Ngb-pt-0727-vol-08-text
Front
Body
རྒྱ་གར་སྐད་དུ། བཛྲ་ཛ་ལ་ཏརྙ། བོད་སྐད་དུ། རྡོ་རྗེ་འབར་བའི་རྒྱུད་ཕྱི་མ། བཙོམ་ལྡན་འདས་་དཔལ་རྡོ་རྗེ་འཛིན་པ་ལ་ཕྱག་འཚལ་ལོ། །འདིསྐད་བདག་གིས་ཐོས་པའི་དུས་ང་་་་ཆེ་དེ་ང་ངང་ང་ངངངགཅག་ན། །བཅམ་ལྡན་འདས་རྡ་རྗ་དགྱས་པ་ ན་པ་ ། བཙུན་མ་ཡུམ་གྱ་བྷ་ག་ལ། ཐུན་མང་མ་ཡན་པའ་འཁར་རྣམས་དང་ལྷུན་གྱས་འགྲུབ་པར་བཞུགས་ས། །ཉད་ཀྱ་་བྱན་རླབས་ཆེན་པོ་མཛད་པ་ནི། །འདི་ལྟ་སྟེ། རྣམ་པར་སྣང་མཛད་ལ་སོགས་པ་བདེ་བར་གཤེ་གས་པ་རྣམས་དང་། སྒེག་མོ་ལ་སོགས་པ་རྣམས་དང་། ཞགས་པ་མ་ལ་སོགས་པ་སྒོ་མ་ངང་་་དེ་ཛ་ངངངེཛི་་ངང་རྣ་མས་དང་ཐ་མ་ད་ད་པའ་ང་བར་བཞུགས་ས། ། ་ནས་བཅམ་ལྡན་འདས་རྣམ་པར་སྣང་མ ད་སྟང་པའ་ཏང་ ་འ ན་ལ་སྙམས་པར་བཞུགས་ནས། ཐུན་མང་མ་ཡན་པའ་འཁར་གི་ངངངངང་ངང་་ངངརྣམས་ལ། གདམས་ངག་ ་རྒྱུད་མཆག་འད་གཏད་པའ་ཕྱར། རགས་ཀྱ་བུ་དག་ཉན་ཅག་ཅས་གསུངས་པ། དམ་པའ་དན་དམ་གསང་མཆག་འད། །གྲུབ་པར་བྱ་ཕྱར་ཡང་དག་བཤད། །རྒྱས་པར་མ་ཡིན་གདམས་ངག་རྒྱུད། །ཚོགས་ལ་མ་ཡིན་སློབ་མ་ལ། །བཤད་པ་རྒྱུད་དོན་བརྟ་ག་པར་དཀའ། །དེ་སྐད་ཅེས་བཀའ་བསྩལ་པ་དང་། རབ་ཏུ་གཡོ་བ་ལ་སོགས་པ་བྱུང་སྟེ། འཁོར་རྣམས་མགྲིན་གཅིག་པས་གསོལ་བ། །མེ་ཏོག་ལ་སོགས་གས་ང་བའི་མཆོད། །སྒྱུ་གསུང་ཐུགས་ལ་བདག་ཉིད་མཆོད། །ཀྱེ་མའོ་ཚད་མེད་་བཞི་པོ་་ང་ངཧཱུཾ༷ཞེངང༷་ང་་་ངང་ངངརྣམས། །སྟང་པའ་དན་རྣམས་ཇ་ལྟར་ལགས། ། ་ ས་བགྱ་བ་ཇ་ལྟར་ལགས། །ཡ་ལ་སགས་པ་ཇ་ལྟར་ལགས། །ཞས་གསལ་པ་དང་བཅམ་ལྡན་འདས་ཉད་ཀྱ་ཆ་བ་དབྱུང་བའ་ཕྱར།རབ་ཏུ་གསང་བའི་དོན་འདི་དག་བཀའ་སྩལ་ཏོ། །སྟོང་པའི་དོན་དང་ཚད་མེད་རྣམས། ཁུརྒྱ་ཏའི་སྔགས་ཉིད་དེ། །ཕྱི་ཡི་དངོས་པོ་ཟིལ་གྱི་གནོན། །ཧཱུཾ༷་ཞེས་པ་ཉིད་ཀུན་གྱི་རྒྱུ། །ཡ༷་ལསོགས་པ་གབྱིན་གྱིས་བརླབས། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ཕྱི་མ་འབར་བའི་རྒྱུད་ལས། སྟོན་པས་གླེངས་བསླང་བ་དང་འཁོར་གྱི་བསྲུང་བའི་ལེའུ་སྟེ་ད་ང་པོའོ།། །།བཅོམ་ལྡན་་འདས་དགེས་པ་ཆེན་པོ་དེ།ཟིལ་གྱི་གནོན་པ་རྡོ་རྗེའི་ཏིང་ངེ་འཛིན་ལས་བཞེངས་ཏེ། འཁོར་རྣམས་ལ་རིགས་ཀྱི་བུ་དག་ཅེས་བོས་ནས། ཨེ་མའོ་རྒྱུད་མཆོག་ངེས་པ་འདི། །སླ་ཕྱིར་སླ་ལ་དཀའ་ཕྱིར་དཀའ། །ཁྲོ་བོ་གདོན་པ་ལ་སོགས་པ འབར་བ་ཉིད་ལ་བཞུགས་པ་སྟེ། །འདི་དག་ཏུ་ནི་ངས་མ་བཤད། །མཚོན་ཆ་རྣམ་པ་ལྔ་དག་ཀྱང་། །བཀའ་ཡི་མཚམས་ཀྱི་ཐམས་ཅད་བསྐྲད། །དུག་ལྔབཅད་ཅིང་སྐུ་གསུང་ཐུགས། །ཡོན་ཏན་འཕྲིན་ལས་ལྔ་རུ་གྱུར། །རྣལ་འབྱོར་མའི་དོན་ཡང་ཚང་། །དཀྱིལ་འཁོར་ཞི་ཁྲོ་མ་ལུས་པ། །མ་མཐོང་རྨོངས་པའི་རང་བཞིན་བསྟན། །རྒྱུའི་ཏིང་ངེ་འཛིན་གནས་ཉིད་སྟོང་། །དེ་བཞིན་གཤེགས་པ་ཐམས་ཅད་ཀྱི་རང་བཞིན་ལས། ཞི་ཁྲོ་བསྟན་པའི་ལེའུ་སྟེ་གཉིས་པའོ།། །།དེ་ན་ས་དཔལ་ཆེན་དགེས་པ་ཆེན་པོ་པ། །བསམ་གཏན་བསྟན་པའི་ཏིང་ངེ་འཛིན་ལ་སྙོམས་པར་བཞུགས་ཏེ། དོན་དམ་པར་འདི་དག་བཀའ་སྩལ་པ། །དོན་དམ་བློ་ཡི་སྤྱོད་ཡུལ་མིན། །ཕྱི་དང་ནང་དང་གསང་བ་གསུམ། །སྣ་ཡི་རྩེ་མོར་བརྟག་པ་དང་། །སྙིང་གི་རྩེ་མོར་བརྟག་པ་དང་། གསང་བ་ཉིད་ལ་བརྟག་པ་དང་། ཟུང་འཇུག་ཉིད་ལ་བརྟག་པའོ། །བླ་མའི་ཁ་ནས་བསླབ་བྱ་བ་། །འདི་ནི་གད་མས་ངག་རྒྱུད་མཆོག་གོ །དེ་བཞིན་གཤེགས་པ་ཐམས་ཅད་ཀྱི་རང་བཞིན། ཕྱི་མ་འབར་བའི་རྒྱུད་ལས། ཕྲ་ཐིགས་མདོར་བསྟན་པའི་ལེའུ་སྟེ་གསུམ་པའོ།། །།དེ་ནས་འཁོར་གྱི་དེ་བཞིན་གཤེགས་པ་རྣམས་མགྲིན་གཅིག་པས་བསྟོད་དེ་ཞུས་པ། ཡེ་ཤེས་མེ་ཆེན་རྫོགས་མཛད་པ། །དཔའ་བོ་རྣམ་ཐར་སྟོབས་ཀྱིས་འཇུག །རྩ་ཡི་མན་ངག་ཁྱད་པར་ཅན། །རབ་ཏུ་བསྟན་པར་མཛད་པའི་རིགས། །རྣམ་རྟོག་མི་མངའི་སྐུ་མཆོག་རྒྱལ། ཁྲེས་རབ་ཐབས་སུ་སྦྱོར་བ་ཡིས། །མཁས་པས་ལེགས་པར་བཤད་དུ་གསོལ། །མི་ཕྱེད་དད་པའི་སྐུ་མཆོག་རྒྱལ། །རྒྱན་ལ་སོགས་པའི་ཆ་ལུགས་ཅན། །ཞེས་གསོལ་བ་དང་། དགེས་པ་ཆེན་པོ་བདེ་བའི་དོན་ཉམས་སུ་མྱོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བཀའ་སྩལ་པ། རྒྱལ་བ་རྣམས་ནི་རང་བཞིན་བཞུགས། །བདེ་གཤེགས་རྣམས་ཀྱི་བསྟི་གནས་པ། །འཁོར་ལོ་བཞི་ནི་འབྱུང་བའི་སྐུ། །ངས་ནི་ལེགས་པར་བསྟན་པར་བྱ། །རྩ་ནི་རིམ་པ་གསུམ་དུ་འདོད། །སྦྱི་བཅིངས་དང་པོ་གང་ཡིན་པ། །ཆོས་ཀྱི་འཁོར་ལོ་ཡིན་པའོ། །སྤྱི་བཅིངས་བར་མ་རྫོགས་ལོངས་སྤྱོད། །སྤྱི་བཅིང་ཐ་མ་འཁོར་ལོར་སྤྲུལ། །བདེ་ཆེན་རྩ་ལ་གང་གནས་པ། །དབྱངས་ཡིག་སྒྲ་ཡི་གང་བུ་ལ། །ཉིས་འགྱུར་བསྐོར་བ་ཡོད་པ་ནི། །དཔལ་ཆེན་བདུད་འདུལ་རྒྱས་འདེབས་མ། །བོལ་རྩ་ལ་ནི་སྟོབས་པོ་ཆེ། །རྣམ་རྒྱལ་བྲན་ལ་གནས་ཏེ། །བླ་མ་གཤིན་རྗེ་གཤེད་པོ་ཉིད། །གློ་རྩ་ལ་ནི་རྟ་མགྲིན་གནས། །བདུད་རྩི་འཁྱིལ་བ་གསང་བ་ལ། །སྲིད་རྩ་ལ་ནི་རྣམ་པར་རྒྱལ། །མཆན་ཁུང་རྩ་ལ་དབྱུག་སྔོན་གནས། །ཕྲག་རྩ་ལ་ནི་མི་གཡོ་་མགོན། །རྩེའུ་ཆུང་གཞན་་གྱིས་མི་ཐུབ་པ། །གཙུག་རྩ་ལ་ནི་ཧཱུཾ༷་ཀ་ར། །དེ་བཞིན་མགོ་བརྙན་མ་རྣམས་ནི། །དབང་པོའི་རྩ་ལ་རིམ་པ་བཞིན། །ཞི་བ་ན་ཡང་གནས་གྱུར་བྱ། །སྐུ་མདོག་ཕྱག་རྒྱ་རྒྱས་པར་ནི། །འ་མོ་ཉིད་ནས་བཞུགས་པའོ། །དེ་བཞིན་གཤེགས་པ་ཐམས་ཅད་ཀྱི་རང་བཞིན། ཕྱི་མ་འབར་བའི་རྒྱུད་ལས། རྩ་བའི་གོ་རིམས་བསྟན་པའི་ལེའུ་སྟེ་བཞི་པའོ།། །།དུར་ཁྲོད་མཆོག་གི་གནས་དམ་དུ། །ཁྲོ་བོ་རྣམས་ཀྱིས་མཚམས་བཅད་པ། །ཁྲོ་བོའི་ངང་ཚུལ་བཟུང་བ་ལ། བཅོམ་ལྡ་ན་འདས་གཤེགས་པ་ཆེན་པོ་དྲག་པོ་བཀའ་ཐུབ་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་གྱི་དེ་བཞིན་གཤེགས་པ་རྣམས་ལ་བཀའ་སྩལ་པ། ཞི་བས་མི་འདུལ་སེམས་ཅན་རྣམས། །བསྒྲ་ལ་ཕྱིར་བརྒྱུད་མཆོག་ངས་བཤད་དོ། །རྡོ་རྗེ་གཞོན་ནུའི་ཐུགས་ཀ་ནས། །སྔ་གས་ཀྱི་རྒྱུད་པ་བྱིན་་གྱིས་བརླབས། །ས་གཞི་དག་ནི་བརྟག་བྱས་ལ། །མཚམས་ལ་སོགས་པའི་གོ་རིམས་བྱ། །འཁོར་ལོའི་རྩིབས་ནི་བཅུ་པ་ལ། །སྟོབས་པོ་ཆེ་དང་ཧཱུཾ༷་ཀ་ར། །མདུན་དང་རྒྱབ་ཏུ་བཞགཔར་བྱ། །རྣམ་རྒྱལ་ལ་སོགས་གོ་རིམས་བཞིན། །ཕུར་བུ་རེ་ཞིང་གཞལ་ཡས་རེ། །སྲུང་མ་བཅུ་དྲུག་ཚང་བར་བསམ། །རྫས་སུ་བྱས་ན་མང་བའི་སྐྱོན། །དབུས་ཀྱི་གྲུ་གསུམ་ཐོད་པར་བརྒྱན། །རྒྱས་འདེབས་མ་ཡི་སྟོང་ཉིད་དུ། །དཔལ་ཆེན་རྡོ་རྗེ་གཞོན་ནུ་ཡི། །ཐུ་གས་ཀ་ནས་ནི་སྲས་མཆོག་གསུམ། །ཏིང་ངེ་འཛིན་དང་དངོས་པོ་དགོད། །གུ་གུལ་ཚིལ་ཆེན་གྱིས་འདུག་སྟེ། །མཆོད་པ་ལ་སོགས་རྒྱས་པ་ཡིས། །མངག་གཞུག་གསུམ་པ་ཉིས་བཀུག་ལ། །གཞུང་དང་མཐུན་པ་ཉིད་བྱའོ། །དེ་གསུམ་གདབ་པའི་ཕུར་པ་ཡིན། །རྡོ་རྗེ་གཤོན་ནུ་ཁྲོ་བོ་བཅུ། །དངོས་གྲུབ་བྱིན་བརླབས་ནོད་པའི་ཕྱིར། །སྒྲུབ་ཕུར་ཞེས་ན་བྱ་བར་གྲགས། །འཕྲ་མེན་སྲུང་མའི་ཕུར་པ་ནི། །མངག་ཕུར་ཡིན་པར་ངེས་པར་བཤད། །ཀི་ལ་ཡ་ནི་ཀུན་གྱིས་སྔགས། །དཀྱིལ་འཁོར་ཤར་ལྷོའི་འབྲུབ་ཁུང་དུ། །མགོ་བོ་ལྷོ་ནུབ་བསྟན་ལ་ནི། །གན་རྐྱལ་རྡོ་རྗེ་སྡེར་མོས་གཟེར། །དུག་གཏོར་ནག་པོས་བྱས་ལ་ནི། །ཟ་རུ་གཞུག་ཅིང་མནན་བསྐྲད་བྱ། །མ་ར་ཡ་ཡི་ལུས་བཤིག་གོ །དེ་བཞིན་གཤེགས་པ་ཐམས་ཅད་ཀྱི་རང་བཞིན། ཕྱི་མ་འབར་བའི་རྒྱུད་ལས། ལུས་ངན་བསྒྲལ་བའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དགེས་ངེས་པར་བྱོས། །དེ་བཞིན་གཤེགས་པ་ཐ་མས་ཅད་ཀྱི་རང་བཞིན། ཕྱི་མ་འབར་བའི་རྒྱུད་ལས། དྲག་སྔགས་བསྟན་པའི་ལེའུ་སྟེ་དྲུག་པའོ།། །།དེ་ནས་འཁོར་གྱི་དེ་བཞིན་གཤེགས་པ་རྣམས་ཀྱིས་ངོ་མཚར་བར་ཞུས་པ། ཨེ་མའོ་བདེ་གཤེགས་དགྱེས་པ་མཆོག །རྡོ་རྗེ་ཕུར་པ་ཇི་ལྟར་ལགས། །ཕྱི་ནང་གསང་བ་ཇི་ལྟར་ལ་གས། རྣམ་གྲོལ་ཡེ་ཤེས་ཇི་ལྟར་ལགས། ཞེས་གསོལ་བ་དང་། བཅོམ་ལྡན་འདས་དགེས་པ་ཆེན་པོ་རྡོ་རྗེ་ཕྲ་མོའི་ཏིང་ངེ་འཛིན་ལ་སྙོམས་པར་བཞུགས་ཏེ་བཀའ་སྩལ་པ། རྡོ་རྗེ་ཕུར་པ་ཞེས་པ་ནི། མི་པྱེད་ཐུགས་ཀྱི་བདག་ཉིད་ཅན། །གཞན་གྱིས་མི་འཇིགས་སྟོབས་པོ་ཆེ། །ཕྱི་ནང་གསང་བ་གསུམ་གྱི་དོན། །སྣ་རྩེ་དབྱིབས་དང་བྷ་གའི་དབྱིབས། །མཁས་པས་སྐུ་གསུམ་རེད་པར་བསམ། །རྣམ་གྲོལ་ཡེ་ཤེས་དོན་ཉིད་ནི། །སེམས་ཅན་རྣམས་ལ་རང་བཞིན་གནས། །རང་བཞིན་ཐབས་ཀྱི་ཐིག་ཆེན་པོ། །མཐོང་བར་བྱ་བ་ཡོད་པ་ཡིན། །མཐོང་བ་བློ་ཡིས་བསླད་པ་ཡིན། །ཡང་དག་དོན་གྱི་སྙིང་པོ་ནི། །བདེ་བར་གཤེགས་པས་གསུང་དུ་མེད། །དེ་བཞིན་་གཤེགས་པ་ཐམས་ཅད་ཀྱི་རང་བཞིན། །ཕྱི་མ་འབར་བའི་རྒྱུད་ལས།ཞུས་པ་དང་ཞས་པའི་ལན་གསུངས་པའི་ལེའུ་སྟེ་བདུན་པའོ།། །།དེ་ནས་དེ་བཞིན་གཤེགས་པ་དགྱེས་པ་ཆེན་པོ་དེ་སྟོང་པ་ཉིད་ཀྱི་ཏིང་ངེ་འཛིན་ལས་བཞེངས་ཏེ། དེ་བཞིན་གཤེགས་པའི་འཁོར་རྣམས་ལ།པ་དང་ནི་ཀློག་པ་དང་། །འཆད་པ་་ཁ་ཐོནསེམས་དང་བསྒོམ། །རྟག་ཏུ་འཆངབའི་མི་དེ་ནི། །དངོས་གྲུབ་ཉེ་བར་འོངབའོ། །ལྷ་དང་ལྷ་མིན་མ་ལུས་འདུད། །དེ་བཞིན་གཤེགས་པ་ཐམས་ཅད་ཀྱི་རང་བཞིན། །ཕྱི་མ་་འབར་བའི་རྒྱུད་ལས། འཁོར་ལ་ཡོངས་སུ་གཏད་པའི་ལེའུ་སྟེ་བཅུ་པའོ།། །།རྡོ་རྗེ་འབར་བའི་རྒྱུད་ཕྱི་མའི་ཕྱི་མ་གདམས་ངག་གི་རྒྱུད་རྫོགས་སོ།། །།རྒྱ་གར་གྱི་མཁན་པོ་རྙོ་ན་གར་བྷ་དང་།བོད་ཀྱི་ལོ་སྣོ་བ་དགེ་སློང་བི་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པ། ཕྱིས་སྐད་གསར་་བཅ་ད་ཀྱིས་བསབས་པའོ།། །། རྒྱ་གར་སྐད་དུ། ཀ་མ་ལ་བི་རི་སིད་ཏ་མ་ཧྭ་བཛྲ་ཀི་ལི་ཀི་ལ་ཡ། བོད་སྐད་དུ། རྡོ་རྗེ་ཕུར་པ་ཆེན་པོ་མ་མོ་མངོན་དུ་བཀོལ་བ། བཅོམ་ལྡན་འདས་དཔལ་རྡོ་རྗེ་གཞོན་ནུ་དང་། ཡུམ་འཁོར་ལོ་རྒྱས་འདེབས་ཀྱི་སྐུ་ལ་ཕྱག་འཚལ་ལོ། །དཔལ་ཀུན་ཏུ་བཟང་པོ། ཡུམ་འཁོར་བ་རྒྱས་འདེབས། མ་མོ་ཐམས་ཅད་ཀྱི་གཙོ་མོ་མུ་ཁ་ལེ་མ། ཡུམ་ཆེན་མོ་འཁོར་ལོ་རྒྱས་འདེབས་མ། མ་མོ་རྣམ་སྣང་གསལ་ལ་སོགས་པ། དེ་རྣམས་ཀྱི་གཏན་ཚིགས་ནི་གཅིག་ཁོ་ན་ཡིན་ནོ། །ཆོས་ཐམས་ཅད་རང་བཞིན་གྱིས་རྣམ་པར་དག་པས། སོ་སོ་ཡིན་ཞེས་བྱར་མེད། ཏིང་ངེ་འཛིན་རིམས་ཀྱིས་བསྒོམ་དུ་ཡོད་པས། གཅིག་ཡིན་ཞེས་བྱར་མེད། རང་རིག་པའི་ངོ་བོ་རྟོགས་ཙམ་ན། མུ་ཁ་ལེ་རུ་བསྟན་དུ་མེད། འཁོར་བ་རྒྱས་འདེབས་སུ་བསྟན་དུ་མེད། ཅིའི་ཕྱིར་ནི་བསྟན་དུ་མེད། །བདག་ཉིད་ཐིག་ལེ་རྡོ་རྗེ་ལྟ་བུ་རུ་མཉམ་པའི་ཕྱིར། ཁྲོ་མོ་ཞེས་བྱ་བ་དང་། མ་མོ་ཞེས་བྱ་བ་དེ་གཉིས། རིགས་པའི་ངོ་བོ་ལ་དབྱེ་རུ་མི་འདུག །འདུལ་བའི་ངོ་བོ་ལ་སོ་སོར་ཡང་སྣང་གིན་འདུག་སྟེ། པདྨ་འབྱུང་གནས་ཀྱིས། འདུལ་བའི་ངོ་བོ་ལ་རང་སྣང་གཅིག་ཏུ་འདུག་པར་གྱུར་ཏོ། །དེ་གཅིག་ཏུ་འདུག་པའི་དོན་ཅིའི་ཕྱིར་བསྟན་ན། མ་སྐྱེས་པའི་ཆོས་ཀྱི་དབྱིངས། རང་བཞིན་དུ་སྣང་བར་འདུག་པའི་ཕྱིར། མི་སྐྱེ་བའི་ཀློང་འདི་ཡིན་བྱ་བའམ། སྐྱེ་བའི་ཀློང་འདི་ཡིན་བྱ་བའམ། ཁྲོ་མོ་རུ་འགྲོ་བའི་ཀློང་འདི་ཡིན་བྱ་བའམ། མ་མོ་རུ་འགྲོ་བའི་ཀློང་འདི་ཡིན་བྱ་བ་འམ། ཡང་དག་པའི་ཆོས་ཉིད་རྡོ་རྗེ་ལྟ་བུའི་ཀློང་ལས་མི་འདུག་སྟེ། དེ་འདུག་པའི་དོན་དུ་རིགས་པའི་དོན་གྱིས་བསྒྲུར། སྔགས་ཀྱི་དོན་གྱིས་བསྒར་ནས་ཁྲོ་བོ་ཁྲོ་མོ་ལ་སོགས་པ། མ་མོ་དང་ཀི་རི་ལ་སོགས་པ་འབྱུང་ངོ་། །སྐབས་འདིར་ནི་མ་མོ་ཐམས་ཅད་དུ་གྱུར་པའི་དོན་བསྟན་ཏེ། དམིགས་མེད་སྐྱེ་མེད་དབྱིངས་ཀྱི་རྡོ་རྗེ། མ་ཆགས་ཞེན་པ་མེད་པའི་རྡོ་རྗེ་། མ་ཞེན་འཁོར་བ་མེད་པའི་རྡོ་རྗེ། མ་སྤངས་སྤང་དུ་མེད་པའི་རྡོ་རྗེ། མ་བསྒྲུབས་བསྒྲུབ་ཏུ་མེད་པའོ་རྡོ་རྗེ། མ་བསྐྱེད་བསྐྱེད་དུ་མེད་པའི་རྡོ་རྗེ། མ་ཞེན་ཞེན་པ་མེད་པའི་རྡོ་རྗེ། གང་ཡང་མི་འབྱུང་གང་དུའང་མི་འགྲོ་བའི་རྡོ་རྗེ། དེ་བཞིན་ཉིད་དུ་རྣམ་པར་དག་པའི་རྡོ་རྗེ། ནམ་མཁའ་བཞིན་དུ་ཡངས་པ་ནམ་མཁའ་དངོས་མེད་ཀྱི་རྡོ་རྗེ། །དེ་ལྟ་བུའི་རྡོ་རྗེ་དང་འདྲ་བར་ཅིར་ཡང་དམིགས་སུ་མེད་པའི་ཡུམ་འཁོར་བ་རྒྱས་འདེབས། ནམ་མཁའ་བཞིན་དུ་ཡངས་པའི་ཡུམ་འཁོར་བ་རྒྱས་འདེབས།དེ་ལྟ་བུ་དང་འདྲ་བའི་དམིགས་མེད་རྣམ་དག་གི་མུ་ཁ་ལེ་མ། སྐྱེ་མེད་དབྱིངས་ཀྱི་མུ་ཁ་ལེ་མ། ཆགས་པ་མེད་པའི་མུ་ཁ་ལི་མ། ནམ་མཁའི་ངོ་བོ་ལྟ་བུའི་མུ་ཁ་ལེ་མ། ཆོས་ཉིད་རྣམ་པར་རྟོག་པའི་ཡུམ་རྡོ་རྗེ་རྣམ་སྙེམས་མ། ཆོས་ཀྱི་ངང་ལ་གནས་པའི་ཡུམ་རྣམ་སྙེམས་མ། བླང་དོར་མེད་པའི་ཡུམ་རྣམ་སྙེམས་མ། དེ་ལྟ་བུའི་ཁྲོ་མོ་བཅུ་པོ་སྣང་ངོ་། །དེ་རྣམ་སྣང་གསལ་ལ་སོགས་པའི་སྨན་མོ་ལྔ་བཅུ་རྩ་བརྒྱད་ཀྱང་། ཆོས་ཉིད་རྣམ་པར་དག་པའི་རྣམ་སྣང་གསལ། །ཆོས་ཉིད་ངང་ལ་གནས་པའི་རྣམ་སྣང་གསལ། །བླང་དོར་མེད་པའི་རྣམ་སྣང་གསལ། །སྨན་མོ་ལྔ་བཅུ་རྩ་བརྒྱད་ཀྱང་། །རིག་པ་རྟོགས་པའི་ངང་ལས་དེ་ལྟར་སྣང་ངོ་། །དེ་རྣམས་ནི་ཡང་དག་པ་ཆོས་ཉིད་ཀྱི་རྡོ་རྗེ་དང་། ཡུམ་འཁོར་ལོ་རྒྱས་འདེབས་དང་། མུ་ཁ་ལེ་དང་། ཡུམ་རྣམ་སྙེམས་མ་ལ་སོགས་པའི་ཁྲོ་མོ་བཅུ་དང་། རྣམ་སྣང་མ་ལ་སོགས་ཏེ་སྨན་མོ་ལྔ་བཅུ་རྩ་བརྒྱད་དང་། དེ་རྣམས་གཞི་གཅིག་ལས་བྱུང་ནས་འདུག །རིག་པ་གཅིག་ལས་ཤར་ནས་འདུག །སྣང་བ་གཅིག་ལས་ཤར་ནས་འདུག་པས། གཅིག་ཁོ་ན་ཡིན་ནོ་ཞེས་བྱ། དེ་ཁྲོ་བོ་དང་མ་མོ་བྱ་བར་གཅིག་གོ །དེ་རིག་པ་གཅིག་གིས་འདུལ་བའི་དོན་དུ། སྐུ་མདོག་སོ་སོར་བསྟན་པ་ལས། རང་གི་རྒྱུད་ལ་གཅིག་གོ །དེ་དཔེ་ནམ་མཁའི་ངོ་བོ་ལས་རོལ་པ་སྣ་ཚོགས་སུ་འབྱུང་བ་ལྟར། དེ་རིགས་པ་གཅིག་ལས་བྱུང་ཡང་འདུལ་བའི་དོན་དུ་སོ་སོར་ཡང་སྣང་ངོ་། །དེ་སྣང་བའི་ཕྱིར། ཆོས་སྐུ་འགྱུར་མེད་རང་བྱུང་ཡེ་ཤེས་གསལ། །ཡོན་ཏན་མཚན་ལྡན་མ་ལུས་རྫོགས། །འཇིག་རྟེན་ཁམས་ཀུན་རྡོ་རྗེ་ཕུར་པས་སྤྲུལ་པའི་འདུལ་སྟོན། །རྡོ་རྗེ་ཕུར་པས་སྐུ་གསུང་འདུལ་བའི་འདུལ། །མ་རྟོགས་གོལ་བའི་སེམས་ཅན་རྣམས། །ཐུགས་རྗེས་མྱ་ངན་འདའ་བ་དང་། །མཁའ་ཀློང་རྡོ་རྗེའི་གཏན་ཚིགས་རྣམས། །རྒྱུད་དང་ལུང་དང་མན་ངག་རབ་བསྟན་བསྟན། །ཆོས་ཉིད་འགྱུར་བ་མེད་པའི་རྡོ་རྗེ་དང་། ཐུགས་རྗེའི་བྱིན་རླབས་ཀྱིས། ཡོན་ཏན་གྱིས་མཚན་སོ་སོར་ཕོག །རིག་པ་ཆོས་ཉིད་ཀྱི་ངང་དུ་རྫོགས་པར་བསྟན། ཁམས་གསུམ་རྡོ་རྗེའི་སྤྲུལ་པས་བཀང་། །ཐམས་ཅད་རྡོ་རྗེའི་སྐུར་བསྐྱེད་ནས། །ལོག་པར་གོལ་བའི་སེམས་ཅན་འདུལ། ཁྲོ་མོ་ཐམས་ཅད་གཏན་ལ་འབེབས མ་མོ་ཐམས་ཅད་གཏན་ལ་འབེབས། །རང་རིག་ཆེན་པོ་གཏན་ལ་འབེབས། །མཁའ་ལ་རླུད་བསྟེན་ཁྲོ་མོའི་གནས། །རང་བཞིན་ལྷུན་གྲུབ་ཁྲོ་མོའི་གནས། །བདག་གི་རིགས་པའི་རླུད་གིས་བསྐྱེད། །ཀེའུ་རི་དམར་མོ་རིག་པས་བསྐྱེད། དཔག་ཚད་བརྒྱད་ཁྲི་ཡོད་པ་ཁེངས་པར་བསྐྱེད། །བསྐྱེད་ཀྱང་རིག་པ་ཆེ་ཆུང་མེད། །མ་བསྐྱེད་པ་ལ་ཆེ་ཆུང་མེད། །ཐམས་ཅད་བདུད་རྩིའི་རྒྱ་མཚོ་བཞིན། །ཐམས་ཅད་བདུད་རྩིར་ཁེངས་པར་བསྐྱེད། །ཐམས་ཅད་མ་མོ་རག་བཞིན་གྲུབ། །ཐམས་ཅད་རྡོ་རྗེའི་རང་བཞིན་ཡིན། །ཐམས་ཅད་མ་མོའི་རང་བཞིན་ཡིན། །མ་ནི་ཐམས་ཅད་ཀུན་གྱི་ཡུམ། །མོ་ནི་སྣང་སྲིད་ཀུན་གྱི་མ། །མ་ནི་སྐྱེ་བ་མེད་པའི་དབྱིངས། །མོ་ནི་འགག་པ་མེད་པའི་ཀློང་། །རྡོ་རྗེ་སྐྱེ་བ་མེད་པ་ལས། །ཕུར་ནི་ཐམས་ཅད་སྐྱེ་བ་མེད། །པ་ནི་དེ་ལས་གཡོས་པ་མེད། །དེ་ལྟར་ཡུམ་ཆེན་མོ་འདི་རྣམས་ཀྱང་། སྐུ་རིག་པའི་ངང་ལས་མ་གཡོས་སོ། །དེ་མོ་ཐམས་ཅད་ནི་རྣམ་པར་ཐར་པའི་མོ་རུའང་འདུག །ཐམས་ཅད་བསྐྱེད་པའི་ཡུམ་དུའང་འདུག །ཐམས་ཅད་ཆགས་པའི་ཡུམ་དུའང་འདུག །ཐམས་ཅད་རྟེན་པའི་ཡུམ་དུའང་འདུག །དགྱེས་པ་བསྐྱེད་པའི་ཡུམ་དུའང་འདུག་གོ །དེ་ནི་སྲིད་པ་འཇིག་རྟེན་ཐམས་ཅད་ཕོ་མོའི་མཚན་གཉིས་སུ་འདུག །ཕོ་ཐམས་ཅད་ནི་ཐབས་ལ མོ་ཐམས་ཅད་ནི་ཤེས་རབ་ཡུམ་ལ། དེ་ལྟར་ཐབས་ཤེས་རབ་གཉིས་ལས། དགྱེས་ པ་ཆེན་པོ་བསྐྱེད་པའི་ཐབས་སོ། །ཐམས་ཅད་ཡུམ་གྱི་མཁའ་ཞེས་བྱ་བར་བསྟན་ནོ། །དེ་མ་མོ་ཁྲོ་མོ་ལ་སོགས་པ་ནི།སྐྱེ་བ་མེད་པའི་ངང་ཉིད་ལས། །མི་སྐྱེ་བ་ཡི་ཆོ་འཕྲུལ་འབྱུང་། །མི་རྟོག་པ་ཡི་ཤེས་པ་འབྱུང་། །མཁའ་ལ་འགྲོ་བའི་ཡུམ་ཆེན་འབྱུང་། །བྱང་ཆུབ་བསྐྱེད་པའི་རང བཞིན་འབྱུང། །སྐུ་གསུང་ཐུགས་སུ་ཤར་བ་གཤེགས་པའི་བྱིན་གྱི་རླབས་ཀྱིས། ཆོས་ཉིད་ཡང་དག་པའི་རྡོ་རྗེར་རྟོགས་པ་རུ་བྱིན་གྱིས་བརླབས་དེ་ལ་འཇུག་པ་རུ་བྱིན་གྱིས་བརླབས། ཐེག་པའི་རིམ་པ་གྲངས་ཀྱིས་བསྟན། ཤེས་རབ་ཀྱི་སྟོབས་དང་ལྡན་པའི་ཐེག་པའོ། །རྟོགས་པའི་དོན་ལ་ཐེག་པ་གཅིག་ཁོ་ནའོ། །བདེ་བར་གཤེགས་པས་སེམས་ཅན་ལ་དམ་པའི་ལྷ་ཆོས་སྤྱོད་དུ་ཡོད་པར་བྱིན་གྱིས་བརླབས། དེ་ལ་འཇུག་པ་རུ་བྱིན་གྱིས་བརླབས། གསང་སྔགས་དམ་ཚིག་ལ་གནས་པར་བྱིན་གྱིས་བརླབས། འདུལ་བ་ཁྲིམས་ལ་གནས་པར་བྱིན་གྱིས་བརླབས། །མདོ་སྡེ་ཁྲུས་དང་གཙང་སྦྲ་རུ་བྱིན་གྱིས་བརླབས། དེ་རྣམས་ནི་དམ་ཚིག་གོ །དེས་ན་དམ་ཚིག་གཞུང་མ་བསྲངས་ན། དེ་རྡོ་རྗེ་དམྱལ་བར་སྐྱེ་བར་གསུངས། དེ་མིན་གསང་སྔགས་ཀྱི་སྒོར་འཇུག་པ་འམ། མ་བསྐུལ་བསྐུལ་བ་ཙམ་ཡང་བདེ་བ་རྙེད་དོ། །ཤེས་རབ་གསལ་བའི་དབྱིངས། །བྱམས་པ་བསྒོམས་པའི་དབྱིངས། །རྟོགས་པ་ལྟ་བུའི་དབྱིངས། གོ་རིམས་སྤྱོད་པའི་དབྱིངས་ཞེས་བྱའོ། །རྡོ་རྗེ་ཕུར་པ་དབྱིངས་ཀྱི་རྒྱུད་ལས། སེམས་ཅན་ཐམས་ཅད་ལ་ཆོས་བཤད་པའི་བསྐལ་པ་དང་དང་བདེ་བར་གཤེགས་པའི་བྱིན་གྱིས་རླབས་ཀྱིས་བསྟན་པའི་ལེའུ་སྟེ་གཉིས་པའོ།། །།ད་ནི་དོན་དམ་པའི་རིག་པའི་དོན་མ་རྟོགས་པ་བསྟན་ཏེ། ཆོས་ཉིད་གཞི་སྟོང་པ་རུ་མ་རྟོགས་ཏེ། སྣང་བ་རུ་རྟོགས། འཇིག་རྟེན་ཟིལ་གྱིས་མནན་པ་སྐུ་ཆེ་བར་རུ་ཏྲ། ཁ་ཏོང་ཀ་རུ་བྱ་བ་གསུམ་བྱུང་ནས་སེམས་ཅན་ཐམས་ཅད་ཟིལ་གྱིས་གནན་ནས། སྐད་མི་ཐོན་པར་འདུག །ཁམས་གསུམ་ཞེ་སྡང་གི་མེ་འབར་ནས་འདུག་པ་ལ། བདེ་བར་གཤེགས་པས་སེམས་ཅན་སྙིང་རྗེ་བ་རུ་དགོངས་ནས། སེམས་ཅན་སྲོག་གཅོད་པས་སྙིང་རེ་རྗེ། ཁོ་རང་མ་རྟོགས་པས་སྙིང་རེ་རྗེ་ནས། བདེ་བར་གཤེགས་པའི་ཐུགས་ལས་སྤྲུལ་ནས། ཁོ་ཕྱག་དྲུག་ཞབས་བཞི་པ་ཞལ་གསུམ་དུ་འདུག་པ་ལས། བདེ་བར་གཤེགས་པས་ཀྱང་། དཔལ་རྡོ་རྗེ་གཞོན་ནུ་ཕྱག་དྲུག་ཞབས་བཞི། ཞལ་གསུམ་དུ་བསྐྱེད་ནས་བ་་ནས། རུ་ཏྲོཛེ་འཁོར་དུ་ཡུམ་བྱུང་སྟེ། མུ་ཁ་ལེ་ཡབ་ཡུམ་འཁོར་བ་རྒྱས་འདེབས་ཀྱིས་བ་། དེ་ལ་རུ་ཏྲོཛེ་ཕྱོགས་སུ་ཕྱོགས་སྐྱོང་བཅུ་བྱུང་སྟེ། དེ་ཁྲོ་བོ་བཅུ་དང་། ཁྲོ་མོ་བཅུ་དང་། སྨན་མོ་ལྔ་བཅུ་རྩ་བརྒྱད་ཀྱིས་བཏུལ། རུ་ཏྲོརེ་འཁོར་དུ་སྤྲུལ་པ་མང་པོ་བྱུང་ནས་སྤྲུལ་པའི་ཁྲ་ཐབས་ཉི་ཤུ་ཐམ་པས་བཏུལ། རུ་ཏྲོཛེ་འཁོར་དུ་འཇིག་རྟེན་པ་དྲུག་བྱུང་ནས་སྲས་མཆོག་དྲུག་གིས་བཏུལ། དེ་རུ་ཏྲས་སྤྲོགས་མ་ནུས་ཏེ། རུ་ཏྲ་བསྒྲལ་ནས་སྣང་བ་ཅན་གྱི་གཟུགས་གདན་དུ་གཏིང། ཉོན་མོངས་པའི་བག་ཆགས་བསྒྲལ།བྱང་ཆུབ་ཀྱི་གཞིའི་ངོ་བོ་བདེ་བའི་ངང་ལ་བཀོད། སེམས་ཅན་ཐམས་ཅད་ཀྱང་བདེ་བ་ལ་བཀོད་དོ། །ཞི་བའི་ངང་ལ་བཀོད། འཇམ་པའི་ངང་ལ་བཀོད་ནས། ཐུགས་རྗེའི་བྱིན་གྱི་རླབས་འབྱུང་བར་འགྱུར་བར་བྱའོ། །རྡོ་རྗེ་ཕུར་པ་དབྱིངས་ཀྱི་རྒྱུད་ལས། རུ་ཏྲ་བཏུལ་བའི་ལེའུ་སྟེ་གསུམ་པའོ།། །།རྩ་བ་འཕྲིན་ལས་ཁོག་དབུབ་པའི་གཞུང་བསྟན་ཏེ། གཞན་ནི་བྲག་ནག་པོ་འམ། རི་ནག་པོ་འམ། དེ་ལྟ་བུ་རུ་བྱ། རྫས་ནི་ལུག་ནག་མོ་འམ། མི་ནག་པོའི་སྙིང་ངམ། འཇའ་ཚོན་སྣ་ཚོགས་ཀྱི་ནམ་མཁའ་ཉི་ཤུ་རྩ་དགུ་འམ། ཤ་ཁྲག་སྣ་ཚོགས་དང་། བམ་བཤམ་པ་འམ། དེ་ལྟ་བུའི་རྫས་མང་དུ་བསག །ཕུར་པ་དང་། ཟོར་རྫས་དང་། ཀུན་ཡང་བསག །དེ་ལྟར་བསགས་ལ། སྐར་མ་ནི་རྒྱལ་ལམ། རྟ་འམ། བྱ་འམ། གཅིག་ལ་འཇུག་གོ །མཎྜལ་ནི། མདའ་གང་གྲུ་བཞིར་བྱས་ལ། ཆག་ཆག་བཏབ་ལ་གཞག །ཕྱི་མཆོད་བྱ། གསེར་སྐྱེམས་གཏང་། འབུམ་འདོན། ཚ་ཚ་གདབ། མདོས་གཅིག་ཙམ་བྱ། དེ་ནས་མཎྜལ་ནི། ཕྱི་ནང་གསང་བ་གསུམ་གྱི་མཎྜལ་ལས། པདྨ་འདབ་བརྒྱད་སུམ་བརྩེག་ཏུ་བྱ། ཚོན་དང་། ཐིག་སྐུད་དང་། ཀུན་བྱིན་གྱིས་བརླབ་པ་མཐུན། །དང་པོ་པདྨ་འདབ་བརྒྱད་དུ་བསྐོར། དེའི་ཕྱི་རིམ་པདྨ་འདབ་བརྒྱད་དུ་བསྐོར། དེའི་ཕྱི་རིམ་ཟླུམ་པོས་བསྐོར། དེའི་ཕྱི་རིམ་གྲུ་བཞིས་བསྐོར། དེ་ནས་ལྕགས་རི་མུ་ཁྱུད་གཏང་། སྒོ་བཞི་ཕྱོགས་དང་མཐུན། སྟོང་གསུམ་གྱི་སྟོང་ཆེན་པོའི་གཞལ་ཡས་ཁང་འདིས་ཁེབས་པར་བསམ། རྫས་ནི་དབུས་སུ་ནམ་མཁའ་ནག་པོ་དང་ཕུར་པ་གཞག །བྱ་རྒོད་ཀྱི་མདའ་ལ་མེ་ལོང་བཏགས་པ་གཅིག་གཞག །དེའི་འོག་གི་འཁོར་ལོ་རྩིབས་བརྒྱད་པ།སྟེང་འོག་གཉིས་མ་རྟོགས་པའི་ཁྲོ་མོ་བརྒྱད་དང་མ་མོ་བརྒྱད་དགོད་དེ། ནམ་མཁའ་བརྒྱད། ཕུར་པ་བརྒྱད་དགོད་དོ། དེའི་འོག་མའི་འཁོར་ལོ་ལ། ནམ་མཁའ་བརྒྱད་ཕུར་པ་གཉིས་དགོད་དོ། །དེའི་འོག་མའི་འཁོར་ལོ་རྩིབས་བརྒྱད་ལ་ནམ་མཁའ་བརྒྱད་དགོད་དོ། །སྒོ་བཞི་ལ་ཕུར་པ་བཞི། ནམ་མཁའ་བཞི། དབུས་སུ་བློན་མོ་གཉིས་ཀྱི་གཏོར་མ་དགོད་དོ། །དེའི་གཡོན་དུ་འཁོར་གྱི་ཁྲོ་མོ་རྣམས་ཀྱི་གཏོར་མ་དགོད་དོ། །གཡས་སུ་སྨན་དགོད་དོ། །གཡོན་དུ་རཀྟ་དགོད་དོ། །ནུབ་བྱང་དུ་ཟོར་གྱི་རྫས་དགོད་དོ། །དབྱེ་བའི་རྫས་ཀྱང་དགོད་དོ། །ལུག་ནག་པོ་སྤྱི་དཀར་གམ་དུ་གདགས་སོ། །དེ་ལྟར་རྫས་རྣམས་འཚོགས་པར་བཀྲམ་ལ། དེང་མཚམས་གཅད་དེ། དང་པོ་སྟོང་ཉིད་ཀྱི་གཞི་ལས། རྒྱུ་ཧུ༷་དུ་བསྐྱེད། དེ་ལས་འཕྲོས་འདུས་པ་ལས། རྡོ་རྗེ་བསྐྱེད། དེ་ལས་འཕྲོས་པ་འདུས་པ་ལས་རྡོ་རྗེ་འོད་དུ་ཞུ། དེ་ལས། ཨོ་བཛྲ་ཀི་ལི་ཀི་ལ་ཡ་སརྦ་བིབྷ་ནན་བེ་ཧུ༷་ཕཊ། རྡོ་རྗེ་གཞོན་ནུའི་སྐུ་བསྐྱེད། དེ་ལས་མ་སྨུབྱ་མཎྜ་ལས་ཕྱོགས་བཅུར་ཉི་མའི་དཀྱིལ་འཁོར་བསྐྱེད། དེ་ནས། ཨོ་བཛྲ་ཀྲོ་ཧུ༷་ཀ་ར་ཧུ༷། ཞེས་ཁྲོ་བོ་བཅུ་བསྐྱེད། དེ་ལ། ཧུ༷། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །རྡུངས་ཤིག་རྡོ་རྗེ་འབར་བའི་གཏུན། ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ན། །ལྷ་ཡང་རུང་སྟེ་རླག་པར་གྱི། །ཨོ་བཛྲ་ཀྲོ་དྷ་ཧུ༷་ཀ་ར་ཧུ༷་ཀ་ར་ཧུ༷་གརྫ་གརྫ་ཧུ༷་ཕཊ། ཅེས་ཁྲོ་བོ་བཅུའི་སྔགས་བརྗོད་ཅིང་མཚམས་གཅད་དོ། །བགེགས་བྱ་བ་མིང་ཡང་མེད་པར་བསམ། དེ་ནས་བྱིན་དབབ་སྟེ། ཨོ་བཛྲ་ཀི་ལི་ཀི་ལ་ཡ་ཞེས་སེ་གོལ་གཏོགས་པས། ཧུ༷། རྡོ་རྗེ་གཤོན་ནུའི་རིགས་འཛིན་རྣམས། །སྲིད་པ་ཕུར་པ་བསྒྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །བྱང་ཆུབ་མཆོག་ཏུ་སེམས་བསྐྱེད་ཅིང་། དུས་གསུམ་རྒྱལ་བའི་གདུང་འཚོབ་པའི། །རིགས་འཛིན་བདག་ཅག་རྣམས་ལ་ནི། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་གསོལ། །ཧུ༷་ཧུ༷་ཞེས་བྱིན་ཕེབས་པའོ། །སྨན་བྱིན་གྱིས་བརླབས་ཏེ། ཨ་ཧུ༷་ར༷་ཡ། སྣོད་ཡ། བམོ་ཧུ༷་མེ་ར་ཡ་རླུད་། ཨོ་བཛྲ་ཀི་ལི་ཀི་ལ་ཡ་མ་ཧྭ་པརྩི་ཨ་མྲི་ཏ་ལ་ཧུ༷་ཧྲི་ཐ།ཞེས་ཐམས་ཅད་བདུད་རྩིའི་རང་བཞིན་དུ་གྱུར་པར་བསམ། རཀྟ་བྱིན་གྱིས་བརླབས་ཏེ། ཨ་ཧུ༷། ར༷་ཡ༷། ཨོ་བཛྲ་ཀི་ལི་ཀི་ལ་ཡ། ར༷་རཀྟ་ལ་ཧུ༷་ཧྲི་ཐ། ཐམས་ཅད་རཀྟའི་རྒྱ་མཚོར་འགྱུར་བར་བསམ། དེ་ནས་གཏོར་མ་བྱིན་གྱིས་རླབས་ཏེ། ཨ་ཧུ༷། ར༷་ཡ༷། ཧཱུཾ་ཧུ༷་ཧུ༷། གསུམ་པོས་འདོད་པའི་ཡོན་ཏན་དྲུག་གི་ལྷ་མོར་བྱིན་གྱིས་བརླབས་ཏེ། ཨོ་བཛྲ་ཀི་ལི་ཀི་ལ་ཡ་མ་ཧྭ་བ་ལི༷་ཏ་ལ་ཧུ༷་ཧྲི་ཐ། ཞེས་ལྷ་ཐམས་ཅད་ཀྱི་ཞལ་ཟས་ཀྱི་རང་བཞིན་དུ་གྱུར་པར་བསམ། ད་ནི་ཐམས་ཅད་སྐྱེད་པ་བྷ་གའི་གཞི། སྟོང་པའི་སྣང་བའི་གཞི། ཏིང་ངེ་འཛིན་རྣམ་པ་གསུམ་ནི། དེ་བཞིན་ཉིད་ཀྱི་ཏིང་ངེ་འཛིན་ནི། ཅིའི་ངོ་བོར་ཡང་མི་འདུག །ཅིའི་ངོ་བོར་ཡང་མ་གྲུབ་པས། སྟོང་ཞིང་བདག་མེད་པ་ཕྱོགས་དང་རིས་སུ་མ་ཆད་པ། མཉམ་པ་ཉིད་ཀྱི་ངང་ལ་ལྷང་གིས་ཡུན་རིང་དུ་ཞག་པ་དེའོ། །ཀུན་ཏུ་སྣང་བའི་ཏིང་ངེ་འཛིན་ནི། རིག་པ་རང་ཤར་བ་རྣམ་མཁའ་ལྟ་བུ། ཐམས་ཅད་ཡངས་པ་ལ་གསལ་བ། རྒྱ་མ་ཆད་པ། ཐམས་ཅད་སྣང་བར་འདུག་པ་ལ་མ་ཞེན་པ། གསལ་བའི་ངང་ལ་ཡུན་རིང་དུ་གཞག་པ་དེ་ནི། ཀུན་ཏུ་སྣང་ངོ་། རྒྱུའི་ཏིང་ངེ་འཛིན་ནི། ཧུ༷་མཐིང་ནག་ལས།སྤར་ན་ཕཊ་ཀྱིས་སྤྲོས་པས། སླར་ཡང་ཧ་ར་ན་ཧུ༷། ཞེས་པས་རྒྱུ་མཐིང་ནག་ཏུ་འདུག་པ་དེ་ལ། ཐམས་ཅད་བསྐྱེད་པའི་ངང་དུ་ལྷང་གིས་བསྒོམ་མོ། ཧུ༷། རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། སྲོག་གི་གོ་རུ་ཤར་བ་དང་། །སྙིང་གི་གོ་རུ་བསྒོམ་པར་བྱ། ཕུང་པོ་རྡོ་རྗེ་གཏམས་བྱས་ནས། །རྣམ་པར་ཤེས་པ་རྡོ་རྗེ་བསྒོམ། །ཨེ་སྤར་ཎ་ཕཊ། སང་ཧ་ར་ན་ཧུ༷། ཧུ༷་སྤ་ར་ན་ཕཊ། ས༷་ཧ་ར་ན་ཧུ༷། ཡ༷་ཀརྨ་རག་ཤ །རླུང་ལྷའི་བ་དན་གཉིས་ཀྱིས་བཏེག་པ། ནམ་མཁའི་དཀྱིལ་འཁོར་གར་ཁྱབ་པ་གཅིག་ཏུ་ཁྱབ་པར་བསམ། ར་སྤ་ར་ན་ཕཊ། ས༷་ཧ་ར་ན་ཧུ༷། རཀྟའི་རྒྱ་མཚོ་དབྱིབས་འདྲ་བ། ནམ་མཁའི་དཀྱིལ་འཁོར་གར་ཁྱབ་པ་ཅིག་ཏུ་ཁྱབ་པར་བསམ། ཀེ་ར་སྤ་ར་ན་ཕཊ། ས༷་ཧ་ར་ན་ཧུ༷། ཀེ་རུས་ཀྱི་རི་རབ་དབྱིབས་གྲུ་བཞི། རཀྟའི་རྒྱ་མཚོས་གར་ཁྱབ་པ་ཅིག་ཏུ་ཁྱབ་པར་བསམ། ར་ཏྲི་རུ་ཏྲི་སྟི་ར་བ༷། མ་ཨ་སྭརུ་ཙནྟྲ། པདྨ་མཎྜལ།གཞལ་ཡས་ཁང་གདན་དང་བཅས་པ་བསྐྱེད་དོ། །ཧཱུཾ། རྡོ་རྗེ་གཞོན་ནུའི་རིགས་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་འདོད། །ནམ་མཁའ་དཀྱིལ་འཁོར་ཐིགས་པ་ཤར། །ཧུ༷་མ་དབུས་ཀྱི་ཕུར་པ་དང་ནམ་མཁར་ལ་ཡུམ་འཁོར་བ་རྒྱས་འདེབས་དང་། མུ་ཁ་ལེ་གཉིས་དབུས་སུ་བཞུགས་པར་བསམ་མོ། ཨོ་བཛྲ་ཀི་ལི་ཀི་ལ་ཡ་སརྦ་བིསྒྱུན་བེ་ཧུ༷་མ་མ་ཧུ༷་མ་མ། ཞེས་གཙོ་བོ་གཉིས་གསལ་བར་བསྐྱེད་དོ། །ཧུ༷་མ་ཧུ༷་མ་ཧུ༷་མ་ཧུ༷་མ་ཧུ༷་མ་ཧུ༷་མ་ཧུ༷་མ་ཧུ༷་མ་ཧུ༷་མ་ཧུ༷་མ། མ་མ་མ་མ་མ་མ་མ་མ་མ་མ མ་མ་མ་མ་མ་མ་མ་མ་མ་མ། ཨོ་བཛྲ་ཀྲོ་དྷ་ཧུ༷་ཀ་ར་ཧུ༷་ཧུ༷། མ་མ། ཞེས་སྔགས་རྣམས་བརྗོད་ལ་འཁོར་གྱི་མ་རྣམས་གསལ་བར་བསྐྱེད་དོ། །དེ་ནས་སྤྱན་དྲངས་ལ། ཧུ༷། རྡོ་རྗེ་གཤོན་ནུའི་རིགས་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །ཨོ་བཛྲ་ཀི་ལི་ཀི་ལ་ཡ། ཞེས་སེ་གོལ་གཏོགས་པས། །མ་མོ་རྣམས་བཞེངས་པར་བསམ། །སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཛ༷༷ཧུ༷་བ༷་ཧོ། མདུན་གྱི་ནམ་མཁའ་ལ་བྱོན། ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་འཕྲིན་ལས་རྫོགས་མཛད་ནས། དབང་དང་བྱིན་རླབས་བདག་ལ་གསོལ། ཨོ་ཨུ༷༷ཧུ༷། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་མོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །གསུང་གི་དབྱིག་ཏུ་བདག་སྐྱེད་ཅིག །ཐུགས་ཀྱི་དབྱིག་ཏུ་སྐྱེད་ཅིག །ཨོ༷་ཨུ༷༷ཧུ༷་བཛྲ་ཀི་ལི་ཀི་ལ་ཡ་ཧུ༷། ཞེས་སྐུ་གསུང་ཐུགས་ཀྱི་དབང་ཐོབ་པར་བསམ། ཧཱུཾ་ཧུ༷་ཞེས་མདུན་གྱི་ནམ་མཁའི་མ་མོ་རྣམས་ཀྱང་། གཞལ་ཡས་ཁང་གི་མ་མོ་རྣམས་ལ་ཐིམ་པར་བསམ། སྨན་མཆོད་བྱ་སྟེ། ཧོ། ཡུམ་ཆེན་མོ་འཁོར་བ་རྒྱས་འདེབས། ཡུམ་མུ་ཁ་ལེ། ཡབ་རྣམས་དགྱེས་པ་བསྐྱེད་པའི་ཞལ་དུ་མ་ཧྭ་པརྩི་ཨ་མྲི་ཏ་ལ་ཁུ་ཧི། ཡུམ་རྡོ་རྗེ་རྣམ་སྙེམས་མ། ཡུམ་སྲིན་པོ་བདེ་འགྲོ་མ། མ་ཧྭ་པ྅་ཨ་མྲི་ཏ་ཁུ་ཧི། ཞེས་ཉི་ཟླ་ཐོད་འཕྲེང་ནས་མར་ཟངས་ཀྱིས་བསྒྲགས་ལ་མཆོད་དོ། །དེ་ནས་བདུད་རྩི་ཨོ་ཨུ༷༷ཧྭ༷་གསུམ་དུ་གྱུར་པར་བསམ། སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། ཁྲོ་བོ་ཆེན་པོ་གཤེགས་ནས་ཀྱང་།ཀི་ལ་ཡུ་ཡི་དངོས་གྲུབ་གསོལ། ཀྭ་ཡ་སིརྙི་ཨོ། བཱཀ་སིརྙི་ཨུ༷༷ ཙིསྟ་སིརྙི་ཧུ༷། ཞེས་དངོས་གྲུབ་བླང་ངོ་། དེ་ལྟར་བྱས་པ་དེ་ཡན་ཆད་ནི། ཕྱི་མཚམས་བཅད་པ་ནས། གཞལ་ཡས་ཁང་བསྐྱེད་པ་དང་། སྤྱན་དྲང་ཞིང་དབང་བསྐུར་བ་དང་། བདུད་རྩིའི་མཆོད་པ་འབུལ་བར་བྱས་པ་ཡིན། རྡོ་རྗེ་ཕུར་བ་དབྱིངས་ཀྱི་རྒྱུད་ཡུམ་དྲུག་གི་རྒྱུད་ལས། འཕྲིན་ལས་ཁོག་དབུབ་པའི་ལེའུ་སྟེ་བཞི་པའོ།། །།ད་ནི་འཛབ་བྱ་སྟེ། འཛབ༷་བསྐུལ་བ། ཧུ༷། བྱང་ཆུབ་མཆོག་ཏུ་སེམས་བསྐྱེད་ནས། །དུས་གསུམ་རྒྱལ་བའི་གདུང་འཚོབ་པའི། །རིགས་འཛིན་བདག་ཅག་རྣམས་ལ་ནི། །རྟགས་དང་མཚན་མ་བསྟན་པ་དང་། ཀི་ལ་ཡ་ཡི་དངོས་གྲུབ་གསོལ། ཨོ་བཛྲ་ཀི་ལི་ཀི་ལ་ཡ་སརྦ་བིསྒྱུན་བ༷་ཧུ༷་མ་མ། ཧུ༷་ཀ་ར་ཧུ༷་ཀ་ར་ཧུ༷། ཨ་ཙི་ད་ཏེ་མ་མ། ཨ་ཙིསྟ་ཧུ༷་མ་མ། ཧུ༷་ཧ་ན་ཧ་ན། ཨ་པ་ར་ཙིད་ཏེ་མ་མ། ཧུ༷་ཧ་ཏ་ཧ་ཏ་ན། ཛ་ཡེ་བི་ཛ་ཡེ། མ་མ་ཧུ༷། ཧུ༷་པ་ཙ་པ་ཙ། ཨ་ཙིད་ཏེ་ཨ་པ་ར་ཙིད་ཏེ། མ་མ་ཧུ༷་ཧུ༷་བརྙ་བནྟྲ། ཀ་ཏ༷་མ་མ། ཧུ༷་ཧུ་ལུ་ཧུ་ལུ། ཀ་ཏེ་ཡེ་མ་མ། ཧུ༷་སྟིགི་སྟིསྒ ཧ་ས་ར་ན་མ་མ། ཧུ༷་ཚིནྟྲ་ཚིནྟྲ། བིནྟྲ་བིནྟྲ། བཏེག་ལ། ཚོགས་དེ་གསང་བ་ཆེད་དུ་བྱས་ལ། ལས་ཀྱི་ཕུར་པ་གཅིག་བྱིན་གྱིས་བརླབས་ལ། ཨ་བེ་ཤ་ཡ། ཨ་བེ་ཤ་ཡ་ཧུ༷་ཕཊ། སྤྲུལ་པ་སྤྲོ། ཛ༷༷ཧུ༷་བ༷་ཧོ། ཏྲི་ཛ་རྗི་ཛ་དགུག །བྲི་ཏྲིན་ཨ་ན་ཡ་ཧུ༷་ཕཊ། ཅེས་བཅིངས་ལ། ཛ༷༷ དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། ཕྱག་བརྙན་ཆེན་པོའི་དུས་ལབབ། ་།ནམུཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་རྒྱལ་མོའི་དུས་ལ་བབ། ཁྱེད་ཀྱི་དམ་ཚིག་དུས་ལ་བབ། །ཐུགས་རྩལ་དབྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིགས་འཛིན་བདག་ཅག་རྣམས་ལ་ནི། གདུག་ཅིང་སྡང་བའི་དགྲ་དང་བགེགས། །བདུད་དང་བར་དུ་གཅོད་པ་ཡི། །དངོས་གྲུབ་འཕྲོག་ཅིང་འཚེ་བ་རྣམས། ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོ་བཛྲ་ཀི་ལི་ཀི་ལ་ཡ། ཨོ་ལ༷་ཧུ༷་ལ༷་སྟ༷་པ་ནན། མོ་ཧ་བྷ་ཡ། བྷ་ག་ལྭན་ཤི་ཏྲིན་བི་ཀྲིན། བཛྲ་ཧུ༷་ཀ་ར་ཧུ༷་ཕཊ། བཛྲ་ཀི་ལི་ཀི་ལ་ཡ། སརྦ་བིསྒྱུན། བཛྲ་ཀི་ལི་ཀི་ལ་ཡ་ཧུ༷་ཧུ༷་ཕཊ་ཕཊ། ཨོ་ཧུ༷་ཀ་ར་ཧུ༷་ཕཊ།བཛྲ་ཧུ༷་ཀ་ར་ཧུ༷་ཨ་ཨོ། ཞེས་ཕུར་བུ་གདབ་བོ། །དཀར་ནག་གི་མཚམས་སུའོ། །ཛ༷༷ རྡུངས་ཤིག་རྡོ་རྗེ་འབར་བའི་ག་། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློགས། ཁྲོག་མོ་འབར་བའི་ག་་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་འོན་ཏེ་བརླག་པར་བྱའོ། །ཞེས་རྡོ་རྗེའི་ཐོ་བས་བརྡུང་ཞིང་། མྱ་ར་ཡ་ཁ་ཐ༷་ཁ་ཐ༷། ཞེས་རྡུང་བའོ། །དེ་ནས་ཚོགས་བཅད་ལ། ལག་ཏུ་ཚོགས་བྱས་ལ། ཡབ་རྣམས་ཀྱི་ཞལ་དུ་ཁ་ར༷་ཁུ་ཧི། གཙོ་མོ་ལྔ་བཅུ་རྩ་བརྒྱད་ཞལ་དུ་ཁ་ར༷་ཁུ་ཧི། དེར་ཚོགས་དབུལ་ལོ། །རྡོ་རྗེ་ཕུར་པ་དབྱིངས་ཀྱི་ཡུམ་དྲུག་གི་རྒྱུད་ལས། ཚོགས་བྱ་བའི་ལེའུ་སྟེ་དྲུག་པའོ།། །།ད་ནི་བསྒྲུབ་པ་ལ་འཇུག་པར་བྱ་སྟེ། དུས་ནི་བསྙེན་པའི་རྟགས་ནམ་བྱུང་རྩམ་ན་ཡིན་ཏེ། དེ་ཡང་སྐར་མ་མདའ་རྩེ་འམ། ཉ་ཁ་ན་མར་ལ་བྱའོ། །རྫས་ནི་གཞན་མ་ཐམས་ཅད་མཐུན་ཏེ།ནལ་ཕྲུལ་གི་ཤ་དང་། ཁྱོ་གསུམ་ཤི་བའི་ཡུག་ས་མོའི་ཤ་ཁྲག་དང་། ཟང་མའི་རལ་ཁ་ནག་པོ་འམ། ཞིང་ཆེན་གྱི་ཐུལ། ཨ་བེ་ཤ་ཡ་མ་མ། ཧུ༷་ཕོ་ཊ་ཕོ་ཊ། ཨ་བེ་ཤ་ཡ་མ་མ། ཧུ༷་ཨ་བེ་ཤ་ཡ་མ་མ། ཤི་ཀྲིན་མ་མ། ཨ་ན་ཡ་མ་མ། ཛ་ལ་མ་མ པ་ཡ་མ་མ། ཏ་ཐ་མ་མ། ཏ་ཐ་ཡ་མ་མ། བི་ཏ་མ་མ། ཨོ་ལམ་མ་མ། ཧུ༷་ལ༷་མ་མ། སྟ༷་པ་ནན་མ་མ། མ་ཧ་ག་ཡ་མ་མ། བི་ཀྲིན་མ་མ། བཛྲ་ཧཱུཾ་ཀ་ར་མ་མ། མ་ར་ས་ན་མ་མ། པྲ་མ་རྟ་ནི་མ་མ་ཧུ༷་ཕཊ། ཅེས་ཅི་མང་དུ་བཟླས། སྨན་ཡང་མཆོད། རཀྟས་མཆོད། སྐབས་སུ་བསྟོད་པ་དྲག་པོ་བྱ། མ་མོ་ཐམས་ཅད་ལས་ལ་གཟུད། ཅང་ཏེ་པི་ཝང་དང་དྲིལ་བུ་དང་སྒྲ་མང་དུ་བསྒྲགས་ལ། གསུར་ཆེན་གྱི་དུད་པ་གཏང་ལ། སྲོག་གི་སྙིང་པོ་ནས་དྲང་ཞིང་འདི་ལྟར་བྱ་སྟེ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ། སྨྱོ་སྨྱོ་སྨྱོ་སྦྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ། རཀྟ་དཀྲུག་ཅིང་མ་མོ་ལས་ལ་གཟུད་དོ། །སྔགས་དེ་ནི་ཉིན་ཁྲི་མཚན་ཁྲི་རུ་བསྐྱེལ་ལོ། །དེ་རྣམས་ཀྱི་མིང་འདི་ཡིན་ཏེ། མུ་ཀ་ལེ་དབྱིངས་ཀྱི་གཙོ་མོ་དང་། འཁོར་བ་རྒྱས་འདེབས་དབྱིངས་ཀྱི་གཙོ་མོའི་ཁྲོ་མོ་བཅུ་དང་། སྲིད་པ་བདེ་འགྲོ་མ་དང་། ཉི་ཟླ་ཐོད་འཕྲེང་མ་དང་། ཉི་མ་ཁྲོས་པ་མ་དང་། པདྨ་ཁྲོ་པ་དང་། སྲིད་པ་བདེ་འགྲོ་མ་དང་། ཁམས་ཀྱི་འཚིག་པ་མོ་དང་། རྒྱན་གྱི་རྒྱལ་མོ་དང་། དབྱིངས་ཕྱུག་མ་དང་། བདག་ཉིད་མ་དང་། གཅིག་པུ་མ་དང་། རྒྱས་འདེབས་མ་དང་།དཀར་མོ་མིག་གཅིག་མ་དང་། ནག་མོ་རལ་ཅན་མྱོས་བྱེད་མ་དང་། དམར་མོ་དབང་སྒྱུར་མ་དང་། སེར་མོ་ལས་མཁན་མ་དང་། སྲིད་པ་ཆགས་བྱེ་མ་དང་། སྲིད་པ་ཆ་སྙོམས་མ་དང་། སྲིད་པ་ཆ་འདེགས་མ་དང་།རིན་ཆེན་སྲིད་ནག་མོ་ཁྲག་འཛག་མ་དང་། རྡོ་རྗེ་སྒེག་མོ་དང་། འཇིག་རྟེན་དབང་སྡུད་མ་དང་། གླིང་བཞི་སྤྱི་ཕུད་མ་དང་། གླིང་བཞི་སྤྱི་འགྲོ་མ་དང་། རྡོ་རྗེ་གར་གྱི་དབང་ཕྱུག་མ་དང་། ཀུན་སྣང་གསལ་མ་དང་།བདག་ཉིད་ཆེན་མོ་ཉི་ཟླ་ཐོད་འཕྲེང་དང་། པདྨ་གར་གྱི་དབང་ཕྱུག་མ་དང་། དེ་རྣམས་ཀྱི་སྲོག་སྙིང་ནི་གོང་དུ་བསྟན་ནོ། །མིང་དེ་རྣམས་སོ། །དེ་རྣམས་ལ་རྟགས་ནི། གཏོར་མ་ཁོལ་བ་དང་། རྔ་བརྡུང་བ་དང་གླུ་ལེན་པ་དང་། མེ་དང་། བ༷་མང་པོ་གནས་སུ་སྐྱེལ་བ་དང་། དེ་རྣམས་ནི་རྟགས་སོ། །དེ་ནི་རྡོ་རྗེ་ཕུར་པ་དབྱིངས་ཀྱི་རྒྱུད་ལས། འཛབ་བྱ་ཞིང་ལྷ་འདྲེའི་སྲོག་གི་སྙིང་པོ་གང་ཡིན། རྟགས་གང་ཡིན་བསྟན་པའི་ལེའུ་སྟེ་ལྔ་པའོ།། །།དེ་ནས་ཚོགས་བྱ་བར་བསྟན་ཏེ། ཚོགས་ཅི་འབྱོར་པ་འམ། ཀ་བཱ་ལའི་རྔ་འམ། དེ་རྣམས་བསག་གོ །བསྙེན་པའི་རྫས་རྣམས་ཀྱི་སྟེང་དུ་དེ་རྣམས་བསག་གོ །མཎྜལ་ནི་བསྙེན་པའི་དུས་ཀྱི་ལ། །འཁོར་ལོ་ཐམས་ཅད་མཐིང་ནག་ཏུ་བྱའོ། །ལྷའི་སྐུ་མདོག་ནི་ནག་པོ་ཞི་ཙེར་བྱའོ། །ཆོ་ག་ནི་བསྙེན་པོ་དང་མཐུན། སྔགས་ནི། ཧུ༷་མ་མ་པ་ཤི་ཀུ་རུ་ཀུ་རུ་མ་མ། མ་ཏ༷་ཉ་ཀ་ར་ཨི་ནན། མ་མ། ད་ཏི་མ་མ་ཀརྨ། མ་མ། མ་ར་ས་ནི་པྲ་མ་རྟ་ནི་མ་མ། ཧུ༷་ཕཊ། ཅེས་མ་མོ་ཐམས་ཅད་ཀྱི་སྲོག་སྙིང་འདུས་པ་ཡིན་ནོ། །དེ་ཅི་མང་དུ་བཟླས་སོ། །དེ་སྐབས་སུ་འདི་བརྡུང་བའི་ལས་ཡིན་པས། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། ཨོ་བཛྲ་ཀི་ལི་ཀི་ལ་ཡ། མ་ར་ཡ་ཁ་ཐ༷་ཁ་ཐ༷། ཞེས་དུས་དྲུག་ཏུ་བརྡུང་ངོ་། །དེ་བརྡུང་བ་དེ་སྔགས་བཟླས་པ་རེ། སྨན་མཆོད་པ་རེ། རཀྟ་སྦྲེང་བ་རེ། སྨྱོ་གཏབ་པ་རེ། མ་མོ་ལས་ལ་གཟུད་པ་རེ། དུས་རྟག་ཏུ་ཆ་བསྙམས་ལ་མཉམ་པར་བྱའོ། །དེ་ལ་རྟགས་ཅི་འབྱུང་ན།བསྒྲུབས་པའི་རྟགས་སྨོན་པ་མང་པོ་རྨི་ལམ་དུ་འོང་བ་དང་། ཉམས་ནི་མ་མོ་སྲོག་སྙིང་འབུལ་བ་འོང་བ་དང་། དེ་ལྟ་བུ་བྱུང་ན་འགྲུབ་པའི་རྟགས་སོ། །དེ་ནས་བསྒྲུབ་པ་ཆེན་པོ་ལ་འཇུག་སྟེ། དུས་ཚོད་ནི་དམག་དཔོན་ནམ། དྲི་སྲོགས་སམ། དེ་ལྷ་བུ་ལ་འཇུག །དཀྱིལ་འཁོར་ནི་བསྙེན་བསྒྲུབ་དང་ཐུན། དེའི་དུས་ཀྱི་རྫས་ནི། ཐུན་གྱི་རྫས་ཞི་ཚེ་ཡིན་ཏེ། དུག་གི་ཟོར་དང་། ཡུངས་ཀར་གྱི་ཟོར་དང་། མཚེའི་ཟོར་དང་། ཁྲག་གི་བྲིཀྲི་བི་ཀྲི་བཛྲ་ཧུ༷་ཀ་ར་ཧུ༷་ཧུ༷་ཕཊ། གཉིས་ཀྱི་བར་དུ་མཚན་མ་གཞུག །ཁྲོ་བོ་ཁྲོ་མོའི་བར་མཚམས་སུ། །གཟས་པ་གང་ཡིན་ཆུད་པར་བསམ། །རང་རེ་སྔགས་ཀྱིས་རང་རེ་བཟླས། །རང་རང་ལྷ་ཚོགས་གསལ་བར་བསྒོམ། །བསྒྲུབ་པ་ཆེན་པོ་བཟླས་པ་ནི། །དགུག་པར་བྱ་བའི་དོན་རྣམས་ནི། །ནན་དང་ཧུ༷་ཕཊ་བར་དུ་ནི། །ཛ་ཧུ༷་བ༷་ཧོ་གཞུག་པར་བྱ། །ཀུན་ཀྱང་ཞལ་གཅིག་ཕྱག་གཉིས་ཏེ། །ཞབས་གཉིས་ཀུན་ཏུ་རྣམ་པར་རྒྱུག །གཡས་པ་ལྕགས་ཀྱུ་གཡོན་པ་ཐོ། །གང་ཡིན་འགུགས་ཤིང་གཟིར་བར་བྱེད། །ཧུ༷་དང་ཕཊ་ཀྱི་བར་མཚམས་སུ། །ཆེ་གེ་མོ་ནི་མར་གདགས། །ཀུན་ཀྱང་ཞལ་གཅིག་ཕྱག་གཉིས་ཏེ། །སྐུ་སྨད་ལྕགས་ཀྱི་ཕུར་པ་ལ། །ཕྱག་ན་ཕུར་པ་འདྲིལ་བ་ནི། །ཀུན་ཀྱང་མི་བཟད་འཇིགས་པའི་སྐུ། །ཀུན་ལ་འདེབས་ཤིང་གཟིར་བར་བྱེད། །སྡུག་བསྔལ་ཉམས་སུ་མྱོང་བར་བྱའོ། །དེ་སྐད་ཅེས་བཀའ་སྩལ་ཏོ། །རྡོ་རྗེ་འཇིགས་བྱེད་གསང་བའི་རྒྱུད་ལས། སྲས་མཆོག་སྔགས་དང་བཅས་པའི་ལེའུ་སྟེ་བརྒྱད་པའོ།། །།དེ་ནས་རྡོ་རྗེ་འདུས་པ་ཆེན་པོ་དེ་གཞན་གྱི་སེམས་འཕྲོག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་བརྗོད་དོ། །གང་ཞིག་གནོད་པར་གྱུར་པ་ནི། །སེམས་ཅན་ཀུན་ལ་གནོད་པ་དང། །སངས་རྒྱས་བསྟན་པ་འཇིག་བྱེད་དེ། །དེ་ལ་དྲག་པོའི་སྦྱོར་བ་བྱ། །ཞེས་པས། གསང་བའི་བདག་པོས་ཞུས་པ། །རྡོ་རྗེ་འདུས་པ་ཆེན་པོ། དམིགས་པའི་རྟེན་ནི་གང་ལ་བྱ། །བསྒྲལ་བའི་ཐབས་ནི་ཇི་ལྷ་བུ། །ཞེས་ཞུས་པས། རྡོ་རྗེ་འདུས་པས་བཀའ་སྩལ་པ། །དམིགས་པའི་རྟེན་ནི་ལིང་ག་སྟེ། །དེ་ནི་གང་དང་གང་ཞེ་ན། །བསྟབ་པའི་ལིང་ཁ་དག་དང་ནི། །བསྒྲལ་བའི་ལིང་གདག་དང་གཉིས། །གནན་པའི་ལིང་ཁ་དག་དང་གསུམ། །དེ་གསུམ་ལིང་གའི་མཚན་ཉིད་དོ། །བསྟབ་པའི་ལིང་ག་་།ག་བུ་ལ། །མཚན་མ་གང་ཡིན་མིང་བྲིས་ལ། །དུས་བཞི་དག་ཏུ་བསྟན་པར་བྱ། །བསྒྲུབ་པ་དག་གི་ལིང་ཁ་ནི། །རྒྱུ་དྲུག་རྐྱེན་དྲུག་ཐབས་དྲུག །ཀི་ལ་ཡ་མཐའ་བརྒྱད་དག་གིས་བྱ། །རྒྱུ་ནི་གང་དང་གང་ཞེ་ན། །གངས་ཀྱི་དུམ་བུ་གནམ་གྱི་ཐིགས་པ། །སྲུབ་མའི་ལོ་མ་ས་ཡི་རས། །དྲི་ཆེན་དྲི་ཆུ་རྣམ་གཉིས་སོ། །ཁྲེ་དང་ཇུ་རྩེ་ཕུག་མ་དང་། །གདུགས་ས་རྗེས་སུ་བདུད་ཆུད་ཆུ། །མིང་ཕུང་ས་དང་གྲོག་མཁར་ས། །ར་ཐུག་ལུག་ཐུག་བོང་བུའི་ཆུ། །ཆུ་བདུན་ངེས་པར་བསྟན་པ་ཡིན། །རེ་བ་དག་གི་ཐུམ་པོར་གཞུག །སྔོ་དམར་དག་གིས་བྱད་དུ་བྱ། །མཚན་བྱང་སྔགས་ཀྱི་དྲ་བར་གཞུག །ལྕགས་ཐག་ནག་པོས་སྐྱེ་ནས་གདགས། །སྦྱོར་བ་སྐོར་ཚོམས་གསུམ་དུ་བྱ། །གནན་པ་དག་ནི་ལིང་ཁ་ནི། །གྲོ་ག་དག་དང་ཤིན་ཤུན་ལ། །གཟས་པའི་མིང་རྣམས་བྲི་བར་བྱ། །སྔགས་ཀྱི་དྲ་བར་ངེས་པར་གཞུག །དེ་ནི་དམིགས་པའི་ལིང་གའོ། །བསྒྲལ་བའི་ཐབས་ནི་ཇི་ལྟར་བྱ། །བསྙེན་བསྒྲུབ་གཉིས་ནི་ཟིན་པ་དང་། །སྔགས་ཀྱི་ཐིག་ལེ་བརྟག་པ་གཅེས། །དེ་ནི་གང་དང་ཞེ་ན། བླ་ཡི་དྲོད་ཚད་རྣམ་གསུམ་ལ། །དྲག་པོ་ལས་ཀྱི་བྱ་བ་འདི། །གསུམ་དུ་ངེས་པར་བྱ་བར་གསུངས། །དང་པོ་དག་ལ་རྣམ་བདུན་ཏེ། །སྔགས་ཀྱི་སྐོར་ཚོམ་བདུན་དུ་བཟླས། །བསྐལ་བའི་ཚིག་དྲུག་ལས་ལ་བསྐུལ། །རང་གི་བསྐུལ་བདུན་ལས་དང་སྦྱར། །མཐུན་པའི་རྫས་ནི་གཅིག་ཏུ་དྲིལ། །སྐུ་གསུང་ཐུགས་ཀྱི་སྔགས་ཀྱིས་གཟིར། །རང་རེའི་ལྷ་རྣམས་གྲོགས་དང་འབྲེལ། །བྱ་རོག་ལ་ནི་རྡོ་བརྒྱབ་བཞིན། །རང་དབང་མེད་པར་བྲོས་པར་བསམ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །་།་ན་མུ་ཀའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ། །ཁྱེད་ཀྱི་འཕྲིན་ལས་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །ཟུང་ཞིག་ཆིངས་ཤིག་རྣམ་པར་ཆིངས། །རྟོགས་ཤིག་གྲོགས་དང་བྲལ་བར་གྱིས། །རིགས་པར་ཁུག་ལ་སྨྲར་ཆུ་གཅིག །ཕོབ་ཅིག་རྣམ་པར་གཟིར་བར་གྱིས། །ལུས་ངག་རྡུལ་ཕྲན་བཞིན་དུ་རློགས། །ལྷ་ཡང་རུང་སྟེ་བསྒྲལ་བར་བྱ། །སྡུག་བསྔལ་ཉམས་སུ་སྨྱོང་བར་མཛོད། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །གཉིས་པ་ལ་ནི་ར་ཨི་ནན་ད་ཏི་མ་མ་ཤིག་ཀྲང་ཀ་རེ་ཡ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པ། །མངོན་སྤྱོད་འཕྲིན་ལས་མྱུར་དུ་མཛོད། །ཁྱེད་ཀྱི་འཕྲིན་ལས་དུ་ས་ལ་བབ། །མྱཐུ་རྩལ་དབྱུང་བའི་དུས་ལ་བབ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །གདུག་ཅིང་སྡང་སེམས་བྱེད་པ་ཡི། །ལྷ་ཡང་རུང་སྟེ་བདུད་ཀྱང་རུང་། །ང་ལ་བར་ཆད་བྱེད་པའི་བགེགས། །མཐུ་དང་རྫུ་འཕྲུལ་མེད་པ་གྱིས། །པ་ར་བིག་ཏ་ན་ཧུ༷་ཕཊ། ཚིན་དྷ་ཚིན་དྷ་ཧུ༷་ཕཊ། སྟིན༷་དྷ་སྟིན་དྷ་ཧུ༷་ཕཊ། །གྲི་ཎ་གྲོ་ཎ་ཧུ༷་ཕཊ། ཧ་ན་ཧ་ན་ཧུ༷་ཕཊ། བྷན་དྷ་བྷན་དྷ་ཧུ༷་ཕཊ །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ མ་ཐ་མ་ཐ་བཛྲཛ་ལ་ཛ་ལ་བཛྲ། སརྦ་ཨ་ན་ཡ་ཧུ༷་ཕཊ། ཏ་ད་ཡ་ཏ་ད་ཡ་ཐ་ཧཱུཾ་ཕཊ། ཁྲག་ཟོར་ཉུང་ཟོར་དུག་ཟོར་དང་། །མཚོན་ཟོར་གཏོར་ཟོར་དྲབ་པར་བྱ། །འབུ་ལིན་ཏ་ར་ཡོ། བདག་ཉིད་གསལ་བར་གསུམ་ལྡན་པར་བྱ། །ཁྲུས་ལུང་རྣམ་གསུམ་རྫོགས་པར་བྱ། །ཚེ་ལུང་གསུམ་དང་ལྡན་པར་བྱ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོ་བ་པ། །རིགས་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའི་བྱིན་བརླབས་ཀྱིས། །ཡུད་ཙམ་གྱི་ནི་འདིར་ཁུག་ལ། །སྡུག་བསྔལ་ཉམས་སུ་མྱོང་བར་མཛོད། །ཧུ༷་ཀ་ར་ཨ་ཨ་ཨ། ལས་ལ་རྒྱུ་སྐར་ཁྲོ་བོ་བདུན། །དམིགས་པའི་ལིང་ཁའི་གནས་བདུན་ལ། །ཡེ་ཤེས་བདུན་གྱི་དགོས་ཆེད་བརྟག །བདག་ཉིད་ཁྲོ་བོ་འདུས་པར་བསྒོམ། །རེ་རེ་ལ་ཡང་བདུན་བདུན་བསྒོམ། །གཅིག་ལ་བསྟབ་སྟེ་ཀུན་ལ་འདེབས། །རྫས་ཀྱིས་ཕུར་པ་རེ་རེ་ལ། །རང་རེ་ཚིག་དང་བསྐུལ་བདུན་སྦྲག །རང་རང་སྔགས་བདུན་དག་གིས་ནི། །ལས་སྔགས་བཅུ་གཅིག་གདགས་པར་བྱ། །ཐུན་དང་སྦྲགས་ལ་གདགས་པར་བྱ། །རྟེན་ནི་རྣམ་པ་བདུན་པོ་ལ། །ལམ་མགོ་བདུན་ནི་བཀུག་ནས་གུ །ཡེ་ཤེས་བདུན་དུ་ཤར་བར་བྱ། །དྲག་པོ་སྔགས་ཀྱི་སྨོན་ལམ་གྱིས། །སྔགས་དང་སྦྲགས་ཏེ་བརྡེག་པར་བྱ། །ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་བརླབས་སོ། །སངས་རྒྱས་ཀྱི་མཐུའོ། །ཨ་བི་ར་ཙརུའི་དུས་ལ་བབ་པའོ། །གནག་པོ་དེ་ཁོ་ན་ལའོ། །ཀི་ལི་ཀི་ལ་ཡ་ཉི་ཤུ་རྩ་གཅིག །ཨེ་གམ་འབར་བའི་དཀྱིལ་འཁོར་དུ། །གཟས་པ་གང་ཡིན་བརྡུང་བར་བྱ། །བརྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདས་པའི་སྡིག་ཅན་རྣམས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བསྒྲལ་བར་བྱའོ། ཁ་ཐམ་ཁ་ཐམ་ཁ་ཐམ་ཧུ༷་ཕཊ། ཡེ་ཤེས་རྡོ་རྗེ་ཐོ་བ་ཡིས། །གཟས་པ་གང་ཡིན་བརྡུང་བར་བྱའོ། །དེ་སྐད་ཅེས་གསུངས་སོ། །རྡོ་རྗེ་འཇིགས་བྱེད་གསང་བའི་རྒྱུད་ལས། མངོན་དུ་བསྒྲལ་བའི་ཐབས་བསྟན་པའི་ལེའུ་སྟེ་དགུ་པའོ།། །།དེ་ནས་རྡོ་རྗེ་འདུས་པ་ཆེན་པོ་དེ་འཕྲིན་ལས་སྦྱོར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་དོ། །བཟླས་པའི་དྲོད་རྟགས་རྣམས་ལས། །བླ་ཡི་འཁོར་བ་གསུམ་བྱུང་བ། །འདི་ནི་ཤིན་ཏུ་ཟབ་པ་ཡིན། །དེ་ནས་བསྒྲལ་བའི་རིམ་པ་བྱ། །ཞེས་གསུངས་སོ། །གསང་བའི་བདག་པོས་ཞུས་པ། །རྡོ་རྗེ་འདུས་པ་ཆེན་པོ། དེ་ཡི་དོན་རྣམས་ཇི་ལྟར་བཟླས། །དྲག་པོའི་དོན་ནི་ཇི་ལྟར་བྱ། །ཞེས་གསོལ་པས། །དེ་ནི་འདི་ལྟར་བྱ་བ་སྟེ། །དུང་གི་ཕུར་པ་དག་ལ་ནི། །རང་གི་སྙིང་པོ་རབ་གྲངས་ལ། །དེ་ནས་ཁྲོ་སྔགས་བཅུ་པ་བཟླས། །དེ་ནས་ཐམས་ཅད་འདུས་པ་བཟླས། །དེ་ནས་གོང་མའི་སྔགས་ལྔ་བཟླས། །དུས་ལ་བབ་དྲུག་གི་ལས་ཀྱང་དགྱེ། །གུ་གུལ་ནག་པོའི་དུད་པ་གཏང་། །རང་གི་ལྷ་རྣམས་ཐམས་ཅད་ཀྱི། །བྱ་རོག་དག་ལ་རྡོ་བརྒྱབ་བཞིན། །རང་དབང་མེད་པར་བསྐྲད་པར་བྱ། །ཀུན་ལ་དེ་ལྟར་ཤེས་པར་གྱིས། །བྱ་ཕུར་དག་གི་ནི། རང་གི་སྙིང་པོ་མགོ་ནས་དྲང་། །དེ་བཞིནག་གཞན་དང་འདྲ་ཤེས་ཀྱིས། །རང་རང་སྙིང་པོ་མགོ་ནས་དྲངས། །ཏིང་འཛིན་རྫས་དང་ཕོ་ཉ་གསུམ། །དྲག་པོ་སྔགས་ཀྱི་སྡེབས་དང་བཞི། །ཀུན་ལ་དེ་བཞིན་འབྱོར་པར་གྱིས། །བར་བ་ལ་ནི་བདུན་ཡོད་དེ། །རྫས་ཀྱི་ཕུང་པ་བདུན་ཉིད་དོ། །དང་པོ་ལ་ནི་འདི་བཞིན་ཏེ། །ཧ་ས་དག་དང་སུ་རུ་དང་། །ཀི་ལི་ལ་ཡ་བིང་བིང་ཧུ༷་ཕཊ། ཚིག་གི་ཕོ་ཉ་དྲག་པོ་ནི། །སྤྲུལ་པ་ཆེན་པོའི་དུས་ལ་བབ། ་༑་ན་མུ་ཀའི་དུས་ལ་བབ། །དངོས་གྲུབ་བར་བཅད་བྱེད་པའི་དགྲ །གདུག་ཅིང་སྡང་སེམས་བྱེད་པ་རྣམས། །རྟོགས་ཤིང་གྲོགས་དང་བྲལ་བར་གྱིས། །བྲན་དང་བཀའ་ཉན་ཕོ་ཉའི་ཚོགས། ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པ། །མངོན་སྤྱོད་འཕྲིན་ལས་མྱུར་དུ་མཛོད། །མཐུ་རྩལ་དབྱུང་བའི་དུས་ལ་བབ། །གུ་གུལ་ནག་པོའི་དུད་པ་དང་། །གདུག་པའི་རྫས་ལང་སྦྲགས་ལ་བྲབ། །ཐུགས་ཀྱི་སྤྲུལ་པའི་ལྷ་ཚོགས་དང་། ཁོ༑་ན་མུ་ཀ་ལ་སོགས་ཀྱིས། །རྒྱང་ཤོག་རླུད་གི་དེད་པ་ལྟར། །རང་དབང་མེད་པར་འོངས་པར་བསམ། །མཆོད་དང་བསྟོད་པ་ཚུལ་བཞིན་བྱ། །གཉིས་པ་དག་ནི་འདི་ལྟ་སྟེ། །ཐྲིཀྲི་དག་དང་མུ་རུ་རུ་སྦྲགས། །བཛྲ་ཀི་ལི་ཀི་ལ་ཡ། ན་མ་ས་མན་ཏ་བི་ཤོ་ཏ་བེ་ར་བེ་ར་ཧུ༷་ཕཊ། སྤྲུལ་པ་ཆེན་པོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཟུང་ཞིག་ཆིངས་ཤིག་རྣམ་པར་ཆིངས། །བྲན་དང་ཅེས་པ་བརྗོད། །བལ་ཚོན་སྔོ་དམར་དག་གིས་བྲུབས། །ལིང་ག་དག་ལ་བདོག་པར་བྱ། །རང་གི་ལྷ་རྣམས་ཐམས་ཅད་དང། །བདག་ཉིད་ཆེན་མོ་འཁོར་བཅས་ཀྱིས། །གང་ཡིན་དེ་ནི་བྱད་བཅུག་ནས། །འགྱུར་དབང་མེད་༄༅ པར་འོང་བར་བསམ། །གསུམ་པའི་དོན་ནི་འདི་ལྟ་སྟེ། །ཨ་བེ་ཤ་ཡ་དག་དང་ནི། །རྐང་པ་གཉིས་ཀྱི་བར་དང་ནི། །བཛྲ་ཀི་ལ་ཡ་མ་ར་ཡ་ཧུ༷་ཕཊ། སྤྲུལ་པ་ཆེན་པོའི་དུས་ལ་བབ། །ས་བདག་ཆེན་པོའི་དུས་ལ་བབ། །ཕོབ་ཅིག་རྣམ་པར་གཟིར་བར་གྱིས། །ཟངས་ཕྱེ་དངུལ་ཕྱེ་གསེར་ཕྱེ། །མུད་ཀའི་ཆན་དང་སྦྱར་པ་ཡིས། །གང་ཡིན་དེ་ལ་བྲབ་པར་བྱ། །ཐུགས་ཀྱི་སྤྲུལ་པའི་ལྷ་ཚོགས་དང་། །རྒྱལ་མོ་བཞི་དང་བཅས་པ་ཡི། །གང་ཡིན་དེ་ནི་གཟིར་བ་དང་། །རང་དབང་མེད་པར་འོང་བར་བསམ། །བཞི་པ་ཡང་ནི་འདི་ལྟ་སྟེ། །ཛ་ལ་པ་ཡ་དག་དང་ནི། །ཨ་ཙིསྟེ་ཨ་པ་ར་ཙི་ཏ །བཛྲ་ཀི་ལི་ཀི་ལ་ཡ་ཨུ་རྩུ་ས་མ་ཀྲོདྷ་ཧུ༷་ཕཊ། སྤྲུལ་པ་ཆེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ རིངས་པར་ཁུག་ལ་སྨྲར་ཆུ་གཅིག །བྲན་དང་ཞེས་པ་སྔོན་དེ་བཞིན་ནོ། །འདའ་དུ་ར་ཡི་རྩ་བ་དང་། །རོ་་།བ་དང་སྲས་མའི་མེ་ཏོག་དག་དང་ནི། །ལྡུམ་བུ་དང་ནི་སེ་མོ་དོ། །དེ་རྣམས་སྦྱར་ལ་བྲབ་བར་བྱ། །གང་ཡིན་དེ་ནི་སྨྱོ་བ་དང་བརྒྱལ་བ་དང་། །སྡུག་བསྔལ་ཉམས་སུ་མྱོང་གྱུར་ནས། །རང་དབང་མེད་པར་འོང་བར་བསམ། །ལྔ་པའི་དོན་ནི་འདི་ལྟ་སྟེ། །ཏ་ཐུ་ཡ་དང་མ་ར་ཡ་བཛྲ་ཀི་ལི་ཀི་ལ་ཡ་ཚིནདྷ་ཚིནདྷ་ཧུ༷་ཕཊ། སྤྲུལ་པ་ཆེན་པོའི་དུས་ལ་བབ། ཁྱེད་ཀྱི་འཕྲིན་ལས་དུས་ལ་བབ། །ལུས་ངག་རྡུལ་ཕྲན་བཞིན་དུ་རློགས། །ཨ༷་གུ་ཤ་ནི་དཀར་ནག་དང་། ་་ས་ཀར་རྒྱལ་པོ་ལྕགས་ཕྱེ་བརྡེག །ལུས་དང་མགོ་པོ་ཡན་ལག་ཀུན། །བཅད་གཏུབས་དུམ་བུ་གྱུར་པ་དང་། །རང་དབང་མེད་པར་འོང་བར་བསམ། །དྲུག་པའི་དོན་ནི་འདི་ལྟ་སྟེ། །བི་དང་མ་མ་པ་ཤིར་བསྡེབ། །སརྦ་དུ་་མཇུག་ལ་གདགས། །སྤྲུལ་པ་ཆེན་པོའི་དུས་ལ་བབ། །ལྷ་ཡང་རུང་སྟེ་བསྒྲལ་བར་བྱའོ། །ཕྱག་བརྙན་ཆེན་པོའི་དུས་ལ་བབ། ་།་སྣ་ཁྲག་སྣའི་ཚོགས་པ་ཡིས། །གང་ཡིན་དེ་ལ་བྲབ་པར་བྱ། །རང་གི་ཐུགས་ཀྱི༷་སྤྲུལ་པ་དང་། །མ་བདུན་ཚོགས་རྣམས་ཐམས་ཅད་ཀྱིས། །གཟས་པ་གང་ཡིན་དེ་རྣམས་ལ། །རིམས་ནད་སྣ་ཚོགས་གཏང་གྱུར་ནས། །གང་ཡིན་དེ་ནི་ལུགས་པར་བསམ། །བདུན་པའི་དོན་ནི་འདི་ལྟ་སྟེ། །ཨོ་ལ༷་དག་དང་འདི་ཏི་སྦྲག །ཨོ་སརྦ་ན་ས་པ་ར་ནི་ར་ནི་ནི། སརྦ་ནག་ཀ་ས་ནི་ནི། སརྦ་ཙིན་ཏར་ནི་ནི། ཀུན་གྱི་མཇུག་ལ་གཟས་པ་མིང་དང་ཨ༷་གུ་ཤ་ཡ་བཏགས། །དམ་ཚིག་ཆེན་པོའི་དུས་ལ་བབ། །དངོས་གྲུབ་བར་ཆོད་བྱེད་པའི་དགྲ །སྡུག་ཅིང་སྡང་སེམས་བྱེད་པ་རྣམས། །སྡུག་བསྔལ་ཉམས་སུ་མྱོང་བར་བྱེད། །ངའི་དེ་བཞིན་བྲན་དང་དེ་བཞིན། །ཐུགས་ཀྱི་སྤྲུལ་པའི་ལྷ་རྣམས་དང་། །དམ་ཅན་ཐམས་ཅད་འདུས་པ་ཡི། །དྲག་པོའི་རྫས་རྣམས་ཀུན་རྫོགས་པ། །བྲབ་ཅིང་གཟིར་བའི་ལས་རྣམས་བྱ། །སྡུག་བསྔལ་ཉམས་སུ་མྱོང་བ་དང་། །བཟོད་གླགས་མེད་པ་ཉལ་ཐག་ཆོད། །སྐད་ཅིག་ཡུད་ཀྱིས་འོང་བར་བསམ། །དེ་ལྟ་བུ་ཡིས་ཁུགས་པའོ། །གསུམ་པ་འབུ་ལིན་ཏ་ར་ཡ། །འདི་ཡི་དོན་ལ་རྣམ་བརྒྱད་དེ། །ཐ་མའི་དང་པོ་ལ་ནི་འདི་ལྟ་སྟེ། །ཨོ་ལ༷་ཏིང་ལ་ལས་སྔགས་བཅུ་གསུམ་གདགས། །ཉི་ཤུ་རྩ་གཅིག་གྲངས་དང་སྦྱར། །ཕོ་ཉ་དྲག་པོའི་དྲུག་ཡང་བསྡེབས། །རྡོ་རྗེ་གསང་བའི་ཚིག་དང་ནི། །གདུག་ཅིང་སྡང་སེམས་བསྡེབ་པར་བྱ། །ཟོར་སྣ་བདུན་གྱི་ལས་རྣམས་བྱ། །ཀུན་ཀྱང་གཅེར་བུ་རལ་པ་ཅན། །ཞལ་གཅིག་ཕྱག་གཉིས་ཕུར་པ་འདྲིལ། །སྨད་ཀྱང་ཕུར་པའི་དབྱིབས་སུ་གནས། །གང་ཡིན་དེ་ཡི་ལུས་ངག་ལ། །མཚོན་ཆ་སྣ་ཚོགས་ཆར་དུ་དབབ། །རྒྱ་་།་བ་ལ་སེར་ཆེན་བབ་པ་བཞིན་དུ་བཟླས། །ལུས་ངག་ཡིད་གསུམ་ཕྱེ་མར་གྱུར། །མཆོད་དང་བསྟོད་པ་ཚུལ་བཞིན་བྱ། །གཉིས་པ་ཡང་ནི་ཧ་ས་དང་། །ལས་སྔགས་བཅུ་གསུམ་སྒྲག་པར་བྱ། །གསུམ་པ་ཡང་ན་ཤི་བ་དང་། །དེ་བཞིན་དུ་ཡང་བསྡེབ་པར་བྱ། །བཞི་པ་ཡ་ནི་ཨ་པ་དང་ནི་དེ་བཞིན་བསྡེབ། །ལྔ་པ་ཛ་ལ་དང་ནི་བཞིན་ནོ། །བདུན་པ་བི་དང་དེ་བཞིན་བསྡེབ། །བདག་ཉིད་ཤིན་ཏུ་འདྲིས་པ་དང་། །གསལ་བ་རྣམ་གསུམ་ཚུལ་ལྡན་ནས། །ཁྲུས་ལུང་རྣམ་གསུམ་ལུང་རྫོགས་བྱ། །ཚེ་ལུང་རྣམ་གསུམ་སྲོག་དང་ལྡན། །རྫས་ཀྱི་ཕུར་པ་བདུན་གཤེར་ལ། །བྱིན་གྱིས་བརླབ་དང་བྱུག་ལ་སོགས། །གོང་མ་བཞིན་དུ་བྱ་བ་གཅེས། །བསྐུལ་དྲུག་རང་གི་ཚིག་དྲུག་བསྡེབས། །དང་པོའ་ཚིག་དང་ཐ་མ་གཉིས། །ཀུན་ལ་དེ་བཞིན་གདགས་པར་བྱ། །བསྐུལ་དང་ཚིག་གི་མཇུག་ཏུ་ནི། །བྱང་ཆུབ་མཆོག་ཏུ་གདགས་པར་བྱ། །རང་རང་སྙིང་པོ་བདུན་དང་ནི། །ལས་སྔགས་མཚན་རྣམས་མཐུན་པར་སྦྱར། །ཐུགས་ཀྱི་སྤྲུལ་པ་བདུན་ཉིད་ནི། །བདག་ཉིད་ཀྱི་ནི་ཆ་འཛིན་དང་། །རྣམ་པར་རྒྱལ་དང་གཤིན་རྗེ་གཤེད། །མི་གཡོ་མགོན་དང་རྟ་མགྲིན་དཔལ། །སྟོབས་པོ་ཆེ་དང་ཁམས་གསུམ་རྒྱལ། །འདི་རྣམས་ཀྱི་ནི་ལས་ལ་རྒྱུག །གནས་ནི་ཀུན་གཞི་ལྟེ་བ་དང་། །གསང་བ་མིག་དང་རྣ་བ་དང་། །སྤྱི་བོར་སྟབ་ལ་རྐང་མཐིལ་དབྱུང་། །མགྲིན་པ་དག་དང་བདུན་དུ་གདབ། །སྦྱོར་བའི་ལས་མེད་བདུན་བྱ། །དེ་སྐད་ཅེས་གསུངས་སོ། །རྡོ་རྗེ་འཇིགས་བྱེད་གསང་བའི་རྒྱུད་ལས། ལས་ཀྱི་སྦྱོར་ལ་བསྟན་པའི་ལེའུ་སྟེ་བཅུ་པའོ།། །།རྡོ་རྗེ་འདུས་པ་ཆེན་པོས་བཀའ་སྩལ་པ། །གསང་བའི་བདག་པོ། དོན་འདི་ནི་བསྒྲུབ་པའི་འཕྲིན་ལས་མཐར་དབྱུང་བར་བྱ་སྟེ། འཕྲིན་ལས་ཐམས་ཅད་ཀྱི་མཇུག་ལས་ཀྱི་དཀྱིལ་འཁོར་བཞེངས་སུ་གསོལ་བར་བྱའོ། །བསྒྲུབ་པ་དང་བསྒྲུབ་པ་ཆེན་པོ་ལས། འདི་ན་བསྒྲུབ་པ་ཆེན་པོ་ཡིན་པར་བྱའོ། །གསང་བའི་བདག་པོས་ཞུས་པ། རྡོ་རྗེ་འདུས་པ་ཆེན་པོ་འཕྲིན་ལས་ཀྱི་དོན་ནི་གང་། ལས་ཀྱི་དཀྱིལ་འཁོར་ནི་གང་། །བསྒྲུབ་པ་ཆེན་པོ་ནི་གང་ལགས། དེ་སྐད་ཅེས་ཞུས་པ་དང་། རྡོ་རྗེ་འདུས་པ་ཆེན་པོས་བཀའ་སྩལ་པ། གསང་བའི་བདག་པོ་ཉོན་ཅིག །འཕྲིན་ལས་ཀྱི་དོན་ནི་རྣམ་པ་བཞི་རུ་ཤེས་པར་བྱའོ། །དཀྱིལ་འཁོར་ནི་གསུམ་མམ་དྲུག་ཏུ་ཤེས་པར་བྱ། བསྒྲུབ་པ་ནི་གཉིས་སུ་ཤེས་པར་བྱའོ། །དེ་རྣམས་ཀྱི་དོན་ནི་ཇི་ལྟ་བུ། གསང་བའི་བདག་པོ་བཞིའི་དང་པོ་ནི་འདི་ལྟ་སྟེ།ལས་ཀྱི་དཀྱིལ་འཁོར་ནི་བྱ་བ་དང་གཅིག །རྫས་དང་ཡོ་བྱད་བསགས་པ་དང་གཉིས། དྲག་པོ་སྔགས་ཀྱི་བྱ་ཐབས་དང་གསུམ། བསྐུལ་བ་ལས་ཀྱི་ཕོ་ཉ་དང་བཞི། ཁྲིག་དང་བསྟན་དེ་འཕང་དང་ལྔ། །དེ་ལྔས་དང་པོ་དོན་ཤེས་བྱ། །གཏན་ཚིགས་རྒྱས་པར་བཤད་དུ་གསོལ། །དཀྱིལ་འཁོར་ཆེན་པོ་འཇུག་ལ་ནི། །བྱ་བའི་ལས་རྣམས་གོང་བཞིན་ནི། །རང་གི་དགོས་སུ་བྱ་བ་ནི། །མཐིང་ནག་གྲུ་གསུམ་ཟླ་གམ་དམར། །ཟླུམ་པོ་ཨེ་ཡི་མཐའ་བསྐོར་ལ། །རྩང་དང་ཐོད་པ་གཞུད་བཞི་དགོད། །འཕྲིན་ལས་བཞི་ཡི་ཕུར་བུ་བཞི། །ཕྱོགས་བཞི་དག་ཏུ་མཚམས་གཅད་བྱ། །མཆོད་པའི་རིམ་པ་གཞུད་བཞིན་གཟུགས། །འཛབ་དང་ཏིང་འཛིན་གོང་བཞིན་ཤེས། །བར་མཚམས་བསྟོད་དང་མཆོད་པ་བྱ། །རང་གིས་ཏིང་འཛིན་མ་ཡངས་བཟླས། །སྐབས་སུ་དམ་ཅན་གནད་ལ་དབབ། །རྫས་དང་ཡོ་བྱད་གང་ཞེ་ན། །ཡོ་བྱད་བསྒྲུབ་པའི་ཞག་དང་སྦྱོར། །དྲག་པོའི་སྔགས་ཀྱི་སྔགས་རྫས་དང་། །རང་རང་མཐུན་པའི་རྫས་གསུམ་དང་། །ཐོད་པ་མཚན་ལྡན་བཞིའམ་ལྔ། །དུག་གི་གཏོར་མ་ཆ་གསུམ་དང་། །མུད་ཀའི་ཆན་དང་སྦྱར་བ་ཡིས། །ཏིལ་དང་ཛུ་ཚེ་ཕུབ་མ་དང་། ་་ས་ཀར་རྒྱལ་པོ་དག་དང་ནི། །ཐུན་གྱི་རྫས་སུ་སྦྱར་བ་ཡི། །འབྲུལ་གཏོར་མ་ཆ་གཅིག་བཤམ་པར་བྱ། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །ཨ༷་གུ་ཤ་ནི་དཀར་ནག་བསོགས། །མདའ་ནག་སླེ་ནག་དག་ཀྱང་བྱ། །སྨ་ཤད་དག་ནི་བླ་མ་ལ། །བདུད་ཀྱི་ཁྲམ་བམ་བཅུ་བདུན་བྲི། །རྨེ་དྲི་མོ་ཡི་ཐོད་པའམ། །གླིང་བརྒྱད་རབས་ཆད་མོའི་ཐོད་པ་མྲ ཁྲག་སྣ་ཉི་ཤུ་རྩ་གཅིག་བ་སོགས། །མ་མོ་དག་གི་ཁྲག་གི་ཟོར་རོ། །སྤའམ་སྨྱུག་མ་དག་ལ་ནི། །དུར་བྱ་སྒྲོ་ཡིས་བསྐྱོན་ནས་སུ། །བུད་ཤིང་སྐྱེར་པའི་མདེའུ་གཞུག །སྒྲོ་མཚམ་བུག་པ་ཉི་ཤུ་གཅིག །ལས་སྔགས་རྫས་དང་ཚང་བར་གཞུག །དེ་ནི་མིང་གི་མདའ་ཟོར་རོ། །དང་པོ་བདག་ཉིད་སྙིང་པོ་བཟླས། །དེ་ནས་ཁྲོ་བཅུ་སྙིང་པོ་བཟླས། །བར་དུ་རང་རང་བསྐུལ་རྣམས་བཏང་། །དེ་ནས་མ་མོ་འདུས་པ་དང་། །དམ་ཅན་སིལ་བུའི་སྔགས་རྣམས་བཟླས། །དེ་ནི་རྫས་ཀྱིས་ཐོད་པ་ལ། །སྟོང་སྟོང་ཐོན་ནས་སྔགས་ཀྱིས་བྲབ། །རང་གི་བསྐུལ་ནི་སྐབས་སུ་གཞུག །མ་མོའི་རིམས་ནད་སྣ་ཚོགས་ཀྱིས། །གཟས་པ་གང་ཡིན་དེ་ལ་ནི། །ནད་རིམས་སྣ་ཚོགས་བཏང་བར་བསམ། །དེ་ནས་བདུད་ཀྱི་ཁྲམ་བམ་ལ། །ཟབ་མོའི་སྔགས་བདུན་རིམ་བཞིན་བཟླས། །སྐབས་སྐབས་རང་གི་བསྐུལ་དང་ནི། །ཐུན་གྱིས་སྔགས་དག་སྦྲག་ལ་བརྡེག །གཟས་པ་གང་ཡིན་དེ་ཉིད་ལ། །བདུད་ཀྱི་ཁྲམ་ལ་ཐེབས་པར་བསམ། །དེ་ནས་གྱི་གི་མདའ་ཉིད་ལ། །ལས་སྔགས་ཉི་ཤུ་རྩ་གཅིག་བཟླས་པར་བྱ། །ཚར་རེ་ཐོན་ཅིང་རང་གི་བསྐུལ་རེ་དང་། །བཟླས་ཉུངས་རེ་སྦྲགས་ཏེ་གཞུག་པར་བྱ། །གཟས་པ་གང་ཡིན་དེ་ཉིད་ལ། །སྐར་མདའ་ལམ་དུ་གཞུག་པ་བཞིན། །རང་དབང་མེད་པར་ཐལ་ཕྱུང་ནས། །བཟོད་གླགས་མེད་པར་དམྱལ་ཐག་གཅོད། །བསྐུལ་ནི་དུས་ལ་བབ་དྲུག་དང་། །མཆོད་དྲུག་དག་ཏུ་སྦྲགས་ལ་གཏང་། །ཏིང་འཛིན་སྔགས་དང་ཕོ་ཉ་གསུམ། །ཀུན་ལ་བཏགས་པར་ཤེས་པར་གྱིས། །རང་རེའི་ཐུན་སྔགས་ཟིན་པ་དང་། །བསྐུལ་དྲུག་མཆོད་དང་གདགས་པར་བྱ། །གང་ཟིན་དེ་ནི་ལས་ལ་འགྲོ་ལ་མ་རེག་པར། །ཀུན་ཀྱང་ཆས་པའི་མདོག་ཏུ་སྣང་། །ཁྲིགས་ནི་སྲིད་པའི་མར་ངོ་ཡི། །ཁྱབ་འཇུག་རྒྱུ་བའི་དུས་སུ་བྱ། །བདག་ཉིད་ཆས་གོས་ནག་པོར་བྱ། །ཏིང་འཛིན་གདེང་དང་ལྡན་པར་བྱ། །གྱིང་པོ་གསུམ་གྱི་ཟོར་སྣ་གསུམ། །རང་རང་ལག་ཏུ་ཁྱེར་ནས་ནི། །རང་རང་སྔགས་ནི་རང་རང་བཟླས། །རང་རང་བསྐུལ་ཀྱང་རང་རང་གཏང་། །གུ་རུ་དག་གི་ཕྱག་ཏུ་ནི། །དྲག་པོའི་སྔགས་རྫས་ཀུན་ཁྱེར་ལ། །མགོ་འཇུག་སྔགས་རྣམས་མ་ནོར་བར། །བཟླས་ཤིང་ཏིང་འཛིན་གསར་བར་བྱ། །ཀུན་དགའི་ཏིང་འཛིན་ང་རྒྱལ་བསྐྱེད། །བཟླས་པ་གང་ཡིན་ཕྱོགས་སུ་ནི། །ཉེའམ་རིང་བའི་ཕྱོགས་བརྟགས་ལ། །བསྐུལ་དང་ཕོ་ཉ་དྲག་ཏུ་གཏང་། །ཁྲིགས་དང་སྦྲགས་ལ་གདགས་པར་བྱ། །ཟོར་ལམ་དག་ཀྱང་འདི་ལྟར་བསྟན། །སྟེང་གི་ལྷ་ལ་མི་ཟོར་རོ། །འོག་གི་ཀླུ་ལ་མི་ཟོར་རོ། །བར་སྣང་ལྷ་བྲན་མི་ཟོར་རོ། །འདི་ནི་སྡང་བའི་དགྲལ་ཟོར། །འདི་ནི་གནོད་པའི་བགེགས་ལ་ཟོར། །ཅེས་པ་དང་། རྡོ་རྗེ་གསང་བའི་དང་། སྔགས་མགོ་འཇུག་མ་ནོར་པར་བཟླས་ཤིང་། དེ་ནས་ཁྲག་ཟོར་དང་ཁྲམ་ཟོར་རིམ་པ་བཞིན་དུ་བརྡེག །གང་ཡིན་རྡུལ་དུ་བརླག་པར་བྱ། །ཚངས་པའི་ཚེ་དང་ལྡན་པ་ཡང་ཞག་ཉི་ཤུ་རྩ་གཅིག་དག་གིས་རླག་པར་བྱེད། ནོར་ཅིང་ལོག་ན་རང་ལ་ལྡོག་པའི་ཉེན་ཡོད་དོ། །དེ་སྐད་ཅེས་གསུངས་པ་དང་། འཁོར་རྣམས་ཐམས་ཅད་བརྒྱལ་བར་གྱུར། །རྡོ་རྗེ་འཇིགས་བྱེད་གསང་བའི་རྒྱུད་ལས། དྲག་པོའི་ཟོར་བསྟན་ང།འི་ལེའུ་སྟེ་བཅུ་གཅིག་པའོ།། །།དེ་ནས་ཡང་རྡོ་རྗེ་འདུས་པ་ཆེན་པོས་བཀའ་སྩལ་པ། གསང་བ་བའི་བདག་པོ། འདི་ནི་ལས་ངན་པའི་སྡིག་ཅན་གང་གིས་ཀྱང་འདུལ་བའི་དུས་ལ་མ་བབ་པ་ལེགས་པའི་དོན་ནི་གང་ཡང་མེད་པ། རྣམ་པར་འཚེ་བའི་ལས་ནི་སྣ་ཚོགས་བྱེད་པ། བསྟན་པ་འཇིག་པའི་ལོག་སྡེ་པ། དཀར་བའི་སེམས་ནི་གཏན་བརླག་པ། ཐུགས་རྗེ་གང་གིས་ཀྱང་འདུལ་བར་མ་གྱུར་པ། སྔོན་གྱི་དུས་སུ་དགེ་སློང་ཐར་པ་ནག་པོ་དང་འདྲ་བའི་སེམས་ཅན་དེས་གཞན་ལ་གནོད་པའི་ལས་སྣ་ཚོགས་བྱེད་པ་དེ་བསྒྲལ་ཅིང་མནན་པའི་ཕྱིར། དྲག་པོ་ལས་ཀྱི་འཁོར་ལོ་འདི་བཤད་པར་བྱའོ། །གསང་བའི་བདག་པོས་ཞུས་པ། དུས་ཀྱིས་མནར་བའི་སྡིག་ཅན་འདི། །ལས་ཀྱི་མཐའ་ནི་གང་དུ་གཏད། །འཁྲུལ་འཁོར་ལས་འདི་ཇི་ལྟར་བྱ། །དྲག་པོའི་རྫས་རྣམས་ཇི་ལྟར་གསོག །ཅེས་ཞུས་པ་དང་། རྡོ་རྗེ་འདུས་པ་ཆེན་པོས་བཀའ་སྩལ་པ། གཟུགས་བརྙན་མཎྜལ་མངོན་བཞེངས་ལ། །བྱ་བའི་ལས་རྣམས་རྫོགས་པར་བྱ། །རྨེ་དྲི་མོ་ཡི་ཐོད་པ་ལ། །སྡིག་པ་ནག་པོའི་གཟུགས་སུ་བྱ། །རབས་ཆད་མོན་གྱི་ཐོད་པ་ལ། །སྦལ་པ་ནག་པོའི་གཟུགས་ཀྱང་བྲི། །དྲག་པོའི་འཁོར་ལོ་རྩིབས་བརྒྱད་པ། །ཆ་གཉིས་སུ་ནི་བྲི་བར་བྱ། །རྩིབས་བརྒྱད་འཁོར་ལོ་གོང་མ་ལ། །ཨོ་ནི་དབུས་ཀྱི་དང་ལ་བཞག །གཟས་པའི་མིང་བྱང་བར་དུ་གཞུག །ཡབ་ཡུམ་ཞལ་ནི་སྤྲད་པའམ། །འབྲུ་བརྒྱད་དག་གི་འཁོར་ལོ་བརྒྱད། །རྡོ་རྗེ་དག་ནི་ཤར་དུ་སྟེ། །འདི་འམ་རུ་ནི་ལྷོ་རུའོ། །འོག་མ་དག་ནི་ནུབ་ཏུ་སྟེ། །མཛེས་པ་དག་ནི་བྱང་དུའོ། །སྣ་ཚོགས་ལྔ་པ་ཤར་ལྷོའོ། །འབིགས་པ་དག་ནི་ལྷོ་ནུབ་བོ། །འགུགས་པ་དག་ནི་བྱང་ནུབ་ཏུ། །གནན་པ་དག་ནི་བྱང་ཤར་རོ། །ཡོན་ཏན་ལྡན་པ་ལྟེ་བ་ལ། །དྲག་པོའི་མིང་སྤེལ་རྩིབས་ལ་བསྐྱོན། །མོ་ཡི་སྔགས་ཀྱང་འོག་ཏུ་སྟེ། །བདེ་གཤེགས་ལྡན་པ་ལྟེ་བ་ལ། །རི་རབ་དག་ནི་ཤར་དུའོ། །ཐུགས་ནི་རི་རབ་ལྷོ་རུའོ། །གཉིས་མེད་དག་ནི་ནུབ་བྱང་ལ། ཁྲོ་མོ་རྣམས་ནི་བྱང་དུའོ། །བཅོམ་ལྡན་འདས་ནི་ཤར་ལྷོ་ལ། །ཤེས་རབ་དག་ནི་ལྷོ་ནུབ་བོ། །ཐབས་དང་ལྡན་པ་བྱང་ནུབ་ཡིན། །གཉིས་སུམེད་པ་བྱང་ཤར་རོ། །ཁྲོ་བོ་འདུས་པའི་རྩིབས་ལ་བསྐྱོན། །གཟས་པའི་མིང་བྱང་བར་དུ་གཞུག །ཨོ༷་བཛྲ་ཀི་ལི་ཀི་ལ་ཡ། སརྦ་བིག་ནན་བ༷་དྲི་མ་ར་ཡ་ཧུ༷་ཕཊ། ཨོ༷་ལ༷་ཧུ༷་ལ༷་སྟམ་པ་ནན་མོ་ཧཀྟ་ཡ་བྷ་ག་བན། གྲི་ཀྲི་བི་ཀྲི། བྲི་བཛྲ། ཧུ༷་ཀ་ར་ཧུ༷་ཧུ༷་ཕཊ་ཕཊ །མ་ར་ཡ་སྟ༷་བ་ནན། ཨེ་ག༷་འབར་བའི་དཀྱིལ་འཁོར་རམ། །ཉི་ཤུ་རྩ་གཅིག་ཁྱམས་བྱས་ནས། གོང་གི་ཕུར་པ་ཚུལ་བཞིན་དགོད། །གནན་ན་ཕུར་པ་བརྒྱ་ནི་རྩ་བརྒྱད་ནི། །འབྱུང་བ་བཞི་ལ་བཏབ་པའི་ཕྱིར། །སོར་བཞི་པ་ཡི་ཚད་དུ་བྱ། །མིང་བྱང་བརྒྱ་ནི་རྩ་བརྒྱད་དང་། །བར་ཁྱམས་དག་ལ་དགོད་པར་བྱ། །ཨེ་གམ་ཡིན་ན་གྲྭ་རུ་བཞག །གཟས་པའི་མིང་བྱང་དག་ལ་ནི། །ཟབ་མོ་སྔགས་ཀྱི་འཁོར་ལོ་དགོད། །ཧ་ས་དག་ནི་རྣ་བ་ལ། ་༽་པ་དག་ནི་ཡན་ལག་ལ། །ཛ་ལ་དག་ནི་ཁ་ལའོ། །ཏ་པ་དག་ནི་མིག་ལ་བྱ། །ཨ་པ་དག་ནི་ལྟེ་བ་ལ། །བིད་ད་དག་ནི་འཕོངས་སུའོ། །ཨ་ཨ་ཨ་དག་ནི་སྙིང་ལའོ། །ཧ་ས་ཡ་ར་ཧ་ཏ་ན་ཧུ༷་ཕཊ།ཐྲི་ཀྲི་བི་ཀྲི་ཨ་ན་ཡ་ཧུ༷་ཕཊ །ཨ་བེ་ཤ་ཡ་ཨ་བེ་ཤ་ཡ་ཧཱུཾ་ཕཊ། ཛ་ལ་པ་ཡ་ཛ་ལ་བ་ཡ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧུ༷་ཕཊ། བིད་ཏ་ཡ་བིད་ཏ་ཡ་ཧཱུཾ་ཕཊ། ཧུ༷་ཀ་ར་ཨ་ཨ་ཨ། མཛོ་དང་ཏོལ་གྱི་ཐོད་པ་སྲ །ཕག་པ་ཕྲ་བོ་ཁྱི་ནག་དང་། །ཙི་ཙི་ཛ་ལའི་ཐོད་པ་དང་། །ཐོད་སྣ་ཚང་བར་བསོག་པར་བྱ། །ལྕགས་ཕྱེ་ཟངས་ཕྱེ་ཉུངས་ཀར་རྒྱལ། །དུརདག་གི་སོལ་བ་དང་། །ཨ༷་གུ་ཤ་ནི་དཀར་ནག་དང་། །དུག་རྫས་རྣམ་པ་སྣ་ཚོགས་དང་། །དར་དང་མཚལ་དང་གུ་གུལ་དང་། །ཀླུ་སྨན་རྣམ་པ་སྣ་ཚོགས་དང་། །བལ་ཚོན་བྲུབ་དང་སྔོན་དམར་བྱད། །ལྕགས་ཐགས་རིམ་པ་སུམ་རིམ་དང་། །རེ་ནག་གོས་ནག་དག་དག་ནི། །ཏིལ་དང་ཇུ་ཚེ་ཕུག་མ་དང་། ཁྲེ་དང་མོན་སྲན་མུན་ཀའི་ཆན། །འབྲས་དང་གྲོ་དང་ནས་ལ་སོགས། །འབྲུ་སྣ་རྣམ་པ་སྣ་ཚོགས་བསོག །གསེར་དང་སྦུག་དང་ཨ་མ་གར་བ་སོགས། །རིན་པོ་ཆེ་ནི་སྣ་ཚོགས་གསོག །དེ་ལ་སོགས་པ་མཐུན་པའི། །རྫས་རྣམ་པ་སྣ་ཚོགས་བསགས། །རྫས་རྣམས་ཀུན་ནི་ཚོགས་པ་དང་། བསྒྲུབ་པའི་རིམ་པ་ཚུལ་བཞིན་བྱ། །ཀུན་གྱི་འཕྲིན་ལས་ཀྱི་ཁ་ཚར་རྫོགས་པར་བྱ། །བསྙེན་པའི་མན་ངག་ཟིན་པར་བྱ། །དེ་ནས་འགུག་པའི་བརྟུལ་ཞུགས་བསྐྱེད། །དེ་ནས་བསྒྲུབ་པའི་བསྙེན་པ་བཟླས། །དེ་ནས་འཁོར་འོའི་སྔགས་རྣམས་བཟླས། །བར་བར་ཛ་ཧུ༷་བ༷་ཧོ་དགུག་གཞུག་བྱ། །ཕྲལ་དང་གཟིར་དང་བྱད་དུ་གཞུག །རང་དབང་མེད་པར་འོང་བར་བྱ། །སྟོང་སྟོང་ཐོན་མཆོད་བསྟོད་ཚུལ་བཞིན་བྱ། །དེ་ནས་སྔགས་བདུན་སྡེ་བདུན་དག་དང་ནི། །སྦྲགས་ཏེ་མ་འགུགས་བར་དུ་བཟླས། །བསྐུལ་དང་གནད་ལ་དབབ་པ་དང་། །སྐབས་དག་ཏུ་ནི་བྱ་བར་ཤིས། །ཟབ་མོའི་སྔགས་ནི་རྐྱངཔལ། །ཏིསྟཙཀྲབཏགས་པ་ནི། །སྒྲོལ་བ་དག་ཏུ་ཤིས་པར་བཤད། །མཆོད་དང་བསྟོད་པ་གོང་བཞིན་ནོ། །སྐབས་སྐབས་རྫས་དང་ཚིག་ཏུ་སྦྲགས་ཏེབྲབ། །ཨ་།་དག་ལ་མེ་ཆེན་ཤོར་བ་བཞིན། །རང་དབང་མེད་པར་འཚིག་པར་བསམ། །ཕ་རོལ་ཕྱིན་ལ་སོགས་པ་ཡི། །སྔགས་ནི་ཉི་ཤུ་རྩ་གཅིག་གི །རྣལ་འབྱོར་པ་ཡི་བཟླས་པ་ཡིས། །ཐམས་ཅད་གཅེར་བུ་རལ་པ་ཅན། །སྟོད་ནི་ཞལ་གཅིག་ཕྱག་གཉིས་ལ། །སྨད་ནི་ཕུར་པའི་རང་བཞིན་ལ། །བརྒྱ་ནི་རྩ་བརྒྱད་དག་ཏུ་ཤར། །མགར་གྱི་ཚ་ཚས་བཏབ་པ་བཞིན། །གཅིག་ལ་བཏབ་པས་ཀུན་ལ་ཐེབས། །སྡུག་བསྔལ་ཉམས་སུ་མྱོང་བར་བགྱིས། །ཉི་ཤུ་རྩ་རེ་ཚངས་པ་དང་། །དུས་དྲུག་གི་ནི་དགུག་གཞུག་བྱ། །གནད་ལ་དབབ་དང་སྐུར་བ་ཡིས། །དྲག་པོ་རྫས་སྦྲགས་ཏེ་བྲབ་པར་བྱ། ་གོན་ཏུར་དང་གཟས་པ་གསལ་བ་ཡིས། །སྡུག་བསྔལ་ཉམས་སུ་མྱོང་བ་ཡིས རང་དབང་མེད་པར་བརླག་པ་ཡིས། །མ་བརླག་བར་དུ་བསྐྱར་ཅིང་བཟླས། །དེ་ལྷར་དྲོད་རྟགས་བྱུང་བ་དང་། །ལས་ཀྱི་སྦྱོར་བ་རིམ་པར་བྱ། །རྫས་དང་ལག་ཆ་ཀུན་ཁྱེར་ལ། །སྤྱིའམ་ཡང་ན་རེ་རེ་འགྲས། །སྤྱི་ལ་དུར་ཁྲོད་གླིང་དག་ཏུ། །གནན་པའི་ཁ་ཚང་ཚང་བར་བྱ། །གཡས་རི་ནག་པོའི་ལྕགས་ཐགས་ལ། །དུར་ཁྲོད་དག་གི་སོལ་བ་ཡིས། །རྒྱ་གྲམ་དག་གི་ཚུལ་བཞིན་བྲི། །རྒྱ་གྲམ་ཐ་མ་དྲི་ཡིས་བསྐོར། །ཆ་གཉིས་ཚུལ་དུ་བསོག་པར་བྱ། །འོག་མ་དག་ནི་འོག་ཏུ་གདིང་། །དེ་ཡི་སྟེང་དུ་འདི་ལྟར་བྱ། །དུས་ལ་བབ་པའི་ཚིག་ཚོ་དང་། །བསྐུལ་དང་སྔགས་སུ་སྦྲགས་པ་ནི། །གཟིར་བ་རི་རབ་གསུམ་གྱིས་གཟིར། །བརྒྱ་རྩ་བརྒྱད་ཀྱི་གབ་གཟུང་བྱ། །དགྲ་བོས་ཉེས་པའི་བགྲང་ལུང་བྱ། །རང་ཉིད་ཤིན་ཏུ་གསལ་བསྒོམ་ལ། །གཟས་པའི་མིང་བྱུང་དེ་ཉིད་ལ། །དངོས་སུ་བསྒྲལ་བའི་འཕྲིན་ལས་བྱ། །གནས་ནི་ཉི་ཤུ་རྩ་གཅིག་ཏུ། །དྲུག་ཚོ་བཅུ་བདུན་རྐྱང་བ་བཞི། །བརྒྱ་རྩ་བརྒྱད་ཀྱིས་གདབ་པར་བྱའོ། །སྔགས་ནི་གོང་གི་ལས་སྔགས་ཚོ་ཡིས་གདབ། །གདབ་པའི་ཁ་ཚར་ཟིན་པ་དང་། །ཐུན་གྱི་ལས་རྣམས་རྫོགས་པར་བྱ། །ད་ནི་གཏད་པའི་ལས་བྱ་སྟེ། །བདག་ཉིད་དཔའ་བོའི་ལས་ལྡན་པས། །ཕུར་པའི་ལིང་གར་བཅས་པ་ནི། །འཁོར་ལོ་དག་གི་དབུས་སུ་གཞུག །དྲི་ཡི་ཐོད་པ་འོག་ཏུ་བཅའ། །གཤེད་ཀྱི་ཐོད་པ་སྟེང་ནའོ། །སྦལ་པ་སྡིག་པ་སྟེང་འོག་གོ །སྤྲུལ་གྱི་ཆུ་འཁོར་དག་གིས་བཅིང་། །མཛོའམ་ཏོལ་གྱི་ཐོད་པ་དག །གཡས་ཀྱི་ཕྱོགས་སུ་གཞུག་པར་བྱ། །ཕག་པ་ཁྲ་བོའི་ཐོད་པ་དག །གཡོན་ཕྱོགས་སུ་ནི་གཞུག་པར་བྱ། ཁྱི་ནག་དག་གི་ཐོད་པ་དང་། །རྟ་ནག་དྲེད་ཀྱི་ཐོད་པ་ནི། ཁྲར་ནུབ་གཉིས་སུ་གཞུག་པར་བྱ། །དུར་ཁྲོད་རེ་བས་ཐུམ་པོ་བྱ། །བདག་ཉིད་ཀུན་མ་རར་གསལ་ནས། །གནོད་སྤྱིན་རྒྱལ་པོ་ལག་ཏུ་གཏད། །ཧ་པ་དག་གིས་གཏད་པར་བྱ། །དེས་ནི་མ་མོ་འཁོར་ལོ་རྣམས། །མ་ནོར་ཚུལ་དུ་གཏད་པར་བྱ། །མ་མོ་འདུས་པའི་མན་ངག་རྣམས། །དེ་ནི་བདུད་ཀྱི་ལག་ཏུ་གཏད། །ཧ་བ་དག་གི་མན་ངག་སྤྱིན། །གཏད་དོ་མ་གཏང་ཤོ་ར་རེ། །ཐམས་ཅད་འདུས་པའི་མན་ངག་གིས། །རི་བོ་ཆེན་པོའི་འོག་ཏུ་གཟིར། །ཀུན་ཀྱང་མི་་།ར་ལྕགས་ཐག་གིས། །རང་དབང་མེད་པར་བཅིང་བར་བྱ། །རྒྱ་གྲམ་གཅིག་གིས་གོང་ནས་མནན། །ཀརྨ་འདུས་པའི་འཕྲིན་ལས་གདབ། །དེ་ནས་བདག་ཉིད་དཀྱིལ་འཁོར་དགོད། །ཤིན་ཏུ་བརྗོད་པའི་ང་རྒྱལ་བྱ། །འཕྲིན་ལས་རྣམ་བཞིའི་བྲོས་ཀྱང་བརྡུང་། །དེ་ལྟ་བུ་ཡི་ཚུལ་རིག་ན། །ཐམས་ཅད་མ་ལུས་ཕུང་བར་བྱེད། །སྟམ་པ་ནན་ཞེས་རི་རབ་གཟིར། །བཟླས་བརྗོད་མ་ཉམས་ཚུལ་བྱས་དང་། །འཕྲིན་ལས་ཚུལ་བཞིན་བྱས་པས་ནི། །རྩ་རྒྱུད་ཀུན་ཀྱང་བརླག་པར་འགྱུར། །དེ་ནས་གསང་བའི་བདག་པོ་དེས། །རྡོ་རྗེ་འདུས་པ་ཆེན་ལ་ཞུས། །རང་རང་བསྒོས་སུ་འགྲས་པ་ལ། །བྱ་བའི་ཐབས་ནི་ཇི་ལྟ་བུ། །སྟོན་པའི་སྟོན་པས་བཤད་དུ་གསོལ། །གསང་བ་བའི་བདག་པོ་ཉོན་ཅིག །འདི་ཡི་དོན་ནི་འདི་ལྟ་སྟེ། །བཏད་ཐབས་བཞི་རུ་ཤེས་པར་གྱིས། །སྲོག་ལ་བྱེད་ན་དམུ་བདུད་ཙན་ལའོ། །རིམས་ནད་གཏོང་ན་མ་མོ་ལའོ། །ཞ་གྲུམ་བྱེད་ན་ས་བདག་ལའོ། །མཛ་རྣམས་གཏོང་ན་ཀླུ་རྣམས་སོ། །གང་ལ་བྱེད་པར་གྱུར་པ་ལ། །བྱ་བའི་རིམ་པ་དེ་བཞིན་ནོ། །མཐུན་པའི་རྫས་ནི་རང་རང་གི །གང་ཡིན་དེ་ནི་བསག་པར་བྱ། །སྲོག་གི་རྫས་ནི་གང་བྱེད་པ། །སྙིང་སྣ་རྣམ་པ་སྣ་ཚོགས་དང་། །དྲག་པོའི་རྫས་རྣམས་ཀུན་དང་ནི། །ལིང་ག་འཁོར་ལོ་སྦྲགས་པ་ཡིས། །ཁྱུ་བ་ནག་པོའི་རྭ་ནི་གཡོན་པ་དག་ཏུ་བྱ། །བདུད་ལ་གཏོད་པར་གྱུར་པ་ན། །བྲག་ནི་ནག་པོའི་རྩ་ཤེད་དམ། །གྲོག་པོ་ཕུག་རྡུགས་དག་ཏུ་གནན། །དེ་ནི་གླང་ཐབས་དག་གིས་འཆི་བར་འགྱུར། །བཙན་པོ་དག་ལ་གཏོད་འགྱུར་ན། །གླང་དམར་དག་གི་རྭ་གཡས་ལ། །བྱ་བའི་རིམ་པ་དེ་བཞིན་ནོ། །གནན་པ་བྲག་དམར་བཙན་སྐྱར་འདུག་པ་ལ། །ཆུ་ནི་ཙག་ཙོག་དག་ཀྱང་ཡོད། །དེ་ཡི་འགྲམ་ལོགས་གནན་པར་བྱ། །མཛས་པའི་ང་རྒྱལ་ཚུལ་བཞིན་བྱ། །གཟེར་བ་དག་གིས་འཆི་བར་འགྱུར། །མ་མོ་དག་ལ་བྱེད་འགྱུར་ན། །ཐོད་པ་མཚན་ངན་བཞི་བཤམས་ལ། །སྨེ་དྲི་མོ་ཡི་ཐོད་པ་སྲ །ནལ་ཕྲུག་ཤ་ཁྲག་ཚོགས་པ་ལ། །ལྷ་མོ་ནག་མོའི་ཐུན་ཡིག་བྱ། །རབས་ཆད་ནག་པོའི་ཐོད་པ་སྲ །ཤ་སྣ་ཁྲག་སྣ་ཚོགས་པ་ལ། །མཆེད་བཞི་བདག་གིས་ཐུན་ཡིག་བྱ། ཁྱིའམ་སྤྱང་ཁུའི་ཐོད་པ་མྲ །ཤསྣ་ཀུན་ནི་ཚོགས་པ་ལ། ་༑ན་ན་ཀའི་ཐུན་ཡིག་བྱ། །དུར་ཁྲོད་དག་གི་ཐོད་པ་མྲ །ཤ་ཚིལ་ཁྲག་རྣམས་ཚོགས་པ་ལ། །བསེ་ཡི་ལྷ་མོའི་ཐུན་ཡིག་བྱ། །རང་རང་འཛབ་ནི་རྫོགས་པ་དང་། །བསྐུལ་དང་མཆོད་པ་ཚུལ་བཞིན་བྱ། །རྟགས་ནི་དྲོད་ལ་ཕེབས་པ་ལ། །སྨེ་དྲི་མོ་ཡི་ཐོད་པ་སྲ །གོང་གི་རྫས་རྣམས་གཅིག་ཏུ་གསོག །མཚན་མའི་གཟུགས་དང་སྦྲགས་ལ་ནི། །དུར་ཁྲོད་མ་མོ་བཞི་རྣམསབྱས། །སྙིང་ཁར་མཚན་མའི་མིང་བྱང་ནི། །གཞུག་པར་བྱ་བའི་རིམ་པོ་ནི། །ནུབ་བྲག་དག་ཏུ་གྲུ་གསུམ་བྲུས་ནས་ནི། །བྱ་ནག་དང་གི་སྒོ་ང་དང་། །སྨུག་དང་དཀར་དང་གྲོ་དང་བཞི། །དེ་བཞི་སྒོ་ང་བཞི་ནང་དུ། །མཚན་མའི་ལིང་ཁ་གཞུག་པར་བྱ། །ལྷ་ཁང་ལྡེར་སོ་དག་གམ་ནི། །གཟུགས་བརྙན་ཡོད་པའི་འོག་ཏུ་གཞུག །བདག་ཉིད་ཀྱིས་ནི་བསྒོ་བ་ཡིས། །མ་མོ་རྣམས་ཀྱང་ལག་ཏུ་གཏད། །མ་མོ་དེ་རྣམས་ཀྱིས་ནི། །གནོད་སྤྱིན་རྣམས་ཀྱི་ལག་ཏུ་གཏད། །གནོད་སྤྱིན་རྒྱལ་པོ་ཆེན་པོ་ཡིས། །ས་བདག་ཕག་གི་ལག་ཏུ་གཏད། །དེས་ནི་ཀླུ་རྒྱལ་མཆོག་ལ་གཏད། །དེས་ནི་མཚོ་སྨན་དབུ་དགུ་མའི་ལག་ཏུ་གཏད། །དེས་ནི་ཨེ་ཀ་ཛ་ཏི་གསང་བའི་ཡུམ་ལ་གཏད། །བྱང་ཆུབ་མཆོག་དང་མ་ལྡན་ན། །ནམས་ཀྱང་ཐར་པའི་ཁར་མི་དབྱུང་། །ནད་ནི་རིམས་ནད་སྣ་ཚོགས་དང་། །གཟིར་བ་ཕོ་ལོག་དག་གིས་འཆི། །ལོ་དུས་དག་ཏུ་འབྱུང་བར་འགྱུར། །ས་བདག་ཀླུ་ལ་གཏད་པ་ནི། །བྱ་བའི་རིམ་པ་གོང་བཞིན་ནོ། །འཁྲུལ་འཁོར་ལས་ཀྱི་འཁོར་ལོ་བརྩམ། །སྦྲུལ་གྱི་འཁོར་ལོ་མགོ་བརྒྱད་ལ། །མཚན་མའི་མིང་བྱང་དབུས་སུ་གཞུག །སྔགས་ཀྱི་ཐེམ་ཡིག་གོང་བཞིན་བཟླས། །དེ་ནས་ཀླུ་ཡི་མཆོད་པ་བྱ། །དགུག་གཞུག་བྱ་ཞིང་གཟུགས་ལ་བསྟིམ། །སྦལ་པ་ནག་པོའི་གཟུགས་བྲིས་ལ། །ཁོང་བ་དག་ཏུ་མཚན་མ་གཞུག །སྡིག་པ་ནག་པོའི་གཟུགས་བྲིས་ལ། །རྭ་ཕྲག་དག་ཏུ་མཚན་མ་གཞུག །ས་བདག་དག་གི་དགུག་གཞུག་ལ། །མཆོད་དང་བསྟོད་པཚུལབཞིནབྱ། །རངགི་འཕྲིན་ལསཚུལབཞིནབྱ། །ཀླུདང་ས་བདག་བཅོལ་བསྐུལ་བྱ། །ཨ་བེ་ཤ་ཡིས་གཟུགས་ལ་བསྟིམ། །ཧ་པ་དག་ནི་དབང་དུ་བསྡུ། ཁེ་བ་བཟླས་ཤིང་སྔོན་དམར་གྱིས། །སྦྲུལ་གྱིས་ཆུན་འཁོར་དག་ཏུ་བཅིང་། །གདབ་པའི་ཕུར་པ་གོང་བཞིན་དུ། །ལས་ཀྱི་རིམ་པ་རྫོགས་པར་བྱ། །བདག་ཉིད་ཀུ་མ་ར་རུ་བསྒོམ། །ཞལ་གཅིག་ཕྱག་ནི་གཉིས་པ་ལ། །རིན་ཆེན་གཤོག་པ་དག་ལ་ནི། །ཀླུ་རྣམས་ཐམས་ཅད་ཟིལ་གྱིས་གནོན། །ཕྱག་གཉིས་སྦྲུལ་གྱི་ཞགས་པ་འཛིན། ཁེན་ཏུ་འདྲིས་པར་གསལ་བར་བྱ། །ས་བདག་ཀླུ་རྣམས་དབང་དུ་བསྡུ། །ཨ་བ་ཡང་ཡང་བཟླས་ཤིང་བསྡུ། །ཀླུ་ཡི་མཆོད་པ་སྐབས་སུ་གཞུག །ཨ་པའི་ཞབས་ལ་ན་ག་གདགས། ཁྲི་ཚོ་གཅིག་ཏུ་བསྐྱལ་བར་བྱ། །ལས་ལ་སྦྱོར་བའི་ལ་ཁར་ནི། །གླང་བུ་དམར་པོའི་རྭ་ནང་དུ། །སྤྲ་ཚིལ་ཚས་དང་ལྡན་པར་གཞུག །གོང་གི་ལིང་ཁ་དབུས་སུ་གཞུག །ལ་ཆ་ཐིགས་པའི་ཁ་ཡང་བཅད། ཁེང་བུ་རྐང་གཅིག་དྲུང་དུ་གནན། །བྱ་བའི་རིམ་པ་གོང་བཞིན་ནོ། །གྲུ་གསུམ་ཁྲུ་གང་འཐུར་དུ་བྲུས་ལ་ནི། །ས་བདག་ཆེན་པོའི་ལག་ཏུ་གཏད། །རྒྱ་གྲམ་འཕྲིན་ལས་བྲོ་ཡིས་བརྡུང་། །རང་གི་རྗེས་རྣམས་ཁྲག་གིས་བཅད། །རག་ཏའི་ཐིག་ལེ་གསུམ་དུ་བྱ། །གཏིང་ལ་ཕུར་པ་ཁྲོ་བོར་གདབ། །རྭ་ཡ་འགྲམ་དུ་ཁྲོ་འདུས་བཏབ། །ཉལ་དང་ལངས་པའི་དུས་ཚོད་བཏབ། །སྒོ་དང་ཕུག་ནི་ངོ་ཤེས་བྱ། །འཇིགས་པ་མེད་པའི་སེམས་ཀྱི་གནན། །དེ་ལྟར་བྱས་པ་རྫོགས་པ་ན། །ལོ་དུས་དག་རུ་ནད་ཀྱིས་གཟིར། །འཆི་བར་འགྱུར་ཏེ་ཐེ་ཚོམ་མེད། །རྡོ་རྗེ་འཇིགས་བྱེས་གསང་བའི་རྒྱུད་ལས། གནན་གཟིར་གྱི་ལས་ཀྱི་ལེའུ་སྟེ་བཅུ་གཉིས་པའོ།། །།རྡོ་རྗེ་འདུས་པ་ཆེན་པོས་བཀའ་སྩལ་པ། གསང་བ་པའི་བདག་པོ་བསྒྲུབ་པའི་དོན་ནི་འདི་ལྷར་ཤེས་པར་གྱིས་ཤིག །སྔོན་དུ་བྱ་བའི་ལས་དང་ནི། །བསྒྲུབ་པའི་ཁ་ཚར་དང་བསྐྱེད་པའི་རིམ་པ་བྱ་བ་དང་། །རང་བཞིན་གྲུབ་པའི་གནས་ནས་སྤྱན་དྲངས་བསྟིམ། །མཆོད་པའི་ཁ་ཚར་རྫོགས་པར་བྱ། །བསྒྲུབ་པ་ཆེན་པོའི་ལས་རྣམས་བྱ། །དབང་དང་དངོས་གྲུབ་རིམ་པ་བྱ། །དྲག་པོ་ཧོམ་གྱི་མཐའ་བརྟུལ་བྱ། །ལྟ་བའི་མཐའ་བརྟུལ་རྫོགས་པར་བྱེད། །ཅེས་གསུངས་པས། གསང་བའི་བདག་པོ་ལ་སོགས་པ་རྣམས་ཡི་རང་བར་གྱུར་ཏོ། །དེ་ནས་གསང་བའི་བདག་པོས་ཞུས་པ། རྡོ་རྗེ་འདུས་པ་ཆེན་པོ། གསང་སྔགས་ཀྱི་སྔོན་དུ་འགྲོ་བའི་རིམ་པ་ནི་གང་ལགས། དེ་སྐད་ཅེས་ཞུས་པ་དང་། རྡོ་རྗེ་འདུས་པ་ཆེན་པོས་བཀའ་སྩལ་པ། གསང་བའི་བདག་པོ་དེ་ནི་འདི་ལྟར་ཤེས་བར་གྱིས་ཤིག །དམ་ཚིག་མ་དག་པ་རྣམས་དག་པར་བྱ་བའི་ཕྱིར་མདོ་གསུམ་དུ་བཀླག་པར་བྱ། ཞི་དང་རྒྱས་དང་དབང་དང་དྲག །འཕྲིན་ལས་བཞི་ཡིས་སྐུ་གདུང་གདབ། །བགེགས་རྣམས་ཞི་དང་བརླག་པ་དང་། །མ་དག་པ་རྣམས་དག་པའི་ཕྱིར། །རྡོ་རྗེ་ཁྲུས་ཀྱི་མདོ་དག་གདོན། །ཡོངས་ཀྱི་སྒྲིབ་པ་དག་པའི་ཕྱིར། །ཡན་ལག་བདུན་པ་ཚུལ་བཞིན་བྱ། །བསྒྲུབ་པ་པོ་ལ་སྟོང་གྲོགས་བྱ་བའི་ཕྱིར། །མགོན་པོ་རྣམས་ལ་མཆོད་སྤྱིན་གཏོར་མ་སྦྱིན། །འགྲོ་དྲུག་སེམས་ཅན་ཚིམ་བྱའི་ཕྱིར། །མཆོད་སྒྱིན་གཏོར་མ་གཉིས་པ་སྤྱིན། །བགེགས་རྣམས་ཐམས་ཅད་བསྐྲད་པ་དང་། །གཟས་པའི་གཤེད་དང་དབྲལ་བའི་ཕྱིར། །མཆོད་སྦྱིན་ཐ་མ་བསྔོ་བར་བྱ། །རྒྱལ་ཆེན་བཞིའམ་ཕྱོགས་སྐྱོང་བཅུ་རྣམས་ལ། །གཏོར་མ་བཞིའམ་བཅུ་བཞི་དག་ནི་བྱིན་བརླབས་པ། །མཆོད་རྟེན་བཞིའམ་བཅུ་བཞི་དག་ཀྱང་བརྩིག །རང་རང་མིང་དག་གནོད་པའི་འབྱུང་པོ་རྣམས། །མཇུག་ལ་བཏགས་ཤིང་འཕྲིན་ལས་བཅོལ། །ཨེ་གམ་རེ་ལ་ཕུར་པ་བཞི་འམ་བཅུ་བཞི་དག །རང་རང་སྔགས་ཀྱིས་བྱིན་གྱིས་བརླབས་ལ་གཟུགས། །དེ་ནས་འཕྲིན་ལས་བཅོལ་ལ་དབང་ཡང་གཟུགས། །ཕྱི་མཚམས་རིམ་པ་དེ་བཞིན་བྱ། །ཐོད་པ་གླིང་བརྒྱན་མཚན་མ་ལ། །དམ་སྲི་མ་ར་ཡ་བྲིས་ལ་གནན། །བདུད་རྩི་ཀུན་ད་ལི་བསྒོམས་པའི་ཕུར་པས་གདབ། །ལས་ཀྱི་གཤེད་བཞི་གཞོམ་པའི་ཕྱིར། །འཕྲིན་ལས་བཞི་ཡིས་མནན་ཏེ་བཅད་པའི་ལས་བྱའོ། །སེང་ལྡེང་སྐྱེར་བ་དག་ལ་བྱས་པ་ཡིས། །རྫས་ཀྱི་ཕུར་པ་བཅུ་ལ་ནི། །བྱུག་དང་བདུག་པ་ཚུལ་བཞིན་བྱ། །ཡེ་ཤེས་ལྔ་ཡི་རྒྱན་བྱའི་ཕྱིར། །མཐིང་ཁ་དར་གྱི་ཅོད་པན་གདགས། །ཕྱོགས་སྐྱོང་བཅུ་ནི་གནན་པའི་ཕྱིར། །ཕྱོགས་བཞི་མཚམས་བརྒྱད་སྟེང་འོག་ཏུ། །རང་རང་སྔགས་ཀྱིས་བསྐྱེད་སྒོམ་ནས། །ཕྱོགས་ཕྱོགས་དག་ཏུ་གདབ་པར་བྱ། །མི་རེ་བསྐལ་པའི་འདབ་འབྱོར་དུ། །ར༷་གྱིས་ཐམས་ཅད་བསྲེགས་པར་བྱ། །དེ་ནི་མཚམས་ཀྱི་འཕྲིན་ལས་སོ། །མཎྜལ་འདོམ་གང་གྲུ་བཞིར་རྩིག །རྫ་ས་དུར་ཁྲོད་དག་ལས་ནི། །འཇིམ་པ་ཤིན་ཏུ་འཐག་པར་བྱ། །དུར་ཁྲོད་ཁྲག་གིས་སྐྱང་ནུལ་བྱ། །སྐུ་གསུང་ཐུགས་དང་ལྡན་བྱའི་ཕྱིར། །དངོས་གཞི་གསུམ་གྱིས་ཆག་ཆག་གདབ། །ཡེ་ཤེས་ལྔ་དང་ལྡན་བྱའི་ཕྱིར། །རིན་ཆེན་ལྔ་ཡིས་སྐྱང་ནུལ་བྱ། །སྲབ་འཐུག་ཚད་ནི་གླང་ཀོ་ཙམ་དུ་བྱ། །བཅུ་དྲུག་ལོན་པའི་གཟུགས་མ་ཡིས། །བཀལ་བྱས་ཚོན་སྐུད་རྣམ་ལྔ་ལ། །སྐུ་གསུང་ཐུགས་དང་ཡོན་ཏན་ལས། །རྣམ་ལྔར་བྱིན་གྱིས་བརླབས་པ་ཡི། །གསང་བའི་ཐིག་ནི་མཁའ་ལ་གདགས། །ཚོན་སྐུད་གསར་ལས་བྱས་པ་ཡི། །དམ་ཚིག་དག་གི་ཐིག་རྣམས་གདབ། །དྲི་ཟ་གཤིན་རྗེ་ཀླུ་རྣམས་དང་། །གནོད་སྤྱིན་དག་གི་ཕྱོགས་རྣམས། །ཚང་ཐིག་ཟུར་ཐིག་གདབ་པར་བྱ། །རླུད་ལྷ་དབང་ལྡན་མེ་ལྷ་དང་། །སྲིན་མོ་དང་ནི་ཆུ་ལྷ་དང་། །ཕྱོགས་དང་ཟུར་ཐིག་གདབ་པར་བྱ། །ཆ་ནི་རྣམ་པ་བཞིར་བྱ་སྟེ། །བྱ་རོག་རྗེས་གཉིས་དོར་བར་བྱ། །དེ་ནས་ཐིག་ཆ་བཞི་རུ་གདབ། །ཆ་བརྒྱད་དག་ཏུ་གྱུར་པ་ལ། །ནང་གི་ཕྱོགས་སུ་བསྒོ་བར་བྱ། ཁྲར་ནས་ཚང་ཐིག་ལྷོ་རུ་གདབ། །ལྷོ་ནས་ནུབ་ཏུ་ནུབ་ནས་བྱང་། །བྱང་ནས་ཤར་དུ་གདབ། །ལྷོ་ཤར་ནས་ལྷོ་ནུབ་ཏུ། །ལྷོ་ནུབ་ནས་ནི་ནུབ་བྱང་དུ། །བྱང་ནུབ་ནས་ནི་ནུབ་བྱང་ཤར་དུ། །དེ་ནས་ཤར་ལྷོ་མཚམས་སུ་གདབ། །དེ་ནི་བཅུ་དྲུག་ཨེ་ཡི་རང་བཞིན་ནོ། །ཐིག་རྐང་གཉིས་གཉིས་ཀུན་ལ་གདབ། །ཆེ་ཆུང་རེ་རེའི་བར་མཚམས་བཞག །མུ་ཁྱུད་ཟླུམ་པོ་བསྐོར་བ་ཡིས། །ཉི་ཤུ་བར་ནི་ཤེས་པར་བྱ། །ཟླ་གམ་དམར་པོ་ཨེ་དང་བཅས། །རྩ་གཅིག་པ་ཡི་ཚུལ་དུ་བྲི། །མཐིང་ནག་གྲུ་གསུམ་རང་བཞིན་ཡུམ་གྱི་དབྱིངས། །ཟངས་ལམ་དམར་པོ་རྡོ་རྗེ་ར་བར་བཅས། །ཟླ་གམ་དམར་པོ་དབང་གི་ཚུལ། །དཀར་པོའི་ཟླུམ་པོ་ཞི་བའི་ངང་། །ཕྱི་རིམ་ཐོད་པ་ཚར་གསུམ་དུར་ཁྲོད་གཞལ་ཡས་ཁང་དུ་ལྡན་པར་བྱ། །དེའི་ཕྱི་རིམ་སྒོ་ཁྱུད་རྟ་བབས་བཅས་པར་བྱ། །ཉི་ཤུ་རྩ་གཅིག་ཤེས་རབ་ཡུམ་གྱི་རང་བཞིན་ཏེ། །དྲག་པོའི་ཕུར་པ་ཉི་ཤུ་གཅིག །གཟས་པའི་མིང་དང་རུས་སུ་བཅའ། །ཉི་ཤུ་རྩ་གཅིག་བདུན་ཚོ་གསུམ། །ཟླ་གམ་དམར་པོ་གསུམ་ལ་དགོད། །དེ་ནི་བྱ་བའི་རིམ་པའོ། །རྡོ་རྗེ་འཇིགས་བྱེད་གསང་བའི་རྒྱུད་ལས། སྔོན་དུ་བྱ་བའི་རིམ་པ་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་གསང་བའི་བདག་པོ་དེས་ཞུས་པ། བསྒྲུབ་པ་ལས་ཀྱི་ཁ་ཚར་ནི་ཇི་ལྟར་བྱ་བར་འགྱུར། ཚུལ་གང་ལྟར་བྱ། རྡོ་རྗེ་འདུས་པ་ཆེན་པོས་བཀའ་སྩལ་པ། དྲག་པོའི་གཟུགས་བརྙན་མངོན་བཞེངས་ནས། །ཕུར་པ་ལས་ཀྱི་ཁ་ཚར་བྱ། །བདག་ཉིད་ཀུ་མ་ར་བསྒོམ་ལ། །ཕུར་པ་གཞལ་ཡས་ཁང་དམིགས་ལ། །བཀྲ་ཤིས་མཚན་ལྡན་ཐོད་པ་རྣམ་གསུམ་དུ། །ཧྲུ༷་དང་ལ༷དང་ཨེ་བཀོད་ལ། །ཡུམ་གྱི་མཁའ་རུ་དམིགས་པ་བྱ། །འོག་མིན་ཆོས་ཀྱི་དབྱིངས་ཉིད་ལས། །སྐྱེ་མེད་དབྱིངས་ནས་འབར་བའི་སྐུར་བསྟན་པ། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །ཆོས་ཉིད་ནམ་མཁའ་ལྟ་བུ་ལ། །བཞེངས་དང་མ་བཞེངས་ཡེ་ནས་མེད། །ཞེན་པ་དྲན་ཕྱིར་སྐུ་རུ་སྤྲུལ། །ནམ་མཁའ་དབྱིངས་ཀྱི་མཐའ་ཡས་པ། །དཀྱིལ་འཁོར་གསུམ་གྱི་ངོ་བོ་སྤྲུལ། །སྟོང་གསུམ་འཇིག་རྟེན་རབ་འབྱམ་ནས། །རིག་པ་རྩལ་གྱི་ཁྱད་པར་ལས། །སྐར་མདའ་ལམ་དུ་ཞུགས་པ་བཞིན། །རང་དབང་མེད་པར་བྱོན་པར་བསམ། །ཏིང་འཛིན་ཡིད་ཀྱིས་ཕྱག་འཚལ་ནས། །རང་རང་སྔགས་ཀྱིས་བསྟིམ་པར་བྱ། །རང་ལ་རང་ཉིད་གཉིས་སུ་མེད། །བྱིན་བརླབ་བརྒྱད་དང་བྱུག་དུག་གསུམ། །ཡེ་ཤེས་ལྔའི་དབང་དང་བཅུ་གཉིས། །ལས་ཀྱི་ཁ་ཚར་བྱ། བསྐུལ་བའི་ཚིག་གིས་རབ་བསྐུལ་ལ། །མཎྜལ་ལ་ཨེ་ལ་དགོད་པར་བྱ། །བསྟོད་པ་དག་གིས་རབ་བསྐུལ་ལ། །སྲས་ཀྱི་ཕུར་པ་དགོད་པར་བྱ། །དེ་ནི་ཕུར་པའི་རིམ་པའོ། །མཆོད་པ་ཕྱི་ནང་གསང་བ་གསུམ། །རིམ་པ་བཞིན་དུ་དགྲམ་པར་བྱ། །བདག་ཉིད་ལས་ཀྱི་ལྷར་བསྒོམས་ལ། །རིགས་ལྔ་སྲས་མཆོག་ལྔ་ཡིས་ནི། །བརྒྱབྱིནདྲིཟགཤིནརྗེསྲིནཔོ་ཆུ་ལྷ་དང་། །རླུང་ལྷ་གནོད་སྤྱིན་དབང་ལྡན་དང་། །ཉོན་མོངས་ས་བདག་ལ་སོགས་པ། །རང་རང་སྔགས་ནི་བཟླས་བྱས་པས། །ཀུན་ཀྱང་བརྒྱལ་ནས་གཟིར་བར་བསམ། །འབྱུང་པོ་ཕལ་དག་སྨོས་ཅི་དགོས། །རང་དབང་མེད་པར་བརླག་པར་བསམ། །རྡོ་རྗེ་གུར་གྱིས་བསྐོར་བར་བསྒོམ། །དཀྱིལ་འཁོར་ལྷ་དང་དམ་ཅན་ཚོགས། །རྣལ་འབྱོར་ཕོ་མོ་ཚོགས་པ་རྣམས། །དེས་སྒྲིབ་མ་དག་དེ་དག་བྱ། །ཟླ་དང་ཞལ་ལ་ཉམས་པ་རྣམས། །དག་པར་བྱ་ཕྱིར་བཤགས་བྱང་བྱ། །དཔལ་ཆེན་མཁའ་འགྲོ་གསང་བ་ཡི། །སྣོད་མིན་གསང་བའི་སྒོ་བཅད་དེ། །བདག་ཉིད་སྔགས་པ་ཚུལ་ལྡན་གྱིས། །བརྡ་དང་སྔགས་ཀྱིས་སྒོ་དབྱེའོ། །བདུད་དང་རྣལ་འབྱོར་ཆ་དབྱེའི་ཕྱིར། །དུར་ཁྲོད་རྟགས་ཀྱིས་གདབ་པར་བྱ། །བྱིན་བརླབས་ནུས་མཐུ་ལྡན་གྱུར་པས། །བྱིན་གྱིས་བརླབས་པ་ཚུལ་བཞིན་བྱ། །རིགས་ལྔ་བྱིན་གྱིས་བརླབས་པའི་ཕྱིར། །བདག་དང་དཀྱིལ་འཁོར་རྫས་རྣམས་གསུམ། །ལྷ་ཉིད་དུ་ནི་བརླབ་པར་བྱ། །བདག་ཉིད་ལུང་སྲོག་ལྡན་པའི་ཕྱིར། །ཕྱིན་ཆད་མི་ཉམས་དམ་བཅའ་འོ། །དཀྱིལ་འཁོར་མཁའ་འགྲོ་དམ་ཅན་ཚོགས། །རྫས་དང་ཏིང་འཛིན་གཟུགས་ཀྱིས་ནི། །ཐུགས་དམ་བསྐང་བའི་ལས་རྣམས་བྱ། །དམ་ཅན་བསྟེན་པའི་བསྟེན་རྫས་དང་། །སྒྲུབ་པའི་རྫས་དང་མཆོད་པའི་རྫས། །དྲག་པོ་སྔགས་ཀྱི་སྔགས་རྫས་དང་། །དྲག་པོ་སྔགས་ཀྱི་ཆས་གོས་གསུམ། །ཚང་བར་བསོགས་ན་ནུས་མཐུ་ལྡན། །གསང་བ་པའི་བདག་པོ་དེ་ནི་མངོན་དུ་བྱ་བའི་ཁ་ཚར་རོ། །རྡོ་རྗེ་འཇིགས་བྱེད་གསང་བའི་རྒྱུད་ལས། །ལས་ཀྱི་ཁ་ཚར་གྱི་ལེའུ་སྟེ་བཅུ་བཞི་པའོ།། །།དེ་ནས་ཡང་གསང་བའི་བདག་པོས་ཞུས་པ། རྡོ་རྗེ་འདུས་པ་ཆེན་པོ། རྣལ་འབྱོར་བསྐྱེད་པའི་རིམ་པ་ཇི་ལྟར་བྱ། ཐབས་ནི་ཇི་ལྟ་བུ་ཞེས་ཞུས་པས། རྡོ་རྗེ་འདུས་པས་གསུངས་པ། སྔོན་དུ་བྱ་བའི་ལས་རྫོགས་ནས། །བསྐྱེད་པའི་རིམ་པ་འདི་ལྟར་བྱ། །རྡོ་རྗེ་རང་བཞིན་འདུས་མ་བྱས། །སྟོང་པ་ཉིད་ཀྱི་ཡེ་ཤེས་ཏེ། །རྣམ་པར་མི་རྟོག་རྟོག་ལས་འདས། །དང་པོའི་དོན་དུ་བསྒོམ་པར་བྱ། །ཆོས་ཀྱི་སྐུ་ཡི་དོན་རྟགས་སོ། །ཆོས་ཉིད་ངང་གིས་ཁྲོ། །ཐུགས་རྗེ་ཤུགས་ཀྱི་ཁྲོ། །མཚན་མ་ཁྲོ་བོར་བཅས་དང་བཅོས། །ཚོལ་ག་གཉིས་བའི་དོན་གསལ་བ། །རང་བཞིན་མ་བཅོས་ངང་གིས་གསོལ། །ལོངས་སྤྱོད་རྫོགས་པའི་སྐུ་རྟགས་ལྡན། །ཞེ་སྡང་གི་རང་བཞིན་གྱིས་ཞེ་སྡང་གིས་ཞེ་སྡང་གཅོད་པ་སྟེ། དོན་གྱི་ཧུ༷་དང་རིག་པའོ་ཧུ༷། །ཧུ༷་གཉིས་སུ་ནི་ཤེས་པར་བྱ། །དོན་གྱི་ཧུ༷་ནི་ཆོས་ཉིད་དོ། །རྟགས་ནི་སེམས་ཉིད་ཧུ༷་དུ་ཤར། །ཚོལ་བ་གཉིས་པ་སྤྲུལ་སྐུའོ། །སྲོག་ནི་མི་འགྱུར་ཡེ་ཤེས་ཏེ། །འདི་ནི་ཐམས་ཅད་གཅོད་དང་ལྡན། གོ་རྒྱུ་རིམ་པ་རིམ་པར་ཤར། །ཆོས་ཉིད་སྟོང་པའི་བསྲེགས་སྦྱངས་ལས། །དབང་ཆེན་རིམ་པ་རིམ་པར་ཤར། །སྣ་ཚོགས་སྨྲོ་ལས་གཞལ་ཡས་ཁང་། །རིམཔབཞིནདུབསྐྱེདཔར་བྱ། །སྒྱུ༷། རིག་པ་རྩལ་གྱི་ཁྱད་པར་ལས། །ཕྱོགས་སྐྱོང་གདན་རྣམསརངབཞིནཤར། །ཐབསདང་ཤེས་རབ་ཉི་ཟླ་ལ། །མ་ཆགས་པདྨའི་གདན་དུ་ཤར། །སངས་རྒྱས་པ་ཡི་ཨེ་ལ་གནས། །རིག་པའི་ཡེ་ཤེས་མཚོན་པའི་ཕྱིར། །རྩ་བའི་རྣལ་པར་ཤེས་པ་ཉིད། །ཧུ༷་ཉིད་ལས་ནི་ཀུ་མ་ར། །མཚན་མའི་རྟོག་པ་མ་སྤངས་དག །ཆོས་ཀྱི་སྐུ་དང་ལྡན་པའི་རྟགས། །གཡས་ཀྱི་ཞལ་མདོག་དཀར་བ་ཡིན། །སྤྲུལ་པའི་སྐུ་དང་ལྡན་པའི་རྟགས། །གཡོན་གྱི་ཞལ་མདོག་དམར་བ་ཡིན། །ལོངས་སྤྱོད་རྫོགས་པའི་སྐུ་དང་ལྡན་པའི་རྟགས། །དབུས་ཀྱི་ཞལ་མདོག་མཐིང་ཁ་ནི། །རྣམ་ཐར་སྒོ་གསུམ་དབུ་སྒྲ་ཁམ་ནག་གྱེན་དུ་འབར། །སྤྱན་དགུ་ཡེ་ཤེས་དགུ་དང་ལྡན། ་ངས་དྲུག་སྟོང་པ་དྲུག་དང་ལྡན། །སྙན་དྲུག་ཕ་རོལ་ཕྱིན་པ་དྲུག་དང་ལྡན། །ཞལ་གསུམ་ལྗགས་དང་བཅས་པ་ནི། །སྤྲུལ་པའི་སྐུ་གསུམ་རྣམ་པར་སྒྲོགས། །ཕྱག་དྲུག་ཐབས་ཀྱི་སྤྱོད་པ་དྲུག །ཞབས་བཞི་འཕྲིན་ལས་བཞི་ཡི་ཚུལ། །ཉོན་མོངས་མ་སྤངས་དུར་ཁྲོད་ཆས་བརྒྱད་ལྡན། །དུག་གསུམ་མ་སྤངས་སྐུ་གསུང་ཐུགས་ལྡན་ཕྱིར། །ཐོད་པ་ཚར་གསུམ་སེ་རལ་ཁ་རུ་བཅིང་། །མེ་རི་མེ་དཔུང་ཀུན་ལས་གཏམས། །དོན་དམ་མ་སྤངས་ལྷུན་གྱིས་གྲུབ་པའི་ཕྱིར། །ཡེ་ཤེས་སེམས་དཔའ་སྙིང་ལ་ངེས་པར་གནས། །སྐྱེ་མེད་ནམ་མཁའི་ཆོས་ཀྱི་དབྱིངས་ཉིད་ལས། །རིག་པ་མ་འགགས་འཁོར་ལོ་རྒྱས་འདེབས་གསལ། །སྟིབྷ་ཙཀྲ་ཧ་ན་ཧ་ན་ཧུ༷་ཕཊ།ཞལ་གཅིག་ཕྱག་གཉིས་སྐུ་མདོག་མཐིང་། །ཐབས་དང་ལ། །ཀུན་ཀྱང་ཡབ་ཀྱི་ཆ་འཛིན་པ། །བསྙེན་བསྒྲུབ་རྣམ་གསུམ་རིམ་པ་ལ། །སྐབས་སྐབས་སྒྱུར་ཞིང་བསྒོམ་པར་བྱ། །སྤྲུལ་པ་སྐུ་ཡི་རྟགས་འཛིན་ནོ། །རྡོ་རྗེ་འདུས་པ་ཆེན་པོས་དེ་སྐད་ཅེས་གསུངས་པས། གསང་བའི་བདག་པོ་ལ་སོགས་པ་ཐམས་ཅད་བསྐྱེད་པའི་རིམ་པ་དང་ལྡན་པར་གྱུར་ཏོ། །རྡོ་རྗེ་འཇིགས་བྱེད་གསང་བའི་རྒྱུས་ལས། ཏིང་ངེ་འཛིན་བསྒོམ་པའི་རིམ་པ་བསྟན་པའི་ལེའུ་སྟེ་བཅོ་ལྔ་བའོ།། །།དེ་ནས་གསང་བའི་བདག་པོས་ཞུས་པ། སྤྱན་དྲང་མཆོད་པའི་དོན་ནི་གང་། །ཚུལ་དང་རིག་པ་ཇི་ལྟར་བྱ། །ཞེས་གསོལ་བ་དང་། །རྡོ་རྗེ་འདུས་པ་ཆེན་པོས་བཀའ་སྩལ་པ། །གསང་བ་བའི་བདག་པོ་ཉོན་ཅིག །དོན་དམ་ངང་ལ་བྱོན་དང་མ་བྱོན་ཡེ་ནས་གཉིས་སུ་མེད། །མཆོད་དང་མཆོད་བྱ་གང་ཡང་མེད། །གདུལ་བྱ་རྣམས་ཀྱི་དོན་དུ་ནི། །འཇིག་རྟེན་པ་དང་ཚུལ་བསྟུན་ཕྱིར། །སྤྱན་དྲང་མཆོད་པའི་རིམ་པ་ཡོད། །ཆོས་ཉིད་མཉམ་པའི་ངང་ཉིད་ལ། །ཏིང་ངེ་འཛིན་གྱི་བྱེ་བྲག་གིས། །རང་གི་ཏིང་འཛིན་རྩལ་གྱུར་ཕྱིར། །སྙན་གསན་དབབ་དང་སྤྱན་དྲང་དགོས། །མི་དམིགས་སྟོང་བའི་ངང་ཉིད་ལས། །བསྐུལ་དང་བཅས་སུ་བཅས་པ་ཡིས། །ཆོས་ཀྱི་སྐུ་ལས་གཟུགས་སྐུར་བཞེངས། །རྒྱན་དང་ཆ་ལུགས་ལོངས་སྤྱོད་རྫོགས། །རང་བཞིན་དཀྱིལ་འཁོར་རྣམ་གསུམ་ཤར། །ནམ་མཁའ་དག་ལ་སྐར་ཆེན་ཤརབ བཞིན། །མསྐྱེསཔ ལས་ཆོ་འཕྲུལ་ཚོགས་ལ་དབུལ། །བཟའ་དང་བཅའ་དང་བཏུང་དང་བགོ །ལོངས་སྤྱོད་ལྔ་ལྡན་ཐམས་ཅད་ཀྱི། །དཀྱིལ་འཁོར་ལ་ཡང་དཀྱིལ་འཁོར་ཐིམ། །ཆོས་ཉིད་ལ་ནི་ཆོས་ཉིད་རོལ། །ཀི་ལི་ཀི་ལ་ཡ་ཁྭ་ཧི། །དུག་གསུམ་མཆོད་པ་བསྟབས་མཆོད་བྱ། །སྦྱོར་དང་སྦྱོར་པའི་མཆོད་པ་བྱ། །རང་རང་རྩ་བའི་སྙིང་པོ་ལ། །བྱི་ཏ་ཨ་མྲི་བཏགས་པས་མཆོད། །དེ་སྐད་ཅེས་གསུང་པས་ཐམས་ཅད་མཉེས་པར་འགྱུར་རོ། །འཁོར་རྣམས་ཐམས་ཅད་དགྱེས་ནས་བཅོམ་ལྡན་འདས་ལ་བསྟོད་པ། ཧུ༷་ཨོ་ཨོ་སྒེག་པོ་དཔའ་བོ་འཇིགས་སུ་རུང་བ་དང་། །རྒོད་དང་གཤེ་དང་འཇིགས་པར་མངོན་པ་དང་། །གཤིན་རྗེ་རྔམ་དང་ཞི་བ་ལ་སོགས་པ་ཡི། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །གདུག་ཚོགས་ཞལ་དུ་རྡུབ་པས་རྔམ་རྔམ་འདྲ། །ཞལ་གཡས་དཀར་ལ་བཞད་པས་ཞི་ཞི་འདྲ། །ཞལ་གཡོན་དམར་ལ་གདངས་པས་རྔམ་རྔམ་འདྲ། །ཞལ་དབུས་སྔོ་ལ་མཐིང་བས་ཁྲོ་ཁྲོ་འདྲ། །དེ་འདྲའི་ཁྲོ་བོ་འཇིགས་པའི་ཚུལ་བསྟན་པ། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེ་ལྔས་རྒྱུད་ལྔ་གནས་སུ་འདྲེན། །ཡེ་ཤེས་མེ་དཔུང་ཁམས་གསུམ་འཁོར་བ་བསྲེག །ཁ་ཊ༷་རྩེ་གསུམ་དུག་གསུམ་རྩ་ད་ནས་གཅོད། །རི་རབ་ཕུར་བུས་ཁམས་གསུམ་དབང་དུ་སྡུད། །དུར་ཁྲོད་རྒྱན་གྱིས་དཔལ་ཆེན་ཆས་སུ་བརྒྱན། །དེ་འདྲའི་ཁྲོ་བོ་འཇིགས་པའི་ཚུལ་བསྟན་པ། །ཚེ་མཆོག་ཁྲོ་རྒྱལ་ཉིད་ལ་ཕྱག་འཚལ་བསྟོད། །ཅེས་བསྟོད་པས་མཉེས་པར་གྱུར་ཏོ། །རྡོ་རྗེ་འཇིགས་བྱེད་གསང་བའི་རྒྱུད་ལས། སྤྱན་དྲངས་པ་དང་མཆོད་པའི་ལེའུ་སྟེ་བཅུ་དྲུག་པའོ།། །།དེ་ནས་གསང་བའི་བདག་པོས་ཡང་ཞུས་པ། རྡོ་རྗེ་འདུས་པ་ཆེན་པོས། དྲག་པོ་ལས་ཀྱི་ཁ་ཚར་ཇི་ལྟར་བྱ། །བསྒྲལ་བའི་ཐབས་ནི་ཇི་ལྟ་བུ། །ཞེས་ཞུསླ་པས། རྡོ་རྗེ་འདུས་པས་གསུངས་པ། གསང་བ་བའི་བདག་པོ་ཉོན་ཅིག །དྲག་པོ་ལས་ཀྱི་ཁ་ཚར་འདི། །མཚན་མ་དང་ནི་བཟླས་བརྗོད་དང་། །ཏིང་འཛིན་ཕོ་ཉ་རྣམས་ཀྱིས་སོ། །ཐབས་ནི་ཏིང་ངེ་འཛིན་དང་མངོན་འབྱུང་གཉིས་ཀྱིས་བསྒྲལ། །མཚན་མའི་རྟེན་ནི་ལིང་ག་ལ། །དཀྱིལ་འཁོར་ཆེན་པོ་ལ་བསྟེན་ནས། །བསྒྲལ་བའི་དཀྱིལ་འཁོར་ཆེན་པོ་ནི། །དུག་གསུམ་བམ་རིམ་གསུམ་བརྩེགས་ལ། །ཟ་་བྱེད་ཞལ་དང་མདའ་གཞུ་བཅས། །རྡོ་རྗེ་དབྱུག་ཐོ་རལ་གྲི་དང་། །མཚོན་ཆ་ལྔ་ཡིས་ཀུན་ལ་གཏང་། །ཉི་ཤུ་རྩ་བརྒྱད་རྩང་གིས་བསྐོར། །མེ་ལྷ་སྲིན་པོ་གནས་པའི་ཕྱོགས་སུ་བརྩིག །བདག་གི་དབང་དུ་གྱུར་དང་རླག་པའི་ཕྱིར། །རང་གི་ཕྱོགས་སུ་གཞུག་པར་བྱ། །དམིགས་པའི་བྱ་ཐབས་གོང་དེ་བཞིན། །འཇིག་རྟེན་པ་དང་ཚུལ་བསྟན་ཕྱིར། །མ་ཉེས་དག་གི་དཔང་ཡང་གཟུགས། །དམ་ཉམས་ཉེས་པའི་བགྲང་ལུང་བྱ། །དེ་ནས་བསྐུལ་བ་ལས་ཀྱི་ཕོ་ཉ་གཏང་། །ཏིང་འཛིན་སྔགས་དང་ཕོ་ཉ་གསུམ། །རེ་རེ་ལ་ཡང་གསུམ་གསུམ་མོ། །དང་པོར་བདག་ཉིད་རྩ་བ་བསྐུལ། །བདག་ཉིད་ཤིན་ཏུ་གསལ་བ་ལས། །སྟོང་གསུམ་གཞལ་ཡས་ཁང་གྱུར་ལས། །ཕོ་ཉ་ཁ་སྐོང་རྫོགས་པར་བྱ། །བདག་ནིད་ལས་ཀྱི་སྤྲུལ་པ་འཕྲོས། །རྒྱ་ཤོག་དག་ནི་རླུད་ཁྱེར་བཞིན། །རང་དབང་མེད་པར་འོང་བར་བསམ། །བཛྲ་ཀི་ལི་ཀི་ལ་ཡ་ཛ་ཧུ༷་བ༷་ཧོ། བཛྲ་ཨ༷་གུ་ཤ་ཛ་ཛ། སེམས་བསྐྱེད་མཆོད་དང་ལྡན་པས་དགུག །སྟོང་གསུམ་ཁྲོ་བོ་ལས་སྤྲུལ་བ། ཁྲོ་བོ་ཁྲོ་མོ་བསམ་མི་ཁྱབ། །བསྐུལ་བའི་ཕོ་ཉ་དྲག་ཏུ་བསྐུལ། ཁྲ་ཐབས་སྤྲུལ་པ་མགོ་བརྙན་ཚོགས། །རེ་རེ་ལ་ཡང་བསམ་མི་ཁྱབ། །རྒྱ་གྲོག་གློངས་པའི་ཚང་བཞིན་དུ། །རང་དབང་མེད་པར་བཀུག་པར་བསམ། །ཤོ་ན་དུང་གི་ཁྱི་མོ་བཞི། །བདེ་བར་གཤེགས་པའི་སྤྲུལ་པ་སྟེ། །ཕྱོགས་བཞི་ནས་ནི་བཀུག་ནས་སུ། །རེ་རེ་ལ་ནི་འཁོར་ནི་འབུམ་ཕྲག་སྟེ། །རང་དབང་མེད་པ་ཁུགས་པར་བསམ། །བདག་ཉིད་ཆེན་མོ་ལ་སོགས་པའི། །ས་བརྒྱད་ནོན་པའི་སེམས་མ་དང་། །ཡེ་ཤེས་བཞི་ཡི་སྤྲུལ་པ་བཞི། །འཁོར་ནི་མ་མོ་འབུམ་གྱིས་བསྒོར། །གཡོག་དང་ཡང་གཡོག་བཅས་པ་ཡིས། །རང་དབང་མེད་པར་བཀུག་པར་བསམ ཚ་བའི་མ་མོ་བཅུ་གཉིས་ནི། །མཚོ་བརྒྱད་དག་ལ་གནས་བཅས་ཤིང་། །དབང་ཕྱུག་མ་ཡི་ཕོ་ཉ་སྟེ། །ལས་རྣམས་ཀུན་ལ་བརྒྱུག་པར་བྱེད། །ཉི་ཟེར་དག་ནི་གཟིངས་པ་བཞིན། །རང་དབང་མེད་པར་འགུགས་པར་བསམ། །དམིགས་པའི་རྟེན་ལ་ཨ་བེ་ཤ་ཡས་དབབ། །ཏིང་འཛིན་ཡིད་ལ་མངོན་སུམ་དུ། །སྡུག་བསྔལ་ཉམས་སུ་མྱོང་བསམ་ལ། །ཉུངས་ཀར་རྒྱལ་པོ་ལག་ཐོགས་ལ། །ཞིང་བཅུ་དག་གི་བགྲང་ལུང་བྱ། ཁུ་གསུམ་དག་ཏུ་མི་གཞུག་ཏུ། །ཁྱོད་ནི་དུག་གསུམ་དག་ཏུ་མི་གཞུག་ཏེ། ཁྱོད་ནི་དུག་གསུམ་དབང་ལ་སྐྱེས། །མཚོན་ཆའི་ར་བར་མི་གཞུག་ཏུ། ཁྱོད་ནི་ལས་ངན་དུས་ཟད་ཡིན། །ཟ་བྱེད་ཞལ་གྱིས་མི་བསྐོར་དུ། ཁྱོད་ཀྱིས་ཆོས་བསྐོར་གཉན་པོ་བཤིག །ཏིལ་གྱི་ཕུག་མ་མི་གདིང་དུ། ཁྱེད་ནི་ཉོན་མོངས་དབང་ལས་སྐྱེས། །ཚེར་མའི་དོང་དུ་མི་གཞུག་ཏུ། ཁྱོད་ཀྱི་ང་རྒྱལ་ཚེར་མས་རྣོ། །རེ་བའི་ཐུམ་པོར་མི་གཞུག་ཏུ། ཁྱོད་ནི་འདོད་ཆགས་དབང་ལས་སྐྱེས། །སྔོན་དམར་བྱད་དུ་མི་གཞུག་ཏུ། ཁྱོད་ནི་ཞེ་སྡང་དབང་གིས་སྐྱེས། །ལྕགས་ཐག་ནག་པོས་མི་གདགས་སུ། །ཁྱོད་ནི་ལས་ངན་རྒྱུན་ཆད་ཡིན། །ཀི་ལི་ཀི་ལ་ཡ་སྟི་རི་མུག་ཏ་ནི་མ་ར་ཡ་ཕཊ། ཅེས་ཉུངས་ཀར་རྒྱལ་པོ་བྲབ་པོ། །གུ་གུལ་ནག་པོའི་དུད་པ་གཏང་། །དེས་ནི་འགོ་བའི་ལྷ་ཐམས་ཅད་ཕྲལ་ནས་བདག་གི་དབང་དུ་གྱུར་པར་བྱའོ། །དེ་ནས་འཛབ་དགོངས་ཀྱི་རིམ་པ་ལ་འཛུག་པར་བྱ་སྟེ། །བསྙེན་པ་དང་ཉེ་བའི་བསྙེན་པ་གཉིས་ནི་བདག་ཉིད་ཚགས་སུ་གཞུག་པའོ། །བསྒྲུབ་པའི་ཁམས་གསུམ་ཡོངས་གྲོལ་གྱི་དགོངས་པ་བྱ་བའོ། །བསྒྲུབ་པ་ཆེན་པོ་འདིའི་དུས་སུ། །གུ་ཡ་བཛྲ་འདུས་པ་ནི། །ལྷ་རྣམས་ཐམས་ཅད་དྲག་༄༅ པོ་ལས་ལ་བསྐུལ། །ཕྱག་རྒྱ་བཞི་ནི་བཏགས་པ་ཡིས། སྤྲུལ་པའི་ཕོ་ཉ་མང་བཀྱེ་ནས། །གྲོག་ཚང་དེ་ནི་ཀློག་པ་བཞིན། །རང་དབང་མེད་པར་ཁུགས་པར་བསམ། །གུ་ཡ་བཛྲ་བཅུ་པ་བཟླས་པ་ཡིས། །རེ་རེ་ལ་ནི་སྤྲུལ་པ་བསམ་མི་ཁྱབ། །གང་ཡིན་དེ་ནི་དགུག་པར་བསམ། །སྐབས་སྐབས་ཕོ་ཉ་དྲག་ཏུ་བསྐུལ། །ནི་ཛ་དག་གིས་བརྡུངས་བར་བྱ། །སྦྱར་བའི་གུ་གུལ་དག་གིས་བདུག །དེ་ནི་དང་པོའི་དོན་དུ་ཤེས་པར་བྱ། ཟབ་མོ་དག་གི་སྔགས་བདུན་དང། །དམ་ཅན་དག་ནི་བདུན་དུ་སྦྱར། །བསྐུལ་བའི་ཕོ་ཉ་བདུན་དུ་སྡེབ། །གནད་ལ་བབ་པའི་ཚིག་ཏུ་སྡེ། །རང་གི་བསྐུལ་ཚིག་བདུན་དུ་སྦྱར། །མཐུན་པའི་རྫས་ནི་བདུན་དུ་རྒྱུག །ཀུན་ཀྱང་རང་དབང་མེད་པ་སྲ །རྒྱལ་པོ་དག་གིས་བཀའ་སྩལ་བཞིན། །རང་དབང་མེད་པར་འགྲོ་བར་བསམ། །ཧོར་མོ་དག་གིས་བྱ་འདེད་བཞིན། །གར་ཡང་འགྲོ་བའི་དབང་མེད་པར། །དམིགས་པའི་རྟེན་ལ་དབབ་པར་བྱ། །མ་ཁུགས་བར་དུ་བསྐྱར་ཞིང་བཟླས། །གཉིས་པའི་དོན་དུ་ཤེས་པར་བྱ། །ལས་ལ་རྒྱུག་པའི་ཉི་ཤུ་གཅིག །སྐོར་ཚོགས་ཉི་ཤུ་གཅིག་ཏུ་བཟླས། །རང་གི་ཚིག་གི་བསྐུལ་དྲུག་དང་། །ཕོ་ཉ་ཁ་ཚར་དྲུག་ཏུ་གཏང་། །དགོངས་པའི་ཏིང་འཛིན་དྲུག་ཏུ་དགྱེ། །བསྐུལ་བའི་སྔགས་ནི་ཉི་ཤུ་གཅིག །ཀི་ལི་ཀི་ལི་ཉི་ཤུ་གཅིག །ཁྲག་ཟོར་དག་ནི་ཉུངས་ཟོར་དང་། །དུག་ཟོར་མཚོན་ཟོར་གཏོར་ཟོར་དང་། །དམ་ཆུ་ཁྲག་དང་བསྲེས་པའ་རྫས། །བཞིའམ་ཉི་ཤུ་རྩ་གཅིག་རྒྱུག །རྒྱ་་།ག་དག་ལ་སེར་ཆེན་འབབ་པའམ། །སྐར་མདའ་ལམ་དུ་ཞུགས་བའི་ཚུལ་དུ་བཟླས། །སྡུག་བསྔལ་ཉམས་སུ་མྱོང་བར་འགྱུར། །ཚངས་པའི་ཚ་དང་ལྡན་པ་ཅིག་ཀྱང་ཞག་ཉི་ཤུ་རྩ་གཅིག་ན་འཆི་བར་འགྱུར་རོ། །མངོན་དུ་ཕྱུང་སྟེ་བསྒྲལ་བར་བྱ། །གསལ་བ་གསུམ་དང་ཡང་དག་ལྡན། །དྲོད་ཚད་གསུམ་གྱིས་ངེས་པར་ཟིན། །རྣམ་གསུམ་ཨ་ཡི་རང་བཞིན་ལ། །ཁྲུས་ལུང་རྣམ་གསུམ་རྫོགས་བྱས་ལ། །ཚེ་ལུང་ངེས་པའི་བློ་གྲོས་བྱ། །བསྒྲལ་བའི་གནས་དང་དགོས་ཆེད་དང་། །བྱ་བའི་ཐབས་དང་བསྒྲལ་ཚུལ་འོ་། །གནས་ནི་གང་དང་གང་ཞེ་ན། །ཀུན་གཞི་ཡིད་དང་རྣམ་ཤེས་གཉིས། །སྙིང་ལ་ངེས་པར་གདབ་པར་བྱ། །རྣམ་ཤེས་དྲུག་དང་དབང་པོ་དྲུག །བཅུ་གཉིས་གནས་སུ་གདབ་པར་བྱ། །ཕུང་པོ་བཞི་ལ་གདབ་པའི་ཕྱིར། །ཡན་ལག་བཞི་ལ་གདབ་པར་བྱ། །སྐྱེ་བརྒྱུད་གཉིས་ནི་གཅད་པ་དང་། །རྟེན་པའི་བཞི་ནི་བསྒྲལ་བའི་ཕྱིར། །སྤྱི་བོ་རྐང་མཐིལ་བཅོ་ལྔ་སྲང་ལ་གདབ། །དགོངས་པའི་དོན་ནི། །གནས་ནི་ཉི་ཤུ་རྩ་གཅིག་དང་སྦྱར་ནས། །ཡེ་ཤེས་ཉི་ཤུ་རྩ་གཅིག་ཚུལ་དུ་བསྒྲལ། །བསྒྲལ་བའི་ཐབས་ནི་གང་ཞེ་ན། །གབ་པའི་སྡོམ་པ་གཟུང་བ་དང་། །གཟིར་གནོན་དྲག་པོས་བརྡུང་བ་དང་། །དམ་ཅན་གནད་ལ་དབབ་པ་དང་། །རྩ་བས་ཁམས་གསུམ་བསྒྲལ་བ་དང་། །ཐུན་ཟོར་ལས་ཀྱི་བྱ་བ་དང་། །སྔགས་དྲུག་མཇུག་ལ་གདགས་པ་དང་། །བསྒྲལ་ནས་མཆོད་པར་བསྡབ་པ་དང་། ཚེ་མདངས་ཕྲོགས་ལ་བདག་གིར་བྱ་བའོ། །བསྒྲལ་བའི་ཚུལ་ནི་གང་ཞེ་ན། །ཉི་ཤུ་རྩ་གཅིག་ཚོ་བཞིར་གདབ། །ཀུན་ཀྱང་ཐུགས་ཀྱི་སྤྲུལ་ལ་སྟེ། །ཆ་འཛིན་ཉི་ཤུ་རྩ་གཅིག་གོ །ཀུན་ཀྱང་གཅེར་བུ་རལ་པ་ཅན། །སྟོད་ནི་ཞལ་གཅིག་ཕྱག་གཉིས་ཕུར་བུ་འདྲིལ། །ལྟེ་བ་མན་ཆད་ཕུར་པར་སྣང་། །སྐར་མདའ་ལམ་དུ་ཞུགས་པ་བཞིན། །གཅིག་ལ་བཏབ་པས་ཀུན་ལ་ཐེབས། །མདའ་ཐུན་བརྒྱད་ནི་དུས་བཞིར་རྒྱུག །ཨོ་ལ༷་ཧུ༷་ལ༷། སྟ༷་པ་ནན་མོ་ཧ་ཀྟ་ཏ་ཡ། བྷ་ག་བན། ཧྲི་ཀྲི་བི་ཀྲི། །ཐྲི་བཛྲ་ཧུ༷ཀར་ཧུ༷་ཧུ༷་ཕཊ། བཛྲ་ཀི་ལི་ཀི་ལི་ཡ། ཀི་ལ་ཡ། ཛ་ཧུ༷་བ༷་ཧོ། སརྦ་བིག་ནན། བཛྲ་ཀི་ལི་ཀི་ལི་ཡ། ཧུ༷་ཕཊ་ཕཊ། བཛྲ་ཧུ༷་ཀ་ར་ཧུ༷་ཕཊ། ཧུ༷་ཀ་ར་ཧུ༷། ཨ་ཨ་ཨ། ཧུ༷་པ་ར་བིད་ཏ་ན་ཧུ༷་ཕཊ། ཚིནདྷ་ཚིནདྷ་ཧུ༷་ཕཊ། སྒྲིན་སྙིན་ཧུ༷་ཕཊ། ཧ་ན་ཧ་ན་ཧུ༷་ཕཊ། བྷན་དྷ་བྷན་དྷ་ཧུ༷་ཕཊ། ཧ་ན་ཧ་ན་ཧུ༷་ཕཊ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཏ་མ་ཏ་བཛྲ། ཛ་ལ་ཛ་ལ་བཛྲ། སུ་རུ་སུ་རུ་ཕཊ །མུ་རུ་མུ་རུ་བཛྲ། ཀ་ཏ་ཀ་ཏེ་བཛྲ། ཛ་ཡེ་བིཛ་ཡེ། ཨ་ཙི་ཏེ་ཨ་པ་ར་ཙི་ཏ། མ་ར་ས་ན་པྲ་མར་དྷནི་ཡེ་ཧུ༷་ཕཊ །སརྦ་ཨ་ན་ཡ་ཧུ༷་ཕཊ །ཏབྱ་ཐ་ཏབྱ་ཐ་ཧུ༷་ཕཊ། ཧུ༷་མ་མ་པ་ཤི་ཀུ་རུ་མ་ཏམ་ཉ་ཀ་ར་ཨི་ནན། དྷ་ཏི་མ་མ་ཀརྨ་ཐྲི་ཀྲ། ཀ་རེ་ཡ། ལྷུ་ཡ་མན་ཏྲ་འདི་རྣམས་ནི། ལས་ཀྱི་སྙིང་པོ་ཡང་ཡིན། འདེབས་པའི་སྙིང་པོ་ཡང་ཡིན། ཐུགས་ཀྱི་སྙིང་པོ་ཡང་ཡིན། གཟིར་བའི་སྙིང་པོ་ཡང་ཡིན། སྲེགས་པའི་སྙིང་པོ་ཡང་ཡིན། རྒྱུན་གྱི་སྙིང་པོ་ཡང་ཡིན། ལས་ཐམས་ཅད་ཀྱི་སྙིང་པོ་ཡང་ཡིན་ནོ། །ཀྭ་ལི་ཀི་ལ་ཡ་ཉི་ཤུ་རྩ་གཅིག །རི་རབ་ཆེན་པོ་གསུམ་གྱི་གོང་དུ་གཟིར་བར་བྱ། །ཀི་ལ་ཡ་བཅོ་བརྒྱད་གསོ་བ་གསུམ་དང་ལྡན་པར་བྱའོ། །སྟོབས་ཆེན་ཁྲོ་བོ་ཆེན་པོ་ཡིས། །མཚོན་ཆ་ལྔ་ཡིས་རྒྱ་གྲམ་གཏུབ། །གསང་བའི་མཁའ་དབྱིངས་དག་པ་རུ། །ཡབ་རྣམས་ཀྱི་ནི་རྡོ་རྗེ་ཡིས། །གཉིས་སུ་མེད་པར་བརྡུང་བར་བྱ། །ཁ་ཐ༷་ཁ་ཐ༷་ཁ་ཐ༷་ཁ་ཐ༷་ཁ་ཐ༷། ཧུ༷་ཧུ༷་ཧུ༷་ཧུ༷ཧུ༷། ཕཊ་ཕཊ་ཕཊ་ཕཊ་ཕཊ །བཛྲ་ཡག་ཤ་ཀྲོདྷ་ཁ་ཧི་ཁ་ཧི་ཁ་ཧི་ཁ་ཧི་ཁ་ཧི། ཧ་ཧ་ཧ་ཧ་ཧ། ཧུ༷་ཧུ༷་ཧུ༷་ཧུ༷་ཧུ༷། ཕཊ་ཕཊ་ཕཊ་ཕཊ་ཕཊ། སྨོན་ལམ་དྲག་པོས་གཉིས་མེད་དང་དུ་བསྒྲལ། །ཐམས་ཅད་ཐིག་ལེ་གཅིག་གི་ངང་། བསྒྲལ་དང་མ་བསྒྲལ་གཉིས་སུ་མེད། །བདག་དང་སེམས་ཅན་ཐ་མི་དད། །བསྒྲལ་བ་འབའ་ཞིག་སྙིང་རྗེའི་མཆོག །དེ་སྐད་ཅེས་གསུངས་པས། འཁོར་རྣམས་ཐམས་ཅད་བརྒྱལ་བར་གྱུར་ཏོ། །རྡོ་རྗེ་འཇིགས་བྱེད་གསང་བའི་རྒྱུད་ལས། མངོན་དུ་བསྒྲལ་བའི་ལེའུ་སྟེ་བཅུ་བདུན་པའོ།། །།དེ་ནས་ཡང་གསང་བའི་བདག་པོས་སྨྲས་པ། རྡོ་རྗེ་འདུས་པ་ཆེན་པོ། དྲག་པོ་ཧོམ་ནི་ཇི་ལྟར་བྱ། །བསྒྲལ་བའི་ཐབས་ནི་གང་གིས་བྱ། །གསང་བ་བའི་བདག་པོ་ཉོན་ཅིག །ལས་ཀྱིས་མནར་བའི་དུས་ངན་འདི། །མངོན་དུ་བྱུང་སྟེ་བསྲེག་པར་བྱ། །བྱ་བའི་ཐབས་ནི་རྣམ་གསུམ་སྟེ། །ཆོས་ཉིད་རང་བཞིན་ཧོམ་ལས་ནི། །ཡེ་ཤེས་ཆེན་པོའི་ཧོམ་དང་ལས། །ཐུགས་རྗེས་མངོན་དུ་ཕྱུང་དང་གསུམ། །འདི་ཡིས་དོན་རྣམས་རྫོགས་པར་འགྱུར། །ནམ་མཁའ་ལྟ་བུའི་ཆོས་ཉིད་ལ། །ཀུན་བཟང་མཁའ་ཀློང་ཧོམ་ཁུང་དུ། །ཀུན་ཏུ་བཟང་པོའི་མེ་སྦར་བ། །རྟོགས་པའི་བག་ཆགས་མ་ལུས་བསྲེགས། །འབྱུང་ཆེན་ལྔ་ཡི་མཆོད་པ་འབུལ། །ཡེ་ནས་མ་སྐྱེས་ངང་དུ་བསྒྲལ། །ར༷། ཡེ་ཤེས་ཆེན་པོའི་རང་བཞིན་ནོ། །ཕུང་པོ་ལྔ་པོ་ཧོམ་ཁུང་དུ། །རྣམ་ཤེས་བརྒྱད་ཀྱི་མེ་སྦར་བས། །ཡེ་ཤེས་ལྔ་ཡི་སྒྲོན་མ་གསལ། །ཁམས་དང་སྐྱེ་མཆེད་མཆོད་པར་འབུལ། །གཟུང་འཛིན་རྟོག་པ་མ་ལུས་སྲེག །དུག་ལྡང་གཟུང་འཛིན་རྩ་བ་གཅོད། །ར༷། ཐུགས་རྗེ་མངོན་དུ་ཕྱུང་བ་ནི། །དཀྱིལ་འཁོར་བྱ་ཐབས་རྫས་དང་ནི། །མཆོད་པ་དང་ནི་བྲོ་རྣམས་སོ། །གནས་ཀྱི་དཀྱིལ་འཁོར་ཆེན་པོ་དེར། །འབྲུབ་ཁུང་ཤུ་ལམ་དགོས་སུ་བྱེད། །དགོས་སུ་བྱེད་ན་དཀྱིལ་འཁོར་བང་རིམ་སུམ་བརྩེགས་ལ། །ཕྱི་རོལ་བར་ཁྱམས་སྒོ་དང་བཅས་པར་བྲི། །སྨེ་ཤིང་གདུག་པའི་ཤིང་རྣམས་ལ། །མགོ་མཇུག་མ་ནོར་དབུས་སུ་གཟུགས། །གཟས་པ་གང་ཡིན་དམིགས་པ་བྱ། །གྲོ་ག་ཤིང་ཤུན་དག་ལ་ནི། །མིང་བྱང་ཉི་ཤུ་རྩ་གཅིག་བྲི། །ལྕགས་ཐག་ནག་པོ་དག་ལ་རྒྱུ། །ཧོམ་གྱི་རྩེ་ལ་བསྐོར་ལ་བཞག །མཆོད་པ་དག་གི་མཆོད་རྫས་ནི། །ཕྱི་སྔགས་ཀྱི་བྱིན་གྱིས་བརླབས་སོ། །སངས་རྒྱས་ཀྱི་མཐུའོ། །ཨ་བི་ར་ཇོའི་དུས་ལ་བབ་པའོ། །སྡང་བའི་དགྲ་དང་གནོད་པའི་བགེགས། །མ་ལུས་པར་ནི་ཞལ་དུ་བསྲེག །དཀྱིལ་འཁོར་ལྷ་ཚོགས་ཀྱི་བྱིན་གྱིས། །མ་ལུས་བར་ནི་ཞལ་དུ་བསྲེགས། །ར༷་ཛ༷་ལ་ར༷་ཞེས་བརླག་པར་བྱའོ། །འཕྲིན་ལས་རྣམ་བཞིའི་རྒྱུད་གཞན་བཞིན། །སྦྱོད་ལམ་རྣམ་བཞི་ཅི་བྱེད་ཀྱང་། །ཀུ་མར་ཡི་ངང་དུ་བསྒོམ། །རྟག་ཏུ་ནང་གུ་མཆོད་པ་གཏང་། །དེ་སྐད་ཅེས་གསུངས་པས། ཐམས་ཅད་ཚིག་པར་གྱུར་ཏོ། །རྡོ་རྗེ་འཇིགས་བྱེད་གསང་བའི་རྒྱུད་ལས། དྲག་པོ་ཧོམ་གྱི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་གསང་བ་པའི་བདག་པོས་ཡང་ཞུས་པ། རྡོ་རྗེ་འདུས་པ་ཆེན་པོས་རྣལ་འབྱོར་དོན་ཆེད་དུ། །དབང་དང་དངོས་གྲུབ་ཇི་ལྟར་བུ། །དེ་སྐད་ཅེས་ནི་གསོལ་པ་ལས། །རྡོ་རྗེ་འདུས་པ་ཆེན་པོས་བཀའ་སྩལ་པ། ཀི་ལ་ཡ་ཡི་དགོངས་བ་ཡི། །དབང་ནི་རྣམ་པ་གསུམ་ཉིད་དོ། །ཕྱི་ནང་གསང་བ་གསུམ་དུ་བཤད། །ཕྱི་ནི་ཕན་པའི་དབང་བཅུ་སྟེ། །རྒྱུད་གཞན་དག་ལས་གསལ་བར་བཤད། །ནང་ནི་འདི་ལྟར་ཤེས་པར་གྱིས། །དང་པོ་བྱང་ཆུབ་མཆོག་ཏུ་སེམས་བསྐྱེད་ཅིང་། །དེ་ནས་དག་པར་བྱ་ཕྱིར་ཁྲུས་གསུམ་བྱ། །ནན་ཏན་གདམས་ངག་ཚུལ་ཞིང་དབོག །བར་དུ་གཅོད་པའི་བགེགས་ཆེན་བསམ། །དེ་ནས་ཉན་པའི་དབང་བསྐུར་ཏེ། །ཉོན་ཅིག་བུ་ཁྱོད་རབ་ཏུ་ཉོན། །ཁྱོད་ཀྱི་རྣ་བའི་གཞལ་ཡས་སུ། །འཁོར་ལོ་རྩིབས་བརྒྱད་ཚུལ་བཞིན་བསྒོམ། །ཏྲ༷་ལས་རིན་ཆེན་དཀྱིལ་འཁོར་བསྒོམ། །བྱང་ཆུབ་སེམས་ཀྱི་འོད་ཟེར་ལས། །རིན་ཆེན་རིགས་ཀྱི་ལྷ་རྣམས་གསལ། །བསྒྲགས་དང་བསྐུར་བ་ཚུལ་བཞིན་བྱ། །རྡོ་རྗེ་གསང་བའི་གསང་སྔགས་འདི། །ཐེག་པ་ཀུན་ལས་མཉན་པར་བྱོས། །ལྕགས་ཀྱི་དཀྱིལ་འཁོར་ཆེན་པོ་སྲ །པདྨ་རིགས་ཀྱི་ལྷ་རྣམས་བསྒོམ། །སྙིང་གི་གོ་རུ་བསྒོམ་པ་མྲ །རྡོ་རྗེ་རིགས་ཀྱི་དཀྱིལ་འཁོར་བསྒོམ། །ཡན་ལག་ལྔ་ལ་འཕྲིན་ལས་ཉིད། །ཐབས་དང་ཤེས་རབ་ཟུང་ལྡན་པའི། །ཅང་ཏི་དག་གིས་དབང་ཡང་བསྐུར། །རྡོ་རྗེ་བསྲེགས་པའི་ཧོམ་གཟར་བསྐུར། །སྙིང་རྗེས་བསྒྲལ་བའི་དམ་ཚིག་གིས། །སྲས་མཆོག་འདེབས་པའི་དབང་ཡང་བསྐུར། །བྲན་དང་ཕོ་ཉ་དབང་སྡུད་ཕྱིར། །དམ་ཅན་བསྟེན་པའི་དབང་ཡང་བསྐུར། །སྐུ་གསུང་ཐུགས་དང་ལྡན་པའི་ཕྱིར། །ཀི་ལ་ཡ་ཡི་དབང་ཡང་བསྐུར། །རྡོ་རྗེ་གཟུགས་སུ་གྱུར་བྱའི་ཕྱིར། །མིང་གིས་ངེས་པའི་དབང་ཡང་བསྐུར། །རང་རང་རྫས་ནི་མཐུན། །རྡོ་རྗེ་སློབ་དཔོན་ཆེན་པོ་ནི། །ཡན་ལག་ལྔ་ལ་རིགས་ལྔ་བསྒོམ། །སྙིང་ཁར་བདག་པོ་ཀུན་ཀྱང་བསྒོམ། །དབང་གི་རྫས་རྣམས་མ་ལུས་པར། ཁེ་ཤ་གང་ཡིན་ལག་ཏུ་གཏད། །དེ་ནི་ནང་གི་དབང་རིམ་མོ། །གསང་བ་དག་གི་དབང་གསུམ་ནི། །ཁྲོ་མོ་འབར་བའི་བྷ་ག་སྲ །ཁྲོ་བོ་དག་གི་རྡོ་རྗེ་ཡིས། །གཉིས་སུ་མེད་པར་གྱུར་བྱ་སྟེ། །གསང་བའི་མཁའ་ལ་དངོས་གྲུབ་བླང་། །དམ་རྫས་ལྔ་ཡི་མཐུན་པར་བསྐུར། །རྩ་རྣམས་འཇུག་འདུལ་ལས་བྱ་སྟེ། །རླུད་རྣམས་སྤོར་བའི་གདགས་ངག་བྱིན། །ཡེ་ཤེས་རང་གནས་དབང་ཆེན་པོ། །རང་ལ་ཡོད་པའི་ཡེ་ཤེས་ཏེ། །ཡིན་པ་དག་ལ་ངོ་ཏི་སྤྲས། །ཐོད་པར་གྱུར་པས་དབང་ཞེས་བྱ། །དེས་ཐོབ་ཕྱིར་མི་ལྡོག་པའི་ཕྱིར། །མིང་དུ་ཡང་དག་བརྗོད་པ་ཡིན། །ཁམས་གསུམ་སྡུག་བསྔལ་ལས་གྲོལ་བས། །ཡོན་ཏན་ཉིད་དུ་བརྗོད་པ་ཡིན། །གསང་བ་པའི་བདག་པོ། དེ་ནི་དབང་དུ་ངེས་པར་ཤེས་པར་གྱིས། །དངོས་གྲུབ་དག་ནི་གང་ཞེ་ན། །ཐུན་མོང་དང་ནི་མཆོག་གཉིས་སོ། །མཆོག་ནི་ཧུ༷་གསུམ་དགོངས་པ་སྟེ། །དམ་རྫས་རག་ཏ་བསྲེས་པ་ཡིས། །ལན་སུམ་དུ་ནི་བསྟབ་པ་ཡི། །ཞལ་དབྱེ་བ་དང་ཞལ་དུ་གསོལ། །དགེས་པའི་ཚུལ་གྱིས་བཞད་པར་བསམ། །ལྷ་ཉིད་དུ་ནི་ངེས་པར་ཐོབ། །བདག་དང་གཉིས་སུ་མེད་གྱུར་ནས། །རིག་པ་མཆོག་གི་དངོས་གྲུབ་ཐོབ། །ཐོབ་དང་མ་ཐོབ་ཡེ་ནས་མེད། །དྲང་བའི་དོན་ཕྱིར་ཐོབ་ཚུལ་བསྟན། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་གསོལ། །མཐུན་པས་མཐུན་པ་སྒྲོལ་ཕྱིར་རོ། །ཐུན་མོང་དག་གི་དངོས་གྱིབ་ནི། །འཇིག་རྟེན་པ་དང་ཚུལ་བསྟུན་ཕྱིར། །འདོད་ཡོན་ལྔ་ནི་རབ་བཤམས་ནས། །ཉི་ཤུ་རྩ་གཅིག་སྙིང་པོ་ཡིས། །ཞལ་ཟས་དགལ་བསྟིམ་སྟེ་བླང་། །བསྐུལ་བའི་ཚིག་པར་དཀའ་བ་ལ་བརྗོད་པའི་ཐ་སྙད་རྣམས་དང་བྲལ་བར་ཐམས་ཅད་ཀྱི་ངོ་བོ་ཉིད་དུ་གྱུར་པའོ། །ཐམས་ཅད་འབྱུང་བའི་གཞིའོ། །འབྱུང་ཁུངས་སོ། །རང་བཞིན་ནོ། །ཐ་སྙད་ཐམས་ཅད་ཀྱི་བདག་པོའོ ཆོས་ཐམས་ཅད་ནི་སེམས་སོ། །སེམས་ཀྱི་རང་བཞིན་མི་རྙེད་པའོ། །མཚོན་པའི་དཔེ་ཅུང་ཟས་བསྟན་ན་ནམ་མཁའ་དང་འདྲ་བའོ། །དཔག་བསམ་གྱི་ཤིང་བུ་དང་འདྲ་བའོ། །ས་གཞི་ལས་ཐམས་ཅད་འབྱུང་བ་དང་འདྲེའོ། །མེ་ལོང་གི་བཞིན་སྣ་ཚོགས་སྣང་བའོ། །རྒྱ་མཚོ་ཆེན་པོ་དང་འདྲ་བས་ཐམས་ཅད་འབྱུང་བའོ། །གསང་བ་བའི་བདག་པོ་དེ་ནི་རང་བཞིན་དུ་ཤེས་པར་བྱའོ། །རྡོ་རྗེ་འདུས་པ་ཆེན་པོ་རྣལ་འབྱོར་བའི་དོན་ནི་ཇི་ལྟ་བུ་ཞེས་གསོལ་པས། བཅོལ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ཉོན་ཅིག །རྟོག་པའི་རི་བོ་རྒྱ་བཅུ་ནི་བཅོས་པའི་ཚུལ་ལོ། །མཚན་མ་བསྒོམ་པ་ནི་དཀྲི་བའི་ཐབས་སོ ངེས་པར་ལྷ་ནི་གང་བསྒོམས་པ། །དེ་ནི་མུ་སྟེགས་རྟག་ལྟ་ཡིན། །མཚན་མས་མཚན་མ་གྲོལ་ཕྱིར་རོ། །ཀུན་ཏུ་འགྲོ་བའི་ཚོངས་སེམས་ལྷར། །ཤེས་རབ་རྣམ་གསུམ་སྒོ་ཡོས་ཚོལ། །ཚོལ་བས་སྒོ་དེ་རྙེད་པར་འགྱུར། །སྒྲོ་འདོགས་གསུམ་ནི་གཅད་པར་བྱ། །སེམས་ཀྱི་སེམས་བཙལ་སེམས་དེ་རྙེད། །སེམས་དེ་རྙེད་ན་ཆོས་ཀྱི་དབྱིངས། །རང་བྱུང་ཡེ་ཤེས་དོན་གཅིག་བརྟག །ཡེ་ཤེས་བཞི་ཡི་སྒོ་མོ་འཆར། །སྙོམས་འཇུག་བཞི་ལ་ངེས་པར་ནུབ་དཔལ་གྱི་སྙིང་པོ་ལ། །དེས་ལོ་དཔལ་དབང་ཕྱུག་ལ། དེས་ང་འབྲེ་ཀླུའི་རྒྱལ་མཚན་ལ། དེས་ང་འབྲེ་གསལ་ལེ་ལ། །དེས་ལང་ལྷབ་བྱང་ཆུབ་རྡོ་རྗེ་ལ་དབང་རྟགས་སུ་གཅིག་ནས་གཅིག་ཏུ་བརྒྱུད་པའོ། །མོ་ཕྱི་ངོ་དགའ་རུ་སྣོད་ངན་པ་ལ་སྙིང་སྒོར་མི་བྱུང་མི་བསྟན་ནོ།། །། རྒྱ་གར་སྐད་དུ། བི་ཏོ་ཏ་མ་ལ་འགུ་ཡ་ཏནྟྲ་ནཱ་མ། བོད་སྐད་དུ། ཕུར་པ་གསང་བའི་རྒྱུད་ཅེས་བྱ་བ། བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །འདི་སྐད་བདག་གི་ཐོས་པའི་དུས་གཅིག་ན། འོག་མིན་གྱི་གནས་ལྕང་ལོ་ཅན་གྱི་ཕོ་བྲང་ན་བཅོམ་ལྡན་འདས་དཔལ་རྡོ་རྗེ་གཞོན་ནུ་དང་། འཁོར་ཁྲོ་བོ་དང་།ཁྲོ་མོ་དང་། སྤྲུལ་པ་དང་། ཡང་སྤྲུལ་དང་། མ་མོ་དང་། གིང་དང་། ཕོ་ཉ་དང་། །བྲན་དང་། ཡང་བྲན་བསམ་གྱི་མི་ཁྱབ་པ་དང་ལྡན་པར་བཞུགས་སོ། །དེ་ནས་གསང་བའི་བདག་པོས་དེས། སྲས་མཆོག་ཀི་ལ་ཡར་སྤྲུལ་ནས། བཅོམ་ལྡན་འདས་ལ་ཞུས་པ། མ་འོངས་པའི་སེམས་ཅན་ལ་གནོད་པའི་དགྲ་བགེགས་གཉིས་དར་བའི་དུས་སུ། འདུལ་བའི་ཐབས་ཇི་ལྟར་བྱ་ཞེས་ཞུས་སོ། །བཅོམ་ལྡན་འདས་རྡོ་རྗེ་སྲིན་པོས་གསུངས་པ། གདུལ་བའི་ཐབས་ནི་གཉིས་ཡིན་ཏེ། ཐབས་ཀྱིས་འདུལ་བ་དང་། མངོན་དུ་འདུལ་བའོ། །ཐབས་ནི་ཇི་ལྟ་བུ་དང་ལྡན། མངོན་དུ་བྱུང་བ་ཇི་ལྟ་བུ། །ཐབས་ཀྱི་སྤྱོད་པའི་འགྲོ་དོན་དུ། །བྱམས་དང་སྙིང་རྗེ་གང་འདུལ་བ། །སངས་རྒྱས་འཕྲིན་ལས་རྫོགས་མཛད་ནས། །ཐབས་ནི་བསམ་གྱིས་མཐའ་ཡས་མཆོག །རེས་འགའ་ཞིག་ལ་རེས་འགའ་དྲག །རེས་འགའ་དབང་ལ་རེས་འགའ་རྒྱས། །འཇིག་རྟེན་པ་དང་འཇིག་རྟེན་འདས། །བསམ་གྱིས་མི་ཁྱབ་སྤྲུལ་ཏེ་བསྟན། །འགྲོ་བ་འདུལ་བའི་དོན་དུ་ཅིར་ཡང་སྟོན། །བདག་ལ་སྤྲུལ་པ་ཁྲོ་བོ་ཕྱུང་། །ཁྲོ་བོ་ལས་ནི་འཕྲ་མེན་བྱུང་། །འཕྲ་མེན་ལས་ནི་འཇིག་རྟེན་དྲེགས་པའི་ལྷ་རྣམས་བྱུང་། །ཀྲོདྷི་ཤྭ་རི་ལས་ནི་ཁྲོ་མོ་བྱུང་། ཁྲོ་མོ་ལས་ནི་ཨེ་ཀ་ཛ་ཏི་ཀུན་ཏུ་བཟང་པོ་བྱུང་། །ཨེ་ཀ་ཛ་ཏི་ཉིད་ལས་ནི་རེ་མ་རི་དང་ལྟ་མོ་ནག་མོ་ཕྱུང་། །དེ་ཉིད་ལས་ནི་མ་མོ་ཉི་ཤུ་རྩ་གཅིག་ཕྱུང་། །་།་ན་བཞི་དང་བསེ་མོ་བཞི། །རྒྱལ་མོ་བཞི་དང་མ་མོ་བདུན། །ཕུང་བྱེད་མ་དང་གྲུ་འདེགས་མའོ། །དེ་ལས་སྤྲུལ་པའི་མ་མོ་ནི། །སྟོང་ནི་རྩ་བརྒྱད་ཡིན་པར་ཤེས། །དེ་ཡི་བྲན་མོར་གྱུར་པ་ནི་གདོང་མོ་བཞི་དང་། །ལས་ཀྱི་དབང་མོ་ཆེ་ནི་བཞི་རུ་སྤྲུལ། །དེ་ཡི་ཡང་བྲན་དུ་གྱུར་པ་ནི། །བོད་ཁམས་སྐྱོང་བའི་བསྟན་མ་བཅུ་གཉིས་སོ། །བྲན་དང་ཡང་བྲན་ཚུལ་དུ་ཤེས་པར་གྱིས། །འཁོར་དང་ཡང་གཡོག་ཏུ་ནི་འབྱོར་བར་གྱིས། །གཅིག་གི་འཁོར་དུག་གཅིག་ནས་པས། །རྒྱལ་པོ་བློན་པོ་འབངས་ཀྱི་ཚུལ། །དང་པོ་བསྐྱོད་པས་ཀུན་གྱི་ལས་རྣམས་བྱེད་པར་འགྱུར། །དེ་ཕྱིར་བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་༄༅ བཅས་པ། །མངོན་སྤྱོད་འཕྲིན་ལས་མྱུར་དུ་མཛོད། །སུ་རུ་སུ་རུ་སྨྱོ། མུ་རུ་མུ་རུ་སྨྱོ། ཀ་ཏང་ཀ་ཏེ་སྨྱོ། ཛ་ཡ་བི་ཛ་ཡེ་སྨྱོ། ཨ་ཙིཛ་ཏེ་སྨྱོ། ཨ་པ་ར་ཙིཛ་སྟ་མ་ར་ས་ན་པྲ་མརྟ་ན་ཡེ་ཧུ༷སྨྱོ། མ་མོ་རྣམས་ཀྱི་སྲོག་གི་སྙིང་པོ་སྟེ། །གོ་ནོན་སྔགས་ཀྱིས་གཏེམས་ནས་རང་དབང་མེད་པར་འདུལ། །དེ་ནི་མ་མོ་སྟོང་རྩ་བརྒྱད་ཀྱི་སྲོག་གི་སྙིང་པོ་བསྡུས་པ་ཞེས་བྱའོ། །དེ་རྣམས་སྦད་པའི་སྙིང་པོ་ཇི་ལྟར་ལགས། །མ་ཏ་མ་ཏ་བཛྲ། །ཧཱུཾ་མ་མ་པ་ཤི་ཀུ་སྲ མ་ཏ༷་མག་ཉ་ན། ཀ་ར་ཨི་ནན། དྷ་ཏི་མ་མ་ཀར་མ་ཤི་ཀྲ༷་ཀ་རེ་ཡ། ཉི་ཤུ་རྩ་གཅིག་ལས་ལ་སྦད་དོ། །རང་དབང་མེད་པར་འགྲོ་བར་འགྱུར། ་༑་ན་མུ་ཀའི་དུས་ལ་བབ། །བདག་ཉིད་ཆེན་པོའི་དུས་ལ་བ། །ས་བདག་ཆེན་མོའི་དུས་ལ་བབ། ཁྱེད་ཀྱི་འཕྲིན་ལས་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །འཇུག་འཇུག་བྲ་དང་ཕོ་ཉ་གདགས། །གསང་བ་ཐུན་གྱི་སྙིང་པོ་གང་། །སུ་རུ་སུ་རུ་བཛྲ། ཧུ༷་པ་ར་བིད་ཏ་ན་ཧུ༷་ཕཊ། ཚིན་དྷ་ཚིན་དྷ་ཧུ༷་ཕཊ། བིན་དྷ་བིན་དྷ་ཧུ༷་ཕཊ། སྒྲི་ན་སྙི་ན་ཧུ༷་ཕཊ། ཧ་ན་ཧ་ན་ཧུ༷་ཕཊ། བན་དྷ་བན་དྷ་ཧུ༷་ཕཊ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། སརྦ་ཨ་ན་ཡ་ཧུ༷་ཕཊ། ཏད་ཡ་ཐ་ཏད་ཡ་ཐ་ཧུ༷་ཕཊ། དེབཞིནདྲུགལའབྱོར་པ་གྱིས། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཁྲག་ཟོར་ཉུངས་ཟོར་དུག་ཟོར་དང་། །མཚན་ཟོར་རྟིང་ལ་གཏོར་ཟོར་གདབ། །རྦད་སྔགས་ཉི་ཤུ་རྩ་ལྔ་ཀུན་ལ་འབྱོར་བ་ཡིས། །དེ་ནི་དྲག་པོ་ཐུན་གྱི་རྫས་རྣམས་ཡིན། །རྦད་དང་རྟེན་པའི་རྫས་རྣམས་ནི། ཁྲ་སྣ་ཁྲག་སྣ་ཚོགས་ཚད་ལ། །ན་ལ་སྦྲུག་གི་ཤ་རྣམས་སོ། །དེ་ཡི་བཟླས་ལུགས་ཇི་ལྟར་ལགས། །འདུས་པ་ཆེན་པོས་བཤད་དུ་གསོལ། །རྩ་བའི་སྙིང་པོའི་མཇུག་ལ་ནི། །སྲོག་སྔགས་བཅུ་གཅིག་བཏགས་པ་ནི། །མ་མོ་ཀུན་གྱི་སྲོག་གི་སྙིང་པོར་འབྱོར་བ་ཡིས། །སྟོད་ཀྱི་སྙིང་པོ་ཉི་ཤུ་རྩ་གཅིག་ལ། །དགུག་སྔགས་བཞི་དང་སྲོག་སྔགས་བཅུ་གཅིག་གིས། །གང་ཡིན་གནས་ནས་འགུགས་པར་གྱིས། །མགོ་གནོན་སྔགས་ཀྱི་སྙིང་པོ་དང་། །དམ་ཅན་སིལ་བུའི་སྙིང་པོ་ལ། །སྨྱོ་རྣམས་བཏགས་པའི་སྙིངཔོ་ཡིས། །མ་མོ་སྟོང་ནི་རྩ་བརྒྱད་རྣམས། །མཐུན་པའི་རྫས་དང་གནད་ལ་དབབ་པའི་ཚིག་དང་ནི། །རང་རང་བསྐུལ་ཏུ་བསྡེབས་པ་ཡིས། །ཐུགས་དམ་གནད་ལ་འབེབས་པར་གྱིས། །མ་མོའི་ལས་སྔགས་བསྡུས་པ་དང་། །ཡི་གེ་ཉི་ཤུ་རྩ་ལྔ་དང་། །བསྐུལ་དྲུག་གནད་དབབ་དྲུག་ཏུ་བསྡེབས་པ་ཡིས། །དམ་ཅན་རྣམས་ནི་བསྐུལ་བ་ཡིས། །གང་ཡིན་དེ་ནི་ཁུགས་པར་གྱིས། །སྲོག་གི་སྙིང་པོ་བདུན་པོ་རྣམས། །གསང་སྔགས་བཅུ་གཅིག་བཏགས་པ་དང་། །བསྐུལ་ཚིག་དྲུག་དང་བསྡེབས་པ་ནི། །སྒྲོལ་བའི་ལས་རྣམས་རྫོགས་པར་གྱིས། །ཟབ་མོ་ཐབས་དང་ཏིང་འཛིན་དང་། །སྔགས་ཀྱི་སྦྱོར་ཐབས་ཤེས་པ་ཡིས། །ལས་ལ་ཐོགས་པ་མེད་པར་འགྱུར། །སྔགས་ཀྱི་ངོ་བོ་ཇི་ལྟར་ལགས། །སུ་རུ་ཤོ་ན་མུ་ཀ་སྟེ། །མུ་ན་བདག་ཉིད་ཆེན་མོ་ཡིན། །ག་ཏ་བཞི་ནི་རྒྱལ་མོ་བཞི། །མར་ས་ནམ་མོ་སྟོང་གི་སྙིང་པོ་ཡིན། །བསྡུས་ན་རེ་མ་ཏི་དང་ཨེ་ཀ་ཛ་ཏིར་འདུས། །མ་ཏི་ཀུན་ཏུ་བཟང་མོ་སྟེ། །སྲིད་པའི་རྒྱལ་མོ་ཉིད་དུའོ། །མ་མགོ་རེ་ཏི་མཆེད་བཞིའོ། །པ་ཤི་ཕུང་བྱེད་མ་བཞིའོ། །ཀུ་རུ་ཤོ་ན་མུ་ཀའོ། །མ་ཏམ་ཚ་བའི་མ་མོ་བཞི། །ཙྭ་ན་ཡེ་ཤེས་མ་མོའོ། །ཀ་ར་ཞེས་པ་བསྟན་མའི་ཚོགས། །ཨི་ནན་ཞེས་པ་མ་མོ་བདུན། །དྷ་ཏི་མན་ཆད་གསང་སྔགས་ཏེ། །ཀུན་གྱི་ཕོ་ཉ་དང་ནི་གྱིང་དུ་ཤེས་པར་གྱིས། །རང་རང་སྲོག་གི་སྙིང་པོ་ལ། །ལས་སྔགས་བཅུ་གཅིག་བཏགས་པ་ནི། ཁྲན་པའི་གྱིང་ཆེན་བཅུ་གཅིག་གིས། །ཐམས་ཅད་མ་ལུས་སྒྲོལ་བར་གྱིས། །ཞེས་གསུངས་སོ། །ཐབས་འདུལ་བའི་ལེའུ་སྟེ་དང་པོའོ།། །།དེ་ནས་ཡང་གསང་བའི་བདག་པོས་ཞུས་པ་དང་། ཀྱེ་རྡོ་རྗེ་འདུས་པ་ཆེན་པོ། མངོན་དུ་བསྒྲལ་བའི་ཐབས་ནི་ཇི་ལྟར་ལགས། དེ་ཡི་འཕྲིན་ལས་ཇི་ལྟར་བྱ། །འདུས་པ་ཆེན་པོས་བཤད་དུ་གསོལ། །གསང་བའི་བདག་པོ། དེ་ཡི་དོན་ནི་འདི་ལྟར་བྱས་ཏེ། །རྗེས་སུ་འཇུག་པའི་གང་ཟག་པས། །དཀྱིལ་འཁོར་བྱ་དང་འཕྲིན་ལས་དང་། །བསྒྲུབ་དང་ངེས་པར་བསྒྲུབ་པ་དང་། །ཟབ་མོ་བསྡུས་པའི་ལུང་འདི་བསྟན། །སྲིད་པའི་ཕུར་བུ་བསྒྲུབ་པ་དང་། །འཇིག་རྟེན་པ་དང་འཇིག་རྟེན་ལས་འདས་པ་གཉིས་སུ་འགྱུར། བི་ཏོ་ཏ་མ་ལའི་རྒྱུད་ལས། དཀྱིལ་འཁོར་བརྒྱ་ནི་རྩ་བརྒྱད་དོ། །ཉི་ཤུ་རྩ་གཅིག་ཐབས་དང་ཤེས་རབ་བསྒྲུབ། །རྩ་གཉིས་དྲེགས་པ་མངོན་དུ་ཕྱུང་སྟེ་བསྒྲུབ། །མྱ་ར་ཡ་གསད་པའི་དཀྱིལ་འཁོར་བསྒྲུབ། །ཐུན་ཕོར་དམར་ནག་ལེ་ཚེ་དགུ་པ་བྱ། །འཕྲིན་ལས་དོན་ནི། རྒྱས་པ་བསྡུས་པ་གཉིས་སུ་གྱུར། །རྒྱས་པར་བྱ་བ་རྒྱུད་གཞན་བཞིན། །འདི་ནི་ཤིན་ཏུ་བསྡུས་པ་སྟེ། །བདག་ཉིད་ལྷ་ཡི་ཏིང་ངེ་འཛིན་འབྱོར་བ་ཡིས། ཁྲོ་བོ་འདུས་པའི་མཚམས་དག་གཅད། །གསང་མཚམས་འབར་བའི་ཁྲོ་བོ་བཅུ་དག་གིས། །ཕྱོགས་བཞི་མཚམས་བརྒྱད་སྟེང་འོག་བཅུ། །བརྗིད་པའི་ཐབས་ཀྱིས་གཅད་པར་བྱ། །དངོས་གཞི་ལྔ་ཡིས་ཆག་ཆག་གདབ། །བ་སུ་ཏུ་ཡིས་ཐིག་རྣམས་གདབ། །གསང་བའི་འཕྲིན་ལས་ཚུལ་བཞིན་བྱ། །རྩ་གཅིག་དཀྱིལ་འཁོར་ཚུལ་བཞིན་བྲི། །ཐབས་དང་ཤེས་རབ་ཚུལ་གྱིས་ལྷ་ཕུར་ཉི་ཤུ་རྩ་གཅིག་དགོད། །བར་ཁྱམས་ཨེ་ཡིག་གདན་ལ་ནི། །སྲས་ཀྱི་ཕུར་པ་ཉི་ཤུཀཅག །རྩ་གཅིག་སྔགས་ཀྱིས་དགོད་པར་བྱ། །བསྒྲུབ་པའི་རིམ་པ་ཤེས་པར་གྱིས། །ལས་ལ་རྒྱུག་ཀར་སྤུངས་ལ་བཞག །བྱིན་བརླབས་བརྒྱད་དང་བྱུག་བདུག་གསུམ། །གཟི་བྱིན་བསྐྱེད་དང་བཅུ་གཉིས་ནི། །ཚུལ་བཞིན་གོ་རིམས་འབྱོར་བར་གྱིས། །རྡོ་རྗེ་ཁྲོས་པས་ཞེ་སྡང་གཅོད། །མི་འགྱུར་ཡེ་ཤེས་ལྟ་བའི་གདེང་། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །སྲོག་གི་གོ་རུ་ཤར་བ་དང་། །སྙིང་གི་སྒོ་རུ་བསྒོམ་པར་བྱ། །གཉེན་པོ་ལྷ་ཡི་གདེང་། སྟོང་གསུམ་ལྷ་ཡི་གཞལ་ཡས་ཁང་ཤེས་ན། །སྣང་སྲིད་ལྷ་ཡི་དཀྱིལ་འཁོར་ལ། །མི་སྐྱེད་རྫོགས་པའི་ཚུལ་དུ་བསྒོམ། །སྙིང་རྗེ་བསྒྲལ་བའི་དམ་ཚིན་ནི། །སྲིད་པའི་ཕུར་བི་བདག་སྒྲུབ་ཀྱིས། །ཡེ་ཤེས་ཁྲོ་བོ་གྲུབ་པར་འདོད། །ཕུར་པའི་ཁོང་སྟོང་གཞལ་ཡས་ཁང་། །ལྷ་ཡི་དཀྱིལ་འཁོར་ཚང་བར་བསྒོམས། །བརྡ་ཡི་སྒོ་ནས་མཚོན་པའོ། །འོག་གནོན་སྔགས་ཀྱིས་གདེང་། །ཨོ༷་བཛྲ་ཀི་ལི་ཀི་ལ་ཡ་སརྦ་བིག་ནན་བ༷་ཧུ༷་ཕཊ། མ་ར་ས་ན་བྲ་མརྟ་ན་ཡེ་ཧུ༷་ཕཊ། ཁྲོ་སྔགས་བཅུ་ལ་དེ་བཞིན་ནོ། །རྡོ་རྗེ་གཞོན་ནུ་རིགས་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་འདོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལ། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་གྱུར་ཅིག །བཟླས་བརྗོད་སྔགས་ཀྱི་འཕྲོ་འདུ་ཡིས། །སྐུ་གསུང་ཐུགས་ཀྱི་དབང་ཡང་བསྐུར། །མ་མོ་མཁའ་འགྲོ་དབང་དུ་སྡུད། །རིགས་འཛིན་རྣམས་ནི་དངོས་གྲུབ་སྟེར། །ལྷ་ལ་ཕོག་པས་དངོས་གྲུབ་ལ། །བགེགས་ལ་ཕོག་པས་ཐལ་བར་རློག །ཕར་འཕྲོས་རྒྱལ་བའི་ཐུགས་དམ་བསྐུལ། །དམ་ཅན་རྣམས་ནི་ལས་ལ་བསྐུལ། །འོད་ཟེར་འཕྲོ་འདུ་རྒྱུན་མི་ཆད། །བྱང་ཆུབ་བསྒྲུབ་དང་འཕྲིན་ལས་རྣམས། །སྔགས་རྣམས་བརྗོད་པས་རྫོགས་པར་འགྱུར། །བདུན་འབུམ་ཉི་ཁྲི་བརྗོད་པས་གདོན་མི་ཟ། །ཨེ་མ་ཧོ་ངོ་མཚར་ཡ་མཚན་གྱི། །སྙིང་པོ་གཅིག་གིས་དོན་རྣམས་བྱེད། །སྲིད་པའི་ཕུར་བུ་བསྒྲུབ་པའི་ཕྱིར། །དབང་དང་དངོས་གྲུབ་འདིར་གསོལ་ཅིག །མཆོད་པའི་འཕྲིན་ལས་རྫོགས་པར་བྱ། །འོད་ཟེར་འཕྲིན་ལས་འཕྲོ་འདུ་རྒྱུན་མི་གཅད། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་གསོལ། །ཡེ་ཤེས་གཅིག་ལ་ཡེ་ཤེས་བསམ་མི་ཁྱབ། །བདག་ཉིད་དངོས་གྲུབ་བླང་བ་དང་། །གཞན་གྱི་བགེགས་རྣམས་འདུལ་བ་དང་། །གསང་བའི་བདག་པོ་དེ་ཡིས་ནི། །མགོ་གནོན་གསུམ་གྱིས་ཟིན་པར་བྱ། །བསྒྲུབ་པ་ཞེས་སུ་བསྟན་པ་ཡིན། །བསྒྲུབ་པར་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་གསང་བའི་བདག་པོས་ཞུས་པ། ངེས་པར་བསྒྲུབ་པའི་དོན་ནི་ཇི་ལྟ་བུ་ལགས། །རྡོ་རྗེ་འདུས་པས་བཤད་དུ་གསོལ། །གསང་བའི་བདག་པོ་ཉོན་ཅིག །ཚུལ་འདི་ནི་རྫོགསཔ་ཆེན་པོའི་ཚུལ་ཏེ། སྲིད་པའི་ཕུར་བུ་ཇི་ལྟར་བསྒྲུབ་ན། །སྣ་སྲིད་སྐུ་གསུང་ཐུགས་ཀྱི་དཀྱིལ་འཁོར་ལ། །ཀི་ལ་ཡ་ནི་བཟླས་ཡིས། །བདག་ཉིད་སྣང་བ་སྐུ་ཡི་དཀྱིལ་འཁོར་ལ། །གྲགས་པ་ཐམས་ཅད་གསུང་གི་དཀྱིལ་འཁོར་ཡིན། །དྲན་རིག་ཐམས་ཅད་ཐུགས་ཀྱི་དཀྱིལ་འཁོར་ཡིན། །ཇི་སྐད་བརྗོད་ཀྱང་ཀི་ལ་ཡ། །ཕྱི་སྣོད་གཞན་ཡས་ཁང་གི་ངང་། །ནང་བཅུད་སྐྱེ་འགྲོ་ཐམས་ཅད་ནི། །ལྷ་ཡི་དཀྱིལ་འཁོར་མ་ཡིན་པ། །འཁོར་བ་བྱ་བའི་མིང་ཡང་མེད། །དཀྱིལ་འཁོར་གསུམ་དུ་ཤེས་པའོ། །སེམས་སྦྱངས་པ་ཡི་རིམ་པ་ནི། །བདག་ཉིད་ལྷ་ཡི་རྣལ་འབྱོར་གསལ་བ་ལས། །ཡེ་ཤེས་ལྷ་རྣམས་བདག་གི་བདུན་ན་གསལ། །བདག་ཉིད་ཤར་དུ་ཁ་བལྟས་ཏེ། །སྔགས་རྣམས་ཚུལ་བཞིན་བརྗོད་པ་ཡིས། །ཕར་འཕྲོས་པས་ནི་ལྷ་ལ་ཕོག །ལྷ་རྣམས་འོད་ཟེར་ཚུལ་འདུས་པས། །སྐུ་གསུང་ཐུགས་ཀྱི་དབང་ཡང་བསྐུར། །ཡེ་ཤེས་ལྔ་ཡིས་བྱིན་གྱིས་བརླབ། །གཞའ་ཚོན་བསྐོར་བ་བཞིན་དུ་བསྒོམ། །རིག་པ་ཡེ་ཤེས་ཚོན་གང་པོ། །བཟླས་པ་སྔགས་ཀྱིས་བསྐྱོད་པ་ཡིས། །རང་གི་རིག་པ་རང་ཉིད་དེ། །གཉིས་སུ་མེད་པའི་དོན་དུ་གསལ། །ཡེ་ཤེས་སེམས་དཔའ་ཐུགས་ཁར་བསྡུ། །རང་བྱུང་ཡེ་ཤེས་འོད་དུ་ཞུ། །ཀུན་གསལ་མེ་ལོང་འོད་པོ་ཆེ། །གསལ་བ་མ་འདྲེས་ཚུལ་དུ་བསྒོམ། །ཕར་འཕྲོས་རྒྱལ་བའི་ཐུགས་དམ་སྐོངས། །ཚུར་འཕྲོས་བདག་གི་ཐུགས་ཉིད་ཞུ། །འོད་ཟེར་འཕྲོ་འདུ་རྒྱུན་མི་འཆད། །སེ་འབྲུ་གཏོར་བའིཚུལབཞིནདུ། །སྟོངགསུམ་འོད་ཀྱི་རང་བཞིན་ལ། །ཐམས་ཅད་དབང་གི་རང་བཞིན་ནོ། སྐབས་སྐབས་མཆོད་དང་བསྟོད་པཚུལབཞིནབྱ། །ཨོབཛྲ་ཀྱིལི་ཀི་ལ་ཡ་སརྦ་བིག་ནན་བ༷་ཧུ༷་ཕཊ། དེ་ལྟར་འཕྲོ་འདུ་ཚུལ་བཞིན་བྱ། །ཏིང་འཛིན་མི་གསལ་ལྡང་འདོད་ན། །འོད་ཟེར་ཐམས་ཅད་བདག་ལ་བསྡུ། །སྐུ་གསུང་ཐུགས་ཀྱི་དངོས་གྲུབ་བླང་། །སྤྱོད་ལམ་རྣམ་བཞི་ཅི་བྱེད་ཀྱང་། །ལྷ་ཡི་དོན་ལས་འདའ་མ་བྱེད། །གསང་བའི་བདག་པོ་དེ་ནི་ངེས་པར་གྲུབ་པའོ། །ཀྱེ་འདུས་པ་ཆེན་པོ། བཟླས་པའི་དོན་ནི་དེ་ལགས་ན། །འཕྲིན་ལས་དོན་ནི་ཇི་ལྷར་ལགས། །འདུས་པ་ཆེན་པོས་བཤད་དུ་གསོལ། །སྨད་ཀྱི་སྟོད་ཀྱི་ཀློང་དྲུག་གི །ལྷ་རྣམས་དྲག་པོས་ལས་ལ་བསྐུལ། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤོན་མུ་ཀའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་མོའི་དུས་ལ་བབ། །གང་ཡིན་གནས་ལ་འགུགས་པར་བྱེད། །གྲོག་ཚང་དགུ་ཀློངས་པ་ཡི་ཚུལ་དུ་དགུག །སྟོད་ཀྱི་སྨད་ཀྱི་གློང་དྲུག་གིས། །གནད་ལ་དབབ་ཅིང་ཚེ་ལུང་ཁྲུས་ལུང་བྱ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིགས་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཧུ༷་ཀ་ར་ཧུ༷་ཀ་ར་ཨ་ཨ་ཨ། བར་གྱི་ཀློང་བརྒྱད་ཀྱིས་མཐུན་པའི་མན་ངག་སྦྱར། ཁྲོ་བོ་ཆེན་པོའི་བྱིན་བརླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་ཕྲན་བཞིན་དུ་བཤིག་ནས་ཀྱང་། །སྡུག་བསྔལ་ཆེན་པོ་མྱོང་བར་མཛོད། །བསྐུལ་བའི་ལས་དང་གདབ་པ་དང་། །གཟིར་བཅིང་དབང་དུ་བྱ་བ་དང་། །བསྐུལ་དྲུག་དག་གིམཇུག་ལ་གདགས། །བྱིན་བརླབས་གདོན་དང་། །མགྱོགས་མ་ལས་ཀྱི་ཏིང་འཛིན་དང་། །སྡུག་བསྔལ་ཆེན་པོ་མྱོང་བར་བྱེད། །འདི་བརྒྱད་ལས་ཀྱི་ཕོ་ཉ་ཡིན། །ཨོ་ལ༷་ཧུ༷་ལ༷་སྟ༷་པ་ནན། མོ་ཧ་ག་ཡ། བྷ་ག་བྷན། ཤིཀྲི་བི་ཀྲི། ཐྲི་བཛྲ་ཧུ༷་ཀ་ར་ཧུ༷་ཧུ༷ཕཊ་ཕཊ།བཛྲ་ཀི་ལི་ཀི་ལ་ཡ། ཀི་ལ་ཡ། ཛ་ཧུ༷་བ༷་ཧོ། སརྦ་བིག་ནན། བཛྲ་ཀི་ལི་ཀི་ལ་ཡ། ཧུ༷་ཧུ༷་ཕཊ་ཕཊ་བཛྲ་ཧུ༷་ཀ་ར་ཧྭ༷་ཕཊ། འདི་ནི་ཐམས་ཅད་འདུས་པའི་ངན་སྔགས་ཞེས་ཀྱང་བྱའོ། །འཕྲིན་ལས་བཞིའི་སྙིང་པོ་ཞེས་ཀྱང་བྱའོ། །སྐུ་གསུང་ཐུགས་ཡོན་ཏན་འཕྲིན་ལས་ཀྱི་སྙིང་པོ་ཞེས་ཀྱང་བྱའོ། །དཀྱིལ་འཁོར་གྱི་ལྷ་རྣམས་ཀྱི་ལས་ཀྱི་སྙིང་པོ་བསྡུས་པ་ཞེས་ཀྱང་བྱའོ། །རྡོ་རྗེ་གཞོན་ནུ་འཇིག་རྟེན་པར་ཕྱུང་བའོ། །རྦད་པའི་སྙིང་པོ་བསྡུས་པ་ཞེས་ཀྱང་བྱའོ། །འཁོར་ལོ་བསྐོར་བའི་སྙིང་པོ་ཞེས་ཀྱང་བྱའོ། །མ་མོ་ཀུན་གྱི་ལས་སྔགས་བསྡུས་པ་ཞེས་ཀྱང་བྱའོ། །གསང་བ་འདུས་པའི་ཕུར་གཅིག་མ་ཞེས་ཀྱང་བྱའོ། །དེ་ནས་མན་ངག་གི་ལས་བརྒྱད་ཅེས་བྱའོ། །བར་གྱི་སྨད་ཀྱི་ཀློང་བདུན་གྱི་བསྒྲུབ་ཐབས་རྣམ་པ་བདུན་དུ་སྐྱེར། ཧ་ས་ཡ་ཧ་ཏ་ན་ཧུ༷་ཕཊ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྟོགས་ཤིག་གྲོགས་དང་བྲལ་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །མཆོད་དང་བསྟོད་པ་ཚུལ་བཞིན་བྱ། །གུ་གུལ་སྦྱར་བའི་དུད་པས་བདུག །དུས་བབ་དྲུག་གི་ཕོ་ཉ་བཏང་། །གཟས་པའི་དགྲ་བགེགས་གང་ཡིན་པ། །བྱ་རོག་ལ་ནི་རྡོ་བརྒྱབ་བཞིན། །གྲོགས་དང་བྲལ་ནས་རྐྱང་བར་གནས། །མ་ཕྲེལ་བར་དུ་རྒྱུན་མི་བཅད། །རྟགས་རྣམས་བྱུང་བར་གྱུར་པ་དང་། །དུང་གི་ཕུར་པ་དག་གིས་གདབ། །དེ་བཞིན་དུ་ནི་འབྱོར་བ་ཡིས། ཐྲི་ཀྲིན་བི་ཀྲི་ཨ་ན་ཡ་ཧུ༷་ཕཊ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་ཆིངས་ཤིག་རྣམ་པར་ཆིངས། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱུར། །སྔོན་དམར་དག་གི་བྲུངས་བདག་གིས། །གང་ཡིན་དེ་ནི་བྱད་དུ་ཆུད་པར་བསམ། །མཆོད་བསྟོད་བསྐུལ་བ་ཚུལ་བཞིན་ནོ། །རྟགས་རྣམས་བྱུང་ན་བྱ་ཕུར་དག་གིས་གདབ། །སྨོན་ལམ་དྲག་པོ་དག་ཀྱང་གདབ། །ཆོས་ཉིད་ཀྱི་བདེན་པའོ། །གསང་སྔགས་ཀྱིས་བྱིན་གྱིས་བརླབས་སོ། །སངས་རྒྱས་ཀྱི་མཐུའོ། །ཨ་བི་རྩ་རྒྱའི་དུས་ལ་བབ་པའོ། །རྣག་པ་དེ་ཁོ་ནའོ། །བཛྲ་ཀི་ལ་ཡ་ཉི་ཤུ་རྩ་གཅིག་མནན་ཅིག་གདབ། །ཀུན་ལ་དེ་བཞིན་འབྱོར་བར་གྱིས། །ཛ་ལ་པ་ཡ་ཛ་ལ་པ་ཡ་ཧུ༷་ཕཊ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རིངས་བར་ཁུག་ལ་སྨྲར་ཆུ་གཅིག །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །དུག་རྫས་སྣ་ཚོགས་བྲབ། །གང་ཡིན་དེ་ནི་སྡུག་བསྔལ་མྱོང་ནས་སྨྱོ་ཞིང་འབོག་བར་བསམ། རྟགས་བྱུང་ན་ནི་སྐྱེར་པའི་ཕུར་པ་དག་གིས་གདབ། །བྱ་བའི་རིམ་པ་གོང་བཞིན་ནོ། །ཨ་བེ་ཤ་ཡ་ཨ་བེ་ཤ་ཡ་ཧུ༷་ཕཊ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །ལྕགས་ཕྱེ་ཟངས་ཕྱེ་དག་གིས་བྲབ། །རྣམ་ཤེས་བཀུག་ནས་གཟིར་བར་བསམ། །བྱ་བའི་རིམ་པ་དེ་བཞིན་ནོ། །རྟགས་བྱུང་ན་ནི་ཟངས་ཀྱི་ཕུར་བས་གདབ། །ཏ་ཐ་ཡ་ཏ་ཐ་ཡ་ཧུ༷་ཕཊ། ཨ༷་གུ་ཤ་ན་དཀར་ནག་དང། ་་ས་ཀར་རྒྱལ་པོ་དག་གིས་བྲབ། །གང་ཡིན་དེ་ནི་ལུས་ངག་རྡུལ་ཕྲན་བཞིན་དུ་བརླག་པར་བསམས། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྟོགས་ཤིག་རྒྱོབ་ཅིག་རྣམ་པར་ཆིངས། །ང་ཡི་དབང་དུ་འགྱུར་ནས་ཀྱང་། །བསྟོ་བའི་བཀའ་རྣམས་ཉན་པར་གྱིས། །བྱ་བའི་རིམ་པ་ཚུལ་བཞིན་ནོ། །རྟགས་བྱུང་ན་ནི་ལྕགས་ཀྱི་ཕུར་པས་གདབ། བི་ད་ཡ་བི་ད་ཡ་ཧཱུཾ༷་ཕཊ། དངོས་གྲུབ་བར་ཆད་བྱེད་པའི་བགེགས། །འདུག་ཅིང་སྡང་སེམས་ལྡན་པ་རྣམས། །བི་ད་ཡ་ཡི་ཞལ་དུ་བསྟབས། །གཏོར་ཆེན་དག་ལ་ཁྱི་འདུལ་བཞིན། །རང་དབང་མེད་པར་གསོལ་བར་བསམ་མོ། །ཐུན་གྱི་རྫས་རྣམས་ཀུན་དང་ནི། །ཁྲག་སྣ་ཚོགས་པའི་རྫས་ཀྱིས་བྲབ། །དུས་བབ་དྲུག་གི་འགུགས་འདྲེན་བྱ། །མཆོད་དང་བསྟོད་པ་ཚུལ་བཞིན་བྱ། །སྨོན་ལམ་དྲག་པོ་དག་ཀྱང་གདབ། །རྟགས་བྱུང་ན་ནི་སེང་ལྡེང་ཕུར་བུས་གདབ། །དེ་ནས་ཐུན་ནི་དྲག་པོས་བྲབ། །གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྤྱིན་བདུད་ཀྱང་རུང་། །ང་ལ་བར་ཆད་བྱེད་པའི་བགེགས། །མཐུ་དང་རྫུ་འཕྲུལ་མེད་པར་བྱོས། །ཧྭ༷་མ་མ་པ་ཤི་ཀུ་རུ་མ་ཏ༷་རྙོ་ཀ་ར་ཨི་ནན། འདའ་ཏི་མ་མ་ཀར་མ་ཤི་ཀྲང་ཀ་རེ་ཀ་ཡ། དྲག་པོ་ཐུན་རྣམས་སྐོར་ཚོམས་གསུམ་དུ་བརྡེག །ཐམས་ཅད་འདུས་པའི་གོང་བཞིན་ནོ། །གདབ་པའི་རིམ་པ་ནི། འཕྲིན་ལས་བཞི་ཡི་ཕུར་པས་གདབ། །ལས་སྔགས་བཅུ་གཅིག་དག་ལ་ནི། ཁྲོ་བོ་བཅུ་གཅིག་གི་བརྡེག །སྦྱོར་བ་གསུམ་གྱི་སྒོ་ནས་གདབ། །དྷ་ཏི་མ་མ་ཀར་མ། ཤིཀྲང་ཀ་རེ་ཕཊ། ཇག་པའི་སྐྱེས་བུ་བཅུ་གཅིག་གིས། །ཀུན་གྱི་མཇུག་ལ་གདགས་པར་བྱ། །དེ་ནས་གསང་བའི་ཐུན་རྣམས་བརྡེག །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱད་དུ་ཁོས། །ཉོན་ཅིག་བགེགས་དངལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །དམ་ཅན་སིལ་བུའི་ཐུན་རྣམས་བརྡེག །འཕྲིན་ལས་རིམ་པ་ཚུལ་བཞིན་བྱ། །བསྒྲུབ་པ་ཆེན་པོ་འཕྲིན་ལས་བསྟན་པའི་ལེའུ་སྟེ་གསུམ་པའོ།། །།དེ་ནས་ཡང་རྡོ་རྗེ་གསང་བའི་བདག་པོས། རྡོ་རྗེ་འདུས་པ་ལ་སོགས་པ། ཀྱེ་འདུས་པ་ཆེན་པོ་བཟླས་བརྗོད་སྔགས་ཀྱི་མཚན་ཉིད་ཇི་ལྟར་ལགས། འདུས་པ་ཆེན་པོས་བཤད་དུ་གསོལ། གསང་བའི་བདག་པོ་ཉོན་ཅིག །ཚུལ་འདི་ནི་འདི་ལྟར་བཤར་པ༷ར་བྱའོ། །བདག་ཉིད་ཀུ་མ་རར་བསྒོམས་ལ། །བདག་ཉིད་ཀྱི་སྙིང་ཁ་རུ་གསེར་གྱི་འཁོར་ལོ་རྩིབས་བརྒྱད་བུམ་པའི་ཚུལ་དུ་བསྒོམ། །སྔགས་ཀྱི་ཡིག་འབྲུ་འདི་བཅུ་ལ། །རྩིབས་བརྒྱད་འབྲུ་བརྒྱད་ཚུལ་དུ་བསྒོམ། །ཨོ་དང་བཛྲ་དབུས་སུ་སྟེ། །ནན་དང་བ༷་སྟེ་སྟེང་འོག་གོ །ཧུ༷་ནི་ཐུགས་ཀྱི་སྙིང་པོ་སྟེ། །ཕཊ་ནི་ཀུན་ཀྱང་ཁྲོ་བོའི་ཚོགས། །རྩ་བའི་ལྷ་རྣམས་བཅུ་གཅིག་དག །སྙིང་ལ་ངེས་པར་བསྟན་པ་ཡིན། །བུམ་པ་ནང་གི་མར་མེ་ལྟར། །བདག་ཉིད་གསལ་བར་ཀུན་ཀྱང་གསལ། །སེ་འབྲུ་ཙམ་གྱི་ཉི་ཟླ་ལ། །རྩ་ནི་འབྲུ་ཙམ་པདྨའི་གདབ། །ཕྲ་ཞིང་འདུས་པ་ཉུངས་འབྲུ་ཚུལ། །སྐུ་མདོག་ཕྱག་མཚན་ཡབ་དེ་བཞིན། ཁྲོ་མོ་རྣམས་དེ་ལུས་དང་གྲིབ་མའི་ཚུལ་དུ་བསྒོམ། ཁེན་ཏུ་འདྲིས་ཤིང་གསལ་བར་བསྒོམ། །སྲས་མཆོག་བསྐྱེད་པའི་རྒྱུ་ཡང་ཡིན། །སྲོག་གི་སྒོ་རུ་ཤར་བ་དང་། །སྙིང་གི་དཀྱིལ་དུ་བསྒོམ་པར་བྱ། །གསེར་གྱི་སྦུ་གུ་ལྟ་བུའི་མགྲིན་པ་ནས། །ཡིག་འབྲུ་མ་ནོར་རིན་པོ་ཆེའི་འཕྲེང་བ་ལྟ་བུ། །འོད་ཟེར་འཕྲོ་འདུ་རྒྱུན་མི་འཆད་པར་འཕྲོ་ཕྱོགས་སུ་བཀོད་ཙམ་ན། བདག་གི་ནུ་པྲག་ཏུ་བསྒོམ། ཨོ་བཛྲ་ཀྲོདྷ་ནི་ལ་དནྟྲ་ཧཱུཾ༷། ད་ཧ་ད་ཧ་ཧུ༷་ཕཊ། དཀྱིལ་འཁོར་གྱི་ལྷོ་ཤར་དུ་བསྒོམ་ཙམ་ན། བདག་གི་དཔུང་པ་གཡས་པར་བསྒོམ། །ཨོ་བཛྲ་ཀྲོདྷ་ཡ་མརྙ་ཀ་ཧུ༷། པ་ཙ་པ་ཙ་ཧུ༷་ཕཊ། དཀྱིལ་འཁོར་གྱི་ལྷོ་ཕྱོགས་སུ་བཀོད་ཙམ་ན། བདག་གི་དཔྲལ་བའི་དབྱིངས་སུ་བསྒོམ། །ཨོ་བཛྲ་ཀྲོདྷ་ཨུརུ་ཨ་ཙ་ལ་ཧྭ༷། བན་དྷ་བན་དྷ་ཧུ༷་ཕཊ། དཀྱིལ་འཁོར་གྱི་ལྷོ་ནུབ་ཏུ་བཀོད་ཙམ་ན། བདག་གི་བརླ་གཡས་པར་བསྒོམ། ཨོ་བཛྲ་ཀྲོདྷ་རྒྱ་གྲི་བ་ཧུ༷། ཧུ་ལུ་ཧུ་ལུ་ཧུ༷་ཕཊ། དཀྱིལ་འཁོར་གྱི་ནུབ་ཕྱོགས་སུ་བཀོད་ཙམ་ན། བདག་གི་མགྲིན་པའི་ནང་དུ་བསྒོམ། །ཨོ་བཛྲ་ཀྲོདྷ་ཨ་པ་ར་ཙིཏི་ཧུ༷། སྟིགི་སྟིགི་ཧུ༷་ཕཊ། དཀྱིལ་འཁོར་གྱི་ནུབ་བྱང་དུ་བཀོད་ཙམ་ན། བདག་གི་དཔུང་པ་གཡོན་པར་བསྒོམ། །ཨོ་བཛྲ་ཀྲོདྷ་ཨ་མྲི་ཏ་ཀུན་ཌ་ལི་ཧུ༷། ཚིན་དྷ་ཚིན་དྷ་ཧུ༷་ཕཊ། དཀྱིལ་འཁོར་གྱི་བྱང་ཕྱོགས་སུ་བཀོད་ཙམ་ན། བདག་གི་ཐུགས་ཀར་བསྒོམ། །ཨོ་བཛྲ་ཀྲོདྷ་ཏྲེ་ལོཀྱ་བི་ཛ་ཡ་ཧུ༷། སྟིན་དྷ་སྟིན་དྷ་ཧུ༷་ཕཊ །དཀྱིལ་འཁོར་གྱི་བྱང་ཤར་དུ་བཀོད་ཙམ་ན། བདག་གི་བརླ་གཡོན་པར་བསྒོམ། ཨོ་བཛྲ་ཀྲོདྷ་མ་ཧྭ་བ་ལ་ཧུ༷། ཕོཊ་ཕོཊ་ཧུ༷་ཕཊ །གཙོ་བོའི་རྒྱབ་ཏུ་བཀོད་ཙམ་ན། །བདག་གི་ལྟེ་བར་བསྒོམ་མོ། །རྟོག་ཚོགས་མ་སྤངས་ལྷ་ཡི་དཀྱིལ་འཁོར་དུ། ཡིན་པ་དག་ལ་ཡིན་པར་བསྒོམ། །སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་སྩོལ། །མཆོད་བའི་ཁ་ཚར་རྫོགས་པར་བྱ། །གཉེན་པོ་ལྷ་ཡི་གདེང་ཞེས་བྱའོ། །རྡོ་རྗེ་གཞོན་ནུའི་རིགས་འཛིན་རྣམས། །སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སྟོང་བའི་གོ་ཆ་བླ་ན་མེད། །མི་འགྱུར་ཆོས་ཉིད་བརྟན་པའོ། །མི་འགྱུར་ལྟ་བའི་གདེང་ངོ་། །སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེ་གཏམ་བྱས་ནས། །རྣམ་པར་ཤེས་པ་རྡོ་རྗེ་བསྒོམ། །སྲས་མཆོག་བཅུ་གཅིག་ཐུགས་ཀའི་ལྷ། །བཅུ་གཅིག་ལས་ཀྱི་བསྐྱེད་ཅིང་གདོན། །ཀུན་ཀྱང་ཞལ་གཅིག་ཕྱག་གཉིས་ལ། །སྐུ་མདོག་མཐིང་ནག་གཅེར་བུ་རལ་པ་ཅན། །ཕྱག་ན་ཕུར་བུ་འདྲིལ་བ་ཤ་དག་གོ །སྐུ་སྨད་ལྕགས་ཀྱི་ཕུར་པ་ཟུར་གསུམ་པ། །ཞལ་ནས་ཀི་ལ་ཡ་འབྲུག་ལྟར་སྒྲོགས་པ་ཤ་དག་གོ །ཨོ༷་བཛྲ་ཀི་ལི་ཀི་ལ་ཡ་སརྦ་བིག་ནན་བ༷་ཧུ༷་ཕཊ། བསྐྱེད་པའི་སྙིང་པོ་ཡིན། སྐུ་གསུང་ཐུགས་སུ་བྱིན་གྱིས་བརླབ་ཅིང་དབང་བསྐུར་བའི་སྙིང་པོ་ནི། ཨོ༷་ལ༷་ཧུ༷་ལ༷་སྟ༷་པ་ནན། མོ་ཧ་ཡ། བྷ་ག་བན། ཤིཀྲི་བི་ཏྲི། སྲས་མཆོག་གཟི་བྱིན་བསྐྱེད་པ་བྱིན་བརླབས་པ། ཁེ་རི་བཛྲ་ཧུ༷་ཀ་ར་ཧུ༷་ཧུ༷་ཕཊ་ཕཊ། ཨོ༷་བཛྲ་ཀི་ལི་ཀི་ལ་ཡ། ཀི་ལ་ཡ། འཕྲིན་ལས་ལ་གཟུད་པ། ཛ་ཧུ༷་བ༷་ཧོ། སརྦ་བིག་ནན། བཛྲ་ཀི་ལ་ཡ་ཧུ༷་ཧུ༷་ཕཊ་ཕཊ། ཚེ་ལུང་དང་ཁྲུས་ལུང་གི་དགོངས་པ། བཛྲ་ཧུ༷་ཀ་ར་ཧུ༷་ཕཊ། ཧུ༷་ཀ་ར་ཧུ༷་ཨ་ཨ་ཨ། རྫོགས་པ་བཟླས་པས་ནི་འོག་གནོན་སྔགས་ཀྱི་སྙིང་པོར་ཡང་འགྲོ །ཡ་བཞིན་དེད་པས་ལྷ་རྣམས་ཐམས་ཅད་འཕྲིན་ལས་བཞིའི་སྙིང་པོར་ཡང་འགྲོ །ལམ་གྱིས་དེད་པས་མནན་པའི་སྙིང་པོ་ཡང་འགྲོ །ཛས་དེད་པས་འགུགས་པའི་སྙིང་པོར་ཡང་འགྲོ །ཕྲི་ཀྲིས་དེད་པས་ཡབ་ཡུམ་ཐབས་དང་ཤེས་རབ་ཀྱི་སྙིང་པོར་ཡང་འགྲོ །ཧུ༷་ཀ་རས་དེད་པས་སྒྲོལ་བའི་སྙིང་པོར་ཡང་འགྲོ །སརྦ་ས་དེད་པས་ཐམས་ཅད་ཚོགས་པའི་སྙིང་པོ་སྟེ། འཇིག་རྟེན་ལས་འདས་པ་དང་འཇིག་རྟེན་པ་གཉིས་སུ་ཡང་འགྲོའོ། །མོ་ཧ་བྷས་ཡས་དེད་པས་འཁོར་ལོ་བསྐོར་བའི་སྙིང་པོར་ཡང་འགྲོ །བཅུ་གཉིས་དོན་གྱི་མན་ངག་འདི། །དཀྱུས་ལས་ངོ་ཏི་ཕྲད་པར་གྱིས། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། ་༑་ན་མུ་ཀའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་པོའི་དུས་ལ་བབ། །ཁྱེད་ཀྱི་འཕྲིན་ལས་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བསྐུལ་བའི་འཕྲིན་ལས་སྦྱོར་བ་གསུམ་གྱི་སྒོ་ནས་དགུག །དེ་ནས་ཟབ་མོ་སྔགས་ཀྱི་མཚན་ཉིད་བཤད་པར་བྱ་སྟེ། ཏ་ཐ་ཡ་ཏ་ཐ་ཡ་ཧུ༷་ཕཊ། ཧ་ས་ཡ་ར་ཧ་ཏ་ན་ཧུ༷་ཕཊ། ཤི་ཀྲི་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་ཡ་ཧུ༷་ཕཊ།ཨ་བེ་ཤ་ཡ་ཨ་བེ་ཤ་ཡ་ཧུ༷་ཕཊ། བི་ཏ་ཡ་བི་ཏ་ཡ་ཧུ༷་ཕཊ། བི་ཏ་བི་ར་ཡ་ཧུ༷་ཕཊ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །རྟོགས་ཤིག་གྲོགས་དང་བྲལ་བར་གྱིས། །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །ལུས་ངག་རྡུལ་དུ་བཤིག་ནས་ཀྱང་། །ལུས་ངག་རྡུལ་ཕྲན་བཞིན་དུ་རློགས། །མཐུ་དང་རྫུ་འཕྲུལ་མེད་པར་བྱོས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །རྫས་རྣམས་དྲག་པོ་ནི། གུ་གུལ་དག་དང་སྔོན་དམར་བྲུངས། ་་ས་ཀར་རྒྱལ་པོ་དག་དང་ནི། །དུག་གི་རྫས་རྣམས་བསོག་པར་བྱ། །ལྕགས་ཕྱེ་ཟངས་ཕྱེ་བསྟིམ་པར་བྱ། །ཨ༷་གུ་ཤ་ནི་དཀར་ནག་དང་། །ཉུངས་ཀར་རྒྱལ་པོ་དག་གིས་བྲབ། །མ་ཏེ་ལ་ཡི་འབྲས་བུ་དང་། །ཏིལ་དང་ཉུངས་ནག་དག་གིས་བྲབ། །དེ་ཡི་དོན་ནི་ཛོ་ལྟར་ལགས། །དེ་ཡི་དོན་ནི་འདི་ལྟ་སྟེ། །འཇིག་རྟེན་འདས་དང་འཇིག་རྟེན་པ། །རྣམ་པ་གཉིས་སུ་ཤེས་པར་གྱིས། །འདས་པ་དེ་ནི་འདི་ལྟ་སྟེ། །ཧ་ས་དག་ནི་རྣམ་རྒྱལ་ལོ། །གཟས་པ་གང་ཡིན་ལྷ་དང་འབྲེལ་བའོ། །ཤི་ཀྲིན་དེ་ནི་མི་གཡོ་མགོན། །རྣམ་པར་འཆིང་བར་བྱེད་པའོ། །ཛ་ལ་པ་ཡདངཔོནི། །གཤིནརྗེརྒྱལཔོ་ཉིད་དུ་ངེས། །སྨྲ་སྨྱོ་ཐལ་བར་རློག་པའོ། །ཛ་ལ་པ་ཡ་འོག་མ་ནི། ཧུ༷་མཛད་རྒྱལ་པོ་ཉིད་དུ་ངེས། །ལུས་ངག་རྡུལ་དུ་བཤིག་པའོ། །ཨ་བེ་ཤ་ཡ་དང་པོ་ཡིས། །རྟ་མགྲིན་རྒྱལ་པོ་ཉིད་དུ་ངེས། །གཟུངས་ལ་དབབ་པའི་ཕོ་ཉར་བྱ། །ཨ་བེ་ཤ་ཡ་འོག་མ་ནི། །གཞན་གྱིས་མི་ཐུབ་པ་ཞེས་བྱ། །གང་ཡིན་དེ་ནི་འཛིན་པར་བྱེད། །ཏ་ཐ་ཡ་ནི་དང་པོ་ཡིས། །བདུད་རྩི་འཁྱིལ་བ་ཉིད་དུ་ངེས། །ལུས་ངག་རྡུལ་ཕྲན་བཞིན་དུ་རློགས། །ཏ་ཐ་ཡ་ནི་འོག་མས་ནི། །སྟོབས་ཆེན་རྒྱལ་པོ་ཉིད་དུ་ངེས། །གཟིར་བའི་ལས་ནི་བྱེད་པའོ། །བི་ཏ་ཡ་ནི་དང་པོ་ཡིས། །དབྱུག་པ་སྔོན་པོ་ཉིད་དུ་ངེས། །མཐུ་དང་རྫུ་འཕྲུལ་མེད་པར་བྱེད། །བི་ཏ་ཡ་ནི་འོག་མ་ཡིས། །ཁམས་གསུམ་རྣམ་རྒྱལ་ཉིད་དུ་ངེས། །རྡེག་ཅིང་སྒྲོལ་བར་བྱེད་པའོ། །ཡ་ནི་རྣམ་པ་བཅུ་པོ་འདི། །ཁྲོ་བོ་བཅུ་རུ་ངེས་པ་ཡིན། །རེ་རེ་ལ་ནི་སྟོང་ཚོ་རེ། །ལས་ལ་སྦྱོར་ཀར་ཤེས་པར་གྱིས། །རྒྱུན་མི་འཆད་པར་བཟླས་པར་བྱ། །འདས་པའི་བསྒྲུབ་པ་དེ་ལགས་ན། །འཇིག་རྟེན་པ་ནི་ཇི་ལྟར་ལགས། །གསངབའི་བདག་པོས་བཤད་དུ་གསོལ། །དེ་ཡི་དོན་ནི་འདི་ལྟ་སྟེ། །ཐུགས་ཀྱི་སྤྲུལ་བའི་གྱིང་པོ་བཅུ། །ཡང་ནི་བཅུ་པོ་དག་ལ་སྦྱར། །རྩ་བའི་སྙིང་པོ་ཡ་ལ་ནི། །སྐུ་མདོག་དམར་པོ་ཉིད་དུ་སྦྱར། །སྣ་ཚོགས་སྙིང་པོ་ཡ་བཞི་ནི། ཁྲན་པ་བཞི་རུ་སྦྱར་བར་བྱ། །རྫས་དང་ཕོ་ཉ་གང་བཞིན་ནོ། །རེ་རེ་ལ་ནི་ཁྲི་ཚོ་རེ། །མཆོད་དང་བསྟོད་པ་ཚུལ་བཞིན་ནོ། །སྤོགས་པའི་ལས་སུ་ཤེས་པར་གྱིས། །སྔགས་ཀྱི་བཟླས་པའི་ཐབས་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་གསང་བའི་བདག་པོས་ཡང་ཞུས་པ། ཀྱེ་རྡོ་རྗེ་འདུས་པ་ཆེན་པོ། དྲག་པོ་ཐུན་གྱི་བསྒྲུབ་པ་ཇི་ལྟར་ལགས། འདུས་པ་ཆེན་པོ་བཤད་དུ་གསོལ། །གསང་བའི་བདག་པོ་ཉོན་ཅིག །འདི་ནི་འདི་ལྟར་བསྒྲུབ་པར་བྱ། །དཀྱིལ་འཁོར་དམར་ནག་ལེའུ་ཚེ་དགུ་པ་ལ། །བྱ་བའི་རིམ་པ་རྫོགས་པར་བྱ། །རྫས་ཀྱི་ཕུར་པ་བཅུ་གསུམ་ལ། །བྱིན་བརླབས་བརྒྱད་དང་བྱུག་བདུག་གསུམ། །གཟི་བྱིན་སྐྱེད་དང་བཅུ་གཉིས་ནི། །རྒྱུད་གཞན་དག་ཏུ་ཤེས་པར་གྱིས། །ཏིང་འཛིན་བསྐྱེད་སྤྱན་དྲངས་མཆོད་ལ་སོགས་པ་དང་། །ཚུལ་བཞིན་དུ་ནི་གོམས་པར་གྱིས། །འཛབ་ཀྱི་བྱ་བའི་རིམ་པ་ནི། །དང་པོ་རྩ་བའི་སྙིང་པོ་བཟླས། །དེ་ནས་ཁྲོ་སྔགས་བཅུ་པ་བཟླས། །དེ་ནས་སྙིང་པོ་དག་དང་ནི། །དམ་ཅན་བསྡུས་པའི་སྙིང་པོ་བཟླས། །དེ་ནས་ཟབ་མོ་སྔགས་བདུན་བཟླས། །བསྐུལ་དང་ཕོ་ཉ་ཚུལ་བཞིན་བྱ། །དེ་ནས་རྦད་པའི་སྙིང་པོ་བཟླས། །སྐམ་ཐུན་དང་ནི་གཤེར་ཐུན་གཉིས། །རང་རང་སྐབས་སུ་ཤེས་པར་གྱིས། །སྲོད་དང་ནམ་ཕྱེད་གཉིས་པོ་ནི། །དམ་ཅན་སྙིང་པོ་བཅུ་གཉིས་ལ། །སྨྱོ་ནི་བཅུ་གཉིས་བཏགས་ཏེ་བཟླས། །ཁྲག་སྣ་སྣ་ཚོགས་དག་གིས་བྲབ། །བསྐུལ་དང་གནད་ལ་དབབ་པས་བསྡེབས་པ་ན། །རྫས་དང་སྦྲགས་ཏེ་བརྡེག །བསྒྲལ་བའི་ལས་སྔགས་བཅུ་གཅིག་དང་། །ཡ་ནི་བཅུ་གཅིག་བསྡེབས་པ་ཡིས། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །ཏིལ་དང་ཉུངས་ཀར་སྦྲགས་ཏེ་བརྡེག །བསྐུལ་དང་བཅས་ཏེ་ཐོ་རངས་བྲབ་པར་བྱ། །གསུམ་མམ་བདུན་ནམ་ཉི་ཤུ་རྩ་གཅིག་དག་ཏུ་བསྒྲུབ། །སྨད་ཀྱི་ཀློང་བརྒྱད་དག་གིས་བསྒྲུབ། །ཨེ་ཡི་འབྲུབ་ཁུང་བང་རིམ་སུམ་བརྩེགས་ལ། །ཟ་བྱེད་ཞལ་དང་མདའ་གཞུར་བཅས། །མཆོན་ཆ་རྩང་གིས་བསྐོར་ལ་བཞག །མཚན་མའི་ལིང་ག་དག་ཀྱང་གཞུག །སྔགས་ཀྱི་རིམ་པ་མ་ནོར་བཟླས། །ཉི་མ་ཚང་ཞུགས་བཟླ་བ་ལ། །དྲག་པོ་སྔགས་ཀྱི་ཐུན་ཡིག་བྱ། །ཨོ་བཛྲ་ཀི་ལི་ཀི་ལ་ཡ་སརྦ་བིག་ནན་བ༷་ཧུ༷་ཕཊ། མ་ར་ས་ན། པྲ་མརྟ་ནི་ཡེ་ཧུ༷་ཕཊ། ཧུ༷་མ་མ་པ་ཤི་ཀུ་སྲ མ་ཏ༷་ཉ་ཀ་ར་ན་སྨྱོ། ཀ་ར་ཨི་ནན་སྦྱོ། དྷ་ཏི་མ་མ་ཀརྨ་སྨྱོ། ཐྲི་ཀྲ༷་ཀ་རེ་ཡ་སྨྱོ། མ་ཏ་མ་ཏ་སྨྱོ། ཛ་ལ་ཛ་ལ་སྨྱོ། སུ་རུ་སུ་རུ་རྒྱོ། མུ་རུ་མུ་རུ་སྨྱོ། ཀ་ཏང་ཀ་ཏེ་སྨྱོ། ཛ་ཡེ་བི་ཛ་ཡེ་སྨྱོ། ཨ་ཙི་ཏེ་སྨྱོ། ཨ་པ་ར་ཙིཀྟ་སྦྱོ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤོན་མུ་ཀའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ། །ཁྱེད་ཀྱི་འཕྲིན་ལས་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་ཆད་བཅས་པ། །མངོན་སྤྱོད་འཕྲིན་ལས་མྱུར་དུ་མཛོད། །དམ་ཚིག་ཆེན་པོའི་དུས་ལ་བབ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱད་དུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཧུ༷་པ་ར་བིད་ཏན་ཡང་། །སྦྱིན་དྷ་སྨྲིན་དྷ་ཡ། སྟིན་དྷ་སྟིན་དྷ་ཡ། གྲི་ན་གྲི་ན་ཡ། ཧ་ན་ཧ་ན་ཡ། བན་དྷ་བན་དྷ་ཡ། ཧ་ན་ཧ་ན་ཡ། ད་ཧ་ད་ཧ་ཡ། པ་ཙ་པ་ཙ་ཡ། སརྦ་ཨ་ན་ཡ། ཏ་ཐ་ཡ་ཏ་ཐ་ཡ་ཧུ༷་ཕཊ། གིང་གི་ཐུན་གྱིས་བསྒྲལ་བའོ། །སྐར་ཆེན་ཐང་ལ་བབས་པའམ། །ཨག་ཤོ་ལ་མེ་ཐར་བའམ། །རྒྱ་ཤོ་བ་ལ་སེར་ཆེན་བབས་པ་བཞིན་དུ་བསྒྲལ་པར་བསམ། །སྙིང་རྩ་གཅད་ཅིང་དབང་པོ་ཕྱུང་། །བླ་བཞི་སྐམ་ཞིང་ཡན་ལག་གཅད། །ལུས་ངག་རྡུལ་དུ་བཤིག་པར་བྱས། །གཏོར་ཆེན་དག་ལ་ཁྱི་འདུལ་བཞིན། །ཚངས་པའི་ཚེ་དང་ལྡན་པ་ཡང་། །ཞག་ཉི་ཤུ་རྩ་གཅིག་ན་འཆི་བར་འགྱུར་རོ། །དྲག་པོ་ཐུན་གྱི་བསྒྲུབ་པ་སྟེ་ལེའུ་ལྔ་པའོ།། །དེ་ནས་ཡང་གསང་བའི་བདག་པོས། རྡོ་རྗེ་འདུས་པ་ཆེན་པོ་ལ་ཞུས་པ། ཀྱེ་འདུས་པ་ཆེན་པོ། མངོན་དུ་བསྒྲལ་བའི་འཕྲིན་ལས་ཇི་ལྷར་ལགས། །འདུས་པ་ཆེན་པོས་བཤད་དུ་གསོལ། །འདུས་པའི་བདག་པོས་བཀའ་སྩལ་པ། འདི་ནི་འདི་ལྟར་བསྒྲལ་བར་བྱས་ཏེ། །མུ་ར་ཡ་ཡི་དཀྱིལ་འཁོར་དུ། །མཚན་མའི་ལིང་ག་དག་བཅུག་ལ། །ཐུན་གྱི་ལས་རྣམས་རྫོགས་པ་དང་། །མངོན་དུ་བྱུང་བའི་འཕྲིན་ལས་བྱ། །གསལ་བ་གསུམ་དང་ལྡན་པར་བྱ། །སྔགས་ཀྱི་ཐེམ་ཡིག་རྫོགས་པར་བྱ། །ཚེ་ལུང་ཁྲུས་ལུང་རྫོགས་པར་བྱ། །ཧུ༷་ཀ་ར་ཨུ་ཨུ་ཨུ། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་གྱིས་བརླབས་སོ། །སངས་རྒྱས་ཀྱི་མཐུའོ། །ཨ་པི་ཙབྱའི་དུས་ལ་བབ་བོ། །བརྣག་པོ་དེ་ཁོ་ན་ལའོ། །ཀི་ལི་ཀི་ལ་ཡ་ཉི་ཤུ་རྩ་གཅིག་བཟླས། །བརྣག་པ་དེ་ཁོ་ན་ལའོ། །ལས་སྡེ་ཉི་ཤུ་རྩ་གཅིག་ཏུ་བསྲང་། །བདེན་པ་སེམས་གྱིས་བརྡ་དོན་གྱི་ངོ་སྤྲད། གནག་པ་བསྒྲུབ་པའི་འཕྲིན་ལས་ཀྱིས་བརྡ་དོན་དགྲོལ་བའི་གདམས་ངག་བྱའོ། །ཧུ༷་དུས་གསུམ་གྱིས་དགོངས་པས་ཆོས་ཉིད་ཀྱི་ཕུལ་དབུལ། གཟས་པའི་གནད་པ་བཅུ་གཅིག་ལ་ཐུགས་ཀྱི་སྤྲུལ་པ་བཅུ་གཅིག་གིས་གདབ་པར་བྱ། །མཐུན་པའི་ཚིག་གསུམ་གྱིས་བསྒྲལ་བའི་ལས་མེད་བྱ། །གནན་སྲེག་འཕང་དང་གསུམ་གྱིས་འཕྲིན་ལས་མཐར་འབྱུང་། །ཧྭ༷་གསུམ་གྱིས་དགོངས་པས་མཐུན་པའི་མན་ངག་གསུམ་དུ་སྡེབས། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་བྱེད་པ་རྣམས། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའེ་གདུང་འཚོ་བ་པ། །རིགས་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །དངོས་གྲུབ་འཕྲོག་ཅིང་འཚེ་བ་དང་། །ཁྲོ་བོ་ཆེན་པོའི་བྱིན་བརླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིགས་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་མཛོད། །ཨོ་ལ༷་དང་པར་བིད་དུ་བསྡེབས་ལ་ཀུན་བཞི་ལ་གདགས། ལས་ཀྱི་སྦྱོར་བ་གསུམ་གཏང་། སྦྱོར་བ་དང་པོ་སྔགས་ཀྱིས་བསྒྲལ་བར་བྱ། །དངོས་གྲུབ་བར་ཆད་དང་རྡོ་རྗེ་གསང་བ་རུ་བསྡེབས། །སྨྲིན་དྷ་མན་ཆད་ཁྲོ་བོ་ལྔས་གནས་ལྔར་བསྒྲལ། །དངོས་གྲུབ་བར་ཆད་དང་བྲན་དང་བཀའ་ཉན་སྡེབས་པ་ཡིས་ཕོ་ཉ་གཏང་། ཧ་ན་བཛྲ་གསུམ་པོ་ཁྲོ་བོ་ཡིས་གནས་གསུམ་ལ་གདབ། །མཇུག་གི་ལས་གསུམ་ཀུན་བཏང་། སྐྱེ་བརྒྱུད་གཉིས་ཀྱིས་ཁྲོ་བོ་གཉིས། །བདུན་བརྒྱུད་རྩད་ནས་གཅད་པའི་ཕྱིར། །སྤྱི་བོ་རྐང་མཐིལ་གཉིས་ལ་གདབ། །དངོས་གྲུབ་འདྲ། གདུག་ཅིང་སྡང་སེམས་བྱེད་པ་རྣམས། །ངའི་གོང་བཞིན་སརྦ་དང་ཏ་ཐ་ཡས་གདབ། ཧུ༷་ཕཊ་གཉིས་ཀྱིས་ཀུན་གདུགས། །ཟབ་མོ་སྔགས་ཀྱི་སྦྱོར་བ་དང་། །ཐུན་ཟོར་ལས་ཀྱི་སྦྱོར་བ་དང་། ཏིང་འཛིན་ཕོ་ཉའི་སྦྱོར་བ་གསུམ། །ཀུན་ལ་དེ་བཞིན་འབྱོར་བར་གྱིས། །རྡུངས་ཤིག་རྡོ་རྗེ་འབར་བའི་གཏུན་། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལཕྲནབཞིནདུརློག །ཁྲོམོ་འབར་བའི་ག་་ཁུང་དུ། །རྡོ་རྗེའི་ཐོ་བས་བརྡུངས་བྱས་ནས། །ལྷ་ཡང་ཅོང་སྟེ་བསྒྲལ་བར་བྱའོ། །ཁ་ཐ༷་ཁ་ཐ༷་ཁ་ཐ༷། ཧུ༷་ཧུ༷་ཧུ༷། ཕཊ་ཕཊ་ཕཊ །བཛྲ་ཡཀྟ་ཀྲོདྷ་ཁུ་ཧི་ཁུ་ཧི། ཀི་ལ་ཡ་བཅུ་བརྒྱད་དཀར་ནག་གི་མཚམས་སུའོ། །དྲག་པོ་མངོན་དུ་བསྒྲལ་བའི་ལེའུ་སྟེ་དྲུག་པའོ།། །།གབ་པ་གསང་བའི་རྒྱུད་ཅེས་ཀྱང་བྱ། །ཀླག་རྒྱུད་ཆུང་ངུ་ཞེས་ཀྱང་བྱ་བ་རྫོགས་སོ།། །། རྒྱ་གར་སྐད་དུ། ཀི་ལ་ཡ་ཀ་ལ་བིག་ཏྲེ་ཏྲིའི་ཏནྟྲ། བོད་སྐད་དུ། ཕུར་པ་ནག་པོ་མདུང་རྩེ་གསུམ་པའི་རྒྱུད། དཔལ་འཇིགས་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འོག་མིན་ཆེན་པོའི་གནས་དག་ན། །འཇིགས་བྱེད་ཆེན་པོའི་སྐུ་བཞུགས་པ། །བསྟན་པ་འཇིག་བྱེད་དུས་དག་ཏུ། །དྲག་པོས་བསྒྲལ་བ་བསྟན་པའི་ཕྱིར། །ལས་ངན་སེམས་ཅན་ཚར་གཅོད་ཕྱིར། །འཇིགས་བྱེད་བཛྲ་ཧེ་རུ་དང་། །ཁྲག་འཐུང་བསྟན་པ་སྲུང་བྱེད་པ། །བསྟན་པ་འཇིག་བྱེད་བསྒྲལ་བ་དང་། །ནག་པོ་ཆེན་པོས་གཞིག་པ་དང་། །བསྟན་པ་གཉན་པོ་བསྲུང་བའི་ཕྱིར། །ཁྲག་འཐུང་ཆེན་པོའི་བརྒྱུད་འདི་བསྒྲགས། །གླེང་གཞིའི་ལེའུ་སྟེ་དང་པོའོ།། །།སྟོན་པ་བཛྲ་ཧེ་རུ་ཀས། །བསྡུས་པ་ཁྲག་འཐུང་ཧེ་རུ་ལ། །སངས་རྒྱས་བསྟན་པ་བསྲུང་བའི་ཕྱིར། །མདུན་བསུ་གུས་པས་གླེང་སློང་བ། །ཁྲོ་བོ་ཆེན་པོ་མདུན་བསུ་བ། །ཁྲག་འཐུང་ཧེ་རུ་འདིར་དོང་ལ། །མ་ནོར་བསྟན་པར་འདི་ལ་ཉོན། །སྤྱི་ཡི་བདུད་དང་བྱེ་བྲག་བདུད། །ཁྱད་པར་བདུད་བྱེད་སྣ་ཚོགས་ལ། །གསང་བ་དམ་པ་མ་ནོར་འདི། །གསང་བ་དམ་པ་འདིར་བསྟན་པས། །མ་ནོར་ས་ཡང་བསྲུང་བ་དང་། །དད་དང་བརྩོན་འགྲུས་ཆེ་བ་དང་། །ཡིད་ཆེས་གུས་བར་བྱེད་པ་དང་། །གཡོ་སྒྱུ་ཚུལ་འཆོས་མེད་པ་དང་། །ཁུངས་འབྱིན་ཆེ་ངག་མེད་པ་དང་། །ངས་བསྟན་ཁྲག་འཐུང་ཆེན་པོས་སྟོན། །ཡང་དག་མ་ནོར་དམ་པའོ། །དམ་མེད་དད་མེད་བརྩོན་འགྲུས་ཆུང་། །ཡིད་མི་ཆེས་ཤིང་གུས་མི་བྱེད། །གཡོ་སྒྱུ་ཚུལ་འཆོས་ཁུངས་འབྱིན་པ། །གསང་བའི་མ་ནོར་སྣོད་མིན་པས། །དམ་པ་གསང་བ་བྷ་ག་ཡིས། །གསང་བ་དམ་པ་བསྟན་མི་བྱ། །སྣོད་མེད་དག་ཐམས་ཅད་ལ། །གསང་བ་མ་ནོར་བསྟན་གྱུར་ན། །འདི་དང་མ་འོངས་གཉིས་ཀ་མྲ །མགོ་འགས་སྙིང་ཡང་འཚིག་པར་གྱུར། །རུལ་མྱགས་ཚིག་ནས་དམྱལ་བར་འགྲོ །དེ་ཕྱིར་གདམས་ངག་སྣ་ཚོགས་གསུངས། །གུས་པས་དྲིས་ཏེ་གླེང་གསུངས་པ། །གསང་བདག་བཛྲ་ཧེ་རུ་ཀ །་ཧ་ཧ་བཛྲ་ཧེ་རུ་ཀ །ཁྲག་འཐུང་བདུད་པས་མ་གོས་པས། །ཡང་དག་སང་བ་བསྟན་དུ་གསོལ། །ནག་པོ་དག་པོ་མ་འཚལ་ན། །མདུང་རྩེ་ཞེས་ནི་གང་ལ་བགྱི། །གསུམ་ཞེས་བྱ་བ་གང་དང་གང་། །སྟོན་པ་ཧེ་རུས་མ་ནོར་གསུངས། །ཡང་དག་བརྡ་དང་བཅས་པ་ལ། །ཀ་ལ་ནག་པོ་གཅིག་ནན་དྲག །མདུང་རྩེ་གཅིག་ཏྲེ་གསུམ་ནི་ཏྲི། །བསད་དང་དབབ་དང་སྦས་དང་གསུམ། །མདུང་རྩེ་ཞེས་ནི་བྱ་བ་ཡིན། །འཇིགས་བྱེད་དཔའ་བོས་བསྟན་དུ་གསོལ། །གསད་པ་གང་དང་གང་གིས་གསད། །དབབ་པ་གང་དང་གང་གིས་དབབ། །སྦས་པའི་ལས་ནི་གང་གིས་བྱ། །དཔའ་བོ་ཆེན་པོ་མ་ནོར་གསུངས། །ཁྲག་འཐུང་ཁྱོད་ལ་བསྟན་བྱ་བ། །གསད་ཐབས་རྣམ་པ་གསུམ་ཡོད་དེ། །གསལ་གདབ་དགོངས་པས་གསད་པ་དང་། །ཐུན་ཟོར་ལམ་གྱིས་གསད་པ་དང་། །མནན་གཏད་རྫས་ཀྱིས་བསད་པའོ། །དབབ་པ་རྣམ་པ་གསུམ་ཡོད་དོ། །སྔགས་ཀྱི་དབབ་དང་རྟ་མ་དབབ། །བཙན་ཐབས་དབབ་པ་གསུམ་ཡོད་དེ། །རྫས་ཀྱིས་སྦམ་དང་གཏད་པས་སྦམ། །འཁོར་ལོས་སྦམ་དང་གསུམ་ཡོད་དོ། །ཐབས་ནི་དེ་ལྟར་བྱ་བ་ཡིན། །ཁྲག་འཐུང་ཁྱོད་ལ་ང་ཡིས་ནི། །མདོ་ཙམ་གླེང་བསླང་དོན་དུ་བསྟན། །བརྣག་པའི་འབའ་ཞིག་བྱ་བ་ལ། །འདི་ལས་གསང་བའི་ངེས་དོན་ནི། །དཔལ་ཆེན་ཁྲག་འཐུང་ཐམས་ཅད་དང་། །འཇིགས་བྱེད་རྒྱལ་པོ་ཆེན་པོ་ཡིས། །དགོངས་པ་ས་བཀྲོལ་ཀྱང་ལྷག་དོན་མེད། །གླེང་བསླང་བའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་པ་ཡང་། །རྒྱུད་དོན་མ་ནོར་བཤད་བྱ་བ། །ཕུན་སུམ་ཚོགས་པ་ལྔར་ལྡན་དང་། །བསྙེན་བསྒྲུབ་བཞི་ཡི་ཏན་ཏྲ་ཡི། །ཁོག་དོན་ཁོག་གོས་དབུབ་པར་བྱ། །གཞུག་སྡུད་ལས་ཀྱི་བྱ་ཐབས་ཀྱིས། །དྲག་ལས་རྫོགས་པར་ཤེས་པར་བྱ། །བསྙེན་བསྒྲུབ་གཞུད་དུ་བསྲང་བ་ལ། །ཕུན་སུམ་ཚོགས་པ་ལྔར་ལྡན་དགོས། །སྟོན་པ་གནས་དང་དུས་དང་འཁོར། །ཡོ་བྱད་ཕུན་སུམ་ལྔར་ལྡན་པའོ། །བསྟན་པ་སྤྱི་རུ་ཤེས་པར་བྱ། །ཕུན་སུམ་ཚོགས་པ་ལྔར་ལྡན་ན། །བར་ཆོད་མེད་དེ་ལས་རབ་བོ། །སྟོན་པ་ཕུན་སུམ་ཚོགས་པ་ནི། །ཁོལ་དལ་མན་ངག་ལྡན་པ་དང་། །གཙང་སྨེ་ཆུང་ཞིང་གཡོ་སྒྱུ་ཆུང་། །དམ་ལ་གནས་ཤིང་ཐུགས་བརྩེར་ལྡན། །རྒྱུད་ལུང་མན་ངག་ཀུན་ལ་མཁས། །གཅིག་པུ་རང་གནས་འཇིགས་བག་མེད། །གདེང་དང་ལྡན་པའི་བླ་མ་དགོས། །གནས་ཁང་ཕུན་སུམ་ཚོགས་པ་ནི། །དུར་ཁྲོད་ནག་པོར་ད་རོད་ཅན། །མཁར་ཕུང་ཤུལ་ལམ་དུག་ཤིང་རྐང་གཅིག་རྩ། །གཙུག་ལག་འདྲེ་ཅན་བྲག་ཆུ་འཐབ། རི་གསུམ་རྩེའམ་དགུ་འདུས་རྩེ། །བླ་མ་དགོངས་དང་ལྡན་པས་བྱ། །དགོངས་པ་མེད་ན་བཀྲ་ཤིས་གདམས། །ལྔ་པར་བྱིན་དང་ལྡན་པའི་གནས། །བཀྲ་ཤིས་ཉམས་དགའ་གནས་སུ་བྱ། །དེ་ལྟར་བྱས་ན་ཕུང་འཚང་ཆུང་། །དེ་ལྟ་བུ་ཡི་གནས་དག་ཏུ། །ཡུན་རིངས་མཚམས་དང་ལྡན་པར་བྱ། །དུས་ནི་ཞག་དང་ཟླ་བ་དང་། །ལོ་ཡི་དུས་དང་གསུམ་དུས། །ནམ་ཟླའི་དུས་ནི་དགུན་ཟླ་ར། །དཔྱིད་ཟླ་འབྲིང་དང་དབྱར་ཟླ་འབྲིང་། །སྟོན་ཟླ་ར་བའི་དུས་སུ་བྱ། །མཚན་མ་རྟགས་དང་དུས་དང་གྲངས། །བསྙེན་བསྒྲུབ་དུས་སུ་ཤེས་པར་བྱ། །དུས་ཚོད་མ་ནོར་དོན་གྲུབ་ན། །ཐེ་ཚོམ་མེད་དེ་གདོན་མི་ཟ། །འཁོར་ནི་གཙང་སྨེ་ཆུང་བ་དང་། །བག་ཚ་མེད་དེ་བརྟུལ་ཞུགས་ཆེ། །ཁུ་ལྡོག་མེད་ཅིང་དམ་ལ་གནས། །གཡོ་སྒྱུ་ཆུང་དང་རུ་ལ་འདུད། །རྟག་ཏུ་དད་བརྩོན་ལེ་མོ་མེད། །གསང་ཐུབ་དཔོན་མཆེད་བརྩེ་གདུང་ཆེ། །དེ་ལྟ་བུ་ཡི་འཁོར་ལ་གདམས། །ཡོ་བྱད་ཕུན་སུམ་ཚོགས་པ་ནི། །ཡོ་བྱད་འཚོགས་ན་དོན་རྣམས་འགྲུབ། །ཡོ་བྱད་གསུམ་དུ་ཤེས་པར་བྱ། །འཚོ་བ་ཟས་དང་རྐྱེན་བཟློག་སྨན། །བསྒྲུབ་པ་རྫས་ཀྱི་ཡོ་བྱད་གསུམ། །སྒྲུབ་པའི་ཆ་རྐྱེན་ཡིན་པར་གསུངས། །ཡོད་བྱད་ནུས་མཐུ་ཆེར་ལྡན་པས། །དེ་ལ་ཤིན་ཏུ་ནན་ཏན་བྱ། །བསྟན་པ་ཕུན་སུམ་ཚོགས་པ་ནི། །དོན་གྱིས་བསྟན་དང་ཚོགས་ཀྱིས་བསྟན། །ཕུར་ནི་ཆོས་ཉིད་བདེ་བའི་ཀློང་། །པ་ནི་རག་མ་ལུས་པའི་ངང་། །ཕུར་ནི་སྐྱེ་བ་མེད་པའི་དབྱིངས། །པ་ནི་དགག་པ་མེད་པའི་དོན། །ཕུར་ནི་ཆོས་ཀྱི་དབྱིངས་ཉིད་དེ། །པ་ནི་རིག་པའི་ཡེ་ཤེས་ཡིན། །ཕུར་ནི་སེམས་ཉིད་དག་པའི་ཀློང་། །པ་ནི་གསལ་བའི་རིག་པའོ། །ཕུར་ནི་མཉམ་པ་ཉིད་ཀྱི་དབྱིངས། །པ་ནི་ཡེ་ཤེས་བདེ་བ་གསལ། །དེ་ལྟར་དོན་རྟགས་གཉིས་མེད་དོན། །འཁོར་རྣམས་ཀུན་གྱིས་དེ་ལྟར་བྱོར། །རྡོ་རྗེ་ཕུར་པ་མདུང་རྩེ་ནག་པོ་གསུམ་པའི་རྒྱུད་ལས། རྒྱུད་ཀྱི་དོན་དང་ཕུན་སུམ་ཚོགས་པའི་ལེའུ་སྟེ་གསུམ་པའོ།། །།དེ་ནས་ལས་རབ་གང་བྱེད་ཀྱང་། །ཕྱི་ནང་བར་དང་གསང་མཚམས་དང་། །གྲལ་ལྟག་བཤགས་བྱིན་གཞུང་ལྡན་བྱ། །དེ་ནས་ལས་རིམས་དགོངས་ལ་འཇུག །དང་པོ་ཏིང་འཛིན་རིམ་པར་བསྒོམ། །རང་བཞིན་རྣལ་འབྱོར་བདེ་གཤེགས་གསུམ། །ཏིང་འཛིན་རེ་ལ་ཤེས་པར་བྱ། །རང་བཞིན་མཉམ་བཞག་རྣལ་འབྱོར་ཉམས། །བདེ་གཤེགས་འབྲས་བུ་རྫོགས་པའོ། །དབང་ཆེན་རིམ་པས་དགོངས་པས་སྐྱེད། །ཕྱི་ནང་གསང་བ་གསུམ་དུ་ཤེས། །གཞལ་ཡས་གདན་དངབཅས་པ་ཡང་། །ཚུལ་ནི་དེ་ལྟར་ཤེས་པར་བྱ། །དགོངས་པ་ཅིག་ཆར་རིམ་གྱིས་པས། །གཙོ་བོ་སྐུ་ནི་བསྐྱེད་པར་བྱ། །མཁའ་གསང་བྱིན་བརློབ་རིམ་པ་གསུམ། །འཕྲིན་ལས་རྣམ་བཞི་གཙོ་བོ་དྲག །མ་ནོར་ཚུལ་དུ་བསྒོམ་པར་བྱ། །དེ་ནས་འཁོར་གྱི་སྐུ་བསྐྱེད་པའོ། །ཕྱི་ཡི་མཐའ་རུ་གཅིག་བསྐྱེད་དེ། །ནང་གསང་མཁའ་ནས་རིམ་པ་བསྐྱེད། །ལྷག་པ་ཏིང་འཛིན་བདག་གི་སྲས། །ལྷག་པའི་གཟུགས་བརྙན་གཞན་སྲས་དགོད། །སྲས་མཆོག་རྡོ་རྗེ་ཕུར་པ་འདི། །ཙིསྟ་གསང་བའི་དཀྱིལ་ནས་གདོན། །སྲས་མཆོག་ཐུགས་ལས་བསྐྱེད་པའོ། །དམ་ཚིག་དཀྱིལ་འཁོར་བསྐྱེད་པ་དང་། །གཙོ་བོ་འཁོར་དང་རྫས་སྲས་གསུམ། །དཀྱིལ་འཁོར་གསུམ་དུ་ཤེས་པར་བྱ། །རྩ་བ་བསྐྱེད་དང་ལས་ཀྱི་སྔགས། །གཙོ་འཁོར་ཀུན་ལ་ཤེས་པར་བྱ། །རྩ་བ་རྒྱུད་དང་བསྐྱེད་པ་རྐྱེན། །ལས་སྔགས་བསྙེན་བསྒྲུབ་དུས་སུ་ཡིན། །མ་ནོར་དོན་ལ་འཇུག་པ་དང་། །བར་དུ་གཅོད་པ་ཚར་ཡང་གཅད། །གཞུང་བཞིན་བསྒྲུབ་པས་དོན་རྣམས་རྫོགས། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། ཏིང་ངེ་འཛིན་གྱི་རིམ་པ་བསྒོམ་པ་དང་དམ་ཚིག་གི་དཀྱིལ་འཁོར་བསྐྱེད་པའི་ལེའུ་སྟེ་བཞི་པའོ།། །།དེ་ནས་རང་བཞིན་སྤྱན་སྔར་མཆོད། །གཉིས་སུ་མེད་པར་བསྟིམ་པར་བྱ། །སྤྱན་དྲངས་མཆོད་བསྟོད་གཞུང་བཞིན་བྱ། །བསྙེན་བསྒྲུབ་བཞི་རུ་ཤེས་པར་བྱ། །བསྙེན་པའི་དུས་སུ་རང་སྔགས་ལ། །ས་མ་ཛ་ཡི་ཤམ་བུ་གདགས། །ཉེ་བསྙེན་དུས་སུ་ལས་སྔགས་ལ། །དམོད་སྔགས་དག་གི་ཤམ་བུ་གདགས། །སྒྲུབ་པའི་དུས་སུ་རྦད་སྔགས་ལ། །མན་ངག་སྔགས་ཀྱི་ཤམ་བུ་གདགས། །སྒྲུབ་ཆེན་དུས་སུ་བསད་སྔགས་ལ། །ཐུན་སྔགས་དག་གི་ཤམ་བུ་གདགས། །ཐ་མ་ལས་ཀྱི་སྦྱོར་ཀ་ལས། །སྒྲོལ་བསད་གདབ་པའི་ལས་རྣམས་དང་། །ཐུན་ཟོར་གཏད་མནན་ལས་རྣམས་དང་། །སྤྱིན་སྲེག་ལས་རྣམས་སྦགས་པར་བྱ། །བསྙེན་བསྒྲུབ་གཞུད་བཞིན་རྫོགས་པ་དང་། །ལན་གསུམ་ལན་བདུན་བཅུ་གཅིག་གམ། །ཡང་ན་བཅོ་ལྔའམ་ཉི་ཤུ་གཅིག །ཡང་ནས་ཡང་དུ་བསྒྲུབ་པར་བྱ། །རབ་ཀྱི་ས་གསུམ་འབྲིང་གི་བདུན། །ཐ་མས་ལན་ནི་བཅུ་གཅིག་བསྒྲུབ་ །ཐ་མའི་ཐ་མས་བཅོ་ལྔའམ། །ཡང་ན་ཉི་ཤུ་རྩ་གཅིག་བསྐུར། །དེ་ཀྱང་ལས་རྣམས་མ་གྲིབ་ན། །སྤོགས་པའི་ཆོ་ག་གཞུད་བཞིན་བྱ། །ལན་གསུམ་བྱས་ནས་གདོན་མི་ཟ། །ལན་བདུན་བཅུ་གཅིག་བྱས་གྱུར་ན། །འཐེབ་བཤོམ་མེད་དེ་ཕུང་པར་འགྱུར། །དེས་ཀྱང་གྲུབ་པར་མ་གྱུར་ན། །དམ་ཚིག་ཉམས་སམ་དཔོན་མཆེད་ལ། །དམ་ཉམས་བཤགས་ཤིང་བསྐང་གསོ་བྱ། །དེ་ནས་བསྙེན་བགྲུབ་གཞུང་བཙུགས་ལ། །སྒྲུབ་དང་སྒྲུབ་ཆེན་ནུབ་བདུན་བཏུད། །སྤོགས་པའི་ཆོ་ག་ནུབ་བདུན་ལྔ་བཏུད། །དེ་ལྟར་གཞུང་བཞིན་བསྒྲུབས་གྱུར་ན། །གདོན་མི་ཟ་སྟེ་ཐེ་ཙོམ་མེད། །དེས་ཀྱང་འགྲུབ་པར་མ་གྱུར་ན། །དམ་ཚིག་གཏད་མེད་ཞིག་མེད་པས། །ནུབ་མཐུ་ལས་འཕྲོ་མེད་འགྱུར་བས། །གཏན་ནས་ཕྲོ་བཅད་དགེ་བ་ལ། །བརྩོན་འགྲུས་བསྐྱེད་ལ་འབད་རྩོལ་བྱ། །སྒོམ་བསྒྲུབ་ཡང་དག་དོན་ལ་འབད། །དེ་ལྟར་འབད་པ་བྱས་གྱུར་ན། །ཐུན་མོང་མཆོག་གི་དངོས་གྲུབ་ཐོབ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། སྤྱན་དྲང་བ་དང་། མཆོད་པ་དང་། བསྙེན་བསྒྲུབ་ཀྱི་དོན་གྱི་ལེའུ་སྟེ་ལྔ་པའོ།། །།དེ་ནས་གཞུང་གི་དོན་བསྟན་པ། །ནག་པོ་མདུང་རྩེ་གསུམ་ཞེས་པ། །གསད་དང་དབབ་དང་སྦམ་དང་གསུམ། །མདུང་རྩེ་གསུམ་ཞེས་དེ་ལ་བྱ། །དང་ལ་གསད་པའི་མདུང་རྩེ་གསུམ་བསྟན། །བསད་ཐབས་རྣམ་པ་གསུམ་ཡོད་དེ། །གསུམ་པོ་ཡ་ཡང་དགུ་ཡོད་དོ། །གདབ་གསལ་དགོངས་པ་གསད་པ་དང་། །ཐུན་ཟོར་ལས་ཀྱིས་བསད་པ་དང་། །མནན་གཏད་རྫས་ཀྱིས་བསད་པ་དང་། །རབ་ལ་མདོ་ཙམ་སྨོས་པས་ཆོག །འབྲིང་ལ་ཐ་མའི་དོན་དུ་བཤད། །གདབ་པ་བསད་པ་ཇི་ལྟར་བསད། །གསལ་བས་བསད་པ་མ་འཚལ་ན། །དགོངས་པས་བསད་པ་མ་འཚལ་ན། །དཔལ་ལྡན་རྡོ་རྗེས་བསྟན་དུ་གསོལ། །ཐུན་དང་ཟོར་དང་ལུས་དང་གསུམ། །དཔལ་ཆེན་དཔའ་བོས་བཤད་དུ་གསོལ། །མནན་པ་གཏད་པ་རྫས་ཀྱིས་བསད། །གང་ལྟར་མནན་པ་ཇི་ལྟར་གཏད། །རྫས་ཀྱིས་བསད་པ་བཤད་དུ་གསོལ། ཁྲག་འཐུང་ཆེན་པོ་འདི་ལྟར་མཛོད། །གདབ་པའི་གནས་ནི་གཅིག་དངགསུམ། །ལྔ་དང་བརྒྱད་དང་བཅུ་གཅིག་དང་། །བཅོ་ལྔ་ཉི་ཤུ་གཅིག་ཏུ་གདབ། །གཅིག་ཏུ་གསང་བ་ཙིཉི་ལ། །གསུམ་ན་ལུས་ངག་ཡིད་གསུམ་ལ། །ལྔ་ནས་ཡན་ལག་རྣམ་ལྔ་ལ། །ཡང་ན་དབང་པོ་ལྔ་ལའོ། །བརྒྱད་པ་གདབ་ན་དཀར་ནག་མཚམས། །སྐྲ་མཚམས་དོན་གསང་རྟགས་གསང་གསུམ། །དཔུང་མགོ་གཉིས་དང་དཔྱི་མགོ་གཉིས། །བརྒྱད་དུ་གདབ་པར་ཤེས་པར་བྱ། །བཅུ་གཅིག་གདབ་པ་མིག་གཉིས་དང་། །གསེར་སྒོ་གཉིས་དང་ན་ངས་གཉིས། །ཁམ་ཏའི་ཁྱིལ་དང་ཙིསྟའི་གཡས། །གཡས་དང་གཡོན་དང་དཀྱིལ་དང་གསུམ། །བཅུ་དྲུག་མདོ་རུ་གདབ་པར་བྱ། །བཅོ་ལྔ་གདབ་བ་བདུད་ཁུང་དང་། །ལག་མཐིལ་རྐང་མཐིལ་གཡས་གཡོན་བཞི། །བརླ་དཀྱིལ་བྱིན་དཀྱིལ་གཡས་གཡོན་བཞི། །གྲུ་མོ་གཉིས་དང་མཆན་ཁུང་གཉིས། །བདུན་རྒྱབ་དག་ཏུ་གདབ་པར་བྱ། །ཉི་ཤུ་རྩ་གཅིག་དབང་སྒོ་བདུན། །ཙིསྟའི་སྟེང་འོག་དཀྱིལ་དང་གསུམ། །ཡན་ལག་ལྔ་དང་ལུས་ངག་ཡིད། །སྐུ་ལྟེབས་གཡས་གཡོན་ལྷེ་ནར་གདབ། །ཡང་ན་དགེ་སྡིག་ཆ་མཉམ་ཕྱིར། །སྤྱི་བོ་རྐང་མཐིལ་གཉིས་སུ་གདབ། །མན་ངག་དེ་ལྟར་མ་ཤེས་ན། །བཏབ་ཀྱང་ང་ལ་དོན་མེད་ཡིན། །གདབ་བའི་དུས་སུ་བླ་མ་ཡིན། །ཆ་གོས་ནག་པོ་ལྔ་གོན་ལ། །རྡོ་རྗེ་གཞོན་ནུའི་དགོངས་པར་འཇུག །གསལ་བ་རྣམ་གསུམ་དྲན་བྱས་ལ། །དཔའ་བོ་རྩ་བའི་དཀྱིལ་འཁོར་གསལ། །སྲས་མཆོག་ཁྲོ་བཅུས་བྱིན་བརློབ་གསལ། །གཟས་པ་བྱད་བཞིན་ངོ་མདོག་གསལ། །དེ་ལྟར་གསལ་བྱས་དགོངས་པས་བརྡེག །གསལ་བས་བསད་པ་ཤེས་བྱའོ། །གདོངས་པས་བསད་པའི་ཇི་ལྟར་གསལ། །དཔལ་ཆེན་དཔའ་བོས་བཤད་དུ་གསོལ། །དགོངས་པས་བསད་པའི་དོན་བསྟན་པས། །བདག་ཉིད་རྡོ་རྗེ་གཞོན་ནུར་བསྒོམ། །སྲས་མཚོག་བཛྲ་ཀི་ལ་ཡི། །སྐུ་གསུང་ཐུགས་སུ་བྱིན་གྱིས་བརློབ། །སྤྱི་བོར་ཨོ་ལ་མགུལ་དུ་ཨ༷། །ཐུགས་ཀར་ཧུ༷་ནི་བསྒོམ་པར་བྱ། །རྒྱ་མདུད་གོང་འོག་ཡབ་ཡུམ་བཅུ། །ཟུར་གསུམ་ཕཊ་གསུམ་རྩེ་མོ་ཕཊ། །སྒོ་བ་བཞི་རུ་ཤེས་པར་བྱ། །ཐེལ་གསུམ་ཧུ༷་གསུམ་སྲུངས་མ་གསུམ། །དེ་ལྟར་བྱིན་རླབས་གུ་གུལ་སྦྱར། །ཉུངས་ཀར་རྒྱལ་པོས་གཟི་བྱིན་ཏེ། །བདག་ཉིད་སོར་མོའི་བྲེ་ག་ལ། །ཟླ་དལ་ལྔ་ལ་འབྲུ་ལྔ་དགོད། །གཡས་གཡོན་ཐབས་དང་ཤེས་རབ་བསྒོམ། །བར་དུཕུར་པ་བཅུ་གནས་དྲིལ། །གསང་སྔགས་དམ་པ་འདི་བཟླས་སོ། །ཨོ་ལ༷་ཧུ༷་ལ༷་སྟ༷་པ་ན༷། བྷ་ག་བན། ཐྲི་ཀྲི་བི་ཀྲི། བཛྲ་ཀི་ལི་ཀི་ལ་ཡ། སརྦ་བིག་ནན་བ༷་ཧུ༷་ཕཊ། བཛྲ་ཧུ༷་ཀ་ར་ཧུ༷་ཨ། དེ་སྐད་ལན་སྟོང་བཟླས་བྱས་པས། །ཕུར་པ་སྔགས་ལ་འོད་བྱུང་བས། །འཇིག་རྟེན་ཁམས་ནི་ཐམས་ཅད་ཁྱབ། །བདེ་གཤེགས་ཐུགས་དམ་རྒྱུད་བསྐུལ་ནས། །རྣལ་འབྱོར་དམ་ཚིག་ཆག་ཉམས་བསྐངས། །སེམས་ཅན་དོན་བྱས་ཉོན་མོངས་སྦྱངས། །འོད་ཕུང་སླར་འདུས་ཕུར་ལ་ཐིམ། །ཕུར་པ་བཀྲག་དང་གཟི་མདངས་བསྐྱེད། །སྐུ་སྟོད་ཁྲོ་བོ་ཆེན་པོ་ལ། །སྐུ་སྨད་ཟུར་གསུམ་དཔལ་དང་ཆས། །ཡེ་ཤེས་སྤྲུལ་པའི་ཕུར་པ་སྟེ། །ཀླད་ལ་བསྐོར་དལ་དྲིལ་བ་ཡིས། །རི་རབ་གླིང་བཞི་གཟའ་སྐར་རྒྱན། །གྱུར་ན་གཟས་པའི་དཀར་ན་མཚམས། །བཏབ་པས་གྲོག་ཚང་བཤིག་པ་བཞིན། །གུལ་གུལ་ཤིག་ཤིག་གྱུར་པ་ཡིས། །གཟས་པ་པོ་ཡང་གུལ་གུལ་ཤིག །གྱུར་པས་དགོངས་པ་དཀར་ནག་དཀྱིལ། །རྒྱབ་པས་གཟས་པའི་ལུས་པོ་སྟེ། །ཙ་སྒོ་འདྲ་བར་ཕུག་བསྲེགས་ནས། །ཙིཏི་རིན་ཆེན་གུར་ཕུག་འདྲ། །གུར་རྡིབས་བཞིན་དུ་འུབས་ཀྱིས་འདུས། །ཀུན་གཞི་དར་དཀར་འདྲ་བ་དེ། །གཏར་ཚན་སྦུར་བཞིན་བཏུལ་གྱིས་བསྲེགས། །དྲི་ཚེ་བ་རྒྱ་ཕཊ་དྲལ་ནས། །ཁྲག་ཙལ་པ་སྲན་མ་ཙམ། །གཏར་ཚན་ཆུ་བཞིན་ཏོག་གིས་བླངས། །དྲི་ཚེ་ལྗང་ཁུ་ལ་བརྒྱབ་པས། །ལྗོན་ཤིང་རྩད་ནས་བཅད་པ་བཞིན། །གཟས་པ་སྔོ་འདྲད་སོང་བར་བསམ། །ཕུར་པ་བཏོན་པས་ཞོ་འབྲུ་ནས། །གཟར་བ་བཏོན བཞིན སྔརཙམ གྱིས། །བཏོན་ནས་བདག་ལ་བསྟིམ་པ་ཡིས། །གཟབ་པའི་ཚེ་ཕྲོགས་བདག་ལ་བསྟིམ། །ཡེ་ཤེས་འབྲུ་གསུམ་གྱུར་ནས་ན། །ལུས་ངག་ཡིད་གསུམ་གཟི་མདངས་བསྐྱེད། །བདག་དང་གཟས་པ་གཉིས་ཀ་ཡི། །ཚེ་ལུང་ཁྲུས་ལུང་དོན་གྱིས་སྦྱར། །དེ་ནས་གདབ་པའི་འཕྲིན་ལས་བྱའོ། །དབང་བསྐུར་བྱིན་བརླབས་གཟི་བྱིན་སྐྱེད། །གོང་ལྟར་ཚེ་ཁྲུས་བཞིན་དུ་སྦྱར། །རྡོ་རྗེ་གཤོན་ནུ་སྐུ་གསལ་བཏབ། །མན་ངག་འདི་བརྗོད་ཕུར་བསྐོར་བྱ། །ཨོ་བཛྲ་ཀྱི་ལི་ཀི་ལ་ཡ། ཆེ་གེ་མོ་ཨ་པ་ར་ཙི་ཏ། ཨ་ན་ཙི་ཏི། ཛ་ཡ་ཐི་ཡེ། །ཀ་ཏང་ཀ་ཏེ། ཧུ༷་པ་རི་བད་ཏན།སྨིནྟྲ་སྤྱིནྟྲ། ཆེ་གེ་མོ་མྱ་ར་ཡ། མ་ར་ས་ན་པྲ་མརྟ་ན་ཡེ་ཧུ༷་ཕཊ། དྲི་དྲི། དེ་ལ་སོགས་པའི་མན་ངག་ཀུན། །རྩ་བ་རུ་ནི་ཤེས་པར་བྱ། །སྔགས་དྲུག་དག་ཀྱང་གཞུག་ལ་གདགས། །ཨོ༷་བཛྲ་ཀི་ལི་ཀི་ལ་ཡ། ཆེ་གེ་མོ་ཧ་ས་ཡ། ར་ཡ་ནི་ཧད་ན་ཧུ༷་ཕཊ། ཨ་བེ་ཤ་ཡ་ཨ་བེ་ཤ་ཡ་ཧུ༷་ཕཊ། ཤི་ཀྲིན་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་ཡ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧུ༷་ཕཊ །བི་ཏ་ཡ་བི་ཏ་ཡ་ཧྭ༷་ཕཊ། སྔགས་དྲུག་མན་ངག་དམ་པ་ནི། །སྐང་ཐོན་ཁོང་སྐས་བཟླས་པ་དང་། །མན་ངག་ནུ་ལུགས་བཟླས་པའོ། །གཞུག་ལ་ཟང་ཐལ་བཟླས་པའོ། །ལས་ཀྱི་སྦྱོར་བ་ནུབ་ཐ་ཡ་ལ། །འདེབས་པའི་དུས་སུ་ལུགས་འདིས་གདབ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ཙིཉི་ཙིཀྟ་བཛྲ་ཧུ༷་ཧུ༷་ཕཊ། མ་ར་ཡ། ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་མ་ར་ཡ་ཕཊ། ཀི་ལ་ཡ་ཡིས་མགོ་མནན་པ། །ཐམས་ཅད་ཀུན་ལ་ཤེས་པར་བྱ། །ཧ་ན་ཧ་ན་ཧུ༷་ཕཊ། བིན་དྷ་བིན་དྷ་ཁ་ཏ་ཁ་ཏ་ཧུ༷་ཕཊ། སྟུ་ཡ་ད་ཧ་ཧུ༷་ཕཊ། ལྷུ་ཡ་ད་ཧ་ཧུ༷་ཕཊ། ཧ་ན་ཧ་ན་ཧུ༷་ཕཊ། གྲི་ཏྣ་གྲི་ཏྣ་ཧུ༷་ཕཊ། མ་ཐ་མ་ཐ་ཧུ༷་ཕཊ། ད་ཧ་ད་ཧ་ཧུ༷་ཕཊ། འབུར་སྟ་འབུར་སྟ་ཧུ༷་ཕཊ། ཙི་ཏ་ཧ་ན་ཧཱུཾ་ཕཊ། ཧུར་བུ་ཧུར་བུ་ཧྲུ༷་ཕཊ། ཀ་ཏ་ཀ་ཏ་ཧུ༷་ཕཊ། ད་ཧ་ད་ཧ་ཧུ༷་ཕཊ། ཧ་ར་ཏ་ཧ་ར་ཏ་ཧུ༷་ཕཊ། ཙི་ཏ་བར་ཏ་ཧུ༷་ཕཊ། ད་ཧ་ད་ཧ་ཧུ༷་ཕཊ། དྲི་ཏྲི་དྲི་ཏྲི་ཧུ༷་ཕཊ། པ་ཙ་པ་ཙ་ཧུ༷་ཕཊ། ཏད་ཡ་ཐ་ཏད་ཡ་ཐ་ཧུ༷་ཕཊ། སརྦ་ཨ་ན་ཡ་ཧུ༷་ཕཊ། ལས་ཀྱི་གཞུག་ལ་གདགས་པའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། གསལ་དགོངས་པས་བསད་པའི་ལེའུ་སྟེ་དྲུག་པའོ།། །།དེ་ནས་ཐུན་ཟོར་ལས་ཀྱི་བསད་དེ། དང་ལ་ཐུན་གྱིས་གསད་པ་ནི། །བརྣག་པ་ཐུན་ནག་གི་ལེའུ་འདིས། ཐུན་གྱི་མན་ངག་རྫོགས་པར་བྱ། །བླ་མས་ནག་པོའི་རྒྱན་ཆས་ལྔ་གོན་ལ། །དཀྱིལ་འཁོར་ཁྲུ་གང་ཚད་དུ་བྱ། །གྲུ་གསུམ་སུམ་བརྩེགས་ཁ་ཁྱེར་ལ། །ཟ་བྱེད་ཞལ་དང་མདའ་གཞུར་བཅས། །མཚོན་ཆ་ལྔ་དང་རྩང་གིས་བསྐོར། །དཀྱིལ་འཁོར་ཆེན་པོ་ལྷོ་ནུབ་བཅའ། །དེ་དབུས་མོན་པའི་ཐོད་ནང་དུ། །ཁྲག་ཆེན་ལ་སོགས་ཁྲག་སྣ་ཚོགས། །བྷན་དྷའི་ནང་དུ་བླུགས་ལ་བཞག །རབས་ཆད་མཛེ་པོའི་ཐོད་ནང་དུ། །དུག་ཆེན་ལ་སོགས་དུག་སྣ་ཚོགས། །བླུགས་ལ་གྲུ་གསུམ་ནུབ་ཏུ་བཞག །སྣོལ་དྲི་མོ་ཡི་ཐོད་པ་མྲ །ཉུངས་ཀར་རྒྱལ་པོ་བདུན་ལ་སོགས། །ཉུངས་ཀར་སྣ་ཚོགས་བླུགས་ལ་བཞག །བྱང་ཤར་དག་ཏུ་བཞག་པར་བྱ། །ས་བདག་རྒྱལ་པོའི་ཐོད་པ་རུ། །ཕུར་པ་ཁབ་ཙམ་བདུན་བླུགས་ལ། །གྲུ་གསུམ་ཤར་ལྷོའི་རྩེ་ལ་བཞག །དེ་ནས་ཐུན་སྔགས་དམ་པ་བཟླས། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་སུ་ཀྲི་བ་ཡ་བ་ར་ཙ་ཀ །ཡོ་གི་ཤྭ་ར་ས་མ་ཡ་ཙིསྟ་ཧུ༷་ཕཊ། མེ་རི་ཀུན་ད་ལི། ཐབས་ཐུབ་རྦད་ཁྲག་སྟི་རྨ་ར་རྦད། མ་ར་ཡ་དྲི་ཙིརྟི་རྦད་ཐུམས། དང་ལ་གྲངས་མེད་རྟགས་དང་མཚན་མ་གྲུབ་ནས་གྲངས་ཀྱིས་གྲུབ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། བརྣག་པ་ཐུན་ནག་གི་ལེའུ་སྟེ་བདུན་པའོ།། །།དེ་ནས་དམོད་པ་ཐུན་ནག་དང་། མན་ངག་ཐུན་ནི་བརྡེག་པར་བྱ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་མ་ར་ཡ། དུ་རུ་ཀན། ཕི་ར་ཤ་ཧོ། མ་ར་ཡ་དུ་རུ། སྨ་ཤ་ནི་མ་ར་ཡ། མ་ཁ་ནི་མ་ཆུ་མ། ཧབ་མ་ཧུབ་མ། མུ་ར་ཡ་ཐུ༷་ཐུ༷་དྲི་དྲི་སྤྱོ་སྦྱོ། ཨོ་བཛྲ་ཀི་ལི་ཀི་ལི་ཡ། ཆེ་གེ་མོ་ཧ་ས་ཡ་ར་ན་ཧ་ད་ན། དི་བ་པྲ་བེ་ཤ་ཡ་ཧུ༷་ཕཊ། ཨ་བེ་ཤ་ཡ། ཨ་བེ་ཤ་ཡ་ཧུ༷་ཕཊ། ཤི་ཀྲིན་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཏད་ཐ་ཡ་ཏད་ཐ་ཡ་ཧུ༷་ཕཊ། བིད་ཏ་ཡ་བིད་ཏ་ཡ་ཧུ༷་ཕཊ། ཆེ་གེ་མོ་མྱ་ར་ཡ་དྲི་དྲི་རྙོ། ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་མར་ཡ་ཧུ༷་མ་མ་པ་ཤི་ཀུ་རུ་མ་ཏ༷་ཉ་ཀ་ར། ཨིན་ནན་དྷི་ཏིཀི། མ་ཀརྨ་ཤི་ཀྲང་ཀརྨ་ཉེ་ཡ་མུ་ར་ཡ་དྲི་ཛུ། རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། དམོད་པ་ཐུན་ནག་དང་མན་ངག་གི་ཐུན་གྱི་ལེའུ་སྟེ་བརྒྱད་པའོ།། །།དེ་ནས་ཟོར་གྱིས་བསད་པ་ལ། །ཁྲག་ཟོར་ཉུངས་ཟོར་ཕུར་ཟོར་གསུམ། །མདའ་ཟོར་ནང་དུ་བླུགས་ཏེ་འཕང་། །ཐོད་ཟོར་ནང་དུ་བླུགས་ཏེ་འཕང་། །རྭ་ཟོར་ནང་དུ་བླུགས་ཏེ་འཕང་། །ལག་ཟོར་ནང་དུ་བླུགས་ཏེ་འཕང་། །མདའ་མོ་སྨྱུག་མ་ཚིགས་བདུན་དང་། །ལྔ་པས་སྨྱུག་རྒོད་མདའ་སྨྱུག་བྱ། །ཕོ་རོག་སྒྱུང་ཁ་ཁ་དྲིན་བྱ། །སྨྱུག་ཚིགས་དགུ་པ་སྒྲོན་པར་བྱ། །འུག་པ་ཁ་སྒྲིན་པུ་ཤུད་ཀྱིས། །སྨྱུག་ཚིགས་བདུན་པ་སྒྲོན་པར་བྱ། །ཁུ་བྱུག་འུག་པ་ཕོ་རོག་ཁྲ །ལྔ་པ་དག་ལ་སྒྲོན་པར་བྱ། །དགུ་པར་ཁྲག་ཆེན་རྟ་ཁྲག་དང་། །བ་ཁྲག་གཡག་ཁྲག་བཞི་བླུགས་སོ། །བདུན་པར་ཁྲག་ཆེན་རྟ་མགོ་རོག ཁྱི་ཁྲག་སྤྲེ་ཁྲག་བཞི་བླུགས་སོ། །ལྔ་པར་ཁྲག་ཆེན་ཐུག་རི་ཁྲག །གཙོ་བོར་ར་ཐུག་ཁྲག་བླུགས་སོ། །དགུ་བར་ཉུངས་ཀར་ཉེར་གཅིག་བླུགས། །བདུན་པར་སྐེ་ཚེ་ཉེར་གཅིག་བླུགས། །དགུ་པར་སྐྱེར་ཕུར་ཁབ་ཙམ་བདུན། །བདུན་པར་མཛོ་མོའི་ཕུར་པ་བདུན། །ལྔ་པར་གླང་ཕུར་བདུན་བླུགས་སོ། །སྐྱེར་པ་མཛོ་མོ་གླང་མ་གསུམ། །མགོ་མཇུག་མ་ནོར་མདེའུ་བྱའོ། །དགུ་པ་སྔོ་ལ་བདུན་པ་དམར། །ལྔ་པ་སེར་པོ་སྒྲོ་རྩར་དབྱུག །གོང་གི་ཁྲག་ཉུངས་ཕུར་ལ་སོགས། །བླུག་ལ་སྔགས་ནི་བྲི་བར་བྱའོ། །བདུན་པ་དགུ་པ་ལྔ་པ་ལ། །སྔགས་ནི་རིམ་པར་བྲི་བར་བྱའོ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ཙ་པ་ལ་ཨ་ཤུག་མེ། བཛྲ་ར་ཏི་ཕཊ། བཛྲ་གརྫ་ཏི་ཕཊ། ཨོ༷་ཀི་ལི་ཀི་ལ་ཡ། ཆེ་གེ་མོ་ཏྲག་རག་ཤ་མ་ནི་དུན་སྨྱོ།མ་མ་ཡག་ཤ་ཏིག་སྣ་ནག་དུག་སྨྱོ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་སུ་ཏྲི་བཛྲ་ཙིལྟི་ར་ཡ། ཡོ་གི་ཤྭ་ར་ཡ། ས་མ་ཡ་ཙིསྟ་ཡ་སྨྱོ། ཐུན་ཟོར་བསྙེན་བསྒྲུབ་བཞི་ལ་ནི། །བཟླས་པའི་སྔགས་ནི་མདའ་ཡིས་བྱ། །བསྙེན་པ་གོང་གི་བྲི་སྔགས་སོ། །ཉེ་བསྙེན་ཡ་ནི་བཟླས་པའི་གུས། །ཨོ༷་བཛྲ་ཀི་ལི་ཀི་ལ། ཀྲོ་ དྷ་ཀྲོ་དྷ་ཧ་ཧེ་ཕཊ་སྨྱོ། ཆེ་གེ་མོ་ཙ་པ་ལ་ཨ་ཤུག་མེ། བཛྲ་ར་ཏི་ཕཊ། བཛྲ་གརྫ་ཏི་ཕཊ་སྨྱོ། ཨོ་སུ་ཀྲི་བ་ཡ། བཛྲ་ཙ་ཀ་ཡོ་ཤྭ་ར། ས་མ་ཡ་ཙིསྟ་ཧུ༷་ཕཊ། མེ་རེ་ཀུན་ད་ལི། ཐབས་ཐུབས་རྦད། ཁྲག་ཏི་རྦ་ར་རྦད། རྦད་རྦད་སྨྱོ་མྱ་ར་ཡ་ཕཊ། ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོདྷ་ཧ་ཧེ་ཕཊ་སྨྱོ། ཆེ་གེ་མོ་སྒག་རག་ཤ་མའི་དུན་སྨྱོ། མཧྭ་ཡག་ཤ་ཏིག་རྣ་ན་མོའོ། །ཨོ་སུ་ཀྲི་བ་ཀྲི་བ་ཡ་བ། རྭ་ཛ་ཀ་ཡོ་གི་ཤྭ་ར། ས་མ་ཡ་ཙ་ཧུ༷་ཕཊ། མེ་རེ་དུན་ད་ལི། ཐམས་ཐུམས་རྦད། ཁྲག་ཏི་རྨ་ར་རྦད། ཕཊ་རྦད། མྱ་ར་ཡ་སྨྱོ། སྒྲུབ་ཆེན་ལ་ནི་ངན་སྔགས་འདི། །ཨོ༷་བཛྲ་ཀི་ལི་ཀི་ལི་ཡ།ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། ཆེ་གེ་མོ་སུ་ཏྲི་བཛྲ་ཡ། བཛྲ་ཙ་ཏ་ཡ། ཡོ་གི་ཤྭ་ར་ཡ། ཡ་མ་ཙིསྟེ། ཨོ༷་སུ་ཀྲི་མ་ཡ་བ། ར་ཤ་ཡོ་གི་ཤྭ་ར། ས་མ་ཡ་ཙིརྟི་ཏཱ༷་ཕཊ། མོ་རི་ཀུན་ད་ལི། ཐམས་ཐུམས། ཁྲག་ཏི་རྨད་རྦད། མ་ར་ཡ་སྨྱོ། བསྒྲུབ་ཆེན་ནུབ་ནི་ཐ་མ་ལ། །ཨོ༷་བཛྲ་ཀི་ལི་ཀི་ལ་ཡ། ཀྲོདྷ་ཀྲོ་དྷིཧ་ཧེ་ཕཊ་སྨྱོ། ཆེ་གེ་མོ་ལ་སྨྱོ་སྨྱོ་སྨྱོ། དེ་ནས་ཐུན་ལྷག་ཁྲག་དང་ནི། །བདུད་རྩི་ཆང་ཕུད་ཐོད་ནང་ཁྱེར། །རི་རྩེ་དུར་ཁྲོད་མཆོད་ཁང་ངམ། །རི་བི་སྦྲུལ་དཀྱུས་ལུང་པ་ནག །རྐང་གཅིག་འཆད་ཁང་དམར་ནག །གསེར་སྐྱེམས་བཟང་ལ་ཟོར་འདི་འཕང་། །དང་པོར་ཟོར་ལམ་བསམ་བྱ་བ། །མཐོ་མཐོ་ནི་ཞབས་སྡོགས་ཤིག །ལྷ་གཉན་ནི་ཞབས་སྡོགས་ཤིག །དམའ་དམའ་དབུ་ཆུམ་ཞིག །ཀླུ་གཉན་ནི་དབུ་ཆུམ་ཞིག །བར་བར་ནི་སྐུ་ཟུར་ཅིག །ཡུལ་ལྷ་དགྲ་ལྷ་སྐུ་ཟུར་ཅིག །ལྷ་སྲིན་སྡེ་བརྒྱད་སྐུ་ཟུར་ཅིག །ས་བདག་གཉན་རྣམས་སྐུ་ཟུར་ཅིག །གསེར་སྐྱེམས་གསོལ་ལོ། །ཟོར་གྱི་ལམ་འདི་ཕྱེ། ཁྲག་ཕུར་ཟོར་འཕྲོས་པས། །སྐུ་ལ་ནི་ཕོག་ག་རེ། །མདའ་ཉུངས་ཀྱི་ཟོར་འཕྲོས་པས། །སྐུ་ལ་ནི་ཕོག་ག་རེ། །ཟོར་གྱི་ནི་ལམ་འདི་ཕྱེ། །སྣུམ་ཆེན་གྱི་དུད་པས་གཏང་། །དུང་དངནི་རྔ་རོལ་བསྒྲགས། །སྨྱོ་མ་ཡེལ་མ་ཡེལ་གལ་ག་ཅན། །ཐུན་ཟོར་བརྡེག་པའི་དུས་ལ་བབ། ཁྲག་ཟོར་འཕང་བའི་དུས་ལ་བབ། །དམར་ལམ་བསྟན་པའི་དུས་ལ་བབ། ཁྲག་ཉུངས་འཕང་བའི་དུས་ལ་བབ། །ར་ཕུར་འཕང་བའི་དུས་ལ་བབ། །ལག་ཟོར་འཕང་བའི་དུས་ལ་བབ། །ཕུར་བུ་མདའ་འཕེན་ཤ་ར་ར། །ཉུངས་ཀར་སྦབ་རིལ་སིལ་ལི་ལི། །དམར་མོ་ཁྲག་མདའ་ཅི་ལི་ལི། །མ་མོ་ཟོར་འཕེན་སི་ལི་ལི། །དོ་ནུབ་ཟོར་གྱི་ལས་མཛད་མ། །བཅོམ་ལྡན་དཔལ་ཆེན་ཡབ་ཡུམ་དང་། ཁྲོ་བོ་ཕ་བཅུ་མ་བཅུ་དང་། །ཟ་བྱེད་ཕ་བཅུ་མ་བཅུ་དང་། །སྲས་མཆོག་ཉི་ཤུ་རྩ་གཅིག་དང་། །སྲུངས་མ་རྣམ་གསུམ་སྒོ་བའི་ཚོགས། །ཟོར་གྱི་ལས་འདི་མྱུར་དུ་མཛོད། །ཟོར་འཕངས་སླར་་ལ་མ་ལྡོག་ཅིག །གཟས་པའི་སྙིང་ལ་ཟོར་འདི་རྒྱོབ། །ཡན་ལག་ལྔ་ལ་ཟོར་འདི་རྒྱོབ། །དམ་ཚིག་སྤྲུལ་པའི་དུས་ལ་བབ། །ཕྱག་བརྙན་སྒོ་སྲུངས་མ་ཡི་ཚོགས། །ཟོར་ལས་དམ་པ་མྱུར་དུ་མཛོད། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། ཕུར་ཟོར་གྱི་ལེའུ་སྟེ་དགུ་པའོ།། །།དེ་ནས་ལས་ཀྱིས་བསད་པ་བསྟན། །རྡོ་རྗེ་དཔའ་བོས་བསྟན་དུ་གསོལ། །ཁྲག་འཐུང་ཆེན་པོ་ང་ཡིས་ཞུས། །ཁྲག་འཐུང་ཆེན་པོ་ལ་བཤད་ཀྱིས། །སྣོད་ངན་དམ་མེད་གར་དགའ་ལ། །བཤད་ན་རྡོ་རྗེ་དམྱལ་བར་སྐྱེ། །དེ་བས་དམ་ལ་མ་འདའ་ཞིག །དམ་གནས་དད་ཅན་ཚུན་གཤིས་དང་། །གུས་ཤིས་གཡོ་སྒྱུ་མེད་པ་ལ། །གཞུང་བཞིན་སྤྱོད་ལ་གཏད་པར་བྱའོ། །ནག་པོ་བསད་པའི་ཐུན་ལམ་གསུམ། །གནས་ལམ་བར་ལམ་བསད་ལམ་གསུམ། །ལམ་གསུམ་མ་ནོར་རབ་ཏུ་གཅེས། །དང་པོ་གནས་ལམ་བཤད་པ་ཡིས། །གྲོལ་ལམ་དབུས་སུ་ཐོད་པ་གཞུག །གཡས་སུ་ཕུར་པ་གཡོན་དུ་ཁྲག །བཅུག་ལ་ཐུན་ནི་རྟག་ཏུ་བརྡེག །གཙོ་འཁོར་སྲུངས་མ་སྒོ་བའི་ཚོགས། །བར་བར་བསྐུལ་ལ་དྲག་ཏུ་བྱའོ། །བར་ལམ་དམ་པ་བསྟན་པ་ལ། །རི་གསུམ་རྩེའམ་ལུང་གསུམ་མདོ། །དུར་ཁྲོད་ཁང་ངམ་སེའུའི་མཚན། །རྐང་པ་གཅིག་པའམ་གོང་གསུམ་ལས། །གང་རུང་བར་ལམ་གཞུག་པར་བྱ། །གཡས་སུ་ཕུར་པ་གཡོན་དུ་ཁྲག །དབུས་སུ་ཐོད་པ་གཞུག་པར་བྱ། །བར་ལམ་བསད་པའི་དམ་པ་འདི། །ལམ་འབྱེད་པ་ཡི་ལས་རབ་ཡིན། །གསུམ་པ་བསད་ལམ་བསྟན་པ་ནི། །གཟས་པའི་ཁང་པ་གནས་དང་རྟེན། །ཞིང་ཚིགས་ཡུལ་ཚིགས་གང་རུང་ལ། །གཡས་སུ་ཐོད་པ་གཡོན་དུ་ཁྲག །དབུས་སུ་ཐོད་པ་གཞུག་པར་བྱ། །བཅུག་ལ་གསད་པའི་ལམ་འདི་བརྩམ། །གསང་ལམ་གསུམ་པོ་མ་ཤེས་ན། །ལས་བུ་ལ་གཞན་དུ་འབོ་བར་འགྱུར། །དེ་བས་འདི་ལ་ནན་ཏན་བྱ། །ཐོད་པ་གསུམ་པོ་བསྟན་པ་ལ། །ཐོད་ཆེན་སྲེ་མོ་བྱི་བ་གསུམ། །དང་པོ་ཐོད་ཆེན་བར་དུ་ཟི། །ཐ་མར་བྱི་བའི་ཐོད་པ་གཞུག །ཕུར་པ་གསུམ་པོ་བསྟན་པ་ལ། །མཆོག་ཕུར་སྐྱེར་ཕུར་ཤེར་ཤིང་ཕུར། །མ་རྙེད་ན་ཐ་མ་དུག་ཆུས་བསྐུ། །ཁྲག་ཆེན་བ་དང་ཁྲག་ཆེན་དང་། །རྟ་ཁྲག་ཁྱི་ཁྲག་གསུམ་གྱིས་བྱ། །ལམ་གསུམ་བསྟན་ན་དོན་གསུམ་འགྲུབ། །དང་པོ་ལྟ་རྟེན་བར་པས་འབྱེད། །ཐ་མས་གསད་པའི་དོན་འགྲུབ་བོ། །དང་པོ་རྦད་སྔགས་བར་དུ་དབྱེ། །ཐ་མས་བསད་སྔགས་བསྟན་པའོ། །ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོདྷ་ཧ་ཧེ་ཕཊ་སྨྱོ། དྲིརྟ། རྦ་ན་ཡ་རྦ་ན་ཡ། ཙིསྟ་ཆུམ། མུར་ཡ་ཕཊ། ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། ཧ་ས་ཡ་ར་ན་ཧ་ད་ན་དེ་བ་བྲ་བེ་ཤ་ཡ། ཏྲག་ཤག་ཤཱ་ར་ཡ་ཕཊ། ཨོ་བཛྲ་ཀི་ལི་ཀི་ལི་ཡ། དྲི་ཏྲི། ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། ཙིསྟ་རྦད་ཐུམས་བཱ་ར་ཡ། སུབས་ཙིསྟ་རྦད། མྱོགས་ཐུམས་མའ་ར་ཡ་ཕཊ། རྟག་ཏུ་ཐུན་བརྡེག་བར་བར་དུ། །ཟོར་བརྡེག་ལམ་གསུམ་མ་ནོར་བར། །མཆོད་བསྟེན་བསྐུལ་ཞིང་ཐུན་ཟོར་བརྡེག །མ་ནོར་དོན་ལ་ཡིད་ཆེས་བྱའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། ཟོར་ལམ་བསྟན་པའི་ལེའུ་སྟེ་བཅུ་པའོ།། །།དེ་ནས་དཔལ་ཆེན་ཧེ་རུ་ཀས། །མནན་གཏད་རྫས་ཀྱིས་བསད་པ་ལ། །དང་ལ་མནན་པས་བསད་འདོད་ན། །གནས་དང་རྫས་དང་སྔགས་དང་གསུམ། །གནས་ནི་གང་དང་གང་དུ་མནན། །དལ་འོག་མལ་འོག་ཐེམ་འོག་གམ། །རྒྱ་གྲམ་ལུང་གསུམ་ཆུ་གསུམ་མམ། ་ལྐོང་གཅིག་དུར་ཁྲོད་ལྷ་རྟེན་ནམ། །ལྷ་ཁང་མཆོད་རྟེན་གནས་ཁང་རྙིང་། །གྲོག་པོ་ཕུ་རྡུག་ལུ་མའི་དཀྱིལ། །དེ་ལྟར་བཅུ་བཞི་དག་ཏུ་མནན། །འདམ་པར་དཀྱིལ་འཁོར་འོག་དང་། །ཐེམ་འོག་དག་ཏུ་མནན་པར་བྱ། །དེ་ལ་རྟག་ཏུ་དམོད་པ་དང་། །བརྣག་པ་ཐུན་ནག་ངན་སྔགས་དང་། ཐུན་ནི་རྒྱུན་དུ་བརྡེག་པར་བྱ། །མནན་པའི་རྫས་སུ་བསྟན་པ་ལ། །གངས་ཀྱི་དུམ་བུ་ཇུ་ཚེ་ཕུབ་མ་དང་། །སྲུབ་མའི་ལོ་མ་དུར་ཁྲོད་རི་ཕུང་ས། །འཁོར་བའི་སོ་ས་དུ་མཁར་ཆེན་ཕུང་བའི་ས། །གྲོག་མཁར་ས་དང་གྲ་ཞིང་མུ་མའི་ས། །བདུད་རྩི་ལྔ་དང་ཤ་ཁྲག་སྣ་ཚོགས་དང་། །ཕོ་རོག་འུག་པར་ཤ་ཁྲག་སྣ་ཚོགས་དང་། །སྲིན་བྱ་སྦལ་པའི་ཤ་རུས་ཁྲག །དམིགས་པ་སྡིག་པའི་ཤ་རུས་ཁྲག །དགྲ་ཁྱིམ་དཀྱིལ་འཁོར་ས་དང་མཛེ་གནས་ས། །དེ་རྣམས་བསྲེས་ལ་ལིང་ཁ་བྱ་བ་ནི། །གཙང་པོ་ཕ་ཀ་ཚུ་ཀའི་འདག་པ་སྦྱིན་པོས་བྱུག །ཐལ་ཆེན་ཁྲག་ཆེན་དུག་ཆུས་ཐལ་ཀར་བྱ། །དཔྲལ་བར་མིང་ལ་སྙིང་ཁར་རུས། །འདོམས་སུ་མྱ་ར་ཡ་བྲིས། །ཀི་ལ་ཡ་ཡིས་གཡས་བསྐོར་བྱ། །སྔགས་དྲུག་གཡོན་བསྐོར་བྲི་བར་བྱ། །དེ་ལྟར་བྱས་ལ་འབྲུབ་ཁུང་དུ། །རྐང་པ་བྱང་ཤར་མགོ་ལྷོ་ནུབ། །ཡུགས་ས་མོ་ཡི་མཁར་ནག་སྐུད། །སྐྱེ་ནས་བཏགས་ལ་ཕུར་ལ་གཏོད། །གན་རྐྱན་བཞག་ལ་གསལ་གསུམ་ལྡན། །བྱས་ལ་མནན་སྔགས་ཤོག་བུ་ལ། །བྱིས་ལ་མདུན་དུ་གླན་ལ་བཞག །གཤེད་ཆེན་ལ་བརྒྱལ་འཕང་དུ་གཏད། །དཀར་ནག་མཚམས་སུ་སྐྱེར་ཕུར་ཅིག །བསྔགས་སྔགས་པ་ཅིག་རྒྱབ་ལ་བཞག །ཐལ་ཕྱུང་གཤེད་ཆེན་ལས་རྒྱལ་ལ། །སླེབ་མ་སློབ་ཙམ་གནན་ལ་བཞག །དུར་ཁྲོད་རས་མས་ཕུར་ནས་ནི། །ཡུགས་ས་མོ་ཡི་སྐྲ་བཤད་ཀྱིས། །ཕྱིན་ཀ་ལོག་གིས་བཀྱིགས་ལ་བཞག །དུར་ཁྲོདགཡམ་པ་སྔོན་པོ་ལ། །དབང་ཆེན་རྡོ་རྗེ་རྒྱ་གྲམ་བྲི། །སྟེང་ནས་བཀབ་ལ་མནན་ལ་བཞག །སྔགས་ཀྱིས་མནན་པ་འདི་ལྟར་བྱ། །དང་པོ་དཔལ་དང་མ་མོ་དང་། །ཆོས་སྐྱོང་སྲུངས་མ་འཁོར་དང་བཅས། །ལྷ་མ་སྲིན་ནི་སྡེ་བརྒྱད་དང་། །གནས་དེའི་བདག་པོ་འཁོར་དང་བཅས། །དམ་བདར་དཔང་གཟུགས་ལེགས་པར་བྱ། །དེ་ནས་དཔའ་བོ་རྡོ་རྗེ་ཡིས། །རྡོ་རྗེ་རྒྱ་གྲམ་འགྲོས་ཀྱིས་ནི། །མནན་ཅིང་སྔགས་འདི་བཟླས་པར་བྱ། །ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོ་དྷི་ཧ་ཧེ་ཕཊ་སྨྱོ། དྲི་ཏྲི།ཏ་ས་ཡ་ར་ན། དེ་བ་པྲ་བེ་ཤ་ཡ་ཕཊ། དྲི་ཏྲི། གམ་ཏྲི་ནན། དྲན་པ་མྱོགས་ཏྲི་ནན། །ཙག་ཏྲི་ནན། གསེར་ཏྲི་ནན། ནས་ཏྲི་ནན། ཁམ་ཏ་ནན། ཙིརྟི་ནན། གུ་ཡ་གསང་ཏ་ནན། དྲི་ཏྲི་ཛ་ཛ། རྦད་ཐུམས་ས་མ་ཡ་སྟུ༷། མ་ར་ཡ་ཕཊ། དེ་ནས་ལིང་ག་གསུམ་བྱས་ལ། །གཅིག་མནན་གཅིག་ནི་རྒྱ་མཚོར་སྒྱུར། །གཅིག་ནི་ཁྱི་ཡི་ཐོད་པར་གཞུག །དང་པོ་མནན་ལ་ཐུན་བརྟག་བརྡེག །གཉིས་པ་མཚོ་སྨན་ལ་གཏེར་གཏད། །གསུམ་པ་ཕ་མེད་དུར་དུ་གཞུག །དེ་ལྟར་བྱས་ལ་དུས་རྟག་ཏུ། །བརྣག་པ་ཐུན་བརྣག་ངན་སྔགས་ཀྱིས། །བརྗེད་པ་མེད་པར་རྟག་པ་རུ། །ཐུན་ནི་རྒྱུན་མི་བཅད་པར་བརྡེག །བར་པ་བསྐུལ་ལ་ཟོར་ཡང་འཕང་། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། །གསང་བ་མན་ངག་གི་ལེའུ་ལ་མནན་པའི་ལེའུ་སྟེ་བཅུ་གཅིག་པའོ།། །།དེ་ནས་དཔའ་བོ་འཇིགས་བྱེད་ཀྱིས། །དཀོན་མཆོག་བསྟན་པ་བསྲུང་བ་དང་། །སྐུ་དམ་དགྲ་དང་སྒོས་དགྲ་དང་། །འོ།ག་བྱེད་གནོད་པ་མཐའ་དག་ལ། །བརྙས་བྱེད་དགེ་ལ་བར་དུ་གཅོད། །དོན་དུ་གཏད་ཁྲམ་གསང་བ་འདི་བསྟན་པ་བྱ་ཡིས་དམ་པར་ཟུང་། །གསང་བའི་ལྷག་དོན་འདི་ལས་མེད། །དམ་བཅའ་དོན་དུ་ཕྱིན་པ་དང་། །དད་ལྡན་བརྩོན་འགྲུས་ཆེ་བ་དང་། །ལུང་དང་མན་ངག་ལྡན་པ་དང་། །ཡང་དག་དོན་དང་ལྡན་པ་གཏད། །དེ་དང་མི་ལྡན་མི་ཕྱིན་ཅི་འོ།ག །དུས་སུ་མ་ཕྱིན་དམ་ཚིག་མེད། །གཡོ་སྒྱུ་ཆ་ཞིང་དང་བརྩོན་མེད། །གཞན་དུ་ཁུངས་འབྱིན་སེར་སྣ་ཆེ། །དེ་དང་ལྡན་པའི་གང་ཟག་ལ། །བསྟན་ན་རྡོ་རྗེ་དམྱལ་བར་སྐྱེ། །དེ་བས་འདི་ལ་ནན་ཏན་བྱ། །དེ་བས་ཡང་དག་དམ་པར་བྱ། །གཏད་ཁྲམ་དགུ་པ་གསང་བ་འདི། །ཡང་དག་དོན་དང་ལྡན་པ་ལ། །བསྟན་པ་བསྲུང་བའི་དོན་དུ་གཏད། །ཆོས་སྐྱོང་སྲུངས་མ་བདུད་དང་རྒྱལ་པོ་དང། །བཙན་དང་དགྲ་བླ་ཀླུ་དངམཚོ་སྨན་དང་། །ལྷ་སྲིན་སྡེ་བརྒྱད་ཡུལ་ལྷ་གཉན་ལ་གཏད། །རྒྱས་པར་ཆོས་སྐྱོང་སྲུངས་ལ་གཏད། །རབས་ཆད་ནག་པོའི་ཐོད་པར་མ་མོའི་གཟུགས་བྱས་གཞུག །གཟས་པའི་མིང་བྲིས་ཤིང་ཤུན་དྲིལ། །ལ་ཆའི་ཨོ།ག་ཕོར་བཅུག་ལ་མ་མོའི་གཡོན་དུ་བསྐུར། །གཟས་པའི་ཁྲམ་བྱང་བྲིས་ལ་གཡས་སུ་བསྐུར། །མནན་པའི་གནས་ནི་འདབ་པར་བྱ། །མཆོད་རྟེན་ནག་པོའི་འོག་གམ་གཙུག་ལག་མགོན་ནག་འོག །གནས་ཁང་འདྲེ་ཅན་སྟོང་བར་གྲུ་གསུམ་སོལ་ཁུང་བྱུག །རྡོ་རྗེ་རྒྱ་གྲམ་་ཁ་བཅད་ལས་རྒྱལ་འཕང་དུ་གཏད། །ཆོས་སྐྱོང་སྲུངས་ལ་བདེན་བདར་དཔང་ཡང་གཟུགས། །གསང་སྔགས་པ་ཡིས་མནན་པར་བྱ། །ཨོ་བཛྲ་ཀི་ལི་ཀི་ལ་ཡ། ནི་ཏྲི་གམ་ཏྲི་ནན། ནི་ཏྲི་ནན། དྲན་པ་མྱོགས་ཏྲི་ནན།ཙག་ཏྲི་ནན། གསེར་ཏྲི་ནན། ས་ན་ས་ཏྲི་ནན། ཁ་མ་ཏ་ནན། ཙིསྟ་ནན། གུ་ཡ་གསང་ཏ་ནན། དྲི་ཏྲི་མྱ་ར་ཡ་ཕཊ་རྦད། ཐུམས་ནི་མྱ་ར་ཡ་ཛ་ཛ། ཏྲག་རག་ཤ་ལ་སྙིང་རྩ་ལ་ཡ། དུན་དུན་མ་ར་ཡ་ཕཊ། བདུད་ལ་གཏད་པ་མོན་ཐོད་དུ། བདུད་ལ་གཟུགས་བྱས་ལག་གཡོན་དུ། ལིང་ག་ཤིང་ཤུན་དྲིལ་ལ་བསྐུར། །གཡས་སུ་ཁྲམ་བྱང་མནན་ལ་ནི། །ནུབ་ཕྱོགས་བྲག་ནག་སྟེང་དཀར་པོ། །མོན་པ་ཁོརས་པ་འདྲ་བའི་རྩ་ར། །གྲུ་གསུམ་ལ་སོགས་གོངམཐུན། །བདུད་ལ་བདེན་པ་དར་དབང་ཡང་གཟུགས། །མགོ་མནོན་མནན་སྔགས་གོང་དང་མཐུན། །ཏྲི་ནི་བདུད་འོ་ང་དུང་དུང་སོད་མྱ་ར་ཡ། །དེ་ནས་རྒྱལ་པོ་ལ་གཏད་ན། །རྒྱལ་པོའམ་ཁྱི་དཀར་ཐོད་པ་རུ། །རྒྱལ་གཟུགས་བྱས་ལ་ལག་གཡོན་བསྐུར། ཁྱི་དཀར་ལྤགས་པས་ལིང་ག་དྲིལ་ལ་བསྐུར། །གཡས་སུ་ཁྲམ་བསྐུར་མནན་པ་ནི། ་།ར་ཕྱོགས་རིན་ཆེན་ཁ་འམ་བྲག་དཀར་ཟང་ངེ་རྩེ། །སྤྲེའུ་ལྡེམ་བྱ་ཤར་ཟུར་ལ་མནན། །གྲུ་གསུམ་ལ་སོགས་གོང་དང་མཐུན། །མགོ་མནོན་མནན་སྔགས་ཏིང་ལ་བཟླས་པ་ནི། །ཧཱུཾ༷་ར་ཙ་ཀ་ཀརྨ་དུང་ངེ་སོ་ཙིཏི་ལ་ཡང་རྦད་ཐུམས་མྱ་ར་ཡ། དེ་ནས་བཙན་ལ་གཏད་པ་ནི། །བཙན་གཟུགས་ལ་བུད་མེད་ཡུག་སའི་ཐོད་པ་རུ། །ར་དམར་ཐོད་པར་བཙན་གཟུགས་གཞུག །ལིང་གར་དམར་ལྤགས་པས་དྲིལ། །ལིང་ག་གཡོན་བསྐུར་ཁྲམ་བྱང་གཡས་སུ་བསྐུར། །མནན་ས་བྱང་ཤར་བྲག་དམར་འཆོ་ལ་ཟངས་འདྲ་བའམ། །གྲོག་པོ་དམར་པོ་ངམས་ཅན་ཕུགས་རྡུག་མནན། །གྲུ་གསུམ་ལ་སོགས་དཀྱིལ་འཁོང་དང་མཐུན། །བཙན་ལ་བདེན་བདར་དབང་ཡང་གཟུགས། །མགོ་མནན་མནན་སྔགས་གཞུག་ལ་བཙན་སྔགས་གདགས། །བཙན་འགོང་དམར་པོ་སྲོག་ལ་བྲེང་ཐུན་ཐུན་ཙིསྟ་རྦད། དེ་ནས་དགྲ་ལ་ལ་གཏད་པ། དགྲ་ལྷའི་གཟུགས་བྱས་སྣེ་དྲི་མོའི་ཐོད་པར་གཞུག །རའམ་བུང་པའི་པགས་པས་དྲིལ། །ལག་པ་གཡོན་དུ་ལིང་ག་བསྐུར། །གཡས་སུ་ཁྲམ་བྱང་གཏད་ལ་མནན་པ་ནི། །གཟས་པའི་ལྷ་འདྲེ་སྟེང་འོག་གམ་ར་ཐོའི་འོག་ཏུ་མནན། །ཧུ༷་ར་ཙ་སྭཏི་ཙིཉི་རྦད་ཐུམས་མ་ར་ཡ་ཕཊ། །དེ་ནས་ཀླུ་ལ་གཏད་པ་ནི། །སྦལ་གཟུགས་བྱས་ལ་མཛེ་བོའི་ཐོད་པར་གཞུག །ཉ་ལྕིབས་དྲིལ་ལ་ལག་པ་གཡོན་དུ་བསྐུར། །གཡས་སུ་ཁྲམ་བྱང་བསྐུར་ལ་མནན་པ་ནི། །ཆུ་མིག་ནག་པོའི་ས་བདག་གཉན་ཆེར་མནན། །གྲུ་གསུམ་ལ་སོགས་གོང་དང་མཐུན། །ཀླུ་ལ་དམ་བདར་དཔང་ཡང་གཟུགས། །མགོ་གནོན་མནན་སྔགས་ཏིང་ལ་བཟླས་པ་ནི། །ནཱ་ག་རྭ་ཛ་ཛ་ལ། ཙི་ཙི་མུགས། མྱ་ར་ཡ་ཕཊ། དེ་ནས་མཚོ་སྨན་ལ་གཏད་པ། །མཚོ་སྨན་གཟུགས་བྱས་ཆུ་སྲིན་ཐོད་པའམ། །མེ་རེག་དོ། ཧུ༷་ལ་གཏུམས་ལ་ལག་གཡོན་བསྐུར། །གཡས་སུ་ཁྲམ་བྱང་བསྐུར་ལ་མནན་པ་ནི། །གཏིང་རྡོ་དང་སྦྲགས་མཚོ་སྨན་ཡོད་པར་བསྒྱུར། །མཚོ་སྨན་དབང་གཟུགས་དམ་ཡང་བདར། །མགོ་མནན་སྔགས་གཏིང་ལ་བཟླས་པ་ནི། །ཧུ༷་མུ་ལེ་མུགས་སུབས་ཏི་སྟ་མྱོགས་ལ་རྦད་ཏི་སྟ་མྱོགས་ལ་རྦད། དེ་ནས་ལྷ་སྲིན་སྡེ་བརྒྱད་ལ་གཏད་པ། །མོན་ཐོད་རྒྱལ་ཐོད་གང་རྙེད་དུ། །ལྷ་སྲིན་གཟུགས་བྱས་སྦྲུལ་གྱི་པགས་པས་གཏུམས་ལ་གཞུག །གཡོན་དུ་ལིང་ག་བསྐུར་ཞིང་གཡས་སུ་ཁྲམ་བྱང་བསྐུར་ལ་མནན། །ལུང་གསུམ་ཆུ་གསུམ་བྲག་དང་ཆུ་འཐབ་པར། །མཁར་ཕུག་དུར་ཁྲོད་རོ་ལངས་ལྷ་འདྲེ་འདུ་བའི་གནས། །རྐང་གཅིག་རྩའམ་རྒྱ་གྲམ་ལྷ་ཁང་ངམ། །མཆོད་རྟེན་འོག་གམ་ཆུ་མིག་ལྐུགས་པར་མནན། །གྲུ་གསུམ་དཀྱིལ་འཁོར་གོང་དང་མཐུན། །བདེན་བདར་དཔང་གཟུགས་དང་མཐུན། །མགོ་མནོན་མནན་སྔགས་གཞུག་ལ་བཟླས། །ཧུ༷་ར་ཙ་བྲེང་བྲེང་དུང་དུང་གཙོ་གཏོར་པ་མ་་རྦད། དེ་ནས་ཡུལ་ལྷ་གཉན་པོ་ལ་གཏད། །ཡུལ་ལྷ་གཟུགས་བྱས་ཁྲག་གིས་བྱུགས། །མི་རྟ་ར་ཁྱི་ཁྲག་གིས་བྱུག ་གོང་ཤུན་རོ་གོས་ལིང་ག་གཡོན་བསྐུར་ཁྲ༷་ཁ་གཡས། །མནན་ས་ལྷ་འདྲེ་རྟེན་རྨང་དུ་མནན། །གྲུ་གསུམ་ལ་སོགས་གོང་དང་མཐུན། །དམ་བདར་དཔང་གཟུགས་མནན་སྔགས་བཟླས། །མགོ་གནན་མནན་སྔགས་གཞུག་ཏུ་བཟླས། །ཧུ༷་ཙི་ལོང་ཙི་ལོང་ཁྲམ་རྩེ་དམར་ཐུམ། ཙིསྟ་ལ་ཡ་རྦད་མུ་ར་ཡ་ཕཊ། གཏད་ཁྲམ་རྒྱུ་བ་མ་ནོར་བ་ཙིསྟའི་ཡང་སྦ་བར་བྱའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། གཏད་ཁྲམ་བསད་པའི་ལེའུ་སྟེ་བཅུ་གཉིས་པའོ།། །།དེ་ནས་རྫས་ཀྱིས་བསད་པ་ནི། །གསང་སྔགས་དམ་པ་འདི་བཟླས་ན། །རྫས་ཀྱིས་བསད་པ་གདོན་མི་ཟའོ། །ཨོ་བཛྲ་ཀི་ལི་ཀི་ལ་ཡ། ཀྲོདྷ་ཀྲོདྷ་ཙིསྟ་རྦད། ཐུམས་ལྭ་ར་ཡ། དེ་སྐད་བཟླས་ལ་རྫས་ཀྱིས་བསད། །རྫས་ཀྱིས་བསད་པ་གང་དང་གང་། །སྙིང་ཆེན་ཤ་ཆེན་ཁྲག་ཆེན་དང་། །ཚིལ་ཆེན་ཞུན་ཆེན་ཀླད་ཆེན་དང་། །དྲི་ཆེན་དུག་ཆེན་ཆང་གིས་བསྲིང་། །ཐོད་ཆེན་ནང་དུ་བླུག་ས་ལ། །ཕག་པའི་ཚུལ་བུས་ཐོད་ཆེན་བྱུག །དུག་ཆུས་བསྐུས་ལ་གཟས་པ་ཡི། ཁྱི་ལ་བྱིན་ལ་འདྲད་དུ་གཞུག །དེ་ལྟར་བྱས་ན་གཟས་པ་འཆི། །དེས་ཀྱང་ཚུགས་པར་མ་གྱུར་ན། །གཟས་པའི་ཁྱི་མགོ་དེ་བཅད་ལ། ཁམ་ཚུལ་ཁྲག་ཆེན་དུག་གིས་བྱུག ཁ་རུ་གཟས་པའི་ལིང་ག་གཞུག །གཟས་པའི་མུ་མའི་དཀྱིལ་དུ་སྦ། །དེ་ལྟ་བྱས་ན་ཐེ་ཚོམ་མེད། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། རྫས་ཀྱིས་བསད་པའི་ལེའུ་སྟེ་བཅུ་གསུམ་པའོ།། །།དེ་ནས་གསང་སྔགས་བྱ་བ། །བསྙེན་པ་དང་ནི་ཉེ་བསྙེན་དང་། །བསྒྲུབ་པ་དང་ནི་བསྒྲུབ་ཆེན་པོ། །དུས་སུ་སྔགས་ནི་བཟླས་བྱ་བ། །བསྙེན་པ་ལ་ནི་བཟླ་བའི་སྔགས། །ཨོ་བཛྲ་ཀི་ལི་ཀི་ལི་ཡ། ཏིབ་ཏ་ཙཀྲ། ཀྲོ་དྷ་ཀྲོ་དྷི་ཧ་ཧི་ཕཊ་སྨྱོ། ས་མ་ཡ་ཛ། ཉེ་བསྙེན་དུས་སུ་བཟླས་པའི་སྔགས། །ཨོ་བཛྲ་ཀི་ལི་ཀི་ལ་ཡ། སརྦ་བིག་ནན་བ༷་ཧུ༷་ཕཊ། ཏིབ་ཏ་ཙཀྲ། ཧ་ན་ཧ་ན། ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷ་ཧ་ཧི་ཕཊ་སྨྱོ། །ཆེ་གེ་མོ་ག་ཛ་ཧུལུ། ཧནཏིསྒ དཧསྦྱིནྟྲ། པཙབིནདྷ། ཕོཊ་ཧུ༷་ཕཊ། ཆེ་གེ་མོ་མུ་ར་ཡ། དུར་རུ་ཀན། ཕྱི་ར་ཤ་ཡ་ཧོ། མ་ར་ཡ་དུ་ཧུ། སྨ་ཤ་ནི་མ་ར་ཡ། མ་ཁ་ནི་མ་ཆུ་མ། ཧབ་མ་ཧུབ་མ། མ་ར་ཡ་ནཐུ༷ཐུ༷་དྲི་དྲི་སྨྱོ། སྒྲུབ་པའི་དུས་སུ་རྦད་སྔགས་བཟླས། །ཨོ༷་བཛྲ་ཀི་ལི་ཀི་ལ་ཡ། ཨོ་ཀི་ལི་ཀི་ལ་ཡ། ཀྲ་་དྷ་ཀྲོ་དྷི་ཧ་ཧེ་ཕཊ་སྨྱོ། དྲི་ཏྲི་རྦ་ན་ཡ་རྦ་ན་ཡ། ཙིསྟ་ཆུ༷་མུར་ཡ་ཕཊ། དྲི་ཏྲི་ཧ་ས་ཡ་ར་ན་ཡ། ཧད་ན་དེ་བ། པྲ་བེ་ཤ་ཡ་ཧུ༷་ཕཊ། ཨ་བེ་ཤ་ཡ་ཧུ༷་ཕཊ། ཨ་བེ་ཤ་ཡ་ཧུ༷་ཕཊ། ཤི་ཀྲིན་ཨ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧྭ༷་ཕཊ། བིད་དྷ་ཡ་བིད་དྷ་ཡ་ཧུ༷་ཕཊ། མྱ་ར་ཡ་ཕཊ། སྒྲུབ་ཆེན་དུས་སུ་གསང་སྔགས་བཟླས། །ཨོ་བཛྲ་ཀི་ལི་ཀྱི་ལ་ཡ། དྲི་ཏྲི་ཀྲོ་དྷ་ཀྲོ་དྷི། ཙིསྟ་རྦད་ཐུམས་མུ་ར་ལ། སུབས་ཙིརྟི་རྦད། མྱོགས་ཐུམས་བཱ་ར་ཡ་ཕཊ། དྲིནི་ ་ཨོ་སུ་ཏྲི་བ་ཡ་བཱ་བཱ། རྭ་ཛ་ཀ་ཡོ་གི་ཤྭ་རི། ས་མ་མ་ཙིསྟ་ཧུ༷་ཕཊ། མེ་རེ་ཀུན་ད་ལི། ཐུམས་ཐུམས་རྦད། ཁྲག་ཏི་དམར་རྦད། ཕཊ་རྦད། མ་ར་ཡ་ཕཊ་སྨྱོ། རྡོ་རྗེ་ཕུར་པ་གདབ་པའི་སྔགས། །ཨོ་བཛྲ་ཀི་ལི་ཀི་ལ་ཡ། ཏིབ་ཏ་ཙག་ཙིཀྲ་ཀྲ་རྦ་ན་བིག་ཏྲི་བཱ་ར་ཡ་ཕཊ། ཉུངས་ཀར་རྒྱལ་པོའི་ཐུན་བརྡེག་ན། །ཨོ༷་བཛྲ་ཀི་ལི་ཀི་ལ་ཡ། དྲི་ཏྲི། བཛྲ་བེ་ཏ་ལ། ཙིསྟ་ལ་རྦད་ན་ཏྲག་མུ་ར་ཡ་ཕཊ། གུ་གུལ་སྦྱར་བའི་ཐུན་བརྡེག་ན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི། བཛྲ་མ་གུ་ཏ་ལ། པྲ་ཏ་ལ་ཙིརྟི་ཙ་ན་སུབས་ཙིསྟ་མྱ་ར་ཡ་ཕཊདུག་ཐུན་སྣ་ཚོགས་བརྡེག་འགྱུར་ན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི་བཛྲ་མུགས་ཙིསྟ་ཙན། མུ་ར་ཡ་ཕཊ། ཁྲག་ཆེན་ལ་སོགས་ཐུན་བརྡེག་ན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི། བཛྲ་མྱ་ཧྭ་རག་ཏ། རག་མོ་སྙིང་ཟ་པ་ལ་ཙིཉི་ལ་རྦད་ན་ནཱ་ར་ཡ་ཕཊ། རྡོ་ཐུན་ཟངས་ཕྱེ་མ་ཡི་ཐུན། །ཨོ་བཛྲ་ཀི་ལི་ཀི་ལ་ཡ། དྲི་ཏྲི། འུར་བ་འུར་ཙིརྟི་རྦ་ན་མ་ར་ཡ་ཕཊ །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། མན་ངག་སྔགས་ཀྱི་ལེའུ་སྟེ་བཅུ་བཞི་པའོ།། །།རྟོགས་པ་འཇིགས་བྱེད་ཆེན་པོ་ཡིས། །དབབ་པའི་ལས་ནི་བསྟན་དུ་གསོལ། ཁྲག་འཐུང་བཛྲ་ཧེ་རུ་ཀས། །དབབ་པའི་ལས་ནི་གསུམ་ཡོད་དེ། །སྔགས་དང་རྟ་མ་བཙན་ཐབས་གསུམ། །དབབ་པའི་ཐབས་ནི་གསུམ་ཡིན་ནོ། །ངང་ལ་སྔགས་ཀྱི་དབབ་པ་བསྟན། །བསྙེན་པའི་དུས་སུ་བོད་བསྙེན་བཟླས། །སྔགས། ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷ་ཧ་ཧེ་ཕཊ་སྨྱོ། རྙོ་བཛྲ་ཀི་ལི་ཀྲོདྷ་ཐིབས་སུ་རུ་ས་མ་ཡ་ཛ། བསྒྲུབ་བའི་དུས་སུ་རྦད་སྔགས་བཟླས། །ཨོ་བཛྲ་ཀི་ལི་ཀི་ལ་ཡ། ས་མ་ཡ་ཏྲག་ཆུམ་ཆུམ་ཧྲིལ་ཏ་ཀ་ཡ་ས་མ་ཡ་སྨྱོ། ཐ་མ་ལས་ཀྱི་སྦྱོར་ཀ་ལ། །ཐུན་བརྡེག་དབབ་པའི་ལས་ཀྱིས་བྱ། །ཨོ༷་བཛྲ་ཀི་ལི་ཀི་ལ་ཡ། ཐུན་ཐུན་ས་མ་ཡ་ཏྲག་རག་ཤར་ཤར། ཏྲག་ཐུམས་རྩེ་ཤར། ཐུམས་རྩེ་ཁྲད་མ་མ་ལོ་སེར་ཤར་ཤར། པ་མ་མ་ཡ་སྨྱོ་ཕོབ་ཕོབ་ཡ། དེ་ལྟར་ཐུན་ནི་དབབ་སྔགས་ཀྱིས། །རྒྱབ་ལ་སེར་བ་དབབ་པར་བྱའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། མན་ངག་སྔགས་ཀྱིས་དབབ་པའི་ལེའུ་སྟེ་བཅོ་ལྔ་པའོ།། །།དེ་ནས་ཕེབས་པར་མ་གྱུར་ན། །གཟེར་གསུམ་བཏབ་ལ་རྟ་མས་དབབ། །གནམ་གཟེར་ས་གཟེར་བར་གཟེར་གསུམ། །དག་ལ་གནན་གཟེར་སྟེན། ཁྱབ་འཇུག་རྒྱུ་བ་གནམ་གཟེར་ཡིན། །རྟ་མ་འཛུད་པ་ས་གཟེར་ཡིན། །ཐུན་ཟོར་བརྡེག་པ་བར་གཟེར་ཡིན། །གཟེར་གསུམ་ཆུད་ན་གདོན་མི་ཟ། །འཐེབ་་༑ལ་མེད་པར་ཐེབ་པར་འགྱུར། །གནམ་གཟེར་ཐེབས་བཟློག་བཟའ་རྩིས་ཤེས། །བར་གཟེར་རྒྱུ་བའི་ཕྱི་ནས་བརྡེག །གདོང་ཚུགས་རྒྱོབ་ན་ཕུང་བར་འགྱུར། །ས་གཟེར་རྟ་མ་འཛུད་པ་ནི། །མུ་མའི་དཀྱིལ་དང་ལྷ་ཐོའི་འོག །གཉན་ས་གང་ཆེར་གཞུག་པར་བྱ། །དམ་བདར་དཔང་གཟུགས་དབང་སྔགས་བཟླས། །བསྟན་པ་གཉིས་པོ་བསྲུང་པའི་ཕྱིར། །རྟ་ཐོག་གསེར་བ་སྒོང་ལྟར་ཕོབ། །ས་མ་ཡ་ཞེས་ངུ་ཞིང་འབོད། །ཐོད་པ་ནག་པོ་མཚན་ངན་དུ། །ཉུངས་ཀར་ཐལ་ཆེན་དུག་དང་བསྲེས། །ཐེབས་པའི་དུས་སུ་ཐུན་ཟོར་བརྡེག །སྔགས་ནི་གོང་གི་དབབ་སྔགས་བཟླས། །གཞུང་བཞིན་བསྒྲུབ་པ་བྱས་ནས་ནི། །རྟགས་བསྣམས་སངས་རྒྱས་བསྟན་པ་འདི་ཡིས་བསྲུང་། །ཟོར་ལམ་དབྱེ་ལས་གཞུང་བཞིན་བྱ། །བྱས་ནས་ཟོར་ནི་རྟ་ཕོག་འཕང་། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། མན་ངག་རྟ་ཟོར་རྦུད་དེ་དབབ་པའི་ལེའུ་སྟེ་བཅུ་དྲུག་པའོ།། །།དེ་ནས་བཙན་ཐབས་དབབ་པ་ནི། །རི་གསུམ་རྩེ་འམ་གཉན་སའི་རྨིགས། །ལུང་སྟོང་བྲག་ཕུག་འདྲེ་ཅན་ནམ། །མཆོད་ཁང་ལྷ་རྟེན་ཡོད་པའི་སར། །ཕྱི་ནལ་ཞིང་ལྤགས་ཕྱིང་དཀར་གོན། །གདོང་བ་ཁྲག་ཆེན་དག་གིས་བྱུག །ཐལ་ཆེན་གཡང་བྱུག་པོལ་ཁུ་གཡོན། །སྤྱི་བླུགས་ཞྭ་གོན་གཅེར་བུ་སྲ །ཐུད་ཆེན་ཕུག་པ་རྐང་ཆེན་སྒེད། །བྱས་ལ་སྔོ་སྐམ་དུག་ཤིང་གིས། །མེ་གཏང་དཀར་ཐབ་དམར་ཐབ་སྦྱར། །ར་ཁྱི་རྟ་ཡི་འོ་མ་ཡིས། །དཀར་ཐབ་གཡས་སུ་སྦྱར་བར་བྱ། ཁྲག་ཆེན་ར་ཁྱི་རྟ་ཡི་ཁྲག །ཡུགས་སའི་མངལ་ཁྲག་གཡོན་ཐབ་སྦྱར། །མོན་པའི་ལག་པ་གཡས་པ་དང་། སྣེལ་དྲི་མོ་ཡི་ལག་གཡོན་གྱིས། །དཀར་དམར་ཐོར་ཞིང་དགྲ་ཕྱོགས་རྒྱུག །འོ་འདོད་འབོད་ཅིང་ཆོ་ངེས་འདེབས། །རྐང་གི་གླིང་བུ་བུད་པར་བྱོད་ཆེན་རྔ་ཡང་བརྡུང་བར་བྱ། །མེ་རེག་མ་ཡི་ཞབས་མས་བརྡག །དབབ་སྔགས་བཟླས་ཤིང་ཉུངས་ཀར་གཏོར། ཁྲག་ཆེན་ཐལ་ཐལ་ལ་གཏོར། །དེ་ནས་ཟོར་ཐུན་ལས་ཀྱང་བྱ། །མ་དུད་རྨེ་དུད་འབོད་དུད་དང་། །ཚིལ་ཆེན་གུ་གུལ་ནག་པོ་ཡི། །དུད་པ་གཏང་ལ་ཡུལ་ལྷ་བསྐྲོག །མ་དག་མ་ཕྱོགས་བཞིར་གཏོར་བར་བྱ། །གཉན་ས་ལྷ་རྟེན་ཡོད་སར་གཏོར། །དབབ་སྔགས་འདི་ཡང་བཟླས་པར་བྱ། །ཨོ་བཛྲ་ཀི་ལི་ཀི་ལ་ཡ། ཐུན་ཐུན་ས་མ་ཡ། སྒག་རག་ཤ་ཤར་ཏྲག་ཞུཁོ་རྩེ་ཤར། ཐུམ་ཙེ་ཁྲད་མ་ལོ་སྲེད་ཤར་ཤརསྨྱོ་སྨྱོ། ཕོབ་ཕོབ། བཙན་ཐབས་དབབ་པའི་མན་ངག་གོ །མན་ངང་ཡིན་ཏེ་ཐེ་ཚོམ་མེད། །སྨྱོན་པའི་བརྟུལ་ཞུགས་བྱས་ཏེ་བསྒྲུབ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། བཙན་ཐབས་ཀྱིས་དབབ་པའི་ལེའུ་སྟེ་བཅུ་བདུན་པའོ།། །།དེ་ནས་དཔའ་བོ་འཇིགས་བྱེད་ཀྱིས། །དཀོན་མཆོག་བསྟན་པ་བསྲུང་བ་དང་། །སྐུ་དགྲ་དམ་དགྲ་སྒོས་དགྲ་དང་། །ལོག་ལྟའི་གནོད་པ་མཐའ་དག་ལ། །བརྙས་བྱེད་དགེ་ལ་བར་དུ་གཅོད། །དོན་དུ་སྦམས་པ་གསང་བ་ཡིས། །བསྟན་པར་བྱ་ཡིས་དམ་པར་ཟུང་། །གསང་བའི་ལྷག་དོན་འདི་ལས་མེད། །དམ་བཅས་དུས་སུ་ཕྱིན་པ་དང་། །དད་ལྡན་བརྩོན་འགྲུས་ཆེ་བ་དང་། །ལུང་དང་མན་ངག་ལྡན་པ་དང་། །ཡང་དག་དོན་དང་ལྡན་ལ་གནོད། །དེ་དང་མི་ལྡན་ཕྱིན་ཅི་ལོག །དུས་གསུམ་མ་ཕྱིན་ཕྱིན་ཅི་ལོག །གཡོ་སྒྱུ་ཆེ་ཞིང་དད་བརྩོན་མེད། །གཞན་དུ་ཁུངས་འབྱིན་སེར་སྣ་ཚེ། །དེ་དང་ལྡན་པའི་གང་ཟག་ལ། །གཏད་ན་རྡོ་རྗེ་དམྱལ་བར་སྐྱེ། །དེ་བས་འདི་ལ་ནན་ཏན་བྱ། །དེ་བས་ཡང་དག་ལྡན་པས་གཏད། །སྦམས་པའི་མན་ངག་དམ་པ་ནི། །ཡང་དག་དོན་དངལྡན་ལ་གཏད། །བསྟན་པ་བསྲུང་བའི་དོན་དུ་གཏོད། །དེ་བས་སྦམས་པ་བཤད་བྱ་བ། །རྫས་ཀྱིས་སྦམས་དང་གཏད་པས་སྦམས། །འཁོར་ལོས་སྦམས་པ་གསུམ་བསྟན་པའོ། །དང་པོ་རྫས་ཀྱིས་སྦམས་པ་ནི། །མཛེ་པོ་རབས་ཆད་ནག་པོའི་ཐོད། །ནང་དུ་རྫས་རྣམས་འཚོགས་པར་གསལ། །མཛེ་པོའི་ཁྲག་དང་གཟས་པའི་ཁྲག །མཛེ་པོའི་ལུད་སྣབས་གཟས་པའི་སྣབས། །མཛེ་པོའི་མགོ་སྙིང་གཟས་པའི་མགོ་སྙིང་། །མཛེ་པོའི་ཤང་གཅིག་ཟས་པའི་བཤང་། །མཛེ་པོའི་དུད་པ་གཟས་པའི་དུད། །དེ་རྣམས་ཉ་ཅིབས་དྲིལ་ནས་ནི། །ལ་ཆའི་ཨོག་ཕོར་གཞུག་པར་བྱ། །ཕག་པའི་སྙིང་དང་རྟོལ་པོའི་སྙིང་། །སྲེ་མའི་སྙིང་དང་སྦལ་པའི་སྙིང་། །སྡིག་པའི་སྙིང་དང་རྨིགས་པའི་སྙིང་། །ཉ་ཡི་སྙིང་དང་སྦྲུལ་གྱི་སྙིང་། །བྱི་བའི་སྙིང་དང་དོན་གྱི་སྙིང་། །གཟས་པའི་ཕ་མེས་ཐོད་ནང་དུ། །བཅུག་ལ་ཐལ་ནུའི་དུག་ཆུས་བསྐུ། །བོང་བུའི་སྙིང་ལྤགས་ཀྱིས་དྲིལ་ལ། །དེ་རྣམས་ཐོད་པ་རངས་པ་ནི། །རོངས་པས་སྦལ་པ་སྦྲུལ་དང་སྡིག །དེ་གསུམ་ཁྲག་གིས་བྱུགས་ལ་ནི། །ན་རའི་ལག་པས་བགྱིགས་ལ་བཞག །གོང་མའི་དེ་ཚོ་རངས་པ་ལ། ཁྲག་ཆེན་ཐལ་ཆེན་སོལ་ཆེན་གྱིས། །བྱུགས་ལ་སྔོ་ཀྱི་བ་མོ་ཁར། །བྱས་ལ་གཟས་པའི་ལྷ་རྟེན་གྱི། །འོག་ཏུ་བཅུག་ན་ཐེ་ཚོམ་མེད། །ནད་ངན་ལོ་དུས་འོང་བར་ངེས། །ངན་སྔགས་འདི་ནི་རྒྱུན་བཟླས་ལ། །གཟས་པའི་ལྷ་རྟེན་ཁང་པ་ལ། །རྟག་ཏུ་བརྒྱབ་ན་ཕུང་བར་འགྱུར། །ཨོ༷་བཛྲ་ཀི་ལི་ཀི་ལ་ཡ། ཆེ་གེ་མོ་ཟི་ཙི་ཟི་ཙི། ཙི་ཙི་ཁྲད། །ཙི་རི་ནག །ནཱ་ག་ཟ་ཙ། ཙ་སྒྲུ༷་ཚུ། བྲི་ཏ་བྲི་ཏ། འབྲུལ་ཏ་ཙིར། ཙིར་ས་ཏ། ཞེས་པས་གཟས་པ་ཕུང་བར་འགྱུར། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། རྫས་ཀྱིས་སྦམས་པའི་མན་ངག་གི་ལེའུ་སྟེ་བཅོ་བརྒྱད་པའོ།། །།དེ་ནས་གཏད་པའི་སྦམ་བསྟན་པ། །མཛེ་ཕོ་རབས་ཆད་ནག་པོའི་ཐོད་ནང་དུ། །གཟས་པའི་མིང་ཡང་ཡུགས་ས་མོ། །མངལ་ཁྲག་གིས་བྲིས་ཐོད་པར་གཞུག །གཡས་སུ་རྩ་སྔགས་མངལ་ཁྲག་བྲི། །གཡོན་དུ་ལས་སྔགས་བྲི་བར་བྱ། །དཔྲལ་བར་སྦལ་གཟུགས་ལས་སྔགས་བསྐོར། །ལྟེ་བར་སྡིག་གཟུགས་ལས་སྔགས་བསྐོར། །རྒྱབ་ཏུ་སྡོམ་གཟུགས་ལས་སྔགས་བསྐོར། །གཡས་སུ་རྩ་སྔགས་གཡོན་དུ་ལས་སྔགས་སོ། །དཔྲལ་བར་མིང་ལ་སྙིང་ཁར་རུས། །འདོམས་སུ་མ་ར་ཡ་བྲི། །རྩ་སྔགས་ལས་སྔགས་སྦམས་པ་འདི། །མ་ནོར་བཟླས་ན་གཏད་ཀྲམ་བྱ། །ཨོ་བཛྲ་ཀི་ལི་ཀི་ལ་ཡ། ཀྲོ་དྷ་ཀྲོ་དྷི་ཧ་ཧེ་ཕཊ་སྨྱོ། མྱ་ར་ཡ་ཕཊ། ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ཟིང་ཙི་ཟིང་ཙི། ཙི་ཙི་ཁྲད། ཙི་ཙི་ནག །ནཱ་ག་ཟ་ཚ། ཙི་སྲུ༷། ཆུམ་ཆུམ། བྲ༷་ཏ་བྲ༷་ཏ།འབུར་ཏ་ཙིར་ཙིར། གསང་སྔགས་བཟླས་ནས་གཏད་པའི་གནས། །ཆུ་མིག་ནག་པོ་ནུབ་ཏུ་བལྟ། །ཀླུ་ནག་ཡོད་པར་རྟག་པར་བྱ། །ས་བདག་གཉན་ནི་གར་ཆེ་སར། །སྦྲུལ་ལྤགས་མིང་བྱང་དྲིལ་ལ་གཞུག །དཔྲལ་བ་སྙིང་ཁ་སྐོག་མ་རུ། །སྦྲུལ་གཟུགས་རེ་ཡང་བྲིས་ལ་གཞུག །གོང་ལ་སྦལ་པའི་པགས་པས་དྲིལ། །དཔྲལ་བ་ལྐོག་མ་སྙིང་ཁ་རུ། །སྦལ་གཟུགས་རེ་ཡང་བྲིས་ལ་བཞག །སྦལ་པ་དཀར་ནག་གཉིས་བར། །མིང་བྱང་བཅུག་ལ་ཁྲོ་བོས་མནན། །སྟེང་ནས་ཁྲོ་བོ་འོག་ཏུ་སེར། །དམར་པོས་བཀང་ནས་ཐེན་དུ་གཞུག །སྦྲུལ་ཀྱང་དེ་ལྟར་ཤེས་པར་བྱ། །དབང་གཟུགས་དམ་བདར་བྱས་ལ་གཏད། །ལས་སྔགས་གོང་མ་བརྒྱ་རྩ་བརྒྱད། །རྟགས་བྱུང་གྲུབ་པའི་རྟིང་ལ་བཟླས། །ལས་སྔགས་བཟླས་སྔགས་གདོན་མི་ཟ། །སྦམ་པའི་ལས་ལ་འཐེབ་ཤོམ་མེད། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། གཏད་པའི་སྦམ་པའི་ལེའུ་སྟེ་བཅུ་དགུ་པའོ།། །།དེ་ནས་འཁོར་ལོས་སྦམ་པ་སྟོན། །ལས་ཀྱི་འཁོར་ལོ་བཅའ་བ་དང་། །གནན་པའི་འཁོར་ལོ་བཅའ་བ་དང་། །གཏད་པའི་འཁོར་ལོ་བཅའ་བ་དང་། །གཟིར་བའི་འཁོར་ལོ་བཅའ་བ་དང་། །སྦམ་པའི་འཁོར་ལོ་བཅའ་བ་དང་། །གནན་པའི་འཁོར་ལོ་བཅའ་ཐབས་བསྟན། །ཕྱི་མའི་འཁོར་ལོ་རྩིབས་བརྒྱད་པའི། །ནང་དུ་སྦམས་པའི་གཟུགས་བྲིས་ལ། །ལག་པ་གཡས་སུ་སྦྲུལ་ནག་ཞགས་པ་བསྐུར། །གཡོན་དུ་གཟས་པའི་ལིང་ག་བསྐུར། །སྙིང་ཁར་གྲུ་གསུམ་བྲི་བར་བྱ། །གྲུ་གསུམ་ཁྲག་ཆེན་བྱུག་ལ་བཞག །སྐེ་ཡང་སྦྲུལ་གྱིས་དཀྲིས་ལ་བཞག །གཟས་པི་ཁ་བྲུམ་གནན་ལ་བཞག །སྔགས་ནི་གོང་གི་ལས་སྔགས་ཀྱིས། །མགོ་མནོན་གནན་པའི་ལས་ཀྱིས་བྱ། །ཨོ་བཛྲ་ཀི་ལི་ཀི་ལ་ཡ། ཆེ་གེ་མོ་ག་ཏྲི་ནན། ནི་ཏྲི་ནན། དྲན་པ་མྱོགས་ཏྲི་ནན། ཙག་ཏྲི་ནན། གསེར་ཏྲི་ནན་ནས་པ་ཏི་ནན། ཁ༷་ཏ་ནན། ཙིཉི་ནན། གུ་ཡ་གསང་ཏ་ནན། ཆེ་གེ་མོ་ཟིང་རྩི་ཟིང་རྩི། ཙི་ཙི་ཁྲིད། ཙི་ཙི་ནག །ན་ག་ཟ་ཙ། ཙི་འབྲུ༷་ཆུ༷་ཆུ༷། བྲ༷་ཏ་བྲ༷་ཏ། འབུར་ཏ་ཙིར་ཙིར་གྲྭཧྭ། དེ་སྐད་མང་དུ་བཟླས་ནས་ནི། །ལས་མང་གྲུབ་པའི་བར་དུ་ནི། །མ་ཏང་ཞེས་པར་ལས་གཉེར་གཏད། །གཏད་པའི་འཁོར་ལོ་བཅའ་བ་ནི། །འཁོར་ལོ་པདྨ་འདབ་བརྒྱད་བྲི། །དབུས་སུ་སྦལ་པ་དམར་པོ་བྲི། །ལག་གཡོན་ལིང་ག་གཡས་སུ་ནི། །སྦྲུལ་ནི་དམར་ཁྲའི་ཞགས་པ་བསྐུར། །སྙིང་ཁར་གྲུ་གསུམ་དམར་ནག་བྱུག །རྐེད་དང་ཡན་ལག་ནག་བི་དམར། །དཀྲིས་ལ་དམར་ནག་ཆུ་མིག་ནན། །སྔགས་ནི་གོང་དང་མཐུན་པར་བྱ། །ལས་གཉེར་ཚུལ་བཞིན་གཏད་ལ་བཞག །གཟེར་བའི་འཁོར་ལོ་བཅའ་བ་ནི། །འཁོར་ལོ་བཅས་ལ་རིན་ཆེན་ཟུར་བརྒྱད་བྲི། །དབུས་སུ་སྦལ་པ་སེར་པོ་བྲི། །སྙིང་ཁར་གྲུ་གསུམ་སེར་ནག་བྲི། །གཡོན་དུ་ལིང་ཁ་གཡས་སུ་སྦྲུལ། །གསེར་ཁྲའི་ཞགས་པས་རྐང་ལག་བསྐོར། །བཀྲི་ལ་ལྷོ་ཕྱོགས་ས་སེར་གྱི། །ཆུ་མིག་གནན་ལ་གོང་སྔགས་བཟླས། །ལས་གཉེར་དཔང་གཟུགས་ཚུལ་བཞིན་བྱ། །སྦམ་པའི་འཁོར་ལོ་བཅའ་བ་ནི། །གྲུ་གསུམ་བཅུ་གཅིག་འཁོར་ལོ་ཡི། །དབུས་སུ་སྦལ་ནག་བྲི་བར་བྱ། །སྙིང་ཁར་གྲུ་གསུམ་ལྗང་ནག་བྲི་བར་བྱ། །གཡོན་དུ་ལིང་ག་གཡས་སུ་སྦྲུལ། །ན་བཀྲའི་ཞགས་པས་རྐང་གཉིས་བཅིང་། །ནུབ་ཕྱོགས་རི་ནག་ཆུ་མིག་གམ། ཁྲར་ནས་ནུབ་ལྟར་ཆུ་མིག་ཏུ། །ལྐུག་པ་ནག་པོ་ཡོད་པའི་སར། །གནན་ལ་གོང་མའི་སྔགས་བཟླས་ལ། །ལས་གཉེར་དཔང་གཟུགས་གོང་དང་མཐུན། །གཞུག་ལ་སྦམ་སྔགས་དམ་པ་འདི། །བཟླས་པ་ལ་སྦམ་པའི་ལས་བྱའོ། །ཙི་ཙི་ཙིར་ཙིར་ཡ་ཁྲད། བྲུ་ཁྲད་ཡ་ལོ་ཙི། ཙིར་ཡ་བྲ༷། ཙིར་ཐུག་ཐུག །ཙ་ལ་ཡ་ཡ། རྩ་སྔགས་གཡས་ལ་ལས་སྔགས་གཡོན། །མགོ་གནོན་གནན་སྔགས་བྲིས་ལ་བཞག །བསྐང་ནས་སྦམ་སྔགས་བྲི་བར་བྱ། །དེ་ལྟར་འཁོར་ལོ་རིམ་བཅས་ནས། །སྦམ་པའི་ལས་ལ་གདོན་མི་ཟ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། འཁོར་ལོ་སྦམ་པའི་ལེའུ་སྟེ་ཉི་ཤུ་པའོ།། །།དེ་ནས་སྤྱིན་སྲེག་གཏད་པ་བཤད། །དཀྱིལ་འཁོར་ཆེན་པོའི་ཤར་ལྷོ་སྲ །དལ་ནི་གྲུ་གསུམ་ཁྲུ་ཁང་ཚད་དུ་བྱ། །གྲུ་གསུམ་སུམ་བརྩེགས་ཁ་ཁྱེར་ལ། །ཟ་བྱེད་ཞལ་དང་མདའ་གཞུར་བཅས། །མཚོན་ཆ་ལྔ་ཡིས་ཁྲོས་མས་བསྐོར། །ཐབ་ཁུང་དཀྱིལ་འཁོར་བཅའ་བའོ། །དུག་ཤིང་ཚེར་ཅན་སྲེགས་ཤིང་ལ། །མི་ཚིལ་དུག་ཆུས་བྱུགས་ལ་བརྩིག །ཡ༷་ཤིང་ནག་པོ་མེ་འབར་ལ། །བསྲེག་རྫས་ནག་པོ་འཚོགས་ཚད་ཀྱིས། །མཆོད་པ་དབུལ་ཞིང་མ་ར་ཡས། །སྣ་དྲངས་སྔགས་ཀྱིས་དབུལ་བར་བྱའོ། །མེ་རེག་ཁྱིམ་ནས་མེ་བླངས་ལ། །བསྲེག་རྫས་ནག་པོ་སྣ་ཚོགས་དབུལ། །རབས་ཆད་ནག་པོའི་ལག་པ་གཡས་གཡོན་གྱིས། །དགང་གཟར་བྱས་ལ་དབུལ། །བསྟབ་གཟིར་ལིང་ཁ་ལ་སོགས་པའི། །ཐུན་ལྷག་གཏོར་ལྷག་བསྲེག་པར་བྱ། །ཚེ་དང་ལྷག་མ་བསྟན་མ་ཡང་། །གཞུང་བཞིན་བྱས་ན་ནུས་མཐུ་ཆེ། །དེ་ནས་གནན་དུར་གཏད་པ་ནི། །སྡུད་པ་པོ་ལ་གཏད་པ་དང་། །བུད་མེད་སྣ་ཚོགས་ལ་གཏད་པའོ། །སྡུད་པ་ཁྲག་འཐུང་ཧེ་རུ་ལ། །རྟོག་པ་སྤང་པོ་རྡོ་རྗེ་ཡིས། །གདམ་ནས་ཟུང་ལ་སྤྱོས་ཞིག་པར། གཏད་ནས་ཕྱི་རབས་རྣལ་འབྱོར་པའི། །བསྟན་པ་སྲུང་བར་གཏད་པའོ། །དེ་ནི་སྡུད་པ་པོ་ལ་གཏད་པའོ། །བུད་མེད་ཚོགས་ལ་གཏད་པ་ནི། །སྲུང་མའི་ཚོགས་ལ་གཏད་པའོ། །རྒྱུད་འདི་བར་ཆོད་བྱེད་པ་དང་། །ཐོ་ཆོ་རས་ཆོད་བྱེད་པ་དང་། །གཡོ་རྒྱུ་གཟོ་ལུང་བྱེད་པ་དང་། །བཀའ་རྐུ་བསླུད་མ་བྱེད་པ་དང་། །ཙིརྟི་ཁོས་ལ་སྲོག་རྩ་ཆོད། །གཟུངས་ལ་སྲུངས་ཤིག་གཏད་པའོ། །རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་ལས། སྤྱིན་སྲེག་དང་གཏད་པའི་ལེའུ་སྟེ་ཉི་ཤུ་རྩ་གཅིག་པའོ།། །།རྡོ་རྗེ་ཕུར་པ་ནག་པོ་མདུང་རྩེ་གསུམ་པའི་རྒྱུད་བསྟན་པ་བསྲུང་བའི་ལས་བསྟན་པ་རྫོགས་སོ།། །། རྒྱ་གར་སྐད་དུ། བཛྲ་ཀི་ལི་ཀི་ལ་ཡ། པ་ཏི་ཏ་མ་ཧྭ་རྭ་ཛ་པྲ་ཧ་ཏནྟྲ། བོད་སྐད་དུ། རྡོ་རྗེ་ཕུར་པ་ཤན་པ་སྤུ་གྲིའི་རྒྱུད་ཀྱི་རྒྱལ་པོ་ཆེན་པོ། བཅོམ་ལྡན་འདས་དཔལ་རྡོ་རྗེ་གཞོན་ནུ་མཁའ་འགྲོ་ཤན་པ་སྐྲུ་གྲིའི་རྒྱུད་སྟོན་པར་བྱེད་པ་ལ་ཕྱག་འཚལ་ལོ། །དཔལ་ཀུན་ཏུ་བཟང་པོས་དོན་གྱི་ཆོས་ཀྱི་སྐུ་ལས་ལོངས་སྤྱོད་རྫོགས་པའི་སྐུར་སྤྲུལ།ལོངས་སྤྱོད་རྫོགས་པའི་སྐུ་ལས་སྤྲུལ་པའི་སྐུར་སྤྲུལ། །སྤྲུལ་པའི་སྐུ་གྲངས་མེད་པར་བྱུང་ནས། འཇིག་རྟེན་ཁམས་གསུམ་མངའ་མཛད་རིམ་པར་བྱུང་ནས། བསྟན་པ་བསྲུང་བའི་བར་དུ་ཡང་དག་པའི་རྡོ་རྗེ་ལས་འདུལ་བའི་རྡོ་རྗེ་འབྱུང་། །མཚོན་པའི་རྡོ་རྗེ། རྟགས་ཀྱི་རྡོ་རྗེ། དོན་གྱི་རྡོ་རྗེ། གཞི་པའི་རྡོ་རྗེ་བཞིའོ། །གཞིའི་རྡོ་རྗེ་ནི། ཆོས་ཀྱི་སྐུའི་རྡོ་རྗེ། རྟགས་ཀྱི་རྡོ་རྗེ་ནི། ལོངས་སྤྱོད་རྫོགས་པའི་རྡོ་རྗེའོ། །མཚོན་པའི་རྡོ་རྗེ་ནི། སྤྲུལ་པའི་རྡོ་རྗེའོ། །མཚོན་པའི་རྡོ་རྗེ་ལ་ཡང་གཉིས་ཏེ། རྡོ་རྗེ་རྩེ་དགུ་པ་དང་། རྩེ་ལྔ་པ་གཉིས་སོ། །དེ་ནི་མཚོན་པའི་རྡོ་རྗེའོ། །གཞིའི་རྡོ་རྗེ་ལ་ནི་བཞི་སྟེ། གཞིའི་གནས་པའི་རྡོ་རྗེ་དང་། རིག་པའི་རྡོ་རྗེ་དང་། རྟོགས་པའི་རྡོ་རྗེ་དང་། རང་གྲོལ་དུ་མ་འགགས་པའི་རྡོ་རྗེ་དང་ངོ་། །ད་ནི་རྡོ་རྗེ་ལས་ཡང་དག་པ་ཆོས་ཉིད་ཀྱི་རྡོ་རྗེ་ལས། ཅིས་ཀྱང་མི་ཤིགས་པ། གང་གིས་ཀྱང་མི་བསྐྱོད། གང་ལ་ཡང་རག་མ་ལུས། རྡོ་རྗེའི་མཚན་ཉིད་རང་དུ་ཡང་མ་གྲུབ། རྡོ་རྗེ་སྟོང་པར་ཡང་མ་གྲུབ། མི་སྟོང་པར་ཡང་མ་གྲུབ་སྟེ། རྟགས་ཀྱི་རྡོ་རྗེ་དེས་ཤུལ་མཚོན་ནས་དོན་གྱི་རྡོ་རྗེ་སྟོན་ཏེ། ཕྱིའི་རྟགས་དེ་མ་རྟོགས་པར། ནང་གི་རྟགས་དེ་འཆར་བ་དཀའ། །ཕྱིའི་རྟགས་རྟོགས་པ་ནི། ཡུལ་སེམས་ལ་རིས་སུ་མི་འཛིན། །ང་བདག་གི་རིས་མེད། སེར་སྣའི་རྒྱུན་ཆོད། ལུས་སེམས་ལ་ཉམ་ང་མེད། འགྲོ་བ་རིགས་དྲུག་གི་རྗེས་སུ་མི་འབྲེང་། འཁོར་བའི་རྒྱུ་མེད།སངས་རྒྱས་ལ་བསྒྲུབ་པ་མི་རེ། ཐོབ་བྱེད་གནས་མེད། ལམ་ལ་བགྲོད་དུ་མེད། བགྲོད་བྱ་རུ་གདགས་སུ་མེད། ས་ལམ་སྦྱང་དུ་མེད། སྦྱང་བའི་ངེས་ཚིག་མེད། དེ་ལྟ་བུའི་རྡོ་རྗེ་ལས་སྣང་སྟོང་གི་རིས་མེད་པས། ལྟ་བ་གཏིང་གསལ་ཆེན་པོ་ཡིན། །ཉམས་མྱོང་གིས་གཞག་ས་མེད་པས། བསྒོམ་པའི་དོན་ཡིན། དུག་ལྔ་དུག་གསུམ་ལ་སྤྱད་དུ་མེད་པས་སྤྱོད་པ་ཆེན་པོ་ཡིན། དེ་ལྟ་བུའི་རྡོ་རྗེ་ལས་འབྲས་བུ་ཡང་དག་པ་ཉིད་དོ། །དེ་ལྟ་བུ་མ་རྟོགས་ཏེ་རྡོ་རྗེ་ལ་རིས་སུ་བཟུང་། ལྷ་ལ་མིང་བཏགས་སོ་སོར་བཟུང་། །ང་མེད་པ་ལ་ང་རུ་བཟུང་། ཕྱོགས་མེད་པ་ལ་ཕྱོགས་སུ་བཟུང་། རིས་མེད་པ་ལ་རིས་སུ་གཟུང་། །རང་ལ་རང་གིས་མཚོན་འཛུགས་ཏེ་རང་གིས་མ་ཚོར་རོ། །རང་གིས་སྲེག་སྟེ་མ་ཚོར་རོ། །རང་གིས་རང་ལ་རྨེ་བྱེད་དེ་རང་གིས་མ་ཚོར་རོ། །ཤིང་རྟའི་འཁོར་ལོ་དང་འདྲའོ། །ཡང་དག་པའི་རྡོ་རྗེ་ནི་ཟེར་ཙམ་ཅིག་ཀྱང་མ་བྱུང་སྟེ། མ་རིག་པའི་བདག་ནི་ཁྱབ་པར་བརྡལ། འཁོར་བའི་འདམ་རྫབ་ནས་ཐོན་མི་སྲིད་དོ། །མུན་པའི་གཡུང་དྲུང་ནས་འབྱུང་མི་སྲིད་དོ། །ང་རྒྱལ་གྱི་བྲག་འཇིག་མི་སྲིད་དོ། །ཞེས་གསུངས་སོ། །ཡང་དག་པའི་རྡོ་རྗེ་དེ་ལྟར་གནས་ཀྱང་ན་འགྲིབ་བ་མི་མངའ་བའོ། །མུ་འཁོར་བའི་འདབ་རྫབ་ན་ཡོད་ཙམ་ན་ངན་པ་མེད་ལ། ཡང་དག་པའི་རྡོ་རྗེ་དེ་རྟོགས་ཙམ་ན་བཟང་མིན་ནོ། །མུན་པའི་གཡུང་དྲུང་ན་ཡོད་ཙམ་ན་ཚུབ་བ་མེད་ལ། རིག་པའི་ཡེ་ཤེས་ཤར་ཙམ་ན་གསལ་བ་མེད་དོ། །ཞེས་གསུངས་སོ། །རྡོ་རྗེ་ཕུར་པ་ཤན་པ་སྤུ་གྲིའི་རྒྱུད་ལས། གླེང་གཞི་བསྟན་པའི་ལེའུ་སྟེ་དང་པོའོ།། །།དེ་ནས་ཀུན་ཏུ་བཟང་པོ་གདུག་པ་འདུལ་བའི་ཏིང་འཛིན་ལ་སྙོམས་པར་ཞུགས་སོ། །མུ་སྟེགས་ཀྱི་ལྟ་བ་དར་བ་དང་། གཤིན་རྗེ་ཁྲམ་ཐོགས་ཀྱི་ལྟ་བ་དར་བ་དང་། བདུད་ཀྱི་ལྟ་བ་དར་བ་སྟེ། ང་རྒྱལ་གྱིས་དབང་བྱས་ཏེ། ཞེ་སྡང་མེ་ལྟར་འབར་བ་མ་ཐུལ་བ་ལ་ནི། གཤིན་རྗེ་མ་ཧྭ་དེ་བ་དེ ང་རྒྱལ་དང་ཆས་ནས་འདུག །ཆེ་བའི་ང་རྒྱལ་དང་ཆས་ནས་འདུག་སྟེ། བདེ་བར་གཤེགས་པའི་ཐུགས་རྗེས་དགོངས་ནས། ཐུགས་རྡོ་རྗེ་རིགས་ཀྱི་སྤྲུལ་པ་དཔལ་རྡོ་རྗེ་གཤོན་ནུ་རུ་སྤྲུལ་ནས། གཤིན་རྗེའི་རྒྱལ་པོ་དེཆམ་ལ་ཕབ་ནས། རྒྱལ་ཁམས་ཀྱི་གནོད་སྤྱིན་ཕོ་མོ་ཡང་བཏུལ་ལོ། །དེ་ཇི་ལྟར་བཏུལ་ན་ཁོལ་འཁོར་ཕྱོགས་སྐྱོང་བཅུ་བྱུང་བས་ཁྲོ་བོ་བཅུ་ཐུགས་ལས་བྱུང་ནས་བ་། ཡུམ་རྣམས་བྱུང་བས་ཁྲོ་མོ་བཅུཐུགས་ལས་ཕྱུང་ནས་བཏུལ། སྤྲུལ་པ་གྲངས་མེད་པ་བྱུང་བ་ཡང་སྤྲུལ་དང་སུམ་སྤྲུལ་དུ་བཅས་ནས་བཏུལ། འཁོར་འཇིག་རྟེན་དུ་དྲེགས་པ་ཅན་དྲུག་བྱུང་བས། ཡེ་ཤེས་ཀྱི་ལྷ་དྲུག་སྲས་སུ་བསྐྱེད་ནས་བཏུལ། །དེ་ལྟར་གནོད་སྤྱིན་ཕོ་མོ་ཐབས་ཅད་བཏུལ་ཏེ། སེམས་ཅན་ཐམས་ཅད་བདེ་བ་ལ་བཀོད་དོ། །ཆོས་བྱར་ཡོད་པའི་སྐལ་བ་དང་ལྡན་ནོ། །རྣམ་པར་འཚེ་བ་བྱ་བ་མིང་ཡང་མེད་དོ། །གལ་ཏེ་རྣལ་འབྱོར་པ་ལ་རྣམ་པར་འཚེ་བའི་ལོག་པའི་སེམས་ཅན་བྱུང་ན། དྲག་པོའི་རྒྱུད་འདི་འབྱུང་བར་བསྟན། །གསོད་ཅིང་བཅད་ལ་ཐོགས་པ་མེད། །མཁའ་ལ་འབྱོ་དང་ཆུ་ལ་འཛུལ། །གང་ལྟར་བསྒྲུབས་ཀྱང་ཐོགས་པ་མེད། །མ་རིག་ཉམས་པར་བྱེད་པ་ལ། །དྲག་པོ་འགྲུབ་པའི་ལས་བྱས་པས། །སྐྲུ་གྲི་ཀླད་ལ་བསྐོར་བ་འདྲ། །གང་ལ་བརྒྱབ་པ་ཐོགས་པ་མེད། །བསྟན་པ་བསྲུང་ཕྱིར་རྒྱུད་འདི་གསུངས། །ཞེས་བྱའོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། གཤིན་རྗེའི་འཁོར་ཚོགས་བཏུལ་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་དྲག་པོ་སྲོག་གི་སྙིང་པོ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་སོ། །དྲག་པོའི་ལྷ་ཐམས་ཅད་དང་། མཁའ་འགྲོ་སྲུངས་མ་ཐམས་ཅད་དང་། མ་མོ་མཁའ་འགྲོ་སྐྱེས་བུ་གིང་ལ་སོགས་པ་རྣམས། སྲོག་སྙིང་དྲག་སྔགས་བསྟན་དུ་གསོལ། ཞེས་གསུངས་སོ། །ད་ནི་སྔགས་ཀྱི་བསྒྱུར་ལུགས་བསྟན་ཏེ། སྔགས་ཀྱི་སྒྲས་བསྡེབས་པ་དང་གཅིག །སྔགས་ཀྱི་ཚིག་གིས་བསྡེབས་པ་དང་གཉིས། སྙིང་པོས་བསྡེབས་པ་དང་གསུམ་མོ། །དེ་ལ་སྔགས་ཀྱི་དྲག་སྔགས་ཀྱི་བསྡེབ་ལུགས་ནི། སྲོག་སྙིང་གིས་བསྡེབ་པ་ཡིན་ནོ། །དམ་ཅན་བཅུ་གཉིས་ལ་ཡང་སྲོག་བཞི་སྟེ། སྔགས་ཀྱི་མཚན་ཉིད་ཀྱིས་ཤེས་པར་བྱའོ། །དེ་ལ་སྤྱིར་སྔགས་ཀྱི་བསྡེབས་ལུགས་ནི། མགོ་ཅན་མགོ་བོ་གཅད་པ་དང་། མགོ་མེད་མགོ་བོ་གདགས་པ་དང་། འདུག་ས་གོང་འོག་བསྒྱུར་བ་དང་། སྔགས་མཐའ་ཡིས་བསྒྱུར་བ་དང་བཞིའོ། །ད་ནི་མགོ་ཅན་མགོ་བོ་བཅད་པ་ནི། དྲག་སྔགས་སུ་ཟློས་པའི་དུས་ཡིན་ཏེ། ཀི་ལི་ཀི་ལི་ཡ་ལ། ཨོ་བཅད་ན་ཀི་ལ་ཡ་ངན་སྔགས་སུ་འགྲོ་བའི་ཕྱིར་རོ། །གསོད་བྱེད་འབར་བའི་རྒྱུད་དུ་ཡང་། སྔགས་མཐའ་དག་དྲག་སྔགས་སུ་གཏོང་བས་གདབ་ན་ངན་སྔགས་སུ་བྱེད་པ་ཡིན་ཏེ། ཨོ་ཞེས་བྱ་བའི་མིང་མི་གྲག་གོ །དེ་ནི་མགོ་ཅན་མགོ་བོ་གཅོད་པའོ། །མགོ་མེད་མགོ་བོ་གདགས་པ་ནི། །རྒྱུད་བྱིན་པོ་རྣམས་སམ། དགོངས་འགྲེལ་ཀུན་ནམ། སྔགས་ཀྱི་འཕྲེང་བཀུན་ལ། ཨོ་བཛྲ་ཀི་ལི་ཀི་ལ་ཡས་མགོ་མནན་པས། མགོ་མེད་མགོ་བོ་གདགས་པའོ། །དབུ་ནོན་མཇུག་སྡུད་བྱ་བ་ནི། །ཨོ་གྱིས་མགོ་མནན། བིག་གིས་མཇུག་སྡུད་པ་ནི། དབུ་ནོན་མཇུག་སྡུད་ཅེས་གསུངས་སོ། །ད་ནི་འདུག་ས་གོང་འོག་བསྒྱུར་བ་ནི། རྩ་བའི་སྔགས་ལ་ཚིག་སྡེ་ཚན་ལོངས་པར་ཡང་གོང་འོག་ནོར་ནས་འགྲོ །ནི་ཡས་ཀྱང་ནུར་ནས་འགྲོ །དྲག་སྔགས་བྱེད་དམ་བསྒྲུ་སྔགས་བྱེད། །དེ་ཡང་གོང་འོག་བསྒྱུར་ཞིང་བྱ། །མཁའ་འགྲོའི་སྔགས་དང་སྒྲོལ་བྱེད་གིང་གི་སྔགས། །དེ་ཡང་འདུག་ས་གོང་འོག་བསྒྱུར་གྱིན་བྱ། །དེ་ལྟར་བློ་ལ་རིག་པར་གྱིས། །ཞེས་གསུངས་སོ། །སྔགས་ཀྱི་མཐའ་ཡིས་བསྒྱུར་བ་ནི། །མ་ཡིས་བསྒྱུར་མ་མོ་རུ་འགྱུར། །ཡ་ཡིས་བསྒྱུར་ན་ཕོ་རུ་འགྱུར། །ཕཊ་ཀྱིས་བསྒྱུར་ན་སྒྲོལ་བར་འགྱུར། །ནི་ཡིས་བསྒྱུར་ན་གསོད་པར་འགྱུར། །ཧུ༷་གིས་བསྒྱུར་ན་སྡུད་པར་འགྱུར། །སྨྱོ་ཡིས་བསྒྱུར་ན་ཟོར་དུ་འགྱུར། དེ་ནི་སྔགས་ཀྱི་མཐའ་བསྒྱུར་ཡིན། །ཞེས་གསུངས་སོ། །ད་རྣི་བསྲུངས་མ་བཅུ་གཉིས་ལ་སྲོག་བཞི་བཞི་ཡོད་དེ། ནག་པོ་བཞི་ལས་ཀྱང་དབང་དུ་བསྡུ་བའི་སྲོག་དང་གཅིག །དབང་བསྐུལ་བའི་སྲོག་དང་གཉིས། །བྲན་གྱིས་ཚུལ་དུ་ཁས་བླངས་པའི་སྲོག་དང་གསུམ། དམ་ཚིག་ལས་མི་འདའ་བའི་སྲོག་དང་བཞིའོ། །དེ་ལས་སྲུངས་མ་གཉིས་པོ་ཡང་དེས་འདྲེའོ། །དེ་སྲོག་རང་ལས་ཀྱང་སྔ་སྐྱོར་གྱི་སྲོག་གཉིས། ཕྱི་སྐྱོར་གྱི་སྲོག་གཉིས་ཡོད་པའོ། །ཀ་དང་ཞེས་པས་བདག་ཉིད་ཆེན་མོ་རེ་མ་ཏི། རེ་མ་ཏྲེ། ཀ་ཏེ་ཞེས་པས། རེ་མ་ཛ། རེ་མ་ཛུ་གཉིས་ཀྱི་སྲོག་གོ་ཞེས་གསུངས་སོ། །ཡང་ན་བསེ་མོ་མཆེད་བཞིའི་སྲོག་ནི་ཨ་ཙིད་ཏེ་ཞེས་པས། རྡོ་རྗེ་ཡ་བྱིན། རྡོ་རྗེ་དེ་བྱིན་གཉིས་ཀྱི་སྲོག་གོ །ཨ་པ་ར་ཙི་ཏེ་ཞེས་གསུངས་པས། རྡོ་རྗེ་བསེ་བྱིན། རྡོ་རྗེ་ཕག་བྱིན་གཉིས་ཀྱི་སྲོག་གོ །ཡང་ན་ཨ་ཨ་ར་ཙིད་ཏ་ན། བསེའི་སྐྱེས་བུ་བཞིའི་སྲོག་ཡིན་པར་ཡང་གསུངས་སོ། །ད་ནི་ཤྭ་ན་མ་མཆེད་བཞིའི་སྲོག་སྟོན་ཏེ། ཛ་ཡི་ཞེས་པས། ལྕགས་ཀྱི་སྤྱང་མོ་མགོ་དགུ་མ་དང་། ལྕགས་ཀྱི་ཁྱི་མོ་་རྐང་གསུམ་གྱི་སྲོག་གོ །བི་ཛ་ཡ་ཞེས་པས། ཟངས་ཀྱི་ཝ་མོ་རྐང་གསུམ་དང་། གསེར་གྱི་ཕར་བ་ལྕེ་བརྒྱད་ཀྱི་སྲོག་གོ །ཞེས་གསུངས་སོ། །སྲོག་དྲུག་གི་མཁའ་འགྲོ་བཅུ་གཉིས་སྲོག་ཏུ་འདུས་པ་ཅི་སྟེ། དེ་ནི་འདི་ལྟ་སྟེ།ཀ་ཞེས་བྱ་བ་ན། རེ་མ་ཏིའི་སྲོག །ཀ་ཞེས་བྱ་བ་ན། རེ་མ་ཛའི་སྲོག །ཏེ་ཞེས་བྱ་བ་ན། རེ་མ་རྡོཁྲི་སྲོག་གོ །ཨ་ཞེས་བྱ་བ་ན། རྡོ་རྗེ་ཡ་བྱིན་གྱི་སྲོག །ཙི་ཞེས་བྱ་བ་ན། རྡོ་རྗེ་དེ་བྱིན་གྱི་སྲོག །ཏེ་ཞེས་བྱ་བ་ན། བསེ་བྱིན་གྱི་སྲོག །ཨ་ཞེས་བྱ་བ་ན། རྡོ་རྗེ་ཕག་བྱིན་གྱི་སྲོག །དེ་ནི་བསེ་མོ་མཆེད་བཞིའི་སྲོག་ཏུ་གསུངས། །པ་ཞེས་བྱ་བ་ན། མོན་པ་ནག་པོའི་སྲོག །ར་ཞེས་བྱ་བ་ནི། འབྱུང་པོ་སེར་པོའི་སྲོག །ཅི་ཞེས་བྱ་བ་ན། སྐུ་མདོག་དམར་པོའི་སྲོག །ཏ་ཞེས་བྱ་བ་ན། བདུད་ཀྱི་རྒྱལ་པོའི་སྲོག །གྱད་ཆེན་པོ་བཞིའི་སྲོག་གོཤྭ་ན་མའི་སྲོག་ནི། ཛ་ཞེས་བྱ་བ་ན། ལྕགས་ཀྱི་སྤྱང་མོ་མགོ་དགུའི་སྲོག །ཡེ་ཞེས་བྱ་བ་ན། ལྕགས་ཀྱི་ཁྱི་མོ་རྐང་གསུམ་གྱི་སྲོག །བི་ཞེས་བྱ་བ་ན། ཟངས་ཀྱི་ཝ་མོ་རྐང་གསུམ་སྲོག །ཛ་ཡེ་བྱ་བ་ན། གསེར་གྱི་ཕར་བ་ལྕེ་བརྒྱད་ཀྱི་སྲོག་གོ །དེ་ལྟར་སྲུངས་མ་བཅུ་དྲུག་གི་སྲོག་སྙིང་དུ་ཡང་འགྱུར་རོ། །སྲོག་དེ་རྣམས་སློབ་དཔོན་ལ་སྔ་སྐྱོར་དུ་ཕུལ་བའོ། །སྲོག་དེ་རྣམས་དྲིལ་བས་སྲོག་གཞི་ལས་ཀྱང་། །དབང་དུ་སྡུད་པའི་སྲོག་དང་། དབང་བསྐུར་བའི་སྲོག་གཉིས་ཡིན་ནོ། །ཕྱི་སྐྱོར་དུ་ཕུལ་པའི་སྲོག་གཉིས་འདི་ལྟ་སྟེ། མ་ཏ་མ་ཉ་ཀ་ར་ཨིན་ན་མ་མ་པ་ཤི་ཀུ་སྲ ད་ཏི་མ་མ་ཀརྨ་ཞེས་ཕུལ་ལོ། །སྲོག་གཉིས་ལས་ཀྱང་། བཀའ་ཉན་པའི་སྲོག་དང་། དམ་ཚིག་བསྲུང་བའི་སྲོག་གཉིས་སོ། །བཀའ་ལས་མི་འདའ་བའི་སྲོག་ནི། ནག་མོའི་མ་ཏང་ཉ་ཞེས་གསུངས་སོ། །དམ་ཚིག་བསྲུང་བའི་སྔགས་ནི། ཀ་ར་ཨི་ནན་ཅེས་གསུངས་སོ། །བསེ་མོའི་སྲོག་སྔགས་ནི། བཀའ་ཉན་པའི་སྲོག་ནི། མ་མ་ཞེས་གསུངས་སོ། །དམ་ཚིག་ལས་མི་འདའ་བའི་སྲོག་ནི། པ་ཤི་ཀུ་རུ་ཞེས་གསུངས་སོ། །པ་ཤི་ཀུ་རུ་ནི་གྱད་ཆེན་པོ་བཞིའི་སྲོག་སྙིང་ཡང་ཡིན་པར་གསུངས་སོ། ཁྲ་ན་མའི་སྲོག་ནི། ད་ཏི་མ་མ་བྲན་གྱི་ཚུལ་དུ་ཁས་བླངས་པའི་སྲོག་གོ །མ་མ་ཀརྨ་དམ་ཚིག་ལས་མི་འདའ་བའི་སྲོག་གོ །དེ་རྣི་ཕྱིར་སྐྱོར་གྱི་སྲོག་དྲུག་གོ །སྲོག་རྐྱང་པ་ནི་འདི་ལྟ་སྟེ། མ་ཏམ་ན་ལྕགས་ཀྱི་སྤྱང་མོ་མགོ་དགུའི་སྲོག །ཉ་ན་ལྕགས་ཀྱི་ཁྱི་མོ་རྐང་གསུམ་གྱི་སྲོག །ཀར་ཞེས་པས་ཟངས་ཀྱི་ཝ་མོ་རྐང་གསུམ་གྱི་སྲོག །སྨྲོ་རྣེན་ནེཇོ་པས་གསེར་གྱི་ཕར་བ་ལྕེ་བརྒྱད་ཀྱི་སྲོག །ཅེས་གསུངས་སོ། །མ་ཞེས་བྱ་བ་རྡོ་རྗེ་ཡ་བྱིན་གྱི་སྲོག་གོ །མ་ཞེས་བྱ་བ་རྡོ་རྗེ་དེ་བྱིན་གྱི་སྲོག་གོ །པ་ཞེས་བྱ་བ་རྡོ་རྗེ་བསེ་བྱིན་གྱི་སྲོག །ཤི་ཞེས་བྱ་བ་རྡོ་རྗེ་ཕག་བྱིན་གྱི་སྲོག་གོ །ཀུ་རུ་གྱད་ཆེན་པོ་བཞིའི་སྲོག་གོ །ཞེས་གསུངས་སོ། །སྒྲོལ་བྱེད་གིང་དང་། བདུད་དང་། བཙན། དགེ་བསྙེན། གཟའ་དང་། ཐང་ལྷ། ཨ༷་བོ། ཡ༷་ཤུད། སྐྱེས་བུ་ཕོ་རིགས་རྣམས་ལ་ནི། སྲོག་གཉིས་གཉིས་ལས་མེད་དོ། །དཀྱུས་སུ་ཤེས་པར་བྱ། དམ་ཅན་གསུམ་གྱི་སྐུ་གསུང་ཐུགས་ཀྱི་སྔགས་ནི། བཤད་པའི་རྒྱུད་ཀྱི་མཐུས་ཡིག་ནས་བསྟན་ནོ། །སྲོག་གི་སྙིང་པོ་འདི་རྣམས་ཡང་། །དཔའ་བོ་ཁྱོད་ལ་དབུལ་བར་བྱ། །དམ་པས་དགོངས་ལ་བཞེས་སུ་གསོལ། །འབངས་སུ་མཆི་འབངས་སུ་མཆི། །འབངས་ལ་ནན་ཏན་མ་ཆུང་ཞིག །སྙིང་རྣམས་བཏོན་ནས་དཔལ་ལ་ཕུལ། །ཕུལ་ཏེ་བྲན་གྱི་ཚུལ་དུ་ཁས་བླངས་སོ། །སྔ་སྐྱོར་ཕྱི་སྐྱོར་སྲོག་གི་སྙིང་པོ་མ་ལུས་ཀྱིས། །དཔའ་བོ་ཉིད་ཀྱིས་བཞེས་སུ་གསོལ། །ཞེས་གསུངས་སོ། །ད་ནི་སྲོག་སྙིང་ནས་བོད་པ་དང་། སྲོག་སྙིང་ནས་དབང་བསྐུར་བ་དང་། སྲོག་སྙིང་གི་བྲན་གྱི་ཚུལ་དུ་ཁས་བླངས་པ་དང་། སྲོག་སྙིང་གི་དམ་ཚིག་ལས་མི་འདའ་བར་བྱ་བ་དང་བཞིའོ། །བོད་ན་དབང་དུ་བསྡུ་བའི་སྲོག་སྙིང་ནས་བོད། ལས་ལ་འགྱེད་ན་བྲན་དུ་ཁས་བླངས་པའི་སྲོག་སྙིང་ནས་རྦད། བྲན་མོའི་ལས་ལ་དབང་བསྐུར་ན། དབང་བསྐུར་བའི་སྲོག་སྙིང་གིས་བྱ། །བྲན་མོ་ལས་མི་བྱེད་ན། དམ་ཚིག་གི་སྲོག་སྙིང་གིས་གནད་ལ་བོར་རོ། །ཞེས་གསུངས་སོ། །དེ་ལས་ཀྱང་མཁའ་འ་གྲོ་སྲོག་གི་འཁོར་ལོ་བསྐོར་ན། སྲོག་གི་འཁོར་ལོའི་བྱ་ཐབས་ནི། །གཏོར་མའི་རྒྱུད་ནས་སྟོན། དབང་དུ་སྡུད་པའི་སྲོག་གི་འཁོར་ལོ་ནི། དབང་དུ་སྡུད་པའི་སྲོག་སྔགས་གཅིག་པུ་གཞུག །སྔགས་གཞན་མི་དགོས། ལས་ལ་མི་མགྲོན་བྲན་དུ་ཁས་བླངས་པའི་སྲོག་སྙིང་གཞུག །འཁུ་ལྡོག་བྱེད་ན། དབངབསྐུར་བའི་སྲོག་སྙིང་དང་། དམ་ཚིག་གི་སྲོག་སྙིང་གཉིས་གཞུག་གོ །དེས་སྲོག་འཁོར་ལོ་ཀུན་འདྲེའོ། །ལྷ་འདྲེ་ཕོ་རིགས་མོ་རིགས་གང་གི་སྲོག་གི་འཁོར་ལོ་བསྐོར་ཀྱང་དེ་བཞིན་དུ་བྱའོ། །ཞེས་གསུངས་སོ། །རྡོ་རྗེ་ཕུར་པ་་ཆེན་པོ་ཤན་པ་སྐྲུ་གྲིའི་རྒྱུད་ལས། སྲོག་གི་གནས་ལུགས་བསྟན་པའི་ལེའུ་སྟེ་གསུམ་པའོ།། །།ད་ནི་མཁའ་འགྲོ་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །མཁའ་འགྲོ་བསྒྲུབ་པའི་གནས་བཙལ་བ་དང་རྫས་བསག་པའོ། །བདག་ཉིད་མའི་མཐུན་རྫས་ནི། བསེ་མོའི་མཐུན་རྫས་དང་། ཁྲན་མའི་མཐུན་རྫས་དང་། ཕུར་པ་བཅུ་བདུན་དང་། མངར་གསུམ་དང་། དཀར་གསུམ་དང་། མཚོ་ཆེན་པོ་བཞི་དང་། ཁྲམ་བམ་དང་། རྫས་ཚོགས་ཚད་དུ་བསག་གོ །རྫས་ཚོགས་པ་དང་ཕྱི་མཆོད་བྱ། འབུམ་ལྔ་འདོ་ན། གཟུངས་གྲ་བཞི་གདོན། ཕྱི་མཆོད་རྒྱས་པར་བྱའོ། །ཞེས་གསུངས་སོ། །ད་ནི་མཎྜལ་བྱ་བར་བསྟན་ཏེ། མཎྜལ་མདའ་གང་གྲུ་བཞི་ལ་ཁྲག་སྣ་ཚོགས་ཀྱི་ཆག་ཆག་གདབ། །དུག་སྣ་ཚོགས་ཀྱི་ཆག་ཆག་དང་། ཐལ་ཆེན་གྱི་ཆག་ཆག་གདབ་བོ། །དཀྱིལ་འཁོར་བྲི་སྟེ། དང་པོ་གྲུ་གསུམ་ལས་འཁོར་ལོ་རྩིབས་བཞི་བཅད། །དེའི་ཕྱི་རིམ་དུ་འཁོར་ལོ་རྩིབས་བརྒྱད་བཅད། །སྒོ་དང་རྟ་བབས་བཅས་པ་བྲི། ཞེས་གསུངས་སོ། །དེ་ནས་མཚམས་བཅད་དེ། །དང་པོ་སྟོང་པ་ཉིད་དུ་བསམ། །དེ་ལས་ཧཱུཾ༷་དུ་གྱུར། དེ་ལས་སྤར་ན་ཕཊ། སྤྲོས་པས་རྡོ་རྗེར་གྱུར། །ཡང་སྤྲོས་པས་འོད་དུ་ཞུ། ཨོ༷་བཛྲ་ཀི་ལི་ཀི་ལ་ཡ། སརྦ་བིབྷ་ནན་བ༷་ཧཱུཾ༷་ཕཊ། རྡོ་རྗེ་གཞོན་ནུར་གྱུར། བདག་གི་ཐུགས་ཀ་ནས་ཉི་མའི་དཀྱིལ་འཁོར་རེ་སྐྱེད། །ཧཱུཾ༷་བཅུ་བསམ། ཨོ༷་བཛྲ་ཀྲོ་དྷ་ཧཱུཾ༷་ཀ་ར་ཧཱུཾ༷། ཁྲོ་བོ་བཅུ་བསྐྱེད་དེས་འདྲེས། །དངོས་གྲུབ་བར་ཆོད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འབའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། ཨོ་བཛྲ་ཀྲོ་དྷ་ཧཱུཾ༷་ཀ་ར་ཧཱུཾ༷་གརྫ་གརྫ་ཧཱུཾ༷་ཕཊ། ཁྲོ་བོ་བཅུ་དེས་འདྲེའོ། །བགེགས་དང་ལོག་འདྲེན་ཐམས་ཅད་སོག་སྦུར་རླུད་གིས་དེད་པ་བཞིན་བསམ། དེས་ཀྱང་མི་འགྲོ་བ་ཅིག་ཡོད་ན། །ཨོ་བཛྲ་ཀི་ལི་ཀི་ལ་ཡ། །ཨ༷་ཀུ་ཤ་ཛ་ཞེས་བརྗོད་ལ། ཧཱུཾ༷་གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །ཨོ་བཛྲ་ཀི་ལི་ཀི་ལ་ཡ། ཏ་ཐ་ཡ་ཏ་ཐ་ཡ་ཧྭ༷་ཕཊ། རྡོ་རྗེ་ཐོ་བས་རྫ་བྱེའུ་ཚོགས་བརྡུངས་ལེགས་པ་བཞིན་བསམ། བགེགས་བྱ་བ་མིང་མེད་དོ་ཞེས་གསུངས་སོ། །ད་ནི་ཕུར་པ་དགོད་པ་བསྟན་ཏེ། ཕུར་པའི་མཚན་ཉིད་ནི་ཟངས་སམ། ལྗོམ་དམར་རམ། དྲག་པོའི་ཤིང་ལ་བྱའོ། །དཔལ་གྱི་ཕུར་པ་ལ་བྱིན་བརླབས་དབང་བསྐུར་བ་ནི། དགོངས་འགྲེལ་དང་རྒྱུད་བྱིང་པོ་དང་མཐུན་ནོ། །ཕུར་པ་བཅུ་དྲུག་ལ་བྱིན་བརླབས་མི་དགོས་སོ། །དཔལ་གྱི་ཕུར་པ་དབུས་སུ་དགོད། ཁྲ་ན་མ་མཆེད་བཞིའི་ཕུར་པ་འཁོར་ལོ་རྩིབས་བཞི་ལ་དགོད། འཁོར་ལོ་རྩིབས་བརྒྱད་ལ། མཚམས་བཞིའི་འཁོར་ལོ་ལ་བསེ་མོའི་ཕུར་པ་དགོད། ཕྱོགས་བཞིའི་འཁོར་ལོ་ལ་བདག་ཉིད་མའི་ཕུར་པ་དགོད། སྒོ་བཞི་ལ་བསེའི་སྐྱེས་བུ་བཞིའི་ཕུར་པ་དགོད། གྲྭ་བཞིར་བསེ་མདུང་བཞི་ཡང་གཟུགས། མཚོ་བཞི་ཡང་བཞག །ཁྲམ་བམ་ཡང་མཁར་ཐུན་ལ་བཞག །སྨན་དང་། གཏོར་མ་དང་། རག་ཏ་དང་། ཐུན་རྫས་དང་། རྫས་ཡོད་ཚད་དཀྱིལ་འཁོར་ལ་དགྲམ་མོ། །ཞེས་གསུངས་སོ། །དེ་ནི་གཙོ་བོ་བསྐྱེད་ཅིང་འཁོར་སྤྱན་དྲངས་པ་བསྟན་ཏེ། གཙོ་བའི་ཕུར་པ་ལ་གཙོ་བོར་བྱིན་གྱིས་བརླབས་པ་ཀུན་མཐུན་པར་བྱས་ལ། གཙོ་བོ་ཉིད་དབུས་སུ་བསྐྱེད་ལ་བཞག །དེ་ནས་མཁའ་འགྲོ་མ་སྤྱན་དྲངས་ཏེ། །ཧུ༷། སྲིད་པའི་ཕུར་བུ་བསྒྲུབ་པ་དང། །དབང་དང་དངོས་གྲུབ་བླང་བྱའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཨ་ཛི་ཏེ་ཨ་པ་རྭ་ཛི་ཏེ། ཛ་ཡེ་བི་ཛ་ཡེ། ཀ་ཏང་ཀ་ཏེ་ཡེ། ཞེས་སྤྱན་དྲང་ངོ་། །བཞུགས་སུ་གསོལ་བ་ནི། །ཧུ༷། སྲིད་པ་རྡོ་རྗེ་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཅེས་མི་རོ་རློན་པའི་སྟེང་དུ་བཞུགས་པར་བསམ་མོ། །དམ་ཚིག་བསྟན་པ་ནི།སྔོན་ཆད་ཇི་ལྟར་དམ་བཅས་པ། །མངོན་སྤྱོད་འཕྲིན་ལས་མྱུར་དུ་མཛོད། །ཅེས་དམ་བཅའ་བོ། །སྨན་མཆོད་བྱ་སྟེ། སྔགས་མཆོད་ཀྱང་གལ་མེད། སྨན་ཆེ་བར་བཏང་ཡང་གལ་མེད། །ཧོ། བཅོམ་ལྡན་དཔལ་ཆེན་རྡོ་རྗེ་གཞོན་ནུ་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོ༷་བཛྲ་ཀི་ལི་ཀི་ལ་ཡ། མ་ཧྭ་པརྩི་ཨ་མྲི་ཏ་ཁུ་ཧི། འཇིག་རྟེན་ཁམས་རྣམས་བསྲུང་བར་ཞལ་འཆེས་པ། །དམ་ཅན་ཤྭ་ན་མུ་ཁ་མཆེད་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཛ་ཡེ་བི་ཛ་ཡེ་ཁ་རམ་ཁ་ཧི། དམ་ཅན་ཁས་བླངས་བདག་ཉིད་ཆེན་མོ་མཆེད་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེའི་བརྩེར་དགོངས་དབང་དང་དངོས་གྲུབ་སྩོལ། ཀ་ཏང་ཀ་ཏེ་ཡེ་ཁ་ར༷་ཁ་ཧི། མཁའ་འགྲོ་འཇིག་རྟེན་དབང་སྡུད་བསེ་མོ་མཆེད་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེ་བརྩེ་དགོངས་དབང་དང་དངོས་གྲུབ་རྩོལ། །ཨ་ཛི་ཏེ་ཨ་པ་ར་ཛི་སྟེ། མ་ཧ་པ྅་ཨ་མྲི་ཏ་ལ་ཁ་ར༷་ཁ་ཧི། དམ་ཅན་བསེ་ཡི་གྱད་ཆེན་རྣམ་བཞི་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེ་དགོངས་དབང་དང་དངོས་གྲུབ་རྩོལ། །ཞེས་དེ་ནས་དམ་ཅན་རིགས་འཛིན་ཕོ་མོ་རྣམས་དང་དྲེགས་པ་ཅན་མཐའ་དག་ལ་མཆོད་དོ། །ཨོ་ཨུ༷༷ཧུ༷་གསུམ་གྱིས་བདུད་རྩི་བྱིན་གྱིས་བརླབས་ལ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །གསུང་གི་དབྱིག་ཏུ་བདག་སྐྱེད་ཅིག །ཐུགས་ཀྱི་དབྱིག་ཏུ་དག་སྐྱེད་ཅིག །ཀྭ་ཡ་སིརྙི་ཨོ། བཱཀ་སིདྷ་ཨུ། ངཙཏཱ༡་སིརྙི་ཧུ༷། ཨོ་བཛྲ་ཀི་ལི་ཀི་ལ་ཡ། སརྦ་བིལྷུ་ནན་བ༷་ཧུ༷་ཕཊ། སྐུ་གསུང་ཐུགས་ཀྱི་དངོས་གྲུབ་ཐོབ་པར་བསམ་མོ། །ཧུ༷། ཐབས་ཀྱིས་སྤྱོད་པའི་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་འཕྲིན་ལས་རྫོགས་མཛད་ནས། དབང་དང་བྱིན་རླབས་བདག་ལ་སྩོལ། །མ་ཧྭ་བ་ལིང་ཏ་ལ་ཁ་ཧི། མ་ཧྭ་རག་ཏ་ལ་ཁ་ཧི། ཞེས་མཆོད་པ་དབུལ་ལོ། །དེ་ནས་བྲན་མོ་ལས་ལ་དབང་བསྐུར་ཏེ། བདག་རྡོ་རྗེ་གཞོན་ནུར་གསལ་བར་བྱས་ལ། བྲན་མོ་རྣམས་དཀྱིལ་འཁོར་ལ་གནས་པ་རྣམས་ལ། ཉོན་ཅིག་པའི་ཏིང་ངེ་འཛིན་དང་ཆས་ལ། གོང་དུ་སྲོག་སྙིང་ཕྱེ་བའི་དུས་ཀྱི་དབང་བསྐུར་བའི་སྲོག་སྙིང་རྣམས་འདིར་བཟླས་ལ། བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །ཅེས་བྲན་མོ་ལས་ལ་དབང་བསྐུར་ཏེ། བཀའ་ཉན་ཏེ་ལས་བྱེད་དོ། །ད་ནི་འཛབ་བྱ་སྟེ། ཨོ༷་བཛྲ་ཀི་ལི་ཀི་ལ་ཡ། ཨ་ཛི་ཏེ་ཨ་པ་རྭ་ཛི་ཏེ། མ་མ་པ་ཤི་ཀུ་མྲ ཀ་ཏང་ཀ་ཏེ་ཡ། མ་ཏམ་ཉ་ཀ་ར་ཨི་ནན། ཛ་ཡ་བི་ཛ་ཡེ། ད་ཏི་མ་མ་ཀརྨ། མ་ར་ས་ནི་སྤྲ་མ་རྟ་ནེ་ཡེ་ཧུ༷་ཕཊ། སརྦ་བིལྷུ་ནན་བ༷་ཧུ༷་ཕཊ། ཅེས་སྔགས་བཟླས་པས། བདག་རྡོ་རྗེ་གཞོན་ནུའི་་སྦུགས་ཁོང་དུ་བརྡུབས་པས། ཐུགས་ཀའི་རྟ་མགྲིན་དང་ཡེ་ཤེས་སེམས་དཔས་བཟླས། ཐུགས་ལ་ནས་འོད་ཟེར་འཕྲོས་པས། དཀྱིལ་འཁོར་གྱི་མཁའ་འགྲོ་རྣམས་ཀྱིས་བཟླས། དེ་ལས་འོད་འཕྲོས་པས། འཇིག་རྟེན་གྱི་ཁམས་འདི་དག་བུད་མེད་ནག་མོ་དང་དམར་མོས་ཁེངས་ནས། ཕྱག་ན་ཕུར་པ་འདྲིལ་ཞིང་གང་ན་གནས་ཀྱང་སྒྲོལ་བར་བྱེད་པ། གྲོག་ཚང་བཤིག་པའམ། བུད་ཚང་བཤིག་པ་བཞིན་དུ་ཕར་འགྲོ་ཚུར་འདུ་བ། མེར་མེར་པོ་ཤིག་ཤིག་པར་ཡོད་པར་བསམ། སྔགས་ནི་ཉིན་ཁྲི་མཚན་ཁྲི་གདོན་ནོ། །འཛབ་བསྐུལ་བ་ནི།བཤད་པའི་རྒྱུད་ནས་ཤན་པའི་བསྐུལ་སྟོན། དེའི་རྟིང་ལ་མཁའ་འགྲོའི་ཐུན་བྱའོ། །ཞེས་གསུངས་སོ། །ད་ནི་ཚོགས་བྱ་སྟེ། སྤྱི་དང་མཐུན་པར་བྱའོ། །གྲུབ་པའི་རྟགས་ནི་རབ་འབྲིང་ཐ་མ་གསུམ་སྟེ། རབ་ནི་མཁའ་འགྲོ་མས་ལུང་སྟོན་པ་དང་། འབྲིང་ནི་རྨི་ལམ་དུ་འོང་བ་དང། །ཐ་མ་ནི་མེ་དང་འོད་འོང་བ་དང་། དེ་ལྟར་བྱུང་ཙམ་ན། གདབ་པའི་ལས་བྱ་སྟེ། སྤྲོ་བ་དང་། དགུག་པ་དང། བསྟིམ་པ་དང་བཞི་བྱས་ལ། ལིང་གལ་རྣམས་ཤེས་བསྟིམ་ལ། གཙོ་བོ་ཕུར་པ་ལ་བྱིན་བརླབས་དབང་བསྐུར་མཆོད་པ་ཚུལ་བཞིན་བྱས་ལ། ཕུར་པ་དྲིལ་ཞིང་། ཛ། རྡོ་རྗེ་བསད་པའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། ཨོ༷་བཛྲ་ཀི་ལི་ཀི་ལ་ཡ། ཆེ་གེ་མོ་པ་ར་བིད་ཏ་ན་ཧུ༷་ཕཊ། ནན་ནི་ཛ། མ་ར་ས་ནི་པྲ་མརྟ་ནི་ཡེ་ཧུ༷་ཕཊ། ཨོ༷་ལ༷་དང་བདེན་པ་དང་ཐུན་གསུམ་འདྲེའོ། ཁྲ་ན་མ་མཆེད་བཞིའི་ཕུར་པ་བླངས་ལ་དྲིལ་ཞིང་། ཛ། བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པ་བྱོས། །ཨོ་བཛྲ་ཀི་ལི་ཀྭ་ལ་ཡ། ཆེ་གེ་མོ་ཀ་ཏང་ཀ་ཏེ་ཡེ། མ་ཏ་མ་ཉ་ཀ་ར་ཨིན་ན། མ་ར་ས་ནི་པྲ་མརྟ་ནི་ཡེ་ཧཱུཾ་ཕཊ། ནན་ནི་ཛ། སུ་རུ་སུ་རུས་ཐུན་བྲབ་བོ། །ནག་མོ་གསུམ་ཡང་དེ་བཞིན་དུ་བྱས་ལ་གདབ་བོ། །བསེ་མོ་མཆེད་བཞིའི་ཕུར་པ་བླངས་ལ། །ཛ། བྲན་དང་ཕོ་ཉ་བཀའ་ཉན་ཚོགས། །སྔོན་ཆད་ཇི་ལྟར་དམ་བཅས་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །གདུག་ཅིང་སྡང་སེམས་ལྡན་པ་ཡི། །ལྷའམ་འོན་ཏེ་བདུད་ཀྱང་རུང་། །ངལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །ཨོ་བཛྲ་ཀྱི་ལི་ཀི་ལ་ཡ་ཆེ་གེ་མོ་ཨ་ཛི་ཏེ། ཨ་པ་རྭ་ཛི་ཏེ། མ་མ་པ་ཤི་ཀུ་རུ་མར་ས་ནི་པྲ་མརྟ་ནི་ཡེ་ཧུ༷་ཕཊ། ནཎ་ནི་ཛ། སུ་རུ་སུ་རུས་ཐུན་བྲབ། བསེ་མོ་མཆེད་གསུམ་ཡང་དེས་གདབ་བོ། །མཁའ་འགྲོ་མའི་ཕྱག་ཆ་ཀུན་གྱིས་ཀྱང་གདབ་བོ། །མིང་བྱང་ལྷག་ལྷོག་རྣམས་བསྲེག་པ་དང་གཏོར་མར་གཏང་ངོ་། །མཁའ་འགྲོ་རྣམ་གསུམ་བསྒྲུབ་པ་ནི། གྲོང་ཡུལ་ཐག་ཉེ་བར་མི་བྱའོ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། མཁའ་འགྲོ་བསྒྲུབ་པའི་ལེའུ་སྟེ་བཞི་པའོ།། །།ད་ནི་བཅོམ་ལྡན་འདས་དཔལ་ཀུན་ཏུ་བཟང་པོས་བསེ་མིང་སྲིང་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །དང་པོར་མཚམས་བཅད་ནས་བསྒྲུབ་པ་དང་། རྒྱུན་དུ་བསྒྲུབ་པ་གཉིས་སོ། །དེ་ལ་མཚམས་གཅོད་ན། མཎྜལ་གྱི་དཀྱིལ་དུ་དོང་གྲུ་གསུམ་དུ་བྲུས་ལ། དེའི་ནང་དུ་སྙིང་སྣ་ཚོགས་ལ་བྱས་པའི་གཏོར་མ་གཞག་གོ །གྲུ་བཞི་རུ་བསེ་མདུང་བཞི་གཟུགས་སོ། །མིང་བྱང་གཏོར་མའི་ཁ་ལ་བཞག་གོ །རྒྱུན་དུ་བྱེད་ན་སྔས་འོག་ཏུ་དོང་གྲུ་གསུམ་བྲུས་ལ། གཏོར་མ་དེ་རུ་བཅུག་ལ། མིང་བྱང་གཏོར་མའི་ཁ་ལ་གཞག་ལ་བསྒྲུབ་བོ། །ཚེ་དང། ཡུངས་ནག་དང་། དུག་སྣ་ཚོགས་དང་། ཟངས་ཕྱེ་དང་། ལྕགས་ཕྱེ་དང་། བསེ་མོའི་འཁར་བ་དང་། བསེ་ཕོའི་རྡོ་ཐུན་རྣམས་བཤམ་མོ། །དོང་དེ་མིས་མི་མཐོང་བར་ཁ་བཅད། དེ་ནས་བདག་ཉིད་སྟོང་པ་ཉིད་དུ་བསམ། དེ་ལས་ཧུ༷་ཞེས་པས་ཧུ༷་མཐིང་ནག་གཅིག་ཏུ་བསམ། དེ་ལས་སྔགས་ཀྱིས་གཙོ་བོ་རུ་བསྐྱེད་དོ། །ཨོ༷་བཛྲ་ཀི་ལི་ཀི་ལ་ཡ། སརྦ་བིསྒྱུན་བ༷ཧུ༷་ཕཊ། ཅེས་བརྗོད་པས། རྡོ་རྗེ་གཞོན་ནུར་གསལ་བར་བསྒོམ་མོ། །སྔགས་དེས་གནས་ལྔར་བསྲུང་ངོ་། །དེ་ནས་འཛབ་བྱ་སྟེ། ཨོ༷་བཛྲ་ཀི་ལི་ཀི་ལ་ཡ་སརྦ་བིསྒྱུན་བ༷་ཧཱུཾ་ཕཊ། ཅེས་མི་མང་རིན་ཙམ་དུ་བཟླས་སོ། །དེ་ནས་སྔགས་ལ་འཇུག་པར་བྱ་སྟེ། མ་ར་ས་ན་པྲ་མརྟ་ནི་ཡེ་ཧཱུཾ་ཕཊ། ཐྲི་ཀྲང་ཀར་ཉེ་ཡེ་ཧུ༷་ཕཊ། ཅེས་མང་དུ་བཟླས་པས།མིང་སྲིང་རྣམས་རང་དབང་མེད་པར་འདུས་ནས་བཀའ་ཉན་ཅིང་གསུང་བསྒྲུབ་པར་བསམ་མོ། །དམ་ཉམས་པའི་དགྲ་བོ་ལ་བདུད་ཀྱི་སྨྱོ་འབོག་ལ་སོགས་བ་བཞི་ནི་འགུག་པའི་ལས་བྱེད། ལྕགས་ཀྱུ་དང་ཞགས་པ་ལྕགས་སྒྲོག་དྲིལ་བུ་བཞི་བསྣམས་པས། དེ་གང་ན་འདུག་ཀྱང་འགུགས་པར་བྱེད་པ། བསེ་ཡི་མིང་པོ་གདུག་པ་ཅན་བཞི་ཡིས་ཉམས་པ་སྒྲོལ་ཞིང་སྙིང་ཁྲག་ཁ་རུ་འཐུང་བར་བསམ་མོ། །དེ་ལྟར་བཟླས་པས་གཏོར་མ་མེ་རུ་འབར་བ་འབྱུང་། །ལིང་ག་འགུལ་བ་འབྱུང་། གོང་གི་ཐུན་ཐམས་ཅད་བྲབ་བོ། །ཏིང་ངེ་འཛིན་གྱིས་ཀྱང་དགྲ་པོ་ལ་བརྒྱབ་པས། ནག་མྱོགས་མྱོགས་འདུག་པར་བསམ་མོ། །དེ་ནས་མིང་བྱང་བསྲེགས་ལ་གཏོར་མར་དབུལ། གཏོར་མ་ལ་གོང་གི་སྔགས་བཟླས་ལ་དགྲའི་ཕྱོགས་སུ་འཕང་། མེ་རུ་འབར་རམ་མེར་ལམ་གྱིས་འབྱུང་ངོ་། །དེ་ནི་རབ་ཡིན། མེ་སྟག་ཙམ་བྱུང་ཡང་དོན་གྲུབ་འོང་ངོ་། །དེ་བཞིན་དུ་བྱས་ན་རྟགས་རྣམས་མྱུར་བར་འོང་ངོ་། །དེ་བཞིན་དུ་བྱས་ན་རྟགས་རྣམས་མྱུར་བ་འོང་སྟེ་ལས་བསྟུན་ལ་བྱའོ། །བསེ་མོའི་ངན་སྔགས་དྲག་པོ་འདི། །གསང་བའི་ལས་སུ་བྱས་པ་ཡིན། །མི་གསང་བསྒྲགས་ན་དམ་ཚིག་ཉམས། །ལས་རྣམས་ཐམས་ཅད་མྱུར་བར་ནུས། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། བསེ་མོ་བསྒྲུབ་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་ཀྱིས་འཇིག་རྟེན་པ་དྲུག་ངན་སྔགས་སུ་བསྒྲུབ་པའི་ཏིང་ངེ་འཛིན་ལ་སྙོམས་པར་ཞུགས་སོ། །ད་ནི་ངན་སྔགས་བསྒྲུབ་པ་ལ་ཡིད་དམ་གྱི་ལྷ་མི་དགོས། འཕྲིན་ལསད་ཀྱི་གཞུང་མི་དགོས། དེ་ལྟར་འདུག་ན་ངན་སྔགས་མིན། །ངན་སྔགས་འདི་ལྟ་སྟེ། ཤ་རྐྱང་གི་སྙིང་ལ་རྩེ་མོ་སུམ་ཤགས་སུ་བྱས་ཏེ། དེ་རུ་མིང་བྱང་བཅུག་ལ། ཚེ་ལག་ཏུ་ཐོགས་ལ། དབུ་ལ་མཐིང་བེར་གྱི་ལེ་བརྒན་བཅིངས་ལ། སྐུ་ལ་དར་དམར་པོའི་བེར་གསོལ་ལ། བདག་ཉིད་ཡམ་ཤུད་དམར་པོའི་ཆས་སུ་ཞུགས་ལ། ལག་པ་གཡོན་པ་རུ་སྙིང་ཐོགས་ལ། གཡས་སུ་མཚེ་ཐོགས་ལ། ངན་སྔགས་བཟླས་ཏེ། ཆེ་གེ་མོ་ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཅེས་སྙིང་གི་ལིང་ག་ལ་མཚེ་བརྒྱབ་ལ། །མགོ་ནས་རྐང་པར་འདོན། རྐང་པ་ནས་མགོར་འདོན། དཔག་ཆེན་གྱི་མདའ་ལྷར་བསམ་ལ་ང་རོ་དང་བཅས་པར་བསྐྱེད། དེ་ལ་གུས་པར་བྱས་པ་ན། ལས་རྣམས་མི་འགྲུབ་མི་སྲིད་དོ། །ཞེས་གསུངས་སོ། །ད་ནི་རྒྱལ་པོ་སྲོག་བདག་གི་ངན་སྔགས་བསྟན་ཏེ། རྟ་ཐོད་དཀར་མོ་ལ་མཁར་བརྩིགས། གྲོ་ག་སེར་པོ་ལ་ལིང་ག་བྲིས། རྒྱལ་པོའི་སྐུ་རྟེན་དང་ཡུངས་ཀར་རྒྱལ་པོ་ཚགས་བྱས་ལ། བདག་ཉིད་དར་དཀར་པོའི་ཐོད་བ་ཅིང་། བྱད་དཀར་པོར་བྱ། དར་གྱི་གོས་གྱོན་ལ་སྔགས་བཟླས་ཏེ། ཤི་ཀྲིན་ཨ་ན་ཡ་ཧུ༷་ཕཊ། ཡུངས་ཀར་གྱིས་རྟ་ཐོད་ལིང་ག་ལ་བརྡེག །རྟ་ཐོད་དེ་ལ་འོད་འབར་བ་དང་མེ་འབར་བ་བྱུང་ན། རྟ་ཐོད་དགྲའི་ཁང་པའི་འགྲམ་འོག་ཏུ་སྦའོ། །སྲོག་བདག་རྒྱལ་པོའི་ངན་སྔགས་སོ། །ཞེས་གསུངས་སོ། །ད་ནི་བདུད་ཀྱི་ངན་སྔགས་ནི། མི་ནག་པོའི་སྙིང་ལ། སྙིང་ཤུན་ལ་མིང་བྱང་བྲིས་ལ། ཕྱི་རུ་བཟློག་ལ་ནང་དུ་བརྟག །ཐོད་པའི་ནང་དུ་སྙིང་གི་རྩེ་མོ་ཁ་ནང་དུ་བསྟན་ལ་བཞག་གོ །ཐལ་ཆེན་དང་། ཐུན་ཡུངས་ཀར་དང་། ཁྲག་དང་གསུམ་གྱིས་ཐུན་བྱ། བདག་ཉིད་བདུད་ནག་པོ་འཛུམ་མེད་ཀྱི་ཆས་སུ་ཞུགས་ལ། དར་ནག་པོའི་དབུ་ཐོད་བཅིངས་ལསྐུ་ལ་དར་ནག་གི་གོས་གྱོན་ལ། བྱད་ནག་པོར་བསྐུས་ལ། རྐང་པ་ལ་རེ་བའི་འབོབ་བུ་གྱོན་ལ། སྙིང་གི་ནང་ན་དགྲ་བོའི་སྲོག་དབུགས་ཡོད་པར་བསམས་ལ། མིག་འབྲུ་ཚུགས་སུ་་བལྟས་ལ། ངན་སྔགས་བཟླས་ལ་ཐུན་བརྡེག་གོ །ཆེ་གེ་མོ་ཏ་ཐ་ཡ་ཏ་ཐ་ཡ་ཧུ༷་ཕཊ། ཅེས་ཐུན་མང་དུ་བྲབ་བོ། །བདུད་ཀྱི་རྟགས་རྣམས་འབྱུང་ངོ་། །རྟགས་བྱུང་བ་དང་སྙིང་དང་མིང་བྱང་བཅས་པ་བདུད་ལ་སྤྱིན། མཆོད་པ་འབུལ་ལོ་ཞེས་གསུངས་སོ། །ད་ནི་དགེ་བསྙེན་གྱི་ངན་སྔགས་བསྟན་ཏེ། མདའ་བྱ་རྒོད་མ་ལ་དར་སྣའི་བརྒྱན་བཏགས་ལ། མདའི་སྒྲོ་མཚམས་སུ་དགེ་བསྙེན་གྱི་སྔགས་རྣམས་བྲིས་ལ་བཞག །ར་ཁམ་པ་དག་སྣའི་ཐོད་པ་དང་སྙིང་ལ། ཐོད་པའི་ནང་དུ་སྙིང་གཞུག །སྙིང་ལ་ཐུན་རྫས་བྱ། ཁྲག་དང་དུག་དང་། ཏིལ་གསུམ་གྱི་ཐུན་བྱ། ངན་སྔགས་བཟླས་པ་ནི། ཆེ་གེ་མོ་ཧ་ས་ར་ན་ཧ་ཏ་ན་ཧུ༷་ཕཊ། ར་ཐོད་དུ་ཐུན་བྱ། རྟགས་བྱུང་བ་དང་སྙིང་དགེ་བསྙེན་ལ་མཆོད། ར་ཐོད་མནན་པ་བྱའོ། །ཞེས་གསུངས་སོ། །ད་ནི་བཙན་གྱི་ངན་སྔགས་བསྒྲུབ་པ་ནི། སྙིང་སྣ་གསུམ་ལ་གཏོར་མ་བྱ། །རྟ་དམར་པོ། ལུག་སེ་པོ། བྱ་དམར་པོ་གསུམ་གྱི་སྙིང་སྣ་ལ་གཏོར་མ་བྱ། ཤིང་བྱང་ལ་མིང་བྱང་བྲི། བདག་ཉིད་བཙན་གྱི་ཆས་སུ་ཞུགས་ཏེ། དར་དམར་པོའི་ཐོད་བྱས་ལ། བེར་དམར་པོ་གྱོན་ལ། ངན་སྔགས་བཟླས་ཏེ། ཆེ་གེ་མོ་བི་ཏ་ཡ་བི་ཏ་ཡ་ཧུ༷་ཕཊ། ཅེས་མང་དུ་བཟླས། རྟགས་བྱུང་བ་དང་ཤིང་བྱང་མེ་ལ་བསྲེག །ཐལ་བ་བྲག་དམར་པོ་བཙན་གནས་སར་གནན་ནོ། །ཞེས་གསུངས་སོ། །ད་ནི་སྒྲོལ་བྱེད་གྱིང་གི་བསྒྲུབ་པ་བསྟན་ཏེ། གནས་ཁང་ཤིན་ཏུ་དབེན་པར་སྟེགས་བུ་མདའ་གང་བ་བརྩིགས་ཏེ། དེར་ཁྲག་གི་ཆག་ཆག་བཏབ་ལ། སྐྱེས་པ་གྲིར་ཤི་བའི་སྙིང་ནང་དུ་ལིང་ག་བཅུག་ལ། བདག་ཉིད་དཔལ་གྱི་ཆས་སུ་ཞུགས་ལ། ཡུངས་ཀར་དང་ཡུངས་ནག་ལ་ཐུན་བསྔགས་ལ་སྙིང་ལ་བྲབ་བོ། །སྔགས་བཟླས་བར་བྱ་སྟེ། ཆེ་གེ་མོ་ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། ཅེས་བཟླས་པས། སྙིང་འགུལ་བ་དང་འཕར་བ་འབྱུང་ངོ་། །དེ་བྱུང་བ་དང་ལིང་ག་དམེ་ལ་བསྲེགས་ལ་ཐོད་ནང་དུ་བཅུག་ལ་ལྷ་ཁང་དུ་མནན་པ་བྱ། སྙིང་དེ་གཏོར་མར་འབུལ་ལོ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྤུ་གྲིའི་རྒྱུད་ལས། འཇིག་རྟེན་པ་དྲུག་བསྒྲུབ་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་དྲག་པོ་འབར་བའི་རྒྱལ་པོ་ཆེན་པོ་དེ།དྲག་པོ་དུག་ཐུན་བསྒྲུབ་པའི་ཏིང་ངེ་འཛིན་ལ་ཞུགས་ནས་འདི་གསུངས་སོ། །དྲག་པོའི་དུག་ཏུ་བསྒྲུབ་པ་ནི། དུར་ཁྲོད་དམ་མི་ཕུང་བའི་རེ་ཤུལ་འདྲེ་ཡོད་པའི་གནས་སུ་བསྒྲུབ་་པར་བྱའོ། །རབས་ཆད་ནག་པོའི་ཐོད་པར་བཙན་དུག་དང་། ར་དུག་དང་། བོང་དུག་ལ་སོགས་པ་དུག་སྣ་ཚོགས་བསགས་པ་དམེ་ཁྲག་གིས་སྦྲུས་ལ་ཐོད་པར་བླུག་སྟེ། སྟེགས་བུའི་ཁར་བཞག་ལ་དྲག་པོའི་བསྒྲུབ་པ་ལ་འཇུག་པ་བྱའོ། །ཡང་དགྲ་བོའི་ཟག་པའི་རྫས་ལ་ལིང་ག་བྱས་ལ་ཐོད་ནང་དུ་བཅུག་ལ་ཐུན་གྱིས་བྲབ་པར་བྱེད། །བཛྲ་ཀི་ལི་ཀི་ལི་ཡ། ཆེ་གེ་མོ་ཧ་ས་ཡ་ར་ན་ཧ་ཏ་ན་ཧུ༷་ཕཊ། ཤི་ཀྲིན་ཨུ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། བི་ཏ་ཡ་བི་ཏ་ཡ་ཧུ༷་ཕཊ། ཏ་ཐུ་ཡ་ཏ་ཐུ་ཡ་ཧུ༷་ཕཊ། མ་ར་ས་ནི་པྲ་མརྟ་ནི་ཡེ་ཧུ༷། ཆེ་གེ་མོ་མར་ཡ་རྦད་ཧུ༷་སརྦ་བིསྒྱུ་ན་བ༷་ཧུ༷་ཕཊ། ཅེས་བཟླས་ནས་ཐོད་པའི་དུག་ཐུན་ལ་བསྔགས་པས། རྟགས་སུ་ཐུན་དེ་ཉིད་ཁོལ་བ་དང་མེ་འབར་བར་འགྱུར་ཏེ། དེ་ནས་ལིང་ག་ལ་བྲབ་པས། དགྲ་བོ་དེ་ཉིད་དུག་ཁྲག་གིས་མྱོས་ནས་བརྒྱལ་ཞིང་མྱུར་དུ་སྒྲོལ་བར་འགྱུར་རོ། །ཞེས་གསུངས་སོ། །དྲག་པོའི་ཁྲོ་བོས་དུག་གིས་ལྷ་རྣམས་འབྱེད། །དུག་ཏུ་བསྒྲུབ་པས་ཤིན་ཏུ་ཟབ་པར་བསྟན། །རྫས་ཀྱི་འབྲེལ་བས་ནུས་མཐུ་ཡོད་པར་བྱེད། །ཐབས་ཀྱི་སྒོ་ནས་ཕ་རོལ་ཕྱིན་པར་བྱེད། །མང་པོ་ཚོགས་པའི་ནུས་མཐུས་ལས་རྣམས་འགྲུབ་པར་བྱེད། །ཅེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། ངན་སྔགས་ཀྱི་སྔགས་དྲུག་དང་དྲག་པོ་དུག་བསྒྲུབ་བསྟན་པའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་རྒྱུན་གྱི་ཚོགས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། ཚོགས་རྒྱས་འབྲིང་རྣམ་པ་གསུམ། ཚོགས་རྒྱས་པ་ནི། ཚོགས་རྒྱུད་ནས་བསྟན། འབྲིང་པོ་ནི་དགོངས་འབྲེལ་ནས་བསྟན། འདི་ཚོགས་ལས་ཐ་ཆུངས་སོ། །ཞེས་གསུངས་སོ། །རྣལ་འབྱོར་པ་ཚོགས་ལམ་པ་རྣམས་ལ། ལྟ་བའི་སྒོ་ནས་ཚོགས་བསྟན་པ་དང་། སྒོམ་པའི་སྒོ་ནས་ཚོགས་བསྟན་པ་དང་། འཕྲིན་ལས་ཀྱི་སྒོ་ནས་ཚོགས་བསྟན་པ་དང་གསུམ་མོ། །འཕྲིན་ལས་ཀྱི་སྒོ་ནས་ཚོགས་བསྟན་པ་ནི་རྒྱུད་གཞན་ནས་བསྟན་ནོ། །ལྟ་བའི་སྒོ་ནས་ཚོགས་བསྟན་པ་ནི་རྣལ་འབྱོར་བ་ལྟ་བ་དང་ལྡན་པ། བདག་ཉིད་རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ་འདུག་པ། དཀྱིལ་འཁོར་ཉིད་ངོ་གྲོལ་བ།ལྷ་ཉིད་མ་འདྲེས་ལ་ཡོངས་སུ་རྫོགས་པར་འདུག་པ། དེ་ནི་རང་གི་ཀུན་གཞི་བྱང་ཆུབ་ཀྱི་སེམས་ལས་བྱུང་སྟེ། ཚོགས་ལ་དབུལ་བྱ་དབུལ་བྱེད་གཉིས་མེད་དེ། ཚོགས་ལ་བསགས་པའི་ཡུལ་མེད། དབུལ་བའི་གནས་མེད། ཚོགས་སོག་པ་ཡང་རང་གི་རིག་པ་བྱང་ཆུབ་ཀྱི་སེམས། དབུལ་བ་ཡང་རང་གི་རིག་པ་བྱང་ཆུབ་ཀྱི་སེམས། དབུལ་ས་ཡང་རང་གི་རིག་པ་བྱང་ཆུབ་ཀྱི་སེམས། དབུལ་བྱ་དབུལ་བྱེད་རྣམ་པ་གཉིས་མེད་པའི་ཕྱིར་རོ། །དེའི་ཕྱིར། བདག་གིས་བདག་མཆོད་ཀུན་མཉེས་ཕྱིར། །ཞེས་བྱའོ། །དེ་ནི་ཁྱད་པར་གྱི་ཚོགས་ལམ་མོ། །རྣལ་འབྱོར་ལྟ་བ་རབ་ཀྱིས་རྟོགས། །ཞེས་གསུངས་སོ། །ཚོགས་ལམ་འབྲིང་པོ་ནི། རྣལ་འབྱོར་པ་འབྲིང་གི་ཆ་རྐྱེན་ཏེ། བཟའ་བ་དང་བཏུང་བའི་ཆ་རྐྱེན་མདུན་དུ་དྲངས་ལ། རྣལ་འབྱོར་པ་ཏིང་ངེ་འཛིན་ལ་ཞུགས་ལ། རྩ་དང་ཐིག་ལེ་ལས་ལྷ་ཚོགས་བསྐྱེད་ལ། སྔགས་ཀྱིས་གསལ་བཏབ་ལ། ལྷ་ཚོགས་ལུས་ལ་ཚང་བར་བྱ་སྟེ། སྔགས་ཀྱིས་ཚོགས་ཀྱི་ཉམས་པ་བསངས་ལ། ཚོགས་བྱིན་གྱིས་བརླབས་ལ། བྱིན་གྱིས་བརླབ་པ་ཀུན་དང་མཐུན། ཟད་པ་མེད་པའི་ཚོགས་སུ་གྱུར་ནས་ལྷའི་ཞལ་ཟས་སུ་འདུག་པ་ལ། བདག་ཉིད་ཀྱིས་ཚོགས་གསོལ་བས། ལྷ་ཐམས་ཅད་ཀྱིས་གསོལ་ཏེ། ལྷ་རྣམས་དགྱེས་ཤིང་ཚིམ་པར་བསམ། དེ་ལྟ་བུའི་ཚོགས་ལས་བྱས་པས། དམ་ཚིག་ཉམས་པ་ཡང་སྐོངས། དངོས་གྲུབ་ཀྱང་མྱུར། སྒྲིབ་པ་ཡང་བྱང་། ཡང་དག་པའི་ས་ཡང་ཐོབ། རྒྱུ་རྐྱེན་དེ་ལ་བརྟེན་བསྒྲུབ། ཉམས་ཆགས་བསྐང་བ་བྱ་ཕྱིར་བསྒྲུབ། །ཅེས་གསུངས་སོ། །ཟས་ཟ་བའི་དུས་སུ་ཟས་བྱིན་གྱིས་བརླབ་ཅིང་དེ་ལྟར་བྱས་ན། ཉམས་ཆག་ཐམས་ཅད་སྐོངས།འཇིག་རྟེན་འདི་རུ་ཚེ་རིང་ལོངས་སྤྱོད་འཕེལ། ཚེ་ཕྱི་མ་ལ་ཡང་དག་པའི་ས་ནོན་ནོ། །ཞེས་གསུངས་སོ། །རྡོ་རྗེ་ཕུར་པ་ཆེན་པོ་ཤན་པ་སྤུ་གྲིའི་རྒྱུད་ལས། རྒྱུན་གྱི་ཚོགས་ལམ་པའི་ལེའུ་སྟེ་བརྒྱད་པའོ།། །།ད་ནི་རྒྱུད་འབྱུང་བ་བསྟན་ཏེ། ཡང་དག་པའི་ཆོས་ཉིད་ལས་རྒྱུད་འབྱུང་། སྐྱེ་བ་མེད་པའི་རྒྱུད། ཡང་དག་པའི་ཆོས་ཉིད་ལས་རྒྱུད་འབྱུང་། སྣང་སྟོང་དབྱེར་མེད་ཀྱི་རྒྱུད། ཡང་དག་པའི་ཆོས་ཉིད་ལས་རྒྱུད་འབྱུང་།འགག་པ་མེད་པའི་རྒྱུད། འགག་པ་མེད་པ་ལས་རྒྱུད་འབྱུང་། སྣང་བ་དང་སྟོང་པར་གྲོལ་བའི་རྒྱུད། སྣང་སྟོང་རང་གྲོལ་བ་ལས་རྒྱུད་འབྱུང་། མཐའ་དང་དབུས་མེད་པའི་རྒྱུད། མཐའ་དང་དབུས་མེད་པ་ལས་རྒྱུད་འབྱུང་། ཆད་པ་དང་ལྟུང་བ་མེད་བའི་རྒྱུད། ཆད་པ་དང་ལྟུང་བ་མེད་པ་ལས་རྒྱུད་འབྱུང་། ཡི་གེ་དང་ཚིག་ལས་འདས་པའི་རྒྱུད། ཡི་གེ་དང་ཚིག་ལས་འདས་པ་ལས་རྒྱུད་འབྱུང་། གང་ཡང་མེད་པའི་རྒྱུད། གང་ཡང་མེད་པ་ལས་རྒྱུད་འབྱུང་། གཞི་དོན་གྱི་ཀུན་གཞིའི་རྒྱུད། གཞི་དོན་གྱི་ཀུན་གཞི་ལས་ཀྱང་རྒྱུད་འབྱུང་། འགྲིབ་པ་མེད་པའི་རྒྱུད། འགྲིབ་པ་མེད་པ་ལས་ཀྱང་རྒྱུད་འབྱུང་། གསལ་བ་མེད་པའི་རྒྱུད། གང་དུ་ཡང་སྨྲར་མི་བཏུབ་པའི་རྒྱུད། སྨྲ་བརྗོད་དང་བྲལ་བའི་རྒྱུད། ཐིག་ལེའི་རྒྱུད། འཕྲ་བའི་རྒྱུད། ཡངས་པའི་རྒྱུད། ངོ་བོ་ཅིར་ཡང་མ་གྲུབ་པའི་རྒྱུད། ནོར་བུ་རིན་པོ་ཆེའི་རྒྱུད། སྨན་གྱི་རྒྱལ་པོ་ག་བུར་གྱི་རྒྱུད། དུག་གི་རྒྱལ་པོ་བཙན་དུག་གི་རྒྱུད། རྨ་བྱ་མ་དོངས་ཀྱི་རྒྱུད། རྒྱ་མཚོ་ཆེན་པོའི་རྒྱུད། རིན་ཆེན་གསེར་གྱི་རྒྱུད། འབྱུང་བ་སའི་རྒྱུད། འབྱུང་བ་མེའི་རྒྱུད། འབྱུང་བ་ཆུའི་རྒྱུད། འབྱུང་བ་རླུད་གི་རྒྱུད།དུག་ལྔའི་རྒྱུད། འགྲོ་བ་རིགས་དྲུག་གི་རྒྱུད། ཁྲོ་བོའི་རྒྱུད་སངས་རྒྱས་ཀྱི་རྒྱུད། རྒྱུད་ཅེས་འབྱུང་སྟེ། དེ་ལྟར་འབྱུང་ཡང་ཀུན་གཞི་བྱང་ཆུབ་ཀྱི་སེམས་ལས་འབྱུང་སྟེ། འདུས་ཀྱང་དེར་འདུས། ཡང་དག་པའི་ཀུན་གཞི་ལ། ཀུན་གཞི་བྱ་བ་རང་དུ་ཡང་གདགས་སུ་མེད་དོ། །ཀུན་གཞི་དོན་དམ་པའི་མཚན་ཉིད་གང་ཡང་མེད་པ་ལ་གང་ཡང་ཡིན་པའོ། །དེ་ལྷ་བུ་ལས་ཐབས་ལམ་དུ་འཇུག་པའི་རྒྱུད་བྱ་བ་འབྱུང་ངོ་། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། རྒྱུད་འབྱུང་བའི་ལེའུ་སྟེ་དགུ་པའོ།། །།དེ་ནི་རྒྱུད་གཏད་པ་བསྟན་ཏེ། རྣལ་འབྱོར་ཚུལ་དང་ལྡན་པ་ལ། །བརྡ་ཡིས་བསྟན་པས་གོ་བ་དང་། ཟུར་ཙམ་བསྟན་པས་རིག་པ་དང་། ཡང་དག་པའི་འབྲས་བུ་རྟོགས་པ། དམ་པའི་ཆོས་བསྒྲུབ་པ་ལ་བརྩོན་པ་དང་། རང་གི་རིག་པ་ལ་འགྲིབ་པ་མེད་པ། ཕ་རོལ་གྱི་ཕྲ་མའི་རྗེས་སུ་མི་འབྲང་བ། སློབ་དཔོན་ལ་བརྩེ་གདུང་ཆེ་བ། ཡུམ་གྱི་དབང་མོ་མ་ལྟར་འཁུར་བ། སྨྲས་པའི་ཚིག་ལ་ངག་མི་གཅོག་པ། ཚེ་རབས་སྔ་མ་རུ་སྦྱངས་པ། དམ་ཚིག་ཚུལ་བཞིན་དུ་བསྲུང་བ། གླིང་གཅིག་ཏུ་སྐྱེས་པ། གནས་གཅིག་ཏུ་དུས་མཚུངས་པ། ཡི་དམ་གྱི་ལྷ་དང་མི་འབྲལ་བ། མཁའ་འགྲོ་མ་སྐོང་བ་ལ་རིམ་པ། སྙིང་པོ་བཟླས་པ་ལ་སྐྱོངས་མེད་པ། རིགས་དང་མཐུན་པའི་རྣལ་འབྱོར་པ་རྗེའུ་རིགས་སུ་འདུག་པ་དེ་ལྟ་བུ་ལ་རྒྱུད་འདི་གཏད་པར་བྱ་སྟེ། རྡོ་རྗེ་ཕུར་པ་ཆེན་པོ་རང་བཞིན་གྱི་རྒྱུད་གཏད་པར་བྱའོ། །རྡོ་རྗེ་ཕུར་པ་ཆེན་པོའི་རྒྱུད་གཏད་པར་བྱའོ། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་ལས། རྒྱུད་གཏད་པའི་ལེའུ་སྟེ་བཅུ་པའོ།། །།ཤན་པ་སྐྲུ་གྲིའི་རྒྱུད་འདི་ནི། དགེ་བའི་བཤེས་གཉེན་གྱི་སྐུ་ལ་སྡོ་བ་དང་། དཀོན་མཆོག་གཉན་པར་མི་བྱེད་པ་རྣམས་ལ་བྱའོ། །གཞན་དང་གཞན་གྱི་ཐུན་མོང་མ་ཡིན་ཏེ། །བསྟན་པ་བསྲུང་ཕྱིར་རྒྱུད་འདི་གསུངས། །ཐམས་ཅད་ཀུན་ལ་སྤེལ་ན་རྒྱལ་ཁམས་མེ་ཡིས་གཏང་། །དེ་ལྟར་གཏང་ན་སློབ་དཔོན་ཉིད་ཀྱང་འཚིག་བར་འགྱུར། །སྣོད་ལྡན་གཅིག་ལ་གཏད་པར་གསུངས། །རྡོ་རྗེ་ཕུར་པ་ཆེན་པོ་ཤན་པ་སྐྲུ་གྲིའི་རྒྱུད་དྲག་སྔགས་སྐྲུ་གྲི་དང་འདྲ་བ། བཟླས་པ་ཙམ་གྱིས་སྒྲོལ་བར་བྱེད་པ། རྒྱུད་ཕྱི་མའི་ཕྱི་མ་རྫོགས་སོ།། །།ཨོརུན་གྱི་མཁན་པོ་ཆེན་པོ་པདྨ་འབྱུང་གནས་ཀྱིས་སྒྲ་རང་འགྱུར་དུ་བསྒྱུར་ཏེ། བསྟན་པའི་བཙས་སུ་བཞག་པའོ། །གསང་ངོ་།། །། རྒྱ་གར་སྐད་དུ། བོདྷི་ཙིསྟ་ཀི་ལ་ཡ་ཨུ་ཏི་ཡོ་ག་བི་ཏོ་ཏ་མ་ལ་མ་ཧྭ་རྭ་ཛ་ཏན་ཏྲ། བོད་སྐད་དུ། བྱང་ཆུབ་སེམས་ཀྱི་ཕུར་པ་རྫོགས་པ་ཆེན་པོ་ཐེག་པའི་ཡང་ཞུན་རྒྱུད་ཀྱི་རྒྱལ་པོ་ཆེན་པོ། བཅོམ་ལྡན་འདས་བྱང་ཆུབ་སེམས་ཀྱི་ཕུར་པ་ལ་ཕྱག་འཚལ་ལོ། །འདི་སྐད་བདག་གི་ཐོས་པའི་དུས་གཅིག་ན། ཆོས་ཉིད་སྤྲོས་པ་མེད་པ་དང་ཀུན་འབྱུང་ཡེ་ཤེས་ཆེན་པོ་སྟེ། གཉིས་མེད་གསང་བའི་འོག་མིན་གནས་མཆོག་དམ་པ་ན། བཅོམ་ལྡན་འདས་ཚིག་དང་། དོན་དང་། ལས་དང་། འབྲས་བུ་ཡང་དག་པར་སྟོན་པའི་མཆོག །བརྗོད་མེད་མི་གནས་སྐུ་མི་མངའ། །སྒྲ་ལས་འདས་པ་དོན་གྱི་གསུང་། །བསམ་བྲལ་ཡེ་ཤེས་ཐུགས་ཀྱི་ངང་། །ཐུགས་རྗེ་ཡོན་ཏན་རྒྱ་མཚོ་ཀུན་ལ་ཁྱབ། །མ་འདྲེས་ཡོངས་རྫོགས་འཕྲིན་ལས་མཆོག །ཕྱོགས་རིས་དབྱིབས་གནས་ཞིང་ཁམས་ཏེ། །བཞུགས་པ་མེད་པའི་ཚུལ་གྱིས་བཞུགས་པའོ། །བཏགས་པའི་མིང་དང་ཡེ་ཤེས་རོལ་པ་དང་། །བྱིན་བརླབས་སྤྲུལ་པའི་འཁོར་དང་ལྡན། །བསྐོར་བ་མེད་པའི་ཚུལ་གྱིས་བསྐོར། །ཚིག་དོན་བརྗོད་རྟོགས་པ་སྐད་ཅིག་མ་ལས་དངོས་པོར་འབྱུང་བར་བ་་བམ་ཞེ་ན། བཀའ་སྩལ་པ། སེམས་ལས་འདོད་ཆགས་ཞེ་སྡང་དང་། །ང་རྒྱལ་ཕྲག་དོག་སྡུག་བསྔལ་འབྱུང་། །གཏི་མུག་དག་ཀྱང་དེ་བཞིན་ཏེ། །འདི་ལས་ཁམས་གསུམ་ཐམས་ཅད་དང་། །སྐྱེས་པ་བུད་མེད་མ་ནིང་འབྱུང་། །འདི་ལས་འདོད་དང་གཟིར་བ་འབྱུང་། །ཉོན་མོངས་གདུང་འདོད་ཆགས་པ་འབྱུང་། །རི་དང་སྐྱེ་བོ་དེ་བཞིན་དུ། །ནམ་མཁའ་དང་ནི་རླུད་དང་དང་། །སྲེག་པ་མེ་ནི་རབ་ཏུ་འབྱུང་། །འདི་ལས་ས་དང་ཆུ་དག་ནི། །རྡོ་དང་ས་བོན་མྱུ་གུ་འབྱུང་། །དེ་བཞིན་གློག་དང་སྐར་མ་དང་། །ཉི་མ་ཟླ་བ་སྤྲིན་རྣམས་འབྱུང་། །དེ་བཞིན་སྤྱོད་དང་མི་སྤྱོད་ཀུན། །ཐམས་ཅད་ཐམས་ཅད་འབྱུང་བར་འགྱུར། །ཞེས་པ་དང་། གསོལ་པ།བྱང་ཆུབ་སེམས་ཀྱི་ཕུར་པ་ལས་འབྱུང་བའི་ཆོས་འདི་དག་ཐམས་ཅད་ཅི་ཞིག་ལགས་ཞེ་ན། བཀའ་སྩལ་པ། ཆོས་རྣམས་ཐམས་ཅད་སེམས་ལས་འབྱུང་། །སེམས་ཀྱིས་བསྟན་པའི་ལུས་ལ་ཉོན། །ཕྱོགས་བཅུའི་སངས་རྒྱས་ང་ཡི་སེམས། །ཕྱི་ནང་སྣོད་བཅུད་ང་ཡི་སེམས། །ཕྱོགས་སུ་སྣང་བ་ང་ཡི་སེམས མཐོ་རིས་ངན་སོང་ང་ཡི་སེམས། །སེམས་ཀྱི་སངས་རྒྱས་ཕུར་པ་ལ། །སྤྲུལ་པ་ཕྱོགས་བཅུ་སངས་རྒྱས་ཉན། །ཞེས་པའོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་འཁྲུལ་པའི་དངོས་པོ་སྣ་ཚོགས་པ་འདི་གང་སྤྱོད་ཡུལ་ལགས་ཤེ་ན། བཀའ་སྩལ་པ། འབྱུང་བ་ལྔ་དང་ཡུམ་ལྔ་དབང་པོར་བཅས། །སྐྱེ་རྒས་ན་འཆི་ལ་སོགས་སྡུག་བསྔལ་ཚོགས། །དབྱིབས་དང་ཁ་དོག་མཚན་མ་ཇི་སྙེད་པ། །འདི་དག་འཁྲུལ་བའི་སེམས་ཅན་ཡུལ་ཡིན་ཏེ། །བདེན་པ་མཐོང་བའི་ངོ་ལ་འདི་མི་སྣང་། །སྣང་བ་འདི་ཀུན་གྱིས་ནི་ཚད་མ་མཐོང་བ་མ་ཡིན་ཏེ། །སྣང་བ་མེད་བཞིན་ཐོག་མ་མེད་པའི་དུས་ནས་རྟོགས་པས་བརྟགས་པ་ཡི། །གཟུང་འཛིན་བག་ཆགས་རྟས་པའི་དབང་ཡིན་ཏེ། འཁྲུལ་ཏེ་འདི་ལ་གདགས་སུ་ཟད་ཀྱི་ཡང་། །སེམས་ཉིད་མ་འཁྲུལ་བར་ཡང་བདེན་པའི་ཕྱིར། །སྐད་ཅིག་གཅིག་ལ་སྣང་མྱོང་ངོ་། །གསོལ་པ། བྱང་ཆུབ་སེམས་ཀྱི་ཕུར་པ་དེ་འཁྲུལ་བའི་ཡུལ་དུ་སྣང་བའི་དངོས་པོ་འདི་དག་ཅི་ལ་གནས་པ་ལགས་ཤེ་ན། བཀའ་སྩལ་པ། བདག་དང་བདག་གཞན་རྣམས་དང་ནི། །ལོག་པར་རྟོགས་པ་ཙམ་ཉིད་ལས། །ཕྲ་ཞིང་ཟག་པ་ཡ་ད་མ་ཡིན། །ལོག་རྟོག་ཉིད་ལ་ཉིད་སྤྱོད་དེ། །གཞན་དུ་གསོལ་བ་ཅི་ཡང་མེད། །ཅེས་པའོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཚུལ་ཇི་ལྟར་གནས་ཤེ་ན། བཀའ་སྩལ་པ། དེ་ཕྱིར་སེམས་ཀྱི་སྐད་ཅིག་དང་པོ་དེ་ལ་ལུས་དང་ཆོས་ཀུན་གནས། །དེ་བས་ཞེན་ཕྱིར་ཕྱི་མ་ཡང་དེས་དེ་ལ་སྣང་། །རང་སེམས་རྒྱུན་ལས་འཕགས་པ་སྐྱེ་བའི་ཆོས་ནི་གཞན་ན་ཡོད་མ་ཡིན། །རྒྱུ་དྲུག་རིགས་ལས་དེ་ལ་སྣ་ཚོགས་དེ་དག་རང་གི་ཏིང་ངེ་འཛིན་ཏེ། །གསོལ་པ། བྱང་ཆུབ་སེམས་ཀྱི་ཕུར་པ་དེ་དངོས་པོ་སྣ་ཚོགས་པར་སྣང་བ་འདི་དག་ཚད་མ་ལགས་སམ་མ་ལགས་ཤེ་ན།བཀའ་སྩལ་པ། སྐྱེ་བོ་ཀུན་གྱི་སེམས་དང་དངོས་སྣང་ཕྱི་ནང་གྲགས་པའི་ཆོས་འདི་ནི། །འཛིན་པ་དྲུག་གིས་ཇི་ལྟར་མཐོང་ཞིང་བརྟགས་པས་དེ་ལྟ་མ་ཡིན་འཁྲུལ། །རང་གི་རྟོགས་པས་མྱོས་པ་དེ་ཉིད་གཟུང་བ་བདེན་གྱུར་ན། །དེ་དག་དངོས་པོ་མེད་རྟོགས་དགྲ་བཅོམ་འདྲ་བར་གྲོལ་བར་འགྱུར་བར་རིགས། གཞན་དུ་སྐྱེ་མཆེད་བསྒོམས་ནས་རིག་པ་དེ་དག་ཚད་མར་འགྱུར་ན་ནི། དེ་ཉིད་ཚད་མར་གྱུར་པས་འཕགས་པའི་ལམ་དེ་སུ་ལ་རྒས་མི་འགྱུར། །ལམ་དེ་རྣམ་གྲོལ་ལམ་དེ་བསྟན་ཅིང་དབང་པོའི་ཤེས་པས་མི་ཐར་ཏེ། །སྡུག་བསྔལ་འགའ་ཡང་མི་འཇིལ་རྣམ་རིག་ཅེས་ཏེ་ཉོན་མོངས་འབྱུང་བའི་གནས། །དེ་ཕྱིར་སྐྱེ་བས་མཐོང་བ་དེ་དག་འཁྲུལ་པ་ཡིན་པར་མངོན་ཞིང་རྒྱལ་བས་གསུངས་པའོ། །གསོལ་བ། བྱང་ཆུབ་སེམས་ཀྱི་ཕུར་པ་དེས་འཁོར་བའི་སྡུག་བསྔལ་བཟློག་པར་འདོད་པའི་ཕྱིར་རྣལ་འབྱོར་ལས་གང་ལ་བརྟེན་པར་བྱ་ཞེ་ན། བཀའ་སྩལ་པ། འཁོར་བའི་སྡུག་བསྔལ་སེལ་འདོད་ན། །མན་ངག་ལྡན་པའི་སློབ་དཔོན་ཚོལ། །དེ་ནས་འཁོར་བ་རྩད་ནས་འདོན། །དེ་ལྟར་རྟག་ཏུ་གུས་པར་གྱིས། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པའི་དོན་བསྟན་པའི་སློབ་དཔོན་ཇི་ལྟ་བུ་བརྟེན་པར་བགྱི་ཞེ་ན། བཀའ་སྩལ་པ། སློབ་དཔོན་ཚད་མར་མི་ལྡན་སྤྲེའུ་འདྲ་བའི་ལུས། །བསྟེན་ཀྱང་ལམ་ནོར་རྟོག་པས་ཟིན་ཏ་རེ། །དེ་བས་གསེར་ལ་ནག་ཚུལ་གཏོང་བའི་སློབ་དཔོ་རིན་ཆེན་ཏེ། །རིན་ཐང་དཔག་ཏུ་མེད་པའི་རིན་གྱིས་བསླུ་བར་བྱའོ། །གསོལ་བ། བྱང་ཆུབ་སེམས་ཀྱི་ཕུར་པའི་དོན་སྟོན་པའི་སློབ་དཔོན་བརྟེན་པའི་ཡོན་ཏན་ཅི་ཞེ་ན། བཀའ་སྩལ་པ། བླ་མེད་བྱང་སེམས་ཕུར་པ་སྟོན་པའོ། །ཡོན་ཏན་མི་ཟད་སྤྱིན་པ་ཡིན། །བྱང་ཆུབ་ལམ་ཆེན་འདྲེན་མཛད་པ། །འཁོར་བའི་ལམ་རྣམས་སྟོངས་པར་བྱེད། །མ་རིག་མུན་སེལ་སྒྲོན་མ་ཡིན །ལོང་པ་རྣམས་ཀྱི་དམིགས་བུ་མཁན། །དེ་ལ་རྟག་ཏུ་མཆོད་བྱས་ན། །སངས་རྒྱས་བྱང་ཆུབ་ཐག་མི་རིང་། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེའི་དོན་སྟོན་པའི་སློབ་དཔོན་དེ་ལ་ཐབས་ཇི་ལྟ་བུས་མཉེས་པར་བགྱི་ཞེ་ན། བཀའ་སྩལ་པ། སློབ་དཔོན་ལ་སྨོད་པ་ནི། དཔེར་ན་མུན་ཁུང་སྒྲོན་བསད་ན། །མཐོང་བའི་དོན་མི་རྙེདཔབཞིན། །སྡུགབསྔལ་ནམ་ཉག་ཡུན་རིངས་སུ། །བསྐལ་པ་མང་པོར་མྱོང་བར་འགྱུར། །དེ་བས་རྟག་ཏུ་གུས་པར་བགྱི། །ཡུལ་ལ་དབང་པའི་རྒྱལ་པོ་བས། །ཤིན་ཏུ་གཙོ་བོར་བླང་བར་བྱ། །དྲིན་ཆགས་བསྐྱེད་པའི་ཕ་མ་བས། །ཤིན་ཏུ་གདུང་ཞིང་བརྩེ་བར་བྱ། །བརྣག་པའི་ནོར་ལ་འཕངས་མེད་ཅིང་། །གུས་དང་བཅས་པའི་བརྩེ་གདུང་གིས། །མན་ངག་ཐོབ་ཕྱིར་དབུལ་བར་བྱ། །གསོལ་བ། བྱང་ཆུབ་སེམས་ཀྱི་ཕུར་པ་དེའི་གོ་བའི་ཕྱིར་མང་དུ་ཐོས་པའི་ཤེས་རབ་གཅེས་སམ་མི་གཅེས་ཞེ་ན། བཀའ་སྩལ་པ། ཇི་ལྟར་ཅང་ཤེས་ཀྱི་ལིང་དག །སྡོམ་བྱེད་སྒྲོག་གིས་བཅིངས་འགྱུར་བ། །བཀྲོལ་ནས་བདེ་རླག་བཏང་གྱུར་ན། །ཅི་ཡང་ཐོགས་མེད་འགྲོ་བ་ལྟར། །སེམས་ཀྱི་དབང་པོ་ཅང་ཤེས་འདི། །མི་ཤེས་བཅིངས་པས་བཅིངས་འགྱུར་ན། །རྣམ་གྲོལ་ཐོས་པའི་སྒོ་མོ་ཡིས། ཁྲེས་རྒྱུད་ཀུན་འགྲོལ་ཐོགས་མེད་འགྲོ། །འདི་ནི་མི་ཤེས་རྒྱུད་འགྲོལ་བའི། །བཅིངས་པར་འགྱུར་བ་དགྲོལ་བ་སྟེ། །རྒྱུད་རྣམས་དགྲོལ་བའི་བརླབ་པ་མྲ །གོམས་པར་བྱེད་པ་རབ་ཏུ་གཅེས། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པའི་མན་ངག་ཡིད་ཀྱང་མང་དུ་ཐོས་པ་གཅེས་ལགས་སམ་ཞེ་ན། བཀའ་སྩལ་པ། རང་གི་སེམས་ཀྱི་རྩ་བ་མ་ཆོད་ན། །ཇི་ལྟ་སྨྲས་ཀྱང་དོན་མེད་གཡེང་བའི་རྒྱུ། །ཉན་པ་མང་པོ་འདུ་འཛི་བསྐྱེད་པ་ཡིན། །དགེ་བའི་ཆོས་སྤྱོད་རྣམ་གྲོལ་ཐོབ་པར་དཀའ། །དེ་བས་དོན་འདི་ཡོངས་སུ་གོམས་པར་གྱིས། །སྡེ་སྣོད་རྣམ་གྲངས་ཆོས་ལ་བློ་འབྱོངས་ཀྱང་། །ངེས་པའི་གཏན་ཚིགས་གཅིག་ཏུ་མ་ཤེས་ན། །དོན་མེད་སྤུངས་པའི་ཚིག་དེས་སུས་ཀྱང་གོ་མི་འགྱུར། །གདེང་ལྡན་བློ་ལ་མན་ངག་མ་བཞག་ན། །མུ་མེད་སླབ་ཅོལ་དོན་མེད་སྨྲ་བ་བོན་པོ་བཞིན། །ཇི་ལྟར་བརྗོད་ཀྱང་དོན་མེད་གཡེང་བའི་རྒྱུ། །ཞེས་གསུངས་སོ། །གསོལ་བ། དེ་ལྟ་བུའི་བྱང་ཆུབ་སེམས་ཀྱི་ཕུར་པའི་མན་ངག་སྟོན་པ་ལ། །དཔེ་འམ་ཚད་མ་ཞིག་འཚལ་ལམ་མི་འཚལ་ཞེ་ན། བཀའ་སྩལ་པ། གསང་སྔགས་རྒྱ་མཚོ་ཆེན་པོ་འདི། །དཔེ་དང་ཚད་མའི་གཏན་ཚིག་དང་། །རྗེས་སུ་དཔག་པའི་ཤེས་རབ་ཀྱིས། །རྟོགས་པར་གྱུར་པ་མ་ཡིན་ནོ། །མངོན་སུམ་ལ་སོགས་རྒྱུའི་དངོས་པོ་འཇིག་ཅིང་གྲུབ་པའི་མཐའ་སྤྱོད་པའི། །དེ་ཉིད་རྟོགས་པའི་རྒྱུ་འབྲས་སྤྱོད་ཡུལ་ཚད་མར་བཞག་ནས་བློ་ཡིསའཇིག་བྱེད་དེ། །རྟོག་མཐའ་མེད་ཕྱིར་སྤྱོད་མཐའ་མེད། །དེ་ཡི་སྙིང་པོ་མེད་ན་ཚད་མ་གང་། །དེ་ཕྱིར་འཇིག་རྟེན་བརྟགས་པའི་ཐ་སྙད་རྟོགས་པ་རྣལ་འབྱོར་ལམ་འདིར་མི་དགོངས་སོ། ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་ཚད་མ་གང་ལགས། །བཀའ་སྩལ་པ། དེ་བས་གསང་སྔགས་བདག་ཉིད་ཆེ། །དངོས་གྲུབ་རླབས་ཆེན་འབར་བ་ཅན། །བསམ་ཡས་གཏིང་ནི་དཔག་དཀའ་འོ། །ལུང་དང་མན་ངག་ཐོབ་པར་འགྱུར། །སྟོན་པས་ངེས་པའི་ལུང་དང་ནི། །བླ་མ་རྣམས་ཀྱི་མན་ངག་དེ་ནི་དོན་འདིར་བལྟ། །ཚད་མ་གསུམ་དང་ལྡན་བློས་རྣམ་པར་རྟོགས་པ་རྗེས་བཅད་པ། ལུང་དང་མན་ངང་གི་ཚིག་ཙམ་ལ་རྟེན་པ་ཡང་མ་ཡིན། རང་གི་བློ་ཡིས་མངོན་སུམ་དུ་ཡིད་ཆེས་པའོ། །ཞེས་གསུངས་སོ། །གསོལ་བ། །དེ་ལྟར་ཚད་མ་གསུམ་པོ་དེས་བྱང་ཆུབ་སེམས་ཀྱི་ཕུར་པ་དོན་ཇི་ལྟར་རྟོགས་པར་བགྱི་ཞེ་ན། བཀའ་སྩལ་པ། ངེས་དང་ཉམས་ལྡན་གཉིས་རྟེན་ལ། །རང་གི་ངོ་བོ་ཤེས་པར་བྱ། །གདུལ་བྱ་ཇི་སྙེད་པའི་དོན་དུ་ཡང་། །བཀའ་རབ་འབྱམས་ཀྱི་བསྟན་པ་བསམ་གྱིས་མི་ཁྱབ་པ་གཅིག་གསུངས་ཀྱང་། དོན་བྱང་ཆུབ་སེམས་ཀྱི་ཕུར་པར་ལྷུན་གྱིས་གྲུབ་པའོ། ཁམས་གསུམ་གནས་པའི་སེམས་ཅན་ལ། །བྱང་ཆུབ་སེམས་ནི་མ་ཡིན་པའི། །ཕན་པའི་སྨན་ནི་གཞན་མེད་དེ། །བྱང་ཆུབ་སེམས་ཀྱི་ཕུར་པའི་དོན་རྟོགས་ནི། །འཁོར་བའི་ཆོས་ནི་རྒྱུན་མེད་དེ། །མྱུར་དུ་བྱང་ཆུབ་ཀུན་གྱིས་ཐོབ། །མི་སྐྱེ་མི་འགག་བདེ་ལ་གནས། །ཞེས་གསུངས་སོ། །གསོལ་བ། འཁོར་བའི་ཆོས་ཐམས་ཅད་བྱང་ཆུབ་སེམས་ཀྱི་ཕུར་བུར་དག་གོ་མཉམ་མོ་ཞེས་བགྱི་བའི་དོན་ཇི་ལྟ་བུ་ལགས་ཞེ་ན། བཀའ་སྩལ་པ། སྣོད་བཅུད་རྒྱུ་རྣམས་དག་རྟོགས་ཤིང་། །མཉམ་ཉིད་ལྷག་པའི་མཉམ་ཉིད་ཀྱིས། །དཀྱིལ་འཁོར་བྱང་སེམས་ཕུར་པའི་ཞིང་དུ་དག །མཉམ་པ་ལ་ཡང་རྣམ་བཞི་སྟེ། །དོན་དམ་པར་སྐྱེ་བ་མེད་པར་མཉམ་པ་དང་། ཀུན་རྫོབ་སྒྱུ་མའི་མཚན་ཉིད་དུ་མཉམ་པ་དང་། ཕྱིའི་ཡུལ་དེ་བཞིན་གཤེགས་པ་ལྔར་མཉམ་པ་དང་། ནང་གི་སེམས་ཡེ་ཤེས་ལྔར་མཉམ་པའོ། །འབྱུང་བ་ཆེན་པོ་སོ་སོར་མ་བྱས་མ་བཅོས་པ་ལས་སྒྲ་སྐད་སྣ་ཚོགས་པར་ཐ་དད་པར་འབྱུང་བ་ནི། བྱང་ཆུབ་སེམས་ཀྱི་ཕུར་པ་ཉིད་དོ། །འདི་དག་ནི་བདག་ཉིད་ལས་བྱུང་བས་གང་གི་ངོ་བོར་ཡང་མ་གྱུར་ཆོས་ཀྱི་སྐུ་སྟེ། བྱང་ཆུབ་སེམས་ཀྱི་ཕུར་པ་ང་ཉིད་དོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ནི་ངའི་སྐུའོ། །ངའི་གསུང་ངོ་། །ངའི་ཐུགས་སོ། །ངའི་ཡོན་ཏན་ནོ། །ངའི་འཕྲིན་ལས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ནི། སངས་རྒྱས་ཀྱི་ས་མཐར་ཕྱིན་པ་རྫོགས་པ་ཆེན་པོ་ཉིད་དོ། །ཐམས་ཅད་སྐུ་གསུང་ཐུགས་ལས་མ་གཏོགས་པ་འཁོར་བ་དང་ཉོན་མོངས་པའི་མིང་ཡང་མེད་དོ། །སངས་རྒྱས་འབྱུང་བ་ལས་མ་གཏོགས་པ་སེམས་ཅན་དུ་སྐྱེ་བའི་རྒྱུ་ཅི་ཡང་མེད་དོ། །སྐུ་སྣང་བ་ལས་མ་གཏོགས་པ་སེམས་ཅན་དང་ཆེན་པོ་ལྔ་ཡེ་ནས་མེད་དོ། །སངས་རྒྱས་ཀྱི་བདེ་བ་ཆེན་པོ་ལས་མ་གཏོགས་པ་སེམས་ཅན་དང་སྡུག་བསྔལ་གྱི་ཆོས་ཡེ་ནས་མེད་དོ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཡང་དག་པར་ཡབ་དང་། ཡུམ་དང་། སྐུ་གསུང་ཐུགས་ཡོན་ཏན་འཕྲིན་ལས་སུ་ཡོད་པ་ལགས་སམ་ཞེ་ན། བཀའ་སྩལ་པ། ཐམས་ཅད་མ་སྐྱེས་ཟག་པ་མེད། །ཁམས་ཀྱང་མེད་ཅིང་འབྱུང་བ་མེད། །བྱང་ཆུབ་མེད་ཅིང་མངོན་རྟོགས་མེད། །མཚན་མེད་མི་འགྱུར་ནམ་མཁའ་བཞིན། །གཉིས་མེད་གཉིས་སུ་མེད་མིན་ཞི། །བྱང་ཆུབ་སེམས་འདི་རྒྱས་པའི་ཕྱིར། ཐུགས་ཉིད་སྐུ་ཡི་དཀྱིལ་འཁོར་ལ། །དབྱིངས་ཉིད་སྐུ་ཡི་དཀྱིལ་འཁོར་ཏེ། །ཡོན་ཏན་འཕྲིན་ལས་དབྱེར་མེད་དེ་བཞིན་ལྷུན་གྱིས་གྲུབ། །ཅེས་གསུངས་སོ། །གསོལ་པ། དངོས་པོ་ཐམས་ཅད་ཀྱི་མཐའ་བྱང་ཆུབ་སེམས་ཀྱི་ཕུར་པ་སྐྱེས་པ་དེ། ཚུལ་ཇི་ལྟར་འཚལ་བར་བགྱི་ཞེ་ན། བཀའ་སྩལ་པ། དཔེར་ན་རྡོ་རྗེའི་རང་བཞིན་དག །སྲ་ཞིང་མཁྲེགས་པའི་དངོས་པོ་ཡང་། །བརྟགས་ཏེ་དུ་མར་བྱས་ནས་ནི། །རླུང་གི་མཐུ་ཡིས་གཏོར་བྱས་ན། །དེ་ལ་དངོས་པོ་ག་ལ་ཡོད། །དཔེར་ན་མེ་ཡི་རང་བཞིན་དག །ཚ་ཞིང་དངོས་པོ་ཀུན་བསྲེགས་ཤིང་། །འབར་འཕྲོ་སྣང་གསལ་མཆེད་བྱེད་པ། །ཆུ་ཡི་མཐུ་ཡིས་རླག་བྱས་ན། །དེ་ལ་རང་བཞིན་ག་ལ་ཡོད། །དཔེར་ན་རྫས་ཀྱི་དངོས་པོ་ཡང་། །མེ་ཡི་མཐུ་ཡིས་བསྲེགས་གྱུར་ན། །དེ་ལ་རང་བཞིན་ག་ལ་ཡོད། ཁྲེས་པས་ཟིན་པའི་ཤེས་པ་རྣམས། །གཟུགས་དང་འདྲ་བ་སྣ་ཚོགས་ཀྱང་། །དབང་པོ་ལ་སོགས་མཛེས་གྱུར་ཀྱང་། །ཕུང་པོ་མི་རྟག་ཤི་འཔོས་ནས། །དངོས་པོ་ཐམས་ཅད་ཞིག་འགྱུར་ཏེ། །ཞིག་དང་རྡུལ་ལ་སོགས་པ་དང་། །རུས་པ་དག་ཀྱང་རླག་འགྱུར་ཏེ། །ཐ་མ་ཅིར་ཡང་སྣང་མི་འགྱུར། །རི་བོ་ཆེན་པོ་ལ་སོགས་པ། །དངོས་པོ་བརྟན་གཡོ་འཇིག་རྟེན་རྣམས། །བསྐལ་པ་གསུམ་གྱིས་རླག་བྱས་ན། །དེ་ལ་རང་བཞིན་ག་ལ་ཡོད། །དེས་ན་དངོས་པོའི་ཆོས་རྣམས་ཀུན། །དངོས་པོ་རྟག་པ་མ་ཡིན་པས། །ཆོས་རྣམས་རང་བཞིན་མེད་པར་ཤེས། །དབང་པོ་བརྟན་གཡོ་སྣང་བ་ཀུན། །ཡུལ་རྣམས་ཡོད་པ་མ་ཡིན་ཏེ། །ཀུན་གཞི་རྣམ་པར་ཤེས་པ་ཉིད། །དངོས་པོ་སྣ་ཚོགས་པར་སྣང་སྟེ། །སྣང་བའི་དངོས་པོ་རྣམས་བཤིག་ན། །གཞིགས་ན་ནམ་མཁའི་ངང་དུ་ཞི། །ནམ་མཁའ་དེ་ཉིད་ལྔས་གཞིག་ན། །མཚན་མ་མེད་པའི་དབྱིངས་སུ་ཐིམ། །འཇིག་རྟེན་བརྟན་གཡོ་ལ་སོགས་པ། །སྣང་བ་ཉིད་ན་ངོ་བོ་མེད། །དེ་ཉིད་བྱང་སེམས་ཕུར་པ་ཆོས་སྐུ་ཆེན་པོ་ཡིན། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཡང་དག་པར་སྒྱུ་མ་ཙམ་དུ་ཡང་མ་མཆིས་སམ་ཞེ་ན།བཀའ་སྩལ་པ། དེ་ལྟ་དངོས་པོའི་མཚན་མ་ཀུན་བརྟགས་ན། །རང་བཞིན་སྒྱུ་མ་མེད་འགྱུར་ཕྱིར། །ཡོད་ལས་ལྟོས་པ་མེད་དེ་མེད་པའི་མེད་པ་མེད། །མཐའ་རྣམས་མེད་ཕྱིར་དབུས་མེད་དབུས་ལའང་གནས་པར་མི་བྱེད་དོ། །མ་སྤངས་མ་བསྒྲུབས་ནམ་མཁའི་ངང་དུ་གནས། །ཁམས་གསུམ་བརྟགས་ན་འཁོར་བ་མྱ་ངན་མེད། །ཕྱོགས་ཆར་དབྱེ་ན་བདེ་གཤེགས་སྙིང་པོ་ཡིན། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་སྒྱུ་མ་ཙམ་དུ་ཡོད་པ་དེ་ཞིན་གཤེགས་པ་ཡིན་བགྱི་བ་དེ་ཇི་ལྟ་བུ་ལགས་ཤེ་ན། བཀའ་སྩལ་པ། ཡང་དག་ཉིད་ན་གནས་བཅས་ན། །ཕྱི་ནང་སྣོད་བཅུད་རྣམས་པར་དག །རགས་པར་སྣང་བ་དེ་བཞིན་གཤེགས། །སྒྱུ་མར་འཛིན་པ་ཡུམ་གྱི་དབྱིངས། །གཟུགས་ཀྱི་མཚན་ཉིད་དངོས་པོ་མེད། །གཅིག་ལའང་ལྔར་གཞིག་པ་དང་། །ཐམས་ཅད་ནམ་མཁའི་ངང་དུ་གནས། །ནམ་མཁའ་དེ་ནི་ཆོས་ཀྱི་དབྱིངས། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཐམས་ཅད་སྟོང་པ་ཁོ་ནར་ཤེས་ནས་ཡང་དག་པའི་དོན་ལགས་སམ་ཞེ་ན། བཀའ་སྩལ་པ། མདོ་སྡེ་དང་བསྟན་བཅོས་བཀྲི་དྲང་གི་དོན་གྱིས་ནི་ཐམས་ཅད་སྟོང་བར་བཤད། དེ་བས་མེད་པར་བཤད། །དེ་བས་ཀྱང་སྟོང་པ་བདག་མེད་པར་བཤད་དེ། སྟོང་པ་ཉིད་ལ་བལྟ་ཉེས་ན། ཁྲེས་རབ་ཆུང་ལྡན་ཕུང་པར་འགྱུར། །ཇི་ལྟར་སྦྲུལ་ལ་བཟུང་ཉེས་དང་། །རིག་སྔགས་ལོག་པར་བསྒྲུབས་པ་བཞིན། །རྒྱལ་བ་རྣམས་ཀྱི་སྟོང་ཉིད་ནི། །ལྟ་ཀུན་ངེས་པར་འབྱིན་པ་སྟེ། །གང་ཟག་སྟོང་པ་ཉིད་ལྟ་བ། །དེ་ནི་སོར་མི་རུང་ཞེས་གསུངས། །སྣ་ཚོགས་སྣང་ཞིང་མེད་པར་གང་སྨྲ་བ། །མེད་པར་མཐོང་བས་མུ་སྟེགས་འཆལ་བའི་ལམ། །ཞེས་བྱའོ། །གསོལ་བ། བྱང་ཆུབ་སེམས་ཀྱི་ཕུར་པ་ཆོས་རྣམས་ཐམས་ཅད་སྟོང་པ་ཉིད་དུ་བསྟན་པ་ཅི་འཚལ་ཞེ་ན། བཀའ་སྩལ་པ། སྐྱེ་བ་མེད་ཅེས་བསྟན་པ་ཡང་། །དངོས་པོ་འཛིན་པ་བཟློག་ཕྱིར་ཏེ། །སྒྱུ་མ་ཡེ་ནས་སྐྱེ་མེད་ལ། །སྐྱེ་མེད་ཉིད་ཀྱིས་སྒྲོ་མི་གདགས། །ནམ་མཁའ་འདི་ནི་མེད་དོ་ཞེས། །བླུན་པོ་གང་ཞིག་རྟོག་པར་བྱེད། །མཁས་པས་སྔོན་ནས་ཡོང་མི་འཛིན། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་སྟོང་པ་ཉིད་ཅེས་བྱ་བ་འདི་ཇི་ལྟ་བུ་འཚལ་བར་བགྱི་ཞེ་ན། བཀའ་སྩལ་པ། ང་མེད་ཕྱོགས་དང་བྲལ་བར་ཡོངས་ལ་བསྟན་དུ་མེད། །མེད་པའི་ས་མཚམས་བཅད་པར་ཡོང་མི་བསྟན། །མེད་པར་བསྟན་པ་ཡོད་པའི་ངོ་བོ་ཡིན། །ཡོད་མེད་གཉིས་སུ་བསྟན་པ་ཤིན་ཏུ་དཀའ། །གཟུགས་རྣམས་སྣ་ཚོགས་མཚན་མ་ཅིར་སྣང་བ། །དོན་དམ་ཉིད་དུ་ཡོད་པ་མ་ཡིན་པས། །གང་ལ་འདི་འདྲ་ཞེས་ནི་བརྟག་པ་མེད། །ཅེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཅི་ཞིག་གིས་མེད་པར་འགྱུར་བ་ལགས་ཞེ་ན། །བཀའ་སྩལ་པ། ཆོས་ཀྱི་དབྱིངས་ཉིད་ཆོས་ཀྱི་སྐུ། །མི་རྟོག་ཡེ་ཤེས་ཡིན་ཞེས་བཤད། །རང་བྱུང་ཡེ་ཤེས་རང་བཞིན་སྣང་། །གང་ཞིག་སྟོང་བའི་ངང་ཡོད་ཅེས། །མེད་པའི་རང་བཞིན་རྟོག་པ་སྟེ། །རི་བོང་རྭ་དང་མོ་ཤམ་བུ། །ཚིག་ཙམ་གདགས་སུ་རུང་མོད་ཀྱིས། །ཐམས་ཅད་མིང་ཙམ་སྟོང་ཉིད་མེད། །ཐམས་ཅད་སྟོང་པ་ཞེས་པ་སྟེ། །ས་རྡོ་དྲན་མེད་མ་ཡིན་པས། །རྟོག་མེད་རང་བཞིན་འདི་གསལ་བ། །ཇི་ལྟར་སྣང་བ་ཐམས་ཅད་ཀུན། །གདོས་པ་ཅན་གྱི་ཆོས་མེད་དེ། ཁོགོས་པ་འབའ་ཞིག་ཁོ་ནའོ། །རང་བཞིན་ཆ་ཕྲ་གང་འཛིན་པ། །འཛིན་པ་དེ་ལ་ཆོས་མེད་དོ། །ཆོས་མེད་འབྲས་བུ་དེ་ལ་མེད། །ཆོས་ཀྱི་འབྲས་བུ་གང་ཡིན་པ། །རིག་པའི་དོན་ནི་འདི་རྣམས་སོ། །སྔོན་དང་ཕྱི་མར་མ་གྱུར་ཅིང་། ཕྱོགས་དང་རིས་སུ་མ་ཕྱེ་བར། །འཛིན་ཆགས་འཛིན་པའི་རྟོགས་སྤངས་ན། །དེ་ནི་ཆོས་ཉིད་ཅེས་བྱའོ། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་ཀུན་རྫོབ་ཏུ་ཐམས་ཅད་སྒྱུ་མ་ལྟ་བུའོ་ཞེས་བགྱི་བའི་ཚུལ་ཇི་ལྟར་འཚལ་བར་བགྱི་ཞེ་ན། བཀའ་སྩལ་པ། ཀུན་རྫོབ་སྒྱུ་མར་མཉམ་པ་ནི། །འདུས་བྱས་དངོས་པོ་སྣ་ཚོགས་ཀུན། །སྒྱུ་མའི་ཚུལ་དུ་ཐམས་ཅད་སྣང་། །འཕྲལ་སྣང་བྱ་བ་ཀུན་ཀྱང་བྱེད། །རྟག་པ་ཀུན་གྱི་ཚད་མར་སྣང་། །འདི་དག་ཐམས་ཅད་གཟུགས་བརྙན་དེ། །བྱ་བྱེད་སྣང་ཞིང་དངོས་པོ་མེད། །ཆུ་ཟླའི་ཚུལ་དུ་ཐམས་ཅད་གནས། །ཐམས་ཅད་སྣང་ལ་རང་བཞིན་མེད། །ཐམས་ཅད་མ་ལུས་ཆོས་སོ་ཅོག །སྙིང་པོ་ཡོད་པ་མ་ཡིན་ཏེ། །སྒྱུ་མ་མིག་ཡོར་སྤྲུལ་པ་དང་། །སྨིག་རྒྱུ་འཇའ་ཚོན་ཆུ་ཟླའི་ཚུལ། །དེ་ལྟར་གང་གིས་རྟོགས་པ་སྟེ། །དེ་ཉིད་སངས་རྒྱས་ཡིན་པར་བཤད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་བདེན་པ་གཉིས་དབྱེར་མེད་དོ་ཞེས་བགྱི་བ་དེ་ལྟ་བུ་ལགས་ཞེ་ན། བཀའ་སྩལ་པ། དོན་དམ་པོ་དང་ཀུན་རྫོབ་བྱེར་མེད་པར་མཉམ་པ་ནི། ཆོས་རྣམས་མ་ལུས་ཐམས་ཅད་ཀུན། །གཞི་རྩ་མེད་ལས་ཐམས་ཅད་འབྱུང་། །ཡོད་དང་མེད་པ་གཉིས་ཀ་མེད། །དོན་དམ་ཀུན་རྫོབ་དབྱེར་མེད་དེ། །འདུས་མ་བྱས་ཉིད་འདུས་བྱས་སྣང་། །སྣང་བ་ཉིད་ན་དངོས་མེད་དེ། །དངོས་མེད་དེ་ཉིད་སྣ་ཚོགས་སྣང་། །དེ་ཉིད་སྒྱུ་མ་མིག་ཡོར་ཚུལ། །བདེན་པ་གཉིས་མེད་སེམས་པར་ཟད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་བདེན་པ་གཉིས་སུ་བརྟགས་པ་ཅི་འཚལ་ཞེ་ན། བཀའ་སྩལ་པ། གང་ཟག་སྒ་མ་བཀྲི་དོན་བདེན་གཉིས་མེད། །བག་ཆགས་སྟོང་སེམས་དེ་དག་གཡེང་བ་ཆེ། །རང་བཞིན་དུས་གཅིག་སྟོང་ལས་ན། །སེམས་དང་བག་ཆགས་གཅིག་པར་གསུངས། ཁོ།ས་ཙམ་ཡིན་པ་བདག་ཉིད་ལས། ཐིག་་ལེའི་ཆེན་པོར་རྒྱལ་བས་བཤད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་བདེན་པ་གཉིས་དབྱེར་མེད་པའི་བྱང་ཆུབ་སེམས་ཀྱི་ཕུར་པ་དེ་ཉིད་ཇི་ལྟ་བུ་ལགས་ཞེ་ན། བཀའ་སྩལ་པ། ཡོད་དེ་དངོས་པོ་མ་ཡིན་ཏེ། །ཆུ་ཟླ་བཞིན་དུ་རང་བཞིན་མེད། །མེད་དེ་ཆད་པ་ཡོད་མ་ཡིན། །ནམ་མཁའི་དབྱིངས་ལྟར་ཅིང་ཡང་སྣང་། །གཅིག་སྟེ་རྣམ་པ་མ་ཡིན་ཏེ། །དོན་དམ་གཅིག་ཏུ་ཐམས་ཅད་འདུས། །གཉིས་མེད་ཕྱལ་བ་མ་ཡིན་ཏེ། །ཡོངས་ལ་ཁྱབ་པས་བརྡལ་བའི་སྐུ། །གང་ལྟར་བསྟན་ཀྱང་གང་ཡང་མེད། །མེད་པ་མ་ཡིན་དྲན་བཞིན་ཚོལ། །ཆད་པར་མ་སོང་རིག་ཅིང་རྟོགས། །རྟག་པར་མ་སོང་རིག་ཅིང་རྟོགས། །རྟག་པར་མ་སོང་དངོས་པོ་མེད། །གཉིས་སུ་མ་སོང་རྟོག་པ་མེད། །གཅིག་ཏུ་མ་སོང་ཀུན་ལ་ཁྱབ། །དང་པོ་སྐྱེ་བའི་རྒྱུ་མེད་ལ། །ཐ་མ་འཆི་ཞིང་འཕོ་བ་མེད། །ད་ལྟར་དངོས་པོའི་རྫས་མེད་པས། །རྟག་པར་ཆགས་ཞིང་གཟུང་དུ་མེད། །གཞི་རྩ་མེད་པའི་སེམས་ཉིད་ནི། །ཕོ་མོ་མ་ཡིན་མ་ནིང་མེད། །མཚན་མེད་མ་ཡིན་རིགས་རྒྱུ་མིན། །དེ་བཞིན་ཉིད་དབྱིངས་ཡེ་ཤེས་ཏེ། །ཐབས་ཀྱི་ཕྱག་རྒྱ་ཀུན་གྱི་རྒྱུ། །ཞེས་གསུངས་སོ། །གསོལ་པ། དངོས་པོ་དབྱིབས་དང་ཁ་དོག་གོས་བརྙས་པ་འདི་ཀུན་བྱང་ཆུབ་སེམས་ཀྱི་ཕུར་པ་མ་ཡིན་ནམ་ཞེ་ན། བཀའ་སྩལ་བ། ཐ་སྙད་ཐམས་ཅད་བྱང་ཆུབ་མཆོག་གི་ལམ། །གཟའ་དགྲོལ་བ་ཡི་ཡུལ་ནི་གང་ལ་ཡོད། །ཐམས་ཅད་མ་ལུས་ཆོས་སོ་ཅོག །སེམས་ཉིད་ལས་ནི་གུད་ན་མེད། །སེམས་དང་ཆོས་སུ་དབྱེར་མེད་པས། །བྱང་ཆུབ་ལམ་དེ་རིང་བ་མེད། །སེམས་དང་ཆོས་ནི་ཡེ་ནས་གཉིས་སུ་མེད། །ཅིར་སྣང་ཇི་སྲིད་སེམས་ཀྱི་རང་བཞིན་སྣང་ཞིང་སྲིད། །སེམས་ཉིད་བྱང་ཆུབ་སེམས་ལམ་མ་རྟོགས་པ། །དུས་གསུམ་རྒྱལ་བས་གསུངས་ཤིང་། །མཉམ་ཉིད་ངོ་ལ་མོས་སྣང་ངོ་། ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་དོན་སྟོན་པའི་འབྲས་བུའི་ཐེག་པ་འདི་ལ་རྡོ་རྗེ་ཐེག་པ་ཞེས་བགྱི་བ་ཅིའི་ཕྱིར་ལགས་ཤེས་པ་དང་། བཀའ་སྩལ་པ། དེ་བཞིན་གཤེགས་པ་རྣམས་དང་། སྣོད་བཅུད་ནམ་མཁས་བསྡུས་པའི་ཆོས་མ་ལུས་ལུས་པ་མེད་པ་ཐམས་ཅད་དོན་གཅིག་སྟེ། །སྐུ་གསུང་ཐུགས་སུ་འདུས་སོ། །སྐུ་གསུང་ཐུགས་ཀྱི་དོན་དབྱེར་མེད་དོ། །གང་གིས་ཀྱང་མི་ཤིགས། གང་གིས་ཀྱང་མི་ཆོད། གང་གིས་ཀྱང་མི་ཕྱེད་པས་རྡོ་རྗེའོ། །སྐུ་གསུང་ཐུགས་སུ་མ་གྱུར་པའི་དངོས་པོའམ། མ་ལུས་བའི་ཆོས་གཅིག་ཀྱང་མེད་དེ། སྐུ་གསུང་ཐུགས་སུ་ལྷུན་གྱིས་གྲུབ་པར་ཕབ་པས་ཐེག་པ། དེའི་རྡོ་རྗེའི་ཐེག་པའི་ཆོས་ཞེས་བྱའོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཆོས་ཉིད་ཚིག་ལས་འདས་པ་གསུངས་པ་ཅིའི་ཕྱིར་ལགས་ཞེ་ན། བཀའ་སྩལ་པ། སེམས་ཀྱི་རང་བཞིན་བཙལ་བས་མི་རྙེད་ན། །གཞན་ལ་འདི་འདྲ་ཞེས་ནི་བསྟན་དུ་མེད། །མཆོག་ཏུ་གསང་བའི་ཆོས་ཉིད་ནི། །རྣ་དབང་གཞན་ལས་ཐོས་མི་འགྱུར། །དེ་བཞིན་ལྕེ་ཡི་དབང་པོས་ཀྱང་། །དེ་ཁ་བརྗོད་དུ་རྡུལ་ཙམ་མེད། །སྐྱེ་བ་མེད་པའི་ཆོས་རྣམས་ནི། །མ་སྐྱེས་པས་ནི་སྙིང་པོར་བཞེད། །སྙིང་པོའི་དོན་དུ་གང་འགྱུར་བ། །ཚིག་ཏུ་སྨྲ་བ་ལེགས་མ་ཡིན། །སྤྲོས་པ་ཉིད་ན་གོལ་བ་ཞེས། །རྒྱལ་བ་རྣམས་ཀྱིས་ཡང་དག་བཤད། །དེ་བས་རྡོ་རྗེ་རྒྱལ་པོ་ཉིད། །བཀའ་མི་གསོལ་བར་དགོངས་པའོ། །ཕྲ་ཞིང་ཤེས་དཀའ་དྲང་སྲོང་ཆེན་པོའི་ལམ་ནི་མི་རྟོག་རྟོགས་ལས་འདས། །མི་གནས་དམིགས་པའི་ཡུལ་མེད་བསམ་པ་ཀུན་དང་བྲལ། །ཚིག་གིས་མ་ཕེབས་དབྱིབས་དང་ཁ་དོག་དབང་པོའི་སྤྱོད་ཡུལ་མིན། །བསྟན་ཅིང་བརྟག་པར་དཀའ་ལ་བརྗོད་དུ་རྡུལ་ཙམ་མེད། །དུས་གསུམ་སངས་རྒྱས་ཐམས་ཅད་ཀྱིས། །འགྲོ་བ་མི་ཤེས་དྲང་དོན་དུ། །ཆོས་ཀྱི་འཁོར་ལོ་ཡོངས་བསྐོར་ཏེ། །ཐེག་པའི་བྱེ་བྲག་བསམ་ཡས་པ། །འགྲོ་བའི་དོན་ལ་ཅི་གསུངས་ཀྱང་། །སེམས་ཀྱི་རང་བཞིན་ཡོངས་མ་གསུངས། །རང་བཞིན་ཚིག་དང་ཡི་གེ་འདས། །ཞེས་གསུངས་སོ། །གསོལ་བ། ཆོས་ཉིད་བྱང་ཆུབ་སེམས་ཀྱི་ཕུར་པ་དེའི་དོན་ཡེ་མི་རྟོགས་ལགས་སམ་ཞེ་ན། བཀའ་སྩལ་པ། ཡི་གེ་ཀུན་ལ་མི་སྣང་ཡང་། །སེམས་ལ་གསལ་བར་མངོན་པར་སྣང་། །སྐལ་ལྡན་རྣམས་ལ་རང་རིག་པ། །དོན་ཆེན་ཡི་གེ་དམ་པ་ཡིན། །ཚིག་ཚིག་བདེན་བདེ་འང་བདེ་ཉམས་ཉམས་བརྣག་པའི་འབྲས་བུ་དེ། ཡི་གེ་ལས་འདས་ཚིག་ཏུ་མ་བྲིས་སོ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེའི་དོན་མི་རྟོགས་པ་ལགས་ན། ཚིག་དང་ཡི་གེས་ཅི་བགྱི་ཞེས་པ་དང་། བཀའ་སྩལ་པ། དངོས་པོ་མེད་ཕྱིར་དངོས་པོ་སྟོང་པ་མེད། །ཆོས་ཅན་མི་དམིགས་ཆོས་ཉིད་ཡོད་མ་ཡིན། །ཞེན་པ་བཟློག་ཕྱིར་རྐྱེན་བཤད་མ་རྟོགས་པ། །ཆོས་ཀྱི་ངང་ལ་ཚིག་མེད་བརྗོད་དུ་མེད། །སྐྱེ་བ་མེད་ཅེས་བསྟན་པ་ཡང་། །དངོས་པོར་འཛིན་པ་བཟློག་ཕྱིར་ཏེ། །ཇི་བཞིན་པ་ཡི་ཆོས་བཙན་པར། །ཆོས་ལ་ཆོས་ནི་མི་འཇུག་སྟེ། །ཇི་ཙམ་ཟབ་པའི་ཚིག་བརྗོད་ཀྱང་། །དོན་དང་མཐུན་པར་མི་འགྱུར་རོ། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་ཚིག་ལས་ཀྱང་འདས་པ་སྟེ། རྟོགས་པའི་རྟགས་ཅིས་མངོན་པ་ལགས་ཞེ་ན། བཀའ་སྩལ་པ། སྣང་ལརངབཞིནམེདཔདེ། །ཆུ་ལ་ཆུ་ཟླ་སྨིགརྒྱུབཞིན། །མེདཔཡང་ནི་མ་ཡིན་ལ། །ཡོད་པར་ཡངནི་མ་ཡིན་ནོ། །ཡོད་མེད་གཉིས་ལས་འདས་པ་ཡི། །རང་བཞིན་མེད་ལས་ཡོད་པ་དྲན། ཁྲེས་རབ་ཆེན་པོས་རྟོགས་པའི་རྟགས། །མཁའ་ལྟར་མཉམ་པ་ཉིད་ལ་གནས། ཁྲེས་རབ་ཆེན་པོས་ཁྱབ་པའི་རྟགས། །མི་གཡོ་མཉམ་བཞག་འདུས་མ་བྱས། ཁྲེས་རབ་ཆེན་པོས་གྲུབ་པའི་རྟགས། །མ་ཆགས་ཐབས་ཀྱིས་ཀུན་ལ་སྤྱོད། །རྟོགས་པ་ཆེན་པོའི་ཆེན་པོ་ལ། །མ་རྟོགས་སྦྱོར་བའི་ལས་བྱེད་ན། །ཆེ་བའི་ཡོན་ཏན་ཡོད་མ་ཡིན། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པའི་དོན་རྟོགས་པ་དེའི་སྐབས་གང་དུ་དགོས་པ་ལགས་ཞེ་ན། བཀའ་སྩལ་པ། མཁས་པ་མི་གཙོ་རྟོགས་པ་གཙོ། །མཁས་པ་མི་ཚིག་ཐན་པ་ཡིན། །རྟོགས་ལ་ཆོས་ཉིད་རླུང་ལ་འབྱོ། །བསྒྲུབ་པ་བས་ཀྱང་རྟོགས་པར་རིགས། །རྟོགས་པ་དེ་རུ་མ་གྱུར་ན། །བསྒྲུབ་པ་རྟོག་པའི་རྒྱུན་ལ་བསྒྲུབ། །སྒོམ་པ་མཚན་མའི་ངངལ་སྒོམ། །རྩོལ་བ་ཉོན་མོངས་ཞེན་པས་རྩོལ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་རྟོགས་པ་དེའི་སྤྱོད་ཡུལ་དང་ཡོན་ཏན་ཇི་ལྷ་བུ་ལགས། བཀའ་སྩལ་པ། དག་པས་བརྟགས་ན་ཀུན་ཀྱང་ལགས། །རྟོགས་པས་བསམ་ན་གང་ཡང་འགྲུབ། །ཐམས་ཅད་དག་ཅོས་བྱ་བ་ཡང་། །དངོས་པོ་གསལ་དག་མ་ཡིན་ཏེ། །སྣང་སྤྱོད་ཉིད་ན་རྣམ་པར་དག །ཅེས་གསུང་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེའི་ངང་དུ་ཐམས་ཅད་དག་པའི་ཚུལ་ཇི་ལྟར་ལགས་ཞེ་ན།བཀའ་སྩལ་པ། འདི་ལྟར་སྣང་བ་ཐམས་ཅད་ལ། །མངོན་སུམ་ཚད་མས་རྟགས་མཐོང་ཡང་། །སྣང་བ་ཉིད་ན་དངོས་པོ་མེད། །དེ་བཞིན་ཉིད་དུ་ཡང་དག་རྟོགས། །མཐོང་ན་མཐོང་དུ་ཟད་དེ་རྣམ་དག་དབྱིངས་སུ་མཐོང་། །ཐོས་ནས་ཐོས་སུ་ཟད་དེ་མན་ངང་ངེས་པ་ཐོས། །ཚོར་ན་ཚོར་དུ་ཟད་དེ་རྩ་བ་མེད་པར་ཚོར། །མྱོང་ན་མྱོང་དུ་ཟད་དེ་བཅོས་པ་མེད་པར་མྱོང་། །རེག་ན་རེག་ཏུ་ཟད་དེ་འགྱུར་བ་མེད་པར་རེག །ཆོས་ན་ཆོས་སུ་ཟད་དེ་རྣམ་དག་དབྱིངས་སུ་ཆོས། །སྔགས་ཀྱི་ཡོངས་སུ་ཟིན་པའི་ནད། །ཀུན་ལ་གནོད་པར་བྱེད་མི་ནུས། །ཐབས་དང་ཤེས་རབ་རྟོགས་པ་ཡིས། །དུག་གསུམ་སྡུག་བསྔལ་གནོད་མི་འགྱུར། །ཐབས་ལ་མཁས་པས་མ་ཟིན་ན། །ལམ་གྱི་དགེ་སྤྱད་སྟེགས་བཅས་ཀྱང་། །མཐོ་རིས་དང་ནི་མི་རུ་སྐྱེ། །སྐྱེ་ཤི་མེད་དཔའི་ས་མི་ཐོབ། །ཐབས་མཁས་སྙིང་རྗེས་ཟིན་པས་ནི། །མཚམས་མེད་སེམས་ཅན་མ་ལུས་ཀུན། །བྱང་ཆུབ་སྙིང་རྗེས་བསད་ན་ཡང་། །བསོད་ནམས་དཔག་ཏུ་མེད་པ་ཐོབ། །ཡེ་ཤེས་རྟོགས་པའི་ཁྱད་པར་ལས། །སྤྱོད་ལམ་རྣམ་བཞི་ཅི་སྤྱད་ཀྱང་། །འཆི་བར་མི་འགྱུར་རྣམ་གྲོལ་རྫོགས། །ལྟ་བས་མཐོང་ལ་རྟོགས་པ་མེད། །ཡེ་ནས་ལྷུན་གྲུབ་ཉམ་མི་ང་། །དེ་ལ་གོལ་ས་ག་ལ་ཡོད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་རྟོགས་པས་སྒྲིབ་པ་ཇི་ལྟར་དག་པ་ལགས་ཞེ་ན། བཀའ་སྩལ་པ། དེ་ལྷར་ཤེས་པའི་མཐུ་ཡིས་ནི། །བག་ཆགས་མུན་པ་ཀུན་གསལ་ཏེ། །ཇི་ལྟར་རླུད་གིས་རྡུལ་ཆགས་ལྟར། །སྐད་ཅིག་ཙམ་གྱིས་ཏིང་འཛིན་གྱིས། །སྒྲིབ་པའི་ཕུང་པོ་ཕྱགས་པར་འགྱུར། །ཇི་ལྟར་མར་མེས་མུན་བསལ་ན། །མུན་ཉིད་སྣང་བར་འགྱུར་བ་བཞིན། །སྐད་ཅིག་མ་ཡི་དོན་རིག་པར། །སྔོན་ནས་བསགས་པའི་མུན་པ་སེལ། །རྨད་བྱུང་བྱང་ཆུབ་སེམས་བསྒོམས་པས། །འགྲོ་བ་མྱུར་དུ་བྱང་ཆུབ་སྟེ། །མ་སྐྱེས་བྱང་ཆུབ་རྨད་བྱུང་བ། །ཉོན་མོངས་ལས་ཀྱིས་གོས་མི་འགྱུར། །བྱང་ཆུབ་སེམས་ནི་སྐྲུ་གྲིའི་སོ། །ཏིལ་མར་ངར་བཏབ་རལ་གྲི་བཞིན། །བྱང་ཆུབ་སེམས་ནི་ཡོངས་ཀྱི་ལམ། །སྐྱོན་གྱིས་མ་གོས་པདྨ་བཞིན། །ཅི་བྱས་ཉེས་པའི་སྐྱོན་མ་གོས། །བསྐལ་བ་འབར་བའི་མེ་བཞིན་དུ། །སྡུག་བསྔལ་སྡིག་པ་ཅི་སྤྱད་ཀྱང་། །རྣམ་གྲོལ་བླ་མེད་སངས་རྒྱས་འགྲུབ། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པའི་དོན། །ཐུགས་སུ་ཆུད་པའི་རྣལ་འབྱོར་པས། །སྤྱོད་པ་ཇི་ལྟར་བསླབ་པར་བགྱི། །ཞེ་ན། བཀའ་སྩལ་པ། སྣང་སྲིད་མཚན་མའི་རྫས་རྣམས་ཀུན། །མ་རིག་རྨོངས་པའི་བློ་རྣམས་ཀྱིས། །སྤྱོད་པ་ཉིད་དུ་སྣང་བ་དེ། །ཐབས་ལ་མཁས་པའི་རྣལ་འབྱོར་པས། །རང་བཞིན་མེད་པར་འདྲིས་པར་སྤྱོད། །སེམས་ཉིད་ཅིར་ཡང་མི་སྣང་ཕྱིར། །སྤྱོད་པ་ཅིར་ཡང་མི་སྤྱད་དེ། །གཙང་སྨེ་ཕྱོགས་རིས་སྤྱོད་པ་དང་། །ཆེ་ཆུང་ཆགས་སྡང་བླང་དོར་སོགས། །ཅི་ལའང་བྱེ་བྲག་མི་བྱ་སྟེ། །བདག་སྨོད་གཞན་རྐྱེན་ལ་སོགས་པ། །ཐེག་ཆེན་རྣལ་འབྱོར་ག་ལ་ཡིན། །སེམས་ཅན་དམྱལ་བའི་ཆོས་ཀྱང་མི་འགལ་ཏེ། །ཉན་ཐོས་ལ་སོགས་ཅིས་ཅི་དགོས། །ཐམས་ཅད་མཉམ་ཉིད་ངང་དུ་སྤྱད། །བདག་ཉིད་མི་རྟོགས་ཉམས་རྙེད་ཀྱང་། །འགྲོ་དོན་དགེ་ཆོས་རྫོགས་བྱེད་པ། །ཡོན་ཏན་མ་ལུས་སྦེད་ཤེས་ཏེ། །མདོར་ན་སྤྲུལ་སྐུའི་སངས་རྒྱས་བཞིན། །ཆོས་རྣམས་སྟོང་པ་ཉིད་དུ་རབ་རྟོགས་ཀྱང་། །ལས་ཀྱི་རྣམ་སྨིན་ཡོད་ཅེས་བྱས། །བསམ་དུ་མེད་པའི་ཆོས་ཉིད་ལ་ལོངས་སྤྱོད། །འདུས་བྱས་དག་པ་རྒྱུན་མི་འཆད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་བའི་དོན་སྤྱོད་པ་དེ་ལྟར་སྤྱད་ན། དངོས་པོའི་ཆོས་ལ་ཞེན་པར་མི་འགྱུར་རམ་ཞེ་ན། བཀའ་སྩལ་པ། རྣལ་འབྱོར་ཆེན་པོའི་སྤྱོད་པ་ནི། །ཐམས་ཅད་ཀུན་ལ་དབྱེར་མེད་སྤྱོད། །བདེ་བའི་རོ་མཆོག་མྱོང་འགྱུར་ཏེ། །དེ་ལ་སུ་ཞིག་ཆགས་པར་བྱེད། །སྤྱོད་བཞིན་མ་ཆགས་ཡེ་ཤེས་ཡིན། །བདེ་བའི་མཆོག་ཉིད་བསོད་ནམས་ཚོགས། །དེ་ལྟ་བུ་ཡི་ངང་དུ་སྤྱོད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པའི་དོན་སྤྱོད་པའི་འཁྲུལ་པ་ཇི་ལྟ་བུ་ལགས་ཞེ་ན། བཀའ་སྩལ་པ། རྡོ་རྗེ་ཐེག་མཆོག་ཁས་འཆེས་ལ། །མཉམ་པའི་དོན་ཉིད་མི་ཤེས་པར། །གསང་སྔགས་དམ་ཚིག་མཉམ་ཟེར་ཞིང་། །ཐུགས་ཐུབ་དག་ཏུ་སྤྱད་བྱས་པས། །དམྱལ་ཁམས་དག་ཏུ་བརྒྱུད་པར་འགྱུར། །བདེ་དང་སྡུག་བསྔལ་རྫོགས་པས་ན། །བདག་རྒྱལ་གཞན་འཕམ་ཅི་ཡི་ཕྱིར། །བཟང་དང་ངན་པ་འཁྲུལ་བ་ན། །འདོད་པས་མཆོག་གང་གིས་བསྟན། །མཉམ་ཉིད་ཆེ་ཆུང་མེད་པ་ལ། །བདག་བསྟོད་གཞན་སྨོད་སུ་ཞིག་སྨྲ། །ཆོས་ཉིད་སྤོང་ལེན་མེད་པ་ལ། །བླང་དང་དོར་བ་གང་གིས་བརྗོད། །བྱང་སེམས་ཕུར་པའི་ཁས་འཆེས་ནས། །མ་རུངས་ལོག་པར་སྤྱོད་བྱེད་ཅིང་། །རང་ཤེས་རས་ཆོད་བྱེད་པ་ནི། །མུ་སྟེགས་ལྟ་ངན་ཆད་པ་ཡིན། །ཅི་ཡི་ཕྱིར་ན་འབྲས་བུ་མེད། །ལྟ་བུ་ཆེ་བར་ཁས་བླངས་ནས། །བདག་ཉིད་ཆེ་ལ་གཞན་ལ་ཆུང་། །རང་ལ་མི་བཟོད་གཞན་ལ་ཕོད། །མུ་སྟེགས་རྟག་པར་བལྟ་བ་ཡིན། །ང་ནི་སངས་རྒྱས་ཡིན་པས་ན། །གཞན་ནི་ང་ཡི་གོང་ན་མེད། །དེ་ཕྱིར་བལྟ་བ་གཏིང་ཐུག་པའི། །རྒྱལ་བའི་སྲས་འབྲས་རྣལ་འབྱོར་པས། །ལམ་བསྟན་སྐྱོན་སེལ་མཁས་པ་ལ། ཁ་ཅིག་དྲེགས་པའི་ཕྲག་དོག་གིས། ཁྲོ་སྟོན་ཐབས་ཀྱིས་སྨོད་པར་བྱེད། །དེ་ནི་འཁོར་བའི་གཏིང་རྡོ་སྟེ། །ནམ་ཡང་ཐར་པའི་ཁར་མི་འབྱུང་། །དགེ་བའི་ཕྱོགས་དང་སྡིག་ལ་སོགས། །ཐ་སྙད་ཙམ་ཡང་ཡོད་མ་ཡིན། །རྣལ་གྲོལ་རྣམ་པར་བཅིངས་པ་ཡི། །གཉིས་པོ་དེ་ཡོད་གདོད་ནས་མེད། །གང་གིས་དེ་ལྟར་མ་རིག་པ། །དོན་མེད་སྒྲ་ཕྱིར་དེ་འབྲེངས་ནས། །དགེ་བའི་ཆོས་ནི་རྣམ་སྤངས་ནས། །དེ་ནི་འཐོམས་ནས་དམྱལ་བར་འགྲོ །གསང་སྔགས་དབང་ཕྱུག་གོ་འཕང་ཆེན་པོ་འདིར། །ཕྱི་ནང་གསང་བའི་དོན་དང་མི་ལྡན་པར། །ལ་ལ་མཁས་འདོད་དྲེགས་པའི་ང་རྒྱལ་ཅན། །རང་གི་ལྟ་བ་ཡང་རབ་ཐོབ་འདོད་དེ། །གཏི་མུག་དབང་གིས་བག་ཟོན་མ་ཆགས་པར། །དྲན་འདོད་ཡས་བཞག་བཙན་ཐབས་དྲེགས་པ་ཡིས། །བདག་ལས་གཞན་མེད་དཔེ་ཟླས་འཕགས་འདོད་པ། །གཞན་ལ་བརྙས་འདོད་བདག་ཉིད་ལྷར་བསྒོམས་ཀྱང་། །མཉམ་པའི་རྒྱལ་པོ་ཆེ་ལས་འགལ་བའི་ཕྱིར། །ལྟ་སྤྱོད་ཡ་ཆབ་བདུད་ཀྱི་ལས་སུ་འགྱུར། །མཐོ་དམན་རློམ་སེམས་དབང་སྒྱུར་མཉམ་པའི་ཐུགས། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་དོན་དང་ལྡན་པའི་རྣལ་འབྱོར་པས་ལས་ཀྱི་མཐའ་གང་ལགས་ཞེ་ན། བཀའ་སྩལ་པ།དཔེར་ན་ཞིང་པས་ལོར་བཏབ་པའི། །ཐ་མ་སྔ་རྩ་མ་བྱས་ན། །འབྲས་བུ་ཐ་ཡ་ཁྱེར་བ་བཞིན། །རྣལ་འབྱོར་ལྟ་སྤྱོད་དམ་ཚིག་དབང་། །ཉན་བསམ་ལས་ཀྱི་མཐའ་མ་མྲ །མི་སྒོམ་པ་ཡང་དེ་བཞིན་ནོ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཤེས་རབ་རྣམ་པ་གསུམ་གལ་ཆེ་བ་ཅིའི་ཕྱིར་ལགས་ཞེ་ན། བཀའ་སྩལ་པ། རང་གསང་ཐབས་ཀྱི་འབྲས་བུ་ནི། །མ་བསྟན་པ་རུ་ཤེས་མི་སྲིད། །ཡང་དག་དོན་གྱི་ངོ་བོ་ནི། །མ་བསམ་བར་དུ་རྟོགས་མི་སྲིད། །ཡང་དག་ངེས་པའི་འབྲས་བུ་འདི། །མ་བསྒོམས་བར་དུ་འགྲུབ་མི་སྲིད། །བསྒོམས་ན་འབྲས་བུ་ཐག་མི་རིང་། །དགོས་པ་དམ་པ་ཀུན་འདུས་ལ། །འཇུག་པའི་གཙོར་ནི་བསམ་གཏན་ཏེ། །འཁོར་ལོ་དབང་བསྐུར་ཇི་བཞིན་དུ། །ཆོས་ཀུན་དབང་བསྐུར་བསམ་གཏན་ཡིན། །གལ་ཏེ་བསམ་གཏན་འདི་མེད་ན། །རྒྱ་མཚོ་འཇིངས་ཀྱི་ཕ་བོང་ལྟར། །དཔག་ཏུ་མེད་པའི་སྒོ་སྤྱོད་ཀྱང་། །དོན་མེད་སྙིང་པོ་སྐམས་པ་ཡིན། །བསྒྲུབ་པའི་གཙོར་ནི་ཏིང་འཛིན་པས། །ཏིང་འཛིན་འདི་ཡིས་བྱེད་པར་འགྱུར། །མུན་ལས་སྣང་བྱུང་དེ་བཞིན་དུ། །འགྱུར་བ་གསེར་འགྱུར་སྨནགྱི་ཚུལ། །རྫོགས་པའི་དབང་སྒྱུར་ཏིང་འཛིན་ཡིན། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་དོན་བསྒོམས་པའི་རྣལ་འབྱོར་བའི་གནས་ཇི་ལྟ་བར་ལགས་ཞེ་ན། བཀའ་སྩལ་པ། རྣམ་པར་མི་རྟོགས་དོན་ཚོལ་ན། །གཅིག་པུ་དབེན་པའི་ས་བཟུང་སྟེ། །བར་ཆད་རྣམ་གསུམ་མེད་པའི་གནས། །རྙེད་ནས་གཅིག་པུར་གནས་བར་བྱའོ། །དེ་ཉིད་ཉམས་སུ་ལེན་འདོད་པས། །གཅིག་པུ་སེང་གེ་བཞིན་དུ་གནས། །གཡེང་བའི་ཡུལ་རྣམས་ཐག་བཅད་དེ། །འབྲེལ་ཡུལ་དཔག་ཚད་དུ་མས་བཤུགས། །དེ་ནས་སེམས་ཀྱི་མེ་ལོང་བལྷའོ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་བསྒོམ་འདོད་པའི་རྣལ་འབྱོར་པས་སྔོན་དུ་འགྲོ་བའི་ལས་ནི་ཇི་ལྟར་བྱས་ལ་འཇུག་ཅེ་ན། བཀའ་སྩལ་པ། ཟབ་དོན་འཇུག་པའི་སྔོན་ལོགས་སུ། །ཐེ་ཚོམ་གཡེངས་མ་ཐག་བཅད་དེ། །སྡིག་བཤགས་བྱང་ཆུབ་སེམས་བསྐྱེད་ནས། །རྣལ་འབྱོར་ཚོགས་ཀྱི་བསོད་ནམས་དཔུང་། །ཕྱིས་ནས་འགྱོད་པ་མེད་པར་བྱ། །རྣམ་པར་མི་རྟོག་སྒོམ་འདོད་ན། །ངེས་དང་ཉམས་ལྡན་གནས་བསྟེན་པ། །རང་གི་ངོ་བོ་ཤེས་པར་བྱ། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་དོན་དམ་པར་བསྒོམ་དུ་མེད་ཅེས་བྱ་བའི་དོན་དེ་ཇི་ལྟར་ལགས་ཞེ་ན། བཀའ་སྩལ་པ། འཁོར་བ་རྣམས་ནི་ཀུན་ཏུ་བཟང་པོའི་སྐུ་སྟེ་མཚན་མེད་ནམ་མཁའི་ཀློང་། །གང་ཡང་བསྒོམ་པར་བྱ་བ་རྫོགས་པ་ཆེན་པོའི་འདི་ལ་ཅི་ཡང་མེད། །མི་བསྒོམ་བསྒོམ་དུ་རྡུལ་ཡང་མེད་དེ་ཅི་ཞིག་བསྒོམ། །བསྒོམ་པར་འདོད་པ་རྣམས་ཀྱིས་འདི་ཡི་དོན་མི་རྟོགས་ཏེ་ཀློང་ལས་ཉམས། །དྲང་སྲོང་སྒོམ་འདོད་པས་ནི་ཡུལ་ལ་དཔྱད་མི་བྱ། །སྒོམ་མེད་ཡུལ་ལམ་དམིགས་པར་བྱེད་པ་ནི། །དེ་ནི་སྨིག་རྒྱུ་ཆུ་རྙེག་འདྲ། །སེམས་དཔའ་ཆེན་པོ་ཐམས་ཅད་བསྒོམ་པའི་མཆོག །ངོ་བོ་ཉིད་དུ་དམིགས་སུ་མེད། །ང་ཡི་ལུགས་སུ་སྦྱོར་བ་ལས། །བྱང་ཆུབ་མེད་ཅིང་བསྒོམ་པ་མེད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་ལམ་བསྒོམས་ནས་རྡོ་རྗེ་ལྟ་བུར་མི་འགྱུར་རམ་ཞེ་ན། བཀའ་སྩལ་པ། བསམ་གྱིས་མི་ཁྱབ་མི་ཤེས་པར། །བསམ་མེད་ངང་དུ་གང་འཇོག་པ། །བུས་པ་དེ་ནི་བླུན་པ་སྟེ། །མུན་པའི་སྐྱེ་མཆེད་ཉིད་དུ་འགྱུར། །བསམ་གྱིས་མི་ཁྱབ་དོན་ཤེས་ན། །བསམ་མེད་ངང་དུ་གང་འཇོག་པ། །དེ་ནི་ཐམས་ཅད་མཁྱེན་པ་ཉིད། །ཡོན་ཏན་དཔག་ཏུ་མེད་པ་འབྱུང་། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་ཆོས་ཉིད་ལ་བསྒོམ་དུ་ཡོད་པ་ལ། རྣལ་འབྱོར་པས་མི་སྒོམ་པ་ཅི་ཞིག་ལགས་ཞེ་ན། །བཀའ་སྩལ་པ། ཆོས་ཉིད་བསམ་དུ་མེད་པ་ནམ་མཁའ་ཆེ། །ནམ་མཁའི་བསམ་པ་དེ་དག་ཀུན་དང་བྲལ། །ནམ་མཁའི་དམིགས་པར་ཡང་ནི་དམིགས་སུ་མེད། །སེམས་དང་ཆོས་ནི་ཅི་ཡང་མ་ཡིན་པས། །བསྒོམ་པའི་ཚེ་ན་ཅི་ཡང་མི་བསྒོམ་མོ། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་བསྒོམས་ན་སྐྱོན་ཅི་མཆིས་ཞེ་ན། བཀའ་སྩལ་པ། མ་བཅོས་བྱང་ཆུབ་དེ་བཞིན་ཉིད། །བསྒོམ་དུ་མེད་པའི་ཆོས་ཉིད་ལ། །བསྒོམ་པ་དམིགས་སུ་མེད་པ་སྟེ། །ཏིང་འཛིན་ཞེས་ནི་གདགས་སུ་མེད། །བསྒོམས་ཀྱང་རྙེད་པ་མ་ཡིན་ལ། །དེ་བཞིན་མ་བཅོས་སྟོར་བ་མེད། །བསྒོམ་ཆོས་སྣ་ཚོགས་ཅིར་སྣང་བ། །བསྒོམས་ན་དེ་ཡི་ངང་མི་གནས། །དེ་བས་བྱིས་པའི་སྤྱོད་ཡུལ་ཡིན། །བརྟགས་ན་མེད་ལ་བཞག་ན་ལེགས་པ་འབྱུང་། །བསྒོམས་ན་མཚན་དང་དཔེ་བཞིན་དེ་ལ་རྟོག་པ་སྐྱེ། །དམིགས་པའི་ཡུལ་མེད་གནས་པར་བརྟག་པར་དཀའ། །ཞེས་གསུངས་སོ། །གསོལ་པ། །བྱང་ཆུབ་སེམས་ཀྱི་ཕུར་པ་དེ་ནི་མི་བསྒོམ་པར་བཞག་པ་ལགས་སམ་ཞེ་ན། བཀའ་སྩལ་པ། བསྒོམ་པའི་ཡུལ་མེད་དེ་ལ་བསྒོམ་པའི་གནས། །བསྒོམ་ཆགས་བདེ་བ་བདག་འཛིན་སྡུག་བསྔལ་ཡིན། །བསྒོམ་པའི་གནས་མེད་དགཏུ་རབ་རྟོགས་ན། །བསྒོམས་ཀྱང་སྐྱོན་མེད་ཆོས་དབྱིངས་ནམ་མཁའ་འདྲ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་བསྒོམས་ཀྱང་སྐྱོན་མེད་པ་ལགས་ན་བསྒོམ་པ་ཉིད་ནི་ཚུལ་ཇི་ལྟར་བསྒོམ་ཞེ་ན། བཀའ་སྩལ་པ། མ་སྐྱེས་པ་ཡི་ཆོས་རྣམས་ལ། །ངོ་བོ་མེད་དེ་བསྒོམ་པ་མེད། །ནམ་མཁའི་ཚུལ་དུ་རབ་འབྱོར་བས། །དངོས་གྲུབ་ཀུན་ཏུ་རབ་ཏུ་གྲགས། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ལས་དང་པོའི་རྣ་འབྱོར་པས་བློས་ཇི་ལྟར་བཞགཅེ་ན། བཀའ་སྩལ་པ་སེམས་ཀྱི་སྐད་ཅིག་དྲན་པ་ལ། །ཡིད་ཀྱི་དམིགས་པ་རྒྱུན་ཆད་ནས། །བྱུང་ཚོར་ཆད་པའི་མཐའ་སྤངས་ཏེ། །ཆོས་རྣམས་ནམ་མཁའ་ལྟ་བུ་ནི། །བརྗོད་མེད་རྒྱུན་གྱི་ཆད་པར་དམིགས། །དོན་ནི་ཕྱིན་ཅི་མ་ལོར་པར། །བརྗོད་མེད་ཏིང་འཛིན་བསྒོམ་པའི་མཆོག །ཡང་དག་དོན་གྱི་རང་བཞིན་འདི། །ཅི་ཡང་མི་ལེན་མི་གནས་ཤིང་། །ཅི་ཡང་མི་ཐོས་ཐོས་པ་མེད། །ཅི་ཡང་མི་བྱེད་བྱེད་དང་བྲལ། །ཅི་ཡང་སྣང་བ་མེད་པ་སྟེ། །དེ་ནི་སྣང་བའི་དམ་པ་ཡིན། །བསམ་དུ་མེད་པའི་ཆོས་ཉིད་འདི། །བསམ་དུ་མེད་པར་དེ་བཞིན་བཞག །རང་བཞིན་མེད་པའི་ཆོས་ཉིད་ལ། །སེམས་ཀྱི་གྱིན་ད་སྐད་ཅིག་མ། །མི་གཡོ་རྒྱུན་དུ་དྲན་པར་བྱ། །ཞེས་གསུངས་སོ། །གསོལ་བ། །བྱང་ཆུབ་སེམས་ཀྱི་ཕུར་པ་དེ་ཐམས་ཅད་དུ་དམིགས་ཤིང་དྲན་པར་བྱ་བ་ལེགས་སམ་ཞེ་ན། བཀའ་སྩལ་པ། བསྒོམ་པར་བྱ་བ་བསྒོམ་པ་མིན། །གསལ་བྱ་དམིགས་སུ་མེད་པ་སྟེ། །དེ་ལྟར་སེམས་ཀྱིས་གང་བསྒོམས་པ། །དོན་ལ་སེམས་བསྒོམ་ཏིང་འཛིན་མཆོག །ཅེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ཅིའི་ཕྱིར་མི་བསམ་པར་གནས་པར་བགྱི་ཞེ་ན། བཀའ་སྩལ་པ། སྣང་བ་མེད་པའི་རང་བཞིན་ལ། ཁེས་བློ་ཡོད་པའི་སེམས་མི་འགྱུར། །མཉམ་ཉིད་སྟོན་པའི་དོན་འདི་ལ། །དོན་ལྡན་སྟོང་པའི་སྒྲོ་མི་འདོགས། །མ་བཅོས་རང་བཞིན་ཞི་བ་ཡི། །མཚན་མའི་རྟོག་བྲལ་ཤེས་ལྡན་པས། །མེད་དོ་ཙམ་དུའང་མི་དམིགས་ན། །བྱུང་ཚོར་འཛིན་པར་ག་ལ་འགྱུར། །ཐམས་ཅད་མི་གནས་བྱང་ཆུབ་སེམས། །བཙལ་ནས་གྲུབ་པ་མ་ཡིན་ཡང་། །སྒྱུ་མ་སངས་ནས་འཁྲུལ་བ་བཞིན། །སྤྲོས་བྲལ་ཡེ་ཤེས་སྙིང་པོ་གནས། །བསྒོམ་དང་བསྒོམ་པར་བྱ་བ་གཉིས་མེད་ན། །དོན་དམ་ངང་ལ་བདེ་བར་གནས་པ་ནི། །བྱང་ཆུབ་སེམས་བསྒོམ་ཞེས་ཀྱང་དེ་ལ་བྱ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་བློའི་ཡུལ་མེད་པར་བློ་ལ་གནས་པ་དེ་ཅིའི་ཕྱིར་ལགས་ཞེ་ན། བཀའ་སྩལ་པ། རྡོ་རྗེ་འདུས་པ་ཆེན་པོ། བྱང་ཆུབ་སྙིང་པོར་བཞུགས་པའི་ཚེ། སྟོང་པའི་ཆོས་ལ་སྟོང་པའི་ཡུལ་མེད་དེ་ནི་མི་གནས་སོ། །བྱང་ཆུབ་སེམས་བྱང་ཆུབ་བསྒྲུབ་པའི་རྒྱུ་མེད་དེ་ནི་མི་གནས་སོ། །འགྲོ་ལ་སེམས་རྒྱུད་གཉིས་མི་འཆང་། །ཞེས་པ་ནི་དེ་ལ་མ་སྐྱེས་མིང་མི་དམིགས། །དེ་ལས་གཞན་པའི་སེམས་མེད་ཕྱིར། །བཅོས་ཤིང་གནས་པ་གང་ཞིག་ཡོད། །ཇི་ལྟར་ནམ་མཁའ་མཁན་མ་ཡི། །དེ་ཕྱིར་ནམ་མཁའ་དེ་ཉིད་བསྒོམ་པར་མི་འགྱུར་ཞིང་། །ངོ་བོ་ཉིད་ཀྱིས་མ་སྐྱེས་སེམས་ཀྱི་ནི། །མ་སྐྱེས་དེ་ཉིད་བསྒོམ་པར་ག་ལ་འགྱུར། །མི་མཐུན་པ་དང་མཉམ་པོ་དབྱེར་མེད་དོན། །གང་གིས་ཤེས་ནས་རྩོལ་བ་ཀུན་སྤངས་ཏེ། །བཏང་སྙོམས་ཆེན་པོར་མ་བཅོས་ངང་བཞག་ན། །ཐ་སྙད་ཙམ་དུ་སྒོམ་ཞེས་དེ་ལ་བརྗོད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་བསྒོམ་པའི་དུས་ན་ཏིང་ངེ་འཛིན་གྱི་སྐྱོན་དག་ཇི་ལྟར་འཚལ་བར་བགྱི་ཞེ་ན། བཀའ་སྩལ་པ། དྲན་འབྱུང་རྗེས་སུ་འབྲངས་ནས་ནི། །འཁོར་བའི་གནས་སུ་འཁོར་བར་འགྱུར། །དྲན་འབྱུང་གཡོ་བ་ཅི་བཀག་པ། །དེ་ནི་འགོག་པ་ཉིད་དུ་འགྱུར། །དྲན་འབྱུང་མེད་པར་བླུན་པར་ན། །མུ་སྟེགས་ཅན་ནམ་མུན་པར་འགྱུར། །འདི་ཞེས་སེམས་སུ་གཅིག་བཟུང་ན། །མཚན་མ་རྟོག་པའི་རི་བོ་ཡིན། །སྔ་ཕྱི་མེད་པས་ཕྱ་ཆད་ན། །མེད་དེ་ཆད་པའི་མུན་ཅན་ཡིན། །གཞི་ཡི་དོན་ལས་ཡུད་ཙམ་ཞིག །ཅི་གཡོ་སྐྱེ་འགག་འབྱུང་བ་དེ། །དེ་ལས་དྲན་པ་མང་འཕེལ་ཞིང་། །ལམ་འཚལ་བ་ཡི་གྲངས་བྱུང་ན། །ལམ་གྱི་རྣམ་གྲངས་འཕེལ་འགྱུར་གྱི། །ཆོས་ཉིད་ལམ་དུ་ག་ལ་འགྱུར། །ལྷུང་བར་གྱུར་པའི་སྐྱོན་ཆེན་ནི། །མཚན་མའི་གཡེང་བ་རྣམ་དྲུག་ཡིན། །རངབཞིནཡུལལ་གཡེང་བ་དང་། །ནད་དང་མཚན་མའི་གཡེང་བ་དང་། །ཡིད་ལ་བྱེད་དང་གནས་ངན་ལེན། །འདི་དག་རབ་ཏུ་གསལ་བྱས་ན། །དོན་ལ་མཉམ་པར་བཞག་པའི་ཚེ། །མཉམ་པའི་དོན་ལ་སྒྲིབ་པའི་སྐྱོན། །རྣམ་པ་ལྔ་འབྱུང་འདི་ལྟ་སྟེ། །བྱུང་ཚོར་དབང་གིས་གཡེང་བ་དང་། །བྱིང་རྨུགས་དབང་གིས་ཐིབས་པ་དང་། །འཛིན་ཆགས་དབང་གིས་འགོག་པ་དང་། །ཐེར་ཟུག་དབང་གིས་དྲུག་པ་དང་། །ཕྱལ་བའི་དབང་གིས་མེད་པ་དང་། །འདི་ནི་མཉམ་ཉིད་སྐྱོན་ཡིན་ནོ། །ཏིང་འཛིན་བདེ་བའི་རོལ་ཆགས་གནས་པ། །ཡོད་མེད་རྒྱུ་དང་ལམ་ལྟ་ཆོས་ཉིད་ཡིན། །དེ་བས་ཆགས་པའི་གནས་ལ་ཏིང་འཛིན་ན། །ཞི་བས་ས་སྟེངས་མྱ་ངན་དེ་མི་འདའ། །སེམས་ནི་ཅི་ལའང་མི་གནས་དང་། །ཅི་ལའང་མི་དམིགས་ཤེས་བྱ་བ། །སེམས་ལ་གནས་དམིགས་སྐྱོན་སེལ་བ། །སེམས་འཛིན་ཕྲ་མོ་དེ་ལ་ཡོད། །སྨིག་སྒྱུ་བཞིན་དུ་སེམས་མེད་ན། །མི་གནས་མི་དམིགས་བྱེད་པ་གང་། །ནམ་མཁའི་རང་བཞིན་མ་ཤེས་ན། །བསྒོམ་པ་དོན་དང་ལྡན་མི་ཡིན། །ཇི་ཙམ་རྟོག་མེད་ཟབ་མོ་ཞིག །བློ་ཡི་ཡུལ་དུ་སྣང་ཞེ་ན། །མི་རྟོག་ཟབ་མོའི་ཉམས་མྱོང་བ། མྱོང་བ་ཡིན་ཕྱིར་དེ་ཉིད་མིན། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་ལྟར་ཤེས་ནས་བསྒོམ་པ་ལ། ཐེག་པ་འོག་མའི་རྩལ་སྒྲུབ་སྤྱོད་མི་དགོས་པ་ཇི་ལྟར་འཚལ་བ་ལགས་ཞེ་ན། དཀའ་སྩལ་པ། སངས་རྒྱས་ཀུན་གྱི་བྱང་ཆུབ་སེམས། །བླ་ན་མེད་པ་འབྱུང་འགྱུར་བ། །རྒྱལ་བས་གསུངས་པའི་ཡེ་ཤེས་གང་། །དེ་ནི་དཀྱིལ་འཁོར་སྙིང་པོར་གསུངས། །དེར་གཞོལ་དེ་ནི་མཆོད་པའི་སྤྲིན། །གློང་དུ་གནས་པ་སྒྲུབ་ཐབས་སོ། །ངང་གིས་མི་ལྡོག་དངོས་གྲུབ་པས། །དོན་དུ་ཀུན་གྲུབ་ཕྱག་རྒྱར་རྫོགས། །ཅི་ལ་མ་ཆགས་སྤྱིན་པ་སྟེ། །ངེས་པས་མི་གཏིང་དད་པའོ། །ཆོས་ཉིད་ལས་མ་འདས་པས་དམ་ཚིག་གོ །མན་ངག་དང་འབྲེལ་བས་གཟུངས་སོ། །དེ་བཞིན་ཉིད་ལས་མི་གཡོ་བས་ཏིང་ངེ་འཛིན། གཉིས་སུ་མེད་པས་ལྟ་བ། ཡིན་པའི་དོན་མ་སྤྲོས་པས་འཕྲིན་ལས། བདེན་པ་མཉེས་པས་སྔགས་དང་ཕྱག་རྒྱ། སྣང་སྲིད་ཡེ་འབྱམ་དབང་གི་མཆོག །འགྱུར་མེད་རྟོག་པ་བྱིན་རླབས་ཏེ། །ཆོས་ཉིད་གསལ་བ་མཆོད་པ་དང་། །རྟོགས་པས་སྒྲོལ་བའི་འཕྲིན་ལས་ཡིན། །གོམས་པས་སྦྱོར་བའི་འཕྲིན་ལས་ཡིན། །གསལ་བའི་ཏིང་འཛིན་འཕྲིན་ལས་ཡིན། །ཕེབས་པས་མཆོད་པའི་འཕྲིན་ལས་ཡིན། །གསང་ཐུབ་བཀའ་ཡི་འཕྲིན་ལས་ཡིན། འཕྲིན་ལས་རྫོགས་ཤེས་དེ་ལ་བྱ། །ཀུན་གཞི་བཟང་པོའི་རིག་པ་ལ། །རྒྱུད་ལྟར་དགྲོལ་ཞིང་ལུང་ལྟར་བསྐྱེད། །དོན་དམ་མན་ངག་གཞུང་ལྟར་བསྒོམ། །སྒྲུབ་ཐབས་ཚང་ཞེས་དེ་ལ་དེ་སྐད་བྱ། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་གོང་མ་ལྟར་བསྒོམས་པའི་དུས་སུ་མཚན་མ་ཕྲ་མོ་ལྡན་པ་ཀུན་སྐྱོན་ལགས་སམ་ཞེ་ན། བཀའ་སྩལ་པ།འདུ་བྱེད་མེད་པ་མཁའ་འདྲ་བས། །འདུ་བྱེད་ལས་བྱུང་བསམ་གཏན་སྐྱོན། །བརྟག་ཏུ་མེད་པའི་ཆོས་ཉིད་ནི། །རྟོག་པ་ཅན་གྱིས་མི་རྟོགས་ཏེ། །གང་ཞིག་དེ་དོན་མི་རྟོགས་པར། །གཡེང་བར་ལྟུང་བ་ཅི་ཆ་ཡོད། །ཆོས་ཉིད་ཙམ་དུ་མི་སྐྱོན་ན། །སྒྱུ་མ་ཕྲ་རགས་སྨོས་ཅི་དགོས། །བསམ་དང་བྲལ་བ་ཡེ་ཤེས་པས། །མཐའ་ཀུན་ཡིད་ལ་མི་བྱའོ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་བསྒོམ་པ་ལ་དེ་ལྟར་སྐྱོན་ལགས་ན། ལྡང་བ་རྣམས་དགག་ལགས་སམ་ཞེ་ན། བཀའ་སྩལ་པ། ལྡང་མི་ལྡང་ཆེད་དུ་མི་སྤོང་སེམས་རྟེན་ཅི་འཆང་མངོན་དུ་མིན། །འཇམ་པ་མ་ཡིན་རྡུལ་ཙམ་གཡོ་བ་དེ་ཉིད་ཡིན་ཏེ་དེར་མི་གནས། །བསྒོམ་པའི་ས་མི་རྙེད་ཅིང་བསྒོམས་པས་རྙེད་མ་འགྱུར་བ་སྟེ། །སེམས་ཀྱི་སྤྱོད་ཡུལ་ཤེས་པ་དེ་ལ་དེ་དག་ཆོས་རྣམས་ཀྱི་མཚན་ཉིད་ཡིན། །རྣམ་འབྲས་གང་ལའང་མཆོག་དང་ཐ་མ་མེད་པར་ལམ་མཆོག་འདི་བསྒོམམོ། །འདུ་བྱེད་མ་སྐྱེས་ཆོས་ཀུན་འབྱུང་མེད་ཤིན་ཏུ་ཆོས་རྣམས་མྱ་ངན་འདས། །དངོས་མེད་དེ་ཚེ་ཀུན་ཀྱང་ཆོས་ཀྱི་དབྱིངས་ཤེས་དགྲ་བཅོམ་རབ་འབྱོར་ཡིན། །རྣམ་པར་རྟོག་པའི་མཚན་མ་ཅི་བྱུང་ཡང་། །རྟོག་པ་དེ་ཉིད་ཆོས་ཉིད་ཡིན་ཤེས་ན །ཆོས་ཀྱི་དབྱིངས་ཉིད་གཞན་དུ་བསྒོམ་མི་དགོས། །དེ་ལ་གཉེན་པོས་བཅོས་ཤིང་དཔག་ཏུ་མེད། །ཐེ་ཚོམ་ལྡང་ངོ་ཅོག་ནི་ཆོས་ཀྱི་དབྱིངས་ཡིན་པས། །ལྷག་པར་ཐེ་ཚོམ་བསལ་བའི་རྒྱུ་མེད་དོ། །དེ་ལྟར་ཤེས་ན་བྱུང་ཡང་སྐྱོན་མེད་དོ། །བྱུང་ཆོས་གཡོ་འགོག་ཐམས་ཅད་ཀྱང་། །རང་བཞིན་གྱིས་འབྱུང་ངང་གིས་ཞི། །མདོར་ན་ཅིར་བརྟགས་བསམ་པ་བཞིན། །འབྱུང་བས་ཐམས་ཅད་ངོ་བོར་སྣང་། །མ་བཅོས་གཡོ་བ་མེད་ཉིད་ལ། །སྣ་ཚོགས་འབྱུང་རྒྱུ་མི་སྐྱོན་ཞིང་། །ཆོ་འཕྲུལ་མི་འགག་ཉམ་ང་མེད། །སྐྱོན་མེད་གཉིས་པོས་མ་སྐྱེས་ཕྱིར། །རྣམ་རྟོག་མཚན་མ་ཅི་བྱུང་ཡང་། །མ་བཀག་རང་བྱུང་རང་ཞི་སྟེ། །མ་བཅོས་མ་བྱས་རང་གི་ངང་གིས་གསལ། །ནམ་མཁའ་ཡངས་པའི་དཀྱིལ་ཡངས་སུ། །དངོས་པོ་མཚན་མ་ཀུན་ཞི་ལྟར། །རྟོགས་པས་ཡངས་པའི་ལྟ་བ་ལ། །འཛིན་རྟོག་མཚན་མ་ཀུན་ཀྱང་ཤོང་། ་༑ང་བ་བས་ཀྱང་ཡངས་ཀྱང་ཡངས། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པོ་བསྒོམ་པའི་དུས་ན་གོལ་སར་ཅིས་མ་ལྟུང་བ་ལགས་ཞེ་ན། བཀའ་སྩལ་པ། སེམས་ཉིད་དངོས་པོ་ཡོད་ཅེའམ། །མེད་ཅེས་བྱ་བར་མི་ལྟ་བས། །མུ་སྟེགས་ཅན་དུ་ལྟུང་མི་འགྱུར། །བྱིང་རྨུགས་ཅན་དུ་མ་གྱུར་པས། །འདུ་ཤེས་མེད་པར་དེ་མི་ལྟུང་། །འདུ་ཤེས་རྗེས་སུ་མ་འབྲེངས་པས། །སེམས་ཅན་ཁམས་སུ་དེ་མི་འཁོར། །ཀུན་གཞིའི་དོན་ལ་གོམས་པས་ན། །ཉན་ཐོས་ཐེག་པར་དེ་མི་ལྟུང་། །སྟོང་ཞིང་ཞི་བར་མི་བྱེད་པས། །རང་རྒྱལ་ལྟ་བར་དེ་མི་འགྱུར། །རྣམ་དག་སྟོང་པར་མི་བྱེད་པས། །བྱང་ཆུབ་སྤྱོད་པར་ཡོང་མི་ལྟུང་། །མཉམ་ཉིད་སྟོང་པའི་དོན་དག་ལ། །སོ་སོར་ཐ་དད་མི་བྱེད་པས། །ས་ཡི་རིམ་པར་མི་ལྟུང་ཞིང་། །རིམ་གྱིས་སྦྱང་ཞིང་འཕར་བ་མེད། །གང་ཞིག་གསལ་ཞིང་དམིགས་ཡོད་ན། །དེ་ཉིད་ངེས་པར་གཡེང་བ་ཡིན། །ཅི་ཡང་ཡིད་ལ་མི་བྱེད་པས། །གསིལ་བར་ལྷུང་བ་ཅི་ཞིག་ལྟུང་། །བསམ་མེད་བསྒོམ་པ་མ་ནོར་ན། །ཆོས་སྐུ་བྱང་ཆུབ་ཐེ་ཚོ་།་མེད། །ཅེས་གསུངས་སོ། །གསོལ་པ། །བྱང་ཆུབ་སེམས་ཀྱི་ཕུར་པ་བསྒོམ་པའི་ཚེ་དམིགས་པ་བཅུག་ཀྱང་ཆོས་ཉིད་གསལ་ན་སྐྱོན་ཅི་མཆིས་ཞེ་ན། བཀའ་སྩལ་པ། གཞན་མ་དམན་པའི་སྒོ་ནས་ནི། །དམིགས་པ་འཛིན་པ་མེད་པའི་ཆོས་ཉིད་ལ། །དམིགས་པའི་རྟོག་པ་ཡོད་པས་ནོར། །ཐེར་ཚེར་དམིགས་ཀྱི་ནམ་མཁའ་ལ། །ཕྲ་རབ་ཐེན་ཐག་འཛུད་པ་ལྟར། །བྱིས་པ་ལས་གང་བྱེད་པ་སྟེ། ཁྲེས་ཅམ་དག་གིས་བྱ་མ་རུང་། །བྱང་ཆུབ་དེ་ཡང་མི་དམིགས་ཏེ། །མི་གནས་ཤེས་ནི་གང་བརྗོད་ཅིང་། །གནས་དང་དམིགས་པའི་གནས་འཛིན་པ། །གཟུང་འཛིན་ཞེ་ནི་དེ་ལ་བྱ། །དམིགས་པའི་ཡིད་ལ་ཅི་གསལ་བ། ཁེས་པའི་ཡུལ་དུ་འཇུག་འགྱུར་བས། །དེ་དག་མ་རབས་ཏིང་ངེ་འཛིན། །དེས་ན་དམིགས་མེད་རྒྱལ་བས་གསུངས། །ཞེས་བྱའོ། །གསོལ་བ། བྱང་ཆུབ་སེམས་ཀྱི་ཕུར་པ་བསྒོམ་པས་གྲུབ་པའི་རྟགས་ཇི་ལྟ་བུ་འབྱུང་བ་ལགས་ཞེ་ན། བཀའ་སྩལ་པ། དེ་ལྟར་དོན་ལ་མཉམ་བཞག་ན། །རྟགས་ཀྱི་ཚོར་བ་འདི་ལྟར་འབྱུང་། །དྲོད་དང་རྟགས་དང་ཆོ་འཕྲུལ་དང་། །རྣམ་ཤེས་དང་ནི་ཡེ་ཤེས་དང་། །དྲོད་ནི་གཡོ་དང་ཐོབ་པ་དང་། །རྟགས་ནིམྱོང་དང་བརྟན་པ་དང་། །ཆོ་འཕྲུལ་འབྱུང་དང་རྫོགས་པ་དང་། །རིག་པ་ཕྲ་མོ་ཡན་ཆད་གསལ། །དེ་ནི་དོན་རྣམས་རྫོགས་པ་ཡིན། །དྲོད་གསུམ་ཉམས་སུ་ལོན་པ་དང་། །རྣམ་གཉིས་རྟགས་ཀྱང་འབྱུང་བར་འགྱུར། །ཆེད་དུ་རྩོལ་བ་མི་བྱེད་ཀྱི། །མི་འཁྲུགས་མཉམ་པ་ཉིད་ཤེས་དང་། །གང་ལ་ཆགས་དང་ཡུལ་གྱིས་མྱོས། །སྐྲག་མེད་དེ་ནི་མི་འབྲལ་མི་གནས་ཤིང་། །མི་འཕྲོག་མཉམ་ཤེས་བཞི་པོ་ཕྱོགས་དང་ཕ་རོལ་ཕྱིན་རྣམས་དེར་ཤེས། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་བསྒོམ་པ་དེ་ཀློང་དུ་ཚུལ་ཇི་ལྟར་འགྱུར་ཞེ་ན། བཀའ་སྩལ་པ། དེ་ལྟར་ཡུན་རིངས་འདུག་གནས་དང་། །སེམས་ནི་མི་འགྱུར་རྡོ་རྗེ་དང་། །བཟོད་ཅིག་སྡུག་བསྔལ་བྱང་ཆུབ་སེམས། །བྱང་ཆུབ་མཆོག་གི་སྙིང་པོ་ནི། །མཚན་མས་བཙལ་བ་མ་ཡིན་ཏེ། །དག་པ་རྣམ་གསུམ་མ་ནོར་ཅིང་། །རང་གི་རྒྱལ་པོ་གོམས་པ་ཡིས། །བྱང་ཆུབ་མཆོག་འདི་རྙེད་པར་འགྱུར། །བསྒྲུབ་པར་བྱ་བ་གང་ཡིན་དེ་ལ་ནི། །བཙལ་བ་ཡང་ནས་ཡང་དུ་མཉམ་བཞག་སྟེ། །གོམས་པ་ཀློང་དུ་གྱུར་ཅིང་ཁད་ཀྱིས་ནི། །རྩོལ་བ་མེད་པར་ལྷུན་གྱིས་གྲུབ་བར་འགྱུར། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་སྙིང་རྗེ་ཆེན་པོ་ཞེས་བགྱི་བར་ཇི་ལྟར་འབྱུང་ཞེ་ན། བཀའ་སྩལ་པ། ཐབས་ཀྱི་རྩ་བར་སྙིང་རྗེ་མ་ཤར་ན། །འཕྲལ་དུ་ཕྱོགས་ཆས་ཡོངས་ལ་ཁྱབ་མི་འགྱུར། །བདལ་བ་ཆེན་པོའི་བློ་ཡིས་སྤྱིར་ཁྱབ་ན། །ཀུན་ཏུ་སྣང་གི་ཏིང་འཛིན་མ་བསྒོམས་གསལ། །ཐུགས་རྗེ་འབྱུང་བའི་གནས་ནི་ཉོན་མོངས་ལྔ། །ཉོན་མོངས་དེ་ཉིད་ཡང་དག་ཡིན་རྟོགས་ན། །དོན་དམ་རྒྱུ་ལ་འབྲས་བུ་ཡིན་རྟོགས་ན། །སངས་རྒྱས་སེམས་ཅན་འབྲས་བུ་ཡིན་རྟོགས་མཉམ། །ཐུགས་རྗེ་ཆེན་པོ་སྐྱེ་ཞེས་དེ་ལ་བྱ། །ཆོས་དབྱིངས་མཐའ་དབུས་མེད་པ་ལ། །སྐྱེ་འགག་མེད་པའི་བློ་བདལ་བས། །སྤྲོས་པ་མེད་པར་རྟོགས་པ་ཡི། །ཁྱབ་པ་སྒྱི་ཡི་ཐུགས་རྗེ་ཆེ། །ཐུགས་རྗེ་ཆེན་པོ་ཅིར་མི་མཛད། །ཅེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་བསྒོམ་པའི་དུས་ན། ཐུགས་རྗེ་ཆེན་པོ་ཐབས་ཀྱི་སྤྱོད་པའི་འགྲོ་དོན་བྱའོ་ཞེས་གསུངས་པ་དེ་དོན་ཇི་ལྟར་ལགས་ཞེ་ན། བཀའ་སྩལ་པ། དེ་ལྟར་དེ་བཞིན་ཆོས་ཀྱི་དབྱིངས་རིག་ནས། །མ་རིག་རྣམས་ལ་སྙིང་རྗེ་ཆེན་པོ་བསྐྱེད། །སྙིང་རྗེ་སྐྱེས་ནས་སྒྱུ་མའི་ཏིང་འཛིན་གྱིས། །འགྲོ་དོན་ཐབས་ཀྱི་སྤྱོད་པ་སྣ་ཚོགས་སྟོན། །རྩ་བ་བྱང་ཆུབ་སེམས་ཉིད་རྟོགས། །ཐབས་ཀྱི་ཕ་རོལ་ཕྱིན་པ་སྤྱོད། །སྙིང་རྗེས་ཆུད་མ་ཟོས་བར་ཟུང་། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་མཚན་མའི་གཟུང་འཛིན་དུ་མི་འགྱུར་ལགས་སམ་ཞེ་ན། བཀའ་སྩལ་པ། ཐབས་ཀྱི་སྤྱོད་པསགདུལ་བྱ་ཀུན་གདུལ་ཀྱང་། །སྒྱུ་མའི་བློ་ལྡན་རློམ་སེམས་རྡུལ་ཙམ་མེད། །མ་སྐྱེས་སེམས་ལ་སེམས་ཅན་མེད་པའི་ཕྱིར། །ངོ་བོ་ཉིད་ཀྱི་ཆོས་ཀུན་ང་རྒྱལ་འཆང་། །ཆོས་ཀུན་སྒྱུ་མར་མངོན་སུམ་སྣང་བའི་ཕྱིར། །ཏིང་འཛིན་སྒྱུ་མས་ཏིང་འཛིན་དེ་ལྟར་སྟོན། །ཞེས་གསུངས་སོ། །གསོལ་པ། བྱང་ཆུབ་སེམ་ཀྱི་ཕུར་པ་དེ་ཐབས་དང་ཤེས་རབ་འབྲེལ་བས་བདེན་པ་མཐོང་ཞེས་བགྱི་བ་ཇི་ལྟར་ལགས་ཞེ་ན། བཀའ་སྩལ་པ། དེ་ལྷར་སེམས་ཀྱི་སེམས་མཐོང་། །ཡེ་ཤེས་ཀྱིས་ཆོས་ཉིད་མཐོང་། །དུས་ཀུན་ཏུ་ནི་སྐྱེ་འགག་མེད། །སྔོན་ནས་མཐོང་བའི་དོན་མཐོང་འགྱུར། །དེ་ཡང་དངོས་པོ་མི་མཐོང་བའི། །ཐམས་ཅད་རང་བཞིན་མེད་པ་ཅིག །བློ་ལ་འདས་པ་ཁོ་ནར་ཟད། །དེ་ལྟ་བུ་ཡི་དོན་མཐོང་ན། །མཚན་མར་མཐོང་བ་ཅི་ཡང་མེད། །སྒྱུ་མ་ཙམ་དུ་ཚུལ་ཤེས་ན། །ནམ་མཁའ་མཉམ་པའི་དོན་སྣང་འགྱུར། །ཁ་ཅིག་དང་ནི་དེ་དོན་ལ། །སྣང་བ་ཞེས་ནི་ཅི་ཕྱིར་གདགས། །མེད་པའི་དོན་དང་འགལ་ལོ་ཞེས། །ཐེ་ཚོམ་ཟ་འགྱུར་དེ་དག་ལ། །མཐོང་བ་མེད་པའི་དོན་དེ་ཉིད། །ཡིད་ཀྱི་ངོ་ལ་སྣང་འགྱུར་ན། །སྣང་ཞེས་དེ་ཕྱིར་བརྗོད་པར་བྱ། །དེ་བས་འཁྲུལ་བ་མ་ཟད་པར། །ནམ་མཁའ་མཐོང་བ་མེད་པ་དེ། །དེ་ཉིད་ཡིད་ལ་སྣང་འགྱུར་ཡང་། །གཟུགས་ལ་སྣང་བར་གྱུར་མ་ཡིན། །སེམས་ཉིད་བདེན་པས་མ་མཐོང་ན། །ཡིད་ལ་མཚན་ཉིད་དོན་གསལ་ཡང་། །མཚན་མ་འཁྲུལ་པ་རྒྱུ་བ་གཉིས། །འདྲེན་མར་རྒྱུ་བ་འབྲས་བུ་མེད། །དེ་ཉིད་བདེན་པར་མཐོང་འགྱུར་ན། །དེ་ནས་དེ་མ་ཐག་ཏུ་ཡང་། །ཡིད་ཀྱིས་རྒྱུ་བ་རྒྱུན་བཅད་ནས། །སྔར་འཁྲུལ་མཚན་མའི་ཆོས་བྲལ་ཏེ། དེས་ནི་བདེན་པ་མཐོང་བ་ཡིན། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེའི་བདེན་པ་མཐོང་བའི་དྲོད་ཚད་ཅི་གཟུང་བ་ལགས་ཞེ་ན། བཀའ་སྩལ་པ། ངེས་དོན་མཐོང་བའི་ཉམས་དྲོད་ནི། །མན་ངག་ལུང་གི་བརྒྱན་ཆ་སྟེ། །ངེས་པར་དྲོད་གསུམ་མྱོང་བར་འགྱུར། །དེ་དག་ཐོག་ཏུ་ཕེབས་པའི་དྲོད། །དྲོད་ཆེན་རྟག་ཏུ་བསྟན་པ་ཡིན། །དེ་ཡིས་ཞར་ལ་འབྱུང་བའི་ཕྱིར། །འཁོར་བའི་ཁམས་སུ་སྙིང་རྗེ་ཡི། །བྱང་ཆུབ་སེམས་ཀྱང་སྐྱེ་བར་འགྱུར། །མཚན་མ་རྟོགས་པའི་ཆོས་རྣམས་ལ། །ཡིད་མ་ཆེས་པའི་འདུ་ཤེས་སྐྱེས། །ཆོས་རྣམས་འདི་ལྟར་ཡིན་པ་ལ། །ལོག་པར་འཁྲུལ་པ་ངོ་མཚར་ཞེས། །ཡ་ཆར་སྤྱོད་པའི་འདུ་ཤེས་འབྱུང་། །འདི་དོན་མ་ཤེས་འགྲོ་བ་རྣམས། །རྩོལ་སྒྲུབ་དཀའ་བའི་ཐབས་ཆེན་གྱིས། །ཡང་དག་དོན་འཚོལ་ལམ་དེ་རིང་། །བསགས་པའི་འབྲས་བུ་ཡོད་གྱུར་ཀྱང་། །གཟུགས་ལ་སྣང་བར་དོན་དེ་མཐོང་བར་ཡོངས་མ་ནུས། །དེ་ལྟར་ཤེས་པའི་ཉམས་དྲོད་ནི། །སྐལ་དང་ལྡན་པའི་སྐྱེས་བུ་གང་། །རྒྱུད་འགྲོས་ཚིག་གིས་མ་བཀྲོལ་བར། །སེམས་ལས་ཆོས་འབྱུང་འབུམ་ཕྲག་ཡས། །སྨྲ་བའི་སྒོ་མོ་ཐམས་ཅད་གསལ། །དོན་ལ་ངེས་པའི་གཏན་ཚིག་དག །ཚིག་ཏུ་མཚོན་ཏེ་འབྱིན་པར་ནུས། །དེ་ནི་ཆོས་སྐུ་མཉམ་ཉིད་དང་། །དབྱེར་མེད་གཉིས་སུ་མེད་པ་ཡིན། །བསྟན་པའི་གཟུགས་སུ་གཟུགས་བརྙན་དང་། །དེ་ནི་མཚུངས་པ་མ་ཡིན་ནོ། །ཞི་ལུས་མཐར་འགོག་རྐྱེན་གཉིས་དང་། །དེ་ནི་མཚུངས་པ་མ་ཡིན་ནོ། །ས་ལ་སློབ་པའི་སེམས་དཔའ་དང་། །དེ་ཡང་མི་མཚུངས་རྒྱལ་བས་གསུངས། །རིགས་འཛིན་དྲང་སྲོང་དོན་སྤྱོད་དང་། །ལུས་འདྲ་སེམས་ནི་ཡོང་མི་མཚུངས། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་བའི་དོན་སྤྱོད་པའི་རྣལ་འབྱོར་པ་དེ་ལ་བར་ཆད་ཀྱི་བདུད་ཀྱི་སྤྱོད་ཡུལ་རྣམས་འབྱུང་བ་ཇི་ལྟ་བུ་ལགས་ཞེ་ན། བཀའ་སྩལ་པ། རྣལ་འབྱོར་བདུད་ཀྱི་སྤྱོད་ཡུལ་ནི། །དམ་པར་མདུན་མཐོང་དམ་པར་སྨྲ། །སྤྲུལ་པ་གྲངས་མེད་འགྱེད་མཐོང་དང་། །དམ་པས་གསུང་ཀུན་གསལ་མཐོང་དང་། །དུས་ཀུན་ཤེས་གསལ་མཐོང་བ་དང་། །རྒྱུད་དྲུག་ལམ་གནས་ཀུན་སྣང་དང་། །དེ་ལ་གདུང་བའི་ཤུགས་ཕྱུང་དང་། །ཀུན་གང་གསལ་བར་མཐོང་བ་དང་། །ཅི་ལ་ཐོགས་མེད་འགྲོ་བ་དང་། །མཁའ་ལ་བྱ་བཞིན་འགྲོ་འདུག་དང་། །སངས་རྒྱས་ཕྱག་རྒྱ་ལུང་སྟོན་དང་། །ཀུན་གྱི་སྐད་དུ་ཆོས་སྟོན་དང་། །དངོས་པོ་བརྟན་གཡོ་བསྟི་གནས་མཐོང་། །ཐམས་ཅད་མཉམ་པར་བཀོད་པ་དང་། །དེ་ཉིད་རང་བཞིན་གསལ་སྣང་དང་། །ལས་སུ་རུང་བ་ཐོགས་མེད་དང་། །དམ་པས་དོན་ལ་བསྔོས་པ་དང་། །ཏིང་འཛིན་གཙོ་བོས་མཆོད་པ་དང་། །རང་བཞིན་ཤེས་ན་དམ་པའིཐབས། །གང་གིས་མི་ཤེས་ལོག་པའི་བདུད་ཅེས་བྱ། །ཆགས་སྡང་དྲག་པོའི་ཡུལ་དང་ནི། །མི་མ་ཡིན་པའི་གཟུགས་སུ་སྣང་བ་དང་། །མཁའ་ལ་སྣ་ཚོགས་གཟུགས་སུ་མཐོང་བ་དང་། །དེ་དག་བདུད་ཀྱི་སྤྱོད་ཡུལ་ལོ། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པར་སྤྱོད་པའི་ཚེ། གོང་གི་སྤྱོད་ཡུལ་དེ་དག་ཇི་ལྟར་ཤེས་པར་བགྱི་བ་ལགས་ཞེ་ན། བཀའ་སྩལ་པ། སེམས་དང་སྣང་བའི་མཚན་མ་དང་། །ང་བདག་གཉིས་པའི་མཐའ་མེད་པས། །སྣང་བ་ཐམས་ཅད་ཡོན་ཏན་མིན། །དེ་བས་དགའ་བྲོད་འདུ་ཤེས་མེད། །ཡོན་ཏན་སྙེམས་པའི་ང་རྒྱལ་གྱིས། །དྲེགས་ཁེངས་མཐོ་དམན་སེམས་བསྐྱེད་ན། །ངེས་པར་བདེན་པ་མ་མཐོང་བ། །དེ་བས་བདུད་ཀྱི་སྤྱོད་ཡུལ་གསུངས། །དེ་བས་སྒྱུ་མ་རབ་ཤེས་ནས། །རློམ་སེམས་བྲལ་བས་སངས་རྒྱས་ཡིན། །དེ་བཞིན་གཤེགས་པའི་སྤྱོད་ཡུལ་མཐོང་ཡང་མ་ཆགས་པ་དང་། སྲིད་པ་གསུམ་ས་ལེ་མཐོང་ཡང་རིག་པའི་གནས་སུ་མི་འཇིགས་པ་དང་། དུས་གསུམ་གྱི་ཚེ་གསུམ་དྲན་ཡང་ཆོས་ཉིད་ལས་མ་གཡོས་པའོ། །ཞེས་སོ། །གསོལ་པ། བྱང་ཆུབ་སེམས་ཀྱི་ཕུར་པ་གོངམ་ལྟར་བསྒོམས་པས་འབྲས་བུ་ཇི་ལྟར་ཐོབ་པ་ལགས་ཞེ་ན། བཀའ་སྩལ་པ། དམིགས་མེད་ཏིང་འཛིན་རྟོགས་གྱུར་ན། །ཆོས་སྐུ་རྟོགས་ཞེས་དེ་ལ་བྱ། །མི་ཟད་རྒྱན་གྱི་འཁོར་ལོ་ཡང་། །སྒྱུ་མའི་སྤྱོད་ཡུལ་དངག་ཏུ་མེད། །ཅེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་དེའི་འབྲས་བུ་ཐོབ་པ་ཞིག་ལགས་སམ་ཞེ་ན། བཀའ་སྩལ་པ། ནམ་མཁའ་བཞིན་ཏེ་མཐའ་མཉམ་ཞིང་། །གཞན་ལ་ལྟོས་འགྱུར་ཆོས་མ་ཡིན། །མཚུངས་པ་མེད་པའི་ཡེ་ཤེས་ཀྱིས། །རངགི་མཐུ་ཡིས་རིག་པ་ལས། །ཆོས་ནི་གཞན་ནས་འབྱུང་མི་འགྱུར། །རང་རིག་སྐྱེས་བུ་དམ་པ་ལ། །བླ་མའི་སངས་རྒྱས་དེ་ལ་གནས། །དོན་དམ་བཅོས་ལྡན་བཞག་པ་ལ། །ཡོན་ཏན་འབྲས་བུ་རང་བཞིན་ཚང་། །བཀའ་གསང་ཐབས་ཀྱི་འབྲས་བུ་ནི། །རེ་མེད་དོན་དམ་ང་ལ་ཡོད། །ཀྱེ། རྣལ་འབྱོར་གང་དུ་དོན་གཅིག་ཉན། །མ་ཡེངས་དོན་ལ་བློ་འཇོག་དང་། །སྣང་མེད་འབྲས་བུ་ལག་ཆང་མ། །མི་འབྱུང་མི་འཇུག་བདག་མེད་སྙིང་རྗེའི་དེ་ཡིས་ནི། །གཞན་གྱི་ནོར་མེད་མ་འོངས་ཡེ་ནས་གནས་པ་ཡིན། །བྱང་ཆུབ་སྙིང་པོར་དག་འཇུག་པས། །ཐོབ་པ་མེད་པས་སྤངས་པ་མེད། །སངས་རྒྱས་རྣམས་ཀྱི་བྱང་ཆུབ་ནི། །ཐ་སྙད་ཡིན་ཏེ་དོན་དམ་མིན། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་འབྲས་བུ་ཐོབ་པ་བགྱི་བ་ཉིད་ཇི་ལྟ་བུ་ལགས་ཞེ་ན། བཀའ་སྩལ་པ། བདག་ཉིད་ཆོས་སྐུ་སྙིང་པོ་བྱང་ཆུབ་པས། །གཞན་ནས་བཙལ་ཞིང་ཐོབ་པ་མ་ཡིན་ཡང་། རྨི་ལམ་སད་ནས་གཟུགས་དང་བྲལབབཞིན། །སྒྲིབསྤངས་བྱང་ཆུབ་ཐོབ་ཅེས་རྒྱལ་བས་གསུངས། །རྟོགས་པའི་འདུ་ཤེས་ཟད་གྱུར་ན། །ལྷུན་གྲུབ་ཡེ་གསལ་རང་ལས་འཆར། །དེ་ལ་རྒྱུ་དང་འབྲས་བུ་མེད། །དེ་ཕྱིར་ཡེ་ཤེས་སྤྲོས་བྲལ་ཡིན། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པའི་དེ་ལ་རྒྱུ་འབྲས་དབྱེར་མེད་པ་ཞེས་བགྱི་བ་ཇི་ལྟ་བུ་ལགས་ཞེ་ན། བཀའ་སྩལ་པ། རྒྱུ་འབྲས་ཡེ་ནས་དབྱེར་མེད་སྔ་ཕྱི་མ་ཡིན། །འབྲས་བུ་ལམ་དུ་གྱུར་ན་དུས་གཅིག་མཉམ་པར་སྦྱོར། །བྱང་ཆུབ་སེམས་ཀྱི་ཕུར་པའི་དོན་གོང་མ་དེ་ཇི་ལྟར་དབྱེར་མེད་ཅེ་ན།བཀའ་སྩལ་པ། འབྲས་བུ་རྣམ་པར་དག་པ་ནི། །འཇིག་རྟེན་བརྟན་གཡོ་ལ་སོགས་པ། །སྣང་བ་ཉིད་ན་ངོ་བོ་ཉིད་མེད། །ཆོས་ཉིད་ཆོས་སྐུ་ཆེན་པོ་ཡིན། །སྐུ་དང་རྒྱན་དང་འཁོར་ལོ་ནི། །ལུང་ཆེན་བཟང་མོའི་ནང་ན་གསལ། །དངོས་གྲུབ་མཆོག་གི་སྙིང་པོ་དང་། །དང་པོའི་དོན་རྟོགས་མཐར་མི་གཏོང་། །ཆུ་སྲིན་ཕྱག་རྒྱ་ཇི་བཞིན་ནོ། །སྤྱོད་ཡུལ་ཀུན་ཏུ་ཚད་དཔག་མེད། །ཅེས་གསུངས་སོ། །གསོལ་བ། བཅུ་བཞི་པ་ཡི་གསང་སྔགས་དོན། །བྱང་ཆུབ་སེམས་ཀྱི་ཕུར་པ་ཡི། །ངེས་པར་བཟླས་པའི་ཉམས་བླངས་པ། །ལྔ་གསུམ་དང་པོའི་ཡི་གེ་ཡི། ཁྲེས་རབ་ཐབས་ཀྱི་ཕུར་པ་གང་། །གཉིས་མེད་ཐེག་ཆེན་ཕུར་བུ་གཅིག །ཐམས་ཅད་བགེགས་ཀྱི་དོན་ཅི་ལགས། །དེ་དག་བསྡུས་པ་གང་དུ་བསྒྲལ། །བཀའ་སྩལ་པ། དང་པོ་དགོན་པར་གནས་པའི་ཕྱིར། །ལྔ་དྲུག་སེམས་ཅན་རང་བྱུང་བ། །གཅིག་མང་ལྔ་བཤད་གང་ཡིན་དང་། །རྡ་རྗེ་སྐུ་མཆོག་ལྷུན་རྫོགས་ཉིད། །དུས་གསུམ་རྒྱལ་བའི་ཡབ་ཆེན་པོ། །སངས་རྒྱས་ཐམས་ཅད་འདུས་པའི་སྲས། །རངལས་གཞན་ན་ཡོད་མིན་པ། །མཐའ་བྲལ་བ་ཡང་ཡོད་མ་ཡིན། །འདི་ལྟར་ཡིན་ཞེས་ང་མི་སྨྲ། །ལི་སྒྲས་ཤེས་རབ་མཆོག་གི་དབྱིངས། །ཆོས་ཅན་མཚན་མ་ཀུན་ལ་ཐེབས། །དེ་དག་སྤྲོས་དང་བྲལ་མ་བྲལ། །ཕྱོགས་བཅུ་ཐུག་པ་ག་ལ་ཡོད། །བསམ་པའི་དབྱིངས་ལས་ཡུལ་མེད་པར། །རིག་པ་རང་ཤར་ཐབས་ཀྱི་མཆོག །སྤྱོད་ཡུལ་དག་པས་བཟང་པོ་ནི། །ལ་སྒྲས་མཚོན་པའི་ཐེག་ཆེན་པོ། །ཡ་སྒྲས་མཚོན་པས་དབྱིངས་ལ་ཐེབས། །གཉིས་མེད་ཕུར་བུ་མཐར་ཕྱིན་ནོ། །ཡེ་ཤེས་སྤྲོས་བྲལ་ཕུར་བའི་མཆོག །འཐོབ་དབང་ཀུན་གྱི་མཆོག་ཡིན་ཏེ། །གཟའ་གཏད་མེད་པར་ཐག་ཆོད་ན། །རེ་བཞིན་དོགས་པ་ག་ལ་ཡོད། །དེ་རྗེས་མངོན་དུ་གང་བྱེད་པ། །དགོན་པ་གཉིས་པོ་རྣམ་བྲལ་བའི། །དགོན་པ་མཆོག་ལ་གནས་པ་སྟེ། །རེ་དོགས་མེད་པར་རང་བཞིན་འདུག །དབྱིངས་ཉིད་རང་སྣང་རྒྱ་ཆེ་ལ། །འདུག་ན་མཚོན་དང་རླབས་ཚུལ་ལས། །དང་པོ་སྔགས་སུ་དོན་ཉིད་སྣང་། །ཕྱོགས་ནས་ལྡང་པ་ག་ལ་ཡོད། །དེ་ཚེ་དྲུག་གིས་མཚོན་བསྒྲིབས་པ། །རྩ་བ་རང་བཞིན་རྐྱེན་བླང་སྟེ། །ཉམས་མྱོང་ཆེད་བྱེད་ཤུགས་སྣང་བགེགས། །ཐམས་ཅད་གསུམ་ལ་ཇི་ལྟར་བསྒྲིབ། །ཟིན་ནས་ཉམ་ང་དང་པོ་ལ། །འབྱུང་ཚེ་བཅོམ་པའི་ཡི་གེ་གཅིག །དབང་སྟེ་རྟོགས་པས་དབང་གྱུར་ན། །བྱིང་རྨུགས་ལྷག་མཐོང་རྒོད་ཞི་ནས། །ཐ་དད་ཟུང་འབྲེལ་རང་བཞིན་ལས། །སྒྲིབ་རྩལ་རྩོལ་བ་ག་ལ་ཡོད། །ཐུགས་ཀྱི་ཡི་གེ་རང་གནས་ན། །ཉམས་ལྔའི་དྲོད་རྟགས་རང་བྱུང་བས། །འཁོར་བའི་རྒྱ་མཚོ་ལས་སྒྲོལ་བ། །ཡི་གེ་འབྲུ་དགུ་དྲང་བའི་དོན་ཡིན་ཏེ། །མིང་ཙམ་གཞན་ལ་རྟེན་འདྲ་ཡང། །མངོན་སུམ་སྨིན་པ་རང་ཉིད་ཡིན། །གསོལ་བ། བྱང་ཆུབ་སེམས་ཀྱི་ཕུར་པ་དེ། །གདབ་པའི་གནས་ནི་གང་ལྟར་ལགས། །བཀའ་སྩལ་པ། བྱང་ཆུབ་སེམས་ཀྱི་ཕུར་པ་དེ། །གཞན་དུ་འདེབས་པའི་གནས་མེད་དེ། །དངོས་པོ་ཕྱིན་ཅི་ལོག་ལ་གདབ། །གཟུང་འཛིན་འཁྲུལ་པའི་ཆོས་ལ་གདབ། །ཐབས་ཀྱི་ཕུར་བུ་ཤེས་རབ་ངང་དུ་གདབ། །ཡེ་ཤེས་ཕུར་པ་དབྱིངས་ལ་གདབ། །དངོས་པོ་ཀུན་བྲལ་ཕུར་བུ་ཡིས། །རང་རིག་བྱང་ཆུབ་སེམས་ལ་གདབ། །དེ་ལྟར་རྟོགས་ན་ཐེབས་པ་ཡིན། །གསོལ་བ། བྱང་ཆུབ་སེམས་ཀྱི་ཕུར་པ་དེ། །དེ་ལྟར་ཐེབས་པའི་འབྲས་བུ་གང་། །བཀའ་སྩལ་པ། དངོས་པོ་ཆོས་ཉིད་ཆེན་པོར་སྣང་བར་འགྱུར། །གཟུང་འཛིན་འཁྲུལ་སྣང་རང་བཞིན་དག །ཐབས་དང་ཤེས་རབ་གཉིས་སུ་མེད། །དབྱིངས་ལ་བཏབ་པས་དོན་རྣམས་རྟོགས། །སེམས་ལ་གདབ་པས་རིག་པ་ཤར། །མྱ་ངན་འདས་པའི་དབྱིངས་སུ་གདབ། །དེ་ཡི་དོན་གྱིས་ཐེབས་གྱུར་ན། །འཁོར་བ་ཉིད་ན་མྱ་ངན་འདས། །དམྱལ་བའི་གནས་ཉིད་བླ་མེད་གནས། །སྡུག་བསྔལ་ཉིད་ན་བྱང་ཆུབ་ལམ། །རྣམ་རྟོག་ཉིད་ན་ཡེ་ཤེས་སྐྱེས། །མ་ལུས་ཕུར་པས་ཐེབས་ཤེས་བྱའོ། །གསོལ་བ། བྱང་ཆུབ་སེམས་ཀྱི་ཕུར་པ་དེ་ངོ་བོ་ཇི་ལཏ་བུ་ལགས། བཀའ་སྩལ་པ། ཕུར་པ་བླ་མ་ཆེན་པོ་ཡིན། །ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་བླ་མ་ཡིན། །ཕུར་པ་མན་ངག་ངེས་པ་ཡིན། །ལྷངས་ཀྱི་རྟོགས་ན་ལྟ་བའི་ཕུར་པ་ཡིན། །མངོན་དུ་གྱུར་པ་དཀྱིལ་འཁོར་ཕུར་པ་ཡིན། །ཉམས་སུ་ལོན་པས་ཏིང་འཛིན་ཕུར་པ་ཡིན། །གནས་སུ་སོན་པས་མཆོད་པའི་ཕུར་པ་ཡིན། །གདེང་དུ་གྱུར་བས་དབང་མཆོག་ཕུར་པ་ཡིན། །ཐུགས་རྗེས་ཟིན་པས་དམ་ཚིག་ཕུར་པ་ཡིན། །ལྷུན་གྱིས་གྲུབ་པས་འཕྲིན་ལས་ཕུར་པ་ཡིན། །བྱ་བྲལ་རྫོགས་པས་སྤྱོད་པའི་ཕུར་པ་ཡིན། །ལྷངས་ཀྱིས་རྟོགས་པས་སྒྲོལ་བའི་ཕུར་པ་ཡིན། །ཐམས་ཅད་བྱང་ཆུབ་སེམས་ཀྱི་ཕུར་པར་ལྷུན་གྱིས་གྲུབ་པར་གྱུར་ཏོ། །གསོལ་བ། དེ་ལྟར་བྱང་ཆུབ་སེམས་ཀྱི་ཕུར་པ་ལས་སུ་རུང་བའི་དུས་ན་ནི་འཁོར་བའི་ཆོས་འདི་དག་མཐའ་གང་དུ་བཅིང་ཞེ་ན། །བཀའ་སྩལ་པ། །འཇིག་རྟེན་འདི་ན་བརྟན་གཡོ་ཅི་ཡོད་པ། །མིང་དང་ཐ་དད་འཛིན་པ་དག །སོ་སོའི་མཚན་ཉིད་གཞིག་བྱས་ན། །རང་བཞིན་མེད་དེ་ཡང་དག་སེམས་ཀྱི་ཕུར་པ་ཉིད། །ཡེ་ཤེས་སྤྲོས་བྲལ་ཆེན་པོ་སྟེ། །ཐམས་ཅད་སངས་རྒྱས་ཞིང་དུ་སྦྱོར། །མ་བཅོས་མ་བྱས་ངང་གིས་སེམས་ཉིད་ཕུར་པར་གསལ། །འཁོར་བ་མྱང་འདས་གཉིས་མེད་དེ། །གུད་ན་ཡོད་པ་མ་ཡིན་ཏེ། །འཁོར་བ་ཡོངས་སུ་ཤེས་པ་ཉིད། །དེ་ཉིད་མྱ་ངན་འདས་པའི་མཐའ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པ་འབྲས་བུ་ལྷུན་གྱིས་གྲུབ་པའོ། །ཞེས་བྱ་བ་ཇི་ལྟར་འགྲུབ་པར་འགྱུར་བ་ལགས་ཞེ་ན། བཀའ་སྩལ་པ། སྟོང་དང་མི་སྟོང་བྱང་སེམས་ཕུར་པ་ལ འབྲས་བུ་དཔག་མེད་ཡེ་གནས་པ། །སུས་ཀྱང་མ་བྱས་བྱས་པ་མེད། །དེ་བས་གསང་མཆོག་ལུས་སྤྱོད་པའི། །བསོད་ནམས་མཆོག་ལྡན་གཟུགས་ཀྱི་སྐུ། །རྣམ་སྨིན་ཚུལ་གྱིས་གྲུབ་པའི་ལྷ། །བཙལ་ནས་ཐོབ་པར་མི་བྱེད་དེ། །རྒྱུའི་དུས་ན་བྱང་སེམས་ཕུར་པ་འབྲས་བུའི་མཆོག །གཞན་ནས་བཙལ་ནས་རྙེད་པར་མི་འགྱུར་ཏེ། །བྱང་ཆུབ་ཕུར་པ་ཀུན་ལ་ཁྱབ་གནས་པ། །བྱང་སེམས་ཕུར་པ་སྤྲོས་བྲལ་བཅོམ་ལྡན་འདས། །རྩོལ་བས་བཙལ་དུ་མེད་དེ་སྙིང་པོའི་དོན། །ཇི་བཞིན་པ་ཞེས་མི་རྟོག་ན། །གཟུགས་སྐུ་ཕུར་པས་རྩོལ་བའི་ནད་སྤངས་ཏེ། །ལྷུན་གྱིས་གནས་པས་བྱང་སེམས་ཕུར་པའི་མཆོག །ཅེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་བུ་ཐམས་ཅད་མྱ་ངན་ལས་འདས་ཞེས་བྱ་བ་ཇི་ལྟར་གསལ་ཞེ་ན།བཀའ་སྩལ་པ། མྱ་ངན་འདས་པའི་བྱང་སེམས་ཕུར་པའི་མཆོག་ནི། ཆོས་ཉིད་ཕྱོགས་བཅུར་བརྡལ་བ་དང་། །རིག་པ་མཐའ་དབུས་མེད་པ་དང་། ཀུན་གཞི་བཟང་ངན་མེད་པ་དང་། ཤེས་པ་ཕྱོགས་རིས་མེད་པ་དང་། །མྱ་ངན་འདས་པའི་དགོངས་པ་ཀུན། །མི་གཡོ་སེམས་ལ་རིག་པའི་ཕུར་པ་ཤར། །སངས་རྒྱས་སེམས་ནི་མྱ་ངན་འདས། །ཡུལ་ནི་ཆོས་སུ་མྱ་ངན་འདས། །རྟག་པ་ཡེ་ཤེས་མྱ་ངན་འདས། །སྣོད་བཅུད་ཆོས་སྐུར་མྱ་ངན་འདས། །སེམས་ཅན་སངས་རྒྱས་མྱ་ངན་འདས། །ཀུན་རྫོབ་དོན་དམ་མྱ་ངན་འདས། །མྱ་ངན་འདས་པའི་དོན་རྟོགས་ན། །འཁོར་བ་ངན་སོང་མིང་ཡང་མེད། །ཅེས་གསུངས་སོ། །གསོལ་པ། ཐམས་ཅད་བྱང་ཆུབ་སེམས་ཀྱི་ཕུར་པར་མྱ་ངན་འདས་ཏེ་གཟུགས་ཀྱི་སྐུ་རུ་བྱུང་ནས་འགྲོ་བའི་དོན་མཛད་པ་ཚད་མ་ལགས་སམ་མ་ལགས་ཞེ་ན། བཀའ་སྩལ་པ། སངས་རྒྱས་པས་ཀྱང་སངས་རྒྱས་མིང་ཡང་མེད། །སངས་རྒྱས་སྟོན་པས་མིང་དུ་བཏགས་པས་ནོར། །སེམས་ཉིད་ཆོས་པས་སེམས་ཉིད་སྐུ་མི་མངའ། །སྒྲ་ལས་འདས་པས་སྒྲ་ཉིད་ཡེ་ཤེས་ཏེ། །ཞི་བ་འདི་གང་ལ་གདོད་ནས་ལྷུན་གྱིས་གྲུབ། །མཚན་མ་འཇིལ་བའི་སྐུ་མེད་རགས་པས་ན། །བྱང་ཆུབ་སེམས་ཀྱི་ཕུར་པ་ལ། །བཟའ་བའི་ཡུལ་མེད་བཙལ་བའི་དངོས་པོ་སྟོང་། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་ལ། །སྐུ་ཞེས་གང་ལ་གདགས་ཞེ་ན། བཀའ་སྩལ་པ། སྐུ་ཡི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །གསུང་གི་དཀྱིལ་འཁོར་ཡང་དག་པ། །ཆོས་ཉིད་བྱང་ཆུབ་སེམས་ལ་ཡོད། །ཐུགས་ཀྱི་དཀྱིལ་འཁོར་ཡང་དག་ང་། །ཆོས་ཉིད་བྱང་ཆུབ་སེམས་ལ་ཡོད། །བྱང་ཆུབ་སེམས་ཀྱི་ཕུར་པ་ལ། །ཡོན་ཏན་འཕྲིན་ལས་དེ་བཞིན་པས། །ཞིང་ཁམས་དག་ཏུ་སྐུ་རུ་སྣང་། །ཞེས་གསུངས་སོ། །གསོལ་བ། བྱང་ཆུབ་སེསམ་ཀྱི་ཕུར་པ་གཟུགས་ཀྱི་སྐུར་བསྟན་ནས་ཞིང་ཁམས་འདུལ་བ་ཇི་ལྟ་བུ་ལགས་ཞེ་ན། བཀའ་སྩལ་པ། བདེ་གཤེགས་བྱང་ཆུབ་མེད་ཕྱིར་དེ། །རྫུ་འཕྲུལ་སྒྲ་འདྲ་འཁྲུལ་ལ་སྣང་། །ཇི་སྲིད་མཚན་མ་ཡོད་ཀྱི་བར། །དེ་བཞིན་སངས་རྒྱས་སྐུ་ཡང་ཡོད། །ཇི་སྲིད་མཚན་མ་མེད་ན་ནི། །དེ་བཞིན་སངས་རྒྱས་སྐུ་ཡང་མེད། །ཇི་སྲིད་རྣམ་གྲངས་ཡོད་ཀྱི་བར། །དེ་བཞིན་ལྷ་ཡི་གྲངས་ཀྱང་ཡོད། །ཇི་སྲིད་རྣམ་གྲངས་མེད་ན་ནི། །དེ་བཞིན་ལྷ་ཡི་གྲངས་ཀྱང་མེད། །མ་རིག་ཞབྲུལ་བའི་སྒོ་ཙམ་དུ། །གྲངས་ལ་རྟགས་ཀྱི་མཚན་པ་ཟད། །དོན་དམ་བཅོས་པ་མེད་པ་ལ། །བྱང་སེམས་ཕུར་པའི་སྐུ་གཅིག་བསྡུས་པ་ལ། །རིས་དང་རྟགས་སུ་ག་ལ་བསྟན། །ཞེས་གསུངས་སོ། །གསོལ་པ། བྱང་ཆུབ་སེམས་ཀྱི་མཐར་ཕྱིན་པའི་དུས་ན་ཇི་ལྟ་ཕུར་པ་བུ་ཞིག་གནས་པ་ལགས་ཞེ་ན། བཀའ་སྩལ་པ། འདི་ལྷར་དུས་གསུམ་རྣམ་པ་ཐམས་ཅད་དུ་བྱང་ཆུབ་སེམས་ཀྱི་ཕུར་པ་ཉིད་ལས་མ་ཡེངས་པ་ནི་ཆོས་ཀྱི་སྐུའོ། །སྟོབས་སུ་གྱུར་ནས་འཇིག་རྟེན་རང་བཞིན་མེད། །ཅེས་གསུངས་སོ། །གསོལ་པ། བྱང་ཆུབ་སེམས་ཀྱི་ཕུར་པ་དེ་སྟོང་ཞིང་ཕྱལ་ཆད་པ་གཅིག་ལགས་སམ་ཞེ་ན། བཀའ་སྩལ་པ། གཟུང་འཛིན་བྲལ་བའི་ཡེ་ཤེས་ནི། །དེ་བཞིན་གཤེགས་པ་ཀུན་གྱི་གནས། །མཐར་ཕྱིན་སྣང་བ་མེད་པའི་ཀློང་། །མུ་མཐའ་མེད་པའི་ཆོས་དབྱིངས་ལ། །སྒྲིབ་སྤངས་ཡེ་ཤེས་ཀློང་བརྡལ་བས། །ཡོན་ཏན་དཔག་མེད་ལྷུན་གྱིས་གྲུབ། །དུས་གསུམ་འགྱུར་མེད་སྣང་བའོ། །ཞེས་གསུངས་སོ། །གསོལ་བ། བྱང་ཆུབ་སེམས་ཀྱི་ཕུར་པར་ཐམས་ཅད་སངས་རྒྱས་ན་སེམས་ཅན་ཡེ་མི་གཟིགས་ལགས་སམ་ཞེ་ན། བཀའ་སྩལ་པ། བསྐལ་པ་སྔོན་གྱི་སྨོན་ལམ་དང་། །ཀུན་མཁྱེན་ཡེ་ཤེས་ཆེ་བས་ནི། །འགྲོ་དྲུག་དུས་གནས་སྡུག་བསྔལ་ཡང་། །རྨི་ལམ་ཚུལ་དུ་མེད་པར་སྣང་། །ཡིན་བཞིན་ནོར་ལྟར་རྟོག་མེད་པས། །སྣ་གསུམ་འཕྲིན་ལས་ལྷུན་གྱིས་གྲུབ། །ལོག་པར་རྟོགས་བརྟགས་རྣམ་དག་ཅིང་། །ཡེ་ཤེས་དབྱིངས་ལས་མི་གཞན་ཕྱིར། །ཐུགས་རྗེ་ཆེན་པོས་འབྲེལ་བར་ནི། །འགྲོ་དྲུག་དུས་གནས་མ་ལུས་སྣང་། །ཞེས་གསུངས་སོ། །བྱང་ཆུབ་སེམས་ཀྱི་ཕུང་པ་རྫོགས་པ་ཆེན་པོའི་ཐེག་པའི་ཡང་ཞུན་རྒྱུན་ཀྱི་རྒྱལ་པོ་ལས། །བྱང་ཆུབ་སེམས་ཀྱི་ཕུར་པའི་དོན་སྟོན་པ་དང་སྡུད་པ་པོའི་ཞུས་ལན་བསྟན་པ་སྟེ་གསུམ་པའོ།། །།དེ་ལྟར་བྱང་ཆུབ་སེམས་ཀྱི་ཕུར་པའི་དོན་སྟོན་པ་དང་། སྡུད་པ་པོས་ཞུས་ལན་དུ་བསྟན་ན། བྱང་ཆུབ་སེམས་ཀྱི་རྡོ་རྗེའི་ཕྱག་མངོན་པར་མཛད་དེ། སེམས་ཉིད་མ་ཆགས་པའི་མཆོད་པས་མཆོད་དེ་འདི་སྐད་བསྟོད་དོ། །བྱང་སེམས་ཕུར་པའི་མཛད་ནི་མིག་གི་སྒྲོན་མར་སྣང་། །བཀའ་ལུང་བདུད་རྩི་ཡང་དག་སྟོན་བྱེད་པ། །སྤྱི་དང་རང་གི་མཚན་ཉིད་ཆོས་རྣམས་གནས་པ་སྟེ། །སེམས་ལས་བྱུང་བའི་ཆོས་རྣམས་རྒྱུ་འབྲས་ཆོས་རྣམས་འཁོར། །སེམས་ཉིད་ཆོས་དབྱིངས་ཐམས་ཅད་འདུས་པར་སྡུད་པས་ཨེ་མའོ་ངོ་མཚར་ཆེའོ། །ཞེས་བསྟོད་པ་མེད་པའི་ཚུལ་གྱིས་བསྟོད་དོ། །བཅོམ་ལྡན་འདས་བྱང་ཆུབ་སེམས་ཀྱི་ཕུར་པས་བཀའ་སྩལ་པ། བྱང་སེམས་ཕུར་པའི་ཡིད་བཞིན་རིན་པོ་ཆེ། །ཐེག་པའི་ནང་ན་ཡང་ཞུན་བླ་ན་མེད། །ཚིགས་ཆུང་བགྲོད་སླ་རྫོགས་པ་ཆེ། །ཚིག་དོན་ལམ་རྒྱུད་ངེས་པའི་དོན། །ཁྱོད་ལ་གཏད་ཀྱི་མི་ནུབ་གྱུར་ཏ་རེ། །ཞེས་གདམས་སོ། །བཅོམ་ལྡན་འདས་སྡུད་པ་པོ་རྡོ་རྗེ་འདུས་པ་འདི་སྐད་ཅེས་ཁས་བླངས་སོ། །དོན་དམ་བྱང་ཆུབ་སེམས་ཀྱི་ཕུར་པ་གཏེར་ཆེན་འདི། །བདག་ལ་སོགས་པའི་འཁོར་རྣམས་ཀྱིས། །ཕྱི་རབས་རྣལ་འབྱོར་དོན་འདོད་ཅིང། །མི་ནུབ་སེམས་ཀྱི་ཕུར་པ་གདབ་པར་བྱ། །བྱང་ཆུབ་སེམས་ཀྱི་ཕུར་པའི་ཆོས་ཀྱི་སྲོག་ཤིང་མངོན་པར་གཟུགས། །བྱང་ཆུབ་སེམས་ཀྱི་ཕུར་པའི་ཆོས་ཀྱི་འཁོར་ལོ་རྒྱུན་དུ་བསྐོར། །བྱང་ཆུབ་སེམས་ཀྱི་ཕུར་པའི་ཆོས་ཀྱི་དུང་ཡོངས་སུ་འབུད། །བྱང་ཆུབ་སེམས་ཀྱི་ཕུར་པའི་ཆར་རྒྱུན་དུ་དབབ། །ཅེས་ཁས་བླངས་ཤིང་དམ་བཅས་སོ། །འཇིག་རྟེན་ཆོས་ཀྱིས་འབྲེལ་བའི་གཏམ་ཉན་པའི་འཁོར་རྣམས་ཀྱིས་དེ་ལྟ་བུའི་ངེས་པའི་དོན་ཚིག་ཏུ་གསུངས་པས། ཆོས་ཉིད་ལ་ཡེ་ཤེས་ཀྱི་རྩལ་མངའ་སྟེ། གཉིས་སུ་མེད་པའི་བྱང་ཆུབ་སེམས་ཀྱི་ཕུར་པའི་དོན་ཐུགས་སུ་ཆུད་པར་གྱུར་ཏོ། །བྱང་ཆུབ་སེམས་ཀྱི་ཕུར་པ་རྫོགས་པ་ཆེན་པའི་ཐེག་པའི་ཡང་ཞུན་རྒྱུད་ཀྱི་རྒྱལ་པོ་ལས། བྱང་ཆུབ་སེམས་ཀྱི་ཕུར་པ་ཡོངས་སུ་གཏད་པའི་ལེའུ་སྟེ་བཞི་པའོ།། །།དེ་ལྟརབདེ་གཤེགས་བཀའ་ཡི་རྒྱུད་པ་དེ། །ལྷ་གནས་གསུམ་དུ་རིགས་འཛིན་རིགས་པས་བརྒྱུད། །ལྷ་སྲས་ཁྲི་སྲོང་དོན་གྱི་ཕྱིར། །སློབ་དཔོན་པདྨས་བསྣམས་ནས་གཤེགས། །གང་ཟག་སྙན་ཁུངས་རིམ་པས་བརྒྱུད། །སློབ་དཔོན་རྙོ་ནས་སྣུམས་ཆུང་ཡང་དབང་གཏོར་ལ་བཤད། །བྱང་ཆུབ་སེམ༷ས་ཀྱི་ཕུར་པ་དོན་རྟོགས་ནས། །ཚོམ་བུའི་གཟུགས་ལ་མ་ཆགས་པར། །བྱང་ཆུབ་ལམ་ལ་སྨིན་པར་འགྱུར། །རྫོག་སོ།། །། རྒྱ་གར་སྐད་དུ། བཛྲཀི་ལ་ཡ་ཁ༷་ཤུད་དི་ཕྲོ་མ་ཧྭ་ཏན་ཏྲ། བོད་སྐད་དུ།རྡོ་རྗེ་ཕུར་པ་ཆུ་་བྱག་དབབ་པའི་རྒྱུད་ཆེན་པོ། བཅོམ་ལྡན་འད་འཇིག་བྱེད་ཆེན་པོ་རྡོ་རྗེ་གར་གྱི་དབང་ཕྱུག་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས་གདུག་པ་སྒྲོལ་བའི་ཕོ་བྲང་། དུར་ཁྲོད་ཀྱི་རྒྱན་རྣམ་པ་སྣ་ཚོགས་ཀྱིས་བརྒྱན་ཅིང་། བྷ་ག་གསང་བའི་གཞལ་ཡས་ཁང་གྲུ་གསུམ་ཟླ་ཁམ་མུ་ཁྱུད་འཁོར་ལོ་འབར་བ་ན། མཉམ་པ་ཆོས་ཀྱི་སྐུ་ལས་བཞེངས་པའི་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་རྡོ་རྗེ་གཞོན་ནུ་དེ་རིགས་དང་ཡེ་ཤེས་ཐམས་ཅད་ཀྱི་ངོ་བོ། སྤྲུལ་པའི་མཛད་པ་གང་ལ་ཡང་མ་འགགས་པར་བཞུགས་སོ། །ཡུམ་རྡོ་རྗེ་གར་གྱི་དབང་ཕྱུག་རྒྱས་འདེབས་མ་དང་གཉིས་སུ་མེད་པ་ལས་བྱུང་བ་ནི། ཡེ་ཤེས་རིགས་ཀྱི་ཁྲོ་བོ། དབྱིངས་ཀྱི་ཁྲོ་མོ། ཐབས་ཤེས་རབ་ལས་དྲལ་དང་ལྕམ་དུ་བཅས་པ་དང་། ཀི་སིང་གནས་ཡུལ་ཕྱག་བརྙན་དབང་ཕྱུག་མ་དང་བཅས་པར་བཞུགས་སོ། །གཞན་ཡང་གདུག་ཅིང་དབང་ཆེ་བར་མི་བཟད་པ། ནད་དང་ཆུ་འཁྱགས་ཆོ་འཕྲུལ་གཏོང་བ་དཔག་ཏུ་མེད་པ་ནི། ཕ་སྲིན་དང་མ་ཀླུ་ལས་སྤྲུལ་པའི་སྲས། །དྲེགས་པ་གཟའ་བདུད་ཀྱི་ཚོགས་སྲིན་མོའི་གཟུགས་ཅན་འབྱུང་པོའི་མངའ་བདག་ཆེན་མོ་བཞི་འདི་ལྟ་སྟེ། ཕོ་ཉ་རྣམས་ཀྱི་གཙོ་མོ་སྟག་སྲིན་ཟོར་བ་གདོང་ཞེས་བྱ་བ་དང་། བདུད་མོ་ཀུན་གྱི་གཙོ་མོ་བམ་སྲིན་དྲེད་མོ་གདོང་ཞེས་བྱ་བ་དང་། སྨན་ཕྲན་ཀུན་གྱི་གཙོ་མོ་སྐོང་སྲིན་བ་གླང་གདོང་དང་། ཉུལ་ལེ་ཀུན་གྱི་གཙོ་མོ་འབྲོག་སྲིན་ཆུ་སྲིན་གདོང་ཞེས་བྱ་བ་རྣམས་གླིང་བཞི་དབུས་རི་རབ་ཀྱི་ཟོམ་དང་ཕྱོགས་བཞི་ན་གནས་ཏེ། གླིང་བཞི་རི་རབ་ཏུ་འཚེ། ཀུན་ཏུ་འཁྲུག །ཐམས་ཅད་གསོད་ཅིང་གླིང་བཞི་ཕུང་ལ་ཁད་ནས་གནས་སོ། །རྡོ་རྗེ་ཕུར་པ་ཆུ་འཁྱགས་དབབ་པའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེའི་ཚེ་དེའི་དུས་ན་ཐུགས་རྗེ་དང་མཐུ་སྟོབས་སུ་ལྡན་པའི་རྡོ་རྗེ་གཞོན་ནུ་གསང་བ་ཞེས་བྱ་བས་སེམས་ཅན་རྣམས་དྲེགས་པ་ཕོ་མོས་འཚེ་བ་དེ་དག་གཟིགས་ནས། སྐུ་གསུང་ཐུགས་ཡོན་ཏན་འཕྲིན་ལས་གསང་བ་ལས། ཡེ་ཤེས་ཀྱི་འོད་ཟེར་བྱེ་བྲག་བསམ་གྱས་མི་ཁྱབ་པ་ཞིག་གསེར་གྱི་བ་ཐག་གཟིངས་པ་བཞིན་སྤྲོས་པས། དྲེགས་པ་ཕོ་མོ་རང་བཞིན་དུ་ཟིལ་གྱིས་མནན་ཏེ་སྲོག་གི་དབང་པོས་མ་བཟོད་དེ། བཅོམ་ལྡན་འདས་ཀྱི་སྤྱན་སྔར་འདུག་སྟེ་དབང་དུ་བསྡུས། འཁོད་ནས་འདར་ཞུང་བྲེད་ནས་གནས་སོ། །དེ་ནས་འཇིགས་བྱེད་ཆེན་པོ་ཕྱག་ན་རྡོ་རྗེ་ཞེས་བྱ་བ་རང་གི་སྟན་ལས་ལངས་ནས་འདི་སྐད་ཅེས་གསོལ་བ་བཏབ་བོ། །ཧེ་ཧེ་བཅོམ་ལྡན་དཔའ་བོ་ཐུགས་རྗེའི་བདག །ཀླུ་སྲིན་ཕོ་མོ་མིང་སྲིང་འཇིག་རྟེན་ཕུང་ལ་རག །དོན་ཆེན་སྨོན་ལམ་ཐུགས་རྗེས་དགོངས་མཛད་ལ། །མི་བཟད་དྲེགས་པ་ཕོ་མོ་ཚར་གཅོད་བཀའ་ལ་ཐོགས། །འཇིག་རྟེན་འདི་ཡང་བདེ་བའི་ལམ་ལ་འཁོད། །མ་ཐུབ་ངེས་ལ་བཀའ་ཡི་ཆད་པས་ཆོད། །མངོན་ཅི་མི་ནད་ཆུ་འཁྱགས་ཐོབ། །ཧོ་ཞེས་གསོལ་ནས་ཕྱག་གཡས་པའི་རྡོ་རྗེ་སྲིད་པའི་རྩེ་མོ་ལ་ཐུག་པར་གསོར་བས། དེའི་ཚེ་འཇིག་རྟེན་དྲུག་གི་ཕྱོགས་མཚམས་ཐམས་ཅད་འདར་ཞིང་གཡོས་སོ། །རྡོ་རྗེ་ཕུར་པ་ཆུ་འཁྱགས་དབབ་པའི་རྒྱུད་ལས། གླེང་བསླང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་རྡོ་རྗེ་གཞོན་ནུས་གདུག་པ་ཅན་སྒྲོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །ཐབས་དང་ཤེས་རབ་སྦྱོར་བའི་བརྡས་བསྐུལ་ནས་ཡུམ་དང་གཉིས་སུ་མེད་པར་གྱུར་ཏོ། །དེའི་ཚེ་ཡུམ་གྱི་བྷ་ག་ནས་ཁྲོ་བོ་དང་ཁྲོ་མོའི་ཚོགས་ཡེ་ཤེས་ལས་སྤྲུལ་པ་བསམ་གྱིས་མི་ཁྱབ་པའི་སྐུ་ཐ་དད་ཅིང་ངོ་བོ་ཉིད་གཅིག་པ་དང་། ཨོ་བཛྲ་ཀི་ལི་ཀི་ལ་ཡ་ཧྲུ༷་ཧུ༷་ཧ་ཧེ་ཧ་ཧེ་ཕཊ་སྨྱོ་རུ་ལུ་སྟེ། བརྗོད་ཀྱིས་མི་ལང་བའི་གསུང་གི་སྒྲ་འབྲུག་ལྟར་སྒྲོགས་ཤིང་ཐུགས་ཡེ་ཤེས་ཀྱི་འོད་ཟེར་འཇིག་རྟེན་གྱི་བྱམས་པོ་གློག་སྟོང་འཕྲོ་བ་བཞིན་སྤྲོས་སོ། །དེའི་ཡོན་ཏན་གྱི་ཁྱད་པར་ལས། འཇིག་རྟེན་དྲུག་གི་ཕྱོགས་མཚམས་ཐམས་ཅད་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། དེ་བཞིན་དུ་འགུལ། ལྡེག །ཚིག །འཐོར། འུར་ཆེམ་དུ་གྱུར་པས། ཡེ་ཤེས་རོལ་བའི་འཁོར་རྣམས་ཀྱང་རབ་ཏུ་འཇིགས་སྐྲག་དངངས་ཏེ།ཉ་བྱེ་ཚན་ལ་བཞག་པ་བཞིན་དུ་གྱུར་ཏོ། །འཇིགས་བྱེད་དྲེགས་པའི་འཁོར་རྣམས་སྐྲག་ཅིང་བརྒྱལ་ནས་གན་རྐྱལ་དུ་འགྱེལ་ཏོ། །ཁྲག་སྒྱུགས་སོ། །དེ་དག་ཀྱང་རང་རང་གི་མཚོན་ཆ་ཤོར་ཏེ་བཀྲག་མདངས་ཉམས་ནས། ལུས་ལ་དྲི་ང་བ་དག་ཀྱང་ལངས་སོ། །ཡིད་ཀྱི་ཤེས་པ་ཉམས་ནས་ངག་གི་སྒྲ་ཡང་ལྐུགས་པར་གྱུར་ཏོ། །དེ་ནས་ཡེ་ཤེས་རོལ་པའི་འཁོར་ཚོགས་རྣམས་སླར་འདུས་ཏེ། ཡབ་ཡུམ་ལ་ལན་སྟོང་དུ་བརྐྱང་ཕྱག་འཚལ་ཞིང་བསྐོར་བ་བྱས་ནས། གསང་བ་ཡུམ་གྱི་མཁར་ཞུགས་སོ། །དེ་ནས་ཡང་ཀེའུ་རི་ལ་སོགས་པ་གསང་བ་རོལ་བའི་འཁོར་རྣམས་ཀྱང་། གཙོ་བོའི་སྐུ་ལ་རང་གི་ཐད་དུ་འཁྲིལ་ཏེ་དགེས་པ་དང་བཅས་ནས་འཁོད། །དེ་ནས་བཅོམ་ལྡན་འདས་ནི་རྡོ་རྗེ་ལྟ་བུའི་ཆོས་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཡང་གསང་བདག་ཕྱག་ན་རྡོ་རྗེས། བཅོམ་ལྡན་འདས་ཐུགས་རྗེ་ཆེ་ལ་ཐབས་མཁས་པའི་བདག་ཉིད་ཅན། དྲེགས་པའི་ཚོགས་རྣམས་སླར་གསོ་བར་གསོལ་ཞེས་ཞུས་པ་དང་། བཅོམ་ལྡན་འདས་ཀྱིས་བསྐུལ་བར་མཁྱེན་ཏེ། ཐུགས་རྗེའི་དབུགས་དབྱུངས་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐུགས་རྗེ་བྱང་ཆུབ་སེམས་ཀྱི་འོད་ཟེར་གྱིས་དྲེགས་པའི་ཚོགས་རྣམས་སླར་གསོས་སོ། །དེ་ནས་དྲེགས་པ་རྣམས་འཇིགས་བཞིན་དུ་ལངས་ཏེ་ཁྲོ་བོ་ཆེན་པོའི་ཐད་དུ་འོངས་སོ། །དེ་ནས་སེམས་ཀྱི་དྲན་པ་ཅུང་ཟད་ཙམ་སྐྱེས་ནས། ལམ་བརྒྱ་ཕྲག་སྟོང་དུ་བསྐོར་བ་བྱས་ཏེ། བག་གཞི་ས་ལ་བརྡབས་ཞིང་ཕྱག་བཙལ་ནས་ཕྱོགས་གཅིག་ཏུ་འཁོད་དོ། །འཁོད་ནས་ཀྱང་མགྲིན་གཅིག་ཏུ་འདི་སྐད་ཅེས་གསོལ་བ་བཏབ་བོ ཨེ་མའོ་རབ་འཇིགས་དཔའ་བོ་ཁྱོད། །ཆོས་སྐུ་བྱང་ཆུབ་སེམས་ཀྱི་བྱིན་བརླབས་པས། །མཐུ་སྟོབས་མི་བཟད་ཁྲོ་བོ་འབར་བ་ཡིས། །དྲེགས་པ་ཀུན་འདུལ་མཐུ་སྟོབས་ངོ་མཚར་ཆེ། །ཁྱེད་ཀྱིས་བདག་ཅག་སྐྱབས་མཛོད་བྱིན་བརླབས་བཀའ་གསལ་བསྐོས་པ་ཉན། །དབང་བསྐུར་དམ་ཐོབ་ཅི་བགྱི་ཞེས་ནི་ལུང་ཡང་ནོས། །ཞེས་གསོལ་ཞིང་ཁས་བླངས་ནས་རང་རང་གི་གནས་ག་ལ་བ་རུ་དོང་ངོ་། །དེ་ལྟ་བུའི་འཕྲིན་ལས་ལྷུན་གྱིས་གྲུབ་པར་གྱུར་ཏོ། །རྡོ་རྗེ་ཕུར་པ་ཆུ་འཁྱགས་འབེབས་པའི་རྒྱུད་ལས། དྲེགས་པ་ཅན་བཏུལ་བའི་ལེའུ་སྟེ་གསུམ་པའོ།། །།དེ་ནས་ཡང་བཅོམ་ལྡན་འདས་རྡོ་རྗེ་གཞོན་ནུས་དཀྱིལ་འཁོར་བསྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེའི་དཀྱིལ་འཁོར་ཆེན་པོ་བྱིན་གྱིས་བརླབ་པ་མཛད་དོ། །ཨེ་མའོ་རྒྱ་ཁྱོན་མེད་པའི་གནས་ཆེན་ནི། །རྡོ་རྗེ་ཐོད་རུས་འབར་བའི་གཞལ་ཡས་ཁང་། །ཟླ་ཁམ་གྲུ་གསུམ་ལྟེ་བར་ལྡན་པ་ལ། །ཤེས་རབ་འབར་བའི་འཁོར་ལོ་བཞི། །མུ་ཁྱུད་ཐོད་པར་ལྡན་པ་ལ། །གྲུ་བཞི་བློ་འབུར་སྒོ་ཁྱུད་ལྡན། །ཞིང་གི་ཀ་གདུང་ཉི་ཟླའི་ཀ་གཞུ་ཅན། །རྟ་བབས་ཕྱི་བརྒྱན་དུར་ཁྲོད་བརྒྱད། །ལྷུན་གྱིས་གྲུབ་སྟེ་རྡོ་རྗེ་མེ་རི་ལག་ཆུའོ། །རིན་ཆེན་མཆོག་གི་ཁྲི་རྐང་དང་། །དྲེགས་པ་ཉི་ཟླ་པདྨའི་གདན་སྟེངས་སུ། །འཇིགས་བྱེད་ཆེན་པོ་ཡབ་ཡུམ་བཞུགས། །དེ་ཡི་བྱིན་རླབས་འོད་ཟེར་ལ། །བཀའ་ལས་བཏགས་པའི་གཟའ་བདུད་ནི། །སྤྱན་སྔ་ཉིད་དུ་འཁོད་པར་འགྱུར། །ཕ་ནི་གཡས་ལ་མ་ནི་གཡོན། །འཁོར་ལོ་འབར་བའི་རྩིབས་གཞི་ལ། །ལས་ཀྱི་གདོང་མོ་སྲིང་བཞི་གནས། །གྲུ་ཆད་བློ་འབུར་བརྒྱད་དག་ཏུ། །ལྷ་སྲིན་སྡེ་བརྒྱད་ཚོགས་བཅས་འཁོད། །དེ་ཚེ་ཕྱི་ཡི་དཀྱིལ་འཁོར་དེ། །ཕ་མ་མིང་སྲིང་ཚོགས་བཅས་ཀྱིས། །རང་གི་རྫས་དང་སྲོག་སྙིང་ཡང་། །མགྲིན་གཅིག་ཏུ་ནི་མཐུན་པར་ཕུལ། །དེ་བཞིན་དྲེགས་་པ་ཡོངས་ཀྱིས་ཀྱང་། །དེ་བཞིན་དུ་ནི་རིམ་པར་མཛད། །དེ་ནས་རྡོ་རྗེ་གཤོན་ནུ་ཡིས། །སྲིན་པོ་འབར་བའི་ཐོད་པ་སྲ །མི་བཟད་ཕ་མ་མིང་སྲིང་རྣམས། །དབང་དུ་བསྡུས་ཤིང་བཅུག་ནས་ནི། །གསང་བའ་གནས་སུ་བྱིན་གྱིས་བརླབ། །མི་བཟད་ནང་གི་དཀྱིལ་འཁོར་དེར། །སྐུ་བསྐྱེད་རྩ་བའི་སྙིང་པོ་ཕུལ། ཁྲི་རྐང་བཞི་ལ་དབུས་སུ་ནི། །དྲེགས་པ་འཁོར་དང་བཅས་པ་རྣམས། །ཞབས་བཞི་རྡོ་རྗེའི་འོག་ཏུ་སྦས། །རྦད་པ་གསང་བའི་སྙིང་པོ་ཕུལ། །དེ་ནས་གདན་ལ་བཀྱེ་ནས་ནི། །སྐུ་གསུང་ཐུགས་ཀྱི་སྙིང་པོ་ཕུལ། སྐུ་ལ་སྦྲུལ་ལྟར་འཁྲིལ་ནས་ནི། །ཡོན་ཏན་འཕྲིན་ལས་སྙིང་པོ་ཕུལ། །མ་ཆགས་སྦྱོར་བ་མཛད་པ་ཡི། །གནད་ལ་དབབ་པའི་སྙིང་པོ་བསྟབས། །གསང་བའི་དོན་ནི་རྟོགས་བྱས་པས། །དྲག་སྔགས་ཟོར་ཐབས་སྙིང་པོ་ཕུལ། །དམ་ཚིག་ལུང་ནི་ཕོག་པ་ཡིས། །གཟེར་སྔགས་སུར་སྔགས་གནད་ལ་དབབ་པ་ཕུལ། །ཁས་བླངས་དམ་ཚིག་གནོས་པ་ཡིས། །ཉེ་བར་བྱ་བའི་བསྙེན་པ་དང་། །བོད་དང་དམོད་པའི་སྔགས་རྣམས་བསྟབས། །ཐ་ཚིག་བཅས་ནས་དོན་བྱེད་ཕྱིར། །མགོ་ནས་བསྔགས་ཤིང་ཤམ་བུ་བསྟན། །དེ་བཞིན་སྙིང་པོ་ཕུལ་ནས་ནི། །གཙོ་བོ་ལ་ནི་བསྐོར་ནས་སུ། །མགྲིན་གཅིག་ཏུ་ནི་འདི་སྐད་གསོལ། །བདག་ཅག་སྐྱབས་མཛད་སྡུག་བསྔལ་མགོན། །འཇིག་རྟེན་ལས་རྒྱལ་མཐུ་སྟོབས་ཅན། །བདག་གིས་ཅི་བགྱི་ལུང་སྟོན་མཛད། །ཅེས་གསོལ་ཏོ། །དེ་ནས་བཅོམ་ལྡན་འདས་ཆེན་གྱིས། །གསུང་ནི་འདི་སྐད་བཀའ་སྩལ་ཏོ། །ཀྱེ་ཀྱེ་ཀྱེ་མའོ་གསང་བའི་ཡུམ། །ཁྱེད་ལ་ཁོ་བོས་བསྒོ་བ་ནི། །བསྒྲལ་བའི་ཞིང་བཅུར་གྱུར་པ་དང་། །ཉམས་པ་བདུན་པོ་ཚར་བཅད་ཕྱིར། །འགལ་བ་ཆམ་ལ་ཕབ་ནས་ཀྱང་། །སྲོག་སེར་གཉིས་ལ་ཀི་ཀང་ཕོབ། །སངས་རྒྱས་བསྟན་པའི་བཀའ་འཁོར་བསྲུང་བར་གྱིས། །ཞེས་གསུངས་སོ། །དོན་དེ་དག་ཇི་ལྟར་མཛད་ཀྱང་།དོན་ཆོས་ཉིད་ལས་མི་གཡོ་བའི་ཕྱིར། ཨོ་དྷརྨ་དྷ་ཏུ་སྭ་བྷ་བ་ཨུཏྣ་ཀོ྅ཧ༷། ཞེས་གསུངས་སོ། །ཐུགས་ཡེ་ཤེས་དགོངས་པ་ཆོས་ཉིད་དུ་གྱུར་ཏོ། །འཁོར་རྣམས་ཀྱང་དཔལ་གྱི་དམ་ལ་གནས་ནས་འཁོད་དོ། །རྡོ་རྗེ་ཕུར་པ་ཆུ་འཁྱགས་དབབ་པའི་རྒྱུད་ལས། རང་བཞིན་དཀྱིལ་འཁོར་དུ་སྙིང་པོ་ཕུལ་ཞིང་དབང་བསྐུར་ནས་དམ་ལ་བཏགས་པའི་ལེའུ་སྟེ་བཞི་པའོ།། །།དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཨེ་མའོ་ངོ་མཚར་ཐམས་ཅད་དབང་སྡུད་བདག །གདུག་བའི་ཚོགས་རྣམས་གདུལ་ཕྱིར་དམ་ལ་བཏགས་པ་ངོ་མཚར་ཆེའོ། །གོང་དུ་འཇིགས་བྱེད་དཔལ་ལ་བསྟབ་ཅིང་ཕུལ་བའི་སྙིང་པོ་དང་། །སྔགས་རྣམས་ཕྱི་རབས་རྣལ་འབྱོར་པ་རྣམས་ལ་སྨན་པའི་སླད་དུ། །མི་བཟད་ཟབ་མོའི་སྔགས་རྣམས་མ་ལུས་ཀུན། །དཔའ་བོ་ཁྱོད་ཀྱིས་བཤད་དུ་གསོལ། །ཞེས་གསོལ་པས། བཅོམ་ལྡན་འདས་ཀྱིས་ཆོས་སྐུ་མཉམ་པའི་ངང་ལས་བྱམས་མགོན་ཐུགས་ཀྱིས་བཞེངས་ནས། མན་པྲ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ། །ཨེ་མའོ་ཐམས་ཅད་མཉམ་ཉིད་དོན་གྱི་གསུང་། །ཐུགས་རྗེ་བརྟན་གཡོ་སྒྲ་རུ་གྲགས་པ་ངོ་བོ་ཉིད། །བདེ་གཤེགས་རྒྱལ་བའི་གསུང་སྟེ་སྔགས་ཀྱི་ཚིག །གསུང་གི་དོན་ཉིད་༷བཤད་ཀྱི་ཉོན། །ཡེ་ཤེས་ལྷ་ཡི་དཀྱིལ་འཁོར་བསྐྱེད་ཅིང་མཆོད་པའི་སྙིང་པོ་འདི་དག་སྐུ་གསུང་ཐུགས་རྡོ་རྗེ་ལས་འཐོན་ཏོ། ་།་རྒྱ་ཏ་དྷ་རྨ་དྷ་ཏུ་ཨོ་ཨུ༷༷ཧྭ༷། ཨེ་ཡ༷་ཁ༷་སུ་ཀེ་ར༷་བྲུ༷་བྷན་དྷ་ཙྭ་ན་ཨེ་བ༷་ཡ་ཙཀྲ་མཎྜལ། ཧུ༷་ཀྲོ་བཛྲ་གནད། བཛྲ་ཀི་ལི་ཀྱི་ལ་ཡ་ཧུ༷་ཕཊ། དིབ་སྟ་ཙཀྲ་ཀྲོདྷ་ཀྲོདྷ་ཧ་ཧེ་ཧ་ཧེ་ཕཊ་སྨྱོ། བཛྲ་ས་མ་ཡ་ཛཛ་ཧུ༷་བ༷་ཧོ། ཨེ་ཨ་ར་ལི་ཧྲིང་། ཀྭ་ཡ་ལྷུ་ཀ་ཙིརྟི་ཏིཁྱི་བཛྲ། མ་ཧྭ་སུ་ཁ་སིརྙི་ན་མ་ཨ་ར་ལི་ཧོ། ཁ་ར༷་ཡོ་གི་ནི། ཁ་ར༷་ཌའ་ཀི་ནི། ཁ་ཁ་ལེ་ལེ་ཧུ༷་སྦྱོ་ཧུ༷། སརྦ་པ྅་ཨ་མྲི་བ་ལིང་རཀྟ་ཁ་ཁ། ཁུ་ཧི་ཁུ་ཧི་རུ་ལུ་རུ་ལུ་ཧུ༷་སྟོ།བསྙེན་པ་དང་ནི་ཉེ་བསྙེན་པ་བསྒྲུབ་པ་དང་ནི་བསྒྲུབ་ཆེན་དུ་རིག་པར་བྱའོ། །དེ་ནས་ཡང་རྩ་བའི་སྙིང་པོ་འདི་རྣམས་འཐོན་ཏེ། ཧུ༷་༼ཉཤ་༽མ་ཙ་ར་ཤ། དེ་ནས་ཡང་སྐུ་བསྐྱེད་པའི་སྙིང་པོ་གསུངས་པ། ཨོ་བཛྲ་ཀི་ལི་ཀི་ལ་ཡ་ཧུ༷་ཕཊ། ཨོ་པུ་ཙེ་པུ་ཙེ་ད་ན་པུ་ཙེ་ས་མ་ཏ་ཨ་ཀ་ར་ཧུ༷་ཕཊ། རག་མོ་ད་རོ་རུ་ཙམ་མོ་ཤམ་མོ། སྙན་གསན་གསོལ་བའི་སྙིང་པོ་ནི། མ་ར་ཙ་ཤ་ས་མ་ཡ་ཛ་ཛ། སྤྱན་དྲང་བའི་སྙིང་པོ་ནི། རག་མོ་སྙིང་རྩ་ལ་རུ་རོ་རུ། ཙབ་མོ་ཙབ་མོ་ཙབ་མོ། ཁྲག་ལ་མུ་ཤ་མ་སྙིང་ཁ་རག་མ་སྨྱོ་ཛ་ཧཱུཾ༷་བ༷་ཧོ། བསྟན་པར་བཞུགས་སུ་གསོལ་བའི་སྙིང་པོ་ནི། རག་མོ་རག་མོ་སྙིང་རྩ་ལ། རུག་རུ་ཙབ་མོ། ཙབ་མོ་ཙབ་མོ་ཁྲག་ལ་མུ་ཤ །སྙིང་ཁ་རག་སྙིང་ཁ་རག །ས་མ་ཡ་ཏིཁྱི་ལྷན། ཕྱག་བཙལ་བའི་སྙིང་པོ་ནི། མ་ར་ཙ་ཤ་ན་མོ་སིདྷི་ཀུ་རུ་ཧྭ༷། མཆོད་པ་དབུལ་བའི་སྙིང་པོ་ནི། མཧྭ་སྐྲུ་ཛ་བ་ལིང་ཏ་ཨ་མྲི་ཏེ་ས་མ་ཡ་ཁུ་ཧི། འཛབ་འདས་པའི་སྙིང་པོ་ནི། བཛྲ་མ་ཏི་པྲ་ལི་མ་པྲ་མ་ཛྲ་ཧུ༷་ས་ཧ། བ་འོ་་ཨག་ཤུ་མེག་བཛྲ་དུ་ཕྲི་ཧུ༷་ཛ་ས་ཧ། ག་ཏྲ་མ་ཛུ་བཛྲ་ཡཀྟ་ཀྲི་ཀྲིང་ར་མ་ཛ་སྭཧྭ། བཛྲ་ཀི་ལི་པྲི་ཀ་ལི་ཧོ་ཛ་ཧུ༷་གྲྭཧྭ། མ་མོ་སྤྱི་ཡི་སྔགས་ནི། མ་མོ་སྙིང་ཁ་རག །མ་མ་རག་ཤ་རག་ཤ། མ་མོ་སྙིང་ཁྲག་མོ་མདུན་མདུན་ཏྲག་རག་ཤ་མ་སྙིང་སྟེ། ཁེམ་མ་རུ་ལུ་སྨྱོ་སྙིང་ཁ་རག་མ་ས་མ་ཡ་དམ་དམ་ཛ་ཛ། བོད་པའི་སྔགས་སོ། །མ་མ་སྙིང་ཙིསྟ་ལ་ཐུན་སྙིང་ཁ་རག་མ་ཐུན།ཤ་ཏི་ཏ་མ་ཐུན་སྙིང་ལ་ཡ་ཡ་སྨྱོ་ཐུན། རྦད་པའི་སྔགས་སོ། །མ་མ་ར་ར་མ་མ་ཤ་ཤ་མ་མ་ས་ས་མ་མ་ཡ་ཡ་དགྲ་བོ་སོད་སོད་མ་ཧྭ་ཙིཏི་ཛ་ལ་ར༷། སྙིང་རྩ་ཏ་མ་ལ་རོལ། ཆུམ་ཆུམ་ཐུམ་ཐུམ་རིལ་རིལ་མ་མ་ལས་མྱུར་དུ་མཛོད་ཅིག །ཅེས་པ་ནི་དམོད་པའི་སྔགས་སོ། །ཨོ་བཛྲ་ཀི་ལི་ཀི་ལ་ཡ་ཧུ༷་ཨ་མྲི་ཏ་ཀུཎྜ་ལི་སརྦ་བིཀྟ་ན༷་ཀྲོདྷ་ནི་ཧུ༷་ཧུ༷་ཕཊ། ཅེས་པ་ནི་བཟློག་སྔགས་སྤྱིར་དྲིལ་བའོ། །ཡང་སྙིང་ཐུགས་ཀྱི་བརྣག་པ་ནི། དེ་ཡང་ཕ་སྲིན་པོའི་ཡང་སྙིང་ནི། ཨོ་བཛྲ་ཡག་ཤ་ཀེ་ཏེ་ཕྲོ། ཧྲོ་ཏྲག་རུ་ཙ་ཤ་ཏྲི་ཕྲོ། ས་མན་ཏ་ཨ་ཀ་ར་དུ་རུ་ཕྲོ། མ་ཀླུའི་ཡང་སྙིང་ནི། ཨོ༷་བཛྲ་ནཱ་ག་ཤུ་ག་ལེ་སུ་ར་ཕྲོ། མ་མ་ཧྲིལ་ཤར་ཕྲོ༷། ཙ་མུ་ཤ་ས་མ་ཡ་ཕྲོ། མིང་པོའི་ཡང་སྙིང་ཡང་དག་པ་ནི། ཨོ་པུ་པུ་ཙེ་ས་མ་ཏ་ཨ་ཀར་དུ་རུ་དུ་རུ་ཧུ༷་ཕཊ། སྲིན་མོ་བཞིའི་ཡང་སྙིང་གཅིག་ཏུ་དྲིལ་བ་ནི། རག་མོ་ཁྲག་ལ་མུ་ཤ་ཛ། སྙིང་རྩ་ལ་རག་མོ་རག་མོ། ཙ་པ་ལ་མ་མ་སྨྱོ་མ་མ་དྲིལ་ཤར་ཤ་ཏྲ་ཧུ༷་ཕཊ། མ་མོའི་སྐུའི་སྔགས་ནི། པ་ཤ་ཤ་ནི་རག་ཤ་དུ་ཛ་ཛ། གསུང་གི་སྔགས་ནི། མ་ར་ཙ་ཤ་གུར་བི་གུར་བི་ཏ་མ་ལ་ནི་ར་ཡ་གྲྭཧྭ། ཐུགས་ཀྱི་སྔགས་ནི། ཏིང་ཏིང་གར་པ་ནེ་ར་ཡ་སྭཧྭ། ཡོན་ཏན་གྱི་སྔགས་ནི། རག་མོ་རག་མོ་སྙིང་རྩ་ཤ་མ་སྨྱོ། རག་མོ་རོ་རུ་ཙ་པ་མ་སྨྱོ། རག་མོ་ཙབ་མོ་ཙབ་མོ་ཤིག་ཤིག་སྙིང་ཁ་རག་མ་སྨྱོ། རག་མོ་རག་ཁྲག་ལ་མུ་ཤ་ལ་སྨྱོ། འཕྲིན་ལས་ཀྱི་སྔགས་ནི། གུ་སུ་དན་མ་དགྲ་ལ་སྨྱོ། ཨུ་ཙུ་སྨ་ཤ་དགྲ་ལ་སྨྱོ། ཁ༷་ཁས་དགྲ་ལ་སྨྱོ། རྦད་ཤ་མ་དགྲ་ལ་སྨྱོ། མ་མོ་མདོར་བསྡུས་པའི་སྔགས་ལུང་ནི། མ་མ་རིལ་མ་མ་རིལ་སྨྱོ། ཚལ་པ་ཚལ་པ་མ་མ་ཧྲིལ་སྨྱོ། ཙབ་མོ་ཙབ་མོ་མ་མ་ཧྲིལ་སྨྱོ། རག་མོ་རག་མོ་མ་མ་ཧྲིལ་སྨྱོ། བཞི་སྙིང་གཅིག་ཏུ་དྲེལ་བ་ནི། བཛྲ་ལ་ཏིང་མོ་པོ་ཨ་ཀ་ཏྲ་བཛྲ་ཀི་ལི་བི་མ་རོ་ཧྲི་ཏྲིང་ཧུ༷་ཛ། སྔགས་ཀྱི་མགོ་ནན་ནི། མ་ཀ་ཡེ་པ་ཀ་ཡེ། སིང་ཀ་ཡེ། བྱ་ཙ་ཡེ། སྒྲོལ་བྱེད་ཉེ་བར་བསྙེན་པའི་སྔགས་ནི། ཧྲི་སྟི་བི་ཀི་ཏི་མ་མ་སྙིང་རྩ་ལ་ཡ་དགྲ་བོ་མ་ར་ཡ་ཧུ༷་ཕཊ། ངན་སྔགས་ཀྱི་ཤམ་བུ་ནི། རག་མོ་སྙིང་རྩ་རུ་རུ་ཙབ། སྙིང་ཁ་རག་གུ་སིང་དན་མ་ཤག་མུ་ཤག་མུ་སྦྱོ། སྙིང་ཁ་ར༷ག་མ་སྨྱོ། ཐིག་ནི་གཅིག་མེད་ཤུད་ཏི་ཕྲོ༷་གཉིས་ཏྲག་རྒྱབ་གཅོད། དུད་ཕྲོ་ནམ་མཐོངས་ཕྱེ། ལྕགས་སྒྲོག་ཁྲོལ། མི་རོ་སོད། རྒྱང་རྗེ་བཙུན་མོ་ཙུན་སླུ་ཏ་ཕཊ། ཆེ་གེ་མོ་མ་ར་ཧྲིལ་རིལ་ཤར་ཤེལ་ཧུ༷་ཏྲག་ཙ་ར་ག་ཤུ་ཏི་ཕྲོ། ཡ་མ་སྙིང་ཡ་མ་ཁྲ༷ག་ར་ཧུ༷་ལ་ཧྲིལ་ཧྲིལ་ཤག་ཤག་སེན་ཡ་སྨྱོ། དྷིལ་ནཱ་ག་ཤུ་ན་ག་ལེ་དུམ་པ་ལེ། ཨོ་པུ་ཙེ་པུ་ཙེ་ས་མ་ཏ་ཨ་ཀ་ར་དུ་རུ་དུ་རུ་སྒྲོ་ཨོ་ཧྲུ༷་ཕཊ། ཐུན་ལ་བཀོལ་བ་ནི། རག་མོ་རག་མོ་ཏ་མ་ཀེ་ཏ། ནཱ་ག་ནཱ་ག་ཀེ་ཙེ་དུས་ཧྲིལ་ཕྲོ་ཤར་སྦྱོ། ཟོར་ལ་བཀོལ་བ་ནི། ཧུ༷་ཙབ་ཙབ་སྙིང་ཁ་རག་ཁ་རག་མོ་ཤིག་ཤིག་ཁ་རག་ལམ་སྨྱོ། ཐབས་ལ་བཀོལ་བ་ནི། རག་ཤ་ན་ག་ཏྲི་ཐང་གུ་སི་དན་མ་ཨུ་ཙུསྨ་ཤ་ཁམས་ཁས་རྦད་ཤག་དགྲ་ལ་སྨྱོ་སྨྱོ། རྡོ་རྗེ་ཕུར་པ་ཆུ་འཁྱགས་དབབ་པའི་རྒྱུད་གཟའ་གདོང་བསྲེས་པའི་ལས་ཀྱི་ལུང་ལས། གསང་སྔགས་ཀྱི་ལེའུ་སྟེ་ལྔ་པའོ།། །།དེ་ནས་ཡང་གསང་བའི་བདག་པོས་འདི་སྐད་ཅེས་གསོལ་བ་བཏབ་བོ། །ཨེ་མའོ། བདེ་བར་གཤེགས་པ་རྒྱལ་བ་ཐམས་ཅད་དངོས་གྲུབ་མཐའ་ཡས་པ། རྒྱལ་བའི་བསྟན་པ་བསྲུང་བའི་ཕྱིར། དྲེགས་པ་ཕོ་མོའི་གནས་དང་དཀྱིལ་འཁོར་རྫས་དང་ལས་རྣམས་བཤད་དུ་གསོལ། ཨལ་ལ་ས་མ་ཡ་ཧོ། ཞེས་གསོལ་ཏོ། །དེ་ནས་བཅོམ་ལྡན་འདས་རྡོ་རྗེ་ཁྲག་འཐུང་ཆེན་པོས། དངོས་གྲུབ་ཀྱི་ཐབས་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་གསུངས་སོ། །གནས་ཀྱི་རིམ་པ་བསྟན་པ་ཡང་། །བྱིན་ཅན་བཀྲ་ཤིས་ཡིད་འོང་དང་། །དམར་ནོག་རི་བྲག་དུར་ཁྲོད་དམ། །བླ་གབ་མེད་པ་དག་ཀྱང་རུང་། ལྷ་ཀླུ་དྲག་པོ་གནས་པ་མྲ །རྡོ་རྗེ་ཁྲག་འཐུང་གནས་ཡིན་ནོ། །དཀྱིལ་འཁོར་རིམ་པ་འདི་སྐད་གསུངས། །བར་ཆད་གསལ་ཕྱིར་ས་ཆོག་བྱ། །ཡོ་བྱད་ཚོགས་ནས་སྨོན་བཅོལ་ཏེ། །གདེང་ལྡན་རྣལ་འབྱོར་བདག་དབང་བྱའོ། །དུར་ཁྲོད་སྙིང་རྒལ་ས་དག་ལ། །འདོམ་གང་ཚད་དུ་དཀྱིལ་འཁོར་བྱའོ། །བདུད་རྩི་རྨེ་ཁྲག་གསུམ་གྱིས་ནི། །མཎྜལ་སྤངས་ཏེ་སྐམ་རློན་སྙོམས་པར་བྱའོ། །སྦྲུལ་ཤུན་བ་སུའམ་ཚོན་སྐུད་ལ། །མཁས་པས་བྱིན་རླབས་མཆོད་ནས་སྲད་བུ་བྲིའོ། །ཆ་ཆེན་གསུམ་བགོས་ཕྱི་མ་གཉིས་སུ་བགོས། །དབུས་སུ་སྨུག་ནག་གྲུ་གསུམ་ཟླ་ཁམ་མུ་ཁྱུད་བཅས། །འཁོར་ལོ་རྩིབས་བཞི་ཐོད་འཕྲེང་བརྒྱན། །གྲུ་བཞི་གློ་འབུར་སྒོ་བཞི་སྒོ་ཁྱུད་སྒོ་བརྒྱན་ཕྱིར། །གླིང་བཞི་གླིང་ཕྲན་ལྕགས་རི་མུ་ཁྱུད་ལ། །ཁྱབ་འཇུག་མགོ་དང་ཡན་ལག་རྫོགས་པར་བྱའོ། །འཁོར་ལོ་རིགས་ཀྱི་ཁ་དོག་མཚོན། །དབུས་སུ་ཧུ༷་དང་ཤ་གཉིས་བྲི་བར་བྱའོ། །འཁོར་ལོ་རྩིབས་བཞི་དག་ལ་ནི། །མ་ར་ཙ་ཤ་བཞི་ནི་ཤར་ནས་བྲི། །རྫས་ཀྱི་རིམ་པ་བསྟན་པ་ནི། །སྟག་དང་དོམ་དང་བ་གླང་ཉ་ཡི་སྙིང་། །མངལ་ཁྲག་ལ་སོགས་ཁྲག་སྣ་འབྱོར་ཚད་དང་། །ར་མཆིན་ལ་སོགས་སེམས་ཅན་ཤ་སྣ་བུ། །དྲེའུ་དང་བོང་བུའི་ཐོད་པར་ཚིལ་ཆེན་དག་ཀྱང་བསྲེ། །རིགས་ཀྱི་དབྱིབས་སུ་ལྡན་པའི་ཟན། །ཁྲག་གི་ཐིག་ལེ་བྱས་ལ་འཁོར་ལོ་དགོད། །དེ་ལ་འུག་པ་ཁྲ་དང་སྲིན་བྱ་སྐྱེ་ཀའི་སྒྲོ། །མིང་རུས་སྔགས་དང་སྦྲེལ་ཏེ་བྲིས་ལ་གདགས། །རྒྱལ་མཚན་བཞི་ལ་སོགས་པའི་རྒྱན་ཡང་དགྲམ། །ག་བུར་ཙན་དན་ལ་སོགས་དྲི་ཡི་ཚོགས་རྣམས་ཀུན། །རོག་ཏའི་གནས་སུ་བསེ་ཁབ་ནང་དུ་བསོགས་ཏེ་སྦྲུལ་གྱི་པགས་པས་གཏམས། ་་ལྔ་ལ་སོགས་པའི་དམར་གྱི་རྫས། །ལྷོ་ཡི་གླིང་ལ་ཐོད་པའི་ནང་དུ་གསོག །དཀར་གསུམ་མངར་གསུམ་ཀླུ་སྨན་སྣ་ཚོགས་རྣམས། །དུང་ཕོར་ནང་དུ་ནུབ་ཀྱི་གླིང་ལ་བསོགས། །འབྲུ་དང་མེ་ཏོག་རིན་ཆེན་སྣ་ཚོགས་རྣམས། །རིན་ཆེན་སྣོད་དུ་གླིང་གི་གླིང་ལ་བཞག །རབས་ཆད་རྩ་ཀི་ལ་ནི་ནག་པོ་ལ། །ནང་དུ་དྲི་ལྔ་བདུད་རྩི་ལྔ་ཡིས་བྱུག ཁྲག་སྣ་གསུམ་གྱིས་ཐིག་གདབ་འཁོར་ལོ་བྲི། །གོང་བཞིན་སྙིང་པོ་བྲིས་ཏེ་རྫས་བསགས་པ། །ཆུ་ཡི་མི་དང་ས་ཡི་མི་དང་བྱི་བའི་སྙིང་དང་དགྲ་ཆའི་སྙིང་དག་ལ། ཁྲ་སྣ་ཁྲག་སྣ་འབྱོར་ཚད་དག་དང་ནི། །དེ་ཡི་ཡུལ་དང་དགྲ་ཡི་མིང་རུས་དང་། །ཐུན་གྱི་རྫས་རྣམས་དེ་རུ་བླུགས་པར་བྱའོ། །གསང་བ་ནང་གི་འཁོར་ལོ་ཡིན། །སྦས་པ་གསང་བའི་འཁོར་ལོ་ནི། །རྣལ་འབྱོར་ལུས་ཀྱི་ཡན་ལག་སྟེ། །སྙིང་ཁར་ཡི་གེ་ཧུ༷་བཀོད་ལ། །འཁོར་ལོ་དབུས་ཀྱི་ལྟེ་བ་ཡི། །གཡས་གཡོན་ཡན་ལག་རྩ་ཆེན་བཞི། །འཁོར་ལོ་བཞི་སྟེ་སྲིང་བཞི་གནས། །དེ་ཡི་རྫས་ཏེ་དམར་ཆེན་ཡིན། །ཡང་ན་སེང་ལྡེང་ཕུར་པ་ལ། །སྔགས་དང་སྙིང་པོ་བཅས་པ་བྲི། །མཆོག་ཏུ་དེ་ལ་སྔགས་པ་ཡིན། །དེ་ལྟར་དཀྱིལ་འཁོར་རྣམ་བཞི་རྫས་དང་བཅས་པ་སྲ །རྣལ་འབྱོར་དངོས་གྲུབ་རྣམ་གཉིས་ཐོབ། །ཅེས་གསུངས་སོ། །རྡོ་རྗེ་ཕུར་པ་ཆུ་འཁྱགས་དབབ་པའི་རྒྱུད་ལས། དྲེགས་པ་མིང་སྲིང་གི་གཟུགས་བརྙན་གྱི་དཀྱིལ་འཁོར་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་བཅོམ་ལྡན་འདས་ཀྱིས་མི་འགྱུར་བའི་གཟེར་འདི་དག་བཀའ་སྩལ་ཏོ། །འཁོར་ལོ་ཅན་དང་དམ་རྫས་ཅན། །ས་བོན་ཅན་གྱི་ཐོད་པ་ཕུར་པར་བཅས། །འདི་ནི་རྫས་ཀྱི་བར་སྣང་གཟེར། །སྒྲུབ་པའི་མགོ་འཇུག་བར་གསུམ་དུ། །ཡུལ་དང་མིང་རུས་སྨོས་པ་ནི། །འདི་ནི་སྒྲུབ་པའི་གཟེར་གསུམ་མོ། །ལྷ་སྔགས་དྲེགས་པ་ཕོ་མོའི་སྔགས། །ལས་ལ་སྦྱོར་བའི་དབུ་ཞབས་བར་དུ་བརྣག་པ་བརྗོད། །འདི་ནི་སྔགས་ཀྱི་གཟེར་ཆེན་གསུམ། །མདུང་ཤིང་རྩེ་དང་སྤྱང་མོའི་རྩེད། །ཕག་མོའི་རྡུར་ལ་རྟ་གསུམ་གཞུག །དེ་ནི་ངེས་པར་གདོན་མི་ཟ། །འདི་ནི་རྟ་མའི་གཟེར་གསུམ་ཞེས་བྱའོ། །ཡང་ན་ལྷ་རྟེན་ཆུ་མིག་ཡུལ་དབུས་སུ། །ཁུང་བུ་གྲུ་གསུམ་ཆག་གང་བྲུ། །ཞབས་སུ་ཕོ་བྲང་དཀྱིལ་འཁོར་བྲི། །ཙག་ཀྲོ་ལ་ཡི་ཐོད་པ་དེར། །བསྒྲུབ་པའི་རྫས་དང་གཏོར་མ་དང་། །སྨན་གྱི་ཕུད་དང་གཏོར་ཁྲག་བླུགས། །དྲེགས་པ་རྒྱུ་བའི་དུས་ཚོད་ལ། །གཟའ་དང་མ་མོ་བཀུག་ལ་མཆོད། །དེར་བཞུག་མནན་པའི་འཁོར་ལོས་གདབ། །དཔང་རྣམས་བཙུགས་ལ་ལྷ་སྲིན་མཆོད། །དེ་ནི་ཕྱི་ཡི་ས་གཟེར་ཡིན། །བསྣོལ་དྲི་མོའམ་རྒྱལ་པོའི་སྙིང་དག་ལ། །ངན་སྔགས་བྲིས་ལ་ཕོ་བྲང་དབུས་ལ་བསྒྲུབ། །ཡུངས་ཀར་ཡུངས་ནག་ཁྲག་སྐམས་གུ་གུལ་ནག་པོ་རྫས། །ཏིལ་ནག་ཐལ་ཆེན་མི་སྙིང་དག་དང་སྦྲགས། །དངོས་གྲུབ་ཐོབ་པས་རྟག་ཏུ་ལུས་ལ་བཅང་། །དེ་ནི་ནང་ལྟར་བསྒྲུབ་པའི་གནམ་གཟེར་ཡིན། །ངན་སྔགས་ཡང་སྙིང་རྟག་ཏུ་གདོན་པ་བྱ། །གསང་བའི་དམར་ཆེན་ནང་དུ་སྐུ་བསྟིམ་ནས། །རྟག་ཏུ་བསྒོམ་ནས་བདག་མཆོད་གསང་བའི་བར་སྣང་གཟེར། །རྟག་ཏུ་ཡི་དམ་མི་འགྱུར་མི་འབྲལ་ན། །དྲེགས་པ་མིང་སྲིང་རྟ་མ་ཡིན་པར་བཟུང་། །རྒྱུན་གྱི་གཟེན་ཆེན་ཡེ་ནས་ཐེབས་པ་ཡིན། །རྡོ་རྗེ་ཕུར་པ་ཆུ་འཁྱགས་དབབ་པའི་རྒྱུད་ལས། རོག་ཏི་ནག་པོ་འབྱུང་བའི་བདག་མོ་བཞི་ཡི་གཟེར་གདབ་པའི་ལེའུ་སྟེ་བདུན་པའོ།། །།དེ་ནས་ཡང་བཅོམ་ལྡན་འདས་ཀྱིས་ཏིང་ངེ་འཛིན་གྱི་དེ་ཁོ་ན་ཉིད་ཀྱི་དཀྱིལ་འཁོར་གསལ་བ་ལ་མཉམ་པར་གཞག་ནས། འདི་སྐད་ཅེས་གསུངས་སོ། །ཨེ་མའོ། སེམས་ཅན་ཀུན་རྟོག་ཏིང་འཛིན་བྱིན་གྱིས་རློབས། །ཆོས་རྣམས་ཏིང་འཛིན་སྤྲོས་བྲལ་དམ་པ་ལས། །ཧུ༷་ག་མཐའ་ལས་བྱུང་བའི་དཀྱིལ་འཁོར་འབར། །བྲུ༷་ལས་བན་དྷ་རིན་ཆེན་གནས་སུ་བསམ། །དུར་ཁྲོད་རྒྱན་དང་དབྱིབས་སུ་ལྡན་པ་ལ། །དབུས་ཀྱི་ཨེ་ལ་ཉི་ཟླ་དྲེགས་པའི་གདན། །ཧུ༷་ལས་རྡོ་རྗེ་ཚོན་གང་བདག་ཉིད་ཁྲོ་བོ་གསལ། །མཐིང་ནག་ཞལ་གསུམ་ཕྱག་དྲུག་ཞབས་བཞི་བགྲད། །གཡས་དཀར་གཡོན་དམར་དབུས་མཐིང་རིགས་ལྔའི་སངས་རྒྱས་རྫོགས། །གཡས་གཡོན་དང་པོ་རྡོ་རྗེ་མེ་དཔུང་དང་། །བར་མ་རྩེ་ལྔ་ཁ་ཊ༷་ཐ་མ་རི་རབ་ཕུར་བུ་འདྲིལ།།སྐུ་གསུང་ཐུགས་ལྡན་ཁྲོ་ཆུང་སྐ་ནན་དང་། །ཐུགས་ལ་འབར་བའི་སྲོག་ཀྱང་བཞུགས། །འཇིགས་བྱེད་སྐུ་ལ་དུར་ཁྲོད་ཆས་བརྒྱད་གསོལ། །རྔམ་པའི་གསུང་གི་ཀི་ལི་འབྲུག་ལྟར་སྒྲོགས། །རྡོ་རྗེ་གར་གྱི་དབང་མོ་སྐུ་ལ་འཁྲིལ། །ཆ་ལུགས་སྐུ་འདྲ་ཆགས་པའི་བདེ་བ་སྟོབས། །སྐུ་ཡི་གནས་བཅུར་ཁྲོ་བོའི་འཁོར་བཅས་ཚོམ་བུར་བསམ། །རྣམ་ཤེས་བརྒྱད་པོ་ཡུལ་དང་བཅས་པ་ལ། །ཀི་རི་སིང་ངའི་ཚོགས་ཀྱང་དེ་བཞིན་ཏེ། །དབང་པོ་སྲས་མཆོག་ཡན་ལག་སྒོ་མ་དང་། །ཅི་བགྱི་ལ་སོགས་མདུན་རྒྱབ་ཟུར་གཉིས་ཐུགས་ཀར་ཏེ། །ཐུགས་ཀར་བརྒྱད་དེ་ཕྱོགས་བཞིར་ལྔ་ལྔའོ། །དེ་ལྟར་གསལ་ན་མཁའ་གསང་བྱིན་གྱིས་བརླབ། །སྦྱོར་བའི་བརྡ་བསྐུལ་བྱང་ཆུབ་སེམས་ཆུ་ལས། །ཡི་གེ་ལྔ་ནི་འཐོན་ནས་སུ། །དབུས་དང་འཁོར་ལོ་བཞི་ལ་དགོད། །སྐུ་བསྐྱེད་རྩ་བའི་སྔགས་བརྗོད་པས། །དབུས་སུ་ཁྱབ་འཇུག་ཉིད་ཀྱི་སྐུ། །སྐུ་སྟོད་མི་ལ་སྐུ་སྨད་སྦྲུལ། །ཉིད་ཀྱི་དབུ་ནི་མར་དུམ་བོར་བཅད། །རང་ཕྱོགས་དམག་རྒྱལ་དར་ཕྱར་དང་། །གསོས་འདེབས་རྦབ་གཏོང་བྲག་གཤོག་སོགས། །བྱུང་ནས་ཉ་བོ་ལིང་ཁར་བཅས། །ཕུར་ཐུན་བྲབ་ཅིང་ཐ་མར་བསེགས། །ཐལ་བ་ལིང་རོ་དགྲ་ཕྱོགས་སམ། །ཉེ་ན་ཉམས་པའི་ཁང་རྨངས་མནན། །གཏོར་མ་ཐུན་སོགས་དགྲ་ཕྱོགས་འཕངས། ཁོ་ཉིད་ཕུང་སྟེ་རྩ་བ་ཆོད། །ཟློག་པའི་ཐར་ཐུག་འདི་ཉིད་དོ། །དེ་ནས་ཡང་དག་བཤད་བྱ་བ། །རྒྱལ་གསེན་གཏུམ་པོ་མ་རུང་བ། །གཟིར་ཞིང་འདུལ་བར་འདོད་པ་ན། །ལྕགས་རྡོར་ནག་པོའི་ལྟེ་བ་ལ། །སྔགས་ཀྱི་འཁོར་ལོ་བསྐོར་ནས་ཀྱང་། །ནད་པའི་སྟེང་ནས་གཟིར་བར་བྱ། །གུ་གུལ་དུ་བས་སྣ་ནས་བདུག །སྲིན་ལག་གཡོན་བསྡམས་སྔགས་ཀྱིས་གཟིར། །སྔགས་ནི་སྐྲུ་གྲིའི་ཤམ་བུ་མྲ །གནོད་བྱེད་འབྱུང་པོའི་སྲོག་ལ་རྣིར་ཧུར་ཐུམས་ཛ་མ་ར་ཡ་སོད། ཏྲི་ཧུར་ཐུམ་ཛ་མ་ར་ཡ་རྦད་སོད། ཅེས་བཟླས་ཕུར་ཐུན་སོགས་ཀྱིས་བྲབ། །འདྲེན་ངན་སྐད་ངན་ཙེར་རེ་འབྲོས། །གདོན་བགེགས་ཐུལ་བར་ཐེ་ཚོམ་མེད། །དེ་ནས་ཡང་དག་བཤད་བྱ་བ། །ཞོ་ཆང་སྲུང་བའི་ལས་མཐལ་ནི། །འཁོར་ལོ་རྩིབས་བརྒྱད་སྔགས་བཅས་བ་ ་བར་ ངས་ ང་མིང་སྤེལ་ རྩིབས་ལ་བང་ངང་དྲ ་པོ་དྲིལ རྩིབས་ཆེན་ལ་ང་འང་ཉི ་བ་ ར་ཏི་ ་པོ་སོ ར་རུ་ ་པོ་ འཆང་འདྲེ ར་འདྲེ་ཁ་ཆིང་ས ཟ་འདྲེ་ཁ་ཆིངས་། ཕྱི་ལ་བསྲུངས་བྱ་གང་འོས་བྲི། །རབ་གནས་ལེགས་བྱས་སྦལ་པར་གཞུག །སྔགས་ནི་ཁྲི་རུ་བཟླས་ནས་ཀྱང་། །སྦལ་པ་ལ་ནི་ཡང་ཡང་བཟླས། །ཞོ་ཆང་གང་བསྲུང་སྟེང་དུ་གཞག །རྩ་སྔགས་རྡེའུ་དཀར་ནག་ལ། ཁྲི་སྟོང་བཟླས་ལ་ཞོ་ཆང་གཞུག །དེས་ཀྱང་ཐུབ་པར་ཐེ་ཚོམ་མེད། །དེ་ནས་ཡང་དག་བཤད་བྱ་བ། །མཛེ་དང་གག་ལྷོག་འབྲུམ་བུ་འབྲས། །གཉན་སོགས་འཇོམས་པར་བྱ་འདོད་ན། །གུ་གུལ་ནག་པོ་མུ་ཟི་ནག ཁུ་དག་བཙན་དུག་རྒྱ་ཕག་ཚིལ། །མི་དང་རྟ་ཀྱང་ཚིལ་དག་དང་། །དྲི་ཆེན་དྲི་ཆུང་རྭ་གཞོབ་སྦྲེ། །རྭ་ནང་སྦྱར་ལ་སྔགས་ཀྱི་གཙོ། །རླངས་མ་ཤོར་བ་དམ་དུ་གཅད། །བྱང་ཆུབ་སེམས་དཔས་འགྲུབ་པར་སྙི་ངངཚོ་ངལེསྟེ་དེ་རྗེཛི་ང་་འངའགྱུར། །ཕུར་པ་གསང་བ་ ང་པ་འཕྲན་ལས་ཀྱ་རྒྱུད་ལས། ལས་ གས་བྱ་བྲག་ཏུ་བསྟན་པའ་ འུ་ ་བརྒྱད་པའ།། །། ་ནས་གསང་བདག་རྡ་ ་འ ན། །ཧ་རུ་ཀ་ལ་འད་སྐད་གསལ། །དྲག་པའ་ལས་ན་བཟློག་པ་དང་། །བསྲུང་བའི་གོ་ཆའི་རིམ་པ་གང་། །ལན་དུ་འཇིགས་བྱེད་བཀའ་སྩལ་པ། །དཀྱིལ་འཁོར་མ་ཏྲ༷་རྩིབས་བརྒྱད་དབུས། །འབྲུ་ཟན་དཔལ་བཤོས་ཁྲུ་གང་ལ། །དཔལ་དགུས་བསྐོར་ཏེ་བྱ་ཁྱུང་གཟུགས། །ཤ་ཁྲག་དམར་དང་སྲུང་མའི་རྫས། །ཟོར་དང་ཐུན་རྫས་ཡོངས་རྫོགས་ནས། །ལྷ་ཚོགས་བདུན་ཅུ་རྩ་གཉིས་ལ། །བཟློག་པའི་འཕྲིན་ལས་དྲག་པོ་བཅོལ། །སྤུ་གྲི་ཚིག་ཤུར་དྲག་སྔགས་ཀྱིས། །དགྲ་བགེགས་ཉའོ་ཕུར་ཐུན་བསྒྲལ། །འདི་ལྟ་བུ་ཡི་སྦྱོར་བ་ཡིས། །གསང་བདག་ཁྱོད་ཀྱི་མཐུ་འཇིག་ཅིང་། །རི་གཟར་རྦབ་ཀྱང་བཟློག་པར་ནུས། །ཡུལ་ཁམས་གནས་གསུམ་བདག་བསྲུང་ན། །གཏོར་མའི་སྦྱོར་བ་གང་ཉིད་ལ། །ཟོར་ཀོང་ཉི་ཤུ་རྩ་བརྒྱད་ལ། །དུག་ཁྲག་ཚེ་དང་ཟངས་ཟོར་བྱ། །དབང་མོའི་སྔགས་བཟླས་ཕྱོགས་མཚམས་བརྡེག །ཐལ་རྒྱས་གདབ་ཅིང་སྨྱོ་ཟོར་གདབ། །གཏོར་མ་དགྲ་བགེགས་སྟོང་དུ་བརྡེག །གནས་སྲུངས་དར་མར་རས་་།ག་ལ། །འཁོར་ལོ་རྩིབས་བརྒྱད་མུ་ཁྱུད་བཅས། །ལྟེ་བར་བསྲུང་བྱ་མིང་རུས་བྱས། །རྩིབས་བཅུ་ཁྲོ་བོ་བཅུ་ཡི་སྔགས། །ཕྱི་རིམ་སྤུ་གྲིའི་སྔགས་ཀྱིས་བསྐོར། །སྨྱོ་ཟློག་དམོད་མོ་རིག་པས་སྦྱར། །རབ་ཏུ་གནས་ཏེ་དྲིལ་ནས་ཀྱང་། །རྫ་ཡི་རུས་སྦལ་ནང་དུ་བྲུབ། །དེ་འདྲ་བཞི་ནི་གནས་འཆང་གི །ཟུར་བཞིར་མི་མངོན་སྦས་ནས་གཞག །ནང་པ་ཕྱི་རོལ་མུ་སྟེགས་ཀྱི། །སྦྱོར་བ་ངན་པ་ཐམས་ཅ ་ཐུབ ་ ང་ཆུ་ མ ་བ་ ་ ་ཡང་ ་ར་བ་་ང་ ར་ངེས་པ་ལ ཁྲོ་བཅུ་ ང་ང་བང་ ང་དྲིལ སྔ ས་བྲི་ཚ་ཚའི་ ང་ ་ ་གྲི་ ང་ང་ བང་མོའི་སྔ ས བ ས་་་ཤྭ་ ་ ང་ ་བ འང་ལྟ་བུ་ཡི་སྦྱོར་བ་ནི། །རྒྱ་མཆོའི་རླབས་ཀྱང་ཟློག་པར་ནུས། །ཅེས་བཀའ་སྩལ་ཏོ། །ཕུར་པ་གསང་བ་སྙིང་པོ་འཕྲིན་ལས་ཀྱི་རྒྱུད་ལས། བསྲུང་བཟློག་ལས་ཀྱི་མེད་ཁ་བསྟན་པའི་ལེའུ་སྟེ་དགུ་པའོ།། །།དེ་ནས་གསང་བའི་བདག་པོ་ཡིས། །ཧེ་རུ་ཀ་ལ་གསོལ་བ་ནི། །ལེགས་སོ་ཆེ་བཙན་ཁྲོ་བོའི་རྒྱལ། །གསང་བ་ལས་ཀྱང་ཆེས་གསང་བའི། །རྒྱུད་ཀྱི་དོན་ནི་གང་དུ་བསྡུ། །གཏད་རྒྱ་ཇི་ལྟར་གཟུང་བར་བགྱི། །ཧེ་རུ་ཀ་ཡིས་བཀའ་སྩལ་པ། །ཉོན་ཅིག་གསང་བའི་རྡོ་རྗེ་འཛིན། །བླ་མེད་གསང་བའི་རྒྱུད་འདི་ནི། །བི་ཏོའི་ཡང་སྙིང་ཞེས་པར་ཟུང་། །འཕྲིན་ལས་ཐམས་ཅད་འདུས་པའི་ཏོག །རྡོ་རྗེ་ཁྲོས་པའི་རྒྱུད་དུ་ཟུང་། །གསང་བ་བླ་མེད་འཕྲིན་ལས་རྒྱུད། །སྙིང་པོ་འརྒྱུད་དུ་འདི་ཟུང་ཞིག །རྒྱུད་དོན་ཆོས་ཀྱི་དབྱིངས་ཉིད་ལས། །འགག་མེད་རྩལ་ལས་དབྱིངས་ཀྱི་ངང་། །ཕུར་ནི་ཆོས་ཀྱི་དབྱིངས་ཉིད་དེ། །པ་ནི་རིག་པའི་ཡེ་ཤེས་སོ། །དགྲ་བགེགས་ལྔ་ཕུར་ཚར་གཅོད་ཕྱིར། །འདེབས་པའི་ཕྱིར་ནི་ཕུར་པའོ། །ཨོ༷་བཛྲ་ཀི་ལི་ཀི་ལ་ཡ། །སརྦ་སྟིག་ནན་བ༷་ཧུ༷་ཕཊ། །བདུན་ནམ་ཉེར་གཅིག་བརྒྱད་བཟླས་སོ། །རྡོ་རྗེས་ཁྲོས་པའི་རྩ་བའི་ངང་། །ཆོས་ཉིད་་ ་གྱི་བ་ ་པའོ ་པའི་ལས་ང་བ བ་པའི་ཚེ ར་ ་མཚམས་སུ་བཏབ་པར་བྱའོ འཕྲི ་ལས་ མ་བང་ བ་པའི་་ ལ་པའི་འཁོར་གྱིས་་ས་པར་གྱིས ཅེས་པའི་བ འ་སྩལ་པ་དང་། འཁོར་ཐམས་ཅད་ཡི་རངས་ཏེ། །འཕྲིན་ལས་མངོན་སྤྱོད་དྲག་པོའི་ལས་ལ་སྤྱོད་པར་གྱུར་ཏོ། །དེ་ནས་ལས་ཀྱི་ཁྲོ་བདག་ཆེན་པོ་ཧེ་རུ་ཀ་ཉིད་ཀྱང་། གསང་ཆེན་དབྱིངས་ཀྱི་མཁའ་ལ་ཐིམ་པར་གྱུར་ཏོ། །བི་ཏོ་ཏ་མ་ལ་འབུམ་སྡེའི་རྒྱུད་ལས། གསང་བ་འཕྲིན་ལས་ཀྱི་རྒྱུད་ཅེས་བྱ་བ་ཁུལ་དུ་བྱུང་བ་རྫོགས་སོ།། །།གསང་བའི་རྒྱུད་མཆོག་བླ་མེད་འདི། །ཨུ་རྒྱན་པདྨ་བདག་ཉིད་ཀྱིས། །བོད་ཡུལ་དབུས་སུ་སྣང་བར་བྱས། །ཡེ་ཤེས་མཚོ་རྒྱལ་ཉིད་ལ་གཏད། །ད་ལྟ་སྤེལ་དུས་མ་བབ་པས། །དང་ལུང་ལྡང་ལའི་བྲག་ལ་སྦས། །མ་འོངས་ལྔ་བཅུ་ཁ་རལ་དུས། །ཐུགས་ཀྱི་སྲས་དང་ཕྲད་ནས་ཀྱང་། །འགྲོ་དོན་བསྟན་པ་མཐར་རྒྱས་ཤོག །གཏེར་རྒྱ༷༷ སྦས་རྒྱ༷༷ ཟབ་རྒྱ༷༷ གསང་རྒྱ༷༷ གསང་རྒྱའོ༷༷ རྒྱ་རྒྱ་རྒྱ༷༷༷༷ རྒྱ་གར་སྐད་དུ། བཛྲ་ཀི་ལ་ཡ་ནཱ་མ་ཏནྟྲ་རྭ་ཛ། བོད་སྐད་དུ། རྡོ་རྗེ་ཕུར་པ་ཞེས་བྱ་བའི་རྒྱུད་ཀྱི་རྒྱལ་པོ། བཅོམ་ལྡན་འདས་སྐུ་གསུང་ཐུགས་སྒྲོལ་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་ང་ ཐུ ས་ སང་བའི་བཙུ ་མོའི་ ་ ་ལ ཕོ་བྲང་ ་གྱིས་ བ་པ་ ར་ཁྲོ ་ ་པོའི་ ས་ ཁྲོ་བོ་ཆེ ་པོ་ཡོ ་ ་ ་པ་ ས་བྱ་བ་ ང་ ཁྲོ་བོ་ཆེ ་པོ་ མ་པར་ ལ་བ་ ས་བྱ་བ་ ང་ ཁྲོ་བོ་ ་པོ་པོས་སྐུ་དང་། གསུང་དང་། ཐུགས་སྲུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་བཞུགས་ཏེ། བདུད་ཐམས་ཅད་སེལ་བར་བྱེད་པའི་རྡོ་རྗེ་ཞེས་བྱ་བ་དེ་ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ལས་ཕྱུང་ངོ་། ཨོ་སརྦ་ཏ་ཐུ་ག་ཏ་ཀྭ་ཡ་བཱ་ཀ་ཙིསྟ་བཛུ་ནཱན་ཨུ་ཙ་ཏ་ཡ་ཧུ༷་ཧུ༷་ཧུ༷་ཕཊ། འདི་ཕྱུང་མ་ཐག་ཏུ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལྷ་དང་། ཀླུ་དང་། གནོད་སྤྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྷོ་འཕྱེ་ཆེན་པོ་དང་། ཡི་དགས་དང་། བརྗེད་བྱེད་ལ་སོགས་པ་སྔ་མར་གྱུར་པ་ཐམས་ཅད་ཕྱོགས་དང་ཕྱོགས་མཚམས་ཐམས་ཅད་རབ་ཏུ་བྱེར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོས་ཕྱེ་མ་སྦྱོར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་བདུད་འཇོམས་པ་རྡོ་རྗེ་ཞེས་བྱ་བ་འདི་ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ལས་ཕྱུང་ངོ་། ཨོ༷་སརྦ་ཏ་ཐུ་ག་ཏ་ཀྭ་ཡ་བ་ཀ་ཙིརྟི་བཛྲ་ནན་ཙཀྲ་ཨོ་བྲུ༷། ཙཀྲ་ཧུ༷་བྲུ༷། ཙཀྲ་ཧ་བྲུ༷། འདི་ཕྱུང་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལྷ་དང་ཀླུ་ལ་སོ ས་ཐམས་ཅ ་ལ འཁོར་ལོའི་ཐོ ་ ང་ ་་རྗེ་ ང་ རི པོ་ཆེ་ ང་ པ ་ ང་ རལ་གྲི་ལ་སོ ས་པའི་ཐོ ་ང་ཆར་བབ་པར་ ར་་ ཐམས་ཅ ཀྱང་བྲེ ་ ་ཐོ ་ ས ཕྱོ ས་མཚམས་སུ་མི ་རྩ་བགྲད་དེ་ཅང་མི་སྨྲ་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། ཁྲོ་བོ་ཆེན་པོ་བདུད་རྩི་འཁྱིལ་པས་འདི་སྐད་ཅེས་གསོལ་ཏོ། །ཨེ་མ་མ་རུངས་འཇིགས་པ་ཅན། ཁྱོད་མཐོང་བས་ནི་བདག་འཇིགས་ན། །ལྷ་དང་ཀླུ་ལ་སོགས་པ་རྣམས། །འཇིགས་པར་གྱུར་པ་སྨོས་ཅི་དགོས། །དྲག་ཅིང་གདུག་པས་རབ་བསྒྲུབས་པའི། །དྲག་པོའི་གཏུམ་པོ་ཁྲོ་བོ་ཡང་། །ཁྱོད་གཟུགས་མཐོང་བས་སྐྲག་པར་གྱུར། །སྒྲ་སྐད་ཐོས་པ་སྨོས་ཅི་དགོས། །ཞེས་གསུངས་སོ། །དེ་ནས་ཁྲོ་བོ་ཆེན་པོ་བདུད་རྩི་འཁྱིལ་བས། །ལྷ་དང་ཀླུ་ལ་སོགས་པ་བླངས་ཏེ་འདི་སྐད་ཅེས་གསོལ་ཏོ། །བདེ་གཤེགས་ཀུན་གྱིས་དབང་བསྐུར་བའི། །ལས་ཀྱི་ཁྲོ་བོ་བདག་ཉིད་ཀྱང་། །དྲག་པོའི་སྐུ་ནི་མཐོང་བས་སྲེག །གཞན་པའི་སྒྲ་སོགས་སྨོས་ཅི་དགོས། །ལྷ་དང་ཀླུ་ལ་སོགས་པའི་ཚོགས། །གསང་སྔགས་འདི་ལས་གང་འདའ་བ། །ཨ་རྙོ་ཀ་ཡི་དོག་པ་བཞིན། །མགོ་ནི་ཚལ་བར་འགས་པར་འགྱུར། །ཞེས་བསྒོ་བས་ཐམས་ཅད་ཉན་པར་གྱུར་ཏོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། །བདུད་ཐམས་ཅད་འཇོམས་པའི་རྡོ་རྗེ་ཞེས་བྱ་བའི་ལེའུ་སྟེ་དང་པོ།། །།་་ ས་བཅོམ་ ་འ ས་ ་བང ་ ས་པ་ཐམས་ཅ ་ཀྱི་ ་ ང་ སུང་ ང་ ཐུ ས་ཀྱི་རྒྱལ་པོ་ ་ ་བཟང་པོ་ཁྲོ་བོ་འཇི ས་བྱེ ་ཆེ ་པོས བ ་བ་ ་པོ་ སང་བ་་་རྗེ་ ས་བྱ་བའི་ངང་ངེ་འཛི ་ལ་སྙོམས་པར་ཞུགས་སོ། །དེའི་ཚེ་འདུས་པ་ཆེན་པོ་འཁོར་རྣམས་ཀྱིས་བསྟོད་པའི་རྒྱལ་པོ་འདིས་གསོལ་བ་བཏབ་བོ། ཐམས་ཅད་གསང་བ་ཀུན་གྱི་བདག །བདེ་བ་ཆེན་པོའི་འཁོར་ལོ་སྒྱུར། །གང་དུ་གསང་བའི་དོན་འབྱུང་བ། །དེ་ཉིད་བཅོམ་ལྡན་བསྟན་དུ་གསོལ། །དེ་སྐད་ཅེས་གསོལ་མ་ཐག་ཏུ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་བདག་པོ་ཁྲོ་བོ་འཇིགས་བྱེད་ཆེན་པོས་འདི་སྐད་ཅེས་བཀའ་སྩལ་ཏོ། དོན་ཆེན་པོ་དང་རབ་ལྡན་པས། །ཐམས་ཅད་གསང་བའི་དོན་གསོལ་བ། །འདུས་པའི་འཁོར་ཚོགས་ཁྱོད་ལེགས་སོ། །གང་དུ་གསང་བ་བདེ་བའི་དོན། །ངས་ནི་ཁྱོད་ལ་བཤད་པར་བྱ། །ཁྱོད་ནི་རྩེ་གཅིག་ཡིད་ཀྱིས་ཉོན། །འགྱུར་དང་བསྟན་པའི་བདག་ཉིད་ཅན། །རྣམ་སྣང་གནས་སུ་དེ་ཉིད་བསྒོམ། །དབང་པོ་ལྔ་ལས་འོད་བྱུང་བས། །རྣལ་འབྱོར་དབང་པོ་ཁ་དབྱེ་བར། །གསལ་བའི་སྐུ་ལྔ་བསལ་བར་བསམ། །གང་དུ་འགྲོ་དང་འོང་བ་ཀུན། །མཆོད་དང་བསྟིམ་པའི་ཚུལ་དུ་གནས། །གང་ཚེ་གནས་པར་གྱུར་པའི་ཚེ། །འོང་བའི་ཚུལ་དུ་གནས་པར་བཞག །སྣང་མཛད་སུམ་ཅུ་རྩ་གཉིས་མཚན། །འོད་བཞི་རྩ་བའི་འོད་དང་ལྡན། །དེ་ཉིད་བསྒོམས་ཀྱིས་དངོས་གྲུབ་གཉིས། །ཐོགས་པ་མེད་པ་རྡོ་རྗེ་བཞིན། །སྣང་བ་མཐའ་ཡས་གནས་དག་ཏུ། །བདེ་ཆེན་སྣང་བ་མཐའ་ཡས་བསམ། །དབང་པོའི་འོད་ལས་རྩེར་བཟུང་ནས། །མཆོད་དང་དངོས་གྲུབ་གཉིས་ཀྱི་ཚུལ། །འགྲོ་དང་འོང་བ་གནས་པར་བྱ། །མཚན་མཆོག་རྩ་གཉིས་འོད་ལྡན་པ། །འོད་བཞི་རྩ་བའི་འོད་དང་ལྡན། །ཡོན་ཏན་དངོས་གྲུབ་དེ་བཞིན་ནོ། །རྡོ་རྗེ་སེམས་དཔའི་གནས་དག་ཏུ། །དེ་བསྒོམས་དབང་པོ་སྦྱོང་བ་དང་། །རིན་ཆེན་གནས་ཀྱང་སྦྱང་བར་བྱ། །གང་དུ་གཅིག་ཅིག་སོགས་པ་ཡི། །རྟགས་ལྔ་རིམ་སྐྱེས་མཐའ་མར་ནི། །བདེ་གཤེགས་དངོས་གྲུབ་འབྱུང་བར་འགྱུར། །གང་ཚེ་གསང་བའི་དོན་ལྡན་པ། །དེ་ཡི་སྦྱོར་བས་འགྲུབ་པར་འགྱུར། །སྐུ་གསུང་ཐུགས་ཀྱི་གསང་བའི་མཆོག །ཡིད་བཞིན་ནོར་བུ་རབ་བསྒོམས་པས། །རྣལ་འབྱོར་པ་ནི་གྲོལ་བར་འགྱུར། །ཐབ་ས་དང་ཤེས་རབ་གསང་བ་ཡི། །རིན་ཆེན་ནོར་བུ་རབ་བསྒོམས་པས། །རྣམ་རྟོག་ཐམས་ཅད་བཟློག་པ་ཡིན། །དངོས་རྟོགས་སེམས་ཅན་ཐམས་ཅད་ལ། །བླ་མེད་བྱང་ཆུབ་ཡོད་མི་འགྱུར། །གསང་བའི་ཡི་གེ་ལ་གནས་པ། །རྣལ་འབྱོར་དེ་ནི་གྲོལ་བར་འགྱུར། །འདི་ལྟ་བུ་ཡི་སྔགས་ཀྱི་མཆོག །རྡོ་རྗེ་ཕུར་པའི་རྒྱུད་ལས་རྙེད། །འདི་ནི་བཅོམ་ལྡན་ཐམས་ཅད་ཀྱིས། །མ་གསུངས་གསུང་བར་མི་འགྱུར་རོ། །བསྐལ་པ་གྲངས་མེད་ཐམས་ཅད་དུ། །ཐོས་བསམ་བསྒོམ་ལ་རབ་སྦྱངས་པ། །ཤེས་རབ་མིག་དང་ལྡན་པས་འགྲུབ། །ཅེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། །གསང་བ་ཆེན་པོའི་ལེའུ་སྟེ་གཉིས་པའོ།། །།དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་དང་། ཐུགས་རྡོ་རྗེ་བདག་པོས་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོས། ཡོངས་སུ་དག་པའི་སྦྱོར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། འདུས་པ་ཆེན་པོ་འཁོར་ཐམས་ཅད་ཀྱིས། ཆོས་ཐམས་ཅད་ཡོངས་སུ་དག་པའི་སྦྱོར་བའི་ངང་དུ་སངས་རྒྱས་པར་མཐོང་ངོ་། །དེའི་ཚེ་ཁྲོ་བོ་ཆེན་པོ་མི་གཡོ་མགོན་སྟན་ལས་ལངས་ཏེ། བཅོམ་ལྡན་འདས་ལ་གསོལ་པ། ཨེ་མ་ཧོ་བདེ་བ་ཆེན་པོའི་སྐུ། །གསང་བ་བདེ་བ་ཆེན་པོ་ཉིད། །ཡོངས་སུ་དག་པ་སྦྱོར་བའི་མཆོག །བདག་ཅག་རྣམས་ལ་བསྟན་དུ་གསོལ། །དེ་སྐད་ཅེས་གསོལ་བ་དང་། བཀའ་སྩལ་པ། །བདེ་བ་ཆེན་པོ་རབ་བསྒྲུབ་ཕྱིར། །གསང་བའི་དོན་ཞུས་ཁྱོད་ལེགས་སོ། །གང་ཕྱིར་གསང་བ་ཆེན་པོའི་དོན། །ངས་ནི་ཁྱོད་ལ་བཤད་པར་བྱ། །ཁྱོད་ནི་རྩེ་གཅིག་ཡིད་ཀྱིས་ཉོན། །དངོས་པོར་སྣང་བའི་ཆོས་རྣམས་ཀུན། །ངོ་བོ་ཉིད་ཀྱིས་རབ་ཏུ་སྟོང་། །ཆོས་རྣམས་ཐམས་ཅད་སེམས་ཡིན་ཏེ། །ཅིར་སྣང་སེམས་ཀྱི་སྣང་བར་འདོད། །ཀུན་ནས་འཁྲུལ་པའི་དབང་དག་ཏུ། །སྣ་ཚོགས་སྣང་ངོ་རང་བཞིན་མེད། །གཟུགས་སྒྲ་དྲི་རོ་རེག་ལ་སོགས། །ཞབྲུལ་པ་ཡིན་ཕྱིར་སོ་སོར་སྣང་། །དཔེར་ན་ཆུ་ཟླ་སྨིག་རྒྱུ་བཞིན། །སེམས་ནི་ཐོག་མ་ཐ་མ་མེད། །འདས་དང་མ་འོངས་ཕྱི་ནང་མེད། །སྔ་ཕྱི་ལྷོས་པས་གང་ཡང་མེད། །རང་བཞིན་འོད་གསལ་འདུས་མ་བྱས། །དམ་པའི་དོན་ལ་རྟག་པར་བསྒོམ། །དངོས་པོར་གྱུར་པའི་དོན་བསྒོམས་པས། །དེ་ལ་མཆོག་གི་དངོས་གྲུབ་མེད། །དེ་ལས་དངོས་པོ་མེད་པར་བསྒོམ། །དངོས་མེད་མཐོང་བའི་རྣལ་འབྱོར་པས། །སེམས་མཐོང་དེ་ལ་དངོས་གྲུབ་འགྱུར། །གཟུགས་སོགས་སྐྱེ་འཇིག་གནས་བྲལ་བ། །ཐམས་ཅད་དངོས་པོ་མེད་པར་བསྒོམ། །དངོས་མེད་དངོས་པོའི་ས་བོན་མེད། །ཅེས་གསུངས་སོ། །དེ་ནས་དེ་བཞིན་གཤེགས་པ་རྣམ་པར་རྒྱལ་བས་འདི་སྐད་ཅེས་གསོལ་ཏོ། གང་ཚེ་དངོས་པོ་མེད་གྱུར་པ། །དེ་ཚེ་རྣམ་པར་རྟོག་དང་བྲལ། །དེ་ནི་མི་རྟོག་ཡེ་ཤེས་ཏེ། །རྟོག་ལས་འདས་པས་ཆོས་སྐུ་མཐོང་། །ཞེས་གསུངས་སོ། །དེ་བཞིན་གཤེགས་པ་དབྱུག་པ་སྔོན་པོས་འདི་སྐད་ཅེས་གསོལ་ཏོ། །ཐམས་ཅད་སེམས་ཉིད་ངོ་བོ་བས། །ཐོག་མ་མེད་པའི་དབྱིངས་ཉིད་དུ། །སེམས་གསལ་དངོས་གྲུབ་ཀུན་གྱི་བདག །དེས་ནི་གང་དམིགས་དངོས་གྲུབ་མྱུར། །ཞེས་གསུངས་སོ། །དེ་ནས་དེ་བཞིན་གཤེགས་པ་གཤིན་རྗེ་གཤེད་ཀྱིས་འདི་སྐད་ཅེས་གསོལ་ཏོ། །དོན་དམ་འདོད་འགྱུར་རྣལ་འབྱོར་པས། །རགས་དང་ཕྲ་བའི་རྟོག་པ་སྤོང་། །བསྐྱེད་དང་རྫོགས་པའི་རིམ་པ་ཡིས། །རྣལ་འབྱོར་དེ་ནི་གྲོལ་བར་འགྱུར། །ཞེས་གསུངས་སོ། །དེ་ནསདེབཞིནགཤེགསཔམིགཡོ་མགོན་གྱིས་འདི་སྐད་ཅེས་གསོལ་ཏོ། །བསྐྱེད་རྫོགས་ཏིང་འཛིན་ལ་གནས་ནས། །སྤྱོད་པ་དག་ལ་བརླབ་པར་བྱ། །གྲོགས་དང་དེ་ཉིད་ཏིང་འཛིན་གྱིས། །དམིགས་མེད་དངོས་གྲུབ་ཐོབ་པར་འགྱུར། །ཞེས་གསུངས་སོ། །དེ་ནས་དེ་བཞིན་གཤེགས་པ་རྟ་མཆོག་དཔལ་གྱི་རྒྱལ་པོས་འདི་སྐད་ཅེས་གསུངས་སོ། །མཛུབ་མོས་ཟླ་བསྟན་ཇི་བཞིན་དུ། །ཆོས་རྣམས་དངོས་པོ་མེད་གྱུར་ཀྱང་། །མིང་དང་ཚིག་དང་ཡི་གེ་ཡི། །བརྡ་ཡི་སྒོ་ནས་བསྟན་པར་འགྱུར། །ཞེས་གསུངས་སོ། །དེ་ནས་དེ་བཞིན་གཤེགས་པ་གཞན་གྱིས་མི་ཐུབ་པ་འདི་སྐད་ཅེས་གསུངས་སོ། །མིང་དང་ཚིག་དང་ཡི་གེ་ཡིས། །དོན་གྱིས་བརྡར་བྱེད་མ་རྟོགས་པར། །རང་བཞིན་མེད་པའི་ཆོས་རྣམས་ལ། །མིང་མེད་ཚིག་མེད་ཅེས་གསུངས་སོ། །དེ་ནས་དེ་བཞིན་གཤེགས་པ་ཁམས་གསུམ་རྣམ་པར་རྒྱལ་བས་འདི་སྐད་ཅེས་གསུངས་སོ། །གང་དུ་ཡོད་པས་སྐྱེ་བ་མེད། །མེད་དང་རྟག་ཆད་གཉིས་ལས་མིན། །གང་ཚེ་སྐྱེ་བ་མ་གྲུབ་པས། །གནས་དང་འགག་པའང་འགྲུབ་པ་མེད། །ཅེས་གསུངས་སོ། །དེ་ནས་དེ་བཞིན་གཤེགས་པ་ཡོན་ཏན་སྡུད་པར་མཛད་པས་འདི་སྐད་ཅེས་གསུངས་སོ། །སྐྱེ་དང་འགག་དར་གནས་དང་ཀུན། །བྱིས་པ་རྣམས་ཀྱིས་འཁྲུལ་ནས་བརྟགས། །རྣལ་འབྱོར་ཡེ་ཤེས་ཀྱིས་བརྟགས་ན། །དངོས་མེད་ས་བོན་ལ་སོགས་མེད། །ཅེས་གསུངས་སོ། །དེ་ནསདེབཞིན གཤེགསཔའཇོམ་པ་སྟོབས་ཆེན་ཞེས་བྱ་བས་འདི་སྐད་ཅེས་གསུངས་སོ། །གང་ཚེ་སེམས་ཅན་སྣང་བ་ལ། །བདེ་གཤེགས་སྤྲུལ་པ་ཅིར་སྣང་ཡང་། །བསོད་ནམས་ཐུགས་རྗེའི་སྟོབས་ཡིན་ཏེ། །དོན་དམ་པ་ལ་སྣང་བ་མེད། །ཅེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་དབུ་མ་ཆེན་པོའི་ངང་ལ་མི་གཡོ་བར་བཞུགས་སོ། །དེའི་ཚེ་ཕྱོགས་བཅུའི་ལྷ་མོ་རྣམས་ཀྱིས་མགྲིན་གཅིག་ཏུ་བཅོམ་ལྡན་འདས་ལ་གསོལ་བ། །རྟག་ཏུ་མཉམ་ཉིད་ཐུགས་རྗེའི་བདག །སྨོན་ལམ་མཆོག་གྲུབ་རྫོགས་པའི་སྐུ། །མཉམ་ཉིད་ངང་ལ་རབ་བཞེངས་ལ། །རྣལ་འབྱོར་མ་ལ་རྟག་ཏུ་སྤྱོད། །ཅེས་པས་ཐམས་ཅད་རགས་པའི་རྣམ་པར་འབར་བ་འཕྲོ་བར་འགྱུར་ཏོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། །བདེ་བ་ཆེན་པོའི་ལེའུ་སྟེ་གསུམ་པའོ།། །།དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཁྲོ་བོ་གཙོ་བོ་ཀུན་ཏུ་བཟང་པོ་འཇིགས་བྱེད་ཆེན་པོས་འཁོར་ལོ་བཀོད་པའི་ཚུལ་དུ་རྡོ་རྗེ་ཞེས་བྱ་བའི་ཚུལ་དུ་སྙོམས་པར་ཞུགས་ཏེ། ཆེད་དུ་བརྗོད་པ་འདི་བརྗོད་དོ། །རགས་པའི་རྟོག་པ་རྣམ་སྤོང་ཞིང་། །ཕྱག་རྒྱ་གྲུབ་འདོད་རྣལ་འབྱོར་པས། །གཙོ་བོ་ཏིང་འཛིན་ལ་གནས་ན། །ལས་རྣམས་ཐམས་ཅད་འགྲུབ་པར་འགྱུར། །ཧུ༷་མཛད་ཏིང་འཛིན་ལ་གནས་ན། །ཉི་ཟླ་ཕོ་མོ་ཐབས་ཀྱིས་འདུལ། །ལས་རྣམས་ཐོགས་པ་མེད་པར་འགྱུར། །རྣམ་རྒྱལ་ཏིང་འཛིན་ལ་གནས་ན། །དྲི་ཟ་ཕོ་༄། །མ་ཐབས་ཀྱས་རྭལ། །ཞ་བའ་ལས་རྣམས་ཝབ་པར་ལུར། །༄ག་སྔན་ཏང་འ ན་ལ་གནས་ན། །མེ་ལྷ་ཕ་མ་ཐབས་ཀྱས་རྭལ། ། ག་པའ་ལས་རྣམས་ཝུབ་པར་ལུར། །་ད་པ་ང་་འ ན་ལ་གནས་ན། །་ད་པ་ཕ་མ་ཐབས་ཀྱས་རྭལ། །རྒྱས་པའ་ལས་རྣམས་ཝུབ་པར་་ད། །མི་གཡའི་ངཏང་འཛིན་ལ་གནས་ན། །སྲན་པ་ཕ་མ་ཐབས་ཀྱས་རྭལ། ། ངས་པའ་ལས་རྣམས་ཝུབ་པར་ལུར། །རྟ་མགྲན་ཏང་འ ན་ལ་གནས་ན། །ཀླུ་རྒྱལ་ཕ་མ་ཐབས་ཀྱས་རྭལ། །དབང་ག་ལས་རྣམས་ཝུབ་པར་ལུར། །མ་ཐུབ་་་འ ན་ལ་གནས་ན། །མོ་ལྷ་ཕ་མ་ཐབས་ཀྱས་རྭལ། །བསད་དང་འགུགས་པའ་ལས་རྣམས་ཝུབ། །བདུད་རྩའ་་་འ ན་ལ་གནས་ན། །གནད་སྒྱུན་ཕ་མ་ཐབས་ཀྱས་རྭལ། །བསད་པའ་ལས་རྣམས་ཝུབ་པར་་ད། །ཁམས་གསུམ་་་འ ན་ལ་གནས་ན། །ལུང་པ་ཕ་མ་ཐབས་ཀྱས་རྭལ། །རྨངས་པའ་ལས་རྣམས་ཝུབ་པར་ལུར། །སྟབས་ཆེན་ཏང་འ ན་ལ་གནས་ན། །ས་བདག་ཕ་མ་ཐབས་ཀྱས་བ་། །མནན་པའ་ལས་རྣམས་ཝབ་པར་ལུར། །བ ་་གས་ཁྲ་བ་ཏང་འ ན་གྱས། །སྙང་ཁར་ཐག་ ་བསྒམས་ནས་ཀྱང་། །ཐབས་དང་ཤེས་རབ་རལ་གྱུར་ནས། །བདེ་བ་གོ་པའི་དན་ཉད་ནས། །རྟག་ཏུ་མཆག་དང་ལྡན་པར་ལུར། །ཞེས་གསུངས་ས། །རྒྱུད་ཀྱ་རྒྱལ་པ་རྡ་ ་ཕུར་པ་ལས། །ལསཀྱི་ཁྲོ་བོའི་འཁོར་ལོའི་ལེའུ་སྟེ་བཞི་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་འཇིགས་བྱེད་རྒྱལ་པོས་སྲིན་མོ་རོལ་པ་རྡོ་རྗེ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ཏེ། །འདི་སྐད་ཅེས་གསུངས་སོ། །རྣལ་འབྱོར་ཕྱག་རྒྱའི་བདག་ཉིད་ཅན། །སྒྲ་འབྱིན་ཏིང་འཛིན་ལ་གནས་ན། །རྟག་པར་དེ་ཉིད་གསང་སྔགས་ལྡན། །དངོས་གྲུབ་འབྱོར་པ་བྱས་གྱུར་ན། །ལྟ་མོ་བཀོལ་བའི་ཆོ་ག་འགྲུབ། །བསྙེམས་མའི་ཏིང་འཛིན་ལ་གནས་ན། །ཞི་དང་ལྷ་མོ་དགུག་པ་དང་། །དྲི་ཟ་ཕོ་མོ་དགུག་པ་འགྲུབ། །དེ་བཞིན་ལྕགས་བསྲེགས་ལས་ཀྱང་འགྲུབ། །སྡེར་མོའི་ཏིང་འཛིན་ལ་གནས་ན། །མེ་ཡི་ལས་རྣམས་ཐམས་ཅད་དང་། །མེ་ལྷ་བུ་མོ་བཀོལ་བ་དང་། །བསད་དབྲལ་ལས་ཀུན་གྲུབ་པར་འགྱུར། །དུར་ཁྲོད་ཏིང་འཛིན་ལ་གནས་ན། །མནན་པའི་ལས་རྣམས་བྱ་བ་དང་། །གཤིན་རྗེ་ཕོ་མོ་དགུག་པ་དང་། །བཅུད་དགུག་པ་ཡང་འགྲུབ་པར་འཀྱུར། །གཏུན་ཁུང་ཏིང་འཛིན་ལ་གནས་ན། །བརྡུང་བའི་ལས་རྣམས་ཐམས་ཅད་དང་། སྲིན་པོ་ཕོ་མོ་དགུག་པ་དང་། །སྨི་འབྲོས་ཁུ་བ་དགུག་པ་འགྲུབ། །གཏུམ་མོའི་ཏིང་འཛིན་ལ་གནས་ན། །དགུག་པའི་ལས་རྣམས་བྱ་བ་དང་། །ཀླུ་ཡི་བུ་མོ་དགུག་པ་འགྲུབ། །མདའ་བསྙེམས་ཏིང་འཛིན་ལ་གནས་ན། །དགུག་བསྐྲད་ལས་རྣམས་བྱ་བ་དང་། །རླུད་ལྷའི་བུ་མོ་དགུག་པ་དང་། །ཚེ་བསྲིང་པ་ཡི་ལས་རྣམས་འགྲུབ། །རླུང་འབྱིན་ཏིང་འཛིན་ལ་གནས་ན། །དགུག་དང་མྱོས་པར་བྱ་བ་དང་། །གནོད་སྤྱིན་བུ་མོ་དགུག་པ་དང་། །བུ་སློང་བ་ཡང་འགྲུབ་པར་འགྱུར། །གསོད་མའི་ཏིང་འཛིན་ལ་གནས་ན། །གསད་དང་དབྲལ་བར་བྱ་བ་དང་། །འབྱུང་པོ་ཕོ་མོ་དགུག་པ་དང་། །དེ་བཞིན་གསོ་བའང་འགྲུབ་པར་འགྱུར། །སྐུལ་བྱེད་ཏིང་འཛིན་ལ་གནས་ན། །སངས་རྒྱས་སློང་བར་བྱེད་པ་དང་། །སད་དང་ས་བདག་ཕོ་མོ་དགུག ཁེ་བ་སློང་བ་དེ་བཞིན་ནོ། །རྣལ་འབྱོར་འདི་ལ་རྟག་གནས་ན། །སྙིང་ཁར་ཐིག་ལེ་བསམས་ནས་ཀྱང་། །འོག་གི་འཁོར་ལོ་བསྒོམ་པར་བྱ། །བསམ་གཏན་འདི་ལ་རྟག་གནས་ན། །མཚན་མ་ལྔའམ་ཡང་ན་ནི། དག་པ་རྣམ་བཞི་རིམས་ཀྱིས་འབྱུང་། །ཞེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། །རྡོ་རྗེ་སྲིན་མོ་བཀའི་འཁོར་ལོའི་ལེའུ་སྟེ་ལྔ་པའོ།། །།དེ་ནས་ཡང་དཔལ་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོས་གཉིས་སུ་མེད་པར་སྦྱོར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འདི་སྐད་ཅེས་གསུངས་སོ། །རབ་ཏུ་དབེན་པའི་ས་ཕྱོགས་སུ། །རང་ཉིད་གཙོ་བོ་ཏིང་འཛིན་གྱིས། །མོས་འགྱུར་ཡུམ་དང་གཉིས་མེད་ལས། །སོ་སོའི་ཁྲོ་བོའི་སྤྲུལ་པ་སྤྲོ། །སླར་ལ་སྡུད་པའི་བདག་ཉིད་ཅན། །གཉིས་སུ་མེད་པའི་བདེ་བ་ལ། །སྙོམས་ཞུགས་རྟག་ཏུ་རྒྱལ་བར་འགྱུར། །དཀྱིལ་འཁོར་ལེགས་པར་རྫོགས་པ་དང་། །སློབ་མའི་སྡིག་པ་ལེགས་བསླང་སྟེ། ་ལྐོ་འཕོས་གྱུར་ནས་བུམ་པའི་ཆུས། །སྤྱི་བོ་ལེགས་བཀྲུས་དབུ་རྒྱན་དང་། །རྡོ་རྗེ་དྲིལ་བུའི་བདག་པོ་ཡིས། །ལེགས་བཞུགས་རིགས་ལྔའི་བདག་ཉིད་ཅན། །ཐབས་དང་ཤེས་རབ་གཉིས་མེད་པའི། ཉི་མ་ཟླ་བ་ལྕེ་ལ་རེག །ཉི་ཟླ་ཁ་སྦྱོར་རབ་བྱས་ཏེ། །གཉིས་མེད་བདེ་བའི་དགྱེས་པས་བསྟིམ། །གསང་བ་བྱང་ཆུབ་ཕུར་བུ་ཡིས། །རྣམ་རྟོག་རྩད་ནས་བཅོད་བར་བྱེད། །ཅེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། གཉིས་སུ་མེད་པའི་རྒྱལ་པོ་སྤྱིན་པ་ཞེས་བྱ་བའི་ལེའུ་སྟེ་དྲུག་པའོ།། །།དེ་ནས་ཡང་དཔལ་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོས་གསང་བའི་དཀྱིལ་འཁོར་གྱི་དམ་ཚིག་གི་ལེའུ་འདི་གསུངས་སོ། གང་ཞིག་དངོས་གྲུབ་མཆོག་འདོད་པས། །རྟག་ཏུ་གཞན་གྱི་དོན་ལ་གནས། །སྟེགས་བུ་ཁྲུ་ནི་ཉི་ཤུ་ལྔ། །ཉི་ཤུ་བཅུ་དྲུག་ལེགས་བྱས་ཏེ། །སྟེང་དུ་སྦྱང་བའི་ངང་ལ་གནས། །ཐམས་ཅད་རང་བཞིན་མེད་པར་བསམ། །ཞེས་པ་ནི། བཅོམ་ལྡན་འདས་ས་ཆེན་པོ་ཡོངས་སུ་བཟུང་བའི་དམ་ཚིག་གོ།ཡི་གེ་ལྔ་ལས་ལེགས་བྱས་པའི། །ས་གཞི་བཟང་པོ་མཛེས་པ་སྟེ། །འོད་ཟེར་ཁ་དོག་ལྔ་དང་ལྡན། །རྟག་ཏུ་སངས་རྒྱས་བཞུགས་པའི་གནས། །ཞེས་པ་ནི། བཅོམ་ལྡན་འདས་བྱིན་གྱིས་རློབ་པ་རྡོ་རྗེའི་དམ་ཚིག་གོ།ཡོན་ཏན་ཚོགས་རྫོགས་རྣལ་འབྱོར་གྱིས། །ཐབས་དང་ཤེས་རབ་གཉིས་མེད་པའི། །དཀྱིལ་འཁོར་རྫོགས་ནས་བགེགས་རྣམས་བཟློག ཁྲོ་བོའི་ཚུལ་དང་ལྡན་པས་འགྲུབ། །ཅེས་པ་ནི་ས་ཆེན་པོ་བཟུང་བའི་དམ་ཚིག་གོ།ཁ་དོག་ལྔ་ལྡན་ལེགས་བསྒྲིལ་ཏེ། །ཐབས་དང་ཤེས་རབ་གཉིས་མེད་པར། །ཡི་གེ་ལྔ་ལས་ལེགས་བྱུང་བས། །རྡོ་རྗེ་ཁུ་ཚུར་ལེགས་པར་བྱེད། །ཅེས་པ་ནི་རྡོ་རྗེ་ཐིག་གདབ་དམ་ཚིག་གོ།རིན་ཆེན་ལྔའམ་ཁ་དོག་ལྔ། ལེགས་བྱས་ཡི་གེ་ལྔ་ཡིས་བརླབ། །དབུས་མཐིང་ཤར་ལྷོ་ནུབ་བྱང་བཞི། །དཀར་སེར་དམར་ལྗང་འཁོར་ལོ་གྲུབ། །རྡོ་རྗེ་ཡི་གེ་སྐུ་རྣམས་ཀུན། །གང་ཟག་མོས་པའི་དབང་དུ་གསུངས། །གྲུ་ཆད་ལྗང་ཀུ་བཞིའི་ཁྱམས། །སྒོ་གློ་ཁྱམས་ལ་སོགས་པ་རྣམས། །ལེགས་པར་ཚོན་གྱིས་བྲི་བར་བྱ། །རྒྱུན་དང་ལྡན་པའི་དཀྱིལ་འཁོར་ལ། །མཁས་པས་རྟག་ཏུ་བསྒོམས་ན་འགྲུབ། །བྱིན་བརླབས་ཡ་མཚན་སྣ་ཚོགས་འབྱུང་། །ཞེས་པ་ནི་རྡོ་རྗེ་ཚོན་གྱི་དམ་ཚིག་གོ།རྟག་ཏུ་གནོད་པའི་སྦྱོར་བ་ཅན། །དེ་བསལ་ཕྱིན་ན་འཇུག་པ་བརྩམ། །ཀུ་ཤ་ལ་སོགས་སྦྱོར་བ་ཡིས། །བགེགས་བསྐྲད་བྱང་ཆུབ་སེམས་བསྐྱེད་དེ། །ངག་གི་ཉེས་པ་སྦྱང་བར་བྱ། །ཨ་ཁྲི་བོར་ཧུ༷། ཡི་གེ་ལྔ་ལ་འཇུག་པར་འགྱུར། །རྟག་ཏུ་བདེ་བའི་དོན་ལ་གནས། །དེ་ནས་ཀུ་ཤའི་དམ་ཚིག་གིས། །བགེགས་རྣམས་བསྐྲད་པའི་ཆོ་ག་བྱ། །སོ་ཤིང་དག་གི་དམ་ཚིག་གིས། །ངག་གི་ཉེས་པ་སྦྱོང་བར་བྱེད། །ཚོན་སྐུད་ལྔའི་དམ་ཚིག་གིས། །ཉོན་མོངས་པ་དག་སྲུང་བར་བྱེད། །ཅེས་པ་ནི་འཇུག་པའི་ཆོ་གའི་དམ་ཚིག་གོ།རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། གཉིས་སུ་མེད་པའི་གསང་བའི་དཀྱིལ་འཁོར་ཆེན་པོའི་ལེའུ་སྟེ་བདུན་པའོ།། །།དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོས། ཡི་གེ་འཁོར་ལོ་སྤྲོ་བའི་ཚུལ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། གསུང་གི་དཀྱིལ་འཁོར་གྱི་སྤྱིན་རྣམ་པར་འཕྲོ་བ་ཞེས་བྱ་བ་འདི་ཉིད་ཀྱི་སྐུ་དང་། གསུང་དང་། ཐུག༷ས་རྡོ་རྗེ་ལས་ཕྱུང་ངོ་། ཨོ༷་ཤི་བཛྲ་ཀུ་མྱ་ར་སརྦ་བི༷བྷ་ནན་ནཱ་ཤ་ཡ་ནཱ་ཤ་ཡ་ཧུ༷་ཕཊ། ཨོ༷་བཛྲ་ཀྲོདྷ་ཧུ༷་ཀྭ་ར་ཧུ༷་གརྫ་གརྫ་ཧུ༷་ཕཊ། ཨོ༷་བཛྲ་ཀྲོ་དྷ་བི་ཛ་ཡ་ཧུ༷་ཧ༷་ན་ཧ་ན་ཧུ༷་ཕཊ། ཨོ་བཛྲ་ཀྲོ་དྷ་ནི་ལ་དཎྜ་ཧུ༷་ད་ཧ་ད་ཧ་ཧུ༷་ཕཊ། ཨོ་བཛྲ་ཀྲོ་དྷ་ཡ་མྱན་ཏ་ཀ་ཧུ༷་པ་ཙ་པ་ཙ་ཧུ༷་ཕཊ། ཨོ་བཛྲ་ཀྲོ་དྷ་ཨུབྱ་ཨ་ཙ་ལ་ཧུ༷་བན་དྷ་བན་དྷ་ཧུ༷་ཕཊ། ཨོ་བཛྲ་ཀྲོ་དྷ་ཧ་ཡ་གྲི་བ་ཧུ༷་ཧུ་ལུ་ཧུ་ལུ་ཧུ༷་ཕཊ། ཨོ་བཛྲ་ཀྲོ་དྷ་ཨ་བཱ་རི་ཛི་ཏ་ཧུ༷་ཏིགི་ཏིགི་ཧུ༷་ཕཊ། ཨོ༷་བཛྲ་ཀྲོ་དྷ་ཨ་མྲི་ཏ་ཀུཎྜ་ལི་ཧུ༷་ཚིན་དྷ་ཚིན་དྷ་ཧུ༷་ཕཊ། ཨོ༷་བཛྲ་ཀྲོ་དྷ་ཏྲེ་ལོ་ཀྱ་བི་ཛ་ཡ་ཧུ༷་སྟིན་ད་སྟིན་ད་ཧུ༷་ཕཊ། ཨོ་བཛྲ་མ་ཧྭ་བ་ལ་ཧུ༷་སྤྲོ་ཊ་སྒྲོ་ཊ་ཧུ༷་ཕཊ། ཅེས་གསུངས་སོ། །འདི་གསུངས་མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་ན་ཡི་གེའི་འཕྲེང་བར་གྱུར་ཏོ། །དེའི་ཚེ་བཅོམ་ལྡན་འདས་ཀྱིས་ཡི་གེ་འཕྲེང་བ་རྣམ་པར་དབེན་པ་ཞེས་བྱ་བ་འདི་གསུངས་སོ། །ཨེ་མའོ་སྟོང་གསུམ་ཐམས་ཅད་ཡི་གེའི་ཚོགས། །ཡི་གེའི་སེམས་ཉིད་སྣང་བ་དེ། །འདི་ལ་སངས་རྒྱས་ཐམས་ཅད་དང་། །སེམས་ཅན་ཀུན་ཡང་འདི་ལས་འབྱུང་། །གང་ཚེ་ཚོགས་རྣམས་ཐམས་ཅད་ཀུན། །སེམས་ལས་བྱུང་རྟོགས་དེ་ཡི་ཚེ། །སེམས་དབེན་དོན་མཐོང་དེ་རུ་ནི། །དེ་བསྒྲུབས་གྱུར་ནས་དེ་ལ་དམིགས། །གཟུགས་དང་སྒྲ་ལ་སོགས་པ་རྣམས། །སེམས་སྣང་དེ་ཕྱིར་སེམས་ཉིད་ཡིན། །སེམས་ཉིད་ཡི་གེའི་རང་བཞིན་ཉིད། །ཅི་ལྟར་སྒྲ་རྣམས་ཀུན་བརྗོད་ཀྱང་། །ཡི་གེ་ཉིད་ལས་གཞན་མ་ཡིན། སྣ་ཚོགས་ཡི་གེ་སྒྲ་བྱུང་བ། །སྒྲ་ལ་སྨྲ་བསམ་བརྗོད་ལས་འདས། །དེ་ལ་སྨོན་ལམ་ཐུགས་རྗེ་དང་། །སེམས་ཅན་ལས་འཕྲོས་སྣ་ཚོགས་སྒྲ །གསུངས་པ་་ཉིད་ལས་བརྗོད་དུ་མེད། །བརྗོད་མེད་དེ་ཉིད་སྣ་ཚོགས་སྒྲ། །དེ་ནི་མ་སྐྱེས་སྐྱེ་བ་མེད། །ཡི་གེ་ཨོ་ནི་སྐུ་ཡིན་ཏེ། །སྤྲོས་ནས་མཆོད་དེ་སྤར་བ་དང་། །བསྐྱེད་པའི་ལས་བྱེད་ཡི་གེ་ལྔ། །མཚོན་ནི་རླུད་ལྔ་འབྱུང་བའི་བདག །ཡི་གེ་ཧུ༷་ནི་ཐུགས་ཡིན་ཏེ། །འདུ་བོ་མྱུར་བ་རྣམ་སྡུད་དང་། །འབར་བའི་འབེབས་དང་ཡེ་ཤེས་ལྔ། །མཚོན་ནོ་རླུད་ལྔ་འཇུག་པའི་བདག །ཨ་ནི་ཡིག་འབྲུ་ཀུན་གྱི་མཆོག །དོན་རྣམས་སྟོན་པའི་ཡི་གེ་སྟེ། །ཆོས་རྣམས་ཀུན་གྱི་རྩ་བ་ཡིན། །འདི་ནི་ནོར་བུ་དང་འདྲར་བསམ། །རྒྱུད་ཀྱི་རྒྱལ་བོ་རྡོ་རྗེ་ཕུར་པ་ལས། གསུང་གི་དཀྱིལ་འཁོར་གྱི་ལེའུ་སྟེ་བརྒྱད་པའོ།། །།དེ་ནས་དཔལ་ཀུན་ཏུ་བཟང་པོ་འཇིགས་བྱེད་ཀྱི་རྒྱལ་པོས་དོན་ཐམས་ཅད་གྲུབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ལས་ཀྱི་ལེའུ་འདི་གསུངས་སོ། །ཞི་བའ་ལས་ཀྱི་སྦྱོར་བ་ནི། །དངུལ་ལམ་དཀར་པོའི་ཕུར་པ་ལ། །དེ་ཉིད་ཁྲོ་བོར་བྱིན་བརླབས་ཏེ། །བཏབ་པས་གདུག་རྩུབ་ཞི་བར་འགྱུར། །དངུལ་ཕྱེ་འབྲས་ཆན་དཀར་པོ་ལ། །འོ་མར་སྦྱར་བའི་གཏོར་མ་ཡིན། །མཆོད་ན་དེ་ཡི་དངོས་གྲུབ་འབྱུང་། །གཞན་པའི་ཡུལ་དུ་གྱུར་མ་ཡིན། །རྒྱས་པའི་ལས་ཀྱི་སྦྱོར་བ་ནི། །གསེར་རམ་སེར་པོའི་ཤིང་རྣམས་ལ། །དེ་ཉིད་ཁྲོ་བོར་བྱིན་བརླབས་ཏེ། །བཏབ་པས་ཡོན་ཏན་རྒྱས་པར་འགྱུར། །གསེར་ཕྱེ་ལ་སོགས་གཏོར་མ་ཡིན། །མཆོད་ན་དེ་ཡི་དངོས་གྲུབ་འབྱུང་། །དབང་གི་ལ་ཀྱི་སྦྱོར་བ་ནི། །ཟངས་སམ་དམར་པོའི་ཤིང་རྣམས་ལ། །དེ་ཉིད་ཁྲོ་བོར་བྱིན་བརླབས་ཏེ། །བཏབ་པས་ཐམས་ཅད་གསོད་པར་འགྱུར། །ཟངས་ཕྱེ་ལ་སོགས་གཏོར་མ་ཡིས། །མཆོད་ན་དེ་ཡི་དངོས་གྲུབ་འབྱུང་། །གསད་པའི་ལས་ཀྱི་སྦྱོར་བ་ནི། །ལྕགས་སམ་ནག་པོའི་ཤིང་རྣམས་ལ། །དེ་ཉིད་ཁྲོ་བོར་བྱིན་བརླབས་ཏེ། །བཏབ་པས་ཐམས་ཅད་གསོད་པར་འགྱུར། །ལྕགས་ཕྱེ་ལ་སོགས་གཏོར་མ་ཡིས། །མཆོད་ན་དེ་ཡིས་གསོད་པར་འགྱུར། །དགུག་པའི་ལས་ཀྱི་སྦྱོར་བནི། །བྱརྒོདགཤོགགིཕུརབུ་ལ། །འགུགས་བྱེད་ལྷ་རུ་བྱིན་བརླབས་ཏེ། །གང་བཏབ་ལུས་དེ་འགུགས་པར་འགྱུར། །ལྷ་མོ་དང་ནི་ཀླུ་མོ་དགུག །དེ་བཞིན་མི་ཡི་བུ་མོ་དགུག །རྒྱས་པ་ཆ་ལས་རབ་གྲགས་པའི། །ཚེ་བསྒྲུབ་པ་ཡི་ལས་དག་ནི། །བཙན་དུག་ཏིལ་མར་འོ་མ་དང་། །སྒོག་པར་བསྲེས་ཏེ་གཉེན་པོ་དང་། །སྦྱར་ཏེ་ཟོས་ན་དེ་འགྲུབ་འགྱུར། ཡང་ན་མུ་ཟི་ལྷང་ཚེར་དང་། །མར་དང་གཉེན་པོར་རབ་སྦྱར་ཏེ། །ཟོས་དང་དེ་ཡི་ལས་འགྲུབ་འགྱུར། །བསམ་གཏན་དབང་དུ་གྱུར་པ་ལ། །རྟག་ཏུ་འཇུག་པའི་དབང་དུ་གསུངས། ཁུ་བ་དགུག་པའི་ཆོ་ག་ནི། །སྤྱི་བོར་ཨ་ལས་ལེགས་བསྐུལ་བའི། །བྱང་ཆུབ་སེམས་ཀྱི་ཆུས་བཀྲུས་ནས། །གང་དམིགས་ནད་རྣམས་ཞི་བ་དང་། །རྟག་ཏུ་བདེ་དང་ལྡན་པར་འགྱུར། །བཅུད་དགུག་པ་ཡི་ཆོ་ག་ནི། །རྟེན་ལས་ཤ་དང་བདུད་རྩིར་བསྐྱེད། །ཡང་ན་དེ་ཡི་ཡུམ་དུ་གསལ། །རྟེན་ལས་སངས་རྒྱས་སེམས་ཅན་གྱི། །བཅུད་དགུག་རྟག་ཏུ་སྦྱོད་པར་འགྱུར། །གཞན་ཡང་དགུག་པ་ཐམས་ཅད་ཀུན། །འདི་ཡིས་འགྲུབ་འགྱུར་གཞན་དུ་མིན། །བསྐྱེད་པའི་ལས་ཀྱི་སྦྱོར་བ་ནི། །ཡུངས་ཀར་ཡུངས་ནག་ལ་སོགས་པ། །རོ་བསྲེགས་ཐལ་བ་དང་བསྲེས་ཏེ། །བོག་ནག་སྤངས་དང་རབ་བསྲེས་ཏེ། །དྲི་བོའི་ཐོད་པར་བླུགས་ནས་ནི། །དུག་སྐྱེའི་ས་རུ་མནན་པར་བྱ། །སྐྱེས་པ་དེ་ཡི་འབྲས་བུ་ཡིས། །ཞི་བར་འདོད་ན་ཞི་བར་བྱེད། །རྒྱས་པ་ལ་སོགས་སྦྱོར་བ་ནི། །ཐོགས་པ་མེད་པའི་རྡོ་རྗེ་བཞིན། །ཡང་ན་ནས་དང་སྲན་མ་ལ། །ལས་དེས་མི་སྣང་དངོས་གྲུབ་འགྱུར། །ཏིལ་གྱིས་མྱུར་དུ་སྡིག་པ་བསྲེག ཁྲ་ཡི་ཐོད་པར་བྱས་གྱུར་ན། །རྫས་དེ་བསགས་པ་ཙམ་གྱིས་ནི། །མི་སྣང་འགྱུར་བ་གདོན་མི་ཟ། །རྔ་མོའི་ཐོད་པར་ལས་བྱེད་ན། །ལས་དེ་བྱས་པ་ཙམ་གྱིས་ནི། །གཏོར་མ་གང་ཡང་གཞན་དུ་འབྲོས། །རྡོ་རྗེ་སེམས་ཀྱང་དེ་བཞིན་ནོ། །ཕག་གི་ཐོད་པར་ལས་བྱེད་ན། །མཁར་ལ་སོགས་པ་ལ་གཏོར་ན། །དེ་ནི་མྱུར་དུ་འཇིག་པར་འགྱུར། །འུག་པའི་ཐོད་པར་ལས་བྱས་ན། །མཚན་མ་མིག་གི་མངོན་ཤེས་འགྱུར། །ཡང་ན་མཚན་མོ་ཉིན་མོའང་རུང་། །མིག་གི་མངོན་ཤེས་བསྒྲུབ་པ་ནི། །དཀར་དམར་ཁུ་བ་འུག་པའི་མིག །ཆ་བསྙམས་ཚིལ་ཆེན་དུད་པར་སྦྱར། །རི་ལུ་གཉིས་བྱས་ལྕེ་འོག་གཉིས། །བཅུག་ནས་སྔགས་བཟླས་སྦྱོར་བ་བྱ། །ཟླ་བ་ཕྱེད་ན་མཚན་ལྡན་གྱི། ཐོད་པ་བསྔགས་ཏེ་བསྒྲུབ་པར་བྱ། །མིག་ལ་བྱུགས་པས་དེ་འགྲུབ་འགྱུར། །ཟངས་སོགས་གསེར་དུ་འགྱུར་བ་ཡིན། །རྣ་བ་ལ་སོགས་དེ་བཞིན་ནོ། །དབབ་པའི་ལས་ཀྱི་ཆོ་ག་ནི། །དཀར་དམར་སྟེགས་བུ་གཉིས་བྱས་ཏེ། །ཐབས་དང་ཤེས་རབ་གཙང་མ་གཉིས། །མ་སྤྱད་སྣོད་ལ་གཏད་པར་བྱ། །མཆོད་པའི་སྣོད་ལ་གནས་པ་སྟེ། །བྱུག་པ་རྒྱན་དང་རབ་ལྡན་ནས། །དེ་ཉིད་སྨྲ་བའི་ལྷ་མོར་བསྒོམ། །རླུད་མེ་སྐྱོ༷་གྱི་སྦྱོར་བ་ཡིས། །ཆུ་དང་ས་ཡི་འཁོར་ལོ་ལ། །ལེགས་གནས་འཕར་དང་སྨྲ་བར་འགྱུར། ཁྲེས་རབ་བསྐྱེད་པའི་ཆོ་ག་ནི། །མ་བསླངས་པ་ཡི་སྒྱུར་པོ་ལ། །ནང་པར་དུས་སུ་བཟའ་ཞིང་བསྒྲུབ། །དཀར་གསུམ་མངར་གསུམ་ཟས་ལ་བརྟེན། །དབྱེར་བའི་ལས་ཀྱི་ཆོ་ག་ནི། །རླུད་གི་རྔ་མོ་གཉིས་ཀྱི་ལྟར། །ཕན་ཚུན་གཉིས་ནི་སྟེང་དུ་གཞག ཁྲོ་བོ་གཉིས་ནི་ལེགས་གནས་ཏེ། །དབྱེ་བསམ་དེ་ཡིས་དབྱེ་བར་འགྱུར། །བདག་ལས་སྤྲུལ་པའི་ལྷ་ཚོགས་ཀྱིས། །རྡོ་རྗེའི་ལམ་དུ་བྱུང་ནས་ནི། །སྙིང་ཁའི་ལྷ་ཡི་མདུན་སོང་ནས། །མཉེས་པའི་ལས་བྱས་ཉེས་པ་བསྒོ། །བདག་ལ་འདུས་པས་གཟི་བྱིན་བསྐྱེད། །བྱིན་བརླབས་ལྷ་དང་དབྱེ་བར་འགྱུར། །ཁྲོ་ཆུང་གུ་གུལ་ཐོགས་པ་ཡིས། །བྲམ་ཟེ་ཁམ་པའི་མདུན་དུ་སོང་། །གུ་གུལ་ཐོགས་ཏེ་དང་པོ་བཟུང་། །ཁྲོད་པས་སྙིང་རྩ་ཆད་ནས་ནི། །བདག་འོད་སྙིང་དུ་བསྡུ་ཞིང་བསྟིམ། །ལྷན་ཅིག་སྐྱེས་པ་དབྱེ་བར་འགྱུར། །བདག་ལས་སྤྲུལ་པའི་ལྷ་ཚོགས་ཁྲོ་བོ་ཡིས། །འོད་ཟེར་ལྔ་ལས་ཐོག་ཕབ་པས། །སྟོང་གསུམ་ཐོག་གིས་རབ་བཀངས་ནས། །རླུད་ཡང་འགྱུར་བའི་སྐབས་མེད་འཀྱུར། །གཞན་གྱིས་བསྲུང་བ་དབྱེ་བའོ། །ཕ་ཝང་དག་དང་སྦྲུལ་ཐོད་དུ། །དམིགས་པ་གཉིས་ཀྱི་མིང་རུས་གཞུག །རྒྱབ་སྤྲོད་རི་ལས་མནན་བྱས་པ། །ཕོ་མོ་དབྱེ་བའི་ཆོ་གའོ། །སྨྱོང་བྱེད་ལས་ཀྱི་ཆོ་ག་ནི། །ཀ་ན་ཀ་ཡི་ཁུ་བ་དང་། །མྱོས་པའི་ཁྲག་དང་ལོའི་ཆང་། །དེ་དག་མྱོས་པའི་ཐོད་པར་གཞུག །ར་ཡི་པགས་པའི་ནང་དུ་གཞུག །དམིགས་པའང་བཅུག་ཅིང་ཀླད་ལ་བསྐོར། །མྱོས་པའི་སྔགས་བཟླས་ཁྲོས་ཚུལ་བསྟན། །རེངས་པའི་ལས་ཀྱི་ཆོ་ག་ནི། །ནང་དུ་ཧུ༷་ལས་ཕུར་བུ་བསྐྱེད། །དེ་ལས་ལུས་རེངས་སྦྱོར་བ་འབྱུང་། །མནན་པའི་ལས་ཀྱི་ཆོ་ག་ནི། །ལུས་མནན་སྟེང་དུ་རི་རབ་བསྐྱེད། །ངག་ལ་འཁོར་ལོ་བསྒོམས་པས་འགྲུབ། །མནན་པའི་ལས་སུ་གསུངས་པའོ། །ཡང་ན་རབས་ཆད་ཐོད་པ་ལ། ཁེང་ཤུན་མིང་རུས་བྲིས་ལ་གཞུག །ཀླུ་ཡོད་ཆུ་མིག་ནང་དུ་མནན། །དེས་ནི་འགྲུབ་འགྱུར་གདོན་མི་ཟ། ཁུད་ཀྱི་རྒྱལ་པོ་རྡོ་རྗེ་ཕུར་པ་ལས། །ལས་སྣ་ཚོགས་ཀྱི་ལེའུ་སྟེ་དགུ་པའོ།། །།དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གང་ཕྱིར་གདུག་པ་ཐམས་ཅད་ཀུན། །ལས་གཞན་དག་གིས་མི་འདུལ་བ། །དེ་ལ་དྲག་པོ་སྦྱོར་བ་མཆོག །བདག་ཅག་རྣམས་ལ་བསྟན་དུ་གསོལ། །དེ་སྐད་ཅེས་གསོལ་བ་དང་། །བཀའ་སྩལ་པ། །གདུག་པ་ཐམས་ཅད་བསྒྲལ་བའི་ཕྱིར། །དྲག་པོའི་དོན་ཞུས་ཁྱོད་ལེགས་སོ། །གང་ཕྱིར་གདུག་པ་འདུལ་བའི་ཐབས། །དེ་ཕྱིར་ཁྱོད་ལ་བཤད་པར་བྱ། །ཁྱོད་ནི་རྩེ་གཅིག་ཡིད་ཀྱིས་ཉོན། །དྲག་པོའི་དཀྱིལ་འཁོར་ཆེན་པོ་མྲ །སྐེ་ཚེ་དུག་དང་ཤང་ཚེ་དང་། །རྐང་རྗེས་ཁྲག་དང་དྲི་ཆུ་རྣམས། །གང་ཡིན་གཟུགས་སུ་བྱས་ནས་ནི། །ཤིང་ཤུན་དག་ལ་མིང་རུས་བྲི། །སྙིང་ཀར་གྲུ་གསུམ་རབ་བྲུས་ནས། །བཅུག་སྟེ་གན་རྐྱལ་དག་ཏུ་མནན། །མདུན་དུ་དགུག་པའི་ཆོ་ག་བྱ། །ལྕགས་ལས་བྱས་པའི་ཕུར་པ་ལ། །ཁྲོ་བོ་བཅུར་བྱིན་བརླབས་དབང་བསྐུར་ནས། །གནས་བཅུར་གདབ་པ་བརྩམས་པར་བྱ། །དེ་ནས་རལ་གྲིས་ག་་པ་དང་། །ག་་དུ་བརྡུངས་ནས་ལས་རྣམས་བྱ། །ཁྲོ་ཚོགས་ཀུན་གྱིས་སྒྲོལ་བར་བྱེད། །རིག་སྔགས་སྒྲོལ་བའི་ཆོ་ག་ནི། །བསྒྲལ་བྱ་མནན་དང་དེ་བཞིན་དུ། །བཟློག་པའི་ཆོ་ག་དེ་བཞིན་ནོ། །མནན་པ་བཅད་པ་དཀྱིལ་འཁོར་འོག །གྲུ་གསུམ་དུག་གིས་བྱུགས་པའི་ནང་། །ཞིང་སྦགས་མིང་རུས་བྲིས་ཏེ་གཞུག །རབས་ཆད་ཐོད་པས་སྟེང་ནས་མནན། །ཕུར་བུ་སོགས་པའི་བར་དུ་གདབ། །ཡང་ན་ནས་དང་སྲན་མ་ཙམ། །དྲ་བོ་ནང་ངན་ཁྲག་དང་བསྲེས། །གནོད་པའི་ཕྱོགས་སུ་གཏོར་བར་བྱ། །ལྷ་གདོན་བསྒྲལ་བའི་དམ་ཚིག་ནི། ཁེང་ཤུན་དག་ལ་མིང་རུས་བྲི། །བརྒྱ་བྱིན་ཕུར་བས་གདབ་པར་བྱ། མེ་ལྷ་ལ་སོགས་གདབ་བར་བྱ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། །དྲག་པོའི་ལས་ཀྱི་ལེའུ་སྟེ་བཅུ་པའོ།། །།དེ་ནས་ཁྲོ་བོ་རྟ་མགྲིན་ནི། །ལངས་ཏེ་ཐལ་སྦྱར་འདི་སྐད་གསོལ། །བསམ་གཏན་དབང་དུ་གྱུར་པ་ཡི། །སྔགས་ལ་གཞོལ་བའི་རྣལ་འབྱོར་པས། །དེ་ཉིད་ངེས་པ་མི་འགྲུབ་པས། །སྔགས་ཀྱི་ངེས་པ་བཤད་དུ་གསོལ། །དེ་ནས་བདག་པོ་བཅོམ་ལྡན་འདས། །ཀུན་ཏུ་བཟང་པོ་འཇིགས་བྱེད་ཀྱིས། །རིག་པའི་གསང་སྔགས་འདི་དག་གསུངས། །སོ་སོའི་རིགས་ཀྱི་བདག་པོས་བྱས། ཁྲན་ཏིང་ཀུ་རུ་ཧུ༷་གྲྭཧྭ། །བྲེཁྱི་ཀུ་རུ་གྲྭཧྭ། པ་ཤང་ཀུ་རུ་པ་ན་ཧྲེ། མྱ་ར་ཡ་ཧུ༷་ཕཊ། ཨུ་ཀཁེ་ཡ་ཧུ༷་ཕཊ། །རྙོ་ན་ཡ་ཨུ་ཁེ་ཧུ༷་ཨ། གུ་རྒྱ་བོ་དྷི་ས་ཏྭ་ཛ༷༷ཧུ༷་བ༷་ཧོ། རཏྣ་མ་མ་ཀི་ཨུ། ཨུ་ཀར་ཥ་ཡ་ཧུ༷་ཨ། སརྦ་བཱ་པ༷་དེ་ཧ་བཛྲ་ཧུ༷་ཕཊ། ཧུ་ལུ་བལྡི་ཧུ་ལུ་བལྤ རཏྣ་ཀུ་རུ་བན་ཧུ༷་ཕཊ། ཨོ་ཨུ་བེ་ཤ་ཨུ་བེ་ཤ། ཏོ་བཱ་ལྭ་ཏོ་བཱ་ཡུ། རྭ་རྭ་རྭ་རྭ། ཙ་ལེ་ཧ་ཙ་ལེ་ཧ། ཧུ༷་ཨུ་ཏ་རྙོ༷་གྲྭཧྭ། པྲཙྭ་ཀ་ར་ཀུ་རུ་ཧུ༷་ཨ། ཧ་ས་ཡ་ན་ཧ་ས་ཡ་ཧུ༷་ཕཊ། མུ་ཁ༷་ཀུ་རུ་མུ་ཁ༷་ཀུ་སྲ བན་ད་ཡ་ཧུ༷་ཕཊ། ཀི་ལི་ཀི་ལི་ཡ་མུ་ར་ཡ་ཕཊ། ཕཊ་ན་མ་ས་མན་ཏ་ཀྭ་ཡ་བཱ་ཀ་ཙིལྟི་བཛྲ་ནན། །ཨོ་ཀྟ་ཀྟ་ལྷུ་ཏ་ཡུ་ལྷུ་ཏ་ཡུ་ལྷུ་ཏ་ཡུ་སརྦ་དུ་་བི་ཀྟ་ན༷་ཧུ༷་ཕཊ། ཨོ༷་ཀི་ལ་ཡ་ཀི་ལ་ཡ་སརྦ་བཱ་པན་ཧུ༷་ཕཊ། ཨོ་ཧུ༷་ཧུ༷་ཧཱུཾ་བཛྲ་དྷ་རོ་ཨུ་ཙྭ་པ་ཡ་ཏི། ཀྭ་ཡ་བཱ་ཀ་ཙིཉི་བཛྲ་ན་ཀི་ལ་ཡ་ཧུ༷་ཕཊ། ཅེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། གསང་སྔགས་ཀྱི་ལེའུ་སྟེ་བཅུ་གཅིག་པའོ།། །།དེ་ནས་ཡང་དཔལ་འཇིགས་བྱེད་ཆེན་པོས་རྡོ་རྗེ་སྲིན་མོ་བཀོལ་བའི་ལེའུ་འདི་གསུངས་སོ། །མ་མོ་བཀོལ་བའི་ཆོ་ག་ནི། །རབས་ཆད་ཐོད་པ་རློན་པ་མྲ །དམིགས་པ་མིང་རུས་བཅུག་གྱུར་ནས། །ཐོད་སྐམ་ཀླད་ལ་བསྐོར་ཞིང་བརྡེག །དང་པོར་ལས་དེ་མ་གྲུབ་ན། །དེ་ནི་ཀླུ་ཡི་ཁང་པར་བཞུག །ཁང་པར་ཟླ་བ་གསུམ་བཅུག་པས། །དེ་ནི་མྱུར་དུ་ལས་འགྲུབ་འགྱུར། །ཐོག་དབབ་པའི་ཆོ་ག་ལ། །ཡུངས་ཀར་དང་ནི་ཡུངས་ནག་དང་། །སྐེ་ཚེ་ཤང་ཚེ་ལན་ཚྭ་རྣམས། །བདུད་རྒྱུད་དུས་ཀྱི་ཉི་མ་ལ། །བརྟགས་ནས་དྲི་བོའི་ཁྲག་གིས་སྦྲུལ། །སྲན་མའི་ཚད་ཙམ་བྱས་གྱུར་ནས། །རབས་ཆད་ཐོད་པར་ལེགས་གཞག་སྟེ། །ཉི་མ་བདུན་དུ་བཟླས་བརྗོད་བྱ། །དེ་ནས་ལུང་གསུམ་མདོ་ལ་སོགས། །ཀླུ་ཡོད་ཆུ་མིག་ནང་དུ་མནན། །དེས་ནི་སེར་བ་རྒྱུན་དུ་འབྱུང་། །ཡང་ན་བདུད་རྒྱུའི་དུས་དག་ཏུ། །དེ་ནི་དུག་ལ་བསྲེག་པར་བྱ། །དེས་ནི་ཐོག་མར་འོང་བར་འགྱུར། །གཞན་སྦྱོར་བཟློག་པའི་ཆོ་ག་ནི། །གྲོ་ག་དང་ནི་ཤིན་ཤུན་ལ། །སྦྱོར་བ་མཁན་གྱི་མིང་རུས་བྲི། །བཀུག་འགྱུར་ལུས་ལ་ཕུར་པས་གདབ། །དེ་ཡི་སྦྱོར་བས་མ་བཟློག་ན། །དྲག་པོའི་མེ་ལ་བསྲེགས་གྱུར་ནས། །ཐལ་བ་དྲི་བོའི་ཁྲག་དང་བསྲེ །སྲན་མ་ཙམ་པ་ལེགས་བྱས་ཏེ། །གཟུགས་བཅས་དེ་ལ་བརྡེགས་པ་དང་། །གང་གནོད་ཕྱོགས་སུ་འཕང་བ་དང་། །རྒྱ་མཚོའི་ཕྱོགས་སུ་བསྐུར་བར་བྱ། །ཁྱད་པར་མནན་པའི་ལས་དག་ནི། ཀླུ་ཡོད་ཆུ་མིག་ནང་དག་ཏུ། ཤེང་ཤུན་དག་ལ་མིང་རུས་བྲི། །རྟ་མགྲིན་སྦྱོར་བས་ལས་བྱས་ན། །ལས་དེ་མྱུར་དུ་འགྲུབ་པར་འགྱུར། །དྲག་པོའི་ལྷ་ཡི་གནས་དག་ཏུ། །གྲོ་ཤུན་དག་ལ་མིང་རུས་བྲི། །རྣམ་པར་རྒྱལ་བའི་སྦྱོར་བ་ཡིས། །ལས་བྱས་མྱུར་དུ་འགྲུབ་པར་འགྱུར། །མེ་ཡི་ཕྱོགས་སུ་བསྲེགས་པ་ལ། །དུག་གི་མེ་ལ་རབ་བསྐམས་ཏེ། །དབྱུག་སྔོན་སྦྱོར་བས་ལས་བྱས་ཏེ། །བསྲེག་པའི་འགྱུར་བརྡོརྗེབཞིན། །གཤིན རྗེདབང་བའི་གནས་དག་ཏུ། །ཞིང་ལྤགས་དག་ལ་མིང་རུས་བྲི། །གཤིན་རྗེའི་སྦྱོར་བས་ལས་བྱས་ན། །ལས་དེ་མྱུར་དུ་འགྲུབ་པར་འགྱུར། །སྲིན་པོ་གནས་པའི་ས་ཕྱོགས་སུ། །ཐོད་ཚལ་དག་ལ་མིང་རུས་བྲི། །མི་གཡོ་མགོན་གྱི་སྦྱོར་བ་ཡིས། །ལས་བྱས་མྱུར་དུ་འགྲུབ་པར་འགྱུར། །རླུད་ལྷ་གནས་པའི་ས་ཕྱོགས་སུ། །ཟངས་ཀྱི་གབ་ཚེར་མིང་རུས་བྲི། །འདོད་པའི་རྒྱལ་པོས་ལས་བྱས་ན། །ལས་དེ་མྱུར་དུ་འགྲུབ་པར་འགྱུར། གནོད་སྤྱིན་གནས་པའི་ས་ཕྱོགས་སུ། །དམིགས་པ་གང་ཡིན་རོ་རས་ལ། །བདུད་རྩི་འཁྱིལ་བའི་སྦྱོར་བ་ཡིས། །ལས་བྱས་མྱུར་དུ་འགྲུབ་པར་འགྱུར། །ཁམས་གསུམ་རྒྱལ་ལ་ཕྱག་བྱས་ཏེ། །བགེགས་བཟློག་ཆོ་ག་བྱས་གྱུར་ན། །ཟློག་པར་འགྱུར་བ་རྡོ་རྗེ་བཞིན། །གང་ཞིག་ལས་འདི་ལ་གནས་ན། །ཞི་དང་རྒྱུས་པ་ལ་སོགས་པ། །ཐམས་ཅད་ཐམས་ཅད་ཅི་འདོད་པ། །ཐམས་ཅད་ཐམས་ཅད་བྱེད་པ་ཡིན། །ཞེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། ལས་ཀྱི་སྦྱོར་བའི་ལེའུ་སྟེ་བཅུ་གཉིས་པའོ།། །།དེ་ནས་ཡང་བཅོམ་ལྡན་འདས་དཔལ་འཇིགས་བྱེད་ཆེན་པོས་དྲག་པོ་འཕྲོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་དྲག་པོ་གསང་བ་ཞེས་བྱ་བའི་སྔགས་འདི་ཉིད་སྐུ་དང་། གསུང་དང་། ཐུགས་རྡོ་རྗེ་ལས་ཕྱུང་ངོ་། །ཨོ་སྟ༷་བྷ་ཡ་སྟ༷་བྷ་ཡ་བི་ཤསྟ༷་བྷ་ཡི་བི་ཤ་སྟ༷་བྷ་ཡ། མོ་ཧ་ཡུ་མོ་ཧ་ལྭ། རཀྟ་ཙ་པ་ཡ་རཀྟ་ཙ་པ་ཡ། མུག་ཏི་ཐི་ཡ་ཧུ༷་ཨ། ཨོ་བཛྲ་ཀྲོ་དྷ་ཧུ༷་ཀ་ར་ཧུ༷། ད་ཧ་ད་ཧ་ཧུ༷་ཕཊ། པ་ཙ་པ་ཙ་ཧུ༷་ཕཊ། གརྫ་གརྫ་ཡ་ཧུ༷་ཕཊ། ཧུ༷་པ་ར་བིད་དྷ་ན། ཚིན་དྷ་ཚིན་དྷ་ཧུ༷་ཕཊ། སྟིན་ད་སྟིན་ད་ཧུ༷་ཕཊ། གྲིཎྜ་གྲིཎྜ་ཧུ༷་ཕཊ། ཧ་ན་ཧ་ན་ཧུ༷་ཕཊ། ཏ་ཐ་ཡ་ན་ཏ་ཐ་ཡ་ན་ཧུ༷་ཕཊ། ཧ་ས་ཡ་ན་ཧ་ས་ཡ་ན་ཧུ༷་ཕཊ། གླི་ཀྲ༷་ཨུ་ན་ཡ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧུ༷་ཕཊ། སྟིན་ད་སྟིན་ད་ཧུ༷་ཕཊ། ཧུ་ལུ་ཧུ་ལུ་ཧུ༷་ཕཊ། ཏིགི་ཏིགྱི་ཧུ༷་ཕཊ། སྤྲོ་ཊ་སྤྲོ་ཊ་ཧུ༷་ཕཊ། ཨོ་སུ༷་བྷ་ནི་སུ༷་བྷ་ཧུ༷་ཕཊ།གྲོསྣོ་གྲིགླི་ཧུ༷་ཕཊ། གྲོགློ་པ་ཡ་གྲིསྦྱི་པ་ཡ་ཧུ༷་ཕཊ། ཨ་ན་ཡ་ཧོ་བྷ་ག་བན་བི་དུ་རྭ་ཛ་ཧུ༷་ཕཊ། རྡོ་རྗེ་གསུང་གི་ཏིང་འཛིན་གྱིས། །འོད་ཟེར་ལྔ་ཡི་སྦྱོར་བ་ལས། །ལྕགས་ཀྱུ་ཅན་ལ་སོགས་པ་ཡིས། །མྱུར་དུ་འགུགས་དང་འཆིང་བ་དང་། །དེ་བཞིན་བརྡེག་པ་ལ་སོགས་བྱེད། །གང་ཞིག་གསང་བའི་སྦྱོར་བ་ཡིས། །འདི་ཡི་ལས་ལ་ཁྱབ་པར་གསུངས། །དེང་ནས་བརྩམས་ཏེ་རྣལ་འབྱོར་པས། །ཁྲོ་བོ་བཅུ་རུ་བྱིན་བརླབས་ཏེ། །ཁྲོ་བོ་རྡོ་རྗེའི་ཏིང་འཛིན་གྱིས། །རྟག་ཏུ་ལུང་སྟོན་དངོས་གྲུབ་འབྱུང་། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། དྲག་པོའི་སྔགས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་ཡང་དཔལ་འཇིགས་བྱེད་ཆེན་པོས་ནོར་བུ་འཕྲོ་བའི་ཚུལ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམ་ས་པར་ཞུགས་ཏེ། གསང་བ་དམ་ཚིག་གི་ལེའུ་འདི་གསུངས་སོ། །ཀྱེམའོབདེགཤེགསསྙིངཔོའིམཆོག །གང་ཚེ་གསང་བའི་སྦྱོར་བའི་མཆོག །ངས་ནི་ཁྱོད་ལ་བཤད་པར་བྱ། །ཁྱོད་ནི་རྩེ་གཅིག་ཡིད་ཀྱིས་ཉོན། །བདེ་གཤེགས་སྤོང་ལེན་མི་བྱའོ། །ཡང་དག་ལུང་སྟོན་སློབ་དཔོན་ལ། །བསྙས་པར་མི་བྱ་ཤིན་ཏུ་བསྐུར། །ཐ་མལ་པ་ཡི་ལུས་ངག་ཡིད། །རྡོ་རྗེ་གསུང་གི་སྐུ་རུ་བསམ། །རྟག་ཏུ་རང་གི་མཆེད་ལྕམ་ལ། །སྒོ་གསུམ་ཉེས་མེད་བཀུར་བར་བྱ། །རྟག་ཏུ་གསང་བའི་མན་ངག་མཆོག །སྣོད་མེད་རྣམས་ལ་བསྟན་མི་བྱ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་མི་སྤང་ངོ་། །དཀར་རྩི་དང་ནི་དམར་རྩི་དང་། །དེ་བཞིན་དྲི་ཆེན་ཤ་ཆེན་དང་། །དྲི་ཆུ་ལ་སོགས་མི་སྤང་ངོ་། །རྟག་ཏུ་སྟོང་གསུམ་འཇིག་རྟེན་ཁམས། །ལྷ་དང་ལྷ་མོ་སྒྱུ་མར་བརྟག །དེ་བཞིན་རྣམ་དག་རང་བཞིན་མེད། །འདི་ནི་རྒྱལ་བ་ཀུན་གྱི་གཏེར། །རྣལ་འབྱོར་ངས་ནི་བསྟན་པར་བྱ། །རྟག་ཏུ་བུད་མེད་སྦྱོར་ལ་བསྟན། །དུས་སུ་བརྟན་གྱི་གཞན་དུ་མིན། །སོ་སོར་ཐར་དང་བྱང་ཆུབ་སེམས། །སྡོམ་པ་འདི་ནི་བསྟན་པར་བྱ། །གང་ཞིག་དམ་ཚིག་ལས་འདས་ན། །རྟག་ཏུ་མནར་མེད་སྐྱེ་བ་དང་། །ཇི་སྲིད་སངས་རྒྱས་བཞུགས་ཀྱི་བར། །དེ་སྲིད་སྡུག་བསྔལ་སྣ་ཚོགས་མྱོང་། །དམ་ཚིག་རྟག་ཏུ་བསྲུངས་གྱུར་ན། །དམ་ལ་གནས་པའི་རྣལ་འབྱོར་དང་། །ཁྲོ་བོ་ཁྲོ་མོ་ཕོ་ཉའི་ཚོགས། །ཕྱག་བརྙན་བཀའ་ཉན་ལ་སོགས་པ། །རྟག་ཏུ་བདེ་བ་བསྐྱེད་པར་འགྱུར། །གསང་བའི་དམ་ཚིག་ནོར་བུའི་ཚུལ། །རྣལ་འབྱོར་པ་ལ་བདེ་བ་སྟེར། །གང་ཞིག་རྣལ་འབྱོར་བདེ་བ་ཆེ། །བྱང་ཆུབ་སེམས་ནི་གསང་བའི་དམ། །འདའ་བར་མི་མཛད་ཐར་པའི་མཆོག །གང་ཞིག་གསང་ཆེན་བདེ་བ་ཆེ། །རྣལ་འབྱོར་པ་ནི་དཔལ་དང་ལྡན། །ཉམས་ན་བསྐལ་བའི་ཆོ་ག་ནི། །སྣོད་ཆེན་ཉི་ཤུ་རྩ་ལྔའི་ནང་། །བདུད་རྩི་ཤ་དང་བཅས་པ་ཡིས། །གང་འགྱུར་གསུམ་གྱི་སྦྱོར་བ་བྱ། །བདག་དང་ཁམས་གསུམ་ཐམས་ཅད་ཀུན། །གཅིག་ཏུ་བརྟགས་ནས་གསུམ་ལ་མཆོག །སྡིག་སྦྱོང་ཆོ་གའི་ལས་རྣམས་ཀྱིས། །རྟག་ཏུ་ཉམས་པ་སྐོང་བར་བྱེད། །མ་ཉམས་དོན་ལ་རབ་འཇུག་ན། །རྟག་ཏུ་ཡང་དག་དོན་ལ་གནས། །དེས་ནི་ཉམས་པ་སྐོང་བར་འགྱུར། ཞེས་གསུངས་སོ། ཁུད་ཀྱི་རྒྱལ་པོ་རྡོ་རྗེ་ཕུར་པ་ལས། བསྲུང་བ་དམ་ཚིག་ལེའུ་སྟེ་བཅུ་བཞི་པའོ།། །།དེ་ནས་བཅོམ་ལྡན་འདས་དཔལ་འཇིགས་བྱེད་ཆེན་པོས་ཡོངས་སུ་ཚིམ་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ། །སྤྱོད་པ་ཡོངས་སུ་སྦྱོད་པའི་རྡོ་རྗེ་ཞེས་བྱ་བའི་ལེའུ་འདི་གསུངས་སོ། །རྟག་ཏུ་རང་གནས་རྣལ་འབྱོར་པས། །འདོད་པ་ལྔ་ནི་བསྟེན་པར་བྱ། །དཀར་དམར་སེར་དང་ལྗང་ཀུ་དང་། །དེ་བཞིནགཟུགསམཛེས་སྣ་ཚོགས་པ། །རྣལ་འབྱོར་མིག་གིས་བསྟེན་པར་བྱ། །དུང་དང་གླིང་བུ་འཁར་བའི་རྔ། །ཟིན་དང་མ་ཟིན་ལ་སོགས་པ། །རྣལ་འབྱོར་རྣ་བས་བསྟེན་པར་བྱ། །ཙན་དན་ག་པུར་གླ་རྩི་དང་། །དེ་བཞིན་དྲི་རྣམས་ཐམས་ཅད་ཀུན། །རྣལ་འབྱོར་སྣ་ཡིས་བསྟེན་པར་བྱ། །ཀ་ར་བུ་རམ་སྦྲང་རྩི་དང་། །དེ་བཞིན་ཡིད་འོང་རོ་རྣམས་ཀུན། །ལྕེ་ཡི་དབང་པོས་བསྟེན་པར་བྱ། །འཇམ་པའི་རེག་བྱ་ཡིད་འོང་བ། །ཁ་དོག་དབྱིངས་སུ་ལྡན་པ་རྣམས། །ལུས་ཀྱི་དབང་པོས་བསྟེན་པར་བྱ། །འདོད་པ་ལྔ་ལ་རྟག་གནས་ནས། །རྣལ་འབྱོར་པ་ནི་གྲོལ་བར་འགྱུར། །ཡང་ན་སྤྱོད་པ་དགའ་བ་ཡིས། །བཙུན་མོ་མཚན་ལྡན་ལེགས་མཛེས་མ། །བརྒྱ་རྩ་གཉིས་དང་ཉི་ཤུ་གཉིས། །གཅིག་བཅས་རྣལ་འབྱོར་ལ་གནས་ན། །རྡོ་རྗེ་བརྡ་ཡིས་ལེགས་མཚོན་ཏོ། །ཅི་བདེ་འདོད་པ་ལྔ་ལ་སྤྱོད། །ཡང་དག་རྣལ་འབྱོར་པ་ཡི་རྒྱ། །གར་མཁན་ཚུལ་དུ་རབ་སྦྱོར་བས། །རྡོ་རྗེ་འགྱིང་ཚུལ་སྦྱོར་བ་དང་། །བསླབ་པ་དམ་ཚིག་ལ་གནས་ན། །རྣལ་འབྱོར་པ་ཡི་འདོད་པ་བསྟེན། །ཅི་འདོད་ཡུལ་ལ་གཉིས་ཀས་སྦྱོད། །རྟག་ཏུ་འབར་བའི་སྦྱོར་བ་ཡིས། །བདེ་གཤེགས་བྱང་ཆུབ་སེམས་ཕབ་སྟེ། །རང་ལུས་བདེ་བ་ཆེན་པོས་རྒྱས། །གནས་གཞིར་བདེ་བ་བཞིར་སྐྱེས་པས། །དེ་ནི་མངོན་པར་སངས་རྒྱས་འགྱུར། །བསྐྱོད་པའི་དམ་ཚིག་ལ་གནས་ན། །བདེ་བ་ཆེན་པོའི་ཕྱག་རྒྱས་བརྙེས། །དེ་དོན་བདེན་པའི་ཕྱག་རྒྱ་ཅན། །རྟག་ཏུ་ཡང་དག་བདེ་བ་ཐོབ། །དེབཞིནརྒྱལབདབུགས་ཕྱུང་བ། །སྣ་ཚོགས་དོན་དང་རབ་ཏུ་ལྡན། །ཅེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། གསང་བ་བདེ་བ་སྤྱོད་པའི་ལེའུ་སྟེ་བཅོ་ལྔ་པའོ།། །།དེ་ནས་དཔལ་ལྡན་འཇིགས་བྱེད་ཆེ། །གར་སྒྱུར་རྡོ་རྗེ་སྦྱོར་བ་ཡིས། །རྣལ་འབྱོར་པ་ནི་རྟག་གནས་ནས། །ལེགས་སྦྱངས་པ་ཡི་བཙུན་མོ་དང་། །ལྷན་ཅིག་རྣལ་འབྱོར་ཡུམ་ལ་སྤྱོད། །གླང་ཆེན་རྟ་དང་བ་གླང་ཁྱི། །དེ་བཞིན་མི་དང་རྣམ་པ་ལྔའི། ཁྲ་ལྔ་རྣལ་འབྱོར་པ་ཡིས་བསྐྱེད། །དེ་བཞིན་བདུད་རྩི་རྣམ་པ་ལྔ། །བཅུ་གཅིག་པ་ནི་ཡང་དག་ལྡན། །རྣལ་འབྱོར་པས་ནི་དེ་ལོངས་སྤྱོད། །བདེ་བ་ཆེན་པོའི་ལུས་བསྐྱེད་པས། །ཕྱོགས་བཅུའི་སངས་རྒྱས་ཐམས་ཅད་ལ། །མཆོད་པའི་སྤྲིན་ལྡིང་འོད་ཟེར་འཕྲོ། །རྟག་ཏུ་མཉེས་པའི་སྦྱོར་བ་ལྡན། །རྣལ་འབྱོར་སྙིང་གི་དཀྱིལ་འཁོར་དུ། །ཡེ་ཤེས་འཁོར་ལོ་གཞལ་ཡས་སྟོང་། །ཡི་གེ་ཧུ༷་གིས་ལེགས་བསྐུལ་ཏེ། །འདོད་པ་ལྔ་ནི་སྤྱད་པར་བྱ། །ཡི་གེ་ཨོ་ལས་ལེགས་བྱུང་བའི། །འོད་ཀྱི་སངས་རྒྱས་ཐམས་ཅད་ཀུན། །བདག་ལུས་དབང་པོའི་ཚོགས་ལ་འབུལ། །ཡི་གེ་ཨུ་ལས་ལེགས་བྱུང་བའི། །ཀྭ་པ་ལ་ཡི་སྦྱོར་བ་ཡིས། །རྣལ་འབྱོར་པ་ནི་གྲོལ་བར་འགྱུར། །ཡང་ན་རྡོ་རྗེའི་ཕྱག་རྒྱ་ཅན། །ཡན་ལག་ཐམས་ཅད་རྡོ་རྗེ་ཚེ། །སྤྱི་གཙུག་རྡོ་རྗེ་ཧུ༷་ཀ་ར། །དཔྲལ་བར་རྣམ་པར་རྒྱལ་བའོ། །མགྲིན་པར་རྟ་མགྲིན་རྒྱལ་པོ་སྟེ། །ལག་གཡས་ཁམས་གསུམ་རྣམ་པར་རྒྱལ། །གཡོན་པར་དབྱུག་པ་སྔོན་པོ་སྟེ། །སྙིང་ཀར་བདུད་རྩི་འཁྱིལ་པ་གནས། །ལྟེབརགཤིན རྗེགཤེདཔོསྟེ། །རྐང་གཡས་གཞན་གྱིས་མི་ཐུབ་པ། །གཡོན་པ་མི་གཡོ་མགོན་པོ་བསམ། །གསང་བར་ཁྲོ་བོ་སྟོབས་པོ་ཆེ། །རྡོ་རྗེ་ཁྲོ་བོ་ཆེན་པོ་རྣམས། །སྟག་པ་རྣ་བ་སྣ་དང་ལྕེ། །མཁལ་མ་པུས་མོ་བཤང་བའི་ལམ། །རྐང་མཐིལ་རྩེ་མོ་སྒལ་ཚིགས་སུ། །སོ་སོའི་མཚན་མས་གདབ་པར་བྱ། །བ་སྤུའི་བུ་ག་ཐམས་ཅད་ཀུན། །ཟ་བྱེད་དང་ནི་གསོད་བྱེད་དང་། །རྡོ་རྗེ་སྲས་མཆོག་ཚོགས་ཀྱིས་བརྒྱན། །ཡང་ན་འདོད་པའི་གཞལ་ཡས་སུ། །ལྔ་བཅུ་གཉིས་དང་བཞི་བཅུ་གཉིས། །བཅུ་གཅིག་པ་ནི་ཡང་དག་ལྡན། །སོ་སོའི་དཀྱིལ་འཁོར་ཡུམ་གྱིས་བརྒྱན། །རྣལ་འབྱོར་པ་ནི་དེར་གནས་ན། །སྒྲིབ་པ་ཀུན་ལས་གྲོལ་བར་འགྱུར། །ཚོགས་ཀྱི་དཀྱིལ་འཁོར་གྱི་ལེའུ་སྟེ་བཅུ་དྲུག་པའོ།། །།དེ་ནས་དཔལ་ལྡན་འཇིགས་བྱེད་ཆེ། །སྲེག་བྱེད་རྡོ་རྗེའི་སྦྱོར་བ་ཡིས། །ཨེ་ཡི་ཚོགས་ཀྱི་དཀྱིལ་འཁོར་དུ། །སྲེག་བྱེད་དཀྱིལ་འཁོར་ལེགས་གནས་ཏེ། །དུག་དང་སྐེ་ཚེ་ལན་ཚྭ་ལ། །དྲག་པོའི་ཁྲག་གིས་ལེགས་སྦྲུས་ཏེ། །གདུལ་བྱ་བསམས་ན་མྱུར་དུ་འཆི། །བ་གི་ཚོགས་ཀྱི་དཀྱིལ་འཁོར་དུ། །སྲེག་བྱེད་དཀྱིལ་འཁོར་ལེགས་གནས་ཏེ། །ཏིལ་མར་འོ་མ་ལ་སོགས་པ། །སྦྱོར་བའི་དོན་ལ་དམིགས་པས་འགྲུབ། །ཡ་ཡི་ཚོགས་ཀྱི་དཀྱིལ་འཁོར་དུ། །སྲེག་བྱེད་དཀྱིལ་འཁོར་ལེགས་གནས་ཏེ། །རཀྟ་མཚལ་ལས་གོས་པ་ལ། །བསྡུ་བའི་དོན་ལ་དམིགས་པས་འགྲུབ། །མ་ཡི་ཚོགས་ཀྱི་དཀྱིལ་འཁོར་དུ། །སྲེག་བྱེད་དཀྱིལ་འཁོར་ལེགས་གནས་ཏེ། །བ་བླ་དག་ནི་ལྡོང་རོས་དང་། །ནོར་བུའི་སྦྱོར་བས་དམིགས་པ་འགྲུབ། །ཤར་ལྷོ་ནུབ་བྱང་ཕྱོགས་བཞིར་བལྟས། །ཚད་མེད་བཞི་ཡི་བསམ་གཏན་གྱིས།༷།ལས་རྣམས་ཐོགས་པ་མེད་བར་འགྲུབ། །སྲེག་བྱེད་རྡོ་རྗེའི་ཏིང་འཛིན་གྱིས། །ཕྱག་རྒྱ་ལྔ་ཡི་བདག་ཉིད་ཀྱིས། །སྙིང་ཀར་འཁོར་ལོ་བཀོར༷་གྱུར་ནས། །ཟས་ལ་སོགས་པའི་སྤྱིན་སྲེག་བྱ། །གསང་བ་ཡུམ་གྱི་ཧོ་ཁུང་དུ། །བྱང་ཆུབ་སྣོད་ཅན་ལྷ་གཞག་སྟེ། །བྱང་ཆུབ་རྡོ་རྗེས་མཆོད་གྱུར་ན། །ཆགས་པའི་དངོས་གྲུབ་ཐོབ་པར་འགྱུར། །སྐྱེ་འགག་མེད་པའི་ཧོ་ཁུང་དུ། །རྟོག་པ་དང་བྲལ་ཡེ་ཤེས་ཀྱིས། །རྣམ་པར་རྟོག་པ་ཀུན་བསྲེགས་ནས། །མཚན་བྲལ་དངོས་གྲུབ་ཐོབ་པར་འགྱུར། །མེ་ལ་སོགས་པའི་རྣལ་འབྱོར་པས། །ཐབས་གཞན་མེད་ཅིང་འགྲུབ་པར་འགྱུར། །ཞེས་གསུངས་སོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། མེའི་འཁོར་ལོ་གསང་བའི་ལེའུ་སྟེ་བཅུ་བདུན་པའོ།། །།དེ་ནས་དཔལ་ལྡན་འཇིགས་བྱེད་ཆེ། །དེ་ཉིད་བདག་པོ་བཅོམ་ལྡན་འདས། །གསང་བ་བདག་ལ་ལེགས་གནས་ཏེ། །རྟག་ཏུ་སྒྲོལ་བའི་ལས་བྱས་ནས། །དེ་ཉིད་གསང་བའི་དོན་འདི་གསུངས། །གང་ཕྱིར་དཔལ་ལྡན་སྐུ་གསུང་ཐུགས། །ཡོན་ཏན་འཕྲིན་ལས་དེ་དག་ཉིད། །སྒྲོལ་ཆེན་ཁྲོ་བོ་ཆེན་པོའི་མཆོག །ཡོན་ཏན་སྒྲོལ་བྱེད་སྐུ་གསུང་ཐུགས། །མ་ལུས་དོན་བྱེད་གསང་བའི་བདག །འདའ་བར་མི་མཛད་མཐུ་ཆེན་ཡིན། །དེ་ནས་ཁྲོ་བོ་བདུད་རྩི་འཁྱིལ། །ལངས་ཏེ་ཐལ་སྦྱར་འདི་སྐད་གསོལ། །གང་ཚེ་བཅོམ་ལྡན་དེ་ཉིད་སྐུ། །ཁ་དོག་མེད་ཅིང་དབྱིབས་དང་བྲལ། །དངོས་མེད་དངོས་པོ་ས་བོན་མེད། །དོན་བྲལ་དཔག་མེད་བརྗོད་ལས་འདས། །གསང་བའི་བདག་ལ་ཕྱག་འཚལ་ལོ། །ཡོན་ཏན་ཀུན་ལྡན་ཕྱག་འཚལ་ལོ། །བདེ་དོན་བདུད་རྩི་ཕྱག་འཚལ་ལོ། །མི་རྟོག་བརྗོད་མེད་ཕྱག་འཚལ་ལོ། །ཞེས་བསྟོད་དོ། །དེ་ནས་གཙོ་བོ་འཇིགས་བྱེད་ཆེ། །ཡོན་ཏན་རྗོད་བྱེད་དོན་འདི་གསུངས། །ངས་སྨྲས་རྡོ་རྗེ་ཕུར་བའི་རྒྱུད། །གསང་བ་ཆེན་པོའི་རྒྱུད་ཅེས་བྱ། །གདུལ་བྱའི་སྲོག་ལེན་དེ་ཡི་ཕྱིར། །གསང་བ་སྲོག་ལེན་རྒྱུད་ཅེས་བྱ། །ཡོན་ཏན་མཛོད་དང་དཔལ་འཛིན་དང་། །སྒྲོལ་བྱེད་རྒྱུན་དུ་ཡང་དག་བསྟན། །ངས་སྨྲས་དོན་འདི་ཡིད་ལ་ཟུང་། །ཞེས་གསུངས་མ་ཐོག་ཏུ། འདུས་པ་ཆེན་པོའི་འཁོར་ཐམས་ཅད་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ལས། ཡོངས་སུ་གཏད་པ་ལེའུ་སྟེ་བརྟོ་བརྒྱད་པའོ། །རྒྱུད་ཀྱི་རྒྱལ་པོ་རྡོ་རྗེ་ཕུར་པ་ཞེས་བྱ་བ་དྲག་པོའི་ལས་ཀྱི་རྟོག་པ་ཆེན་པོ་རྫོགས་སོ། །སློབ་དཔོན་ཆེན་པོ་པདྨ་འབྱུང་གནས་ཀྱི་ཕྱག་དཔེ་ལས། །བོད་ཀྱི་ལོ་སྣྲོ་བ་ཀུན་དགའ་རྒྱལ་མཚན་གྱིས་བསྒྱུར་བའོ།། །།་་། །རྒྱ་གར་སྐད་དུ། མཛྲ་གུ་གྱ་མཧྭ་གསྟེ་ཏནྟྲ་ནི་དྷི་སྲུ་ཏྲ་ན་མ༷༷ བོད་སྐད་དུ། རྡོ་རྗེ་གསང་བ་ཆེན་པོ་གཏེར་གྱི་སྙིང་པོའི་རྒྱུད་ཅེས་བྱ་བའི་མདོ། །དཔལ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཁྲོས་པའི་མངའ་བདག་ཏུ་གྱུར་པའི་རྒྱལ་པོས། འཇིགས་པའི་སྐུ་ཕྱོགས་བཅུ་དུས་གསུམ་གྱི་སངས་རྒྱས་ཐམས་ཅད་ཀྱིས་དབང་བསྐུར་བའི་རྣམ་པར་ཁྲོས་པའི་བདག་ཉིད། ཁྲོས་པའི་གསུང་དྲག་པོའི་གདང་སྒྲས། ཐམས་ཅད་ཟིལ་གྱིས་གནོན་པའི་རང་བཞིན་ལས་ཡོངས་སུ་དག་པའི་ཁྲོས་པའི་ཐུགས་རབ་ཏུ་འབར་བས། གདུག་པའི་ཚོགས་མ་ལུས་པོར་འཇོམས་པའི་མངའ་བདག །དྲག་པོའི་འཕྲིན་ལས་ཐམས་ཅད་རྫོགས་པར་མངའ་བརྙེས་པའི་རྒྱལ་པོ། གསང་བའི་དོན་ལ་རབ་ཏུ་གནས་ཤིང་སྔགས་ཀྱི་བྱེ་བྲག་ལ་མངའ་བརྙེས་པ། གདུག་པ་ཐམས་ཅད་ཚར་གཅོད་པའི་རྒྱལ་པོ། དམ་ཚིག་ཐམས་ཅད་ལས་ཡོངས་སུ་གྲུབ་པའི་བདག་པོ། ཉོན་མོངས་པ་ལྔས་གཟིར་བའི་རང་བཞིན་ལས་ཐར་བར་མཛད་པའི་སྟོབས་ཆེན་པོ། གནས་ལས་ཁྱད་པར་སོན་པར་བྱེད་པའི་ཐབས་ཆེན་པོ། ལོག་པར་འཁྱགས་པ་ཐམས་ཅད་སྡུད་པའི་རླུང་ཆེན་པོའི་མངའ་བདག །ལོག་པའི་ང་རྒྱལ་ཐམས་ཅད་གཏན་ནས་སྲེག་པའི་མེ་ཆེན་པོའི་མངའ་བདག་ཏུ་གྱུར་པའི་རྒྱལ་པོ། ཉོན་མོངས་པ་དང་འབྱེད་པའི་ཆུ་ཆེན་པོ་ལ་མངའ་མཉེས་པ། འདོད་ཆགས་ཀྱི་དབང་བྱས་པ་ལས་རྣམ་པར་རྒྱལ་བར་མཛད་པའི་ས་གཞི་ཆེན་པོ་ལ་མངའ་བརྙེས་པའི་རང་བཞིན། སྤྲོས་པ་མེད་པའི་མངའ་བདག་ཏུ་གྱུར་པ། ཐབས་མཁས་པའི་མཛད་སྤྱོད་ཀྱི་སེམས་ཅན་གྱི་དོན་ལ་བསྐུལ་བར་མཛད་པའི་རང་བཞིན། གནས་ལས་ཡོངས་སུ་སྤྱོད་པའི་མངའ་བདག །རོལ་པའི་མཛད་ཀྱིས་སྤྲུལ་པ་མང་པོར་འགྱེད་ཅིང་། ཐབས་རྣམ་པ་སྣ་ཚོགས་པས་སེམས་ཅན་ཐམས་ཅད་ཀྱི་དོན་མཛད་པ་མངའ་བརྙེས་པ་ནི། འོག་མིན་གྱི་གནས་གསང་བ་གཉིས་སུ་མེད་པའི་དཀྱིལ་འཁོར་ཆེན་པོའི་གནས། བཙུན་མོའི་བྷ་ག་ཕོ་བྲང་ལྷུན་གྱིས་གྲུབ། དུར་ཁྲོད་ཀྱི་གཞལ་ཡས་ཁང་མཐིང་ནག་རབ་ཏུ་འབར་བ། རྒྱན་རྣམ་པ་སྣ་ཚོགས་ཀྱིས་བརྒྱན་པ། ཁ་དོག་རྣམ་པ་སྣ་ཚོགས་དང་ལྡན་པ། དབྱིབས་སྣ་ཚོགས་ཡོངས་སུ་གྲུབ་པ། རང་བཞིན་གྱི་རྣམ་པར་དག་པའི་ཡོན་ཏན་སྣ་ཚོགས་པ་མངའ་བ། འདོད་པའི་ཡོན་ཏན་གྱིས་ཕྱི་ནང་མེད་པར་འཁྲིགས་པ། མཛེས་པའི་ལོངས་སྤྱོད་ཐོག་མ་དང་ཐ་མ་མེད་པར་རང་བྱུང་བས་ན། གཉིས་སུ་མེས་པའི་འཁོར་གྱི་ཚོགས་པའི་རྒྱལ་པོ་ཁྲག་འཐུང་ལྔ་དང་། དེ་ལས་གཞན་ཡང་ཁྲོ་་་། །བོའི་རྒྱལ་པོ་མི་བཟད་པ་རབ་ཏུ་འབར་བའི་ཚོགས་ཀྱིས། ནམ་མཁའི་མཐས་ཀླས་པ་རོལ་པའི་བཙུན་མོའི་གཏུམ་མོའི་ཚོགས་དམ་པ་ལ་འབྱོར་གྲུབ་པའི་བདག་ཉིད་མ་ལ་སོགས་པ་དང་། གཞན་ཡང་སྤྲུལ་པའི་ཚོགས་གདུག་པའི་ངང་ཚུལ་ཅན་བརྗོད་དུ་མེད་པའི་ཡང་བརྗོད་དུ་མེད་པ་ཞིང་གི་རྡུལ་སྙེད་དང་གཞན་ཡང་གདུག་པའི་ལས་དང་། ཡེ་ཤེས་ལས་གྲུབ་པའི་ཚོགས་བསམ་གྱིས་མི་ཁྱབ་པ་བརྗོད་པའི་ཐ་སྙད་ལས་འདས་པ། གཞན་ཡང་འབྱུང་པོ་ལ་སོགས་པའི་འཁོར་བསམ་གྱིས་མི་ཁྱབ་ཅིང་བརྗོད་ལས་འདས་པ་རྣམས་དང་ཐབས་གཅིག་ཏུ་ཁྲོས་པའི་ངང་ཚུལ་བཟུང་ནས་བཞུགས་སོ། །རོལ་པའི་འཕྲིན་ལས་དགུའི་ཏིལ་གྱི་གང་བུ་བཞིན་དུ་ཀུན་ལ་ཁྱབ་པར་བཞུགས་སོ། །ཁྱད་པར་གྱི་བྱེ་བྲག་གི་རྣམ་པ་བསམ་གྱིས་མི་ཁྱབ་པར་བཞུགས་སོ། །གདུག་པའི་འཁོར་གྲངས་མེད་པའི་ནང་ནས་ཀྱང་འཕྲིན་ལས་ཀྱི་མངའ་བདག་ཁྲོས་པའི་རྒྱལ་པོ་ཀརྨ་ཧེ་རུ་ཀ་ཡུམ་གཏུམ་མོ་དང་རོལ་པའི་ངང་ཚུལ་བཟུང་ནས། བཅོམ་ལྡན་འདས་ཀྱི་སྤྱན་ལྔ་ན་རབ་ཏུ་ཁྲོས་པའི་ངང་ཚུལ་ནས་བསྐུལ་བ་དང་བཅས་པའི་སྤོབས་པ་ཅན་དུ་བཞུགས་སོ། །དེ་ནས་བཅོམ་ལྡན་འདས་དཔལ་ཁྲོས་པའི་རྒྱལ་པོ་དེ། ཕྱི་དང་། ནང་དང་། སྣང་བ་ཐམས་ཅད་ལ་ཁྲོས་པའི་སྤྱན་གྱི་སོ་སོའི་བྱེ་བྲག་ཏུ་གཟིགས་སོ། །གདུག་པ་ཅན་གྱི་ཚོགས་རྣམས་ལ་ཡང་རྣམ་པར་གཟིགས་སོ། །ལོག་པའི་ལམ་པ་རྣམས་ཡང་རྣམ་པར་གཟིགས་སོ། །སངས་རྒྱས་དང་བྱང་ཆུབ་སེམས་དཔའི་ཚོགས་རྣམས་ལ་ཡང་རྣམ་པར་གཟིགས་སོ། །རྣམ་པར་གཟིགས་ནས་མ་བཅོས་པ་དེ་བཞིན་ཉིད་ལ་གནས་ནས་བརྗོད་པ་ཐམས་ཅད་ལས་འདས་པའི་ཏིང་ངེ་འཛིན་ལ་སྙོམས་པར་བཞུགས་སོ། །དེའི་ཚེ་འཁོར་བ་དང་མྱང་ངན་ལས་འདས་པའི་ཆོས་ཐམས་ཅད་སྟོང་པ་ཆེན་པོར་གྱུར་པ་ནི། དཔེ་ནམ་མཁའི་མཚན་ཉིད་ཀྱིས་ཀྱང་དཔག་ཏུ་རུང་བ་མ་ཡིན་ནོ། །དེ་ནས་ཡང་ཡུམ་རལ་གཅིག་མས། བཅོམ་ལྡན་འདས་ཁྲོས་པའི་རྒྱལ་པོའི་རྒྱལ་པོ་དགོངས་པ་དེ་བཞིན་ཉིད་ལ་གནས་པའི་ངང་ལས་སེམས་ཅན་གྱི་དོན་ལ་བསྐུལ་པའི་གླུ་འདིས་བསྐུལ་ལོ། །ཨེ་མ་ཧོ་མ་བཅོས་རྡོ་རྗེའི་ངང་ཉིད་ལས། །གདུག་པ་ལོག་ལྟ་འདུལ་སླད་དུ། །སྔོན་གྱི་སྨོན་ལམ་རྗེས་དགོངས་ཏེ། །སྙིང་རྗེ་ཆེན་པོས་བདག་ལ་དགོངས། །ཞེས་བསྐུལ་བས། དཔལ་ཁྲག་འཐུང་གི་རྒྱལ་པོས་བསྐུལ་བར་མཁྱེན་ནས། དེ་བཞིན་ཉིད་ལས་གཡོས་ཏེ། གདུག་པ་ཅན་གྱི་ཚོགས་ཐམས་ཅད་ལ་ཁྱབ་པའི་སྙིང་རྗེ་ཆེན་པོས་གཟིགས་པའི་ཏིང་ངེ་འཛིན་ལ་སྙོམས་པར་ཞུགས་སོ། །དེའི་ཚེ་གདུག་པ་ཅན་་་། །གྱི་ཚོགས་ཐམས་ཅད་ཡིད་གཉིས་དང་བཅས་པའི་རང་བཞིན་ཉིད་དུ་གྱུར་ཏོ། །དེ་ནས་ཡབ་ཡུམ་འབར་མས་གཡན་པའི་ངང་ཚུལ་ལས་གླུ་འདིས་བསྐུལ་ལོ། །ཨེ་མ་ཧོ་འཁོར་བར་འཁྱམས་འཛིན་སྙིང་རྗེ་ནི། །ཐུགས་རྗེས་སྨོན་ལམ་མཐའ་ཡི་དབང་། །མ་བསྐྲིབས་གསལ་བའི་ངང་ཉིད་ལས། །གསལ་བའི་གསུང་མཆོག་བསྟན་དུ་གསོལ། །ཞེས་རྣམ་པར་བསྐུལ་ལོ། །དེ་ནས་བཅོམ་ལྡན་འདས་ཁྲག་འཐུང་གི་རྒྱལ་པོས་བསྐུལ་བར་ཐུགས་ཀྱིས་མཁྱེན་ཏེ། དེ་བཞིན་ཉིད་ལས་སྨོན་ལམ་གྱི་དབང་གིས་རོལ་པའི་ཆོ་འཕྲུལ་རྣམ་པར་བྱུང་སྟེ། །རྣམ་པར་གསལ་བར་མཛད་པའི་གཟིམ་དངས་ནི། དུས་མཐའི་མེ་ཆེན་པོ་རབ་ཏུ་འབར་བའི་འོད་རྔམ་པའི་སྐུ་མངོན་དུ་ཕྱུང་ངོ་། །དེའི་ཚེ་གདུག་པ་ཅན་གྱི་ཚོགས་ཐམས་ཅད་གཏུམ་པའི་ཡིད་བསྐྱེད་པར་གྱུར་ཏོ། །དེ་ནས་སྐུ་གསལ་བའི་ངང་ལས་ཡུམ་སྡུད་མས་གླུ་འདིས་བསྐུལ་ལོ། །ཨེ་མའི་ཐབས་ཀྱི་སྐུ་མཆོག་གསང་བའི་ངང་། །རྣམ་དག་དྲི་མ་མེད་པའི་འོད། །ཡོངས་གསལ་ངང་ལས་སེམས་ཅན་དོན། །ཁྲོས་པའི་སྐུ་མཆོག་བསྟན་དུ་གསོལ། །ཞེས་པ་རྣམ་པར་བསྐུལ་ལོ། །བཅོམ་ལྡན་འདས་དཔའ་ཁྲག་འཐུང་གི་རྒྱལ་པོས་བསྐུལ་བར་མཁྱེན་ནས། ཁྲོས་པའི་རྒྱལ་པོས་འོད་ཟེར་དྲག་པོ་ཕྱོགས་བཅུར་བཀྱེ་བར་གྱུར་ཏོ། །དེའི་ཚེ་གདུག་པ་ཅན་གྱི་ཚོགས་ཐམས་ཅད་མི་བཟོད་པའི་ངང་ལ་གནས་པར་གྱུར་ཏོ། །དེ་ནས་ཡང་འོད་ཟེར་གྱི་ངང་ལས་ཡུམ་འཐོར་བྱེད་མས་གླང་འདིས་བསྐུལ་ལོ། །ཨེ་མའོ་གསང་བའི་འོད་ཟེར་འབར་བ་ཡི། །གདུག་པ་འཇོམས་པ་དྲག་པོའི་འོད། །རོལ་པའི་གདང་སྒྲས་འཇིགས་པའི་སྐུ། །ཁྲོས་པའི་སྐུ་མཆོག་བདག་ལ་རྩོལ། །ཧོ་ཞེས་རྣམ་པར་བསྐུལ་བས། བཅོམ་ལྡན་འདས་དཔལ་ཁྲག་འཐུང་གིས་རྒྱལ་པོས་བསྐུལ་བར་ཐུགས་སུ་ཆུད་དེ། འོད་ཟེར་གྱི་ངང་ལས་གདུག་པ་ཐམས་ཅད་བསྒྲལ་བའི་དོན་དུ། ཐུགས་རྗེའི་དབང་གིས་ཁྲོས་པའི་སྐུར་ཡེ་ཤེས་ལས་སྤྲུལ་པར་མཛད་དོ། །དེའི་ཚེ་གདུག་པའི་ཚོགས་ཐམས་ཅད་རབ་ཏུ་རྔམ་པའི་ཚུལ་སྟོན་པའི་གྱུར་ཏོ། །དེ་ནས་ཡང་སྐུ་ཁྲོས་པའི་རྒྱལ་པོའི་ངང་ལས་ཡུམ་རལ་པ་གསུམ་པ་མས་ཡང་གླུ་འདི་སྐད་བསྐུལ་ལོ། །ཨེ་མའོ་ཁྲོས་པའི་སྐུ་མཆོག་གསལ་བ་ལས། །རོལ་པའི་གར་གྱིས་ཐམས་ཅད་སྐྲག །ཁྲོས་པའི་ངང་ཉིད་གདང་སྒྲ་ཅན། །ཁྲོས་པས་སྐུ་ཡི་རོལ་པ་མཛད་ཧོ། །ཞེས་བསྐུལ་བས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོས་བསྐུལ་བར་རབ་ཏུ་མཁྱེནནས་ཁྲོས་པའི་སྐུ་མི་བཟད་པ་ཞལོ་གསུམ་པ་གཡས་དཀར་བ། གཡོན་དམར་བ། དབུས་མཐིང་ནག་ཏུ་བཞུགས་པ། ཕྱག་དྲུག་་་། །དང་ལྡན་པ། ཡེ་ཤེས་རྡོ་རྗེ་རྩེ་དགུ་པ། བན་དྷ་དང་། རྡོ་རྗེ་རྒྱ་གྲམ་དང་། ཁ་ཊ༷་ཁ་དང་། རི་རབ་ཕུར་བུ་བསྣམས་པ། མཆེ་བ་གཙིགས་པ་དང་། ཨག་ཚོམ་འབར་བ་དང་། སྨིན་མ་གཡོས་པའི་བར་ནས་གཉེར་མ་འགྲང་བ་དང་། སྟག་གི་པགས་པས་ཤམས་ཐབས་བྱས་པ་དང་། ཞབས་གྱང་ཀྱི་དོར་ཐབས་སུ་བཞུགས་པ། གདུག་པའི་ཁྲོ་ཚུལ་རྣམ་པ་སྣ་ཚོགས་པ་གཅིག་ཏུ་ཁྲོས་པའི་རྒྱལ་པོའི་ཚོགས་དང་། ཡུམ་གཏུམ་མོ་ལ་སོགས་པ་རྣམ་པར་གཟིགས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོས། འཁོར་གྱི་དཀྱིལ་འཁོར་དེ་ཉིད་ལ་ཡོངས་སུ་གཟིགས་ཏེ། གདུག་པའི་རང་སྒྲ་ཧན་ད་ཧའི་སྒྲ་སྒྲོགས་ཤིང་། རྡོ་རྗེའི་གླུ་དང་། གར་གྱི་རྣམ་པ་མང་པོ་དག་། མགོ་བོ་དང་། རྐང་པ་དང་། ལག་པ་དང་། རྐེད་པ་ལ་སོགས་པའི་གར་དང་། རོལ་མོའི་རྩེད་མོ་དང་། སོས་པྲད་པ་དང་། ཚེམས་ཀྱིས་མནན་པ་དང་། པདྨར་སྦྱོར་བ་དང་། འཁྱུད་པའི་སྟབས་དང་། འཇོ་ཚུལ་དང་། སྨིན་མ་འབར་བ་བསྙལ་ཏེ། སྤྱན་མཛེས་པས་ལྟ་ཞིང་། ཞལ་འཛུམ་བག་དང་བཅས་པས་རྣམ་པར་བསྐྱོད་པའི་རང་བཞིན་གྱིས་འདོད་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་སོ། །ཅང་མི་གསུང་བར་གྱུར་ཏོ། །དེ་ནས་ཡང་ཡུམ་རལ་པ་གསུམ་མས། ཁྲོས་པའི་ངང་ལས་ཞལ་འཛུམ་བག་དང་བཅས་ཤིང་ནུ་མ་གྲོལ་བ་དང་། ལུས་གློད་པ་དང་། སྟེག་པའི་གཟི་མདངས་ཀྱིས། བཅོམ་ལྡན་འདས་ལ་ལྟ་ཞིང་འདི་སྐད་ཅེས་བསྐུལ་ལོ། །གདུག་པའི་ཚོགས་རྣམས་འཇོམས་པའི་ཕྱིར། །སྐུ་མཆོག་ཁྲོས་པའི་རྒྱལ་པོ་ཡིས། །མ་ཆགས་པདྨའི་མཁའ་ཀློང་དུ། །བྱང་ཆུབ་སེམས་ཀྱི་ཆར་ཆེན་ཕོབ་ཧོ། །ཞེས་གསུངས་སོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོས་བསྐུལ་བར་ཐུགས་སུ་ཆུད་དེ། ལན་འདི་གསུངས་སོ། །ཨེ་མ་ཧོ་ རྨད་བྱུང་གསང་བའི་མཁའ། །གསལ་ལ་དག་པས་གོས་པ་མེད། །གསང་བའི་རྡོ་རྗེ་དགྱེས་ཆེན་པོ། །ག་བུར་དྲི་ལྡན་རྒྱུན་མི་བཅོད་ཧོ། །ཞེས་གསུངས་སོ། །དེའི་ཚེ་ལོག་པའི་དང་རྒྱལ་ཅན་གྱི་མ་དང་བུ་མོའི་ཚོགས་ཐམས་ཅད་ཆགས་སེམས་སྐྱེས་པར་གྱུར་ཏོ། །དེ་ནས་ཁྲོས་པའི་རྒྱལ་མོས། ཡབ་ཀྱི་བྱང་ཆུབ་ཀྱི་སེམས་ལ་བསྐུལ་བའི་གླུ་འདི་བླངས་སོ། །ཧུ༷། དྲི་མེད་བྱང་ཆུབ་སེམས་ཆེན་པོ། །ཁྲོས་པའི་སྐུ་རྣམས་བསྐྱེད་པའི་རྒྱུ། །གདུག་པ་མ་ལུས་བསྒྲལ་བས་ཕྱིར། །ཁྲོས་པའི་སེམས་དུ་བསྒྲུབས་མཇོད་ཅིག །ཧོ་ཞེས་རྣམ་པར་བསྐུལ་ལོ། །ཡང་དེའི་ཚེ་དྲེགས་པའི་ཚོགས་ཀྱིས། །མ་དང་བུ་མོའི་ཚོགས་ཐམས་ཅད་གཡོས་པའི་སེམས་དང་ལྡན་པར་གྱུར་༄་། །ཏོ། །དེ་ནས་ཁྲོས་པའི་རྒྱལ་པོ་བྱང་ཆུབ་ཀྱི་སེམས་ལ་ཡབ་ཀྱིས་བསྐུལ་བའི་གླུ་འདིས་བསྐུལ་འོཁོ། །ཧཱུཾ༷། པདྨ་མ་ཆགས་དག་པའི་ཀློང་། །གདུག་པ་སྒྲོལ་བའི་བྱང་ཆུབ་སེམས། །གདོད་ནས་དག་པའི་གཞལ་ཡས་སུ། །ཁྲོས་པའི་ཚོགས་རྣམས་འབྱུང་བའི་དབྱིངས། །ཧོ་ཞེས་རྣམ་པར་བསྐུལ་ལོ། །དེ་ནས་དེའི་ཚེ་དྲེགས་པའི་ཚོགས་རྣམས་ཡུལ་ལ་ཆགས་པའི་སེམས་དང་ལྡན་པར་གྱུར་ཏོ། །དེ་ནས་བཅོམ་ལྡན་འདས་ཁྲོས་པའི་རྒྱལ་པོ་ཡིས། །གསང་བའི་སྔགས་ཚིག་འདི་གསུངས་སོ། །ཨེ་མའོ་རང་བཞིན་ཁྲོས་པ་ནི། །འོད་དྲག་འབར་བ་འཕྲོས་པ་ཡིས། །སངས་རྒྱས་དུས་གསུམ་དྲག་པོར་བསྐུལ། །དེ་ཉིད་མ་བཅོས་བྱང་ཆུབ་སེམས། །དེ་ཉིད་གསལ་བའི་ངང་ཚུལ་དང་། །གདུག་པ་མི་གནས་ལྷན་ནེའོ། །འགྲོ་བའི་བདག་པོ་མི་གནས་པའི། །ཐམས་ཅད་དོན་དམ་བྱང་ཆུབ་སེམས། །ཞེས་གསུངས་སོ། །དེའི་ཚེ་དྲེགས་པའི་ཚོགས་ཐམས་ཅད་ཞུམ་པའི་སེམས་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུག་གི་རྒྱལ་པོས། དུར་ཁྲོད་རོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་འབྱུང་གི་གཞལ་ཡས་ཁང་འཇོམས་པའི་སྟོབས་དང་ལྡན་པ། རལ་པ་གསུམ་མའི་མཁའ་མཐིང་ནག་གྲུ་གསུམ་འབར་བ་གསལ་བར་བྱ་བའི་ཕྱིར། །སྐུ་གསུང་ཐུགས་གསང་བ་ལས་འཇོམས་པའི་སྔགས་འདི་ཕྱུང་ངོ་། །ཨེ་དེའི་ཚེ་དྲེགས་པའི་ཚོགས་མ་ལུས་པ་ཐམས་ཅད་ལུས་སྨྱིད་ལུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོདེས། མ་ཆགས་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །བཱ། དེའི་ཚ་དྲེགས་པའི་ཚོགས་མ་ལུས་པ་ཐམས་ཅད་མཁའ་ཞུམ་པར་གྱུར་རོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོས། ཟིལ་གྱིས་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧུ༷། དེའི་ཚེ་དྲེགས་པའི་ཚོགས་ཐམས་ཅད་སེམས་འདར་བ་དང་བཅས་པར་གྱུར་ཏོ། །དེ་ནས་བཅོམ་ལྡན་འདས་དཔལ་ཁྲག་འཐུག་གི་རྒྱལ་པོ་དེས། །འཐོར་བྱེད་བསྐྱོད་པའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཡ༷། དེའི་་ཚེ་གདུག་པའི་ཚོགས་ཐམས་ཅད་ཡང་བ་དང་བཅས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། འཇོམས་པ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས་འདི་ཕྱུང་་་། །ངོ་། །ར༷། དེའི་ཚེ་དྲེགས་པའི་ཚོགས་ཐམས་ཅད་ཁོང་ནས་ཚ་བ་སྐྱེས་པར་གྱུར་ཏོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། དབང་སྡུད་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཁ༷། དེའི་ཚེ་གདུག་པའི་ཚོགས་ཐམས་ཅད་ལུས་ལ་ཆུའི་ཕུང་པོ་ཞབྲུག་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། ཐམས་ཅད་གནས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །སུ༷། །དེའི་ཚེ་གདུག་པའི་ཚོགས་ཐམས་ཅད་ལུས་སྐམ་པའི་རང་བཞིན་དུ་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། ཤིན་ཏུ་བརྗིད་པ་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་བྱུང་ངོ་། །ཀེ། དེའི་ཚིག་གདུག་པའི་ཚོགས་ཐམས་ཅད་རུས་པའི་ཕུང་པོ་ཤིག་གིས་བྱེ་བར་གྱུར་ཏོ། །དེ་ནས་ཡང་བཅོམ་ལྡན་འདས་དཔག་ཁྲག་འཐུང་གི་རྒྱལ་པོ་དེས། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །བྱུ༷། དེའི་ཚེ་དྲེགས་པའི་ཚོགས་ཐམས་ཅད་ལུས་ངག་ཡིད་གསུམ་འདར་བར་གྱུར་ཏོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། ། རབ་ཏུ་གསལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧེ་ཤ་ཧུ༷་ཀར་མ་རསྒ་ཧེ།ར༷་བཛྲ་ཛ་ལ་ར༷། ས་མ་ཡ་ཧུ༷། ནིར་ཏི་མཎྜ་ལ། བནྟྲ་ཙྭ་ན་ཙཀྲ །པདྨ་མཎྜ་ལ། ཨ་ཙན་ཏྲ། མ་སུརུ་ཛ་ལ་མ་བ། ཧུ༷་པདྨ་མཎྜལ། ཀརྨ་ཧུ༷། དེའི་ཚེ་གདུག་པའི་ཚོགས་ཐམས་ཅད་རབ་ཏུ་བྲེད་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། འཁོར་ཡོངས་སུ་གསལ་བར་ལྟས་ཏེ། རབ་ཏུ་སྡུད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧུ༷་ཧུ༷་ཧུ༷། དེའི་ཚེ་དྲེགས་པའི་ཚོགས་ཐམས་ཅད་བ་སྤུ་ལངས་པར་གྱུར་ཏོ། །དེ་ནས༷ ་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་དེས། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་རབ་ཏུ་ཁྲོས་པའི་སྔགས་འདི་ཕྱུང་ངོ་། །ཅོ།་བཛྲ་ཀི་ལི་ཀི་ལ་ཡ་མ་ཧྭ་ཏྲག་རཀྟ་ར་བ་ཧུ༷། ཞེས་སྟོན་པ་དེའི་ཚེ། རབ་ཏུ་ཁྲོས་པའི་མི་བཟད་པ་དབུ་སྟོང་མངའ་བ། སྤྱན་བྱེ་བ་བརྒྱ་སྟོང་མངའ་བ། ཞབས་བྱེ་བ་སྟོང་མངའ་བས། ཕྱོགས་མཚམས་ཀྱི་དྲེགས་པ་ཅན་ཐམས་ཅད་གནོན་པ། སྐུ་ལས་དྲག་པོའི་འོད་འབར་་་། །བས་ཁམས་གསུམ་ཐམས་ཅད་སྲེག་པར་མཛད་པ། ལྡགས་ལས་གློག་སྟོང་འགྱུ་བ། ཤངས་ལས་རླུང་ནག་འཁྱིལ་བ་འབྱུང་བ། སྤྱན་ལས་གདུག་པའི་འོད་ཟེར་ལ་མེ་ཆུ་བྱུག་པ་གཅིག་ཏུ་གསལ་བར་གྱུར་ཏོ། །ཡུམ་རལ་པ་གསུམ་མ་ཡང་སྐུ་ལ་འཁྲིལ་ཏེ་གཉིས་སུ་མེད་པར་བཞུགས་སོ། །དེའི་ཚེ་གདུག་པའི་ཚོགས་ཐམས་ཅད་རབ་ཏུ་བཏུལ་བའི་ཆ་ལུགས་སྟོན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། རབ་ཏུ་གདུག་པའི་སྔགས་ཚིག་འདི་གསུངས་སོ། །ཧུ༷་ཧུ༷་ཧུ༷་བཛྲ་ཀི་ལི་ཀི་ལྭ་ཡ་བི་ཤ་ཀྲོ་དྷ་ཛ་ལ་མཎྜ་ལ་ཕཊ་ཕཊ་ཕཊ།་ག་རུ་དྲ་མུ་ར་ཡ་ཧ་ལ་ཧ་ལ་ཧུ༷་ཕཊ། ཅེས་བསྒྲགས་པས། དེའི་ཚེ་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དྲག་པོའི་ལས་ལ་བསྐུལ་བར་གྱུར་ལ། བཅོམ་ལྡན་འདས་ཉིད་ཀྱི་སྐུ་ལས་ཀྱང་ཁྲོ་བོ་རོལ་བའི་ཚོགས་རབ་ཏུ་མིབཟད་པ་མང་པོ་ཐོན་ཏེ། དབུ་སྟོང་མངའ་བ། ཕྱག་སྟོང་མངའ་བ། སྤྱན་བྱེ་བ་སྟོང་སྟོང་མངའ་བ་ཐོན་ཏེ། ཞལ་ནས་གདུག་པའི་སྔགས་ཚིགས་ཧན་དང་ད་ཧའི་གསུང་དྲག་པོ་སྒྲོགས་པ་མང་པོ་ཐེན་པ། དེའི་ཚེ་འཇིག་རྟེན་དྲུག་གི་འཇིག་རྟེན་གྱི་ཁམས་ཐམས་ཅད་རབ་ཏུ་བྲེད་ཅིང་བརྒྱལ་ནས། ས་གཞི་ལ་སོགས་པ་ཡང་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་འཁྲུགས། རབ་ཏུ་འཁྲུགས། ཀུན་ཏུ་རབ་ཏུ་འཁྲུགས་སོ། །ཚིག །རབ་ཏུ་ཚིག །ཀུན་ཏུ་རབ་ཏུ་ཚིག་གོ །འཐོར། རབ་ཏུ་འཐོར། ཀུན་ཏུ་རབ་ཏུ་འཐོར་རོ། །འུར།རབ་ཏུ་འུར། ཀུན་ཏུ་རབ་ཏུ་འུར་རོ། །ཆེམ། རབ་ཏུ་ཆེམ། ཀུན་ཏུ་རབ་ཏུ་ཆེམ་མོ། །དེའི་ཚེ་གདུག་པའི་ཚོགས་ཐམས་ཅད་དྲེགས་པའི་གཏུམ་ཚིག་སྨྲ་བར་གྱུར་ཏོ། །དབང་ཕྱུག་ཆེན་པོའི་འཁོར་དང་བཅས་པ་དང་། བརྒྱ་བྱིན་འཁོར་དང་བཅས་པ་དང་། ཚངས་པ་འཁོར་དང་བཅས་པ་དང་། ཁྱབ་འཇུག་འཁོར་དང་བཅས་པ་དང་། འཇིག་རྟེན་ཕུང་བར་བྱེད་པ་རུ་ཏྲའི་ཚོགས་ཐམས་ཅད་རང་རང་གི་མཐུས། ཐམས་ཅད་སྐྲག་པར་བྱ་བའི་མཐུས་བསམ་གྱིས་མི་ཁྱབ་པ་སྟོན་ཅིང་། གཏུམ་པའི་ཚིག་སོད་ཆོད་ལ་སོགས་པ་མང་དུ་འདོན་ཅིང་ཁྲོ་གཏུམ་པར་གྱུར་ཏོ ་ དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་རབ་ཏུ་འགུགས་པའི་ཏིང་ངེ་འཛིན་ལ་སྙོམས་པར་པར་ཞུགས་ཏེ། སྐུ་གསུང་ཐུགས་གསང་བ་ལ་ལས་སྔགས་འདི་ཕྱུང་ངོ་། །ཧུ༷་ཧུ༷་ཧུ༷་བཛྲ་ཀི་ལི་ཀི་ལ་ཡ་ཛ་ཧུ༷་ཧོ། །ཞེས་བརྗོད་པས། ཕྱོགས་བཅུའི་དྲེགས་པ་ཅན་ཐམས་ཅད་ཐང་ཅིག་ཡུད་ཙམ་ལ་འདུས་པར་གྱུར་ཏོ། །ཡན་ལག་ལ་སོགས་བསྐྱོད་པའི་མཐུན་མེད་པར་གྱུར་ཏོ། །དེ་ནས་ཡང་་་། ༷ །བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། སྒྲོལ་བ་ལས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྒྲོལ་བའི་སྔགས་འདི་ཕྱུང་ངོ་། །ཨོ་བཛྲ་ཀི་ལི་ཀི་ལ་ཡ་སརྦ་བིསྣན་བ༷་ཧུ༷་མྱ་ར་ཡ་ཧུ༷། ཅེས་བརྗོད་པས། ཁྲོས་པས་ཚོགས་རབ་ཏུ་གཏུམ་པ་རྣམས་ཀྱིས་གདུག་པའི་ཚོགས་ཐམས་ཅད་བསྒྲལ་བར་གྱུར་ཏོ། །དེའི་ཚེ་བཅོམ་ལྡན་འདས་ཁྲོས་པའི་ཚོགས་ཐམས་ཅད་རང་བཞིན་བསྒྲུབ་བའི་གནས་སུ་གཤེགས་སུ་གསོལ་ནས། དབུ་མ་ལ་བཀོད་པ་མཛད་དོ། །དེ་ནས་ཡང་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། ཡུམ་དགྱེས་པ་བསྐྱེད་དེ་གཉིས་སུ་མེད་པར་སྙོམས་པར་ཞུགས་ཏེ། ཧུ༷་ཧུ༷་ཧུ༷་བཛྲ་ཀི་ལི་ཀི་ལི་ཡ་ཧུ༷། ཞེས་བརྗོད་པས། དཔལ་ཁྲག་འཐུང་གི་མདུན་ནས་སྲས་རྡོ་རྗེ་གཞོན་ནུ་ཞལ་གསུམ་ཕྱག་དྲུག་པ།ཞལ་རྔམ་པ། མཆེ་བ་གཙིགས་པ། ཨག་ཚོམས་འབར་བ། སྨིན་མ་རབ་ཏུ་གཡོས་པ། ཞིང་གི་གཡང་གཟི་སྐུ་ལ་གསོལ་བ། ཐོད་པ་སྐམ་རློམ་གྱིས་སྐུ་ལ་བརྒྱནཔ། སྦྲུལ་རིགས་བཞིས་མདོ་རྣམས་བརྒྱན་པ། སྟག་གི་པགས་པས་ཤམ་ཐབས་བྱས་པ། ཞབས་བརྐྱང་བསྐུམ་དུ་བཞུགས་པ། རལ་པའི་ཐོར་ཚུགས་གྱེན་དུ་འགྲེང་བ་གཅིག་ཏུ་གསལ་བར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། །གདུག་པ་ཅན་ཐམས་ཅད་འདུལ་བའི་ཆེད་དུ་དབང་བསྐུར་རྒྱལ་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ། །ཨ་སྟི་ཁིརྩི་ཏུ་མ༷། ཞེས་བརྗོད་པས། སྲས་མཆོག་རྡོ་རྗེ་གཞོན་ནུའི་དབུ་ལ་རིགས་ལྔའི་ཁྲག་འཐུང་ལྔས་བརྒྱན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། བདུད་རྩི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཨོ་ཨ་ཨ་ཨ་མྲི་ཏ་སརྦ་སིདྷི་ཨ་དྷི་ཁི྅་ཧུ༷།ཞེས་བརྗོད་པས། དེའི་ཚེ་སྲས་མཆོག་རྡོ་རྗེ་གཞོན་ནུའི་ལུས་འབར་བའི་འོད་དྲག་པོ་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུག་གི་རྒྱལ་པོ་བཛྲ་ཀི་ལ་ཡས། གསང་བ་རོལ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །གུ་རྒྱ་ས་མ་ཧུ༷། ཞེས་བརྗོད་པས། དེའི་ཚེ་སྲོས་མཆོག་རྡོ་རྗེ་གཞོན་ནུ་ཞེ་སྡང་རྩེ་གཅིག་པ་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་་་། །རབ་ཏུ་འབར་བའི་སྔགས་འདི་ཕྱུང་ངོ་། །བཛྲ་ཛ་ལ་ར༷། ཞེས་བརྗོད་པས། སྲས་མཆོག་རྡོ་རྗེ་གཞོན་ནུ་དུར་ཁྲོད་ཀྱི་མེ་རི་སྨུག་ནག་གི་ནང་ན་བཞུགས་ཤིང་། རྒྱན་པ་རྣམ་པ་སྣ་ཚོགས་ཀྱི་བརྒྱན་ནས་བཞུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། ཆོས་ཀྱི་དབྱིངས་རང་བཞིན་གྲུབ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། །སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ས་མ་ཡ་སྟུ༷།། ཞེ་བརྗོད་པས། དེའི་ཚེ་སྲོག་རྡོ་རྗེ་གཞོན་ནུའི་སྐུ་ལ། ཡུམ་རལ་པ་གཅིག་མ་འཁྲིལ་བའི་ངང་ཚུལ་གྱིས་གཉིས་སུ་མེད་པར་བཞུགས་སོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། །བྱང་ཆུབ་སེམས་དཔའ་རྒྱན་གྱི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །བཛྲ་བཛྲ་བཛྲ་ཨོ་ཨ༷༷ཧུ༷། ཞེས་བརྗོད་པས། དེའི་ཚེ་སྲས་མཆོག་རྡོ་རྗེ་གཞོན་ནུའི་ཕྱག་དང་པོར་ཡེ་ཤེས་ཀྱི་རྡོ་རྗེ་རྩེ་དགུ་པ་ཅིག་གནས་པ་དང་། བར་མ་ཡེ་ཤེས་ཀྱི་རྡོ་རྗེ་རྩེ་ལྔ་པ་དང་ལྡན་པར་གྱུར་ལ། ཐ་མ་རི་རབ་རབ་ཏུ་བརྗིད་པ་ཅིག་བསྣམས་པ། དེ་བཞིན་དུ་གཡོན་པར་བན་དྷ་ཁ་ཊ༷་ག་ཕུར་བུ་བསྣམས་པ་དང་ལྡན་ཏེ། བཀའ་ནོད་པའི་ཚུལ་དུ་ཡོངས་སུ་ཞུགས་ནས་བཞུགས་སོ། །དེའི་གདུག་པ་ཅན་གྱི་ཚོགས་མ་ལུས་པར་ཞབས་འོག་ཏུ་བརྫིས་ནས་བཞུགས་སོ། །རྣམ་པར་བཞུགས་སོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཨོ་བཛྲ་ཀི་ལི་ཀི་ལ་ཡ་ཏིབྷ། ཙཀྲ་ཨོ་ཧུ༷་བཛྲ་ཀི་ལ་ཡ་ཏིསྟ་ཙཀྲ་ཧུ༷། ཏྲ༷་བཛྲ་ཀི་ལི་ཀི་ལྭ་ཡ་ཏིབྷ་ཙཀྲ་ཏྲ༷། ཨ་བཛྲ་ཀི་ལི་ཀི་ལ་ཡ་ཏིབྷ་ཙཀྲ་ཨ། ཧ་བཛྲ་ཀི་ལི་ཀི་ལ་ཡ་ཏིབྷ་ཙཀྲ་ཧྲི། ཞེས་བརྗོད་པས། གསོད་པ་ལས་ཀྱི་ཕུར་པ་དང་། འཕེལ་བྱེད་ལས་ཀྱི་ཕུར་པ་དང་། དབང་སྡུད་ལས་ཀྱི་ཕུར་པ་དང་། ཞི་བྱེད་ལས་ཀྱིཕུར་པ་དང་། ཐམས་ཅད་འཇོམས་པ་ལས་ཀྱི་ཕུར་པ་རྣམས་འཐོན་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས་འཛིན་བྱེད་རོལ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཛ་ཧུ༷་བ༷་ཧོ། །ཞེས་བརྗོད་པས། དེའི་ཚེ་བགེགས་ཀྱི་རྒྱལ་པོའི་ཚིགས་མ་ལུས་པར་འདུས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། སྒྲོལ་བ་ལས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་་་། །གསུང་ཐུགསགསང་བ་ལས་སྔགས་འདི་ཕྱུང་ངོ་། །ཨོ༷་བཛྲ་ཀི་ལི་ཀི་ལ་ཡ་སརྦ་བིབྷན་ན་བ༷་ཧུ༷ ཕཊ། ཨོ༷་རཏྣ་ཀི་ལི་ཀི་ལ་ཡ་སརྦཤ་ཏྲུ༷་ཧུ༷་ཕཊ། ཨོ༷་པདྨ་ཀི་ལི་ཀི་ལ་ཡ་སརྦ་ཧྲི་ཧ་ཧ་ཧུ༷་ཕཊ། ཨོ༷་བཛྲ་ཀརྨ་ཀི་ལི་ཀྭ་ལ་ཡ་ཧྲི་ད་ཡ་ཧུ༷་ཕཊ། ཀྲོ་དྷས་མ་ཡ ཀི་ལི་ཀི་ལ་ཡ་ཧེ་ཧུ༷་ཕཊ། ཅེས་བརྗོད་པས། སོ་སོའི་ལས་ཡོངས་སུ་རྫོགས་པའི་བཛྲ་འདུས་བའི་སྲས་ཀྱི་སྐུ་ཡོངས་སུ་རྫོགས་པདང་། རཏྣ་འདུས་པའི་སྐུ་ཡོངས་སུ་རྫོགས་པ་དང། པདྨ་འདུས་པའི་སྐུཡོངས་སུ་རྫོགས་པདང་། ཀརྨ་འདུསཔའི་སྐུ་ཡོངསསུ་རྫོགསཔ་དང་། ཐམས་ཅད་འདུས་པའི་སྐུ་ཡོངས་སུ་རྫོགསཔར་གྱུར་ཏེ། དབུ་གསུམ་པ། ཕྱགདྲུག་པ། སྨད་ལྕགས་ཀྱི་ཕུར་པ་ཟུར་གསུམ་པ། དབུའི་རལཔཁམ་ནག་གྱེན་དུ་འབརབའིདབཡས་ནས་འོད་འབརབ། རལབའིཐོར་ཙུགས་ཀྱི་མཐའ་ནི་རིགས་ལྔ་ཁྲག་འཐུང་གིས་དབུ་བརྒྱན་ཅིང་འོདའཕྲོ་བ། ཐུགས་ལ་དཔལ་ཁྲག་འཐུང་གི་ཚོགས་ཀྱི་མཐུས་རབ་ཏུ་ཁྲོསཔའིཞེསྡངབཅས་པ། ཞལ་ནས་གདུག་པའི་སྔགསཟློས་ཤིང་བགེགས་ཀྱིཚོགསའདུལ་བ། གཡས་གཡོན་དང་པོ་ནརྡོ་རྗེ་དངབནྟྲ་བསྣམས་པ། བར་པན་དགྲསྟེ། ཐ་མ་ན་རྡོ་རྗེརྒྱ་གྲམ་བསྣམསཔ། གཡོན་བརབན ཁྭཊ༷་ཁ་གྲོལ་བ། ཐ་མ་ན་ཕུར་པ་འདྲིལབ་ཅིག །སྲས་མཆོག་རྡོ་རྗེ་གཞོན་ནུའི་བཀའ་ནོད་པའི་སྤྱན་མངའ་ན་བཞུགས་པ་གཅིག་ཏུ་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡ། རབ་ཏུ་གཏུམ་ཞིང་ཁྲོས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་བསྐུལ་བའི་ཚིག་འདི་གསུངས་སོ། །ཧུ༷། མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བཛྲ་འདུས་པའི་སྲས་མཆོག་ཀི་ལ་ཡས། །ཐུགས་མཆོག་མཉམ་པའི་དབྱིངས་ནས་སྤྲུལ་པ་འགྱེད། །ཞེ་སྡང་བདུད་འདུལ་མཐིང་ནག་གཅེར་བུ་ལ། །ཞེ་སྡང་འདོད་ཆགས་ཅན་གྱི་སྙིང་ལ་ཐོབ། །སེར་ནག་གྲུ་གསུམ་འབར་བའི་དཀྱིལ་འཁོར་ནས། །རསྣོ་འདུས་པའི་སྲས་མཆོག་ཀི་ལ་ཡ། །གསུང་མཆོག་བསྒྲགས་བས་ཐམས་ཅད་ཟིལ་གྱིས་གནོན། །ཕྲ་མ་མ་བྱིན་ལེན་གྱི་སྙིང་ལ་ཐོབ། །ལྗང་ནག་གྲུ་གསུམ་འབར་བའི་དཀྱིལ་འཁོར་ནས། །ཀརྨ་འདུས་པའི་སྲས་མཆོག་ཀི་ལ་ཡ། །འཕྲིན་ལས་དྲག་པོས་གདུག་པ་མ་ལུས་སྒྲོལ། །ངག་རྩུབ་གནོད་སེམས་ཅན་གྱི་སྙིང་ལ་ཐོབ། །སྨུག་ནག་གྲུ་གསུམ་འབར་བའི་དཀྱིལ་འཁོར་ནས། །བྲརྙ་འདུས་བའི་སྲས་མཆོག་ཀི་ལ་ཡ། །ཁྲོས་པའི་སྐུ་ལས་སྤྲུལ་པ་སྣ་ཚོགས་འགྱེད། །ཡོན་ཏན་སྐུ་རྫོགས་འོད་དཔུང་དབྱིངས་སུ་འཁྱིལ། །སྲོག་གཅོད་ལོག་པར་ལྟ་བའི་་་། །སྙིང་ལ་ཐོབ། །དམར་ནག་གྲུ་གསུམ་འབར་བའི་དཀྱིལ་འཁོར་ནས། །པདྨ་འདུས་པའི་སྲས་མཆོག་ཀི་ལ་ཡ། །མཐིང་ནག་ཁྲོས་པའི་སྐུ་ནི་ཁམས་གསུམ་འདུ་ལ། །ང་རྒྱལ་ལོག་པར་ལྟ་བའི་སྙིང་ལ་ཐོབ། །བསྐལ་བ་མེད་ལྟར་འབར་བའི་ཀློང་དཀྱིལ་ནས། །མཐིང་ནག་གྲུ་གསུམ་འབར་བའི་དཀྱིལ་འཁོར་དུ། །ཁྲོས་པའི་རྒྱལ་པོ་སྐུ་མཆོག་མི་བཟད་པ། །ཁྱེད་ཀྱི་བསྒྲལ་བའི་སྐུ་མཆོག་གསལ་བར་མཛོད། །ཅེས་བརྗོད་པས། །སྲས་མཆོག་རྡོ་རྗེ་གཞོན་ནུ་ཁྲོས་པའི་སྐུ་འབར་བས་ལུས་ཐམས་ཅད་ཟློག་སྟེ། ཁྲོ་བོ་སོ་སོའི་ལས་མཐར་ཕྱིན་བར་མཛད་དོ། །དེ་ནས་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། ཡང་དག་པར་འབྱེད་པའི་ཏིང་ངེ་འཛིན་ལ་སྙོམས་པར་ཞུགས་སོ། །སྐུ་གསུང་ཐུགས་གསང་བ་ལས་སྔགས་ཚིག་འདི་གསུངས་སོ། །བྱང་ཆུབ་སེམས་མཆོག་གསལ་བ་ཡིས། །གདོད་ནས་དག་པའི་རིན་ཆེན་འོད། །ལོག་བའི་ཡེ་ཤེས་གཟེར་བསྲེགས་ན། དངས་མ་ཡེ་ཤེས་ང་བཀོད་དེ། །ཞེས་གསུངས་སོ། །དེའི་ཚེ་བགེགས་ཀྱི་རྒྱལ་པོའི་ཚོགས་ཐམས་ཅད་ལོག་པའི་ཤེས་པ་ནི་བསྒྲལ། རྣམ་པར་སྨིན་པའི་ལུས་ནི་ཞལ་དུ་གསོལ་ཏེ་ལྷག་མ་དང་བཅས་པར་གྱུར་ཏོ། །དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཞི་བ་ཆེ། །གསང་བའི་ཐབས་ལ་ཐམས་ཅད་རྒྱས། །འདོད་པའི་བདུན་པ་ཐམས་ཅད་དབང་། །གདུག་པ་འདུལ་བའི་ཁྲག་འཐུང་གཙོ། །ཐབས་ལས་ཡོངས་རྫོགས་མངའ་བདག་ཆེ། །བདེ་བའི་ངང་ལས་ཐམས་ཅད་ཤར། །གདུག་པའི་ལས་ཅན་དྲེགས་པའི་ཚོགས། །གནས་ལ་བཀོད་པའི་ལས་མཛད་ན། །ཆགས་པའི་དབང་བབས་ཚོགས་བཅས་ཀུན། །དབང་སྡུད་ལས་རྣམས་མི་འཚལ་ལམ། བསྡུ་བའི་ཐབས་རྣམས་ཇི་ལྟར་བསྡུ། །ཁྲག་འཐུང་རྒྱལ་པོས་བཀའ་རྩོལ་ཅིག །ཅེས་གསོལ་པ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། དབང་སྡུད་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧུ༷་ཧུ༷་ཧུ༷་ཨེ་ཨ་ར་ལི་རུ་རུ་རོ་རུ་བ་ཏི་སི་ཛ་ཡ་རུ་གྱི་ཁྲིད་ཤ་རུ་ལུ་རུ་ལུ་སྨྱོ་སྨྱོ། ཞེས་བརྗོད་པས། དེའི་ཚེ་དྲེགས་པའི་ཚོགས་ཀྱི་མ་དང་བུ་མོའི་ཚོགས་ཐམས་ཅད་ཤིན་ཏུ་གཡོས་པའི་སེམས་དང་ལྡན་པར་གྱུར་ཏོ། །དེ་ནས་ཡང་བཅོམ་ལྡན་འདསདཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། ཁྲོས་པའི་འོད་ཟེར་སྤྲིན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཐབས་ཀྱི་དཀྱིལ་འཁོར་འདི་གསུངས་སོ། །རྡོ་་་། །རྗེ་ཁྲོས་པས་ལས་རྣམས་བྱ། །སྟོང་པ་ཆེན་པོའི་སེམས་འབྱུང་གསལ། །དེ་ཡི་ངང་ལ་སྣང་བསྐྱེད་པ། །གཡོ་དང་བཅས་པའི་སེམས་འབྱུང་བའོ། །འབྲས་བུ་རང་བཞིན་གསལ་བའི་མཆོག །ཐུགས་ཀྱིས་ས་བོན་གྱིས་མཚོན་བྱ། །འདོད་ལས་ཐམས་ཅད་ལྷན་ནེ་བའོ། །བཀའ་དང་བཅས་པའི་རང་བཞིན་གསལ། །གསལ་གྲུབ་བདེ་བའི་ངང་ཉིད་ཅན། །ཐམས་ཅད་བདེ་བའི་རྒྱན་དུ་མཛད། །གསལ་བའི་སྙིང་པོ་རྫོགས་པར་ལྡན་ཆོས་སྐུའི་ངང་ལས་ཐམས་ཅད་ཤར། །འབྱུང་བའི་རང་བཞིན་རབ་གསལ་བས། །གསལ་བའི་དབྱིངས་མཆོག་རྒྱན་དུ་ཆེ། །རང་བཞིན་གྲུབ་པའི་གནས་མཆོག་ནས། །བསྐུལ་བའི་འབྲས་བུ་གསལ་མཐོང་ན། །མཆོད་པ་ཆེན་པོ་བདེ་བ་ཆེ། །གསང་བའི་ངང་ཚུལ་རྒྱན་མངའ་བ། །འཁྲིལ་བའི་བྱང་ཆུབ་སེམས་གང་མཆོད། །རྡོ་རྗེ་གཞོན་ནུ་ཆོས་ཀྱི་སྐུ། །སྟོབས་ལས་ཡོངས་སུ་གྲུབ་པའི་སྐུ། །བདུད་རྩི་རྒྱུན་ནི་ཡང་དག་འཁྱིལ། །ཁམས་གསུམ་ལས་ལས་ཡོངས་སུ་རྒྱལ། །རང་གྲུབ་པའི་བདེ་བ་ཆེ། །ཁྲོས་པའི་རྒྱལ་པོ་ལོངས་སྤྱོད་མཁྱེན། །ཁྲོས་པའི་ཚོགས་གཉིས་གསལ་བར་བྱུང་། །སེམས་ཅན་དོན་དུ་ཐམས་ཅད་བཀོད། །སྤྲུལ་པའི་སྐུ་སྟེ་དེ་ཉིད་ཡིན། །གསང་བའི་དོན་གྱིས་ཡོངས་འགྲུབ་གསོལ། །བདུད་རྩིའི་དབང་དག་གང་བའི་རྒྱུ། །འབྲས་བུ་ཡེ་ཤས་མངོན་དུ་ཤར། །གསང་བའི་དོན་ལ་ཡང་དག་འབྱུང་། །ལུས་དང་མཆོག་གི་འབྲས་བུ་སྨིན། །བྱང་ཆུབ་སེམས་མཆོག་གསལ་བའི་དབྱིངས། །དགོངས་པ་ཡོངས་རྫོགས་གསལ་བའི་དོན། །འབྲས་བུ་སེམས་ཉིད་གསལ་བར་མཛད། །དེ་ནས་ཆོས་ཀྱི་དབྱིངས་ཕྱོགས་གྱུར། །དེ་ནས་སྲས་ཀྱི་རྒྱལ་་པོ་ཡིན། །ཡབ་ཡུམ་རྗེས་སུ་ཆགས་པ་ལས། །བྱང་ཆུབ་སེམས་གང་རྒྱུ་བའི་མཆོད། །དེ་ནས་སྦུལ་པ་འབྱུང་བ་འདིའོ། །སྟོབས་ལས་ཡང་དག་གྲུབ་པར་མཛད། །ཧུ༷་ལས་ཡང་དག་སྐུ་བསྐྱེད་རྒྱལ། །སྟོང་པའི་སྒྲ་འབྱིན་ཆོས་ཀྱི་དབྱིངས། །རིག་པའི་ལྕགས་ཀྱུས་ཡང་དག་འཛིན། །འདུ་བའི་དབྱིངས་མཆོག་དུར་ཁྲོད་སྒྲ། །ལོག་པར་ལྟ་འཇོམས་གཏུན་ཁུང་ངམ། །རབ་ཏུ་རྩེ་འབྲེལ་གཏུམ་མོ་སྟེ། །དོན་རབ་བསྐུལ་བ་བསྙེམས་མའོ། །གསལ་བ་གཡོ་བའི་སྐུ་མངའ་བ། །གསོད་ལ་དགའ་བའི་སྐུ་གཅིག་མ། །རབ་ཏུ་ལས་ལས་བསྐུལ་བྱེད་དང་། །ཡང་དག་དབྱིངས་སུ་བསྙེམས་བཅས་པའོ། །དྲི་མེད་སྐུས་ནི་ཐམས་ཅད་འདུལ། །རང་རང་ལས་ལ་མཐུན་པར་མཐོང་། །ཐབས་དང་ཤེས་རབ་གཉིས་མེད་བཞུགས། །འཇིགས་མེད་སྐུ་ཡི་ཆ་ལུགས་ནི། །དབུ་གསུམ་ཕྱག་དྲུག་ཞབས་བཞི་བགྲད། །འཇིགས་པའི་རྒྱན་རྣམས་སྐུ་ལ་རྫོགས། །དུར་ཁྲོད་རྒྱན་གྱིརྭ་་ལེགས་པར་བརྒྱན། །རབ་ཏུ་ཁྲོས་པའི་མེ་རི་སྨྱུག །གནས་པའི་ཚོགས་ཀྱིས་སྐུ་ལ་བརྒྱན། །རྡོ་རྗེ་གོ་ཆས་རབ་ཏུ་འཁྲིགས། །གདུག་པའི་མཚོན་ཆ་འབར་བ་བསྣམས། །ཞིང་གི་གཡང་གཞི་ཡ་བས་བསྐོར། གླང་ཆེན་ཀོ་རློན་ན་བཟར་གསོལ། །སྟག་ལྤགས་གཡང་གཞིའི་ཤམ་ཐབས་ཅན། །སྲིད་གསུམ་འདུལ་བའི་མཆེ་བ་གཙིགས། །འགྲོ་དོན་སྒྲོལ་བའི་གད་རྒྱང་སྒྲོགས། །གདུག་འདུལ་སྐུས་ནི་མི་བཟད་པ། །ཡབ་ཡུམ་རོལ་བའི་དབྱིངས་སེམས་ལས། །གདུག་པ་འདུལ་བའི་སྤྲུལ་སྐུ་ནི། །ཟ་བྱེད་ལུས་ཅན་གཙང་སྨེ་མེད། །མི་འགྱུར་སྡང་མིན་ཞེ་ལ་གནོན། །འགྲོ་དོན་དུས་ལ་བབ་བས་འཇུག །ཁྲག་དང་ཤ་རུས་ཟ་བྱེད་པའོ། །ཐབས་མཁས་རྩལ་གྱིསཐམས་ཅད་འདུལ། །ཟ་བྱེད་རྩལ་གྱིས་གསོད་བྱེད་པའོ། །འཇིགས་པའི་སྟོབས་ཀྱི་ཐབས་ཅད་གནོན། །ལུས་སུ་གསོད་ཅིང་དབྱིངས་སུ་རྨི། །འཇིགས་བྱེད་སྐུ་སྟེ་རལ་གསིགས་རྔམ། །རྔམ་པའི་སྟོབས་ཀྱིས་ཟ་བྱེད་པའོ། །རྣམ་རྟོག་མི་མངའ་རབ་དབང་མེད། །ཟ་བྱེད་ལུས་ཅན་ཁྲ་ཡི་མགོ །ཆོས་དབྱིངས་གནས་ནས་མཚན་མོ་ལྡང་། །ཡང་དག་དབྱིངས་ཞུགས་གཞན་མི་མཐོང་། །གདུག་པ་འདུལ་བ་བཀྲགས་ལ་མཁྱེན། །གསོད་པའི་ལས་ལ་ཐབས་མཁས་མྱུར། །འགྲོ་དོན་ཐབས་མཁས་རྒྱུད་དང་ལྡན། །ཡང་དག་ཆས་ཀྱིས་གནས་ནས་འདྲེན། །གདུག་པ་འདུལ་ལ་ཐབས་མང་མཁྱེན། །གཞན་པའི་གད་འབྲེང་མཆོག་མངའ་བའོ། །ཐབས་དང་ཤེས་རབ་སྟོབས་ལས་ཤར། །དུར་ཁྲོད་རྫས་ལ་ཐམས་ཅད་རོལ། །སྤྲུལ་པ་ཡང་སྤྲུལ་ཚོགས་དང་བཅས། །སྲིད་གསུམ་གང་གའི་རང་བཞིན་མཛད། །ཁྲོས་པའི་ཚོགས་ནི་ཐམས་ཅད་ཀྱིས། །གནས་སུ་གསང་བ་བགྲུབ་པའི་ཕྱིར། །བཅོམ་ལྡན་སྲས་ཀྱི་གཙོ་བོ་ཡིས། །འོད་ཀྱི་ཕྱག་རྒྱ་རབ་བཅས་ནས། །ལྷག་མའི་ལུས་རྣམས་བཙིར་ཏེ་འབྱུང་། །ཉོན་མོངས་འདམ་ཚོགས་ནང་ན་གནས། །ཆོས་ཀྱི་དབྱིངས་ལས་གྲུབ་པའི་ལྷ། །དམིགས་མེད་ངང་དུ་ཐིམ་པར་བྱས། །བདུད་རྩི་འབྱུང་བའི་སེམས་བསྐྱེད་དེ། ཁོགོས་པ་ཐམས་ཅད་གསལ་བར་མཛད། །སྐུ་མཐོང་ཡེ་ཤེས་གསལ་བའི་ངང་། །ལས་ཀྱིས་ཐམས་ཅད་འདུལ་བ་སྟེ། །དེ་ཡང་ཆོས་རྣམས་བསྐྱང་བར་བགྱི། །བདག་གི་རྣམ་སྨིན་ཕུང་པོ་་དི། །ཁྲོས་པའི་ཚོགས་ལ་འབུལ་གྱིས་བཞེས། །མ་དག་ཆུང་མ་བུ་མོར་བཅས། །འབངས་སུ་འབུལ་གྱིས་བཞེས་སུ་གསལ། །ཞེས་རྣམ་པར་གླེངས་སོ། །དེའི་ཚེ་གདུག་པའི་ཚོགས་ཀྱི་མ་དང་བུ་མོ་ལ་སོགས་པ་རྣམས་རབ་ཏུ་འདར་བར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱི་སྲས་དམ་པ་དེས། གསང་བའི་གནས་ཡོངས་སུ་སྨིན་པར་བྱ་བའི་ཕྱིར། རབ་ཏུ་རོལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧུ༷་ཧུ༷་ཧུ༷་རུ་རུ་པ་སྟི་སྟ་རུ་ལུ་རུ་ལུ། ཛ་ཡད་ཀྱི་ཀྲིད་ཤསྤྱོ་ཨེ་ཨ་ར་ལི་ཧུ༷་ཛ། ཞེས་བརྗོད་པས། དྲེགས་པའི་ཚོགས་ཐང་ཅིག་ཡུད་ཙམགྱིས་འདུས་པར་གྱུར་རོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། རབ་ཏུ་ཆགས པའི་ཏིང་ངེ་འཛིན་ལ་སྙོམས་པར་ཞུགས་ནས། སྐུ་གསུང་ཐུགས་གསང་བ་ལས་སྔགས འདི་ཕྱུངངོ། །ཨ་ནུ་ར་གན་སྭ་བྷ་བ་ཨཏྣ་ཀོ྅ཧ༷། ཞེས བརྗོད་པས། དེའི་ཚེ་དྲེགས་པའི་ཚོགས་ཐམས་ཅད་རབ་ཏུ་ཆགས་པ་སྐྱེས་པར་གྱུར་ཏོ། །དེ་ནས་ཡང་དཔལཁྲག་འཐུང་གི་རྒྱལ་པོ་བཛྲཀི་ལ་ཡས། རོལ་པ་བྱང་ཆུབ་སེམས་ཀྱི་ཏིང་ངེ་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བལས་སྔགས་འདི་ཕྱུང་ངོ་། །ཀྲིསྟ་ཨ་ནུ་ཏ་ཙྭ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། ཞེས་བརྗོད་པས། དྲེགས་པའི་ཚོགས་དེ་དག་ཐམས་ཅད་ཅིག་པའི་རང་བཞིན་དུ་གྱུར་ཏེ། ཐབས་དང་ཤེས་རབ་གཉིས་སུ་མེད་པར་མཛད་དོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུངགི་རྒྱལ་པོབཛྲ་ཀི་ལ་ཡས། ཐུགས་རྗེསའབྱུང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧ་ཧ་ཧ་ཧ་ཧ་ཧ་ཧ་ཧ། ཧེ་ཧེ་ཧེ་ཧེ་ཧེ་ཧེ་ཧེ་ཧེ། ཛ་ཛ་ཛ་ཛ། ཀྟ་ཀྟ་ཀྟ་ཀྟ། སྨྱོསྨྱོསྨྱོསྨྱོ། སྨྱོསྨྱོ་སྨྱོསྨྱོ། སྨྱོསྦྱོསྦྱོསྦྱོ། སྨྱོསྦྱོསྦྱོསྦྱོ། སྦྱོསྦྱོསྤྱོསྦྱོ། སྦྱོ་སྦྱོསྦྱོསྨྱོ། སྦྱོ་སྨྱོ་སྨྱོ་སྨྱོ། ཞེས་བརྗོད་པས།དེའི་ཚེ་སིང་ཧ་མ་དང་། བྱ་ཀྲི་མ་དང་། སྲི་ལ་མ་དང་། ་་ན་མ་དག་། ཀྲི་ཏ་མ་དང་། ཀང་ཀ་མ་དང་། ཁ་ཁམ་དང་། ཧུ་ལུ་མ་དང་། ཀོ་རིམ་དང་། ཙོ་རིམ་དང་། པྲ་མོ་མ་དང་། པེ་ཏམ་དང་། པུ་ཀ་མ་དང་། ཀས་མ་རི་དང་། རྨ་ཤམ་དང་། ཙནྟྲ་མ་དང་། ཚོགས་ཀྱི་གཙོ་མོ་བཞི་དང་། ལས་ཀྱི་གཙོ་མོ་དང་། སྤྲུལ་པའི་གཙོ་མོ་བཞི་དང་། དབང་བྱེད་ལས་ཀྱི་ཚོགས་ཀྱི་བདག་མོ་ཉིད་ཤུ་རྩ་བརྒྱད་རྣམས་བཏོན་ཏེ། མེའི་དཀྱིལ་འཁོར་ལ་གནས་པ་དང་། རྒྱ་མཚོ་ཆེན་པོ་ལ་གནས་པ་དང་། བྱང་ཆུབ་ཀྱི་ཤིང་ལ་གནས་པ་དང་། རྡོ་རྗེའི་ནང་ན་གནས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། གནས་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཨེ་ཨར་ལི་པྲ་བེ་ཤ་ཧོ་ཛ། ཞེས་བརྗོད་པས། དེའི་ཚེ་དྲེགས་པ་མོའི་ཚོགས་མ་ལུས་པ་རྣམས་རང་རང་གི་གནས་སུ་བཀྱེ་ནས་བཏང་ངོ་། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཧུ༷་ཨེ་ཨ་ར་ལི་ཛ་ཧུ༷་བེ་ཧོ། ཞེས་བརྗོད་པས། དེའི་ཚེ་འཁོར་གྱི་དཀྱིལ་འཁོར་རྒྱས་པར་གྱུར་ཏོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། འཛིན་བྱེད་སྡུད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཨེ་ཨེ་རུ་རུ་་རུ་ལུ་ཛ་ཡ་ཀྱི་ཁྲིད་ཤ་ཧུ༷་སྨྱོ་ཨ་ར་ལི་ཧོ་ཛ། ཞེས་བརྗོད་པས། དྲེགས་པའི་ཚོགས་བསམ་གྱིས་མི་ཁྱབ་པ་འཁོར་གྲངས་མེད་པ་དང་བཅས་ནས་ཅི་བགྱི་ཞེས་ཟེར་ཞིང་། རང་རང་གི་སྟན་དང་ལག་ཆར་ཆས་ཏེ་བྱོན་པར་གྱུར་ཏོ། །དེའི་ཚེ་དབང་ལག་ཆ་སྣ་ཚོགས་པ་བྱིན་ནས་ལས་གཉེར་གཏད་ཏོ། །གཞལ་ཡས་ཁང་གིས་སོ་སོའི་གནས་སུ་བཞག་གོ །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། ཁྲོས་པ་རབ་ཏུ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་གསུང་ཐུགས་གསང་བ་ལས་སྔགས་འདི་ཕྱུང་ངོ་། །ཨེ་ཨེ་བཛྲ་བཛྲ་ཛ་ལ་ཛ་ལ་ར༷་ར༷། ཞེས་བརྗོད་པས། དེའི་ཚེ་དྲེགས་པ་ཅན་གྱི་ཚོགས་ཐམས་ཅད་ཀྱང་དུར་ཁྲོད་ཀྱི་མི་རི་འབར་བའི་ནང་ན་གནས་པར་གྱུར་ཏོ། །རྒྱུ་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་འཕྲིན་ལས་བདག་པོ་བཛྲ་ཀི་ལ་ཡས། འཛིན་བྱེད་སྡུད་པས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐུ་དང་གསུང་ཐུགས་གསང་བ་ལ་སྔགས་འདི་ཕྱུང་ངོ་། །ཨེ་ཨེ་རུ་རུ་ལུ་རུ་ལུ་ཛ་ཡ་ཀྱི་ཨ་ཧུ༷་སྨྱོ་ཤ་ར་ལི་ཧོ་ཛ་ད། ཞེས་བརྗོད་པས། དེའི་ཚེ་འཕྲིན་ལས་ཀྱི་བདག་པོ་དེས། བཅོམ་ལྡན་འདས་ཁྲག་འཐུང་རྒྱལ་པོ་ལ། ལན་སྟོང་དག་ཏུ་བསྐོར་བ་བྱས། །ཕྱི་ནང་གསང་བའི་དགྱེས་པས་མཆོད། །ཨེ་མ་ཧོ་དྲེགས་པས་མྱོས་པ་ལ། །འདི་ལྟའི་ཆོ་འཕྲུལ་བསྟན་པ་མཚར། །འདི་ལྟའི་རོལ་པ་བསྟན་པ་མཚར། །འདི་ལྟའི་ཐུགས་རྗེ་བསྟན་པ་མཚར། །ཡང་དག་དོན་ཆེན་ཟབ་མོ་འདི། །གསལ་བའི་དབྱིངས་ལས་ཐམས་ཅད་ཤར། །འདི་ཡི་རྗེས་སྒྲུབ་རྣལ་འབྱོར་པ། །དཀྱིལ་འཁོར་རྣམ་པ་དུ་རུ་འཚལ། །སོ་སོའི་མཚན་ཉིད་ཇི་ལྟར་ལགས། །སྣོད་ནི་ཇི་ལྟ་བུ་ལ་བཞིན། །ཞེས་གླེངས་པས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། །འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྗེས་སུ་སྒྲུབ་པའི་རྣལ་འབྱོར་པས། །ཉོན་མོངས་ལྔ་རྣམས་གཤོམ་པའི་ཕྱིར། །དཀྱིལ་འཁོར་རྣམ་པ་ལྔ་རུ་བཤད། །སོ་སོའི་མཚན་ཉིད་ལ་དུ་གསུངས། །ཁྱབ་པ་སྤྱི་སྟེ་གདུག་པ་འཇོམས། དབང་སྡུད་ཡེ་ཤེས་ཡང་དག་སྡུད། །བདེ་མཆོག་རྒྱས་པའི་མཚན་ཉིད་བསྒྲུབ། །ཆོས་མཆོག་གསང་བའི་ལས་ཞི་བ། །གདུག་པ་༄༅ འཇོམས་པའི་ལས་དྲག་པོ། །མཚན་ཉིད་རྣམ་པ་ལྟ་རུ་བཤད། །རིན་ཆེན་ཟམ་ཏོག་གི་སྣོད། །དྲག་པོའི་ལས་རྣམས་བཞག་པར་བྱ། །རིན་ཆེན་གའུ་འབུར་དང་བཅས། །རྒྱས་པ་བཞག་པའི་སྣོད་ཡིན་ནོ། །རིན་ཆེན་དམར་འདྲ་པདྨའི་སྣོད། །དབང་མཆོག་བཞག་པའི་སྣོད་ཡིན་ནོ། །རིན་ཆེན་དངུལ་གྱི་གཞོང་པ་མྲ །ཞི་བ་བཞག་པའི་སྣོད་ཡིན་ནོ། །རིན་ཆེན་མཛེས་ལྡན་རྒྱན་པའི་སྣོད། །སྤྱི་དབང་རྡོ་རྗེ་བཞག་པའི་སྣོད། །ཅེས་གསུངས་སོ། །དེ་ནས་ཡང་ལས་ཀྱི་རྒྱལ་པོ་དེས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡར། འདི་སྐད་ཅེས་གསོལ་ཏོ། །ཀྱེ་ཀྱེ་ཁྲག་འཐུང་རྒྱལ་པོའི་གཙོ། །མི་བཞག་སྣོད་ཀྱི་རིམ་པ་གང་། །དང་པོའི་རིམ་པ་ཇི་ལྟར་བགྱི། །ཁྲག་འཐུང་རྒྱལ་པོས་འདི་བསྟན་གསོལ། །ཞེས་གསོལ་བ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོས་འདི་སྐད་གསུངས་སོ། །ཉོན་ཅིག་ཀརྨ་ཧེ་རུ་ཀ །མི་བཞག་པ་ཡི་སྣོད་བསྟ་ན་པ། །གདུ་ག་ཤིང་གདུག་པའི་སྣོད་གང་དང་། །བཅུ་དྲུག་འཁྱིལ་བའི་སྣོད་གང་དང་། །བསེ་ཤིང་གདུག་པའི་སྣོད་གང་དང་། །འཕྲ་མེན་སྦྱར་བའི་སྣོད་གང་དང་། །དུག་ཤིང་འདོད་པ་ལྔ་བཀང་སྣོད། །འདི་དག་སྣོད་དུ་ཡོངས་མི་བཞག །བཞག་ན་འབྲས་བུ་མི་འབྱུང་ལ། མནར་མེད་གནས་སུ་ངེས་ཆེད་འཚེད། །དེ་བས་འདི་ལ་བཞག་མི་བྱ། །བྱས་ན་འབྲས་མེད་འཇིག་པས་སོ། །རྣལ་འབྱོར་ལས་ཅན་ལས་དང་པོས། །དང་པོར་སྦྱོར་བ་མ་ཉམས་སྒྲུབ། ཁམས་གསུམ་གནས་པའི་སེམས་ཅན་ལ། །མ་ལྟར་བྱམས་པའི་སྙིང་རྗེ་ཡིས། །ཐུགས་རྗེས་ཐུགས་གདུངས་རིང་ནས་སྐྱེས། །གདུག་པའི་ལས་ཅན་བསྒྲུབ་པ་ལ། །ལས་དང་ལས་ཀྱིས་བཤགས་འབྱེད་ཚེ། །བྱམས་པའི་ཉི་མ་སྙོམས་པ་ཡིས། །བྱམས་དང་ཆེན་པོ་ཡང་དག་བསྐྱེད། །གདུག་ཅན་ལས་ལ་དགོད་བྱའི་ཕྱིར། །གནས་ཀྱི་དགའ་བ་ཡང་དག་རྫོགས། །གསང་གསུམ་དོན་ལ་འབྱུང་བའི་དོན། །མི་དམིགས་བཏང་སྙོམས་ཆེན་པོར་བཞུགས། །ཞེས་གསུངས་སོ། །དེ་ནས་ཡང་ལས་ཀྱི་རྒྱལ་པོ་དེས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡར། འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་འདས་ཁྲག་འཐུང་དཔལ། །གཉིས་མེད་དཔའ་བོ་ཐུབ་ཆེན་པོ། །དྲེགས་པའི་ཚོགས་རྣམས་བ་་ལགས་ན། །ཕྱི་ཡི་བདུད་རྣམས་བསྒྲལ་བའི་པྱིར། །ལྟ་བ་ཅི་དང་ལྡན་པས་བགྱི། །ཡང་དག་རྫོགས་པའི་མཚན་ཉིད་ཅི། །ཞེས་གསོལ་བ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །དྲག་པོ་ལས་ཀྱི་སྦྱོར་བ་ལ། །དང་པོ་གཉིས་མེད་མངོན་སངས་རྒྱས། །ཡེ་ནས་ལྷུན་གྱིས་གྲུབ་པ་ཡི། །སངས་རྒྱས་སེམས་ཅན་གཉིས་མེད་དེ། །རངབཞིནགནསཔའིབདེན་ཆེན་པོ། །ཀུན་ཏུ་ཡངས་ཆེན་ཟབ་མོ་ཡི། །དོན་དམ་རྟོགས་ལྟར་རང་བཞིན་གསལ། །མི་སྐྱེ་མི་འགག་བརྗོད་ལས་འདས། །དམིགས་མེད་སྙིང་རྗེ་རྣམས་དང་བྲལ། །ཚིག་མེད་ཡི་གེ་ཀུན་ལས་འདས། །ཁམས་གསུམ་དུས་གཅིག་གསད་གྱུར་ཀྱང་། །དེ་ཡི་སྡིག་པས་གོས་པ་མེད། །ཡེ་ནས་མ་བཅོས་ལྷན་ནེའོ། །མཁའ་ལྟར་དག་པས་དྲི་མ་མེད། །མ་དང་བུད་མེད་གདོལ་ལ་སོགས། །འདོད་པའི་སེམས་ཀྱིས་སྤྱད་བྱས་ཀྱང་། །དེ་ལ་ལོག་པ་རྡུལ་ཙམ་མེད། །དཔའ་བོའི་ཚོགས་ནི་ཐམས་ཅད་ཀུན། །འཇིག་རྟེན་ཁམས་ཀུན་གང་གྱུར་ཀྱང་། །དེ་ལ་སྟོན་པ་རྡུལ་ཙམ་མེད། །འཇིག་རྟེན་ཁམས་ནི་ཐམས་ཅད་ཀུན། །ཁྲོས་པའི་རྒྱལ་པོས་བསད་གྱུར་ཀྱང་། །དེ་ལ་བསད་པ་རྡུལ་ཙམ་མེད། །ཐམས་ཅད་ཡེ་ནས་མངོན་སངས་རྒྱས། །དམྱལ་བའི་གནས་ཉིདབདེ་ཆེན་ཀློང་། །ཐམས་ཅད་ངོ་བོ་ཉིད་ཀྱིས་དག །མ་བཅོས་ལྷུན་གྲུབབདེ་ཆེན་པོ། །གདོད་ནས་དག་པས་མྱ་ངན་འདས། །རྣམ་དག་ལམ་ཆེནཞེས་བྱའོ། །ལམ་ཆེན་གནས་སུ་བསྒྲལ་ཕྱིར་བྱ། །ཡེ་ཤེས་ངང་ལ་འདོད་ཕྱིར་ན། །ཐམས་ཅད་ལྡན་པ་འདི་དང་བཅས། །སེམས་ཅན་དོན་དུ་བདག་བསྒྲུབ་ལ། །འཁོར་བ་འ་ས་བ་ཐམསཅད་བསྒྲལ། །གཡོ་དང་བཅས་པའི་སེམས་དཔས་ནི། །བདག་དོན་དམིགས་དང་བཅས་པ་ཡིས། །སེམས་ཅན་མི་དམིགས་བཅས་པ་ཡིས། །ཉན་ཐོས་ས་ལ་ངེས་པར་ལྟུང་། དེ་བས་ཐབས་དང་བཅས་པ་ཡིས། །སེམས་ཅན་དོན་དུ་རབ་དམིགས་ལ། །གཉིས་མེད་ངང་དུ་ངེས་པར་འགྲོ །གདུགཅན་ལོག ལྟ་སྒྲོལ་བའི་དུས། །ཡང་དག་དོན་ཆེན་ཁོང་ནས་འབྱུང་། །ཁྲོས་པའི་སེམས་ཀྱིས་གནས་བྱས་ལ། །རྩེ་གཅིག་སེམས་ཀྱིས་མ་ཡེངས་པར། ཁུན་དུ་ནན་ཏན་བྱ་བ་ཡིན། །དྲག་པོ་ལས་ཀྱི་སྦྱོར་བ་ཡིས། །མཁས་པ་སེམས་ལས་ཡོངས་བསྐྱེད་ན། །དེ་ཡིས་མི་འགྲུབ་གང་ཡང་མེད། །དེ་ཡིས་ལས་རྣམས་ཐམས་ཅད་ནི། །གང་ལ་སྦྱར་ཀྱང་འགྲུབ་པར་འགྱུར། །ཡང་དག་རྫོགས་པའི་མཚན་ཉིད་ནི། །སྣང་བ་དང་བཅས་ལྷན་ནེའོ། །རྫོགས་པའི་སྐུས་ནི་ལས་ཀུན་བྱེད། །སྣང་དང་མི་སྣང་མི་བརྟག་པར། །ཐམས་ཅད་འོད་ཆེན་དབྱིངས་ལས་གསལ། །འགྲོ་ཀུན་རང་དབང་མེད་པར་ནི། །ཁྲག་འཐུང་སྟོབས་ཀྱིས་གསལ་བར་འབྱུང་། །དེ་ཡི་སྦྱོར་བའི་ལས་ཀྱིས་ནི། །གདུག་པའི་སེམས་ཅན་བསྒྲལ་གྱུར་ནས། །སངས་རྒྱས་ས་ལ་ངེས་པར་འགོད། །མེ་ལོང་གཟུགས་བརྙན་བཞིན་དུ་ནི། །ཁྲག་འཐུང་སྐུ་ནི་དེ་ན་གསལ། །ལས་རྣམས་ཇི་སྙེད་བྱས་པ་རྣམས། །ཆུ་ཡི་ཟླ་བ་དང་མཚུངས། །སེམས་ཅན་དོན་རྣམས་ཐམས་ཅད་ལ། །དབང་པོ་གཞུང་དང་མཚུངས་པར་བྱ། །མི་དམིགས་ཆུ་ཡི་ཆུ་བུར་བཞིན། །མི་གནས་ཡེ་ཤེས་དག་པར་བྱ། །སྤྲུལ་པའི་སྐུ་ནི་ཐམས་ཅད་དུ། །ཇི་ལྟ་ཇི་ལྟའི་འདུལ་འགྱུར་བས། །དེ་ལྟ་དེ་ལྟའི་སེམས་ཅན་དོན། །ཆུ་ཡི་ཕུང་པོ་བཞིན་དུ་གྱིས། །ལོག་པའི་ང་རྒྱལ་ཞི་བྱའི་པྱིར། །རྟགས་དང་བཅས་པའི་སྐུ་ཡི་འོད། །རབ་ཏུ་འབར་བས་དེ་དོན་དུ། །མི་ཟད་སྐུ་ནི་འདུལ་བ་ལས། །ཆོས་ཉིད་ཞི་བས་འདུལ་བ་མེད། །དེ་བས་ཐབས་ལ་མཁས་པ་ཡིས། །ཡེ་ཤེས་སྤྲུལ་བས་བྱ་བ་ལ་། །སྨི་ལམ་དག་དང་མཚུངས་པར་བྱ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། བྱང་ཆུབ་ཀྱི་སེམས་ཀྱི་ལེའུ་སྟེ་གཉིས་པའོ། །དེ་ནས་ཡང་བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལལས་ཀྱི་རྒྱལ་པོས་འདི་སྐད་ཅེས་གསོལ་ཏོ། །ཀྱེ་ཀྱེ་ཁྲག་འཐུང་གསང་བའི་བདག །སྐུ་གསུང་ཐུགས་ཀྱི་བདག་པོ་ཆེ། །ཡོན་ཏན་འཕྲིན་ལས་ཀུན་ཏུ་རྫོགས། །རྣལ་འབྱོར་རྗེས་སུ་སྒྲུབ་པ་ལ། །དཀྱིལ་འཁོར་ཉམས་སུ་ཇི་ལྟར་བླང་། །ཐབས་དང་བཅས་པའི་ཏིང་འཛིན་གྱིས། །དངོས་གཞི་སྒྲུབ་ན་ཇི་ལྟར་སྒྲུབ། །ཅེས་གསོལ་བ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ། །རྗེས་སུ་བསྒྲུབ་པའི་རྣལ་འབྱོར་བས། །དང་པོར་ལས་ལ་སྦྱོར་བའི་དུས། །ཚངས་པའི་གནས་བ་ཞི་བསྒོམ་པར་བྱ། །དེ་ནས་དྲག་པོའི་ལས་ལ་སྦྱར། །རང་བཞིན་མེད་པའི་རྗེས་འཇུག་པའོ། །ཨོ་ཤུརྒྱུ་ཏ་ཙྭ་ན་བཛྲ་སྭ་བྷ་བ་ཨུདྨ་ཀོ྅ཧ༷། སྟོང་པའི་ངང་ལས་ཡོངས་རྫོགས་པ། །ཁྱབ་གསལ་ཁྲོས་པས་ཞེ་སྡང་གཅོད། །འབྲས་བུ་མཚོན་ཆེན་འབར་བ་ནི། །སྔོན་པོ་འོད་འབར་རྡོ་རྗེས་གཏམ། །བཀའ་ཡི་འཁོར་ལོ་འབར་བས་འཁྲིགས། །ཧུ༷། ཨེ་ལས་འོད་འཕྲོས་མཐིང་ནག་འབར། །པ༷་ལས་ཡོངས་སུ་གྲུབ་པའ་སྟེང་། །ཧུ༷་ལས་ལས་ཀྱི་རྡོ་རྗེས་མཛེས། །ཡ༷་ལས་རླུང་གི་དཀྱིལ་འཁོར་སྔོ། །ར༷་ལས་མེ་དཀྱིལ་ཟུར་གསུམ་སེར། བ༷་ལས་ཆུ་དཀྱིལ་དཀར་པོ་ཟླུམ། །སུ༷་ལས་ས་དཀྱིལ་གྲུ་བཞི་སེར། །ཀེ་ལས་ཀེང་རུས་རི་རབ་འབར། །དེ་སྟེངས་བྱུ༷་ལས་གྲུབ་པ་ཡིས། །གཞལ་ཡས་དམ་པ་བསམ་པར་བྱ། ཐོད་པ་རིན་ཆེན་འབར་བ་ཡིས མཛེས་པའི་གཞལ་ཡས་དམ་པ་ལ། །བ་དན་རིན་ཆེན་རྒྱན་གྱིས་བརྒྱན། །ཞིང་ཆེན་ཀ་བ་མཆོག་གི་གདུང་། །མཆོག་ཕྲན་དྲལ་ཕྱམ་ཉི་ཟླའི་མིག །རཀྟ་འབར་བའི་ཞལ་ཆུ་བབ། །ཞིང་གི་བླ་རེ་ཞིང་ཆུ་འཕེན། །དུར་ཁྲོད་རྒྱན་གྱིས་མཛེས་པར་བརྒྱན། །ཞིང་གི་ལྷུ་ཚིགས་མང་པོས་བརྒྱན། །མཐིང་ནག་འོད་དང་བཅས་པ་ཡིས། །འཁོར་ལོ་རྩིབས་བརྒྱད་རབ་ཏུ་འབར། །མ་ཆགས་པདྨའི་གདན་སྟེང་ན། །ཐབས་དང་ཤེས་རབ་ཉི་ཟླ་འབར། །བསྒྲལ་བའི་ཕུང་པོ་དེར་ཡང་བསམ། །དེ་སྟེངས་གསལ་བའི་གདན་སྟེངས་ནས། །གཞལ་ཡས་ནམ་མཁའི་དཀྱིལ་ནས་ཤར། །སྲས་མཆོག་བྱང་ཆུབ་སེམས་སུ་བསྒོམ། །ཡེ་ཤེས་སེམས་མཆོག་དེ་ཉིད་གསལ། །ཆོས་ཀྱི་དབྱིངས་ལས་རང་སྒྲས་བསྐུལ། །འབྲས་བུ་སྐུ་མཆོག་ཡོངས་སུ་གྲུབ། །ཐབས་དང་ཤེས་རབ་གྲིབ་མའི་ཚུལ། །རྡོ་རྗེ་གོ་ཆ་རབ་ཏུ་གཏམ། རྣམ་པར་ཤེས་པ་རྡོ་རྗེར་བསྒོམ། །ཡབ་ཡུམ་རང་བསྒྲལ་འཕྲིན་ལས་ནི། །བྱང་ཆུབ་སེམས་ནི་བསད་པ་མིན། །དངས་མའི་ལུས་ནི་མནན་པ་མིན། །ལོག་པའི་ཤེས་པ་གསད་བྱ་ཞིང་། །རྣམ་སྨིན་ལུས་པོ་མནན་པ་མིན། །བྱང་ཆུབ་སེམས་ལས་འོད་འཕྲོས་པས། །ཕྱོགས་བཅུའི་བདེ་གཤེགས་འཁོར་བཅས་བཀུག །ཕྱིན་ནང་གསང་བའི་དགྱེས་པ་བསྐྱེད། །ཕྱི་ནང་གསང་བའི་དབང་ཡིན་ནོ། །རྡོ་རྗེ་གཞོན་ནུ་དག་པའི་དབྱིངས། །ཁྲོས་པའི་ཚོགས་ནི་ལོངས་སྤྱོད་སྐུ། །དེ་འཕྲོས་འཁོར་རྣམས་སྤྲུལ་པའི་སྐུ། །སྐུ་གསུམ་ལྷུན་གྱིས་གྲུབ་པ་ཁྱེད། །སྲིད་པ་རྡོ་རྗེར་སྒྲུབས་མཛོད་ཅིག །སྲིད་གསུམ་རྡོ་རྗེ་གཟུགས་ཀྱི་ལྷ། །ཡེ་ཤེས་ཁྲོས་པ་གྲུབ་པར་མཛོད། །དུས་གསུམ་སངས་རྒྱས་ཡེ་ཤེས་སྐུ། །རྡོ་རྗེ་ཆོས་ཀྱི་དབྱིངས་ཉིད་ལས། །སྐུ་མཆོག་ཤིན་ཏུ་མི་བཟད་པ། །སྐུ་ཡིས་དབྱིངས་སུ་བདག་སྐྱེད་ཅིག །ལོག་པར་ལྟ་བ་བསྒྲལ་བ་དང་། །ངན་སེམས་འཆང་བ་མནན་སླད་དུ། །སྐུ་གསུང་ཐུགས་ཀྱིས་བྱིན་བརླབས་གསོལ། །རྒྱལ་བ་སྲས་བཅས་བྱིན་གྱིས་བརློབས། །ལུང་བསྟན་ནས་ནི་སེམས་ཅན་དོན། །རབ་ཏུ་བསྐུལ་བ་ཡང་དང་ཡང་། །སྣང་པ་སྤྱིན་ནས་དོན་ལ་ཞུགས། །ཐབས་དང་ཤེས་རབ་རྗེས་དྲན་ནས། །རྒྱལ་སྲས་འཁོར་རྣམས་བསྐྱེད་པར་བྱ། །བཅོམ་ལྡན་གཡས་དཀར་གཡོན་དམར་པོ། །རྩ་བའི་ཞལ་ནི་མཐིང་ནག་འབར། །དང་པོ་ཕྱག་གཉིས་རྡོ་རྗེ་ཅན། །རྡོ་རྗེ་རྩེ་ལྔ་ཁ་ཊ༷་ག །རི་རབ་ཕུར་བུ་མཐའ་གཉིས་སོ། །ཞིང་གི་གཡང་གཞི་སྐུ་ལ་གསོལ། །གླང་ཆེན་ཀོ་རློན་ཡ་བས་བསྐོར། །ཐོད་པ་སྐམ་རློམ་འཕྲེང་པས་བརྒྱན། །མདོ་བཞི་སྦྲུལ་གྱི་ཆུན་པོས་བརྒྱན། །སྟགས་ལྤགས་གཡང་གཞི་ཤམ་ཐབས་ཅན། །ཞབས་བཞི་བརྐྱང་བསྐུམ་ཚུལ་དུ་བཞུགས། །དུར་ཁྲོད་མེ་རི་སྨུག་ནག་འཁྱིལ། །ཆོས་ཀྱི་དབྱིངས་ནི་སྐུ་མཆོག་གསལ། །གསང་གཉིས་སྲས་ཀྱི་འཁོར་ལོ་འབར། །སྐུ་མཆོག་ཁྲོས་པ་ཆར་སྤྲིན་ལྟར། །ཁྲོ་རྒྱལ་འབར་ཚོགས་ཐམས་ཅད་གསལ། །རལ་པ་ཁམ་ནག་གྱེན་དུ་བརྫེས། སྡང་མིག་བགྲད་པས་ཞེ་ལ་གནོན། །མཆེ་བ་རབ་ཏུ་རྔམ་པ་གཙིགས། །ཨག་ཚོམ་འབར་ཞིང་ཐལ་བས་བརྒྱན། །རཀྟའི་ཐིག་ལེས་སྐུ་ལ་བརྒྱན། །ཐམས་ཅད་དབུ་གསུམ་ཕྱག་དྲུག་སྟེ། །གདུག་པའི་མཆོན་ཆ་སྣ་ཚོགས་བསྣམས། །ཐམས་ཅད་གཡས་གཡོན་དང་པོ་ནི། །རྡོ་རྗེ་བདྷ་བསྣམས་པའོ། །ཀུན་ཀྱང་ཐམས་ཅད་ཤེས་རབ་འདྲ། །མཐའ་གཉིས་རི་རབ་ཕུར་བུ་འདྲིལ། །ཐབས་མཁས་སྒྲོལ་བའི་མངའ་བརྙེས་པའོ། །རྣམ་རྒྱལ་བར་གཉིས་རྡོ་རྗེ་འཁོར། །དབྱུག་སྔོན་རིན་ཆེན་མེ་དབལ་བསྣམས། །གཤེད་པོ་ཐོད་དབྱུག་དགྲ་སྟའོ། །མི་གཡོ་རྡོ་རྗེ་ཞགས་པ་བསྣམས། །རྟ་མགྲིན་རལ་གྲི་སྦྲུལ་གྱི་ཞགས། །མི་ཐུབ་བནྟྲ་རྔ་ཡབ་པོ། །བདུད་རྩི་རྡོ་རྗེ་རིན་ཆེན་དབྱུག །རྣམ་རྒྱལ་འཁོར་ལོ་མདའ་གཞུའོ། །ཧུ༷་ཆེན་ཀར་དམའ་གཞུ་འགེངས། །སྟོབས་ཆེན་ཞགས་པ་ཐོ་བ་བསྣམས། །ཤེས་རབ་གཡོན་དང་དྲིལ་བུའོ། །ལྷག་མ་ཐབས་དང་གཉིས་སུ་མེད། །བུ་ཤུད་ཕྱག་གཉིས་ལྕགས་ཀྱུ་འཛིན། །སྐྱེ་ཀ་ཕྱག་གཉིས་ཞགས་པ་འཛིན། །སྲིན་བྱ་ཕྱག་གཉིས་ལྕགས་སྒྲོག་བསྣམས། །ཁྲ་མགོ་ཕྱག་གཉིས་དྲིལ་བུ་བསྣམས། །གསང་བའི་དཀྱིལ་འཁོར་གནས་ན་འབར། །ཛ་ཡིས་བསྐུལ་བས་སེམས་ཅན་དོན། །སླར་འདུས་བདག་པོའི་གནས་ལ་བཞུགས། །ཐམས་ཅད་གསལ་སྟོན་སོ་སོའི་གདན། །བཞུགས་ནས་དབང་བྱིན་རྩ་ལ་བར་བྱ། །ཧུ༷་དང་པ༷་ལས་རྡོ་རྗེ་པད། །རྗེས་ཆགསབསྐུལ་བྱ་བྱང་ཆུབ་སེམས། །གཉིས་མེད་དཔའ་པོ་གཉིས་ཕྱིར་བྱ། །ཧུ༷་ལས་འོད་འཕྲོས་བྱང་ཆུབ་སེམས། །གཉིས་སུ་མེད་པའི་མཆོད་པ་འབུལ། །ཞུ་བྱས་བཀའ་གནང་དྲག་པོ་ཡི། །ལས་ལ་བདག་ཉིད་བསྐུལ་བའོ། །རིགས་ལྔ་ལས་བྱུང་སོ་སོའི་རིགས། །དབང་བསྐུར་འབྲས་བུ་སོ་སོའི་སྐུ། །ཡིག་འབྲུ་བཞི་ཡང་གསལ་བར་ལྟ། །རང་བཞིན་དཀྱིལ་འཁོར་བསྒྲུབ་པའི་ཕྱིར། །ལྕགས་ཀྱུས་བདེ་གཤེགས་གནས་ནས་བསྐུལ། །སྲིད་པའི་ཕུར་བུ་བསྒྲུབ་པ་དང་། དྲག་པོའི་འཕྲིན་ལས་རྫོགས་བྱའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །རྡོ་རྗེ་སྐུ་ནི་ཀུན་འཇོམས་མཛད། །རྡོ་རྗེ་གཞོན་ནུ་གཤེགས་སུ་གསོལ། །ཕྱོགས་བཅུ་བསྒྲལ་བའི་དཀྱི་འཁོར་ནས། །ཡབ་ཡུམ་སྲས་བཅས་གཤེགས་སུ་གསོལ། །གདུག་པ་བསྒྲལ་བའི་དཀྱིལ་འཁོར་ནས། །སྒྲོལ་མ་གདུག་ཚོགས་གཤེགས་སུ་གསོལ། །ཕྱི་ནང་གསང་གསུམ་མཆོད་པས་མཉེས། །ཐུགས་དམ་བསྐུལ་ཞིང་འཕྲིན་ལོས་བཅོལ། །དྲག་པོའི་རྟགས་དང་མཚན་མ་བསྟན། །གདུག་པ་སྒྲོལ་བའི་དངོས་གྲུབ་གསོལ། །བསྐལ་པའི་མེ་ཆེན་འབར་བའོ། །མཐིང་ནག་གྲུ་གསུམ་འབར་བ་ཡིས། །དཀྱིལ་འཁོར་ལ་བཞུགས་སྙིང་རྗེ་སྟོབས། །གདུག་པ་མ་ལུས་སྒྲོལ་བར་མཛད། །སྔོན་གྱི་ཐུགས་དམ་བསྐུལ་བ་ནི། །ཕྱོགས་བཅུའི་ཁྲོ་རྒྱལ་ཡབ་ཡུམ་རྣམས། །སྐུ་ནི་སྣ་ཚོགས་ཅིར་ཡང་སྟོན། །རལ་པ་ཁམ་ནག་གྱེན་དུ་འགྲེང་། །སྨིན་མཚམས་ཁྲོ་གཉེར་ཨག་ཚོམ་འབར། །མཆེ་བ་བཟངས་ཡག་རྣོ་དབལ་ལྡན། །གདུག་པ་མ་ལུས་རྩད་ནས་གཅོད། །སྐུ་གསུང་ཐུགས་ཀྱི་གསང་བ་ཡི། །དཀྱིལ་འཁོར་དམ་པའི་ཁྱད་པར་ལས། །དུག་ལྔ་རྩད་ནས་གཅད་པའི་ཕྱིར། །མི་བཟད་མཚོནི་ཆ་སྣ་ཚོགས་བསྣམས། །ལས་བཞེས་ཐུགས་རྗེ་སྤྲིན་ལྟར་གཏིབས། །བྱམས་བའི་འོད་ཟེར་གློག་ལྟར་འགྱུ། །ཟིལ་གནོན་གདང་སྒྲ་འབྲུག་ལྟར་སྒྲོགས། །བཏང་སྙོམས་སྤྲུལ་པའི་ཆར་ལྟར་འབེབས། །སྔོན་གྱི་ཐུགས་དམ་ཞལ་བཞེས་ནི། །འཕྲིན་ལས་ལོག་ལྟ་བསྒྲལ་བ་དང་། །བར་དུ་གཅོད་པ་གནས་པའི་ཕྱིར། །དཔའ་བོའི་དངོས་གྲུབ་བདག་ལ་རྩོལ། །སྔོན་གྱི་ཐུགས་དམ་ཐུགས་རྗེ་ཡིས། །བདག་ལ་བྱིན་བརློབས་མཛད་འཚལ་གྱིས། །དྲག་པོའི་བསམ་པ་རྫོགས་འཚལ་ན། །ལྷ་ཚོགས་རྣམས་ཀྱིས་གྲུབ་པར་མཛོད། །རྒྱན་རྣམས་འཁྱིལ་ཅིང་རྫོགས་པར་བྱེད། །སྐུ་ལ་བརྗོད་མེད་སྐུ་མི་མངའ། །བརྗོད་པ་ཀུན་ལས་འདས་པའི་མཆོག །ཡེ་ནས་དག་པའི་རང་འབྱུང་ལགས། །སྒྲ་ཡི་ཚུལ་གྱིས་བཞུགས་པར་གྱུར། །དཔའ་བོའི་སྐུ་དང་གཉིས་མེད་དེ། །བདག་རྟོག་ཁོང་ནས་བསྐུལ་བར་བྱེད། །བདག་གིས་གནས་ལ་ཁྱད་པར་བསམ། །སེམས་ཀྱི་ཁྱད་པར་གསལ་བའི་བདག །དྲག་པོའི་ལས་རྫོགས་དག་པའི་སྐུ། །བསྐལ་པའི་མེ་རིའི་ཀློང་ན་བཞུགས། །འཇིགས་མེད་སྐུས་ནི་ཐམས་ཅད་འདུལ། །གདུག་པའི་མཚོན་ཆ་འབར་བས་འདེབས། །རིགས་ལྔའི་ཁྲག་འཐུང་སྐུ་ལ་བརྒྱན། །དང་པོའི་དུས་སུ་བདེན་པ་བདར། །གཉིས་པ་འཕྲིན་ལས་ཡོངས་སུ་བསྐུལ། །གསུམ་པས་གནས་དང་བཅས་པ་གཞོམ། །དུས་ཀྱི་ཡི་གེའི་འཕྲེང་བ་བཟླས། །དུག་གི་སྦྱོར་དུས་ལས་འཕྲེང་བྱ། །སྟོང་པ་ཆེན་པོའི་སེམས་གསལ་ཆེ། །མི་སྟོང་སེམས་དམིགས་དངོས་པོར་བཅས། །འོད་དང་བཅས་པས་དངོས་གཞི་བསྒྲུབ། །བསྟན་པའི་ཏིང་འཛིན་གསལ་བའི་ཚེ། །དེ་ཚེ་དངོས་པོའི་འོག་ན་བཏག །སྐུ་རྫོགས་ཞབས་ཀྱི་འོག་ཏུ་གཞུག །གདུག་པ་སྒྲོལ་བའི་གནས་སུ་བཞག །ཉི་ཤུ་རྩ་གཅིག་དཀྱིལ་འཁོར་ལ། །སྦྱོར་བ་གཅིག་པའི་སེམས་གནས་ཏེ། ཁུགས་ཀྱིས་རིམ་པ་གསལ་བར་འབྱུང་། །དེ་ཚེ་སོ་སོའི་གནས་རྣམས་སུ། །གསལ་བྱས་ལས་ལ་སྦྱར་བ་ཡིན། །དེ་ཡིས་ལས་ལ་སྦྱར་བ་ཡིན། །དེ་ཡིས་ལས་རྣམས་གྲུབ་པར་འགྱུར། །དང་པོའི་དངོས་གཞི་དེ་ལྟར་བསྒྲུབ། །དཀྱིལ་འཁོར་ཉམས་སུ་བླང་བ་ནི། །རིན་ཆེན་ཟུར་བརྒྱད་དཀྱིལ་འཁོར་ལ། །ཉི་ཟླ་འབར་བའི་གདན་སྟེང་ནས། །དེ་སྟེངས་གསལ་བའི་དཀྱིལ་འཁོར་བཅས། །མ་ཆགས་པདྨའི་གདན་སྟེང་ནས། །ཧུ༷་རྣམས་གསལ་བའི་རང་བཞིན་ལས། །དཀྱིལ་འཁོར་ཐམས་ཅད་བསྐྱེད་པའི་ཕྱིར། །བསྐྱེད་པའི་རྐྱེན་གྱིས་གཡོས་པ་ཡིས། །སྐུ་རྣམས་གསལ་བར་ལྷན་ནེའོ། །བཙོ་མ་གསེར་གྱི་ཁ་དོག་འདྲ། །ཁྱབ་གསལ་འོད་ཀྱིས་རྒྱས་མཛད་པའོ། །མ་ཆགས་པདྨའི་དཀྱིལ་འཁོར་ལ། །ཉི་ཟླའི་འོད་བཅས་རོ་ཡི་གདན། །ཐབས་དང་ཤེས་རབ་གསལ་བའི་དབྱིངས། །དེ་དེ་བསམ་པར་བྱ་བ་ནི། །ལྷ་ཡི་ཚུལ་གྱིས་གནས་པར་འགྱུར། །འོད་ཀྱིས་རབ་ཏུ་འཁྲིགས་པ་སྟེ། །དམར་འདྲ་པདྨར་གའི་མདོག །དབང་བྱེད་ལས་ཀྱི་དཀྱིལ་འཁོར་ཡིན། །ཆོས་དབྱིངས་དག་པའི་དཀྱིལ་འཁོར་ལ། །གསལ་བའི་འོད་ཀྱིས་བལྟས་བྱས་ནས། །གསལ་བའི་འོད་དང་བཅས་པ་ཡིས། །བྱམས་པའི་འོད་ཀྱི་དེ་དབང་སྒྱུར། །ཐབས་དང་ཤེས་རབ་མཐུ་ལས་བསྐྱེད། །སྙིང་རྗེའི་སྟོབས་ཀྱིས་ཟིལ་གནོན་ཞིང་། །ཐམས་ཅད་དག་པའི་ཆར་ལྟར་འབེབས། །སྤྲོས་དང་བཅས་པའི་ཆོས་ཉིད་ལས། །འོད་དང་བཅས་པའི་སེམས་ཅན་གནོན། །ཞི་བའི་སྤྱན་གྱིས་ཀུན་ཏུ་གཟིགས། །ཐམས་ཅད་དོན་ལ་ལྷན་ནེའོ། །ལས་ཀྱི་དཀྱིལ་འཁོར་དམ་པ་ནི། །གདུག་པ་འདྲ་བའི་འཁོར་ལོ་ལ། །ཁ་དོག་ལྗང་ཁུ་འོད་དང་བཅས། །འབར་བའི་ཕུང་པོ་ཉི་ཟླའི་སྟེང་། །ཐབས་མཁས་རོལ་པས་བསམ་པ་ནི། །མངོན་པར་བྱང་ཆུབ་ལྔ་ལས་བཞེངས། །བཅོ་ལྔའི་བདག་པོ་གསལ་བལྟས་ལ། །ལྗང་ནག་འཇིགས་པའི་ཐོད་པས་བརྒྱན། །འཇིགས་པའི་ལས་ཀུན་བྱེད་པ་དེ། །ལྷག་པའི་བསམ་པ་ཡོངས་རྫོགས་པའོ། །དངོས་གཞིགས་ལ་བའི་དཀྱིལ་འཁོར་ལ། །ཆོས་དབྱིངས་དག་པས་བསྡུས་ནས་ནི། །རོལ་པའི་རྒྱས་པ་ཡང་དང་ཡང་། །ལས་གཉིས་ཡོངས་སུ་རྒྱས་པར་བཏགས། །ཨ་ཤོ་གན་དའི་འབྲས་བུ་དང་། །མ་ཏོ་ལ་ཡི་ལོ་མ་དང་། །བསྙེན་བསྒྲུབ་ལས་སུ་རུང་བྱས་ནས། །དེ་ཚེ་ལས་དབང་བསྒྲུབ་པ་ནི། །ལས་གཉིས་བསམ་པ་ཡོངས་རྫོགས་བྱའོ། །འདི་དེས་སངས་རྒྱས་ཐམས་ཅད་ཀྱིས། །སྤྱི་ཡི་ལས་རྣམས་ཡོངས་གྲུབ་པ། །སྐུ་ནི་ཅིར་ཡང་རྟོག་པ་སྟེ། །སྣ་ཚོགས་ལྡན་པའི་འཁོར་ལོ་ལ། །ཐབས་དང་བཅས་པའི་དཀྱིལ་འཁོར་དགོད། །གསལ་བ་དང་བཅས་ལྷན་ནེའོ། །ལས་ཀྱི་རྒྱལ་པོ་མཆོག་སྤྲུལ་པའོ།ལ །ཐབས་ཀྱི་རྒྱལ་པོ་དམ་པས་བྱ། །ཇི་ལྟར་བརྟགས་པའི་དངོས་གཞི་རྣམས། །དེ་ཚེ་གསལ་བར་བྱ་བ་ཡིན། །དང་པོ་ཀུན་བྲལ་ལས་དབང་གིས། །འོད་ལས་སོ་སོའི་དབང་དུ་གསལ། །ཡོངས་སུ་རྫོགས་པའི་ལས་རྣམས་ནི། །ཐ་མ་སོ་སོའི་གནས་སུ་སྦྱོར། །ལས་ལ་འབྲས་བུ་ཡོད་ཅེས་བྱ། །ཞེས་གསུངས་སོ། །རྒྱུད་ཀྱི་རྒྱལ་པོའི་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། དཀྱིལ་འཁོར་སོ་སོར་ཕྱེ་བའི་ལེའུ་སྟེ་གསུམ་པའོ།། །།དེ་ནས་ཡང་ལས་ཀྱི་རྒྱལ་པོས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ། འདི་སྐད་ཅེས་གསོལ་ཏོ། །ཀྱེ་ཀྱེ་གསང་བའི་རང་བཞིན་ཅན། །མཆོག་གི་ལས་རྣམས་ཐམས་ཅད་བྱེད། །དེ་ཡི་རྗེས་སྒྲུབ་རྣལ་འབྱོར་པས། །གནས་ཀྱི་ཁྱད་པར་མི་འཚལ་ལམ། །གནས་རྣམས་རིམ་པ་ཇི་ལྟར་ལགས། །ཁྲག་འཐུང་རྒྱལ་པོས་བཀའ་སྩོལ་ཅིག །དེ་སྐད་གསོལ་པ་གསན་ནས་ནི། །ཁྲག་འཐུང་རྒྱལ་པོ་མཐུ་ཆེན་གྱིས། །གསུང་ནི་འདི་སྐད་བཀའ་སྩལ་ཏོ། །གནས་ཀྱི་ཁྱད་པར་ངས་བསྟན་གྱིས། །རྩེ་གཅིག་སེམས་ཀྱིས་མཉན་པར་གྱིས། །ཕྱི་ཡི་དྲག་པོའི་གནས་རྣ་མས་ནི། །དུར་ཁྲོད་གནས་དང་ཤིང་གཅིག་དྲུང་། །མ་མོའི་གནས་དང་ཐེ་བྲང་གི་གནས། །ལྷ་འདྲེ་འདུ་བའི་ལམ་རྒྱ་གྲམ། །ས་སྲིན་མ་མོ་འདུ་ངམ་གྲོགས། །མི་རྣམས་ཕུང་བའི་ཁང་སྟོང་དང་། །དུག་ཤིང་སྐྱེས་པའི་གནས་དག་ན། །གདུག་པ་སྦྲུལ་ལ་སོགས་པའི་ཚང་ མང་པོར་བཅས་ཤིང་འདུ་བ་དང་། །རལ་པ་འདྲ་བའི་གནས་རྣམས་སུ། །རྡོ་རྗེ་དྲག་པོ་བསྐུལ་བའི་གནས། །ནགས་ཆེན་པོ་ནི་གན་བར། །རྣལ་འབྱོར་མིག་གིས་ལྟས་པ་མང་། །ལྷ་མི་ཡོངས་ལ་གྲགས་པའམ། །ཆུ་མིག་ལྐུགས་པ་ཀླུ་ཡི་དམིགས། །རྒྱུན་ལམ་གོང་གསུམ་འབྱུང་པོའི་སྲང་། །ཕྱོགས་ལས་གྲུབ་པས་ཡི་བགེགས། །མེ་དཔུང་གྲུ་གསུམ་མ་རུངས་བ། །བ་ཚ་ཆུ་གྲང་དམྱལ་བའི་ཆུ། །གནོད་སྒྱིན་མང་པོ་འདུལ་བའི་ས། །སྲིན་པོ་ཁྲོས་པའི་ཁ་གདངས་འདྲ། །དྲེད་མོའི་རལ་པ་སེབ་ནང་དུ། །དྲག་པོའི་ལས་སུ་བྱ་བ་ཡིན། མེ་ཏོག་མང་པོའི་གླིང་ཡོད་དང་། །རི་ནི་་རིན་ཆེན་སྤུངས་པ་འདྲ། །སྐྱེད་མོས་ཚལ་དང་དཔག་བསམ་ཤིང་། །ངང་པ་བུང་བའི་སྒྲ་སྒྲོགས་པ། །སྐད་སྙན་བྱ་ནི་སྣ་ཚོགས་སྒྲོགས། །སྙིང་པོ་མཆོག་གི་འབྲུ་སྣ་ཅན། །གནམ་ནི་འཁོར་ལོ་རྩིབས་བརྒྱད་འདྲ། །ས་ནི་པདྨ་འདབ་བརྒྱད་འདྲ། །གནས་ནི་དབྱིབས་ལེགས་ཁ་ཤར་བལྟས། །ལུང་པ་རན་ཅིང་མཛེས་པར་ནི། །ལས་ཀྱི་བྱ་བ་གཞུད་ཡང་ཙམ། །བཀྲ་ཤིས་དོན་གྱི་གནས་ཡིན་པས། །དབང་དང་དགུག་པའི་གནས་སུ་བསྟན། །ནགས་རི་ཚེར་མ་གདུག་པ་ཡོད། །སྟག་དང་དོན་དང་གཟིག་རྣམས་དང་། །སྦྲུལ་གདུག་གནས་པའི་ནགས་རྣམས་དང་། །གནམ་ནི་རལ་གྲི་འདྲ་བ་དང་། །མདའ་ཡིས་ཕུག་འདྲར་རལ་གྲིས་བཤགས་པ་འདྲ། །ས་ནི་ཟུར་གསུམ་འཇོམས་པའི་དབྱིབས། །ས་བསྒོས་མེ་དཔུང་འབར་བ་འདྲ། །ལོག་པ་འདུ་བའི་མི་རོ་ཡོད། །ཉམས་དང་ལྡན་པས་བཙལ་བྱས་ན། །ངེས་པར་མྱུར་དུ་འགྲུབ་པར་འགྱུར། །ཚེར་མ་ཅན་གྱི་ཤིང་རྣམས་དང་། །དུག་གི་ཤིང་བུས་གསོད་པའི་ས། །བྲག་ནི་སྲིན་པོའི་མཆེ་བ་འདྲ། །གྲོག་པོ་ངམ་ནག་གཏིང་ཡང་ཟབ། །སྟག་སེང་འཐབ་པའི་ཁ་འདྲ་བ། །ལུང་པ་ཐུར་ཟུག་མདོ་ནས་འབྲང་། །ཆུ་སྲིན་གནས་པའི་ཁ་གདངས་འདྲ། །བྲག་གཉིས་འདུ་བའི་བར་དག་གམ། །གནོད་སྤྱིན་མ་རུང་ཡོད་པའི་གནས། །ལས་ཀྱི་བྱ་བ་དེར་ཤེས་སོ། །ལྷ་མི་མང་པོ་བསད་པའི་ཁང་། །གཡུལ་ལ་འཕམ་རྒྱལ་བྱུང་ན་ནི། །མང་པོར་བསད་པའི་མདའ་དུམ་ཡོད། །སྔོན་ཆད་སྲིན་པོ་བསྒྲལ་བའི་ས། །སྲིན་པོ་བསད་པའི་གཅལ་བཞི་ཡི། །ཁྲག་གི་རྗེས་འདྲ་ཡོད་པ་ཡི། །གཡུལ་ལས་གསད་པའི་རོ་སྙིང་དང་། །མང་པོར་བསད་ཅིང་སྦས་པའི་ས། །སྲིན་མོ་འདུས་པའི་བཅལ་གཞི་ནི། །བྲག་ལ་མཆི་རིས་གཡའ་ལ་ཡོད། །རི་སྐྱ་བ་སྙིལ་བའི་ཐལ་ཕུང་འདྲ། །ལུང་པ་ལྕགས་རི་མེས་བསྲེགས་འདྲ། །རྩིང་ཤིང་རད་རོད་མི་རེང་འདྲ། །རི་ཡི་ལོགས་ལ་འབར་འབུར་ནི། །མི་ཡི་རོ་ནི་སྦས་པ་འདྲ། །ས་ནི་མེས་ཚིག་གདུག་པའི་ཆུ། །སྔོན་ཆད་ཕྱུང་བའི་གནས་རྣམས་སུ། །ལས་ཀྱི་བྱ་མ་མང་པོ་ཀུན། །གང་ཡིན་ལས་ཀྱི་བྱེ་བྲག་རྣམས། །གཞུང་བཞིན་བསྒྲུབས་ན་ངེས་པར་འགྲུབ། །རང་བཞིན་གྲུབ་པའི་གཞལ་ཡས་སུ། །རྣམ་རྟོག་འཇོམས་པའི་གནས་སུ་བཤད། །མཐིང་ནག་ཟུར་གསུམ་གཞལ་ཡས་ནི། །གདུག་ཅན་སྒྲོལ་བའི་གནས་ཡིན་ནོ། །མ་ཆགས་པདྨའི་གཞལ་ཡས་སུ། །ཐམས་ཅད་འདུ་པའི་གནས་ཡིན་ནོ། །ས་ནི་པདྨ་འདབ་བརྒྱད་འདྲ། །ལོགས་ལ་དཔག་བསམ་ཤིང་ཡོད་པ། །གནམ་ནི་ཟུར་གསུམ་འབར་བས་མཛེས། །ཐམས་ཅད་འཇོམས་པའི་གནས་ཡིན་ནོ། །རབ་ཏུ་ཁྲོས་པའི་ཟུར་གསུམ་གནས། །ཁྲོས་པའི་ཚོགས་རྣམས་སྤྲིན་ཕུང་བཞིན། །དེ་ནི་འདུ་ཞིང་གནས་པ་ཡིན། །མ་མོམཁའ་འགྲོ་དམ་ཅན་གནས། །འདུ་ཞིང་འཕྲོ་ཞིང་གནས་ཞིང་འབར། །གཏོག་དང་འཛིན་དང་གནས་པའི་ས། །བཙན་དང་འབྱུང་པོ་གནས་པའི་ས། །རླུད་ནག་གདུག་པ་ཁ་ནུབ་ལྷོ། །མ་མོ་འདུ་ཞིང་གནས་པའི་ས། །གཙུག་ལག་ཁང་དང་དཀོན་མཆོག་ཞབས། །མཆོད་རྟེན་རྒྱ་སྲང་ཐེམ་འོག་ཏུ། །འདི་རྣམས་གནས་ཀྱི་དམ་པར་བཤད། །ཅེས་གསུངས་སོ། །རྒྱུད་ཀྱི་རྒྱལ་པོའི་རྒྱལ་པོ་རྡོ་རྗེ་གསང་བའི་གཏེར་ཞེས་བྱ་བའི་མདོ་ལས། །གནས་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་ལས་ཀྱི་རྒྱལ་པོས། བཛྲ་ཀི་ལ་ཡལ་འདི་སྐད་ཅེས་གསོལ་ཏོ། །ཀྱེ་ཀྱེ་གསང་བ་གསུམ་གྱི་བདག །འགྲོ་ཀུན་རང་དབང་མེད་སྒྲོལ་བ། །སྒྲོལ་བདག་ཁྱོད་ལ་ཕྱག་འཚལ་འདུད། །གནས་དེ་དེ་ལྟར་གྲུབ་ཅིང་གསང་། །དེ་ཡི་མཚན་ཉིད་གསུངས་ལགས་ན། །དེ་ཡི་ས་རྣམས་ཇི་ལྟར་བགྱི། །བསླང་ཞིང་སྦྱང་བ་མི་འཚལ་ལམ། །དཀྱིལ་འཁོར་ལས་རྣམས་ཇི་ལྷར་ལགས། །དེ་ལ་མཚན་མ་ཇི་ལྟར་དགོད། །སོ་སོའི་མཚན་ཉིད་ཇི་ལྟར་ལགས། །ཞེས་གསོལ་པ་དང་། བཅོམ་ལྡན་འདས་དཔའ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། འདི་སྐད་ཅེས་བཀའ་སྩལ་ཏོ། །གནས་ཀྱི་དམ་པ་དེ་སྙེད་ནས། །རྒྱལ་པོ་བློན་པོ་དམངས་ཕལ་པ། །རྒྱལ་རིགས་རྗེ་རིགས་བྲམ་ཟེའི་རིགས། །རིགས་ངན་ལ་སོགས་བདག་པོ་ལ། །ཇི་ལྟར་འོས་པས་མཉེས་བྱས་ལ། །དེ་ནས་ངང་འཇམ་བདེན་པས་དགྲོལ། །ཐུགས་ཐུབ་རང་དགར་མི་བྱའོ། །བྱས་ན་ཉེས་དང་ཡ་གར་བཅས། །དེ་བས་བདེན་པ་བདར་ལ་བླང་། །དབང་དང་ཞི་བ་རྒྱས་པ་ལ། །སྣང་དང་མི་སྣང་གཉིས་་ལའོ། །ས་བདག་ལྷ་ཀླུ་འཁོར་བཅས་ལ། །མཐུན་པའི་གཏོར་མ་འདི་འབུལ་གྱིས། །ཚེ་རབས་བརྒྱུད་པའི་ཞེ་སྡང་བཅས། །དུར་འདིར་མཐུ་རྩལ་དབྱུང་དུ་གསོལ། །ལས་འདི་གྲུབ་པར་དུ་ནི། །ས་འདི་ཁྱེད་ལ་བདག་གཡར་གྱིས། །ཞི་དང་རྒྱས་དང་དབང་དང་དགུག །ལས་རྣམས་ཁྱེད་ཀྱིས་མངོན་པར་བསྒྲུབས། །མ་གྲུབ་པར་དུ་གཞན་དུ་ཟུར། །དེ་ནས་སྟེགས་བུ་རྩིགཔ་ཙམ། །ཕྱི་ནང་གསང་གསུམ་སྦྱངས་པས་སྦྱང་། །པ་ཡི་རིམ་པས་འགྲུབ་མི་འགྲུབ། །བརྟགས་ཏེ་སྟེར་སར་སྟེགས་བུ་རྩིག །བདུད་རྩི་ལྔ་ཡིས་ཆག་ཆག་གདབ། །བ་བྱུང་བ་ཡི་ཀོ་བ་ཙམ། །རྒྱར་ནི་ལེགས་པར་བྱས་པ་ལ། །མཚོན་བྱིན་བརླབས་ནས་དགྱེས་བྱ་སྟེ། །དབུས་ཀྱི་ལྟེ་བ་ཟླུམ་པོ་ལ། །དྲག་པོས་འཇོམས་པ་གྲུ་གསུམ་བྲི། །ཕྱི་མ་གསོད་པའི་འཁོར་ལོ་ལ། །ཡབ་ཡུམ་བྱང་ཆུབ་སེམས་ཀྱིས་བྲི། །ཕྱི་ཡི་གྲུ་ཆད་བཞིར་བྲི་ཞིང་། །ཟུར་བཞི་མཛེས་པས་སྒོ་དང་བཅས་འབར་བའི་འཁྱིམས་དང་བཅས་པ་བྲི། །དབུས་སུ་རོ་ཡི་དྲེགས་པ་བསྣོལ། །པདྨ་ཉི་མའི་འོད་ཀྱིས་མཛེས། །འཁོར་ལོ་རྩིབས་ནི་བཅུ་རྣམས་ལ། །སྐྱོང་བ་རྣམ་སྨིན་དེ་ལྟར་ལགས། །ཐབས་དང་བཅས་པའི་མཚན་མ་དགོད། །སྐུ་ཡི་དཀྱིལ་འཁོར་གསལ་བར་དགོད། །གསུང་གི་དཀྱིལ་འཁོར་དེར་བསམ་དགོད། །དང་པོ་སྔགས་ཀྱི་གཙོ་བོ་ལ། །དེ་བཞིན་བདེ་གཤེགས་སྲས་དམ་པ། །ཕྱོགས་ཀྱི་ཡབ་ཡུམ་རྒྱལ་པོ་བྲི། །དེ་རྗེས་མཚམས་ཀྱི་བརྒྱད་པོ་བྲི། །དེ་རྗེས་གཞལ་ཡས་སྒོམ་བཞི། །གསལ་བར་དགོད་པའི་ལས་ཀྱང་བྱ། །བརྙ་བདུད་རྩི་གང་བ་བཞི། །མཆོད་པའི་ཚོགས་སུ་བྲི་བར་བྱ། །དེ་ལྟར་ཉི་ཤུ་རྩ་བརྒྱད་རྣམས། རྣལ་འབྱོར་དམ་པས་བྲི་བར་བྱ། །དབུས་སུ་དྲེགས་པའི་གདན་ལ་ནི། །བཅོམ་ལྡན་དབུས་ཀྱི་གཙོ་བོ་དགོད། ཁྲར་གྱི་འཁོར་ལོ་རྩིབས་དག་ལ། །དྲི་ཟ་བསྣོལ་བའི་གདན་སྟེངས་སུ། །རྣམ་པར་རྒྱལ་བ་ཡབ་ཡུམ་དགོད། །ལྷོ་ཕྱོགས་འཁོར་ལོ་རྩིབས་དག་ལ། །བའི་གདན་སྟེངས་སུ། །གཤེད་པོ་ཡབ་ཡུམ་དགོད་པར་བྱ། །ནུབ་ཕྱོགས་འཁོར་ལོ་རྩིབས་དག་ལ། །ཀླུ་གདུག་བསྣོལ་བའི་གདན་སྟེང་ན། །རྟ་མགྲིན་ཡབ་ཡུམ་དགོད་པར་བྱ། །བྱང་ཕྱོགས་འཁོར་ལོ་རྩིབས་སྟེང་དུ། །གནོད་སྦྱིན་བསྣོལ་བའི་གདན་སྟེངས་ན། །བདུད་རྩི་འཁྱིལ་བ་ཡབ་ཡུམ་དགོད། །ཤར་ལྷོ་འཁོར་ལོ་རྩིབས་སྟེངས་སུ། །མེ་ལྷ་བསྣོམ་བའི་གདན་སྟེངས་སུ། །དབྱུག་པ་སྔོན་པོ་ཡབ་ཡུམ་དགོད། །ལྷོ་ནུབ་འཁོར་ལོ་རྩིབས་སྟེངས་སུ། །བདེན་བྲལ་བསྣོལ་བའི་གདན་སྟེངས་སུ། །མི་གཡོ་མགོན་པོ་ཡབ་ཡུམ་དགོད། །ནུབ་བྱང་འཁོར་ལོ་རྩིབས་སྟེངས་སུ། །རླུང་ལྷ་བསྣོལ་བའི་གདན་སྟེངས་སུ། །གཞན་གྱིས་མི་ཐུབ་ཡབ་ཡུམ་དགོད། །བྱང་ཤར་འཁོར་ལོ་རྩིབས་སྟེངས་སུ། །དབང་ལྡན་བསྣོལ་བའི་གདན་སྟེངས་སུ། །ཁམས་གསུམ་རྣམ་རྒྱལ་ཡབ་ཡུམ་དགོད། །མདུན་དུ་ཚངས་པའི་གདན་ལ་ནི། །ཧུ༷་ཆེན་ཡབ་ཡུམ་དགོད་པར་བྱ། །རྒྱབ་ཏུ་ས་བདག་གདན་ལ་ནི། །སྟོབས་ཆེན་ཡབ་ཡུམ་དགོད་པར་བྱ། ཁྲར་སྒོར་ཉི་མའི་གདན་ལ་ནི། །པུ་ཤུད་མགོ་ཅན་བྲི་བར་བྱ། །ལྷོ་སྒོར་ཉི་མའི་གདན་ལ་ནི། །སྐྱ་ཀའི་མགོ་་ཅན་དགོད་པར་བྱ། །ནུབ་སྒོར་ཉི་མའི་གདན་ལ་ནི། །སྲིན་བྱའི་མགོ་ཅན་དགོད་པར་བྱ། །བྱང་སྒོར་ཉི་མའི་གདན་་ལ་ནི། །ཁྲ་ཡི་མགོ་ཅན་དགོད་པར་བྱ། ཁུ།་ཆད་རྣམ་པ་བཞི་ལ་ནི། །བནྟྲ་མཚན་ལྡན་བདུད་རྩིས་བཀང་། །མཆོད་པ་ལྡན་ཕྱིར་བཞི་རྣམས་དགོད། །གསུང་མཆོག་ཡིག་འབྲུར་དགོད་པ་ནི། །བན་དྷ་དུམ་བུ་གཅིག་ནང་དུ། །དབང་པོ་ལྔ་རྣམས་ཚང་བྱས་ལ། །དི་དག་སྙིང་པོ་བྲིས་ལ་དགོད། །ཡན་ལག་བཅུ་ཡིན་ནེ་སུག་བཅུ། །འཁོར་གྱི་ཁྲག་འཐུང་བཅུ་རྣམས་ཀྱི། །ས་བོན་བྲིས་ཏེ་དགོད་པར་བྱ། །ཡན་ལག་བཞི་ཡི་རུས་པ་ལ། །སྒ་་མ་བཞི་ཡིས་ས་བོན་རྣམས། །བྲིས་ལ་སྒོ་བཞིར་དགོད་པར་བྱ། །ཐོད་པའི་དུམ་བུའི་ནང་དུ་ནི། །ཡབ་ཡུམ་བྱང་ཆུབ་སེམས་བླུགས་ལ། །དུར་ཁྲོད་སྨྱུ་གུས་བྲི་བར་བྱ། །ཐོད་པའི་དུམ་བུ་དགུ་ནང་དུ། །ཏིལ་ཆེན་མེ་མར་ཁ་དགུ་བཏང་། །རྡོ་རྗེ་ཤ་ཆེན་ཐང་མར་བདལ། །ཀེང་རུས་ཚོགས་ནི་རི་ལྟར་སྐྲུངས། །གསུར་ཆེན་དུད་པ་རྒྱུན་མི་བཅད། །སྟག་དང་ཆུ་སྲིན་རྒྱལ་མཚན་བསྣམས། །ཕྱོགས་དང་མཚམས་སུ་གཟུགས་པར་བྱ། །ཞིང་གི་བླ་རེ་སྤྲིན་ལྟར་གཏིབས། །ཞིང་ཕྲན་མང་པོའི་འཕན་འཕྲན་འཕྱང་། །དེ་ལྟར་གསལ་བའི་དཀྱིལ་འཁོར་ནི། །ཐུགས་ཀྱི་དཀྱིལ་འཁོར་དམ་པའོ། །དེ་ལ་སོགས་པའི་དཀྱིལ་འཁོར་རྣམས། །སྐུ་གསུང་ཐུགས་ཀྱི་དཀྱིལ་འཁོར་རྣམས། །གོང་དུ་གསུངས་པ་ཐམས་ཅད་འདྲ། །གསུང་གི་དཀྱིལ་འཁོར་དགོད་ལུགས་ནི། །བུམ་པ་དཀར་པོ་ནག་ནོན་མེད། །བྱང་ཆུབ་སེམས་ཀྱི་ཁྲུས་བྱས་ལ། །གཙོ་བོའི་སྙིང་པོ་བྲིས་ལ་དགོད། །ལྷག་མའི་བུམ་པ་བཅུ་བཞི་ལ། །སོ་སོའི་སྙིང་པོ་བྲིས་ལ་དགོད། །སྐུ་ཡི་དཀྱིལ་འཁོར་དམ་པར་བྱའོ། །ཡོན་ཏན་དཀྱིལ་འཁོར་དམཔ་ལ། །བུམ་པ་སེར་པོ་འོད་དང་བཅས། །གུར་ཀུམ་བཟང་པོས་མཚན་པ་བྲིས། །སོ་སོའི་གནས་སུ་དགོད་བྱས་ལ། ཆུ་སྲིན་ལ་སོགས་རྒྱལ་མཚན་དང་། །སྟེང་ནས་ཞིང་གི་བླ་རེ་བྲིས། །ཡོན་ཏན་དཀྱིལ་འཁོར་དམ་པས་བྱའོ། །གསུང་གི་དཀྱིལ་འཁོར་དམ་པ་ནི། །ཟངས་ཀྱི་བུམ་པ་བཅོ་ལྔ་ལ། །ཙན་དན་དམར་པོའི་ཆུ་ཡིས་བཀྲུ། །མདོ་ལའི་ལོ་མས་ཁ་རྒྱན་བྱས། །ཨ་ཤོ་ཀན་ཏས་སྙིང་པོ་བྲི། །སོ་སོའི་གནས་སུ་དགོད་པར་བྱ། །གཙོ་བོ་གདན་ཡང་པདྨ་དེ་ཉིད་ལ། །རབ་གནས་གསུང་གི་དཀྱིལ་འཁོར་ཡིན། །ལས་ཀྱི་དཀྱིལ་འཁོར་དམ་པ་ནི། །ཐུགས་ཀྱི་དཀྱིལ་འཁོར་རྫས་རྣམས་དང་། །ཐམས་ཅད་མཐུན་པར་ཤེས་པར་བྱ། །ལས་གང་བྱ་བར་ཤིས་པ་ན། །དཀྱིལ་འཁོར་དམ་པ་ཡིན་པར་ནི། །དུས་གསུམ་ཁྲག་འཐུང་ཐམས་ཅད་ཀྱིས། །དམ་པ་ཡིན་པར་གསུངས་པས་ན། །འདི་ལ་མཆོག་ཏུ་ནན་ཏན་བྱའོ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ཐམས་ཅད་ཀུན། །དཀྱིལ་འཁོར་རྣམ་པ་ལྔ་པོ་ཡིན། །གདོད་ནས་འཇོམས་པའི་མཚན་ཉིད་དོ། །ཞེས་གསུངས་སོ། །རྒྱུད་ཀྱི་རྒྱལ་པོའི་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། མཚན་མ་དགོད་པའི་ལེའུ་སྟེ་ལྔ་པའོ།། །།དེ་ནས་ཡང་ལས་ཀྱི་རྒྱལ་པོས། །བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡལ་འདི་སྐད་ཅེས་གསོལ་ཏོ། །སྐུ་གསུང་ཐུགས་ཀྱི་དཀྱིལ་འཁོར་རྣམས། །དེ་ཡི་གྲངས་རྣམས་གསུངས་ལགས་ན་ཁྲོས་པའི་རྒྱལ་པོ་བཅུ་རྣམས་ལ། །འདི་ལ་དཀྱིལ་འཁོར་མི་འཚལ་ལམ། །འདི་ཡི་དབྱེ་བ་ཇི་ལྟར་ལགས། །སོ་སོའི་ལས་ཀྱི་མཚན་ཉིད་ཅི། །ཞེས་གསོལ་བ་དང་། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། །འདི་སྐད་ཅེས་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །སོ་སོའི་དཀྱིལ་འཁོར་དབྱེ་བ་རྣམས། །སེམས་ཅན་ཀུན་ལ་ཕན་བསྐྱེད་ཕྱིར། །འདྲི་བར་བྱེད་པ་ལེགས་སོ་ལེགས། །སོ་སོའི་དབྱེ་བའི་དཀྱིལ་འཁོར་ནི། །སྐུ་གསུང་ཐུགས་ཀྱི་བྱེ་བྲག་སྟེ། །ཡོན་ཏན་འཕྲིན་ལས་ལྔ་རུ་འདོད། །སྐུ་ཡི་དཀྱིལ་འཁོར་དམ་པ་འདི། །ཐིག་བཞི་བཏབ་པས་ལེ་ཚེ་བརྒྱད། །གསང་བའི་གནས་དང་དགུ་རུ་འགྱུར། །གྲུ་གསུམ་མརྭའོད་འབར་་བ་བྲི། །དབུས་སུ་རྣམ་པར་རྒྱལ་བ་བྲི། །མདུན་དུ་སྔགས་ཀྱི་བདག་པོའོ། །ལྷག་མ་གོ་རིམ་བཞིན་དུ་སྟེ། །སོ་སོའི་དགོད་པའི་རིམ་པ་ནི། །མཁས་པས་བརྟགས་ཏེ་ཤེས་པར་བྱ། །དེ་ལྟར་དཀྱིལ་འཁོར་གསལ་བཀོད་པ། །སྐུ་ཡི་དཀྱིལ་འཁོར་དམ་པས་བྱ། །ཡོན་ཏན་དཀྱིལ་འཁོར་དམ་པ་ནི། །རིན་ཆེན་མྱུ་གུ་འདྲ་བ་ལ། །ཕྱོགས་མཚམས་འདབ་མ་བརྒྱད་དུ་བྲི། །རིགས་དང་མཐུན་པའི་ཁ་དོག་གསལ། །ཟུར་གསུམ་གདུག་པའི་ཆ་ལུགས་ཀྱིས། །གྲུ་གསུམ་མེ་འོད་འབར་བ་བྲི། །དེ་སྟེངས་གསལ་བའི་དཀྱིལ་འཁོར་ལྡན། །དབུས་སུ་དྲེགས་པའི་གདན་དག་ལ། །གཤེད་པོ་ཡབ་ཡུམ་གསལ་བར་ལྟ། །གཡས་སུ་སྔགས་ཀྱི་བདག་པོའོ། །ལྷག་མ་རྣམས་ནི་རིམ་པས་གསལ། །རྒྱན་རྣམས་ཀུན་ཀྱང་ལྷན་ནེའོ། །རིན་ཆེན་འོད་ཀྱིས་ལས་གང་གྲུབ། ཡོན་ཏན་དཀྱིལ་འཁོར་དམ་པ་ཡིན། །གསུང་མཆོག་དཀྱིལ་འཁོར་དམ་པ་ནི། །མ་ཆགས་པདྨ་འདབ་བརྒྱད་ལ། །གསལ་བའི་འོད་ཀྱིས་ཡང་དག་བརྒྱན། །ཁ་དོག་དམར་འདྲ་ཙན་དན་མདོག །མེ་འོད་བཅས་པའི་གྲུ་གསུམ་ལ། །སོ་སོའི་གདན་དང་བཅས་པ་གསལ། །དེ་ལྟ་བུ་ཡི་གདན་དག་ལ། །རྟ་མགྲིན་ཡབ་ཡུམ་གསལ་བ་སྟེ། །རྒྱབ་ཏུ་སྔགས་ཀྱི་བདག་པོའི། །དེ་བཞིན་རིམ་པར་གསལ་བར་ལྟ། །མཆོད་པར་འོས་པའི་རྫས་ཀྱང་དགོད། །གསུང་གི་དཀྱིལ་འཁོར་དམ་པར་བྱའོ། །ལས་ཀྱི་དཀྱིལ་འཁོར་དམ་པ་ནི། །ཚད་མེད་སྙིང་རྗེ་བསྐྱེས་པ་དང་། །བྱང་ཆུབ་སེམས་ལ་དགའ་བ་དང་། །སྔོན་དུ་འགྲོ་བའི་མཆོག་ཡིན་ཏེ། །སྒྲུབ་པ་པོས་ནི་ནན་ཏན་བྱ། །ཁྲག་འཐུང་ཐུགས་ལ་གནས་པ་ནི། །ཡེ་ཤེས་རྩེ་མོ་མཆོག་ཡིན་ཏེ། །ཧུ༷་གསུམ་ལས་ནི་འདས་པའི་ཕྱིར། །རྩེ་མོ་མེད་པའི་ལས་སུ་བསྟན། །དེའི་ཐུགས་དང་བྱིན་རློབས་དང་། །བཟླས་བརྗོད་དང་ནི་འཕྲིན་ལས་དང་། །དུས་དང་གནས་དང་བདག་ཉིད་དང་། །ཕུན་སུམ་ཚོགས་པ་བདུན་པོ་ཡིས། །དྲག་པོའི་ལས་གང་གྲུབ་པར་བྱེད། །དཀྱིལ་འཁོར་རྩིབས་བཞི་མུ་ཁྱུད་དང་། །གྲུ་ཆད་བཞི་ཡིས་བརྒྱན་པའི་ཁྱམས། །ཉི་ཟླ་གའུ་ཁ་སྦྱར་ནང་། །དྲེགས་པའི་གདན་ལ་གནས་པར་བྱ། །མེ་ལོང་ཡེ་ཤེས་ལ་སོགས་པའི། །བྱང་ཆུབ་ལྔ་ལས་ཐམས་ཅད་རྫོགས། །དབུས་སུ་ལས་ཀྱི་ཧེ་རུ་སྟེ། །ཡབ་ཡུམ་ཐབས་དང་ཤེས་རབ་གསལ། ཁྲར་ཕྱོགས་འཁོར་ལོའི་རྩིབས་ལ་ནི། །དྲི་ཟ་བསྣོལ་བའི་གདན་སྟེངས་སུ། །རྣམ་རྒྱལ་ཡབ་ཡུམ་གསལ་བར་བལྟ། །ལྷོ་ཕྱོགས་འཁོར་ལོའི་རྩིབསལནི། །གཤིན རྗེབསྣོལ་བའི་གདན་སྟེངས་ན། །ཉི་ཟླ་གསལ་བའི་དཀྱིལ་འཁོར་ལྡན། །གཤེད་པོ་ཡབ་ཡུམ་ཡོངས་རྫོགས་པའོ། །ནུབ་ཕྱོགས་འཁོར་ལེའི་རྩིབས་ལ་ནི། །ཀླུ་བདུད་བསྣོལ་བའི་གདན་སྟེངས་སུ། །རྟ་མགྲིན་ཡབ་ཡུམ་གསལ་བར་བསྐྱེད། །བྱང་ཕྱོགས་འཁོར་ལོའི་རྩིབས་སྟེངས་ན། །གནོད་སྤྱིན་བསྣོལ་བའི་གདན་སྟེངས་སུ། །སྟོབས་ཆེན་ཡབ་ཡུམ་གསལ་བར་བསྐྱེད། །སྒོ་མ་ལ་སོགས་དེ་བཞིན་བྱ། །གའུའི་ནང་དུ་ཧུ༷་བསྒྲིལ་བྱ། །སོ་སོར་རྟོག་པའི་ཡེ་ཤེས་སོ། །གསལ་བའི་འོད་བཅས་མེ་ལོང་ལྟར། །སྣང་ཡེ་ཤེས་ཞེས་བྱའོ། །གསལ་བའི་འོད་དང་བཅས་པ་ནི། །མཉམ་ཉིད་ཡེ་ཤེས་ཞེས་བྱའོ། །ཆོས་དབྱིངས་ཡེ་ཤེས་རྒྱུ་མཐུན་རང་བཞིན་ནི། །ཆོས་དབྱིངས་ཡེ་ཤེས་བྱ་བ་སྟེ། །འདུས་པ་བྱ་བ་ནན་ཏན་གྱི། །ཡེ་ཤེས་ཞེས་ནི་བརྗོད་པ་ཡིན། །དེ་ལྟར་ཡེ་ཤེས་ལྔ་རྣམས་ཀྱིས། །བདེ་གཤེགས་འཁོར་བཅས་ཡོངས་རྫོགས་པའོ། །ལས་ཀྱི་དཀྱིལ་འཁོར་དམ་པ་སྟེ། །ཐུགས་ལས་ཡོངས་སུ་ཤར་བ་ཡིན། །གསལ་བའི་དཀྱིལ་འཁོར་འདི་རྣམས་ཀྱིས། །འདོད་ཆགས་ལ་སོགས་ཉོན་མོངས་ལྔ། །ཞི་དང་རྒྱས་མརྭདང་དབང་དང་དགུག །བསད་དང་བསྒྲལ་དང་བཟློག་པའི་ལས། །སྲུང་དང་བསྡིགས་པའི་ལས་དང་ནི། །བསྐྲད་དང་དབྱེ་བའི་ལས་རྣམས་བསྒྲུབ། །ལས་ཀྱི་མཚན་ཉིད་གསལ་བྱའོ། །བསྒྲུབ་དང་སྒྲུབ་པ་ཆེན་པོའི་་དབང་། །ཇི་ལྟར་སྣང་བའི་དཀྱིལ་འཁོར་ལ། །རེ་རེ་ལ་ཡང་དྲུག་དྲུག་སྟེ། །མཚན་ཉིད་བགྲང་བ་ལས་འདས་པས། །བརྗོད་ལས་འདས་ཏེ་བསམ་བྱ་མིན། །ངེས་པ་མེད་པར་རྒྱལ་བས་གསུངས། །ཞེས་སུངས་སོ། །རྒྱུད་ཀྱི་རྒྱལ་པོའི་ཡང་རྒྱལཔོ་གསང་བ་གཏེར་ཞེས་བྱ་བའི་མདོ་ལས། །ཁྲོ་བོ་སོ་སོའི་དཀྱིལ་འཁོར་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་ལས་ཀྱི་རྒྱལ་པོས། བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ། འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་གསང་ཆེན་བདག །རྣམ་པར་རོལ་བའི་རང་བཞིན་ཅན། །ཀུན་མཁྱེན་ཐམས་ཅད་ས་ལེའོ། །མ་འགགས་དྲི་མ་རྣསམ་དང་བྲལ། །རྒྱན་གྱི་གཙོ་བོ་དམ་པའི་མཆོག །ཡེ་ཤེས་སྐུས་ནི་སེམས་ཅན་དོན། །བདག་ཉིད་གཙོ་བོ་སྐྱབས་དམ་པ། །དཀྱིལ་འཁོར་རྣམས་ནི་གསུངས་ལགས་ན། །ལྷ་ལ་དབང་བསྐུར་མི་འཚལ་ལམ། །དབང་བསྐུར་ཐབས་ནི་ཇི་ལྟར་བགྱི། །ལྷ་ལ་བྱིན་རློབས་བྱིན་འཚལ་ལམ། །ཐབས་ནི་ཇི་ལྟར་རླབ་པར་བགྱི། །རང་བཞིན་དཀྱིལ་འཁོར་དམ་པ་རྣམས། །དགུག་ཅིང་བསྟིམ་པ་མི་འཚལ་ལམ། །བསྟིམ་པའི་ཐབས་ནི་ཇི་ལྟར་བགྱི། །ལྷ་ལ་མཆོད་འབུལ་མི་འཚལ་ལམ། །མཆོད་པའི་གྲངས་ནི་དུ་ཞིག་མཆིས། །བསྟོད་པའི་ཚུལ་ནི་ཇི་ལྟར་བསྟོ༡ད། །བསྟོད་པའི་གྲངས་ནི་དུ་ཞིག་མཆིས། །ཁྲག་འཐུང་རྒྱལ་པོ་བཤད་དུ་གསོལ། །ཅེས་གསོལ་པ་དང་། །བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། །འདི་སྐད་ཅེས་བཀའ་སྩལ་ཏོ། །བདེ་གཤེགས་དཀྱིལ་འཁོར་གསལ་བཀོད་ནས། །དབང་དང་ལྡན་པར་བྱ་བའི་ཕྱིར། །ཁྱོད་ཀྱིས་ཞུས་པ་ལེགས་སོ་ལེགས། །ང་ཡིས་བསྟན་བྱ་ལེགས་པར་ཉོན། །སྐུ་གསུང་ཐུགས་ཀྱི་དཀྱིལ་འཁོར་ལས། །འབྱུང་པོ་སྲོག་དང་འགལ་བ་བྱ། །རྡོ་རྗེ་གཡབ་མོས་གཡབ་ནས་ནི། །དབྱིངས་ནས་དཀྱིལ་འཁོར་སྤྱན་དྲངས་ནས། །དེ་མཉེས་དབང་བསྐུར་བརྩམ་པ་དང་། །ཕྱོགས་བཅུའི་རྒྱལ་བ་བསྐུལ་བ་ཡིས། །དེ་ཡིས་དབང་བསྐུར་རྣམས་པ་གཉིས་། །བྱེ་བྲག་རྣམས་སུ་ཤེས་རབ་བྱའོ། །བདག་ཉིད་གཙོ་བོའི་ཁྱད་པར་ལ། །ལྷ་མོ་རྣམས་ཀྱིས་བསྐུལ་བ་ཡི། །ཐབས་ནི་རྣམ་པ་གཉིས་སུ་གསུང་། །ཕྱི་ནང་གསང་བའི་དབང་གསུམ་པོ། །བུམ་པ་བདུད་རྩིའི་བྱང་ཆུབ་སེམས། །དབུ་རྒྱན་ལུས་དང་ཤེས་པ་གྱིས། །ཡེ་ཤེས་རྒྱས་པ་ཕུན་སུམ་ཚོགས། །དབང་གི་འབྲས་བུ་ཡིན་པར་གསུངས། །བདེ་གཤེགས་དཀྱིལ་འཁོར་རང་བཞིན་གསལ། །གསལ་བའི་དབྱིབས་རྣམས་བྱིན་བརློབས་ཕྱིར། །སྐུ་གསུང་ཐུགས་ཀྱི་རྡོ་རྗེ་འཕྲོས། །བདག་པོའི་སྐུ་ནི་གསལ་བར་བཞག །དབང་བསྐུར་བྱིན་བརླབས་རིམ་པ་ནི། །སོ་སོའི་ཆ་ཡིས་དབྱེ་བར་བྱ། །མཁས་པས་གསལ་བ་སོ་སོ་ནི། །དབྱེ་བར་བྱ་སྟེ་དབང་བྱིན་བརླབ། །སྐུ་ཡི་དཀྱིལ་འཁོར་རྫོགས་པ་དང་། །ཐུགས་ཀྱི་དཀྱིལ་འཁོར་གསལ་བལྟས་ལ། །རླུད་གི་ཀྱོ་བས་རབ་བསྐུལ་གསལ། །དེབཞིནགཤེགསཔསྤྱན་དྲངས་མཆོད། །ལྕགས་ཀྱུས་དབྱིངས་ནས་སྤྱན་དྲངས་བྱོན། །ཞགས་པས་གཞལ་ཡས་ལེགས་གཞུག་སྟེ། །ལྕགས་སྒྲོག་གཉིས་སུ་མེད་པར་བྱ། །དྲིལ་བུས་མཉེས་པར་བྱ་བ་ཡིན། །སེམས་ཅན་དོན་རྣམས་རབ་གྲུབ་པར། །མྱ་ངན་མི་འདའ་བརྟན་པར་བཞུགས། །བསྟིམ་བྱ་ཐབས་དང་བཅས་པའོ། །བདག་གི་དཀྱིལ་འཁོར་དམ་པ་ལས། །ལྷ་མོ་མང་པོ་འཐོན་གྱུར་པས། །རང་བཞིན་གྲུབ་པའི་གནས་ཉིད་དུ། །མཉེས་ནས་བསྐུལ་བྱ་གསོལ་བ་གདབ། །ཕྱོགས་བཅུའི་གནས་ལས་ངེས་པར་འཐོན། །རྒྱལ་བའི་དཀྱིལ་འཁོར་རབ་འབྱམས་ལ། །ལས་དང་མཐུན་པའི་ཚུལ་བརྟགས་ལ། །ཡང་དག་གསང་བའི་གནས་སུ་འཁྱིལ། །གསང་བའི་ངང་ཚུལ་བཟུང་ནས་ནི། །རྣམ་སྨིན་ལས་དབང་དེ་བསམས་ལ། །མཆོད་པའི་བྱེ་བྲག་དབུལ་བ་ཡིན། །རྙུ་པེ་དཀར་མོ་སྤོས་མེ་ཐོགས། །ནམ་མཁའི་སྙིང་པོའི་གནས་སུ་འབུལ། །གཉིས་མེད་དྲི་ཡིས་ཚིམ་ནས་ནི། །སེམས་ཅན་དོན་རྣམས་ཅི་རྒྱས་མཛད། །པྲསྤྲོ་སེར་མོ་མེ་ཏོག་བསྣམས། །རྣམ་པར་སྣང་མཛད་དེ་ལ་དབུལ། །གཉིས་མེད་རྒྱན་གྱིས་མཛེས་བྱས་ལ། །སེམས་ཅན་དོན་རྣམས་མཛེས་པར་འབྱུང་། །ཨུ་ལོ་དམར་མོ་མར་མེ་བསྣམས། །འོད་དཔག་མེད་ལ་མཆོད་པར་བྱ། །འོད་ཟེར་སྟོང་དང་ལྡན་བྱས་ནས། །སེམས་ཅན་དོན་རྣམས་གསལ་བྱེད་པའོ། །གརྙེ་ལྗང་ཁུ་དྲི་ཆབ་བསྣམས། །མི་བསྐྱོད་དམ་པ་དབུལ་བྱས་པས། །བདེ་བའི་རོ་ལྡན་རང་བཞིན་གསལ། །སེམས་ཅན་དོན་རྣམས་བདེ་བར་མཛད། །ལ་སེ་འགྱིང་སྟབས་མཆོད་པ་ཡིས། །ས་ཡི་སྙིང་པོ་མཆོད་བྱས་ནས། །གཉིས་མེད་ཆགས་པའི་རང་བཞིན་བས། །སེམས་དོན་ལ་ཆགས་བསྐྱེད་མཛད། །རིན་ཆེན་འཕྲེང་བས་དེ་བཞིན་ཏེ། །མཛེས་པར་གཟི་བསྐྱེད་སེམས་ཅན་དོན། །རོལ་བས་དེ་བཞིན་བྱེད་པར་འགྱུར། །གིརྙི་སྒྲ་དབྱངས་སྙན་པ་བསྙད། །ཕྱག་ན་རྡོ་རྗེ་མཆོད་བྱས་ནས་། །གཉིསམེད་སྒྲ་ཡིས་མཉེས་བྱས་ནས། །སེམས་ཅན་དོན་མཛད་སྒྲ་སྙན་མཛད། །ནིཏི་གར་གྱི་བྱེ་བྲག་གིས། །ས་ཡི་སྙིང་པོ་དེ་མཆོད་པས། །གཉིས་མེད་རོ་ཡིས་མཉེས་གྱུར་ནས། །དོན་ཀུན་སྒྱུ་མ་ལྟ་བུར་མཛད། །རོ་ཡི་ལྷ་མོའི་བཤོས་ཀྱིས་ནི། །སྤྱན་རས་གཟིགས་ལ་མཆོད་པ་ནི། །ལོངས་སྤྱོད་དེ་བས་མཉེས་གྱུར་ནས། །སེམས་ཅན་དོན་རྣམས་རང་བཞིན་དག །སྒྲ་ཡིལྷ་མོ་བསིལ་སྙན་མཆོད། །དེ་བཞིན་སྒྲ་ཡིས་ཚིམས་བྱས་ནས། །དག་པའི་ཞིང་དུ་བདེ་བར་བཀོད། །རེ་རེ་ལ་ཡང་རྡུལ་རྙེད་དུ། །སངས་རྒྱས་རྡུལ་བསྐེད་མཆོད་པར་བྱ། །མཆོད་པ་དམ་པ་འདི་ཡིས་ནི། །བདེ་བ་ཅན་དུ་འགྲོ་བའི་རྒྱུ། །བསོད་ནམས་ལས་ཀྱང་ཡེ་ཤེས་འབྱུང་། །དམ་པ་ཡིན་ཏེ་རྒྱུ་འབྲས་གཉིས། །གསལ་བའི་དབྱིངས་མཆོག་དམ་པ་ཡིན། །འདི་དེང་བྱེ་མའི་མཆོད་པའོ། །གསང་བའི་ལྷ་མོ་རྣམས་ཀྱིས། །མ་ཆགས་པདྨའི་སྣོད་ནང་དུ། །བདུད་རྩི་ལྔ་ཡིས་གང་བྱས་ལ། །ཐམས་ཅད་དཀྱིལ་འཁོར་རྒྱལ་ལ་འབུལ། ཁྲེས་འགྱུར་སྐུ་གསུང་ཐུགས་འཚིམ་ནས། །བྱང་ཆུབ་དོན་ལ་ངེས་པར་འདོད། །ནང་གི་མཆོད་པ་ཞེས་བྱའོ། །གསང་བའི་མཆོད་པ་དམ་པ་ནི། །བྱང་ཆུབ་སེམས་སམ་རེག་པ་སྟེ། །སྤྱན་རས་གཟིགས་སམ་འཇམ་དཔལ་ལ། །གང་རུང་ལས་ཀྱི་དུས་སུ་ནི། །མཁས་པས་མཆོད་པར་བྱ་བ་ཡིན། །མཉེས་ནས་་མདོང་གྲུབ་ཁྱད་པར་ཅན། །དུས་འདི་ཉིད་དུ་སྩོལ་བར་མཛད། །གསང་བའི་མཆོད་པ་དམ་པར་བྱ། །ཐབས་དང་གྲངས་སུ་བཅད་པའོ། །དེ་བས་མཆོད་སྤྱིན་དུས་སུ་ནི། །ཐམས་ཅད་ཚོགས་ནས་མདུན་བདར་ནས། །རང་བཞིན་གསལ་བའི་མགྲིན་བསྡོམས་ནས། །གསང་བ་གསུམ་གྱི་གླུ་བླངས་ཏེ། །བསྟོད་པའི་རྒྱལ་པོ་འདི་ཡིས་བསྟོད། །ཧཱུཾ༷། བསྐལ་པ་མེ་ལྟར་འབར་བ་ཡིས། །འོད་ཟེར་འདུའཕྲོ་ཀློང་དཀྱིལ་ནས། །ཁྲོ་བོ་ཁྲོ་མོ་རྣམས་བཞུགས་པ། །སྐུ་ནི་ཅིར་ཡང་འགྱུར་བའི་གཟུགས། །ཧཱུཾ༷། དབུ་སྐྲ་ཁམ་ནག་རལ་པ་ཅན། །གྱེན་དུ་འཁྱིལ་བས་སྲིད་བརྩེ་འབར། །མི་ཉམས་ཁྲོ་གཉེར་སྡང་མིག་ནི། །ལོག་པར་ལྟ་བ་འདུལ་བའི་སྤྱན། །ཧཱུཾ༷ མཆེ་བ་ཟངས་ཡག་གཙིགས་པ་ནི། སྐྱེ་ཤི་རྩ་བ་བཅོད་པའི་ཕྱིར། །སྐུ་གསུང་ཐུགས་ཀྱི་བྱིན་རླབས་ལ། །ཕྱག་རྩ་སྣ་ཚོགས་ཅིར་ཡང་སྟོན། །ཧཱུཾ༷། ཐུགས་རྗེ་བྱིན་རླབས་སྤྲིན ལྟར་གཏིབས། །བྱམས་པའི་འོད་ཟེར་གློག་ལྟར་འཁྱུག །རྔམ་པའི་སྒྲ་སྐད་འབྲུག་ལྟར་སྒྲོགས། །སྤྲུལ་པའི་ཐོག་ཐོག་ཆར་བཞི་འབེབས། །ཧཱུཾ༷། སྔོན་གྱི་ཐུགས་དམ་ཆེན་པོ་ནི། །ཀླན་ཀ་མཆོག་པོ་བདུད་ལ་ཚོལ། །ཡ་གམ་ཅན་་ལ་དངོས་གྲུབ་གསོལ། །ཀྱལ་ཀ་ཆེན་པོ་བགེགས་ལ་ཚོལ། །ཧཱུཾ༷། ཐུགས་རྗེ་ཆེན་པོ་བྱིན་རླབས་ཀྱིས། །བདག་ལ་བྱིན་གྱིས་རློབས་མཛད་ཅིང་། །བདག་ནི་ལྷག་པའི་བསམ་པ་རྣམས། ཁྲུབ་པར་བྱིན་གྱིས་བརླབ་ཏུ་གསོལ། །ཧུ༷། འཁྱིལ་ཅིང་རྒྱན་ཡང་འཁྱིལ་བ་སྟེ། །སེམས་ལ་བརྗོད་མེད་སྐུ་མི་མངའ། །སྒྲ་ལས་འདས་པའི་སྦྱོར་བ་སྟེ། །བསམ་དང་བྲལ་བས་ཡེ་ཤཛེས་ལགས། །ཧུ༷། སྲིད་གསུམ་འཇོམས་པའི་ལྷ་ལ་ཕྱག་འཚལ་ལོ། །མཉམ་ཉིད་ངང་གི་ཁྲོལ་ཕྱག་འཚལ་ལོ། །རྡོ་རྗེ་འདུ་འཕྲོའི་ཚོགས་ལ་ཕྱག་འཚལ་ལོ། །ཁྲོས་པས་ལོངས་སྤྱོད་མཛད་ལ་ཕྱག་འཚལ་ལོ། །མི་དམིགས་གསལ་བའི་ངང་ལ་གནས། །རྗེས་འཇུག་ཐམས་ཅད་གསལ་བའི་འོད། །མ་བཅོས་ཐུགས་མཆོག་གནས་སུ་འཁྱིལ། །ཐམས་ཅད་བདེ་བའི་ངང་ཉིད་དེ། །དཀྱིལ་འཁོར་ལ་ནི་འཁོར་ལོ་སྟེ། །བདག་པོའི་དབང་དུ་གསུངས་པ་ཡིན། །སྐུ་གསུང་ཐུགས་ཀྱི་ངང་ཉིད་ལས། །སྐུ་གསུང་རྣམས་སུ་དེ་བསྐྱེད་བྱ། །ཐམས་ཅད་དཀྱིལ་འཁོར་གྲངས་དེ་རྣམས། །སོ་སོའི་དབྱེ་བ་མ་ཡིན་ཏེ། །གཅིག་གིས་ཀུནལ་བྱ་བའི་ཕྱིར། །སྟོན་པའི་རྒྱལ་པོ་ཞེས་ནི་བྱ། །དེ་ཡི་དབང་ལས་ཐམས་ཅད་འབྱུང་། །སྐུ་བསྟོད་སྐུ་ཡི་ཁྱད་པར་ཏེ། །གསུང་བསྟོད་དྲི་མ་མེད་པ་ཡང་ ཆེ་བའི་ཡོན་ཏན་ཐམས་ཅད་དང་། །གཉིས་མེད་སྒོ་ནས་བསྟོད་པ་རྣམས། །འདི་ལས་འབྱུང་བ་མཁས་པས་ཤེས། །ཞེས་གསུངས་སོ། །རྒྱུད་ཀྱི་རྒྱལ་པོའི་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། །དབང་བསྐུར་བའི་ལེའུ་སྟེ་བདུན་པའོ།། །།དེ་ནས་ཡང་ལས་ཀྱི་རྒྱལ་པོ་ཡིས། །བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ། ཕྱི་ནང་གསང་བའི་མཆོད་པས་མཆོད། །མི་གནས་ཡེ་ཤེས་བདག་ཉིད་ཆེ། །ཁྲག་འཐུང་རྒྱལ་པོ་ཀུན་གྱི་གཙོ། །བདེ་བའི་ལམ་མཆོག་ཐབས་མཁས་པ། །ཐུགས་རྗེ་ཆོ་འཕྲུལ་བསམ་མི་ཁྱབ། །དབྱིངས་མཆོག་ངང་ལས་ཐམས་ཅད་ཤར། །ངང་ཉིད་ཆོས་་ཀྱི་དབྱིངས་བྱུང་ཡང་། །བག་ཆགས་སྐྱོན་གྱིས་གོས་པ་མེད། །གསང་བདག་ཁྱོད་ལ་ཕྱག་འཚལ་འདུད། །གདུག་པ་མ་ལུས་བསྒྲལ་བ་ལ། །སྲས་ཀྱི་ཕུར་པ་མི་འཚལ་ལམ། །དེ་ལ་དཀྱིལ་འཁོར་མི་འཚལ་ལམ། །དེ་ལ་དབང་བསྐུར་མི་འཚལ་ལམ། །སྲས་ཀྱི་ཁྱད་པར་དུ་ཞིག་མཆིས། གྲངས་ཀྱི་རྣམ་པ་དུ་ཞིག་མཆིས། །དེ་ལ་མཆོད་པ་མི་འཚལ་ལམ། །དེ་ལ་བསྟོད་པ་ཇི་ལྟར་བསྟོད། །གསོད་པའི་དཀྱིལ་འཁོར་མི་བཟད་པ། །གཅིག་གིས་ལས་རྣམས་ཐམས་ཅད་འགྲུབ། །དེ་ཡི་དཀྱིལ་འཁོར་ཇི་ལྟ་བུ། །ཞེས་གསོལ་བ་དང་། བཅོམ་ལྡན་བཛྲ་ཀི་ལ་ཡས། །དེ་སྐད་གསོལ་བའི་ཚིག་གསན་ནས། །འདི་ནི་འདི་སྐད་བཀའ་སྩལ་ཏོ། །གདུག་པ་བསྒྲལ་བ་སེམས་ཅན་དོན། །སྲས་ཀྱི་རྣམ་པ་ངས་བཤད་ཀྱིས། །ལས་ཀྱི་རྒྱལ་པོ་རྩེ་གཅིག་ཉོན། །སྲས་སུ་བྱ་བ་སེམས་འབྱུང་སྟེ། །རང་བཞིན་གནས་པ་རིགས་ལྔའི་རྒྱུ། །དབྱིངས་སུ་ཐིམ་ན་གསལ་བར་ཤར། །འདིགཟུགས་དབུ་གསུམ་ཕྱག་དྲུག་དང་། །ཞལ་གཅིག་ཕྱག་ནི་བཞི་པའི་རིམ། །ཞལ་གཅིག་ཕྱག་ནི་གཉིས་པ་སྟེ། །དེ་ལས་མང་བར་ངས་མ་བཤད། །ལྟེ་བ་མན་ཆད་སྐུ་སྨད་ནི། །སྔོ་བསངས་མི་བཟད་འཇོམས་པའི་སྐུ། །འདི་ནི་སྲས་ཀྱི་ཕུར་པའོ། །དེ་ཡི་དཀྱིལ་འཁོར་བསྟན་པ་ནི། །གྲུ་གསུམ་མཐིང་ནག་དཀྱིལ་འཁོར་ལ། །སེར་དང་དམར་བའི་འོད་དང་བཅས། །དེ་ལ་མེ་འོད་འབར་བ་འཕྲོ། །རྒྱན་དང་དཔག་བསམ་ལྗོན་པའི་ཚལ། །རིན་ཆེན་རྒྱན་དང་མཆོད་པས་འཁྲིགས། །པདྨ་གདན་ལྔའི་དཀྱིལ་འཁོར་ལ། །དེ་བཞིན་རྒྱན་དང་ལྡན་པར་བྱ། །གསང་བ་ཡུམ་གྱི་དཀྱིལ་འཁོར་དེ། །ཐམས་ཅད་ཀུན་ལ་ལྡན་བྱས་ཏེ། །རིན་ཆེན་ཟུར་བརྒྱད་དཀྱིལ་འཁོར་དང་། །ཡང་དག་གསང་བའི་དཀྱིལ་འཁོར་རྣམས། །དེ་དེ་གསང་བའི་དཀྱིལ་འཁོར་མེ། །བསིལ་བའི་དཀྱིལ་འཁོར་དམ་པའི་འོད། །གསལ་བའི་དཀྱིལ་འཁོར་དེ་ལྟར་ཤེས། །ཐབས་ཆེན་དཀྱིལ་འཁོར་ཆེན་པོ་སྟེ། །ཕྱོགས་དང་མཚམས་དང་སྟེང་འོག་དང་། །བདགཔོབཞིནདུདགོདཔར་བྱ། །ཉི་ཤུ་གཅིག་གམ་དགུའམ་ལྔ། །བདུན་ནམ་ཉི་ཤུ་རྩ་བརྒྱད་དེ། །སོ་སོའི་སྲས་ཀྱི་དམ་པ་རྣམས། །རང་རང་ཇི་ལྟར་ཡིན་པར་བརྟག །དེ་ལས་འཕྲོས་པའི་སྤྲུལ་པའི་ཚོགས། ཁྲེན་ཏུ་འབར་བས་གང་བར་བརྟག །སོ་སོ་རྫས་རྣམས་དགོད་པར་བྱ། །འདི་ནི་སྲས་མཆོག་དཀྱིལ་འཁོར་རོ། །སོ་སོའི་བྱང་ཆུབ་སེམས་དེ་ལས། །འོད་འཕྲོས་བྱང་ཆུབ་སེམས་བུམ་པ། །གང་བས་གནས་སུ་གསལ་བར་བསྐྱོད། །མཆོད་བསྟོད་ལུང་བསྟན་དེས་དབང་བསྐུར། །སྐུ་གསུང་ཐུགས་ཀྱི་དཀྱིལ་འཁོར་ལས། །དེས་དབང་འགྲུབ་པའི་ལྷ་ཉིད་ནི། །གསང་བའི་གནས་སུ་རང་བཞིན་གྲུབ། །ཐམས་ཅད་འདོ་དང་ལྷན་ནེའོ། །ཡེ་ནས་དག་པའི་གཞལ་ཡས་སུ། །གསལ་བའི་ལྷའམ་ཚོགས་བཅས་ཀུན། །ཐམས་ཅད་ཀུན་རྫོགས་ཚོགས་དང་བཅས། །བྱང་ཆུབ་སེམས་ཀྱི་རིམ་པར་གསལ། །སྐུ་གསུང་ཐུགས་སུ་གསལ་བ་དག་། །ཡེ་ཤེས་ལྔ་ཡི་བདག་ཉིད་ཅན། །སོ་སོའི་རིགས་ཀྱི་དབང་ཡང་བསྐུར། །གདུག་པ་སྒྲོལ་བའི་ས་ཕྱོགས་དེ། །བྱང་ཤར་མཚམས་སུ་བྱ་བ་ཡིན། །མཚན་མ་དེ་ཡང་རང་བཞིན་གྲུབ། །ཡེ་ནས་དག་པའི་གཞལ་ཡས་ཁང་། ཆོས་དབྱིངས་འབྱུང་བའི་དབྱིངས་སུ་གནས། །གདུག་ཅན་གཞག་ཕྱིར་འབྲུབ་ཁུང་སྟེ། །བསོད་ཕྱིར་རྩེ་མོ་ལྷོ་རུ་བསྟན། །གདུག་ཕྱིར་དུག་གི་ཆག་ཆག་གདབ། །དུག་ལ་ངར་རྣམས་བསྐྱེད་པ་དང་། །དུར་ཁྲོད་གནས་བྱ་རོ་སོལ་བྱུག །སྐུ་གསུང་ཐུགས་ལྡན་བང་རིམ་གསུམ། །གཡོ་བསྐུལ་ཕྱིར་ན་ཧུ༷་ཕཊ་དགོད། །འཕྲ་མེན་བསྐུལ་ཕྱིར་རྩད་ཐད་དགོད། །དགུག་གཞུག་ཕྱིར་ན་ཐོ་ལྕགས་ཀྱུ། ཁེན་ཏུ་འཁྲིགས་པར་དགོད་པ་ཡིན། །བྱང་ཆུབ་སེམས་ལས་བྱུང་བ་ཡིན། །ལྷ་ཚོགས་མང་པོ་དགོད་པར་བྱ། །དེ་ཡིས་ལས་རྣམས་བྱེད་པ་སྟེ། །མཁས་པས་བརྟགས་ཏེ་ལས་ཀུན་ལ། །སྦྱར་བའི་དཀྱིལ་འཁོར་དམ་པའོ། །དེ་ལ་དགོད་པ་ལྷ་ཡི་གཟུགས། །དྲི་མ་དྲུག་དང་རྫས་རྣམས་ལ། །སོ་སོའི་དབྱེ་བ་བྱས་ན་ནི། །སོ་སོའི་མཚན་མ་མིང་དུ་བཅས། །གང་ཡིན་ལས་ལ་སྦྱར་བའི་དུས། །དུས་ལ་བབ་པའི་སྐབས་ཉིད་དུ། །དབྱེ་དང་རང་བཞིན་གསལ་བ་དང་། རང་བཞིན་གྲུབ་པའི་ལྷ་གཉིས་སོ། །དབྱིངས་ལས་སྤྱན་དྲངས་མཆོད་པ་དབུལ། །དེ་ལ་ཞུ་བ་ཡང་དང་ཡང་། །སེམས་མི་ཞབྲུལ་བ་བྱ་བ་ཡིན། །མཆོད་ལ་སྡུད་དང་གཤེགས་སུ་གསོལ། །ལྷན་ཅིག་གཞལ་ཡས་དམ་པ་ཡི། །གནས་སུ་བཞུགས་སུ་གསོལ་ནས་ནི། །བསྒོམ་པའི་ལས་རྣམས་ཉན་པར་བསམ། །བཞུགས་ལ་ཐབས་ནི་སོ་སོར་ཏེ། །མགོ་ནི་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་བསྟན། །བསྟིམ་དུས་གནས་པ་རྒྱན་མཛེས་མེད། །གན་ཀྱལ་དག་ཏུ་གནས་པར་བྱ། །གནོན་དུས་མཛེས་པའི་གདུག་སྟངས་ཏེ། །གསོད་དུས་གོང་གི་གཞུག་ཐབས་སོ། །དེ་ནས་སྐབས་ཀྱི་ཏིང་འཛིན་བྱ། །སྐུ་གསུང་ཐུགས་ཀྱི་དཀྱིལ་འཁོར་འོད། །ཐམས་ཅད་ལས་རྣམས་བྱ་བའི་ཕྱིར། །ལོགས་པ་ཧུ༷་གསུམ་གཞག་པ་ཡིན། །དེ་ལས་གཡོས་པའི་སེམས་འབྱུང་ཕྱིར། །ཟུར་དུ་ཕཊ་གསུམ་གཞག་པ་ཡིན། །བསྙེན་དུས་བདག་ཉིད་མདུན་དུ་སྟེ། །བསྒྲུབ་པའི་དུས་ཀྱང་དེ་བཞིན་ནོ། །གསོད་པའི་དུས་དུ་དཀྱིལ་འཁོར་ལྡན། །བདག་ལས་ཁྲོ་བོ་ལ་སོགས་པའི། །བྱེ་བྲག་ཐམས་ཅད་གསལ་བལྟས་ལ། །སྐུ་གསུང་ཐུགས་ཀྱི་ཁྱད་པར་དེ། །རེ་རེ་ལ་ཡང་གསུམ་གསུམ་སྟེ། །འཕྲོས་པས་སེམས་ཅན་དོན་བྱས་ནས། །དེས་བསྐུལ་ཕྱོགས་བཅུའི་རྒྱལ་བ་བསྐུལ། །རང་རང་གནས་སུ་ཐིམ་པར་བརྟག །ཧུ༷་དང་ཕཊ་ཀྱི་སྒྲ་སྒྲོགས་ཤིང་། གདུག་པ་མ་ལུས་འཇོམས་ཕྱིར་འཇུག །དེ་ཉིད་དབང་དང་ལྡན་པར་བསམ། །ལག་གི་འདུ་བྱེད་བྱིན་བརླབས་པ། །ལག་གཡས་མཐིལ་དུ་ཉི་དཀྱིལ་བསམ། །ཀུན་བཟང་འོད་བཅས་ཧུ༷་ལས་བསྐྱེད། །གཡོན་དཀྱིལ་ཏ་ལས་ཟླ་དཀྱིལ་འཁོར། །ཀུན་ཏུ་བཟང་མོ་ཨ་ལས་བསྐྱེད། །ཐབས་དང་ཤེས་རབ་གཉིས་མེད་པའི། །བྱང་ཆུབ་སེམས་ཀྱི་ཁྱད་པར་ལས། །ཟླ་བ་ཉི་མའི་དཀྱིལ་འཁོར་རྣམས། །ཐབས་ལ་ཤེས་རབ་ཡོད་པ་དང་། ཁྲེས་རབ་ལ་ཡང་ཐབས་ཉིད་དེ། །དེ་ཉིད་རྟགས་སུ་བསྟན་པ་ཡིན། །དེ་དཀྱིལ་སོ་སོའི་ཡིག་འབྲུ་གསལ། །སྒོ་ལྔ་ལ་སྐྱེས་རིམ་པར་བརྟག །གུང་མོ་རྣམ་པར་སྣང་མཛད་དེ། །མཐེ་བོང་མི་བསྐྱོད་པ་ཡི་སྐུ། །མཛུབ་མོ་རིན་ཆེན་འབྱུང་ལྡན་ཡིན། །སྲིན་ལག་དོན་ཡོད་གྲུབ་པ་ཡིན། །མཐེབ་ཆུང་སྣང་བ་མཐའ་ཡས་ཡིན། །གཡོན་པའི་སོར་མོ་ལྔ་ལ་ཡང་། །དེ་ཡིས་ཡུམ་རྣམ་རིམ་པས་བརྟགས། །ཡབ་ཡུམ་རྗེས་སུ་ཆགས་པ་དང་། །ཐལ་མོ་མཉམ་པོར་སྦྱར་བར་བྱས། །ཐབས་དང་ཤེས་རབ་སྙོམས་འཇུག་དུས། །སོར་མོ་ཅུང་ཟད་བསྣོལ་བར་བྱ། །རབ་ཏུ་བསྐྱོད་པའི་དུས་སུ་ནི། །སོར་མོ་རྒྱབ་ཏུ་བསྣོལ་ཏེ་བསྡམ། །དེ་རྗེས་ཡབ་ཡུམ་བྱང་སེམས་ཀྱིས། །འཕྲོས་ཏེ་ཕྱོགས་བཅུའི་རྒྱལ་བ་བསྐུལ། །དྲག་པོའི་གནས་སྐབས་འདི་ཉིད་དུ། །འདི་ལ་བྱིན་བརླབས་མཛད་འཚལ་ནས། །སྐུ་གསུང་ཐུགས་དང་ལྡན་པར་མཛོད། །དེ་སྐད་བརྗོད་ལ་ཕུར་པ་བརླབ། །ལག་པའི་རྟིང་བ་རབ་ཕྱེ་སྟེ། །སྐུ་གསུང་ཐུགས་ཀྱི་འབྲས་བུ་ཡང་། །བཅུག་ལ་དྲིལ་བར་བྱ་བ་ཡིན། །ཕྱོགས་བཅུའི་རྒྱལ་བ་གྲངས་མེད་ཀྱི། །ཡབ་ཡུམ་སྲས་དང་བཅས་པ་རྣམས། །ཞེ་སྡང་རྗེས་སུ་དྲན་པའི་སྐུ། །གྲངས་མེད་འོད་དང་བཅས་པས་བསྟིམ། །དེ་ནས་ཡིག་འབྲུ་གྲངས་མེད་པས། །ཐུགས་ཁའི་ཡི་གེ་གསལ་འབར་བའི། །བྱང་ཆུབ་སེམས་འོད་བདག་བསྟིམ་པས། །སྐུ་ལ་འོད་ཟེར་བསམ་མི་ཁྱབ། །དེ་ཡི་དབང་ལས་བྱུང་བ་ཡིན། །བདག་ལས་འོད་འཕྲོས་དེ་བཞིན་ཏེ། །དེ་དུས་སོར་མོ་རྒྱབ་ཏུ་བསྣོལ། །གུང་མོ་གཉིས་པོ་རབ་བསྒྲེངས་པས། །དེ་ཡི་བར་དུ་ཕུར་པ་གཞུག །སྐུ་ཡི་སྐུ་བསྐུལ་སྐུ་བྱིན་བརློབ། །ཤིན་ཏུ་བརྗོད་པའི་རང་བཞིན་ཏེ། །སྐུ་ཡི་གནས་སུ་གསལ་བའོ། །དེ་རྗེས་བདག་འོད་འཕྲོས་བསྐུལ་ནས། །དེ་ནས་སོར་མོ་པདའདྲ་བྱ། །ཁ་ཕྱེ་བ་ཡི་ཚུལ་དུ་བྱ། །ལག་རྟིང་བར་དུ་ཕུར་བ་གཟུང་། །གསུང་གིས་གསུང་ནི་གནས་ནས་བསྐུལ། །ཕྱོགས་བཅུའི་རྒྱལ་བའི་ཐུགས་ཁ་ནས། །གྲངས་མེད་ཧུ༷་གིས་བསྟིམ་བྱས་ནས། །གསོད་པའི་གདངས་སྒྲ་དྲག་པོ་ཡིས། །སྟོབས་དང་ལྡན་པར་དེ་གྱུར་ནས། །གསུང་གི་གནས་ན་དེ་གནས་པའོ། །དེ་ནས་ཐུགས་ཁའི་འོད་ཕྱུང་བས། །ཐུགས་ཀྱི་རྡོ་རྗེའི་གནས་སུ་ཐིམ། །དུས་དེར་ཕུར་བུ་མཐེ་བོང་བར། །ཐུགས་ཀྱི་ཐུགས་ཉིད་བསྐུལ་གྱུར་པར། །ཕྱོགས་བཅུ་ཐུགས་ཁའི་འོད་ལས་ནི། །སོ་སོའི་རང་རྟགས་མི་འདྲ་བ། །འདི་ཉིད་གནས་སུ་ཐིམ་པ་བྱ། །ཞེ་སྡང་ལྡན་པའི་སེམས་སུ་གྱུར། །བཅོམ་ལྡན་ཕྱོགས་བཅུའི་རྒྱལ་བ་ཡིས། །ཚོགས་རྣམས་མ་ལུས་ལུང་ཡང་སྟན། །གསལ་འཕྲོ་ཧུ༷་གི་ཚོགས་ལས་བསྐྱེད། །སྐུ་གཅིག་ངང་ལ་དཀྱིལ་འཁོར་ཐམས་ཅད་རྫོགས། །དབུ་ལས་རྒྱ་མདུད་རང་བཞིན་ཐབས་ཡིན་ཏེ། །དབུས་སུ་རྒྱ་མདུད་གནས་པ་ཤེས་རབ་བོ། །ཐབས་དང་ཤེས་རབ་གཉིས་ལས་ཡོངས་རྫོགས་པ། །ལོགས་ལས་རང་བཞིན་ཁྲོ་བོ་ཆེན་པོ་བརྒྱད་བརྒྱད་བྱུང་བ་རང་བཞིན་ཁྲོ་མོ་བརྒྱད། །ཆུ་སྲིན་ཁ་ནས་རྩེ་མོ་བཏོན་པ་ནི། །སྒོ་མའི་ཚོགས་ཉིད་ལས་རྣམས་བྱེད་པ་སྟེ། །ཐུགས་མཆོག་དབྱིངས་ལས་སྤྲུལ་པ་བྱུང་བའོ། །རྩེ་མོ་ཟུར་གསུམ་རང་བཞིན་བྱུང་བ་ནི། །སྐུ་གསུང་ཐུགས་ཀྱི་རང་བཞིན་ཡིན་ཕྱིར་རོ། །སྟེང་འོག་གཉིས་སུ་གནས་པ་ཡབ་ཡུམ་གཉིས། །སྟེང་འོག་ཁྲོ་བོའི་རང་བཞིན་ནོ། །ཁོང་སྟོང་བྱང་ཆུབ་སེམས་ཀྱི་རང་བཞིན་ཡིན། །དེ་འདྲའི་ཁྲོ་རྒྱལ་འདུས་པའི་སྲས་མཆོག་ནི། །མ་གཡོས་ཆོས་ཀྱི་དབྱིངས་ལས་བཞེངས་པའི་སྐུ། །སྐུ་གསུང་ཐུགས་ལྡན་དྲག་པོ་མི་བཟད་པ། །གདུག་ཅན་ལོག་པར་ལྟ་བའི་སེམས་ཅན་རྣམས། །ཐུགས་རྗེའི་ཁྱད་པར་དབྱིངས་སུ་སྒྲོལ་ཞིང་སྡུད། །ཞི་བས་བསྒྲལ་བའི་སྐབས་དང་མི་ལྡན་ཀྱང་། །དྲག་པོས་བསྒྲལ་བའི་འཕྲིན་ལས་ཁྱེད་ཀྱིས་མཛོད། །དེ་ལྟར་ལུང་བསྟན་གནང་བ་ཐོབ། །ཕུར་པ་རང་རྣམསབསྐྱེད་པའི་ཕྱིར། །ལྕེ་པོ་གནག་པོའི་དུད་པ་བདུག །ཁྲོས་པའི་རྒྱལ་པོར་བསྐུལ་པའི་ཕྱིར། །ཉུངས་ནག་བྱིན་བརློབས་ཁྲོ་ཆུང་གིས། །ཕུར་པ་ལ་བསྟིམ་བྱིན་བརླབས་བསྐྱེད། །གདུག་པའི་ལས་དང་ལྡན་པའི་ཕྱིར། །ར་ཁྱི་ཁྲག་དང་དུག་དང་སྦྱར། །རྩེ་མོ་དབལ་ལ་བདུག་པར་བྱ། །དེ་ནི་དྲག་པོའི་ལས་ལ་ཤིས། །ཆོས་ཉིད་དག་པའི་ཕུར་པ་ལ། །ཙན་དན་དཀར་པོས་གཞི་བླངས་ལ། །ཨ་ཀ་རུ་དང་དུ་རུ་ཀས། །ཛ་ཏི་ཕལ་ལ་སོགས་པས། །དེ་ལ་བདུག་པར་བྱ་བ་ཡིན། མ་ཆགས་པདྨའི་ཕུར་པ་ལ། །རང་བྱུང་མེ་ཏོག་དམར་པོ་ཡིས། །གཞི་བྱས་ཨ་་།ག་ལ་སོགས་པས། །དེ་ལ་བྱུག་པར་བྱ་བ་ཡིན། །ལོངས་སྤྱོད་རྫོགས་པའི་སྐུ་དེ་ལ། །གུར་གུམ་བཟང་པོས་གཞི་བྱས་ལ། །དྲི་ཞིམ་སྤོས་ཀྱི་རྣམ་པ་ཡིན། །དེ་ལ་བྱུག་པར་བྱ་བ་ཡིན། །ཧུ༷། བསྐལ་པ་མེ་ལྟར་འབར་བ་ཡིན། །འོད་ཟེར་འདི་འཕྲོ་ཀློང་དཀྱིལ་ན། །ཁྲོ་བོ་ཁྲོ་མོ་རྣམས་བཞུགས་པ། །སྐུ་ནི་ཅིར་ཡང་འགྱུར་བའི་གཟུགས། །ཧུ༷། དབུ་སྐྲ་ཁམ་ནག་རལ་པ་ཅན། །གྱེན་དུ་འཁྱིལ་བས་འཁྱིལ་བས་སྲིད་རྩེར་འབར། །མི་མཉམ་ཁྲོ་གཉེར་སྡང་མིག་ནི། །ལོག་པར་ལྟ་བ་འདུལ་བའི་སྤྱན། །ཧུ༷། མཆེ་བ་ཟངས་ཡག་གཙིགས་པ་ནི། །སྐྱེ་ཤི་རྩ་བ་གཅོད་པའི་ཚུལ། །སྐུ་གསུང་ཐུགས་ཀྱི་བྱིན་བརླབས་ལས། །ཕྱག་ཆ་སྣ་ཚོགས་ཅིར་ཡང་སྟོན། །ཧུ༷། ཐུགས་རྗེའི་བྱིན་བརླབས་སྤྲིན་ལྟར་གཏིབས། །བྱམས་པའི་འོད་ཟེར་གློག་བཞིན་འགྱུ། །རྔམ་པའི་སྒྲ་སྐད་འབྲུག་ལྟར་སྒྲོགས། །སྤྲུལ་པའི་ཐོག་ཐོག་ཆར་ལྟར་འབེབས། །ཧུ༷། །བདག་ལ་བྱིན་གྱིས་བརླབ་མཛད་ཅིང་། །ཐུགས་རྗེ་ཆེན་པོའི་བྱིན་བརླབས་ཀྱིས། །བདག་གི་ལྷག་པའི་བསམ་པ་རྣམས། །གྲུབ་པར་ཁྱེད་ཀྱིས་བརློབ་ཏུ་གསོལ། །ཧུ༷། སྔོན་གྱི་ཐུགས་དམ་ཆེན་པོ་ནི། །ཀླན་ཀ་ཆེན་པོ་བདུད་ལ་སྐོ། །ཀྱལ་ཀ་ཆེན་པོ་བགེགས་ལ་མཛད། །ཡལ་གམ་ཅན་ལ་དངོས་གྲུབ་གསོལ། །ཧུ༷། སྲིད་གསུམ་འཇོམས་པའི་ལྷ་ལ་ཕྱག་འཚལ་ལོ། །མཉམ་ཉིད་ངང་གི་ཁྲོལ་ཕྱག་འཚལ་ལོ། །ཁྲོས་པས་ལོངས་སྤྱོད་མཛད་ལ་ཕྱག་འཚལ་བསྟོད། །རྡོ་རྗེ་འདུ་འཕྲོའི་ཚོགས་ལ་ཕྱག་འཚལ་བསྟོདད། །ཧུ༷། ཟླུམ་ཞིང་འཁྱིལ་བའི་དཀྱིལ་འཁོར་ནས། །བཅོམ་ལྡན་དབྱིངས་ནས་སྲས་མཆོག་ཤར། །སྐུ་ཡི་བྱིན་བརླབས་གསལ་བར་ཤར། །ཐུགས་ཀྱི་བྱིན་བརླབས་དཀར་ལ་དག། །གསུང་བྱིན་ཡེ་ཤེས་སྒྲ་དང་བཅས། །རྟག་པར་སེམས་ཅན་དོན་མཛད་པས། །རྒྱན་རྣམས་གསལ་བའི་དབྱིངས་སུ་འཁྱིལ། །འོད་ཟེར་དཀར་བས་དོན་མཛད་པ། །དག་པའི་གནས་སུ་སྒྲོལ་མཛད་ནས། །གསུང་གི་ཉོན་མོངས་འཇོམས་པའི་སྐུ། །དབུ་སྐྲ་རལ་པ་ལྕང་ལོར་བཅས། །ཞི་བའི་དོན་རྣམས་གྲུབ་པར་མཛོད། །ཧུ༷། གསང་བའི་དབྱིངས་ལས་ཐམས་ཅད་ཤར། །ཐབས་ལས་ཡོངས་སུ་རྫོགས་པའི་སྐུ། །འཁྱིལ་བའི་འོད་ཟེར་སེར་པོ་སྟེ། །ཡེ་ནས་རྒྱས་པའི་སྐུ་མཆོག་གསལ། །ཧུ༷། གསང་བའི་གསུང་ནི་སྒྲ་སྐད་སྒྲོགས། །ཐམས་ཅད་གཡོ་མེད་ཡོངས་སུ་རྒྱས། །གནས་སམ་ཆོས་དབྱིངས་རྒྱས་པར་མཛོད། །བསམ་པ་ཐམས་ཅད་ཡོངས་རྒྱས་མཛོད། །ཧུ༷། །བསྐལ་བའི་མེ་རིའི་ཀློང་དཀྱིལ་ནས། །དམར་པོ་གཅེར་བུ་རལ་པ་ཅན། །ཐོད་པ་རློན་པ་སྦྲུལ་གྱིས་བརྒྱན། །གདུང་བའི་སེམས་ཉིད་ལྡན་པར་མཛོད། །ཧུ༷། དུར་ཁྲོད་འབར་བའི་རྒྱན་མངའ་ཞིང་། །གསང་བའི་གནས་སུ་ཐམས་ཅད་སྡུད། །རྒྱལ་པོའི་བུ་མོ་རང་དབང་མེད། །འགྲོ་དབང་སྡུད་ལ་ཕྱག་འཚལ་བསྟོད། །ཧུ༷། སྔོན་གྱི་ཐུགས་དམ་ཆེན་པོ་ནི། །ཁམས་གསུམ་གནས་པའི་སེམས་ཅན་ལ། །ཇི་ལྟར་འདུལ་བའི་དབང་མཛད་ནས། །སྐུ་ཡི་ཁྱད་པར་ཅིར་ཡང་སྟོན། །ཞི་དང་རྒྱས་དང་དབང་གི་ལས། །དེས་དབང་འདུལ་བའི་སེམས་ཅན་ལ། །དོན་བསྟན་ནས་ནི་ཡང་དག་གསུང་། །ཐབས་མཆོག་ཐུགས་ཀྱིས་མཛད་བསྐུར་བས། །ལུས་རྫོགས་འོད་དང་ལྡན་པར་བྱ། །དཀྱིལ་འཁོར་གནས་ནས་དྲངས་ལ་མཆོད། །སོ་སོའི་གནས་སུ་བཞུགས་སུ་གསོལ། །ཕྱི་ནང་གསང་བའི་མཆོད་པས་དབུལ། །དགྱེས་བཏར་ལས་གང་ཡིན་པ་ཙམ། །ཁྲིའམ་སྟོང་ངམ་བརྒྱ་རྩ་བརྒྱད། །བསྙེན་པ་ཉི་ཁྲི་ཆིག་སྟོང་བྱ། །དེ་ལྟར་གྲངས་རྣམས་ཚང་བ་དང་། །ལས་དང་སྒྲུབ་པ་སྦྱར་བར་བྱ། །ཏིང་འཛིན་འོད་འཕྲོས་བྱིན་བརླབས་བསྐྱེད། །སྐུ་འཕྲོས་དགུག་དང་གསང་ལས་སྦྱར། །སྐུ་གསུང་ཐུགས་ལས་བྱུང་བའོ། །དམ་ཚིག་སེམས་ངག་གྲུབ་པ་ཡི། །ལྟེ་བར་བསམ་བྱ་སྙིང་པོ་བཟླས། །བདག་ཉིད་ཁྲོས་པའི་རང་བཞིན་པས། །སྐུ་ལས་འོད་ཟེར་འབར་བ་འཁྲུག །འབྱུང་དང་འཕྲོ་འདུས་གཏམས་པའོ། །ཅེས་ཀྱང་དེ་ལ་བསྐྱོད་པ་མེད། །སྐུ་ཡི་དབང་རྫོགས་ཐམས་ཅད་འདུལ། །གསུང་གི་དབང་རྫོགས་བཀའ་ལ་ཉན། །ཐུགས་ཀྱི་དབང་རྫོགས་གཉིས་མེད་དང་། །ལྷ་སྲིན་སྡེ་དཔུང་བཅས་པ་ཡིས ཐམས་ཅད་བདག་ལ་གདུང་བར་བྱེད། །ཆོས་ཀྱི་དབྱིངས་ལས་སྙིང་པོ་ཕྱུང་། །རིགས་ལས་སྐུ་ཡི་སྙིང་པོ་ཉིད། །གདུག་པའི་ལུས་རྣམས་འཇོམས་པར་བྱེད། །གསུང་གི་སྙིང་པོ་དབང་ཕྱུག་རྣམས། །བཀའ་ཉན་དབང་དུ་སྡུད་པར་བྱེད། །འོད་ཟེར་འབར་བས་ཀླུ་རྣམས་འདར། །ཐུགས་ཀྱི་སྙིང་པོ་རྡོ་རྗེ་ཡིས། །གདུག་པ་མ་ལུས་འཇོམས་པར་མཛད། །དགུག་དང་དབང་བྱེད་སྟོབས་དང་ལྡན། །གྲངས་ཚང་ཉམས་དང་ལྡན་གྱུར་ནས། །ཕུར་པ་གདབ་པའི་ལས་ཀྱང་བྱ། །རལ་གྲི་གདབ་ཅིང་བརྡུང་བའོ། །གཏད་དང་མནན་པའི་ལས་བྱ་ཡིན། །མཎྜལ་འཁོར་ལོ་རྩིབས་བརྒྱད་ལ། །གཙོ་བོའི་མདུན་དུ་བུམ་པ་བཞག །དཀར་ལ་མཛེས་པར་བྱ་བ་ཡིན། ཁ་རྒྱན་བྱང་ཆུབ་ཤིང་གིས་བྱ། །མགུལ་ཆིངས་སྟེག་མེད་ཁ་ཚར་ཅན། །ནང་དུ་སྙིང་པོ་ལྡན་བྱས་ལ། །ལོགས་ལ་ར་རོའི་མཚན་མ་དགོད། །ཨ་ཀརུ་ལ་སོགས་པ་ཡི། །སྤོས་མཆོག་རྣམས་ཀྱིས་བུམ་པ་གང་། །གཟུངས་ཐག་ཐུགས་རྗེའི་རང་བཞིན་ཏེ། །ཐབས་དང་ཤེས་རབ་ལག་གིས་ཟུང་། །ཁྲིའམ་སྟོང་ངམ་འབུམ་དག་ཏུ། །སྔགས་ཀྱིས་བཏབ་སྟེ་གླུད་བགྲུ་བྱ། །གུ་གུ་ལ་ལུས་ལ་བཏགས་བཟླས་བྱ། །གསོ་བའི་ལས་ཆེན་གང་ཞིག་བྱེད་པ་ན། །དང་པོ་ལས་ལ་སྦྱོར་དུས་སུ། །ཁྱིའམ་ཕག་དང་རེའུ་འམ། །དྲེའུའི་ཐོད་པ་རབ་བླངས་ལ། །གང་ཡིན་གཟུགས་བརྙན་བྱས་ནས་ནི། །ཐོད་པའི་ནང་དུ་བཅུག་ནས་སུ། །གྲངས་མང་བཟླས་ལ་དགུག་པ་བྱ། །དེ་བསྟིམ་རྟགས་པའི་ས་རུ་མནན། །དང་པོ་དངོས་གཞི་ཉིད་ལ་བྱ་བ་ཡི། །སྤོས་ཀྱི་དུད་པས་ཤི་ཁ་བདུག །མཚལ་གྱི་དུད་པས་ཉ་ལ་བདུག །དེ་གཉིས་དུས་སུ་གུ་གུལ་ནག་པོས་བདུག །དེ་ལས་བྱུང་བའི་ལས་ཅན་དེ། །ཡང་དག་ཁྲུས་བྱསགོངབཞིནབདུག །དེས་ནི་དོན་རྣམས་རབ་གྲུབ་པར། །འགྲུབ་འགྱུར་འདི་ལ་ཐེ་ཚོམ་མེད། །བརྡུང་བའི་ལས་ཆེན་བྱེད་པ་ན། །ལས་ལ་སྦྱར་བའི་དུས་སུ་ནི། །ཤིན་ཏུ་ཁྲོས་པའི་ཚད་དང་ནི། །སྐེ་རྩེ་སྐེ་འབྲས་རྣམས་སྔགས་ལ། །གླང་རུ་གཡས་པར་དེ་བླུགས་ལ། །གཞན་མ་ཕུར་བའི་སྐྱེ་རུ་གདགས། །མཐོ་ཡི་དཀྱིལ་དུ་བཞག་པའམ། །ཡང་ན་ས་ཡི་གཏིང་དུ་སྦ། །ཕུར་པ་དབང་བསྐུར་བྱིན་བརློབས་ལ། །ཕྱོགས་དང་མཚམས་སུ་གདབ་པར་བྱ། །དེ་ནི་བགེགས་ཀྱི་ཚོགས་ཀུན་གྱིས། །གདུག་པའི་སྦྱོར་བ་འཆད་པར་འགྱུར། །ལུས་ངག་སྟོངས་ཤིང་འཕེལ་མེད་དེ། །ཚངས་པའི་གནས་ནི་མ་གཏོགས་པ། །ནད་དག་གདོན་གྱི་ལམ་བཀག་ལ། །དཀྱིལ་འཁོར་དབུས་སུ་བུམ་པ་བཞག །རྫས་དང་ལྡན་པར་བྱས་ནས་ནི། །སྙིང་པོ་བྱེ་བ་ས་ཡར་བཟླས། །དུས་དྲུག་ལས་བཀྲུ་བདུག་པ་བྱ། །བརྡུང་བའི་འཁོར་ལོ་མདོ་བཞིར་གདགས། །དུས་དྲུག་མཆོད་པ་རྒྱུན་མི་བཅད། །དེ་ཡིས་མནན་པ་ཡང་དང་ཡང་། །བྱས་ན་འབྲས་དང་བཅས་པར་འགྱུར། །ལྷོག་པ་འབྲས་ཀྱིས་ཟིན་པ་དང་། །སྦྲུལ་གདུག་ཕོལ་གྱིས་ཟིན་པ་དང་། །བསྙེན་དང་བསྒྲུབ་པ་རྫོགས་བྱས་ལ། ཁྲོད་དང་བཅས་པ་ཁར་བཅུག་སྟེ། །རྡོ་རྗེ་ཧུ༷་གི་འོད་ཟེར་གྱིས། །རབ་ཏུ་བསྲེགས་བསམ་གདབ་པར་བྱ། །དེ་ཡིས་ནད་དབང་གང་གང་གིས། །དབང་ལས་ཡོངས་སུ་ཐར་པར་བྱེད། །ཛ་གད་གདོན་གྱིས་དབང་བྱས་ལ། །པདྨ་མཛེས་པའི་ནང་དུ་ནི། །སོ་ལ་སྟག་ཉུངས་ཀར་བསྲེགས་པ་སྟེ། །ཁྲོ་བོ་གདུག་པར་རབ་བསྐྱེད་ལ། །འཛབ་གྲངས་མང་དུ་བཏོན་ལ་བླུགས། །གྲངས་མང་ཐིམ་ནས་དེ་བླུགས་བྱ། །གདོན་གྱིས་དེ་ལ་ཚུགས་མི་འགྱུར། །གང་ཞིག་གདོན་གྱིས་ཟིན་པ་ཡི། །སྨྱོ་ཞིང་འབོག་པར་བྱེད་པ་ལ། །ཏིང་འཛིན་དབང་ཡང་ནོད་པར་བྱ། །མཚོན་ཆའི་ཆར་པས་གདོན་དེ་བསྐྲད། །མཚན་ལྡན་མི་མོ་གཞོན་པ་ལ། །བྱིན་ལྡན་རབས་ཆད་རྐང་ཕུར་དེ། །འཛབ་བྱ་དབང་བསྐུར་བྱིན་བརླབས་ནས། །གང་ཡིན་གཟུགས་བྱས་རབ་བཀུག་ལ། །ཐབས་ཀྱིས་གཟུངས་ལ་ཤེས་རབ་མས། །དེ་ལ་གདབ་པར་བྱ་བ་ཡིན། །དེ་བྱས་གཉིས་མེད་བྱང་ཆུབ་སེམས། ལུས་བྱུག་རྒྱ་ཡིས་རབ་བཏབ་ལ། །བ་སྤུ་བུ་གའི་ནང་ནས་ནི། །གདུག་པའི་སྐུ་ཡིས་གང་བར་བྱ། །འཁོར་ལོའི་དབུས་སུ་བཅུག་ལ་བཞག །སྨྱོ་འབོག་ནད་ལས་ཐར་པར་འགྱུར། །ཕྱུགས་ལ་གདོན་གྱིས་དབང་བྱས་ནས། །ཞོ་སྐམ་ཁྲག་ཏུ་འོང་བ་ལ། །རིའུ་ལྕགས་པའམ་མཐར་ནུ་རམ། །བསེ་ཤིང་ཞོ་ཅན་གང་དང་གང་། །དེ་ལ་གདོན་གྱི་གཟུགས་བྱས་ལ། །དགུག་ཅིང་བསྟིམ་པ་གང་དང་གང་། །བྱས་པ་ཉམས་སུ་བྱུང་བ་ན། །དྲག་ཏུ་སྔགས་བཟླས་ཐུབ་པར་ངེས། །དེས་ནི་གདོན་བསྒྲལ་ལས་ཀྱང་གྲུབ། །བདག་ལ་གནོད་པའི་ལས་ངན་དེ། །ངེས་བར་རྩད་ནས་བཅད་པའི་ཕྱིར། །མོན་དང་རབས་ཆད་ཐོད་པ་ལ། །བཟླས་པ་ཁྲི་ཕྲག་བྱས་ནས་ནི། །དམིགས་པའི་མིང་རུས་དེར་བཅུག་ལ། །གདུག་པའི་གནས་སུ་མནན་པའམ། །ཡང་ན་རུས་རྩལ་ཁོག་བཅུག་སྟེ། །རྒྱ་མཚོའི་གཏིང་དུ་མནན་པ་བྱ། །དེ་ཡིས་ལས་རྣམས་ཐམས་ཅད་འགྲུབ། །ཏིང་འཛིན་མཆོག་དང་ལྡན་པའི་མིས། །གང་དམིགས་ལུས་ལ་ངེས་སྦྱར་ན། །དེ་ཡིས་མི་བདེའི་ལས་ཀུན་འབྱུང་། །ཞི་དང་རྒྱས་དང་དབང་དང་དགུག །བསྐྲད་པའི་ལས་ལ་ཐེ་ཚོམ་མེད། །གསལ་བའི་ཏིང་འཛིན་མེད་པ་ཡིས། །ལས་རྣམས་འགྲུབ་པར་མི་འགྱུར་ལ། །ཡུན་དུ་བསྒྲུབས་ཀྱང་རྟགས་མི་འབྱུང་། །དེ་བས་ཏིང་འཛིན་ནན་ཏན་བསྐྱེད། །སྔགས་རྣམས་གྲངས་ལ་མ་ངེས་ཀྱིས། ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། །སྲས་ཀྱི་དཀྱིལ་འཁོར་བསྟན་པའི་ལེའུ་སྟེ་བརྒྱད་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །ཕྱི་ནང་གསང་བའི་མཆོད་མཉེས་མཛད། །ཞལ་དུ་བལྟས་ཏེ་འདི་སྐད་གསོལ། །ཀྱེ་ཀྱེ་བཅོམ་ལྡན་ཐབས་མངའ་བདག །ཐབས་མང་མངའ་བས་སེམས་ཅན་དོན། །ཐོགས་མེད་བརྒྱ་ལ་སྤྱོད་པར་མཛད། །གདུག་པའི་སེམས་ཅན་བསྒྲལ་འཚལ་ན། །དཀྱིལ་འཁོར་བྱིན་བརླབས་གསུངས་ལགས་ཏེ། །ཕུར་པའི་རྒྱུ་འདི་ཅི་ལ་བགྱི། །རིང་ཐུང་ཚད་འདི་ཇི་ལྟར་ལགས། །དེ་ལ་ཡོན་ཏན་ཅི་དང་ལྡན། །དེ་མེད་སྐྱོན་ནི་ཇི་ལྟར་འབྱུང་། །རྒྱུ་རྣམས་མེད་པར་མི་འཚལ་ལམ། །ཞེས་གསོལ་པ་དང་། །བཅོམ་ལྡན་ཁྲག་འཐུང་རྒྱལ་པོ་ཡིས། །ཀརྨ་ཧེ་རུ་ཀའ་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །གདུག་པ་བསྒྲལ་བ་སེམས་ཅན་དོན། །འདི་ལྟར་བྱེད་ལ་ལེགས་སོ་ལེགས། །ཕུར་པའི་རྒྱུ་རྣམས་ངས་བཤད་ཀྱིས། །རྩེ་གཅིག་སེམས་ཀྱིས་གུས་པར་ཉོན། །དུག་ཤིང་གདུག་པས་བསད་ལས་འགྲུབ། །དེ་ཡིས་རང་བསྐྱེད་ཤིང་མཆོག་རྣམས་ཕུར་པའི་རྒྱུ་རུ་རུང་པར་བཤད། །གདུག་པ་སྦྲུལ་ནི་གནས་པ་ཡི། ་རྒོང་མཆོག་ཚེར་མ་མེད་མོད་ཀྱང་། །དེ་ཡིས་བྱ་བར་གསུངས་པ་ཡིན། །སེང་ལྡེང་སྨུག་ནག་གདུག་པའི་ཤིང་། །དྲག་པོའི་ཕུར་པའི་རྒྱུ་རུ་གསུངས། །སྟག་དང་དོན་གྱི་གནས་དག་ན། །དག་དང་སྐྱེས་པའི་ཚར་མ་ཅན། །དྲག་པོ་ཕུར་པའི་རྒྱུ་ཡང་ཡིན། །གནམ་ལྕགས་ཐོག་གི་ལྕགས་དང་ནི། །གྲི་དང་མདེའུ་རྟགས་ཕྱིན་པ། །དགྲ་ལྟ་རལ་གྲང་མདུང་དག་དང་། །ཁྲོ་ཆུང་སྒོ་གཟེར་ལ་སོགས་པ། །རྟགས་ཕྱིན་སྲ་བའི་ལྕགས་རྣམས་ལ། །གསོད་པ་ལས་མཁན་ཕུར་པ་བྱ། །དེ་དག་ཐམས་ཅད་གང་དང་གང་། །སྟེང་དུ་སོར་གཅིག་རྒྱ་མདུད་བྱ། །གཞལ་ཡས་ནམ་མཁའི་རང་བཞིན་ཡིན། །རྐེད་པར་སོར་གཅིག་རྒྱ་མདུད་བྱ། །སྐྱེད་ཤིང་གནས་པའི་རང་བཞིན་ནོ། །བར་དུ་རིན་ཆེན་ཟུར་བསྐྱེད་དེ། །རིན་ཆེན་ལས་གྲུབ་རྩིག་པའོ། །རྩེ་མོ་ཟུར་གསུམ་འཇོམས་པ་ཡིས། །ཕྱག་རྒྱ་གསལ་བས་ཐམས་ཅད་ཀྱི། །ཁྲོ་རྒྱལ་ཚོགས་བཅས་བཞུགས་པ་ཡི། །ཐབས་དང་ཤེས་རབ་མཐུ་ལས་བྱུང་། །དྲག་པོའི་ལས་ལ་སྦྱོར་བ་ཡིན། །དེ་ཡི་རྐྱེན་གྱིས་གསུངས་པ་ཡིན། །ཞི་བའི་ཕུར་བའི་རྒྱུ་བསྟན་པ། །དཀར་ལ་འཇམ་པའི་རང་བཞིན་ཅན། །དགོན་པའི་གནས་ནས་སྐྱེས་པའི་ཤིང་། །དཀར་ལ་འཇམ་པ་གང་དང་གང་། །ཞི་བའི་ཕུར་བའི་རྒྱུ་འདི་ཡིན། །བྱང་ཆུབ་ཤིང་བུ་དམ་པ་སྟེ། །ཞི་བའི་ཕུར་པ་བྱ་བར་ཤིས། །ཙན་དན་དཀར་པོའི་ཤིང་བུ་ནི། །མཆོག་ཏུ་ཞི་བའི་ལས་ལའོ། །འོ་མ་ཅན་ནི་གང་ཡོད་པ། །མངར་དང་བཅས་པའི་ཤིང་མཆོག་རྣམས། །དངུལ་ལམ་དཀར་པོའི་རྒྱུ་རྣམས་ནི། །ཞི་བའི་ཕུར་པའི་རྒྱུ་ཡིན་ཏེ། །མགོ་བོ་རྒྱམ་དུད་གོང་མ་བཞིན། །ཐབས་དང་ཤེས་རབ་ལས་བྱུང་བའི། །བྱང་ཆུབ་སེམས་ཀྱི་ཀྲུས་བྱའི་ཕྱིར། །རྩེ་མོ་ཟླུམ་པོར་བྱུང་བ་ཡིན། །རྒྱས་པའི་ཕུར་པའི་རྒྱུ་བསྟན་པ། །རྒྱལ་པོའུ་གནས་ན་སྐྱེས་པའི་ཤིང་། །སེར་པོའི་མདོག་བཅས་གང་དང་གང་། །རྒྱས་པའི་ཕུར་པའི་རྒྱུ་རུ་གསུངས། །སྐྱེར་བ་གདུག་སྟེ་ཁ་དོག་དབང་། །རྒྱས་པའི་ཕུར་པ་ཡིན་པར་བཤད། །གསེར་ཤིང་རྒྱས་པའི་ཕུར་པ་ཡིན། །དེ་ལ་སོགས་པ་ཕུར་པའི་ཤིང་། །གང་དག་ཁ་དོག་ལྡན་པ་རྣམས། །རྒྱས་པའི་ལས་ལ་ཤིས་པ་ཡིན། །གསེར་རམ་སེར་པོའི་རང་བཞིནལ། །རྒྱསཔའི་ཕུར་པ་བྱ་བ་ཡིན། །མགོ་བོའི་རྒྱ་མདུད་རྐེད་རྒྱ་མདུད། །དྲག་པོའི་སྐབས་ལས་ཤེས་པར་བྱ། །ཐབས་དང་ཤེས་རབ་རང་བཞིན་ལས། །ཐམས་ཅད་བྱང་ཆུབ་སེམས་ཀྱིས་རྒྱས། །དེ་དབང་རྩེ་མོ་ཟུར་བཞིར་བྱུང་། །རྒྱས་པའི་དབང་གིས་ཡང་དག་བཤད། །དབང་གི་ཕུར་པའི་རྒྱུ་བསྟན་པ། །ཆོས་མཁན་གདུག་པའི་གནས་དག་གམ། །གང་དག་སྐྱེས་པའི་ཤིང་རྣམས་ལ། །དབང་གི་ཁ་དོག་མི་ལྡན་ཡང་། །ཇི་ལྷར་སྐྱེས་པ་ཐམས་ཅད་ཀུན། །དབང་གི་ཕུར་པའི་རྒྱུ་ཡིན་ནོ། །མཚན་པ་ཁ་དོག་ལྡན་པའི་ཤིང་། །ཙན་དན་དམར་པོའི་དྲི་དང་ལྡན། །ཏོ་མོའི་རང་བཞིན་ཁ་དོག་བཅས། །སེང་ཤིང་མཛེས་པས་དབང་དང་ལྡན། །དེ་ལ་སོགས་པ་དམར་པོའི་ཤིང་། །ཟངས་སམ་དམར་པོའི་རྫས་རྣམས་ལ། །དབག་གི་ཕུར་པ་བྱ་བར་གསུངས། །མགོ་བོ་རྒྱ་བདུད་དེ་བཞིན་ཏེ། །ཆོས་དབྱིངས་ངང་ལ་ཐམས་ཅད་དབང་། །དེས་ན་རྩེ་མོ་ཟླ་གམ་མོ། །དེ་དག་ཐམས་ཅད་རང་བཞིན་ནི། །ཆོས་ཀྱི་དབྱིངས་ལས་བྱུང་བས་ན། །རྩ་བའི་ལོགས་སུ་རྒྱ་མདུད་བྱ། །ཐམས་ཅད་ལས་གང་གྲུབ་པའི་ཕྱིར། །རྩེ་མོའི་ཕྱོགས་སུ་དཔལ་ཡང་བྱ། །དེ་དག་ཏིང་འཐུང་ཚད་རྣམས་ནི། །སོར་བཞི་འབྱུང་བ་བཞི་ཡི་ཚད། །སོར་བརྒྱད་རྣམ་ཤེས་བརྒྱད་ཀྱི་ཚད། །བཅུ་གཉིས་པ་ཡི་རང་བཞིན་ནི། །སྐྱེ་མཆེད་བཅུ་གཉིས་ཚད་དུ་བསྟན། །བཅོ་བརྒྱད་ཚད་དུ་བསྟན་པ་ནི། །ཁམས་ནི་བཅོ་བརྒྱད་འཇོམས་པའིརྟགས། །ཚོན་གང་ཚད་དུ་བསྟན་པ་ནི། །བྱང་ཆུབ་སེམས་མཆོག་ཚད་དུ་བསྟན། །ཕྱི་ཡི་རྟགས་དང་ནང་གི་རྟགས། །གསང་བའི་རྟགས་དང་བཅས་པར་བསྟན། །གདུག་པའི་ཤིང་མཆོག་ཚརཏ་མ་ཅན། །དེ་ཡི་ཡོན་ཏན་བསྟན་པ་ནི། །དུག་གིས་བསོད་བའི་ལས་བྱེད་དེ། །གདུག་པས་མི་འཆོར་ལས་གྲུབ་པའོ། །དེ་ཡི་རང་བསྐྱེད་འདྲ་བ་ཡི། །ཡོན་ཏན་རྣམས་ནི་འབྱུང་བ་ཡིན། །གདུག་པ་གནས་པའི་སྐྱེ་བའི་ཤིང་། །ལས་ལ་ཕན་འདོགས་ཡོད་པས་ན། །དེ་ནི་དྲག་པའོ་ཡོན་ཏན་འབྱུང་། །སེང་ལྡེང་བྱས་པའི་ཡོན་ཏན་ནི། །དབང་དྲག་གཉིས་ལ་ཤིས་པ་ཡིན། །གདུག་པའི་ཤིང་ ནི་གཅན་གཟན་གནས། །དེ་ན་སྐྱེས་པའི་ཡོན་ཏན་ནི། །གདུག་པའི་ལས་དང་དོན་མཐུན་ཏེ། །དེ་ཡིས་གསོད་ལ་ལྷག་པར་མྱུར། །ལྕགས་ལ་སོགས་པའི་ཕུར་པ་ཡི། །དེ་ཡི་ཕན་ཡོན་བསྟན་པ་ནི། །དཔེར་ན་སྟ་རེ་ངར་ལྡན་གྱིས། །ནགས་ཚལ་ཆེན་པོའི་ཤིང་རྣམས་ལ། །སྐྱེས་བུ་རྩལ་དང་ལྡན་པའི་མིས། །རྩོལ་བ་དྲ་པོས་རབ་བཅད་ན། །ཆོད་མི་ཆོད་ཀྱི་ཐེ་ཚོམ་མེད། །ངར་དང་མི་ལྡན་སྟ་རེ་ཡིས། །བཅས་ཀྱང་ཆོད་པར་མི་འགྱུར་ཏེ། །དེས་ན་ཐེ་ཚོམ་སྐྱེ་བའི་རྒྱུ། །དེ་དང་རྟགས་ཕྱིར་ལྕགས་འདྲ་སྟེ། བསད་དཔས་གསོད་པའི་ལས་ཀྱང་འགྲུབ། །གཞན་གྱིས་མི་ཕྱིན་སྒོ་གཟེར་ཡིན། །ངར་དང་ལྡན་པ་ཁྲོ་ཆུ་སྟེ། །དྲག་པོའི་ལས་གང་གནན་ལྕགས་སོ། །དཀར་ལ་བྱང་ཆུབ་སེམས་ཞི་བ། །འཇམས་པས་གནོད་པའི་སེམས་མི་འབྱུང་། །དགོན་གནས་སྐྱེས་པའི་ཤིང་རྣམས་ཀྱིས། །གདོན་རྣམས་རྣམ་པར་ཞི་བར་བྱེད། །བྱང་ཆུབ་ཤིང་ལས་བྱས་པ་ཡིས། །ངག་རྩུབ་ཐམས་ཅད་ཞི་བར་བྱེད། །ཙན་དན་དཀར་པོའི་ཕུར་པ་ཡིས། །ནད་རྣམས་མ་ལུས་ཞི་བར་བྱེད། །འོ་མ་དཀར་དང་བཅས་པ་རྣམས། །ཐམས་ཅད་ཞི་བའི་ལསལ་ཤིས། །དངུལ་ལ་སོགས་པའི་ཕུར་པ་ཡིས། །མཆོག་ཏུ་ཞི་བའི་ལས་གྲུབ་པོ། །རྒྱལ་པོའི་གནས་སྐྱེས་ཤིང་བུ་ནི། །ཐམས་ཅད་རྒྱས་པར་འགྲུབ་པ་ཡིན། །སྐྱེར་བའི་ཡོན་ཏན་བསྟན་པ་ནི། །ཚེ་དང་ལོངས་སྤྱོད་རྒྱས་པར་བྱེད། །བསེ་ཤིང་ཕུར་པ་རིགས་རྒྱས་བྱེད། །གསེར་གྱིས་བྱང་ཆུབ་ཤིང་རྒྱས་བྱེད། །ཆོས་མཁན་གནས་ནས་སྐྱེས་པ་ཡི། །དེ་ཡི་ཕན་ཡོན་བསྟན་པ་ནི། །ཐམས་ཅད་དབང་དུ་འདུ་བའོ། །ཙན་དན་དམར་པོའི་ཕུར་པ་ཡིས། བུ་མོ་དབང་དུ་བྱ་བ་འགྲུབ། །མཛོ་མོས་བློན་པོ་དབང་དུ་འགྲུབ། །སེང་ཤིང་དམངས་རིགས་དབང་དུའོ། །ཟངས་ལ་སོགས་པའི་རྒྱུ་རྣམས་ཀྱིས། །རྒྱལ་པོ་དབང་དུ་གྱུར་པ་ཡིན། །ཁ་དོག་མཛེས་པའི་ཤིང་རྣམས་ཀྱིས། །གདོན་རྣམས་དབང་དུ་འདུ་བའོ། །མདོར་ན་རྣམ་འབྱོར་དམ་པ་ཡིས། །ཏིང་འཛིན་མ་ནོར་དྲོད་ལྡན་ཞིང་། །བྱིན་བརླབས་དབང་བསྐུར་མ་ནོར་ཏེ། །དམ་ཚིག་མ་ཉམས་ཐུབ་གྱུར་ན། །རྒྱུ་ནི་གང་དང་གང་ཡིན་ཡང་། །བདེ་གཤེགས་ས་བོན་བསྐྱེད་པ་འདྲ། །ཐམས་ཅད་ལས་འདི་བྱ་བར་གསུངས། །རེ་ཞིག་འདི་ལོ་གནས་པ་ནི། །མཚན་མ་ཅན་ལས་གསུངས་པ་སྟེ། །ཡོན་ཏན་ལྡན་པར་ཡིས་བཤད། །རྣལ་འབྱོར་དམ་པ་དེ་རྣམས་ལ། །དང་པོ་གཞུད་ལས་འབྱུངབཞིནབྱ། །རྫསརྣམས་ཚོགས་ན་ཐེ་ཚོམ་མེད། །བཤམ་པ་ལེགས་ན་ཆུད་མི་ཟ། །ལེགས་ཤིང་དོད་ནས་དང་བ་སྐྱེ། །མ་དོད་རྟགས་ཅན་སེམས་མི་བདེ། །རྒྱུ་མེད་བྱས་ན་བཀའ་ལས་འགལ། །རྙེད་བཙན་བྱས་ན་བྱིན་བརླབས་མེད། །ཡོད་བཙན་དོད་བསྒོམ་མི་བདེ། །ངན་བས་རྟོགས་པ་བཅས་གྱུར་ན། །བྱ་བའི་ལས་རྣམས་འགྲུབ་མི་འཀྱུར། །མདོར་ན་གཞུང་དང་མཐུན་པར་བྱ། །ཕུར་པའི་རྒྱུ་ནི་བྱང་ཆུབ་སེམས། །ཐབས་དང་ཤེས་རབ་ངང་ཉིད་ལས། །གསང་བའི་གནས་སུ་རབ་གསལ་བ། །རྒྱུ་ཡི་སྐུ་ནི་རང་བཞིན་བསྐྱེད། །མཚན་མ་བྱང་ཆུབ་སེམས་རྟོགས་ནས། །མཚན་མར་བཅས་པའི་ལས་མི་དགོས། །མཚན་མ་འཇོམས་པ་ཞི་བ་བཟང་། །ལོག་ལྟ་འཇོམས་ལ་ཁྲོ་དུལ་ལྷག །ཉོན་མོངས་ལྔ་འདུལ་ཡང་དག་བཟང་། །མཚན་མ་རྟོགས་མེད་བཤམ་པ་གཅེས། །རྟགས་ཕྱིན་འདོད་ན་ཡུན་རིངས་ཟློས། །གདོང་ཚུགས་འདོད་ནས་ཐུད་ལ་སྦྱོར། །རིངས་པར་འདོད་ན་རྫས་ལ་སྦྱོར། །མྱུར་འདོད་མ་ཡེངས་བརྩོན་འགྲུས་བསྐྱེད། །འདི་ལྟར་དོན་ལ་མ་ཡེངས་པར། །རྒྱུན་དུ་གནས་པར་བྱ་བ་ཡིན། །ཡུན་ནི་ལོ་ཟླ་ཙམ་དུ་བསྲིང་། །གྲངས་ནི་མཚན་མ་བྱུང་བའམ། །ཡང་ན་བྱེ་བ་ས་ཡར་བཟླས། །དེ་ཡིས་ལས་རྣམས་གྲུབ་པར་ནི། །རྒྱུད་འདི་ལས་ནི་ང་ཡིས་བཤད། །ཅེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོརྗེ་གསང་བ་གཏེར་ཞེས་བྱ་བའི་མདོ་ལས། ཕུར་པའི་རྒྱུ་བསྟན་པའི་ལེའུ་སྟེ་དགུ་པའོ།། །།དེ་ནས་ཡང་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །ཡང་དག་དོན་གྱིས་གསོལ་བ་བཏབ། །ཀྱེ་ཀྱེ་སྟོན་པ་སྙིང་རྗེའི་བདག །ལས་ཀྱི་དབང་ཉིད་ཐམས་ཅད་འདུལ། །དབང་པོ་སངས་རྒྱས་ཀུན་གྱི་ཡབ། །བདེ་ཆེན་སྤྲུལ་པ་འབྱུང་གནས་གསལ། །གདུག་པ་བསྒྲལ་བའི་ལས་ཐབས་ལ། །ཕུར་པའི་རྒྱུ་རྣམས་གསུངས་ལགས་ན། །འདི་ལ་ལས་མཁན་མི་འཚལ་ལམ། །བསྐུལ་བའི་ཐབས་ནི་ཇི་ལྟར་བགྱིད། །འདི་ལ་གཏོར་མ་མི་འཚལ་ལམ། །གཏོར་མའི་རྒྱུ་ནི་གང་ལགས་ན། །བསྔོ་བའི་ཐབས་ནི་ཇི་ལྟར་བསྔོ། །ཀི་ལ་ཡ་ཡིས་བཀའ་སྩོལ་ཅིག །དེ་སྐད་ཅེས་ནིགསོལ་བ་དང་། །བཅོམ་ལྡན་ཁྲག་འཐུང་རྒྱལ་པོ་ཡིས། །ཀརྨ་ཧེ་རུ་ཀའི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །མ་མོལས་མཁས་ཅི་བགྱིའི་ཚོགས། །ང་ཡི་བསྟན་པ་འདི་བསྲུངས་ཏེ། །ལེགས་པར་བཤད་པ་ངས་བྱ་ཡིས། །ཉོན་ཅིག་ཀར་མ་ཧེ་རུ་ཀ །དང་པོ་བྱང་ཆུབ་སེམས་ལས་འགྲུབ། །གཞལ་ཡས་དམ་པའི་གྲུ་ནང་དུ། །སོ་སོའི་སྐུ་ནི་གསལ་བར་བསྐྱེད། །རྡོ་རྗེའི་སྒྱུགས་པས་རབ་བླངས་ལ། །རྡོ་རྗེའི་གཡབ་མོས་གཡབ་པར་བྱ། །སྔོན་གྱི་དམ་ཆོས་རྗེས་དྲན་ནས། །རང་དབང་མེད་པར་འོང་བར་འགྱུར། །ཕྱག་རྒྱ་བཞི་ཡི་ལས་བྱ་ཞིང་། །དེ་ལ་མཆོད་པ་ཡིད་ཀྱིས་བཏབ། །བདུད་རྩི་ཟས་ལ་ལོངས་སྤྱོད་པ། །དེ་ལས་བསྐུལ་བར་བྱ་བ་ཡིན། །དེ་ལ་གཏོར་མ་བྱ་བ་ནི། །བདུད་རྩི་ལྔ་ལ་གཞི་བླངས་ལ། ཁྲ་སྣ་ལྔ་ཡང་བསག་པར་བྱ། །རྒུན་་འབྲུམ་མ་ཚང་ཤ་ཕྱེས་གདབ། །གླ་བ་ཤིང་ཀུན་གཡོ་བ་ཡི། །ཆུ་ཡིས་རྒྱས་པར་རབ་སྦྱར་ཏེ། གཏོར་མ་བྱིན་ལ་ལས་ལ་བཏང་། །སྔོན་གྱི་ཞལ་བཞེས་ཇི་ལྟ་བར། །དམ་བཅས་བཞིན་དུ་ལུས་རྣམས་སྒྲུབས། །ལས་དབང་བསྐུལ་བའི་མངའ་བདག་མོ། །སྤྲུལ་པ་དང་བཅས་ལས་གྱིས་ཤིག །བདག་ཉིད་ཆེན་མོའི་དུས་ལ་བབ། །གཡོག་དག་བཅསཔའི་སེམས་དཔའ་ཡིས། །དེ་འདྲའི་སེམས་ཀྱི་རབ་བསྐུལ་ཏེ། ཁེས་པ་གནས་སུ་དེ་དྲོངས་ལ། །དབང་བྱེད་ལས་ལ་སྦྱོར་བར་གྱིས། །སེམས་ཅན་ཐམས་ཅད་གནས་ནས་བྱུང་། །དེ་དེའི་བྱེ་བྲག་གསལ་བྱས་ལ། །ཙན་དན་དམར་པོའི་ཆུ་དག་ལ། །ཉི་མ་རབ་ཏུ་བླུགས་བྱ་སྟེ། །གདོང་དྲུག་ཞང་པོཔ་ཁྲག་བླུགས་ལ། །དེ་ལའང་གཡོ་བའི་རྫས་ཀྱིས་སྤྲས། །བྱིན་ལ་ལས་ལ་གཏང་བར་བྱ། ་༑་ན་མུ་ཀའི་དུས་ལ་བབ། །པདྨའི་རིགས་ལས་སྤྲུལ་པའི་ལྷ། སྔོན་ཆད་ཁས་བླངས་དམ་བཅས་པ། །དམ་ཚིག་གཉན་ལས་མ་འདའ་བར། །མཐུན་པའི་གཏོར་མ་འདི་ལོང་ལ། །སྤྲུལ་པས་འཁོར་བའི་གནས་བསྒྲལ་ཕྱིར། །ང་ཡིས་ཁྱེད་ལ་རབ་བསྐུལ་བས། །དྲག་པོ་ལས་ཁུག་དུས་ལ་བབ། །ཁམས་གསུམ་གནས་པའི་སེམས་ཅན་རྣམས། །འབྱུང་བའིརངབཞིན གཞིགནསས། །དེ་ལ་དབང་བའི་མངའ་བདག་མོ། །དེ་དབང་གཏོར་མ་བྱ་བ་ནི། །སྣོད་ཀྱི་ཤལ་གཞི་བླངས་ལ། ཁྲ་སྣ་ཚོགས་པའི་གཏོར་མ་བྱ། །སྣོད་ཀྱི་ཁྲག་ལ་གཞི་བླངས་ལ། །ཁྲག་སྣ་ཚོགས་པའི་རཀྟ་སྦྱར། །ས་བདག་ཆེན་པོའི་དུས་ལ་བབ། །མཚོ་བཞིའི་གནས་ནས་བཞེངས་སུ་གསོལ། །འཐུན་པའི་གཏོར་མ་འདི་འབུལ་གྱིས། །ཁྲག་ནད་བླང་ཐབས་བཏང་བ་དང་། །བལ་ནད་རྒྱུ་གཟེར་དབབ་པའི་ཕྱིར། །དམ་བཅས་བཞིན་དུ་བདག་བསྐུལ་གྱིས། །ཁས་བླངས་བཞིན་དུ་དམ་ལ་འདུ། །གནག་པའི་ལས་རྣམས་མཛད་དུ་གསོལ། །སྟག་གི་སྙིང་དང་སེང་གེའི་སྙིང་། །ཝ་ཡི་སྙིང་དང་སྦྱང་མོའི་སྙིང་། །བྱ་རྒོད་སྙིང་དང་ཁྲ་ཡི་སྙིང་། །ཆུ་བྱའི་སྙིང་དང་འུག་པའི་སྙིང་། །དེ་རྣམས་གཏོར་མའི་གཞི་བླངས་ལ། །མཆོག་ཕྲན་སྙིང་དང་ནང་གྲོལ་དང་། །ཐོད་ཁྲག་ཀླད་པར་བཅས་པ་དང་། །ལྷུ་གདུམ་སྙིང་དང་ཁྲག་ཏུ་བཅས། །སྙིང་དང་སྙིང་རྩར་བཅས་པས་མནན། །སྤྲུལ་པ་ཆེན་པོའི་དུས་ལ་བབ། །དུར་ཁྲོད་གནས་སུ་རྒྱུག་ལེན་མ། །དུར་ཁྲོད་བརྒྱད་ལ་གནས་བཅས་ནས། །སྟིར་ཟ་ཞིང་ལས་ལ་སྦྱོར། །བཀའ་གསང་སྤྲུལ་པའི་ཕོ་ཉ་མོ། །དམ་ལ་སྡུད་ཅིང་ལས་ལ་འགྱེད། །དམ་ཚིག་གཉན་པོ་བདག་བསྐུལ་གྱིས། །གཏོར་མ་ལོང་ལས་འཕྲིན་ལས་མརྫོད། །ཕྱག་བརྙན་ཆེན་པོའི་དུས་ལ་བབ། །ཐམས་ཅད་བསྐུལ་ཞིང་ལས་ལ་སྦྱོར། །དུར་ཁྲོད་རྫས་ལ་ལྟ་ཞིང་འགྱིང་། །ཞིང་ཆུང་བསྣོལ་ཟས་ཁོང་སྙིང་འབྱིན། །ཁྲག་རལ་ཁྲག་འཐུང་དབང་མོ་ཆེ། །སྙིང་ཞགས་ལྟ་ཞིང་རྫས་ལ་རོལ། །དོན་སྙིང་འབྱིན་ཞིང་རྒྱུ་ཞགས་འདྲེན། །མགོ་ལུས་གཏུམ་ཞིང་ལས་ལ་སྦྱོར། །དུར་ཁྲོད་ཁྲག་ལ་རོལ་ཅིང་ཟ། །ཟངས་གྲིས་གཅོད་ཅིང་མདངས་ཀྱང་འཕྲོག །མཐུན་པའི་གཏོར་མ་འདི་འབུལ་གྱིས། །བསོད་པའི་ལས་ལ་མྱུར་བར་ནི། །གདུག་པ་བསྒྲལ་བའི་ལས་བྱུང་ཚེ། །དམ་ལས་མ་འདའ་འཕྲིན་ལས་མཛོད། །སེམས་ཅན་ཀུན་གྱི་སྙིང་ཁྲག་དང་། །སྙིང་གི་རྩ་བ་མ་ཉམས་དང་། །སྒལ་ཚིགས་ལ་སོགས་གཏོར་མ་རྣམས། །སྲིན་མོ་ཚོགས་ཀྱི་དུས་ལ་བབ། །ང་ཡི་སྤྱན་སྔར་ཁས་བླངས་པ། །སྲིན་འདུ་རི་ལ་གནས་བཅས་ཏེ་། །ཁྱོད་ཀྱིས་ལས་རྣམས་བྱ་བར་ནི། །དམ་ཚིག་ཕོབ་ནས་དབང་ཡང་བསྐུར། །སོ་སོའི་དབང་རྟགས་ལེགས་བྱིན་ཏེ། །ཇི་ལྟར་ལས་གཉེར་བཏང་བ་ཡི། །ལས་རྣས་མ་ལུས་ཁྱེད་ཀྱིས་སྒྲུབས། །ཐམས་ཅད་གཅིག་ཏུ་བྱ་བ་ནི། །རྫས་རྣམས་ཐམས་ཅད་རབ་གཏམས་ལ། །གཡོ་བའི་རྫས་ཀྱིས་ཀུན་ལ་བཀྲ། །དེ་ནས་པདྨའི་སྣོད་བཀང་ལ། །ནམ་ཕྱེད་གཅེར་བུར་བྱུང་ནས་ནི། །སྐྲ་ཡང་སྤྱི་བོར་རབ་བཅིངས་ལ། །གདོང་ལ་ཐལ་བས་རབ་བྱུགས་ལ། །རཀྟའི་ཐིག་ལེ་གསུམ་ཡང་བྱ། །དེ་ནས་གཏོར་མ་རབ་བསྔོས་ལ། །ང་རོ་ཕྱུང་སྟེ་ལས་རྣམས་བཅོལ། །དྲག་པོའི་ལས་དང་ཞི་བའི་ལས། །དབང་དང་རྒྱས་པའི་ལས་རྣམས་ཀུན། །རང་རང་སོ་སོར་སྦྱར་བར་བྱ། །དྲག་པོའི་དུས་སུ་བསྐུལ་བར་བྱ། །དམིགས་པར་བྱ་བའི་ཡུལ་དེ་ནི། །ཉིད་དང་སྤྲུལ་པས་ཡངས་པར། །ཐང་ཅིག་ཡུད་ལ་ཁྲིད་ལ་་།ག །དེ་ཚེ་གདུག་པའི་གཏོར་མ་བཏབ། །གདུག་པའི་ཕུར་བས་གདབ་པར་བྱ། །བསྡིགས་པའི་ལས་རྣམས་ཡང་དང་ཡང་། །ལས་གཉིས་སྔོན་དུ་འགྲོ་བ་ཡིན། །འགྲོ་བ་ལྷ་ཡི་བྱེ་བྲག་རྣམས། ་།ས་པར་བྱས་ལ་དཔྲལ་བ་ཡིན། །ཟིལ་གནོན་ཅེན་པོའི་ཕྱག་རྒྱ་ཡིས། །མནན་པས་མཐུ་མེད་རྫུ་འཕྲུལ་མེད། །ལྕེ་དཔོག་ནག་པོའི་དུད་པས་བདུག །ཞགས་པས་ཡན་ལག་ཐམས་ཅད་བཅིང་། །ཁྲོ་རྒྱལ་གནས་པའི་གཞལ་ཡས་བརྟག །མ་མོ་ཚོགས་ཀྱི་རོལ་པ་ཡིས། །ཞིང་རྣམས་བསྒྲུབས་ལ་གཞག་པ་ཡིན། །བཏབ་པའི་གནས་ས་གང་ཡིན་དེ། །བརྟགས་ལ་གསལ་བར་ཤེས་པར་བྱ། །བརྡུངས་ནས་འདི་ཉིད་དབུས་སུ་ནི། །མི་གཡོ་བརྟན་པར་བཞུགས་སུ་གསོལ། །དེ་ཚེ་སྡུ་བསྔལ་ཉམས་སུ་མྱོང་། །གནོད་ཞིང་མཐོལ་བའི་ལས་མི་བྱེད། །དེ་ཡིས་བྱང་སེམས་བསྐྱེད་པ་ཡིན། །དེ་ལ་བརྟག་པ་བྱར་མི་རུང་། །དམ་ཚིག་ཉམས་པས་འཇིགས་པས་སོ། །མ་རིག་ལས་རྣམས་བྱས་པ་ཡིན། །ང་ཡིས་དེ་འདྲའི་སྡུག་བསྔལ་མྱོང་། །རང་དབང་མེད་པར་བྱུང་བ་ཡིན། །དེ་ལྟར་ཉམས་སུ་མྱོང་བར་བྱ། །བསྟན་པའི་ལྷ་ཚོགས་ཐམས་ཅད་ཀུན། །ཞལ་གདངས་བྱོན་ནས་བྲེད་ཅིང་བརྒྱལ། །ཡང་དང་ཡང་དུ་བྱས་པ་ཡིན། །དེ་ལྟར་བྱས་པའི་ལས་རྣམས་ཀྱིས། །སངས་རྒྱས་ཉིད་ཀྱང་འཇིགས་བྱེད་ན། །ཁམས་གསུམ་གནས་པའི་གདུག་ཚོགས་རྣམས། །འཇིགས་པར་ཐེ་ཚོམ་མེད། །སྨོས་ཀྱང་ཅི་དགོས་དེ་ཉིད་དོ། །ཞེས་གསུངས་སོ། །རྒྱུད་ཀྱི་རྒྱལ་པོ་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་་མདོ་ལས། མཁ་འ་འགྲོ་ལས་ལ་བཏང་བའི་ལེའུ་སྟེབཅུ་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་འདས་དཔལ་ཁྲག་འཐུང་གི་རྒྱལ་པོ་ལ། གསང་བའི་མཆོད་ཕུལ་གསོལ་བ་བཏབ་པ། ཀྱེ་ཀྱེ་གསང་བའི་དཀྱིལ་འཁོར་ནི། །མ་བཅོས་གདོད་ནས་ལྷན་ནེའོ། །སེམས་ཅན་དོན་ཡོད་རྒྱལ་པོ་ཁྱོད། །དཔའ་བོའི་ལས་ཚོགས་གསུང་ལགས་ན། །སྔོན་ང།ང་དྲེགས་པ་བསྒྲལ་བ་ཡི། །དུས་ཆོད་རྣམས་ནི་ཇི་ལྟར་ལགས། །དེ་སྐད་ཅེས་ནི་གསོལ་བ་དང་། །བཅོམ་ལྡན་བཛྲ་ཀི་ལ་ཡས། །གསུང་ནི་འདི་སྐད་བཀའ་སྩལ་ཏོ། །སེམས་ཅན་གདུག་པ་སྨོས་ཅི་དགོས། །ལོག་ལྟ་མནར་མེད་ལྷུང་བ་རྣམས། །ཐུགས་རྗེ་ཆེན་པོས་་བཟུང་བའི་ཕྱིར། །དྲི་བར་བྱེད་པ་ལེགས་སོ་ལེགས། །དེ་ཡིས་དམིགས་རྣམས་ངས་བཤད་ཀྱིས། །ཀརྨ་ཧེ་རུ་ཡིད་ཀྱིས་ཉོན། །ལྟ་བ་ལོག་པ་བདུན་ཡོད་དེ། །སྲོག་ལས་ཉམས་ལས་ཉམས། །དོན་ལས་ཉམས་དང་སྦྱོད་ལས་ཉམས། །མཉམ་ལས་ཉམས་དང་འདོད་པས་ཉམས། །ལོག་པས་ཉམས་པ་བདུན་པོ་ལ། །འདི་ལ་ཉམས་པ་ཞེས་བྱ་སྟེ། །དེ་བསྒྲལ་ན་ནི་བདེ་བ་ཆེ། །སོ་སོའི་མཚན་ཉིད་བསྟན་པ་ནི། །སྲོག་ལས་ཉམས་པའི་མཚན་ཉིད་ནི། །ཆོས་ཀྱི་མཚན་ཉིད་ཁོག་འཆང་ལ། །སེམས་ལ་གཡོ་དང་བཅས་པ་ཡིས། །ཕ་མ་དྲིན་ཅན་ཀྱིན་པར་གསོད། །ཡོན་གྱི་ཕུལ་དུ་མཁན་པོ་གསོད། །ཆོས་འཆད་ལས་སུ་སློབ་མ་གསོད། །འདི་ནི་ཕམ་པ་ཆེན་པོ་སྟེ། །མནར་མེད་དམྱལ་བ་ཆེན་པོར་ལྟུང་། །དེ་བས་བསྒྲལ་བའི་དམིགས་ཅིག་ཡིན། །སེམས་ལ་ཆོས་ཉིད་མ་ཞེན་ཅིང་། །ཆོས་ལ་ཡིད་གཉིས་ཟབ་ཡིས། །ལས་ནི་དེ་དང་དེ་བྱས་ཀྱང་། །ཉེས་བྱས་ཡིན་ཏེ་དམྱལ་བར་འགྲོ །དེ་ཡང་ཐུགས་རྗེས་རབ་གཟུང་ལ། །བསྒྲལ་བར་བྱ་བའི་དམིགས་ཅིག་ཡིན། །བསམ་པ་གཏིང་ནས་མ་སྐྱེད་པ། །རང་བཞིན་རྐྱེན་གྱིསདབང་མེད་དེ། །ལས་རྣམས་དེ་དང་དེ་བྱས་ཀྱང་། །ཉེས་བྱས་ཕྲ་མོ་ཞེས་བྱ་སྟེ། །སྡིག་པ་ཕྲ་མོ་འབྱུང་བ་ལས། །ཉེས་པ་ཆེན་པོས་མི་གོས་སོ། །བཀའ་ལས་ཉམས་པའི་མཚན་ཉིད་ནི། །སེམས་ལ་འདོད་པའི་གཡོ་བཅས་ནས། །རྡོ་རྗེ་སློབ་དཔོན་རྣམ་གསུམ་པོ། །ཐབས་ཀྱིད་འདྲིད་་ཅིང་སླུ་བར་བྱེད། །རྡོ་རྗེ་སྤུན་ལ་ཁྲོས་གྱུར་ནས། །ངན་པའི་སེམས་ནི་ཁོང་དུ་བཅངས། །རས་མེད་སྤྱས་རྣམས་འདོགས་པར་བྱེད། །དང་པོར་ཁས་བླངས་དམ་བཅས་ཤིང་། །ལེ་ལོའི་དབང་དུ་བཏང་ནས་ནི། །ཕྱག་རྒྱ་མི་བསྒོམ་སྔགས་མི་བཟློས། །སྣོད་ཀྱི་རིམ་པ་མ་བཏགས་པར། །གསང་བའི་རིམ་པ་ཐོན་དུ་ཁྱེར། །སྦས་པའི་མན་ངག་ཐམས་ཅད་་སྟོན། །བཀའ་ལས་ཉམས་པ་ཆེན་པོ་ཡིན། །ཕམ་པ་ཆེན་པོས་མནར་མེད་པའི། །གནས་སུ་ངེས་པར་འཚེད་པར་འཀྱུར། །དེ་ནས་ཐུགས་རྗེས་གཟུང་བར་བྱ། །འདི་ཡང་བསྒྲལ་བའི་དམིགས་ཅིག་ཡིན། །དམ་ཚིག་རྩ་བ་ཡན་ལག་རྣམས། །ཉེས་དམིགས་བརྫུན་པར་བཙིགས་ནས་ནི། །དྲང་བའི་དོན་དུ་གསུངས་པ་ལས། །དོན་ལ་གསུང་པ་ཅི་ཡང་མེད། །དོན་ལ་གོ་བ་ཡོངས་མེད་པར། །བསྲུང་བར་བྱ་བ་ཐ་སྙད་ཡིན། །དེ་སྐད་སྨྲ་བའི་རྣལ་འབྱོར་དེས། །གོང་མའི་ལས་རྣམས་བྱས་གྱུར་ཀྱང་། །ཉེས་བྱས་ཡིན་ཏེ་དམྱལ་བར་འགྲོ །དེ་ཡང་བསྒྲལ་བའི་དམིགས་ཅིག་ཡིན། །དོན་ལ་ཉམས་པའི་མཚན་ཉིད་ནི། །གསང་བའི་དང་བསྐུར་བྱས་ནས་ནི། །དམ་ལ་བཏགས་པས་གསང་བ་བསྒྲགས། །མ་རུངས་པ་ཡི་མ་ཀ་འདོགས། ཁོ༑ས་རབ་ཐབས་ནི་དབང་བསྐུར་ན། །གཞན་པོ་ཡུལ་ནས་བསྐུ་བ་ཡི། །འཆང་བ་ངན་པ་ཡིན་ཞེས་གཞན་དུ་སྨྲ། །གཉིས་མེད་བྱང་ཆུབ་སེམས་ཆེན་པོ། །མན་ངག་མ་ནོར་བར་བསྟན་ན། །ལོག་པའི་དོན་དུ་བཟུང་ནས་ནི། །གཞན་ལ་འདི་སྐད་ཟེར་ཞེས་སྨྲ། །ཡང་དག་དོན་ཆེན་ཟབ་མོ་འདི། །མ་ལོག་བསྟན་པ་དེ་ཤེས་ཀྱང་། །དོན་ལ་གོ་མེད་ལོག་པར་ཁྲིད། །སྐྱེ་མེད་དོན་ལ་བསྒྲུབ་པ་ལ། །གཉིས་མེད་བྱང་ཆུབ་སེམས་འདི་ནི། །རང་བཞིན་གནས་པ་འདི་མཐོང་ཞེས། །རྒྱུ་དང་འབྲས་བུའི་དོན་བསྟན་ན། །གཉིས་འཛིན་ཤེས་རབ་ལོག་པར་འཛིན། །འདི་ལ་ཐུགས་རྗེསམབཞིནབསྐྱེད། །ཕམ་པ་ཆེན་པོ་ཞེས་བྱ་སྟེ། །དོན་ལས་ཉམས་པ་ཆེན་པོ་ཡིན། །དེ་དབང་མནར་མེད་ཆེན་པོར་སྐྱེ། །འདི་ཡང་བསྒྲལ་བའི་དམིགས་ཅིག་ཡིན། །སྤྱོད་པའི་ཉམས་པའི་མཚན་ཉིད་ནི། །གསང་བའི་དོན་རྣམས་གཞན་ལ་སྟོན། །མ་མོ་མཁའ་འགྲོ་བསྟེན་པ་ཡི། །རྫས་རྣམས་མངོན་དུ་ཕྱུང་བྱས་ནས། །བདག་གི་དཔའ་མཚན་དེས་བྱེད་དང་། །གབ་པའི་གསང་བ་མ་རྟོགས་པར། །རང་བཞིན་མཚན་མ་དེ་བཟུང་ནས། །སྦྱོར་བ་མངོན་སུམ་རང་གར་བྱེད། །གཉིས་མེད་ངང་བསྒྲལ་་རྟགས་མེད་པར། །སྲིན་པོའི་སྦྱོར་བ་རབ་བཟུང་ནས། །ཕ་རོལ་སྲོག་གཅོད་སྒྲོལ་ཞེས་ཟེར། །གཉིས་མེད་བྱང་སེམས་གནས་ཀྱང་སྤངས། །སྤྱོད་པ་ཐེ་ཅོ་དང་དུ་ལེན། །ཁྲོས་པའི་ཚིག་གིས་མཐུ་ཡང་སྨྲ། ཁྲེས་མེད་ང་མཁས་ང་རྒྱལ་གཏོང་། །ཐབས་མཆོག་གསང་ཆེན་མ་ཤེས་པར། །སེམས་ཅན་དོན་ལ་ལོག་ཆོས་སྨྲས། །ཡེ་ནས་སངས་རྒྱས་ཡེ་སངས་རྒྱས། །བསད་དང་བཀུམ་ལ་སོགས་པས་ཀྱང་། །དེ་ལ་གསད་པ་ཅི་ཡོད་སྨྲ། །ལོག་པའི་ཤེས་པས་ཁྲིད་བྱས་ནས། །ཕྱིན་ཅི་ལོག་གི་ཐབས་ལ་མཁས། །དེ་བཞིན་གཤེགས་པའི་དཀའ་འཁོར་ནས། །ཕྱིན་ཅི་ལོག་ལ་རྩོལ་བ་ཆེ། །ཕྱག་ཆ་སྐུ་ཡི་རང་བཞིན་རྣམས། །སྔོན་མེད་མེ་ལོང་གཟུགས་བརྙན་ལྟར། །ཡང་དག་དོན་དུ་མི་ཤེས་པར། །རྟོག་པ་དག་ལ་མངོན་པར་འཆེལ། །ལས་ཀྱི་ཕུལ་དུ་མཚན་མ་སྤྱོད། །འདི་ནི་རུ་དྲ་དངོས་ཡིན་ཏེ། །ལས་ཀྱིས་བསྒྲལ་བ་ལྷུར་ཡང་བཙམ། །སྤྱོད་པས་ཉམས་པ་ཆེན་པོ་སྟེ། །ཕམ་པས་མནར་མེད་དམྱལ་བར་འགྲོ །དེ་ཡི་དབང་གིས་མངོན་སུམ་པར། །བསྒྲལ་བར་བྱས་ཀྱང་མི་དེ་ལ། །བག་ཆགས་ངན་པས་མི་གོས་ཏེ། །འདི་ཡང་བསྒྲལ་བའི་དམིགས་ཅིག་ཡིན། །མཚན་མ་ཉམས་པའི་མཚན་ཉིད་ནི། །རྒྱལ་བ་རྣམས་ཀྱིས་གསུངས་པ་ཡི། །རྒྱལ་བ་རྣམས་ཀྱིས་གསུངས་པ་ཡིན། །ཆོས་ཀྱི་སྒོ་མོ་བསམ་ཡས་ནི། །ཉོན་མོངས་སེམས་ཅན་ལ་གནས་པ། །དེས་ཀྱང་དོན་དུ་གསུངས་པ་ལས། །རྒྱུ་དང་འདྲ་བའི་ཆོས་རྣམས་ཀུན། །ལྟ་བ་དམན་པ་དེ་ཡི་དབང་གིས་ཡིད་བསྡམས་ནས། །འབྲས་བུའི་ཆོས་ལྟ་ག་ལ་ཡོད། །དེ་སྐད་སྨྲ་ཞིང་ཕྱོགས་ཆར་འཛིན། །ཆོས་ཉིད་མ་བཅོས་ཡེ་གནས་ལ། །ལྟ་བ་སྒྲོ་སྐུར་བར་བཅད་ནས། །རྣལ་འབྱོར་དམ་པ་དོན་གནས་ལ། །ཁྱེད་ཀྱིས་མིང་ཤེས་སྐུར་འདེབས་པ། །རྣལ་འབྱོར་དོན་ལྡན་ཐུགས་དཀྲུགས་ནས། །དེས་དབང་ཉིད་ཀྱིས་དམྱལ་བར་འགྲོ །མཚན་མའི་ཆོས་ལ་གཙོར་གཟུང་ནས། །འཇིག་རྟེན་ལྷ་འདྲེ་ཐམས་ཅད་རྦོད། །འཇིག་རྟེན་ཁམས་འདི་ཐམ་ཅན། །མཐུ་འགྲན་བྱེད་པ་སུ་ཞིག་ཡོད། །ལྷ་སྲིན་སྡེ་བརྒྱད་ང་ཡི་བྲན། །དཔང་ཆེན་ཁྲག་འཐུང་དེ་ཉིད་ཡིན། །ང་ནི་ཁྲོ་བོའི་རྒྱལ་པོ་སྟེ། །ཁམས་གསུམ་པ་ཡི་སེམས་ཅན་ཀུན། །སྐད་ཅིག་གིས་ནི་བསད་པ་ཡིས། །ང་ཡི་ཐོགས་པ་མེད་པར་འོང་། །གཞན་ལ་འཚེ་ཞིང་ཁྲོ་བར་བྱེད། །འདི་ནི་མཚན་མས་ཉམས་ནས་ནི། །ཁྲོ་རྒྱལ་འཁོར་ཚོགས་ལས་གྱིས་ཤིག །དེ་སྐད་བསྐུལ་ན་སྣ་ཚོགས་བྱེད། །ཁྲག་འཐུང་འཁོར་བཅས་ཐུགས་ཁྲལ་བསྐྱེད། །མི་ཤ་བླངས་ཤིང་མ་མོ་སྦོད། །རྣལ་འབྱོར་དམ་ཅན་སྨེ་རྩོག་བྱས། །སྐྱེ་བོ་ཡོངས་ཀྱིས་སྤྱས་བཏགས་ཤིང་། །ཐམས་ཅད་ཀུན་གྱིས་སྨད་པའི་ས། །འདི་ནི་འདོད་པས་ཉམས་པ་ཡིན། །ཕམ་པས་དམྱལ་བ་ཆེན་པོར་ལྟུང་། །དེ་བས་ཐུགས་རྗེས་གཟུང་བར་རིགས། །ལོག་པས་ཉམས་པའི་མཚན་ཉིད་ནི། །ཆོས་ལ་གཉིས་སུ་བཟུང་བ་སྟེ། །སངས་རྒྱས་ཆོས་ལས་ལོགས་ནས་ནི། །མུ་སྟེགས་ཅན་གྱི་སྡེ་ལ་བྱེད། །སངས་རྒྱས་སྤྱོད་པ་བོར་ན་ནི། །མུ་སྟེགས་སྤྱོད་པ་སྣ་ཚོགས་བྱེད། །ལྟ་བ་གཉིས་མེད་བོར་ནས་ནི། །རྟག་པ་ཐེར་ཟུག་ཉིད་དུ་ནི། །ལྟ་ཞིང་སྐྱེས་བུ་ཞེས་སུ་སྨྲ། །བྱང་ཆུབ་སྤྱོད་པ་བོར་ནས་ནི། །བརྟུལ་ཞུགས་ཅན་ལ་རབ་ཏུ་དང་། །འདི་ནི་ལོག་པར་ཉམས་ཞེས་བྱ། །རབ་ཏུ་བསྒྲིམས་ཏེ་བསྒྲལ་ན་ནི། །མནར་མེད་རྡོ་རྗེ་དམྱལ་བར་འགྲོ །དེས་ན་ཐུགས་རྗེས་རབ་བསྒྲལ་བ། །འདི་ཡང་བསྒྲལ་བའི་དམིགས་ཅིག་ཡིན། །རྣལ་འབྱོར་དམ་ཅན་གང་དག་གིས། །དགེ་བའི་བར་དུ་གཅོད་པ་ཡི། །དགྲ་ཡི་ཚོགས་བཅས་མ་ལུས་པ། །ཉམས་པར་གྱུར་པ་དྲུག་ཡོད་དེ། །ལས་ཀྱི་ཉམས་དང་མཚན་མས་ཉམས། །དུས་ཀྱི་ཉམས་དང་འདོད་པས་ཉམས། ལོག་པས་ཉམས་དང་སྲོག་ལས་ཉམས། །འདི་དག་བསྒྲལ་བར་མ་བྱས་ན། །རྣལ་འབྱོར་ཆོས་ལ་སྤྱད་དབང་མེད། །སྡིག་པའི་རྣམ་སྨིན་མང་པོ་འཕེལ། །དེ་དག་སོ་སོའི་མཚན་ཉིད་ནི། །ཡང་དག་ཉིད་དུ་ང་ཡིས་བཤད། །ལས་ཀྱིས་ཉམས་པའི་མཚན་ཉིད་ནི། །བཀའ་ལ་བཏགས་པས་ཡོངས་མེད་པར། །དག་གི་སྒྲུབ་སར་འོངས་ནས་ནི། །ཡ་ཀ་ཆེ་ཕྲ་མང་པོ་འདོགས། །སྔོན་ཆད་ཁོན་པ་ཡོད་མེད་པར། །བདག་གི་ཟས་ནོར་དབང་བྱའི་ཕྱིར། །མ་ཉེས་མི་ལ་ཀླན་ཀ་ཚོལ། །ང་ཡིས་མཉེས་དྲང་སྨྲས་ཀྱང་། །ཁ་ལ་བདེ་ཤིང་གནད་འཚུགས་པ། །ཁ་དྲག་རང་ཚོད་མི་འཛིན་པར། །བདག་ལ་དཔུང་ལས་ཀླན་ཀ་ཚོལ། །བདག་གིས་ཉེས་པ་མ་བྱས་པར། །ཐབས་དང་གཡོ་ཡིས་བདག་ལ་རྒོལ། །དེ་བཞིན་བཟློག་ནས་བརླང་དུ་སྨྲ། །འདི་ནི་ལས་ཀྱིས་ཉམས་པ་ཡིན། །བདག་གིས་བསྒྲལ་བར་མ་དྲན་ཡང་། །དམ་ཅན་ཡོངས་ཀྱིས་ཐུགས་བཀྲུག་པ། །རང་བཞིན་བསྒྲལ་ན་དེ་དབང་འགྱུར། །འདི་ཡང་བསྒྲལ་བའི་དམིགས་ཅིག་ཡིན། །མཚན་མས་ཉམས་པའི་མཚན་ཉིད་ནི། །བདག་དང་འབྲེལ་བ་ཡོངས་མེད་པར། །བདག་གི་འཁོར་དུ་གནས་བཅས་ནས། །ཡུན་དུ་སྲིང་བའི་ཐབས་མེད་པར། །མཚན་མ་ངན་པས་དབྱེན་སྤྱོད་དེ། །སྐྱོན་ཚང་མང་པོ་འབྲུ་བྱེད་པ། །ཁྱེད་ལ་མཐུ་དང་རྩལ་ཡོད་དམ། །ཁྱེད་ཀྱིས་སུ་ལ་རྟགས་ཅིག་ཕྱུང་། ཁྲེས་པའི་རྒྱུ་ནི་ཅི་ཞིག་ཡོད། །གཞན་གྱིས་སྤྱ་པར་གྱུར་པའི་ཚེ། །ང་ལ་འདི་ཡི་ཉམས་ཡོད་ཀྱིས། །འདི་ལ་ཅི་ཡང་མེད་༄༅ ཟེར་བ། །མཚན་མས་ཉམས་པ་ཞེས་བྱ་སྟེ། །འདི་བསྒྲལ་རྣལ་འབྱོར་ཉམས་བདེར་འགྱུར། །འདི་ཡང་བསྒྲལ་བའི་དམིགས་ཅིག་ཡིན། །དུས་ཀྱིས་ཉམས་བའི་མཚན་ཉིད་ནི། །བདག་དང་ཁ་ཕྲད་ཡོངས་མེད་པར། །དྲག་པོ་ལས་ལ་བ་པའི་དུས། །དེ་དུས་ཡོངས་ནས་ཡ་ཀ་གཏོང་། །འདི་ནི་དུས་ཀྱིས་ཉམས་པ་ཡིན། །བསྒྲལ་བའི་བློ་ཉིད་དུས་ལ་བབ། །ལག་ནས་བཟུང་ལའང་མི་བཏང་བར། །མངོན་སུམ་སྤྱོད་པས་མ་བསྒྲལ་བར། །འདི་ཡང་བསྒྲལ་བའི་དམིགས་ཅིག་ཡིན། །འདོད་པས་ཉམས་པའི་མཚན་ཉིད་ནི། །འདོད་པའི་སེམས་ཀྱིས་དབྱེན་སྤྱོས་ནས། ཁེ་བར་ཤེས་ཀྱང་གཞན་ལ་འཕྲོག །ཕུང་བར་འོང་ཡང་དཀོར་ཁང་འཇོམས། །སྲོག་ལ་རང་ཟ་སྔགས་པ་འཇོམས། །དུག་ཏུ་སྣང་ཡང་དགེ་འདུན་དཀོར། །བདག་གི་དབང་དུ་བྱེད་པ་དང་། །ཐོབ་ཏུ་འདོད་ནས་གསང་སྔགས་དང་། མདོ་ཡེདྷརྨ་ལ་སོགས་པ། །བརྐུས་ནས་གཞན་ལ་འཚོང་བ་དང་། །སྤྱོད་པ་ངན་པ་དབེན་སྤྱོས་ནས། །བཟའ་རུ་བསྒྲུབ་པའི་ཡོ་བྱད་རྐུ། །ནོར་དུ་འདོད་ན་གང་དང་གང་། །རྣལ་འབྱོར་གཞུང་ལྡན་འཇོམས་ཤིང་སྡུད། །འདི་ནི་འདོད་པས་ཉམས་པ་སྟེ། །བསྒྲལ་བས་རྣམ་འབྱོར་དམ་ཅན་བཙུན། །ལོག་པས་ཉམས་པའི་མཚན་ཉིད་ནི། །དང་པོ་ཆོས་ཀྱི་སྒོར་ཞུགས་ནས། །དེ་ནས་གཞན་པའི་ཚུལ་ལ་ཞུགས། །ཆོས་ཀྱིས་ནང་བྱན་བྱསནས་ནི། །སངས་རྒྱས་ཀུན་ལ་སྐུར་འདེབས་ཤིང་། །རྣམ་འབྱོར་ཀུན་ལ་མི་ཚོད་ཆེ། །སྤྱོད་པ་ཐོ་ཆོ་སྣ་ཚོགས་ཀྱིས། །གཞན་གྱི་སེམས་འགེགས་ཆོས་ལ་སྡང་། །ཐོབ་ཏུ་འདོད་ན་གསུང་རབ་རྐུ། །སྔོན་རྒྱུས་བྱས་ནས་གཞན་ལ་འཚོང་། །སེམས་ཅན་ཀུན་ལ་འཚེ་བར་བྱེད། །འདི་ནི་ལོག་པས་ཉམས་པ་སྟེ། །འདི་ལ་ཐུགས་རྗེས་མ་བཟུང་ན། །དམྱལ་བསྲེགས་གནས་སུ་ངེས་པར་ལྟུང་། །དེ་བས་འདི་ལ་བསྒྲལ་བ་བརྩམ། །སྲོག་ལས་ཉམས་པའི་མཚན་ཉི་ནི། །ཏོམ་ཚོ་ལ་བྱེད་ཅིང་སྲོག་ལ་དགའ། །མ་དང་ཕ་དང་གསོད་པ་ལ། །ཐོགས་པ་མེད་པ་བརྡེག་པ་དང་། །གཞན་ཡང་གསོད་པ་དགེ་སྡིག་མེད། །སྲོག་ཆགས་ཀུན་ལ་གཙེ་བྱེད་ཅིང་། །གལ་མི་ཆེ་ལ་སྲོག་ཆགས་གསོད། །ཐབས་ཀྱིས་སངས་རྒྱས་བསྟན་པ་སྨོད། །གཡོ་དང་བཅས་པས་སྔགས་མཁན་འདྲིད། །ཟས་སུ་ཆོས་ཀྱི་ཟས་ལ་ཟ། །རྐུ་ཡང་ཆོས་ཀྱི་ཟས་ལ་རྐུ། །སྲོག་གཅོད་རྣམ་པ་སྣ་ཚོགས་ཀྱིས། །སེམས་ཅན་ཐམས་ཅད་བྲེང་བརྒྱ་ལ་ནས།མཐོང་ཡང་འཇིགས་སུ་རུང་བ་སྟེ། །སྲོག་ལས་ཉམས་བ་ཞེས་བྱ་སྟེ། །གཤགས་གཏུབ་གནས་སུ་ངེས་པར་སྐྱེ། །དེ་བས་འདི་ལ་བསྒྲལ་བ་བརྩམ། །དེ་དག་ཐམས་ཅད་མ་བསྒྲལ་ན། །ལོག་པའི་སྤྱོད་པ་ཐམས་ཅད་འཕེལ། །རྣལ་འབྱོར་དམ་ཅན་སེམས་ཁྲལ་ཆེ། །དེ་བས་འདི་བསྒྲལ་རྣལ་འབྱོར་བཙུན། །བཏུལ་ཞིང་ཚར་བཅད་བྱེད་ཅིང་བརྒྱལ། །གསད་བསྐྲད་སྨྱོས་པའི་སེམས་མེད་བྱོས། །བསྟན་པ་གཉན་ལ་བར་ཆད་ཉུང་། །དགེ་བ་འཕེལ་བས་སྡིག་པ་འགྲིབ །འདི་དག་མ་བསྒྲལ་སྐྱོན་རྣམས་ནི། །རྣལ་འབྱོར་དམ་ཅན་སྤྱིད་ལུག་མང་། །གསང་བའི་ཐེག་པའི་ཆོས་སྒོ་འགགས། །སྐྱེ་བོ་ཡོངས་ཀྱིས་སྦྱས་ནས་ཀྱང་། །ཆོས་ལ་འབྲས་བུ་མེད་ཅེས་ཟེར། །འདི་འདྲའི་ཉེས་དང་ཡ་་གར་བཅས། །འདི་དག་བསྒྲལ་བའི་ཡོན་ཏན་ནི། །ལས་རྣམས་རྫོགས་པས་གང་དང་གང་། །དེ་དེ་བསྒྲལ་བར་བྱས་ནས་ནི། །དམྱལ་བའི་གནས་སུ་ཡོང་མི་ལྟུང་། །གལ་ཏེ་ལྟུང་ཡང་ཡུན་ཐུང་འགྱུར། །དེ་ནས་བདེ་བ་ཅན་དུ་འགྲོ །རྣལ་འབྱོར་མངོན་པར་སངས་རྒྱས་འགྱུར། །དགེ་བ་ཅན་རྣམས་པག་ཡངས་སྤྱོད། །སེམས་ཅན་ཐམས་ཅད་སེམས་བདེར་འགྱུར། །དེ་བས་རྣལ་འབྱོར་རྩལ་ལྡན་གྱིས། །ཉམས་སུ་བླངས་ཏེ་བསྒྲལ་བར་བྱ་བའོ། །མ་བསྒྲལ་རྣལ་འབྱོར་རང་ཉིད་ཉམས། །དམྱལ་བར་འཚེད་པ་འཇིགས་པས་བསྒྲལ། །བརྡེག་དང་བསྒྲུབ་དང་ཟོར་དང་ཐུན། །དེ་ཡི་དུས་ཚོད་བསྟན་པ་ནི། །དཔྱིད་ཟླ་གསུམ་ལ་བརྡེག་པ་ནི། །ཉི་ཤུ་གཉིས་དང་བཅུ་དྲུག་དང་། །བཅུ་བཞི་རྣམས་ལ་བརྡེག་པ་ཡིན། ཁྲར་དང་དེ་བཞིན་ཤར་ལྷོའོ། །དབྱར་ཟླ་གསུམ་ལ་བརྡེག་པ་ནི། །བརྒྱད་དང་བཅོ་ལྔ་དུས་དྲུག་ཏུ། །ནུབ་བྱང་བྱང་ཤར་ལ་སོགས་པར། །ཁ་བལྟས་བརྡེག་པས་བྱ་བ་ཡིན། །སྟོན་ཟླ་གསུམ་ལ་བརྡེག་པ་ནི། །ཉི་ཤུ་བཅོ་བརྒྱད་ཉ་གསུམ་ལ། །བྱང་ཤར་བྱང་དང་ནུབ་དག་ཏུ། །ཁ་བལྟས་བརྡེག་པར་བྱ་བ་ཡིན། །དགུན་ཟླ་གསུམ་ལ་བརྡེག་པ་ནི། །བཅུ་གསུམ་བཅུ་དང་ཐམས་ཅད་ལ། །བྱང་དང་ལྷོ་དང་རང་ཐད་བལྟས། །བརྡེག་པར་བྱ་བའི་ལས་ལ་སྦྱོར། །དེ་ཡང་ཉི་ཤུ་བདུན་ནས་མར། །སྲོག་སྡུད་ཆེན་པོ་ལས་བྱེད་པས། །ཉི་ཤུ་དགུའམ་གནམ་སྟོང་ངམ། །བརྡེག་པའི་དུས་ལ་བབ་པ་ཡིན། །སྲོག་སྡུད་རྣམས་ནི་བཤད་པར་བྱ། །ལྷ་སྲིན་སྡེ་བརྒྱད་ཐམས་ཅད་དང་། །གཤིན་རྗེ་འཁོར་དང་བཅས་པ་དང་། །གནོད་སྤྱིན་འཁོར་དང་བཅས་པ་དང་། །ལྷ་ཆེན་རྒྱལ་པོ་འཁོར་དང་བཅས། །རྒྱུ་སྐར་རྩ་བརྒྱད་འཁོར་དང་བཅས། །འཇིག་རྟེན་མ་མོ་འཁོར་དང་ཅས། །ཕུང་བྱེད་གདུག་པ་འཁོར་དང་བཅས། །ཀླུ་ཆེན་བརྒྱད་པོ་འཁོར་དང་བཅས། །གཟའ་ཆེན་བརྒྱད་པོ་འཁོར་དག་བཅས། །མ་བདུད་མི་ཀུན་འཁོར་དང་བཅས། །པུང་བྱེད་གདུག་པ་འཁོར་དང་བཅས། །ཀླུ་ཅེན་བརྒྱད་པོ་འཁོར་དང་བཅས། །གཟའ་ཆེན་བརྒྱད་པོ་འཁོར་དང་བཅས། །མ་བདུད་མི་ཀུན་འཁོར་དང་བཅས། །བདུད་པོ་ནམ་པོ་མི་བཟད་རྣམས། །དེ་རྣམས་སྲོག་སྡུད་ཡིན་པས་ན། །དུས་དེར་བརྡེག་དང་བསད་དང་མནན། །ལས་ལ་ཕན་འདོགས་ཡོད་བྱའོ། །དུས་མེད་ལོག་པ་བསྟན་པ་ནི། །དཔྱིད་ཟླ་གསུམ་ལ་ལྡོག་པའི་དུས། །བཅུ་བདུན་བཅུ་དགུ་པ་ལ་ནི། །ཚེས་གཅིག་ཉི་ཤུ་བརྒྱད་པ་དང་། །གནམ་སྟོང་དག་ལ་བཏབ་གྱུར་ན། །ས་བདག་ཆེན་པོ་རབ་རྒྱུ་བས། །རྣལ་འབྱོར་དམ་པ་ཉིད་རླགས་འགྱུར། །དབྱར་ཟླ་གསུམ་གྱིས་སློབ་པའི་དུས། །བཅུ་གཅིག་དྲུག་ལ་བཅོ་ལྔ་ལ། །གདུག་པའི་སེམས་ཅན་སྡང་སེམས་དེང་། །དང་པོའི་སེམས་སྡང་དྲན་པར་བྱེད། །དེ་ལ་བཏབ་བ་རྣལ་འབྱོར་བརླག ། སྟོན་ཟླ་གསུམ་ལ་ལྡོག་པའི་དུས། །ཉི་ཤུ་ལྔ་དང་གསུམ་དང་གཉིས། །ཏིང་ཏིང་འཁོར་བཅས་ཉུལ། །དུས་དེར་བརྒྱབ་ན་རང་ལ་ལྡོག །དགུན་ཟླ་གསུམ་ལ་ལྡོག་པའི་དུས། །ཉི་ཤུ་བདུན་དང་ཉི་ཤུ་དང་། །བཅོ་བརྒྱད་དག་ལ་བརྡེག་པ་མིན། །དྲག་པོ་ཆེན་པོ་མདོག་དྲུག་རྒྱུ། །འདི་དག་དུས་སུ་ལས་ནས། །རྣལ་འབྱོར་ཚེ་ཐུང་བཅས་བཞི་འཕོག །འཁོར་ཡང་ཕུང་པོ་ཡོ་བྱད་འབྲི། །ཕྱུགས་དང་མི་ཤིས་དབུལ་པོར་གྱུར། །སྨྱོ་འབོག་འོན་དང་ལྐུགས་པ་འབྱུང་། །ཞ་ཞིང་ཁ་མིག་འཆུས་པ་ཡི། །ནད་དང་འབྲས་དང་ལྷོག་རྒལ་འབྱུང་། །ལྟུང་ནད་ཐིབས་དང་གཏུམ་པ་ཡི། །རྒྱུ་གཟེར་མཛེ་ནད་འབྱུང་འགྱུར་བས། །རྣལ་འབྱོར་དམ་པས་རབ་བརྟགས་པས། །གཟབས་ལ་ལས་འདི་བྱ་བ་ཡིན། །གཟའ་ཡི་དུས་ཚོད་བསྟན་པ་ནི་མིག་དམར་ཕུར་བུ་གཟའ་རྣམས་ཀྱིས། །གྲུབ་པའི་ཉི་མའི་དུས་ཚོད་ལ། །གཞན་ཡང་སྦྱར་ནས་ཤིས་པ་ཡི། །དུས་ལ་བབ་ན་བརྡེག་པའི་ལས། །དེ་དག་རྣམས་ཀྱང་བྱ་བ་ཡིན། །ཉི་མ་དྲོས་པ་མྱོས་པའི་དུས། །ཉིན་གུང་མཚན་གུང་བདུད་ཀྱི་དུས། །དེར་ནི་བརྡེག་པའི་དུས་ཚོད་ཡིན། །གྲུབ་པའི་དུས་ཚོད་བསྟན་པ་ནི། །ཡིད་ཡུལམངོན་གསུམ་མཚན་མར་ནི། །དེ་བཞིན་གཤེགས་པའི་རྒྱུར་མཐོང་དང་། །་མིག་གསལ་ཕུར་བུ་ལྡེག་ལ་སོགས། །དེ་ལྟའི་མཚན་མ་བྱུང་བ་ནི། །ལས་ལ་འཇུག་པའི་དུས་ཚོད་ཡིན། །དྲག་པོའི་རྟགས་རྣམས་བསྟན་པ་ནི། །དང་པོ་ཏིང་འཛིན་ཚུལ་གནས་བྱ། །བར་དུ་བདེ་གཤེགས་སྐུ་བསྐྱེད་བསྟིམ། །ཐ་མར་སྲས་བསྐྱེད་བཟླས་པ་བྱ། །བསྙེན་དང་བསྒྲུབ་པ་གཉིས་དེ་བཞིན། །དེ་ཡི་རྟགས་རྣམས་བསྟན་པ་ནི། །མངོན་དུ་ཁུགས་དང་ལིང་ག་འགུལ། །མིག་སྣོན་ཉམས་སུ་བྱུང་བ་དང་། །དེས་དེར་འགས་པའི་དུས་ཚོད་ཡིན། །དུར་ཁྲོད་གདུག་པ་མ་མོའི་གནས། །གདབ་པ་ལ་སོགས་ཚུལ་བཞིན་བྱ། །རྒྱ་གྲམ་ལམ་གྱི་གནས་ལ་སོགས། །མནན་པ་ལ་སོགས་ཚུལ་བཞིན་བྱ། །འདི་ནི་བརྡེག་པའི་དུས་ཚོད་ཡིན། །ནུབ་གཅིག་ཁས་བྱས་ཕུར་བ་གདབ། །དེ་ལྟར་བྱ་བའི་ཡོང་མ་ཡིན། །ཐབས་དང་བཅས་པའི་རྟགས་རྣམས་དང་། །མཚན་མ་ཐམས་ཅད་རྫོགས་པ་དང་། །བརྡེག་པའི་དུས་ལ་བབ་པ་ནི། །རྣལ་འབྱོར་པ་ཡིས་ཤེས་པར་བྱ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གསང་བ་གཏེར་ཞེས་བྱ་བའི་མདོ་ལས། བསྒྲལ་བའི་དམིགས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་གི་རྒྱལ་པོ་ལ། འདི་སྐད་ཅེས་གསོལ་ཏོ། །ཡང་ཞུས་པ། །ཨེ་མའོ་བཅོམ་ལྡན་སྔགས་ཀྱི་བདག །ཨེ་མའོ་གསང་ཆེན་བདག་ཉིད་ཆེ། །དཔའ་བོའི་རྒྱལ་པོས་ཡང་དག་བཤད། །ཐབས་ཀྱི་བདག་ཉིད་གསང་ཆེན་གྱིས། །ཐབས་རྣམས་གཞན་རྣམས་གསུངས་ལགས་ན། །འདི་ལས་ས་བོན་མི་འཚལ་ལམ། །རྐྱེན་གྱི་སྔགས་རྣམས་མི་འཚལ་ལམ། །གསོད་པའི་སྔགས་སུ་གསུངས་པ་ལ། །ལས་ཀྱི་སྔགས་རྣམས་གང་དག་ལགས། །ཐུན་གྱི་སྔགས་རྣམས་གང་དག་ལགས། །ཕན་བྱའི་སྔགས་རྣམས་གང་དག་ལགས། །སྲེག་པའི་སྔགས་རྣམས་གང་དག་ལགས། །མནན་པའི་སྔགས་རྣམས་ཇི་ལྷར་ལགས། །འདི་ལ་བཏབ་པ་ཇི་ལྟར་ལགས། །བསྣན་པའི་སྔགས་རྣམས་ཇི་ལྟར་ལགས། །སྐུ་གསུང་ཐུགས་ཀྱི་སྔགས་འདི་གང་། །ཞི་དང་རྒྱས་པའི་སྔགས་འདི་གང་། །དབང་དགུག་བསྒྲལ་བའི་སྔགས་འདི་གང་། །གདུག་པར་དབྱེ་བའི་སྔགས་འདི་གང་། །ལས་རྣམས་ཐམས་ཅད་དབྱེ་བ་ལགས། །བྱིན་གྱིས་བརླབས་པའི་བསྔགས་འདི་གང་། །ཐམས་ཅད་ལས་ལ་འབོད་པ་ལ། །བོད་པའི་སྔགས་ཅིག་མི་འཚལ་ལམ། །སྦད་པའི་སྔགས་ཅིག་མི་འཚལ་ལམ། །སྔགས་ཀྱིས་བདག་པོས་བཀའ་བསྩོལ་ཅིག །དེ་སྐད་ཅེས་ནི་གསོལ་བ་དང་། །ཀི་ལ་ཡས་ཀརྣ་ཧེ་རུ་ཀའི་ཚིག་གསན་ནས། །གསུང་ནི་འདི་སྐད་བཀའ་སྩལ་ལོ། །ཉོན་ཅིག་ཀརྨ་ཧེ་རུ་ཀ །སྔགས་རྣམས་གསལ་བར་ངས་བཤད་ན། །སེམས་ཅན་ཀུན་གྱིས་ཡིད་ལ་ཟུང་། །དང་པོར་བསྒྲུབ་པ་རབ་དམིགས་དང་། །དེ་ནས་གསང་བའི་རྗེས་སུ་འཇུག །དེ་ནས་ཐབས་དང་བཅས་པ་ཡིས ཚངས་པའི་གནས་ལས་རྗེས་འཇུག་པ། །གསང་བའི་སྐུ་ནི་ལྷན་ནེའོ། །ཐབས་དང་བཅས་པའི་གཙོ་བོ་བསྐྱེད། །རྣམ་པར་རྒྱལ་བ་གཤིན་རྗེ་གཤེད། །རྟ་མགྲིན་བདུད་རྩི་འཁྱིལ་བ་ཡི། །སོ་སོའི་སྐུ་ནི་གསལ་བར་བལྟ། །སྒོ་ལ་སྒོམ་དེ་བཞིན་ཏེ། །ཡོངས་རྫོགས་དཀྱིལ་འཁོར་གསང་དབང་བསྐུར། །འདི་དེ་དཀྱིལ་འཁོར་དམ་པ་ལ། །ཕྱི་ནང་གསང་བའི་མཆོད་པས་མཆོད། །གསལ་བའི་ཕྱག་དང་རྒྱན་རྣམས་ཀུན། །སྔར་བཤད་རྗེས་སུ་འབྲེང་བའོ། །ཨོ་བཛྲ་ཀི་ལི་ཀི་ལ་ཡ་ཧུ༷། །ཧུ༷་ཧུ༷་ཧུ༷་ཧུ༷་ཧུ༷། །ཧུ༷་ཧུ༷་ཧུ༷་ཧུ༷ ཧུ༷། ་།་།་།་།་།། ༑་།་།་།་།། ཛ་ཧུ༷་བྷ༷་ཧོ། །ཧྭ་ཧྭ་ཧྭ་ཧྭ། ཧྭ་ཧྭ་ཧྭཧྭ། ་།༑་།༑། ་།་།་།༑།སྨྱོ་སྨྱོ་སྨྱོ་སྨྱོ། ཀྟ་ཀྟ་ཀྟ་ཀྟ། མྱ་མུ་མུ། སྨྱོ་སྨྱོ་སྨྱོ་སྦྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། ཕཊ་ཕཊ་ཕཊ་ཕཊ། ཨོ་བཛྲ་ཀྲོ་དྷ་ཧུ༷་ཀ་རཧུ༷། ཨོ་བཛྲ་ཀྲོ་དྷ་བི་ཛ་ཡ་ཧཱུཾ༷། ཨོ་བཛར་ཀྲོ་དྷ་ནི་ལ་དཎྜ་ཧུ༷། ཨོ་བཛྲ་ཀྲོ་དྷ་ཡ་མུརྙ་ཀ་ཧུ༷། ཨོ་བཛྲ་ཀྲོ་དྷ་ཨུབྱ་ཨ་ཙལ་ཧྭ༷། ཨོ་བཛྲ་ཀྲོ་དྷ་ཧ་ཡ་རྒི་བ་ཧུ༷། ཨོ་བཛྲ་ཀྲོ་དྷ་ཨ་པ་ར་ཛི་ཏ་ཧུ༷། ཨོ་བཛྲ་ཀྲོ་དྷ་ཨ་མྲི་ཏ་ཀུཎྜ་ལི་ཧུ༷། ཨོ་བཛྲ་ཀྲོ་དྷ་ཏྲེ་ལོ་ཀྱ་བི་ཛ་ཧུ༷། ཨོ་བཛྲ་ཀྲོ་དྷ་མ་ཧྭ་བ་ལ་ཧུ༷། ཨོ༷་བཛྲ་ཀྲོ་དྷ་ཏི་ཡ་བ་ཏི་ཧུ༷། ཨོ་བཛྲ་ཀྲོ་དྷ་ལྭ་སི་ཀི་ཧུ༷། ཨོ་བཛྲ་ཀྲོ་དྷ་པྲ་ཏི་ཛ་ཧུ༷། ཨོ་བཛྲ་ཀྲོ་དྷ་སྟ་ན་བ་ཏི་ཧུ༷། ཨོ་བཛྲ་ཀྲོ་དྷི་མུ་ཧ་ལ་ཧུ༷། ཨོ་བཛྲ་ཀྲོ་དྷ་ཙཎྜཡ་ཏི་ཧུ༷། ཨོ་བཛྲ་ཀྲོ་དྷ་ཤཱ་ན་ཡ་ཏི་ཧུ༷། ཨོ་བཛྲཀྲོ་དྷ་རིག་ཤ་ཡ་ཏི་ཧུ༷། ཨོ་བཛྲ་ཀྲོ་དྷི་མ་ར་ནཧུ༷། ཨོ་བཛྲ་ཀྲོདྷ་ཙན་དྷ་མ་ནི་ཧྭ༷། ཧྲིང་མ་ཀྲོ་དྷ་ཡ་ཛ་ལ་མ་མུ་ཀར་ཡ་ཧུ༷་ཕཊ། ཨོ་ཕཊ་ཏ་ཡ་ཛ་ལ་ཛ་ལ པྲཛ་ལ་པྲ་ཛ་ལ། །མུཏ་མུ་ཏ། མུ་ཏ་ཡ་མུ་ཏ་ཡ། སརྦ་ནཱ་ག་བྷ་བན་ནི་སར་སར། སབོ་དུ་་དྷི་ཏཡ་ཤོདྷ་ནི་ཧུ༷་ཕཊ། ཨོ་ཨ༷༷ ཧུ༷་སྲུཧྭ། ཨ་སྟི་ཏིམོ་ ་མ༷། རྙུ་པེ་པྲསྤྲོ་ཨུ་ལོཀེ་གརྙེ། ལྭ་པྱེ་ཧུ༷། མ་ལེ་ཏྲ༷། གི་རྟི་ཧྲི། ནི་རྟི་ཨ། སརྦ་ཏ་ཐུ་ག་ཏ་མ་ཧྭ་ཨ་མྲི་ཏགྲྭཧྭ། ཨོ་ན་མ་སརྦཏཐུ་ག་ཏ་ཨ་ནུར་ག་བཛྲ་སྭ་བྷ་ཝ་ཨུཏྣཀོ྅ཧ༷། ཨོ་ན་མ་སརྦ་ཏཐུ་ག་ཏོ་ཀྲོ་དྷ་ཨ་ནུསྟ་ན་ཙྭན་བཛྲ་སྭ་བྷབ་ཨུཏྣ་ཀོ྅ཧ༷། ཨོ་སརྦ་ཏ་ཐུ་ག་ཏ་པྲུ་ཙ་ཙྭ་ནབཛྲ་སྭ་བྷ་ཝ་ཨུཏྣ་ཀོ྅ཧ༷། བཛྲ་ཨ༷་གུ་ཤ་ཛ། བཛྲ་བཱ་ཤ་ཧུ༷། བཛྲ་སྤྲོཊབ༷། བཛྲཀྟཎྜ་ཧོ། ཨོ་ཤི་བཛྲ་ཀུ་མར་ཡཀ་ཤ་ཧུ༷། ཨོ་བཛྲ་ཀྲོདྷི་ཨེ་ཀ་ཙ་བཛྲ་ཧུ༷། ཨོ་བཛྲ་ཏྲ་དྷི་ཧ་ཧུ༷། མུ༷་ལ༷་པྱ༷་ཏ༷། ཧུ༷་ཧུ༷་ཧུ༷། ཕཊ་ཕཊ་ཕཊ། ཨོ་བཛྲ་ཀི་ལི་ཀིལཡ་ཧུ༷་ཛ། ཨོ་བཛྲ་ཀི་ལི་ཀི་ལཡཏིསྟ་ཙཀྲ་ཧུ༷་ཛ། རྫོརྫོ་རྫོ་སྡོ་སྒྲོ རྫོ་སྡོརྫོརྫོསྒྲོ རྫོརྫོ་རྫོ་སྣོ་སྒྲོ ཏབྱ་ཐུ་རཀྟ་རུ་རུ་རོ་རུ་བ་ཏི་སིཧུ༷་ཏབྱ་ཐུ། རུ་རུ་རོ་རོ་ཨ་ཤུག་མེ། ཏབྱ་ཐུ་རུ་རུ་རོ་རུ་བསཏི་ཏྲཧུ༷། ཛ་ཡདུ་ཧུ༷། མརྙིཧུ༷། ཀྲོ་དྷ་མ་ཧྭ་བཱ་ལ། ཧ་ན་ཧ་ན། ད་ཧ་ད་ཧ།པ་ཙཔ་ཙ། སྟི་དྷ་ནས་ས་མ་ཡ། ཛ་ཏི་ལ༷་བོདྷར་ན། ཨུ་ཙུསྨ་རྐྱོདྷ་ཡ་ཧུ༷་ཕཊ། ཨོབཛྲ་ཀི་ལི་ཀི་ལ་ཡ་ཁ་ཐ༷་ཁ་ཐ༷། ཧུ༷་ཧུ༷་ཧུ༷་ཕཊ་ཕཊ་ཕཊ། ར༷་ཛ་ལ་ཛ་ལ་ཡར་ན་ཧུ༷་ཕཊ། ཨོ་བཛྲ་སུ་མེཧུ༷ ཧུ༷ ས་མ་ཡ་སྟུ༷། ཛ༷༷ཧུ༷་བ༷་ཏོ༷ཨེ་གྱི་ཧི་བྷག་ཝན། སྟི་བྱརཛཡཀྟབཛྲ་སྨྱོ་སྨྱོ་རུ་ལུ་རུ་ལུ་ཧུ༷། ཨོ་པྲ་ཏི་ཛ་ཧུ༷། ཨོ་ས་མ་ཡ་ཨ་མྲི་ཏ། ཨརྒ༷་པྲཏིཙ་ཧུ༷་གྲྭཧྭ། ཨོ་ན་མོ་བྷག་བ་ཏེ་ཤན་ཞི་གིར་ཏུ་ཏབྱ་བཛྲ་དྷན་ཏོ་ཡེ། མེ་ཀ་ནི་ཀོ་ན། ཙ་ལ་ཙ་ལ མ་ལ་མ་ལ། ཏིལིཏི་ལི་གྲྭཧྭ། ཡ་མ་ལོང་ཙ་དན་བེ་རལ་ཛ་ཧུ༷་ཕཊ། ཛ་ཧུ༷་སྨྱོ་སྙིང་ཤུད་ཤུད་ཛ་ཧུ༷་ཕཊ། ཧ་དེ་མོཧ་ཡ། ཨ་ཀ་རི་སརྦ་དུགི༷། དྲིད་ཡ་ཧུ༷་ཕཊ། ཡག་ཤ་བཛྲ་ཧུ༷་ཛ་ཧུ༷། ཚིརྙཚིརྙ། བྷརྙ་བྷསྟོ་མོ་ཨ་རལ་ཧུ༷་ཕཊ།ཀང་ཀ་ཡ་པར་ལ་རྦད་ཕུ་ཧཱུཾ་ཕཊ། བི་ལོ་ཀི་ནི་ཧུ༷་ཕཊ། ཧི་ལིཧི་ལི། ཙག་ཤོ་བྱ་ཧུ༷་ཕཊ། ཨོ་བུ་ཐུ་མེ་ཧ་ཐ། རྫོ་རྫོ་སྡོ་སྡོ། སྡོ་རྫོ་སྡོ་ཐོ མ་ཀང་གི་རྦུད་ཐུམ། ཧེ་ཀདུ་ཤ་རྦད་དུན་སྨྱོ། ཧེ་རུདྲ་ཤིག་རྦད་རྦད་ཧེ་ཧེ་སྨྱོ། ཧེ་ག་ལ་དུམ་བུཀྱིཁྱིམ། ཧེ་ཤ་ཏྲི་ཧེ་ཁ་ཡགཐུམ་སྤྱོ་རྦད། ཧེཡེ་ག་ཤ་ཁ་ཐུ༷་སྨྱོ། ཆེམ་ཆེམ་གག་རུ་རྦད་ཐུ༷་རི་ལི་ལི། ཁ་ཁ་མ་མ་ཏྲི་ཤ་ལིསྨྱོ། ཧུ༷་ཕཊ་ཧུ༷་ཕཊ་ཧུ༷་ཕཊ་ཧཱུཾ་ཕཊཧུ༷་ཕཊཧུ༷ ཕཊ་ཧུ༷་ཕཊ་ཧུ༷་ཕཊ། མ་མ་ཏྲ་ཀ་རག་ཤ་ཁ་མུན་ཏྲ། སྙིང་ཁར་ག་རག་མོ་དུན་སྨྱོ་ཛ། རུ་རུ་བེ་རོ་ཨུ་སྟི་སྟ་བཏོ་སིར་ཀ་མོ་སྙིང་ཁར་ཀ་ཧུ༷་སྨྱོ་སྨྱོ་ཛ་ཛ། མ་མར་རཀློ་ཐུམ་ལིས། སྙིང་ཙ་འདུས་སྲོག་ཕྲིག་ཕྲིག །ཤམ་ཤམ་ཁྱེར་སྨྱོ། སྙིང་ཁྲག་ཙ་སྲོག་ཁྲེང་བྲེང་རྦད་ཨོ་ཛ་ལ་ཛལ་ཧུ༷་ཕཊ། མ་ཧྭ་སྲོག་ཏུག་ཏུག་ཁྲག་ལོག །སྙིང་རྦད། མ་དྷ་སྲོག་ཐུན་སྙིང་ལམ་སྨྱོ། མྱ་ར་ཡ་ཕཊ། ཁ་རུན་དྲི་ཛཛ། ཡི་་ཏྲགནནཏྲིགནན། སྙིངཁ་རག་རྦད་ཨོ་སུ་ཀྲི་བ་ཡ། བར་ཙིསྟ། ཡོ་གི་ཤར། ས་མ་ཡ་ཙིཉི་ཨོ་ཕཊ། མེ་རི་ཀུད་རི། ཐུམས་ཐུམས་རྦད། ཁྲག་ཏི་སྨ་ར་རྦད་ཕཊ། རྡུལ་ཕྲན་གྱུར་ཐུམ་ས་རྦད། ཛ་ཡ་དུ་མན་ཏི་ཤ་རི་ནི་ལ་པྲ་ཏི་ཛ་ཛ། ཁྱི་ཁྲིད་ར་ཁྲིད་རོལ་ཁྲག་འཐུང་མ་ཀང་ཀང་ཀེང་ཀེང་ཀ་ཀ་ཡག །ཙིནྟྲ་མ་མ་ལ་ལ་རོ་ལ་ཁྲག་འཐུང་། །ཀང་ཀང་ཀེང་ཀེང་ཀེང་ཀང་ཀ་ཡ། སྙིང་ཟབ་ཙི་ཤ་མ་ལ་རོལ་ཁྲག་འཐུང་། ཀང་ཀང་ཀེང་ཀེང་ཀང་ཀ་ཡ། ཏང་པ་རལ་སྟི་ཀི་ཀི་ཏྲི་ཧུ༷་ཕཊ། ཤག་ཤག་རྒྱོབ་རྒྱོབ་ཡ་ཡ། ན་མོ་རཏྣ་ཏྲ་ཡུ་ཡ་ཤཱཀྱ་པ་ར་ཡ། ཏ་ཐུ་ག་ཏ་ཡ་ན་མོ་མ་ཤག་རུ་ཡ། ཀྱུ་ཀྱུ་ཡུ་ཚུ་ལེ་ཙ་ཏ་ཏྲ་བ་རོ་ཙ་སྭཧྭ། ཙང་ཙེ་གྱང་གྱང་ཙེ་ཙེ་ཧེ་དུ་ཧེ་དུ། ཏབྱ་ཐུ་ཨན་རྒྱ་སྟུ་མིག་བཀྟ་བི་ཙེ། གུ་ལོ་ཙ་མེ། པ་ཏཀྟ་ལོ་མེ། ཤི་རི་ཡཀྱུ་ན་བ་ཀུ་མུན་ཏི། ཛར་བར་མེ་ཚད་བར་མེ་ཚ་ཏ་ན་པ་པ་མ་ཏེ། པ་ཤུ་ལང་ཀ་ཨ་བ་བ་སུ་ནེ་ཧ་ས་གབྷ་སྟེ། ལམ་མ་བུ་ཙསྟེ། གམ་རི་རབ་སུ་མེ་ཨ་ཨ་ཨ་ནོ་མ་ཡ་ས་རེ། བ་ལ་ཤ་རི་ཧུ༷། ནི་ལ་པྲ་ཏི་ཧྭ༷། ཀྱི་ཀྲིད་ཧུ༷།ཙིརྙ་མ་ཧུ༷། སྙིང་ཟ་བ་ཧུ༷། ཏ༷་མ་ར་ལ་ཏོ་ཧུ༷། ཀོ་རི་ཧ། རྩ་རི་ཧ། པྲ་མོ་ཧ། སྒྱེ་ཏ་ལི་ཧ། པུ་ཀ་སི་ཧ། བྷ་སྨར་ཧ། སྨ་ཤ་ནི་ཧ། ཙཎྜལི་ཧ། སི་ཧ་མུ་ཀ་ཧེ། བྱ་ཀྲི་མུ་ཀ་ཧེ། སྲི་ལ་མུ་ཀ་ཧེ། ཇོ།་ན་མུ་ཀ་ཧེ། ཀྲི་ཏ་མུ་ཁ་ཧེ།ཀང་ཀ་མུ་ཁ་ཧེ། ཁ་ཁ་མུ་ཁ་ཧེ། ཧུ་ལུ་མུ་ཁ་ཧེ། ཨརུ་ཏེ་ཙ་ཏེ་ང་ཙ་ཧུ༷། ཨ་མུ་ཁ་ཧུ༷། ལོག་བ༷་ཧུ༷། བ་རྨི་པ་ལ་ཡབ་ཏི་ཧུ༷། ཨོ་ཙཎྜ་མ་ཧྭ་རོ་ཥ་ཎ་ཧུ༷་ཕཊ། ན་མོ་རཏྣ་ཏྲ་ཡུ་ཡ། ན་མོ་བེ་བྲ་བ་ཎ་པྱ། མ་ཧྭ་རྭ་ཛ་པྱ། ན་མོ་རཏྣ་ཀུ་པ་ར་པྱེ། ཀུ་ཧ་ཀ །ངི་པ་པ་ཏེ། ཏ་པ་ན་ཏ་ཀུ་པ་ར། མ་ར་ཡི་ཤ་མི་ད། བེ་ཤ་མ་ཎ། བ་ཀི་ཤར་མ། ཨ་ནུ་ནུ་པ་སྣུང་རུ་པ་ན་ཀུ་པར་ཀ །ཙན་དྲ་ཀན་ཙཀྲ་མེ་ཧོ་མེ་ཧ་ས། ཀན་ན་ཏ་ཀུ་པར་ཧེ་མ་ཀ་ན་ཀུ་ཧ་ཀ་ཀ་ཙ་ལ་ཙ་ལ། པ་ཙ་པ་ཙ། ཕུ་ལུ་ཕུ་ལུ། ཧུ༷་ཧུ༷་ཕཊ་ཕཊ། ཨི་་ན་མ༷༷ ས་མརྙ་ཀྭ་ཡ་བཱ་ཀ་ཙིསྟ་བཛྲ་ན་ན། ཡི་་ཀྟ་ཀྟ་བྷ་ཏ་ཡ་སྙ་ཏ་ཡ་སརྦ་དུཛི་ན་མ་ར་ཡ་ཕཊ། ཀི་ལི་ཀི་ལ་ཡ་སརྦ་བཱ་པ༷་ཕཊ། ཧུ༷་ཧུ༷་ཧུ༷་བཛྲ་ཀི་ལ་ཡ་ད་རོ་ཨརྙོ་པ་ཡ་སྟི། ཀྭ་ཡ་བཱ་ཀ་ཙིསྟ་བཛྲ་ཀི་ལ་ཀི་ལ་ཡ་མུ་ར་ཡ་ཧུ༷་ཕཊ། ཏིབྷ་ཙཀྲ་ཙ་ཧ་ན་ཧ་ན་ཧུ༷་ཕཊ། ཤི་ར་ཀི་ལ་ཡེ་ཏ་ཧུ༷་ཕཊ། མ་ཀུ་ཀི་ལ་ཡེ་ཏ་ཧུ༷་ཕཊ། པ་ཏང་ཀི་ལ་ཡེ་ཊ་ཧུ༷་ཕཊ། ད་ཧ་ད་ཧ་ན་པ་ཙ་པ་ཙ། ཧུ་ལུ་ཧུ་ལུ་སྟིནྟྲ་སྟིནྟྲ། པསྨི་ཀུ་རུ་ཧུ༷་ཕཊ། ཡི་་ལ༷་ཧུ༷་ལ༷་སྟ༷་པ་ནི་མ་ཧྭ་བྷ་ག་བན། ཧྲི་ཀྲི་བི་ཀྲི་བཛྲ་ཧུ༷་ཀ་ར། ཧུ༷་ཧུ༷་ཧཱུཾ་་ཕཊ་ཕཊ་ཕཊ།ཨོ་་བཛྲ་ཀི་ལི་ཀི་ལ་ཡ་ཛ་ཧུ༷་བ༷་ཧོ། སརྦ་བིབྷ་ནཱན་ཀི་ལ་ཡ་ཧུ༷་ཧུ༷་ཕཊ་ཕཊ། ཨི་་བཛྲ་ཧྲུ༷་ཀ་ར་ཨ །ཚིརྙ་ཚིརྙ་བཛྲ་ཧྲུ༷་ཕཊ། སྟིནྟྲ་སྟིནྟྲ་བཛྲ་ཧུ༷་ཕཊ། ལྷི་ན་ལྷི་ན་བཛྲ་ཧུ༷་ཕཊ། ཧ་ན་ཧ་ན་བཛྲ་ཧུ༷་ཕཊ།བྷརྙ་བྷནྟྲ་བཛྲ་ཧུ༷་ཕཊ། ཡི་་ཏབྱ་ཐུ་ཊ་ད་ཡ་བཛྲ་ཧུ༷་ཕཊ། ཧ་་ཡ་ར་དྷི་ད་བཛྲ་ཧུ༷་ཕཊ། ཕྲི་ཀྲི་ཨ་ན་ཡ་བཛྲ་ཧུ༷་ཕཊ། ཛ་ལ་པ་ཡ་ཛ་ལ་པ་ཡ་བཛྲ་ཧུ༷་ཕཊ། ཨ་བེ་ཤ་ཡ་ཨ་བེ་ཤ་ཡ་བཛྲ་ཧུ༷་ཕཊ། སྙི་དྷ་ཡ་སྟི་དྷ་ཡ་བཛྲ་ཧུ༷་ཕཊ། ད་ཧ་ད་ཧ་བཛྲ་ཧུ༷་ཕཊ། པ་ཙ་པ་ཙ་བཛྲ་ཧྭ༷་ཕཊ། མ་ཐ་མ་ཐ། བཛྲ་ཧུ༷་ཕཊ། ཛ་ལ་ཛ་ལ་བཛྲ་ཧུ༷་ཕཊ། སུ་རུ་སུ་རུ་བཛྲ་ཧཱུཾ་ཕཊ། མུ་རུ་མུ་རུ་བཛྲ་ཧུ༷་ཕཊ། ཀ་ཏ་ཀ་ཏ་ཡེ་བི་ཛ་ཡ། ཨ་ཛི་ཏི་ཨ་པར་ཛི་ཏེ་མར་སེ་ན་ཨུ་མར་ཏ་ནཱ་ཡ་བཛྲ་ཧུ༷་ཕཊ། ཧུ༷་མ་མ་པ་ཤི་ཀུ་རུ་མ་སྟ༷་ཉ་ཀ་རེ་ཨི་དན་ཏེ། མ་མ་ཀརྨ་ཤི་ཀྲ༷་ཀ་ར་གྲྭཧྭ། ཨོ་བཛྲ་ཨ་ན་བཛྲ་ཧཱུཾ་ཕཊ། ཏབྱ་ཐུ། ཨོ༷་སུ་རུ་སུ་རུ་ཨོ་རྩུ་ས་མ་ཀྲོ་དྷ་ཧུ༷་ཕཊ། ཨོ་ཐས་ཏ་ནན་ཀྲོ་དྷ་ཧུ༷་ཕཊ། ཨོ་ས་མ་ན་ཏི་བི་ཙྭཁྲེ་ཨ་སྟི་ཙྭཁུར་ཧུ༷་ཕཊ། ཨོ་བཛྲ་ཨ༷་གུ་ཤ །ཨོ་བཛྲ་བྷན་བྷ་ན་ཧུ༷་ཕཊ། ཨོ་བཛྲ་ཀརྨ་ཀྲོ་དྷ་ཧུ༷་ཧུ༷་ཕ༷ཊ་ཕཊ་སྭཧྭ། ཨོ་བཛྲ་སྭ་ཏ་ས་མ་ཡ་ཧུ༷། ཨོ་བཛྲ་ཀྲི་ཏ་ཧ་ན་ཧ་ན་ད་ཧ་ད་ཧ། པ་ཙ་པ་ཙ། བྷནྟྲ་བྷནྟྲ། ཚིརྙ་ཚིནྟྲ། རྦ་ན་རྦ་ན། ཧུ༷་ཧུ༷་ཕཊ་ཕཊ། ཨོ་བཛྲ་ཀྲོ་དྷ་ཡཀྟ་ཁ་ཁ་དྷ་ཧ། ཧུ༷་ཧུ༷་ཕཊ་ཕཊ། ཨོ་བཛྲ་ཤ་ཏོ་ཡེ་གྲྭཧྭ། ཨོ་བཛྲ་ཀི་ལི་ཀི་ལ་ཡ་མ་མ་ཆོད་ཆོད།ཧུ༷་ལ༷་བ་རོལ་པར་ཤ་ཡ། མ་མ་དྷི་བཛྲ་མ་རོལ་པར་ཤ་ཡ། ཧུ༷་ཙིསྟ་མུགས་སྙིང་ཁྲག་འཐུང་། རུ་པ་ཤ་སྙིང་ཁྲག་སྤྱོས། ཀྲི་ཤིག་ནིར་ཤོབྷ་པ་ཏྲི་ཤག །ཙིར་ཙིར་ཁས་དར་མུགས་ཤིགས་མ་མུན་ཏྲ་འཇིབས། འཇིགས་ཙཀྲ་མ་ནི་སྙིང་རུ་ཤ །དུམ་ཤག་ཙིསྟ་ཁྲམ། ཧཱུཾ་དྲི་ཏ་ཡ་ཀི་ལི་ཀི་ལ་ཡ་སརྦ་ཧི་ཤི་འདའ་ན། ཁྲོ་ཏ་ཡ་མ་ཡོ་ཏ་གར་བ་ལང་ལ་ཛ་ཛ། ཨོ་བཛྲ་ཀི་ལི་ཀི་ལ་ཡ་སུམ་བྷ་ཧུ༷་མི་ཕཊ། ཨོ་བཛྲ་ཀི་ལི་ཀི་ལ་ཡ་པྲཏིང་ཧུ༷་མིང་ཧུ༷།ཨོ༷་བཛྲ་ཀི་ལི་ཀི་ལ་ཡ་ཤན་ཏིང་ཧྲུ༷་མིང་གྲྭཧྭ། ཨོ༷་བཛྲ་ཀི་ལི་ཀི་ལ་ཡ་པྲ་བྷ་ཤེ་མིང་གྲྭཧྭ། ཨོ་བཛྲ་ཀི་ལི་ཀི་ལ་ཡ་ཧུ༷་ཛ་ཛ། ཨོ་བཛྲ་ཀི་ལི་ཀི་ལ་ཡ་བ་སྟན་ཡན་ཡན་ཙ་ཙ་ན་ཧུ༷། མ་ག་མ་བྱ་བར་ཤག་ཤག་ཧྭ༷་ཕཊ། ཨོ༷་རུ་རུ་པ་ཏི་སྟ་ས་མ་ཡ་ཧུ༷་སྤྱོ་ཧུ༷་ཨ་ར་ལི་ཛ་ཧུ༷བ༷ཧོ། ཨོ་བཛྲ་ས་མ་ཡ་ཡོ་གི་ནི་པྲ་ཏི་ཛ་ཧུ༷་ཧུ༷། ཁ་ཁ་དར་མ་ཏི་མ་ཏུང་རུ་ལུ་རུ་ལུ་ཧུ༷་ཧུ༷སྨྱོ་སྨྱོ། ཀུ་མ་ད་རི་ཤུ་ལ་ད་རི་ཙ་མུ་ནད་རི། ཀང་ཀད་རི། ཁ་ར༷་ཡོ་གི་ནི་ཁཧི་ ། ས་མ་ཡ་ཨ་མྲི་ཏ་ཨསྙེམ་པྲ་ཏི་ཛ་ཁུ་ཧི། ཧུ༷་ཧཱུཾ་ཧུ༷་ཕཊ་ཕཊ་ཕཊ། ཨོ་བཛྲ་ཨ་ཛ་ལི་ཧུ༷། བཛྲ་བྷན་དྷ་ཧཱུཾ། ཨོ་བཛྲ་ཨ་བེ་ཤ་མ་ཡ་ཨ། ཨོ་བཛྲ་ས་ཏ་རྭ་ཛ་ཧུ༷། ཨོ་ཚིརྙ་ཚིརྙ། ཧ་ན་ཧ་ན་ཏིསྟ་ཙཀྲ་ཧུ༷། ཨོ༷་བཛྲ་ཕུར་བུ་བྷ་བཛྲ་བྷསྒྲོ་པྲ་ཐ།རཀྟ་སི་ལ་སོགས་པ་ཡི། མིང་གི་རྣམ་གྲངས་ཀྱིས་གསལ་ལ། གསོད་པའང་དེས་ཤེས་གྲུབ་པ་ཡིས། དེ་རྗེས་ཧུ༷་ལས་བསྐྱེད་པའི་སྐུ། །འོད་འཕྲོས་ནས་ནི་དེ་པ་བཀུག་ལ། གསལ་བའི་དབྱིངས་ཉིད་ལྟས་ནས་ནི། །དེ་ལ་ཕྱི་ནང་མཆོད་པ་དབུལ། །སྡིག་བཤགས་ལམ་སྟན་སྨོན་ལམ་གདབ། །ཡོངས་སུ་བསྔོ་བྱ་མི་དམིགས་བསྒོམ། །ཨོ༷་ཤུ་རྒྱ་ཏྭ་ཙྭ་ན་བཛྲ་ས་བྷ་བ་ཨུཏྣ་ཀོ྅ཧ༷། དེ་ནས་ས་བོན་་ལ་བསྐྱེད་པའི། །བཅོམ་ལྡན་རྡོ་རྗེ་གཞོན་ནུའི་སྐུ། །སྐུ་མདོག་དམར་དང་རབ་ལྡན་པས། །འོད་ཟེར་དམར་པོ་རྒྱན་དང་ལྡན། །ཕྱག་གིས་མཚོན་ཆ་གཞུངབཞིནགསལ། །དེ་འདྲའི་དཀྱིལ་འཁོར་གསལ་བལྟས་ལ། །གདུག་པའི་སྔགས་ལ་རབ་ཏུ་འཇུག །དེ་ཡིས་ལས་རྣམས་ཐམས་ཅད་འགྲུབ། །ཅེས་གསུངས་སོ། །རྒྱུད་ཀྱི་རྒྱལ་པོའི་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། སྔགས་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །ཕྱི་ནང་མཆོད་པ་མཉེས་བྱས་ལ། །ཨེ་མ་གསང་བ་ཡུམ་གྱི་དཀྱིལ་འཁོར་ན། །དུས་གསུམ་འདུ་བྲལ་མེད་པར་བཞུགས། །གཉིས་མེད་ཡེ་ཤེས་རབ་མཆོག་བསྒྲལ། །དེ་ཡི་སྔགས་རྣམས་གསུངས་ལགས་ན། །ཁྲོ་བོ་སོ་སོའི་དཀྱིལ་འཁོར་རྣམས། །བཅོམ་ལྡན་མགོན་པོས་བཤད་དུ་གསོལ། །བཅོམ་ལྡན་བཛྲ་ཀི་ལ་ཡས། །ཀརྨུ་ཧེ་རུའི་ཚིགས་གསན་ནས། །གསུང་ནི་འདི་སྐད་བཀའ་སྩལ་ཏོ། །སོ་སོའི་དཀྱིལ་འཁོར་དམ་པ་རྣམས། །ང་ཡིས་བཤད་ཀྱིས་ཉན་པར་གྱིས། །བཅོམ་ལྡན་གཉིས་མེད་བདེ་ཆེན་གྱིས། །དཀྱིལ་འཁོར་དམ་པ་བསྟན་པ་ནི། །དང་པོ་གཞུང་དང་མཐུན་པ་ཡི། །ས་ཕྱོགས་དེ་དང་དེ་དག་ཏུ། །རྣལ་འབྱོར་དམ་པ་དེར་གནས་ལ། །རང་གི་སྙིང་ཁར་ཧུ༷་བསམ་སྟེ། །དེ་ལས་འོད་འཕྲོས་སངས་རྒྱས་མཐོང་། །མཆོད་འབུལ་ལ་སོགས་གཞུང་བཞིན་བྱ། །དེ་ནས་ཤཱརྒྱ་ཏ་ཡིས་སྦྱངས། །དེ་རྗེས་གཞལ་ཡས་ལ་སོགས་པའི། །རྒྱན་དང་ལྡན་པ་དེ་མཐོང་ནས། །འཁོར་ལོ་རྩིབས་བཞི་མུ་ཁྱུད་བཅས། །གྲུ་ཆད་བཞི་ནི་རྣམ་པར་མཛེས། །ཉི་མ་ཟླ་བའི་གདན་སྟེངས་སུ། །དབྱུག་པ་སྔོན་པོ་མི་གཡོ་མགོན། །གཞན་གྱིས་མ་ཐུབ་ཁམས་གསུམ་རྒྱལ། །ས་བོན་བཀོད་ལ་གསལ་བར་བརྟག །དྲོད་གཤེར་ལས་སྐྱེས་ཡིན་པར་ནི། །མཁས་པས་བརྟགས་ཏེ་ཤེས་པར་གྱིས། །དེ་ནས་གཙོ་བོའི་སེམས་དེ་ཡིས། །ཕྱོགས་བཅུའི་སངས་རྒྱས་རྣམས་བཀུག་སྟེ། །བསྟིམ་པས་དབང་ཡང་རྫོགས་པར་ལྡན། །དེ་ལ་ཕྱི་ནང་མཆོད་པས་མཆོད། །གསང་བའི་དོན་ལྡན་ཡང་དག་བསྐྱེད། །དེ་ཡི་ལས་རྣམས་བརྩམ་པར་བྱ། །ཧུ༷་ཆེན་ཀ་རའི་དཀྱིལ་འཁོར་ནི། །ཟླ་གམ་དམར་པོའི་དཀྱིལ་འཁོར་ལ། །མཛེས་པའི་སྐུ་མདོག་གསལ་བར་ནི། །སྔགས་ནི་བཟླས་པས་གསལ་བར་འགྱུར། །སྐུ་གསུང་ཐུགས་ཀྱི་རྡོ་རྗེ་བསམ། །བཟླས་པའི་ཡི་གེ་འབྲུ་ཡང་དགོད། ་ས་རབ་གསལ་བའི་ཡི་གེ་ཡིས། །བུམ་པ་དམར་པོ་འོད་དང་བཅས། །དེ་ཡི་ཁ་རྒྱན་ཨ་ཤོག་ན །མགུལ་བ་དར་དམར་བཟང་པོས་དཀྲིས། །ཉི་ཁྲི་ཆིག་སྟོང་དྲུག་བརྒྱ་བཟླས། །མཚན་མ་བཟང་པོ་མཐོང་བ་དང་། །ལས་ལ་སྦྱར་བར་བྱ་བ་ཡིན། །ཐབས་དང་བཅས་པའི་འོད་ཟེར་གྱིས། །དང་པོའི་གནས་ནས་བསྐུལ་བར་བྱ། །དེ་ཡིས་ལས་སྦྱོར་གང་ལ་ཡང་། །སེམས་དཔའ་ཡང་དང་ཡང་དུ་བྱ། །ལུས་ལ་ཙན་དན་དམར་པོས་བྱུག །དགོངས་དང་ཐོ་རངས་སྔགས་མང་བཟླས། །གཡོ་བའི་རྫས་ཀྱིས་རྐྱེན་བྱས་ནས། །ཕུར་གདབ་གསད་བའི་ལས་བྱ་ཡིན། །དབང་སྡུད་དགུག་པའི་ལསདེབཞིན། །བསྒྲུབསནའགྲུབ་པར་གདོན་མི་ཟ། །རྣམ་པར་རྒྱལ་བའི་དཀྱིལ་འཁོར་ནི། །གྲུ་གསུམ་མཐའ་མ་རྡོ་རྗེ་ཡིས། །རྩ་གསུམ་ཁ་ཁྱེར་བ་ཡིས་མཚན། །མཐའ་མ་འཁོར་ལོས་ཀུན་ནས་སྤྲས། །དེ་ལྟའི་དབུས་སུ་ཉི་ཟླ་གསལ། །རོ་ཡི་ཕུང་པོ་དེ་སྟེང་དུ། །ས་བོན་གསལ་བས་ཡོངས་རྫོགས་ལ། །སྒོང་སྐྱེས་རིམ་པ་ལ་གནས་པར། །སྐུ་རྫོགས་འོད་དང་བཅས་པ་ནི། །ལྷན་ནེ་གསལ་བའི་ངང་ཚུལ་ཅན། །ཡོངས་རྫོགས་པར་ནི་དེ་མཐོང་ནས། །སྐུ་གསུང་ཐུགས་ལས་ཡང་དག་འཕྲོ། །བདེ་གཤེགས་ལ་འཁོར་བཅས་སྤྱན་དྲངས་ནས། །མཆོད་དབུལ་ཕྱི་ནང་དབང་ཡང་ནོད། །གནང་བ་བྱིན་ནས་བྱིན་གྱིས་བརླབ། །ཡེ་ཤེས་དཀྱིལ་འཁོར་གནས་ནས་དྲང་། །བསྟིམ་ལ་གསལ་བའི་སྲས་མཆོག་ལ། །སྙིང་པོ་བཀོད་དེ་སྤྲོ་བ་སྡུ་ཡི། །རིམ་བསམ་འདྲེས་ཤེས་བྱས་ལ། །ཁྲི་ཕྲག་གཉིས་ནི་བཟླས་བྱས་ནས། །དེ་དུས་མཚན་མ་བཟང་པོར་འབྱུང་། །དུས་དེར་ལས་ལ་སྦྱར་བ་ཡིན། །འཁོར་ལོ་རྩིབས་བརྒྱད་དབུས་སུ་ནི། །ཡ༷་ལས་རླུད་ལྷ་དུད་ཁ་བསྐྱེད། ་་བའི་ཁྲི་ལ་བཞུགས་ནས་ནི། །མཆོད་ཕུལ་ཡེ་ཤེས་རླུད་ལྷ་དགུག །བསྟིམ་ལ་རླུད་གི་སྙིང་པོ་བཟླས། །རྫ་སོ་མ་བཏང་བ་ཡི་དགབ། །སྔོན་དམར་ཞགས་པས་རྒྱ་གྲམ་བཅིང་། །དེ་སྟེངས་མ་ལས་ཉི་དཀྱིལ་འཁོར། །དེ་སྟེངས་ཧུ༷་ལས་ཡོངས་གསལ་བསྐྱེད། །རྡོ་རྗེ་སྔོན་པོ་ཁ་བཞི་པ། །གསང་བའི་ལྟེ་བའི་དབུས་སུ་ནི། །ལ༷་ལས་རི་རབ་མེ་ལྕེས་བསྐོར། །དེ་སྟེངས་མགོན་པོ་བསམ་བྱ་བ། །ཕྱག་ན་རྡོ་རྗེ་ཧུ༷་ལས་བསྐྱེད། །དེ་ཡིས་རླུ་་ལྷ་རབ་གཟིར་བས། །རླུད་གི་སྦྱོར་བ་རྒྱུན་བཅད་འགྱུར། །སེང་ལྡེང་ཕུར་པ་སོར་བརྒྱད་ལ། །སྲས་མཆོག་དམ་པ་དེ་དབང་བསྐུར། །བཟླས་པ་བྱེ་བ་ས་ཡར་བཟླས། །སྲས་མཆོག་འོད་ཟེར་འཕྲོ་འདུས་གཏམ། །རྡེག་པའི་རྟགས་རྣམས་བྱུང་བ་དང་། །ངར་ཕྱེ་གཟུགས་བྱ་སོར་བརྒྱད་ཚད། །རྐང་པའི་གཡས་པའི་འོག་ཏུ་གཞུག །བཏབ་ན་ལྷ་ཡང་བརླག་པར་འགྱུར། །ཆུ་བོ་ཆེན་པོའི་སྣར་བཏབ་ན། །ངེས་པར་གྱེན་དུ་ལྡོག་པར་བྱེད། །དབྱུག་པ་སྔོན་པོའི་དཀྱིལ་འཁོར་ནི། །མཐིང་ནག་གྲུ་གསུམ་འབར་བ་ལ། །ཐོད་པ་གསུམ་དང་དབྱུག་པས་བརྒྱན། །དབུས་སུ་རོ་ཡི་ཕུང་པ་དེ། །སྐད་ཅིག་གིས་ནི་གསལ་བར་ལྟ། །མཆེ་གཙིགས་རྐན་བརྡབས་སྒྱུགས་པ་ལེན། །ཧུ༷་གི་རང་སྒྲ་ཐམས་ཅད་སྒྲོགས། །ཕྱག་གང་དབུས་སུ་བཞག་པ་ན། །ར་སོག་གཡས་པའི་དཀྱིལ་དག་ཏུ། །གཟུགས་བརྙན་བྱས་ལ་གཞག་པར་བྱ། །དེ་ལ་ཤེས་པ་རབ་བསྟིམ་ལ། །དབུས་སུ་ལྕགས་ཀྱི་ཕུར་པ་ལ། །བཏགས་ལ་བཞག་པར་བྱ་བ་ཡིན། །ཨོ་སུམ་བྷ་ནི་སུམ་བྷ་ནི་ཧུ༷། གྲིཏྣ་གྲིཏྣ་ཧུ༷། །གྲིཏྣ་པ་ཡ་གྲིཏྣ་པ་ཡ་ཧུ༷། ཨུ་ན་ཡ་ཧོ་བྷ་ག་བཱན། བིབྱུ་རྭ་ཛ་ཡ་ཧུ༷་ཕཊ། སྦྱོར་བ་དེ་ཡིས་རབ་སྦྱར་བས། །གང་ཡིན་གནས་ནས་དགུག་པར་བྱེད། །དེ་ནས་ལས་ལ་སྦྱར་ནས་ནི། །ལྕགས་ཀྱི་ཕུར་པ་ལྔ་བཏབ་ན། །ལྷ་ཡང་རུང་སྟེ་བརླག་འགྱུར་ན། །གདུག་ཅན་གཞན་ལྟ་སྨོས་ཅི་དགོས། །གཤིན་རྗེ་གཤེད་པོའི་དཀྱིལ་འཁོར་ནི། །གྲུ་གསུམ་མཐིང་ནག་འབར་བ་ལ། །ཟུར་གསུམ་བེ་ཆོན་འབར་བས་བརྒྱན། །དེ་ཡི་དབུས་སུ་བསམ་བྱ་བ། །གྲོ་ག་ཤིང་ཤུན་གང་ཡིན་ལ། །ཐར་ནུ་རེ་ལྕག་པ་ཡིས་ནི། །རབ་འབྱུག་མེ་ཏོག་དག་དག་སྦྱར། །གཟུགས་བརྙན་སོར་བཞི་ཚད་དུ་ནི། །དེ་ཡི་དབུས་སུ་རབ་བཞག་ལ། །དེ་ཡི་སྙིང་ཁའི་གནས་སུ་ནི། །ས་བོན་བསམ་ལ་སྐུ་སྐྱེད་དེ། །རྡོ་རྗེ་ཆོག་གསུམ་གྱིས་བསྐྱེད། །ཡོངས་སུ་རྫོགས་པའི་སྐུ་དེ་ལ། །ཕྱི་ནང་གསང་བའི་དབང་ཡང་བསྐུར། །བྱིན་གྱིས་བརླབ་པའི་སྔགས་དང་དང་། །གསང་བའི་གནས་སུ་བྱིན་གྱིས་བརླབས། །ཡེ་ཤེས་དཀྱིལ་འཁོར་སྤྱན་དྲང་མཆོད། །རང་བཞིན་གནས་སུ་དེ་བཞུགས་པར། །ཡོངས་སུ་བལྟས་ལ་སྔགས་ལ་སྦྱར། །སྲས་ཀྱི་དམ་པ་རབ་བསྐྱེད་ལ། །སྤྱིན་བརླབས་དབང་ཡང་བསྐུར་བ་ཡིན། །དུག་དང་མ་རུངས་པས་ཀྱང་བྱུག །བཟླས་ཉུང་ས་ཐུན་ཡང་བརྡེག་པ་ཡིན། །དུག་ལ་སོགས་པའི་ཐུན་ཡང་བརྡེག །ཞབས་འོག་གསང་བའི་དཀྱིལ་འཁོར་དུ། །གསད་པའི་སྦྱོར་བ་བྱས་པ་ཡིས། །ཐང་ཅིག་ཡུད་ཀྱིས་དེ་བརླག་འགྱུར། །དུར་ཁྲོད་རས་མ་བླགས་ནས་ནི། །དུག་དང་མ་རུང་པ་ཡིས་བྱུག །མ་ཏེ་ལེ་ཡི་ཤིང་བུ་ལ། །པདྨའི་སྣོད་དུ་དུད་པ་གསང་། །དེ་ལ་བསེ་ཤིང་ཞོ་ཡིས་སྦྱར། །དུར་ཁྲོད་རྐང་གི་སྨྱུ་གུས་བྲིས། །རྔ་མོ་བོང་བུའི་གཟུགས་བྲིས་ལ། །དེ་སྟེང་འབད་ཅིང་འཐབ་པ་བྲི། །དེ་ལ་གསང་སྔགས་འབུམ་དུ་བཟླས། །དེ་ཡི་རྩིག་པའི་རྨང་དུ་བཟླས། །བརྒྱ་རྩ་བརྒྱད་ནི་ཐིམ་པ་དང་། །ས་བརྐོས་བཅུག་ལ་མི་མངོན་བྱ། །དེ་ཡིས་དབྱེ་བར་གདོན་མི་ཟ། །དུར་ཁྲོད་རོ་རས་སམ་མ་ལྷུང་། །དེ་དག་འཁོར་ལོ་རབ་བྲིས་ལ། །འཁོར་ལོའི་དབུས་སུ་གཟུགས་བརྙན་བྲི། །རྔ་མོ་སྐྱེ་རིངས་རྩ་ལ་དང་བཅས། །དེ་ཡི་རྨིག་པ་ བཞི་རྣམས་ལ། །ཡ༷་ལས་རླུད་གི་དཀྱིལ་འཁོར་བསྐྱེད། །དེ་སྟེངས་དམིགས་པའི་གཟུགས་བརྙན་བཞག །བཟླས་པ་ཁྲི་ཕྲག་གཅིག་བྱས་ལ། །ཐེམས་པའི་འོག་ཏུ་སྦས་གྱུར་ན། །གནས་ལས་མཐོ་བར་ངེས་ པར་འགྲུབ། །དགུག་པར་རླུད་གི་ལྕགས་ཀྱུས་ཏེ། །ཐང་ཅིག་ཡུད་ལ་དགུག་པར་བྱེད། །མི་གཡོ་མགོན་པོའི་དཀྱིལ་འཁོར་ནི། །སྨུག་ནག་གྲུ་གསུམ་གདེངས་པ་ལ། །རྩ་མོ་མེ་ཡི་ཕུང་པོ་འབར། །ལོགས་ལ་པདྨ་འདབ་གསུམ་པ། །དེ་ཡི་དབུས་སུ་བསམ་པ་ནི། །མེ་རི་འབར་བའི་དབུས་སུ་སྟེ། །ཉི་མ་ཟླ་བའི་འོད་དང་བཅས། །དེ་ཡི་སྟེང་དུ་ས་བོན་ལས། །རང་འོད་སྔགས་ཀྱི་གསལ་བར་འབར། །དེ་ཡི་སྐུ་ནི་མིའུ་ཐུང་གཟུགས། ཁེན་ཏུ་ལྡིར་ལ་ཁྲང་བག་ཅན། །འཇིགས་པ་རྔམ་པའི་ཞལ་གདངས་ཤིང་། །རྐན་སྒྲ་བརྡབས་པས་བྲེད་ཅིང་བརྒྱ་ལ། །གདུག་པའི་སྔགས་རྣམས་རབ་ཏུ་བཟློས། །ཡེ་ཤེས་སེམས་དཔའི་ཏིང་འཛིན་ལྟ། །སེང་ལྡེང་ཕུར་པ་མཚོན་གང་བ། །དབང་བསྐུར་བྱིན་བརླབས་གུ་གུལ་བྱུགས། །བཟླས་པ་སྟོང་ཕྲག་དྲུག་དག་ཏུ། །བྱས་པས་མཚན་མ་བཟང་པོ་མཐོང་། །ལས་ལ་སྦྱོར་བ་ཤེས་པར་བྱ། །རེ་བ་ནག་ པོ་གང་དང་གང་། །དེ་ལ་གཟུགས་བརྙན་བྱས་ནས་ནི། །མིང་དང་རུས་ནི་སྙིང་ཁར་གཞུག །དེ་ལ་ཤེས་པ་རབ་བསྟིམ་ལ། །དེ་ལ་ཤེས་པ་རབ་བསྟིམ་ལ། །ཁུགས་པའི་མཚན་མ་བྱུང་བ་དང་། །དེ་ལ་གདབ་པའི་ལས་ཀྱང་བྱ། །དེ་ནི་ངེས་པར་བརླག་པར་འགྱུར། །གདུག་པའི་སེམས་གང་བཅས་ནས་ནི། །སྙིང་ཁའི་འོད་ཟེར་དྲག་པོ་ཡིས། །རབ་ཏུ་ཁྲོས་ནས་བསྐུལ་བའི་ཚེ། །ལྷ་ཀླུ་གནོད་སྤྱིན་མཁའ་འགྲོ་རྣམས། ། བདག་གིས་བཅོལ་བའི་ལས་རྣམས་ཀུན། །གང་ཡིན་གནས་སུ་ཕྱིན་བར་འགྲོ །གདུག་པའི་རྫས་འདི་ཐམས་ཅད་ལ། །ཟླ་བ་གཟའ་ཡིས་ཟིན་དུས་སུ། །མཚོན་གྱིས་དབབ་བྱས་ཤ་ཁྲག་དང་། །འདྲེ་འབྲོས་ཐང་ཆུ་དེ་དང་སྦྱར། །མེ་རེག་ཤིང་ཤུན་ནང་དུ་བསྟིམ། །གསང་སྔགས་ཁྲི་ཕྲག་གསུམ་བཟླས་ན། །དེ་བསྟན་མོད་ལ་བྲེད་ཅིང་བརྒྱ་ལ། །འཇིག་རྟེན་ཁམས་སུ་བྱེར་བར་འགྱུར། །རྟ་མགྲིན་རྒྱལ་པོའི་དཀྱིལ་འཁོར་ནི། །དམར་ནག་གྲུ་གསུམ་འབར་བ་ལ། །ལོགས་གསུམ་ཟླ་གམ་གསུམ་བྱ་སྟེ། །ཐོད་པ་འཇིགས་པ་གསུམ་ཡང་དགོད། །ཕྱི་རིམ་པདྨ་འདབ་བརྒྱད་བྲི། །དབུས་སུ་རླུ་་ནི་རྒྱལ་པོ་བསམ། །དེ་སྟེངས་ས་བོན་གསལ་བ་ལྟས་ལ། །འོད་ཀྱིས་འཁྲིགས་པའི་འོད་ཕུང་ལས། །རང་སྔགས་སྒྲ་ཡིས་རབ་བསྐུལ་བས། །ཡོངས་སུ་རྫོགས་པའི་སྐུ་གསལ་འགྱུར། །དེ་རྗེས་ཡེ་ཤེས་རྗེས་དྲན་པས། །སྐུ་གསུང་ཐུགས་སུ་བྱིན་གྱིས་བརླབ། །བསྟོད་པས་རིམ་པར་བྱས་ནས་ནི། །སྲས་མཆོག་ཟང་མོའི་སྐུ་མཆོག་ལ། ། དབང་བསྐུར་བྱིན་བརླབས་བྱས་ནས་ནི། །བདག་ཉིད་མདུན་དུ་གནས་པར་བརྟག །སྙིང་པོ་རང་སྔགས་བཀོད་ནས་ནི། །བཟླས་པ་ཁྲི་ཕྲག་གཅིག་ཏུ་བྱ། །དེ་ནས་ལས་ལ་མྱུར་དུ་སྦྱར། །ཁྲོས་པའི་སེམས་ཀྱིས་བླང་བར་ནི། །གྲོག་མོ་རྒྱལ་པོའི་མཁར་ས་བླང་། །སྡོང་པོ་སྐམ་པོའི་ཐང་ཆུས་སྦྲུ། །གཟུགས་བརྙན་སོར་དཔྱད་ཚད་དུ་བྱ། །ཀླུ་ཡི་རྒྱལ་པོའི་མ་ཁང་གཞུག་ལ། །དེ་ལ་དགུག་ཅིང་བསྟིམ་པ་ཡིན། །དེ་ནས་ཕུར་ པ་བཏབ་པ་རྩམ། །སངས་རྒྱས་ཉིད་ཀྱང་འཇིག་པར་འགྱུར། །སེམས་ཅན་ཕལ་ལ་ལྟ་ཅི་སྨོས། །བུམ་པ་བཟང་པོ་ལྟར་བྱས་ན། །ནང་དུ་བདུད་རྩི་ལྔ་ཡང་བྱུག །དེ་ཡི་ནང་དུ་ཡིག་འབྲུ་དགོད། །དེ་ལས་བདུད་རྩི་གང་བར་བསམ། །དེ་མ་མཎྜལ་པད་བྱས་ལ། །དེ་སྟེངས་དམིགས་པ་དེ་བཞག་ལ། །སྔོན་ལ་སྟེང་གི་སྒོ་བཞིར་བཏུག །དེ་ནས་ཚངས་པའི་བུ་གནས། །བདུད་རྩི་ཆུ་རྒྱུན་བླུགས་པ་ཡིས། །ལུས་ལ་དུག་རྣམས་མི་གནས་པར། །འོག་གི་མགོ་ལས་བྱུང་པར་བསམ། །དེ་ལྟར་ཡང་དང་ཡང་བྱས་ལ། །དུག་རྣམས་ངེས་པར་འཇོམས་པར་བྱེད། །ཐལ་ཆེན་མཚན་མ་གདོང་ལ་གདབ། །ཐལ་ཆེན་ཉུངས་་་་་་་་་་་་་་་་ཀར་རབ་བསྲེགས་ལ། །སྤྱན་བཟློག་བལྟས་ལ་སྔགས་དྲག་བཟླས། །དེ་ཡིས་སེར་བ་ངེས་པར་ལྡོག །པདྨའི་སྣོད་དུ་བདུད་རྩ་ལྔ། །དེ་སྟེངས་སྨན་ལྔ་བླུགས་ནས་ནི། །བཟླས་པ་སྟོང་ཕྲག་བརྒྱད་ཅུ་བྱ། །དེ་ནས་སྨན་རྣམས་དར་ཁུད་གཏུམ། །སྤྱི་གཙུག་དག་ཏུ་བཞག་ནས་ནི། །འཇིགས་པའི་གནས་ལས་ཐར་པར་ངེས། །གཞན་གྱིས་མི་ཐུབ་དཀྱིལ་འཁོར་ནི། །ལས་ནི་རྡོ་རྗེ་དཀྱིལ་འཁོར་བྲི། །དེ་ཡི་དབུས་སུ་ལྟེ་བ་ལ། །སེར་ནག་གྲུ་གསུམ་འོད་དང་བཅས། །དེ་དབུས་བསམ་པར་བྱ་བ་ནི། །རླུད་གི་ཕུང་པོའི་སྟེང་དུ་ནི། །རང་གི་ས་བོན་ཉི་ཟླའི་སྟེང་། །རང་གི་སྔགས་འོད་དེ་བླངས་པས། གཞན་གྱིས་མི་ཐུབ་སྐུ་གསལ་འགྱུར། །དེ་ལས་དབང་བྱིན་ཐམས་ཅད་ཀུན། །རྒྱས་པར་གཞན་བཞིན་བྱ་བ་ཡིན། །དུར་ཁྲོད་རྐང་གི་ཕུར་པ་ལ། །རྒྱུད་ཆེན་དག་གིས་གདགས་པར་བྱ། །གསལ་བའི་ཡི་གེ་བཀོད་བཟླས་བྱ། །ཉི་ཁྲི་བཟླས་པ་བྱས་པ་དང་། །དེ་ལ་མཚན་མ་བཟང་པོ་འབྱུང་། །དེ་ནས་ལས་ལ་སྦྱར་བར་བྱ། །དུར་ཁྲོད་གཡམ་པ་གཡས་ཕྱོགས་ལ། །མཚན་མ་མིང་དང་བཅས་པ་བྲི། །རྒྱུས་ཆེན་སྐྱེ་ནས་བཏགས་ལ་བཞག །དེ་ལ་དགུག་གཞུག་བྱས་ནས་ནི། །ཁུགས་དང་ལས་ལ་སྦྱར་བར་བྱ། །དེ་ཡིས་བསད་བ་ཡུད་ཀྱིས་ནི། །མོད་ལ་འཆི་བར་ངེས་པར་འགྱུར། །དེ་ཡི་དུས་སུ་བསྐུལ་བྱ་བ། །ཕུར་པ་དྲིལ་ཏེ་ཕྱོགས་བཅུར་གཏད། །དུས་གསུམ་སངས་རྒྱས་ཐམས་ཅད་ཀྱིས། །སྡོན་གྱིས་ཐུགས་དམ་ཞལ་བཞེས་པ། །དྲག་པོའི་ལས་རྣས་བྱ་བར་ནི། །ཉིད་ཀྱི་ཞལ་བཞེས་མ་འདའ་བར། །གདུག་ཅན་བསྒྲལ་བའི་དུས་ལ་ཕབ། །དེ་སྐད་བསྐུལ་བས་རང་དབང་མེད། །དྲག་པོའི་ལས་ཀྱིས་གསོད་པར་བྱེད། །ལོག་པར་བར་དུ་གཅོད་པ་ཡིས། །འབྱུང་པོའི་གདོན་རྣམས་མ་རུངས་པ། །དུར་ཁྲོད་གཡམ་པའི་ནང་ལོགས་སུ། །བསེ་ཤིང་ཞོ་ཅན་གྱིས་བྲིས་ལ། །རྒྱ་གྲམ་ལམ་དུ་དེ་མནན་ན། །གདོན་དང་འབྱུང་པོས་མི་ཚུགས་འགྱུར། །འདི་ནི་ལས་ཀྱི་མཆོག་ཅེས་བྱའོ། །བདུད་རྩི་འཁྱིལ་བའི་དཀྱིལ་འཁོར་ནི། །ལྗང་ནག་གྲུ་གསུམ་འབར་བ་ཡི མཐའ་མ་མཚོན་ཆའི་འཁོས་ལོས་བསྐོར། །རབ་ཏུ་འོད་དང་ལྡན་པར་བྲི། །དེ་ཡི་དབུས་སུ་བསམ་བྱ་བ། །རླུད་གི་གདན་ཉིད་བསམ་པར་བྱ། །དེ་ཡི་སྟེང་དུ་ཉི་ཟླའི་གདན། །དེ་སྟེངས་བསྡུས་པའི་རིམ་པ་ཡིས། །བདུད་རྩི་འཁྱིལ་པ་རབ་རྫོགས་པས། །དེ་ལ་དཀྱིལ་འཁོར་རབ་བཅུག་སྟེ། །དེ་ཡིས་ཐམས་ཅད་ལྡན་པར་འགྱུར། །དུག་གི་ཕུར་པ་སོར་གང་ལ། རབ་རྫོགས་བྱང་ཆུབ་སེམས་ལས་བྱུང་། །བྱང་ཆུབ་སེམས་ཀྱིས་དེ་དབང་བསྐུར། །བཟླས་པ་ཁྲི་ཕྲག་གཅིག་ཏུ་བྱ། །དེ་ནས་སྟག་གི་ལོ་མ་ལ། །བྱང་ཆུབ་སེམས་ནི་ཡབ་ཡུམ་གྱི། །དེ་ཡིས་མཚན་མ་བྲིས་གསལ་བར། །བྱས་ལ་གསང་བའི་གནས་སུའོ། །དེ་ལ་གདབ་པར་བྱས་ནས་ནི། །ངེས་པར་དམིགས་པ་དེ་བརླག་འགྱུར། །དུས་གསུམ་སངས་རྒྱས་དེས་བསྐུལ་ནས། །སེམས་ཅན་དོན་ལ་ངོ་བོ་ཉིད། །རབ་ཏུ་གཤེགས་ནས་རྣམས་མཛད་པ། །དུར་ཁྲོད་ཤིང་གི་རས་མ་ལ། ་་ཡི་འཁོར་ལོ་རབ་བསམས་ལ། །དེ་ཡི་སྟེང་དུ་གཟུགས་བརྙན་བྱ། །བཟླས་པ་ཁྲི་ཕྲག་གསུམ་དུ་བཟླས། །དེ་ནས་རླུད་གི་དཀྱིལ་འཁོར་བསྐྱེད། །ལ་ལས་ཁྲིད་དེ་ལ་ལས་བརྡེག །དེ་ཡིས་ལྷོ་ཕྱོགས་བསྐྱལ་ལ་བཞག །ཡང་ན་རང་གི་གནས་སུ་བསྐྱལ །དུར་ཁྲོད་དབུས་སུ་དེ་བཅུག་ལ། །དེ་ཡིས་གནས་ལ་ས་བསྐྱོད་པར་ངེས། །གུ་གུ་ལ་སྦྱར་མ་བཟང་པོ་ལ། །གསང་བའི་སྔགས་ཀྱིས་རབ་བཏབ་སྟེ། །ཁྲོས་པའི་སེམས་སུ་གནས་བྱ་སྟེ། །དུར་ཁྲོད་མེ་ཆེན་རབ་སྦར་ལ། །དེ་ལ་བསྲེགས་པའི་དུད་ལ་དེས། །གདོན་དང་འབྱུང་པོ་མ་རུངས་དང་། །མུ་སྟེགས་ལྷ་རྣམས་བྲེད་ཅིང་བརྒྱལ། །འདི་ནི་གདུག་པའི་མཆོག་ཡིན་ནོ། །ཁམས་གསུམ་རྣམ་རྒྱལ་དཀྱིལ་འཁོར་ནི། མཐིང་ནག་གྲུ་གསུམ་མི་བཟད་པ། །རབ་ཏུ་འབར་བའི་མེ་ཡིས་བསྐོར། །སོར་བཞི་ནང་དུ་བརྐོད་གྱུར་པ། །དེ་ཡི་གཞུག་པའི་རྫས་རྣམས་ནི། །དཔག་བསམ་ཤིང་བུ་བླངས་ནས་ནི། རབ་ཏུ་ག་་ཅིང་སྔགས་མང་བཟླས་། །དེ་ནས་གྲོག་མཁར་ས་དང་བསྲེ། །བུང་བུའི་བདུད་རྩིས་གཟུགས་བྲིས་ཏེ། ཁེང་ཤུན་མིང་རུས་གསལ་བྲིས་ལ། །སྙིང་ཁར་བླ་ན་ལ་བཟླས་ན་འགྲུབ། །དེ་ཡི་སྟེང་དུ་བསམ་པའི་ལྷ། །ས་བོན་འོད་ལས་དེ་སྐྱེས་པར། །མཁས་པས་ཤེས་པར་བྱ་བ་ཡིན། །དེ་ལ་ཐམས་ཅད་རྫོགས་པར་བྱ། །རབ་ཆད་རྐང་གི་ཕུར་པ་ལ། །བཟླས་པ་ཁྲི་ཕྲག་གསུམ་དུ་བྱ། །དེ་ནས་མཚན་མ་མཐོང་བ་དང་། །གདབ་པའི་ལས་རྣམས་བྱ་བ་ཡིན། །དེ་ནས་ག་་དང་བསྟབ་བརྡུང་ལས། །ཀུན་ལ་དེ་བཞིན་ཤེས་པར་གྱིས། །འདི་ཡིས་བསད་པར་ངེས་པར་གྱུར། །སྟོབས་པོ་ཆེ་ཡི་དཀྱིལ་འཁོར་ནི། །ལས་ཀྱི་རྡོ་རྗེ་རྒྱ་གྲམ་ལ། །ཁ་དོག་སྔོན་པོ་འོད་དང་བཅས། །དེ་ཡི་ལྟེ་བ་གྲུ་བཞི་ལ། །མཐིང་ནག་གྲུ་གསུམ་འབར་བ་བྲི། །པདྨ་མ་ཆགས་ཁ་དོག་ལྡན། །རྡོ་རྗེར་བའི་བར་དེའི་ནང་དུ་བསམ་བྱ་བ། །སྦྲང་རྩི་སྙིགས་མ་ལ་གཟུགས་བྱ། །གྲོགས་ཤིང་ཤུན་གང་དང་གང་། །དུར་ཁྲོད་རོ་ཡི་ཁྲག་གིས་ནི། མིང་དང་རུས་གཉིས་བྲིས་ནས་སུ། །དཔྲལ་བར་མིང་ནི་བླན་པར་བྱ། །སྙིང་ཁར་གྲུ་གསུམ་རབ་བྲུས་ལ། །དེ་རུ་གཟུགས་དང་རུས་སུ་བཅས། །བཅུག་ལ་བཞག་པར་བྱ་བ་ཡིན། །དེ་ཡི་སྟེང་དུ་གསལ་བའི་ལྷ། །ས་བོན་ལས་ནི་སྐུ་བཞེངས་པ། །རྡོ་རྗེ་ཆོ་ག་གསུམ་གྱིས་གསལ་། །སྐུ་ནི་སྔོན་པོ་འབར་བས་འཁྲིགས། །ཞལ་གཅིག་ཕྱག་གཉིས་ཞབས་ཀྱང་གཉིས། །ཕྱག་གཡས་རྡོ་རྗེ་ཆེན་པོ་འབར། །གཡོན་ན་སྙི།གས་པའི་མཛུབ་མོ་སྟོན། །སྐྲ་སེར་གྱེན་འཁྱིལ་སྦྲུལ་གྱིས་བརྒྱན། །སྦྱན་བཟློག་གསུམ་གཟིགས་ཞལ་གདངས་ཤིང་། །སྨིན་མ་རབ་བཏེག་ཨག་ཚོམ་འབར། །སྟག་ལྤགས་གཡང་གཞི་ཤམ་ཐབས་ཅན། །ཡེ་ཤེས་མེ་དཔུང་རང་བཞིན་བསྒོམ། །དེ་ཡི་སྦྱོར་བ་རབ་བཏང་ནས། །བཀུག་སྟེ་གཟུགས་ལ་ཕོབ་ནས་ནི། །སེང་ལྡེང་ཕུར་པ་སོར་བརྒྱད་ལ། །སྔོན་དམར་སྐུད་པས་སྦྲེལ་ལ་བཞག །བརྡུང་བའི་ལྷ་དང་དེ་ཕྲལ་ལ། །སྔགས་ཀྱི་འོད་ཟེར་མ་རུངས་པས། །གཟུགས་ཕུང་རབ་ཏུ་འཇིགས་པར་བསམ། །ཡེ་ཤེས་སེམས་དཔའི་ཐུགས་ལས་བྱུང་། །བཟླས་གྲངས་ཁྲི་ཕྲག་གསུམ་དུ་བཟླས། །དུས་དུས་སུ་ནི་ཕུར་པས་བསྡིགས། །ཉུངས་ཀར་ལག་ཐོགས་སྔགས་བཟླས་ལ། །གཟུགས་བརྙན་དེ་ལ་བརྡེག་པར་བྱ། །ཐུགས་ཀྱི་ས་བོན་འོད་ཟེར་གྱིས། །ལས་གང་བྱེད་པ་ཉིད་དུ་བརྟག །དུས་བཞིར་དགུག་ཅིང་བསྟིམ་པར་བྱ། །མཚན་མ་བཟང་པོ་བྱུང་བ་དང་། །གནས་ལྔ་དག་ཏུ་གདབ་པར་བྱ། །མཚོན་གྱིས་གཏུབ་ལ་ཞལ་དུ་བཏབ། །དེ་ཡིས་ལས་ལ་ངེས་པར་ནི། །འགྲིབ་འགྱུར་འདི་ལ་ཐེ་ཚོམ་མེད། །སེམས་ཅན་ཚ་བས་གདུང་པ་ལས། །ཆར་བའི་རྒྱུན་རྣམས་རབ་ཕབ་ལ། །གཞལ་ཡས་གསལ་བའི་དབུས་སུ་པད། །དེ་སྟེང་ཉི་མ་ཟླ་བ་བསམ། །ཐབས་དང་ཤེས་རབ་མཐུ་ཡིས་གསལ། །དེ་གཉིས་དབུས་སུ་བསམ་བྱ་བ། །སྦྲུལ་གྱི་ཆུན་པོའི་གདན་དུ་བསམ། །དེ་སྟེངས་བདག་པོའི་གཟུགས་བསམས་ཏེ། །དེ་ལས་འོད་འཕྲོས་སླར་འདུས་པས། །བདག་པོའི་དངོས་གཞི་རབ་ཞུ་སྟེ། །མི་ཤིགས་དོན་ལྡན་ཉིད་དུ་བརྟག །དེ་ནས་འདོ་འཕྲོས་སླར་འདུས་པས། །ཆོས་དབྱིངས་གཟུགས་བརྙན་ཉིད་དུ་སྟེ། །དེ་ལ་སྔགས་འདི་སྒྲ་ལྟར་བྱུང་། །ཨོ་མ་ཧྭཀྲོ་དྷི་ཧུ༷་མ་ཧྭ་བ་ལ་ཧུ༷། སྔགས་དེ་བརྗོད་པས་སྐུ་རུ་ཀྱུར། །དབུ་གསུམ་ཕྱག་དྲུག་རྒྱན་དང་ལྡན། །གཡས་པ་དཀར་ལ་གཡོན་པ་དམར། །དབུས་མ་དུད་ཁ་ལྟ་བུ་སྟེ། །གཡས་གཡོན་རྡོ་རྗེ་བན་དྷའོ། །བར་མ་ཐོ་བ་ལྕགས་ཀྱུའོ། །མཐའ་མ་འདུལ་བའི་རྒྱ་ལྕགས་བསྣམས། །ཐུགས་ཁའི་ཧུ༷་ལས་འབར་བསྐྱེད། །སྒྲའམ་གྲིབ་མའི་ཚུལ་དུ་བསམ། །དེ་ལྟར་ཡོངས་སུ་རྫོགས་པ་དང་། ཡེ་ཤེས་སེམས་དཔའ་གསལ་བར་བྱ། །ཏིང་འཛིན་སེམས་ལས་འོད་འཕྲོས་པས། །ཕྱོགས་བཅུའི་རྒྱལ་བ་སྤྱན་དྲངས་ཏེ། །བདག་གི་ཐད་དུ་བཞུགས་པར་བཏག །དེ་ལ་བསྐོར་བ་ལན་གསུམ་བྱ། །ཕྱི་ནང་གསང་བའི་མཆོད་པས་མཆོད། །དེ་རྗེས་དབང་རྣམས་ཚང་བར་ནོད། །དེ་ནས་རང་བཞིན་གནས་སུ་གཤེགས། །ཐབས་དང་ཤེས་རབ་ཁྱད་པར་ལས། །འཁོར་གྱི་དཀྱིལ་འཁོར་གསལ་བསྐྱེད་ལ། །ཞལ་གཅིག་ཕྱག་གཉིས་སྐུ་མདོག་དུད། །ཀ་ར་བྲི་རའི་ཕུར་བུའོ། །སྦྲུལ་རྒྱས་ཕུང་པོ་བདུན་ལ་བཞུགས། །ས་བོན་རྣམས་ཀྱིས་རྣམ་པར་མཚན། །སྒོ་བཞི་ཞབས་ལས་དེ་བཞིན་ཡིན། །ཡབ་ཡུམ་ཐབས་དང་ཤེས་རབ་ལས། །བསྐྱེད་པའི་སྔགས་ཀྱིས་རབ་བསྐུལབས། །ཡོངས་སུ་རྫོགས་པའི་དཀྱིལ་འཁོར་ལོ། །རྡོ་རྗེ་གཡབ་མོས་གཡབས་ནས་ནི། །ཡེ་ཤེས་དཀྱིལ་འཁོར་སྤྱན་ཡང་དྲང་། །དགུག་དག་གཞུག་དང་བསྟིམ་པ་དང་། །བསྟན་པར་བྱས་ལ་མཆོད་རྫོགས་བྱའོ། །བསྟོད་པ་བྱས་ལ་བཟླས་པར་འཇུག །སྙིང་ཁའི་ཧུ༷་ལས་འོས་འཕྲོས་པས། །འོག་གི་ཀླུ་རྣམས་བཀུག་ནས་ནི། །བདག་གི་ཞབས་འོག་ཚུད་པར་སྒོམ། །དེ་ལ་བཟླས་པའི་སྙིང་པོ་འདིའོ། །ཨོ་སྤྲོཊ་སྤྲོཊ་ཡ་ནཱ་ག་ཏན་ཕཊ། ནན་ནཱ་ག་དུན་དུན་དྷི་ཡང་ཕཊ། དེ་ལྟར་སྔགས་འདི་ཁྲི་ཕྲག་གཅིག །རབ་ཏུ་དྲག་པར་བཟླས་ན་ནི། །ཀླུ་རྣམས་རབ་ཏུ་སྐྲག་འགྱུར་ཏེ། །ཆར་གྱི་རྒྱུན་རྣམས་འབེབ་པར་བརྟག །དེ་ཡི་མཚན་མ་བསྟན་པ་ནི། །ཉམ་ཐག་འོ་འདོད་འབོད་པའམ། །སྦལ་ལྕོང་རྣམ་པ་མཐོང་བ་ན། །།དེ་ནས་ལས་ལ་སྦྱར་བར་བྱའོ། །ཆུ་མིག་གཉན་པོའི་ཁར་སོང་ལ། །ཀླུ་སྨན་སྣ་ཚོགས་གཏོར་མ་བཤམས། །དེ་ལ་བ་མར་འོ་མ་སྦྲེང་། །ཧུ༷། སྟོན་པ་ང་ཡི་བཀའ་བསྒོ་ཡི། །ཀླུ་ཆེན་བརྒྱད་ལ་སོགས་པ་ཡིས། །བ་སུ་རིགས་དྲུག་འདིར་འདུས་ཤིར །སོ་སོའི་གནས་ནས་བསྐུལ་བར་བསམ། །བདག་གི་ཐད་ན་འདུག་ནས་ནི། །ཇི་ལྟར་བགྱི་ཞེས་ཟེར་བར་བརྟག །ང་ཡི་གཏོར་མ་འདི་ལོང་ལ། །སེམས་ཅན་ཚ་བས་གདུངས་པ་ལ། །ཆར་པའི་རྒྱུན་ནི་དབབ་ཏུ་གསོལ། །གཏོར་སྔོས་ཚིགས་བཅད་འདི་ཡང་བརྗོད། །གལ་ཏེ་ཆར་པ་མི་འབེབས་ན། །ཀ་ར་བ་ཡི་རྒྱ་ལྕགས་ཀྱིས། །གཟུགས་ཕུང་ཐལབབཞིནདུནི། །བརླག་པར་འགྱུར་བར་གདོན་མི་ཟ། །ནཱ་ག་ཙིསྟ་ས་མ་ཡ་སྟ༷། །སྔགས་དེས་ནན་་ལ་བོར་བ་ཡིས། །ཆར་པའི་རྒྱུན་རྣམས་ངེས་པར་འབེབས། །གལ་ཏེ་ཆར་ལ་མི་སྟེར་ན། །དུར་ཁྲོད་རས་མ་བླངས་ནས་སུ། །རང་བྱུང་མེ་ཏོག་སེར་བུས་བྱུག །ལྡོང་རོས་སེར་པོས་འཁོར་ལོ་བྲི། །ཞལ་གཅིག་ཕྱག་ཀྱང་གཉིས་པ་སྟེ། །གཡས་པ་རྡོ་རྗེ་གཡོན་རྒྱ་ལྕག །གདུག་སྔགས་བཟླས་ཤིང་ཀླུ་ལ་བྲབ། །འཁོར་ལོ་རྩིབས་ལ་སྔགས་འདིའོ། །དང་པོ་པོ་ཏ་ཐམ་ཕཊ། །དེ་ལྟར་ཡི་གེ་བརྒྱད་པོ་ཡི། །འོག་གི་འཁོར་ལོའི་ཡི་གེ་བསྐུལ། །འོག་གི་འཁོར་ལོ་འདབ་བརྒྱད་དབུས། །ཀླུ་གཟུགས་དབུ་གསུམ་སྦྲུལ་མགོ་དྲུག །གཡས་པ་ཨུཏུལ་གཡོན་པ་པད། །འཁོར་ལོ་པདྨའི་རྩིབས་དག་ལ། །ནན་གྱིས་མགོ་བྱས་ཕཊ་དཀྱིལ་མཇུག །དེ་ལྟར་ཡི་གེ་བཅུ་དྲུག་དང་། །རང་སྙིང་ས་བོན་དེ་རྣམས་ཀྱིས། །འོད་ཀྱིས་ཀླུ་རྣམས་སྲེགས་པར་བསམ། །དང་པོས་དགུག་དང་བར་མས་བསྟིམ། །ཐ་མས་གཟིར་ཏེ་ལྕག་གིས་བྲབ། །དེ་ལྟར་བྱས་ལ་ཀླུ་རྣམས་ཀུན། ཁེན་ཏུ་སྐྲག་ཅིག་སྔངས་འགྱུར་ཏེ། །རྒྱ་མཚོ་རླབས་ནས་ཆར་གྱི་རྒྱུན། ཁེན་ཏུ་བརླབས་ནས་འབེབསཔར་བྱེད། །དེ་ཡིས་འོང་བར་གདོན་མི་ཟ། །གཏོར་མ་བསྔོས་ལ་འཁོར་ལོ་བཀྲུ། །བ་དམར་རྭ་དཀར་མོ་ཡི་འོ་མས་སོ། །ཀླུ་སྨན་རྣམས་ཀྱིས་ཀླུ་རྣམས་གསོ། །གལ་ཏེ་ཆར་པ་ཆེས་འགྱུར་ན། །འཁོར་ལོ་སྟེང་མའི་སྟེང་འདུག་ལ། །འོག་མའི་སྔགས་རྣམས་མཇུག་ནས་ཀློག །སྔགས་དེས་ཆར་པ་ཆད་པར་འགྱུར། །བསྲུང་བ་བྱས་ལ་རང་ལྟ་ཉིད། །གསལ་བའི་དཀྱིལ་འཁོར་དེ་ཉིད་ལྟ། །འདི་ནི་དཀྱིལ་འཁོར་ཞེས་བྱའོ། །དྲག་པོའི་དཀྱིལ་འཁོར་རབ་གསལ་འབར། །རྒྱན་དང་རོལ་མོ་དཔག་བསམ་ཤིང་། །འདོད་པའི་ཡོན་ཏན་རྣམས་ཀྱིས་བརྒྱན། །རྒྱལ་མཚནལ་སོགས་རྒྱན་རྣམས་ཀྱིས། །གསང་བའི་དཀྱིལ་འཁོར་ཀུན་ལ་བརྒྱན། །ལས་འདི་ཀུན་གྱི་མཆོག་དམ་པ། །རྣལ་འབྱོར་དམ་པས་ཉམས་བླངས་པས། །ལས་གང་བྱ་བ་ཐོགས་མེད་པ། །ཏིང་འཛིན་ལྡན་པའི་མི་རྣམས་ཀྱིས། །བྱས་ལ་འབྲས་བུ་ཡོད་ཅེས་བྱའོ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། ཁྲོ་བོ་སོ་སོའི་དཀྱིལ་འཁོར་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །བསྐོར་བ་ལན་གསུམ་བྱས་ནས་ནི། །ཨེ་མ་ཧོ་ཡ་མཚན་མཆོག་མངའ་བ། །སྐུ་གསུང་ཐུགས་ཀྱི་མངའ་བདག་གཙོ། །སངས་རྒྱས་ཀུན་གྱི་ཡབ་ཆེན་པོ། །ཁམས་གསུམ་སེམས་ཅན་མ་རྣམས་ལ། །དཀྱིལ་འཁོར་རྣམས་ཀྱང་གསུངས་ལགས་ན། །འདི་ཡི་སྐུ་མདོག་ཇི་ལྟར་ལགས། །སྤྱི་དང་སོ་སོའི་མཚན་ཉིད་ནི། །ཕྱག་མཚན་རྣམས་ནི་ཇི་ལྟར་ལགས། །སོ་སོའི་ཁྱད་པར་ཇི་ལྟར་མཆིས། །ཀི་ལ་ཡ་ཡིས་བཤད་དུ་གསོལ། །དེ་སྐད་ཅེས་ནི་ཞུསླ་པ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་ཉམས་སུ་བླངས་པ་ལ། །སྐུ་མདོག་རྣམས་ནི་ཤིན་ཏུ་གཅེས། དེ་བས་ང་ཡིས་བསྟན་པར་བྱ། །དང་པོ་སྤྱིད་ཡི་དཀྱིལ་འཁོར་གྱི། །ཁ་དོག་རྣམས་ཀྱང་འདི་ལྟ་སྟེ། །ཁྲོ་བོ་ཧུ༷་ཆེན་ཀ་ར་ནི། །དབུ་གསུམ་ཕྱག་ཀྱང་དྲུག་པ་སྟེ། །ཞབས་ནི་རྣམ་པ་བཞི་རུ་བགྲད་། །དབུས་སྔོ་གཡས་དཀར་གཡོན་པ་དམར། །གཡས་གཡོན་དང་པོ་རྡོ་རྗེ་ཅན། །བར་མ་གཉིས་ན་མདའ་གཞུ་འགེངས། །ཐ་མ་གཉིས་ན་ཕུར་པ་འདྲིལ། །ཐོད་པ་སྐམ་རློན་འཕྲེང་བས་བརྒྱན། །སྟག་ལྤགས་གཡང་གཞིའི་ཤམ་ཐབས་ཅན། །གླང་ཆེན་ཀོ་རློན་ན་བཟའ་གསོལ། །སྦྲུལ་གྱི་ཆུན་པོས་མདོ་བཞིར་བརྒྱན། །ཞིང་གི་གཡང་གཞི་ཡབས་བསྐོར། །ཁྲོ་མོའི་སྐུ་ཡང་དེ་བཞིན་ལ། །ཁྱད་པར་གཡས་དང་དྲིལ་བུ་སྟེ། །ཐམས་ཅད་དེ་བཞིན་ཤེས་པར་བྱ། །རྣམ་རྒྱལ་དབུ་གསུམ་ཕྱག་དྲུག་སྟེ། །དབུས་དཀར་གཡས་སྔོ་གཡོན་པ་ལྗང་། །གཡས་པ་རྡོ་རྗེ་གཡོན་འཁོར་ལོ། །དབྱུག་ཐོ་དབུས་སྔོ་གཡས་དཀར་གཡོན་པདྨར། །རྩ་བའི་ལས་ནི་སྔོ་སྐྱ་ལ། །གཡས་པ་དབྱུག་ཐོ་རིན་ཆེན་ཅན། །གཡོན་པ་མེ་ཡི་ཕུང་པོའོ། །གཤེད་པོ་གཡས་པ་སྔོ་སྐྱ་སྟེ། །གཡོན་པ་ལྗང་ལ་ནག་པར་སྣང་། །དབུ་མའི་ཞལ་ནི་ནམ་མཁའ་འདྲ། གཡ་ན་དབྱུག་པ་མི་མགོ་ཅན། །གཡོན་ན་དགྲ་སྟ་བསྣམས་པའོ། །མི་གཡོ་མགོན་པོ་གཡས་སྔོ་སྟེ། །དབུས་ལྗང་གཡོན་པ་སྨུག་ནག་ཡིན། །གཡས་པ་རྡོ་རྗེ་བསྣམས་པ་སྟེ། །གཡོན་པ་ཞགས་པ་བསྣམས་པའོ། །རྟ་མགྲིན་དབུས་དམར་གཡས་གཡས་པ་དཀར། །གཡོན་པ་སྔོ་བའི་མདོག་ཏུ་སྣང་། །གཡས་པ་རལ་གྲི་བསྣམས་པ་སྟེ། །གཡོན་པ་སྦྲུལ་གྱི་ཞགས་པའོ། །གཞན་གྱིས་མི་ཐུབ་གཡས་པ་སེར། །གཡོན་པ་ལྗང་ལ་དབུས་དམར་སྐྱ། །གཡས་པ་བན་དྷ་རཀྟས་བཀང་། །གཡོན་པ་བསིལ་པའི་རྔ་ཡབ་བོ། །བདུད་རྩི་འཁྱིལ་བ་དབུས་ལྗང་ནག །གཡས་སེར་གཡོན་པ་དུད་ཁའོ། །གཡས་པ་རྡོ་རྗེ་རྒྱ་གྲམ་གནོན། །གཡོན་པ་རིན་ཆེན་དབྱུག་པའོ། །ཁམས་གསུམ་རྣམ་རྒྱལ་གཡས་པ་དཀར། །གཡོན་ལྗང་དབུས་མ་སེར་པོའོ། །གཡས་པ་འཁོར་ལོ་འབར་བ་བསྣམས། །གཡོན་པ་མདའ་གཞུ་བ་ཟོར་བའི་ཐབས། །སྟོབས་ཆེན་གཡས་ནག་གཡོན་པ་དམར། །དབུས་མ་དུང་ཀར་སྣང་བའོ། །གཡས་པ་ན་ནི་མུ་སྟེགས་བསྣམས། །གཡོན་ན་རྡོ་རྗེ་ཐོ་བའོ། །ཁྲོས་པའི་རྒྱལ་པོ་དེ་དག་གི །དང་པོ་ཕྱག་གཉིས་རྡོ་རྗེ་དང་། །གཡོན་ན་བརྙ་ཀུན་ལ་ལྡན། །མཐའ་གཉིས་ཕུར་འདྲིལ་ཡིན་པ་ནི། །དེ་དག་ཀུན་ཀྱང་ལྡན་པར་བཤད། །སྤྲུལ་པ་ལྕམ་དྲལ་སྐུ་མདོག་ནི། །ཕག་གི་མགོ་ཅན་ཀར་བ་ཡིན། །དམིགས་བུ་མགོ་ཅན་དམར་པོའོ། །གཡས་གཉིས་མདའ་དང་གཞུ་བསྣམས་ལ། །གཡོན་གཉིས་ཕུར་པ་བསྣམས་པའོ། །སྟག་གི་མགོ་ཅན་སྔོབས་ཏེ། །བྱ་རྒོད་མགོ་ཅན་ལྗང་ཁུའོ། །གཡས་གཉིས་རྡོ་རྗེ་འཁོར་ལོ་སྟེ། །གཡོན་པ་ཕུར་བསྣམས་ཀུན་ལ་བཤད། །གཡག་གི་མགོ་ཅན་དཀར་བ་སྟེ། །བྱ་རོག་མགོ་ཅན་དམར་བའོ། །གཡས་གཉིས་དབྱུག་པ་མེ་དབལ་བསྣམས། ་།་བའི་མདོ་ཅན་སྔོ་སྐྱ་སྟེ། །འུག་པའི་མགོ་ཅན་ལྗག་ནག་གོ །གཡས་གཉས་དབྱུག་པ་དགྲ་སྟའོ། །གཟིག་གི་མགོ་ཅན་སྔོན་པོ་ཡིན། །ཁྲ་ཡི་མགོ་ཅན་སྨུག་ནག་གོ །གཡས་གཉིས་རྡོ་རྗེ་ཞགས་པའོ། །བྱི་བའི་མགོ་ཅན་དཀར་བ་སྟེ། །པུ་ཤུད་མགོ་ཅན་སྔོ་བའོ། །གཡས་གཉིས་རལ་གྲི་སྐྲུལ་ཞགས་སོ། །སྤྱང་ཁུའི་མགོ་ཅན་སེར་པོ་ཡིན། །ཁྲ་ཡི་མགོ་ཅན་ལྗང་ཁུའོ། །གཡས་གཉི་ས་བྷན་དྷ་རྔ་ཡབ་བོ། །སེང་གེའི་མགོ་ཅན་གསེར་པོ་སྟེ། །ཕ་ཝང་མགོ་ཅན་དུད་ཁའོ། །གཡས་གཉིས་རྒྱ་གྲམ་རིན་ཆེན་དབྱུག །དོམ་གྱི་མགོ་ཅན་དཀར་བ་ཡིན། །ཟེར་མོའི་མགོ་ཅན་ལྗང་ཁུའོ། །གཡས་གཉིས་འཁོར་ལོ་མདའ་གཞུའོ། །དྲེད་ཀྱི་མགོ་ཅན་ནག་པ་སྟེ། །བྱི་བའི་མགོ་ཅན་དམར་བའོ། །གཡས་གཉིས་ཞགས་པ་ཐོ་བའོ། ་།ར་དུ་པུ་ཤུད་མགོ་ཅན་ནི། །སྐུ་མདོག་མཐིང་ནག་འབར་བ་ལ། །ཕྱག་གཉིས་ལྕགས་ཀྱུ་བསྣམས་པའོ། །ལྷོ་རུ་སྐྱེ་ཀའི་མགོ་ཅན་ནི། །སྐུ་མདོག་སེར་པོ་འོད་དང་བཅས། །ཕྱག་གཉིས་ཞགས་པ་བསྣམས་པའོ། །ནུབ་ཏུ་སྲིན་བྱའི་མགོ་ཅན་ནི། །སྐུ་མདོག་དམར་ལ་ནག་པ་སྟེ། །ཕྱག་གཉིས་ལྕགས་སྒྲོག་བསྣམས་པའོ། །བྱང་དུ་ཁྲ་ཡི་མགོ་ཅན་ནི། །སྐུ་མདོག་ལྗང་ནག་འབར་བ་ལ། །ཕྱག་གཉིས་དྲིལ་བུའི་ཁྲོལ་བར་སྣང་། །བཛྲ་བ་ར་བེ་དང་ནི། །བཛྲ་ཡག་ཤ་ཏ་ཞེས་པ། ཁྲར་དང་ལྷོ་རུ་གདོན་བསྐྱེད་པའི། །བཛྲ་ཨ་མྲི་ཏ་དང་ནི། །བཛྲ་མར་ན་ཞེས་པ། །ནུབ་དང་བྱང་དུ་དེ་བཞིན་ནོ། །དེ་ནི་སྤྱི་ཡི་དཀྱིལ་འཁོར་ཡིན། །སོ་སོའི་དཀྱིལ་འཁོར་ཁ་དོག་ནི། །དཀར་དང་དམར་དང་སེར་དང་ལྗང་། །གནག་དང་སྔོན་ག་དེ་བཞིན་ཏེ། །སོ་སོའི་རིགས་ལས་ཤེས་པར་བྱ། །ཕྱག་འཚན་རིམ་པ་བསྟན་པ་ནི། །ལས་ཐབས་རིམ་པའི་སྐབས་སུ་ནི། །མི་འདྲ་རང་དེ་ཉིད་ལས་ནི། །སྐབས་བརྟག་ཅིང་ཤེས་པར་བྱ། །ཁ་དོག་རྣམས་ཀྱང་དེ་བཞིན་ནོ། །སྤྱིར་ནི་རྣལ་འབྱོར་སེམས་སྦྱར་ཐབས། །ཁ་དོག་མི་འགྱུར་གནས་པའང་མེད། །ཕྱག་མཚན་མི་འགྱུར་གནས་པའང་མེད། །དཀྱིལ་འཁོར་བདག་པོ་མ་གྲུབ་བསྟན། །ཁ་དོག་ཕྱག་མཚན་ངེས་པ་མེད། །དེ་ལྟར་རྒྱལ་བ་རྣམས་ཀྱིས་གསུངས། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། །ཁ་དོག་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །འདི་སྐད་ཅེས་ནི་གསོལ་བ་བཏབ། །ཨེ་མའོ་གསང་བའི་རང་བཞིན་ཅན། །གཉིས་མེད་ཁྱེད་ལ་ཕྱག་འཚལ་འདུད། །ཨེ་མའོ་ཡེ་ཤེས་དམ་པའི་མཆོག །གཙོ་ཆེན་ཁྱེད་ལ་ཕྱག་འཚལ་འདུད། །ཨེ་མའོ་དྲི་མེད་དོན་ལྡན་བདག། །བདུད་རྩི་མཆོག་ཆེན་ཁྱོད་ལ་འདུད། །རྣལ་འབྱོར་ལས་ལ་སྦྱོར་བ་ལ། །འདི་ལ་ཕྱག་རྒྱ་མི་འཚལ་ལམ། །འདི་ཡི་ཕྱག་རྒྱ་ཇི་ལྟར་བཅའ། །དེ་ཡི་ཕན་ཡོན་ཅི་དང་ལྡན། །གཉིས་མེད་དཔའ་བོས་བཤད་དུ་གསོལ། །དེ་སྐད་དཔའ་བོས་ཡང་དག་ཞུས། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུ་ཀའི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་ལས་ལ་སྦྱོར་བ་ལ། །དེ་དུས་ཕྱག་རྒྱ་ཤིན་ཏུ་གཅེས། །དེ་བས་ཁྱེད་ཀྱིས་ཞུས་པ་ལེགས། །ང་ཡིས་བསྟན་པ་བཞིན་དུ་གྱིས། །ཁྲག་འཐུང་གཙོ་བོའི་ཕྱག་རྒྱ་ནི། །ཁྲོས་པའི་སྟབས་སུ་གནས་ནས་བྱ། །ལག་གཡས་རྡོ་རྗེ་ཕྱར་ནས་ནི། །གཡོན་པ་ཕུར་པ་གཟིར་ཐོབ་འཛིན། །ཞབས་གཉིས་བགྲད་པའི་ཚུལ་དུ་གནས། །འདི་ནི་ཁྲག་འཐུང་རྒྱལ་པོ་ཡིན། །ཕྱག་རྒྱ་འདི་ནི་རབ་བཅིངས་ཏེ། །ཁྲོས་པའི་སེམས་ཀྱིས་གནས་བྱས་ནས། །གང་ལ་དམིགས་པ་དེ་གཏད་དེ། །དྲག་པོའི་སྔགས་ནི་བརྗོད་གྱུར་ན། །དུས་གསུམ་སངས་རྒྱས་ཐམས་ཅད་ཀྱང་། །བརྒྱལ་བར་འདོད་ན་བརྒྱལ་བར་འགྱུར། །འཆི་བར་འདོད་པར་གྱུར་ན་ནི། །རྡོ་རྗེ་གདན་ལ་འགྲོ་ངེས་ན། ཁམས་གསུམ་གནས་པའི་གདུག་ཅན་རྣམས། །སྨོས་ཅི་དགོས་དེ་ཉིད་ཡིན། །ཁྲོ་མོའི་སྟེངས་སུ་གནས་བྱ་སྟེ། །གཡས་པ་ཐབས་གཙོ་ལ་འཁྱུད། །གཡོན་པ་དུང་ཁྲག་གཙོ་ལ་སྟོབ། །འདི་ནི་ཁྲོས་པའི་རྒྱལ་མོའི་རྒྱ། །ཡུམ་གྱི་ཕྱག་རྒྱ་འདི་བཅིངས་པས། །དུས་གསུམ་སངས་རྒྱས་ཐམས་ཅད་དང་། །གཉིས་མེད་བདེ་བས་རབ་མཉེས་ཏེ། །བདག་གི་དབང་དུ་འགྱུར་ངེས་ན། །ཁམས་གསུམ་སེམས་ཅན་སྨོས་ཅི་དགོས། །རྐང་གཉིས་མཐིལ་སྤྲད་ཐུར་དུ་བཙུགས། །གཡས་པ་སྟ་རེ་གྱེན་དུ་འདེབས། །གཡོན་པ་ཕུར་པ་གཏོད་བའི་ཚུལ། །སྟ་ཟུར་བཅུ་ས་ནས་སྤྱན་ཟློག་བལྟས། །འདི་ནི་སྲས་མཆོག་ཕུར་པའི་རྒྱ། །རྒྱ་བཅིངས་སྔགས་བཟླས་གཏད་བྱས་ན། །རྡོ་རྗེ་འཛིན་པའང་འཆི་འགྱུར་ན། །ཁམས་གསུམ་གདུག་པ་སྨོས་ཅི་དགོས། །ལག་པ་ཐལ་སྦྱར་སྤྱི་བོར་བསྒྲེང་། །རྐང་པ་མཐིལ་སྤྲད་ཐུར་དུ་བཙུགས། །འགྱིང་ཞིང་རོལ་བའི་ཚུལ་དུ་སྣོན། །ཧུ༷་ཆེན་ཀ་རའི་ཕྱག་རྒྱ་ཡིས། །འགུགས་པར་འདོད་པའི་དུས་དེ་མྲ །རྒྱ་བཅིངས་གཏད་ནས་སྔགས་བཟླས་པས། །དུས་གསུམ་སངས་རྒྱས་འགུགས་འགྱུར་བ། །རྒྱལ་པོ་ཁྲི་ཡི་འགུགས་པར་བྱེད། །བུ་མོ་བརྒྱ་རྩ་བརྒྱད་ཀྱིས་སོ། །ལག་གཡོན་མཛུབ་བསྒྲེང་སྙིང་ཁར་བཞག །གཡས་པ་མཛུབ་མོ་ལྕགས་ཀྱུས་བྱས། །སྤྱན་ནི་གྱེན་དུ་བཟློག་ནས་ལྟ། །གཡས་བརྐྱང་གཡོན་པ་བསྐུམ་པ་ནི། །རྣམ་པར་རྒྱལ་བའི་ཕྱག་རྒྱ་ཡིན། །རྒྱ་བཅིངས་ལྔགས་བཟླས་དྲག་བཟླས་གཏད། །རླུད་གཅོད་ཆུ་འོང་ལྡོག་པར་འགྱུར། །གང་ལ་གཏད་པ་དེ་ཟློགས་འགྱུར། །གཡོན་པ་ཁྲོ་རྩུབ་སྙིང་ཁར་བསྒྲེང་། །གཡས་པ་རྩེ་གསུམ་འཕྱར་བའི་ཚུལ། །བརྡེག་པའི་ཚུལ་དུ་གནས་པ་དེ། །གཡོན་བརྐྱང་གཡས་པ་བསྐུམ་པ་དེ། དབྱུག་པ་སྔོན་པོའི་ཕྱག་རྒྱ་ཡིན། །སྔགས་གྲུབ་རྒྱ་བཅིངས་གཏད་པ་དེས། །རྡོ་རྗེ་བྲག་ཀྱང་འཇོམ་པར་ནུས། །གདུག་ཅན་ཕུང་པོ་བཤིག་པར་ལྷ །ལག་གཉིས་ཁུ་ཚུར་བཅས་པ་ལས། །གུང་མོ་གཉི་ནི་རྩེ་མོ་སྤྲད། །རྡོ་རྗེ་རྩེ་གཅིག་ཚུལ་དུ་བྱ། །མཛུབ་མོ་རྒྱབ་ཀྱི་ཚིགས་དུ་དཀྲི །མཐེབ་གཉིས་གཞིབས་ཏེ་མདུན་དུ་བཞིག །ཁ་ཡི་ཚུལ་དུ་བྱ་བ་སྟེ། །གཤིན་རྗེའི་ཞབས་གཉིས་ལང་ནས་དགུག །གཤིན་རྗེ་གཤེད་པོའི་ཕྱག་རྒྱ་ཡིན། །སྔགས་བཟླས་གྲུབ་ནས་རྒྱབ་ཅིང་གཏད། །དགུག་པ་རང་དབང་མེད་པར་འོང་། །བསད་པའི་ལས་ལ་ལྷག་པར་འཇེབས། །དབྱེ་བར་འདོད་ན་སྐད་ཅིག་གིས། །འཐབ་པར་འདི་ལ་ཐེ་ཚོམ་མེད། །བསྐྲད་པས་འཇིག་པ་གཞན་དང་གཞན། །རིགས་མི་གཅིག་པའི་གནས་སུ་འགྲོ །ལག་པ་གཉིས་ཀྱི་མཐེ་བོ་་གིས། །སྲིན་ལག་མཐེའུ་ཆུང་སེན་མོས་མནན། །གུང་མོ་མཛུབ་མོ་གཤིབས་ཏེ་བརྒྱད། །རལ་གྲི་ཤུབས་ནས་འབྱིན་ལྟར་བྱ། །རྐང་པ་གཡས་པ་རབ་བརྐྱང་ལ། །བརླ་ཡི་སྟེང་དུ་རལ་གྲོ་ནོན། །གཡོན་པ་བསྐུམ་པར་གནས་པ་ནི། །མི་གཡོ་མགོན་པོའི་ཕྱག་རྒྱ་ཡིན། །སྔགས་གྲུབ་རྒྱ་བཅིངས་གཏད་བྱས་ན། །ལྷ་ཀླུ་གནོད་སྦྱིན་མ་མོ་རྣམས། །གང་བསྒོ་གནས་སུ་ཡུད་ཙམ་གྱིས། །རང་དབང་མེད་པར་འགྲོ་བར་འགྱུར། །བགེགས་ཀྱི་ཚོགས་རྣམས་སྐྲོད་དུས་སུ། །སྲིན་ལག་རྩེ་ལ་རི་ལུ་དགའ། །དེ་ཡི་ཕྱག་རྒྱ་བསྟན་ཙམ་གྱིས། །འཇིག་རྟེན་ཁམས་སུ་བྱེར་ཏེ་འགྲོ། །ལག་གཉིས་སོར་མོ་ཁུ་ཙུར་བཅས། །མཐེའུ་ཆུང་གཉིས་ལུག་རྒྱུད་སྦྲེལ། །མཛུབ་མོ་གཉིས་གཞི་བས་བསྒྲེང་བྱས་ལ། །ལན་གསུམ་གཡས་ནས་མགོ་ལ་བསྐོར། །དཔྲལ་བའི་སྟེང་དུ་བཞག་པར་བྱ། །གཡས་པའི་རྐང་པའི་སྒྱིད་ཁུང་སྒུལ། །གཡོན་པའི་རྐང་མཐིལ་གཙུགས་པ་ནི། །རྟ་མགྲིན་རྒྱལ་པོའི་ཕྱག་རྒྱ་ཡིན། །སྔགས་གྲུབ་དུས་སུ་རྒྱ་བཅིངས་ནས། །གང་འདོད་དུས་སུ་གཏད་བྱས་ན། །དུག་གི་ཟིན་པ་འཇོམས་པར་བྱེད། །གནོད་སྤྱིན་མཐུ་པོ་ཆེ་རྣམས་ཀྱི། །གདུག་པའི་ལས་སེར་བཟློག་པར་་གྱུར། །སེམས་ཅན་ལས་ངན་སྒྲོལ་བར་བྱེད། །ལག་གཉིས་ཁུ་ཚུར་གཉིས་བཅངས་ནས། །རྒྱབ་སྤྲད་མཐེའུ་ཆུང་ལུ་གུ་རྒྱུད། །མཛུབ་མོ་གཉིས་ནི་རྩེ་མོ་སྤྲད། །ཞགས་པ་ལྟ་བུར་བྱས་པ་དེ། །རྐང་པ་གཡས་པའི་མཐིལ་བཏེག་ལ། །བྲང་ལ་མ་རེག་སེར་མོའི་གཟུགས། །གཡོན་པ་དྲང་པོར་བྱས་པ་ནི། །གཞན་གྱིས་མི་ཐུབ་ཕྱག་རྒྱ་ཡིན། །གྲུབ་དུས་རྒྱ་བཅིངས་གཏད་བྱས་ནས། །བདེ་གཤེགས་སྲས་དང་བཅས་པ་རྣམད། །ལས་ལ་བསྐུལ་ཞིང་གནད་ལ་འབེབས། །བར་དུ་གཅོད་པའི་གདོན་རྣམས་དང་། །མ་རུངས་པ་རྣམས་གནོན་པར་ནུས། །ལག་པ་གཉིས་ཀྱིས་མཐེ་བོང་གིས། །མཐེའུ་ཆུང་གཉིས་སོར་མོས་མནན། །ལྷག་མ་གསུམ་ནི་བསྒྲེང་ནས་ནི། །ལག་པ་བསྣོལ་ཏེ་དཔུང་མ་གོར་བཞག་རྐང་པ་དྲང་པོར་བཞག་ནས་ནི། །བར་དུ་འདོམ་གང་རབ་བཞག་ལ། །པུས་མོ་བག་ཙམ་བསྐུམ་པ་ནི། །བདུད་རྩི་འཁྱིལ་བའི་ཕྱག་རྒྱ་ཡིན། ཁུ།བ་དུས་རྒྱ་གཏད་སྔགས་བཟླས་པས། །སངས་རྒྱས་གཞི་དང་བཅས་ནས་ནི། །སེམས་ཅན་དོན་ལ་རབ་ཏུ་གཤེགས། །བྱང་ཆུབ་སེམས་དཔའ་དམན་པ་རྣམས། །སེམས་བསྐུལ་ས་ལས་ས་རུ་འགྲོ །གདུག་པའི་ཚོགས་རྣམས་གནས་ནས་བསྐྱོད། །བགེགས་ཆེན་མི་གནས་གཞན་དུ་འབྱེར། །ལག་པ་ཁུ་ཚུར་གཉིས་བཅངས་ཏེ། །མཛུབ་གཉིས་བསྒྲེངས་ཏེ་འཁྲིག་མ་བསྣོལ། །རྐང་པ་གཡས་གཡོན་བགྲད་བྱས་པ། །ཁམས་གསུམ་རྣམ་རྒྱལ་ཕྱག་རྒྱ་ཡིན། །གྲུབ་དུས་སྔགས་བཟླས་རྒྱ་གཏད་ན། །དུས་གསུམ་སངས་རྒྱ་གདན་ལས་འདྲེན། །ཁམས་གསུམ་གདུག་ཅན་སྨོས་ཅི་དགོས། །གཡོན་པའི་ཁུ་ཚུར་སྙིང་ཁར་བཞག །གཡས་པའི་སྟ་རེ་ཕྱར་ནས་རྡེག །རྐང་པ་གཡས་པ་རབ་བརྐྱང་ནས། །གཡོན་པ་ཅུང་ཞིག་བསྐུམ་བྱས་ནས། །གཟུགས་པོ་བག་ཙམ་བཅུས་བྱས་ལ། །སྟོབས་པོ་ཆེ་ཡི་ཕྱག་རྒྱ་ཡིན། །ཚ་བ་བྱུང་ན་བསིལ་བར་བྱེད། །ཆར་ཆེན་ཡང་གཅོད་པར་བྱེད། །སྒྲོལ་བའི་དུས་སུ་ཡིད་ཀྱིས་མཆོག །དེ་ཡིས་ལས་སུ་བྱ་བ་ལ། །སྐད་ཅིག་ཡུད་ཀྱིས་འགྲུབ་པར་འགྱུར། །ཁྲོ་མོའི་སྟབས་སུ་གནས་ནས་སུ། །གཡས་པ་ཐབས་ཀྱི་གཙོ་ལ་འཁྱུད། །གཡོན་པ་དུང་ཁྲག་གཙོ་ལ་སྟོབ། །ཁྲོ་མོ་རྣམས་ཀྱིས་ཕྱག་རྒྱར་བཤད། །སྔགས་བཟླས་རྒྱ་བཅིང་གཏད་བྱས་ན། །གང་དང་གང་གི་ལས་རྣམས་ལ། །ཐོགས་པ་མེད་པར་འབྱུང་བར་བྱེད། །ལག་གཉིས་རྟིང་པ་སྦྱར་བྱས་ནས། །གུང་མོ་རྩེ་སྤྲད་དྲག་ཏུ་དྲིལ། །འདི་ནི་ཕུར་པའི་དམ་ཚིག་རྒྱ། །གཡོན་པ་ཁུ་ཚུར་རབ་བཅངས་ནས། །ཕུར་བ་འདེབས་པའི་ཚུལ་དུ་བྱ། །གཡས་པ་རྡོ་རྗེ་ཐོ་བས་བརྡེག །ཕུར་པ་འདེབས་པའི་ཕྱག་རྒྱ་ཡིན། །ལག་གཉིས་ཐལ་མོ་སྦྱར་ནས་ནི། །གུང་མོ་རྩེ་སྤྲད་མཐེའུ་ཆུང་བརྐྱང་། །སྲིན་ལག་འཛུབ་མོ་རྒྱབ་བསྣོལ་ཏེ། །མཐེ་བོང་གཞིབས་ཏེ་རབ་ཏུ་དྲིལ། །འདི་ནི་ཕུར་པ་འདྲིལ་བའི་རྒྱ། །མཐེབ་མཛུབ་གཉིས་ཀྱི་བར་དུ་བཅུག །གྱེན་དུ་གསོར་ལ་གཟུགས་ལ་བསྐུལ། །འདི་ནི་ཕུར་པ་གསོར་བའི་རྒྱ། །ལག་གཉིས་ཐལ་མོ་མཉམ་སྦྱར་ལ ཕུར་པ་རབ་ཏུ་བཙུག་ལ་དྲིལ། །འདི་ནི་གཟི་བྱིན་སྐྱེས་པའི་རྒྱ། །ལག་གཉིས་ཐལ་མོ་མཉམ་པོར་སྦྱར། །སྟེང་དུ་རྩེ་མོ་གྱེན་ལ་བསྟན། མཐེ་བོང་སྲིན་ལག་གུང་མོ་གསུམ། །དབུས་སུ་ཕུར་བུ་བཙུག་ལ་དྲེལ། །ཡེ་ཤེས་དབང་བའི་ཕྱག་རྒྱ་ཡིན། །ལག་པ་གཉིས་ནི་རྟིང་པ་སྤྲད། །སོར་མོ་ལག་མོ་ལྷག་མ་སོར་མོར་བྱ། །དྲི་མེད་རྟིང་པའི་བར་དུ་བཟུང་། །བརྗོད་པའི་སྒྲ་སྐད་འབེབས་པའི་རྒྱ། །ལག་པ་སོར་མོ་རྒྱབ་བསྣོལ་བསྡམ། །གུང་གཉིས་བསྒྲེང་ལ་ཕུར་པ་འདྲིལ། །འཇིགས་པའི་སྐུ་ནི་འབེབས་པའི་རྒྱ། །དེ་ཉིད་སོར་མོ་བསྡམས་པ་ལས། །མཐེ་བོང་དཀྱིལ་དུ་ཕུར་བ་གཞུག །ཅུང་ཞིག་བསྐྱོད་པར་བྱས་པས་ནི། །ཐུགས་ཀྱི་བྱས་ལ། །སྙིང་ནས་བཟུང་ནས་མི་བཏུབ་ཚུལ། །གཡས་པ་རལ་གྲུས་གཏུབ་པར་བྱ། །ཕུང་པོ་བཤིག་པའི་ཕྱག་རྒྱ་ཡིན། །གཡས་གཡོན་གཉིས་ནི་སོ་སོར་བཅངས། །གཡོན་པའི་སྟེག་དུ་གཡས་པ་བརྩེགས། །སྤྱི་བོའི་སྟེང་དུ་བཞག་ནས་ནི། །གདུག་པ་བརྡུང་བའི་ཕྱག་རྒྱ་ཡིན། །གཡས་གཡོན་སོར་མོ་བསྣོལ་ཏེ་བརྐྱང་། །མཐེ་བོང་མཐེའུ་ཆུང་གཞིབས་ལ་བསྒྲེང་། །ལས་ཀྱིས་གདབ་པའི་ཕྱག་རྒྱ་ཡིན། །རྒྱ་བཅིངས་སྔགས་བཟླས་ཉི་ཤུ་གཅིག །མགོ་ལ་ཕྱག་རྒྱ་གཡོན་ནས་བསྐོར། །ཕུར་པའི་མགོ་ལ་གཏུག་པར་བྱ། །སུས་ཀྱང་མི་ཕྱིན་ཕྱག་རྒྱ་སྟེ། །སྐབས་ཀྱི་ཚེ་ལུང་ཆེན་པོས་བྱ། །ལག་པ་གཡས་གཡོན་བསྣོལ་ལ་བསྡམས། །གུང་མོ་གཤིབས་ཏེ་བསྒྲེང་བྱས་ན། །ཕུར་པའི་མགོ་ལ་དེ་ག་ས་ལ། །ཉི་ཤུ་རྩ་གཅིག་རབ་བཟླས་ན། །གཡོན་ནས་གཏད་བར་བྱས་པ་ནི། །ལྷའམ་ཀླུའམ་གནོད་སྤྱིན་ནམ། །མི་དང་མི་མ་ཡིན་ཡང་རུང་། །གང་ཡང་དམ་ལས་མི་འདའ་རྒྱ། གཡས་གཡོན་སོར་མོ་ནང་དུ་བསྣོལ། །མཐེ་བོང་མཐེའུ་ཆུང་རྩེ་སྤྲད་བསྒྲེང་། །ནང་དུ་སོར་མོ་ལྷག་མ་བརྐྱང་། །ཁ་ཡིས་ཕུབས་ཏེ་སྟེང་དུ་མནན། །ཉི་ཤུ་རྩ་གཅིག་སྔགས་བཟླས་ནས། །བདག་གིས་ཇི་ལྟར་བསྒོ་བ་ཡིས། །བྲན་བཞིན་བཀའ་རྣམས་ཉན་པར་བྱེད། །སྟོབས་ཆེན་ལས་ཀྱི་ཕྱག་རྒྱ་ཡིན། །གཡས་གཡོན་སོར་མོ་རྒྱབ་སྤྲད་དེ། །མཐེའུ་ཆུང་ལུ་གུ་རྒྱུད་དུ་སྦྲེལ། །ཁ་འགྲམ་སྔགས་ཀྱང་བཟློས། །ཁྲོས་པས་སྟོབས་དང་ལྡན་པར་འགྱུར། །ལས་ཀྱི་རྡོ་རྗེས་གཟིར་བ་ཡིས། ཁེན་ཏུ་མི་ཟུག་ཅིང་མི་ཕྱིན་བསམ། །འདི་ཡིས་ལས་འདི་མ་གྲུབ་པར། །བསྐལ་པའི་མཐར་ཡང་མ་བཏང་ཞིག དེ་སྐད་ལས་རྣམས་བཅོལ་ལ་བཞག །ལག་པ་གཡོན་པ་བརྐྱང་ནས་ནི། །གཡས་པས་སྟེང་བཀབ་པ་པད་འདྲ་བ། །གཏོར་མ་བསྔོ་བའི་ཕྱག་རྒྱ་སྟེ། །བསྟབ་པ་དེ་བཞིན་གཤེགས་པར་བྱ། །ལག་པ་གཡས་གཡོན་འཁྲིག་མ་བསྣོལ། །གུང་ལ་སོར་མོ་ཕྱི་མ་གསུམ། །རྡོ་རྗེ་འདྲ་བར་བྱས་ནས་ནི། །མནན་པའི་ཕྱག་རྒྱ་ཡིན་པར་བཤད། །མ་མོ་རྣམས་ཀྱི་ཕྱག་རྒྱ་ནི། །སྐབས་སུ་རང་རང་ཤེས་པར་གྱིས། །དེ་སྐད་དཔའ་བོས་ཡང་དག་བཤད། །ཅེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། །ཕྱག་རྒྱ་བསྟན་པའི་ལེའུ་སྟེ་བཅུ་ལྔ་པའོ།། །།དེ་ས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །ཕྱི་ནང་གསང་གསུམ་མཆོད་ཕུལ་ནས། །བདེ་ཆེན་གསོལབ་འདི་བཏབ་པོ། །ཨེ་མའོ་རྨད་བྱུང་ངོ་མཚར་ཆེ ཨེ་མའོ་རང་བཞིན་རྣམ་པར་དག །ཨེ་མའོ་ངོ་མཚར་རྨེད་ཀྱི་ཆོས། །ཕྱག་རྒྱ་རྣམས་ནི་གསུངས་ལགས་ན། །རྣལ་འབྱོར་ཡིད་ཆེས་བྱ་བའི་ཕྱིར། །འདི་ཡི་རྣམ་དག་ཇི་་ལྟར་ལགས། །གཞལ་ཡས་རྣམ་དག་ཇི་ལྟར་ལགས། །ལྷ་ཡི་རྣམ་དག་ཇི་ལྟར་ལགས །དག་པས་འབྲས་བུ་ཇི་ལྟ་བུ། །རྨད་དུ་བྱུང་བའི་ཆོས་འདི་ནི། །ཁྲག་འཐུང་རྒྱལ་པོས་བཤད་དུ་གསོལ། །དེ་སྐད་ལས་ཀྱི་རྒྱལ་པོས་ཞུས། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །རྣལ་འབྱོར་པ་ནི་ཡིད་ཆེས་ཕྱིར། །རྣམ་དག་དྲིས་པལེགས་སོ་ལེགས། །ང་ཡི་རྣམ་པར་དག་པ་རྣམས། ཁེན་ཏུ་ལེགས་པར་ངས་བཤད་ཀྱིས། །ཉོན་ཅིག་ཀརྨ་ཀེརུཀ །ལྷ་ཡི་རྣམ་དག་བསྟན་པ་ནི། །བཅོམ་ལྡན་རྡོ་རྗེ་གཞོན་ནུ་ནི། །རྣམ་ཤེས་ཚོགས་རྣམ་དག་པའོ། །ཁྲོ་ཆེན་རྒྱལ་པོ་ཧུ༷་ཀར། །འདོད་ཆགས་དབྱིངས་སུ་དག་པའོ། །ཁྲོ་ཆེན་རྒྱལ་པོ་རྣམ་རྒྱལ་ནི། །ངག་འཁྱལ་དབྱིངས་སུ་དག་པའོ། །ཁྲོ་ཆེན་རྒྱལ་པོ་དབྱུག་སྔོན་ནི། །རྫུན་སྨྲ་དབྱིངས་སུ་དག་པའོ། །ཁྲོ་ཆེན་རྒྱལ་པོ་གཤིན་རྗེ་གཤེད། །སྲོག་གཅོད་དབྱིངས་སུ་དག་པའོ། །ཁྲོ་ཆེན་རྒྱལ་པོ་མི་གཡོ་མགོན། །ལོག་ལྟ་དབྱིངས་སུ་དག་པའོ། །ཁྲོ་ཆེན་རྒྱལ་པོ་རྟ་མགྲིན་ནི། །ཕྲ་མ་དབྱིངས་སུ་དག་པའོ། །ཁྲོ་རྒྱལ་གཞན་མི་ཐུབ་པ་ནི། །མ་བྱིན་ལེན་པ་དབྱིངས་སུ་དག །རྣམ་པར་དག་པ་ཡིན་པར་བཤད། །ཁྲོ་བོ་རྒྱལ་པོ་བདུད་རྩི་འཁྱིལ། །ངག་རྩུབ་དབྱིངས་སུ་རྣམ་དག་པའོ། །ཁྲོ་ཆེན་རྒྱལ་པོ་ཁམས་གསུམ་རྒྱལ། །གནོད་སེམས་དབྱིངས་སུ་དག་པའོ། །ཁྲོ་ཆེན་རྒྱལ་པོ་སྟོབས་ཆེན་ནི། །བརྣབ་སེམས་དབྱིངས་སུ་དག་པའོ། །དེ་རྣམས་ཀུན་གྱི་མཚན་ཉིད་དང་། །དམིགས་པའི་ཡུལ་སུ་བཅས་པ་ཀུན། །དབྱིངས་སུ་རྣམད་དག་ཡུལ་རྣམས་སོ། །འཕྲ་མེན་ཕག་གི་མགོ་ཅན་ནི། །མཉམ་ཉིད་དབྱིངས་སུ་རྣམ་པར་དག་པའོ། །འཕྲ་མེན་དམིགས་བུའི་མགོ་ཅན་ནི། །གཉིད་ཀྱི་མཚན་ཉིད་རྣམ་དག་པའོ། །འཕྲ་མེན་སྟག་གི་མགོ་ཅན་ནི། །སེམས་དངོས་རྣམ་པར་དག་པའོ། །འཕྲ་མེན་བྱ་རྒོད་མགོ་ཅན་ནི། །སེམས་ཡུལ་རྣམ་པར་དག་པའོ། །འཕྲ་མེན་གཡག་གི་མགོ་ཅན་ནི། །འདུན་དངོས་རྣམ་པར་དག་པའོ། །འཕྲ་མེན་བྱ་རོག་མགོ་ཅན་ནི། །འདུན་ཡུལ་རྣམ་པར་དག་པའོ། །འཕྲ་མེན་ཤ་བའི་མགོ་ཅན་ནི། །ཡིད་བྱེད་དབྱིངས་སུ་རྣམ་དག་པའོ། །འཕྲ་མེན་འུག་པའི་མགོ་ཅན་ནི་ཏིང་འཛིན་རྣམ་པར་དག་པའོ། །འཕྲ་མེན་ཁྲ་ཡི་མགོ་ཅན་ནི། །ཏིང་ཡུལ་དམིགས་པ་རྣམ་དག་པའོ། །འཕྲ་མེན་བྱི་བའི་མགོ་ཅན་ནི། །དད་དངོས་དབྱིངས་སུ་རྣམ་དག་པའོ། །འཕྲ་མེན་པུ་ཤུད་མགོ་ཅན་ནི། །དད་ཡུལ་སྐྱེ་འབྱུང་རྣམ་དག་པའོ། །འཕྲ་མེད་སྤྱང་ཁུའི་མགོ་ཅན་ནི། །ཆོས་ཉིད་དབྱིངས་སུ་རྣ་མ་དག་པའོ། །འཕྲ་མེན་གཟིགས་ཀྱི་མགོ་ཅན་ནི། །འཕྲ་མེན་ཁྲ་ཡི་མགོ་ཅན་ནི། །མོས་པ་འབྱུང་ཡུལ་རྣམ་དག་པའོ། །འཕྲ་མེན་སེང་གེའི་མགོ་ཅན་ནི། །དྲན་པ་དབྱིངས་སུ་རྣམ་དག་པའོ། །འཔྲམེན་ཕ་ཝང་མགོ་ཅན་ནི། །དྲན་བསྐྱེད་ཡུལ་ཉིད་རྣམ་དག་པའོ། །འཕྲ་མེན་དོམ་གྱི་མགོ་ཅན་ནི། །བྱེད་ཉི་དབྱིངས་སུ་དག་པའོ། །འཔྲ་མེན་ཟེར་མོའི་མགོ་ཅན་ནི། །བྱེད་སྐྱེད་ཡུལ་ཉིད་རྣམ་དག་པའོ། །འཔྲ་མེན་དྲེས་ཀྱི་མགོ་ཅན་ནི། །རིག་པ་དབྱིངས་སུ་དག་པའོ། །འཕྲ་མེན་བྱི་པའི་མགོ་ཅན་ནི། །རིག་བསྐྱེད་ཡུམ་ནི་རྣམ་དག་པའོ། །འཕྲ་མེན་པུ་ཤུད་མགོ་ཅན་ནི། །བྱམས་པ་རྣམ་པར་དག་པའོ། །འཕྲ་མེད་སྐྱེ་ཀའི་མགོ་ཅན་ནི། །སྙིང་རྗེ་རྣམ་པར་དག་པའོ། །འཕྲ་མེན་སྲིན་བྱའི་མགོ་ཅན་ནི། །དགའ་བ་རྣམ་པར་དག་པའོ། །འཕྲ་མེན་ཁྲ་ཡི་མགོ་ཅན་ནི། །བཏང་སྙོམས་རྣམ་པར་དག་པའོ། །བདག་ཉིད་ཆེན་མོ་བཞི་རྣམས་ནི། །བདུད་བཞི་རྣམ་པར་དག་པའོ། །ཤོན་མུ་ཀ་བཞི་རྣམས་ནི། །མཚོ་བཞི་དབྱིངས་སུ་དག་པའོ། །ལྷ་མོ་བཞིར་རུ་བྱུང་བ་ནི། །མཚོ་བཞི་ཡུལ་རྣམས་རྣམ་དག་པའོ། །དུར་ཁྲོད་མ་མོ་བརྒྱད་རྣམས་ནི། །དབང་པོ་རྣམ་གཉིས་རྣམ་དག་པའོ། །སྤྲུལ་པའི་མ་མོ་བརྒྱད་རྣམས་ནི། །ཡུལ་རྣམས་རྣམ་པར་དག་པའོ། །གསོད་བྱེད་ཉི་ཤུ་རྩ་བརྒྱད་ནི། །མཆོད་རྟེན་རྣམ་པར་དག་པའོ། །ཐམས་ཅད་དབྱིངས་ལས་བཤད་པ་སྟེ། །བཅུད་རྣམས་རྣམ་པར་དག་པ་ཡིན། །འདི་ནི་ལྷ་ཡི་རྣམ་དག་པའོ། །གཞལ་ཡས་རྣམ་པར་དག་པ་ནི། །ཡང་དག་ཉིད་དུ་ངས་བཤད་བྱ། །རྡོ་རྗེ་གུར་དུ་འབྱུང་བ་ནི། །ཕྱི་ཡི་བགེགས་ཀྱིས་མི་ཚུགས་རྟགས། །བཀའ་ཡི་འཁོར་ལོས་བརྒྱན་པ་ནི། །ནང་གི་བདུད་ཀྱིས་མི་ཚུགས་རྟགས། །ཆོས་འབྱུང་ནང་དུ་གསལ་བ་ནི། །ཆོས་ཀྱི་དབྱིངས་ལས་བྱུང་བའི་རྟགས། །འབྱུང་བ་བཞི་པོ་རྙེད་པ་ནི། །ཡུམ་བཞི་མཁའ་ལ་རྙེད་པའི་རྟགས། །གཞལ་ཡས་གྲུ་བཞིར་བྱུང་བ་ནི། །སེམས་ཅན་སངས་རྒྱས་ངང་ཉིད་དུ། །རྣམ་པར་དག་པའི་རྟགས་ཡིན་ནོ། །སྒོ་བཞིར་ཡང་དག་འབྱུང་བ་ནི། །དྲན་པ་ཉེ་བར་གཞག་པ་བཞི། །རྣམ་པར་དག་པའི་རྟགས་ཡིན་ནོ། །རྟ་བབས་བཞི་རུ་བྱུང་བ་ནི། །ཡང་དག་སྤོང་བ་བཞི་རྣམས་ནི། །རྣམ་པར་དག་པའི་རྟགས་ཡིན་ནོ། །ཀབ་བརྒྱད་ཀྱིས་བརྒྱན་པ་ནི། །འཕགས་པའི་ལམ་ནི་ཡན་ལག་བརྒྱད། །རྣམ་པར་དག་པའི་རྟགས་ཡིན་ནོ། །ཐོད་པས་གུར་དུ་བྱས་པ་ནི། །གཉིས་སུ་མེད་པའི་ཆོས་རྣམས་ཀྱིས། །འཁོར་ལོ་རབ་ཏུ་བསྐོར་བའོ། །དྲ་བ་དྲ་ཕྱེད་ཀྱིས་བརྒྱན་པ། །ཉོན་མོངས་ཆེ་ཆུང་རྣམ་དག་རྟགས། །རིན་ཆེན་ཕ་གུའི་རྩིག་པ་ནི། །ཚུལ་ཁྲིམས་རྣམ་པར་དག་པའི་རྟགས། །འདོད་པའི་ལྷ་མོ་འཁྲིགས་པ་ནི། །གཟུགས་དང་སྒྲ་དང་དྲི་དང་རོ། །རེག་བྱ་རྣམས་ནི་རྣམ་དག་རྟགས། །སྒོ་བཞི་རྒྱལ་མཚན་བཞི་རྣམས་ནི། །རྣམ་རྟོག་དབྱིངས་སུ་དག་པའི་རྟགས། །ཟུར་བཞིའི་རྒྱལ་མཚན་བཞི་རྣམས་ནི། །ཕྱི་ཡི་བདུད་རྣམས་དག་པའི་རྟགས། །ཞིང་གི་བླ་རེ་བྲེས་པ་ནི། །ཐབས་དང་ཤེས་རབ་དག་པའི་རྟགས། །ཞིང་གི་ལྷུ་སྡུམ་དུར་ཁྲོད་བརྒྱད། །གཞལ་ཡས་ཁང་ལ་བརྒྱན་པ་ནི། །འདུ་ཞིང་འཕྲོ་བ་དག་པའི་རྟགས། །རིན་ཆེན་ལྔ་ཡི་རྩིག་པ་ནི། །ཉོན་མོངས་ལྔ་དང་ཡེ་ཤེས་ལྔ་། །རྣམ་པར་དག་པའི་རྟགས་ཡིན་ནོ། །ནང་དུ་ཐོད་པས་བརྩིགས་པ་ནི། །ཐམས་ཅད་དབྱིངས་སུ་དག་པ་ཡི། །རྟགས་ནི་དམ་པ་ཡིན་པར་བཤད། །ཞིང་གི་གདུང་མ་བཞི་རྣམས་ནི། །བདག་དང་ངར་འཛིན་རྣམ་དག་རྟགས། །རཀྟའི་ཞབས་ཆུ་འབབ་པ་ནི། །ཐུགས་རྗེ་དབྱིངས་སུ་དག་པའི་རྟགས། །གཞལ་ཡས་ཐོགས་ལ་བརྒྱན་བྱ་བ། །གསང་བའི་དོན་དུ་གསུངས་པ་སྟེ། །རྡོ་རྗེ་གུར་དང་རིན་ཆེན་འདབ། །ཆོས་ཀྱི་འཁོར་ལོ་མི་མཐུན་པ། །འདུལ་བའི་དབང་གིས་བཀོད་པའི་རྟགས། །གདུགས་དང་ཕན་གྱིས་བརྒྱན་པ་ནི། །ས་ལ་གནས་པའི་བྱང་ཆུབ་སེམས་དཔའ་ལ། །ཆོས་ཀྱི་འཁོར་ལོ་བསྐོར་བ་སྟེ། །དབྱིངས་སུ་རྣམ་པར་དག་པའི་རྟགས། །རི་དགས་ཡ་ནས་བརྒྱན་པ་ནི། །བྱང་ཆུབ་སེམས་དཔས་འཁོར་ལོ་བསྐོར། །དབྱིངས་སུ་རྣམ་པར་དག་པའི་རྟགས། །ཆོས་ཀྱི་འཁོར་ལོས་བརྒྱན་པ་ནི། །ས་བཅུའི་བྱང་ཆུབ་སེམས་དཔའ་ལ། །ཆོས་ཀྱི་འཁོར་ལོ་བསྐོར་བ་དེ། །དབྱིངས་སུ་དག་པའི་རྟགས་ཡིན་ནོ། །འོབས་བདུན་ཞབས་ཀྱིས་བརྒྱན་པ་ནི། །བྱ་སྐད་སྣ་ཚོགས་འཆད་པ་སྟེ། །དབྱིངས་སུ་དག་པའི་རྟགས་ཡིན་ནོ། །ཆེ་བའི་ཡོན་ཏན་ཀུན་རྫོགས་ནས། །སེམས་ཅན་དོན་ལ་དགོངས་པ་ཡི། །བྱང་ཆུབ་སེམས་ཀྱིས་ཡོངས་རྒྱས་ཏེ། །རྣམ་པར་དག་པའི་རྟགས་ཡིན་ནོ། །དཔག་བསམ་ཤིང་བུས་བརྒྱན་པ་ནི། །ཁམས་གསུམ་གནས་པའི་སེམས་ཅན་ལ། །དང་པོ་བྱང་ཆུབ་མཆོག་སེམས་བསྐྱེད། །དབྱིངས་སུ་དག་པའི་རྟགས་ཡིན་ནོ། །མཚོ་ནང་ངང་པས་བརྒྱན་པ་ནི། །ཐུགས་རྗེས་༄༅ སེམས་ཅན་དོན་རྣམས་ལ། །ཡོངས་སུ་གཏོང་བ་རྣམ་དག་པའོ། །དེ་ནི་ཕྱི་ཡི་གཞལ་ཡས་ཁང་། །རྣམ་པར་དག་པའི་གནས་ཞེས་བྱ་བའོ། །ནང་གི་གཞལ་ཡས་བསྟན་པ་ནི། །རྐང་པ་རླུད་གི་དཀྱིལ་འཁོར་ཏེ། །ལྟེ་བའི་མཐའ་ནི་མེ་དཀྱིལ་འབར། །ལྟོ་བ་ཆུ་ཡི་དཀྱིལ་འཁོར་རོ། །རོ་སྟོད་ས་ཡི་དཀྱིལ་འཁོར་ཡིན། །མགོ་བོ་གཞལ་ཡས་རང་བཞིན་ནོ། །དེ་ཡི་ངན་གནས་པའི་གདན། །བཅུ་དྲུག་གསུམ་ཅུ་རྩ་གཉིས་ནི། །ཐས་དང་ཤེས་རབ་ཚུལ་དུ་གནས། །བརྒྱད་ནི་དྲུག་ཅུ་རྩ་བཞི་ནི། །ཐབས་དང་ཤེས་རབ་ཚུལ་དུ་གནས། །ལྟེ་བའི་གདན་དུ་དྲུག་ཅུ་བཞི། །ཀུན་འབྱུང་སྒོ་དག་རྣམ་པར་ལྡན། །དེ་ཡི་དབུས་ན་བཞུགས་པའི་ལྷ། །དྲི་མ་མེད་པ་ཨོ༷་བཞུགས་པས། །ཐམས་ཅད་བསྐྱེད་པའི་རང་བཞིན་ཅན། །ཁ་དོག་དཀར་པོ་ཐས་ཅད་བསྐུལ། །དེ་ལ་མཚན་ཉིད་བཞི་ཚང་སྟེ། །ཐམས་ཅད་བྲོད་པས་མཉམ་ཉིད་དེ །འབྲས་བུ་སོ་སོར་འདོད་པས་ན། །སོ་སོར་རྟོགས་པ་ཞེས་སུ་འདོད། །སྣང་ལ་རང་བཞིན་མེད་གནས་པས། །མེ་ལོང་ལྟར་སྣང་ཡེ་ཤེས་ཏེ། །མི་དམིགས་ཆོས་ཀྱི་དབྱིངས་ཡེ་ཤེས། །དབུས་ཀྱི་ཤིང་རྩ་བཟུང་བ་སྟེ། །ལྟེ་བའི་མཐའ་ལ་གནས་ཞེས་བྱ། །ས་ཡི་དབུས་སུ་གནས་པའི་གདན། །ཆོས་ཀྱི་འཁོར་ལོ་རྣམ་པ་བརྒྱད། །དེ་ཡི་ནང་ན་གནས་པའི་ལྷ། །ཁ་དོག་མཐིང་ཁ་ཡེ་ཧུ༷། །དབུས་ན་གནས་པའི་ལྷ་ཉིད་ཡིན། །ཐམས་ཅད་བསྐྱེད་པའི་བདེ་གཡོན་ནས་ཞུགས། །གསལ་བའི་དཀྱིལ་འཁོར་དེ་དག་ནི། །དབུ་མའི་ལམ་ཞུགས་བདེ་བ་ཆེ། །ཟླ་བ་ལ་འཚག་གཉིས་མེད་པ། །དེ་དེ་ཡང་དང་ཡང་དུ་ནི། །ཉམས་སུ་བླངས་ཏེ་དེ་བསྒོམས་ན། །གཉིས་མེད་དཔའ་བོའི་ཐུགས་མཐོང་འགྱུར། །དེ་ལས་ཡེ་ཤེས་ལྷ་ཡི་སྐུ། །ཡོངས་སུ་གསལ་བའི་རང་བཞིན་ལྡ། །དེ་ལས་འོད་འཕྲོས་རིམ་པར་རགས་ལ། །འཇིག་རྟེན་གསུམ་ཡང་གསལ་བ་སྟེ། །སླར་འདུས་རིམ་པར་དག་བྱས་ནས། །ཞབས་བསྐྱེད་ནང་ཁུགས་ཐིག་ལེའི་ནང་། །སྤྲོས་མེད་དེ་ཉིད་ལ་བལྟ་བྱ། །དེས་ཀྱང་མི་དམིགས་ཡང་དག་འགྲུབ། །ཕྱི་ནང་ཐིག་ལེའི་རྣལ་འབྱོར་ཞེས། །རིམ་པ་དེ་ལ་བརྟགས་པ་ཡིན། །གསང་བའི་གཞལ་ཡས་བསྟན་པ་ནི། །ཡེ་ནས་རང་འབྱུང་དམ་པ་སྟེ། །རྒྱན་དང་དཔག་བསམ་ཤིང་བུ་དང་། །བླ་རི་མཆོག་དང་རང་བཞིན་གྲུབ། །སངས་རྒྱས་གཞལ་ཡས་དམ་པ་སྟེ། །ཐམས་ཅད་རྒྱན་རྣམས་ཀུན་གྱིས་བརྒྱན། །སངས་རྒྱས་རོལ་མོ་དུས་མས་འཁྲིགས། །མཛེས་པའི་པདྨར་རང་བྱུང་གདན། །དེ་ནི་གསང་བའི་གཞལ་ཡས་ཡིན། །དེ་ཡི་དབུས་ན་བཞུགས་པའི་ལྷ། །གསང་བའི་དཀྱིལ་འཁོར་དམ་པ་སྟེ། །འཕྲལ་དོད་པར་བརྟག་པར་བྱ། །དེ་ལ་སེམས་གཏད་མ་ཡེངས་པར། །ཡང་དང་ཡང་དུ་བྱ་བ་ཡིན། །སེམས་གནས་ནས་ནི་སྤྲོ་བར་བྱ། །གཅིག་གམ་ཡང་ན་རངས་པ་སྤྲོ། །འཇིག་རྟེན་ཁམས་ཀུན་གང་གྱུར་ནས། །སླར་ལ་བསྡུ་ཞིང་ཡང་དང་ཡང་། །སྤྲོ་ཞིང་བསྡུ་བ་བྱས་པས་ནི། །སེམས་བརྟན་གཞལ་དུ་མི་འགྱུར་བའོ། །དེ་ལས་ཡང་དང་ཡང་དུ་ནི། །འཕྲ་བའི་སེམས་ཀྱིས་བཟུང་གྱུར་ན། །མཇུག་ཏུ་དམིགས་པ་མེད་པར་འགྱུར། །འདི་འདྲར་བདེ་བ་ཉམས་སུ་བླང་། །སངས་རྒྱས་ཀུན་གྱི་མཛད་སྤྱོད་པས། །རྣལ་འབྱོར་དམ་པས་དེ་བདེ་བགྱི། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། རྣམ་པར་དག་པའི་ལེའུ་སྟེ་བཅུ་དྲུག་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །བསྐོར་བ་ལན་སྟོང་བྱས་ནས་ནི། །འདི་སྐད་ཅེས་ནི་གསོལ་བ་བཏབ། །ཀྱེ་ཀྱེ་ཐབས་ཆེན་ཀུན་གྱི་བདག །སངས་རྒྱས་ཀུན་གྱི་སེམས་ཆེན་པོ། །སེམས་ཅན་ཀུན་གྱི་སྐྱབས་ཆེན་ལགས། །གཉིས་མེད་ཐུགས་རྗེ་ཅན་ལ་འདུད། །ཡིད་ཆེས་རྣམ་དག་གསུང་ལ་གདན། །སོ་སོའི་དཀྱིལ་འཁོར་གསུངས་པ་དེར། །ཁྲོ་བོའི་དཀྱིལ་འཁོར་ཐམས་ཅད་ཀུན། །རྒྱས་པར་བཅོམ་ལྡན་འདས་གསུངས་ན། །མ་མོ་རྣམས་ཀྱི་དཀྱིལ་འཁོར་རྣམས། །འདི་ལ་འཚལ་བ་གང་ལགས་སམ། །སོ་སོའི་དཀྱིལ་འཁོར་མ་འདྲེས་པར། །གཉིས་མེད་དཔའ་བོས་བཤད་དུ་གསོལ། །དེ་སྐད་ཅེས་ནི་གསོལ་བ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུ་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །སེམས་ཅན་གདུག་པ་བསྒྲལ་དོན་དུ། །མ་མོའི་དཀྱིལ་འཁོར་ལྷག་པར་གཅེས། །ཁྱེད་ཀྱིས་ཞུས་པ་ལེགས་སོ་ལེགས། །མ་མོའི་དཀྱིལ་འཁོར་མི་བཟད་པ། །སོ་སོར་མ་འདྲེས་ངས་བཤད་ཀྱིས། །ཀརྨ་ཧེ་རུ་མ་ཡེངས་ཉོན། །དང་པོ་སྙིང་རྗེ་མངོན་གཞག་སྟེ། །ལས་ཀྱི་གཞིམ་སྟོང་ཉིད་བསྒོམ། །དེ་ལས་ཏིང་འཛིན་རྣམ་པ་གཉིས། །གཞལ་ཡས་དམ་པ་གསལ་བྱས་ཏེ། །དེ་ཡི་དབྱིངས་ཀྱང་འདི་ལྟ་སྟེ། །དབུས་སུ་མཐིང་ནག་གྲུ་གསུམ་ལ། །ཐོད་པའི་འཕྲེང་བས་བསྐོར་བར་བྱ། །གྲྭ་ལ་རྡོ་རྗེ་འཇིགས་བྱེད་བྲི། །དེ་ཡི་ཕྱི་རིམ་ཤར་ནས་ནི། །ལྷོ་ཡི་ཕྱོགས་སུ་ཐིག་ཀྱང་དྲང་། །ལྷོ་ནས་ནུབ་ཏུ་དྲང་བར་བྱ། །ནུབ་ནས་བྱང་དུ་དྲང་བར་བྱ། །བྱང་ནས་ཤར་དུ་དྲང་བ་ཡིས། །གྲུ་བཞི་མཛེས་པར་བྱུང་བཡིན། །དེ་ལ་རོ་ཡི་ཕུང་པོ་དགོད། །དེ་ཡི་སྙིང་གི་ར་གསུམ་ལ། །སོ་སོའི་སྐུ་རྣམས་གསལ་ལྟ་བ། །དབུས་ཀྱི་གྲུ་གསུམ་གདན་ལ་ནི། །ཁྲག་འཐུང་རྒྱལ་པོ་ཡབ་ཡུམ་བསྐྱེད། །ཤར་དུ་དཔལ་ལྡན་རེ་མ་ཏི། །ས་བོན་ལས་ནི་བསྐྱེད་པར་བྱ། །རྫུ་འཕྲུལ་བོང་བུ་དྲེའུའི་སྟེ། །ཞལ་གཅིག་ཕྱག་ཀྱང་བཞི་པ་སྟེ། །གཡས་ཀྱི་དང་པོ་ཕྱག་ན་ནི། །རླུད་ནག་ནང་ནས་རལ་གྲི་འབྱིན། །གཉིས་པ་ཁྲག་གི་ལྕགས་ཀྱུ་འཛིར། །གཡོན་པ་ཐོད་པ་ཁྲག་གིས་བཀང་། །གཉིས་པ་ཏྲི་ཤུལ་རྩེ་གསུམ་བསྣམས། །གདུག་པ་སྤྲུལ་གྱི་ལྷུ་ཚིགས་བརྒྱན། །སྐུ་མདོག་མཐིང་ནག་རལ་པ་སེར། །གྱེན་དུ་མཛེས་པའི་ངང་ཚུལ་ཅན། །སྙན་ཆ་གསེར་་གྱི་ཉི་ཟླ་ལ། །གཡས་ན་སེང་གེ་མཚུངས་མེད་འཆོང་། །གཡོན་ན་སྦྲུལ་སྟོང་གདེངས་ཀ་ཅན། །ཞིང་ཆེན་གཡང་གཞིསསྐུ་སྟོད་གཡོགས། །གཡོན་པའི་སྣམ་ནི་རེ་ལྡེས་དཀྲིས། །གཡས་པ་གླང་ཆེན་ཀོ་རློན་དཀྲིས། །སྐུ་རགས་ཞིང་ཆེན་བ་སུ་ཏ། །གདོང་ལ་ཁྲག་དང་ཞག་ཆེན་གྱི། །ཐེག་ལེ་ཚོམ་བུ་གསུམ་གྱིས་བརྒྱན། །མཆེ་བ་ཟུར་གསུམ་འཇིགས་པ་བསྣོལ། །ཞིང་ཕྲན་ཐོད་འཕྲེང་སེ་རལ་ལ་ཁ། །དཔྲལ་བའི་དབྱེས་ནས་ཟླ་འོད་འབྱུང་། །ལྟེ་བའི་དཀྱིལ་ནས་ཉི་འོད་འཆར། །དབང་གི་ལྕགས་སྒྲོག་ཀོ་རློན་དཀྲིས། །ཞལ་ནས་མི་ཡི་རྒྱུ་མ་ལས། །ཁྲག་གི་ཟར་བུ་ཚང་བར་བསྐྱེད། །བོང་བུ་ཁ་ནི་ཕྱི་ལྟར་བལྟས། །ལྷ་མོ་ནང་དུ་ལྟས་པར་བསྐྱེད། །གཞན་མའི་སྐུ་ཡང་དེ་དང་མཚུངས། །ལྷོ་རུ་རྒྱ་རྟའི་སྟེང་དུ་བསྐྱེད། །རེ་མ་ཛ་ཞེས་བྱ་བའོ། །ནུབ་ཏུ་ལྕགས་ཀྱི་ཕག་པའི་སྟེང་། །རེ་མ་ཛུ་ཞེས་བྱ་བ་ཡིན། །བྱང་དུ་རྔ་མོའི་སྟེང་དུ་སྟེ། །རེ་མ་ཏི་ཞེས་བྱ་བའོ། །རྒྱན་དང་ཆ་ལུགས་གོང་དང་མཚུངས། །དེ་ལྟའི་དཀྱིལ་འཁོར་རྫོགས་པ་དང་། །རང་བཞིན་གྲུབ་པའི་དཀྱིལ་འཁོར་རྣམས། །སོ་སོའི་གནས་ནས་སྤྱན་དྲངས་ཏེ། །ཐུགས་ཀྱི་ཧུ༷་ལས་ལྕགས་ཀྱུར་གྱུར། །དེ་ཡི་གནས་ནས་བསྐུལ་བ་ཡི། །མདུན་གྱི་མཁའ་ལ་བྱོན་པར་བསམ། །དེ་ལ་དམར་གྱི་ཨརྒ་དང་། །མེ་ཏོག་ནག་པོས་མཆོད་པ་བྱ། །དེ་ནས་ཞགས་པས་བསྐོར་བཅུག་ལ། །འཕྲིན་ལས་གང་ཡིན་བཅོམ་བར་བྱ། །དེ་ནས་ལྕགས་སྒྲོག་གཉིས་མེད་བསྟིམ། །དྲིལ་བུས་དོན་རྣམས་གྲུབ་པར་བྱེད། །བརྟན་པར་བཞུགས་པ་གསོལ་བ་བཏབ། །དེ་ལ་མཆོད་པ་བཏབ་པ་ནི། །བདག་གིས་ཐུགས་ལས་བྱུང་བ་ནི། །འཕྲ་མེན་ནག་མོ་མ་ཡི་ཚོགས། །རྣམ་སྨིན་ལུས་ཀྱི་རབ་བསྐུལ་ཏེ། ཁྲ་ཁྲག་དམར་གྱི་མཆོད་པ་ལས། །མ་ཚངས་ཤ་ཕྱེས་བཏབ་བྱ་སྟེ། །ཙིསྟ་འུག་པའི་ཤ་དང་ཚིལ། །སེང་གེ་སྟག་དང་བྱ་རྒོད་དང་། །སྒྱུང་ཁའི་ཤ་དང་སྙིང་དུ་བཅས། །ཀར་རྩ་གཡོ་བའི་རྫས་ཀྱིས་སྤྲས། །དེ་ཡི་དུས་དྲུག་མཆོད་པའམ། །ཡང་ན་ནམ་ཕྱེད་ཉིད་ཀྱི་དུས། །དུས་དེ་གཉིས་པོ་དེ་ལ་མཆོད། །འཕྲིན་ལས་ཡང་དང་ཡང་བཅོལ་བྱ། །དེ་ནས་རྣམ་སྨིན་སྐུ་ལ་བཞུགས། །བཟླས་པ་རྣམས་ནི་ཚུལ་བཞིན་བྱ། །སེང་ལྡེང་ཕུར་པ་ལྔ་བཤམས་ལ། །ལྷ་མོ་བཞི་དང་གཙོ་མོ་བཞི། །སྐུ་ཉིད་དུ་ནི་དེ་གསལ་ཏེ། །ལྟེ་བ་མན་ཆད་གདུག་པའི་ལུས། །སྔོ་བསངས་འཇིགས་པའི་རྒྱན་གྱིས་བརྒྱན། །དབང་དང་བྱིན་བརླབས་ཚུལ་བཞིན་བྱ། །དེ་ལ་སྙིང་པོ་བྱུ༷་བཀོད་ལ། །ཧུ༷་ཕཊ་ནག་པོ་གྲངས་མེད་ལས། །གཙོ་བོའི་ཐུགས་ཁར་དགོད་པར་བྱ། །མ་མོའི་སྙིང་ཁར་རང་སྙིང་པོ། །སྲས་ཀྱི་སྙིང་ཁར་གསོད་པ་ཡིས། །སྙིང་པོ་བཀོད་ལ་བཟླས་པ་བྱ། །མཚན་བཟང་བྱུང་ན་བསྟོད་པ་བྱ། །དེ་ལྷར་ཡང་དང་ཡང་བྱས་ནས། །མ་མོ་གྲུབ་པའི་རྟགས་ཀྱང་འབྱུང་། །གྲུབ་པའི་རྟགས་རྣམས་འབྱུང་བ་དང་། །དྲག་པོའི་ལས་ལ་སྦྱར་བ་ཡིན། །དགུག་དང་བསྟིམ་པ་ཡང་དང་ཡང་། །སྟོངས་བྱེད་དང་ལྷ་ཕྲལ་ནས་ནི། །དེ་ལ་ཕུར་པ་གདབ་པར་བྱ། །དུག་དང་མེ་ཏོག་དང་ནི། །ཁྲག་དུག་རྣམས་ཀྱི་ཐུན་ཡང་བརྡེག །དེ་ལྟར་བྱས་པས་གདུག་ཅན་དེ། །སྐད་ཅིག་ཡུད་ཀྱིས་འཆི་བར་འགྱུར། །ནད་དང་གདུག་པའི་རིམས་དག་དང་། །མི་ཐོགས་མྱུར་དུ་དེ་ལ་འབྱུང་། །མཐར་གྱི་ལས་ལམ་ཡེངས་བྱའོ། །བདག་ཉིད་ཆེན་མོའི་དཀྱིལ་འཁོར་རོ། །དུར་ཁྲོད་བརྒྱད་ཀྱི་གནས་དག་ནས། །གྲུབ་པའི་ལྷ་མོའི་དཀྱིལ་འཁོར་ནི། །དང་པོ་མི་དམིགས་རབ་བསྒོམ་བྱ། །དེ་ཡང་སྔགས་ཀྱིས་བྱིན་བརློབ་ཀྱིས། །ཨོ་ཤཱ་རྒྱ་ཏ་བཛྲ་སྭབྷ་བ་ཨུཏྣ་ཀོ྅ཧ༷། སྟོང་པའི་ངང་ལས་སེམས་གསལ་བསྐྱེད། །ནམ་མཁའི་དཀྱིལ་དུ་ཧྭ༷་བསམ་སྟེ། །དེ་ལས་རྡོ་རྗེ་གཞལ་ཡས་ཁང་། །གཞལ་ཡས་ཁང་པ་དེ་དབུས་སུ། །ཡུལ་ལྔ་མཁའ་གསལ་གྲུབ་པ་ཡི། །དེ་ཡི་དབུས་སུ་རྫོགས་པར་གསལ། །དེ་སྟེངས་གཞལ་ཡས་གསལ་བརྟགས་པ། །འཁོར་ལོ་རིན་ཆེན་འབར་འདྲ་བ། །དེ་དབུས་མཐིང་ནག་གྲུ་གསུམ་བྲི། །འཁོར་ལོ་རེ་ལ་གྲུ་གསུམ་རེ། །དབུས་སུ་མ་ཧྭ་དེ་བ་དང་། །ཨུ་མ་དེ་བ་བསྣོལ་ཏེ་བཞག །ལྷག་མ་བརྒྱད་ལ་གནས་བྱ་བ། །ཞིང་བསྣོལ་རེ་རེས་པད་སྟེངས་སུ། །ཉི་མའི་དཀྱིལ་འཁོར་རེ་རེ་སྟེང་། །དེ་སྟེང་རང་རའི་ས་བོན་སྟེང་། །དེ་ཡང་ཡབ་ཡུམ་རོལ་པ་ལས། །བྱང་ཆུབ་སེམས་ལས་ཤར་བར་བརྟག །དེ་ལ་སྔགས་ཀྱིས་རབ་བསྐུལ་༄་། །བས། །སོ་སོའི་སྐུ་ནི་རབ་སྟོན་གསལ། །ཞལ་གཅིག་ཕྱག་ནི་གཉིས་པ་སྟེ། །སྟག་ལྤགས་གཡང་གཞི་ཤམ་ཐབས་ཅན། །ཞིང་ཆེན་གཡང་གཞི་གོས་སུ་གྱོན། །རལ་པ་སེར་ནག་གྱེན་དུ་བསྒྲེང་། །སྨིན་མཚམས་ཁྲོ་གཉེར་རབ་ཏུ་བསྐྱོད། །མཆེ་བ་རྡོ་རྗེ་རྩེ་གསུམ་བསྣོལ། །ཀོའུ་རི་སྐུ་མདོག་སྔོན་མོ་སྟེ། །གཡས་པ་བྱིས་པའི་དབྱུག་པའོ། །གཡོན་པ་བནྟྲ་རཀྟས་བཀང་། །རྒྱུག་པའི་སྟབས་ཀྱིས་བཞུགས་པར་བྱའོ། །ལྷོ་རུ་བཛྲ་ཙོ་རི་སྟེ། །སྐུ་སེར་ཕྱག་གཉིས་མདའ་གཞུ་འགེངས། །དགོད་པའི་ཚུལ་གྱིས་བཞུགས་པའོ། །ནུབ་ཏུ་བཛྲ་པྲ་མོ་ནི། །དམར་ནག་ཆུ་སྲིན་རྒྱལ་མཚན་འཕྱར། །གཡོན་པ་བརྙ་རཀྟས་བཀང་། །གཡས་བགྲད་གཡོན་པ་བསྐུམ་པའོ། །བྱང་དུ་བཛྲ་བེ་ཏ་ལི། །སྐུ་མདོག་མཐིང་ནག་འཇིགས་པ་ལ། །གཡས་ན་རྡོ་རྗེ་རྩེ་ལྔ་འཕྱར། །གཡོན་ཞིང་ཕང་བར་བཞག་ནས་ནི། །མཆེ་བས་དྲལ་ཞིང་རྒྱུ་མ་འདྲེན། །ས་གའི་ཚུལ་དུ་བཞུགས་པའོ། །ཤར་ལྷོར་བཛྲ་པུ་ཀ་སི། །སྐུ་མདོག་དམར་སེར་འཇིགས་པའི་གཟུགས། །ལག་གཉིས་པང་དུ་བསྣོལ་བའི་སྟེང་། །ཞིང་ཞག་རྒྱུ་མ་ཞལ་དུ་འདྲེན། །ལྷོ་ནུབ་བཛྲ་ཀསྨ་རི། །སྐུ་མདོག་དམར་སེར་འཇིགས་པའི་གཟུགས། །གཡོན་པ་བནྟྲ་རཀྟས་བཀང་། །གཡས་པ་རྡོ་རྗེ་འཁྲུག་ཅིང་གསོལ། །གཡོན་བརྐྱང་གཡས་པ་བསྐུམ་ནས་གནས། །ནུབ་བྱང་བཛྲ་སྨ་ཤ་ནི། །མཐིང་ནག་གཅེར་བུ་འཇིགས་པའི་གཟུགས། །ལག་གཡོན་ཞིང་ཆུང་ཐང་བཞག་ནས། །གཡས་པ་སྙིང་ཕྱུང་ཞལ་དུ་གསོལ། །གཡས་གཡོན་བག་ཙམ་བསྐུམ་པས་གནས། །བྱང་ཤར་བཛྲ་ཙཎྜ་ལི། །སྐུ་མདོག་སེར་སྐྱ་འཇིགས་པའི་གཟུགས། །གཡོན་པས་ཞིང་ལུ་སྨད་གཟུང་ནས། །གཡས་པས་མགོ་བཅད་ཕྱག་ན་འཛིན། །གཡོན་པ་བག་ཙམ་བསྐུམ་པ་ལ། །གཡས་པ་བརྐྱང་སྟེ་གནས་པའོ། ་།ར་དུ་རྟ་ཡི་གདོང་ཅན་ནི། །ལག་གཉིས་ལྕགས་ཀྱུ་བཟུང་བའོ། །ལྷོ་རུ་ཕག་གི་གདོང་ཅན་ནི། །ལག་གཉིས་ཞགས་པ་བཟུང་པའོ། །ནུབ་ཏུ་བ་གླང་གདོང་ཅན་ནི། །ལག་གཉིས་ལྕགས་སྒྲོག་བཟུང་བའོ། །བྱང་དུ་ཆུ་སྲིན་གདོང་ཅན་ནི། །ལག་གཉིས་དྲིལ་བུ་བཟུང་བ་སྟེ། །དཀར་དང་གནག་དང་དམར་དང་ལྗང་། །ཁ་དོག་རིམ་པ་ཤེས་པར་བྱ། །དུར་ཁྲོད་རྒྱན་གྱིས་ལེགས་པར་བརྒྱན། །ཐོད་པའི་འཕྲེང་ལྡན་སེ་རལ་ཁ། །དུར་ཁྲོད་བརྒྱད་ཀྱིས་ཁྱམས་ལ་བརྒྱན། །ཐོད་པའི་གུར་ལ་སོགས་པས་བརྒྱན། །གོང་གི་སྐབས་སུ་ཤེས་པར་བྱའོ། །དེ་ལྷར་གསལ་བའི་དཀྱིལ་འཁོར་དེ། །ཡོངས་རྫོགས་གསལ་བར་བྱ་བའི་ཕྱིར། །གོང་གི་ཐུགས་ཀྱི་འོད་འཕྲོས་པས། །དུར་ཁྲོད་ཆེན་པོའི་གནས་བརྒྱད་ནས། །གྲུབ་པ་མ་མོ་བརྒྱད་སྤྱན་དྲངས། །མདུན་དུ་བྱོན་པར་བསམ་ནས་ནི། །དེ་ལ་དམར་གྱི་ཨརྒས་གསོལ། ་།་ཆེན་ལང་འོ་ང་ཞིང་དུ་བཅས། །བདུད་རྩི་ལྔ་དང་སྦྱ་བའི་རྫས། །དེ་ལ་བསྟབས་ལ་འཕྲིན་ལས་བཅོལ། །དེ་ནས་ཞགས་པར་སྒོ་རུ་གཞུག །ལྕགས་སྐྲོག་གིས་ནི་གཉིས་མེད་བསྟིམ། །དྲིལ་བུས་བརྙེས་བརྟན་པར་བཞུགས་ནས། །དེ་ལ་མཆོད་པ་བཏབ་པར་བྱ། །ལྷ་བཤོས་སྔོན་པོ་དང་ལྡན་ཞིང་། །མེ་ཏོག་སྔོན་པོས་མཆོད་པར་བྱ། །ཏེལ་ཆེན་མར་མེས་འདི་མཆོད་ལ། །མཆོད་པའི་རྫས་རྣམས་ཐམས་ཅད་ཀུན། །པདྨའི་སྣོད་དུ་བླུགས་ལ་མཆོད། །ཤ་དང་རུས་པ་ཁྲ་ག་དག་དང་། །སྙིང་སྣ་མང་པོས་རབ་མཆོད་ལ། །བསྟོད་པ་བྱས་ཏེ་བཟླས་པ་བྱ། །སྲས་མཆོག་མཆོག་གི་ཕུར་པ་ལ། །དགུ་བཤམས་སོ་སོའི་གཟུགས་སུ་སྟེ། །ལྟེ་བ་མན་ཆད་གསོད་པ་ཡི། །དྲག་པོའི་དབྱིངས་སུ་བསྟན་པ་ཡིན། །སྐུ་སྟོང་རྒྱན་རྣམས་གོང་བཞིན་འདྲེའོ། །དེ་ལ་དགོད་པར་བྱ་བའི་སྔགས། །སོ་སོའི་རང་སྔགས་བཀོད་ལ་བྱ། །གཙོ་བོའི་ཐུགས་ཀར་གནས་བྱ་བ། །རྩ་བའི་སྔགས་ལ་ཧས་བཏགས་ཏེ། །གས་ལ་བའི་ཡིད་ཀྱིས་བྲིས་ལ་བཞག །དེ་ནས་འོད་འཕྲོད་གཟི་བྱིན་བསྐྱེད། །གཉིས་པ་དགུག་པའི་ལས་བྱ་ཞིང་། །གསུམ་པས་གསད་ལ་སྦྱར་བ་ཡིན། །ལྷོ་རུ་གྲུབ་ཁུང་ཚེར་མས་དགང་། །གདུག་པའི་གཟེ་མས་མཐའ་ནས་བསྐོར། །རྟེན་པའི་དྲི་མ་ལིང་ག་བྱ། །ཡང་ན་རས་ཆེན་དེ་ལའོ། །མགོ་བོ་ལྷོ་རུ་བསྟན་པ་ཡིན། །རྐང་པ་བྱང་ཤར་མཚམས་སུ་བཅུག །མི་བཟང་གཟུགས་ཀྱིས་མནན་པར་བྱ། །སྤྲུལ་པ་བསམ་ཡས་བཀྱེ་ནས་ནི། །རང་དབང་མེད་པར་འོང་བསམ་ལ། །གོས་པའི་ལྷ་ལ་གསོལ་བ་གདབ། །མཐུན་པའི་གཏོར་མ་འདིར་བྱིན་ལ། །རྦད་པ་དག་ནི་བྱ་བ་ཡིན། །ལྷ་ཉིད་བདུད་དུ་དབབ་པ་སྟེ། །ཉེས་པ་ཡང་དང་ཡང་དུ་བསྒོ །དེ་ནས་་གསང་སྔགས་རྒྱལ་པོ་དེས། །ལྷ་ཡི་གཟུགས་ལ་བཏབ་པར་བསམ། །མ་ཧྭ་དེ་བ་ཤ་ཤག །དེ་ཡིས་ལུས་པོ་རེངས་གྱུར་ནས། །འབྲོས་དང་རྫུ་བའི་དབང་མེད་པའོ། །དེ་ནས་གསང་སྔགས་རྒྱལ་པོ་འདིས། །ལྷ་ལ་བདག་གིས་བསྐུལ་བར་བྱ། །མ་ཧྭ་དེ་བ་དྲི་ས་མ་ཡ་ནར་པྲེ་ཏ་ཡོ་གི་ཁ་ཁ་ཁུཧི་ཁུཧི། མུ་ར་ཡ་སོད་སོད་སྲོག་རྩ་ལད་ཧ་ས་ནི་ཕཊ། །དེ་སྐད་ཅེས་ནི་བསྐུལ་བ་ཡིས། །ལྷ་ཉིད་རབ་ཏུ་ཁྲོས་གྱུར་ནས། །བསད་ནས་བཟོད་པར་རབ་བསམ་བྱ། །ལྷ་ཉིད་བདུད་དུ་དབབ་པའོ། །དེ་ནས་ཕུར་པས་གདབ་པ་སྟེ། །གནས་དགུ་དག་ཏུ་གདབ་པར་བྱ། །གཏུབས་ལ་གདུང་བ་གཞན་བཞིན་ཏེ། །ཞལ་དུ་བསྟབ་ལ་སྒྱིན་སྲེག་བྱ། །མནན་པ་ཐར་གྱི་ལས་ཡིན་པས། །དེ་ལ་ནན་ཏན་བྱ་བ་ཡིན། །དེ་ཡིས་ལས་སྦྱོར་བྱས་ནས་ནི། །ཚངས་པའི་ཚེ་དང་ལྡན་པ་ཡང་། །འཆི་བར་འདི་ལ་ཐེ་ཚོམ་མེད། །དེ་ནས་གཞན་ཡང་བཤད་བྱ་བ། །རིག་སྔགས་བཅད་པའི་ཐབས་རྣམས་ནི་ཡང་དག་ཉིད་དུངས་བཤད་བྱ། དཀྱིལ་འཁོར་མཐིང་ནག་གྲུ་གསུམ་བྲི། །དེ་དབུས་རྡོ་རྗེ་རྒྱ་གྲམསྟེ། །མཐིང་ནག་རབ་ཏུ་འབར་བ་བྲི། །མཐའ་མ་མེ་དཔུང་འཁོར་ལོ་བྲི། །དེ་ཡི་མཐའ་མ་གདུག་པ་ཡི། །མཚོན་ཆ་འབར་བས་བསྐོར་བ་བྲི། །དེ་ལ་གནས་པའི་ལྷ་སྨིན། །ཐོབ་པ་བརྟན་འདོད་རྣལ་འབྱོར་པས། །མཐོང་དང་ཐོས་དང་ལྷན་ཅིག་གནས། །འཁྱུད་དང་ཕྲད་དང་སྤྱད་པ་ཡིས། །ལྷན་ཅིག་སྐྱེས་པའི་ཡེ་ཤེས་སྐྱེ། །དབང་དང་མི་ལྡན་སྐལ ངན་དང་། །དམན་པས་མི་རྟོགས་ཡུལ་མིན་པས། །གསང་བ་ཞེས་ནི་བཤད་པ་ཡིན། །དེ་ནས་གཞན་ཡང་བཤད་བྱ་བ། །རིམ་པའི་ཏིང་འཛིན་མཐར་ཕྱིན་ནས། །སྐུ་དང་གསུང་དང་ཐུགས་ལྡན་པའི། །ཚོམ་བུ་གསུམ་པར་ལྡན་པ་ཡི། །སུམ་ཅུའི་དཀྱིལ་འཁོར་བསྒོམ་པར་བྱ། །གང་དུ་རྒྱས་པའི་དབང་གྱུར་ལ། །རིག་ལྔ་ཡེ་ཤེས་ལྔར་ལྡན་ཅིང་། །སྐུ་གསུང་ཐུགས་དང་ཡོན་ཏན་ལས། །བདུན་ཅུའི་རིམ་པ་བསྒོམ་པར་བྱ། །མོས་ཆུང་གསང་བར་སྤྱོད་འདོད་པས། །ཚོམ་བུ་གཅིག་པའི་དཀྱིལ་འཁོར་ཏེ། །བཅུའམ་ཡང་ན་བཅྭ་བརྒྱད་པའི། །ཚོམ་བུ་ཐ་མ་བསྒོམ་པར་བྱ། །འདིར་ནི་དཀྱིལ་འཁོར་ཀུན་འདུས་པའི། །ཚོགས་ཀྱི་འཁོར་ལོ་བསྒོམ་པར་བྱ། །གང་དུ་གདུག་པ་འདུལ་བ་ཡི། །དཀྱིལ་འཁོར་རིམ་པ་དེ་བཞིན་ཏེ། །རིམ་པ་བསྒྱུར་བའི་ཁྲོ་བོ་ནི། །རིམ་པ་མ་འདྲེས་ཙམ་དུ་བསྒོམ། །རྣལ་འབྱོར་ཡོ་བྱད་ཚོགས་པ་ཡིས། །དཀྱིལ་འཁོར་ཏིང་འཛིན་སྤྱོད་ཚོགས་པ། །མ་ལུས་ཚོགས་པས་ཚོགས་ཞེས་བྱ། །དང་པོར་དད་དང་བརྩོན་འགྲུས་དང་། །དམ་ཚིག་ལྟ་སོགས་སྔོན་སོང་ཞིང་། །རིམ་བཞིན་ཏིང་འཛིན་མཐར་ཕྱིན་པས། །ནུས་པ་ཡོད་པའི་རྣལ་འབྱོར་པ། །སྐལ་ལྡན་དྲོད་ཚད་མཉམ་པའམ། །མི་ལྡན་འཕྲོ་འདུས་སྦྱངས་པས་འགྲུབ། །རབ་ཏུ་དབེན་ཞིང་ཡིད་འོང་བ། །རི་རྩེ་གསང་འདབ་ཆུ་གླིང་ངམ། །དུར་ཁྲོད་རི་བོར་ནགས་འདབ་སྟེ། །སྐྱེ་བོ་འདུས་དང་རྣམ་བྲལ་ཞིང་། །བར་ཆད་བྲལ་བའི་ས་ཕྱོགས་དེར། །རྣལ་འབྱོར་རྒྱལ་པོ་ལྟ་བུའི་ཕྱིར། །རིན་ཆེན་ཡིད་འོང་མཛེས་བརྒྱན་པའི། །འཁོར་ཁང་ཕྱི་ནང་བར་ལྡན་པ། །འཆག་སར་བཅས་པར་བརྩམ་པར་བྱ། །རྣལ་འབྱོར་ཕོ་མོ་གྲངས་མཉམ་པ། །ལྟ་སྤྱོད་ཏིང་འཛིན་དམ་ཚིག་ཚང་། །བྲོ་གར་འདུ་འཕྲོ་ཡོ་བྱད་དང་། །གླུ་ཚིག་སྒྲ་ཡི་ཡོ་བྱད་དང་། །བཟའ་དང་བཏུང་བའི་ཡོ་བྱད་དང་། །རྒྱན་དང་བགོ་བའི་ཡོ་བྱད་དང་། །ཨུ་ལི་ཀྭ་ལི་མཉམ་སྦྱར་ཞིང་། །ཉི་ཟླ་བརྩེགས་པའི་ངོ་བོར་བཞུགས། །ལྷ་དང་མི་དང་ཡོ་བྱད་དང་། །གནས་དང་སྤྱོད་པ་ཀུན་ཚོགས་པས། །དེ་དག་ཚོགས་སུ་བཤད་པ་ཡིན། །ཐབས་དང་ཤེས་རབ་འབྲེལ་གྱུར་ནས། །ཡབ་ཡུམ་གསལ་བའི་ཏིང་འཛིན་ལ། །མཐའ་ཐུག་མེད་པའི་རྒྱལ་བ་རྣམས། །ནམ་མཁའི་ཆར་བཞིན་ཀུན་བཀུག་ལ། །ཡབ་ཡུམ་གཉིས་མེད་འདྲེས་པ་ལ། །དབང་བསྐུར་བྱིན་བརླབས་རྒྱན་བཏགས་ཏེ། །བདུད་རྩི་ལྔ་དང་ཤ་ལྔ་དང་། །བཟའ་བཏུང་ལྷ་ལ་ལྷ་རོལ་ཞིང་། །འོད་ཀྱིས་མ་ལུས་ཚིམ་པ་དང་། །འགྲོ་མང་བདེ་བ་ཐོབ་པར་བྱ། །བྲོ་ལྔ་གར་ལྔ་སྟབས་ཚིག་ལྔ། །བྲོ་གར་རྩེ་འཇོ་བརྗོད་པ་ཡིས། །རིགས་ཀྱི་འོད་ཟེར་འཕྲོ་འདུར་གསལ། །འགྲོ་བའི་ཕྱིནང་ནི། །མི་འམ་ཅི་ཡི་གདོན་རྣམས་བསད་པར་བྱ། །མཐེ་བོང་ཕྱོགས་ནས་བཟུང་ནས་སུ། །འགྲོ་བ་མི་བསྲུན་ཐམས་ཅད་དང་། །ས་ལ་གནས་པའི་གདོན་རྣམས་བཅད། །ས་ལ་གནས་པའི་གདོན་རྣམས་བཅས། །གཡས་པའི་སྤྱི་བོས་ཕྱོགས་ནས་ནི། །གོང་མའི་ཚུལ་དུ་བྱས་ནས་ནི། །བླུན་ཅན་བརྟུལ་ཞུགས་བྱས་ནས་ནི། །གྲུལ་བུམ་བགེགས་རྣམས་གཅད་པར་བྱ། །རླུད་གི་ཕྱོགས་སུ་དྲིལ་ནས་སུ། །ཀླུ་སྲིན་གདོན་རྣམས་གཅད་པར་བྱ། །གསུམ་པ་རྗེ་ངར་ཕྱོགས་ནས་ནི། །བགེགས་རྣམས་མ་ལུས་གཅད་པར་བྱ། །ཡི་དགས་བགེགས་རྣམས་མཚོན་གྱིས་བཅད། །གཡོན་པའི་སྤྱི་བོའི་ཕྱོགས་ནས་ནི། །གླས་རྐང་གཅིག་ནི་དྲིལ་ནས་སུ། །སྲིན་པོའི་བགེགས་རྣམས་གཅད་པར་བྱ། །གཉིས་པའི་བླ་ཡི་ཕྱོགས་ནས་ནི། །གོང་མའི་ལས་རྣམས་དེ་བཞིན་བྱ། །བྲག་སྲིན་འགོང་པོ་ཐེ་བྲང་དང་། །སྐྱེ་འགྲོ་ལ་ནི་གནོད་པའི་གདོན། །དེ་དག་ཐམས་ཅར་གཅད་པར་བྱ། །དེ་ནས་གསུམ་པ་རྗེ་ངར་ལ། །ལས་ཐབས་དེ་བཞིན་བྱས་ནས་སུ། །མ་བདུན་དང་ནི་སྲིང་མོ་བཞི། །དེ་ཡི་གནོད་པ་བསམ་པར་བྱ། །དེ་ནས་བརླས་རྐང་བཅུ་གསུམ་གྱིས། །ཆོ་ག་རབ་ཏུ་དྲིལ་ནས་ཀྱང་། །ཀུ་ཤའི་རྩ་ཡི་དབུས་སུ་དྲིལ། །སྔོ་དམར་རྣམ་པ་སྣ་ཚོགས་ཀྱིས། །རྡོ་རྗེ་འཛིན་པ་དྲིལ་བཅིངས་ནས། །རྐང་པ་གཉིས་ནི་མཐིལ་སྦྱར་ནས། །མཐེ་བོང་ཕྱོགས་ནས་དང་པོ་དགྲོལ། །དེ་ནས་མཛུབ་མོའི་ཕྱོགས་ནས་ཏེ། །དེ་ནས་གུང་མོའ་ཕྱོགས་ནས་དགྲོལ། །དེ་ནས་སྲིན་ལག་ཕྱོགས་ནས་ཏེ། །དེ་ནས་མཐེའུ་ཆུང་ཕྱོགས་ནས་དགྲོལ། །དེ་ནས་མཐེའུ་ཆུང་ཕྱོགས་ནས་ཏེ། །དེ་ནས་རྐང་པ་གཡས་པ་ཡི། །ཀུ་ཤ་རྐང་པ་རབ་མནན་པ། །སྐྱེས་པའི་ཕོ་མཚན་ཐོག་ཏུ་ནི། །རྡོ་རྗེ་འཛིན་པའི་ཕྱག་རྒྱ་ཡིས། །ལན་དགུ་རུ་ནི་བྱབ་པར་བྱ། །དེ་ནས་ཅུང་ཟད་བསྣུར་ནས་ནི། །རལ་གྲི་ལག་པར་བླངས་ནས་ནི། །རྡོ་རྗེ་སྣོན་པོའི་ཕྱག་རྒྱ་ཡིས། །ཕྱོགས་བཞི་དང་ནི་མཚམས་བཞིར་སྲ །དེ་དག་ལ་ནི་བསྡིགས་པར་བྱ། །ཁྲོ་མོ་བརྒྱད་པོའི་བྱིན་བརློབས་ཏེ། །དེ་རྗེས་ཕྱོགས་མཚམས་སྟེང་འོག་ཏུ། །རྡོ་རྗེ་གོ་ཆ་དག་ཀྱང་བྲི། །དེ་ནས་སྔགས་མཁན་བདག་ཉིད་ནི། །ནག་པོའི་སྟན་ལ་འདུག་ནས་ནི། །བསྲུང་བར་བྱ་བ་གང་དང་གང་། །སྔགས་ཀྱིས་བཏབ་པའི་གོས་ཀྱངསྤྱིན། །དེ་ན་ཡོན་གྱི་བྱེ་བྲག་རྣམས། །གླང་པོ་རྟ་དང་མ་ཧེ་རྣམས། །འདོད་པའི་འབྱོར་བ་ཅི་ཡོད་པས། །བླ་མ་དེ་ལ་མཉེས་པར་བྱ། །དེ་ནས་སློབ་དཔོན་དམ་པ་སྟེ། །བདེ་བར་གཤེགས་པའི་སྲས་ཡིན་པས། །བདེ་བར་གཤེགས་ལ་ཕྱག་ཀྱང་གྱིས། །དེ་རིང་ཕན་ཆད་བུ་ཁྱོད་ནི། །རྒྱལ་བའི་སྲས་དང་འཁོར་ཡིན་པས། །ང་ཡིས་བསྲུང་བ་ཆེན་པོ་བརྩམ། །མཚོན་ཆ་འབར་བས་རབ་བསྐོར་ལ། །དེ་ལ་བསྲུང་པོ་མང་པོ་བརྩམ། །ཨོ་སྒྲུ༷་ཕཊ་ཏ་ཐུ་ག་ཏ། པ་རབིཏ། །སྣྲིསྟོསྤྱིསྟོཧུ༷ ཕཊ། ཨོབཛྲ་ཏིག་ཤུན་ཨ། ཨོ་ཡ་མན་ཀ་ཙཎྜ་ཡོ་རྔ་ཡ་ཧུ༷་ཕཊ། ར་ར་ར། ཧུ༷་ཧུ༷་ཧུ༷། ཕཊ་ཕཊ་ཕཊ། ན་མ་ཙཎྜདྷ་ན་དྷ་ནན། བཛྲ་ཏི་ཏི་ཏི། ན་མ་ཙཎྜ་བྷན་དྷ་ནན། །མུ༷་མུ༷། བཛྲ་བཛྲ། ཧུ༷་ཧཱུཾ་ཕཊ་ཕཊ། དེ་ནས་རིག་སྔགས་ལ་ཞེན་ནས། །རལ་གྲི་འོ་མས་བཀྲུ་བྱས་ནས། །ས་གཙང་དག་ཏུ་བསྐྱལ་བར་བྱ། །ཨོ་ཀུ་ལ་ན་དྷ་རི་བྷན་དྷ་བྷསྟོ་གྲྭཧྭ། པ་ན་ཏ་ར་བྷ་གྭཧྭ། ཨ་ཏ་ར་སི་ཏ་སྲུཧྭ། ཨོ་ཨ་མོ་ཀ་ཕྲ་ཏ་ཧ་ར་ཏ་གྲྭཧྭ། །ཨོ༷་ཏ་རི་ཤ་རི་མཎྜལ་གྲྭཧྭ། དེ་ནས་རང་གི་དཀྱིལ་འཁོར་བསྡུ། །བདེ་བའི་སེམས་སུ་གསན་པར་བྱ། །ལས་འདི་བརྩམས་ན་ལྷ་སྲིན་རྣམས། །དེ་དག་ཀླུ་ལ་སོགས་པ་ཡི། །གནོད་པས་དེ་ལ་གོས་མི་འགྱུར། །སྤྲུལ་པའི་མ་མོའི་དཀྱིལ་འཁོར་ནི། །ཏིང་འཛིན་ལས་རྣམས་དེ་བཞིན་ཏེ། །གཞལ་ཡས་སྐབས་སུ་བསམ་བྱ་བ། །་དབུསསུ་མཐིང་ནག་གྲུ་གསུམ་བྲི། །རྡོ་རྗེ་རྒྱ་གྲམ་གཉིས་པ་ཡིས། །ར་ཡི་ནང་དུ་གྲུ་གསུམ་རེ། །དེ་རྣམས་ཉི་མའི་དཀྱིལ་འཁོར་འོག །ཞིང་རྐང་རེ་རེ་བསམ་བྱའོ། །དེ་ཡི་སྟེང་དུ་བསམ་བྱ་ལྷ། །དབུས་སུ་བཅོམ་ལྡན་ཁྲག་འཐུང་སྟེ། །རྒྱན་དང་ཕྱག་མཚན་དེ་བཞིན་ནོ། །ཡབ་ཡུམ་གཉིས་མེད་སེམས་ལས་ནི། །ས་བོན་སོ་སོའི་གནས་བསམ་ལ། །དེ་ལས་བདག་པོས་བསྐུལ་བ་ནི། །སོ་སོའི་གདནལདེབཞིནཏེ། ཁྲརགྱིཕྱོགས་སུ་བསམ་བྱ་བ། །སྤྲུལ་པ་སིང་ཧ་མུ་ཁ་ནི། །སྐུ་མདོག་དཀར་ལ་སེང་གེའི་མགོ །ལག་པ་གཡས་གཡོན་བསྣོལ་ནས་ནི། །ཞལ་དུ་ཞིང་བཅུག་བལྟ། །རྐང་པ་མཆོག་པའི་སྟབས་འདུག་པའོ། །ལྷོ་རུ་སྤྲུལ་པ་བྱ་ཀྲི་ནི། །སྐུ་སེར་ལག་པ་པུས་མོར་བསྣོལ། །འགྱིང་བའི་སྟོབས་འདུག་ཞིང་ལ་ནི། །འབྲུ་ཚུགས་བཞིན་གྱིས་ལྟ་བའོ། །ནུབ་ཀྱི་ཕྱོགས་སུ་བསམ་བྱ་བ། །སྤྲུལ་པའི་སྲི་ལ་ཆེན་མོ་ནི། །སྐུ་མདོག་དམར་མོ་ལག་གཉིས་ཀྱིས། །ཞིང་གི་ཁོག་བ་དྲ་བ་སློད་ནས། །ཁྲག་དང་ནང་ཀྲོལ་ཟ་བྱེད་པ། །རྐང་བ་བསྒྲིལ་ནས་གནས་པའོ། །བྱང་དུ་བསམ་པར་བྱ་བ་ནི། ཁྲ་་ན་སྤྲུལ་པ་ཆེན་མོ་ནི། །ལྗང་ཁུ་ཕྱག་གཉིས་ཞིང་ཁོག་འདྲལ། །དེ་ལ་ལྟ་ཞིང་ཧ་ཧ་ས་འདེབས། །ཞབས་གཉིས་བགྲད་པའི་ཚུལ་གནས་པའོ། ཁྲར་ལྷོར་བསམ་པར་བྱ་བ་ནི། །སྤྲུལ་པ་ཀྲི་ཏ་ཆེན་མོ་ནི། །སེར་སྐྱ་འཇིགས་པའི་ལག་གཉིས་ཀྱིས། །ཞིང་གི་རྒྱུ་མ་འདྲེན་ཅིང་ཟ། །ཞབས་གཉིས་མཚན་སྟོན་ཚུལ་དུ་གནས། །ལྷོ་ནུབ་མཚམས་སུ་བསམ་བྱ་བ། །ཀང་ཀ་སྤྲུལ་པ་ཆེན་མོ་ནི། །དམར་ཆེན་ཞིང་གི་ཁོག་སྟོད་ཟ། །གཡོན་པ་བནྟྲ་རཀྟས་བཀང་། །ཞབས་གཉིས་གྱད་ཀྱི་དོར་ཐབས་སོ། །བྱང་ཤར་མཚམས་སུ་བསམ་བྱ་བ། །སྤྲུལ་པ་ཧུ་ལུ་ཆེན་མོ་ནི། །སེར་སྐྱ་གཡས་ན་རྡོ་རྗེ་སྟེ། །གཡོན་ན་བནྟྲ་ཞིང་ཀླད་ཁྲག །༣བྲུག་ཅིང་ཞལ་དུ་གསོལ་བར་བྱེད།ཞབས་གནས་རྟིང་སྤྲད་བསྣོལ་བས་གསན། །ཀུན་ཀྱང་འཇིགས་པའི་གཟུགས་ཅན་དེ། །ཐོད་པའི་འཕྲེང་བ་དོ་ཤལ་ཅན། །སྟག་ལྤགས་གཡང་གཞི་ཤམ་ཐབས་དཀྲིས། །སྦྲུལ་གྱི་ཆུན་པོས་མདོ་རྣམས་དཀྲིས། །ཁྲག་དང་ཞག་གི་ཐིག་ལེས་བརྒྱན། །དུར་ཁྲོད་བརྒྱད་ཀྱི་གཞལ་ཡས་ནང་། །སྤྲུལ་པའི་སྐུ་ནི་མི་བཟད་པ། །ཁྲོས་མ་དེ་རྣམས་བསམ་པར་བྱ། ཁྲར་ལ་སོགས་པའི་སྒོ་མ་རྣམས། །གང་གི་སྐབས་ལས་ཤེས་པར་བྱ། །དེ་ལྟར་ཡོངས་སུ་རྫོགས་པའི་རྗེས། །རང་བཞིན་གྲུབ་པའི་གནས་ནས་ནི། །སྤྲུལ་པའི་དཀྱིལ་འཁོར་སྤྱན་དྲངས་ལ། །མདུན་གྱི་མཁའ་ལ་བཞུགས་པར་བསམ། །དེ་ལ་གཏོར་མ་བཏབ་པར་བྱ། །སེང་གེ་སྟག་དང་ཝ་དང་ནི། །སྤྱང་ཁུ་བྱ་རྒོད་སྒྱུང་ཁ་དང་། །ཁྭ་དང་འུག་པའི་སྙིང་དང་ཤ །ཁྲ་དང་ཤ་སྣ་ཚོགས་པ་ཡིས། །གཏོར་མ་བྱས་ལ་བཏབ་པར་བྱ། །ལས་རྗེས་ཐམས་ཅད་བཅོམ་བར་བྱ། །སངས་རྒྱས་བསྟན་པ་བསྲུང་བའི་ཕྱིར། །འདི་དེ་ཁྱེད་ཀྱིས་དང་དུ་བཞེས། །དགུག་དང་བསྟིམ་པར་ནི། །ཇི་ལྟར་རྒྱས་པ་བཞིན་དུ་བྱ། །དེ་ལ་མཆོད་པ་ཡང་དག་དབཡལ། །གོང་གི་རྫས་ཀྱིས་འདིར་བྱའོ། །མེ་ཏོག་གོང་བཞིན་འདི་ཡང་ཤེས། །དེ་ནས་བཟླས་པ་བརྩམ་བྱ་སྟེ། །སྲས་མཆོག་བྱ་རྒོད་ཕུར་པ་དགུ །སོ་སོའི་ལྷ་ཉིད་དུ་བསྐྱེད་ལ། །སྙིང་པོས་བསད་པའི་སྔགས་བཀོད་ལ། །དེ་ལ་བཟླས་པ་བྱ་བ་ཡིན། །དེ་ལྟར་བཟླས་བ་གྲངས་ཚང་ནས། །མཚན་མ་བཟང་པོ་བྱུང་བ་དང་། །ལས་ལ་སྦྱར་བ་བྱ་བ་ཡིན། །འབྲུ་སྣ་ལྔ་ལ་དྲི་མས་སྤྲས། །བོང་བུའི་བདུད་རྩི་རབ་སྦྲུས་ལ། །དེ་ལ་མཚན་མ་གྲོ་ག་ལ། །ཕོ་དང་མོ་ཡིག་གཤག་ཕྱེ་བྲི། །ཕོ་ནི་སྙིང་ཁར་བྲུས་ལ་རྫང་། །མོ་ནི་དཔྲལ་བར་གླན་ནས་ནི། །ཚོན་སྣ་ལྔ་ཡིས་གཟུགས་ཕུང་བཅིང་། །ལྕག་གིས་ནི་སྐྱེ་ནས་གདགས། །བཅོམ་ལྡན་མདུན་ནི་ཆོས་དབྱིངས་མ། །དེ་ཡི་གནས་སུ་བཞུགས་པར་བྱའོ། །དེ་ལས་སྤྲུལ་པའི་འཇིག་རྟེན་ཁེངས། །གནས་དང་བཅས་པར་དེ་བཀུག་ནས། །མཚན་མ་དང་བཅས་ལུས་པོ་ནི། །གཞལ་ཡས་དམ་པའི་མདུན་བཞག་ལ། །དེ་ལ་དབྱེ་བའི་ལས་རྣམས་ཀུན། །ཇི་ལྟར་རྒྱས་པ་བཞིན་འདིར་བྱ། །མཚན་མ་རྣམ་གསུམ་བྱུང་བ་དག་། །གདབ་བའི་ལས་ལ་སྦྱར་བར་བྱ། །གཏུབ་པ་ལ་སོགས་སྦྱར་བར་བྱ། །མཐར་གྱི་ལས་ལ་ངེས་པར་སྦྱར། །དེ་ལྷར་བྱས་ན་གདུག་པའི་ཚོགས། །ཐང་ཅིག་ཡུད་ཀྱིས་འཆི་བར་འགྱུར། ་༑ན་མུ་ཁའི་དཀྱིལ་འཁོར་ནི། །དང་པོ་ཚངས་པའི་གནས་བཞི་སྟེ། །དེ་རྗེས་གཏོང་བ་ཆེན་པོའི་སེམས། །གསལ་བའི་ངང་ཉིད་བདག་པོ་ཡིས། །ས་བོན་ཉིད་ལས་ཐམས་ཅད་བསྐྱེད། །དེ་ཡི་གཞལ་ཡས་དབྱིབས་བསྟན་པ། །དབུས་ཀྱི་གྲུ་བཞི་ལྷམ་པ་ལ། །ཐིག་བཞི་བཏབ་པས་ལེ་ཚེ་དགུ། །དེ་ནི་ཞིང་གི་གདུང་དང་ཀ །ལེ་ཚ་རེ་ལ་གྲུབ་གསུམ་རེ། །ཕྱི་རོལ་པདྨས་བརྒྱན་པ་བྲི། །དེ་དབུས་བཅོམ་ལྡན་གཙོ་བོ་སྟེ། །རོ་ཡི་གདན་ལ་གནས་པ་བསྐྱེད། །དེ་ཡོངས་རྫོགས་པའི་རིམ་པས་སོ། །ཡབ་སྐུ་ཡོངས་སུ་རྫོགས་པས་ནི། །ཡུམ་ལས་དེ་བཞིན་ཕང་བར་གསལ། །ཐབས་དང་ཤེས་རབ་མཐུ་ལས་ནི། །བྱང་ཆུབ་སེམས་ཀྱི་འོད་འཕྲོས་པས། །པདྨ་ཉི་མའི་གདན་སྟེངས་སུ། །འོད་དཔུང་སོ་སོར་གསལ་བར་ཤར། །དེ་ལས་སྐུ་རྣམས་རྫོགས་པར་བསྐྱེད། །ཤར་དུ་འཇིགས་བྱེད་སེང་གེའི་མགོ །གཡས་པ་ཕུར་བུ་གཡོན་ལྕགས་ཀྱུ། །དཀར་ལ་རྒྱུག་པའི་སྟབས་སུ་བཞུགས། །ལྷོ་རུ་འགུགས་བྱེད་སྟག་མོ་ཡི། །གཡས་ཞགས་གཡོན་ནེ་ཕུར་པ་ཡིན། །གསེར་མདོག་མཆོང་གི་སྟབས་སུ་བཞུགས། །ནུབ་ཏུ་ཤོ་ན་མུ་ཁ་ནི། །དམར་པོ་ཝ་མགོ་པ་ཡི་སྟབས། །གཡས་པ་ལྕགས་སྒྲོག་གཡོན་ཕུར་པའོ། །བྱང་དུ་ཟ་བྱེད་སྤྱང་མོའི་མགོ །ལྗང་ཁུ་སྒེག་པའི་སྟབས་སུ་གནས། །གཡས་པ་དྲིལ་བུ་གཡོན་ཕུར་བུ། །བྱང་ཆུབ་ཤར་མཚམས་སུ་ལྕགས་སྤྱང་བཞི། །རོ་ཡི་རྐང་བཟའ་བར་བརྟག ཁྲར་ལྷོའི་མཚམས་སུ་ཁྱི་བཞི་སྟེ། །རོ་ཡི་ལག་བཟ་བར་བརྟག །ལྷོ་ནུབ་མཚམས་ལ་ཁྱི་བཞི་སྟེ། །མགོ་བོ་གཅོད་ཅིང་ཟ་བའོ། །ནུབ་བྱང་ལྕགས་ཀྱི་སྤྱང་མོ་བཞི། །ལག་གཡོན་ཟ་ཞིང་གསལ་བར་བརྟག །སྒོ་མ་ཕྱི་ཡི་དཀྱིལ་འཁོར་བཞིན། །གསལ་བར་བརྟག་པར་བྱ་བ་ཡིན། །དེ་ལྟར་དཀྱིལ་འཁོར་རྫོགས་པ་དང་། །བདག་པོའི་དཀྱིལ་འཁོར་རབ་བཀུག་སྟེ། །ལྕགས་ཀྱུའི་རང་བཞིན་སྤྲོས་པ་ལས། །རང་བཞིན་གནས་ནས་དེ་བཀུག་ལ། །མདུན་ན་གནས་པ་རྟགས་ཏེ། །མེ་ཏོག་དམར་པོས་ཡང་དག་མཆོད། །བཤོས་བཟང་དམར་པོ་དེ་བཞིན་ཏེ། །ཙན་དན་དམར་པོའི་ཆུས་ཁྲུས་གསོལ། །དེ་ལ་བཏབ་པར་བྱ་བ་ནི། །ཉི་མའི་རྫས་རྣམས་ཐམས་ཅད་དང་། །ཙན་དན་དམར་པོ་བདུད་རྩི་ལྔ། ཁྲ་སྣ་ཚོགས་པས་བརྒྱན་བྱསལ། །པདྨའི་ནང་དུ་བླུག་ལ་བཏབ། །འཕྲིན་ལས་གཉན་པོ་དེ་ལ་བཅོལ། །གང་ཡིན་ལས་དེ་འགྲུབ་པར་གྱིས། །དེ་ནས་གཞུག་དང་བསྟིམ་དང་བཏན། །དེ་ལྟར་བྱས་པའི་དཀྱིལ་འཁོར་ལ། །མཆོད་བསྟོད་འཕྲིན་ལས་གོང་བཞིན་བཅོལ། །དེ་ནས་ཟངས་ཀྱི་ཕུར་པ་ལྔ། །སྲས་མཆོག་སོ་སོའི་རང་བཞིན་དེ། །བྱིན་གྱིས་བརླབ་པ་གཞན་ལས་སོ། །ཡུམ་གྱི་དཀྱིལ་འཁོར་དེར་གནས་དེ། །ཐུགས་ཁར་གསོད་པའི་སྙིང་པོ་དགོད། །མཆོད་བསྟོད་ཚུལ་བཞིན་བྱས་ནས་ནི། །བཟླས་པའི་རིམ་པ་བྱ་བ་ཡིན། །དེ་ལྟར་བྱས་པས་མཚན་མ་འབྱུང་། །དེ་ནས་ལས་ལ་སྔར་བར་བྱ། །ཁྲག་དང་ཇུ་ཚེའི་ཕུབ་མ་ལ། །མེ་ཏོག་དམར་པོའི་ཕྱེ་མས་གདབ། །རཀྟ་སྣ་ལྔའི་དྲི་མར་བཅས། །དེ་ལ་གཟུགས་བརྟན་བྱ་བ་ནི། །པདྨའི་འདབ་མ་རེ་རེ་ལ། །དེ་ལ་མིང་དུ་བྲིས་ནས་ནི། །གཟུགས་བརྙན་ལ་ནི་གླན་པར་བྱ། །ཕྱི་རོལ་ཕྱོགས་སུ་རབ་བཀུག་ལ། །དེ་ལ་བསྟིམ་ལ་བདེན་པ་བདར། །འགོ་བའི་ལྷ་ལྔ་བཀུག་ནས་ནི། །དེ་ལ་མཐུན་པའི་རྫས་བྱིན་ལ། །འདི་ལ་སྐྱོབ་པ་མ་བྱེད་ཅིག །གལ་ཏེ་འདི་ལ་སྐྱོབ་པ་ན། །ང་ཡི་རྡོ་རྗེ་ཡེ་ཤེས་འདིས། །མགོ་ནས་བརྒྱབ་པས་རྟིང་པར་འགེམ། །མི་བཟད་སྡུག་བསྔལ་མྱོང་འགྱུར་ཏེ། །ཐུར་དུ་བལྟས་ཏེ་དམྱལ་བར་འགྲོ །དེ་བས་དམ་ལ་གནས་གྱིས་ལ། །ང་ཡི་བཀའ་ལས་མ་འདའ་བར། །རང་གི་གནས་སུ་བདེ་མནོས་ལ། །འདི་ལ་བསྲུང་སྐྱོབ་མ་བྱེད་བསྒོ། །རླུང་གི་དཀྱིལ་འཁོར་དེ་བསྐྱོན་ལ། །འཇིག་རྟེན་ཁམས་གཞན་བསྐྱལ་ལ་བཞག །དེ་ནས་ཞགས་པས་སྐེད་ནས་གདགས། །ལ་ལས་ཁྲིད་ལ་ལ་་ལས་བརྡེག །རང་དབང་མེད་པ་དེ་ཁྲིད་ལ། །ཡུམ་གྱི་གནས་སུ་བཞག་པར་བྱ། །དེ་ལ་རི་རབ་ཀྱིས་མནན་ལ། །མཐུ་དང་རྫུ་འབྲུལ་ཡང་དང་ཡང་། །ཐུན་མཚམས་རྣམས་སུ་བྱ་བ་ཡིན། །དེ་ལྟར་བྱས་པས་མཚན་མ་རྣམས། །མངོན་སུམ་འདྲ་བར་གསལ་བར་འགྱུར། །དེ་ལ་གནས་ལ་དྲག་ཏུ་གདབ། །ག་་པའི་ཁྲོ་བོ་སྤྲུལ་པ་སྟེ། །མནན་པའི་ལས་ཀྱང་དེ་བཞིན་བྱ། །བརྡུང་དང་བཏབ་མནན་དེ་བསྒྲུབ་ཤིས། །རྡོ་རྗེ་འཛིན་པ་ཉིད་ཀྱང་ནི། །འཆི་བར་འགྱུར་བ་ཐོགས་མེད་ན། །གདུག་པའི་སེམས་ཅན་སྨོས་ཅི་དགོས། །ས་བདག་ཆེན་མོའི་དཀྱིལ་འཁོར་ནི། །དང་པོ་དམིགས་པ་གཙོར་བྱས་ནས། །དེ་བསྒྲལ་དོན་དུ་ལས་འཇུག་བྱ། །སྟོང་ཉིད་ལ་སོགས་གསལ་བ་བལྟ། །ཡིད་བཞིན་ནོར་བུ་རིན་ཆེན་ལྟར། །ཐམས་ཅད་གསལ་བར་བཤད་པ་ཡིན། །གཞལ་ཡས་ཁང་པ་རབ་གསལ་བ། །དེ་ཡི་མཚན་ཉིད་བཤད་པར་བྱ། །དབུས་སུ་མཐིང་ནག་འབར་བ་སྟེ། །དེ་ཡི་ཕྱི་རིམ་པད་འདབ་བཞི། །མཚམས་སུ་ཁྲོ་བོའི་རྡོ་རྗེ་འབར། །པད་འདབ་རེ་ལ་གྲུ་གསུམ་རེ། །ཕྱག་གང་ནང་དུ་གདན་གསལ་གདབ། །ཁྱམས་ལ་དུར་ཁྲོད་ཆེན་པོ་བརྒྱད། །གྲུ་ཆད་ལ་ནི་མཆོད་པ་བཞག །ཐོད་པའི་གུར་བྱས་གསལ་བལྟས་ལ། །དབུས་སུ་བཅོམ་ལྡན་ཁྲག་འཐུང་ནི། །སྒོ་ང་ལས་སྐྱེས་ཚུལ་དུ་བསྐྱེད། །ཡབ་ཡུམ་རྗེས་སུ་ཆགས་པ་ལས། །སྦྱོར་བའི་བྱང་ཆུབ་སེམས་འཕྲོས་པས། །སོ་སོར་རྟ་ཡི་རྟེན་དུ་ནི། །ཀུ་དང་ཕུ་དང་ཙ་དང་ནི། །ཀམ་རྣམས་ཡོངས་སུ་གསལ་བར་སྟོན། །དེ་ནས་གཙོ་བའི་སྐུ་ཉིད་ལས། །འོད་དང་བཅས་པའོ་སྒྲ་བརྗོད་པས། །སོ་སོའི་སྐུ་རུ་གསལ་བར་འཐོན། །དེ་ལྟར་གསལ་བའི་དཀྱིལ་འཁོར་ལ། །དབང་དང་བྱིན་བརླབས་བསྐུར་བར་བྱ། །ཕྱོགས་བཅུའི་གནས་ནས་་འོད་ཀྱིས་དྲངས། །བདག་མདུན་གནས་པར་དེ་བརྟགས་ལ། །དེ་ལ་མཆོད་པ་དབུལ་བ་ཡིན། །མེ་ཏོག་ནག་པོ་དང་ལྡན་ཏེ། །ལྷ་བཤོས་ནག་པོ་དེ་བཞིན་ཏེ། །སྙིང་ཁྲག་སྙིང་རྩ་བཅས་པ་ཡིས། །དེ་ལ་བསྡམས་ལ་འཕྲིན་ལས་བཅོལ། །དགུག་དང་གཞུག་པའི་རིམ་པ་ཡིས། །གསལ་བར་གཞན་ལས་ཤེས་པར་བྱ། །མཐར་གྱི་ལས་ལ་ནན་ཏན་བསྐྱེད། །ལས་མཁན་གསོད་པའི་དཀྱིལ་འཁོར་བསྐྱེད། །དང་པོ་བྱང་ཆུབ་མཆོག་སེམས་བསྐྱེད། །དེ་ནས་གསང་བ་གནས་དྲན་བྱ། །དེ་ནས་གསལ་བའི་དཀྱིལ་འཁོར་ནི། །དབུས་སུ་མཐིང་ནག་གྲུ་གསུམ་བྲི། །ཐ་མ་ཐོད་པ་འབར་བས་བསྐོར། །དེ་ཡི་ཕྱི་རིམ་པདྨ་འདབ། །བརྒྱད་པ་འཕྲེང་གཉིས་བསྐོར་བར་བྱ། །དེ་ལ་བརྒྱད་བསྣན་ཉི་ཤུ་བཞི། །ཕྱོགས་རེ་དྲུག་དྲུག་ཡོད་པར་འདོད། །སྒོ་བཞིར་སྒོ་མ་བཞི་རྣམས་ལ། །དེ་ལྟར་པདྨ་ཉི་ཤུ་བརྒྱད། །དེ་སྟེང་ཞིང་རེ་བསམ་པར་བྱ། །དབུས་སུ་ཁྲག་འཐུང་རྒྱལ་པོ་ལ། ་༑ས་རབ་མ་ཡིས་ཡོངས་སུ་བརྒྱན། །ཡབ་ཡུམ་བྱང་ཆུབ་སེམས་དེ་ལས། །འོད་འཕྲོས་སོ་སོའི་གནས་དག་ཏུ། །རང་རང་ས་བོན་དག་ཏུ་བརྟག །དེ་ལས་ཡོངས་སུ་རྫོགས་བསྐྱེད་པ། །སྔགས་ཀྱི་སྒོ་ནས་གསལ་བ་ལས། །གཞན་ནས་གསལ་བའི་རང་བཞིན་མེད། །འདི་ལྟའི་མི་ལས་ལྷག་པར་བསྐྱེད། །མ་ནུ་རསྒ་སི། པྲ་མ་ནི། རེའུ་དྲི། པྲེ་ན་ཕྱི། ཀོ་མ་རི། ཨིཎྜ་ཡ། བཛྲ་པིང་ཀ་ལ༷། །ཨ་མྲི་ཏ་མ། སོའུ་ཉ། དྷ་ན་དེ། རསྒ་སི། བག་ཤ་སི། ན་ཏིཔྲ༷། ར་ཏི་ར་མ་ཏི། ཨེ་ཀ་ཙ་ར་མ། མ་མོ་ཧ་ར་མ། སིརྙི་ཀ༷། བ་ཡ་ནི། མ་ར་ནི། ཨག་ནེ་ཡེ། བ་ར་ཧི། ཙ་མུན་ཏི། པུ་ཏ་ན། ཙཀ་ཀ་མ་ལ། ཙག་ཤུ་ནི། སུམ་པ་གར་ན། ལམ་པོདྷ་ར་མ། སྨྱོ་ཡིས་ཀུན་ལ་རབ་ལྡན་པས། །སྐུ་ཉིད་ཡོངས་སུ་རྫོགས་པར་བསྐྱེད། །དེ་ཡི་སྐུ་ཡང་འདི་ལྟ་སྟེ། ཁྲར་གྱི་པདྨ་དང་པོ་ལ། །སྨུག་ནག་ཐོད་རློན་ཕྱག་གཉིས་འཛིན། །དཀར་མོ་ཕྱག་གཉིས་པདྨ་འཛིན། །དཀར་ལྗང་ཏྲི་ཤུལ་རྩེ་གསུམ་ལ། །ཕྱག་གཉིས་ཀྱིས་ནི་འཕྱར་བར་མཛད། །སྔོན་ག་ལག་ན་འཁོར་ལོ་འཛིན། །དམར་མོ་ལག་ན་མདུང་ཐུང་འདེབས། །དཀར་མོ་ཨརྙི་ལག་གཉིས་གདེངས། །ཤར་གྱི་པདྨའི་འདབ་མ་གནས། །བགྲད་པའི་སྟོབས་ཀྱིས་གནས་པའོ། །ལྷོ་ཡི་ཕྱོགས་སུ་བསམ་བྱ་བ། །དམར་མོ་པདྨ་རཀྟས་བཀང་། །འཁྲུག་ཅིང་གསོལ་བའི་རང་བཞིན་ཅན། །དམར་སེར་ལག་ན་བུམ་པ་འཛིན། །དཀར་མོ་པདྨ་དཀར་མོ་འཛིན། །ལྗང་ནག་རྡོ་རྗེ་དབྱུག་པ་འཛིན། །སྨུག་ནག་བརྙ་རྡོ་རྗེ་འཛིན། །སྔོ་ནག་སྟིར་བསུ་འདྲེན། །ནུབ་ཀྱི་ཕྱོགས་སུ་བསམ་བྱ་བ། །དམར་མོ་ཟངས་ཀྱི་བརྙ་བསྣམས། །དཀར་མོ་ལག་ན་གཤོལ་འཛིན་མ། །དམར་སྐྱ་ལག་ན་གྲི་གུག་བསྣམས། །དཀར་མོ་ལག་གཉིས་མདའ་གཞུ་འགེངས། །དཀར་སེར་ལག་ན་གཏུན་འཁྲུགས་བསྣམས། །སྔོ་ནག་ལག་ན་བརྙ་བསྣམས། །བྱང་གི་ཕྱོགས་སུ་བསམ་བྱ་བ། །སྨུག་ནག་ལག་ན་རལ་གྲི་བསྣམས། །དམར་སེར་ལག་ན་སྲེགས་ཤིང་བསྣམས། །ནག་མོ་རྡོ་རྗེ་མཆེ་བ་འཛིན། །སྨུག་ནག་ཞིང་ཆུང་བསུ་འདྲེན། །དཀར་མོ་བནྟྲ་ཐོད་ཁྲལ་འཐུང་། །སྔོན་མོ་ལག་ན་སྦྲུལ་ཞགས་འཛིན། །སྒོ་བཞིའི་གནས་སུ་བསམ་བྱ་བ། །སྔོ་ནག་ལག་ན་ལྕགས་ཀྱུ་འཛིན། །སེར་ན་ག་ལག་ན་ཞགས་པ་འཛིན། །དམར་ནག་ལག་ན་ལྕགས་སྒྲོགས་འཛིན། །ལྗང་ནག་ལག་ན་དྲིལ་བུ་བསྣམས། །དེ་ལྟར་དཀྱིལ་འཁོར་བསལ་ལྟ་བ། །དཀར་དང་དམར་བའི་རང་བཞིན་དང་། །སྔོ་དང་ལྗང་ཁུའི་རང་བཞིན་དུ། །མཁས་པས་བརྟགས་པའི་རང་བཞིན་ཤེས། །དེ་ལྟར་དཀྱིལ་འཁོར་རྫོགས་པ་དང་། །རང་བཞིན་གྲུབ་པའི་གནས་ནས་ནི། །སྔགས་ཀྱིས་རང་དབང་མེད་པར་བོད། །རང་བཞིན་གནས་ནས་དེར་བྱོན་ནས། །དེ་ལ་དམ་ཚིག་རབ་བདར་ལ། །སྲོག་རྩ་དམར་པོས་གཞི་བྱས་ནས། །ཁྲག་སྣ་ཚོགས་དང་ཤ་སྣ་ཚོགས། །བ་ལང་ཤིང་ཀུན་རྫས་ཀྱིས་སྤྲས། །མེ་ཏོག་སྣ་ཚོགས་པ་ཡིས་མཆོད། །རྫས་རྣམས་སྟོབས་ལ་ལས་རྣམས་བཅོལ། །དེ་ནས་གནས་དག་ཏུ་བསྟིམ། །དེ་ལ་མཆོད་པ་ལ་སོགས་བསྟབ། །དེ་ནས་བསྟོད་བྱ་བཟླས་པ་བྱ། །ལྕགས་མདུང་ཟངས་ལ་ཕུར་པ་བདུན། །དུང་དང་སེང་ལྡེང་དེ་བཞི་ལ། །བསྐྱེད་དང་བྱིན་བརླབས་དེ་བཞིན་བྱ། །དེ་ལ་སྔགས་ཀྱི་ཚིགས་མི་དང་། །རྩ་བས་དེ་བཞིན་ཤེས་པར་བྱ། །བཟླས་པས་མཚན་མ་བྱུང་བ་དང་། །ལས་ལ་སྦྱར་བ་ཤེས་པ་ཡིན། །འབྲུ་སྣ་ཚང་བའི་མཚན་མ་ལ། །མིང་དང་རུས་གཉིས་གླན་བྱས་ལ། །བསྟིམ་དང་དགུག་དང་བྲེད་བྱ་བ། །ཡང་དང་ཡང་དུ་བྱ་བ་ཡིན། །གོང་མ་ཉི་ཤུ་རྩ་བརྒྱད་དུ། །གདུག་པའི་ཤིང་ལ་མེ་སྤར་ལ། །གཟུགས་ཀྱི་དུམ་བུ་བསྲེག་པར་བྱ། །དེ་ཡིས་སངས་རྒྱས་ཉིད་ཀྱང་འཆི། །ཁམས་གསུམ་སྐྱེ་བོ་སྨོས་ཅི་དགོས། །མྱུར་དུ་བསད་པའི་ལས་ཐབས་ཡིན། །དབང་མཆོག་སོ་སོར་བསྐུར་བ་ཡིན། །སྐུ་གསུང་ཐུགས་ཀྱི་ཁྱད་པར་ལས། །སྐུ་དང་ཡིག་འབྲུ་སོ་སོ་ཡི། །བྱེ་བྲག་རྣམས་སུ་ཤེས་པར་བྱ། །ཁྲི་དང་ཁྲི་ཕྲག་གཉིས་དང་ནི། །སྟོང་དང་སྟོང་རྩ་བརྒྱད་དུ་ནི། །བཟླས་པའི་གྲངས་རྣམས་ཚང་བྱས་ལ། །ལས་ཀྱི་མཚན་མ་བརྟག་པར་བྱ། །སྐུ་དངོས་སྒྲ་དང་རླུད་སྒྲ་དང་། །དྲི་དང་སྒྱུག་པ་འབྱུང་བ་དང་། །འཁོར་མངས་སྟོན་ཅིང་མདངས་དང་བཅས། །གླུ་དབྱངས་ལེན་ཅིང་གར་བྱེད་དང་། །རྒྱུག་ཅིང་འོ་དོད་འབོད་པ་དང་། །ལོག་པར་སྤྱོད་ཅིང་ཁས་ལེན་པ། །འདི་ནི་འདོད་པ་ཡིན་པར་ཤེས། །ངུ་ཞིང་ངོ་འཛུམ་བཟློག་པ་དང་། །མཛོ་མོ་སྦྲང་མོའི་ཚུལ་གནས་དང་། །འདོད་པས་འདྲིད་ཅིང་བྲང་ལ་ཉུག །མཚན་མ་སྟོན་ཅིང་འཛུབ་པ་ནི། །རྐང་པ་ཕུད་ཅིང་ཁྲག་འཛག་སྟོང་། །འོད་དང་མེ་ཡི་རང་བཞིན་རྣམས། །མི་འདོད་པ་ཡི་རིམ་པ་ཡིན། །དེ་ལྟར་རྟགས་དང་བཅས་པ་ཡིས། །ལས་ཀྱི་བཞི་པོ་བསྒྲུབ་པར་བྱའོ། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གྱི་མདོ་ཞེས་བྱ་བ་ལས མ་མོ་སོ་སོའི་དཀྱིལ་འཁོར་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །འདི་སྐད་ཅེས་ནི་གསོལ་བ་བཏབ། །ཀྱེ་ཀྱེ་ཐབས་མཁས་ཐུགས་རྗེ་ཅན། །ཀྱེ་ཀྱེ་སྔགས་ཀྱི་བདག་ཉིད་ཆེ། །ཀྱེ་ཀྱེ་ཡོན་ཏན་བསམ་མི་ཁྱབ། །སྐུ་གསུང་ཐུགས་ཀྱི་གསང་ཆེན་པོ། །ཐམས་ཅད་ཁྱོད་ལས་བྱུང་ལ་འདུད། །ཡང་དག་དོན་ཆེན་ཁྱོད་ལ་འདུད། །དཔའ་བོ་ཆེན་པོ་ཁྱོད་ལ་འདུད། །སོ་སོའི་རང་བཞིན་བྱེད་ལ་འདུད། །དཀྱིལ་འཁོར་རྣམས་ནི་གསུང་ལགས་ན། །རྣལ་འབྱོར་ལས་ལ་སྦྱོར་བ་ལ། །དེ་ལ་ཏིང་འཛིན་མི་འཚལ་ལམ། །སོ་སོའི་ཏིང་འཛིན་བྱེ་བྲག་ཅི། །སྔགས་ཀྱི་བདག་པོས་བཤད་དུ་གསོལ། །དེ་སྐད་ཅེས་གསོལ་པ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའིཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །རྣམ་འབྱོར་ལས་ལ་སྦྱོར་བ་ལ། །སོ་སོའི་ཏིང་འཛིན་ཁྱད་པར་གཅེས། །ངེས་དབང་ཞུ་བ་ལེགས་སོ་ལེགས། །སོ་སོའི་ཏིང་འཛིན་ངས་བཤད་ཀྱིས། །ཀརྨ་ཧེ་རུ་མ་ཡེངས་ཉོན། །སོ་སོའི་ཏིང་འཛིན་མེད་པའི་མིས། །ལས་ལ་སྦྱར་ཡང་དོན་མེད་འགྱུར། །དེས་ན་ང་ཡིས་དབྱེ་བར་བྱ། །དང་པོ་ཚངས་པའི་གནས་དྲན་བྱ། །གཞི་དང་བཅས་པའི་ཏིང་འཛིན་ཏོ། །དེ་ལ་སྟོང་པ་ཆེན་པོ་སྟེ། །མི་དམིགས་པ་དང་བཅས་པར་བྱ། །དེ་ནས་གསལ་བའི་ངང་ཉིད་ལས། །ཐམས་ཅད་གནས་དང་བཅས་པར་དམིགས། །དམིགས་དང་བཅས་པ་བསྒྲུབ་པ་ཡི། །ཏིང་འཛིན་ཡིན་པར་ཤེས་པར་བྱའོ། །རི་རབ་ཆེན་པོའི་རང་བཞིན་ལས། །དེ་འོག་དམིགས་པ་བཅས་པ་ནི། །མནན་པའི་གཞི་ཆེན་སྒྲུབ་པ་ཡིན། །དེ་ནས་བདག་ཉིད་འོག་གནས་པ། །ཟིལ་གྱིས་གནོན་པའི་གཞི་ཆེན་སྒྲུབ། །ཏིང་འཛིན་ཡིན་པར་ཤེས་པར་བྱའོ། །དེ་ནས་སྲས་མཆོག་གནས་པའི་ཚེ། །ཆོས་དབྱིངས་བསྒྲུབ་པའི་ཏིང་འཛིན་ཡིན། །སྲས་མཆོག་གསང་བ་ཉིད་ཤུ་གཅིག །དགུའམ་ཡང་ན་ཉི་ཤུ་བརྒྱད། །ལྔ་འམ་གསུམ་དུ་ཤེས་པར་བྱ། །དེ་ནི་སྒྲོལ་བའི་ཏིང་འཛིན་ཏེ། །ཆོས་ཀྱི་དབྱིངས་ལས་བྱུང་བར་ཤེས། །རྫས་ཀྱི་ཕུར་པ་གཞལ་ཡས་ཁང་། །དེ་ལ་ཁྲག་འཐུང་ཚོགས་ཀྱིས་རྒྱས། །མཆོད་འབུལ་རྒྱན་གྱིས་རབ་བསྐུལ་བས། །འོད་ཞུ་བྱང་ཆུབ་སེམས་སུ་གྱུར། །སོ་སོའི་བྱེ་བྲག་རྣམས་སུ་རྟགས། །ཕྱི་ནང་གསང་བའི་དབང་ཡང་བསྐུར། །ཡེ་ཤེས་ལྔ་ཡིས་བྱིན་གྱི་བརླབ། །སྐུ་གསུང་ཐུགས་སུ་བྱིན་བརླབས་བསྐྱེད། །དེ་ལ་ཡེ་ཤེས་དབབ་པ་ཡིས། །ཡང་དང་ཡང་དུ་བྱིན་བརླབས་བྱ། །ཕུར་པ་བསྐྱེད་པའི་ཏིང་འཛིན་ཡིན། །ཧུ༷་ཉིད་ཐུགས་ཁར་རབ་བཞག་ལ། །མཐའ་མ་བཟླས་པ་སོ་སོ་ཡི། །སྙིང་པོ་གང་ཡིན་དེ་བསྐོར་བྱ། །དེ་ནས་སྤྲས་ལ་དེ་བཞིན་དེ། །འོད་ཀྱིས་གཟི་བྱིན་བསྐྱེད་པ་དང་། །གཉིས་པས་ཞར་འབྱུང་ལས་གང་འགྲུབ། །གསུམ་པས་དེ་དབང་འགྱུར་བ་ཡིན། །དེ་ནི་བཟླས་པའི་ཏིང་འཛིན་ཡིན། །དེ་ནས་མཚན་མ་རྣམ་པ་གསུམ། །བསྙེན་སྒྲུབ་དུས་སུ་འབྱུང་བ་ཡིན། །དྲག་པོའི་རྟགས་ནི་རྣམ་པ་གསུམ། །དེ་འབྱུང་དུས་ན་གདབ་པར་བྱ། །སྔོན་ལ་བྱ་བའི་རིམ་པ་ནི། །རྣལ་འབྱོར་རྩལ་དང་ལྡན་པ་ཡིས། །དྲག་པོའི་སྔགས་ནི་མང་དུ་བཟླས། །དེ་ནས་གསལ་བ་རྣམ་གསུམ་བྱས། །གཡས་གཡོན་ཁྲོ་བོ་ལེགས་བཟུང་ལ། །རྡོ་རྗེ་སྡེར་མོའི་སྔགས་ཀྱིས་གདབ། །བདུན་ནམ་ཉི་ཤུ་རྩ་གཅིག་གིས། །སོ་སོའི་རང་གནས་དག་ཏུ་གདབ། །དེ་ཡི་ལས་ལ་བྱིན་ཡོད་པར། །དེ་རྣམས་ལ་ཡང་སྔགས་མང་བཟླས། །དེ་ལ་བསྐུལ་བས་འདི་སྐད་དོ། །དམ་ཚིག་ཆེན་པོའི་དུས་ལ་བབ། །གསོད་པ་ལས་བྱ་དུས་ལ་བབ། །སྤྲུལ་པ་བཏང་བའི་དུས་ལ་བབ། །དགུག་ཅིང་བཅིང་བའི་དུས་ལ་བབ། །མནན་ཅིང་གཟིར་བའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། ་༑་ན་མུ་ཁའི་དུས་ལ་བབ། །བདག་ཉིད་ཅེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ། །དུར་ཁྲོད་མ་མོའི་དུས་ལ་བབ། །སྤྲུལ་པ་མ་མོའི་དུས་ལ་བབ། །གསོད་པ་ལས་མཁན་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །ཁྱེད་ཀྱི་ཐུགས་དམ་དུས་ལ་བབ། །སྔོན་ཆད་ཇི་བཞིན་ཞལ་མཆེས་པ། །དུས་འདིར་མ་རུངས་ལས་རྣམས་གྱིས། །ལས་རྣམས་ཁྱེད་ཀྱིས་མ་བྱས་ན། །ལུས་ངག་ཚིག་ནས་དམྱལ་བར་འགྲོ། །དེ་བས་དམ་ལ་གནས་གྱིས་ལ། །དྲག་པོའི་འཕྲིན་ལས་མ་ལུས་དང་། །ཇི་ལྟར་བཅོམ་བའི་ལས་རྣམས་ཀུན། །ཁྱེད་ཀྱིས་མྱུར་དུ་མཛད་དུ་གསོལ། །ཧུ༷་ལས་ཀྱི་རྡོ་རྗེ་འཁོར་དང་བཅས། །འཇིག་རྟེན་ཁམས་ནི་རབ་འབྱམས་སུ། །ལོག་པའི་ལྟ་བའི་སེམས་ཅན་ཀུན། །སྐད་ཅིག་ཡུད་ལ་མནན་པར་ཤོག །སྦད་ཅིང་མནན་པའི་ཏིང་ངེ་འཛིན། །རིམ་པ་ཡིན་པར་ཤེས་པ་ར་བྱའོ། །གདུག་ཅིང་སྡང་སེམས་ལྡན་པ་ཡི། །ལྷ་འམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །མཐུ་རྩལ་དབྲོག་པའི་ཏིང་གི་འཛིན། །འདི་ནི་ཡིན་པར་ཤེས་བྱའོ། །རྡོ་རྗེ་ཁྲོ་བོ་ཚོགས་བཅས་རྣམས། །བཀའ་ཡི་ལས་མཁན་ཁྱེད་རྣམས་ཀུན། །དམ་ཚིག་ཆེན་པོའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པ། །རིགས་འཛིན་བདག་ཅན་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ལྷ་ཚོགས་ཉིད་ཀྱི་བྱིན་བརླབས་ཀྱིས།ཀ །ཡུད་ཙམ་གྱིས་ནི་བཀུག་ནས་ཀྱག་། །མངོན་སྤྱོད་ཚུལ་བཟིན་བསྒྲལ་བ་དང་། །ལུས་ངག་རྫུལ་དུ་བཤིག་ནས་ནི། །སྡུག་བསྔལ་ཉམས་སུ་མྱོང་བར་མཛོད། །དགུག་པའི་ཏིང་ངེ་འཛིན་ཞེས་བྱའོ། །སྤྱི་ཡི་ལས་སུ་བསྟན་བྱ་བ། །དཀྱིལ་འཁོར་ལྷ་ཚོགས་ཐམས་ཅད་ལ། །དག་པོ་སྤྱི་ཡི་བསྐུལ་བ་སྟེ། །སོ་སོའི་ལས་ལ་བཏང་བྱ་བ། །རྡོ་རྗེ་ཚིག་ཏུ་འདི་སྐད་བརྗོད། །དངོས་གྲུབ་བར་ཆད་བྱེད་པའི་བདུད། །གདུག་ཅིང་སྡང་སེམས་བྱེད་པ་རྣམས། །ཟུང་ཞིག་རྒྱོབ་ཅིག་རྣམ་པར་ཆིངས། །གཏོགས་ཤིང་གྲོགས་དང་བྲལ་བར་གྱིས། །རིངས་པར་ཁུག་ལ་སྨྲར་ཆུ་གཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་སུ། །བསྒོ་བའི་བཀའ་རྣམས་ཉན་པར་གྱིས། །སྤྱི་ཡི་བསྐུལ་བའི་ཏིང་ངེ་འཛིན་ནོ། །ཡེ་ཤེས་ཆེན་པོའི་ལུས་གང་ལ། །ཉོན་མོངས་མི་གནས་གནས་དག་བྱས། །གསལ་བ་གསུམ་གྱི་ལས་ཡིན་ཏེ། ཉོངས་མོངས་སྦྱངས་བའི་ཏིང་འཛིན་ཡིན། །གནས་བཅས་རང་ཉིད་བྱང་ཆུབ་སེམས། །ཡང་དག་ཉིད་དུ་གནས་བཅས་ནས། །གསལ་བ་གསུམ་གྱི་དཀྱིལ་འཁོར་དེས། །འོད་ཀྱིས་བླངས་ནས་ནམ་མཁའ་ལ། གནས་པའི་ཧུ༷་ཆེན་རབ་བཞེངས་ནས། །བདག་དང་གཉིས་སུ་མེད་པར་བྱས། །སྐུ་གསུང་ཐུགས་དང་ལྡན་པའོ། །ཚེར་གནས་ཆེན་པོའི་ཏིང་འཛིན་ཡིན། །རྡོ་རྗེ་འཕྲ་མེན་ཚོགས་རྣམས་ལ། །རྡོ་རྗེ་ཚིག་ཏུ་འདི་སྐད་བརྗོད། །བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་གྱི་ཐ་ཚིག་བཅས་པ་བཞིན། །མངོན་སྤྱོད་འཕྲིན་ལས་མྱུར་དུ་མཛོད། །ཁས་བླངས་ཚུལ་བཞིན་མ་བྱས་ན། །སྙིང་ཁྲག་ཁྲག་འཐུང་གིས་རྔུབས་ཏེ། །སྨུག་ནག་འབར་བས་ཚིག་པར་ངེས། །ཐུན་གྱི་ཏིང་འཛིན་ཞེས་བྱའོ། །དེ་ནས་སྤྲུལ་པའི་ཚོགས་བཅས་ཀུན། །གཏུབ་པའི་ལས་ལ་བསྐུལ་ནས་ནི། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། ་ཉོན་ཅིག་བགེགས་དང་ལོག་འདྲེན་ཚོགས། །རྡོ་རྗེ་བཀའ་ལས་འདའ་མ་བྱེད། །ལུས་པོ་མི་དམིགས་རབ་བརླག་པར། །ལས་གཉིས་ཚུལ་གྱིས་བསམ་པ་ཡིན། །དེ་ཡང་སྐབས་ལས་ཤེར་པར་བྱའོ། །གཏུབ་པ་རྒྱུན་གྱི་ཏིང་འཛིན་ཡིན། །མི་གནས་ཕུང་པོ་ལྷག་མེད་པའི། །ཡོངས་སུ་མྱ་ངན་འདའ་བའི་ཕྱིར། །རྡོ་རྗེའི་ཚིག་ཏུ་འདི་སྐ་བརྗོད། །ནམ་མཁའི་ཁྲོ་བོ་ཞལ་གདངས་སུ། །གདུག་ཚོགས་འགྲོ་ཀུན་ཡུད་ལ་བཏབ། །རྔམ་སྟོབས་ཁྱེད་ཀྱིས་ཡུད་ལ་གསོལ། །རོལ་པས་དགྱེས་པའི་གད་རྒྱངས་སྒྲོགས། །མེ་འབར་ལྕགས་ཀྱུ་འབར་བ་ཡིས། །གཉིས་མེད་ཁྲོ་བོའི་ཞལ་དུ་བསྡུས། །ཡེ་ཤེས་ཁོང་གི་ཆེན་གྱིས། །རབ་ཏུ་ཟོ་ལ་མྱུར་དུ་བསྲེགས། །ཕུང་པོ་ལྷག་མ་མེད་པར་བྱས། །ལས་ལ་འབྲས་བུ་ཡོད་ཅེས་བྱའོ། །བསྟབ་པ་རྒྱུན་གྱི་ཏིང་འཛིན་ཡིན། །གཉིས་མེད་ཡེ་ཤེས་ནམ་མཁའ་ཆེ། །སྦྱོར་བའི་བྱང་ཆུབ་སེམས་གང་དེ། །ཞགྲུལ་པའི་སེམས་ཅན་དབང་བསྡུའི་ཕྱིར། །བདག་ཉིད་ལས་སྤྲུལ་ལས་ཀྱི་ལྷ། །བསྐུལ་བ་གནས་ནས་དྲག་ཏུ་གདབ། །སྲོག་རྩ་བཅད་པར་བསམ་ནས་ནི། །བསྟོད་ཅིང་ཟ་བའི་རང་བཞིན་ཏེ། །འདི་ཡང་གདབ་པའི་ཏིང་འཛིན་ཡིན། །བསྟན་པའི་རང་རང་ཚུལ་འཆང་བ། །རྦད་པ་བསད་པའི་སྔགས་རྣམས་ཀུན། །འདི་དུས་དྲག་པོའི་ལས་ཡིན་པས །དྲག་པོའི་བཟླས་པ་བྱས་ལ་གདབ། །སྲས་ལྔ་བླངས་ལ་བསྟོད་ལ་གདབ། །དེས་ཀྱང་བསད་པར་ལྷག་པར་འཇེབ། །འདི་ཡང་གདབ་པའི་ཏིང་འཛིན་ཡིན། །སྲས་དགུ་བླངས་ལ་རབ་བསྟོད་ནས། །འདི་ཡི་ལས་ཀྱི་མཁན་པོ་ཡང་། །མངག་པ་བྱས་ཏེ་རབ་གསལ་བྱ། །དེ་ལ་ལན་གྲངས་ཉི་ཤུ་གཅིག །གདུག་པའི་སྔགས་ཆེན་རབ་བླངས་ལ། །དེ་ནས་དྲག་པོར་བཟླས་ནས་ནི། །གནས་སུ་ཙ་བ་དག་སྒྲོགས་གདབ། །དེ་ཡང་གདབ་པའི་ཏིང་འཛིན་ཡིན། །དེ་ནས་གསང་བའི་ལས་ཅན་དེ། །སྲས་མཆོག་ཕུར་པ་ལྔས་བླངས་ལ། དེ་བསྟོད་ཐུགས་ལས་གསུངས་མཆོག་སྟོན། །དེ་ཡིས་རབ་ཏུ་ཁྲོས་པའི་སེམས། །ཞེ་སྡང་བསྐྱེད་ལ་གདབ་པར་བྱ། །དེ་ཡི་རྩ་རྒྱུན་བརླག་པར་འགྱུར། །དེ་ནས་ལས་མངོན་བསྙེན་དུས་སུ། །མཐར་གྱི་ལས་གང་བྱ་བ་ཡིན། །འདི་ཡང་གདབ་པའི་ཏིང་འཛིན་ཡིན། །དེ་ནས་ལས་ལ་སྦྱོར་བའི་དུས། །སྲས་མཆོག་གསུམ་རྣམས་བླངས་ནས་སུ། །བསྟོད་པ་དག་ནི་བྱས་ནས་སུ། །ཐུགས་ཀྱི་རྡོ་རྗེ་རབ་བསྟོན་ལ། །དེ་ཡིས་གནས་གསུམ་དག་ཏུ་གདབ། །དེ་ཡིས་ལྷ་ཡང་བརླག་པར་འགྱུར། །འདི་ཡང་གདབ་པའི་ཏིང་འཛིན་ཡིན། །དེ་ནས་སྲས་མཆོག་བདུན་བླངས་ལ། །བསྐུལ་བས་ཡང་དང་ཡང་བྱས་ཏེ། །གནས་བདུན་བཞུགས་སུ་གསོལ་བའམ། །དེ་ཡང་ཉི་ཤུ་བརྒྱད་ཀྱིས་ནི། །བཟླས་གྲངས་ཚང་ནས་གདབ་པར་བྱ། །དེ་ཡི་གནས་ཆེན་བསྟན་པ་ནི། །གཞལ་ཡས་འབྱུང་བའི་རང་བཞིན་ཏེ། །ཉི་ཤུ་རྩ་གཅིག་དེ་བཞིན་ཏེ། །པུས་མོ་གཉིས་དང་རྐང་པ་གཉིས། །གཅོད་པའི་རང་བཞིན་གཙོ་བོའི་གནས། །བཅུད་ཀྱི་གནས་སུ་དེ་བཞིན་གདབ། །བཏབ་པས་ལྷ་ཡང་བརླག་འགྱུར་ན། །སེམས་ཅན་རྣམས་ལ་སྨོས་ཅི་དགོས། །དེ་ཡང་གདབ་པའི་ཏིང་འཛིན་ཡིན། །རླུད་གི་ལྕགས་ཀྱུར་བདེ་བའི་གནས། །ཕོ་དང་མོའི་གཤག་ཕྱེ་ནས། །གང་དང་གང་གི་གནས་རྣམས་དེར། །མཆོད་ཕུར་ངེས་པར་དབང་བྱས་ནས། །ཡུལ་གྱིས་མ་གའི་ལས་རྣམས་དེ། །རྒྱ་མཚོ་གཏིང་ནས་རི་རབ་རྩེར། །ཐོགས་པ་མེད་པར་ཁྲིད་དེ་འོང་། །རང་བྱུང་ནས་ནི་འོང་བ་དང་། །འཁོར་དང་བཅས་ཏེ་འོང་བ་དང་། །གནས་པར་བྱ་བའི་འོག་ཏུ་ནི། །རླུང་གི་འཁོར་ལོ་རྣམས་སྤྲུལ་ལ། །ཕྱོགས་རྣམས་ཀུན་ནས་བསྐུལ་བར་བྱ། །ཐང་ཅིག་ཡུད་ཀྱིས་རབ་བཏེག་ལ། །འོད་ཀྱི་གཟེ་མས་བསྐུལ་ནས་ནི། །དེ་ཡི་འཁོར་དང་བཅས་པ་ནི། །རང་བཞིན་གྲུབ་པའི་གནས་སུ་གཞུག །དེ་ཡི་དཀྱིལ་འཁོར་བསྟན་པ་ནི། །མཐིང་ནག་ཁྲོས་བ་ཟུར་གསུམ་ལྷ། །དེ་ཡི་གནས་སུ་བསམ་པའི་ལྷ། །ཡེ་ཤེས་ལ་སོགས་འབར་བའི་ཚོགས། །ཕྱོགས་དང་མཚམས་དང་སྟེང་དང་འོག །ཆོས་ཀྱི་དབྱིངས་ལས་རང་བཞིན་གྲུབ། །དེ་ཡིས་གང་ལ་བསྐྱོད་པར་ནུས། །ལས་མཁས་དེ་ཡིས་བསྐུལ་བ་ཡིས། །མངག་པའི་ས་ཕྱོགས་གང་དང་གང་། །དམིགས་པའི་ཡུལ་རྣམས་དེ་དང་དེ། །ཐང་ཅིག་ཡུད་ཀྱིས་སྤྱན་ཡང་འདྲེན། །དེ་ནས་རང་འབྱུང་གཞལ་ཡས་སུ། །སེམས་ཅན་དོན་ལ་གཏན་ཞུགས་ལ། །དེ་ནས་རྣམ་པར་སྣང་མཛད་མཉེས། །ལྷ་མོ་ཚོགས་ཀྱིས་སྐུ་ལ་འཁྲིལ། །དེ་ལ་གདུག་པ་ཕུལ་བ་ཡིས། །སེམས་ཅན་དོན་ལ་གནས་སུ་གཤེགས། །དེ་བཞིན་རིམ་པས་ཡང་བསྒྲུབས་པས། །ལྷག་མ་མེད་པར་རྫོགས་པར་འགྱུར། །འདི་ནི་གསང་བའི་གནས་དང་ནི། །སྤྱན་དྲངས་པ་ཡི་ཏིང་འཛིན་ཡིན། །ཡ༷་ལས་རླུད་གི་དཀྱིལ་འཁོར་ཏེ། །ར༷་ལས་གྲུ་གསུམ་མེའི་དཀྱིལ་འཁོར། །ཨ་ལས་པདྨའི་སྣོད་ཡིན་ཏེ། །ནང་དུ་བསམ་པར་བྱ་བ་ནི། །གླང་པོ་རྟ་དང་རྨ་བྱ་དང་། །ནམ་མཁའ་ལྡིང་དང་ཀུ་ཀུ་མྲ །ཟླ་བ་ཉི་མ་ཆུ་སྨན་དྲི། །ཡིག་འབྲུ་ལྔ་ཡང་བསམ་པར་བྱ། །དེ་ལས་ཡོངས་སུ་རྫོགས་པ་ཡི། །ཧུ༷་ལས་རྡོ་རྗེ་རབ་འཁྲུགས་ཏེ། །ཐབས་དང་ཤེས་རབ་ལས་བྱུང་བའི། །གཉིས་མེད་བདུད་རྩི་དམ་པ་དེས། །བདག་དང་གཞན་གཉིས་རྒྱས་པར་བྱའོ། །བདུད་རྩི་བྱིན་བརློབ་ཏིང་འཛིན་ཡིན། །ནམ་མཁའ་རྡོ་རྗེ་དཀྱིལ་ཡངས་སུ། །ཧུ༷་ལས་ཡོངས་བསྒྲུབ་བསྒོམ་པར་བྱ། །དེ་ཡི་ལྟེ་བར་བསམ་བྱ་བ། །ལེ་ལས་རི་རབ་ཡོངས་གྲུབ་པའི། །གཞན་ཡས་དམ་པ་བསམ་པར་བྱ། །དེ་སྟེང་ཧུ༷་ལས་ཡང་དག་གསལ། །དེ་སྟེང་ཉི་མའི་དཀྱིལ་འཁོར་ལ། །ལས་ཀྱི་འཁོར་ལོ་རྫོགས་པར་བསྐྱེད། ཟིལ་གྱིས་གནོན་པའི་ཏིང་འཛིན་ཡིན། །དེ་ལྟར་ཏིང་འཛིན་རྣམས་གསལ་བས། །འདི་ཡིས་མི་འགྲུབ་གང་ཡང་མེད། །མི་བྱ་བ་ནི་གང་ཡང་མེད། །ཐམས་ཅད་དོན་ལ་དེ་ཉིད་འབྱོར། །ཅེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་ཞེས་བྱ་བའི་མདོ་ལས། །ཏིང་དེ་འཛིན་བསྟན་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །ཕྱི་ནང་མཆོད་པས་མཉེས་པར་བྱས། །བསྐོར་བ་ལན་གསུམ་བྱས་ནས་ནི། །འདི་སྐད་ཅེས་ནི་གསོལ་བ་གདབ། །ཨེ་མ་ཧོ་ཐམས་ཅད་འབྱུང་གནས་གཙོ། །བདེ་བ་ཆེན་པོའི་འབྱུང་གནས་གཙོ། །བདེ་བ་ཆེན་པོའི་གནས་ཆེན་པོ། །ཁྱབ་གསལ་དྲེ་མེད་ནམ་མཁའ་འདྲ། །གོས་མེད་པདྨ་དག་པའི་གསུང་། །སྤྲོ་མེད་ཐུགས་ལ་ཐམས་ཅད་འབྱུང་། །གསང་ཆེན་རྒྱལ་པོ་ཁྱོད་ལ་འདུད། །གསང་བའི་སྣོད་ལྡན་ཁྱོད་ལ་འདུད། །སྔགས་ཀྱི་རྒྱལ་པོ་ཁྱོད་ལ་འདུད། །རྣལ་འབྱོར་ལས་ལ་སྦྱོར་བ་ལ། །ཏིང་འཛིན་བྱེ་བྲག་གསུམ་ལགས་ན། །འདི་ལ་སྔགས་རྣམས་མི་འཚལ་ལམ། །སྔགས་ལ་ཡིད་ཆེས་མི་འཚལ་ལམ། །དང་པོ་སྔགས་འདི་ཇི་ལྟར་བྱུང་། །སྔགས་བཏུ་བ་ནི་ཇི་ལྟར་ལགས། །གསང་ཆེན་བདག་པོས་བཤད་དུ་གསོལ། །དེ་སྐད་ཅེས་གསོལ་པ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །རྣལ་འབྱོར་ལས་ལ་སྦྱོར་བ་ལ། །སྔགས་ཀྱི་དོན་ཉིད་ཤིན་ཏུ་གཅེས། །འདྲི་བར་བྱེད་པ་ལེགས་སོ་ལེགས། །ང་ཡིས་སྔགས་ཀྱི་དོན་བཤད་ཀྱིས། །ཀརྨ་ཧེ་རུ་ཡིད་ཀྱིས་ཉོན། །དང་པོ་ཡི་གེ་ཐམས་ཅད་ནི། །མིང་མེད་བརྗོད་པ་རྣམས༷ ་དང་བྲལ། །ཚིག་དང་སྒྲ་ཡི་སྤྱོད་ཡུལ་མིན། །དམིགས་མེད་འདོད་པ་དག་པ་སྟེ། །སེམས་ཅན་ལས་ལ་སྨོན་ལམ་སྟོབས། །དེ་ཡི་དབང་གིས་འདི་གསང་འབྱུང་། །ཨ་ཨུ། ཨི་སྙི། ཨུ་སྐྲུ། རི་རྡི། ལི་སྙི། ཨེ་ཨེ། ཨོ་ཨོ། ཨ༷་ཨ༷༷། ཀ་ཁ་ག་བྷ་ང་། ཙ་ཚ་ཛ་རྙོ་ཉ། ཏ་ཐ་ད་དྷ་ན། ཊ་ཋ་ཌ་རྟེ་ཎ། པ་ཕ་བ་བྷ་མ། ཡར་ལ་ཝ་ཤ་ཥ་ས་ཧཀྟ། དེ་ནི་དང་པོའི་ཡི་གེ་སྟེ། །སྔགས་རྣམས་ཐམས་ཅད་དེ་ལས་བྱུང་། །དེ་ཡི་དོན་ཡང་འདི་ལྟ་སྟེ། །དང་པོ་གཅིག་པ་དབུ་ལ་བཞག །སྟོང་པ་ཐམས་ཅད་འོག་ནས་བྱས། ཁོ།ས་རབ་བདུན་པོས་སྟེང་ནས་བཀོད། ཁོ།ས་རབ་བརྒྱད་པར་རྣམ་པར་བརྒྱན། །གཏི་མུག་ཡིན་པར་རྒྱལ་བས་གསུང་། །དེ་རྗེས་ལྔ་ཡི་གསུམ་པ་བཞག །དེ་འོག་གཉིས་ཀྱི་གསུམ་པ་ལ། །དྲུག་པ་གཉིས་པའི་འོག་ཏུ་བརྒྱན། །དེ་འོག་དང་པོའི་དང་པོ་ཡི། ཁོརྐོས་རབ་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་ལ། །སྟོང་པ་གཉིས་པས་སྟེང་ནས་བཀོད། །དེ་འོག་དང་པོའི་དང་པོ་ལ། །ཐབས་ཀྱི་གཉིས་པས་སྟེང་ནས་བཀོད། །དེ་འོག་དྲུག་པའི་གསུམ་པ་ལ། །ཐབས་ཀྱི་དང་པོས་སྟེང་ནས་བརྒྱན། །དེ་འོག་དྲུག་པའི་དང་པོ་བཞག །དེ་འོག་མཐར་གནས་ཐ་ལྟག་ལ། །ཐབས་ཀྱི་གསུམ་པས་འོག་ནས་བརྒྱན། ་༑ས་རབ་བདུན་པས་སྟེང་ནས་བཀོད། །སྟོང་པའི་དགུ་པས་སྟེང་ནས་མཛེས། །རྩ་བའི་སྔགས་ཏེ་བསྐྱེད་པ་ཡིན། །དེ་ནས་མཐར་གནས་ཐ་ལྷག་ལ། །ཐབས་ཀྱི་གསུམ་པོས་འོག་ཏུ་སྤྲས། །སྟེང་དུ་དང་པོའི་ལྔ་པས་བརྒྱན། །དེ་སྟེང་ཤེས་རབ་བརྒྱད་པར་མནན། །གླངས་གྱུར་འབྱུང་བའི་ངང་ཚུལ་ཅན། །མ་ནོར་རྩ་བའི་སྔགས་ཡིན་ནོ། །དེ་བཞིན་སྦྱིན་ཕྱོགས་བལྟས་པ་བཅུ། །གསང་བའི་མ་ནོར་སྔགས་ཡིན་ནོ། །དེ་འོག་གཉིས་པའི་གསུམ་པ་ལ། །འདི་ཡི་འོག་ཏུ་སྦྱིན་པར་བྱ། །ཧུ༷་དང་བ༷་ཧོ་རྣམས་ཀྱིས་ནི། །འགུགས་མའོ་བསྐྱེད་པའི་ས་བོན་ཡིན། །ཧ་རིངས་བརྒྱད་ཧེ་ཐུང་བརྒྱད། །དུར་ཁྲོད་མ་མོ་བརྒྱད་དང་ནི། །སྤྲུལ་པའི་མ་མོ་བརྒྱད་རྣམས་ཀྱི། །མ་ནོར་རྩ་བའི་སྔགས་ཡིན་ནོ། །སྨྱོ་རིངས་ཉི་ཤུ་རྩ་བརྒྱད་ནི། །སྲིང་མོ་ཚོགས་ཀྱི་མ་ནོར་བའི། །རྩ་བའི་སྔགས་སུ་ཤེས་པར་བྱའོ། །དེ་འོག་ལྔ་པའི་གཉིས་པ་ལ། །གསུམ་པའི་དང་པོ་དེ་ལ་སྤྱིན། །གྲངས་བཞིར་བྱུང་བསྒོ་མ་ཡིན། །མ་ནོར་རྩ་བའི་སྔགས་ཡིན་ནོ། །མ་ཏིངས་བཞི་རུ་བྱུང་བ་ནི། ་༑་ན་ཡིན་ཏེ་སྐབས་ལས་ཤེས། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་གཉིས་པ་ལ། །དེ་འོག་དྲུག་པའི་གཉིས་པས་བརྒྱན། །སྟེང་དུ་ཤེས་རབ་བདུན་པས་བརྒྱན། །དེ་འོག་བཞི་པའི་དང་པོ་སྟེ། །དེ་འོག་ལྔ་པའི་བཞི་པ་བཞག །དེ་སྟེངས་ཤེས་རབ་གཉིས་པས་བརྒྱན། །དེ་འོག་གཉིས་པའི་བཞི་པ་བཞག །དེ་འོག་དྲུག་པའི་དང་པོ་སྟེ། །ཐ་མ་ཧཱུཾ་དང་ལྡན་པར་བྱ། །རྣམ་རྒྱལ་བསྐྱེད་པ་རྒྱན་གྱི་སྔགས། །གོང་དུ་ཇ་ལྟར་གསུངས་པ་ལས། །བཞི་པའི་དང་པོའི་འོག་ཏུ་ནི། །བཞི་པ་ཐ་མ་དང་ལྡན་པ། །ཤེས་རབ་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པས་བཞག །དེ་འོག་བཞི་པའི་བཞི་པ་ལ། །བཞི་པའི་ལྔ་པ་དེ་ལ་སྤྱིན། །དེ་འོག་གསུམ་པའི་དང་པོ་བཞག །ཧུ༷་དང་ཐ་མ་ཡང་དག་ལྡན། །དབྱུག་སྔོན་སྐྱེད་པ་རྐྱེན་གྱི་སྔགས། །གོང་མ་ཇི་ལྟར་སྒྲུབ་པ་ལས། །བཞི་པའི་དང་པོ་འོག་ཏུ་ནི། །དྲུག་པའི་དང་པོ་དང་ལྡན་ཏེ། །དེ་འོག་ལྔ་པའི་ཐ་མ་ལ། །བཞི་པའི་ཐ་མ་དེ་ལ་སྤྱིན། །དེ་འོག་གསུམ་པའི་དང་པོ་སྟེ། །དེ་འོག་དང་པོའི་དང་པོའོ། །ཐ་མ་ཧུ༷་དང་ལྡན་པར་བྱ། །གཤིན་རྗེ་གཤེད་པོ་བསྐྱེད་པ་ཡི། །བཞི་པའི་དང་པོ་འོག་ཏུ་ནི། ཁྲེས་རབ་དང་པོ་གཞག་པར་བྱ། །དེ་འོག་དྲུག་པའི་བདུན་པ་ལ། །དང་པོ་གསུམ་པའི་འོག་ཏུ་བརྒྱན། །དྲག་པོ་དང་པོས་བརྒྱན་པར་བྱ། །དེ་འོག་ཐབས་ཀྱི་དང་པོ་བཞག །དེ་འོག་གཉིས་པའི་གཉིས་པ་བཞག །དེ་འོག་དྲུག་པའི་གསུམ་པ་བཞག །ཐ་མ་ཧུ༷་དང་ལྡན་པར་བྱ། །མི་གཡོ་མགོན་པོ་བསྐྱེད་པའི་སྔགས། །བཞི་དང་པོའི་འོག་དག་ཏུ། མཐར་གནས་མཐར་ལྟག་གཞག་པར་བྱ། །དེ་འོག་དྲུག་པའི་དང་པོ་བཞག །དེ་འོག་དང་པོའི་གསུམ་པ་ལ། །དང་པོ་གཉིས་པས་འོག་ནས་སྤྲས། ཤེས་རབ་གཉིས་པ་སྟེང་ནས་བརྒྱན། །དེ་འོག་ལྔ་པའི་གསུམ་པ་བཞག །ཐ་མ་ཧུ༷་དང་ལྡན་པ་སྟེ། །རྟ་མགྲིན་བསྐྱེད་པ་རྐྱེན་གྱི་སྔགས། །བཞི་པའི་དང་པོ་འོག་ཏུ་ནི། །ཤེས་རབ་དང་པོ་གཞག་པར་བྱ། །དེ་འོག་ལྔ་པའི་དབང་པོ་བཞག །དེ་འོག་དྲུག་པའི་གཉིས་པའོ། །དེ་འོག་གཉིས་པའི་དང་པོ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་གསུམ་པའི་དང་པོ་སྟེ། །ཐ་མ་ཧུ༷་དང་ལྡན་པ་ནི། །གཞན་གྱིས་མི་ཐུག་བསྐྱེད་པའི་སྔགས། །བཞི་པ་དང་པོའི་འོག་ཏུ་ནི། །སྟོང་པའི་དང་པོ་གཞག་པར་བྱ། །དེ་འོག་ལྔ་པའི་ལྔ་པ་ལ། །དྲུག་པའི་གཉིས་པའི་འོག་ནས་སྤྲས། ཁོགོས་རབ་གཉིས་རྗེས་དྲུག་པ་དང་པོ་སྟེ། །དེ་འོག་བཞི་པའི་དང་པོ་ལ། །ཐབས་ཀྱི་གཉིས་པ་སྟེང་ནས་བརྒྱན། །ཐ་མ་ཧུ༷་དང་ལྡན་པར་ནི། །ཁྲོ་མོ་བསྐྱེད་པ་རྐྱེན་གྱི་སྔགས། །གོང་མའི་ཇི་ལྟར་བསྒྲུབས་པ་ལས། །དྲུག་པའི་གསུམ་པ་བཞག་པར་བྱ། །དེ་འོག་བདུན་པའི་ཐ་མ་ལ། ཁོགོས་རབ་དྲུག་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །ཐ་མ་ཧུ༷་དང་ལྡན་པ་ནི། །ཡེ་ནས་ཁྲོ་མོ་བསྐྱེད་པའི་སྔགས། །ལྔ་པ་ཡི་ནི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོགབཞི་པའི་དང་པོ་ལ། །སྟོང་པས་གཉིས་པ་ས་སྟེང་དུ་བཀོད། །དེ་འོག་གཉིས་པའི་དང་པོ་བཞག །ཐ་མ་ཧུ༷་དང་ལྡན་པར་བྱ། །དེ་ནས་བདུན་པའི་གསུམ་པ་ལ། །བཞི་པའི་དང་པོ་དེ་ལ་སྤྱིན། །དེ་རྗེས་བཞི་པའི་ལྔ་པ་བཞག །དེ་འོག་ལྔ་པའི་དང་པོ་བཞག །དེ་རྗེས་བཞི་པའི་དང་པོ་ལ། །ཐབས་ཀྱི་གཉིས་པ་དེ་ལ་སྤྱིན། །ཐ་མ་ཧུ༷་དང་ལྡན་པར་བྱ། །དེ་ནས་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་མཐར་གནས་ཐ་ལྟག་བཞག །དེ་རྗེས་དྲུག་པའི་གསུམ་པ་བཞག །ཐ་མ་ཧུ༷་དང་ལྡན་པར་བྱ། །དེ་ནས་གཉིས་བའི་དང་པོ་ལ། །བཞི་པ་ལྔ་པ་དེ་ལ་སྤྱིན། །བཞི་པའི་གསུམ་པ་དེ་འོག་གཞག །དེ་རྗེས་དྲུག་པའི་དང་པོ་སྟེ། །དེ་འོག་བཞི་པའི་དང་པོ་བཞག །སྟོང་པ་གཉིས་པས་སྟེང་ནས་བརྒྱན། །ཐ་མ་ཧུ༷་དང་ལྡན་པར་བྱ། །དེ་ནས་བདུན་པའི་དངོས་པོ་བཞག །དེ་འོག་ལྔ་པའི་དང་པོ་ལ། །དྲུག་པའི་དང་པོས་འོག་ནས་སྤྲས། །དེ་འོག་དྲུག་པའི་དང་པོ་བཞག །དེ་རྗེས་བཞི་པའི་དང་པ་ལ། །སྟོང་པའི་གཉིས་པ་སྟེང་ནས་བརྒྱན། །ཐ་མ་ཧུ༷་དང་ལྡན་པར་བྱ། །དེ་ནས་དྲུག་པའི་གནས་པ་ལ། ཁོགོས་རབ་གཉིས་པ་སྟེང་དུ་བཀོད། དེ་པ་དང་པོའི་གསུམ་པ་སྤྱིན། དེ་འོག་བདུན་པའི་དང་པོ་བཞག ། །དེ་རྗེས་དྲུག་པའི་དང་པོ་བཞག ། དེ་འོག་བཞི་པའི་དང་པོ་ལ། །སྟེང་པའི་གཉིས་པ་སྟེང་དུ་བསྟོ་ད། །ཐ་མ་ཧུ༷་དང་ལྡན་པར་བྱ། །དེ་ནས་ལྔ་པའི་ལྔ་པ་བཞག །དེ་འོག་དྲུག་པའི་གཉིས་པ་བཞག །དེ་འོག་བཞི་པའི་ལྔ་པའོ། །ཐ་མ་ཧུ༷་དང་ལྡན་པར་བྱ། །ཐབས་ཀྱི་གཉིས་པ་སྟེང་ནས་བརྒྱན། །དེ་ལ་བཞི་པའི་ལྔ་པ་བཞིན། །དེ་འོག་བཞི་པའི་གསུམ་བཞག །དེ་རྗེས་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་ལྔ་པ་ལ། ་གོས་རབ་དྲུག་པས་སྟེང་ནས་བརྒྱན། །ཐ་མ་ཧྲུ༷་དང་ལྡན་པ་ནི། །ཁྲོ་མོ་རྣམས་ཀྱི་བསྐྱེད་སྔགས་ཏེ། །རིམ་བཞིན་ལྡན་པར་ཤེས་པར་གྱིས། །དེ་ནས་དྲུག་པའི་གཉིས་པ་ལ། །མཐར་གནས་ཐ་ལྟག་འོག་ནས་བརྒྱན། །ཤེས་རབ་གཉིས་པས་སྟེང་དུ་བཀོད། །དེ་ལ་ལྔ་པའི་ལྔ་པ་སྦྱིན། །དེ་འོག་དྲུག་པའི་གཉིས་པ་ལ། །མཐར་གནས་ཐ་ལྟག་སྤྲས་ཤིང་། །སྟེང་དུ་ཐབས་ཀྱི་གཉིས་པས་སྤྲས། །དེ་འོག་བཞི་པའི་གསུམ་པ་སྤྱིན། །དེ་རྗེས་དྲུག་པའི་དང་པོ་བཞག །དེ་འོག་དང་པོའི་གཉིས་པ་ལ། །དྲུག་པའི་དང་པོས་འོག་ནས་སྤྲས། །སྟོང་པའི་བདུན་པས་སྟེང་དུ་བཀོད། །དེ་འོག་བཞི་པའི་དང་པོ་བཞག །དེ་རྗེས་དྲུག་པའི་དང་པོ་སྟེ། །དེ་རྗེ་གཉིས་པའི་གསུམ་པ་ལ། །དྲུག་པའི་བཞི་པས་མགོ་ནས་སྤྲས། །དེ་འོག་དྲུག་པའི་གསུམ་པས་བརྒྱན། །མ་ལ་ཀར་ཀུ་དང་ཧུ༷་ཕཊ། ཅེས་བརྗོད་པས། །སྙིང་པོ་རྣམ་པར་སྣང་མཛད་དེ། །དེ་འོག་ལྔ་པའི་གཉིས་པ་བཞག །དེ་འོག་དང་པོའི་གསུམན་པ་སྟེ། །དེ་འོག་པའི་དང་པོའོ། །ཛ་ལ་གཉིས་དང་ཛ་ལ་གཉིས། སྤུ་ཏ་གཉིས་དང་ཡ་བཏགས་གཉིས། །དེ་ནི་སྐུ་ཡི་སྙིང་པོའོ། །དེ་ནས་བདུན་པའི་ཐ་མར་བཞག །དེ་རྗེས་དྲུག་པའི་གཉིས་པ་ལ། །ལྔ་པའི་གསུམ་པས་འོག་ནས་སྤྲས། །དེ་འོག་བཞི་པའི་ལྔ་པ་གཞག །དེ་འོག་དང་པོའི་གསུམ་པ་སྟེ། །དེ་རྗེས་ལྔ་པའི་བཞི་པ་གཉིས། །དེ་ནས་བཞི་པའི་ལྔ་པ་དང་། །གསུམ་པའེ་ལྔ་པ་དེ་ལ་ནི། །སྟོང་པའི་གཉིས་པས་སྟེང་ནས་བརྒྱན། །པ་ར་ས་ར་གསུང་སྙིང་པོ། །དེ་འོག་བདུན་པ་ཐ་མ་ལ། །དེ་རྗེས་དྲུག་པའི་གཉིས་པ་ལ། །ལྔ་པའི་གསུམ་པས་འོག་ནས་སྤྲས། །དེ་འོག་བཞི་པའི་གསུམ་པ་ལ། །ཤེས་རབ་གསུམ་པས་འོག་ནས་བརྒྱན། །དེ་འོག་བདུན་པའི་ཐམ་ལ། །བཞི་པའི་དང་པོ་དེ་ལ་སྤྱིན། །བཞི་པའི་ལྔ་པ་དང་ལྡན་ཏེ། །དེ་འོག་དྲུག་པའི་གཉིས་པ་ལ། །མཐར་གནས་ཐ་ལྟག་འོག་ནས་བརྒྱན། །སྟེང་དུ་སྟོང་པའི་གཉིས་པ་བཞག །དེ་འོག་བཞི་བའི་གསུམ་པ་བཞག །དེ་རྗེས་དྲུག་པའི་དང་པོ་གཞག །དེ་རྗེས་བདུན་པའི་དང་པོ་ལ། ཁྲེས་རབ་བདུན་པས་སྟེང་དུ་བཀོད། །དེ་འོག་བཞི་པའི་གསུམ་པ་གཞག །བཞི་པ་ལྔ་པ་སྟོང་གཉིས་ལྡན། །ཧུ༷་གཉིས་ཕཊ་དང་བཅས་པ་ནི། །ཐུགས་ཀྱི་སྙིང་པོ་ཡིན་པར་འདོད །དང་པོའི་རྣམ་པར་སྣང་མཛད་དང་། །གཉིས་པ་སྣང་བ་མཐའ་ཡས་ཏེ། །གསུམ་པ་མི་བསྐྱོད་པ་ཡིན་ཏེ། །སྐུ་གསུང་ཐུགས་ཀྱི་སྙིང་པོའོ། །སྭ་དང་ཧྭ་རུ་བཅས་པ་ནི། །ཐ་མའི་སྔགས་ཏེ་ཀུན་ལ་ལྡན། །ཡོན་ཏན་དང་ནི་འཕྲིན་ལས་སོ། །དང་པོ་ཐབས་ཀྱིས་དང་པོ་བཞག །དེ་འོག་སྔ་པའི་གསུམ་པ་ལ། །མཐར་གནས་ཐ་ལྟག་ཡ་རུ་བཅས། །སྟེང་ནས་སྟོང་པ་གཉིས་པས་སྤྲས། །དེ་འོག་འདུན་པའི་དང་པོ་ལ། །སྟོང་པའི་གཉིས་པས་སྟེང་ནས་མཛེས། །དེ་ལ་བཞི་པའི་ལྔ་པ་སྦྱིན། །དེ་འོག་གཉིས་པའི་དང་པོ་བཞག །དེ་འོག་བཞི་པའི་དང་པོ་ལ། །སྟོང་པའི་གསུམ་པས་མགོ་ནས་སྤྲས། །དེ་རྗེས་ལྔ་པའི་ལྔ་པ་གཞག །དབང་བསྐུར་བ་ཡི་སྔགས་ཡིན་ནོ། །རྙུ་པེ་ལ་སོགས་མཆོད་པའི་གཞི། །བཏུ་མི་དགོས་ཏེ་དེ་ཉིད་ཡིན། །བདུད་རྩི་མཆོད་པའང་དེ་བཞིན་ལ། །རྗེས་སུ་ཆགས་པ་མན་ཆད་ནས། །སྒོ་བཞི་མཐར་གནས་ཡན་ཆོད་དུ། །བཏུ་མི་དགོསཏེདེབཞིནཡིན། །དངཔོ་རྣམ་པར་སྣང་མཛད་ཡིན། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའོ་གཉིས་པ་ལ། །དྲུག་པའི་སྟོང་པ་བདུན་ལྡན་ཏེ། །དེ་འོག་བཞི་པའི་དང་པོ་ལ། །སྟོང་པ་གཉིས་པས་སྟེང་ནས་བརྒྱན། །ཨེ་ཀ་ཛ་དང་བཛྲ་ཧུ༷། །ཐབས་ཀྱི་དང་པོ་ཐ་ཞགས་པ། །ཀྲོདྷི་ཤྭ་རིའི་རྩ་སྔགས་ཡིན། །དང་པོ་རྣམ་པར་སྣང་མཛད་ཡིན། །དེ་འོག་བདུན་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པས་སྟེང་ནས་བརྒྱན། །དེ་ནས་མི་ཤིགས་སྙིང་པོ་སྟེ། །ཀུ་དང་མ་དང་རི་དང་གསུམ། །དེ་འོག་དྲུག་པའི་དང་པོ་ལ། །དང་པོའི་གསུམ་པ་དེ་ལ་སྒྱིན། །དེ་འོག་བདུན་པའི་དང་པོ་བཞག །ཐ་མ་ཧུ༷་དང་ལྡན་པ་ནི། །ཁྲག་འཐུང་ལས་ཀྱི་རྩ་སྔགས་ཡིན། །བདེ་བར་གཤེགས་ལྔའི་ས་བོན་རྣམས། །གཞན་ལས་གསལ་བར་བཏུ་མི་དགོས། །ཡུམ་ཡང་དེ་ཡི་རང་བཞིན་ལས། །ཧུ༷་གསུམ་ཕཊ་གསུམ་གནས་པ་ནི། །ཐུགས་དང་དེ་བཞིན་འཕྲིན་ལས་སོ། །དང་པོ་རྣམ་པར་སྣང་མཛད་ལ། །དེ་རྗེས་མི་ཤིགས་སྙིང་པོ་ཅན། །ཀི་ལི་ཀི་ལ་ཡ་ཧྭ༷་ཛ། རིང་ཐུང་མེད་པའི་ཡི་གེ་འབྲུ་སྟེ། །དགུག་པའི་སྙིང་པོ་ཡིན་པར་ཤེས། །དང་པོ་གཏི་མུག་རིགས་ཡིན་ཏེ། །དེ་ནས་མི་ཤིགས་སྙིང་པོ་ཅན། །ཀི་ལི་ཀི་ལ་ཡ་ཞེས་པ། །དེ་རྗེས་བཞི་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་ལྔ་པའི་གསུམ་པ་སྤྱིན། །དེ་རྗེས་གསུམ་པའི་དང་པོ་བཞག །དེ་རྗེས་གཉིས་པའི་དང་པོ་སྟེ། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །ཧུ༷་དང་རྫོ་བརྩེགས་གཞག་པ་ནི། །སྲས་མཆོག་ཕུར་བུ་འདོན་པའི་སྔགས། །རྫོ་བརྩེགས་རྣམས་ལ་གསལ་འབར་བ། །བཏུ་རྒྱུ་མེད་དེ་གདོན་བའི་རྐྱེན། །དང་པོ་བཞི་པའི་དང་པོ་ལ། །བཞི་པའི་གསུམ་པ་དེ་ལ་སྤྱིན། །དེ་འོག་དྲུག་པའི་དང་པོ་གཞག །དེ་འོག་བཞི་པའི་གཉིས་པ་གཞག །དེ་འོག་དྲུག་པའི་གཉིས་པའོ། །དེ་འོག་དང་པོའི་དང་པོ་ལ། །བདུན་པའི་དང་པོས་འོག་ན་་་སྤྲས། །རུ་རུ་གཉིས་དང་རོ་དུ་གཉིས། །དེ་འོག་ལྔ་པའི་གསུམ་པ་བཞག །དེ་འོག་བཞི་པའི་དང་པོ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་བདུན་པའི་ཐ་མ་ལ། །སྟོང་པའི་གཉིས་པས་སྟེང་ནས་བརྒྱན། །ཐ་མ་ཧུ༷་དང་ལྡན་པར་བྱ། །གོང་མ་ཇི་ལྟར་བསྒྲུབ་པ་ལས། །དེ་ཡི་འོག་ཏུ་སྟོང་པའི་ངང་། །དེ་འོག་བདུན་པའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །དེ་ལས་དང་པོའི་གསུམ་པ་སྦྱིན། །མེ་དང་ཧུ༷་དུ་བཅས་པར་བྱའོ། །རུ་ཡི་འོག་ཏུ་ལྔ་ཡི་གསུམ། །དེ་འོག་བཞི་པའི་དང་པོ་བཞག །དེ་ལ་སྟོང་པའི་གཉིས་པ་སྤྱིན། །དེ་འོག་བདུན་པའི་ཐ་མ་ལ། །བཞི་བའི་དང་པོ་དེ་ལ་སྦྱིན། །དེ་ནས་ཧུ༷་དང་ལྡན་པའོ། །རུ་ཡི་འོག་ཏུ་ཙ་བཞག་ལ། །པ་དང་ལ་དང་ཧུ༷་དང་གསུམ། །འདི་རྣམས་ལྷ་མོ་བསྐྱེད་པའི་སྔགས། །དང་པོ་གཉིས་པའི་གསུམ་པ་བཞག །དེ་རྗེས་དྲུག་པའི་དང་པོའོ། །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །ཧུ༷་དང་ཐ་མ་ལྡན་པར་ཡིན། །དང་པོ་ལྔ་པའི་ལྔ་པ་ལ། །བཞི་པའི་ལྔ་པ་དེ་ལ་སྤྱིན། །དེ་འོག་གསུམ་པའི་དང་པོ་ལ། །སྟོང་པའི་གཉིས་པས་སྟེང་དུ་བརྒྱན། །ཐ་མ་ཧུ༷་དང་ལྡན་པ་ཡིན། །དང་པོ་བདུན་པའི་དང་པོ་ལ། །དྲུག་པའི་སྟོང་པས་འོག་ནས་སྤྲས། །དེ་འོག་དྲུག་པའི་གཉིས་པ་ལ། །ཐབས་ཀྱི་གཉིས་པས་འོག་ནས་སྤྲས། །ཐ་མ་ཧུ༷་དང་ལྡན་པ་ཡིན། །དང་པོ་བཞི་པའི་ལྔ་པ་བཞག །སྟོང་པའི་གཉིས་བས་སྟེང་དུ་བཀོད། །དེ་འོག་དྲུག་པའི་གསུམ་པ་གཞག །དེ་འོག་ལྔ་པའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་དང་པོ་ལ། །ཤེས་རབ་གཉིས་པས་སྟེང་ནས་བརྒྱན། །ཧུ༷་ནི་ཐ་མར་རབ་བཞག་པ། ་༑ན་སྐྱེད་པའི་སྔགས་ཡིན་ནོ། །དང་པོ་དང་པོའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དྲུག་པའི་དང་པོ་འོག་ནས་སྤྱིན། །དེ་འོག་དང་པོའི་གཉིས་པ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པས་སྟེང་ནས་སྤྲས། །དེ་ལ་བཞི་པའི་གསུམ་པ་སྤྱིན། །མཐའ་རུ་ཧུ༷་ནི་བཞག་པ་ཡིན། །དང་པོ་གཉིས་པའི་དང་པོ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་ལ་བཞི་པའི་ལྔ་པ་སྤྱིན། །དེ་འོག་བཞི་པའི་གསུམ་པ་བཞག །དེ་རྗེས་ལྔ་པའི་ལྔ་པ་གཞག །ཐ་མ་ཧུ༷་དང་ལྡན་པར་བྱ། །དང་པོ་བདུན་པའི་ཐ་མ་ལ། །གཉིས་པའི་ལྔ་པ་དེ་ལ་སྤྱིན། །སྟོང་པའི་གཉིས་པས་སྟེང་ནས་བརྒྱན། །དེ་ལ་དང་པོའི་ལྔ་པ་སྤྱིན། །ཟ་དང་ཁ་དང་ཧུ༷་དང་གསུམ། །དེ་དང་ལྡན་པའི་སྙིང་པོ་ཡི། །དང་པོའི་གསུམ་པའི་དང་པོ་སྟེ། །སྟོང་པའི་རྒྱན་པ་སྟེང་ནས་བརྒྱན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པ་དེ་ལ་སྤྱིན། །དེ་འོག་དྲུག་པའི་གསུམ་པ་གཞག །དེ་འོག་བདུན་པའི་ཐ་མ་ལ། །བཞི་པའི་དང་པོ་སྟོང་པའི་བདུན། །ཐ་མ་ཧུ༷་དང་ལྡན་པ་སྟེ། །ལྷ་མོ་བསྐྱེད་པའི་སྙིང་པོའོ། །དུར་ཁྲོད་སྤྲུལ་པའི་མ་མོ་རྣམས། །གཞན་ལས་གྲགས་པ་འདིར་ཡང་སྟེ། །དེ་ལ་བཏུ་བ་ཡོངས་མི་དགོས། །སྒོ་མ་བཞི་ཡང་དེ་བཞིན་ནོ། །དང་པོ་རྣམ་པར་སྣང་མཛད་དེ། །དེ་འོག་གཉིས་པའི་དང་པོ་ལ། །གསུམ་པའི་ལྔ་པ་དེ་ལ་སྤྱིན། །དེ་འོག་གསུམ་པའི་གསུམ་པ་གཞག །དེ་འོག་ལྔ་པའི་ལྔ་པ་གཞག །དེ་འོག་མཐར་གནས་ཐ་ལྟག་བཞག །དེ་འོག་དྲུག་པའི་གཉིས་པ་བཞག །སྟོང་པའི་བདུན་པ་སྟེང་ནས་བརྒྱན། །དེ་འོག་བདུན་པའི་དང་པོ་བཞག །དེ་རྗེས་བཞི་པའི་ལྔ་པའོ། །ཧུ༷་ཕཊ་མཐའ་རུ་བཞག་པ་ནི། །སྟོབས་ཆེན་རྩ་བའི་སྔགས་ཡིན་ནོ །དང་པོ་བཞི་པའི་ལྔ་བ་བཞག །དེ་རྗེས་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་ལ། །བཞི་པའི་གསུམ་པ་དེ་ལ་སྤྱིན། །དེ་འོག་གསུམ་པའི་ལྔ་པ་བཞག །དེ་འོག་བཞི་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་དྲུག་པའི་དང་པོ་གཞག །དེ་འོག་དེ་ཉིད་ཐབས་དང་བཅས། །ན་དང་བ་དང་ཀི་དང་ཤམས་ན་བཞག་པ་ནི། །རིང་ཐུང་དྲག་དལ་མེད་པས་སོ། །མ་ཧ་རྭ་ཛ་པྱ་ཤེས་པ་ནས། །ཧ་ཀ་ཞེས་སུ་ཡ་ཆོད་དུ། །ཡི་གེ་བཅོ་བརྒྱད་རྐྱང་པ་ཡིན། །དེ་འོག་བཞི་པའི་གསུམ་པ་ལ། །སྟོང་པ་གཉིས་པས་འོག་ནས་སྤྲས། །དེ་འོག་ལྔ་པའི་དང་པོ་གཉིས། །དེ་འོག་གསུམ་པའི་གསུམ་པ་ལས། །སྟོང་པའི་དྲུག་པས་སྟེང་ནས་བརྒྱན། །བ་ཏ་ན་ཡིས་གཟུང་བ་ནས། །ཕཊ་ཀྱིས་གཟུང་བའི་བར་དུ་ནི། །ཡིག་འབྲུ་བརྒྱད་ཅུ་རྩ་གཉིས་ཡོད། །དེ་ལ་ཨ་ཅིག་རིང་པོར་ཡིན། །དེ་ལས་མང་བར་ཡོད་མེད་དེ། །ཉུང་བར་ཡང་མི་ནི་གསུངས་སོ། །དང་པོ་རྣམ་པར་སྣང་མཛད་གཞག །དེ་འོག་བཞི་པའི་ལྔ་པ་གཞག །དེ་རྗེས་ལྔ་པའི་ལྔ་པ་བཞག །དེ་རྗེས་བདུན་པའི་ཐ་མ་གཞག །དེ་འོག་ལྔ་པའི་ལྔ་པ་ལ། །བཞི་པའི་ལྔ་པ་དེ་ལ་སྤྱིན། །དེ་རྗེས་གསུམ་པའི་དང་པོ་བཞག །དེ་རྗེས་དང་པོའི་དང་པོ་གཞག །དེ་རྗེས་དྲུག་པའི་དང་པོ་གཞག །དེ་འོག་ལྔ་པའི་གསུམ་པ་ལ། །དེ་ལ་དང་པོའི་གསུམ་པ་སྦྱིན། །དེ་རྗེས་གཉིས་པའི་དང་པོ་ལ། །ཤེས་རབ་གཉིས་པས་སྟེང་ནས་བརྒྱན། །དེ་འོག་གསུམ་པའི་དང་པོ་གཞག །མི་ཤིགས་སྙིང་པོ་ནས་དང་བཅས། །དེ་ནས་གཏི་མུག་རིགས་ཡིན་ཏེ། །ཀྟ་རིས་གསུམ་པོ་བརྗོད་པའི་རྗེས། །དེ་འོག་བཞོ་པའི་དང་པོ་གཞག །དེ་རྗེས་དྲུག་པའི་དང་པོའོ། །དེ་འོག་བདུན་པའི་ཐ་མ་གཞག །དེ་འོག་དྲུག་པའི་གཉིས་པ་ལ། །ལྔ་པའོ་གསུམ་པས་མགོ་ནས་སྤྲས། །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བདུན་པའི་ཐ་མ་ལ། །བཞི་པའི་དང་པོས་འོག་ནས་བརྒྱན། །བཞི་པའི་ལྔ་པ་དེ་ལ་སྤྱིན། །མ་དང་ར་དང་ཡ་དང་ཕཊ། །རིང་ཐུང་མེད་པའི་ཨེ་ཡིག་གོ །ཀི་ལ་ཡ་ཞེས་ལན་གཉིས་བརྗོད། །སརྦ་པ་ཕམ་ཕཊ། རིང་བ་མ་ཡིན་ཐུང་པ་མིན། །ཧུ༷་གསུམ་མི་ཤིགས་ཀི་ལ་ཡ། །དེ་རྗེས་དྲུག་པའི་གཉིས་པ་ལ། །སྟོང་པའི་བདུན་པ་སྟེང་ནས་བཀོད། །སྟོང་པའི་དང་པོ་བཞི་པའི་གསུམ། །དེ་འོག་གཉིས་པའི་ལྔ་པ་བཞག །དེ་འོག་ལྔ་པའི་དང་པོའོ། །དེ་རྗེས་དྲུག་པའི་དང་པོ་གཞག །དེ་འོག་བཞི་པའི་དང་པོ་ལ། །སྟོང་པའི་གཉིས་པ་ས་སྟེང་ནས་བརྒྱན། །དེ་འོག་དང་པོའི་དང་པོ་གཞག །དེ་འོག་དྲུག་པའི་དང་པོ་གཞག །དེ་རྗེས་ལྔ་པའི་གསུམ་པ་ལ། །དང་པོའི་གསུམ་པ་དེ་ལ་སྤྱིན། །དེ་འོག་གཉིས་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་གསུམ་པའི་དང་པོ་བཞག །མི་ཤིགས་སྙིང་པོ་ཀི་ལ་ཡ། །ཟྭ་ར་ཡ་དང་ཧུ༷་དང་ཕཊ། །དེ་ནི་གསོད་པའི་སྡེར་མོ་ཡི། །སྔགས་ནི་ཡིན་པར་ཤེས་པར་བྱ། །དེ་ནས་བཞི་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་ལྔ་པའི་གསུམ་པ་སྦྱིན། །དེ་འོག་གསུམ་པའི་དང་པོ་གཞག །དེ་རྗེས་གཉིས་པའི་དང་པོ་གཞག །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །ཧ་ན་གཉིས་དང་ཧུ༷་ཕཊ་མཐའ། །སྲས་མཆོག་ཕུར་བུའི་ལས་སྔགས་ཡིན། །དེ་ནས་བདུན་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་བཞག །དེ་འོག་དང་པོའི་དང་པོ་ལ། །སྟོང་པའི་གཉིས་པ་སྟེང་ནས་བརྒྱན། །དེ་འོག་དྲུག་པའི་གསུམ་པ་བཞག །དེ་འོག་དྲུག་པའི་དང་པོ་ལ། །སྟོང་པའི་དྲུག་པ་སྟེང་ནས་བརྒྱན། །དེ་འོག་གསུམ་པའི་དང་པོ་བཞག །ཧུ༷་ཕཊ་མཐའ་རུ་ལྡན་པར་བྱ། །དེ་ནས་ལྔ་པའི་ལྔ་པ་བཞག །དེ་འོག་དང་པོའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་དང་པོའི་དང་པོ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་བཞག །དེ་འོག་དྲུག་པའི་དང་པོ་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་གསུམ་པའི་དང་པོ་གཞག །ཧཱུཾ་དང་ཕཊ་ཀྱིས་ལྡན་པར་བྱ། །དེ་འོག་དང་པོའི་དང་པོ་གཞག །དེ་རྗེས་བཞི་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །གོང་མའི་སླབས་དང་སྦྱར་བར་བྱ། །དེ་ནས་ལྔ་པའི་དང་པོ་བཞག །དེ་འོག་བཞི་པའི་དང་པོ་ལ། །དང་པོའི་ལྔ་པ་དེ་ལ་སྤྱིན། །མཐའ་མ་གོང་ནས་ཤེས་པར་བྱ། །ད་ཧ་གཉིས་ནི་ཐབས་ཤེས་རབ། །དྷ་ན་གཉིས་ནི་ཞུམ་བའོ། །པ་ཙ་ཧུ༷་པུ་བཞི་པོ་ཡང་། །ཞུམ་པའི་རང་བཞིན་ཡིན་པའི། །ཚིརྙ་གཉིས་ནི་རིང་བ་སྟེ། །པསྨི་ཀུ་རུ་ཧུ༷་ཕཊ་ཨ། །ཞུམ་པ་ཡིན་ཏེ་ཚག་དྲག་བཅས། །གསོད་པའི་ཁྲོ་བོ་སྤྱི་ཡི་ནི། །ལས་སྔགས་ཡིན་པར་རྒྱལ་བས་གསུངས། །དེ་ནས་རྣམས་པར་སྣང་མཛད་བསྒོམ། །དེ་འོག་དྲུག་པའི་གསུམ་པ་ལ། །སྟོང་པའི་བརྒྱད་པས་སྟེང་ནས་བརྒྱན། །དེ་འོག་ཧུ༷་དང་གོང་མ་གཞག །རྡོ་རྗེས་བདུན་པའི་ཐ་མ་ལ། །བཞི་པའི་དང་པོས་འོག་ནས་བརྒྱན། །དེ་ལ་ལྔ་པའི་ལྔ་པ་སྦྱིན། །དེ་འོག་ལྔ་པའི་གསུམ་པ་བཞག །དེ་འོག་བཞི་པའི་ལྔ་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་མཐོང་གནས་ཐ་ལྟག་གཞག །དེ་རྗེས་དང་པོའི་བཞི་པ་བཞག །དེ་འོག་དྲུག་པའི་དང་པོ་གཞག །དེ་རྗེས་ལྔ་པའི་བཞི་པ་གཞག །དེ་འོག་གསུམ་པའི་དང་པོའོ། །རྡོ་རྗེས་ལྔ་པའི་བཞི་པ་ལ། །བཞི་པའི་ལྔ་པ་དེ་ལ་སྤྱིན། །དེ་འོག་བདུན་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གགཉིས་པས་སྟེང་ནས་བཀོད། །དེ་འོག་དང་པོའི་དང་པོ་ལ། །དྲུག་པའི་གཉིས་པ་འོག་ནས་སྤྲས། །ཐབས་ཀྱི་གཉིས་པས་སྟེང་ནས་བཀོད། །དེ་ནི་དོན་དང་ལྡན་པའི་སྔགས། །དེ་ནི་མི་ཤིགས་སྙིང་པོ་ཅན། །དེ་འོག་ཐུགས་ཀྱི་རང་བཞིན་ལ། །དང་པོའི་དང་པོ་དྲུག་པ་གཉིས། །ཧུ༷་གསུམ་ཕཊ་གསུམ་གནས་པ་ནི། །ཟིལ་གྱིས་གནོན་པའི་སྙིང་པོ་ཡིན། །རྣམ་སྣང་མི་ཤིགས་སྙིང་པོ་ང་། །ཀི་ལི་ཀི་ལ་ཡ་དང་ཛ། །ཧུ༷་དང་བ༷་དང་ཧོ་ཞེས་པ། །ཚེ་དྲག་དང་བཅས་འགུག་པའོ། །དེ་འོག་རྣམ་པར་སྣང་མཛད་ལ། །དེ་འོག་ཐམས་ཅད་སྙིང་པོ་བཅས། །དེ་འོག་ལྔ་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་དང་པོའི་གསུམ་པ་སྤྱིན། །གསུམ་པའི་ལྔ་འོག་བཞི་པའི་ལྔ། །གཉིས་པའི་གོང་འོག་དང་ལྡན་པར་བྱ། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་གཞག །དེ་འོག་དྲུག་པའི་དང་པོ་སྟེ། །ཧུ༷་གཉིས་ཕཊ་དང་བཅས་པའོ། །དེ་ནས་རྣམ་པར་སྣང་མཛད་ལ། །དེ་འོག་མི་ཤིགས་སྙིང་པོ་ཅན། །ཧུ༷་ཀ་ར་དང་ཧུ༷་དང་ཨ། །བརྩེགས་ལུངས་ཆེན་ནོ་སྙིང་པོ་ཡིན། །དེ་ནས་གཉིས་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་བཞི་པའི་ལྔ་པ་སྦྱིན། །དེ་རྗེས་བཞིན་པའི་བཞི་པ་ལ། །དེ་འོག་གཉིས་པའི་དང་པོ་ལ། །ཐབས་ཀྱི་གཉིས་པ་དེ་ལ་སྦྱིན། །གསུམ་པའི་ལྔ་པ་དང་ལྡན་ཏེ། །གསུམ་པའི་བཞི་པ་དེ་འོག་གཞག །མི་ཤིགས་སྙིང་པོ་ཧུ༷་ཕཊ་མཐའ། །བདུད་རྩི་འཁྱིལ་པའི་ལས་སྔགས་ཡིན། །དེ་ནས་ལྔ་པའི་གསུམ་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་བཞི་པའི་ལྔ་པ་སྦྱིན། །དེ་འོག་བཞི་པའི་བཞི་པ་བཞག །དེ་འོག་བཞི་པའི་ལྔ་པ་ལ། །ཐབས་ཀྱི་གཉིས་པས་སྟེང་ནས་བརྒྱན། གསུམ་པའི་ལྔ་པ་དེ་ལ་སྤྱིན། །དེ་འོག་གསུམ་པའི་བཞི་པ་གཞག །མི་ཤིགས་སྙིང་པོ་ཧུ༷་ཕཊ་མཐའ། །ཁམས་གསུམ་རྣམ་རྒྱལ་ལས་ཀྱི་སྔགས། །དེ་ནས་དང་པོའི་གསུམ་པ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པའི་སྟེང་ནས་བརྒྱན། །དེ་འོག་བཞི་པའི་ལྔ་པས་གཞག །དེ་རྗེས་དང་པོ་བཞི་པ་ལ། །དྲུག་པའི་གཉིས་པས་འོག་ནས་སྤྲས། །ཐབས་ཀྱི་གཉིས་པས་སྟེང་དུ་བཀོད། །དེ་འོག་གསུམ་པའི་ལྔ་པ་ལ། །མི་ཤིགས་སྙིང་པོ་ཧུ༷་ཕཊ་མཐའ། །རྟ་མགྲིན་རྒྱལ་པོའི་ལས་ཀྱི་སྔགས། །ཧ་ན་དྲག་ལ་གཉིས་སུ་ཕཊ། །མི་ཤིགས་སྙིང་པོ་ཧུ༷་ཕཊ་མཐའ། །རྣམ་པར་རྒྱལ་བའི་ལས་ཀྱི་སྔགས། །དེ་འོག་ལྔ་བའི་གསུམ་པ་ལ། །བཞི་པའི་ལྔ་པ་དེ་ལ་སྦྱིན། །དེ་འོག་བཞི་པའི་གསུམ་པ་གཞག །དེ་རྗེས་ལྔ་པའི་བཞི་པ་ལ། །གསུམ་པའི་ལྔ་པ་དེ་ལ་སྦྱིན། །དེ་འོག་གསུམ་པའི་བཞི་པ་གཞག །མི་ཤིགས་སྙིང་པོ་ཧུ༷་ཕཊ་མཐའ། །མི་གཡོ་མགོན་་པོ་ལས་ཀྱི་སྔགས། །དང་པོ་རྣམ་པར་སྣང་མཛད་ཡིན། །དེ་འོག་བཞི་པའི་དང་པོ་ལ། །བཞི་པའི་གསུམ་པ་དེ་ལ་སྤྱིན། །དེ་འོག་དྲུག་པའི་དང་པོ་གཞག །དེ་འོག་བཞི་བའི་གཉིས་པ་གཞན། །དེ་འོག་གསུམ་པའི་དང་པོ་ལ། །གསུམ་པ་ཡང་ནི་དེ་ལ་སྦྱིན། །དེ་འོག་དྲུག་པའི་དང་པོ་གཞག །དེ་འོག་གསུམ་པའི་གཉིས་པ་གཞག །མི་ཤིགས་སྙིང་པོ་ཧུ༷་ཕཊ་མཐའ། །རྫུ་འཕྲུལ་འཕྲོག་པའི་ལས་སྔགས་ཡིན། དེ་འོག་མཐར་གནས་མཐར་ལྟག་གཞག །དེ་འོག་བདུན་པའི་མཐའ་མ་གཞག །དེ་འོག་དྲུག་པའི་དང་པོ་སྟེ། །དེ་འོག་དྲུག་པའི་གཉིས་པའོ། །དེ་འོག་དྲུག་པའི་གཉིས་པ་ལ། །མཐར་གནས་ཐ་ལྟག་འོག་ནས་སངས། །སྟོང་པའི་གཉིས་སྟེང་ནས་བརྒྱན། །དེ་འོག་གསུམ་པའི་གསུམ་པ་ལ། །གསུམ་པའི་ལྔ་པ་དེ་ལ་སྤྱིན། །མི་ཤིགས་སྙིང་པོ་ཧུ༷་ཕཊ་མཐའ། །མཐུ་འཕྲོག་པ་ཡི་སྙིང་པོ་ཡིན། །དེ་ནས་བདུན་པའི་ཐ་མ་ལ། །དྲུག་པའི་གཉིས་པས་འོག་ནས་སངས། །སྟོང་པའི་གཉིས་པས་སྟེང་དུ་བརྒྱན། །དེ་འོག་དང་པོའི་དང་པོ་ལ། །དྲུག་གཉིས་འོག་སྤྲས་སྟོང་གཉིས་ཏེ། །དེ་འོག་པ་ཡི་དང་པོ་གཞག །དེ་འོག་གསུམ་པའི་ལྔ་པའི་སྟེ། །དེ་འོག་དྲུག་པའི་དང་པོའོ། །མི་ཤིགས་སྙིང་པོ་ཧུ༷་ཕཊ་མཐའ། །དེ་ནི་ཡན་ལག་བཅིངས་པའི་སྔགས། །ཛ་ལ་བ་ཡ་གཉིས་བརྗོད་པ། །མི་ཤིགས་སྙིང་པོ་ཧུ༷་ཕཊ་མཐའ། །དེ་ནི་སྨྲ་བྱེད་སྙིང་པོ་ཡིན། །ཨ་བེ་ལན་གཉིས་བརྗོད་བྱས་ནས། །ཧུ༷་ཕཊ་མཐའ་རུ་གཞག་པ་ནི། །དེ་ནི་འབེབས་བྱེད་སྙིང་པོ་ཡིན། །དེ་འོག་ལྔ་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བཞི་པའི་བཞི་པ་གཞག །དེ་འོག་དྲུག་པའི་དང་པོ་གཞག །ཉིས་འཀྱུར་མི་ཤིགས་སྙིང་པོ་ཅན། །ཧུ༷་ཕཊ་མཐའ་དང་བཅས་པ་ནི། །བསྟབས་པའི་སྐབས་སུ་ཤེས་པར་བྱ། །ད་ཧ་ཉིས་འགྱུར་འོག་དྲུག་བཅས། །མི་ཤིགས་སྙིང་པོ་ཧུ༷་ཕཊ་མཐའ། །དབྱུག་པ་སྔོན་པོའི་ལས་ཀྱི་སྔགས། །པ་ཙ་ཉིས་འགྱུར་མི་ཤིགས་ཅན། །ཧུ༷་ཕཊ་མཐའ་རུ་གཞགཔནི། །གཤིནརྗེགཤེད་པོའི་ལས་ཀྱི་སྔགས། །མ་ཐ་ཉིས་འགྱུར་མི་ཤིགས་པ། །ཧུ༷་ཕཊ་མཐའ་རུ་གཞག་པ་ནི། །བདག་ཉིད་ཆེན་མོའི་ལས་སྔགས་ཡིན། །སུ་རུ་ཉིས་འགྱུར་མཐར་གོང་བཞིན། །མཆེ་བཅན་གྱི་ལས་སྔགས་ཡིན། །ཛ་ལ་ཉིས་འགྱུར་མཐའ་གོང་བཞིན། ་༑་ན་མུ་ཀའི་ལས་སྔགས་ཡིན། །མུ་རུ་ཉིས་འགྱུར་མཐའ་གོང་བཞིན། །ཕྱག་བརྙན་ཆེན་མོའི་ལས་སྔགས་ཡིན། །དེ་ནས་དང་པོའི་དང་པོའོ། །དེ་འོག་གསུམ་པའི་དང་པོ་གཞག །དེ་རྗེས་དྲུག་པའི་དང་པོ་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་ལྔ་པའི་བཞི་པ་ལ། །དེ་ལ་བཞི་པའི་ལྔ་པ་སྤྱིན། །དེ་འོག་གཉིས་གསུམ་སྟོང་དྲུག་སྟེ། །དེ་འོག་སྟོང་དང་ལྔ་ལྔ་པའོ། །དེ་འོག་དྲུག་པའི་གཉིས་གནས་ཏེ། །དེ་འོག་གཉིས་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བཞི་པའི་དང་པོ་ལ། །སྟོང་པའི་དྲུག་པས་སྟོང་ནས་བརྒྱན། །མ་དང་ར་དང་ས་ན། །སུ་མ་དྷ་དང་ཡང་དང་ནི། །མི་ཤིགས་ཧུ༷་ཕཊ་མཐའ་རུ་གཞག །ལྷ་མོ་བཞི་ཡི་གསད་སྔགས་སོ། །དང་པོ་ཐུགས་ཀྱི་སྙིང་པོ་ཡིན། །མ་གཉིས་པ་ཤི་ཀུ་རུ་མ། །སྟམ་ཉ་ཀ་རེ་ཞེས་པའོ། །དེ་རྗེས་སྟོང་དང་གཉིས་པ་སྟེ། །དེ་འོག་བཞི་པའི་བཞི་པ་ལ། །བཞི་པའི་ལྔ་པ་དེ་ལ་སྤྱིན། །དེ་འོག་གསུམ་པའི་དང་པོའོ། །སྟོང་པའི་དྲུག་པས་སྟེང་ནས་བརྒྱན། །མ་གཉིས་ཀརྨ་ཤི་ཀ་སྟེ། །ཡ་ཧ་མཐའ་རུ་གཞག་པ་ནི། །བདུན་པའི་གསང་སྔགསདེབཞིནནོ། །དངཔོརྣམ་པར་སྣང་མཛད་ལ། །དེ་འོག་མི་ཤིགས་སྙིང་པོ་དེ། །ཨ་ན་ཡ་དང་མི་ཤིགས་པ། །ཧུ༷་ཕཊ་མཐའ་རུ་གཞག་པ་ནི། །ཧུ༷་ཆེན་ཀ་རའི་ལས་སྔགས་ཡིན། །དེ་ནས་བཞི་པའི་དང་པོ་ལ། །བཞི་པའི་གསུམ་པ་དེ་ལ་སྤྱིན། །དེ་འོག་དྲུག་པའི་དང་པོ་གཞག །དེ་འོག་བཞི་པའི་གཉིས་པ་གཞག །ཧུ༷་ཕཊ་མཐའ་རུ་བཞག་པ་ནི། །བརྡུང་པའི་དུས་སུ་ཤེས་པར་གྱིས། །དང་པོ་རྣམ་པར་སྣང་མཛད་དེ། །དེ་འོག་བཞི་པའི་གཉིས་པ་གཞག །དེ་རྗེས་གསུམ་པའི་དང་པོ་ལ། །བདུན་པའི་ཐ་མ་དེ་ལ་སྦྱིན། །བཞི་པའི་ལྔ་པ་གསུམ་པའི་ལྔ། །དེ་གཉིས་ཟུང་དུ་ལྡན་པར་བྱ། །དེ་འོག་དང་པོའོ་གཉིས་པ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་བདུན་པས་སྟེང་དུ་བཀོད། །དེ་འོག་བཞི་པའི་དང་པོ་གཞག །ཧུ༷་ཕཊ་ཕཊ་གཉིས་ལྡན་པར་བྱ། །སྔགས་ནི་སྨན་ཤིང་ཕུར་བུའི་སྔགས། །དང་པོ་རྣམ་པར་སྣང་མཛད་དེ། །སུ་རུ་གཉིས་འགྱུར་ཨཙུ་སྨ། །དེ་རྗེས་དང་པོ་གཉིས་པ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་བདུན་པས་སྟེང་ནས་བརྒྱན། །དེ་འོག་བཞི་པའི་དང་པོ་གཞག །དེ་འོག་དྲུག་པའི་དང་པོ་སྟེ། །ཧུ༷་ཕཊ་མཐའ་རུ་གཞག་པ་ནི། །དེ་ནི་སེང་ལྡེང་ཕུར་བུའི་སྔགས། །དང་པོ་གཏི་མུག་རིགས་ཡིན་ཏེ། །དེ་རྗེས་བདུན་པའི་ཐ་མ་བཞག །དེ་འོག་ལྔ་པའི་ལྔ་པ་ལ། །དེ་ལ་བཞི་པའི་ལྔ་པ་སྦྱིན། །དེ་འོག་གསུམ་པའི་དང་པོ་བཞག །དེ་འོག་ལྔ་པའི་བཞི་པ་ལ། ་གོས་རབ་གཉིས་པས་སྟེང་ནས་བརྒྱན། །དེ་འོག་བདུན་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །བཞི་པའི་གསུམ་པ་དེ་ལ་སྤྱིན། །དེ་འོག་བཞོ་པའི་བཞི་པ་ལ། །སྟོང་པའི་དྲུག་པས་སྟེང་ནས་བརྒྱན། །དེ་རྗེས་སྟོང་པའི་དང་པོ་གཞག །དེ་འོག་ལྔ་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་རྗེས་བདུན་པའི་གཉིས་པ་ལ། ་།ས་རབ་གསུམ་པས་འོག་ནས་སྤྲས། །དེ་ལ་བཞི་པའི་གསུམ་པ་སྤྱིན། །དེ་འོག་དྲུག་པའི་དང་པོའོ། །དྷི་དྷ་ར་ནི་གཉིས་འགྱུར་ལ། །ཧུ༷་ཕཊ་མཐའ་རུ་གཞག་པ་ནི། །མཆོག་གི་ཕུར་བུའི་སྔགས་ཡིན་ནོ། །དང་པོ་གཏི་མུག་རིགས་ཡིན་ཏེ། །དེ་རྗེས་མི་ཤིགས་སྙིང་པོ་ཅན། །དེ་འོག་སྟོང་པའི་དང་པོའོ། །དེ་འོག་དང་པོའི་བཞི་པ་ལ། །ཤེས་རབ་གསུམ་པས་འོག་ནས་སྤྲས། །དེ་འོག་བདུན་པའི་གཉིས་པ་ལ། །བརྒྱད་པའི་ཐ་ལྟག་འོག་ནས་བརྒྱན། །ཙན་དན་ཕུར་པའི་ལས་ཀྱི་སྔགས། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །རྦ་ན་གཉིས་འགྱུར་བྱ་ཧུ༷་ཕཊ། །སྔགས་ནི་སྐྱེར་ཕུར་ལས་ཀྱི་སྔགས། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་ལྔ་པའི་ལྔ་པ་གཞག །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་བདུན་པས་སྟེང་དུ་བཀོད། །དེ་འོག་བཞི་པའི་དང་པོ་བཞག །ཧུ༷་གཉིས་ཕཊ་གཉིས་སྭཧྭ་མཐའ། །འབིགས་པའི་དྲག་སྔགས་ཡིན་པའོ། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་བདུན་པའི་ཐ་མ་ལ། །དྲུག་པའི་ཐ་མས་འོག་ནས་སྤྲས། །དེ་རྗེས་བཞི་པའི་དང་པོ་གཞག །དེ་རྗེས་བདུན་པའི་མཐའ་མ་གཞག །དེ་རྗེས་ལྔ་པའི་ལྔ་པ་གཞག །དེ་འོག་དྲུག་པའི་དང་པོ་སྟེ། །ཧུ༷་གི་ཐ་མ་བྱས་པ་ནི། །དེ་ནི་མི་འདིའི་སྔགས་ཡིན་ནོ། །དང་པོ་གཏི་མུག་ཡིན་པ་སྟེ། །དེ་རྗེས་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །འོག་ཏུ་དུར་ལྡན་སྟེང་སྟོང་གཉིས། །དེ་འོག་བཞི་པའི་དང་པོ་བཞག །ཧ་ན་གཉིས་འགྱུར་ད་ཧ་གཉིས། །པ་ཙ་གཉིས་ལ་བནྟྲ་གཉིས། །ཚིནྟྲ་གཉིས་ལ་རྦ་ན་གཉིས། །གོང་མ་ཞན་ལ་འོག་མ་དྲག །ཧུ༷་གཉིས་ཕཊ་གཉིས་བརྗོད་པ་ནི། །བཀའ་ཉན་བྱེད་པའི་སྔགས་ཡིན་ནོ། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་བདུན་པས་སྟེང་དུ་བཀོད། །དེ་འོག་གསུམ་པའི་དང་པོ་གཞག །དེ་འོག་དྲུག་པའི་དང་པོ་ལ། །དང་པོ་གསུམ་པ་སྦྱིན་པར་བྱ། །དེ་རྗེས་བདུན་པའི་གཉིས་པ་གཞག །ཁ་གཉིས་ཧ་གཉིས་ཧུ༷་གཉིས་ཏེ། །ཕཊ་གཉིས་བརྗོད་པའི་སྔགས་རྣམས་ནི། །སྙིང་ཁྲག་རྡུབ་པའི་སྔགས་ཡིན་ནོ། །དང་པོ་གཏི་མུག་རིགས་ཡིན་ཏེ། །དེ་འོག་མི་ཤིགས་སྙིང་པོ་ཅན། །དེ་རྗེས་དང་པོའི་དང་པོ་ལ། །དྲུག་པའོ་གཉིས་པས་འོག་ནས་སྤྲས། །སྟེང་དུ་སྟོང་པའི་བདུན་པས་བརྒྱན། །དེ་འོག་བཞི་པའི་དང་པོ་གཞག །དེ་རྗེས་ལྔ་པའི་ལྔ་པ་གཞག །དེ་རྗེས་མཐར་གནས་མཐའ་ལྟག་གཞག །དེ་འོག་ལྔ་པའི་དང་པོ་སྟེ། །དེ་རྗེས་དྲུག་པའི་གསུམ་པ་གཞག །ཧ་ན་གཉིས་དང་ད་ཧ་གཉིས། །པ་ཙ་གཉིས་བརྗོད་རྗེས་ལ་ནི། །ལྔ་པའི་བཞི་པ་སྟོང་གཉིས་བརྒྱན། །དེ་རྗེས་བཞི་པའི་དང་པོ་ལ། །དྲུག་པའི་བཞི་པ་འོག་ཏུ་སྤྱིན། །དེ་ལ་བཞི་པའི་ལྔ་པ་སྦྱིན། །དེ་འོག་བདུན་པའི་ཐ་མ་གཞག །དེ་རྗེས་ལྔ་པའི་ལྔ་པ་གཞག །དེ་འོག་དྲུག་པའི་དང་པོའོ། །དེ་རྗེས་གཉིས་པའི་བཞི་པ་གཞག །དེ་འོག་གསུམ་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་ལ། །ལྔ་པའི་ལྔ་པ་དང་ལྡན་པར། །དེ་འོག་ལྔ་པའི་དང་པོ་ལ། །སྟོང་པའི་བདུན་པས་སྟེང་དུ་བཀོད། །དེ་འོག་བཞི་པའི་པ་གཞག །དེ་འོག་གསུམ་པའི་དང་པོ་ལ། །དེ་རྗེས་དྲུག་པའི་གཉིས་པས་བཞག །དེ་རྗེས་གསུམ་པའི་ལྔ་པ་བཞག །དེ་རྗེས་ཐབས་ཀྱི་གསུམ་པ་གཞག །དེ་འོག་གཉིས་ཀྱི་དང་པོ་ལ། ཁོགོས་རབ་གསུམ་པས་འོག་ནས་བརྒྱན། །དེ་རྗེས་བདུན་པའི་ཐ་མ་ལ། །ལྔ་པའི་ལྔ་པས་འོག་ནས་བརྒྱན། །དེ་རྗེས་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་བདུན་པས་སྟེང་དུ་བཀོད། །དེ་འོག་བཞི་པའི་དང་པོ་བཞག །དེ་རྗེས་དྲུག་པའི་དང་པོའོ། །ཧུ༷་ཕཊ་མཐའ་རུ་གཞག་པ་ནི། ་རྐོན་ཏུ་བརྟན་པའི་སྔགས་ཡིན་ནོ། །དེ་ནས་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་རྗེས་དང་པོའི་དང་པོ་ལ། །ཤེས་རབ་གཉིས་པས་སྟེང་ནས་བརྒྱན། །དེ་རྗེས་དྲུག་པའི་གསུམ་པ་བཞག །དེ་འོག་དྲུག་པའི་དང་པོ་སྟེ། །ཁ་ཐམས་གསུམ་དང་ཧུ༷་གསུམ་སྟེ། །མཐའ་རུ་ཕཊ་གསུམ་བརྗོད་པ་ནི། །དེ་ནི་བདུད་པའི་གསང་སྔགས་ཡིན། །དང་པོ་དྲུག་པའི་གཉིས་པ་ལ། །སྟོང་པའི་བརྒྱད་པའི་སྟེང་ནས་བཀོད། །དེ་རྗེས་གཉིས་པའི་གསུམ་པ་ལ། །དྲུག་པའི་བཞི་པས་འོག་ནས་སྤྲས། །དེ་རྗེས་དྲུག་པའི་གསུམ་པ་གཞག །ཉིས་འགྱུར་བརྗོད་པའི་རྗེས་ལ་ནི། །བདུན་པ་ཡི་ནི་ཐ་མ་ལ། །ལྔ་པའི་དང་པོས་འོག་ནས་སྤྲས། །དེ་འོག་དྲུག་པའི་གཉིས་པ་གཞག །ད་རྗེས་བཞི་པའི་ལྔ་པ་གཞག །ཧུ༷་ཕཊ་མཐའ་རུ་གཞག་པ་ནི། །མེ་སྤར་བ་ཡི་སྔགས་ཡིན་ནོ། །དང་པོ་རྣམ་པར་སྣང་མཛད་ཡིན། །དེ་འོག་མི་ཤིགས་སྙིང་པོ་ཅན། །དེ་རྗེས་བདིམ་པའི་ཐ་མ་ལ། ཁོགོས་རབ་གསུམ་པས་འོག་ནས་སྤྲས། །དེ་འོག་ལྔ་པའི་ལྔ་པ་ལ། །སྟོང་པའི་དྲུག་པས་སྟེང་ནས་བརྒྱན། །དེ་རྗེས་བཞི་པའི་དང་པོ་ལ། །འོག་ཏུ་ར་ལྡན་སྟོང་པ་གསུམ། །ཤེས་རབ་བརྒྱད་པས་སྟེང་དུ་བཀོད། །དེ་འོག་ཧུ༷་དང་ས་དང་མ། །ཨ་དང་སྟོམ་ཞེས་བརྗོད་པ་ནི། །དེ་ནི་མནན་པའི་གསང་སྔགས་ཡིན། །ཛ་དང་ཧུ༷དང་བ༷་དང་ཧོ། །དེ་འོག་སྟོང་པའི་དྲུག་པ་གཞག །དེ་རྗེས་མཐར་གནས་ཐ་ལྟག་ལ། །སྟོང་པའི་གཉིས་པས་སྟེང་ནས་བརྒྱན། །དེ་རྗེས་ལྔ་པའི་བཞི་པ་སྟེ། །དེ་འོག་དང་པོའའ་གསུམ་པ་གཞག །དེ་འོག་ལྔ་པའི་གསུམ་པ་ལ། །བཞི་པའི་ལྔ་པ་དང་ལྡན་ཏེ། དེ་འོག་ལྔ་པའི་བཞི་པ་ལ། ་རྐོས་རབ་གཉིས་པས་སྟེང་ནས་བརྒྱན། །དེ་རྗེས་བཞི་པའི་དང་པོ་གཞག །དེ་འོག་དྲུག་པའི་གཉིས་པ་གཞག །དེ་རྗེས་གཉིས་པའི་དང་པོ་སྟེ། །དེ་འོག་དྲུག་པའི་དང་པོ་གཞག །དེ་འོག་དང་པོའི་དང་པོ་ལ། །བདུན་པའི་གཉིས་པས་འོག་ནས་སྤྲས། །དེ་འོག་མི་ཤིགས་སྙིང་པོ་ཅན། །སྨྱོ་གཉིས་རུ་ལུ་གཉིས་ལྡན་ཧུ༷། །ལས་ཀྱི་ལྷ་རྣམས་སྤྱན་དྲངས་པའི། །གསང་སྔགས་ཡིན་པར་ཤེས་པར་བྱའོ། །དང་པོ་གཏི་མུག་དེ་བཞིན་ཡིན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་རྗེས་བཞི་པའི་དང་པོ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་གཉིས་པའི་དང་པོ་གཞག །དེ་རྗེས་ཧུ༷་དང་ལྡན་པ་ནི། །དབུལ་པའི་གསང་སྔགས་ཡིན་པར་འདོད། །དང་པོ་བརྗོད་མེད་གོང་མ་ཡིན། །དེ་འོག་བདུན་པའི་ཐ་མ་གཞག །དེ་རྗེས་ལྔ་པའི་ལྔ་པ་གཞག །དེ་འོག་དྲུག་པའི་དང་པོ་སྟེ། །དེ་འོག་སྟོང་པའི་དང་པོའོ། །དེ་རྗེས་ལྔ་པའི་ལྔ་པ་ལ། །འོག་ཏུ་ར་ལྡན་སྟོང་པ་གཉིས། །དེ་འོག་བཞི་པའི་དང་པོ་གཞག །དེ་རྗེས་སྟོང་པའི་དང་པོའོ། །དྲུག་པ་གཉིས་ལ་དང་པོ་གསུམ། །དེ་ལ་ལྔ་པའི་ལྔ་པ་སྦྱིན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་བཞི་པོའི་དང་པོ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་གཉིས་པོའི་དང་པོ་བཞག །ཧུ༷་དང་གྲྭཧྭ་མཐར་ལྡན་པ། །ཞལ་དུ་གསོལ་བའི་གསང་སྔགས་ཡིན། །དངཔོ་གཏི་མུག་དེ་བཞིན་བཞག །དེ་འོག་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བཀོད། །དེ་འོག་ལྔ་པའི་གསུམ་པ་བཞག །དེ་རྗེས་དང་པོའི་གསུམ་པ་སྟེ། །དེ་འོག་ལྔ་པའི་གསུམ་པ་ལ། །དང་པོའི་གསུམ་པ་དེ་ལ་སྤྱིན། །དེ་རྗེས་བཞི་པའི་དང་པོ་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་བདུན་པའི་གཉིས་པ་ལ། །དྲུག་པའི་བཞི་པས་འོག་ནས་སྤྲས། །དེ་རྗེས་བདུན་པའི་གཉིས་པ་ལ། །བཞི་པའི་ལྔ་པ་དེ་ལ་སྤྱིན། དེ་འོག་གསུམ་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་རྗེས་དང་པོའི་གསུམ་པ་ལ། །ཐབས་ཀྱི་གཉིས་པས་སྟེང་དུ་བཀོད། །དེ་འོག་བཞི་པའི་དང་པོ་ལ། །ཤེས་རབ་གསུམ་པས་འོག་ནས་སྤྲས། །དེ་འོག་བཞི་པའི་དང་པོ་ལ། །དེ་ལ་གསུམ་པའི་གསུམ་པ་སྤྱིན། །དེ་འོག་དྲུག་པའི་དང་པོ་གཞག །དེ་འོག་མི་ཤིགས་སྙིང་པོ་ཅན། །དེ་རྗེས་བཞི་པའི་བཞི་པ་ལ། །དེ་ལ་གསུམ་པའི་ལྔ་པ་སྤྱིན། །དེ་རྗེས་གསུམ་པའི་དང་པོ་ལ། །དེ་ལ་ཐབས་ཀྱི་གསུམ་པས་བརྒྱན། །དེ་འོག་དྲུག་པའི་དང་པོ་ལ། །སྟོང་པའི་དྲུག་པས་སྟེང་ནས་བརྒྱན། །དེ་རྗེས་ལྔ་པའི་ལྔ་པ་ལ། །སྟོང་པའི་དྲུག་པས་དེ་ལ་བརྒྱན། །དེ་འོག་དང་པོའི་དང་པོ་གཞག །དེ་རྗེས་བཞི་པའི་ལྔ་པ་ལ། ཁོ།ས་རབ་གཉིས་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །ཤེས་རབ་བདུན་པས་སྟེང་ནས་བརྒྱན། །དེ་ལ་གསུམ་པའི་ལྔ་པ་སྦྱིན། །ཙལ་གཉིས་དང་མ་ལ་གཉིས། །ཏི་ལི་གཉིས་དང་གྲྭཧྭ་མཐའ། །བཟློག་པར་བྱེད་པའི་གསང་སྔགས་ཡིན། །དང་པོ་དྲུག་པོའི་དང་པོ་བཞག །དེ་འོག་ལྔ་པའི་ལྔ་པ་བཞག །དེ་འོག་དྲུག་པའི་གསུམ་པ་གཞག །སྟོང་པའི་གསུམ་པས་སྟེང་ནས་བརྒྱན། །དེ་ལ་བཞི་པའི་གསུམ་པ་སྦྱིན། །དེ་འོག་དྲུག་པའི་གཉིས་པ་ལ། །གཉིས་པའི་དང་པོས་སྟེང་ནས་བརྒྱན། །དེ་འོག་བཞི་པའི་གསུམ་པ་ལ། །ལྔ་པའི་ལྔ་པ་དེ་ལ་སྤྱིན། །སྟོང་པའི་དྲུག་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་ལ། །དྲུག་པའི་གསུམ་ཉིད་དང་ཡང་ལྡན། །ཛ་དང་ཧུ༷་དང་ཕཊ་བཏགས་པ། །ནོར་དང་དཔྲལ་བའི་སྔགས་སོ། །ཛ་དང་ཧུ༷་དང་སྨྱོ་ཞེས་བྱ། །དེ་འོག་བདུན་པའི་ཐ་མ་ལ། །གཉིས་པའི་ལྔ་པ་དེ་ལ་སྤྱིན། ཁོགོས་རབ་གཉིས་པས་སྟེང་ནས་བརྒྱན། །དེ་ལ་དང་པོ་ལྔ་པའི་ལྔ་པ་སྦྱིན། ་།ད་ཤད་ཛ་ཧུ༷་བ༷་ཞེས་པ། །ལེན་པར་བྱེད་པའི་གསང་སྔགས་ཡིན། །དང་པོ་མཐར་གནས་ཐ་ལྟག་ལ། །དེ་འོག་བཞི་པའི་གསུམ་པ་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་ལ། ཁོགོས་རབ་བདུན་པས་སྟེང་ནས་བརྒྱན། །ཧ་དང་ཡ་ཞེས་བརྗོད་པ་ནི། །དབང་དུ་བསྡུ་བའི་སྙིང་པོ་ཡིན། །དེ་འོག་དང་པོའི་དང་པོ་བཞག །དེ་འོག་དྲུག་པའི་གཉིས་པ་ལ། །སྟོང་པའི་གཉིས་པས་སྟེང་ནས་བརྒྱན། །ཐམས་ཅད་སྙིང་པོ་དུ་བསྟན་དང་། །ཧྲི་དང་ད་ཡ་ཧུ༷་ཕཊ་མཐའ། རྨུགས་པར་བྱེད་པའི་སྙིང་པོ་ཡིན། །དང་པོ་དྲུག་པའི་དང་པོ་གཞག །དེ་ལ་དང་པོའི་གསུམ་པ་སྤྱིན། །དེ་འོག་བདུན་པའི་གཉིས་པ་གཞག །བཛྲ་ཧུ༷་དང་ཛ་ཞེས་པ། །ཉམས་པར་བྱེད་པའི་གསང་སྔགས་ཡིན། །དང་པོ་ཚིནྟྲ་གཉིས་དང་ནི། །བྷནྟྲ་གཉིས་དང་མོ་ཧ་ར། །ལ་ཧུ༷་ཕཊ་ཅེས་གཞག་པ་ནི། །འབྲལ་བྱེད་གསང་སྔགས་ཡིན་པའོ། །དེ་འོག་དང་པོའི་དང་པོ་ལ། །དང་པོའི་ལྔ་པ་དེ་ལ་སྤྱིན། །དེ་འོག་དང་པོའི་དང་པོ་བཞག །དེ་རྗེས་དྲུག་པའི་དང་པོ་གཞག །དེ་འོག་ལྔ་པའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་དྲུག་པའི་གསུམ་པ་བཞག །དེ་འོག་དྲུག་པའི་གཉིས་པ་ལ། །ལྔ་པའི་གསུམ་དུ་འོག་ཏུ་སྦྱིན། །དེ་ལ་བཞི་པའི་གསུམ་པོ་སྤྱིན། །སུ་དང་ཧུ༷་ཕཊ་ཅེས་པ་སྨྱོ་བར་བྱེད་པའི་གསང་སྔགས་ཡིན། །དང་པོ་ལྔ་པའི་བཞི་པ་ལ། །སྟོང་པས་གཉིས་པས་སྟེང་ནས་བརྒྱན། །དེ་འོག་གསུམ་པའི་ལྔ་པ་ལ། །སྟོང་པའི་གཉིས་པས་སྟེང་ནས་བརྒྱན། །ཧུ༷་ཕཊ་མཐའ་རུ་གཞག་པ་ནི། །གསོད་པར་བྱེད་པའི་གསང་སྔགས་ཡིན། །ཧི་གཉིས་དང་ནི་ཙག་་།་བྱ། །ཧུ༷་ཕཊ་མཐའ་རུ་གཞག་པ་ནི། །དང་པོ་རྣམ་པར་སྣང་མཛད་དེ། །དེ་འོག་ལྔ་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་ལྔ་པའི་ལྔ་པ་ལ། །སྟེང་དུ་སྟོང་དྲུག་འོག་ཏུ་ཡང་། །ཧ་དང་ཐ་གཉིས་མཐར་གཞག་ལ། །གནད་པོར་བ་ཡི་སྔགས་ཡིན་ནོ། །དེ་ནས་རྫོ་བརྩེགས་བརྒྱད་རྣམས་ནི། །གནོད་པའི་གསང་སྔགས་ཡིན་པའོ། །དང་པོ་ལྔ་པའི་ལྔ་བཞག །དེ་འོག་དང་པོའི་དང་པོ་ལ། །དང་པོའི་ལྔ་པ་དེ་ལ་སྤྱིན། །དེ་འོག་དང་པོའི་དང་པོ་ལ། ཁོགོས་རབ་གཉིས་པས་སྟེང་ནས་བརྒྱན། །རྦུད་ཐུམས་མཐའ་རུ་བཏགས་པ་ནི། །སྙིང་རྩ་གཅོད་པའི་གསང་སྔགས་སོ། །དང་པོ་མཐར་གནས་ཐ་ལྷག་པ། །སྟོང་པའི་དྲུག་པ་སྟེང་ནས་བརྒྱན། ། །དེ་འོག་དང་པོའི་དང་པོ་བཞག །དེ་འོག་དྲུག་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བདུན་པའི་གཉིས་པ་གཞག །དེ་རྗེས་དྲུག་པའི་གཉིས་པ་ལ། །ལྔ་པའི་གསུམ་པས་འོག་ནས་སྤྲས། །དེ་ལ་བཞི་པའི་གསུམ་པ་སྤྱིན། །དུན་དང་སྨྱོ་ཞེས་བཏགས་པས་ནི། །ཤ་ལ་རོལ་པའི་གསང་སྔགས་ཡིན། །དང་པོ་མཐར་གནས་ཐ་ལྟག་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་དང་པོ་ལ། །དྲུག་པའི་གཉིས་པས་འོག་ནས་བརྒྱན། །དེ་འོག་བདུན་པའི་དང་པོ་ལ། །ཐབས་ཀྱི་གཉིས་པས་གོང་ནས་སྤྲས། །རྦད་གཉིས་ཧེ་གཉིས་སྨྱོ་ཞེས་པ། །འདི་ནི་སྙིང་འཕྲོགས་གསང་སྔགས་ཡིན། །དང་པོ་མཐར་གནས་མཐའ་ལྟག་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་དང་པོའི་དང་པོ་གཞག །དེ་རྗེས་དྲུག་པའི་གསུམ་པ་གཞག །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནབས་སྤྲས། །དེ་ལ་ལྔ་པའི་ལྔ་པ་སྤྱིན། །དེ་འོག་ལྔ་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་དང་པོའི་དང་པོ་ལ། །སྟེང་དུ་སྟོང་གཉིས་འོག་ཏུ་ཡ། །མཐའ་ཁྱིམ་ཞེས་ནི་བརྗོད་པ་ནི། །སྙིང་ཟབ་ཡི་གསང་སྔགས་ཡིན། །དེ་འོག་མཐར་གནས་ཐ་ལྟག་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་བདུན་པའི་གཉིས་པ་གཞག །དེ་རྗེས་བཞི་པའི་དང་པོ་ལ། དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པས་སྟེང་ནས་བརྒྱན། །དེ་འོག་མཐར་གནས་ཐ་ལྟག་ལ། །སྟོང་པའི་དྲུག་པའི་སྟེང་ནས་བརྒྱན། །དེ་འོག་དང་པོའི་གཉིས་པ་བཞག །དེ་རྗེས་དྲུག་པའི་དང་པོ་ལ། །དེ་ལ་དང་པོའི་གསུམ་པ་སྤྱིན། །ཐུན་སྨྱོ་རྦད་ཅེས་བཏགས་པ་ནི། །ནང་གྲོལ་གདོན་ཟའི་གསང་སྔགས་ཡིན། །དང་པོ་མཐར་གནས་མཐའ་ལྟག་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་དྲུག་པའི་དང་པོ་ལ། །དང་པོའི་གསུམ་པ་དེ་ལ་སྤྱིན། །དེ་འོག་བདུན་པའི་དང་པོ་ལ། །དེ་རྗེས་དང་པོ་གཉིས་པ་གཞག །ཐུམས་སྨྱོ་ཞེས་ནི་བཏགས་པ་ནི། །སྙིང་རྩ་གཅོད་པའི་གསང་སྔགས་སོ། །ཆེམ་ཆེམ་གཉིས་ནི་བརྗོད་པའི་རྗེས། །དེ་འོག་དྲུག་པའི་གཉིས་པ་ལ། ཁོ༑ས་རབ་གསུམ་པས་འོག་ནས་སྤྲས། །རྦད་དང་ཐུམ་དང་རི་ལི་ལི། །ཀླད་ཁྲག་བཙོ་བའི་གསང་སྔགས་ཡིན། །ཁ་གཉིས་མ་གཉིས་ཏྲི་ཤ་ལ༷། །སྨྱོ་ཞེས་མཇུག་ལ་བཏགས་ལ་ནི། །སྙིང་རྩ་གཅོད་པའི་གསང་སྔགས་ཡིན། །ཧུ༷་ཕཊ་བརྒྱད་དུ་བྱུང་བ་ནི། །གསོད་པའི་མཐའ་ཡི་གསང་སྔགས་ཡིན། །དང་པོ་མ་གཉིས་སྒག་རག་ཤ། །དེ་འོག་དང་པོའི་གཉིས་པ་གཞག །དེ་འོག་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །བཞི་པའི་ལྔ་པ་དེ་ལ་སྦྱིན། །དེ་འོག་བཞི་པའི་དང་པོ་ལ། །དེ་ལ་དྲུག་པའི་གཉིས་པས་སྤྲས། །དེ་འོག་བདུན་པའི་ཐམ་ལ། །ལྔ་པའི་གཉིས་པས་འོག་ནས་སྤྲས། །དེ་འོག་བདུན་པའི་ཐ་མ་ལ། །གཉིས་པའི་ལྔ་པས་འོག་ནས་སྤྲས། །སྟོང་པའི་གཉིས་པས་སྟེང་ནས་བརྒྱན། །དེ་ལ་དང་པོའི་ལྔ་པ་སྤྱིན། །དེ་འོག་དང་པོ་དང་པོའི་གཉིས་པ་གཞག །དེ་འོག་དྲུག་པའི་གཉིས་པ་ལ། །དང་པོའི་གསུམ་པ་དེ་ལ་སྤྱིན། །དེ་འོག་གོང་མ་ཇི་བཞིན་བཞག །དེ་འོག་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བཀོད། །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་བརྒྱན། །དེ་ལ་བཞི་བའི་ལྔ་པ་བཞིན། །སྨྱོ་དང་ཛ་གཉིས་བརྗོད་པར་བྱ། །དེ་འོག་རུ་ལུ་གཉིས་བརྗོད་སྨྱོ། །རུ་གཉིས་བརྗོད་རྗེས་བི་རོ་ཧུ༷། །དེ་འོག་ལྔ་པའི་དང་པོའོ། །དེ་འོག་བཞི་པའི་དང་པོ་སྟེ། །དེ་རྗེས་དང་པོའི་དང་པོ་ལ། །བདུན་པའི་དང་པོས་འོག་ནས་སྤྲས། །དེ་འོག་དྲུག་པའི་གསུམ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་རྗེས་ལྔ་པའི་ལྔ་པ་ལ། །སྟོང་པའི་དྲུག་པས་སྟེང་དུ་བཀོད། །དེ་འོག་བདུན་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པས་སྟེང་དུ་བཀོད། །དེ་འོག་དྲུག་པའི་དང་པོ་བཞག །དེ་རྗེས་དང་པོའི་དང་པོ་ལ། །བདུན་པའི་གཉིས་པས་འོག་ནས་སྤྲས། །དེ་རྗེས་བདུན་པའི་ལྔ་པ་གཞག །དེ་འོག་ལྔ་པའི་གསུམ་པ་སྟེ། །དེ་རྗེས་དང་པོའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །དེ་ལ་བཞི་པའི་ལྔ་པ་བཞིན། །དེ་འོག་གསུམ་པའི་དང་པོ་ལ། །སྟོང་པའི་དྲུག་པས་སྟེང་ནས་སྤྲས། །ཛ་ར་བར་མེ་ཞེས་བརྗོད་རྗེས། །དེ་འོག་གཉིས་པའི་གཉིས་པ་གཞག །དེ་འོག་བཞི་པའི་གསུམ་པ་གཞག །དེ་རྗེས་ལྔ་པའི་གསུམ་པ་ལ། །དྲུག་པའི་གཉིས་པ་དེ་ལ་སྤྱིན། །དེ་འོག་ལྔ་པའི་ལྔ་པ་ལ། །སྟོང་པའི་དྲུག་པའི་སྟེང་ནས་བརྒྱན། །ཚ་ཏ་ན་པ་ཞེས་བརྗོད་རྗེས། །དེ་འོག་ལྔ་པའི་དང་པོ་གཞག །དེ་འོག་གསུམ་པའི་དང་པོ་ལ། །ཐབས་ཀྱི་དྲུག་པས་སྟེང་ནས་བརྒྱན། །པ་བྱ་ལ་གེ་ཨ་པ་ཞེས་བརྗོད། །དེ་འོག་ལྔ་པའི་བཞི་པ་གཞག །དེ་རྗེས་བདུན་པའི་ཐ་མ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་ལྔ་པ་ལ། །སྟོང་པའི་དྲུག་པས་སྟེང་ནས་བརྒྱན། །ཧ་ས་ག་བ་ཀྟ་ཞེས་རྗེས། །ལ་མཐུན་ཛསྒ་ཞེས་བརྗོད། །དེ་འོག་དང་པོའི་གསུམ་པ་གཞག །དེ་རྗེས་བདུན་པའི་དང་པོ་ལ། །དེ་ལ་ལྔ་པའི་ལྔ་པ་སྦྱིན། །དེ་འོག་ལྔ་པའི་བཞི་པ་ལ། །སྟོང་པའི་གཉིས་སྤྱིན། །དེ་འོག་བདུན་པའི་གཉིས་པ་ལ། །ཙིསྟ་ར་སྨུག་སྙིང་ཁྲག་འཐུང་། ཏ་པ་ཤ་སྦྲོས་ཞེས། །མཐའ་དང་བཅས་པ་མགོ་དང་བཅས། ཕུར་པ་འབད་པའི་གསང་སྔགས་ཡིན། དེ་ནས་དང་པོའི་དང་པོ་ལ། །འོག་ཏུ་ར་ལྡན་བདེ་སྟེང་། །སྙིང་ཁྲག་གཉིས། །དེ་འོག་བདུན་པའི་དང་པོ་ལ། །སྟེང་དུ་ཤེས་རབ་གཉིས་པས་བརྒྱན། །དེ་ལ་དང་པོའི་གསུམ་པ་སྤྱིན། །དེ་འོག་བཞི་པའི་ལྔ་པ་ལ། །འོག་ཏུ་ར་སྟེ་སྟོང་ལྡན་གཉིས། །བདུན་པའི་གཉིས་པ་སྟེང་དུ་སྟོང་གཉིས་བརྒྱན། །དེ་འོག་ལྔ་པའི་བཞི་པ་གཞག །དེ་འོག་བཞི་པའི་དང་པོ་ལ། །འོག་ཏུ་ར་སྦྱིན་སྟོང་གཉིས་སྟེང་། །དེ་རྗེས་བདུན་པའི་དང་པོ་ལ། །དང་པོའི་གསུམ་པ་དེ་ལ་སྤྱིན། །དེ་རྗེས་བཞི་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །དེ་ལ་ལྔ་པའི་ལྔ་པ་བཞིན། །རི་ལི་ལི་ཞེས་བརྗོད་པའི་རྗེས། །དེ་འོག་དང་པོའི་གཉིས་པ་ལ་གཞག །དེ་རྗེས་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་འཇིགས་གཉིས་བརྗོད་པར་བྱ། །དང་པོའི་གཉིས་པ་དང་པོ་ལ། །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་ལྔ་པའི་ལྔ་པ་བཞག །དེ་འོག་བཞི་པའི་ལྔ་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་ཐ་མ་ལ། །ལྔ་པའི་ལྔ་པས་འོག་ནས་སྤྲས། །སྟོང་པའི་གཉིས་པས་སྟེང་དུ་བཀོད། །དེ་ལ་དང་པོའ་ལྔ་པ་གཞག །དེ་འོག་དྲུག་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །དེ་རྗེས་བདུན་པའི་གཉིས་པ་གཞག །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །དེ་རྗེས་བཞི་པའི་གསུམ་པ་ལ། །ཤེས་རབ་གསུམ་པས་འོག་ཏུ་བརྒྱན། །དེ་འོག་ལྔ་པའི་ལྔ་པ་ལ། །གསུམ་པ་ལྔ་པ་དེ་ལ་སྤྱིན། །དེ་འོག་བཞི་པའི་ལྔ་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་དང་པོ་ལ། །དྲུག་པའི་ཐ་མས་འོག་ནས་སྤྲས། །དེ་འོག་དྲུག་པའི་གཉིས་པ་ལ། ཁོརྐོས་རབ་གཉིས་པས་བཀོད་བྱས་ལ། །དེ་རྗེས་བཞི་པའི་ལྔ་པ་ལ། །ཐབས་ཀྱིས་ཞགས་པས་གོང་ནས་སྤྲས། །དེ་འོག་དྲུག་པའི་གསུམ་པ་གཞག །དེ་རྗེས་ལྔ་པའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །ཏི་དང་ཛ་གཉིས་བརྗོད་པ་ནི། །་།་ན་པའི་སྲོ་ག་སྙིང་རང་དང་དབང་མེད། །འོང་བ་ཡིན་ནི་སྔགས་ཡིན་ནོ། །དང་པོ་དང་པོའི་དང་པོ་ལ། །འོག་ནས་ཡ་བརྒྱད་སྟེང་སྟོང་གཉིས། །དེ་འོག་དང་པོའི་གཉིས་པ་ལ། །འོག་ནས་ར་སྤྲས་སྟོང་ཐབས་གཉིས། །དེ་ལ་བཞི་པའི་གསུམ་པ་སྦྱིན། །དེ་འོག་དྲུག་པའི་གཉིས་པ་གཞག །དེ་འོག་དང་པོའི་གཉིས་པ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པས་སྟེང་ནས་བརྒྱན། །དེ་ལ་གསུམ་པའི་གསུམ་པ་སྤྱིན། །དེ་འོག་དྲུག་པའི་གཉིས་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་གཞག །དེ་འོག་དང་པོའི་གཉིས་པ་ལ། །འོག་ཏུ་ར་ལྡན་དང་པོ་གསུམ། །མཐུང་མ་ཞེས་ནི་བརྗོད་པའི་རྗེས། །ཀང་ཀ་ཀེང་ཀེ་ཞེས་བྱ་དང་། །ཀང་ཀ་ཡ་ཞེས་བརྗོད་པ་དང་། །དཔལ་མོ་དབང་གི་སྙིང་སྔགས་ཡིན། །དེ་ནས་གཉིས་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་བཞི་པའི་ལྔ་པ་སྤྱིན། །དེ་རྗེས་བཞི་པའི་ལྔ་པ་གཞག །མ་གཉིས་རེ་ལ་ཁྲག་འཐུང་དང་། །དེ་འོག་མན་ཆད་གོང་གཉིས་ཤེས། །ལྷ་མོ་དབང་གི་སྲོག་སྔགས་ཡིན། །དེ་འོག་བདུན་པའི་ཐ་མ་ལ། །གཉིས་པའི་ལྔ་པས་འོག་ནས་བརྒྱན། །སྟོང་པའི་གཉིས་པ་འོག་ནས་སྤྲས། །དེ་ལ་དང་པོའི་ལྔ་པ་སྤྱིན། །ཟ་བ་ཙ་ཤུ་མ་ཞེས་བརྗོད། །རོ་ལ་ཁྲག་འཐུང་མན་ཆད་ནི། །གོང་མའི་སྐབས་ལ་ཤེས་པར་བྱ། །ལེགས་མོ་དབང་བའི་སྲོག་སྔགས་ཡིན། །དང་པོ་བཞི་པའི་དང་པོ་ལ། །དང་པོ་ལྔ་པའི་དེ་ལ་སྤྱིན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པ་དེ་ལ་སྤྱིན། །དེ་འོག་དྲུག་པའི་གསུམ་པ་གཞག །དེ་རྗེས་བདུན་པའི་ཐ་མ་ལ། བཞི་པའི་དང་པོ་དེ་ལ་སྤྲས། སྟོང་པའི་བདུན་པའི་སྟེང་དུ་མེད། ཀི་གཉིས་ཏི་དང་ཧཱུཾ༷་ཕཎ་བརྗོད། ཤག་གཉིས་རྐྱོབ་གཉིས་མ་གཉིས་་བརྗོད། ཀླུ་མོ་དབང་གི་སྲོག་སྔགས་ཡིན། །དང་པོའི་བཞི་པ་ལྔ་པ་གཞག །དེ་འོག་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་ལ། །བཞི་པའི་གསུམ་པ་དེ་ལ་སྦྱིན། །དེ་འོག་གསུམ་པའི་ལྔ་པའོ། །དེ་རྗེས་བཞི་པའི་དང་པོ་ལ། །དྲུག་པའི་གཉིས་པ་འོག་ནས་སྤྲས། །ཡ་གཉིས་བརྗོད་པའི་རྗེས་ཐོགས་ལ། །བདུན་པའི་དང་པོ་དེ་ལ་ནི། །དང་པོ་གསུམ་པ་སྦྱིན་པར་བྱ། །དང་པོའི་དང་པ་ཡ་ཡིས་སྤྲས། །དེ་ལ་དང་པོའི་ལྔ་པ་སྦྱིན། །དེ་འོག་ལྔ་པའི་དང་པོ་གཞག །དེ་རྗེས་དྲུག་པའི་གཉིས་པ་ལ། །དེ་འོག་དྲུག་པའི་དང་པོ་སྟེ། །ཏ་ཐུ་ག་ཏ་ཡ་ཞེས་པ། །དེ་འོག་བཞི་པའི་ལྔ་པ་བཞག །དེ་རྗེས་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་གཞག །དེ་འོག་བདུན་པའི་དང་པོ་ལ། །དང་པོའི་གསུམ་པ་དེ་ལ་སྤྱིན། །དེ་འོག་གསུམ་པའི་དང་པོ་ལ། །དེ་རྗེས་དྲུག་པའི་དང་པོ་གཞག །ཀླུ་གཉིས་ཡུ་སུ་ལུ་ཞེས་པ། །དེ་འོག་གཉིས་པའི་དང་པོ་གཞག །དེ་རྗེས་བཞི་པའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །དེ་རྗེས་གསུམ་པའི་དང་པོ་ལ། །དྲུག་པའི་གཉིས་པས་དེ་ལ་སྤྲས། །དེ་འོག་གཉིས་པའི་དང་པོ་གཞག །དེ་རྗེས་དྲུག་པའི་གཉིས་པ་ལ། །སྟོང་པའི་བདུན་པས་སྟེང་དུ་བཀོད། །དེ་རྗེས་དྲུག་པའི་གཉིས་པ་གཞག །གྲྭཧྭ་མཐའ་རུ་གཞག་པ་ནི། །ཕུར་བུ་བསྔགས་པའི་སྙིང་པོ་ཡིན། །དང་པོ་དང་པོའི་ལྔ་པ་གཞག །དེ་འོག་གཉིས་པའི་དང་པོ་ལ། །སྟོང་པའི་དྲུག་པས་སྟེང་ནས་བརྒྱན། །ཉིས་འགྱུར་བརྗོད་པའི་རྗེས་ལ་ནི། །གྱེང་ཙེ་གཉིས་དང་ཧེ་དུ་གཉིས། །གཟུགས་པའི་དུས་སུ་གསང་སྔགས་ཡིན། །དང་པོ་བཞི་པའི་དང་པོ་ལ། །བཞི་པའི་གསུམ་པ་དེ་ལ་སྦྱིན། །དེ་འོག་དྲུག་པའི་དང་པོ་གཞག །དེ་རྗེས་གཉིས་པའི་བཞི་པ་བཞིན། །དང་པོའི་དང་པོ་བཞི་པའི་ལྔ། །བཞི་པའི་ལྔ་པ་ཡ་ཡིས་བརྒྱན། །དེ་འོག་ལྔ་པའི་བཞི་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་ལྔ་པའི་ལྔ་པ་ལ། །སྟོང་པའི་གཉིས་་པས་སྟེང་ནས་སྤྲས། །དེ་འོག་དང་པོའི་གསུམ་པ་གཞག །དེ་རྗེས་ལྔ་པའི་གསུམ་པ་གཞག །དེ་འོག་དང་པོའི་དང་པོ་ལ། །བདུན་པའི་གཉིས་པས་འོག་ནས་སྤྲས། །དེ་འོག་ལྔ་པའི་གསུམ་པ་ལ། །སྟོང་པའི་གཉིས་པས་སྟེང་ནས་བཀོད། དེ་རྗེས་གཉིས་པའི་གསུམ་པ་ལ། །སྟོང་པའི་དྲུག་པས་སྟེང་ནས་བཀོད། །དེ་འོག་དང་པོའི་གསུམ་པ་ལ། །སྟོང་པའི་གསུམ་པས་འོག་ནས་སྤྲ་ས། དེ་རྗེས་དྲུག་པའི་གསུམ་པ་ལ། །སྟོང་པའི་བདུན་པས་སྟེང་དུ་བརྒྱན། །དེ་འོག་གཉིས་པའི་དང་པོ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དྲུག་པའི་གསུམ་པའོ། །དེ་འོག་ལྔ་པའི་ལྔ་པ་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་ལྔ་པའི་དང་པོའོ། །དེ་འོག་བཞི་པའི་དང་པོ་སྟེ། །དེ་རྗེས་དང་པོའི་དང་པོ་ལ། །བདུན་པའི་དང་པོས་འོག་ནས་སྤྲས། །དེ་འོག་དྲུག་པའི་གསུམ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་རྗེས་ལྔ་པའི་ལྔ་པ་ལ། །སྟོང་པའི་དྲུག་པས་སྟེང་དུ་བཀོད། །དེ་འོག་བདུན་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟོང་པའི་གཉིས་པས་སྟེང་དུ་བཀོད། །དེ་འོག་དྲུག་པའི་དང་པོ་གཞག །དེ་རྗེས་དང་པོའི་དང་པོ་ལ། །བདུན་པའི་གཉིས་པས་འོག་ནས་སྤྲས། །དེ་རྗེས་གསུམ་པའི་ལྔ་པ་གཞག །དེ་འོག་ལྔ་པའི་གསུམ་པ་གཞག །དེ་རྗེས་དང་པོའི་དང་པོ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་ལ་བཞི་པའི་ལྔ་པ་སྤྱིན། །དེ་འོག་གསུམ་པའི་དང་པོ་ལ། །སྟོང་པའི་དྲུག་ཁས་སྟེང་ནས་སྤྲས། །ཛ་ར་བར་མེ་ཞེས་བརྗོད་རྗེས། །དེ་འོག་གཉིས་པའི་གཉིས་པ་གཞག །དེ་འོག་ལྔ་པའི་གསུམ་པ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་ལྔ་པའི་ལྔ་པ་ལ། །སྟོང་པའི་དྲུག་པའི་སྟེང་ནས་བརྒྱན། །ཚ་ཏ་ན་བ་ཤེས་བརྗོད་རྗེས། དེ་འོག་ལྔ་པའི་དང་པོ་སྟེ། །དེ་འོག་ལྔ་པའི་དང་པོ་གཞག །དེ་འོག་གསུམ་པའི་དང་པོ་ལ། །ཐབས་ཀྱི་དྲུག་པས་སྟེང་ནས་བརྒྱན། །པུ་ལ་གེ་ཨ་བ་བརྗོད་རྗེས། །དེ་འོག་ལྔ་པའི་བཞི་པ་གཞག །དེ་རྗེས་བདུན་པའི་ཐ་མ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་ལྔ་པ་ལ། །སྟོང་པའི་དྲུག་པས་སྟེང་ནས་བརྒྱན། །ཧ་ས་ག་བ་ཀྟ་ཞེས་བརྗོད། །མ་ལ་ཐུ་ཛ་སྟེ་ཞེས་བརྗོད། །དེ་འོག་དང་པོའི་གསུམ་པ་ལ། དེ་ལ་ལྔ་པའི་ལྔ་པ་སྤྱིན། །དེ་འོག་ལྔ་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་གཞག །བ་སུ་མེ་ཨ་ཤེས་བརྗོད་དེ། །ན་མ་ས་ཡ་རོ་ཞེས་པ་ཡིན། །དེ་རྗེས་ལྔ་པའི་དང་པོ་གཞག །དེ་འོག་དྲུག་པའི་གསུམ་པ་གཞག །དེ་རྗེས་བདུན་པའི་དང་པོ་སྟེ། །དེ་རྗེས་བཞི་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །སྟེང་ནས་སྟོང་པའི་བདུན་པས་སྤྲས། །ཨེ་གྲྭཧྭ་ཞེས་ནི་མཐའ་རུ་གཞག །ནུས་པ་བཟང་ལ་བསྔགས་པ་ཡི། །གསང་སྔགས་ཡིན་པར་ང་ཡིས་བཤད། །དེ་འོག་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོའོ། །ཀི་ལི་ཀི་ལ་ཞེས་པ་ཡི། །རྗེས་ལ་མ་གཉིས་མཆོད་གཉིས་བརྗོད། །བཟློག་པའི་གསང་སྔགས་ཡིན་པའོ། །དང་པོའི་ཐུགས་ཀྱི་རིགས་ཡིན་ཏེ། །དེ་འོག་ལྔ་པའི་གསུམ་པ་ལ། །ལྔ་པའི་ལྔ་པ་དེ་ལ་སྦྱིན། །དེ་རྗེས་ལྔ་པའི་བཞི་པ་གཞག །དེ་འོག་དྲུག་པའི་གཉིས་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་རྗེས་དྲུག་པའི་གསུམ་པ་གཞག །དེ་འོག་ལྔ་པའི་དང་པོ་ལ། །དྲུག་པའི་གཉིས་པ་དེ་ལ་སྤྱིན། །དེ་འོག་བདུན་པའི་གཉིས་པ་གཞག །དེ་འོག་དྲུག་པའི་དང་པོ་ལ། །དེ་ནས་དང་པོའི་མ་གཉིས་བརྗོད། །དེ་འོག་གསུམ་པའི་བཞི་པ་ལ། །སྟོང་པའི་དྲུག་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་བཞག །མི་ཤིགས་སྙིང་པོ་བརྗོད་པའི་རྗེས། །དྲུག་པའི་གཉིས་པས་སྟོང་བདུན་བརྒྱན། །དེ་འོག་དྲུག་པའི་གསུམ་པ་གཞག །དེ་འོག་ལྔ་པའི་དང་པོ་ལ། །དྲུག་པའི་གཉིས་པ་དེ་ལ་སྤྱིན། །དེ་འོག་བདུན་པའི་གཉིས་པ་གཞག །ཙིཏི་རྨུགས་དང་སྙིང་ཁྲག་འཐུང་། །ཏ་པ་ཤ་སྙིང་ཁྲག་བཅོས་ཞེས། །མཐའ་དང་བཅས་ཤིང་མགོ་དང་བཅས། །ཕུར་པ་གདབ་པའི་གསང་སྔགས་ཡིན། །དེ་ནས་དང་པོའི་དང་པོ་ལ། །འོག་ཏུ་ར་ལྡན་སྟེང་སྟོང་གཉིས། །དེ་འོག་བདུན་པའི་དང་པོ་ལ། །སྟེང་དུ་ཤེས་རབ་གཉིས་པས་བརྒྱན། དེ་ལདང་པོའི་གསུམ་པ་སྤྱིན། །དེ་འོག་བཞི་པའི་ལྔ་པ་ལ། །འོག་ཏུ་ར་བྱིན་སྟེང་སྟོང་གཉིས། །བདུན་པའི་གཉིས་པས་སྟེང་སྟོང་གཉིས། །དེ་འོག་ལྔ་པའི་བཞི་པ་གཞག །དེ་འོག་བཞི་པའི་དང་པོལ། །འོག་ཏུ་ར་སྤྱིན་སྟོང་གཉིས་ཏེ། །དེ་རྗེས་བདུན་པའི་དང་པོ་ལ། །དང་པོའི་གསུམ་པ་དེ་ལ་སྤྱིན། །དེ་རྗེས་བཞི་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །དེ་ལ་ལྔ་པའི་ལྔ་པ་སྤྱིན། །རི་ལི་ལི་ཞེས་བརྗོད་པའི་རྗེས། །ཙ་ར་གཉིས་ཁ་འདར་སྨུགས་ཤིག་རྗེས། །དེ་འོག་གཉིས་པའི་གཉིས་པ་གཞག །དེ་རྗེས་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་འཇིགས་གཉིས་བརྗོད་པར་བྱ། །དང་པོ་གཉིས་པ་དང་པ་ལ། །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་ལྔ་པའི་ལྔ་པ་གཞག །དེ་འོག་བཞི་པའི་ལྔ་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་ཐ་མ་ལ། །གཉིས་པའི་ལྔ་པས་འོག་ནས་སྤྲས། །སྟོང་པའི་གཉིས་པས་སྟེང་དུ་བཀོད། །དེ་ལ་དང་པོའི་ལྔ་པ་སྤྱིན། །དེ་འོག་དྲུག་པའི་གཉིས་པ་ལ། །སྟོང་པའི་གསུམ་པས་འོག་ནས་སྤྲས། །དེ་རྗེས་བདུན་པའི་གཉིས་པ་གཞག །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །དེ་ལ་ལྔ་པའི་ལྔ་པ་སྦྱིན། །དེ་འོག་བདུན་པའི་དང་པོ་ལ། །དང་པོའི་གསུམ་པས་དེ་ལ་སྤྱིན། །དེ་འོག་གཉིས་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་གསུམ་པའི་དང་པོ་སྟེ། །ཁྲམ་ཞེས་བརྗོད་པའི་གསང་སྔགས་ནི། །གདབ་དུས་སྒྲོགས་པའི་གསང་སྔགས་ཡིན། །དང་པོ་ཐུགས་ཀྱི་རིགས་ཡིན་ཏེ། །དེ་འོག་བཞི་པའི་ལྔ་པ་ལ། །དེ་འོག་ར་སྤྱིན་སྟོང་གཉིས་སྟེང་། །དེ་འོག་དྲུག་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་དྲུག་པའི་དང་པོ་གཞག །དེ་རྗེས་ལྔ་པའི་ལྔ་པ་གཞག །ཀི་ལི་ཀི་ལ་ཡ་ཞེས་བརྗོད། །དེ་འོག་ཐམས་ཅད་སྙིང་པོ་སྟེ། །དེ་རྗེས་དྲུག་པའི་གཉིས་པ་ལ། །མཐར་གནས་ཐ་ལྟག་འོག་སྤྲས། །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་གཉིས་པ་ལ། །སྟོང་པའི་གཉིས་པས་སྟེང་དུ་བཀོད། །དེ་འོག་བཞི་པའི་བཞི་པ་གཞག །དེ་འོག་ལྔ་པའི་ལྔ་པ་གཞག །དེ་རྗེས་དང་པོའི་གཉིས་པ་ལ། །འོག་ཏུ་ར་སྤྱིན་སྟོང་བདུན་སྟེང་། །དེ་འོག་གསུམ་པའི་དང་པོ་གཞག །དེ་རྗེས་དྲུག་པའི་དང་པོ་སྟེ། །དེ་འོག་ལྔ་པའི་ལྔ་པའོ། །དེ་འོག་བདུན་པའི་ཐ་མ་ལ། །བཞི་པའི་དང་པོ་དེ་ལ་སྤྲས། །སྟེང་དུ་སྟོང་པའི་བདུན་པས་བཀོད། །དེ་འོག་གསུམ་པའི་དང་པོ་གཞག །དེ་རྗེས་དང་པོའི་གསུམ་པ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་ལྔ་པའི་གསུམ་པའོ། །དེ་རྗེས་དྲུག་པའི་གསུམ་པ་ལ། །དང་པོ་ལྔ་པ་དེ་ལ་སྤྱིན། །ཛ་གཉིས་མཐའ་རུ་གཞག་པར་བྱ། །གཏན་དུ་བཟླས་པའི་རིམ་པའོ། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་དུ་བཀོད། །དེ་རྗེས་དྲུག་པའི་གསུམ་པ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་དུ་བཀོད། །དེ་འོག་དྲུག་པའི་གསུམ་པ་གཞག །དེ་རྗེས་དྲུག་པའི་དང་པོ་སྟེ། །དེ་འོག་བདུན་པའི་ཐ་མ་ལ། །སྟོང་པའི་གསུམ་པས་འོག་ནས་སྤྲས། །ལྔ་པའི་ལྔ་པ་དང་ལྡན་ཏེ། །དེ་འོག་ལྔ་པའི་བཞི་པ་གཞག །ཧུ༷་འོག་མིང་དང་ཕཊ་བརྗོད་པས། །དྲག་པོའི་སྲེག་དུས་གསང་སྔགས་ཡིན། །གོང་མའི་ཇི་ལྟར་བསྒྲུབས་པ་ལས། །དྲུག་པའི་དང་པོའི་འོག་ཏུ་ནི། །ལྔ་པའི་དང་པོ་གཞག་པར་བྱ། །སྟོང་པའི་གསུམ་པས་འོག་ནས་སྤྲས། །སྟོང་པའི་གཉིས་པས་སྟེང་དུ་བཀོད། །དང་པོ་ལྔ་པ་དེ་ལ་སྦྱིན། །ཧུ༷་གཉིས་བར་དུ་མིང་གཉིས་སྤྲས། །དབང་གི་དུས་ཀྱི་གསང་སྔགས་ཡིན། །གོང་མའི་ཇི་ལྷར་བསྒྲུབས་པ་ལས། །དྲུག་པའི་དང་པོའི་འོག་ཏུ་མིན། །བདུན་པའི་གཉིས་པ་དེ་ཉིད་ལ། །བཞི་པའི་ཐ་མ་དེ་ལ་སྦྱིན། །དེ་འོག་བཞི་པའི་དང་པོ་ལ། །མཐར་གནས་ཐ་ལྟག་འོག་ཏུ་བརྒྱན། །སྟོང་པའི་གཉིས་པས་སྟེང་དུ་བཀོད། །དེ་ལ་དང་པོའི་ལྔ་པ་སྦྱིན། །ཧུ༷་དང་མིང་བཅས་སྲུཧྭ་མཐར། །ཞི་བའི་དུས་ཀྱི་གསང་སྔགས་ཡིན། །གོང་མའི་ཇི་ལྟར་བསྒྲུབས་པ་ལས། །དྲུག་པའི་དང་པོའི་འོག་ཏུ་ནི། །ལྔ་པའི་བཞི་པ་གཞག་པར་བྱ། །དེ་འོག་བདུན་པའི་གཉིས་པ་ལ། །འོག་ཏུ་བརྒྱད་པའི་ཐ་ལྟག་སྤྱིན། །དེ་འོག་ཡ་ཡིས་ཡོངས་སུ་བརྒྱན། །སྟོང་པའི་བརྒྱད་པས་སྟེང་དུ་མཛས། །སྲུཧེའི་བར་དུ་མིང་བསྐུལ་བ། །རྒྱས་པའི་དུས་ཀྱི་གསང་སྔགས་ཡིན། །གོང་མའི་ཇི་ལྟར་བསྒྲུབས་པ་ལ། །ཧུ༷་དང་ཛ་བརྩེགས་གཉིས་གཞག་པ། །བསྐྲད་པའི་དུས་ཀྱི་གསང་སྔགས་ཡིན། །གོང་མ་ཇི་ལྟར་བསྒྲུབས་པའི་ལས། །དྲུག་པའི་དང་པོའི་འོག་ཏུ་ནི། །ལྔ་པའི་དང་པོ་གཞག་པར་བྱ། །སྟོང་པའི་གཉིས་པས་སྟེང་དུ་བཀོད། །དེ་ལ་དང་པོའི་ལྔ་པ་སྤྱིན། །ཧུ༷་དང་མིང་བཅས་གྲྭཧྭ་མཐར། །ཞི་བའི་དུས་ཀྱི་གསང་སྔགས་ཡིན། །གོང་མའི་ཇི་ལྷར་བསྒྲུབས་པ་ལས། །དྲུག་པའི་དང་པོའི་འོག་ཏུ་ནི། །ལྔ་པའི་བཞི་པ་གཞག་པར་བྱ། །དྲུག་པའི་གཉིས་པས་འོག་ནས་སྤྲས། །དེ་འོག་ལྔ་པའི་བཞི་པ་གཞག །དེ་ལ་སྟོང་པའི་དྲུག་པས་སྤྲས། །དེ་འོག་བདུན་པའི་ཐ་མ་ལ། །བཞི་པའི་དང་པོས་འོག་ནས་སྤྲས། །དེ་འོག་གསུམ་པའི་ལྔ་པ་གཞག །པན་གཉིས་ཙ་གཉིས་བརྗོད་པའི་རྗེས། །བཞི་པའི་ལྔ་པ་དེ་ལ་ནི། །སྟོང་པའི་གཉིས་པས་སྟེང་ནས་བརྒྱན། །ཧུ༷་འོག་མིང་བཅས་དབྱེ་བར་་།ག །ཧུ༷་ཕཊ་མཐའ་རུ་གཞག་པ་ནི། །དབྱེ་བར་བྱ་བའི་གསང་སྔགས་ཡིན། །དང་པོ་རྣམ་པར་སྣང་མཛད་དེ། །དེ་འོག་དྲུག་པའི་གཉིས་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་ལ། །སྟོང་པའི་གསུམ་པས་འོག་ནས་བརྒྱན། །དེ་འོ་ག་ལྔ་པའི་དང་པོ་་གཞག །དེ་འོག་བཞི་པའི་གསུམ་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་ཐ་མ་ལ། །བཞི་པའི་དང་པོ་དེ་ལ་སྤྱིན། །དེ་རྗེས་བདུན་པའི་གསུམ་པ་གཞག །དེ་འོག་ལྔ་པའི་ལྔ་པ་གཞག །དེ་འོག་དྲུག་པའི་དང་པོ་སྟེ། །ཧུ༷་དང་སྨྱོ་དང་ཧུ༷་ཞེས་བརྗོད། །དེ་རྗེས་སྟོང་པའི་དང་པོ་གཞག །དེ་འོག་དྲུག་པའི་གཉིས་པའོ། །དེ་རྗེས་དྲུག་པའི་གསུམ་པ་ལ། །སྟོང་པའི་གཉིས་པས་སྟེང་ནས་བརྒྱན། །ཛ་དང་ཧུ༷་དང་བ༷་དང་ཧོ། །མཁའ་འགྲོ་་སྤྱི་ཡི་སྤྱན་དྲངས་སྔགས། །དང་པོ་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་བདུན་པའི་ཐ་མ་གཞག །དེ་འོག་ལྔ་པའི་ལྔ་པའོ། །དེ་འོག་དྲུག་པའི་དང་པོ་སྟེ། །དེ་འོག་དྲུག་པའི་དང་པོ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བཞི་པའི་ལྔ་བ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་ལྔ་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་རྗེས་བཞི་པའི་དང་པོ་ལ། །སྟོང་པ་ཡི་ནི་གཉིས་པས་བརྒྱན། །ཙ་དང་ཧུ༷་གཉིས་བརྗོད་པ་ནི། །མཁའ་འགྲོ་ཞལ་དབྱེ་གསང་སྔགས་ཡིན། །དང་པོ་གཉིས་པ་གཉིས་འཀྱུར་ལ། །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་བརྒྱན། །དེ་ལ་དྲུག་པའི་གཉིས་པ་སྤྱིན། །དེ་འོག་ལྔ་པའི་ལྔ་པ་གཞག །དེ་འོག་བཞི་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་ལྔ་པའི་ལྔ་པ་གཞག །དེ་འོག་བཞི་པའི་དང་པོ་ལ། །སྟོང་པའི་གསུམ་པས་སྟེང་ནས་བརྒྱན། །དེའི་དང་པོའི་ལྔ་པ་གཞག །རུ་ལུ་ལུ་གཉིས་ཧུ༷་གཉིས་ཏེ། །སྨྱོ་གཉིས་རྗེས་སུ་སྐུ་གཞག་སྟེ། །དེ་འོག་ལྔ་པའི་ལྔ་པ་གཞག །དེ་རྗེས་བཞི་པའི་གསུམ་པ་སྟེ། །དེ་འོག་དྲུག་པའི་གཉིས་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་རྗེས་དང་པོའི་གསུམ་པ་ལ། །བདུན་པའི་གཉིས་པ་དེ་ལ་སྤྱིན། །སྟོང་པའི་གསུམ་པས་འོག་ནས་བརྒྱན། །དེ་རྗེས་དྲུག་པའི་གསུམ་པ་གཞག །དེ་འོག་བཞི་པའི་གསུམ་པའོ། །དེ་འོག་དྲུག་པའི་གཉིས་པ་ལ། །སྟོང་པའི་གཉིས་པས་སྙེང་ནས་བརྒྱན། །དེ་རྗེས་གཉིས་པའི་དང་པོ་ལ། །དེ་འོག་ལྔ་པའི་ལྔ་པ་ལ། །ཤེས་རབ་གསུམ་པས་འོག་ནས་སྤྲས། །དེ་ལ་བཞི་པའི་ལྔ་པ་སྤྱིན། །དེ་རྗེས་བཞི་པའི་བཞི་པ་གཞག །དེ་འོག་གཉིས་པའི་གཉིས་པ་ལ། སྟོང་པའི་གཉིས་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །སྟོང་པའི་བརྒྱད་པའི་སྟེང་ནས་བརྒྱན། །དེ་རྗེས་དང་པོའི་དང་པོ་གཞག །དེ་འོག་བཞི་པའི་གསུམ་པའོ། །དེ་འོག་དྲུག་པའི་གཉིས་པ་ལ། །སྟོང་པའི་གཉིས་པས་སྟེང་དུ་བརྒྱན། །དེ་རྗེས་དང་པོའི་གཉིས་པ་གཞག །དེ་རྗེས་དྲུག་པའི་གཉིས་པ་ལ། །ལྔ་པའི་ལྔ་པ་དེ་ལ་སྤྱིན། །དེ་རྗེས་དྲུག་པའི་དང་པོ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བཞི་པའི་ལྔ་པ་ལ། །ཐབས་ཀྱི་གཉིས་པས་སྟེང་ནས་བརྒྱན། །དེ་འོག་དང་པོའི་གཉིས་པརྣམས་ཀུན། །གསལ་བར་འདི་ཉིད་དུ་ནི་བྱ། །མ་མོ་འཕྲ་མེན་ལས་ལ་བསྐུལ། །གསང་སྔགས་ཐུན་རྣམས་ལ་ཡང་བཟླས། །བདག་པོའི་གསང་སྔགས་ཐམས་ཅད་ཀུན། །མདའ་དང་ཕུར་བུ་ལ་ཡང་བསྔགས། །ཟངས་ཕུར་ལས་ནི་བདུན་པོ་བྱ། །གང་སམ་མཚན་མ་བྱེ་བྲག་གིས། །རྟགས་ལ་མཚན་མ་བྱུང་བ་དང་། །བརྡེག་པའི་དུས་ལ་བབ་པ་ཡིན། །བརྡེག་པའི་དུས་ལ་བབ་པ་དང་། །དགྲ་འཇམ་བྱས་ལ་མདའ་ཡི་ཆུང་། །ཐུན་དང་ཕུར་པ་ཀུན་ཀྱང་བླུགས། །ལས་མཁས་ལས་ལ་རབ་ཏུ་མངག །ལྷ་སྲིན་སྡེ་དང་བཅས་པ་ལ། །གསེར་སྐྱེམས་རྒྱས་པར་བཏང་བར་བྱ། །མ་ཉེས་ལས་ཀྱི་ཉེས་པ་བསྒོ། །རྡོ་རྗེ་གླུ་ནི་རབ་ཏུ་བླང་། །ལྷོ་ཕྱོགས་ཁ་བལྟས་ཧ་ཧས་གདབ། །རྐང་པ་གཡས་པ་བག་ཙམ་བསྐུམ། །གཡོན་པའི་བར་དུ་བགྲད་བྱས་ནས། །གདུག་པའི་ཤིང་ལས་བྱས་པ་ཡི། །ཁྲུ་གང་ལྕགས་ཐག་གིས་བཏགས་ལ། །གནས་དག་ཏུ་ནི་བཞུགས་སུ་གསོལ། །དེ་རྗེས་ཐུན་ལྷ་རིམ་པས་བརྡེག །མཐར་གྱིས་ལས་ལ་འགྲོ་བའི་དུས། །དེ་བཞིན་མཐའ་ལ་འཛབ་བཟླས་ལ། །དེ་ཡིས་ལས་ཀྱི་གཏིང་དཔག་གཅད། །དེ་ནི་ཕུར་བའི་མདའ་ཐུན་ཡིན། །ཁྲག་གི་མདའ་ཐུན་ངེས་བཤད་བྱ། །དཀྱིལ་འཁོར་རྡོ་རྗེ་རྒྱ་གྲམ་ལ། །ལྟེ་བར་ཆོས་ཀྱི་དབྱིངས་རང་བཞིན། །རྡོ་རྗེའི་ནང་དུ་ཆོས་དབྱིངས་རེ། །ཕྱོགས་ཀྱི་མདའ་ནི་རྣམ་གསལ་བལྟ། །ཁྲག་དུག་རྣམས་ནི་རབ་ཏུ་བསོག །དེ་ལ་ཐུན་གྱི་སྔགས་མང་བཟླས། །མང་མ་རང་སྙིང་ཁྲག་གི་ཐུམས་རྦད། ཐ་མུ་ལེ་ཐ་མུ་ལེ་ཙིཏི་རྦད། ཙ་ཐད་ཙ་ཐད་རྦད་རྦད། མུགས་སྣི་མུགས་སྣི་ཙིཏི་ནན། །རག་མོ་ནི་རག་མོ་ནི་ཁ་ལེ་ཙིརྟི་རྦད་རྦད། དུག་ནི་ཁ་ཙིསྟ་རྦད་རྦད། ཀྱི་ཁ་ལོ་ཀྱི་ཁ་ལོ་ཙིསྟ་རྦད་རྦད། ཙིསྟ་ཙིསྟ་ཙིཀྟ་རྦད་རྦད། རྗི་ཏི་ཁྱི་ཏི་ཙིཉི་མུགས་མུགས། །ཐ་མ་ཐུམ་སུབས་ཏི་ཏ་ཙིསྟ་རྦད་རྦད། ཁ་འདར་ཡེད་ཡེད། ཐུམས་ཐུམས་རྦད་རྦད། སེ་ཁ་ལོ་མུ་པ་ལོ་རྦད་ཕཊ་གྲྭཧྭ། །བདུན་འབུམ་ཉི་ཁྲི་བཟླས་ནས་ནི། །མདའ་ཡི་ནང་དུ་ཁྲག་རྣམས་བླུགས། །སྦྲང་རྩིའི་སྙིགས་མས་ཁ་ཡང་གཅད། །ཁྲག་གི་བུད་མེད་བསམ་ཡས་བསམ། །ལག་ན་གདུག་པའི་མཚོན་ཐོགས་པས། །རབ་ཏུ་གསད་ནས་གཉིས་རྒྱལ་བྱས། །དེ་ཡིས་ལས་རྣམས་ཐམས་ཅད་འགྲུབ། །མདའ་རྣམས་དབྱིངས་སུ་བཞུགས་སུ་གསོལ། །དེ་ནས་ཕྱོགས་སུ་གཤེགས་པར་བྱ། །དེ་ནི་ཁྲགགི་མདའ་འཐུན་ཏེ། །གསོད་པའི་ལས་ལ་ཁྱད་པར་འཕགས། །དུག་གི་མདའ་ཐུན་གསུངས་པ་ནིདུག་ཤིང་གདུག་པའི་ཤིང་བུ་ལ། །ཞིང་ལྤགས་ཀྱི་ནི་སྒྲོས་བསྐྱོན་ལ། །དེ་ལ་དབང་ནི་ཚང་བར་བསྐུར། །དུག་ལ་སོགས་པའི་བྱེ་བྲག་རྣམས། །བནྟྲ་གླིང་བཞིའི་ནང་དུ་ནི། །མེ་རེག་ཐང་ཆུས་རབ་སྦྱར་ལ། །དེ་ནས་མདའ་དེ་བཅུག་ལ་གཞག །དེ་བཟླས་པ་ཡི་གསང་སྔགས་ནི། །གབ་པའི་སྔགས་ཀྱིས་བྱ་བ་ཡིན། །གྲངས་འབུམ་ཚངས་པའི་མཚན་ཉིད་ཅན། །རྟག་བྱུང་ནས་ནི་དུག་མདའ་འདི། །རང་བྱུང་ནས་ནི་ཐམས་ཅད་དུ། །སྤྱན་དྲངས་གནས་སུ་བཞུགས་སུ་གསོལ། །དེ་ནས་ཁ་མཉམ་བརྟན་པར་བྱ། །གདུག་པའི་ལས་ཐབས་ཁྱད་པར་འཕགས། །དུག་གི་མདའ་ཐུན་ཞེས་ཀྱང་བྱ། །སྔགས་ཀྱི་མདའ་ཐུན་གསང་བ་ནི། །དང་པོར་གཞུང་ལས་རབ་བསྙེགས་བསྐུལ། །ལས་ལ་སྦྱོར་བའི་དུས་སུ་ནི། །འུག་པ་ལ་སོགས་མདའ་དེ་བཞིན། །དབང་བསྐུར་བྱས་ནས་ལེགས་གནས་ལ། །རང་རང་གསང་སྔགས་དབྱེ་བ་ནི། ་་ས་ཀར་བཟླས་ཏེ་མདའ་ཡི་ནང་། །བྱུགས་ལ་དུར་ཁྲོད་གནས་སོང་ལ། །ལས་མཁན་མང་པོ་དེར་ཡང་བོད། །ལྷ་ཀླུ་ཀུན་ལ་བདེན་པ་བདར། །ང་ནི་དཔལ་ཆེན་རོལ་པའི་སྐུ། །གདུག་པའི་ལས་ཐབས་ང་བྱེད་ཀྱིས། །མདའ་ཡི་ལམ་དུ་ཁྱེད་མ་འདུག །དེ་སྐད་བྱས་ལ་སྔགས་ཀྱིས་འཕངས། །སྔགས་ཀྱི་མདའ་ཐུན་ཞེས་ནི་བྱ། །དུག་ཐུན་རང་བཞིན་ཡང་གསུངས་པ། །འཁོར་ལོར་བསྒྲལ་བའི་རིམ་པ་སྟེ། །དང་པོ་ཕྱི་མོ་འཁོར་ལོ་ནི། །རྩིབས་ནི་བཞི་ཅུ་རྩ་བརྒྱད་ལ། །མིང་དབྱངས་གཉིས་དང་ལྡན་པར་བྱ། །དེ་ལས་གསལ་བའི་འཁོར་ལོ་བྲི། །དེ་ལ་མཆོད་པ་ཆེན་པོ་དབུལ། །དེ་ལ་གྲུབ་པའི་འཁོར་ལོའི་སྔགས། །གསང་བའི་འཁོར་ལོ་བཞི་རུ་བྱུང་། །དང་པོ་དགུག་པའི་འཁོར་ལོ་ནི། །ཆགས་པའི་དབྱིངས་ལས་ཆོས་དབྱིངས་དབྱིབས། །གཡོ་བའི་ལོའམ་འཁོར་ལོ་སར། །ཡི་གེ་བཅུ་གཅིག་རྣམ་པར་ལྡན་པར་ལྡན། །དེ་ནི་གཡས་ནས་བསྐོར་བར་བྱའོ། །ཉི་ཤུ་རཀྟ་ནིམ་པའི་ལོ། །སྔགས་དང་འཁོར་ལོའི་རྒྱུ་རུ་གསུངས། །འོད་ཟེར་སྤྲོས་པས་ལྕགས་ཀྱུ་བསྐུལ། །རླུད་གི་འཁོར་ལོ་རབ་རྒྱས་བསྐུལ། །ཁྲོ་བོ་འཕྲ་མེན་ཚོགས་བཅས་ཀྱིས། །གང་ལ་མོས་པའི་དབང་སྒྱུར་ནས། །གང་ཡིན་གནས་སུ་ངེས་པར་འོང་། །དེ་ནི་དགུག་པའི་འཁོར་ལོའོ། །དེ་འོག་གསད་པའི་འཁོར་ལོ་ལ། །འཁོར་ལོ་རྩིབས་ནི་བརྒྱད་པ་ལ། །གཡོན་བསྐོར་ཡི་གེ་བཅུ་བདུན་ལྡན། །སྣང་མཛད་ཐུགས་ཉིད་ཡ་གསུམ་བརྐྱང་། །ལྷག་མ་ཟུང་དུ་གནས་པའོ། །སྐེ་ཚེ་ཐར་ནུར་བོང་ང་ནག །མེ་རེག་ཀྱི་ལྕེ་ནག་པོ་ཁྲག །སྨྱོ་བྱེད་རྒྱུ་ཡིས་སྦྱར་བར་བྱ། །དེ་ཡི་སྔགས་དང་འཁོར་ལོའི་རྒྱུལས་འོད་འཕྲོས་གྱུར་པ་ལས། །འཇིག་རྟེན་ཁམས་ཀྱི་མ་རུངས་པ། །ཐམས་ཅད་བསྡུས་ནས་དེ་ལ་བསྟིམ། །མཐོང་བ་ཙམ་གྱིས་འགྲོ་བར་འགྱུར། །ཧ་ཧའི་སྒྲ་སྐད་དྲག་པོས་གདབ། །མ་མོ་མཁའ་འགྲོ་ལས་ལ་བསྒུལ། །ཧ་ལ་ཧ་ལ་ཆེན་པོ་བརྟག །དགུག་དང་བསྟིམ་དང་བཅིང་བ་བྱ། །དེ་ལ་གོང་མའི་མཆོད་པ་ཕུལ། །རླུད་དང་མེ་ཡིས་རབ་བསྐྱོད་པས། །དེ་ཡི་ལུས་ངན་རབ་བརྒྱན་ཏེ། །དེ་ཡིས་ཡོངས་སུ་ཚིམ་པར་འགྱུར། །འདི་ཡང་དུག་གི་ཐུན་ཞེས་བྱ། །དུག་གི་ཐུན་ནི་ཡང་གསུངས་ཏེ། །གོང་དུ་ཇི་སྐད་གསུངས་པ་ལས། །སྐེ་ཚེ་ལ་སོགས་ཚང་བའི་རྫས། །དེ་ལ་གནན་པ་བྱས་ནས་ནི། །ཁྲག་སྣ་ཀུན་ཀྱང་དེ་རུ་བླུག །དེ་ལ་སྤྱིན་བརླབས་ཡང་དང་ཡང་། །བཟླས་པའི་རིམ་པ་མང་པོས་བྱ། །དེ་ནས་བཟླས་པའི་རིམ་རྫོགས་ནས། །རྡོ་རྗེ་གཡབ་མོས་ཐམས་ཅད་གཡབ། །འཇིགས་པའི་ང་རོ་ཆེན་པོ་དབྱུང་། །སོ་སོ་ལས་ལ་རྦད་པར་བྱ། །གྲོང་ངམ་གྲོང་ཁྱེར་ཆེན་པོའམ། །ཡུལ་ཕྱོགས་དུར་དང་ལྷ་རྟེན་ལ། །དེ་ལ་གཏོར་བར་བྱ་བ་ཡིན། །དེ་ཡིས་རླག་པར་ཐེ་ཚོམ་མེད། །འདི་ཡང་དུག་གི་ཐུན་ཞེས་བྱ། །དུག་གི་ཐུན་ནི་ཡང་གསུངས་པ། །ཐོད་པ་གླིང་དྲུག་ནག་པོའི་ཕྱོགས། །སྟེང་གཅིག་ཐང་ཆུས་ཁྲུས་བྱས་ལ། །དྲག་པོའི་ཁྲག་ཟིལ་དེ་ལ་བྱུག །དེ་ནས་བླུགས་པའི་རྫས་རྣམས་ནི། །བོང་ང་སྤྱང་ཚེར་རེ་ལྕག་པ། །སྤྱང་དུག་ཐལ་ནུར་སྐེ་ཚེ་དང་། །གླང་ཆེན་མཆིན་པ་ཆུ་སྲིན་སྙིང་། །སྨྱོན་པའི་ཆུ་ཡིས་རབ་སྦྱངས་ལ། །དེ་ལ་བྱིན་གྱིས་བརླབས་པ་ཡིས། །འོད་འཕྲོས་འཇིག་རྟེན་ཁམས་གང་ནས། །གདུག་པའི་མཆོག་རྣམས་ཇི་སྙེད་པ། །སྐད་ཅིག་ཡུལ་ལ་དེ་བཀུག་ནས། །དེ་ཉིད་ལ་ནི་གནས་པར་བརྟག །ཧ་ལའི་དུག་ཆེན་འབར་བར་བསམ། །སེམས་ཅན་གང་གིས་མཐོང་བ་རྣམས། །ལུས་ངག་ཡིད་གསུམ་ཞིག་ནས་ནི། །སྙིང་ཁྲག་ཆེན་པོ་སྒྱུག་པར་གྱུར། །དེ་ལ་མཚན་མ་རྣམས་ཀྱང་འབྱུང་། །དེ་ལས་འོད་འཕྲོས་གཞའ་འདྲ་འབྱུང་། །དེ་ནས་མེ་འདྲ་ལྟ་བུའང་འབྱུང་། །འོན་ཏེ་ལྷག་པར་ལྷགས་ནས་འོང་། །དེ་ལྟའི་མཚན་མ་བྱུང་བ་དང་། །དྲི་མ་དྲུག་ལ་རབ་བྱས་གཟུགས། །མཚན་མ་མིང་དུ་བཅས་པར་བྱ། །འཁོར་ལོའི་དབུས་སུ་གཞག་ནས་ནི། །ཙ་ར་ནག་པོའི་དཀྱིལ་འཁོར་དུ། །གསད་པའི་ལས་ལ་སྦྱར་བ་ཡིན། །མེ་རེག་མ་ཡི་ལྕགས་ཐག་བཏགས། །དེ་ལ་འགུག་བྱ་བསྟིམ་ཞིང་བཅིང་། །མནན་པ་དག་ཀྱང་བྱ་བ་ཡིན། །ཁུགས་པའི་མཚན་མ་བྱུང་བ་དང་། །དེ་ཡི་ལམ་ནས་གཞུག་པར་བྱ། །ཐུན་མཚམས་དུས་ནི་ཤེས་བྱས་ལ། །ཐབས་དང་ཤེས་རབ་མཐུ་ཡིས་ནི། །གང་འདོད་ལས་ལ་འཇུག་པ་ཏེ། །ཉ་གསུམ་དག་ལ་གནས་པར་བྱ། །མཚན་མ་དག་ལ་རབ་ཏུ་བསྡད། །བརྒྱད་དང་བཅུ་དགུ་ཉི་ཤུའི་བར། །དེ་ལ་ཐུན་གྱི་ལས་རྣམས་བརྩམ། །དེ་དུས་དུག་ཆེན་བར་མི་གཅོད། །ཡབ་་་་་་་་་་་་་་་་་ཡུམ་ཐུན་གྱིས་ལས་བྱའོ། །ལས་འདིས་ལྷ་ཡང་བརླག་པར་འགྱུར། །ཁམས་གསུམ་པ་ནི་སྨོས་ཅི་དགོས། །འདི་ཡང་དུག་གི་ཐུན་ཞེས་གསུང་། །ཁྲག་གི་ཐུན་ནི་ཡང་གསུངས་པ། །དཀྱིལ་འཁོར་ཁྲུ་གང་དབུས་གྲུ་གསུམ། །སོར་གསུམ་བང་རིམ་གསུམ་བར་བྱ། །རཀྟ་གུ་གུལ་དག་གིས་བྱུགས། །དེ་ཡི་དབུས་སུ་གཞག་པའི་རྫས། །རབས་ཆད་ནག་པོའི་ཐོད་པ་མྲ །མི་ཁྲག་དག་གིས་གཞི་བསླངས་ལ། །དེ་ལ་ཁྲག་སྣ་བརྒྱ་རྩ་བརྒྱད། །སྣ་ཚོགས་པ་ཡིས་རབ་བསྐང་ལ། །དཀྱིལ་འཁོར་དབུས་སུ་གཞག་པར་བྱ། །བདག་ཉིད་དཀྱིལ་འཁོར་གསལ་ལྟས་ལ། །མ་མོ་བརྟེན་པའི་རྫས་རྣམས་བསོག །བསྙེན་བསྒྲུབ་གྲངས་རྣམས་ཚང་བ་དང་། །ལས་ལ་སྦྱར་བའི་དུས་ལ་བབ། །སེང་ལྡེང་འཁོར་བ་ལག་ཏུ་ཐོགས། །དེ་ལ་སྔགས་ཀྱི་དབང་ཡང་བསྐུར། །བདེ་བའི་མདུང་དམར་ཕྱར་བར་བསམ། །རས་ཆེན་དེ་ཡིས་གཡབ་བར་བྱ། །མ་མོ་རྦད་པའི་སྙིང་པོ་ནི། །གྲངས་མང་བཟླས་ལ་ཁྲག་ཏུ་བླུགས། །དུར་ཁྲོད་གནས་སམ་མཆད་ཁར་སོང་། །ལྷ་སྲིན་ཀུན་ལ་བོད་པར་བྱ། །གསེར་སྐྱེམས་བྱིན་ལ་ལས་ཀྱང་བཅོལ། །མ་ཉེས་མ་ཡོ་གཟུ་དང་དཔང་། །གཟུ་དང་དཔང་དུ་དཀོན་མཆོག་གསུམ། །རྣལ་འབྱོར་བདག་གིས་མ་ཉེས་སོ། །འདི་ཡིས་ལས་རྣམས་ལོག་པ་སྤྱད། །དཀོན་མཆོག་དབུ་འཕང་འདི་ཡིས་སྨད། །སངས་རྒྱས་བསྟན་པ་འདི་ཡིས་བཤིག །འདི་ལྟར་འདུག་པའི་ལས་ངན་ལ། །ཁྲག་གི་ཐུན་ཅིག་ལ་འཕེན། །འདི་ལ་མ་མོའི་ཐུན་ཅིག་འབེབས། །འདི་ལ་མཚོན་ངན་སྣ་ཚོགས་ཀྱིས། །ཁྲག་སྒྱུག་སྙིང་རྩ་ད་ཚོད་ན། །ལྷ་སྲིན་སྡེ་བརྒྱད་རམ་ཟླ་བཟློག །མཁའ་འགྲོ་མ་ཚོགས་རབ་ཟླ་བཟློག །དམ་ཅན་ལས་མཁན་རམ་ཟླ་བཟློག །སངས་རྒྱས་བསྟན་པ་ཞིག་ལ་ཁད། །སྲིད་པའི་མ་ཚོགས་དམ་ལ་འདུ། །དེ་སྐད་བྱས་ལ་གསུར་ཆེན་བཏང་། །གསོད་པའི་སྔགས་ནི་རབ་མང་བཟླས། །དེ་ནས་ལས་ལ་བསྐུལ་བྱས་ལ། །ཁྲག་གི་གཏོར་མ་བྱས་པ་ཡིན། །གྲོང་ལ་གཏོར་ན་མི་ནད་དང་། །ཕྱུགས་ནད་སྣ་ཚོགས་འབྱུང་བར་འགྱུར། །དུར་ལ་གཏོར་ན་ནང་འཁྲུགས་དང་། །ཐ་མ་རབས་ནི་འཆད་པར་འགྱུར། །ཁྲག་གི་ཐུན་གྱི་ལས་བྱས་ནས། །འདི་ཡིས་མི་འགྲུབ་གང་ཡང་མེད། །ཐང་ཅིག་ཡུད་ཀྱིས་བརླག་པར་འགྱུར། །ཁྲག་གི་ཐུན་ཞེས་དེ་ལ་བྱའོ། །ཉུངས་ཐུན་རིམ་པས་ཡང་གསུངས་པ། །དཀྱིལ་འཁོར་འཁོར་ལོ་རྩིབས་བརྒྱདགཞུང་། །བདག་པོ་འཁོར་ལོ་རབ་བལྟས་ལ། །དེ་ཡིས་ཉུངས་ཀར་བྱིན་གྱིས་བརླབ། །ཉུངས་ནག་ལ་ཡང་དེ་བཞིན་ཏེ། །ཐབས་དང་ཤེས་རབ་མཐུ་ཡིས་ནི། །བྱིན་གྱི་བརླབས་པ་བརྩམ་པར་བྱ། །སྡོང་པོ་རྐང་གཅིག་གཏུན་ནང་དུ། །བདུད་རྩི་ལྔ་ཡིས་རབ་ཏུ་བྲན། །ངོ་མོའི་སྤང་དང་ཕག་པའི་སྤང་། །ཁྱི་དང་སྤྱང་ཁུའི་སྤང་དག་གིས། །ཐོད་བཀང་དུར་ཁྲོད་ས་ཡིས་བཀང་། །དེ་ལ་དྲག་པོའི་སྔགས་ཆུས་བྲན། །ནག་པོའི་ཆུས་ཀྱང་བྲན་པར་བྱ། །དེ་རྗེས་ཡོངས་སུ་སྨིན་པ་དང་། །སོ་སོའི་མ་འདྲེས་ཤག་ཕྱེ་ནས། །ཐོད་པ་ནག་པོར་སོ་སོར་བླུགས། །དེ་ལ་བདུད་རྩི་ལྔ་རྣམས་དང་། །དུག་དང་མ་རུངས་པས་ཀྱང་བྱུག །གདུག་པའི་ཆུས་ཀྱང་བྲན་པར་བྱ། །ཁྲག་སྣ་སྦྱར་བའི་ཆུས་ཀྱང་བྱུག །དེ་ནས་འཛབ་གྲངས་རྫོགས་པ་དང་། །སོ་སོའི་བསོད་པའི་ལས་སྔགས་ཀྱིས། །བཟླས་པ་བྱས་ཏེ་དེ་བརྒྱན་ན། །གང་ལ་དམིགས་པ་དེ་རླག་འགྱུར། །དུར་ལ་བརྒྱབ་ན་ཁྲག་སྒྱུག་འབྱུང་། །ཀླུ་ལ་བརྒྱབ་ན་མཛེ་ནད་འབྱུང་། །མཁར་ལ་བརྒྱབ་ལ་གྲོང་བརྡལ་འཇིག །མི་ནད་རྟ་ཕྱུག་གླང་ཆེན་རྣམས། །རབ་ཏུ་བརྒྱལ་ཏེ་འཆི་བར་འགྱུར། ་་ས་ཐུན་ཞེས་ནི་དེ་ལ་བྱའོ། །ཚེ་དང་རྡོ་ནག་གདུག་པའི་ལས། །ལྷ་མོ་སོགས་ཀྱི་དཀྱིལ་འཁོར་དང་། །ལས་ཐབས་ཀུན་ལ་འཇུག་པ་དང་། །ཛ་ཡ་དུ་མན་ཏི་ཤ་རི་ནི་ལ་བུ་ཏི་ཛ་ཛ་ཛ་ཛ་ཐམས་ཐུམས་རྦད། ཁྲག་ཏི་སྨར་ཏི་ཤ་སྨྱོ། ཞེས་རབ་ཏུ་བསྔགས་པ་དེ་ཉིད་བརྡེག །དེ་ཡིས་ཐལ་བར་རླག་པར་འགྱུར། །སྐབས་ལས་ཤེས་པར་བྱ་བའི་ཐུན། །རྡོ་དང་ཚེ་ཡི་ཐུན་ཞེས་བྱ། །དེ་ལྟར་ཐུན་ནི་བདུན་པོ་ཀུན། །གཅིག་ལ་གཅིག་རྟེན་རབ་གསལ་བར། །མཁས་པ་རྣམས་ཀྱིས་ཤེས་པར་གྱིས། །དེ་ནས་རྩ་བ་རབ་བཟློག་ཐུན། །དེ་ཡི་རིམ་པ་རྣམས་ཕྱེ་བ། །རྡོ་རྗེ་དྲག་པོའི་དཀྱིལ་འཁོར་བྲི། །དེ་ནས་ཕྱོགས་བཅུའི་དཀྱིལ་འཁོར་དགུག །ཕྱི་ནང་གསང་བའི་མཆོད་པ་འབུལ། །བསྟོད་པ་བྱས་ལ་ཞུ་བ་བྱ། །རྩ་བ་ཡན་ལག་དམ་ཚིག་གིས། །རིམ་རྣམས་ཀྱང་ནི་ཉམས་པར་བཤད། །ཉམས་པའི་རྣམ་སྨིན་བདུན་ཡང་བགྲང་། །དེ་ནས་རང་གི་ཡོན་ཏན་བགྲང་། །མ་ཉེས་པ་ཡི་དབང་ཡང་གཟུགས། །དེ་རྗེས་ཕྱོགས་བཅུའི་དཀྱིལ་འཁོར་གྱིས། །བདག་ལ་གཉེར་ནི་གཏད་པར་བྱའོ། །བདག་པོ་མཆོད་པས་ཚིམ་བྱས་ལ། །བདག་ཉིད་ལ་ནི་ཞུགས་པར་བསམ། །དེ་ནས་ལས་ལ་སྦྱར་བར་བྱ། །ཁྲོས་པའི་དཀྱིལ་འཁོར་རྒྱབ་བསྣོལ་བརྟག །སྙིང་ཁར་གནས་པར་བྱ་བའི་སྔགས། །བདག་པོ་གང་ཡིན་སྔགས་དེ་བསམ། །གསོད་པའི་ལས་ལ་དེ་ཉད་གཏང་། །དང་པོ་ཞུ་བ་གསོལ་བ་བྱ། །གཉིས་པ་དབང་དུ་བསྡུ་བ་སྟེ། །གསུམ་པའི་གསོད་པའི་ལས་ལ་བསྒོ། །ཁ་དང་སྙིང་ཁ་མཚན་པར་བྱ། །རྡོ་རྗེ་མེ་ཡིས་དེ་བསྲེགས་ལ། །སྡུག་བསྔལ་ཉམས་སུ་མྱོང་བར་བྱའོ། །ཀླད་པ་རྐང་པའི་མཐིལ་ནས་ནི། །རླུང་གིས་བསྐུལ་ཏེ་བསྟན་པར་བྱ། །པདྨའི་ལྕགས་ཀྱུས་དྲང་བར་བྱ། །སྙིང་ཁའི་ཟླ་ཉི་གའུ་ནི། །རྡོ་རྗེ་སྣོན་པོས་ཁ་ཕྱེ་ལ། །དེ་ལ་ཟ་བྱེད་རྟ་རུ་གཞུག །དེ་ཡིས་སྙིང་པོ་བོས་པར་བརྟག །ཁ་གཏམ་ལས་ཀྱི་གཞལ་ཡས་འཐིབ། །གདུག་པའི་ཐབས་རྣམས་ལོག་པར་རྦད། །མཁས་པས་གསང་སྔགས་དེ་བཟླས་པས། །རང་བཞིན་གནས་ནས་འདི་ཉིད་དུ། །དཔའ་བོ་དེ་ཁྲིད་ལས་ལ་རྦད། །ཐུན་མཚམས་བཞི་རུ་རབ་འབྱོར་བ། །ཐུན་གྱིས་འབད་ཅིང་མཆོད་པ་བྱ། །ཡང་དང་ཡང་དུ་འབད་པ་ཡིས། །མཆོད་ཕུལ་མཉེས་པས་གསད་ལ་སྦྱར། །རྐང་དང་ལག་ལ་གཟུད་པར་བྱ། །དེ་ནས་དྲག་པོའི་དུས་ཉིད་དུ། །ལྷ་ལ་བསྟབས་པ་དེ་ཉིད་དུ། །སྙིང་རྩ་གཟུང་ལ་ལས་ཐབས་བརྩམ། །འཁོར་ལོ་འབར་བས་རབ་བསྐོར་བས། །ལྷ་ཉིད་དུམ་བུ་དུམ་བུ་ནི། །གཙོ་ལ་བཏབ་པའི་ལས་བྱའོ། །དེ་ནས་གདུག་པའི་ཐུན་རྣམས་ཀུན། །མེ་རེག་དཀྱིལ་འཁོར་རབ་བཞེངས་ལ། །དེ་ཡིས་གཞལ་ཡས་དབུས་སུ་ནི། །གསད་པའི་ཐུན་གྱིས་ལས་བྱས་ན། །སངས་རྒྱས་ཉིད་ཀྱང་འཆི་འགྱུར་ན། །ཉམས་པར་འགྱུར་བ་སྨོས་ཅི་དགོས། །རྩ་ལ་རབ་འབོག་ཐུན་ཞེས་བྱ། །དེ་ནས་གདུག་པའི་ཐུན་གསུངས་པ། །ཙ་ར་ནག་པོའི་དཀྱིལ་འཁོར་དུ། །ཟངས་ཀྱི་གའུའི་ནང་དུ་ནང་། །རྣལ་འབྱོར་དམ་ཅན་དེ་དག་ལ། །ཆོས་ཀྱི་དབྱིངས་ཀྱི་གཟུགས་བརྙན་གྱིས། །ལག་པ་བགྲད་ལ་གཞག་པར་བྱ། །ཟངས་ཀྱི་ག་འུར་བཞུགས་སུ་གསོལ། །བདག་ཉིད་འདུག་པའི་སེམས་བསྐྱེད་དེ། །ཉུངས་ཀར་རྒྱལ་པོ་ལག་ཏུ་ཐོགས། །མཆེ་བ་གཙིགས་ལ་གསང་སྔགས་བཟླས། །མ་ནི་དྲག་ཏུ་ཆུམ། མ་ཤ་སྲོག་སྨྱོ་ཐིབས། གསང་སྔགས་རྒྱལ་པོའི་མཐུ་ཡིས་ནི། །རྣལ་འབྱོར་གཟུགས་ལ་འདི་བསྐུས་པས། །བདེ་བའི་གནས་སུ་བཞུགས་པར་བསམ། །ནི་ཛ་སྲོག་ཅེས་ལན་གཉིས་བརྗོད། །ཆོས་དབྱིངས་གཟུགས་བརྙན་དེ་བསྐུལ་བས། །རྣལ་འབྱོར་ཡིད་ལ་གནས་འགྱུར་བས། །གཏན་དུ་མི་འབྲལ་འགྲོགས་པར་འགྱུར། །ཧེ་ཧེ་ཧམ་ཞེས་རབ་བརྗོད་ལ། །གའུའི་ཁ་ནི་སྦྱར་ལ། །ཐབས་དང་ཤེས་རབ་གཉིས་མེད་བཞུགས། །དེ་ནས་ཆོས་ཀྱི་དབྱིངས་སུ་བཞུགས། །ཐུགས་ཀྱི་འཛབ་ལ་རབ་ཞུགས་ལ། །བརྣག་པའི་ནན་ཐུར་དེས་བྱའོ། །ཁྲག་ཉུངས་བསྲེས་ལ་ལག་ཐོགས་ལ། །མ་མ་ཁྲག་ཏུ་ལན་གཉིས་བརྗོད། །དེ་འོག་ཏུ་ནི་ཤུ་ཡ་ཞེས། །ལན་གཉིས་བརྗོད་པའི་རྗེས་ལ་ནི། །རུ་བིན་ཁྲག་ཐུན་ཞེས་བྱའོ། །དེ་འོག་གདགས་པའི་གསང་གསང་སྔགས་ནི། ཁེ་ཤི་མུ་ར་ཡ་སྨྱོ་ཞེས། །ཁ་རག་མོ་རུ་ཁྲག་ཉོན་ཞེས། །བཟླས་ལ་བརྡེག་པར་བྱ་བ་ཡིན། །གསང་སྔགས་ཆེན་པོ་འདི་ཡིས་ནི། །ལུས་སེམས་རྣམ་པ་གཉིས་བྲལ་ནས། །ཉམས་ཏེ་གཞན་གྱི་དབང་དུ་འགྲོ ཁྲག་ཤག་སྤར་མ་ཤུ་ཏོ་ཤག །ཉུངས་ཀར་བཟླས་ལ་གཟུགས་ལ་གཏོར། །གསང་སྔགས་རྒྱལ་པོ་འདི་ཡིས་ནི། །འགོ་བའི་ལྷ་དང་དབྲལ་བར་འགྱུར། །དེ་ནས་རང་བཞིན་གང་བདེ་བའི། །གནས་སུ་གཤེགས་སུ་གསོལ་བར་བྱ། །ལས་དེ་བྱས་པས་རྣལ་འབྱོར་བདེ། །འདི་ཡང་རྩ་བ་རབ་འབོག་ཐུན། །འདི་འདྲ་ལས་ཐབས་མི་བཟད་པ། །དེ་ཤེས་པས་ནི་ལོག་པ་ཉུང་། །བདེ་ཆེན་དམ་སྟེ་འཕེལ་ལ་གནས། །དུས་གསུམ་སངས་རྒྱས་རྣམས་ཀྱིས་བསྔགས། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གྱི་མདོ་ཞེས་བྱ་བ་ལས། ཐུན་གྱི་ལེའུ་སྟེ་ཉི་ཤུ་ཐམ་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །མཆོད་ཕུལ་དགེ་བསྐྱེད་གསོལ་བཏབ་པ། །ཀྱེ་ཀྱེ་ཐབས་ཆེན་ཀུན་གྱི་གཙོ། །འབྱུང་འགྱུར་སྐུས་ནི་ཀུན་འདུལ་མཛད། །གསུང་མཆོག་སྒྲགས་བས་གདུག་པ་ཞི། །ཞབས་རྣམས་བརྡབས་པས་ཀླུ་རྣམས་སྐྲག །ཨེ་མ་རྒྱལ་པོ་ཁྱོད་ལ་འདུད། །ཐུན་ལ་སོགས་པའི་བྱེ་བྲག་རྣམས། །དཔའ་བོ་ཆེན་པོས་གསུངས་ལགས་ན། །འདི་ལ་མོས་པའི་རྣལ་འབྱོར་པས། །རྩ་བ་དང་ནི་ཡན་ལག་གི །དམ་ཚིག་རྣམས་ནི་མི་འཚལ་ལམ། །དམ་ཚིག་གྲངས་ནི་དུ་ཞིག་མཆིས། །ཉམས་པའི་གསོ་བ་ཅི་ལྟར་གསོ། །གཉིས་མེད་དཔའ་བོས་བཤད་དུ་གསོལ། །དེ་སྐད་ཅེས་ནི་གསོལ་པ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་ནས། །གསུང་ནི་འདི་སྐད་བཀའ་བསྩལ་ཏོ། །ཉོན་ཅིག་ཀརྨ་ཧེ་རུ་ཀ །རྣལ་འབྱོར་གཞུང་འདིར་ཞུགས་པ་ལ། །དམ་ཚིག་ཉམས་ན་མི་འགྲུབ་པས། །དམ་ཚིག་ངེས་པར་གཅེས་པར་བཤད། །དེ་ལ་བསྲུང་བའི་དམ་ཚིག་རྣམས། །ངེས་པར་ང་ཡིས་བཤད་བྱ་ཡིས། །འདི་ཉིད་ལ་ནི་གནས་པར་གྱིས། །སྟོང་པ་ཆེན་པོའི་སེམས་གསལ་བ། །འདི་ལ་གཡོ་བའི་སེམས་མི་འབྱུང་། །རྟག་པར་ཆོས་དབྱིངས་རང་ཉིད་སྐུ། །དེ་ལས་མི་འདའ་རང་ཉིད་མནོས། །འདི་ནི་དམ་ཚིག་མཆོག་ཅེས་བཤད། །འདི་ལ་རྟག་ཏུ་གང་གནས་པ། །རྣལ་འབྱོར་དཀའ་ཐུབ་ཆེན་པོ་འཆང་། །འདི་ནི་མེད་ན་མི་འགྲུབ་ལ། །བསྒྲུབས་ལ་འབྲས་བུ་མེད་པར་འགྱུར། །དེ་བས་རྣལ་འབྱོར་དམ་པས་མནོས། །སྐུ་ཡི་དམ་ཚིག་བསྲུང་བ་ནི། །སློབ་དཔོན་རྣམ་གསུམ་བཀུར་བ་ནི། །ཕ་དང་མ་དང་མིག་འབྲས་བལྟ། །རབ་ཏུ་གཅེས་ཤིང་བལྟ་བར་བྱ། །དགོན་པའི་གནས་ལ་མ་ཡངས་པར། །དགོངས་པའི་ཡོ་བྱད་འབྱོར་ཚོགས་དབུལ། །དེ་ཡི་དགོས་པ་ཅི་དང་ཅི། །བླ་མ་དམ་པ་དེ་ལ་དབུལ། །གླང་པོ་རྟ་དང་མ་ཧེ་དང་། །དགོས་པའི་ཆུང་མ་བུད་མེད་རྣམས། །རིན་ཆེན་རྒྱན་གྱིས་བརྒྱན་པ་ཡིས། །གཅེས་པའི་ནོར་རྣམས་དེ་ལ་དབུལ། །བླ་མའི་འཁོར་ན་གནས་པ་རྣམས། །རབ་ཏུ་དམིགས་ཤིང་བལྟ་བར་བྱ། །དེ་ཡིས་བསྒོ་བ་ཐམས་ཅད་ནི། །བདག་ནི་བྲན་བཞིན་ཉན་པར་བྱ། །ཇི་ལྟར་འོས་པས་མཆོད་པར་བྱའོ། །རྡོ་རྗེ་སྤུན་ལ་རབ་ཁྲོས་ནས། །དེ་ལ་ཉེས་པ་བརྗོད་མི་བྱ། །གཅིག་ལ་གཅིག་ནི་མིག་བཞིན་ལྟ། །ཁ་ན་མ་ཐོ་ཐམས་ཅད་བསྲུང་། །རང་དང་འདྲ་བའི་སེམས་ཚུལ་འཆང་། །དགོས་པའི་ནོར་ཡང་ཅི་དགར་སྤྱད། །འདོད་དོན་དགོས་པ་གཅིག་ཏུ་བསྒྲུབ། །དགོས་པའི་ལས་མཆོག་བསྟན་པ་བསྲུང་། །སྲོག་ལ་བབ་ཀྱང་ལས་མི་འཛེམ། །འདི་རྣི་སྐུ་ཡི་དམ་ཚིག་གོ །འདི་ལ་རྣལ་འབྱོར་འདའ་མི་བྱའོ། །དང་པོ་སེམས་བསྐྱེད་དུས་སུ་ནི། །ཇི་ལྟར་བླ་མས་རབ་གཏད་པའི། །སྐུ་མཆོག་གསལ་བར་བསྒོམ་པ་དང་། །དེ་ཡི་གསང་སྔགས་བཟླ་བ་དང་། །དེ་ཡི་ཕྱག་རྒྱ་བཅའ་བར་ནི། །ཁས་བླང་དམ་དུ་བཅས་པ་ལས། །འདི་ལས་འདའ་བར་ཡོངས་མི་བྱ། །འདི་ལས་འདས་ན་དངོས་གྲུབ་རྣམས། །ཡང་དག་བྱུང་བར་མི་འགྱུར་རོ། །དེ་བས་འབད་ལ་གནས་པར་བྱ། །འདི་ནི་གསུང་གི་དམ་ཚིག་གོ །ཕྱི་གསང་དམིགས་བཅས་རྣམ་པ་བཞི། །བར་གསད་དཀྱིལ་འཁོར་རྣམ་པ་བཞི། །གསང་འོས་རྗེས་ཀྱི་བྱེ་བྲག་རྣམས། །གསང་གཉེར་ཟབ་མོ་སྒྲོལ་བའི་ལས། །འདི་ལྷའི་མན་ངག་དམ་པ་རྣམས། །ཐོ་ཅོ་རང་ཤེས་ཚུལ་འཆོས་དང་། །མཁས་འདོད་སྒེ་ཚིག་ཁ་ཆོས་བྱེད། །དེ་ལྟ་བུ་ལ་མི་སྤེལ་ཏེ། །སྤེལ་ན་དམ་ཚིག་ཉམས་ཞེས་བྱ། །བསྒྲུབ་པ་གསང་བའི་ཐབས་མཆག་རྣམས། །ཆེད་ཆེར་བློ་ཡི་གཏིང་དུ་འཆང་། །སྲོག་འ།་བབ་ཀྱང་བཏང་མི་བྱ། །རྫས་དང་ལག་ཆ་གསང་བ་སྟེ། །མེད་དུ་མི་རུང་རྫས་རྣམས་ནི། །རབ་ཏུ་སྦས་ཤིང་གསང་བར་བྱ། །འདི་ནི་ཐུགས་ཀྱི་དམ་ཚིག་གོ །སྐུ་གསུང་ཐུགས་ཀྱི་དམ་ཚིག་ནི། །དངོས་གྲུབ་འབྲས་བུའི་རྒྱུ་ཡིན་པས། །འདི་ལ་རྟག་ཏུ་གནས་པར་བྱ། །གལ་ཏེ་འདི་ལ་མ་གནས་ན། །འབྲས་བུ་མེད་ཅིང་བརླག་པས་ན། །དེ་བས་དམ་ལ་གནས་པར་གྱིས། །སྐུ་གསུང་ཐུགས་ནི་རྡོ་རྗེ་སྟེ། །འདི་དག་ཉམས་པར་གྱུར་བ་དང་། །སྐད་འགའ་ཙམ་ཡང་སྨྲ་མི་བྱ། །གལ་ཏེ་སྨྲས་ན་ཉམས་པར་འགྱུར། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལྔ་རྣམས་ནི། །ཁྲག་འཐུང་ལྔ་ཡི་ས་བོན་པས། །འདི་ལ་གནས་ཤིང་སྤང་མི་བྱ། །སྤངས་པས་འབྲས་བུ་མི་འབྱུང་ལ། །འདི་ཡང་མི་སྤང་དམ་ཚིག་ཡིན། །ཟླ་བ་ཉི་མ་ཆུ་སྨན་དྲི། །དག་པའི་རང་བྱུང་བདུད་རྩི་དངོས། །ཟས་མཆོག་བཟའ་ཞིང་གཏོར་མ་བསྔོ། །མི་སྤང་བ་ཡི་དམ་ཚིག་ཡིན། །བརྫུན་དུ་སྨྲ་བ་དག་དང་ནི། །རྩུབ་པའི་ཚིག་རྣམས་སྨྲ་བ་དང་། །སྦྱོར་དང་བརྐུ་བའི་ལས་མཆོག་དང་། །གསད་དང་དགུག་དང་མནན་པའི་ལས། །ཁྲགའཐུང་རྒྱལ་པོའི་མཛད་སྤྱོད་པས། །སྤྱད་པར་བྱ་བའི་དམ་ཚིག་གོ །གཞན་ཡང་དམ་ཚིག་རྣམས་གསུངས་པ། །སྒྲོལ་བའི་ལས་ལ་བབ་པ་ཡི། །དུས་ལ་བབ་པར་ཤེས་བྱས་ལ། །ལེ་ལོས་བཅས་ནས་གནས་པ་ནི། །འདི་ཡང་དམ་ཚིག་ཉམས་པ་ཡིན། །མ་མོ་མཁའ་འགྲོའི་ཚོགས་བཅས་ལ། །གཏོར་མའི་རྒྱུན་རྣམས་རབ་སྤངས་པ། །འདི་ཡང་དམ་ཚིག་ཉམས་པ་ཡིན། །དགོས་པའི་རྫས་རྣམས་མི་འཆང་བ། །འདི་ཡང་དམ་ཚིག་ཉམས་པ་ཡིན། །དེ་བས་ནན་ཏན་ཆེར་བསྐྱེད་ལ། །དགོས་པའི་དམ་རྫས་རྣམས་ནི་འཆང་། །འབྱོར་པས་གཏོར་མ་རྒྱས་པར་གཏང་། །དམ་ཚིག་མ་ཉམས་ཐུབ་པར་བསྲུང་། །གལ་ཏེ་ཉམས་པར་གྱུར་ན་ནི། །བཤགས་པའི་ཐབས་ནི་འདི་གསུངས་སོ། །སྐུ་གསུང་ཐུགས་ཀྱི་དམ་ཉམས་ན། །རྣལ་འབྱོར་དམ་པས་བཤགས་པར་བྱ། །རང་ལ་བླ་མ་དམ་པ་ལ། །ཞུ་བྱས་ཕྱི་ནང་གསང་གསུམ་གྱི། །དབང་རྣམས་ཚང་བར་ནོད་བྱས་ལ། །འབྱོར་བ་ཇི་ཙམ་ཅི་ཡོད་པ། །བླ་མ་དམ་པ་དེ་ལ་དབུལ། །དེ་ཡིས་སྐོངས་བར་འགྱུར་ཞེས་བྱ། །ཡན་ལག་དམ་ཚིག་ཉམས་པ་ལ། །སློབ་དཔོན་འཁོར་དང་བཅས་པ་ལ། །དེ་ལ་མཐོལ་བཤགས་ཚོགས་མཆོད་བྱ། །དེ་ཡི་སོ་རུ་ཆུད་པར་འགྱུར། །མདོར་ན་ཉམས་དང་འགྲོགས་མི་བྱ། །ཉིན་ནམ་ནུབ་རེར་བཅས་པ་ལ། །རང་གི་ཐད་དུ་ཟླ་དཀྱིལ་འཁོར། །དེ་ཡི་དཀྱིལ་དུ་འཁོར་ལོ་བསམ། །འཁོར་ལོའི་ཐུགས་ཁའི་ས་བོན་ལས། །ལྷ་མོ་རྣམས་ནི་མཐོན་ནས་སུ། །བདག་གི་སྤྱི་གཙུག་བུམ་པ་བཟུང་། །དག་པའི་ཆུ་ཡིས་བཀྲུས་པར་བསམ། །ཉེས་པ་མི་འབྱུང་བསམ་བའི་ཐབས། །སེམས་ཅན་དོན་རྣམས་མ་བྱས་ན །འདི་ཡང་ཉམས་པ་ཅིག་ཡིན་པས། །བསྲུང་པའི་རིམ་པ་ཡང་གསུངས་པ། །འཁོར་ལོས་བསྲུང་བའི་རིམ་པ་ནི། །དུར་ཁྲོད་རས་སམ་ཤིང་ཤུན་ལ། །གུ་གུལ་ལྡོང་རོས་དུག་དང་བསྲེ། །དུར་ཁྲོད་སྨྱུག་གུས་འཁོར་ལོ་བྲི། །གདུག་པའི་འཁོར་ལོའི་རྩིབས་བརྒྱད་ལ། །དྲག་པོའི་ཡིག་འབྲུ་རྣམ་པར་དགོད། །ཐ་མ་གྲྭཧྭ་དང་བཅས་པ་བྲི། །དེ་ལ་ལྷ་རྣམས་རབ་བསྐྱེད་ལ། །བསྲུང་བྱའི་འཁོར་ལོ་དབུས་སུ་གཞག །ཡེ་ཤེས་དཀྱིལ་འཁོར་དགུག་ཅིང་བསྟིམ། །དེ་ལ་ཕྱི་ནང་མཆོད་པས་མཆོད། །གསང་མཆོག་དགྱེས་པས་ཁྲོས་པར་བརྟག །དེ་ནས་རྣལ་འབྱོར་ལག་ཐོགས་ལ། །ཨ་ལ་ལ་ཡི་སྒྲ་བརྗོད་དེ། །ལྕགས་ཀྱུས་འཁོར་ལོ་རབ་བསྐོར་ལ། །འདི་ལས་སུ་ཡང་འདའ་མ་བྱེད། །འདི་ལས་གལ་ཏེ་འདས་ན་ནི། །ལྷ་ཡང་རུང་སྟེ་རླག་འགྱུར་བས། །འདི་ལས་སུ་ཡང་མ་འདའ་ཞིག །གང་ཡིན་བསྲུང་བར་བྱ་བའོ། །ལག་གཡོན་དཔུང་པའི་རྩ་རུ་གདགས། །དེ་ནས་གོ་ཆ་ལེགས་པ་བསྐོན། །གདོན་དང་འབྱུང་པོ་མཁའ་འགྲོ་ཚོགས། །འཚོ་བ་རྣམས་ཀྱིས་ཚུགས་མི་འགྱུར། །འཁོར་ལོས་བསྲུང་བ་ཞེས་བྱའོ། །འཁོར་ལོས་བསྲུང་བ་ཡང་གསུངས་པ། །དུར་ཁྲོད་རས་སམ་ཤིང་ཤུན་ལ། །གུ་གུལ་ཚིལ་ཆེན་རབ་བསྲེས་ལ། །དེ་ལ་འཐས་པར་བྱ་བ་ཡིན། །དུག་དང་གདུག་པའི་སོར་བ་ཡིས། །འཁོར་ལོ་བརྒྱད་དམ་བཅུ་འམ་ནི། །གཉིས་སམ་གསུམ་སུ་བྲི་བར་བྱ། །གདུག་པའི་ཡི་གེ་འབར་བལྟས་ལ། །དེ་ལ་སྐད་ཅིག་སེམས་པ་ཡིས། །འཁོར་ལོའི་བདག་པོས་འཁོར་བཅས་བལྟ། །དེ་ལ་ཡེ་ཤེས་འཁོར་ལོ་དགུག །མཆོད་པ་རྫོགས་པ་དེ་ལ་དབུལ། །ཕྱོགས་དང་མཚམས་རྣམས་འཁོར་ལོས་གཏམས། །བདག་ཉིད་སྙིང་པོ་ལ་གནས་པའོ། །བར་གཅོད་གདོན་དང་བགེགས་རྣམས་ཀྱིས། །དེ་ལ་ཚུགས་བར་མི་འགྱུར་རོ། །འདི་ཡང་འཁོར་ལོས་བསྲུང་བ་ཡིན། །དེ་ནས་གསང་བའི་འཁོར་ལོ་ཡིས། །བསྲུང་བར་བྱ་བའི་ཐབས་གསུངས་པོ། །དུར་ཁྲོས་རས་མ་རབ་བླངས་ལ། །སོར་བཞི་དུམ་བུ་གཉིས་སུ་བྱ། །ཡབ་ཡུམ་བྱང་ཆུབ་སེམས་གཉིས་ཀྱིས། །དེ་ལ་འཐས་པར་བྱུག་པ་ཡིན། །དུག་དང་ཚ་བ་རྫས་རྣམས་དང་། །ཙ་རའི་སྙིང་ཁྲག་བམ་སྙིང་ཁྲག །རབ་ཏུ་སྦྱར་བ་བྲི་བ་ཡིན། །བྱ་རོག་སྒྲོ་རྩ་སྨྱུག་གུས་བྱ། །གཅིག་ལ་ཉི་མའི་དཀྱིལ་འཁོར་བྲི། །གཅིག་ལ་ཟླ་བའི་དཀྱིལ་འཁོར་བྲི། །དེ་ཡི་དབུས་སུ་གསང་སྔགས་བྲི། །རྒྱུ་ནི་གོང་དུ་གསུངས་པས་བྱ། །དེ་ལས་འོད་འཕྲོས་ཐབས་དང་ཤེས། །དཀྱིལ་འཁོར་རྣམ་གཉིས་གསལ་བར་བལྟ། །ཆོས་ཀྱི་དབྱིངས་སུ་བསྒྲུབ་བྱ་ཙམ། །དེ་ལ་གསང་སྔགས་ཁྲི་བཟླས་ནས། །ཁ་སྤྲད་རྡོ་རྗེ་རྒྱ་ཆེན་རྒྱ། །དེ་ཡིས་བཏང་ལ་རིལ་བུ་བྱ། །གསང་བའི་རྒྱ་ཡིས་ལུས་ལ་བྱུག །དེ་ཡི་དུས་སུ་སྙིང་ཁར་བདུགས། །རྡོ་རྗེ་གསུམ་གྱི་གནས་བསྲུང་བྱ། །རྡོ་རྗེ་འཛིན་པས་མི་ཚུགས་ན། །གདོན་གདོན་སྨོས་པས་སྨོས་ཅི་དགོས། །གསང་བས་བསྲུང་བའི་རིམ་པའོ། །པདྨ་བུ་གཅིག་ནང་དུ་ནི། །གུ་གུལ་སྦྱ་རལ་ཚིལ་ཆེན་དང་། །ཉུངས་ཀར་རྒྱལ་པོ་རྣམས་བྱུགས་ཏེ། །ཉུངས་ནག་ཁྲག་གིས་རབ་བསྒོས་ལ། །དྲག་པོའི་གསང་སྔགས་འབུམ་དུ་བཟླས། །དེ་ནས་དུར་ཁྲོད་རས་ལ་གཏུམས། །ལག་གཉིས་ཟླ་བ་ཉི་མ་ཡི། །བར་དུ་བཅུག་ལ་བཟླས་པར་བྱ། །ཁྲི་ཕྲག་གཅིག་ཏུ་བྱས་ནས་ནི། །དེ་ནས་བསྲུང་པའི་གུ་གུལ་གདགས། །དེ་ནས་ཕྱི་གཙུག་རྡོ་རྗེ་བསམ། །དེ་ནས་འོད་འཕྲོས་ལུས་ཀུན་ལ། །རྡོ་རྗེའི་འོད་ཀྱིས་རབ་ཁེངས་བསམ། །སངས་རྒྱས་ཁྲོས་པས་མི་ཚུགས་ན། །གཏུམ་པའི་གདོན་གྱིས་སྨོས་ཅ་དགོས། །གདུག་པས་བསྲུང་བ་ཞེས་བྱའོ། །ཏིལ་ཆེན་པོ་ཡི་མར་མེ་བཏང་། །པདྨའི་སྣོད་ཀྱིས་སྟེང་ནས་གདབ། །དེ་ཡི་དུད་པ་རབ་བླངས་ལ། །བདུད་རྩི་ལྔ་དང་རབ་སྦྱར་ལ། །གྲོ་གའམ་ཤིང་ཤུན་དག་ལ་ནི། །དུར་ཁྲོད་རྐང་གི་སྨྱུག་གུས་ནི། །གསང་སྔགས་རྒྱལཔོ་དེ་འཕྲེང་བྲི། །སོ་མ་བཏང་བའི་བུམ་པའི་ནང་། །བཅུག་ལ་སྔགས་ཀྱིས་བཟླས་པར་བྱ། །འབྲུ་རྣམས་རེ་རེ་བརྒྱ་རྩ་བརྒྱད། །དེ་ནས་བསྟོད་ཕུལ་འཕྲིན་ལས་བཅོལ། །གུ་གུལ་དུད་པས་ཉུངས་ཀར་བརྡེག །དུར་ཁྲོད་རས་ལ་དྲིལ་ནས་ནི། །ཁྲོས་པའི་སེམས་བཅས་མགུལ་དུ་གདགས། །གདུག་པ་ཅིས་ཀྱང་ཚུགས་མི་འགྱུར། །གསང་སྔགས་ཆེན་པོས་བསྲུང་བའོ། །དེ་ནས་དུར་ཁྲོད་རས་མ་ལ། །དུག་དང་མེ་རེག་ཐང་ཆུ་ཡིས། །ཆོས་ཀྱི་འཁོར་ལོ་རབ་བྲིས་ལ། །དེ་ལ་དགོད་པར་བྱ་བ་ནི། །ཧཱུཾ༷་གི་ཚོགས་དང་ཛ་དང་སྨྱོ། །སོ་སོའི་ས་བོན་རྣམས་གསལ་བྲི། །དེ་ལ་སྐུ་རྫོགས་གསལ་བལྟས་ལ། །དབུས་སུ་དམིགས་པའི་མིང་དང་རུས། །དེ་ནས་ལྷ་རྣམས་དགོད་པར་བྱ། །དེ་ཡི་གསང་སྔགས་ཧྲི་ཡིག་ཡིན། །གྲངས་འབུམ་བཟླས་པའི་མཚན་ཉིད་ཅན། །འདི་ཡིས་འོད་བཅས་དེ་བསྲུངས་མ། །དཀྱིལ་འཁོར་བསྟོད་ལ་གནས་སུ་གཏུགས། །ཅིས་ཀྱང་དེ་ལ་ཚུགས་མི་འགྱུར། །དཀྱིལ་འཁོར་གྱིས་བསྲུང་བ་ཞེས་བྱའོ། །འབྲས་བུའི་ཤ་ཆེན་སྐམས་པ་དང་། ཁེད་ཀ་སྐྱེས་པའི་མེ་ཏོག་དང་། །མཚན་མོ་རྒྱུ་བའི་ཁྲག་དང་སྙིང་། །འབྲས་བུ་གསུམ་དང་བ་ལི་ཀ །དུ་རུ་ཀ་དང་ལྕེ་པོག་དང་། །རྒྱས་སྤོས་ཨ་ཀ་རུ་དག་དང་ནི། །ཙན་དན་དཀར་དམར་པདྨར་བཅས། །ལུག་མིག་གྲིབ་མར་བཅས་པ་རྣམས། །བརྙ་གླིང་བཞིའི་ནང་དུ་བླུགས། །སྔགས་ཀྱི་བཟླས་པ་ཁྲི་ཁྲག་གཉིས། །དེ་གྲངས་ཚང་ནས་ཕྱེ་མར་བཏགས །བདུད་རྩི་ལྔ་ཡིས་རབ་སྤྲུས་ལ། །དེ་ལ་ལག་གཏིང་གྲུ་གསུམ་བསམ། །དེ་ཡི་དབུས་སུ་གཞག་ནས་ནི། །དེ་ལ་བདེ་གཤེགས་འོད་ཀྱིས་བསྟིམ། །སྡོང་པོ་རྐང་གཅིག་ཤིང་ཤུན་བསྟུམ། །དེ་ནས་བདེན་པ་འདར་བར་བྱ། །དེ་རྗེས་བསྲུང་བྱའི་མགུལ་དུ་བཏགས། །མཁའ་འགྲོ་གདུག་པའི་ཚོགས་བཅས་རྣམས། །རབ་ཏུ་ཁྲོས་པས་མི་ཚུགས་ན། །གདོན་ཕྲན་རྣམས་ཀྱིས་སྨོས་ཅི་དགོས། །འདི་ནི་སྨན་གྱིས་བསྲུང་བའོ། །འཁོར་ལོ་དུར་ཁྲོད་རས་ལ་བྲི། །གདུག་པའི་སྨན་གྱིས་དེ་ལ་བསྐུ། །དེ་སྟེང་གོང་མའི་སྨན་རྣམས་གཞག །དེ་ལ་སྔགས་བཟླ་རི་ལུ་བྱ། །བདུད་རྩི་ལྔ་ལ་བསྔགས་ཤིང་བསྲིང་། །བདུད་རྩི་ལྔ་ལ་སྔགས་བཟླས་ལ། །དུས་བཞིར་ལུས་ལ་བྱུག་པར་བྱ། །དེ་ནས་དབང་དང་ཏིང་འཛིན་བསྐུར། །དེ་ནས་རི་ལུ་མགུལ་བཏགས་པས། །དེ་ལ་ཅིས་ཀྱང་ཚུགས་མི་འགྱུར། །རི་ལུས་བསྲུང་བ་ཞེས་བྱའོ། །དེ་ནས་དུར་ཁྲོད་རས་ཆེན་ལ། །སོ་སོའི་འཁོར་ལོ་བཞི་བྲིས་ལ། །གོང་མའི་རི་ལུ་དེ་ལ་བྱུག །དེ་ལ་ཡི་གེ་འཕྲེང་བ་དགོད། །དེ་ལ་གསང་བའི་ལྷ་ཡང་བསམ། །ཕྱི་ལྟས་ནང་དུ་བལྟས་པ་ཡིས། །དེ་བདག རངབཞིན བསྲུངབ བྱའོ། །བདག་གིས་གཞན་ལ་ཁྲོ་སེམས་བསྐྱེད། །འཁོར་ལོ་བཞི་ནི་གནས་སུ་གདགས། །དེ་ལས་འོད་འཕྲོས་ལུས་བསྲུངས་ན། །སྔགས་པ་ནང་གིས་ཚུགས་མི་འགྱུར། །སྔགས་དང་འཁོར་ལོས་བསྲུང་བའོ། །དུར་ཁྲོད་རས་ལ་འཁོར་ལོ་བྲི། །མཚོན་ཆ་འབར་བས་སྐྱེད་པར་བསྐོར། །ཚིལ་ཆེན་གུ་གུལ་གྱིས་ཀྱང་བྱུག །ཁྲོས་པའི་ལས་སྔགས་དེ་ལ་བྲི། །བདུད་རྩི་ལྔ་ལ་སྔགས་བཟླས་ལ། །དེ་ཡིས་ཐུན་བཞིར་ལུས་ལ་བྱུག །འཁོར་ལོ་ལ་ཡང་དེ་བཞིན་བྱུག །དེ་ལ་དབང་བྱིན་སྲུངས་ཤིང་བཅོལ། །ཐལ་བ་ལུས་ལ་བྱུག་པར་བྱ། །ཕྱོགས་ལ་ཐལ་བའི་ཐིག་ལེ་བྱ། །དེ་དབུས་འཁོར་ལོ་བཏགས་ལ་གཞག །དེ་ནས་རྣལ་འབྱོར་བློ་ལྡན་གྱིས། །སྟང་ཐབས་བྱས་ཏེ་ཧ་ཧས་གདབ། །དེས་ན་ཅིས་ཀྱང་ཚུགས་མི་འགྱུར། །འཁོར་ལོས་བསྲུང་བ་ཞེས་ཀྱང་བྱའོ། །དེ་ནས་དུར་ཁྲོད་རས་བླངས་ལ། །འབར་བའོ་འཁོར་ལོ་བཅུ་བྲིས་ལ། །གུ་གུལ་ཚིལ་ཆེན་གྱིས་ཀྱང་བྱུག །དེ་ལ་སྔགས་ཀྱི་འཕྲེང་ལྡན་བྱ། །དེ་ལ་དབང་བསྐུར་བྱིན་བརླབས་བྱ། །གསང་སྔགས་ཁྲི་ཕྲག་བདུན་དུ་བཟླས། །ཐལ་བས་ཕྱོགས་མཚམས་སྟེང་དང་འོག །ཐིག་ལེ་ཆེན་པོ་རབ་བྱས་ལ། །དེ་ཡི་དབུས་སུ་འཁོར་ལོ་གདགས། །འོད་དང་བཅས་པ་བལྟ་བར་བྱའོ། །དེ་ནས་ཕྱོགས་དང་མཚམས་སུ་ནི། །ཁྲོ་བོ་བཅུ་ཡི་སྟང་སྟབས་ཀྱིས། །རབ་ཏུ་བརྩིགས་ལ་བཞག་པར་བྱ། །ཁྲོས་པས་ཐལ་མོ་ལན་གསུམ་གདབ། །ལྷ་དང་ཀླུ་དང་གནོད་སྤྱིན་དང་། །འབྱུང་པོ་མ་རུངས་སྲིན་པོའི་ཚོགས། །གདུག་པའི་གདོན་རྣམས་གང་གིས་ཀྱང་། །དེ་ལ་ཚུགས་བར་ཡོངས་མི་འགྱུར། །དེ་ཡང་འཁོར་ལོས་བསྲུང་བའོ། །འཁོར་ལོ་གོང་མ་གནས་པ་ལས། །རབ་ཏུ་འབར་བས་བསྐོར་བར་བྱ། །ནང་གི་འཁོར་ལོ་རབ་བསྟན་པ། །རང་སྙིང་འཁོར་ལོ་རྩོབས་བརྒྱད་ལ། །ཁྲོས་པས་རྣམ་པ་གཉིས་སྣང་བྱ། །གའུའི་དབུས་ན་གནས་པ་ཡི། །དེ་ལ་བསྲུང་བ་རྒྱས་ཀྱང་གདབ། །དེ་ལ་སྔགས་པས་ཚུགས་མི་འགྱུར། །བདག་ཉིད་བསྲུང་བ་ཞེས་བྱའོ། །དུར་ཁྲོད་རས་སམ་ཤིང་ཤུན་ལ། །ཚིལ་ཆེན་གུ་གུལ་གྱིས་བྱུགས་ལ། །ཁྲོ་བོ་གང་ཡིན་རེ་རེ་ཡི། །རྩ་སྔགས་ལས་སྔགས་སྦྲེལ་བར་བྱ། །དེ་ཡི་བཟླས་པ་བརྒྱ་རྩ་བརྒྱད། །བྱས་ལ་དྲིལ་ཏེ་མགུལ་ལམ་ནི། །དཔུང་པའི་རྩའམ་ཕྱུགས་སྐྱེར་གདགས། །དེ་ལ་བར་ཆོད་བགེགས་ཀྱིས་ནི། །དེ་ལ་ཚུགས་པར་མི་འགྱུར་རོ། །སོ་སོའི་ཁྲོ་བོའི་གསང་སྔག་ཀྱིས། །བསྲུང་བ་ཞེས་ནི་བྱ་བ་ཡིན། །ཉེས་པ་མེད་པའི་རས་བལ་ལ། །སུམ་དྲིལ་བྱ་འམ་དགུ་བསྒྲིལ་ལ། །དེ་ལ་མདུད་པ་གསུམ་མམ་བཅུ། །རབ་ཏུ་བྱས་པ་གཞལ་ཡས་ཁང་། །དེ་འོག་གསལ་བའི་ཁྲོ་བོ་རེ། །ངེས་པར་སྔགས་ལྡན་བཞུགས་པར་བྱ། །དེ་ཡིས་མིའམ་སུ་དག་གི །སྐྱེ་རུ་བཏགས་པར་གྱུར་པ་ན། །གདོན་ལ་སོགས་པ་གང་གིས་ཀྱང་། །ཚུགས་པར་དེ་ལ་མི་འགྱུར་རོ། །མདུད་པའི་བསྲུང་བ་ཞེས་བྱའོ། །ལག་གཡོན་་ཟླ་བའི་དཀྱིལ་འཁོར་ལ། །འཁོར་ལོ་རྒྱས་འདེབས་སྐུ་གསལ་བསྐྱེད། །གཡས་པར་མ་ལས་ཉི་དཀྱིལ་འཁོར། །དེ་སྟེང་བཅོམ་ལྡན་བདག་པོ་བསྐྱེད། །ཡབ་ཡུམ་རྗེས་སུ་ཆགས་པ་ལས། །ལག་པར་ཉུངས་ཀར་རྒྱལ་པོ་གཞག །ཡབ་ཡུམ་བྱང་ཆུབ་སེམས་དེ་ལས། །ཁྲོས་པས་ཆུང་ལ་དོད་པའི་སྐུ། །གྲངས་འབུམ་བྱེ་བ་བསམ་ཡས་པར། །ཁྲོས་པའི་རྒྱལ་པོས་རབ་འབར་བརྟག །དེ་ལ་གསང་སྔགས་མང་དུ་བཟླས། །ཕུར་དེ་སྐེ་འམ་ལུས་ལ་གདགས། །ཅིས་ཀྱང་ཚུགས་པར་མི་འགྱུར་རོ། །ཉུང་ཀར་གྱིས་གཟུངས་ཞེས་བྱའོ། །གདུག་པ་བསྲུང་བ་ཡང་གསུངས་པ། །བརྙ་གླིང་དྲུག་ནང་དུ་ནི། །འདྲེ་འབྲོས་ཐང་ཆུ་ལྕེ་པོག་དཀར། །ཁྱི་དག་སྤྱང་ཀི་དྲི་ཆེན་དང་། །མེ་རེག་ཐང་ཆུ་རྐང་གཅིག་ཆུ། །བྱ་དམར་ཁྲག་དང་སྐེ་ཚེ་དང་། །སྐྱེ་བའི་འབྲས་བུ་དེ་རྣམས་བརྟགས། །བནྟྲའི་ནང་དུ་བླུག་པར་བྱ། །དེ་ལ་བདུད་རྩི་ལྔ་ཡིས་བྲན། །གསང་སྔགས་འབུམ་དུ་བཏོན་ནས་ནི། །ཉ་ལ་བཙུགས་ནས་སྟོང་དུས་སུ། །ཉི་མ་ཕྱེད་ནས་དགོངས་ཀའི་དུས། །དྲག་པོ་གསང་སྔགས་དྲག་པ་ནི། །བཟླས་པ་བྱ་ཞིང་དུག་མེ་བཏང་། །ཚིལ་ཆེན་ཞུན་མས་དེ་ལ་སྦྱོར། །མཆོག་གི་རྐང་གིས་དཀྲུག་བྱ་ཞིང་། །ལེགས་པར་འདྲེས་པར་འགྱུར་བ་དང་། །ཕོག་ལ་བཀུ་ཞིང་བཟླས་པ་བྱ། །དེ་ནས་བག་ཙམ་གྲངས་པ་དང་། །རྐང་བླངས་ལག་པར་དྲིལ་བྱས་ལ། །ལས་ཀྱི་གསང་སྔགས་འབུམ་དུ་བཟླས། །དེ་ཡི་གདུག་པ་༄༅ བཅིངས་ཀྱང་ནི། །ཚུགས་པར་མི་འགྱུར་མགུལ་དུ་གདགས། །དེ་ནི་གདུག་པ་བསྲུང་བའོ། །ལས་འདི་གདུག་པ་ཐམས་ཅད་ཞི། །ཕན་འདོགས་དམ་ཚིག་བསྲུང་བའི་མཆོག །དམ་པའི་ལས་ལ་དེ་བརྩོན་གྱིས། །ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གྱི་མདོ་ལས། །དམ་ཚིག་གི་ལེའུ་སྟེ་ཉི་ཤུ་རྩ་གཅིག་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །གསོལ་བཏབ་ཚིག་ནི་འདི་སྐད་གསོལ། །ཀྱེ་ཀྱེ་བཅོམ་ལྡན་རྨད་བྱུང་གཙོ། །གཉིས་མེད་རྒྱལ་པོས་ལས་མཆོག་མཁྱེན། །ཐབས་ལས་སྤྲུལ་པའི་རང་བཞིན་ཅན་། །བདེ་བའི་དོན་འཆད་ཟབ་མོའི་སྐུ། །རྣལ་འབྱོར་ལས་ལ་སྦྱོར་བ་ཡི། །ཐབས་མཆོག་མཁྱེན་མང་ཁྱེད་ལ་འདུད། །དམ་ཚིག་ལ་སོགས་གསུངས་ལགས་ན། །རྣལ་འབྱོར་ལས་མཐར་དབྱུང་བ་ཡི། །འདི་ལ་སྤྱིན་སྲེག་མི་འཚལ་ལམ། །འཕྲིན་ལས་གཞུད་ནི་དུ་ཞིག་མཆིས། །གཉིས་མེད་དཔའ་བོས་བཤད་དུ་གསོལ། །དེ་སྐད་ཅེས་ནི་གསོལ་པ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་ནས། །གསུང་ནི་འདི་སྐད་བཀའ་སྩལ་ཏོ། །རྣལ་འབྱོར་ལས་མཐར་འབྱིན་པ་ལ། །འདི་ལ་སྤྱིན་སྲེག་ཤིན་ཏུ་གཅེས། །དེ་དོན་མཁས་པས་མཁྱེན་ཡིན་པས། །འདྲི་བར་བྱེད་པ་ལེགས་སོ་ལེགས། །ལས་ཀྱི་རྗེས་སུ་སྦྱིན་སྲེག་ཤིས། །ང་ཡིས་ལེགས་པར་བཤད་བྱ་ཡིས། །ཀརྨ་ཧེ་་རུས་རྣམས་ཀུན། །བདག་ལ་མངར་བཅས་གཡོན་དུའོ། །འབྲས་ཆེན་དཀར་པོའི་གཏོར་མ་ལ། །མངར་བའི་རྫས་ཀྱིས་སྤྲས་ནས་ནི། །ལས་མཁན་ཕྱོགས་སྐྱོང་ལ་ཡང་སྦྱིན། །གང་འདོད་ལས་དེ་བསྒོ་ལ་བཞག །བམ་གྱི་ཚོགས་ཀྱི་དཀྱིལ་འཁོར་དུ། །གཏི་མུག་ལས་ཀྱི་འཆེལ་བ་རྣམས། །བུམ་པ་ཕུར་བུས་ཞེས་བྱ་ལ། །ཞི་བས་གྱུར་པས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །འཕོངས་པར་གྱུར་པ་འགྲོ་གང་ལ། །ཡོན་ཏན་དཀྱིལ་འཁོར་བདག་གནས་ལ། །སེར་པོའི་དཀྱིལ་འཁོར་གྲུ་བཞི་པ། །གསེར་ལ་སོགས་པའི་ཕུར་པ་རྣམས། །གང་འདོད་ལས་ཀྱི་གཞུད་བཞིན་བཤམ། །དེ་ཡིས་རྒྱས་པའི་ལས་རྣམས་བྱ། །དད་པའི་སེམས་དང་བཅས་པ་ཡིས། །དཀྱིལ་འཁོར་རྒྱ་རུ་ཁྲུ་རེ་ལ། །སེར་བའི་རྫས་ཀྱིས་བྱུག་པར་བྱ། །དབུས་སུ་དབྱུག་པ་གཞན་དེ་བཞིན། །རྡོ་རྗེ་འོག་སྒོར་ཤེས་པར་བྱ། །ཐ་མ་རིན་ཆེན་འབར་བས་བསྐོར། །སྦོམས་སུ་ཆགས་གང་ཆུར་ཁྲུ་གང་། །དབུས་ཀྱི་ཆ་ལས་བྱུང་བ་ཡི། །སེར་པོའི་དྲི་མ་བདུད་རྩི་ལ། །རབ་ཏུ་སྤངས་ཏེ་རྒྱས་པར་དབུལ། །བུད་ཤིང་སེར་པོ་གང་དང་གང་། །ཁ་དོག་བསྒྱུར་བ་བྱ་བ་ཡིན། །འབྲུ་ཆེན་སེར་པོ་རབ་བསྒྱུར་ལ། །ལས་མཁན་བྱིན་ལ་འཕྲིན་ལས་བཅོམ། །ཁ་བའི་རོ་ལྡན་སེར་བའི་རྫས། །གཡས་དང་གཡོན་དུ་ཤེས་པར་བྱའོ། །མ་མོའི་ཚོགས་ཀྱི་དཀྱིལ་འཁོར་དུ། །ང་རྒྱལ་གྱིས་ནི་སོར་ནི་ཉི་ཤུ་བྱ། །གདུག་པའི་མཚོན་ཆས་མཐའ་མ་བསྐོར། །ཕྱི་ཡི་རིམ་པོར་རྩ་ཡང་བསྐོར། །ལྕགས་ཐག་གིས་ཀྱང་དཀྲི་བར་བྱ། །དྲག་པོའི་ལས་རྣམས་རྫོགས་པ་དང་། །ཁྲོས་པས་མེ་ལྷ་རབ་བསྐྱེད་ལ། །དེ་ལ་གདུག་པའི་རྫས་རྣམས་དབུལ། །གདུག་པའི་རྩེ་མོའི་ཆ་ལས་བྱུང་། །སྦོམས་སུ་ཆགས་བྱེད་སོར་བཞི་བཅུར། །མིང་རུས་དུར་ཁྲོད་སོལ་བ་དང་། །ཐལ་ཆེན་ཚ་བའི་རྗེས་རྣམས་ལ། །བདུད་རྩི་ལྔ་ཡི་ཆུ་ཡིས་སྦྱང་། །དེ་ལ་སྦངས་ལ་དབུལ་བར་བྱ། །བུད་ཤིང་ཚེར་མ་ཅན་གྱི་ཤིང་། །གང་དང་གང་ལ་བྱ་བ་ཡིན། ཁྲ་དང་ཁྲག་ཏུ་སྦྱར་བ་ཡི། །གཏོར་མ་བྱས་ལ་ལས་མཁན་བྱིན། །གང་འདོད་ལས་ལ་བསྐུལ་ལ་གཏང་། །ནག་པོ་དུག་གི་རྫས་རྣམས་གཡས། །མེ་ཏོག་ནག་པོ་ལ་སོགས་གཡོན། །ཨེ་ཡི་ཚོགས་ཀྱི་དཀྱིལ་འཁོར་དུ། །ཞེ་སྡང་ལས་ཀྱིས་འཆིལ་བ་རྣམས། །ཕུར་པས་གསད་བར་ཞལ་དུ་རོལ། །རླག་པས་ཡང་དག་དབྱིངས་སུ་ཐིམ། །ཞི་བ་ལ་ནི་མར་གྱིས་གྲངས། །དབང་ལ་པད་རྒྱས་ཨུ་ ལ། །དྲག་པོ་ཚེར་མ་ཅན་གྱི་ཤིང་། །རེ་རེས་སྣ་དྲངས་རིམ་པ་བཞིན། །རྫས་རྣམས་ཐམས་ཅད་དབུལ་བར་བྱ། །ར༷་ལས་མེ་ནི་རླུད་ཡབ་སྦར། །དེ་ཡང་བླ་མའི་གནས་བསྟན་པ། །ཞི་བ་དགོན་པའི་གནས་བསྟན་པ། །ཞི་བ་དགོན་པའི་གནས་ནས་ཏེ། །རྒྱས་པ་རྒྱལ་པོའི་ཁྱིམ་གནས་སོ། །དབང་ལ་ཆོས་མཁན་ཁྱིམ་གནས་ཏེ། །དྲག་པོ་ཤན་པའི་ཁྱིམ་གནས་ལ། །ཞི་བའི་གདན་ནི་ནང་ཚས་ཅན། །རྒྱས་པའི་ཁྲི་དང་ཟ་འོག་གདན། །དབང་ལ་པདྨ་ཆགས་པ་སྟེ། །དྲག་པོའི་ལག་གཤེར་བའི་གདན་ལ་འདུག །ཁ་ལྟ་བ་ཡི་རིམ་པ་ཡང་། །ཞི་བ་ནུབ་ལྟ་དབང་ལ་ཤར། །དྲག་པོ་ལྷོར་ལྟ་རྒྱས་པ་བྱང་། །དེ་བཞིན་ལས་དབང་གསུངས་པའོ། །ཏིང་འཛིན་དག་པའི་བྱང་ཆུབ་སེམས། །ཞི་བའི་ལས་སུ་བྱ་བ་ཡིན། །དམར་དང་འོད་ཟེར་ལྕགས་ཀྱུ་ལས། །དབང་གི་ལས་ལ་བྱ་བ་ཡིན། །འོད་ལས་ཐམས་ཅད་དེ་དགུག་ནས། །རྒྱས་པའི་ལས་ལ་བྱ་བ་ཡིན། །གདུག་པའི་རྫས་དང་མིང་རུས་བཅས། །གང་ཡིན་ལས་ལ་སྦྱར་བར་བྱ། །ནམ་ཕྱེད་དང་ནི་ཉི་མ་དྲོས། །ཉི་མ་ཕྱེད་དང་དགོངས་ཀའི་དུས། །དེ་རུ་སྤྱིན་སྲེག་བྱ་བ་ཡིན། །རང་རང་གང་ཡིན་ལས་དུས་སུ། །སྲེག་པའི་ལས་སུ་ཤེས་པར་གྱིས། །དཀར་པོའི་དཀྱིལ་འཁོར་རབ་གནས་ལ། །ཏིང་འཛིན་འོད་ཀྱིས་བྱང་སེམས་རྒྱས། །དེ་ཡིས་གནས་དག་རྒྱས་འཕེལ་བས། །མི་དགའི་སེམས་མེད་བདེ་བ་ཆེ། །བུམ་པ་དཀར་པོ་སེམས་གང་ཆུས། །དེ་དབང་བསྐུར་བས་ནད་རྣམས་ཞི། །འོད་ཟེར་དཀར་པོ་དེ་བསྟིམས་པས། །གནོད་མེད་སེམས་ཅན་ཡལ་བར་འགྱུར། །འདོ་ལས་སོ་སོའི་གནས་འཕེལ་ཏེ། །རིགས་དང་དབང་དང་ཚ་རྣམས་ཀུན། །སོ་སོའི་རིམ་པ་དེ་བཞིན་ཏེ། །མཁས་པས་རིག་པར་ཤེས་པར་གྱིས། །ཨུཏུལ་པདྨའི་རྩ་བའམ། །ཨ་། ཀདྷའི་རྫས་རྣམས་ལ། །ཇི་ལྟར་འདོད་པའི་འཕྲོ་འདུ་ཡིས། །དབང་མེད་ལས་ལ་དེ་བཞིན་བྱའོ། །གདུག་པའི་སེམས་དང་བཅས་ནས་ནི། །དུར་ཁྲོད་རས་ལ་མིང་རུས་བྲིས། །ཐུན་པའི་རྫས་ཀྱིས་ཡང་དང་ཡང་། །དེ་ལ་བྱུག་བ་བྱ་བ་ཡིན། །ཕུར་བཏབ་གདུག་དང་བསྟབ་པར་བྱ། །དཀྱིལ་འཁོར་མཐིང་ནག་གྲུ་གསུམ་ལ། །གདུག་པའི་ཆུ་ཡིས་རབ་བྱུགས་ལ། །འདུག་ཤིང་བུའི་མེ་སྤར་ལ། །དུག་ཚོགས་གང་ཡིན་དུས་སུ་ནི། །དུར་ཁྲོད་གནས་སུ་དེ་སོང་ལ། །སྡོང་པོ་མེ་རེག་ཤིང་ཤུན་ལ། །གཟུགས་བརྙན་བྱས་ལ་དགུག་དབབ་དང་། །དྲག་པོའི་ལས་ནི་རྫོགས་བྱས་ལས། །ཐ་མ་དུག་མེད་དེ་ལ་སྲེགས། །ཚངས་པའི་ཚེ་དང་ལྡན་པ་ཡང་། །སྐད་ཅིག་གིས་ནི་འཆི་བར་འགྱུར། །ཐོད་པའི་དཀྱིལ་འཁོར་གྲུ་གསུམ་དུ། །མ་ཧེ་ར་ཡི་ཤིང་ཤུན་ལ། །དེ་ལ་མེ་སྤར་བསྲེགས་པ་ནི། །བདག་ཉིད་ལུས་ལ་རྣམ་སྣང་དགོད། །ཞིང་གི་གདན་ལ་འདུག་ནས་ནི། །ཁྲོས་པའི་སེམས་ཀྱིས་གདུགས་བཅས་ནི། །ནག་པོ་ཤིང་གི་ཤུན་པ་ལ། །མཚན་མ་མིང་དུ་བཅས་པར་བྲི། །དེ་ལ་ལས་ཐབས་རབ་རྫོགས་བྱ། །དེ་མེ་བཏང་ལ་བསྲེགས་བྱས་ལ། །ལྷ་ཡང་རུང་སྟེ་བརླག་པར་འགྱུར། །ཕུར་པའི་དཀྱིལ་འཁོར་མཐིང་ནག་ལ། །མེ་རེག་ཐང་ཆུས་བྱུག་བྱས་ནས། །བསེ་ཤིང་ཤིང་བུའི་མེ་སྤར་ལ། །ཐལ་ཆེན་པོས་ནི་ལུས་བྱུགས་ནས། །སྐྲ་ཡང་སྤྱི་བོར་བཅིང་ནས་སུ། །ཙ་ར་ཟངས་ཀྱི་གའུའི་ནང་། ཁེང་ཤུན་གཟུགས་བྲིས་བཅུག་ནས་ནི། །ཟླ་གྲངས་ཚང་ནས་ལམ་རྒྱ་གྲམ། །དེ་སོང་གཟུགས་གཏུབས་བསྲེགས་བྱས་ནས། །སངས་རྒྱས་ཉིད་ཀྱང་འཆིང་བར་འགྱུར། །རབ་ཏུ་འབར་བའི་དཀྱིལ་འཁོར་ལ། །ཞེ་སྡང་གཏིང་ནས་རབ་བསྐྱེད་དེ། །ཞིང་གི་ཤུན་པ་དེ་བླངས་ནས། །ཁྲག་དུག་གསུམ་བསྲེས་མཚན་མ་བྲིས། །སྐུ་ཤའི་སྦུགས་བཅུག་མཚན་རྣམས་བྱ། །རབ་གཏུགས་ཕུང་བའི་གནས་སུ་བསྲེག །ཐང་ཅིག་ཡུད་ཀྱིས་དེ་བརླག་འགྱུར། །གླིང་བཞིའི་དཀྱིལ་འཁོར་འབར་བ་ལ། །ཞོ་ཅན་ཤིང་བུའི་མེ་སྤར་ལ། །གཡོ་བའི་ལོ་ནི་རབ་བླངས་ལ། །གྲོག་མོའི་ས་དང་རབ་བསྲེས་ཏེ། །བོང་བུའི་བདུད་རྩིས་སྤྲུས་ནས་ནི། །མཚན་མ་མིང་དུ་བཅས་པར་བྱ། །ས་བདག་གནས་པའི་ས་ཕྱོགས་དེར། །རང་གི་རྒྱབ་བསྟན་དྲག་པོ་ཡིས། །ལས་ཐབས་རྫོགས་པར་བྱ་བ་ཡིན། །དེ་ནས་ག་ས་ཏེ་བསྲེགས་པ་ཡིས། །སངས་རྒྱས་ཉིད་ཀྱང་འཆིང་བར་འགྱུར། །དཀྱིལ་འཁོར་མཐིང་ནག་གྲུ་གསུམ་ལ། །རབ་ཏུ་འབར་བའི་ནག་པོས་བྱུག །ཁྲོས་པའི་རྒྱལ་པོས་ཡང་དང་ཡང་། །དེ་ལ་ཐས་པར་བྱ་བ་ཡིན། །ལུས་ནག་ཁྲོས་པ་ལྷོ་ཕྱོགས་བལྟ། །སྐྲ་ཡང་སྦྱི་བོར་བཅིངས་ནས་ནི། ཁྲན་གཟུགས་བྲིས་པ་བཅུག་ནས་ནི། །བཟླས་གྲངས་ཚང་ནས་ལམ་རྒྱ་གྲམ། །དེར་སོང་གཟུགས་གཏུབས་སྲེགས་བྱས་ནས། །སངས་རྒྱས་ཉིད་ཀྱང་འཆི་བར་འགྱུར། །རབ་ཏུ་འབར་བའི་དཀྱིལ་འཁོར་ལ། །གདུག་པའི་ཤིང་ལ་མེ་སྦར་ལ། །ཞེ་སྡང་གཏིང་ནས་རབ་བསྐྱེད་དེ། །ཞིང་གི་ཤུན་པ་དེ་བླང་ལ། །ལུས་ལ་ཐལ་པ་ཆེན་པོས་བྱུག །སེམས་ཀྱང་ཁྲོས་པའི་སེམས་སུ་གནས། །ཡེ་ཤེས་དམ་ཚིག་རྗེས་དྲན་བལྟ། །ཉི་ཤུ་རྩ་གཅིག་དཀྱིལ་འཁོར་ལ། །རི་མོ་གཉིས་ནི་གསལ་བྱས་ལ། །ཕོ་ལ་བརྒྱ་རྩ་བརྒྱད་དུ་བྱ། །མོ་ལ་ཉི་ཤུ་རྩ་གཅིག་སྟེ། །སོ་སོའི་དབྱེ་བ་བྱས་ནས་ནི། །ནམ་གྱི་གུང་ངམ་ཉིན་གུང་ལ། དུས་ཚོད་མ་ནོར་བསྲེགས་པར་བྱ། །འདི་བྱས་ལྷ་ཡང་བརླག་པར་འགྱུར། །དཀྱིལ་འཁོར་མི་བཟད་དྲག་པོ་ཡི། །ནང་དུ་སྤྲུ་ཤིང་མེ་སྤར་ལ། །རྟག་ཁྲག་དང་དུག་ཏུ་སྦྱར། ཁེན་ཤུན་གཟུགས་བྱིན་གུ་གུལ་བདུག །དེ་ལ་སྔོན་དམར་དག་གིས་དཀྲི། །དུམ་བུ་གསུམ་དུ་ག་ས་ནས་ནི། །གཅིག་ལ་ཁྲག་འཐུང་འཁོར་བཅས་ཀྱི། །རོལ་བར་བཏགས་ལ་བསྲེག་པར་བྱ། །གཅིག་ལ་འཕྲ་མེན་སྤྲུལ་བའི་ཚོགས། །རོལ་བར་བསམ་ལ་དེ་བཞིན་ནོ། །གཅིག་ལ་མ་མོའི་ཚོགས་བཅས་ཀྱིས། །རོལ་ཏེ་བསྲེག་པར་བྱ་བསམ་བསྲེག །འདི་བྱས་ལྷ་ཡང་བརྒྱལ་འགྱུར་ལགས། །དུར་ཁྲོད་རས་དང་ཁྱི་ཁྲག་དང་། །ནག་པོའི་རྫས་ལ་རབ་སྦྱར་ལ། །གསལ་བ་གསུམ་དང་ལྡན་བྱས་ཏེ། །མིང་རུས་བཅས་པར་རབ་གཏུབས་ལ། །སེང་ལྡེང་སོལ་བའི་མེ་ལ་སྲེག །བརྒྱ་རྩ་བརྒྱད་དམ་ཉི་ཤུ་གཅིག །སྟོང་ངམ་ཁྲི་རུ་བསྲེག་བྱས་ན། །ལྷ་ཡང་བརླག་པར་ཐེ་ཚོམ་མེད། །དཀྱིལ་འཁོར་མཐིང་ནག་གྲུ་གསུམ་ལ། །དུར་ཁྲོད་སོལ་བས་ནག་པོར་བྱུག །ཁྲོས་པའི་སེམས་ཀྱིས་ཏིང་འཛིན་བྱ། །དྲི་མ་གསུམ་ལ་མཆན་མ་བཅའ། །དུར་ཁྲོད་རས་ཆེན་དེ་བླངས་ལ། །དེ་ལ་ཕོ་དང་མོ་གཉིས་ནི། །མཚན་མ་ལེགས་པར་བྲིས་ནས་ནི། །གང་ཡིན་གནས་སུ་སྦ་བར་བྱ། །མེ་རེག་མ་ཡི་དཀྱིལ་འཁོར་དུ། །གཟུགས་བཅས་ནས་ནི་བཟླས་པར་བྱ། །ཁུགས་པའི་པྲ་ལྟས་བྱུང་བ་དང་། །ཕུར་བཏབ་ནས་ནི་མཚན་མ་གདབ། །རྣམ་རྟོག་ལས་ཀྱི་གཤག་ཕྱེ་ནས། །སྙིགས་མར་བཅས་པའི་སྤྱིན་སྲེག་བྱ། །འདིས་ནི་སངས་རྒྱས་གདན་ལ་འདྲེ། །སེམས་ཅན་སྐད་ཅིག་ཡུད་ཀྱིས་འཆི། །དཀྱིལ་འཁོར་གསད་པའི་ཐབས་དང་བཅས། །དུར་ཁྲོད་རས་སམ་ནག་པོའི་ཤུན། །ཕོ་དང་མོ་ཡི་གཤག་ཕྱེ་སྟེ། །དུག་དང་རྨེ་ཁྲག་རྣམས་བྱས་ལ། །ཐུན་ཚན་གསང་སྔགས་བཟླས་བྱས་ནས། །ཐུན་མཚམས་མཐའ་མ་དེ་བཞིན་བསྲེགས། །གོང་གི་རྫས་ལ་མཚན་མ་དེ། །རབ་ཏུ་བསྲེགས་པར་བྱ་བའོ། །དེ་ལྟར་བྱས་པས་ཁམས་གསུམ་གྱི། །སེམས་ཅན་ཐམས་ཅད་རླག་པར་ནི། །ཐང་ཅིག་ཡུད་ཀྱིས་འཆི་བར་འགྱུར། །དཀྱིལ་འཁོར་མཐིང་ནག་གྲུ་གསུམ་ལ། །རབ་ཏུ་འབར་བའི་མེ་རི་བྲི། །དེ་སྟེང་རོ་ཤིང་མེ་བཏང་ལ། །ར་དུག་ཤིང་བུས་ཡབ་ཤིང་བྱ། །དུར་ཁྲོས་རས་ལ་གཏུགས་ནས་ནི། །རྣམ་སྣང་སྐུ་ལ་རབ་ཏུ་བརྒྱན། །གདོང་ལ་ཐིག་ལེ་རྣམ་གསུམ་གདབ། །བཟླས་པ་བྱས་ཏེ་ཐུན་ཕབ་ལ། །མཚན་མ་དུམ་བུ་དུམ་བུར་གཏུབ། །དེ་ཡི་དུམ་བུ་རེ་རེ་དང་། །གོ་རོ་ཙ་ན་ཙིསྟར་བཅས། །མི་དབང་དབང་པོའི་ཤ་ཕྱེས་གདབ། །གྲིར་གསད་ཤ་དང་ཁྲག་ཏུ་བཅས། །ཀར་ཙར་བའི་རྫས་དང་སྤར། །གཏོར་མ་བདུད་རྩིར་སྦྱར་བ་དེ། །བསྲེགས་ཏེ་བསྲེགས་པར་གྱུར་ན་ནི། །ལྷ་ཡང་རླག་པར་ཐེ་ཚོམ་མེད། །དཀྱིལ་འཁོར་དུར་ཁྲོད་མེ་རི་སྨྱུག །རབ་ཏུ་འཁྲིག་ལ་དེ་ནང་དུ། །བསྲེག་པའི་རྫས་དུ་བསྟན་པ་ནི། །ཀུ་ཤའི་སྤུ་ལ་མེ་བྱའོ། །སྡོང་པོ་རྐང་གཅིག་ཤིང་ཤུན་ལ། །མཚན་མ་གཉིས་ནི་བྲིས་ནས་སུ། །སོ་སོའི་གནས་སུ་གཞག་པར་བྱ། །དེ་ལ་དགུག་དང་བསྟིམ་བྱའམ། །ཡང་ན་ལས་ཀྱི་རྗེས་བསྒྲུབ་དུས། ཁྲ་སྣ་ཚོགས་དང་ཁྲག་སྣ་ཚོགས། །དེ་དང་མཚན་མ་དུམ་བུ་རེ། །རབ་ཏུ་བསྒྲགས་ཏེ་བསྲེགས་བྱས་ནས། །སངས་རྒྱས་ཉིད་ཀྱང་འཆི་འགྱུར་ན། །སེམས་ཅན་སྡིག་བྱེད་སྨོས་ཅི་དགོས། །རབ་ཏུ་ཁྲོས་བའི་དཀྱིལ་འཁོར་དུ། །ཁ་ཏེ་ར་དང་ར་དུག་ཤིང་། །དུར་ཁྲོད་གཡམ་པ་བླང་ནས་སུ། །དེ་ལ་གཟུགས་བརྙན་བཅས་ནས་ནི། །སྡོང་གཅིག་མེ་རེག་ཐང་ཆུ་ཡི། །ཕོ་དང་མོ་ཡི་མཚན་མ་བྲི། །དགུག་དང་གཞུག་པ་དེ་བཞིན་ཏེ། །གདབ་པ་གཏུབ་པའི་ལས་བྱས་ལ། །དེ་དང་བསྲེས་ཏེ་བསྲེག་པའི་རྫས། །སེང་གེའི་སྙིང་དང་ཁྲག་ཏུ་བཅས། །ཝ་དང་སྤྱང་ཀི་སྟག་དང་བཅས། །བྱ་རྒོད་སྒྱུང་ཀ་བྱ་རོག་འུག །སྙིང་དང་ཁྲག་ཏུ་བཅས་པ་རྣམས། །མཚན་མ་རེ་དང་བསྲེས་ཏེ་བསྲེག །ནམ་གྱི་གུང་ལ་དེ་བསྲེགས་ན། །ལྷ་ཡང་བརླག་པར་ཐེ་ཚོམ་མེད། །མེ་རི་དམར་སྨྱུག་དཀྱིལ་འཁོར་དུ། །དུག་ཚེར་བ་ཡི་ཤིང་བུ་ལ། །གསོད་པའི་མེ་ཆེན་རབ་སྦར་ལ། །སྦྲང་རྩི་སྙིངས་མའི་ཆུས་བསྲེས་ལ། །མཚན་མ་མིང་དུ་བཅས་པར་བྱ། །དེ་ཉིད་གསད་དེ་རབ་གཏུགས་ལ། །དེ་དང་བསྲེ་བར་བྱ་བའི་རྫས། །རྟ་ཡི་སྙིང་དང་རྩ་རའི་སྙིང་། །ཆུ་བྱའི་སྙིང་དང་བྱ་བའི་སྙིང་། །དེ་དང་གཏོར་མ་རབ་བསྲེས་ཏེ། །མཚན་མ་དང་ནི་བཅས་ཏེ་བསྲེག །གྲངས་འབུམ་བསྲེག་ན་ལྷ་ཡང་འཆི། །ཁྲོས་པས་མདངས་འཕྲོག་བྱ་བ་ནི། །ལས་འདི་ཡིས་ནི་འགྲུབ་པར་འགྱུར། །ཁྲོས་པས་སྨུག་ནག་འབར་བའི་དཀྱིལ། །དུག་ཤིང་མཚལ་གྱིས་རབ་བྱུགས་ལ། །དེ་ནི་སེང་ལྡེང་ཤིང་དང་འདྲ། །དེ་ལ་མེ་ཆེན་སྦར་བའམ། ཡང་ན་སེང་ལྡེང་ཉིད་ལ་སྤར། །དུར་ཁྲོད་རས་མཆེན་པོ་ལ། །མཚན་མ་ཉིད་ནི་བྲིས་ནས་སུ། །དེ་ལ་བཟླས་པ་གཞུད་བཞིན་བྱ། །ཁུགས་པའི་ཁ་ཁྲ་ཐེབས་པ་དང་། །ཕུར་པ་གནས་སུ་བཞུགས་སུ་གསོལ། །དེ་ནས་གཟུགས་བརྙན་གཏུབ་པར་བྱ། །གཉིས་ཀྱི་གྲངས་ཀྱང་སོ་སོ་ཡི། །བརྒྱད་དང་ཉི་ཤུ་རྩ་གཅིག་གི །མི་འདྲ་རི་མོ་རེ་རེ་བྱ། །ནམ་གྱི་གུང་ལ་རབ་བསྒྲིམས་ཤིང་། །བསྲེག་བྱ་ཉི་མའི་གུང་ལའོ། །དེ་ཡི་གྲངས་ཀྱང་སྔར་གསུངས་འདྲའོ། །དེས་ཀྱང་གདུག་ཅན་བརླག་པར་འགྱུར། །སེར་ནག་འཁྱིལ་བའི་དཀྱིལ་འཁོར་དུ། །སྦྱང་ཚེར་རེ་ལྕག་པ་ཡི་ཤིང་། །རབ་ཏུ་སྦངས་ཏེ་མེ་བཏང་ལ། །ཁྲོས་པའི་སེམས་པས་གནས་བྱས་ལ། །གདུག་པའི་ལས་ལ་བརྩོན་པར་བྱ། །ཙ་རའི་ཁྱིམ་ལ་གཟུགས་བརྙན་བྲི། །མེ་ཏོག་དམར་པོས་མིང་རུས་གཉིས། །གང་ཡིན་གནས་སུ་བྲིས་ནས་སུ། །དེ་ཉིད་མི་གནས་པ་རུ་བརྟག །དེ་དང་བསྲེ་བའི་རྫས་རྣམས་ནི། །གླང་ཆེན་ཁྲག་དང་ཁྱི་ཁྲག་དང་། །ཕག་དང་དྲེའུའི་ཁྲག་རྣམས་ནི། །བསྲེས་ཏེ་དུས་བཞིར་བསྲེག་པར་བྱ། །ངེས་ནི་ལྷ་ཡང་བརླག་པར་འགྱུར། །ཁམས་གསུམ་གདུག་པ་སྨོས་ཅི་དགོས། །དེ་ལ་དགུག་ཅིང་འདྲེན་པའི་དུས། །བསྲུང་བའི་ལྷ་ནི་བཅུ་གཉིས་ཏེ། །ཡུལ་ལྷས་འཚོ་དང་ཕོ་ལྷས་འཚོའོ། །དགྲ་ལྷས་འཚོ་དང་མུ་སྟེགས་འཚོ། ། སྲོག་ལྷས་འཚོ་དང་མ་ལྷས་འཚོ། །གིང་གིས་འཚོ་འམ་མ་མོས་འཚོ། །དམ་མོས་འཚོ་འམ་ཡི་དགས་འཚོ། །བཙན་གྱིས་འཚོ་འམ་ཐེ་རང་འཚོ། །དེ་ལྟར་བསྲུང་བ་བཅུ་གཉིས་ཏེ། །དེ་དང་དཔྲལ་བའི་ཐབས་བཤད་པ། །དང་པོ་ཤེས་པ་བསྒྲུབ་པའི་དུས། །སོ་སོའི་མཚན་ཉིད་ཤེས་པར་བྱ། །དེ་དྲངས་ནས་ནི་གཏོར་མ་སྤྱིན། །གང་ཡིན་གནས་སུ་བསྐྲད་ལ་བཏང་། །ཡང་ན་གཤེད་དུ་བསྐོས་ལ་གཞག །དེས་ཀྱང་ལས་སུ་མ་རུང་ན། །བསྒྲལ་བའི་ཐབས་ནི་འདི་དག་གོ །བློན་པོ་རྒྱལ་པོར་དེ་མཐོང་ན། །ཡུལ་ལྷས་འཚོ་བར་ཤེས་པས་ནི། ཁོ་ཡི་ཡུལ་གྱི་ལྷ་རྟེན་ས། །ཁོ་ཡི་ཤེས་པ་དེར་བཀུག་ལ། ཁེས་པ་གཉིས་སུ་གསལ་བྱས་ནས། །གུ་གུལ་ཚིལ་ཆེན་སྲེགས་པར་གསད། །ཞབས་མ་བསྲེགས་པས་འབྲལ་བར་འགྱུར། །ཡུལ་གྱི་སྐྱེས་པ་རལ་གྲི་་ལུས། །ཕོ་ལྷས་སྐྱོབས་བར་ཤེས་པ་ཡིན། །ཤེས་པ་བཀུག་ལ་གནས་པ་དེ། །ཀུན་གྱི་མཚན་ཉིད་ཤེས་པར་གྱིས། །སྡོང་པོ་མེ་རེག་ཤིང་ཤུན་དང་། །གོང་མའི་རྫས་སུ་བསྲེས་ཏེ་བསྲེག །དེ་ཡི་གདུག་པས་དབྲལ་བར་ངེས། མུ་སྟེགས་གོ་བོ་ལྟར་མཐོང་ན། །མུ་སྟེགས་ལྷ་ཡིས་བསྲུང་བར་ཤེས། །ཚིལ་ཆེན་རྒྱ་ཚིལ་གུ་གུལ་བསྲེག །དེ་ཡི་གདུག་གོས་དཀར་གྱོན་དང་ཅང་མེའོ། །སྲོག་ལྷས་འཚོ་བ་ཡིན་པས་ན། །གོས་དཀར་གོན་པ་མཐོང་བ་ན། །གོང་མའི་སྟེང་དུ་མནན་པའི་རྫས། །རྟ་ཡི་སྡེར་མོ་བསྲེགས་པས་དཔལ། །ཆང་མི་འོང་ན་ལས་ལ་འབད། །བུད་མེད་རང་གི་མ་སྲུ་དང་། །ཤ་བ་ཡུ་མོ་དེ་མཐོང་ན། །མ་ལྷས་སྲུང་བར་བྱེད་པསན། །ར་ཡི་དྲི་མ་བསགས་པ་དང་། །ར་ཡི་ར་གཞོབ་བསྲེགས་པས་ན། །དེ་དང་དཔྲལ་བར་ཐེ་ཚོམ་མེད། །བུད་མེད་བདག་ལ་ཁྲོ་འགྱུར་ན། །བརྙེ་བསྲུང་མས་འཚོ་བས་ན། །ལྷ་ཉིད་བདུད་དུ་ཕབ་ལ་གཞག །སྐྱེས་པ་མོ་དང་འགྲོགས་མཐོང་ན། །མ་མོ་གང་གིས་འཚོ་འགྱུར་བས། ཁོ།ས་པའི་ལས་ལ་འབད་པས་འགྲུབ། །གྲོགས་མོ་མཛའ་མོ་དེ་མཐོང་ན། །སྨན་མོས་བསྲུང་བ་ཡིན་པར་ངེས། །སྙིང་ཁྲག་རྔུབ་པའི་ལས་བྱས་ན། །དེ་ལ་སྐྱོབ་པ་ཡོང་མི་ནུས། །བློན་པོའམ་ཤེས་དམན་མཐོང་བ་ན། །ཡི་དགས་འཚོ་བར་ངེས་པས་ན། །ཁྲོས་པའི་རྒྱལ་པོས་ཕུར་བཏབ་པས། །རང་བཞིན་བརྒྱལ་ཏེ་སྐྲག་ནས་འགྲོ། །གངས་རི་གཡའ་རི་བྲག་ཆེན་དང་། །ཐེ་བྲང་གླ་ཤིང་མཐོང་བ་ན། །བཙན་དང་ཐེ་བྲང་འཚོ་ངེས་པས། །སོ་སོའི་མཐུན་པའི་རྫས་རྣམས་ནི། །བག་ཟན་ལ་བྱས་ཚོན་གྱིས་བསྐུ། །དེ་ལ་བྱིན་ལ་གུ་གུལ་དང་། །ཏིལ་ཆེན་དུད་པས་བདུགས་ལ་དབྲལ། །དེ་ཡི་དུས་སུ་ཤེས་བྱ་བ། །བླ་ཆེན་དྲུག་དང་སྤྲུལ་པ་དྲུག །འདི་དག་བསྲུང་བའི་རྟེན་ཡིན་པས། །འདི་ནི་ཡུལ་ལྷས་ཤེས་པར་བྱའོ། །དེ་ཡི་མཚན་ཉིད་རབ་བརྟགས་བྱ། །སྟག་དང་ཤ་བ་ལུག་དང་གླང་། །ཁྱི་དང་ཕག་དང་དྲུག་ཏུ་སྟེ། །དོན་ནི་བླ་ཆེན་དྲུག་ཅེས་བྱ། །འདི་ཡི་ཡུལ་ལས་རྟེན་པ་ནི། །རྟ་དང་དྲེ་དང་འདྲ་བའི་ལུས། །རྙན་དང་དགོ་བ་རབ་ཏུ་གྲགས། །བཙོས་དང་རྔས་ཆེན་དེ་དང་འདྲ། །མཛོ་དང་བུང་བུ་དེ་འགྱུར་ལ། །སྤྱང་གི་གཅན་གཟན་དེ་དག་ཀུན། །ཙ་ར་དག་ཏུ་རབ་ཏུ་ཤེས། །དེ་འདྲ་ལྷ་རྣམས་འབྱུང་བ་ལ། །དེ་དག་འགྲོགས་པའམ་དེ་དབང་དུ། །སོང་བ་དེ་དང་དབྲལ་བར་བྱ། །དེ་ཡི་གཉེན་པོ་གཏང་བ་ནི། །སྟག་དང་བྱ་རྒོད་ལ་སོགས་པ། །རབ་ཏུ་ཁྲོས་པས་རྦད་པར་བྱ། །དེ་དག་ལས་ཀྱང་སྤྲུལ་པའི་ཚོགས། །དཔལ་གྱི་ཕོ་ཉ་ལས་མཁན་མོ། །དཀར་པོ་དུང་གི་མཆེ་བ་ཅན། །ནམ་མཁའ་བྱུང་བ་མཛོད་ཁྱིམ་མ། །ལག་ནས་སྤུ་གྲིས་སེམས་ཅན་སྒྲོལ། །གདུག་པའི་ཞལ་གྱིས་སྙིང་ཁྲག་རྡུབ། །སྤྲུལ་པ་ཚོགས་ཆེན་ཆེར་ལྟར་འབེབས། །སྤྲུལ་པ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་མངའ་བདག་མོ། །བསྐལ་པ་བརྒྱ་ཁྲིའི་ཕ་རོལ་ནས། །དམ་ལས་འདས་པའི་བློ་འདྲེན་ནམ། །ཉམས་པའི་བླ་ལ་ནན་མ་ཆུང་། །ལྷོ་ཡི་ཕྱོགས་ནས་བཞེངས་པ་ནི། །ནག་མོ་ལྕགས་ཀྱི་ལན་ཚར་ཅན། །ཁྱུང་གི་ཁྲ་ཆེན་གཡས་ནས་འགྱེད། །བརྙ་གྲི་ཐོགས་གསོད་ལ་རྔམ། །ཚངས་པ་བསྐྱིལ་བའི་ཆ་ལུགས་ཅན། །མི་སྡུག་གཙིགས་པའི་གཅེར་བུའི་ལུས། །སྤྲུལ་པ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་མངའ་བདག་མོ། །བསྐལ་པ་གསུམ་ནས་བླ་ཚོལ་ཚོལ། །དཔག་ཚད་ལྔ་པར་སྲོག་འགུག་འགུགས། །ཉམས་པའི་བླ་དང་སྲོག་ལ་ཡང་། །ནུབ་ཀྱི་ཕྱོགས་ནས་བཞེངས་པ་ནི། །དམར་མོ་ཉི་མའི་སྤྱན་མངའ་བ། །གདུག་འདུལ་གྲངས་པ་སེལ་བར་མཛད། །གསོད་རྔམ་པའི་ལས་ལ་བརྩོན། །མཆེ་གཙིགས་གཡང་གཞི་གིས་སུ་གྱོན། །སྤྲུལ་པ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་མངའ་བདག་མོ། །རབ་ཏུ་མི་སྲུན་བླ་འགུགས་མ། །ཉམས་པའི་བླ་དང་སྲོག་ལ་ཡ། །བྱང་གི་ཕྱོགས་ནས་བཞེངས་པ་ནི། །ལྗང་ནག་བསྐྱིལ་བའི་མི་ཐོད་ཅན། །སེར་མོ་ཅན་འབུམ་གྱིས་བསྐོར། །ཕྱག་ན་རལ་གྲིས་སྲོག་གཅོད་མ། །སྤྲུལ་བ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་མངའ་བདག་མོ། །སྔོན་ནས་དགྲ་བོ་བླ་འགུགས་སམ། །ཉམས་པའི་བླ་དང་སྲོག་ལ་ཡ། །ནམ་མཁའི་ལྷ་མོ་ཕུར་པའི་ལྷ། །ལག་བརྒྱ་ལྕགས་ཀྱིས་ཕུར་པ་འདྲིལ་། །སྤྱན་བརྒྱ་ཁྲག་གི་མཆིལ་མ་འཐོར། །ཞལ་ནས་གདུག་པའི་སྔགས་ཟེར་ཟློས། །མཆེ་བས་སྐྱེ་ཤི་རྩ་བ་གཅོད། །ཕུར་པའི་ལས་མཁན་ཆེན་མོ་ལ། །རབ་ཏུ་བསྲུང་བའི་ལས་ལ་བརྩོན། །སྤྲུལ་པ་མང་པོ་ཕྱོགས་བཅུར་འགྱེད། །རྡོ་རྗེ་སྐུ་གསུང་ཐུགས་ལས་སྤྲུལ། །ཉམས་པའི་བླ་དང་སྲོག་ལ་ཡ། །གཞན་ཡང་སྤྲུལ་པའི་ཚོགས་བཅས་ཀུན། །ལས་དང་ལས་ལས་སྤྲུལ་པ་དང་། །ཡེ་ཤེས་ལས་ལས་སྤྲུལ་པའི་ཚོགས། །རབ་ཏུ་བཀྱེ་ལ་དགུག་པར་བྱའོ། ་།ཞེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གྱི་མདོ་ལས། །སྤྱིནསྲེག་གི་ལེའུ་སྟེ་ཉི་ཤུ་གཉིས་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །གསོལ་བ་གདབ་ཕྱིར་འདི་སྐད་གསོལ། །ཀྱེ་ཀྱེ་དཔའ་བོ་ཐམས་ཅམཁྱེན། །སྤྲུལ་པའི་མངའ་བདག་ཡེ་ཤེས་ཅན། །ཐབས་མཁས་ཐུགས་རྗེས་སྤྲུལ་པའི་སྐུ། །ངོ་བོ་ཉིད་མཁྱེན་དྲག་པོའི་གསུང་། །གདུག་པ་འདུལ་པའི་ཐུགས་མངའ་བ། །རྫུ་འབྲུལ་མཁྱེན་ལྡན་ཁྱེད་ལ་འདུད། །རྣལ་འབྱོར་ལས་མཐར་ཕྱིན་པ་ལ། །སྦྱིན་སྲེག་ལ་སོགས་གསུངས་ལགས་ན། །མཐར་གྱི་ལས་སུ་བྱ་བ་ལ། །མནན་དང་གཏད་པ་མི་འཚལ་ལམ། །འདི་ཡི་ཐབས་ནི་ཇི་ལྟར་བགྱི། །རྫུ་འཕྲུལ་མག་བདག་གིས་བཤད་གསོལ། །དེ་སྐད་ཅེས་ནི་གསོལ་པ་དང་། །བཅོམ་ལྡན་བཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་མིག་འོག་ནས་གོམ་པ་གསུམ། །དེ་ཡི་གནས་སུ་བརྐོས་ལ་གཞུག །ཀླུ་ལ་གཏད་པའི་རིམ་པ་ཡིན། །དེ་ནས་གྲོ་ག་འམ་ཤིང་ཤུན་ལ། །རུས་སྦལ་འབར་བའི་གཟུགས་བྲིས་ལ། །དེ་ཡི་ནང་དུ་གཟུགས་བརྙན་གཞུག །དྲག་པོའི་རྫས་ཀྱི་ནང་དུ་དྲིལ། །བ་སུ་རིགས་དྲུག་སྤྱན་དྲངས་ལ། །དེ་ལ་གཏད་པ་བྱས་ནས་ནི། །བག་ཟན་བ་སུའི་གཟུགས་བྱས་ལ། །དེ་ཡི་དབུས་སུ་རྫས་དེ་གཏད། །རྒྱ་མཚོ་དབུས་སུ་རྡོ་དང་བྲག །རྒྱ་མཚོའི་གཏིང་དུ་མནན་པ་སྟེ། །དེ་ཡང་ཀླུ་ལ་གཏད་པ་ཡིན། །གདུག་པའི་གཟུགས་བརྙན་ཤིང་ཤུན་པྲི། །དེ་ལ་མིང་དང་རུས་བཅས་མང་། །ཀླུ་སྨན་མང་དུ་ཚོགས་པ་དང་། །བ་དམར་འོ་མ་སྦྲེང་ཞིང་བསྒོ། །གདུག་པའི་རྐང་ལག་བཞི་རྣམས་ལ། །སྦལ་པའི་རྐང་ལག་བཞི་ཡང་གཏད། །དུར་ཁྲོད་ལོ་མས་དཀྲི་བྱས་ལ། །གཏོར་མ་དང་བཅས་གནས་སུ་བསྐྱལ། །འདི་ཡང་གདུག་པ་ཀླུ་ལ་གཏད་པ་ཡི། །རིམ་པ་ཡིན་པར་ཤེས་པར་བྱའོ། །གདུག་པ་སྦྲུལ་གྱི་གནས་དག་གམ། །ཀླུ་གདུག་གནས་སུ་གཏད་མནན་པ། །གདུག་པ་ཉལ་བའི་དུས་སུའམ། །བུ་ཚ་གསོ་ཡི་དུས་དག་ཏུ། །གྲོ་ག་ལ་ནི་གཟུགས་བརྙན་བྲི། །མེ་ཏོག་དམར་པོའི་ཆུ་ཡིས་བྱུག །ར་དང་ཁྱི་ཡི་ཁྲག་གིས་བྲི། །གདུག་པའི་ཚང་གི་འོག་ཏུ་འམ། །ཡང་ན་ཤུག་པ་གྲིས་གཤགས་ལ། ཁྲ་མདངས་པར་དུ་དེ་བཅུག་ལ། །གཏད་པའི་ཚིག་བཤད་བརྗོད་བྱ་སྟེ། །མནན་པ་དག་ནི་བྱ་བ་བྱ། །ཕག་པའི་ཐོད་པའི་ནང་དུ་ནི། །གཟུགས་བརྙན་མིང་རུས་བཅས་ལ་གཞུག །དེ་རབས་ཆད་པའི་དུག་གིས་བྲི། །མཐུན་པའི་གཏོར་མ་གོང་བཞིན་བསྔོ། །འདི་ཡང་གནོད་སྤྱིན་གཏད་པ་ཡིན། །སྤྲང་པོ་སྤྲང་འཁར་ཐོགས་འདྲའི་རི། །དེ་ཡི་སྙིང་ཁར་མནན་གཏད་པ། །རྒྱལ་པོའི་སྙིང་གི་ནང་དུ་ནི། །མིང་བྱང་གཟུགས་སུ་བཅས་པར་གཞུག །ཕག་དང་དྲེའུའི་ཁྲག་གིས་བྲི། །མཐུན་པའི་གཏོར་མ་བསྔོས་ལ་གཏད། །དེ་ནས་མནན་པ་བྱ་བ་ཡིན། །འདི་ཡང་གནོད་སྤྱིན་གཏད་པའོ། །ཝ་སྐྱ་ཐུར་ལ་རྒྱུག་འདྲའི་རི། །དེ་འདྲའི་སྣ་རུ་གནན་གཏད་པ། །རབས་ཆད་ནག་པོའི་ཐོད་པ་ལ། །རྟ་ནག་ཁྲག་གིས་དེ་ལ་བསྐུ། །མིང་རུས་གཟུགས་བརྙན་བཅས་པར་གཞུག །གསང་སྔགས་མང་བཟླས་རྒྱ་ཡང་གདབ། །དེ་ནས་གཏོར་མ་རབ་བསྔོས་གཏད། །དེ་ནས་མནན་པ་བྱ་བ་ཡིན། །འདི་ཡང་གནོད་སྤྱིན་གཏད་པའོ། །ཕག་པ་ཆུ་ནི་འཐུང་འདྲའི་རི། །རི་བྲག་སྣ་རུ་གཏད་བྱ་བ། །བསྣོལ་དྲི་མོ་ཡི་ཐོད་པ་སྲ །མིང་དང་མཚན་མར་བཅས་པ་གཞུག །གསང་སྔགས་མང་བཟླས་རྒྱ་ཡང་གདབ། །གཏོར་མ་བྱིན་ལ་གཏད་གནན་བྱ། །འདི་ཡང་གནོད་སྦྱིན་གཏད་པའོ། སྤྱང་ཀི་གཟན་ལ་རྒྱུག་འདྲའི་རི། །དེ་ཡི་ཁ་རུ་མནན་པ་ནི། །སྤྱང་མོའི་ཐོད་པའི་ནང་དུ་ནི། །མིང་དང་གཟུགས་བརྙན་ཤིང་ཤུན་བྲི། །མངལ་ན་གནས་པ་ཡན་ཆད་དང་། །སྲིད་པས་བསྐོས་པ་ཐམས་ཅད་གཏད། །མཐུན་པའི་གཏོར་མ་དེར་བསྔོས་ལ། །མནན་པ་དག་དང་བྱ་བ་ཡིན། །འདུ་ཡང་གནོད་སྤྱིན་གཏད་པའོ། །སྦྲུལ་གདུག་ཐུར་ལ་རྒྱུག་འདྲའི་རི། །དེ་ཡི་རྩ་རུ་གཏད་གནན་པ། །ཕག་མོ་རུས་པའི་ཐོད་པ་མྲ །ཞིང་གི་རས་མ་ཆེན་པོ་ལ། །གུ་གུལ་སྨེ་ཁྲག་སྦྱར་ལ་བྲི། །དེ་ཡི་ནང་དུ་བཅུག་ནས་ནི། །གཏོར་མ་བསྔོས་ལ་གཏད་གནན་བྱ། །འདི་ཡང་གནོད་སྦྱིན་གཏད་པའོ། །སྟག་སྐྱ་སེང་གེ་འཐབ་འདྲ་བའི། །བྲག་དག་ར་ཡི་བར་དུ་གཏད། །དེ་ཡི་གནས་སུ་གནན་པ་ནི། །དྲི་བོའི་ཐོད་པར་རབ་བླངས་ལ། །གྲི་ཡི་ཁྲག་གིས་མིང་རུས་བྲི། །མཚན་མ་མང་པོ་དེར་བཅུག་ལ། །གཏོར་མ་བསྔོས་ཏེ་གཏད་གནན་བྱ། །འདི་ཡང་གནོད་སྤྱིན་གཏད་པའོ། །བྲག་ནི་ཆུ་སྲིན་ཁ་གདངས་འདྲ། །དེ་ཡི་བ་རུ་གནན་གཏད་པ། །སྡོང་པོ་མེ་རེག་གཏུན་ནང་དུ། །དུར་ཁྲོད་རས་ལ་མིང་རུས་་བྲི། །སྡོང་པོ་རྐང་གཅིག་ཐང་ཆུས་བསྐུ། །མཚན་མ་མིང་དུ་བཅས་པ་གཞུག །དེ་ལ་དྲག་པོའི་རྒྱ་ཡིས་གདབ། །གཏོར་མ་བ་དམར་འོ་མས་བྱ། །བསྔོས་བྱས་གཏད་དང་མནན་པ་བྱ། །འདི་ཡང་ཀླུ་སྲིན་གཏད་པའོ། །སྡོང་པོ་རྐང་གཅིག་དྲུང་དུ་ནི། །བདག་ཉིད་གནས་ཏེ་གསང་སྔགས་བཟླས། །དེ་ཡི་གནས་སུ་གཏད་མནན་པ། །གླང་མའི་བྱང་བུ་འི་གཟུགས་བརྙན་བྲི། །ཟ་བྱེད་གསོད་བྱེད་ཁྲག་གིས་ཏེ། །དེ་ནས་དྲག་པོའི་རྫས་ཀྱིས་དྲིལ། །ར་ཁྱི་ཁར་ནག་གིས་དཀྲིས་ནས། །དེ་ཡི་གནས་སུ་གཏད་གནན་བྱ། །བསྐལ་པ་མཐས་ཀླས་ཐམས་ཅད་དུ། །ང་ཡིས་གཏད་པ་་༑་ར་རེ། །གལ་ཏེ་དེ་དག་ཤོར་གྱུར་ན། །ཁྱོད་ཉིད་སྡུག་བསྔལ་བཅས་ཏེ་འཆི། །རྡོ་རྗེས་མགོ་ཡང་འགེམས་འགྱུར་པས། །དེ་བས་ང་ཡིས་གཏད་པ་འདི། །མཐུན་པའི་གསེར་སྐྱེམས་འདི་འཐུང་ལ། །བདུན་བརྒྱུད་ཡན་ཆད་མ་གཏང་ཞིག །ཐེ་བྲང་གཏད་པའི་རིམ་པའོ། །དེ་ནས་ལམ་གྱི་རྒྱ་གྲམ་དུ། །རབ་ཏུ་ཁྲོས་པའི་སེམས་གནས་བྱ། །ཏིལ་ཆེན་པོ་ཡི་དུད་པ་གཏང་། །ལྷ་སྲིན་མང་པོ་དེར་བོས་ལ། །གསེར་སྐྱེམས་རྒྱས་པར་བཏང་ནས་ནི། །ཁྱེད་ལ་བདག་ལྷ་ལས་འཆོལ་ན། །དམ་ལས་མ་འདའ་འདི་གཏོད་ཀྱིས། །ལྷ་སྲིན་སྡེ་བརྒྱད་འདི་གཏོད་ཀྱིས། །ང་ཡིས་གཏད་པ་ཤོ་ར་རོ། །བདུན་བརྒྱུད་ཡན་ཆད་མ་གཏང་ཞིག དེ་སྐད་བྱས་ལ་གནན་པ་བྱ། །ལྷ་སྲིན་ཀུན་ལ་གཏད་པ་ཡི། །རིམ་པ་ཡིན་པར་ཤེས་པར་བྱའོ། །རི་ནི་ཐལ་ཕུང་སྤུང་འདྲ་འམ། །རི་བོ་མདུར་བའི་སྣ་རུ་ནི། །དེ་ནས་བདག་གནས་ཞེས་བྱ། །སྔོན་ལ་ས་བདག་མཆོད་བྱས་ལ། །དེ་ནས་རའམ་རིའུའི་ཐོད་དུ། །གཟུགས་བརྙན་དམར་སེར་མདོག་བསྒྱུར་ལ། །ཉེ་བའི་རིས་སམ་དམིགས་པ་རང་། །ཐོད་པའི་ནང་དུ་བཅུག་ནས་ནི། །གསང་སྔགས་མང་དུ་བཟླས་ནས་སུ། །དེ་ནས་ས་བདག་སྤྱན་དྲངས་ཏེ། །ཉེ་འཁོར་འདི་ན་གནས་པ་ཡི། །ས་བདག་འཁོར་བཅས་དགོངས་སུ་གསོལ། །སྟོན་པའི་བཀའ་དང་དམ་ལས་ནི། །མ་འདའ་ཁྱེད་རྣམས་སྤྱན་འདྲེན་ན། །གདུག་པའི་སེམས་དང་བཅས་ཏེ་གཤེགས། །རིན་ཆེན་འདོད་པའི་ནོར་བཅས་འདི། །ཁྱེད་ལ་གུས་པའི་སེམ་ཀྱི་བསྔོ། །དམ་ལས་འདས་པ་འདི་ཡིན་གྱིས། །ཁྱེད་ལ་གཏད་ཀྱིས་ཤོ་ར་རེ། །བདུན་བརྒྱུད་རངས་པ་ཁྱོད་ལ་གཏད། །དེ་སྐད་བྱས་ལ་གནན་པ་བྱ། །ས་བདག་ལ་གཏད་རིམ་པའོ། །མ་རུངས་པ་ཡི་ས་ཕྱོགས་ན། །ལྷ་དང་ལྷ་མིན་གནོད་སྦྱིན་རྣམས། །སྔོན་གྱི་བཏགས་པ་མིང་ཅན་ལ། །དེ་ལ་གཏད་ཅིང་མནན་པ་ནི། །སྤྲེའུའི་ཐོད་པའི་ནང་དུ་ནི། །མཚན་མའམ་དྲི་མ་ཐལ་བ་ལ། །བྱས་ལ་མདོག་ནི་སྨུག་པོར་བྱུག །མཚན་མ་མིང་དུ་བཅས་ལ་གཞུག །དེ་ནས་སྔོན་དུ་གྲགས་པ་ཡི། །གང་ཡིན་མིང་ནས་བོད་ནས་ནི། །མཐུན་པའི་རྫས་རྣམས་ཕུལ་ནས་སུ། །ང་ཡི་བསྟན་པ་འདིས་བཤིག་གིས། །ཁྱེད་ལ་དམ་ཉམས་འདི་གཏོད་ན། །སྔོན་ཚེ་སྟོན་པས་བཀའ་བསྒོ་སྟེ། །ཇི་ལྟར་ཞལ་གྱིས་བཞེས་པ་བཞིན། །ལས་ལ་བསྐུལ་གྱིས་འཕྲིན་ལས་མཛོད། །གཏད་པའི་ཉམས་པ་ཤོ་ར་རེ། །དེ་སྐད་བྱས་ལ་གནན་པ་བྱ། །མཚན་མའི་ལྷ་རྟེན་ལ་གཏད་པའོ། །གོང་གསུམ་དག་ཏུ་གནན་པ་ནི། །བཙན་ལ་གཏད་པའི་རིམ་པ་སྟེ། །གྲོ་ག་འམ་ཤིང་ཤུན་དག་ལ་ནི། །དམར་ཆེན་པོ་ཡིས་མིང་རུས་བྲི། །སྡོང་པོ་མེ་རེག་ཤིང་ཤུན་ག་ས། །དྲག་པོའི་རྫས་ཀྱི་ནང་དུ་དྲིལ། །གུ་གུལ་ཆུ་ཡིས་རབ་བྱུགས་ལ། །འཐུན་པའི་རྫས་དང་གསེར་སྐྱེམས་བཅས། །བསྔོ་བ་བྱས་ལ་གཏད་མནན་བྱ། །བཙན་ལ་གཏད་པའི་རིམ་པའོ། །དེ་བཞིན་གཤེགས་པའི་གཟུགས་བརྙན་ལ། །དམ་ལས་འདས་པ་གཏད་བྱ་བ། །རྫ་སོ་མ་བཏང་ནང་དུ་ནི། །མཚན་མ་མིང་དུ་བཅས་པ་གཞུག །སྤོས་བལྟམ་དཀོན་མཆོག་སྤྱང་ཡང་དྲང་། །མཆོད་པ་ཕུལ་ཏེ་འཕྲིན་ལས་བཅོལ། །དམ་ལས་འདས་པ་འདི་གཏོད་གྱིས། །བསྐལ་པའི་མཐར་ཡང་མ་གཏང་ཞིག །དེ་སྐད་བྱས་ལ་རྨང་འོག་སྦ །མཆོད་རྟེན་གཏད་པའི་རིམ་པའོ། །མགོན་པོ་ནག་པོ་དེ་ལ་གཏད་པ་ནི། །གུགས་མའི་རྗེའུའི་ནང་དུ་ནི། །མཚན་མ་མིང་བཅས་དུར་ཁྲོད་རས། །ལེགས་པར་བསོགས་ལ་གཞུག་པར་བྱ། །སྤོས་བལྟམ་མཆོད་བ་ཤ་ཁྲག་གི །གཏོར་མ་རྒྱས་པར་རབ་བསྔོས་ལ། །འཕྲིན་ལས་བཅོལ་ཏེ་གཏད་གནན་བྱ། །མགོན་པོའི་གཏད་གནན་རིམ་པའོ། །གཙུག་ལག་ཁང་ལ་གཏད་པ་ནི། །སྲེ་མོའི་ཐོད་པའི་ནང་དུ་ནི། །མཚན་མ་བྲིས་ཏེ་དེ་རུ་བརྫང་། །དེ་ནས་གཙུག་ལག་སྲུངས་མ་རྣམས། །སྤྱན་དྲངས་ནས་ནི་མཆོད་པ་བུ། །དེ་ནས་ལས་བཅོལ་གཏད་གནན་བྱ། །དབུས་ཀྱི་གཙོ་བོའི་ཞབས་འོག་གཞུག །གཙུག་ལག་གཏད་པའི་རིམ་པའོ མ་མོ་ལ་གཏད་པའི་རིམ་པ་ནི། །དུར་ཁྲོད་གནས་སམ་བྲག་ཕུག་གམ། །གྲོག་པོའི་མགོ་རྡུམ་དེ་གནས་སམ། །ཕུག་གང་ཁང་སྟོང་དག་ཏུ་ནི། །དུར་ཁྲོད་མོན་མོ་ཐོད་པའི་ནང་། །རས་ཆེན་དག་ལ་མཚལ་ཆེན་གྱིས། །མཚན་མ་མིང་རུས་བཅས་པ་བྲི། །དེ་ནས་དྲག་པོའི་རྫས་ཀྱིས་དྲིལ། །ཐོད་པའི་ནང་དུ་བཅུག་ནས་ནི། །སྣོད་ཁྲག་མང་པོའི་གཏོར་མ་ལ། །འབྲས་བུ་རྒྱས་པའི་ཤ་སྣས་བརྒྱན། །ཞིང་གིས་གཡབ་ཅིང་འོ་དོད་འབོད། །དེ་ནས་གཏོར་མ་རྒྱས་པར་བསྔོ། །འདོད་པའི་ལས་རྣམས་རྒྱས་པར་བཅོམ། །དེ་ནས་གཏད་དང་གནན་པ་བྱ། །མ་མོ་ལ་གཏད་རིམ་པའོ། །གཤིན་རྗེ་ལ་གཏད་རིམ་པ་ནི། །འབྲུ་སྣ་ཚང་པའི་ངར་ཕྱེ་ལ། །ཁྲུ་གང་གཟུགས་ནི་བྱས་ནས་སུ། །དེ་ཉིད་གཤིན་རྗེར་རབ་བསྐྱེད་ལ། །དེ་ལ་ཡེ་ཤེས་གཤིན་རྗེ་བསྟིམ། །དེ་ལ་མཆོད་ཕུལ་འཕྲིན་ལས་བཅོལ། །དུར་ཁོརད་རས་ལ་འཁོར་ལོ་ཡི། །སྲིད་པ་གསུམ་པོ་ལྟོར་གནས་བྲི། །འཁོར་ལོའི་རྩིབས་དང་བར་དག་ཏུ། །འདོད་པའི་རི་མོ་ཁྲག་དུག་བྲི། །མཁར་ལ་རྩབས་དང་བར་དག་དེ་ལ་བཟླས་པ་མང་དུ་བྱ། །དེ་ནས་འཁོར་ལོ་རབ་དྲིལ་ལ། །གཤིན་རྗེའི་ལག་ཏུ་གཏད་པར་བྱ། །སྙིང་ཁ་བྲུས་ལ་དེར་བཅུག་སྟེ། །དུར་ཁྲོད་གནས་སུ་རབ་ཕྱིན་ནས། །དུར་དབུས་བརྐོས་ལ་དེ་ནང་དུ། །ཁ་ཏི་རི་ཡི་ཤིང་བུས་བརྫང་། །དེ་མེ་ཆེན་པོ་གཏང་ནས་ནི། །གཟུགས་བརྙན་དྲོས་དྲོས་དེ་ལ་སྤྲོ། །ལེགས་པར་དྲོས་པར་གྱུར་པ་དང་། །དེ་ཉིད་དུ་ནི་བཞུགས་པས་ནི། །དམིགས་པ་མགོ་མནན་བཞུགས་པར་བསམ། །དེ་ནི་འཆོར་བར་ཡོངས་མི་འགྱུར། །གཤིནརྗེགཏད་པའི་རིམ་པའོ། །བདུད་ལ་གཏད་པའི་རིམ་པ་ནི། །དྲ་ཕྱིང་གཙང་བའི་ནང་དུ་ནི། །འབྲུ་ཆང་འབྲུ་སྣ་ཚོགས་པ་ཡི། །གཏོར་མ་ལེགས་པར་བཤམ་བྱས་ལ། །དྲེགས་པའི་བདུད་ཕོ་སྤྱན་ཡང་དྲང་། །དེ་ལ་འདོད་པའི་ཡས་བྱིན་ཏེ། །གང་འདོད་ལས་རྣམས་བསྒོས་ལ་གཞག །གླེན་པའི་ཐོད་པའི་ནང་དུ་ནི། །གཟུགས་དང་བསྔོ་བ་ངར་ཟན་བཅས། །མཚན་མ་ཤིང་ཤུན་དག་ལ་བྲི། །དེ་ཡི་གནས་སུ་གཞུག་ནས་ནི། །བདུད་ལ་གཏད་པར་བྱ་བ་སྟེ། ཁྲ་བུད་མདོ་རུ་སོང་ནས་ནི། །དེ་རུ་བདུད་པོ་དེ་ལ་གཏད། །བདུད་ལ་བཏད་གནན་བྱ་བའི་རིམ། །གསང་བ་སྦ་བའི་ཐབས་གནན་པ། །འདི་འདྲའི་ལས་ལ་དམིགས་བཅས་པ་སྟེ། །མཚན་མ་མིང་དུ་བཅས་པ་སྟེ། །རྣལ་འབྱོར་གནས་སམ་དེ་འོག་ཏུ། །རྟག་པར་ཡི་དམ་མ་ཡེངས་པ། །དེ་ཉིད་ལ་ནི་རྟག་གནས་བར། །མ་ཡེངས་སེམས་ཀྱིས་མནན་པར་བྱ། །དེ་ཡི་སེམས་གནས་ལས་བྱས་ན། །སངས་རྒྱས་ཉིད་དེ་རླག་འགྱུར་ན། །ཁམས་གསུམ་སེམས་ཅན་སྨོས་ཅི་དགོས། །དེ་ཡི་ཡན་ལག་གསང་གནན་པ།།དམིགས་པའི་ཡུལ་རྣམས་ཐམས་ཅད་ཀུན། །དེ་དང་དེ་གནས་ཐམས་ཅད་ཀྱིས། །སྐུའམ་དམིགས་པ་སྤྱན་དྲངས་པའི། །དེ་ཡི་གནས་སུ་བསམ་པར་བྱ། །འདིས་ཀྱང་རླག་པར་ཐེ་ཚོམ་མེད། །རྟགས་དང་མཚན་མ་མ་བྱུང་བར། །རབ་ཏུ་འབད་དེ་བྱ་བ་ཡིན། །རྟགས་ཕྱིན་གསོ་བའི་ལས་བྱའོ། །དཀྱིལ་འཁོར་དབུས་སུ་དེ་བཞུགས་ལ། །གང་དང་གང་གི་ལས་བདག་ཡིན། །འདི་འདྲ་ལས་ཐབས་མཐར་གྱིས་ལས། །འདི་བྱས་ཤོར་བ་འགའ་ཡང་མེད། །ང་ཡི་བསྟན་པ་གཞུང་བཞིན་དུ། །རབ་ཏུ་མ་ནོར་མཁས་པས་གྱིས། །ནོར་བྱས་ལས་རྣམས་མི་འགྲུབ་ལ། །དམིགས་པའི་རྒྱུད་རྣམས་རབ་འཔེལ་བས། །མཁས་པས་བརྟག་སྟེ་ཤེས་པར་བྱའོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གྱི་མདོ་ལས། གཏད་གནན་གྱི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ལས་ཀྱི་རྒྱལ་པོ་ཡིས། །བཅོམ་ལྡན་ཁྲག་འཐུང་རྒྱལ་པོ་ལ། །གསོལ་བ་གདབ་ཕྱིར་འདི་སྐད་བསྟོད། །ཀྱེ་མ་གསང་བའི་བདག་ཉིད་གཙོ། །སྐུ་གསུང་ཐུགས་ནི་རབ་ཟབ་པ། །རྒྱ་མཚོ་ལྟ་བའི་ངང་ཚུལ་ཅན། །སྐྱེ་མེད་དོན་ལྡན་ཁྱོད་ལ་བསྟོད། །གསང་སྔགས་བདག་པོ་ཁྱོད་ལ་བསྟོད། །ཐེག་པའི་རང་བཞིན་ཁྱོད་ལ་བསྟོད། །ཐབས་ཀྱི་མངའ་བདག་ཁྱོད་ལ་བསྟོད། །རོལ་པའི་བདག་ཉིདཁྱོད་ལ་བསྟོད། །འཕྲིན་ལས་མངའ་བདག་ཁྱོད་ལ་བསྟོད། །གདུག་འདུལ་ཁྲོ་རྒྱལ་ཁྱོད་ལ་བསྟོད། །དབང་སྡུད་ཆེན་པོ་ཁྱོད་ལ་བསྟོད། །ཟིལ་གནོན་ཆེན་པོ་ཁྱོད་ལ་བསྟོད། །ཐབས་རྣམས་མ་ལུས་རྫོགས་གསུངས་ན། གསང་པ་ཟབ་མོའི་མདོ་སྡེ་འདི། །གཏུག་པ་འདུལ་བ་ཁྱད་པར་འཕགས། །ཁྲོ་བོ་མཁའ་འགྲོ་བདག་ཅག་འཁོར། །འཚོགས་པ་རྣམས་ལ་གསུངས་པ་ན། །སྔར་ནི་བདེ་གཤེགས་རྣམས་ཀྱིས་གསུངས། །ཕྱིས་ནི་བདེ་གཤེགས་གང་གསུང་འགྱུར། །ད་ལྟ་འདི་ཉིད་གནས་ལགས་ན། །ཕྱིས་ནི་ས་ཕྱོགས་གང་དུ་དར། །གང་ཟག་ཇི་ལྟ་བུ་དང་ཕྲད། །འདི་སྟོན་སློབ་དཔོན་ཇི་ལྟར་བལྟ། །བདག་ཅག་རྣམས་ཀྱིས་ཇི་ལྟར་བགྱི། །བཅོམ་ལྡན་འདས་ཀྱིས་ལུང་སྟོན་གསོལ། །དེ་སྐད་ཀྱིས་ནི་གསོལ་པ་དང་། །བཅོམ་ལྡན་བ་ཛྲ་ཀི་ལ་ཡས། །ཀརྨ་ཧེ་རུའི་ཚིག་གསན་ནས། །གསུང་ནི་སྐད་འདི་བཀའ་སྩལ་ཏོ། །ཁྱོད་ནི་བཅོམ་ལྡན་ང་དང་འདྲ། །སེམས་ཅན་ཀུན་ལ་ཕན་བྱེད་ཡིན། །ཁམས་གསུམ་སྙོམས་པའི་ཕ་མ་ཡིན། །ཟབ་མོ་ཁོང་དུ་འཆང་བྱེད་ཡིན། །བདེ་བ་སླད་ཀྱིས་ལུང་སྟོན་ཡིན། །གདུག་པ་སླད་ཀྱིས་ཚར་གཅོད་ཡིན། །ཡེ་ཤེས་འཕྲུལ་པའི་སྐུ་མཆོག་ཡིན། །གསང་གསུམ་སྡུད་པའི་ཐུགས་མཆོག་ཡིན། །སྤྲོས་མེད་མཁྱེན་པའི་ཐུགས་མཆོག་ཡིན། །གསང་བ་སྦས་པའི་ཐབས་མཆོག་རྣམས། །དོན་ལྡན་མཁྱེན་པ་ཁྱོད་ཡིན་པས། །དེ་ཡང་འདི་ལྟར་གནས་པར་གྱིས། །གསང་བ་ཟབ་མོའི་དོན་ཆེན་འདི། །དུས་གསུམ་སངས་རྒྱས་གང་གིས་ཀྱང་། །སྔར་འདས་སངས་རྒྱས་མ་གསུངས་ལ། །ཕྱིས་ཀྱང་གསུང་བར་མི་འགྱུར་ཏེ། །བྱོན་པར་སྟེགས་པས་ཚུལ་མཐུན་གསུངས། །གསང་བའི་ཐེག་པ་འབྱུང་བར་དཀོན། །ཨུ་དུམ་བར་ཇི་བཞིན་ནོ། །སྔར་གྱི་སངས་རྒྱས་འོད་སྲུངས་ཀྱིས། །གསང་སྔགས་འབྲས་བུའི་འཁོར་ལོ་བསྐོར། །དེ་ཡི་དུས་འདི་མ་གསུངས་ཏེ། །འདི་བསྟན་སྣོད་མེད་གསང་བས་སོ། །སྔར་གྱི་སངས་རྒྱས་ཇི་སྙེད་ཀྱིས། །གསང་བའི་དོན་ནི་འདི་མ་གསུངས །སྣོད་ངན་འདི་ཡིས་སྣོད་མེད་པའོ། །སྔོན་གྱི་སངས་རྒྱས་མངོན་དུ་བྱུང་། །རྒྱལ་པོ་ཞེས་ནི་བྱ་བ་དེས། །གསང་བའི་དོན་གྱི་འཁོར་ལོ་བསྐོར། །འགྲོ་བ་ཡང་དག་མཐའ་ན་གནས། །དེས་ཀྱང་གསང་བའི་མདོ་སྡེ་འདི། །གསང་བའི་ཕྱིར་ན་མ་གསུངས་སོ། །ང་ཡིས་བསྟན་པའི་འོག་ཏུ་ནི། །སངས་རྒྱས་འཇམ་པའི་དབྱངས་ཞེས་བྱ། །ད་ལྟ་དང་ཚུལ་མཐུན་བྱུང་། །དེ་ཡི་མདོ་འདི་བག་ཙམ་གསུངས། །དེ་ཡི་སླད་ནས་ཡོངས་མི་གསུངས། །སྣོད་དུ་འགྱུར་བ་མེད་པའི་ཕྱིར། །དེ་ཉིད་གསང་ནས་བཞུགས་པའོ། །ལས་ཀྱི་རྒྱལ་པོ་དེ་ཉོན་ཅིག །དེ་ལྟ་ང་ཡི་བསྟན་པ་ཡི། །གསང་བ་རྒྱ་ཆེན་བསྟན་པ་འདི། །ཕྱི་མའི་དུས་ཀྱི་ཚེ་ན་ནི། །འཛམ་བུའི་གླིང་དུ་སྤྱོད་འགྱུར་ཏེ། །དེ་སྐྱེས་རྒྱལ་པོ་བསོད་ནམས་ཅན། །ཡེ་ཤེས་ཚོགས་བསག་གྱུར་པ་ཡི། །རྒྱལ་པོ་ཛ་ཞེས་བྱ་བ་དེའི། །ཉེ་འཁོར་དག་ཏུ་གནས་པ་ཡི། །ཁྱོད་ཀྱིས་དུས་འདི་གནས་པར་འགྱུར། །དེར་ནི་གནས་པའི་དུས་ཉིད་དུ། །གང་ཟག་སྐལ་བ་ལྡན་རྣམས་ནི། །དད་ཅིང་སྤྱོད་པ་བཟང་བས་གནས། །སྐལ་མི་ལྡན་པའི་གང་ཟག་ནི། །མ་དང་ཚོལ་བར་མི་བྱེད་པས། །ཆེད་འགའ་དར་ལ་ཆེད་འགའ་ནུབ། །ཆེད་འགའ་མངོན་དུ་འབྱུང་བར་འགྱུར། །ཆེད་འགའ་གབ་ཅིང་སྦས་པར་སྣང་། །སྣོད་ལྡན་ཚུལ་བཞིན་སྤྱོད་པར་འགྱུར། །དེ་ཡིས་གསང་སྔགས་སྟོབས་རྙེད་འགྱུར། །ལ་ལ་ཚུལ་འདྲའི་ལོག་པར་སྤྱོད། །དེས་ནི་གསང་སྔགས་མཐུ་མེད་དེ། །ལྟུང་བའི་གནས་སུ་འགྱུར་བ་སྟེ། །དཔེ་ཙམ་སྟེན་པས་སྤྱོད་བྱེད་དེ། །གདམས་མེད་པ་ཡི་སྐྱོན་གྱིས་སོ། །སྣོད་མེད་གང་ཟག་ལ་ལ་དག །འདི་ལ་མ་དད་སྐུར་བ་འདེབས། །དེ་ཡིས་མནར་མེད་དམྱལ་བར་ལྟུང་། །དེ་ཡི་དབང་གིས་ལ་ལ་དད། །ལ་ལ་མ་དད་པར་གནས་ཏེ། །ང་ཡི་བསྟན་པ་ལྔ་བརྒྱ་བཅུ། །དེ་ཡི་ལྔ་བརྒྱ་ཐ་མ་ལ། །ང་ཡི་བསྟན་པ་གསང་སྔགས་འདི། །ཤིན་ཏུ་དར་ཞིང་རྒྱས་པར་འགྱུར། །སངས་རྒྱས་བསྟན་གནོད་འབྱུང་ཕྱིར་རོ། །དེ་ཡི་དུས་ཀྱི་སྐབས་སུ་ཡང་། །འདི་འདྲའི་ལོག་པའི་ཆོས་སྟོན་འབྱུང་། །ལས་འཕྲོ་མེད་པའི་གང་ཟག་རྣམས། །བདུད་ཀྱི་བསྟན་པའི་ཆོས་ལ་དད། །ཡང་དག་འདི་ལ་སྐུར་འདེབས་འགྱུར། །དམྱལ་སྲེགས་གནས་སུ་ངེས་ལྟུང་བས། །དེ་དུས་ལས་ཀྱི་རྒྱལ་པོས་ཀྱང་། །གསང་བའི་དོན་འདི་རྒྱ་ཆེར་ཡང་། །གནས་པར་ཡང་དག་མ་བྱས་ན། །ལོག་པའི་ལམ་ལ་དད་པར་འགྱུར། །དེ་བས་ཡང་དག་གནས་པར་གྱིས། །དེ་དུས་གང་ཟག་སྐལ་ལྡན་ངེས། །མ་ནོར་མཁྱེན་ཅིང་གཞན་ལ་འཆད། །ཚུལ་བཞིན་ཡིད་ལ་བྱེད་པ་དེ། །ང་ཡི་བསྟན་པ་འཛིན་པ་ཡིན། །རྡོ་རྗེ་ཐེག་པའི་གཏིང་འཛུགས་ཡིན། །རྣལ་འབྱོར་ཀུན་གྱི་རྒྱུད་འཛིན་ཡིན། །ང་ཡི་བསྟན་པ་གནས་ཞེ་ན། །མ་ནོར་དོན་ཉིད་མི་གནས་ན། །ཡི་གེ་ཚིག་ཏུ་གནས་ཀྱང་ནི། །བསྟན་པའི་ཚུལ་ཙམ་གནས་ཞེས་བྱ། །དེ་བས་མ་ནོར་ཤེས་པ་དེ། །ང་ཡི་སྲས་ནི་དམ་པ་ལྟའོ། །འདི་སྟོན་སློབ་དཔོན་དམ་པ་ནི། །སེམས་ཅན་ལྟ་བུར་མི་ལྟ་སྟེ། །སངས་རྒྱས་ཉིད་དུ་ལྟ་བར་གྱིས། །འདི་ཡིས་བྱང་ཆུབ་གཏེར་ཕྱིར་རོ། ང་ཉིད་ཡིན་པར་ཤེས་པརགྱིས། །མ་ནོར་དོན་རྣམས་སྟོན་ཕྱིར་རོ། །དེ་བས་ང་དང་ཐ་མི་དད། །ཕྱོགས་བཅུའི་སངས་རྒྱས་ཐམས་ཅད་ཀྱང་། །དེ་ལ་བྱིན་གྱིས་བརློབ་ཅིང་ཁུར། །མཁའ་འགྲོ་ཚོགས་བཅས་ཀུན་གྱིས་ཀྱང་། །དེ་ལ་མཆོད་འབུལ་བཀའ་སྩལ་ནན། །ཁམས་གསུམ་གནས་པའི་སྐྱེ་བོ་ཡིས། །དེ་ལ་བཀུར་བར་འོས་པ་ཡིན། །གསང་བའི་དོན་རྣམས་མ་ནོར་བར། །འཆད་ཅིང་འཛིན་པའི་གང་ཟག་དེ། །སྡུད་པའི་རྒྱལ་པོ་ཁྱོད་ཉིད་འདྲ། །དེ་སྟོན་སློབ་དཔོན་དམ་པ་དེ། །སངས་རྒྱས་ཡིན་པར་རང་སྨྲའོ། །གསང་བའི་ཡི་གེར་གར་གནས་པ། །ང་ཉིད་གནས་པར་ཤེས་པར་གྱིས། །མ་ནོར་གདམས་པར་རབ་འཆད་སར། །ང་ཡི་བསྟནཔ་གནས་པས་ན། །ཆོས་ཀྱི་འཁོར་ལོ་བསྐོར་བར་ནི། ཡིན་པར་ཤེས་པར་བྱ་བ་ཡིན། །དེ་ཡི་གདམས་པ་རྒྱུད་རིམས་འཆད། །ཆོས་ནི་རྒྱུན་མི་འཆད་པ་ཡང་། །འཁོར་ལོ་བསྐོར་བར་ཤེས་པར་གྱིས། །དེ་དོན་འཆད་པའི་ས་ཕྱོགས་སུ། །འདི་ནས་བྱིན་གྱིས་བརླབས་ཀྱི་ནི། །དགོངས་པ་ཕུན་སུམ་ཚོགས་པ་འབྱུང་། །ནད་མེད་ཞི་བ་བསམ་ཡས་བ། །བདེ་པ་མཐའ་དག་ལེགས་འཕེལ་འབྱུང་། །འདི་ཡི་དོན་ཉིད་འཆང་བྱེད་དེ། །སྐུ་གསུང་ཐུགས་ནི་གསང་བ་ཡི། །མཛོད་ཆེན་དམ་པ་ཤེས་པར་བྱའོ། །སྐུ་གསུང་ཐུགས་ཀྱི་གཏེར་ཆེན་འདི། །ཡིན་པར་ཤེས་པར་བྱ་བ་ཡིན། །དེ་ནས་ལས་ཀྱི་རྒྱལ་པོ་ཡིས། །གསང་བ་དམ་པའི་མདོ་འདི་ནི། །མི་ནུབ་གདམས་པས་གནས་པར་གྱིས། །ཚུལ་ལྡན་བག་ཡོད་གནས་པར་གྱིས། །དེ་ནས་བཅོམ་ལྡན་བཀའ་ལུང་གསལ། །དེ་ནས་ལ་ཀྱི་རྒྱལ་པོ་ཡིས། །བཀའ་སྩལ་ཐུགས་ཆུད་འདི་སྐད་གསོལ། །མདོ་འདི་གནས་པར་བགྱི་ལགས་ན། །འདི་ལ་སྐུར་འདེབས་གང་ཟག་དེའི། །རྣམ་པར་སྨིན་པའི་འབྲས་བུ་དེ། །ཅི་ལྟ་བུར་ནི་འབྱུང་བ་ལགས། །གྲགས་པའི་དོན་ཆེན་ཟབ་མོ་ནི། །གང་ཟག་ཇི་ལྟ་བུ་ལ་བཞག །མོ་བཞག་པ་ཡི་སྣོད་ནི་གང། །དེ་སྐད་སྟོན་པ་ལ་ཡང་གསོལ། །ལས་ཀྱི་རྒྱལ་པོ་ཁྱོད་ཉོན་ཅིག །གསང་བ་ཟབ་མོའི་མདོ་ཉིད་ལ། །གང་ཞིག་སྐུར་པ་འདེབས་པ་དེ། །ཕྱོགས་བཅུ་དུས་གསུམ་སངས་རྒྱས་ལ། །གང་ཟག་དེ་ཡིས་སྐུར་བཏབ་པས། །འབྲས་བུ་མནར་མེད་མྱལ་བར་འགྲོ །གསང་བའི་མདོ་ལས་མི་སྙན་སྨྲ། །ཡང་དག་ལམ་དང་ངེས་བྲལ་ནས། །བྱོལ་སོང་གནས་སུ་ངེས་པར་སྐྱེ། །འདི་ལ་སྐུར་བཏབ་མ་དད་པས། །ཡི་དགས་གནས་ལས་ཐར་དུས་མེད། །གལ་ཏེ་ངན་སོང་གསུམ་ལས་ནི། །ཐར་བར་གྱུར་ཀྱང་རུ་དྲར་སྐྱེ། །སེམས་ཅན་འཚེ་ཞིང་སྲོག་གཅོད་པས། །དམ་དུ་བླངས་ཏེ་བསྒྲལ་བར་བྱའོ། །ལས་ཀྱི་འཁོར་བ་ཡིན་པར་བཤད། །གསང་བ་ཟབ་མོའི་མདོ་འདི་ནི། །གཞག་པར་བྱ་བའི་སྣོད་ཀྱང་དཀོན། །འདི་བཞག་པ་ཡི་སྣོད་རྣམས་ནི། །སྔོན་དུས་སྤྱོད་པའི་ལས་འཕྲོ་ཅན། །ལུང་བསྟན་སྣང་བ་ཐོབ་པ་དང་། །བསམ་པ་མ་འཇུངས་སེམས་བརྟན་པ། །བླ་མ་མཉེས་བྱེད་ཡང་དག་ལེན། །བདུད་རྩི་འདི་སྤྱོད་གཡོ་སྒྱུ་མེད། །ཕས་ཀྱི་རྒོལ་བ་ཚར་ཡང་གཅོད། །ལྟ་ཟབ་བཞིན་གྱི་ཁར་མི་གཏོང་། །རྒྱལ་བ་རྣམས་ལ་མཆོད་བྱས་ཡིན། །དེ་ལྟ་བུ་ལ་གཞག་པར་བྱ། །མི་བཞག་་པ་ཡི་སྣོད་བསྟན་པ། །བསམ་ལོག་དད་མེད་གཞུང་འགལ་དང་། །བཀའ་པོར་ལོག་པར་རྩོམ་པ་དེང་། །ཆོས་ལ་ཡིད་གཉིས་སྒྲིབ་པ་སྡུག །བློ་ཞན་མ་རབས་སེམས་ཞུམ་པ། །ཟབ་མོའི་དོན་མེད་ཡལ་བར་གཏོང་། །གཞན་ལ་བསྒྱུར་ན་རང་བཞིན་འོ། །བླ་མ་མི་གུས་རྩོམ་པ་ཆེ། །ལོག་པའི་བསམ་པ་ཐལ་འགའ་འཆང་། །ཉམས་ལེན་མུ་སྟེགས་སྡེ་ལ་དགའ། །གཏིང་་ནས་འགགས་ཤིང་བསམ་པ་མེད། །མནར་མེད་གནས་སུ་འཚེད་འགྱུར་བས། །དེ་ལ་བཞག་པར་བྱ་བ་མིན། །དེ་བས་སྣོད་ཀྱི་རིམ་པ་ནི། །ཤིན་ཏུ་དཀོན་པར་ངས་བཤད་དོ། །ཞེས་གསུངས་སོ། །དེ་ནས་འདུས་པའི་འཁོརརྣམས་ཀྱིས། །བཅོམ་ལྡན་ཁྲག་འཐུང་རྒྱལ་པོ་དང་། །སྡུད་པ་ཀརྨ་ཧེ་རུ་གཉིས། །རབ་ཏུ་མཉེས་པའི་མཆོད་པ་ནི། །ཕྱི་ནང་གསང་གསུམ་མཆོད་པ་འབུལ། །བསྐོར་བ་ལ་ནི་དུ་མར་བསྐོར། །བཅོམ་ལྡན་ཁྲག་འཐུང་རྒྱལ་པོ་ལ། །སྡུད་པ་ལས་ཀྱི་རྒྱལ་པོ་དེ། །གསང་བ་དོན་གྱི་མདོ་ཉིད་ལ། །བསྟོད་པའི་རྒྱལ་པོ་འདིས་བསྟོ་དོ། །ཨེ་མ་ཧོ་ཐམས་ཅད་ངོ་མཚར་ཆེའོ། །ཉོན་མོངས་མི་གནས་ཡོན་ཏན་ལྡན། །མཚན་མ་མི་གནས་མཐའ་ལས་འདས། །ཁམས་གསུམ་ཉོན་མོངས་ཞལ་དུ་གསོལ། །སྐྱེ་མེད་ཐུགས་ནི་རྟག་པར་བསྐངས། །གསུང་ནི་གདུག་འདུལ་དྲི་མ་མེད། །སྐུ་ནི་རོལ་བའི་ངང་ཉིད་བརྗིད། །གསུང་ནི་བྱིན་བརླབ་འབྲུག་ལྟར་སྒྲོགས། །སྐུ་ཡི་བྱིན་བརླབ་ཆར་ལྟར་འབེབས། །ཐུགས་ཀྱི་བྱིན་བརླབ་གློག་ལྟར་འགྱུ། །ཁྲག་འཐུང་རྒྱལ་པོ་ཁྱོད་ལ་བསྟོད། །ཨེ་མ་ཧོ། བཅོམ་ལྡན་གཉིས་མེད་དཔའ་བོ་དང་། །ཐ་མི་དད་པའི་སེམས་ཆེན་པོ། །སེམས་ཅན་དོན་ཀུན་གྲུབ་མཛད་པ། །ཡང་དག་དོན་དམ་ཐུགས་ཆུད་ཅིང་། །སྨྲ་བའི་སེང་གེ་དབང་ཡང་བསྐུར། །དོན་ཀུན་རྫོགས་མཛད་མུན་སེལ་བ། །བརྗིད་པའི་རང་བཞིན་དག་པའི་སྐུ། །ངང་ཚུལ་འཆང་ལ་ཕྱག་འཚལ་བསྟོད། །ཨེ་མ་ཧོ། །དེ་བཞིན་གཤེགས་པ་ཀུན་གྱི་གསུང་། །བརྗིད་པའི་བདུད་རྩི་ཉོན་མོངས་སེལ། །ལོག་ལྟ་གཅོད་ཤུགས་འཆང་བ་ཡི། །བདེ་ཆེན་བདུད་རྩི་ཁྱོད་ལ་བསྟོད། །དེ་སྐད་འཁོར་རྣམས་ཀྱིས་བསྟོད་ཕུལ། །དེ་ནས་ལས་ཀྱི་རྒྱལ་པོ་ཡིས། །ཐབས་དང་ཤེས་རབ་གཉིས་མེད་བཞུགས། །རང་གི་རྡོ་རྗེ་གནས་སུ་གསོར། །སྟོན་པས་ཇི་སྐད་བཀའ་སྩལ་པ། །བདག་གི་དེ་ལྟར་གནས་པར་བགྱི། །དེ་སྐད་ཅེས་ནི་གསོལ་པ་དང་། །བཅོམ་ལྡན་གཉིས་མེད་ངངང་བཞུགས་ཏེ། །བརྗོད་པའི་ཚིག་དང་བྲལ་ནས་བཞུགས། །འདུས་པའི་འཁོར་ཚོགས་མ་ལུས་པ། །རང་གི་རྟགས་པའི་དོན་རྣམས་ལ། །དམ་པའི་སེམས་དང་བཅས་གྱུར་ཏེ། །ཐུགས་ཁར་ཞུགས་ཏེ་མི་སྣང་གྱུར། །ཅེས་གསུངས་སོ། །རྒྱུད་ཀྱི་རྒྱལ་པོའི་ཡང་རྒྱལ་པོ་རྡོ་རྗེ་གསང་བ་གཏེར་གྱི་མདོ་ལས། །ཡོངས་སུ་གཏད་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་བཞིན་གཤེགས་པ་ཐམས་ཅད་ཀྱི་སྐུ་གསུང་གསང་བ། ཐུགས་གསང་བ། རྡོ་རྗེ་གསང་བ་གཏེར་ཞེས་བྱ་བའི་རྒྱུད་གསང་བ་ཆེན་པོའི་མདོ་རྫོགས་སོ།། །། རྒྱ་གར་སྐད་དུ། བཛྲ་ཀི་ལ་ཡ་ཨག་ནེ་བཛྲ་ཛི་ཧ་མ་ལ་མ་ཧྭ་ཏན་ཏྲ་ནཱ་མ། བོད་སྐད་དུ། རྡོ་རྗེ་ཕུར་པ་མེ་ལྕེ་འཕྲེང་བའི་རྒྱུད་ཆེན་པོ་ཞེས་བྱ་བ། བཅོམ་ལྡན་འདས་དཔལ་ཁྲག་འཐུང་འཇིགས་བྱེད་ཀྱི་རྒྱལ་པོ་བཛྲ་ཀི་ལ་ཡ་ཉིད་ལ་ཕྱག་འཚལ་ལོ། །འདི་སྐད་བཤད་པའི་དུས་ན། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད། གསང་བ་གསུམ་ལ་མངའ་བརྙེས་པའི་བདག་པོ་ཐམས་ཅད་ཀྱི་འབྱུང་བའི་གནས་ཡིད་བཞིན་ནོར་བུ་རིན་པོ་ཆེ། སྤྲོས་པ་ཐམས་ཅད་གཅོད་པའི་བདག་ཉིད་རྣམ་པར་ཐར་པའི་དབུ་གསུམ་དང་ལྡན་པ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་བདག་ཉིད། མཚན་དང་དཔེ་བྱད་ལ་མངའ་བརྙེས་པ་ཐབས་དང་ཤེས་རབ་འདུ་འབྲལ་མེད་པའི་ངང་ལ་མཉམ་པར་བཞུགས་པའི་བདག་ཉིད། །འཕྲིན་ལས་ཐམས་ཅད་ཡོངས་སུ་རྫོགས་པའི་རྒྱལ་པོ། །ཉོན་མོངས་པ་ཐམས་ཅད་ཡོངས་སུ་འཇོམས་པར་མཛད་པ་བསམ་གྱིས་མི་ཁྱབ་པའི་སྐུ་གསུང་ཐུགས་ཡོན་ཏན་འཕྲིན་ལས་མངའ་བརྙེས་པའི་བཅོམ་ལྡན་འདས། རོལ་པའི་མཛད་སྤྱོད་བསམ་གྱིས་མི་ཁྱབ་པ་དང་ལྡན་པའི་སྐུ་མདོག་དང་། ཕྱག་མཚན་དང་། བཞུགས་ཚུལ་ལ་སོགས་པའི་བདག་ཉིད་དེ། མཐའ་དང་དབུས་མེད་པའི་འོག་མིན་གྱི་གནས་གཉིས་སུ་མེད་པའི་གསང་བའི་ཡུམ་གྱི་བཙུན་མོའི་བྷ་ག་ལ། ཕོ་བྲང་ལྷུན་གྱིས་གྲུབ་པའི་ལོངས་སྤྱོད་ཀྱིས་བརྒྱན་པ། མཐིང་ནག་དྲག་པོའིགནས་རྒྱུ་རིན་པོ་ཆེ་འབར་བ་སྣ་ཚོགས་དང་། དྲག་པོ་འཇོམས་པའི་རྒྱན་དུ་མ་དང་ལྡན་པ། ཡོན་ཏན་དཔག་ཅིང་གཞལ་བ་ལས་འདས་པ། ཐོག་མ་དང་ཐ་མ་མེད་པར་རང་བྱུང་བ་རྣལ་འབྱོར་གྱི་དབང་ཕྱུག་ཆེན་པོ་ནམ་མཁའི་མཐའ་དང་མཉམ་པའི་འཁོར་རྣམས་དང་། །གཞན་ཡང་རིགས་ལྔའི་སངས་རྒྱས་བཙུན་མོ་དམ་པ་དང་ལྷན་ཅིག་པ་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་དང་། སྒེག་མོ་ལ་སོགས་པ་ཐབས་དང་ཤེས་རབ་ཀྱི་འཁོར་བསམ་གྱིས་མི་ཁྱབ་པ་རྣམས་དང་། གཞན་ཡང་ཁྲོ་བོའི་རྒྱལ་པོ་རབ་ཏུ་མི་ཟད་པའི་ཚོགས་ནམ་མཁའ་མཐས་ཀླས་པ་དང་། རོལ་པའི་བཙུན་མོ་གཏུམ་བག་ཅན་རྣམས་དང་། གདུག་པའི་འཁོར་སྤྲུལ་པའི་འཕྲ་མེན་མ་བརྗོད་དུ་མེད་པའི་ཡང་བརྗོད་དུ་མེད་པ་རྣམས་དང་། གཞན་ཡང་ཡེ་ཤེས་དང་ལས་ལས་གྲུབ་པའི་ཚོགས་རྣམས་དང་། ནང་དང་ཕྱིའི་རྣལ་འབྱོར་མ་རྣམས་དང་། ཁྱ་པར་འཁོར་གྱི་འཁོར་བསེའི་བུ་མོ་བཞི་དང་། ཤོ་ན་མ་བཞི་དང་། བདག་ཉིད་མ་བཞི་དང་། འཇིག་རྟེན་གྱི་དྲེགས་པའི་ཚོགས་རྣམས་དང་། གཞན་ཡང་དྲེགས་པའི་ཚོགས་ཀྱི་མ་དང་། བུ་མོ་དང་། སྲིང་མོ་ལ་སོགས་པ་བསམ་གྱིས་མི་ཁྱབ་པ་དང་ཐབས་གཅིག་ཏུ་བཞུགས་སོ། འཁོར་དེ་རྣམས་ཀྱི་ནང་ནས་སྲས་མཆོག་ཀརྨ་ཀི་ལ་ཡ། བཅོམ་ལྡན་འདས་ཀྱི་སྤྱན་སྔ་ན་རབ་ཏུ་མཛེས་པའི་ཚུལ་བཟུང་ནས་བཀའ་ནོད་ཅིང་སྤོབས་པ་ཅན་དུ་བཞུགས་སོ། དེ་ནས་བཅོམ་ལྡན་འདས་གསང་པ་མཆོག་གི་བདག་པོ་དེས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད་སྣང་བ་ཆེན་པོའི་འོ་དཀྱིལ་ཁྱབ་པར་བྱས་ནས། དྲེགས་པའི་ཚོགས་ཟིལ་གྱིས་གནོན་པའི་ཏིང་ངེ་འཛིན་ལ་སྙོམས་པར་ཞུགས་ཏེ། མཉམ་པའི་ངང་ལ་རྣལ་ནས་བཞུགས་སོ།།དེ་ནས་འཁོར་འདུས་པའི་ནང་ནས་ཀརྨ་ཀི་ལ་ཡ་བཞེངས་ནས། །སྟོན་པའི་ཞལ་དུ་སེང་གེའི་ལྟ་སྟངས་ཀྱིས་བལྷས་ཏེ་མཉམ་པ་ཉིད་ཀྱི་ངང་ལ་གླུ་འདིས་བསྐུལ་ལོ། །ཀྱེ་ཀྱེ་དཔའ་བོ་ཐུགས་རྗེ་ཅན། །ཁམས་གསུམ་ཐམས་ཅད་སྒྲོལ་བའི་དག །སྟོབས་ཆེན་འབར་བས་ཡོངས་ལ་སྐྱོབ། །གཉིས་མེད་འདུ་འབྲལ་མེད་པའི་བདག །ཆོས་དབྱིངས་གནས་ལ་མངོན་པར་མཁྱེན། །ཚད་མེད་འགྲོ་བའི་དོན་རྣམས་མཛོད། །ཅེས་བསྐུལ་བས། སྟོང་པ་ཉིད་ཀྱི་ངང་ལས་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་འཇིགས་བྱེད་ཀྱི་རྒྱན་ཆས་ཐམས་ཅད་དང་ལྡན་པར་བཞེངས་ཏེ། བཅོམ་ལྡན་འདས་ཀྱི་སྐུ་ལས་ཀྱང་། འཇིགས་བྱེད་ཆེན་པོའི་འཁོར་དབུ་སྟོང་མངའ་བ། །ཕྱག་སྟོང་མངའ་བ། སྤྱན་སྟོང་མངའ་བ། འཇིགས་པའི་རྒྱན་དང་ལག་ཆ་བསྣམས་པ་བསམ་གྱིས་མི་ཁྱབ་པ་ཐོན་པས། འཇིག་རྟེན་དྲུག་གི་ཕྱོགས་བཅུ་ཐམས་ཅད་བྲེད་ཅིང་བརྒྱལ་ནས། ཕྱོགས་བཅུ་ཐམས་ཅད་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་སོ། །ཞབྲུགས། ཀུན་ཏུ་རབ་ཏུ་འཁྲུགས་སོ། །ཚིག་རབ་ཏུ་ཚིག །ཀུན་ཏུ་རབ་ཏུ་ཚིག་གོ །འཐོར། རབ་ཏུ་འཐོར། ཀུན་ཏུ་རབ་ཏུ་འཐོར་རོ། །འུར། རབ་ཏུ་འུར་རོ། །ཆེམ། རབ་ཏུ་ཆེམ། ཀུན་ཏུ་རབ་ཏུ་ཆེམ་མོ། །དབུས་མཐོ་ན་ནི་མཐའ་དམའ་བར་གྱུར་ཏོ། ཁྲར་མཐོ་ན་ནི་ནུབ་དམའ་བརགྱུར་ཏོ། །ནུབ་མཐོན་ནི་ཤར་དམའ་བར་གྱུར་ཏོ། །ལྷོ་མཐོན་ནི་བྱང་དམའ་བར་གྱུར་ཏོ། །བྱང་མཐོན་ནི་ལྷོ་དམའ་བར་གྱུར་ཏོ། །དེའི་ཚེ་གདུག་པ་ཅན་གྱི་ཚོགས་ཐམས་ཅད་རང་རང་གི་ལག་ཆ་ཤོར་ཏེ་བརྒྱལ་ནས་ཕྱོགས་ཕྱོགས་སུ་ས་ལ་འཁོད་པར་གྱུར་ཏོ། །དེ་ནས་བཅོམ་ལྡན་འདས་སྒྲོལ་བ་ལས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། ཨོ་བཛྲ་ཀི་ལི་ཀྭ་ལ་ཡ་སརྦ་བིབྷ་ན་ན་བ༷་ཧུ༷་བཱ་ར་ཡ་ཕཊཅེས་བརྗོད་པས་དྲེགས་པའི་ཚོགས་ཐམས་ཅད་བསྒྲལ་ཏེ། སྒྲིབ་པ་གཉིས་སྦྱངས་ཏེ་ཕྱིར་མི་ལྡོག་པའི་ས་ལ་བཀོད་དོ། །དེ་ལྟར་དེ་དག་གི་ཡོན་ཏན་འཇིག་རྟེན་དུ་གྲགས་སོ། །རྡོ་རྗེ་མེ་ལྕེ་འཕྲེང་བའིརྒྱུད་ཆེན་པོ་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་ཀརྨ་ཧེ་རུ་ཀས་། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཨེ་མའོ་བདེ་ཆེན་ཁྲག་འཐུང་གཙོ། །དཀྱིལ་འཁོར་རྣམས་ཀྱི་ངོ་བོ་ཉིད། །དོན་དམ་ཀུན་རྫོབ་བྱང་ཆུབ་སེམས། །བདག་ཅག་རྣམས་ལ་བཤད་དུ་གསོལ། །ཞེས་གསོལ་བ་བཏབ་པས། ཁྲག་འཐུང་གི་རྒྱལ་པོ་བཛྲ་ཀི་ལ་ཡས་ཡེ་ཤེས་མེད་པ་མ་ཡིན་པའི་དབྱིངས་ནས་ཐབས་དང་ཤེས་རབ་ཡོངས་སུ་རྫོགས་པའི་ཚུལ་དུ་བཞེངས་ཏེ། རྡོ་རྗེ་ཡིད་ཀུན་ཏུ་བཟང་པོ་ལ་འདི་སྐད་ཅེས་གསུངས་སོ། །ཕྱི་ནང་སྣོད་བཅུད་མ་ལུས་དང་། །ཕུང་པོ་ཁམས་དང་སྐྱེ་མཆེད་དང་། །འཁོར་དང་མྱ་ངན་འདས་པ་ཀུན། །རང་བཞིན་ངོ་བོ་ཉིད་ཀྱིས་སྟོང་། །གཟུང་འཛིན་རྟོག་པ་དང་བྲལ་བའི། །མ་བཅོས་དེ་བཞིན་ཉིད་ཁོ་ན། །དེ་ལྟར་རིག་པའི་སྐྱེས་བུ་ནི། །བྱང་ཆུབ་མཆོག་ཏུ་སེམས་བསྐྱེད་པའོ། །གཞན་ཡང་བྱང་སེམས་རིམ་པ་ནི། །ཡེ་ཤེས་གཅིག་ལ་ས་མ་གཡོས་ཀྱང་། །འདུལ་ཐབས་བྱེ་བྲག་ཐ་དད་དེ། །རྟོག་འདུལ་གཉེན་པོར་ཡེ་ཤེས་བསྟན། །སྐྱེ་བོ་མེད་པའི་ཆོས་ཉིད་ལས། །མ་འགགས་རིག་པའི་ཡེ་ཤེས་ཤར། །སྐྱེ་འགག་ཉིད་ན་བརྗོད་དང་བྲལ། །མེ་འོ་ང་ཡེ་ཤེས་གསལ་པའོ། །བསམ་དང་བྲལ་བའི་ཆོས་ཉིད་ནི། །ཚིག་དང་ཡི་གེ་སྒྲ་ལས་འདས། །རང་གི་ངོ་བོ་མ་སྐྱེས་བྲལ། །སྟོང་ཉིད་ཡེ་ཤེས་ཞེས་བརྗོད་དོ། །གཉིས་སུ་མེད་པའི་བྱང་ཆུབ་སེམས། །མ་བཅོས་ཡེ་ནས་མཁའ་འདྲ་པ། །བཙལ་མེད་ཐབས་དང་ཤེས་རབ་དང་། །མཉམ་པ་ཉིད་ལས་གཞན་མེད་དོ། །བརྗོད་མེད་ངང་ལས་ཐམས་ཅད་འབྱུང་། །རྟོག་མེད་ཡེ་ཤེས་སོ་སོར་གསལ། །རང་བཞིན་མ་འདྲེས་ཅིར་ཡང་་སྣང་། །སོ་སོར་རྟོག་པའི་ཡེ་ཤེས་ཡིན། ཁུ།་འབྲས་འགྲོ་འོང་མིགནས་ཤིང་། །ཐམས་ཅད་མ་བཙལ་ལྷུན་གྱིས་གྲུབ། །གཉིས་མེད་ངོ་བོ་ཉིད་ལས་གནས། །བྱ་བ་གྲུབ་པར་སེམས་བསྐྱེད་དོ། །བྱང་ཆུབ་སེམས་ཞེས་བྱ་བ་ནི། །དོན་དམ་ཀུན་རྫོབ་དབྱེར་མེད་ལ། །གཅིག་གི་ངང་ལས་གཉིས་མེད་ཀྱང་། །བློ་ཆུང་མུན་པར་འཐིབས་པ་ལ། །ཀུན་རྫོབ་བྱང་ཆུབ་སེམས་མེད་ན། །དོན་དམ་རྟོགས་པར་ག་ལ་ནུས། །སྟོང་ཉིད་ངང་ལས་མ་གཡོས་ཀྱང་། །སྙིང་རྗེ་ཆུ་ཟླའི་ཚུལ་ཤེས་པས། །སྐྱེ་མེད་མཆོན་པའི་ཡི་གེ་ཨ། །རྒྱུ་མཆོག་ཡི་གེ་འབྲས་བུ་ཧུ༷། །དེ་ཉིད་འབྲས་བུ་ཀུན་ལྡན་པས། །རྒྱུ་ཡི་ཏིང་འཛིན་རིམ་པ་ལས། །ཨེ་ཡ༷་ར་གེ་ར༷། སྣོད་ཀྱི་འཇིག་རྟེན་ཆགས་ཚུལ་དུ། །འབྱུང་བ་ལྔ་ཡི་གཞལ་ཡས་ཁང་། །ཉོན་མོངས་ལམ་ལྔ་དག་བྱས་ནས། །ཡུམ་ལྔའི་མཁའ་ཀློ་ང་རྣམ་དག་པར། །རྟོགས་ལྡན་བུ་ཡེ་ཤེས་རབ་ཀྱིས། །ཞེས་བརྗོད་པས། འབྱུང་བ་ཡུམ་གྱི་གཞལ་ཡས་སུ་ཆོས་ཐམས་ཅད་སངས་རྒྱས་པར་གྱུར་ཏོ། །དེ་ནས་ཡང་བཅོམ་ལྡན་འདས་དགོས་པ་ཆེན་པོས་དཀྱིལ་འཁོར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བརྗོད་དོ། །བྲུ༷། ཞེས་ཕྱུང་ནས་ཆེད་དུ་བརྗོད་དོ། །ཨེ་མ་སངས་རྒྱས་ཀུན་གྱི་གནས། །ཟབ་མོ་ཆོས་ཀྱི་འབྱུང་གནས་ཉིད། །གཉིས་མེད་གསང་བ་གསུམ་ལས་བྱུང་། །དོན་ཉིད་དམིགས་པར་ག་ལ་རུང་། །མཚོན་བྱེད་གསང་བ་མཆོག་གི་གནས། །འཁོར་ལོ་རྩིབས་བརྒྱད་མུ་ཁྱུད་བཅས། །གྲུ་བཞི་སྒོ་ཁྱུད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །འཁོར་ལོའི་རྒྱན་དང་རྡོ་རྗེའི་རྒྱན། །ཉི་ཟླ་གསལ་བའི་དཀྱིལ་འཁོར་ལྡན། །ཀ་བ་གདུང་དང་རྟ་བབས་དང་། །འཁོར་ལོ་ཏ་ར་ན་ཡིས་བརྒྱན། །གཞན་ཡང་རིན་ཆེན་ཕ་གུ་དང་། །དྲ་བ་དྲ་ཕྱེད་ལ་སོགས་ལྡན། །འདོད་པའི་ཡོན་ཏན་ལྔ་ཡིས་འཁྲིགས། །རིན་ཆེན་རྒྱན་དང་རོམ་མོའི་སྒྲ། །བླ་རེ་རྒྱལ་མཚན་འཕན་གདུགས་མཛེས། །འོད་འཕྲོ་འབར་བས་ཀུན་ཏུ་འཁྲིགས། །ཕྱི་དང་ནང་མེད་ཀུན་ཏུ་ནང་། །བདེ་གཤེགས་རྒྱབ་བ་སྲས་བཅས་གནས། །གཞན་ཡང་ཡོན་ཏན་བརྗོད་ལས་འདས། །དམིགས་པར་སྣང་ཡང་དམིགས་སུ་མེད། །ཅེས་གསུངས་སོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། །ཐབས་དང་ཤེས་རབ་གཉིས་སུ་མེད་པའི་ངངལས། །ཏིཇི་བཛྲ་ཨ། ཞེས་བརྗོད་པས། །དཀྱིལ་འཁོར་ཆེན་པོའི་དབུས་སུ་བཞུགས་པར་གྱུར་ཏོ། །དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས། །ཐམས་ཅད་ལྷུན་གྱིས་གྲུབ་པའི་ཚུལ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ལས་གསང་བའི་སྙིང་པོ་འདི་བྱུང་ངོ། །ཧུ༷་ཧུ༷་ཧུ༷་ཧུ༷་ཧུ༷། ཧུ༷་ཧུ༷་ཧུ༷་ཧུ༷་ཧུ༷། ཊ༷་ཊ༷་ཊ༷་ཊ༷་ཊ༷། ནྟྲ་ཊ༷་ཊ༷་ཊ༷་ཊ༷། ཧ་ཧ་ཧ་ཧ་ཧ། ཧེ་ཧེ་ཧེ་ཧེ་ཧེ། ཛུ་ཧུ༷་བ༷་ཧོ། སྨྱོ་སྨྱོ་སྨྱོ་སྨྱོ། ཀྟ་ཀྟ་ཀྟ་ཀྟ། མུ་མུ་མྱ་མྱ། ཞེས་བརྗོད་པས། སྣོད་བཅུད་ཐམས་ཅད་ཁྲག་འཐུང་དཀྱིལ་འཁོར་འབའ་ཞིག་ཏུ་སྣང་བར་གྱུར་པ་ནི། འདི་ལྟ་སྟེ། ཧུ༷་བཞི་ལས་ནི་གསལ་བའི་སྐུ། །ལོག་ལྟ་འཇོམས་པའི་རང་བཞིན་ནམ། །རང་དབང་མེད་པར་ཚེ་འབྲེལ་སྐུ། །གང་ལྟར་བསྐྱོད་མེད་རྒྱན་གྱི་སྐུ། །དྲི་མེད་གསུང་ནི་རྣམ་པར་དག །སྟོབས་ལས་ཡོངས་སུ་གྲུབ་པའི་སྐུ། བདུད་རྩིའི་ཆུ་རྒྱུན་ཡང་དག་འཁྱིལ། །ཁམས་གསུམ་ལས་ལས་ཡོངས་སུ་རྒྱལ། སྟོབས་ལས་ཡོངས་སུ་གྲུབ་པར་མཛད། །ཧུ༷་ལས་ཡང་དག་སྐུ་བསྐྱེད་རྒྱལ། །སྟོང་པའི་སྒྲ་འབྱིན་ཆོས་ཀྱི་དབྱིངས། །རིག་པའི་སྡེར་མོ་ཡང་དག་འཛིན། །ཆོས་ཀྱི་དབྱིངས་སྡུད་དུར་ཁྲོད་སྐུ། །ཐམས་ཅད་འཇོམས་མཛད་གཏུན་ཁུང་མ། །མཚན་མ་འཇོམས་ཕྱིར་ག་་མོ་སྟེ། །དོན་རབ་བསྐུལ་བ་བསྙེམས་མའོ། །གསལ་ལ་གཡོ་བ་རླུད་འབྱིན་མ། །གསོད་ལ་དགའ་བའི་སྐུ་གཅིག་མ། །རབ་ཏུ་གནས་ནས་སྐུལ་བྱེད་མ། །ཡང་དག་དབྱིངས་སུ་སྙེམས་བཅས་པའོ། །དེ་ལ་སོགས་ཏེ་སྤྲུལ་པའི་ཚོགས། །གདུག་པའི་འདུལ་བ་འཁོར་རྣམས་ནི། །ཟ་བྱེད་ལུས་ཅན་གཙང་སྨེ་མེད། །མི་འགྱུར་སྡང་མིག་ཞེ་ལ་གནོན། །འགྲོ་དོན་ནུས་ལ་བབ་ནས་འཇུག །ཁྲག་དང་ཤ་རུས་ཟ་བྱེད་པའོ། །ཐབས་མཁས་རྩལ་གྱིས་ཐམས་ཅད་འདུལ། །ཟ་བྱེད་རྩལ་གྱིས་གསོད་པ་དང་། །འཇིགས་པའི་སྟོབས་ཀྱིས་ཐམས་ཅད་གནོན། །ལས་སུ་གསོད་ཅིང་དབྱིངས་སུ་རྨི། །འཇིགས་བྱེད་གཟུགས་ཏེ་རལ་གསིགས་རྔམ། །རྔམ་པའི་སྟོབས་ཀྱིས་ཟ་བྱེད་པའོ། །རྣམ་རྟོག་མི་མངའ་རང་དབང་མེད། །ཟ་བྱེད་ལུས་ཅན་ཁྲ་ཡི་མགོ །ཆོས་དབྱིངས་གནས་ལས་མཚན་མོ་ལྡང་། །ཡང་དག་དབྱིངས་བཞུགས་གཞན་མི་མཐོང་། །གདུག་པ་འདུལ་ཕྱིར་གསལ་བཀྲམ། །གསོད་པའི་ལས་ལ་ཐབས་མཁས་མྱུར། །འགྲོ་དོན་ཐབས་མཁས་སྒྱུ་དང་ལྡན། །ཡང་དང་ཐབས་ཀྱིས་མནན་ནས་འདྲེན། །གདུག་པ་འདུལ་ལ་ཐབས་མངའ་མཁྱེན། །གཞན་པའི་གདོང་འཕྲེང་མཆོག་མངའ་བ། །དེ་ལ་སོགས་པའི་མ་ཚོགས་དང་། །གདུག་པའི་འདུལ་པའི་སྤྲུལ་སྐུའི་ཚོགས། །ཕྱོགས་བཅུ་མ་ལུས་གང་བར་སྣང་། །ཞེས་བརྗོད་པས། ཀུན་རྫོགས་ལྷའི་དཀྱིལ་འཁོར་ལ་འཁོར་རྣམས་ཤིན་ཏུ་ངོ་མཚར་བར་གྱུར་ཏེ། །ཀུན་ཀྱང་སྒྱུ་མའི་དོན་ལ་ཡིད་ཆེས་པར་གྱུར་པ་ལས། བཅོམ་ལྡན་ཉིད་དེ། །ཚིག་དང་ཡི་གེ་ཐ་སྙད་བྲལ། །དཔེ་དང་ཚད་མ་ལ་སོགས་པས། །རྟོགས་པར་ནུས་པ་ག་ལ་ཡིན། །ཞེས་བརྗོད་པས། འདུལ་བའི་འཁོར་རྣམས་གཉིས་སུ་མེད་པའི་དོན་ལ་སེམས་རྣལ་དུ་ཕེབས་ཏེ་ཅང་མི་སྨྲ་བར་གྱུར་རོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། བྱང་ཆུབ་ཀྱི་སེམས་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ལ་མཆོད་པའི་རྒྱས་པ་དེ་ཁོ་ན་ཉིད་ཀྱིས་མཆོད་ནས་འདི་སྐད་ཅེས་གསོལ་ཏོ། །ཀྱེ་ཀྱེ་དཔའ་བོ་ཐུགས་རྗེ་ཅན། །ལས་དང་དངོས་གྲུབ་ཐམས་ཅད་ནི། །སློབ་དཔོན་བྱེད་དང་རྗེས་འབྲེལ་བས། །དེ་ཡི་མཚན་ཉིད་ཇི་ལྟར་ལགས། །ཞེས་གསོལ་པས། །བཅོམ་ལྡན་འདས་གསང་བ་མཆོག་གི་བདག་པོས་བཀའ་སྩལ་པ། བདག་གཞན་རིམ་པ་ཐམས་ཅད་དང་། །ལས་ཀུན་ཡོངས་སུ་རྫོགས་པ་དང་། །སྔོན་དུ་བླ་མ་བརྟགས་ཕ་གཅེས། །དེ་ཡི་རིམ་པ་འདི་ལྟ་སྟེ། །ཕྱི་དང་ནང་དང་གསང་བ་ཡི། །རིམ་པ་ཇི་ལྟར་ཤེས་བྱ་དགོས། །ཉོན་མོངས་ལྔ་ཡི་ན་གསོ་ཞིང་། །ཡེ་ཤེས་ལྔ་ནི་རྟོགས་བྱ་ན། །དམ་པའི་མཚན་ཉིད་རྣམ་པ་ལྔ་། །བློ་ཡངས་རྒྱུད་ལ་གོམས་པ་དང་། །ཏིང་འཛིན་ལས་སུ་རུང་བ་དང་། །སེམས་ཀྱི་རྣམ་རྟོག་ཆོམས་པ་དང་། །ཕྱི་ནང་སྡེ་སྣོད་ཐམས་ཅད་ལ། །སོམ་ཉི་མེད་ཅིང་ཐེ་ཚོམ་མེད། །སྲན་ཐོབ་མི་ལྡོག་དད་པ་ཆེ། །གསང་བ་སྦས་པའི་ཐབས་མཆོག་རྣམས། །སྣོད་ངན་རྣམས་ལ་མི་སྤེལ་དང་། གསང་བའི་དབང་མཆོག་ཐོབ་པ་ནི། །རྡོ་རྗེ་འཛིན་པའི་བླ་མར་གསུངས། །ཡན་ལག་རྣམས་ནི་མ་ཉམས་ཤིང་། །མདོག་དང་གཟུགས་དང་སྟོབས་དང་ལྡན། །འཁོར་ལོ་སགཡུར་བའི་མཚན་དང་ལྡན། །ལུས་ལ་དྲི་ཞིམ་ངད་ལྡན་པ། །སངས་རྒྱས་འཁོར་ལོ་ཅན་གྱི་ཡིན། །ཤེས་པ་ཆེ་ཞིང་ཡོན་ཏན་ལྡན། །བཟོ་དང་རིག་པའི་གནས་ལ་མཁས། །ཡོན་ཏན་སྒྲོ་ཡངས་སྤྱོད་ལམ་དག །རྡོ་རྗེ་སྤུན་ལ་གདུང་བ་ནི། །རིན་ཆེན་འཛིན་གྱི་བླ་མར་གསུངས། །རྟག་ཏུ་ཟློས་ལ་བརྩོན་པ་དང་། །ངག་འཇམ་མགྲིན་པ་བདེ་བ་དང་། །གླུ་དབྱངས་མཁས་ཤིང་བདེན་པར་སྨྲ། །ཆོས་འཆད་པ་ལ་རྟག་ཏུ་དགའ། །ཚིག་འབྲུ་གསལ་ཞིང་ཁ་དོག་དམར། །པདྨ་ཅན་གྱི་བླ་མར་གསུངས། །བྱ་བའི་ལས་ལ་མ་རྨོངས་ཤིང་། །ལས་ཐམས་ཅད་ལ་དབང་ཡང་ཐོབ། །བརྩོན་འགྲུས་ལྡན་ཞིང་དབང་པོ་གསལ། །ལས་ཀྱི་ལྷག་ཆད་སྐོང་བ་ནི། །སྣ་ཚོགས་ལས་ཀྱི་བླ་མ་ཡིན། །ཡོན་ཏན་ཐམས་ཅད་ལྡན་པ་དང་། །ཆོས་རྣམས་ཀུན་ལ་མ་རྨོངས་པ། །དཀྱིལ་འཁོར་སྤྱི་ཡི་བླ་མ་ཡིན། །སྐྱོན་དགུ་རྣམས་པར་སྤངས་པ་ཡིན། །ཡོན་ཏན་དགུ་དང་ལྡན་པ་ནི། །བསྒྲུབ་པ་ནང་གི་བླ་མར་གསུངས། །དེ་དག་སོ་སོའི་མཚན་ཉིད་ནི། །མཉམ་ཉིད་ངང་ལ་གནས་བཅས་ན། །དོན་དུ་མི་འགྱུར་གང་ཡང་མེད། །ཐམས་ཅད་ངོ་བོ་སེམས་ཉིད་པས། །འདི་ལ་བླང་དང་དོར་བ་མེད། །ཕྱི་ནང་སྣོད་བཅུད་སེམས་ཉིད་པས། །ཇི་ལྷར་གནས་པ་དེ་ལྟར་བདེ། །མ་ནོར་དོན་ལ་གནས་པས་ནི། །རིག་པའི་བརྟུལ་ཞུགས་སྤྱད་པར་བྱའོ། །གཞན་གྱི་ཞན་པ་དགག་པ་ལ། །སྨྱོན་པ་ལྟ་བུའི་སྤྱོད་པ་བྱ། །མི་གཙང་རྟོག་པ་གཞོམ་པའི་ཕྱིར། །ཁྱི་དང་ཕག་པའི་སྤྱོད་པ་བྱ། །རྒྱུད་ལྡན་སྣོད་དང་ལྡན་པ་ལ། །མ་ནོར་ཆོས་ཉིད་སྦྱོད་པ་བྱ། །གཞན་ཡང་ཐབས་ཆེན་བསམ་ཡས་པས། །ཇི་ལྟར་འཚམ་པའི་སྤྱོད་པ་བྱ། །ཕུང་པོ་ཁམས་དང་སྐྱེ་མཆེད་དང་། །ཡུལ་དང་དབང་པོ་རྣམ་པར་ཤེས། །ཐམས་ཅད་རྒྱལ་བའི་དཀྱིལ་འཁོར་ཆེ། །ཕྱི་ནང་གཉིས་ཀ་རྣམ་པར་དག །བྱེད་སྤྱོད་ཐམས་ཅད་ཚོགས་གཉིས་རྫོགས། །ནུས་དང་ཕན་པའི་དབང་ཐེབ་ཅིང་། །བསྒྲུབ་པའི་ལས་དབང་མ་ལུས་དང་། །གང་གི་དགོངས་པ་ཡོངས་རྫོགས་ཤིག །ཟབ་མོའི་དབང་རྣམས་ཐོབ་པ་ཡིས། །ལས་སུ་བྱ་བ་ཆུད་མི་ཟ། །འཕྲིན་ལས་རྩལ་གྱི་བྱེ་བྲག་ཀྱང་། །བསྒྲུབ་པ་སོ་སོའི་ལས་རིམ་དང་། །བདག་གཞ་ཕན་གནོད་བྱེ་བྲག་གིས། །ལས་རྣམས་གང་དང་གང་འོས་བྱས། བློ་ཡི་རིམ་པས་རྣམ་ཕྱེ་ནས། །རིམ་གྱིས་འཇུག་དང་གཅིག་ཅར་འཇུག །བདག་གཞན་ལས་རྣམས་གང་ལ་ཡང་། །གཉིས་མེད་རྟོགས་པ་རབ་ཏུ་གཅེས། །མཉན་བསམ་བསྒོམ་་པའི་ཤེས་རབ་ཀྱིས། །སྣོད་ངན་རྣམས་ཀྱི་སྐྱོན་བསམ་ནས། ཁྲེས་དང་བརྟན་དང་གོམས་པར་བྱ། །ཏིང་འཛིན་བརྟན་པའི་བློ་ཅན་གྱིས། །བླང་དོར་མེད་པས་དོན་བསྒྲུབས་ན། །ཕྱི་ནང་དངོས་གྲུབ་ཐམས་ཅད་ཀྱང་། །གང་ལ་དམིགས་པ་འགྲུབ་ཅེས་བཤད། །གཞི་རྟེན་མེད་པར་གྱུར་པས་ན། །ཀུན་གྱི་བླར་ནི་དམ་ཚིག་བསྲུངས། །ཐོག་མ་ནས་མཐར་འདིས་འབྱིན་པས། །ལྷག་པའི་དམ་ཚིག་གཙོར་བླང་གཅེས། །གཞན་ཡང་དོན་དང་མི་ལྡན་པའི། །གང་ཟག་ཀུན་གྱིས་བྱ་བ་མིན། །ཐོས་པ་ཆུང་དང་མན་ངག་མེད། །འཛིན་རྟོག་ཆེ་དང་བློ་སྡར་བས། །ལས་འདི་བརྩམས་ཀྱང་མི་འགྲུབ་སྟེ། །རྟོག་པའི་ནད་ཀྱིས་རང་ལ་འམུ །དམ་ཚིག་ཉམས་དང་བཀའ་ཆལ་དང་། །བསྡིགས་པ་ཙམ་དང་བཅངས་པ་ཡིས། །འགྲུབ་པར་རེ་ལས་མི་འགྲུབ་སྟེ། །རང་གི་འབྲས་བུ་རླག་པར་བྱེད། །ཆོས་ཉིད་བློ་ལ་མ་ཞུགས་ཤིང་། །ལྟ་བ་ཆུང་བས་འཁུ་འཁྲིག་ཟོས། །བཀའ་རྟགས་ཕྱག་རྒྱ་མ་བྱིན་ཤིང་། །དབང་བསྐུར་གནང་བ་མ་ཐོབ་པས། །ལས་འདི་བརྩམས་ཀྱང་མི་འགྲུབ་སྟེ། །ཆེ་དང་སྲོག་གི་བར་ཆད་འོང་། །ཉམས་དང་སྡིག་ལ་མི་འཛེམ་དང་། །སྙིང་རྗེ་ལམ་དང་བྲལ་བ་ཡིས། །བརྩམས་ཀྱང་འབྲས་བུ་ཐོབ་མི་འགྱུར། །དེ་ཕྱིར་མཁས་ཉམས་ལྡན་པ་ཡིས། །ནང་གི་ལས་རྣམས་བརྩམ་པར་བྱ། །འཇིགས་བྱེད་གསང་བའི་སློབ་དཔོན་ནི། །གསང་བའི་ཆོས་ལ་གོམས་པ་དང་། །སྦས་པའི་བརྡ་དང་ཐབས་ལ་མཁས། །ཕྱི་ནང་རླུད་ཁར་གསེར་ལྟར་ལྕི། །བརྩོན་འགྲུས་ཆེ་ཞིང་ཤེས་རབ་མྱུར། །གཙང་བཙོག་ཆུང་ཞིང་ལས་ལ་མཁས། །དབང་རྣམས་རྫོགས་ཤིང་ཐོས་པ་ཆེ། །དེ་ལས་བཟློག་པའི་སྐྱོན་སྤོངས་ལ། །གསང་བ་དམ་པའི་བླ་མར་གསུངས། །བླ་མ་ལུང་ལྡན་དེས་ཀྱང་ནི། །སློབ་བུའི་མཚན་ཉིད་བརྟག་པ་གཅེས། །དད་པས་མི་ལྡོག་དམ་ཚིག་གནས། །རྐྱེན་ཐུབ་ཡིད་ནི་སྦྱངས་པ་དང་། །མན་ངག་ལུང་བསྟན་བླ་མ་འཁུར། །རྡོ་རྗེ་འཛིན་པས་བསྒྲུབ་པའི་འཁོར། །བླ་མ་སྤུན་ལ་རིམ་གྲོ་ཆེ། །ལུས་མཛེས་མཚན་དང་དཔེ་བྱད་ལྡན། །ཡན་ལག་ཐམས་ཅད་ཤིན་ཏུ་མཁས། །འཁོར་ལོ་ཅན་གྱི་འཁོར་ཡིན་ནོ། །ནོར་བུ་རིན་ཆེན་དག་ལ་དགའ། །བླ་མ་ལ་ཡང་འབུལ་བྱེད་ཅིང་། །སྦྱོད་ལམ་ཤིན་ཏུ་མཛེས་པ་ནི། །རིན་ཆེན་འཛིན་པའི་འཁོར་ཡིན་ནོ། །རྫུན་དང་ཕྲ་མ་ཀུན་སྤངས་ཤིང་། །གླུ་དབྱངས་དག་ལ་དགའ་བ་དང་། །ངག་སྦྱངས་ཚིག་རྩུབ་སྤངས་པ་ནི། །པདྨ་འཛིན་པའི་འཁོར་ཡིན་ནོ། །དཔའ་རྩལ་ཆེ་ལ་མཁས་ཤིང་གསལ། །ལས་ལ་བརྩོན་ཞིང་ཆོས་ལ་མཁས། །བླ་མའི་དགོངས་པ་སྐྱོང་བྱེད་པ། །སྣ་ཚོགས་ལས་ཀྱི་འཁོར་ཡིན་ནོ། །ཡོན་ཏན་ཐམས་ཅད་ལྡན་པའམ། །ཀུན་གྱིས་ཁུར་ཞིང་སྤྱོད་ལམ་མཛེས། །སྤྱི་ཡི་དཀྱིལ་འཁོར་དག་ལ་ཤིས། །རྐྱེན་ཐུབ་མི་ལྡོག་དམ་ལ་གནས། །སྣོད་ལྡན་ངང་ཚུལ་རིང་བ་དང་། །དེས་ཤིང་འཇམ་ལ་སྙན་པར་སྨྲ། །འཕྲལ་མཛངས་འགྲོགས་ཀྱང་སྐྱོ་དུབ་མེད། །སྤྱོད་པ་ཟབ་མོས་མི་སྐྲག་ཅིང་། །རིགས་བཙུན་རྒྱུད་བཟང་བསྒྲུབ་པའི་གཡོགས། །མི་ཕྱེདབདུན དང་ལྡན་པ་ནི། །བསྒྲུབ་པ་ནང་གི་གཡོག་ཡིན་ནོ། །སློབ་མ་དཔའ་བརྟུའ གཙངསྦྲ་ཅན། །སྦྱོར་སྒྲོལ་ལས་ལ་ཐོགས་པ་མེད། །ངང་ཚུལ་བཟང་ལ་དོན་གཞུང་སྤྱོད། །རྣམ་རྟོག་ཆུང་ཞིང་ཤེས་རབ་ཆེ། །རྒྱུད་ལ་བློ་ཞེན་བསྒྲུབ་ལ་བརྩོན། །གསང་བ་དྲག་པོའི་འཁོར་ཡིན་ནོ། །དེ་དང་མི་ལྡནགང་ཟག་ནི། །དད་པ་ཆུང་དང་ཐེག་པ་དམན། སློབ་དཔོན་མེད་དང་དཔེ་རྟེན་དང་། །ཁུ་འཁྲིག་ཚེ་དང་ཚོར་རྐྱེན་དང་། །སྐྱོ་རྐྱེན་སྐྲུན་རྐྱེན་གསུམ་ལུས་ཀྱིས། །ལས་རྣམས་བརྩམས་ཀྱང་མི་འགྲུབ་སྟེ། །ཉེན་དང་ཡ་ཀ་དག་དང་བཅས། །ཀུན་གྱིས་སྐུར་བའི་གནས་སུ་འགྱུར། །ཞེས་སོགས་སོ། །རྡོ་རྗེ་མེ་ལྕེ་འཕྲེང་བའིརྒྱུད་ཆེན་པོ་ལས། ཕྱི་ནང་གསང་བའི་བླ་མ་དང་སློབ་མའི་མཚན་ཉིད་བསྟན་པའི་ལེའུ་སྟེ་གསུམ་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ཁྲག་འཐུང་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ། །གང་ཟག་དང་པོའི་ལམ་པ་ཡིས། །འདི་ཡི་ས་མཚམས་ཉེས་དམིགས་དང་། །དམ་ཚིག་ཇི་ལྟར་བསྲུང་བར་བགྱི། །བདེ་བར་གཤེགས་པས་བཤད་དུ་གསོལ། །ཞེས་གསོལ་བ་བཏབ་པས།བཅོམ་ལྡན་དས་གསང་བ་མཆོག་གི་བདག་པོས། རྡོ་རྗེ་ཡིད་ཀུན་ཏུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །གཞུང་འདི་བསྒྲུབ་པའི་རྣལ་འབྱོར་པས། །དམ་ཚིག་མེད་ན་མི་འགྲུབ་པས། །དེ་བས་དམ་ཚིག་ཤིན་ཏུ་གཅེས། །འདི་ནི་རྣམ་དག་ལེགས་པའི་ལམ། །བྱང་ཆུབ་མཆོག་ཏུ་འགྲོ་བའི་གནས། །བདེ་མཆོག་མི་ཟད་རིན་ཆེན་གཏེར། །དམ་ཚིག་འདི་ནི་མཆོག་ཏུ་གསུངས། །ཡོན་ཏན་མཆོག་གི་འདོད་པ་ནི། །སྣང་སྲིད་མ་ལུས་ཐམས་ཅད་ཀུན། །མཉམ་པའི་ཞིང་དུ་སྦྱོར་བས་ན། །ཆགས་པ་མེད་པའི་ཚུལ་དུ་སྤྱོད། །གསེར་ལས་བྱས་པའི་རྫས་བཞིན་དུ། །བྱ་བ་བྱེད་ཀྱང་གཡོས་པ་མེད། །འདི་ལ་རྟག་ཏུ་སུ་གནས་པ། །རྣལ་འབྱོར་དཀའ་ཐུབ་ཆེན་པོ་གནས། །འདི་མེད་དལ་བ་དོན་མེད་པས། །བསྒྲུབས་ཀྱང་འབྲས་བུ་མེད་པར་འགྱུར། །སློབ་དཔོན་རིམ་པ་གསུམ་ཉིད་ལ། །ཕ་མ་མིག་གི་འབྲས་བུ་ལྟར། །རབ་ཏུ་གཅེས་ཤིང་བལྟ་བར་བྱ། །ཡོན་ཏན་རིན་ཆེན་ཏེར་ཆེན་པོ། །ཐམས་ཅད་མ་ལུས་སྟོན་པ་སྟེ། །ཉོན་མོངས་མ་ལུས་རྩད་གཅོད་ཅིང་། །བླ་མེད་འབྲས་བུ་ཐོབ་བྱེད་པས། །རྡོ་རྗེ་སློབ་དཔོན་རྟག་ཏུ་བཀུར། །དགོས་པའི་ཡོ་བྱད་འབྱོར་ཚོགས་དབུལ། །དེ་ཡིས་དགོས་པ་ཅི་དང་ཅི། །བླ་མ་དམ་པ་དེ་ལ་དབུལ། །གླང་པོ་རྟ་དང་མ་ཧེ་དང་། །དགོས་པའི་ཆུང་མ་བུ་སྨད་རྣམས། །རིན་ཆེན་རྒྱན་གྱིས་བརྒྱན་བྱས་ལ། །གཅེས་པའི་ནོར་རྣམས་དེ་ལ་དབུལ། །རབ་ཏུམིགབཞིནབལྟབརབྱ། །དེ་ཡིས་བསྒོ་བབྲནབཞིནཉན། །མལ་གོས་ཆགས་སོགས་འགོམ་མི་བྱ། །གྲིབ་མ་འགོམ་པར་མི་བྱ་ཞིང་། །ངན་པའི་སྤྱོད་དང་ངན་སྨྲ་དང་། །ངན་པའི་སེམས་ནི་ནམ་ཡང་སྤངས། །བླ་མའི་འཁོར་དང་ཆགས་འབྲེལ་ཡང་། །རབ་ཏུ་མིག་བཞིན་བལྟ་བར་བྱ། །རྡོ་རྗེ་སྐྲུན་ལ་གདུང་བ་བསྐྱེད། །གཅིག་ལ་གཅིག་ནི་མིག་བཞིན་བལྟ། །དེ་ལ་ཉེས་པ་མི་བརྗོད་ཅིང་། །ཁ་ན་མ་མཐོ་ཐམས་ཅད་བསྲུངས། །དགོས་པའི་ནོར་ཡང་ཅི་དགར་སྤྱད། །མདོ་དོན་དགོངས་པ་གཅིག་ཏུ་བསྒྲུབ། །སྲོག་ལ་བབ་ཀྱང་ཆང་ལེན་ལ། །རྡོ་རྗེ་སྐུ་ཡི་དམ་ཚིག་ཡིན། །ཇི་ལྟར་བླ་མས་གཏད་པ་ཡི། །སྐུ་མཆོག་གསལ་བར་བསྒོམས་པ་དང་། །ལྷ་ཡི་དེ་ཉིད་མཚོན་བྱེད་པ། །ཕྱག་རྒྱ་ཆེན་པོ་མཚོན་བྱེད་པ། །ཕྱག་རྒྱ་ཆེན་པོ་རྟག་ཏུ་བཅའ། །སྔགས་ནི་རྟག་ཏུ་བཟླས་པའམ། །ཉིན་ཡང་ལན་གསུམ་མཚན་ཡང་གསུམ། །མཁས་བླངས་དམ་དུ་བཅས་ཏེ་གདོན། །རྡོ་རྗེ་གསུང་གི་དམ་ཚིག་ཡིན། །སྤྱི་གསང་དམིགས་བཅས་རྣམ་གཉིས་དང་། །བར་གསང་དཀྱིལ་འཁོར་རྣམ་པ་བཞི། །གསང་འོས་རྫས་ཀྱི་བྱེ་བྲག་རྣམས། །གསང་གཉེར་ཟབ་མོའི་སྦྱོར་སྒྲོལ་ལགས། །རྡོ་རྗེ་ལྕི་ཡི་ཚུལ་ཡོད་ཀྱང་། །ཐེག་པ་དམན་དང་མ་འདྲེས་དང་། །ཐོ་ཅོ་རང་ཤེས་ར་ཆོད་དང་། །སྐྱེ་བོ་ཕལ་ལ་སྨྲ་མི་བྱ། །བསྒྲུབ་པ་གསང་བའི་ཐབས་མཆོག་དང་། །ཡིད་ཆེས་རྟགས་དང་དངོས་གྲུབ་དང་། །དེ་ཡིས་རྫས་དང་ལག་ཆ་དང་། །མེད་དུ་མི་རུང་རྫས་རྣམས་ནི། །རབ་ཏུ་གསང་ཞིང་སྦ་བར་བྱ། །རྡོ་རྗེ་ཐུགས་ཀྱི་དམ་ཚིག་ཡིན། །རྩ་བའི་དམ་ཚིག་གསུམ་པོ་ནི། །ཉམས་འགྲུར་ཉེས་པ་བརྗོད་མི་ལང་ དེ་བས་ནན་ཏན་མཆོག་ཏུ་བྱ། །ཁམས་གསུམ་འཁོར་བ་ཅན་དག་བསྒྲལ་བར་བྱ། །གཞན་གྱིས་མི་རྟོག་རྫུན་དུ་སྨྲ་བར་བྱ། །དཀོན་མཆོག་མཆོད་ཕྱིར་མ་བྱིན་བླང་བར་བྱང་། །རྟོག་མེད་གཞན་གྱི་བུ་མོ་སྤྱད་པར་བྱ། །འབྱུང་པོ་ཞེ་གཅད་རྔམ་པའི་བརླར་ཚིག་སྨྲ། །འདི་རྣམས་ཁྲག་འཐུང་རྒྱལ་པོའི་མཛད་སྤྱོད་དེ། །སྤྱད་པར་བྱ་བའི་དམ་ཚིག་ལྔ་རྣམས་བསྲུང་། །འདོད་ཆགས་ཞེ་སྡང་གཏི་མུག་ང་རྒྱལ་དང་། །ཕྲ་གདོག་བདེ་གཤེགས་སྐུ་སྟེ་སྤང་མི་བྱ། །ཁྲག་འཐུང་ལྔ་དང་ཡེ་ཤེས་ལྔ་ཡིན་པས། །མི་སྤང་དམ་ཚིག་འདི་དག་མཆོག་ཏུ་བསྲུངས། །དཀར་བརྩི་དམར་རྩི་དྲི་ཆེན་ཤ་ཆེན་དང་། །དྲི་ཆུ་མཆོད་པའི་རྫས་ཏེ་དང་དུ་བླང་། །དག་པའི་རང་བཞིན་བདུད་རྩི་ལྔ་ཡི་དངོས། །ཟས་མཆོག་བཟའ་ཞིང་མཆོད་པ་དབུལ་བ་དང་། །ནད་ལྔ་བསལ་དང་བཅུད་ལྔ་བ་་བ་དང་། །ཐུན་མོང་དགོས་པ་བསྒྲུབ་ཕྱིར་དང་དུ་བླང་། །ཕུང་པོ་འབྱུང་བ་རྣམ་ཤེས་དབང་པོ་དང་། །ཕྱོགས་དང་ཁ་དོག་ཡན་ལག་ཉོན་མོངས་སོགས། །རིགས་ལྔ་ཡེ་ཤེས་ལྔ་རུ་ཤེས་པར་བྱ། །ཕྱི་ནང་སྣང་སྲིད་སྣོད་བཅུད་འཁོར་བའི་ཆོས། །རིགས་ལྔ་ཡེ་ཤེས་ལྔ་ཡི་རང་བཞིན་ལས། །རིགས་ཀྱི་ཁྱད་པར་ཡེ་ཤེས་ལྔ་ཉིད་དུ། །རྒྱས་བཏབ་སངས་རྒྱས་ཞིང་དུ་ཤེས་པར་བྱ། །འབྲས་བུ་ཡང་དག་ངེས་གདོན་མི་ཟའོ། །གལ་ཏེ་ཉམས་པར་གྱུར་ན་ནི། །དེ་ལས་བསྐང་བར་བྱ་བའི་ཐབས། །རྩ་བའི་དམ་ཚིག་གསུམ་ཉམས་ན། །རང་གི་དམ་པ་སྤྱན་དྲངས་ལ། །ཕྱི་ནང་གསང་བའི་དབང་ནོས་ཏེ། །འབྱོར་པ་ཅི་ཡོད་དེ་ལ་དབུལ། །ཚོགས་ཀྱི་འཁོར་ལོ་ཆེན་པོ་བསྐོར། །ཅི་འབྱོར་མཆོད་པ་ཕུལ་བྱས་ནས། །དེ་ཡིས་སྐོངསཔར་འགྱུར་ཞེས་བཤད། །ཡན་ལག་ཉམས་ན་ཚོགས་མཆོད་བྱ། །ཉམས་པ་དག་དང་འགྲོགས་མི་བྱ། །ཉིན་མཚན་ནུབ་རེར་དམ་བཅས་ལ། །རང་གི་སྤྱི་བོར་ཟླ་སྟེངས་སུ། །འཁོར་ལོའི་ལྷ་ཚོགས་གསལ་བལྟས་ལ། །ཕྱི་ནང་གསང་གསུམ་མཆོད་པ་དབུལ། །གཙོ་བོར་ཐུགས་ཀའི་ས་བོན་ལས། །ཕྱི་ནང་ལྷ་མོ་གསལ་འཐོན་ཏེ། །བདུད་རྩི་དག་པའི་ཆུ་རྒྱུན་གྱིས། །བདག་གི་སྤྱི་གཙུག་དག་ནས་བསྐུར། །ལུས་ངག་ཡིད་གསུམ་དག་བྱས་ཏེ། །གཟུང་འཛིན་རྣམ་རྟོག་བསྲེགས་བསམ་ནས། །འདི་ནི་བསྐང་བའི་དམ་པ་ཡིན། །གཞན་ཡང་བསྲུང་བའི་བའི་རིམ་པ་ནི། །རྡོ་རྗེ་དཔོན་བཀའ་ཉན་ཞིང་། །མན་ངག་སྟོན་པར་ཁུར་བྱེད་དང་། །མཆེད་དང་ལྕམ་དྲལ་སྐྲུན་ལྟར་བརྩེ། །བསྟན་པའི་དོན་བཞི་གཞུང་ཀློག་ན། །འདི་ཡང་བསྲུང་བའི་རིམ་པ་ཡིན། །བསྒྲལ་བའི་ཞིང་བཅུར་གྱུར་པ་ལ། །དཔྱང་ཐག་ཆད་པས་སྒྲོལ་བས་ན། །འདི་ཡང་བསྲུང་བའི་རིམ་པ་ཡིན། །ཉིན་མཚན་དུས་མེད་སྔགས་ཏིང་འཛིན། །ཕྱག་རྒྱ་མི་སྤོང་བསྲུང་བ་ཡིན། །གསང་ཐུབ་མན་ངག་འཚོ་མཁས་དང་། །ཡུན་དུ་བསྟན་དང་ངེས་ཆེ་བ། །བསྲུང་རིམ་མཆོག་ཏུ་གྱུར་པ་ཡིན། །ཤེས་རབ་རྣམ་གསུམ་དངོས་སུ་འཛིན། །འདུ་འཛི་མི་འཕྲོགས་བསྒྲུབ་ལ་བརྩོན། །གབ་བའི་གསང་བ་གཏིང་འབྱིན་ཅིང་། །སྦས་པའི་གསང་བ་གཞུད་ཐུབ་ན། །འདི་ཡང་བསྲུང་པའི་རིམ་པ་ཡིན། །སློབ་དཔོན་མཉེས་པའི་ཡོན་ཕུལ་ནས། །དབང་རྣམས་རིམ་པར་ནོད་བྱེད་པ། །འདི་ཡང་བསྲུང་བའི་རིམ་པ་ཡིན། །མཆོད་པ་རྒྱུན་མི་འཆད་པར་དབུལ། །ལས་ཀྱི་ཕྱག་རྒྱ་གཞུང་སྲོང་ན། །འདི་ཀུང་བསྲུང་པའི་རིམ་པ་ཡིན། །སྤྱིར་ན་དམ་ཚིག་བསམ་ཡས་ཀྱང་། །བསྙེན་པའི་དམ་ཚིག་རྟོགས་པ་གཅེས། །བསྲུང་བའི་དམ་ཚིག་བསྲུང་བར་བྱ། །ལྷག་པའི་དམ་ཚིག་གནས་བྱས་ནས། །ཐུན་མོང་ཁྱད་པར་མཆོག་རྣམས་འགྲུབ། །དེ་ཕྱིར་སོ་མཚམས་མཁས་བཞིན་བསྲུང་། །སོ་སོའི་ཐེག་པ་བསམ་ཡས་པ། །སོ་སོར་ཉམས་པ་མེད་པ་བདེ། །འཇིག་རྟེན་པ་ལ་ཆད་མདོ་བཙན། །དགེ་བ་སྤྱོད་ལ་མི་དགེ་སྤང་། །འདུལ་བ་འཛིན་པ་བསྲུངས་ན་བདེ། །བྱང་ཆུབ་ས་ལ་གནས་པ་རྣམས། །ཉམས་པ་མེད་པའི་ལས་ཀྱང་བྱ། །གཙང་སྦྲ་ཡོད་ལ་གཙང་སྦྲ་བྱ། །གསང་སྔགས་སྤྱོད་ལ་ཉིད་ཀྱིས་འགྲུབ། །སྤྱིར་ན་ཐེག་པའི་གཞུང་བསྲུངས་ན། །འོག་མའི་འདུལ་སྡོམ་དམ་ཚིག་གསུམ། །བསྲུངས་བ་མེད་པར་ཐུབ་པས་ན། །དགེ་སློང་བྱང་ཆུབ་སེམས་དཔའ་དང་། །རྣལ་འབྱོར་རྣལ་འབྱོར་ཆེན་པོ་ཡིན། །འདི་དག་ཉམས་པའི་སྐྱོན་རྣམས་ནི། །འདིར་ཡང་ཉེས་པ་སྣ་བཅུ་ཡོང་། །ཆོས་ལ་བྱིན་བརླབས་མི་འབྱུང་ཞིང་། །ཅི་བསམ་ལས་ལ་འབྲས་བུ་མེད། །ཡ་ཁ་མ་ཉེས་ཁ་ཡོགས་འབྱུང་། །ཀུན་གྱིས་སྐུར་བའི་གནས་སུ་འགྱུར། །མཛེ་དང་ནད་ངན་སྣ་ཚོགས་འོང་། །ཕྱིས་ཀྱང་ནག་རག་དམྱལ་བར་སྐྱེ། །དེ་ལ་སྡུག་བསྔལ་བཟོད་གླགས་མེད། །དེ་ནས་བསྐལ་པར་ཐར་མི་སྲིད། །སྟེང་ནས་ཐོབ་ཐོགས་པས་བརྡུང་། །ལོགས་ནས་སྟ་རེ་ཐོགས་པས་གཅོད། །ཞབས་ནས་མཚོན་དང་རལ་གྲིས་འཐུབ། །དམ་ཅན་ཚོགས་ཀྱིས་སྙིང་ཁྲག་ལེན། །མགོ་བརྙན་ཚོགས་ཀྱི་ཤ་རུས་འབྲེལ། །ཁྲོ་བོ་ཕ་བཅུ་མ་བཅུ་ཡང་། །དམ་ཚིག་ཉམས་པའི་བདུད་དུ་འབབ། །རྡོ་རྗེ་གཞོན་ནུ་གཤེད་དུ་འབབ། །འཆི་འཕོ་དམྱལ་བའི་གནས་སུ་འཚེད། །དེ་བས་ནན་ཏན་བསྐྱེད་ཅེས་གསུངས། །གཞན་ཡང་སེམས་ཅན་དོན་བྱ་བ། །འདི་ཡང་བསྲུང་བའི་རིམ་པ་ཡིན། །མ་ནོར་གཞན་ལ་ཕན་གདགས་ཕྱིར། །རིམ་པ་བཅུ་གསུམ་བསྲུང་བར་བྱ། །མི་དབང་ཤ་ཕྱེ་སྐམས་པ་དང་། །སྤང་རྒྱན་འུག་པའི་ཤ་ཁྲག་དང་། །འབྲས་བུ་གསུམ་དང་བ་ལི་ཀ །ལྕེ་པོག་དང་ནི་དུ་ར་ཀ །རྒྱ་སྤོས་ཨ་ཀ་རུ་དག་དང་། །ཙན་དན་དཀར་དམར་པདྨ་དང་། །ལུག་མིག་གྲིབ་མར་སྐམས་པ་དང་། །གླིང་བཞི་པ་ཡི་བནྟྲ་སྲ །བླུགས་ཏེ་བཟླས་པ་ཁྲི་ཕྲག་གཉིས། །གྲངས་ཚད་ཕྱེ་མར་བཏགས་ནས་ནི། །བདུད་རྩི་ལྔ་དང་རབ་སྤྲུས་ལ། །ལག་ཏེ་གྲུ་གསུམ་སྟེ་བཞག་ན། །བདེ་གཤེགས་ཏིང་འཛིན་འོད་ཀྱིས་བསྟིམ། །སྔོ་གཅིག་མ་ཡི་ཞུན་དུ་གཏུམ། །བདེན་པ་བདར་ཏེ་མགུལ་དུ་གདགས། །མཁའ་འགྲོ་མ་དང་གདུག་པའི་ཚོགས། །རབ་ཏུ་ཁྲོས་ཀྱང་མི་ཚུགས་ན། །གདོན་རྣམས་གླགས་ལྟ་སྨོས་ཅི་དགོས། །སྨན་གྱི་བསྲུང་བ་དང་པོའོ། །འབར་བའི་འཁོར་ལོ་རྩིབས་བཅུ་ནི། །དུར་ཁྲོད་དག་གི་རས་ལ་བྲི། །འདྲེ་འབྲོས་ཐང་ཆུ་ཚིལ་ཆེན་བླུག །སྔགས་ཀྱི་འཕྲེང་བས་དབང་བསྐུར་ལ། །ཁྲི་ཕྲག་བདུན་དུ་གསང་སྔགས་བཟླས། །སྟེང་འོག་ཕྱོགས་མཚམས་ཐམས་ཅད་དུ། །ཐལ་བའི་ཐིག་ལེ་ཆེན་པོ་བྱ། །དབུས་སུ་འཁོར་ལོ་རབ་བཞག་ལ། །ཏིང་འཛིན་འོད་དང་བཅས་པས་བལྟ། །རབ་ཏུ་གཙིགས་ཤིང་ཞལ་གདངས་པས། །ཐལ་མོ་ལན་གསུམ་བརྡབ་བྱས་ཏེ། །ཁྲོ་བོ་བཅུ་ཡི་སྟང་སྟབས་ཀྱིས། །ཕྱོགས་མཆམས་ཐམས་ཅད་བསྐོར་བར་བྱ། །འདིས་ནི་ལྷ་སྲིན་སྡེ་བརྒྱད་ཀྱང་། །བརྒྱལ་བར་འགྱུར་ཏེ་མི་ཚུགས་ན། །བགེགས་ལ་སོགས་པ་སྨོས་ཅི་དགོས། །འཁོར་ལོས་བསྲུང་བ་གཉིས་པའོ། །གཞན་ཡང་འཁོར་ལོས་བསྲུང་་བ་ནི། །གདུག་པའི་འཁོར་ལོ་རྩིབས་བརྒྱད་པ། །དུར་ཁྲོད་རས་སམ་ཤིང་ཤུན་ལ། །ལྡོང་རོས་དུག་དང་གུ་གུལ་བསེ། །དུར་ཁྲོད་སྨྱུག་གུས་འཁོར་ལོ་བྲི། །དྲག་པོ་སྔགས་ཀྱི་ཡི་གེ་རྣམས། །མཐའ་མ་གྲྭཧྭ་བཏགས་ཏེ་བྲི། །འཁོར་ལོ་དབུས་སུ་རབ་ཞག་ལ། །ལྷ་རྣམས་བསྐྱེད་ལ་ཡེ་ཤེས་ལྷ། །དགུག་དང་གཞུག་དང་བསྟིམ་པ་བྱ། །མཆོད་པ་ཕུལ་ཏེ་ཁྲོས་པས་བརྟགས། །རྣལ་འབྱོར་ལག་ཏུ་རབ་བླངས་ལ། །ཨ་ལ་ལ་ཡི་སྒྲ་ཡང་བརྗོད། །ལྕགས་ཀྱུས་འཁོར་ལོ་བསྐོར་བྱས་ལ། །རྡོ་རྗེ་གསང་བའི་བཀའ་འདི་ལ། །སུ་ཡང་འདའ་བར་མ་བྱེད་ཅིག །གལ་ཏེ་བཀའ་ལས་འདས་གྱུར་ན། །གདོན་བགེགས་གནས་པ་སྨོས་ཅི་དགོས། །དེ་བརྗོད་ལག་གཡོན་དཔུང་རྩ་གདགས། །ཆོ་ ག་ལེགས་པས་གོ་གོན་ལ། །འབྱུང་པོའི་གདོན་དང་མཁའ་འགྲོའི་ཚོགས། །འཚེ་བ་རྣམས་ཀྱིས་མི་ཚུགས་སོ། །འཁོར་ལོས་བསྲུང་པ་གསུམ་པའོ། །ཚིལ་ཆེན་མེ་མར་དུད་པ་ལ། །པདྨའི་བནྟྲས་སྟེང་ནས་དགབ། །བདུད་རྩི་དང་སྦྱར་ཁུ་བ་ལ། །དུད་འགྲོ་རྐང་གི་སྨྱུ་གུ་ཡིས། །གསང་སྔགས་ཡི་གེ་འཕྲེང་བ་ནི། །གྲོ་ག་ཤིང་ཤུན་དག་ལ་བྲི། །སོ་མ་བཏང་བའི་བུམ་པར་གཞག །འབྲུ་རྣམས་རེ་ལ་བརྒྱ་རྩ་བརྒྱད། །སྔགས་ཀྱི་བཟླས་པ་རབ་ཏུ་འབད། །བསྟོད་དང་འཕྲིན་ལས་བཅོལ་བ་དང་། །བརྡེག་བརྡུང་དུར་ཁྲོད་རས་ལ་དྲིལ། །ཁྲོས་པའི་སེམས་བཅས་མགུལ་དུ་གདགས། །གདུག་པ་ཅིས་ཀྱང་ཚུགས་མི་འགྱུར། །སྔགས་མཆོག་བསྲུང་བ་བཞི་པའོ། །དུར་ཁྲོད་རས་སམ་ཤིན་ཤུན་ལ། །གུ་གུལ་ཚིལ་ཆེན་བསྲེས་ལབྱུག །དུག་དང་གདུག་བའི་སོལ་བ་ཡིས། །འཁོར་ལོ་བཅུ་འམ་བརྒྱད་དམ་གསུམ། །གཉིས་ལ་སོགས་པ་བྲི་བར་བྱ། །སྔགས་ཀྱི་ཡི་གེ་གསལ་བལྟས་ལ། །སྔགས་ཀྱིས་སེམས་དཔའ་འཁོར་བཅས་བསྐྱེད། །ཡེ་༄༅། ཁྲེས་འཁོར་ལོ་དགུག་གཞུག་དང་། །མཆོད་དང་བསྟོད་པ་རྫོགས་པར་བྱ། །ཕྱོགས་དང་མཚམས་རྣམས་འཁོར་ལོས་གཏམས། །བདག་ཉིད་སྙིང་པོར་གནས་བཅས་ལ། །བར་དུ་གཅོད་བ་གང་གིས་ཀྱང་། །དེ་ལ་ཚུགས་པར་མི་འགྱུར་རོ། །འཁོར་ལོས་བསྲུང་བ་ལྔ་པའོ། །དུར་ཁྲོད་རས་ལ་སོར་བཞི་པའི། །དུམ་བུ་གཉིས་ནི་རབ་བླངས་ལ། །ཡབ་ཡུམ་བྱང་ཆུབ་སེམས་ཀྱིས་བྱུག །དུག་དང་ཚ་བའི་རྫས་རྣམས་ལ། །ཙ་ར་བམ་གྱི་སྙིང་ཁྲག་སྦྱར། །བྱ་རོག་སྒྲོ་རྩའི་སྨྱུ་གུ་ཡིས། །གཅིག་ལ་ཉི་མའི་དཀྱིལ་འཁོར་བྲི། །གཅིག་ལ་ཟླ་བའི་དཀྱིལ་འཁོར་ལ། །དབུས་སུ་གསང་སྔགས་སྙིང་པོ་བྲི། །འོད་འཕྲོས་ཐབས་དང་ཤེས་རབ་ཀྱིས། །ལྷ་གཉིས་གསལ་བར་རབ་བལྟས་ལ། །ཆོས་ཀྱི་དབྱིངས་སྒྲུབ་གསང་སྔགས་ཁྲི། །བཟླས་པ་ཁ་སྤྲོད་རྡོ་རྗེའི་རྒྱ། །བཏབ་ལ་རི་ལུ་བྱས་ནས་ནི། །གསང་བ་རྒྱ་ཡིས་ལུས་ལ་བྱུག །གང་གི་སྙིང་ཁར་དེ་བྱུག་ལ། །རྡོ་རྗེ་གསུམ་གྱི་གནས་བསྲུང་བྱ། །རྡོ་རྗེ་འཛིན་པས་མི་ཚུགས་ན། །གདོན་ལ་སོགས་པ་སྨོས་ཅི་དགོས། །གསང་བས་བསྲུང་བ་དྲུག་པའོ། །དུར་ཁྲོད་རས་ལ་འཁོར་ལོ་བྲི། །བདུག་པའི་སྨན་གྱིས་དེ་ལ་བསྐུ། །དེ་སྟེང་དང་པོའི་སྨན་རྣམས་གཞག །རི་ལུ་བྱ་ཞིང་སྔགས་བཟླས་ལ། །བདུད་རྩི་ལྔ་པ་སྔགས་ཤིང་གསིང་། །སྔགས་བཟླས་ལུས་ལ་བྱུག་པར་བྱ། །བདུད་རྩི་ལྔ་ལ་དུས་བཞི་མྲ །སྔགས་བཟླས་ལུས་ལ་བྱུག་ཡི་གེའི་འཕྲེང་བ་དགོད། །གསལ་བའི་ལྷ་ཡང་བསམ་པར་བྱ། །ཕྱིར་བལྟས་པ་དང་ནང་བལྟས་པའི། །དེ་ཡིས་རང་བཞིན་བསྲུང་བར་བསམ། །བདག་གམ་གཞན་ལ་ཁྲོ་སེམས་བསྐྱེད། །གནས་བཞི་རུ་ནི་འཁོར་ལོ་གདགས། །དེ་ལས་འོད་འཕྲོས་ལུས་བསྲུངས་ན། །སྔགས་པ་ནང་གིས་ཚུགས་མི་འགྱུར། །ཕྱིར་བཟློག་བསྲུང་བ་བཅུ་གཅིག་པ། །ལག་གཡས་ཉི་མའི་དཀྱིལ་འཁོར་ལ། །བཅོམ་ལྡན་སྔགས་ཀྱི་རྒྱལ་པོ་བསྐྱེད། །ལག་གཡོན་ཟླ་བའི་དཀྱིལ་འཁོར་ལ། །འཁོར་ལོ་རྒྱས་འདེབས་བསྐྱེད་པར་བྱ། །རྗེས་སུ་ཆགས་པ་ཚུལ་བཞིན་བསྐུལ། །དབུས་སུ་ཉུངས་ཀར་རྒྱལ་པོ་གཞག །སྦྱོར་བའི་བྱང་ཆུབ་སེམས་དེ་ལ། །འཕྲོས་པས་ཆུང་ལ་འདོད་པའི་སྐུ། །འབུམ་མམ་བྱེ་བ་བསམ་ཡས་པར། །ཁྲོས་པའི་རྒྱལ་པོ་འབར་བར་བརྟག །དེ་ལ་གསང་སྔགས་མང་བཟླས་ཏེ། །གང་གི་སྐྱེའམ་ལུས་ལ་གདགས། །དེ་ལ་ཅིས་ཀྱང་ཚུགས་མི་འགྱུར། །ཉུངས་ཀར་བསྲུང་བ་བཅུ་གཉིས་པའོ། །གདུག་པ་དྲག་པོས་བསྲུང་བ་ནི། །བན་དྷ་གླིང་དྲུག་ནང་དུ་ནི། །གུ་གུལ་དཀར་ནག་གཉིས་བསྲེས་ལ། །ཁྱི་དང་སྤྱང་ཁུའི་དྲི་ཆེན་དང་། །མེ་རེག་རྐང་གཅིག་ཐང་ཆུ་དང་། །བྱ་དམར་ཁྲག་དང་སྐྱེ་ཚེ་དང་། །སྐྱི་འབྲུམ་བཏགས་ཏེ་བནྟྲར་བླུག །བདུད་རྩི་ལྔ་ཡི་ཁུ་བས་བྲན། །གསང་སྔགས་འབུམ་ཏུ་བཏོན་ནས་ནི། །ཉ་ནས་གནམ་སྟོང་བར་དུ་བསྒྲུབ། །ཉི་ཕྱེད་དགོངས་ཀྱི་དུས་སུ་ནི། །གསང་སྔགས་དྲག་པོར་བཟླས་བྱ་ཞིང་། །དུག་ཤིང་གདུག་པའི་མེ་བཏང་ལ། །ཚིལ་ཆེན་ཞུན་མར་དག་དང་སྦྱར། །མཆོག་གི་རྐང་གིས་དཀྲུག་བྱ་ཞིང་། །ལེགས་པར་འདྲེས་དང་ཕོག་ལ་དཀྲུག །དེ་ནས་དྲངས་དངརྐང་གིས་བླངས། གསང་སྔགས་བཟླས་ཤིང་རི་ལུ་བྱ། །ལས་ཀྱི་གསང་སྔགས་འབུམ་དུ་བཟླས། །དེ་ཡི་རི་ལུ་བདུག་པ་དང་། །མགུལ་དུ་བཏགས་ན་ཅིས་ཀྱང་ནི། །ཚུག་པར་འགྱུར་བ་ག་ལ་སྲིད། །བསྲུང་བའི་རིམ་པ་བཅུ་གསུམ་པའོ། །ཞེས་བརྗོད་པས། ཕྱི་ནང་གསང་བའི་དམ་ཚིག་དབྱེ་བ་མེད་པའི་ངང་ལ་ལྷུན་གྱིས་གནས་པར་གྱུར་ཏོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། བྱི་ནང་གསང་བའི་དམ་ཚིག་ངེས་པར་བསྟན་པའི་ལེའུ་སྟེ་བཞི་པའོ།། །།དེ་ནས་ཡང་ཀརྨ་ཀི་ལ་ཡས། བཅོམ་ལྡན་འདས་དཔལ་ཁྲག་འཐུང་རྒྱལ་པོ་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་མའོ་བཅོམ་ལྡན་ཐུགས་རྗེ་ཅན། །དཔའ་བོ་ལས་རྣམས་ཡོངས་རྫོགས་བདག །རྗེས་སུ་འཇུག་པའི་གང་ཟག་ལ། །གནས་ལ་སོགས་པ་མི་འཚལ་ལམ། །དེ་ཡི་ལས་རིམ་ཇི་ལྟར་པས། །སྤང་བླང་རིམ་པ་བཤད་དུ་གསོལ། །ཞེས་གསོལ་བ་བཏབ་པས། །བཅོམ་ལྡན་གསང་བ་མཆོག་གི་བདག་པོས་བཀའ་སྩལ་པ། ལས་ཀྱི་སེམས་དཔའ་ཡང་ཉོན་ཅིག །རྣལ་འབྱོར་ལས་ཀྱི་དང་པོ་ལས། །གནས་ཀྱི་དམ་པ་བརྟག་པ་གཅིག །དེ་ཡིས་སྤང་བླང་རིམ་པ་དང་། །ལས་ཀྱིརིམ་པ་ངས་བསྟན་གྱིས། །རྟོགས་ཤིང་ཁོང་དུ་ཆུད་བར་གྱིས། །གནས་ནི་ཉམས་དགའ་བཀྲ་ཤིས་དང་། །བྱིན་བརླབས་གཞུང་དང་ལྡན་པའོ། །དེ་དག་སོ་སོའི་རིམ་པ་ནི། །ཟུར་བརྒྱད་ལ་སོགས་རྩེ་མངས་དང་། །ཆུ་བོ་བཞིན་དུ་མ་བོ་ཞིང་། །མཉམ་ཞིང་འོ་གའི་ཆུ་ལྟར་དང་། །འདུག་ན་ཉམས་དགའ་བལྟ་ན་མཛེས། །ཉི་མ་བཞིན་དུ་གནས་པ་གཅེས། །ཞབས་ཀྱིས་བཅག་པའི་གནས་དག་ནི། །བཀྲ་ཤིས་ཡོན་ཏན་ཕུན་སུམ་ཚོགས། །ཡང་ན་སྔར་གྱི་ནུས་པ་ཅན། །རྟགས་དག་ཕྱིན་པ་མཆོག་ཏུ་ལེགས། །ཕྱི་ནང་གསང་བའི་གཞུང་ལྡན་པ། །རི་བོ་རི་བྲན་འདུས་པའི་སྤྱི། །གངས་རི་བྲག་དཀར་འདབ་ཆེན་ནི། །སེང་ཆེན་འཕྲ་བའི་གནས་ཡིན་ཏེ། །ཞི་བ་བསྒྲུབ་པའི་ལས་ལ་ཤིས། །ཕུག་ཆེན་དགོན་པ་ཆེན་པོའམ། །བྲག་ཆེན་རྡོ་རྗེ་གཏམས་པ་འདྲ། །གཅན་ཆེན་འཁྲ་བའི་གནས་ཤེས་བྱ། །མངོན་པར་སྤྱོད་པ་བསྒྲུབ་པའི་གནས། །དུར་ཁྲོད་ངམ་གྲོག་གནས་རྣམས་དང་། །སུམ་མདོ་གྲོག་གླེང་བཞུགས་པའི་གནས། །དུར་ཅན་འཁྲ་བའི་གནས་ཤེས་བྱ། །དབང་དུ་བསྡུ་བ་བསྒྲུབ་པའི་གནས། །ནགས་ཚལ་མང་པོས་གཏིབས་པ་དང་། ཁེན་ཏུ་བཙན་དང་འཇིགས་པའི་ངོས། །སྟག་གཟིག་འཁྲ་བའི་གནས་ཞེས་བྱ། །འདོད་པའི་བསྒྲུབ་པའི་གནས་སུ་ཤིས། །མཚོ་གླིང་ཆུ་མདོ་རྒྱ་མཚོའི་འཇིངས། །ཆུ་ཡི་གླིང་ངམ་རྒྱ་མཚོའི་གནས། །ཆུ་གཅན་འཁྲ་བའི་གནས་ཞེས་རིགས་ཀྱི་བསྒྲུབ་བའི་གནས། །རིན་ཆེན་ཁ་དོག་རྣམ་ལྔའམ། །རིན་ཆེན་ཟུར་བརྒྱད་དབྱིབས་འདྲ་དང་། །འབྲས་བུ་སྣ་ཚོགས་ཡོད་པ་ནི། །རིན་ཆེན་རིགས་ཀྱི་བསྒྲུབ་བའི་གནས། །ཙན་དན་ནགས་དང་མེ་ཏོག་ཚལ། །ཀླུ་ཤིང་ཉམས་དགའ་ཡིད་འོང་བ། །མེ་ཏོག་རྣམས་ཀྱིས་ཤིན་ཏུ་མཛས། །པརློ་རིགས་ཀྱི་བསྒྲུབ་པའི་གནས། །དུར་ཁྲོད་ངམ་གྲོག་བཤུང་བའི་གནས། །སུམ་མདོ་གྲོག་གླེ་རྩུབ་པའི་དྲི། ཁོརྒོན་ཏུ་མི་སྡུག་ཚ་སྒོ་ཅན། །ལས་ཀྱི་རིགས་ཀྱི་བསྒྲུབ་པའི་གནས། །གཞན་ཡང་བླང་བར་བྱ་བའི་གནས། །མེ་ཏོག་མང་པོའི་གླིང་ཡོད་དང་། །རིན་ཆེན་སྤུངས་པ་འདྲ་བ་དང་། །སྐྱེད་མོས་ཚལ་དང་དཔག་བསམ་ཤིང་། །ངང་པ་བུང་པ་སྒྲ་སྒྲོགས་པ། །སྐད་སྙན་བྱ་ནི་སྣ་ཚོགས་སྒྲོགས། །སྙིང་པོ་མཆོག་གི་འབྲུ་རྣམས་འཁྲུང་། །མན་མས་འཁོར་ལོ་པདྨ་འདྲ། །ལུང་པའི་དབྱིབས་ལེགས་ཁ་ཤར་བལྟས། །ལུང་པ་རན་ཅིང་མཛེས་པ་ནི། །བཀྲ་ཤིས་དྲན་གྱི་གནས་ཡིན་ནོ། །གཞན་ཡང་བླང་བར་བྱ་བའི་གནས། །གནམ་ནི་གྲི་འདྲར་འདུག་པ་དག་། །ས་ཡི་དབྱིབས་ཀྱང་ཁ་འདྲ་ལ། །ལོགས་གསལ་ཚེར་མ་ཅན་གྱི་ཤིང། །བྲག་ཆུ་འཐབ་བར་དུ་བསྒྲུབ། །གཞན་ཡང་བླང་བར་བྱ་བའི་གནས། །ནགས་ནི་ཚེར་མ་གདུག་པ་ཡོད། །སྟག་གཟིག་དོན་དྲེད་སྦྲུལ་དག་རྒྱུ། །མདའ་ཡིས་ཕུག་གམ་གྲིས་གཤགས་འདྲ། །སྲིན་པོ་དྲག་པོ་འཇོམས་པའི་དབྱིབས། །ས་བརྐོས་མེ་དཔུང་འབར་བ་འདྲ། །དུག་ཤིང་གདུག་པ་སྣ་ཚོགས་སྐྱེ། །བྲག་ནི་སྲིན་པོའི་མཆེ་བ་འདྲ། །གྲོག་པོ་ངམས་ནག་གཏིང་ཡང་ཟབ། །སྟག་སེང་འཐབ་པའི་ཁ་འདྲ་དང་། །ཆུ་སྲིན་ཁ་ནི་གདངས་པ་འདྲ། །ལུང་པ་ལྕགས་རི་མེས་ཚིག་འདྲ། །རྩི་ཤིང་མི་རེང་འགྲོས་པ་འདྲ། །བྲག་ནི་སྲིན་མོ་དུས་པ་འདྲ། །ལོགས་ནི་བསད་པའི་ཁྲག་རྗེས་འདྲ། །སྔོན་ཆད་ཕུང་པའི་བཅས་གཞི་དང་། །གྲི་ཆགས་མདེ་སྙིང་མདའ་དུད་མ་ཡོ། །ས་ནི་མེས་ཚིག་་གདུག་པའི་ཆུ། །མེ་དཔུང་གྲུ་གསུམ་མ་རུངས་པ། །བ་ཚ་ཆུ་གྲང་དམྱལ་བའི་ཆུ། །གནོད་སྤྱིན་མང་པོ་འདུ་བའི་ས། །སྲིན་པོ་ཁྲོས་པའི་ཁ་གདངས་འདྲ། །དྲེད་མོ་རལ་པ་གསེབ་ནང་དུ། །དྲག་པོའི་ལས་སུ་བྱ་བ་ཡིན། །མི་ཤིས་ཀུན་ཏུ་སྤང་བའི་གནས། །རྒྱལ་པོ་གདུག་པའི་འཆག་ས་དང་། །ཞང་བློན་གདུག་པའི་རྒྱུན་སྲང་དང་། །གདུག་པ་ཀླུ་ཡི་རྒྱུན་སྲང་དང་། །ཟ་བའི་ཁ་དང་གདུང་བའི་རྭ། །སྐྱོན་ཅན་རྒྱུ་བའི་ལམ་སྲང་དང་། །ས་བདག་ས་སྲིན་གནས་པ་དང་། །ཉན་འབྲེལ་བ་ཡི་གནས་རྣམས་དང་། །སྦྲུལ་གདུག་ཕང་དུ་འོངས་ལྟར་སྤང་། །གཞན་ཡང་བླང་བར་བྱ་བའི་གནས། །རི་ནི་གཙོ་བོ་ཡབ་ཀྱི་ཚུལ། །གཡོན་ན་ཡུམ་བསྐྱེད་ཁྲོ་མོའི་ཚུལ། །འཁོར་ནི་ཁྲོ་བོ་བཅུ་་ཡི་ཚུལ། །གཡས་ན་ཁྱི་སྦྱང་རྒྱུག་པ་འདྲ། །གཡོན་ན་བུད་མེད་བདུན་ཞུགས་འདྲ། །མདུན་ན་བསེ་མོ་བཀའ་ནོད་ཚུལ། ་རྒོན་ཏུ་དྲག་ཅིང་རྩུབ་པའི་རི། །ཁྲོས་པའི་ཚོགས་རྣམས་སྤྲིན་ཕུང་བཞིན། །དེ་ནི་དྲག་པོ་འཇོམས་པའི་གནས། །གཞན་ཡང་བླང་བར་བྱ་བའི་གནས། །ཀླུ་དང་མཆོད་རྟེན་གཙུག་ལག་ཁང་། །ས་བདག་ལྷ་འདྲེ་མ་མོའི་གནས། །ལ་བཙས་མཁར་དཔའི་ཐེམ་འོག་བརྒྱད། །གདུག་ཅན་བསྒྲལ་བའི་གནས་ཡིན་ནོ། །གཞན་ཡང་བླང་བར་བྱ་བ་ནི། །སྔགས་པ་རྡོ་རྗེ་སྨྱོས་པའི་གནས། །རབ་ཏུ་ཁྲོས་པའི་ཟུར་གསུམ་དང། །ལྷ་ཡི་ཕོ་བྲང་རྨང་ཉིད་དོ། །གཞན་ཡང་བླང་བར་བྱ་བའི་གནས། །དཀྱིལ་འཁོར་གྲྭ་དང་ལྷ་རྟེན་འོག །རྒྱལ་པོའི་ཕོ་བྲང་ཡུལ་ལྷའི་རྩ། །ཉལ་སའི་འོག་ཏུ་དུར་ཁྲོད་ཤིང་། །ཆུ་མིག་མགོ་ཟླུམ་དུར་གྱི་དཀྱིལ། །མཁར་གྱི་རྨང་དང་ཡུལ་གྱི་རྟེན། །ནང་གི་དཀྱིལ་དང་ཕྱུག་ལྷས་དང་། །གང་དང་མི་མཛའི་ས་ཕྱོགས་སུ། །ལས་རྣམས་བྱ་བའི་གནས་ཡིན་ཞེས། །དཔའ་བོ་རྡོ་རྗེ་འཛིན་གྱིས་བཤད། །གཞན་ཡང་གསང་བའི་གནས་དང་ནི། །མཚན་ཉིད་ངེས་པར་བཤད་བྱ་བ། །ཆེན་པོ་ལྔས་བསྡུས་ཐམས་ཅད་ཀུན། །ཡེ་ནས་ཡུལ་དུ་གནས་མོད་ཀྱང་། །དེ་མ་རྟོགས་པའི་གང་ཟག་རྣམས། །མཚན་མའི་ལས་ལ་གཙོར་འཛིན་པ། །བསྒྲུབ་པ་གནས་ཡུམ་སོ་སོར་དབྱེ། །སྨིན་མའི་དཀྱུས་རིང་ལ་གསོར་ཕྲ། །ཚིགས་ཟླུམ་ལ་སྐེ་སྐབས་ཕྱེ། །འཕྲ་བཤད་ཨུཏུལ་ངད་ལྡན་ཞིང་། །སོ་དཀར་སྐྲ་འཇམ་མཐོན་མཐིང་འཁྱིལ། །མིག་ནི་ཟར་མའི་མེ་ཏོག་འདྲ། །སྐྲ་མཚམསའཁྱུག་པའི་དོག་ཀྱང་གསལ། །སྣ་བཟང་སྐྱེ་རིང་སེམས་མ་འདྲ། །ལུས་དྲང་ནུ་མའི་དཀྱིལ་ན་མཐོ། །ཁོང་དལ་འགྲོ་ན་འཇམ་པ་དང་། །སྐད་ནི་ངང་པའི་རྒྱལ་པོ་འདྲ། །ཅིར་ཡང་མཛེས་པའི་སྟབས་དང་ལྡན། །སྦས་པའི་བརྡ་དང་ཐབས་ལ་མཁས། །ཕྱི་ནང་རླུད་ཁར་གསེར་བས་ལྕི། །བསྡིག་ཅིང་ཀུན་གྱིས་དྲོད་མི་ལོན། །དོན་ལ་གཞོལ་ཞིང་རྟོག་པ་མེད། །ཟླ་གསང་དཀར་དམར་རླུད་ཁར་ལྕི། །སྤྱི་ཡི་རིགས་དང་མཚན་དུ་བཤད། །ཟླ་བའི་མདངས་ལྡན་དཀར་ལ་གསལ། །གཙུག་ཕུད་གཡས་འཁྱིལ་སྐད་ཀྱང་ཆེ། །བོང་ཆུང་ལུས་མཛེས་ཚིག་ཏུ་མཉན། །དུང་ལྟར་བཞིན་ལུས་གཡས་སུ་འཁྱིལ། །དུང་ཅན་མ་ཞེས་བྱ་བར་གྲགས། །རྡོ་རྗེ་རིགས་ཀྱི་བསྒྲུབ་པའི་ཡུམ། །འཕྲ་ཞིང་བཤད་ལ་བཟང་རིང་བ། །བཅུ་གཉིས་ཉི་ཤུ་བཅོ་ལྔའི་བར། །མི་ལ་རཀྟ་ཟགས་པ་ལ། །རྡོ་རྗེ་མཚོན་གྱིས་མ་ཕོག་པ། །སངས་རྒྱས་རིན་ཆེན་སྤྱན་གྱི་ཡུམ། །སྐྲ་ནི་མཐོན་མཐིང་ལྕང་ལོར་བཤད། །སྲིད་དུ་རིང་ཞིང་འཕྲ་ལ་ལྡེམ། །ལྕུག་ཕྲན་མང་པོའི་འདབ་རྒྱས་པ། །སངས་རྒྱས་པདྨ་ཅན་གྱི་ཡུམ། །འདོད་པ་ཆེ་ལ་བརྟུལ་ཞུགས་ཆེ། ཤེས་པ་གསལ་ཞིང་བྱད་བཞིན་ཡངས། །བུ་མོ་མིག་ཡངས་ཕྱལབམ། །སངས་རྒྱས་སྣ་ཚོགས་རྡོ་རྗེའི་ཡུམ། །སེར་མོ་གྲུ་བཞི་སྐྲ་ཡང་ཁམ། །སྨིན་ཚོགས་ཆེ་ལ་མིག་ཀྱང་འབུར། །འགྲམ་བརླ་རིང་ལ་སྐྲ་མཚམས་དམའ། ཁྲ་འཁོལ་ཆེ་ཞིང་སྣ་བ་རིང་། །བན་གླང་ཅན་ཞེས་བྱ་བ་ཡིན། །སངས་རྒྱས་འཁོར་ལོ་ཅན་གྱི་ཡུམ། །གཞན་ཡང་འཕྲིན་ལས་སོ་སོ་ཡི། །རིགས་ཀྱི་དབྱེ་བ་ཡང་གསུངས་པ། །བཞིན་མདོག་གྲུ་གསུམ་ཁ་དོག་ནག །སྐྲ་རྩུབ་གེལ་ལ་ཁྲོ་གཉེར་མང་། །རི་མོ་ཅན་ཞེས་བྱ་བར་བཤད། །རྒྱས་པ་བསྒྲུབ་པའི་ཡུམ་ཡིན་ནོ། །བཞིན་དབྱིབས་སོགས་ཀ་མདོག་ཀྱང་དམར །མིག་རིངས་སོ་ཐོགས་རབ་ཏུ་དམ། །སོ་ལ་ཤེལ་ཆགས་ལྐོས་ཀོ་འཕྲ། །ལུས་ལ་ཞིམ་པའི་དྲི་འབྱུང་ལ། །པདྨ་ཅན་ཞེས་བྱ་བ་སྟེ། །ཞི་བ་བསྒྲུབ་པའི་ལས་ལ་ཤིས། །སྐྱེ་བརྒྱུད་མེད་ཅིང་བཀྲ་མི་ཤིས། །གཅིག་པུར་འདུག་པ་གདོང་གཅིག་མ། །དབང་དུ་བསྡུ་བའི་ཡུམ་ཡིན་ནོ། །ཡན་ལག་ཐམས་ཅད་མེས་ཚིག་བཞིན། །གཏན་དུ་འཕེལ་བའི་རྒྱུད་མེད་མ། །མེ་རེག་མ་ཡི་རིགས་ཡིན་ཏེ། །དྲག་པོའི་ལས་རྣམས་བསྒྲུབ་པའི་ཡུམ། །དེ་ལ་སོགས་པ་རིགས་ཀྱི་ཡུམ། །བསམ་མི་ཁྱབ་པར་སྟོན་པས་གསུངས། །ཡུམ་གྱི་མཚན་ཉིད་གཅིག་ལའང་། །ཐམས་ཅད་བསྒྲུབ་ཏུ་རུང་བས་ན། །ངེས་པ་མེད་པར་ཡང་དག་བཤད། །ད་ལྟའི་སྤང་བླང་རིམ་ཤེས་ནས། །རྒྱལ་པོ་བློན་པོ་བྲལ་ཟེའམ། །ཁྱིམ་བདག་དང་ནི་དམངས་རིས་སམ། །མངོན་དང་མི་མངོན་བདག་པོ་ལ། །ཐུགས་ཐུ་བར་ཆོད་མ་ཡིན་པར། །རྩོད་པ་ཉེ་བར་ཞི་བའི་ཕྱིར། །སེར་སྣ་སྤངས་བའི་སེམས་ཀྱིས་ནི། །ས་རིན་བཅལ་ཏེ་ས་བསླང་བའོ། །དེའང་རིམ་པ་འདི་ཤེས་བྱ། །འབྲས་ཆན་གཏོར་མ་ལ་སོགས་དང་། །དྲི་ཞིམ་མཆོད་པའི་ཚོགས་རྣམས་དང་། །རིན་ཆེན་སྣ་ཚོགས་ཕྱེར་བཏགས་ཏེ། །བྱིན་གྱིས་བརླབ་ཅིང་གཏོར་མ་སྤྱིན། །གཞན་ཡང་རྫས་ཀྱི་རྣམ་པའམ། །ཟས་དང་གོས་དང་རྒྱན་དག་དང་། །ག་ལ་དད་ཅིང་མོས་པ་རྣམས། བྱིན་ལ་བདེན་པ་ལེགས་པར་བསྒོ། །འདི་ནི་ས་གཞི་བསླང་བའོ། །བདག་ཉིད་སྦྱོར་བའི་ཏིང་འཛིན་གྱིས། །ཐབས་དང་ཤེས་རབ་རྟབས་བཟུང་ནས། །རྩེ་གསུམ་འགྲོས་ཀྱིས་ཀུན་ཏུ་བསྐོར། །ཁྲོས་པ་ཧུ༷་གི་ང་རྒྱལ་བྱ། །གདུག་ཅིང་སྡང་སེམས་ལྡན་པ་རྣམས། །རྡོ་རྗེ་གཞོན་ནུའི་བཀའ་འབྱུང་གིས། །འདི་རུ་མ་གནས་གཞན་དུ་དེངས། །གལ་ཏེ་མི་འགྲོ་འདུག་གྱུར་ན། །རྡོ་རྗེ་ཡེ་ཤེས་མཚོན་ཆེནགྱིས། །མགོ་ལུས་ཚལ་བ་བརྒྱར་འགས་སོ། །ཨོ་སུ༷་བྷ་ནི་སུ༷་བྷནི་ཧུ༷། །གྲིཏྣ་གྲོཏྣ་ཧུ༷། གྲིནི་པ་ཡ་གྲིནི་བ་ཡ་ཧུ༷། ཨུ་ན་ཡ་ཧོ་བྷ་ག་བཱན་བིབྱ་རྭ་ཛ་ཡ་ཧུ༷་ཕཊ །ལན་གསུམ་བསྐོར་ཏེ་ལན་གསུམ་བསྒྲགས། །དེ་རྗེས་བརྟག་པར་བྱ་བ་ནི། །དང་ལ་ལྟོ་འཕྱེའི་མཚན་ཉིད་བརྟག །དེ་བཞིན་ཕྱོག་དང་ས་དགྲ་དང་། །སྟེང་འོག་ལ་སོགས་ཐམས་ཅད་བརྟག །མཚན་མས་མཚན་མ་གཞོམ་པའི་ཕྱིར། །རོ་ལྔའི་མཚན་མ་བརྟག་པར་བྱ། །ཁྲུ་གང་ཟབས་སུ་བརྐོ་བྱས་ཏེ། །དེ་ནང་བདུད་རྩི་ཆུ་ཡིས་དགང་། །བདག་ཉིདསྐྱོགས་གང་ཁྱེར་ནས་ནི། །གོམ་བདུན་བོར་ཏེ་སྔགས་འདི་བརྗོད། །ཨོ་བཛྲ་ཀི་ལི་ཀི་ལ་ཡ་སིདྷ་སིདྷ་ཧུ༷། སླར་ལོག་བསྐོར་ཕྱོགས་བརྟག་པར་བྱ། །འདི་ནི་ས་བཞི་བརྟག་པའོ། །དེ་ནས་ས་གཞི་དབང་དུ་བྱ་བའི་ཕྱིར། །སེང་ལྡེང་ཕུར་པ་སོར་བརྒྱད་ལ། །མི་གཡོ་མགོན་དུ་མངའ་གསོལ་ཏེ། །འོག་གི་ཕྱོགས་སུ་གདབ་པར་བྱ། །ཨོ་བཛྲ་ཀྲོདྷཨུརུ་ཨ་ཙ་ལ་བྷནྟྲ་བྷནྟྲ་ཧུ༷་ཕཊ། ས་ཉིད་དབང་དུ་བྱ་བའོ། །གནས་དེ་བསོད་ནམས་གཏེར་ལྡན་ཕྱིར། །རིན་ཆེན་ལྔ་དང་སྨན་ལྔ་དང་། །འབྲུ་ལྔ་སྤོས་ལྔ་སྙིང་པོ་ལྔ། །ག་འུའི་ནང་དུ་བླུགས་ནས་ནི། །ས་གཞི་གཏེར་དང་ལྡན་པར་བྱ། །གལ་ཏེ་མཚན་ཉིད་མི་ལྡན་ན། །ལས་བཞིའི་མཆོད་པ་རབ་ཏུ་བརྩམ། །རིམ་པ་རིམ་པའི་སྦྱོར་བ་ཡིས། །འོད་ཞུ་རྣམ་རྟོག་བསྲེགས་ན་འགྲུབ། །དེ་ལྟར་མིན་ན་འདི་ཤེས་བྱ། །རྒྱལ་བའི་སྦྱོར་བའི་ཏིང་འཛིན་གྱིས། །ཐབས་དང་ཤེས་རབ་གནས་གཉིས་ལ། །ཉི་ཟླའི་དཀྱིལ་འཁོར་རམ་ཡམ་བཅས། །བསྲེགས་གཏོར་སྦྱང་བ་རིམ་པ་བཞིན། །འདི་ནི་ཕྱི་ཡི་སྦྱང་བའོ། །གཞན་ཡང་མཎྜལ་ལེགས་བྱས་ཏེ། །མེ་ཏོག་གཅལ་བཀྲམ་དྲི་ཡིས་བྱུག །བསྐྱེད་ནས་རྫོགས་པའི་མཐར་ཐུག་བར། །ལུགས་བཞིན་འཛབ་ལ་ཐུག་པར་བྱ། །འོད་ཞུ་རྣམ་རྟོག་བསྲེགས་ན་འགྲུབ། །འདི་ནི་ནང་གི་སྦྱང་བའོ། །ཐབས་དང་ཤེས་རབ་རྣམས་བསྐྱེད་པས། །བྱང་ཆུབ་སེམས་ཀྱི་འཕྲོ་འདུ་ཡིས། །སྦྱང་བའི་རིམ་པ་སྔ་མ་བཞིན། །འདི་ནི་གསང་བའི་སྦྱང་བའོ། །འདི་ནི་ས་གཞི་སྦྱང་བའོ། །ལྷ་མོ་སྦྲན་པའི་ཆོ་ག་ནི། །ས་གཞི་ལམ་ལས་གསེར་མདོག་ཅན། །རིན་ཆེན་རྒྱན་དང་བུམ་པས་མཚན། །སངས་རྒྱས་སྦྱན་གྱི་རང་བཞིན་ཏེ། །ལྕགས་ཀྱུས་གྲུབ་པའི་གནས་ནས་དགུག །སྐྱོབ་པ་སངས་རྒྱས་བཅོམ་ལྡན་གྱིས། །དཔུང་བཞི་བདུད་ཀྱི་སྡེ་བ་་ལྟར། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དཔང་མཛོད་ཅིག །འདི་ན་སྦྲན་པའི་ཆོ་གའོ། །རྣལ་འབྱོར་བློ་མཆོག་མི་ལྡན་ན། །གནས་དང་ཆོ་ག་ལ་སོགས་པ། །ལྡན་ཡང་འགྲུབ་པར་མ་གསུང་སྟེ། །བློ་དང་ལྡན་པའི་མི་རྣམས་ཀྱིས། །གནས་དང་རྫས་དང་ཡོ་བྱད་དང་། །ཆོ་ག་ལ་སོགས་མ་ལྡན་ཀྱང་། །འགྲུབ་འགྱུར་འདི་ལ་ཐེ་ཚོམ་མེ།ད །འོན་ཀྱང་གནས་དང་ཆོ་ག་དང་། །ཡོ་བྱད་ལྡན་ན་མྱུར་འགྲུབ་བཅས། །སྔོན་གྱི་རྒྱལ་བ་རྣམས་ཀྱིས་གསུངས། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། གནས་ཀྱི་རིམ་པ་ཡོངས་སུ་བསྟན་པའི་ལེའུ་སྟེ་ལྔ་པའོ།། །།དེ་ནས་ཡང་ཀརྨ་ཀི་ལ་ཡས། ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་མ་ཁྲག་འཐུང་གསང་བའི་བདག །སྐུ་གསུང་ཐུག་ཀྱི་བདག་ཉིད་གཙོ། །ཡོན་ཏན་འཕྲིན་ལས་ལྷུན་གྱིས་གྲུབ། །མ་ལུས་ཀུན་གྱི་འབྱུང་གནས་གཙོ། །གནས་ལ་སོགས་པ་གསུངས་ལགས་ན། །རེ་ཞིག་ལས་ཀྱི་དང་པོ་བས། །དཀྱིལ་འཁོར་ཉམས་སུ་ཇི་ལྟར་ལེན། །ཅེས་གསོལ་པ་དང་། བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀི་ལ་ཡས་འདི་སྐད་ཅེས་གསུངས་སོ། །ཉོན་ཅིག་ཀརྨ་ཧེ་རུ་ཀ །རྗེས་སུ་འཛིན་པའི་རྣལ་འབྱོར་པས། །རང་བཞིན་ཏིང་འཛིན་གཟུགས་བསྙན་དག །རྣམ་པ་གསུམ་དུ་ཤེས་པར་བྱ། །མི་ཤེས་རྨོངས་པའི་འགྲོ་བ་ལ། །མཚོན་པས་གསལ་བའི་དོན་སྟོན་ཕྱིར། །ཐ་མའི་མཚན་ཉིད་འདིར་གསུངས་ཏེ། །བརྟན་ཅིང་མཛེས་པའི་ཁང་བུ་ལ། །འཇམ་པོར་ཞལ་ཞལ་བྱས་པ་ནི། །ཁ་དོག་ལྔ་ཡི་གཟུགས་བྲིས་ལ། །དེ་ཡང་དངོས་གྲུབ་རྟེན་དུ་བཤད། །རས་སམ་གྲོ་ག་འམ་ཤིང་ཤུན་ནམ། །ཏ་ལའི་ལོ་མའམ་དུར་ཁྲོད་རས། །ཕྱག་་རྒྱའི་གཟུགས་སུ་བྲིས་ན་ཡང་། །མཚན་མ་འབྱུང་བའི་རྟེན་དུ་བཤད། །རྡོ་དག་ཤེལ་རྡོ་ལ་སོགས་དང་། །དུང་ངམ་བ་སོའི་རྒྱུ་ལ་ནི། །ཕྱག་རྒྱའི་གཟུགས་སུ་འབུར་བཏོད་ལ། །དེ་ཡང་དངོས་གྲུབ་རྟེན་དུ་བཤད། །གསེར་དངུལ་ཟངས་ལྕགས་ལ་སོགས་ལ། །མཁན་གྱིས་ལེགས་པར་བླུག་བྱས་ཏེ། །ཡན་ལག་མ་ཉམས་གཟུགས་བྱས་ལ། །དེ་ཡང་མཚན་མའི་རྟེན་དུ་བཤད། །བླག་ཤ་བྱང་ཆུབ་ཤིང་ལ་སོགས། ཁུ་ཤིང་མཉེས་ལ་གཟུགས་བྱས་ན། །དེ་ཡང་དངོས་གྲུབ་འབྱུང་བའི་རྟེན། །སྤྱི་ཤིང་མཉེན་པའི་རྒྱུ་རྣམས་ལ། །ཕྱག་རྒྱའི་གཟུགས་སུ་ལེགས་བྱས་ན། །དེ་ཡང་དངོས་གྲུབ་འབྱུང་བའི་རྟེན། །ས་སྟེགས་དབྱིབས་ལེགས་མཛེས་པ་ལ། །རྡུལ་ཚོན་འདུས་བྱས་རྣམས་ཀྱིས་ཀྱང་། །བསྙེན་པའི་དཀྱིལ་འཁོར་བྱས་ན་ཡང་། །དེ་ཡང་དངོས་གྲུབ་འབྱུང་བའི་རྟེན། །རེ་ཞིག་ལས་ཀྱི་དང་པོ་བས། ས་སྟེགས་དཀྱིལ་འཁོར་བྱ་བ་ཤིས། །ཚད་ནི་བློ་ཡི་རིམ་པ་ཡིས། །ཇི་ལྟར་དམིགས་པ་བཞིན་དུའམ། །ཡང་ན་རྒྱང་གྲགས་དཔག་ཚད་དོ། །ཁྲུ་ཚད་ཉི་ཤུ་རྩ་ལྔའམ། །བཅུ་གཉིས་པའམ་བརྒྱད་དུ་བྱ། །ཡང་ན་ཁྲུ་བཞི་ཁྲུ་དོའམ། །མཐོ་གང་སོར་བཞི་ལ་སོགས་ཚད། །ངེས་པ་མེད་པར་རྒྱལ་བས་གསུངས། །རེ་ཞིག་ལས་ཀྱི་དང་པོ་བ། །དཀྱིལ་འཁོར་འདོམས་གང་གྲུ་བཞི་ལ། །དཔངས་སུ་ཁྲུ་གང་ཚད་དུ་བྱ། །ས་ཞག་སྤོས་ཆེན་རྣམ་ལྔ་ཡིས། །ཁུ་བ་བསྲེས་ནས་ཀུན་ཏུ་ནི། །བ་ཀོ་ཙམ་དུ་སྐྱང་ནུལ་བྱ། །བདུད་རྩི་ལྔ་ཡི་ཁུ་བ་དང་། །པདྨ་རཀྟས་བྱུག་བྱས་ཏེ། །རྡོ་རྗེ་ཚིག་ཏུ་འདི་སྐད་བརྗོད། །ཟ་གམ་དམར་པོ་དབང་གི་གཞལ་ཡས་སུ། །ཆགས་པའི་རང་བཞིན་རཀྟའི་ཆུས་བྱུགས་པས། །འཁོར་བདབང་སྡུད་ཁྲག་གི་འགོ་མ་ཡེང་། །མི་གནས་དུར་ཁྲོད་བདག་པོའི་བཞུགས་གནས་ནི། ཁྲེས་རབ་ཡུམ་ཀྱི་མཁའ་ལ་ཆུ་བོའི་རྒྱུན་ལྟར་འབེབས། །མཧྭ་རཀྟ་ས་མ་ཡ་ཧུ༷། ལྷ་རྣམས་སྦྱོར་བའི་བྱང་ཆུབ་སེམས། །སྣོད་བབ་དབང་དུ་ཡང་དག་གྱུར། །རྡོ་རྗེ་ཐིག་གི་རྒྱུད་དག་ཀྱང་། ཁུས་ཆེན་རས་ནི་སྒྲིལ་མའམ། །པདྨའི་རྩ་ལས་ཁ་དོག་བསྒྱུར། །གཅིག་ཀྱང་ཡེ་ཤེས་ལྔ་རང་བཞིན། །བྱིན་བརླབས་རྦོ་ག་རྫོགས་པ་དང་། །གཟུགས་བརྙན་ལེགས་པར་ཚད་བཅས་ལ། །ལས་གཉིས་ཡོངས་སུ་རྫོགས་པར་བྱ། དགོངས་པ་དག་པས་ཤར་བལྟས་ལ། བདག་ཉིད་ལས་ཀྱི་ལྷར་བསྐྱེད་དེ། །གསལ་ལྡན་མའམ་བྱིན་བརློབས་ལ། །རྗེས་སུ་ཆགས་པ་ཚུལ་བཞིན་བསྐུལ། །མཁའ་གསང་བྱིན་བརླབས་སྦྱོར་བའི་བརྡས། །ཛ་ཛ་ཞེས་བརྗོད་སྲད་བུ་གཏང་། །བྱང་སེམས་མཁའ་ལ་འབེབས་པ་དེ། །སྟེང་ཕྱོགས་ལོགས་སུ་གདབ་པར་བྱ། །རང་བཞིན་ཡེ་ཤེས་རྒྱ་ཡོངས་མ་ཆད་པའི། །ཏིང་འཛིན་དཀྱིལ་འཁོར་ངོ་ལ་སྣང་འབྱུང་ཕྱིར། །ནམ་མཁའི་ཁམས་ཀྱང་གྲུ་གསུམ་ཨེ་ཡི་གནས། །བར་སྣང་ཁམས་ཀྱང་གྲུ་གསུམ་ཨེ་ཡི་གནས། །བཛྲ་ཙྭན་མཎྜལ་སྟ་ཤིཀྲ་མ་ཧུ༷། མཚན་མ་ཅན་གྱི་རྣལ་འབྱོར་ངོ་གང་ལ། །བརྟེན་ནས་མཚན་བསྒོམས་བརྒྱུད་པས་རྟོགས་བྱའི་ཕྱིར། །འོག་གི་ཕྱོགས་ཀྱང་གྲུ་གསུམ་ཨེ་ཡི་གནས། །ཨེ་མཎྜལ་སྟ་ཤིཀྲ་མ་ཧུ༷། བརྗོད་དེ་ཚངས་པའི་ཐིག་བཞི་གདབ། །ཚངས་པའི་ཐིག་གི་ངོས་གཉིས་སུ། །བྱ་རོག་རྗེས་བཙལ་ཐིག་བཏབ་པས། །དཀྱིལ་འཁོར་ཆ་བཞི་དག་ཏུ་འགྱུར། །དབུས་དང་མཐའ་གཉིས་མཉམ་པོར་དབྱེ། །རྒྱས་འབྲིང་གང་རུང་ཚད་དུ་བྱ། །ཕྱོགས་མ་འཁྲུལ་བར་པྲ་ཡང་བརྟག །བསྟིམ་དང་མཆོད་དང་གཤེགས་སུ་གསོལ། །གསེར་འབྲས་ས་ལས་བྱས་པ་ཡི། །ཁ་དོག་ལྔ་དང་ཡང་དག་ལྡན། །གཅིག་ཀྱང་ཡེ་ཤེས་ལྔ་རང་བཞིན། །ཧུ༷་སོགས་ཡིག་འབྲུ་གཅིག་ཀྱང་ལྔ། །བདེ་གཤེགས་ལྔ་ཡི་བྱིན་བརླབས་ལས། །བྱང་ཆུབ་སེམས་ཀྱི་འཕྲོ་འདུ་ནི། །དཀར་དང་དམར་དང་སེར་དང་ལྗང་། །ནག་པོ་ལས་ཀྱི་རྒྱུ་རུ་བསྟན། །དབུས་ནས་དགྱེས་ཤིང་མཐའ་རུ་གདོན། །ཧུ༷།འདི་ནི་ཆོས་དབྱིངས་དག་པ་སྟེ། །དེ་བྱུང་རིགས་ལྔའི་ངོ་བོར་སྣང་། །སེམས་ཅན་མ་ལུས་བསྒྲལ་བའི་ཕྱིར། །ཚོན་གྱི་ལས་འདི་བདག་གིས་བརྩམ། །ཨོ་བཛྲ་ཀི་ལི་ཀི་ལ་ཡ་སརྦ་ཤ་ཏྲུ༷་ཧུ༷་ཕཊ། རང་བཞིན་དཀྱིལ་འཁོར་ཅི་འདྲ་བ། །ཏིང་འཛིན་དཀྱིལ་འཁོར་བསྒོམ་པར་བྱ། །ཏིང་འཛིན་དཀྱིལ་འཁོར་ཅི་འདྲ་བར། །གཟུགས་བརྙན་དཀྱིལ་འཁོར་བྲི་བར། །ཡན་ལག་བརྒྱན་རྫོགས་སྐུ་ཡི་རྟེན། །ཡིག་འབྲུ་བཀོད་བ་གསུང་ཉིད་ཡིན། །ཕྱག་མཚན་ཐུགས་ཀྱི་དཀྱིལ་འཁོརཉིད། །རྒྱལ་བ་རྣམས་ཀྱི་ཡང་དག་བཤད །ལྟེ་བ་རྩིབས་དང་ལྡན་པ་ལ། །འཁོར་ལོ་རྩིབས་བརྒྱད་མུ་ཁྱུད་བཅས། །གྲུ་ཆད་བཞི་དང་བར་ཁྱམས། །སྒོ་དང་མུ་ཁྱུད་ལྡན་པ་རྣམས། །རྡོ་རྗེ་འཕྲེང་བའི་རིམ་པ་གཉིས། །ཀ་བ་ཕྱག་རྒྱའི་གདུང་བཞིར་སྦྱར། །གཟུགས་ལ་སོགས་པའི་མཆོད་པ་ལྔ། །བར་སྣང་ཁམས་སུ་འཁྲིག་པར་བྱ། །རིན་ཆེན་ཕ་གུའི་ཁ་བརྒྱན་ཅན། །དྲ་བ་དྲ་བ་ཕྱེད་པ་དང་། །སྣ་འཔྱོང་ལས་བྱུང་ཟེར་ཚགས། །ཆུ་འཕྱང་ཤར་བུ་བྱ་ཁྱུང་དག །རིམ་བཞིན་ཁ་དོག་མཛེས་པར་བྱ། །ཏ་ལའི་སྐྱེ་ཤིང་ཙོང་ཙོང་དྲིལ། །གསེར་གྱི་དྲིལ་བུ་གཡེར་ཁ་འབར། །བུམ་པ་བརྒྱད་དམ་བཅུ་དྲུག་བཞག །གཞན་ཡང་རྒྱན་གྱི་ཁྱད་པར་དག་། །རོལ་མོ་ཡིད་འོང་ཅི་འབྱོར་དང་། །མཆོད་པའི་ཡོ་བྱད་ཐམས་ཅད་དང་། །གཏོར་མ་ལ་སོགས་མཛེས་པར་བྱ། །དབུས་སུ་དྲེགས་པའི་གདན་ལ་ནི། །ཁྲོ་བདག་ཡབ་ཡུམ་མཚན་མ་དགོད། །ཤར་ཕྱོགས་འཁོར་ལོ་དྲི་ཟའི་སྟེང་། །རྣམ་པར་རྒྱལ་བའི་མཚན་མ་དགོད། །ལྷོ་ཕྱོགས་འཁོར་ལོ་གཤིན་རྗེའི་སྟེང་། །གཤེད་པོ་ཡབ་ཡུམ་མཚན་མ་དགོད། །ནུབ་ཕྱོགས་འཁོར་ལོའི་ཆུ་བདག་ལ། །རྟ་མགྲིན་ཡབ་ཡུམ་མཚན་མ་དགོད། །བྱང་ཕྱོགས་འཁོར་ལོའི་གནོད་སྤྱིན་སྟེང་། །བདུད་རྩི་འཁྱིལ་བའི་མཚན་མ་དགོད། ཁྲར་ལྷོའི་རྩིབས་སྟེང་མེ་ལྷའི་སྟེང་། །དབྱུག་སྔོན་ཡབ་ཡུམ་མཚན་མ་དགོད། །ལྷོ་ནུབ་རྩིབས་སྟེང་བདེན་བྲལ་ལ། །མི་གཡོ་མགོན་པོའི་མཚན་མ་དགོད། །བྱང་ནུབ་རླུད་ལྷའི་རྩིབས་སྟེངས་སུ། །གཞན་གྱིས་མི་ཐུན་མཚན་མ་དགོད། །བྱང་ཤར་འཁོར་ལོའི་རྩིབས་སྟེངས་སུ། །དབང་བསྣོལ་པའི་གདན་སྟེངས་སུ། །ཁམས་གསུམ་རྣམ་རྒྱལ་མཚན་མ་དགོད། །མདུན་དུ་ཚངས་པའི་གདན་ལ་ནི། །ཧུ༷་ཀར་མཚན་མ་དགོད། །རྒྱབ་ཏུ་ས་བདག་གདན་ལ་ནི། །སྟོབས་ཆེན་མཚན་མ་དགོད་པར་བྱ། །ཤར་སྒོར་དུ་ཤུད་མགོ་ཅན་ལ། །ལྷོ་ནི་སྐྱེ་ཀའི་མགོ་ཅན་ནོ། །ནུབ་སྒོར་དྲིན་བྱིན་མགོ་ཅན་ལ། །བྱང་སྒོར་ཁྲ་ཡི་མགོ་ཅན་གོད། །ལྷག་པར་གཟུགས་བརྙན་དཀྱིལ་འཁོར་ནི། །སྐུ་ཡི་དཀྱིལ་འཁོར་དག་ལའོ། །གསུང་གི་བརྙ་དག་ལ་བྲི། །འཁོར་ནི་ཡན་ལག་ནེ་སུག་ལའོ། །ཐུགས་ཀྱི་རང་རྟགས་ཕུར་བུ་ལ། །བྲིས་ལ་དར་གྱི་ཅོད་པན་གདགས། །ཐོད་པ་དུམ་བུ་གཅིག་པ་ལ། །ཡུམ་ཆེན་རྒྱས་འདེབས་ཕོ་བྲང་བཤམ། །རབ་བསྐྱེད་སྤྱན་དྲངས་མཆོད་བྱས་ལ། །བྱིན་རློབས་དཀྱིལ་འཁོར་རིམ་པར་དགོད། །འདི་དེ་ཕྱིར་ཡི་དཀྱིལ་འཁོར་ཡིན། །བསྒྲུབ་པ་ནང་གི་དཀྱིལ་འཁོར་ནི། །གནས་ཀྱི་དམ་པ་དེ་རྙེད་ནས། །ཐུག་ཐུབ་རང་དགར་མ་ཡིན་ཕྱིར། །བསླང་བའི་ཡུལ་དུ་གྱུར་པ་ཡི། །སྣང་བའི་དངོས་པོ་ཡོད་པ་ལ། །ཇི་ལྟར་འོས་པས་མཉེས་བྱས་ལ། །དེ་ནས་ངག་འཇམ་བདེན་པས་དགྲོལ། །བདག་གི་དབང་དུ་གྱུར་པར་བྱ། །མི་སྣང་ལྷ་འདྲེ་ཆགས་པ་ལ། །ག་ལ་འོས་པའི་རྔན་པ་སྤྱིན། །ས་བདག་ལྷ་ཀླུ་འཁོར་བཅས་ལ། །མཐུན་པའི་གཏོར་མ་འདི་འབུལ་གྱིས། །ཚེ་རབས་བརྒྱུད་པའི་ཞེ་སྡང་བཅས། །དུས་འདིར་མཐུ་རྩལ་དབྱུང་དུ་གསོལ། །བདག་གི་ལས་འདི་མ་གྲུབ་པར། །ཁྱེད་ལ་གནས་འདི་གཡར་ལགས་ཀྱིས། །ཞི་རྒྱས་དབང་དང་མངོན་སྤྱོད་ཀྱི། །ལས་རྣམས་ཁྱེད་ཀྱིས་མངོན་པར་བསྒྲུབ། །མ་གྲུབ་པར་དུ་གཞན་དུ་ཟུར། །དེ་སྐད་བརྗོད་ལ་གཏོར་མ་གཏང་། །གཟུ་དང་དཔང་དུ་གྱུར་པ་ནི། །གོང་དུ་ཇི་ལྟར་བཤད་པ་བཞིན། །བརྟག་པ་ལ་སོགས་འདིར་མི་སྦྱར། །དཀྱིལ་འཁོར་འདོམ་གང་གྲུ་བཞི་ལ། །སྦྱོར་བའི་བྱིན་གྱིས་ཆག་ཆག་གདབ། །རོ་རས་སམ་ནི་རྒྱུས་ཆེན་ལ། །སྲད་བུ་ལེགས་པར་ཚད་ལྡན་བྱ། །རིང་ཐུང་དཀྱིལ་འཁོར་ཉིས་འགྱུར་ལ། །སྦོམ་ཕྲ་སྒོ་ཡི་ཉི་ཤུ་ཆ། ཁེན་ཏུ་གཤེརབྱས་ཐིག་རྣམས་གདབ། །ཚངས་ཐིགགོངབཞིནབཏབ པལས། །ཕྱེད་ཀྱི་ཆ་ལས་ཕོ་བྲང་ནི། །རྒྱ་མདུད་ཚུལ་དུ་གདབ་པར་བྱ། །ཉི་ཤུ་རྩ་གཅིག་རི་མོ་ལ། །ཀ་བ་བརྒྱད་དང་གདུང་བཅུ་གཉིས། །འཕྲིན་ལས་རྣམ་བཞི་ཕོ་བྲང་ལྡན། །ས་ཚོན་བྱིན་རློབས་ཚུལ་བཞིན་བྲི། །བར་ཁྱམས་སྒོ་དང་བཅས་པ་རྣམས། །གོང་མ་བཞིན་ཏེ་ཁྱད་པར་དུ། །སྟག་དང་ཤེ་ཀན་ཆུ་སྲིན་དང་། །ཞིང་གི་རྒྱལ་མཚན་རྣམས་ཀྱང་དགོད། །ཐོད་པ་དུམ་བུ་དགུ་ནང་དུ། །ཏིལ་ཆེན་མེ་མར་ཁ་དགུ་གཏང་། །རྡོ་རྗེ་ཤ་ཆེན་ཐང་མར་བརྡལ། །ཀེང་རུས་ཚོགས་ནི་རི་ལྟར་སྐྲུངས། །གསུར་ཆེན་དུད་པ་རྒྱུན་མི་བཅད། །ཞིང་གི་བླ་རེ་སྤྲིན་ལྟར་གཏིབས། །ཞིང་ཕྲན་མང་པོའི་འཕན་ཕྲན་འཕྱང་། །དབང་པོ་ཚངས་པའི་བསྟོས་བརྒྱན། །གཞན་ཡང་རྒྱན་གྱི་རིམ་པ་རྣམས། །ཇི་ལྟར་བཤད་པ་བཞིན་དུའོ། ཁུ་ཆད་རྣམ་པ་བཞི་རྣམས་ལ། །བརྙ་མཚན་དང་བདུད་རྩིས་བཀང་། །མཆོད་པའི་ཕྱིར་ན་བཞི་རྣམས་དགོད། །ཟུར་གསུམ་གདུག་པའི་ཆ་ལུགས་ཀྱིས། །གྲུ་གསུམ་མེ་འོད་འབར་འདྲ་བའི། །དབུས་སུ་དྲེགས་པའི་གདན་དག་ལ། །བཅོམ་ལྡན་སྔགས་ཀྱི་བདག་པོ་དགོད། ་ར་ལྷོ་ཚངས་པའི་སྟེང་དུ་ནི། །ཧུ༷་ཀ་ར་ཡི་མཚན་མ་དགོད། །བྱང་ཤར་ཚངས་པའི་བུ་ཕོའི་སྟེང་། །ཕག་གི་མགོ་ཅན་དགོད་པར་བྱ། ཁྲར་ཕྱོགས་བརྒྱ་བྱིན་སྟེང་དུ་ནི། །རྣམ་པར་རྒྱལ་བའི་མཚན་མ་དགོད། །གཡས་སུ་བརྒྱ་བྱིན་བུ་ཕོའི་སྟེང་། །སྟག་གི་མགོ་ཅན་དགོད་པར་བྱ། ཁྲར་ལྷོ་མེ་ལྷའི་སྟེང་དུནི། །དབྱུག་པ་སྔོན་པོའི་མཚན་མ་དགོད། །གཡས་སུ་མེ་ལྷའི་བུ་ཕོའི་སྟེང་། །གཡག་གི་མགོ་ཅན་དགོད་པར་བྱ། །ལྷོ་ཕྱོགས་གཤིན་རྗེའི་གདན་ལ་ནི། །གཤིན་རྗེ་གཤེད་པོའི་མཚན་མ་དགོད། །གཡས་སུ་གཤིན་རྗེའི་བུ་ཕོའི་སྟེང་། ཁྲ་པའི་མགོ་ཅན་དགོད་པར་བྱ། །ལྷོ་ནུབ་སྲིན་པོའི་སྟེང་དུ་ནི། །མི་གཡོ་མགོན་པོའི་མཚན་མ་དགོད། །གཡས་སུ་སྲིན་པོའི་བུ་ཕོའི་སྟེང་། །གཟིག་གི་མགོ་ཅན་དགོད་པར་བྱ། །ནུབ་ཏུ་ཀླུ་ཡི་གདན་སྟེངས་སུ། །རྟ་མགྲིན་མཚན་མ་དགོད་པར་བྱ། །གཡས་སུ་རླང་ལྷའི་་ཡི་བུ་ཕོའི་སྟེང་། །བྱི་ལའི་མགོ་ཅན་དགོད་པར་བྱ། །ནུབ་བྱང་རླུད་ལྷའི་སྟེང་དུ་ནི། །གཞན་གྱིས་མི་ཐུབ་མཚན་མ་དགོད། །གཡས་སུ་ཀླུ་ཡི་བུ་ཕོའི་སྟེང་། །སྤྱང་ཁུའི་མགོ་ཅན་དགོད་པར་བྱ། །བྱང་ཕྱོགས་གནོད་སྤྱིན་གདན་སྟེངས་སུ། །བདུད་རྩི་འཁྱིལ་བའི་མཚན་མ་དགོད། །གཡས་སུ་གནོད་སྤྱིན་བུ་ཕོའི་སྟེང་། །སེང་གེའི་མགོ་ཅན་དགོད་པར་བྱ། །བྱང་ཤར་དབང་ལྡན་གདན་སྟེངས་སུ། །ཁམས་གསུམ་རྣམ་རྒྱལ་མཚན་མ་དགོད། །གཡས་སུ་དབང་ལྡན་བུ་ཕོའི་སྟེང་། །དོམ་གྱི་མགོ་ཅན་དགོད་པར་བྱ། །བྱང་ནུབ་ས་བདག་གདན་སྟེངས་སུ། །སྟོབས་ཆེན་མཚན་མ་དགོད་པར་བྱ། །གཡས་སུ་ས་བདག་བུ་ཕོའི་སྟེང་། །དྲེད་ཀྱི་མགོ་ཅན་དགོད་པར་བྱ། །སྒོ་བ་ལ་སོགས་གོངམབཞིན། །ཁྲོབོའིཕུརཔ་མང་པོ་ཀུན། །གྲྭ་ཡི་ཕྱོགས་སུ་སྐྲུངས་ཏེ་གཞག །རྫས་དང་ལ་ཆས་བསྐོར་ཏེ་བཞག །ནང་གི་དཀྱིལ་འཁོར་དམ་པའོ། །གསང་བའི་དཀྱིལ་འཁོར་དམ་པ་གཉིས། །གསང་བ་ཕྱི་ནང་གསང་བ་ནས། །གསང་བ་ཕྱི་ཡི་དཀྱིལ་འཁོར་ནི། །ལས་རྣམས་གོང་དུ་བསྟན་པ་ལས། །ཡེ་ནས་དག་པའི་གཞལ་ཡས་ཁང་། །ཆོས་དབྱིངས་འབྱུང་བ་ཨེ་ཡི་དབྱིབས། །གདུག་པའི་གཞིགས་ཕྱིར་འབྲུབ་ཁུང་སྟེ། །གསོད་ཕྱིར་རྩེ་མོ་ལྷོ་རུ་བསྟན། །གདུག་ཕྱིར་དུག་གི་ཆག་ཆག་གདབ། །སྐུ་གསུང་ཐུགས་ལྡན་བར་རིམ་གསུམ། །ངར་ལྡན་དུར་ཁྲོད་སོལ་བས་བྱུག །འགུགས་ཤིང་འདྲེན་ཕྱིར་ཧུ༷་ཕཊ་དགོད། །འཕྲ་མེན་བསྐུལ་ཕྱིར་རྩང་ཐོད་དང་། །གཞུག་ཕྱིར་ཐོད་པ་ལྕགས་ཀྱུ་བྲི། །ཐ་དད་ལས་རྣམས་བྱ་བའི་ཕྱིར། །ལོགས་ལ་ཧུ༷་གསུམ་གཞག་པ་ཡིན། །དེ་ལ་གཡོ་བའི་སེམས་འབྱུང་ཕྱིར། །ཟུར་ལ་ཕཊ་གསུམ་གཞག་པ་ཡིན། །དྲི་མ་དྲུག་དང་རྫས་རྣམས་ལ། །ཏིང་འཛིན་ཡེ་ཤེས་གསལ་བའི་ཕྱིར། ཁེན་ཏུ་གསལ་ཞིང་དོད་པར་བྱ། །ཀི་ར་མ༷་ས་དུག་གིས་བྱུག །བསྒྲལ་བའི་ཞིང་བཅུ་ཞེ་གཅོད་ཅིང་། །ཡང་ནས་ཡང་དུ་སྨིན་པར་བྱ། །མགོ་བོ་ལྷོ་ནུབ་མཚམས་སུ་བསྟན། །རྐང་པ་བྱང་ཤར་མཚམས་སུ་སྟེ། །གན་ཀྱལ་དག་ཏུ་གཞག་པར་བྱ། །ནང་དུ་གཞལ་ཡས་དྲག་པོ་ལ། །ལྷ་ཚོགས་བཅུ་གཅིག་ཁྲོས་པས་བརྟག །རྒོད་ཅིང་བྱིན་བརླབས་སྔ་མ་བཞིན། །ཁ་ཁྱེར་དང་པོ་དག་ལ་ནི། །ཉི་ཤུ་རྩ་གཅིག་སྲས་ཀྱི་ཚོགས། ཁེན་ཏུ་དྲག་པོའི་ཆ་ལུགས་ལ། །ཞབས་ཀྱང་དྲག་པོའི་ཚུལ་དུ་བཞུགས། །དེ་ཡི་ཕྱི་རིམ་ཕོ་ཉའི་ཚོགས། །རྩང་ཐོད་དག་ལས་བསྐྱེད་པར་བྱ། །དེ་ཡི་ཕྱི་རིམ་ཁ་ཁྱེར་ལ། །ལྕགས་ཕྱེ་དང་ནི་ཟངས་ཕྱེ་དང་། །རྡོ་ཕྱེ་དུག་དང་ཁྲག་སྣང་དང་། །ཐུན་རྫས་རིམ་པས་མཐའ་བསྐོར་ལ། །གསད་པའི་ལས་མཁན་རྫས་སུ་གཞག གཞན་ཡང་གནན་དང་བསྲེགས་པ་དང་། །འཕང་པསླུ་་རྫས་རྣམས་ཅི་འབྱོར་བཤམ། །གསད་པ་ལས་ཀྱི་དཀྱིལ་འཁོར་ཡིན། །གསང་བའི་ནང་དུ་གསུངས་པ་ནི། །རྣམ་པ་གཉིས་སུ་ཤེས་པར་བྱ། །ཆགས་ལ་མོས་པའི་དོན་ཆེད་དུ། །ཕྱི་ཡི་རིགས་དང་སོ་སོའི་རིགས། །པདྨ་ཅན་དང་དུང་ཅན་མ། །ལྗོན་པ་་མ་དང་ལྷུག་ཕྲམ། །བན་གླང་ཅན་དང་རི་མོ་ཅན། །གདོང་ཅིག་རེག་མ་ལ་སོགས་པ། །རིགས་ལྔ་ཕྱི་ཡི་དབང་ཅན་ནས། །ལས་བཞི་སོ་སོ་དབྱིབས་ཀྱིས་བརྟག །མཆོག་དང་རབ་དང་འབྲིང་དང་མཐའ། །པདྨའི་རིང་ཐུང་ཡོད་པས་སོ། །རི་ལུ་དང་འོག་ཐ་ལྟག་སྟེ། །སྲན་ཙམ་གཉིས་ཀྱང་གླང་པོའི་ཀླུང་། །ཡང་དང་ཡང་དུ་རོམ་མོ་བྱ། །ལྕེ་ཡིས་རོལ་མོ་བྱ་བ་ཡིན། །གནད་དགུ་རུ་ནི་སེན་མོ་གདགས། །མ་མཆུ་སོ་ཡིས་བྲུད་པར་བྱ། །དེ་ནས་གཉིས་མེད་སྦྱོར་བ་བྱ། །སྲ་དང་དྲོད་དང་གཤེར་དང་བསྐྱོད། །བྱང་ཆུབ་སེམས་ནི་སྤྱན་དྲངས་ནས། །དགའ་དང་མཆོག་དགའ་རང་བཞིན་དགའ། །བྲལ་བའི་དགའ་བའི་རང་བཞིན་ཅན། །སྙོམས་འཇུག་ཕོ་བྲང་དེར་ཞུགས་ནས། །སྤྱན་དྲང་རླུད་གི་ལྕགས་ཀྱུ་སྟེ། །གཟུང་བ་རླུད་ཉིད་བསམ་པའོ། །བརྗོད་པ་རུས་སྦལ་ལྟ་བུ་སྟེ། །སེམས་བཟུང་ཐབས་མཁས་ལྕགས་ཀྱུའོ། །དེ་ལྟར་བྱང་སེམས་རབ་བབས་ནས། །རང་བཞིན་ལྷན་ཅིག་སྐྱེས་པ་འབྱུང་། །གྲོལ་བ་ལམ་པའི་དོན་ཆེད་དུ། །རྟེན་མེད་ནང་གི་དཀྱིལ་འཁོར་ནི། །རང་ལུས་གཞལ་ཡས་འདི་ལྷར་བརྟག །རྐང་པ་རླུད་གི་དཀྱིལ་འཁོར་ལ། །ལྟེ་བ་མཐའ་ཟད་མེ་དཀྱིལ་འཁོར་རོ། །རོ་སྟོད་ས་ཡི་དཀྱིལ་འཁོར་རོ། །མགོ་བོ་རིབ་རང་བཞིན་ཏེ། །ནམ་མཁའ་ཀུན་གྱི་གོ་འབྱེད་པའི། །དེ་ལས་རང་བྱུང་གཞལ་ཡས་ནི། །སྙིང་ཁར་ཆོས་ཀྱི་ཕོ་བྲང་ནི། །ཁ་དོག་མཐིང་ཁ་ཡི་གེ་དགུ །ཕྱོགས་བཞིར་ཡབ་ཡུམ་ཡི་གེ་བརྒྱད། །དྲན་རྟོགས་བསྐྱེད་པའི་ཡི་གེ་གཅིག །བརྒྱད་ནི་འཁོར་ལེའི་འདབ་མ་ལའོ། །གཅིག་ནི་འཁོར་ལོའི་དབུས་ནའོ། །སྨྲ་བྱེད་སྒོ་དགུ་ཞེས་བྱའོ། །མགྲིན་པ་ལོངས་སྤྱོད་ཕོ་བྲང་ནི། །འདབ་མ་བཅུ་དྲུག་སྒོ་བཞི་ལྡན། །འབྱུང་བའི་ཡི་གེ་བཞི་ཡིས་སྤྲས། །དབུས་སུ་ཡི་གེ་ཨོ་ཡིན་ཏེ། །སྐུ་ཡི་དངོས་པོ་ཡི་གེ་ལྔ། །ཆགས་འབྱེད་རྟགས་འཛིན་མདུད་པ་གསུམ། །རི་རབ་འབྲས་བུ་བདེ་ཆེན་གནས། །འདབ་མ་སུམ་ཅུ་རྩ་གཉིས་ཏེ། །ཨུ་ལི་གཉིས་ཀྱིས་ཡོངས་སུ་སྤྲས། །འབྲས་བུ་བྱང་སེམས་ཡི་གེ་ཧ༷། །མི་ཤིགས་པ་ཡི་སྙིང་པོ་སྟེ། །རྟག་པར་གཞོམ་མེད་ཁ་་དོག་བལྟས། །མཚན་མ་མེད་པའི་སྐུ་ཞེས་བྱ། །འབྱུང་འཇུག་བྱེད་པའི་སྒོ་དྲུག་ཅན། །ས་བོན་ཁ་བ་ལྟ་བུར་གནས། །སྤྲུལ་པའི་ཕོ་བྲང་དྲུག་ཅུ་བཞི། །ཀུན་འབྱུང་སྒོ་ནི་དྲུག་གིས་བརྒྱན། །སྟོན་པ་དེ་དབུས་ཨོ་གྱི་གཟུགས། །ཐམས་ཅད་འབྱུང་བའི་ཨོ༷་ཞེས་བྱ། །དེ་ཡི་མཚན་ཉིད་བརྗོད་བྱ་བ། །ཁ་དོག་དཀར་པོ་ཡེ་ཤེས་བཞི། །དབུས་ཀྱི་རི་བོར་འཛིན་པ་སྟེ། །ལྟེ་བའི་མཐའ་ལ་གནས་ཞེས་བྱ། །རྡོ་རྗེ་གསང་འཇུག་ཕོ་བྲང་ནི། །མཚོན་བྱེད་འོད་གསལ་བདེ་ཆེན་འབྱུང་། །རིན་པོ་ཆེ་ཡིས་བརྒྱན་པ་སྟེ། །མཚོན་བྱེད་སྒོ་ནི་གཅིག་པའོ། །རྡོ་རྗེ་སྙོམས་འཇུག་ཕོ་བྲང་ནི། །རིན་པོ་ཆེ་ཡི་ཁང་པ་ལ། །འབྱུང་བ་ལྔ་ཡི་རྒྱན་དང་ལྡན། །དྲུག་ཅུ་རྩ་བཞི་དབུས་ན་བཞུགས། །བརྗོད་མེད་བརྗོད་བྲལ་དེ་བཞིན་དོན། །མ་བཅོས་ལྷུན་གྱིས་གྲུབ་པར་གནས། །གཞལ་ཡས་བྱེ་བྲག་དེ་ལྟར་གནས། །གསང་བའི་གཞལ་ཡས་དམ་པ་ལ། །ཀུན་གྱི་མཚན་ཉིད་རྫོགས་ཞེས་བྱ། །དེ་ལ་བརྟག་ཅིང་འཕྲོར་མི་གཞུག །དེ་ཡང་འདི་ལྟར་བརྟག་བྱ་བ། །ཆོས་དབུས་ཡེ་ཤེས་སེམས་དཔའ་སྟེ། །དེ་དབུས་ཏིང་འཛིན་སེམས་དཔའོ། །ཏིང་འཛིན་ཧུ༷་གི་རང་བཞིན་ལས། །འོད་ཟེར་ཕྱོགས་བཅུར་འཕྲོས་གྱུར་པས། །ཕྱི་ནང་གཞལ་ཡས་གསལ་བྱས་ཏེ། །སྲིད་པ་གསུམ་ཡང་གསལ་བྱས་བྱས། །དུས་གསུམ་སངས་རྒྱས་བྱང་ཆུབ་སེམས། །མི་འགྱུར་བ་ཡི་འོད་ཅེས་བྱ། །ཕྱོགས་བཅུའི་རྒྱལ་བའི་སེམས་བསྡུས་ནས། །སླར་ཡང་རིམ་གྱིས་ ཧུ༷་ལ་ཐིམ། །ཧུ༷་ཡང་རིམ་གྱིས་ཐིག་ལེའི་ནང་། །ཡོངས་སུ་དག་པའི་དོན་ཅེས་བྱ། །ངེས་པར་སྙིང་པོའི་འབྲུ་བཀོད་དེ། །ཙ་ན་ཀ་ཡི་འབྲུ་ཙམ་ལ། །བདེ་བར་གཤེགས་པའི་སྐུ་ཡང་བསྐྱེད། ཁྲེན་ཏུ་དོད་ཅུང་གསལ་བལྟས་ལ། །དབུགས་དབྱུང་འགྲོགས་ནས་གཡས་ནས་སྤྲོ། །མཐོ་གང་མཐོ་དེ་ཇི་སྲིད་བར། །བྱང་ཆུབ་སེམས་ནི་དེར་བཟུང་བྱ། །གལ་ཏེ་ནང་དུ་འཇུག་ན་ཡང་། །དབུགས་དང་འགྲོགས་ནས་གཡོན་ནས་འཇུག །ཐིག་ལེ་སྐུ་ལ་ཐིམ་པར་བརྟག །ཡུང་དང་སྐད་ཅིང་ཐུན་ལ་སོགས། །ཇི་ལྟར་གནས་པའི་བར་དུ་བརྟག །དེ་ལྟར་རིམ་པ་ཡང་ནས་ཡང་། །སེམས་དེ་ངེས་པར་ཟིན་པ་དང་། །མཐར་ནི་དམིགས་པར་མི་འགྱུར་ཏེ། །གང་ལ་དམིགས་པའི་སེམས་མེད་དོ། །གསང་བའི་རིམ་པ་ཡང་གསུངས་པ། །གསང་བའི་ཕོ་བྲང་དབུས་སུ་ནི། །བྱང་ཆུབ་སེམས་ཆུ་རབ་ཕབས་ནས། །རྡོ་རྗེ་ཆོག་རྣམ་གསུམ་གྱིས། །བདེ་བར་གཤེགས་པའི་སྐུ་རྣམས་བསྐྱེད། །སྐད་ཅིག་མ་ལ་ཡོངས་རྫོགས་བྱ། །དེ་ལས་ཤིན་ཏུ་ཕྲ་བ་སྟེ། །པདྨའི་སྣ་རྩེ་ལ་རྫོགས་བྱ། །དེ་ལས་སེམས་བསྡུ་བསྟན་པར་གཟུང་། །དེ་ལ་སེམས་དེ་བསྟན་པ་ཡང་། །དུས་གཅིག་ཏུའམ་རེ་རེ་སྤྲོ། །རིམ་པས་རིམ་པར་གསལ་བར་སྤྲོ། །འཕྲོས་པས་དེ་ལ་སེམས་གཟུང་གཞག །གལ་ཏེ་དེ་ལ་མི་གནས་ན། །སླར་ལ་ནང་དུ་རིམ་ཞུགས་བརྟག །དེ་ལ་ནན་ཏན་བསྐྱེད་བྱས་ལ། །སེམས་བསྡུས་ནང་ནས་གནས་པར་བྱ། །དེ་ལ་སེམས་གནས་བསྟན་པ་དང་། །འཇིག་རྟེན་གསུམ་དུ་སྤྲོས་འགྱུར་ཡང་། །དེ་ལས་གཞན་དུ་མི་གཡོ་བའོ། །དེ་ལས་རང་བཞིན་མེད་བརྟགས་ཏེ། །གང་ལའང་དམིགས་པར་མེད་པར་འགྱུར། །དེ་ལས་རིམ་པ་ཡང་གསུངས་པ། །རླུད་གིས་རབ་བསྐྱོད་མེ་སྤར་ཏེ། །ཡི་གེ་ཡོངས་སུ་ཞུ་བའི་འོད། །གཡས་བྱུང་ཆོས་སྐུ་ཡོངས་བཞུ་ནས། །དེ་འོད་རྩ་གཡས་ལོངས་སྤྱོད་ལ། །བསྐོར་བ་གསུམ་བྱས་ཡི་གེ་བཞུ། །བདེ་ཆེན་གནས་སུ་ཧ༷་སྤྲོས་ཏེ། །ཕྱིར་འཐོན་ཕྱོགས་བཅུར་འཕྲོས་པ་ལས། །ཕྱོགས་བཆི་རྒྱལ་བའི་བྱང་ཆུབ་སེམས། །ཐམས་ཅད་བསྡུས་ཏེ་སྟེང་སྒོར་ཐིམ། །ཨ་བ་རྙུ་ཏིའི་གནས་ནས་བྱུང་། །སམ་པོ་ཀ་རུ་སེམས་གཟུང་བྱ། །ལུས་སེམས་ཡེ་ཤེས་མི་རྟོག་སྐྱེ། །སྟོན་བས་དེ་ལུང་བསྒོམ་ཞེས་བྱ། །དེ་ནས་འཇུག་པའི་ལམ་ཞུགས་ཏེ། །སྤྲུལ་པའི་གནས་སུ་བཀའ་ལུང་ནོས། །ཡང་དག་པར་ནི་དེ་སེམས་གཞག །གཉིས་མེད་དོན་གྱི་ལུང་ཐོབ་འགྱུར། །དེ་རུ་མ་གནས་དབུས་ནས་གཤེགས། །ཆོས་སྐུའི་གནས་སུ་ཡང་དག་གནས། །ལུས་རྣམས་ཡང་དང་སྐྱེ་བར་འགྱུར། །སྐྱེས་ནས་བསྐལ་བའི་བར་དུ་གནས། །ཆོས་ཀྱི་དབྱིངས་སུ་མི་གནས་ན། །ནི་རིམ་ཀའི་གནས་སུ་དྲང་། །དེ་རུ་སེམས་ནི་གཞག་པར་བྱ། །དེ་ལྷར་ཡང་ནས་ཡང་དུ་བྱ། །རྣམ་རྟོག་མེད་པའི་ཡེ་ཤེས་སྐྱེ། །འབྱུང་བས་སྲེག་ཅིང་འཇུག་པས་གསོ། །གནས་སུ་བྱང་ཆུབ་སེམས་འོད་ལས། །རྣལ་འབྱོར་མིག་གི་འོད་ཟེར་གྱིས། །གཡོ་མེད་མི་འགྱུར་འོད་ལ་བལྟ། །སངས་རྒྱས་ཡེ་ཤེས་ནམ་མཁའ་འབྱུང་། །འདི་ཡང་ནང་གི་ཐིག་ལེ་ཡིན། །དོན་དུ་གང་ལ་མོས་པ་ནི། །རབ་ཏུ་འབད་དེ་ཡིད་གཞུངས་ན། །ཡེ་ཤེས་སྐྱེ་བོ་ངེས་པར་མེད། །ཇི་ལྟར་བརྟགས་པ་དེ་སྣང་བས། །སངས་རྒྱས་ཡེ་ཤེས་མཆོག་གྱུར་ཞེས། །དུས་གསུམ་རྒྱལ་བ་རྣམས་ཀྱིས་བཤད། །ཅེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ཕྱི་ནང་གསང་བའི་དཀྱིལ་འཁོར་ཡོངས་སུ་བསྟན་པའི་ལེའུ་སྟེ་དྲུག་པའོ།། །།དེ་ནས་ཡང་ཀརྨ་ཀི་ལ་ཡས། །ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ། །གང་ཟག་དང་པོ་ས་པ་ཡིས། །འདི་ནི་སྒོམ་ཞིང་བསྒྲུབ་པ་དང་། །ཏིང་འཛིན་དཀྱིལ་འཁོར་མི་འཚལ་ལམ། །ཐབས་དང་བཅས་པའི་རིམ་པ་ཡིས། །བསྒོམ་ཞིང་བསྒྲུབ་པ་ཇི་ལྟར་ལགས། །ཞེས་གསོལ་པ་དང་། །བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀི་ལ་ཡས། །རྡོ་རྗེ་ཡིད་ཀུན་ཏུ་བཟང་པོ་ལ་བཀའ་སྩལ་པ། །ཉོན་ཅིག་ཀརྨ་ཧེ་རུ་ཀ །རྗེས་སུ་བསྒྲུབ་པའི་རྣལ་འབྱོར་བས། །ཏིང་འཛིན་དཀྱིལ་འཁོར་བསྒོམ་པ་ཡང་། །རིམ་པ་གསུམ་དུ་ཤོས་པར་བྱ། །དང་པོ་ཕྱི་ཡི་རྣལ་འབྱོར་ནི། །བསྐྱེད་པའི་རིམ་པས་ལེགས་འཇུག་བྱ། །ཕུན་སུམ་ཚོགས་པའི་སློབ་དཔོན་གྱིས། །བྱམས་དང་སྙིང་རྗེ་སྔོན་བསྟང་ནས། །ཚངས་པའི་གནས་བཞི་བསྒོམ་པར་བྱ། །བསོད་ནམས་ཡེ་ཤེས་ཚོགས་རྫོགས་པའི། །ལས་རྣམས་ཀུན་ལ་འཇུག་པ་དང་། །བར་ཆོད་བགེགས་རྣམས་བསལ་བའི་ཕྱིར། །ཕྱི་ནང་གསང་བའི་མཚམས་སུ་བཅད། །བདག་ཉིད་སྣོད་དུ་གྱུར་ནས་ནི། །དམ་སྲི་མནན་པའི་ལས་བྱ་ཞིང་། །དོན་ཡོད་གྲུབ་པའི་ཕོ་བྲང་གདབ། །རྣམ་བཞི་ལས་ཀྱི་བྲོ་བརྡུང་ངོ། །དུར་ཁྲོད་བདག་པོ་མ་ཏྲམ་ནི། །བརྗིད་པའི་སྟོབས་ཀྱི་མནན་བར་བྱ། །ཁོག་པ་གཞལ་ཡས་ཁང་དུ་བསྐྱེད། །དུར་ཁྲོད་ཆེན་པོའི་གནས་ཆེན་ཡིན། །ཕུར་བ་དར་གྱི་ཅོད་པན་ཅན། །ཁྲོ་བོ་བཅུ་རུ་བྱིན་རློབས་ལ། །ཕྱོགས་མཚམས་སྟེང་འོག་བགེགས་འདུལ་ལོ། །མ་ནོར་མ་བཅོས་དབྱིངས་ཉིད་ལས། །བཙལ་བ་མེད་པའི་རིག་པ་ཡིན། །སྟོང་པ་ཆེན་པོའི་ཏིང་འཛིན་དུ། །ཇི་བཞིན་པ་ཡི་ངང་ལ་གཞག །ཨོ་མ་ཧྭ་ཤུརྒྱ་ཏ་རྙོ་ན་བཛྲ་སྭ་བྷ་ཝ་ཨུཏྣ་ཀོ྅ཧ༷། སྙིང་རྗེ་ནམ་མཁའི་ངོ་བོ་ལས། །བླང་དང་དོར་མ་ཡེ་མི་བྱེད། །མཚམས་འབྱོར་ཆེན་པོའི་ཏིང་འཛིན་གྱིས། །ཀུན་ཀྱང་ཆུ་ཟླའིཚུལ་དུ་བསྒོམ། །འབྲས་བུ་མཚོན་ཆེན་འབར་བ་ནི། ཁུ་མཆོག་འབྲས་བུ་ཡི་གེ་ཧུ༷། །གཉིས་མེད་མཚོན་པའི་ལམ་བཟང་པོ། །ཟུང་དུ་འཇུག་པའི་རང་བཞིན་ཡིན། །ཆོས་ཀུན་རྩ་བ་སེམས་ཉིད་པས། །ཕྱི་ནང་དངོས་པོ་མ་ལུས་ཀུན། །ར༷་གྱིས་བསྲེགས་ལ་ཡ༷་གྱིས་གཏོར། ཁ༷་ལས་ཆུ་བྱུང་དག་པར་བསམ། །ཧུ༷་གིས་འོད་ཟེར་རབ་འབར་བས། །སོ་སོའི་སྐུ་རུ་གསལ་བལྟས་ཏེ། །དེ་ལ་འོད་ཟེར་འཕྲོས་པ་ཡིས། །ལས་གཉིས་བྱས་ནས་སླར་འདུས་པས། །རྡོ་རྗེའི་ར་བ་དྲ་བ་དང་། །ཁང་པར་ཡོངས་སུ་བསམ་པར་བྱ། །དེ་ནི་ཐུན་མོང་མཚམས་ཞེས་བྱ། །ཁྱད་པར་བཀའ་ཡི་འཁོར་ལོ་ནི། །བདག་གིས་དེ་ལ་བཀའ་སྩལ་ནས། །བགེགས་ཀྱི་ཚོགས་ལ་ཡོངས་བཏབ་པས། །དགེ་སྡིག་ལས་ཀྱི་ཤན་ཕྱེ་ནས། །དབང་བསྐུར་ལས་ཀྱི་གཉེར་གཏད་དོ། །ཧུ༷་ཉིད་ཤེས་རབ་ཨར་བསལ་བས། །ནམ་མཁའི་དཀྱིལ་ནས་ཐིགས་པ་ཤར། །ཨེ་ལས་མཐིང་ཁ་ནམ་མཁའི་དབུས། །ཡ༷་ལས་རླུད་གི་དཀྱིལ་འཁོར་ཆེ། །ར་ལས་རཀྟའི་རྒྱ་མཚོར་གྱུར། །སུ་ལས་མཆོག་ཕྲན་ས་གཞིར་ཆགས་། །དེ་སྟེང་ཀམ་ལས་་རི་རབ་སྟེང་། རམ་ལས་ཡེ་ཤེས་མེ་བྱུང་སྟེ། ལས་གཉིས་ཡོངས་སུ་རྫོགས་སུ་རྫོགས་བྱས་ནས། །འབྲས་བུའི་མམཚན་ཉིད་དེར་ཤེས་བྱ། །དེ་སྟེང་རྟེན་གྱི་དཀྱིལ་འཁོར་ནི། །སྒྲུ༷་ལས་གྲུབ་པའི་གཞལ་ཡས་ཁང་། །མཐའ་དང་དབུས་མེད་མཁའ་དང་མཉམ། །ཕྱོགས་བཅུར་རྒྱ་ཡོངས་མ་ཆད་པའི། །ཕྱི་དང་ནང་མེད་ཀུན་ཏུ་ནང་། །འཁོར་ལོ་རྩིབས་བརྒྱད་རབ་ཏུ་འབར། །མཛེས་པའི་གྲུ་ཆད་བཞི་དང་ལྡན། །འབར་བའི་བར་ཁྱམས་གཉིས་ཀྱིས་མཛེས། །ཚད་མེད་བཞི་ཡི་སྒོ་ལྡན་ཞིང་། །ཐོད་པ་འབར་བའི་རྩིག་པ་ལ། །ཞིང་ཆེན་ཀ་བ་མཆོག་གི་གདུང་། །མཆོག་ཕྲན་དྲལ་ཕྱམ་ཉི་ཟླའི་མིག །རཀྟ་འབར་བའི་ཞམ་ཆུ་འབབ། །ཞིང་གི་བླ་རེ་ཞིང་ཆུང་འཕན། །རྒྱལམཚནཙིསྟའིཏོགདངནི། །གདུག་པའི་སྒོ་དང་སྒོ་རྒྱན་བཅས། །ཞིང་གི་ལྷུ་ཚིགས་མང་པོ་དང་། །དུར་ཁྲོད་རྒྱན་གྱིས་མཛེས་པར་བརྒྱན། །མཐིང་ནག་པོ་ཡི་འོད་དང་བཅས། །ཕྱི་རིམ་རིན་ཆེན་འབར་བ་ལ། །ཁ་དོག་ལྔ་དང་ཡང་དག་ལྡན། །དེ་ལ་སོགས་པའི་རྒྱན་རྣམས་ནི། །གཞན་ལས་གྲགས་པ་བཞིན་དུའོ། །དེ་དབུས་ཉི་ཟླའི་པདྨའི་སྟེང་། །དྲེག་པའོ་གདན་དང་ཞིང་རྣམས་བསམ། །འདི་ནི་རྟེན་གྱི་དཀྱིལ་འཁོར་རོ། །རྒྱུ་ཡི་ཏིང་ངེ་འཛིན་རིམ་པ་ཡིས། ཆོས་ཀྱི་དབྱིངས་ལས་རང་སྒྲས་བསྐུལ། །ཆོ་ག་གསུམ་གྱི་སྦྱོར་བ་ལས། །རབ་ཏུ་སྲོལ་གི་གོར་ཤར་བས། །རྡོ་རྗེ་གཞོན་ནུའི་དག་པའི་དབྱིངས། དབུ་གསུམ་ཕྱག་དྲུག་ཞབས་བཞིར་བགྲད། །གཡས་དཀར་གཡོན་དམར་དབུས་མཐིང་ཞལ། །དང་པོ་རྩེ་དགུ་མེ་དཔུང་བསྣམས། །བར་པ་རྩེ་ལྔ་ཁ་ཊ༷་ག །ཐམ་རི་རབ་ཕུར་བུ་འདྲིལ། །ཞིང་གི་གཡང་གཞིས་ཡ་བ་བསྐོར། །གླང་ཆེན་ཀོ་རློན་སྟག་གི་ཤམ། །མདོ་བཞི་སྦྲུལ་གྱི་ཆུན་པོ་ལ། །ཐོད་པ་ཚར་གསུམ་འཕྲེང་བས་བརྒྱན། །ཐལ་ཆེན་ཞག་དང་རཀྟ་དང་། །སྲོག་རྩ་ཨན་ཙ་ན་ཡིས་བརྒྱན། །དབུ་སྐྲ་ཁན་ནག་རལ་པ་ཅན། །དུར་ཁྲོད་སྨུག་ནག་མེ་རི་འཁྱིལ། །ཞབས་བཞི་བརྐྱང་བསྐུམ་ཚུལ་གྱིས་བཞུགས། །སྡང་མིག་བགྲད་པ་ཞེ་ལ་གནོན། །མཆེ་བ་རབ་ཏུ་རྔམ་པ་གཙིགས། །ཨག་ཚོམ་འབར་ཞིང་འཇིགས་གཟུགས་ལྡན། །རབ་ཏུ་སྲོག་གི་གོ་ཤར་ནས། །གཉིས་མེད་སྐུ་དང་གསུང་ཐུགས་ལྡན། །ཆ་ལུགས་གཙོ་དང་་མཐུན་༄༅ པའམ། །ཡང་ན་ཞལ་གཅིག་ཕྱག་གཉིས་པ། །གཡས་གཡོན་དྲིལ་བུ་བསྟོར་ལྡན། །སྙིང་གི་གོ་རུ་བསྒོམ་བྱ་བ། །བྱང་ཆུབ་སེམས་ཀྱི་ངང་ཉིད་དེ། །རང་ལས་བྱུང་བའི་ཡེ་ཤེས་མཆོག །རྒྱལ་ཀུན་བ་གྱིས་མི་བརྙེས་ཏེ། །དེ་ཉིད་ཚུལ་ནི་རྣམ་པ་གཉིས། །རང་གིས་བསྐོར་ནི་གནས་པ་དང་། ཉོན་མོངས་དོན་དུ་ཡིག་འབྲུར་གནས། །དང་པོའི་ཚུལ་ནི་འདི་ལྟ་སྟེ། །སྐྱོན་གྱི་དྲི་མས་མ་གོས་པའི། །དཀར་པོའམ་རང་གི་མདོག་ཏུ་བསྟན། །རྒྱུ་དང་འབྲས་བུར་ཡང་དག་ལྡན། །ཆ་ལུགས་དེ་བཞིན་ཕྱག་དེ་བཞིན། །གཡས་གཡོན་དང་པོ་རང་རྟགས་རྣམས་འཛིན། །བ་ཞེངས་དང་བཞུགས་དང་སྟང་སྟབས་ཚུལ། །ངེས་པ་མེད་པར་དག་བཤད། །ཕུང་པོ་རྡོ་རྗེ་གཏམ་བྱས་ནས། །ཐབས་དང་ཤེས་རབ་གཉིས་མེད་ལྟར། །རྣམ་པར་ཤེས་པ་རྡོ་རྗེ་བསྒོམ། །ཡང་ན་ཡི་གེ་ཨོ་དུ་བསྒོམ། །གང་ཟག་རྣམས་ཀྱི་ཕུང་པོ་ཡང་། །དཔེར་ན་རས་སྤྱིལ་ཉི་ཟེར་བཞིན། །ཀུན་ཏུ་རྩ་ཡིས་གང་མོད་ཀྱང་། །རྩ་ཡི་ངོ་བོ་གསུམ་མ་མ་ལྔ། །འོད་ཀྱི་རྣམ་པ་དངས་སྙིགས་གཉིས། །ཡི་གེ་འབྲུ་རུ་གནས་པ་སྟེ། །དག་པས་ཉོན་མོངས་སྤྲིན་རྣམས་འཇོམས། །ཁམས་གསུམ་ཉོན་མོངས་འཇོམས་པའི་མཆོག །དེ་ལས་འོད་ཀྱིས་རབ་བསྐུལ་བས། །ཕྱོགས་བཅུའི་རྒྱལ་བ་སྤྱན་དྲངས་ནས། །ཕྱི་ནང་གསང་བའི་མཆོད་པ་དང་། །བསྟོད་དང་ཐུགས་དམ་རྗེས་བསྐུལ་བ། །རྡོ་རྗེ་གཤོན་ནུའི་རིགས་འཛིན་རྣམས། །སྲིད་པ་རྡོ་རྗེ་བསྒྲུབས་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་ཟད་པ། །སྐུ་ཡི་དབྱིག་ཏུ་བདག་བསྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་འཕྲིན་ལས་རྫོགས་མཛད་ནས། །དབང་དང་བྱིན་བརླབས་འདིར་སྩོལ་ཅིག །དབང་བསྐུར་བྱིན་བརླབས་ནུས་མཐུར་བཅས། །ལུས་དང་ཤེས་པ་རྒྱས་པ་ཡིས། །འབྲས་བུ་མངོན་པར་ཤར་བ་དང་། །མཁའ་གསང་བྱིན་བརློབ་སྦྱོར་བའི་བརྡ།།ཐབས་དང་ཤེས་རབ་བསྣོལ་མར་བསྐུལ། །ཆོ་ག་ཐབས་ཀྱི་ཡན་ལག་བཞིས། །གང་ལ་འཚམ་པའི་ཐབས་སུ་སྦྱར། །ཡང་ན་ཆོ་ག་གསུམ་གྱིས་ཏེ། །ཐམས་ཅད་གཡས་གཡོན་དང་པོ་ནི། །རྡོ་རྗེ་བརྙར་ཡང་དག་ལྡན། །ཐམས་ཅད་སྒྲོལ་བའི་མཐའ་བརྙེས་པས། །ཐ་མ་རི་རབ་ཕུར་བུ་འདྲིལ། །རྣམ་རྒྱལ་རྡོ་རྗེ་འཁོར་ལོ་བསྣམས། །དབྱུག་སྔོན་རིན་ཆེན་མེ་དཔལ་བསྣམས། །གཤེད་པོ་ཐོད་དབྱུག་དགྲ་སྟའོ། །རྡོ་རྗེ་ཞགས་པ་མི་གཡོ་མགོན། །རྟ་མགྲིན་རལ་གྲི་སྦྲུལ་ཞགས་ཏེ། །བརྙ་རྔ་ཡབ་གཞན་མི་ཐུབ། །རིན་ཆེན་དབྱུག་ཏོ་བདུད་རྩི་འཁྱིལ། །འཁོར་ལོ་མདའ་གཞུ་ཁམས་གསུམ་རྒྱལ། །ཧུ༷་ཆེན་རྒྱལ་པོ་མདའ་གཞུ་ལ། །སྟོབས་ཆེན་ཞགས་པ་ཐོ་བའོ། །རྡོ་རྗེ་སྲིན་མོ་ཆེན་མོ་རྣམས། །འཇིགས་བྱེད་ཆེན་པོ་ཇི་ལྟ་བར། །གཡོན་ན་རང་རྟགས་དྲིལ་བུ་འཛིན། ཁྲེས་རབ་ལྷ་མོས་ལུས་བརྒྱན་པའོ། །འཁོར་ལོ་གདན་ལ་རིམ་བཞིན་དུ། །ཕྱོགས་བཅུ་ཕྲ་མོ་འཁོར་བཅས་དགོད། །མདུན་དང་རྒྱབ་ཀྱི་ཕྱོགས་དང་དག་ཏུ། །སྟེང་འོག་ཁྲོ་བོ་འཁོར་བཅས་དགོད། །ཐུགས་ན་འབར་བའི་སྲོག་ཀྱང་བཞུགས། །དབུ་ལ་རྫོགས་པའི་སངས་རྒྱས་བསྲུང་། །ཀུན་ཀྱང་རིགས་དང་ཡེ་ཤེས་དབྱེ། །འཕྲ་མེན་རྣམས་ཀྱི་མདོག་དང་རྒྱ། །རྣམ་བཞི་ལས་ཀྱི་རིམ་པ་ཡིས ཅིར་ཡང་འགྱུར་ཞིང་སྣ་ཚོགས་ཐོགས། །ཡང་ན་ཉིད་ཀྱི་རྟགས་འཛིན་པས། །ངེས་པ་མེད་པར་ཡང་དག་བཤད། །སྙིང་པོ་ཡི་གེ་ཧུ༷་བཅས་པའོ། ཁྲར་སྒོ་པུ་ཤུད་མགོ་ཅན་ལ། །ལྷོར་ནི་སྐྱེ་ཀའི་མགོ་ཙན་དགོད། །ནུབ་ཏུ་སྲིན་བྱའི་མགོ་ཅན་ལ། །བྱང་སྒོར་ཁྲ་ཡི་མགོ་ཅན་རྣམས། །ཞིང་ཆེན་གདན་ནམ་དམིགས་པའི་རྟེན། །ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་ལ་སོགས་རིམ་པར་ལྡན། །ཕོ་ཉ་དཔུང་ཚོགས་ཉི་ཤུ་ནི། །གཅིག་ལའང་གསུམ་གསུམ་དྲུག་ཅུར་ལྡན། །ཡང་ན་སུམ་བརྒྱ་དྲུག་ཅུར་སོགས། །བསམ་མི་ཁྱབ་པར་སྟོན་པས་གསུངས། །རང་རང་རྟགས་དག་བྱིན་བརླབས་པ། །ཐམས་ཅད་གོང་དང་མཐུན་པར་གསུངས། །སྐུ་གསུང་ཐུགས་ཀྱི་གནས་གསུམ་ནས། །ཡི་གེ་གསུམ་གྱི་འཕྲོ་འདུ་ཡིས། །བདག་དང་འཁོར་ནི་ཐམས་ཅད་ལ། །སྲོག་དང་དབང་དང་ཡེ་ཤེས་རྣམས། །ལུས་ངག་ཡིད་ལ་བསྐུར་བར་བྱ། །ཡང་ན་རྡོ་རྗེ་གསུམ་གྱི་ལྷས། །བྱིན་གྱིས་བརླབ་པར་ཡང་དག་བཤད། །དང་པོ་སྟོན་པ་ཆོས་ཀྱི་སྐུ། །ཁྲོ་ཚོགས་ལོངས་སྤྱོད་རྫོགས་པའི་སྐུ། །དེ་ལས་བྱུང་བ་སྤྲུལ་པའི་སྐུ། །དེ་བཞིན་གཅིག་ལ་ཀུན་ཚང་བས། །ངེས་པ་མེད་པར་ཡང་དང་བཤད། །རང་བཞིན་དཀྱིལ་འཁོར་བསྒྲུབ་པ་ནི། །སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ལྕགས་ཀྱུས་བདེ་གཤེགས་གནས་ནས་དགུག །ཡེ་ཤེས་ཁྲོ་བོ་གཤེགས་སུ་གསོལ། །དྲག་པོའི་འཕྲིན་ལས་རྫོགས་པའི་ཕྱིར། །དཀྱིལ་འཁོར་དང་བཅས། །རྟེན་དང་བཅས་པ་སྤྱན་དྲངས་ལ། །ཁྲོ་བོ་ཆེན་པོ་གཤེགས་ནས་ཀྱང་། །གཟུགས་དང་གཉིས་སུ་མེད་པར་བསྟིམ། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་སྩོལ། །གདན་དང་ཕྱག་དང་བསྟིམ་ལ་སོགས། །ཕྱི་ནང་གསང་བའི་མཆོད་པས་མཆོད། །བསྟོད་དང་འཕྲིན་ལས་དྲག་པོས་བསྐུ། །བཟླས་དངདངོས་གྲུབ་ནོད་པ་དང་། །བསྐྲད་དང་བསྡུ་དང་བསྲུང་བ་དང་། །རིགས་མི་ནུབ་དང་སྤྱོད་ལམ་རྣམས་ལས། །ལ་འབྲས་བུ་ཅི་ཡོད་བཤད། །འདི་ནི་ཕྱི་ཡི་རིམ་པ་ཡིན། །ནང་གི་རིམ་པ་ཡང་གསུངས་བ། །ཉི་ཤུ་རྩ་གཅིག་ཨེ་ཡི་དཀྱིལ། །མཐིང་ནག་འབར་བའི་གཞལ་ཡས་ལས། །དྲག་པོ་སྒྲོལ་བའི་ནུས་པར་ལྡན། །གཞལ་ཡས་མེ་འོད་འབར་བར་བསྒོམ། །ལོག་པར་ལྟ་བ་བསྒྲལ་བ་དང་། །ངན་སེམས་འཆང་བ་མནན་སླད་དུ། །འཇིགས་བྱེད་དྲག་པོའི་དཀྱིལ་འཁོར་ལ། །མཐིང་ནག་འབར་བའི་ཁྲོ་བོ་རྣམས། །ཞལ་གཅིག་ཕྱག་ཀྱང་གཉིས་པ་ལ། །ཕྱག་ན་དབང་དྲ་ག་ཕུར་བུ་་དྲིལ། །ཡང་ན་གདུག་པའི་མཚོན་ཆ་བསྣམས། །ཀུན་ཀྱང་མཐུན་པར་ཤེས་པར་བྱ། །གསོད་པ་ལས་མཁན་བསྐྱེད་པ་ནི། །ཚད་མེད་སྙིང་རྗེ་བསྐྱེད་པ་དང་། །བྱང་ཆུབ་སེམས་ལ་དགའ་བ་ནི། །སྔོན་དུ་འགྲོ་བའི་མཆོག་ཡིན་ཏེ། །བསྒྲུབ་པ་པོས་ནི་ནན་ཏན་བྱ། །ཁྲག་འཐུང་ཐུགས་ལ་གནས་པ་ནི། །ཡེ་ཤེས་རྩེ་མོ་མཆོག་ཡིན་ཏེ། །ཧུ༷་གསུམ་ལས་ནི་འདས་པའི་ཕྱིར། །རྩེ་མོ་མེད་པའི་ལས་སུ་བསྟན། །འདི་ནི་གཟུངས་དང་བྱིན་རླབས་དང་། །བཟླས་བརྗོད་དང་ནི་འཕྲིན་ལས་དང་། །དུས་དང་གནས་དང་བདག་ཉིད་དང་། །ཕུན་སུམ་ཚོགས་པ་བདུན་པོ་ཡིས། །དྲག་པོའི་ལས་ཀྱང་གྲུབ་པར་བྱེད། །རེ་ཞིག་རིམ་པ་འདི་བསྒོམ་བྱ། །བཅུ་གཅིག་ཉི་ཤུ་རྩ་གཅིག་གམ། །བཞི་བཅུ་གཉིས་སམ་བརྒྱ་རྩ་བརྒྱད། །བདུན་ནམ་ལྔའམ་བཞིའམ་གཅིག །གནས་སྐབས་རང་གི་རིམ་པས་བསྐྱེད། །རྫས་ཀྱི་ཕུར་པ་གཞལ་ཡས་ཁང་། །རྩེ་མོ་ཆོས་འབྱུང་རང་བཞིན་ཏེ། །རྒྱ་མདུད་གནམ་ས་གཉིས་བར་དུ། །ལྕུམ་ཞོགས་རིན་ཆེན་ཟུར་བརྒྱད་དེ། །ནང་དུ་རིན་ཆེན་གཞལ་ཡས་ཁང་། །རྒྱན་ལ་སོགས་པ་གཞུངབཞིནབསམ། །ནང་དུ་ཞིང་དང་ཉི་ཟླའི་སྟེང་། །ཁྲག་འཐུང་ལྷ་ཚོགས་བསམ་པར་བྱ། །དེ་ཡང་བདག་ཉིད་ཐུགས་ཁའི་ཧུ༷། །འོད་འཕྲོས་ཁྲག་འཐུང་སྤྱན་དྲངས་ཏེ། །གཞལ་ཡས་ཁང་དུ་བཞུགས་པར་བསམ། །ཕྱི་ནང་གསང་བའི་མཆོད་ཕུལ་ནས། །རྟེན་དང་བཅས་པར་འོད་དུ་ཞུ། །བདག་གི་ཞལ་ཐིམ་ལྟེ་དབུས་སྦྱང་། །ཡུམ་གྱི་མཁའ་ལ་སྤྲོས་པ་དང་། །སྲས་ཀྱི་སྐུ་རུ་ཡོངས་རྫོགས་བསམ། །ཡང་ན་ཆོ་ག་གསུམ་ལས་ནི། །ཞལ་གསུམ་ཕྱག་བཞི་དྲག་པོའི་ཚུལ། །སྐུ་སྟོད་ཡན་ཆད་ཆས་རྣམས་ནི། །རྡོ་རྗེ་གོ་ཆ་ན་བཟར་གསོལ། །སྦྲུལ་དང་ཐོད་རློན་འཕྲེང་བས་བརྒྱན། །ཐམས་ཅད་མཐུན་ཏེ་གཙོ་བོ་བཞིན། །ལྟེ་བ་མན་ཆད་ཆས་རྣམས་ནི། །ཨུཏུལ་སྔོན་པོའི་མདོག་ཀྱང་འདྲ། །ཡེ་ཤེས་ཕུར་པ་དབུ་གསུམ་པོ། །བཏབ་ན་ལྷ་ཡང་རླག་པར་བྱེད། །གཡས་ཀྱི་དང་པོ་སྟ་གྲི་ལ། །འོག་མ་རི་རབ་གནོན་ཚུལ་འཛིན། །གཡོན་པ་ཁ་ཊ༷་དྲིལ་བུ་འཛིན། །འོག་མ་ཕུར་པ་འདེབས་པའི་ཚུལ། །རྟག་པ་ཆེན་པོར་བཞུགས་པར་བསྒོམ། །བྱིན་བརླབས་དབང་བསྐུར་གཟི་བསྐྱེད་ལ། །གདན་ལ་ཞུགས་སུ་གསོལ་བ་གདབ། །སྒྱི་བོ་ཟླ་སྟེངས་ཨོ་དཀར་པོ། །མགྲིན་པར་འདབ་བརྒྱད་དམར་པོ་ཧྲི། །ཐུགས་ཁར་ཉི་སྟེངས་ཕཊ་མཐིང་ནག །སྐུ་གསུང་ཐུགས་ཀྱི་རྡོ་རྗེ་བསམ། །ཡང་ན་སྤྲོ་བསྡུས་བྱིན་བརླབ་བསྡུ། །སྐུ་གསུང་ཐུགས་སུ་བྱིན་བརླབ་པའོ། །སྐུ་གསུང་ཐུགས་ཀྱི་རྡོ་རྗེ་ནི། །ཐུགས་ཁར་ཡི་གེ་འབྲུ་གསུམ་བསམ། །ལྟེ་བར་ཟུར་བརྒྱད་སྟེང་དུ་ས། །སྟེང་འོག་ཉི་སྟེང་ཧ་བསྒོམས་ཏེ། །འཕྲོས་འདུས་ཡེ་ཤེས་ལྔར་ལྡན་བསམ། །འབྲུ་ལྔས་གནས་ལྔར་བྱིན་བརླབ་པའོ། །ལོགས་གསུམ་ཧུ༷་ལ་ཟུར་གསུམ་ཕཊ། །སྐུ་གསུང་ཐུགས་ཀྱི་རང་བཞིན་དང་། །དེ་ཡི་འཕྲིན་ལས་རྣམ་གསུམ་གྱིས། །དྲག་པོ་སྒྲོལ་བའི་ནུས་ལྡན་པར། །ཡེ་ཤེས་རྩེ་གཅིག་བྱིན་བརླབ་པའོ། །སྒྲོལ་བ་ལས་ཀྱི་སྐབས་སུ་ནི། །བྱི་ན་གྱིས་བརླབ་པ་ཡང་གསུངས་པ། །སྐུ་གསུང་ཐུགས་ཀྱི་ཁྲོ་བོ་ནི། །རེ་རེ་ལའང་གསུམ་གསུམ་དགུ །འཕྲོས་པས་ལན་གཉིས་རྫོགས་བྱས་ནས། །ཕྱོགས་བཅུའི་བདེ་གཤེགས་ཐམས་ཅད་ལ། །དྲག་པོའི་བྱིན་བརླབས་མཛད་པར་བསྐུལ། །ཕྱོགས་བཅུའི་བདེ་གཤེགས་ཐམས་ཅད་ཀྱི། །དཀྱིལ་འཁོར་ལྷ་ཚོགས་བྱིན་བརླབ་བསྐུལ། །རང་རང་རྟགས་འཛིན་ཁྲོ་བོ་རྣམས། །ཕུར་པའི་སྐུ་ལ་རབ་ཞུགས་པས། །རྟེན་དང་རྟེན་ཅན་ཚུལ་དུ་སྣང་། །སྲིད་གསུམ་སྒྲོལ་བའི་ནུས་པར་ལྡན། །རིགས་ཀྱི་ཁྲོ་བོས་བྱིན་བརླབས་པའོ། །གཞན་ཡང་བྱིན་གྱིས་བརློབ་པ་ནི། །གཡས་གཡོན་ཉི་ཟླའི་དཀྱིལ་འཁོར་ལ། །དབུས་སུ་ཀུན་བཟང་ཡབ་ཡུམ་བསྐྱེད། ཆོ་ག་གསུམ་གྱི་སྦྱོར་བ་ཡིས། །རིགས་ལྔ་ཡབ་ཡུམ་རྫོགས་པར་བལྟ། །དེའང་རིམ་པ་འདི་ལྟ་སྟེ། །གུང་མོ་རྣམ་པར་སྣང་མཛད་ལ། །མཐེ་བོང་མི་བསྐྱོད་པ་ཡི་སྐུ། །མཛུབ་མོ་རིན་ཆེན་འབྱུང་ལྡན་ཏེ། །སྲིན་ལག་དོན་ཡོད་གྲུབ་པའོ། །མཐེའུ་ཆུང་སྣང་བ་མཐའ་ཡས་སོ། །ཡུམ་ཡང་རིམ་པ་ཇི་ལྟ་བར། །ཐབས་དང་ཤེས་རབ་གཉིས་མེད་བསྒོམ། །དམ་ཚིག་བླང་དང་སྙོམས་པར་འཇུག །བསྐྱོད་དང་བྱང་སེམས་འོད་འཕྲོས་པས། །ལས་གཉིས་ཡོངས་སུ་རྫོགས་བྱས་ནས། །ཕྱོགས་བཅུའི་སངས་རྒྱས་ཐམས་ཅད་ལ། ཤེན་ཏུ་དྲག་པོའི་འཕྲིན་ལས་བསྐུལ། །སྦྱོར་བའི་བྱིན་བརླབས་འོད་དུ་ཞུ། །ཐུགས་ཁར་ཐིམ་ནས་སྐུ་ཡི་དབྱིག །རྡོ་རྗེའི་ལམ་ཞུགས་ཡུམ་གྱི་མཁའ། །ཙ་ན་ཀ་ཡི་འབྲུ་ཙམ་དུ། །སྲས་ཀྱི་སྐུ་ལ་རབ་བཞུགས་པས། །ཕྱོགས་བཆི་བདེ་གཤེགས་ཐམས་ཅད་ཀྱི། །ངོ་བོ་ཉིད་དུ་གྱུར་པས་བརྟག །གསང་བའི་དབང་དང་བྱིན་བརླབ་ནོས། །རིགས་ལྔ་ཉིད་དུ་འོད་ཞུ་བསྟིམ། །ལག་གི་རྩོལ་བས་བྱིན་བརླབས་པའོ། །ཐབས་དང་ཤེས་རབ་གཉིས་བར་དུ། །གའུའི་དབུས་སུ་ཉུངས་ཀར་བཞག །ཐབས་དང་ཤེས་རབ་དག་གི་མཐུས། །ཁྲོ་ཆུང་འཇིགས་པའི་གཟུགས་ཅན་ནི། ཁེན་ཏུ་དོད་ལ་བསམ་མི་ཁྱབ། །བསྣུན་པས་གཟུགས་དང་གཉིས་སུ་མེད། ཁེན་ཏུ་རྣོ་ཞིང་དབལ་དང་ལྡན། འོད་ཟེར་འབར་བར་གྱུར་པས་བརྟག །ཐབས་མཆོག་ཉི་མའི་དབུས་སུ་ནི། །ཧོ་ལས་མེ་དཔུང་འབར་བར་གྱུར། །འདྲེ་འབྲོས་ཐང་ཆུ་དེ་ལས་བསྲེགས། །བདུག་པས་མཉེས་པའི་མཆོད་པ་དབུལ། །ཧོ་ལས་བྱུང་བའི་དུར་ཁྲོད་མེ། །སྨུག་ནག་དཀྱིལ་ན་བཞུགས་པར་བརྟག །ར་ཡི་ཁྲག་དང་གསུར་ཆེན་དང་། །པདྨ་རཀྟ་ནིམ་པའི་ལོ། །སྡོང་པོ་རྐང་གཅིག་ཁྲག་གིས་བྱུག །ཤིན་ཏུ་ཆགས་ཤིང་ཞེན་པར་བསམ། །ཧུ༷་བཞི་གསལ་འཕྲོ་ཧུ༷་བཞིའི་ཚོགས་ལས་བསྐྱེད། །སྐུ་གཅིག་དང་ལས་དཀྱིལ་འཁོར་ཐམས་ཅད་རྫོགས། །དབུ་ལ་རྒྱ་མདུད་རང་བཞིན་ཐབས་ཡིན་ཏེ། །དབུས་སུ་རྒྱ་མདུད་བསྟན་པས་ཤེས་རབ་པོ། །ཐབས་དང་ཤེས་རབ་གཉིས་ལས་ཡོངས་རྫོགས་པ། །ལོ་བརྒྱད་རང་བཞིན་ཁྲོ་བོ་ཆེན་པོ་བརྒྱད། །ཟུར་བརྒྱད་འབྱུང་བའི་རང་བཞིན་ཁྲོ་མོ་བརྒྱད། །ཟུར་སྟེང་ཆུ་སྲིན་ཁ་ན་སྒོ་མོའི་ཚོགས། །ཐུགས་མཆོག་མཉམ་པའི་དབྱིངས་ནས་སྤྲུལ་པ་འགྱེད། །རྩེ་མོ་ཟུར་གསུམ་རང་བཞིན་སྐུ་གསུང་ཐུགས། །སྟེང་འོག་གཉིས་སུ་གནས་པ་ཡབ་ཡུམ་གཉིས། །རྒྱ་མདུད་འོག་མར་སྟེང་འོག་ཁྲོ་རྒྱལ་གཉིས།ཡབ་ཡུམ་སྤྲུལ་པར་བཅས་པའི་རང་བཞིན་ནོ། །ཁོང་སྟོང་བྱང་ཆུབ་སེམས་ཀྱི་རང་བཞིན་ལས། །ཁྲོ་རྒྱལ་འདུས་པའི་སྲས་མཆོག་ཀི་ལ་ཡ། །མ་གཡོས་རྣམ་དག་ཆོས་དབྱིངས་ཀྱི་ནས་བཞེངས། །སྐུ་གསུང་ཐུགས་ལྡན་དྲག་པོ་མི་བཟད་པ། །གདུག་ཅན་ལོག་པར་ལྟ་བའི་སེམས་ཅན་རྣམས། །ཐུགས་རྗེས་ཁྱད་པར་དབྱིངས་སུ་སྒྲོལ་ཞིང་སྡུད། །ཞི་བས་འདུལ་བའི་སྐལ་དང་མི་ལྡན་ཡང་། །དྲག་པོས་བསྒྲལ་བའི་འཕྲིན་ལས་ཁྱེད་ཀྱིས་མཛོད། །དེ་སྐད་བརྗོད་ལ་ཐུགས་དམ་བསྐུལ། །ཕྱི་ནང་གསང་བའི་མཆོད་པ་དང་། །འཕྲིན་ལས་དུས་ཀྱི་རིམ་པས་བྱ། ནང་གི་གསང་བ་ཞེས་བྱའོ། །གསང་བའི་རིམ་པ་འདི་ལྟ་སྟེ། །གཉིས་མེད་གསང་བ་ཆེན་པོའི་དོན། །ཀུན་གྱིས་རྟོགས་པར་ག་ལ་ནུས། །རྟག་དང་ཆད་པའི་རང་བཞིན་གྱིས། །དེས་ཀྱང་གསང་དོན་རྟོགས་པ་མིན། །བདེ་ཆེན་སྟོང་པའི་རང་བཞིན་གྱིས། །དེས་ཀྱང་གསང་དོན་རྟོགས་པ་མིན། །ཡེ་ཤེསསྐུ་ཡི་རིམ་པ་ཡིས། །དེས་ཀྱང་གསང་བའི་དོན་མི་རྟོགས། །བྱང་ཆུབ་སེམས་ནི་བདེ་ཆེན་པོས། །དེས་ཀྱང་རྟོགས་པར་ག་ལ་ནུས། །རྟག་ཆད་མཐའ་ནི་ངེས་སྤང་ཞིང་། །རང་བཞིན་སྟེང་པའི་རང་བཞིན་ཅན། ། དབུ་མའི་དོན་ཆེན་ཟབ་མོ་ཡིས། །དེར་ཀྱང་རྟོགས་པར་ག་ལ་ནུས། །གསང་བ་དམ་པ་ལས་བྱུང་བ། །སངས་རྒྱས་སྐུ་ནི་རབ་རྒྱས་མཛད། །སྣང་བ་མ་ཡིན་མི་སྣང་མིན། །ཡེ་ཤེས་སྐུ་ནི་རབ་གསལ་བ། །ཁྱད་པར་མི་གཉིས་ཐམས་ཅད་དེ། །དག་ཅིང་དང་བའི་རང་བཞིན་ཅན། །གསལ་བའི་དོན་ཉིད་དེ་དྲན་བྱ། །ཕྱི་ནང་ཆོས་རྣམས་ཐམས་ཅད་ཀུན། །སྒྱུ་མའི་རང་བཞིན་ཉིད་ཡིན་ཏེ། །དེ་ལ་ཡང་དང་ཡང་། །འདྲིས་ན། །དེ་ཡིས་ཐམས་ཅད་མཁྱེན་པར་འགྱུར། །གདོད་ནས་སྒྱུ་མའི་རང་བཞིན་པས། །རང་བཞིན་གྱིས་ནི་དེ་ལྟའོ། །དམ་པ་རྣམས་ཀྱིས་དཔེས་མཚོན་བྱས། །ཐམས་ཅད་གསངབ་ལས་བྱུང་བ། །རིམ་གྱིས་དེ་ཉིད་ལ་ཐིམ་པས། །སྒྱུ་མའི་ལུས་ཅན་ཉིད་དུ་འགྱུར། །སྒྱུ་མ་སྨིག་རྒྱུ་མེ་ལོང་གཟུགས། །ཆུ་ཟླ་རྨི་ལམ་ཆུ་བུར་དང་། །དབང་པོ་གཞུ་ཡི་རང་བཞིན་དང་། །བྲག་ཆ་སྒྲ་བརྙན་ཉེར་གནས་པ། །སྒྱུ་མའི་དཔེ་ནི་བརྒྱད་རྣམས་ནི། །དོན་ནི་གསུམ་དུ་ཤེས་པར་བྱ། །རྒྱལ་བའི་དཀྱིལ་འཁོར་རབ་འབྱམས་ཡང་། །སྒྱུ་མའི་རང་བཞིན་ཉིད་དུ་བྱ། །སྤྱོད་ལམ་དག་ནི་ཐམས་ཅད་དུ། །སྒྱུ་མའི་ཚུལ་ཅན་དེ་དང་དེ། །ཐམས་ཅད་རྗེས་སུ་བྱ་བ་ཡིན། །ཐོག་མ་མེད་པའི་དུས་ཤེས་ནས། ཁྲེས་རབ་གསུམ་ལ་རབ་སྦྱངས་ཀྱང་། །གསང་བའི་དོན་རྣམས་ཤེས་པ་མིན། །ཡང་དག་གསང་བའི་དོན་གསང་བ། །མཁས་པས་ཀྱང་ནི་མི་ཤེས་ཏེ། །རྣ་བརྒྱུད་གདམས་པའི་ལུང་མེད་པར། །མངོན་སུམ་བྱ་བར་མི་ནུས་སོ། །དོན་ཉིད་གསང་བ་ལས་བྱུང་བའི། །འགྲོ་བ་དྲུག་གི་སེམས་ཅན་གྱིས། །རང་དགར་རྙེད་པར་མི་འགྱུར་ཏེ། །བསྐལ་བ་གྲངས་མེད་དུ་སྦྱངས་པའི། །ལས་འཕྲོ་དང་ལྡན་བླ་མའི་དྲིན། །འབད་པའི་དབང་གིས་རྙེད་པར་ག་ལ་ནུས། །འདི་ལ་དཀའ་ཐུབ་དཀའ་སྤྱད་མིན། །འདི་ལ་ཁྲུས་དང་གཙང་སྦྲ་མེད། །འདི་ལ་བརྟུལ་ཞུགས་སྤྱོད་པ་མེད། །སྒྱུ་མའི་ཚུལ་ཅན་ཏིང་འཛིན་གྱིས། །སངས་རྒྱས་ཉིད་དུ་དེ་གནས་འགྱུར། །ཐམས་ཅད་སྒྱུ་མའི་རང་བཞིན་ཡིན། །རྟོག་གེ་བ་རྣམས་སྨོད་བྱེད་ཀྱང་། །ཡང་དག་དེ་ཡིས་ཤེས་པ་མིན། །རང་བཞིན་གསང་བའི་དོན་ཉིད་དེ། །རང་ལུས་ཉིད་ལ་གནས་པ་སྟེ། །རྟོག་པ་དང་བཅས་མི་མཐོང་ངོ་། ཁྲེས་དང་ཕུང་བྱེད་རྣམ་པར་ལྡན། །ཡིད་ལུས་དབང་པོའི་གཞུ་དང་འདྲ། །བརྒྱད་ཀྱི་དཔེ་ལ་རྨོངས་པ་ཡིས། །གསང་བའི་དོན་ཉིད་མི་མཐོང་ངོ་། །གསང་བའི་དོན་ཉིད་མི་མཐོང་ངོ་། །གསང་བའི་དམ་པ་མཆོག་གི་ལམ། །འབྲས་བུ་སངས་རྒྱས་སྐུར་གསལ་བ། །སེམས་ཅན་ཁམས་རྣམས་དེ་འདྲར་བརྟག །བརྟན་གཡོའི་རང་བཞིན་ཐམས་ཅད་ཀྱང་། །སྔགས་ཀྱི་བདག་ཉིད་དེ་ལས་མེན། །གསང་བ་ལས་རྙེད་རང་བཞིན་ཏེ། །འགྲོ་བའི་གནས་མེད་དེ་བཞིན་ཉིད། །ཆོས་སྤྱོད་བཅུ་ཡིས་ལས་མི་བྱེད། །ལས་བྱེད་སྒྱུ་མའི་རང་བཞིན་ནོ། །དང་པོའི་ལས་ཅན་དེ་དང་དེ། །སྒྱུ་མའི་རང་བཞིན་མ་དམིགས་ན། །གསང་བའི་དོན་བྲལ་འབྲས་བུ་མེད། །ས་ཡི་རིམ་པ་དེ་དང་དེ། །རབ་ཏུ་གནས་པའི་སྐབས་སུ་ཡང་། །སྒྱུ་མའི་ལུས་ཅན་སྤྱོད་མེད་ན། །བྱས་ལ་གསང་བའི་འབྲས་བུ་མེད། །གསང་བའི་རིམ་པ་ཡང་གསུངས་བ། །དང་པོར་སྔགས་ཀྱི་རྒྱུ་ཉིད་ནི། །གསལ་ལ་དྲི་མ་དག་པ་ཡི། །མཁའ་དབྱིངས་གཉིས་མེད་སྤྲོལ་བྲལ་ལྡན། །མཆོག་གི་སྙིང་པོ་དེ་བརྙེས་ནས། །ཐོག་མ་དང་ལྡན་མེ་ཡི་མཐུས། །རབ་ཏུ་བསྐུལ་བར་དེ་ཤེས་ལ། །འཕར་བ་ཉ་དང་ཆུ་ཡི་ཚུལ། །དེ་ཉིད་མཐུས་ནི་དབུ་མ་གསལ། །དེ་ལས་རླུད་གི་ལྕགས་ཀྱུ་ཡིས། །ཐབས་དང་ཤེས་རབ་སྤྱན་དྲངས་ལ། །ཉིན་ཐབས་གཉིས་ལ་རབ་གནས་བྱ། །བདེ་བ་ཆེན་པོའི་འཁོར་ལེའི་གནས། །གསལ་བའི་དབྱིངས་དང་ལྡན་པར་གནས། །དེ་དཀྱིལ་ལྟེ་བའི་བུ་ག་མྲ །ཨ་དང་མ་ལས་གྱུར་པ་ཡི། །དེ་དཀྱིལ་གསང་བའི་ཡི་གེ་ཀྟ། །ཡིད་དང་གཉིས་སུ་མེད་པ་སྟེ། །ཐབས་དང་ཤེས་རབ་རང་བཞིན་ཡིན། །ཆོས་ཀྱི་སྙིང་པོར་བསམ་བྱ་བ། །ཐབས་དང་ཤེས་རབ་ཡི་གེ་ནི། །ཉི་ཟླའི་དབུས་སུ་བསམ་པར་བྱ། །དེ་བདེ་བརྟེན་འགྱུར་གསལ་བ་ནི། །དཀྱིལ་འཁོར་ཆེན་པོ་རྫོགས་ཞེས་བྱ། །བདེ་བ་རྒྱས་འདེབས་རྙུ་པེ་སྟེ། །མཛེས་པ་མེ་ཏོག་མ་རུ་གྲགས། །འོད་དང་ལྡན་དུས་མར་མེ་ལ། །བདེ་དང་ལྡན་པའི་དྲི་ཆབ་མོ། །མེ་ཏོག་དོར་བ་དྲི་ཡིས་དངོས། །དེ་ཡི་ཚིམ་ལྡན་རོ་ཞེས་བརྗོད། །བྱུག་པ་ཆོས་ཉིད་བདེ་བས་རེག །ཡོངས་སུ་རྒྱས་བྱེད་སྒྲ་ཚོགས་ཡིན། །གཞན་པས་མི་འགྱུར་ས་ལེ་སྟེ། །རྒྱུན་མི་འཆད་བར་འཕྲེང་པར་འདོད། །ཐམས་ཅད་རོལ་པའི་པི་ཝང་སྟེ། །ཅིར་ཡང་སྣང་བ་གར་མའོ། །རྣམ་རྟོག་མི་མངའ་བདུད་རྩི་སྟེ། །དམིགས་པར་མི་གནས་གཏོར་མར་བཤད། །དུག་གསུམ་མི་གནས་རཀྟ་སྟེ། །སྙིང་པོ་ཉིད་དེ་བྱང་ཆུབ་སེམས། །མི་འབྲལ་དུས་ན་ལྕགས་ཀྱུ་མ། །གཉིས་སུ་མི་གནས་ཞགས་པར་བརྗོད། །དེ་ལུང་ལྡན་པར་ལྕགས་སྒྲོག་སྟེ། །བསྟན་པ་ཉིད་ན་དྲིལ་བུ་ཡིན། །འདི་ལྟ་་གསལ་བར་རང་བྱུང་ནས། །བདེ་བ་རྒྱས་པར་འགྱུར་བ་ཡིན། །བྱང་ཆུབ་སེམས་ཀྱི་དཀྱིལ་འཁོར་མཐུས། །ཡང་དག་གསལ་བར་བྱུང་བ་ཡིན། །དེ་ལྟར་གསལ་བར་སུ་བསྒོམ་པ། །དག་པའི་ཞིང་ལ་གནས་པ་སྟེ། །འདི་ཡང་ཏིང་འཛིན་རིམ་པ་ཡིན། །གསང་བའི་རིམ་པ་ཡང་གསུངས་པ། །མགོ་བོ་དཔལ་གྱི་རི་བོ་ཉིད། །དཔག་བསམ་ཤིང་བུ་ཡལ་གའི་ཚུལ། །སྒོ་བརྒྱད་པ་ཐག་ཁུག་པར་ལྟར། །ཡེ་ཤེས་ཐམས་ཅད་སྐྱེས་པར་བྱེད། །ས་བོན་ཁ་བ་ལྟ་བུར་གནས། །སྐྱེ་གནས་སྙིང་མགྲིན་ལྟེ་བར་ཡང་། །རྩ་ཡི་དང་མ་དར་དཀར་ཚུལ། །ལུས་ཀྱི་དཀྱིལ་འཁོར་ཉམས་དགའ་བར། །གཉིས་མེད་ཡེ་ཤེས་བཙལ་བར་བྱ། །ལུས་ལས་ཡེ་ཤེས་ཆེན་པོ་གནས། །རྟོག་པ་ཐམས་ཅད་སྤོང་བར་བྱ། །རང་ལ་གནས་ཤིང་རང་གི་བསྐྱེད། །དེ་བས་ལུས་ཀྱིས་མཚོན་པར་བྱེད། །གཉིས་མེད་སྐྱེ་བའི་རྒྱུ་དང་རྐྱེན། །རྣམ་པ་གཉིས་སུ་ཤེས་བྱ་སྟེ། །རེ་ཞིག་རྒྱུ་ལ་རྣམ་པ་གཉིས། །འོད་གསལ་ཀུན་རྫོགས་བྱང་ཆུབ་སེམས། །དེ་བཞིན་རྐྱེན་ཀྱང་རྣམ་པ་གཉིས། །གཞུང་དང་མཐུན་པའི་གཟུངས་མ་དང་། །རྡོ་རྗེ་པདྨར་བྱིན་བརླབས་ལྡན། །རྒྱུ་རྐྱེན་རྣམ་པ་གཉིས་ཤེས་ནས། །ཧུ༷་ལས་བྱང་ཆུབ་སེམས་འཕྲོས་ཏེ། །ཕྱོགས་བཅུ་རྒྱལ་བའི་ཐུགས་ཀར་བཞུགས། །ཡེ་ཤེས་བདུད་རྩིས་བླང་ནས་ཀྱང་། །འབར་འཛིན་དང་པོའི་སྒོར་ཞུགས་ཏེ། །དཀྱིལ་འཁོར་རིམ་གྱིས་བགྲོད་ནས་ཀྱང་། །བདག་ཉིད་ཡི་དམ་ལྷར་བསྐྱེད་བསྒོམ། །ཡུམ་ཡང་འཁོར་ལོ་རྒྱས་འདེབས་ཉིད། །གཉིས་མེད་གསལ་བའི་ཐུགས་ཀ་ནས། །དལ་ནས་དལ་བའི་འདུ་བྱེད་ལས། །ལྟེ་བའི་དཀྱིལ་དུ་གཤེགས་་པའི་ཚེ། །འདོད་ཆགས་རས་ལ་མར་ཁུའི་ཚུལ། །བ་ཀ་ར་ཏ་ཀི་ཙ་རི་ལ། །རྡོ་རྗེ་སེམས་དཔའི་ཕོ་བྲང་ནི། །རྗེས་འཇུག་སྙོམས་པར་འཇུག་པ་གཉིས། །ཐ་མ་བརློང་བའི་བདག་ཉིད་དེ། །དལ་ནས་བརྟག་ཅིང་མ་སྐྱེས་བསམ། །ངལ་བསོད་དལ་པའི་རིམ་པ་ལས། །ཀུན་རྫོབ་ནོར་བུ་ཀུན་དའི་ཚུལ། །རིམ་གྱིས་འདྲེས་པའི་བདེ་བ་ལས། །སྙོམས་པར་ཞུགས་པའི་ཕོ་བྲང་རྣམས། །གང་ཚེ་རྡོ་རྗེ་རྩེ་གནས་པ། །དེ་ཚེ་པདྨའི་སྣ་ཡི་རྩེ། །བཞག་པས་ཞིག་ཅིང་བདེ་བར་གནས། །མི་དམིགས་པ་ཡི་བདེ་བ་འཐོབ། །ཐིག་ལེ་རིམ་གྱིས་འདྲེས་པ་ལས། །བཤང་སྒོར་ཀྟ་ཡིས་སྒོ་བཀག་སྟེ། །རྩ་གསུམ་འདོམ་པའི་དཀྱིལ་ཉིད་དུ། །གང་ཚེ་ཀུན་རྫོབ་དོན་དམ་གཉིས། །གཟུགས་དང་གཟུགས་ཀྱི་ཚུལ་གྱི་གནས། །གང་ཚེ་ལ་བས་བདེ་རྙེད་པ། །དེ་ཚེ་བྱང་སེམས་ཀུན་དྷའི་ཚུལ། །འགྲོ་འཇུག་གནས་ལ་བཤོན་པ་སྟེ། །རྡོ་རྗེ་བཟླས་པར་བརྗོད་པ་ཉིད། །འབྱུང་བ་རིག་པོའི་ཚུལ་ལས་གྲུབ། །འཇུག་པ་དེ་ཡི་ཕྱེད་ཀྱི་ཚད། །གཉིས་ཀྱིས་གནས་པ་རྙེད་པ་ཉིད། །གང་ཚེ་བཤོན་པའི་བདག་ཉིད་ལྟར། །དེ་ཚེ་ཀུན་དྷའང་དེ་ལྷར་གནས། །གཡས་ཀྱི་རྩ་ལས་འབྱུང་བ་ཉིད། །གཡོན་གྱི་རྩ་ལ་འཇུག་པ་ཉིད། །དབུ་ལ་གནས་པ་གྲུབ་པ་ཉིད། །རྟ་དང་བཞོན་པ་ཐ་མི་དད། །སྙོམས་འཇུག་ཕོ་བྲང་གནས་པའི་ཚེ། །བརྗོད་པ་རུས་སྦལ་ལྟ་བུ་སྟེ། །བཅུ་ཡི་ཚུལ་ལས་མགོ་ལུས་ཁྱབ། །གཙོ་བོའི་དབང་དུ་སྨོས་པ་དང་། །འཁོར་བ་མྱ་ངན་འདས་པ་དང་། །ཡེ་ཤེས་བསྐྱེད་པ་གསུམ་ཉིད་ནི། །རྒྱུ་དང་རྐྱེན་དང་འབྲས་བུའི་ཚུལ། །ཀུན་འདུས་པ་ལས་དམིགས་མེད་ཐོབ། །དེ་ཚེ་ཐོག་མ་ཐ་མ་མེད། །དངོས་དང་དངོས་པོའི་སྤྱོད་ཡུལ་མིན། །དེ་ལ་དལ་པའི་བདེ་འཐོབ་པ། །དེ་ནས་དངོས་མེད་མེད་འགྱུར་ཏེ། །ཞི་བ་གཅིག་པུ་མངོན་ཕྱོགས་ནས། །སྐད་ཅིག་དག་ལས་བདེ་ཐོབ་པ། །དེ་ནས་སྐད་ཅིག་གཉིས་པར་བརློབ། །དེ་ནས་གསུམ་པར་བརླབ་པ་སྟེ། །ཐང་ཅིག་ཆུ་ཚོད་ཐུན་གཅིག་ཐོབ། །དེ་ནས་ཞག་དང་ཟླ་བས་ཐོབ། །རྩལ་དང་བརྩོན་འགྲུས་ལྡན་པ་ཡིས། །ལྷག་མ་ཉིད་ལས་སངས་རྒྱས་ཐོབ། །ལུས་མ་སྤང་བར་སངས་རྒྱས་ཉིད། །དེ་ལས་ཅུང་ཟད་ཉམས་ཆུང་བས། །བར་མ་སྲིད་པ་དག་ལ་ཐོབ། །ལ་ལས་སྐྱེ་བ་གཅིག་ལ་ཐོབ། །ལ་ལས་གཉིས་དང་བཅུ་ཚུན་ཆད། །ལས་འཕྲོ་བླངས་པ་ཉིད་ཀྱིས་འགྲུབ། །ཅེས་གསུངས་སོ། །རྡོ་རྗེ་མེ་ལྕེ་་འཕྲེང་བའི་རྒྱུད་ཆེན་པོ་ལས། ཏིང་ངེ་འཛིན་གྱི་དཀྱིལ་འཁོར་རིམ་པར་ཕྱེ་བའི་ལེའུ་སྟེ་བདུན་པའོ།། །།དེ་ནས་ཡང་ཀརྨ་ཀི་ལ་ཡས། །ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ་འདི་སྐད་ཅེས་གསུངས་ཏོ། །ཀྱེ་ཀྱེ་དཔའ་བོ་ཐུགས་རྗེ་ཅན། །ལས་རྣམས་ཡོངས་སུ་རྫོགས་པའི་བདག །ཁམས་གསུམ་དྲི་མ་སེལ་མཛད་པ། །སྟོང་པའི་སྟོབས་ཀྱིས་ཐམས་ཅད་འདུལ། །ཏིང་འཛིན་བསྒོམ་པའི་གང་ཟག་ལ། །རྫས་ལ་སོགས་པ་མི་འཙལ་ལམ། །འདི་ལ་ནན་ཏན་ཇི་ལྟར་བགྱི། །ཞེས་གསོལ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་ཆེན་པོས། རྡོ་རྗེ་ཡིད་ཀུན་བཟང་པོ་ལ་འདི་སྐད་ཅེས་གསུངས་སོ། །དང་པོ་ལས་ཅན་རྣལ་འབྱོར་པས། །ཏིང་འཛིན་རིམ་པར་བསྒོམ་པ་ལ། །རྫས་དང་ཡོ་བྱད་ལ་རྟེན་ནས། །རྟོགས་པར་བྱ་ཕྱིར་ངས་བཤད་ཀྱིས། །ལས་ཀྱི་སེམས་དཔའ་དེ་ཡང་ཉོན། །གང་ཟག་བློ་ཡི་རིམ་པ་ཡོས། །རྫས་དང་དཀྱིལ་འཁོར་ཏིང་འཛིན་ལ། །རང་བཞིན་ཏིང་འཛིན་གཟུགས་བརྙན་གྱིས། །ངེས་པ་མེད་པར་ཡང་དག་བཤད། །རེ་ཞིག་རིམ་པ་འདིར་ཤེས་བྱ། །རང་བཞིན་ཏིང་འཛིན་བྱང་ཆུབ་སེམས། །མཚན་མའི་རྫས་དང་བཞིར་གསུངས་སོ། །དེ་ལ་རང་བཞིན་ཕུར་པ་ནི། །བཙལ་དུ་མེད་པའི་ཆོས་ཉིད་ལ། །བསྒོམ་དུ་མེད་པའི་འབྲས་བུ་ཤར། །ཐམས་ཅད་རང་བྱུང་བཀག་པ་མེད། ་།་དང་རྐྱེན་ལ་མི་ལྟོས་ཤིང་། །སྤྲོས་མེད་རང་བྱུང་ལྷུན་གྱིས་གྲུབ། །ཕུར་པ་ཞེས་ནི་དེ་ལ་བྱ། །ཡུལ་དུ་སྣང་བ་ཐམས་ཅད་ནི། །དབྱིངས་ཉིད་ནམ་མཁའ་ལྟ་བུའི་ངང་། །སེམས་སུ་སྣང་བ་ཐམས་ཅད་ནི། །མ་བཅོས་རིགས་པ་དེ་ཉིད་ཡིན། །ཐམས་ཅད་དབྱེར་མེད་མཉམ་པ་ཉིད། །དེ་ཡི་ངང་དུ་ཐམས་ཅད་འདུས། །ཕུར་་པ་ཞེས་ནི་དེ་ལ་བྱ། །རྒྱུ་རྐྱེན་གཉིས་ལས་མྱ་ངན་འདས། །གདོད་ནས་མ་བཅོས་ཡེ་ནས་གྲུབ། །དུས་གསུམ་དབྱེར་མེད་གཅིག་པར་ལྟ། །སྲིད་པ་གསུམ་ནི་རང་གི་རྐྱེན། །ཁམས་གསུམ་སྤྲོས་མེད་དབྱིངས་སུ་གཅིག །ཐམས་ཅད་ཡེ་ནས་དབྱེར་མེད་པས། །རང་བྱུང་སྐྱེ་མེད་དབྱིངས་སུ་གཅིག །ཕུར་པ་ཞེས་ནི་དེ་ལ་བྱ། །དེ་ལ་ཆོས་ཉིད་ཕུར་པ་ནི། །ཆོས་ཅན་གང་ལ་མི་གནས་ཤིང་། །མ་བཅོས་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །དེ་ལས་སེམས་ཉིད་ཕུར་པ་ནི། །སྐྱེ་མཆོད་ཁམས་ལ་མི་གནས་ཤིང་། །རང་བྱུང་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །དེ་ལ་ནམ་མཁའི་ཕུར་པ་ནི། །ཁདོག་དབྱིབས་ལ་མི་གནས་ཤིང་། །ཁྱབ་བརྡལ་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །ཕུར་པ་བྱང་ཆུབ་སེམས་ཀྱི་རྟགས། །བྱང་ཆུབ་སེམས་ཀྱི་ཕུར་པ་ཡིས། །སྲིད་གསུམ་འགྲོ་བའི་བདར་ཤ་བཅད། །མ་བཏབ་བཞིན་དུ་ལྷུན་གྱིས་རྫོགས། །མཉམ་པའི་རྒྱལ་པོས་རིག་པས་བཏབ། །ཕུར་པ་ཆོས་ཀྱི་དབྱིངས་ཀྱི་རྟགས། །གཞན་དུ་གདབ་པའི་གནས་མེད་དོ། །རང་རིག་བྱང་ཆུབ་སེམས་ལ་གདབ། །ཕུར་པ་འཛིན་ཆགས་མྱ་ངན་འདས། །གཟུང་འཛིན་རྣམ་རྟོག་ཉིད་ལ་གདབ། །ཕུར་པ་དངོས་པོ་ཀུན་དང་བྲལ། །དངོས་མེད་སེམས་ཀྱི་ཕུར་པ་ཡིས། །དངོས་པོ་ཕྱིན་ཅི་ལོག་ལ་གདབ། །ཕུར་པ་བསྐྱེ་བ་མེད་པའི་དོན། །སྐྱེ་མེད་སེམས་ཀྱི་ཕུར་པ་ཡིས སེམས་ལ་བཏབ་པས་རིག་པ་ཤར། །དབྱིངས་ལས་བཏབ་པས་ལྷུན་གྱིས་གྲུབ། །གཉིས་སུ་མེད་པར་བརྡལ་པའི་ངང་། །ཁྱབ་བརྡལ་ཆེན་པོའི་ཕུར་པ་ཡིས། །སྣང་སྲིད་ཀུན་ལ་ཁྱབ་པར་གདབ །ཕུར་པ་ཆོས་ཀྱི་དབྱིངས་ཞེས་བྱ། །པ་ནི་བླ་མ་ཆེན་པོར་བསྟན། །ཕུར་ནི་ཆོས་ཀྱི་དབྱིངས་ཞེས་བྱ། །པ་ནི་རིག་པའི་ཡེ་ཤེས་སོ། །ཕུར་ནི་སྐྱེ་བ་མེད་པའི་དབྱིངས། །པ་ནི་འགག་པ་མེད་པའི་དོན། །གཉིས་སུ་མེད་པར་ཕུར་པའི་ངང་། །ཕུར་ནི་ཐབས་ཀྱི་རྒྱལ་པོ་ཡིན། །པ་ནི་ཤེས་རབ་ཡུམ་གྱི་དོན། །གཉིས་སུ་མེད་པས་ཕུར་པས་བྱ། །དེ་ལ་ཏིང་འཛིན་ཕུར་པོ་ནི། །སྣང་སྲིད་དྲུག་ཅུ་རྩ་གཅིག་བསྒོམ། །ཡེ་ཤེས་ཆོས་ཉིད་ཡོན་ཏན་བསྡུ། །སྐུ་གསུང་ཐུགས་ནི་རང་བཞིན་འདུས། །ཡབ་ཡུམ་གཉིས་ནི་རང་བཞིན་གནས། །ཡུམ་ཡང་ཧུ༷་འདུས་ཏིང་འཛིན་ཧུ༷། །སེམས་དཔའ་རྩེ་དབུས་ཧུ༷་དྲངས་ལ། །ཡེ་ཤེས་སྣ་བཀག་སྲོག་རྩེ་བརྒྱད། །རང་སྙིང་རྩ་དགུའི་ནང་བརྒྱུད་དེ། ཁྲངས་ཀྱི་རླུད་བྲོམ་རྩེ་ལ་བཏོན། །སོར་བཞི་ཕར་འཕྲོས་སླར་འདུས་ཏེ། །འདུས་པས་ཉི་ཟླའི་དབུས་ཞུ་དགོད། །ཨ་ཡི་ཚུལ་དུ་གནས་པར་བྱ། །ཧུ༷་ལྡན་ཨོ་གྱིས་ཚུར་འདུས་པ། །སྲིད་གུམ་འགྲོ་བའི་རང་སྣང་ཞིང་། །ཕྱི་ནང་སྣོད་བཅུད་དེ་ཉིད་དེ། །སེམས་དང་ཡིད་དང་རྣམ་ཤེས་ཉིད། །དེ་ཉིད་ལས་ནི་འཁྲུལ་ལས་བརྟགས། །རྣམ་རྟོག་བག་ཆགས་སྤངས་པའི་ཕྱིར། །བདག་དང་ཕུར་པའི་གཞལ་ཡས་ཁང་། །བྱང་ཆུབ་སེམས་ནི་གསུམ་དུ་བཤད། །དང་པོ་བདག་གི་བྱང་ཆུབ་སེམས། །སྙིང་ཁའི་པདྨས་ཨ་བསམ་ཏེ། །ཕར་འཕྲོས་ཐམས་ཅད་འོད་དུ་འགྱུར། །ཨ་ནི་མར་མེའི་རྩེ་ལྟར་འབར། །གཟུང་བཟླ་བའི་འོད་ལྟར་ཏེ། །འཛིན་པའི་རྩེ་རྣམས་ཤིན་ཏུ་དམིགས། །ཡང་ཡང་དེ་ལ་ཡིད་ཀྱིས་བསྒོམ། །འཕྲོ་བར་གྱུར་ན་སྤྲོས་ཏེ་བསྒོམ། །བྱིང་བར་གྱུར་ན་བཟླས་པ་བྱ། །གཟུང་འཛིན་འགགས་པར་ཤེས་པ་གསོ། །ཉི་མའི་འོད་ཟེར་ཚུལ་ལྟ་བུའོ། །འདི་ནི་ཕུར་པའི་བྱང་ཆུབ་སེམས། །དེ་ནས་སེམས་ཀྱི་རྣམ་པ་ནི། །ཨ་ཡི་ཚུལ་གྱི་རྩེ་ལྟ་བུས། །འཛིན་པ་འགགས་པས་ཤེས་པ་གསལ། །ཨ་ཡི་རང་བཞིན་འགགས་འགྱུར་ཏེ། །ཨ་ཚུལ་མི་དམིགས་ནམ་མཁའ་བཞིན། །དངས་ཤིང་གསལ་ལ་རྙོག་པ་མེད། །གཟུགས་འཛིན་ཤེས་ཀྱིས་འགགས་གྱུར་ན། །གཞལ་ཡས་བྱང་ཆུབ་སེམས་ཞེས་བྱ། །གཞལ་ཡས་ཕུར་པ་བདག་གི་ནི། །བྱང་ཆུབ་སེམས་ནི་རླུད་བཅས་པའི། །གཉིད་ལོག་སད་པ་ཇི་བཞིན་དུ། །ཡེ་ཤེས་རང་བཞིན་སྐུར་གྲུབ་པའི། །ལོངས་སྐྱོད་རྫོགས་སྐུར་གྱུར་ཅེས་བྱ། །ཡེ་ཤེས་རླུད་སྟེ་རླུད་འོད་ཟེར། །སྣང་བ་འོད་ཀྱི་དཀྱིལ་འཁོར་དེ། །གཞལ་ཡས་བྱང་ཆུབ་སེམས་ཞེས་བྱ། །འོད་དང་ཐིག་ལེ་ཡིག་འབྲུ་དང་། །ལོངས་སྤྱོད་དང་ནི་སྤྲུལ་སྐུ་དང་། །ཅིར་སྣང་ཅི་སྲིད་ཐམས་ཅད་ཀུན། །ཉོན་མོངས་འཇོམས་ཕྱིར་ཕུར་པ་ཡིན། །དེ་ཕྱིར་ཏིང་འཛིན་ཕུར་པ་ལ། །བསམ་གྱིས་མི་ཀྱབ་མཐའ་ཡས་མཆོག །ཐམས་ཅད་བརྗོད་པར་ག་ལ་ནུས། །རྟེན་གྱི་དཀྱིལ་འཁོར་གཅིག་ལ་ཡང་། །དཀྱིལ་འཁོར་ཐམས་ཅད་རྫོགས་པ་དང་། །སྐུ་གསུང་ལྷུན་གྱིས་གྲུབ་པར་བསྟན། །དེ་ཡང་ཇི་ལྟ་བུའི་ཞེ་ན། །སྟོང་ཉིད་སྐུ་མཆོག་ལེགས་པའི་དོན། སངས་རྒྱས་ཀུན་གྱི་ལུས་ཀྱི་དངོས། །དེ་ཕྱིར་སངས་རྒྱས་ཀུན་གྱི་ཡབ། །ཆོས་ཀྱི་སྐུ་ཉིད་ཕུར་པ་ཡིན། །ཡེ་ཤེས་རྣམ་པ་མཚན་མའི་གཟུགས། །རིགས་ལྔ་ཁྲག་འཐུང་ལ་སོགས་པའི། །མཚན་དག་དཔེ་བྱད་ཡོངས་རྫོགས་པ། །ལོངས་སྤྱོད་རྫོགས་སྐུ་ཕུར་པ་ཡིན། །རྒྱུ་དྲུག་ལམ་ན་གནས་པ་ཡི། །ཉོན་མོངས་སེམས་ཀྱི་རྣམ་པ་དང་། །ངན་སོང་ཐམས་ཅད་རྣམ་སྦྱང་ཕྱིར། །སྐུ་གསུང་ཐུགས་ཀྱི་རྒྱུད་བཟུང་ནས། །འགྲོ་བའི་དོན་ལ་དེ་བཞིན་གཤེགས། །དེ་ཕྱིར་སངས་རྒྱས་སྐུ་ཡི་སྲས། །སྤྲུལ་པའི་སྐུ་ཡང་ཕུར་པ་ཡིན། །གཞན་ཡང་བསྐྱེད་དང་རྫོགས་པ་དང་། །རྫོགས་པའི་རྫོགས་པ་ལ་སོགས་པ། །ཐམས་ཅད་ཏིང་འཛིན་ཕུར་པར་གསུངས། །བྱང་ཆུབ་སེམས་ཀྱི་རིམ་པ་ནི། །བསྒོམ་པའི་ཐབས་ལས་ཤེས་པ་ལས། །མཚན་མའི་རྫས་ལས་བྱས་པ་མིན། །གནས་སྐབས་དག་ཏུ་གདམས་པ་བླང་། །གསང་བ་མཆོག་གི་ཐབས་དམ་པས། །གཉིས་མེད་ཡུམ་གྱི་མཁའ་ལ་གདབ། །གཟུགས་འཛིན་རྣམ་རྟོག་བཅོམ་ནས་ནི། །གཉིས་མེད་ཡེ་ཤེས་དོན་མཚོན་པས། །ཕུར་པ་ཞེས་ནི་དེ་ལ་བྱ། །གཞན་ཡང་གང་ཟག་ལམ་པ་ཡིས། །མཚན་པའི་ཐབས་ལ་བརྟེན་དགོས་པས། །རྣམ་བཞི་ལས་ཀྱི་ཕུར་པ་ཡིས། །གསེར་དངུལ་ཟངས་ལྕགས་ལ་སོགས་པ། །སྤྱི་ལས་གྲགསཔབཞིནདུབཤད། །ཁྱད་པར་བྱེ་བྲག་འདི་གསུངས་པ། །ཙན་དན་དཀར་པོའི་ཤིང་དུ་ནི། །མཆོག་ཏུ་ཞི་བའི་ལས་ལ་ཤིས། །དགོན་པའི་གནས་ནས་སྐྱེས་པའི་ཤིང་། །དཀར་ལ་འཇམ་པས་གང་དང་གང་། །འདི་ཡང་ཞི་བའི་ལས་ལ་ཤིས། །གཞན་ཡང་བྱང་ཆུབ་ཤིན་བུའམ། །འོ་མ་ཅན་གྱི་ཤིག་དག་གམ། །མངར་དང་བཅས་པའི་ཤིང་མཆོག་རྣམས། །འདི་ཡང་ཞི་བའི་ལས་ལ་་ཤིས། །དཀར་བས་བྱང་ཆུབ་སེམས་ཞེས་བྱ། །འཇམ་པས་གནོད་པའི་སེམས་མི་འབྱུང་། །དགོན་པའི་གནས་ནས་སྐྱེས་པ་ཡིན། །གནོད་པ་ཐམས་ཅད་ཞི་བར་བྱེད། །བྱང་ཆུབ་སེམས་ཀྱིས་ངག་རྩུབ་ཞི། །ཙན་དན་དཀར་པོས་ནད་རྣམས་ཞི། །འོ་མ་དང་བཅས་དཀར་པོ་ཡིས། །ཐམས་ཅད་ཐམས་་ཅད་ཞི་བར་བསྟན། །གཞན་ཡང་རྒྱས་པའི་ཕུར་པ་ནི། །རྒྱལ་པོའི་གནས་ནས་སྐྱེས་པའི་ཤིང་། །སེར་པོའི་རིགས་རྣམས་གང་ཡང་རུང་། །འདི་ནི་རྒྱས་པའི་ལས་ལ་ཤིས། །ཐམས་ཅད་ཐམས་ཅད་རྒྱས་པར་འགྱུར། །སྐྱེར་པའི་ཁ་དོག་སེར་པོའི་ཤིང་། །ཚེ་དང་ལོངས་སྤྱོད་རྒྱས་པར་བྱེད། །བསེ་ཤིང་ཕུར་པས་རིགས་རྒྱས་བྱེད། །གསེར་ཤིང་བྱང་ཆུབ་སེམས་རྒྱས་བྱེད། །གཞན་ཡང་སེར་པོ་མཐའ་དག་ནི། །ཚེ་དང་ལོངས་སྤྱོད་རྒྱས་པར་བྱེད། །དབང་གི་ཕུར་པའི་རྒྱུ་བསྟན་པ། །ཆོས་མཁན་གདུག་པའི་གནས་ནས་སྐྱེས། །ཁ་དོག་མི་ལྡན་གང་ཡང་རུང་། །ཐམས་ཅད་དབང་གི་ཕུར་བའི་རྒྱུ། །འདིས་ནི་ཐམས་ཅད་དབང་དུ་སྡུད། །ཙན་དན་དམར་མོའི་ཕུར་པ་ཡིས། །བུ་མོ་དབང་དུ་བྱ་བ་འགྲུབ། །མཛོ་མོས་བློན་པོ་དབང་དུ་སྡུད། །སོང་ཤིང་དམངས་རིགས་དབང་དུ་སྡུད། །ཟངས་ལ་སོགས་པའི་ཕུར་པ་ཡིས། །རྒྱལ་པོ་དབང་དུ་འགྱུར་བ་ཡིན། །ཁ་དོག་དམར་པོ་མཐའ་དག་གིས། །གདོན་རྣམས་ཐམས་ཅད་དབང་དུ་འགྱུར། །བསད་པ་དྲག་པོའི་ཕུར་པ་ནི། །དུག་ཤིང་གདུག་པ་ཅན་ལ་བྱ། །ལས་ལ་ཕན་འདོགས་ཡོད་པས་ན། །དེ་ཡིས་ངར་སྐྱེད་མཆོག་ཏུ་བསྔགས། །གདུག་པ་སྦྲུལ་གྱི་གནས་སྐྱེས་པ། །ཤིང་མཆོག་ཚེར་མ་མི་ལྡན་ཡང་། །ཁྱད་པར་དྲག་པོའི་ཡོན་ཏན་འབྱུང་། །སེང་ལྡེང་སྨུག་ནག་གདུག་པའི་ཤིང་། །དབང་དྲག་གཉིས་ལ་མཆོག་ཏུ་བསྔགས། །སྟག་གཟིག་དོམ་གྱི་གནས་དག་ནས། །གང་དང་སྐྱེས་པའི་ཚེར་མ་ཅན། །གསད་པའི་ལས་ལ་ལྷག་པར་མྱུར། །ཁྱད་པར་གསད་པའི་རིམ་པ་ནི། །དྲག་ཅིང་གཏུམ་པ་ཐིག་གི་ལྕགས། །ཞེ་སྡང་འཇོམས་པའི་ཕུར་པར་ཤིས། །འཇིག་ཅིང་དྲལ་བ་ས་ཡི་ལྕགས། །ཕྲག་དོན་འཇོམས་པའི་ཕུར་པར་ཤིས། །སྲ་ལ་ངར་ལྡན་ཁྲོ་ཆུ་སྟེ། །ང་རྒྱལ་འཇོམས་པའི་ཕུར་པ་ཤིས། །མི་རྟ་བས་པའི་ནུས་པ་ཅན། །གཏི་མུག་འཇོམས་པའི་་ཕུར་པར་ཤིས། །ཐམས་ཅད་སྡུད་བྱེད་ཕལ་པའི་ལྕགས། །འདོད་ཆགས་འཇོམས་པའི་ཕུར་པར་ཤིས། །ལྔ་ཆར་གཅིག་ཏུ་སྡོམ་པ་ནི། །དྲག་པོའི་ཕུར་པའི་རྒྱུ་རུ་ཤིས། །གཞན་ཡང་ཁྱད་པར་ཕུར་པ་ནི། །ཡན་ལག་འཕེལ་བའི་རྒྱུན་བཅས་ཕྱིར། ཁོ།ར་ཤིང་ཕུར་པའི་རྒྱུ་རུ་ཤེས། །གདུག་ཅན་ནུས་པར་ལྡན་པའི་ཕྱིར། །སློས་པའི་རུ་ལེབ་རྭ་ལས་བྱ། །ཞེ་སྡང་ནུས་པར་ལྡན་པའི་ཕྱིར། །སྔགས་པ་ནག་པོའི་མཆོག་ཕུར་གྲགས། །སྐྱེ་བའི་རྒྱུན་རྣམས་བཅད་པའི་ཕྱིར། །དྲེ་ཏོལ་ནག་པོའི་རྐང་ལས་བྱ། །རང་བཞིན་ནུས་པར་ལྡན་པ་ཡི། །གདུག་པའི་ཚེར་མ་ཅན་ལ་བྱ། །སྔོན་ཅན་ཕུ་ཞིང་བཀྲ་མི་ཤིས། །ཁྲོ་དགུ་ཤི་བའི་འཕང་ལ་བྱ། །སྤྱི་ཡི་རྒྱུ་རྣམས་གང་ཡང་རུང་། །སྟེང་དུ་སོར་གཅིག་རྒྱ་མདུད་བྱ། །གཞལ་ཡས་ནམ་མཁའི་རང་བཞིན་གྱིས། །འོག་མིན་མཚོན་པར་བྱེད་པའོ། །སྐེད་པར་སོར་གཅིག་རྒྱ་མདུད་བྱ། །སྐྱེད་ཅིག་གནས་པའི་རང་བཞིན་པས། །ཐབས་དང་ཤེས་རབ་མཚོན་པའི་བརྡ། །རབ་ཏུ་རིན་ཆེན་ཟུར་བརྒྱད་དེ། །རིན་ཆེན་ལས་གྲུབ་རྩིག་པ་ཡིས། །གཞལ་ཡས་ཁང་ནི་མཚོན་པའོ། །རྩེ་མོ་འཕྲིན་ལས་སོ་སོའི་རིམ། །དབྱིབས་དང་ཁ་དོག་སོ་སོར་བྱ། །དབང་དྲག་འདྲེན་པའི་གཟུགས་ཅན་ནི། །རྩེ་མོ་ཆུ་སྲིན་ཁ་ནས་དབྱུང་། །ཆོས་དབྱིངས་རྒྱུ་ལས་བྱུང་བས་ན། །རྩ་བའི་ཕྱོགས་སུ་རྒྱ་མདུད་བྱ། །ལས་རྣམས་གང་ཡིན་འགྲུབ་པའི་ཕྱིར། །རྩེ་མོའི་འཕྲིན་ལས་རིམ་དུ་བྱ། །ཐམས་ཅད་ཚད་དང་ལྡན་པ་སྲ །ཤིན་ཏུ་དོད་ཅིང་ལེགས་པར་བྱ། །ཕྱི་ཡི་རྟགས་དང་ནང་གི་རྟགས། །གསང་བའི་རྟགས་དང་བཅས་པར་བསྟན། །ཐམས་ཅད་གཞུང་ལས་བྱུངབབཞིན། །རྫསརྣམས་འཚོགས་ནས་འགྲུབ་ཅེས་བྱ། །ལེག་པར་བསག་ན་ཆུད་མི་ཟ། །ལེགས་ཤིང་དོད་ན་དང་བ་སྐྱེ། །ངན་པས་རྟོགས་པ་བཅས་གྱུར་ན། །བྱ་བའི་ལས་ནི་འགྲུབ་མི་འགྱུར། །བརྙེད་བཙན་བྱས་ན་བྱིན་རློབས་མེད། །རྒྱུར་མ་གསུངས་ན་བཀའ་དང་འགལ། །ཐམས་ཅད་ཐམས་ཅད་གཞུད་བཞིན་བྱ། །རེ་ཞིག་འདི་ལ་གནས་པ་ནི། །མཚན་མ་ཅན་ལས་གསུངས་པ་སྟེ། །མ་ནོར་བྱང་ཆུབ་སེམས་རྟོགས་ན། །མཚན་མར་བཅས་པ་ལས་མི་དགོས། །ཏིང་འཛིན་མ་ནོར་དྲོད་ལྡན་ཞདིང་། །བྱིན་བརླབ་དབང་བསྐུར་མ་ནོར་ལ། །དམ་ཚིག་མ་ཉམས་གཞུད་ཐུབ་ན། །རྒྱུ་ནི་གང་དངགང་ཡིན་ཡང་། །བདེ་གཤེགས་ས་བོན་བསྐྱེད་པ་འདྲ། །ངེས་པར་གཉིས་མེད་དོན་རྟོགས་ཅིང་། །མཉམ་པའི་ངང་ཉིད་རྟོགས་གསལ་ན། །མཚན་མའི་རྟེན་ཀྱང་རྣམ་རྟོག་ཡིན། །དེ་བས་འདི་ཀུན་མཚོན་པ་ཙམ། །ཡང་དག་དོན་ཆེན་རྟོགས་པ་གཅེས། །མཚན་མ་འཇོམས་ལ་ཞི་བ་བཟང་། །ལོག་རྟོག་འཇོམས་ལ་འཁྲོ་འདུལ་འཇོམས། །ཉོན་མོངས་ལྔ་འདུལ་ཡེ་ཤེས་བཟང་། །ཡོན་ཏན་རྒྱས་པའི་ཏིང་འཛིན་དེང་། །དེ་བས་བློ་ལྡན་དམ་པ་ཡིས། །ཀུན་ཀྱང་མཚན་ཉིད་རྟོགས་པ་གཅེས། །ཐམས་ཅད་ནན་ཏན་ཁོ་ནར་བྱ། །གཞན་ཡང་རྫས་ཀྱི་རིམ་པ་ནི། །འཚོ་བ་ཟས་དང་རྐྱེན་བཟློག་སྨན། །བར་ཆད་དགྲ་བཟློག་ཡོ་བྱད་ནི། །གོ་མདུང་མདའ་གཞུ་ལ་སོགས་པ། །བར་ཅད་བཟློག་བའི་རྐྱེན་དུ་བཤམ། །བསྒྲུབ་པའི་བྱེ་བྲག་མཆོད་པའི་རྫས། །དབང་དང་དཀྱིལ་འཁོར་ཚེ་བསྒྲུབ་དང་། །སྤྲེའུ་གསོད་དང་གདོན་བསྒྲལ་དང་། །བསྒྲད་དང་མནན་དང་བསྲེག་པ་དང་། །དབབ་དང་འཕགས་དང་ག་་ལ་སོགས། །ཡོ་བྱད་བརྗོད་ཀྱིས་མི་ལངས་བས། །རང་རང་སྐབས་ལམ་ཤེས་པར་བྱ། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ཡོ་བྱད་ཕུན་སུམ་ཚོགས་པའི་ལེའུ་སྟེ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། །བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ། །ཀྱེ་མ་གསང་བའི་དཀྱིལ་འཁོར་བདག། །མ་བཅོས་འདོད་ནས་ལྷུན་གྱིས་གྲུབ། །སེམས་ཅན་དོན་མཛད་བརྒྱད་པའི་གཙོ། །དཔའ་བོ་ལས་རྣམས་གསུངས་ལགས་ན། །རྣལ་འབྱོར་དང་པོའི་ས་བོན་ཡིས། །དམིགས་པར་བྱ་བའི་དངོས་པོ་ལ། །ཉམས་སུ་བླངས་ནས་འགྲུབ་པ་ལ། །འདི་ལ་དུས་ཚོད་མི་འཚལ་ལམ། །དེ་ཡི་རིམ་པ་ཇི་ལྟར་ལགས། །ཞེས་གསོལ་བ་དང་། །བཅོམ་ལྡན་འདས་བཛྲ་ཀི་ལ་ཡས། རྡོ་རྗེ་ཡིད་ཀུན་ཏུ་བཟང་པོ་ལ་འདི་སྐད་ཅེས་བཀའ་སྩལ་ཏོ། །བསྙེན་དང་བསྒྲུབ་དང་ཟོར་ཐུན་བཅས། །དེ་ཡི་དུས་ཚོད་ངས་བསྟན་གྱི། །ཀརྨ་ཧེ་རུ་ཉིད་ཀྱིས་ཉོན། །ཕྱི་ནང་གསང་བའི་རིམ་པ་ཡི། །དུས་ཀྱི་རིམ་པ་བསམ་མི་ཁྱབ། །ལོ་དང་ཟླ་བ་གཟའ་སྐར་ཚེས། །ག་ལ་བཟང་བའི་དུས་དེར་འཇུག །ཡང་ན་རབ་བཞི་དག་ལ། །ཞི་བ་རྒྱས་པ་བསྒྲུབ་པའི་དུས། །འབྲིང་པོ་བཞིའམ་ཚེས་གྲངས་བཟང་། །སློབ་མ་དབང་རྣམས་བསྐུར་བའི་དུས། །ཐ་ཆུང་བཞི་འམ་མར་དོལ། །དྲག་པོའི་ལས་རྣམས་བྱ་བའི་དུས། །གཞན་ཡང་བསྒྲུབ་པའི་རིམ་པ་ནི། །དབྱར་ཟླ་གསུམ་ལ་ཞི་བ་སྟེ། །སྟོན་ཟླ་གསུམ་ལ་རྒྱས་པ་འགྲུབ། །དགུན་ཟླ་གསུམ་ནི་དབང་ཡིན་ཏེ། །དཔྱིད་ཟླ་གསུམ་ལ་དྲག་པོ་འགྲུབ། །འདི་ནི་ཕྱི་མའི་རིམ་པ་ཡིན། །གྲངས་དང་མཚན་མ་རྟགས་གསུམ་པའོ། །ལས་སུ་གང་རུང་འགྲུབ་པའི་དུས། །གཞན་ཡང་བསྒྲུབ་པའི་དུས་ཚོད་ནི། །ཕག་སྦྲུལ་སྟོན་སྤྱིད་ར་བ་ལ། །རྟ་དང་བྱི་བ་འབྲིང་པོ་སྟེ། །གླང་ལུག་གཉིས་ནི་ཐ་ཆུང་ལའོ། །སྟག་སྤྲེལ་དབྱར་དགུན་ར་བ་ལ། །བྱ་ཡོས་གཉིས་ནི་འབྲིང་པོ་ལའོ། །ཁྱི་ཕག་ཐང་ཆུ་དག་ལ་འགྲུབ། །དེ་ནི་ལེ་གཤེད་ཟླ་བའི་རྒྱགས། །ཁྱད་པར་ཉི་མའི་གཤེད་གཉིས་ནི། །དབྱར་ལྡུང་འཇུག་དང་དགུན་ལྡུང་འཇུག །འདི་ནི་ཁྱད་པར་གསད་པ་ཡི། །རབ་བཞི་ལ་བཅུ་བཞི་ཤིས། །འབྲིང་པོ་བཞི་ལ་བཅོ་ལྔ་སྟེ། །ཐ་ཆུང་བཞི་ལ་བཅུ་དྲུག་གོ །གཞན་ཡང་བརྡེག་པའི་དུས་ཚོད་ནི། །དཔྱིད་ཟླ་གསུམ་ལ་བརྡེག་པ་ནི། །ཉི་ཤུ་གཉིས་དང་བཅུ་དྲུག་དང་། །བཅུ་བཞི་རྣམས་ལ་བརྡེག་པ་ཡིན། ཁྲར་དང་ཤར་ལྷོ་ལ་སོགས་བལྟ། །དབྱར་ཟླ་གསུམ་ལ་བརྡེག་པའི་དུས། །བརྒྱད་དང་བཅོ་ལྔ་དུས་དྲུག་ཏུ། །ནུབ་བྱང་བྱང་ཤར་ལ་སོགས་པར། །ཁ་བལྟས་བརྡེག་པར་བྱ་བ་ཡིན། །སྟོན་ཟླ་གསུམ་ལ་བརྡེག་པ་ནི། །ཉི་ཤུ་བཅོ་བརྒྱད་ཉ་གསུམ་ལ། །བྱང་ཤར་བྱང་དང་ནུབ་དག་ཏུ། །ཁ་བལྟས་བརྡེག་པར་བྱ་བ་ཡིན། །དགུན་ཟླ་གསུམ་ལ་བརྡེག་པའི་དུས། །བཅུ་གསུམ་བཅུ་དང་ཐམས་ཅད་ལ། །བྱང་དང་ལྷོ་དང་རང་ཐད་བལྟས། །བརྡེག་པ་བྱ་བར་ལས་ལ་སྦྱར། །དེའང་ཉི་ཤུ་བདུན་ནས་མར། །སྲོག་བསྡུད་ཆེན་པོའི་ལས་བྱེད་པས། །ཉི་ཤུ་དགུ་འམ་གནམ་སྟོང་ལ། །བརྡེག་པའི་དུས་ལ་བབ་བ་ཡིན། །གཞན་ཡང་སྲོག་བསྡུད་བཤད་བྱ་བ། །ལྷ་སྲིན་འཁོར་དང་བཅས་པ་ནི། །གཤིན་རྗེ་འཁོར་དང་བཅས་པ་དང་། །གནོད་སྤྱིན་འཁོར་དང་བཅས་པ་དང་། །ལྷ་ཆེན་བརྒྱད་པོ་འཁོར་བཅས་དང་། །སྒྱུ་སྐར་ཉི་ཤུ་རྩ་བརྒྱད་དང་། །འཇིག་རྟེན་མ་མོ་འཁོར་བཅས་དང་། །ཕུང་བྱེད་གདུག་པ་ཐམས་ཅད་དང་། །ཀླུ་ཆེན་བརྒྱད་པོ་ཐམས་ཅད་དང་། །གཟའ་ཆེན་བརྒྱད་པོ་འཁོར་བཅས་དང་། །མ་བདུད་མི་རྐུན་འཁོར་བཅས་དང་། །བརྟན་མ་བཅུ་གཉིས་འཁོར་བཅས་དང་། །བདུད་མོ་ནག་མོ་མི་བཟད་རྣམས། །དེ་རྣམས་སྲོག་བདུད་ཡིན་པས་ན། །དུས་དེར་བརྡེག་དང་བསད་དང་མནན། །ལས་ལ་ཕན་འདོགས་ཡོད་པར་བཤད། །དུས་མིན་ནོར་ན་ལྡོག་པའི་དུས། །དཔྱིད་ཟླ་གསུམ་ལ་བཟློག་པའི་དུས། །བཅུ་བདུན་བཅུ་དགུ་པ་དང་ནི། །ཉེར་གཅིག་ཉི་ཤུ་བརྒྱད་པ་དག་། །གན་མ་སྟོང་དག་ལ་བཏབ་གྱུར་ན། །ས་བདག་ཆེན་པོ་རབ་བརྒྱུས་པས། །རྣལ་འབྱོར་དམ་པ་ཉིད་བརླག་འགྱུར། །དབྱར་ཟླ་གསུམ་ལ་ལྡོག་པའི་དུས། །བཅུ་གཅིག་དྲུག་དང་ཉི་ཤུ་ལྔ། །བརྡེག་པར་མི་བྱ་བདག་ཉིད་བརླག །སྟོན་ཟླ་གསུམ་ལ་ལྡོག་པའི་དུས། །ཉི་ཤུ་ལྔ་དང་གསུམ་དང་གཉིས། །ཏིང་ཏིང་མ་རྩེ་འཁོར་བཅས་ཉུལ། །དུས་དེར་མི་གདབ་ལྡོག་པའི་དུས། །དགུན་ཟླ་གསུམ་ལ་ལྡོག་པའི་དུས། །ཉི་ཤུ་བདུན་དང་ཉི་ཤུ་དང་། །བཅོ་བརྒྱད་དག་ལ་ལྡོག་པའི་དུས། །དྲག་པོ་ཆེན་པོ་གདོང་དྲུག་རྒྱུ། །འདི་དུས་དྲག་པོའི་ལས་བྱས་ན། །རྣལ་འབྱོར་ཚེ་ཐུང་ཡ་ཁས་འཕོགས། །འཁོར་ཡང་ཕུང་ལ་ཡོ་བྱད་འབྲི། །ཕྱུགས་དང་ནོར་སྟོང་དབུལ་པོར་འགྱུར། །སྨྱོ་འབོག་འོན་དིག་ལྐུགས་པ་དང་། །ཞ་གྲུབ་དབང་པོ་མ་ཚང་དང་། །ནད་དང་ལྷོག་འབྲས་སྣ་ཚོགས་འོང་། །ལྷུང་ནད་འཐིབས་དང་གཏུམ་པ་ཡི། །རྒྱུ་གཟེར་མཛེ་ནད་འབྱུང་འགྱུར་བས། །རྣལ་འབྱོར་དམ་པས་རབ་བརྟགས་ལ། །ཐམས་ཅད་ནན་ཏན་ཁོ་ནར་བྱ། །ཚེས་གྲངས་ཟླ་བར་བསྟུན་པ་ནི། །བསད་པའི་ལས་ལ་ཤིས་པ་སྟེ། །དཔྱིད་ཟླ་ར་བའི་ཚེས་བདུན་ལ། །འབྲིང་པོ་བཅུ་བདུན་དག་ལ་སྟེ། །ཐ་ཆུང་ཉི་ཤུ་བདུན་ལ་ཤིས། །དབྱར་ཟླ་ར་བའི་བརྒྱད་ལ་ཤིས། །འབྲིང་པོ་བཅོ་བརྒྱད་དག་ལ་ཤིས། །ཐ་ཆུང་ཉི་ཤུ་བརྒྱད་ལ་ཤིས། །སྟོན་ཟླར་བའི་ཚེས་དགུ་ལ། །འབྲིང་པོ་བཅུ་དགུ་དག་ལ་ཤིས། །ཐ་ཆུང་ཉི་ཤུ་དགུ་ལ་ཤིས། །དགུན་ཟླ་ར་བ་ཚེས་བཅུ་ལ། །འབྲིང་པོ་ཉི་ཤུ་དག་ལ་ཤིས། །ཐ་ཆུང་ལ་ནི་གནམ་སྟོང་ངོ་། །རྣལ་འབྱོར་དམ་པས་རབ་བརྟགས་ལ། །བཟབས་ལ་ལས་འདི་བྱ་བ་ཡིན། །གཞན་ཡང་གཟའ་ཡི་དུས་ཚོད་ནི། །མིག་དམར་ཕུར་བུ་གཟའ་ལག་གསུམ། །དར་བའི་དུས་སུ་དུས་ལ་བབ། །གཟའ་སྐར་གཉིས་ཀྱི་མཐུན་སྦྱོར་ནི། །རིམ་པ་ཅུང་ཟད་ཡང་སྨོས་པ། །ཉི་མ་སོགས་པ་ཆུ་སྨད་འཁྲོད། །མིག་དམར་ཁྲུམ་དང་ནམ་གྲུམ་འཕྲོད། །གཟའ་ལྷག་མོན་གྲེ་སྨིན་དྲུག་འཕྲོད། །ཕུར་པ་ནམ་སོ་རྒྱལ་ལ་འཇེབས པ་ཝ་སངས་ནི་མོན་གྲུ་དང་། །བྲེ་ལ་འཕྲོད་དེ་གོང་མ་བཞིན། །སྤེན་པ་ལ་ནི་ས་ག་སྟེ། །འདི་རྣམས་གཟའ་སྟེ་ཕྱི་ཡི་དུས། །ཕན་པར་བྱ་བའི་ལས་ལ་ཤིས། །མི་མཐུན་བདུད་ཀྱི་ཉི་མ་ཤིས། །མི་མཐུན་བདུད་ཀྱི་ཉི་མ་ནི། །ཉི་མ་ལྷ་མཚམས་བྲ་ཉེ་གསུམ། །ཟླ་བ་རྒྱལ་དང་ཆུ་སྨད་གསུམ། །མིག་དམར་གྲེ་དང་སྒྲོག་འཕྲད་བདུད། །གཟའ་ལྷག་ཐ་སྐར་ཉིད་ལ་འཇིག །ཕུར་པ་མགོ་རུ་ཕྲད་ན་འཇིག །པ་ཝ་སངས་ནི་ནམ་གྲུ་དང་། །སྐག་དང་ཕྲད་ན་འཇིག་པར་འགྱུར། །སྤེན་པ་ཉེ་བཞི་སྐག་ལ་འཇིག །འདི་ནི་ནང་གི་རིམ་པ་སྟེ། །ཁྱད་པར་བསད་པའི་ལས་ལ་ཤིས། །གཞན་ཡང་མི་འཕྲོད་རིམ་པ་ནི། །ཉི་མ་ཁྲུམས་སྨད་མི་འཕྲོད་དོ། །ཟླ་བས་གར་མི་འཕྲོད་དོ། །མིག་དམར་ལག་ཏུ་མི་འཕྲོད་དོ། །གཟའ་ལྷག་སྣྲོན་དུ་མི་འཕྲོད་དོ། །ཕུར་པ་མོན་གྲེ་མི་འཕྲོད་དོ། །པ་ཝ་སངས་དང་ཆུ་སྨད་དུ། །མི་འཕྲོད་དེ་ལྟར་བདུན་རྣམས་ནི། །ཕན་བྱའི་ལས་ལ་མི་བསྔགས་སོ། །གཞན་ཡང་འཇིག་པར་བསྟན་པ་ནི། །ཉི་མ་དང་ནི་ས་ག་འཇིག །ཟླ་བ་དང་ནི་སྣར་མར་འཇིག །མིག་དམར་མོན་གྲེ་ཕྲད་ན་འཇིག །གཟའ་ལག་མོན་གྲུར་འཇིག་པར་བཤད །ཕུར་པ་ལ་ཡང་སྣར་མར་འཇིག །པ་ཝ་སངས་ལས་མོན་གྲུས་འཇིག །སྤེན་པ་ལ་ནི་བཞིས་མེ་བཞིས་འཇིག །མི་འཕྲོད་པ་དང་འཇིག་པ་དང་། །བདུད་ཀྱི་ཉི་མ་གསང་བར་ཤིས། །གཞན་ཡང་སྐར་མ་གསུམ་འཆར་ཏེ། །རབ་བཞི་ནི་མཆུ་ལ་གཅོད། །འབྲིང་པོ་བཞི་ནི་བྲེ་ལ་གཅོད། །ཐ་ཆུང་བཞི་ནི་སྦོལ་གཅོད། །ཟླ་གཅིག་ཞག་ནི་སུམ་ཅུ་ལ། །ཚེས་བཞི་བརྒྱད་དང་་བཅུ་གཅིག་དང་། །བཅོ་ལྔ་བཅོ་བརྒྱད་ཉི་ཤུ་གཉིས། ཉི་ཤུ་ལྔ་དང་ཉི་ཤུ་དགུ །ཚེས་གྲངས་དུས་ཚོད་བརྒྱད་པོ་ལ། །འཇུག་དག་འབྱུང་བ་ཤེས་པ་གཅེས། །ལོ་ཆེན་དག་དང་བརྩི་བ་ནི། །ས་ཡི་ཁམས་ནི་དཔྱིད་ཟླ་གསུམ། ཁེང་ནི་དབྱར་ཟླ་མེ་ནི་སྟོན། །དགུན་ནི་ལྕགས་ཁམས་བསད་པའི་དུས། །གཞན་ཡང་བློ་ཚེ་འཁྱམས་པའི་དུས། ཁྲ་བའི་བླ་ནི་སྲོད་ལ་རྒྱུ། །ལུག་དང་གཉེན་ནི་གུང་ལ་སྟེ། །ཕག་ནི་ཐོ་རང་ཉི་ཚེ་བྱ། །ཉིན་གུང་རྟ་དང་ཉི་ཤུ་ནུབ། །གཡག་དང་གླང་ནི་སྲོད་ལ་རྒྱུ། །དེ་དུས་བསད་པའི་ལས་ལ་ཤིས། །བསྒྲུབ་པ་དང་ནི་ཟླ་བ་དང་། །དུས་ཚོད་དག་གིས་གསོད་པར་བྱེད། །སྐག་ནི་གཤེད་པོ་གླང་ལུག་གཉིས། །ལོ་དགྲ་བྱ་དང་སྤྲེལ་ཡིན་ཏེ། །ཟླ་བ་དབྱར་དགུན་ཐ་ཆུང་གཉིས། །དུས་ཚོད་ནམ་ཕྱེད་ཡོལ། །གསོད་པར་འགྱུར་ཏེསྔམབཞིན། །ཁྱིའབྲུག་བྱ་ཡི་གཤེད་པོས་ཏེ། །ཕག་དང་བྱི་བའི་ལོ་དགྲ་ཉིད། །ཟླ་གཤེད་སྟོན་གྱི་ཐ་ཆུང་སྟེ། །དུས་ནི་སྲོད་དང་ཐོ་རངས་སོ། །གུང་ལ་ཁྱི་འབྲུག་ཤིང་ཁམས་པ། །ལོ་དགྲ་སྟག་དང་ཡོས་བུ་ཉིད། །ཟླ་གཤེད་སྟོན་དཔྱིད་ར་བ་སྟེ། །དུས་ནི་ཕྱེད་དང་ཕྱེད་དུས་སོ། །འུ་ལ་གླག་ལུག་ས་ཁམས་པ། །ལོ་དགྲ་རྟ་སྦྲུལ་རྣམ་པ་གཉིས། །ཟླ་བ་དབྱར་དགུན་ར་བ་གཉིས། །དུས་ཚོད་མཚན་མོ་རངས་པ་སྟེ། །མི་མཐུན་རྫས་ཀྱིས་འཇོམས་གྱུར་ན། །སྔགས་ཀྱི་སྦྱོར་བ་སྨོས་ཅི་དགོས། །ཉི་མ་དྲོས་པ་མྱོས་པའི་དུས། །ཉིན་གུང་བཙན་ལ་ནམ་གུང་བདུད། །ཉི་མ་ནུབ་ཀ་སྲིན་པོའི་དུས། །འདི་ཡང་ཐུན་དང་གདབ་པའི་དུས། །གཞན་ཡང་དུས་ཀྱི་རིམ་པ་ནི། །དང་པོར་ཏིང་འཛིན་ཚུལ་གནས་བྱ། །བར་དུ་བདེ་གཤེགས་ཀུ་བསྐྱེད་བསྟིམ། །ཐ་མ་སྲས་བསྐྱེད་བཟླས་པ་བྱ། །བླ་ཡི་ཤིང་བཅད་བླ་རྡོ་བཅག །བླ་མཚོ་བསྐམས་དང་མེ་བསད་དང་། །མཁར་གྱི་སྒོ་བཅག་ཉི་ཟླ་ནུབ། །སྲོག་ཆགས་བསད་ནས་ཀོ་བ་ཉིད། །འདི་བྱུང་བསྒྲུབ་པའི་ལས་ལ་འཇུག །བྱ་ནག་ཚོགས་རྣམས་མཐོང་བ་དང་། །གོང་དང་མཚོན་ཆ་བཤམ་པ་དང་། །དམག་འདྲེན་ཆུ་ནག་བྲུག་པ་དང་། །རྗོན་དང་རི་དགས་ཤོར་བ་དང་། །གནས་སུ་ལྟས་ན་བྱ་རྣམས་འཁོར། །སྲོག་ཆགས་དེ་དང་འཚེག་པ་ནང་། །ལྟས་ན་དག་གི་སྒྲ་གྲགས་ན། །སྒྲུབ་པ་ཆེན་པོའི་ལས་དག་བརྩམ། །གཞན་ཡང་རྟགས་ཀྱི་རིམ་པ་ནི། །རབ་ཀྱིས་མངོན་དུ་ཁུགས་པར་འགྱུར། །འབྲིང་གིས་ལིང་ག་འགུལ་བར་འགྱུར། །ཐ་མས་ཉམས་སམ་རྟགས་འོང་སྟེ། །འབར་དང་འཕྲོག་དང་འཚོགས་པ་དང་། །འོད་དང་ཉམས་པ་རྨི་ལམ་དང་། །འོད་དང་དུ་བ་ལ་སོགས་པ། །རིམ་པ་དུས་ཚོད་བཟུང་ཞིང་སྦྱར། །གཞན་ཡང་ཁྱད་པར་དག་གིས་ལྟས། །ཞིབ་ཅན་དག་དང་མོན་པ་དང་། །དགེ་བཤེས་དག་ཏུ་འོང་བ་དང་། ཁྲ་བ་གླ་བ་ལ་སོགས་དང་། །བཙན་པོ་བ་གླང་སྦྲུལ་རྣམས་དང་། །སྤྲེའུ་བྱ་རྒོད་འབྲུག་ཐོག་གློག །མི་རང་ཁྱི་ཁྲིད་འོད་འོང་ཞིང་། །ཁྲ་སྦྱང་དག་གིས་སྲོག་ཆགས་འདེད། །འདི་དེ་དུས་ལ་བབ་པ་ཡིན། །བུད་མེད་གཅེར་བུར་བྱུང་བ་དང་། །གཡག་དང་སྤྱང་ཁུ་དངོས་སུ་འོངས མི་རིངས་མཚོན་ཆ་ཁུར་དང་ཉོ། །ཟོར་ལ་རླང་དང་སྒྲ་རྣམས་འབྱུང་། །འདི་དེ་ལས་ཀྱི་སྦྱོར་ཀ་བྱ། །གཞན་ཡང་ཚུབ་མ་བུ་ཡུག་དང་། །ཁ་ཆར་བུད་མེད་ཆོ་ངས་འདེབས། །སྐྱེས་པ་མང་པོ་ན་བ་དང་། །བྱིས་པ་གཅེར་བུས་འདེབས་པ་དང་། །ནམ་མཁའ་སྔོན་པོར་མཐོང་བ་དང་། །གློག་དང་འོད་ལ་མདོག་མེད་དང་། །རང་གི་མདོག་ཉམས་སྐད་མདངས་འཆག །འདི་བྱུང་དམ་ཚིག་གསོ་བའི་དུས། །རྒྱ་མཚོ་དག་ལ་གྲུ་བརྒལ་དང་། །རྫིང་མནན་མེ་ཏོག་ཤིང་རྩི་ལྔ། །ཁྲག་དང་སྒྱུ་མའི་ལོངས་སྤྱོད་དང་། །གདབ་ཆད་དང་གྲོག་པོ་བྱུང་། །ཉི་མ་ཐང་ལ་ལྷུང་བ་དང། །ནམ་མཁའ་རལ་དང་རྒྱ་མཚོ་ལུད། །སྣང་སྲིད་མུན་ནག་མེ་ཆེན་འབར། །འདི་དུས་ལས་ཀྱི་མཐའ་ལ་གཟུད། །གཞན་ཡང་ལས་ཀྱི་རིམ་པ་ཡི། །བསམ་མི་ཁྱབ་པས་སྟོན་པར་གསུངས། སྔགས་དང་ཏིང་འཛིན་དེང་ལྡང་ཞིང་། །རྟོགས་དང་མན་ངང་ལྡན་གྱུར་ན། །རྣལ་འབྱོར་དུས་ལ་ངེས་པ་མེད། །ཅེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། །བསྙེན་བསྒྲུབ་ལ་སོགས་བའི་དུས་རིམ་པར་ཕྱེ་བའི་ལེའུ་སྟེ་དགུ་པའོ།། །།དེ་ནས་ཡང་ཀར་མ་ཧེ་རུ་ཀས། བཅོམ་ལྡན་འདས་ཁྲག་འཐུང་ཆེན་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་རྣམ་པར་དག །དོན་དམ་ངོ་བོ་མ་བཅོས་སྐུ། །ཨེ་མ་བཅོམ་ལྡན་སྔགས་ཀྱི་བདག །གསང་ཆེན་གསང་བའི་བདག་ཉིད་ཅན། །འདི་བསྒྲུབ་པ་ཡི་གང་ཟག་ལ། །བསྐྱེད་དང་སྤྱན་དྲང་བྱིན་བརླབས་དང་། །བསྒྲུབ་དང་བསད་དང་ཐུན་དང་ཟོར། །བསྲེག་དང་བཏབ་དང་མནན་དང་བསྲུང་། །ཞི་རྒྱས་ལ་སོགས་འཕྲིན་ལས་ལ། །གསང་བའི་དྲག་སྔགས་མི་འཚལ་ལམ། །བོད་རྦད་བསད་པ་ལ་སོགས་པ། །སྔགས་རྣམས་ཇི་ལྟར་ཤེས་པར་བགྱི། །ཞེས་གསོལ་པ་དང་། ཁྲག་འཐུང་བཛྲ་ཀི་ལ་ཡས། རྡོ་རྗེ་ཡིད་ཀུན་ཏུ་བཟང་པོ་ལ་འདི་སྐད་ཅེསབཀའ་སྩལ་ཏོ། །གང་ཟག་དང་པོ་ས་པ་ཡིས། །ཡང་དག་དོན་རྟོགས་འདོད་པ་དང་། །ལས་ཀྱི་བྱ་བ་རྫོགས་བྱའི་ཕྱིར། །ཕྱི་ནང་བསྙེན་བསྒྲུབ་རིམ་པ་དང་། །ཟབ་མོའི་སྔགས་རྣམས་ངས་བསྟན་གྱིས། །ཉོན་ཅིག་ཀརྨ་ཧེ་རུ་ཀ །དག་པོའི་ཡི་གེ་ཐམས་ཅད་ནི། །མིང་མེད་བརྗོད་པ་རྣམས་དང་བྲལ། །ཚིག་དང་སྒྲ་ཡི་སྤྱོད་ཡུལ་མེན། །དམིགས་མེད་གདོད་ནས་དག་པ་སྟེ། །སེམས་ཅན་ལས་དང་སྨོན་ལམ་དང་། །ཐུགས་རྗེའི་བྱིན་བརླབས་སྟོབས་དག་གིས། །དེ་ཡི་དབང་གིས་འདི་གསལ་འབྱུང་། །ཨ་ཨུ། ཨི་སྙི། ཨུ་སྤུ། རེ་རྡི། ལི་སྙི། ཨེ་ཨེ། ཨོ་ཨོ། ཨ༷་ཨ༷༷ ཀ་ཁ་ག་བྷ་ང་། ཙ་ཚ་ཛ་རྟོ་ཉ། ཏ་ཐ་ད་དྷ་ན། ཊ་ཋ་ཌ་རྟེ་ཎ། པ་ཕ་བ་བྷ་མ། ཡ་རལ་ཝ། ཤ་ཥ་ས་ཧཀྟ།དེ་ནི་ཐོག་མའི་ཡི་གེ་སྟེ། །སྔགས་རྣམས་འབྱུང་བའི་ས་བོན་ཡིན། །ང་དང་བདག་ཏུ་གདགས་པའི་དབང་། །འཁོར་བའི་གཟུགས་སུ་བཏགས་པ་ལས། །དེ་ལུས་ཡི་གེ་ཨ་ལ་རྟེན། །ཨ་ལས་ཡི་གེ་སྡེ་དང་བཅས། ཐབས་དང་ཤེས་རབ་ཡི་གེ་བྱུང་། །དེ་ལ་ཡི་གེའི་ཚོགས་ཞེས་བྱ། །ཡི་གེའི་ཚོགས་ལ་སྡེ་ཚན་དགུ །སྒྲ་ཡི་ཡི་གེས་ཡོངས་ལ་བརྒྱན། །དེ་ནི་མིང་གི་ཚོགས་ཞེས་བྱ། །ཨུ་ལི་ལ་སོགས་སྡེ་ཚན་གྱིས། །ཀྭ་ལི་སོགས་པའི་སྡེ་ལ་བརྒྱན། །དེ་ནི་ཚིག་་གི་ཚོགགས་ཞེས་བྱ། །དེ་ལ་སྔགས་ཀྱི་ཚོགས་རྣམས་འབྱུང་། །ཨོ་བཛྲ་ཀི་ལི་ཀི་ལ་སརྦ་བིབྷན་བ༷་ཧུ༷་ཕཊ། ཏིསྟ་ཙ་ཙཀྲ་ཧ་ན་ཧ་ན་ཧུ༷་ཕཊ། ཨོ་བཛྲ་ཀྲོ་དྷ་ཧུ༷་ཀ་ར་ཧུ༷། ཨོ་བཛྲ་ཀྲོདྷ་མ་ཧ་བ་ལ་ཧུ༷། ཨོ་བཛྲ་ཀྲོདྷ་ནི་ལ་དཎྜ་ཧུ༷། ཨོ་བཛྲ་ཀྲོདྷ་ཡ་མརྙ་ཀ་ཧུ༷། ཨོ་བཛྲ་ཀྲོདྷ་ཨུརུ་ཨ་ཙ་ལ་ཧུ་ཕཊ། ཨོ་བཛྲ་ཀྲོདྷ་ཧ་ཡ་གྲོ་ཧུ༷་ཕཊ། ཨོ་བཛྲ་ཀྲོདྷ་ཨ་་པ་ར་ཛི་ཏ་ཧུ༷། ཨོ་བཛྲ་ཀྲོདྷ་ཨ་མྲི་ཏ་ཀུཎྜ་ལི་ཧུ༷། ཨོ་བཛྲ་ཀྲོདྷ་ཏྲེ་ལོ་ཀྱ་བི་ཛ་ཡ་ཧུ༷། ཨོ་བཛྲ་ཀྲོདྷ་མ་ཧྭ་བ་ལ་ཧུ༷། ཨོ་བཛྲ་ཀྲོ་དྷི་ལ་སྤྱི་ཡ་བྱ་ཧུ༷། ཨོ་བཛྲ་ཀྲོ་དྷི་ལྭ་སེ་ཀི་ཧཱུཾ༷། ཨོ་བཛྲ་ཀྲོ་དྷི་ཏ་ཏྲི་བྱ་ཏ་ཧུ༷། །ཨོ་བཛྲ་ཀྲོ་དྷི་ཏ་ན་པ་ཏི་ཧུ༷། །ཨོ་བཛྲ་ཀྲོ་དྷི་མུ་ཧ་ལ་ཧུ༷། ཨོ་བཛྲ་ཀྲོ་དྷི་ཛ་ཡ་ཏི་ཧུ༷། ཨོ་བཛྲ་ཀྲོ་དྷི་ཀྟ་ཡ་བྱ་ཏི་ཧུ། ཨོ་བ༷ཛྲ་ཀྲོདྷི་ཏ་བ་ཡ་བེ་ཧུ༷། ཨོབཛྲ་དྷི་སྟིར་མ་ནི་ཧུ༷། ཨོ་བཛྲ་ཀྲོ་དྷི་ཙུན་རྙེ་མུ་ནེ་ཧུ༷། ཨོ་བཛྲ་ཀི་ལི་ཀི་ལ་ཡ་ཧུ༷་ཕཊ། ཧུ༷་ཧུ༷་ཧུ༷། ཨ༷་ཨ༷་ཨ༷། ཨོ་ཨོ་ཨོ། ཨོ་ཨེ་རྒྱ་ཧི་བྷ་ག་བན། མ་ཧྭ་ཀ་རུ་ནི་ཀ་ཏྲི་ཤ་ཧོ། ས་མ་ཡ་ཧོ། ས་མ་ཡ་སྟོ། ཛ་ཧུ༷་བ༷་ཧོ། ཏབྱ་ཐུ་རཀྟ་རུ་རུ་རོ་རུ་ཙ་པ་ལ་ཨ་ཤུག་མེ་ཧུ༷། ཏབྱ་ཐུ་རཀྟ་རུ་རུ་རོ་རུ་ཨ་ག་ཤུག་མེ་ཧུ༷། ཏབྱ་ཐུ་རཀྟ་རུ་རུ་རོ་རུ་བ་ཏོ་སིཧུ༷། ཏབྱ་ཐུ་རཀྟ་རུ་རུ་རོ་རུ་བ་སྟོ་སྟ་ཧྭ༷། ཛ་ཡ་དུ་ཧུ༷།མརྙི་ཧུ༷། ཤ་རི་ཧུ༷། ནི་ལ་པུ་་ཏི་ཧུ༷། སུ་ཏྲི་བ་ར་ཧུ༷། ཡོ་གི་་་།་རི་ཧཱུཾ། བར་ཙི་ཏ་ཧུ༷། ཡ་མ་ཙིསྟ་ཧུ༷། ཨོ་ལ༷་ཧུ༷་ལ༷་སྟ༷་བ་ནན། མོ་ཧག་ཡ། བྷ་ག་བན་གྲི་ཀྲི་བི་ཀྲི། བཛྲ་ཧུ༷་ཀ་ར་ཧུ༷་ཧུ༷་ཧུ༷་ཕཊ་ཕཊ་ཕཊ། བཛྲ་གི་ལ་ཀི་ལ་ཡ།ཛ་ཧུ༷་བ༷་ཧོ། སརྦ་བིསྣན། བཛྲ་ཀི་ལི་ཀི་ལ་ཡ་ཧུ༷་ཕཊ། བཛྲ་ཧུ༷་ཀྭ་ར་ཧཱུཾ་ཕ༷ ཊ། བཛྲ་ཧུ༷་ཀ་ར་ཧུ༷་ཕཊ། བཛྲ་ཧུ༷་ཀྭ་ར་ཧུ༷་ཨ། ཧུ༷་པ་ར་བྱི་ཊ་ཏན་ཧུ༷་ཕཊ། ཚིརྙ་ཚིརྙ་ཧུ༷་ཕཊ། སྟིནྟྲ་སྟིརྙ་ཧུ༷་ཕཊ། གྲི་ཎ་གྲོ་ཎ་ཧུ༷་ཕཊ། ཧ་ན་ཧ་ན་ཧཱུཾ་ཕཊ། བྷརྙ་བྷརྙ་ཧུ༷་ཕཊ། ཏ་ཐ་ཡ་ཏ་ཐ་ཡ་ཧུ༷་ཕཊ། ཧ་ས་ཡ་ཧ་ཏ་ན་ཧཱུཾ། ཐྲི་ཀྲིན་ཨ་ན་ཡ་ཧུ༷་ཕཊ། །ཛ་ལ་པ་ཡ་ཛ་ལ་པ་ཡ་ཧུ༷་ཕཊ། ཨ་བེ་ཤ་ཡ་ཨ་བེ་ཤ་ཡ་ཧུ༷་ཕཊ། སྟིརྙ་ཡ་སྟིརྙ་ཡ་ཧུ༷་ཕཊ། ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ མ་ཐ་མ་ཐ་བཛྲ ཛ་ལ་ཛ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏ་ཀ་ཏེ་ཡ། ཛ་ཡེ་བི་ཛ་ཡེ། ཨ་ཛི་གི་ཏེ་ཨ་པ་ཛི་ཏི་ཡ། མ་ར་པྱ་ན་པྲ་མར་ཏ་ན་ཡ་ཧུ༷། ཧུ༷་ཧུ༷་མ་མ་བ་ཤི་ཀུ་མྲ མ་ཏ༷ ཉ་ཀ་ར། ཨི་ན་ཎ་དི་ཏི། མ་མ་ཀརྨ་ཐྲི་ཏྲ༷་ཀ་རེ་ཡ། སརྦ་ཨ་ན་ཡ་ཧུ༷་ཕཊ། ཏབྱ་ཐུ་ཡ་ཏང་ཐ་ཡ་ཧུ༷་ཕཊ། ཨོ་བཛྲ་ཡསྒ་ཀྲོདྷ་ཁ་ཧི་ཁ་ཧི་ཧ་ཧ་ཧུ༷་ཧུ༷་ཕཊ་ཕཊ། ཨོ་ཨོ་བཛྲ་ཀི་ལི་ཀི་ལ་ཡ་ཁ་ཐ༷་ཁ་ཐ༷་ཁ་ཐ༷་ཧུ༷་ཧུ༷་ཧུ༷་ཕཊ་ཕཊ་ཕཊ། ར༷་ཛ་ལ་ས་རན་ཧུ༷་ཕཊ། ཨོ་བཛྲ་སུ་མེ་ཧྲུ༷་ཧུ༷་སུ་མ་སྟ༷། ཨོ་བཛྲ་ཀི་ལི་ཀི་ལ་ཡ་ཧུ༷་ཕཊ། རི་ཤུ་ནི་ཏ་ཀི་ཙ་ཏི་བི་ཙ་ཏི་ཧུ་ཡ་ཧུ་ཡ་ཧུ༷་ཕཊ། སརྦ་ཏ་ཐུ་ག་ཏ་བཛྲ་ཀུ་ལན་བིཤོ་ཏ་ཡ་སྟི་ར་ཧུ༷་ཕཊ། ཨོ་བཛྲ་ས་ཏོ་རྭ་ཛ་ཧུ༷། ཨོ་སྣྲིནྟྲ་སྨྲིནྟྲ་ཧུ༷། ཨོ་ཕཊ་མི་རི་ཀུནྟྲ་ལི། ཐམས་ཐུམས་རྦད། ཁྲག་ཏི་སྨ་ར་ཡ་ཕཊ། རྡུལ་ཕྲན་ཉུར་ཐུམས་རྦད། ཁྱི་ཁྲིད་ར་ཁྲིད་རོལ་ཁྲག་འཐུང་ཀང་ཀང་། ཀེང་ཀེང་ཀང་ཀང་ཡ། ཏང་པར་ལ་ཏོ་ཤ་ལ་ཀྱི་སྤྱང་ཧིཏི་ཕཊ། ཤག་ཤག་རྒྱོབ་རྒྱོབ་ཡ་ཡ། ཨོ་ཏྲི་ནི་བག་མར་ཐུན། པ་ལ་ཧྲི་ཡཀྟ་ནི་གར་ལན་པར་མན། ཕྲ་མ་རི་ཧི་ལི་ཛ་ཛ། ཧ༷་མ་ཧྭ་ཀ་ལིཧ༷་ཕཊ་ཛ། སྤརཤ་ཏྲི་ཏྲིཧུ༷་ཡཀྟ་ཡཕཊ། ཨོ་ཧི་ལི་རསྒ་ཏྲི་ཤ་ཀུ་རུ་ཧུ༷།ཏྲེ་ཤ་ཀུ་རུ་ཧུ༷། བ་རིསདཉ། ཏྲིསྟ༷ཤབརིཧུ༷། ཀརྙིཔར་ཡ་ཏྲ༷། ཡ་མ་ཧྲི་དྷིདུན་ཧུ༷་ཀ་ར་ལ་བི་ཤ་ཧུ༷། བཛྲ་ས་རྙུ་ཧུ༷། ཨི་ཏྲི་ཏྲི་པུ་ཀ་ཧི། བཛྲ་ས་ཏིར་ཡ་མ་ར་དུ་ན་ཐ། ཨོ་ཐ་པ་རི་རྦ་ན་ཧུ༷། ཨི་པ༷་སྦྱོ། ཏེ་པ༷་སྨྱོ། ཨེ་པ༷སྨྱོ།ཧེ་པ་སྨྱོ། སིན་ཙ་ན་ར་ར་སྨྱོ། མ་ཀརྨ་ཤ་རི་སྨྱོ། དྲི་ནྟྲ་རྗེ་ནྟྲ་བ༷་ཤན་ཀུ་རུ་ཏི་པ་ཤ་ཧུ༷། ཧྲི་ཕི་ཀམ། ཁརྟ། ཤ༷ཏྲེ། ཁ༷་ཧྲ་ཐང་། ཐི་བཛྲ་བཛྲ་པུ་ཧུ༷། ཧ་ཧ་ཧ་ཧ། ཀྲ༷་ལ༷་ཏྲ༷། དྷི་དྷི་དྷི་དྷི་དྷི་དྷི་དྷི། དྷི་དྷི་དྷི་དྷི་དྷི་དྷི་དྷི། དྷི་དྷི་དྷི་དྷི་དྷི་དྷི་དྷི། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། སྨྱོ་སྨྱོ་སྨྱོ་སྨྱོ་སྨྱོ་སྨྱོ་སྨྱོ། ཨོ་བཛྲ་ས་མ་ཡོ་གི་ནི་པྲ་ཏི་ཛ་ཧྭ༷་ཧུ༷། ཨོ་རོ་རུ་པ་ཏི་སྟ་ས་མ་ཡ་ཧུ༷་བློ་ཧུ༷། ཨེ་ཨ་ར་ལི་ཀི་ལ་བ༷་ཧོ། ཁ་ཁ་དུར་ཏི་མ་ཏུང་ང་། རུ་ལུ་རུ་ལུ་ཧུ༷་ཧུ༷་སྨྱོ་སྨྱོ། ཀུ་མ་ད་རི། ཤུ་ལ་རི། ཙ་མུན་དྷི་ད་རི། ཀང་རྐ་ད་རི། ཁ་ར༷་ཡོ་གི་ནི་ཁུ་ཧི་ས་མ་ཡ་ཨ་མྲི་ཏྭ་ཨརྒ༷་པྲ་རྟ་ཛ་ཁུ་ཧི། ཨོ་བཛྲ་ཀི་ལི་ཀི་ལ་ཡ་ཐོཛྲ་ཀརྨ་གྲོ་དྷ་ཧུ༷་ཧུ༷་ཕཊ་ཕཊ་གྲྭཧྭ། ཨོ་བཛྲ་ཀི་ལི་ཀི་ལ་ཡ་ཆེ་གེ་མོ་ལ་བ་ཤ༷་ཀུ་རུ་སྭཧྭ། བྲེརྨྱི་ཀུ་སྲ ཤརྙི་བླུ་སྲ སུསྦྱུ་ནི་ཀུ་རུ་མི་གྲྭ་ཧྭ། །གརྫ་གརྫ་ཧུ༷་ཕཊ། ཧ་ན་ཧ་ན་ཧུ༷་ཕཊ། །ད་ཧ་ད་ཧ་ཧུ༷་ཕཊ། པ་ཙ་པ་ཙ་ཧུ༷་ཕཊ། བྷསྒྲོ་བྷནྟྲ་ཧུ༷་ཕཊ། ཧུ༷་ལུ་ཧུ༷་ལུ་ཧུ༷་ཕཊ། ཏིཛི་ཏིགི་ཧུ༷་ཕཊ། ཚིསྒྲོ་ཚི་སྟོ་ཧུ༷་ཕཊ། སྟིརྙ་དྷིནྟྲཕཊ། ཕོཊ་ཕོཊཧུ༷་ཕཊ། གཞན་ཡང་བསྒྲུབ་པ་སོ་སོ་ཡི། །སྔགས་ཀྱི་རིམ་པ་བརྗོད་མི་ལང་། །གནས་སྐབས་དང་དག་ལས་ཤེས་པར་བྱའོ། །དེ་འདྲའི་གདམས་པ་ཡོད་པའི་མིས། །གདུག་པའེ་སྔགས་ནི་རབ་ཏུ་འཇུག །ཅེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། སྙིང་པོ་སྔགས་ཀྱི་ལེའུ་སྟེ་བཅུ་པའོ།། །།དེ་ནས་ཡང་བཛྲ་ཀི་ལ་ཡས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །འདི་བསྒྲུབ་པ་ཡི་གང་ཟག་ལ། །རང་རང་རྟགས་ཀྱི་ཕྱག་རྒྱ་ཡིས། །ལས་རྣམས་ཡོངས་སུ་རྫོགས་པ་དང་། །དེ་ཡི་ཡོན་ཏན་ཇི་ལྟར་ལགས། །འདི་སྐད་གསོལ་བ་གསན་ནས་ཀྱང་། །ཁྲག་འཐུང་ཆེན་པོས་བཀའ་སྩལ་པ། །རྣལ་འབྱོར་ལས་ལ་བསྒྲུབ་ལ། །ཕྱག་རྒྱ་སྦྱོར་བ་ཤིན་ཏུ་གཅེས། །ངས་བཤད་གུས་པས་ཡིད་ཀྱིས་ཉོན། །གཟུགས་བརྙན་ལས་ཀྱི་དཀྱིལ་འཁོར་དུ། །བསྙེན་པ་ཡོངས་སུ་རྫོགས་པ་དང་། །ཏིང་འཛིན་བརྟན་པའི་བློ་ཅན་གྱིས། །ཁྲོས་པའི་སེམས་སུ་རབ་གནས་ཏེ། །གཡས་པ་རྡོ་རྗེ་རྩེ་ལྔ་འཕྱར། །གཡོན་པ་རྡོ་རྗེ་ཕུར་པ་འདེབས་པའི་ཚུལ། །ཞབས་གཉིས་བགྲད་དེ་གསང་སྔགས་བཟླས། །ཁྲག་འཐུང་རྒྱལ་པོའི་ཕྱག་རྒྱ་ཡིས། །སྔགས་དང་ཕྱག་རྒྱ་འདི་ཡིས་ནི། །དུས་གསུམ་སངས་རྒྱས་ལ་སོགས་ཀུན། །བརྒྱལ་བར་འདོད་ན་བརྒྱད་བར་བྱེད། །འཆི་བར་འདོད་ན་འཆི་བར་བྱེད། །ཁམས་གསུམ་པ་རྣམས་སྨོས་ཅི་དགོས། །ཡུམ་གྱི་མཚན་མ་དེ་བཟུང་ནས། །གཡས་ནས་དྲིལ་བུ་བསྣམས་ཏེ་འཁྱུད། །གཡོན་ན་དུང་ཁྲག་སྟོབས་པའི་ཚུལ། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་མཉེས་ནས་དབང་དུ་སྡུད། །ཁམས་གསུམ་པ་རྣམས་སྨོས་ཅི་དགོས། །རྐང་གཉིས་མཐིལ་སྤྲད་ཐུར་དུ་བཙུག །གཡས་པ་སྟ་རེ་སྡེབས་པའི་ཚུལ། །གཡོན་པ་ཕུར་པ་འདེབས་པའི་ཚུལ། །བཅུ་ཐབས་ཟུར་གྱིས་མནན་ཅིང་བལྟ། །འདི་ནི་སྲས་མཆོག་ཆེན་པོའི་རྒྱ། །སྔགས་དང་ཕྱག་རྒྱ་འདི་ཡིས་ནི། །རྡོ་རྗེ་འཛིན་པའང་འཆིང་འགྱུར་ན། །ཁམས་གསུམ་སྐྱེ་བོ་སྨོས་ཅི་དགོས། །ལག་གཉིས་ཐལ་སྦྱར་གྱེན་དུ་བསྒྲེང་། །རྐང་པ་མཐིལ་སྦྱར་ཐུར་དུ་བཙུགས། །འགྱིང་ཞིང་རོལ་པས་གར་བྱེད་པ། །ཧུ༷་ཀར་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དུས་གསུམ་སངས་རྒྱས་འགུགས་འགྱུར་ན། །རྒྱལ་པོའམ་བུ་མོ་ལ་སོགས་ཀུན། །ཁྲིའམ་བརྒྱ་རྩ་བརྒྱད་བཟླས་ན། །འགུགས་པར་འགྱུར་ཏེ་ཐ་ཚོམ་མེད། །གཡོན་པ་ཁྲོ་མཛུབ་སྙིང་ཁར་སྦྱར། །གཡས་པ་ལྕགས་ཀྱུ་ལྟར་བྱས་ནས། །སྤྱན་བཟློག་གཡས་བརྐྱང་གཡོན་བསྐུམ་ལ། །རྣམ་པར་རྒྱལ་བའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་བཏབ་ན། །རླུད་ཆེན་ཆུ་ཆེན་འབྲུག་ལ་སོགས། །གང་ཡང་བཟློག་པར་གདོན་མི་ཟ། །གཡོན་པ་ཁྲོ་མཛུབ་སྙིང་ཁར་བསྒྲེང་། །གཡས་པ་བེ་ཆོན་བརྡེག་པའི་ཚུལ། །གཡོན་བརྐྱང་ཚུལ་གྱིས་གནས་པ་ནི། །དབྱུག་པ་སྔོན་པོའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །རྡོ་རྗེའི་བྲག་ཀྱང་འཇོམས་པར་ནུས། །བསད་པའི་ལས་ལ་ལྷག་པར་འཇེབས། །ལག་གཉིས་ཁུ་ཚུར་བཅངས་པ་ལས། །གུང་མོ་གཉིས་ནི་རྩེ་མོ་སྤྲད། །རྡོ་རྗེ་རྩེ་གཅིག་ཚུལ་དུ་བྱས། །མཛུབ་མོ་རྒྱབ་ཀྱི་ཕྱོགས་སུ་དཀྲི། །མཐེ་བོང་གཞིབས་ཏེ་མདུན་དུ་གཞག །ཁ་ཡི་ཚུལ་དུ་བྱས་པདང། །གཤིནརྗེཞབས་གཉིས་ལངས་ནས་བཀུག །གཤིན་རྗེ་གཤེད་པོའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དགུག་པར་རང་དབང་མེད་པར་འོང་། །གསོད་པའི་ལས་ལ་ལྷག་པར་འཇེབས། །དབྱེ་དང་འཐབ་ལ་ཐེ་ཚོམ་མེད། །བསྐྲད་པས་འཇིག་རྟེན་གཞན་དུ་འགྲོ །ལག་པ་གཉིས་ཀྱི་མཐེ་བོང་གིས། །སྲིན་ལག་མཐེ་ཆུང་སེན་མོ་བསྣན། །གུང་མོ་མཛུབ་མོ་གཞིབས་ཏེ་བརྐྱང་། །རལ་གྲི་ཤུགས་ནས་འབྱིན་པའི་ཚུལ། །གཡས་པ་བརྐྱང་པ་གཡོན་པ་བསྐུམ། །མི་གཡོ་མགོན་པོའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ལྷ་ཀླུ་གནོད་སྤྱིན་མ་མོ་རྣམས། །གང་བསྒོམ་ལས་རྣམས་བྲན་བཞིན་བྱེད། །ལོག་འདྲེན་ཚོགས་རྣམས་སྒྲོད་འདོད་ན། །སྲིན་ལག་རྩེ་ལ་རི་ལུ་དག །བསྟན་པ་ཙམ་གྱིས་འཕྲོས་པར་འགྱུར། །ལག་གཉིས་རྡོ་རྗེ་ཁུ་ཚུར་བཅིངས། །མཐེའུ་ཆུང་ལུ་གུ་རྒྱུད་དུ་སྤྲེལ། །མཛུབ་མོ་གཞིབས་ཏེ་བསྒྲེང་བ་ལ། །ལན་གསུམ་གཡས་ནས་མགོ་ལ་བསྐོར། །དཔྲལ་བའི་སྟེང་དུ་གཞག་པར་བྱ། །གཡས་པའི་རྐང་པ་སྤྱིད་ཁུང་བསྐུམ། །གཡོན་པ་རྐང་མཐིལ་བཙུག་པ་ནི། །རྡོ་རྗེ་རྟ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དུག་གིས་ཟིན་པ་འཇོམས་པར་བྱེད། །སེར་བ་ལ་སོགས་བཟློག་པ་དང་། །འཇིགས་པ་ཀུན་ལས་ཐར་པར་བྱེད། །ལག་གཉིས་ཁུ་ཚུར་བཅངས་པ་ལས། །རྒྱབ་སྤྲད་མཐེའུ་ཆུང་ལུ་གུ་རྒྱུད། །མཛུབ་མོ་རྩེ་སྤྲད་ཞགས་པའི་ཚུལ། །རྐང་པ་གཡས་པའི་སོར་མོ་གཟུགས། །གཡོན་པ་དྲང་པོར་བྱས་པ་ནི། །གཞན་གྱིས་མི་ཐུབ་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །བདེ་གཤེགས་སྲས་དང་བཅས་པ་རྣམས། །ལས་ལ་བསྐུལ་ཞིང་གདན་ལ་འབེབས། །གདོན་རྣམས་ཐམས་ཅད་གཟིར་བར་བྱེད། །མ་རུངས་པ་རྣམས་གནོན་པར་ནུས། །ལག་པ་གཉིས་ཀྱི་ཐེ་བོང་གིས། །མཐེ་ཆུང་གཉིས་ཀྱི་སེན་མོ་མནན། །ལྷག་མ་གསུམ་ནི་སྒྲེང་ནས་ནི། །སོ་སོར་དཔུང་མགོར་བསྒྲེང་བ་ནི། །རྐ་པ་དྲང་པོར་མགོ་གང་བར། །པུས་མོ་བག་ཙམ་བསྐུམ་པ་ན། །བདུད་རྩི་འཁྱིལ་བའི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །སངས་རྒྱས་བྱང་ཆུབ་སེམས་དཔའ་རྣམས། །སེམས་ཅན་དོན་དངས་ལས་བསྐུལ། །གདུག་ཚོགས་བསྐྱེད་དང་བགེགས་ཆེན་འབྱེར། །ལག་གཉིས་ཁུ་ཚུར་བཅངས་པ་ལས། །མཛུབ་གཉིས་བསྒྲེང་སྟེ་མཁྲིག་མ་བསྣོལ། །རྐང་པ་གཡས་གཡོན་བགྲད་བྱས་པ། །ཁམས་གསུམ་རྣམ་རྒྱལ་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །དུས་གསུམ་སངས་རྒྱས་གདན་ལས་འགྲེ །གདུག་པ་འོ།ག་པ་སྨོས་ཅི་དགོས། །གཡོན་པ་ཁུ་ཚུར་སྙིང་ཁར་གཞག །གཡས་པ་སྟ་གྲི་ཕྱར་ནས་བརྡེག །གཡས་བརྐྱང་གཡོན་པ་ཅུང་ཟད་བསྐུམ། །སྟོབས་པོ་ཆེ་ཡི་ཕྱག་རྒྱ་ཡིན། །སྔགས་དང་ཕྱག་རྒྱ་འདི་ཡིས་ནི། །ཐན་པ་བྱུང་ན་ཆར་འབེབས་ཤིང་། །ཆར་ཆེས་ན་ཡང་གཅོད་པར་བྱེད། །རྒྱལ་བའི་ལས་ལ་ཡུད་ཀྱིས་ཆོག །ལས་རྣམས་སྐད་ཅིག་གཅིག་གིས་འགྲུབ། །ཁྲོ་མོའི་མཚན་མ་བཟུང་ནས་ནི། །གཡས་འཁྱུད་གཡོན་དུ་གཙོ་ལ་སྟོབ། །ཁྲོ་མོ་རྣམས་ཀྱི་ཕྱག་རྒྱ་ཡིན། །སྔགས་དང་ཕྱག་རྒྱ་བཅིངས་བྱས་ལ། །ལས་རྣམས་ཐམས་ཅད་ཐོགས་མེད་འཀྱུར། །གཞན་ཡང་ལས་རྣམས་སོ་སོ་ཡི། །ཕྱག་རྒྱའི་རིམ་པ་བཤད་བྱ་བ། །ལག་གཉིས་ཁུ་ཚུར་བཅིངས་ནས་ནི། །རྒྱབ་སྤྲས་མཐེ་ཆུང་གཉིས་ལ་འཁྱུད། །མཛུབ་གཉིས་རྒྱབ་སྤྲད་བསྒྲེང་བྱས་ལ། །ལག་པ་ལྕགས་ཀྱུ་ལྷར་བྱས་ལ། །འགུགས་ཤིང་འདྲེན་པའི་ཕྱག་རྒྱ་ཡིན། །ལག་པ་གཉིས་ནི་ཐལ་མོ་སྦྱར། །གུང་མོ་རྩེ་སྤྲད་མཐེ་ཆུང་བརྐྱང་། །མཛུབ་སྲིན་གཉིས་ནི་རྒྱབ་ཏུ་བསྣོལ། །མཐེ་བོང་གཞིབས་ལ་དྲག་ཏུ་དྲིལ། །འདི་ནི་ཕུར་བ་པ་དྲིལ་བའི་རྒྱ། །མཐེབ་མཛུབ་བར་དུ་ཕུར་པ་བཟུང་། །གྱེན་དུ་གསོར་ལ་ལས་བསྐུལ། །འདི་ནི་ཕུར་པ་གསོར་བའི་རྒྱ། །སོར་མོ་རྣམས་ནི་སྦྲེལ་ལ་བསྡམ། །ཚིགས་ནི་ཟུར་ཙམ་ནང་དུ་དགུག །མཐེ་བོང་གཉིས་ཀྱང་གཞིབས་བྱས་ལ། །མདུན་རྒྱབ་བྱས་པའི་ཕྱག་རྒྱ་ཡིན། །སོར་མོརྣམས་ནི་རྒྱབ་ཏུ་བསྣོལ། །ཀུན་ཀྱང་བརྐྱང་སྟེ་ཁ་སྤུབ་ལ། །གཟུགས་ལ་དབབ་པའི་ཕྱག་རྒྱ་ཡིན། །གཡོན་པ་མཛུབ་བསྒྲེང་ཁུ་ཚུར་བཅངས། །སྐུ་རུ་བཞག་་ལ་རྐང་པས་བགྲ་ད། ལག་གཡས་པ་ཞགས་པ་འཕེན། །གཡོན་པ་ཕུར་པ་འདེབས་པ་ལ། །གཡས་ཀྱི་རྡོ་རྗེ་ཐོ་བས་་བ་སྡིགས། །འདི་ནི་ཕུར་པ་གདབ་པའི་རྒྱ། །ལག་གཡོན་ཁུ་ཚུར་བཅངས་པ་ལས། །མཛུབ་མོས་ལྕགས་ཀྱུ་སྙིང་ཀར་བཟུང་། གཡས་པའི་རལ་གྲིས་དུམ་བུར་ག་། །གཟུགས་ཕུང་བཤིག་པའི་ཕྱག་རྒྱ་ཡིས། །སོར་མོ་རྣམས་ནི་བསྣོལ་ཏེ་བསྡམ། །གུང་མོ་བཞི་བ་ལ་ཕུར་པ་བཟུང་། །ཚེ་ལུང་ཆེན་པོའི་ཕྱག་རྒྱ་ཡིན། །གཡོན་པ་ཁུ་ཚུར་བཅངས་པ་ལ། །གཡས་པ་དེ་བཞིན་སྟེང་དུ་བཞག །སྤྱི་ཡི་སྟེང་དུ་བཞག་པ་ནི། །སྟན་དུ་བསྲུང་བའི་ཕྱག་རྒྱ་ཡིན། །རྐང་པ་གཡོན་པས་སྙིང་ཁར་མནན། །གཡས་པ་བགྲད་པའི་སྡང་མིག་ལྟ། །ལག་གཉིས་མཆེ་བའི་ཚུལ་དུ་བྱ། །ཀི་ལ་ཡ་ཡི་སྔགས་རྗེས་ལ། །མྱ་ར་ཡ་དང་བྲ་བེ་ཤ། །ཕཊ་ཅེས་ཁོང་དྲལ་བཅུད་སྟོན་པ བཅིངས་པའི་ལྕགས་སྒྲོག་དགྲོལ་བའི་རྒྱ། །གོང་མའི་ཕྱག་རྒྱ་དེ་ཉིད་ལ། །གྱེན་དུ་གསོར་བའི་ཚུལ་བྱེད་པ། །འདི་ནི་ཞལ་དུ་བཏབ་རྒྱལ་བའི། །ལག་གཡོན་བརྙ་ཐོགས་པའི་ཚུལ། །གཡས་ཀྱི་མཐེབ་མཛུབ་གཉིས་པོ་ཡིས། །བསྡུས་ཀྱིན་རི་ལུར་འབུལ་བྱེད་པ། །འདི་ནི་སྦྱིན་སྲེག་ལས་ཀྱི་རྒྱ། ལག་གཉིས་སྙིམ་པ་འཛེད་པ་ལས །བ་་ནས་འཐོར་བའི་ཚུལ་བྱེད་པ། འདི་ནི་ཟོར་དུ་འཕང་བའི་རྒྱ། གཡས་གཡོན་ཐལ་མོ་སྦྱར་བ་ལས མཐེ་བོང་གཉིས་ནི་གྱེན་དུ་བསྒྲེང་། མཐེའུ་ཆུང་ཐུར་དུ་་བརྐྱང་བྱས་ཏེ། །གུང་མོ་ཐད་ཀར་སྲིན་ལག་དག །རྡོ་རྗེའི་རྒྱ་གྲམ་ཚུལ་དུ་བྱས། །འདི་ནི་མནན་པ་ལས་ཀྱི་རྒྱ། །ལག་པ་གཡོན་པ་བརྐྱང་པ་ལ། །གཡས་པ་སྟེང་དུ་པདྨའི་ཚུལ། །འདི་ནི་གཏོར་མ་བསྔོ་བའི་རྒྱ། །དེ་ལས་སོགས་པའི་ལས་རྣམས་དང་། །མ་མོ་ལས་མཁན་ལ་སོགས་པ། །བསམ་གྱིས་མི་ཁྱབ་ཕྱག་རྒྱ་རྣམས། །གཞན་ལས་གྲགས་པ་བཞིན་དུ་བྱས། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ཕྱག་རྒྱ་རྣམ་པར་སྤྲོས་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཀརྨ་ཧེ་རུ་ཀས། །བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་དཔའ་བོ་མཐུ་བརྙེས་པའི། །མཁའ་འདྲ་སྔགས་ཀྱི་ངོ་བོ་ཉིད། །ལས་ཀུན་ཡོངས་སུ་རྫོགས་པའི་བདག །འདི་ནི་ཉམས་སུ་ལེན་པའི་མིས། །བསྒྲུབ་པའི་རིམ་པ་ཇི་ལྟར་བགྱི། །དེ་ནི་རྣམ་གྲངས་དུ་ཞིག་མཆིས། །ཀི་ལ་ཡ་ཡིས་བཤད་དུ་གསོལ། །ཅེས་གསོལ་པས། བཅོམ་ལྡན་འདས་གསང་བ་མཆོག་གི་བདག་པོས་ཐམས་ཅད་རྫོགས་ལོངས་སྤྱོད་པའི་བདག་ཉིད་དེ། །ཨུཏུལ་ཅིར་ཡང་འགྱུར་བའི་ལྗགས་བརྐྱང་སྟེ། །ཐེ་ཚོམ་ཡོངས་སུ་བཅོམ་པའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། །རྗེས་སུ་འཇུག་པའི་གང་ཟག་དང་། །བསྙེན་པ་ལས་སུ་རུང་བའི་མིས། །བསྒྲུབ་པའི་ཐབས་རྣམས་རྟོགས་པ་གཅེས། །བསྒྲུབ་པ་སྦྱི་དང་བྱེ་བྲག་གཉིས། །གང་ཡིན་ངོ་ཡིས་ཟིན་པར་བྱས། །རྩ་བ་བསྒྲུབ་དང་ཡན་ལག་བསྒྲུབ། །ཁྱད་པར་ཉིད་ལག་ལ་སོགས་རྣམས། །བྱེ་བྲག་ཡོངས་སུ་ཤེས་པར་བྱ། །དང་པོ་ཕྱི་ནང་གསང་བ་གསུམ། །དེ་ཡང་རིམ་པ་འདི་ཤེས་བྱ། །བསྒྲུབ་པའི་ཡན་ལག་སུམ་ཅུ་དྲུག །ངེས་དོན་ཐབས་ཀྱིས་འཁྲུལ་པ་དྲང་། །ལྷ་དབྲལ་གནས་ནས་དགུག་པ་དང་། དབབ་ཅིང་བྱད་དང་སྨྱོ་རུགཞུག །ངེས་པར་བསྒྲལ་དང་ཞལ་དུ་བཏབ། །དྲག་པོའི་འཕྲིན་ལས་ནུབ་བདུན་བ་། །རེ་རེ་ལའང་སྔགས་དང་མཆོད། །ཕོ་ཉ་རྫས་དང་ཏིང་ངེ་འཛིན། །དམོད་མོ་གཞག་པ་དྲུག་ཏུ་འགྱུར། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། ་༑་ན་མུ་ཀའི་དུས་ལ་བབ། །བདག་ཉིད་ཆེན་པོའི་དུས་ལ་བབ། །ས་བདག་ཆེན་མོའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །རྟོགས་ཤིང་གྲོགས་དང་བྲལ་བར་གྱིས། །ཕོབ་ཅིག་རྣམ་པར་གཟིར་བར་གྱིས། །ཟུང་ཞིག་ཆིངས་ཤིག་རྣམ་པར་སྡོམ། །རིངས་པར་ཁུག་ལ་སྨྲར་ཆུ་གཅིག །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །དེ་དག་རིམ་པ་ཇི་ལྟ་བར། །སྨྱོལ་ཐང་ཕྲོམ་འདའ་དུ་ ར། །དབབ་པ་ཡུངས་ཀར་འདྲེ་གསོད་ཡིན། །བྱད་དུ་གཞུག་པ་ཚོན་སྣ་ལྔ། །དབྲལ་བརྒྱ་ཚིལ་གུ་གུལ་ཤིས། །བརྡུང་བ་ཕུར་པ་ཐོ་བ་སྟེ། །སྟོབ་པ་ཧོ་མ་གཟར་ཡིས་བྱ། །དེ་དག་ཏིང་འཛིན་སྨོད་མོ་ཡང་། །སྐབས་ཀྱི་རིམ་པ་ཤེས་པར་གྱིས། །འདི་ནི་ཞི་དང་རྒྱས་པ་དང་། །དབང་དང་མངོན་སྩོད་ལ་སོགས་པ། །ལས་ཐམས་ཅད་ལ་ཤེས་པ་སྟེ། །དམ་པའི་ངང་དང་ལྡན་པ་ཡིས། །སྐབས་ཀྱི་རིམ་པ་འདིར་ཤེས་བྱ། །གཞན་ཡང་རིམ་པའི་འཁོར་ལོ་ནི། །ཐབས་ཀྱི་རིམ་པ་བཞི་རུ་གསུངས། །དང་ལ་འཁོར་ལོ་ཕྱི་མ་ནི། །བཞི་བཅུ་རྩ་བརྒྱད་འཁོར་ལོ་ལ། །ཡི་གེ་གཉིས་དང་ལྡན་པར་བྱ། །དེ་འོག་དགུག་པའི་འཁོར་ལོ་ནི། །ཉི་ཤུ་རཀྟ་ནི་མ་པའོ། །འཁོར་ལོ་སྔགས་ཀྱི་རྒྱུ་རུ་གསུངས། །ཡི་གེ་བཅུ་གཅིག་རྣམ་པར་ལྡན། །འོད་ཟེར་སྤྲོས་པས་དེ་བཀུག་བསྟིམ། །དེ་ནི་དགུག་པའི་འཁོར་ལོའོ། །བཀུག་ནས་བསད་པའི་རིམ་པ་ནི། །རྩིབས་བརྒྱད་པ་ཡི་འཁོར་ལོ་ལ། །སྐེ་ཚེ་ཐར་ནི་བོང་ང་གནག །སྤྱང་ཚེར་ལྡོང་རོས་རེ་ལྕག་པ། །སྤྱང་དུག་ཀྱི་ལྕེ་མེ་རེག་ཁྲག །དེ་ནི་གཉིས་ཀ་རྒྱུ་རུ་གསུངས། །ཡི་གེ་བཅུ་བདུན་གཡོན་ནས་བསྐོར། །རྣམ་སྣང་ཐུགས་གཉིས་ཡང་གསུམ་བརྐྱང་། །ལྷག་མ་ཟུང་དུ་གནས་པའོ། །དེ་ལས་འོད་འཕྲོས་དམིགས་པ་བསྒྲལ། །གཉིས་སྡོམ་དྲག་པོའི་འཁོར་ལོ་ནི། །བསད་པའི་འཁོར་ལོ་རྩིབས་མཆན་ལ། །ཧུ༷་ཕཊ་མི་ལྡན་བརྒྱད་དུ་གསུངས། །དེ་རྒྱུ་གོང་མ་དག་དང་འཐུན། །གཞན་ཡང་མ་ཐུབ་སྤོགས་པའི་ཐབས། །འཁོར་ལོའི་རིམ་པ་ཡང་གསུངས་པ། །དགུག་པའི་འཁོར་ལོ་གདབ་བརྒྱད་ལ། །ཡི་གེ་ནང་དུ་མགོ་བསྟན་ཏེ། ཁུ་ཡང་དེ་བཞིན་གོང་མ་སྟེ། །མ་གྲུབ་སྤོགས་པའི་འཁོར་ལོ་ཡིན། །དང་པོ་བསྙེན་བསྒྲུབ་ལས་རུང་ནས། །དྲག་པོའི་ལས་ལ་སྦྱོར་འདོད་པས། དུར་ཁྲོད་དག་གམ་ཤིང་དྲུག་དང་། །ཀླུ་ཡི་གནས་སམ་འབྱུང་པོའི་སྲང་། །མར་གྱི་བརྒྱད་ནས་གནམ་སྟོང་དུ། །དང་པོ་སྒོ་བཞི་བདེན་པ་བདར། །དེ་ནས་ལས་མཁན་གཏོར་མ་གཏང་། །བསྒོ་བའི་ལས་གཉེར་གཏད་པ་དང་། །བདག་ཉིད་ལུས་ཀྱང་གཅེར་བུར་བྱ། སྐྲ་ཡང་སྤྱི་བོར་བཅིང་བྱ་སྟེ། །ལུས་ལ་ཐལ་བ་ཆེན་པོ་བྱུག །རང་གི་གདོང་ཡང་རྒྱ་སོལ་དང་། །རང་བྱུང་མེ་ཏོག་དག་གིས་མཛེས། །ཁ་ཡང་ལྷོ་ཕྱོགས་དག་ཏུ་བལྟ། །གཉིས་སྡོམ་འཁོར་ལོ་བྲི་བར་བྱ། །དེ་དུས་ལྷ་ཡི་ང་རྒྱལ་དང་། །གསང་བའི་སྙིང་པོར་ལྡན་པར་བྱ། །བྲིས་ནས་ཡི་གེ་དགུག་བསྟིམ་དང་། །མཆོད་པ་དབུལ་བ་རྫོགས་པར་བྱ། །བསྟོད་དང་འཕྲིན་ལས་དྲག་པོར་རོ། །གྲུབ་པའི་ཉི་མ་ཐ་མ་ལ། །བཅུ་གཉིས་རྫས་དང་གཟུགས་བྱས་ཏེ། །བསྒྲལ་བའི་ཞིང་བཙུ་ཞེ་གཅད་ཅིང་། །དགུག་ཅིང་བཏབ་བ་དྲག་པོ་བྱ། །དྲག་པོའི་ལྷོ་བར་དེ་བཅུག་ལ། །འཇིགས་བྱེད་འབར་བའི་ཞལ་དུ་བརྫང། །གདོན་མི་ཟ་བའི་ལས་ལ་འཇུག །གྲུབ་པའི་རྟགས་དག་བྱུང་བ་དང་། །གསལ་བ་གསུམ་གྱི་ལས་ལ་འཇུག །དེ་ཡི་རིམ་པ་དེ་ཤེས་བྱ། །ཡན་ལག་སོ་སོར་བསྒྲུབ་འདོད་ན། །རིམ་པའི་འདི་ལྟར་ཤེས་པར་བྱ། །ཕུན་སུམ་ཚོགས་པའི་སློབ་དཔོན་གྱིས། །གཞུང་ལས་འབྱུང་བའི་གནས་དག་ཏུ། །དགོས་པའི་ཡོ་བྱད་རབ་བསོགས་ལ། །རང་རང་ལས་ལ་འཇུག་པ་ནི། །རྣམ་པར་རྒྱལ་བའི་དཀྱིལ་འཁོར་ནི། །མཐིང་ནག་གྲུ་གསུམ་རྒྱན་དང་ཆས། །འཁོར་ལོའི་རྒྱན་དང་ཉི་ཟླའི་གདན། །དྲག་པོའི་གདན་རྣམས་ཇི་ལྟ་བར། །བསྐྱེད་ནས་རྫོགས་པའི་མཐར་ཐུག་བྱ། །བྱིན་གྱིས་བརློབ་ཅིང་དབང་ཡང་བསྐུར། །ཇི་ལྟར་གསལ་བའི་རིམ་ཤེས་ནས། །ཁྲི་ཕྲག་གསུམ་མམ་ཅི་རིགས་པར། །རྟགས་གསུམ་དྲོད་ཚད་ཐོབ་པའི་མིས། །ལས་གཉིས་བརྩམས་པའི་དུས་ལ་བབ། །རྩིབས་བརྒྱད་འབར་བའི་ལྟེ་བ་ལ། །རླུང་གི་སྙིང་པོ་དེ་ཉིད་བསྐྱེད། །ཡེ་ཤེས་དགུག་བསྟིམ་མཆོད་པ་དབུལ། །བ་ཡ་བེ་ཡི་སྙིང་པོ་བཟླས། །སོ་མ་བཏབ་པའི་གའུ་སྲ །སྔོན་དམར་ཞགས་པས་རྒྱ་གྲམ་བཅིངས། །སྟེང་དུ་ཉི་ཟླའི་དཀྱིལ་འཁོར་བཅས། །དེ་སྟེང་ཧུ༷་ལས་རྡོ་རྗེར་གྱུར། །དེ་དབུས་མེ་དཔུང་འབར་བའི་དབུས། །མགོན་པོ་ཕྱག་ན་རྡོ་རྗེ་ཉིད། །གསལ་བས་རླུད་ལྷ་རབ་གཟིར་བས། །རླུད་གི་སྦྱོར་བ་རྒྱུན་ཆད་འགྱུར། །དྲག་པོའི་རྒྱུན་ལས་བྱ་བའི་ཤིང་། །སྐུར་བསྐྱེད་བྱིན་བརླབས་དབང་བསྐུར་ནས། །བཟླས་པ་ཉི་ཁྲི་བདུན་འབུམ་ལམ། །བྱེ་བ་ས་ཡར་བསྐྱལ་ནས་ནི། །འོད་ཟེར་འཕྲོ་འདུ་སྦྱོར་བ་ཡི། །རྟགས་དང་མཚན་མ་བྱུང་བ་དང་། །སོབརྒྱད་བརྗེན་པའི་ལིང་ག་བྱ། །གཡས་པའི་ཞབས་ཀྱིས་མནན་བྱས་ལ། །ཕུར་པའི་སྦྱོར་བ་བྱས་པ་ཡིས། །ལྷ་ལ་སོགས་པ་སྨོས་ཅི་དགོས། །ཆུ་ལ་བཏབ་ན་གྱེན་ལ་བཟློག ཁུ་ལ་བཏབ་ན་འགྱུར་བར་ངེས། །རླུད་ལ་བཏབ་ནས་རྒྱུན་ཆད་འགྱུར། །གཤིན་རྗེ་གཤེད་པོའི་དཀྱིལ་འཁོར་ནི། །མཐིང་ནག་འབར་བའི་དཀྱིལ་འཁོར་རོ། །ཟུར་ལ་བེ་ཆོན་དག་གིས་མཚན། །དམིགས་པར་བྱ་བའི་གཟུགས་དག་ནི། །གཡོ་བ་དག་ལ་གཟུགས་བྱས་ལ། །གདུག་པའི་རྫས་ཀྱིས་དེ་ལ་བྱུག །མཚན་ཆེན་དག་གིས་རབ་སྤྲས་ལ། །གཟུགས་ནི་སོར་བཞིའི་ཚད་དུ་བྱ། །མ་རུངས་རྫས་ཀྱིས་དེ་ལ་བྱུག །དམིགས་པའི་གནས་སུ་གན་རྐྱལ་གཞག །དེ་ཡི་སྙིང་ཁར་བདག་པོའི་སྐུ། །ཆོ་ག་གསུམ་གྱི་སྦྱོར་བས་བསྐྱེད། །བྱིན་གྱིས་བརླབ་ཅིང་དབང་བསྐུར་ལ། །ཡེ་ཤེས་དཀྱིལ་འཁོར་དགུག་གཞུག་དང་། །མཆོད་དང་བསྟོད་པ་ལ་སོགས་བྱ། །བཟླས་པའི་སྦྱོར་བ་རབ་འབད་དེ། །སྐབས་སུ་ཐུན་གྱི་སྦྱོར་བ་བྱ། །དེ་ལྟར་ལས་སུ་རུང་བ་དང་། །བསད་པའི་སྦྱོར་བ་རྫོགས་པར་བྱ། །ཐང་ཅིག་ཡུད་ལ་དེ་བརླག་འགྱུར། །གལ་ཏེ་དབྱེ་བར་འདོད་པ་ན། །དུར་ཁྲོད་དག་གི་རས་མ་ལ། །གོང་གི་རྫས་ཀྱིས་འཐབ་པར་བྱ། །ཚིལ་ཆེན་དག་གི་དུད་པས་ནི། །པདྨ་བརྙའི་སྣོད་དུ་བསག །གུ་གུལ་ཆུ་དང་རབ་སྦྱར་རམ། །པདྨའི་རཀྟ་དག་དང་སྡར། །རྔ་མོ་བོང་བུ་དག་གིས་གཟུགས། །དུར་ཁྲོད་རྐང་གི་སྨྱུག་གིས་བྲིས། ཁེན་ཏུ་འཐབ་ཅིང་མི་མཛའ་གཟུགས། །བྱས་ལ་གསང་སྔགས་འབུམ་དུ་བཟླས། །རྩིག་པའི་རྨང་ངམ་ཐེམ་པའི་འོག །སྦས་ཏེ་གསང་སྔགས་བརྒྱར་བཟླས་ན། །གང་འདོད་ལས་ནི་གདོན་མི་ཟ། །གལ་ཏེ་གནད་ནས་བསྐྲད་འདོད་ན། །ས་ལ་མ་ལྷུང་ཤིང་ལོ་ལ། །གབ་པའི་འཁོར་ལོ་རྫོགས་པར་བྲི། །རླུ་་གི་སྟེང་དུ་རྔ་མོ་གཞག །དམིགས་པའི་དངོས་པོ་དེ་བསྐྱོན་ལ། །བཟླས་ཐིམ་གོང་གི་སར་སྦས་ན། །གང་འདོད་གནས་དེ་ངེས་པར་འཕོ། །གལ་ཏེ་དགུག་པའི་ལས་བྱེད་ན། །ལས་ལ་སྦྱོར་བ་སྔ་མ་བཞིན། །བྱས་ཏེ་རླུད་གི་ལྕགས་ཀྱུས་དགུག །ཐང་ཅིག་ཡུད་ལ་ཐེ་ཚོམ་མེད། །རྟ་མགྲིན་རྒྱལ་པོའི་དཀྱིལ་འཁོར་ནི། ཁུ།་གསུམ་དམར་ནག་དཀྱིལ་འཁོར་དུ། །ཟླ་གམ་གསུམ་གྱིས་མཐའ་བསྐོར་ཏེ། །རི་རབ་བུམ་པ་གསུམ་བཀོད་ལ། །ཕྱི་རིམ་པདྨས་མཛེས་པར་བྱ། །དབུས་སུ་ཆུ་བདག་བསམ་པར་བྱ། །སྟེང་དུ་སྔགས་ཀྱི་བདག་པོ་བསྐྱེད། །ཆོ་ག་ཡོངས་སུ་རྫོགས་པ་དང་། །མདུན་དུ་ལས་ཀྱི་སེམས་དཔའ་བསྐྱེད། །བཟླས་པ་ཁྲི་ཕྲག་བདུན་དུ་བྱ། །དེ་ནས་ལས་ལ་སྦྱོར་འདོད་ན། །མི་རྟག་པ་ལས་གཟུགས་བྱས་ཏེ། །མེ་རེག་ཁྲག་གིས་སྦྱངས་པའི་གཟུགས། །སོར་བརྒྱད་ཚད་ལ་འདོད་པར་བྱ། །ལྟོས་འགྲོ་དག་གི་ཁར་བཅུག་ལ། །ཡོངས་སུ་སྨིན་པའི་ལས་དག་བྱ། །དེ་ནས་ལས་རྣམས་རྫོགས་པ་དང་། །སངས་རྒྱས་ཉིད་ཀྱང་གདན་ལ་འདྲེ། །དུག་གི་སྦྱོར་བ་བཟློག་པ་ན། །རིན་ཆེན་རྒྱུ་ལས་བྱུང་བ་ཡི། །བུམ་པ་བདུད་རྩིས་དགང་བྱས་ལ། །ནང་དུ་གདན་དང་ཡིག་འབྲུ་བསམ། །གཞུང་དང་བཀོལ་བའི་ཏིང་འཛིན་བྱ། །འདབ་བརྒྱད་སྟེང་་དུ་དམིགས་ལ་གཞག །དང་པོར་ཕོ་བྲང་སོ་སོར་གཏུག །འོད་ཞུ་ཚངས་པའི་བུ་ག་ནས། །བདུད་རྩི་ཆུ་ཡིས་རབ་བཀྲུས་ནས། །བསྡུས་ཤིང་བསྲེག་སྟེ་མི་གནས་པར། །ཡང་ནས་ཡང་དུ་སྨོན་པར་བྱ། །ཐ་མ་དེ་འོག་དག་ནས་འཐོན། ཁེན་ཏུ་དག་ཅིང་དྲི་བྲལ་བར། །བསམས་ཏེ་ལས་རྣམས་དེ་ལ་བྱ། །གདོན་མི་ཟ་བར་བཟློག་པར་འགྱུར། །གལ་ཏེ་སེར་བ་བཟློག་པ་ན། །གདོང་ལ་ཐལ་བའི་མཚན་མ་གདབ། །གཡོ་བའི་ཙས་དང་རབ་བསྲེགས་ལ། །སྤྱན་བཟློག་གསང་སྔགས་དྲག་པར་བཟླས། །སྡིགས་མཛུབ་བཅས་ལ་རྫས་ཀྱིས་བྲབ། །དེ་ཡིས་འགྲུབ་པར་ཐེ་ཚོམ་མེད། །གལ་ཏེ་བསྲུང་བར་འདོད་པའི་མིས། །པདྨའི་སྣོད་དུ་བདུད་རྩི་ཟླུགས། །སྨན་ལྔ་དང་དང་རབ་སྦྱར་བས། །བསྐྱེད་ནས་རྫོགས་པའོ་མཐར་ཐུག་བྱ། །བཟླས་པ་འབུམ་ཕྲག་བརྒྱད་དུ་བྱ། །སྨན་རྣམས་གང་གི་སྤྱི་གཙུག་ཏུ། །བཏགས་ནས་འཇིགས་པ་བརྒྱད་ལས་ཐར། །བདུད་རྩི་འཁྱིལ་པའི་དཀྱིལ་འཁོར་ནི། ཁུ་གསུམ་ལྗང་ནག་འབར་བ་ལ། །ཐ་མ་གདུག་པའི་མཚོན་ཆས་བསྐོར། །དེ་ནས་རླུ་་གི་དཀྱིལ་འཁོར་སྟེང་། །ཉི་ཟླ་དག་གི་གདན་སྟེངས་སུ། །ཆོ་ག་གསུམ་གྱི་སྦྱོར་བ་ཡིས། །ཡོངས་སུ་རྫོགས་པར་ལྷར་བཀོད་དེ། །དགུག་གཞིག་མཆོད་དང་བསྟོད་པ་དང་། །གསང་བདག་གི་ཕུར་པ་ལ། །རྫས་ཀྱི་སྐུ་རུ་རབ་ལྟས་ཏེ། །བྱིན་གྱིས་བརླབ་པ་རྫོགས་པ་དང་། །བཟླས་པ་ཁྲི་ཕྲག་བཅུ་རུ་བྱ། །དམིགས་པར་བྱ་བའི་ལིང་ཁ་ནི། །ཡབ་ཡུམ་བྱང་ཆུབ་སེམས་དག་གིས། །སྟག་གི་པགས་པ་དག་ལ་བྲི། །གནས་ཀྱང་གོང་མ་ཉིད་བཞིན་ཏེ། །ལས་རྣམས་གོང་བཞིན་རྫོགས་བྱས་ནས། །བརླག་པར་དེ་ལ་ཐེ་ཚོམ་མེད། །གལ་ཏེ་གནས་ནས་བསྐྱལ་འདོད་ན། །དུར་ཁྲོད་ཞིང་གི་རས་མ་ལ། །གསང་བའི་འཁོར་ལོ་རྫོགས་པར་བྱ། །ཤ་བ་དག་གི་རྒྱབ་ཏུ་བསྐྱོད། །བསྐྲད་པ་དག་གི་གསང་སྔགས་ནི། །ཁྲི་ཕྲག་ལྔའམ་བཅུ་བཟླས་ཏེ། །རླུད་གི་དཀྱིལ་འཁོར་བསྐྱོད་པ་ཡིས། །ཀུན་གྱིས་ལས་རྣམས་ཡོངས་བྱས་ན། །གཤིན་རྗེའི་གནས་སུ་བསྐྱལ་ལ་བཏང་། །དུར་ཁྲོད་དག་གི་དབུས་སུ་གནས། །གནས་ལས་འཕོ་བར་ཐེ་ཚོམ་མེད། །གལ་ཏེ་གདོན་དག་མ་རུངས་པ། །བསྐྲད་དང་བསྲུང་བར་འདོད་པའི་མིས། །འདྲེ་འབྲོས་ཐང་ཆུ་སྦྱར་བ་ལ། །གསང་བའི་མན་ཏྲ་ཡོངས་རྫོགས་བྱ། །ཁྲོ་བའི་སེམས་སུ་རབ་གནས་ཏེ། །དུར་ཁྲོད་མེ་ལ་བསྲེགས་པ་ཡི། །དུད་པས་གདོན་དང་འབྱུང་པོ། །མུ་སྟེགས་ལྷ་དང་མ་རུངས་པ། །གདུག་པ་བརྒྱལ་བར་ཐེ་ཚོམ་མེད། །འདི་དགུག་པ་ཡི་མཆོག་ཡིན་ནོ། །དབྱུག་པ་སྔོན་པོའི་དཀྱིལ་འཁོར་ནི། ཁུ་གསུམ་མཐིང་ནག་འབར་བ་ལ། །ཐོད་པ་གསུམ་དང་དབྱུག་པས་བརྒྱན། །དབུས་སུ་དུར་ཁྲོདདགགིཚོགས། །སྟེངདུ་སྔགས་ཀྱི་བདག་པོ་བསྐྱེད། །ཞལ་བགྲད་མཆེ་བ་གཙིགས་པ་དང་། །རྐང་བརྡབས་ལྗགས་འདྲིལ་སྒྱུག་པ་ལེན། །ཧུ༷་གི་སྒྲ་ཆེན་འཇིགས་པར་སྒྲོགས། །དེ་ཡི་མདུན་དུ་བསམ་བྱ་བ། །གང་དུ་དམིགས་པའི་དངོས་པོ་དེ། །ར་སོག་དག་ལ་གཟུགས་བྱས་ལ། །ཡོངས་སུ་སྨིན་པར་བྱས་ནས་ནི། །གན་རྐྱལ་དག་ཏུ་བཞག་པ་ནི། ལྕགས་ཐག་དག་གིས་སྐྱེ་ནས་གདགས། །རྐང་པ་བརྒྱད་པའི་སྦྱོར་བ་ཡིས། །གང་ཡིན་གནས་ནས་དགུག་པར་བྱ། །ལས་ཀྱི་རིམ་པ་ཡོངས་རྫོགས་ན། །འགྲུབ་འགྱུར་འདི་ལ་ཐེ་ཚོམ་མེད། །མི་གཡོ་མགོན་པོའི་དཀྱིལ་འཁོར་ནི། ཁུ།་གསུམ་སྨུག་ནག་འབར་བ་ལ། །རྩེ་མོ་མེ་དཔུང་འབར་བར་བྱ། །ལོགས་ལ་པདྨ་འདབ་མས་བརྒྱན། །དབུས་སུ་མེ་ཡི་གདན་དག་ལ། །ཉི་ཟླའི་སྟེང་དུ་ས་བོན་ལས། །སྔགས་ཀྱི་བདག་པོ་རྫོགས་པར་བསྐྱེད། །མི་ཐུང་བྱིས་པའི་གཟུགས་འདྲ་ལ། ཁེན་ཏུ་འཇིགས་པ་རྔམ་གཟུགས་ཅན། །བསྐྱེད་ནས་རྫོགས་་པའི་མཐར་ཐུག་བྱ། །མདུན་དུ་ལས་ཀྱི་སེམས་དཔར་བསྐྱེད། །བཟླས་པ་ཁྲི་ཕྲག་དྲུག་ཏུ་བྱ། །མཚན་མ་མཐོང་ནས་ལས་ལ་སྦྱར། །རེ་བ་དག་ལ་གཟུགས་བརྙན་བྱ། །མིང་དང་རུས་ནི་གནས་སུ་གཞུག །ཡོངས་སུ་སྨིན་པའི་ལས་བྱས་ཏེ། །ལས་ཀྱི་འཁོར་ལོ་རྫོགས་པར་བྱ། །ཟླ་བ་གཟའ་ཡིས་ཟིན་དུས་སུ། །མཚོན་གྱིས་བསད་པའི་ཤ་ཁྲག་དང་། །འདྲེ་འབྲོས་ཐང་ཆུ་རབ་བསྲེས་ལ། །དུར་ཁྲོད་རས་མ་དག་ཏུ་གཏུམ། །གསང་སྔགས་ཁྲི་ཕྲག་གསུམ་བཟླས་ན། །ཐམས་ཅད་བྲེད་ཅིང་བརྒྱལ་བར་འགྱུར། །གཞན་གྱིས་མི་ཐུབ་དཀྱིལ་འཁོར་ནི། །རྡོ་རྗེ་རྒྱ་གྲམ་ལྟེ་བ་ལ། །སེར་ནག་རྒྱ་གྲམ་ལྟེ་བ་ལ། །དབུས་སུ་སྔགས་ཀྱི་བདག་པོ་བསྐྱེད། །དུར་ཁྲོད་རྐང་ངམ་མཚན་ལྡན་ལ། །ཕུར་པ་སོར་བརྒྱད་ཚད་དུ་བྱ། །རྒྱུས་ཆེན་དག་གིས་ར་རབ་སྦྲེལ། །གནས་སུ་གསལ་བའི་ཡི་གེ་དགོད། །ཉི་ཁྲི་བདུན་འབུམ་བཟླས་པ་བྱ། །མཚན་བདུན་བཟླས་ནས་ལས་ལ་སྦྱར། །དུར་ཁོརད་གཡས་པ་སྡོང་པོ་ལ། །གཟུགས་དང་མིང་རུས་བཅས་པར་བྱ། །ལྕགས་ཐག་བཏགས་ཏེ་རབ་གཏོད་ལ། །གོང་བཞིན་ཡོངས་སུ་སྨིན་པར་བྱ། །དཀྱིལ་འཁོར་རྣམས་གསུམ་འཁོར་དང་བཅས། ཁེན་ཏུ་དྲག་པར་སྔགས་པ་ཡིས། །རང་དབང་མེད་པར་འགུགས་པར་བྱེད། །དེ་ནས་དེ་བཞིན་རྫོགས་པར་བྱ། །གལ་ཏེ་གནོད་དང་མ་རུངས་པ། །ཡོངས་སུ་གནོད་པའི་ལས་བྱེད་པ། །གོང་མ་ཉིད་ཀྱི་ནང་ལོགས་སུ། མེ་རེག་ཐང་ཆུས་གཟུགས་བྲིས་ཏེ། །གོང་མའི་སྦྱོར་བའི་རྫོགས་བྱས་ནས། །རྒྱ་གྲམ་ལམ་དུ་དེ་མནན་ན། །ཐམས་ཅད་ཀུན་ལས་རྒྱལ་བར་འགྱུར། །འདི་ནི་ལས་ཀྱི་མཆོག་ཅེས་བྱ། །ཁམས་གསུམ་རྣམ་རྒྱལ་དཀྱིལ་འཁོར་ནི། །གྲུ་གསུམ་རབ་ཏུ་མི་བཟད་པ། །སོར་བཞིན་ཟབས་སུ་བརྐོ་བྱས་ཏེ། །རབ་ཏུ་འབར་བའི་མེ་རིས་བསྐོར། །ནང་དུ་སྔགས་ཀྱི་བདག་པོ་བསྐྱེད། །ཡོངས་སུ་རྫོགས་པར་གྱུར་པ་དང་། །མཚན་དང་ལྡན་པའི་མཆོག་ཕུར་ལ། །བཟླས་པ་ཁྲི་ཕྲག་བདུན་དུ་བྱ། །དེ་ནས་མཚན་མ་མཐོང་བ་དང་། །བཅུ་གཉིས་རྫས་ལ་ལིང་ག་བྱ། །མིངརུས་གང་ཡིན་གནས་སུ་བཞག །ཡོངས་སུ་སྨིན་པར་གྱུར་པ་དང་། ཁེན་ཏུ་ཚད་དང་ལྡན་པ་ལ། །བརྡབ་དང་ག་་དང་རྡུངས་དང་སྟབ། །ཀུན་ལ་ཡོངས་སུ་རྫོགས་པར་བྱ། །འདི་ནི་ལས་རྣམས་འགྲུབ་པ་ཡིན། །ཧུ༷་ཆེན་ཀ་རའི་དཀྱིལ་འཁོར་ནི། །ཟླ་ཁམ་དམར་པོའི་དཀྱིལ་འཁོར་དུ། །ཆོ་ག་གསུམ་གྱི་སྦྱོར་བ་ཡིས། །སྔགས་ཀྱི་བདག་པོ་བསྐྱེད་པར་བྱ། །སྐུ་གསུང་ཐུགས་ཀྱི་རྡོ་རྗེ་ལས། །བཟླས་པའི་ཡི་གེ་བརྗོད་པར་གསལ། །བུམ་པ་དམར་པོའི་མདོན་ཅན་ལ། །ཨ་ཤོག་ནད་འམ་འབྲས་བུ་ཅན། །ཁ་རྒྱན་དམར་པོའི་གཟུངས་ཐག་གདགས། །ཐམས་ཅད་བཅུད་དང་ལྡན་པ་ལ། །བཟླས་པ་འབུམ་དང་ཉི་ཁྲི་བྱ། །མཚན་མ་བཟང་པོ་མཐོང་བ་དང་། །དྲག་པོའི་ལས་སྦྱར་བར་བྱ། །ལུས་ལ་ཙན་དན་དམར་པོ་བྱུག །སྲོད་དང་ཐོ་རངས་བཟླས་པར་བྱས། །ཉུངས་ཀར་རྫས་ཀྱིས་རབ་སྦྱངས་ལ། །ལས་རྣམས་ཡོངས་སུ་རྫོགས་པར་བྱ། །གསད་ནས་དགུག་དང་དབང་དུ་སྡུད། །ཐམས་ཅད་ཐམས་ཅད་འགྲུབ་པར་འགྱུར། །སྟོབས་པོ་ཆེ་ཡི་དཀྱིལ་འཁོར་ནི། །རྡོ་རྗེ་རྒྱ་གྲམ་ལྟེ་བ་ལ། །གྲུ་གསུམ་མེ་འོད་འབར་བ་བྲི། །ཕྱི་རིམ་པདྨ་འདབ་བརྒྱད་དང་། །རྡོ་རྗེ་ར་བའི་བར་དུ་བྲི། །ནང་དུ་སྔགས་ཀྱི་བདག་པོ་ཉིད། །ཆོ་ག་གསུམ་གྱི་སྦྱོར་བ་ཡིས། །བསྐྱེད་ནས་རྫོགས་པའི་མཐར་ཐུག་བྱ། །མདུན་དུ་ལས་ཀྱི་སེམས་དཔའ་ནི། །སེང་ལྡེང་ཕུར་པ་དག་ལས་བསྐྱེད། །སྔོ་དམར་དག་གིས་སྦྲེལ་ཏེ་བཟླས། གསང་སྔགས་ཁྲི་ཕྲག་བདུན་དུའོ། །སྐབས་སུ་བསྡིགས་ཤིང་ཐུན་ཡང་བརྡེག །མཚན་མ་མཐོང་ནས་ལས་ལ་སྦྱར། །སྤྲ་ཚིལ་དག་ལ་གཟུགས་བྱས་ལ། །མིང་རུས་དུར་ཁྲོད་མཚལ་གྱིས་བྲི། །རང་གི་གནས་སུ་དེ་བཅུག་ལ། །དུས་བཞིར་དགུག་ཅིང་བསྟིམ་བྱས་ལ། །མཚན་མ་བཟང་པོ་བྱུང་བ་དང་། །ལས་ཀྱི་འཁོར་ལོ་རྫོགས་པར་བྱ། །དེ་ཡིས་འགྲུབ་པར་ཐེ་ཚོམ་མེད། །བསད་པའི་རིམ་པ་ཡང་གསུངས་པ། །གང་ཞིག་གདུག་པ་མ་རུངས་པ། །སངས་རྒྱས་བསྟན་ལ་གནོད་པ་ལ། །བསྒྲུབ་པའི་ལས་ཀྱིས་མི་འདུལ་ན། །འབྲུབ་ཁུང་ལས་ཀྱི་དཀྱིལ་འཁོར་དུ། །དམ་ཅན་གནད་ལ་བོར་བྱས་ཏེ། །རྩ་བ་རབ་ལོག་ཐུན་གྱིས་བསད། །དཀྱིལ་འཁོར་གྲུ་གསུམ་སུམ་བརྩེགས་ལ། །ཕྱིང་ནང་རྒྱལ་ལ་དག་གིས་བྱུག །ནང་དུ་ལྷ་ཕུར་བསྐྱེད་བྱས་ཏེ། །ཁ་ཁྱེར་ལས་ལ་སྲས་མཆོག་དགོད། །ཕྱི་རིམ་བར་དག་འོག་མ་ལ། །ཐུན་གྱི་རྫས་དང་བཤོས་བུ་དགོད། །དབུས་སུ་ལིང་ག་གཞག་པར་བྱ། །མཆོད་དང་ལས་ཀྱི་གཞུང་ཉིད་ལ། །ལུགས་སུ་འཛབ་ལ་ཐུག་པ་དང་། །སྔགས་དྲུག་གོ་རིམ་ཚུལ་བཞིན་དྲངས། །རྟགས་དང་མཚན་མ་ཟིན་པ་དང་། །དམ་ཅན་སྔགས་གསུམ་སྦྲེལ་བཟླས། །གལ་ཏེ་ལས་ལ་མ་ཆུད་ན། །མགོ་གནོན་བཅུན་སྔགས་བཏགས་ལ་བཟླས། །རྟགས་དང་མཚན་མ་བྱུང་བ་དང་། །དྲག་པོའི་ལས་ལ་སྦྱར་བར་བྱའོ། །སྔགས་སྟོད་སྟོང་སྟོང་བཟླས་ནས་ཀྱང་། །སྔགས་སྨད་བརྒྱ་བརྒྱ་བཟླས་པར་བྱ། །དེ་ནས་ཟོར་སྔགས་ལྔ་བརྒྱ་བཟླས། །བརྒྱ་སྟོང་ལྔ་བརྒྱ་རྫོགས་པ་དང་། །ཉི་ཤུ་རྩ་གཅིག་ཐུན་རྣམས་བླུག །དྲག་པོའི་འཕྲིན་ལས་ནུབ་བདུན་བཏུད། །གདབ་ཅིང་ག་ས་ཏེ་ཞལ་དུ་བསྟབ། །ཐ་མ་མནན་སྲེགས་འཕང་དང་གསུམ། །ལས་ཀྱི་འཁོར་ལོ་རྫོགས་པར་བྱ། ཁེན་ཏུ་གསང་བའི་ལས་རྣམས་ནི། །ལས་ཀྱི་སྦྱོར་བ་ལྟོ་འབྲེལ་ཏེ། །སྔན་མའི་སྦྱོར་བ་ཇི་ལྟ་བར། །དཀྱིལ་འཁོར་ཕྱི་རིམ་གྲུ་བཞི་ལ། །སྲོག་ཆགས་གཟུགས་དང་རྫས་རྣམས་ནི། །ཀུན་གཞི་ཉི་ཤུ་རྩ་གཅིག་སྟེ། །བསྐང་བ་ལུག་གི་གཟུགས་དག་ཀྱང་། །དེ་བཞིན་མཆོད་པར་བྱ་བའི་རྫས། །བཤོས་བུ་ཉི་ཤུ་རྩ་གཅིག་ལ། །མདའ་བཀྲ་ཉི་ཤུ་རྩ་གཅིག་གཟུགས། །གཞན་ཡང་བསེ་ཕོར་ནང་དུ་དམར་དུ། །མཐེབ་ཀྱུ་ཉི་ཤུ་རྩ་གཅིག་ལ། །རཀྟའི་ཐིག་ལེ་རེ་རེ་བྱ། །རྙན་དང་གླ་བ་སྤྲེལ་དང་ཁྭ། །གཞན་ཡང་སྲོག་ཆགས་ཐམས་ཅད་ཀྱི། །སྙིང་དང་ཤ་དང་ཁྲག་རྣམས་བསོག །ཁ་ཁྱེར་ཕུར་པ་རྩ་གཅིག་ལ། །རེ་རེའི་སྙིང་པོ་ཁྲག་གིས་བྲི། །སྟོབས་ལྡན་ཧྲི་ཡིས་ཟིལ་མནན་ལ། །བསྒྲུབ་པ་ཕྱི་ནང་གསང་བ་གསུམ། །གང་ཡིན་ལས་ལ་འཇུག་པར་བྱ། །ལོ་གཅིག་ཟླ་བ་བཅུ་གཉིས་ཀྱི། །ཐ་ཆུང་བཞི་ཡི་མར་ངོ་ལ། །ལས་ཀྱི་བྱ་བ་རྫོགས་པར་བྱ། །ཁྱད་པར་དཔྱིད་ཟླ་ཐ་ཆུང་ངམ། །ཡང་ན་རང་རེའི་ཟླ་བ་ལ། །འཇུག་དང་བསད་པའི་ལས་རྣམས་བྱ། །ལས་ངན་དམིགས་པའི་དངོས་པོ་དེ། །ཚེ་རབས་སྔ་མའི་ལས་འཕྲོ་འམ། །འཇིག་རྟེན་འདི་ནི་ལྷ་གཉན་འགོ །དགེ་ཚོགས་ཕྲ་མོའི་ནུས་མཐུ་ཡིས། །ཡོང་ཞིང་མཐའ་ལ་མ་ཆུད་ན། །བསྒྲུབ་པ་གསང་བའི་ལས་འདི་ནི། །ཤིན་ཏུ་སྤགས་ལ་བྱ་བར་གསུངས། །ཉིན་མོ་ཕོ་རྣམས་གཏེམ་བྱ་ཞིང་། །མཚན་མོའི་ཆ་ལ་མོ་རྣམས་གཏེམ། །རྟགས་དང་མཚན་མ་བརྟགས་བྱས་ལ། །ཟོར་ཀྱང་དེ་བཞིན་མནན་ཏེ་བསད། །གདབ་པ་ལ་སོགས་ལས་ཀྱི་མཐའ། །ཀུན་ཀྱང་སྔ་མའི་སྦྱོར་བ་བཞིན། །འདི་ནི་ཤིན་ཏུ་གསང་བའི་ལས། །ཉི་ཤུ་རྩ་གཅིག་གྲངས་ངེས་པའམ རང་རང་མཐུན་པའི་གཟུགས་སུ་བྱ། །དབང་པོ་བརྒྱ་བྱིན་ཤི་བར་གསུངས། །གསང་བའི་རིམ་པ་ཡང་གསུངས་པ། །ཐེམས་ལས་བཟློག་པའི་དཀྱིལ་འཁོར་ནི། །མཐིང་ནག་གྲུ་གསུམ་འབར་བ་ལ། །ལས་དང་བྱ་བ་མཚན་ཉིད་དང་། །ཁ་དོག་རྫས་དང་རྒྱན་ལ་སོགས། །ཡོངས་སུ་བྱ་བ་རྫོགས་བྱས་ཏེ། །བཅུ་གཉིས་རྫས་ལ་གཟུགས་བྱས་ན། །ལན་གཉིས་བྱས་ཏེ་སྔ་མ་བཞིན། །རྫས་དང་ལྷ་དང་སྔགས་དག་དང་། །གསང་བ་ལ་སོགས་རིམ་པ་བཞིན། །ལས་ཀྱི་འཁོར་ལོ་ལྟོ་བཟློག་ལ། །ལས་བྱེད་བཅུད་ལ་བོར་བ་ཡིན། །དེ་ཡི་རིམ་པའང་འདི་ལྟ་སྟེ། །རྫས་ཀྱང་སྒྱུ་ནས་བཟློག་པ་དང་། །དགོད་པའི་རིམ་པའང་དེ་བཞིན་ནོ། །གཞན་ཡང་ལྷ་ཡི་རིམ་པའང་། །ལྷོ་འཁོར་བཟློག་དང་གི་རིམ་བཟློག །བཞུགས་ཐབས་བཟློག་དང་ཕྱག་མཚན་བཟློག །གསང་བ་ཐམས་དང་ཤེས་རབ་བཟློག །ཀུན་ཀྱང་དྲག་པོའི་ཆ་ལུགས་ལ། ཁེན་ཏུ་ཁྲོས་ཤིང་འབར་བར་བརྟག །ཡི་གེ་བཅོ་ལྔའི་བདག་ཉིད་ནི། །སྔ་མ་བཞིན་དུ་སོར་བཞག་ལ། །དེ་ནས་ལས་ཀྱི་རིམ་པ་གཉིས། །ཡེ་ཤེས་གྲངས་ཀྱིས་ཡར་མར་བཟློག །ལྔ་མའི་ལས་ཀྱིས་རྫོགས་བྱས་ནས། །ཐ་མའི་ལས་ལ་གོ་རིམ་བཟློག །ག་་པ་མན་ཆད་གཞུང་དང་བསྙག །འདི་ནི་སྤྱི་དང་བྱེ་བྲག་དང་། །ཁྱད་པར་བྱེ་བྲག་སྦགས་པ་ཡི། །བསྒྲུབ་པའི་ཡན་ལག་བཞི་རུ་གསུངས། ཁེན་ཏུ་གསང་བའི་སྦྱོར་བ་འདི། །སྣོད་ངན་རྣམས་ལ་བསྟན་གྱུར་ན། །མནར་མེད་དམྱལ་བའི་གནས་སུ་འཚོད། །དེ་བས་ཤིན་ཏུ་ནན་ཏན་བྱ། །གསང་བའི་གསང་བར་བསྟན་པ་ནི། །ཡང་དང་དག་དོན་ལ་སྦྱོར་འདོད་པས། །དང་པོ་རིན་ཆེན་འོད་དེ་ལས། །གཅིག་པ་དྲངས་ནས་གསང་བའི་འོད། །དེ་འོད་འབར་བས་རབ་དྲངས་ནས། །གཉིས་པའི་དབང་ལས་ཡང་དག་གསལ། །སྟོང་པ་མ་ཡིན་འདི་དག་སྦྱང་། །འཁོར་ལོ་ཡེ་ཤེས་བླ་ན་མེད། །གསལ་བ་འདི་ཉིད་རབ་གང་མཐོང་། །འདི་ནི་གསལ་བ་དང་པོའོ། །དང་པོའི་རིམ་པ་གཅིག་དང་གཉིས། །ཡང་དག་གཉིས་ལས་རྡོ་རྗེ་བསྒོམ། །རྡོ་རྗེ་དབུས་སུ་སྐུ་གསུང་ཐུགས། །དེ་དབུས་སངས་རྒྱས་འབྱུང་བའི་གཞི། །ས་བོན་ལས་ནི་ཡོངས་སུ་རྫོགས། །བསོད་ནམས་འབྲས་བུ་འགྲུབ་པར་བརྟག །དེ་དཀྱིལ་སྒོ་ང་ལས་སྐྱེས་པར། །བསྒྲུབ་དང་བསྒྲུབ་པ་ཆེན་པོའི་དབང་། །ཡོངས་རྫོགས་བལྟས་ལ་ཏིང་འཛིན་བྱ། །དེ་ནས་རིན་ཆེན་འོད་དེ་ལས། །ཡང་དང་ཡང་དུ་བྱུང་གྱུར་པས། །རིན་ཆེན་འབར་བས་ཡོངས་གང་བས། །རྟོག་ཅན་རྣམ་བསྲེགས་བདེ་བ་ཆེ། །མཉམ་ཉི་ཡེ་ཤེས་ས་ནས་འཕགས། །འདི་ནི་བསྟན་པ་གཉིས་པའོ། །དེ་ནས་གསང་ལས་པད་རྫོགས་པས། །དེ་ལས་འོད་འཕྲོས་འཇིག་རྟེན་གང་། །ཇི་ལྟར་བརྟགས་པའི་དེར་སྣང་བས། །གང་དུ་ཡང་ནི་གཡོ་བ་མེད། །སོ་སོར་རྟོགས་པས་བསྟན་རྒྱུ་མེད། །འདི་ནི་གཟུང་བྱ་གསུམ་པའོ། །དེ་ལས་འོད་འཕྲོས་ཡང་དག་བསྐྱེད། །བརྟན་འགྱུར་གསལ་བའི་རང་བཞིན་ཅན། །བདེ་ཆེན་འོད་ལས་ཐམས་ཅད་བསྐྱེད། །ཉི་མ་གནས་སུ་བརྟན་པར་གསལ། །ཐམས་ཅད་དཀྱིལ་འཁོར་ལྷན་ནེའོ། །བཟུང་བ་བརྟན་པའི་བཞི་པའོ། །དེ་བཞིན་འོད་ལས་རྡོ་རྗེ་རྫོགས། །དེ་དེ་ལས་གཉིས་ཐམས་ཅད་གསལ། །ཡོངས་གསལ་བརྟན་པའི་རང་བཞིན་ཅན། །ལུས་གཉིས་ཡོངས་སུ་གསལ་གང་བའོ། །དེ་འཕྲོས་ལས་བྱས་སངས་རྒྱས་དངོས། །ཐམས་ཅད་དེ་ལསབྱུངབཞིན འཕྲོ། །ཞིརྒྱས་དབང་དྲག་སྟོབས་བཞི་པའོ། །དེ་ཡི་དབང་གིས་གསལ་བ་ལས རང་མཐོང་ཞི་བའི་ལས་ཀྱིས་མིན། །དགེས་པ་དབང་ལ་གྲངས་པ་མིན། །ཚེ་དང་དབང་དང་རྒྱས་པ་མིན། །ལོག་ལྟ་སྒྲོལ་བའི་དྲག་པོ་མིན། །འདི་དེ་སངས་རྒྱས་ཐམས་ཅད་ཀྱིས། །རབ་ཏུ་བསྔགས་པའི་ཞི་རྒྱས་བཞི། །འདི་ལྟར་འཕྲིན་ལས་རྣམ་བཞི་ནི། །རྣལ་འབྱོར་པ་ཡིས་ཉམས་སུ་བླང་། །ཐམས་ཅད་དེ་ལས་འབྱུང་བ་མིན། །མི་གནས་པས་ན་ཞི་བའི་མཆོག །ཡེ་ཤེས་ཕུན་སུམ་ཚོགས་པས་བརྒྱན། །རང་རིག་མཆོག་ཐོབ་གསང་བའི་དབང་། །མི་གནས་མྱ་ངན་འདས་དྲག་པོ། །རིག་པ་མཆོག་གི་ས་བོན་གྱིས། །ཐམས་ཅད་རྫོགས་པ་དེ་ལ་བྱ། །གཅིག་རྫོགས་གསལ་བའི་མེ་ལོང་ལྟར། །སྣང་བ་ཐམས་ཅད་གསལ་མེད་པ། །མགོན་པོ་ཆེན་པོས་མཉམ་ཉིད་གསལ། །ཐམས་ཅད་སོ་སོར་མཉམ་ཉིད་རྟོགས། །ཐབས་ཆད་གཉིས་དང་འདི་ཞེས་པ། །བརྟག་ཅིང་གསལ་བར་གྲུབ་རྒྱུ་མེད། །དེ་དེ་གསལ་ལས་རང་བཞིན་ཤར། །ཐར་མེད་འཁོར་བའི་འོབས་ནས་གནས། །གལ་ཏེ་འཁོར་བ་ལས་བརྒལ་ཡང་། །མྱ་ངན་འདས་པའི་འཁོར་བར་གནས། །འདི་མེད་ལམ་ལ་བགྲོད་མི་སྲིད། །དཀའ་བ་མེད་པའི་ལམ་མཆོག་བགྲོད། །ཐབས་ཀྱི་ནང་ན་དམ་པ་ཡིས། །འདི་ནི་སངས་རྒྱས་ཐབས་དམ་པ། །འདི་འགྲུབ་འཁོར་བར་ཡོངས་མི་ལྟུང་། །འདི་ལ་འབད་དེ་ཉམས་སུ་བླང་། །འདི་ནི་ཡང་དག་ཕུར་པ་སྟེ། །འདས་དང་ད་ལྟར་མ་འོངས་དང་། །འདོད་དང་གཟུགས་དང་གཟུགས་མེད་དང་། །ཕུང་པོ་ཁམས་དང་སྐྱེ་མཆོད་དང་། །འདི་ལྟར་གྲགས་ཤིང་སྣང་བ་རྣམས། །ཐམས་ཅད་དབྱིངས་སུ་འདུས་པའི་ཕྱིར། །དེ་ཕྱིན་ཕུར་པ་ཆོས་ཀྱི་དབྱིངས། །ཕྱི་ནང་ཀུན་གྱི་ཆོས་རྣམས་ཀུན། །ངོ་བོ་ཉིད་ཀྱིས་མྱ་ངན་འདས། །དེ་ཕྱིར་ཆོས་ཉིད་འོད་གསལ་ནི། །དུས་གསུམ་རྟག་ཏུ་འདུས་མ་བྱས། །རང་བཞིན་ཆོས་ཉིད་ཕུར་པ་ཡིན། །དེ་བསྒྲུབ་པ་ཡིས་ཐབས་དག་ཏུ། །བསྐྱེད་དང་རྫོགས་པའི་རིམ་པ་དང་། །དོན་དམ་ཀུན་རྫོབ་ལ་སོགས་པ། །མཆོད་དང་བཟླས་དང་བསྟོད་པ་དང་། །དམ་ཚིག་དབང་དང་འཕྲིན་པས་དང་། །སྤྱིན་སྲེག་དཀྱིལ་འཁོར་ལ་སོགས་ལས། །རང་བཞིན་ཕུར་པ་བསྒྲུབ་པ་ཡི། །ཐབས་སུ་རྒྱལ་བས་གསུངས་པར་ཟད། །ཚིག་ཏུ་བརྗོད་བྲལ་སྐུ་མི་མངའ། །སྒྲ་ལས་འདས་པའི་ཆོས་ཉིད་ཡིན། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། བསྒྲུབ་པ་རིམ་པར་ཕྱེ་བའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཀརྨ་ཀི་ལ་ཡས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་སྔགས་ཀྱི་བདག་ཉིད་ཆེ། །ཀྱེ་མ་འགྲོ་བའི་སྡུག་བསྔལ་སེལ། །ཀྱེ་མ་ཡོན་ཏན་མཆོག་འགྱུར་བདག །ཀྱེ་མ་གདུལ་དཀའ་འདུལ་མཛད་པ། །འདི་ནི་དོན་རྣམས་ལྷུར་ལེན་པའི། །གང་ཟག་དང་པོའི་ས་པ་ལ། །རྒྱུན་གྱི་ཏིང་འཛིན་མ་མཆིས་སམ། །འདི་ཡི་བྱེ་བྲག་ཇི་ལྟར་ལགས། །ཞེས་གསོལ་བ་དང་། །བཅོམ་ལྡན་འདས་གསང་བ་མཆོག་གི་བདག་པོ་དེས། ལས་ཡོངས་སུ་རྫོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་བཀའ་སྩལ་ཏོ། །འདི་བསྒྲུབ་པ་ཡི་གང་ཟག་གིས། །ལས་ཀྱི་བྱ་བ་ལྷུར་ལེན་ན། ཁུན་གྱི་ཏིང་འཛིན་རིམ་པ་རྣམས། །ཡང་དག་ཉིད་དུ་ངས་བསྟན་གྱིས། །ཉོན་ཅིག་ཀརྨ་ཧེ་རུ་ཀ །དང་པོ་ཚངས་པའི་གནས་བཞི་བསྒོམ། །ཏིང་འཛིན་རྣམ་གསུམ་རིམ་པ་ལས། །རྟེན་གྱི་དཀྱིལ་འཁོར་ཡོངས་རྫོགས་པའི། །ནམ་མཁའི་དབྱིངས་ཀྱི་དབུས་གནས་པ། །ཉི་མའི་དཀྱིལ་འཁོར་བསྒོམ་པར་བྱ། །དེ་དབུས་བདག་པོའི་སྐུ་བསམས་ཏེ། །ལས་རྣམས་ཐམས་ཅད་བརྩམ་པར་བྱ། །ཁྲོ་བོའི་དཀྱིལ་འཁོར་མ་ལུས་ཀུན། །རྣམ་བཞིའི་ཚུལ་དུ་སྐུ་བསྐྱེད་དེ། །དེ་ཡང་ཇི་ལྟ་བུ་ཞེ་ན། །ཁྲོ་ཆེན་ཧུ༷་ཀ་ར་ནི། །དབུ་གསུམ་ཕྱག་དྲུག་ཞབས་བཞིར་བགྲད། །གཡས་དཀར་གཡོན་དམར་དབུས་སྔོའི་མདོག །དང་པོ་རྡོ་རྗེ་དྲིལ་བུ་དང་། །ཐ་མ་ཕུར་བུ་འཛིན་པ་ནི། །ཀུན་ཀྱང་མཐུན་པར་ཤེས་པར་བྱ། །གཡས་གཡོན་གཉིས་ཀྱི་བར་པ་ནི། །དཀྱིལ་འཁོར་གཉིས་སུ་བརྟན་པའོ། །རྣམ་རྒྱལ་སྔོ་སེར་དཀར་བའི་མདོག །དང་པོ་རྡོ་རྗེ་དྲིལ་བུ་དང་། །ཐ་མ་ཕུར་པ་འཛིན་པ་ནི། །ཀུན་ཀྱང་མཐུན་པར་ཤེས་པར་བྱ། །གཡས་གཡོན་གཉིས་ཀྱི་བར་པ་ནི། །དཀྱིལ་འཁོར་གཉིས་སུ་བསྟན་པའོ། །དབྱུག་སྔོན་སྔོན་དམར་ལྗང་བའི་ཞལ། །གཤིན་རྗེ་ལྗང་ནག་སྔོ་བའི་ཞལ། །མི་གཡོ་ལྗང་སྔོན་སྨུག་པའི་ཞལ། །རྟ་མགྲིན་དཀར་སྔོ་དམར་བའི་ཞལ། །དཔལ་ཆེན་དམར་སེར་དཀར་བའི་ཞལ། །བདུད་རྩི་དཀར་སྨུག་པའི་ཞལ། །ཁམས་གསུམ་དཀར་སྔོ་ལྗང་སེར་ཞལ། །སྟོབས་ཆེན་གཡས་དམར་དུ་དུ་དཀའི་ཞལ། །དབུ་དང་ཕྱག་ཞབས་ཀུན་ཀྱང་འདྲ། །སྤྲུལ་པ་ལྕམ་དྲལ་གཡས་གཡོན་བཞིན། །ཕྱག་མཚན་བར་མ་དེ་བཞིན་ཏེ། །འདི་ནི་རྒྱུན་གྱི་ཏིང་ངེ་འཛིན། །ཞེས་གསུངས་སོ། །དེ་ནས་ཡང་མཆོད་པ་རྒྱུན་གྱི་ཏིང་ངེ་འཛིན་འདི་སྐད་ཅེས་བཀའ་སྩལ་ཏོ། །ཕྱི་ནག་གསང་བ་མཆོད་པའི་ཚོགས། །ཚུལ་བཞིན་བཤམས་ཏེ་བྱིན་གྱིས་བརླབ། །དེ་བཞིན་གཤེགས་པའི་དཀྱིལ་འཁོར་རྣམས། །ཕྱག་རྒྱ་བཞི་ཡིས་སྤྱན་དྲངས་བྱོན། བསྟིམ་ནས་གཉིས་སུ་མེད་པ་ལ། །བདག་ཉིད་གཙོ་བོའི་ཐུགས་ཀ་ལ་ནས། །འདོ་ཀྱི་ཚུལ་དུ་རབ་འཐོན་ཏེ། །རྣམ་པར་སྨིན་པའི་ཆ་གཟུང་ནས། །ལྷ་མོའི་ཚོགས་དང་མགྲིན་སྡེབས་ཏེ། །ལས་དང་མཐུན་པའི་ཚུལ་རྟགས་ལ། །མཆོད་པའི་བྱེ་བྲག་དབུལ་བ་ཡིན། །རྙུ་པེ་དཀར་མོ་སྤོས་མེ་ཐོགས། །ནམ་མཁའི་སྙིང་པོ་ཉིད་ལ་དབུལ། །གཉིས་མེད་དྲི་ཡིས་ཚིམ་ནས་ནི། །སེམས་ཅན་དོན་རྣམས་ཡོངས་རྫོགས་བསམ། །པྲསྤྲོ་སེར་མོ་མེ་ཏོག་ཐོགས། །རྣམ་པར་སྣང་མཛད་ཉིད་ལ་དབུལ། །ཨ་ལོ་དམར་མོ་མར་མེ་བསྣམས། །ས་ཡི་སྙིང་པོའི་གནས་སུ་དབུལ། །གརྙེ་ལྗང་ཁུ་དྲི་ཆབ་བསྣམས། །མི་བསྐྱོད་པ་ཡི་གནས་སུ་དབུལ། །ལ་སེ་དཀར་མོ་མེ་ལོང་བསྣམས། །ས་ཡི་སྙིང་པོ་མཉེས་བར་བྱེད། །རིན་ཆེན་དཔལ་འཕྲེང་མཛེས་པ་ཡིས། །རྣམ་པར་སྣང་མཛད་གདུགས་སུ་གྱུར། །གིརྟི་སྒྲ་དབྱངས་ལྡན་པ་ཡིས། །ཕྱག་ན་རྡོ་རྗེ་མཆོད་པར་མཉེས། །ནིརྟི་གར་གྱི་བྱེ་བྲག་རྣམས། །བྱམས་པ་མེ་ཏྲི་མཆོད་པས་མཉེས། །རོ་ཡི་ལྷ་མོ་ཞལ་ཟས་བསྣམས། །སྤྱན་རས་གཟིགས་ལ་མཆོད་བྱས་པས། །ལོངས་སྤྱོད་བདེ་དང་མཉེས་འགྱུར་ནས། །ཚོགས་གཉིས་ཡོངས་སུ་རྫོགས་པར་བསམ། །རེ་རེའང་བྱེ་བ་རྡུལ་སྙེད་དུ། །བསམསཏེ་མཆོད་པ་ཕུལ་པ་ཡིས། །རྟེན་དང་རྟེན་ཅན་གཉིས་ཀ་ཐིམ། །དག་པའི་ཞིང་དུ་འགྲོ་བའི་རྒྱུས། །རྒྱུ་དང་འབྲས་བུར་གཉིས་ལྡན་པས། །ཡང་དག་ཉིད་དེ་གདོན་མི་ཟ། །འདི་ནི་ཕྱི་ཡི་རིམ་པར་གསུངས། །ནང་གི་མཆོད་པ་དམ་པ་ནི། །ང་བདག་བྲལ་བའི་བསྟོ་མྲ །བདུད་རྩི་ལྔ་ཡི་བཅུད་གཏམ་སྟེ། །ཡ༷་ལས་རླུད་གི་དཀྱིལ་འཁོར་ཏེ། །ར༷་ལས་མེ་འོད་འབར་བ་ལས ཨ་ལས་འཆི་མེད་བནྟྲ་བསམ། །གཞལ་ཡས་འཁོར་ལོ་རྩིབས་བཞི་པའི། །སྟེང་ནས་གདན་ལྔ་གནས་པ་ལས། །དམ་རྫས་ལྔ་དང་ཤ་ལྔ་ལས། །རྒྱལ་བའི་གདན་ལྔ་སེམས་ཅན་ལྔ། །དེ་སྟེང་ཆོག་གསུམ་ལས་ནི། །གཙོ་བོ་ཡབ་ཡུམ་རབ་བསྐྱེད་ལ། །བར་སྣང་ཟླ་བའི་དཀྱིལ་འཁོར་ཏེ། །རྡོ་རྗེ་ལས་ནི་ཧུ༷་གིས་མཚན། །དེ་ལས་བསྐུལ་བའི་འོད་ཟེར་གྱིས། །ཡེ་ཤེས་དཀྱིལ་འཁོར་དགུག་གཞུག་བསྟིམ། །མཆོད་དང་བསྟོད་པ་ལ་སོགས་དང་། །ཏིང་ངེ་འཛིན་ནམ་དངོས་གྲུབ་བྱ། །མཁའ་གསང་བྱིན་བརླབ་སྦྱོར་བའི་བརྡས། །བསྐུལ་ནས་སྦྱོར་བའི་བྱིན་བརླབས་ཀུན། །ཡུམ་གྱི་གནས་ནས་ཕྱོགས་བཅུར་འཕྲོས། །དོན་གཉིས་བྱས་ནས་རྒྱལ་བའི་བཅུད། །བསྡུས་ཏེ་སྐུ་ལྔ་ཉིད་ལ་བསྟིམ། །འདོ་ཞུ་བྱང་ཆུབ་སེམས་སུ་གྱུར། །རླུད་གིས་མེ་སྦར་རིམ་པར་བཞུ། །ཐབས་དང་ཤེས་རབ་ཆ་ལས་གྲུབ། །བདུད་རྩི་བྱང་ཆུབ་སེམས་ཀྱི་དངོས། །ཡིག་འབྲུ་གསུམ་གྱིས་ཁ་བཅད་ལ། །རྒྱལ་བ་སྤྱན་དྲངས་མཆོད་པ་དང་། །མཁའ་འགྲོ་ལས་མཁན་རྣམས་ལ་སྤྱིན། །འདི་དེ་ནང་གི་མཆོད་པ་ཡིན། །དྲག་པོའི་མཆོད་པ་རྣམ་པ་གཉིས། །གཞུད་ལ་གྲགས་བ་བཞིན་དུའོ། །གསང་བ་དམ་པའི་མཆོན་པ་ནི། །ཡབ་ཡུམ་ཡོངས་སུ་རྫོགས་པ་ལས། །གོང་གི་རྗེས་སུ་ཤེས་པ་སྟེ། །སྤྱན་རས་གཟིགས་དབང་མཆོད་པའམ། །ལུས་དང་ཤེས་པ་རྒྱས་པར་བསམ། །དེ་ནི་དངོས་གྲུབ་མྱུར་བ་ཡིན། །དེ་ནས་བདག་ཉིད་གསུམ་གྱིས་སྦྱང་། །ཡི་གེ་གཟུགས་སུ་གྱུར་པ་ལས། །བདག་པོའི་གནས་སུ་ཐིམ་པར་བརྟག །ཅེས་གསུངས་སོ། །དེ་ནས་ཡང་བཟླས་བརྗོད་རྒྱུན་གྱི་ཏིང་ངེ་འཛིན་འདི་གསུངས་སོ། །བདག་པོའི་བདུན་དུ་སྲས་ཀྱི་ཚོགས། །ཡོངས་སུ་གསལ་བར་ལྟས་པ་ལས། །རྣམ་གསུམ་རྟེན་གྱི་དཀྱིལ་མཚན་སྣ་ཚོགས་དག་གི་ལས། །སྲིན་བུ་མེ་ཁྱེར་ཇི་ལྟ་བར། །བློ་ཡིས་བརྟགས་ཏེ་གཉིས་མེད་འགྱུར། ཁེན་ཏུ་རྫོགས་པར་གྱུར་པ་དང་། །གསལ་བ་གསུམ་ལ་སོགས་པ་ཡིས། །ལས་རྣམས་ཡོངས་སུ་རྫོགས་པར་བྱ། །གསང་བའི་རིམ་པ་བསྟན་པ་ནི། །བདག་དང་ཏིང་འཛིན་དཀྱིལ་འཁོར་ནི། །ཚོགས་དང་བཟླས་པའི་བར་དུ་སྟེ། །མཚན་དང་དཔེ་བྱད་རྣམ་པར་གསལ། །དེ་ལས་ཡུན་རིངས་གནས་པ་གཅེས། །རྡོ་རྗེ་བདག་པོའི་ཐུགས་ཁ་སྲ །སེམས་དཔའ་གསུམ་བརྩེགས་གསལ་བྱས་ལ། །བརྟན་པར་འཕྲོ་འདུའི་རིམ་པར་བྱ། །གནས་གསུམ་དག་ནས་འབྲུ་གསུམ་ནི། །ཡེ་ནས་རང་གྲུབ་ཚུལ་དུ་གནས། །ཁམས་གསུམ་སེམས་ཅན་ཐམས་ཅད་ཀུན། །སྐུ་གསུང་ཐུགས་གནས་ས་བོན་ཉིད། །འཁོར་བ་ཡེ་ནས་སྐུ་གསུང་ཐུགས། །འབྱུང་བ་ཉིད་ལས་འཕྲོ་བས་ཏེ། །གཞི་མོ་ཉིད་ཧུ༷་ལས་འཕྲོ་ཉིད། །བཞི་མོ་ཉིད་ཀྱི་སྙིང་ཁར་གནས། །གཡས་ནས་འབྱུང་བ་སོར་བཞི་བཟླས། །དེ་ནས་སྣ་རྩེར་གསལ་བ་སྟེ། །དེ་ལ་རྒྱུན་དུ་བཟླས་པ་བྱ། །དེ་ནས་འཇུག་པ་གཡོན་པ་ནས། །སོར་བཞི་བ་སློབས་ནས་གཞི་པོར་ཐིམ། །གནས་པ་ཉིད་ལ་གསལ་བར་བལྟ། །ཡང་ན་བཞི་པོ་ལས་འཕྲོས་ཏེ། །རིམ་པསྔརབཞིནསྣརྩེརགནས། །ཕར་འཕྲོས་ཁྲོ་བོའི་དཀྱིལ་འཁོར་གསལ། །སྒོ་ནས་བྱུང་སྟེ་གསུམ་ཡང་གསལ། །སླར་ཡང་ཞི་ཞིང་འཁྱིལ་བ་ནི། །རྟ་རྔའི་ཉག་ཙམ་བཟླས་པ་བྱ། །འཇུག་པའི་ཚུལ་གནས་བདག་ཉིད་བསྡུད། །དེ་ནས་ཡེ་ཤེས་སེམས་དཔའ་བསྡུ། །ཏིང་འཛིན་བསྡུས་ནས་བཞི་པོར་གནས། །རིགས་ལྔ་ཡེ་ཤེས་ལྔ་ཉིད་ནི། །རླུང་ཉིད་ཡིན་ཏེ་ཐིག་ལེའི་ཚུལ། །ཞབས་ཀྱུ་ཐིམ་ནས་ན་རོའང་ཐིམ། །ཐིག་ལེའི་ཙ་ནའི་འབྲུ་ཙམ་ལས། །གཉིས་མེད་བྱང་ཆུབ་སེམས་སུ་འགྱུར། །ཡུན་རིངས་དེ་ལས་བཟླས་པ་ནི། །རྡོ་རྗེ་བཟླས་པ་ཞེས་སུ་གསུངས། །རྡོ་རྗེ་གཉིས་མེད་ཡེ་ཤེས་ཏེ། །བཟླས་པ་འབྱུང་དང་འཇུག་པ་ཉིད། །དེ་གཉིས་ལས་ནི་བདེ་རྙེད་པ། །དེས་ན་རྡོ་རྗེ་བཟླས་པ་བྱའོ། །ཡང་ན་རྡོ་རྗེ་བཟླས་པ་ནི། །རྡོ་རྗེ་འོད་གསལ་ཆོས་ཀྱི་དབྱིངས། །ཡང་ནས་ཡང་དུ་དེ་སློབ་པ། །དེ་ནི་བཟླས་པའི་མཆོག་ཡིན་ཏེ། །གཉིས་མེད་ཡེ་ཤེས་ངོ་བོ་ཉིད། །རྡོ་རྗེ་བཟླས་པ་ཞེས་བྱའོ། །འདི་ནི་བཟླས་བརྗོད་ཏིང་འཛིན་ནོ། །ཞེས་གསུངས་སོ། །དེ་ནས་བསྒྲུབ་པའི་རྒྱུན་གྱིས་ཏིང་ངེ་འཛིན་འདི་གསུངས་སོ། །བསྙེན་པ་རྫོགས་ནས་ལས་བྱས་ཏེ། །འབྲུབ་ཁུང་ལས་ཀྱི་དཀྱིལ་འཁོར་ལ། །དྲིལ་ཏེ་བསྒྲུབ་པའི་སྡེགས་སུ་བཤད། །དུས་བཞིའི་ཆོ་ག་གཞུང་བསྲང་ལ། །ཚོགས་དང་མཆོད་པ་ལ་སོགས་ཀྱིས། །མཆོད་དང་ཕོ་ཉ་ལ་སོགས་ཀྱི། །ཕྱག་རྒྱ་བཞི་དང་ལྡན་པར་བྱ། །བཟླས་པ་རབ་ཏུ་འབད་བྱས་སྟེ། །སྨད་ཚོང་མ་ཡི་ལྡུམ་ར་ནས། །ཉུངས་ཀར་རྒྱལ་པོ་ཧོར་བསྐྱེད་ལ། །ཁ་སྦྱར་དབུས་སུ་དྲིལ་ནས་སུ། །སྟོང་སྟོང་ཚང་ནས་བརྡེག་པར་བྱ། །སྒྲོལ་བའི་རྫས་མཆོད་དམ་པ་སྟེ། །རྟེན་འབྲེལ་ནུས་བའི་རྫས་མཆོག་གིས། །བཏབ་ན་ཤིན་ཏུ་མཆོག་ཏུ་འགྱུར། །དང་པོ་ཤིན་ཏུ་འཕྲོས་པ་ལས། །འགུག་པའི་ཡི་གེ་གདགས་པར་བྱ། །དེ་ནས་གཟུགས་ལ་དབབ་པའི་ཕྱིར། །སྙིང་ཁར་ཉི་མའི་དཀྱིལ་འཁོར་ལ། །ཡི་གེ་ཛ་ནི་གཞག་པར་བྱ། །འོད་ཟེར་ལྕགས་ཀྱུས་དྲངས་ནས་ནི། །གཟུགས་སམ་རི་མོ་ཐིམ་པར་བྱ། །ཕྱག་རྒྱ་བཞི་པའི་རང་བཞིན་གྱིས། །དགུག་ཅིང་བསྡམ་དང་མགུ་བར་བྱ། །དེ་ལྟར་གཟུགས་ལ་ཕོབ་པ་དང་། །ཚོན་སྣ་ལྔ་ཡི་སྐུད་པའམ། །སྐུད་པ་ནག་པོས་བཅིངས་ནས་ཀྱང་། །དགུག་ཅིང་བསྟིམ་པ་རྣམས་བྱས་ཏེ། །སྔགས་དང་ཕྱག་རྒྱ་ཏིང་འཛིན་ཅིང་། །ཡན་ལག་འཁུམ་མི་ནུས་པར་བསམ། །དེ་ལྟར་སྨིན་པར་གྱུར་པ་དང་། །གཟིར་ཅིང་དབང་དུ་བསྡུ་བའི་ཕྱིར། །དམིགས་པར་བྱ་བའི་ཡུལ་རྣམས་ལ། །དཀར་ནག་གཉིས་ཀྱིས་མཚམས་སུ་ཡང་། །བྱང་ཆུབ་སེམས་ཀྱི་རྩེ་གཏད་དེ། །ཕུར་པའི་རི་རབ་ཕྱག་རྒྱ་ཡིས། ཁེན་ཏུ་འཁུབ་མི་ནུས་པར་བྱ། །འགོ་བའི་ལྷ་དག་དབྲལ་བའི་ཕྱིར། །མེ་ཏོག་སྔོན་པོ་ལ་སོགས་པའི། །དུག་གི་གཏོར་མ་ཟ་རུ་གཞུག །འབྲེལ་བའི་རྫས་མཆོག་དམ་པ་རྣམས། །རྟེན་འབྲེལ་ནུས་པར་ལྡན་པ་ཡིས། །ཐམས་ཅད་བྱེར་ཅིང་འབྲོས་པར་འགྱུར། །གལ་ཏེ་དམ་པའི་སྒོར་ཞུགས་ནས། །སྔགས་དང་ཕྱག་རྒྱའི་ནུས་པ་ཡིས བཅིང་བའི་ལྕགས་སྒྲོག་ཡོད་ན་ཡང་། །བདག་ཉིད་མན་ངག་གདེང་ལྡན་པས། །མཆེ་བའི་ཕྱག་རྒྱས་སྙིང་དྲལ་ཏེ། །སྔགས་ཀྱི་བདག་པོ་སྦྱན་དྲངས་ལ། །ཡེ་ཤེས་གསལ་བསྟིམ་མཆོད་པ་དབུལ། །བསྟོད་པ་བྱས་ཏེ་འཕྲིན་ལས་བསྐུལ། །བཀའ་བསྒོ་བདག་ལ་བཞུགས་པར་བརྟག །དེ་ནས་སྡིག་པ་འཐོལ་བའི་ལས། །ཐང་ཕྲོ་མ་དང་ནི་ད་རུ་ར། །མྱོས་པའི་ཆུ་ཡིས་ཚིམ་པར་བྱ། །གུ་གུལ་ཚིལ་ཆེན་ལ་སོགས་པས། །གདུག་པས་སྡིགས་པ་མཐོལ་བ་དང་། །མྱོས་ཤིང་སྨྲ་བའི་ནུས་ལྡན་བསམ། ཤེན་ཏུ་སྨིན་པར་གྱུར་པ་དང་། །འབྲོས་ཀྱི་ས་མཐར་མནན་གཟིར་བྱ། །མཐུ་དང་རྫུ་འཕྲུལ་འཕྲོག་པ་དང་། །ཡན་ལག་འཁུམ་མི་ནུས་པར་བྱ། །ཞེས་གསུངས་སོ། །དེ་ནས་ཡང་དག་གདབ་པ་རྒྱུན་གྱི་ཏིང་ངེ་འཛིན་འདི་གསུངས་སོ། །ལས་རྣམས་གང་དང་གང་གིས་ཡང་། །བསྒྲུབ་པ་ཡོངས་སུ་རྫོགས་པ་ན། །གདབ་པའི་སྔགས་ཀྱི་འཕྲེང་བ་ཡང་། །བསྙེན་དག་བསྒྲུབ་པ་ལས་རུང་ནས། །རྟགས་དང་དྲོད་ཚད་ཟིན་པའི་མིས། །གདུག་པའི་སྔགས་ཆེན་བཟླས་བྱས་ལ། །གནས་སུ་རྩ་དང་སྦྲགས་ཏེ་གདབ། །གསེར་སྐྱེམས་བཏང་ཞིང་བདེན་བས་བསྒོ། །རཀྟ་ཕྱར་ཞིང་དམ་ཅན་བོད། །དགུག་ཅིང་སྨིན་པར་བྱ་བ་གཅེས། །གསལ་བ་རྣམ་གསུམ་བྱས་ནས་ནི། །གསོ་བ་རྣམ་པ་གསུམ་ཡང་བྱ། བདག་ཉིད་གསོ་དང་ཕུར་པ་གསོ། །གཟས་པ་པོ་དང་དེ་བཞིན་གསོ། །དེ་ཡང་རྣམ་པ་གཉིས་ཡིན་ཏེ། །གཙོ་བོའི་ཕུར་པ་བཏབ་པ་དང་། །འཁོར་གྱི་ཕུར་པ་གདབ་པའོ། །དང་པོ་གཙོ་བོའི་བདག་ཉིད་ལ། །ནུས་པ་ཐོབ་ཅིང་དབང་ནོས་ནས། །བྱིན་བརླབས་དག་དང་ལྡན་པར་བྱ། །ཉིད་ཀྱི་ཆ་ལས་བྱུང་བ་ཡིས། །སྲས་ཀྱི་ཕུར་པ་ར་བླངས་ལ། །བསྟོད་དང་བྱིན་གྱིས་བརླབ་པ་དང་། །འཕྲིན་ལས་དྲག་ཏུ་བསྐུལ་བྱས་ཏེ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་ལ། །རིགས་འཛིན་བདག་ཅག་རྣམས་ལ་ནི། །གདུག་ཅིང་གནོད་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །ཁྲོ་བོ་ཆེན་པོའོ་བྱིན་བརླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་བ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཉི་ཤུ་རྩ་གཅིག་ཀི་ལ་ཡ། །རབ་ཏུ་གསོར་ཞིང་བཟླས་ནས་ཀྱང་། །ཀི་ལ་ཡ་དང་ཆེ་གེ་མོ། །དཀར་ནག་མཚམས་དང་ཧུ༷་ཕཊ་མཐའ། །བཅོ་བརྒྱད་བཟླས་ཏེ་དྲིལ་བྱས་ནས། །སྲོག་གི་གོ་རུ་ཤར་བ་དང་། །སྙིང་གི་གོ་རུ་ཀི་ལ་ཡ། །རྩ་བའི་སྔགས་དང་ལས་ཀྱི་སྔགས། །སྒྲོག་པའི་སྔགས་གསུམ་བཟླས་པ་ཡིས། །ལྷན་གྱི་བཏབ་པས་ཀུན་གཞི་ཡི། །བྱང་ཆུབ་སེམས་ལས་ཨ་རུ་གྱུར། །ཨ་ནི་སེམས་ཀྱིརངབཞིནཏེ། །འདིནི་ཏིལ་གྱི་འབྲས་བུར་གནས། །དེ་ནི་ཀུན་གཞིའི་བདག་ཉིད་ཡིན། །འོད་དེ་ཁྲག་གི་སྦས་པ་ཡིན། །ག་་པས་ཉོན་མོངས་ཅན་གྱིས་ཡིད། །ཕུར་པས་ཁྲག་གི་སྦལ་པ་བསྲེགས། །འོད་དེ་ཕུར་པའི་དབལ་ལ་འདུས། །ཡི་གེ་ཨ་ཡི་རང་བཞིན་གྱུར། །དངས་མའི་ལུས་དང་དངས་མའི་སེམས། །བསད་ཅིང་གནས་པ་མ་ཡིན་ཏེ། །ཨ་ནི་ཕུར་པའི་དབལ་ལ་འདུས། །ཟིལ་པའི་ཚུལ་དུ་གནས་པ་ལས། །རི་རབ་སྟེང་ནས་ཧུ༷་ཀ་རས། །དམ་ཚིག་ཚུལ་གྱིས་བདག་ལ་བསྟིམ། །ལུས་དང་ཤེས་པ་རྒྱས་པར་འགྱུར། །དེ་ནི་ཚ་ལུང་ངེས་པའོ། །དེ་ནས་རྟེན་ཀྱང་བླར་ཕུལ་ནས། །དེ་ཉིད་དེ་ལ་ཐིམ་པར་བརྟགས། །བྱང་ཆུབ་སེམས་ཀྱི་ཕུར་པ་དེས། །ལོག་པའི་ཤེས་པ་རྟེན་སྦྱངས་ནས། །ཡི་གེ་ཨ་རུ་གསལ་སྤྲོ་ཐིམ། །དེ་ཉིད་བྱང་ཆུབ་སེམས་ཀྱི་ཁྲུས། །དེ་ཡང་གོ་རིམ་བཟློག་པ་ཡིས། །གཉིས་ཀ་ཡོངས་སུ་རྫོགས་པར་ཤར། །དེ་ནས་གཉིས་པར་གྱུར་པ་ཡི། །འཁོར་གྱི་རིམ་པས་གདབ་པ་ནི། །དང་པོར་རིམ་པ་ཇི་ལྟ་བར། །ཐམས་ཅད་ཀུན་ལ་དེ་བཞིན་ནོ། །བྲན་དང་ཕོ་ཉ་དཀའ་ཉན་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་འཕྲིན་ལས་མྱུར་དུ་མརྫོད། །རང་རང་སྔགས་དང་ཕུར་པ་ཡིས། །གནས་སུ་རྩ་བ་དང་སྦྲགས་གདབ། །རྣམ་པར་ཤེས་པའི་ཚོགས་བརྒྱད་ལ། །ཕྱོགས་མཚམས་ཁྲོ་མོ་རྣམས་ཀྱིས་གདབ། །དགེ་སྡིག་བག་ཆགས་ས་བོན་ལས། །སྟེང་འོག་ཁྲོ་བོའི་ཕུར་པས་གདབ། །གནས་དང་རྩ་ཡི་རྟེན་ལ་ཡང་། །ཁྲ་ཐབས་རྣམས་ཀྱི་ཕུར་པས་གདབ། །དེ་ཡང་རིམ་པ་ཇི་ལྟ་བར། །མིག་དང་རྣ་བ་སྣ་དང་ལྕེ། །ལུས་ནི་ཆགས་བྱེད་ལྟེ་བ་སྟེ། །གཡས་ན་ཡིད་ཀྱི་རྣམ་ཤེས་རྒྱུ། གཡོན་ན་ཉོན་མོངས་ཅན་གྱི་ཡིད། །དབུས་ན་ཀུན་གཞིའི་རྣམ་ཤེས་ཏེ། །གསུམ་ནི་སྙིང་ཁ་དག་ན་གནས། །གདུལ་བྱ་གཉེན་ངོ།འི་ཚུལ་དུ་ནི། །རྣམ་པར་རྒྱལ་དང་དབྱུག་སྔོན་ཅན། །གཤིན་རྗེ་གཤེད་དང་མི་གཡོ་མགོན། །བདུད་རྩི་འཁྱིལ་དང་འདོད་པའི་རྒྱལ། །རྟ་མགྲིན་ཁམས་གསུམ་རྣམ་རྒྱལ་དང་། །ཧུ༷་ཀ་ར་དང་སྟོབས་པོ་ཆེ། །ཕྲ་ཐབས་རྣམས་ཀྱིདེ་བཞིན་གནས། །གཞན་ཡང་གདབ་པའི་རིམ་པ་ནི། །བྱུང་ཚོར་རྒྱུ་བའི་གནས་རྣམས་སུ། །འཕྲིན་ལས་རྣམ་བཞིའི་ཕུར་པ་གདབ། །ཡན་ལག་ལྔ་ནི་གྱུར་པའམ། །ཉོན་མོངས་སྐྱེ་བའི་གནས་རྣམས་སུ། །སྲས་མཆོག་ལྔ་ཡི་ཕུར་པ་གདབ། །རྩ་བའི་སྔགས་དང་ལས་ཀྱི་སྔགས། །མགོ་གནོན་གནད་དང་མིང་དུ་བཅས། །ཀུན་ཀྱང་ལྔ་ལྔ་ཤེས་པར་བྱ། །དེ་ནས་ཡང་གཏུབ་པ་རྒྱུན་གྱི་ཏིང་ངེ་འཛིན་འདི་གསུངས་སོ། །གསང་བའི་དབྱིབས་ཀྱི་དབུས་དག་ཏུ། །ཁྲོ་བོའི་དཀྱིལ་འཁོར་བསྒོམས་ནས་ཀྱང་། །གཟུགས་བརྙན་དག་ནི་བྱས་པ་ལ། །བཀུག་ནས་དེ་ཡི་གཟུགས་ཉིད་ལ། །རྡོ་རྗེ་ཕུར་པ་བཤད་པས། །དེ་ཡི་ཚོགས་བརྒྱད་དག་པར་སྤྱད། །བཏབ་པའི་རྫས་མཚོག་ལྷག་མ་ལ། །མཚོན་ཆ་ཆེན་སྔོན་པོ་འབར་བ་ཡི། །རལ་གྲི་ལ་སོགས་མཚོན་ཆ་ལྔས། །གཟུགས་བརྙན་ཕྱེ་མར་གཏུབ་པའམ། །ཡང་ན་དུམ་བུ་གསུམ་དག་ཏུ། །རྣོ་བའི་མཚོན་གྱིས་གཏུབ་པར་བྱ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །གཡོན་གྱིས་མནན་ལ་གཡས་ཀྱིས་ག་། །ཁྲོ་བོ་སྟོབས་ཀྱི་རྒྱལ་པོ་ཡིས། །ཁྲོམ་མཚོན་ཆར་དུ་ཕབ་ནས་ཀྱང་། །ལུས་ལ་ཕོག་ནས་ཞིག་པར་བསམ། །དོན་གྱི་གཟུང་འཛིན་རྒྱལ་མོ་བྲ། །མ་རིག་མུན་པ་བྲལ་བྱས་ཏེ། །རིགས་ངེས་སྲས་སུ་གྱུར་པར་བྱ། །ཞེས་གསུངས་སོ། །དེ་ནས་ཡང་བྲབ་པ་རྒྱུན་གྱི་ཏིང་ངེ་འཛིན་འདི་གསུངས་སོ། །གང་ཞིག་གདུག་པ་མ་རུངས་པ། །སངས་རྒྱས་བསྟན་པ་འཚེ་བྱེད་ཅིང་། །ལུ་གུ་རྒྱུད་ལ་འགལ་བྱེད་ཅིང་། །ལས་གཉིས་ཡོངས་སུ་རྫོགས་པ་ཡིས། །ནན་ཐུར་ལས་རྣམས་ཡང་གསུངས་པ། །ཕྲ་ཐབས་རྣམས་དང་སྲས་མཆོག་རྣམས། །དམ་ཅན་མ་མོའི་ཚོགས་རྣམས་ཀྱིས། །སྟེང་ནས་མཚོན་ཆའི་ཆར་དུ་བབས། །ནད་ངན་གདུག་པའི་ཚོགས་རྣམས་ཀྱིས། །ཁ་རླངས་བུ་ཡུག་ཚུབ་མར་འཁྱིལ། །གདུག་ཅིང་སྡང་སེམས་བྱེད་པ་རྣམས། །ལྷའམ་འོན་ཏེ་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །ཐུན་རྫས་རྣམས་དང་མཚོནཆཡིས། །ཆར་ཏུ་བབ་སྟེ་ཞིག་པར་བསམ། །ལས་ཀྱི་སྔགས་ལ་སྟེང་འོག་ཉིད། །སྒྲོག་པའི་སྔགས་སུ་ལྡན་པར་བྱེད། །འདི་ནི་བྲབ་པའི་ལས་སུ་འགྱུར། །ཞེས་གསུངས་སོ། །དེ་ནས་ཡང་བརྡུང་བ་རྒྱུན་གྱི་ཏིང་ངེ་འཛིན་འདི་གསུངས་སོ། །ཁྲོ་བོ་རྣམས་ཀྱི་དཀྱིལ་འཁོར་དུ། །ཞེ་སྡང་ཆེན་པོའི་དཀྱིལ་འཁོར་ནི། །ཕུར་པའི་ཁྲོ་བོ་རྫོགས་བྱས་ལ། །རྡོ་རྗེ་ཐོ་བས་བསྒོམ་བྱས་ཤིང་། །གཡོན་པས་རྐེ་ནས་བཟུང་བྱ་ཞིང་། །གཡས་པ་རྡོ་རྗེ་ཐོ་བས་བརྡེག །ཡུམ་གྱི་མཁའ་ཡི་གཏིང་དག་ཏུ། །དངོས་པོ་གྱུར་པའི་གནས་ཆེན་ལ། །རྡུལ་ཕྲན་བཞིན་དུ་བརྡུངས་བྱས་ན། ་་ཁྲག་ཁམས་གསུམ་གང་བར་དམིགས། །རྡོ་རྗེ་ཚིག་ཏུ་བསྐུལ་བ་ནི། །རྡུངས་ཤིག་རྡོ་རྗེ་འབར་བའི་ག་། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་ལྷོག །ཁྲོ་མོ་འབར་མའི་ག་་ཁུང་དུ། །རྡོ་རྗེ་ཐོ་བས་བརྡུང་བྱས་ནས་ལྷ་ཡང་རུང་སྟེ་བསྒྲལ་བར་བྱ། །ཏད་ཐ་ཨ་ཏད་ཐ་ཡ་ཁ་ཐ༷་ཧུ༷་ཕཊ། །གསང་བའི་མཁའ་དང་འཇིགས་བྱེད་ཞལ། །མཐིང་ནག་འབར་བའི་གནས་གསུམ་དུ། །རིམ་པ་བཞིན་དུ་ཐབས་རྣམས་དང་། །ཆོ་གའི་ཡན་ལག་ཤེས་པར་བྱ། །ཞེས་གསུངས་སོ། །དེནས་ཡང་བསྟབ་པ་རྒྱུན་གྱི་ཏིང་ངེ་འཛིན་འདི་གསུངས་སོ། །གསང་བའོ་དཀྱིལ་འཁོར་ཆེན་པོ་སྲ །བཅོམ་ལྡན་སྔགས་ཀྱི་བདག་པོ་རྣམས། ཤེན་ཏུ་གསལ་ཞིང་ཞལ་གདངས་པར། །རིལ་བུ་བསྡུས་ནས་དབྱིངས་སུ་མཆོད། །ནམ་མཁའི་ཁྲོ་མོ་ཁ་གདངས་སུ། །ཐུགས་རྗེས་འགྲོ་ཀུན་ཡིད་ལ་བསྟབ། །ངས་བསྟབ་ཁྱེད་ཀྱིས་ཡུད་ལ་རོལ། །རོལ་པས་དགེས་པའི་རྐན་སྒྲ་སྒྲོགས། །རོལ་པའི་ལྕགས་ཀྱུ་འབར་བ་ཡིས། །གཉིས་མེད་ཞལ་དུ་ར་བསྡུས་ལ། །ཡེ་ཤེས་ཁོང་གི་མེ་ཆེན་གྱིས། །རབ་ཏུ་ཟོ་ལ་མྱུར་དུ་བསྲེགས། །ལས་ལ་འབྲས་བུ་ཡོད་ཅེས་བྱ། །ཇི་ལྟར་སྔོན་གྱི་དེ་བཞིན་དུ། །སྨོན་པའི་བྱང་ཆུབ་ལམ་དུ་ཞུགས། །མཚན་མའི་བག་ཆགས་དེར་སྦྱངས་སོ། །དབྱིངས་ལ་སྲོ་ཞིང་ཨ་ལ་བསྟིམ། །ཞེས་གསུངས་སོ། །དེ་ནས་ཤེས་པ་གནས་ཀྱི་ཕྱི་མོ་དང་སྤྲད་པ་སྤར་བ་རྒྱུན་གྱི་ཏིང་ངེ་འཛིན་འདི་གསུངས་སོ། །ཞིང་དུ་སྦྱངས་པའི་སེམས་ཅན་དེ། །གསང་བའི་ལམ་ནས་མཐོན་པའམ། །སྔོན་གྱི་ཚུལ་དུ་ཕྱིར་བཏོན་ནས། །བག་ཆགས་རྣམས་ཀྱག་བྱང་བྱས་ནས། །རྣམ་ཤེས་གསེར་ཞུན་ལྟ་བུ་དེ། །ཟླ་བའི་དཀྱིལ་འཁོར་སྟེང་བཞག་ནས། །རླུད་གི་དཀྱིལ་འཁོར་དག་གིས་བསྐྱོད། །ཧུ༷་ཧུ༷་ཞེས་རབ་ཏུ་བསྡུས་པས། །མི་དམིགས་དབྱིངས་སུ་ཕཊ་ཀྱིས་འཕངས། །རིགས་ངེས་རྒྱལ་བའི་སྲས་སུ་བཀོད། །མི་ལྟུང་སེམས་ཅན་དོན་གྱི་ཕྱིར། །གཙུག་ཏུ་རྣམ་པར་རྒྱལ་བ་བསྒོམ། །མི་འཁོར་སེམས་ཅན་དོན་གྱི་ཕྱིར། །ངན་སོང་སྒོ་གསུམ་ཤིན་ཏུ་བཅད། །རྣམ་ཤེས་ཆོས་ཀྱི་སྐུར་གནས་བསམ། །དེ་ནས་ཆོ་གའི་སྦྱོར་བ་ཡིས། །གཟུགས་སྐུ་གཉིས་སུ་རྫོགས་བྱ་བ། །དབང་བསྐུར་ནུས་དང་ལྡན་པར་བྱ། །འགྲོ་བའི་དོན་ལ་བསྐུལ་བ་ནི། །ཧུ༷། རྒྱལ་བའི་སྲས་པོ་གཉིས་མེད་གཙོ། །བདེ་ཆེན་བྱང་ཆུབ་སེམས་ལ་བྱུང་། །འཇིག་རྟེན་ཁམས་མང་ཇི་སྙེད་ན། །ཉོན་མོངས་ལྔས་གཟིར་སེམས་ཅན་གྱི། །དོན་རྣམས་མ་ལུས་ཁྱེད་ཀྱིས་གྱིས། །དེ་སྐད་བརྗོད་ལ་ཕྱིར་བཏོན་ཏེ། །ཞིང་ཁམས་རྣམས་སུ་ལས་ལ་བཏང་། །བདག་ལ་སྒྲིག་པ་མི་གོས་ཤིང་། །གཅིག་ཉིད་ཚེ་ཡི་དངོས་གྲུབ་ཐོབ། །དེ་ཕྱིར་ཐབས་ཀྱི་ཁྱད་པར་མཆོག །ཅེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། རྒྱུད་ཀྱི་ཏིང་ངེ་འཛིན་རིམ་པར་ཕྱེ་བའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་སངས་རྒྱས་ཀུན་གྱི་ཡབ་ཆེན་པོ། །ཐབས་ཆེན་མ་འགས་ཀུན་གྱི་གཙོ། །ལས་རྣམས་རྫོགས་པར་གསུངས་ལགས་ན། །རྣལ་འབྱོར་ལས་མཐར་འབྱིན་པ་ལ། །མ་མོའི་དཀྱིལ་འཁོར་མི་འཚལ་ལམ། །འདི་ཡི་རིམ་པ་གང་ལྟར་ལགས། །དེ་སྐད་ཅེས་ནི་གསོལ་བ་དང་། །བཅོམ་ལྡན་སྔགས་ཀྱི་བདག་པོ་ཡིས། །འགྲོ་མགོན་ལས་ཀྱི་སེམས་དཔའ་ལ། །འདི་སྐད་ཅེས་ནི་བཀའ་སྩལ་ཏོ། །ཉམས་པའི་མཚན་ཉིད་བདུན་རྣམས་དང་། །ངན་སོང་གསུམ་དང་བཅུ་པོའམ། །ཡང་ན་རིམ་པ་འདི་ལྟ་བར། །ཞེ་སྡང་མེ་ལྟར་འབར་ཏེ་གཅིག །ཕྲག་དོག་རླུད་ལྟར་འཅོ་སྟེ་གཉིས། །འདོད་ཆགས་ཤིང་ལྟར་སྐྲུངས་ཏེ་གསུམ། །གཏི་མུག་རི་ལྟར་སྐྲུངས་ཏེ་བཞི། །ང་རྒྱལ་བསེ་ལྟར་ཁེངས་ཏེ་ལྔ། །སེར་སྣ་རྩི་ལྟར་འབྱར་ཏེ་དྲུག །ག་་ཁྲོ་ཁྲོ་ཆུ་འདྲ་སྟེ་བདུན། །གསོད་གཅོད་སྲིན་པོ་འདྲ་སྟེ་བརྒྱད། །འཕྲོག་རློམ་རྐུན་པོ་འདྲ་སྟེ་དགུ །ཆོས་ལོག་ཁང་དཔོན་བྱེད་དང་བཅུ། །འདི་ལྟ་བུ་ཡི་གང་ཟག་ལ། །ཞི་བས་སྨྲས་ཀྱང་མི་འདུལ་བས། །མ་མོའི་དཀྱིལ་འཁོར་ལྷག་པར་གཅེས། །ཡང་དག་ཉིད་དུ་ངས་བསྟན་གྱིས། །ལས་ཀྱི་སེམས་དཔའ་ཡིད་ཀྱིས་ཉོན། །བདག་ཉིད་ཆེན་མོའི་དཀྱིལ་འཁོར་ནི། །བྲག་དམར་ཆོལ་བཟང་འདྲ་བ་དང་། །ཁང་རལ་དབེན་སར་སོང་ནས་ནི། །ལས་ཀྱི་བྱ་བ་རྫོགས་པར་བྱ། །ཁྲ་ཐབས་རྣམས་ཀྱང་དེ་བཞིན་གནས། །གཞན་ཡང་གདབ་པའི་རིམ་པ་ནི། །བྱུང་ཚོར་རྒྱུ་བའི་གནས་རྣམས་སུ། །འཕྲིན་ལས་རྣམ་བཞིའི་ཕུར་པ་གདབ། །ཡན་ལག་ལྔ་ནི་གྱུར་པའམ། །ཉོན་མོངས་སྐྱེ་བའི་གནས་རྣམས་སུ། །སྲས་མཆོག་ལྔ་ཡི་ཕུར་པ་གདབ། །རྩ་བའི་སྔགས་དང་ལས་ཀྱི་སྔགས། །གོམ་གནོན་གནད་དང་མིང་དུ་བཅས། །ཀུན་ཀྱང་ལྔ་ལྔར་ཤེས་པར་བྱ། །དཀྱིལ་འཁོར་འདོམ་གང་གྲུ་བཞི་ལ། །ཡོངས་སུ་རྫོགས་པའི་ལས་བྱས་ཏེ། །དབུས་སུ་མཐིང་ནག་གྲུ་གསུམ་ལ། །མཐའ་མ་རོ་ཡི་ཕུང་པོ་དགོད། ཁྲ་ཁྲག་སྣ་ཚོགས་གཏོར་མ་ལ། །མ་ཚངས་ཤན་ཕྱེ་བཏབ་བྱས་ལ། །ཙིསྟ་འུག་པའི་ཤ་ཚིལ་དང་། །སེང་གེ་སྟག་དང་བྱ་རྒོད་དང་། །སྒྱུང་ཀའི་ཤ་དང་ཚིལ་བུར་བཅག །གཡོ་བ་རྫས་ཀྱིས་རབ་སྤྲས་ཏེ། །དེ་ཡི་དུས་དྲུག་མཆོད་པའམ། །དུས་ནི་བཞིའམ་གཉིས་སུ་མཆོད། །འཕྲིན་ལས་ཡོངས་སུ་རྫོགས་བྱའི་ཕྱིར། །དང་པོ་ཚངས་པའི་གནས་བཞི་དང་། །ས་དགུ་ནོན་པའི་ཏིང་འཛིན་བྱ། །ཁྲག་འཐུང་ཡབ་ཡུམ་གསལ་བ་དང་། ཁྲར་དུ་དཔལ་ལྡན་རེ་མ་ཏི། །བོང་བུ་དག་གི་སྟེང་དུ་བསྐྱེད། །ཞལ་གཅིག་ཕྱག་ཀྱང་བཞི་པ་སྟེ། །གཡས་གཉིས་རལ་གྲི་ལྕགས་ཀྱུ་ལ། །གཡོན་པ་ཐོད་པ་ཏྲི་ཤུལ་ལ། རོ་ཉེ་མཛེས་པའི་རྒྱན་ཆས་ཅན། །སྐུ་མདོག་མཐིང་ནག་འབར་བ་ལ རལ་པ་སེར་ནག་གྱེན་དུ་བརྫེས། །སྐུ་སྟོད་ཞིང་ཆེན་གཡང་གཞི་ལ། །སྐུ་སྨད་རེ་ལྡེའི་རྒྱན་ཆས་ཅན། །གཡས་ཀྱི་སྙན་ཆ་སེང་གེ་བྱས། །གཡོན་པ་སྦྲུལ་གྱི་གདེང་ཁ་ཅན། །ཁྲག་ཞག་ཐིག་ལེས་ལུས་བརྒྱན་ཅིང་ མཆེ་བ་བཙིགས་ཤིང་འཇིགས་གཟུགས་ཅན། །ཕྱིན་ཕྱོགས་ཤོན་ནས་ནང་དུ་བལྟ། །རྒྱན་རྣམས་སྤྱི་དང་མཐུན་པར་བསཀཡེད། །གཞན་མ་རྣམས་ཀྱང་དེ་འདྲར་བརྟགས། །རེ་མ་ཛེ་ནི་ལྷོ་རུ་སྟེ། །རེ་མ་ཛུ་ནི་ནུབ་ཏུའོ། །རེ་མ་ཏི་ནི་བྱང་དུའོ། །རྟ་སྐྱ་ལྕགས་ཀྱི་ཕག་པ་དང་། །རྫུ་འཕྲུལ་རྔ་མོའི་སྟེང་དུ་བསྐྱེད། །དམར་ནག་དཀར་མོ་དམར་སེར་དང་། །རིམ་པ་བཞིན་དུ་ཤེས་པར་བྱ། །ཀུན་ཀྱང་ཞལ་གཅིག་ཕྱག་གཉིས་ཏེ། །གཡས་པ་ཟླ་བའི་རུ་མཚོན་ལ། །གཡོན་པ་ཏྲི་ཤུལ་རྩེ་གསུམམོ། །དེབཞིནརྡོརྗེལྕགསཀྱུ་དང་། །མདུང་དང་ཞགས་པ་བསྣམས་པ་སྟེ། །རྒྱན་དང་ཆ་ལུགས་གོང་བཞིན་བསྐྱེད། །སྒོ་བཞི་དག་ཏུ་བསྒོམ་པ་ནི། ཁྲར་དུ་རུས་སྦལ་ནག་པོའི་སྟེང་། །དཀར་མོ་ཉི་ཟླའི་སྤྱན་གཅིག་མ། །དབུ་ལ་རུས་སྦལ་གོ་ཅོག་ཅན། །གཡས་པ་ལྕགས་ཀྱུ་གཡོན་ཙིསྟ། །ལྷོ་སྒོར་སྦྲུལ་ནག་མགོ་གསུམ་སྟེ། །སྔོན་མོ་གཡུ་ཡི་རལ་པ་ཅནརུས་སྦལ་གོ་ཅོག་དག་དང་ལྡན། །གཡས་ཞགས་གཡོན་པ་ཟངས་ཀྱི་སྒྲ། །ནུབ་སྒོར་ཕག་མོ་སུམ་གྲུས་ཏེ། །དམར་མོ་ཁྱུང་གཤོག་གཡག་རྒོད་མགོ །གཡས་པ་བསེ་ཡི་ཐོ་བ་སྟེ། །གཡོན་པ་མེ་སྒྲོན་བསྣམས་པའོ། །བྱང་སྒོར་ལྕགས་ཀྱི་སྤྱང་མོའི་སྟེང་། །ལྗང་ནག་སྤྱང་མགོ་དྲིལ་བུས་བརྒྱན། །ལག་གཉིས་དྲིལ་བུས་དགེས་མཛད་མའོ། །ཧུ༷་ཨེ་ཀྟ་ཀྟ་ཀྟ་ཀྟ། ཡ༷་སྨྱོ་སྨྱོ་སྨྱོ་སྤྱོ། །ཨོ་ཤི་བཛྲ་ཀུ་མ་ར་ཡག་ཤ་ཧུ༷་ཨ། བཛྲ་ཀྲོདྷི་ཨེ་ཀ་ཙ་བཛྲ་ཧུ༷། ཏབྱ་ཐུ་རུ་རུ་རོ་རུ་ཙ་པ་ལ་ཧྭ༷། ཏབྱ་ཐུ་རུ་རུ་རོ་རུ་ཨ་ཤུག་མེ་ཧུ༷། ཏབྱ་ཐུ་རུ་རུ་རོ་རུ་བ་ཏི་སྟ་ཧུ༷། ཏབྱ་ཐུ་རུ་རུ་རོ་རུ་བ་ཏོ་སི་ཧུ༷། དེ་རྣམས་སྐུ་གསུང་ཐུགས་བལྟས་ལ། །དམ་ཚིག་ཚུལ་བཞིན་བསྒྲག་པ་ར་བྱ། །མ་མ་སམ་ཡ་རག་བག་ཤ་ཧྭ༷། རང་བཞིན་གྲུབ་པའི་དཀྱིལ་འཁོར་རྣམས། །སོ་སོའི་གནས་ནས་སྤྱན་དྲངས་ཏེ། །གཉིས་སུ་མེད་པར་གྱུར་པར་བྱ། །བསྟིམ་དང་བཞུགས་སུ་གསོལ་བ་དང་། །ཕྱག་འཚལ་བ་དང་གསོལ་བ་གདབ། །དེ་ལ་དམར་གྱི་ཨསྙེ་དང་། །མེ་ཏོག་ནག་པོའི་མཆོད་པས་མཆོད། །བདུད་རྩི་མཆོད་ཅིང་དངོས་གྲུབ་བླང། །མམཏྲིགནནརེཏིཙབ་ལ་སྒག་རག་ཤ་ཁ་མུན་ཏྲ་བ་དུན་དུན་ཛ་ཧྲི། གཙོ་བོའི་སྙིང་ཁར་ཧུ༷་ཕཊ་དགོད། །མ་མོའི་སྙིང་ཁ་རང་སྙིང་པོ། །སྲས་ལ་གསོད་པའི་སྙིང་པོ་དགོད། །རྟགས་དང་མཚན་མ་ཟིན་པ་དང་། །སེང་ལྡེང་ཕུར་པ་ལྔ་བཤམས་ལ། །ལྷ་མོ་བཞི་དང་གཙོ་བོའི་སྐུ། །ལྟེ་བ་མན་ཆད་གདུག་པའི་ལུས། །སྔོ་བསངས་འཇིགས་པའི་རྒྱན་གྱིས་བརྒྱན། །མིང་གི་ཡི་གེ་དང་པོ་ཡིས། །ཡུལ་དང་ཡུལ་ཅན་དེ་བསྐྱེད་ལ། །དགུག་བསྟིམ་བྱས་ལ་ཉེས་པ་བསྒོ། །མཆོད་ལ་གནས་སམ་གཤེད་དུ་བསྒོ། །རང་དབང་མེད་པར་བཀུག་པ་དེ། །ལྷ་མོ་ཉིད་ཀྱི་ཕྱག་ཏུ་གཏད། །མ་མ་ཏྲག་ཤ་ཁ་མུན་ཏྲ། སྙིང་ཁ་་རག་རག་རག་མོ་དུན་དུན་སྨྱོ་སྨྱོ་ཛ་ཛ། རུ་ལུ་རུ་ལུ་སྨྱོ། རུ་རུ་རེ་བེ་ཧུ༷་ཏི་སྟབ། དྷི་རག་མོ་སྙིང་ཁ་རག་མོ་ཧུ༷་སྨྱོ་སྨྱོ་ཛ་ཛ། འཕྲིན་ལས་རྣམས་ཀྱང་བཅོམ་བྱ་ཞིང་། །རྦད་པ་ཡང་དང་ཡང་དུ་བྱ། །རག་མོ་ཐུམས་ལིས་སྙིང་རྩ་འདུས། །སྲོག་ཕྲིག་ཕྲིག ཁྲམ་ཤམ་ཁྱེར་སྨྱོ། སྙིང་ཁྲག་རྩ་སྲོག་བྲེང་བྲེང་རྦད། ཨོ་ཛ་ལ་ཧུ༷་ཕཊ། མ་ཏྲོག་ཏུག་ཏུག་ཁྲ་ལོང་སྙིང་རྦུད། མ་ཧྭ་སྲོག་ཐུན། སྙིང་ལ་མ་སྨྱོ། མ་ར་ཡ་ཕཊ། ཁ་ཐུན་ནི་ཛ་ཛ། སྟོངས་བྱེད་ལྷ་དང་ཕྲལ་ནས་ནི། །མཚན་མ་བྱུང་ནས་ཕུར་པས་གདབ། །དུག་དང་མེ་ཏོག་རྣམས་དང་ནི། །ཁྲག་དུག་རྣམས་ཀྱི་ཐུན་ཡང་བརྡེག །མཐིང་ནག་དར་གྱི་གཡབ་མོ་བྱ། །ཨོ་བཛྲ་ཀི་ལི་ཀི་ལི་ཡ། ཏ་བྱ་ཐུ་རུ་རུ་རོ་རུ་ཙ་པ་ལ་ཐུམས་རྦད་མ་མ་པ་ཤི་ཀུ་རུ་མ་ཐ༷་ཉ་ཀ་ར་ཨིན་རྙ་ཏིམ་མ་ཀརྨ་གྲི་ཀྲམ་ཀ་རེ་ཡ་ཆེ་གེ་མོའི་སྙིང་ཁྲག་སྤྱོས་ཤིག །ཁ་རག་བོདྷི་ཙིསྟ་ལ་སྨྱུ་ར་ཡ་ཧྭ༷་ཕཊ། །སྔགས་བཟླས་ནག་མོ་འབུམ་སྡེའི་འཁོར་ཡོངས་སུ་བསྐོར་ནས་ཆིངས་འདེབས། །རྒོད་དང་ཟ་ཞིང་རོལ་པ་དང་། །རྔམ་པའི་སྒྲ་འབྱིན་སྒྱུག་གླུ་ལེན། །མཚོན་ཆ་སྣ་ཚོགས་འདེབས་ཤིང་རོལ། །དེ་བྱས་སྐད་ཅིག་དེ་ཉིད་ལ། །ནད་དང་རིམས་དང་དུག་དང་མཚོན། །མྱུར་དུ་འབབ་ཅིང་དེ་གསོད་འགྱུར། །ག་་དང་བརྡུང་དང་བསྟབ་པ་བྱ། །མཐར་གྱི་ལས་རྣམས་གང་ཡིན་ཀྱང་། །གཅིག་གམ་ཡང་ན་རྫོགས་པར་བྱ། །ག་ས་པའི་ཕྱི་མ་ཁྲག་ར་སྦྱར། །ཁྲག་ཐུན་སྙིང་རྩ་མ་ལུས་རྣམས། །སྡོང་པོ་སྐད་ཅིག་ག་་ནང་དུ། །གཡོ་བའི་རྫས་ཀྱིས་རབ་སྤྲས་ལ། །ནན་ཐུར་ལས་ལ་ཤིན་ཏུ་འབབ། །མ་མ་རང་གི་སྙིང་ཁྲག་གིས་ཐུམས་རྦད། ཐང་མུ་ལེ་ཐང་མུ་ལེ་ཙིསྟ་རྦད། ཙ་ཐང་ཙ་ཐང་རྦད་རྦད། མུ༷་སྣི་མུ༷་སྣི་ཙིརྟི་ནཎ། རག་མོ་ནི་རག་མོ་ནི་ཁ་ལོ་ཙིསྟ་རྦད་རྦད། དུག་སྣི་དུག་སྣི་ཁ་ལོ་ཙིསྟ་རྦད་རྦད། ཀྱི་ཁ་ལོ་ཀྱི་ཁ་ལོ་ཙིསྟ་རྦད་རྦད། ཙ་ཏི་ཙ་ཏི་ཙ་ཏི་རྦད། ནིར་ཏི་ནིར་ཏི་མུགས་མུགས། ཐུམས་ཐུམས་སུབས་སྟི་སྟི་ཙིསྟ་རྦད་རྦད། ཁ་འདར་ཡེད་ཡེད། ཐུམས་ཐུམས་རྦད་རྦད། སེ་ཁ་ལོ་མུ་ཁ་ལོ་ཕཊ་རྦད། འབུམ་མམ་བདུན་འབུམ་བཟླས་ནས་ནི། །ཐུན་ལམ་བསལ་ལ་འཕང་བ་དང་། །བསྲེག་དང་མནན་དང་སྣ་གླན་དང་། །ལས་གཞུག་ཡོངས་སུ་རྫོགས་པར་བཅད། །ཅེས་གསུངས་སོ། ་༑་ན་མུ་ཀའི་དཀྱིལ་འཁོར་ནི། །དུར་ཁྲོད་དབེན་པའི་ས་ཕྱོགས་སམ། །འཕར་སྤྱང་ཤ་ལ་སྟོད་འདྲའི་རི། །དེ་རུ་ལས་རྣམས་རྫོགས་པར་བྱ། །དཀྱིལ་འཁོར་གྲུ་བཞི་ལེགས་བྱས་ལ། །ཕྱི་རོལ་པདྨ་འདབ་བརྒྱད་བྲི། །བསྒྲུབ་པའི་ཡོ་བྱད་ཐམས་ཅད་དང་། །སྟག་དང་སྤྱང་ཁུ་འཕར་བ་དང་། །སེང་གེ་དོམ་ལ་སོགས་པ་དང་། །གཅན་གཟན་སྣ་ཚོགས་སྙིང་དང་ཤ། །ཙན་དན་དམར་པོའི་བདུད་རྩི་དང་། ཁྲ་སྣ་ཚོགས་པའི་གཏོར་མ་བཤམས། །བསྟོར་སྦྱར་ཏེ་མཆོད་པར་བསྟབ། །དང་པོ་ཚངས་པའི་གནས་བཞི་ནས། །ལས་སུ་རུང་བའི་རིམ་པ་རྣམས། །གོང་མ་དག་ལས་ཤེས་པར་བྱ། །མྱ་བཱ་མུ་བཱ། ཛ་ཡ་དུ་ཧུ༷། མན་ཏི་ཧུ༷། ཤ་རི་ཧུ༷། ནི་ལ་པུས་ཏི་ཧུ༷། ཐབས་དང་ཤེས་རབ་མཐུ་ལས་ནི། ཁྲར་དུ་འཇིགས་བྱེད་དཀར་མོ་ལ། །ལྷོ་རུ་འགུགས་བྱེད་སོར་མོའོ། །ནུབ་ཏུ་རྒྱུག་བྱེད་དམར་མོ་སྟེ། །བྱང་དུ་ཟ་བྱེད་ལྗང་ཁུའོ། །སེང་གེ་སྟག་དང་ཝ་སྤྱང་མགོ །ལྕགས་ཀྱུ་ལ་སོགས་འཛིན་རྒྱུག །གཡོན་ན་ཕུར་པ་འདྲིལ་བར་བྱེད། །ཀུན་ཀྱང་འཇིགས་པའི་རྒྱན་ཆོས་ཅན། ཁེན་ཏུ་རྔམ་ཞིང་རྒྱུག་པའི་བརྟགས། །བྱང་ཤར་ལ་སོགས་མཚམས་རྣམས་སུ། །སྤྱང་ཀི་དང་ནི་ཁྱི་ལ་སོགས། །བཞི་བཞིས་ཡན་ལག་ཞིང་ཟ་བར་བརྟགས། །ཛ་ཧུ༷་བ༷་ཧོ་རྣམ་བཞི་ལས། །སྒོ་བཞིར་རལ་ཅན་བཞི་རྣམས་ནི། །སྤྱི་ལས་གྲགསཔབཞིནདུའོ། །དེལྟར་གསལ་བར་གྱུར་པ་ལས། །ལྕགས་ཀྱུ་ལ་སོགས་སྦྱོར་བ་ཡིས། །དགུག་གཞུག་ཐིམདང་གཉིས་མེད་བྱ། །བསྟིམ་ཞིང་གཉིས་མེད་རབ་བཞུགས་ལ། །ཕྱག་དང་གདན་ལ་སོགས་པས་མཆོད། །སྤྱང་ཁུའུ་ཤ་ལ་གཞི་བླངས་ལ། ཁྲ་སྣ་ཚོགས་པའི་གཏོར་མ་དང་། །སྣ་ཚོགས་ཁྲག་ལ་གཞི་བླངས་ལ། །ཁྲག་སྣ་ཚོགས་པའི་རཀྟ་སྦྱར། །མདུན་དུ་གནས་པར་དེ་བརྟགས་ལ། །མེ་ཏོག་དམར་པོ་ལ་སོགས་པའི། །དམར་བའི་རྫགས་རྣམས་ཀུན་གྱིས་མཆོད། །དེ་ནས་འཕྲིན་ལས་བསྐུལ་བ་ནི། ་༑་ན་མུ་ཀའི་དུས་ལ་བབ། །པདྨའི་རིགས་ལས་སྤྲུལ་པའི་ལྷ། །མཐུ་རྩལ་བྱུང་བའི་དུས་ལ་བབ། །ཟངས་ཀྱི་ཝ་མོ་ཆེན་མོ་ནི། །སྐྲུ་ནི་ལྕགས་ཀྱུ་བསྲེགས་པ་འདྲ། །མིག་ནི་ཉི་མའི་འོད་བས་འཚེར། །མཆེ་བ་རྡོ་རྗེ་གཏམས་པ་འདྲ། །སྡེར་མོ་ལྕགས་ཀྱུ་ཞུན་མ་འདྲ། །རྔ་མ་དྲིལ་ཞགས་སྡོག་པ་འདྲ། །སྐད་ནི་འབྲུག་པས་ངེས་པར་ཆེ། །བང་ནི་གློག་བས་ངེས་པར་མགྱོགས། །དེ་ལྟ་བུ་ཡི་ཝ་མོ་ལ། །ཟངས་ཀྱི་མི་མོ་ཆེན་མོ་ཤོན། །དབུ་བརྒྱ་མོ་ལ་སྤྱན་སྟོང་མ། །གཡས་ན་ལྕགས་ཀྱུ་ལ་སོགས་ཐོགས། །གཡོན་གྱི་ཕྱག་ན་ཕུར་པ་འདྲིལ། །པདྨའི་རིགས་ཀྱི་སྤྲུལ་པ་སྟེ། །ལྕགས་ཀྱི་སྤྱང་བརྒྱད་སྤྲུལ་པར་འགྱེད། །དཔལ་གྱི་ཁྱི་བརྒྱད་ལས་ལ་གཏོང་། །ལྕགས་ཀྱུས་ཟུང་ལ་ཕུར་པས་ཐོབ། །སྔོན་ཆད་ཁས་བླངས་ཇི་བཞིན་དུ། །དམ་ཚིག་གཉན་ལས་མི་འདའ་བར། །མཐུན་པའི་གཏོར་མ་འདི་ལོང་ལ། །སྤྲུལ་པས་འཁོར་བའི་གནས་བསྒྲལ་ཕྱིར། །ང་ཡིས་ཁྱེད་ལ་རབ་བསྐུལ་བས། །སྲོག་སྙིང་དམ་ལས་མ་འདའ་བར། །དྲག་པོའི་ལས་རྣམས་གྲུབ་པར་མཛོད། །ཨོ་ཛ་ཡ་དུ་མན་ཏི་ཤ་རི་ནི་ལ་པུ་ཏི་ཛུ་ཛུ་ཛུ་ཛུ་ཐུམས་ཐུམས་རྦད་ཁྲག་ཏི་སྨ་ར་ཕཊ་རྦད། གཙོ་བོ་ལ་སོགས་རིམ་གསུམ་ནི། །ཡིག་འབྲུ་དགོད་པ་སྔ་མ་བཞིན། །བཟླས་པའི་རིམ་པ་བྱ་བ་ཡིན། །དེ་ལྟར་བྱས་པས་མཚན་མ་འབྱུང་། །དེ་ནས་ལས་ལ་སྦྱར་བ་ན། །བཅུ་གཉིས་རྫས་ལས་གཟུགས་བྱས་ཏེ། །མེ་ཏོག་དམར་པོ་ཡང་དག་ལྡན། །དཀྱིལ་འཁོར་རིམ་པ་ཇི་ལྟ་བར། །མིང་རུས་བྲིས་ལ་གཟུགས་བརྙན་ལ། །ཕོ་དང་མོ་ཡི་གཤག་ཕྱེ་ལ། །རང་རང་གནས་སུ་ཆུད་པར་བྱ། །དགུག་དང་བསྟིམ་དང་བྲལ་བ་དང་། །འཐུན་རྫས་བྱིན་ལ་བསྒོ་བྱ་ཞིང་། །གནས་བཞིན་བསྐྱལ་ལམ་གཤེད་དུ་བསྒོ། །དེ་ནས་ཟངས་ཀྱི་ཕུར་པའམ། །དམར་ལས་བྱས་པའི་རིམ་པ་ལས རང་རང་རིགས་ཀྱི་སྐུ་ལྟར་ཏེ། །སྙིང་པོ་དགོད་ཅིང་བཟླས་བྱས་ལ། །སྤྲོག་པའི་སྔགས་དང་ལྡན་བྱས་ལས། །མཚན་མ་བྱུང་ནས་གནས་ལྟར་གདབ། །ཨོ་བཛྲ་ཀི་ལི་ཀི་ལ་ཡ་ཛ་ཡ་དུ་རག་ཙིསྟ་སྨེར་ཐུམས་མ་ཐུ་མ་ཐུ་བཛྲ་ཆེ་གེ་མོའི་དབང་པོ་རྣམས་ཐལ་བར་ལྷོག་ཤོག །མན་ཏི་ཛ་མྱ་ར་ཡ་ཧུ༷་ཕཊ། རྩ་བ་བཞི་དང་ཤམ་བུ་བཞི། །རིམ་པ་བཞིན་དུ་སྦྱར་བྱས་པས། །བརྡབ་དང་གཏུབ་དང་བརྡེག་དང་འཕང་། ལས་ཀྱི་ཤབ་བུ་ཤེས་པར་བྱ། །ཐུན་གྱི་སྐབས་སུ་ཉིན་མཚན་གཉིས། །ཡ་དང་སྨྱོ་ཡིས་གསལ་བར་་་་། །མཐར་གྱིས་ལས་རྣམས་ཀུན་ཀྱང་དྲང་། །འདི་བཞིན་རིམ་པ་གསལ་བལྟས་ཏེ། །ལས་ཀྱི་རིམ་པ་རྫོགས་བྱས་ན། །སངས་རྒྱས་ཉིད་དཀྱང་གདན་ལས་འགྲོ །ལོག་པར་ལྟ་བའི་སེམས་ཅན་རྣམས། །ཐང་ཅིག་ཡུད་ཀྱིས་བརླག་པར་བྱེད། །ཅེས་གསུངས་སོ། །ས་བདག་ཆེན་མོའི་དཀྱིལ་འཁོར་ནི། ཁེན་ཏུ་དྲག་པའི་གནས་དག་གམ། །ས་ཕུག་ཁང་སྟོང་ལ་སོགས་སུ། །ལས་ཀྱི་བྱ་བ་རྫོགས་བྱས་ཏེ། །རྟགས་དང་དྲོད་ཚད་ཟིན་པའི་མིས། །དང་པོ་དཀྱིལ་འཁོར་མངོན་བཞེངས་ལ། །པདྨ་འདབ་མ་བཞི་དང་ལྡན། །དབུས་སུ་འཇིགས་བྱེད་དྲག་པོར་བྱ། །འདབ་མ་རེ་ལ་གྲུ་གསུམ་རེ། །ཡང་ན་ཟླ་གམ་དག་ཏུ་བྱ། །འོ་མ་སྦྲང་རྩི་མར་ཁུ་དང་། །མངལ་ཁྲག་རག་ཏ་ལ་སོགས་བསོག །ཝ་དང་སྤྱང་ཁུའི་སྙིང་ཁྲག་དང་། ཁྲ་ལ་སོགས་པ་ཐམས་ཅད་ཀུན། །མཆོད་དང་རྟེན་པའི་རྫས་སུ་དགོད། །དུར་ཁྲོད་དམར་མོའི་ཐོད་པ་དང་། །མཆོད་པའི་ཡོ་བྱད་རབ་བསགས་ལ། །བསྐྱེད་ནས་རྫོགས་པའི་མཐར་ཐུག་བྱ། །གཉིས་མེད་སྦྱོར་བའི་བྱིན་བརླབས་ལས། །ཀུ་ཙུ་ཀུ་ཙུ་རྣམ་བཞི་ལས། །རང་རང་གདན་ལ་གསལ་བར་འཐོན། །འཕྲོ་འདུ་འོད་དུ་ཞུ་བ་ལས། །སུ་ཏྲི་པ་ར་ལ་སོགས་བཞིས། །སོ་སོའི་སྐུ་རུ་གསལ་འཐོན་ཏེ། ཁྲར་དུ་པདྨ་འདབ་མ་ལ། །ཡ་བྱིན་ཞལ་གཅིག་ཕྱག་གཉིས་པ། །སྔོན་མོ་ལྕགས་ཀྱུ་ཕུར་པ་བསྣམས། །དེབཞིནའདབམགསུམ་པོ་ལ། །ལྷོ་རུ་བསེ་བྱིན་དམར་པོ་ལ། །ཞགས་པ་དང་ནི་ཕུར་བུ་ལྡན། །ནུབ་ཏུ་ཕག་བྱིན་ལྗང་མོ་ལ། །ལྕགས་སྒྲོག་དང་ནི་ཕུར་པར་ལྡན། །བྱང་དུ་དེ་བཞིན་སེར་མོ་ལ། །དྲིལ་བུ་ཕུར་པར་ལྡན་པར་བསྐྱེད། །ཀུན་ཀྱང་སྦྲུལ་གྱི་རལ་པ་ཅན། །བསེ་ཁྲབ་སྐུ་ལ་གསོལ་བར་བརྟག ཁོ༑ན་ཏུ་འཇིགས་ཤིང་ཞལ་གདངས་ལ། །ལྗགས་འདྲིལ་ཚེམས་ཀྱང་འདར་བར་བརྟག །དེ་ལྟར་བསྐྱེད་ནས་སྤྱན་དྲངས་དང་། །བཞུགས་སུ་གསོལ་དང་ཕྱག་བཙལ་དང་། །དམ་བཅའ་མཆོད་པ་དབུལ་བ་དང་། །འཕྲིན་ལས་བཅོལ་བ་རྣམ་པ་བདུན། །ལས་ཀྱི་རིམ་པ་ཡོངས་ཤེས་ནས། །བཟླས་པའི་ཐབས་གསུམ་གསལ་བར་བྱ། །ཨོ་སུ་ཏྲི་པ་ར་ཡ། བར་ཙིཏི་ཡ། །ཡོ་གི་ཤྭ་ར་ཡ། ཡ་མ་ཙིསྟ་ཡ། མཐའ་ཡི་སྔགས་དང་སྦྱར་བ་ཡི། །རྟགས་དང་མཚན་མ་འབྱུང་བར་ངེས། །དེ་ནས་བསད་པའི་ལས་རྣམས་བརྩམ། །བརྡ་མི་ཕྲད་པའི་ཐོད་པ་མྲ །ལིང་ཁ་མཚན་དང་ལྡན་པར་བྱ། །རྟེན་སྐྱོབ་སྐྱེ་དང་དབྲལ་བར་བྱ། །ལས་རྣམས་ཐམས་ཅད་འདྲ་བར་བཤད། །ཀུན་མན་དྷ་རི་ཛུ་ཛུ། ཤུ་ལ་དྷ་རི་ཛུ་ཛུ། ཙ་མུན་དྷ་རི་ཛུ་ཛུ། ཀང་ཀདྷ་རི་ཛུ་ཛུ། གནས་སྐབས་དེ་དང་དེ་རུ་བཟླས། །ཁྱི་ཁྲིད་ར་ཁྲིད་རོ་ལ་ཁྲག །འཐུང་ཀྭང་ཀྭང་ཀེང་ཀེང་ཀ་ཡ། སྙིང་ཟ་བའི་ཙིཏི་མ་ལ་རོ་ལ་ཁྲག་འཐུང་ཀྭང་ཀྭང་ཀེང་ཀང་ཀེང་ཀ་ཡ་ཧང་པར་ལ་ཧོ། ཤ་ཀྱིང་སྤྱང་ཏི་ཧི་ཧུ༷་ཕཊ། རོ་ལ་ཁྲག་འཐུང་ཀྭང་ཀྭང་ཀེང་ཀེང་ཀྭང་ཀ་ཡ། ཙི་པི་རི་ཙཀྲ་བཱ་ཨ་ས་མ་ཡ་ཚལ་བཱ་ཨ་དྲི་ཏྲི་བཱ་ར་ཡ་ཨ༷་གུ་ཤ་ཛ་ཛ་ཛ་ཛ། ནཱ་ག་མྱ་ར་ཡ་ཚལ་པ་ཚལ་པ་ཨ་དྲི་ཏྲི་མུ་ར་ཡ་ཨ༷་གུ་ཤ་ཛུ་ཛུ་ཛུ་ཛུ། ཤུ་ཤུར་ག་ཚལ་པ་ཨ་དྲི་ཏྲི་མུ་ར་ཡ་ཨ༷ཀུ་ཤ་ཛུ་ཛུ་ཛུ་ཛུ། ཨ་བེ་ཤ་ཚལ་པ་ཨདྲི་ཏྲི་མུ་ཡ་ར་ཨ༷་གུ་ཤ་ཛུ་ཛུ་ཛུ་ཛུ། ཆེ་གེ་མོ་བཱ་ར་ཡ་རྨ་རྨ་ར་རྨ་རྦད་རྦད། ཨོ་ཚིརྙ་ཚིནྟྲ། ཧ་ན་ཧ་ན། ད་ཧ་དཧ། ད་ཧ་ད་ཧ། ཏིབ་ཏ་ཙཀྲ། བཛྲ་ས་ཏྭ་ས་མ་ཡ་ཛ་ཛ་ཧུ༷་ཧུ༷། ཆེ་གེ་མོ་ལ་ཨ་བེ་ཤ་ཡ་ཨ་བེ་ཤ་ཡ་ཨོ་ཨོ། དགྲ་ནི་མྱ་ར་ཡ། ཡུ་མྱ་སྙིང་ཡུ་སྙིང་ཡུ་མུ་ཁྲག་ཚལ་པ་བ༷་རིལ་ཤག་པ་དམ་པ་དུམ་བུ་མར་ཡ་ཧུ༷་ཕཊ། །ཨོ་བཛྲ་མུད་ཀ་ར་མུ་ཏི་གྲན། ཀ་སྙི་ར་ཙ་ཡ་ཧུ༷་ཕཊ་རྦད། །ཨོ་པྲ་བེ་ཤ་ཡ་རྦད་ཕཊ། ཨ་བེ་ཤ་ཡ་ཨ་ཨ་ཧུ༷་ཕཊ། །ཧུ༷་ཕཊ་མོ་རི་ཀུན་དྷ་ལི་བ༷་ཐུམས་རྦད། ཁྲག་ཏི་སྨར་ཕཊ་རྦད། ཨོ་སྟན་སྟན་རྦད་རྦད། རྦན་རྦུད་རྦན་རྦུད། ཙིསྟ་སྙིང་་།ས་པ་ཡ། ཕྲི་ལི་ལི་ལི་ཕྲི་ལི་ལི་ལི། ཤག་ཤག །རྒྱོབ་རྒྱོབ། ཡ་ཡ་བཛྲ་མ་ཧྭ་ཡག་ཤ་དུན་ཡ། ནཱ་ར་ཡ་ཏོད་པ་མུ་ར་ཡ་ཐུན་ཡ། ཏ་ཀྲི་ནི་ལ་ཏོད་པ་མྱ་ར་ཡ་ཐུན་ཡ། ཀྱུ་ལ་རི་མྱ་ར་ཡ་ཐུན་ཡ། རྩིའུ་རི་ནཱ་ར་ཡ་ཐུན་ཡ། ཨ་ཕྲ་ཏྲི་ཏྲི་ཤཱ་ར་ཡ་ཐུན་ཡ། ནཱ་ག་མྱ་ར་ཡ་སྟུ་ལ་རི་བཱ་ར་ཐུན་ཡ། །ཆེ་གེ་མོའི་སྙིང་ལ་ཏོད་པ། རྣམ་ཤེས་མྱ་ར་ཡ་ཏོད་པ། གཟུགས་ཕུང་ནཱ་ར་ཏོད་པ། འཁོར་བཅས་བཱ་ར་ཏོད་པ། རག་རག་ཤ་ནཱ་ཡ་ཏོད་པ། དེ་ལྟར་བཟླས་པའི་སྔགས་རྣམས་ཀུན། །རིམ་པས་མ་ནོར་ཤེས་བྱསྟེ། །ཐོད་པ་གཉིས་ལ་ལས་རིམ་གྱིས། །སྒོ་དང་ཕུགས་ཀྱི་གནད་དུ་བྱ། །གོང་འོག་མན་ངག་རབ་སྡེབས་ཏེ། །ལས་ཀྱི་སྐུ་མདོག་གནས་སྐབས་སྦྱར། །དཀྱིལ་འཁོར་གཉིས་དང་གསུམ་དུའམ། །བསྒྲུབ་པའི་རིམ་པས་ཕྱེ་བ་ཡིན། །གཅིག་ཏུ་དྲིལ་དང་རྐྱང་པ་དང་། །བཏུས་པའི་རིམ་པ་རྣམ་གསུམ་ལས། །གང་ཡིན་ངོ་ཡིས་ཟིན་པར་བྱ། །གདབ་དང་ག་་པ་ལ་སོགས་པའི། །ལས་རྣམས་ཀུན་ཀྱང་དེའདྲར་བརྟག །ཐ་མའོ་ལས་ལ་འཇུག་པ་ན། །ཐུན་གྱི་རིམ་པ་ཡང་གསུངས་ལ། །ཨོ་བཛྲ་ཀི་ལི་ཀི་ལ་ཡ། རོ་ལ་ཁྲག་འཐུང་ཅིརྙ་མ་ཏང་པར་ལ་ཤོ་ཤལ་ཀྱི་སྤྱང་ཀ་ཏང་ཀ་ཏེ་ཡ། ཛ་ཡེ་བི་ཛ་ཡ། ཨ་ཅིསྟི་ཨ་པ་ར་ཙི་ཏ་ཡ། མ་ར་ས་སྲ་མ་རྟ་ན་ཡ། ཆེ་གེ་མོའི་ཡན་ལག་དོན་སྙིང་བཱ་ར་ཡ་ཧུ༷་ཕཊ། ཁྲག་དང་ཉུངས་ཀར་ཚ་དང་ནི། །རྡོ་ནག་ལ་སོགས་ཐུན་རྫས་རྣམས། །སྤྱི་དང་བྱེ་བྲག་ཤེས་པར་བྱ། །མཐར་གྱིས་ལས་རྣམས་རྫོགས་པར་བྱ། །ཞེས་གསུངས་སོ། །མེ་ལྕེ་འཕྲེང་བའི་རྒྱུད་ཆེན་པོ་ལས། ཁྱད་པར་གྱི་ལས་ཡོངས་སུ་རྫོགས་པའི་དཀྱིལ་འཁོར་བསྟ་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་ཀརྨ་ཀི་ལ་ཡས། བཅོམ་ལྡན་འདས་མངའ་བདག་ཡོངས་སུ་རྫོགས་པའི་རྒྱལ་པོ་ལ་འདི་སྐད་ཅེས་གསོལ་ཏོ། །གང་ཟག་དང་པོའི་ས་བ་ཡིས། །ལས་ཀྱི་བྱ་བ་རྫོགས་བྱེད་ན། །སྦྱིན་སྲེག་རིམ་པ་མི་འཚལ་ལམ། །གྲངས་ཀྱི་རིམ་པ་དུ་ཞིག་མཆིས། །འདི་སྐད་ཅེས་ནི་གསོལ་པ་དང་། །གསང་མཆོག་བདག་པོས་བཀའ་སྩལ་པ། །འདི་ནི་རྗེས་སུ་བསྒྲུབ་པ་ཡི། །སྣོད་དང་ལྡན་པའི་གང་ཟག་ལ། །འཕྲིན་ལས་ཡོངས་སུ་རྫོགས་པ་ཡི། །སྦྱིན་སྲེག་རིམ་པ་ངས་བསྟན་གྱིས། །ལས་ཀྱི་སེམས་དཔའ་དེ་ཡང་ཉོན། །ལས་ཀྱི་སྔོན་དུ་འགྲོ་བ་དང་། །འཕྲིན་ལས་ཡོངས་སུ་རྫོགས་པ་དང་། །ལས་རྣམས་མཐའ་རུ་འདོན་པའི་ཕྱིར། །དེ་ཕྱིར་ལས་འདི་མཆོག་ཏུ་བསྔགས། །དེ་ཡི་རིམ་པ་རྣམ་གཉིས་ཏེ། །སྤྱི་དང་བྱེ་བྲག་དག་ཏུ་དབྱེ། །དེའང་རྣམ་པ་གཉིས་ཡིན་ཏེ། །རྩ་བ་དང་ནི་ཡན་ལག་གོ །དང་པོ་སྤྱི་ཡི་རིམ་པ་བཞི། །ཞི་དང་རྒྱས་དང་དབང་གི་ལས། །མངོན་སྒྲོད་དྲག་པོའི་རིམ་པའོ རང་རང་མཚན་ཉིད་འདིར་གསུངས་པ། །ཞི་བར་གྱུར་པའི་ཐབ་ཁུང་ནི། །ཟླུམ་པོ་གྲུ་གང་ཚད་དུ་བྱ། །ཁྱེད་ནི་ཐུར་དུ་བྲུ་བ་ཡིན། །ཁ་ཁྱེར་ལ་ནི་སོར་བཞི་ཚད། །དང་པོ་རྡོ་རྗེ་ར་བ་སྟེ། །ཕྱི་རིམ་དག་ལ་འཁོར་འོའོ། །རྡོ་རྗེ་རིན་ཆེན་པདྨ་དང་། །རལ་གྲི་ལ་སོགས་རིམ་པ་བཞིན། །རིམ་པ་རིམ་པར་དབུས་སུ་དགོད། །དཀར་དང་སེར་དང་དམར་དང་ནག །ཁ་དོག་རིམ་བཞིན་ཤེས་པར་བྱ། །ཡབ་ཤིང་རོན་པའམ་འདབ་མ་ཅན། །རྩེ་མོ་ལས་བྱུང་ཆག་གང་བ། །ཆུ་རུ་མཛུབ་གང་ཡོད་པ་ལ། །ཙན་དང་འོ་མ་སྦྲང་རྩི་དང་། །དྲི་ཞིམ་ཆུ་གཙང་ཞི་ལའོ། །བུད་ཤིང་དཀར་པོ་དྲི་ཞིམ་པ། །ཇི་ལྟར་འཚམ་པའི་རིམ་པའོ། །སྔ་དྲོལ་སོགས་དུས་བཞི་སྲ །ཕྱོགས་བཞི་དག་ཏུ་ཁ་བལྟས་ལ། །མཆོད་པའི་རྫས་རྣམས་ཐམས་ཅད་གཡོན། །དེ་བཞིན་བསྲེག་རྫས་གཡས་སུ་ཤིས། །ཞི་བ་དམར་ལ་རྒྱས་བཞོ། །དབང་ལ་ཨུཏུལ་ལས་དྲང་ཤིང་། །དྲག་པོ་ཚེར་མ་ཅན་གྱི་ཤིང་། །རེ་རེ་སྣ་གྲངས་དབུལ་བར་བྱ། །སྤོས་ཀྱི་རྣམ་པ་མང་པོ་དང་། །ཙན་དན་དམར་པོའི་འོ་མར་བཅས། །སྦྲང་རྩི་མངར་དང་ལྡན་པའམ། །དངུལ་ཕྱེ་འབྲས་ཆན་དཀར་པོ་རྣམས། །ཞི་བར་གྱུར་པའི་གཏོར་མ་སྟེ། །ལས་ཀྱི་དུས་སུ་སྦྱར་བར་བྱ། །དེ་བཞིན་གཏོར་མ་མང་པོ་རྣམས། །ལས་མཁན་ཕྱོགས་སྐྱོང་ལ་ཡང་སྤྱིན། །རྡོ་རྗེ་སློབ་དཔོན་བདག་ཉིད་ཀྱིས། །སྔ་མའི་ལས་རྣམས་ཡོངས་རྫོགས་ནས། །བགེགས་བསྐྲད་བསང་ཞིང་འོད་ཟེར་སྤྲོ། །དངུལ་ལ་སོགས་པའི་སྣོད་ནང་དུ། །དགོན་པའི་གནས་ནས་མེ་བླངས་ལ། །བསང་ཤིང་ཡ༷་དང་ཛ་ལ་ར༷། །བརྗོད་དེ་བུད་ཤིང་དག་ལའོ། །ཀུ་ཤས་སྟན་བྱད་ལྷོར་བསྟན་ན། །རིམ་པ་གཉིས་ལས་བསྒྱུར་བར་བྱ། །དྲག་པོ་ལས་ནི་ཕྱིར་བསྟན་ནོ། །དགང་བླུགས་གཉིས་དང་ལྡན་བྱས་ལ། །པེ་ལས་སྣ་ཚོགས་འདབ་བརྒྱད་དབུས། །རྣམ་པར་རྒྱལ་བའམ་གཙོ་བོའི་སྐུ། །ཆོ་ག་གསུམ་ལས་ལྷར་བསྐྱེད་དེ། །མཆོད་བསྟོད་འོད་དུ་ཞུ་བ་ལས། །ཡི་གེ་གཉིས་ལས་གུ་དྷི་དང་། །ལྕགས་ཀྱུར་གྱུར་ཏེ་འོད་དུ་ཐིམ། །ཡབ་ཡུམ་གཉིས་སུ་ཡོངས་གྱུར་ནས། །ཞལ་གསུམ་ཕྱག་དྲུག་ལྡིར་བའི་གཟུགས། །དང་པོ་གཉིས་ནི་རིགས་མ་འཁྱུད། །བར་མ་གུ་དྷི་ཟེའུ་འབྲུ་ལ། །ཐ་མ་མཆོད་སྦྱིན་བགྲང་འཕྲེང་འཛིན། །རལ་པའི་ཐོར་ཚུགས་དག་དང་ལྡན། །ཡུམ་ཡང་ཞལ་གཅིག་ཕྱག་གཉིས་པ། །དྲིལ་བུ་ལྕགས་ཀྱུ་བསྣམས་ནས་འཁྱུད། །སྐུ་མདོག་ལས་དང་སྦྱར་བྱ་ཞིང་། །ཐུགས་ཁར་ཧུ༷་དང་ཛ་བསམས་ལ། །བསྐྲད་ཅིང་བསང་དང་མཆོད་བསྟོད་བྱ། །དེ་ནས་ཡེ་ཤེས་སེམས་དཔའ་དགུག །ལས་བཞི་ཡོངས་སུ་རྫོགས་པར་བྱ། །རང་གི་སྔགས་ལ་མཐའ་བཏགས་ལ། །ལྔ་གཉིས་གསུམ་དང་གཅིག་པོ་ཡིས། །ཕྱི་ནང་གསང་བའི་རྫས་རྣམས་དབུལ། །ཉི་ཤུ་རྩ་གཅིག་བརྒྱ་དང་སྟོང་། །རབ་འབྲིང་ཐ་མའི་རིམ་པ་ཡིས། །ཡེ་ཤེས་དཀྱིལ་འཁོར་མུ་ཡིས་གཤེགས། །ཐིམ་ནས་བསྟོད་དང་གཤེགས་སུ་གསོལ། །དེ་ནས་རྩ་བའི་རིམ་པ་ཉིད། །ལས་གཉིས་བྱས་ཏེ་གཞུང་ལ་འཇུག །རྡོ་རྗེ་ཆོ་ག་གསུམ་གྱིས་བསྐྱེད། །སྤྱན་དྲངས་མཆོད་དང་བསྟོད་པ་རྣམས། །ལས་གཉིས་གོང་བཞིན་རྫོགས་བྱས་ནས། །ཡེ་ཤེས་དཀྱིལ་འཁོར་མུ་ཡིས་གཤེགས། །འཁོར་གྱི་ལྷ་ཚོགས་མཆོད་པའམ། །འཁོར་གསུམ་ཡོངས་སུ་དག་པར་བྱ། །མཐའ་ཡི་ལས་ལ་འབད་བྱ་ཞིང་། །ལས་ལ་འབྲས་བུ་ཡོད་ཅེས་བྱ། །ཀུན་ཀྱང་དེ་བཞིན་ཤེས་པར་གྱིས། །ཞེས་བྱ་བ་འདི་ནི་ཞི་བའི་ལས་ཡོངས་སུ་རྫོགས་པའོ། །དེ་ནས་ཡང་རྒྱས་པའི་ལས་ཡོངས་སུ་སྡུས་པ་འདི་གསུངས་སོ། །རྒྱས་པར་གྱུར་པའི་ཐབ་ཁུང་ནི། །གྲུ་གསུམ་པལགྲུབཞིནབྱ། །དབུསསུ་ཁྲུ་དོ་སོར་བཞི་འགྱེད། །ཁ་ཁྱེར་སོར་བཞི་མཉམ་པོར་བྱའོ། །ཕྱི་རོལ་སོར་བཞི་བོར་བ་ལ། །འཁོར་ལོ་དག་གི་འཕྲེང་བ་བྱ། །དང་པོ་རྡོ་རྗེར་བས་བསྐོར། །ཡ༷་ཤིང་སྲིད་དུ་ཁྲུ་གང་ལ། །སྡོམ་ནི་གོང་དང་མཐུན་པ་ལ། །དབུས་ཀྱི་ཆ་ལས་བྱུང་བའི་ཤིང་། །ཞོ་མར་ལྡོང་རོས་ལ་སོགས་སྤངས། །རྒྱས་པར་གྱུར་པའི་ལས་ལ་ཤིས། །བུད་ཤིང་སེར་པོ་ལས་བྱས་པའི། །ཇི་ལྟར་འཚམ་པའི་ཚད་དུ་བྱ། །ཁ་བའི་རོ་ལྡན་སེར་པོའི་རྫས། །གསེར་ཕྱེ་འབྲུ་རྣམས་སེར་པོ་ལ། །གཏོར་མ་བྱས་ཏེ་རྒྱས་པར་དབུལ། །འབྲས་ཆེན་སེར་པོ་རབ་བསྒྱུར་ལ། །ལས་མཁན་བྱིན་ལ་འཕྲིན་ལས་བཅོལ། །ལས་རྣམས་གོང་བཞིན་རྫོགས་བྱས་ལ། །གཤིན་རྗེ་གཤེད་དུ་རབ་བསྒོམས་ཏེ། །རྒྱས་པའི་ལྷ་ཚོགས་་སྤྱན་དྲངས་ལ། །དང་བའི་སེམས་ཀྱིས་མཆོད་སྤྱིན་བྱ། །ཞེས་བྱ་བ་འདི་ནི་རྒྱས་པའི་ལས་བསྡུས་པའོ། །དེ་ནས་ཡང་དབང་གི་ལས་བསྡུ་བ་འདི་གསུངས་སོ། །དབང་དུ་བྱ་བའི་ཐབ་ཁུང་ནི། །རྒྱ་ལ་སོར་ནི་བཅུ་བཞི་སྟེ། །ཁ་ཁྱེར་དེ་ཡི་ཕྱེད་ཀྱི་ཚད། །ཟླ་གམ་དབྱིབས་ལ་སོར་བཅུ་བརྐོ། །ཁ་ཁྱེར་དག་ལ་ལྕགས་ཀྱུ་བཏང་། །དེ་ཡི་ཕྱི་མ་ཞགས་པའོ། །ཡམ་ཤིང་སོར་ལྔ་འདབ་མར་བཅས། །སྦོམས་སུ་ཆགས་གང་ཡོད་པ་ལ། །བདུད་རྩི་དག་ལ་སྦངས་ཏེ་དབུལ། །བུད་ཤིང་ཁ་དོག་དམར་པོ་ལས། །ཇི་ལྟར་འཚམས་པའི་ཐབས་སུ་བྱས། །སྒྱུར་ཞིང་མངར་བའི་རྫས་རྣམས་དང་། །ཟངས་པྱེ་འབྲུ་རྣམས་དམར་པོ་ལ། །གཏོར་མ་བྱས་ཏེ་དབང་ལ་དབུལ། །རྡོ་རྗེ་ལྟ་ནི་རྣམ་བསྒོམས་ཏེ། །དབང་གི་ལྷ་ཚོགས་སྤྱན་དྲངས་ལ། །མཆོད་དེ་དབང་དུ་གྱུར་བར་བྱ། །ཞེས་བྱ་བ་འདི་ནི་དབང་གི་ལས་བསྡུས་པའོ། །དེ་ནས་ཡང་དྲག་པོའི་ལས་ཡོངས་སུ་བསྡུ་བ་འདི་གསུངས་སོ། །ཁྲོས་པར་གྱུར་པའི་དཀྱིལ་འཁོར་ནི། །མཐིང་ནག་གྲུ་གསུམ་འབར་བ་ལ ངོས་རེརེ་སོར་ནི་ཉི་ཤུ་བྱ། །ཁ་ཁྱེར་སོར་གསུམ་ཕྱིར་བཀྱེད་ལ། །ཞེང་དང་དཔངས་ནི་མཉམ་པོར་བྱེད། །དེ་ཡི་ཕྱིར་རིམ་སོ་གསུམ་དང་། །ཐོད་པ་རྡོ་རྗེ་རྩེ་གསུམ་དང་། །མདའ་གཞུ་མདུང་རྩེ་གསུམ་པ་སྤེལ། །དེ་ཡི་ཕྱི་རིམ་རྩང་གིས་བསྐོར། །ལྕགས་ཐག་དག་གིས་རབ་བསྐོར་ལ། །རལ་གྲིའམ་རྒྱ་གྲམ་མཚན་མ་དགོད། །ཡམ་ཤིང་སོར་བཞི་གོང་གི་ཕྱེད། །རྩེ་མོ་ལས་བྱུང་གདུག་པའི་ཤིང་། །དུར་ཁྲོད་སོལ་བ་མིང་རུས་དང་། །ལན་ཚྭ་དང་ནི་ཚ་བའི་ཟས། །ཐབས་ཆེན་རྣམ་པར་སྤངས་བྱས་ལ། །མངོན་སྤྱོད་ལས་ལ་དབུལ་བར་བྱ། །བུད་ཤིང་ཚེ་མ་ཅན་གྱི་ཤིང་། །ནག་པོའམ་གདུག་པའི་ཤིང་ལ་བྱ། །ནག་པོ་ཚ་ཞིང་རྩུབ་པ་ལ། །ལྕགས་ཕྱེ་འབྲུ་ནག་ཤ་ཁྲག་ལས། །སྦྱར་བའོ་གཏོར་མ་དྲག་ཤུལ་སྤྱད། །དུག་རྫས་ལ་སོགས་གཡས་སུ་དགོད། །གཡོན་དུ་མེ་ཏོག་ནག་པོ་གཞག །ཞེ་སྡང་ལས་ཀྱིས་འཆེལ་བ་རྣམས། །བསད་པའི་ལས་ནི་རྫོགས་བྱས་ནས། །བདག་ཉིད་བདུད་རྩི་འཁྱིལ་པར་བསྒོམ། །དྲག་པོ་གྱུར་པའི་ལྷ་རྣམས་ལ། །ཞེ་སྡང་ཆེན་པོའི་སྦྱིན་སྲེག་གིས། །ཐམས་ཅད་མི་དམིགས་གྱུར་པར་བརྟག །ཅེས་བྱ་བ་འདི་ནི་དྲག་པོའི་ལས་བསྡུད་པའོ། །དེ་ནས་ཡང་ལྷུན་གྱིས་གྲུབ་པའི་ལས་ཡོངས་སུ་རྫོགས་པ་འདི་གསུངས་སོ། །འཇིག་རྟེན་ཁམས་ནི་རབ་འབྱམས་ན། །དྲེགས་པར་བྱེད་པའི་སེམས་ཅན་རྣམས། །སྣ་ཚོགས་ལས་ཀྱིས་ཞི་བར་བྱ། །བཀྲ་ཤིས་ཞི་བའི་གནས་དག་ཏུ། །བཀྲ་ཤིས་མཚན་ལྡན་ཡུམ་མཆོག་བཟུང་། །དཀར་ལ་ཟླུམ་པའི་དཀྱིལ་འཁོར་ལ། །རྡོ་རྗེ་འོད་ཟེར་འཕྲོ་བས་བརྒྱན། །དངུལ་ལམ་དཀར་པོའི་ཤིང་རྣམས་ལ། །ཕུར་པ་ཟླུམ་པོ་དྲུག་བཏབ་སྟེ། །ཞི་བའི་ལྷ་ཚོགས་སྤྱན་དྲངས་ལ། །སྙིང་རྗེ་བྱམས་པའི་མཆོད་སྦྱིན་བྱ། །བ༷་གྱི་ཚོགས་ཀྱི་དཀྱིལ་འཁོར་དུ། །གཏི་མུག་ལས་ཀྱིས་འཆེལ་བ་རྣམས། །ཞི་བར་གྱུར་པའི་དབྱིངས་སུ་རོལ། །འཇིག་རྟེན ཁམས་ནི་རབ་འབྱམས་ན། །འཕོངས་པར་གྱུར་པའི་འགྲོ་གང་ལ། །སྣ་ཚོགས་ལས་ཀྱི་སེམས་པར་བྱ། །ཙན་དན་ནགས་ཚལ་ལ་སོགས་པར། །རྒྱས་པར་གྱུར་པའི་ཡུམ་བཟུང་སྟེ། །སེར་པོ་གྲུ་བཞི་དཀྱིལ་འཁོར་ལ། །དྲི་ཆེན་ཆུ་སྐྱེན་དག་གིས་བརྒྱན། །གསེར་རམ་སེར་པོའི་ཤིང་རྣམས་ལ། །ཕུར་པ་ཟུར་བཞི་བཞི་བཏབ་སྟེ། །རྒྱས་པའི་ལྷ་ཚོགས་སྤྱན་ཡང་དྲང་། །དང་པའི་སེམས་ཀྱིས་མཆོད་སྦྱིན་བྱ། །མ་ཡི་ཚོགས་ཀྱི་དཀྱིལ་འཁོར་དུ། །ང་རྒྱལ་ལས་ཀྱིས་འཆེལ་བ་རྣམས། །རྒྱས་པར་གྱུར་པའི་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། །ཆགས་པར་གྱུར་པའི་སེམས་ཅན་རྣམས། །དབང་དུ་བྱ་བ་སྦྱང་བར་གསུངས། །ཟླ་མཚན་ཅན་ནམ་ཆུ་གླིང་དུ། །དབང་དུ་བྱ་བའི་གཟུངས་མ་བཙལ། །ཟླ་གམ་དམར་པོའི་དཀྱིལ་འཁོར་ལ། །འོད་ཟེར་འཕྲོ་བའི་རྒྱན་གྱིས་བརྒྱན། །ཟངས་སམ་དམར་པོའི་ཤིང་རྣམས་ལ། །ཕུར་པ་ཟླ་གམ་ལྔ་བྱས་ཏེ། །དམར་སྨུག་འཕྲོ་བའི་ལྷ་ཚོགས་རྣམས། །རྡོ་རྗེ་སྒྱུགས་པས་སྤྱན་དྲངས་ཏེ། །དགའ་ཆགས་ཡིད་ཀྱིས་མཆོད་སྤྱིན་བྱ། །ཡ་ཡི་ཚོགས་ཀྱི་དཀྱིལ་འཁོར་དུ། །འདོད་ཆགས་ལས་ཀྱིས་འཆེལ་བ་རྣམས། །དབང་དུ་བསྡུས་པས་དབྱིངས་སུ་རོལ། །འཇིག་རྟེན་ཁམས་ནི་རབ་འབྱམས་ན། ཤེན་ཏུ་གདུག་པའི་སེམས་ཅན་ལ། །དྲག་ཤུལ་སྤྱོད་པས་སྦྱར་བྱས་ཏེ། །རྐང་གཅིག་ཅན་ནམ་དུར་ཁྲོད་དུ། །རིགས་ངན་སྨེ་ཤ་ཅན་ལ་སོགས། །མེ་རེག་མ་ཡི་གཟུགས་མ་གཟུང་། །ནག་པོ་གྲུ་གསུམ་དཀྱིལ་འཁོར་ལ། །རྩང་ཐོད་མང་པོས་ཁ་ལ་བརྒྱན། །ལྕགས་སམ་ནག་པོའི་ཤིང་རྣམས་ལ། །རྩེ་མོ་ཟུར་གསུམ་གསུམ་བཏབ་སྟེ། །མཐིང་ནག་ཞབྲུགས་པའི་ལྷ་ཚོགས་རྣམས། །དྲེགས་པ་འདུལ་ཕྱིར་སྤྱན་དྲངས་ཏེ། །བཏང་སྙོམས་ཁྲོས་པའི་སྤྱིན་སྲེག་བྱ། །ཨེ་ཡི་ཚོགས་ཀྱི་དཀྱིལ་འཁོར་དུ། །ཞེ་སྡང་ལས་ཀྱིས་འཆེལ་བ་རྣམས། །བརླག་པར་གྱུར་པས་དབྱིངས་སུ་རོལ། །ཞེས་གསུངས་སོ། །དེ་ནས་ཡང་རྩ་བ་ལས་ཀྱིས་བསྲེགས་པ་འདི་གསུངས་སོ། །རྣམ་བཞི་ལས་རྣམས་ཡོངས་རྫོགས་ནས། །ལས་ཀྱི་ཐ་མ་ཆ་གཅིག་ཙམ། །རྫོགས་པར་བྱ་ཕྱིར་ཡང་གསུངས་པ། །གསོད་པ་དྲག་པོའི་དཀྱིལ་འཁོར་དུ། །གདུག་པ་ཅན་གྱི་ཤིང་བུ་ལ། །ཚིལ་ཆེན་དག་དང་ལྡན་བྱས་ནས། །ལུས་ནག་ཁྲོས་པའི་ལྷོར་བལྟས་ཏེ། །སྐྲ་ཡང་སྤྱི་བོར་བཅིངས་བྱས་ཏེ། །ལུས་ལ་མཚན་མ་རྣམ་གསུམ་གདབ། །ང་རོ་དྲག་ཏུ་བཏོན་ནས་ནི། །བཀའ་དང་བདེན་པས་ལེགས་བསྒོམ་ལ། །མེ་ཡིས་ལས་གཞུད་བསྙག་པའམ། །ཡང་ན་བསྡུས་ཏེ་རྩ་བའི་ལྷ། །སྤར་དང་བསྐྱེད་པ་བྱས་ནས་ནི། །ཡེ་ཤེས་དགུག་སྟེ་དེ་ལ་བསྟིམ། །ལས་ཀྱི་མཐའ་འམ་རྫོགས་པ་སྲ །གདབ་དང་གཏུབ་པའི་ལས་བྱས་ལ། །བརྡུང་དང་སྟབས་ཏེ་དབྱིངས་ལ་རོལ། །སྔགས་ཀྱི་མཐའ་དང་བཅས་པ་ཡིས། །མངོན་པར་དབང་པོ་བལྟར་ཡི་པས། །རིལ་བུ་བསྡུས་ཏེ་ཞལ་དུ་དབུལ། །རང་བྱུང་འབར་བའི་མེ་ཆེན་གྱིས། །བཞུ་ནས་བདུད་རྩིར་གྱུར་པ་ཡིས། །འཁོར་ལོའི་ལྷ་ལ་མཆོད་པ་འབུལ། །རྒྱལ་བ་ཐམས་ཅད་མཉེས་མཆོད་འབུལ། །ཚོགས་ཆེན་གཉིས་ཀྱང་རྫོགས་པར་རོལ། །དེ་ནས་འཁོར་གྱི་ལས་མཁན་ལ། །གོང་མ་བཞིན་དུ་མཆོད་པར་འབུལ། །གཤེགས་ནས་བསྡུ་དང་དབྱིངས་སུ་རོལ། །ལས་ཀྱི་མཐའ་དང་ལྡན་པར་བྱ། །ཞེས་གསུངས་སོ། །དེ་ནས་ཡང་ཡན་ལག་གི་འཁོར་དུ་བསྲེགསཔ་ཕྱི་གསུངས་ཏེ། །རྣམ་པར་རྒྱལ་བའི་དཀྱིལ་འཁོར་དུ། །དུག་ཤིངད་གདུག་པའི་ཤིང་བུ་ལ། །དེ་ལ་མེ་འཁོར་སྦར་བསྲེགས་པ་ནི། །ཞི་ལྤགས་དག་གི་གདན་ལ་འཇུག །ཁྲོས་པའི་སེམས་དང་བཅས་པ་ཡིས། །གོང་མ་ཉིད་ལ་གཟུགས་བྲིས་ལ། །ལས་རྣམས་རྫོགས་ནས་མེར་བསྲེགས་ན། །སངས་རྒྱས་ཉིད་ཀྱང་གདན་ལ་འགྲེ །གཤིན་རྗེ་གཤེད་པོའི་དཀྱིལ་འཁོར་དུ། །ཞེ་སྡང་གཏིང་ནས་རབ་བསྐྱེད་ལ། །གཟུགས་བརྙན་གོང་དང་མཐུན་པར་བྱ། །ཁྲག་དུག་བསྲེས་ལ་མཚན་མ་བྲི། །དྲག་པོའི་ལས་རྣམས་བྱས་ན་ནི། །གདུག་པའི་ཤིང་ལ་མེ་སྤར་ལ། །རབ་ཏུ་ཕུང་པའི་གནས་སུ་བསྲེགས། །སྐད་ཅིག་ཉིད་ལ་བརླགས་པར་འགྱུར། །རྟ་མགྲིན་རྒྱལ་པོའི་དཀྱིལ་འཁོར་དུ། །མཐིང་ནག་གྲུ་གསུམ་ནག་པོ་བྱ། །ཁྲོས་པས་ཤིན་ཏུ་ནན་ཏན་བསྐྱེད། །ཁྲོས་པས་ལྷོར་བསྟན་སྐྲ་ཡང་བརྫེས། །ལུས་ནག་ཐལ་བའི་མཚན་མས་བྱུག །ཉི་ཤུ་རྩ་གཅིག་ལྷ་ཚོགས་རྣམས། །རིམ་པ་གཉིས་སུ་གསལ་བྱས་ཏེ། །སོ་སོའི་གྲངས་དང་མཐུན་པ་ཡིས། །དུས་ཚོད་མ་ནོར་ཤེས་བྱས་ཏེ། །བསྲེགས་ན་ཚངས་པའི་ཚེ་ཡང་འཆི། །བདུད་རྩ་འཁྱིལ་པའི་དཀྱིལ་འཁོར་དུ། །དུར་ཁྲོད་རས་དང་མི་ཁྲག་དང་། །གུ་གུལ་ལ་སོགས་རྫས་རྣམས་ལ། །མིང་རུས་བཅས་པར་གཟུགས་བྱས་ལ། །ལས་རྣམས་ཡོངས་སུ་རྫོགས་ནས་ནི། །གཏུམ་པོའི་མེ་ལ་བསྲེགས་པ་ན། །ལྷ་ཡང་བརླག་པར་ཐེ་ཚོམ་མེད། །དབྱུག་པ་སྔོན་པོའི་དཀྱིལ་འཁོར་ནི། །མཐིང་ནག་རབ་ཏུ་འབར་བ་ལ། །རང་བྱུང་མེ་རེག་ཐང་ཆུས་བྱུག །གདུག་པ་གའུ་ཁ་སྦྱོར་དུ། ཁེང་ཤུན་གཟུགས་བྱས་དེར་བཅུག་ལ། །བཟླས་པའི་གྲངས་རྣམས་ཚང་གྱུར་ན། །ལས་རྫོགས་ལས་ཆེན་རྒྱ་གྲམ་དུ། །བསེ་ཡི་མེ་ལ་གཏུམས་བསྲེགས་ན། །སྐད་ཅིག་ཡུད་ལ་ཐེ་ཚོམ་མེད། །མི་གཡོ་མགོན་པོའི་དཀྱིལ་འཁོར་ནི། །གླིང་བཞི་དཀྱིལ་འཁོར་འབར་བ་ལ། །དམིགས་པའི་རྫས་དང་མི་རྟག། །རྟག་ནག་བདུད་རྩིས་རབ་སྤྲུས་ལ། ཁེན་ཏུ་དོད་ལ་རྫོགས་པར་བྱ། །ས་བདག་མེད་པའི་ས་ཕྱོགས་སུ། །འོ་མ་ཅན་གྱི་ཤིང་བུ་ལ། །བསྲེགས་ན་འགྲུབ་པར་ཐེ་ཚོམ་མེད། །དཔལ་ལྡན་རྒྱལ་བའི་དཀྱིལ་འཁོར་དུ། རྟ་ནག་ཁྲག་དང་དུག་ཏུ་སྦྱར། ཁེང་ཤུན་གཟུགས་བྲི་དུད་པས་བདུག །སྔོ་དམར་བྱད་དུ་བཅུག་ནས་ནི། །དུམ་བུ་གསུམ་ཏུ་རབ་གཏུབས་ཏེ། ཁེན་ཏུ་དྲི་ངའི་མེ་སྤར་ཏེ། །གཅིག་ནི་ཁྲག་འཐུང་འཁོར་བཅས་ལ། །གཅིག་ནི་འཕྲ་མེན་རྣམས་ལ་དབུལ། །གཅིག་ནི་དམ་ཅན་རྣམས་ལ་དབུལ། །འདིས་ནི་གདུག་པའི་སེམས་ཅན་རྣམས། །སྐད་ཅིག་ཡུད་ཀྱིས་བརླག་པར་འགྱུར། །ཁམས་གསུམ་རྣམ་རྒྱལ་དཀྱིལ་འཁོར་དུ། །གསོད་པའི་དབྱིབས་ལ་རྒྱ་སོལ་བྱུག །དྲི་མ་དྲུག་ལ་གཟུགས་བྱས་ཏེ། །དུར་ཁྲོད་རས་ལ་མིང་རུས་བྲི། །གང་ཡིན་རང་གི་གནས་སུ་སྦ། །མེ་རེག་གཏུན་དུ་གཟུགས་བཞག་སྟེ། །མཚན་མ་མཐོང་ནས་ལས་རྣམས་བྱ། །སྙིགས་མར་བཅས་པའི་སྦྱིན་སྲེག་གིས། །སངས་རྒྱས་ཉིད་ཀྱང་་གདན་ལས་འགྲེ །ཧུ༷་ཆེན་འབར་བའི་དཀྱིལ་འཁོར་དུ། །དུག་གི་ཆུ་ཡིས་ཆག་ཆག་གདབ། །དུར་ཁྲོད་མེ་རེག་རས་མ་ལ། །གཟུགས་བྱས་ལས་རྣམས་རྫོགས་པར་བྱ། །ལས་སུ་རུང་བའི་རྟགས་མཐོང་ནས། །དུར་ཁྲོད་གནས་སུ་དེར་སོང་ནས། །དུག་ཤིང་དག་ལ་མེ་སྤར་ཏེ། །བསྲེགས་ན་སྐད་ཅིག་གཅིག་ལ་འགྲུབ། །སྟོབས་པོ་ཆེ་ཡི་དཀྱིལ་འཁོར་དུ། །གོང་གི་རྫས་ལ་གཟུགས་བྱས་ཏེ། །དུག་དང་སྨེ་ཁྲག་རྣམས་ཀྱིས་བྱུག །ཐུན་མཚམས་བཞིར་ནི་སྔགས་བཟླས་ཏེ། །ལས་ཀྱི་སྐབས་ལ་བབ་པ་དང་། །དུར་ཁྲོད་ཤིང་བུའི་མེ་བུས་ཏེ། །གོང་གི་རྫས་ལ་བསྒྲེས་ཏེ་བསྲེགས་ཁམས། །གསུམ་གནས་པའི་སྐྱེ་བོའི་ཚོགས། །ཐང་ཅིག་ཡུད་ལ་འཆི་བར་འགྱུར། །འདི་རྣམས་རང་རེས་ལས་ཀྱིས་སམ། །འདི་སྡོམ་རྩ་བ་བསྒྱུར་བར་བྱ། །ཞེས་གསུངས་སོ། །དེ་ནས་ཡང་རང་རང་གི་ཁྱད་པར་གྱིས་བསྲེགས་པ་འདི་གསུངས་སོ། །བདག་ཉིད་ཆེན་པོའི་དཀྱིལ་འཁོར་དུ། །མཐིང་ནག་རབ་ཏུ་འབར་བ་ལ། །མེ་རེག་དག་ལ་ལྡན་པར་བྱ། །བདུད་རྩི་ལྔ་ཡིས་འཐས་པར་བྱ། །དུར་ཁྲོད་གདན་ལ་འདུག་ནས་ནི། །དྲི་ཆེན་དག་གིས་ལུས་ལ་བྱུག །གདོང་ལ་ཐིག་ལེ་རྣམ་གསུམ་གདབ། །བཟླས་པ་བྱ་ཞིང་ཐུན་རྣམས་བརྡེག །མཚན་མ་དུམ་བུར་ག་ས་ནས་ནི། །མི་ཤིས་ཤིང་ལ་མེ་སྤར་ཏེ། །བུམ་བུ་རེ་དང་ཀླད་པ་དང་། །ཙིསྟ་མི་དབང་ཤ་ཕྱེ་དང་། །གྲིར་བས་ད་ཤ་ཁྲག་བྱང་ཆུབ་སེམས། །མཆོད་པ་གསུམ་དང་སྦྱར་ཏེ་བསྲེགས། །འདི་བྱས་ལས་ལ་ཐོགས་པ་མེད། །དབང་པོ་བརྒྱ་བྱིན་ཤི་བར་བསྟན། ་༑་ན་མུ་ཁའི་དཀྱིལ་འཁོར་དུ། །དམིགས་པར་བྱ་བའི་དངོས་པོ་སྟེ། །སྤྲ་ཚིལ་དག་ལ་གཟུགས་བྱས་ལ། །མཚན་མ་མིང་དུ་བཅས་བར་བྱ། །བསྒྲུབ་པ་རྫོགས་ནས་ལས་འདི་བརྩམ། །དུག་ཤིང་གདུག་པའི་མེ་བུས་ཏེ། །གོང་མ་དག་དང་བསྲེ་བའི་རྫས། །ཙ་ར་རྟ་དང་བྱི་བ་དང་། །ཆུ་བྱའི་སྙིང་དང་གཏོར་མར་སྦྱར། །གྲངས་འབུམ་བསྲེགས་ན་ལྷ་ཡང་འཆི། །ས་བདག་ཆེན་མོའི་དཀྱིལ་འཁོར་དུ། །དུར་ཁྲོད་དག་གི་རས་མ་ལ། །དམིགས་པའི་གཟུགས་བྱ་གོང་མ་བཞིན། །བཟླས་བརྗོད་ཡོངས་སུ་རྫོགས་པ་དང་། །གདུག་པའི་ཤིང་ངམ་སེང་ལྡེང་ལ། །དུག་དང་མཚལ་གྱིས་བྱུག་བྱས་ཏེ། །ནམ་གྱི་གུང་ངམ་ཉིན་གུང་ལ། །རང་རང་གྲངས་དང་མཐུན་པར་བསྲེག །འདི་ཡིས་བསམ་པ་མྱུར་འགྲུབ་ཅིང་། །གདུག་ཅན་བརླག་པར་ཐེ་ཚོམ་མེད། །བསྒྲུབ་པ་གང་དང་གང་ལ་ཡང་། །མཐར་གྱིས་ལས་ལ་ནན་ཏན་བསྐྱེད། །གཅིག་གམ་ཡང་ན་གསུམ་རྫོགས་བྱ། །ཐུན་མོང་སྤྱི་དང་ཁྱད་པར་རོ། །ཕྱི་ནང་གསང་བའི་རིམ་པ་ཡིས། །ལས་ཀུན་ཡོངས་སུ་རྫོགས་པ་ཡིན། །འདི་ནི་ཐབས་ཀྱི་རྒྱལ་པོ་སྟེ། །ཀུན་གྱིས་ཤེས་པར་ག་ལ་རུང་། །བླ་མ་གཉེས་ན་བདུད་རྩི་ལོང་། །དེ་ཡིས་ལས་མཐར་ཕྱིན་པར་འགྱུར། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ཕྱི་ནང་གསང་བའི་སྒྱིན་སྲེག་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་ཀརྨ་ཀི་ལ་ཡས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཨེམ་རྨད་བྱུང་འདྲེན་པའི་སྐུ། །ཡོན་ཏན་རྒྱ་མཛོ་མངའ་བའི་ལྷ། །དོན་ཆེ་དམ་པའི་འབྱུང་གནས་གཙོ། །ཐམས་ཅད་མཆོག་གི་བདག་ཉིད་པས། །ལས་རྣམས་ཡོན་ཏན་མཐར་ཕྱུང་ན། །སྣོད་དང་མི་ལྡན་བསྒྲལ་བ་ལ། །ཟོར་དང་ཐུན་རྣམས་མི་འཚལ་ལམ། །འདི་ཡི་རིམ་པ་ཇི་ལྟར་ལགས། །ཞེས་གསོལ་པ་དང་། །བཅོམ་ལྡན་འདས་གསང་བ་མཆོག་གི་བདག་པོས་བཀའ་སྩལ་པ། འདི་བསྒྲུབ་པ་ཡི་གང་ཟག་ལ། །སོ་སོའི་དཀྱིལ་འཁོར་མཐར་ཕྱིན་ནས། །ཟོར་ཐུབ་ལས་ལ་སྦྱར་བ་གཅེས། །དེ་ཡི་རིམ་པ་འདི་ལྟ་སྟེ། །དང་པོ་དཀྱིལ་འཁོར་མངོན་བཞེངས་ཏེ། །བསྙེན་བསྒྲུབ་ལས་སུ་རུང་དུས་སུ། །གལ་ཏེ་མཐའ་ལ་མ་ཆུད་ན། །རྟགས་དང་རྨི་ལམ་དག་བསྟུན་ཏེ། །བསྲུང་བའི་ལྷ་ནི་བཅུ་གཉིས་སོ། །དཔྲལ་བར་བྱ་བ་རབ་ཏུ་གཅེས། །དེ་ནི་འདི་ལྟར་ཡུལ་ལྷ་དང་། །ཕོ་ལྷ་དགྲ་ལྷ་མུ་སྟེགས་དང་། །སྲོག་ལྷ་མ་ལྷ་གང་དག་དང་། །མ་མོ་སྨན་མོ་ཡི་དགས་དང་། །བཙན་དང་ཐེ་རང་དག་གིས་འཚོ། །བསྲུང་བྱེད་ལྷ་ནི་བཅུ་གཉིས་ལ། །དབྲལ་བར་བྱ་བའི་དུས་སུ་ནི། །སོ་སོའི་མཚན་ཉིད་ཤེས་པ་གཅེས། །གང་ཡིན་གནས་ནས་སྤྱན་དྲངས་ལ། །རང་རང་མཐུན་པའི་རྫས་བྱིན་ཏེ། །སོ་སོའི་གནས་སུ་བསྐྲད་ལ་གཏད། །དེ་ཡང་བདེན་པས་བསྒོ་ལ་བྱ། །ཡང་ན་དེ་ཉིད་ཉིད་ནི་དབབ། །གལ་ཏེ་དེ་ལྟར་མ་ཡིན་ན། །ཉམས་སམ་རྨི་ལམ་བརྟགས་བསྟུན་ལ། །རྒྱལ་བློན་ལྟ་བུར་དེ་མཐོང་ན། །ཡུལ་ལྷ་དག་གིས་འཚོ་བ་སྟེ། །རྟེན་སྐྱོབ་གཉིས་ལ་བཀུག་པ་ལས། །ཆ་གཉིས་གསལ་བྱས་གུ་གུལ་བསྲེགས། །ཡང་ནི་མེ་རེག་ཤུན་པ་བསྲེག །འཆིའམ་ཡང་ན་འབྲོས་པར་འགྱུར། །ཡུལ་གྱི་སྐྱེས་པ་གཞོན་ནུའམ། །རལ་གྲི་ལྟ་བུར་དེ་མཐོང་ན། །ཕོ་ལྷས་ངེས་པར་བསྲུང་བ་ཡིན། །གོང་བཞིན་བྱས་ལས་ངེས་པར་འགྱུར། །སྐྲ་ཡི་ལ་བ་ཅན་མཐོང་ན། །མུ་སྟེགས་དག་གིས་སྲུན་པ་ཡིན། །རྒྱ་ཚིལ་གུ་གུལ་ཆིལ་ཆེན་བསྲེགས། །དེ་ཡིས་ངེས་པར་འབྲལ་བར་འགྱུར། །གོས་དཀར་གོན་ནས་ཅང་མི་སྨྲ། །སྲོག་ལྷ་འཚོ་བར་ངེས་པར་བྱ། །གང་དུ་སྨོས་པའི་རྫས་རྣམས་དང་། །རྟ་ཡི་དམིགས་པ་བསྲེགས་པས་འབྲེལ། །བུ་མེད་རང་གི་མ་སྲུའམ། ཁྲ་བ་ཡུ་མོ་དག་མཐོང་ན། །མོ་ལྷ་དག་གིས་བསྲུང་བ་སྟེ། །རྭ་ཡི་རྭ་གཞོབ་དྲི་མ་དང་། །ར་སྤུ་ལ་སོགས་བསྲེགས་པས་འབྲེལ། །མོ་གཟུགས་ལྟ་བུ་ཁྲོ་བ་ན། །བན་བོན་དག་གི་སྲུངས་མ་སྟེ། །ལྷ་ཉིད་བདུད་དུ་དབབ་པར་བྱ། །སྐྱེས་པ་མོ་དང་འགྲོགས་མཐོང་ན། །མ་མོའི་གིང་་གིས་འཚོ་བ་ན། ཁྲ་སའི་ལས་ལ་བརྩོན་པར་འགྲུབ། །གྲོགས་མོ་འཛའ་མོ་དག་མཐོང་ན། །སྨན་མོས་འཚོ་བས་སྙིང་ཁྲག་རྡུབ། །ཕྱིན་ཆད་དེ་ཡིས་སྐྱོབ་མི་ནུས། །བློན་པོ་ཤེད་སྨན་དག་མཐོང་ན། །བཙན་དང་ཐེ་བྲང་དག་གིས་འཚོ། །སོ་སོའི་མཐུན་པའི་རྫས་རྣམས་ནི། །བག་ཟན་ལ་བྱས་ཁ་དོག་བསྒྱུར། །བྱིན་ལ་ཚིལ་ཆེན་དུད་པས་གཏང་། །གུ་གུལ་བདུག་པས་འབྲོས་པར་འགྱུར། །གཞན་ཡང་ཤེས་པར་བྱ་བ་ནི། །གླང་ཆེན་དྲུག་དང་སྤྲུལ་པ་དྲུག །འདི་དག་སྲུན་པའི་རྟེན་ཡིན་པས། །འདི་ལྟ་བུ་ལ་སྦྱད་པར་བྱ། །དེ་ཡི་མཚན་ཉིད་འདི་ལྟ་སྟེ། །རྟ་དང་ཤ་བ་ལུག་དང་གླང་། །ཁྱི་དང་ཕག་ནི་གླང་ཆེན་དྲུག །དེཡང་་སྤྲུལ་པ་སྣང་བ་ནི། །སྟག་དང་དེ་ལས་འདྲ་བའི་ལུས། །རྙན་དང་དགོ་བ་ལྟ་བུར་སྣང་། །དེ་བཞིན་གཙོད་དང་རྔ་ཆེན་དང་། །མཛོ་དང་བུང་བུ་དག་དང་ནི། །སྤྱང་ཁུ་གཅན་གཟན་ཁྱི་ལ་སོགས། །དེ་འདྲའི་ལྟས་རྣམས་བྱུང་བ་དང་། །དེ་ཡི་དབང་སོང་དེ་དང་དབྲལ། །གཉན་པོ་སྟག་དང་བྱ་རྒོད་དང་། །གདུག་པའི་ཚོགས་དང་དམ་ཅན་རྣམས། །རབ་ཏུ་འབས་པས་དེ་དང་བྲལ། །འདི་ནི་བསྒྲུབ་པའི་ལས་རྣམས་ཀུན། །ཐམས་ཅད་ལ་ཡང་ཤེས་པར་བྱ། །གཞན་ཡང་ཟོར་ཐུན་རིམ་པ་ནི། །སྐབས་ཀྱིས་མིང་གི་ཕྱེ་བ་སྟེ། །ཐུན་མོང་སྤྱི་ཡི་རིམ་པའོ། །དེ་ཡང་རྩ་བ་ཡན་ལག་ཏུ། །ཕྱེ་བས་ཕྱི་ནང་གསུམ་དུ་བསྒྱུར། །དང་པོར་སྤྱི་ཡི་རིམ་པ་ནི། །གསང་བའི་འཁོར་ལོ་རྣམ་བཞི་ལ། །རྟེན་ནས་ལས་རྣམས་མཐར་ཕྱུང་སྟེ། །ཉི་ཤུ་རྩ་གཅིག་དཀྱིལ་འཁོར་དུ། །སྔར་གྲུབ་དག་གི་སྨྱུག་མ་ལ། །ཁྲ་དང་འུག་པ་སྲིན་བྱ་དང་། །བྱ་རོག་དག་གིས་སྒྲོན་པའི་མདའ། །གདུག་པའི་མདེའུ་སོར་གསུམ་གཞུག །དུག་དང་མ་རུངས་པ་ཡིས་བྱུག །རྣམ་རྒྱལ་ལ་སོགས་ཁྲོ་བོ་བཞི། །ཞིང་གིས་སྒྲོན་པའི་མདའ་གཉིས་ལས། །ཧུ༷་ཀ་ར་དང་སྟོབས་ཆེན་བསྐྱེད། །བསྙེན་བསྒྲུབ་ལ་སོགས་དང་པོ་ནས། །དྲག་པོ་སྔགས་རྣམས་ཉུངས་ཀར་དང་། །ཐུན་རྫས་གཞན་ལ་བཟླས་ཤིང་བླུགས། །བསྒྲུབ་པ་རྫོགས་ནས་ཟོར་དུ་འཕངས། །བྱ་བའི་ལས་རྣམས་སྔོན་དུ་བྱ། །འདི་ནི་མདའ་ཟོར་ཆེན་པོས་བྱ། །གཞན་ཡང་ཐུན་ཟོར་རིམ་པ་ནི། །གཙོ་བོའི་གནས་སུ་འཁོར་བཀོད་དང་། །འཁོར་རྣམས་རྫོགས་ནས་བདག་པོར་བཞུགས། །དེ་ནས་རྩ་བའི་ཡན་ལག་ཡིན། །རང་རང་ལས་ཀྱི་དཀྱིལ་འཁོར་དུ། །རང་རང་རིགས་ཀྱི་མདའ་རྣམས་ལ། །བྱུགས་པ་བྱས་ལ་དབང་ཡང་བསྐུར། །དང་པོ་ཐ་མར་ཉུངས་ཀར་དང་། །ཐུན་རྫས་དག་ལ་རང་རང་གི །སྔགས་མང་བཟླས་ལ་མདའ་ལ་བསྟིམ། །དུ་ས་བཞིར་རབ་ཏུ་འབད་བྱས་ཏེ། །ལས་རྣམས་རྫོགས་ནས་དུར་ཁྲོད་དུ། །སོང་ལ་མ་མོ་མཁའ་འགྲོ་བོད། །ལྷ་ཀླུ་ཀུན་ལ་བདེན་པ་བདར། །གསེར་སྐྱེམས་གཏོར་ཏེ་ལམ་འཕྲང་བསལ། །དྲག་པོ་ལས་རྣམས་ད་བྱེད་ཀྱིས། །ལྷ་སྲིན་སྡེ་བརྒྱད་ལ་སོགས་རྣམས། །མདའ་ཡི་ལམ་དུ་ཁྱེད་མ་འདུག །དེ་སྐད་བྱས་ལ་ཟོར་དུ་འཕང་། །དམིགས་པ་སྙིང་ལ་འཕོག་པར་བསམ། །འདི་ནི་སྔགས་ཀྱི་མདའ་ཟོར་ཏེ། །ཡན་ལག་ཀུན་ལ་འཇུག་པ་ཡིན། །བསྙེན་བསྒྲུབ་འཕྲིན་ལས་གསང་བའི་རིམ ཐ་མའི་རིམ་པ་རྫོགས་པ་ལ། །འདི་ཡི་ལས་རིམ་རྣམ་པ་བཞི། །ཕྱེ་བས་གཉིས་སུ་འགྱུར་བ་ཡིན། །གཤེར་ཐུན་དང་ནི་སྐམ་ཐུན་ནོ། །དང་པོ་ལ་ཡང་གཉིས་ཡིན་ཏེ། །ཁྲག་དང་དུག་གི་གཏོར་མའོ། །དེའང་རྣམ་གཉིས་དུག་གཏོར་དང་། །ཐུན་དང་བཅས་བའི་གཏོར་མའོ། །གཉིས་པ་ལ་ཡང་གཉིས་ཡིན་ཏེ། །ཕུར་པ་དང་ནི་ཐུན་རྫས་སོ། །དང་པོའི་རང་བཞིན་འདིར་གསུངས་པ། །བསད་པ་ཨེ་ཡི་དཀྱིལ་འཁོར་དུ། །མེ་རེག་ཐང་ཆུས་གཞི་བླངས་ལ། །ཁྲག་དང་སྙིང་སྣ་ཐམས་ཅད་བསོགས། །བདག་ཉིད་དཀྱིལ་འཁོར་གསལ་བལྟས་ལ། །མ་མོ་མཁའ་འགྲོ་རྣམས་ཀྱིས་བསོག།གང་ལ་བབ་པའི་དུས་དེ་སྲ །གདུག་པའི་འཁར་བ་ལག་ཐོགས་ལ། །འཇིགས་པའི་མདུང་མདའ་ཕྱར་བར་བསམ། །སྡོང་པོ་ཤིང་ཤུན་དག་གིས་གཡབ། །རྦད་པའི་སྙིང་པོ་མཐའ་ཅན་སྔགས། །གྲངས་མེད་བཟླས་ལ་ཁྲག་ཐུན་བླུགས། །དུར་ཁྲོད་གནས་སམ་མཆོད་པའི་མཁར། །སོང་ལ་ལྷ་སྲིན་སྡེ་བརྒྱད་བོད། །བདེན་པས་བསྒོ་ལ་གསེར་སྐྱེམས་སྦྱིན། །གསུར་ཆེན་བཏང་ལ་དམ་ཅན་བོད། །བསད་པའི་སྔགས་ནི་ཅི་ནུས་བཟླས། །མ་ཉེས་མ་གཡོ་གཟུ་དང་དཔང་། །དཀོན་མཆོག་གཟུ་དང་དཔང་གྱིས་ཤིག །ལྷ་སྲིན་སྡེ་བརྒྱ་གཟུ་དང་པ་གྱིས། །རྣལ་འབྱོར་ངས་ནི་མ་ཉེས་སོ། །དཀོན་མཆོག་དབུ་འཕངས་འདི་ཡིས་་སྨ་ད། །སངས་རྒྱས་བསྟན་པ་འདི་ཡིས་བཤིག །ལས་རྣམས་ལོག་པར་འདི་ཡིས་སྤྱད། །ལས་ངན་བྱུར་ཟད་ལས་ལོག་ལ། །ཁྲག་ཐུན་དབབ་པའི་དུས་ལ་བབ། །ནད་དང་དལ་ཅིག་འདི་ལ་ཕོག །ཁྲག་སྒྱུག་སྙིང་རྩ་བཅད་པ་དང་། །དམ་ཉམས་བདུན་བརྒྱུད་བཅས་པའི་ཕྱིར། །མཁའ་འགྲོ་མ་མོ་དམ་ལ་འདུ། །ལྷ་སྲིན་སྡེ་བརྒྱད་དམ་ལ་འདུ། །སྲིད་པའི་མ་མོ་དམ་ལ་འདུ། །གཞན་ཡང་བསྐུལ་བ་ཅི་ནུས་བྱ། ་ཐུན་ལམ་གསལ་ཏེ་ཟོར་དུ་འཕང་། །དཀར་ནག་མཚམས་སུ་བརྒྱབ་པ་དང་། །ཐུན་ཉིད་ནད་ངན་སྣ་ཚོགས་འགྱུར། །གངས་རི་ཆད་པ་ལྟ་བུར་འགྱེལ། །དམ་ཅན་མགོ་བརྙན་ཚོགས་རྣམས་ཀྱིས། །འཕར་སྤྱང་ཤ་ལ་བཏོད་པ་བཞིན། །རྡུལ་ཆ་ཙམ་ཡང་མེད་པར་བསམ། །འདི་ནི་ཁྲག་ཐུན་ཞེས་བྱའོ། །དུག་གི་ཐུན་ནི་འདི་ལྟ་སྟེ། །ཇི་ལྟར་བསྒྲུབ་བའི་དུས་དག་ཏུ། །དུག་གི་རྫས་རྣམས་མ་ལུས་ཀུན། །སྡོང་པོ་མེ་རེག་ག་་ནང་དུ། །མེ་རེག་ཐང་ཆུས་ཕུད་བྱས་ལ། །འཇིག་རྟེན་དྲེགས་པའི་དུས་རྣམས་ཀུན། །མ་ལུས་བཀུག་ལ་དེ་ལ་བསྟིམ། །དམ་ཅན་མ་ལུས་ལས་ལ་བསྐུལ། །མཐོང་བ་ཙམ་གྱིས་ཐམས་ཅད་ཀུན། །ཧ་ལ་ཧ་ལ་ཆེན་པོབརྟགས། །ཚ་བའི་རྫས་རྣམས་ཐམས་ཅད་ཀྱིས། །ལུས་ཀྱི་ཁོག་པ་རྒྱས་པར་བྱ། །ལུས་ཀྱི་ཚ་བ་རྒྱས་པར་བྱེད། །གཞན་ཡང་ཐོད་པར་བསོགས་པའི་རྫས། །བོང་ང་སྤྱང་ཚེར་རེ་ལྕག་པ། །སྤྱང་དུག་ཐར་ནུ་སྐྱེ་ཚེ་དང་། །ཆུ་སྲིན་སྙིང་དང་གླང་ཆེན་སྙིང་། །ཐང་ཁྲོམ་ཆུ་དངརབ་སྦྱར་ལ། །བྱིན་བརླབ་འོད་འཕྲོས་འཇིག་རྟེན་གང་། །གདུག་པའི་ཚོགས་རྣམས་བཀུག་བསྟིམ་པས། །ཧ་ལ་ཧ་ལ་དུག་ཏུ་བརྟག །མཐོང་བ་ཙམ་གྱིས་ཁྲག་ཏུ་སྒྱུག །ཁམས་གསུམ་ཐམས་ཅད་འཚིག་པར་བྱེད། །གཞན་ཡང་ཁོལ་ལམ་དུ་བ་འབྱུང་། །འོན་ཏེ་ཁོལ་ལམ་རླངས་པ་འབྱུང་། །ཐུན་མཚམས་དུས་བཞིར་འབད་པ་དང་། །བརྒྱད་དང་བཅུ་བཞི་ཉི་ཤུའི་བར། །འདི་ཡིས་ལྷ་ཡང་བརླག་པར་འགྱུར། །ཁམས་གསུམ་པ་རྣམས་སྨོན་ཅི་དགོས། །འདི་ནི་དུག་གི་ཐུན་ཞེས་བྱ། །ཐུན་གྱི་གཏོར་མས་བསད་པ་ན། །འབྲུབ་ཁུང་ལས་ཀྱི་དཀྱིལ་འཁོར་དུ། །ལས་ཀྱི་འཁོར་ལོ་ཐམས་ཅད་ཀུན། །གོང་དུ་ཇི་ལྟར་བཤད་པ་ལས། །མཁས་པ་ཉི་ཤུ་རྩ་གཅིག་སྒོམ། །བཏགས་ཏེ་གོང་འོག་རབ་སྦྱར་ལ། །བསྔགས་ཏེ་ཅི་ནུས་བཟླས་པ་ཡིས། །དཔའ་བོས་མ་ཚོགས་ལས་ལ་བསྐུལ། །མཆོད་བསྐུལ་ཐུན་ལ་རབ་འབད་པས། །དངོས་སུ་ཁྲིད་ནས་ཐུན་ནང་དུ། །སྤྱི་ཚུགས་དག་ཏུ་བསྒྱུར་བ་ཡིས། །མཁའ་འགྲོས་ཤ་རུས་ཕྲལ་ནས་སུ། །ལུས་ཀྱང་དུམ་བུར་བཅད་ག་ས་ཤིང་། །རྡུལ་ཆ་ཙམ་ཡང་མེད་པར་བསམ། །འདིབཞིནབྱསནལྷཉིད་ཀྱང་། །དུམ་བུ་དུམ་བུར་འཆད་པ་དང་། །སངས་རྒྱས་ཉིད་ཀྱང་འཆི་འགྱུར་ན། །ཉམས་པས་གྱུར་པ་སྨོས་ཅི་དགོས། །མཐར་གྱི་ལས་ནི་སྔ་མ་བཞིན། །འདི་ནི་གཏོར་མའི་ལས་ཞེས་བྱ། །ཕུར་པའི་ཐུན་རྣམས་བཤད་པ་ནི། །ལུགས་སུ་དྲངས་ནས་བཟློག་པའོ། །དང་པོར་ཐུན་གྱི་ཕུར་པ་ལ། །རེ་རེ་དག་ནས་གསལ་བཏབ་སྟེ། །ཀི་ལི་ཉི་ཤུ་རྩ་གཅིག་བཟླས། །ལྷ་ཚོགས་དྲག་པོའི་དཀྱིལ་འཁོར་དུ། །གསལ་བར་བལྟས་ཏེ་བྱིན་གྱིས་བརླབ། །ལས་སྔགས་ཉི་ཤུ་རྩ་གཅིག་པ། །ངེས་པར་ངོ་ཡིས་ཟིན་པའི་མིས། །གོང་འོག་གཉིས་ཀྱི་མཐའ་རྟོགས་པས། །དགྲ་འཛབ་དྲག་པོའི་གསང་སྔགས་ཡིན། །རེ་རེ་དག་ནས་གྲངས་ངེས་བཟླས། །བཅོ་བརྒྱད་དཀར་ནག་མཚམས་སུ་དྲིལ། །དེ་ནས་རང་རང་སྔགས་ཀྱིས་སོ །ཞག་གྲངས་དུས་དང་མཚན་མ་ཡི། །རྟགས་རྣམས་བྱུང་ནས་གདབ་པར་བྱ། །སྟེང་ནས་མཚོན་ཆའི་ཆར་དུ་ཕབ། །ལུས་ཀྱང་དུམ་དུམ་བུ་མྲ །རང་རང་སྔགས་ཀྱིས་ངེས་བཏབ་པས། །འཆི་འམ་ཡང་ན་སྐམ་པར་འགྱུར། །གལ་ཏེ་མཐའ་ལམ་མ་ཆུད་ན། །མ་གྲུབ་སྤོགས་པའི་འཁོར་ལོ་བཞིན། །སྔགས་དང་ལས་རྣམས་ཐམས་ཅད་དང་། །གོ་རིམ་ཏིང་འཛིན་བཟློག་པ་ཡིས། །མོན་གྱི་ཟངས་སམ་སྐད་ཅིག་གཏུན། །ཉུངས་ཀར་ཉུངས་ནག་ལྕགས་ཕྱེ་དང་། །རྡོ་དང་ཟངས་ཕྱེ་ཚེ་ལ་སོགས། །ཐུན་རྫས་རྣམས་ཀྱིས་རབ་བསྐང་ལ། །རང་གི་ངོ་གདོང་ཁྲག་གིས་བྱུག །སྐྲ་ཡང་སྤྱི་བོར་བཅིང་བྱས་ལ། །མཆེ་བ་གཙིགས་ཏེ་གསང་སྔགས་བཟླས། །མ་ནི་དྲག་ཏུ་ཆུམ། །མ་ནི་དྲག་ཏུ་ཆུམ། མ་ཤ་སྲོག་སྣྲོ། ཐབས་ནི་རྩ་སྲོག །ནི་ཙ་སྲོག །ཧེ་ཧེ་ཧ༷། མ་མ་ཁྲག་ཏུ། ནི་ཤུ་ཡ། རུ་ཕི་ནི་ཁྲག་འཐུང་། ཤི་ཤུ་མྱ་ར་ཡ་སྨྱོ། མ་དྲག་མོརུ་ཁྲག་ཉོན། ཤག་ཤག་པྲ་མ་ཤུད་དོ་ཤག །དེ་བཟླས་ལྷ་དང་དབྲལ་བར་ངེས། །འདི་ནི་གཞན་པའི་སྐབས་སུཡང་། །ཁྱད་པར་དག་གི་ལས་ཡིན་ནོ། །འདི་དུས་གོང་མའི་རྗེས་ལ་ནི། །བསྒྲལ་བའི་འཛབ་ལ་རབ་བཞུགས་ཤིང་། །རྦད་ཅེས་མཐའ་ལ་བཏགས་ཏེ་བརྡེག །གཟུགས་བརྙན་ཕྱེ་མ་གྱུར་པར་བསམ། །སྔགས་ཀྱི་མཐའ་ལ་དེ་བཞིན་ཏེ། །འཕོངས་པའི་དུས་སུ་སྨྱོ་ཞེས་གདགས། །འདི་ནི་ཐུན་ཆེན་ཟབ་མོ་ཡིས། །ཡན་ལག་ཐུན་གྱི་རིམ་པ་ནི། །བདག་ཉིད་ཆེན་པོའི་དཀྱིལ་འཁོར་དུ། །ལས་ཀྱི་རིམ་པ་ཚང་བ་དང་། །མོན་གྱི་ཟངས་མ་རྐང་གཅིག་ག་། །ཁྲག་དུག་རྣམས་ནི་རབ་ཏུ་བསོག །མི་སྐྲའི་གཟུངས་ཐག་བཏགས་ནས་ནི། །གསང་སྔགས་ཉི་ཁྲི་བདུན་འབུམ་བཟླས། །ཁྲག་གི་བུད་མེད་བསམ་ཡས་པ། །ལག་ན་གདུག་པའི་མཚོན་ཆ་ཐོགས། །དམིགས་པའི་དངོས་པོ་དེ་བཀུག་སྟེ། །ཐུན་གྱི་ནང་དུ་སྤྱི་ཚུགས་བསྒྱུར། །ནད་ཀྱིས་འཅོས་ཏེ་བརྒྱལ་བ་དང་། ཁྲ་ཁྲག་གཏོད་ཅིང་ཟ་བར་བརྟག །ཁོལ་དང་རླངས་པ་མེ་སྟག་འཕྲོ། །རྟགས་བྱུང་ནས་ནི་འཕང་བར་བྱ། །ཁྲག་ཐུན་གོང་མ་དང་སྦྲེལ་ལ། །གྲོང་ལ་གཏོར་ན་མི་ཕྱུགས་ལ། །ནད་ངན་སྣ་ཚོགས་འབྱུང་བར་འགྱུར། །དུར་ལ་གཏོར་ན་ནང་འཁྲུག་འོང་། །ཐང་ཅིག་ཡུད་ཀྱིས་བརླག་པར་བྱེད། །འདིས་ནི་མི་འགྲུབ་གང་ཡང་མེད། །འདི་ཡང་ཁྲག་གི་ཐུན་ཞེས་བྱའོ། །ས་བདག་ཆེན་པོའི་དཀྱིལ་འཁོར་དུ། ་་ས་ཀར་བྱིན་གྱིས་བརླབས་བྱས་ལ། །སྡོང་པོ་སྐད་ཅིག་གཏུན་དུ་བླུགས། །བདུད་རྩི་ལྔ་ཡིས་རབ་ཏུ་བྲན། །ཁྲག་སྣ་སྦྱར་བའི་ཆུས་ཀྱང་བྱུག །དེ་ལ་བཟླས་པ་བྱ་བའི་སྔགས། །ཀི་ལ་ཡ་ཡིས་སྣ་གྲངས་པའི། །རོ་ལ་ཁྲག་འཐུང་ཧུ༷་ཕཊ་མཐའ། །ལྔ་བཅུ་རྩ་བདུན་ཚང་བར་བཟླས། །འཛབ་གྲངས་ཚང་ངམ་རྟགས་བྱུང་ནས། །སོ་སོའི་གསོད་པའི་ལས་སྔགས་ཀྱིས། །བཟླས་པ་བྱས་་ཏེ་དེ་རྒྱབ་ན། །ཀླུ་ལ་བརྒྱབ་ན་མཛེ་ནད་འོང་། །དུར་ལ་བརྒྱབ་ཁྲག་ཏུ་སྒྱུག །འཁོར་ལོ་བརྒྱབ་ན་གྲོང་བརྡལ་འཇིག །མི་ཕྱུགས་ལ་སོགས་ཐམས་ཅད་ཀུན། །རབ་ཏུ་བརྒྱལ་ཏེ་འཆི་བར་འགྱུར། །གང་ལ་དམིགས་པ་དེ་བརླག་བྱེད། །འདི་ནི་ཉུངས་ཀར་ཐུན་ཞེས་བྱའོ། །ཤོ་ན་མུ་ཀའི་དཀྱིལ་འཁོར་དུ། །འཚེ་རྡོ་ནག་པོའི་ལ་སོགས་པ། །གདུག་པའི་གསང་སྔགས་འདི་བཟླས་བྱ། །རྩ་སྔགས་ཛ་ནས་རྦད་ཀྱིས་མཐར། །འདི་ཤ་སྨྱོརུ་ལུ་རུ་ལུ་སྨྱོ། དེ་བཏགས་བཟླས་པ་ཁྲི་འབུམ་དུ། །གལ་ཏེ་མཚན་རྟགས་བྱུང་བ་དང་། །རྡོ་རྗེ་གཡབ་མོས་ཐམས་ཅད་གཡབ། །འཇིགས་པའི་ང་རོ་ཆེན་པོ་འབྱུང་། །སོ་སོའི་ལས་ལ་རྦད་པར་བྱ། །གྲོང་ངམ་གྲོང་ཁྱེར་ཆེན་པོའམ། །ཡུལ་ཕྱོགས་དུར་དང་ལྷ་རྟེན་དང་། །བརྒྱབ་ན་བརླག་པར་ཐེ་ཚོམ་མེད། །འདི་ནི་ཀུན་ལ་འཇུག་པས་ན། །སྤྱི་ཡི་ཐུན་བསྒྲུབ་ཅེས་ཀྱང་བྱ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ཐུན་ཟོར་ལས་ཀྱི་རིམ་པར་ཕྱེ་བའི་ལེའུ་སྟེ་བཅུ་དྲུག་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ་ཡོན་ཏན་མཆོག་གི་སྐུ། །འདྲེན་པའི་བདེན་པ་མཆོག་གིས་གནས། །དྲི་མེད་ནམ་མཁའ་ལྟ་བུའི་སྐུ། །གསང་ཆེན་ནོར་བུ་འབར་བའི་མཛོད། །རྣལ་འབྱོར་ལས་མཐར་ཕྱིན་པ་ལ། །སྔགས་ཀྱི་དོན་རྣམས་མ་ཤེས་པར། །ཡོན་ཏན་ནུས་པ་མི་འཆར་བར། །འདི་ཡི་སྔགས་རྣམས་ཇི་ལྟར་བཏུ། །སྔགས་ཀྱི་སྡེ་ཚན་ཇི་ལྟར་དབྱེ། །སྔགས་ཀྱི་བདག་པོ་ཇི་ལྟར་གཟུང་། །གསང་མཆོག་རྒྱལ་པོས་བཤད་དུ་གསོལ། །འཕྲིན་ལས་ཁྱད་པར་སོ་སོའི་སྔགས། །མ་འདྲེས་གསལ་བར་བཤད་དུ་གསོལ། །ཞེས་གསོལ་པས། བཅོམ་ལྡན་འདས་མངའ་དབང་ཡོངས་སུ་རྫོགས་པའི་རྒྱལ་པོས། འཕྲིན་ལས་ཐམས་ཅད་ཀྱི་བདག་ཉིད་ལྷུན་གྱིས་གྲུབ་པའི་བདག་ཉིད་དེས། ལས་མཐར་འབྱིན་པའི་བདག་ཉིད་པོ་ལ་བཀའ་སྩལ་པ། དང་པོ་སྔགས་ཀྱི་དོན་རྣམས་ནི། །མིང་མེད་བརྗོད་པ་རྣམས་དང་བྲལ། །ཚིག་དང་སྒྲ་ཡི་སྤྱོ་ཡུལ་མིན། །སྤྱོད་ཡུལ་ཡོངས་སུ་དག་པའོ། །སེམས་ཅན་ལས་དང་སྨོན་ལམ་དང་། །ཐུགས་རྗེ་ཆེན་པོ་འབྲེལ་བས་ན། །སྔགས་རྣམས་ཡོངས་སུ་རྫོགས་པར་བྱུང་། །དེ་ཡང་ཐབས་དང་ཤེས་རབ་ལས། །སྡེ་ཚན་གཉིས་ཀྱི་ཡི་གེ་རྣམས། །བདེ་བར་གཤེགས་པའི་གནས་རྣམས་ནི། །ཡི་གེ་སྤྲུལ་པའི་གཟུགས་སུ་འཐོན། །མཐའ་དག་མ་ལུས་ཡི་གེ །སྒྲ་ཡི་མིག་གིས་ཐམས་ཅད་བསྡུས། །ཡོན་ཏན་ནམ་མཁའི་མཐའ་ལྟར་གནས། །མཉམ་རྫོགས་ཆེན་པོར་ལྷུན་བསྒོམས་ནས། །སྐུ་གསུང་ལྷུན་གྱིས་རྫོགས་པར་སྣང་། །དེ་ལ་སོགས་ཏེ་ཡོན་ཏན་རྣམས། །ཐམས་ཅད་ཐམས་ཅད་འགྲུབ་པས་ན། །རྒྱལ་བ་ཉིད་ཀྱིས་བརྗོད་ལས་འདས། །རེ་ཞིག་ལས་དང་ཡོན་ཏན་དང་། །མིག་དང་སྡེ་ཚན་་མདོར་བསྡུས་ན། །དབྱངས་ཡིག་དང་པོ་དབུར་གཞག་ལ། །དབྱངས་ཡིག་གཉིས་པས་འོག་ནས་སྤྲས། །དབྱངས་ཡིག་དགུ་པ་སྟེང་དུ་དགོད། །སྟོང་བ་རྣམས་ཀྱིས་འོག་ནས་སྤྲས། །རྣམ་སྣང་མཛད་ཀྱི་ཡི་གེ་སྟེ། །ཐམས་ཅད་བརྒྱད་པ་རྣམ་པར་སྤྲས། །རྣམ་སྣང་མཛད་ཀྱི་ཡི་གེ་སྟེ། །ཐམས་ཅད་ཀུན་གྱི་མགོ་ལ་སྤྱིན། །དེ་རྗེ་ལྔ་པའི་གསུམ་པ་གཞན། །དེ་འོག་གཉིས་པའི་གསུམ་པ་ལ། །དྲུག་པའི་གཉིས་པ་དེ་ལ་སྤྱིན། །དེ་འོག་དང་པོའི་དང་པོ་ལ། ཁེས་རབ་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་ལ། ཁེས་རབ་གཉིས་པས་སྟེང་ནས་དགོད། །དེ་འོག་དང་པོའི་དང་པོ་ལ། ཁོགོས་རབ་གཉིས་པས་སྟེང་ནས་བརྒྱན། །དེ་འོག་དྲུག་པའི་གསུམ་པ་ལ། །དྲུག་པའི་དང་པོརྩརུབཞིན། །བདུནཔཡི་ནི་གསུམ་པ་ལ། །དྲུག་པའི་བཞི་པ་དེ་ལ་སྦྱིན། །དྲུག་པ་ཡི་ནི་གཉིས་པ་ལ། །ལྔ་པའི་གསུམ་པ་དེ་ལ་སྤྱིན། །དེ་འོག་ལྔ་པའི་གསུམ་པ་ལ། ཁོརྐོས་རབ་གཉིས་པས་སྟེང་ནས་བརྒྱན། །དང་པོའི་གསུམ་པ་དེ་ལ་སྦྱིན། །གསུམ་བཞིའི་ཐ་མ་གཉིས་བསྡུས་ཏེ། །ལྔ་པ་ཡི་ནི་གསུམ་པ་ལ། །བརྒྱད་པའི་དང་པོ་སྟེང་ནས་བརྒྱན། །དེ་འོག་མཐར་གནས་ཐ་ལྟག་ལ། ཁོགོས་རབ་གསུམ་པས་འོག་ནས་བརྒྱན། །སྟོང་པའི་བརྒྱན་པས་སྟེང་ནས་མཛེས། །དེ་ཉིད་བཞིན་དུ་ཡང་བསྡུས་ཏེ། །དེ་འོག་ལྔ་པའི་གཉིས་པ་ལ། །བཞི་པའི་དང་པོ་དེ་ལ་སྤྱིན། །བསད་པའི་དུས་དུ་གདགས་པ་ཡིན། །གསུམ་པ་ཡི་ནི་དང་པོ་ལ། ཁོགོས་རབ་གཉིས་པས་སྟེང་ནས་བརྒྱན། །ལྔ་པའི་གསུམ་པ་དེ་ལ་སྤྱིན། །དེ་འོག་བཞི་པའི་དང་པོ་གཞག །གཉིས་པ་ཡི་ནི་དང་པོ་ལ། །དང་པོའི་གསུམ་པ་དེ་ལ་སྤྱིན། །དང་པོ་ཡི་ནི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །ཧ་ན་གཉིས་དང་ཧུ༷་ཕཊ་མཐའ། །སྔགས་མིང་ཡུམ་གྱི་རྩ་བའི་སྔགས། །དང་པོར་རྣམ་པར་སྣང་མཛད་དེ། །དེ་འོག་མི་ཤིགས་སྙིང་པོ་ཅན། །དེ་འོག་དང་པོའི་གཉིས་པ་ལ། །དྲུག་པའི་གཉིས་པོས་འོག་ནས་བརྒྱན། །དེ་སྟེང་ཤེས་རབ་བདུན་པས་བརྒྱན། །དེ་འོག་བཞི་པའི་དང་པོ་སྟེ། །རང་གི་མིང་དང་ས་བོན་བཅས། །ཧུ༷་ཆེན་བསྐྱེད་པའི་སྔགས་ཡིན་ཏེ། །གོང་དུ་ཇི་ལྟར་བསྒྲུབས་པ་ལ། །དེ་འོག་ལྔ་པའི་བཞི་པ་གཞག །དེ་སྟེང་ཤེས་རབ་གཉིས་པས་བརྒྱན། །དེ་འོག་གཉིས་པའི་བཞི་པ་གཞག །དེ་འོག་དྲུག་པའི་དང་པོ་སྟེ། །མཐའ་མ་ཧུ༷་དང་ལྡན་པ་ནི། །རྣམ་པར་རྒྱལ་བ་བསྐྱེད་པའི་སྔགས། །གོང་མ་ཇི་ལྟར་བསྒྲུབ་པ་ལ། །བཞི་པའི་ཐ་མ་གཉིས་པས་བརྒྱན། །དེ་འོག་དྲུག་པའི་གསུམ་པ་བཞག །དེ་འོག་བཞི་བའི་བཞི་པ་ལ། །བཞི་པའི་ལྔ་པ་དེ་ལ་སྤྱིན། །དེ་འོག་གསུམ་པའི་བཞི་པ་བཞག །མཐའ་མ་ཧུ༷་ལྡན་པ་ནི། །དབྱུག་སྔོན་བསྐྱེད་པ་རྐྱེན་གྱི་སྔགས། །གོང་དུ་ཇི་ལྟར་བསྒྲུབས་པ་ལ། །དྲུག་པའི་དང་པོ་རྩ་རུ་གཞག །དེ་འོག་ལྔ་པའི་ཐ་མ་ལ། །བཞི་པའི་ཐ་མ་དེ་ལ་སྤྱིན། །དེ་འོག་གསུམ་པའི་དང་པོ་སྟེ། །ཐ་མ་ཧུ༷་དང་ལྡན་པ་ནི། །གཤིན་རྗེ་གཤེད་པོ་བསྐྱེད་པའི་སྔགས། །གོང་མ་ཇི་ལྷར་བསྒྲུབ་པ་ལ། ཁོ།ས་རབ་དང་པོ་གཞག་པར་བྱ། །དེ་འོག་དྲུག་པའི་གཉིས་པ་ལ། །དང་པོའི་གསུམ་པ་འོག་ནས་བརྒྱན། ཁོ།ས་རབ་དང་པོ་ཡང་གཅིག་སྦྱིན། །དེ་འོག་གཉིས་པའི་གཉིས་པ་གཞག །དེ་འོག་དྲུག་པའི་གསུམ་པ་གཞག །ཐ་མ་ཧུ༷་དང་ལྡན་པ་ནི། །མི་གཡོ་མགོན་པོ་བསྐྱེད་པའི་སྔགས། །གོང་མ་ཇི་ལྟར་བསྒྲུབ་པ་ལ། །མཐར་གནས་ཐ་ལྟག་གཞག་པར་བྱ། །དེ་འོག་དྲུག་པའི་དང་པོ་གཞག །དེ་འོག་དང་པོའི་གསུམ་པ་ལ། །དྲུག་པའི་གཉིས་པ་འོག་ནས་སྤྲས། ཁེས་རབ་གཉིས་པས་སྟེང་ནས་བརྒྱན། །དེ་འོག་ལྔ་པའི་གསུམ་པ་གཞག །ཐ་མ་ཧུ༷་དང་ལྡན་པ་ནི། །རྟ་མགྲིན་རྒྱལ་པོ་བསྐྱེད་པའི་སྔགས། །གོང་མ་ཇི་ལྟར་བསྒྲུབས་པ་ལ། ་གོས་རབ་དང་པོ་གཞག་པར་བྱ། །དེ་འོག་ལྔ་པའི་དང་པོ་གཞག །དེ་འོག་དྲུག་པའི་གཉིས་པའོ། །དེ་འོག་གཉིས་པའི་དང་པོ་ལ། ་གོས་རབ་གཉིས་པས་སྟེང་ནས་བརྒྱན། །དེ་འོག་གསུམ་པའི་དང་པོ་སྟེ། །མཐའ་མ་ཧུ༷་དང་ལྡན་པ་ནི། །གཞན་གྱིས་མི་ཐུབ་བསྐྱེད་པའི་སྔགས། །གོང་མ་ཇི་ལྟར་བསྒྲུབ་པ་ལ། ཁྲེས་རབ་དང་པོ་སྔ་མ་བཞིན། །དེ་འོག་ལྔ་པའི་ལྔ་པ་ལ། །དྲུག་པའི་གཉིས་པས་འོག་ནས་སྤྲས། །དེ་སྟེང་ཤེས་རབ་གཉིས་པས་བརྒྱན། །དེ་འོག་བཞི་པའི་དང་པོ་གཞག །དེ་འོག་དང་པོའི་དང་པོ་ལ། ཁོགོས་རབ་གསུམ་པས་འོག་ནས་སྤྲས། །དེ་ལ་བཞི་པའི་ཐ་མ་སྤྱིན། །དེ་འོག་བཞི་པའི་དང་པོ་གཞག །དེ་འོག་དྲུག་པའི་གསུམ་པ་ལ། ཁོགོས་རབ་གཉིས་པས་སྟེང་ནས་བརྒྱན། །མཐའ་མ་ཧུ༷་དང་བཅས་པ་ནི། །བདུད་རྩི་འཁྱིལ་བ་བསྐྱེདཔ་འི་སྔགས། །གཞན་ཡང་གོང་བཞིན་བསྒྲུབ་པའི་འོག །གསུམ་པའི་དང་པོ་གཞག་པར་བྱ། །དྲུག་པའི་གཉིས་པ་འོག་ནས་སྤྲས། ཁོ།སརབ་དྲུག་པས་སྟེང་ནམས་བརྒྱན། །དེ་འོག་དྲུག་པའི་གསུམ་པ་ལ། ཁོ།ས་རབ་བདུན་པས་སྟེང་ནས་དགོད། དེ་ལ་དང་པོའི་གསུམ་པ་སྦྱིན། །དེ་འོག་དང་པོའི་དང་པོ་དང་། །དྲུག་པའི་དང་པོ་འོག་ནས་སྤྲས། །དེ་འོག་ལྔ་པའི་གསུམ་པ་ལ། །སྟེང་དུ་ཤེས་རབ་གཉིས་པས་བརྒྱན། །དེ་འོག་གཉིས་པའི་དང་པོ་གཞག །དེ་འོག་དྲུག་པའི་དང་པོའི་དང་པོ་སྟེ། །མཐའ་མ་ཧུ༷་དང་ལྡན་པ་ནི། །ཁམས་གསུམ་རྣམ་རྒྱལ་བསྐྱེད་པའི་སྔགས། །གོང་བཞིན་ཇི་ལྟར་བསྒྲུབ་པའི་འོག །ལྔ་པའི་ལྔ་པ་གཞག་པར་བྱ། །དེ་འོག་མཐར་གནས་ཐ་ལྟག་གཞག །དེ་འོག་ལྔ་པའི་དང་པོ་སྟེ། །དེ་འོག་དྲུག་པའི་གསུམ་པའོ། །ཧུ༷་ཞེས་མཐའ་རུ་བརྗོད་པ་ནི། །སྟོབས་ཆེན་བསྐྱེད་པ་རྐྱེན་གྱི་སྔགས། །གོང་མ་ཇི་ལྟར་བསྒྲུབ་པའི་མཐའ། །སྟོང་པ་ཉིད་ལས་ཡང་དག་བརྒྱན། །ཐམས་ཅད་མཐུན་པར་ཤེས་པར་བྱ། །དེ་འོག་དང་པོའི་དང་པོ་ལ། །བདུན་པའི་དང་པོ་དེ་ལ་སྤྱིན། །དྲུག་པའི་དང་པོ་རྩ་རུ་གཞག །དེ་འོག་བཞི་པའི་དང་པོ་ལ། ་གོས་རབ་གཉིས་པས་སྟེང་ནས་བརྒྱན། །མཐའ་མ་ཧུ༷་དང་ལྡན་པ་ནི། །སྒྲ་འབྱིན་མ་ཡི་བསྐྱེད་པའི་སྔགས། །གོང་མས་ཇི་ལྟར་བསྒྲུབ་པའི་མཐར། །དྲུག་པའི་གསུམ་པ་གཞག་པར་བྱ། །དེ་འོག་བདུན་པའི་ཐ་མ་ལ། ༩།ས་རབ་དྲུག་པས་སྟེང་ནས་བརྒྱན། །དེ་འོག་དང་པོའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །མཐའ་མ་ཧུ༷་དང་ལྡན་པ་ནི། །རྣམ་སྙེམས་མ་ཡི་བསྐྱེད་པའི་སྔགས། །གསུམ་པ་ཡི་ནི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་འོག་བཞི་པའི་དང་པོ་ལ། །སྟོང་པའི་གཉིས་པ་སྟེང་དུ་བཀོད། །དེ་འོག་ལྔ་པའི་གསུམ་པ་བཞག །དེ་འོག་དྲུག་པའི་དང་པོའོ། །མཐའ་ཡི་སྔགས་དང་ལྡན་པ་ནི། །རྡོ་རྗེ་སྡེར་མོ་བསྐྱེད་པའི་སྔགས། །གོང་མ་ཇི་ལྟར་བསྒྲུབ་པའི་མཐར། །བདུན་པ་ཡིན་མ་པ་གཞག །བཞི་པའི་དང་པོ་དེ་ལ་སྦྱིན། །དེ་རྗེས་བཞི་པའི་ལྔ་པ་གཞག །དེ་འོག་ལྔ་པའི་དང་པོ་གཞག །དེ་རྗེས་བཞི་པའི་དང་པོ་ལ། ཁོ།ས་རབ་གཉིས་པ་དེ་ལ་སྤྱིན། །མཐའ་མའི་ཧུ༷་དང་ལྡན་པ་ནི། །དུར་ཁྲོདམ་ཡི་བསྐྱེད་པའི་སྔགས། །དེ་ནས་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་མཐར་གནས་མཐའ་ལྟག་གཞག །དེ་རྗེས་དྲུག་པསླུ་གསུམ་པ་གཞག །ཧུ༷་གི་མཐའ་དང་ལྡན་པ་ནི། །གཏུན་ཁུང་མ་ཡི་བསྐྱེད་པའི་སྔགས། །གོང་དུ་ཇི་ལྟར་བཤད་པའི་མཐར། །གཉིས་པའི་གསུམ་པོ་གཞག་པར་བྱ། །དེ་རྗེས་དྲུག་པའི་དང་པོ་སྟེ། །དེ་འོག་བཞིན་པའི་དང་པོ་བཞག །སྟོང་པའི་གཉིས་པས་སྟེང་ནས་བརྒྱན། །མཐའ་མར་ཧུ༷་དང་ལྡན་པ་ནི། །རྡོ་རྗེ་གཏུམ་མོ་བསྐྱེད་པའི་སྔགས། །གོང་་མ་ཇི་ལྟར་བསྒྲུབ་པའི་མཐར། །བདུན་པའི་དང་པོ་ཞག་པར་བྱ། །དེ་འོག་དྲུག་པའི་དང་པོ་གཞག །དེ་འོག་ལྔ་པའི་དང་པོ་ལ། །དྲུག་པའི་དང་པོས་འོག་ནས་སྤྲས། །དེ་རྗེས་བཞི་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །ཧུ༷་ཞེས་མཐའ་རུ་བརྗོད་པ་ནི། །མདའ་སྙེམས་མ་ཡི་བརྗོད་པའི་སྔགས། །གོང་གི་ཇི་ལྟར་བསྒྲུབ་པའི་མཐར། །ལྔ་པའི་གསུམ་པ་གཞག་པར་བྱ། །དེ་འོག་དྲུག་པའི་དང་པོ་ཡིན། །དེ་རྗེས་ལྔ་པའི་གསུམ་པ་ལ། །སྟོང་བའི་དྲུག་པས་སྟེང་ནས་བརྒྱན། །ཧུ༷་གི་མཐའ་དང་ལྡན་པ་ནི། །རླུད་འབྱིན་མ་ཡི་བསྐྱེད་པའི་སྔགས། །དང་པོ་ཇི་ལྟར་བསྒྲུབས་པའི་མཐར། །བདུན་པའི་གསུམ་པ་གཞག་པར་བྱ། །གསུམ་པའི་དང་པོ་དེ་ལ་སྦྱིན། །སྟོང་པའི་གཉིས་པས་དེ་ལ་མཛེས། །དེ་འོག་དྲུག་པའི་གཉིས་པ་གཞག །དེ་འོག་ལྔ་པའི་ལྔ་པ་གཞག །གསུམ་པ་ཡི་ནི་ལྔ་པ་ན། །སྟོང་པའི་གཉིས་པ་དེ་ལ་མཛེས། །མཐའ་མ་ཧུ༷་དང་ལྡན་པ་ནི། གསོད་ཆེན་མ་ཡི་བསྐྱེད་བསྔགས་ཡིན། །གོང་མ་ཇི་ལྟར་བསྒྲུབས་པའི་མཐར། །གཉིས་པའི་དང་པོ་གཞག་པར་བྱ། །སྟོང་པ་གཉིས་པས་སྟེང་ནས་བརྒྱན། །དེ་ལ་བཞི་པའི་ལྔ་པ་སྤྱིན། །དེ་འོག་བཞི་པའི་གསུམ་པ་གཞག །དེ་རྗེས་ལྔ་པའི་ལྔ་པ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་ལྔ་པ་ལ། ཁོརྐོས་རབ་དྲུག་པས་སྟེང་ནས་བརྒྱན། །མཐའ་མ་ཧུ༷་ཞེས་བརྗོད་པ་ནི། །བསྐྱོད་ཆེན་མ་ཡི་བསྐྱེད་པའི་སྔགས། །རྣམ་པར་སྣང་མཛད་ཧུ༷་ཕཊ་མཐའ། །ཡང་སྙིང་ཡི་གེ་འབྲུ་དགུ་པོ། །མ་ནོར་རྩ་བའི་སྙིང་པོ་དང་། །སྲས་མཆོག་བསྐྱེད་པའི་སྔགས་ཡིན་ནོ། །སྐུ་གསུང་ཐུགས་ཀྱི་ཡི་གེ་གསུམ། །རེ་རེ་ལ་ཡང་གསུམ་གསུམ་དགུས། །དམ་ཚིག་དཀྱིལ་འཁོར་བྱིན་དབབ་སྔགས། །ཐོག་མར་རྣམ་པར་སྣང་མཛད་སྔགས། །བཞག་ལ་དབྱངས་ཡིག་དང་པོ་སྤྱིན། །དྲུག་པས་སྟེང་ནས་ཡོངས་སུ་བརྒྱན། །མཐར་གནས་མཐའ་ལྟག་ལན་གཉིས་སྤྱིན། །འོག་མ་ཤེས་རབ་གཉིས་པས་བརྒྱན། །དེ་འོག་ལྔ་པའི་གསུམ་པ་ལ། །དེ་འོག་དང་པོའི་གསུམ་པ་གཞག །ལྔ་པ་ཡི་ནི་བཞི་པ་ལ། །གསུམ་པའི་ལྔ་པ་དེ་ལ་སྦྱིན། །དེ་འོག་ལྔ་པའི་ལྔ་པ་གཞག །དེ་འོག་མཐའ་གནས་ཐ་ལྟག་གཞག །དང་པོའི་དང་པོ་ཡང་དག་ལྡན། །དྲུག་པ་ཡི་ནི་གཉིས་པ་ལ། ཁྲེས་རབ་ཀྱི་ནི་གསུམ་པ་སྤྱིན། །གསུམ་པ་ཡི་ནི་ལྔ་པ་ལྔ། །དབྱངས་ཀྱི་གཉིས་པ་དེ་ལ་སྒྱིན། །དེ་འོག་དང་པོའི་དང་པོ་གཞག །གསུམ་པ་ཡི་ནི་དང་པོ་ལ། །དྲུག་པའི་གཉིས་པ་ཡང་དག་ལྡན། ་༑ས་རབ་གཉིས་པས་སྟེང་ནས་བརྒྱན། །དེ་འོག་བདུན་པའི་དང་པོ་གཞག །མཐར་གནས་ཀྱི་ནི་ཐ་ལྟག་ལ། །དབྱངས་ཡིག་བདུན་པས་འོག་མས་བརྒྱན། །ས་མ་ཡ་ཡི་དམ་ཚིག་བསྐུལ། །ཧོ་ཞེས་དགེས་པར་གྱུར་པ་དང་། །གོང་མ་ཇི་ལྟར་བསྒྲུབས་པ་ལ། །སྟ༷་ཞེས་དུས་ལ་བབ་པར་བསྐུལ། །ཛ་ཧུ༷་བ༷་ཧོ་རྣམ་བཞི་ཡིས། །བསྐྱེད་དང་དབྱེར་མེད་བསྟིམ་བྱས་པ། །ཡེ་ཤེས་དཀྱིལ་འཁོར་དགུག་གཞུག་སྔགས། །དང་པོ་བཞི་པའི་དང་པོ་ལ། །བཞི་པའི་གསུམ་པ་དེ་ལ་སྤྱིན། །དེ་འོག་དྲུག་པའི་དང་པོ་གཞག །དེ་འོག་བཞི་པའི་གཉིས་པ་གཞག །དེ་འོག་དྲུག་པའི་གཉིས་པའོ། །དེ་འོག་དང་པོའི་གསུམ་པ་ལ། །བདུན་པའི་དང་པོ་རྩ་རུ་གཞག །རུ་རུ་གཉིས་དང་རོ་རུ་གཉིས། །དེའོག་གཉིས་པའི་དང་པོ་གཞག །དེ་འོག་ལྔ་པའི་དང་པོ་གཞག །དེ་འོག་དྲུག་པའི་གསུམ་པ་གཞག །དེ་འོག་སྟོང་པའི་དང་པོ་གཞག །བདུན་པ་ཡི་ནི་དང་པོ་ལ། །སྟོང་པའི་གསུམ་པས་འོག་གནས་སྤྲས། །དེ་ལ་དང་པོའི་གསུམ་པ་སྦྱིན། །མེ་དང་ཧུ༷་དུ་བཅས་པར་བྱ། །རེ་མ་ཏི་ཡི་བསྐྱེད་པའི་སྔགས། །གོང་མ་ཇི་ལྟར་སྒྲུབས་པ་དང་། །ཙ་པ་ལ་ཞེས་བོར་བ་ནི། །རེ་མ་ཏི་ཡི་བསྐྱེད་པའི་སྔགས། །ཏབྱ་ཐུ་ནས་རུ་ཡི་བར། །གོང་དུ་ཇི་ལྟར་སྒྲུབས་པ་ལས། །དེ་འོག་ལྔ་པའི་གསུམ་པ་གཞག །དེ་འོག་གསུམ་པའི་དང་པོ་ལ། །སྟོང་པའི་བདུན་པས་སྟེང་ནས་བརྒྱན། །བདུན་པའི་ཡི་ནི་ཐ་མ་ལ། །སྟོ་པའི་གཉིས་པ་སྟེང་ནས་བརྒྱན། །མཐའ་མ་ཧུ༷་དང་ལྡནཔ་ནི། །རེ་མ་ཛ་ཡི་བསྐྱེད་པའི་སྔགས། །གོང་མ་ཇི་ལྟར་སྒྲུབས་པ་ལ། །སི་ཡི་གྲལ་དུ་རྟ་བཞག་ལ། །རེ་མ་ཛུ་ཡི་བསྐྱེད་པའི་སྔགས། །དང་པོ་གཉིས་པའི་གཉིས་པ་གཞག །དེ་རྗེས་དྲུག་པའི་དང་པོའོ། །དེ་འོག་བཞི་པའི་གསུམ་པ་ལ། །སྟོང་པའི་གསུམ་པས་འོག་ནས་སྤྲས། །མཐའ་མ་ཧུ༷་དང་ལྡན་པ་ནི། །དུང་གི་སྤྱང་མོ་བསྐྱེད་པའི་སྔགས། །ལྔ་པ་ཡི་ནི་ལྔ་པ་ལ། །གསུམ་པའི་ལྔ་པ་དེ་ལ་སྦྱིན། །བཞི་པ་ཡི་ནི་དང་པོ་ལ། །སྟོང་པ་ཡི་ནི་གཉིས་པས་མཛད། །ཧུ༷་གི་མཐའ་དང་ལྡན་པ་མིན། །ལྕགས་ཀྱི་ཁྱི་མོ་བསྐྱེད་པའི་སྔགས། དང་པོ་བདུན་པའི་དང་པོ་ལ། །དྲུག་པའི་བཞི་པས་མགོ་ནས་སྤྲས། །དེ་འོག་དྲུག་པའི་གཉིས་པ་ལ། །ཤེས་རབ་གཉིས་པས་སྟེང་ནས་སྤྲས། །མཐའ་མ་ཧུ༷་དང་ལྡན་པ་ནི། །ཟངས་ཀྱི་ཝ་མོ་བསྐྱེད་པའི་སྔགས། །དང་པོ་བཞི་པའི་ལྔ་པ་གཞག །སྟོང་བའི་གཉིས་པས་སྟེང་ནས་བརྒྱན། །དེ་འོག་དྲུག་པས་གསུམ་པ་གཞག །དེའོག་ལྔ་པའི་དདང་པོ་སྦྱིན། །སྟོང་པའི་གསུམ་པས་འོག་ནས་སྤྲས། །དེ་འོག་བཞི་པའི་དང་པོ་ལ། ཁོརྐོས་རབ་གཉིས་པས་སྟེང་ནས་བརྒྱན། །ཧུ༷་ཞེས་མཐའ་མར་གཞག་པ་ནི། །ཟངས་ཀྱི་འཕར་བ་བསྐྱེད་བའི་སྔགས། །བདུན་པ་ཡི་ནི་ཐ་མ་ལ། །དབྱངས་ཀྱི་གསུམ་པས་འོག་ནས་མཛེས། །དེ་འོག་དང་པོའི་དང་པོ་ལ། །དྲུག་པའི་གཉིས་པས་དེ་ལ་སྦྱིན། ་གོས་རབ་གཉིས་པས་སྟེང་ནས་བརྒྱན། །དེ་འོག་ལྔ་པའི་དང་པོ་གཞག །དེ་འོག་དྲུག་པའི་གཉིས་ཕ་གཞག །མཐར་ནི་ཧུ༷་ཞེས་བརྗོད་པ་ནི། །ཡ་བྱིན་མ་ཡི་བསྐྱེད་པའི་སྔགས། །ལྔ་པ་ཡི་ནི་དང་པོ་དང་། །དྲུག་པའི་གཉིས་པ་གོང་དང་འདྲ། །དེ་འོག་གཉིས་པའི་དང་པོ་ལ། ཁོགོས་རབ་གཉིས་པས་དེ་བཞིན་བརྒྱན། །བཞི་པའི་དང་པོ་རྩ་རུ་གཞག །མཐའ་མ་ཧུ༷་དང་ལྡན་པ་ནི། །དེ་བྱིན་མ་ཡི་བསྐྱེད་པའི་སྔགས། །དྲུག་པ་ཡི་ནི་དང་པོ་ལ། ཁོ།ས་རབ་བདུན་པས་སྟེང་ནས་བརྒྱན། །འོག་དང་པོའི་གསུམ་པ་ལ། །དབྱངས་ཀྱི་གཉིས་པས་དེ་བཞིན་བརྒྱན། །བདུན་པ་ཡི་ནི་དང་པོ་ལ། །དྲུག་པའི་ཐ་མ་དེ་ལ་སྦྱིན། །དྲུག་པ་ཡི་ནི་གཉིས་པ་ལ། ཁོ།ས་རབ་གཉིས་པས་སྟེང་ནས་བརྒྱན། །དེ་འོག་དང་པོའི་གསུམ་པ་ལ། །དབྱངས་ཡིག་གཉིས་པསདེབཞིནབརྒྱན། །བདུན་པ་ཡི་ནི་དང་པོ་ལ། །དྲུག་པའི་ཐ་མ་དེ་ལ་སྦྱིན། །དྲུག་པ་ཡི་ནི་གཉིས་པ་ལ། ཁོ༑ས་རབ་གཉིས་པས་སྟེང་ནས་བརྒྱན། །མཐའ་ཡི་ཧུ༷་དང་ལྡན་པ་ནི། །བསེ་བྱིན་མ་ཡི་བསྐྱེད་པའི་སྔགས། །དྲུག་པ་ཡི་ནི་དང་པོ་ལ། །དེ་འོག་ལྔ་པའི་ཐ་མ་གཞག །དེ་འོག་གཉིས་པའི་དང་པོ་ལ། །དབྱངས་ཀྱི་གཉིས་པས་སྟེང་ནས་བརྒྱན། །དེ་འོག་གསུམ་པའི་དང་པོ་གཞག །ཧུ༷་གི་མཐའ་དང་ལྡན་པ་ནི། །ཕག་བྱིན་མ་ཡི་བསྐྱེད་པའི་སྔགས། །དང་པོར་རྣམ་པར་སྣང་མཛད་གཞག །དེ་འོག་དྲུག་པའི་གསུམ་པ་ལ། །སྟོང་པའི་བརྒྱད་པས་སྟེང་ནས་བརྒྱན། །དེ་འོག་ཧུ༷་དང་གོང་མ་གཞག །དེ་རྗེས་བདུན་པའི་ཐ་མ་ལ། །བཞི་པའི་དང་པོ་དེ་ལ་སྤྱིན། །སྟོང་པའི་བརྒྱད་པས་སྟེང་ནས་བརྒྱ། །དེ་འོག་ལྔ་པའི་གསུམ་པ་གཞག །བཞི་པའི་ལྔ་པ་ལན་གཉིས་སྤྱིན། །དེ་འོག་ལྔ་པའི་ལྔ་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་མཐར་གནས་ཐ་ལྟག་གཞག །དེ་རྗེས་དང་པོའི་བཞི་པ་གཞག །དེ་འོག་དྲུག་པའི་དང་པོ་གཞག །དེ་འོག་དང་པོའི་གསུམ་པའོ། །དེ་རྗེས་ལྔ་པའི་བཞི་པ་ལ། །བཞི་པའི་ལྔ་པ་དེ་ལ་སྦྱིན། །དེ་འོག་བདུན་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་སྟེང་སྟོང་པའི་གཉིས་པས་བརྒྱན། །དེ་འོག་དང་པོའི་དང་པོ་ལ། །དེ་ལ་དྲུག་པའི་གཉིས་པ་དང་། ་གོས་རབ་གཉིས་པའི་སྔ་མ་བཞིན། །དེ་འོག་ལྔ་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །གོངམབཞིནདུཟུངདུབསྡེབ། །དེ་འོག་མི་ཤིགས་སྙིང་པོ་ཅན། །ཧུ༷་གི་སྔགས་དང་ལྡན་པ་ལ། །དང་པོའི་དང་པོ་དྲུག་པའི་གཉིས། །ཧུ༷་གསུམ་ཕཊ་གསུམ་ལྡན་པར་བྱ། །འདི་ནི་ཟིལ་གྱིས་གནོན་པའི་སྔགས། །དང་པོ་མི་ཤིགས་སྙིང་པོ་ལ། །ཀི་ལ་ཡ་ཡི་ཡི་གེ་ལྔ། །ཛ་ཧུ༷་བ༷་ཧོ་བཞི་དང་བཅས། །འདི་ནི་དགུག་པའི་སྙིང་པོའི། །ཐམས་ཅད་པ་ཡི་ཡི་གེ་ལ། །ལྔ་པའི་བཞི་པ་རྩ་རུ་གཞག །སྟོང་པའི་གཉིས་པ་སྟེང་ནས་བརྒྱན། །དེ་ལ་དང་པོའི་གསུམ་པ་སྤྱིན། །གསུམ་བཞི་གཉིས་ཀྱི་ལྔ་པ་བསྡེབ། །ཡང་སྙིང་འབྲུ་དགུ་དག་དང་བཅས། །དེ་འོག་མི་ཤིགས་སྙིང་པོ་ཅན། །ཧུ༷་ཀ་ར་དང་ཧུ༷་ཕཊ་ཨ། །ཚེ་ལུང་ཁྲུས་ལུང་ཆེན་པོ་ཡིན། །དང་པོ་ཧུ༷་གི་ཡི་གེ་ལ། །ལྔ་པའི་དང་པོ་རྩ་རུ་བཞག །དེ་འོག་དྲུག་པའི་གཉིས་པར་གཞག །དེ་འོག་ལྔ་པའི་དང་པོ་ལ། །དྲུག་པ་ཡི་ནི་དང་པོ་སྤྱིན། །དབྱངས་ཀྱི་གཉིས་པསསྟེང་ནས་བརྒྱན། །བཞི་པའི་དང་པོ་དེ་ལ་སྤྱིན། །གསུམ་པ་ཡི་ནི་དང་པོ་ལ། །གསུམ་པའི་ལྔ་པ་དེ་ལ་སྤྱིན། །ཏཱ༷་ཕཊ་མཐའ་དང་ལྡན་པ་ནི། །གཙོ་བོའི་ལས་སྔགས་ཡིན་པར་ཤེས། །དེ་ནས་གཉིས་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དེ་ལ་བཞི་པའི་ལྔ་པ་སྤྱིན། །དེ་རྗེས་བཞི་པའི་བཞི་པ་གཞག །གོང་མ་ཇི་ལྟར་བསྒྲུབ་པ་ལ། །ཧུ༷་ཕཊ་མཐའ་རུ་གཞག་པ་ནི། །བདུད་རྩི་འཁྱིལ་བའི་ལས་སྔགས་ཡིན། །དེ་ནས་ལྔ་པའི་བཞི་པ་ལ། །སྟོང་པའི་གཉིས་པས་འོག་ནས་སྤྲས། །གསུམ་པའི་ལྔ་པ་དེ་ལ་སྦྱིན། །དེ་འོག་གསུམ་པའི་བཞི་པ་གཞག །གོང་མ་ཇི་ལྟར་བསྒྲུབས་པའི་མཐར། །ཧུ༷་ཕཊ་གཉིས་དང་བཅས་པ་ན། །ཁམས་གསུམ་རྣམ་རྒྱལ་ལས་ཀྱི་སྔགས། །དེ་རྗེས་དང་པོ་བཞི་པ་ལ། །དྲུག་པའི་གཉིས་པས་འོག་ནས་སྤྲས། །དེ་རྗེས་སྟོང་པའི་གཉིས་པས་བརྒྱན། །དེ་འོག་བཞི་པའི་ལྔ་པ་གཞག །གོང་བཞིན་སྒྲུབས་ལ་ཧུ༷་ཕཊ་བཅས། །རྟ་མགྲིན་རྒྱལ་པོའི་ལས་སྔགས་ཡིན། །ཧེ་ན་དྲག་པོར་ལན་གཉིས་བརྗོད། །ཧུ༷་ཕཊ་མཐའ་དང་བཅས་པ་ནི། །རྣམ་པར་རྒྱལ་བའི་ལས་སྔགས་ཡིན། །ལྔ་པ་ཡི་ནི་བཞི་པ་ལ། །བཞི་པའི་ལྔ་པ་དེ་ལ་སྤྱིན། །དེ་འོག་བཞི་པའི་བཞི་པ་གཞག །གོང་བཞིན་བསྒྲུབས་ལ་ཧུ༷་ཕཊ་ཅན། །མི་གཡོ་མགོན་པོའི་ལས་ཀྱི་སྔགས། །བཞི་པའི་དང་པོ་དབུར་གཞག་པ། །གསུམ་པའི་གཉིས་པས་དེ་ལ་སྤྱིན། །དེ་འོག་གསུམ་པའི་གཉིས་པར་གཞག །དེ་འོག་དྲུག་པའི་དང་པོ་གཞག །གོང་མ་བཞིན་དུ་བསྒྲུབས་པ་ལ། །ཧུ༷་ཕཊ་མཐའ་དང་བཅས་པ་ནི། །འདི་ནི་རྫུ་འཕྲུལ་དབྲོག་པ་དང་། །ག་་དུ་བརྡུངས་པའི་སྙིང་པོ་ཡིན། །དེ་འོག་མཐར་གནས་ཐ་ལྟག་གཞག །དེ་འོག་བདུན་པའི་ཐ་མ་སྤྱིན། །དེ་འོག་དྲུག་པའི་དང་པོ་ལ། །དེ་འོག་དྲུག་པའི་གཉིས་པའོ། །དེ་འོག་མཐར་གནས་ཐ་ལྟག་གཞག །གསུམ་པའི་དང་པོ་ཐ་མ་སྤྱིན། །ཧུ༷་དང་ཕཊ་ཅེས་བརྗོད་པ་ནི། །རྟེན་དང་དབྲལ་བའི་སྙིང་པོ་ཡིན། །དེ་འོག་བདུན་པའི་དང་པོ་ལ། །དྲུག་པའི་གཉིས་པས་འོག་ནས་སྤྲས། །དེ་སྟེང་སྟོང་པའི་གཉིས་པས་བརྒྱན། །དེ་འོག་དང་པོའི་དང་པོ་ལ། །དྲུག་གཉིས་འོག་སྤྲས་སྟོང་ཉིད་དེ། །དྲུག་པའི་ལྔ་པ་དེ་ལ་སྤྱིན། །དེ་འོག་སྟོང་པའི་དང་པོ་གཞག །དེ་འོག་གསུམ་པའི་ལྔ་པ་བཞག །དེ་འོག་དྲུག་པའི་དང་པོ་ལ། །ཧུ༷་ཕཊ་མཐའ་དང་བཅས་པ་ནི། །འདི་ནི་ཡན་ལག་བཅིངས་བའི་སྔགས། །གཉིས་པ་ཡི་ནི་གསུམ་པ་ལ། །དྲུག་པའི་བཞི་པ་དེ་ལ་སྦྱིན། །དེ་འོག་དྲུག་པའི་གསུམ་པ་གཞག །དེ་འོག་ལྔ་པའི་དང་པོ་གཞག །དྲུག་པའི་དང་པོ་རྩ་རུ་གཞག །ལན་གཉིས་བསྒྲུབས་ཏེ་ཧུ༷་་ཕཊ་་མཐའ། །སྨྲ་བར་བྱེད་པའི་སྙིང་པོ་ཡིན། །སྟོང་པ་ཡི་ནི་དང་པོ་གཞག །དེ་འོག་ལྔ་པའི་གསུམ་པ་ལ། །དབྱངས་ཡིག་དྲུག་པས་སྟེང་ནས་བརྒྱན། །དེ་འོག་བདུན་པའི་དང་པོ་གཞག །དེ་འོག་དྲུག་པའི་དང་པོ་གཞག །གོང་བཞིན་བསྒྲུབས་ལ་ཧུ༷་ཕ ཊ་སྤྱིན། །འདི་ནི་གཟུགས་ལ་བཏུ་བའི་སྔགས། །དེ་འོག་ལྔ་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བཞི་པའི་བཞི་པ་གཞག །དྲུག་པའི་དང་པོ་སྔ་མ་སྤྱིན། །ལན་གཉིས་ཧུ༷་ཕཊ་དང་བཅས་པ། །འདི་ནི་ཞལ་དུ་བསྟབ་པའི་སྔགས། །དང་པོ་མཐར་གནས་ཐ་ལྟག་གཞག །དེ་འོག་གསུམ་པའི་ལྔ་པ་གཞག །ལན་གཉིས་བསྒྲུབས་ཏེ་མི་ཤིགས་མཐའ། །གཞན་གྱིས་མི་ཐུབ་ལས་ཀྱི་སྔགས། །གསུམ་པའི་བཞི་པ་མཐའ་གནས་དགོད། །ལན་གཉིས་བསྒྲུབས་ཏེ་མི་ཤིགས་མཐའ། །དབྱུག་པ་སྔོན་པོ་ལས་ཀྱི་སྔགས། །ལྔ་དང་གཉིས་པའི་དང་པོ་བསྡེབ། ལན་གཉིས་བསྒྲུབས་ཏེ་མི་ཤིགས་མཐའ། །གཤིན་རྗེ་གཤེད་པོའི་ལས་ཀྱི་སྔགས། །གཞན་ཡང་འཁོར་གྱི་ལས་སྔགས་རྣམས། །རིམ་པ་ཇི་བཞིན་ཡང་བསྡུས་པ། །དང་པོ་ཡི་ནི་གསུམ་པ་ལ། །དྲུག་པའི་གཉིས་པ་དེ་ལ་སྦྱིན། །དེ་འོག་གཉིས་པའི་བཞི་པ་གཞག །ལན་གཉིས་བསྒྲུབས་ཏེ་ཧུ༷་ཕཊ་མཐའ། །ཕག་དང་རྨིག་བུ་ལས་ཀྱི་སྔགས། །མཐར་གནས་ཐ་ལྟག་གསུམ་པའི་མཐའ། །ལན་གཉིས་ཧུ༷་ཕཊ་དང་བཅས་པ། །སྟག་དང་བྱ་རྒོད་ལས་ཀྱི་སྔགས། །གསུམ་པའི་བཞི་པ་མཐར་གནས་སྟག །ལན་གཉིས་བརྗོད་དེ་ཧུ༷་ཕཊ་མཐའ། །གཡག་དང་བྱ་རོག་ལས་ཀྱི་སྔགས། །ལྔ་དང་གཉིས་པའི་དང་པོ་གཉིས། །ལན་གཉིས་ཧུ༷་ཕཊ་དང་བཅས་པ། ་།་བ་འུག་པའི་ལས་ཀྱི་སྔགས། །ལྔ་པ་ཡི་ནི་བཞི་པ་ལ། །གསུམ་པའི་ལྔ་པ་དེ་ལ་སྤྱིན། །དེ་འོག་གསུམ་པའི་བཞི་པ་གཞག །ཧུ༷་ཕཊ་གཟིགས་དང་ཁུ་ཡི་སྔགས། །མཐར་གནས་དྲུག་པའི་ཐ་ལྟག་ལ། །དབྱངས་ཀྱི་གསུམ་པས་འོག་ནས་མཛེས། །ལན་གཉིས་ཧུ༷་དང་ཕཊ་ཅེས་པ། །བྱི་ལ་པུ་ཤུད་ལས་ཀྱི་སྔགས། །གསུམ་པ་ཡི་ནི་དང་པོ་ལ། ་།ས་རབ་གཉིས་པ་དག་གིས་བརྒྱན། །བདུན་པ་ཡི་ནི་གསུམ་པ་ལ། །གསུམ་པའི་དང་པོས་འོག་ནས་མཛེས། །ལན་གཉིས་བསྒྲུབ་སྟེ་ཧུ༷་ཕཊ་ཅན། །སྤྱང་ཁུ་ཁྲ་ཡི་ལས་ཀྱི་སྔགས། །གཉིས་པ་ཡི་ནི་དང་པོ་ལ། །ཤེས་རབ་ཀྱི་ནི་གཉིས་པས་བརྒྱན། །གསུམ་པའི་ལྔ་པ་དེ་ལ་སྤྱིན། །དེ་འོག་གསུམ་པའི་བཞི་པ་གཞག །ལན་གཉིས་བསྒྲུབ་སྟེ་ཧུ༷་ཕཊ་མཐའ། །སེང་གེ་ཕ་ཝང་ལས་ཀྱི་སྔགས། །ལྔ་པ་ཡི་ནི་གསུམ་པ་ལ། །དབྱངས་ཀྱི་གཉིས་པས་སྟེང་ནས་མཛེས། །གསུམ་པའི་ལྔ་པ་དེ་ལ་སྤྱིན། །དེ་འོག་གསུམ་པའི་བཞི་པ་གཞག །ལན་གཉིས་ཧུ༷་ཕཊ་དང་བཅས་པ། །ངོམ་དང་སྲེ་མོ་ལས་ཀྱི་སྔགས། །བདུན་པ་ཡི་ནི་ཐ་མ་ལ། །ལྔ་པའི་དང་པོ་དེ་ལ་སྤྱིན། ཁོགོས་རབ་བདུན་པས་སྟེང་ནས་བརྒྱན། །དེ་འོག་གཉིས་པའི་བཞི་པ་གཞག །ལན་གཉིས་བསྒྲུབས་ཏེ་ཧུ༷་ཕཊ་བཅས། །དྲེད་དང་བྱི་བའི་ལས་ཀྱི་སྔགས། །གཞན་ཡང་ལས་སྔགས་བཏུ་བ་ནི། །དང་པོའི་ལྔ་པ་ལྔ་པ་གཞག །དེ་འོག་གསུམ་པའི་གཉིས་པ་གཞག །ལན་གཉིས་བརྗོད་དེ་མི་ཤིག་མཐའ། །དེ་འོག་གཉིས་པའི་གསུམ་པ་ལ། །དྲུག་པའི་བཞི་པ་དེ་ལ་སྤྱིན། །དེ་འོག་དྲུག་པའི་གསུམ་པ་གཞག །ལན་གཉིས་མི་ཤིགས་སྔ་མ་བཞིན། །སུ་རུ་གཉིས་དང་མུ་རུ་གཉིས། །སྔ་བཞིན་བཛྲ་དང་བཅས་པ། །་།་ན་མ་ཡི་ཐུན་སྔགས་ཡིན། །དེ་ནས་དང་པོའི་དང་པོ་གཞག །དེ་འོག་གསུམ་པའི་དང་པོ་ལ། །དང་པོའི་ལྔ་པ་དེ་ལ་བསྟིམ། །དེ་འོག་དང་པོའི་དང་པོ་གཞག །དེ་འོག་གསུམ་པའི་དང་པོ་ལ། །སྟོང་པའི་དྲུག་པས་དེ་ལ་བརྒྱན། དྲུག་པའི་དང་པོ་གྲལ་ལ་བསྡུ། །དེ་འོག་གཉིས་པའི་གསུམ་པ་བཞག །དེ་འོག་དྲུག་པའི་དང་པོ་ལ། །སྟེང་པའི་དྲུག་པ་དེ་ལ་སྤྱིན། །དེ་འོག་ལྔ་པའི་བཞི་པ་ལ། །སྟེང་པའི་གཉིས་པས་སྟེང་ནས་བརྒྱན། །དེ་འོག་གཉིས་པའི་གསུམ་པ་བཞག །དྲུག་པའི་དང་པོ་སྔར་བཞིན་བརྒྱན། །ཡང་ཅིག་དྲུག་པའི་དང་པོ་གཞག །དེ་འོག་སྟེང་པའི་དང་པོ་ལ། །གཉིས་པའི་དང་པོ་གཉི། །ལྔ་པའི་ལྔ་པ་དྲུག་པའི་གཉིས། །བདུན་པའི་གསུམ་པ་ལྔ་པའི་ལྔ། །རྐྱང་པར་གྲལ་ལ་བསྡུ་བར་བྱ། །དེ་འོག་ལྔ་པའི་དང་པོ་ལ། །དྲུག་པའི་གཉིས་པ་དེ་ལ་སྒྱིན། །ལྔ་པ་ཡི་ནི་ལྔ་པ་ལ། །དྲུག་པའི་གཉིས་པ་དེ་ལ་སྤྱིན། དྲུག་པའི་གཉིས་པ་དེ་ཉིད་ལ། །གསུམ་པའི་དང་པོས་འོག་ནས་བརྒྱན། །དེ་འོག་གསུམ་པའི་ལྔ་པ་གཞག །དྲུག་པའི་དང་པོ་ཧུ༷་ཕཊ་བཅས། །ལྷ་མོ་བཞི་ཡི་ཐུན་སྔགས་ཡིན། །སྟོད་ཀྱི་ཐུན་སྔགས་གཉིས་པ་ལ། །སྟོང་སྟོང་གྲངས་ནི་ཚང་བ་དང་། །སྨན་གྱི་ཐུན་འདི་བརྒྱ་བརྒྱ་གདགས། །དང་པོ་ཧུ༷་གིས་སྣ་གྲངས་ལ། །ལྔ་པའི་ལྔ་པ་ལན་གཉིས་གཞག །དེ་འོག་ལྔ་པའི་དང་པོ་གཞག །དེ་འོག་བདུན་པའི་དང་པོ་ལ། །སྟོང་པའི་གཉིས་པས་སྟེང་ནས་བརྒྱན། །དང་པོ་ཡི་ནི་དང་པོ་ལ། །སྟོང་བའི་གསུམ་པས་དེ་བཞིན་བརྒྱན། །དྲུག་པ་ཡི་ནི་གཉིས་པ་ལ། །སྟོང་པའི་གསུམ་པས་དེ་བཞིན་བརྒྱན། །དེ་འོག་ལྔ་པའི་ལྔ་པ་གཞག །གསུམ་པ་ཡི་ནི་དང་པོ་ལ། །ལྔ་པའི་ལྔ་པ་དེ་ལ་སྤྱིན། །དེ་འོག་གསུམ་པའི་ལྔ་པ་གཞག །དེ་འོག་དང་པོའི་དང་པོ་གཞག །སྟོང་པའི་དང་པོ་གཉིས་པས་བརྒྱན། །གསུམ་བཞི་གཉིས་ཀྱི་ཐ་མ་བསྡེབ། །དེ་འོག་བཞི་པའི་བཞི་པ་་གཞག །གསུམ་པའི་དང་པོ་གཉིས་པས་བརྒྱན། །ལྔ་པའི་ལྔ་པས་ལན་གཉིས་གཞག །དེ་འོག་དང་པོའི་དང་པོ་ལ། །དྲུག་པའི་གཉིས་པ་ལྔ་ལ་སྤྱིན། །ལྔ་པའི་ལྔ་པ་ཡང་ཅིག་གཞག །བདུན་པ་ཡི་ནི་དང་པོ་ལ། །དྲུག་པའི་གཉིས་པས་འོག་ནས་བརྒྱན། །དེ་སྟེང་སྟོང་པའི་གཉིས་པ་གཞག །དེ་འོག་དང་པོའི་དང་པོ་ལ། །དྲུག་པའི་གཉིས་པས་འོག་ནས་མཛེས། །དང་པོའི་ལྔ་པ་དེ་ལ་སྤྱིན། །དེ་འོག་དང་པོའི་དང་པོ་གཞག །དེ་འོག་དྲུག་པའི་གཉིས་པ་ལ། །སྟོང་པའི་དྲུག་པས་དེ་ལ་མཛེས། །དེ་འོག་དྲུག་པའི་དང་པོ་གཞག །འདི་ནི་གཟུགས་ཕུང་གཤིག་པ་དང་། །བདག་ཉིད་མ་ཡི་ཐུན་སྔགས་ཡིན། །སྟོད་སྨད་སྔགས་གཉིས་གོ་བཟློག་སྟེ། །སྨྱོ་ཡིས་སྤྲས་པ་ཟོར་སྔགས་ཡིན། །ཉི་ཤུ་རྩ་གཅིག་སྨྱོ་རྣམས་ནི། །བཏུ་མི་དགོས་ཏེ་དེ་ཉིད་དོ། །བདུན་པ་ཡི་ནི་ཐ་མ་ལ། །དྲུག་པའི་བཞི་པ་དེ་ལ་སྤྱིན། །དེ་འོག་དྲུག་བའི་གཉིས་པ་ལ། །ལྔ་པའི་གསུམ་པ་དེ་ལ་སྦྱིན། །དེ་འོག་སྟོང་པའི་དང་པོ་གཞག །དེ་འོག་གསུམ་པའི་ལྔ་པ་སྦྱིན། །དྲུག་པའི་དང་པོ་མཐར་གཞག་པ། །ཧུ༷་ཕཊ་མཐའ་རུ་གཞག་པ་ནི། །ཧུ༷་ཆེན་རྒྱལ་པོའི་ལས་སྔགས་ཡིན། །བསྡུས་པའི་སྔགས་སུ་བ་་པ་བཞིན། །མངཉུང་མེད་པར་འདིར་སྦྲན། བརྒྱན། སྟེང་པའི་དང་པོ་ལྔ་པར་བཅས། དེ་འོག་དྲུག་པའི་གཉིས་པ་གཞག །གཉིས་པའི་དང་པོ་གཉིས་པས་བརྒྱན། །བཞི་པའི་དང་པོ་དྲུག་པས་བརྒྱན། །སྟོབས་པོ་ཆེ་ཡི་ལས་སྔགས་ཡིན། །མཐུ་དང་རྫུ་འཕྲུལ་སྦྲག་པ་ཡི། །གསང་སྔགས་དམ་པ་དེ་ཉིད་དོ། །དང་པོ་རྣམ་པར་སྣང་མཛད་བཞག །དེ་འོག་མི་ཤིགས་སྙིང་པོ་ཅན། །དེ་འོག་དྲུག་པའི་དང་པོ་ལ། །དང་པོའི་གསུམ་པ་དེ་ལ་སྤྱིན། །དེ་འོག་བདུན་པའི་དང་པོ་གཞག །དེ་འོག་དང་པོའི་དང་པོ་ལ། །དྲུག་པའི་གཉིས་པ་དེ་ལ་སྦྱིན། །དབྱངས་ཀྱི་བདུན་པས་སྟེང་ནས་མཛེས། །དེ་འོག་བཞི་པའི་དང་པོ་གཞག །ཁ་ཧི་གཉིས་དང་ཧ་ཧ་གཉིས། །ཧཱུཾ༷་གཉིས་ཕཊ་གཉིས་དང་བཅས་པ། །སྙིང་ཁྲག་ཞལ་དུ་རྡུབ་པའི་སྔགས། །ཀི་ལ་ཡ་ཡི་སྔགས་ཀྱི་མཐར། །ཁ་ཐམས་ཅད་དང་ཧུ༷་གསུམ་དང་། །མཐའ་རུ་ཕཊ་གསུམ་བརྗོད་པ་ནི། །ཉི་ཤུ་རྩ་གཅིག་ལྷ་ཚོགས་ཀྱི། །ཞལ་དུ་བརྡུང་བའི་སྔགས་ཡིན་ནོ། །དང་པོ་དྲུག་པའི་གཉིས་པ་ལ། །སྟོང་པའི་བརྒྱད་པས་སྟེང་ནས་བརྒྱན། །ཛ་ཛ་ཛ་ལ་ལན་གཉིས་བརྗོད། །སྤར་ན་དང་ཕཊ་ཀྱིས་སྤྲས། །ཧུ༷་གིས་བཞི་མོའི་གནས་སུ་བསྡུ། །མེ་སྤར་བ་ཡི་གསང་སྔགས་ཡིན། །དང་པོ་རྣམ་པར་སྣང་མཛད་ལ། །དེ་འོག་མི་ཤིགས་སྙིང་པོ་ཅན། །དེ་རྗེས་བདུན་པའི་ཐ་མ་ལ། །སྟོང་པའི་གསུམ་པས་འོག་ནས་སྤྲས། །དེ་འོག་ལྔ་པའི་ལྔ་པ་ལ། །སྟོང་པའི་དྲུག་པས་སྟེང་ནས་བརྒྱན། །དེ་རྗེས་བཞི་པའི་དང་པོ་ལ། །དྲུག་པའི་གཉིས་པ་སྟོང་པའི་གསུམ། །སྟོང་པའི་བརྒྱད་པས་སྟེང་དུ་བརྒྱན། །ཧུ༷་དང་ས་མ་ཡ་སྟ༷་ཞེས། །བརྗོད་ནས་མནན་པའི་སྔགས་ཡིན་ནོ། །ཡང་སྙིང་ཡི་གེ་འབྲུ་དགུའི་འོག །དྲུག་པ་ཡི་ནི་གཉིས་པ་གཞག །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་དང་པོ་ལ། །སྟོང་པའི་གསུམ་པས་འོག་ནས་བརྒྱན། །གསུམ་པ་ཡི་ནི་ལྔ་པ་ལ། །སྟེང་ནས་སྟོང་པའི་གཉིས་པས་བརྒྱན། །དེ་འོག་གསུམ་པའི་དང་པོ་གཞག །དེ་འོག་དང་པོའི་དང་པོ་ལ། །སྟེང་ནས་སྟོང་པའི་གཉིས་པས་བརྒྱན། །དེ་འོག་གཉིས་པའི་དང་པོ་གཞག །གསུམ་པའི་དང་པོ་སྟོང་གཉིས་བརྒྱན། །ལྔ་པའི་གསུམ་པའང་གོང་མས་བརྒྱན། །གཉིས་དང་གསུམ་པའི་དང་པོས་གཞག །ཧུ༷་ཡ་ལན་གསུམ་ཧུ༷་ཕཊ་མཐའ། །རྫས་ལ་བཟླས་ཏེ་བསྙེན་པའི་སྔགས། །དེ་བཞིན་གཤེགས་པའི་ཡི་གེ་ལ། །མི་ཤིགས་སྙིག་པོའི་མཐའ་གཞག་སྟེ། །དེ་འོག་དང་པོའི་དང་པོ་གཞག །སྟོང་པའི་གསུམ་པ་དེ་ལ་སྤྱིན། །དེ་འོ་དྲུག་པའི་གསུམ་པ་ལ། །གསུམ་པའི་ལྔ་པ་དེ་ལ་སྤྱིན། །ལྔ་པ་ཡི་ནི་གསུམ་པ་ལ། །དྲུག་པའི་དང་པོས་འོག་ནས་མཛེས། །སྟེང་དུ་དབྱངས་ཀྱི་གཉིས་པ་སྤྱིན། །དེ་འོག་བདུན་པའི་དང་པོ་ལ། ཁོ།ས་རབ་བདུན་པས་སྟེང་ནས་བརྒྱན། །གསུམ་པའི་དང་པོའི་རྩ་རུ་ནི། །དྲུག་པའི་དང་པོ་དེ་བཞིན་གཞག །བྱི་ར་ཧུ༷་ཕཊ་ཅེས་བརྗོད་པས། །བསྐྲད་པའི་གསང་སྔགས་ཞེས་བརྗོད་དོ། །དང་པོར་རྣམ་པར་སྣང་མཛད་ལ། མི་ཤིགས་སྙིང་པོ་དག་དང་བཅས། །སྭ་ཏ་རྭ་ཛ་ཧུ༷་ཞེས་པ། །སྲས་ཀྱི་སྐུ་རྣམས་བྱིན་བརླབ་པའོ། །དེ་འོག་རྣམ་པར་སྣང་མཛད་གཞག །ཙིརྙ་གཉིས་དང་ཧུ༷་ཞེས་པ། །ཐུགས་ཀྱི་གསང་སྔགས་ཞེས་བྱའོ། །དང་པོ་གོང་དང་མཐུན་པ་ལ། །ཧྲི་དང་ཕུར་བུ་ཕཊ་ཅེས་པ། །གསུང་གི་གསང་སྔགས་དམ་པའོ། །དང་པོ་རྣམ་པར་སྣང་མཛད་གཞག །དེ་འོག་དྲུག་པའི་གཉིས་པ་ལ། །སྟོང་པའི་བདུན་པས་སྟེང་ནས་བརྒྱན། །དེ་འོག་དྲུག་པའི་གཉིས་པ་ལ། །སྟོང་པའི་གསུམ་པས་འོག་ནས་བརྒྱན། །དེ་འོག་ལྔ་པའི་དང་པོ་གཞག །དེ་འོག་བཞི་པའི་བཞི་པ་ལ། །སྟོང་པའི་གཉིས་པས་སྟེང་ནས་བརྒྱན། །དེ་འོག་བདུན་པའི་ཐ་མ་ལ། །བཞི་པའི་དང་པོ་དེ་ལ་སྤྱིན། །དེ་རྗེས་བདུན་པའི་ཐ་མ་གཞག །ཤེས་རབ་གཉིས་པས་སྟེང་དུ་བཀོད། །གཏོར་མ་སྦྱིན་པའི་གསང་སྔགས་ཡིན། །ཀི་ལ་ཡ་ཡིས་སྣ་དྲངས་པའི། །བསྒྲུབ་བྱ་མིང་དང་འཕྲིན་ལས་བཞི། །སོ་སོར་རང་རང་སྔགས་སུ་སྦྱར། །སྤྱིན་སྲེག་དུས་སུ་སྦྱར་བ་སྟེ། །བཏུ་མི་དགོས་ཏེ་དེ་ཉིད་དོ། །གཞན་ཡང་འཇིག་རྟེན་ལས་ཀྱི་སྔགས། །གསང་བའི་གནས་སུ་བཏུབ་ལས། །འདི་དུས་སྦྱོར་བར་མི་བྱའོ། །གང་དག་ངོ་ཡི་གཟུང་བ་ནི། །རིམ་པ་མདོར་བསྡུས་བསྟན་པར་བྱ། །རྒྱ་མཚོ་བཞི་ཡི་ཐུན་སྔགས་མཐར། །ཨོ་ནས་ཛ་ཛ་ཞེས་པའི་བར། །ཡི་གེ་ཉི་ཤུ་རྩ་དྲུག་ནི། །སྤྱིར་བསྡུས་སྲོག་གི་སྙིང་པོ་ཡིན། །ཧུ༷་དང་ཛ་ཡི་ཡི་གེ་བརྒྱད། །རི་ཆེ་མགོང་ཡག་དྲག་སྔགས་ཡིན། །སྤྲར་ཤ་ཧུ༷་གི་ཡིག་འབྲུ་ལྔ། །རལ་པ་སྤྱི་བཅིངས་བསད་པའི་སྔགས། །ཡག་ཤ་ཕཊ་ཀྱི་ཡིག་འབྲུ་བཞི། ་༑ར་བ་གཞོན་ནུ་ལས་ཀྱི་སྔགས། །ཨོ་དང་ཀྟ་ཡི་ཡིག་འབྲུ་ལྔ། །ནག་པོ་རྒོད་མི་ཤེས་ཀྱི་ཡིན། །ཏྲི་དང་ཧཱུཾ་གི་ཡི་གེ་ལྔ། །ཨིཎྜསེམས་དཔའ་དག་གི་སྔགས། །ཀར་དང་ཏྲ༷་དང་གི་ཡི་གེ་དྲུག །རྒྱལ་པོ་བྱང་ཆུབ་ལས་སྔགས་ཡིན། །པ་དང་ཛ་ཡི་ཡི་གེ་བདུན། །དཀར་པོ་སྤྱན་གཅིག་དག་ཏུ་བཤད། །ཏྲ༷་དང་ཧུ༷་གི་ཡིག་འབྲུ་བརྒྱད། །རྨ་ཆེན་པོ་མ་རའི་བསད་པའི་སྔགས། །ཡང་དག་དོན་གྱི་ཡིག་འབྲུ་ལྔ། །འདི་ནི་ཡ༷་ཤུད་དམར་པོའི་སྔགས། །ཧྭ༷་གཉིས་བར་གྱི་ཡི་གེ་དྲུག །ཏཀྲིད་ནག་པོའི་སྲོག་སྔགས་ཡིན། །བཛྲ་ཐ་ཡི་ཐོག་མཐའ་ཅན། །སྙིང་པོ་ཧུ༷་ཉིད་མ་རྟོགས་པ། །དགེ་བསྙེན་མཆེད་གསུམ་སྲོག་སྔགས་ཡིན། །ཉི་ཤུ་རྩ་གཅིག་ཚང་བར་གནས། །ཨོ་དང་ཧུ༷་གི་ཡི་གེ་བདུན། །ཐང་ལ་ཡ་བཞུར་སྲོག་གི་སྔགས། །པང་བཞི་ས་བོན་བཅུ་གཉིས་པོ། །བསེ་ཡི་སྐྱེས་བུ་གདུག་པ་ཅན། །ཀུན་གྱི་དམག་དཔོན་བཞི་ཞེས་གྲགས། །སིརྙ་སྨྱོ་ཡི་ཡི་གེ་བདུན། །ཟུང་དུ་རྐང་ཕྲན་སྲོག་སྔགས་ཡིན། །མ༷་དང་ཧུ༷་གི་ཡི་གེ་བདུན། །དམུ་བཙན་ལོ་སྦྱོར་གསད་པའི་སྔགས། །བློན་པོ་ཁུ་ལེ་ལག་དགུ་ཡིན། །གཞན་ཡང་རྐྱང་པའི་ཡི་གེ་ནི། །བསྒྲུབ་པའི་དུས་སུ་སྦྱར་བར་བྱ། །རང་རང་ངོ་ཡིས་གཟུང་བྱ་བ། །རི་ཆེ་མགོང་ཡག་ཧྲི་ཡིན་ཏེ། །རལ་པ་སྤྱི་བཅིངས་པི་རུ་བཤད། །ཤོར་བ་གཞོན་ནུ་ཀ༷་ཡེན་ཏེ། །ནག་པོ་རྒོད་མི་ཤེས་ནི་ཁ། །ཨིན་ཏྲ་སེམས་པ་ཏྲི་ཡིན་ཏེ། །གནས་ཀྱི་ཀར་མ་ཤམ་ཞེས་བཤད། །ཉི་པང་སེང་ནི་ཏྲི་ཡིན་ཏེ། །རྨ་ཆེན་པོམ་ར་ཁམ་དུ་འདོད། །ཡུམ་ཤུད་དམར་པོ་ཧྲི་ཡིན་ཏེ། །ཐང་ལ་ཡ་བཞུར་ཐང་ཞེས་བཤད། །ཏ་ཀྲིད་ནག་པོ་ཏིར་གསུངས་ཏེ། །བཛྲ་པུ་ཧུ༷་ཞེས་པ་གསུམ། །དགྲ་བླ་མཆེད་གསུམ་རྩེ་བའི་སྔགས། །ཧ་བཞི་དམག་དཔོན་བཞི་ཡི་སྔགས། །ཀྲ༷་ཞེས་བཙན་གྱི་དབང་པོ་ཆེ། །ཟུར་དུ་རྐང་ཕྲན་དག་གི་སྔགས། །ལམ་ནི་དམུ་ཡི་དབང་པོ་ཆེ། །དམུ་བཙན་ལེགས་སྐྱོར་དག་ཏུ་བཤད། །ཏི་ནི་སྤྱི་རྗེ་ལག་མངས་ཏེ། །བློན་པོ་ཆེན་པོའི་སྲོག་སྔགས་ཡིན། །ཧྲི་ཡིག་ཉི་ཤུ་རྩ་གཅིག་པོ། །མགོ་མནོན་གཉེན་པོའི་སྔགས་ཡིན་ཏེ། །བཏུ་མོ་དགོས་ཏེ་དེ་ཉིད་ཡི་ན། །སྨྱོ་ཡི་ཡི་གེ་ཉི་ཤུ་གཅིག །ཟུར་ཐུན་གཉིས་ཀྱི་ཤམ་བུ་སྟེ། །དམ་ཅན་གསང་སྔགས་ཀུན་ལ་གདགས། །རང་རྐྱང་ལྷུ་གསུམ་སྦག་མ་གསུམ། །མཐར་སྲད་དག་གི་ལས་ཡིན་ནོ། །ཐ་མ་མེ་རླུད་རི་ལ་གཏད། །རྒྱལ་པས་སྤས་པའ་གསང་ཆེན་དོན། །ཐབས་ལ་མཁས་པས་གསུངས་པ་ཡིན། །འདི་དོན་ངེས་པར་འཆང་བའི་མི། །གང་འདོད་བསམ་པ་འགྲུབ་པ་དང་། །བྱ་བའི་ལས་ལ་ཐོགས་པ་མེད། །ཐམས་ཅད་འགྲུབ་པར་འགྱུར་ཞེས་གསུངས། །རྡོ་རྗེ་མེ་ལྕེ་འཕྲེང་བའི་རྒྱུད་ལས། སྔགས་ཀྱི་དོན་ཡོངས་སུ་བཏུ་བའི་ལེའུ་སྟེ་བཅུ་བདུན་པའོ།། །།དེ་ནས་ཡང་ལས་རྣམས་ཡོངས་སུ་རྫོགས་པའི་བདག་ཉིད་ཀརྨ་ཀི་ལ་ཡས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་སངས་རྒྱས་འགྲོ་པའི་མགོན། །བྱམས་པ་ཆེན་པོས་མཐའ་ཡས་སྒྲོལ། །ཀུན་ནས་ཡོངས་སུ་ཆུབ་པའི་བདག །འགྲོ་བ་ཀུན་གྱི་གཉེན་གཅིག་པོ། །ལས་རྣམས་ཡོངས་སུ་རྫོགས་པའི་བདག་འདི་དོན་ཉམས་སུ་ལེན་པའི་མིས། །བསོད་ནམས་རྒྱུ་ལ་འབད་པ་ཡི། །བདག་གཞན་ལས་ཀུན་འགྲུབ་པ་ཡི། །ཆོས་སྐུའི་ཕྱག་རྒྱ་ཇི་ལྟར་ལགས། །ཞེས་གསོལ་པས།བཅོམ་ལྡན་འདས་གསང་བ་མཆོག་གི་བདག་པོ་ཁྲག་འཐུང་སྙིང་པོས་བཀའ་སྩལ་བ། རྒྱུ་འབྲས་ལས་ཀུན་ཡོངས་རྫོགས་པའོ། །བདག་གཞན་དོན་དང་ཚེ་འདས་དང་། །ན་བ་ལ་སོགས་སྡིག་སྦྱང་དང་། །རྐྱེན་བཟློག་གང་འདོད་སྒྲུབ་པ་དང་། །འཕྲིན་ལས་ཞི་རྒྱས་ལ་སོགས་ཀྱི། །ལས་ཀྱི་རིམ་པ་མདོར་བསྡུས་ན། །ཐབས་ལ་མཁས་པས་མ་ཟིན་ན། །ལམ་གྱི་དགེ་སྤྱད་སྟེགས་བཅས་ཀྱང་། །མཐོ་རིས་ལྷ་དང་མི་རུ་སྐྱེ། །སྐྱེ་ཤི་མེད་པའི་ས་མི་ཐོབ། །ཐབས་མཁས་སྙིང་རྗེས་ཟིན་པ་ནི། །མཚམས་མེད་སེམས་ཅན་ཐམས་ཅད་ཀུན། །བྱང་ཆུབ་སེམས་ཀྱི་བསད་བྱས་ནས། །བསོད་ནམས་དཔག་ཏུ་མེད་པ་ཐོབ། །ཐབས་དང་ཤེས་རབ་ལྡན་པ་ལ། །ཉོན་མོངས་ཐམས་ཅད་བྱང་ཆུབ་རྒྱུ། །དོན་དམ་ཅིར་ཡང་མ་གྲུབ། །སྒྱུ་མའི་སྤྲུལ་པ་བསམ་མི་ཁྱབ། །ཐུགས་རྗེ་ཐབས་ཀྱིས་ཟིན་གྱུར་ན། །ཉོན་མོངས་ལམ་ཡང་རྣམ་པར་གྲོལ། །དེ་དང་མ་ལྡན་གང་ཟག་གིས། །དགེ་སྦྱངས་བསོད་ནམས་དོན་མེད་འགྱུར། ཁུ་ཡི་མཚན་ཉིད་དག་པ་ནི། །ཕྱི་རོལ་ཆེན་པོ་ལྔ་རྣམས་ནི། །སེམས་ཉིད་གཟུང་འཛིན་གཉིས་སྣང་བའི། །གཟུང་བའི་ཡུལ་ཉིད་འབྱུང་བ་ཆེ། ཁུ་ཉིད་རང་གི་སེམས་ཡིན་པས། །འབྱུང་བ་ལྔ་ཡི་རྒྱུ་ལས་དག །འབྲས་བུའི་རིགས་ལྔར་ཡེ་གནས་པས། །བྱ་བྱེད་ལས་སྔགས་གྱིན་ནར་བདེ། །དེ་བས་སེམས་ཅན་ཕྱིན་ཅི་ལོག །ཆོས་རྣམས་དག་པར་མ་ཤེས་པས། །ལུགས་སུ་བླུགས་སམ་འབུར་དུ་བརྐོ། །རི་མོ་འདྲི་བར་བྱེད་པའི་ཚེ། །ལས་བཞི་རང་གི་གནས་བཙལ་ལ། །ལས་རྣམས་ཡོངས་སུ་རྫོགས་པར་བྱ། །རབ་འབྲིང་ཐ་མའི་བློ་ཅན་གྱིས། །རྒྱུ་ནི་གང་དང་གང་ལ་ཡང་། །འབྲས་བུ་ཐོབ་པར་ངེས་པ་མེད། །ཐབས་ཀྱི་བློ་ཡི་རིམ་པ་ཡིས། །གཅིག་གམ་ལྔ་འམ་དྲུག་ཏུ་འདོད། །གང་གི་ལས་ལ་འཇུག་བྱེད་ཀྱང་། །དང་པོ་ཏིང་འཛིན་རྣམ་གསུམ་ནས། །ཡོངས་སུ་རྫོགས་པའི་བར་དུ་བསྒོམ། །མཆོད་བསྟོད་བཟླས་པ་རྫོགས་བྱས་ནས། །ཐ་མ་ལས་ལ་སྦྱར་བར་བྱ། །གལ་ཏེ་བསོད་ནམས་ལྡན་པ་ཡི། །ཧུ༷་གི་སྔགས་རིངས་བླངས་ནས་ཀྱང་། །ཧ་ཧའི་གད་མོས་མཁའ་འགྲོ་བསྐུལ། །རང་གི་ཏིང་འཛིན་གསལ་བལྟས་ལ། །ཚོགས་ཆེན་འཁོར་ལོ་ཆེན་པོ་བསྐུལ། །མཁའ་འགྲོ་རྣམས་ལ་གཏོར་མ་སྤྱིན། །དེའང་འགྲུབ་པར་མ་གྱུར་ན། །ཕྱོགས་སྐྱོངས་ལན་ཆགས་བྲལ་བར་བྱ། །རྒྱུ་ནི་གང་དང་གང་འདོད་པ། །ཨོ་ཨུ༷༷ཧུ༷་གསུམ་གྱི་འཕྲོ་འདུ་ཡིས། །སྐུ་གསུང་ཐུགས་ཀྱི་བ་་བསྡུས་ནས། །ཡི་གེ་གསུམ་ལ་གནས་པ་དང་། །ཨོ་དྷརྨ་དྷ་ཏུ་ཨོ་ཨུ༷༷ཧུ༷། །དེ་བརྗོད་ཡི་གེ་འོད་དུ་ཞུ། །རྒྱུ་ཉིད་སྟོང་པ་ཆེན་པོར་བསམ། །ཐབས་དང་ཤེས་རབ་རང་བཞིན་དུ། །རྟེན་དང་རྟེན་ཅན་གཉིས་ཀ་ཡང་། །རྡོ་རྗེ་པདྨར་བསམ་བྱས་ལ། །གཉིས་ཀྱི་ཆ་ལས་བྱུང་བའི་རྟགས། །གལ་ཏེ་ཞི་བའི་ལས་བྱེད་ན། །ཨོ་ལ་བསྐྱེད་དེ་ཡིག་འབྲུ་ཡང་། །ཁོང་དུགཞུག་པའི་ལས་བྱའོ། །འོད་ཟེར་དཀར་པོའི་འཕྲོ་འདུ་ཡིས། །གང་འདོད་ལས་དེ་གྲུབ་པར་བསམ། །ཁྱད་པར་གདོན་དང་སྡིག་པ་དང་། །ནད་ལ་སོགས་པ་ཞི་བྱ་སྟེ། །དང་པོ་བསྲེག་ཅིང་གསུམ་པ་དཀྲུ། །གཉིས་པ་ཡང་ནས་ཡང་དུ་སྦྱང་། །གལ་ཏེ་རྒྱས་པར་འདོད་ན་ཡང་། །ཐམས་ཅད་ཐམས་ཅད་སེར་པོ་བྱ། །རིགས་གང་རྟེན་དང་རྟེན་ཅན་དགུག །དེར་ནི་བསྟིམ་ཞིང་བཟླས་པ་བྱ། །འོད་དེ་སེམས་ཅན་ལུས་ལ་བསྟིམ། །སྙིང་གི་གའུར་འཁྱིལ་བར་བརྟག །འཇིག་རྟེན་ནོར་དང་ཟས་ཀྱི་བཅད། །བསྡུས་ནས་དམིགས་པའི་ཡུལ་ལ་བསྟིམ། །རིགས་དང་ཚེ་དང་ནོར་རྒྱས་འགྱུར། །འོད་ཟེར་ཁ་དོག་ལ་སོགས་པ། །ཀུན་ཀྱང་དམར་པོར་བསྒྱུར་བྱས་ལ། །རྩེ་མོ་ལྕགས་ཀྱུ་ལྟར་གནས་པས། །གནོད་བྱེད་གདོན་དང་འབྱུང་པོའམ་དགྲ། །སྐུ་གདུང་འོད་ཟེར་དབང་དུ་བསྡུ། །མྱོས་ཤིས་དབང་དུ་གྱུར་པར་བསམ། །རྒྱལ་པོའི་བུ་ལ་སོགས་པ་ཡང་། །གཞུག་ཅིང་བསྐུལ་བས་དབང་དུ་འགྱུར། །ཀུན་ཀྱང་ནག་པོའི་སྦྱོར་བ་ཡིས། །འོད་ཟེར་ལྕགས་ཀྱུ་ལྟར་འཕྲོས་པས། །དམིགས་བྱའི་དཀར་ནག་མཚམམས་ནས་དྲངས། །ལན་མང་བསྡུ་ཞིང་རྟེན་ལ་བསྟིམ། །སྐུའམ་གདུང་རྟེན་ནག་པོའི་འོག །བསྐལ་པའི་མཐར་ཡང་མི་ཐར་བསམ། །བསྐོར་བ་ཕྱིན་ཅི་ལོག་ཏུ་བྱ། །ལས་རྣམས་འགྲུབ་པར་ཐེ་ཚོམ་མེད། །རིགས་བཞི་སྙིང་པོ་ཕྱག་རྒྱ་དང་། །བཅས་ཏེ་མང་དུ་གཞུག་པར་བྱ། །བདག་ཉིད་ལྷའམ་ཁ་དོག་བསྒྱུར། །ལས་གཞི་སྔགས་ཀྱིས་མར་ལ་སྤྲོ། །ལག་གཉིས་རྒྱབ་སྤྲད་ལུ་གུ་རྒྱུད། །མཐེབ་གཉིས་ལག་མཐིལ་སྙིང་སྦྱར་ནས། །སྐུ་ཡི་གནས་སུ་རབ་ག་ས་པས། །རྣམ་སྣང་དཀར་པོའི་ཏིང་འཛིན་བྱ། །དེ་ཉིད་དུ་ནི་གསལ་བར་བྱ། །ཨོ་བ༷་རོ་ཙ་ན་ཨོ། །ལག་གཉིས་སོ་སོར་ཁུར་ཚུར་བཅངས། །མཐེབ་སྲིན་རབ་ཏུ་བསྣོལ་ནས་ནི། །མཛུབ་གཉིས་ཚོགས་བཅག་མགྲིན་པའི་གནས་སུ་གཞག །རྟག་པར་འོད་དཔག་མེད་པའི་སྐུ་རུ་བྱུར། །སྐུ་མདོག་དམར་པོ་སྐྱབས་སྤྱིན་ཕྱག །དེ་ཉིད་དུ་ནི་གསལ་བར་འགྱུར། །ཨོ་ཨ་མྲི་ཏ་བྷ་བ་ཨ། ལག་གཉིས་ཐལ་སྦྱར་གུང་གཉིས་བསྒྲེང་། །མཛུབ་མོའི་མཐེའུ་ཆུང་ཚིགས་དང་གཞག །སྙིང་ཁར་ག་ས་པ་བསྐྱོད་སྐུ། །མཐིང་ཁ་ཏིང་འཛིན་ཕྱག་དང་ལྡན། །དེ་ཉིད་དུ་ནི་གསལ་བར་འགྱུར། །ཨོ་བཛྲ་ས་ཏྭ་ཧུ༷། ལག་གཉིས་སོར་མོ་དམ་བསྣོལ་ནས། །གུང་གཉིས་བསྒྲེང་སྟེ་ཚིགས་བཅག་ལ། །ལྟེ་བའི་དབུས་སུ་དེ་གཏུགས་པས། །རིན་ཆེན་ཆེན་པོ་མཆོག་སྦྱིན་ཕྱག །དེ་ཉིད་དུ་ནི་གསལ་བར་འགྱུར། །སྭ་རཏྣ་ས༷་བ་བྷ་ཏྲེ། ལག་གཉིས་གན་རྐྱལ་རལ་གྲི་ཤུགས། གཡོན་པ་རལ་གྲི་ཤུབས་སུ་གཞུག །ལྷག་པའི་གནས་སུ་དེ་གཏུགས་པས། །དོན་ཡོད་ལྗང་ཁུས་གནོན་ཕྱག །དེ་ཉིད་དུ་ནི་གསལ་བར་འགྱུར། །ཧ་ཨུ་མོ་བྷ་སིརྙི་ཨ། གལ་ཏེ་རང་གི་ལྷག་པའི་ལྷ། །མོས་པས་དངོས་གྲུབ་ཉེ་འདོད་ན། །དེ་ཉིད་དུ་ནི་ཉེ་གནས་ཏེ། །རང་ཉིདཕྱག་རྒྱ་ཆེན་པོ་བཅས། །བཅུག་སྟེ་དེ་ཉིད་བཟླས་བཏབ་པས། །བསྐུལ་དང་དོན་རྣམ།ས་ཁྱབ་པར་བྱས། །འོད་འདུས་ཐོག་མའི་གཟུགས་ལ་གཟུད། །སྐུ་གདུང་བདེ་གཤེགས་ཐམས་ཅད་ཀྱི། །ཕོ་བྲང་གཞལ་མེད་ཁང་ཞེས་བྱ། །འོད་ཀྱི་བྱིན་བརླབས་འཕྲོ་འདུ་ཡིས། །རང་གི་གཟུགས་སུ་སྤྱན་དྲངས་ལ། །མདུན་གནས་མཆོད་དང་བསྟོད་པ་ཡིས། །སྲིང་དང་སྤུན་དགོངས་བྱིན་གྱིས་བརླབས། །བགེགས་ནད་ཞི་བར་འདོད་པ་ལ། །བདུད་རྩི་བུམ་པས་བྱ་བ་ཡིན། །རྒྱལ་པོའམ་བུ་མོ་དབང་དུ་བྱས། །ཨ་ཤད་བུམ་པས་བྱ་བ་ཡིན །ཚེ་དང་རིགས་བརྒྱུད་རྒྱས་པར་ལ། །བདུད་རྩིའི་རིགས་དབང་དེ་རྒྱས་འགྲོ། །རུས་པ་དག་ལ་བྱེད་དུས་སུ། །ཆོས་དབྱིངས་ངང་ལས་བྱུང་བ་ཡིས། །གསང་སྔགས་ཟབ་མོ་འདི་ཡིས་ནི། །ཆོས་རྣམས་དག་པའི་ངོ་བོར་བསམ། །དབབ་དང་བསྐྲད་དང་བྲལ་བྱས་ནས། །ཨོ་དྷརྨ་བྷ་དུ་སྭ་བྷ་བ་ཨུཏྣ་ཀོ྅ཧ༷། རང་གི་ལྷར་བསྐྱེད་བཟླས་པ་བྱ། །ཆ་མེད་སངས་རྒྱས་ཀུན་ལ་ཞུ། །དགུག་གཞུག་བརྟན་དང་མཆོད་བསྟོད་བྱ། །རོ་ལ་བསྙེན་པ་བྱེད་པ་ན། །དྲི་ཡི་ཆུ་ཡིས་དག་པར་བྱ། །དཔའ་པོའི་ཡི་གེ་ལས་རྣམས་བྱ། །བདུད་རྩི་ལྔ་ཡིས་འཐས་པར་བྱུག །གནས་སུ་ཏྲི་ཡི་ཐིག་ལེ་བྱ། །དབབ་དང་བསྐྲད་དང་དྲལ་བྱས་ནས། །ར༷་ཡ༷་ཁ༷་གྱིས་རྣམ་སྨིན་བསྲེགས། །སྡིག་མེད་གཙང་ཞིང་དང་བའི་ལུས། །སོ་སོའི་ས་བོན་དག་ལས་ནི། །གང་ཡིན་ལྷ་རུ་ངེས་བསམས་ལ། །མིག་ལ་རྣམ་རྒྱལ་ཡབ་ཡུམ་དགོད། །རྣ་བ་དབྱུག་སྔོན་ཡབ་ཡུམ་སྟེ། །སྣལ་གཤིན་རྗེ་གཤེད་པོ་དགོད། །ལྕེ་ལ་མི་གཡོ་མགོན་པོ་སྟེ། །མགྲིན་པར་རྟ་མགྲིན་མཚན་མ་དགོད། །དཔུང་པར་གཞན་གྱིས་མི་ཐུབ་པ། །ལྟེ་བར་བདུད་རྩི་འཁྱིལ་བའོ། །གསང་བར་ཁམས་གསུམ་རྣལ་རྒྱལ་ལ། །རྐང་མཐིལ་སྟོབས་ཆེན་ཡབ་ཡུམ་དགོད། །ཚངས་པའི་གནས་སུ་ཧུ༷་ཀ་ར། །ལག་གཡས་པུ་ཤུད་མགོ་ཅན་ཏེ། །ལག་གཡོན་སྐྱེ་ཀའི་མགོ་ཅན་ནོ། །རྐང་གཡས་སྲིན་བྱའི་མགོ་ཅན་ཏེ། །གཡོན་པ་ཁྲ་ཡི་མགོ་ཅན་ནོ། །ལུས་ལ་དཀྱིལ་འཁོར་གསལ་ལྟས་ལ། །དེ་ལས་འོད་འཕྲོས་སྡིག་སྦྱོང་བསམ། །གཉིས་པས་འོད་དང་ལྡན་པ་སྟེ། །གསུམ་པས་ཡེ་ཤེས་འཕེལ་བའོ། །དེ་ལྟའི་གཟུགས་སྐུའི་དམ་པ་ལ། །དགུག་དང་གཞུག་བསྟིམ་མཆོད་བསྟོད་ལ། །བདག་དང་གཉིས་སུ་མེད་བསམ་བྱ། །དེ་ལ་བཟླས་བ་བྱས་པ་ཡིས། །ཁམས་གསུམ་ས་ལ་ངེས་པར་འདའ། ཁྲེས་པ་བཀུག་དང་རབ་བསྟིམ་ལ། །རོ་དང་རུས་པ་གཉིས་ཀ་ལའོ། །རོ་ལ་དངོས་སུ་དབང་བསྐུར་ཏེ། །ནུས་པ་ཏིངངེ་འཛིན་གྱིས་བྱ། །དེ་ལ་མཆོད་དང་ཚོགས་རྣམས་ཀུན། །རྒྱས་པར་བྱ་ཕྱིར་བཟླས་པར་བའོ། །བསྙེན་པ་ལས་སུ་རུང་བ་ནི། །ལྷ་ཀླུ་མེད་པའི་ས་ཕྱོགས་སུ། །ལྟོ་འཕྱེ་ལ་སོགས་བརྟག་བྱས་ཏེ། །དཀྱིལ་འཁོར་ཁྲུ་ཚད་བཅུ་དྲུག་གམ། །ཅི་རིགས་པར་ནི་བརྟག་པར་བྱ། །ཐིག་ནི་བཅུ་དྲུག་ཆ་རུ་གདབ། །དབུས་ཀྱི་ལྟེ་བ་ཟླུམ་པོར་བསྐོར། །ཕྱག་རྒྱ་འབུར་དང་ལྡན་པར་བྱ། །དེ་ཡི་ཕྱི་རིམ་འཁོར་ལོ་ལ། །སྐུ་གསུང་ཐུགས་ཀྱི་མཚན་མ་དགོད། །མཚམས་སུ་མེ་ཏོག་དག་དང་ལྡན། །དེ་ཡི་ཕྱི་རིམས་སྣམ་བུ་ལགས། །འཇིག་རྟེན་གཅོ་མཆོག་རྣམས་ཀྱང་བསྐོར། །སྒོ་དང་རྒོ་བརྒྱན་ལྡན་པར་བྱ། །སུམ་ཐོག་མཆོད་རྟེན་ལྟ་བུའི་དབྱིབས། ཤེང་ལ་བདུད་རྩི་ལྔས་བྱུགས་ལ། །གཞལ་ཡས་ཁང་དུ་བསྐྱེད་ནས་ནི། །ལན་ཅིག་དགུག་དང་བསྟིམ་པར་བྱ། །ངན་སོང་སྒོ་རྣམས་ཤིན་ཏུ་གཅད། །དཀྱིལ་དུ་ཕུང་པོ་ལྟར་གཞག་ལ། །ཡེ་ཤེས་རང་བྱུང་མེ་སྤར་ཏེ། །དམ་ཚིག་མེ་ལྷ་རབ་བསྐྱེད་ལ། །ཡེ་ཤེས་བསྟིམ་ལ་ཐུགས་ཁར་ཁ༷། །དེ་ལ་མཆོད་བསྟོད་འཕྲིན་ལས་བཅོལ། །དེ་ལ་རོ་ཉིད་ལྷར་བསྐྱེད་ལ། །ཞི་ཁྲོ་གཉིསཔདེབཞིནཏེ། །མཁས་པས་བརྟགས་ཤིང་ཤེས་པར་གྱིས། །རུས་པ་བསྡུས་ཏེ་དར་གྱིས་བཙག །དེ་ནས་སློབ་དཔོན་དམ་པ་དེས། །ཁྲུས་བྱས་ལུས་ལ་དྲི་ཡིས་བྱུག །རྒྱན་རྫོགས་གདན་ལ་ལེགས་འདུག་སྟེ། །དང་པོའི་ཏིང་འཛིན་རྣམ་གསུམ་ནས། །བཟླས་པ་རྫོགས་ཀྱི་བར་དུའོ། །དེ་ནས་ཇི་ལྟར་འོས་པའི་ཚོགས། །ལས་ཀྱི་ཆུ་ཡིས་དག་པར་བྱ། །རྟེན་ཉིད་གཞལ་ཡས་ཁང་དུ་བསམ། །རྟེན་ཅན་རྣམ་དག་ཆོས་ཀྱི་དབྱིངས། །ཐབས་དང་ཤེས་རབ་སྔ་མ་བཞིན། །ཉོན་མོངས་ཀུན་གྱི་རྒྱུན་གཅོད་པའོ། །སྙིང་པོ་ཕྱག་རྒྱ་བྲིས་བཅུག་སྟེ། །དེ་ཉིད་སྙིང་པོ་བཟླས་བཏབ་པོས། །འོད་ཟེར་དཀར་པོའི་འཕྲོ་འདུ་ཡིས། །ལས་དང་སྒྲིབ་པ་རྣམས་སྦྱངས་ཏེ། །སྐུ་གསུམ་ས་ལ་གཞག་པར་བྱ། །དང་པོ་གང་་ཡིན་སྐུར་བསྐྱེད་ལ། །ཕྱག་རྒྱ་བཞི་ཡིས་རྒྱས་བཏབ་ཅིང་། །མཆོད་བསྟོད་འོད་དུ་ཞུ་བ་ལས། །ཆོས་སྐུའི་གཟུགས་སུ་གྱུར་པར་བརྟགས། །དེ་ནས་ཁྲུས་ཆབ་གསོལ་བ་དང་། །མཆོད་པ་རྣམས་ཀྱང་དབུལ་བར་བྱ། །ཕྱི་ནང་གསང་བ་རྫོགས་པར་བྱ། །ཨོ་ཀྭ་ཡ་ནི་སརྦ་ཏ་ཐུ་ག་ཏ་པུ་ཙ་ཡེ་གྲྭཧྭ། མཆོད་པ་ཡོངས་སུ་དག་པར་བསམ། །ཆོས་ཉིད་རྟེན་ཅིང་འབྲེལ་འབྱུང་བས། །རྒྱུ་འབྲས་ཆོས་རྣམས་རྫོགས་པར་བརླབ། །འདི་ཡིས་གཉིས་མེད་བྱང་ཆུབ་སེམས། །ཡང་དག་ཉིད་དུ་རྟོགས་པར་འགྱུར། །སྐྱེ་མེད་ཆོས་ཀྱི་དབྱིངས་ཉིད་ནི། །འདི་ཡིས་རྟོགས་དེ་གཞན་གྱིས་མིན། །ས་དང་ཁྱདཔར་ལམ་ལ་ཡང་། །འདི་ཡིས་བགྲོད་དེ་གཞན་གྱིས་མིན། །གལ་ཏེ་རྐྱེན་ལས་གྱུར་པའམ། །གཞན་གྱི་བྱད་སྟེམས་བཟློག་པ་ནི། །བདག་ཉིད་དྲག་པོའི་སྦྱོར་བ་ཡིས། །ཁྲོས་པའི་སེམས་སུ་རབ་གནས་ལ། །ལུས་ལ་མཚན་མོའི་ཐིག་ལེ་གདབ། །སྐྲ་ཡང་སྤྱི་བོར་བཅིངས་ནས་ནི། །མཆོད་པ་དག་ཀྱང་བཤམ་བྱས་ལ། །བདག་ཉིད་སྟོབས་ཆེན་སྐུར་བསྒོམས་ཏེ། །དམ་རྫས་ཞིག་གི་རས་མ་་ལ། །དམིགས་པའི་གཟུགས་དང་མིང་རུས་བྲི། །ཁོ་ཡི་བརྟེན་པའི་ལྷ་དང་སྔགས། །ཐམས་ཅད་བྲིས་ནས་དེར་བཅུག་དེ། །སྟོབས་ཆེན་འོག་ཏུ་མནན་པར་བྱ། །ཡི་གེ་སུམ་ཅུ་སོ་དགུ་ཡིས། །སྔགས་ཀྱི་ཡོངས་སུ་སྤེལ་བྱས་ལ། །བཟློག་པར་བྱེད་པའི་སྙིང་པོ་འདི། །རྟག་ཏུ་བཟླས་ལ་གདབ་པར་བྱ། །ཨོ་ན་མོ་བྷ་ག་བཱ་ཏེ་ཤྭ། ཤན་ཏི་གི་དུ་ཏད་ཡ་བཛྲ་དྷ་ན་དོ་ཡེ། མ་ཀ་ནི་ཀོ་ན། ཙ་ལ་ཙ་ལ། མ་ལ་མ་ལ། ཏི་ལི་ཏི་ལི་གྲྭཧྭ། འདི་ཡིས་ཐམས་ཅད་བཟློག་པ་དང་། །བཅིངས་པར་འགྱུར་ཏེ་ཐེ་ཚོམ་མེད། །གལ་ཏེ་དེ་ལྟར་མ་ཡིན་ན་ཡང་། ་་ས་ཀར་དག་ལ་སྔགས་ཏེ་འཕང་། །འདི་ནི་ལས་ཀྱི་མཆོག་ཅེས་བྱ། །ཀུན་ཀྱང་ནག་པོའི་སྦྱོར་བས་བྱའོ། །དོན་ལ་ཁྱད་པར་ངོ་མཚར་ཆོས། །འཁོར་བ་དག་མཛད་ཉོན་མོངས་འཇོམས། །ཡེ་ཤེས་སྐུ་བརྙེས་ཡང་དག་ཉིད། །འདི་དོན་ལོགས་རྟོགས་དེ་ལས་བྱུང་། །དུས་གསུམ་བདེ་གཤེགས་རྣམས་ཀྱིས་བསྔགས། །དེ་བས་འདི་དོནརྟོགས་པ་གཅེས། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། །སྐུ་གསུང་ཡོངས་སུ་བཞག་པའི་ལེའུ་སྟེ་བཅོ་བརྒྱད་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་དོན་ཐམས་ཅད་ལྷུན་གྱིས་གྲུབ་པའི་བདག་ཉིད་ཆེན་པོ་ལ་འདི་སྐད་ཅེས་གསོལ་ཏོ། །འགྲོ་བ་ལས་ཀྱིས་འཆལ་བ་དང་། །ཕྱིན་ཅི་ལོག་ཏུ་གོལ་བ་ལ། །དྲག་པོའི་ལས་རྣམས་གསུངས་ལགས་ན། །བདག་གི་དོན་རྣམས་མཐར་བཏོན་ནས། །ཕ་རོལ་བདེ་ལ་དགོད་པ་ལ། །ཕན་པའི་ལས་རྣམས་མ་མཆིས་སམ། །ཀི་ལ་ཡ་ཡིས་བཤད་དུ་གསོལ། །ཅེས་གསོལ་པས། བཅོམ་ལྡན་འདས་བཛྲ་ཀི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ །འགྲོ་བ་ལས་ཀྱིས་གཟིར་བ་ཡིས། །འཁོར་བའི་རྒྱ་མཚོར་ཚུད་པ་ལས། །སྣ་ཚོགས་ལས་རྣམས་བསམ་མི་ཁྱབ། །ཐམས་ཅད་བརྗོད་པར་ག་ལ་ནུས། །རེ་ཞིག་ཕན་པར་བྱ་བའི་ལས། །མདོ་ཙམ་བསྡུས་ཏེ་ངས་བཤད་ཀྱིས། །ལས་ཀྱི་སེམས་དཔའ་ཁྱོད་ཉོན་ལ། །འགྲོ་བའི་དོན་དུ་བཤད་པར་གྱིས། །སེམས་ཅན་ཚ་བས་གདུངས་བ་ལ། །ཆར་གྱི་རྒྱུན་རྣམས་རབ་ཕབ་ལ། །གང་ཟག་བདེ་ལ་འགོད་འདོད་ན། །སྟོབས་པོ་ཆེ་ཡི་དཀྱིལ་འཁོར་དུ། །ཉི་ཟླ་པདྨའི་གདན་བཤམས་ཏེ། །ཐབས་དང་ཤེས་རབ་མཐུ་དག་ལས། །སློས་འགྲོ་ཆུན་པོའི་གང་ན་བསྒོམས་ཏེ། །དེ་སྟེངས་བདག་པོའི་སྐུ་བསྐྱེད་ལ། །སྤྲོ་ཞིང་བསྡུས་པས་འོད་དུ་ཞུ། །དེ་ལ་ཐུགས་མཚན་ཕྱག་རྒྱར་གྱུར། །དེ་ལས་ཡི་གེའི་གཟུགས་སུ་གྱུར། །སྤྲོས་བསྡུས་འོད་དུ་ཞུ་བ་ལས། །ཨོ་བཛྲ་ཀྲོདྷ་མཧྭ་བ་ལ་ཧུ༷། ཞེས་བརྗོད་དབུ་གསུམ་ཕྱག་དྲུག་པ། །གཡས་དཀར་གཡོན་དམར་དབུས་དུད་ཀ །དང་པོ་རྡོ་རྗེ་བརྙ་ལ། །བར་པོ་ཐོ་བ་ལྕགས་ཀྱུའོ། །ཐ་མ་འདུལ་པའི་ཕྱག་ལྕག་བསྣམས། །ཐུགས་ཀའི་ཧུ༷་ལས་བསྐྱེད་ཆེན་མ། །སྒྲའམ་གྲིབ་མའི་ཚུལ་དུ་བསམ། །ཡན་ལག་ཡོངས་སུ་རྫོགས་པ་དང་། །འོད་ཀྱི་རྒྱལ་བ་སྤྱན་དྲངས་ལ། །བདག་གི་ཐད་དུ་བཞུགས་བསམས་ཏེ། །བསྐོར་བ་ལན་གསུམ་བྱས་ནས་ནི། །ཕྱི་ནང་གསང་བའི་མཆོད་པས་མཆོད། །གསོལ་བ་གདབ་ཅིང་དབང་རྣམས་ནོད། །བདག་པོ་གྲུབ་པའི་གནས་སུ་གཤེགས། །མཁའ་གསང་བྱིན་རླབས་སྦྱོར་བ་ལས། །འཁོར་གྱི་དཀྱིལ་འཁོར་ཡོངས་རྫོགས་བསྐྱེད། །ཀུན་ཀྱང་ཞལ་གཅིག་ཕྱག་གཉིས་ལ། །ཀ་ར་བི་རེའི་ཕུར་བུའོ། །ལྟོས་འགྲོ་སྤུངས་པའི་གདན་ལ་བཞུགས། །རང་རང་ས་བོན་དག་གིས་མཚན། །སྒོ་མ་རྣམས་ཀྱང་དེ་བཞིན་གསལ། །རྡོ་རྗེ་རིགས་པའི་ས་བོན་ལས། །ཡེ་ཤེས་སེམས་དཔའ་དགུག་གཞུག་དང་། །རྟག་པར་བཞུགས་གསོལ་མཆོད་པར་བྱ། །དེ་ནས་བཟླས་པ་བྱ་བའི་ཐབས། །ཏིང་འཛིན་ཧུ༷་ལས་འོད་འཕྲོས་ཏེ། །འོག་གི་ཀླུ་རྣམས་བཀུག་ནས་ནི། །བདག་གི་དེ་ཉིད་དེར་སོན་བྱ། །ཨོ་སྤྲོ་ཏ་སྤྲོ་ཏ་ཡ་ནཱ་ག་ཧ་ལ་ཕཊ་ནན། ནཱ་ག་དུན་དུན་ཧྲི་ད་ཡ་ཕཊ། །དེ་ལྟར་སྔགས་འདི་ཁྲི་ཕྲག་ཅིག །འདི་ཉིད་དྲག་པར་རབ་བཟླས་བས། །ཀླུ་རྣམས་རབ་ཏུ་སྐྲག་འགྱུར་ཏེ། །ཆར་གྱི་རྒྱུན་རྣམས་ཕེབས་པར་བསྐུལ། །དངོས་དང་ཉམས་དང་རྨི་ལམ་དུ། །ཉམ་ཐག་འོ་དོད་འབོད་པ་དང་། །སྦལ་ལྕོང་སྐམ་ལ་འཐོན་པ་དང་། །ལས་ལ་སྦྱར་བའི་དུས་ལ་བབ། །ཆུ་མིག་གཉན་པོའི་ཁར་སོང་ལ། །ཀླུ་རྣམས་སྨན་དང་གསོ་བའི་རྫས། །མཆོད་ཏུ་གྱུར་པའི་གཏོར་མ་བཤམ། །བཀྲ་ཤིས་འོ་མ་སྦྲེད་ཞིང་བླུགས། །ཀླུ་ཆེན་བརྒྱད་ལ་སོགས་པ་ཡི། །བ་སུ་རིགས་དྲུག་འདིར་འདུས་ཤིག །སྟོབ་པ་ང་ཡི་བཀའ་བསྒོ་ཡིས། །སེམས་ཅན་ཚ་བས་གདུངས་པ་ལ། །ཆར་གྱི་རྒྱུན་རྣམས་དྲག་ཏུ་ཕོབ། །གལ་ཏེ་ཆར་པ་མི་འབེབས་ན། །ཀ་ར་བི་རིའི་རྒྱ་ལྕག་གིས། །གཟུགས་ཕུང་ཐལ་བ་བཞིན་དུ་ནི། །བརླག་པར་འགྱུར་བས་གདོན་མི་ཟ། །གཏོར་མ་བྱིན་ལ་གནད་ལ་བོར། །ནཱ་ག་ཙིསྟ་ས་མ་ཡ་སྟུ༷། སྔགས་དེས་གནད་ལ་བོར་བ་ཡིས། །སོ་སོའི་གནས་ནས་རབ་སྐྱོད་དེ། །ཇི་ལྟར་བགྱི་ཞེས་ཟེར་བར་རྟག །ཆར་བའི་རྒྱུན་རྣམས་ངེས་པར་འབེབས། །གལ་ཏེ་ཆར་པ་མི་སྟེར་ན། །གསང་བའི་རྫས་ཆེན་དམ་པ་ལ། །རང་བྱུང་མེ་ཏོག་སེར་བུས་བྱུག །དྲི་ལྡན་གསེར་གཡི་ཁུ་བ་ཡིས། །འཁོར་ལོ་རྩིབས་དང་ལྡན་པར་བྲི། །ཕོཊ་ཕོཊ་ཀྱིས་ཐོག་མཐའ་ཅན། །ཡི་གེ་བརྒྱད་པོ་བྲི་བར་བྱ། །བདག་ཉིད་ཞལ་གཅིག་ཕྱག་གཉིས་ལ། །མི་ཤིགས་ཀར་བི་རིའི་ལྕག །གདུག་སྔགས་བཟླས་ཤིང་ཀླུ་ལ་བྲབ། །འོག་གི་འཁོར་ལོའི་ཡི་་བསྐུལ། །འོག་གི་འཁོར་ལོའི་འདབ་བརྒྱད་དབུས། །ནག་དབུ་གསུམ་སྦྲུལ་མགོ་དྲུག །ཕྱག་ན་ཐལ་པདྨ་བསྣམས། །ཤིན་ཏུ་བྲེད་པར་གནས་བསམ་ཏེ། །འཁོར་ལོ་པདྨའི་རྩིབས་དང་ལ། །ནན་གྱིས་མགོ་བྱས་ཕཊ་ཀྱིས་འཇུག །དེ་ལྟར་ཡི་གེ་བཅུ་དྲུག་དང་། །རང་སྙིང་ས་བོན་དེ་རྣམས་ཀྱིས། །འདོ་ཀྱིས་ཀླུ་རྣམས་བསྲེག་པར་བསམས། །དང་པོ་དགུག་དང་པར་བ་བསྟིམ། །ཐ་མ་གཟིར་ཏེ་ལྕག་གིས་བྲབ། །དེ་ལྟར་བྱས་ན་ལས་བྱེད་ན། ཁེན་ཏུ་སྐྲག་ཅིང་སྔགས་འགྱུར་ཏེ། །རྒྱ་མཚོ་རླབས་ནས་ཆར་གྱི་རྒྱུན། ཁེན་ཏུ་དྲག་པར་འབབ་པར་བྱེད། །དེ་ཡིས་འོང་བར་གདོན་མི་ཟ། །གཏོར་མ་གཏང་ཞིང་འཁོར་ལོ་བཀྲུ། །མཐུན་པའི་འོ་མ་གཉིས་ཀྱིས་གསོ། །གནད་འགྲམས་ཉམས་དང་སྡངས་པ་རྣམས། །དེ་ཡི་གདམ་པ་ལེགས་པར་བྱ། །གལ་ཏེ་ལྷག་པར་གྱུར་པ་ན། །འཁོར་ལོ་སྟེང་མའི་གདམ་ངག་ལ། །འོག་མའི་སྔགས་རྣམས་ཕྱིར་བསྐྱལ་ལ། །དེ་ལྟར་བྱས་ན་འཆད་པར་ངེས། །དཀྱིལ་འཁོར་གསལ་བལྟས་བསྲུང་བར་བྱ། །མཆོད་དང་གཏང་རག་ལ་སོགས་བྱ། །ལས་རྣམས་ཀུན་གྱི་མཆོག་ཅེས་བྱའོ། །གལ་ཏེ་སྲུང་བར་བྱེད་འདོད་ན། །རྟ་མགྲིན་རྒྱལ་ལམ་གང་འདོད་པའི། །དཀྱིལ་འཁོར་གཅིག་གིས་བསྲུང་བའམ། །ཡང་ན་སྤྱི་ཡི་དཀྱིལ་འཁོར་དུ། །ཁྲོ་བོ་བཅུ་ཡི་ཕུར་པ་ལ། ་་ས་ཀར་དང་ནི་ཐལ་ཆེན་དང་། །སྐྱེ་འབྲམ་དང་ནི་ལན་ཚྭ་དང་། །དུད་པ་བསེ་སྟག་དམར་ཁྲ་དང་། །ཐལ་ཆེན་རཀྟ་མཐའ་དག་དང་། །ཀླུ་སྨན་དང་ནི་མཁྲིལ་བ་རྣམས། །ཡི་གེ་བཅུ་དྲུག་སྔགས་བཟླས་ཏེ། །གོང་མའི་རྫས་དང་སྦྲེལ་དུ་གཞུག །ཡི་གེ་བཅུ་བདུན་གསང་སྔགས་ལ། །ཉིས་འབུམ་སུམ་འབུམ་ལ་སོགས་སམ། །བྱེ་བ་ས་ཡར་རབ་བཟླས་ལ། །ནུས་པ་ཐོབ་བམ་རྟགས་ཟིན་བྱ། །རང་རང་སྔགས་ཀྱང་ཁྲི་ཚོ་རེ། །བཟླས་པ་བྱས་ལ་ཐོས་དང་སྦྲགས། །དགོས་པའི་དུས་ཚོད་ནམ་བྱུང་བར། །གདོང་ལ་ཐལ་བའི་མཚན་མ་གདབ། །རྫས་དགུ་ཕྱེ་མ་རབ་བླངས་ལ། །ཚུལ་གྱིས་སྤྱན་བཟློག་ལ། །དྲག་པོའི་ང་རོས་གསང་སྔགས་བཟློས། །གཡོན་པ་སྡིགས་མཛུབ་ཕུར་པར་བཅས། །གཡས་པ་གསང་སྔགས་རྫས་རྣམས་བརྡེགས། །གང་འདོད་གནས་སུ་བསྐྱལ་བར་ངེས། །བདུད་རྩི་འཁྱིལ་བའི་དཀྱིལ་འཁོར་ར༷། །སྲས་མཆོག་ཆེན་པོའི་དཀྱིལ་འཁོར་དུ། །བསྙེན་པ་བྱེ་བས་ཡར་བསྐྱལ། །བསྒྲུབ་པ་ལས་དཀྱིལ་འཁོར་དུ། །ན་ལེ་ཤམ་ནི་དཀར་པོའི་ཤིང་། །མ་ཤད་ཏ་ཡི་འདབ་མའི་བར། །ལེགས་པར་བཅུག་ལ་ནུབ་བདུན་བཟླས། །བསྐལ་བའི་བར་དུ་འགྲོ་བར་འགྱུར། །སྤང་རྩི་ཞོ་དང་དག་པའི་རྫས། །མར་དང་ཉུངས་ཀར་ལ་སོགས་པའི། །བརྒྱའམ་སྟོང་དུ་བཟླས་བསྲེགས་པས། །དུས་ནི་གསུམ་དུ་ཞག་བདུན་བྱ། །དབང་དུ་མི་འདུ་གང་ཡང་མེད། །འདི་ནི་དབང་དུ་བསྡུ་བའོ། །པ་ལ་ཤ་ཡི་ཤིང་བུ་ལ། །ཨ་མ་ལ་ཡི་མེ་སྤར་ཏེ། །མ་ར་དང་སྤྲང་རྩི་འོ་མ་ལ། །བདུན་སྟོང་བར་དུ་བསྲེགས་བྱས་ན། །བསྐྲད་པ་ཕ་རོལ སྡེ་མ་ཀུན། །ཞི་བར་འགྱུར་ཏེ་གདོན་མོ་ཟ། །བིལ་བ་དག་གི་ཡབ་ཤིང་ལ། །ལན་སྟོང་བཟླས་བསྲེགས་སྐྲོད་པར་བྱེད། །བིལ་པའི་ཤིང་ལ་མེ་བུས་ཏེ། །བྱ་རོག་འུག་པའི་སྒྲོ་ག་ས་ལ། །ཉུངས་ཀར་ལ་ནི་བསྙུགས་ནས་ནི། །བརྒྱ་སྟོང་བར་དུ་བཟླས་བསྲེགས་ན། །ཁམས་གསུམ་མཐོངབར་གདོན་མི་ཟ། །ཁ་ཚར་མ་ཉམས་གཙང་མ་ལ བཟོ་པོ་སྨྱང་བ་བྱས་པ་ཡིས། །མ་འདྲེས་ལེགས་པར་བྲིས་པ་ནི། །གཙོ་བོ་རྡོ་རྗེ་གཞོན་ནུ་ཉིད། །གསེར་གྱི་མདོག་ཅན་ཕྱག་བརྐྱང་བ། །གཡོན་དུ་སྡུད་པ་རྡོ་རྗེ་ཆོས། །དབུ་སྨད་དཀར་ལ་འཚེར་བ་བྲི། །དེ་འོག་རིག་པ་འཛིན་ལ་ཉིད། །གསེར་གྱི་པོག་པོར་བཟུང་ནས་ནི། །དེ་ལ་མཆོད་པ་བྱེད་པ་བྲི། །དེ་ནས་བདག་ཉིད་ལུས་པོ་ནི། །བ་ཡི་ཆུའམ་འོ་མ་དང་། །ནས་ཀྱི་ཕྱ་མས་ལུས་དྲིལ་ལ། །གཙང་མའི་གོས་དང་ལྡན་པར་བྱ། །རྒྱལ་བའི་སྐུ་ལ་མཆོད་པ་དང་། །རྟག་ཏུ་ཕྱག་ན་རྡོ་རྗེ་ལ མོས་པ་སེམས་ཀྱིས་གཏོར་མ་དབུལ། །སྐུ་གཟུགས་མཆོད་རྟེན་སྤྱན་ལྔ་སྲ །བཟླས་ན་དངོས་གྲུབ་མཆོག་ཆེན་སྟེར། །ཞི་རྒྱས་དབང་དང་བསྐྲད་པ་དང་། །དགུག་དང་རྣམས་འབྱེད་འཕྲོག་པ་དང་། །བསྐང་དང་དུས་བླང་རབ་ཏུ་ཐར། །བརྩོད་དང་ཞབྲུག་པ་རྣམས་བཅོམ་པ། །ཕ་རོལ་སྡེ་རྣམས་བཤིག་པ་དང་། །ནམ་མཁའ་དག་ལ་འགྲོ་བ་དང་། །སྤུ་གྲི་རལ་གྲི་འཁོར་ལོ་དང་། །རྡོ་རྗེ་གསལ་ཤིང་ཕུར་པ་རྣམས། །བསམ་པ་གཅིག་གིས་འགྲུབ་པར་ངེས། །བསད་པའི་ཕུར་པ་ངེས་པ་ལ། །བརྒྱ་སྟོང་བཟླས་ཏེ་སྒོར་བཏབ་ན། །གདུག་པའི་ཚོགས་རྣམས་གང་ཡང་རུང་། །འཕྲལ་དུ་འབྲོས་པར་གདོན་མི་ཟ། །སྐེ་ཚེ་གྲོ་ག་ལན་ཚྭ་གསུམ། །བསྔགས་ཏེ་ས་ལ་སྦས་ནས་ཀྱང་། །བསྐྲད་པ་ལ་ནི་རེ་དོགས་མེད། །ལག་པ་ལ་ནི་བརྒྱ་སྟོང་དུ། །བཟླས་ཏེ་ས་ལ་བརྡབས་པ་ནི། །གཏེར་གྱི་བདག་པོ་འབྲོས་པར་འགྱུར། །ཡོ་བྱད་སྔོན་པོར་བསྒྱུར་ནས་ནི། །མངར་གསུམ་ཡོན་དུ་ཕུལ་ནས་ཀྱང་། །ལག་མཐིལ་ས་ལ་བརྡབས་ནས་ནི། །བསྲེག་ཅིང་ཞག་གསུམ་བར་དུ་ཡང་། །བརྒྱ་སྟོང་བར་དུ་བཟླས་བསྲེགས་ན། །གཏེར་ཁུག་པ་ལ་གདོན་མི་ཟ། །རིང་པོར་སྙིང་པོ་བཟླས་བྱས་ཏེ། །སྐུ་གདུང་མཆོད་རྟེན་ལ་སོགས་པ། །མཆོད་པ་དབུལ་ཞིང་ཟས་གཙང་བཟའ། །བརྒྱ་སྟོང་བཟླས་ན་མཁའ་ལ་འགྲོ། །གཞན་གྱི་དབང་དུ་མི་འགྱུར་ཞིང་། །ཀུན་གྱི་བླ་ན་སྤྱོད་པ་དང་། །མཆོད་སྤྱིན་རྣམས་དང་ལྷན་ཅིག་འཀྱུར། །རྡོ་རྗེ་ཆོས་ལ་མཆོད་ནས་ནི། །གཡས་ཕྱོགས་ཨ་ཤད་འདབ་མ་ལ། །འོག་ཏུ་བཞི་ལ་སྟེང་དུ་གསུམ། །དེ་ལྟར་ཞག་གསུམ་ཟིན་པ་དང་། །འབྱུང་པོ་ཀུན་ལ་གཏོར་མ་སྤྱིན། །བསྒྲུབ་པོའི་མཚན་མ་གསུམ་གྱི་བར། །དེ་ཡི་བར་དུ་སྙིང་པོ་བཟླས། །བགྲོད་པར་དཀའ་ཡང་མྱུར་དུཕྱིན། །གལ་ཏེ་རྒྱལ་ས་འཛིན་འདོད་དམ། །ནད་དག་མྱུར་དུ་བཅད་འདོད་ན། །ཡུམ་ཆེན་རྒྱས་འདེབས་སྐུ་གཟུགས་བྲི། །ར་འམ་ཕག་པའི་ཁྲག་དག་ལ། །གཏོར་མ་རྒྱ་ཆེན་བྱིན་ནས་ནི། །བཟླས་པ་བརྒྱ་སྟོང་རབ་བཟླས་ལ། །བདག་ཉིད་བར་དུ་སྨྱུང་བར་གནས། །པ་ལ་ཤ་ཡི་མེ་བུས་ཏེ། །བ་ཡི་ཤ་ལ་སྤྱིན་སྲེག་ནི། །ཉི་ཤུ་རྩ་ལྔར་བཟླས་བསྲེགས་ནས། །ནུབ་གསུམ་གྱིས་ནི་ནད་རྣམས་ཆད། །དེ་ལ་སོགས་ཏེ་བསམ་ཡས་མཆོག །ཇི་ལྟར་འདོད་པ་བཞིན་དུ་འགྲུབ། །གལ་ཏེ་སྲིད་ཅན་འདུལ་འདོད་ན། །ཉི་ཤུ་རྩ་གཅིག་དཀྱིལ་འཁོར་དུ། །བསྙེན་པ་བྱེ་བས་ཡར་བསྐྱལ། །དེ་ནས་ལས་ཀྱི་གཞུང་ལ་འཇུག །དེ་ཡི་གསང་སྔགས་འདི་ཡིན་ཏེ། །ཨོ༷་སརྦ་ཛ་ཏྲི་ཧུ༷་ཛ། ན་ཏྲི་སུམ་ཏྲི་སུམ་ཧུ༷་ཛ། ཤན་ཏྲི་ནི་ཧུ༷་ཛ། ཀ་ཏྲི་ནི་ཧུ༷་ཛ། ངན་ཏྲི་ནི་ཧུ༷་ཛ། གུ༷་གུ༷་གུ༷་སྡོ་རྫོ་ཕོ ཡི་གེ་དགུ་ཡི་མགོ་དྲངས་ལ། །ཕྱི་འམ་ཡང་ན་ཕྱེ་ལ་བཟླས། །དུས་དྲུག་དག་ཏུ་རབ་འབད་ལ། །ཞུགས་པའི་ཁ་པྲ་ཐབས་པ་དང་། །རང་རང་གང་ཡིན་གནས་སུ་མནན། །ལས་ཀྱི་རྒྱལ་པོ་མཆོག་རྫོགས་ནས། །མ་ཏོ་ལ་ཡི་ཤིང་བུ་ལ། །བདུན་སྟོང་བར་དུ་རབ་བསྲེགས་ན། །གདུག་བྱེད་ཕྱེ་མ་བརླག་པར་འགྱུར། །གང་ཞིག་མོ་ཤམ་རིགས་སྤེལ་བའི། །དེ་ཡི་ཆོ་ག་བསྒྲུབ་འདོད་ན། །འཁོར་ལོ་རྩིབས་བརྒྱད་དཀྱིལ་འཁོར་དུ། །སྔོན་དུ་འགྲོ་བའི་ལས་དག་བྱ། །བུམ་པ་དམར་པོའི་མདོག་འདྲ་ལ། །མཚན་དང་ལྡན་ཞིང་རྨ་མེད་པར། །སྤོས་ཆུ་དག་གིས་ཁྲུས་བྱས་ཏེ། །རིན་ཆེན་ལྔ་དང་སྨན་ལྔ་དང་། །འབྲུ་ལྔ་སྤོས་ལྔ་སྙིང་པོ་ལྔ། །ཀར་བུ་རམ་སྦྲང་རྩི་དང་། །ཛ་ཏི་པ་ལ་ལ་སོགས་རྣམས། །བདུད་རྩི་་བཅུད་ལྡན་བུམ་པར་བླུག །ཕྱི་ནང་གསང་བའི་མཚམས་གསུམ་བཅད། །དམར་པོའི་ཤིང་ལ་བྱས་པ་ཡི། །ཕུར་པ་དར་གྱི་ཅོད་པཎ་ཅན། །བཅོ་ལྔ་དཀྱིལ་འཁོར་རིམ་པར་དགོད། །གཞན་ཡང་གོ་རིམས་ཇི་ལྟར་བར། །ལས་རྣམས་ཡོངས་སུ་རྫོགས་པ་དང་། །སྤྱི་ཡི་བསྙེན་པ་ཅི་ནུས་བསྐྱལ། །གྲངས་དང་མཚན་མ་རྟགས་མཐོང་ནས། །བུམ་པའི་ནང་དུ་ཡི་གེ་མ། །འཕྲོ་འདུས་འོད་དུ་ཞུ་བ་ལས། །མ༷་མོ་ཧ་ར་ཏི་ཛ་ཞེས་པས། །མྱ་མ་ཀི་ནི་མདོག་དཀར་མོ། །ཞི་བའི་མདོག་ལ་འདོ་འཕྲོ་འབར། །གཡས་ན་རིན་ཆེན་ཟ་མ་ཏོག །གཡོན་ན་རིན་ཆེན་སྙེ་མ་བསྣམས། །རྒྱན་ཆས་ཀུན་དང་ལྡན་པ་ལ། །དབང་བསྐུར་བྱིན་བརླབས་ཚུལ་བཞིན་བྱ། །དགུག་གཞུག་བསྟིམ་ལ་མཆོད་བྱས་ཏེ། །དམིགས་པའི་ཡུལ་ཡང་དེ་འདྲར་བསྐྱེད། །ཅིས་ཀྱང་མི་ཚུགས་བསྲུང་བ་དང་། །དབང་བསྐུར་བསྲེ་བ་ལ་སོགས་བྱ། །པ་ལ་ཤ་ཡི་ཤིང་བུ་ལ། །འབྲས་བུ་ལྡན་པས་ཁ་བརྒྱན་ཅིང་། །ལེ་བརྒན་དར་རམ་མ་ཉམས་རས། །མགུལ་ཆིངས་དག་དང་ལྡན་པ་ལ། །ཁ་དོག་ལྔ་ཡི་སྲད་བུ་གདགས། །ན་མོ་རཏྣ་ཏྲ་ཡ་ཡུ། ཤཱཀྱ་པར་ཡ། ཏ་ཐུ་ག་ཏ་ཡ། ན་མོ་མ་ཤཱཀྱ་ཏ་ཡ། ཀླུ་ཀླུ་ཡུ་སུ་ལེ། ཙ་ཏུར་ཏྲ་ཙ་རོར་ས་ཧ། ང་ཙེ་ང་ཙེ་གྱང་ཙེ་ཧེ་རུ་ཧེ་ཧུ། ཏབྱ་ཐུ་ཨ་ནུ་རྒྱ་སྣུ་མི་བྷ་བ་ཀྟ་བི་ཛེ། གུ་ལོ་ཙ་ལ་མེ། པ་ཏ༷་ཀྟ་ལོ་མེ། པ་ཏ་ཀྟ་ལོ་མེ། ཀྲི་ཡ་ཀྟ་ན། བ་ཀུ་མུན་ཏེ་ཛ་ར་བར་མེ། ཚ་ཏ་བར་མེ་ཚ་ཏ་པ། པ་པ་ཏེ། པ་ཤུ་ལ་གེ་ཨ་བ། བྷ་སུ་ནེ་ཧ་ས་ཀ་བ་ཀྟ། ལ་མ་ཐུ་ཙ་སྒ། ག༷་སྟིར་བ་སུ་མེ་ཨ། མ་ནོ་ཡ་ས་རོ། པ་ལ་ཤ་ཏོ་ཡེ་གྲྭཧྭ། འདི་ཡི་རིམ་པ་རྣམས་ཕྱེ་ལ། །གྲངས་འབུམ་བཟླས་ཏེ་ཆོ་ག་བཞིན། །ཞག་བདུན་ཁྲུས་བྱ་སྨྱུང་བར་གནས། །གུ་གུལ་བདུག་ཅིང་བསྐྲད་པར་བྱ། །ཐུན་གསུམ་སྦྱོར་བས་དེ་བླུད་ལ། །ཚོགས་དང་སྦྱིན་སྲེག་བྱ། །ཅི་འདོད་བསམ་པ་འགྲུབ་པ་འགྱུར། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། །རིན་པོ་ཆེ་གཏེར་གྱི་ལེའུ་སྟེ་བཅུ་དགུ་པའོ།། །དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདྲེན་པའི་སྐུ། །སྐྱེ་མ་བཅོམ་ལྡན་གསང་བའི་བདག །ཀྱེ་མ་ཐམས་ཅད་མཁྱེན་པའི་སྐུ། །ཀྱེ་མ་སྨྲ་བའི་སེང་གེ་མཆོག །ལམ་འདིར་ཞུགས་པའི་གང་ཟག་ལ། །རྟེན་དང་རྟེན་ཅན་ལ་སོགས་རྣམས། །མཚོན་བྱ་མཚོན་པར་བྱེད་པའི་ཐབས། །རྣམ་པར་དག་པོའི་མཚན་ཉིད་ཅི། །ཞེས་གསོལ་བས། བཅོམ་ལྡན་འདས་གསང་བ་མཆོག་གི་བདག་པོ་ཆེན་པོ་བཀའ་སྩལ་པ། ཀྱེ་མ་ལས་ཀྱི་སེམས་དཔའ་མཆོག །ཡང་དག་དོན་རྟོགས་ཐབས་ཆེན་པོ། །བསྐྱེདཔའི་རིམ་པ་ལེགས་འདོད་ཅིང་། །རྫོགས་པའི་རིམ་པ་གནས་འདོད་པས། །འདི་ནི་མཚན་ཉིད་རྟོགས་པ་གཅེས། །རྟེན་གྱི་དཀྱིལ་འཁོར་བཤད་བྱ་བ། །དབྱིབས་ཀྱི་ སྒོ་ནས་དོན་མཚོན་པའི། །དེ་ཡི་རིམ་པ་འདིར་བཤད་པ། །གཅིག་དང་དུ་མར་བྲལ་བའི་ཕྱིར། །དཀྱིལ་འཁོར་སྤྲོས་མེད་ཟླུམ་པོའི་ཚུལ། །རང་བྱུང་འགག་པ་མེད་པའི་རྟགས། །དབུས་ཀྱི་ཆ་ནི་གྲུ་གསུམ་མོ། །དྲེགས་ཚོགས་དབང་དུ་སྡུད་པའི་རྟགས། །ཟླ་ཁམ་གསུམ་གྱིས་མཐའ་རུ་མཛེས། །ཆོས་རྣམས་ཀུན་ལ་དབང་སྒྱུར་ཕྱིར། །འཁོར་ལོ་རྩིབས་དང་ལྡན་པའོ། །ཆོས་ཀྱི་འཁོར་ལོ་ཡོངས་ཀྱི་བསྐོར། །མུ་ཁྱུད་ཟུམ་པོ་དག་གིས་མཛེས། །ཕྱོགས་བཞིར་ཡེ་ཤེས་བཞི་འསྤྲའི་ཚུལ། ཁུ།་ཆད་བཞི་དང་ལྡན་པའོ། །གཞལ་ཡས་གྲུ་བཞིར་གྱུར་པ་ནི། །ཡེ་ཤེས་ཡོངས་སུ་རྒྱས་པའི་རྟགས། །ཐེག་པོའི་འབྲས་བུ་རིམ་འཇུག་ཕྱིར། །དེ་ཕྱིར་ཡེ་ཤེས་སྒོ་བཞིར་ཤར། །རྟ་བབས་ཡང་དག་སྤོང་བ་བཞི། །ཀ་བ་འཕགས་ལམ་ཡན་ལག་བརྒྱད། །རྣམ་གསུམ་ཐོད་པའི་རྩིག་པ་ནི། །སྐུ་གསུམ་ལྷུན་གྱིས་གྲུབ་པའི་རྟགས། །ཚངས་པའི་གདུང་བརྒྱད་བསྣོལ་བ་ནི། །ཡེ་ཤེས་དོན་རྣམས་ལྷུན་གྲུབ་རྟགས། །དྲ་བ་དྲ་བ་ཕྱེད་པ་ནི། །ཉོན་མོངས་ཆེ་ཆུང་རྣམ་དག་རྟགས། །རིན་ཆེན་ཕ་གུས་བརྒྱན་པ་ནི། །ཚུལ་ཁྲིམས་རྣམ་པར་དག་པའི་རྟགས། །འོད་པའི་ལྷ་མོས་བརྒྱན་པ་ནི། །སྤྱོད་ཡུལ་ཡོངས་སུ་དག་པའི་རྟགས། །སྒོ་བཞིར་རྒྱལ་མཚན་བཞི་རྣམས་ནི། །རྣམ་རྟོག་བདུད་ལས་རྒྱལ་བའི་རྟགས། །ཟུར་བཞིར་རྒྱལ་མཚན་བཞི་རྣམས་ནི། །ཕྱི་ཡི་བདུད་ལས་རྒྱལ་བའི་རྟགས། །ཞིང་གི་བླ་རེས་བྲེས་པ་ནི། །ཐབས་དང་ཤེས་རབ་དག་པའི་རྟགས། །ཞིང་གི་རྒྱལ་མཚན་བརྒྱན་པ་ནི། །བསོད་ནམས་ཡོངས་སུ་དག་པའི་རྟགས། །རིན་ཆེན་སྣ་ལྔའི་རྩིག་པ་ནི། །དུག་ལྔ་ཡེ་ཤེས་ལྔར་སྣང་རྟགས། །ཐོད་པའི་རྒྱན་ལ་སོགས་པ་ནི། །ཐམས་ཅད་དབྱིངས་སུ་དག་པའི་རྟགས། །སྦྲུལ་གྱི་རྒྱན་ལ་སོགས་པ་ནི། །བདག་དང་བདག་གིར་འཛིན་དག་པའོ། །རཀྟའི་ཞམ་ཆུ་འབབ་པ་ནི། །ཐུགས་རྗེ་དབྱིངས་སུ་འཆར་བའི་རྟགས། །རྡོ་རྗེ་གུར་དང་རིན་ཆེན་འབབ། །ཆོས་ཀྱི་འཁོར་ལོས་མི་མཐུན་པ། །འདུལ་བའི་རྟགས་སུ་སྣང་བའི་རྟགས། །གདུགས་དང་འཕན་གྱིས་བརྒྱན་པ་ནི། །ཆོས་རྣམས་ཆོས་ཉིད་དོན་རྟོགས་རྟགས། །རི་དགས་ཨེ་ནེས་བརྒྱན་པ་ནི། །སྤྲུལ་པས་འགྲོ་དོན་མཛད་པའི་རྟགས། །ཆོས་ཀྱི་འཁོར་ལོ་བསྐོར་བ་ནི། །ས་བ་་སེམས་དཔའ་ཆེན་པོ་ལ། །འཁོར་ལོ་རྒྱན་དུ་བསྐོར་བའི་རྟགས། །འོབས་ལྔ་དག་གིས་བསྐོར་བ་ནི། །དུག་ལྔ་ཆོས་ཉིད་ལོངས་སྤྱོད་རྟགས། །འདི་ནི་ཕྱི་ཡི་གཞལ་ཡས་ཡིན། །ནང་དང་གསང་བའི་གཞལ་ཡས་ལས ཐ་མའི་རིམ་པ་འདི་ལྟ་སྟེ། །ཡེ་ནས་རང་བྱུང་གཞལ་ཡས་ཁང་། །རྒྱན་དང་དཔག་བསམ་ཤིང་བུ་དང་། །བླ་བྲེ་ལ་སོགསརངབཞིནའགྲུབ། །སངས་རྒྱས་གཞལ་ཡས་དམ་པ་སྟེ། །ཐམས་ཅད་རྒྱན་རྣམས་ཀུན་གྱིས་བརྒྱན། །སངས་རྒྱས་རོལ་མོ་དུ་མས་འཁྲིགས། །མཛེས་པའི་པདྨ་རང་བྱུང་གདན། །དེ་ནི་གསང་བའི་གཞལ་ཡས་ཡིན། །རྟེན་ཅན་དག་གི་མཚན་ཉིད་ཀྱང་། །མི་མཐུན་ཚུལ་ལས་རྣམ་པ་གསུམ། །བཅོམ་ལྡན་རྡོ་རྗེ་གཤོན་ནུ་ནི། །མ་རིག་རྣམ་པར་དག་པའོ། །ཁྲོ་ཆེན་རྣམ་པར་རྒྱལ་བ་ནི། །འདུ་བྱེད་རྣམ་པར་དག་པའོ། །ཁྲོ་ཆེན་དབྱུག་པ་སྔོན་པོ་ནི། །རྣམ་པར་ཤེས་པ་རྣམ་དག་པའོ། །ཁྲོ་ཆེན་གཤིན་རྗེ་གཤེད་པོ་ནི། །མིང་དང་གཟུགས་ཉིད་རྣམ་དག་པའོ། །ཁྲོ་ཆེན་མ་གཡོ་མགོན་པོ་ནི། །སྐྱེ་མཆེད་དྲུག་གི་རྣམ་དག་པའོ། །ཁྲོ་བོ་ཆེན་པོ་རྟ་མགྲིན་ནི། །རེག་པ་རྣམ་པར་དག་པའོ། །ཁྲོ་བོ་གཞན་གྱིས་མི་ཐུབ་པ། །ཚོར་བ་རྣམ་པར་དག་པའོ། །ཁྲོ་བོ་བདུད་རྩི་འཁྱིལ་པ་ནི། །སྲེད་པ་རྣམ་པར་དག་པའོ། །ཁྲོ་བོ་ཁམས་གསུམ་རྣམ་རྒྱལ་ནི། །ལེན་པ་རྣམ་པར་དག་པའོ། །ཁྲོ་བོ་ཆེན་པོ་སྟོབས་པོ་ཆེ། །སྲིད་པ་རྣམ་པར་དག་པའོ། །ཁྲོ་བོ་ཆེན་པོ་ཧཱུཾ༷་ཀ་ར། །སྐྱེ་བ་རྣམ་པར་དག་པའོ། །སྲས་མཆོག་བཛྲ་ཀི་ལ་ཡ། །རྒ་ཤི་རྣམ་པར་དག་པའོ། །གཟུང་བའི་ཡུལ་དུ་གྱུར་པ་རྣམས། །ཡུལ་རྣམས་རྣམ་པར་དག་པའོ། །གཟུང་ཆ་དང་ནི་འཛིན་ཆ་གཉིས། །སྤྲུལ་པའི་མགོ་བརྙན་རྣམ་དག་པའོ། །འདི་ནི་བློ་བུར་དྲང་བའི་ཕྱིར། །བསྡུས་པའི་ཚུལ་ནས་བཞག་པ་ཡིན། །བར་མའི་རིམ་པ་འདིར་གསུངས་པ། །བཅོམ་ལྡན་རྡོ་རྗེ་གཤོན་ནུ་ནི། །རྣམ་ཤེས་ཚོགས་བརྒྱད་རྣམ་དག་པའོ། ། །ཁྲོ་བོ་ཆེན་པོ་ཧུ༷་ཀར། །འདོད་ཆགས་རྣམ་པར་དག་པའོ། །ཁྲོ་ཆེན་རྣམ་པར་རྒྱལ་བ་ནི། །ངག་འཁྱལ་རྣམ་པར་དག་པའོ། །ཁྲོ་ཆེན་དབྱུག་པ་སྔོན་པོ་ནི། །བརྫུན་སྨྲ་རྣམ་པར་དག་པའོ། །ཁྲོ་ཆེན་གཤིན་རྗེ་གཤེད་པོ་ནི། །སྲོག་གཅོད་རྣམ་པར་དག་པའོ། །ཁྲོ་ཆེན་མི་གཡོ་མགོན་པོ་ནི། །ལོག་ལྟ་རྣམ་པར་དག་པའོ། །ཁྲོ་བོ་ཆེན་པོ་རྟ་མགྲིན་ནི། །ཕྲ་མ་རྣམ་པར་དག་པའོ། །ཁྲོ་ཆེན་འདོད་པའི་རྒྱལ་པོ་ནི། །མ་བྱིན་ལེན་པ་རྣམ་དག་པའོ། །ཁྲོ་ཆེན་བདུད་རྩི་འཁྱིལ་པ་ནི། །ངག་རྩུབ་རྣམ་པར་དག་པའོ། །ཁྲོ་བོ་ཁམས་གསུམ་རྣམ་རྒྱལ་ནི། །གནོད་སེམས་རྣམ་པར་དག་པའོ། །ཁྲོ་བོ་ཆེན་པོ་སྟོབས་པོ་ཆེ། །བརྣབ་སེམས་རྣམ་པར་དག་པའོ། །དེ་རྣམས་ཀུན་གྱི་མཚན་ཉིད་དང་། །དམིགས་པའི་ཡུལ་དུ་བཅས་པ་ཀུན། །ཡུལ་རྣམས་རྣམ་པར་དག་པའི། །འཕྲ་མེན་ཕག་གི་མགོ་ཅན་ནི། །གཉིད་ཉིད་རྣམ་པར་དག་པའོ། །འཔྲ་མེན་རྨིགས་བུའི་མགོ་ཅན་ནི། །གཉིད་ཡུལ་རྣམ་པར་ད་ག་པའོ། །འཕྲ་མེན་སྟག་གི་མགོ་ཅན་ནི། །སེམས་དངོས་རྣམ་པར་དག་པའོ། །འཕྲ་མེན་བྱ་རྒོད་ཅན་ནི། །སེམས་ཡུལ་རྣམ་པར་དག་པའོ། །འཕྲ་མེན་གཡག་གི་མགོ་ཅན་ནི། །འདུན་པ་རྣམ་པར་དག་པའོ། །འཔྲ་མེན་བྱ་རོག་མགོན་ཅན་ནི། །འདུན་ཡུལ་རྣམ་པར་དག་པའོ། །འཕྲ་མེན་ཤ་བའི་མགོ་ཅན་ནི། །ཡིད་ལ་བྱེད་པ་རྣམ་པར་དག་པའོ། །འཕྲ་མེན་འུག་པའི་མགོ་ཅན་ནི། །ཡིད་ཡུལ་རྣམ་པར་དག་པའོ། །འཕྲ་མེན་གཟིག་གི་མགོ་ཅན་ནི། །ཏིང་འཛིན་རྣམ་པར་དག་པའོ། །འཕྲ་མེན་ཁྲ་ཡི་མགོ་ཅན་ནི། །ཏིང་འཛིན་རྣམ་པར་དག་པའོ། །འཕྲ་མེན་བྱི་ལའི་མགོ་ཅན་ནི། །དད་པ་རྣམ་པར་དག་པའོ། །འཕྲ་མེན་པུ་ཤུད་མགོ་ཅན་ནི། །དུད་ཡུལ་རྣམ་པར་དག་པའོ། །འཕྲ་མེན་སྤྱང་མོའི་མགོ་ཅན་ནི། །མོས་པ་རྣམ་པར་དག་པའོ། །འཕྲ་མེན་ཁྲ་ཡི་མགོ་ཅན་ནི། །མོས་ཡུལ་རྣམ་པར་དག་པའོ། །འཔྲ་མེན་སེང་གེའི་མགོ་ཅན་ནི། །དྲན་པ་རྣམ་པར་དག་པའོ། །འཕྲ་མེན་ཕ་ཝང་མགོ་ཅན་ནི། །དྲན་ཡུལ་རྣམ་པར་དག་པའོ། །འཕྲ་མེན་དོམ་གྱི་མགོ་ཅན་ནི། །རིག་པ་རྣམ་པར་དག་པའོ། །འཔྲ་མེན་སྲེ་མོའི་མགོ་ཅན་ནི། །རིག་ཡུལ་རྣམ་པར་དག་པའོ། །འཕྲ་མེན་དྲེད་ཀྱི་མགོ་ཅན་ནི། །བྱེད་པ་རྣམ་པར་དག་པའོ། །འཕྲ་མེན་བྱི་བའི་མགོ་ཅན་ནི། །བྱེད་ཡུལ་རྣམ་པར་དག་པའོ། །སྒོམ་བཞི་རུ་བྱུང་བ་ནི། །ཚད་མེད་བཞི་རྣམས་དག་པའོ། །དབང་པོ་བར་མའི་རིམ་པ་ཡིས། །འབྲིང་གིས་འབྲིང་ལ་བསྟན་པ་ཡིན། །འབྲིང་གིས་རབ་ལ་བསྟན་པ་ནི། །རང་གི་རྟོག་ཚོགས་ལྷར་གནས་པས། །གཞན་ནས་དཀྱིལ་འཁོར་བསྐྱེད་དུ་མེད། །ཀུན་གྱི་རང་བཞིན་བདག་ཉིད་པས། །ཐབས་དང་ཤེས་རབ་ཚུལ་དུ་སྣང་། །དཔེར་ན་ནམ་མཁའ་དངས་པ་ལ། །ཉི་ཟླ་གཟའ་སྐར་འཆར་བ་ལྟར། །བྱང་ཆུབ་སེམས་ཀྱི་ཁྱད་པར་ལས། །ཐམས་ཅད་ཉིད་ཀྱི་རྒྱན་དུ་སྣང་། །དེ་ཡང་རིམ་པའི་འདི་ལྟ་བར། །གཟུགས་ཀྱི་ཕུང་པོ་ཧུ༷་ཀར། །རྣམ་ཤེས་རྣམ་པར་རྒྱལ་བ་སྟེ། །ཚོར་བ་གཤིན་རྗེ་གཤེད་པོའོ། །འདུ་ཤེས་ལ་ནི་རྟ་མཆོག་དཔལ། །འདུ་བྱེད་བདུད་རྩི་འཁྱིལ་བའོ། །མིག་གི་རྣམ་ཤེས་དབྱུག་སྔོན་ཅན། །རྣ་བ་མི་གཡོ་མགོན་པོ་སྟེ། །སྣ་ནི་གཞན་གྱིས་མི་ཐུབ་བོ། །ལྕེ་ལ་ཁམས་གསུམ་རྣམ་རྒྱལ་ཏེ། །གསང་བའི་རྣམ་ཤེས་སྟོབས་པོ་ཆེ། །ནམ་མཁའ་དག་པ་སྒྲ་འབྱིན་མ། །ས་ནི་རྡོ་རྗེ་སྙེམས་མ་ལ། །ཆུ་ནི་དུར་ཁྲོད་བདག་མོས་བཤད། །རླུད་ནི་རྡོ་རྗེ་རླུད་འབྱིན་མའོ། །གཟུགས་ནི་རྡོ་རྗེ་སྡེར་མོ་ལ། །སྒྲ་ནི་རྡོ་རྗེ་གཏུ་ན་ཁུང་མ། །དྲི་ནི་རྡོ་རྗེ་མདའ་སྙེམས་མ། །རོ་ནི་རྡོ་རྗེ་གསོད་མའོ། །རེག་ནི་བསྐྱོད་མ་ཡིན་པར་འདོད། །གཏི་མུག་ཕག་གི་མགོ་ཅན་ལ། །ཞེ་སྡང་སྟག་གི་མགོ་རུ་གཟུང་། །ང་རྒྱལ་ཤ་བའི་མགོ་ཅན་ཏེ། །འདོད་ཆགས་ལ་ནི་བྱི་ལའོ། །ཕྲག་དོག་སེང་གེའི་མགོ་རུ་གསུངས། །གཡག་ནི་མིག་གི་དབང་པོ་སྟེ། །གཟིག་ནི་རྣ་བའི་དབང་པོའོ། །སྣ་ཡི་དབང་པོ་སྤྱང་ཁུ་ལ། །དོམ་ནི་ལྕེ་ཡི་དབང་པོ་སྟེ། །གསང་བའི་དབང་པོ་དྲེད་དུ་བཤད། །གཉིད་མེད་རྨིགས་བུའི་མགོ་ཅན་ལ། །ཡིད་ནི་བྱ་རྒོད་མགོ་ཅན་ནོ། །འུག་པ་ཉོན་མོངས་ཅན་གྱི་ཡིད། །སེར་སྣ་པུ་ཤུད་ཡིན་པར་བཤད། །སྤྲ་མ་དག་ནི་ཕ་ཝང་ལ། །འདས་པ་བྱ་རོག་མགོ་རུ་བསྟན། །ད་ལྟར་འཛིན་པ་ཁྭ་ཏ་ཡིན། །མ་འོངས་པ་ནི་ཁྲ་ཡི་མགོ །འབྱུང་བར་མ་ངེས་སྲེ་མོ་ལ། །ཀུན་ཏུ་རྒྱུ་ནི་མཚུངས་པར་ལྡན། །བྱི་བ་དག་ནི་ཡིན་པར་འདོད། །རྟག་པར་ལྟ་བ་ལྕགས་ཀྱུ་མ། །ཆད་པར་ལྟ་བ་ཞགས་པ་མ། །བདག་ཏུ་ལྟ་བ་ལྕགས་སྒྲོག་མ། །མཚན་མ་ལྟ་བུ་དྲིལ་བུ་ཞེས། །རིམ་པ་འདི་བཞིན་རྣམ་པར་དག །ལས་སུ་རུང་བའི་མཚན་ཉིད་ནི། །ཇི་བཞིན་པ་ཡི་དོན་ལ་སྦྱར། །གཉིས་སུ་མེད་པའི་དོན་རྟོགས་ན། །ལྷ་དང་དཀྱིལ་འཁོར་ལ་སོགས་ཀུན། །བློ་ཆུང་དྲངས་པའི་ཐབས་སུ་ཟད། །ལྷ་ཡི་གྲངས་དང་སྐུ་མདོག་དང་། །གནས་དང་གདན་དང་ཕྱག་མཚན་དང་། །སྐུ་བསྐྱེད་སྦྱན་དྲངས་ལ་སོགས་པ། །བྱིས་པ་དྲངས་པའི་ཐབས་སུ་བསྟན། །ཡང་དག་ཐར་པའི་ལམཆེན་ལ། །མང་དུ་སྨྲས་པ་ཅི་ཞིག་བྱ། །མ་བཅོས་ངང་ལ་བདེར་གནས་པ། །ཐམས་ཅད་ལྷུན་གྱིས་རྫོགས་ཞེས་བྱ། །འདི་ནི་ཕྱི་ཡི་རིམ་པར་གསུངས། །ནང་ནི་འཁོར་ལོ་དག་ལས་ཤེས། །གསང་བའི་རིམ་པ་འདིར་གསུངས་པ། །གསང་བའི་དཀྱིལ་འཁོར་དམ་པ་དེར། །ཕྲ་ལ་དོད་པར་བརྟག་པར་བྱ། །དེ་ལ་སེམས་གཏད་མ་ཡེངས་པར། །ཡང་ནས་ཡང་དུ་གནས་པ་གཅེས། །དེ་བརྟན་འགྱུར་བས་སྤྲོས་པར་བྱ། །གཅིག་གམ་ཡང་ན་ཐམས་ཅད་སྤྲོ། །འཇིག་རྟེན་ཐམས་ཅད་གང་གྱུར་ནས། །བསྡུ་དང་སྤྲོ་བ་ཡང་དང་ཡང་། །བརྟན་ནས་གཞན་དུ་མི་གཡོའི་ཚེ། །ཕྲ་མོའི་སེམས་ཀྱིས་གཟུང་བ་དང་། །མཐར་ནི་དམིགས་པ་མེད་པར་འགྱུར། །འདི་འདྲའི་བདེ་བ་ཉམས་སུ་བླངས། །བདེ་བར་གཤེགས་པའི་མཛད་སྤྱོད་དེ། །རྣལ་འབྱོར་དམ་པ་ཀུན་གྱི་གྲོགས། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུ་ཆེན་པོ་ལས། སྣོད་བཅུད་རྣམ་པར་དག་པའི་ལེའུ་སྟེ་ཉི་ཤུ་པའོ།། །།དེ་ནས་ཡང་བཛྲ་ཀི་ལ་ཡས། བཅོམ་ལྡན་འདས་ཁྲག་འཐུང་གི་རྒྱལ་པོ་ལ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཐབས་ཀྱི་གཙོ། །སངས་རྒྱས་ཀུན་གྱི་ཡབ་ཆེན་པོ། །གཉིས་མེད་གསང་བའི་མཛོད་དམ་པ། །ཡང་གསང་དམ་པའི་ཛོད་ཆེན་པོ། །ཚེ་ཡི་ཆོ་ག་དམ་པ་ཡིས། །འདི་དང་ཕྱི་མའི་དོན་གྲུབ་ཅིང་། །བདག་གཞན་གཉིས་ཀའི་ལས་རྫོགས་པ། །ཀི་ལ་ཡ་ཡིས་བཤད་དུ་གསོལ། །ཞེས་བརྗོད་པས། བཅོམ་ལྡན་འདས་གསང་བའི་བདག་པོ་བཛྲ་ཀི་ལ་ཡས་བཀའ་སྩལ་པ། ལས་ཀྱི་སེམས་དཔའ་ཁྱོད་ཉོན་ཅིག །ཐུན་མོང་ལས་དང་ཁྱད་པར་གྱི། །ལས་གཉིས་ཡོངས་སུ་རྫོགས་འདོད་ན། །འདི་དོན་ངེས་པར་ངས་བཤད་ཀྱིས། །ཕུན་སུམ་ཚོགས་པའི་སློབ་དཔོན་གྱིས། །བྱམས་དང་སྙིང་རྗེ་སྔོན་བཏང་ནས། །སྔོན་དུ་འགྲོ་བའི་ལས་དག་བྱ། །ཀུན་ཀྱང་སྤྱི་ཡི་རིམ་པ་བཞིན། །ཡོངས་སུ་བརྟགས་ཏེ་ངོས་ཟིན་བྱ། །ཕྱི་ནང་གསང་བའི་རིམ་པ་ཡིས། །འདི་ཡི་རིམ་པའང་སྔ་མ་བཞིན། །ལས་རྣམས་རྫོགས་པའི་གནས་དག་ཏུ། །དཀྱིལ་འཁོར་འདོམ་གང་གྲུ་བཞི་ལ། །ཆག་ཆག་བྱི་དོར་སྐྱང་ནུལ་དང་། །སྲད་བུས་གདབ་ཅིང་ས་ཚོན་བརླབ། །བྷ་ག་ཨེ་ཡི་དབྱིབས་ཅན་ལ། །ཟླ་གམ་བཞི་དང་འཁོར་ལོ་བརྒྱད། ཁུ་བཞི་སྒོ་ཁྱུད་ལྡན་པར་བྱ། །རིན་ཆེན་ལྔ་ལས་བྱས་པ་ཡི། །བུམ་པ་ཚད་དང་ལྡན་པ་ལ། །རྒྱན་དང་རིན་ཆེན་འཕྲེང་བ་གདགས། །རིན་ཆེན་ལྔ་དང་སྨན་ལྔ་དང། །འབྲུ་ལྔ་སྤོས་ལྔ་སྙིང་པོ་ལྔ། །མངར་གསུམ་ཉུངས་ཀར་འབྲུ་མཆོག་སྐྱེམས། །རིན་ཆེན་བུམ་པ་ཡོངས་བསྐང་ནས། །ཟླ་གམ་དམར་པོས་ཁ་བཅད་ལ། །དཀྱིལ་འཁོར་དབུས་སུ་དགོད་པར་བྱ། །པདྨ་ཀི་ལ་ཡ་ཨ༷། བཛྲ་ཀི་ལ་ཡ་ཧུ༷། རཏྣ་ཀི་ལ་ཡ་ཏྲ༷། ་རྙ་ཀི་ལ་ཨོ། ཀརྨ་ཀི་ལ་ཡ་ཨ། དགུག་གཞུག་བསྟིམ་དང་བརྟན་པར་བྱ། །ཕུར་པ་ལྷ་དང་མཉམ་པ་ལ། །བརྡེག་བདུག་བྱས་ལ་ཅོད་པན་གདགས། །བསྐྱེད་དང་སྤྱན་དྲངས་ལ་སོགས་ལ། །གོང་མ་བཞིན་དུ་གོ་རིམས་བསྐྱོད། །དཀྱིལ་འཁོར་སྤྱི་ཡི་ཡོ་བྱད་རྣམས། །ཐམས་ཅད་ནན་ཏན་ཁོ་ནར་བྱ། །ཚེ་བསྙེན་དང་ནི་ཉེ་བསྙེན་དང་། །བསྒྲུབ་དང་བསྒྲུབ་པ་ཆེན་པོ་ཡིས། །ལས་རྣམས་ཡོངས་སུ་རྫོགས་པར་བྱ། །དང་པོར་དེ་བཞིན་ཉིད་ཀྱི་དབྱིངས། །ཀུན་ཏུ་སྣང་དང་རྒྱུ་བསྒོམ་སྟེ། །ཨ་ཡི་བྱིན་བརླབས་ཆེན་པོ་ལས། །རྟེན་གྱི་དཀྱིལ་འཁོར་རིམ་བཞིན་བསྒོམ། །སྒྲུ༷་བི་ཤ་བི་ཤུསྟེ། བཛྲ་ཙྭ་ན་ཙཀྲ་མཎྜལ། རང་བཞིན་ཏིང་འཛིན་གཟུགས་བརྙན་དག །མཚན་ཉིད་ལ་སོགས་ཇི་ལྟ་བར། །དེ་ལྟར་དེའང་ཤེས་པར་བྱ། ཨ་དང་རྡོ་རྗེ་རྒྱ་གྲམ་ལས། །ཕྲ་མོའི་སྦྱོར་བའི་འཕྲོ་འདུ་ཡིས། །བདག་ཉིད་ཚེ་དཔག་མེད་པའིསྐུ། །ཞལ གཅིགཕྱག བཞི་འཛུམ་པའི་ཞལ། །གངས་རིལྟ་བུར་དཀར་བ་ལས། །གཡས་ཀྱི་དང་པོ་རྒྱ་གྲམ་བསྣམས། །འོག་མ་ནེའུ་ལེའི་རྐྱལ་བ་བསྣམས། །གཡོན་གྱི་གོང་མ་དྲིལ་བུ་ལ། །འོག་མ་བདུད་རྩིའི་བུམ་པ་བསྣམས། །རིན་ཆེན་སྣ་ཚོགས་རྒྱན་འཕྲེང་ཅན། །ཡུམ་དང་གཉིས་སུ་མེད་པར་བསམ། །ཆོ་ག་བཞི་ཡི་སྦྱོར་བ་ལས། །ལྷ་རྣམས་ཡོངས་སུ་རྫོགས་པར་བསྐྱེད། །ཛ་ཡིས་ཕྱིར་བཏོན་འཕྲོ་འདུ་ཡིས། །གཙོ་བོ་བདག་པོཉིད་ལ་ཐིམ། །ཀུན་ཀྱང་སྐུ་མདོག་དཀར་པོ་ལ། །རྒྱན་ལ་སོགས་པ་སྔ་མ་བཞིན། །སྐུ་གསུང་་གས་ཀྱི་བྱིན་བརླབས་ལས། །ཡེ་ཤེས་ལྔ་ཡི་དབང་བསྐུར་རོ། །མཆོད་པའི་ལས་རྣམས་རྫོགས་པར་ནི། །ཡང་དག་ཉིད་དུ་ཤེས་པར་བྱ། །ཡི་གེ་བཟླས་པའི་འཕྲོ་འདུ་ནི། །རྣམ་གསུམ་ཚུལ་གྱིས་མ་འཁྲུལ་བར། །་གས་འདས་ཆོ་ག་བར་མི་བཅ། ཁྲེན་ཏུ་འདྲེས་གསལ་བརྟག་པར་བྱ། །ཨུ༷་ཨུ༷་ཨུ༷་ཨུ༷་ཨུ༷། ཧུ༷་ཧུ༷་ཧུ༷་ཧུ༷་ཧུ༷། ཨོ་ཨོ་ཨོ་ཨོ་ཨོ། ཏྲ༷་ཏྲ༷་ཏྲ༷་ཏྲ༷་ཏྲ༷། ཨ་ཨ་ཨ་ཨ་ཨ། ཧཱུཾ༷་བཛྲ་ཨུ་ཡུ་ཁེ་ཧུ༷་ཨ་དྲི་སྒྱུ༷་ཛ་ཧུ༷་བ༷་ཧོ༷༷ །རིམ་པ་ཇི་བཞིན་བཟླས་པ་ཡིས། །ཕྱོགས་བཅུའི་འཇིག་རྟེན་གང་གྱུར་ཏེ། །བདུད་དང་སྲིན་པོ་ལ་སོགས་པའི་གདུག་ཅན་བཏུལ་ཞིང་ཚར་བཅད་ནས། །ཎྜ་ཚེ་རབ་ཏུ་དགུག་པར་བྱ། །གཞན་ཡང་འབྱུང་བའི་རྩི་བཅུད་དམ། །ཕྱོགས་བཅུའི་རྒྱལ་བ་བྱང་སེམས་རྣམས། །བསྡུས་ཏེ་རང་གི་གནས་སུ་བསྟིམ། །ཡིདབཞིནམཆོགགམརིན་ཆེན་མཆོག །བུམ་པའི་མཆོག་ནི་བཟང་པོ་ཡིས། །ཚེ་གཞན་གནས་ནི་དེ་ཡིན་ཏེ། །མངོན་སུམ་སྨིན་པར་གྱུར་པ་དང་། །ཀུན་ཀྱང་འོད་ཞུ་བྱང་ཆུབ་སེམས། །ཡི་གེ་འབྲུ་གསུམ་ལྟ་བུར་སྣང་། །ཨོ་ཨུ༷༷ཧུ༷། ཡང་ན་ཡི་གེ་འབྲུ་ལྔ་ནི། །སྤྱི་བོར་ཨོ་ལ་ལྕེ་སྟེངས་ཨ། །སྙིང་ཁར་ཧུ༷་དང་དཔྲལ་བར་ཏྲ༷། །རྐང་མཐིལ་དག་ཏུ་ཨ་བསྟིམ་མོ། །རིམ་གྱི་ཡང་ན་ཅིག་ཅར་དུ། །བློ་ཡི་རིམ་པ་གར་བདེ་བར། །བསྟིམ་ཞིང་བསྲུང་དང་སྦ་བར་བྱའོ། །དངོས་ཀྱི་རྐང་དཀར་གཞལ་ཡས་ཁང་། །རྟེན་དང་རྟེན་ཅན་རྫོགས་པར་གསལ། །གནས་དང་གནས་སུ་ཇི་ལྟ་བར། །གྲུབ་ན་དེ་ཉིད་དེ་ལ་བསྟིམ། །དེ་དང་དེ་ཡི་རིམ་པ་དེའི། །དེ་ལས་དེ་ཉིད་དེ་གཞན་ནོ། །དེ་ཡི་རིམ་པ་དེ་བཞིན་ནོ། །བགེགས་ཀྱི་དྲི་རྣམས་མི་སྟེར་ན། །ཀུན་ཀྱང་ཁྲོ་བོའི་ཆ་ལུགས་ལ། །ཀུན་ཀྱང་སྐུ་མཆོག་དམར་པོ་ལ། །གཤོལ་དང་གཏུན་ཤིང་ལ་སོགས་བསྣམས། །ཞལ་ནས་སྒྲ་སྐད་དྲག་པོ་དང་། །སྤྲུལ་པས་འཇིག་རྟེན་ཁམས་བཀང་སྟེ། །སྟེང་འོག་བར་སྣང་ལ་སོགས་ཀྱི། །གདུག་པ་བཏུལ་ཞིང་ཚར་བཅད་ནས། །བསྒྲལ་ནས་དེ་ཉིད་ལ་བསྟིམ། །ལས་སུ་རུང་བའི་རྟགས་བྱུང་ནས། །རང་དབང་མེད་པར་དེ་དབང་འགྱུར། །དངོས་གྲུབ་ཐོབ་པར་ཐེ་ཚོམ་མེད། །འོད་ལུས་ཐོག་མའི་གཟུགས་ལ་གཟུད། །དེས་ཀྱང་སྨིན་པར་མ་གྱུར་ན། །ཨོ་བཛྲ་ཙཎྜ་ལི་ཧ་རྫོ་ཧུ༷། ཚེ་དཔག་མེད་པའི་ཐུགས་ཀ་ནས། །ཙཎྜ་ལི་ནི་སྐུ་མདོག་དཀར། །ཕྱག་ན་རིན་ཆེན་བུམ་པ་བསྣམས། །མེ་དཔུང་དག་གི་ནང་ན་བཞུགས། །ཞལ་གཅིག་ཕྱག་ཀྱང་བཞི་པ་ལ། །གཡས་པ་རྡོ་རྗེ་རིན་པོ་ཆེ། །གཡོན་པ་རིན་ཆེན་ཟ་མ་ཏོག །དབུ་སྐྲའི་གསེབ་ནས་རིན་པོ་ཆེ། །གང་བའི་སྤྲུལ་པ་གྲངས་མེད་འཕྲོ། །འཇིག་རྟེན་དྲུག་གི་ཕྱོགས་བཅུ་ནས། །ལོག་པར་ལྟ་བའི་སེམས་ཅན་རྣམས། །རྡུལ་ཕྲན་བཞིན་དུ་བརླག་བྱས་ཏེ། །བཟླས་པར་བྱ་བའི་སྙིག་པོ་འདིའོ། །ཨོ་བཛྲ་ཙཎྜལི་ཧ་ཛ་ཛ་ཧཱུཾ། ཨོ་ཎྜ་ཧཱུཾ་ཛ་ཛ་ཧུ༷་ཨ། བར་དུ་ཅིས་ཀྱང་མཆོད་པར། །འཕྲོ་འདུ་ལས་སུ་རུང་བར་བྱ། །ཀུན་ཀྱང་འོད་ཞུ་དེ་ཉིད་ཐིམ། །དེ་ཉིད་འོད་ཞུ་དེར་གྱུར་ནས། །དེའང་དེ་བཞིན་དེ་ཁོ་ན། །འདིས་ནི་མ་ནིང་མོ་ཤམ་དང་། །རྒས་པ་རྣམས་ཀྱང་རྒྱུད་འཕེལ་ན། །དབང་པོ་ཚང་པ་ལྟ་ཅི་སྨོས། །རིགས་བརྒྱུད་འཕེལ་ཞིང་ཚེ་དབང་དང་། །བསོད་ནམས་ཡོངས་སུ་འཕེལ་བར་འགྱུར། །དེ་ལྟར་མ་ཡིན་ཐམས་ཅད་ཀྱང་། །ལྷ་ཚོགས་དྲག་པོའི་དཀྱིལ་འཁོར་དུ། ཀུན་ཀྱང་འཇིགས་བྱེད་འབར་བར་ལྟ། །དེ་ཉིད་ལས་ཀྱང་སྤྲུལ་པ་སྤྲོ། །ཕྱག་རྒྱ་མཚོན་ཆེན་སྣ་ཚོགས་ཀྱིས། །ཕྱོགས་བཅུའི་འཇིག་རྟེན་བདུད་བཅོམ་ནས། །རྟ་མཆོག་དཔལ་གྱི་མཚན་མ་ཡིས། །གང་ཡིན་གནས་ནས་དེ་དགུག་བསྟིམ། །རྡོ་རྗེ་འཁོར་ལོ་ལ་སོགས་པའི། །མཚོན་ཆ་ཐོགས་པ་སྣ་ཚོགས་ཀྱི། །དབང་ཕྱུག་མཐུ་ཆེན་ལ་སོགས་དང་། །ཚེ་རིངས་ལྷ་ཡང་བསྒྲལ་བྱས་ནས། །འགྲོ་ལྔའི་ཚེ་རྣམས་དབངདུབསྡུས། །གཤོལ་དང་གཏུན་ཤིང་ལ་སོགས་པ། །རྐོ་ཞིང་རློགས་པའི་མཚོན་ཆ་ཡིས། །འོག་གི་འཇིག་རྟེན་ཁམས་དཀྲུགས་ཏེ། །གཤིན་རྗེ་ཀླུ་དང་གདུག་པ་རྣམས། །བ་་ཞེང་བསྒྲལ་ནས་སླར་བསྡུས་ཏེ། །དེ་ཉིད་དེ་ལ་ཐིམ་པར་བྱ། །ལྕགས་ཀྱུ་འཁོར་ལོ་ལ་སོགས་པའི། །གདུག་པའི་མཚོན་ཐོགས་བསམ་མི་ཁྱབ། །བར་སྣང་དག་ཏུ་འཕྲོས་པ་ལས། །བཙན་དང་བདུད་དང་ཐེ་བྲང་དང་། །སྡེ་བརྒྱད་ལ་སོགས་འབྱུང་པོ་ཀུན། །སྐད་ཅིག་གཅིག་ལ་མི་གནས་བསྒྲལ། །སླར་བསྡུས་དེ་ཉིད་དེ་ལ་བསྟིམ། །སྐབས་སུ་འཕྲིན་ལས་དྲག་པོ་ཡིས། །དམིགས་པའི་ལས་ལ་རྦད་པ་ནི། །ཁྲོ་བོ་མཅུ་དང་ཁྲོ་མོ་བཅུ། །སྤྲུལ་པའི་མགོ་བརྙན་ལ་སོགས་པ། །རེ་རེའང་བསམ་གྱིས་མི་ཁྱབ་པས། །བསྐྲད་དང་བསྡུ་བའི་ལས་དག་བྱ། །ཁྱད་པར་ལས་ལ་མངག་པ་ནི། །དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ ཚེ་ཡི་སྲུངས་མ་དབྱིངས་ནས་བཞེངས། །དཀར་མོ་གཡུང་དྲུང་དབྱིངས་ནས་བཞེངས། །ཚེ་བདག་རྒྱལ་པོ་དབྱིངས་ནས་བཞེངས། །ཚེ་དང་ཡེ་ཤེས་འགུགས་པའི་ལས་མཛོད་ཅིག །དབང་དང་དངོས་གྲུབ་འགུགས་པའི་ལས་མཛོད་ཅིག །གཡས་ཀྱི་ཕྱག་ན་རྡོ་རྗེ་གསོར་བས་ནི། །ལོག་པར་ལྟ་བ་མ་ལུས་གནས་ནས་སྤོར། །གཡོན་གྱི་ཕྱག་ན་ལྕགས་ཀྱུ་བསྣམསཔཡིས། །གཤིནརྗེལསོགས་ཕྱག་ནས་ཚེ་གཡང་འགུགས། །གཡས་ཀྱི་ཐ་མ་རིན་ཆེན་རྐྱལ་བུ་ཡིས། །འགྲོ་བ་འཕོངས་པ་རྣམས་ལ་གཏེར་ཆེན་འབྱིན། །གཡོན་གྱི་ཐ་མ་རིན་ཆེན་ཟ་མཏོག །འགྲོ་བ་བསོད་ནམས་ཟད་པའི་དཔལ་མགོན་མཛད། །འཇིག་རྟེན་གསུམ་གྱི་བཀྲག་དང་གཟི་འཕྲོག་མ། །རྣལ་འབྱོར་དམ་པ་རྣམས་ལ་དངོས་གྲུབ་སྩོལ། ཁྲར་ཕྱོགས་འཁོར་ལོའི་རྩིབས་སྟེངས་ན། །ལ་སེ་དཀར་མོ་ཤེལ་བུམ་བསྣམས། །བདུད་རྩི་ལྔ་ཡི་བཅུད་བསྟམ་ཞིང་། །ཚེ་སྲོག་ཉམས་པ་གསོ་མཛད་མ། །ད་ལྟ་གནས་འདིར་ཚེ་སྩོལ་ཅིག །ལྷོ་ཡི་ཕྱོགས་ནས་ཚེ་འགུགས་མ། །མྱ་ལེ་སྔོན་མོ་གཡུ་འཕྲེང་ཅན། །ཕྱག་ན་རིན་ཆེན་བུམ་པ་བསྣམས། །བདུད་རྩི་ལྔ་ཡི་བབ་བསྣམ་ཞིང་། །ཚེ་སྲོག་ཉམས་པ་གསོ་མཛད་མ། །ད་ལྟ་གནས་འདིར་ཚེ་སྩོལ་ཅིག །ནུབ་ཀྱི་ཕྱོགས་ནས་ཚེ་འགུགས་མ། །གི་རྟི་དམར་མོ་གླུ་དབྱངས་མ། །ཕྱག་ན་བྱི་རུའི་བུམ་པ་བསྣམས། །བདུད་རྩི་ལྔ་ཡི་བཅུད་བལྟམ་ཞིང་། །ཚེ་སྲོག་ཉམས་པ་གསོ་བར་མཛད། །ད་ལྷ་གནས་འདིར་ཚེ་སྩོལ་ཅིག །བྱང་གི་ཕྱོགས་ནས་ཚེ་འགུགས་མ་ནི་རྟི་ལྗང་ཁུ་གར་བསྒྱུར་མ། །ཕྱག་ན་མཐིང་ཤུན་བུམ་པ་བསྣམས། །བདུད་རྩི་ལྔ་ཡི་བཅུད་བལྷམ་ཞིང་། །ཚེ་སྲོག་ཉམས་པ་གསོ་བར་མཛད། །ད་ལྟ་གནས་འདིར་ཚེ་སྩོལ་ཅིག །འདི་ན་རབ་ཏུ་མངག་པར་བྱ། །ཐམས་ཅད་འཛིན་ཞིང་ལེན་པར་བྱེད། །སྤྲུལ་པ་འཁོར་དང་བཅས་པ་ཡང་། །ཐམས་ཅད་བདག་པོའི་གནས་སུ་ཐིམ། །བདག་པོ་རིམ་གྱིས་འབྲེལ་བ་ལས། །དེ་ཉིད་དེར་ཐིམ་དེར་ལྟའོ། །རྡོ་རྗེ་གོ་ཆའི་ཕྱག་རྒྱ་ཡིས། །རྒྱ་གྲམ་གའུ་ཁ་སྦྱར་དབུས། །དེ་ཉིད་དེ་ཡིས་ཁ་བཅད་དེ། །སྙིང་པོ་བཅུད་དང་བཅས་པར་བྱ། །ཨོ་བཛྲ་ཀ་བ་ཙ་རཀྟ་ཧུ༷། ཨོ་བཛྲ་ཨ་བེ་ཤ་ཏིཁྱི་བཛྲ། ཨོ་སརྦ་ཏ་ཐུ་ག་ཏ་ཧྲི་ད་ཡ། ཨ་ཏི་ཏིཛི་བཛྲ་སྲུཧྭ། གང་ཞིག་དོན་བྱའི་གནས་དེ་ཉིད། །ལྷ་ཡི་སྐུ་རུ་གསལ་གྱུར་ནས། །གོ་ཆའི་སྦྱོར་བས་འོད་དུ་ཞུ། །འབྲུ་ལྔའི་ཡི་གེ་འབྲུ་གསུམ་མམ། །འབྲུ་གཅིག་མི་དམིགས་དབྱིངས་སུ་ཐིམ། །སྟོང་པ་ཉིད་དུ་གྱུར་པ་ནི། །སྟོང་པའི་གོ་ཆ་བླ་ན་མེད། །མཚན་མའི་ཡུལ་རྣམས་ཀུན་བཅོམ་ནས། །མི་དམིགས་དབྱིངས་སུ་ཚེ་སྦས་པས། །བགེགས་དང་ལོག་འདྲེན་ཅིས་མི་ཚུགས། །ཡོན་ཏན་ཆེན་པོ་ཚེ་ཡི་ལུང་། །དབྱིངས་སུ་ཡང་ནི་སྦ་བར་བྱའོ། །ཡང་ན་གསང་བའི་རིམ་པ་ཡིས། །མཚན་ལྡན་མི་མོ་གཤོན་པ་ལ། །ཕྱག་རྒྱའི་ཚོགས་སུ་གསལ་བསྐྱེད་དེ། །ཏིང་ངེ་འཛིན་གྱི་སྦྱོར་བ་ཡིས། །གོང་མ་དེ་དང་ཚུལ་འདྲར་བྱ། །སྣོད་དང་ལྡན་པའི་བུ་རྣམས་ལ། །དངོས་གྲུབ་དམ་པ་སྤྱིན་པར་བྱ། །འདི་ནི་ཁྱད་པར་མཆོག་ཅེས་བྱ། །གོང་མ་ཉིད་ལས་ལྷར་བསྐྱེད་དེ། །བདེ་གཤེགས་རིགས་ལྔས་དབང་བསྐུར་བས། །དབུ་རྒྱན་ལུས་དང་ཤེས་པ་རྒྱས། །སྡུད་དང་བསྲུང་དང་བརྐྱང་པ་དང་། །ཐམས་ཅད་ཡོངས་སུ་རྫོགས་པར་ལྟ། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ཚེ་ཡི་སྙིང་པོ་མཆོག་སྦྱིན་པའི་ལེའུ་སྟེ་ཉི་ཤུ་གཅིག་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་བདེ་བ་ཆེ། །ཀྱེ་མ་ཐམས་ཅད་མཁྱེན་པའི་གཙོ། །ཀྱེ་མ་ཐབས་མཁས་ཐུགས་རྗེའི་བདག །ཀྱེ་མ་བདེ་གཤེགས་རྫོགས་སངས་རྒྱས། །གང་ཟག་ལས་ཅན་དང་པོ་པས། །བསྐྱེད་དང་རྫོགས་པའི་རིམ་པ་ཡིས། །ཡང་དག་ས་ལ་བགྲོད་པ་ཡི། །ལམ་གྱི་རིམ་པ་ཇི་ལྟར་ལགས། །དེ་ཡི་འབྲས་བུ་ཇི་ལྟར་ཐོབ། །ལྟ་བ་སྤྱོད་པ་ཇི་ལྟར་ལགས། །ཞེས་གསོལ་པས། བཅོམ་ལྡན་འདས་བཛྲ་ཀི་ལ་ཡས་བཀའ་སྩལ་པ། ལས་ཀྱི་སེམས་དཔའ་ཁྱོད་ཉོན་ཅིག །བསྐྱེད་དང་རིམ་པ་ལ་སོགས་ཀྱིས། །ལམ་ལ་བགྲོད་པའི་ཚུལ་ཉིད་ནི། །ཡང་དག་པ་ཡི་རིམ་པ་སྲ །མདོ་ཙམ་བཤད་ཀྱིས་ངེས་པར་ཉོན། །དང་པོར་ཏིང་འཛིན་རྣམ་གསུམ་ནི། །རྒྱུ་ཡི་ཚུལ་དུ་འགྱུར་བ་སྟེ། །རང་བཞིན་གནས་པའི་ཆོས་ཉིད་དེ། །ང་ཡི་མ་བཅོས་ཀ་ནས་དག །སུས་ཀྱང་མ་བྱས་སུ་བྱེད་མེད། །ངོ་བོ་ཉིད་ཀྱིས་སྟོང་པ་ཡི། །གཟུང་འཛིན་བྲལ་བའི་ཆོས་ཉིད་དོ། །རྣལ་འབྱོར་པ་ནི་ས་པ་ཡི། །ཆོས་ཉིད་མ་བཅོས་དོན་དེ་ལ། །ཐོབ་པར་བྱ་བ་ཁོ་ན་ཡིན། །ཕྱི་ནང་གཉིས་ཀ་རྣམ་པར་དག །སྟོང་པས་བློ་ཡིས་ངེས་བཅད་དེ། །བརྟགས་ཀྱང་མངོན་དུ་མ་གྱུར་པས། །སྤྱི་ཡི་རྣམ་པ་ཙམ་ལས་བསྒོམ། །སེམས་ཅན་ཀུན་གྱི་ཆོས་ཉིད་ལ། །ཡེ་ནས་གནས་པའི་ཆོས་ཉིད་ནི། །ཆོས་ཀྱི་འཁོར་ལོའི་ལྟེ་བ་ལ། །ཨ་ཡི་ཚུལ་དུ་ཡེ་གནས་པས། །གདོད་མ་ཉིད་ནས་རང་གྲུབ་དྷི། །དེ་ཕྱིར་གཉིས་མེད་ཡེ་ཤེས་འོད། །སྒྱུ་མ་ལྟ་བུའི་ཏིང་འཛིན་ནི། །ཡང་དག་ཟུག་ཏུ་བྲལ་བ་ཡི། །ས་བོན་ལྟ་བུར་ཐུགས་ལ་གནས། །ལྡང་ཞིང་གཡོ་བའི་ཚུལ་གྱིས་ནི། །ཡུལ་ལ་སྐྱེས་པའི་ཚུལ་ལྟ་བུར། །སྐུ་གཟུགས་ལྟ་བུར་སྣང་དོན་མཛད། །འབྲས་བུ་ཉིད་དུ་གྲུབ་པའོ། །དེ་ལ་སེམས་སྦྱང་རིམ་པ་ཡིས། །དེ་ཉིད་དེ་ལ་བསྟན་ཅིང་བསྒོམ། །གལ་ཏེ་དེ་ལ་མ་གནས་ན། །རགས་པའི་དངོས་པོ་རྣམས་གཞིགས་ཏེ། །ཐམས་ཅད་སེམས་ཉིད་ཡི་གེ་ཧུ༷། །ཆུ་ཟླའམ་སྒྱུ་མ་སྨིག་རྒྱུ་བཞིན། །འབྲས་བུ་གཡོ་བར་བྱེད་པའོ། །གཞན་ལ་གནས་པའི་ཚུལ་ཉིད་ནི། །ཨ་ཡི་དཀྱིལ་ན་ཧུ༷་གནས་ཏེ། །གཅིག་དག་དུ་མར་བྲལ་བའི་བདག །དྲན་རྟོགས་ཐམས་ཅད་འབྱུང་བའི་རྐྱེན། །རང་གྲུབ་དག་ཏུ་གནས་པའོ། །རྒྱུ་ཡི་ཏིང་འཛིན་རིམ་པ་ནི། །འབྲས་བུའི་ཏིང་འཛིན་ཞེས་བྱ་སྟེ། །སེམས་ཅན་ལས་དང་སྨོན་ལམ་སྟོབས། །སྐུ་གཉིས་རྣམ་འཕྲུལ་སེམས་ཅན་དོན། །གྲུབ་ནས་འབྲས་བུ་མངོན་དུ་གྱུར་པའོ། །གང་གི་ཉམས་སུ་བླངས་པ་ནི། །རྒྱུ་དང་རྐྱེན་ལ་ལྟོས་ཚུལ་དུ། །བསྟན་ནས་ཡི་གེའི་གཟུགས་སུ་གྱུར། །བསམ་པར་བྱ་བའི་འབྲས་བུ་སྟེ། །རགས་པའི་རྣམ་པ་ཡོངས་སུ་འཇིག །གཞན་གྱི་རྒྱུད་ལ་གནས་པ་ནི། །ཡི་གེའི་རང་བཞིན་དེ་བསྐྱེད་ནས། །ཐབས་དང་ཤེས་རབ་ཚུལ་ལྟ་བུ། །ཨུ་ལི་ཀྭ་ལི་ལྟ་བུར་སྣང་། །དེ་ཡིས་གཅིག་གིས་གཅིག་བསྐྱེད་དེ། །ཕུང་པོ་ཁམས་དང་སྐྱེམཆེད་དང་། །ཞེས་བརྗོད་ཐམས་ཅད་འབྱུང་བར་བྱེད། དེ་ནས་ཐམས་ཅད་སྨིན་པའི་འབྲས། །ས་བོན་ལྟ་བུར་ཡེ་ནས་གནས། །ཐ་དད་མ་ཡིན་དེ་ཁོ་ནའོ། །ཡུལ་ལ་གནས་པའི་ཡེ་ཤེས་དང་། །རྗེས་སུ་འབྲང་བའི་ཡི་ཤེས་དང་། །གཟུགས་བརྙན་ལྟར་སྣང་ཡེ་ཤེས་གསུམ། །ས་བཅུའི་རིམ་པར་ནོན་པས་ན། །དང་པོ་གསུམ་ནི་གཞན་གྱི་དོན། །བར་མ་གསུམ་ནི་བདག་གི་དོན། །ཐ་མ་བསྒྲུབས་པས་ཆུད་མི་གསོན། །སྨིན་པར་བྱེད་པའི་ས་བོན་ནོ། །དེ་འོག་རྟེན་གྱི་དཀྱིལ་འཁོར་ནི། །ཡི་གེ་ལྔ་ཡི་རང་བཞིན་ལས། །འབྱུང་བ་ལྔ་ལས་གྲུབ་པ་ཡིས། །ཡེ་ཤེས་ལྔ་ཡི་དོན་མཚན་ནས། །རང་བཞིན་ལྷུན་གྲུབ་གཞལ་ཡས་ཁང་། །དེ་སྟེང་རྣམ་པར་བསམ་པ་ནི། །བཤད་པ་བཞིན་དུ་ཤེས་པར་བྱ། །དེ་ཡི་སྟོབས་ཀྱི་ཁམས་གསུམ་གྱི། །ས་གཞི་ཡོངས་སུ་ནོན་པའོ། །དེ་དབུས་བདག་པོའི་སྐུ་བསྐྱེད་དེ། །རགས་པར་སྣང་བ་འཇོམས་པའི་ཚུལ། །ཉོན་མོངས་དྲེགས་པ་བསྣོལ་བའི་སྟེང་། །ཐབས་དང་ཤེས་རབ་མ་ཆགས་གདན། །དེ་སྟེང་ཧུ༷་གི་འཕྲོ་འདུ་ལས། །དོན་གཉིས་ཡོངས་སུ་རྫོགས་པ་དང་། །འོད་ཞུ་མཚན་མའི་རྣམ་རྟོག་ནུས། །ལྔ་པའི་ས་ལས་འདས་པའོ། །དེ་ལས་ཡེ་ཤེས་ལྔ་ཡི་གཟུགས། །རྒྱུ་དང་འབྲས་བུ་ཡོངས་རྫོགས་པའི། །ཐུགས་ཀྱི་ཆོ་གའི་འཕྲོ་འདུ་ཡིས། །དོན་གཉིས་ཡོངས་སུ་གྲུབ་པ་དང་། །འོད་ཞུ་དེ་ཉིད་མི་དམིགས་པས། །དྲུག་པའི་ས་ལས་འདས་པའོ། །དེ་ལས་ཕྲ་མོའི་ཚུལ་དུ་གྱུར། །ཚ་ཚ་ལྟ་བུའི་འཕྲོ་འདུ་ལས། །བདེ་བར་གཤེགས་པས་བྱིན་གྱིས་བརླབས། །གོང་མ་ལྟ་བུ་གྱུར་པའི་སྟོབས། །བདུན་པའི་ས་ལས་འདས་པའོ། །དེ་ལས་གསང་བའི་སྔགས་བརྗོད་པས། །དེ་ཉིད་སྒྲ་ཡི་ཚུལ་དུ་གྱུར། །འབྲས་བུ་ཡོངས་སུ་རྫོགས་པའི་སྐུ། །རྒྱན་དང་ཆ་ལུགས་རྣམས་དང་ལྡན། །གདོས་པ་ཅན་གྱི་ཆོས་མ་ཡིན། །གཞའ་ཚོན་ལྟ་བུའི་སྐུར་གྱུར་ཏེ། །དེ་ལ་ཤིན་ཏུ་བརྟན་པ་དང་། །འབྲས་བུ་ས་བརྒྱན་ནོན་པའོ། །ཀུན་བཟང་ཟུང་འཇུག་རང་བཞིན་ལས། །ཐབས་དང་ཤེས་རབ་ཡང་དག་ལྡན། །ལུས་དང་གྲིབ་མའི་ཚུལ་ལྟ་བུར། །གཉིས་སུ་མེད་པར་རྒྱན་རྣམས་རྫོགས། །འབྲས་བུ་ཁམས་གསུམ་ས་དགུ་ནོན། །རྗེས་སུ་འབྲང་བའི་ཡེ་ཤེས་དང་། །གཟུགས་བརྙན་ལྟར་སྣང་ཡེ་ཤེས་དང་། ཁུ་ལ་ཞུགས་པའི་ཡེ་ཤེས་དང་། །འབྲས་བུ་མཐར་ཕྱིན་ཡེ་ཤེས་དང་། །མེ་ཏོག་ལྟར་སྣང་ཡེ་ཤེས་དང་། །བཞི་པོ་མ་རྟོགས་གོ་རིམ་བཞིན། །ལམ་རེ་དག་ལ་སྐྱེ་བ་ཡིན། །དེལ་ཡོངས་སུ་དྲིས་པ་དང་། །འཁོར་གྱི་རིམ་པ་ཇི་ལྟར་བར། །རིམ་པའི་རིམ་པར་བསྒོམ་པརབྱ། །དེའང་གྲངས་དང་རིམ་པ་རྣམས། །གཞོམ་བྱའི་ཡུལ་དང་འཇོམས་བྱའི་ལམ། །མཐར་ཕྱིན་འབྲས་བུའི་ཚུལ་གནས་བཤད། །ཀུན་ཀྱང་བཅུ་རུ་གྱུར་པ་སྟེ། །ཁྲོ་བོ་བཅུ་དང་ཁྲོ་མོ་བཅུ། །གསོད་བྱེད་བཅུདང་འཛིན་བྱེད་བཅུ། །ཕྱོགས་སྐྱོང་བཅུ་དང་མི་དགེ་བཅུ། །རྟེན་འབྲེལ་བཅུ་དང་བསྒྲལ་བའི་ཞིང་། །བཅུ་བཅུ་དག་ཏུ་ཀུན་འགྱུར་རོ། །ཚངས་པ་བརྒྱ་བྱིན་མེ་ལྷ་དང་། །གཤིན་རྗེ་སྲིན་པོ་ཆུ་བདག་དང་། །རླུད་ལྷ་གནོད་སྤྱིན་དབང་ལྡན་དང་། །ས་བདག་ལ་སོགས་ཕྱོགས་སྐྱོང་བཅུ། །སྔོན་འབྱུང་ཚུལ་ནས་སྨྲསཔ་ཡིན། །འདོད་ལོག་མ་བྱིན་ལེན་པ་དང་། །ལོག་ལྟ་སྲོག་གཅོད་རྒྱུན་དུ་སྨྲ། །ཀུན་ནས་ཉོན་མོངས་ངག་འཁྱལ་དང་། །ཚིག་རྩུབ་གནོད་སེམས་བརྣག་སེམས་རྣམས། །སྐྱེ་བ་འདུ་བྱེད་རྣམ་པར་ཤེས། །མིང་དང་གཟུགས་དང་སྐྱེ་མཆེད་དྲུག །རེག་པ་ཚོར་བསྲེད་པ་དང་། །ལེན་སྲིད་པ་དག་དང་བཅུ། །དང་པོ་ཐ་མ་གཙོ་གཟུང་གཉིས། །གསང་བའི་ཚུལ་ནས་གཞག་ལ་ཡིན། །ཉམས་པའི་མཚན་ཉིད་རྣམ་པ་བདུན། །ངན་སོང་གསུམ་དང་བཅུ་པོ་རྣམས། །བདག་གཞན་གཉིས་ཀའི་ལས་ཡིན་པས། །ཕྱི་ཡི་ཚུལ་ནས་སྨྲས་པ་ཡིན། །འདི་ནི་གོ་རིམ་ཇི་ལྟ་བར། །གྲངས་དང་བཅས་པའི་དགོས་བྱེད་དོ། །ཁྲོ་བོའི་མིང་དག་མགོ་བརྙན་དབུ། །དོན་མཚོན་རྟགས་སུ་བསྟན་པ་ཡིན། །བགྲོད་པར་བྱ་བའི་རིམ་པ་ཡང་། །ཐུན་མོང་ཚུལ་ནས་འདི་ལྟར་གསུངས། །བསྒོམ་པར་བྱ་བའི་ཐབས་རྣམས་ཀྱང་། །རིམ་པ་གསུམ་དུ་བཀོད་པ་བཞིན། །གང་ལ་བབ་པའི་རིནམ་པས་འཇུག །དེ་ཡི་བགྲོད་པར་བྱ་བའི་ལམ། །མཐར་ཕྱིན་བཅུ་གསུམ་དག་དང་། །བཅོ་ལྔ་དག་ཏུ་སྨྲ་བའང་ཡོད། །རེ་ཞིག་འཁོར་གྱི་དབང་ཙམ་དུ། །བཅུ་བཅུ་དག་ཏུ་ཡང་དག་བཤད། །ས་བཅུ་ཐོབ་པའི་སྔ་ལྟས་བཅུ། །ངག་གི་སྒྲིབ་པའི་བྱེ་བྲག་བཅུ། །གང་ལ་བརྟེན་ནས་སེམས་སྐྱེ་བའི། །རིམ་པ་བཅུ་རུ་འདིར་བཤད་དོ། །ཐོག་མར་འཇིག་རྟེན་འདས་པའི་སེམས། །སྔོན་མ་མཐོང་བ་དེ་མཐོང་འགྱུར། །དོན་ཆེན་གསམ་པ་ཕུན་སུམ་ཚོགས། །རབ་ཏུ་དགའ་བས་མི་ངེས་པའོ། །ལྟུང་བ་ཕྲ་མོའི་སྒྲིབ་པ་དང་། །ཚུལ་ཁྲིམས་ཉམས་པ་ལ་སོགས་པའི། །དྲི་མ་རྣམ་པར་དག་འགྱུར་བས། །གཉིས་པའི་ས་ལས་དྲི་མ་མེད། །ཚད་མེད་ཏིང་འཛིན་འོད་སྣང་བ། །བསྐྱོད་པར་མི་ནུས་གང་གིས་ཀྱང་། །ཟིལ་གྱིས་མི་ནོན་ཐོས་པ་འཛིན། །གཟུངས་ལ་གནས་ཕྱིར་འོད་བྱེད་པའོ། ཁྲེས་རབ་མེ་ཡིས་ཉོན་མོངས་སྲེག་བྱང་ཆུབ་ཕྱོགས་ཆོས་ལ་སོགས་པ། །བསྒོམས་པས་མེ་ཡི་འོད་ལྟ་བུར། །ཆེ་རུ་འཕྲོ་བས་འོད་འཕྲོ་བཤད། །དེ་བསྒོམ་ཐབས་དང་མཆོག་ཡེ་ཤེས། །དབང་བསྒྱུར་བསྒོམས་དང་མཐོང་སྤང་བའི། །ཉོན་མོངས་ཐུལ་བར་དཀའ་བ་རྣམས། །ཡོངས་སུ་ཐུལ་ཕྱིར་སྦྱང་དཀའ་བའོ། །འདུ་བྱེད་ཆོས་རྣམས་ཐམས་ཅད་ལས། །བར་ཆད་མེད་པར་མངོན་གྱུར་ཏེ། །མཚན་མ་མེད་པ་ཡིད་ལ་བྱེད། །ཐམས་ཅད་མངོན་དུ་བྱེད་པའོ། །ཟག་མེད་ཆོས་ལ་བར་ཆད་མེད། །མཚན་མེད་ལ་གནས་རྣམ་གྲོལ་བའོ། །ཏིང་འཛིན་རྒྱུན་བསྒོམས་རྣམ་པར་དག །དེ་ཕྱིར་རིང་དུ་སོང་བའོ། །མཚན་མེད་ཡིད་ལ་བྱེད་པའོ། །བསྒོམ་པ་དག་ལ་དབང་ཐོབ་སྟེ། །ཉོན་མོངས་རྣམས་ཀྱིས་ནམ་དུ་ཡང་། །གཡོ་བར་མི་ནུས་མི་གཡོ་བའོ། །ཐམས་ཅད་ཆོས་ལ་དབང་སྒྱུར་ཞིང་། །ཁ་ན་མ་ཐོ་མི་མངའ་བའི། །བློ་གྲོས་ཤིན་ཏུ་ཡངས་པ་ཐོབ། །ཐོགས་མེད་ལེགས་པའི་བློ་གྲོས་སོ། །ཆོས་སྐུ་ནམ་མཁའ་ལྟ་བུ་ལས། །ཡེ་ཤེས་སྤྲིན་གྱིས་ཁྱབ་པར་འགེབས། །ཡོན་ཏན་ཆར་གྱི་སླན་གདུངས་སྤངས། །དེ་ཕྱིར་ཆོས་ཀྱི་སྤྲིན་ཞེས་བཤད། །གང་གིས་དེ་དག་ཐོབ་པའི་ལྟས། །མཚན་མའི་རྣམ་པ་འདིར་གསུངས་པ། །སྟོང་གསུམ་འཇིག་རྟེན་ཐམས་ཅད་ཀུན། །གཏེར་གྱིས་ཡོངས་སུ་གང་བ་མཐོང་། །འཇིག་རྟེན་ཁམས་རྣམས་ཐམས་ཅད་ཀུན། །ལག་མཐིལ་ལྟ་བུར་གྱུར་པ་ལ། །རིན་ཆེན བྱེ བ ཁྲ་ག ཁྲིག དག །བརྒྱ་སྟོང་དུ་མས་བརྒྱན་པ་མཐོང་། །བདག་ཉིད་དཔའ་ཞིང་གཟུགས་བྱད་ལྡན། །གོ་ཆ་དང་ལྡན་མཚོན་ཐོགས་ནས། །ཕས་ཀྱི་རྒོལ་བ་བཟློག་པར་མཐོང་། །གཞན་ཡང་ཕྱོགས་བཞི་དག་ནས་ནི། །རླུད་གིས་ས་ཕྱོགས་ཐམས་ཅད་དུ། །མེ་ཏོག་སྣ་ཚོགས་འཐོར་བར་མཐོང་། །གཞན་ཡང་ཕྱོགས་བཞི་དག་ནས་ནི། །བུད་མེད་རྒྱན་གྱིས་བརྒྱན་པ་ཡིས། །ཙམ་པ་ཀ་ཡི་མེ་ཏོག་ཐོགས། །མགོ་ལ་ཡོངས་སུ་དོགས་པ་མཐོང་། །ཐེམས་སྐས་བཞི་དང་ལྡན་པའི་རྫས། །རྙོག་མེད་གསེར་གྱི་བྱེ་མ་བརྡལ། །ཡན་ལག་བརྒྱད་ལྡན་ཆུ་ཡིས་གང་། །མེ་ཏོག་སྣ་ཚོགས་བརྒྱན་པ་ལ། །བདག་ཉིད་ཡོངས་སུ་རྩེ་བ་མཐོང་། །བདག་གི་གཡས་གཡོན་ཐམས་ཅད་ན། །སེམས་ཅན་དམྱལ་བའི་གཡང་ས་ལས། །ཡང་དག་ས་ལ་བདག་ཉིད་ནི། །མ་སྨས་སླར་ལ་ལོག་པ་མཐོང་། །བདག་གི་ཕྲག་གོང་གཡས་གཡོན་ན། །གཅན་གཟན་རྒྱལ་པོ་སེང་གེ་གཉིས། །གཅན་གཟན་ཕྲ་མོ་ཐམས་ཅད་ཀུན། །ཡོངས་སུ་སྐྲག་པར་བྱེད་པ་མཐོང་། །དེ་ནས་ཡོངས་སུ་ཆུབ་པའི་ལྟས། །འཁོར་ལོ་སྒྱུར་བའི་རྒྱལ་པོ་ལ། །སྐྱེ་བོའི་ཚོགས་ཀྱིས་ཡོངས་བསྐོར་ཏེ། །གདུགས་དཀར་རིན་ཆེན་སྤྲས་པ་མཐོང་། །ཐ་མར་བདེ་གཤེགས་སྐུ་མཐོང་སྟེ། །གསེར་གྱི་མདོག་ཅན་འོད་འདོམས་གང་། །ཚངས་པ་བྱེ་བ་ཁྲག་ཁྲིག་དང་། །བརྒྱ་སྟོང་དུ་མས་ཡོངས་བསྐོར་ཏེ། །མདུན་གྱིས་བལྟས་ནས་ཆོས་སྟོན་མཐོང་། །གང་གིས་མཐོང་དུ་མི་སྟེར་བའི། །སྒྲིབ་པ་སྤྱི་དང་ཁྱད་པར་གཉིས། །སྤྱི་ཡི་མཚན་ཉིད་འདིར་གསུངས་པ། །ཀུན་ཏུ་རྨོངས་དང་ལེ་ལོ་དང་། །སེམས་ཅན་དོན་བརྩོན་སྒྲིབ་པ་དང་། །ཉོན་མོངས་སྒྲིབ་དང་སེམས་རྣམས་སྦྱོང་། །ཐབས་མཁས་བདག་གི་སྒྲིབ་པ་དང།་ །བདེན་པ་གཉིས་ལ་དམིགས་པ་དང་། །མཚན་མ་འགོག་པར་མི་དམིགས་དང་། །མཚན་མ་མེད་པར་མི་དམིགས་པའི། །སྒྲིབ་པ་བཅུ་རུ་གསུངས་པ་ལས། །དྲུག་ནི་མངོན་ཤེས་དག་ལ་སྒྲིབ། །བཞི་ནི་རྣམ་པར་སྦྱངས་པ་ཡིས། །དེ་བཞིན་གཤེགས་པའི་ས་ལ་འཇུག །དེ་ནི་དག་པ་གསུམ་དང་ལྡན། །ཉོན་མོངས་སྡུག་བསྔལ་མཚན་མ་ཡི། །རྣམ་པར་དག་པ་གསུམ་ཡིན་ནོ། །ཁྱདཔར་སྒྲིབ་པའི་སྒྲིབ་པ་ནི། །ཆོས་དང་གང་ཟག་རྣམས་གཉིས་ལ། །མཚན་མ་ཅན་དུ་སྨོངས་པ་དང་། །འཁོར་བ་ངན་སོང་ཉོན་རྨོངས་པས། །འཇིགས་པའི་རྨོངས་པ་དང་པོ་ལའོ། །ལྟུང་བ་ཕྲ་མོའི་བབྲུལ་བ་ལ། །རྨོངས་དངལས་སྤྱོད་སྣ་ཚོགས་པས། །མངོན་པོར་བསྐྱེད་རྨོངས་གཉིས་པ་ལའོ། །གང་འདོད་ཐོབ་པར་འདོད་རྨོངས་དང་། །གཟུགས་མཆོག་དམ་པ་ཐོབ་པ་ལ། །རྨོངས་པས་གསུམ་པ་དག་ལ་སྒྲིབ། །འཁོར་བར་སྐྱོ་བའི་རྨོངས་པ་དང་། །མྱ་ངན་འདས་ལ་གཞོལ་བ་ཡི། །རྨོངས་པས་ལྔ་པ་དག་ལ་སྒྲིབ། །འདུ་བྱེད་དག་གི་རྒྱ་ལ་ནི། །མངོན་དུ་གྱུར་པའི་རྨོངས་པ་དང་། །མཚན་མ་སྤོམ་པོ་མངོན་དུ་གྱུར། །རྨོངས་པས་དྲུག་པ་དག་ལ་སྒྲིབ། །མཚན་མོ་ཕྲ་མོ་ཐམས་ཅད་ལ། །མངོན་དུ་གྱུར་པའི་རྨོངས་པ་དང་། །མཚན་མེད་ཡིད་ལ་བྱེད་པ་ཡི། །རྨོངས་པས་བདུན་པ་དག་ལ་སྒྲིབ། །མཚན་མེད་ཆེད་དུ་བྱེད་པ་དང་། །མཚན་མར་འཛིན་དབང་ཐོབ་པ་ཡི། །རྨོངས་པས་བརྒྱད་པ་དག་ལ་སྒྲིབ། །ཆོས་རྣམས་སྟོན་པ་ཚད་མེད་དང་། །ཚིག་དང་ཡི་གེ་ཚད་མེད་པ། །སྤོབས་པ་དག་ལ་དབང་ཐོབ་པའི། །རྨོངས་པས་དགུ་པ་དག་ལ་སྒྲིབ། །མངོན་པར་ཤེས་པ་ཆེན་པོ་ལ། །དབང་སྒྱུར་མ་ཐོབ་རྨོངས་པ་དང་། །དོན་དང་ལས་རྣམས་གསང་བ་ཡི། །ཕྲ་མོ་རྨོངས་པས་བཅུཔ་དག་ལ་སྒྲིབ། །སྤྱོད་ཡུལ་ཕྲ་བ་ཐམས་ཅད་ལ། ཁྲེས་བྱའི་སྒྲིབ་པ་རྨོངས་པ་དང་། །ཉོན་མོངས་ཤིན་ཏུ་ཕྲ་བ་ཡི། །གནས་ངན་ལེན་ལ་སྨོངས་པ་ཡི། །འདི་ནི་སངས་རྒྱས་ས་ལ་སྒྲིབ། །གཞན་ཡང་ས་ལ་བགྲོད་དུས་སུ། །ལམ་པའི་བྱང་ཆུབ་སེམས་དཔའ་རྣམས། །གང་ལ་བརྟེན་ནས་སེམས་སྐྱེད་པའི། །དེ་ཡི་རིམ་པ་འདིར་གསུངས་སོ། །གང་གིས་དང་པོའི་རིམ་པ་ནི། །རིན་ཆེན་ཡང་དག་འཕགས་པ་ཡི། །ཏིང་ངེ་འཛིན་གྱི་གཟུངས་དེ་སྐྱེ། །གཉིས་པ་གནས་པ་མེད་པ་ཡི། །ཏིང་ངེ་འཛིན་ལ་བརྟེན་ནས་སོ། །གསུམ་པ་རབ་ཏུ་མི་གཡོ་བའི། །ཏིང་ངེ་འཛིན་ལ་བརྟེན་ནས་སྐྱེ། །བཞི་པའི་ཕྱིར་མི་ལྡོག་པ་ཡི། །ཏིང་ངེ་འཛིན་ལ་བརྟེན་ནས་སྐྱེ། །ལྔ་པ་རིན་ཆེན་མེ་ཏོག་གི །ཏིང་ངེ་འཛིན་ལ་བརྟེན་ནས་སྐྱེ། །དྲུག་པ་ཉི་མའི་གཟི་བརྗིད་ཀྱིས། །ཡོངས་སུ་བཟུང་ནས་སེམས་སྐྱེའོ། །བདུན་པ་དོན་རྣམས་གྲུབ་པ་ཡི། །ཏིང་ངེ་འཛིན་ལ་བརྟེན་ནས་སོ། །བརྒྱད་པ་ད་ལྟར་སངས་རྒྱས་རྣམས། །མངོན་སུམ་བཞུགས་པའི་སངས་རྒྱས་ལ། །བརྟེན་ནས་ཡོངས་སུ་སེམས་སྐྱེའོ། །དགུ་པ་ཡེ་ཤེས་སྒྲོན་མ་ཡི། །ཏིངའཛིན་ལ་བརྟེན་སེམས་སྐྱེའོ། །བཅུ་པ་དཔའ་བར་འགྲོ་བ་ཡི། །ཏིང་འཛིན་ལ་བརྟེན་སེམས་སྐྱེའོ། །སངས་རྒྱས་ས་ལ་བགྲོད་པའི་དུས། །རྡོ་རྗེ་ལྟ་བུའི་ཏིང་འཛིན་དང་། །ཆགས་པ་མེད་བའི་ཏིང་འཛིན་དང་། །རྫུ་འཕྲུལ་ཆེན་པོའི་ཏིང་འཛིན་དང་། །ལྷུན་གྱིས་གྲུབ་པའི་རིག་འཛིན་ལ། །བརྟེན་ནས་ཡོངས་སུ་སེམས་སྐྱེའོ། །འདི་ནི་ཐུན་མོང་ལམ་དག་དང་། །མཐུན་པའི་ཚུལ་ནས་སྨྲས་པ་ཡིན། །གྲུབ་པར་བྱ་བའི་འབྲས་བུ་ཡང་། །གནས་སྐབས་དག་དང་མཐར་ཐུག་པའི། །འབྲས་བུ་བྱེ་བྲག་བསམ་མི་ཁྱབ། །ཐམས་ཅད་བརྗོད་པར་ག་ལ་ནུས། །རེ་ཞིག་ཡོན་ཏན་ཁྱད་པར་ཙམ། །བསྡུས་ཏེ་རྣམ་བཞིཚུལ་དུ་བཤད། །དེ་ཡང་གོང་མ་ཇི་ལྟར་བར། །བཅུ་བཅུ་དག་ཏུ་ཀུན་འགྱུར་ཏེ། །དབང་དང་ཕ་རོལ་ཕྱིན་པ་དང་། །སྟོབས་དང་ཡེ་ཤེས་མཚན་ཉིད་དོ། །དབང་ནི་འདི་ལྟར་སྐྱེ་བ་དང་། །ཡོ་བྱད་ཡེ་ཤེས་ཚེ་ལ་དབང་། །མོས་པ་སེམས་དང་ཆོས་དང་ནི། །ལས་དང་རྫུ་འཕྲུལ་སྨོན་ལམ་དག །གང་ཡིན་དེ་ཡི་མཚན་ཉིད་དོ། །གཞན་ཡང་ཕ་རོལ་ཕྱིན་པ་ནི། །སྤྱིན་པ་ཚུལ་ཁྲིམས་བཟོད་པ་དང་། །དེ་བཞིན་བརྩོན་འགྲུས་བསམ་གཏན་དང་། ཁྲེས་རབ་ཐབས་དང་སྟོབས་དང་ནི། །སྨོན་ལམ་དང་ནི་ཡེ་ཤེས་དག །བཅུ་འམ་ཡོན་ཏན་གསུམ་གྱི་བདག །བྱེ་བྲག་ཡོངས་སུ་ཤེས་པར་བྱ། །དེ་བཞིན་སྟོབས་ཀྱི་རམ་པ་ཡིས། །གནས་དང་གནས་མེད་མཁྱེན་པ་དང་། །དབང་པོ་མཆོག་དང་མཆོན་མིན་མཁྱེན། །ཁམས་གསུམ་སྣ་ཚོགས་མཁྱེན་སྟོབས་དང་། །མོས་ལ་སྣ་ཚོགས་མཁྱེན་སྟོབས་དང་། །བསམ་གཏན་ཏིང་འཛིན་རྣམ་ཐར་དང་། །སྙོམས་པར་འཇུག་དང་ཀུན་ཉོན་མོངས། །རྣམ་པར་བྱང་བ་མཁྱེན་སྟོབས་དང་། །ལས་ཀྱི་རྣམ་སྨིན་མཁྱེན་སྟོབས་དང་། །ཐམས་ཅད་མཁྱེན་པ་ལས་ཀྱི་སྟོབས། །དེ་བཞིན་སྔོན་གྱི་གནས་རྣམས་ཀྱང་། །རྗེས་སུ་དྲན་པ་མཁྱེན་སྟོབས་དང་། །འཆི་འཕོ་སྐྱེ་བ་མཁྱེན་པའི་སྟོབས། །ཟག་པ་ཟད་པ་མཁྱེན་པ་ཡི། །སྟོབས་དང་བཅུ་རུ་ཡང་དག་བཤད། །གང་དག་ཤེས་པའི་ཡེ་ཤེས་ནི། །ཆོས་རྣམས་ཡོངས་སུ་ཤེས་པ་དང། །རྗེས་སུ་རྟོགས་པར་ཤེས་པ་དང་། །ཕ་རོལ་དག་གི་སེམས་ཤེས་དང་། །སྡུག་བསྔལ་ཤེས་དང་ཀུན་འབྱུང་ནས། །དེ་བཞིན་འགེག་པ་ཤེས་པ་དང་། །ལམ་གྱི་རྣམ་པར་ཤེས་པ་དང་། །ཉོན་མོངས་ཟད་པར་ཤེས་པ་དང་། །མི་སྐྱེ་བ་དག་ཤེས་པ་ཡི། །རྣམ་པ་བཅུ་རུ་ཡང་དག་བཤད། །དེའང་ངེས་དང་མ་ངེས་པའི། །མཚན་ཉིད་ཡོངས་སུ་ཟིན་པར་བྱ། །རེ་རེ་དག་གམ་མཐར་ཐུག་པའི། །ཁྱད་པར་དེ་དང་དེ་ལ་སྤྱིན། །དེ་ཡིས་དེ་ཉིད་མཚོན་པར་བྱ། །ཡང་དག་བརྗོད་པར་ག་ལ་རུང་། །ཁྱད་པར་ས་ཡི་རིམ་པ་ནི། །རྫོགས་པའི་རིམ་པ་མང་ན་རྟོགས་ན། །འགྲོ་ཉལ་འདུག་སྡོད་ཅི་བྱེད་ཀྱང་། །གཞན་ལ་སེམས་རྣམས་མི་འཕྲོ་བར། །འབྲས་བུ་ས་ནི་དང་པོ་ནོན། །མཐོང་བའི་ལམ་ནི་མངོན་གྱུར་པ། །དེ་ལས་ཡོངས་སུ་རྟས་གྱུར་ན། །རྟག་ཆད་གཉིས་ཀྱི་གོས་པ་མེད། །འབྲས་བུ་ས་ནི་གཉིས་པ་སྟེ། །དྲི་མ་མེད་པའི་ཡེ་ཤེས་སོ། །དེ་ལ་ཡོངས་སུ་བརྟན་པ་དང་། །ཆོས་ཉིད་དོན་ལས་གཞན་མ་ཡིན། །ཁམས་གསུམ་སེམས་ཅན་གདུང་བས་ཟིན། །ཡོངསསུ་རྟོགས་པའི་ཡེ་ཤེས་ཏེ། །འབྲས་བུས་གསུམ་བགྲོད་པའོ། །དེ་ལ་ཡོངས་སུ་འདྲིས་པ་དང། །ཤིན་ཏུ་གསལ་བའི་སེམས་དེ་ལ། །གཞན་དུ་མི་འགྱུར་ཁོ་ནར་གནས། །འཛིན་པ་མེད་པའི་ཡེ་ཤེས་ཏེ། །འབྲས་བུ་ས་བཞི་བགྲོད་པའོ། །དེ་ལ་བརྟན་པར་གྱུར་པ་དང་། །ཡུལ་ལ་སྨིག་རྒྱུ་ལྟ་བུ་མཐོང་། །གང་ལའང་ཤེས་པ་མི་འཇུག་ཅིང་། །ཐ་དད་མེད་པའི་ཡེ་ཤེས་ཏེ། །འབྲས་བུས་ལྔ་བགྲོད་པའོ། །དེ་ལ་རྒྱས་པར་གྱུར་པ་དང་། །ནང་གི་ཤེས་པ་ཤིན་ཏུ་གསལ། །ཕྱི་ཡི་ཡུལ་ལ་དུ་བར་མཐོང་། ཁྲེས་རབ་མངོན་གྱུར་ཡེ་ཤེས་ཏེ། །འབྲས་བུ་ས་དྲུག་བགྲོད་པའོ། །དེ་ལས་ཡོངས་སུ་འཕེལ་བ་ཅན། ཁྲེས་པ་ཡོངས་སུ་གསལ་ལ་དག །འབྲས་བུ་ཡང་གནས་རྒྱུ་མེད་པའོ། །ཕྱི་ཡུལ་སྲིན་བུ་མེ་ཁྱེར་མཐོང་། །ཐ་དད་མེད་པའི་ཡེ་ཤེས་ཏེ། །འབྲས་བུ་ས་བདུན་བགྲོད་པ་མཐོང་། །དེལས་བརྟན་པར་གྱུར་པ་དང་། །འདི་ལས་ལྷག་པའི་ཡེ་ཤེས་མེད། །འདི་ལས་བགྲོད་གནས་ག་ལ་ཡོད། །དེ་ནི་ཤེས་པ་དེ་ལྟར་གསལ། །ཕྱི་ཡུལ་མར་མེ་ལྟ་བུར་མཐོང་། །མི་སྐྱེ་ཆོས་ལ་བཟོད་པ་ཡི། །ཡེ་ཤེས་ཞེས་ནི་དེ་ལ་བྱ། །འབྲས་བུ་སངས་རྒྱས་བགྲོད་པའོ། །དེ་ལས་ཡོངས་སུ་རྒྱས་པ་དང་། །ཆོས་ཉིད་མ་བཅོས་ཉིད་ལ་གནས། །འཁྱགས་ལྟོགས་སྡུག་བསྔལ་མི་བཟད་པ། །ཐམས་ཅད་ཉེས་པས་གོས་མི་འགྱུར། །ཕྱི་ཡི་ཡུལ་གྱི་རྣམ་པ་ལ། །སྤྲིན་མེད་ནམ་མཁའ་ལྟ་བུ་སྟེ། །དྲི་མེད་རྣམ་དག་ཡེ་ཤེས་ཡིན། །འབྲས་བུ་ས་དགུ་བགྲོད་པ་ཡི། །བརྒྱད་པ་དང་ནི་དགུ་པ་ལ། །ཞི་བ་ཕྱོགས་གཅིག་ལྟུང་བ་སྲིད། །བྱང་ཆུབ་སེམས་ཀྱི་བར་ཆད་རྐྱེན། །དེ་དུས་འབད་པས་དྲག་ཏུ་བརྩོན། །དེ་ལས་ཤིན་ཏུ་བརྟེན་པ་དང་། །མི་ལྡོག་ཤེས་པ་ཡོང་མི་སྐྱེ། །ཕྱི་རོལ་ནོར་བུ་ཀུན་དྷ་འདྲ། །ཡོངས་སུ་སྟོང་པའི་ཡེ་ཤེས་ཏེ། །འབྲས་བུས་བཅུ་བགྲོད་པའོ། །ས་བཅུ་གནས་པའི་དུས་ཉིད་དུ། །ཕྱོགས་བཅུའི་སངས་རྒྱས་ཐམས་ཅད་ཀྱིས། །བྱང་ཆུབ་སེམས་ཀྱིས་དབང་བསྐུར་ཏེ། །དབང་ངེས་ཤེས་བྱའི་སྒྲིབ་པ་བཅོམ། །འབྲས་བུ་མཐར་ཕྱིན་དབང་ཞེས་བྱ། །དེ་ཉིད་དུ་ནི་བཅུ་གཅིག་འདོད། །མདུང་དང་རལ་གྲི་གདུག་པའི་མཚོན། །སྦྲང་བུ་པུ་ཁ་ཏྲེ་ལ་དང་། །ཁྱི་དང་དུར་བྱ་ཀང་ཀ་ཡིས། །ཟོས་སམ་གཙེས་ཀྱང་ཚོར་མི་འགྱུར། །རྔ་དང་རྔ་བོ་ཆེ་དག་དང་། །རྫ་རྔ་འབྲུག་སྒྲ་ཆེན་པོ་དང་། །དུང་དང་ཆ་ལང་ལ་སོགས་པའི། །སྒྲ་རྣམས་ཡོངས་སུ་གྲག་འགྱུར་ཡང་། །དེ་ཡིས་ཏིང་འཛིན་འཕྲོགས་པ་མེན། །འདི་ལྟར་སྣང་བའི་དངོས་པོ་ལ། །སྐད་ཅིག་གཅིག་ལ་མངོན་སངས་རྒྱས། །རྣམ་པར་སྣང་མཛད་ས་ལ་གནས། །ཕྱི་ནང་ཐམས་ཅད་ཆོས་ཉིད་ལས། །དེ་ལས་སེམས་ཅན་དགོས་འདོད་འབྱུང་། །རིན་ཆེན་འབྱུང་ལྡན་ས་ལ་གནས། །དེ་ལ་བརྗོད་པ་རྣམས་དང་བྲལ། །གང་གིས་དཔག་པར་མི་ནུས་པ། །སྣང་བ་མཐའ་ཡས་ས་ལ་གནས། །ཆོས་ཉིད་བརྗོད་མེད་དོན་རྣམས་གྲུབ། །ཐམས་ཅད་དེ་ཡི་རྒྱན་དུ་ཆེ། །དོན་ཡོད་གྲུབ་པའི་ས་ལ་གནས། །གཉིས་མེད་པ་བརྗོད་བྲལ་ལ་གནས་ཤིང་། དེ་ལས་ཅིས་ཀྱང་མི་བསྐྱོད་པས། །རྡོ་རྗེ་འཛིན་པའི་ས་ལ་གནས། །ས་ལས་འདས་པའི་ངང་ཉིད་ལ། །བརྗོད་མེད་བརྗོད་བྲལ་ངོ་བོ་ཉིད། །གང་ལ་འདི་ཞེས་བྱ་བ་ནི། །ཡོད་པར་མ་ཡིན་དེ་ཉིད་དོ། །རྡོ་རྗེ་སེམས་དཔའི་ངོ་བོ་ཉིད། །ཡོངས་སུ་རྩེ་མོར་ཆིབས་པ་དང་། །ཡོངས་སུ་སྨིན་པའི་བདག་ཉིད་ཅན། །ཆོས་དབྱིངས་ཡེ་ནས་རྣམ་པར་དག །མ་བཅོས་ངོ་བོ་ཉིད་ཀྱི་སྐུ། །བརྗོད་པའི་ཐ་སྙད་རྣམས་དང་བྲལ། །ལྷུན་གྲུབ་ངོ་བོར་གནས་ཞེས་བྱའོ། །བསྒོམ་པའི་ལམ་ལས་ཡོངས་གསལ་བས། །བར་ཆད་མེད་པའི་ལམ་ལ་གནས། །འབྲས་བུ་མཐར་ཕྱིན་ལམ་གསལ་བས། །མ་བཅོས་ས་རྣམས་ངེས་པར་ཐོབ། །དེ་དུས་སྤྱོད་པའི་རིམ་པ་ནི། །ཏིང་ངེ་འཛིན་ལ་མི་གནས་དུས། །ཚོགས་ཀྱི་ལམ་གྱི་སྐབས་སུ་ནི། །བཞི་གསུམ་བཅུ་གཉིས་དྲན་པར་བྱ། །སྦྱོར་བའི་ལམ་ལ་གནས་དུས་སུ། །དབང་པོ་ལྔ་དང་སྟོབས་ལྔ་དང་། །མ་བརྗོད་ཡིད་ལ་དྲན་པར་བྱ། །མཐོང་བའི་ལམ་ལ་གནས་པ་དང་། །སྒོམ་པའི་ལམ་ལ་གནས་བར་དུ། །ཆོས་ནི་བཅོ་ལྔ་དྲན་པར་བྱ། །སྦྱིན་པ་ལ་སོགས་ཕ་རོལ་ཕྱིན། །བཅུ་ལས་ཡོངས་སུ་འབད་པར་བྱ། །སྦྱོར་བའི་ལམ་ལ་གནས་དུས་སུ། །ཏིང་ངེ་འཛིན་ནི་རྒྱུན་དུ་བྱ། །མཐོང་བའི་ལམ་ལ་མན་ཆད་ཀྱིས། །བརྒྱན་ལ་སོགས་པ་དངོས་སུ་བྱ། །དེ་ལ་སྒྲོད་པ་གཉིས་ཡོད་དེ། །སྦས་པ་དང་ནི་བསྙོན་ཐབས་སོ། །སྦས་པའི་སྤྱོད་པ་རབ་འབད་ན། །ཁ་ན་མཐོ་སྤོངས་པར་འགྱུར། །བསྙོན་པའི་སྤྱོད་པ་རབ་འབད་ན། །ཏིང་འཛིན་རྩལ་དང་ལྡན་པར་འགྱུར། །སྤྱོད་པ་འདི་ལ་རབ་གནས་ན། །མཁའ་འགྲོ་མ་ཡིས་བདེ་བ་སྟེར། །ཡོངས་སུ་དངས་པའི་སེམས་དང་ལྡན། །དེ་ཚེ་ཚེ་འཕོས་འཆི་གྱུར་ན། །རང་གི་སེམས་ནི་འདི་ལྟར་བརྟག །གདོད་ནས་མ་སྐྱེས་སྐྱེ་བ་མེད། །བྱང་ཆུབ་སེམས་ཀྱི་ཡི་གེ་ཨ། །འོད་ཟེར་ལྔ་དང་ལྡན་པར་འགྱུར། །སྙིགས་མ་ལྔ་རུ་ལུས་བརྟགས་ཏེ། །དངས་མ་ཆེན་པོར་རབ་བརྟག་གསལ། །ཡེ་ཤེས་རྟ་ལ་ཤོན་གནས་པར། །རབ་ཏུ་བརྟག་ཅིང་གསལ་བར་བྱ། །དེ་ལ་སྲིད་པ་བར་མ་དོར། །སྟོབས་ཀྱི་རྟ་ཤོན་དེ་ལ་གནས། །དེ་ཚེ་ཏིང་འཛིན་ལྷག་པར་གསལ། །ཡེ་ཤེས་སྟབས་སུ་གྱུར་ནས་ནི། །སྐྱེ་བ་མེད་ལ་གནས་པ་སྟེ། །ཕུང་པོ་ལྷག་མེད་མངོན་སངས་རྒྱས། །འོན་ཏེ་སྐྱེ་བ་བླངས་པ་ནི། །སྔ་མའི་ལས་འཕྲོ་རྗེས་དྲན་ནས། །གང་ལ་སྦྱངས་པ་དེར་གསལ་བར། །བར་ཆད་མེད་པའི་ལམ་ཞེས་བྱ། །དེ་ལུས་ལ་བརྟེན་རབ་འབད་ན། །སྐྱེ་བ་གཅིག་ལ་མངོན་སངས་རྒྱས། །ཕུང་པོ་ལྷག་མ་མེད་ཅེས་བྱ། །གལ་ཏེ་ལས་ཀྱི་དབང་བཙན་ན། །སྐྱེ་བ་གཉིས་ཐོགས་ཕན་ཆད་ནི། །ཕུང་པོ་ལྷག་མ་ཅན་ཞེས་བྱ། །འདི་ལྟར་ལམ་གྱི་རིམ་པ་རྣམས། །རབ་ཏུ་འབད་དེ་ཉམས་སུ་བླང་། །གལ་ཏེ་འདི་ལམ་འབད་ན། །བསགས་ལ་འབྲས་བུ་མེད་ཅེས་བྱ། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། རྣལ་འབྱོར་པའི་ལམ་ཡོངས་སུ་བགྲོད་པའི་ལེའུ་སྟེ་ཉི་ཤུ་རྩ་གཉིས་པའོ།། །།དེ་ནས་རྡོ་རྗེ་ཡིད་ཀུན་ཏུ་བཟང་པོས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཀྱེ་མ་གསང་བའི་མཛོད་ཆེན་པོ། །ཀྱེ་མ་བཅོམ་ལྡན་སྔགས་ཀྱི་བདག །ཀྱེ་མ་འདྲེན་པ་མཆོག་གི་གནས། །ཀྱེ་མ་ཐམས་ཅད་མཁྱེན་པའི་གཙོ། །བསྐྱེད་རྫོགས་རིམ་པ་མ་ལུས་དང་། །ལམ་གྱི་རིམ་པ་རྫོགས་གསུངས་ན། །ཡང་རབ་བློ་དང་ལྡན་པ་ལ། །ཁྱད་པར་ལམ་གྱི་རིམ་པ་ཡིས། །འགྲོ་འོང་མེད་པའི་ལམ་ཆེན་པོ། །མཐར་ཕྱིན་རིམ་པ་ཇི་ལྟར་ལགས། །འདི་སྐད་གསོལ་བ་གསན་ནས་ཀྱང་། །ཁྲག་འཐུང་རྒྱལ་པོས་བཀའ་སྩལ་པ། །ལས་ཀྱི་སེམས་དཔའ་ཁྱོད་ཉོན་ཅིག །འགྲོ་བ་ཐ་དད་བསམ་ཡས་པའི། །བྱེ་བྲག་མི་མཐུན་བསམ་མི་ཁྱབ། །དེ་ཡང་བློ་ཡི་རིམ་པས་སྣང་། །ཐེག་པའི་སྒོ་ཡང་དེ་འདྲར་ཤེས། །ཀུན་ཀྱང་དེར་གཅིག་དེ་ཡིན་པས། །རེ་ཞིག་རིམ་པ་འདིར་ཤེས་བྱ། །ཡི་གེ་གཉིས་ཀྱིས་མཚོན་པའི་དོན། །ཀུན་ཀྱང་རང་བཞིནདབྱེརམེདལ། །མཐོང་ཚུལ་ཐེག་པ་རིམ་དགུ་བྱུང་། །དམ་པའི་ལམ་དུ་ཀུན་འདྲ་ཡང་། །ལྟ་སྤྱོད་ཏིང་འཛིན་ཁྱད་པར་གྱིས། །སྐས་ཀྱི་གདང་བུ་ལྟ་བུར་སྣང་། །དངོས་པོ་ཕྲ་རགས་ནུབ་འདོད་པས། །རྡུལ་ལ་དངོས་པོར་གཟུང་འཛིན་ཅིང་། །སྐད་ཅིག་དོན་དམ་འཛིན་སྒོ་ནས། །བདེན་པ་བཅུ་དྲུག་རྣམ་པར་གྲགས། །བསྐལ་བ་གསུམ་དུ་སྦྱོང་ཞིང་བགྲོད། །ལ་ལ་ཡུལ་ལ་འཛིན་མི་པར། །མ་རིག་རྟེན་འབྲེལ་བཅུ་གཉིས་ཚུལ། ཁྲེས་པ་ཉིད་ལ་བླང་དོར་ཅིང་། །ནམ་མཁའ་དག་ལས་ཆ་ཤས་ཀྱིས། །འབྲས་བུ་ཐ་དད་གྲུབ་འདོད་པའོ། །གཞན་དག་ཐེག་པ་ཆེན་པོ་ཡང་། །དངོས་ཀུན་སྒྱུ་མར་སྣང་བ་སྟེ། །མི་བདེན་ཚུལ་ནས་འདི་སྤོང་ཞིང་། །གཞན་མའི་དངོས་པོ་སྟོང་པ་ལེན། །ཆུ་གཞག་ཟླ་བ་ལེན་པ་འདྲ། །ཆེན་པོར་ཁས་འཆེས་ཕྱི་རོལ་བ། །གཙང་མའི་སྤྱོད་པ་དང་ལེན་ཞིང་། །གཟའ་དང་རྒྱུ་སྐར་བཟང་སྒོ་ནས། །དངོས་གྲུབ་གཞན་ནས་ཐོབ་བྱེད་པ། །མཉམ་པ་ཆེན་པོའི་དོན་དང་འགལ། །ཐེག་པ་ཆེ་བར་ཁས་འཆེ་བ། །གོང་མ་ལྟར་ཞིང་གོང་མ་བསྲུང་། །འབྲེལ་མེད་སྒོ་ནས་གྲུབ་པར་འདོད། །མཉམ་པ་ཉིད་དུ་ཁས་ལེན་ཡང་། །དམ་རྫས་ལ་སོགས་སྤོང་ལེན་ཅིང་། །བདག་དང་མཉམ་ལྟ་གཞན་ལ་རེ། །མི་ཚེ་གསུམ་གྱིས་གྲུབ་འདོད་པ། །རེ་བ་འཇོག་པའི་མཉམ་ལྟ་འཁྲུལ། །ཁྱད་པར་བླ་ན་མེད་པ་ཡང་། །གསུམ་དུ་རྣམ་པར་བཤད་མོད་ཀྱི། །གང་ཟག་བློ་ཡི་རིམ་པ་ལ། །བསྐྱེད་དང་རྫོགས་པའི་རིམ་པ་དང་། །རིམ་དང་ཅིག་ཆར་དག་ཏུ་བསྟན། །མཐར་ཐུག་རང་འབྱུང་ཡེ་ཤེས་སུ། །ཀུན་ཀྱང་ཁས་ལེན་སེམས་ཉིད་ལ། །ཆོ་འཕྲུལ་རྩལ་དང་རང་སྣང་ཞེས། །མཐོང་བའི་ཚུལ་ནས་ཁྱབ་པར་རྩམ། །འདི་ཉིད་ཁྱད་པར་འདོད་པའང་། །ཐུན་མོང་ས་དང་ལམ་ལྔ་དང་། །བགྲོད་ཚུལ་གཞན་དང་སྒོ་བསྟུན་ཙམ། །འདི་ལ་དེ་ལྟའི་རིམ་པ་མེད། །ས་བཅུ་སྐད་ཅིག་མ་རྫོགས། །བདེན་པ་གཉིས་ཀྱི་སྙད་མི་གདགས། །དོན་དམ་ལྷག་པར་བཤད་པའང་མེད། །བརྫུན་ཞེས་སྙིགས་མ་དོར་དུ་མེད། །གཉིས་མེད་ངང་ལ་མཉམ་གནས་པས། །ལྷག་པར་བྱ་བ་གང་ལའང་མེད། །སྤྱོད་ཡུལ་བྱས་ལ་སྙད་མི་གདགས། །ཕུར་པ་ཀུན་ཁྱབ་ནམ་མཁའ་འདྲ། །ཁྱབ་བདལ་རང་བཞིན་ཕུར་པ་ལ། །འཁོར་བ་མྱ་ངན་འདས་པ་དང་། །ཕྱི་ནང་སྣོད་བབ་མ་ལུས་དང་། །ཅིར་སྣང་ཅིར་སྲིད་ཐམས་ཅད་ཀུན། །ཕྱོགས་སུ་གྲུབ་པ་གང་ཡང་མེད། །དེ་ཉིད་མཐར་ཡང་མ་ལྷུང་བས། །ཀུན་གྱི་ངོ་བོར་བདག་ཉིད་གནས། །ཕུར་པ་ཁྱབ་གསལ་ཉི་ཟླ་འདྲ། །ཡེ་ཤེས་མ་བསྒྲིབས་ཐམས་ཅད་མཁྱེན། །སྣ་སྟོང་ཀུན་ཏུ་ཏང་བསྣང་བས། །ཕྱོགས་རིས་མེད་པར་ཐམས་ཅད་མཁྱེན། །རྒྱ་མཚོ་དངས་པའི་གཟའ་སྐར་བཞིན། །འཛིན་མེད་ཤེས་པ་རང་གསལ་བས། །ཐམས་ཅད་མཁྱེན་པའི་སྤྱན་གྱིས་མཆོག །ཕུར་པ་དངོས་པོ་ཀུན་དང་བྲལ། །དངོས་པོ་ཀུན་བྲལ་ཕུར་པ་ཡིས། །ཕྱོགས་དང་སྣང་བའི་ཐ་དད་མེད། །མཐས་དབུས་མེད་པར་ཡེ་ནས་རྣལ། །རྟོག་པ་མེད་པས་ཐམས་ཅད་མཁྱེན། །དེ་ཉིད་དུས་གསུམ་ཀུན་ཏུ་བརྡལ། །ཐ་སྙད་ཙམ་ལས་དངོས་ཀུན་བྲལ། །ཕུར་པ་རང་བཞིན་བྱང་ཆུབ་སེམས། །རིག་པ་ཡེ་ཤེས་ཕུར་པ་ཡིན། །སྤྱོད་ཡུལ་ཀུན་ལ་འདས་པས་ན། །ཡིད་བཞིན་ནོར་བུ་རིན་ཆེན་ལྟར། །ཐམས་ཅད་བསམ་སྣང་ཀུན་གྱི་དངོས། །ཐམས་ཅད་འབྱུང་ཞིང་ཟད་འཕེལ་མེད། །རྒྱུ་རྐྱེན་གཉིས་ལ་རག་མ་ལས། །དེ་རྟོགས་བྱེད་པ་ལས་ཀྱི་མཆོག །གཉིས་སུ་སྣང་བ་བྱིས་པའི་བློ། །དག་དང་མ་དག་གཟུང་བས་འཁྲུལ། །དམ་པ་ཆེན་དོན་མི་ཤེས་པས། །སྣ་ཚོགས་འཛིན་པ་མདུད་པའི་ཚིག །ཡང་དག་དོན་ལ་རེག་མི་འགྱུར། །རང་བཞིན་ཕུར་པའི་དོན་ཉིད་དེ། །ཕྱི་ནང་མེད་པར་རང་གསལ་བ། །རང་རིག་རང་གསལ་ཡེ་ཤེས་ཅན། །རང་བྱུང་ཡེ་ཤེས་འབའ་ཞིག་ལས། །འདི་ལས་གཞན་པའི་ཤེས་པ་མེད། །འདི་ཤེས་ཀུན་གྱི་བདག་ཉིད་ཤེས། །ཡང་རབ་བློ་ཡི་སྤྱོད་ཡུལ་ཏེ། །སྐལ་མེད་རྣམས་ལ་རང་བཞིན་གསང་། །རིགས་དང་ལྡན་པའི་སྐྱེས་བུ་ལ། །འཁོར་བའི་གནས་ཉིད་བྱང་ཆུབ་ལམ། །མ་རིག་པ་ཉིད་ཡེ་ཤེས་གསལ། །ཐམས་ཅད་ལྷུན་གྲུབ་ངོ་བོ་ཉིད། །རྟོག་སྣང་འཁྲུལ་པའི་ཆོས་རྣམས་ཀུན། །ཡེ་ནས་མ་བཅོས་དེ་བཞིན་ཉིད། །བླང་དང་དོར་བའི་ལས་མི་བྱེད། །བཟང་དང་ངན་པར་མི་འཛིན་པས། །རེ་དང་དོགས་པ་ཅུང་ཟད་མེད། །ཕྱོགས་སུ་འཛིན་པའི་ཐ་སྙད་བྲལ། །ང་ཞེས་བསྟན་པས་ང་མ་གྲུབ། །ང་ལ་ཕྱོགས་རིས་ས་མཚམས་མེད། །གཉིས་བྲལ་གཉིས་ཀྱི་བདག་ཉིད་ཅན། །འདི་ལ་དགག་དང་བསྒྲུབ་པ་མེད། །ཆོས་དང་གང་ཟག་སོགས་འདོད་པ། །བརྩོན་པ་བྱིས པའཚིག་ཏུ་ཟད། །གང་ཞིག་བདེ་དང་ལྡན་གྱུར་ན། །སྤྲོས་པ་ཚིག་གི་རྗེས་མི་འབྲེལ། །གང་ལའང་ཤེས་དང་རློམས་སེམས་མེད། །རང་བཞིན་སྙེམས་དང་ཁྱད་མི་འདོར། །གང་ལ་མ་ཆགས་གཏོང་ཕོད་ཆེ། །གཞན་ལ་མོས་དང་ཉམས་མི་ལེན། །ལྷག་པར་གང་ལའང་མི་ལྟ་ཞིང་། །བྱ་བའི་ལས་ལ་ཉམ་མི་ང་། །ལམ་དང་ས་དང་གོལ་ས་མེད། །ཐམས་ཅད་མཁྱེན་པའི་བདག་ཉིད་ཅན། །མངོན་དུ་གྱུར་པས་གཟུགས་དང་ལྡན། །དེ་ཉིད་གདེང་ལྡན་དོན་པོ་མཆོག །བཅོས་བསླད་མེད་པས་ཕུར་པའི་དོན། །ལྷུན་གྱིས་གྲུབ་པས་ངང་དུ་བཟླུམས། །ཁམས་གསུམ་ཀུན་གྱི་བླ་མ་ཡིན། །བདག་ཉིད་ཆེན་པོའི་ཕུར་པ་ལ། །འཁོར་བ་མྱ་ངན་འདས་པ་མེད། །མཐོང་བ་མེད་པས་མཐོང་བའི་མཆོག །ཕུར་པ་ཡོད་མེད་ཚིག་ལས་འདས། །ཕུར་པ་སྨྲ་བསམ་ཡུལ་ལས་འདས། །ཕུར་པ་བརྗོད་པའི་ལམ་ལས་འདས། །རང་བཞིན་ཉིད་ཀྱི་ཕུར་པ་ལས། །མཚོན་པའི་སྒོ་ནས་ཉིད་དུ་གཅིག ཁྲེས་རབ་སྤྱན་ཞེས་བརྗོད་པ་ཡང་། ཁྲེས་བྱ་བསམ་གྱིས་མི་ཁྱབ་ཀྱང་ ཁྱབ་པར་མཆོག་ཏུ་བརྗོད་པའི་ཚིག །ཀུན་ཀྱང་བདག་ཉིད་ཡིན་པས་ན། །དུ་མ་གཞན་ཡང་མི་འདོར་བ། །བཏང་སྙོམས་ཙམ་དུ་གཞག་པའང་མེད། །བདག་ཅེས་མཚོན་པ་ཙམ་དུ་ཟད། །འཁོར་བ་མྱ་ངན་འདས་པའང་། །སྤྱི་དང་རང་གི་མཚན་ཉིད་ཀུན། །ཀུན་ཀྱང་བྱང་ཆུབ་སེམས་ཉིད་པས། །ཕུར་པའི་ངོ་བོ་ཉིད་དུ་གནས། །ཅིར་ཡང་མི་དམིགསཅིར་མི་གནས། །སྨྲ་བསམ་འདས་དང་མ་འདས་དང་། །ཕྱོགས་རིས་ས་མཚམས་འདི་ལ་མེད། །རིས་སུ་བཅས་ནས་ངེས་འཇོག་པ། །རྩོད་པ་ཤེས་རབ་འཆལ་པར་ཟད། །བཅོས་མེད་ཡེ་ནས་ཕུར་པ་ལ། །ཇི་ལྟར་སྣང་བ་རང་རིག་ཉིད། །ཆ་ཤས་ཕྱོགས་སུ་ལྷུང་བ་མེད། །དཔེར་ན་ཡིད་བཞིན་ནོར་བུ་ལྟར། །ཀུན་གྱི་སྣང་གཞིར་དེ་ཉིད་འཆར། །བླང་དོར་མཐའ་ལ་ཞེན་པ་མེད། །ཆོས་ཀུན་ངོ་བོར་ཡེ་ནས་གནས། །ཐ་དད་སྤྲོས་ཀྱང་གཅིག་ལས་མེད། །དེ་ཉིད་ངོ་བོ་གཅིག་མཐའ་ཡས། །མཐའ་རྣམས་ཀུན་ཀྱང་རང་རིག་པས། །བྲལ་དང་མ་བྲལ་རྩོད་དང་བྲལ། །ཀུན་ཀྱང་ཕུར་པའི་རང་བཞིན་ལ། །འཁོར་བ་མེད་ཅིང་མྱང་འདས་མེད། །མཐའ་ཡོད་མེད་དང་བྲལ་བའང་མེད། །མེད་པ་དེ་ཉིད་སྙིང་པོའི་དོན། །ནམ་མཁར་ཤར་བའི་ཉི་མ་ལྟར། །དངོས་པོ་མེད་ལ་གསལ་བར་འབྱུང་། ཁུ།་འབྲས་དངོས་པོ་འདི་ལ་མེད། །ཡིད་བཞིན་ནོར་ལྟར་འདོད་པ་སྐོང་། །དེ་ཕྱིར་ལྷུན་གྲུབ་ཅེས་སུ་བརྗོད། །ལོག་པར་རྟོག་པའི་ཆོས་རྣམས་དང་། །སྨད་པའི་ཆོས་རྣམས་ཐམས་ཅད་ཀུན། །ཕུར་པའི་ངོ་བོ་ཡེ་གནས་པས། །བདག་ཕྱིར་བདག་ལ་གོས་པ་མེད། །གསལ་དང་མ་གསལ་ཀུན་ཀྱང་བདག །མིང་ཙམ་བརྗོད་པའི་ཐ་སྙད་བྲལ། །དུས་བཞི་མཉམ་པ་ཆེན་པོ་ལ། །ཐ་སྙད་བརྗོད་ཅིག་འདོད་པ་རྣམས། །དེ་ཉིད་རྟོགས་པའི་ནད་ཆེན་ཡིན། །རང་རིག་མངོན་སུམ་དག་པའི་ཡུལ། །ཐམས་ཅད་མཁྱེན་པར་བརྗིད་པའང་། །ནམ་མཁའ་དག་ལ་འཇའ་ཚོན་བཞིན། །ཕྱོགས་སུ་གཟིགས་ཤིང་མཁྱེན་པ་མེད། །ཕུར་པ་མཉམ་པའི་རྒྱལ་པོ་ལ། །བློ་ཆུང་གང་ཟག་ཁ་ཅིག་གིས། །འཁོར་སྣང་སྤོང་ལེན་མ་ལུས་པས། །སྣང་བ་ཡེ་ནས་མེད་ཅེས་ཟེར། །དེ་བསམ་བཞིན་སྤྱོད་འཁྲུལ་བའང་མེད། །ཕྱོགས་བྲལ་ཉིད་ལ་བཞི་ཞེས་སྨྲ། །མེད་པའི་ཆོས་ལ་སེམས་ཅན་སྤྱོད། །འཁྲུལ་བར་སྣང་བ་བློ་ཆུང་ཙམ། །ཡེ་ནས་མི་ལྡན་མཐའ་བྲལ་ཞེས། །དེ་ཡིས་དེ་ཉིད་མཐོང་བ་མིན། །གལ་ཏེ་དེ་ལྟར་བདེན་གྱུར་ན། །རྒྱུ་མེད་འབྲས་བུ་འབྱུང་འགྱུར་བས། །དེ་ལྟར་དེའང་རིག་མ་ཡིན། །རང་བཞིན་ཕུང་པོའི་དོན་ཉིད་དེ། །ཕུར་པ་བླ་མ་ཆེན་པོའི་དོན། །ངོ་བོ་མ་བཅོས་དོན་དམ་ཉིད། །བཅོས་བསླད་མེད་པའི་ཆོས་ཉིད་ལ། །ངོ་བོས་མ་ངེས་ཕྱོགས་རིས་བྲལ། །དེ་ཉིད་ཕྱོགས་རྣམས་ཀུན་གྱི་བདག །ཅིར་སྣང་ཅིར་ཡང་མ་ཡིན་པས། །དཔག་བསམ་ཤིང་ལྟར་འབྱུང་མོད་ཀྱི། །ཕྱོགས་སུ་ལྷུང་བ་འདི་ལ་མེད། །ངེས་པར་དངོས་པོ་ཡོད་མེད་ཅེས། །ཞེ་ལ་འཛིན་མེད་བཏང་སྙོམས་བྲལ སུས་ཀྱང་མ་བྱས་བཅོས་བསླད་མེད། །མདོར་ན་ཇི་ལྟར་བརྟགས་བསམ་བཞིན། །ཇི་ལྟར་ལྟས་དགུ་དེར་སྣང་བས། །ངོ་བོ་མེད་ལས་ཅིར་ཡང་མེད། །འབྱུང་བ་ཉིད་ནས་རང་བཞིན་ལས། །གཞན་དུ་འབྱུང་བ་ཅི་ཡང་མེད། །ནམ་མཁའི་སྤྲིན་དང་རྒྱ་མཚོའི་རླབས། །ཉིད་ལས་གཞན་དུ་འདས་པ་མེད། །དེ་ལྟར་དངོས་ཀུན་སེམས་ཉིད་ཀྱང་། །རང་རིག་རང་ཉིད་ངོ་མ་ཤེས། །མ་སྦས་མ་མཐོང་མ་རིགས་པས། །མིང་ལ་དངོས་དང་མཚན་མར་ཞེ་ན། །ཕྱོགས་རིས་མེད་ལ་ཕྱོགས་རིས་གཟུང་། །ཀུན་ཏུ་རྟག་པས་འཁོར་བར་ཟད། །ཕུར་པ་རྒྱུད་ཀྱི་རྒྱལ་པོ་ཡིན། །གཟུང་འཛིན་ཕྱོགས་ལས་ཞེན་པ་མེད། །ཀུན་ཀྱང་མཉམ་པ་ཉིད་ཡིན་པས། །མི་མཉམ་གསལ་ལས་མཉམ་པའི་ཆོས། །གང་ཡང་དང་དུ་བླང་དུ་མེད།།འཇིག་རྟེན་ཆོས་བརྒྱད་མཉམ་ཉིད་པས། །ཀུན་ཀྱང་བདག་ཉིད་ཆེན་པོར་མཉམ། །དེ་བས་ཀུན་བདག་ནམ་མཁའ་བཞིན། །དངོས་པོར་འཁོར་དང་འདས་པ་ཀུན། །མི་བརྗོད་ཞིང་ན་འཛིན་དང་བྲལ། །ཁྱད་པར་ལམ་གྱི་རིམ་པ་ཡིས། །གཤོམ་བྱ་འཇོམས་པར་གང་འདོད་པ། །དེ་ཉིད་རྟོགས་པའི་ནད་ཆེན་ཡིན། །གཞོམ་བྱ་མ་རིག་སེམས་ཉིད་པས། །དེ་ཉིད་ཡེ་ཤེས་ཆེན་པོར་ཤར། །གང་གིས་གང་དུ་ཅི་ཞིག་གཤོམ། །བརྗོད་དུ་མེད་པའི་ཆོས་ཉིད་ལ། །གྲངས་སུ་བརྗོད་མེད་ནོར་པའི་ལམ། །ཆོས་ཉིད་ནམ་མཁའ་ལྟ་བུ་ལ། །གང་གི་གཉེན་པོས་གང་གིས་བྱ། །མཉམ་པ་ཉིད་ཀྱི་སྙིང་པོ་མྲ །ཀུན་ཀྱང་གཅིག་ཕྱིར་གཤོམ་དུ་མེད། །ཆོས་ཀུན་ངོ་བོ་བདག་གནས་པས། །ཐོབ་པར་བྱ་བ་ཅིའང་མེད། །དེ་བས་ཀུན་བདག་སྙིང་པོའི་མཆོག །འཁོར་འདས་ཀུན་གྱི་བདག་ཉིད་པས། །དེ་བས་འདི་ཉིད་དོན་པོ་མཆོག །ཀུན་ཀྱང་ཐུན་མོང་མ་ཡིན་པས། །ཕུར་པ་ཉིད་ཀྱིས་མཚོན་དུ་མེད། །དེ་ཉིད་གང་ལྟརབསམ་སྣང་བས། །མེད་པ་དེ་ཉིད་ཀུན་ཏུ་སྣང་། །སྣང་ཉིད་དངོས་པོར་མ་གྲུབ་པས། །མ་མཐོང་མེད་དེ་ཐམས་ཅད་གསལ། །རང་བཞིན་ཐམས་ཅད་མཁྱེན་པ་ལས། །གཞན་པའི་ཆོས་མེད་དེར་ཐུག་མེད། །བཟང་ངན་སྣང་གྲགས་ཐམས་ཅད་ཀྱང་། །དེ་བཞིན་ཉིད་ལས་མི་གཞན་པས། །མཚོན་བྱེད་མ་ཡིན་གཅིག་ཀྱང་མེད། །མཚོན་པས་ཐོག་ཏུ་ཕེབས་པའང་མེད། །མཐའ་མེད་མཐའ་དང་བྲལ་བའང་མེད། །ཅི་ཡང་ཡིན་ནོ་གང་ཡང་རུང་། །ཐམས་ཅད་ཉིད་ལས་མི་གཞན་པས། །མཐའ་དང་དབུས་མེད་བརྡལ་བའང་མེད། །ལྟ་མེད་ལྟ་བའི་མཆོག་ཏུ་གསུངས། །ཏིང་འཛིན་རོ་ལ་ལ་ཆགས་གནས་པ། །དངོས་འཛིན་རྣམས་ལ་སྣང་བར་ཟད། །ངེས་པར་དེ་བཞིན་ཉིད་འདོད་པ། །དེ་ནི་ངེས་པར་ཞེན་པའི་བློ། །ཕྱོགས་རིགས་མེད་པའི་ཏིང་འཛིན་རལ་ལ་ཆགས་གནས་པ། །དངོས་འཛིན་རྣམས་ལ་སྣང་བར་ཟད། །ངེས་པར་དེ་བཞིན་ཉིད་འདོད་པ། །དེ་ནི་ངེས་པར་ཞེན་པའི་བློ། །ཕྱོགས་རིགས་མེད་པའི་ཏིང་འཛིན་ལ། །རྣམ་རྟོག་སྤྲོས་པའངདེབཞིནནོ། །ཆུཟླ ལྟ་བུར་སུ་འདོད་པ། །དེ་ཉིད་དངོས་པོར་སྣང་འདོད་པའོ། །ནམ་མཁས་ནཡོམཁའ་མ་བསྒྲིབས་པར། །ཆུ་ཟླས་ཆུ་ཟླ་ག་ལ་མཐོང་། །དང་པོ་ཡུལ་དུ་མེད་བྱེད་པས། །ཕྱི་ནང་ཀུན་ཀྱང་རང་རིག་ཉིད། །སེམས་ཉིད་ཕུར་པའི་རང་བཞིན་ལས། །གཞན་དུ་ཚོར་ན་འཁྲུལ་པའི་ལམ། །སེམས་ཀྱང་འདི་འདྲར་མ་གྲུབ་ན། །དེ་ཉིད་དམིགས་པར་སུས་ཤེས་བྱེད། །རྣམ་པར་རྟོག་པའི་སྙིགས་མ་ཡིས། །ཆོས་ཉིད་ཉི་ཟླ་ག་ལ་མཐོང་། །བྱིང་རྒོད་གཡེང་བའི་སྐྱོན་ཆེན་རྣམས། །རང་རིག་ཉིད་ལས་མི་གཞན་པས། །ཕྱི་ནང་དེ་ཉིད་ཡེ་ཤེས་བསྐུལ་བའི་མཆོག །གཉེན་པོ་སྟེན་པའི་ལམ་མི་བྱེད། །གཞོམ་པར་བྱ་བའང་དེ་ཉིད་པས། །གང་གི་གཉེན་པོར་གང་གིས་བྱ། །རྩོམ་མེད་རྩོལ་བྲལ་བདུད་རྩིའི་མཆོག །དོན་མཐུན་པ་ཡི་སྤྱོད་པ་ཡང་། །སྟ་ན་སྐྱེ་ཤི་མེད་པ་དང་། །ག་ན་འཆིང་གྲོལ་མེད་པ་དང་། །བདུད་རྩི་བླང་དོར་མེད་ལ་སོགས། །བྱ་སྤྱོད་ཀུན་ཀྱང་རང་བྱུང་ཡེ་ཤེས་པས། །སྐྱེ་བོ་མུ་སྟེགས་ཉན་ཐོས་དང་། །རང་རྒྱལ་མདོ་སྡེའི་སྤྱོད་པ་དང་། །ཕྱི་ནང་སྣོད་བབ་སྤྱོད་པ་རྣམས། །ཀུན་ཀྱང་ཉིད་དུ་ལྷུན་་རྫོགས་པས། །བྱ་བྱེད་མེད་པར་རང་ཤར་ཕྱིར། །རྒྱུན་དང་དམ་པའི་སྤྱོད་པ་མེད། །མཐུན་འཇུག་ཐབས་ཀྱི་སྤྱོད་པ་མེད། །ཇི་ལྟར་འཚམ་པའི་ཐབས་སུ་རྟེན། །ཐབས་ཀྱི་སྤྱོད་པ་བསམ་ཡས་པ། །རྣམ་རྟོག་མི་མངའ་འགོག་པ་མེད། །ལྷག་པའི་བསམ་པ་རྟོགས་པའི་རྒྱུ། །རྟོག་འཛིན་མེད་པ་སྤྱོད་པས་མཆོག །བྱ་བྱེད་མེད་པར་གྲོལ་བར་གྲོལ། །རྨད་བྱུང་ཐབས་ཀྱི་སྤྱོདང་་ལས། །ཉོན་མོངས་ལས་ཀྱིས་གོས་པ་མེད། །སྤྱོད་པ་མ་བཀག་ཅི་བདེར་སྤྱོད། །འདམ་དངཔདྨའི་རང་བཞིན་ལས། །གོས་པ་རྡུལ་ཙམ་ཡོད་མ་ཡིན། །ཆོས་ཉིད་ཆགས་པ་མེད་རྟོགས་ན། །གང་ཡང་ཆགས་པས་གོས་པ་མེད། །མཉམ་པའི་ངང་ཉིད་རྟོགས་གསལ་ན། ཁུ་འཆང་སྤྱོད་པས་ཅི་ཞིག་བྱ། །རང་བཞིན་ཏིངའཛིན་གཟུགས་བརྙན་དང་། །བྱང་ཆུབ་སེམས་དང་ཚོགས་ལ་སོགས། །ཀུན་ཀྱང་རྣམ་པར་རྟོག་པའི་གཞི། །རྣམ་རྟོག་མེད་དེ་འཆིང་བའི་རྒྱུ། །རང་བྱུང་རིག་པའི་གཞལ་ཡས་ཁང་། །སྟོང་གསུམ་རྒྱལ་བའི་ཕོ་བྲང་ཉིད། །ཕྱི་དང་ནང་མེད་ཀུན་ཏུ་ནང་། །ནམ་མཁའ་ལྟ་བུར་ཁྱབ་བརྡལ་བས། །རང་ལ་རྫོགས་པས་བསྐྱེད་དུ་མེད། །དམིགས་པར་བྱ་བའི་ཡུལ་མ་གྲུབ། །རྒྱལ་བའི་དཀྱིལ་འཁོར་མ་ལུས་ཀུན། །སེམས་ཀྱི་དཀྱིལ་འཁོར་བདག་ཉིད་ཆེ། །ཇི་ལྟར་མོས་པའི་རྣམ་པར་སྣང་། །རྩོལ་བའི་དཀྱིལ་འཁོར་འཆིང་བའི་རྒྱུ། །བཀོད་པ་མེད་པར་མཐའ་དབུས་ཁྱབ། །བྲིས་པ་མེད་པར་ཁ་དོག་གསལ། །རྩོལ་མེད་དཀྱིལ་འཁོར་ལྷུན་གྲུབ་ལ། །བྱིས་པའི་སྤྱོད་པས་ཅི་ཞིག་བྱ། །ཕྱི་དང་ནང་དང་གསངབ་ཡི། །ཟབ་མོའི་དབང་རྣམས་རྟོགས་པ་ཡི། །རང་དབང་ཐབས་ཀྱི་རྒྱལ་པོའི་མཆོག །གཞན་ནས་ཐོས་པར་བྱ་བ་མེད། །རང་བཞིན་མ་བཅོས་རྣལ་མལ། །ཡེ་ཤེས་སྣང་བའི་ཕྱག་རྒྱ་མཆོག །རྒྱལ་བ་ཀུན་གྱི་དངོས་གཞི་ཉིད། །ཕྱག་རྒྱ་ཆེན་པོའི་དབང་ཆེན་ཡིན། །སྣ་ཚོགས་སྣང་བ་སྐུ་ཡི་དབང་། །ཇི་སྙེད་སྒྲ་རྣམས་གསུང་གི་དབང་། །རྟོགས་པའི་ཡེ་ཤེས་ཐུགས་ཀྱི་དབང། །རིག་པ་རང་སྣང་རྒྱན་དུ་ཤར། །ཀུན་ལ་དབང་སྒྱུར་བདག་ཉིད་ཆེ། །བཙལ་བ་མེད་པར་རང་ལ་གནས། །གཞན་གྱི་དབང་མཆོག་ཐོབ་མི་དགོས། །བྱེད་སྤྱོད་ཐམས་ཅད་ཚོགས་གཉིས་རྫོགས། །ཐམས་ཅད་རང་བྱུང་རྩལ་གྱི་རྫོགས། །བསྐུར་བས་ཐོབ་འདོད་རྟོགས་པའི་དབང་། །ཐམས་ཅད་དབང་ཉིད་ཆེན་པོ་ལ། །དབང་གི་རྒྱལ་པོར་བདག་ཉིད་རྫོགས། །ཐོབ་བྱར་མེད་བཞིན་མངོན་སུམ་འཐོབ། །སྤྱི་བླུགས་ཚངས་པའི་དབང་ཞེས་བྱ། །རྒྱལ་བ་ཆེན་པོ་ཀུན་གྱི་དབང་། །བདག་ཉིད་ཆེན་པོ་ཀུན་རྟོགས་ན། །དབང་མཆོག་ཐོབ་པར་བྱེད་རྒྱུ་མེད། །སྤྱི་དང་ཁྱད་པར་ལྟག་པ་ཡིས། །བསྲུང་བྱ་མདུད་པའི་ཚིག་ཏུ་ཟད། །གཡང་ས་ཞེས་བྱ་ག་ལ་ཡོད། །གང་ཞིག་གཡང་ས་ཚོལ་འདོད་པ། །དེ་ཉིད་གཟུང་འཛིན་མདུད་པ་མོད། །སྤྱི་དང་ཁྱད་པར་ལྷག་པ་ཡིས། །བསྲུང་བྱ་མདུད་པའི་ཚིག་ཏུ་ཟད། །གཡང་ས་ཞེས་བྱ་ག་ལ་ཡོད། །གང་ཞིག་གཡང་ས་ཚོལ་འདོད་པ། །དེ་ཉིད་གཟུང་འཛིན་མདུད་པ་མོད། །བསྲུང་བའི་སྤོང་བའི་རྟོགས་པ་ཅན། །མ་མཐོང་རྨོངས་པ་བཀྲི་ཕྱིར་ཏེ། །དོན་དུ་གང་ཞིག །ཡེ་བསྲུངས་ཆེན་པོའི་དམ་ཚིག་ལ། །མི་བྱ་བ་དང་གང་ཡང་མེད། །འདི་ལ་བླང་དང་དོར་བྱ་མེད། །འདི་ལ་སྐྱོན་དང་ཡོན་ཏན་མེད། །འདི་ལ་ལྷུང་གནས་ག་ལ་ཡོད། །བྱ་དང་མ་བྱ་མྱ་ངན་འདས། །བཙལ་དང་མ་བཙལ་ཐ་སྙད་མེད། །བསྲུང་མེད་མདུད་པའི་རྟོག་པ་ཅན། །བསྲུང་མཚམས་འདོར་གངའདི་ལ་མེད། །གང་ཞིག་འདོར་བའང་སུ་བྱེད་པ། །དེ་ནི་རིགས་ཆས་དམྱལ་བའི་གནས། །རྣམ་བཞིའི་འཕྲིན་ལས་འདུལ་སྦྱོང་གིས། །གང་ཞིག་ལས་རྣམས་གྲུབ་འདོད་པ། །ལོང་པ་སྨིག་རྒྱུ་སྙེག་པ་བཞིན། །ཐར་པའི་དུས་མེད་འཁོར་བའི་རྒྱུ། །གཉིས་སུ་མེད་པའི་ངང་ཉིད་ལ། །བྱ་བ་མེད་ལ་ལས་རྣམས་ཟིན། །བྱ་བྱེད་རྩོལ་བ་འཆིང་བའི་རྒྱུ། །ལས་རྣམས་ཐམས་ཅད་ཅི་སྤྱད་ཀྱང་། །མཉམ་པའི་ངང་ལ་བྱ་བྱེད་མེད། །འབྱུང་བ་ལྔ་ཡི་ལས་རྣམས་ཀྱང་། །ཀུན་ཏུ་བཟང་པོའི་འཕྲིན་ལས་ཏེ། །བྱ་བ་མེད་ལས་ལས་རྣམས་ཟིན། །འགྲོ་བ་ལྔ་ཡི་དོན་ཆེན་མཛད། །འཇིག་ཆགས་སྟོངས་གནས་བསྐལ་བ་ཡང་། །འཕྲིན་ལས་རྣམ་བཞིའི་ངོ་བོར་གནས། །བྱ་བྱེད་འཕྲིན་ལས་གཟུང་འཛིན་ནད། །རྟོག་པའི་ནད་ཀྱིས་གཟུང་འཛིན་འཆི། །ཀུན་ཀྱང་རང་འབྱུང་ཡེ་ཤེས་ལས། །སྨྲ་བསམ་རྟོགས་པའི་ཡུལ་ལས་འདས། །སྐྱེ་འགྲོ་ཕྱི་ནང་མ་ལུས་ཀུན། །སྐུ་ཡི་འཕྲིན་ལས་དམ་པའོ། །མྱ་ངན་འདས་དང་འཁོར་བའི་སྒྲ། །ཇི་སྐད་བརྗོད་ཀྱང་གསུང་མཆོག་སྟེ། །བརྗོད་དུ་མེད་པའི་གོ་བརྡ་མཛལ། །གསུང་གི་འཕྲིན་ལས་དམ་པའོ། །དྲན་རྟོག་ཡེ་ཤེས་རང་གསལ་བསམ། །ཀུན་ཀྱང་རང་བྱུང་ཡེ་ཤེས་ཉིད། །ཐུགས་ཀྱི་འཕྲིན་ལས་དམ་པའོ། །ལས་བཞི་མ་སྤངས་བྱ་བ་མེད། །བྱེད་པ་མ་བཙལ་བྱ་བཙལ་མེད། །རྩོལ་བ་མེད་པའི་ལས་བཞི་ལ། །རྩོལ་བ་མདུད་པ་དམ་པོ་ཉིད། །གང་གིས་བདེ་བར་གཤེགས་པ་ཡི། །དངོས་གྲུབ་རྣམ་གསུམ་བསྒྲུབ་པ་ལ། །བསྒྲུབ་ཅེས་བྱ་བ་དོན་དུ་གཉེར། །དེ་ཉིད་གཟུང་འཛིན་རྟོགས་པའི་ནད། །འདི་ལ་གསོང་ཐོབ་རྩོལ་བ་མེད། །བསྒྲུབ་བྱ་མེད་པས་སྒྲུབ་བྱེད་མེད། །དེ་ཉིད་བསྒྲུབ་པའི་མཆོག་ཏུ་གསུངས། །ཐོར་བྱ་རང་ལ་གནས་མེད་པས། །ཐུན་མོང་མཆོག་དང་ཁྱད་པར་ཞེས། །སུ་འདོད་རྟོག་པའི་མདུན་པ་ཅན། །མ་བསྒྲུབས་ལྷུན་གྱིས་རྫོགས་པས་ན། །བདག་ཉིད་ཆེན་པོའི་བསྙེན་པ་ཡིན། །གཞན་ལ་རེ་བ་རྩོལ་བ་མེད། །ཡེ་ནས་གནས་པ་ཉེ་བསྙེན་ཡིན། །འབྲས་བུ་གཞན་ནས་མི་འབྱུང་བས། །རག་མལས་པ་བསྒྲུབ་པའི་དངོས། །བཙལ་བ་མེད་པར་ལྷུན་གྱིས་རྫོགས། །གར་ཡང་མ་བགྲོད་རང་ཉིད་ས། །ཡེ་ཐོབ་ཟིན་པས་སྒྲུབ་ཆེན་པོ། །བྱ་བ་བཙལ་མེད་པར་ལྷུན་གྱིས་གྲུབ། །བཞིར་འདོད་བསྒྲུབ་པའི་མདུད་པའི་ཚིག །གང་གིས་དེ་ཉིད་མཐར་ཕྱིན་པའི། །འབྲས་བུ་རྣམ་པ་གཉིས་འདོད་པ། །སྨིག་རྒྱུ་ཆུ་རུ་འདུ་ཤེས་བཞིན། །གཞན་ཡང་འབྱུང་འདོད་རྟོགས་པའི་ནད། །རང་ཉིད་སངས་རྒྱས་ཡིན་ཞེས་བྱས། །སངས་རྒྱས་གཞན་ནས་ཐོབ་བྱར་མེད། །སྟོབས་དང་དབང་དང་ཡེ་ཤེས་དང་། །ཕ་རོལ་ཕྱིན་བཅུ་ལ་སོགས་པ། །གནས་སྐབས་འབྲས་བུ་རྫུན་གྱི་ཚིག །ཡིད་བཞིན་ནོར་བུ་རིན་ཆེན་ལྟར། །ཡོན་ཏན་ཀུན་གྱི་བརྗོད་ཆེན་ལ། །རློམ་སེམས་བྱིས་པའི་འབྲས་མོས་ས། །མ་བགྲོས་ཉིད་ནོར་འདོད་ན། །རྩེར་ཆིབས་ཀུན་གྱི་རྫོགས་ཞེས་བྱ། །སྐུ་གསུང་ཐུགས་དང་ཡོན་ཏན་ལས། །ཉི་ཤུ་རྩ་ལྔའི་བྱེ་བྲག་རྣམས། །འགྲོ་བ་ལྔའི་ངོས་ལ་སྣང་གྱུར་ཀྱང་། །ཡུལ་དང་བྲལ་བའི་སྣང་བ་ལ། །འཁོར་ལོ་རྒྱལ་པོ་ལྟར་འདོད་ཞབྲུལ། །མཐར་ཕྱིན་ཡེ་ཤེས་གཉིས་འདོད་པ། །རྩོད་པའི་བྱིས་པ་ཚིག་ཏུ་ཟད། །རྣམ་པ་ཀུན་ལྡན་སྟོང་ཆེན་ལ། །འཁོར་དང་འདས་པ་ག་ལ་ཡོད། །བཅོས་མེད་ལྡན་མེད་འདས་པའང་མེད། །མེད་པ་མ་ཡིན་སྙིང་པོའི་དོན། །དཔག་བསམ་ཤིང་དང་རིན་ཆེན་ལྟར། །མི་སྣང་ཀུན་གྱི་རེ་བ་སྐོང་། །དེས་ན་ཐེག་མཆོག་ཀུན་གྱི་གཙོ། །ལུང་མཆོག་ཀུན་གྱི་བླ་མ་ཡིན། །མན་ངག་ཀུན་གཡི་ངེས་དོན་ཡིན། །དམ་པ་རྣམས་དང་མཛོད་ཆེན་ཡིན། །ལས་རྣམས་ཀུན་གྱི་མཐར་ཐུག་ཡིན། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། ལྟ་བ་རྒྱ་མཚོ་གཏན་ལ་ཕབ་ནས་བྱང་ཆུབ་སེམས་ངེས་པའི་ལེའུ་སྟེ་ཉི་ཤུ་རྩ་གསུམ་པའོ།། །།དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །ཨེ་མ་སངས་རྒྱས་འདིར་སངས་རྒྱས། །ཐབས་མཁས་ཐུགས་རྗེ་མངའ་བའི་ལྷ། །འདྲེན་པ་མཆོག་གིས་ལམ་སྟོན་པ། །རིན་ཆེན་གཏེར་མཛོད་འཁྱིལ་བའི་བདག །འདི་ཡི་ལམ་མ་བགྲོད་པ་དང་། །ཐོགས་མེད་ལས་རྣམས་རྩོམ་པ་ལ། །དབང་བསྐུར་སྣང་བ་མི་འཚལ་ལམ། །དེ་ཡི་རིམ་འབྲས་ཇི་ལྟར་ལགས། །ཞེས་གསོལ་བ་དང་། བཅོམ་ལྡན་འདས་བཛྲ་ཀི་ལ་ཡས། སྡུས་པ་པོ་རྡོ་རྗེ་ཆོས་ལ་བཀའ་སྩལ་པ། ལས་ཀྱི་སེམས་དཔའ་ཁྱོད་ཉོན་ཅིག །གང་ཟག་དང་པོའི་ས་པ་ཡིས། །སློབ་དཔོན་མཉེས་པར་མ་བྱས་ཤིང་། །དབང་རྣམས་རིམ་པར་མ་ཐོབ་པར། །ལས་རྣམས་རྩོམ་དང་ལམ་བགྲོད་པ། །དམུ་ལོང་བྱ་བྱེད་བསྒྲུབ་པ་བཞིན། །ངལ་བ་འབྲས་བུ་མེད་པ་ཡིན། །བི་མ་པར་ཡི་མེ་ཏོག་ལྟར། །སྨིན་ཀྱང་འབྲས་བུ་འབྱུང་མི་འགྱུར། །དེ་བས་རིམ་པ་ཇི་ལྟར་བར། །ལེགས་པར་བཤད་ཀྱིས་ད་ཡང་ཉོན། །འདི་བསྐུར་བ་ཡི་སྣོད་དག་ཀྱང་། །མུ་སྟེགས་གླེན་པ་དགྲ་ཤེད་དང་། །ཉན་ཐོས་མ་ནིང་རྒད་པོ་དང་། །རང་གི་བུ་དང་བྱིས་པ་དང་། །དད་པ་མེད་པའི་རྒྱལ་པོ་དང་། །རིགས་ངན་སྣོད་མིན་མ་རབས་ལ། །དབང་ནི་བསྐུར་བར་མ་གསུངས་སོ། །གཞན་ཡང་དམ་ཚིག་མི་གནས་ཤིང་། །སློབ་དཔོན་འཛིན་པའི་སེམས་མེད་ལ། །སྔགས་ཀྱི་ཉེས་དམིགས་མི་ཤེས་པར། །ལོག་པར་སྤྱོད་པའི་གང་ཟག་ལ། །དབང་ནི་བསྐུར་བར་མ་གསུངས་སོ། །གང་ལ་དབང་གི་སྣོད་རབ་ཡོད། །ཐོས་པ་ཆེ་ཞིང་དང་རབ་ལྡན། །འདོད་ཆགས་ཆུང་ཞིང་ཤེས་རབ་ལྡན། །ཐམས་ཅད་ཡོན་ཏན་གསང་ཐུབ་དང་། །གཏོང་ཕོད་ཕྲག་དོག་ཆུང་བའོ། །ཞེས་བྱ་བ་ནི་དབང་བསྐུར་བའི་སྣོད་ཀྱི་རིམ་པའོ། །དེ་ནས་དབང་ཆགས་པའི་རྒྱུཡོན་དབུལ་བ་འདི་གསུངས་སོ། །སྣོད་དང་ལྡན་པའི་རིགས་ཀྱི་བུས། །རང་སེམས་ཤིན་ཏུ་དུལ་བྱས་ནས། །རང་ལུས་སྲོག་དང་ནོར་གྱི་དབྱིག །མ་དང་བུ་མོ་སྲིང་མོ་དང་། །ཆུང་མ་རབ་ཏུ་བརྒྱན་པ་དང་། །རྟ་དང་གླང་པོ་ཡུལ་གྱི་མཁར། །བྱ་རིག་ཟོ་སྐྱོགས་གཟི་དག་མཆོང་། །གསེར་དངུལ་བཤོན་པ་ལ་སོགས་དང་། །སྟག་གཟིག་དར་ཟབ་དབྱི་སྤྱང་དང་། །པརྩི་ལི་ག་གོས་ཀྱི་མཆོག །སློབ་དཔོན་མཉེས་པར་བྱ་ཕྱིར་དབུལ། །ཞེས་བྱ་བ་འདི་ནི་དབང་འཆགས་པའི་རྒྱུ་ཡོན་དབུལ་བའི་རིམ་པའོ། །དེ་ནས་ཡང་དབང་བསྐུར་བའི་དགོས་པ་འདི་གསུངས་སོ། །གང་གིས་གནས་པ་མ་ཐོབ་པར། །ལས་རྣམས་རྩོམ་པར་མི་ནུས་བཞིན། །དབང་བསྐུར་སྣང་བ་མ་ཐོབ་པར། །ཡོན་ཏན་རྣམ་གཉིས་མི་ལྡན་པས། །ཁྱད་པར་དོན་ཆེན་ཟབ་མོ་དང་། །དམ་ཚིག་ཅན་དང་བསྒོམ་ཞིང་བསྒྲུབ། །དཀྱིལ་འཁོར་སློབ་དཔོན་བྱེད་འདོད་དང་། །གཡོག་དང་འཕྲིན་ལས་བྱ་བ་དང་། །བསོད་ནམས་ཐོབ་པར་འདོད་པ་དང་། །བར་ཆད་རྣམས་ཀྱིས་མི་ཚུགས་ཤིང་། །ལས་བརྩམས་འབྲས་བུ་ཐོགས་པ་མེད། །དེ་བས་དབང་ཐོབ་འཇུག་པ་གཅེས། །ཞེས་བྱ་བ་འདི་ནི་ཐོབ་པའི་དགོས་པའོ། །དེ་ནས་སློབ་མ་སྟ་གོན་ལ་གནས་པའི་རིམ་པ་འདི་གསུངས་སོ། །དཀྱིལ་འཁོར་ཆེན་པོའི་སྔོན་རོལ་དུ། །དགོས་པའི་ཡོ་བྱད་རབ་བསགས་ཏེ། །བུ་ཁྱོད་གསང་བའི་མཆོད་པ་འདི། །ཁྱོན་ནི་གསང་བའི་སྣོད་ཡིན་ཏེ། །གསང་སྔགས་ཟབ་མོའི་མཆོད་པ་འདི། །ཁྱོད་ལ་ཡང་དག་བཤད་པར་བྱ། །དུས་གསུམ་སངས་རྒྱས་ཐམས་ཅད་ཀྱི། །འགྲོ་ལ་ཕན་ཕྱིར་མཆོད་པའི་ཚུལ། །བུ་ཡིས་བློ་གྲོས་འདི་གྱིས་ཤིག །ཅེས་བརྗོད་ཁྲུས་བྱས་སྐྱབས་སུ་གསོལ། །བྱང་ཆུབ་མཆོག་ཏུ་སེམས་བསྐྱེད་དོ། །ཞེས་བྱ་བ་སྣོད་དུ་རུང་བའི་རིམ་པའོ། །དེ་ནས་བསྲུང་བའི་རིམ་པ་འདི་གསུངས་སོ། །བདག་ཉིད་ཡོངས་སུ་རྫོགས་པ་ཡིས། །སློབ་བུའི་གནས་གསུམ་རྡོ་རྗེས་ག་། །ངེས་པའི་སྙིང་པོ་འབྲུ་བཀོད་ལ། །སྐུ་གསུང་ཐུགས་ཀྱི་ལྷ་རྣམས་བསམ། །ཞེས་བྱ་བ་འདི་བསྲུང་བའི་ཐབས་སོ། །དེ་ནས་ཡང་བསྲུང་སྐུད་གདགས་པ་འདི་གསུངས་སོ། །སྐུད་པ་སྔོན་དམར་རྣམ་པ་ལྔ། །སུམ་བསྒྲིལ་ལན་གཉིས་བྱས་ནས་སུ། །མདུད་པ་ལྔ་བྱས་ཡི་གེ་ལྔ། །འཕྲོས་འདུས་འོད་དུ་ཞུ་བ་ལས། །ཕོ་དང་མོ་ཡི་རིམ་པ་ཡི། །དཔུང་པ་གཡས་དང་གཡོན་དུ་བཅིང་། །ཞེས་བྱ་བ་འདི་ནི་བསྲུང་སྐུད་གདགས་པའོ། །དེ་ནས་སོ་ཤིང་སྦྱིན་པ་འདི་གསུངས་སོ། །ཁ་དོག་དྲི་དང་རོ་ལྡན་པའི། །ཙན་དན་ལ་སོགས་ཤིང་བུལ། །མ་གས་མ་གྲུམ་འབུས་མ་ཟོས སོར་བརྒྱད་ཚད་ལ་མེ་ཏོག་གདགས། །ལྷོ་ཕྱོགས་འདབ་བརྒྱད་བྲིས་པའི་སྟེང་། །སློབ་བུ་དག་ལ་སོ་ཤིང་སྦྱིན། ཁྲར་དུ་ཁ་ལྟས་དྲི་མ་བསལ། །ཕྱི་ནང་དཀྱིལ་འཁོར་དྲག་ཏུ་དོར། །སྟེང་འོག་ཕྱོགས་དང་མཚམས་རྣམས་སུ། །དངོས་གྲུབ་རབ་འབྲིང་གང་ཐོབ་ལྟས། །ཞེས་བྱ་བ་འདི་ནི་སོ་ཤིང་གི་རིམ་པའོ། །དེ་ནས་ཀུ་ཤ་སྤྱིན་པ་འདི་གསུངསསོ། །དུར་ཁྲོད་ཙྭ་ནི་སྔོན་པོ་ལ། །ཨོ་ཨུ༷༷ཧུ༷་གིས་བྱིན་གྱིས་བརླབས། །ཡ་ཏི་ཧུ༷་གྲྭཧྭ་ཞེས།བྱིན་ལ་སྟན་སྔས་མཚམས་སུ་གཞུག །རྨི་ལམ་ཐུན་གསུམ་དག་ཏུ་བརྟག །གལ་ཏེ་ངན་པར་གྱུར་པ་ན། །དྲག་པོའི་སྦྱིན་སྲེག་བྱ་བར་གསུངས། །ཞེས་བྱ་བའི་འདི་ནི་ཀུ་ཤ་སྤྱིན་པའི་ཆོ་གའོ །དེ་ནས་ཡང་བདུད་རྩི་འཁྱིལ་བའི་ཆོ་ག་འདི་གསུངས་སོ། །བུམ་པ་ཁ་དོག་ལྗང་ཁུ་ལ། །བདུད་རྩི་ལ་སོགས་བཅུད་ཀྱིས་བལྟམ། །ལོགས་ལ་རྡོ་རྗེ་རྒྱ་གྲམ་ལྡན། །ཁ་བརྒྱན་མགུལ་ཆིངས་གཟུགས་ཐག་དང་། །སྙིང་པོ་ལ་སོགས་ཡང་དག་ལྡན། །པདྨ་བརྒྱད་ཀྱི་ལྟེ་བ་ལ། །མཆོད་པའི་ཚོགས་དང་ལྡན་པར་བྱ། །བིབྷ་ནན་ཏ་ཀྲིཏ་ཧུ༷་ཞེས་པས། །རང་སྔགས་ཁྲི་འབུམ་བཟླས་པ་བྱ། །འོད་ཞུ་རྣམ་རྟོག་བསྲེགསན་འགྲུབ། །ཅེས་གསུངས་སོ། །དེ་ནས་ཡང་བུམ་པའི་རབ་ཏུ་གནས་པ་འདི་གསུངས་སོ། །རིན་ཆེན་རྒྱུ་ལས་བྱས་པ་ཡིན། །བུམ་པ་ལྷ་ཡི་གྲངས་བཞིན་བགོ །ཡང་ན་རིགས་ཀྱི་བུམ་པ་དགུ །ཚད་དང་ལྡན་ཞིང་ལེགས་པར་བྱ། །ཁ་དོག་ལྡན་པའི་རས་ཀྱིས་དཀྲི། །སྙིང་པོ་མཆོག་དང་ལྡན་པར་བྱ། །ལྷ་ཡི་བཞུགས་གནས་སོ་སོ་མྲ །གདན་བཤམ་མེ་ཏོག་སིལ་མ་བཀྲམ། །དེ་རུ་བུམ་པ་ཡོངས་བཀོད་ལ། །བདུད་རྩི་འཁྱིལ་བའི་ལས་བྱ་སྟེ། །བུམ་པ་རང་བཞིན་མེད་པ་ལས། །ཡི་གེ་ཁ༷་གྱི་འཕྲོ་འདུ་ཡིས། །གཞལ་ཡས་རང་བཞིན་ཡོངས་སུ་གསལ། །ཉི་ཟླ་པདྨའི་གདན་སྟེངས་སུ། །རང་རང་སྙིང་པོ་གང་ཡིན་གྱིས། །བསྐྱེད་དང་སྤྱན་དྲངས་མཆོད་པ་དབུལ། །བསྟོད་དང་བཟླས་པའི་འཕྲོ་འདུ་ཡིས། །འོད་ཞུ་བྱང་ཆུབ་སེམས་སུ་བསམ། །ཀུན་ཀྱང་དེ་འདྲར་རབ་ཏུ་བརྟག །ཅེས་བྱ་བ་འདི་ནི་བུམ་པ་སྟ་གོན་གནས་པའི་རིམ་པའོ། །དེ་ནས་ཡང་དཀྱིལ་འཁོར་གྱི་སྟ་གོན་ལ་གནས་པ་འདི་གསུངས་སོ། །ཧུ༷། བསྐལ་བ་མེ་ལྟར་འབར་བ་ཡི། །འོད་ཟེར་འདུ་འཕྲོའི་ཀློང་དཀྱིལ་ནས། །ཁྲོ་བོ་ཁྲོ་མོ་རྣམས་བཞུགས་པ། །མ་ལུས་བདག་ལ་དགོངས་སུ་གསོལ། །སློབ་མ་ལ་ནི་ཕན་པ་དང་། །ཁྱེད་རྣམས་ལ་ཡང་མཆོད་བྱའི་ཕྱིར། །རྡོ་རྗེ་ཅན་དག་བདག་གིས་ནི། །ནང་པར་དཀྱིལ་འཁོར་བྲི་བར་བྱ། །རྗེས་སུ་བརྩེ་བས་འདིར་བཞུགས་ནས། །བྱིན་གྱིས་བརླབ་པ་མཛད་དུ་གསོལ། །དེ་ནས་བླ་མ་ལུང་ལྡན་དེས། །ནང་པར་དཀྱིལ་འཁོར་བྲི་བར་བརྩམ། ཁེན་ཏུ་རྒྱས་པར་གྱུར་པ་དང་། །བསྐྱེད་ནས་སྤྱན་དྲང་མཐར་ཐུག་བྱ། །རང་རང་བུམ་པའང་གཙོ་བུམ་གྱིས། །དབང་བསྐུར་དབུ་བརྒྱན་དང་ལྡན་པར། །ཅོད་པན་ཐུར་མ་སྙན་བཞར་དང་། །སྨད་ཚེར་ཆན་པ་ཚེམས་ཤིང་དང་། །དུང་གི་སོ་མངས་ལ་སོགས་དབུལ། །གདན་དབུལ་རས་དང་ན་བཟའ་དང་། །ཆུ་གཙང་མཆོད་པ་ལ་སོགས་དབུལ། །ཞེས་བྱ་བ་ནི་དཀྱིལ་འཁོར་གྱི་རབ་ཏུ་གནས་པའི་རིམ་པའོ། །དེ་ནས་གསང་བའི་དཀྱིལ་འཁོར་དུ་འཇུག་པའི་ཆོ་ག་བཤད་པར་བྱ། །རྡོ་རྗེ་རྒྱལ་པོ་བདག་ཉི༷ད་ཀྱིས། ཁྲར་སྒོར་གནས་ཏེ་ལྷརྣམས་བསམ། །ཨོ། ཡེ་ཤེས་རྒྱལ་པོའི་སྐུ་གསུང་ཐུགས། ཡོན་ཏན་འཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བས། །ཕྱག་རྒྱ་ཆེན་པོར་བདག་སྦྱོར་ཅིག །ཨོ་བཛྲ་ས་མ་ཡ་སྟོ། ཨོ་བཛྲ་ས་མ་ཡ་ཧུ༷། ཨོ་བཛྲ་ས་མ་ཡ་ཧོ། རྡོ་རྗེ་ཡེ་ཤེས་ཐབས་བྱེད་པའི། །ཕོ་བྲང་སྙིང་པོའི་དཀྱིལ་འཁོར་འདིར། །བདག་གིས་སློབ་མ་གཞུག་པར་བགྱི། །བཟོད་པ་མཛད་དེ་དགོངས་སུ་གསོལ། །ཞེས་བྱ་བ་འདི་ནི་བདག་འཇུག་པའི་ཆོ་གའོ། །དེ་ནས་ཡང་སློབ་མ་འཇུག་པའི་ཆོ་ག་འདི་གསུངས་སོ། །རིགས་ཀྱི་བུ་མཆོག་ཁྱོད་ཉོན་ཅིག །དེང་ཁྱེད་བདེ་གཤེགས་འཁོར་བཅས་ཀྱི། །ནང་དུ་ཁྱོད་ནི་ཞུགས་པ་ཡིན། །སློབ་དཔོན་ལུང་ལྡན་ང་ཡིས་ནི། །བཅོམ་ལྡན་རྡོ་རྗེ་གཤོན་ནུ་ཡི། །ཡེ་ཤེས་ཁྱེད་ལ་བསྐྱེད་པར་བྱ། །རྣལ་འབྱོར་བུ་མཆོག་ཁྱོད་ཀྱིས་ནི། །བཅོམ་ལྡན་རྡོ་རྗེ་གཞོན་ནུ་ཡི། །དངོས་གྲུབ་དམ་པ་ཐོབ་འགྱུར་ཏེ། །དངོས་གྲུབ་གཞན་ལྟ་སྨོས་ཅིག་དགོས། །ཞེས་བྱ་བ་འདི་ནི་བྲོད་པ་བསྐྱེད་པའི་ཆོ་གའོ། །དེ་ནས་ཡང་འདོད་པའི་དྲི་བ་འདི་གསུངས་སོ། །བུ་ཁྱོད་འདིར་ཤོག་ཅི་ལ་དགའ། །ཁྱོད་ནི་དད་པ་ཅི་ལ་དད། །ཁྱོད་ནི་མོས་པ་ཅི་ལ་མོས། །འདོད་པ་གང་ཡིན་ཁྱོད་ཀྱིས་སྨྲོས། །དེ་སྐད་ཅེས་ནི་བརྗོད་པ་དང་། །བདག་ནི་གསང་བའི་དཀྱིལ་འཁོར་ལ། །རབ་ཏུ་ལྟ་བར་འཚལ་ལགས་སོ། །གཞན་ཡང་དངོས་གྲུབ་ཆེན་པོ་དང་། །བསྐལ་བ་བཟང་ལ་བདག་དགའ་འོ། །ཞེས་བྱ་བ་འདི་འདོད་བ་དྲི་བའི་རིམ་པའོ། །དེ་ནས་བཀའ་བསྒོ་འདི་སྐད་ཅེས་གསུངས་སོ། །སངས་རྒྱས་ཀུན་གྱི་གསང་བ་འདི། །དམ་ཉམས་མ་འདྲེས་མེད་པ་ལ། །ནམ་ཡང་སྨྲ་བར་མ་བྱེད་ཅིག །ཐེག་མཆོག་སྟོན་པའི་སྒྲོལ་མ་ལ། །ནམ་དུའང་བརྙས་དང་སྨད་པ་མིན། །གལ་ཏེ་བརྙན་པ་བྱས་པ་ན། །རྡོ་རྗེ་དམྱལ་བ་ཆེན་པོར་ལྟུང་། །ཡིད་དམ་རྒྱལ་བ་ཆེན་པོ་ཡི། །སྐུ་གསུང་ཐུགས་ལ་རྟག་གནས་ཤིང་། །མ་ལུས་སེམས་ཅན་དོན་གྱིས་ཤིག །ཞེས་བྱ་བ་འདི་ནི་བཀའ་བསྒོ་པའི་རིམ་པའོ། །དེ་ནས་ཡང་དམ་ཚིག་དབོག་པ་འདི་གསུངས་སོ། །ཙན་དན་དཀར་དམར་བདུད་རྩི་ལ། །རྡོ་རྗེ་འཆང་གི་རབ་གནས་བྱ། །འདི་ནི་ཁྱེད་ཀྱི་དམྱལ་བའི་ཆུ། །དམ་ཚིག་འདས་ན་སྲེག་པར་བྱེད། །རྡོ་རྗེ་ཁྲོ་བོ་ཆེན་པོར་འགྱུར། །བདུད་རྩི་ཆུ་འདི་བ་་བར་གྱིས། །ཨོ་སརྦ་པ྅་ཨ་མྲི་ཏ། ཧ་ན་ཧ་ན་ཏ་ཀ་ན་ཧུ༷་ཕཊ། དེ་ལྟ་བས་ན་བུ་ཁྱོད་ཀྱིས། །དམ་ཚིག་འདི་དག་སྲུང་བར་གྱིས། །འདི་བཞིན་བྱས་ན་དངོས་གྲུབ་པས། །རྡོ་རྗེ་བདུད་རྩི་ཆུ་འཐུང་ཞིག །ཨོ་བཛྲ་ཨུ་ཀ་ཐ་ཧུ༷་ཐ། ཞེས་བྱ་བ་འདི་ནི་དམ་ཚིག་དབོག་པའི་ཆོ་གའོ། །དེ་ནས་རྩ་བའི་ཕྱག་རྒྱར་གཞུག་པའི་ཆོ་ག་འདི་གསུངས་སོ། །མེ་ཏོག་ལ་སོགས་རིན་ཆེན་འཕྲེང་། །སྔོན་ཚེ་གོང་ནས་བསྙེན་པའི་ལྷ། །ཐུགས་རྗེས་གཟུང་བར་དགོས་ནས་ཀྱང་། །གང་ཡིན་དེ་ལ་འབབ་གྱུར་ཅིག །གང་ལ་ཕོག་པའི་ལྷ་དེ་ཉིད། །རང་གི་སྙིང་གི་འོད་ཟེར་གྱིས། །ལྷ་མོ་ལྕགས་ཀྱུའི་སྦྱོར་བ་ཡིས། །བསྐྱེད་དང་སྦྱན་དྲངས་བཞུགས་བསྟིམ་བྱ། །སྔོན་གྱི་རྒྱལ་བ་བདེ་གཤེགས་ཀྱིས། །མ་རིག་ལིང་ཐོག་བསལ་བ་ལྟར། །བདག་ཉིད་རྡོ་རྗེ་གཤོན་ནུ་ཡིས། །ཁྱོད་ཀྱི་མི་ཤེས་དྲི་མ་བསལ། །བཛྲ་པྲ་བེ་ཤ་ཕཊ། དེ་ནས་རྡོ་རྗེ་མིག་གི་དབང་། །དེ་ཉིད་དེ་ལས་དྲངས་ཏེ་བྱིན། །ཞེས་བྱ་བ་འདི་ནི་རྩ་བའི་ཕྱག་རྒྱར་ཞུགས་པའི་ཆོ་གའོ། །དེ་ནས་རིག་པ་གཏད་པའི་ཆོ་ག་འདི་ག༷ སུངས་སོ། །འདི་དེ་སངས་རྒྱས་ཐམས་ཅད་ཀྱི། །རྡོ་རྗེ་སེམས་དཔའི་ཕྱག་རྒྱ་བསྣམས། །རྟག་པར་ཁྱོད་ཀྱིས་ཀྱང་བཟུང་སྟེ། །ཕྱག་ན་རྡོ་རྗེའི་བརྟུལ་ཞུགས་བརྟན། །ཨོ་སརྦ་ཏ་ཐུ་ག་ཏ་སིརྙི་བཛྲ་ས་མ་ཡ་ཏིརྫི་ཙྭ་ན་སྟོ། འདི་དེ་སངས་རྒྱས་ཐམས་ཅད་ཀྱིས། ་ས་རབ་དབྱངས་ཆེན་གོ་བར་བརྗོད། །རྒྱལ་བ་བྱང་ཆུབ་མཆོག་བཞེད་པ། །ཁྱོད་ཀྱིས་ཀྱང་ནི་རྟག་པར་ཟུང་། །སྲིད་པར་རང་བཞིན་གྱིས་དག་ཕྱིར། །སྲིད་པའི་རང་བཞིན་རྒྱུ་འབྲས་ཕྱིར། །རང་བཞིན་དག་པའི་སེམས་ཅན་གྱིས། །སྲིད་པའི་དག་པ་རང་བཞིན་བྱའོ། །ཨོ་སརྦ་ཏ་ཏ་ཐུ་ག་ཏ་སིརྙི་ད་ར་ཡ་མི་བཛྲ་སྭ་ཏ་ཧི་ཧི་ཧི་ཧི་ཧུ༷། ཞེས་རྡོ་རྗེ་དང་དྲིལ་བུ་སྤྱིན་ནོ། །འདི་ནི་རིག་པ་གཏད་པའི་གོ་ཆའོ། །དེ་ནས་ལུང་བསྟན་པ་འདི་གསུངས་སོ། །ཨོ། དེ་རིང་ངས་ཁྱོད་ལུང་བསྟན་བྱ། །རྡོ་རྗེ་སེམས་དཔའ་དེ་བཞིན་གཤེགས། །སྲིད་པའི་ཤིན་ཏུ་གྲུབ་ཕྱིར་ན། །སྲིད་པ་ངན་འགྲོ་རྣམས་ལ་སྟོན། །ཀྱེ་མ་རྡོ་རྗེ་ཆེ་གེ་ཞེས། །ས་བླ་ས་འོག་ས་སྟེངས་དང་། །ཐམས་ཅད་ཀུན་ཏུ་རབ་གྲགས་སོ། །ཞེས་བྱ་བ་འདི་ནི་ལུང་བསྟན་པའི་ཆོ་གའོ། །དེ་ནས་དབུགས་དབྱུང་བར་བྱ་སྟེ། །གསང་བ་མཆོག་གི་དཀྱིལ་འཁོར་དུ། །ཞུགས་དེ་དམ་ཚིག་མཐོང་བ་དང་། །སྡིག་པ་ཀུན་ནས་རབ་གྲོལ་བར། །དེ་རིང་ཁྱོད་ལ་རབ་ཏུ་གནས། །བདེ་ཆེན་ཐེག་པ་འདི་ལ་ནི། །ཕྱིར་ཞིང་འཆི་བ་ཡོད་མེད་དེ། །སྲིད་པ་རིང་དུ་སྤངས་པའི་ཕྱིར། །སྡུག་བསྔལ་སྲིད་པར་མི་ལྟུང་ངོ། །དེ་བས་རིགས་ཀྱི་བུ་མཆོག་ཁྱོད། །དཀྱིལ་འཁོར་བཟང་པོ་འདི་ལ་ལྟོས། ཁྲེས་རབ་རྣམ་གསུམ་རབ་ཏུ་བསྐྱེད། །ཁྱོན་ནི་ཐུགས་ཀྱི་རིགས་སུ་སྐྱེ། །བདེ་བར་གཤེགས་པས་བྱིན་གྱིས་བརླབས། །འགྲོ་བ་རིགས་དྲུག་ཐམས་ཅད་ལ། །བུ་བཞིན་སྙིང་རྗེ་ཀུན་ལ་བསྐྱེད། །གསང་བའི་ཆོས་ལ་དད་པར་གྱིས། །ཞེས་བྱ་བ་འདི་ནི་དབུགས་དབྱུང་བའི་རིམ་པའོ། །དེ་ནས་དབང་དམ་པ་ནོད་པའི་ཕྱིར་གསོལ་བ་གདབ་པ་འདི་གསུངས་སོ། །སློབ་དཔོན་དམ་པ་དགོངས་སུ་གསོལ། །རྡོ་རྗེ་གཤོན་ནུའི་དབང་བསྐུར་རྣམས། །སེམས་ཅན་ཀུན་ལ་ཕན་གདགས་ཕྱིར། །ཕྱིར་མི་ལྡོག་པའི་དབང་སྩོལ་ཅིག །གཞན་ཡང་ཕྱི་ནང་གསང་བ་ཡི། །ཟབ་མོའི་དབང་རྣམས་རིམ་བཞིན་གསོལ། །ཞེས་བྱ་བ་འདི་ནི་གསོལ་བ་གདབ་པའི་རིམ་པའོ། །དེ་ནས་ཡེ་ཤེས་ལྷའི་དབང་བསྐུར་བ་འདི་གསུངས་སོ། །དཀྱིལ་འཁོར་གཙོ་བོ་བུམ་པ། །ཧུ༷་དང་བཛྲ་སྦྱོར་བ་ལས། །སྟངས་དཔྱལ་རྡོ་རྗེ་སེམས་དཔས་བརྒྱན། །དགུག་གཞུག་བསྟོད་དང་མཆོད་བྱས་ལ། །འོད་ཞུ་བྱང་ཆུབ་སེམས་སུ་འགྱུར། །ཆེ་བའི་ཡོན་ཏན་ཀུན་རྫོགས་ཤིང་། །བྱང་ཆུབ་སེམས་ཆུས་རབ་བཀང་བའི། །རྣམ་པར་དག་པའི་བུམ་པ་འདིས། །བུ་ཁྱོད་ལ་ནི་དབང་བསྐུར་རོ། །ཨོ་བཛྲ་ཀི་ལི་ཀི་ལ་ཡ་ཕཊ་པ་ཤ༷་ཀུ་རུ་གྲྭཧྭ། ཨ་སྟི་ཁི྅་ཧུ༷་ཛ། དེ་ལྟར་རང་རའི་རིམ་པ་ཡིས། །གཙོ་ནས་འཁོར་གྱི་རིམ་པར་སྦྱར། །ཞེས་བྱ་བ་འདི་ནི་ཡེ་ཤེས་ལྷའི་དབང་བསྐུར་བའི་རིམ་པའོ། །དེ་ནས་ཕྱི་དབང་སྐུར་པའི་རིམ་པ་འདི་གསུངས་སོ། །མི་འགྱུར་ཆོས་ཉིད་ཕྱག་རྒྱ་ལས། །མ་བཙལ་ལྷུན་རྫོགས་གསལ་བའི་རྒྱུ། །ཁྲོ་རྒྱལ་ཡབ་ཡུམ་རོལ་བ་ལ། །བྱང་ཆུབ་སེམས་ཀྱི་འཕྲོ་འདུ་ལས། །འདོད་པའི་སྦྱི་བོར་རྒྱ་མཚོ་བསྐྱིལ། །སྤྲོས་ཤིང་བསྡུས་ལ་དཀྱིལ་འཁོར་བསྒྱུར། །འདོད་པའི་རྣ་བར་གཞལ་ཡས་ཁང་། །རཏྣ་ཀི་ལ་དངོས་སུ་འོ། །ཁྲོ་བོ་ཡབ་ཡུམ་འཁོར་གྱིས་བསྐོར། །ཏྲ༷། རཏྣ་ཀིའི་ཚོགས་མཆོག་ལས། །རཏྣ་ཕྲི་འཁོར་བཅས་སྤྲོ། །བསྡུས་པས་དོན་གྱི་གནས་སུ་ཐིམ། །ཏྲ༷། གསང་བ་མཆོགཆེནམྱངནའདས། །དེ་ལ་སོགས་ཏེ་གསང་བ་ཀུན། །དོན་དུ་བཏགས་ཤིང་མཉན་པ་ལས། །ཡོངས་ལ་འཆལ་བར་བསྒྲགས་པ་མིན། །འདོད་པའི་སྙིང་ཁར་དེ་བཞིན་དུ། །བཛྲ་ཀི་ལིའི་ངོ་བོ་ཉིད། །འབར་བ་ཧུ༷་གི་ཚོགས་མཆོག་ལས། །ཁྲག་འཐུང་དཀྱིལ་འཁོར་གསལ་སྤྲོ་ཐིམ། །ཧུ༷། རྒྱལ་བའི་གདུང་འཚོབ་སྲས་ཆེན་པོ། །སྐུ་གསུང་ཐུགས་ཀྱི་ཕུར་པ་ཟུང་། །འཇིགས་བྱེད་ཁྲོ་རྒྱལ་མཉེས་མཆོད་ལ། །གཉིས་མེད་ཁྲོ་རྒྱལ་ཀུན་དང་སྦྱོར། །འདོད་པའི་ལག་ལ་དེ་བཞིན་ཏེ། །ཀརྨ་ཀི་ལའི་ངོ་བོ་ཉིད། །ཧ་ཡི་འབར་བ་ཚོགས་མཆོག་ལས། །ཀརྨའི་དཀྱིལ་འཁོར་གསལ་སྤྲོ་ཐིམ། །ཧ། ཁྱོད་ནི་ཀརྨ་ཀི་ལ་ཡ། །ལྷུན་གྱིས་གྲུབ་པའི་དཀྱིལ་འཁོར་གྱིས། །གང་གིས་འདུལ་བའི་འཕྲིན་ལས་ལ། །རྣམ་བཞིའི་འཕྲིན་ལས་ཀུན་བྱོས་ཤིག །འདོད་པའི་ལྕེ་ལ་དེ་བཞིན་ཏེ། །པདྨ་ཁྲག་འཐུང་ཀི་ལ་ཡ འབར་བ་ཧྲི་ཡི་ཚོགས་མཆོག་ལས། །ཧྲི་ཡི་དཀྱིལ་འཁོར་གསལ་འཕྲོ་ཐིམ། །ཧྲི། བྱ་བ་བརྒྱ་བཅུའི་སྒྲ་དབྱངས་ཀྱིས། །གང་འདོད་སྐྱེས་བུ་ཚིམ་པར་གྱིས། ཁྲེས་རབ་དོན་གྱི་དམིགས་དང་སྦྱར། །ཡོངས་ལ་བསྒྲགས་པར་བྱ་བ་མེན། །འདོད་པའོ་ཡོན་ཏན་ལྔ་རྣམས་ལ། །འཇིགས་བྱེད་གཞལ་ཡས་དེ་བཞིན་ཏེ། །རིགས་ཀྱི་ཁྲོ་བོ་དེ་བཞིན་ཉིད། །དཔའ་བོ་འདྲུ་ལྔའི་འཕྲོ་འདུ་ལས། །ཁྲག་འཐུང་ལྔ་དང་ཁྲོ་འཕྲེང་བསྒོམ། །ཧུ༷། ཕྱོགས་བཅུའི་འཇིག་རྟེན་དུས་ཀུན་ཏུ། །སྐུ་གསུང་ཐུགས་ཀྱི་ཕུར་པ་ཟུང་། །ཕུར་པའི་དཀྱིལ་འཁོར་བདག་ཉིད་ཆེ། །དཀྱིལ་འཁོར་ཀུན་གྱི་བྱེད་པ་པོར། །ཐམས་ཅད་ཀུན་ལ་དབང་རྣམས་སྤྱིན། །ཞེས་བྱ་བ་འདི་ནི་ལས་སོ་སོའི་དབང་ངོ་། །དེ་ནས་ཡང་དེ་དག་གི་གྲོགས་ཕན་པའི་དབང་བསྐུར་བའི་ཕྱིར་འདི་སྐད་ཅེས་གསུངས་སོ། །དེ་བཞིན་གཤེགས་ཀུན་ཁྲུས་གསོལ་པ། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དབང་མཆོག་དམ་པ་བསྐུར་བར་བྱའོ། །ཨོ་ནམ་སརྦ་ཏ་ཐུ་ག་ཏ་ཨསྟི་ཁི྅་ས་མ་ཡ་ཧུ༷། སངས་རྒྱས་ཀུན་གྱི་རིན་ཆེན་རྩེ། །དཔག་ཏུ་མེད་པའི་འོད་དང་ལྡན། །རྡོ་རྗེ་འཁོར་ལོ་རིན་ཆེན་དང་། །པདྨ་རྒྱ་གྲམ་ཁང་བུ་ལྔས། །ཟེ་སྲོག་ཁང་བུས་དབང་བསྐུར་རོ། །བཛྲ་བྲརྙ་རཏྣ་པདྨ་ཁདེ་མ་ཀུ་མ་ཏྲ༷་ཏྲ༷། ཅོད་པན་འདི་ནི་མཛེས་པ་སྟེ། །ཡེ་ཤེས་ལྔ་ལྡན་ཅོད་པན་དེས། །རྟག་ཆད་གཉིས་ལས་གྲོལ་འགྱུར་ཞིང་། །འཁོར་བའི་ཉེས་པས་མི་གོས་ལ། །མྱངན་འདས་པའི་དབང་ཐོབ་ཤོག །ཨོ་སརྦ་ཏ་ཐུ་ག་ཏ་བཛྲ་ལ༷་བ་ཨ་དྷི་ཁི྅་ཧུ༷། ཨེ་མ་སངས་རྒྱས་ཐམས་ཅད་ཀྱི། །ཡི་གེ་གསུང་གི་ཕྱག་རྒྱའི་ཚོགས། །གསུང་གི་དེ་ཉིད་བསྡུས་པའི་དོན། །སྙིང་པོ་ལྔ་ཡི་དབང་བསྐུར་རོ། །ཨོ་ཨུ༷༷ ཧུ༷་སརྦ་ཨ་སྟི་ཁི྅་ཧུ༷་ཨ། དེ་བཞིན་གཤེགས་པ་ཐུགས་ཀྱི་ཐུགས། །རྡོ་རྗེ་འཁོར་ལོ་རིན་ཆེན་དང་། །པདྨ་རལ་གྲི་མཚོན་ཆ་ལྔ། །ཕྱག་ཆ་ལྔ་ཡིས་དབང་བསྐུར་རོ། །ཨོ་བཛྲ་ཙཀྲ་རསྣོ་པདྨ་ཁདེ་མུ་ཏྲ༷་ཧུ༷། ཨེ་མ་བདེ་གཤེགས་ཀུན་གྱི་སྐུ། །མཚན་དང་དཔེ་བྱད་དཔག་ཏུ་མེད། །མི་འགྱུར་མི་ཤིགས་རིགས་ཀྱི་གཙོ། །དེ་བས་རིགས་ལྔས་དབང་བསྐུར་རོ། །བཛྲ་ས་ཏྭ་ཧུ༷། བི་རོ་ཙ་ན་ཨོ། རཏྣ་ས༷བྷ་བ་ཏྲ༷། པདྨ་ཨ་མི་དེ་བ་ཧྲི། ཀརྨ་ཨུ་མོ་ཀ་སིརྙི་ཨ། གཟུངས་དང་ཏིང་འཛིན་མེ་ཏོག་རིན་ཆེན་འཕྲེང་། །སངས་རྒྱས་ཀུན་གྱིས་བསྔགས་པ་སྟེ། །སྐུ་ཡི་རྒྱན་དུ་འགྱུར་བའི་ཕྱིར། །དེ་བས་འཕྲེང་བས་དབང་བསྐུར་རོ། །བཛྲ་རཏྣ་མྱ་ལེ་པྲརྨྱེ་ཧུ༷། གདུགས་མཛེས་གསེར་གྱི་ཡུབ་ཅན། །སྐྱབས་ཆེན་བྱམས་པ་ཆེན་པོ་སྟེ། །ཉོན་མོངས་གདུང་བ་སེལ་པའི་རྟགས། །དེ་བས་གདུགས་ཀྱིས་དབང་བསྐུར་རོ། །བཛྲ་སྨུབྱ་རཏྣ་ཨ་སྟི་ཁི྅་ཧོ། སྟོང་པའི་གོ་ཆ་བླ་ན་མེད། །མཚན་མའི་ཡུལ་རྣམས་ཀུན་བཅོམ་ནས། །བྱིན་ཅི་ལོག་གི་བགེགས་ཆེན་བསྲུངས། །དེ་བས་གོ་ཆས་དབང་བསྐུར་རོ། །ཨོ་བཛྲ་ཀྭ་བཱ་ཙི་ཡཀྟ་ཧུ༷། བཟའ་དང་བཅའ་དང་བཏུང་བའི་ཚོགས། །ཁ་མངར་སྒྱུར་བརླེགས་བྲོ་བ་སྟེ། །འཛ་གད་ཛ་ཏི་ཟླ་ཕྲོམ་ཟླ་རྒྱས་ཟླ་ཚེས་དང་། །ཚེ་འཛིན་མཆོག་དང་མ༷་ས་ཀུན་ཏུ་རྒྱུ། །ཚིམ་བྱེད་མངས་མཛེས་ཞལ་ཟས་སྣ་ཚོགས་ཀྱིས། །ཉིན་མཚན་རྟག་ཏུ་བདེ་ལེགས་སྐྱོང་བར་ཤོག །ཨོ་སརྦ་ཏ་ཐུ་ག་ཏ་མ་ཧྭ་པུ་ཙ་ཡ་ཧུ༷། ཞེས་བྱ་བ་ནི་ཕན་པའི་དབང་ངོ་། །དེ་ནས་ཡང་བདག་པོའི་དབང་བསྐུར་བར་བྱ་སྟེ། །འབྲས་བུ་བཞི་བཅུ་རྩ་གཉིས་པོ། །འབྲས་བུའི་རྒྱུ་ལ་མིང་བཏགས་པས། །རང་རང་རྩ་བའི་སྔགས་ཀྱི་མཐར། །པ་ཤང་ཀུ་རུ་གྲྭཧྭ། ཨ་སྟི་ཉིརྩི་ཏུ་མ༷་ཞེས། །ཀུན་ལའང་གདགས་ཏེ་རིམ་པས་བསྟིམ། །ཞེས་བྱ་བ་འདི་ནི་འབྲས་བུ་སྤྲུལ་པའི་དབང་ངོ་། །དེ་ནས་ཡང་རང་རྟགས་ཕྱག་རྒྱའི་དབང་བསྐུར་འདི་གསུངས་སོ། །གཟུགས་བརྙན་གསལ་བའི་དཀྱིལ་འཁོར་དུ། །ཕྱག་མཚན་འབར་བའི་ཚོགས་རྣམས་ལ། །བསྐྱེད་དང་སྤྱན་དྲངས་གསལ་བལྟས་ལ། །རང་རིག་མཚན་ཉིད་བརྗོད་དེ་བསྐུར། །ཧུ༷། དབུས་ཀྱི་ཁྲག་འཐུང་ཆེན་པོ་ནི། །དབུ་གསུམ་ཕྱག་དྲུག་ཞབས་བཞིར་བགྲད། །གཡས་དཀར་གཡོན་དམར་དབུས་མཐིང་ཞལ། །རྡོ་རྗེ་རྩེ་དགུ་རྩེ་ལྔ་དང་། །མེ་དཔུང་ཁ་ཏྭ༷་ཕུར་པ་འདྲིལ། །སྐུ་སྟོད་གླང་ཆེན་ཀོ་རློན་ལ། །སྐུ་སྨད་སྟག་གི་ཤམ་བུས་བཏགས། །ཞིང་གི་གོ་ཟུ་ཡ་བས་བསྐོར། །སྤྲུལ་ཆེན་རིགས་བཞིས་སྐུ་ལ་བརྒྱན། །ཐོད་པ་འབར་བའི་སེ་རལ་ཁ། །ཐུགས་ཁར་འབར་བའི་སྲོག་ཀྱང་གཞུག །དབུ་ལ་རྫོགས་པའི་སངས་རྒྱས་སྲུང་། །འཁོར་ལོ་རྒྱས་འདེབས་སྐུལ་འཁྲིལ། །བསྐལ་བའི་རི་རའི་ཀློང་ན་བཞུགས། །ཐུགས་ཀྱི་སྤྲུལ་པ་ཕྱོགས་བཅུར་འགྱེད། །ཡབ་ཡུམ་རྫོགས་པའི་དབང་མཆོག་བུ་ལ་སྤྱིན། །དྲེགས་ཆེན་འཁོར་དུ་བསྡུས་པའི་དབང་ཆེན་དང་། །ཡི་དམ་ལྷ་ཚོགས་བསྒོམ་པའི་དབང་ཐོབ་ཤོག །བཛྲ་ཀི་ལ་ཀི་ལ་ཡ་ཨ་སྟི་ཁིམོ་ ་མ༷། ཁྲོ་བོ་ཆེན་པོ་ཧཱུཾ་ཆེན་ཀྭ་ར་ནི། །འདོད་ཆགས་རྣམ་པར་དག་པ་སྟེ། །དེ་རྗེ་སྒྲ་འབྱིན་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། སྤྲུལ་པ་ཕག་དང་སྨྲིག་པུར་བཅས ཡབ་ཡུམ་སྤྲུལ་རབ་བཅས་པའི་དབང་སྦྱིན། །ཡ་བདུད་ཚངས་པ་འདུལ་བའི་དབང་ཐོབ་ཤོག །ཧཱུཾ༷་ཀ་ར་ཨ་སྟིརྩི་ཨ། །ཁྲོ་གོ་རྣམ་པར་རྒྱལ་བ་ནི། །མ་བྱིན་ལེན་པ་དག་པ་སྟེ། །རྡོ་རྗེ་རྣམ་སྙེམས་སྐུ་ལ་འཁྲིལ། །དབུ་གསུམ་ཕྱག་དྲུག་ཤོག་པ་ཅན། །སྤྲུལ་པ་རྟག་དཔྱད་བྱ་རྒོད་བཅས། །འཁོར་བཅས་འདི་ཡིས་དབང་གཅིག་བུ་ལ་སྤྱིན། །བརྒྱ་བྱིན་དྲི་ཟ་འདུལ་བའི་དབང་ཐོབ་ཤོག བི་ཛ་ཡ་ཨ་སྟི་ཁི་་ ། །ཁྲོ་ཆེན་དབྱུག་པ་སྔོན་པོ་ནི། །ལོག་ལྷ་རྣམ་པར་དག་པ་སྟེ། །རྡོ་རྗེ་སྡེར་མ་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་གཡག་དང་བྱ་རོག་ཅན། །འཁོར་བཅས་འདི་ཡི་དབང་ཅིག་པུ་ལ་སྤྱིན། །དྲང་སྲོང་མེ་ལྷ་འདུལ་བའི་དབང་ཐོབ་ཤོག །ནི་པ་དཛི་ཨ་བི་ཁི྅་ཨ། །ཁྲོ་ཆེན་གཤིན་རྗེ་གཤེད་པོ་ནི། །སྲོག་གཅོད་རྣམ་པར་དག་པ་སྟེ། །ཡུམ་ཆེན་དུར་ཁྲོད་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་ཤ་བ་འུག་པར་བཅས། །འཁོར་བཅས་འདི་ཡི་དབང་ཅིག་བུ་ལ་སྦྱིན། །གཤིན་རྗེ་འདུལ་བའི་དབང་མཆོག་ཐོབ་པར་ཤོག །ཡ་མརྙ་ཀ་ཨ་སྟི་ཁེ྅་ཨ། ཁྲོ་བོ་གོ་པོ་མི་གཡོ་མགོན། །བརྫུན་སྨྲ་རྣམ་པར་དག་པ་སྟེ། །ཡུམ་གོ་རྟུན་ཁུང་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་གཟིག་དང་ཁ་ཏར་བཅས། །འཁོར་བཅས་འདི་ཡི་དབང་ཅིག་བུ་ལ་སྤྱིན། །བདེན་བྲལ་སྲིན་པོ་འདུལ་བའི་དབང་ཐོབ་ཤོག །ཨུརུ་ཨ་ཙལ ཨ སྟིཁི྅ཨ། ཁྲོབོཆེན་པོ་རྟ་མཆོག་དཔལ། །ཕྲ་མ་རྣམ་པར་དག་པ་སྟེ། །རྡོ་རྗེ་ག་་མོ་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་བྱི་ལ་པུ་ཤུད་བཅས། །ཡབ་ཡུམ་སྤྲུལ་པར་བཅས་པའི་དབང་ཅིག་བུ་ལ་བྱིན། །ཆུ་བདག་ཀླུ་རྣམས་འདུལ་བའི་དབང་ཐོབ་ཤོག །ཧ་ཡ་གྲི་བ་ཨ་སྟི་ཁི྅་ཨ། ཁྲོ་རྒྱལ་གཞན་གྱིས་མི་ཐུབ་པ། །ང་འབྱལ་རྣམ་པར་དག་པ་སྟེ། །ཡུམ་ཆེན་མདའ་སྙེམས་སྐུ་ལ་འཁྲིལ། དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་ཁྲ་དང་སྤྱང་ཁུར་བཅས། །འཁོར་བཅས་འདི་ཡི་དབང་ཅིག་བུ་ལ་སྦྱིན། །རླུང་ལྷ་འདུལ་བའི་དབང་མཆོག་ཐོབ་པར་ཤོག །ཨ་པ་ར་ཛི་ཏ་ཨ་སྟི་ཁི྅་ཨ། ཁྲོ་ཆེན་བདུད་རྩི་འཁྱིལ་པ་ནི། །ཚིག་རྩུབ་རྣམ་པར་དག་པ་སྟེ། །ཡུམ་གོ་རླུང་འབྱིན་སྐུ་ལ་འཁྲིལ། །དབུ་གསུམ་ཕྲག་རྒྱ་དྲུག་གཤོག་པ་ཅན། །སྤྲུལ་པ་སེང་གེ་ཕ་ཝང་བཅས། །འཁོར་བཅས་འདི་ཡི་དབང་ཅིག་བུ་ལ་སྦྱིན། །གནོད་སྤྱིན་འདུལ་བའི་དབང་མཆོག་ཐོབ་པར་ཤོག །ཨ་མྲི་ཏ་ཀུཎྜ་ལི་ཨ་སྟི་ཁེ་་ ། ཁྲོ་ཆེན་ཁམས་གསུམ་རྣམ་རྒྱལ་ནི། །གནོད་སེམས་རྣམ་པར་དག་པ་སྟེ། །ཡུམ་གོ་གསོད་མ་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་དོམ་དང་སྲེ་མོང་བཅས། །འཁོར་བཅས་འདི་ཡི་དབང་ཅིག་བུ་ལ་སྤྱིན། །དབང་ལྡན་འདུལ་མཆོག་ཐོབ་པར་ཤོག །ཏྲེ་ལོ་ཀྱ་བི་ཛཡཨ སྟིཁི྅ཨ། ཁྲོབོཆེན་པོ་སྟོབས་པོ་ཆེ། །བརྣབ་སེམས་རྣམ་པར་དག་པ་སྟེ། །ཡུམ་ཆེན་བསྐྱོད་མ་སྐུ་ལ་འཁྲིལ། །དབུ་གསུམ་ཕྱག་དྲུག་གཤོག་པ་ཅན། །སྤྲུལ་པ་དོམ་དང་བྱི་བར་བཅས། །འཁོར་བཅས་འདི་ཡི་དབང་ཅིག་བུ་ལ་སྦྱིན། །བདག་འདུལ་བའི་དབང་མཆོག་ཐོབ་པར་ཤོག །མཧྭ་བ་ལ་ཨ་སྟི་ཁི྅་ཨ། ལྷོ་སྒོར་སྐྱེ་ཀའི་མགོ་ཅན་ནི། །ཆད་ལྟ་གནས་སུ་དག་པ་སྟེ། །འདྲེན་བྱེད་སོར་མོ་ཞགས་པ་བསྣམས། །སྙིང་རྗེ་ཆེན་པོའི་དབང་ཐོབ་ཤོག །ཨོ་བཛྲ་བར་བེ་ཤེ་ཨ་སྟི་ཁི྅་ཨ། ནུབ་སྒོར་སྲིན་བྱའི་མགོ་ཅན་ནི། །བདག་ཏུ་འཛིན་པ་དག་པ་སྟེ། །སྡོམ་བྱེད་དམར་ནག་ལྕགས་སྒྲོག་བསྣམས། །དགའ་བ་ཆེན་པོའི་དབང་ཐོབ་ཤོག །ཨོ་བཛྲ་ཨ་མྲི་ཏ་ཨ་སྟི་ཁི྅་ཨ། བྱང་སྒོར་ཁྲ་ཡི་མགོ་ཅན་ནི། །མཚན་མར་ལྟ་བ་དག་པ་སྟེ། །རླག་བྱེད་ལྗང་ནག་དྲིལ་བུ་བསྣམས། །བཏང་སྙོམས་ཆེན་པོའི་དབང་ཐོབ་ཤོག །ཨོ་བཛྲ་མར་ན་ཨ་སྟི་ཉིརྩི་ཧུ༷་ཨ། ཞེས་བྱ་བ་ནི་རང་རྟགས་ཕྱག་རྒྱའི་དབང་ངོ་། །དེ་ནས་ཡང་དེ་དག་གི་རྒྱན་ཆས་ཀྱི་དབང་བསྐུར་བ་འདི་གསུངས་སོ། །སྲིད་པ་གསུམ་ལ་དབང་སྒྱུར་ཞིང་། །བྱང་ཆུབ་སེམས་ནི་མངོན་དུ་བསྟན། །ཁམས་གསུམ་ཡེ་ཤེས་བསྐྱེད་པའི་ཕྱིར། །སྐུ་ལ་རིགས་ལྔས་དབང་བསྐུར་རོ། །ཨོ་ཨུ༷༷ཧུ༷་གྲྭཧྭ་ཨ་སྟི་ཁི྅་ཨ།ཨེ་མ་ང་ནི་རང་བྱུང་སྟེ། །དཔལ་ཆེན་རྡོ་རྗེ་གཞུ་ནུའི་སྐུ། །འཁོར་བ་ཡོངས་སུ་སྦྱང་བའི་ཕྱིར། །ཡེ་ཤེས་སེམས་དཔས་དབང་བསྐུར་རོ། །ཙྭན་ས་ཏྭ་ཀིལཨ སྟིཁི྅ཨ། ཡེཤེསདྲུག་གི་རང་བཞིན་ཏེ། །ཕ་རོལ་ཕྱིན་པ་དྲུག་གི་རྟགས། །རྡོ་རྗེ་ལ་སོགས་ཕྱག་འཚལ་གྱིས། །རྒྱུད་དྲུག་གནས་ནས་སྒྲོལ་བར་ཤོག །བཛྲ་བཛྲ་ཨ་ནི་ཏྲི་ཤུ་ལི། ཀི་ལ་ཡ་ཨ་སྟི་ཁོསྩོ་ཨ། སྐམ་པོ་ཆོས་སྐུ་ར་རི་ལོངས་སྤྱོད་རྫོགས། །རློན་པ་སྤྲུལ་པའི་སྐུ་ཡིན་ཏེ། །དུས་གསུམ་སངས་རྒྱས་བཞུགས་པ་ཀུན། །སྐུ་གསུམ་ངོ་བོར་དབང་བསྐུར་རོ། །མཧྭ་ཀྭ་པ་ལ་ཨ་སྟི་ཁི྅་ཧུ༷། སྦྲུལ་རིགས་བཞི་ཡི་ཚུལ་ཁྲིམས་འདིས། །མཉེན་ལ་འཁྲིལ་པས་སྐུ་ཡི་བརྒྱན། །ཞེ་སྡང་ཆེན་པོའི་རང་བཞིན་པས། །འཕྲིན་ལས་རྣམ་བཞིས་གདུག་པ་ཞི་བར་ཤོག །མ་ཧྭ་གན་ཨ་སྟི་ཁི྅་ཧུ༷། གླང་ཆེན་ཀོ་རློན་སྟོབས་ཆེན་བརྗིད་ལས་ལྡན། །ཚུལ་ཁྲིམས་གཡང་གཞི་ཐབས་ལ་མཁས་པ་དང་། །སྟག་ལྤགས་ཤམ་ཐབས་དཔའ་བར་ལྡན་པ་ཡི། །ན་བཟའ་རྒྱན་གྱི་དབང་མཆོག་ཐོབ་པར་ཤོག །བ་བིད་ཀུན་དྷ་ལི་བྱ་གརི་ཙ་ནཱ་མ། དྷརྨ་ཀ་ཀོ་ཏ་ཨ་སྟི་ཁི་་ ། ཁམས་གསུམ་ཟིལ་གྱིས་གནོན་པའི་རྡོ་རྗེ་གཤོག་པ་འདི། །སྲིད་གསུམ་འདེབས་བྱེད་རླུད་གི་རང་བཞིན་ཏེ། །གཡས་པ་ཐབས་ལ་ཤེས་རབ་གཡོན་པ་ཡིན། །རྡོ་རྗེ་གཤོག་པའི་དབང་མཆོག་ཐོབ་པར་ཤོག །བཛྲ་བར་བེ་ཨ་སྟི་ཁི྅་ཨ། ཁམས་ནག་རལ་པས་སྟོང་ཉིད་དོན་རྟོགས་ཏེ། །མཐིང་ནག་རལ་པའི་ཆུན་འཕྱང་གི །འཁོར་བ་རྟག་ཆད་གཉིས་ཀྱི་མཐའ་གསལ་ཏེ། །མ་གཡོས་དབུ་མ་ཆེན་པོའི་དོན་རྟོགས་ཤོག །མ་ཧྭ་ཀྲོདྷ་ཧལཨསྟིཏོ྅ཨ། འབརབཐུགས་ཀྱི་རང་བཞིན་དང་། །འཕྲོ་༄༅ བ་ཁྱབ་པའི་ཐུགས་རྗེ་དང། །འདུ་བ་དབྱིངས་ཀྱི་རང་བཞིན་ཏེ། །གློང་བ་ཟད་པའི་འཕྲིན་ལས་ཀྱིས། །འཁྱིལ་བ་གཉིས་སུ་མེད་པའི་དོན། །རྡོ་རྗེ་མེ་ཡི་དབང་མཆོག་ཐོབ་པར་ཤོག །བཛྲ་ལག་ནེ་ཛ་ཨ་ཨ་སྟི་ཁེ྅་ཨ། ཞག་གི་ཟོ་རིས་དོན་དམ་བཅུད་ཀྱིས་བརྒྱན། །རཀྟའི་ཐིག་ལེ་ཐུགས་རྗེ་ཆགས་པའི་རྟགས། །ཐལ་ཆེན་ཐིག་ལེ་མཚན་མ་སྤྲོས་དང་བྲལ། །མཚན་མ་གསུམ་གྱི་དོན་དམ་མཚོན་པར་ཤོག །མ་ཧྭ་སྣིག་ཏ། མ་ཧྭ་རཀྟ། མ་ཧྭ་ཀེང་ནི་རི་ཏི་ཨ་སྟི་ཁི྅་ཨ། །ཡེ་ཤེས་གཅིག་ལས་མ་གཡོས་ཀྱང་། །གདུལ་ཐབ་ཐ་དད་བསྟན་པའི་ཕྱིར། །རྟགས་ཀྱི་ཁྲོ་ཆུང་མཚོན་གང་གིས། །བཀའ་ནན་ཆེན་པོའི་འགྲོ་དོན་བྱེད་པར་ཤོག །བཛྲ་ཀརྨ་ཀ་བ་ཙི་ཡ་ཨ་སྙི་ཁེ྅་ཨ། ཞེས་བྱ་བ་ནི་ན་བཟའ་རྒྱན་གྱིས་དབང་བསྐུར་བའི་རིམ་པའོ། །དེ་ནས་བསྒྲུབ་པའི་རྫས་ཀྱི་དབང་བསྐུར་བའི་རིམ་པ་འདི་གསུངས་སོ། །བདག་དང་ལག་པའི་མཆོག་རྣམས་ལ། །རབ་ཏུ་གསོར་ཏེ་དྲིལ་བྱས་ལ། །བྱིན་གྱིས་བརླབ་པས་དབང་བསྐུར་བས། །གཉིས་མེད་ཆེན་པོར་དབང་ཐོབ་ཤོག །ཨོ་བཛྲ་ཀ་ལ་ཨ་སྟི་ཁེ྅་ཨ། ཉུངས་ཀར་རྒྱལ་པོའི་རྫས་མཆོག་འདིས། །བདེ་གཤེགས་སྲས་ཀྱི་མཆོགརྣམས་ཀྱིས། །ཐུགས་དམ་ཆེན་པོར་བསྐུལ་ནས་ཀྱང་། །འགྲོ་བའི་དོན་རྣམས་བྱེད་པར་ཤོག བཛྲ་ཡཀྟ་ཀྲོདྷཨ སྟིཁི་། །གུགུལསྦྱར་མའི་རྫས་མཆོག་འདིས། །བཛྲ་ཀི་ལ་ཡ་ཡི་གཟི་མདངས་རབ་བསྐྱེད་ནས། །མཚན་དང་དཔེ་བྱད་ལྡན་འགྱུར་ཞིང་། །འགྲོ་བའི་དོན་རྣམས་བྱེད་པར་ཤོག །དུ་མ་པེ་ཏ་ལི་ཨ་སྟི་ཁི྅་ཨ། རཀྟའི་རྒྱལ་པོ་ཆགས་པའི་བདག་ཉིད་འདིས། །འགྲོ་བའི་དོན་ལ་ཐུགས་དམ་རབ་བསྐུལ་ཞིང་། །ཕྱོགས་བཅུའི་འཇིག་རྟེན་རབ་འབྱམས་ནས། །ཐུགས་རྗེ་ཆགས་པས་འགྲོ་དོན་བྱེད་པར་ཤོག །མཧྭ་རཀྟ་ཨ་སྟི་ཉིརྩི་ཨ། ཐུགས་རྗེ་ཆེན་པོའི་ཅོད་པན་འདིས། །ཐབས་དང་ཤེས་རབ་རྟགས་ཡིན་ཏེ། །གཟུང་འཛིན་མཐའ་གཉིས་རྣམ་པར་སྤངས། །དབྱིངས་དང་ཡེ་ཤེས་མཚོན་པར་ཤོག །མ་ཧྭ་ལ༷་པ་ཨསྟི་ཁི྅་ཨ། ཕྱི་ནང་གསང་བའི་མཆོད་རྫས་འདིས། །དུས་གསུམ་སངས་རྒྱས་མཆོད་ཅིང་མཉེས། །འགྲོ་བའི་དོན་ལ་ཐུགས་དམ་བསྐུལ། །མཆོད་སྦྱིན་སྟོབས་ཀྱི་དབང་མཆོག་ཐོབ་པར་ཤོག །མ་ཧྭ་ཕུ་ཙ་ཨ་སྟི་ཁི྅་ཨ། བསྒྲུབ་པའི་ཡེ་ཤེས་མཚོན་གངཔོ། །གསང་བའི་སྔགས་ཀྱིས་རབ་བསྐྱེད་ལ། །དུས་གསུམ་རྒྱུན་དུ་བཟླས་དགོས་པས། །འཛབ་བསྙེན་འདི་ཡིས་དབང་བསྐུར་རོ། །བཛྲ་བཱ་ལེ་ཨ་སྟི་ཁི྅་ཨ། ཞེས་བྱ་བ་ནི་བསྒྲུབ་རྫས་ཀྱི་དབང་བསྐུར་བའོ། །དེ་ཡང་དྲག་པོ་སྒྲོལ་པའི་དབང་འདི་གསུངས་སོ། །དབྱིངས་དང་ཡེ་ཤེས་དོན་དམ་ཕོ་ཉ་དང་། །ཐབས་དང་ཤེས་རབ་རྟགས་ཀྱི་ཕོ་ཉ་དང་། །འཁོར་བའི་གནས་ནས་དགྲ་བགེགས་དགུག་པའི་ཕྱིར། །མངག་པ་ཕོ་ཉའི་ཕུར་པ་ཁྱོད་ཀྱིས་ཟུང་། །བི་ཤ་བཛྲ་ཀྲོདྷ་ཛལཨདྷིཁི྅ཨ། ཕྱགརྒྱབཞིར་ལྡན་ཕུར་པ་འདི་བྱིན་པས། །དགུག་དང་བཅིག་དང་དབང་དུ་བསྡུས་པའི་ཕྱིར། །བར་ཆད་དགྲ་བགེགས་རྟེན་ལ་འབེབས་པར་ཤོག །ཛ་ཧཱུཾ་བ༷་ཧོ༷༷ ཨ་སྟི་ཁི྅་ཨ། རྡོ་རྗེ་གདབ་ཕུར་འདི་བྱིན་པས། །ཡེ་ཤེས་ཕུར་པ་དབྱིངས་ལ་འདེབས་པའི་རྟགས། །མཚན་མའི་ཕུར་པས་ཤེས་རབ་ལིང་ག་ལ། །ཐབས་མཆོག་མཚན་མའི་ཕུར་པས་འདེབས་པར་ཤོག །ཏིསྟ་ཙཀྲ་མ་ར་ཡ་ཨ་སྟི་ཁི྅་ཨ། མཚོན་ཆ་ལྔ་ལྡན་ཕུར་པ་འདི་བྱིན་པས། །འཇོམས་བྱེད་རྡོ་རྗེ་གཅོད་པའི་འཁོར་ལོ་དང་། །གཏུབ་པའི་རལ་གྲི་གདུང་བའི་དབྱུག་ཐོ་དང། །གནན་པའི་རྒྱ་གྲམ་ལ་སོགས་ལྔ་རྣམས་ཀྱིས། །མ་རིག་འཁོར་བའི་རྒྱ་མོ་འདྲལ་བར་ཤོག །ཛུ་ར་ཏྲ་ཁད་ཁ་མུད་ཀར་བཛྲ་ཀརྨ་ཨ་སྟི་ཁི྅་ཨ། རིན་ཆེན་རྒྱས་པའི་ཕུར་པ་འདི་བྱིན་པས། །དམིགས་པའི་མཐུ་དང་རྩལ་ཆེན་གནོད་ལ་སོགས། །གནས་སུ་བསྐྲད་ཅིང་རྫུ་འཕྲུལ་ཕྲོགས་ནས་ནི། །རང་ཉིད་ཚེ་དང་དབང་རྒྱས་བྱེད་པར་ཤོག །ཨུ་ཡུཙྭ་ན་པུརྨྱི་ཀུ་རུ་ཨ་སྟི་ཁི྅་ཨ། ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཁྲོ་བོའི་ཐོ་ཚོགས་ཀྱིས། །འཁོར་བའི་བག་ཆགས་སྦྱངས་པའི་ཕྱིར། །མཚན་མ་རྡུལ་དུ་རློག་པར་ཤོག །ཏབྱ་ཐུ་ཁ་ཐ༷་ཧུ༷་ཕཊ་ཨ སྟིཁེ྅ཨ། དྲགཔོའིམཚོ་གཏོར་འདི་བྱིན་པས། །དམ་ཅན་རྣམས་ནི་ཐུགས་བསྐུལ་ཞིང་། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་དུ་རློག་བར་ཤོག །པྲུ་ཙ་བཱ་རཡཨ སྟིཁི྅ཨ། དབངམཆོག་དུག་གི་གཏོར་མའདི་བྱིན་པས། །གནོད་སྦྱིན་མ་ལུས་མྱོས་ཤིང་ཚུབ་པ་དང་། །བག་ཆགས་སྦྱང་ཞིང་སྡིག་པ་འཐོལ་འགྱུར་ནས། །མྱོས་འ་་ཆོལ་དང་སྨྱོ་རུ་འཛུད་པར་ཤོག །ཧ་ལ་ཧ་ལ་མྱ་ར་ཡ་ཨ་སྟི་ཉིརྩི་ཨ། རྡོ་རྗེ་སྲིན་པོའི་ཞལ་གདངས་པར། ཁྲ་ཁྲག་རུས་པའི་མཆོད་པ་ཡིས། །དུག་གསུམ་སྐུ་གསུང་ཐུགས་དང་ལྡན་པར་ཤོག །སྟིརྙ་ཡ་བཛྲ་ཡཀྟ་ཀྲོ་ཏ་ཨ་སྟི་ཁིསྨ གློང་ཡང་འཁྱིལ་བའི་ཧོམ་ཁུང་དུ། །འབར་འཕྲོས་འདུ་གླེང་མེ་སྦར་ཏེ། །ཡབ་མ་མེ་ཡི་སྦྱོར་བ་ཡིས། །ལྷ་རྣམས་མ་ལུས་མཉེས་བྱེད་ཤོག །ཨག་ནེ་དེ་བ་ཕྲི་པུ་ཙ་ཨ་སྟི་ཁི྅་ཨ། ཟིལ་གནོད་རི་རབ་ཕུར་པ་འདི་བྱིན་པས། །ལས་ངན་སྐལ་མེད་བྱུར་ངན་དུས་ཟད་རྣམས། །བྱང་ཆུབ་སེམས་ནི་ནམ་ཡངམ་སྐྱེས་པར། །གནོན་བྱེད་སྟོབས་ཀྱིས་དབང་མཆོག་ཐོབ་པར་ཤོག །ཨོ་བཛྲ་སྟ༷་པ་ནན་ཨ་སྟི་ཁི྅་ཧུ༷་ཨ། ཞེས་བྱ་བ་ནི་དྲག་པོ་སྒྲོལ་བའི་དབང་བསྐུར་བའི་རིམ་པའོ། །དེ་ནས་གསང་བའི་དབང་བསྐུར་བའི་རིམ་པ་འདི་གསུངས་སོ། །ཕྱི་ནང་གསང་བའི་རིམ་པ་ཡིས། །གསུམ་གསུམ་དགུ་རུ་གསུང་པ་ཡང་། །མི་འདྲའི་ཕྱིར་ན་གཅིག་ཏུ་མེད། །དེ་བས་འདི་ལའང་དེ་འདྲར་བརྟག །བྱང་ཆུབ་རྡོ་རྗེ་སངས་རྒྱས་ལྟར། །ཇི་ལྟར་རྒྱལ་བས་མཆོད་པ་བཞིན། །བདག་ཀྱང་དེ་འདྲར་བསྒྲུབ་པའི་ཕྱིར། །བྱང་ཆུབ་ཆེན་པོ་བདག་ལ་གསོལ། །སློབ་མས་ཤེས་རབ་བླ་མ་ལ། །ཕུལ་ལ་ཡང་ནི་གསོལ་བ་གདབ། །སངས་རྒྱས་ཀུན་གྱི་བྱང་ཆུབ་སེམས། །དོན་ཆེན་ཟབ་མོས་ཉོན་མོངས་འཇོམས ཐབས་མཆོག་གསང་བའི་ཁྱད་པར་ཅན། །དེ་རིང་བདག་ལ་དབབ་བར་ཞུ། །དེ་རྗེས་བླ་མ་ལུང་ལྡན་དེས། །བདག་གི་སྙིང་ཁའི་ཧུ༷་ལས་ནི། །འོད་འཕྲོས་ལྕགས་ཀྱུས་བདེ་གཤེགས་བཀུག །ཐབས་དང་ཤེས་རབ་བྱིན་བརླབས་ནས། །ཆགས་པ་རྡོ་རྗེའི་ང་རྒྱལ་བྱ། །བསྐྱེད་པས་བདེ་གཤེགས་འོད་དུ་ཞུ། །རྡོ་རྗེ་བྷ་གའི་ནང་ན་ནི། །རིན་པོ་ཆེ་ཡི་གནས་ཡོད་དེ། །གནས་པས་ཕ་ཟད་ནུར་བ་དག ཁུ།་བའི་དབུགས་བཀག་སེམས་གཟུང་ནས། །བུ་འདིར་ཤོག་ཅིག་རིགས་ཀྱི་བུ། །ནམ་མཁའ་དབྱིངས་ཀྱི་དབུས་གནས་སུ། །རྡོ་རྗེ་རྒྱལ་པོ་རབ་དྲངས་ཏེ། །དབུ་ཡི་ནམ་མཁའི་དཀྱིལ་དུ་ནི། །མཐེབ་སྲིན་གཉིས་ཀྱིས་ལམ་བཀག་ལ། །ཡོངས་སྤྱོད་ནང་དུ་བཞུགས་སུ་གསོལ། །ཨེ་མ་ང་ནི་རང་བྱུང་བའི། །དཔལ་ཆེན་རྡོ་རྗེ་གཤོན་ནུའི་སྐུ། །འཁོར་བ་དབྱིངས་ནས་བསྒྲལ་བའི་ཕྱིར། །བྱང་ཆུབ་སེམས་ཀྱིས་དབང་བསྐུར་རོ། །བྱང་ཆུབ་སེམས་ཀྱི་བདུད་རྩི་འདིས། །སེམས་ཀྱི་སྡུག་བསྔལ་རྣམས་འཇོམས་ཏེ། །གསང་བའི་གནས་ནས་དམ་པར་བཅས། །དེ་རིང་ཁྱོད་ལ་དབབ་པར་བྱ། །དེ་རིང་སངས་རྒྱས་ཀུན་དང་མཉམ། །བདག་གི་བསོད་ནམས་སྐལ་བ་ཆེ། །ཡོན་ཏན་ཀུན་གྱིས་བདག་ལ་བརྒྱན། །བདེ་བར་གཤེགས་པའི་བདག་ཉིད་དོ། །ཨེ་མ་རེ་བ་དེ་ལན་གསུམ་བརྗོད། །སྦྲང་རྩི་ལྷག་ལུས་ཡན་ཆད་གཞིག །དེ་རྗེས་ལུང་བསྟན་ཐོབཔར་བྱ། །ཞེས་པ་འདི་ནི་གསང་བའི་དབང་བསྐུར་བའི་རིམ་པའོ། །དེ་ནས་ཡང་ཤེས་རབ་ཡེཤེས་ཀྱི་དབང་བསྐུར་འདི་གསུངས་སོ། །དུས་གསུམ་བདེ་གཤེགས་ཐམས་ཅད་ཀྱི། །ངོ་བོ་ཉིད་ལ་ཕྱག་འཚལ་བསྟོད། །ཁམས་གསུམ་བདག་པོ་ཕྱག་འཚལ་བསྟོད། །འདྲེན་པའི་གཙོ་ལ་ཕྱག་འཚལ་བསྟོད། །དངོས་གྲུབ་ཞིང་ལ་ཕྱག་འཚལ་བསྟོད། །མཆོག་གི་དབང་ཕྱུག་ཁྱོད་ཀྱིས་ཀྱང་། ཁྲེས་རབ་དང་ནི་ཡེ་ཤེས་ཀྱི། །དབང་བསྐུར་དམ་པ་བདག་ལ་སྩོལ། །ཟབ་མོའི་དབང་ཆེན་བདག་ལ་སྩོལ། །དེ་ནས་རིགས་ཀྱི་བུ་མོ་ནི། །གཞུང་ལས་བྱུང་བའི་མཚན་དང་ལྡན། །བཅུ་གཉིས་བཅུ་དྲུག་བཅོ་བརྒྱད་དམ། །མེད་ན་ཉི་ཤུ་ལོན་པའང་རུང་། །དེ་ལས་འདས་ན་དངོས་གྲུབ་མེད། །དར་ལ་སོགས་པའི་རྒྱན་གྱིས་བརྒྱན། །སྤོས་མཆོག་དྲི་དང་ལྡན་བྱས་ནས། །དད་པས་བླ་མ་ལ་ཡང་དབུལ། །མགོན་པོ་ཆེན་པོ་འདི་མཚར་ཏོ། །གསང་བའི་བདག་པོ་འདི་མཚར་ཏོ། །འདི་ནི་ཡོན་ཏན་རྣམས་ཀྱིས་བརྒྱན། །དངོས་གྲུབ་མཆོག་ཏུ་འདི་འགྱུར་རོ། །དེ་ནས་བླ་མ་ལུང་ལྡན་དེས། །བསྐྱེད་ནས་རྫོགས་པའི་མཐར་ཐུག་བྱ། །པདྨ་སྦུར་བའི་སྦྱོར་བ་ཡང་། །གོང་དུ་ཇི་ལྷར་སྨོསཔབཞིན། །འདིནིཁྱོད་ཀྱི་གཟུངས་མའི་མཆོག །སངས་རྒྱས་རྣམས་ཀྱིས་བརྟེན་པར་གསུངས། །འཁོར་ལོའི་རིམ་པ་རབ་སྦྱར་བས། །འགྲོ་བ་གསུམ་པོ་དག་པ་འདི། །སངས་རྒྱས་ཉིད་༄༅ ལ་ཐབས་གཞན་མེད། །དེ་བས་འདི་ཡི་སྦྱོར་བྲལ་བར། །ཁྱོད་ཀྱིས་ནམ་ཡང་མ་གཏང་ཞིག །འདི་དེ་སངས་རྒྱས་ཐམས་ཅད་ཀྱིས། །རིག་པའི་བརྟུལ་ཞུགས་བླ་ན་མེད། །རྨོངས་པ་གང་ཞིག་འདི་སྤོངས་ན། །དེ་ལ་དངོས་གྲུབ་མཆོག་ཉིད་མེད། །དེ་བརྗོད་བསྣོལ་ལ་དེ་ཇི་བཞིན། ཁྲེས་རབ་དམ་པའི་དབང་ཞེས་བྱའོ། །ཞེས་བྱ་བ་འདི་ནི་ཤེས་རབ་ཀྱི་དབང་ངོ་། །དེ་ནས་ཡང་ཡེ་ཤེས་ཀྱི་དབང་འདི་གསུངས་སོ། །གུར་ཀུམ་ཆུ་སོགས་དྲི་ཞིམ་དང་། །མེ་ཏོག་འཕྲེང་བ་ལ་སོགས་ལྡན། །གོས་མེད་ལངས་ཏེ་པད་པྱེ་ལ། །གསལ་བྱས་མཐོང་ནས་འདི་སྐད་བརྗོད། །དྲི་ཆེན་དྲི་ཆུ་ཟ་ནུས་སམ། །ཁྲག་དང་ཁུ་བ་དེ་བཞིན་ཤ། །བུད་མེད་དད་པས་རྟེན་ནུས་སམ། །པདྨ་བྷ་གར་འོ་བྱེད་པ། །ཆུ་བདེ་བར་ནི་བུ་ཁྱོད་སྨྱོས། །ཀྱེ་མ་ལྷ་མོ་ཅིས་མི་ནུས། ཁྲག་དང་ཁུ་བ་སོགས་ཟ་ཞིང་། །རྟག་ཏུ་བུད་མེད་བརྟེན་པར་བགྱི། །བྷ་གའོ་བྱེད་མི་རྟོག་གོ །དེ་ནས་དགའ་མགུ་དང་ལྡན་པས། །པདྨ་སྦུར་བའི་ཆོ་ག་བྱ། །མདོམས་སློད་ཆུ་སྐྱེས་ཕྱེ་ནས་ནི། །ཨེ་མ་བདག་གི་པདྨ་ཡིས། །ཐམས་ཅད་བདེ་དང་ཡང་དག་ལྡན། །གང་ཞིག་ཆོ་གས་རྟེན་བྱེད་ན། །དེ་ཡི་བདུན་དུ་བདག་འདུག་གོ །རྫོགས་པའི་སངས་རྒྱས་བསྙེན་བཀུར་སོགས། །འདི་ལྟར་པདྨའི་བྱ་བ་བགྱིད། །རང་ཉིད་རྒྱལ་པོ་བདེ་ཆེན་པོ། །འདི་ཉིད་ལ་ནི་རྟག་ཏུ་བཞུགས། །བྷ྅་མོཀྟ་ཧྭ། བདེ་ཆེན་འཁོར་ལོའི་དབུས་ན་ནི། །སྟོན་པའི་ཡི་གེ་ཧོ་གྱི་གཟུགས། །ཡེ་ཤེས་མེ་ཡིས་རབ་འཕྲོས་པས། །དཀར་ལ་རྩ་དམར་ལྟ་བུར་འཛག །འཁོར་ལོ་བཞི་ལ་རིམ་བཞིན་བབས། །རྡོ་རྗེ་རྩ་དམར་དགའ་བ་སྐྱེས། །དཀྱིལ་དུ་སྤྱིན་པ་མཆོག་དགའ་ཡིན། །རྩ་གསུམ་འདོམ་པའི་དབུས་སུ་ནི། །ལྷན་ཅིག་སྐྱེས་པའི་དགའ་བ་འབྱུང་། །གང་དེར་སྐྱེས་པའི་ཡེ་ཤེས་ནི། །གཟུགས་དང་ཁ་དོག་མཚན་ཉིད་བྲལ། །འདོད་ཆགས་མ་ཡིན་ཆགས་བྲལ་ཡིན། །དབུ་མར་དམིགས་སུ་མེད་པ་སྟེ། །སངས་རྒྱས་ཡེ་ཤེས་ནམ་མཁའ་ལ། །ཡེ་ཤེས་བདེ་བར་གནས་མི་གཏང་། །ཐུན་མཚམས་གཅིག་གམ་ཉིན་གཅིག་ལ། །ཟླ་ཕྱེད་ཟླ་བ་བསྐལ་པ་སྟོང་། །གནས་དེར་ཡེ་ཤེས་ནམ་མཁའ་གཟུང་། །དེ་ཡང་རྒྱུ་ཡི་ཡེ་ཤེས་ཡིན། །གལ་ཏེ་བསྡམས་པས་མ་ཐེབས་ན། །པདྨའི་གནས་སུ་ལྟུང་པའི་ཚེ། །བྲལ་བའི་དགའ་བ་ཞེས་བྱ་སྟེ། །ནོར་བུ་ཆུ་སྐྱེས་ལས་བཏོན་ནས། །རྡོ་རྗེ་གཤོན་ནུའི་རང་བཞིན་དོན། །དཀྱིལ་སྤྱན་རས་གཟིགས་ཀྱི་བླང་། །ཕུ་བ་ཤེས་རབ་ཅེས་སུ་བཤད། །བདེ་བ་ཡེ་ཤེས་ངོ་བོ་ཉིད། །རིན་ཆེན་རྩེ་མོ་ཆོས་འབྱུང་དུ། །འདུག་པ་ཆོ་ཀྱི་སྐུ་ཞེས་བྱ། །ཅུང་ཞིག་བྱུང་ནས་བལྟར་མངོན་པས། །ལོངས་སྤྱོད་རྫོགས་པའི་སྐུ་ཞེས་བྱ། །དེ་ལས་གཡོ་བའི་སེམས་བྱུང་ཚེ། །ཕྱིར་སྤྲོས་སྤྲུལ་པའི་སྐུ་ཞེས་བྱ། །དྲ་བས་མཚོན་པའི་ཚུལ་ཅན་ནོ། །ཞེས་བྱ་བ་འདི་ནི་ཤེས་རབ་དང་ཡེ་ཤེས་ཀྱི་དབང་ངོ་། །དེ་ནས་༄༅ ཡང་འབྲས་བུ་མཐར་ཕྱིན་པའི་དབང་འདི་གསུངས་སོ། །སྔ་མའི་སྦྱོར་བ་ལ་བརྟེན་ནས། །ཟིན་པ་ཤེས་རབ་ཅེས་སུ་བཤད། །སོང་བ་ཡེ་ཤེས་རྗེས་སུ་དྲན། །ཚུར་འོང་བ་ནི་ལྔ་པའོ། །སེམས་མ་བསྐྱེད་པར་བདེ་བ་ཆེ། །སེམས་ནི་དོན་ལས་གཞན་དུ་ཡང་། །འགྱུར་བ་མ་ཡིན་དོན་ཉིད་དོ། །ཕྱི་ཡི་རྟགས་སུ་བསྟན་པ་ནི། །ཡུལ་གྱི་དངོས་པོ་ཐམས་ཅད་ལ། །སྒྱུ་མ་ལྟ་བུའི་སེམས་འབྱུང་ཞིང་། །ཡུལ་གྱི་རྣམ་པར་མི་འཛིན་ན། །རྟགས་ནི་མངོན་ཤེས་ལྔ་ཡང་འཆར། །དེ་མེད་བར་དུ་རབ་ཏུ་འབད། །བློ་ཡི་རིམ་པས་གཉིས་སུ་འཆར། །དེ་ལ་གོམས་པར་གྱུར་པ་དང་། །དངོས་པོ་གཉིས་ཀྱིས་བསྡུས་པའི་ཆོས ཐམས་ཅད་རང་རིག་བྱང་ཆུབ་སེམས། །ཕྱི་ནང་གཉིས་ལ་རྣམ་པར་དག །བྱེད་སྤྱོད་ཐམས་ཅད་ཚོགས་གཉིས་རྫོགས། ཅི་ཡང་མེད་ལས་ཅིར་ཡང་སྣང་། །མཚན་ཉིད་བརྟག་ཅིང་བསྟན་དུ་མེད། །ངོ་བོ་ཉིད་ཀྱི་རྣམ་པར་དག །རང་བྱུང་ཡེ་ཤེས་ཆེན་པོ་པས། །འབྲས་བུ་མཐར་ཕྱིན་དབང་ཞེས་བྱའོ། །དེ་དག་སྤྱི་ཡི་མཚན་ཉིད་ནི། །གནས་ལྔ་ཐབས་ལྔ་འབྲས་བུ་ལྔ། །ལམ་ལྔ་ས་ལྔ་ངོ་བོ་ལྔ། །རིགས་འཛིན་ལྔ་ལ་སོགས་པ་རྣམས། །གོ་རིམས་གདམས་ངག་ཤེས་པར་བྱ། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། དབང་སྤྱིན་པའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་ཀརྨ་ཧེ་རུ་ཀས། བཅོམ་ལྡན་འདས་མངའ་དབང་ཡོངས་སུ་རྫོགས་པའི་རྒྱལ་པོ་ལ་འདི་སྐད་ཅེས་གསོལ་ཏོ། །བསམ་མི་ཁྱབ་པའི་ལས་རྣམས་ལ། །ཐུགས་རྗེ་ཐབས་ཀྱི་ཁྱད་པར་གྱིས། །འགྲོ་བའི་བསམ་པ་ཇི་ལྟ་བར། །མཐུན་འཇུག་ཐབས་སུ་སྣང་བར་མཛོད། །ཅེས་གསོལ་བ་བཏབས་པས། བཅོམ་ལྡན་འདས་ཐུགས་རྗེ་ཐབས་ཀྱི་གཙོ་བོ་བཛྲ་ཀི་ལ་ཡས་ཐུགས་ཀྱི་ཡོན་ཏན་འཕྲིན་ལས་ཀྱི་རྫུ་འཕྲུལ་བསམ་གྱིས་མི་ཁྱབ་བར་བསྟན་ནས། ཀརྨ་ཀི་ལ་ཡ་ལ་བཀའ་སྩལ་པ། ལྔ་བརྒྱ་ཐ་མའི་གང་ཟག་ལ། །མོས་པའི་ཡུལ་དང་བསམ་པའི་ཆ། །ཐ་དད་མི་མཐུན་བྱེ་བྲག་གིས། །ཐམས་ཅད་བརྗོད་པར་ག་ལ་ནུས། །རེ་ཞིག་རིམ་པ་མདོར་བསྡུ་ན། །ཕན་པར་བྱ་བའི་ཐབས་རྣམས་ནི། །གཙོ་རུ་བཤད་ཀྱི་ཡང་དག་ཉོན། །སྒྲུབ་པ་སྤྱི་ཡི་སློབ་དཔོན་གྱིས། །བདག་དབང་བར་ཆད་མེད་པའམ། །ནགས་ཚལ་མང་པོ་གཏིབས་པ་སྲ །ལས་ཀྱི་བྱ་བ་སྔོན་བཏང་བས། །དཀྱིལ་འཁོར་འདོམ་གང་ཚད་དུ་བྱ། །སྲད་བུས་གདབ་ཅིང་ཚོན་ཕྱེས་དགྱེས། །འཕྲིན་ལས་རྣམ་བཞིའི་རིམ་པ་ཡིས། །རྫས་དང་དཀྱིལ་འཁོར་ཐ་སྙད་ཙམ། །ཨེ་ཝང་མ་ཡ་ཞེས་སུ་བཤད། །ཕུར་པའི་དབྱིབས་དང་ཐབ་ཁུང་དང་། །དབུས་ཀྱི་ཕོ་བྲང་ཡུམ་གྱི་མཁའ། །ཡི་གེའི་དབྱིབསཀྱིསམཚོནཔརབྱའོ། །རིན་ཆེན་ཟུར་བརྒྱད་དཀྱིལ་འཁོར་དུ། །སེང་ལྡེང་ཕུས་པ་སོར་བརྒྱད་ཚད། །བཅོ་ལྔའམཉིཤུརྩགཅིགལ། །བིན་གྱིས་བརླབ་ཅིང་དགོད་བྱ་སྟེ། །བསྙེན་པ་ལྔ་འབུམ་དྲུག་འབུམ་མམ། །བདུན་འབུམ་ལས་སུ་རུང་བྱས་ནས། །སྔགས་འདི་ཉི་ཤུ་རྩ་བརྒྱད་བཟླས། །ཨོ་སུ་རུ་སུ་རུ་ཨུ་ཙུ་ས་མ་ཀྲོ་དྷ་ཧུ༷་ཕཊ། གང་གིས་ཀླུ་ཡི་གནས་སུ་གདབ། །ཀླུ་རྣམས་ཐམས་ཅད་བཅིངས་པར་འགྱུར། །གལ་ཏེ་བྱུང་ནས་དེ་ལས་ཐར། །དཀྱིལ་འཁོར་ཕོ་བྲང་ཟླུམ་པོ་ལ། །ཀླུ་གང་ཡིན་པའི་གཟུགས་བྱས་ལ། །གན་རྐྱལ་དག་ཏུ་ཤར་ཕྱོགས་བསྟན། །ཧུ༷་གཉིས་མིང་དང་གྲྭཧོརེ་མཐར། །གཡོ་བའི་རྫས་ལ་གུར་ཀུམ་གྱིས། །ལེགས་བྲིས་སྙིང་ཁར་གླན་པའམ། །གཟུགས་མེད་མིག་གི་སྟེང་དུ་གདབ། །བདག་ཉིད་ཤར་དུ་ཁ་བལྟས་ལ། །ཞི་བའི་ཕུར་པ་དག་ལ་ནི། །བྱིན་གྱིས་བརླབ་ཅིང་ལྷ་རྣམས་དགོད། །རྒྱ་མདུད་དག་གི་ངོས་དག་ལ། ཁྲར་དུ་ཁམས་གསུམ་རྣམ་རྒྱལ་དགོད། ཁྲར་ལྷོ་འདོད་པའི་རྒྱལ་པོ་ལ། །ལྷོར་ནི་གཤིན་རྗེ་གཤེད་པོ་དགོད། །ལྷོ་ནུབ་མཚམས་སུ་མི་གཡོ་མགོན། །ནུབ་ཏུ་རྟ་མགྲིན་རྒྱལ་པོ་བསམ། །ནུབ་བྱང་མཚམས་སུ་བདུད་རྩི་འཁྱིལ། །བྱང་ཉིད་དུ་ནི་སྟོབས་པོ་ཆེ། །བྱང་ཤར་དོན་ཡོད་ཞགས་པ་དགོད། །གཞན་ཡང་བྱིན་གྱིས་བརླབས་པ་ནི། །སྔོན་འགྲོའི་སྦྱོར་བ་ཇི་ལྟར་བར། །ཐམས་ཅད་ཐམས་ཅད་བྱ་བར་བཤད། །དེ་ནས་འདས་པའི་ཆོ་ག་ནི། །ཧ་ལས་རྡོ་རྗེ་རྒྱ་གྲམ་དབུས། །ཨ་ལས་ཟླ་བའི་དཀྱིལ་འཁོར་ཏེ། །ཁ་དོག་དཀར་པོ་ཛ་བསམས་ཏེ། །ལྕགས་ཀླུ་ལ་སོགས་ཕྱག་རྒྱ་བཞིས། །ཡང་ནས་ཡང་དུ་སྨིན་པར་བྱ། །ཨོ༷་ཛ་ཧུ༷་བ༷་ཧོ། ཆེ་གེ་མོ་ཞིག་པྲ་བེ་ཤ་ཡ་ཧུ༷་ཧུ༷། ཨོ་བཛྲ་ཀརྨ་ཀྲོདྷ་ཧུ༷་ཕཊ། ཨོ་བཛྲ་ས་ཏྭ་ས་མ་ཡ་སྟོ༷་ཧཱུཾ་ཕཊ། ཅི་ནུས་ཉི་ཤུ་རྩ་གཅིག་དང་། །ལན་བདུན་དག་སྟེ་གོ་རིམ་བཞིན། །ཞི་བར་བསམ་ཞིང་གཏོར་མ་སྤྱིན། །དེ་ནས་རྒྱས་པར་འདོད་པ་ན། །དཀྱིལ་འཁོར་གྲུ་བཞི་སེར་པོ་བྱ། །ཀླུ་ཡི་གཟུགས་ཀྱང་དམར་སེར་ལ། །མགོ་བོ་བྱང་གི་ཕྱོགས་སུ་བསྟན། །བདག་ཀྱང་དམར་སེར་བྱང་དུ་ལྟ། །ཡི་གེ་བུཉི་དང་བཅས་པ། །གང་ཡིན་གནས་སུ་ལེགས་བཀོད་ལ། །ཐམས་ཅད་གོང་གི་ཚུལ་འདྲར་བརྟག །དབང་དུ་བསྡུ་བར་འདོད་པ་ན། །དཀྱིལ་འཁོར་ཟླ་ཁ༷་དམར་པོ་ལ། །གང་འདོད་གཟུགས་ཀྱང་དམར་སྐྱ་བྲི། །ཙན་དན་དམར་པོའི་ཁུ་བ་ཡི། །གཡོ་བའི་རྫས་ལ་མིང་བྲིས་གླན། །མགོ་བོ་ནུབ་ཕྱོགས་དག་ཏུ་བསྟན། །བདག་ཉིད་ནུབ་ཕྱོགས་ཁ་བལྟས་ལ། །སྙིང་ཁར་མ་ལས་ཉི་མའི་སྟེང་། །ཛ་ལས་ལྕགས་ཀྱུ་ལ་སོགས་པས། །གང་འདོད་དབང་དུ་གྱུར་པ་བྱ། །འཁོར་ལོ་ཕྱག་རྒྱ་བཅས་ནས་ཀྱང་། །སྔགས་འདི་ཉི་ཤུ་རྩ་གཅིག་ཏུ། ཁེན་ཏུ་དྲག་པར་རབ་ཏུ་བཟླས། །ཨོ་བཛྲ་ཀྲོདྷ་མ་ཧྭ་བ་ལ་ཧ་ན་ཧ་ན། ད་ཧ་ད་ཧ། པ་ཙ་པ་ཙ། བྷནྟྲ་བྷནྟྲ། ཚིརྙ་ཚིརྙ། རྦ་ན་རྦ་ན། བི་དན་ས་མ་ཡ། ཛ་ཏི་ལམ་པོ་དྷ་ར། ཨོ་བཛྲ་ཀྲོདྷ་ཡ་ཧུ༷་ཧུ༷་ཕཊ། དེ་བཟླས་གང་འདོདབྲནབཞིནདུ། །བསམས་ཏེ་གཏོར་མ་དམར་པོ་སྦྱིན། །གལ་ཏེ་གཏན་འཕོའི་ལས་བྱེད་ན། ཁུ།་གསུམ་རྩེ་མོ་ལྷོར་བསྟན་ལ། །དཀྱིལ་འཁོར་གྲུ་གསུམ་སུམ་བརྩེགས་ཚུལ། །བཅུ་གཉིས་སང་ནི་ཞིང་ཐལ་དང་། །ལན་ཚྭ་སྐྱེ་ཚེ་ཞིང་ཆེན་ཁྲག །ཚུབ་མའི་ལོ་མ་ཤུན་པ་དང་། །ཁྲེ་དང་གྲོག་མཁར་ས་དག་དང་། །བོང་བུའི་བདུད་རྩི་བསྲེས་ལ་སྦྲུ། །ཡང་ན་ཏིལ་ལས་གཞི་བླངས་ལ། །གཟུགས་དང་ཁ་དོག་སྨུག་པོར་བྱ། །མགོ་བོ་ལྷོ་ཡི་ཕྱོགས་སུ་བསྟན། །བདག་ཀྱང་དེ་བཞིན་ཁ་བལྟས་ལ། །གཡོ་བའི་རྫས་ལ་མིང་རུས་བྲི། །ལྕགས་ཀྱི་ཕུར་པ་རྣམ་ལྔ་ལ། །སྲས་མཆོག་ལྔ་རུ་རབ་བསྐྱེད་ལ། །གོང་གི་གསང་སྔགས་ཁྲི་བཟླས་ཏེ། །ལས་སུ་རུང་ནས་གནས་ལྔར་གདབ། །མཆེ་བའི་ཕྱག་རྒྱ་བཅས་ནས་ནི། །ཨོ་བཛྲ་ཡཀྟ་ཀྲོདྷ་ཁ་ཁ་ཁ། ཁུ་ཧི་ཁུ་ཧི་ཁུ་ཧི།ཧ་ཧ་ཧ་ཧུ༷་ཧུ༷་ཧུ༷། ཕཊ་ཕཊ་ཕཊ། དེ་བཟླས་ཕུང་པོ་ཞལ་དུ་རྡུབ། །གཏོར་མ་ནག་པོ་བྱས་ཏེ་གཏང་། །ལས་འདི་རྩོམ་པའི་རིམ་པ་ཡང་། །མར་གྱི་བཅུ་བདུན་ནས་བཟུང་ནས། །མར་ངོའི་ཆ་ལ་ལས་རྣམས་ནི། །ཉི་མའི་གུང་ངམ་ནམ་གུང་ནས། །བརྩམས་ཏེ་བདུན་གསུམ་བར་དུ་བསྒྲུབ། །ཐ་མ་གཏན་འཕོ་གནས་སུ་བསྐྱལ། །དེ་ནས་ཕུར་པ་བཀྲུ་བ་དང་། །གཏང་རག་གཏང་ཞིང་གཏོར་མ་དགྱེ། ཁྲུབ་པའི་ཚད་དང་ལྡན་མི་ལྡན། །ལས་སུ་རུང་བའི་ཕུར་པ་དེ། ཁངཔ་འི་སྟེང་དུ་བཏབ་གྱུར་ན། །ཆར་དང་སྤྱིན་དང་རླུད་མི་ལྡང་། །དེ་ཡི་རིམ་པའང་འདི་ལྟ་སྟེ། །དབང་གི་དཀྱིལ་འཁོར་ཟླ་གམ་ལ། །ཙན་དན་དམར་པོའམ་བཙག་གིས་བྱུག །སེང་ལྡེང་ཕུར་པ་སོར་བརྒྱད་ལ། །བརྒྱརྩ་བརྒྱད་དུ་སྔགས་བཟླས་ལ། །སྙིང་ཁར་བཏབ་ན་འགྲུབ་པར་ངེས། །རླུང་མནག་བཅད་པར་འདོད་ན་ཡང་། །འཇིམ་པ་དག་ལ་རླུང་ལྷའི་གཟུགས། །དུད་ཁ་ཤ་བ་ཞོན་པ་ལ། །གཡས་ན་རླུད་ཡབ་ཐོགས་པ་ནི། །བྱས་ན་ནུབ་ཕྱོགས་ཁ་བལྟས་ཏེ། །གཡོ་བའི་རྫས་ལ་ཙན་དན་གྱིས། །ཧུ༷་རྦ་ན་ཡ༷་རྦ་ན་ཧཱུཾ༷། དེ་བྲིས་སྙིང་ཁར་གཞུག་པར་བྱ། །བདག་ཉིད་རྟ་མགྲིན་རྒྱལ་པོ་སྲ །བསམས་ཏེ་ཁ་ཡང་ནུབ་ཕྱོགས་བལྟ། །སྙིང་ཁར་མ་ལས་ཉི་དཀྱིལ་འཁོར། །ཛ་ལས་འོད་འཕྲོས་རླུད་ལྷ་བཟུང་། །དགུག་བཅིངས་བསྡམས་ཏེ་དབང་དུ་བྱེད། །སྤྲིན་རྣམས་ཡོངས་སུ་བསྡུས་ནས་ནི། །ཕུར་པའི་འོག་ཏུ་ཐིམ་པར་བརྟགས། །སྟོབས་པོ་ཆེ་ཡི་ཕྱག་རྒྱ་ཡིས། །གནད་ལ་བོར་ཞིང་དམ་ཚིག་བསྒྲགས། །མ་ཆད་བར་དུ་སྔགས་འདི་བཟླས། །ཨོ་ནཱ་ག་ཡ༷་བ་ཧུ༷་ཧྲི། དེ་བཟླས་ལས་སུ་རུང་བ་དང་། །མཐའ་ཡི་ལས་རྣམས་གོང་བཞིན་སྦྱར། །གཞན་གྱི་ཞིང་ལ་བཏབ་གྱུར་ན། །སྨན་དང་འབྲུ་རྣམས་མི་སྐྱེ་སྟེ། །བདག་གི་ཞིང་ལ་བསྡུ་འདོད་ན། །བདག་གི་གནས་སུ་སེར་པོ་ཡི། །དཀྱིལ་འཁོར་ཁྲུ་གང་གྲུ་བཞི་པ། །ཕུར་བུ་ཟུར་ནི་དྲུག་པ་ལ། །གསང་སྔགས་ཉི་ཤུ་བརྒྱད་དུ་བཟླས། །ཉི་མའི་སྟེང་དུ་ཛ་བསམ་སྟེ། །ལྕགས་ཀྱུས་འབྲས་བུ་རྣམས་བཀུག་ནས། །བདག་གི་གནས་སུ་ཐིམ་པར་བྱ། །ཕ་རོལ་གནས་སུ་དཀྱིལ་འཁོར་ནི། །ཟླ་གམ་བྱས་ཏེ་ཕུར་པས་གདབ། །ཉི་མའི་སྟེང་དུ་ཕཊ་བསམ་ལ། །སྤྲོ་བསྡུས་གཟི་བྱིན་འབར་བསམས་ཏེ། །གཏོར་མ་དམར་པོ་གཏང་བར་བྱ། །རྒྱས་པའི་གཏོར་མའང་དེ་བཞིན་སྤྱིན། །ལྡུམ་རའམ་ནི་ནགས་ཚལ་དུ། །བཏབ་ན་མེ་ཏོག་འབྲས་མི་སྐྱེ། །ཁྱིམ་སྒོར་བཏབ་ན་སྟོངས་པར་འགྱུར། །རི་ལ་བཏབ་ན་རི་ཉིལ་ལོ། །ཆུ་ལ་བཏབ་ན་སླར་ལ་ཟློག །འབབ་ཆུ་ཁྲོན་པ་རྫིང་བུ་དང་། །ཝ་ཆུ་དང་ནི་ཆུ་མིག་ཏུ། །བཏབ་ན་སྐམས་ཤིང་སྟོང་པར་འགྱུར། །གྲོང་ཁྱེར་དག་གི་སྒོར་བཏབ་ན། །གྲོང་ཁྱེར་འཇིག་ཅི་དམག་ཚོགས་འཇོམས། །རྒྱལ་པོའི་སྒོ་རུ་བཏབ་པ་ན། །དམག་དཔུང་འཇིག་ཅིང་རྒྱལ་སྲིད་འཕྲོག །དུར་ཁྲོད་དག་ཏུ་བཏབ་པ་ན། །གང་ལ་བཏབ་པ་ནད་ཀྱིས་འཛིན། །ཕྱུང་ན་དེ་དག་ཀུན་ལས་ཐར། །སྟོབས་ཆེན་ལས་རྣམས་ཤིས་པའི་མིས། །ཙན་དན་དག་གི་ཕུར་བུ་ནི། །སོར་ནི་བཅུ་གཉིས་ཚད་དུ་བྱ། །ཨོ་བཛྲ་ཨ༷་གུ་ཤ་ཛ། བཅོ་བརྒྱད་དག་ཏུ་བཟླས་བྱ་སྟེ། །ལྷ་ཁང་དག་ཏུ་བཏབ་གྱུར་ན། །བརྒྱ་བྱིན་ལ་སོགས་ལྷ་རྣམས་ཀྱིས། །དབང་སྤྱིན་བསྲུང་དང་སྦ་བ་དང་། །རྟག་ཏུ་ནན་ཏན་ཆེན་པོར་བྱེད། །ཚེར་མ་ཅན་གྱི་ཤིང་བུ་ལ། །ཕུར་པ་སོར་དྲུག་ཚད་དུ་བྱ། །ཨོ་བཛྲ་རྦ་ན་རྦ་ན་ཧུ༷་ཕཊ། བརྒྱ་རྩ་བརྒྱད་དུ་བཟླས་བཏབ་ན། །གདོན་དང་བགེགས་དང་དགྲ་རྣམས་དང་། །གནོད་པ་ཐམས་ཅད་གནོན་པར་འགྱུར། །དགྲ་ཡིས་སེམས་ཀྱང་གཡེང་བ་དང་། །གནོད་པའི་སེམས་ཅན་འབྲོས་པར་འགྱུར། །གཏོར་མའི་ལས་ནི་ཤིན་ཏུ་འབད། །སྨན་ཤིང་ཕུར་པ་སོར་བཞི་ལ། །ཨོ་ཏ་ཏས་ན་ཎ་ཁྲོ་ཏ་ཧུ༷་ཕཊ། ལྔ་བརྒྱ་དག་ཏུ་བཟླས་བཏབ་ན། །བང་བ་དག་གམ་དཀོར་མཛོད་དང་། །འབྲུ་ཡི་གནས་རྣམ་གར་བཏབ་ཀྱང་། །འབྲུ་དང་བཟའ་བ་་ཟད་མི་ཤེས། །ཞིང་ལ་བཏབ་ན་མང་དུ་འཕེལ། །ལྡུམ་ར་དག་ཏུ་བཏབ་གྱུར་ན། །སྨན་དང་འབྲས་བུ་མེ་ཏོག་རྣམས། །ནམ་དུའང་ཟད་པ་མེད་པར་འགྱུར། །སྒོའམ་གྲོང་ཁྱེར་དག་གི་སྒོ། །གཙུག་ལག་ཁང་ངམ་རྒྱལ་པོའི་སྒོར། །བཏབ་ན་བྱད་སྟེམས་བྱད་འདྲེའམ། །འཇིགས་པ་བརྒྱད་ལས་ཐར་པར་འགྱུར། །རྩོད་དང་གཡུལ་ཤགས་འགྱེད་པ་དང་། །དེ་རྣམས་རབ་ཏུ་ཞི་བར་འཀྱུར། །དཔུང་གི་ཚོགས་རྣམས་ངག་མི་ནོན། །རྟ་ནག་ར་ལུག་བ་ལ་སོགས་། །ཕྱུགས་རར་བཏབ་ན་འཕེལ་བར་འགྱུར། །ལམ་གྱི་བཞི་མདོར་བཏབ་པ་ན། །མི་རྒོད་ལ་སོགས་བཅིངས་པར་འགྱུར། །ཐང་ཤིང་ཕུར་པ་སོར་དྲུག་ལ། །སུ་ཏིར་ཛི་ན་ཛ་ཏུ་ར་ཧུ༷་ཕཊ། སུམ་ཅུ་རྩ་གཉིས་བཟླས་བཏབ་ན། །གང་བཏབ་གནས་ནས་འཕོ་བར་འགྱུར། །རྒྱ་ཤུག་ཕུར་པ་སོ་བདུན་ལ། །སྨྲིསྟོ་སྦྱིནྟྲ་ཧུ༷་ཕཊ། ཉི་ཤུ་རྩ་བདུན་སྔགས་བཟླས་ལ། །དཔུང་གི་ནང་དུ་བཏབ་པ་ན། །ཐམས་ཅད་གཉིད་ཀྱིས་ནོན་པར་འགྱུར། །ཕྱུངན དེབཞིན ཐརབརའགྱུར། །སྟག་ཀའི་ཕུར་པ་སོར་དྲུག་ལ། །ཨུཙུ་ས་མ་ཀྲོདྷ་ཧུ༷་ཕཊ། ལན་སྟོང་བཟླས་ཏེ་བཏབ་གྱུར་ན། །གྲོང་ཁྱེར་མདུན་ནམ་ཁང་པའི་སྒོར། །གནས་པོའི་གནས་སམ་ལམ་ཆེན་ནམ། །གཙུག་ལག་ཁང་གི་སྒོར་བཏབ་ན། །བུད་མེད་དང་ནི་གྲོགས་རྒོད་དང་། །བུ་མོ་དགེ་སློང་བྲམ་ཟེའམ། །རྒྱལ་པོ་བློན་པོ་འབངས་ལ་སོགས། །ཐམས་ཅད་བདག་གི་དབང་དུ་འགྱུར། །ལྕགས་ཀྱི་ཕུར་སོར་བཅུ་གཉིས་ལ། །སརྦ་དུ་་ཧུ༷་ཕཊ་ཅེས། །བརྒྱ་རྩ་བརྒྱད་དུ་བཟླས་བྱས་ལ། །རི་དང་ནགས་ཚལ་སྟུག་པོའམ། །སྨན་ལྗོངས་གནས་སུ་དེ་བཏབ་ན། །གཏེར་རྣམས་ཐམས་ཅད་ཁུགས་པར་འགྱུར། །གནོད་སྤྱིན་དག་གིས་བཅད་པ་ཡི། །སྒོ་ནམས་ཀྱང་ནི་འབྱེད་པར་ནུས། །བདག་གིས་ཁྱིམ་བཞི་འཇུག་ཅིང་གནས། །ཉི་མ་བདུན་ནམ་གསུམ་གྱི་བར། །ལས་རྣམས་ཤིན་ཏུ་བ་་ལ་བྱ། །ཟངས་ལས་བྱས་པའི་ཕུར་པ་ནི། །སོར་ནི་ཉི་ཤུ་རྩ་གཅིག་བྱ། །ན་མ་ས་མ་ད་བེ་རེ་བེ་རེ་ཧུ༷་ཕཊ། ལན་སྟོང་བར་དུ་བཟླས་བརྗོད་བྱས། །ཚོན་སྣ་ལྔ་ཡི་སྐུད་པས་དཀྲི། །བགེགས་རྣམས་གནས་པའི་སར་བཏབ་ན། །བི་ན་ཡ་ག་ལ་སོགས་རྣམས། །ཐམས་ཅད་བཅིངས་ཤིང་ནོན་པར་འགྱུར། །བདག་ལ་སྡང་བར་སེམས་པ་རྣམས། །བསྐལ་བའི་བར་དུ་བཅིངས་པར་འགྱུར། །ལྕགས་སྣ་ལྔ་ཡི་ཕུར་པ་ནི། །སོར་ནི་བརྒྱད་པའི་ཚད་དུ་བྱ། །མྱ་ར་ཡ་མུ་ར་ཡ་ཧུ༷་ཕཊ། བརྒྱ་བཅུའི་བར་དུ་གསང་སྔགས་བཟླས། །དུ་རུ་ཀ་དང་ཏིལ་མར་གྱིས། །བསྐུས་ཏེ་བྱང་ཕྱོགས་གནས་སུ་གདབ། །རྒྱལ་པོ་ངལབསོས་དབང་དུ་འགྱུར། །བཀའ་བཞིན་བྱེད་ཅིང་བསྒོ་བ་ཉན། །ངལ་བསོས་པཡི་གནས་དྲུང་ངམ། །རྟག་ཏུ་ཡིད་ལ་དྲན་པ་བྱ། །ནོར་དང་རྫས་རྣམས་འཕེལ་བ་དང་། །མཐུ་སྟོབས་སྐྱེ་ཞིང་དགྲ་ལས་རྒྱལ། །ཐམས་ཅད་ཐམས་ཅད་བྱེད་པར་འགྱུར། །བརྒྱ་རྩ་བརྒྱད་དུ་བཟླས་བཏབ་ན། །ཐམས་ཅད་འཇོམས་པར་ཐེ་ཚོམ་མེད། །བུམ་པ་སྤོས་ཆུས་བཀང་བ་ལ། །བརྒྱ་རྩ་བརྒྱད་དུ་སྔགས་བཟླས་ཏེ། །བཀྲུས་ན་དེ་ལས་སོས་པར་འགྱུར། །རྟག་ཏུ་ཕྱི་བཞིན་འབྲང་བར་ངེས། །ཡིད་ལ་བསམ་པ་ཐམས་ཅད་བྱེད་པར་འགྱུར། །མི་རུས་དག་གི་ཕུར་པ་ནི། །སོར་ནི་ལྔ་ཡི་ཚད་དུ་བྱ། །ཨོ་ན་མ་ས་མན་ཏ་བི་ཤུད་དྷི་ཨི་བི་ཤུསྣོ་ཡ། བིདྷ་བིདྷ་ར་ཧུ༷་ཕཊ། ལྔ་བརྒྱ་དག་ཏུ་སྔགས་བཟླས་ལ། །འོ་མ་ཅན་གྱི་ཤིང་དག་ལ། །བཏབ་ན་བགེགས་རྣམས་བཅིངས་པར་འགྱུར། །བྱ་བའི་ལས་རྣམས་ཆུད་མི་མཛའ། །བ་གླང་མཆེ་བའི་ཕུར་པ་ནི། །སོར་ནི་བཅུ་གཉིས་ཚད་དུ་བྱ། །དྷ་ཧི་མ་མ་ནི་ཧུ༷་ཕཊ། ལན་སྟོང་དག་ཏུ་སྔགས་བཟླས་ཏེ། །གུ་གུལ་བདུགས་ལ་ཁྲག་གིས་གཏོར། །དུར་ཁྲོད་གནས་སུ་དེ་བཏབ་ན། །གནོད་སྦྱིན་དང་ནི་འབར་མ་དང་། །འབྱུང་པོ་ཡི་དྭགས་ཤ་ཟ་དང་། །བརྗེད་བྱེད་ལ་སོགས་གདོན་གྱི་ཚོགས། །ཇི་སྲིད་འཚོ་ཡི་བར་དུ་འཆིང་། །མི་འཇིགས་དགོངས་པ་ཐམས་ཅད་སྐོང་། །གདོན་མི་ཟ་བར་བགེགས་མི་བྱེད། །དངོས་གྲུབ་ཐམས་ཅད་འགྲུབ་པར་འགྱུར། །ཨོ་བྲི་བཛྲ་ཀུ་མ་ར་རཀྟ་ཧུ༷། ཨོ་བཛྲ་ཀྲིདྷི་ཨེ་ག་ཙ་བཛྲ་ཧུ༷། ཨོ་བཛྲ་ཀི་ལི་ཀི་ལ་ཡ་ཧུ༷་ཛ། ཨོ་བཛྲ་ཀི་ལི་ཀི་ལ་ཡ་ཏིབ་ཏ་ཙཀྲ་ཧུ༷། ཤི་ཀི་ལ་ཡེ་ཏ་ཧུ༷་ཕཊ། མ་ཀུ་ཀི་ལ་ཡེ་ཧུ༷་ཕཊ། ཀ་ཏང་ཀི་ལ་ཡེ་ཏ་ཧུ༷་ཕཊ། པ་ཏ་ཀི་ལ་ཡེ་ཏ་ཧུ༷་ཕཊ། ད་ཧ་ད་ཧ། ཧ་ན་ཧ་ན། པ་ཙ་པ་ཙ། ཧུ་ལུ་ཧུ་ལུ། ཚིན་དྷ་ཚིནདྷ་པ་སྨི་ཀུ་རུ་ཧུ༷་ཕཊ། ཨོ་བཛྲ་ཀརྨ་ཀྲོདྷ་ཧུ༷་ཧུ༷་ཕཊ་ཕཊ་གྲྭཧྭ། ཨོ་བཛྲ་ས་ཏྭ་ས་མ་ཡ་ཧུ༷། ཨོ་བཛྲ་ཀྲོདྷ་ཧ་ན་ཧ་ན།ད་ཧ་ད་ཧ། པ་ཙ་པ་ཙ། བྷནྟྲ་བྷརྙ། ཚིན་དྷ་ཚིན་དྷ། རྦ་ན་རྦ་ན། ཧུ༷་ཧུ༷་ཕཊ། ཨོ་བཛྲ་ཀྲོདྷ་མ་ཧྭ་བ་ལ། །ཧ་ན་ཧ་ན། ད་ཧ་ད་ཧ། པ་ཙ་པ་ཙ། བི་དན་ས་ཡ་ཡ། ཛ་ཏི་ལ་ལ༷་རྟོ་དྷ་ར། ཨུ་ཙུ་ས་མ་ཀྲོདྷ་ཧུ༷་ཕཊ། ན་མོ་བྷ་ག་བ་ཏེ་ཤྭ་ཤན་ཏི་གི་ཏུ་ཏ་ད་ཡ་བཛྲ་དན་དོ་ཡེ། མེ་ཀ་ནི་ཀོ་ན། ཙ་ལ་ཙ་ལ མ་ལ་མ་ལ། ཏི་ལི་ཏི་ལི་གྲྭཧྭ། གཙོ་བོ་ཡབ་ཡུམ་བསྐྱེད་པ་དང་། །སྲས་མཆོག་བསྐྱེད་དང་གདོན་པ་དང་། །བསད་པ་ཁྲོ་བོ་སྤྱི་ཡི་སྔགས། །གདབ་པ་ལས་ཀྱི་གསང་སྔགས་དང་། །དམ་ཚིག་གནད་ལ་བོར་པའི་སྔགས། །ལས་སྔགས་སྤྱི་ཡི་དྲག་སྔགས་དང་། །བཟློག་པའི་གསང་སྔགས་ལ་སོགས་པ། །གོ་རིམས་ཚུལ་བཞིན་ཤེས་པར་བྱ། །ཞེས་གསུངས་སོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། སྟོབས་པོ་ཆེ་ལས་ཐམས་ཅད་པའི་ལེའུ་སྟེ་ཉི་ཤུ་རྩ་ལྔ་པའོ།། །།དེ་ནས་ཀརྨ་ཧེ་རུ་ཀས། །བཅོམ་ལྡན་གསང་བ་མཆོག་གི་བདག་པོ་ཆེན་པོ་ལ་འདི་སྐད་ཅེས་གསོལཏོ། །ཀྱེ་མ་མངའ་དབང་རྫོགས་པའི་སྐུ། །ལས་རྣམས་ཡོངས་སུ་རྫོགས་པའི་བདག །གདུག་པ་འདུལ་པའིཐབས་རྣམས་ཀུན། །ཡོངས་སུ་རྫོགས་པར་གསུངས་ལགས་ན། །མཐར་གྱི་ལས་གཞུག་བཅད་པ་ལ། །མནན་ཅིང་གཏད་པ་མི་འཚལ་ལམ། །དེ་ཡི་རིམ་པ་ཇི་ལྟ་བར། །མངོན་རྫོགས་རྒྱལ་པོས་བཤད་དུ་གསོལ། །ཞེས་གསོལ་པ་དང་། བཅོམ་ལྡན་འདས་ཁྲག་འཐུང་གི་རྒྱལ་པོ་བཛྲ་ཀི་ལ་ཡས་འདི་སྐད་ཅེས་གསུངས་སོ། །ལས་ཀྱི་སེམས་དཔའ་ད་ཉོན་ཅིག །རྣལ་འབྱོར་ལས་མཐར་འབྱིན་པ་ལ། །མཐར་གྱི་ལས་རྣམས་གཅེས་པའི་ཕྱིར། །འདི་མེད་འབྲས་བུ་ཡུག་པ་རྐྱང་། །ལ་ལས་འབྲས་བུ་མེད་པ་ཡིན། །འདི་ཡང་ཕྱི་ནང་གསང་བ་ཡི། །ལས་ཀྱི་རིམ་པ་རྣམ་པ་གསུམ། །དེའང་དང་པོའི་རིམ་པ་ནི། །ཀླུ་དང་མཆོད་རྟེན་གཙུག་ལག་ཁང་། །ས་བདག་ལྷ་འདྲེ་མ་མོའི་གནས། །ལ་བཙས་མཁར་དཔེའི་ཐེམ་འོག་བརྒྱད། །མནན་ཅིང་གཏད་པའི་ས་ཡིན་ནོ། །དང་པོ་སྤྱི་ཡི་རིམ་པ་ནི། །བཏབ་ནས་བསྟབས་སམ་མེ་ཕུལ་བར། །ཐལ་བ་མཚོན་ཆའི་རྩེ་མོས་བསྡུས། །སྡོང་པོ་མེ་རེག་ཤིང་ཤུན་གཏུམ། །ར་ཁྱི་ཁྲག་གིས་སྦྲུས་པའི་གཟུགས། ཁ་དོག་རེ་རེའིལསབཞིན བྱ། །དཔྲལ་བར་མིང་ལ་སྙིང་ཁར་རུས། །རིགས་ངན་དག་གིས་ཁྲག་གིས་བྲི། །དགུག་དང་དབྲལ་དང་གདུག་པ་དང་། །དབབ་ཅིག་བྱད་དུ་གཞུག་པ་དང་། །མེ་རེག་ཤིང་ཤུན་རྒྱས་བཏབ་སྟེ། །བསྙེན་པ་ཞག་གྲངས་དུ་འགྲུབ་པའི། །ཞབས་ལ་གང་དམིགས་པ་རུ་བཀྱེ། །དམིགས་པ་འདོད་པས་ཚིམ་བྱས་ཏེ། །གཡོན་དུ་དོན་པོ་ཐོགས་ནས་ནི། །གཡས་པར་རཀྟ་གཏོར་མས་གཡབ། །མ་མོ་རྣམས་ནི་ལས་ལ་རྦད། །དང་པོ་ཀླུ་ལ་གཏད་པ་ནི། །དམིགས་པའི་ཐལ་བ་བསྡུས་པ་དེ། །བོང་བུ་འི་བདུད་རྩིས་གཟུགས་བྱས་ལ། །དུར་ཁྲོད་སོལ་བས་ནག་པོར་བྱུག །གཡོ་བའི་རྫས་ལ་མིང་རུས་བྲི། །འདོད་པའི་གནས་དུ་དེ་བཅུག་ལ། །རྫས་གསུམ་དག་གིས་བྱུག་བདུག་བྱ། །རིགས་ངན་བཅུད་ཀྱིས་མཉེས་བྱས་ལ། །མེ་རེག་ཤུན་བས་རྒྱ་ཡིས་གདབ། །གང་ན་ནཱ་ག་ཡོད་པའི་སར། །སོང་སྟེ་བ་སུའི་རིགས་བོས་ལ ཆུ་མིག་འདི་ལ་གནས་པའམ། །ས་ཕྱོགས་འདི་ན་གནས་པ་ཡི། །བ་སི་རིགས་དྲུག་ཐམས་ཅད་ལ། །རྣལ་འབྱོར་སྔགས་འཆང་བདག་གིས་ནི། །གཏོར་མ་བྱིན་པས་ཚིམ་གྱིས་ལ། །སངས་རྒྱས་བསྟན་པ་འདིས་བཤིག་པས། །དམ་ཉམས་ལོག་པའི་དགྲ་བོ་འདི། །ཁྱེད་ལ་གཏད་དོ་ཤོ་ར་རེ། །བསྐལ་བའི་མཐར་ཡང་མ་གཏང་ཞིག །དེ་སྐད་བརྗོད་ལ་ཆུ་མིག་གི །ཡར་ལ་གོམ་གསུམ་གདུང་བའི་རྭ། །མར་ལ་གོམ་གསུམ་ཟ་ཡི་ཁ། །གང་ཡིན་གནས་སུ་རྐོས་ལ་གཞུག །ཡང་ན་ཆུ་མིག་ལུ་མ་དང་། །རྒྱ་མཚོ་ལ་སོགས་ངམ་གནག་ལ། །བྱང་དུ་ཁ་བལྟས་ནག་པོའི་རིགས། །གདུག་པའི་རྐང་ལག་བཞི་རྣམས་ལ། །སྦལ་པའི་རྐང་ལག་བཞི་ཡང་གཏད། །བ་དམར་འོ་མ་ཀླུ་སྨན་བཅས། །མཐུན་པའི་ཁ་ཟས་སྣ་ཚོགས་སྤྱིན། །ཡང་ན་ཀླུ་སྲིན་གནས་པའི་ས། །ཆུ་མིག་སྐྱེ་བའི་བྲག་གི་མདོ། །དམར་རམ་ཡག་ན་སེར་སྐྱ་ལ། །ལྷོ་རུ་ཁ་བལྟས་གང་ཡང་རུང་། །མུ་སུ་ར་ཡི་ཐོད་པ་མྲ །མིང་རུས་གཟུགས་ཀྱིས་དེ་བཀང་ལ། །བདག་པོ་ཚིམ་པར་བྱས་ནས་ནི། །འདོད་པའི་བཀའ་རྣམས་བསྒོ་ལ་གཏད། །ཡང་ན་ལྷོ་འགྲོའི་ཚང་ཉིད་དུ། །དབྱར་ཟླ་གསུམ་མམ་སྟོན་གསུམ་ལ། །གཡོ་བའི་ཛ་ལ་གཟུགས་བརྙན་བྲི། །རང་བྱང་མེ་ཏོག་དག་གིས་བྱུག །རིགས་ངན་ཁ་བས་མིང་རུས་བྲིས། ཁྲ་འཐངས་པར་རམ་ཉོན་ཤུལ་དུ། །བསྒོས་ལ་ལས་བཅོལ་གོང་མ་བཞིན། །འདི་ནི་ཀླུ་ལ་གཏད་པ་ཡིན། །མཆོད་རྟེན་དག་ལ་གཏད་མནན་ན། །རབ་གནས་བྱས་པའི་གཟུགས་བརྙན་རྩར། །ཁྲུ་གང་ཟབས་སུ་བརྐོ་བྱས་ལ། །གཡོ་བའི་རྫས་ལ་ཅིག་ཤོས་གཟུགས། །དཀར་ལ་ཤིན་ཏུ་དོད་པར་བྱ། །འགུགས་འདྲེན་བྱས་ལ་ཤེས་པ་བསྟིམ། །སྟེང་དུ་བདེ་གཤེགས་སྤྱན་དྲངས་ལ། །མཆོད་དང་བསྟོད་པས་མཉེས་བྱས་ཏེ། །རྒྱལ་བ་སྲས་བཅས་མ་ལུས་ལ། །སྡིག་ཅན་ལོག་ལྟ་འདི་གཏད་ཀྱིས། །འདི་ལ་ཐུགས་རྗེས་མ་གཟིགས་ཤིག །ལོག་པའི་ལམ་བཅད་བདེ་བའི་གནས། །མེད་པར་བསྒྲལ་ན་བར་ཆད་ཉུང་། །བདུད་རྣམས་བཏུལ་ནས་བསྟན་པ་གཉན། །ཉམས་པ་བསྒྲལ་ན་བཀའ་གཞུང་བཙན། །བསྐལ་པའི་མཐར་ཡང་མ་གཏང་ཞིག །དེ་བྱས་རྨང་མགོ་ལེགས་པར་སྦ། །མཆོད་རྟེན་དག་ལ་གཏད་པའོ། །གཙུག་ལག་ཁང་ལ་གཏད་པ་ནི། རྫ་སོ་མ་གཏང་ནང་དུའམ། །ཁང་རུལ་སྟག་སྐྱའི་ཐོད་པ་སྲ །བཀྲ་མི་ཤིས་པའི་ཤུན་པ་ལ། །མཚན་མ་མིང་དུ་བཅས་པར་བྱ། །སེར་པོའི་མདོག་ལ་ཤིན་ཏུ་དོད། །གོང་མའི་རྫས་སུ་དེ་བཅུག་ལ། །ཕྱི་ནང་གཉིས་ཀྱི་སྲུངས་མ་ལ། །གཉིས་ཀྱིས་མཆོད་པ་བཀའ་རྣམས་བསྒོ། །གཙོ་བོའི་འོག་གམ་མགོན་པའི་ཞབས། །གང་ཡིན་གནས་སུ་དེ་བཀུག་ལ། །གཉིས་ལ་ལས་གཉེར་ལེགས་པར་གཏད། །གཙུག་ལག་ཁང་ལ་གཏད་པའོ། །ས་བདག་དག་ལ་གཏད་པ་ནི།།རུས་སྦལ་དག་གི་རྒྱབ་འདྲ་ལ། །དེ་ལ་གནས་པར་བྱ་བ་མིན། །ཤིན་ཏུ་ནག་པོའི་རིགས་མི་བསྒྲུབས། །བཀོལ་དུ་མི་བཏུབ་བཀའ་མི་ཉན། །འདི་ནི་ལས་ལ་ཤིས་པ་ནི། །ཐལ་བ་སྐྲུངས་པའི་མདོག་འདྲའམ། །རི་བོ་དུར་བའི་མདོག་འདྲ་ལ། །རིགས་ངན་སྨན་རའི་ཐོད་པ་མྲ །དེ་ཉིད་ཆུ་བས་གཟུགས་བརྙན་བྲི། །ཉེ་བའི་རིགས་བྲིས་དམར་སེར་གྱུར། །ཐོད་པའི་ནང་བཅུག་གསང་སྔགས་བཟླས། །དཀར་གཏོར་འོ་མ་རིན་ཆེན་བཅས། །འབྲས་ཆན་ཀླུ་སྨན་སྣ་ཚོགས་ལ། །ས་བདག་འཁོར་བཅས་སྤྱན་དྲངས་ཏེ། །ས་ཕྱོགས་འདི་དག་ལ་གནས་པ། །ཉེ་འཁོར་འདི་ན་གནས་པ་ཡི། །ས་བདག་འཁོར་བཅས་དགོངས་སུ་གསོལ། །སྟོན་པའི་བཀའ་དང་དམ་ལ་ནི། ཁྱེད་རྣམས་འཁོར་བཅས་མ་འདའ་བར། །ལས་ངན་ཉམས་པ་བསྒྲལ་བའི་ཕྱིར། །ས་བདག་མ་ལུས་སྤྱན་འདྲེན་ན། །འཁོར་དང་བཅས་ཏེ་གཤེགས་སུ་གསོལ། །གདུག་པའི་སེམས་དང་བཅས་ཏེ་གཤེགས། །རིན་ཆེན་འདོད་པའི་ནོར་དང་ཟས། །གུས་པའི་སེམས་ཀྱིས་ཁྱེད་ལ་བསྔོ། །སྣ་ཚོགས་མཆོད་པ་འདི་བཞེས་ལ། །དམ་ལས་ཉམས་པའི་དགྲ་བོ་འདི། །ཁྱེད་ལ་གཏད་ཀྱིས་ཤོ་ར་རེ། །བདུན་བརྒྱུད་ཚུན་ཆད་མ་གཏང་ཞིག །དམ་ལས་འདས་པའི་སྡིག་ཅན་འདི། །བསྐལ་པར་བགྲངས་ཀྱང་མ་གཏང་ཞིག །དེ་སྐད་བརྗོད་ལ་ལས་གཞུང་བསྙག །ས་བདག་དག་ལ་གཏད་པའོ། །ལྷ་འདྲེ་བདུད་དང་ཐེ་བྲང་དང་། །སྡེ་བརྒྱད་སྤྱི་དང་གནོད་སྤྱིན་དང་། །གཤིན་རྗེ་དང་ནི་ལྷ་རྟེན་ལའོ། །དང་པོ་བདུད་ལ་གཏད་པ་ནི། །འོན་དིག་ལྐུགས་པོའི་ཐོད་པ་མྲ །གཡོ་བའི་རྫས་ལ་མིང་དུ་བྲི། ཁ་དོག་ནག་པོར་བྱས་ནས་ནི། །ལུང་གསུམ་མདོའམ་ཤྭ་བུད་སྣར། །སྣམ་ཕྱིང་གཙང་མའི་གདན་སྟེངས་སུ། །འབྲུ་སྣ་ཚང་བའི་གཏོར་མ་དང་། །བཤོས་བུ་བཅུ་གསུམ་ཡང་དག་ལྡན། །བདུད་ཕོར་གྲགས་པ་སྤྱན་དྲངས་ཏེ། །གཟུགས་དང་བཤོས་བུ་ངར་ཟན་བཅས། །འབྲུ་སྣ་ཚངས་པའི་བབ་ཀྱིས་མཆོད། །འཇིག་རྟེན་གྲགས་པའི་བདུད་པོ་རྣམས། །སྟོན་པའི་སྤྱན་སྔར་ཁས་བླངས་བཞིན། །དམ་ཉམས་དགྲ་བོ་འདི་གཏད་ཀྱིས། །ཇི་ལྟར་ཐ་ཚིགས་ནོསཔབཞིན། །སྔོནགྱིདམཚིགབདགབསྐུལ་གྱིས། །མཆོད་དང་གསེར་སྐྱེམས་འདི་བཞེས་ལ། །དམ་ཉམས་དགྲ་བོ་སྡིག་ཅན་འདི། །བསྐལ་པའི་མཐར་ཡང་མ་བཏང་ཞིག །དེ་སྐད་བརྗོད་ལ་གསེར་སྐྱེམས་བཏང་། །ལས་ཀྱི་འཁོར་ལོ་རྫོགས་པར་བྱ། །བདུད་ལ་གཏད་པའི་རིམ་པའོ། །ཐེ་བྲང་དག་ལ་གཏད་པ་ནི། ཁྲེང་བུ་རྐང་གཅིག་དྲུག་དག་ཏུ། །དམིགས་པར་བྱ་བའི་དོན་པོ་དེ། ཁྲ་དང་སྤྱང་ཁུའི་ཁྲག་གིས་ནི། །གླང་མའི་བྱང་བུ་དག་ལ་བྲི། །དྲག་པོར་གྱུར་པའི་རྫས་སུ་གཏུམ། ཁར་ནག་དག་གིས་དེ་དཀྲིས་ལ། །བཤོས་བུ་ཆང་བཤོས་དང་། གསེར་སྐྱེམས་བྱིན་ལ་ལས་གཉེར་གཏད། །བཀའ་ཡི་ཐེ་བྲང་འབྱུང་པོའི་ཚོགས། །ང་ཡིས་གཏད་པའི་སྡིག་ཅན་འདི། །བསྐལ་པའི་མཐར་ཡང་མ་བཏང་ཞིག །གལ་ཏེ་བཀའ་བཞིན་མ་བྱས་ན། ཁྱོད་ཉིད་སྡུག་བསྔལ་བཅས་ཏེ་འཆི། །ཞེ་སྡང་རྡོ་རྗེ་མགོ་ཡང་འགེམས། །དེ་བས་དམ་ལས་མ་འདའ་བར། །མཐུན་པའི་གསེར་སྐྱེམས་འདི་འཐུངས་ལ། །འདི་ཡི་བདུན་རྒྱུད་རྩད་ནས་ཆོད། །དེ་སྐད་བརྗོད་ལ་ལས་གཉེར་གཏད། །ཐེ་བྲང་ལ་གཏད་པའི་རིམ་པའོ། །སྡེ་བརྒྱད་སྤྱི་ལ་གཏད་པ་ནི། །རྩ་མེད་ཐོད་པ་མ་བྲལ་བར། །གཡོ་བའི་རྫས་ལ་མིང་རུས་བྲི། །རང་བྱུང་བུག་པར་དེ་བརྫངས་ལ། །ཐུན་གྱི་ལས་རྣམས་རྫོགས་པ་དང་། ཁ་བཅད་ལ་བྱའི་རྒྱ་ཡང་གདབ། །ལམ་ཆེན་རྒྱ་གྲམ་དེར་སོང་ལ། ཁེན་ཏུ་ཁྲོས་པའི་ཆ་ལུགས་ཀྱིས། །གསུར་ཆེན་དུད་པ་བཏང་ནས་ནི། །ལྷ་སྲིན་སྡེ་བརྒྱད་དེ་བོས་ལ། །གསེར་སྐྱེམས་བཏང་ལ་འཕྲིན་ལས་བཅོལ། །འཇིག་རྟེན་དྲེགས་པ་འཁོར་བཅས་ལ། །བདག་གི་འཕྲིན་ལས་བཅོལ་བ་ནི། །ལས་ངན་སྡིག་ཅན་འདི་གཏད་ཀྱིས། །ལྷ་སྲིན་སྡེ་བརྒྱད་འཁོར་བཅས་ཀྱིས། །བདུན་རྒྱུད་ཡན་ཆད་མ་བཏང་ཞིག །ང་ཡིས་གཏད་པ་ཤོ་ར་རེ། །དེ་སྐད་བརྗོད་ལ་ལས་གཉེར་གཏད། །སྡེ་བརྒྱད་སྤྱི་ལ་གཏད་པའོ། །གནོད་སྤྱིན་དག་ལ་གཏད་པ་ནི། །རི་ཡི་དབྱིབས་ཀྱི་ཁྱད་པར་ལས། །སྟོབས་ཆེན་ལག་ན་རྡོ་རྗེ་དང་། །འཁོར་གྱི་གནོད་སྤྱིན་དྲེགས་པ་ཅན། །ཐམས་ཅད་ཚང་བར་གནས་པ་ཡིན། །དེ་བས་དབྱིབས་ཀྱི་ཁྱད་པར་ནི། །སྤྲང་པོ་འཁར་བ་ཐོགས་འདྲའམ། །དུར་ཁྲོད་གཟན་ལ་འཇོལ་བའམ། །ཁྱི་སྤྱང་ཟན་ལ་རྒྱུ་འདྲའམ། །སྟག་དང་སེང་གེ་འཐབ་པའམ། །སྦྲུལ་གདུག་ཐུར་ལ་རྒྱུག་པའམ། །ཕག་པ་ཆུ་འཐུང་འདྲ་བའི་རི། །དྲེད་མོ་རལ་པ་གཡེང་འདྲ་དང་། །ནལ་མ་བུ་རོ་སྦེད་འདྲའི་རི། །བརྒྱད་ནི་གནོད་སྤྱིན་སྡེ་བརྒྱད་ཀྱིས། །ཁྱད་པར་གནས་པའི་ས་ཡིན་ནོ། །དང་པོ་ལ་ནི་དྲེད་ཕག་གིས། །མིང་བྱང་བྲིས་ལ་རྒྱལ་པོ་ཡི། །ཙིསྟར་བཅུག་ལ་སྙིང་ཁར་མནན། །གཉིས་པ་ལ་ནི་རྟ་ནག་ཁྲག །རབ་ཆད་ནག་པོའི་ཐོད་པ་སྲ །མིང་རུས་བཅུག་ལ་སྣ་རུ་མནན། །གསུམ་པ་སྤྱང་མོའི་ཐོད་པ་སྲ །མིང་བྱང་བྲིས་ལ་ཁ་རུ་མནན། །བཞི་པ་ར་ཡི་ཐོད་པ་སྲ །ར་ཡི་ཁྲག་གིས་མིང་རུས་འབྲི། །བྲག་དང་ར་མི་བར་དུ་མནན། །ལྔ་པ་སྟག་མོའི་ཐོད་པ་སྲ །དུར་དུར་ཁྲོད་ཤིང་གི་རས་མ་ལ། །གུ་གུལ་རྨེ་ཁྲག་བསྲེས་ལ་བྲི། །དེ་ཡི་ཁ་རུ་བརྫ་ལ་བཞག །དྲུག་པ་རྣེལ་གྲིའི་ཐོད་པ་སྲ །མིང་དང་མཚན་མ་བཅས་ལ་གཞུག །རི་རབ་སྣ་རུ་མནན་ལ་གཞུག །བདུན་པ་བརྒྱུད་ཀྱི་ཐོད་པ་སྲ །རྨེ་ཁྲག་མིང་རུས་བྲིས་ལ་གཞུག །བརྒྱད་པ་ཕག་གི་ཐོད་པ་མྲ །གཡོ་བ་རྫས་ལ་མིང་རུས་བྲི། །ཉེ་བཞི་འབྲེལ་པ་ཚུན་ཆད་གཏད། །དེ་རྣམས་གང་དང་གང་རུང་བ། །གཟུགས་དང་མིང་རུས་སྨུག་པོར་བྱ། །གང་དུ་བྱ་བའི་ས་ཕྱོགས་སུ། །འོ་དོད་ལན་གསུམ་འདང་སྐད་བོད། །རི་བརྒྱུད་འདི་ལ་མངའ་མཛད་པའི། །གནོད་སྤྱིན་མ་རུངས་འཁོར་དང་བཅས། །སྟོན་པ་ཆེན་པོས་བཀའ་བསྒོ་ཚེ། །ཇི་ལྟར་ཁས་བླངས་མནས་བོར་བཞིན། །སྔོན་གྱི་ཐུགས་དམ་བདག་བསྐུལ་གྱིས། །མཐུན་པའི་གསེར་སྐྱེམས་འདི་བཞེས་ལ། །དམ་ཉམས་དགྲ་བོ་འདི་གཏད་ཀྱིས། །སྐལ་པ་བགྲངས་ཀྱང་མ་གཏང་ཞིག །དེ་སྐད་བརྗོད་ལ་ལས་གཉེར་གཏད། །གནོད་སྤྱིན་དག་ལ་གཏད་པའོ། །གཤིན་རྗེ་དག་ལ་གཏད་པ་ནི། །མེ་རེག་དག་གི་ཤིང་ཤུན་ལ། །ལས་ཀྱི་འཁོར་ལོ་ཆེན་པོ་ནི། །སྲིད་པ་གསུམ་པོ་ལྟོར་གནས་བྲི། །འཁོར་ལོ་རྩིབས་དང་རྩིབས་མཆན་ལ། །ད་དུར་ཡི་ཁུ་བ་དང་། །སྡོང་པོ་མེ་རེག་ཐང་ཆུ་ཡིས། །འདོད་པའི་གཟུགས་དང་རི་མོ་བྲི། །དེ་ལ་བཟླས་པ་མང་དུ་བྱ། །དེ་ནས་འཁོར་ལོ་དྲིལ་ལ་བཞག །སྣ་ཚོགས་འབྲས་བུའི་ཕྱེ་མ་ལ། ཁྲུ་གང་གཤིན་རྗེའི་གཟུགས་སུ་བྲི། །བསྐྱེད་དང་སྤྱན་དྲངས་མཆོད་པ་དབུལ། །འཁོར་ལོ་དྲིལ་པ་ལག་ཏུ་གཏད། །ཅིག་ནི་སྙིང་ཁར་བྲུས་ལ་བརྫངས། །དམིགས་པའི་དུར་དབུས་ས་བརྐོས་ལ། ཁ་དེ་ར་ཡི་མི་ལ་བསྲོ། །དོན་པོའི་སྟེང་དུ་བཞུགས་པར་བསམ། །བསྐལ་པའི་མཐར་ཡང་འཆོར་མི་སྲིད། །གཤིན་རྗེ་དག་ལ་གཏད་པའོ། །ལྷ་རྟེན་དག་ལ་གཏད་པ་ནི། །སྤྲེའུ་དག་གི་ཐོད་པ་ནི། །ནིམ་པའི་ཁུ་བས་རབ་བྱུགས་ཏེ། །མཚན་མ་དག་ལ་གཟུགས་བྱས་ལ། །གཡོ་བའི་རྫས་ལ་མིང་རུས་བྲི། །ཐོད་པའི་ནང་དུ་རབ་བླུགས་ལ། །གང་དག་རྟེན་པའི་རྫས་བྱིན་ཏེ། །འཇིག་རྟེན་དྲེགས་པའི་ལྷ་འདྲེ་ཁྱོད། །སྔོན་ཚེ་སྟོན་པའི་བཀའ་བསྒོའི་ཚེ། །ཇི་ལྟར་ཞལ་གྱིས་བཞེས་པ་བཞིན། །ད་ལྟར་དམ་ཉམས་ལོག་ལྟ་འདིས། །སངས་རྒྱས་བསྟན་པ་འདིས་བཤིག་པས། །ལས་ལ་བསྐུལ་གྱིས་འཕྲིན་ལས་མཛོད། །གཏད་པའི་ཉམས་པ་ཤོ་ར་རེ། །དེ་སྐད་བརྗོད་ལ་རྨང་དུ་སྦ། །ལྷ་རྟེན་དག་ལ་གཏད་པའོ། །མ་མོ་དག་ལ་གཏད་པ་ནི། །སྨེ་མ་རལ་ཅན་གང་གནས་པར། །མོན་མོ་སྤྱི་རིངས་ཐོད་པ་མྲ །དུར་ཁྲོད་རས་ལ་ཐལ་ཆེན་གྱིས། །མཚན་མ་མིང་དུ་བཅས་པར་བྱ། །དྲག་པོ་རྫས་ཀྱིས་དེ་དྲིལ་ལ། །ཐོད་པའི་ནང་དུ་རྒྱ་ཡིས་གདབ། །སྣཚོགསཤཁྲགམང་པོ་དང་། །འབྲས་བུ་མི་དབང་ཤ་ཕྱེ་གདབ། །རྒྱལ་མཚན་དག་གིས་གཡབས་ནས་ཀྱང་། །འོ་དོད་བོས་ལ་ལས་མཁན་སྦྲན། །འདས་དང་མ་འདས་མ་མོ་རྣམས། །སྔོན་ཚེ་རྡོ་རྗེ་ཁྲག་འཐུང་གིས། །བདུད་རྩི་བླུད་དེ་གནས་སྒོ་བཞིན། །དེ་རིང་རྣལ་འབྱོར་དམ་བསྐུལ་གྱི། །འཐུན་པའི་གཏོར་མ་འདི་ལོང་ལ། །དམ་ཉམས་དགྲ་བོ་འདི་གཏད་ཀྱིས། །བསྐལ་པར་བགྲངས་ཀྱང་མ་བཏང་ཞིག །ལས་ཀྱི་འཁོར་ལོ་རྫོགས་པར་བྱ། །མ་མོ་དག་ལ་གཏད་པའོ། །བཙན་ལ་གཏད་པའི་རིམ་པ་ནི། །གོང་གསུམ་དག་ཏུ་ཕྱིན་ནས་ཀྱང་། །ལ་བཙས་འོག་ཏུ་དངོས་གྲུབ་ལ། །མེ་རེག་དག་གི་ག་་ནང་དུ། །གཡོ་བའི་རྫས་ལ་མིང་རུས་ནི། །མེ་རེག་ཐང་ཆུས་ལེགས་པར་བྲི། །དྲག་པོའི་རྫས་སུ་དེ་གཏུམས་ལ། །ཐོད་པར་བཅུག་ལ་རྒྱ་ཡིས་གདབ། །དེ་ལ་གདུག་པའི་ཆུ་ཡིས་བྱུག །མཐུན་པའི་རྫས་དང་གསེར་སྐྱེམས་དང་། །རམས་དང་རྒྱ་སྐྱེམས་བཙོད་ལ་སོགས། །མངར་དང་ལོངས་སྤྱོད་སྣ་ཚོགས་དང་། །འབྲུ་སྣ་ཚང་བ་བཅུད་བལྟམས་ལ། །འཇིག་རྟེན་དྲེགས་པའི་བཙན་རྣམས་དང། །ལ་མོ་སྒེ་གོང་འཁོར་བཅས་རྣམས། །མཐུན་པའི་དམ་རྫས་འདི་བཞེས་ལ། །རྣལ་འབྱོར་བདག་ཅག་ལས་བཅོལ་གྱིས། །བདག་གིས་དམིགས་པའི་དགྲ་བོ་འདི། ཁྱེད་ལ་གཏད་དོ་ཤོ་ར་རེ། །བསྐལ་པར་བགྲངས་ཀྱང་མ་བཏང་ཞིག །དེ་སྐད་བརྗོད་ལ་ལས་གཉེར་གཏད། །ལ་བཙན་དག་ལ་གཏདཔའོ། །མཁར་པོ་ཆེ་ཡི་ཐེམ་འོག་ཏུ། །ཐ་མའི་ལས་རིམ་འདིར་གསུངས་པ། །རྩ་མེད་དག་གི་ཐོད་པ་སྲ །གྲགས་པའི་རྫས་ལ་གཟུགས་བྱས་ཏེ། །གཡོ་བའི་རྫས་ལ་མི་རུས་བྲི། །ཀུན་ཀྱང་ཁ་དོག་ནག་པོ་བྱ། །གསེར་སྐྱེམས་རྒྱས་པར་བཏང་ནས་ཀྱང་། །ཡུལ་དེར་གྲགས་པ་ཐམས་ཅད་བོད། །མཐུན་པའི་རྫས་བྱིན་འདི་སྐད་བསྒོ། །ཡུལ་འདིར་གནས་པའི་ལྷ་འདྲེ་རྣམས། །མ་རུང་ཡོད་པ་ཐམས་ཅད་ཀུན། །མཐུན་པའི་གསེར་སྐྱེམས་འདི་བཞེས་ལ། །བདག་གིས་དམིགས་པའི་དགྲ་བོ་འདི། ཁྱོད་ལ་གཏད་ཀྱིས་ཤོ་ར་རེ། །དེ་སྐད་བརྗོད་ལ་མནན་པར་བྱ། །ཐིམ་འོག་མནན་པའི་རིམ་པའོ། །ནང་གི་རིམ་པ་ཡང་གསུངས་པ། །གལ་ཏེ་དམ་ཚིག་དམེ་འཁྲུགས་ནས། །ཆོས་པ་དག་དང་འགྲས་གྱུར་ན། །སུ་རུ་རྭ་ཡི་ཐོད་པ་སྲ །དམིགས་པའི་གཟུགས་དང་དྲག་པོའི་རྫས། །ཆོས་སྐྱོང་རྣམས་ལ་དམ་ཡང་བདར། །དམ་ཚིག་བདག་པོ་དབང་དུ་གཟུགས། །གནས་ཁང་འོག་གམ་དཀྱིལ་འཁོར་གྱི། །གྲྭ་བཞིར་སྦས་ལ་དམ་ཚིག་གི །ཆད་པས་དམྱལ་དོང་དག་ཏུ་ལྟུང་། །གལ་ཏེ་མུ་སྟེགས་དག་དང་ནི། །སེང་གེ་ཁ་འཐབ་བྱུངགྱུར་ན། །མོན་མོ་སྤྱི་རིངས་ཐོད་པ་སྲ །གླང་ཆེན་རྩིབ་མ་དག་ལ་ནི། །མིང་དང་གཟུགས་དང་རྟེན་པའི་ལྷ། །རྔ་གཤང་ཡན་ཟློད་གཟུགས་བྱས་ལ། །དེ་ནས་བླུགས་ལ་རྒྱ་ཡིས་གདབ། །ལྷ་གསས་རྣམས་ལ་དམ་བདར་ཏེ། །གཤེན་ལྷ་སོགས་པ་དབང་དུ་གཟུགས། །ཐོའམ་རྟེན་གྱི་གྲྭ་བཞིར་སྦ། །ལྷ་ཉིད་བདུད་དུ་འབབ་སྟེ་འཆི། །ཆོས་དང་མི་མཐུན་རྒྱལ་པོ་ཡིས། །གལ་ཏེ་གྱོད་ལ་བཏགས་པ་ན། །མ་ནིང་དག་གི་ཐོད་པ་སྲ །གཡོ་བའི་རྫས་ལ་མིང་རུས་བྲིས། །སེང་གེ་དཀར་མོའི་སྙིང་དུ་གཏུམ། །ཐོད་པར་བཅུག་ལ་རྒྱ་ཡིས་གདབ། །ཆོས་སྐྱོང་བཞི་ལ་དབང་བཙུགས་ཏེ། །སྲོ་བདག་ལ་སོགས་སྲིད་པ་ཡི། །རྒྱལ་པོ་རྣམས་ལ་དམ་བདར་ཏེ། །ཕོ་བྲང་དག་གི་གྲྭར་སྦས་ན། །རྒྱལ་པོ་ལས་ཀྱི་ཆད་པས་འཆི། །ཕ་ཚན་དག་དང་འགྲས་འགྱུར་ན། །གཙང་སྨེ་དག་གི་ཐོད་པ་སྲ །གཡོ་བའི་རྫས་ལ་མིང་རུས་བྲི། །ཕོ་ལྷ་དཀར་པོ་དཔང་དུ་གཟུགས། །རིགས་ཀྱི་ཕ་མེས་ཐམས་ཅད་དང་། །སྲོག་ལྷ་དག་ལ་དམ་བདར་ཏེ། །ཡུལ་ལྷའི་རྩ་རུ་སྦས་གྱུར་ན། །ལ་ཡོགས་སྡིག་སྲི་དག་གིས་འཆི། །ཟླ་གྲོགས་དག་གིས་ངན་བཤམས་ན། །རྣེལ་དྲི་མོ་ཡི་ཐོད་པ་མྲ །རང་གི་རྫས་ལ་གཟུགས་བྱས་ཏེ། །གཡོ་ཡི་རྫས་ལ་མིང་རུས་བྲི། །ཐོད་པ་དག་ཏུ་བཅུག་ནས་ཀྱང་། །མ་ལྷ་མ་དམན་དཔང་དུ་གཟུགས། །གཉེན་ལྷ་རྣམས་དང་མི་རིགས་འདྲེ། །ཐམས་ཅད་ཀུན་ལ་དམ་བདར་ནས། །ཉལ་སའི་འོག་ཏུ་སྦས་གྱུར་ན། །སྡིག་སྲི་དམྱལ་དོང་དག་ཏུ་འཆི། །སྐྱེ་བོའི་ཚོགས་རྣམས་གང་ཡང་རུང་། །བདག་ལ་མི་རིགས་ལས་བྱས་ན། །གྲི་རྒོད་ཡག་པའི་ཐོད་པ་ཏུ། །མིང་རུས་གཟུགས་ཀྱིས་རབ་བཀང་ལ། །འཆིབདགགཤིནརྗེདཔང་དུ་གཟུགས། །ལྷ་འདྲེ་སྤྱི་ལ་དམ་བདར་ཏེ། །དུར་ཁྲོད་གནས་སམ་རྐང་གཅིག་དྲུང་། །སྦས་ན་གྲི་རྒོད་དག་ཏུ་འཆི། །གལ་ཏེ་གདུག་པའི་ནད་གཏོང་ན། །མཛེ་ཙན་དག་གི་ཐོད་པ་སྲ །མིང་དང་རུས་དང་གཟུགས་བཅུག་ལ། །ཀླུ་ཡི་མེས་པོ་ཐོད་དཀར་ལ། །དཔང་དུ་བཙུགས་ལ་འོ་དོད་བོད། །རིགས་བཞི་ཀླུ་ལ་དམ་བདར་ཏེ། །ཆུ་མིག་ལུང་པ་མགོ་སྡུམ་ན། །སྦས་ན་མཛེ་ནད་དག་གིས་འཆི། །གལ་ཏེ་རྩ་བ་མེད་འདོད་ན། །མཛོ་རྟོལ་དྲེའུའི་ཐོད་པ་མྲ །མིང་རུས་དྲག་པོའི་རྫས་སུ་ག་། །གང་ཡིན་རང་གི་དུར་ཁྲོད་དུ། །ཧལ་ཁྱི་དང་ནི་རྩང་ཀུན་ལ། །དཔང་དུ་བཙུགས་ལ་འོ་དོད་བོས། །ལོ་དང་ཟླ་བའི་ས་བདག་དང་། །གྲགས་པ་རྣམས་ལ་དམ་བདར་ལ། །དུར་གྱི་དཀྱིལ་དུ་སྦས་གྱུར་ན། །རྩ་བ་འཆད་པར་ཐེ་ཚོམ་མེད། །གལ་ཏེ་གནས་ནས་བསྐྲད་འདོད་ན། །སྲེ་མོང་བྱི་བ་དག་དང་ནི། །གཅན་གཟན་དག་གི་ཐོད་པ་སྲ །དྲུང་པོ་ཡན་ཆད་མིང་བྲིས་ལ། །གདུག་པའི་རྫས་དང་སྦགས་ལ་བཞག །བང་ལྷ་ཉམས་ཆེན་དག་དང་ནི། །རྩེ་ལྷའི་ལྷ་ལ་དཔང་དུ་བཙུགས། །ས་བདག་ཀུན་སྣང་དང་བ་དང་། ཁ་རྗེ་འབར་བ་ལ་སོགས་ལ། །དམ་བདར་མཁར་གྱི་ཕྱོགས་བཞི་སྲ །སྦས་ན་ཡུལ་ནས་འབྱུང་བར་ངེས། །གལ་ཏེ་ལོ་ཐོག་འཇོམས་འདོད་ན། །མོན་ནམ་རྩ་མེད་ཟངས་མ་མྲ །ཁྲག་སྣ་སྙིང་སྣ་མ་ལུས་དང་། །གཡོ་བའི་རྫས་དང་རབ་བསྲེས་ལ། །རྟ་དང་བོང་བུའི་ཚིལ་བུ་དང་། །རྒྱ་ཚིལ་དག་གི་དུད་པས་བདུག །གཟའ་བདུད་ནག་པོ་དཔང་བཙུགས་ཏེ། །སྡེ་བརྒྱད་སྤྱི་ལ་དམ་་བདར་ནས། །ཡུལ་ལྷའི་རྟེན་ལ་སྦས་གྱུར་ན། །ཆུ་འཁྱགས་དྲག་ཏུ་འབབ་པར་ངེས། །གལ་ཏེ་དགྲ་བོའི་ལོ་ཐོག་དག །མི་སྐྱེ་བ་རུ་འདོད་པ་ན། །བཀྲ་མི་ཤིས་ཀྱི་ཐོད་པ་སྲ །མུ་ཟི་དང་ནི་ལྡོང་རོས་དང་། །ནལ་རུས་ཕྱི་མ་དང་བསྲེས་ནས། །ཞིང་གི་ལྷ་རྣམས་དཔང་བཙུགས་ཏེ། །དུས་བཞིའི་ལྷ་ལ་དམ་བདར་ནས། སྐ་མགོ་དག་ཏུ་བླུགས་པ་ན། །གང་དང་སྐྱེས་པའང་སྐམས་འགྱུར་ཞིང་། །སྤྲང་པོ་དག་ལ་ཐེ་ཚོམ་མེད། །གལ་ཏེ་ཕྱུག་ལ་ནད་བཏང་ན། །ཝ་སྤྱང་འཕར་བའི་ཐོད་པ་སྲ །ནད་ཀྱིས་ཤི་བའི་གློ་དང་ཁྲག །སྤྲུ་བ་ལ་སོགས་དག་གིས་དགང་། །དྲག་པོའི་རྫས་དང་རབ་བསྲེས་ལ། །ཛསྒྱུ་ལ་ལ་དཔང་བཙུགས་ཏེ། །མ་རུ་རྩེ་ལ་དམ་བདར་ནས། །ཕྱུགས་ལྷས་དག་ཏུ་སྦས་གྱུར་ན། །གཅིག་མི་འདས་པར་ཐེ་ཚོམ་མེད། །གལ་ཏེ་འཐབ་པར་འདོད་པ་ན། །ཕོ་རོག་འུག་པའི་ཐོད་པ་སྲ །གཡོ་བའི་རྫས་ལ་མིང་རུས་བྲི། །གུང་རུ་གཡས་དང་གཡོན་དག་ལ། །ལྷ་དང་མི་ཡི་སྙིང་པོ་བྲི། །ཤིང་རིངས་དག་གི་རྩེ་ལ་དགལ། །རླུད་པོ་དག་ལ་འཐབ་ཏུ་གཞུག །ལྷ་མ་ཡིན་གྱི་དཔོན་པོ་ནི། །རྣམ་པར་སྣང་བྱེད་དཔང་དུ་བཙུགས། །ཛ་ལ་མ་ཐང་ཐེ་རང་ཚོགས། །ཐམས་ཅད་ཀུན་ལ་བདེན་བདར་ཏེ། །གང་དག་མི་མཛའི་ས་མཚམས་སུ། །སྦས་ནདུས་ཀྱི་འཁྲུག་པ་དང། །མཚོན་གྱི་བསྐལ་པ་ངེས་པར་འོང་། །གསདཔའི་རིམ་པ་དམ་པ་ནི། །ལས་རྣམས་ཡོངས་སུ་རྫོགས་པ་དང་། །མཚན་མ་མིང་དུ་བཅས་པ་དེ། །ཡོངས་སུ་གསལ་བར་རྫོགས་བྱས་ཏེ། །རྣམ་པར་མྱོས་པའི་ཤུལ་དག་ཏུ །འབྲུབ་ཁུང་ཡོངས་སུ་གསལ་བལྟས་ལ། །སས་མ་རེག་པར་ནན་ཏན་བྱ། །རྟག་པར་ཡི་དམ་མ་ཡེངས་པར། །དེ་ཉིད་ལ་ནི་ཐུན་གྱི་ལས། །མ་ཡེངས་སེམས་ཀྱིས་རྟག་ཏུ་བྲབ། །ལྷ་ཉིད་དུ་ནི་རྟག་བསྒོམས་ཏེ། །བསྐལ་པའི་བར་དུ་མནན་པར་བསམ། །འདི་ཡིས་བླང་བར་ཐེ་ཚོམ་མེད། །ཡང་ན་སྔར་གྱི་སྦྱོར་བ་བཞིན། །དང་པོའི་གཟུགས་སམ་རྨང་ཉིད་དུ། །རྟགས་དང་མཚན་མ་མ་བྱུང་བར། །རབ་ཏུ་འབད་དེ་ཉམས་སུ་བླངས། །དེ་དག་སྤྱི་ཡི་རིམ་པ་ནི། །དམིགས་པའི་མགོ་དང་ཡན་ལག་ལ། །ཡི་གེ་ལ༷་སེར་བསམ་པར་བྱ། །དེ་ལ་རི་རབ་ཆེན་པོའི་གཟུགས། །ཟུར་བརྒྱད་པ་ལ་ཤིན་ཏུ་བརྗིད། །ཉི་ཟླ་གཟའ་སྐར་རྩིབས་ལ་འཆར། །དེ་ཡིས་འཁུབ་མི་ནུས་པར་མནན། །དུར་ཁྲོད་གཡམ་པོ་སྔོན་པོ་ལ། །ལས་ཀྱི་རྡོ་རྗེ་བྱིན་བརླབས་ལ། །ལས་ཀྱི་ཁང་པ་ཁ་ཡང་གཅད། །ཧུ༷། དམ་ཉམས་སྡིག་ཅན་ལོག་ལྟ་འདི། །མནན་ནོ་རི་རབ་འོག་ཏུ་མནན། །ལས་ཀྱིས་མནར་བའི་སྡིག་ཅན་འདི། །གཏདདོགཤིན རྗེའིལག་ཏུ་གཏད། །འཁོར་བར་འ་ས་པའི་ལུས་ངན་འདི་ སྦའོ། །རྒྱ་མཚོའི་གཏིང་དུ་སྦ། །དེ་སྐད་བྱས་ལ་ས་འོག་གཞུག ཁྲོ་བོ་བཅུ་ཡི་སྟང་སྟབས་བྱ། །འདི་ནི་ཐམས་ཅད་ཀུན་གྱི་ལས། །དེ་དག་སོ་སོའི་སྔགས་རྣམས་ནི། །ཡང་དག་ཉིད་དུ་བསྟན་པར་བྱ། །ཨོ་བཛྲ་ནི་མྱ་་ཡ་ཤུསྟེ་ཧེ་འདུ་ནན། ཨོ་ན་པི་པ་ཤ་ཡ་ཛ། རི་ཤ་སྟ༷་པ་ནི་ནན་ནན། ཨོ་བཛྲ་ཞུམ་མ་ནི་ཞུ་ཡ་ཛ། །དྲི་ཞུ་མ་ཞུ་ཡ་ནན་ནཎ། ཛ་ནི་བཛྲ་ནན་ནཎ། ཨོ་བཛྲ་པྲ་མ་ར་ཡ། ཨོ་་ཧྲེསྒྱེ་བི་ཀྲི་ཏ་ན་ཎ་དྲི། སརྦ་ཤ་ཏྲུ༷་ནཎ་ནཎ། ཨོ་བཛྲ་སན་ཏྲི་ཡ། མ་མ་མ་ས་མ་ཡ་ཏིག་སྣ་ཏྲེ་ཤ་ནཎ་ནཎ། ཛ་ནི་བཛྲ་ནཎ་ནཎ། ཏུ་ལམ་བཛྲ་ཛ་ཏྲི་བཛྲ་ཎནཎ། ཨོ་བཛྲ་ཞུད་ཡ་ཞུང་ཡ། ཏྲི་ཤ་བེ་ག་ཡ། ཡ༷་སྟ༷་པ་ཡ། རྫོ་ནི་བཛྲ་ནཎ་ནཎ། ཨོ་བོང་བོང་ཡེ། བཛྲ་ར་ཏྲི་ཡ། ནི་པ་བཛྲ་ན་ཎ་ན་ཎ། ཨོ་བཛྲ་ཁ་ཏ་ཁ་ཏ་ཡ། ཨོ་བཛྲ་ཏྲི་ལམ་དུ་ཡ། ཨོ་བཛྲ་མེ་ཏྲི་ཡ། ཛ་ནི་བཛྲ་ནཎ་ནཎ། དེ་ནི་ཕྱི་ཡི་མནན་པའི་སྔགས། །ཀུན་ཀྱང་ལས་ཀྱི་ལྟོ་གཅིག་པར། །ཀུན་ཀྱང་རང་རང་སྔགས་ཚང་ནས། །མགོ་བོ་ལྷོ་ནུབ་མཚམས་སུ་བསྟན། །སྲིན་པོ་ཕོ་མོ་དེ་ལ་གཏད། །རྐང་པ་བྱང་ཤར་མཚམས་སུ་བསྟན། །དབང་པོའི་ཚིགས་ལ་ལས་གཉེར་གཏད། །ཡི་གེ་དྲུག་དང་མ་རུངས་པས། །བྱུག་དང་བྲི་བའི་ས་མཚམས་སྦྱར། །བཛྲ་ཀི་ལི་ཀི་ལ་ཡ། བཛྲ་ཡསྒ་ས་མ་ཡ་ཁི་སྲོག་ལ་ཛ་དུར་དུང་། གཤེན་ལྷ་དེ་བ་ལ་སེ་ཡེ་མྱ་ར་ཡ་བདུད་དུ་ཕོག་ཏྲི་ཙ་པ་ལ་ཨ་ཤུག་མེ་ས་མ་ཡ་སྲོག་རྩེ་ལ་རྒྱུག །ཨོ་དྲི་ཐུམ་རིལ་ག་ཏ་ཡ་ནི་ཧུ༷་ཕཊ། །ན་མོ་ཧ་རི་སྟེ་མིང་མུག་ཏཧོ། ཏྲི་ཐ་ས་མ་ཡ་རྦད་ཆོམས་རྨུགས། ཏྲི་ནཱ་ག་ཏེ་བར་ཙ་ས་མ་ཏི་སྟ་མུགས་མུགས། །བེ་བ་ཨསྐྲ་མ་མ་སི་དུ་སྨྱོ། མ་ཧྭ་ཕུ་སུ་་རྫ་པ་དེ་བ་ས་མ་ཡ་བག་ཤ་ཧུ༷་ཕཊ། ཏྲི་ནི་ཏྲི་ནི་མ་ཧི་དེ་བ་ཀ་ལ་རིལ་ཤར་ཕྲོ། ཏྲི་དེ་བ་ར་ག་ས་མ་ཡ་མུ་ཧ་ཨ་ཏིཧོ། ཨུརུ་ཡསྒ་ཙ་པ་ལ་མ་རུ་རྩེ་སམ་ཏྲ་པི་སྲིང་ཕཊ། པུ་ཏེ་བ་ཨ་ཁྲ་ཏི་ས་མ་ཡ་དཀྲུགས་དཀྲུགས། ཡི་གེ་བདུན་པ་ཀུན་གྱི་སྔགས། །རང་རང་སྔགས་དང་སྤྲེལ་ཏེ་བཟླས། །འདི་འདྲའི་ལས་ལ་མ་ཡེངས་ན། །འགྲུབ་འགྱུར་མི་ལྡན་དོན་མེད་བརླག །གསང་བ་སྦས་པའི་སྔགས་རྣམས་ནི། །གབ་པའི་འཁོར་ལོའི་སྔགས་བསྐོར་ལ། །ཐ་མར་བ་་བའི་ཡི་གེ་དང་། །མནན་སྔགས་ཆེན་པོས་མནན་བྱས་ན། །འདི་བྱས་ཤོར་བ་གང་ཡང་མེད། །ཀུན་གྱིས་ཤེས་པར་ག་ལ་རུང་། །བླ་མའི་ཞལ་ནས་བདུད་རྩི་བླང་། །ནོར་བས་ལས་རྣམས་མི་འགྲུབ་ཅིང་། །བདག་གི་རྒྱུད་རྣམས་སྲེག་པར་བྱེད། །དེ་བས་རིགས་ཀྱི་བུ་མཆོག་དེས། །བདུད་རྩི་བཅུད་དག་བཏུང་བར་གྱིས། །ཞེས་གསུངས་པས། འཁོར་རྣམས་ཀྱི་ལས་ཀྱི་འཁོར་ལོ་ཡོངས་སུ་རྫོགས་ཏེ། ཡང་དག་པའི་དོན་ལ་ཡིད་ཆེས་དེ་ཐེ་ཚོམ་ཆོད་པར་གྱུར་ཏོ། །རྡོ་རྗེ་མེ་ལྕེ་འཕྲེང་བའི་རྒྱུད་ཆེན་པོ་ལས། བརྣག་པ་ནན་ཐུར་གྱི་ལས་ཡོངས་སུ་རྫོགས་པའི་ལེའུ་སྟེ་ཉེར་དྲུག་པའོ།། །།དེ་ནས་རྡོ་རྗེ་ཡིད་ཀུན་ཏུ་བཟང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་སངས་རྒྱས་ཀུན་གྱི་གཙོ། །ཡོན་ཏན་མཆོག་གི་བདག་ཉིད་ཅན། །ཐབས་ཀྱི་མངའ་བདག་ཐེག་པའི་གཙོ། །གསང་སྔགས་རྒྱལ་པོའི་ཐབས་ལ་བསྟོད། །ཐབས་རྣམས་ཡོངས་སུ་རྫོགས་གསུངས་པ། ཁུད་ཀྱི་དོན་ཉིད་ཇི་ལྟར་བསྡུ། །དེ་ལྟར་རྒྱུད་འདི་གནས་པ་ལྟར། །སྔ་ཕྱིར་གང་གསུངས་གང་གིས་གསུངས། །གང་ཟག་གང་དང་ཕྲད་པར་འགྱུར། །ཕྱིས་ནི་གང་དུ་དར་བར་འགྱུར། །བཅོམ་ལྡན་འདས་ཀྱིས་བཀའ་སྩལ་པ། །ལས་ཀྱི་མཆོག་ཁྱོད་ང་དང་འདྲ། །སྔར་གྱི་སངས་རྒྱས་ཇི་སྙེད་པ། །རྒྱུད་ཀྱི་དོན་རྣམས་མ་གསུངས་སོ། །སངས་རྒྱས་མངོན་འབྱུང་རྒྱལ་པོ་ཡིས། །རྒྱུད་དོན་གསལ་བར་གསུངས་པ་ལས། །ཀུན་གྱིས་ནུས་པ་ག་ལ་ཡིན། །སྣོད་དང་མི་ལྡན་ནུས་པ་མེད། །སངས་རྒྱསའཇམ་དབྱངས་མ་གཏོགས་པར། །ཕྱིས་ཀྱང་གསུང་བར་མི་འགྱུར་རོ། །ད་ལྟར་ང་ཡི་བསྟན་པ་ཡི། །རྒྱལ་རིགས་དམ་པ་རིག་ཅན་དེའི། །ཉེ་འཁོར་དག་ཏུ་གནས་པར་འགྱུར། །དེ་དུས་གང་ཟག་དམ་པ་རྣམས། །དད་ཅིང་སྤྱོད་པ་མང་བར་འགྱུར། །དེ་དུས་མ་ཡིན་ཕྱི་མ་ལ། །ཁྱོད་ཀྱིས་བསྡུས་པའི་རྒྱུད་འདི་རྣམས། །ཆེད་འགའ་དར་ལ་ཆེད་འགའ་ནུབ། །ཆེད་འགའ་ཤིན་ཏུ་རྒྱས་པར་འབྱུང་། །སྣོད་མེད་གང་ཟག་ལ་ལ་དག །འདི་ལ་མ་དད་སྐུར་པ་འདེབས། །འབྲས་བུ་མནར་མེད་དམྱལ་བར་ལྟུང་། །མི་འདོད་སྤོངས་པའི་སེམས་ཅན་དེ། །དམ་སྲི་དམར་པོར་ངེས་པར་སྐྱེ། །འདི་ལ་མ་དད་སྐུར་འདེབས་པ། །བསྐལ་པར་ཆོས་དང་མི་ཕྲད་ཅིང་། །ངན་སོང་གསུམ་པོར་རྟག་པར་གནས། །ལོག་པའི་ལམ་གྱིས་རྒྱུད་བཟུང་ནས། །ཡང་དག་དོན་ལ་སྐུར་འདེབས་པ། །མུན་པའི་ཚོགས་སུ་གཏན་འ་ས་ཏེ། །ཐུགས་རྗེ་ཟེར་ཙམ་ག་ལ་ཡིན། །དེ་བས་རྒྱུད་རྒྱལ་ཀུན་གྱི་རྩེ། །ཚིག་ཉུང་བ་ལ་དོན་ཆེ་བ། །ཡང་དག་ཉིད་དུ་གནས་པར་གྱིས། །གསང་བ་དམ་པའི་མཛོད་འདི་ནི། །སངས་རྒྱས་ཀུན་གྱིས་སྔགས་པ་ཡིན། །ཐམས་ཅད་མཚོན་པའི་སྒྲོན་མ་ཡིན། །ངེས་དོན་དམ་པའི་བཅུད་ཆེན་འདི། །ཁྱོད་ཀྱིས་ངེས་པར་གཟུང་བར་གྱིས། །ཚངས་པ་བརྒྱ་བྱིན་འཇིག་རྟེན་སྐྱོང་། །དབང་ཕྱུག་ཆེ་དང་སྡེ་དཔོན་བཅས། །གླིང་བཞི་མི་ཡི་འཇིག་རྟེན་དུ། །ཁྱོད་ཀྱིས་ཡང་དག་སྤེལ་བར་གྱིས། །ཕྱི་ནང་ཐེག་པ་བསྟན་ཆོས་དང་། །སྟོང་ཕྲག་བརྒྱད་ཅུ་རྩ་བཞི་རྣམས། །བསྟན་པ་འཛིན་པར་ནུས་པ་ལ། །གསང་བའི་ཆོས་ནི་མཆོག་ཏུ་གནས། །གཞན་ཡང་བསྙད་པར་མི་བྱའོ། །མི་འཁྲུག་བློ་ཟབ་རྐྱེན་ཐུབ་ཅིང་། །རྩ་བ་ཡན་ལག་མ་ཉམས་ཤིང་། །བསྟན་པ་མཆོད་པར་བྱེད་པ་ལས། །གཞན་དུ་བསྙད་པར་མི་བྱའོ། །རིགས་ངན་ཕོ་མོ་འདོད་ལ་འཆེལ། །སྤྲོ་ཐུང་འདོད་ཆགས་རབ་ཏུ་ཆེ། །བློ་ཞན་ཕྲག་དོག་སྒྲོ་སྐུར་ཅན། །གཉིད་ཆེ་ཆང་དད་བརྩོན་འགྲུས་ཆུང་། །མུན་ལྐོག་དག་ཏུ་སྐྱེ་བོ་ལ། །གར་ཕྲད་དག་ཏུ་འདོད་སྤྱོད་ལ། །སློབ་ལ་མི་གུས་ནན་ཏན་མེད། །སློབ་དཔོན་རྒྱབ་ཕྱོགས་སྐྲུན་སེམས་མེད། །བསྐལ་པ་འཇིག་རྟེན་བར་དུ་ཡང་། །ཐུགས་ཀྱི་བདེ་བ་མི་སྤྲོ་ཞིང་། །གསང་བའི་དོན་ཆེན་བསྟན་མི་བྱ། །ཞེས་གསུངས་པས། །མ་མོ་དང་མཁའ་འགྲོ་རྣམས་ཀྱིས་རང་རང་གིས་མགྲིན་གཅིག་ཏུ་ཁས་བླངས་པ། གསང་བའི་དཀྱིལ་འཁོར་ཆེན་པོ་འདི། །མིང་ཙམ་འཛིན་པར་བྱེད་པ་ཡང་། །དེ་ལ་བྲན་བཞིན་བདག་ཅག་བགྱིད། །གཙུག་ཏུ་བཞག་ནས་བཀུར་བ་དང་། །དེ་ཡི་དགོངས་པ་ཅི་ཡང་རུང་། །མ་ལུས་རྫོགས་པར་བདག་ཅག་བསྒྲུབ། །དེ་ཡིས་བཅོལ་ན་ཅི་ཡང་ཉན། །གལ་ཏེ་བཀའ་ལས་འདས་གྱུར་ན། །བདག་ཅག་རྣམས་ཀྱི་མགོ་ལུས་སྙིང་། །རུལ་མྱགས་ནས་ནི་ཚིག་པར་འགྱུར། །དམྱལ་བའི་སྡུག་བསྔལ་མྱོང་བར་ཤོག །ཅེས་དམ་བཅས་པར་གྱུར་ཏོ། །དེ་ནས་འདུས་པའི་འཁོར་རྣམས་ཀྱིས། བཅོམ་ལྡན་འདས་དང་རྡོ་རྗེ་ཆོས་ལ་གཙུག་གི་འདུད་པ་རྣལ་འབྱོར་གྱི་ལུགས་སུ་ཕྱག་བཙལ་ནས། རྨད་དུ་བྱུང་བའི་མཆོད་པ་རྒྱས་པའི་དེ་ཁོ་ན་ཉིད་ཀྱིས་མཆོད་དེ། །བཅོམ་ལྡན་འདས་གསང་བ་མཆོག་གི་བདག་པོ་དང་། སྡུད་པ་པོ་རྡོ་རྗེ་ཆོས་དང་། གསང་བའི་རྒྱུད་ཉིད་ལ་བསྟོད་པ། ཨེ་མའོ་བདུད་བཅོམ་ནས་ཡོན་ཏན་དྲུག་ལྡན་པ། །ཡོད་མེད་མཚན་མ་དངོས་པོའི་མཐའ་ལས་འདས། །དོན་དམ་ཐུགས་ནི་འདའ་དཀའ་ཤིན་ཏུ་གསང་། །གསུང་ནི་གསང་སྔགས་འབྲས་བུ་ཀུན་གྱི་མཆོག །མ་ལུས་ཀུན་ལ་མངའ་བརྙས་བདག་པོའི་སྐུ། །བཅོམ་ལྡན་གསང་བདག་ཀུན་ལ་ཕྱག་འཚལ་བསྟོད། །ཨེ་མ་གསང་བ་དགེས་པ་ཡུམ་གྱི་དཀྱིལ་འཁོར་ནས། །དུས་གསུམ་འདུ་འབྲལ་མེད་པར་རྟག་ཏུ་སྦྱོར། །གཉིས་མེད་ཐིག་ལེ་བྱང་ཆུབ་དག་པའིསྐུ། །བྱང་ཆུབ་རྡོ་རྗེ་ཁྱོད་ལ་ཕྱག་འཚལ་བསྟོད། །ཨེ་མའོ་རོལ་པ་ཆོ་འཕྲུལ་ཆེ་ལ་མངའ་བརྙེས་པ། །བཀའ་ཡི་འཁོར་ལོ་གསང་བའི་སྒྲ་སྒྲོགས་པ། །ཐུགས་རྗེ་ཆོ་འཕྲུལ་ཆོས་ཀྱི་ཆར་ཡང་འབེབས། །གསང་སྔགས་བདག་པོ་མཆོག་ལ་ཕྱག་འཚལ་བསྟོད། །ཨེ་མ་དུས་གསུམ་བདེ་གཤེགས་ཀུན་གྱི་ཐུགས་ཀྱི་ཐུགས། །མི་ནུབ་ཆོས་ཀྱི་རྒྱལ་མཚན་འཛིན་བྱེད་པ། །སྨྲ་བའི་སེང་གེ་ཆེན་པོར་དབང་བསྐུར་བ། །རྡོ་རྗེ་ལས་མཆོག་ཁྱོད་ལ་ཕྱག་འཚལ་བསྟོད། །ཨེ་མའོ་གསུང་གི་ཐིགས་པ་བདུད་རྩི་རྒྱ་མཚོའི་ཀློང་། །ལུང་དང་མན་ངག་གཏན་ཚིགས་ཀུན་གྱི་མཛོད། །དུས་གསུམ་རྣལ་འབྱོར་དབང་ཕྱུག་བགྲོད་པའི་ལམ། །འོག་མ་ཟིལ་གནོན་སེང་གེ་ལྟ་བུའི་སྒྲ། །དོན་གྱི་མཛོད་དུ་མིག་གི་སྒྲོན་མར་སྣང་། །བདུད་རྩི་ཐིགས་པའི་མཛོད་ལ་ཕྱག་འཚལ་བསྟོད། །ཨ་ལ་ལ་ཧོ་ཞེས་བརྗོད་དེ་བསྟོད་དོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་རྡོ་རྗེ་འཛིན་པ་ཆེན་པོ་ནི་དགོངས་པ་ཆོས་ཉིད་ཀྱི་ངང་ལ་རྣལ་ནས་ཅང་མི་སྨྲ་བར་བཞུགས་སོ། །འདུས་པའི་འཁོར་རྣམས་རིག་པའི་རྩལ་སྦྱངས་ཏེ། བཅོམ་ལྡན་འདས་ཀྱི་ཐུགས་ཀར་ཞུགས་ཏེ་མི་སྣང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་སྔ་་ཨུར་སྐྱུ།ད་འབུམ་རིན་ངོ།་ཆེ་ཁྱེ།གས་བསྒྲིགས་ལས་མིའི་མ་ཞི་ཐེ།།སྤྱི་ཁྱབ་བསྡུ་སྒྲིག་འགན་ཁུར་པ་གཙོ་བོ་གཟན་དཀར་ཐུབ་བསྟན་ཉི་མ་དང་། མཁན་པོ་འགྲོ་འདུལ་རྡོ་རྗེ། བསྡུ་སྒྲིག་འགན་ཁུར་བ་གཤོན་པ་དང་། གཙོ་སྒྲིག་པ། ཀརྨ་བདེ་ལེགས།གཙོ་སྒྲིག་གཤོན་པ། ཐུབ་བསྟན་ཉི་མ། བསྟན་འཛིན་བློ་གྲོས། ཟླ་བ་བསྟན་འཛིན། ཐུབ་བསྟན་འོད་ཟེར། དཔྱིད་ས་དཔལ་བཟང་། བློ་བཟང་ཆོས་འཕེལ། དཀོན་མཆོག་བསམ་གཏན། ཕུར་པ་ཕྲིན་ལས། ཞུ་དག་པ། པདྨ་རྡོ་རྗེ། འངམ་དབྱངས། ཚེ་རྡོར། རིག་འཛིན་མགོན་པོ། འངམ་དབྱངས་ཕྱག་རྡོར་སོགས་བླ་རུང་ནང་བསྟན་སློབ་གླིང་གི་མཁན་པོ་དང་གྲྭ་བཙུན་རྣམས་དང་།བསྟན་འཛིན་རབ་རྒྱས། གྲགས་པ་མཐར་ཕྱིན། རྡོ་རྗེ་ཚེ་དབང་། འངམ་དབྱངས་ཚེ་འཕེལ་སོགས་དཔལ་ཡུལ་བཤད་གྲྭའི་སློབ་དཔོན་དང་སྐྱོར་དཔོན་གྲྭ་བཙུན་རྣམས།་ གློག་ཀླད་ལག་རྩལ་པ། སྐལ་བཟང་ལྷ་མོ། ཞེ་སྐྱིད། བྱམས་པ་ཆོས་སྒྲོན། པད་དབྱངས། ཡེ་ཤེས། ཆོས་འཛོམ། བསྟན་འཛིན། བསོད་ནམས་ཚེ་སྒྲོན་སོགས།