Ngb-pt-0755-vol-08-text
Front
Body
རྫོགས་སོ།། །། རྒྱ་གར་སྐད་དུ། ཕྲི་བཛྲ་ཀྭ་ལི་ཤི་བི་ཛ་ཏི་སྟུ་ཡ་ཀར་མ་ཏན་ཏྲ་ན་མ། བོད་སྐད་དུ། དཔལ་རྡོ་རྗེ་ནག་མོ་རལ་པ་སྤྱི་བཅིངས་གསང་བ་འཕྲིན་ལས་ཀྱི་རྒྱུད་ཅེས་བྱ་བ།བཅོམ་ལྡན་འདས་རྡོ་རྗེ་ཁྲག་འཐུང་དཔལ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་ཁྲག་འཐུང་དཔལ་འཇིགས་བྱེད་ཆེན་པོ། གསང་བ་དུར་ཁྲོད་ཆེན་པོ་ཆགས་པ་རྣམ་དག་རང་གྲོལ་བ་ཞེས་བྱ་བའི་ཀློང་ན། རང་བཞིན་གྱི་ཡེ་ནས་གནས་པའི་བདེ་བ་ཆེན་པོའི་ཏིང་ངེ་འཛིན་ལ་སྙོམས་པར་བཞུགས་ཏེ། དགེས་པ་ཆེན་པོའི་སྒྲ་མ་ཧྭ་སུ་ཀ་ཞེས་བརྗོད་པས། ལྷག་པ་ཡེ་ཤེས་ཀྱི་འཁོར་རྣམས་དང་། ཆེད་དུ་འཛིན་པ་རྡོ་རྗེ་མཁའ་འགྲོ་མའི་འཁོར་དང་། ལས་ཀྱི་འདུས་པ་ལས་ཀྱི་མཁའ་འགྲོ་ཤ་ཟ་འབུམ་དང་། དྲེགས་པ་ཅན་བསམ་གྱིས་མི་ཁྱབ་པ་དགེས་བ་ཆེན་པོའི་ངང་དུ་བཀའི་སྟོབས་ཀྱིས་རང་དབང་མེད་པར་འདུས་སོ། །དེ་ཡང་ཇི་ལྟར་འདུས་ན། ལྷག་པའི་ཡེ་ཤེས་ཆེན་པོ་ཕྱི་ནང་གསང་བ་གསུམ་འབྲེལ་བའི་ཚུལ་དུ་གནས་ཏེ། བྷ་ག་དག་པ་བརྡལ་བའི་ཀློང་ནས། རིག་པ་ཡེ་ཤེས་ལྷའི་དངོས་པོས་མཚོན་ཆ་གདུག་པ་འདུལ་བའི་དོན་གྱི་ན། མི་སྒྲིབ་པའི་ཡེ་ཤེས་ཆེན་པོ་ཕྱི་ནང་མེད་པར་ཤེས་ཏེ་ཡོངས་སུ་འཁོད་དེ། ཆེད་དུ་འཛིན་པ་མཁའ་འགྲོ་རྣམ་བཞི་ཡི་ཚུལ་དུ་སྣང་བ་ནི། ཕོ་ཉ་ཐམས་ཅད་ཀྱི་གཙོ་མོ། བདུད་མོ་ཐམས་ཅད་ཀྱི་རྒྱལ་མོ། སྨན་ཕྲན་ཐམས་ཅད་ཀྱི་གཙོ་མོ། ཉུལ་ལེ་མ་ཐམས་ཅད་ཀྱི་གཙོ་མོ། འཁོར་བསམ་གྱིས་མི་ཁྱབ་པའི་དབུས་ན། འཇིག་རྟེན་གྱི་ཁམས་ལ་མངའ་མཛད་ཅིང་བཀའི་བྱ་ར་བར་དགོངས་ནས་གནས་པ། ནག་མོ་འབུམ་གྱི་གཙོ་མོ་རེ་མ་ཏི་དང་། སྨུགས་མོ་འབུམ་གྱིས་གཙོ་མོ་རེ་མ་ཏྲི་དང་། སེར་མོ་འབུམ་གྱི་གཙོ་མོ་རེ་མ་ཛ་དང་། དཀར་མོ་འབུམ་གྱི་གཙོ་མོ་རེ་མ་ཛུ་ལ་སོགས་པ་ནི། ལས་བཞི་མངོན་དུ་མཛད་པར་དགོངས་ཏེ། ཕྱོགས་བཞི་ན་བཞུགས་སོ། །ལས་ཀྱིས་འདུལ་བའི་མཁའ་འགྲོ་མ། ཁྲག་མཚོ་འཁོར་མའི་ནང་ལ་གནས་པ། རོ་དང་དབུགས་ཀྱི་དབས་དང་ངད་ཀྱི་ཁྲག་མཚོ་སྐྱིལ་ཞིང་སྐོལ་བ། བུད་མེད་ནག་མོ་འབུམ་སྲིད་པའི་ཚེ་སྲོག་ལ་དབང་བྱེད་པ། གནོད་སྦྱིན་བདུད་ཀྱི་ཆ་ལུགས་འཆང་བ། དབང་པོའི་སྟོབས་ཅན་དང་། མིག་གི་མཚོན་ཆ་ཅན་དང་། རྣ་བའི་མཚོན་ཆ་ཅན་དང་། སྣའི་མཚོན་ཆ་ཅན་དང་། ལྕེའི་མཚོན་ཆ་ཅན་དང་། ལུས་ཀྱི་མཚན་ཆ་ཅན་དང་། ཡིད་ཀྱི་མཚོན་ཆ་ཅན་དང་། དམོད་པའི་མཚོན་ཆ་ཅན་དང་། དུག་གི་མཚོ་དང་། རསྟིའི་ཁྲག་གི་མཚོ་དང་། ཞག་གི་མཚོ་ལས་བཞེངས་ཏེ། མེ་དཔུང་ནས་བཞེངས་པ་དག །ནག་མོ་ཐོད་པའི་ཁྲག་སྤྱོད་མ་དང་། སྨུག་ནག་ཐོད་པའི་ཁྲག་སྤྱོད་མ་དང་། སེར་ནག་ཐོད་པའི་ཁྲག་སྤྱོད་མ་དང་། ལྗང་ནག་ཐོད་པའི་ཁྲག་སྤྱོད་མ་བསམ་གྱིས་མི་ཁྱབ་པ་སྤྲུལ་པ་བྱེ་བ་ས་ཡར་བཅས་པ་དག་གོ །འཁོར་དུ་འདུས་པའི་དྲེགས་པ་ཅན་གྱི་ཚོགས་ནི། བདུད་དང་། གཤིན་རྗེ་དང་། གནོད་སྦྱིན། སྲིན་མོ་དང་། གིང་གི་ཚོགས་དཔག་ཏུ་མེད་པ། དུག་གི་ན་བུན་དང་། །དུག་རླངས་ཀྱི་ངད་རབ་ཏུ་ཚབ། ནད་ཀྱི་རླངས་པ་སྤྲིན་དུ་ཆགས་པ། ཁྲག་དང་དུག་གི་བུ་ཡུག་རླུ་་དམར་དུ་འཁྲུག་པ། ནད་ཀྱི་མཚོནི་སྒྲིན་འཁྲིགས་པ། ཡིད་ཀྱི་དུག་མདའ་ཚ་ཚར་འཕྲོ་བ། ལ་ལ་ནི་མེ་སྤོར་བ་ཤ་སྟག་གོ །ལ་ལ་ནི་ཁྲག་གི་མཚོ་སྐོལ་བ་དག་གོ །ལ་ལ་ནི་ཁྲག་མཚོ་ནང་ནས་བཞེངས་ཏེ་དམོད་པ་འདོར་བ་བདག་གོ །ལ་ལ་ནི་དུར་ཁྲོད་ན་དམོད་པ་འདོར་བ་ཤ་སྟག་གོ །ལ་ལ་ནི་སྒྱུགས་པའི་གླུས་འཁོར་བསྡུས་པ་དག་གོ།ལ་ལ་ནི་དར་ནག་གི་གཡབ་མོ་འདོར་བ་དག་གོ །ལ་ལ་ནི་གདུག་པའི་འོ་དོད་དང་ང་རོ་མི་སྙན་པ་སྒྲོག་པ་ཤ་སྟག་གོ །དེ་དག་ཀྱང་ཁྲོ་ཞིང་ག་་པ་རྨོངས་པའི་མཚོན་ཆ་ཅན་ཤ་སྟག་གོ །དེའི་ཚེ་དེའི་དུས་ན། ཅོམ་ལྡན་འདས་ཀྱིས་རྔམ་པའི་སྒྲ། མ་མ་རུ་ལུ་ཕྲི། མ་ཧུ༷་མ་ཧུ༷། ཛ་ཛ་སྨྱོ་ཛ་ཛ་སྨྱོ། རུ་ལུ་རུ་ལུ་ཧུ༷་སྦྱོ། ཞེས་ཆེད་དུ་བརྗོད་པས་ནམ་མཁའ་ཉིད་ཨེ་གྲུ་གསུམས་པར་གྱུར་ཏོ། །ཁྲག་གི་རྒྱ་མཚོ་ཞབྲུག་གོ །ལས་ཀྱི་རླུད་རྡོ་རྗེ་རྒྱ་གྲམ་ཕྱོགས་བཅུར་འཐོར་རོ། །འཁོར་གྱི་མཁའ་འགྲོ་ཐམས་ཅད་ནི་བྲེད། རབ་ཏུ་བྲེད། ཀུན་ཏུ་རབ་ཏུ་བྲེད་དེ་རིངས་པར་རྒྱུག་ཅིང་། དགའ་བའི་ཚུལ་གྱིས་གཙོ་བོ་ལ་འདུད་དོ། །ལ་ལ་ནི་ངུ་བའི་ཚུལ་གྱིས་འདུད་དོ། །ལ་ལ་ནི་དངང་པའི་ཚུལ་གྱིས་འདུད་དོ། །ལ་ལ་ནི་རྔམ་པའི་ཚུལ་གྱིས་འདུད་དོ། །ལ་ལ་ནི་སྟོབས་བྲི་བའི་ཚུལ་གྱིས་འདུད་དོ། །དེའི་ཚེར་རང་རྟགས་སྲོག་གི་སྙིང་པོས་རྣམས་གཙོ་བོ་ལ་ཕུལ་ལོ། །དེ་ནས་རྡོ་རྗེ་ཁྲག་འཐུང་འབར་བ་དེས། སྲོག་གི་ཡི་གེ་འབར་བ་དེ་དག་ནུས་པའི་མཐུ་ཅན་དུ་བྱིན་གྱིས་བརླབས་ཏེ། དྲེགས་པའི་འཁོར་དེ་དག་དཀྱིལ་འཁོར་རྫོགས་པ་དེ་ཁོ་ནར་གྱུར་ཏོ། །དེའི་ཚེ་དེའི་དུས་ན། མ་མོ་དེ་དག་གི་ནང་ནས་ལྷ་མོ་བདེ་བྱེད་ནག་མོ་ཞེས་བྱ་བ་མངོན་དུ་ཕྱུང་སྟེ་རལ་པ་སྤྱི་བཅིངས་སུ་བྱས་ཏེ། རྡོ་རྗེ་ཁྲག་འཐུང་དཔལ་གྱི་སྤྱན་སྔར་འདུག་སྟེ། ཐལ་མོ་སྦྱར་ཏེ་གུས་པའི་ཚུལ་གྱིས་འདི་སྐད་ཅེས་གསོལ་ཏོ། །ཀྱེ་ཀྱེ་རྡོ་རྗེ་ཁྲག་འཐུང་དཔལ། །འབར་བའི་རྒྱལ་པོ་ཧེ་རུ་ཀ །འབར་བྱད་འཇིགས་པའི་ག་་རྔམ་གྱིས། །ཁྲོ་རྒྱལ་འབར་བའི་སྐུ་ཁྲོས་ཏེ། །འཁོར་གྱི་མཁའ་འགྲོ་དབང་བསྡུས་ནས། །དཀྱིལ་འཁོར་རྫོགས་པའི་ལྷ་ནི་བ། །བདག་ཅག་མ་མོ་མཁའ་འགྲོ་ཡི། །དོན་གྱི་ངོ་བོ་རང་བཞིན་གང་། །མིང་དང་མཁན་དུ་གྲགས་པ་གང་། །སངས་རྒྱས་བསྟན་པ་བསྲུང་བའི་ཕྱིར། །ཕྱི་རབས་རྣལ་འབྱོར་དོན་ལྡན་པས། །བསྟེན་ཅིང་བསྒྲུབ་པ་བྱ་བ་དང་། །འཕྲིན་ལས་སྦྱོར་བ་ཇི་ལྟ་བུ། །རྩ་བ་ཡན་ལག་སྦྱོར་བ་ཡི། །ལས་ཀྱི་སྦྱོར་བ་ཇི་ལྟ་བུ། །འབར་བྱེད་སྐུ་ལ་བདག་ཉེན་འཚལ། །ཅེས་གསོལ་ཏོ། །དེ་ནས་རྡོ་རྗེ་དཔལ་ཁྲག་འཐུང་དེ་ཉིད་འཕྲིན་ལས་རྒྱ་མཚོ་འགྲོ་བ་སྒྲོལ་བའི་ཏིང་ངེ་འཛིན་ལ་སྙོམས་པར་བཞུགས་ཏེ། འདི་དག་ཆེད་དུ་བརྗོད་པར་གྱུར་ཏོ། །ཉོན་ཅིག་མཁའ་འགྲོ་བདེ་བྱེད་མ། །ཆོས་ཉིད་བྷ་ག་བརྡལ་ཡངས་ནས། །འགྱུར་མེད་ཡེ་ཤེས་ཀུན་ཁྱབ་བོ། །དོན་གྱི་ངོ་བོ་རྣམ་འབྱོར་སྐུ། །འཕྲིན་ལས་རྣམ་བཞི་སྐུ་ལ་རྫོགས། །སྤྲུལ་པའི་མཁའ་འགྲོ་རྩ་བརྒྱད་སྟོང་། །དབྱིངས་ལས་ཡེ་ཤེས་སྐུ་ཤར་བའོ། །རང་བཞིན་ཁོ་ན་སྤྲོས་དང་བྲལ། །ནམ་མཁའ་ཆོས་ལྟར་ཡེ་ཀློང་ཡིན། །མིང་ནི་རྣམ་པ་དགུར་གྲགས་ཏེ། །ཕོ་ཉ་རྒྱུ་བའི་ཚུལ་དུ་སྣང་། །དངོས་ནི་མཁའ་འགྲོ་རྣམ་པ་བཞི། །དུས་བཞི་འབྱུང་བའི་རྒྱལ་མོ་ཡིན། །མཁན་ནི་བཅུ་ཕྲག་བཅུ་རུ་གྲགས། །རྩ་བརྒྱད་སྟོང་དུ་གྱུར་པ་སྟེ། །ནག་མོ་འབུམ་པ་དབང་བསྒྱུར་བའི། །རིགས་ཀྱི་གཙོ་མོའི་སྣང་ཚུལ་ཡིན། །རྣལ་འབྱོར་དམ་ཚིག་ལྡན་པ་ཡིས། །ཉེ་གནས་རྣམ་བཞིའི་ཚུལ་དུ་བསྒྲུབ། །འཕྲིན་ལས་སྦྱོར་བ་དུ་མ་ལས། །འདི་ནི་རྣམ་པ་གསུམ་དུ་སྟེ། །བསྒྲུབ་དང་དམོད་པ་དྲག་སྔགས་སོ། །བསྒྲུབ་པ་སྲོག་བསྒྲུབ་རྩ་བ་དང་། །དྲག་པོའི་ཐུན་དུ་ཤེས་པར་བྱ། །ཐུན་ལ་མང་དུ་བཤད་ཀྱིས་ཀྱང་། །རྣམ་གྲངས་བཞི་ཡང་སྙིང་པོ་གཅིག །བསྒྲུབ་པའི་དཀྱུག་དང་སོ་རུ་བཤད། །དམོད་པ་མ་མོ་གཅིག་པུ་ཉིད། །ལས་ཀྱི་བཅོང་དུ་བཞག་པ་ཡིན། །དྲག་པོ་སྔགས་ནི་མངའ་སྒྱུར་ཏེ། །ཕྱི་དང་ནང་ནི་ཁང་བུ་ལ། །ནག་མོ་དྲག་སྔགས་ཛ་དུར་ཏེ། །ཏྲེ་མོ་ཤུ་ཤུར་བསྒྲུབ་པ་ཡིན། །ཡན་ལག་སོ་སོའི་མཚན་ཉིད་ཅན། །ཇི་ལྟར་དམིགས་པ་བཞིན་འགྲུབ་པས། །རྩ་བརྒྱད་སྟོང་གི་བསྒྲུབ་པར་བཤད། །ཅེས་གསུངས་སོ། །དེ་ནས་བདེ་བྱེད་ལྷ་མོ་རལ་པ་སྤྱི་བཅིངས་ཀྱིས་གསོལ་བ། ཨེ་མ་རྡོ་རྗེ་ཁྲག་འཐུང་དཔལ། །ནག་མོ་རལ་པ་སྤྱི་བཅིངས་ཀྱི། །ཉེ་བར་བསྡུས་པའི་གསང་རྒྱུད་འདིར། ཁུད་ཅེས་བྱ་བ་ཅི་ལ་བྱ། །མ་མོ་བཞི་ཡི་དོན་ནི་གང་། །གོ་རིམས་འབྲེལ་བ་ཇི་ལྟར་ལགས། །ཞེས་གསོལ་པས། དེ་ནས་རྡོ་རྗེ་ཁྲག་འཐུང་དཔལ་གྱིས་འདི་སྐད་ཅེས་གསུངས་སོ། །རྩ་བརྒྱུད་སྟོང་གི་རྒྱུད་ཆེན་ལས། །ནག་མོ་རལ་པ་སྤྱི་བཅིངས་ཀྱི། །གསང་བ་ཉེ་བའི་རྒྱུད་དུ་བཤད། ཁུད་ཅེས་བྱ་བ་འབྲེལ་བའི་དོན། །ཕྱི་དང་ནང་དང་གསང་བ་དང་། །ལྟ་སྤྱོད་དཀྱིལ་འཁོར་དམ་ཚིག་དབང་། །ལས་རིམས་འབྲེལ་བས་རྒྱུད་ཅེས་བྱ། །གཞི་དང་ཐབས་དང་འབྲས་བུའོ། །མ་མོ་ཞེས་བྱ་བའི་དོན་ཉིད་ནི། །ཆོས་དབྱིངས་སྐྱེ་བ་མེད་པ་ལ། །དབྱིངས་ཀྱི་མ་མོ་ཞེས་སུ་བཤད། །སྣ་ཚོགས་ལོངས་སྐུ་རྫོགས་པ་ལ། །ཡེ་ཤེས་ཞེས་སུ་ཡང་དག་བཤད། །ཞི་རྒྱས་དབང་དྲག་སྐུ་ལ་རྫོགས། །འཕྲིན་ལས་སྣ་ཚོགས་མ་འགག་པས། །ཡུལ་དང་ལས་ཀྱི་མ་མོ་ཡིན། །ལས་རིམས་འབྲེལ་བའི་བཤད་པའི་དོན། །བསྒྲལ་བ་དམིགས་ཀྱི་དམ་པ་ལ། །ལས་ཀྱི་ཟོར་ཐུན་བསྒྲུབ་པའི་ཕྱིར། །གནས་དང་ལས་ཀྱི་རིམ་པ་དང་། །བསྐྱེད་ཅིང་རྩ་བའི་སྙིང་པོ་བོད། །ཐུགས་དམ་བསྐུལ་ཞིང་གྲུབ་རྟགས་བལྟ། །མི་འགྱུར་རྩ་བའི་སྔགས་བསྟན་ཅིང་། །བསྒྲུབ་དང་དམོད་པ་དྲག་སྔགས་བསྟན། །མཁའ་འགྲོ་གནད་ནས་བསྐུལ་བ་དང་། །དྲག་པོ་ཐུན་གྱི་འཕྲིན་ལས་དང་། །རྫས་བཞི་ཟོར་ཁ་བཞི་བསྒྲུབ་དང་། །ཁྲག་ལ་བསྒྲུབ་ཅིང་དུག་གིས་གསད། །ཀུན་གྱི་མཆོག་ཏུ་ཡང་སྙིང་བསྟན། །མ་མོའི་དམག་དཔུང་དབབ་པ་དང་། །དབང་དང་དམ་ཚིག་བསྟན་པ་དང་། །ཡན་ལག་འཕྲེང་བའི་རིམ་པར་བསྟན། །མཁའ་འགྲོ་རྣམ་བཞི་གསང་བའི་རྒྱུད། །ངེས་པར་ཡང་དག་ངས་བཤད་ཀྱིས། །བདེ་བྱེད་ལྷ་མོ་ཡིད་ལ་ཟུང་། །ཞེས་གསུངས་སོ། །ནག་མོ་རལ་པ་སྤྱི་བཅིངས་གསང་བའི་རྒྱུད་ཧེ་སྡུད་འབར་མ་ལས། གླེང་གཞིའི་རྟོག་པ་དང་པོའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་ཐུང་ཆེན་པོས། འཕྲིན་ལས་ཀྱི་རིམ་པ་གདུག་པ་སྔགས་ཀྱི་མཚོན་ཆ་རྣོ་དབལ་བཤད་པའི་ཕྱིར། བསྒྲལ་བའི་ཞིང་དུ་དམིགས་པ་འདི་དག་གསུངས་སོ། །ཐོག་མར་ཤེས་བྱ་བློས་སྤྱངས་ཏེ། བླ་མེད་བྱང་ཆུབ་རྗེས་བསྒྲུབ་བས། །སངས་རྒྱས་བསྟན་པ་དམ་པ་ལ། །གནོད་པ་བསྒྲལ་བའི་ཞིང་བསྟན་པ། །ཉམས་པ་བསྒྲལ་བའི་ཞིང་བཅུ་ནི། །ཕ་མ་མཁན་པོ་སློབ་དཔོན་གསོད། །རྡོ་རྗེ་ནང་གི་དམེ་བྱེད་པ། །སྲོག་ལ་ཉམས་པ་བསྒྲལ་བའི་ཞིང་། །སློབ་དཔོན་བཀའ་བསླུས་དྲན་ཕྱར་སེམས། །སྔགས་དང་ཕྱག་རྒྱ་རྒྱུན་བཅད་ནས། །གསང་བའི་མན་ངག་སྤེལ་བ་ནི། །དོན་ལས་ཉམས་པས་སྒྲལ་བའི་ཞིང་། །སྐུ་མཚང་འབྲུ་དང་ཨ་ཀ་འདོན། །ཡང་དག་དོན་ལ་སྐུར་བ་འདེབས། །དོན་ལས་ཉམས་པས་བསྒྲལ་བའི་ཞིང་། །བྱ་རུང་མི་རུང་སྣ་ཚོགས་བྱེད། །རྫས་དང་ལག་ཆ་མངོན་པར་སྟོན། །སྦྱོར་སྒྲོལ་འཕྲིན་ལས་འཆོལ་བར་སྤྱོད། །དམ་ཉམས་དེ་ནི་བསྒྲལ་བའི་ཞིང་། །ལྟ་བ་ཆོས་ཉིད་རྒྱབ་ཏུ་བོར། །ལོག་པའི་སྤྱོད་པ་མང་དུ་ལེན། །མན་ངག་དོན་རྟགས་ལོག་པར་གོ །ཕ་རོལ་དོན་ལ་ལོག་ཆོས་པའི། །དོན་ནི་ཕྱི་ཅི་ལོག་ལ་མཁས། །བཀའ་གཞུང་བོར་ནས་ལོག་པར་བརྩོན། །དམ་ལས་ཉམས་པའི་བསྒྲལ་བའི་ཞིང་། །སྐྱེ་གནས་བདག་དང་མི་གཅིག་པར། །སྔོན་གྱི་ཁོན་འགྲས་མེད་ཀྱང་ནི། །ཉེས་མེད་འཇོམས་ཤིང་རྣལ་འབྱོར་འཚེ། །སངས་རྒྱས་བསྟན་པ་སྣུབ་པ་ཀུན། །ཏིང་འཛིན་སྔགས་དང་སྦྱོར་ཀ་བསྒྲལ། །དེས་ཀྱང་གསོད་པར་མ་གྱུར་ན། །སྦྱོར་བ་རྫས་ཀྱིས་བསྒྲལ་བ་དང་། །མཚོན་ཆ་རྣོན་པོས་བསྒྲལ་ཀྱང་ནི། །དེ་དག་བསྒྲལ་ན་རྣལ་འབྱོར་བཙུན། །བདུད་རྣམས་བཏུལ་བས་བསྟན་པ་འཕེལ། །གནོད་བྱེད་བསྒྲལ་བས་བར་ཆད་ཉུང་། །དེ་དག་མ་བསྒྲལ་དམྱལ་ཁམས་འཕེལ། །གཞུང་བསྲོང་རྣལ་འབྱོར་སྤྱིད་ལུག་ནས། །གསང་སྔགས་ཐེག་པའི་ཆོས་སྒོ་འགག །ནག་པོའི་ཕྱོགས་ཀྱི་བདུད་རྣམས་ཀྱང་། གཟེངས་མཐོ་བསྟན་པའི་བར་དུ་གཅོད། །ཕྱིན་ཅི་ལོག་གི་བསྟན་པ་འཕེལ། །དེ་ནས་བསྒྲལ་བའི་དམིགས་སུ་བཤད། །ཅེས་གསུངས་སོ། །ནག་མོ་རལ་པ་གཅིག་པའི་འཕྲིན་ལས་གསང་བའི་རྒྱུད་ཧེ་སྡུད་འབར་མ་ལས། བསྒྲལ་བ་དམིགས་བརྟགས་པའི་རྟོག་པ་གཉིས་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། འཕྲིན་ལས་ཀྱི་བདག་མོ་མཁའ་འགྲོ་མ་བཞིན་དུ་བསྒྲུབ་པའི་ཐབས་འདི་གསུངས་སོ། །དུར་ཁྲོད་ཆེན་པོའི་གནས་དག་གམ། །རྫ་དྲུང་དམར་ནག་འཇིགས་པ་འམ། །དམར་ནག་བྲག་རི་རྩི་ཤིང་ཅན། །ཡང་ན་བྲག་དམར་ཆོས་བཟངས་འདྲ། ཁེན་ཏུ་དབེན་བའི་གནས་སུ་བསྒྲུབ། །དམ་ཚིག་བདག་མོ་ཡིན་པས་ན། །ཡི་དམ་བསྒོམ་ཞིང་བླ་མ་མཆོད། །བདུན་དང་བཅུབཞིཉིཤུགཅིག །དམཚིག་དབང་གི་ལས་ལ་བྱོན། །མ་ཉེས་དབང་གཟུགས་གསེར་སྐྱེམས་གཏང་། །དུར་ཁྲོད་ས་ལ་མཎྜལ་བརྩིགས། །དམར་ནག་གྲུ་གསུམ་མདའ་གང་ལ། །དབུབ་ནས་བཞི་ལྡན་མེ་རི་འབར། །ཟླ་གམ་དམར་པོ་མུ་ཁྱུད་དཀར། ཁུ།་ཆད་ཁྲག་མཚོའི་སྒོ་བཞི་མཛེས། །མཐའ་མ་དམར་ནག་མེ་རིས་བརྒྱན། །ཁང་བུ་གྲུ་གསུམ་དེ་དག་ཏུ། །ཛ་བཞི་རྩ་བའི་སྙིང་པོ་བྲི། །ཞི་བ་ཁྱམས་ལ་འཁོར་གྱི་སྔགས། །ནག་མོ་འབུམ་ཕྲག་རྫོགས་པར་བྲི། །ཁང་པ་ཟུར་གསུམ་ལྕགས་ཕུར་གསུམ། །སྙིང་གསུམ་ལྡན་པའི་དགོད་པར་བྱ། །ཐོད་པ་ཇ་རིལ་དག་ཏུ་ཡང་། །རཀྟ་དིར་བུ་གསུམ་ཡང་དགྲམ། །བྱ་ནག་མཁའ་ལྡིང་དར་ལྕེས་བརྒྱན། ཁྲེལ་ནག་དུང་གི་ཐིག་ལེས་བརྒྱན། །ནམ་གྱི་གུང་རེས་བསྟན་བྱ་ཞིང་། །ཞག་ལྔའི་ནུབ་མོ་ཐུགས་དམ་བསྐང་། ཁྲེལ་ནག་བསྒྲལ་བའི་ཙིསྟ་ཡང་། །དམ་དུ་བཅས་ལ་རྟ་རུ་བཟུང་། །རྣལ་འབྱོར་ཏིང་འཛིན་ལྡན་པས་བསྒྲུབ། །གདུང་བའི་དབྱངས་ལ་མ་མོ་བསྟེན། །སྦོས་ཆེན་དུ་བ་རྒྱུན་མི་བཅད། །ཚིལ་ཆེན་མར་མེ་རྒྱུན་དུ་བཏང་། །ཐོད་པའི་རྔ་བརྡུང་རྐང་གླིང་འབུད། །མེ་ཏོག་སྣ་ཚོགས་མདངས་ཀྱིས་བསྐང་། །བསྐང་དང་བཤགས་པ་རྒྱུན་དུ་བྱ། །ཛ་བཞི་བོད་པའི་གསང་སྔགས་ཀྱང་། །སྨྲ་བ་བཅད་དེ་མཚན་མོ་བཟླས། རཀྟ་དམར་ཆེན་བརླབ་བྱ་ཞིང་། །མིང་ནས་བོད་དང་བསྐང་གསོ་བྱ། །དམར་གྱི་གཏོར་མ་ཆ་རེ་ལ། །མཁན་རྒྱས་གནད་ནས་བསྐུལ་བྱ་ཞིང་། །སྲོད་དང་ཐོ་རངས་རྒྱུན་དུ་བཏང་། །དུས་བཞིའི་རྒྱལ་མོས་ལས་ལ་བསྐུལ། །མིང་རུས་གཟུགས་སུ་བཅས་པ་ཡང་། །ཁང་བ་གྲུ་གསུམ་ནང་དུ་གཞུག །ལས་ཀྱི་བྱ་བ་རྫོགས་པ་དང་། །ཏིང་ངེ་འཛིན་ལ་རབ་ཏུ་འཇུག །མི་རྟོག་བདེ་ཆེན་མཉམ་པའི་སྐུ། །སྤྲོས་བྲལ་དེ་ཉིད་མཉམ་པའི་ངང་། །སྣང་མེད་དབྱིངས་ལས་ཁྱབ་པའོ། །སྣང་སྲིད་མ་ལུས་སྒྱུ་མའི་ངང་། །སྙིང་རྗེ་ཆེན་པོ་བྱམས་དང་ལྡན། །ནམ་མཁའི་གཟུགས་བརྙན་ཆུ་ཟླ་འདྲ། །སྐྱེ་བ་མེད་པའི་སེམས་ཉིད་ནི། །སྐྱེ་བའི་ཆོ་འབྲུལ་མཐིང་ནག་འབར། །དེ་ལ་སེམས་ཀྱི་འབྲས་བུ་གཟུངས། །མཐིང་ནག་གྲུ་གསུམ་ནམ་མཁའ་ལ། །རྒྱ་གྲམ་རླུད་གི་དཀྱིལ་འཁོར་གཏམས། །རཀྟ་དམར་གྱི་རྒྱ་མཚོ་འཁྲུག །མཆོག་ཕྲན་ས་གཞི་ཀེང་རུས་གཏམས། །བསྐལ་པའི་མེ་དཔུང་འབར་བའི་ཀློང་། །གྲུ་གསུམ་མཐིང་ནག་ཨེ་ཀློང་དུ། །སྲོག་གི་སྙིང་པོ་རྒྱུད་དང་འབྲས། །ཨོ་རུ་རུ་རུ་སྲ རོ་ཧུ༷་རོ་ཧུ༷། མ་ཧུ༷་ཧུ༷། ཙ་ཙ་མ་མ། སྨྱོ་སྨྱོ་སྨྱོ་སྨྱོ། དཔལ་ལྡན་ནག་མོ་རེ་མ་ཏི། །སྐུ་མདོག་མཐིང་ནག་འབར་བ་ལ། །སྤུ་གྲི་གཡས་ལ་ཐོད་ཁྲག་གཡོན། །ཆིབས་སུ་དྲེ་རྟ་རྐང་གསུམ་བཅིབས། །ཞལ་དང་ཤངས་ཀྱི་རླངས་པ་ལས། །བུད་མེད་ནག་མོ་འབུམ་ཕྲག་འགྱེད། །དཔལ་ལྡན་སྨུག་ནག་རེ་མ་ཏི། །སྐུ་མདོག་སྨུག་ནག་འབར་བ་ལ། ལྕགས་ཀྱུ་གཡས་ལ་ཐོད་ཁྲག་གཡོན། །ཆིབས་སུ་ཆུ་གླང་སྔོན་པོ་ཆིབས། །ཞལ་དང་ཤངས་ཀྱི་རླངས་པ་ལས། །བུད་མེད་སྨུག་ནག་འབུམ་ཕྲག་འགྱེད། །སྨུག་མོ་འབུམ་གྱི་དབུས་སུ་བསམ། །དཔལ་ལྡན་སེར་མོ་མེ་མ་ཛ། །སྐུ་མདོག་སེར་ནག་འབར་བ་ལ། །ཟོར་བ་གཡས་ལ་ཐོད་ཁྲག་གཡོན། །ཆིབས་སུ་ཤ་བ་ཡུ་ཆུང་ཆིབས། །ཞལ་དང་ཤངས་ཀྱི་རླངས་པ་ལས། །བུད་མེད་སེར་ནག་འབུམ་ཕྲག་འཕྲོ། །སེར་ནག་འབུམ་གྱི་དབུས་སུ་བསམ། །དཔལ་ལྡན་ནག་མོ་རེ་མ་ཐུ །སྐུ་མདོག་ལྗང་ནག་འབར་བ་ལ། །ཁྲམ་བམ་གཡས་ལ་ཐོད་ཁྲག་གཡོན། །ཆིབས་སུ་རྔ་མོ་རླུད་ལ་ཆིབས། །ཞལ་དང་ཤངས་ཀྱི་རླངས་པ་ལས། །བུད་མེད་དཀར་མོ་འབུམ་ཕྲག་འཕྲོ། །དཀར་མོ་འབུམ་གྱི་དབུས་སུ་བསམ། །བུད་མེད་ནག་མོ་འབུམ་གྱི་ཚོགས། །ནད་དང་རིམས་ཀྱི་བདག་མོ་སྟེ། །རླུད་ནག་འ་་མའི་དཀྱིལ་འཁོར་ནས། །ནག་མོ་ཐོད་པའི་ཁྲག་སྤྱོ་མ། །སྲོག་དབུགས་ཀུན་གྱི་བདག་མོ་སྟེ། །ཧུ༷་མ་མོ་ནག་མོ་སྨྱོ་སྨྱོ། ཧྭ༷་སྟོ་སྨྱོ་སྨྱོ་སྨྱོ། མཁའ་དབྱིངས་ཀློང་ཡངས་བརྡལ་བ་ཡི། །ཆོས་ཀྱི་དབྱིངས་ཀྱི་ཕོ་བྲང་སྟེ། །གྲུ་གསུམ་ཨེ་ཡི་ཕོ་བྲང་ནས། །ནད་ཀྱི་བདག་མོ་སྤྱན་དྲངས་ལ། །དམ་རྫས་དབུལ་ཞིང་འཕྲིན་ལས་བཅོལ། །དེ་ནས་སྲོག་གི་སྙིང་པོ་དྲང་། །ཨོ་ཏབྱ་ཐུ། ད་རུ་རོ་འགོ་དེ་སྲུཧྭ། བ་ཏི་སི་རུ་རུ་བེ་གྲྭཧྭ། རྩ་བའི་སྙིང་པོ་ལུས་ཀྱི་ཚུལ། །དེ་ནས་བཅོམ་ལྡན་འདས་ཀྱིས་དམ་ཚིག་སྲོག་གི་སྙིང་པོ་བཞིས་འབོད་ཅིང་བསྙེན་པའི་སྔགས་འདི་གསུངས་སོ། ཨོ་ཏབྱ་ཐུ། ཏྲག་རག་ཤ་རུ་པི་ནན་མུགས་ཏི་བ༷་རུ་ལུ་རུ་ལུ་ཛ་ཛ། ཨོ་པདྨ་ར་ཏི་རེ་མ་ཏི་ཙིཀྟ་རུ་ལུ་རུ་ལུ་ཛ་ཛ། ཨོ་རུ་ལུ་ཀོ་ཧུ༷་མེ་སེན་མེ་ན་ནན་ཛུ་ཛུ། ཨོཨུ་སྟི་དུ་རུ་དུ་རུ་ཚལ་པ་མེ་ཛུ་ཛུ། མ་མོ་ཐུགས་ཁར་མ་ཉིད་ལས། །འོད་ཟེར་འཕྲོ་འདུའི་སྦྱོར་བ་ཡིས། །སྲོག་རྩ་འགུགས་པའི་འཕྲེང་བ་བསྐོར། །དམ་ཚིག་བདག་མོ་ལས་ལ་བྱོན། །དེ་ཚེ་གྲུབ་རྟགས་མངོན་དུ་སྟེར། །མ་དང་སྲིང་མོ་གྲོགས་མོ་དང་། །གནག་དང་རྒྱ་མཆོ་འཁྱིལ་བ་དང་། །མོན་མོ་བཙུན་མོ་ན་ཆུང་མ། །རྒྱན་ལྡན་མཛེས་པས་ཡིད་འོང་བྱེད། །རླུད་ཚུབ་ཁ་བ་འབྲུག་དང་སྒྲ། །ཐོག་སེར་ལ་སོགས་འབྱུང་བར་བྱེད། །དེ་ལ་ཚད་མའི་རྟགས་བཟུང་བ། ཁུབ་རྟགས་བསྟན་པ་འདི་ལྟ་སྟེ། །དངོས་སུ་སྟོན་དང་མུན་ནག་དང་། །ཉམས་དགའ་བྱིན་ཆེ་ཤེས་པ་བསྟན། །དམ་རྫས་འཕེལ་གྱི་ན་ལུད་པའོ། །དངོས་གྲུབ་བླང་ཞིང་འཕྲིན་ལས་བརྩམས། །གཏོར་མ་གཏང་ཞིང་འཕྲིན་ལ་བཅོལ། །ཉམས་འཇིགས་བྱིང་ཞིང་སེང་བོར་བྱེད། །མེ་ཐུམ་མཐོ་དང་འོད་དཀར་དང་། །གཉིད་བྲོ་བྱིང་ཞིང་སྐྱོ་བ་དང་། །ཁྱིམ་དུ་འགྲོ་སྙིང་འདོད་པ་ནི། །མ་མོ་མ་གྲུབ་པ་ཡི་རྟགས། །དེ་ལ་ཤེལ་ནག་མཁའ་ལྡིང་གིས། །བསྐང་ཞིང་བསྙེན་པ་གནད་ལ་དབབ། །མ་དང་སྲིང་མོ་བྲན་མོ་དང་། །དམ་ཆ་ཕྱག་འཚལ་བསྒོ་བ་ཉན། །དྲེའུ་དང་བོང་བུ་འོང་བ་ནི། །མ་མོ་དབང་དུ་འདུས་པ་ཡིན། །དམ་རྫས་བྱིན་ལ་ལས་ལ་སྤྱར། །མ་མོ་མི་བསྲུན་རལ་པ་ཅན། །མདོག་ནི་སྡུག་ཅིང་ཁྲོ་བ་དང་། །ཛོ་མོར་འོང་དང་ཆུང་མར་འོང་། །གཅན་གཟན་འོང་ན་གྲུབ་ཀྱང་ནི། །མ་མོ་དབང་དུ་མ་འདུས་པས། །ལྟ་བ་གྱབ་དང་གཉེན་པོ་སྟོབས། །མ་མོ་དབང་དུ་བསྡུ་བར་བྱ། །བུད་མེད་ནང་འཐབ་བྱེད་པ་དང་། །བྱ་ནག་འཐབ་དང་དུ་བ་ལྷགས། །མཚོན་ཆའི་ཆར་པ་དབབ་པ་དང་། །མེ་ཏོག་ཆར་པ་འབེབས་པ་དང་། །ཁྲག