད་སྟག་གི་ཟར་ཕྲན་ཅན། །གཡས་པ་གསོད་པའི་སྐྲུ་གྲི་བསྣམས། །གཡོན་པ་ལྕགས་ཀྱུ་རྣོན་པ་བསྣམས། །རྔམ་ཞིང་ཁྲོས་པའི་༄༅ ང་རོ་ཡིས། །གཤིན་རྗེ་ནག་པོ་སྒྲོལ་ལ་བརྩོན། །དེ་ལ་གསང་བའི་མཚན་བཏགས་པ། །སྐྱེས་མཆོག་སྟག་གི་ཟར་ཕྲན་ཅན། །ཁྲོ་བོ་ཁྲོ་མོ་སྟག་མགོ་ཅན། །སྐུ་ལ་མེ་འབར་རྒྱ་མཚོ་སྐྱེམས། །འཁོར་ནི་ཆུ་སྲིན་རྒྱལ་བས་བསྐོར། །ལག་ན་སྦྲུལ་གྱི་ཞགས་པ་བསྣམས། །ཆུ་སྲིན་བིར་གྱི་བུ་མོ་ཤོན། །རྒྱ་མཚོའི་གཏིང་ནས་དམིགས་པ་ལེན། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལེགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། རྡོ་རྗེ་འབྱུང་བ་ཆེན་པོ་ནི། །བཞུགས་ནི་འབྱུང་པོའི་དཀྱིལ་ན་བཞུགས། །ཆིབས་སུ་རྒོད་ཀྱི་གཤོག་པ་ཆིབས། །སྐུ་ལ་མེ་ཡི་སླག་པ་གསོལ། །གཡས་ན་ལྕེ་དགུ་ཞགས་པ་བསྣམས། །གཡོན་ན་ལྕགས་ཀྱུ་རྣོན་པོ་བསྣམས། །རྔམ་ཞིང་ཁྲོས་པའི་ང་རོ་ཡིས། །མེ་ལ་འབྱུང་པོ་སྒྲོལ་ལ་བརྩོན། །དེ་ལ་གསང་བའི་མཚན་བཏགས་པ། །སྐྱེས་མཆོག་རྡོ་རྗེ་ཐོགས་མེད་རྩལ། །ཁྲོ་མོ་བར་སྣངས་གཟི་འཕྲེང་མ། །སྐུ་མདོག་མཐིང་ནག་འབར་བ་ལ། །སྐུ་ལ་གཟི་ཐུམ་ཁྲ་བོ་གསོལ། །ཕྱག་ན་གཟི་ཡི་ཁྲམ་ཡིག་བསྣམས། །དགྲ་བོ་དམ་ཉམས་ཐུགས་དམ་བསྐང་། །ཆིབས་སུ་བྱ་རྒྱལ་ཁྱུང་ལ་ཆིབས། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། རྡོ་རྗེ་འཆི་བདག་ཆེན་མོ་ནི། །བཞུགས་ནི་བདུད་ཀྱི་ཡུལ་ན་བཞུགས། །ཆིབས་སུ་བདུད་རྟ་ནག་པོ་ཆིབས། །སྐུ་ལ་བདུད་ཀྱི་ཆས་དགུ་གསོལ། །ནག་པོ་བདུད་ཀྱི་ཕོ་ཉ་སྟེ། །གཡས་ན་གསོད་པའི་སྤུ་གྲི་བསྣམས། །གཡོན་ན་ལྕགས་ཀྱུ་རྣོན་པོ་ཐོགས། །རྒྱུད་དྲུག་གཅོད་ཅིང་ཙིཏི་འབྱིན། ཁུ་དྲུག་གཅོད་དཔའི་གང་ཕོ་ནི། །རྔམ་ཞིང་ཁྲོས་པའི་ང་རོ་ཡིས། །རེ་སྟེ་འགོང་ཡག་སྒྲོལ་ལ་བརྩོན། །ནག་པོ་ཀུན་གྱི་ཕོ་ཉ་སྟེ། །དེ་ལ་གསང་བའི་མཚན་བཏགས་པ། །རྡོ་རྗེ་རྔམ་པའི་བསྒྲུབ་པ་ཙལ། །ཁྲོ་མོ་འབར་སྣང་མཐུ་མོ་ཆེ། །སྲིད་པ་གསུམ་གྱི་བྱོ་བཟློག་མཁན། །སྐུ་མདོག་སེར་མོ་འབར་བ་ལ། །སྐུ་ལ་གསེར་ཐུལ་སེར་པོ་གསོལ། །ཆིབས་སུ་རླུ་་དང་བུ་ཡུག་ཆིབས། །ཕྱག་ན་སེར་པ་ཁ་ཆར་བསྣམས། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུ་བསྒྲལ་དུ་གསོལ། །ཧུ༷།རྡོ་རྗེ་གནོད་སྦྱིན་ཆེན་མོ་ནི། །བཞུགས་ནི་བར་སྣང་ཁམས་ན་བཞུགས། །སྐུ་ལ་མེ་འབར་སླག་པ་གསོལ། །ཆིབས་སུ་ལྕགས་ཀྱི་སྤྱང་ཁུ་ཆིབས། །གཡས་ན་ཀ་དར་རྣོན་པོ་ཐོགས། །གཡོན་ན་ལྕགས་ཀྱུ་རྣོན་པོ་ཐོགས། །རྔམ་ཞིང་ཁྲོས་པའི་ང་རོ་ཡིས། །གནོད་སྦྱིན་ཕོ་མོ་སྒྲོལ་ལ་བརྩོན། །དེ་ལ་གསང་བའི་མཚན་བཏགས་པ། །སྐྱེས་མཆོག་རཀྟ་ཐིག་ལེ་རྩལ། །ཁྲོ་མོ་བར་སྣང་གློག་འབར་མ། །སྐུ་མདོག་དམར་ནག་འབར་བ་ལ། །སྐུ་ལ་མཐིག་ནག་བེར་ཆེན་གསོལ། །ཆིབས་སུ་སྟག་མོ་གྲུས་མ་ཆིབས། །ཕྱག་ན་འཛིན་བྱེད་ཕྱག་ཆ་ནི། །དབུ་ཞགས་སྔོན་པོ་ཤ་ར་ར། །སྔོན་གྱི་རྒྱལ་བས་གསུངས་པའི་བཀའ། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། ནག་མོ་མེ་ཡི་ཁ་རླངས་ཅན། །སྐུ་མདོག་ནག་མོ་འབར་བ་ལ། །མུན་པ་ནག་པོའི་སླག་པ་གསོལ། །ཆིབས་སུ་བདག་གཡག་རོག་པོ་ཆིབས། །ཕྱག་ན་བདུད་ཀྱི་ཁྲམ་ཐོག་ཤིང་། །སྡང་བའི་དགྲ་བོ་ཁྲམ་ལ་འདེབས། །འཁོར་དུ་སྲོག་བདག་འབུམ་གྱིས་བསྐོར། །རྔམ་ཞིང་ཁྲོས་པའི་ང་རོ་ཡིས། །སྲོག་གཅོད་ཕོ་མོ་ལས་ལ་བསྐུལ། །དེ་ལ་གསང་བའི་མཚན་བཏགས་པ། །ནག་པོ་སྲོག་ལེན་རགྲུ་ཁ། །ཁྲོ་མོ་དཔལ་ལྡན་རེ་མ་ཏི། །སྐུ་སྟོད་རེ་བ་ནག་པོ་གསོལ། །དྲེད་ལྤགས་ནག་པོའི་ཤམ་ཐབས་ཅན། །ལྕགས་ཀྱི་དྲེ་རྟ་རྐང་གསུམ་ལ། །སྲིན་པོའི་ཡ་མཁལ་སྔ་རུ་བྱས། །སྲིན་པོའི་མ་མཁལ་ཕྱི་རུ་བྱས། །སྲིན་མོའི་སོགས་པས་སྒ་ལེགས་བྱས། །སྲིན་པོའི་པགས་པས་སྒ་གཡོགས་བྱས། །མི་མགོའི་ཡོབ་ཆེན་ཁྲ་ལ་ལ། །སྦྲུལ་གྱི་གོང་ཐག་གོ་རྨད་ཅན། །བྱུ་རུ་དམར་པོའི་མཐུར་སྲབ་ལ། །གཡུ་ཡི་ཁ་རྒྱན་སི་ལི་ལི། །སྐྱེ་ནས་གསེར་གྱི་དྲིལ་བུ་ཁྲོལ། །དེ་ལྟ་བུ་ནི་ཆིབས་སུ་ཆིབས། །གཡས་ན་བྷན་དྷ་ཁྲམ་ཤིང་བསྣམས། །གཡོན་ན་ནད་ཀྱི་རྒྱལ་བ་བསྣམས། །འཕོངས་ལ་མཚོན་གྱི་གྲུ་གུ་བཀལ། གོང་ན་ཤོད་ཀྱི་རྡེའུ་བགྲང་། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །ཧུ༷། རྡོ་རྗེ་དུས་འཚམས་ཆེན་མོ་ནི། །བཞུགས་ནི་རླུད་ནག་དཀྱིལ་ན་བཞུགས། །སྐུ་ལ་ལྕགས་ཀྱི་ཚེ་བེར་གསོལ། །ཕྱག་ན་འཇིགས་བྱེད་སྒྲོལ་བ་སྐྲུ་གྲི་བསྣམས། །གཡོན་ན་ལྕགས་ཀྱུ་རྣོན་པོ་བསྣམས། །རྔམ་ཞིང་ཁྲོས་པའི་ང་རོ་ཡིས། །འཇིག་རྟེན་དྲེགས་པ་སྒྲོལ་ལ་བརྩོན། །དེ་ལ་གསང་བའི་མཚན་བཏགས་པ། །སྐྱེས་མཆོག་ངེས་པའི་ཐིག་ལེ་རྩལ། །ཁྲོ་མོ་སྨུག་ནག་རེ་མ་ཏི། །སྨུག་ནག་འབར་བའི་ན་བཟའ་ལ། །མེ་སྟག་འབར་བའི་ཤམ་ཐབས་ཅན། །ཆིབས་སུ་ཆུ་གླང་ནག་པོ་ཆིབས། ཁུ་ནི་དུར་ཁྲོད་ཀློང་ན་རྒྱུ། །ལེན་ནི་སྒྱུགས་པའི་གླུ་ལེན་མ། །གཏོང་ནི་ལྟས་ངན་སྣ་ཚོགས་གཏོང་། །ཟ་ནི་མི་ཤ་རློན་པ་ཟ། །འགེངས་ནི་སྟོང་གསུམ་བགེགས་ཀྱིས་འགེངས། །འཐུང་ནི་རྟ་ཁྲག་རློན་པ་འཐུང་། །བཞིན་ཡང་མི་སྡུག་ཁྲག་མདོག་མ། །འཁོར་བཞི་ནག་མོ་ཁྲག་མདོག་མ། །དེ་ཡི་འཁོར་གྱི་མ་མོ་ནི། །གྲངས་ཀྱང་བརྒྱ་ཕྲག་སྟོང་ཡོད་ཀྱང་། །རེ་ཡང་གཉིན་མོ་ཀུན་ལ་རེ། །སུ་ལ་མི་རེ་ཁྱོད་ལ་རེ། །སུ་ལ་མི་ལྟོས་ཁྱོད་ལ་ལྷོས། །དཔལ་ལྡན་ནག་མོ་རེ་མ་ཏེ། །མཐུ་རྩལ་ཆེ་བར་རྒྱུ་མཆིས་པས། །དམག་དཔུང་བསྐྱེད་ལ་བདུད་ཁ་བསྒྱུར། །རུ་མཚོན་ཕྱོར་ལ་དགྲ་དཔུང་ཆོམ། །ལས་སུ་གསོད་ལ་དགའ་བ་མོ། །སྦྱོར་སྒྲོལ་དམ་ཚིག་མཆོག་ལགས་ཀྱིས། །རྣལ་འབྱོར་དབང་ཕྱུག་ཆེན་པོ་ཡི། །དགྲ་བགེགས་མ་