Ngb-pt-0709-vol-08-text
Front[edit]
Body[edit]
རྒྱ་གར་སྐད་དུ། ཌའ་ཀི་ནི་རཏྣ་བཱ་ལེ་པི་པ་ར་ཏན་ཏྲ་ནཱ་མ། བོད་སྐད་དུ། ་།ཁའ་འགྲོ་མ་ནོར་བུ་འཕྲེང་བ་ཕྱི་མ་བཤད་པའི་རྒྱུད་ཅེས་བྱ་བ། རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །བྲམ་ཟེ་བློ་ལྡན་མཆོག་སྲེད་ཀྱིས། རྡོ་རྗེ་མཁའ་འགྲོ་མ་ལ་འདི་སྐད་ཞུས། ཨེ་མ་ཧོ། རྩ་བའི་རྒྱུད་དུ་གསུངས་པ་ཡི། །འཕྲིན་ལས་རིམ་པར་གསུངས་པ་རྣམས། །རིམ་པ་རྒྱས་པར་བཤད་དུ་གསོལ། །དེ་སྐད་ཞུས་པས་གསན་ནས་ཀྱང་། །ཡེ་ཤེས་མཁའ་འགྲོས་བཀའ་སྩལ་བ། །ཉོན་ཅིག་རིགས་འཛིན་རྡོ་རྗེ་རྩལ། །ཨེ་མ་མཁའ་འགྲོ་གསང་བའི་སྐད། །ཧ་རི་ནི་ས། ར་ཙ་ཧྲི་ཡ། ཡི་གེ་བཞི་པ་མཁའ་འགྲོའི་སྲོག །མ་ཧ་རི་ནི་ས། ཡི་གེ་ལྔ་པ་མཁའ་འགྲོ་ལྔ། ཧྲི་ར་ཙ་ཧྲི་ཡ། ཡི་གེ་ལྔ་པ་དཔའ་བོ་ལྔ། །ཨཱོཾ་ཨུ༷༷ཧུ༷། ཡི་གེ་གསུམ་པ་སྐུ་གསུང་ཐུགས། །ཧྲི་མ། ཡི་གེ་གཉིས་པ་ཡབ་ཡུམ་གཉིས། །ཧུ༷་ཡི་གེ་གཅིག་པ་དབང་སྡུད་སྔགས། །ཛ༷༷ ཡི་གེ་གཅིག་པ་འགུགས་པའི་སྔགས། །ཧྲི་མ་ཧ་རི་ནི་ས། ཡི་གེ་དྲུག་པ་མཁའ་འགྲོའི་སྔགས། །ར་ཙ་ཧྲི་ཡ་ཧུ༷་ཛ་ཕཊ། ཡི་གེ་བདུན་པ་མཐའ་བསྒྱུར་སྔགས། །མཁའ་འགྲོ་མ་ཡི་བརྡ་སྐད་འདི། །ཆོས་དང་ཆོས་མེན་ཐམས་ཅད་འགྲུབ། །མངོན་པར་སངས་རྒྱའི་ཡི་གེ་ལྔ། །ཕན་གདགས་ལས་ཚོགས་ཡི་གེ་ལྔ། །ཐུན་མོང་དངོས་གྲུབ་ཡི་གེ་ལྔ། །ཚར་གཅད་དགྲ་བགེགས་འདུལ་བའི་ཡི་གེ་ལྔ། །ལྷ་འདྲེ་དཔུང་བསྐྱེད་ཡི་གེ་ལྔ། །འབྱུང་བ་རོ་སྙོམས་ཡི་གེ་ལྔ། །ཚེ་སྲིང་བར་བྱེད་པའི་ཡི་གེ་ལྔའོ། །ཡི་གེ་རྣམ་པར་འབྱེད་པའི་ལེའུ་སྟེ་དང་པོའོ།། །།དེ་ནས་ཡང་དག་བཤད་བྱ་བ། །མངོན་པར་འཚང་རྒྱ་བའི་ཡི་གེ་ལ། ཞེ་སྡང་སྒོ་ནས་འཚང་རྒྱ་བ། །ཞེ་སྡང་རྡོ་རྗེ་མཁའ་འགྲོ་ཡིན། །ཞེ་སྡང་སྤངས་ན་རྡོ་རྗེ་མཁའ་འགྲོ་སྤངས། །ཞེ་སྡང་རང་དང་ལྡན་པས་ན། །རིག་པ་ཡེ་ཤེས་རང་དང་ལྡན། །ཞེ་སྡང་གསལ་བ་ཤས་ཆེ་ན། །མེ་ལོང་ཡེ་ཤེས་གསལ་དངས་ཆེ། །ཞེ་སྡང་བསྒྱུར་བ་དཀའ་བས་ན། །རྡོ་རྗེ་མཁའ་འགྲོ་འགྱུར་བ་མེད། །ཞེ་སྡང་རྡོ་རྗེ་མཁའ་འགྲོ་མ། །མ་སྤངས་རང་འབྱུང་སངས་རྒྱས་སོ། །ཞེ་སྡང་སྒོ་ནས་སངས་རྒྱ་བའི་ལེའུ་སྟེ་གཉིས་པའོ།། །།འདོད་ཆགས་སྒོ་ནས་འཚང་རྒྱ་བ། །འདོད་ཆགས་པདྨ་མཁའ་འགྲོ་ཡིན། །འདོད་ཆགས་སྤངས་ན་པདྨ་མཁའ་འགྲོ་སྤངས། །འདོད་ཆགས་བདེ་བ་ཆེ་བས་ན། །མ་བཅོས་བདེ་བ་ཆེན་པོ་ཡིན། །འདོད་ཆགས་དགའ་བའི་ཉམས་དང་ལྡན། །ཀུན་རྟོགས་ཡེ་ཤེས་དགའ་བཞིར་ལྡན། །འདོད་ཆགས་སྤང་བར་དཀའ་བས་ན། །པདྨ་མཁའ་འགྲོ་ཆགས་པས་གྲོལ། །འདོད་ཆགས་པདྨ་མཁའ་འགྲོ་མར། །མ་སྤངས་རང་བྱུང་སངས་རྒྱས་སོ། །འདོད་ཆགས་སྒོ་ནས་སངས་རྒྱ་བའི་ལེའུ་སྟེ་གསུམ་པའོ།། །།གཏི་མུག་སྒོ་ནས་འཚང་རྒྱ་བ་ལ། །གཏི་མུག་ཡེ་ཤེས་མཁའ་འགྲོ་མ། །གཏི་མུག་སྤངས་ན་ཡེ་ཤེས་མཁའ་འགྲོ་སྤངས། །གཏི་མུག་མ་རིག་རང་བཞིན་ཡིན། །རིག་པའི་རང་བཞིན་ཡེ་ཤེས་གསལ། །གཏི་མུག་མི་རྟོག་ཉམས་དང་ལྡན། །ཆོས་ཉིད་རྣམ་པར་རྟོག་པ་མེད། །གཏི་མུག་མ་རིག་ཡེ་གནས་བས། །ཆོས་དབྱིངས་ཡེ་ཤེས་ཡེ་ནས་གནས། །གཏི་མུག་ཡེ་ཤེས་མཁའ་འགྲོ་མ། །མ་སྤངས་རང་བྱུང་སངས་རྒྱས་སོ། །གཏི་མུག་སྒོ་ནས་སངས་རྒྱ་བའི་ལེའུ་སྟེ་བཞི་པའོ།། །།གཉིས་དང་བསམ་གཏན་བསྲེ་བ་ནི། །སྲོད་ལ་དབང་པོ་གནས་བསྡུས་ལ། ཁེས་པ་སྨིན་མཚམས་འཁོར་ལོ་གཏད། །གཉིད་ཚོགས་ཆེ་ན་དཔྲལ་བར་འཐིབ། །གཉིད་ཀྱི་དབང་པོ་མགོ་ནས་འབབ། །ནམ་པྱེད་རྣམ་ཤེས་སྙིང་དུ་གཞུག །གཉིད་ལོག་ཤེས་པ་སྙིང་ཁར་གཏད། །རྣམ་ཤེས་མ་ཟིན་རྨི་ལམ་འོང་། །རྣམ་ཤེས་ཟིན་པས་རྨི་ལམ་མེད། །རྣམ་པར་མི་རྟོག་ཆོས་ཉིད་དང་། །གཉིད་དང་བསམ་གཏན་འདྲེས་པ་ཡིན། །ཐོ་རངས་འོད་གསལ་ལམ་དུ་ཁྱེར། །གཉིད་སད་ཤེས་པ་གསལ་མདངས་ཕྱེད། །རང་བྱུང་ཡེ་ཤེས་རང་ལ་ཤར། །གཉིད་དང་བསམ་གཏན་གཉིས་སུ་མེད། །བྱར་མེད་ཉལ་བའི་འཁོར་ལོ་ཡིན། །གཉིད་དང་བསམ་གཏན་བསྲེ་བའི་ལེའུ་སྟེ་ལྔ་པའོ།། །།མངོན་པར་སངས་རྒྱ་བའི་ཡི་གེའི་སྐབས་ཏེ་དང་པོའོ།། །།དེ་ནས་ཡང་དག་བཤད་བྱ་བ། །ཐུན་མོང་ལས་ཚོགས་ཡི་གེ་ལ། །ཧ་རི་ནི་ས། མཁའ་འགྲོ་བཞི་ཡི་ནོར་སྒྲུབ་ནི། །མཚན་ལྡན་ཐོད་པ་ཁ་སྦྱོར་ལ། །ཕོ་འཁོར་མོ་འཁོར་བྲིས་ནསནི། །ཚོནགྱིསལེགས་པར་ཕྱེ་ནས་ནི། །སྲ་རྩིས་ཆུ་ཡིས་མི་འཇིག་བྱ། །གསེར་དངུལ་ཟངས་ལྕགས་འབྲུ་སྣ་དང་། །དར་ཟབ་ལ་སོགས་དཀོར་ཆས་དགང་། །དངོས་གྲུབ་ཅི་འདོད་གསོལ་བྱ་ལ། །ཐོད་པ་མཎྜལ་དབུས་སུ་བཞག །རང་ཉིད་ཕག་མོར་བསྒོམ་བྱས་ལ། །ཧ་རི་ནི་ས་ར་ཙ་ཧྲི་ཡ། བྷ་སུ་དྷི་བ་ན་ཁ་དྷི་པྲཛི༷་ཀུ་རུ་གྲྭ་ཧྭ། ཞེས་བཟླས། གྲུབ་རྟགས་ནོར་གྱི་དངོས་གྲུབ་འབྱུང་། །ནོར་སྒྲུབ་ལེའུ་སྟེ་དྲུག་པའོ།། །།མཁའ་འགྲོ་མ་ཡི་ཆུ་སྒྱིན་ལ། །རིན་ཆེན་ཟངས་ཀྱི་གཞོང་པ་སྲ །ཛམ་བྷ་ལ་ཡི་སྐུ་གཟུགས་བཞུགས། །མཁའ་འགྲོ་རིགས་བཞིས་བསྐོར་བར་བསམ། །རིན་ཆེན་བུམ་པར་ཆུ་བླུག་ལ། །བདུད་རྩིར་ཡིག་འབྲུ་གསུམ་གྱིས་བསྒོམ། །ཧ་རི་ནི་ས་ར་ཙ་ཧྲི་ཡ། ཛམ་བྷ་ལ་ཛ་ལེན་ཏཱ་ཡེས་གྲྭ་ཧྭ། ཆུ་དེ་ལག་པ་གཡས་པ་ཡིས། །ཁྱོར་བ་བརྒྱ་དང་བརྒྱད་དབུལ་ལོ། །ཛམ་བྷ་ལ་ནི་མཉེས་པ་དང་། །མཁའ་འགྲོ་ཕོ་མོ་ཚིམ་པར་བསམ བར་ཆད་སེལ་ཅིང་ནོར་རྣམས་འཕེལ། །ཆུ་སྤྱིན་ལེའུ་སྟེ་བདུན་པའོ།། །།མཁའ་འགྲོ་མ་ཡི་ཚ་ཚ་ནི། །རང་ཉིད་ཟས་ལ་རོལ་པའི་ཚེ། །ཕུད་ཀྱིས་བླ་མ་དཀོན་མཆོག་མཆོད། །ཡི་དམ་མཁའ་འགྲོ་ཚོགས་ཀྱིས་མཆོད། །དེ་ནས་ཚ་ཚ་བཏབ་བྱས་ནས། །ཕྱི་ནི་ཚ་ཚ་མཆོད་རྟེན་ལ། །ནང་ནི་མཁའ་འགྲོའི་ལྷ་ཚོགས་གསལ། །ཨཱོཾ༷་ཨུ་ཧུ༷ ཧ་རི་ནི་ས། ར་ཙ་ཧྲི་ཡ། ཞེས་པ་བཟླས་ལ། ལན་གསུམ་བརྗོད་ལ་རབ་གནས་བྱ། །ཚེ་རིང་ཟས་འདུ་དངོས་གྲུབ་བྱུང་། །ཚ་ཚའི་ལེའུ་སྟེ་བརྒྱད་པའོ།། །།མཁའ་འགྲོ་ཐང་སྐུའི་མཆོད་པ་༷ནི། །མཁའ་འགྲོའི་ཐང་སྐུ་ལེགས་མཆོད་ལ། །ཕྱི་ནང་མཆོད་པ་ལེགས་བཤམས་ལ། །བསྟོད་ཅིང་མཆོད་པ་དབུལ་བ་དང་། །ཡན་ལག་བདུན་པས་ཚོགས་བསགས་ལ། །ཅི་འདོད་གསོལ་བ་གདབ་པར་བྱ། །ཨཱོཾ་ཨུ་ཧྭ༷། ཧ་རི་ནི་ས། ར་ཙ་ཧྲི་ཡ། བཛྲ་སརྦ་བུརྙ་ཌའ་ཀི་ནི་སི་དྷི་ཕ་ལ་ཧུ༷། ཞེས་བརྒྱ་རྩ་བརྒྱད་བཟླས་སོ། །ཅི་འདོད་དངོས་གྲུབ་ཐོབ་པར་འགྱུར། །ཐང་སྐུ་མཆོད་པའི་ལེའུ་སྟེ་དགུ་པའོ།། །།མཁའ་འགྲོ་དཔའ་བོའི་སྟོན་༷མོ་ནི། །རྣལ་འབྱོར་ཕོ་མོ་འཚོགས་ནས་ནི། །ཞལ་ཟས་སྣ་ཚོགས་འབྱོར་ཚད་བཤམས། །བདག་ཉིད་རྡོ་རྗེ་ཕག་མོར་བསྒོམ། །མཆེད་རྣམས་དཔའ་བོ་དཔའ་མོར་བསྒོམ། །ཞལ་ཟས་བདུད་རྩི་ཆེན་པོར་བསྒོམ། །ཨཱོཾ་ཨུ༷༷ཧུ༷། ཧ་ར་ནི་ས། ར་ཙ་ཧྲི་ཡ། བྷ་ན་བྱུ་ཙ་ཁ་ཧི་ཁ་ཧི། ཞེས་པ་ཡིས།ཕུད་ཀྱིས་བླ་མ་དཀོན་མཆོག་མཆོད། །ཡི་དམ་མཁའ་འགྲོ་མཉེས་པར་བྱས། །བར་པ་རྣལ་འབྱོར་མཆེད་རྣམས་རོལ། །ལྷག་མ་ལས་ཀྱི་མཁའ་འགྲོ་མཆོད། །ཚོགས་སོགས་ལོངས་སྤྱོད་དངོས་གྲུབ་འབྱུང་། །དཔའ་བོའི་སྟོན་མོའི་ལེའུ་སྟེ་བཅུ་པའོ།། །།མཁའ་འགྲོ་ག་འུའི་སྦྱོར་བ་ནི། །ཟངས་ཀྱི་གའུ་ཁ་སྦྱར་ལ། །ཆོས་འབྱུང་སྔགས་དང་བཅས་པ་བྲི། །ཕོ་འཁོར་མོ་འཁོར་དབང་སྡུད་སྔགས། །ལྷ་འདྲེ་མི་གསུམ་སྙིང་པོ་བྲི། །བདག་ཉིད་རྡོ་རྗེ་ཕག་མོར་བསྒོམ། །འཁོར་ལོ་མཆན་ཁུང་བཅུག་བྱས་ལ། །ཧ་རི་ནི་ས་ར་ཙ་ཧྲི་ཡ། ནི་ཨ་བྲི་བ་ཤང་ཀུ་རུ་ཡེ། ལྷ་འདྲེ་མི་གསུམ་དབང་དུ་སྡུས་ཅིག །ཅེས་བཟླས། གྲུབ་རྟགས་ལྷ་འདྲེ་མི་གསུམ་འདུ། །གའུའི་སྦྱོར་བའི་ལེའུ་སྟེ་བཅུ་གཅིག་པའོ།། །།མཁའ་འགྲོའི་སྔགས་ཀྱི་སྦྱོར་བ་ནི། །རང་ཉིད་རྡོ་རྗེ་ཕག་མོར་བསྒོམ། །སྙིང་ཁར་པདྨ་འདབ་བཞི་ལ། །ཡི་གེ་འབྲུ་བརྒྱད་བཀོད་པར་བསམ། །ཧ་རི་ནི་ས་ར་ཙ་ཧྲི་ཡ་ནི་འགུལ་འགུལ་མ་མ་ཧྲིང་ཧྲིང་། མ་མ་ཁ་ཤི། མི་སྙིང་སྒུལ་སྒུལ། མི་འགྲམ་ཆོག་ཆོག །ཧྲི་ཧྲི །བསྡུས་བསྡུས། མ་མ་ཁ་ཤི་བ༷་གྲྭ་ཧྭ། འགྲོ་བ་མི་ཡི་སྙིང་དཀྱིལ་ནས། །རྣམ་ཤེས་ཉ་མིག་ལྟ་བུ་དེ། །འོད་ཟེར་དམར་པོས་དྲངས་ནས་ནི། །རང་གི་སྙིང་ལ་བསྟིམ་པར་བྱ། །མི་སྙིང་མི་ལག་འགུལ་བར་བྱེད། །སྣང་བ་དབང་དི་འདུ་བར་བྱེད། །སྔགས་ཀྱི་སྦྱོར་བའི་ལེའུ་སྟེ་བཅུ་གཉིས་པའོ།། །།མཁའ་འགྲོ་མའི་དངོས་གྲུབ་ཆང་དགུག་པ་ནི། །མཎྜལ་ཆོས་འབྱུང་བྲིས་པའི་སྟེང་། །ཐོད་པ་མཚན་ལྡན་ཆང་གིས་དགང་། །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས། ར་ཙ་ཧྲི་ཡ། སུ་ར་པ་ནི་སི་དྷི་ཕ་ལ་ཨ་ཧུ༷་ཛ། ཞེས་བཟླས་པའི།སྔགས་ཀྱི་འོད་ཟེར་དམར་པོ་ཡིས། །ལྷ་ཡི་བདུད་རྩི་མི་ཡི་ཆང་། ཁེང་ཐོག་མེ་ཏོག་བཅུད་བསྡུས་ནས། །ཐོད་པའི་ཆང་ལ་བསྟིམ་པར་བྱ། །དེ་ནས་འབྲུ་བཙོས་ཕབས་བཏབ་ལ། །ལངས་ནས་ཐོད་པའི་ཆང་གིས་བསིང་། །སྔགས་དང་ཏིང་འཛིན་གོང་ལྟར་བྱ། །འབྲུ་བཅུད་ཆང་དེ་འཛད་མི་འགྱུར། །ཆང་དགུག་པའི་ལེའུ་སྟེ་བཅུ་གསུམ་པའོ།། །།མཁའ་འགྲོའི་ལྷ་མོའི་མཚན་དགུག་པ་ནི། །ལྷ་མོ་མི་མོའི་གཟུགས་བྲིས་ལ། །བྷ་གའི་ནང་དུ་འཁོར་ལོ་བྲི། །བདག་གི་འདོམས་སུ་བཅུག་ནས་ནི། །ཧ་རི་ནི་ས་ར་ཙ་ཧྲི་ཡ་པདྨ་ཁ་ན་ཁ་ན། ཡེད་ཡེད་དུད་པ་ཁ་ན་ཡེར་ཡེར་ཡུག་ཡུག །ཁད་ཁད་གྲྭ་ཧྭ། གང་ལ་བྱས་པའི་པདྨ་ལ། །འོད་ཟེར་དམར་པོའི་མེ་ཡིས་བསྐུལ། །བདག་གི་རྗོ་རྗེའི་རྩེ་མོར་དགུག །ཚངས་པའི་བུ་མོ་ཡིན་ཡང་ཁུགས། །ཕྱག་རྒྱ་མ་དགུག་པའི་ལེའུ་སྟེ་བཅུ་བཞི་པའོ།། །།མཁའ་འགྲོ་ཆུ་ལ་མི་བྱིང་བ། །བདག་ཉིད་རྡོ་རྗེ་ཕག་མོར་བསྒོམ། །ཆུ་ནི་ས་ཡི་སྟེང་དུ་བསམ། །རྐང་པ་རླུང་གི་དཀྱིལ་འཁོར་བསམ། །ཧ་རི་ནི་ས་ར་ཙ་ཧྲི་ཡ་ཡ༷་མ་ལ་ཧྲི་ན་གྲྭ་ཧྭ། ན་མོ་རཏྣ་ཏྲ་ཡ་ཡ་བི་ཏྲི་ཡང་སྣ་ཧྭ། སྔགས་དེ་ཤིང་ལ་བྲིས་བྱས་ལ། །རང་གི་སྐེ་ལ་གདགས་བྱས་ལ། །ཆུ་དང་ས་སྟེང་འགྲོ་བ་འདྲ། །ཆུ་ལ་མི་བྱིང་བའི་ལེའུ་སྟེ་བཅོ་ལྔ་པའོ།། །།མཁའ་འགྲོ་མ་ཡི་མངོན་ཤེས་སྒྲུབ་པ་ལ། །རང་ཉིད་རྡོ་རྗེ་ཕག་མོར་བསྒོམ། །སྙིང་དཀྱིལ་ཟླ་བའི་དཀྱིལ་འཁོར་ལ། །སྔགས་ཀྱི་འཁོར་ལོ་བསམ་པར་བྱ། །ཧ་རི་ནི་ས་ར་ཙ་ཧྲི་ཡ། ཏབྱ་ཐུ། ལྷི་པ་ཙཀྱུ་གྲྭ་ཧྭ། སྔགས་ཀྱི་འཁོར་ལེའི་འོད་ཟེར་གྱིས། །སྣང་སྲིད་ཐམས་ཅད་གསལ་བར་བསམ། །འཇིག་རྟེན་ཁམས་ཀུན་མཐོང་བ་དང་། །གཞན་གྱི་སེམས་ཀུན་ཤེས་པར་འགྱུར། །མངོན་ཤེས་འོང་བའི་ལེའུ་སྟེ་བཅུ་དྲུག་པའོ།། །།མཁའ་འགྲོའི་འབྱུང་བ་མེས་མི་འཚིག་པ། བདག་ཉིད་རྡོ་རྗེ་ཕག་མོར་བསྒོམ། །སྙིང་ཁར་ཆུ་ཡི་འཁོར་ལོ་བསྒོམ། །ཧ་རི་ནི་ས་ར་ཙ་ཧྲི་ཡ། མེ་ཤི་དུ་ཤི་གྲྭ་ཧྭ། མེ་ཡི་གནོད་པ་བྱུང་བ་དང་། །མེ་ལ་བརྟུལ་ཞུགས་བྱེད་པའི་ཚེ། །ཆུ་ཡིས་མེ་དེ་བསད་པར་བསྒོམ། །འབྱུང་བ་མེ་ཡིས་ཚིག་མི་འགྱུར། །མེས་མི་ཚིག་པའི་ལེའུ་སྟེ་བཅུ་བདུན་པའོ།། །།མཁའ་འགྲོའི་ལུས་ཀྱི་བཅུད་འཕེལ་བ། །བདག་ཉིད་རྡོ་རྗེ་ཕག་མོར་བསྒོམ། །སྲིད་པ་ཕོའི་བཅུད་ཅོང་ཞི་དང་། །ད་བྱིད་སྒོ་ང་ཚ་བ་གསུམ། །སྦྲང་རྩིར་སྦྱར་ལ་བཟའ་བར་བྱ། །ཧ་རི་ནི་ས་ར་ཙ་ཧྲི་ཡ་ཤུ་ཏྲ་སྲུ་ཧྭ། སྟོང་དུ་བཟླས་ཤིང་ཟོས་པ་་་ །བཅུད་འཕེལ་ས་བོན་བུ་ཕོར་འགྱུར། །རྒས་པ་མེད་ཅིང་ཚེ་རིང་འགྱུར། །བཅུད་འཕེལ་བའི་ལེའུ་སྟེ་བཅོ་བརྒྱད་པའོ།། །།མཁའ་འགྲོ་མ་ཡི་རྨ་སྔགས་ལ། །མི་ལུས་རིན་ཆེན་ལྔ་ཕུང་ལ། །རྡོ་མཚོན་གྲི་དང་དབྱུག་པ་དང་། ཁྲ་སྣང་རྩ་དང་ཆུ་རྒྱུས་ཆོད། །ཚབས་ཆེན་ཀླད་པ་ལུག་པ་དང་། །བརྡབས་དང་རུས་པ་ཆག་པ་དང་། །ཁྱི་རྨ་ལ་སོགས་སྔགས་འདི་འཚོ། །ཧ་རི་ནི་ས། ཁྲེ་བས་ཨན་ལི་སྦལ་ཞི་ཁྲག་ཆོང་སྲུ་ཧྭ། ཚ་ཚ་ཡི་ཞབས་ཀྱི་ས་དང་། །རུས་ཆེན་ཐལ་བ་སྦྱར་ནས་ནི། །བྱིས་པའི་ཆུ་དང་སྦྱར་ལ་བྱུག །རྣལ་འབྱོར་སྤྱོད་པ་བྱེད་པ་ལ། །གཞན་གྱིས་བརྡགས་ཀྱང་འདི་ཡིས་འཚོ། །ལུས་ཀྱི་རྨ་གསོ་བའི་ལེའུ་སྟེ་བཅུ་དགུ་པའོ།། །།མཁའ་འགྲོ་མའི་མཛེ་གསོ་བ་ནི། །བདག་ཉིད་རྡོ་རྗེ་ཕག་མོར་བསྒོམ། །གུ་གུལ་ནག་པོ་གླ་རྩི་དང་། ཁུ་དག་ནག་པོ་ཤིང་ཀུན་དང་། །བདུད་རྩི་དྲི་ཆེན་མར་ནག་སྦྱར། །ཧ་རི་ནི་ས་ར་ཙ་སྒྲི་ཡ་ནཱ་ག་ནཱ་ག་མྱ་ར་ཡ་ཁུག །ནཱ་ག་མ་ར་ཡ་སོད། སྔགས་དེ་རྫས་ལ་བཏབ་བྱས་ལ། ཁོང་དུ་བཏང་ཅིང་བྱུག་པར་བྱ། །ཕག་སྐད་ངུར་ཞིང་བརྟུལ་ཞུགས་བྱ། །ཀླུ་རྣམས་ཟས་སུ་ཟ་བར་བསམ། །མཛེ་པོ་རྐང་ལག་ཆད་ཀྱང་འཚོ། །མཛེ་གསོ་བའི་ལེའུ་སྟེ་ཉི་ཤུ་པའོ།། །།མཁའ་འགྲོ་མའི་ཞོ་ཆང་བསྲུང་བ་ནི། རང་ཉིད་རྡོ་རྗེ་ཕག་མོར་བསྒོམ། །རྡེའུ་དཀར་ནག་ཕབས་ལ་ནི། །ཧ་རི་ནི་ས་ར་ཙ་ཧྲི་ཡ་མ་ཧྭ་མ་ཤི་ཁ་ཉི་སྲུ་ཧྭ། བརྒྱ་འམ་སྟོང་དུ་བཟླས་ནས་ནི། །ཞོ་འམ་འོ་མའི་སྣོད་དུ་གཞུག །ཆང་ལ་ཕབས་སུ་བཏབ་ལ་བཏང་། །ངེས་པར་ཐུབ་པར་ཐེ་ཚོམ་མེད། །ཞོ་ཆང་བསྲུང་བའི་ལེའུ་སྟེ་ཉེར་གཅིག་པའོ།། །།མཁའ་འགྲོ་མའི་སྲིའུ་བསྲུང་བའི་མན་ངག་ལ། །རྡོ་རྗེ་ཕག་མོའི་བསྙེན་པ་རྫོགས་པ་ཡིས། །སྔགས་དང་བསྲུང་བའི་འཁོར་ལོ་ཡིས། །སེང་ལྡེང་ཕུར་པ་སྔགས་བཟླས་པ། །ཕག་མོའི་སྐུ་རུ་བསྒོམས་ལ་གདགས། །བསྲུང་སྐུད་དམར་པོ་སྔགས་མདུད་ཅན། །གྲི་གུག་རྡོ་རྗེ་འཕྲེང་བར་བསམ། །སྲིའུའི་ལུས་ལ་གདགས་པར་བྱ། །ཧ་རི་ནི་ས་ར་ཙ་ཧྲི་ཡ། པུ་ཏྲ་བུ་ལ་རཀྟ་རཀྟ །ཞེས་བཟླས་པར་བྱགཏོར་མ་གཏང་ཞིང་མཁའ་འགྲོ་མཆོད། །ལོ་ཡི་དུས་ན་གཏང་རག་གཏང་། །སྲིའུ་སོས་པར་ཐེ་ཚོམ་མེད། །སྲིའུ་གསོ་བའི་ལེའུ་སྟེ་ཉེར་གཉིས་པའོ།། །།མཁའ་འགྲོ་མའི་སེར་བ་བསྲུང་བ་ནི། བདག་ཉིད་རྡོ་རྗེ་ཕག་མོར་བསྒོམ། །ཁ་ནས་རླུ་་དང་འ་་མ་ཡིས། །སྤྲིན་དང་འབྱུང་བ་གཏོར་བར་བསམ། །སྡིགས་མཛུབ་བསྒྲེངས་ལ་མཛུབ་རིགས་བྱ། །ཧ་རི་ནི་ས་ར་ཙ་ཧྲི་ཡ་ཆེར་ཡ་ཆུར་ཡུ་ར་མ་ནི་མྱ་ར་ཡ་ཤིག་བཟློག །ཅེས་བཟླས། སེར་བ་ཆར་པར་འགྱུར་ནས་འགྲོ། །སེར་བ་བཟློགས་པའི་ལེའུ་སྟེ་ཉེར་གསུམ་པའོ།། །།མཁའ་འགྲོས་འཆི་བ་བཟློག་པ་ནི། །བདག་ལ་ན་ཚ་དྲག་པོ་དང་། །འཆི་ལྟས་ལ་སོགས་བྱུང་ཙམ་ན། །གཏོར་ཚོགས་བཟང་པོས་མཁའ་འགྲོ་བསྐང་། །བསྟོད་ཅིང་གསོལ་བ་གདབ་པར་བྱ། །བདག་ཉིད་རྡོ་རྗེ་ཕག་མོར་བསྒོམ། །མཁའ་འགྲོ་དཔའ་བོ་དཔའ་མོ་ཡིས། །བདུད་དང་གཤིན་རྗེའི་ལག་ནས་ནི། །བདག་གི