་གི་ན་བུན་བྱུང་བ་ན། །མ་མོ་འཁྲུག་པའི་རྟགས་ཡིན་ཏེ། །མ་ཏྲང་བཞི་བསྣོལ་མདོས་བཞི་ལ། །རིགས་ཀྱི་གཙོ་མོ་བཞི་ཡི་རྫས། །བསགས་ཏེ་ཐུགས་དམ་མདོས་ཀྱིས་བསྐང་། །ལྷོ་བཀྲེས་ཁ་སྤྱལ་དུ་བྲོ་ཞིང་། །འགྲོ་སྙིང་འདོད་དང་སྙིང་མི་དགའ། །ཆ་ལུགས་སྟོན་དང་མཚན་མ་སྟོན། །དབང་རྟགས་སྟོན་དང་དུ་བ་ལྷགས། །མ་མོ་ལོག་པའི་རྟགས་ཡིན་པས། །ཚོགས་དང་དམ་རྫས་རྣམས་ཀྱིས་བསྐང་། །རྟགས་ཀྱི་རྣམ་པ་གང་ལ་ཡང་། །རེ་དང་དགའ་དང་འཇིགས་པ་ཡང་། །ངན་པས་སེམས་ནི་མ་བསླད་པར། །རེ་དང་དགའ་དང་འཇིགས་པ་སྤང་། །ཞེས་གསུངས་སོ། །དེ་ནས་བཅོམ་ལྡན་འདས་ཀྱིས། །མཁའ་འགྲོ་མ་བཞི་གནད་ལ་བསྐུལ་ཞིང་ཕོ་ཉར་གཏང་བ་དང་། བསྐང་བའི་ལས་བྱ་བ་དང་། དམ་རྫས་བྱིན་ཏེ་སྲུང་མར་མངའ་གསོལ་བ་དང་། ལས་ཐམས་ཅད་ཀྱི་མངག་པར་ཐུགས་དམ་བསྐུལ་བ་འདི་དག་གསུངས་སོ། །ནམ་མཁའ་ཁམས་ཀྱི་དབྱིངས་ཕྱུག་མ། །གནམ་ཕྱེད་སྟེང་ནས་གོན་པས་སྒྱི་བོ་ཟངས་སེ་ཟངས། །ས་ཕྱེད་གདན་དུ་བཏིང་ཡང་རྐང་མཐིལ་སྟོང་བར་ལས། །ཁྲུ་གང་ཙམ་གྱི་གནམ་མ་བགླེབས། །ཆགས་གང་གྱིས་ཙམ་སམ་བསླེབས། །རལ་པ་ཕྱེད་ཀྱིས་གནམ་ཁབས་མ། །རལ་པ་ཕྱེད་ཀྱི་ས་ཁབས་མ། །རལ་པའི་ཟེར་ལ་སྐར་འཕྲུལ་མ། །ཁྲག་དང་ཞག་གི་ཐིག་ལེས་མཚན། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །ནམ་མཁའ་ཁམས་ཀྱི་དཔལ་མོ་བཙན། །ཆིབས་སུ་འབྲུག་མོ་འཚམས་ལ་ཆིབས། །རོལ་དུ་གློག་མོ་འགྱུར་ལ་རོལ། །སྤྱན་ནས་ཁྲག་འཛག་རྒྱ་མཚོར་འཁྱིལ། ཁྲངས་ནས་རླུད་འབྱུང་སྲིད་གསུམ་འགེངས། །ཞལ་ནས་ཧུས་བཏབས་སྲིད་གསུམ་སྐེམས། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་ཕོ་ཉ་ནི། །ནམ་མཁའ་ཁམས་ཀྱི་པ་རྣ་ཤ་བ་རི། །སྐུ་ལ་ཤ་ཐུལ་མཉེན་མོ་གསོལ། །ཕྱག་ན་ཞགས་འདོམ་དགུ་བརྒྱ་དགུ་བཅུ་བསྣམས། །ཆིབས་སུ་ཤ་བ་ཡུ་ཆུང་ཆིབས། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །ནམ་གྱི་གུང་ལ་རྒྱུ་ཞིང་དགྲ་ཡི་སྙིང་། །འཇིབ་ཅིང་གསོལ་བའི་ལྷོ་མོ་ནམ་གྲུ་མ། ཆིབས་སུ་སྤྱན་རྣོ་འུག་པ་ཆིབས། །ཕྱག་ན་ཁྲག་སྐམ་ལྕགས་ཀྱུ་བསྣམས། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །བར་སྣང་ཁམས་ཀྱི་གཟི་འཕྲེང་མ། །མཛེས་པའི་སྐུ་ལ་གཟི་ཡི་ཐུལ་པ་གསོལ། །ཆིབས་སུ་བྱ་རྒྱལ་ཁྱུང་ལ་ཆིབས། །ཕྱག་ན་གཟི་ཡི་ཁྲམ་བམ་བསྣམས། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །བར་སྣང་ཁམས་ཀྱི་དབང་ཕྱུག་མ། །ཆིབས་སུ་རླུད་དང་བུ་ཡུག་ཆིབས། །ཕྱག་ན་ཁ་ཆར་སེར་བ་བསྣམས། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །བར་སྣང་ཁམས་ཀྱི་གློག་མ་སྲིན། །ཆིབས་སུ་སྟག་མོ་གྲུས་མ་ཆིབས། །ཕྱག་ན་གཡུ་ཡི་ཞགས་པ་སྔོན་པོ་བསྣམས། །ཁྱོད་ཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །དཔལ་ལྡན་ནག་མོ་རེ་མ་ཏི། །སྐུ་སྟོད་རེ་ལྡེ་ནག་པོ་གསོལ། །སྐུ་སྨད་དྲེད་ཀྱི་པགས་པ་གསོལ། །ཆིབས་སུ་ཏྲེ་རྟ་ནག་པོ་ཆིབས། །སྲིན་པོའི་ཡ་མགལ་སྔ་རུ་བགྱིས། །སྲིན་པོའི་མ་མགལ་ཕྱི་རུ་བགྱིས། །སྲིན་པོའི་པགས་བས་སྒ་གཡོག་བགྱིས། །སྦྲུལ་ནག་འཁྲིལ་བས་གོང་རྨེད་བགྱིས། །དེ་ལྟ་བུ་ཡི་ཆིབས་ལ་ཆིབས། །ཕྱག་མ་གཡས་ན་བདུད་ཀྱི་ཁྲམ་བམ་བསྣམས། སྔགས་འཆང་བདག་གི་དགྲ་བོ་འདི། །ཁྲམ་ལ་གདབ་པའི་དུས་ལ་བབ། །ཕྱག་ན་གཡོན་ན་ནད་ཀྱི་རྐྱལ་བ་ཐོགས། །སྔགས་འཆང་བདག་གི་དགྲ་བོ་ལ། །མི་ནད་ཁྲག་ནད་རླངས་ཐབས་བཏང་དུ་གསོལ། །འཕོངས་ན་མཚོན་གྱི་གྲུ་གུ་བསྣམས། །མཚོན་ནད་ཁྲག་ཏུ་སྒྱུག་ཏུ་ཆུག །གོང་ན་ཤོད་ཀྱི་སྡེའུ་ཅུང་བསྣམས། །དགྲ་བོ་ཤོད་ལ་བོར་དུ་གསོལ། །ཁྱོདཀྱི་ཐུགས་དམ་དུས་ལ་བབ། །དེ་ཡི་བཀའ་ཉན་གསུང་སྡོད་ནི། །དཔལ་ལྡན་ནག་མོ་རེ་མ་ཏི། །ན་བཟའ་སྨུག་ནག་གཏིབ་པ་གསོལ། །མེ་སྟག་སྟོང་གི་ཆ་གས་བསྐོར། །ཆིབས་སུ་ཀླུ་གྲང་ནག་པོ་ཆིབས། །རྒྱུག་ནི་དུར་ཁྲོད་ཀློང་ན་རྒྱུག །ལེན་ནི་སྒྱུགས་པའི་གླུ་རྒྱངས་ལེན། །འབེབས་མིན་ལྟས་ངན་སྣ་ཚོགས་འབེབས། །ཟ་ནི་མི་ཤ་རློན་པ་ཟ། །འགེངས་ནི་གྲགས་པས་སྟོང་གསུམ་འགེངས། །འཐུང་ནི་རྟ་ཁྲག་རློན་པ་འཐུང་། །བཞིན་ནི་མིག་རྩ་དམར་པོར་སྟོན། །ཁྱོད་ཀྱི་ཐུགས་དམ་དུས་ལ་བབ། །མིང་དགུ་བོས་ཀྱང་རེ་མ་ཏི། །མཁན་རྒྱས་བསྐུལ་ཀྱང་རེ་མ་ཏི། །ནད་བདག་མོ་ཡི་དུས་ལ་བབ། །ཅེས་ཆེད་དུ་གསུངས་སོ། །ནག་མོ་རལ་པ་སྤྱི་བཅིངས་གསང་བའི་རྒྱུད་ལས། རེ་མ་ཏི་མཆེད་བཞི་བསྒྲུབ་ཅིང་ཐུགས་དམ་བསྐུལ་བའི་རྟོག་པ་གསུམ་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་གིས། སྣང་སྲིད་མ་མོ་ཐམས་ཅད་ཀྱི་སྲོག་གི་སྙིང་པོ་དེ་ཁོ་ན། མཁའ་འགྲོ་མ་བཞི་ཡི་རྩ་སྔགས་སུ་བ་་ཏེ་གསུངས་སོ། །ནག་མོ་ཚོགས་ཀྱི་གཙོ་མོ་ཡི། །སྲོག་གི་སྙིང་པོ་བཏུ་བྱ་བ། །རྒྱུ་རྐྱེན་གཉིས་ལ་ཡིག་འབྲུར་ཤར། །མིང་དང་དབྱངས་ཀྱི་སྡེ་ལས་བ་། །རྣམ་པར་སྣང་མཛད་དབུ་རུ་གཞག །དགུ་ཡི་གསུམ་པའི་དང་པོ་ལ། །གསུམ་པའི་གསུམ་གྱིས་རབ་ཏུ་སྤྲས། །དྲུག་པའི་དང་པོ་གྲལ་ལ་བཞག །དེ་འོག་གསུམ་པའི་གཉིས་པའོ། །དེའི་འོག་གསུམ་པའི་དང་པོ་ལ། འོག་ཏུ་དྲུག་པའི་གསུམ་པས་བརྒྱན། །དང་པོའི་གསུམ་པས་སྤྲས་པའོ། །དྲུག་པ་ཡི་ནི་གསུམ་པ་ལ། །དང་པོའི་ཡི་ནི་གསུམ་པས་སྤྲས། །དེ་འོག་བདུན་པའི་དང་པོ་གཞག །དྲུག་པའི་གསུམ་པ་དག་ལ་ནི། །འོག་ཏུ་དབྱངས་ཀྱི་ལྔ་པས་བརྒྱན། །ལྔ་པ་ཡི་ནི་དང་པོ་ལ། །དབྱངས་ཀྱི་བདུན་པས་སྟེང་དུ་བརྒྱན། །གསུམ་པའི་ལྔ་པ་གཉིས་སུ་ལྡན། །ལྔ་པའི་ལྔ་པ་དག་ལ་ནི། །འོག་ཏུ་དབྱངས་ཀྱི་ལྔ་པས་བརྒྱན། །དང་པོ་ཡི་ནི་གསུམ་པ་དང་། །བདུན་པའི་གསུམ་པ་གྲལ་གཅིག་བཞག །བདུན་པ་ཡི་ནི་གསུམ་པ་ལ། །འོག་ཏུ་གསུམ་པའི་དང་པོས་བརྒྱན། །སྟེང་དུ་དབྱངས་ཀྱི་བདུན་པས་སྤྲས། །དྲུག་པའི་གཉིས་པའི་སྟེང་དུ་ཡང་། །ལྔ་པ་ཡི་ནི་ལྔ་པ་བཞག །དྲུག་པ་ཡི་ནི་གསུམ་པ་ལ། །འོག་ཏུ་དབྱངས་ཀྱི་ལྔ་པས་བརྒྱན། །དེ་འོག་དྲུག་པའི་བཞི་པ་ལ། །དབྱངས་ཀྱི་ལྔ་པས་འོག་ཏུ་བརྒྱན། །དེ་འོག་ཏུ་ཡང་དེ་བཞིན་ནོ། །དེ་འོག་གཉིས་པའི་གསུམ་པ་གཉིས། །འགུག་པར་བྱེད་པའི་ལྕགས་ཀྱུའོ། །དགྲ་བོའི་སྙིང་ལོ་སྨྱོ་སྨྱོ་ཞེས་བཏགས་ན། །རྦད་ཅིང་བསྒྲུབ་པའི་སྔགས་སུ་བསྟན། །ནག་མོ་འབུམ་གྱི་གཙོ་མོ་ཡི། །གསང་སྔགས་སྙིང་པོ་དེ་དག་གོ །དབུ་ལ་རྣམ་པར་སྣང་མཛད་དེ། །ལྔ་པ་ཡི་ནི་དང་པོ་ལ། །གསུམ་པའི་གསུམ་པས་གྲལ་དུ་བརྒྱན། །དེ་འོག་ལྔ་པའི་ལྔ་པའོ། །དེ་འོག་དྲུག་པའི་གསུམ་པས་ཏེ། །གསུམ་པ་ཡི་ནི་དང་པོ་ལ། །དབྱངས་ཀྱི་གསུམ་པས་སྟེང་དུ་བརྒྱན། །དྲུག་པའི་གསུམ་པའི་འོག་ཏུ་ཡང་། །དབྱངས་ཀྱི་ལྔ་པས་བརྒྱན་པའོ། །དེ་འོག་གསུམ་པ་ཡི་དང་པོ་ལ། །དབྱངས་ཀྱི་བདུན་པས་སྟེང་དུ་བརྒྱན། །དྲུག་པའི་གསུམ་པ་དེ་དག་སྟེ། །དབྱངས་ཀྱི་བཅུ་གཅིག་རབ་ཏུ་བརྒྱན། །དེ་འོག་ལྔ་པའི་ལྔ་པའོ། །གསུམ་པ་ཡི་ནི་དང་པོ་ལ། །སྟེང་དུ་དབྱངས་ཀྱི་གསུམ་པས་བརྒྱན། །གཉིས་པ་ཡི་ནི་དང་པོ་ལ། །སྟེང་དུ་དབྱངས་ཀྱི་གསུམ་པའོ། །གསུམ་པའི་དང་པོ་དེ་བཞིན་ཏེ། །གཉིས་པའི་དང་པོ་སྟེང་དུ་ཡང་། །དབྱངས་ཀྱི་གསུམ་པས་བརྒྱན་པའོ། །དྲུག་པ་དག་ནི་གསུམ་པ་ལ། །འོག་ཏུ་དབྱངས་ཀྱི་གསུམ་པས་བརྒྱན། །དྲུག་པའི་བཞི་པ་དག་ལ་ཡང་། །འོག་ཏུ་དབྱངས་ཡིག་ལྔ་ལྡན་པའོ། །གཉིས་པའི་གསུམ་པ་གཉིས་སུ་སྟེ། །ལྕགས་ཀྱུ་སྲོག་གི་དེ་ཉིད་དོ། །དགྲ་སྙིང་དག་ལ་དུན་སྨྱོ་སྨྱོ། །བཏགས་ན་བསྒྲུབ་ཅིང་རྦད་པའོ། །དེ་དག་སྨུག་མོའི་གཙོ་མོ་ཡི། །གསང་སྔགས་ནོར་བུའི་འཕྲེང་བའོ། །རྣམ་པར་སྣང་མཛད་དེ་བཞིན་དབུར། །དྲུག་པ་ཡི་ནི་གསུམ་པ་ལ། །འོག་ཏུ་དབྱངས་ཀྱི་ལྔ་ཡིས་བརྒྱན། །དྲུག་པོ་བཞི་པའི་འོག་ཏུ་ཡང་། །དབྱངས་ཀྱི་ལྔ་པས་བརྒྱན་པ་སྟེ། །དང་པོ་ཡི་ནི་དང་པོ་ལ། །དབྱངས་ཀྱི་བཅུ་གསུམ་སྟེང་དུ་བརྒྱན། །གྲལ་དུ་སྡུད་པ་ལྔ་པའོ། །ལྔ་པའི་ལྔ་པ་དེ་བཞིན་ཏེ། །བདུན་པའི་གསུམ་པའི་སྟེང་དུ་ཡང་། །དབྱངས་ཀྱི་བཅུ་གཅིག་བརྒྱན་པའོ། །གྲལ་དུ་གསུམ་པའི་ལྔ་པ་བཞག །གསུམ་པའི་ལྔ་པ་གཉིས་གྲལ་གཅིག །གཉིས་པའི་གསུམ་པ་གཉིས་གཉིས་ཏེ། །བསྙེན་ཅིང་བོད་པའི་ལྕགས་ཀྱུའོ། །རུ་ལུ་རུ་ལུ་དགྲ་སྙིང་ལ། །སྦྱོ་སྨྱོ་བཏགས་ན་བསྒྲུབ་པ་སྟེ། །སེར་མོའི་གཙོ་མོ་སྔགས་བཤད་པའོ། །དབུ་ལ་རྣམ་པར་སྣང་མཛད་དོ། །དེ་འོག་དབྱངས་ཀྱི་དྲུག་པ་ལ། །སྟེང་དུ་ལྔ་པའི་ལྔ་པས་བརྒྱན། །བདུན་པ་ཡི་ནི་གསུམ་པ་ལ། །འོག་ཏུ་གསུམ་པའི་དང་པོས་བརྒྱན། །སྟེང་དུ་དབྱངས་ཀྱི་གསུམ་པས་བརྒྱན། །གསུམ་པ་ཡི་ནི་གསུམ་པ་ལ། །འོག་ཏུ་ཨ་ལི་ལྔ་པས་ཏེ། །དྲུག་པ་ཡང་ནི་གསུམ་པ་ལ། །ཨ་ལེ་ལྔ་པ་འོག་ཏུ་ལྡན། །གསུམ་པ་ཡི་ནི་གསུམ་པ་ལ། །ཨ་ལི་ལྔ་པ་འོག་ཏུའོ། །དྲུག་པའི་གསུམ་པའི་འོག་ཏུ་ཡང་། །ཨ་ལི་ལྔ་པ་དེ་བཞིན་ནོ། །གཉིས་པ་ཡི་ནི་གཉིས་པ་ལ། །དྲུག་པའི་བཞི་པ་གྲལ་ལ་བཞག །དེ་འོག་ལྔ་པའི་དང་པོས་ཏེ། །ལྔ་པའི་ལྔ་པ་སྟེང་དུ་ཡང་། །ཨ་ལི་བཅུ་གཅིག་པ་ཡིས་བརྒྱན། །གཉིས་པའི་གསུམ་པ་གཉིས་བཞག་པའོ། །དེ་དག་འབོད་པའི་ཡི་གེ་སྟེ། །རུ་ལུ་རུ་ལུས་དགྲ་སྙིང་ལ། །སྨྱོ་སྨྱོ་བཏགས་ན་བསྒྲུབ་པའོ། །དཀར་མོའི་གཙོ་མོ་སྔགས་བཏུ་བའོ། །རྩ་བའི་གསང་སྔགས་འདི་དག་ནི། །རྒྱུན་དུ་རྣལ་འབྱོར་བྱས་པ་ན། །དགྲ་བརྒྱ་ཡོད་ཀྱང་ནུབ་རེ་ལ། །སྙིང་བརྒྱ་ཕྱུང་ནས་བདག་ལ་སྟོབས། །བགེགས་རིགས་སྟོང་ཕྲག་དུ་མ་སྲུན། །བཙན་ཕྱུག་འཕན་ལ་དར་བ་དང་། །ནོར་རྫས་འབྲུ་རྣམས་ཡོངས་སུ་འཕེལ། །ཚེ་རིང་བཀྲ་ཤིས་ཕུན་སུམ་ཚོགས། །སྟག་དང་མེ་ཆུ་དུར་ཁྲོད་དང་། །མ་རུངས་གཅན་གཟན་ཁ་འཆིང་ཞིང་། །དགྲ་དང་དུག་གི་མཚོན་ལས་ཐར། །ཕྱི་མར་མི་ནུབ་རྒྱལ་མཚན་གྱི། །གྲགས་པ་ཆེན་པོར་འདི་འགྱུར་རོ། །ཞེས་གསུངས་སོ། །དེ་ནས་བཅོམ་ལྡན་འདས་ཀྱིས། སྲིད་པའི་མ་མོ་ཐམས་ཅད་ཀྱི་མཐུ་དྲིལ་ནས། །མཁའ་འགྲོ་མ་བཞིའི་གསང་སྔགས་གསུངས་པ། མ་མ་མུགས་ཐུན་རྦད། སྙིང་རྩ་ལ་མུགས་ཐུན་རྦད། སྲོག་པ་རྩ་ལ་ཡ༷་རྦད། མ་མ་སྙིང་ཟ་བའི་ཚིལ་ལ་ཤ་རོ་ལ་ཁྲག་ཐུམ་ནི་ཛི་རྦད། །མ་མ་གཏུབས་ཙིཀྟ་བམ་སྙིང་ཁ་ལ་རག་ཁས་སྨྱོ་ཙ་རྦུད། །མ་མ་རུས་སྲོག་སྙིང་ལ་ཡ་ཁྲག་ལ་དུད་རྦད། གསད་པའི་མཆོག་ཏུ་གསུངས་པ་ཡིན། །སྲིད་པའི་མ་མོ་ཐམས་ཅད་ཀྱི། །སྲོག་གི་སྙིང་པོ་དྲིལ་ནས་ནི། །མཁའ་འགྲོ་བཞི་པོ་ལས་ལ་གཟུད། །ཨོ་ཛུ་ཛུ་ཛུ་ཛུ། ནག་མོ་ཧར་ཧུར་ནག་མོ་ཧར་ཧུར་སྨྱོ། ནག་མོ་དུ་ནི་ཏང་ཧེད་སྨྱོ། ནག་མོ་ཤ་ལ་ཛུ་ཛ། ནག་མོའི་སྙིང་ལ་ཛུ་ཛུ། ནག་མོ་ཙ་ལ་ཛུ་ཛུ། ནག་མོ་སྲོག་ལ་ཛུ་ཛུ།ནག་མོ་དབུགས་ལ་ཧར་ཧུར་སྨྱོ། དགྲ་བོའི་སྙིང་ལ་ཛུ་ཛུ། རྦད་ཅིང་ཕོ་ཉ་དགྱེ་བ་ནི། །སྨྱོ་ཛུ་ཛུ་སྨྱོ་ཛུ་ཛུ་ནག་མོ་བམ་རི་ལི་ལི། ནག་མོ་ཤ་ལ་རི་ལི་ལི། ནག་མོ་ཁྲག་ལ་རི་ལི་ལི། ནག་མོ་རྩ་ལ་རི་ལི་ལི། ནག་མོ་སྙིང་ལ་རི་ལི་ལི། ནག་མོ་སྲོག་ལ་ཆོ་ཆོ། བ༷་རི་ལི་ལི། ནག་མོ་འབུམ་གྱི་སྲོག་བསྡུས་པ། མ་མོ་ནག་མོ་སྨྱོ། མ་མོ་དུན་ཏིང་མ་ལས་ལ་དུན་ཛ་དུན་སྨྱོ། སྲོགགཅོདཡངསྙིང་དྲིལ་བ་ནི། ཨོ་ཛུ་ཛུ་ཛུ་ཛུ། རེ་མ་ཏི་བ་ཤ་ཙ་པ་ལ་ཛ་ཛ། སྙིང་རྒྱུས་ཙ་ལ་ཛུ་ཛུ། རྩ་རྒྱུས་སྲོག་པ་རྩ་ལ་ཛ་ཛ། ཤ་རྒྱུས་སྙིང་ལ་ཛ་ཛ། སྙིང་རྒྱུད་དབུགས་ལ་ཛ་ཛ། རེ་མ་ཏི་པ་ཤ་རྩ་པ་ལ་ཛུ་ཛུ། དགྲ་བོའི་སྙིང་ལ་ཛ་ཛ་མ་ར་ཡ། ཕུར་བུ་མཚོན་གྱིས་གདབ་པ་ནི། །ཛུ་ཛུ་རེ་མ་ཏི་པ་ཤ་ཅ་པ་ལ་ཛུ་ཛུ། ནག་མོ་དགྲ་བོའི་སྙིང་ལ་ཐུམ་རིལ་རྦད། ནག་མོ་དགྲ་བོའི་སྲོག་ལ་ཐུམ་རིལ་རྦད། ནག་མོ་དགྲ་བོའི་ཤ་སྟ༷་བ༷་རིལ་རྦད། ནག་མོ་དགྲ་བོའི་དབུགས་ལ་ཧུར་ཐུམ་མ་ར་ཡ་རྦད། ནག་མོ་དགྲ་བོའི་ཁྲག་ལ་ཐུམ་རིལ་རྦད། པ་ཙ་པ་ཙ་མ་ར་ཡ་ཐུན་རིལ་རྦད། ཐུན་གྱིས་བྲབ་པའི་གསང་སྔགས་ནི། །ནག་མོ་ཧར་ཧུར་ནག་མོ་དུན་ཏི་ཧེད། ནག་མོ་ཤ་ལ་ཛ་ཛ། ནག་མོ་སྙིང་ལ་ཛ་ཛ། ནག་མོ་དབུགས་ལ་ཛ་ཛ། ནག་མོ་ཏིང་ཧུར་ཏིང་ཧུར། མ་མོ་ནག་མོ་ཤ་ལ་ཙེ་མ་སྨྱོ། མོ་མོ་ནག་མོ་སྙིང་རྩ་མ་སྦྱོ། མ་མོ་ནག་མོ་དབུགས་རྩེ་མ་སྨྱོ། མ་མོ་ནག་མོ་སྲོག་རྩེ་མ་སྨྱོ། ཨ་ཙེ་སྙིང་བམ་ཐུན། ཨ་ཙེ་ཁྲག་བ༷་ཐུན། ཨ་ཙེ་དབུགས་བམ་ཐུན། རེ་མ་ཏི་བླ་ལ་ཐུན་སྨྱོ། དེ་ནས་ཡང་བཅོམ་ལྡན་འདས་ཀྱིས་དགྲ་བོ་གནད་ལ་དབབ་པའི་ཆོ་ག་དྲག་སྔགས་འདི་དག་གསུངས་སོ། །རེ་མ་ཏི་དགྲ་བོའི་ཙིཏི་ནི། ཤ་ལ་པ་ལ་ཙཀྲ་དུ་ཡ་ཁུག་ཅིག་ཁུག་ཅིག །ཛ་ལ་ས་མུན་ཏི། ཤུ་ཤི་ཧི་ནི་ནི་ཤི་ཀ་ཤུ་རྦུད། རཀྟ་ཙཀྲ་ཙཀྲ༷། དེ་བ་ནི་ཤི་ཤི་ཐུམ་ཐུམ་རྦད། ཡ་དོ་མོ་ཧ་ས་ད་ཀ་ལ་ཟི་ན་ཟི་ན་ཤི་ནི་རྦད། ཐུམ་རག་ཤ་ཁ་ཁ་ཁུག་ཅིག་ཁུག་ཅིག །སིད་སིང་འཇམ་པ་ལ་ལོ་དུན་ན། དགྲ་བོ་ནི་མ་ར་ལ་ཛ། དྲི་མ་ར་ཡ་ཛ། དེ་བ་ཤག་ཤན་ཏིང་ཀུ་རུ་ཡེ་སྲུཧྭ། དེ་བ་ཙིསྟ་ཡེ་ཤན་ཏིང་ཀུ་རུ་ཡེ་གྲྭཧྭ། ཙིཏི་མ་ལ་ན་ཤན་ཏིང་ཀུ་རུ་ཡེ་གྲྭཧྭ། མ་མ་ག་ཆུ་ཡ་ཤན་ཏིང་ཀུ་རུ་ཡེ་གྲྭཧྭ། ན་མ་བུས་ཡེ་ཤན་ཏིང་ཀུ་རུ་ཡེ་སྲུཧྭ། ས་མ་ཡ་ཡོ་ག་ནི་ཤན་ཏིང་ཀུ་རུ་ཡེ་གྲྭཧྭ། རྩ་བ་ལས་སྔགས་གྲོགས་དང་བཅས། །མ་མོ་སྲོག་རྒྱུན་སྙིང་པོའི་དོན། །མཁའ་འགྲོ་མ་ཡི་དྲ་བ་སྟེ། །ཡང་གསང་མཆོག་གིས་རིམ་པར་གསུངས། །ནག་མོ་རལ་པ་སྤྱི་བཅིངས་གསང་བའི་རྒྱུད་ལས། གསང་སྔགས་བསྟན་པ་སྟེ་རྟོག་པ་བཞི་པའོ།། །།དེ་ནས་ཡང་བཅོམ་ལྡན་འདས་འཇིགས་བྱེད་རྡོ་རྗེ་དེས། བསྟན་པའི་དགྲ་ལྔ་འདུལ་བའི་ཕྱིར་དགྲ་སྔགས་ཀྱི་དམོད་པ་འདི་དག་ཆེད་དུ་གསུངས་སོ། །སྲོག་ཁ་ལ་ཐུམ་ཐུམ་སྙིང་འདུ་འདུ་སྙིང་ལ་སྨྱོ། སྙིང་ཁྲག་རྩ་ལ་བྲེང་བྲེང་། ཨོ་ཛ་ལ་ཏི་ཁས་མུགས་མུགས། ཧུ༷་ཧ་སྲོག་རྩ་ལ་ཐུགས་ཐུགས། ཁྲག་སྙིངས་ལ་རྦུད་རྦུད། ཨོ་ཀྱི་ཁ་ལོ་ཀྱི་ཁ་ལོ་རྦད། སྙིང་རྩ་སྙིང་རྩ་རྦད་རྦད་རྦུད་རྦུད། ནིར་ནིར་སྙིང་ནིར། སྙིང་རྩ་མུགས་མུགས། ཐུམ་ཐུམ་སུ་སྙིང་སུ་རྦད། ཁ་འདར་ཡེད་ཡེད། ཐུ༷་ཐུ༷་རྦད། སེ་ཁ་ཁ་ལོང་རྦད་རྦད། ཡང་སྨྲས་པ། འདི་ལྟ་སྟེ། རག་མོ་སྙིང་ལ་ཡ་ཙ་མོ་ཏྲི་སྙིང་ལ་ཤད་ཤད། བ་ཏི་ཙཀྲ་སྲོག་ལ་ཡ་ཡ། མ་ར༷་རསྒ་དབུགས་ལ་ཡ། ཤི་ཙི་ཀ་མ་ནི་ཤ་ཛུ་ཛུ། མ་ཧྭ་མོ་སྟ་བ༷་མུགས། དམར་མ་ཟ་སྨྱོ། ཐུན་མུགས་ཀ་ཤ་དེ་རྦད། ཡང་སྨྲས་པ།འདི་ལྟ་སྟེ། ཨོ་དྲི་རག་ཤ་རག་མོ་ཨ། ཧི་མ་ཏི་མ་འདུ་འདུ་སྙིང་ལ་ཛུ་ཛུ། དུན་དུན་སྨྱོ་སྨྱོ། མ་རག་མོ་ཛ་ཕ་ལ་དུན་དུན་སྨྱོ་སྨྱོ། ་ག་རག་ཤ་ཁ་མུན་ཏྲ་སྙིང་ལ་རག་མོ་ནི་དུན་སྨྱོ་སྨྱོ། མ་རག་མོ་ཛ་ཛ། རུ་ལུ་རུ་ལུ་སྨྱོ་སྨྱོ།མ་མ་སྙིང་ཁ་རག་སྙིང་ཁ་རག །མ་རག་ཤ་མ་རག་ཤ་ཛ་ཛུ། ཏིང་ཏིང་རུ་རུ་རེ་མ་ཏི་ཆེ་གེ་མོའི་སྲོག་པ་རྩ་ལ་སྨྱོ་སྨྱོ། ཆོ་ཆོ་ཡ། སྲོག་ལ་ཡ་ཡ། ཤིག་ཤིག་སྨྱོ། ཡང་སྨྲས་པ། འདི་ལྟ་སྟེ། ན་རག་མོ་ཧུ་རི་ཏྲ་ཧུར་སྨྱོ། ཧ་ར་ཧ་ར་ཀྲ༷་ཀྲ༷་མི་ཤ་དམ། ཁ་ཁ་ཧ་ཧ་ཏྲ་ཏྲི་ཏྲ་ཏྲ༷་ཛ་ཛ་སྨྱོ་སྨྱོ། ཡང་སྨྲས་པ། རག་མོ་ཨ་ཛུ་ཛུ་ཐིག་ཀྱི་ཁ་ལ་མ་སྨྱོ། ལ་ཛ་ཛུ་མ་ཐུམ། རིལ་སྙིང་རྩ་འདུ། སྲོག་བྲིག་བྲིག་ཤིག་ཤ་ཁྱེར་སྨྱོ། རག་མོ་ཨུབྱ་རེ་མ་ཏི་ཁ་ལ། ཡང་སྨྲས་པ། ཧི་པ་མ་ཧེ་པ་ཧི་པ་ཡ། རུ་ཐུམ་རུ་ཐུམ། ནག་མོ་རལ་པ་སྤྱི་བཅིངས་གསང་བའི་རྒྱུད་ལས། རེ་མ་ཏིའི་དམོད་སྔགས་བསྟན་པ་རྟོག་པ་སྟེ་ལྔ་པའོ།། །།དེ་ནས་ཡང་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། དྲག་སྔགས་ཀྱི་རིམ་པ་གསུངས་སོ། །མ་མ་ཤ་ཤ་རུ་ཁྲག་མ་དུ་ཧྲིང་། ཙིསྟ་དགྲ་བོའི་སྙིང་ལ་ཐུན། ཐུན་ལུབ་ཐུན་འུབ། རིལ་རིལ་མ་སྙིང་ལ་རིལ་རིལ། ་ག་རག་ཤ་རུ་ཁྲག་སྙིང་ལ་ཛ་ཛ། ཤ་ཤ་ཁུག །དུ་ཤ་མ། དུ་རུ་ནི་ཏིསྟརྦད། ཏྲིགཏྲིགཧྲིངམམ། རུ་རུ་རག་མོ་མཀྟ་ནི་ཙ་བ་ལ་ལྷ་མོ་ཡ༷་དུང་ཧྲིང་མ་ཡ་དུ་མ་ཛུ་ཛུ། ད་དུ་མ་མུ་ཤ་ཤ་ཁུག་ཁུག །དུ་ཤ་མ་མ་བ༷་རིལ་དུ་ཏིང་མ་མ་སྙིང་ཕྱུང་། ས་མ་ཡ་སྲོག་ཆོད། དུ་ཤན་དུ་ཡ་མ་མ་ཏི་རིལ་དུ་ཡ། ཤ་ཤ་མ་མ་རྦད་བུ་ཡ་ཡ། ནི་ནི་སྨྱོ་སྨྱོ་སོད་སོད། མ་དུ་ཡ་མ་དུ་ཡ། ཚལ་པ་རྦད། ཡེད་ཡེད། ཤ་ཐུམ་ཤ་ཐུམ་རྦད། ཙ་ཐུར་མ་ཐུར་རྦད། ཤ་ཐུ་ཡ་སྨྱོ། ཙ་ཐུམ་མ་ཡ་བཟློག །མ་དུ་ཤ་ཤ་ཛ་ཛ། མ་དུ་མ་དུ་ཤ་ཛ་ཛ། རུ་མ་ད་དུ་མ་མ། བ༷་ཁ་ཤག་བ༷་ཁ་ཤག །མ་དུ་ཙིཏི་རྦད། མ་ན་ཙིརྟི་རྦད། མ་མ་ཙིསྟ་རྦད། །ཙིསྟ་ཙིསྟ་མ་མ། ཡེར་ཡེར། ཁ་ཐུམ་རྦད་ཁ་ཐུམ་རྦད། མ་མ་ཁ་ཐམ་མ་མ་ཁ་ཐམ། ཏིག་སྣ་རྦད། ཏིག་སྣ་རྦད། མུགས་མུག་དགྲ་ཤ་ལ་མུག་རྦད་རྦད། སྲོག་རྩ་ལ་རྦད། ཁ༷་ཁ༷་རྦད་རིལ་སྲོག་ཐུམ་ནི་ཛ། གྲོད་གྲོད། ཤ་ལ་རྦད། སྲོག་ཐུམ་མ་མ་ཙིག་ཙིག །སྲོག་ལ་ཡ༷་ཡ༷་མ་མ། རུ་ལུ་རུ་ལུ་སྨྱོ་སྨྱོ། ན༷་ན༷་ཧ་ར་ཧ་དེ་མ་སྨྱོ། རུ་ལུ་རུ་ལུ། རག་མོ་ཏེ་ཙ་ན་རག་མོ་རག་མི་ནི་ལ་ཁ་ཐུན་ཏིང་ཏིང་ཆེམ་ཆེམ། ཀྲོལ་ཀྲོལ་ས་མ་ཡ་སརྦ་སྦྲེ་ས་མ་ས་ལ་སྨྱོ་སྦྱོ། ཏི་མ་ཤུ་ཤུ་ཡག་ཤ་ནག་མོ་ཁུ་ཧི། གྲི་དེ་བི་མ་ཧྭ་ཀ་ལི་ཁུ་ཧི།རག་མོ་རག་ཤ་ཁུ་ཧི། མ་རག་མོ་དུན་ཏིང་ཁུ་ཧི། མ་རག་མོ་རག་མོ་ཁྲག་ལ་མི་ཁུ་ཧི། མ་མ་མུགས་ཏི་གྲི་ན་ཁུ་ཏི། མ་རེ་མ་ཏི་ཁྭ་ཧི། མ་རེ་མ་ཏི་མ་ནུ་རག་མོ་ཁུ་ཧི། ཏྲེ་མོ་ཤུ་ཤུ་ཡག་ཤ་ནག་མོ་ཁུ་ཧི། ཞེས་གསུངས་པས་སྲོག་ཆད་པ་དང་། ཤ་རུས་ཟད་པ་དང་། མཛེ་ནད་དང་། བལ་ནད་སྣ་ཚོགས་པ་དང་། རིམས་ཀྱི་དལ་ཀས་ཡོངས་ལ་ཁྱབ་པས་བསྡུས་ཏེ། ལྕོ་དྲི་དང་། རྒྱུ་གཟེར་དོང་། ལྟས་ངན་སྣ་ཚོགས་དགྲ་ལ་ཁྱབ་པར་འགྱུར་རོ། །ནག་མོ་རལ་པ་སྤྱི་བཅིངས་གསང་བའི་རྒྱུད་ལས། དྲག་སྔགས་བསྒྲལ་བའི་ལེའུ་སྟེ་རྟོག་པ་དྲུག་པའོ།། །།དེ་ནས་བཅོམ་ལྡན་འདས་དང་དཔལ་རྡོ་རྗེ་ཁྲག་འཐུང་དེས། མཁའ་འགྲོ་རྣམ་པ་བཞིའི་གནད་ནས་བསྐུལ་བའི་ཕྱིར། མཁན་རྒྱས་གནད་ནས་བསྐུལ་བ་འདི་དག་གསུངས་སོ། །རྒྱ་ཡུལ་གཏིང་ན་བཞུགས་པའི་ཚེ། །རྒྱ་མོ་ཅན་ཕྲན་མ་ཡི་མཁན། །མོན་ཡུལ་གཏིང་ན་བཞུགས་པའི་ཚེ། །མོན་མོ་སྤྱི་རིངས་ལན་འཕྲན་མ་ཡི་མཁན། །དབུས་ཀྱི་དུར་ཁྲོད་ཀློང་ན་བཞུགས་པའི་ཚེ། །ཨེ་ཀ་ཛ་ཞི་རལ་པ་ཅན་གྱི་མཁན། །དམར་གྱི་རྒྱ་མཚོ་འགྲམ་དུ་གཅིག་བུར་བཞུགས་པའི་ཚེ། །ནག་མོ་གཡུ་ཡི་རལ་གཅིག་མ་ཡི་མཁན། །འཁོར་དུ་བུད་མེད་ནག་མོ་འབུམ་གྱིས་བསྐོར། །ཁྱེད་བཞིས་མིག་རྩ་བཟློག་ཅིག་མཆེ་བ་གཙིགས་པའི་ཚེ། །བུད་མེད་ནག་མོ་འབུམ་ཡང་རིག་རིག་ལྟ། །ཁྱེད་བཞིས་རྐན་སྒྲ་བརྡབས་ཤིང་འཕྲིན་ལས་མཛད་པའི་ཚེ། །ད་ལྟ་ཉིད་དུ་འཕྲིན་ལས་གྲུབ་པར་བྱེད། །མ་ཧྭ་མ་ལ་སྨྱོ། དགུན་བཞིན་གངས་ཀྱི་ལྟོངས་ནས་གཤེགས་པའི་ཚེ། །རླུད་དང་བུ་ཡུག་ཀུན་གྱི་སྣ་འདྲེན་མ་ཡི་མཁན། །དབྱར་བཞིན་རྒྱ་མཚོ་འགྲམ་ནས་གཤེགས་པའི་ཚེ། །མེ་ཏོག་སྤོས་རྩ་འཇིབ་མའི་མཁན། །དཔྱིད་ཅིང་རླུད་ནག་ནང་ནས་གཤེགས་པའི་ཚེ། །ཁྲག་དང་ཞག་གི་རྗེས་གཅོད་པ་ཡི་མཁན། །སྟོན་ཞིང་ལོ་ཏོག་ནང་ནས་གཤེགས་པའི་ཚེ། །འབྲས་བུ་ལོ་ཏོག་བཅུད་ལེན་མ་ཡི་མཁན། །དུས་ལ་བབ་པོ་ད་ཚུར་རྒྱུག །དཔལ་ལྡན་ནག་མོ་རེ་མ་ཏི། །རྒྱ་གར་ཡུལ་གྱི་དུས་ན་ནི། །ལྷ་མོ་ནམ་གྲུ་མ་ཡི་མཁན། །བདུད་ཀྱི་བུ་མོ་མཛད་པའི་ཚེ། །བདུད་ཀྱི་ལྕམ་ཅིག་གཤིན་རྗེའི་ཡུམ་གྱི་མཁན། །དབང་ཕྱུག་གྲལ་དུ་གཙོ་མོ་མཛད་པའི་ཚེ། །མི་ཡི་སྲིན་མོ་ཚངས་མ་དམར་སེར་མ་ཡིན་མཁན། །མ་མོ་སྟོང་གི་གཙོ་མོ་མཛད་པའི་ཚེ། །ཛ་ཛ་འཇིགས་བྱེད་ཤོ་ན་མ་ཡི་མཁན། །དཔལ་ཆེན་ཧེ་རུའི་གཟུངས་མ་མཛད་པའི་ཚེ། །ཀྲོ་དྷི་ཤྭ་རི་དཔལ་འབར་མ་ཡི་མཁན། །རྟ་མགྲིན་དབང་གི་གསུངས་མ་མཛད་པའི་ཚེ། །ཨེ་ཀ་ཛ་ཏི་རལ་གཅིག་མ་ཡི་མཁན། །དཔལ་ཆེན་ཞལ་ནི་མངོན་སུམ་མཐོང་བས་ན། །བྷ་ག་ཧྲི་སྟི་མཁའ་ལ་ཆར་འབེབས་མ་ཡི་མཁན། །རྣལ་འབྱོར་དགྲ་རྣམས་ཕུང་བར་མཛད་པའི་ཚེ། །དགྲ་བླའི་རྒྱལ་མོ་མཐུ་མོ་ཚེ་ཡི་མཁན། །སྐུ་ལ་སྨུག་ནག་གཏིབ་པ་གསོལ་བའི་ཚེ། །ནག་མོ་ཆེན་མོ་དམིགས་རིངས་མ་ཡི་མཁན། །ནམ་མཁའི་ཁམས་སུ་རྒྱུག་པའི་ཚེ། །ཨེ་ཀ་ཛ་ཏི་མ་ཡི་མཁན། །བར་སྣང་ཁམས་སུ་རྒྱུག་པའི་ཚེ། །འགྲོ་བ་དབང་སྒྱུར་མ་ཡི་མཁན། །འཛམ་བུ་གླིང་བཞིར་བཞུགས་པའི་ཚེ། །གླིང་བཞི་ཀུན་འབྱམ་རྡོ་རྗེ་གྲགས་མོ་རྒྱལ་གྱི་མཁན། །གདུག་པ་སྦྲུལ་གྱི་གདུག་གུ་སྐུ་ལ་བཞག་པའི་ཚེ། །གདུག་པའི་སྐྱེ་འགྲོ་སྲོག་གཅོད་མ་ཡི་མཁན། ཁྲེལ་གྱི་མཆོད་རྟེན་དབུ་ལ་བསྣམས་པའི་ཚེ། །རིགས་ལྔ་ཀུན་གྱི་གསང་བའི་དགྱེས་སྡེ་མོ་ཡི་མཁན། །དཔག་ཚད་བརྒྱད་ཁྲི་བཞི་སྟོང་དུས་གཅིག་བརྒྱུགས་པའི་ཚེ། ལེགས་ཉེས་ལྟང་འཛིན་དམ་ཚིག་རྗེ་གཅོད་མ་ཡི་མཁན། །དབང་གི་རག་ཏ་དགུ་ཡིས་སྐུ་ལ་བརྒྱན་པའི་ཚེ། །དབང་གུ་དབང་གི་རྒྱལ་མོ་དམར་གྱི་ཐིག་ལེ་མ་ཡི་མཁན། །རྒྱ་བལ་གཏིང་ན་བཞུགས་པའི་ཚེ། །རལ་གཅིག་རྒྱ་མཚོ་མར་སྐོལ་མ་ཡི་མཁན། །དགྲ་ཤ་གསོལ་ནས་དགྱེས་ཏེ་རྐན་སྒྲ་བརྡབས་ཤིང་སེ་གོལ་གཏོགས་པའི་ཚེ། །ཧུ༷་དང་ཕཊ་ཀྱི་སྒྲ་འབྱིན་མ་ཡི་མཁན། །སྲིད་པ་གསུམ་དུ་བསྐལ་པ་བཏང་བའི་ཚེ། །ཞལ་གྱི་རྐན་སྒྲས་སྟོང་གསུམ་སྒྲོགས་པའི་མཁན། །ཐུགས་ཀྱི་ཕོ་ཉ་མང་པོ་འགྱེད་པའི་ཚེ། །འཇིག་རྟེན་བག་ཆགས་ཐལ་བར་རློག་པའི་མཁན། །དམ་ཚིག་གཉན་པོ་རྗེས་སུ་བསྲུང་བའི་ཚེ། །དམ་ཚིག་དབང་གི་སྐུ་ལ་བརྒྱན་པའི་མཁན། །ཐུགས་དམ་བསྐུལ་ནས་ཚུལ་བཞིན་ལས་མཛད་པས། །ཁྲོ་མོ་ཆེན་མོ་ཆ་ལུགས་སྟོན་པའི་མཁན། །དབང་ཕྱུག་ཆེན་མོ་ལས་རྣམས་མཛད་པའི་ཚེ། །དབང་ཕྱུག་གྲུབ་པའི་འཕྲིན་ལས་མཛད་པའི་མཁན། །ཞལ་གྱི་སྒྱུགས་པའི་ལྷ་རྣམས་བསྲུང་པའི་ཚེ། །མཛེས་པའི་ལྷ་མོ་གཞོན་ནུ་མ་ཡི་མཁན། །དྲང་སྲོང་ཆ་ལུགས་ཚུལ་བཞིན་བསྲུང་བའི་ཚེ། །ཨེ་ཀ་ཛ་ཏི་གཡུའི་འོད་མ་མཁན། །ལྷ་རྣམས་རྫོང་དུ་དུས་གཅིག་བཅུག་པའི་ཚེ། །རྫོང་གི་ལྷ་མོ་ཕུང་བྱེད་མ་ཡི་མཁན། །རི་རབ་ཁོརཡུགདུསགཅིགབསྲསཔའི་ནི། །མེ་ཟ་བྲག་གྱོན་མ་ཡི་མཁན། །རྒྱུད་དྲུག་རྩད་ནས་གཅོད་པ་ནི། །ངན་སོང་ཐལ་བར་རློག་པར་བྱེད་པའི་མཁན། །སྲིན་པོ་ཐོད་རུས་འཇོམས་ཤིང་གསོལ་བས་ན། །སྲིན་མོ་ཆེན་མོ་ཤ་ཟ་མ་ཡི་མཁན། །བདུད་ཀྱི་བུ་མོ་བཞི་ཡི་གཙོ་མོ་མཛད་པའི་ཚེ། །རྡོ་རྗེ་གཡུའི་སྒྲོན་གཅིག་མ་ཡི་མཁན། །གནོད་སྦྱིན་བུ་མོའི་གཙོ་མོ་མཛད་པའི་ཚེ། །དབུ་ལ་རལ་གཅིག་ཁམས་གསུམ་ཀུན་གྱི་མཁན། །སྨན་གྱི་བུ་མོའི་གཙོ་མོ་མཛད་པའི་ཚེ། །གསེར་ཆེན་མཁའ་ལྡིང་རྡོ་རྗེ་རླུད་མོའི་མཁན། །སྟག་ལྤགས་རློན་པས་སྐུ་ལ་བརྒྱན་པའི་ཚེ། ཁྱུང་གི་བུ་མོ་ཁྲག་འཐུང་མ་ཡི་མཁན། །ཀེའུ་རི་བརྒྱད་ཀྱི་གཙོ་མོ་མཛད་པའི་ཚེ། །ཀོ་རི་ན་མོ་མཆེ་བ་ཅན་གྱི་མཁན། །སིང་ང་བརྒྱད་ཀྱི་གྲལ་ན་བཞུགས་པའི་ཚེ། །ནག་མོ་བྱ་རོག་མིག་སྦྲུལ་མ་ཡི་མཁན། །དུར་ཁྲོད་ཀློང་དུ་གནས་ཆེན་བཅས་པའི་ཚེ། །གསོད་བྱེད་པ་རྣ་ཤ་བ་རི་ཡི་མཁན། །གསུང་གི་སྒྲ་དབྱངས་ཧ་ཧ་བཞད་པའི་ཚེ། །དགེས་བྱེད་ཆེན་མོ་ཀསྐོ་རི་ཡི་མཁན། །དམ་ཚིག་ཉམས་པ་སྒྲོལ་ལ་མཁས་པས་ནི། །སྒྲོལ་སྙིང་འཇིབས་མའི་མཁན། །སྲིད་པ་ཆགས་པའི་སྲོག་ལ་མངའ་མཛད་པས། །ནག་མོ་སྲོག་བདག་མ་ཡི་མཁན། །སྲོག་ཆགས་འབུམ་གྱི་ཁྲག་ལ་མངའ་མཛད་པས། །ཆགས་བཞི་ཆེན་མོ་ཁྲག་གི་མའང་བདག་མ་ཡི་མཁན། །དུས་ལ་བབ་བོ་ད་ཚུར་སྤྱོན། །འཇིགས་སུ་རུང་བའི་མ་མོ་རེ་མ་ཏི། །ཤ་ཟ་ཁྲག་འཐུང་མ་གཡེལ་རྟག་ཏུ་གྲོགས་ལ་སྤྱོན། །སྨྱོ་སྨྱོ་སྨྱོ་སྨྱོ། ཛ་ཛ་ཛ་ཛ། ནག་མོ་བ༷་རི་ལི་ལི། ནག་མོ་ཁྲག་ལ་རི་ལི་ལི། ནག་མོ་སྙིང་ལ་རི་ལི་ལི། ནག་མོ་སྲོག་ལ་ཆོ་ཆོ བ༷་རིལ་རྦད། འཛམ་བུ་གླིང་བཞིར་ཕུད་ཉུལ་བས། །གླིང་བཞི་ཀ་ཏ་ར་མའི་མཁན། །བསྐལ་པ་སྟོང་གི་མངའ་མཛད་པས། །བསྐལ་པའི་བུ་མོ་གློང་འགྱུ་མ་ཡི་མཁན། །སྲིད་པ་འབུམ་གྱི་སྐོས་བཏབ་པས། །སྲིད་པའི་བུ་མོ་སྐོས་བཏབ་མ་ཡི་མཁན། །དགེ་སྡིག་གཉིས་ཀྱི་ལྟང་བྱེད་པས། །ལྟང་འཛིན་ཆེན་མོ་ཉིད་ཀྱི་མཁན། །སྟི་རའི་གནས་ཉུལ་མཛད་པའི་ཚེ། །དམ་ཚིག་ཉམས་པའི་རྗེས་གཅོད་མ་ཡི་མཁན། །སྲིན་པོ་འབུམ་ཕྲག་བྲན་དུ་བཀོལ་བའི་ཚེ། །སྲིན་པོ་འབུམ་གྱི་གཙོ་མོ་མཛད་པའི་མཁན། །བསྐལ་པ་སྟོང་གི་ཤ་གསོལ་བས། །སྲིན་མོ་ཤ་ཟ་རུས་འཆའ་མ་ཡི་མཁན། །གླིང་བཞི་འབུམ་གྱི་ཁྲག་འཐུང་པས། དམར་མོ་ཁྲག་དམར་འཐོར་བའི་མཁན། །བར་སྣང་ཁམས་ན་བཞུགས་པའི་ཚེ། །ཐོག་གི་བུ་ཡུག་ཕྱག་ནས་གཏོང་བའི་མཁན། ཁྲ་ཟ་ཁྲག་འཐུང་རོད་རོད་སྡོད་པའི་ཚེ། །ཡུད་ཙམ་གྱིས་ནི་དགྲ་སྙིང་འབྱིན་པའི་མཁན། །སྲིན་པོའི་ཆུང་མ་མཛད་པའི་ཚེ། །སྲིན་པོས་ཤམ་ཤམ་མ་ཡི་མཁན། །སྲིད་པ་འབུམ་གྱི་འདོད་པ་སྐོང་པའི་ཚེ། །ནག་མོ་ཆེན་མོ་ཧལ་ཧལ་མ་ཡི་མཁན། །སྲས་སུ་སྲིན་ཕྲུག་ལྔ་བརྒྱ་འཁྲུངས་པའི་ཚེ། །སྐྱེ་འགྲོ་ཀུན་གྱི་ཤ་ཁྲག་འཇིབ་མའི་མཁན། །སྐུ་ལ་རེ་བ་ནག་མོ་གསོལ་བའི་ཚེ། །ནག་མོ་ཆེན་མོ་རེ་རད་གུ་ཟུ་ཅན་གྱི་མཁན། །ཆིབས་སུ་དྲེ་རྟ་ནག་པོ་ཆིབས་པའི་ཚེ། །ནག་མོ་ཆེན་མོ་དྲེ་རྟའི་མངའ་བདག་མ་ཡི་མཁན། །ཕྱག་ན་ཁྲམ་བ༷་ནག་པོ་བསྣམས་པའི་ཚེ། །སྲོག་ཆགས་ཐམས་ཅདཁྲམ་ལ་འདེབས་པའི་མཁན། །མདུན་ན་ཤོད་དྷིའུ་དཀར་ནག་འགྲེམ་པའི་ཚེ། །དབུགས་ཐོགས་ཐམས་ཅད་རྩིས་སུ་འདེབས་པའི་མཁན། །བུད་མེད་ནག་མོ་འབུམ་གྱིས་བསྐོར་བའི་ཚེ། །མ་མོ་འབུམ་གྱི་མངའ་བདག་ཆེན་མོའི་མཁན། །ཁྲག་སྐམས་ལྕགས་ཀྱུ་ཀླད་ལ་བསྐོར་བའི་ཚེ། །དགྲ་རྣམས་ཀུན་གྱི་སྲོག་གཅོད་མ་ཡི་མཁན། གསེར་གྱི་སྐོན་པ་ཕྱག་ན་བསྣམས་པའི་ཚེ། །ལོ་ཏོག་ཀུན་གྱི་ཡུལ་ལེ་མ་ཡི་མཁན། ཞགས་པ་ནག་པོ་ཀླད་ལ་བསྐོར་པའི་ཚེ། །འཇིགས་སུ་རུང་བ་བདུད་ཀྱི་བུ་མོ་མཁན། །གསེར་གྱི་ཆོ་ལོང་ཕྱག་ན་བསྣམས་པའི་ཚེ། །སྲིད་པ་གསུམ་དུ་སྦྱོ་བཟློག་མཛད་པའི་མཁན། །སྦྱོར་བདག་ཆེན་མོའི་མངའ་བདག་མཛད་པའི་ཚེ ཐམས་ཅད་ཀུན་གྱི་རེ་བ་སྐོང་བའི་མཁན། །མཆེ་བ་གཙིགས་ཤིང་རྐན་སྒྲ་བརྡབས་པའི་ཚེ། །བདུད་དང་སྲིན་པོ་མ་ལུས་འདུལ་བའི་མཁན། །ཞིང་ཆེན་གཡང་གཞི་སྐུ་ལ་གསོལ་བའི་ཚེ། །མུ་སྟེགས་འདྲེ་གདོན་འབངས་སུ་འཁོལ་མའི་མཁན། །དྲེད་མོའི་པགས་པས་སྐུ་ལ་བརྒྱན་པའི་ཚེ། །གདུག་བྱེད་ཐམས་ཅད་ཟིལ་གྱིས་གནོན་པའི་མཁན། །སྟག་གི་གཡང་བཞིས་སྐུ་ལ་བརྒྱན་པའི་ཚེ། །མ་མོ་འབུམ་རྣམས་འབངས་སུ་འཁོལ་བའི་མཁན། །ཞིང་ཆེན་གཡང་གཞི་ཕྱག་ན་བསྣམས་པའི་ཚེ། །རྒྱལ་ཆེན་བཞི་ལ་ཁྱད་པར་མཛུད་པའི་མཁན། །ཐོད་པ་སྐམ་རློན་ཕྱག་ན་བསྣམས་པའི་ཚེ། །བདེར་གཤེགས་རྣམས་ལ་དགྱེས་མཆོད་འབུལ་བའི་མཁན། །ཁྲོ་མོ་ནག་མོའི་ཆ་ལུགས་བཞུགས་པའི་ཚེ། །སྣང་སྲིད་ཀུན་གྱི་བག་ཆགས་སེལ་བའི་མཁན། །སྲིན་མོ་སྨུག་ནག་ཆ་ལུགས་བཞུགས་པའི་ཚེ། །བསྒྲུབ་པ་པོ་ལ་དངོས་གྲུབ་སྩོལ་བའི་མཁན། །ལྷ་མོ་དཀར་མོའི་ཆ་ལུགས་བཞུགས་པའི་ཚེ། །བསྒྲུབ་པ་པོ་ལ་དངོས་གྲུབ་སྩོལ་པའི་མཁན། །བདུད་རྩིས་ལྔ་ཡི་བཅུད་རྣམས་ཞལ་དུ་གསོལ་བའི་ཚེ། །འབྲས་བུ་ཡིད་བཞིན་ཟས་ལ་མངའ་བརྙེས་མ་ཡི་མཁན། །དབུ་ལ་རལ་པ་དམར་ནག་གསོལ་བའི་ཚེ། །བརྟུལ་ཞུགས་རྩལ་རྣམས་དུས་གཅིག་འབྱིན་པའི་མཁན། །སྤྱན་རྩ་དམར་པོ་གྱེན་དུ་བཟློག་པའི་ཚེ། །རྟ་ཁྲག་དམར་པོ་ཞལ་དུ་གསོལ་བའི་མཁན། །ཞལ་ནས་སྒྲེགས་པ་བྱུང་བའི་ཚེ། །མི་རོ་བརྒྱ་ཙམ་དུས་གཅིག་གསོལ་བའི་མཁན། ཁྲངས་ནས་རྣག་དང་ཆུ་སེར་འཛག་པའི་ཚེ། །སྟོང་ཁམས་གསུམ་དུ་བག་ཆགས་སྦྱོང་བའི་མཁན། །ཞལ་ལ་ཚོན་རྩི་དམར་པོས་བསྐུས་པའི་ཚེ། །དབང་ཕྱུག་ཚོགས་ལ་སྒེག་ཅིང་འགྱིད་པའི་མཁན། །སྤྱན་མིག་དབུས་མ་ཐུར་དུ་གཟིགས་པའི་ཚེ། །ངན་སོང་གནས་རྣམས་དོང་ནས་སྤྲུགས་པའི་མཁན། །དབུ་ཡི་རལ་པས་སྟོང་གསུང་བཀང་པའི་ཚེ། །སྲིད་པ་གསུམ་ཆར་༄༅ མ་མོས་འགེངས་པའི་མཁན། །སྤྱན་ནས་ཁྲག་གི་མཆི་མ་ཤར་བའི་ཚེ། །འཛམ་བུ་གླིང་བཞིར་ཤས་རྒྱལ་འབེབས་པའི་མཁན། །ཞལ་ནས་སྒྱུགས་པའི་གླུ་རྒྱངས་བླངས་པའི་ཚེ། །རྣལ་འབྱོར་པ་ཡི་དྲོད་ཚད་རྟོགས་པའི་མཁན། །མགུལ་ཆུ་བྱིས་པའི་མགོ་བོས་བརྒྱན་པའི་ཚེ། །རྣལ་འབྱོར་པ་ཡི་ཏིང་འཛིན་རྟོགས་པའི་མཁན། །ཚེའུ་སེག་ནེའུ་སེག་དོ་ཤལ་མཛད་པའི་ཚེ། །ཐུགས་དམ་སྙིང་པོ་བསྙེན་གྱི་དོགས་པའི་མཁན། །ཞིང་ཆེན་བགས་པ་སྐེད་ལ་བཅིངས་པའི་ཚེ། །དགྲ་བོའི་མགོ་ལུས་ལོ་ཏོག་འབྱེད་པའི་མཁན། །སྐུ་ལ་དར་ནག་གུ་ཟུ་གསོལ་བའི་ཚེ། །འཁོར་གྱི་མ་མོ་རྣམས་ལ་འགྱིང་བག་སྟོན་པའི་མཁན། །ཐ་མ་ཐོད་པ་སྐམ་པོས་བརྒྱན་པའི་ཚེ། །མ་མོ་འབུམ་རྣམས་དུན་དུན་འཁོར་བའི་མཁན། །ཆར་བུ་ནག་པོས་གོང་སྒྲོགས་མཛད་པའི་ཚེ། །སྐུ་ལུས་ཟོན་ལ་གནས་ཤིང་འཕྲིན་ལས་རྫོགས་པའི་མཁན། །ཕྱག་མ་གཡས་ན་ཁྲག་གི་དིར་བུ་གསལ་བའི་ཚེ། །འདོད་ཆགས་ཉིད་ལས་ཆོག་མཐའ་མེད་པའི་མཁན། །ཕྱག་ན་གཡོན་ན་གསལ་བའི་མེ་སྒྲོན་བསྣམས་པ་ནི། །དམ་ཚིག་ཉམས་པ་གང་ན་གནས་པ་ཚོལ་བའི་མཁན། །ཆགས་སྒྲོགས་སྦྲུལ་ནག་ཁྲ་བོས་མཛད་པའི་ཚེ། །གདུག་བྱེད་ཀླུ་རྣམས་འཁོར་བའི་མཁན། ཆུ་གླང་ནག་པོ་ཆིབས་སུ་ཆིབས་པའི་ཚེ། །རྒྱ་མཚོ་གཏིང་ནས་རྙོག་ཅིང་འཁྲུག་པའི་མཁན། །དུས་ལ་བབ་བོ་ད་ཚུར་རྒྱུག །འཇིགས་སུ་རུང་བའི་མ་མོ་ཁྱོད། །དཔལ་ལྡན་ནག་མོ་རེ་མ་ཏི། །ཁྱོད་ལས་ལྷག་པའི་མ་མོ་ནི། །བུད་མེད་འབུམ་གྱི་མ་མོ་མེད། །ཁྱོད་ཀྱི་ཐུགས་དམ་དུས་ལ་བབ། །ཅེས་གནད་ནས་བསྐུལ་ལོ། །ནག་མོ་རལ་པ་སྤྱི་བཅིངས་གསང་བའི་རྒྱུད་ལས། མཁན་བརྒྱ་གནད་ནས་བསྐུལ་པའི་རྟོག་པ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱིས། །ཐུན་བསྒྲུབ་ཀྱི་དགྲ་བོ་བསྒྲལ་བ་འདི་གསུངས་སོ། །དུས་ནི་ལོ་ཟད་ཟླ་ཟད་དམ། །ཟླ་བ་ནག་པོ་བདུད་ཀྱི་མེ་ལོང་ལ། །དྲག་པོ་ཐུན་གྱི་དཀྱིལ་འཁོར་བཅའ། །གྲུ་གསུམ་བསྣོལ་མ་ཐུར་དུ་བྲུ། །ལྕགས་ཕུར་བཞི་ལྡན་དར་ནག་ལྕེ། །སྙིང་པོས་མཚོན་ཏེ་མངའ་གསོལ་གཟུགས། །མོན་ན་མ་རབས་ཆད་ཐོད་པ་བཞིར། །ནག་མོ་འབུམ་གྱི་སྙིང་པོར་བྲི། །མི་རྟ་ཁྱི་ར་བཞི་ཡི་ཁྲག །མཛེ་ནག་སྨྱོ་རིམས་འདུས་པའི་ཁྲག །མཚོན་ཆའི་ཕྱེ་དང་གཅན་གཟན་གྱི། །སྙིང་མཆུ་སྡེར་མ་མོ་མ་ལུས་དང་། །དུག་དང་དམེ་ཁྲག་སྦྱར་བྱས་ལ། །མཐིང་ནག་དར་གྱིས་ཁ་བཅད་ལ། །མཚོན་ཆ་རྣམས་ཀྱིས་བསྐོར་ཏེ་བཞག །ལིང་ག་མིང་རུས་ཁྲམ་ལ་གདབས། །ཉུངས་ཀར་ཉུངས་ནག་སྐྱེ་ཙེ་ཏིལ། །ལྕགས་པྱེས་སྦྱར་ལ་ཐུན་རྫས་བྱ། །གཙོ་མོ་བཞི་དང་འཁོར་ནི་འབུམ། །སྙིང་པོ་བོད་རྦད་གསད་པར་དྲིལ། །སྔ་དྲོ་གུང་བསླེབས་རེ་མ་ཏི། །གུང་ནས་དམར་ཐག་རེ་མ་ཏྲི། །སྲོད་ནས་ནམ་གུང་རེ་མ་ཛ། །གུང་ནས་ཐོ་རངས་རེ་མ་ཛུ །བརྒྱ་བརྒྱ་སྟོང་སྟོང་ཐུན་ལ་བསྟིམ། །དབུས་ནས་བསྐྱལ་བ་དེ་ཉིད་དེ། །དེ་ནས་མཐའ་ནས་དབུས་སུ་དྲིལ། །དྲལ་ཏེ་བོད་རྦད་གསད་རྫོགས་ནས། །ཐ་མ་དགྲ་ལ་བརྡེག་པར་བྱ། །གཞལ་ཡས་ཁྲག་གི་རྒྱ་མཚོ་ནས། །ཐུན་གྱི་མ་མོ་སྐུ་བཞེངས་ཏེ། །ནད་དང་མཚོན་གྱི་སྦྱོར་བ་ཡིས། །ཉམས་པའི་དགྲ་བོ་བསྒྲལ་བར་བྱ། །ཞེས་གསུངས་སོ། །ནག་མོ་རལ་པ་སྤྱི་བཅིངས་གསང་བའི་རྒྱུད་ལས། ཐུན་བསྒྲུབ་ཀྱི་རྟོག་པ་སྟེ་བརྒྱད་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། །འཕྲིན་ལས་ཀྱིས་བརྣག་པ་སྲོག་ཏིག་གསང་བའི་ལས་འདི་དག་སྐུ་གསུང་ཐུགས་རྡོ་རྗེ་ལས་ཐོན་ཏོ། །དམར་ནག་རི་ཕུག་དུར་ཁྲོད་གླིང་། །རང་ཉམས་དབེན་པའི་ས་ཕྱོགས་སུ། །དུར་ཁྲོད་ས་ལ་མཎྜལ་ནི། །དམན་ནག་གྲུ་གསུམ་མེ་རིས་སྤྲས། །བྱ་ནག་ཁྲག་དང་སྙིང་སྣ་དང་། །ཕུར་བུ་དམ་རྫས་དེ་བཞིན་བསབ། །བདག་ཉིད་རྡོ་རྗེ་ཁྲག་འཐུང་གིས། །ཏིང་འཛིན་དང་ལས་མ་མོ་བསྐྱེད། །སྲོད་དང་དགུང་དང་ཐོ་རངས་དང་། །དྲོ་ཀར་ལས་ཀྱི་སྙིང་པོ་བཟླས། །གྲུབ་པ་རྟགས་ལ་ཕེབ་པ་དང་། །གསད་པའི་ལས་ལ་འཇུག་པར་བྱ། །མདའ་དང་རྡོ་དང་ཁྲག་དང་། །གདུག་པ་རྫས་ཀྱི་མཚོན་ཆ་བཞིས། །དཀྱིལ་འཁོར་ཟོར་བཞིས་བསྐོར་བར་བྱ། །དྲག་པོ་ཐུན་གྱི་སྔགས་བཟླས་ཤིང་། །མ་མོ་བསྐུལ་ཞིང་གཟུགས་ལ་དབབ། །ལིང་ག་དངོས་སུ་གསལ་བ་ལ། །རྫས་དང་ཟོར་གྱིས་ཡང་ཡང་བསྣུན། །ཁྲག་༄༅ ཙ་པ་ལ་རག་ཏ་མུ་རུ་ཚལ་མ་མ་སྲོག་ལ་ཛ་ཛ། བྱ་དང་དིར་བུ་ཁྲག་དང་ནི། །སྙིང་དང་ཕུར་བུ་ཟོར་བུ་བརྡེག །རེ་མ་ཏི་དང་གཤིན་བུ་རྗེས། །མཆོག་གི་ཕུར་པས་གདབ་པ་དང་། །སྲོག་ཏིག་སྔགས་དང་ཕུར་རྫས་ཀྱིས། །ལིང་ག་བསྣུན་ཅིང་དགྲ་ལ་འཕང་། ཁྲེལ་ནག་སྤྱི་དཀར་དབེན་དུ་བཅའ། །དགྲ་རྟགས་བྱུང་ནས་གཏང་རག་གཏང་། །སྲོག་བསྒྲུབ་ཤན་པ་ལས་ལ་རྦད། །རྒྱལ་པོར་གྲོང་བཞིར་སྦྱར་བ་འམ། །གདུག་པ་ལས་མ་མངག་པ་སྟེ། །ལན་གསུམ་སྤོགས་ཀྱང་རྟགས་མེད་ན། །སྒྲོལ་གིང་ཤན་པ་ལས་ལ་མངག །བརྡེག་དང་འཕང་བའི་གསང་སྔགས་ནི། །དྲི་ཤ་ཀུ་རུ་ནི་ཛ། རག་མ་ཐུམ་ལིང་སྙིང་རྩ་འདུས།སྲོག་པྲིག་པྲིག་ཤམ་ཁྱེར་ཁྲག་ཤ་ལ་ཐུན་རྦད་ཡ། དངོས་བསམ་ཁང་ཁྱིམ་ཡུལ་ལ་འཕང་། །མཁའ་ལྡིང་ནག་མོ་ཁྲག་ཡང་གདབས། །སྐེ་ལ་ཅིཛི་འཕྲེང་བས་བརྒྱན། །རྒྱ་མཚོའི་གཏིང་ངམ་ཆུ་ལ་གཏང་། །མ་མོ་མཆོད་པའི་ཁྲག་དིར་ཡང་། །ཐུན་དུ་བསྒྲུབ་ལ་དགྲ་ལ་འཕངས། །ཏི་ཏ་བཞི་པོ་ཁྲག་ཕོར་གཞུག །སྙིང་སྔགས་དགྲ་ལ་འཕང་བར་བྱ། །ལས་རྫོགས་ཤེལ་ནག་ཐུགས་དམ་བསྐང་། །ཙིརྟི་རྟག་གཟུངས་སྐབས་སུ་མཆོད། །དེ་ལྟར་བྱས་ནམ་མཁའ་འགྲོ་ཡང་། །རྗོན་པའིཁྱིབཞིནཕྱིབཞིནའབྲེང་། །ཇི་ལྟར་བཅོལ་བའི་ལས་ཀྱང་བྱེད། །ནག་མོ་རལ་པ་སྤྱི་བཅིངས་རྒྱུད་ཧེ་སྡུད་འབར་མ་ལས། སྲོགཏིགགསངབའིལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་གིས། མཁའ་འགྲོ་མ་བཞི་མྱུར་དུ་ལས་ལ་མངག་པའི་ཕྱིར། ཡང་དག་བཀོད་པའི་འཕྲིན་ལས་འདི་གསུངས་སོ། །དུར་ཁྲོད་རྫ་དྲུང་ནག་པོ་འམ། །བྲག་རི་དམར་ནག་ཡོད་པར་ཡང་། །ས་བདག་ལྷ་ཀླུ་ཞི་བར་བྱ། །དུར་ཁྲོད་ས་ལ་མཎྜལ་བྱ། །མཐིང་ནག་གྲུ་གསུམ་བསྣོལ་མར་བརྩིགས། །བསྐྲུབ་རྫས་བསག་པ་དེ་བཞིན་ཏེ། །བྷན་དྷ་མཚན་ངན་དེ་བཞིན་ནང་། །མཁའ་འགྲོ་བཞི་ཡི་སྲོག་སྙིང་བྲི། ཁྲུ་གསུམ་བཞི་རུ་རྫོགས་པར་དགོད། །དིར་བུའི་རཀྟ་ཐོད་པར་བླུག །རྦད་པའི་ཡང་སྙིང་ཐུན་ཚད་དབྱེ། །དྲག་མོ་དམེ་ཁྲག་སྣ་ཚོགས་དང་། །བལ་ནད་རྒྱུ་གཟེར་འབུམ་ནག་དང་། །ཀླད་གཟེར་ཤི་བའི་རཀྟ་ཡང་། །ནད་ནི་སོ་སོར་གཏད་ཕྱིར་བླུག །ཁྲག་ནི་ནད་ཀྱི་རྒྱུ་རུ་བཤད། །བཙན་དུ་ཨ་བྱི་བོང་ང་དང་། པདྨ་ནག་པོ་བསྐམ་པ་རྣམས། །གསོད་པའི་རྗེས་སུ་ཤིས་པར་བླུག །འབྲས་ཆང་རྒུན་ཆང་གྲོ་ཡི་ཆང་། །སློང་བར་བྱེད་པའི་རྗེས་སུ་བརྩི། །ཐུན་སྤྱར་གྲུ་གསུམ་བཞི་རུ་དགྲམ། །དབུས་ཀྱི་ཁྲག་ཐུན་མདངས་དག་ལ། །ཉ་བོའི་གཟུགས་ནི་ཅི་འདྲ་བར། །བྲིས་ལ་ཐུན་གྱི་བླངས་ལ་བཞག །བདག་ཉིད་རྡོ་རྗེ་ཁྲག་འཐུང་གི །ཐུགས་ཀྱི་ས་བོན་རྒྱུད་དང་འབྲས། །ཐུན་གྱིས་མ་མོ་མཆེད་བཞི་བསྐྱེད། །དབུས་ནས་མཐའ་རུ་ཞག་བདུན་ནམ། །དགུ་འམ་བཅུ་བཞིའི་བར་དུ་བསྒྲུབ། །མཐའ་ནས་བཟློག་པ་བརྩམ་པར་བྱ། །རྩ་བའི་བསྒྲུབ་སྔགས་བཞི་བསྐོར་ལ། །བཅུ་བཞི་དག་གི་ཡང་སྙིང་གདགས། །འབྱུང་བ་རྒྱ་བཤིག་མ་མོ་ཡིས། །དམག་དཔུང་འབེབས་པའི་གསང་སྔགས་ཏེ། །གཙོ་མོ་བཞི་དང་འཁོར་འབུམ་དང་། །དེ་བཞིན་སྲོག་གི་ཡང་སྙིང་དང་། །རྦད་པའི་སྔགས་དང་གསང་སྔགས་ལ། །བཅུ་བཞི་དུག་ཐུན་ཡང་སྙིང་དང་། །བཅུ་བདུན་སྐྲུ་གྲིའི་ཡང་སྙིང་གདགས། །ཁོལ་དང་རླངས་པ་མདོག་འགྱུར་དང་། །གསད་པའི་སྦྱོར་བ་དྲིལ་བྱ་བ། །མཐའ་ནས་དབུས་སུ་དྲིལ་ལ་བརྡེག །ཐུན་རྨུགས་བར་དུ་དགྲ་མིང་གདབས། །རེ་མ་ཏི་ཡི་དགྲ་ལ་དྲིལ། །གལ་ཏེ་གྲུབ་པར་མ་གྲུབ་ན། །བཟློག་ཅིང་དཀྲུག་པ་དག་ཀྱང་བྱ། ཁུབ་རྟགས་བྱུང་ན་ཐུན་ལམ་བཙལ། །མིང་དགུས་བསྐུལ་ཞིང་མཁན་རྒྱས་གནད་དུས་བཞི་རྒྱལ་མོས་ཐུན་འཕང་སྟེ། །སྔགས་པ་མ་མོའི་མདུན་ཆས་འཇུག །དངོས་སམ་ཁང་ཁྱིམ་ཡུལ་ཕྱོགས་འཕང་། །འགགས་སམ་ཞིག་པ་ལ་སོགས་འབྱུང་། །རླུད་ཚུབ་ཐོག་སེར་གློ་བུར་འོང་། །ཡ་བག་ཤ་ཡ༷འི་ལས་སུ་བཤད། །དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། སྐུ་གསུང་ཐུགས་རྡོ་རྗེ་ལས་གསང་བ་ཡང་ཏིག་གི་ཐུན་སྔགས་འདི་སྟོན་ཏོ། །ཁ་བེ་ཤ་ཀ་ཏྲི་ཤམ་བེ་ཤ་རུ་དབེ་ཤ་ཁ་ཐུན། མུག་ཏི་ཧྲོ་མུག་ཏི་ཧོ། ཙ་ལི་ཙ་ལ་ཤག །ཙ་ལ་ཙ་ལ་ཁས། ལས་ཀྱི་སྐྲུ་གྲིས་གཤག་པའི་ཐུན། །གསོད་པའི་སོ་རི་དུག་མདའ། །གནག་པའི་འཕྲིན་ལས་ཡང་གསང་བཅུད། །ཡ་བག་ཤ་ཡ་ཧ་ལ་དུག །ཀུན་ཁྱབ་སུ་རུ་འོད་ཟེར་ཅན། །ཡང་སྙིང་དྲིལ་བའི་སྲིན་མོའི་ལས། །མྱོས་བྱེད་གདུག་པ་གཡེང་བྱེད་རླུད་། །འཕྲོ་འདུ་ཡིད་ཀྱི་སྦྱོར་བ་ཡིས། །དགུ་བསྐོར་ཐུན་གྱི་དམིགས་པས་བསྒྲལ། །བརྟན་པའི་བློ་དང་བདེ་བའི་སྟོབས། །སྦྱོར་བ་ཚད་དང་དངོས་པོའི་གཞི། །ཐབས་རྣམས་འབྱོར་ན་གཉིས་ཀ་གྲོལ། །དེ་མ་ཡིན་ན་རང་རྒྱུད་བསྲེག །ཅེས་གསུངས་སོ། །ནག་མོ་རལ་པ་སྤྱི་བཅིངས་གསང་བའི་རྒྱུད་ལས། ཁྲལ་ལ་བསྒྲུབ་ཅིང་དུག་གི་གསད་པ་གསང་བ་ཡང་ཏིག་གི་རྟོག་པ་བཅུ་པའོ།། །།དེ་ནས་རྡོ་རྗེ་ཁྲག་འཐུང་དཔལ་གྱིས། མཁའ་འགྲོ་མ་ལས་ལ་མྱུར་དུ་མངག་པ་གསང་བ་ཡང་ཏིག་འདི་དག་གསུངས་སོ། །གནས་མཆོག་དབེན་པའི་ས་ཕྱོགས་སུ། །དྲག་པོ་ཐུན་གྱི་མཎྜལ་བྱ། །དམར་ནག་གྲུ་གསུམ་བསྣོལ་མ་ལ། །ཐུན་བཞི་སོ་སོར་དགྲམ་པར་བྱ། །བདག་ཉིད་དཔལ་གྱི་སྐུར་གསལ་བས། །ཐུན་གྱི་ཐུན་བར་མ་མོ་བསྐྱེད། །རང་བཞིན་མ་མོ་དེ་ལ་བསྟིམ། །དུས་བཞིའི་མ་མོ་རྒྱུ་དུས་སུ། །གཙོ་མོས་མཐའ་རུ་བསྐྱལ་བར་བྱ། །གསད་པ་མཐའ་ནས་དབུས་སུ་དྲིལ། །སྙིང་ཐིག་ཐུན་ལ་ཞག་གསུམ་བརྣག །ཅེས་ནི་བླ་མེད་བདག་པོས་གསུངས། །བུད་མེད་འབུམ་དང་བཅས་པ་ཡིས། །མཁའ་འགྲོ་མ་ཡི་དྲ་བའི་སྡོམས། །ལས་ཀྱི་མོ་མ་རྣམས་ཀྱི་སྲོག །མཚོན་ཆའི་སྐུ་ལ་དུག་གི་ད། །ཉི་མ་སོ་རི་ཀམ་བ་ཏའོ། །ཡག་ཤ་ནག་པོ་ཙ་མ་རི། །ཕྱག་རྒྱ་རྫོགས་དང་རླུང་གི་ཤུགས། །དམིགས་པའི་བུ་ག་དགུ་རུ་ཐིམ། །སྔོ་དམ་ནག་དང་མཚོན་ཆའི་སོ། །རྩ་སྲོག་མ་ལུས་ཀུན་གཅད་ནས། །ཁྲག་སྒྱུག་ནད་དང་བ་ཙིས་ཀ །བལ་ནད་རིམས་ནད་མཚོན་འཁྲུགས་དང་། །འདུ་བ་རྣམ་བཞི་མེ་འབར་ལྟར། །ཁྲག་འཐུང་རྒྱལ་པོས་ངེས་པར་བཤད། །དེ་ནས་བཅོམ་ལྡན་འདས་ཀྱིས། གསང་བའི་ཐུན་སྔགས་འདི་གསུངས་སོ། །ཨོ་ཏབྱ་ཐུ། ཏྲག་རག་ཤ་རུ་པི་ནན། མུག་ཏི་བ༷། རུ་ལུ་རུ་ལུ། དགྲ་བོའི་སྙིང་ལ་སྨྱོ་སྨྱོ། ཨོ་པདྨ་རི་ཏ་རུ་ཏི་རེ་མ་ཏི་ཙིཀྟ་ཙིཀྟ་རུ་ལུ་དགྲ་བོའི་སྙིང་ལ་དུན་སྨྱོ། ཨོ་རུ་ལུ་ཀོ་ཧུ༷་མེ་སེན་མེན་ནན། ཛ་ཛ་རུ་ལུ་རུ་ལུ། དགྲ་སྙིང་ལ་སྨྱོ་སྦྱོ། ཨོ་ཨུ་ཏི་དུ་རུ་ཚལ་པ་མེ་ཛ་ཛ། རུ་ལུ་རུ་ལུ་དགྲ་སྙིང་ལ་སྨྱོ་སྨྱོ། ཐུན་བསྒྲུབ་ཡང་སྙིང་དེ་ཉིད་དེ། །དབུས་ནས་མཐའ་རུ་དྲིལ་ལ་གཏད། །ནག་མོ་འབུམ་གྱི་ཡང་སྙིང་དེ། །སྲོག་ཕུར་སྔགས་ཀྱི་ཁ་གསོར་ཤེས། །མིང་དགུ་མཁན་གྱིས་འཕྲིན་ལས་བསྲང་། །གསད་པ་མཐའ་ནས་དབུས་སུའོ། །དེ་ཡི་མཚོན་ཆ་དེ་ཉིད་དོ། །མ་མ་མུག་ཐུན། རྦད་སྙིང་རྩ་ལ་མུག་ཐུན་རྦད། སྲོག་པ་རྩ་ལ་ཡ༷་རྦད། མ་མ་སྙིང་ཟ་བའི་ཚིལ་ལ་མ་ཤ། །རོ་ལ་ཁྲག་འཐུང་ནི་ཛ་ཛ་རྦད། མ་མ་ག་་ཙིཏི་བ༷། སྙིང་ཁ་ལ་རག་ཤ་ཁ་ལ་སྦྱོ་རྦུད། མ་མ་རུ་ལུ་སྲོག་སྙིང་ལ་ཡ་ཁྲག་ལ་དུན་རྦད། ཐ་མ་ཡང་སྙིང་དྲིལ་ལ་བསྒྲུབ། །སྔགས་འདི་ཡང་གསངམཆོགཏུགསུང། །དེ་ནས་བཅོམ་ལྡན་འདས་ཁྲག་འཐུང་ཆེན་པོས། ཡང་གསུང་ཐུགས་ཀྱི་གསང་སྔགས་འདི་དག་གསུངས་སོ། །སྨྱོ་རུ་ལུ་སྨྱོ་རུ་ལུ། སྙིང་ཁ་རག་སྙིངས་ཁ་རག་ཐུན་སྨྱོ། ཁ་མུན་ཏྲ་ཁ་མུན་ཏྲ། རུ་ལུ་རུ་ལུ་ཐུན་སྨྱོ། རཀྟ་ཙ་ར་ཆེ་གེ་མོ་མ་ར་ཡ་ན་སྟོབས། སྟམ་པ་ན་རག་ཤ་ར་མོ་ཙིསྟ་ཧུ༷། དགྲ་བོ་བ༷། རབ་ཏུ་དགྲ་བོ་ཤ་ཤིས་དགྲ་བོ་མ་ར་ཡ་ཙིསྟ་ཧུ༷། བཛྲ་ཏི་སྟ་རྙོ་ན་ཙཀྲ་རྦད་བུ་གཤམ་པར་རྦད། ཏི་ཏ་བ་ག་བན་ཏི་རྦད་ཤམ་བ་རུ་ཁྲག་པར་ཤིང་འདུ་སྟམ་པ་ན་རྦད། མ་ར་ཙིསྟ་མ་ར་ཙིཏི་རྦད། སྙིང་ལ་ཡ་ཡ་སྲོག་པ་རྩལ་ཐུན་སྨྱོ། ཡང་གསང་སྙིང་པོ་མཚོན་ཆ་མེད། །ཡང་གསང་དུག་གི་ཡི་གེ་སྟེ། །རྩ་བརྒྱད་སྟོང་གི་ཡང་སྙིང་ཡིན། །འབུམ་ཕྲག་བརྗོད་ན་ཡུལ་ཁམས་ཀྱང་། །ངེས་པར་འཇིག་པ་ཡང་དག་བཤད། །ངོ་དམར་སྲིན་པོ་ག་་བྱེད་དང་། །གཅན་གཟན་གདུག་པ་ཀུན་ཀྱང་བརླག །འདི་ནི་བརྣག་པ་ཀུན་གྱི་མཆོག །སྙིག་ཏིག་ལས་ཀྱི་ཐུན་དུ་བཤད། །ནག་མོ་རལ་པ་སྤྱི་བཅིངས་འཕྲིན་ལས་གསང་བའི་རྒྱུད་ལས། གསང་བ་ཐུན་གྱི་ལས་བསྟན་པའི་རྟོག་པ་བཅུ་གཅིག་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། དགྲ་ལ་ནད་ཀྱི་ཐུན་དབབ་པའི་ཕྱིར། ཐུན་གྱི་མ་མོ་དབྱིངས་ནས་བསྐུལ་བ་འདི་དག་གསུངས་སོ། །རལ་ཀ་ནག་པོ་གོན་པ་དང་ཤུན་ཆེན་སློག་པ་དེ་བཞིན་བགོ །སྲིད་པ་སྤྱི་ལུག་ཞ་གོན་ཏེ། །ནེ་སག་འཕྲེང་བ་དེ་བཞིན་བགྲང་། །ལག་ཏུ་རལ་པ་ནག་པོ་ཐོགས། །གསུར་ཆེན་དུད་པ་གཏང་ནས་ཀྱང་། །ལྷ་སྲིན་རྣམས་ལ་ཕུད་གཏོར་ལ། །མ་ཉེས་དབང་གཟུགས་འཕྲིན་ལས་བཅོལ། །བཞེངས་ཤིག་ཆོས་ཀྱི་དབྱིངས་ནས་བཞེངས། །དཔལ་ལྡན་ནག་མོ་རེ་མ་ཏི། །སྐུ་མདོག་མཐིང་ནག་ཆེན་མོ་ལ། །ཞལ་གཅིག་སྦྱན་གསུམ་ཕྱག་རྒྱ་བཞི། །གཡས་ཀྱི་དང་པོ་ཁ་ཊ༷་འཕེན། །གཡས་ཀྱི་འོག་མ་ཏྲི་ཤུལ་བརྡེག །གཡོན་གྱི་དང་པོ་ཁྲམ་བྱང་བསྣམས། །གཡོན་གྱི་འོག་མ་ནད་རྐྱལ་བསྣམས། །ན་བཟའ་ཞིང་ཆེན་གཡང་གཞི་གསོལ། །ཆི་ས་སུ་དྲེའུ་རྟ་རྐང་གསུམ་ཆིབས། །ཉིན་གྱི་དུས་སུ་རྟོག་བྱེད་ཅིང་། །མཚན་གྱི་དུས་སུ་རྒྱུག་བྱེད་མ། །རྒྱབ་ན་ནད་ཀྱི་རྒྱལ་པ་ཁུར། །ནད་ཀ་སྤྱོད་དང་མ་ཅིག་མ། །རིམས་ཁ་བསྒྱུར་དང་ལྕམ་ཅིག་མ། །སྣ་ཚོགས་ནད་ཀྱི་བདག་མོ་སྟེ། །བལ་ནད་ཚ་བ་དགྲ་ལ་ཐོང་། །མ་ཡི་དམ་ཚིག་དུས་ལ་བབ། །སྨྱོ། བཞེངས་ཤིག་ནམ་མཁའི་དབྱིངས་ནས་བཞེངས། །དཔལ་ལྡན་ནག་མོ་རེ་མ་ཏི། །དམར་ནག་རེ་བའི་གོ་ཟུ་ཅན། །ཁྲག་གི་རལ་པ་ཤ་ར་ར། །ཆིབས་སུ་ཆུ་གླང་སྔོན་པོ་ཆིབས། །འབྲུག་དང་གློག་གི་སྣ་འདྲེན་མ། །སྒྲོལ་གིང་ཆེན་མོ་དམ་ཅན་མ། །གཡས་ན་སྦྲུལ་ཞགས་ཀླད་ལ་བསྐོར། །གཡོན་པ་བསྡིགས་པའི་མཛུབ་མོ་སྒྲེང་། །འཛིགས་པའི་རེ་ལྡེ་སྐུ་ལ་གསོལ། །ལག་ན་ནད་ཀྱི་ཕོར་ཐོགས་ཤིང་། །རྒྱལ་ཁམས་ཡོངས་ལ་འཐོར་བྱེད་མ། །ནད་དང་རིམས་ཀྱི་སྣ་དྲོངས་ལ། །རྒྱུག་གཟེར་ནད་ཀྱི་དལ་ཕོབ་ཅིག །མ་ཡི་དམ་ཚིག་དུས་ལ་བབ། །བཞེངས་ཤིག་རི་རབ་རྩེ་ནས་བཞེངས། །དཔལ་ལྡན་ནག་མོ་རེ་མ་ཛ། །སྐུ་མདོག་སེར་ནག་ཆེན་མོ་ལ། །ཁྲག་གི་རལ་བ་མུན་ལྟར་གཏིབས། །རྨ་བྱ་མཛེས་པའི་ཐུལ་ཆེན་གསོལ། །ཆིབས་སུ་སྨན་ཤ་ཡུ་ཆུང་ཆིབས། །གྲོང་དང་དུར་ཁྲོད་རྒྱབ་པར་འགྲོ། །གཡས་པ་དོར་བུ་ཁུར་བུ་ཁུར། །གཡོན་པ་ཐོག་པ་ཁྲག་གིས་བཀང་། །ཞལ་ནས་མེ་འབར་རྒྱ་མཚོ་སྐེམས། །ལག་ན་རྡོ་འཕེན་རི་རབ་བསྙིལ། །སྣ་ཚོགས་ནད་ཀྱི་བདག་མོ་སྟེ། །སྡང་བའི་དགྲ་བོ་བདེ་འབྱམ་ལ། །ཀླད་གཟེར་ནད་ཀྱི་དལ་ཕོབ་ཅིག །བཞེངས་ཤིག་རྒྱ་མཚོའི་གཏིང་ནས་བཞེངས། །དཔལ་ལྡན་ལྷ་མོ་རེ་མ་ཕྱུ །སྐུ་མདོག་ལྗང་ནག་འབར་བ་ལ། །ཁྲག་གི་རལ་པ་མུན་ལྟར་གཏིབས། །ན་བཟའ་ཆུ་དར་ཐུལ་བ་གསོལ། །ཆིབས་སུ་རྔ་མོ་ནག་མོ་ཆིབས། །ཟས་སུ་སྲིད་པའི་ཤ་ལ་ཟ། །གཡས་ནས་འཕན་རིངས་ཀླད་ལ་བསྐོར། །གཡོན་པ་བདུད་རྩིའི་བུམ་པ་བསྣམས། །རྣལ་འབྱོར་ཡོངས་ཀྱི་ཚེ་འཛིན་མ། །མ་ཅིག་དཔལ་ལྡན་རེ་མ་ཐུ །སྣ་ཚོགས་ནད་ཀྱི་བདག་མོ་སྟེ། །འབྲུ་ནག་ནད་ཀྱི་དལ་ཕོབ་ཅིག །མ་དུར་ང་དུར་རུ་རུ་རོ་རུ་སྨྱོ། ཁྲོས་པས་གདོང་ཁྲག་བྱུག་ལ། །དྲེའུ་འམ་བོང་བུ་ཞོན་ནས་ཀྱང་། །གནོད་སྦྱིན་མོ་རྣམས་དབང་དུ་སྡུད། །མི་མགོ་ལྟག་སྤྲོད་དྲག་ཏུ་བརྡུང་། །ང་ནི་སྲིད་པའི་རྒྱལ་མོ་སྟེ། །སྲིད་པའི་མ་མོ་དམ་ལ་འདུ། །ང་ནི་དཔལ་ལྡན་རེ་མ་ཏི། །ནག་མོ་འབུམ་ཁྲི་དམ་ལ་འདུ། །ང་ནི་དཔལ་ལྡན་རེ་མ་ཏྲི། །དམར་མོ་འབུམ་ཁྲི་དམ་ལ་འདུ། །ང་ནི་དཔལ་ལྡན་རེ་མ་ཛ། །སེར་མོ་འབུམ་གྱི་དམ་ལ་འདུ། །ང་ནི་དཔལ་ལྡན་རེ་མ་ཐུ །ལྗང་ནག་འབུམ་ཁྲི་དམ་ལ་འདུ། །འདུ་འདུ་མ་ཚོགས་དམ་ལ་འདུ། །ཞེས་པས་མ་མོ་དམ་ལ་འདུ། །དེ་ནས་ཟོར་ཁ་འཕང་བྱ་བ། །ནག་མོ་ཁྲག་འཐུང་རྡོ་རྗེ་རལ་པ་ཅན། །འཇིགས་པའི་སྐུ་གཅིག་སྟོང་ཁམས་ཡོངས་སུ་ཁྱབ། །ལག་ན་ནད་ཀྱི་རྐྱལ་པ་ཐོགས། །རྒྱལ་ཁམས་ཡོངས་ལ་འཐོར་བར་བྱེད། །ནད་དང་རྒྱུག་ཟེར་སྣ་འདྲེན་མ། །མཁའ་འགྲོ་འབུམ་གྱི་སྣ་ལ་འགྲོ། །སྲིན་མོའི་དམ་ཚིག་མི་ཤ་ཟ། །སྲིན་མོའི་དམ་ཚིག་མི་ཁྲག་འཐུང་། །ཉིད་ཀྱི་དམ་ཚིག་ཁྲག་མདའ་འདི། །ད་ནི་འཕང་བའི་དུས་ལ་བབ། །སྡང་བའི་དགྲ་བོ་བདེ་འབྱམ་འདི། །དང་པོ་ཞེ་སྡང་ཕ་ཡི་སྐད། །བར་དུ་འདོད་ཆགས་མ་ཡི་མངལ། །དེ་ནས་དྲི་ཟ་ལྟེ་བར་འཁོར། །དེ་ནས་ཉོན་མོངས་ལྔ་ཡི་གཟུགས། །ལྔ་ཕུང་རྩད་ནས་བཅད་པའི་ཕྱིར། །དབང་པོ་བརྟེན་པ་མགོ་ཡིན་པས། །མགོ་ཡི་དཀྱིལ་དུ་ཁྲག་ཟོར་ཡ། །ལྟ་བའི་མིག་ལ་ཁྲག་ཟོར་ཡ། །འཛིན་པའི་ལག་ལ་ཁྲག་ཟོར་ཡ། །ཡུལ་མཁར་ཁྱིམ་ལ་ཁྲག་ཟོར་ཡ། རེ་མ་ཏི་སྨྱོ། རེ་མ་ཏྲི་སྨྱོ། རེ་མ་ཛ་སྨྱོ། རེ་མ་ཛུ་སྨྱོ། མའོ་མའོ། མ་སྨྱོ་མ་སྨྱོ། མ་མོ་ནག་མོས་ཕྲོལ། ཡོད་མོ་སོད་ནི་ཛ་རྦད། ཐུན་སོད། དུར་ཁྲོད་ཆེན་པོའི་ཆད་ཁའམ། །བྱང་རི་མཐོན་པའི་ཁ་ནས་འཕང་། །ཁང་ཁྱིམ་འགས་ཤིང་རྡིབ་པ་ཡང་། །རླུད་ནག་ཚུབ་མ་ཆེན་པོ་འབྱུང་། །ནག་མོ་རལ་པ་སྤྱི་བཅིངས་མ་གསང་བའི་རྒྱུད་ལས། ཐུན་གྱི་མ་མོ་བསྐུལ་བའི་རྟོག་པ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། །སྣང་སྲིད་ཐམས་ཅད་ཁྲག་གི་མཚོར་བྱིན་གྱིས་བརླབས་ཏེ། འཁོར་ལ་དབང་བསྐུར་བའི་རིམ་པ་འདི་དག་གསུངས་སོ། །རང་ཉམས་དབེན་པའི་བདེ་གནས་སམ། །བཀྲ་ཤིས་བྱིན་བརླབས་ཡོད་པ་སྟེ། །རིགས་འཛིན་ཀུན་གྱིས་ཡང་དང་ཡང་། །ས་ནི་སྦྱང་ཞིང་བྱིན་བརླབས་པར། །དེར་ནི་དཀྱིལ་འཁོར་རབ་ཏུ་བཤམ། །མཎྜལ་པདྨ་བཞི་ལྡན་དབུས། །རང་བྱུང་བུམ་པ་རྫས་ལྡན་ལ། །མ་མ་སྲོག་གི་སྙིང་པོས་བསྐོར། །པདྨ་བཞི་ལ་རཀྟ་ཡི། །དིར་བུ་བཞི་ཡང་བཞག་པར་བྱ། ལྕགས་ཕུར་དར་ནག་ལྕེའུ་ལྡན་པ་དང་། །ཙིསྟ་བཞི་ཡང་དགོད་པར་བྱ། །དཔལ་དང་མ་མོའི་གཏོར་མ་དག །བདུད་རྩི་རཀྟ་དག་ཀྱང་དགོད། །རྔ་དང་ཕུར་བ་ཉུངས་ཀར་དང་། །ཐུན་རྫས་མ་ལུས་བསགས་པར་བྱ། །རལ་ཀ་ན་བུན་ཅོད་པན་ཅན། །ནུབ་ཀྱི་ལས་ཀྱི་བུམ་པ་དགོད། །སྲོག་གི་སྙིང་པོ་དེ་བཞི་ལ། །ཨུ་ཡུ་ཤེ་དང་སི་ཏི་གཏགས། །ཡབ་ཀྱི་སྔགས་ཀྱི་དབུ་མནན་ལ། །ནག་མོ་འབུམ་དང་བཅས་པ་ཡིས། །སྙིང་པོ་ཡང་ནས་ཡང་དུ་དྲང་། །ཅིག་ནི་ཚེ་ཡི་འཛབ་དྲངས་ཏེ། །མ་ཏྲང་བཞི་ཡི་མདོས་ཀྱང་བཤམ། །བསྙེན་པ་རྫོགས་པར་གྱུར་པ་དང་། །སློབ་མ་དཀྱིལ་འཁོར་གཞུགས་པའི་ཕྱིར། །ཁྲུས་བྱ་དཀྱིལ་འཁོར་གཞུག་པའི་ཕྱིར། །དམ་ཚིག་དཔོག་ཅིང་པྲ་བརྟགས་དང་། །གདོང་གཡོགས་དགྲོལ་ཞིང་ལྷ་ཡང་བསྟན། །དེ་ནས་དབང་བསྐུར་བྱ་བའི་ཕྱིར། །སློབ་མས་ཡོན་དབུལ་གསོལ་བ་གདབ། །བླ་མ་དབང་ཐོབ་མན་ངག་ཅན། །ནུས་པ་ཁྱད་པར་ཡོད་པ་དེས། །དང་པོ་ཁྲག་འཐུང་སྤྱི་ཡི་དབང་། །སློབ་མ་དེ་ལ་རྫོགས་པར་བསྐུར། །དེ་ནས་ཁྱད་པར་མ་མོའི་དབང་། །རང་བྱུང་བུམ་པ་ཁ་རྒྱན་ཅན། །འདི་ནི་མ་མོ་ཆེན་མོ་སྟེ། །རིགས་ཀྱི་བུ་ལ་དབང་བསྐུར་རོ། །ལྕེ་ཡི་པདྨའི་དཀྱིལ་འཁོར་དུ། །མ་ཡི་འཕྲོ་འདུ་གསལ་བཀོད་དེ། །བཟླས་དང་བསྐུལ་ཚིག་བརྗོད་པ་ཡིས། །མ་མོ་བོད་པའི་དབང་བསྐུར་རོ། །སྙིང་ཁར་ཉི་མའི་དཀྱིལ་འཁོར་དུ། །མ་ཡི་འཕྲོ་འདུ་གསལ་བཀོད་དེ། །བཟླས་པའི་ཡི་གེ་འཕྲེང་བས་བསྐོར། །མ་མོ་བསྒྲུབ་པའི་དབང་བསྐུར་རོ། །དུག་གསུམ་རྩད་གཅོད་ཀི་ལ་ཡ། །དམར་ནག་འབར་བའི་རལ་པ་ཅན། །སྐུ་སྨད་ལྕགས་ཕུར་ཟུར་གསུམ་པོ། །དགྲ་བགེགས་རྩད་ནས་གཅོད་ཕྱིར་སྤྱིན། །འགྲོ་བའི་ཚེ་སྲོག་གཅོད་ཕྱིར་ནད་ཀྱི་རྒྱུ། །སྣང་སྲིད་མ་མོའི་ཟས་དང་གནས། །རཀྟ་བུམ་པའི་དབང་བསྐུར་བས། །ཁམས་གསུམ་དབང་དུ་སྡུད་པར་བྱོས། །རྨད་དུ་བྱུང་བའི་གཏོར་མ་ལ། །ཡེ་ཤེས་ལྔ་ཡི་འོད་སྤྲོས་ཤིང་། །འདོད་པའི་ཡོན་ཏན་ལྔ་དང་ལྡན། །བ་ལིང་ཏ་ཡི་དབང་བསྐུར་རོ། ཁྲེས་རབ་ཐོད་པའི་རྔ་བོ་ཆེ། །ཐལ་ཆེན་སོར་འཕྲེང་ཕོ་ལྡོས་བདུད། །མ་མོ་འདུ་བའི་དབང་ལྡན་ཤོག །བསྟན་པ་འཇིག་པའི་རུ་ཏྲ་ལ། །ལས་ཀྱིས་འཐུན་ཕབ་ནད་ཀྱི་རྒྱུ་བསྟན། །གསང་བ་ཐུན་གྱིས་དབང་བསྐུར་བས། །བསྟན་པ་བསྲུང་ཞིང་དགྲ་བོ་སྒྲོལ། །འཇིགས་པའི་ལན་བུ་ཅོད་པན་འདི། །རལ་པའི་ཟར་བུ་རེ་རེ་ལ། །ལས་ཀྱི་སྤྲུལ་པ་འཕྲོ་ཞིང་འདུ། །མ་མོ་སྤྲུལ་པ་འདུ་བར་ཤོག །དེ་ལྟར་དབང་མཆོག་བསྐུར་ནས་ནི། །མ་མོ་བསྐུར་ལུགས་ཤེས་པར་བྱ། །བསྒྲུབ་པའི་དུས་སུ་བྲན་ལྟར་བཀོལ། །དབང་བསྐུར་མ་མོ་བསྐུར་ཤེས་པས། །ལུས་དང་གྲིབ་མ་བཞིན་དུ་འགྱུར། །ཞེས་གསུངས་སོ། །དེ་ནས་ཡང་ནི་ངེས་བཤད་པ། །དབང་མཆོག་ཐོབ་ནས་བསྲུང་བྱ་བ། །སྤྱི་ཡི་དམ་ཚིག་བསྲུང་བྱ་བ། །སྐུ་གསུང་ཐུགས་དང་ཡན་ལག་ནི། །ཉི་ཤུ་རྩ་ལྔ་ཤེས་པར་བསྲུང་། །ཁྱད་པར་དམ་ཚིག་འདི་རྣམས་སོ། །བླ་མ་ཕ་མ་རྟག་ཏུ་བཀུར། །མ་དང་སྲིང་མོ་མཛའ་མོ་བརྟེན། །བྲན་ལ་ཁ་ངན་མི་སྨྲ་སྟེ། །དྲེའུ་དང་བོང་བུ་བརྡུང་བ་མིན། །རུ་ཏྲ་དག་ལ་བྱམས་པ་ཡི། །ཀར་ཤ་པ་ནིའི་རྒྱན་རྣམས་གདགས། །སྐྲ་དཀྱིལ་གུ་ཟུ་ཟངས་ནག་གོན། །ཚེར་མ་ཅན་གྱི་འཁར་བ་བཅང་། །དྲག་པོའི་ལས་འཇུག་མདུན་ཆས་བྱས། །སྔགས་དང་ཕྱག་རྒྱ་རྒྱུན་མི་གཅད། །མི་ནག་མོ་དང་ཉམས་པ་དང་། །ཁ་ཕོར་གཅིག་ཏུ་མི་བྱ་སྟེ། །ཉམས་པ་ཕལ་དང་ཁ་གཏམ་སྤངས། །མཆོད་པ་ཁ་གཏམ་མིས་གཅད་ཅིང་། །གར་རྒལ་མ་མོ་བོང་མི་བྱ། །དཀོན་མཆོག་སྤྱི་མཆོད་ཡི་དམ་ལྷ། །མ་མོ་ཉིད་ལ་རྟག་ཏུ་མཆོད། །སྔགས་ཀྱི་སྒྲ་དག་ཉམས་མི་བྱ། །རང་དམ་རང་གིས་མི་བཟློག་གོ །རྣམ་པར་མ་རྟོགས་ཆོས་ཉིད་ལ། །བསྒོམ་པ་ཐུན་རེ་གནས་པར་བྱ། །རྟག་ཏུ་མ་ཡེངས་བསམ་གཏན་གྱིས། །འཁོར་ལོ་སེམས་ཀྱི་མེ་ལོང་བལྟ། །ཡི་དམ་མི་བསྟན་མ་མོ་གསང་། །མ་མོ་རང་གི་མ་ཡིན་པས། །སྤྲོས་བསྡུ་མ་དང་བུ་ཡི་ཚུལ། །མ་མོ་རང་གི་སྲིང་ཡིན་པས། །གདུང་ཞིང་བོད་དང་མཆོད་ཅིང་བརྟེན། །མ་མོ་རང་གི་གྲོགས་ཡིན་པས། །བསྒྲུབ་པའི་དུས་སུ་ཡུམ་དུ་གཟུང་། །མ་མོ་རང་གི་བྲན་ཡིན་པས། །མངག་པའི་དུས་སུ་བྲན་ལྟར་རྦད། །ཐམས་ཅད་བྱང་ཆུབ་སེམས་ཡིན་པས། །མ་མོའི་སྙིང་པོ་སེམས་སུ་བལྟ། །ཞེས་གསུངས་སོ། །ནག་མོ་རལ་པ་སྦྱི་བཅིངས་གསང་བའི་རྒྱུད་ལས། དབང་དང་དམ་ཚིག་བསྟན་པ་ལེའུ་རྟོག་པ་བཅུ་གསུམ་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། ཡན་ལག་གི་བསྒྲུབ་པ་འཕྲིན་ལས་ཀྱི་རིམ་པ་འདི་དག་གསུངས་སོ། །བསྟན་པ་འཇིག་པའི་དགྲ་གཟུགས་ཏེ། །འབུབ་གནས་བཅུ་ལ་སྙིང་ཀར་གནད། །ཞག་གྲངས་ལྔ་འམ་དགུ་ཡི་བར། །དགྲ་བོ་བསྒྲལ་བའི་ཆོ་ག་བྱ། །དེ་ཡི་གཏོར་མ་བྱང་ཤར་གྱི། །ལས་ཀྱི་བདག་མོ་ཡི་ཞེས་གྲགས། །མཚོ་དང་ཆུ་མིག་དེ་ལ་མི། །གཏོར་མ་དགྲ་གཟུགས་བཅུག་ལ་ཡང་། །ལམ་གྱི་བཞི་མདོར་སྦ་ཞེས་བཤད། །ཟླ་གམ་དཀྱིལ་འཁོར་བན་དྷའོ། །གཟུགས་ཀྱི་སྙིང་ཁར་མིང་རུས་གཞུག །ལས་ཀྱི་མ་མོ་མོན་མོ་སྟེ། །གསེར་གྱི་སྣ་ཆ་ཅན་དུ་འདོད། །དེ་དག་དཔལ་ལྡན་རེ་མ་ཏིའོ། །གཟས་པ་གཅེར་བུ་འདུག་པ་དང་། །རྟ་རྒན་སྔོན་མོབླ་རྟགས་ཡིན། །སྲོག་དང་མ་མོ་ཚར་གཅད་ཅིང་། །རྟག་པར་བཟླས་ཤིང་དམོད་པས་གདབ། །མྱུར་དུ་ལས་ལ་ཚུད་པར་འགྱུར། །ཕ་ཚེ་རོག་པོར་མིང་བཅུ་གསང་། །ཉི་མའི་ཟེར་ལ་བརྡབས་ཀྱང་ནི། །མྱུར་དུ་བརླག་པར་ཡང་དག་བཤད། །ཉི་མ་དམར་མོ་འབུམ་གྱི་སྟེང་། །འཁོར་ལོ་དམར་པོ་འབུམ་གྱི་སྟེང་། །ཟླ་བ་བཅུ་དྲུག་འོད་ཀྱིས་གང་། །གཞལ་མེད་ལྟ་བུའི་དཀྱིལ་འཁོར་ནས། །མ་མོ་ཆེན་མོ་ལྗང་ནག་མ། །གསེར་མིག་ཆེན་མོ་གཡུ་ཡི་སྤྱན། །དབུ་ལ་གསེར་གྱི་ཐོད་འཕྲེང་ཅན། །ལྔགས་ལ་ལྕགས་ཀྱི་གསེར་ཆེན་འབེབས། །ཕྱག་ན་གླིང་བུ་འབུད་བྱེད་ཅིང་། །སྐུ་ལ་རྨ་བྱའི་ཐུལ་པ་གསོལ། །གཤེད་ལ་བབ་པོ་དགྲ་བོའི་གཤེད། །ཐུན་ལ་བབ་བོ་ཉུངས་ཀར་ཐུན། །དགྲ་བོ་ཀུན་གྱི་སྙིང་ནས་དྲོངས། །སྐུ་ནི་བསྐལ་པའི་མེ་རི་ལ། །ཞལ་ནི་གནམ་སའི་གཏོས་དང་མཉམ། །དབུ་གསུམ་སྤྱན་བགྲད་མཆེ་གཙིགས་པས། །ཁྲོ་མོ་རྡོ་རྗེ་གསང་བའི་ཡུམ། །འདོད་ཁམས་གཟུགས་ཁམས་ཁྱབ་པར་སྒྲོགས། །བདུདཀྱིམམོཆེནམོལ། །དཔལརྡུལཆེནམོའིཕོཉམོ། །བསྐལ་༄༅ བའི་མེ་རི་འབུམ་གྱིས་བརྒྱན། །དཔལ་ལྡན་ནག་མོ་རེ་མ་ཏི། །བསྒྲུབ་པའི་བཀའ་ཉན་དམ་ཚིག་ཅན། །ཅེས་གསུངས་སོ། །དེ་ནས་ཡང་དག་བཤད་བྱ་བ། །དྲག་པོ་སྔགས་ཀྱི་སྦྱོར་སོ་ནི། །ཕྱི་རུ་དུར་ཁྲོད་ཁང་བུ་བཅའ། །ལྷ་ཆེན་པདྨའི་མཚན་མ་ལ། །མཆོག་གི་གཏོར་མ་རྒྱན་མི་གཅད། །ནང་དུ་འབྲུབ་ཁུང་དུར་ཁྲོད་སྟེང་། །ཡི་དགས་རོ་ཡིས་མཚན་པར་ཡང་། །ཕྱོགས་སུ་ཁ་གདང་གཞག་པར་བྱ། །སོ་བྱ་ཁྱིམ་བྱ་ལུག་ནག་ཀྱང་། །གསུམ་དྲུག་གཅིག་གི་གསོབ་རྣམས་སོ། ཁྲེལ་ནག་དྲོད་པ་དག་དང་ནི། །ཀུ་ཀུ་ཤོ་ན་དེ་བཞིན་ཏེ། །ག་གསད་གཉིས་སུ་དེ་ཤེས་བྱ། །བྲ་བ་ཕུས་པ་བྱིས་པ་སྟེ། །སླུ་དབུས་བ་ཏི་སྦོས་ནད་འབྱུང་། །བྱ་ཏྲི་ཧ་ལ་ཀ་སྟི་ར། །རིངས་ཤིང་འཆིང་བའི་མན་ངག་སྟེ། །རྩ་བཅུ་ཡིད་དཀྲུག་འབྱུང་བ་བསྡམས། །གནམ་ལྕགས་འབེབས་ན་ཐོག་བྲི་སྟེ། །གསེར་དང་མཁར་བའི་ཕྱེ་མས་འགྲུབ། །ལྐུག་པ་ལུག་ནག་ཙིསྟར་བྱ། །སྨྱོས་འབྲོས་ཁྱི་དཀར་ཐོད་པ་ལ། །གྲགས་སོ་ཤ་ཤི་ཁ་ཤོག་པ། །དེས་ནི་འགྲུབ་པར་དབའ་བོས་བཤད། །རིམས་དལ་འབེས་པ་དེ་ཡི་རྫས། །འདུ་བ་རྣམ་བཞི་གང་ལ་ཡང་། །ནད་ཀྱི་ས་བོན་རྟ་དང་བསྟུན། །མོན་པ་ཕོ་མོས་གཅན་གཟན་དང་། །འདབ་ཆགས་གྲངས་ནི་ཇི་སྙེད་པ། །ལྟས་ངན་དམག་གི་རྒྱལ་མོ་སྟེ། །དྲག་པོ་སྔགས་ཀྱི་སྦྱོར་ཀ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །ནག་མོ་རལ་པ་སྤྱི་བཅིངས་གསང་བ་འཕྲིན་ལས་ཀྱི་རྒྱུད་ལས། ཡན་ལག་གི་ལས་སྟོན་པར་བྱེད་པ་རྟོག་པ་བཅུ་བཞི་པའོ།། །།དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་དཔལ་གྱིས། འདུས་པའི་ཚོགས་ལ་བཀའ་སྩལ་པ། ཨེ་མ་འཁོར་དུ་འདུས་པའི་ཚོགས། །ལྷག་པའི་ཡེ་ཤེས་ཆེན་པོ་དང་། །ཆེད་དུ་འཛིན་པའི་མཁའ་འགྲོ་དང་། །ལས་ཀྱིས་འདུས་པའི་མཁའ་འགྲོའི་ཚོགས། །ངོ་བོས་བཤད་ཀྱི་རྒྱུད་ཆེན་འདི། །འདས་དང་མ་འདས་མ་མོ་ཡི། །སྲོག་སྙིང་དོན་དུ་དྲིལ་ནས་ཀྱང་། །མཁའ་འགྲོ་ནག་མོ་མཆེད་བཞི་ཡི། །སྲོག་གི་སྙིང་པོའི་དོན་བཤད་པ། །ནག་མོ་རལ་པ་སྤྱི་བཅིངས་གསང་བའི་ལུང་། །རྩ་སྔགས་དམིགས་པའི་རྒྱུད་འདི། །དམ་ཅན་རྣལ་འབྱོར་རྣམས་ཀྱིས་ལོང་། །དད་ལྡན་དམ་ཚིག་ལྡན་པ་ཡིས། །ལུང་དང་མན་ངག་ལྡན་བྱས་ཏེ། །དང་པོ་མ་མོའི་སྲོག་རྩ་འགྲུབ། །གྲུབ་པ་རྟགས་ལ་ཕེབས་པ་ན། །ལས་ཀྱི་སྦྱོར་བ་གང་བྱས་ཀྱང་། །མྱུར་དུ་འགྲུབ་པར་ཡང་དག་བཤད། །རྩ་བ་ཡན་ལག་འཕྲིན་ལས་ཀུན། །ཇི་ལྟར་དམིགས་པ་བཞིན་དུ་འགྲུབ། །གང་ཞིག་གསང་བའི་བཀའ་རྒྱུད་འདི། །རྣམ་རྒྱལ་ཁང་པའི་བྱང་ཤར་གྱི། །ཡོངས་སུ་ས་བརྟོལ་ཁོག་པར་སྦོས། ཁུད་འདི་གནས་པའི་ས་ཕྱོགས་དེར། །དགྲ་ཡི་གནོད་པ་མི་འབྱུང་ཞིང་། །འཇིག་རྟེན་མི་ཡིན་ལས་ཐར། །དུག་དང་མེ་ཆུ་ལྕེ་འབབ་དང་། །སྟག་དང་དོམ་དྲེད་ལ་སོགས་པ། །འཇིགས་པ་ཀུན་ལས་ངེས་པར་ཐར ཡང་དག་བླ་མེད་བྱང་ཆུབ་ཐོབ། །གསང་བའི་བཀའ་རྒྱུད་འདི་བཅངས་པས། །མཁའ་འགྲོ་འབུམ་གྱི་གཙོ་མོ་བཞི། །ལས་དང་ཡེ་ཤེས་མ་མོ་ཡིས། །བསྲུང་དང་སྐྱབས་དང་བཀུར་སྟི་བྱེད། །འདི་དག་ཡིད་ང་ང་ཟིདིབྲིཇིརྟེ་བྱེདིངངསྙིསྟེང་ཞིགལ་བྱས་པ་ཡས། །མ་མ་རྣམས་ཀྱ་སྲག་ཀྱང་ ན། །འ ་དག་ ས་པ་ཙམ་ལ་ཡང་། །འ ག་ ན་མ་མ་དབང་བསྐུར་ ད། །འ ་ན་གསང་བའ་ཡང་ ང་ ། །ལྔ་བརྒྱ་དུས་ཀྱ་ཐ་མ་ལ། །རྣལ་འབྱར་གང་ ་སུ་བསྒྲུབ་པ། །མིང་པོ་རྡོ་རྗེ་དེ་ཡིན་གྱིས། །མཁའ་འགྲོ་ཁྱེད་ཀྱིས་བསྟན་པ་སྲུངས། །ཞེས་གསུངས་ནས་གཏད་དོ། །ནག་མོ་རལ་པ་སྒྱི་བཅིངས་གསང་བ་ཕྲིན་ལས་ཀྱི་རྒྱུད་ལས། གཏད་པའི་རྟོག་པ་བཅོ་ལྔའོ།། །།ཧེ་སྡུད་འབར་མ་འཕྲིན་ལས་ཀྱི་རྒྱུད་ཀྱི་ཡང་སྙིང་ཞེས་བྱ་བ། ཤིན་ཏུ་ཟབ་པར་གསུངས་པའི་རྒྱུད་ཕྱི་མ་བྱིན་གྱིས་བརླབས་ཀྱིས། རྒྱ་གར་གྱི་ཡུལ་གྲོང་ཁྱེར་མ་རུ་བྱ་བར་མཁའ་འགྲོ་མས་ལུང་བསྟན་པའི་རྒྱུད་རྫོགས་སོ། །སྙུ་ཡ་རྒྱ་རྒྱ།། །།