ལུས་བསྒྲལ་དུ་གསོལ། །བདུད་པྲ་མ་ཡ་དགྲ་སྙིང་ལ་དུན་སྨྱོ། སྲོག་རྩ་ཆོད་སྲོག་རྩ་ཆོད། ཁ་ཐ་ཁ་ཐ། རྦད་བུ་རྦད་བུ། དགྲ་སྙིང་ལ་དུན་སྨྱོ། མི་སྙིང་ལ་དུན་སྦྱོ། བདུད་བྲ་མ་ཡ་ཐུམ་ཐུམ། དགྲ་བོའི་སྙིང་ལ་ཐུམ།བདུད་བྲ་མ་ཡང་གཟེར་གཟེར། དགྲ་བོའི་སྙིང་ལ་གཟེར། བདུད་པྲ་མ་ཡ་དགྲ་བོའི་སྙིང་ལ་དུན་སྣྲོ། སྲོག་རྩ་ཆོད་སྲོག་རྩ་ཆོད། ཁ་ཐ་ཁ་ཐ། རྦད་བུ་རྦད་བུ། དགྲ་སྙིང་ལ་དུན་སྦྱོ། མི་སྙིང་ལ་དུན་སྨྱོ། བདུད་པྲ་མ་ཡ་ཐུམ་ཐུམ། དགྲ་བོའི་སྙིང་ལ་ཐུམ། བདུད་པྲ་མོ་ཡ་གཟེར། དགྲ་བོའི་སྙིང་ལ་གཟེར། བདུད་པྲ་མོ་ཡ་དགྲ་བོའི་སྲོག་རྩ་ཆོད། བདུད་པྲ་མོ་ཡ་དགྲ་བོ་ནི་མ་ར་ཡ་ཛ་ཐུམས་རྦད། ནག་མོ་མ༷་ས་ཤ་ལ་ཛ་ཛ་ཏྲ༷། ནག་མོ་ཙིསྟ་སྙིང་ལ་ཛ་ཛ། ནག་མོ་དགྲ་བོའོ་རྩ་ལ་ཛ་ཛ། ནག་མོ་དགྲ་བོའི་སྲོག་ལ་ཛ་ཛ། ནག་མོ་དགྲ་བོའི་དབུགས་ལ་ཧར་ཧུར་ཛ་ཛ། ནག་མོ་དགྲ་བོའི་སྙིང་ལ་ཛ་ཛ། ཏིག་ཧབ་ཡུ་ཡུ། སྙིང་ལ་ཐུན། ཙིསྟ་ཁ་ཐུམ་ལོག །ཐུམ་རིལ་རྦད། ཡ༷་རྦད་སྦྱོ། སྲོག་ལ་ཐུམ་རྦད། ཁམ་རིལ་ཡ་རྦད། མྱ་ར་ཡ་སྨྱོ། ཕུར་པ་རྣམས་ཀྱང་གཟུགས་ལ་བརྡེག །སྙིང་སྣ་རྣམས་དང་གཏོར་མས་མཆོད། བཤོས་ཆ་ཆང་ཕུད་དུས་གསུམ་མཆོད། །བྱ་དང་ནམ་མཁའ་རྟེན་དུ་གཟུགས། །རྟགས་རྣམས་བྱུང་ནས་མཎྜལ་བསྡུ། །མ་ར་ཡ་སྨྱོ། ཕུར་པ་རྣམས་ཀྱང་གཟུགས་ལ་བརྡེག །སྙིང་སྣ་རྣམས་ཀྱང་གཏོར་མར་མཆོད། །དངོས་གྲུབ་བླངས་ཏེ་གཏང་རག་གཏང་། །དཔལ་ལྡན་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། སྲོག་བདག་ཕོ་དགུ་མོ་དགུ་བསྒྲུབ་པའི་ལེའུ་སྟེ་བཞི་པའོ།། །།དེ་ནས་ཡང་དག་བཤད་བྱ་བ་གསད་པར་བྱ་བའི་འཕྲིན་ལས་ནི། །དཀྱིལ་འཁོར་དམར་ནག་གྲུ་གསུམ་ལ། །ཟླ་ཁམས་གསུམ་ལྡན་ཐོད་འཕྲེང་བརྒྱན། ཁུ་ཆད་སྒོ་དང་མེ་རིར་བཅས། །ཚུལ་དང་མཐུན་པའི་མཎྜལ་བཅས། ཁུ་གསུམ་བཞི་ལ་ལྕགས་ཕུར་བཞི། ཁྲུ་ཆད་བཞི་ལ་ཐིལ་བཞི། །ཟླུམ་པོ་གཙང་ནག་འབུམ་གྱིས་བསྐོར། །ཟླ་ཁམས་གསུམ་ལ་བྱ་ནག་གསུམ། །གཞན་ཡང་དམ་རྫས་ཚང་བར་བསགས། །ཚུལ་དང་མཐུན་པའི་གཏོར་མ་གཉིས། །སྲོད་དང་ཐོ་རངས་དུས་སུ་གཏང་། །འཇིགས་བྱེད་རྒྱལ་པོ་གཤིན་རྗེ་ཡིས། །དམ་ཆེན་བསྐུལ་ལ་རྩང་ཕུར་གདབ། །དེ་ནས་ཆེ་བའི་ང་རྒྱལ་བསྐྱེད་ལ། །མཁན་རྒྱ་ནས་མཚང་བྲུ་ཞིང་ཕུར་པས་གདབ། ཧུ༷། རྒྱ་གར་ཡུལ་ནས་བཞུགས་པའི་ཚེ། །རྒྱ་མོ་སྤྱན་དམར་མ་ཡི་མཁན། །ཁྱོད་ནི་མྱོས་བྱེད་ཆེན་མོསྟེ། དམཚིགཉམསཔའིདགྲ་བོ་ཡི། །ཀླད་པའི་རྒྱས་སུ་ཕུར་བུས་ཐོབ། །ཨོ་ཏ་བྱ་ཐུ་ཏྲ་ག་རཀྟ་མུ་ཏི་བེ་རུ་ལུ་ཛ་ཛ། དགྲ་སྙིང་ལ་སྨྱོ་སྦྱོ། མ་གི་ཡ་ཧུ༷་ཕཊ། མེན་ཡུལ་གཏིང་ན་བཞུགས་པའི་ཚེ། །མོན་མོན་སྤྱི་རིངས་ལས་འཕྲན་ཅན་གྱི་མཁན། །ཁྱོད་ནི་སྐུལ་བྱེད་ཆེན་མོ་སྟེ། །དམ་ཚིག་ཉམས་པའི་དགྲ་འདིའི། །རྐང་པའི་མཐིལ་དུ་ཀི་ལ་ཡ། །ཨོ་པདྨ་ར་ཏི་རུ་ཏི་རེ་མ་ཏི། ཙིཀྟ་ཙིསྟ་དགྲ་སྙིང་ལ་སྨྱོ་སྨྱོ། ཏྲག་མོ་རཀྟ་ཀྭ་ལ་ཡ་ཧུ༷་ཕཊ། དབུས་ཀྱི་དུར་ཁྲོད་ཀློང་ན་བཞུགས་པའི་ཚེ། ཨེ་ཀ་ཛ་ཏི་རལ་གཅིག་མ་ཡི་མཁན། །ཁྱོད་ནི་གསོད་བྱེད་ཆེན་མོ་སྟེ། །དམ་ཚིག་ཉམས་པའི་དགྲ་བོ་ཡི། །མཁལ་རྩ་གཡས་སུ་ཀི་ལ་ཡ། །ཨོ་ལུ་ཀོའུ་མེ་སན་ནན་ཛ་ཛ། དགྲ་སྙིང་ལ་སྨྱོ་སྨྱོ། རག་མོ་རཀྟ་ཀི་ལ་ཡ་ཧུ༷་ཕཊ། དམར་གྱི་རྒྱ་མཚོ་འགྲམ་ན་བཞུགས་པའི་ཚེ། །ནག་མོ་ཡུལ་ཡི་རལ་གཅིག་ཡི་མཁན། །ཁྱོད་ནི་སྲོག་ལེན་ཆེན་མོ་སྟེ། །དམ་ཚིག་ཉམས་པའི་དགྲ་བོ་འདིའོ། །མཁལ་རྩ་གཡོན་ལ་ཀི་ལ་ཡ། །ཨོ་ཨུ་ཏི་དུ་རུ་དུ་མྲ ཚལ་པ་མེ་དྷ་ར་ཛ་ཛ། དགྲ་སྙིང་ལ་སྨྱོ་སྨྱོ། རག་མོ་རསྣ་ཀི་ལ་ཡ་ཧུ༷་ཕཊ། ཁྱོད་ཀྱི་འཁོར་དུ་བུད་མེད་ནག་མོ་འབུམ་གྱིས་བསྐོར་བའི་ཚེ། ནག་མོ་འབུམ་རྣམས་ལས་ལ་འགྱེད་པའི་མཁན། །ཁྱེད་ཀྱི་སྤྱན་རྩ་བཟློག་ནས་མཆེ་བ་གརྩིགས་པའི་ཚེ། །བུད་མེད་ནག་མོ་འབུམ་གྱིས་ཡང་། །མིག་རྩ་རིག་རིག་ཁྱེད་ལ་ལྟ་བའི་མཁན། །ཁྱེད་ཀྱིས་རྐན་སྒྲ་ཆེམ་ཆེམ་དྲག་ཏུ་བརྡབས་པའི་ཚེ། །ད་ལྟ་ཉིད་དུ་འཕྲིན་ལས་མཛད་པའི་མཁན། ཨོ་ཧ་ར་ལ་སྨྱོ་སྨྱོ། པ་ཙ་པ་ཙ་ཀི་ལི་ཀི་ལ་ཡ་མུ་ར་ཡ་ཧུ༷་ཕཊ། དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་འབྱུང་བའི་རྒྱུད་ལས། གཙོ་མོ་བཞིས་བུར་བ་གདབ་པའི་ལེའུ་སྟེ་ལྔ་པའོ།། །།དེ་ནས་འཁོར་ནག་མོ་འབུམ་གྱི་རྩང་གིས་གདབ་པའི་ཕྱིར། ཧུ༷། དབྱིངས་ཀྱི་དུར་ཁྲོད་ཀློང་ན་བཞུགས་པའི་ཚེ། །རླུད་དང་བུ་ཡུག་སྣ་འདྲེན་པའི། །དབྱར་ཞིང་རྒྱ་མཚོའི་འགྲམ་ན་བཞུགས་པའི་ཚེ། །མེ་ཏོག་མདངས་ལེན་བཞུགས་པའི་མཁན། །སྟོན་བཞིན་བར་སྣང་ཁམས་ན་བཞུགས་པའི་ཚེ། འབྲས་བུ་ལོ་ཐོག་བབ་ལེན་མ་ཡིན་མཁན། །དགུན་བཞིན་གངས་དཀར་རྩེ་ན་བཞུགས་པའི་ཚེ། །རླུད་དང་བུ་ཡུག་སྣ་འདྲེན་མ་ཡི་མཁན། །ནམ་གྱི་གུང་ལ་རྒྱུ་བའི་ཚེ། །ལྷ་མོ་ནམ་གྲུ་མ་ཡི་མཁན། །བདུད་ཀྱི་བུ་མོ་མཛད་པའི་ཚེ། །བདུད་ཀྱི་ལྕམ་ལ་གཤིན་རྗེའི་ཡུམ་ཅིག་མ་ཡི་མཁན། །མ་མོ་སྟོང་གི་གཙོ་མོ་མཛད་པའི་ཚེ། །ཛ་ཛ་ཤོ་ན་མ་ཡི་མཁན། །དཔལ་ཆེན་པོ་ཡི་ཞལ་ནི་མངོན་སུམ་མཐོང་བའི་ཚེ། །བྷ་ག་ཧྲི་ཏི་མ་ཡི་མཁན། །དཔལ་ཆེན་གཟུངས་མ་མཛད་པའི་ཚེ། །ཀྲོ་དྷི་ཤོ་ན་མ་ཡི་མཁན། །དཔལ་རྟ་མགྲིན་གཟུངས་མ་མཛད་པའི་ཚེ། །ཨེ་ཀ་ཛ་ཏི་རལ་གཅིག་མ་ཡི་མཁན། །དགྲ་རྣམས་ཕུང་བར་མཛད་པའི་ཚེ། །དགྲ་བླའི་རྒྱལ་མོ་ཉིད་ཀྱི་མཁན། །སྐུ་ལ་མུ་ཏིག་དཀར་པོའི་འཕྲེང་བས་དོ་ཤལ་མཛད་པའི་ཚེ། །ཨེ་ཀ་ཛ་གི་ཡ་མའི་མཁན། །བར་སྣང་ཁམས་ལ་བཞུགས་པའི་ཚེ། །འགྲོ་བ་ཀུན་ལ་དབང་སྒྱུར་མ་ཡི་མཁན། །འཛམ་བུ་གླིང་བཞི་དུས་གཅིག་རྒྱུ་བའི་ཚེ། །གླིང་བཞི་གྲགས་མོ་རྒྱལ་གྱི་མཁན། །མཛའ་བུ་གླིང་བཞི་མངའ་བདག་མཛད་པའི་ཚེ། །གླིང་གི་འདྲ་རང་མ་ཡི་མཁན། །རཀྟའི་ཐིག་ལེས་སྐུ་ལ་བརྒྱན་པའི་ཚེ། །དབང་གི་རྒྱལ་མོ་རཀྟའི་ཐིག་ལེ་ཅན་གྱི་མཁན། །གདུག་པ་སྦྲུལ་གྱིས་སྐུ་ལ་བརྒྱན་པའི་ཚེ། །སྐྱེ་འགྲོ་ཀུན་གྱི་སྲོག་གཅོད་མ་ཡི་མཁན། །ནག་མོ་འབུམ་གྱི་དུས་ལ་བབ། །དམ་ཚིག་ཉམས་པའི་དགྲ་བོའི། །སྙིང་རྩ་གཡས་ལ་ཀི་ལ་ཡ། །སྒག་རཀྟ་རུ་ཏྲ་ཁྲག་དུན་སྨྱོ། ནག་མོ་དུན་སྦྱོ། དུན་ཏིང་མ་ལས་ལ་སྨྱོ་སྨྱོ། མ་དུར་ང་མ་སྨྱོ་དུ་ང་མ་སྨྱོ། ཙིཉི་ཐུན་སྨྱོ། རག་མོ་ཡ༷་དགྲ་ལ་ཡ༷་ཡ༷། ཀི་ལི་ཀི་ལ་ཡ་མུ་ར་ཡ་ཧུ༷་ཕཊ། དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། ནག་མོ་འབུམ་གྱི་རྩང་གདབ་པའི་ལེའུ་སྟེ་དྲུག་པའོ།། །།དེ་ནས་འཁོར་སེར་མོ་འབུམ་གྱི་རྩང་གདབ་པ། ཧུ༷། ཤེལ་གྱི་མཆོད་རྟེན་དབུ་ལ་རྩིགས་པའི་ཚེ། །རིགས་ལྔ་ཀུན་དང་དམ་ཚིག་དགྱེས་སྡེ་མོ་ཡི་མཁན། །དཔལ་ཚད་བརྒྱད་ཁྲི་དུས་གཅིག་རྒྱུ་བའི་ཚེ། །གསུར་གྱི་དྲི་སྣོམ་ཁྲག་གི་རྗེ་གཅོད་མ་ཡི་མཁན། །ཁྲག་གི་རྒྱ་མཚོའི་ནང་ན་བཞུགས་པའི་ཚེ རལ་པ་གཅིག་གིས་རྒྱ་མཚོས་བསྐྱིལ་བའི་མཁན། །དགྲ་ཤ་གསོལ་ནས་དགྱེས་ཏེ། །ཞལ་གྱི་རྐན་སྒྲ་ཏོག་ཅིང་སེ་གོལ་བརྡབ་པའི་ཚེ། །ཧུ༷་དང་ཕཊ་གྱི་སྒྲ་སྒྲོགས་པ་ཡི་མཁན། །སྲིད་པ་གསུམ་དུ་ཐོག་གི་བསྐལ་པ་འབེབས་པའི་ཚེ། །འཇིག་རྟེན་བག་ཆགས་ཐམས་ཅད་ཐལ་བར་རློག་པའི་མཁན། །དམ་ཚིག་གཉན་པོ་ཚུལ་བཞིན་བསྲུང་བའི་ཚེ། །དམ་ཚིག་དབང་གིས་སྐུ་ལ་བརྒྱན་པའི་མཁན། །ཐུགས་དམ་བསྐུལ་ནས་ཚུལ་བཞིན་བཅོལ་པའི་ཚེ། །ཁྲོ་མོ་ཆ་བྱད་འཇིགས་པར་སྟོན་པའི་མཁན། །དབང་ཕྱུག་ཆེན་མོ་འཕྲིན་ལས་བཅོལ་པའི་ཚེ། །དབང་བསྒྲུབ་རྒྱལ་མོས་འཕྲིན་ལས་མཛད་པའི་མཁན། །ལྷ་རྣམས་ཞལ་གྱིས་སྒྱུགས་པའི་འབོད། །མཛེས་པའི་ལྷ་མོ་གཤོན་ཚུལ་སྟོན་པའི་མཁན། །དྲང་སྲོང་ཆ་ལུགས་ཚུལ་བཞིན་མཛད་པའི་ཚེ། །གཟའ་དང་རྒྱུ་སྐར་དུས་གཅིག་བཟློག་པའི་མཁན། །བྱང་ཕྱོགས་དུར་ཁྲོད་ཀློང་ན་བཞུགས་པའི་ཚེ ཛ་ཞི་ཡུ་ཡི་རལ་གཅིག་འོད་དཔུང་མ་ཡི་མཁན། །ལྷ་རྣམས་རྫོང་དུ་འཛུད་པའི་ཚེ། །རྫོང་གི་ལྷ་མོ་ལྷ་མ་ཡིན་རྣམས་ཕུང་བར་མཛད་པའི་མཁན། །མེ་ཡིས་རི་རབ་འཁོར་ཡུག་དུས་ཅིག་བསྲེགས་པའི་ཚེ། །མེ་ཟ་བྲག་གྱོན་མ་ཡི་མཁན། ཁུ་དྲུག་རྩད་ནུས་གཅོད་པའི་ཚེ། །ངན་སོང་ཐམས་ཅད་ཐལ་བར་རློག་པར་བྱེད་པའི་མཁན། །སྲིན་མོའི་ཐོད་རུས་ཞལ་དུ་གསོལ་བའི་ཚེ། །སྲིན་མོའི་ཤ་ཟ་རུས་འཆའ་མ་ཡི་མཁན། །བདུད་ཀྱི་བུ་མོ་མཛད་པའི་ཚེ། །ཧ་རི་རག་ཤ་ཁ་འབར་མ་ཡི་མཁན། །གནོད་སྦྱིན་མོ་ཡི་གཙོ་མོ་མཛད་པའི་ཚེ། །གནོད་སྦྱིན་རྒྱལ་མོ་གདོང་རིངས་མ་ཡི་མཁན། །སྨན་ཕྲན་འབུམ་གྱི་གཙོ་མོ་མཛད་པའི་ཚེ། །སེར་ཆེན་ཁ་འདྲིལ་རྡོ་རྗེ་རླུད་མོའི་མཁན། །ཀེ་རི་བརྒྱད་ཀྱི་གཙོ་མོ་མཛད་པའི་ཚེ། །ཀེ་རི་ནག་མོ་མཆེ་བ་ཅན་གྱི་མཁན། །འཕྲ་མེན་བརྒྱད་ཀྱི་གཙོ་མོ་མཛད་པའི་ཚེ། །ཁ་ཁ་ནག་མོ་དགྲ་སྙིང་འབྲུ་བའི་མཁན། །སྒོ་མ་བཞི་ཡི་གཙོ་མོ་མཛད་པའི་ཚེ། །འཆིངས་བྱེད་ཞག་འཕེན་མ་ཡི་མཁན། །དབང་ཕྱུག་ཉི་ཤུ་བརྒྱད་ཀྱི་གཙོ་མོ་མཛད་པའི་ཚེ། །སྲིན་མོ་སྨུག་ནག་ཐོད་ཁྲག་འཐོར་བའི་མཁན། །ཕོ་ཉ་ཚོགས་ཀྱི་གཙོ་མོ་མཛད་པའི་ཚེ། །མགོ་དགུ་རྐང་གཅིག་དགྲ་སྙིང་འབྱིན་པའི་མཁན། །དམ་ཚིག་མཐའ་དག་སྐུ་ལ་གནས་པའི་ཚེ། །མ་བཙུན་ཨུག་ཆོས་དབྱར་མོ་བསིལ་གྱི་མཁན། །ཕོ་ཉ་སྲིད་པར་ཆགས་པའི་སྲོག་དང་ཁྲག་གི་མའང་བདག་མཛད་པའི་ཚེ། །ནག་མོ་སྲོག་གཅོད་སྙིང་འབྱིན་ཤ་ཟ་ཁྲག་འཐུང་མ་ཡི་མཁན། །འཇིགས་སུ་རུང་བའི་དཔལ་ལྡན་རེ་མ་ཏི། །བསྒྲུབ་པའི་རྫས་ལ་གྲོགས་མཛོད་ལ། །སྡང་བའི་དགྲ་ལ་རྟགས་ཕྱུང་ཞིག །སེར་ནག་འབུམ་གྱི་དུས་ལ་བབ། །དམ་ཚིག་ཉམས་པའི་དགྲ་བོ་འདི། །སྙིང་རྩ་གཡོན་ལ་ཀི་ལ་ཡ། །སྨྱོ་སྨྱོ་སྨྱོ་སྨྱོ། ཛུ་ཛུ་ཛུ་ཛུ། ནག་མོ་དགྲ་བོ་བ༷་རི་ལི་ལི། ནག་མོ་སྙིང་ཁྲག་ལ་རི་ལི་ལི། ནག་མོ་སྙིང་ལ་རི་ལི་ལི། ནག་མོ་དགྲ་བོའི་སྲོག་ལ་ཆོ་ཆོ། བ༷་རི་ལི་ལི། སྨྱོ་སྨྱོ། རག་མོ་རག་མོ་རུ་རུ་མི་ཏ་ཡ༷། ཀི་ལི་ཀི་ལི་བཱ་ར་ཡ་ཧུ༷་ཕཊ། དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་པའི་རྒྱུད་ལས། སེར་ནགའབུམཚོགསཀྱིརྩངགདབ་པའི་ལེའུ་སྟེ་བདུན་པའོ།། །།དེ་ནས་འཁོར་དམར་ནག་འབུམ་གྱི་རྩང་གདབ་པ། ཧུ༷། འཛམ་བུ་གླིང་བཞི་ལྷག་ཕུད་ཉུལ་བའི་ཚེ། གླིང་བཞི་མཁའ་འགྲོ་འབར་མའི་མཁན། །བསྐལ་པ་སྟོང་གི་མངའ་བདག་མཛད་པའི་ཚེ། །ཐོག་གི་བུ་མོ་གློག་འགྱུ་མ་ཡི་མཁན། །སྲིད་པ་གསུམ་གྱི་སྐོས་མཁན་མཛད་པའི་ཚེ། །སྲིད་པའི་བུ་མོ་སྐོས་འདེབས་མ་ཡི་མཁན། །དགེ་སྡིག་གཉིས་ཀྱི་གཤགས་གཉིས་དུས་གཅིག་འབྱེད་པའི་ཚེ། །ཉེས་ལེགས་ལྟར་འཛིན་དམ་ཚིག་རྗེས་གཅོད་མ་ཡི་མཁན། །སྲིན་པོ་འབུམ་ཕྲག་གཅིག་ཏུ་འཁོར་བའི་ཚེ། །སྲིན་མོ་ཤ་ཟན་བརྩེ་བའི་མཁན། ཁྲ་ཁྲག་དམར་ལ་རོད་རོད་གསོལ་བའི་ཚེ། །ཡུད་ཙམ་གྱིས་ནི་དགྲ་སྙིང་འབྱིན་པའི་མཁན། །སྲིན་མོ་ཆུང་མ་མཚན་པའི་ཚེ། །སྲིན་མོ་ཤམ་ཤམ་མ་ཡི་མཁན། །སྲིན་མོ་འབུམ་གྱི་འདོད་པ་སྒོང་པའི་ཚེ། །སྲིན་མོ་ནག་མོ་ཧལ་ཧལ་མ་ཡི་མཁན། །སྲས་བུ་སྲི་ཕྲུག་འབུམ་ཕྲག་དུས་གཅིག་བལྟམས་པའི་ཚེ། །སྲོག་ཆགས་ཀུན་གྱི་ཤ་ཟ་རུས་འཆའ་མ་ཡི་མཁན། །སྡང་བའི་དགྲ་ལ་ལས་མཛོད་ཅིག །དམར་ནག་འབུམ་གྱི་དུས་ལ་བབ། །རེ་མ་ཏི་བ་ཤ་ཙ་བ་ལ་ཛུ་ཛུ་སྨྱོ་སྨྱོ། མ་མ་ས་མ་ཡ་སྨྱོ་སྨྱོ། མ་མ་ས་མ་ཡ་ཐུམ། རྣིར་ཛུ་བཱ་ལྭ་ཤག །ལག་ཏུ་རྦད་སྨྱོ། མ་མ་ཁ་མ་ཐུམ། ཀི་ལི་ཀི་ལ་ཡ་མ་ར་ཡ་ཧུ༷་ཕཊ། དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། དམར་ནག་འབུམ་ཚོགས་ཀྱི་རྩང་གདབ་པའི་ལེའུ་སྟེ་བརྒྱད་པའོ།། །།དེ་ནས་འཁོར་ལྗང་ནག་འབུམ་གྱི་རྩང་གདབ་པ། ཧུ༷། སྐུ་ལ་རེ་བ་ནག་པོ་གསོལ་བའི་ཚེ། །ནག་མོ་རེ་བའི་གོ་ཟུ་ཅན་གྱི་མཁན། །དྲེ་རྟ་རྐང་གསུམ་ཆིབས་སུ་ཆིབས་པའི་ཚེ། །ནག་མོ་དྲེ་རྟའི་མངའ་བདག་ཆེན་མོའི་མཁན། །ཕྱག་ན་བདུད་ཁྲམ་ནག་པོ་བསྣམས་པའི་ཚེ། །སྐྱེ་འགྲོ་ཐམས་ཅད་ཁྲམ་ལ་འདེབས་པའི་མཁན། །མཆན་ན་རྩིབས་བྱ་དམར་པོ་བཅུག་པའི་ཚེ། །སྐྱེ་འགྲོ་ཐམས་ཅད་དཀྱུས་ལ་འཛུད་པའི་མཁན། །བུད་མེད་ནག་མོ་སྟོང་གིས་བསྐོར་བའི་ཚེ། །མ་མོ་འབུམ་གྱི་མངའ་བདག་ཉིད་ཀྱི་མཁན། །ཁྲག་སྐམས་ལྕགས་ཀྱུ་ཕྱག་ན་བསྣམས་པའི་ཚེ། །དགྲ་བོའི་བླ་འགུགས་སྙིང་རྩ་འདྲེན་པའི་མཁན། །གསེར་གྱི་སྐོན་པ་ཕྲག་ལ་གཟེད་པའི་ཚེ། །འབྲས་བུ་ལོ་ཐོག་གཉིས་སུ་ལེན་པའི་མཁན། །གཡུ་ཡི་ཟོར་བ་ཕྱག་ན་བསྣམས་པའི་ཚེ། །ལོ་ཐོག་སྣར་གྱི་བབ་ལེན་མ་ཡི་མཁན། །ཞགས་པ་ནག་པོ་ཀླད་ལ་བསྐོར་བའི་ཚེ། །འཇེགས་སུ་རུང་བའི་བདུད་མོ་སྲོག་ལེན་མཁན། །གསེར་གྱི་ཇུ་ཏིག་ཕྱག་ན་བསྣམས་པའི་ཚེ། །སྲིད་པ་གསུམ་ལ་བྱ་ར་མཛད་པའི་མཁན། །སྩོར་བདག་ཆེན་མོ་ཡིན་པའི་ཚེ། །སྣང་སྲིད་ཙམ་གྱི་རེ་བ་སྐོང་མའི་མཁན། །སྤྱན་རྩ་བཟློག་ནས་མཆེ་བ་གཙིགས་པའི་ཚེ། །བདུད་དང་སྲིན་པོ་མ་ལུས་འདུལ་བའི་མཁན། །ཞིང་ཆེན་གཡང་གཞི་སྐུ་རེགས་མཛད་པའི་ཚེ། །མུ་སྟེགས་འདྲེ་གདོན་ཟིལ་གྱིས་གནོན་པའི་མཁན། །དྲེད་ལྤགས་ནག་པོ་སྐུ་ལ་གསོལ་བའི་ཚེ། །བདུད་དང་སྲིན་པོ་འཕངས་སུ་འཁོལ་བའི་མཁན། །སྟག་ལྤགས་རློན་པས་ཤམ་ཐབས་མཛད་པའི་ཚེ། །སྟག་གི་བུ་མོ་རིས་བཀྲ་མ་ཡི་མཁན། །ཁྱུང་གཤོག་སྔོན་པོས་སྐུ་ལ་བརྒྱན་པའི་ཚེ། །ཁྱུང་གི་བུ་མོ་ཁྲག་ཟན་མ་ཡི་མཁན། །ཞིང་ཆེན་གདན་ལ་བརྐྱང་བསྐུམ་བཞུགས་པའི་ཚེ། །རྫུ་འཕྲུལ་བཞི་ཡི་ཞབས་དང་ལྡན་པའི་མཁན། །ཐོད་པ་སྐམ་རློན་ཕྱག་ན་བསྣམས་པའི་ཚེ། །བདེ་གཤེགས་རྣམས་ལ་དགེས་མཆོག་འབུལ་བའི་མཁན། །ཁྲོ་མོ་སྨུག་ནག་ཆ་ལུགས་འཛིན་པའི་ཚེ། །སྣང་སྲིད་ཐམས་ཅད་མེ་ཡིས་བསྲེགས་པའི་མཁན། །སྲིན་མོ་ནག་མོ་ཆ་ལུགས་འཛིན་པའི་ཚེ། །བསྒྲུབ་པ་པོ་ཡི་ལྟ་སྤྱོད་རྟོགས་པའི་མཁན། །ལྷ་མོ་དཀར་མོའི་ཆ་ལུགས་འཛིན་པའི་ཚེ། །སྲིད་པའི་མ་མོ་དངས་ལྡན་མ་ཡི་མཁན། །བདུད་རྩི་རྣམ་ལྔ་ཞལ་དུ་གསོལ་བའི་ཚེ། །ཡིད་བཞིན་ཟས་ལ་མངའ་བསྙེམས་མ་ཡི་མཁན། །དབུ་སྐྲ་གྱེན་དུ་འཁྱིལ་བའི་ཚེ། །བརྟུལ་ཞུགས་རྩལ་རྣམས་དུས་གཅིག་འབྱིན་པའི་མཁན། །མི་རོ་རྟ་རོ་ཞལ་དུ་གསོལ་བའི་ཚེ། །ཞལ་གྱི་སྒྲེགས་པས་སྟོང་གསུམ་འགེངས་པའི་མཁན། ཁྲངས་ནས་རྣག་དང་ཆུ་སེར་འཛག་པའི་ཚེ། །སྟོང་ཁམས་ཡོངས་ཀྱི་བག་ཆགས་སྦྱོང་བའི་མཁན། །གདོང་སྨུག་རྩས་བསྒགས་པའི་ཚེ། །དབངཕྱུགཚོགསལསྟེནཅིང་འགྱིང་བག་སྟོན་པའི་མཁན། །སྤྱན་རྩ་བཟློག་ནས་ཐུར་དུ་གཟིགས་པའི་ཚེ། །ངས་སོང་ཐམས་ཅད་དོང་སྤྲུགས་མཛད་པའི་མཁན། །དབུ་ཡི་རལ་པས་ཕྱོགས་བཅུར་གཏིབས་པའི་ཚེ། །སྟོང་ཁམས་ཐམས་ཅད་མ་མོས་འགེངས་པའི་མཁན། །སྤྱན་ནས་ཁྲག་གི་མཆི་མ་འཛག་པའི་ཚེ། །འཛམ་བུ་གླིང་བཞིར་ཤྭ་སེར་འབེབས་པའི་མཁན། །འལ་ནས་སྒྱུགས་པའི་གླུ་སྙན་བླང་པའི་ཚེ། །རྣལ་འབྱོར་རྣམས་ཀྱི་དྲོད་ཚད་རྟོགས་པའི་མཁན། །མགུར་ཆུ་བྱིས་པའི་མགོ་བོས་མཛད་པའི་ཚེ། །བསྒྲུབ་བ་པོ་ཡི་ཏིང་འཛིན་ཉུང་བའི་མཁན། །ཏེའུ་སེག་ནེའུ་སེག་འཕྲེང་བ་བགྲང་བའི་ཚེ། །ཐུགས་དམ་སྙིང་པོ་བསྙེལ་གྱིས་དོགས་པའི་མཁན། །དར་ནག་གོ་ཟུ་སྐུ་ལ་གསོལ་བའི་ཚེ། །འཁོར་གྱི་མ་མོ་རྣམས་ལ་འགྱིང་བག་སྟོན་པའི་མཁན། །མཐའ་མ་ཐོད་པའི་འཕྲེང་བས་བརྒྱན་པའི་ཚེ། །མ་མོ་འབུམ་རྣམས་ལས་ལ་འཁོལ་བའི་མཁན། །སྦྲུལ་ནག་སྟོང་གིས་སྒྲོག་བུ་མཛད་པའི་ཚེ། །གླུ་རྣམས་ཚར་གཅོད་དམ་ཉམས་འདུལ་བའི་མཁན། །ཐོད་ཁྲག་དམར་པོ་ཞལ་དུ་གསོལ་བའི་ཚེ། །འདོད་ཆགས་ཁྲག་ལ་ངོམ་མཐའ་མེད་པའི་མཁན། །གསལ་བའི་ཞུན་མར་ཕྱག་ན་བསྣམས་པའི་ཚེ། །སྔགས་པ་དམ་ཉམས་པ་ཡི་སྲོག་ལེན་མཁན། ཁྲ་བའི་སྐྱིད་ལྷམ་ཞབས་ལ་གསོལ་བའི་ཚེ། །བརྟན་མ་བཅུ་གཉིས་ལས་ལ་འཁོར་བའི་མཁན། །ལྕགས་འཕྲེང་སྔོན་པོས་ལྕགས་སྒྲོག་མཛད་པའི་ཚེ། །གདུག་པ་པོ་རྣམས་སྤ་བཀོང་མ་ཡི་མཁན། །ཆུ་གླང་ནག་པོ་ཆིབས་སུ་ཆིབས་པའི་ཚེ། །རྒྱ་མཚོ་གཏིང་ནས་ཞབྲུག་ཅིང་ཀློང་བའི་མཁན། །སྡང་དགྲ་གནོད་བགེགས་སྒྲོལ་ལ་ཤོག །ལྗང་ནག་འབུམ་གྱི་དུས་ལ་བབ། །ཛུ་ཛུ་རེ་མ་ཏི་བ་ཤ་ཙ་པ་ལ་ཛུ་ཛུ། ཤ་རྒྱུས་སྙིང་ལ་ཡ། ཤ་རྒྱུས་སྲོག་ལ་ཡ། དབུགས་རྒྱུས་རྩ་ལ་ཡ། རྩ་རྒྱུས་ཁྲག་ལ་དུན་དུན། རག་མོ་རག་མོ་རུ་རུ་ཏི་སྟ་རྦད། ཡ༷་ཤམ་ཤམ། ནག་མོ་སྲོག་ལུས་ཕྲོལ། ཀི་ལི་ཀི་ལ་ཡ་མ་ར་ཡ་ཕཊ། བྲག་དང་བྱ་ནག་ཟོར་དུ་བྱ། ཚེ་བསྟིམ་དངོས་གྲུབ་བླང་། དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། ལྗང་ནག་འབུམ་གྱི་རྩང་གདབ་པ་དང་མཁན་བརྒྱ་བསྒྲུབ་པའི་ལེའུ་སྟེ་དགུ་པའོ།། །།དེ་ནས་ཡང་དག་བཤད་བྱ་བ། རབ་ཏུ་བཤད་པར་བྱ་བ་ནི། །དཀྱིལ་འཁོར་དམར་ནག་གྲུ་གསུམ་ལ། །དབུས་སུ་རབས་ཆད་མོན་གྱི་མགོར། །ནང་དུ་མ་བཞིའི་ཞལ་ཀྱང་བྲི། །ཕྱི་ལ་སྲོག་བདག་བཞི་ཡི་ཞལ། །ནང་དུ་ཁྲག་སྣ་ཚང་བར་བསགས། །ཐོད་པ་སྐྱ་བོ་གཅིག་གི་ནང་དུ་དུག་སྣ་ཚོགས་ཚང་བར་བསོགས། སྣ་ལ་ཁྲག་ལ་བསྐྲུབས། དེ་ནས་ཁྲག་དུག་བསྲེས་ལ། དེ་ནས་ཐུན་བསྙེན་དག་ལ་འཇུག །སྙིང་པོ་སྟོང་གི་བར་རག་ཏུ། །བསྐུལ་ཚིག་དང་ནིཚུལབཞིནབཏང། །ཨོ་ཏྲི་ཁས་བླངས་མ་རུ་ཏྲ། ཧུ༷་ཐུམ་རུ་ལུ་རུ་ལུ་མ་ཧེ་སྨྱོ། རུ་རུ་རག་མོ་མ་ཤམ། ནི་ཙ་པ་ལ། ནི་ལྷ་ཡ་མ་དུན་ཧྲིང་ཡག་དུ་མ་ཛུ་ཛུ། ཁྲག་ལས་རླངས་པ་འབྱུང་བ་དང་། །ཁྲག་དུག་བསྲེས་ཏ་དུག་ངར་བསྐྱེད། །ཨོ་ཨ་བེ་ཤ། ཐེ་བ་ཤ། ཏ་བེ་ཤ། རུ་བེ་ཤ། ཤ་ཁ་ཐུན་སྨྱོ། ས་ཏམས་ཏམ། ཤོག་ཏམ་ཤོག་ཏམ། བམ་མུགས་དམ་ཉམས་སྲོག་ལ་མུ་ར་ཡ།ཁྲག་དུག་གཉིས་ལས་རླངས་བ་བྱུང་། །སྔོན་དམར་ཁྱུག་ཁྱུག་བྱུང་བ་ནི། །འདུ་བ་རྣམ་བཞིའི་ནད་དག་གིས། །དགྲ་བོ་དག་དང་སྨོས་ཅི་དགོས། །བསྟན་པ་གཉན་པོའི་འཇིག་བྱེད་དང་། །དཀོན་མཆོག་སྨོད་པ་བརླག་པར་བྱེད། །དེ་ནས་གསང་བའི་སྔགས་དག་ནི། །སྟོང་སྟོང་ཚད་དུ་ཕྱིན་པར་བྱ། །ཏྲི་ཙ་བ་ལ་ནི་ར་ཟུང་། བདུད་ཏྲི་ནི་ར་ཟུང་། ཡ་ཏྲི་ནི་ར་ཟུང་ཆུམ་ཤིག །ཡ༷་ཏྲི་ནི།ར་ཟུང་། དུན་ཏྲི་པ་ཏྲི། ལྡན་ཛ། དན་དྲི་ཤོ་མ་ཏྲི། ཆེ་གེ་མོ་མ་ར་ཡ་ཏྲིང་ཛ་ཛ། ལྭ་ཡུ་ཐིམ་ཐིམ། བཱ་ར་ཡ་ཐུན་ཡུ། ཨོ་ཏབྱ་ཐུ། ཏྲག་རཀྟ་མུ་ཏྲི་བ༷་རུ་ལུ་ཛ་ཛ། དགྲ་སྙིང་ལ་སྨྱོ་སྨྱོ། བེ་ཤ་ཁ་ཐུན་སྨྱོ། ཨོ་པདྨ་ར་ཏི་རུ་ཏི་རེ་མ་ཏི། ཙི་ཏ་ཙ་ཏ། དགྲ་སྙིང་ལ་སྨྱོ་སྨྱོ། བེ་ཤ་ཁ་ཐུན་སྨྱོ། ཨོ་རུ་ལུ་གེའུ་མེ་སེན་མེན་ནན་ཛུ་ཛུ། དགྲ་སྙིང་ལ་སྦྱོ་སྦྱོ། བ་ཤ་ཁ་ཐུན་སྨྱོ། ཨོ་ཨུ༷་སྟི་དུ་རུ་དུ་རུ་ཚལ་པ་མེ་དྷ་ར་ཛ་ཛ། དགྲ་སྙིང་ལ་སྨྱོ་སྨྱོ། བེ་ཤ་ཁ་ཐུན་སྨྱོ། ནག་མོ་དུན་སྨྱོ། དུན་ཏིང་མ་ལས་ལ་སྨྱོ། འཁོར་ནག་མོ་འབུམ་དང་བཅས་ཏེ་འཕྲིན་ལས་ལ་སྤྱོན་ཅིག་ཛ་ཛུ། ལས་བྱེད་གཙོ་མོ་ཛ་དུན་ཏིང་། བེ་ཤ་ཁ་ཐུན་སྨྱོ་སྨྱོ། ལིང་ཁ་འདར་རམ་ཁྲག་ཏུ་འཁོལ། ཁུབ་རྟགས་ཚད་དུ་ཕྱིན་པ་དང་། །སྲོག་བདག་ཕོ་མོ་ལས་ལ་བསྐུལ། །ཧུ༷། བདུད་རྣམས་ཀུན་གྱི་ཡང་བདུད་དེ། །མེ་རི་འབར་བའི་གནས་སྲུན་པོ། །ནག་པོ་མེ་ཡི་ཁ་རླངས་ཅན། །མེ་འབྲུག་དམར་པོ་ཞོན་ཞིང་རྒྱུའོ། །ལག་ན་གནམ་ལྕགས་སྲིན་པོ་རྐང་། །སྲིན་རྐང་ཅན་གྱིས་ད་དྲོངས་ལ། །བསྟན་པ་འཇིགས་པའི་དགྲ་བོ་འདི། །མི་མང་འདུ་བའི་གནས་སུ་སོད། ཁྲན་པ་ཁྱོད་ཀྱི་དུས་ལ་བབ། །ཆུང་མ་ནག་མོ་ཁྲག་འཛག་མ། །ཁྲག་གི་རལ་པ་སྔོན་དམར་འགྱུ། །དགྲ་ལ་སྔོན་དམར་དལ་ཁ་ཕོབ། །ནད་གཏོང་མ་ཡི་དུས་ལ་བབ། །ཧུ༷། ནག་པོ་བེ་གློན་མི་གཅིག་པ། །རལ་པ་གཅིག་འགྲེང་གནམ་དུ་འཁྱིལ། །ལག་ན་མི་ཡི་གཡང་གཞི་རྡེབས། །བདུད་གཡག་ནག་པོ་ཞོན་ཅིང་རྒྱུག །དམ་ཚིག་ཉམས་པའི་དགྲ་བོ་འདི། སབ་སུབ་ལུང་པའི་ནང་དུ་གསོད། ཁྲན་པ་ཁྱོད་ཀྱི་དུས་ལ་བབ། །དེ་ཡི་ཆུང་མ་ནག་མོ་ནི། །ནག་མོ་ཆེན་མོ་གློག་འགྱུ་མ། །མགོ་མེད་བྲང་ནི་ནུས་མས་བཀང་། །བསེ་དང་དུང་གི་ཞོ་འཐོར་ཞིང་། །སྟོང་ཁམས་ཁྱབ་པའི་ལག་རིངས་མ། །དགྲ་སྙིང་དབྱུང་བའི་དུས་ལ་བབ། །དཔལ་ལྡན་ནག་མོ་རེ་མ་ཏི། ཁུ་ནི་དཔྱིད་ཟླ་གསུམ་ལ་རྒྱུ། །ཐུན་དང་ཟོར་གྱི་སྣ་དྲོངས་ལ། །ཐུན་ཁྲག་རིམས་སུ་ད་སྒྱུར་ཅིག །རིམས་ནད་དགྲ་སྡང་འདི་ལ་ཡ། །ཧུ༷། ལྷ་བདུད་དྲེགས་ཆེན་གསུས་པོ་ཆེ། །ལག་ན་དར་ནག་རུ་མཚོན་ཕྱར། །ལྕགས་ཀྱི་མཛོ་རྒོད་ཞོན་ཞིང་རྒྱུག །སྤྲིན་ནག་དུང་དཀར་འཁྱིལ་ན་བཞུགས། །སྐུ་ལ་སྔོ་བའི་དགྲ་བོ་འདི། །རི་དྲག་གསང་བའི་གནས་སུ་སོད། ་ན་པ་ཁྱོད་ཀྱི་དུས་ལ་བབ། །དེ་ཡི་བཙུན་མོ་ནག་མོ་ནི། །ནག་མོ་ཆེན་མོ་མགོ་གསུམ་མ། །ཕག་སྐད་འཚེར་ཞིང་ལྕགས་སེར་འབེག །ལྕགས་ཀྱི་སེར་དྲག་འབེབས་པ་མོ། །དགྲ་བོའི་སྙིང་ལ་ལྕགས་སེར་འབེབས། །དཔལ་ལྡན་ནག་མོ་རེ་མ་ཏི། །རྒྱུ་ནི་དབྱར་ཟླ་གསུམ་ལ་རྒྱུའོ། །ཐུན་དང་ཟོར་གྱི་སྣ་དྲོངས་ལ། །ཐུན་ཁྲག་རིས་སུ་ད་བསྒྱུར་ལ། །རིམས་ནད་དང་དགྲ་སྙིང་ཉིད་ལ་ཡ། །ཧུ༷། བདུད་མཁར་ཁ་རག་སྒོ་མེད་ནས། །རལ་པ་སྤྱི་འཆིངས་བདུད་ཀྱིས་སོ། །ལག་ན་དགྲ་སྙིང་རློན་པ་བསྣམས། །བདུད་རྟ་ནག་པོ་ཤོན་ཞིང་རྒྱུག །ཞགས་པ་ནག་པོ་ཤྭ་ར་ར། །བདུད་ཡ་ནག་པོ་ལྡིང་ནག་འཛུམས། །བདུད་ཁྱི་ནག་པོ་འདུར་ཞིང་འཇབ། །བཀའ་གཅོག་དམ་བྲལ་སྡིག་ཅན་འདི། །ཟང་ཟིང་གྲོང་གི་དབུས་སུ་སོད། ཁྲན་པ་ཁྱོད་ཀྱི་དུས་ལ་བབ། །བཙུན་མོ་ནག་མོ་སོ་གཅིག་མ། །སོ་གཅིག་སྐྱེ་ཤི་རྩད་གཅོད་མ། །མོན་བུ་སྟ་ཐོག་སུམ་ཅུའི་འཁོར། །སྲོག་རྩ་བཅད་པའི་དུས་ལ་བབ། །དཔལ་ལྡན་ནག་མོ་རེ་མ་ཛ། ཁུ་ནི་སྟོན་ཟླ་གསུམ་ལ་རྒྱུ། །ཐུན་དང་ཟོར་གྱི་སྣ་དྲོངས་ལ། །ཐུན་ཁྲག་རིམས་སུ་ད་སྒྱུར་ལ། །རིམས་ནད་དགྲ་བོའི་སྙིང་ལ་ཡ། །ཧུ༷། ཁུ་ལེ་ཤོད་ཀྱི་ལག་དགུ་པོ། །བསེ་མཁར་སྨུག་པོའི་ནང་ན་གནས། །བྱུ་རུའི་མཆེ་བ་འདར་ཞིང་འོང་། །བསེ་ཁྲབ་སྨུག་པོ་སི་སི་ལི། །བསེ་ཡི་རྨོག་མོ་གསང་རིངས་གསོལ། །བསེ་མདུང་སྨུག་པོ་ལྡེམས་སེ་ལྡེམས། །བསེ་དར་འབྲུ་རིང་པུ་རུ་སྲ །བསེ་ཡི་ལྕགས་ཀྱུ་ཀྲ་ལ་ལ། །བསེ་ཞགས་དམར་པོ་ཤ་ར་ར། །བསེ་རྟ་དམར་པོ་གཞུ་རིང་ཤོན། །བསེ་ཡི་བྱ་ལ་གཞུང་སེ་ཞུངས། །རིང་ལ་སྙེག་པའི་ཞིང་བཅུ་འདི། །རྒྱ་མཚོར་རློབས་ལ་ཆུ་གྲིར་སོད། ཁྲན་པ་ཁྱོད་ཀྱི་དུས་ལ་བབ། །འཇིགས་བྱེད་ཁྱོད་ཀྱི་བཙུན་མོ་ནི། །དམར་མོ་མིག་གསུམ་སྦྲུལ་མགོ་ཅན། །ལག་ན་ཞག་གི་ཕོར་ཐོགས་མ། །ནད་གཏོང་མ་སྟེ་སྨྱོ་པ་མོ། །སྨྱོས་ནད་གཏང་བའི་དུས་ལ་བབ། །དཔལ་ལྡན་ནག་མོ་རེ་མ་ཛུ ཁུ་ནི་དགུན་ཟླ་གསུམ་ལ་རྒྱུ། །ཐུན་དང་ཟོར་གྱི་སྣ་དྲོངས་ཤིག །ཐུན་ཁྲག་རིམས་སུ་ད་བསྒྱུར་ལ། །རིམས་ནད་དགྲ་སྡང་འདི་ལ་ཡ། །ཨོ་ཙ་རུ་ཐུམ་རིལ། ཁྲག་ཐུམ་ལིང་། གུག་ཚར་ལིང་། བ༷་བ༷་རྨུག་རྦད། དྲོལ་དྲོལ་ཕུག་ལྗུར་ཏི་ཕྱུང་། རོལ་རོལ་དགྲ་བོའི་སྙིང་ལ་རོལ། དགྲ་བོའི་སྲོག་ལ་རོལ། སྙིང་ཐིག །སྲོག་ཐིག་རྦད་རྦད་ཡུ། ནག་མོ་སྨྱོ། རག་མོ་སྨྱོ། ཡག་མོ་སྨྱོ། དྲིག་མོ་སྨྱོ། རེ་མ་ཏི་སྨྱོ། རེ་མ་ཊ་སྨྱོ། རེ་མ་ཛ་སྨྱོ། རེ་མ་ཛུ་སྨྱོ། མོ་མ་འོ། མ་སྨྱོ་མ་སྨྱོ། མ་མོ་ནག་མོ་ཕྲོལ། ཡག་མོ་སོད། ནི་ཛ་རྦད་ཐུན་སྟོ། སྡང་བའི་དགྲ་བོ་ལ། མ་མོ་ལས་ཀྱི་ཐུན་སྨྱོ་སྨྱོ་སྨྱོ་སྨྱོ་སྨྱོ། ཐོད་བུ་ཐུན་དུ་བྱས་ལ། ཁྲོ་བོའི་ཁང་རྩར་འགྲམ་རྩར་སྦ། ཡང་ན་ཁོའི་ཞིང་མུའི་དཀྱིལ་དུ་སྦའོ། །དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། སྲོག་བདག་ཡབ་ཡུམ་བསྒྲུབ་པའི་ལེའུ་སྟེ་བཅུ་པའོ།། །།དེ་ནས་ཡང་དག་བཤད་བྱ་བ། །ཐོག་སེར་གསང་བའི་ལས་དག་འདི། །སྤྱི་ཡི་དཀྱིལ་འཁོར་དེ་ཉིད་ལ། །རྫས་སུ་བཅའ་བའི་དམ་རྫས་འདིས། །ཐོད་པ་སྲུབས་དྲུག་པ་གསུམ་དུ། །ར་སེར་རྒྱའི་ཁྲག །ཁྱི་མོ་ནག་མོའི་ཁྲག །གདོང་གཅིག་མའི་མངལ་ཁྲག་གསུམ་བླུགས་ལ། ཟླ་ཁམ་གསུམ་ལ་བཞག་གོ །དེ་ནས་ཉུངས་དཀར་དང་། བ་བླ་དང་། བོད་དུག་དང་། པ་ཙེ་བ་རྣམས་ལ་ངན་སྔགས་བཟླས་ཏེ་བསྒྲུབ་བོ། །ཨོ་ཏབྱ་ཐུ། སྒག་རཀྟ་མུག་བ༷། མ་རུ་ལུ་ཛུ་ཛུ། དགྲ་སྙིང་ལ་སྨྱོ་སྦྱོ། ཨོ་པདྨ་ར་ཏི་རུ་ཏི་རེ་མེ་ཏི། ཙིསྟ་ཙིཏི་དགྲ་སྙིང་ལ་སྦྱོ་སྨྱོ། ཨོ་རུ་ལུ་ཀོ་བུ་མེ་སེན་མེན་ནན་ཛུ་ཛུ། དགྲ་སྙིང་ལ་སྨྱོ་སྨྱོ། ཨོ་ཨུ༷་སྟི་དུ་ར་དུ་རུ་ཚལ་པ། མེ་ད་ར་ཛ་ཛ། དགྲ་སྙིང་ལ་སྨྱོ་སྨྱོ། སྒག་མོ་ཏྲག་ཀ་ལི་བ༷་ཡ༷། ས་མ་ཡ་ཧྭ༷་ཕཊ། ཁྲག་ལ་གདབ་བོ། རྨི་ལམ་གྱི་མཚན་མ་དང་། མངོན་སུམ་པའི་རྟགས་བྱུང་བ་དང་། རྫས་དང་ཡས་སྟག་ཀུན་ཁྱེར་ཏེ། ཡུལ་གང་དུ་བྱེད་པའི་ལོ་ཐོག་ལ། ཟོར་དུ་བརྡེག་ཅིང་སྔགས་བཟླས་སོ། །རུ་རུ་རག་མོ་ཏི་སྟ་སྒག་མོ་ཏྲགྲུ་མ་མ་ར༷་སྨྱོ། རུ་རུ་ཀ༷་ཀ༷་མ་མ་རམ་སྨྱོ། རུ་རུ་རག་མོ་མ་ར༷་སྨྱོ་སྨྱོ། རུ་རུ་པེ་བ་སྟི་སྟ་མ་མ་ར༷་སྨྱོ། རུ་རུ་ཙི་བི་རི་མ་མ་ར༷་སྨྱོ། སྔགས་དེ་རྣམས་བཟླས་ལ། བྲང་རྡུང་། སྐྲ་གསིག །ཞིང་ལྤགས་གདབ་བོ། གཤེད་དེར་བསྒོམས་ལ་བསྐུལ་བར་བྱའོ། །ཧུ༷། ཁམ་ནག་གསུམ་འབར་བའི་དཀྱིལ་འཁོར་ནས། །ས་བདག་རྒྱལ་མོ་གཤིན་རྗེའི་སྲིང་ཅིག་མ། །འཇིགས་བྱེད་དཔལ་གྱི་ཕོ་ཉ་བདུད་ཀྱི་ཡུམ། །རྨ་བྱའི་རྒྱལ་མཚན་བདུད་ཀྱི་རྒྱན་དུ་བྱས། །ཟླ་བའི་འོད་ནི་སྤྱི་བོའི་གཙུག་ན་གསལ། །ཉི་མའི་འོད་ནི་ལྟེ་བའི་དཀྱིལ་ནས་འཆར། །ཞིང་ལྤགས་གཡང་ཞི་སྐུ་ཡི་རྒྱན་དུ་བྱས། །རེ་ལྡེ་ནག་པོ་སྐུ་ཡི་སྨད་གཡོགས་བྱས། །ཕྱག་མཚན་གཡས་ན་སྐྲུ་གྲི་ནག་པོ་བསྣམས། །ཕྱག་མཚན་གཡོན་ན་ནད་ཀྱི་རྐྱལ་བ་བསྣམས། །བོང་བུ་གྭ་ཆགས་ཁྱོད་ཀྱིས་ཆིབས་སུ་ཆིབས། །རླུད་ནག་ནང་ནས་ཐོག་དང་སེར་བ་ཕོབ། །དམ་ཉམས་དགྲ་བོའི་ལོ་ཐོག་བརླག་པར་མཛོད། །སྐྱིན་འདང་བདག་མོ་ཐུགས་དམ་དུས་ལ་བབ། །སྲིད་གསུམ་འཇོམས་མཛད་དཔལ་ལྡན་རེ་མ་ཏི། །སྦྲུལ་གྱི་གདུ་བུས་ཞེ་སྡང་རྩད་ནས་གཅོད། །ཆུ་སྲིན་ཐོད་པས་ཉོན་མོངས་དབྱིངས་སུ་སྒྲོལ། །ཁྲམ་ཤིང་ནག་པོས་དམ་ཉམས་དམྱལ་ཐག་གཅོད། །ཐོག་སེར་བདག་མོའི་ཐུགས་དམ་དུས་ལ་བབ། །ཐུགས་རྗེ་སྒེག་མ་དཔལ་ལྡན་རེ་མ་ཏི། །སྐུ་ཡི་མ་མོ་མི་བཟད་རལ་གཅིག་མ། །ཆུ་སྲིན་པིར་གྱི་སླག་པ་སྐུ་ལ་གསོལ། །འཕྲིན་ལས་བསྐལ་པར་ཐོག་དང་སེར་བ་གཏོང་། །ཐོག་བདག་རྒྱལ་མོའི་ཐུགས་དམ་དུས་ལ་བབ། །བཀའ་གསང་རྒྱུ་ལྡོག་དཔལ་ལྡན་རེ་མ་ཛ། །སྤྲིན་གྱི་གོ་ཟུ་ནག་པོས་སྐུ་ལ་ཀླུབས། །མི་མགོའི་འཕྲེང་བས་སྐྲུལ་གྱི་དོ་ཤལ་བྱས། །འཕྲིན་ལས་གཏེར་དུ་ཤྭ་དང་བུ་ཡུག་གཏོང་། །ཐོག་སེར་བདག་མོའི་ཐུགས་དམ་དུས་ལ་བབ། །དུར་ཁྲོད་ཀུན་འགྲོ་དཔལ་ལྡན་རེ་མ་ཛུ །རུ་སྦལ་སླག་པས་སྐུ་ཡི་སྟོད་དུ་གསོལ། །སྟག་ལྤགས་རློན་པས་སྐུ་ཡི་སྨད་དུ་གསོལ། །འཕྲིན་ལས་གཉེར་དུ་རླུད་དང་ཐོག་འབེབས་མ། །དམ་ཉམས་དགྲ་ལ་ཐོག་དང་སེར་བ་འབེབས། ཁྲར་ཤར་རམ་ནལ་དུད་ཕྲོ་མ། ཐོག་གི་རྫས་ནི་ལྕགས་ཕྱེད། ཟངས་ཕྱི། གསེར་ཕྱེ། ཀུན་ཁྲག་ལ་བཏབ་སྟེ་ཐོག་གི་ལས་སོ། །གཞན་སེར་བའི་ལས་ཁོངས་སུ་ལྟས་སོ། །དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། ཐོག་སེར་དབབ་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དག་བཤད་བྱ་བ། །མུ་སྟེགས་ལོག་ལྟ་ཟིན་པ་ལ། །ལྟས་ངན་གཏང་བའི་ལས་དག་ནི། །ཁམ་པའི་ཉ་བོ་མགོ་གསུམ་ལ། །ལྟས་ངན་སྣ་ཚོགས་མགོ་དང་སྙིང་། །ཀླད་པ་སྐམ་པོ་བརྡར་ལ་བླུག །གཞན་ཡང་རྫས་རྣམས་ཚང་བར་བསག །ངན་སྔགས་འདི་ཡིས་ལྟས་ངན་བསྒྲུབས། །རག་མོ་རག་མོ་ཤམ་ཤམ། ནག་མོ་དུན་སྨྱོ། དུ་ལིང་དུ་ལིང་། སྙིང་ཁ་རག་མ་དུ་ལིང་། སྲོག་ལ་དུ་རྩེ་ཕོབ་ཡུ། མཚན་མ་རྟགས་ལ་ཕབ་པ་དང་། །བདག་ཉིད་གཤད་པོར་གསལ་བསྒོམས་ལ། །ལྟས་ངན་བདག་མ་དྲག་ཏུ་བསྐུལ། །ཧུ༷། མ་ཅིག་དཔལ་ལྡན་རེ་མ་ཏི། །སྐུ་ལ་སྦྲུལ་ནག་སླག་པ་གསོལ། །ཕྱག་ན་གཡུའི་འཁར་བ་བརྡེབས། །མ་མོ་དྲེ་ནག་ཁ་སེར་ཆིབས། །གསེར་གྱི་སྒ་ལ་གཡུ་ཡི་ཤ་ཐག་འཕྲུལ། །སྔོན་དམར་རལ་པ་སིག་གེ་སིག །རལ་པའི་གསེབ་ནས་མེ་སྟག་འཕྲོ། །ལྟས་ངན་ཝ་སྦྱང་ཤུལ་ན་འདུ་རུ་སྲ །སྒེག་མོ་ལྷ་མོ་རེ་མ་ཏི། །སྦྲ་ཐག་གཡེངས་ཤིང་ཆོམ་ཐག་བརྟུལ། །ནམ་གྱི་གུང་ལ་རྒྱུ་ཞིང་དགྲ་བོའི་དམིགས་ལ་འཛིན། །འོ་དོད་ཐང་གསུམ་འབོད་ཅིང་ཕྱག་ནས་སླེབ་ནག་རྡེགས། །ནག་མོ་ཀློང་རྡེབས་བྱེད་ཅིང་འོས་འཛུབ་མུན་ལྟར་ནག །ཆོ་འཕྲུལ་ལྟས་ངན་དབབ་པའི་དུས་ལ་བབ། །ནག་མོ་དཔལ་ལྡན་རེ་མ་ཏི། །འཇོལ་ནི་སླ་གྲིབ་མཚམས་ནས་འཇོལ། ཁུ་ནི་ནམ་གྱི་གུང་ལ་རྒྱུ། །མོ་ཡི་ལྟས་ཀྱང་མི་མཐོང་ངོ་། །ཁྱི་མོ་གསང་གིས་མི་ཚོར་རོ། །ཁྱོད་ཀྱི་འཁོར་ནི་ནག་མོ་འབུམ། །ནག་མོ་འབུམ་གྱི་ཁ་ལོ་སྒྱུར། །ནག་མོ་འབུམ་གྱི་མངའ་བདག་མོ། །སྐྲ་གསེབ་གཟའ་ཡིས་བརྒྱན་ཅིང་གཟའ་ཡི་ཆོ་འཕྲུལ་གཏོང་། །སྐྲ་གསེབ་སྐར་མས་བརྒྱན་ཅིང་སྐར་མའི་ཆོ་འཕྲུལ་གཏོང་། །ཐོད་པའི་འཕྲེང་བ་བགྲང་ཞིང་མི་མགོའི་ཆོ་འཕྲུལ་གཏོང་། །ལྕགས་ཀྱི་བྱ་ནག་ཐོགས་ཤིང་བྱ་རོག་ཁ་ནས་མེ་ཆེན་འབར། །སྲིན་བྱ་སྐད་འདོན་ཕྱུང་དེ་ཕྱུང་། །འུག་པའི་རྐན་སྒྲ་ཐོག་གེ་ཐོག །བྱ་ནག་སྣ་ཚོགས་ཐིབས་སེ་ཐིབས། །ལྟས་ངན་གླ་བ་རྒལ་དང་ཐོད་དེ་ཐོད། །ནག་མོ་ཆེན་མོ་ཁྲག་མིག་མ། །ཆིབས་སུ་དྲེ་ནག་གཉེར་མངས་ཆིབས། །ལྟས་ངན་སྲེག་པ་ཕུར་འཇོལ་མཁན། །ལྟས་ངན་དབབ་པའི་དུས་ལ་བབ། །དཔལ་ལྡན་ནག་མོ་རེ་མ་ཛ། །ནག་མོ་སྒེག་འགྲོས་ལིངས་སེ་ལིངས། །སྐྱག་ཀའི་སྤྱི་འགྲིངས་ཞུངས་སེ་ཞུངས། །ནག་མོ་ཆེན་མོ་སྐུ་བསྐྱོད་དང་། །རྔ་མོ་ནག་མོ་པྲལ་ལ་བཅུག །གསེར་གྱི་སྟག་མོ་གྲུས་མ་ཤུལ་ནས་འཁྲིད། །དམ་ཉམས་དགྲ་ལ་མདོ་རིས་ཐོབ། །ལྟས་ངན་ཝ་སྤྱང་འདུར་དུ་ཆུག །ལྟས་ངན་བདག་མོའི་དུས་ལ་བབ། །དཔལ་ལྡན་སྙན་གྱི་རེ་མ་སྲོ །ཆིབས་སུ་བོང་བུ་གྭ་ཆགས་ལ། །ཁམ་པའི་མི་མོ་སྐྱ་རིངས་ཞོན། །ཁམ་པའི་མི་མོ་བཅོ་ལྔ་ལ། །ཀུ་ཀུ་རྭ་ཇོའི་ཆོ་ངེ་དེ་རི་རི། །ལྷ་མོ་སྙིང་པོ་མ་ནོར་ང་ལ་ཡོད། །ཁྱོད་ཀྱི་ཁོལ་མོ་ནག་མོ་དིག་མ་བདུན་དུ་སྤྲུལ། །ལྟས་ངན་དུར་ཁྲོད་ཝ་བརྒྱལ་ཙེ་རེ་རེ། །ལྟས་ངན་ཆོ་འཕྲུལ་དབབ་པའི་དུས་ལ་བབ། །ནག་མོ་རོ་རིང་ཤིན། །སྙིང་ནར་ཡ༷་ཁམ་རུག་དུན་དུན་རོ་ལོང། དུ་ལིང་དུ་ལིང་། རག་མོ་རུ་ཀ༷་ཉོག་ལིང་། ལྟས་ངན་སྣ་ཚོགས་ཕྲོབ་ཡུ། ཡས་སྟག་རྣམས་ཁོའི་ཁང་པའི་འགྲམ་རྩར་སྦས་ལ་བཞག །དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། ལྟས་ངན་དབབ་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །སྦྱིན་སྲེག་ལས་ནི་བཤད་བྱ་བ། །མཎྜལ་བྱ་བའི་ས་བདག་ནི། །མི་གྲིར་ཤི་བའི་ས་དང་ནི། གཡུལ་བཤམ་པ་ཡི་ས་དག་ལ། །བསྲེག་ཁང་གྲུ་གསུམ་མཐིང་ནག་བརྩིགས། །ཆག་ཆག་གི་ཆུ་ནི་གྲིར་ཤི་བའི་ཁྲག་གམ། ཆུ་མི་ལྐུག་པའི་ཆུས་བྱའོ། ཤེང་ནི་བྲ་མ། སྐྱེར་བ། སེ་བ། བྱི་ཚེར་ཏེ། གདུག་ཤིང་སྣ་དགུ་ལ་བྱའོ། །རི་ཤི་བའི་རྩ་བ། སྦྱང་ཚེར་བ། ར་དུག་པ་སྟེ་དུག་ཤིང་དེ་ལྟ་བུ་ལ་བྱའོ། །ཡམ་ཤིང་མི་རོ་ཁབ་འམ། །དུར་ཁྲོད་ཀྱི་ཤིང་ལ་བྱའོ། །མེ་ནི་རེག་མའམ། གདོང་གཅིག་འམ། སྨད་འཛག་མ་འམ། ཡུག་ས་མོ་སར་བ་ལྟ་བུ་འམ། བཀྲ་མི་ཤིས་པའི་མེ་ལ་བྱའོ། །བསྲེག་པའི་རྫས་ནི། བ་སྐྲུ་ཡུང་བ་ལྟ་བུ་ཡིས། །གཏོར་མ་དང་ནི་ལྷ་བཤོས་ཀུན། །སེར་པོའི་ཐིག་ལེ་མང་དུ་གདབ། ་་ས་ཀར་ནི་མར་ཁུས་མཆོད་ཞི་བའི་རྗེས་སུ་བསྟན་པ་ནི། མར་དང་ཞོ་དང་མེ་ཏོག་དཀར། །གཏོར་མ་ལྷ་བཤོས་དཀར་པོས་མཆོད། །དབང་གིས་རྫས་སུ་བསག་པ་ནི། །ཁྲག་དང་མེ་ཏོག་དམར་པོ་དང་། །གཏོར་མ་བཤོས་བུ་དམར་པོས་མཆོད། །དྲག་པོའི་རྫས་སུ་བྱ་བ་ནི། ་་ས་ནག་སྐེ་ཚེ་ཏིལ་ནག་དང་། །ལྕགས་ཕྱེ་མེ་ཏོག་ལོ་བཙན་དང་། །ཁྲ་བོ་ཁྲེ་དང་ནས་ནག་དང་། །སྲན་མ་སྲུབ་མ་བསྲེས་པའི་ཚེ། །གཏོར་མ་ལྷ་ཤོས་ཟུར་གསུམ་ནག །དྲག་པོའི་རྫས་སུ་དབུལ་བར་བྱའོ། །ལིང་ག་སྨན་མ་ག་ས་བྱས་ལ། །དེ་དག་ཀུན་ལ་དབུལ་བར་བྱའོ། །ཨོ་ཏབྱ་ཐུ་་ག་རསྣ། རུ་བེ་རུ་བེ་ནན། མུག་སྟིག་བ༷་རུ་ལུ་ཛ་ཛ། ཆེ་གེ་མོ་ད་ཧ་ད་ཧ། པ་ཙ་པ་ཙ་གྲྭཧྭ། ཨོ་པདྨ་ར་ཏེ་རེ་མ་ཏིང་། ཙིསྟ་ཙིཉི་མ་མ་རུ་ལུ་རུ་ལུ་ཛ་ཛ། ཆེ་གེ་མོ་བྷན་དྷ་ཀུ་རུ་ཡེ་གྲྭཧྭ། ཨོ་རུ་ལུ་ཀོའུ་མེ་སེན་མེན་ནན་ཛ་ཛ། ཆེ་གེ་མོ་སྤྲུསྤྱོ་ཀུ་རུ་སྲུཧྭ། ཨོཨུ་མ་ཏིང་དུ་རུ་དུ་སྲ ཚལ་པ་མེ་ཛ་ཛ། ཆེ་གེ་མོ་ཛ་ཛ་ཞི་བ་ཤན་ཏིང་ཀུ་རུ་སྲུཧྭ། བསྟོད་ཅིང་བསྲེག་པ་ནི། ཧུ༷། མ་ཅིག་ལྷ་མོ་རེ་མ་ཏི། །ནག་མོ་མི་སྲུན་མཆེ་བ་ཆན། །དྲག་པོའི་འཕྲིན་ལས་བསྒྲུབ་པའི་ཕྱིར། །མཐིང་ནག་ཆེན་པོའི་སྐུ་ལ་ཕྱག་འཚལ་བསྟོད། །ཧུ༷། ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །དྲག་པོའི་རྫས་སུ་སྦྱར་བའི་མཆོད་པ་འདི། །མ་ཅིག་རེ་མ་ཏི་ལ་མཆོད་འབུལ་བསྟོད། །རྣལ་འབྱོར་རྣམས་ལ་བསྲུང་ཞིང་སྐྱབ་པ་དང་། །དམ་ཉམས་དགྲ་བོའི་མ་ལུས་ཐལ་བར་རློག །ཧུ༷། སྲིད་པའི་ལྷ་མོ་རེ་མ་ཏི། །དམར་ནག་མི་སྲུན་མཆེ་བ་ཅན། །དབང་གི་འཕྲིན་ལས་བསྒྲུབ་པའི་ཕྱིར། །སྨུག་ནག་འཇིགས་པའི་སྐུ་ལ་ཕྱག་འཚལ་བསྟོད། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །དབང་གི་རྫས་སུ་སྦྱར་བའི་མཆོད་པ་འདི། །མ་ཅིག་རེ་མ་ཏི་ལ་མཆོད་འབུལ་བསྟོད། །རྣལ་འབྱོར་དབང་གི་ལས་ལ་ད་ཚུར་སྦྱོན། །དམ་ཉམས་དགྲ་བགེགས་དབང་དུ་སྡུས། །ཧུ༷། མ་ཅིག་ལྷ་མོ་རེ་མ་ཛ། །སེར་ནག་མི་སྲུན་མཆེ་བ་ཅན། །རྒྱས་པའི་འཕྲིན་ལས་བསྒྲུབ་པའི་ཕྱིར། །སེར་ནག་འཇིགས་པའི་སྐུ་ལ་ཕྱག་འཚལ་བསྟོད། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །རྒྱས་པའི་རྫས་སུ་སྦྱོར་བའི་མཆོད་པ་འདི། །རེ་མ་ཛ་ཡི་སྐུ་ལ་མཆོད་འབུལ་བསྟོད། །རྒྱས་པའི་འཕྲིན་ལས་བདག་ལ་རྫོགས་པར་མཛོད། །ཧུ༷། མ་ཅིག་ལྷ་མོ་རེ་མ་ཛུ །སྔོ་སྐྱ་མི་སྲུན་མཆེ་བ་ཅན། །ཞི་བའི་འཕྲིན་ལས་བསྒྲུབ་པའི་ཕྱིར། །སྔོ་སྐྱ་འཇིགས་པའི་སྐུ་ལ་ཕྱག་འཚལ་བསྟོད། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །ཞི་བའི་རྫས་སུ་སྦྱར་བའི་མཆོད་པ་འདི། །མ་ཅིག་རེ་མ་ཛུ་ལ་མཆོད་འབུལ་བསྟོད། །རྣལ་འབྱོར་བདག་གི་ཞི་བའི་ལས་བདེན་འགྲུབ། །དམ་ཉམས་དགྲ་བགེགས་མ་ལུས་ཞི་བར་མཛོད། །སྙིང་པོ་ཉི་ཤུ་རྩ་རེ་དང་། བསྟོད་པ་རེ་དང་སྤེལ་ལ་གཏང་ངོ་། །ཕྱི་ནང་གསང་བ་གསུམ་གྱི་མཆོད་པ་ལ། ཕྱིའི་མཆོད་པ་ནི་ལྔ་འམ་བདུན་གྱིས་མཆོད་དོ། །ཏིང་ངེ་འཛིན་དང་ཕྱག་རྒྱའི་མཆོད་པ་ཡང་དེ་བཞིན་དུ་མཆོད་དོ། །ནང་གི་མཆོད་པ་ནི་ནལ་བྲུག་གི་སྙིང་དང་། བྱ་འམ་ལུག་ནག་གི་སྙིང་ལ་གཞི་བླངས་ལ། སྙིང་སྣ་ཚོགས་འབུལ་ལོ། ཁུན་གཏོར་སུམ་ཆ་དང་། རཀྟ་དང་། ཨ་མྲི་ཏ་དང་། མཆོད་པ་འབྱོར་ཚད་དུ་འབུལ་ལོ། །བསྟོད་པ་ནི། ཧུ༷། ཁམས་གསུམ་སྒྲོལ་བའི་དཔལ་མོ་ཁྱེད་བཞི་ལ། །མཐུན་པའི་རྫས་ཀྱི་མཆོད་པ་དམ་པ་དང་། །དམ་རྫས་སྣ་ཚོགས་སྦྱར་བའི་མཆོད་པ་དང་། །གཟུགས་དང་ལིང་གར་བཅས་པ་འདི་རྣམས་ཀུན། །ཡེ་ཤེས་ཀློང་ཡངས་འཁྱིལ་བའི་ཧོམ་ཁུང་དུ། །རྣལ་འབྱོར་གུས་པའི་ཚུལ་གྱིས་ཆོད་འབུལ་གྱིས། །ནག་མོ་མཆེད་བཞིའི་སྐུ་ལ་མཆོད་འབུལ་བསྟོད། །རྩ་བའི་སྙིང་པོ་