Ngb-pt-0758-vol-08-text
Front
Body
ཕྱག་རྒྱ་སྟེ། །ཡེ་ཤེས་ཚོགས་ཀྱི་རྗེ་མོའི་རྒྱ། །ཕྱག་རྒྱ་བཅའ་བའི་ལེའུ་སྟེ་དགུ་པའོ།། །།མ་མོའི་སྲོག་རྫོགས་སོ།། །། རྒྱ་གར་སྐད་དུ། བཛྲ་བྷན་དྷ་ཛ་ལ་གུ་རྒྱ་ཀ་བཱ་ལ་རྙོ་ན་ར་བྷ་གྲི་ཨུ་ཏན་ཏྲ་ནཱ་མ། བོད་སྐད་དུ། རྡོ་རྗེ་ཀ་བཱ་ལ་བྷན་དྷ་གསང་བ་འབར་བའི་གཞལ་ཡས་ཁང་། གནམ་ཞལ་འཛིན་པའི་ཡོན་ཏན་དངོས་གྲུབ་སྟེ་བར་མཛད་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་འཇིགས་བྱེད་ཆེན་པོ་ལ་ཕྱག་འཚལ་ལོ། །དཔལ་ཆེན་པོ་གནམ་ཞལ་མཁའ་ཀློང་ཀ་བཱ་ལ་འདིའི་དོན་ཞེས་བྱ་བ། ཁྲོ་མོ་དཀར་མོ་མིག་གཅིག་མ་བཞི་ལ་སོགས་པ་ཐུགས་ཀྱི་དགྱེས་སྡེ་མོ་བཞིས་ཞུས་པ། དེ་ནས་བཅོམ་ལྡན་འདས་དཔལ་འཇིགས་བྱེད་ཆེན་པོས་བཀའ་སྩལ་པ། བྷན་དྷ་གསང་བ་ཀ་བཱ་ལ་འབར་བ་གསང་བའི་རྒྱུད་འདི་ལ་དོན་རྣམ་པ་གཉིས་སམ། རིམ་པ་རྣམ་པ་ལྔས་སྟོན་ཏེ། དེ་ལ་ཡང་དོན་རྣམ་པ་གཉིས་ཀྱིས་བསྟན་པ་ནི། །མི་གསོན་པོ་རྣམས་ལ་བརྟག་པ་དང་། དེ་ཡང་ཐུགས་རྗེས་བཟུང་སྟེ་དོན་གྱིས་བསྒྲལ་ནས། བྷན་དྷ་ཀ་བཱ་ལ་ཉིད་ཀྱི་དོན་བསྟན་པ་དང་གཉིས་སོ། །དེ་ལ་རིགས་རྣམ་པ་ལྔ་བསྟན་པ་ནི། བྲམ་ཟེའི་རིགས་དང་།རྗེ་རིགས་དང་། རྒྱལ་རིགས་དང་། དམངས་ཀྱི་རིགས་དང་། བུད་མེད་དང་གདོལ་བའི་རིགས་དང་། རྣམ་པ་ལྔའི་རིགས་ལ་བུད་མེད་དམག་གདོལ་བའི་རིགས་ཀྱི་བྷན་དྷ་ནི། སྤྲ་བརྟག་དང་སྤྲ་བཟང་ཡང་མི་བཅང་བར་བྱའོ། །མི་གསོན་པོ་རྣམས་ལ་དོན་བརྟག་པ་བསྟན་པ་ནི། དེ་ལ་བརྡ་དང་། རྒྱ་སྐད་དང་། སང་ཀྲི་ཏ་དང་། བོད་སྐད་ཉིད་དོན་ཏོ། །རྒྱ་གར་གྱི་སྐད་དུ། ཀེ་ས་ལ། ཚེ་ལ་པྲ། ཁ་ཏ་དྷ་ལ། བྷ་ཧ་ཀུ་སྣུ་ཧུ་ལ་ཕྲི་ཨུ་ཏྲ།ཞེས་བྱ་སྟེ། མཚན་རྣམ་པ་ལྔ་ཚོགས་པར་ཡོད་པ་ནི། ཀེ་ས་ལ་ཞེས་བྱ་སྟེ། སྐྲ་གནག་ཅིང་འཚེར་ལ་འཇམ་པ་པའོ། །ཚེ་ལ་བྲ་ཞེས་བྱ་སྟེ། སྨིན་མ་ནག་ལ་མཚམས་འཐུག་པའོ། །དཀྱུས་རིང་ལ་མཚམས་མ་ཆད་པའོ།ཁ་དྷ་ལ་ཞེས་བྱ་སྟེ། རྣ་བ་གཞི་ཆེ་ལ་ཚོགས་མ་རིང་བའོ། །བྷ་ཧ་ཀུ་ཞེས་བྱ་སྟེ། མིག་དཀར་ཁྲག་འདུག་པའོ། །བྷ་ཧུ་ལ་ཞེས་བྱ་སྟེ། མཁུར་ཚོས་ཀྱི་རུས་པ་མཐོ་བ། ཐྲི་ཨུ་ཏྲ་ཞེས་བྱ་སྟེ། བོང་གཟུགས་དང་བྱད་དབྱིབས་ལེགས་པ། ཤ་མདོག་བག་ཙམ་སྔོ་བ། སྤྱོད་ལམ་ཐམས་ཅད་ལེགས་པར་བྱེད་པའོ། །ཡང་བསྲུང་མཚམས་རྣམ་པ་གསུམ་དང་། ཐུགས་རྗེའི་ཞིང་དྲུག་སྟེ། དེ་ལ་ཡོང་བསྲུང་མཚམས་རྣམ་པ་གསུམ་ནི། སྐུ་གསུང་ཐུགས་ཀྱི་དམ་ཚིག་ཚུལ་བཞིན་དུ་བསྲུང་བ་ཡིན། དེ་ལ་ཡང་ཐུགས་རྗེས་བཟུང་སྟེ་བསྒྲལ་བའི་ཞིང་དྲུག་ནི། མགོ་ཡི་སྐྲ་ཁམ་པ། མིག་ནི་ལ་མིག་ཏུ་འདུག་པ། ཡན་དཀན་གྱི་དཀྱིལ་ན་མཆེ་བ་ཟུར་གསུམ་པ་ཡོད་པ། ལག་པ་བྱ་ལག་བཞིན་དུ་འབྲེལ་བ། ལྕེ་སྣ་རྩེ་ར་བསླེབ་པ། དཔྲལ་བའི་དབྱེས་ན་སྨེ་བ་ཡོད་པ། འདི་དྲུག་ནི་བསྒྲལ་བར་བྱ་བའི་ཞིང་དྲུག་ཡིན་ཏེ། དེ་ལ་ཡང་འདི་རྣམས་དྲུག་པོ་ནི་སྐྱེ་བ་སྔ་མ་ལ་མི་ལུས་བླངས་པ་ཡིན་ནོ། །དེ་ལྟར་མི་གསོན་པོ་བརྟག་པ་གལ་ཆེའོ། །རྟགས་གོང་མ་དེ་ཚོ་ཡོད་པའི་ཐོད་པ་རྙེད་ན་ནི། འཇིག་རྟེན་འདིའི་ཡོན་ཏན་བསམ་གྱིས་མི་ཁྱབ་སྟེ། མཆོག་ཏུ་རྙེད་ན་དངོས་གྲུབ་ཐོབ་བོ།འཇིག་རྟེན་ཕྱི་མ་ལ་ཡང་བཅུ་གསུམ་ཡི་གེ་འཁོར་ལོ་ཚོགས་ཆེན་གྱི་ས་ནོན་པར། བཅོམ་ལྡན་འདས་འཇིགས་བྱེད་ཆེན་པོས་བཀའ་སྩལ་ཏོ། །རྡོ་རྗེ་ཀ་བཱ་ལ་གསང་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་དགྱེས་སྡེ་མོ་བཞིས་ཞུས་པ། །བྷན་དྷ་ཀ་བཱ་ལའི་དོན་བསྟན་དུ་གསོལ། །ཞེས་ཞུས་པས། དེ་ནས་བཅོམ་ལྡན་འདས་ཧེ་རུ་ཀས་བཀའ་སྩལ་པ། བྷན་དྷ་ཀ་བཱ་ལའི་དོན་བསྟན་པ་ནི། དོན་རྣམ་པ་བཅུ་གསུམ་གྱིས་བསྟན་ཏེ། དེ་བཞིན་གཤེགས་པའི་རིགས་ཀྱི་ཞལ་དོན་བསྟན་པ་དང་། རྡོ་རྗེ་རིགས་ཀྱི་ཀྭ་པ་ལ་བསྟན་པ་དང་། རིན་ཆེན་རིགས་ཀྱི་ཀ་བཱ་ལ་བསྟན་པ་དང་། པདྨ་རིགས་ཀྱི་ཀ་བཱ་ལ་བསྟན་པ་དང་། ལས་ཀྱི་རིགས་ཀྱི་ཀ་བཱ་ལ་བསྟན་པ་དང་། བདག་ཉིད་བཅང་དུ་མི་རུང་བའི་དོན་བསྟན་པ་དང་། ཡོན་བདག་དང་ཡོན་གནས་ཀྱི་སྐྱོན་གང་ལ་འོང་ མི་འོངས་པ་བཅད་ནས་བརྟག་པ་དང་། ཞལ་བུའི་དབྱིབས་དང་མདོག་བསྟན་པ་དང་། དུམ་བུའི་གྲངས་བསྟན་པ་དང་། རྩ་རོའི་དོན་བསྟན་པ་དང་། རོགས་རྣམ་པ་ལྔའི་དོན་བསྟན་པ་དང་བཅུ་གསུམ་གྱིས་བསྟན་པའོ། བྷན་དྷ་ཀྭ་ལ་འབར་བའི་གསང་བའི་རྒྱུད་ལས། རྣམ་གྲངས་དང་རིགས་བསྟན་པའི་ལེའུ་སྟེ་གཉིས་པའོ།། །།དེ་ནས་ཐུགས་ཀྱི་དགྱེས་སྡེ་མོ་བཞིས་ཞུས་པ། རིགས་རྣམ་པ་ལྔའི་བྷན་དྷ་ཀྭ་པ་ལ་གསང་བའི་དོན་བསྟན་དུ་གསོལ། །ཞེས་ཞུས་པས། དེ་ནས་བཅོམ་ལྡན་འདས་ཧེ་རུ་ཀས་བཀའ་སྩལ་པ། །དེ་ལ་དེ་བཞིན་གཤེགས་པའི་རིགས་ཀྱི་ཞལ་བུ་ནི། ཡིད་ཙམ་ཟུར་གསུམ་པ་དུམ་བུ་གཅིག་པ། དུམ་བུ་ཡང་ནང་གི་རི་མོ་ཙུག་སྲུབས་ལ་ཡ་ཡོད་མེད་པར་འདུག་པ། རྩ་དང་རིམ་ཐམས་ཅད་ཁུག་ཏུ་འཁྱིལ་བ། རྫས་དང་འཁོར་ལོ་རྩིབས་བརྒྱད་དཀྱིལ་ན་གསལ་བར་སྣང་བ། ཡང་ན་ཙཀྲ་ཧ་གསུམ་གསལ་བར་ཡོད་པ། རི་མོ་ཐམས་ཅད་འཇམ་པ་ཉུང་བར་འདུག་པའོ། །ངན་པར་གསལ་བ་གང་ཡང་མེད་པ། ཁ་སྦུབ་ནས་ཕྱི་རོལ་ནས་བལྟས་ན། འཚོགས་མ་ཤིན་ཏུ་འབུར་བ། བག་ཙམ་ཟུར་ཡོད་པ་འདྲ་བ། གང་ནས་བལྟས་ཀྱང་ལེགས་པ་དེ་ནི་བསྒྲུབས་པར་བཟང་ངོ་། །ལས་དྲག་པོ་ཐམས་ཅད་འགྲུབ་བོ། །ལྕང་ལོ་ཅན་དུ་འདུག་ན་ཡང་། དེའི་མཚན་ནི་ཡང་དག་དོན་ལྡན་བྷན་དྷ་ལྕང་ལོ་ཅན་ཞེས་བྱ་སྟེ། བུད་བྷ་རིགས་ཀྱི་རྣམ་ཞལ་མའི་ཞལ་བུ། དཔལ་ཆེན་པོའི་གནམ་ཞལ་ཡིན་པར་ཤེས་པར་བྱའོ། །ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། དེ་བཞིན་གཤེགས་པའི་རིགས་ཀྱི་ཞལ་བུ་བརྟག་པ་སྟེ་ལེའུ་གསུམ་པའོ།། །།དེ་ནས་བཅོམ་ལྡན་འདས་ཧེ་རུ་ཀས། རྡོ་རྗེའི་རིགས་ཀྱི་ཀྭ་པ་ལ་བྷན་དྷ་ཞལ་བུ་བཀའ་སྩལ་པ། ཟླུམ་ལ་དུམ་བུ་གསུམ་པ། ནང་གི་རི་མོ་འཇམ་ལ་ཉུང་བ། གཙུག་ཏུ་གནམ་ཞལ་ཆེན་པོའི་རྩ་སྒྲིལ་མ་ཟང་ཐལ་དུ་བྱུང་བ། རྫས་ལ་རྡོ་རྗེ་གསལ་བར་ཡོད་པ། ཡིག་འབྲུ་བཛྲ་གསལ་བར་ཡོད་པ། ཡང་ན་མ་དང་། ཛ་དང་ར་གསུམ་གསལ་བར་ཡོད་པ། ངན་པར་གསལ་བ་གང་ཡང་མེད་པ། ཁ་སྦུབ་ནས་ཕྱི་རོལ་ནས་བལྟས་ཏེ། ལྟག་པའི་བདུད་སྒོའི་རུས་པ་འབར་བ། སྤྲུལ་པ་འབུར་བར་སྣང་བ་སྟེ། གང་ནས་བལྟས་ཀྱང་ལེགས་པ། དེས་རྡོ་རྗེ་རིགས་ཀྱི་ཐམས་ཅད་མྱུར་བར་འགྲུབ་པ། ལྕང་ལོ་ཅན་དུ་འདུག་ན་ཡང་། ར་མེད་དོན་ཐོབ་བྷན་དྷ་ལྕང་ལོ་ཅན་ཞེས་བྱའོ། །རྡོ་རྗེ་རིགས་ཀྱི་ཞལ་བཀྲ་ཤིས་ཞལ་བུ་སྟེ། དཀར་མོ་མིག་གཅིག་མའི་གནམ་ཞལ་དུ་ཞེས་པར་བྱའོ། །ཀ་བཱ་ལ་བྷན་དྷ་གསང་བའི་རྒྱུད་ལས། རྡོ་རྗེ་རིགས་ཀྱི་ཞལ་བུ་བསྟན་པ་སྟེ་ལེའུ་བཞི་པའོ།། །།དེ་ནས་ཐུགས་ཀྱི་དགྱེས་སྡེ་བཞིས་ཞུས་པ། །རིན་ཆེན་རིགས་མཆོག་ཞལ་བུ་བཀྲ་ཤིས་ཕུན་སུམ་ཚོགས་པ་གསུང་དུ་གསོལ། ཞེས་ཞུས་སོ། །དེ་ནས་ཡང་བཀའ་སྩལ་པ། རིན་ཆེན་རིགས་ཀྱི་ཀ་བཱ་ལ་བཀྲ་ཤིས་གཡུང་དྲུང་རང་འབྱུང་བྷན་དྷ་ནི། ཡིད་ཙམ་ལྗོང་ལ་དུམ་བུ་གཉིས་པ། ནང་གི་རི་མོའཇམ་ལ་མང་བ། ལྕངལོའི་ལྗོན་ཤིང་ལྟ་བུར་འདུག་པ། འཇམ་ལ་རི་མོ་མངབ། དཀྱིལ་ན་བུམ་པའི་ནོར་བུ་རིན་པོ་ཆེ་གསལབར་ཡོད་པ། ཡངན་ས་དངཡིག་འབྲུགསལ་བར་ཡོད་པ། །ངན་པའིམཚནམ་གང་ཡང་མེད་པ། །ཁ་སྐྲུབནས་ཕྱིརོལ་ནས་བལྟས་ན་འཚོགས་མའི་དུས་དཀྱུས་རིང་བ། གང་ནས་བལྟས་ན་ལེགས་པ་སྟེ། དེ་ལ་རིན་ཆེན་རིགས་ཀྱི་ཞལ་བུ་མཚན་ལྡན་ལས་ཐམས་ཅད་མྱུར་དུ་འགྲུབ་བོ། །ལྕང་ལོ་ཅན་དུ་འདུག་ན་ཡང་། མཚན་རི་འདོད་པའི་ཡོན་ཏན་གཡུང་དྲུང་འགྲུབ་བྱེད་དཔལ་ལྡན་ལྕང་ལོ་ཅན་ཞེས་བྱ་སྟེ། ནག་མོ་མཆེ་གཙིགས་མོའི་ཞལ་བུར་ཤེས་པར་བྱའོ། །ཞེས་ཧེ་རུ་ཀས་བཀའ་སྩལ་ཏོ། །ཀ་བཱ་ལ་བྷན་དྷ་གསང་བའི་རྒྱུདལས། ལེའུལྔ་པའོ།། །།དེ་ནས་དམརམོ་ཐུགས་ཀྱི་དགྱེས་སྡེ་མོས་ཞུསཔ། །པདྨ་རིགས་གནམ་ཞལམའི་དོན་ཇི་ལྟར་ལགས། ཞེས་ཞུས་པས། བཀའ་སྩལ་པ། པདྨརིགས་ཀྱི་གཡུང་དྲུང་ཀ་བཱ་ལ། ཡིད་ཙམ་ཟླ་ཁམ་དུམ་བུ་བཞི་པ། ནང་གི་རི་མོ་ཐམས་ཅད་འཇམ་ལ་ཐུང་བ། རི་མོ་གང་ཡང་པདྨའི་དབྱིབས་སུ་འདུག་པ། སྤྱིརན་རི་མོབགསཀྱི་ཉུང་བ། རྫས་ཀྱི་གཟུགས་ལ་རྩ་ལས་པདྨ་འདབ་བརྒྱད་དུ་འདུག་པ། ཡི་གེ་ཨོ་གསལ་བར་ཡོད་པ། ངན་པར་གསལ་བ་གང་ཡང་མེད་པ། ཁ་སྦུབ་ནས་བལྟས་ན། རྣ་བ་གཡས་པ་བག་ཙམ་འབུར་བར་གསལ་བའོ། །དེ་ནི་ལྕང་ལོ་ཅནདུ་འདུག་ནའང་། ཀ་བཱ་ལ་བྷན་དྷ་གསང་བའིརྒྱུད་ལས། པདྨ་རིགས་ཀྱི་ཞལ་བུ་བརྟག་པ་སྟེ་ལེའུ་དྲུག་པའོ།། །།དེ་ནས་ཡངཐུགས་ཀྱི་དགྱེས་སྡེ་མོ་བཞིས་ཞུས་པ། ལས་ཀྱི་རིགས་ཀྱི་གནམ་ཞལ་གྱི་དོནབསྟན་དུ་གསོལ། །ཞེས་ཞུས་པས། བཀའ་སྩལཔ། ལས་ཀྱི་རིགས་ཀྱི་ཞལ་བུ་ནི། ཡིདཙམ་གྲུ་བཞི་པ། རྡོ་རྗེ་རྒྱ་གྲམ་གྱི་དབྱིབས་སུ་འདུག་པ། རི་མོ་ཐམས་ཅད་འཇམ་ལ་ཡིད་ཙམཉུང་བ། རྩའི་རི་མོ་ལ་རྫསསུ་གསལ་བའི་རྡོ་རྗེ་རྒྱ་གྲམ་ཡོད་པ། ཡིག་འབྲུཧ་གསལ་བར་ཡོད་པ། ཡང་ནང་ང་དང་གསུམ་གསལ་བར་ཡོད་པ། ངན་པརགསལ་བ་གང་ཡང་མེད་པ། ཁ་སྦུབ་ནས་བལྟས་ནས། ལྟག་པའི་རིག་པ་འབུར་འབུརགཉིས་ཡོད་པ། གཉའ་ཆུ་བོའི་ཤོང་ཤུལ་འབུར་གསུམ་ཡོད་པ། གང་ནས་བལྟས་ཀྱང་ལེགས་པར་སྣང་བ་སྟེ། ལྕང་ལོ་ཅན་དུ་འདུག་ན་ཡང་། བྷན་དྷ་ཐོགས་མེད་དཔལ་ལྡན་ལྕངལོ་ཅན་ཞེས་བྱ་སྟེ། དེ་ནི་ལསརྣམ་བཞིའགྲུབ། ལས་ཀྱིརིགས་ཀྱི་གནམ་ཞལ་ཀ་བཱལ། ལས་ཐམས་ཅད་མྱུར་དུ་འགྲུབཔའོ། །དེཡང་ལྕང་ལོ་ཅན་དུ་འདུག་ན། ཞལ་བུ་དེའི་མཚནནི་བཀྲ་ཤིས་དོན་ལྡན་དཔལ་ལྡན་ཀ་བཱ་ལྕང་ལོ་ཅན་ཞེས་བྱའོ། །སོར་མོ་ལས་མཁན་མོའི་ནལ་བུར་ཤེས་པར་བྱའོ། །ཞལ་བུ་དུམ་བུ་ལྔ་པ་གོང་མ་དེ་རྣམས་ཀྱིས་ནི། ལས་དང་བསྒྲུབ་པ་གང་ལ་ཡང་གལ་ཤིན་ཏུ་ཡང་ཆེ་སྟེ། དེའི་ནང་ནས་ཀྱང་ཤིན་ཏུ་ཆེ་སྟེ། དེའི་ནང་ནས་ཀྱང་ཤིན་ཏུ་བསྒྲུབ་པ་ལ་སོགས་པ་དང་། མ་མོ་བསྒྲུབ་པ་དང། ཡང་དག་མེ་འབར་དགུ་པའི་བསྒྲུབ་པའི་དཀྱིལ་འཁོར་གྱི་རྫསསུ་ཤེས་པར་བྱའོ། །བྷན་དྷ་ཀ་བཱ་ལ་འབར་བ་གསང་བའི་རྒྱུད་ལས། ལེའུ་བདུན་པའོ།། །།དེ་ནས་ཡང་བཀའ་སྩལ་པ། གཞན་ཡང་གང་རུང་རུང་དུབབ་ཆོལ་དུ་སྤྱད་དུ་མི་རུང་སྟེ། དམཚིག་ཉམས་པའི་རྒྱུ་ཡིན། དེ་ནས་བཅང་དུ་རུངམི་རུང་གཉིས་ལས། བཅང་དུརུང་བའི་ཀ་པལ་རྣམསཀྱི་ཞལ་བུ་ལ་བརྟགསྟེ། ཇི་ལྟར་འདོད་པའི་སྤྲ་ཡོད་པའི་ཀ་བཱ་ལ་དབྱིབས་ལེགས་པ། ལྕེ་སྟེ་གསེར་རམ་སྤྲམ་འདྲ་བ། མཁྲེགས་ཏེ་གནམ་ལྕགས་འདྲ་བ། འཐུག་པ་གླང་པོ་ཆའི་རྒྱབ་འདྲ་བ། མདོག་ནི་དངུལ་ཆུཞུན་མབླུག་པ་ལྟ་བུ། རྩ་དང་རི་མོ་གོང་དུསྨོས་པའིཀ་བཱ་ལ་རྡོ་རྗེའི་ཞལ་བུའི་རི་མོདང་འདྲ་བ། རང་ཇི་ལྟར་འདོད་པ་ཡོད་པ་དེ་ལྟ་བུ་ནི། ནོར་གྱི་སརམར་དཀར་ལ་མཐེབ་མོབཞག་པ་འདྲ་བ་ཡོདཔདེནི། ཡིད་བཞིན་གྱིནོར་བུ་རིན་པོ་ཆེ་ཡིན་ཏེ་བཅང་དུ་རུང་། བྷན་དྷ་ཀ་བ་ལ་ནི་རྫསདང་ཞལ་བུ་ཡིན་པས། རྗེས་སུ་འཇུག་པའི་ཕྱི་རབས་ཀྱི་རྣལ་འབྱོར་བ་རྣམས་ཀྱིས་ཀྱང་། དཔེར་ན་ཕའི་ནོར་བུ་རིན་པོ་ཆེབུ་ལ་བཞག་པ་ལྟ་བུའོ། །ནོར་བུ་སྡིག་བཟངཔོབཞིནདུ། རིནཔོཆེའི་སྣོད་ལེགས་པརབསལ་སྟེ། དུས་དུས་སུ་རང་གི་ཡི་དམ་བྱེད་པ་དང། སྔགསཀྱིས་ཁ་སྒོ་མཆོད་པ་བྱས་ན། རྣལ་འབྱོརཔ་དེལ་ནིའཇིགརྟེན་འདིར་ཚེ་རིང་བདང་། ནད་མེད་པདང་བཀྲ་ཤིས་པ་དང་། རིགས་བརྒྱུད་འཕེལ་བ་དང་། ཆོས་མཁན་དུ་འགྱུར་ཏེ། རྡོ་རྗེ་རྒྱལ་པོ་ལ་ཐོབ་སྟེ། ནོར་རྫས་འདུལ་བ་ལ་སོགས་ཏེ། ཇི་ལྟར་བསམ་པ་བཞིནདུ་འགྲུབ།ཅེས་དཔལ་ཧེ་རུ་ཀས་བཀའ་སྩལ་ཏོ། །རྡོ་རྗེ་ཀ་བཱ་ལ་བྷན་དྷ་གསང་བའི་རྒྱུད་ལས། བཅང་དུ་རུང་བའི་བརྟག་པའི་ལེའུ་སྟེ་བརྒྱད་པའོ།། །།དེ་ནས་ཡང་ཐུགས་ཀྱི་དགྱེས་སྡེ་མོ་བཞིས་ཞུས་པ། ཀ་བཱ་ལའི་དམ་རྫས་བཅང་དུ་རུང་མི་རུང་དེའི་དོན་ཇི་ལྟར་བྱ། ཞེས་ཞུས་པས། བཀའ་སྩལ་པ། རྫས་རྣམས་གོང་མ་རྡོ་རྗེ་ཀ་བཱ་ལའི་བྷན་དྷ་དེ་ལྟ་བུ་དེ་ནི་གང་རུང་རུང་དུ་དམ་ཚིག་ལ་འདྲེས་པ་དང་། དམ་ཚིག་མེད་པ་དང་། དམ་ཚིག་ཉམས་པ་ལ་མི་བསྟན་པར་བྱས་ཏེ། ཚུལ་བཞིན་དུ་བཅངས་ནས། དམ་ཚིག་མ་ཉམས་པར་བྱས་ནས། འཇིག་རྟེན་ཕྱི་མ་ལ་ཡངས་ཉི་ཤུ་རྩ་གཅིག་ནོན་པར་ཧེ་རུ་ཀ་ཉིད་ཀྱིས་བཀའ་སྩལ་པར་བཤད་དོ། །ཀ་བཱ་ལ་གསང་བའི་རྒྱུད་ལས། དམ་ཚིག་མེད་པ་ལ་མི་བསྟན་པའི་ལེའུ་སྟེ་དགུ་པའོ།། །།དེ་ནས་ཐུགས་ཀྱི་དགྱེས་སྡེ་མོ་བཞིས་དྲིས་ཏེ་ཞུས་པ། དམ་ཚིག་ཉམས་པ་ཇི་ལྟར་འགྱུར། ཞེས་ཞུས་པས། དེ་ལ་ཧེ་རུ་ཀས་བཀའ་སྩལ་པ། ཉོན་ཅིག་ཐུགས་ཀྱི་དགྱེས་སྡེ་རྣམས། གལ་ཏེ་དམ་ཚིག་ཉམས་ནས་ས་མ་ནོན་ན་ཡང་། ཆོས་མཁན་ཆེན་པོ་རྡོ་རྗེ་རྒྱལ་པོ་འམ། རྒྱལ་ཐེབས་ཀྱི་ས་ནོན་པོར་འགྱུར་རོ། །ཐ་མ་ཡང་བྲམ་ཟེའི་རིགས་སམ། རིགས་བཟང་སྟེ་བཙུན་པར་སྐྱེ་བར་བཀའ་སྩལ་ཏོ། །རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། ལེའུ་བཅུ་པའོ།། །།དེ་ནས་ཡང་བཀའ་སྩལ་པ། གཅང་དུ་མི་རུང་བའི་ཞལ་བུ་ཀ་བཱ་ལ་ནི། གསོན་པོ་ཙ་ན་བཟང་བའི་རྟགས་གང་ཀྱང་མེད་པར། ཀ་བཱ་ལའི་ཞལ་བུའི་བརྟག་པ་ངན་པའི་རྟགས་བསྟན་ཏེ། དབྱིབས་ཤིན་ཏུ་མ་ལེགས་པ་ཡོན་པོར་འདུག་པ་དང་། ཤོམ་པའམ་འབར་འབུར་མང་བ། གང་ནས་བལྟས་ཀྱང་མ་ལེགས་པ། དུམ་བུ་དྲུག་པའམ། བདུན་པ་དང་། བརྒྱད་པ་དང་། དགུ་པ་དང་། བཅུ་པ་ལ་སོགས་པར་འདུག་པ། མདོག་མ་ལེགས་ཏེ་རུལ་པ་འདྲ་བའི་སེར་ཁོག་བ་འམ། སྐྱ་ཁོག་པ་སྟེ། ལྷག་པར་སྐྱ་སེར་བ་དང་། སྔོ་ནག་ཏུ་འདུག་པ། གྲོ་བ། འཇིས་པ་དང་། དགྲ་བོ་དག་ལ་བྱས་ན་ཤིས། རུས་པ་དུམ་བུ་བདུན་པ་དང་བརྒྱད་པ་མྲ དགྲ་བོའི་མིང་དང་། རུས་པ་དང་། ཉུངས་ཀར་ལ་སྔགས་ཏེ། དགྲ་བོའི་ཁང་པའི་རྨང་དུ་སྦས་ན་དགྲ་བོ་དེ་འཆིའོ། །ཡང་དེ་དང་དྲ་བ་བྱས་ནས་དགྲ་བོ་དུར་དུ་སྦས་ན། དགྲ་བོ་ཕ་ཚན་སྟུམས་ཀྱིས་འཆིའོ། །དགྲ་བོ་རྩད་ནས་གཅོད་ཅེས་ཧེ་རུ་ཀས་བཀའ་སྩལ་ཏོ། །ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། རྫས་ཀྱིས་བསྟན་པ་བསྲུང་བའི་ལེའུ་སྟེ་བཅུ་གཅིག་པའོ།། །།དེ་ནས་ཡང་དགྱེས་སྡེ་མོས་ཞུས་པ། ཡོན་བདག་དང་ཡོན་གནས་ཀྱི་སྐྱོན་ཡོན་གང་ལ་ཡོང་མི་ཡོང་དེའི་དོན་ཇི་ལྟར་ལགས། ཞེས་ཞུས་པས། བཀའ་སྩལ་པ། ཡོན་བདག་དང་ཡོན་གནས་གཉིས་ཀྱི་སྐྱོན་ཡོན་གང་ལ་ཡོང་མི་ཡོང་། ཀ་བཱ་ལ་ཞལ་བུ་མ་བཅད་ནས་བརྟག་པ་ནི། །དང་པོ་ཀ་བཱ་ལའི་ཞལ་བུ་ལེགས་པར་མཐོ་དམན་མེད་པར་བྲེགས་ལ། ཆོད་པར་བཅད་པ་ནི། འཚོགས་སྲུངས་ཕན་ཆད་གཡས་པ་ཡོན་བདག་གི་སར་རྩི། གཡོན་པ་བྷན་དྷའི་སར་རྩི། ལྟག་སྲུབས་ཕན་ཆད་དགྲ་སར་རྩི། འཚོགས་སྲུབས་ཕན་ཆད་ནས་ལྟག་སྲུབས་ཚུན་ཆོད་ནོར་སར་རྩི། རྣ་བ་གཡས་གཡོན་དུར་སར་རྩིའོ། །དཔྲལ་བ་གཡོན་ཕྱོགས་ཀྱི་ནང་རོལ་ནས་བྲེགས་པའི་ས་ནས། སྲན་མའི་གང་བུ་ཙམ་བཅལ་བའི་ས་དེ་བན་དྷི་རྒད་པོར་རྩི། དེ་ནས་སྲན་མ་གང་བུ་ཙམ་བཅལ་བའི་ས་དེ་བན་དྷི་གཞོན་པའི་སར་རྩི། གཡས་པ་ཡོན་བདག་གི་སར་རྩི་བ་ཡིན། ཡང་སྲན་མ་གང་བུ་བཅལ་བའི་ས་སྟག་ཤར། དེ་ན་བུད་མེད། དེ་ནས་གང་བུ་ཙམ་ནོར་སར་རྩི། ལྟག་པའི་ཕྱོགས་སུ་དགྲ་ལ་རྟགས་ཡོང་མི་ཡོང་རྩི་སྟེ། དགྲ་བོ་གཡས་སུ་ཁྱོག་རྩི། གཡོན་དུ་བུད་མེད་རྩི། རྒན་གཞོན་ནོར་ཡན་ཆད་གོང་ལྟར་རྩི། དགྲ་ལ་གདོང་གཅིག་གི་རྩར་རྩ་རོ་དང་། སྲིན་ཁུང་དང་། དེ་རྣམས་འཛོམ་པ་བྱུང་ན་དགྲ་དེ་བདུན་བརྒྱད་འཆད་པར་འགྱུར་རོ། །དེ་ཡང་