Ngb-pt-0759-vol-08-text
Front
Body
རྗེ་སུ་ཡི་རང་བའི་ལེའུ་སྟེ་སོགསུམ་པའོ།། །།རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་རྫོག་སོ།། །། རྒྱ་གར་སྐད་དུ། ཡསྤྱི་ཀྭ་ལི་ཧ་ཙ་ཏི་ཏན་ཏྲ། བོད་སྐད་དུ། གནོད་སྦྱིན་ནག་མོ་རེ་མ་ཏི་གཅེར་བུ་བོང་ཞོན་མ་རྩ་བའི་རྒྱུད། བཅོམ་ལྡན་འདས་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རི་རབ་རིའི་རྩེ་མོ་ལྷ་དང་། ལྷ་མ་ཡིན་གཉིས་གཡུལ་འགྱེད་པའི་གནས་ནས་འཁོར་ལྷ་དང་། ལྷ་མ་ཡིན་དང་། གནོད་སྦྱིན་དང་། སྲིན་པོ་དང་། སྣོད་བ་་ལ་དབང་བའི་མ་མོ་དྲུག་དང་། ཡེ་ཤེས་ཀྱི་མ་མོ་དང་། སྨནམོའིཚོགསདང།འདོད་པ་ཁམས་ཀྱི་མ་མོ་ཤ་ཁྲག་ལ་ལོངས་སྤྱོད་པ་དཔག་ཏུ་མེད་པ་དང་ཐབས་ཅིག་ཏུ་བཞུགས་སོ། །དེའི་དུས་ན་གནོད་སྦྱིན་མ་རུ་རྩེ་ཞེས་བྱ་བ་སྟན་ལས་ལངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྐྱུ་བཅོམ་ལྡན་འདས། སྨན་མོའི་ཚོགས་སུ་གྱུར་པ་ཡི། །དབང་བྱེད་གནོད་སྦྱིན་རེ་མ་ཏི། །དང་པོ་རྩ་རྒྱུད་ཇི་ལྟ་བུ། །འཚལ་བའི་སྐལ་པ་གང་ལ་བགྱི། །མཛད་པའི་འཕྲིན་ལས་གང་དུ་བསྐོས། །ཞེས་གསོལ་བ་དང་། བཅོམ་ལྡན་འདས་ཀྱིས། གནོད་སྦྱིན་མ་རུ་རྩེ་ལ་འདི་སྐད་ཅེས་བཀའ་སྩལ་ཏོ། །ཉོན་ཅིག་གནོད་སྦྱིན་མ་རུ་རྩེ། །སྔོན་བྱུང་འདོད་ཁམས་འདི་ཉིད་ན། །ལྷ་ཡི་དབང་པོ་དེ་ཝ་དང་། །ཨུ་མ་དེ་ཝ་གཉིས་བཤོས་ལས། །བུ་ཚ་མིང་སྲིད་གཉིས་སྲིད་པས། །མིང་པོ་གཤིན་རྗེ་དམར་པོ་ཡིན། །སྲིན་མོ་དུང་སྐྱོང་མ་གཉིས་སྲིད། །རྣམ་པར་རྒྱལ་བའི་ཁང་བཟང་ན། །ལྷ་བྲན་མང་པོས་བསྐོར་ཏེ་གནས། །དེ་ནས་ལྷ་མོ་དུང་སྐྱོང་མས། །ལང་ཀ་པུ་རངས་སྲིན་པོ་ཡི། །དྷ་ཤ་སྙི་བའི་བཙུན་མོ་བྱས། །སྲིན་པོའི་ཆུང་མ་བྱས་པ་ལ། །མས་སུ་གདུག་པའི་དམོད་མོ་སྨོས། །ལྷ་ཡི་ལོངས་སྤྱོད་བསམ་མི་ཁྱབ། །བར་ནས་སྲིན་གྱི་ཆུང་མར་སོང་། །ད་ཡང་སྲིན་དང་རྟ་འགྲོགས་ཤིང་། །མི་ཤ་ཟ་ཞིང་མི་ཁྲག་འཐུང་། །མི་ལྤགས་གྱོན་ཞིང་མི་མགོ་སྤྱོད། །གཅེར་བུར་བྱུང་ནས་བོང་བུ་ཞོན། །ལྷ་ཡི་ཁ་དོག་ཉམས་གྱུར་ལ། །སྲིན་གྱི་ཁ་དོག་ནག་ལ་འཇིགས། །མི་སྡུག་བ་རུ་ཁྱོད་སོང་ཞིག །དེ་སྐད་དམོད་པ་བོར་ནས་སུ། །ལྷ་ཡི་ཁ་དོག་རབ་ཉམས་ཤིང་། །མི་ཤ་ཟ་ཞིང་མི་ཁྲག་འཐུང་། །མི་ལྤགས་གྱོན་ཞིང་མི་མགོ་སྤྱོད། །མི་སྡུག་པ་རུ་རབ་གྱུར་ཏེ། །བུ་ཡང་སྲིན་ཕྲུག་ལྔ་བརྒྱ་བྱུང་། །སེམས་ཅན་ཐམས་ཅད་སྲོག་གཅོད་ཅིང་། །འཇིག་རྟེན་སརྦ་ཕུང་བར་བྱེད། །དེ་ལྟ་བུར་ནི་རབ་གྱུར་ནས། །སྲིན་ཡང་ཤི་སྟེ་རལ་པ་བྱས། །སྲིན་པོའི་བོང་བུ་གྭ་བ་བརྐུས། །སྲིན་གྱི་རལ་གྲི་གཡས་སུ་ཐོགས། །ནོར་བུ་རིན་ཆེན་གཡོན་དུ་ཐོགས། །སོང་སྟེ་དུར་ཁྲོད་གནས་ཕྱིན་ནས། །དུར་ཁྲོད་ཤ་ཁྲག་རབ་ཟོས་ཏེ། །རྒྱ་མཚོའི་འགྲམ་དུ་ཕྱིན་པ་ལས། །རླུད་དམར་འ་་མས་རྒྱ་མཚོར་བསྒྱུར། །སྐྱེ་བ་འཕོས་ཏེ་དུང་སྐྱོང་མ། །མི་ཟ་ཞིང་བྱིན་བརླབས་ཀྱིས། །ད་ལྟ་གནོད་སྦྱིན་མོ་རུ་གྱུར། །དེ་ལྟར་ཁྱེད་ཀྱིས་ཤེས་པར་གྱིས། །འཚལ་བའི་ལོངས་སྤྱོད་དུར་ཁྲོད་རྫས། །མཛད་པའི་འཕྲིན་ལས་བསྟན་པ་ཡིས། །འཇིགས་པའི་སྐྱེ་བོ་རབ་ཏུ་སྒྲོལ། །གཅེར་བུ་བོང་ཞོན་མ་ལས། རྩ་བའི་གླེང་གཞིའི་ལེའུ་སྟེ་དང་པོའོ།། །།སྐྱུ་བཅོམ་ལྡན་འདས། གནོད་སྦྱིན་ནག་མོ་རེ་མ་ཏི། །དང་པོ་བསྙེན་ན་ཇི་ལྟར་བསྙེན། བར་དུ་བསྒྲུབ་ན་ཇི་ལྟར་བསྒྲུབ། །ཐ་མར་གསད་ན་ཇི་ལྟར་གསད། །ཅེས་ཞུས་པ་དང་། དཔལ་ཕྱག་ན་རྡོ་རྗེ་བཀའ་སྩལ་པ། ཉོན་ཅིག་གནོད་སྦྱིན་མ་རུ་རྩེ། །གནོད་སྦྱིན་ནག་མོ་རེ་མ་ཏི། །བསྙེན་བསྒྲུབ་རྣམ་གསུམ་བཤད་པར་བྱ། །ཡིད་མཐུན་པ་དང་ཉམས་དགའ་སྲ །མཎྜལ་ལས་བརྟེན་རྫས་བཀྲམ་ནས། །སྲོག་གི་སྙིང་པོ་འབུམ་ཚད་དང་། །འདི་ནི་རྩ་བའི་བསྙེན་པའོ། །དུར་ཁྲོད་ཤིང་གཅིག་རི་གསུམ་རྩེ། །ཆུ་ཀླུང་ལྷ་ཁང་ལམ་མདོ་མྲ །ཕྱི་བཤགས་ཕྱི་སྐོང་གཞུང་བྱས་ཏེ། །དཀྱིལ་འཁོར་དྲུག་ཁྲི་ལྡན་པ་ན། །རྫས་དང་གཏོར་མ་ལྡན་བྱས་ལ། གཅིག་ཐུ་ཉི་ཤུ་རྩ་གཅིག་ཡང་། །ཐུན་རེ་ལ་ཡང་དྲག་སྔགས་བཟླས། །ནུས་པ་བྱུང་ན་གསད་པའི་ལས། །འདི་ནི་རྩ་བའི་བསྒྲུབ་པའོ། །བསྒྲུབ་པ་པོ་མཎྜལ་ཤར་ལྷོ་སྲ །ཁྲུ་ཕྱེད་པ་ཡི་མཎྜལ་ལ། །ནང་དུ་དམིགས་པ་ལྡན་པ་ལ། །སྔགས་ཀྱི་བདག་པོ་རབས་བསྒོམས་ལ། །བྲབ་པའི་རྫས་ཀྱིས་བརྡེག་པར་བྱ། །ཐུན་རྫོགས་སྦྱིན་སྲིག་མནན་པའོ། །ཀུན་ཀྱང་མཁའ་ལྡིང་ལྡན་པ་རེ། །རྩ་བའི་སྒྲུབ་ཐབས་ཕྱེ་བའི་ལེའུ་སྟེ་གཉིས་པའོ།། །།སྐྱུ་བཅོམ་ལྡན་འདས། གནོད་སྤྱིན་ནག་མོ་རེ་མ་ཏི། །ཁྲག་འཐུང་བྱ་བ་ཇི་ལྟར་ལགས། །བརྡེག་པའི་ཐབས་ནི་ཇི་ལྟར་ལགས། །ཞེས་ཞུས་པ་དང་། བཀའ་སྩལ་པ། ཉོན་མོངས་གནོད་སྦྱིན་མ་རུ་རྩེ། །གནོད་སྦྱིན་ནག་མོ་རེ་མ་ཏི། །ཁྲག་འཐུང་རིམ་པ་བཤད་པར་བྱ། དབུས་ཀྱི་དཀྱིལ་འཁོར་ཁྲུ་ཕྱེད་ལ། །མོན་ནམ་རབས་ཆད་ཐོད་པའམ། །ཁྱད་པར་རྣེལ་གྲི་མོ་ལ་ཤེས། །ཡང་ན་མཚན་ངན་ཐོད་པ་མྲ །དྲག་པོའི་རྫས་ཀྱིས་གང་བྱས་ལ། །རང་ཉིད་ཏིང་འཛིན་ལྡན་བྱས་ལ། །དྲག་པོའི་སྔགས་ཀྱིས་སྟོབས་བྱས་ལ། །མཚན་ལྡན་ཐོད་པའི་ནང་དུ་ཟླུག །རྟགས་བྱུང་གསད་པའི་མཎྜལ་ལ། །དྲག་པོའི་ལས་བརྩམ་རྡུལ་དུ་རློག །རྩ་བ་ལས། ཁྲག་ཐུན་གྱི་ལེའུ་སྟེ་གསུམ་པའོ།། །།སྐྱུ་བཅོམ་ལྡན་འདས།དུག་ཐུན་ཇི་ལྟར་ལགས། །བརྡེག་པའི་ཐབས་ནི་ཇི་ལྟར་ལགས། །བཀའ་སྩལ་པ། མཎྜལ་གོང་དང་འདྲ་བ་ལ། དྲག་པོའི་རྫས་ཀྱི་ནང་དུ་ནི། །དུག་རྣམས་བླུག་ལ་མཎྜལ་ཉིད་དུ་གཞག་པར་བྱ། །དྲག་པོའི་རྫས་ལ་བཟླས་བྱས་ལ། །དྲག་པོའི་སྣོད་དུ་བླུག་བྱས་ལ། །སྔགས་བདག་བཞི་རུ་གསལ་བྱས་ལ། །དྲག་སྔགས་བཞི་པ་ཞེས་སུ་བྱ། །དུག་ཐུན་གྱི་ལེའུ་སྟེ་བཞི་པའོ།། །།ཡང་གནོད་སྤྱིན་མ་རུ་རྩེས་ཞུས་པ། རྒྱུ་བཅོམ་ལྡན་འདས། ཕུར་ཐུན་བྱ་བ་ཇི་ལྟར་ལགས། །བརྡེག་བའི་ཐབས་ནི་ཇི་ལྟར་ལགས། །ཞེས་གསོལ་པ་དང་། མཎྜལ་རབས་ཆད་བྱས་པ་ལ། ཁ་ཧི་ར་ཧི་ཤིང་ཕུར་ལ། །སོར་བརྒྱད་གྲངས་ནི་རྩ་རུ་བདུན། །གསུམ་པའི་མཎྜལ་ལ་བཞག་སྟེ། །དྲག་པོའི་ལས་འདི་ཁྲི་ཚོ་གཅིག །བཟླས་བྱས་བཏབ་པའི་ནང་ནས་སུའོ། །བསྟན་སྐྱོང་མདུན་དུ་གསལ་བྱས་ལ། །དེ་ལྟར་བྱས་འོག་ལིང་ག་བསྲེགས། །གཅེར་བུ་བོང་བུ་ཤོན་མ་ལས། །རྩ་བའི་དྲག་སྔགས་བདུན་པ་ཕུར་ཐུན་གྱི་ལེའུ་སྟེ་ལྔ་པའོ།། །།སྐྱུ་བཅོམ་ལྡན་འདས། བོད་པ་རྦད་པ་གསད་པ་དང་། སྦྱོར་བའི་སྔགས་རྣམས་ཇི་ལྟར་ལགས། །བཀའ་སྩལ་པ། སྐྱེ་མེད་དོན་གྱི་ཡི་གེ་དང་། །སྣང་བའི་ཆོ་འཕྲུལ་ཡི་གེ་ལས། །སྔགས་ཀྱི་འབྱུང་བའི་རྒྱུ་རུ་བསྟན། ཨ་ཨུ་ཨི་སྙི། ཨུ་སྐྲུ། རི་རྡི། ལི་སྙི། ཨེ་ ། ཨོ་ཨུ། ཨ༷་ཨ། ཀ་ཁ་ག་བྷ་ང་། ཙ་ཚ་ཛ་རྙོ་ཉ། ཊ་ཋ་ཌ་རྟེ་ཎ། ཏ་ཐ་ད་དྷ་ན།པ་ཕ་བ་བྷ་མ། ཡ་ར་ལ་ཝ། ཥ་ཤ་ས་ཧ་ཀྟ། ཨོ་ཀྟ་དྷརྨའི་རཀྟ་མའི་སྙིང་ཁ་རག་ཙིསྟ་པ་དུ་དུ་དུ་ཛ་ཛ། ཧུ༷་མ་སྙིང་ཁ་རག་ཏྲག་རཀྟ་ཙ་མུན་ཏི་ཆེ་གེ་མོ་ཙིཀྟ་རྦད་རྦད། ཆེ་གེ་མོའི་སྙིང་ཁ་རག་རག་མོ་སྙིང་རྩ་ལ་དུན་དུན།རྩ་བའི་རྒྱུད་ལས། ཐུན་མོང་སྔགས་ཀྱི་ལེའུ་སྟེ་དྲུག་པའོ།། །།སྐྱུ་བཅོམ་ལྡན་འདས། དྲག་པོའི་བོད་རྦད་གསད་པའི་ལས། །སྦྱོར་བའི་ལས་རྣམས་ཇི་ལྟར་ལགས། །སྐྱེ་མེད་དོན་གྱི་ཡི་གེ་དང་། །སྣང་བ་ཆོ་འཕྲུལ་ཡི་གེ་ལས། །སྔགས་འབྱུང་བ་ཡི་རྒྱུ་རུ་བསྟན། ཨ་ཡུ། ཨི་སྙི། ཨུ་སྐྲུ། རེ་༢། ལི་སྙི། ཨེ་ཤེ། ཨོ་ཨོ། ཨ༷་ཨ། ཀ་ཁ་ག་ཀྟ་ང་། ཙ་ཚ་ཛ་རྟོ་ཉ། ཊ་ཋ་ཌ་རྟེ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧཀྟ། ཡཀྟ་ཏྲག་རག་ཤ་མ་སྙིང་ཁ་རག་ཙིསྟ་སྲོག་ཏུ་དུ་ཛ་ཛ། ཏྲག་རཀྟ་ཙ་མུརྙི་ཆེ་གེ་མོ་ཏྲག་སྨྱོ། ཆེ་གེ་མོ་སྙིང་ཁ་རག་སྙིང་ཁ་རག །རག་མོ་སྙིང་ལ་ཤར་ཤར་སྨྱོ། སྒག་རཀྟ་ཙ་མུན་ཏེ་ཆེ་གེ་མོ་སྲོག་ལ་རྦད་རྦད་གྲྭཧྭ།རྩ་བའི་རྒྱུད་ལས། དྲག་པོ་སྔགས་ཀྱི་ལེའུ་སྟེ་བདུན་པའོ།། །།སྐྱུ་བཅོམ་ལྡན་འདས། སྔགས་སྟོད་བཞི་པ་ཇི་ལྟར་ལགས། །ཞེས་ཞུས་པ་དང་། །བཀའ་སྩལ་པ། སྐྱེ་མེད་དོན་གྱི་ཡི་གེ་དང་། །སྣང་བ་ཆོ་འཕྲུལ་ཡི་གེ་ལས། །སྔགས་འབྱུང་བ་ཡི་རྒྱུ་རུ་བསྟན། །ཨ་ཨུ། ཨི་སྙི། ཨུ་སྤུ། རེ་༢། ལི་ཨཱོཾ། ཨེ་ཞི། ཨོ་་ཨཱོཾ། ཨ༷་ཨུ། ཀ་ཁ་ག་བྷ་ང་། ཙ་ཚ་ཛ་རྙོ་ཉ། ཊ་ཋ་ཌ་རྟེ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྟ།བཛྲ་ས༷་ཧ་ཤ་མུ་ག་དགྲ་བོའི་སྙིང་རྦད། སིདྷ་མུ་ཤ་ས་མ་ཡ་བྷ་ཏི། ཆེ་གེ་མོ་ཉེསྟེ་ཨ་ཏི། མ་ཏི་ཟུང་ཟུང་། ཆེ་གེ་མོ་སྙིང་ལ་ཤད་ཤད་སྨྱོ། བཛྲ་ཀྲ་ཏི་མ་ཏི་ཤ། ཆེ་གེ་མོ་ཙི་ཤ་ཐུན་ཆེ་གེ་མོ་སྙིང་ལ་ཤད་ཤད་སྨྱོ། བཛྲ་ཀང་ཀ་མ་ཏི་ཤ། ཆེ་གེ་མོ་ཧྲི་ཧེ་ཤ་སོད། ཙིསྟ་དུར་ཤད་སོད། ཆེ་གེ་མོ་སྙིང་ལ་ཤད་ཤད་སྨྱོ། དྲག་པོའི་སྔགས་རྒོད་ཀྱི་ལེའུ་སྟེ་བརྒྱད་པའོ།། །།བཅོམ་ལྡན་འདས་ཕྱག་ན་རྡོ་རྗེས་སྔགས་རྒོད་བདུན་པ་འདི་གསུངས་སོ། །ཨུ་ཨུ། ཨི་སྙི། ཨུ་སྐྲུ། རེ་རྡི། ལི་ལྟོ། ཨེ་སྐེ། ཨོ་ཨཱོཾ། ཨ༷་ཨ། ཀ་ཁ་ག་བྷ་ང་། ཙ་ཚ་ཛ་རྙོ་ཉ། ཊ་ཋ་ཌ་བྷ་ན། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཥ་ཤ་ས་ཧ་ཀྟ། མ་མ་རག་མོ་མ་ཧི་ཛ་ཛ། རག་མོ་ཤ་རུ་མུ ཙ་མུན་ཏི་ཆེ་གེ་མོ་ཀི་ལ་ཡ་རྦད། ཏྲག་རཀྟ་ཙ་མུན་ཎྜ། སྙིང་ཤ་སྐྲུ་རུ་རྦད་རྦད། ནི་ཛ་བ༷་རིལ་རྦད་རྦད། མ་མ་སྙིང་ཁ་རག །ཆེ་གེ་མོ་ནི་ཛ་ཛ། བལ་ནི་ཏི་ཆེ་གེ་མོ་ནི་མུག་མུག །རག་མོ་ཧེ་མོ་ཛ་ཛ། ཐུམ་རི་ལི་ལི་རྦད་རྦད། ནི་ཛ་ཛ། རྩ་བའི་རྒྱུད་ལས། སྔགས་རྒོད་བདུན་པའི་ལེའུ་སྟེ་དགུ་པའོ།། །།བཅོམ་ལྡན་འདས་གསང་བའི་བདག་པོས་རྣལ་འབྱོར་བསྲུང་བའི་དོན་འདི་གསུངས་སོ། །ཨོ་ཏ་དེ་མོ་ཧ་དེ་ཧྲི་ད་ཡ་མ་ར་ནི་ཧུ༷་ཕཊ། སྨྱོ་སྨྱོ་ས་མ་ཡ་བཟློག་བཟློག་ཨ་ལ་ལ་འཕྲ་མེན་སྨྱོ་སྨྱོ་སྨྱོ་སྨྱོ་རྩ་བའི་རྒྱུད་ལས། བསྲུང་བ་སྔགས་ཀྱི་ལེའུ་སྟེ་བཅུ་པའོ།། །།བཅོམ་ལྡན་འདས་གསང་བའི་བདག་པོས་སྲེག་པའི་སྦྱིན་སྲེག་གི་སྔགས་འདི་གསུངས་སོ། །ཏྲག་རག་ཤ་ཙ་མུན་ཏི་ཆེ་གེ་མོའི་ཙིཀྟ་ལ་རྦད་རྦད་སྲུཧྭ། བྱ་རོག་འུག་པ་གསང་བའི་རྫས། རྩ་བའི་རྒྱུད་ལས། སྦྱིན་སྲེག་གི་ལེའུ་བཅུ་གཅིག་པའོ།། །།བཅོམ་ལྡན་འདས་གསང་བའི་བདག་པོས་སྔགས་རྒོད་མནན་པའི་ལས་འདི་གསུངས་སོ། །ཨོ་ཧྲིང་ཆེ་གེ་མོ་ཧ༷་ར་ཡུ་ཧྲི་ཧ་ཧུ༷་བཛྲ་ཧ་ན་ཧ་ན་ཆེ་གེ་མོ་ཡ་བི་ར་རྩ་ཧུ༷་ཕཊ་སྟམ་བྷ་ཡ་ནན། རྩ་བའི་རྒྱུད་ལས། སྔགས་རྒོད་མནན་པའི་ལེའུ་སྟེ་བཅུ་གཉིས་པའོ།། །།བཅོམ་ལྡན་འདས་གསང་བའི་བདག་པོས། བསྙེན་བསྒྲུབ་རྟགས་ཀྱི་དོན་བསྒྲུབ་པའི། །དང་པོ་གཡོག་མོའི་མཚན་མ་འབྱུང་། །དེ་ནས་མ་མོ་ཉིད་ཀྱི་འབྱུང་། །ཐ་མར་ལུག་གསོད་དང་མི་ཟད་དང་བདག་གཙོ་དང་། དེ་ལྟ་བུའི་ཡི་མཚན་མ་འོང་། །རྩ་བའི་རྒྱུད་ལས། རྟགས་ཀྱི་ལེའུ་སྟེ་བཅུ་གསུམ་པའོ།། །།བཅོམ་ལྡན་འདས་གསང་བའི་བདག་པོས། དམ་རྫས་བསྐང་བའི་རྫས་འདི་གསུངས། །ནག་མོ་སྤྱི་ཁར་མུན་ཁང་དང་། །མཁའ་ལྡིང་ནག་མོ་གསེར་མིག་མ། །འདོད་ཆགས་ནག་མོའི་སྙིང་གིས་བསྐང་། །བ་ལིང་ཨ་མྲི་ཙིསྟས་བསྐང་། །སྙིང་སྣ་དང་ནི་དབང་པོའི་ལག །ལོངས་སྤྱོད་ཚེ་གནས་བསྐང་བའོ། །རྩ་བའི་རྒྱུད་ལས། །བསྐང་བའི་ལེའུ་སྟེ་བཅུ་བཞི་པའོ།། །།བཅོམ་ལྡན་འདས་གསང་བའི་བདག་པོས་ཁུར་ཐུན་གསང་ལས་འདི་གསུངས་སོ། །ཨོ་བཛྲ་ཀི་ལི་ཀི་ལ་ཡ། རག་མོ་ནི་རག་མོ་ནི། ཁ་ཏྲང་ཙིསྟ་མར་ལ་ཛ་ཛ། མ་སྙིང་ཁ་རག་སྙིང་ཁ་རག་མོ་སྲོག་ལ་རྦད་རྦད་དྲི་ཛ་ཛ། རག་མོ་སྲོག་ལ་རྦད་རྦད། དྲི་ཤ་ཀུ་རུ་ཐུམ་རྦད། ཧྲི་མོ་ནི་སྲོག་ལ་རྦད་རྦད་དྲི་ཛ་ཛ། རག་མོ་ཕུར་བ་ཕུར་བ། རག་མོ་རག་མོ་ཏིག་ཐ་མ་ར་ཡ་དྲི་ཛ་ཛ།རག་མོ་ཁ་དར་ཁ་དར་སྲོག་ལ་རྦད་རྦད་དྲི་ཛ་ཛ། རག་མོ་རཀྟ། རྩ་བའི་རྒྱུད་ལས། ཕུར་པའི་སྔགས་ཀྱི་ལེའུ་སྟེ་བཅོ་ལྔ་པའོ།། །།སྐྱུ་བཅོམ་ལྡན་འདས་ས་བརྒྱད་ནོན་པའི་སེམས་མ་ཡི། །སྲོག་ཤན་གིང་པོ་ཇི་ལྟར་ལགས། །ཞེས་ཞུས་པ་དང་། བཀའ་སྩལ་པ། འཁོར་བའི་གཡུལ་ལས་རྒྱལ་བ་ནི། །སྐྱེས་བུ་དེ་ནི་རྒྱལ་བར་འབར། །གསང་མཚན་རྡོ་རྗེ་སྦས་པའི་རྒྱལ། །མཐུན་པའི་རྫས་ནི་གང་ལ་བགྱི། །ཞུས་པ་དང་།བཀའ་སྩལ་པ། ཤེལ་དཀར་མཁའ་ལྡིང་དཀར་པོ་དང་ཚོང་པའི་ཐོད་པ་ཆང་ཕུད་དང་། རྣམ་ལྔའི་བདུད་རྩིའི་མཆོད་པ་དང་། བོང་བུའི་འབྲས་བུ། ཤིང་ལོ་རླུད་ཁྱེར། དྲི་བོའི་ཁྲག མཚོན་གྱིས་མི་གསད་ཕྱེ་མ་དང་།རྡོ་སོལ་སེང་ལྡེང་ཕུར་བ་སོར་བརྒྱད་པ་དང་། རྩ་བའི་རྒྱུད་ལས། བསྙེན་བསྒྲུབ་རྫས་ཀྱི་ལེའུ་སྟེ་བཅུ་དྲུག་པའོ།། །།བཅོམ་ལྡན་འདས་གསང་བའི་བདག་པོའི་སྤྱན་སྔར། གནོད་སྦྱིན་མ་རུ་རྩེ་སྟན་ལས་ལངས་ཏེ། རང་གི་སྲོག་གི་སྙིང་པོ་ཕུལ་ལོ། །རྙོ་ན་རཀྟ་ཙིརྟི་སྲོག་ཐུང་ཐུང་། ཨོ་རུ་བག་ཤ་ཧུ༷། མ་ཧྭ་སྲོག་ཐུན། སྙིང་ལ་མ་མ་སྨྱོ། ཙྭ་ན་རཀྟ་བོ་དེ་ཙིཏི་བོ་དེ་ཙིསྟ་རྦད་རྦད། ད་ར་ད་ར་ད་ར། རྦད་མ་ར་ཡ་ཕཊ། ཟངས་ཙིག་ཟར་གནན་མ་ར་ཡ་ཕཊ། ཨོ་བཛྲ་དི་རི་ཟི་ར་ཧུ༷་ཕཊ། མ་ཧྭ་པ་ཏྲ་འགའ་ན་ཧུ༷་ཕཊ། ཤི་ས་ཤི་བླ་ཤི་ཧུ༷་ཕཊ། ལོ་ཤི་ཁ་ལ་བྲག་ཤ་རྦད་ཧུ༷། །དུ་ན་ས་ར་ཐིམ་ན་དགྲ་བོ་མ་ར་ཡ་ཕཊ། རྩ་བའི་རྒྱུད་ལས། ཤན་པ་བོད་རྦད་གསད་པའི་ལེའུ་སྟེ་བཅུ་བདུན་པའོ།། །།སྲོག་ཤན་སྤྱིན་སྲིག་ཇི་ལྟར་ལགས། ཞུས་པ་དང་། ཙྭ་ན་རཀྟ་ཁ་རེ་མེ་ར༷། བྲུ༷་དུ་ས་ར༷་ཤིག