བཞིའི་ཞབས་ལ། མ་ཧྭ་རཀྟ་ཁུ་ཧི། མ་ཧྭ་ཙིསྟ་ལ་ཁུ་ཧི། མ་ཧྭ་གོ་རོ་ཙ་ན་ལ་ཁུ་ཧི། མ་ཧྭ་བ་སུ་ཏ་ཁ་ར༷་ཁུ་ཧི། མ་ཧྭ་པརྩི་ཨ་མྲི་ཏ་ཁུ་ཧི། མ་ཧྭ་བྷ་ལིང་ཏ་ཁ་ཧི། ཤ་ཧྲུ༷་མ་ར་ཡ་ཁུ་ཧི། སྨྱུ་ཁུ་ཧི་མྱ་ཁུ་ཧི་བཱ་ཁ་ཧི་མུ་ཁུ་ཧི། དེ་ནས་དུག་གསུམ་གྱིས་མཆོད་པ་ཡང་དབུལ་ལོ། །གསང་བའི་མཆོད་པ་ནི། བདག་དང་ལྷ་མོ་བཞིའི་མཁའ་བྱིན་གྱིས་བརླབས་ཏེ། །བདག་གི་བྱང་སེམས་མ་བཞི་མཁའ་ལ་སོ་སོར་བབས་པས་མཉེས་ཏེ་ཅི་བཅོལ་བ་བྱེད་པར་བསམ། །ཕྱིར་དེ་བཞིན་གཤེགས་པ་ཐམས་ཅད་ལ་འཕྲོས་པས་ཐུགས་དམ་སྐོངས་པར་བསམ། །སེམས་ཅན་དང་ཤ་ཧྲུ༷་ལ་ཕོག་པས་དུག་གསུམ་རྩད་བཅད་ནས་འཁོར་བསྟོངས་པར་བསམ་མོ། །དཔལ་ལྷ་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། སྦྱིན་སྲེག་གི་ལས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་ཡང་དག་བཤད་བྱ་བ། །ལས་རྣམས་གྲུབ་པར་མ་གྱུར་ན། །འཇིག་རྟེན་བསམ་པ་བསྒྲུབ་པ་དང་། །རེ་ཏི་མཆེད་བཞི་འཁོར་དང་བཅས། །མིང་དགུ་མཁན་བརྒྱ་ལས་སྟོང་གྲུབ། །རེ་མ་ཏི་ཡི་ཤི་ས་བཤད། །འདི་ཡི་བསྒྲུབ་པ་གང་བཙམས་ཀྱང་། །ཆོ་འཕྲུལ་ཆེ་ལ་རྟགས་མེད་ན། །ཉི་མ་ནུབ་ཀར་རྣལ་འབྱོར་བ། །མི་དགའ་བ་ཡི་སེམས་དང་ལྡན་པས་ན། །མོས་སུ་བདག་དབང་བྱས་པ་ཡིས། །འཁོར་དུ་རྐྱེན་འོང་མཐར་ཕྱུང་འགྱུར། །དེ་ལ་འདི་ཡི་མྱུར་དུ་བཙལ། །བསམ་པ་ཐམས་ཅད་འགྲུབ་པའི་ས། །ཆུ་གླིང་དུར་ཁྲོད་བྲག་དམར་མཚོ། །དབེན་པའི་གནས་སོགས་གར་རྙེད་པར། །ས་གླུད་གཏང་ཞིང་ཕྱི་བཤགས་བྱ། །མཆོད་དང་ཕྱི་བཤགས་དག་པར་བྱ། །དཀྱིལ་འཁོར་འདོམ་གང་གྲུ་བཞི་ལ། །གྲི་ཁྲག་དྲི་ཆེན་ཆག་ཆག་གདབ། །བ་སུ་ཏ་ཡི་ཐིག་གདབ་བྱ། །དབུས་སུ་ཁྲུ་གང་གྲུ་གསུམ་བརྩེགས། །གཞི་མ་དམར་ལ་མེ་རི་དཀར། ཁུ་གསུམ་འོག་མ་སེར་པོ་སྟེ། །བར་བ་དཀར་ལ་ཐོད་པ་དམར། །སྟེང་མ་ར་ག་དམར་པོ་བྲི། །དེ་སྟེངས་རོ་རས་མེ་ལོང་ཚད། །བུ་མོ་ཉི་ཤུའི་ཚད་ལྡན་པས། །རཀྟ་ས་བྲིས་ཏེ་མ་དབུས་སོ། །དེ་ཡི་མཐའ་མ་སྔགས་འདིས་བསྐོར། །ཨོ་བཛྲ་སྙིང་ཁ་རག་མ་སྨྱོ་ཛ། ཟུར་གསུམ་གནས་སུ་དགོད་པ་ནི། །ལྕགས་སྐྱར་སེང་ལྡེང་ཕུར་བ་དགོད། །དམ་རྫས་གཏོར་མ་སྤྲིན་ཞལ་ཅན། །བྱང་ཤར་མཚམས་ཀྱི་གྲྭ་རུ་བཞག །བྱང་དུ་རཀྟའི་སྤྲིན་ཆེན་བཞག །གཤིན་རྗེའི་ཕྱོགས་སུ་ཧོམ་གཟུགས་བཞག །མཎྜལ་མཐིང་ནག་དར་གྱིས་དགབ། །ལེ་བརྒན་དར་གྱི་ཡོལ་བས་བསྐོར། །དཀྱིལ་འཁོར་རྒྱན་རྣམས་ཚོགས་པར་དགྲམ། །ཧེ་རུ་ཀ་འམ་གཤིན་རྗེ་གཤེད། །མཆོད་པ་ཕུལ་ལ་བསྙེན་འཛབ་བྱ། །ཨེ་རེ་དུར་ཁྲོད་འབར་བ་ལ། །ཛུ་ལ་ར༷་གྱིས་ཁམས་གསུམ་ཀུན། །ཁྲོ་བོའི་སྐུར་བདག་ལ་བསྟིམ། །དུར་ཁྲོད་ཆས་ཀྱིས་བདག་དབང་བསྐུར། །མ་མོའི་འཕྲིན་ལས་གཞུང་དུ་བསྙེག །བསམ་གཏན་ལྡན་པས་ང་རྒྱལ་བསྐྱེད། །སྔགས་ཀྱི་བཀུགས་ལ་སྨན་མཆོད་བྱ། །སྐྱེར་ཕུར་ཁྲོ་བོར་བྱིན་བརླབས་རྩེར། །མམཏྲིགནནསྔགསབྲིས་ཏེ། །རང་གི་ལག་པ་གཡོན་པས་བཟུང་། །གཡས་པ་འཕྲེང་བ་ཆེན་པོ་བགྲང་། །ཨོ་མ་མ་ཏྲིག་ནན། རེ་མ་ཏི་ཙིསྟ་པ་ལ་ཏྲག་རཀྟ་ཁ་མུན་ཏྲ། ཏྲ་བ་ཏྲ་བ་རཀྟ། དུན་དུན་ཛ་ཛ་ཧྲིང་། འཛབ་ཟློས་ཏིང་འཛིན་ལྡན་པར་བྱའོ། །མོ་ཉིད་དམ་བཅའ་ཁས་ལེན་ན། །བདུད་རྩི་བྱིན་ལ་དམ་ཚིག་འབོག ཁྲག་སྤྲེང་རྔ་བརྡུང་དམ་ཚིག་བསྐུལ། །མ་མ་ས་མ་ཡ་སྟུ༷། ཏྲིག་ནན་ས་མ་ཡ་སྟུ༷། སྔགས་དེས་ཕུར་གདབ་བདུད་རྩི་བླུག །རེ་མ་ཏི་ཁུ་ཧི་ས་ནི་གཏོར་མ་དབུལ། ཁུ།བ་པའི་རྟགས་རྣམས་བྱུང་བ་དང་། །ཕུར་ཕྱུང་ཤུལ་དུ་བདུད་རྩི་བླུག །དེ་ནས་དགྲ་ལ་དྲག་པོའི་ལས། །ཏིང་འཛིན་ལས་དང་སྔགས་དང་ནི། །ཕོ་ཉ་རྟགས་དང་ཐུན་བཞི་དང་། །གདབ་དང་གཏུབ་དང་ཞལ་དུ་བསྟབ། །ཟོར་འཕངས་སྨྱོས་གདབ་བཟང་ངན་པ། །འཕང་བའི་ལས་དང་སྔགས་རྣམས་ནི། །འཕང་བའི་ལས་ནི་འདི་དག་གོ །ཛ་ཛ་རེ་མ་ཏྲི་ཛ། འཇིག་རྟེན་དག་ན་མཐུ་ཆེ་བ།མ་ཧྭ་དེ་བ་འཆི་བར་བཤད། །དཔལ་ལྷ་མོ་ནག་མོ་རེ་མ་ཏི་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། ཤི་ས་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་སྐྱོན་ཡོན་བསྟན་པ་ནི། རེ་མ་ཏི་མཆེད་བཞིས་སངས་རྒྱས་ཀྱི་བསྟན་པ་ལ་གནོད་པའི་དགྲ་ལྟ་ཅི་སྨོས་ཏེ། བདུད་དང་སྲིན་པས་བདག་རླག་པར་བྱེད་པས། གང་ཟག་ཀུན་གྱི་སྙིང་ལམ་ན། ངས་ཀྱང་འདི་དག་རྦད་ལ་དགྲ་དང་བར་ཆོད་མིང་མེད་པར་བྱས་ལ་རང་གཉན་ཞིང་ཆེ་བར་བྱ་སྙམ་སྟེ། དེ་ལྟར་མི་བཏུབ་ལེགས་ཉེས་གཉིསཀྱི་ལྟ་ལ་ཡངའདི་རྣམས་རབ་ཏུ་མཁས་ཏེ། ཐོཆོ་དང་བཙན་ཐབས་བྱར་མའི་དོད་དེ་ཕ་རོལ་པོས་མཉེས་པར་རངགིས་ཉེས་ན་ཆད་པཚུར་གཅོད་དུ་འོང་ངོ། །གཉིས་ཀས་ཉེས་ན་གཉིས་ཀ་ལ་ཆདཔ་མཉམ་པོར་གཅོད། །དམ་ཚིག་མི་གཙང་ན་ཡང་སླར་བདུད་དུ་འབེབས། བུ་སྨད་ཆུང་མ་དང་འཁོར་ཡང་རླག་པར་བྱེད། བདག་དམཚིག་ལ་གནས་ཤིང་གཙང་མ། སྲིང་མོ་མང་པོའི་ནང་ན་མི་མིངཔོ་གཅིག་ཡོད་པ་བཞིནདུ་གདུང་ཞིན་བརྩེ་བར་འགྱུར་རོ། །ལྟ་བཆེ་ན་ཡིདབཞིན་གྱི་ནོ་བུ་རིན་པོ་ཆེ་ལྟར་མཐོང་ཞིང་། །བསྙེན་ཞིང་བསྐུརསྟི་བྱེདཔར་འགྱུར་རོ། །ཏིང་ངེ་འཛིན་གསལ་ན་ནི་ལས་ཀྱི་རྗེ་བོ་བཞིན་དུ་བཀའ་ཉན་ཞིང་ཁུར་བར་འགྱུར་རོ། །དམ་རྫས་འཚོགས་ཤིང་མཆོད་པ་འགྲུབ་ན་ཕ་མ་དྲིན་ཅན་ལ་བུས་ལན་ལྡོན་ཞིང་ཡིད་ལཅིའདོད་པའི་དངོས་གྲུབསྐྱེལ་ལོ། །བཀའ་འདི་གསང་ཐུབ་ཅིང་སྤྱདལེགས་ན་མི་ཟད་པའི་གཏེར་སྤས་པ་བཞིན་དུ་ཡིད་ལ་ཅི་འདོད་བསམ་པ་འགྲུབ་བོ། །འདི་ལྟར་སྤྱད་ཉེས་སམ་གཞན་ལ་སྤེལ་བར་བྱས་ན་ངའི་མཚངཚིག་བསྒྲགསཟེརནསསྙིང་ཁྲག་འཐུང་། དཔལ་ལྷ་མོ་ནག་མོ་མཆེད་བཞི་སྲོག་རྩ་མངོན་དུ་དབྱུང་བའི་རྒྱུད་ལས། སྐྱོན་ཡོན་བསྟན་པའི་ལེའུ་སྟེ་བཅོ་ལྔ་པའོ།། །།སྲོགརྒྱུདརྫོགས་སོ།། །།