མ་འཛོམ་ན་གང་རུང་གཉིས་སམ། རེ་རེ་བྱུང་ན་འབད་ལས་བསྒྲུབས་ཀྱི་རྟགས་མོད་ལ་འོང་ངོ་། །ཞེས་དཔལ་ཧེ་རུ་ཀས་བཀའ་སྩལ་ཏོ། །ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། ལེའུ་སྟེ་བཅུ་གཉིས་པའོ།། །།དེ་ནས་ཡང་དགྱེས་སྡེ་མོ་བཞིས་ཞུས་པ། ན་ཚོད་རང་ཉིད་དགོས་པ་འགྲུབ། །ན་ཚོད་ནོར་པ་དགོས་འདོད་རྣམས། །ཇི་ལྟར་འདོད་པའི་དོན་དེ་རྣམས། །ཡང་དག་རྫོགས་པར་གསུང་དུ་གསོལ། །ཡང་དག་རྫོགས་པས་བཀའ་སྩལ་པ། །རྒན་པ་གཞོན་པ་བུས་པ་བུད་མེད་དང་། །ནོར་པ་ལ་སོགས་གང་ལ་ལྟ་བ་ནི། །ན་ཚོད་རྒན་དང་གཤོན་སོགས་གོང་མས་བལྟ་བར་བྱའོ། །ནོར་སར་མར་དཀར་ལ་མཐེབ་མོས་བརྫིས་པ་འདྲ་བ་བཞིན་བྱུང་ན། །དེ་ནི་ཡིད་བཞིན་གྱི་ནོར་བུ་རིན་པོ་ཆེ་ཡིན་ཏེ། །ནོར་རྫས་དང་མག་པ་ཚ་ཡུག་ལ་བཟང་ངོ་། དུར་སར་གདོང་གཅིག་གི་རྩ་དང་། རྩག་རོ་དང་། སྲིང་ཁུང་ལ་སོགས་པ་མེད་ན་བཟང་ངོ་། །བན་དྷིའི་ས་དང་ཡོན་བདག་གི་ས་གཉིས་གཅིག་སྟེ། གཅིག་བཤད་པས་གཉིས་ཀ་གོ །གདོང་གཅིག་གི་རྩ་བན་དྷིའི་སར་བྱུང་ན། བན་དྷིའི་བུ་ཆུང་རིགས་ལ་རྩུབ་བོ། །ཡོན་བདག་གིས་སར་གདོང་གཅིག་གི་རྩ་བྱུང་། །རོ་དེ་རབས་ཆད་གཅིག་ཡིན་ན་དེས་ཐུབ། མེན་ན་བུས་པ་ཆུང་རིགས་ལ་ངན་ནོ། །རྩ་དེ་གང་གི་སར་བྱུང་ཡང་ལོང་། དུར་སར་བྱུང་ན་རོ་དེའི་གང་ལ་བུས་པ་ཡོད་པ་དེ་ལ་རྩུབ། དེ་ལ་བུ་མེད་ན་ཕ་ཚན་སྤྱི་རུ་བུས་པ་གསུམ་བཞི་ལ་རྩུབ། ནོར་སར་གདོང་གཅིག་གི་རྩ་གཡས་སུ་བྱང་ན། ཡོན་བདག་གི་ནོར་ལ་གོད་ཀ་ཡོང་། གཡོན་དུ་བྱུང་ན་མག་ཚ་ཡུག་ལ་རྩུབ། དུར་ས་གཡས་སུ་བྱུང་ན་ཕ་ཚན་གཞོན་རིམ་ལ་བུ་ཡོད་ཀྱང་རབས་ཆད་གཅིག་ཡོང་། དེ་རང་རབས་ཆད་གཅིག་ཡིན་ན་གཡས་གཡོན་གང་དུ་བྱུང་ཡང་ཐུབ། རྩག་རོ་དང་སྲིན་ཁུང་ནི་རྒད་པོ་ལ་རྩུབ། དར་མའི་སར་བྱུང་ན་དར་མ་ལ་རྩུབ། བུས་པ་བུད་མེད་ནོར་ས་གང་དུ་བྱུང་ཡང་དེའི་ས་དེར་རྩུབ་བོ། བན་དྷི་དང་ཡོན་བདག་གཉིས་དོན་གཅིག་པ་ཡིན་པར་ཤེས་པར་བྱའོ། །རྩག་རོ་དང་སྲིན་ཁུང་ནོར་སར་བྱུང་ན་ཡོན་བདག་གི་ནོར་ལ་གོང་ཁ་ཡོངས་ཏེ། རྩ་རོ་ཆེ་ཆུང་དང་སྦྱར་རོ། །རྩ་རོ་དང་སྲིན་ཁུང་ནོར་ས་གཡོན་པར་བྱང་ན། ཚ་ཡུག་ལ་རྩུབ། རྩ་རོ་དང་སྲིན་ཁུང་མག་ཚ་ཡུག་རྒན་གཞོན་ལ་སྦྱོར། རྩ་རོ་དང་སྲིན་ཁུང་ནོར་སར་བྱུང་ན། ཡོན་བདག་གི་ནོར་རྫས་ལ་མག་ཚ་ཡུག་རྒྱ་འདྲེ་བྱེད། རྩ་རོ་དང་སྲིན་ཁུང་དུར་ས་གཡས་སུ་བྱུང་ན། སྔ་མ་དེས་མ་ཐུབ་ན་ད་རུང་འཆིའོ། །གཡོན་ཕྱོགས་སུ་བྱུང་ན་དེས་ཐུབ། ཤི་ཆད་མི་འོང་བར་བཤད་དོ། །ཞེས་བཀའ་སྩལ་ཏོ། །ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། རྟགས་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཐུགས་ཀྱི་དགྱེས་སྡེ་མོ་བཞིས་ཞུས་པ། སྲུབས་ཞིག་པ་དང་མཚམས་རལ་པ་ནི་ཕ་ཚན་རྒྱ་འདྲེ་བྱེད་དེ། དོན་དེ་ཇི་ལྟར་ལགས། བཀའ་སྩལ་པ། སྲུབས་ཞིག་པ་དང་མཚམས་རལ་པ་ཐམས་ཅད་རྒྱ་འདྲེར་ཤེས་པར་བྱའོ། །དེ་ལྟར་རྩབ་རྩུབ་གང་བྱུང་ཡང་བཟློག་པ་བྱས་པས་ཐུབ་བོ། །བན་དྷིའི་སར་རྩ་རོ་དང་སྲིན་ཁུང་བྱུང་ན་བསྐང་གསོ་དང་། ཡང་ན་བག་ཟན་ལ་བན་དྷིའི་གཟུགས་བྱས་ལ་ཁྲག་གི་རི་མོ་བྲིས་ལ། ཟངས་ཀྱི་ནང་དུ་གཏོར་མ་དང་བཅས་ལ། དེ་ནས་ཡོད་པའི་ཤ་སྣ་མང་པོ་དང་། ཆང་ཕུད་དང་། བདུད་རྩི་དང་། ཤ་སྣ་ཁྲག་སྣ་མང་པོས་ཟངས་བུ་ཁེབས་པར་བྱས་ལ། དེར་འཚོགིས་པའི་བན་དྷི་སོགས་ཀྱང་བསྐང་གསོ་དྲག་པོ་བྱས་ནས་དགྲ་ཕྱོགས་སུ་འཕངས་ན་དེས་ཐུབ། ཀ་བཱ་ལ་བྷན་དྷ་གསང་བའི་རྒྱུད་ལས། བཟློག་པ་དང་བསྐང་གསོ་བྱ་བའི་ལེའུ་སྟེ་བཅུ་བཞི་པའོ།། །།དེ་ནས་ཡང་ཐུགས་ཀྱི་དགྱེས་སྡེ་མོ་བཞིས་ཞུས་པ། ཡོན་བདག་གི་སར་རྩ་རོ་དང་སྲིན་ཁུང་ལ་སོགས་པ་གང་བྱུང་ཡང་བཟློག་པའི་ཐབས་ཇི་ལྟར་བྱེད། བཀའ་སྩལ་པ། ཡོན་བདག་གི་སར་རྩ་དང་། རྩ་རོ་དང་། སྲིན་ཁུང་ལ་སོགས་པ་གང་བྱུང་ཡང་བཟློག་པས་བཟློག་སྟེ། འདི་ལྟར་བྱའོ། །ཡོན་བདག་མོ་ཁ་གཅིག་འདུས་ལ།མ་མོའི་བསྒྲུབ་ཐབས་ཡུན་རིང་དུ་བྱ། སྤྱི་མདོས་སརྦ་རུ་པའི་མདོས་ཆེན་བྱའོ། །དེ་ནས་ཡང་མ་བཟློག་ན། སོ་སོའི་ཁྱིམ་དུ་མ་མོའི་བསྐང་གསོ་བྱའོ། །ཕྱི་སྐོངས་མདོས་ཆེན་བཏང་། དེས་བཟློག་སྟེ་འོང་། ཞེས་བཀའ་སྩལ་ཏོ། །རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། བསྐང་གསོ་དང་བཟློག་ཐབས་བསྟན་པ་སྟེ་ལེའུ་བཅོ་ལྔའོ།། །།དེ་ནས་ཡང་ཐུགས་ཀྱི་དགྱེས་སྡེ་བཞིས་ཞུས་པ། ཡོན་བདག་གི་ས་དང་།དུར་ས་དང་། ནོར་ས་གསུམ་དུ། རྩ་དང་སྲིན་ཁུང་ལ་སོགས་པ་བྱུང་ན། དེའི་བཟློག་ཐབས་གསུང་དུ་གསོལ། ཞེས་ཞུས་པས། བཀའ་སྩལ་པ། དགྱེས་སྡེ་ཁྱོད་ལ་འདི་སྐད་བསྟན། ཡོན་བདག་གི་དུར་ས་དང་། སྤྱིའི་དུར་ས། ནོར་ས་གསུམ་ཀ་མྲ རྩག་རོ་དང་སྲིན་ཁུང་ལ་སོགས་པ་བྱུང་ན། དེ་རྣམས་བཟློག་པའི་ཐབས། ལྷ་འདྲེ་ཕོ་རིགས་ཐམས་ཅད་དང་། ལྷ་འདྲེ་མོ་རིགས་ཐམས་ཅད་ལ་བསྐང་གསོ་བྱའོ། །ཕྱི་སྐོངས་དག་དང་ནང་སྐོངས་དང་། གསང་བ་གསུམ་ལྟར་བསྐང་བ་ནི། ཡང་དག་ཡང་གསང་ལྟར་ན་བསྐང་བ་ན། དེ་ལྟར་བྱས་ན་མི་བཟློག་མི་སྲིད་དོ། །བསྐང་བའི་དོན་གལ་ཆེའོ། །ཞེས་གསུངས་སོ། །བཛྲ་ཀ་བཱ་ལ་ལྷ་མོ་བམ་རིལ་གྱི་རྒྱུད་ལས། བསྐང་གསོ་བཞི་པ་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་ལྷ་མོ་དགྱེས་སྡེ་བདེ་བྱེད་མས། ཀ་བཱ་ལ་གསང་བ་མི་བཟློག་པ་དེ་གང་ལགས་ཞེས་ཞུས་པས། བཀའ་སྩལ་པ། བྷན་དྷ་ངན་པ་གང་གིས་ཀྱང་མི་བཟློག་པ་ནི། མ་ལྡོག་པ་ནི་བུ་གུ་ཧང་ཚེར་བྱང་ན་མ་བཟློག་པ་འཆི། གསང་བ་ཡང་གསང་བྱས་ཀྱང་བཟློག་པ་མེད། བུག་པའི་དོན་ནི་འདི་ལྟར་བསྟན། བྱིས་པའི་དུས་སུ་མགོ་བོ་ཆག་ནས་བུ་ག་བྱུང་བ་དང་། མགོ་བོ་ཆག་ནས་རྨེན་བ་ཡོད་པ་ཆ་མེད། ནད་རོ་ལངས་ན་བུ་ག་བྱུང་བ་དང་། ལྷ་འདྲེས་དཔྲལ་བ་ཕུག་པ་མི་རུང་སྟེ་མི་བཟློག་གོ །མགོ་ཆག་པའི་བུ་ག་ཡོད་པ་ལ་སྐྱོན་མེད་དོ། །ཞེས་བཀའ་སྩལ་ཏོ། །རྡོ་རྗེ་ཀ་བཱ་ལ་བྷན་དྷ་འབར་བ་ལྷ་མོ་བམ་རིལ་གྱི་རྒྱུད་ལས། བུག་པ་བྱུང་ན་མི་ལྡོག་པ་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་དགྱེས་སྡེ་ཆེན་མོ་དེས། བམ་ཆེན་བཀྲོལ་བའི་ཐབས་གསུང་དུ་གསོལ། །ཞེས་ཞུས་པས། དེ་ནས་དཔལ་ཆེན་པོས། ཉོན་ཅིག་ལྷ་མོ་དགྱེས་སྡེ་མ། བམ་བཀྲོ་བ་ལ་རྣམ་པ་གསུམ། སྐྱེས་ནས་འཇིག་རྟེན་ཕྱི་མའི་དོན་ལ་དགོངས་པ་དང་། མི་མང་པོ་ཤི་ནས་ཤི་ཕྲོ་ཆོད་དུ་རེ་བ་ལ་དགོངས་པ་དང་། བན་འདེའི་ཕུར་ཁ་བཟློག་ཏུ་རེ་བ་ལ་དགོངས་པ་དང་གསུམ་མོ། །དེ་ཡང་འཇིག་རྟེན་ཕྱི་མ་ལ་དགོངས་ནས་ཕུལ་བའི་བམ་དེ་ལ་བཀྲོ་ལུགས་རྣམ་པ་བཞི་སྟེ། སྨན་དུ་བྱས་ཏེ་བཀྲོ་བ་དང་། ཡང་དག་མེ་འབར་དགུ་པའི་དཀྱིལ་འཁོར་གྱིས་རྫས་སུ་བྱས་ཏེ་བཀྲོ་བ་དང་། མ་མོའི་རྣམས་ཀྱི་རྫས་སུ་བྱས་ཏེ་སྤྲོ་བ་དང་། རོ་བསྲེགས་སྟོང་པ་ཐལ་བར་བཀྲོ་བའོ། །དེ་ལ་ཡང་བདུད་རྩི་སྨན་རྫས་སུ་བཀྲོ་བ་ཡང་། ནང་གི་སྦས་པ་བཞི་དང་། ཕྱིའི་མངོན་པ་བཞི་དང་། ཉ་བཞི་དང་། རྩི་བཞི་དང་། རྩ་བ་བརྒྱད་ལ་སོགས་པ་བམ་པོ་བརྒྱད་པའི་གཞུང་བཞིན་དུ་བྱའོ། །དེ་ལ་ཡང་དག་མེ་འབར་དགུ་པའི་རྫས་སུ་བཀྲོ་བ་ནི། ཐོད་པ་བྷན་དྷ་ཀ་བཱ་ལར་བྱས་ཏེ། དཔལ་ཆེན་པོའི་རྗེས་སུ་དགོད་པ་ལ་སོགས་པ་ཤ་ཆེན་བཞི་དང་། ཞིང་ལྤགས་ཙིསྟ་དང་། རྒྱུ་ཞགས་དང་། རྐངལགམཆོགཕུརབྱབདང་། ཡན་ལག་བཞི་ལ་བསྒོ་བ་བཞིའི་རྫས་དང་། བྷན་དྷ་དཔལ་ཐར་ཆེན་པོ་བཞི་ལ་སོགས་པ་དཀྱིལ་འཁོར་གྱི་རྫས་སུ་བཀོད་པའོ། །དེ་ནས་མ་མོ་རྣམས་ཀྱི་དམ་རྫས་སུ་བཀྲོ་བ་ནི། ཕུང་པོ་རིལ་གྱིས་ཡུམ་ཆེན་མོའི་དམ་རྫས་སུ་བསྔོ་བ་དང་། འབྱུང་བ་ཆེན་པོ་ལྔ། ཁ་བཞི། དབྱིངས་ལྔའི་དམ་རྫས་སུ་བསྔོ་བ་དང་། རྣམ་པར་ཤེས་པའི་ཚོགས་བརྒྱད་ལ་སོགས་པ་རང་བཞིན་གྱི་རྣལ་འབྱོར་མ་བཅུ་བཞིའི་རྫས་སུ་བསྔོ་བ་དང་། རྒྱུངས་བ་དང་སྲོག་བ་རྩ་ལ་སོགས་ཏེ། རྐང་ལག་བཞི་ནི་གྲུབ་པའི་རྣལ་འབྱོར་མ་ཨ་ཕྱི་ཆེན་པོས་ཤན་མེ་ལས་ཀྱི་སྲིང་ཡན་ཆད་ཀྱི་རྫས་སུ་བཀྲོ་བ་དང་། དེ་ལྟར་མ་མོ་རྣམས་ཀྱི་རྫས་སུ་བཀྲོ་བ་བསྟན་པའོ། །རྡོ་རྗེ་ཀ་བཱ་ལ་བྷན་དྷ་འབར་བ་ལྷ་མོ་བམ་རིལ་གྱི་རྒྱུད་ལས། བམ་བཀྲོ་བ་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་ལྷ་མོ་དགེ་སྡེ་མས་ཞུས་པ། རོ་བསྲེགས་ཐལ་བར་བཀྲོ་བ་བསྟན་དུ་གསོལ། །ཞེས་ཞུས་པས། དཔལ་ཧེ་རུ་ཀས་རོལ་བསྲེག་པ་ཐལ་བར་བཀྲོ་བ་འདི་གསུངས་སོ། །རོ་སྲེགས་ཐལ་བར་བཀྲོ་བ་ནི། །གསང་བ་ནང་བསྲེགས་ཆེན་པོ་ཡིས། །གཞུང་བཞིན་རྒྱས་པར་བྱས་པ་ལ། །ཚ་ཚ་གདབ་པ་ལ་སོགས་པ། །དགེ་བའི་རྩ་བ་རྒྱ་ཆེར་བྱ། །ཞེས་གསུངས་སོ། །རྡོ་རྗེ་ཀ་བཱ་ལ་གསང་བའི་རྒྱུད་ལས། རོ་བསྲེགས་ཚ་ཚ་གདབ་པ་བསྟན་པའི་ལེའུ་སྟེ་བཅུ་དགུ་པའོ།། །།དེ་ནས་ལྷ་མོ་དགྱེས་སྡེ་མོས། བམ་བཀྲོ་བཤའ་བའི་སྤྱོད་པ་ཇི་ལྟར་ཡོད་པ། རྩ་དང་། རྩག་རོ་དང་། སྲིན་ཁུང་གི་རྫས་རྣམས་ཉུང་བ་དང་མེད་པ་ནི། གསོན་པོ་རྣམས་འགབ་འཕེལ་བ་འམ་བཟང་བ་སྟེ། དེ་ཡང་འབྲས་བུ་མཐོ་རིས་སུ་སྐྱེ་བར་བཀའ་སྩལ་ཏོ། །བརྟགས་ཏེ་རི་མོ་ཐམས་ཅད་ཟབ་ལ་འཛེངས་བ རི་མོ་ཐམས་ཅད་འཕྲེད་ལ་ཉལ་བ་འདྲ་བ། རི་མོ་ཐམས་ཅད་ད་རེས་ཡར་ལ་སོང་། ད་རེས་མར་ལ་སོང་ཞིང་། དེ་ནས་འཐུར་ལ་འབྲུག་པའམ། རྫས་སམ། ཡིད་འབྲུ་གང་ཡང་མི་གསལ་བ། རྩ་དང་། རྩག་རོ་དརྔ། སྲིན་ཁུང་རྣམས་མང་བ། ཐོད་པ་དུམ་བུའི་གྲངས་མང་བ། དེ་ནི་གསོན་པོ་རྣམས་ལ་འགབ་ངན་པ་དང་། འབྲས་བུ་ངན་སོང་དུ་སྐྱེས་བས་ན། དགེ་བའི་རྩ་བ་རྒྱ་ཆེར་བསྔོ་བའོ། །ཞེས་ཧེ་རུ་ཀས་བཀའ་སྩལ་ཏོ། རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། ཕུར་ཁ་བཟློག་པ་དང་། བམ་བཀྲོ་ཐབས་དང་། ཤི་འཕྲོ་གཅད་པའི་ལེའུ་སྟེ་ཉེར་གཅིག་པའོ།། །།དེ་ནས་ཡང་ཞུས་པ། ཤི་འཕྲོ་ཆོད་དམ་མ་ཆོད་དང་། །ཕུར་ཁ་བཟློག་དང་མི་ལྡོག་ཀྱང་། །ཐོད་པའི་བྲ་ནི་བརྟག་པ་སྟེ། །དེ་ཡི་བྲ་རྣམས་བསྟན་དུ་གསོལ། །ཞེས་ཞུས་པས། ཡང་བཀའ་སྩལ་པ། ཐོད་པ་ཕྱི་དང་ནང་གི་བྲ། །ལེགས་པར་བརྟགས་པར་ཤེས་ནས་ནི། །སྔ་མ་ཇི་ལྟར་བྱུང་བ་དང་། །ཕྱི་མ་ཇི་ལྟར་འོང་བ་ནི། །སྐྱོན་ཡོན་རྟགས་ཏེ་འོང་བས་ན། ཁྲེས་རབ་རྣོ་བས་ཞིབ་པར་བརྟག་པ་གལ་ཆེའོ། །དེ་ལ་ཐོད་པའི་བྲ་ནི་བཟང་ངན་ཡོ་ག་གོང་དུ་བསྟན་ཏེ། །འདིར་ཡང་ཤི་འཕྲོ་ཆོད་མི་ཆོད། ཕུར་ཁ་ལྷོག་དང་མི་ལྷོགས་ཀྱི། །ཐོད་པའི་པྲ་བཟང་བཅུ་གཅིག་གིས་བསྟན་ཏེ། དཔྲལ་བའི་ནང་ནས་ལྟག་པའི་བདུད་སྒོ་སྲ རུས་པའི་མོ་ཁབ་ཙམ་ཅིག་ཟམ་མ་ཆད་པར་བྱུང་ན་བཟང་དཔྲལ་བའི་ནང་དུ་རུས་པ་ལ་སོགས་པ་དང་འདྲ་བ་མཐོ་ན་བཟང་ངོ་། །ཐོད་པ་དབྱིབས་ལེགས་ན་བཟང་། དུམ་བུ་ཉུང་ན་བཟང་། །མདོག་ལེགས་ན་བཟང་། རི་མོ་འཇམ་ལ་རིང་བ་མང་ན་བཟང་། རི་མོ་ཐམས་ཅད་གྱེན་ལ་དྲང་ན་བཟང་། རྫས་དང་ཡིག་འབྲུ་གང་ཡང་རུང་བ་གསལ་བ་བྱུང་ན་བཟང་། གདོང་གཅིག་གི་རྩ་དང་། རྩག་རོ་དང་། སྲིན་ཁུང་མེད་ན་བཟང་། ཐོད་པ་ཀ་བཱ་ལ་དེ་ལྕི་ན་བཟང་ངོ་། །འཐུག་ན་བཟང་ངོ་། །དེ་ལྟར་བཟང་རྟགས་བྱུང་ན་འཆི་འཕྲོ་ཡང་འཆད་དོ། །ཕུར་ཁ་ཡང་བཟློག་གོ །བཟློག་པ་དྲག་པོ་ཡང་བྱ་མི་དགོས་སོ། །ཆོས་སྤྱོད་དགེ་བ་ནར་མར་བྱས་པས་ཆོག་སྟེ། བཟང་བར་བཤད་དེ་བཀའ་སྩལ་པའོ། །རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། ཤི་ཁ་ཆོད་པ་དང་། ཕུར་ཁ་བཟློག་པ་དང་། བྷན་དྷའི་བྲ་བཟང་བའི་ལེའུ་སྟེ་ཉེར་གཉིས་པའོ།། །།དེ་ནས་དགྱེས་སྡེ་མོ་བཞིས་ཞུས་པ། བྷན་དྷ་ངན་པའི་རྟགས་ཇི་ལྟར་ལགས། ངན་པ་བཟློག་པ་གང་གིས་བཟློག །དེའི་དོན་གསུང་དུ་གསལ། ཞེས་ཞུས་པས། ཧེ་རུ་ཀས་བཀའ་སྩལ་པ། ཐོད་པ་ངན་པའི་དོན་དེ་ལས་བཟློག་པ་དེ། དཔྲལ་བའི་ནང་ནས་ལྟག་པའི་བདུད་སྒོ་རུ་རུས་པ་མོ་ཁབ་ཙམ་མེད་ན་ངན། རི་མོ་ཟབ་ལ་འཐུར་ལ་ཟུག་ན་ངན། རྫས་སམ་ཡིག་འབྲུ་གསལ་བ་མེད་ན་ངན། གདོང་གཅིག་གི་རྩ་དང་། རྩག་རོ་དང་། སྲིན་ཁུང་མད་ན་ངན། ཐོད་པ་དེ་ཡང་ན་ངན། སྲབ་ན་ངན། འཆི་འཕྲོ་མི་ཆོད། ཕུར་ཁ་ཡང་མི་ལྡོག །བཟློག་པ་ཡང་དྲག་པོ་བགྱི་འཚལ། གོང་དུ་ཇི་ལྟར་བྱས་པ་བཞིན་བསྐང་ངོ་། །དེ་རྣམས་ཀྱིས་མ་བཟློག་ན། གཞན་མས་མི་བཟློག་པས། བསྐང་གསོ་ཁོ་ན་གལ་ཆེའོ། །བསྐང་གསོ་ཡས་ཐགས་དང་། སྐང་གསོ་བསྒོམ་པ་དང་། བསྐང་གསོ་ལྷ་འདྲེ་ཕོ་རིགས་དང་། ལྷ་འདྲེ་མོ་རིགས་ཐམས་ཅད་དབང་ཆེ་བ་གང་ཡིན་པ་དང་། ཡས་མར་བསྐང་བ་དང་། མས་ཡར་བསྐང་བ་ནི་དོན་ཇི་ལྟར་ཡིན་པ་དང་། བསྐང་བས་སྐོང་བ་གང་ཡིན་པ་དང་། བསྐང་གསོའི་དོན་དེ་ལྟར་ཤེས་ནས། མི་རྟོགས་པ་མེད་པར་བསྐང་གསོ་བྱའོ། །རྡོ་རྗེ་ཀ་བཱ་ལ་བྷན་དྷ་གསང་བའི་རྒྱུད་ལས། ཐོད་པའི་བྲང་ངན་པར་བསྐང་གསོས་བཟློག་པར་བསྟན་པའི་ལེའུ་སྟེ་ཉེར་གསུམ་པའོ།། །།ཡང་ཞུས་པ། །རྡོ་རྗེ་ཀ་བཱ་ལ་བན་དྷ་འབར་བ་གསང་བའི་རྒྱུད་ལས། དབྱིབས་དང་ཁ་དོག་བརྟག་པ་བསྟན་དུ་གསོལ། །དེ་ནས་ཧེ་རུ་ཀས་བཀའ་སྩལ་པ། ཀ་བཱ་ལའི་མདོག་དབྱིབས་ངས་བཤད་ཀྱིས། ཞལ་བུའི་དབྱིབས་མདོག་བརྟག་པ་བསྟན་དུ་གསོལ། །བཤད་ཟིན་ཏོ། །དེའི་མ་ལེགས་པ་ནི་ཡོན་པོར་འདུག་པ།ཞོམ་པ། ཕྱི་རོལ་ན་འབར་འབུར་མང་བ། ནང་ན་ཐག་ཐུག་མང་བ། ཁྱོར་འདྲ་བ། བྲམ་ཟེའི་རིགས་ལ་སོགས་ཏེ། མིའི་རིགས་བཅུ་པོ་ཡིན་ཡང་། མི་བཅད་མྱུར་དུ་སྤངས་བར་བྱའོ། །རྡོ་རྗེ་ཀ་བཱ་ལ་བྷན་དྷའབར་བའི་རྒྱུད་ལས། མ་ལེགས་པ་རྣམས་སྤང་བར་བྱ་བའི་ལེའུ་སྟེ་ཉེར་བཞིའོ།། །།དེ་ནས་དགྱེས་སྡེ་ལེགས་མས་ཞུས་པ། ཀ་བཱ་ལ་བྷན་དྷ་གསང་བའི་ལེགས་པའི་དབྱིབས་དང་ཁ་དོག་བཤད་དུ་གསོལ། །ཞེསཞུས་པས། བཀའ་སྩལ་པ། དབྱིབས་ལེགས་པ་ནི། དཔེར་ན་སྒོ་ང་ཕྱེད་ལ་གཤགས་པ་འདྲ་བ། ཕྱི་ནས་བལྟས་ཀྱང་འབར་འབུར་མེད་པ། ནར་ནས་བལྟས་ན་ཐག་ཐུག་མེད། འཇམ་ལ་མཚནདང་ལྡན་པ། མར་དཀར་ལ་མཐེ་བོ་བརྫིས་པ་ལྟ་བུ་འདྲ་བ་བྱས་པ་ནི། ཡིད་བཞིན་གྱི་ནོར་བུ་དངོས་དང་འདྲ་བའོ། །རིགས་བཙུན་པ་དང་ཨ་ཅང་ཆེས་ཏེ། བུད་མེད་གདོལ་བ་ཡིན་ཡང་མི་སྤང་བཅང་བར་བྱའོ། །རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། དབྱིབས་དང་ཁ་དོག་ལེགས་པར་བརྟགས་ཏེ་མི་སྤང་བར་ལེགས་པར་བརྟགས་ཏེ་བཅང་བར་བྱ་བའི་ལེའུ་སྟེ་ཉེར་ལྔ་པའོ།། །།དེ་ནས་དགྱེས་སྡེ་མོས་ཞུས་པ། བྷན་དྷ་ཀབཱ་ལ་འབར་བའི་རྒྱུདལས་མདོག་དང་དུམ་བུའི་རྣམ་གྲངས་ཡོན་ཏན་བསྟན་དུ་གསོལ། །དེ་ནས་ལྕང་འོའ་མགོ་བོ་ཡི་མདོག་བསྟན་པ་ནི། དུམ་བུ་གཅིག་པ་དུང་གི་མདོག་ཏུ་བཞེད། དུམ་བུ་གཉིས་པ་གསེར་གྱི་མདོག་ཏུ་བཞེད། དུམ་བུ་གསུམ་པ་དམར་ལ་གདང་བར་བཞེད། །དུམ་བུ་བཞི་པ་བྱེའུ་ལྕོག་དང་བྱ་གོ་བོའི་སྒོ་ང་ལྟ་བུ། དུམ་བུ་ལྔ་པ་སྨུག་པར་བཞེད། སྤྱིར་ན་རྣམ་པ་རེ་རེ་ལའང་། མདོག་ནི་རྣམ་པ་རེ་རེའང་ཡོད། དུམ་བུ་ལྔ་པ་ལ་མདོག་ལྔ་ཡོད་པས། དུམ་བུ་ལྔ་པ་དེ་བཟང་ངོ་བཅང་ངོ་། །དེ་ནི་དུམ་བུའི་གྲངས་དང་རུས་མདོག་སྦྱར་བ་ཡིན་ཏེ། མདོག་ནི་དཀར་བ་དང་། དམར་ལ་འཚོར་བ་དང་། དམར་ལ་གདང་བ་དང་།སྨུག་ལ་འཚེར་བ་དང་། སྨུག་ལ་གྲོ་བ་རྣམས་ན་མདོག་ལེགས་པ་ཡིན་ཏེ། མི་སྤོངས་ཏེ་བཅང་བར་བྱའོ། །ཞེས་བཀའ་སྩལ་ཏོ། །བྷན་དྷ་ཀ་བཱ་ལ་འབར་བ་གསང་བའི་རྒྱུད་ལས། དུམ་བུའི་གྲངས་དང་མདོག་བསྟན་