མེ་ད༷་ཁ༷་ཡོས་ཐུ་ལུམ་མེ་ལ་ཛ། འུབྲ་ཞུབྲ། སྲོག་ཤན་སྐུ་བསྐྱེད་ཇི་ལྟར་ལགས། །ཞེས་ཞུས་པ་དང་། བཀའ་སྩལ་པ། གནོད་སྦྱིན་སྐུ་ནི་ཀྟ་ལས་འགྲུབ། །ཀྟ་ཏྲག་རག་ཤ་དུ་ན་ལིང་སྨྱོ། རྩ་བའི་རྒྱུད་ལས། སྐུ་དང་སྦྱིན་སྲེག་གི་ལེའུ་སྟེ་བཅོ་བརྒྱད་པའོ།། །།སངས་རྒྱས་གསུང་གི་སྨོན་ལམ་གང་ལགས། ཞེས་ཞུས་པ་དང་། བཀའ་སྩལ་པ། ཕྱོགས་བ་་འཇིག་རྟེན་ཞིང་ཁམས་སུ། །སངས་རྒྱས་བསྟན་པ་རྒྱས་གྱུར་ནས། །ནག་མོ་ཁྱོད་ཀྱིས་བསྲུང་བར་ཤོག །སྒྲུབ་བྱེད་དུས་འདིར་ཚེ་རིང་སྟེ། །བུ་ཚའི་རིགས་བརྒྱུད་འཕེལ་བར་ཤོག །རྟ་དང་གླང་ཆེན་འཕེལ་འགྱུར་ཤོག ཁུབ་པ་འགའ་བྱེད་དགྲ་བགེགས་རྣམས། །རིགས་བརྒྱུད་ཐམས་ཅད་འཕེལ་བར་གྱིས། །འདི་དང་ཕྱི་མ་ཐམས་ཅད་དུ། །སྒྲུབ་བྱེད་བྱང་ཆུབ་ཐོབ་ནས་ཀྱང་། །ནག་མོ་ཁྱོད་དང་འགྲོགས་པར་སྨོན། །རྩ་བའི་རྒྱུད་ལས། སྨོན་ལམ་གྱི་ལེའུ་སྟེ་བཅུ་དགུའོ།། །།རྡོ་རྗེ་གདན་དུ་སྦས་པའི་རྩ་བའི་རྒྱུད་ལས་འདི་ཡིན་ནོ། །རྡོ་རྗེ་གདན་གྱི་འོག་ནས་བརྐུས། །སྙིང་པོར་ཕྱུང་བའི་ལྷ་མོའི་རྩས་རྒྱུད་འདིས། །བསྟན་པ་བསྲུང་བའི་དྲག་སྔགས་ཉི་ཚེ་ཞིང་། །སྟོན་པའི་ཞལ་ནས་མ་མོ་ཀུན་གསུངས་ཀྱང་། །སྙིང་པོར་འབྱུང་བ་རྩ་བའི་རྒྱུད་འདི་ཡིན། །བསྟན་པ་སྲུང་གཞན་ལ་ཡོད་ན་མགུ་རེ་སྐན། །བོང་ཞོན་མ་རྩ་བའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་ཉི་ཤུ་པའོ།། །།ཨེ་མ་ཧོ། རྒྱ་གར་གྱི་མཁན་པོ་ཛ་ཧ་ཏིས་ཕྱུང་བ། སློབ་དཔོན་ཀ་མ་ལ་དང་། གླང་དཔལ་གྱི་སེང་གེ་གཉིས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། མྱ་བཱ་དེ་བི་ཀི་ལི་མ་ར་ཤ་ཏ་ས་ཧ་སྲི་ཀ་ཙིཏི་མ་ཧྭ་ཏན་ཏྲ།