Ngb-pt-0719-vol-08-text
Front
Body
དེ་ནས་རྡོ་རྗེ་ཀུན་ཏུ་བཟང་པོ་སྐུ་ཀུན་ཏུ་འགྱུར་བའི་རྒྱལ་པོ་དེས། ཉིད་ཀྱི་འཁོར་དེ་རྣམས་སྐྱེས་བ་མེད་ཅིང་རྟོག་པ་ཐམས་ཅད་དང་བྲལ་བ། བདུད་རྩི་ཆེན་པོ་ཐོབ་པར་བྱ་བའི་ཕྱིར། ཉིད་མི་སྣང་བར་བྱས་ཏེ། ནམ་མཁའ་སྒྲ་སྒྲོགས་པའི་གསུང་། ཨ་ཨུ་ཞེས་པའི་སྒྲ་བྱུང་བས། འཁོར་གྱི་ཆོས་ཐམས་ཅད་སྐྱེ་བ་མེད་པར་རིག་གོ །ཨེ་ཨེ་ཞེས་པའི་སྒྲ་བྱུང་བས་ཆོས་ཐམས་ཅད་ནམ་མཁའ་ལྟར་གསལ་ལོ། །ཨོ་ཨོ་ཞེས་པའི་སྒྲ་བྱུང་བས། ཆོས་ཐམས་ཅད་སྐྱེ་བའི་ཆོ་འཕྲུལ་འབྱུང་བར་གསལ་ལོ། །ཨོ་ཨོ་ཞེས་པའི་སྒྲ་བྱུང་བས། རྡོ་རྗེ་ཀུན་ཏུ་བཟང་པོ་ཉིད་ཀྱི་སྐུ། ཆེ་མཆོག་ཡོངས་སུ་རྫོགས་པའི་སྐུ། རིགས་ལྔ་དང་།ཡུམ་ཁྲོ་མོ་གནམ་ཞལ་དང་། ཁྲོ་བོ་ཆེན་པོ་བཅུ་དང་། འཇིགས་བྱེད་དང་། འཕྲ་མེན་དང་། ཁྲོ་མོ་བརྒྱད་དང་། འཕྲ་མེན་བརྒྱད་དང་། སྒོ་མ་བཞི་དང་། དཀྱིལ་འཁོར་གྱི་ལྷ་ཚོགས་རྫོགས་པའི་གསལ་ལོ། །དེ་ནས་རྡོ་རྗེ་ཀུན་ཏུ་བཟང་པོ་དེས། དང་པོ་སྣོད་བཅུད་ཀྱི་དཀྱིལ་འཁོར་བསྐྱེད་པ་འདི་གསུངས་སོ། །ཨེ་ཡ༷་ཁ༷་སུ་བྲུ༷། ཞེས་དབང་ཆེན་གྱི་དཀྱིལ་འཁོར་ཡོངས་སུ་རྫོགས་པར་བསྐྱེད། དེ་ནས་བདུད་རྩི་ཆར་ཕབ་ནས། །ཐམས་ཅད་རྒྱས་ཤིང་སྨིན་པར་བྱས ཐམས་ཅད་རང་བྱུང་བདུད་རྩིར་སྨིན། །དེ་ནས་སྣོད་བཅུད་བསྡུ་བའི་ཕྱིར། ཁུན་ཆེན་གནས་གཞི་གདན་སྟེངས་སུ། །བན་དྷ་མཚན་ལྡན་རྣམ་ལྔ་ལ། །དཔའ་བོ་འབྲུ་ལྔའི་འཕྲོ་འདུ་ཡིས། །རིགས་ཆེན་ལྔའི་འཕྲོ་འདུ་ཡིས། །སྣོད་བཅུད་ཐམས་ཅད་དེ་རུ་བསྡུ། །སྣོད་བཅུད་བསྡུས་པའི་དཀྱིལ་འཁོར་རོ། །སྣོད་དེར་གསོལ་བའི་སྨན་རྣམས་ན།།འབྱུང་བ་ལྔ་ལས་སྐྱེས་པ་ཡ། །སྟོང་རྩ་བརྒྱད་དམ་གྲངས་མེད་པའི། །ལ་ལའི་དུག་ཀྱང་ལ་ལའི་སྨན། །མཐའ་ཡང་བརྗོད་ཀྱིས་མི་ལང་བསོག །མེད་དུ་མི་རུང་བརྒྱ་རྩ་བརྒྱད། །དེ་ཡང་གང་དང་གང་ཞེ་ན། །རྩ་བ་བརྒྱད་དང་འབྲས་བུ་ལྔ། ཁྲ་ལྔ་དབང་པོ་ལྔ་ཡི་གཟུགས། །དེ་འཕྲད་ཤིང་ཐོག་རྣམས་པ་ལྔ། །དྲི་སྣ་ལྔ་དང་དྲི་རྒྱལ་ལྔ། །དེ་བཞིན་སྤོས་ཆེན་རྣམ་ལྔ་དང་། །ཆུ་ལྔ་དང་ནི་རུས་པ་ལྔ། །སྣ་ལྔ་དང་ནི་ལྕེ་ལྔ་དང་། །རྣ་བ་ལྔ་ཡང་མེད་མི་རུང་། །དེ་བཞིན་མིག་ལྔ་ལག་པ་ལྔ། །ཚ་ལྔ་དག་ཀྱང་རབ་ཏུ་སྦྱར། །རྩིཀྟ་ལྔ་དང་ཀླད་པ་ལྔ། །མེ་ཏོག་རྣམ་པ་ལྔ་རྣམས་སྦྱར། །རིན་པོ་ཆེ་ནི་རྣམ་པ་ལྔ། །དམ་རྫས་ལྔའི་འཕྲད་སྦྱོར་བས། །དེ་རྣམས་མེ་དུ་མི་རུང་ངོ་། །དེ་ལ་རྩ་བ་བརྒྱད་རྣམས་ནི། །མགོ་ཙི་ཧྭ་དང་ལེང་ལེང་ཧྭ། །ལྷི་ཧང་ཆུང་ཇི་བྷང་རས་ཡན། །ག་བུར་མུ་ཏིག་ལན་ཚྭ་རྣམས། །དེ་ལ་རྩ་བ་བརྒྱད་ཅེས་བྱའོ། །ནང་གི་འབྲས་བུ་རྣམ་ལྔ་ནི། །ཨ་འབྲས་རྒུན་འབྲུམ་པ་ན་སེ། །གེར་ཡ་ཨ་རུ་ཀ་དང་ལྔའོ། །སེང་གེ་གླང་ཆེན་རྟ་ཆོག་ཤ། །རྨ་བྱ་ཤ་དང་ཤང་ཤང་ཤའོ། །དབང་པོ་ལྔའི་གཟུགས་ལྔ་ནི། །མིག་དང་རྣ་བ་སྣ་དང་ལྕེ། །གཙོ་བོ་ཙིསྟ་ཉིད་དང་ལྔའོ། །དེ་འཕྲད་ཤིང་ཐོག་རྣམ་ལྔ་ནི། །རྒུན་འབྲུམ་དང་ནི་ཀ་ཀོ་༄༅ ལ ཨ་འབྲས་པ་སེ་བུམ་ཤ་ལྔའོ། །དྲི་ནི་ཆེན་པོ་སྣ་ལྔ་ནི། །ན་ག་གེ་སར་ཤིང་ཚ་དང་། །སུག་སྨེལ་བྷ༷་ཏ་པ་ཏྲ་དང་། །ཀུན་དུ་ར་དང་རྣམ་པ་ལྔའོ། །དྲི་བོ་རྒྱལ་པོ་རྣམ་ལྔ་ནི། །རྒྱ་སྤོས་འཛའ་ཏི་པ་ལ་དང་། ག་པུར་ཙན་དན་ལི་ཤི་ལྔའོ། དེ་བཞིན་སྤོས་ཆེན་རྣམ་ལྔ་ནི། །ཨ་ཀ་རུ་དང་དུ་རུ་ཀ །པོག་དང་སྦྲང་རྩི་ལྕེ་པོག་ལྔའོ། །དེ་བཞིན་ཆུ་ལྔ་བསྟན་པ་ནི། །རྒྱ་མཚོ་ལྦུ་བ་གངས་ཀྱི་ཆུ། །སྣ་ཚོགས་ལན་ཚྭ་དྲི་ཆུ་དང་། །བསྒྲལ་བའི་ཆུ་ནི་རྣམ་པ་ལྔའོ། །སྲ་བྱེད་རུས་པ་རྣམ་ལྔ་ནི། །དུང་དང་འབྲུག་རུས་གདུང་དང་ནི། །བསྒྲལ་དང་མ་བསྒྲལ་རུས་པ་ལྔ། །སྣ་ནི་རྣམ་པ་ལྔ་རྣམས་ནི། །རིགས་ལས་ཕྱེ་བའི་སྣ་ལྔའོ། །ལྕེ་ལྔ་དག་ཀྱང་དེ་བཞིན་ཏེ། །དེ་འཕྲད་མེ་ཏོག་ཁ་དོག་ལྔའོ། །མིག་ལྔ་སྣ་ལྔ་ལག་པ་ལྔའོ། །རིགས་ལྔ་གདན་ཁྲི་དག་ལས་བརྩལ། །ཚ་ལྔ་དག་ཀྱང་སྦྱར་བ་བྱ། །ཀླད་པ་ལྔ་དང་ཙིསྟ་ལྔ། །དེ་ཡང་རིགས་ཀྱི་གདན་ལས་བཙལ། །རིན་པོ་ཆེ་ནི་རྣམ་པ་ལྔ། །དེ་ཡང་ཁ་དོག་ངེས་པར་སྤྱད། །དེ་རྣམས་མེད་དུ་མི་རུང་སྟེ། །མེད་མི་རུང་གི་གཏན་ཚིགས་ནི། ཁུ།བ་པའི་རྟགས་ཀྱི་དངོས་གྲུབ་འཐོབ། །མིག་དང་རྣ་བ་སྣ་དང་ལྕེ། །དབང་པོ་ཙིསྟ་རྣམ་ལྔ་ཡིས། །མངོན་ཤེས་རྣམ་ལྔ་འཐོབ་པ་དང་། དངོས་པོ་ཐམས་ཅད་འཐོབ་པ་ནི། །གཟུགས་སྒྲ་དྲི་རོ་རེག་ལ་སོགས། །འདོད་ཡོན་ལྔའི་དངོས་གྲུབ་འཐོབ། །ཆུ་ལྔས་བདུད་རྩིའི་དངོས་གྲུབ་ཐོབ། །རུས་པས་ལས་ཀྱི་དངོས་གྲུབ་ཐོབ། །སྣ་ལྔ་ཚངས་པའི་གསུངས་ཡང་འཐོབ། །ལྕེ་ཡིས་གསུང་གི་དངོས་གྲུབ་ཐོབ། །ཀླད་པས་མདངས་ཀྱི་དངོས་གྲུབ་ཐོབ། །སྙིང་ལྔས་མངོན་ཤེས་ལྔ་ཡང་འཐོབ ལག་པས་ཕྱག་རྒྱའི་དངོས་གྲུབ་ཐོབ། །གཅིག་གིས་ཆོས་ཀྱི་སྐུ་ཐོབ་ལ། །གཉིས་ཐོབ་ཐབས་དང་ཤེས་རབ་ཐོབ། །གསུམ་འཐོབ་རྡོ་རྗེ་སྐུ་གསུམ་ཐོབ། །གཞི་ཐོབ་ཕྱག་རྒྱ་བཞི་ཐོབ་ལ། །ལྔ་ཡིས་སྐུ་ལྔ་ཡེ་ཤེས་ལྔ། །དེ་ལ་སོགས་ཏེ་བསམ་མི་ཁྱབ། །དེ་ནི་མདོ་ཙམ་བསྟན་པ་ཡིན། །རྡོ་རྗེ་གསང་བ་ལས་ཀྱི་རྒྱུད་ལས། མེད་དུ་མི་རུང་བརྟག་པའི་ལེའུ་སྟེ་དང་པོའོ།། །།དེ་ནས་དབྱེ་ཞིང་དགོད་པའི་རིམ་པ་འདི་གསུངས་སོ། །རིགས་དང་ཁ་དོག་དྲི་དང་རོ། །མཐུན་པ་བཞི་ཡིས་དགོད་པར་བྱ། །དེ་ཡང་ཇི་ལྟར་དབྱེ་ཞེ་ན། །དེ་ལ་རིགས་ཀྱི་དགོད་པ་ནི། །དམ་རྫས་ལྔ་ནི་རིམ་གྱིས་དགོད། །དབུས་སུ་བྱང་ཆུབ་སེམས་ཆེན་ལ། ་།ར་དུ་རྡོ་རྗེ་དྲི་ཆེན་ནོ། །ལྷོ་རུ་མ༷་ས་ཤ་ཆེན་ལ། །ནུབ་ཏུ་པད་མ་རག་ཏ་དགོད། །བྱང་དུ་རྡོ་རྗེ་དྲི་ཆུ་དགོད། །ཡང་ན་ཁ་དོག་ལྔས་དགོད་དེ། །དབུས་སུ་སེར་ལ་ཤར་ལ་ཤར་དུ་དཀར། །ལྷོ་རུ་སྔོ་ལ་ནུབ་ཏུ་དམར། །བྱང་དུ་ལྗང་སྟེ་ཁ་དོག་མཐུན། །ཡང་ན་དྲི་ཞིམ་འདོད་ཆགས་པད་མའི་རིགས། །མི་ཞིམ་ཞེ་སྡང་རྡོ་རྗེའི་རིགས། །གཉིས་ཀ་མ་ཡིན་གཏི་མུག་པས། །དེ་བཞིན་རིགས་སུ་དགོད་པར་བྱ། །ངབ་པའི་དྲི་ནི་བྱང་དུ་ལ། །བསུང་བའི་དྲི་ནི་ལྷོ་རུ་དགོད། །ཡང་ན་རོ་ཡིས་དགོད་པར་བྱ། ཁ་བ་དང་ནི་མངར་བ་དང་། ཁ་ཚ་རོ་མེད་རྣམ་པ་ལྔ། ཁ་བ་རྡོ་རྗེ་རིགས་སུ་དགོད། །མངར་བ་པད་མའི་རིགས་སུ་དགོད། །ཚ་བ་ལས་ཀྱི་རིགས་སུ་དགོད། །རོ་མེད་དེ་བཞིན་རིགས་སུ་དགོད། །སྒྱུར་བ་རིན་ཆེན་རིགས་སུ་དགོད། །དགོད་པ་དེ་ཡི་སྣོད་རྣམས་ནི། །དབུས་སུ་བན་ད་སུལ་མེད་ལ། ཁྲར་དུ་སུལ་བུ་འགྲེང་བ་བཞག །ལྷོ་རུ་བན་དྷ་སུལ་མངས་ལ། །ནུབ་ཏུ་བན་ད་ཟླ་ཁམ་གཞག །བྱང་དུ་རྡོ་རྗེ་རྒྱ་གྲམ་སྟེ། ཁོ༑ང་བུ་བཞི་པ་གཞག་པར་བྱ། །ཡབ་ཡུམ་སྙིང་པོ་རིམ་བཞིན་སྦྱར། །རྣམ་གཅིག་མི་དབྱེ་གསོག་པ་ནི། །ཞིང་ཆེན་གཡང་གཞི་མ་ཉམས་པའི། །དཀྱིལ་དུ་དཔའ་བོ་འབྲུ་ལྔ་བྲི། །དེ་སྟེང་སྣོད་བཅུད་སྐྲུང་པ་ནི། །དཔའ་བོ་འབྲུ་ལྔ་སྐུ་བསྐྱེད་ལ། །སྐུ་ལྔའི་འཕྲོ་འདུ་བྱས་པ་ནི། །རྒྱུད་ལྔའི་གནས་དག་སྦྱངས་པ་ནི། །དེ་ཉིད་རིགས་ལྔས་སྦྱངས་པ་ཡིན། །རྒྱལ་བ་རིགས་ལྔ་དེ་ཉིད་ལ། །གཟུགས་དང་སྒྲ་དང་དྲི་དང་རོ། །རེག་ལ་སོགས་པའི་སེམས་དཔས་བསྐོར། །ཕྱག་རྒྱ་ཆེན་པོ་བཞིར་བཞིར་ལྡན། །དེ་ཡིས་སྤྲོ་དང་བསྡུ་བྱས་ནས། །དམ་པ་རིགས་བརྒྱས་སྦྱངས་པ་ཡིན། །རིགས་ལྔ་རིགས་བརྒྱས་སྦྱངས་པ་ཡིས། །སྣང་སྲིད་སྣོད་བཅུད་ཐམས་ཅད་ཀུན། །རྒྱལ་བ་རིག་ཆེན་ལྔ་རྣམས་དང་། །གཟུགས་སྒྲ་དྲི་རོ་རེག་སོགས་ཀྱི། །སེམས་དཔའ་བཅུ་དྲུག་སྒོ་བ་བཞི། །སངས་རྒྱས་རྡོ་རྗེ་དབྱིངས་སུ་རྒྱས། །མ་སྐྱེས་རྡོ་རྗེ་དབྱིངས་སུ་རྒྱས། །ཞེས་རྡོ་རྗེ་གསང་བ་ལས་ཀྱི་རྒྱུད་ལས། །སྨན་དབྱེ་གསོག་བྱ་བའི་ལེའུ་སྟེ་གཉིས་པའོ།། །།དེ་ནས་རྡོ་རྗེ་ཀུན་བཟང་ཆེ་མཆོག་དེས། ཡོངས་སུ་རྫོགས་པའི་སྐུར་བཞེས་པ་འདི་གསུངས་སོ། །ང་ཡིས་སྐུ་ནི་ཡོངས་སུ་རྫོགས། །ང་ཡི་ཞབས་ཀྱི་སྤྲུལ་པ་ལས། །ཁྲོ་བོ་ཆེན་པོ་བཅུ་སྤྲུལ་ནས། །ཕྱོགས་བཅུ་འཇིག་རྟེན་དབང་བསྡུས་ནས། །བགེགས་རྒྱལ་གནོན་པའི་སྤྲུལ་པ་ཡིན། །ང་ཡི་སྐུ་གདུང་འབར་བ་ལས། །རིགས་ལྔ་རྩ་བ་འཛིན་སྤྲུལ་ནས། ཁམསགསུམ་རྒྱུད་དྲུག་དབ་ང་བསྡུས་ནས། ཁུད་ལྔ་སྦྱོང་བའི་སྤྲུལ་པ་ཡིན། །ང་ཡི་ཐུགས་གསང་དབྱིབས་རུམ་ལས། །ཡུམ་ཆེན་ཁྲོ་མོ་གནམ་ཞལ་སྤྲུལ། །སྣང་སྲིད་སྣོད་བཅུད་དབང་བསྡུས་ནས། །བདུད་རྩི་འབྱུང་བའི་ཡུམ་ཆེན་འཚལ། །ང་ཡི་སྐུ་ནི་རྫོགས་པ་ལས། །སངས་རྒྱས་ཐམས་ཅད་རྫོགས་པའི་སྐུ། །དབུ་ནི་ཉི་ཤུ་རྩ་གཅིག་ལ། །ཕྱག་ནི་བཞི་བཅུ་རྩ་གཉིས་ཏེ། །ཞབས་ནི་རྣམ་པ་བརྒྱད་དུ་ལྡན། །སྐུ་གཅིག་ཡོངས་སུ་རྫོགས་པ་ལ། །དུས་གསུམ་སངས་རྒྱས་ཐམས་ཅད་ཚང་། །དེ་ཡང་ཇི་ལྟར་དགོངས་པ་མཛད། །བདུད་རྩི་སྦྱོར་བའི་སྐུ་རུ་རྫོགས། །དེ་ཡང་ཇི་ལྷར་རྫོགས་ཤེ་ན། །ང་ཡི་ཞབས་ཀྱིས་སྤྲུལ་པ་ལས། ཁྲོ་བོ་ཆེན་པོ་བཅུ་ཕྱུང་ནས། །སྐུ་མདོག་སོ་སོར་རིགས་དང་མཐུན། །ཕྱག་རྒྱ་བཞི་ལྡན་འཕྲོ་འདུ་དང་། །གུ་རྒྱ་རྟ་མཆོག་ཕྱག་རྒྱ་དང་། དགུ་པ་འཛབ་ཀྱི་འཕྲོ་འདུ་ཡིས། །ཕྱོགས་བཅུའི་བགེགས་ཀྱི་རྒྱལ་བཏུལ་ནས། །ཧཱུཾ༷་གིས་ཐུགས་ནི་གསང་བར་སྡུད། །ཐུགས་ནི་གསང་བའི་དབྱིངས་རུམ་དུ། །བདུད་རྩི་བྱང་ཆུབ་སེམས་སུ་སྦྱོར། །ང་ཡི་སྐུ་གདུང་འབར་བ་ལས། །རིགས་ལྔ་རྩ་བ་འཛིན་པའི་སྐུ། །སྐུ་མདོག་སོ་སོའི་རིགས་དང་འཐུན། །ཞབས་བཅུ་ཁྲོ་བ་་དབུ་དང་སྦྱོར། །ཕྱག་རྒྱ་བཞི་ལྡན་འཕྲོ་འདུ་དང་། །གུ་རྒྱ་རྟ་མཆོག་ཕྱག་རྒྱ་དང་། །དགུ་པའི་འཛབ་ཀྱི་འཕྲོ་འདུ་ཡིས། །རྒྱུད་ལྔ་སྡུག་བསྔལ་གཏན་སྦྱངས་ནས། །ཧྭ༷་གིས་ཐབས་ནི་གསང་བར་སྡུད། །ཐུགས་ནི་གསང་བའི་དབྱིངས་རུམ་དུ། །གཉིས་སུ་མེད་པའི་སྦྱོར་བ་ཡིས། །བདུད་རྩི་བྱང་ཆུབ་སེམས་སུ་སྦྱོར། །ང་ཡི་ཐུགས་ཀྱི་གསང་བ་ལས། །ཡུམ་ཆེན་ཁྲོ་མོ་གནམ་ཞལ་མ།་།དབུ་དགུ་ཕྱ་ནི་བཅོ་བརྒྱད་དེ། །སྟོང་པ་བཅོ་བརྒྱད་ཐབས་ཀྱི་འདྲེན། །སྐུ་མདོག་སྨུག་ནག་འབར་བ་ལ། །ཞབས་བཞི་རིགས་བཞི་དབུ་དང་སྦྱོར། །ཕྱག་རྒྱ་བཞི་ལྡན་འཕྲོ་འདུ་དང་། །གུ་རྒྱ་རྟ་མཆོག་ཕྱག་རྒྱ་དང་། །དགུ་པ་འཛབ་ཀྱི་འཕྲོ་འདུ་ཡིས། །སྣང་སྲིད་སྣོད་བཅུད་ཐམས་ཅད་ཀུན། །ཧུ༷་གིས་ཐུགས་ནི་གསང་བའི་དབྱིངས་རུམ་དུ། །གཉིས་སུ་མེད་པའི་སྦྱོར་བ་ཡིས། །བདུད་རྩི་བྱང་ཆུབ་སེམས་སུ་སྦྱོར། །རྡོ་རྗེ་ཀུན་བཟང་ང་སྐུ་ལས། །ཆེ་མཆོག་ཡོངས་སུ་རྫོགས་པའི་སྐུ། །དབུ་ནི་ཉི་ཤུ་རྩ་གཅིག་ལ། །ཕྱག་ནི་བཞི་བཅུ་རྩ་གཉིས་སོ། །ཞབས་ནི་རྣམ་པ་བརྒྱད་དུ་ལྡན། །ཆེ་མཆོག་ཡོངས་སུ་རྫོགས་སྐུ་དེ། །སྐུ་ནི་མཐིང་ནག་འབར་བ་ལ། །ཞི་བའི་དབུ་ལ་ཕྱག་རྒྱར་ལྡན། །བཞི་བཅུ་རྩ་གཉིས་ང་ཡི་ཕྱག །ཞབས་བརྒྱད་གནམ་ཞལ་སྦྱོར་པ་མཛད། །ཕྱག་རྒྱ་བཞི་དང་འཕྲོ་འདུ་དང་། །གུ་རྒྱ་རྟ་མཆོག་ཕྱག་རྒྱ་དང་། །དགུ་པ་འཛབ་ཀྱི་འཕྲོ་འདུ་འདི། །དུས་གསུམ་སངས་རྒྱས་ཐམས་ཅད་དང་། ཁམས་གསུམ་སེམས་ཅན་ཐམས་ཅད་དང་། །སྣང་སྲིད་སྣོད་བབ་ཐམས་ཅད་ཀུན། །ཧུ༷་གིས་ཐུགས་ནི་གསང་བར་སྡུད། །ཐུགས་ནི་གསང་བའི་དབྱིངས་རུམ་དུ། །གཉིས་སུ་མེད་པའི་སྦྱོར་བ་ཡིས། །བདུ་།་རྩི་བྱང་ཆུབ་སེམས་སུ་སྦྱོར། །བདུད་རྩི་བྱང་ཆུབ་སེམས་དེ་ནི། །མུ་ཏིག་དཀར་པོ་དྲི་མེད་མདོག །དངོས་ནི་ཆོས་ཉིད་བྱང་ཆུབ་སེམས། །རིགས་ལྔ་ཡེ་ཤེས་ལྔ་ཡི་དངོས། །སངས་རྐྱས་རྣམས་ཀྱི་སྐུ་གསུང་ཐུགས། །ཞེས་རྡོ་རྗེ་གསང་བ་ལས་ཀྱི་རྒྱུད་ལས། །བདུད་རྩི་ཆེ་མཆོག་གིས་དགོངས་པའི་ལེའུ་སྟེ་གསུམ་པའོ།། །།དེ་ནས་རྡོ་རྗེ་ཀུན་ཏུ་བཟང་པོ་དེས། ཆེ་མཆོག་སྐུ་དང་དགོངས་པ་བཤད་པ་འདི་གསུངས་སོ། །ཆེ་མཆོག་ཡོངས་སུ་རྫོགས་པའི་སྐུ། །མི་འདུལ་བ་ཡང་མ་མཆིས་ལ། །མ་བ་་བ་ཡང་མ་མཆིས་སོ། །མ་གྲུབ་པ་ཡང་མ་མཆིས་སོ། །དེ་ཡང་ཇི་ལྟར་གཏུལ་ཞེ་ན། །སྐུ་གཅིག་ལ་ནི་སྐུ་བཞི་རྫོགས། །ཞབས་ནི་ཁྲོ་བཅུའི་དཀྱིལ་འཁོར་ལ། །སྐུ་གདུང་འབར་བའི་སྐུ་ལྔ་ནི། །རིགས་ལྔ་ཧེ་རུའི་དཀྱིལ་འཁོར་རོ། །ཐུགས་ནི་གསང་བའི་དབྱིངས་རུམ་ནི། །ཡུམ་ཆེན་ཁྲོ་མོ་གནམ་ཞལ་ཏེ། །སྣོད་བཅུད་འཛིན་པའི་དཀྱིལ་འཁོར་རོ། །ཆེ་མཆོག་རྫོགས་པའི་སྐུ་དེ་ནི། །ཞི་ཁྲོ་རྫོགས་པའི་སྐུར་བསྟན་ཏེ། །སངས་རྒྱས་ཐམས་ཅད་རྫོགས་པའི་སྐུའོ། །མཐིང་ནག་ཆོས་ཉིད་འགྱུར་བ་མེད། །སྨུག་ནག་དྲག་པོའི་ལས་ཀྱང་མཛད། །ཁ་དོག་རྣམ་ལྔ་ཡོན་ཏན་རྟགས། །དབུ་ནི་ཉི་ཤུ་རྩ་གཅིག་པོ། །ཡེ་ཤེས་ཉི་ཤུ་རྩ་གཅིག་སྟེ། །སེམས་དཔའ་བཅུ་དྲུག་རྒྱལ་པོ་ལྔ། །ཀུན་ཏུ་གསལ་བར་བྱེད་པའོ། །ཕྱག་ནི་བཞི་བཅུ་རྩ་གཉིས་ནི། །ཁྲོ་བོ་འབར་གཏུམ་ཕྱག་མཚན་ཏེ། །དང་པོ་གཉིས་ཀྱི་ཕྱག་མཚན་ནི། །རང་རྟགས་རྡོ་རྗེ་དྲིལ་བུ་འཛིན། །མ་སྐྱེས་རྡོ་རྗེ་སྒྲ་ཡང་སྒྲོགས། །གཡས་ཀྱི་བར་མ་བཅོ་བརྒྱད་ན། །ཀི་རི་བརྒྱད་དང་འཇིགས་བྱེད་བཅུ། །གཡོན་གྱི་བར་མ་བཅོ་བརྒྱད་ན། །སིང་ཧ་བརྒྱད་དང་མགྱོགས་བྱེད་བཅུའོ། །གཡས་གཉིས་གཡོན་གཉིས་ཐ་མ་བཞི། །སྒོ་སྐྱོང་མདོང་མོ་འགུགས་འཆིང་བཞི། །ཞི་དང་ཁྲོ་བོར་བཅས་པ་ཡི། །སངས་རྒྱས་དཀྱིལ་འཁོར་སྐུ་ལ་རྫོགས། །དབུས་ཀྱི་གཙོ་བོ་རྡོ་རྗེ་ལ། །གསང་བའི་ཁྲོ་བོ་བཞི་ཡིས་བསྐོར། །སྤྲོ་དང་བསྡུ་དང་འགགས་དང་འཇོམས། །སངས་རྒྱས་ཀུན་ཀྱང་རང་རེ་ཡི། །དགོངས་པའི་འཕྲིན་ལས་རང་རེ་མཛད། །སེམས་དཔའ་བརྒྱད་གཉིས་བཅུ་དྲུག་དང་། །རིགས་ཀྱི་གཙོ་བོ་ལྔ་རྣམས་ལ། །ཕྱག་རྒྱ་ཆེན་པོ་བཞི་བཞིར་ལྡན། །དབུས་ཀྱི་གཙོ་བོ་རྡོ་རྗེ་ལ། །གསང་བའི་ཁྲོ་བོ་བཞིས་བསྐོར་བ། །ཕྱག་རྒྱ་བཞི་བཞི་ལྔ་ཚན་ལྔ། །དམ་པ་རིགས་སུ་བཤད་པ་ཡིན། །ཆེ་མཆོག་སྐུ་ལ་ཀུན་རྫོགས་པས། །སངས་རྒྱས་ཐམས་ཅད་སྐུ་ལ་རྫོགས། །ཉིད་ལས་མ་བྱུང་སངས་རྒྱས་མེད། །ཅེས་གསུངས་སོ། །རྡོ་རྗེ་གསང་བ་ལས་ཀྱི་རྒྱུད་ལས། ཐམས་ཅད་དགོངས་པའི་ལེའུ་སྟེ་བཞི་པའོ།། །།དེ་ནས་རྡོ་རྗེ་ཀུན་ཏུ་བཟང་པོ་དེས། །ལྟ་སྤྱོད་དམ་ཚིག་འདི་གསུངས་སོ། །ཀྱེ་འཁོར་གྱི་དྲང་སྲོང་སྒྲུབ་པ་རྣམས། །དང་པོ་ལྟ་བ་འདི་ལྟར་ལྟོས། །དུས་གསུམ་སངས་རྒྱས་ཐམས་ཅད་དང་། ཁམས་གསུམ་སེམས་ཅན་ཐམས་ཅད་དང་། །སྣང་སྲིད་སྣོད་བཅུད་ཐམས་ཅད་ཀུན། །བྱང་ཆུབ་སེམས་ལས་བྱུང་བར་མཉམ། །ཡེ་ནས་བདུད་རྩི་ཡིན་པའི་ཕྱིར། །བདུད་རྩི་ཉིད་ལས་གཞན་མེད་དོ། །ལྔ་བཞི་དྲུག་ཏུ་སྣང་བ་ཡང་། །སངས་རྒྱས་སྐུ་དང་ཡེ་ཤེས་ཡིན། །ཆོས་ཉིད་དབྱིངས་ན་རང་བཞིན་གནས། །ཡེ་ནས་བདེ་ཆེན་སངས་རྒྱས་པས། །བདུད་རྩི་ཞེས་ནི་དེ་ལ་བྱ། །ལྟ་བ་འདི་ལ་གང་གནས་པ། ཁེན་ཏུ་རྣམ་འབྱོར་སྐལ་བ་བཟང་། །ཞེས་གསུངས་སོ། །ལྟ་བ་དེ་ལ་གནས་ནས་ནི། །སྤྱོད་པའི་དམ་ཚིག་འདི་ལྟར་སྤྱོད། །སྟོང་རྩ་བརྒྱད་ཀྱི་དམ་ཚིག་ནི། །མི་སྤང་བ་དང་དང་དུ་བླང་། ཁྲེས་པ་ལྔ་དང་སྤྱད་པ་ལྔས། །གྲུབ་པར་བྱ་བའི་ཐབས་དག་ནི། །མི་འདོད་ཀུན་ཀྱང་སྤོང་བྱེད་པའི། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོན་རྣམ་པ་ལྔ་། །ཡེ་ཤེས་ལྔ་ཡིན་སྤང་མི་བྱ། །དྲི་ཆེན་དྲི་ཆུ་རག་ཏ་དང་། །མ༷་ས་བྱང་ཆུབ་སེམས་ལྔ་ནི། །རྒྱལ་བའི་སྐུ་ལྔར་བསྒྱུབ་པའི་ཕྱིར། །མི་དོར་དང་དུ་བླང་བར་བྱ། །ཕུང་པོ་ལྔ་དང་འབྱུང་བ་ལྔ། །རྣམ་ཤེས་དབང་པོ་ཡུལ་དུས་རྣམས། ཆོས་ཉིད་དཀྱིལ་འཁོར་ཡེ་ཡིན་པས། །མ་རྨོངས་ཤེས་པར་བྱ་བ་ཡིན། །སྟ་ན་དང་ནི་འགའ་ན་དང་། །སྨད་པར་བྱ་བའི་རྫས་ལྔའོ། །མ་བྱིན་བླངས་དང་མི་ཚངས་སྤྱོད། །མི་རྟོགས་སྒྲུབ་པའི་ཐབས་ཡིན་པས། །དངོས་སུ་སྤྱོད་པར་བྱ་བ་ཡིན། །བསྒྲུབ་པར་བྱ་བ་རྣམ་ལྔ་ནི། །སྟོང་རྩ་བརྒྱད་དུ་གསུངས་པ་དེ། །སྐུ་གསུང་ཐུགས་ཀྱིས་གསུངས་པ་སྟེ། །རྣམ་གསུམ་ཆོ་ག་ལྔ་པོ་ཡི། །བསྙེན་པ་དང་ནི་ཉེ་བསྙེན་པོ། །སྒྲུབ་པ་དང་ནི་བསྒྲུབ་ཆེན་པོས། །བཞི་པོ་རྫོགས་ནས་ཀུན་ཏུ་བཟང་། །ཞི་དང་རྒྱས་དང་དབང་དང་མངོན་སྤྱོད་དང་། །མནན་བཟློག་དྲུག་ནི་དུས་གཅིག་སྟེ། །སྟ་ནས་མནན་ལ་འགའ་ནས་བཟློག །འགའ་ནས་བཟློག་པའི་ཐབས་འདི་གསུངས། །གཟུངས་མ་ཡོན་ཏན་ཀུན་ལྡན་དེ། །བྱིན་གྱིབརླབས་པའི་དཀྱིལ་འཁོར་བསྒོམ། །དྲི་ཞིམ་རྣམས་ཀྱིས་ལུས་བསྐུས་ལ། །གོས་བཟང་རྒྱན་ཆས་བརྒྱན་པ་ནི། །ཇིབཞིནབདེབའིསྟན་ལ་བཞག །དེ་ལ་བསྙེན་སྒྲུབ་བཞི་བཀོད་ལ། །བྷ་ག་དེ་ཉིད་བྱིན་བརླབས་ལ། །གཉིས་མེད་མཉམ་པར་སྦྱོར་བ་ཡིས། །བདུད་ནི་རྣམ་པ་བཞི་བཅོམ་སྟེ། །ཕྱག་རྒྱ་ཆེན་པོ་བཞི་དང་ལྡན། །བྱང་ཆུབ་སེམས་ཕེབས་འཕྲོ་བའི་ཚེ། །བྱང་ཆུབ་སེམས་ཀྱི་འོད་ཟེར་དེས། །སངས་རྒྱས་ཐམས་ཅད་མཆོད་པ་ཡིན། །སངས་རྒྱས་མཉེས་ནས་འོད་འདུས་པས། །དུས་གསུམ་སངས་རྒྱས་ཐམས་ཅད་ཀྱིས། །དཀྱིལ་འཁོར་ལྷ་ནི་དེ་རུ་གསལ། །བདུད་བཅོམ་རྟོག་པ་དེར་བཟློག་གོ །སྟ་ནས་མནན་པའི་ལུང་བསྟན་པ། །ཡེ་ནས་རྒྱུད་དག་ཆོས་ཉིད་ལ། །ང་དང་བདག་ཏུ་འཛིན་པ་ཡིས། ཁུད་དྲུག་ཁམས་ནི་གསུམ་དུ་འཁོར། ཁམས་གསུམ་དེ་དག་བསྒྲལ་བའི་ཞིང་། ར༷་ཡ༷་ཁ༷་ཏྲ་ཐ་ཕཊ་ཀྱིས་དེ་བསྒྲལ་ལོ། །མི་གཡོ་ཕྱག་རྒྱ་ཆེན་པོའི་ངང་། །ཆོས་སྐུ་ངང་ལས་བཞེངས་ནས་ནི། ཁམས་གསུམ་བསྒྲལ་བའི་ཞིང་གཟིགས་ནས། །སྐྱེ་ཤི་མི་གནས་དུར་ཁྲོད་ཀྱི། །རང་བཞིན་ཡིན་པར་གཟིགས་ནས་ནི། །ཐུགས་རྗེ་ཆེན་པོའི་བྱིན་བརླབས་ཀྱིས། །འགྲོ་བ་ཐམས་ཅད་བསྒྲལ་བར་མཛད། །བདུད་དང་གཤིན་རྗེ་ཞིང་བཅུ་ཀུན། །མ་ཏྲང་གནས་ཀྱི་གཟུགས་བྱས་ལ། །ཨོ་སརྦ་པ་ཕ་ཀ་ར་ཀེ་ཧ་ཧི་ས་སི་སྟ༷། །ཏྲ༷་ཀ་རུ་ཧུ༷་ཛ་ཛ། མ་ཏྲ༷་རྣམ་ཤེས་གཟུགས་ལ་ཕབ། །ཌའ་ཀི་བདག་ནི་ནུབ་ཏུ་བལྟས། །གནས་ཀྱི་སྒོ་སུ་ཡིས་བཅད། །སེམས་ཀྱི་བདག་པོས་བཅད་དམ་ཅི། །གཟུང་འཛིན་རྐང་པ་བསྣོལ་བ་འདི། །ཡུལ་ལས་འདས་པས་སྒོ་ཕྱེ་ཞིག །ཅེས་བརྗོད་ལ་སྒོ་དབྱེའོ། །ཀ་ཏ་ཀ་རི། ཀ་ཏ་ཀ་ན། པྲ་ཏ་བེ་ཤ། ཌའ་ཀི་ཆེན་པོའི་ཞབས་གཡོན་གྱིས། །རུ་ཏྲོརེ་གཟུགས་ནི་མནན་པ་ཡིས། །ལྷ་ཆེན་བརྒྱད་ཀྱིས་སྨྲས་པའི་ཚིག །གནས་ཀྱི་སྒོ་འདི་བཅད་བཞིན་དུ། །བདེ་བར་གཤེགས་པས་བསྐྱབ་ཏུ་གསོལ། །འཚོ་བའི་བདག་པོ་ཚེ་དང་སྲོག །འཆི་བའི་སྡུག་བསྔལ་འདིར་བྱུང་ངོ་། །ཌའ་ཀི་བརྒྱད་ཀྱིས་བཀའ་སྩལ་པ། །དྲེགས་པ་མ་རུངས་ལྷ་ཆེན་ཁྱོད། །སེམས་ཀྱི་སྒོ་ཀུན་ད་ཕྱེ་ཞིག །རྡོ་རྗེ་འབར་བའི་སྐྲུ་གྲི་ཡིས། །གནས་ཀྱི་སྒོ་ཀུན་དེས་ཕྱེ་ནས། །སེམས་ཀྱི་བདག་པོ་བཟུང་བར་བྱ། །ཞེས་གསུངས་སོ། །དེ་ནས་རྡོ་རྗེ་ཀུན་བཟང་གིས། །ལྷ་ཆེན་རྣམས་ལ་ཆོས་བཤད་པ། །སྐྱེས་པ་རྐྱེན་གྱིས་འཆི་བ་ཡིན། །སྡིག་པའི་རྐྱེན་གྱིས་བཅོམ་པས་འཆི། །ང་ཡི་བསྟན་པ་འདི་ལ་གཟུང་། །ཕུང་པོ་ལྔ་ནི་རྒྱལ་བ་ལྔ། །ལྷ་ཆེན་དྲེགས་པ་ཁྱེད་རྣམས་ཀྱི། །འབྱུང་བ་ལྔ་ནི་ཡུམ་ཆེན་ལྔ། །རྣམ་ཤེས་དབང་པོ་ཡུལ་དུས་རྣམས། །སངས་རྒྱས་ཡིན་པར་ལུང་བསྟན་པས། །ལས་ལ་བབ་པའི་རྣལ་འབྱོར་པས། །རྡོ་རྗེ་དབྱིངས་ཀྱི་དཀྱིལ་འཁོར་དུ། །དུས་ལ་བབ་པའི་སེམས་ཅན་དེས། །རང་ལུས་རྡོ་རྗེ་དཀྱིལ་འཁོར་མཐོང་། །ཡིད་ཙམ་ཐུགས་རྗེས་གཟུང་ཞེས་པས། །རྡོ་རྗེ་ཀུན་བཟང་དེ་ཡིས་ནི། །ངན་སོང་གསུམ་གྱི་སྒོ་འདི་བཅད། །མ་ཐ་མ་ཐ་སརྦ་པྲེ་ཏ་ཀ་ཏེ། །ཧེ་དུ་ཧུ༷་ཧུ༷་ཕཊ། པ་ཙ་པ་ཙ་སརྦ་ཏིང་ཡ་ག་ཏེ་ཧེ་ཏུ༷་ཧུ༷་ཕཊ། ད་ཧ་ད་ཧ་སརྦ་ན་ར་ག་ཏེ་ཧེ་ཏུ༷་ཧུ༷་ཕཊ། དེ་ལྟར་ངན་སོང་སྒོ་བཅད་ནས། །ར༷་ཡ༷་ཁ༷་ཡེ་ཤེས་འབར་བའི་མེས་བསྲེགས་ཏེ། །མཚན་ཉིད་མི་གནས་སྟོང་པར་གྱུར། །དེ་ནས་རྒྱལ་བའི་སྲས་བསྐྱེད་པ། །དཔའ་བོ་འབྲུ་ལྔས་ལམ་ལྔ་བཀག །ཨོ་ཨུ་ཧུ༷་གྲྭ་ཧྭ། འོག་མིན་བླ་མེད་བྱང་ཆུབ་ཏུ། །ཡེ་ཤེས་རླུད་གིས་བཏེག་ནས་ནི། །སྦྱོར་བའི་ལྷུམས་སུ་ཕཊ་ཀྱིས་འཕང་། །གསང་བའི་དབྱངས་སུ་ཧུ༷་གིས་བསྡུ། །སྐུ་བསྐྱེད་ཡེ་ཤེས་སྐུར་སྤྲོས་ཏེ། །དབྱིངས་དང་ཡེ་ཤེས་ལྷུན་གྲུབ་པས། །སངས་རྒྱས་ཞིང་ཁམས་རབ་འབྱམས་དང་། །བདེ་གཤེགས་ཕོ་བྲང་དཀྱིལ་འཁོར་དུ། །རྫུའཕྲུལ་ཞབས་དང་ལྡན་པ་ཡིས། །འཕགས་པའི་ལམ་གྱི་རླུད་ཞུགས་ནས། །ཆོས་ཀྱི་འཁོར་ལོ་བསྐོར་ཞིང་གཤེགས། །འཇིག་རྟེན་ལྷ་དང་གཙོ་བོར་བཅས། །ཉན་ཐོས་རང་རྒྱལ་ས་བཅུ་ལས། །འཇིག་རྟེན་འདས་པའི་མཆོད་པས་མཆོད། །རྫུ་འཕྲུལ་ཞབས་དང་ལྡན་པ་ཡིས། །སྟུག་པོ་བཀོད་པའི་ས་ལས་འདས། །པདྨ་སྤྱན་གྱི་ས་ལ་གནས། །སྐྱེད་འཇིག་མེད་པའི་སྐུ་ཐོབ་པས། །སྟོང་གསུམ་མ་ལུས་བཏོན་པ་ནི། །འབུམ་གྱི་ཆར་ཡང་མི་ཕོད་དོ། །ཞེས་རྡོ་རྗེ་གསང་བ་ལས་ཀྱི་རྒྱུད་ལས། །སྟ་ནས་མནན་པའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་ཀུན་ཏུ་བཟང་པོ་དེས། ཐམས་ཅད་བདུད་རྩིར་བསྒྲུབ་པའི་གནས་དང་། དུས་དང་། སྒྲུབ་ཐབས་འདི་གསུངས་སོ། །ཀྱེ་ཚངས་དང་དྲང་སྲོང་ཀླུ་རྣམས་དང་། ཁེང་དང་སྨན་གྱི་ལྷ་མོ་རྣམས། །ཐམས་ཅད་བདུད་རྩིར་བསྒྲུབས་ནས་ནི། །རྒྱལ་བ་རིགས་ལྔར་གྲུབ་ནས་ནི། །སྐུ་ལྔ་གྲུབ་པར་འདོད་པའི་ཚེ། །གནས་དང་དུས་ནི་འདི་བསྟན་ཏོ། །རི་མདུན་དང་ནི་ནགས་ཚལ་མདུན། །གངས་རི་དཀར་པོའི་མདུན་དང་ནི། །སྲིབས་རི་སྨུག་པོའི་མདུན་ལོགས་ན། །རྩི་ཤིང་ནགས་ཚལ་སྣ་ཚོགས་དང་། །མེ་ཏོག་ཁ་དོག་སྣ་ཚོགས་ཚང་། །བསྒྲུབ་པའི་གནས་མཆོག་དེར་སྒྲུབས་ཤིག །དུས་ནི་བཟང་པོ་དུས་བཞི་སྟེ། །དང་པོ་ཚེ་སྒྲུབ་དབྱར་བསྒྲུབ་ལ། །བར་དུ་ལོངས་སྤྱོད་སྨན་བསྒྲུབ། །འབྲས་བུ་སྨིན་པའི་སྟོན་གསུམ་བསྒྲུབ། །དབང་དུ་བསྡུ་བའི་དུས་བསྟན་པ། །ཐམས་ཅད་རྒྱས་འདེབས་ངབན་དབང་བསྒྲུབ། །ཞི་རྒྱས་དབང་དང་མངོན་སྤྱོད་ཀྱི། །ལས་བཞི་ལྷུན་གྱིས་གྲུབ་འདོད་པ། །དཔྱིད་གསུམ་མར་གྱི་ངོ་ལའོ། །དེ་དུས་ཞག་དང་ཚེས་གྲངས་ནི། །དབྱར་གསུམ་ཚེ་བསྒྲུབ་དུས་ཚེས་ནི། །གཅིག་རྡོང་གཉིས་གསུམ་དུས་ཚོགས་ལ། །ཚེ་རྟགས་ནམ་བྱུང་བར་དུའོ། །སྟོན་སྨན་སྒྲུབ་པའི་དུས་ཚེས་ནི། །གཅིག་དང་ལྔ་གསུམ་དུས་ཚོགས་ལ། །བརྒྱད་ལ་བཙུགས་ལ་ཉ་ལ་གདོན། །མ་གྲུབ་སྤོབས་ཐབས་བསྐྱར་ལ་བྱ། །གནས་དེར་དུས་དེར་ཚོགས་ནས་ནི། །དང་པོར་དཀྱིལ་འཁོར་བསྟན་པ་ནི། །ཆེ་ཆུང་ཚད་ནི་སྦྱིར་ཚད་མེད། །ལྷ་མི་ཚངས་པ་ལ་སོགས་པའི། །རང་ལུས་རྡོ་རྗེ་ཕུང་པོ་ལ། །ཆེ་ཆུང་ཚད་ནི་དེ་ལ་བྱ། །འདོམ་གང་གཟུགས་ཀྱི་ཕུང་པོ་ལ། །ལྷ་ཡི་དཀྱིལ་འཁོར་ཚོམ་བུར་ལྡན། །དེ་ཡི་དཀྱིལ་འཁོར་ཚད་བརྩིགས་ལ། །དྲི་སྣ་ལྔ་དང་བདུད་རྩི་ལྔས། །ཆག་ཆག་སྐྱང་ནུལ་བྱས་ལ་ནི། །ལྷུན་གྱིས་གྲུབ་པའི་སངས་རྒྱས་ལ། །སྟ་གོན་བསྐུལ་ཕྱིར་གནས་ཐིག་གདབ། །རང་ལུས་རྡོ་རྗེ་ལྷ་དགོད་ཕྱིར། །བཞི་བཅུ་རྩ་གཉིས་དཀྱིལ་འཁོར་ནི། །ཐིག་བཞི་བཏབ་པས་ལེ་ཚེ་དགུ། །རྡོ་རྗེ་དབྱིངས་ཀྱི་དཀྱིལ་འཁོར་ལ། །སེམས་དཔའ་བཅུ་དྲུག་སྒོ་བ་བཞི། །བཅུ་གཉིས་ལྔའི་ལྷ་བཀོད་ལ། །དེ་ལ་རིགས་བརྒྱའི་འཕྲོ་འདུ་ཡིས། ཁྲོལ་བུ་བདུད་རྩི་དི་ལ་བསྒྲུབ། །དེ་ནས་འཁོར་གྱི་དཀྱིལ་འཁོར་དེ། །ཡབ་ཡུམ་གཉིས་མེད་སྦྱོར་པ་ལས། །འོད་འཕྲོས་འཁོར་ལ་ཐིམ་པ་ལས། །འཁོར་རྣམས་འོད་དེས་བདུད་རྩིར་ཞུ། །ཧུ༷་གིས་བདུད་རྩི་ཐུགས་ལྔར་བསྡུས། །རྒྱལ་བ་རིགས་ཆེན་ལྔ་པོ་དེས། །རྒྱུད་ལྔ་གནས་སུ་འོད་འཕྲོས་པས། །རྒྱུད་ལྔའི་སྡུག་བསྔལ་གཏན་སྦྱངས་ན་་་ །ཧུ༷་གིས་ཐུགས་ལྔར་བསྡུས་ནས་ནི། །གཉིས་མེད་བྱང་ཆུབ་སེམས་སུ་སྦྱར། །དེ་ཉིད་རིགས་ལྔར་སྒྲུབ་པའོ། །གསང་ཆེན་རིགས་རིག་བསྒྲུབ་ལུགས་ནི། །དཀྱིལ་འཁོར་བཞི་བཅུ་རྩ་གཉིས་སོ། །རྡོ་རྗེ་ཀུན་བཟང་ངོ་བོ་ལ། །མ་སྤྲོས་རང་བཞིན་ཚང་མོད་ཀྱི། །སྐུ་ནི་རྡོ་རྗེ་ཀུན་བཟང་སྐུ། །ཐུགས་ནི་རྡོ་རྗེ་སེམས་དཔའི་ཐུགས། །གསུང་ནི་དགུ་པའི་གསང་རིགས་གཅིག །ཨོ་བཛྲ་ཙསྟི་ས་མ་ཡ་ཧུ༷་ཧྲི་ཐ། རྡོ་རྗེ་སེམས་དཔའ་ཉིད་གྲུབ་པའོ། །དེ་ནས་ལྷ་རྣམས་ཐམས་ཅད་ཀྱང་། །བྱང་ཆུབ་བསྒྲུབ་ཅིང་བདུད་རྩིས་མཆོད། །ཅེས་དུས་དང་། གནས་དང་། དཀྱིལ་འཁོར་དང་། ཁྲོལ་བུ་རིགས་སོ་སོ་སྒྲུབ་པ་བསྟན་ཏོ། །རྡོ་རྗེ་གསང་བ་ལས་ཀྱི་རྒྱུད་ལས། །གནས་དང་དཀྱིལ་འཁོར་དང་། དུས་ཀྱི་ལེའུ་སྟེ་དྲུག་པའོ།། །།དེ་ནས་སྟོན་པ་རྡོ་རྗེ་ཀུན་ཏུ་བཟང་པོ་དེས། སྒྲུབ་པ་དོན་གྱི་མཐའ་ཡོད་པར་བྱ་བའི་ཕྱིར། རྟགས་དང་དངོས་གྲུབ་དབང་ཐོབ་པར་བྱ་བ་འདི་གསུངས་སོ། །ཀྱེ་ཚངས་དང་དྲང་སྲོང་ཀླུ་ཡི་ཚོགས། །གོང་བཤེད་ཡིད་འོང་གནས་དེ་སྲ །བྱ་བ་མེད་པའི་ལས་སྒྲུབ་པ། །བྱིན་བརླབས་མཚམས་བཅད་བརྟན་བྱས་ལ། །དཀྱིལ་འཁོར་ལུས་གང་གྲུ་བཞི་ནི། །དྲི་སྣ་ལྔ་དང་དམ་རྫས་ལྔས། །མཎྜལ་བྱས་ལ་གདན་བྱ་བ། །ཐིག་བཞི་བཏབ་པས་དཀྱིལ་འཁོར་བརྒྱད། །མཎྜལ་བརྒྱད་པའི་ལས་གཞུང་བཞིན། །དེ་ཡི་རྩེ་མོ་བརྒྱད་ལ་ཡང་། །ཡིད་བཞིན་ནོར་བུ་འབར་འདྲ་བྲི། །དེ་དབུས་བཞག་པའི་གཞལ་ཡས་ནི། །སྲིད་གསུམ་བན་དྷ་བཟང་ཁོར་ཡུག །ཡེ་ནས་རང་བྱུང་མ་བཅོས་སྣོད། །དཔལ་དང་ལྡན་པའི་སྣོད་བཞག་ལ། །དེ་ཡི་ནང་དུ་བླུགས་པའི་སྨན། །ཡེ་ནས་རང་བྱུང་བདུད་རྩི་ལྔ། །དམ་རྫས་ལྔ་ནི་བདུད་རྩི་མཆོག །སྟོང་ལས་འབྱོར་པས་ཡེ་ནས་དག །བཏགས་དང་བཙག་དང་གཞལ་བ་ཡིས། །ཉི་ཟླ་གསལ་བའི་དཀྱིལ་འཁོར་བདག །འབྲུ་ལྔ་ཡེ་ཤེས་འཕྲོ་འདུ་ལས། །རིགས་ཆེན་ལྔ་ཡི་སྐུ་ལྟར་གསལ། །སྐུ་ལྔར་གནས་ཀྱི་འཕྲོ་འདུ་ཡིས། །ཆོས་ཀྱི་དབྱིངས་དང་ནམ་མཁའི་ཁམས། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་བཅུད་ཀྱང་བསྡུས། །སྣང་སྲིད་སྣོད་བཅུད་ཐམས་ཅད་ཀྱི། །བཅུད་ཀྱི་དམ་པ་ཀུན་བསྡུས་ནས། །དུས་གསུམ་སངས་རྒྱས་མཆོད་པའི་ཕྱིར། །གུ་རྒྱ་ལག་གི་ཕྱག་རྒྱ་ལ། །དབུས་སུ་ཀླུ་བདག་ས་བོན་བསམ། །གཞུང་བཞིན་བསྟན་པའི་འཕྲོ་འདུ་ཡིས། །བཀའ་བཞིན་བསྟན་པའི་དངོས་གྲུབ་བླང་། མུ་ཏིག་དཀར་པོ་དྲི་མེད་ལྟར། །སྒྲུབ་པ་པོས་ནི་ནན་ཏན་བྱ། །དགུ་པའི་སྔགས་ཀྱིས་བཏབ་ནས་ནི། །ལེ་ལོ་མེད་པའི་བརྩོན་འགྲུས་ཀྱིས། །བར་ཆད་མེད་པའི་འཕྲོ་འདུ་བྱས། །ཨོ་ལས་ཡེ་ཤེས་འོད་འབྱུང་བཞིན། །ཨོ་གྱིས་མེས་བསྲེགས་ཐལ་བར་འགྱུར། །ཧུ༷་གིས་ཀུན་གཞི་རྣམ་པར་དག །གསལ་ལ་བྱུང་འཇུག་ལྷན་ནེ་བོས། །རྟགས་དང་མཚན་མ་བདུན་གྱིས་འབྱུང་། །རྟགས་བྱུང་དངོས་གྲུབ་སྨྱུར་ཏེ་བླང་། རྟགས་བཟང་འབྱིན་པར་བྱེད་པ་ནི། །སྔོན་ཚེ་འདས་དུས་དང་པོ་ལ། །ཚངས་དང་དྲང་སྲོང་ཀླུ་རྣམས་དང་། ཁྲེང་དང་སྨན་གྱི་ལྷ་མོ་ཡིས། །ཀུན་བཟང་ལྷ་ཡི་སྤྱན་སྔ་སྲ །ཁས་བླངས་དམ་བཅས་དབང་ནོས་པ། །དངོས་བཞི་ལྔ་ཡི་དམ་རྫས་ལ། །རྒྱལ་བའི་སྐུ་ལྔ་བསྒྲུབ་པ་དང་། །གཟུགས་སྒྲ་དྲི་རོ་རེག་རྣམས་ལ། །དཀྱིལ་འཁོར་ལྷ་རྣམས་བསྒྲུབས་ནས་ནི། །ཇི་ལྟར་འདོད་པའི་རྟགས་འབྱུང་སྟེ། །བྱང་ཆུབ་སེམས་ལས་སྒྲ་བྱུང་བ། །རྨ་ལུང་བུ་མོ་ཐང་བཟངས་ཀྱིས། །སྒྲ་དེ་སྙན་པ་སྒྲོགས་པར་བྱེད། །རག་ཏ་མདངས་ལས་འོད་འབྱུང་བ། ཁེང་གི་ལྷ་མོ་འོད་འཆང་མས། །འོད་དང་དུ་བ་གསལ་བར་སྟོན། །དྲི་ཆེན་ལས་ནི་དྲི་བྱུང་བས། །གྲུབ་པའི་ལྷ་མོ་བློ་གྲོས་མས། གྲུབ་རྟགས་དྲི་ཞིམ་འབྱུང་བར་བྱེད། །དྲི་ཆུ་ལས་ཀུན་གྲུབ་བྱེད་ལས། །ལྷ་མོ་མཛེས་པའི་སྐུ་གྲུབ་སྟེ། །ལྷ་ཡི་གཟུགས་ཀྱང་སྟོན་པར་བྱེད། །སྨན་གྱི་ལྷ་མོ་རྣམ་པ་བཞིས། །ཇི་ལྟར་འདོད་པའི་རྟགས་སྟན་པ། །ཀུན་བཟང་ལྷ་ལ་དམ་ནོས་པས། །དགོངས་རྒྱུད་གསལ་བའི་འཕྲོ་འདུ་དང་། །པ྅་ཡན་ཆད་འབྲུ་གཙང་གིས། །རེ་དོགས་མེད་པར་འགྲུབ་པར་འགྱུར། །དེ་ནས་དངོས་གྲུབ་བླང་བ་ནི། །ལྷུན་གྱིས་གྲུབ་པའི་ཆོས་དབྱིངས་ན། །རང་བཞིན་ལྷུན་གྱིས་གྲུབ་པ་ཡི། །དུས་གསུམ་སངས་རྒྱས་ཐམས་ཅད་ལ། །མ་བརྩལ་ལྷུན་གྱིས་གྲུབ་པ་ཡི། །སྐུ་གསུང་ཡོན་ཏན་འཕྲིན་ལས་ཐུགས། །ལྔ་ལྔ་མ་བཙལ་ལྷུན་གྲུབ་བཞུགས། །དེ་ཡི་ཐུགས་རྗེ་ཅི་འདྲ་ན། །མཁའ་ལ་ཉི་མ་ཤར་འདྲ་སྟེ། །བསྙེན་པ་དང་ནི་ཉེ་བསྙེན་པ། །སྒྲུབ་པ་དང་ནི་སྒྲུབ་ཆེན་པོས། །དཀྱིལ་འཁོར་ཕྱག་རྒྱ་བཞི་ལྡན་གྱིས། །གནས་བཞིར་ཉི་ཟླའི་དཀྱིལ་འཁོར་སྟེང། །རང་རིག་ཐུགས་མཚན་དགུ་པས་བསྐོར། །དེ་ནས་ཆོས་དབྱིངས་གནས་སུ་འཕྲོས། །ལྷུན་གྱིས་གྲུབ་པའི་སངས་རྒྱས་རྣམས། །སྐུ་གསུང་ཐུགས་ཀྱང་མཉེས་པར་འགྱུར། །སྐུ་གསུང་ཐུགས་ཀྱི་དངོས་གྲུབ་དེས། །སུ་འདོད་མཁའ་ལ་ཉིཤརབཞིན། །སྐུགསུང་ཐུགས་ཀྱི་དངོས་གྲུབ་དེ། །སྒོ་ཁུད་དུ་ནི་འབྱུང་འགྱུར་ཐོབ། །དེ་ནས་སྟོན་པ་ཀུན་བཟང་གིས། །ཚིགས་སུ་བཅད་པ་འདི་ཡང་བརྗོད། །གདོད་ནས་མ་སྐྱེས་རྣམ་དག་སེམས་ཀྱི་དབྱིངས། །དག་དང་མ་དག་མི་རྟོག་རྟོག་ལས་འདས། །དུས་གསུམ་གཅིག་ལ་སྐུ་བསྟན་ཕྱི་བཤོལ་མེད། །དངོས་གྲུབ་སྣ་ཚོགས་རླབས་ཆེན་འབར་བ་ཅན། །སུ་འདོད་སྤྱིན་གྱིས་ད་ལྟ་འདི་རུ་ལོང་། །བསྐལ་པར་བསྒྲིབས་དང་གཏི་མུག་མིན་སེལ་བ། །སྤྲིན་མཐོངས་ཉི་ཤར་ཁུང་པར་དྲོ་བ་ལྟར། །བདུད་རྩི་རྒྱལ་པོ་དབང་ཆེན་འདི་བྱིན་པས། །རིག་འཛིན་རྒྱལ་པོའི་གོ་འཕང་ཐོབ་པར་འགྱུར། །ཡོན་ཏན་ཚེ་སྐྱོང་ཡིད་དུ་འོང་བ་དང་། །བགེགས་ཞི་ནད་བྲལ་ཅི་འདོད་ཡོན་ཏན་ཐོབ། །ཅེས་བཀའ་སྩལ་ཏེ།སློབ་མ་ལ་ཡང་དབང་བསྐུར་རོ། །སྐུ་གསུང་ཡོན་འཕྲིན་ལས་ཐུགས། །ཆེ་བ་ལྔ་ལྔའི་དབང་བསྐུར་བས། །འགྲོ་བ་སྟོན་པའི་དབང་ཐོབ་འགྱུར། །ཞེས་རྡོ་རྗེ་གསང་བ་ལས་ཀྱི་རྒྱུད་ལས་། དངོས་གྲུབ་བླང་ཞིང་དབང་བསྐུར་བའི་ལེའུ་སྟེ་བདུན་པའོ།། །།དེ་ནས་རྡོ་རྗེ་ཀུན་ཏུ་བཟང་པོ་དེས། །གསུང་གི་དངོས་པོས་དོན་ཐམས་ཅད་གྲུབ་པར་བྱ་བའི་ཕྱིར། །སྔགས་ཀྱི་སྙིང་པོ་འགྲུ་བཤད་ཀྱི་ལེའུ་འདི་གསུང་སོ། །ཀྱེ་ཚངས་དང་དྲང་སྲོང་ཀླུའི་ཚོགས། ཁེང་དང་སྨན་གྱི་ལྷ་མོ་རྣམས། །དང་པོར་སྣོད་བཅུད་སྡུད་ཙམ་ན། །བན་ད་རིགས་མཐུན་ལྔ་ནང་དུ། །དཔའ་པོ་འབྲུ་ལྔ་དགོད་པ་ནི། །ཨོ་དང་ཨུ༷༷དང་ཧུ༷་དང་ནི། །གྲྭ་དང་ཧྭ་ནི་རྣམ་པ་ལྔ། །རྒྱལ་བ་རིགས་ལྔའི་སྐུ་བསྐྱེད་ལ། །སྒྲུབ་ཆེན་ཕྱག་རྒྱ་བཞི་རྫོགས་ཀྱིས། །འཕྲོས་འདུས་སྣོད་བཅུད་ཐམས་ཅད་སྡུད། །མ་སྐྱེས་པ་ཡི་སྙིང་པོ་ཨ། །ཆོ་འཕྲུལ་འབྱུང་བས་ཨོ་དུ་སྣང་། །ཡན་ལག་རྫོགས་པས་ཨོ་དུ་སྣང་། །ཨོ་སྐུ་ཡི་སྙིང་པོ་སྟེ། །བདེར་གཤེགས་སྐུ་ཡི་སྙིང་པོར་བཤད། །ཨོ་ནི་སྐུ་ལས་འོད་ཀྱང་འབྱུང་། །ཨ༷་ནི་གསུང་གི་སྙིང་པོ་སྟེ། །གསུང་ལས་ཡེ་ཤེས་མེ་འབར་བསྲེག །ཧུ༷་ནི་ཐུགས་ཀྱི་སྙིང་པོ་སྟེ། །མི་རྟོག་རྣམ་པར་དག་པ་ཡིན། །སྭ་ནི་རིན་ཆེན་སྙིང་པོ་སྟེ། །འདོད་པ་སྤྱིན་པས་ཞི་བར་བཤད། །ཧ་ནི་དོན་གྱི་སྙིང་པོ་སྟེ། །དོན་རྣམས་ལས་ཀྱིས་འགྲུབ་པར་བྱེད། །སྣོད་བབ་དེ་ཡིས་བསྡུས་པ་ཡང་ ཨ་ཛུ་སྤ་ར་ན་ཕཊ་ཅེས་སྤྲོས། །སང་ཧ་ར་ན་ཧུ༷་གིས་བསྡུ། །སྣོད་བཅུད་དེ་ལྟར་བསྡུས་ནས་ནི། །སྣང་སྲིད་སྣོད་བཅུད་ཐམས་ཅད་ཀུན། །བསྡུས་ཏེ་སྙིང་པོ་འབྲུ་བཀོད་ནས། །འཕྲོས་འདུས་ལྷ་ཡི་དཀྱིལ་འཁོར་གསལ། །རྡོ་རྗེ་དབྱིངས་ཀྱི་དཀྱིལ་འཁོར་གྱི། །ལྷ་རྣམས་བསྙེན་བསྒྲུབ་རྫོགས་པ་ཡི། །འཕྲོ་འདུས་ཆོས་དབྱིངས་ནམ་མཁའི་ཁམས། །འཕྲོ་འདུས་སྐུ་གསུང་ཐུགས་རྣམས་དང་། །བབ་ཀྱི་དམ་པ་ཀུན་བསྡུས་ནས། །བདུད་རྩི་བྱང་ཆུབ་སེམས་སུ་སྦྱོར། །དེའི་སྔགས་ཀྱི་འབྲུ་བཤད་པ། །ཨོ་ཨ༷་ཧུ༷་སརྦ་པརྩི་ཨ་མྲི་ཏ། ར་ས་ཡ་ན་ཏ་ན་ཛ་ཡ་གུརྒྱ་སིདྷི་ཧུ༷་ཧྲི་ཐ། ཨོ་ཨེ་ཧུ༷་ནི་སྐུ་གསུང་ཐུགས། །སརྦ་ཐམས་ཅད་དོན་བཤད་པ། །པརྩི་ལྔ་ཡི་རང་བཞིན་ལ། །ཨ་མྲི་བདུད་རྩི་རང་བཞིན་ལ། །ཏ་ནི་མི་འདའ་དམ་ཚིག་གོ །ར་ས་ཡ་ན་སྨན་གྱི་མིང་། །ཏ་ན་བསམ་ག་་ཏིང་ངེ་སྟེ། །ཛ་ཡ་འཛིན་པ་ཞེས་སུ་བཤད། །གུ་རྒྱ་གསང་བའི་དོན་བཤད་ལ། །སིརྙི་དངོས་གྲུབ་རང་བཞིན་སྒྲ། །ཧུ༷་ནི་སྡུད་པའི་སྙིང་པོ་ལ། །ཧྲི་ནི་དབང་བྱེད་རྟ་ཡི་སྙིང་། །ཐ་ནི་མི་འདའ་གོང་བཤད་བཞིན། །རྡོ་རྗེ་དབྱིངས་ཀྱི་སྙིང་པོར་བཤད། །རིགས་བརྒྱ་ཁྲོལ་བུར་འགྲུབ་པའོ། །དེ་ནས་རྒྱུད་ལྔ་སྦྱང་བ་ནི། །དེ་ཉིད་རིགས་ལྔའི་བསྒྲུབ་པ་ནི། །གཙོ་བོ་ལྔ་ཡི་འཕྲོ་འདུ་ཡིས། །འཁོར་གྱི་ཚོགས་ལ་འོད་འཕྲོས་པས། །འཁོར་ཚོགས་འོད་དུ་ཞུ་བ་སྟེ། །ཧུ༷་གིས་ཐུགས་ཀྱི་གསང་བར་བསྡུས། །ཐུགས་ཀྱི་གསང་བའི་དབྱིངས་རུམ་དུ། །སྐུ་གསུང་ཐུགས་ཀྱི་བབ་དུ་བྱས། །ཕྱག་རྒྱ་བཞི་དང་ལྡན་བྱས་ནས། །འཕྲོ་འདུ་སྙིང་པོ་འདི་བརྗོད་དོ། །ཨོ་ཨུ་ཧུ༷་གྲྭ་ཧྭ། ཨ་པ་ཛ་༷ ་ཎ་ཕཊ། ས༷་ཧ་ར་ན་ཧུ༷་སྡུད་པའོ། །དེ་ཡི་སྔགས་ཀྱི་འབྲུ་བཤད་པ། །འབྲུ་ལྔ་གོང་བཤད་བརྟག་པར་བྱ། །ཨ་ཛ༷༷འོད་ཟེར་གྱི་རང་བཞིན། །སྤར་སྤྲོ་བར་གྱུར་པ་ལ། །ཕཊ་ནི་སྤྲོས་པའི་རང་བཞིན་ཡིན། ཁུད་ལྔ་འགྲོ་དྲུག་གཏན་སྦྱངས་ནས། །ཧུ༷་གིས་གསང་བའི་དབྱིངས་སུ་བསྡུས། །རྒྱུད་ལྔ་རིགས་ལྔར་གནས་སྦྱངས་པ། །དེ་ཉིད་རིགས་ལྔའི་བསྙེན་པའོ། །དེ་ནས་རྡོ་རྗེ་ཀུན་ཏུ་བཛང་པོ་དང་ །རིགས་ལྔ་བདེ་བར་གོཤེག་པ་ལ། །འཁོར་ཉེ་བའི་སྲས་བརྒྱད་ཀྱིས་དོན་ཞུས་པས། །འདི་གསུངས་སོ། །ཚངས་དང་དྲང་སྲོང་གཙང་མ་ཟ། །ཀླུ་དང་བྲམ་ཟེ་གཙང་མ་ཟ། །བྱོལ་སོང་ཙྭ་མཆོག་ཟ་བ་ཡང་། །ཇི་སྲིད་འཚོ་བའི་བར་དུ་བཟའ། །དེ་དག་གྲོལ་བར་ངས་མ་བཤད། །ཡང་དག་དོན་གྱི་ལུང་འདི་ཉོན། །རྣལ་འབྱོར་ཐབས་ལྡན་རྣམས་ཀྱིས་ནི། །ཆོས་སྐུ་གཅིག་ལ་ཐ་དད་པའི། །རིགས་ལྔའི་རང་བཞིན་འདི་ལྟར་བསྟན། །རང་བཞིན་ཡེ་ནས་དག་པའི་རྫས། །མཉམ་པའི་དབྱིངས་སུ་རབ་རྟོགས་ན། །གཉིས་མེད་མཉམ་པའི་དོན་གྱིས་ཟིན། །ཇི་ལྟར་དམིབས་པ་བཞིན་དུ་འགྲུབ། །དངོས་པོ་དངོས་མེད་རྟོག་པའི་མཚན། །མཁས་པ་མི་གཉིས་གནས་ནི་འགྱུར། །ཡེ་ཤེས་སྐུ་ལྔ་འདི་ཉོན་ཅིག །བྱང་ཆུབ་སེམས་ནི་ཡེ་ནས་དཀར། །དྲི་མེད་དཀར་བས་ཡེ་ཤེས་སྐུ། །རག་ཏ་དམར་བས་ཆགས་པ་མེད། །ཆགས་མེད་རྣམ་དག་ཆོས་ཀྱི་སྐུ། །མ༷་ས་ཡིད་བཞིན་རིན་ཆེན་སྔོ། །སྣ་ཚོགས་འབྱུང་ལྡན་མཉམ་ཉིད་སྐུ། །དྲི་མེད་གསེར་མདོག་སྣང་མཛད་སྐུ། །མངོན་འབྱུང་སྤྲུལ་པ་ཆོས་ཀྱི་སྐུ། །དྲི་ཆུ་དག་བྱེད་སྐུ་མདོག་ལྔ་། །ཀུན་ཏུ་དོན་བྱེད་ལས་རབ་སྐུ། །སྐུ་ལྔ་ལྷུན་གྲུབ་བདུད་རྩི་འདི། །སོ་སོའི་ལུས་ལ་གནས་པ་ཡིན། །དྲི་ཆེན་དྲི་ཆུ་རག་ཏ་དང་། །མ༷་ས་སེམས་ཆུ་འདི་རྣམས་ཀུན། །སེམས་ཅན་རྟོག་པ་བཟློག་པའི་ཕྱིར། །གཙོ་རུ་དང་དུ་བླང་བར་བྱའོ། །གཙང་རྨེ་མེད་པར་ཀུན་གྱིས་སྤྱོད། །དེ་དག་གྲོལ་བར་ངས་བཤད་དོ། །ཞེས་གསུངས་སོ། །དེ་ནས་རིགས་ལྔ་སྐུ་ལྔ་འོད་དུ་ཞུ་བ་དང་། །ཐམས་ཅད་གཅིག་ཏུ་བསྡུས་ནས་ནི། །བདགག་གིས་ཐུགས་སུ་བསྡུས་ཏེ་སྦྱང་བ་ནི། །གསང་ཆེན་རིགས་གཅིག་རྡོ་རྗེ་སེམས་དཔར་བསྒོམ། །ཨོ་ཨ་ཧུ༷། སརྦ་པ་྅་མྲི་ཏ་བཛྲ་ཙསྟི་ས་མ་ཡ་ཧུ༷་ཧྲི༷༷ཐ། དེ་ནས་རྡོ་རྗེ་སེམས་དཔའ་རབ་བསྒོམས་པས། །རྡོ་རྗེ་སེམས་དཔའ་ཉིད་དུ་འགྱུར། །དེ་ཡི་སྔགས་ཀྱི་འབྲུ་བཤད་པ། །ཨོ་ལ་སོགས་པ་གོང་བཤད་བཞིན། །བཛྲ་རྡོ་རྗེ་ཙིཏི་ཐུགས་སུ་བཅད། །ས་མ་ཡ་ནི་དམ་ཚིག་ཧཱུཾ་ནི་བདུད་རྩིར་སྡུད། །ཧྲི༷༷ནི་རྟ་སྙིང་བཅུད་ལ་དབང་བྱེད་ཡིན། །ཐ་ནི་བདུད་རྩི་དམ་ཚིག་གསོ་བར་བྱེད། །ཀུན་ཀྱང་གཅིག་ཏུ་འདུས་པས་གསང་བར་བཤད། །དེ་ནས་བཏག་བཙག་བྱ་བ་ནི། །ཞིང་ཆེན་གཡང་གཞིའི་སྟེང་དུ་ནི། །ཐིག་ལེ་དགུ་པ་བྲི་བྱ་སྟེ། །འི་ཁྲོ་མ་མོའི་བསྙེན་པ་དྲང་། །ཞིང་ཆེན་གཡང་གཞིའི་སྟེང་ལ་ནི། །ལྕགས་ཀྱི་གཏན་གཏུན་ཁ་སྤྲད་དེ། །ཡབ་ཡུམ་རྐང་པ་བསྣོལ་བར་དུ། །མཚན་མའི་རྣམ་ཤེས་ཡུལ་དང་བཅས། །ཆོས་དབྱིངས་ཨེའི་ག་་ཁུང་དུ། །མི་དམིགས་ཡེ་ཤེས་ཐོབ་པ་ཡིས། །སྣང་སྲིད་འཁོར་བའི་མཚན་མ་འཇིག །སྟ་ན་སྒྲོལ་བའི་དཀྱིལ་འཁོར་དུ། །ཐབས་དང་ཤེས་རབ་གཉིས་མེད་པའི། །བདུད་རྩི་བྱང་ཆུབ་སེམས་སུ་སྦྱོར། །བདུད་རྩི་འཁྱིལ་བའི་དཀྱིལ་འཁོར་དུ། །ཨོ་ཨུ་ཧཱུཾ་ཀྲ་ཧ་ན་ཏ། ཀྲ་ཧ་ན་ཏ། ཧ་ན་ཧ་ན། ཧུ༷་ཕཊ་ཀྱིས་བཏག །ཨོ་ཨ༷་གོང་དུ་བཤདཔབཞིན། །ཀྲཧནཏ་ན་རིམ་པས་བཏག །ཧ་ན་ཧ་ན་རྡུང་བའི་སྔགས། །མུ་ས་ལ་ཡིས་བསྲེ་ཞིང་སྦལ། །གསང་བའི་མཁའ་སྣོད་དེར་བླུགས་ལ། །རྒྱས་བཏབ་ཁྲོ་བོས་མཚམས་བཅད་ལ། །སྐུ་བཞི་རྫོགས་པའི་མཁའ་ལ་བཞག །དེ་ཡང་དམིགས་ལ་བསྐྱིལ་ལ་ནི། །རྡོ་རྗེ་སོ་སོ་ལམ་ནས་བྱུང་ནས་ནི། །ཚལ་ཆེན་གནམ་ཞལ་མཁའ་ལ་དབབ་པར་བྱ། །ཨོ་ཨ་ཧཱུཾ༷་གི་བཞག་པ་ནི། །སྣོད་བཅུད་འཛིན་པ་གནམ་ཞལ་མཁའ། །ཞེས་གསུངས་སོ། །དེ་ནས་རྟགས་བྱུང་བསྐྱིལ་བའི་སྔགས། །ཨོ་ཨ༷་ཧཱུཾ༷་སརྦ་པ྅་ཨ་མྲི་ཏ་ཀུཎ་ཌ་ལི་ཧཱུཾ༷་ཧྲི༷༷ཐ། བདུད་རྩི་འཁྱིལ་བའི་སྙིང་པོར་བཤད། །སོ་སོའི་མཁའ་ལ་བསྐྱིལ་ལ་ནི། །རྡོ་རྗེ་སོ་སོ་ལམ་ནས་བྱུང་ནས་ནི། །ཚལ་ཚོན་གནམ་ཞལ་མཁའ་ལ་དབབ་པར་བྱ། །ཨོ་ཨ་ཧུ༷་མ་ཧྭ་མེ་པྲ་བེ་ཤ་ཕེབས་ཕེབས་ཧཱུཾ༷་ཧྲི༷༷ཐ། བདུད་རྩི་འཁྱིལ་བའི་སྙིང་པོར་བཤད། །དེ་ནས་དངོས་གྲུབ་བླངས་ཏེ་མཆོད་པ་ནི། །ཆོས་དབྱིངས་ནམ་མཁའི་ཁམས་ན་བཞུགས་པ་ཡི། །ལྷུན་གྱིས་གྲུབ་དང་དུས་གསུམ་སངས་རྒྱས་མཆོད། །ཅེས་རྡོ་རྗེ་གསང་བ་ལས་ཀྱི་རྒྱུད་ལས་ལེའུ་བརྒྱད་པའོ།། །།རྡོ་རྗེ་གསང་བ་ལས་ཀྱི་རྒྱུད་ཅེས་བྱ་བ་བདུད་རྩི་སྨན་སྒྲུབ་རྫོགས་སོ།། །།