པའི་ལེའུ་སྟེ་ཉེར་དྲུག་པའོ།། །།དེ་ནས་ཡང་ལྷ་མོ་དགྱེས་སྡེ་མོས། ཧེ་རུ་ཀ་ལ་གསོལ་བ། རྡོ་རྗེ་ཀ་བཱ་ལ་མདོག་ལྷག་པར་བརྟགས་པའི་སྐྱོན་ཡོན་གསུང་དུ་གསོལ། ཞེས་ཞུས་པས། ཧེ་རུ་ཀས་བཀའ་སྩལ་པ།མདོག་ནི་ལྷག་པར་དཀར་བའང་སྐྱོན་ཡིན་ནོ། །དེ་བས་ལྷག་པར་སེར་བ་དང་། ལྷག་པར་དམར་བ་དང་། ལྷག་པར་སྨུག་པ་དང་། ལྷག་པར་གྲོ་བ་དང་། ཁོག་བོར་འདུག་པ་དང་། གནག་པ་དང་། སྐྱ་བོར་འདུག་པ་དང་། འདི་རྣམས་ནི་མི་བཅང་སྟེ་སྤང་བར་བྱའོ། །ཞེས་བཀའ་སྩལ་ཏོ། །བཛྲ་ཀ་བཱ་ལ་ཛ་ལ་གུ་རྒྱ་ཏན་ཏྲ་ལས། མི་བཅང་སྟེ་སྤང་བར་བྱ་བའི་ལེའུ་སྟེ་ཉེར་བདུན་པའོ།། །།དེ་ནས་ཡང་ལྷ་མོ་དགྱེས་སྡེ་མོ་བཞིས། དཔལ་ཧེ་རུ་ཀ་ལ་གསོལ་པ། བྷན་དྷ་འབར་བ་གསང་བའི་རྒྱུད་ལས་དུམ་བུ་དང་རྣམ་གྲངས་ཀྱི་དོན་སྟོན་པར་ཞུས་པས། ཧེ་རུ་ཀས་བཀའ་སྩལ་པ། དུམ་བུ་གྲངས་ཀྱི་དོན་རྣམས་བསྟན་པ་ནི། དེ་ནས་གང་ཟག་བསྒྲུབ་པ་པོས། དུམ་བུ་གཅིག་པ་བཅངས་པ་ན། ཡོན་ཏན་སྲིད་གསུམ་མཐོང་བྱེད་དོ། །དེ་ཅིས་ཏེ་བྱས་པས། མི་གཅིག་གིས་དོན་གཉེར་དུ་ཕྱིན་པ་ལས་ངལ་ཆད་ནས། ལམ་ཀར་སྒོང་པ་གཅིག་ལ་གཉེས་ནས་བསྡམས་པ་ལས། སྲིད་པ་གསུམ་པོ་སལ་གྱིས་མཐོང་བར་གྱུར་པ་དང་། དེ་ནས་ལངས་ཏེ་ཕྱིན་པས་སྲིད་གསུམ་མི་གསལ་བར་གྱུར་ནས། སླར་ལོག་ནས་སྒོང་པ་དེ་གཉེས་པས། ཡང་གསལ་བར་གྱུར་ནས། དེ་ནས་སྒོང་པ་དེ་སློག་པ་དང་། མི་དེས་ཐོད་པ་དུམ་བུ་གཅིག་པ་གཅིག་རྙེད་ནས། དེ་ཁྱེར་ནས་ཕྱིན་པ་དང་། སྲིད་གསུམ་ཨ་ཅང་ཆེ་སྟེ། ཆོས་ཐམས་ཅད་བཀྲ་གསལ་དུ་གྱུར་ནས། རང་ལ་དངོས་གྲུབ་འབྱུང་བའི་ལོ་རྒྱུས་སོ། །ཡང་བྷན་དྷ་ཀ་བཱ་ལ་གསང་བའི་རྒྱུད་ལས་འདི་སྐད་འབྱུང་སྟེ། དུམ་བུ་གཅིག་པས་དཔལ་ཆེན་ཉིད་ཀྱང་འགྲུབ། །དུམ་བུ་གཉིས་པས་ཡབ་ཡུམ་གཉིས་ཀྱང་འགྲུབ། དུམ་བུ་གསུམ་པས་སྐུ་གསུང་ཐུགས་ཀྱང་འགྲུབ། །དུམ་བུ་བཞི་པས་ཡེ་ཤེས་བཞི་དང་ལྡན། །དུམ་བུ་ལྔ་པས་བསམ་པ་ཐམས་ཅད་འགྲུབ། །བྷན་དྷ་དཔལ་དང་ལྡན་པ་ནི། །མ་ཆག་མ་གས་ཁྱད་པར་ཅན། །རྣམ་དག་ཆོས་ཀྱི་དབྱིངས་ཀྱང་ཡིན། །མཁྱེན་རབ་ཡེ་ཤེས་དབྱིངས་ཀྱང་ཡིན། །ཐོད་པ་དུམ་བུ་གཅིག་པ་ནི། །སྐུ་ཡི་རྒྱན་ཚོགས་བྷན་དྷ་ཡིན། །ཐོད་པ་དུམ་བུ་གཉིས་པ་ནི། །ཆེ་བའི་ཡོན་ཏན་བྷན་དྷ་ཡིན། །ཐོད་པ་དུམ་བུ་གསུམ་པ་ནི། །མཚན་མ་རྟགས་ཀྱི་བྷན་དྷ་ཡིན། བྷན་དྷ་དུམ་བུ་བཞི་པ་ནི། །འབྲས་བུ་མེ་ཏོག་བྷན་དྷ་ཡིན། །བྷན་དྷ་དུམ་བུ་ལྔ་པ་ནི། །བདེ་གཤེགས་དུང་ཆེན་བྷན་དྷ་ཡིན། ཅེས་བྷན་དྷ་གསང་བའི་རྒྱུད་ལས་འབྱུང་སྟེ། །དུམ་བུ་ལྔ་ཚུན་ཆད་ནི་བཅང་བར་བྱ་བའི་མཆོག་ཡིན་ཏེ། །རང་གིས་དང་དུ་བླངས་ལ་མི་སྤང་བར་བཅང་བར་བྱའོ། །དེ་ནས་རྩག་རོའི་དོན་གོང་དུ་བཤད་པ་ལས་འདིར་མ་བསྟན་ཏོ། །དེ་ཡང་རྩ་དང་རི་མོའི་དོན་བསྟན་པ་ནི། ཞལ་བུ་བྲེགས་པའི་ས་ནས་རྩ་དུ་ཡོད་པའི་རྩམ་སྤུན་གྲངས་བརྩིའོ། །སྤྱིར་རྩ་འཕན་ན་མི་འཕན་ནོ། །རྩའི་དཀྱིལ་ཡན་ཆད་དུ་ཡལ་ག་དུ་གསལ་བ་བུ་ཚའི་གྲངས་སུ་རྩི། རྩའི་ཡལ་ག་གུར་གུར་པོར་སོང་ན་བུ་ཚ་སྐྱེས་ནས་འཆི་བ་ཡིན་ནོ། །རྩའི་ཡལ་ག་ཆུ་ལ་ཟངས་སོ། །ན་བུ་ཚ་སོགས་ཏེ་འོང་བ་ཡིན་ནོ། །གདོང་གཅིག་རྩ་ཞེས་བྱ་བའི་ནི་ཟབ་ལ་ཐུང་བ་ཡིན། །རིང་ཡང་སོར་གཉིས་མན་ཆད། སོར་གཅིག་ཙམ་ཟབ་ལ་ཐག་ཐུག་ཆེ་བ་སྟེ་གདོང་གཅིག་ཡིན་ནོ། །དེ་ཡང་མང་པོ་ཙམ་མི་ཡོང་སྟེ། །བྱུང་ན་གང་བྱུང་མི་རུང་ངོ་། །རྩ་གྲངས་དང་མི་གྲངས་སུ་སྦྱར་རོ། །ཐོད་པའི་དབྱིབས་དང་མིའི་བྱད་དུ་སྦྱར་རོ། །རིག་པ་ཅན་གྱིས་ཤེས་པར་བྱ། །སྲིན་རྗེས་བྱ་བ་ནི། རི་མོ་ཐུང་བ་དང་རིང་ན་སོར་གཅིག་ཙམ། སོར་ཕྱེད་ཙམ། ཟབ་ལ་ཐུག་ཐུག་ཆེ་བ་སྟེ་གདོང་ཅིག་མ་ཡིན་སྟེ། རི་མོ་ཟངས་ལ་ཀྱག་ཀྱོག་ཏུ་འདུག་པ་དེ་ནི་སྲིན་རྗེས་བྱ་བ་ཡིན་ནོ། །སྲིན་ཁུང་དང་རྩག་རོ་བག་ཙམ་འདྲ། རི་མོའི་འདོན་ནི་མ་ལེགས་པས། རི་མོ་སྐྲུས་བྲིས་པ་འདྲ་བ་བསམ་གྱིས་མི་ཁྱབ་པ་ཡོད་དེ། ཤེས་པ་ཞིབ་མོས་བརྟགས་ན། རུང་མི་རུང་མཐར་ཕྱིན་ཏེ་འོང་། བསམ་གྱིས་མི་ཁྱབ་པས་གཟུང་གྱིས་མིང་ལང་ངོ་། །རི་མོའི་དོན་གོང་དུ་བཤད་པ་བཞིན་དུ་ཤེས་པར་བྱའོ། །དེ་ལ་བཀྲ་ཤིས་ཀྱི་རྫས་བརྒྱད་དང་མཆོད་པ་རྣམས་བཟུང་ངོ་། །ཡི་གེའི་འབྲུ་རྣམས་ནི་ཀ་ཁ་སུམ་ཅུ་ལས་བཟུང་ངོ་། །རྩ་དང་རི་མོས་གང་ལྟར་ཞིབ་མོས་བརྟགས་ན། རུང་མི་རུང་མཐར་ཕྱིན་ཏེ་འོང་ངོ་། །ཞེས་བཀའ་སྩལ་ཏོ། །རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་ལས། སྲིན་རྗེས་སྲིན་ཁུང་བསྟན་པའི་ལེའུ་སྟེ་ཉེར་བརྒྱད་པའོ།། །།དེ་ནས་དགྱེས་སྡེ་མོས་ཞུས་པ། དུམ་བུ་གཅིག་པའི་དོན་ཇི་ལྟར་ལགས། ཞེས་ཞུས་པས། ཧེ་རུ་ཀས་བཀའ་སྩལ་པ། དུམ་བུ་གཅིག་པ་འདི་བྲམ་ཟེའི་རིགས་ཡིན་ཏེ། བྲམ་ཟེ་རྟོག་པ་ཅན་ཡིན་པས།བན་དྷ་དེ་བཅངས་ན་སེམས་ཀྱི་རྟོག་པ་དང་བྲལ་ནས། རྟོག་པ་ལ་ཁུ་འཕྲིག་མེད་པར་འགྱུར། རང་ཉིད་དད་པ་ཆེ་བར་འགྱུར། བྲམ་ཟེས་ནི་ཆོས་སྤྱོད་པའི་སྐལ་པ་དང་ལྡན་པར་འགྱུར། དུམབུགཅིགཔདེབཅངས་ན། ཇི་ལྟར་བྱས་ཀྱངཆོས་སྤྱོདཔར་འགྱུར་རོ། །རང་ཉིད་དད་པ་ཆེ་བརའགྱུར་འེ། ཚེ་འདི་ལ་ཨ་ཅང་ཡངཆེས་ཏེ། ཕྱི་མལ་ཡང་ཆོས་མཁས་པར་འགྱུརརོ། །ཡང་ནཚེསྔ་མ་ལ་ཆོས་མཁས་པ་ལྟ་བུ་ཡིནནོ། །བྷནདྷདུམ་བུ་གཉིས་པ་ནི་རྒྱལ་པོའི་རིགས་ཡིན་ཏེ། དེ་བཅང་ནས་བདག་གི་རྒྱལ་པོ་གཅིགབྱསཔ་ཡིན། ཚེ་འདི་ལ་ཡང་ཆོསམཁས་ཏེ། རྡོ་རྗེ་ངརྒྱལ་ཆེནཔོ་དང་མི་ལྡན་པར་འགྱུར། ཆོས་མཁས་པར་འགྱུར་རོ། །ཡང་ནཚེ་ཕྱི་མ་ལ་ཡང་ཆོསམཁས་པར་འགྱུར་རོ། །དུམ་བུགསུམཔ་རྗེ་རིགས་བྱས་ཏེ། ཞལ་ལྕེ་དང་ཡིག་རྩིས་རིགས་ལ་མཁས་པ་ཡིན་ཏེ། ཆོས་མཁས་པར་ཡངའགྱུར་རོ། །ཡང་ན་ཚེ་སྔ་མ་ལ་རྗེ་རིགསབྱསཏེ། ཞལ་བུ་དེ་བཅངས་ནསསྦྱད་ན། ཕྱིམལ་ཡང་རྗེ་རིགས་སམ་བཙུན་པར་སྐྱེའོ། །དེ་མིན་ཚེ་སྔ་མ་ལ་ལྷའི་བུ་གཅིག་ཡིན་ནོ། །ཞལབུ་དེ་ལྟ་བུ་བཅངས་ན། ཚེ་ཕྱི་མ་ལ་ལསསྤྱོད་ལ་མཁསཔར་འགྱུར་རོ། །དུམབུབཞི་བ་དེདམངས་རིགས་ཡིན་ཏེ། དེ་བཅངས་ན་འཕྲིནལས་བཞི་ལ་སོགས་པ་སྟེ། ཆོ་ག་ལ་མཁས་པར་འགྱུར་རོ། །དུམ་བུ་ལྔ་པ་ནི་མིརིགསམ་ངེས་ཏེ། རྒྱལ་བ་རིགས་ལྔའི་དོན་ཚང་བས་ན། དེ་བཅངས་ན ཚེའདིཉིད་ལ་བསམ་པ་འགྲུབ་བོ། །ཕྱི་མལ་རིགསའཛིན གྱིས་ཐོབ་པས་ཅིསྟེ་བཅང་བར་བྱའོ། བྷན་དྷ་ཀ་བཱ་ལ་གསང་བའི་རྒྱུདལས། དུམ་བུའི་ཡོན་ཏན་བཀའ་སྩལ་པའི་ལེའུ་སྟེཉེར་དགུ་པའོ།། །།དེ་ནས་ཡང་ཐུགས་ཀྱི་དགྱེས་སྡེ་བཞིས་ཞུས་པ། དེ་ལྟར་བསྟན་པའི་དོན་འདི་ལ། ཐ་མར་མི་བཅང་སྤང་བ་ལ་གནག་པ། རུས་པའི་ལྷག་མ་མཐོ་མོང་ཙམ་ཡོད་པ། སྲུབས་པར་སོ་གཙིགས་པ་འདྲ་བ་ཡོད་པ། ཡང་སྟེ་བྱ་སྒྲོ་འདྲ་བ། སྙི་སྟེ་ཤ་མོ་འདྲ་བ། སྲབ་འཐུག་མ་སྙོམས་པ། དཀྱིལ་འཐུགས་ལ་མཐའ་སྲབ་པ། ཡང་ཡོན་བདག་གི་ས་དང་། ཡོན་གནས་ཀྱི་ས་དང་། ནོར་ས་གསུམ་དུ་ཤུག་རྡོལ་བྱུང་བ་དང་། སྲབ་པ་དང་། སྲིན་སོང་བའི་རྗེས་འདྲ་བ་དང་། རི་མོ་ཐུང་ལ་ཟབ་པ་དང་། ཁ་བྲག་གསུམ་དུ་འདུག་པ་ནི། །བྱ་རོག་རྗེས་ཞེས་བྱ་སྟེ། གཉིས་པ་ཁ་བྲག་ཏུ་བྱུང་ཡང་བྱ་རོག་རྗེས་ཞེས་བྱའོ། །གཅིག་བྱུང་ན་གདོང་གཅིག་གི་རྩ་ཡིན་ཏེ། མཐར་རབ་འཆད་པས་སྤང་བར་ཤེས་པར་བྱའོ། །རྩག་རོ་བདུན་སྤྲེལ་ཚུན་ཆོད་ནས་གཅིག་ཕན་ཆད། ཆེ་བ་ནི་སྲིན་མ་ཤོང་བ་ཙམ། ཆུང་བ་ནི་ཉུངས་ཀར་ཤོང་བ་ཙམ། རྡོ་ལ་ཁད་པ། ཁབ་རྩེས་བཙགས་པ་འདྲ་བ། རྩ་རོའི་དབྱིབས་ནི་རི་བོང་རྫི་ཁུངས་འདྲ་བ་ཡོད་པ། བྱ་ཏི་ཏིའི་མཆུ་བརྒྱད་པ་འདྲ་བ། རྩ་རིས་ལེགས་པའམ། རྫས་སམ་ཡིག་འབྲུ་བཟང་བར་གསལ་བ་གང་ཡང་མེད་པ་རི་མོ་ཐམས་ཅད་འཛིངས་པའཕྲེད་ལ་ཉལ་བའི་རི་མོ་ཐམས་ཅད་འཐུར་ལ་བུབ་པ། ནང་ན་ཐག་ཐུག་མང་བ། དེ་ལྟ་བུ་དེ་ནི་བཅངས་སམ་སྲོལ་ན། འཇིག་རྟེན་འདིར་ཚེ་ཐུང་། ནད་མང་། རིགས་བརྒྱུད་མི་འཕེལ། ནོར་གོད་ཆེ་བ་སྟེ། མཐར་དབུལ་བོར་འགྱུར་རོ། །མི་བཅང་བར་བྱའོ། །འཇིག་རྟེན་ཕྱི་མ་ལ་ཡང་དོན་མེད། ཧེ་རུ་ཀས་གསུངས་སོ། །མི་བཅང་བར་བྱ་བའི་ལེའུ་སྟེ་སུམ་ཅུ་པའོ།། །།དེ་ནས་ཡང་ཐུགས་ཀྱི་དགྱེས་སྡེ་མོ་བཞིས་ཞུས་པ། རྫས་ཀྱིས་བསྟན་པ་བསྲུང་བ་ཇི་ལྟར་ལགས། བཀའ་སྩལ་པ། ཡང་ན་དགྲ་བོ་དག་ལ་ངན་ཐབས་བྱེད་ན་ཡང་རུང་སྟེ། དུམ་བུ་དྲུག་པའི་ནང་དག་ཏུ། དགྲ་བོའི་མིང་རུས་ཚར་གསུམ་དང་། ཉུངས་ཀར་དག་ལ་སྔགས་བཟླས་ཏེ། དགྲ་བོ་དེའི་ཞིང་དཀྱིལ་དུ་སྦས་ན། ཞིང་ལ་ལོ་ཐོག་མི་འབྱུང་སྟེ། ཇེ་ལྟོགས་ཇེ་ལྟོགས་ལ་འགྲོ་སྟེ། མཐར་སྤྲང་པོར་འགྱུར་རོ། །རྫས་ཀྱིས་བསྟན་པ་བསྲུང་བའི་ལེའུ་སྟེ་སོ་གཅིག་པའོ།། །།ཡང་གསོལ་བ། སང་རྒྱ་ཀྱི་བསྟན་པའི་རིག་གང་ཞིག་ལགས། དཔལ་ཆེན་པོ་བཀའ་སྩལ་པ། བུད་མེད་རིག་ནི་སྨད་འ་་མ་གདོལ་བའི་དངོ་ལ་བྱ། གདོལ་བའི་རིག་ནི། མོན་རྟ་གདོང་དང་། གློ་བི་དང་། གློ་ཁ་བཀྲའི་རིགས་ལ་སོགས་ཏེ། དེ་རྣམས་ལ་བྱའོ། །དེ་རྣམས་ཀྱི་ཐོད་པ་བཅངས་པའམ་བྲེགས་ན་ནི། བསམ་པ་ཐམ་ཅད་མི་འགྲུབ་སྟེ། མཐར་ཡང་བརླག་པར་འགྱུར་རོ། །ཕྱི་མ་ལ་དོན་མེད།བྷ་ག་ཝན་གྱིས་བཀའ་སྩལ་ཏོ། །བྷན་དྷ་ཀ་བཱ་ལ་འབར་བ་གསང་བའི་རྒྱུད་ལས། པྲ་བརྟག་པ་དང་། རིགས་ལྔ་དང་། རིགས་བཟང་པོ་བཅང་བ་བསྟེན་པ་དང་། ངན་པ་རྣམས་སྤང་བར་བསྟན་པའི་ལེའུ་སྟེ་སུམ་ཅུ་གཉིས་པའོ།། །།དེ་ནས་ཐུགས་ཀྱི་དགྱེས་སྡེ་བཞིས་དྲིལ་ནས་འཁོར་དང་བཅས་པས། དཔལ་འཇིགས་བྱེད་ཧེ་རུ་ཀ་ལ་བསྐོར་བ་ལན་དུ་མར་བྱས་ཏེ།རྡོ་རྗེ་ཀ་བཱ་ལ་བྷན་དྷ་འབར་གསང་བའི་རྒྱུད་ལས།བདག་ཅག་གི་རིགས་གང་དང་གང་ཡིན་པ་དང་། བཅངས་པ་དང་སྤང་བ་གང་ཡིན་པ་དང་། སིརྙི་བླང་བ་དང་། བར་ཆད་བཟློག་པ་དང་། འཇིག་རྟེན་དུ་བཀྲ་ཤིས་པ་དང་། དགྲ་བགེགས་སྒྲོལ་བ་ལ་སོགས་པ་རྣམས་བཀའ་སྩལ་པ་ངོ་མཚར་ཆེའོ། བདག་ཅག་རྣམས་ཀྱིས་ཀྱང་ཇི་ལྟར་གསུངས་པ་བཞིན་མི་བརྗེད་པར་ཡིད་ལ་བགྱིའོ། །དགེ་བས་བསོད་ནམས་ཚོགས་སུ་བསྔོ་བར་བགྱིའོ། །བཛྲ་ཀ་བཱ་ལ་བྷན་དྷ་ཛ་ལ་གུ་རྒྱ་ཏན་ཏྲ་ལས།རྗེ་སུ་ཡི་རང་བའི་ལེའུ་སྟེ་སོགསུམ་པའོ།། །།རྡོ་རྗེ་ཀ་བཱ་ལ་བྷན་དྷ་འབར་བ་གསང་བའི་རྒྱུད་རྫོག་སོ།། །། རྒྱ་གར་སྐད་དུ། ཡསྤྱི་ཀྭ་ལི་ཧ་ཙ་ཏི་ཏན་ཏྲ། བོད་སྐད་དུ། གནོད་