་བླ་ཚེ་བཀུག་ནས་ནི། །རང་གི་སྙིང་ལ་བསྟིམ་པར་བསམ། །ཧ་རི་ནི་ས་ར་ཙ་ཧྲི་ཡ། ཨ་ཡུ་ཚེ་ཨ་ཡུ་པ་རུ་མི་ཏ་བྲུ༷་གྲྭ་ཧྭ། ཞེས་བཟླས་ཅིང་བསྟིམ། །ཚེ་ཉམས་ཚེ་ཟད་དུས་མིན་འཆི། །བཟློག་པར་འགྱུར་བར་ཐེ་ཙོམ་མེད། །འཆི་བ་བཟློག་པའི་ལེའུ་སྟེ་ཉེར་བཞི་པའོ།། །།མཁའ་འགྲོས་རྨི་ལམ་ངན་པ་བཟློག་པ་ནི། །བདག་ལ་རྨི་ལམ་ངན་པ་ན། །ལངས་ལ་མཁའ་འགྲོ་མཆོད་པར་བྱ། །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། པ་ར་ཙ་ཏྲ་ཨ་པ་ན་ཡ་རྨི་ལམ་ངན་པ་སྨྱོ་བཟློག་སྨྱོ། ཞེས་སྟོང་བཟླས་ནས། ཐལ་མོ་ལན་གསུམ་བརྡབ་པར་བྱ། །དེ་ནས་རྨི་ལམ་ཞབྲུལ་སྣང་ལ། །ངན་དང་བཟང་བ་མེད་པར་བསྒོམ། །རྨི་ལམ་ལྟས་ངན་ཐམས་ཅད་བཟློག །རྨི་ལམ་ངན་པ་བཟློག་པའི་ལེའུ་སྟེ་ཉེར་ལྔ་པའོ།། །།མཁའ་འགྲོས་ལམ་གྱི་འཇིགས་པ་བཟློག་པ་ལས། །དགྲ་ལ་སོགས་པ་བཟློག་པ་ནི། །བདག་ཉིད་ལམ་དུ་ཞུགས་པའི་ཚེ། །བདག་ཉིད་རྡོ་རྗེ་ཕག་མོར་བསྒོམ། །དགྲ་དང་མི་མཐུན་ཐམས་ཅད་ཀུན། །བདག་ཉིད་མདུན་དུ་ལྕགས་ཀྱི་ཕག་མོ་བདུན། །ཐམས་ཅད་ཟ་ཡིན་འགྲོ་བར་བསམ། །ཧ་རི་ནི་ས་ར་ཙ་ཧྲི་ཡ་ཐར་ནུ་ཐར་ནུ་དགྲ་རྐུན་འབྱུང་པོ་ཆིངས། ཆེ་དགྲ་ཆུང་དགྲ་ཆིངས། མཚོན་གྱི་རྩེ་ཆིངས། ཞེས་བརྒྱ་རྩ་བརྒྱད་བཟླས་ལ་འགྲོ། །དགྲ་དང་ཆོམ་རྐུན་ཐམས་ཅད་བཟློག །ལམ་གྱི་འཇིགས་པ་བཟློག་པའི་ལེའུ་སྟེ་ཉེར་དྲུག་པའོ།། །།མཁའ་འགྲོས་ཕྱོགས་ངན་བཟློག་པ་ནི། །རང་ཉིད་གར་འགྲོའི་ཕྱོགས་ཀྱི་སར། །ཐེམ་པའི་ཕྱི་ལོགས་ཐོན་པ་དང་། །ས་ལ་མདའ་གཞུའི་གཟུགས་བྱས་ལ། །མཆོག་མ་རྡོག་པས་མནན་ནས་ནི། །བདག་ཉིད་རྡོ་རྗེ་ཕག་མོར་བསྒོམ། །ལྕགས་ཀྱི་མདའ་གཞུ་བཀང་ནས་ནི། །གར་འགྲོའི་ས་རུ་འཕངས་པ་ཡིས། ་།ལ་ལམ་སྔོན་ལ་བྱུང་བ་དང་། །ཕྱོགས་ངན་ས་རུ་བརྡེག་པར་སྒོམ། །ཧ་རི་ནི་ས་ར་ཙ་ཧྲི་ཡ་མ་ཧྭ་ཐ་ན་ཧུ༷་ཕཊ། ཉི་ཤུ་རྩ་གཅིག་བཟླས་ནས་ནི། །ས་རིས་རྡོག་པས་བསུབས་ལ་འགྲོ། །དོན་དང་བསམ་པ་འགྲུབ་པར་འགྱུར། །ཕྱོགས་ངན་བཟློག་པའི་ལེའུ་སྟེ་ཉེར་བདུན་པའོ།། །།མཁའ་འགྲོ་མའི་མིག་མཐོང་པྲ་དབབ་པ། འུག་པའི་མིག་དང་སྦུག་པོའི་མིག །བྱི་ལའི་མིག་དང་པུ་ཤུད་མིག །ཁྱེའུ་འཐུང་བའི་ནུ་ཞོ་དང་། །མེ་ལོང་ནང་དུ་སྦྱར་ནས་ནི། །རང་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ་ཙཀྱུ་ཙཀྱུ་མ་ཧྭ་ཧ་ར། བཛྲ་ཙཀྱུ་པྲ་བེ་ཤ་ཕཊ། ཅེས་སུམ་སྟོང་བཟླས་ནས་མིག་ལ་བྱུགས་ན། སྲིད་པ་གསུམ་གྱི་ལྷ་འདྲེ་མཐོང་བར་འགྱུར་རོ། །གཞན་གྱི་མིག་ལ་བྱུགས་ན་ཡང་། །ལྷ་འདྲེ་ཐམས་ཅད་མཐོང་བ་དང་། །ལེགས་ཉེས་ཐམས་ཅད་མཐོང་བར་འགྱུར། །མིག་མཐོང་གི་ལེའུ་སྟེ་ཉེར་བརྒྱད་པའོ།། །།མཁའ་འགྲོ་མའི་འགོ་ནད་བཟློག་པ་ལ། བདག་ཉིད་རྡོ་རྗེ་ཕག་མོར་བསྒོམ། ཁུ་དག་ནག་པོ་ཡུང་བ་དང་། །བཙན་དུག་གུ་གུལ་ནག་པོ་བཞི། །སྦྱར་ལ་སྔགས་འདི་བཟླས་པར་བྱ། །ཧ་རི་ནི་ས་ར་ཙ་ཧྲི་ཡ། བྷར་ཞི་སྣུར་ཞི་ནན། པྲ་མོ་ནན། ཞི་ན་ཡག་མོ་སྨྱོ། དམ་སྨྱོ། སྙིང་གཟེར་སྟོ། འབྲམ་གཟེར་སྨྱོ། འབྲུམ་གཟེར་སྨྱོ། རྒྱུག་གཟེར་སྨྱོ།ལྷོག་གཟེར་སྨྱོ། རིགས་གཟེར་སྨྱོ། སོད་སོད་འདྲེ་མྱ་ར་ཡ་འདྲེ་ཁ་ཐམ། ཆེ་གེ་མོ་ལ་སྲུངས་ཤིག་སྲུངས་ཤིག །སྲུངས་ཤིག་སྲུངས་ཤིག །རྫས་དེ་གང་ལ་བཏགས་པ་དེས། །རིམས་ནད་ཆར་ལྟར་བབས་ཀྱང་ཐུབ། །རིགས་ནད་འགོ་ནད་བཟློག་པའི་ལེའུ་སྟེ་ཉེར་དགུ་པའོ།། །།ལུས་ལ་ཤ་རོ་དབྱུང་བ་ནི། །གནམ་སྲུང་དཀར་པོ། ས་སྲུང་ནག་པོ། བར་སྲུང་ཁྲ་བོ་གསུམ་ལ་ནི། །བདག་ནི་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། ལ་ནི་ལ་པྲ༷་སྲུ༷། སེང་གེ་ལ་གྱ་གྱུ། ཆུ་སེར་གྱི་བུ་མོ། ཧོར་གལ་གྲོངས་གྲོངས། ཞེས་བཟླས་ནས་ནི། རང་གི་མཆུ་ཡིས་ཆུ་སེར་འཇིབ། །རྫས་གསུམ་ཕག་ཚིལ་སྦྱར་ལ་བྱུག ཁྲ་རོ་གར་བྱུང་ཐོན་པར་འགྱུར། །ཤ་རོ་དབྱུང་བའི་ལེའུ་སྟེ་སུམ་ཅུ་པའོ།། །།ཕན་གདགས་པའི་ལས་ཚོགས་ཀྱི་སྐབས་ཏེ་གཉིས་པའོ།། །།དེ་ནས་ཡང་དག་བཤད་བྱ་བ། །ཡི་དམ་མཁའ་འགྲོའི་ཞལ་ལྟ་ན། །རབ་ཏུ་དབེན་པའི་གནས་དག་ཏུ། །མཎྜལ་བྱི་དོར་བྱས་ནས་ནི། །བདུད་རྩི་ལྔ་ཡིས་ཆག་ཆག་གདབ། །རྡོ་རྗེ་ཕག་མོའི་སྐུ་གཟུགས་དགྲམ། །ཕྱི་ནང་མཆོད་པས་མཉེས་པར་བྱ། །དང་པོ་སྐུ་གཟུགས་ལ་སེམས་གཟུང་ལ། །དེ་ལ་གསལ་བར་ཟིན་པ་དང་། །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ་ཌའ་ཀི་ནི་ཌའ་ཀི་ནི། རྙོ་ཀི་ནི་རྙོ་ཀི་ནི། ཕོབ་ཕོབ་སྟོན་སྟོན། ཅེས་བཟླས་པ་འབུམ་ཕྲག་རྫོགས་པ་དང་། །མཁའ་འགྲོའི་གཟུགས་རྣམས་མཐོང་བ་དང་། །ལུང་སྟོན་ཆོས་འཆད་བྱེད་པ་འོང་། །ཡི་དམ་ལྷའི་ཞལ་ལྟ་བའི་ལེའུ་སྟེ་སོ་གཅིག་པའོ།། །།མཁའ་འགྲོའི་བྱིན་རླབས་དབབ་པ་ནི། །ཕྱི་ནང་མཆོད་པ་བཤམས་ནས་ནི། །མཁའ་འགྲོ་བསྟོད་མཆོད་མཉེས་པར་བྱ། །སློབ་མ་བདུན་དུ་བཞག་ནས་ནི། །བདག་ཉིད་རྡོ་རྗེ་ཕག་མོར་བསྒོམ། །ཐུགས་ནས་མཁའ་འགྲོ་རྣམ་བཞི་བཏོན། །སློབ་མའི་མདུན་ན་གར་བྱེད་བསམ། །ཧ་རི་ནི་ས་ར་ཙ་ཧྲི་ཡ་ནི་རུ་རི་པ་སྙིང་ནི་སངས་ཧུ༷། སྔགས་ཀྱི་འོད་ཟེར་འཕྲོས་པ་ཡིས། །སློབ་མ་འབར་ཅིང་གར་བྱེད་བསམ། །འགྲོ་བ་ཐམས་ཅད་འཕར་བར་བྱེད། །བྱིན་རླབས་དབབ་པའི་ལེའུ་སྟེ་སུམ་ཅུ་གཉིས་པའོ།། །།མཁའ་འགྲོ་མའི་བསྲུང་བ་གདགས་པ་ནི། །བདག་ཉིད་རྡོ་རྗེ་ཕག་མོར་བསྒོམ། །སྔགས་ཀྱི་འཁོར་ལོ་བྲིས་ནས་ནི། །དཔའ་བོ་དཔའ་མོར་བྱིན་བརླབས་ནས། །རང་དང་གཞན་ལ་གདགས་པར་བྱ། །ཧ་རི་ནི་ས་ར་ཙ་ཧྲི་ཡ་ནི་སྲ ཆེ་གེ་མོ་ལ་སྲུངས་ཤིག་སྲུངས་ཤིག །ཅེས་པ་བཟླས །བགྲུང་སྐུད་དམར་པོ་སུམ་སྒྲིལ་ལ། །སྔགས་མདུད་བྱས་ལ་རྡོ་རྗེར་བསམ། །སེང་ལྡེང་ཕུར་པ་སོར་བཞི་ལ། །སྔགས་བཟླས་ཕག་མོར་བསམས་ལ་གདགས། །གདོན་དང་ནད་ལས་གྲོལ་བར་འགྱུར། །བསྲུང་བའི་ལེའུ་སྟེ་སོ་གསུམ་པའོ།། །།ས་འོག་ས་སྟེང་ས་བླ་ཐམས་ཅད་ལྟ་བར་འདོད་ན། ཤིང་གཅིག་གི་སར་ཕྱིན་ལ། ཞ་ཉེའི་རྐོང་བུ་སྲ རོ་རས་ལ་སྡོང་བུ་བྱ། །མིའི་ཞུན་ལ་མར་ཁུ་བྱས་ལ་མེ་མར་བཏང་། ཐོད་པ་གཅིག་གིས་ཁ་བཅད། ཐོད་པ་གསུམ་ལ་སྒྱེད་བུ་བྱ། རང་རྡོ་རྗེ་ཕག་མོར་བསྒོམ། ཧ་རི་ནི་ས་ར་ཙ་ཧྲི་ཡ། སརྦ་འདོད་སྟོན། ཕེ་ཕེ་ཕེ། སྔགས་འདི་ཁྲི་བཟླས། དེ་ནས་མི་རྐང་གཉིས་ཀྱི་ནང་ནས་མིག་ལྟའོ། །དུད་པ་རང་གི་དྲི་ཆུ་དང་སྦྱར་ལ་མིག་ལ་བསྐུའོ། །དེས་ས་འོག་ས་སྟེངས་ས་བླ་ཐམས་ཅད་སལ་ལེ་མཐོང་ངོ་། །མིག་མཐོང་གི་ལེའུ་སྟེ་སོ་བཞི་པའོ།། །།མཁའ་འགྲོ་མས་རྒྱལ་པོ་ཆེན་པོ་དབང་དུ་བསྡུ་བ་ནི། འཁོར་ལོ་ཕོ་འཁོར་མོ་འཁོར་བྲི། །རྒྱལ་པོ་འཁོར་བཅས་མིང་བྲིས་ལ། །འཁོར་ལོ་ཟངས་ཀྱི་གབ་རྩེར་བཞུག །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། ར་ཛུ་ཙཀྲ་ཧྲི་ཏི་པ་་ང་་་་་སའ་ཧྭ། ཞེས་བཟླས་པ་འབུམ་དུ་བྱ། ཟངས་ཀྱི་གབ་རྩེ་ཚོན་སྐུད་དམར་པོས་ཅིངས། བདག་གི་རྐང་པ་གཡོན་པའི་འོག་ཏུ་གཞུག །སྔགས་བཟླས་རྒྱལ་པོ་འཁོར་བཅས་རྣམས། །བདག་གི་བཀའ་འོག་གནས་པར་ཐོསམ ངེས་པར་བདག་གི་དབང་དུ་འདུ། །རྒྱལ་པོ་དབང་དུ་བསྡུ་བའི་ལེའུ་སྟེ་སོ་ལྔ་པའོ།། །།མཁའ་འགྲོས་ཕོ་བྲང་གྲོང་ཁྱེར་གཡོ་བར་བྱ་བ་ནི། འཁོར་ལོ་ཕོ་འཁོར་མོ་འཁོར་བཅའ། །གྲོང་ཁྱེར་གཙོ་འཁོར་མིང་བྲིས་ལ། །འཁོར་ལོ་ཟངས་ཀྱི་ག་འུར་གཞུག །བདག་ཉིད་རྡོ་རྫེཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ་ནི་སརྦ་མ་ནུ་ཙཀྲ་ཧྲི་ཏི་པ་ཤ༷་ཀུ་རུ་གྲྭ་ཧྭ། གབ་ཙེ་རྐང་པའི་འོག་ཏུ་གཞུག །སྔགས་ཀྱི་འོད་ཟེར་དམར་པོ་ཡིས། །གྲོང་ཁྱེར་འཁོར་བཅས་དབང་བསྡུས་བསམ། །བདག་གི་བྲན་བཞིན་བཀའ་ཉིན་བསམ། །ངེས་པར་དབང་དུ་འདུས་བར་འགྱུར། །གྲོང་ཁྱེར་གཡོ་བའི་ལེའུ་སྟེ་སོ་དྲུག་པའོ།། །།མཁའ་འགྲོས་བཙུན་མོ་དབང་དུ་བསྡུ་བ། འཁོར་ལོ་ཕོ་འཁོར་མོ་འཁོར་བཅས། །བཙུན་མོ་བུད་མེད་མིང་བྲིས་ལ། །འཁོར་ལོ་ཟངས་ཀྱི་ག་འུར་གཞུག །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ་པདྨ་མ་ནུ་ཙཀྲ་ཧྲི་ཏི་ཨ་པ་ན་ཡ་པ་ཤང་ཀུ་རུ་གྲྭ་ཧྭ། གབ་རྩེ་རྐང་གཡོན་འོག་ཏུ་གཞུག །ཡང་ན་འདོམས་སུ་བཅུག་ལ་བཟླས། །སྔགས་ཀྱི་འོད་ཟེར་དམར་པོ་ཡིས། །བཙུན་མོ་བུད་མེད་རྣམ་ཤེས་དགུག །དབང་འདུས་དངོས་སུ་འཁྲིས་སུ་ཡོང་། །བཙུན་མོ་གཡོ་བའི་ལེའུ་སྟེ་སོ་བདུན་པའོ།། །།མཁའ་འགྲོ་མའི་རྩོད་པ་རྒྱལ་འདོད་ན། བདག་ཉིད་རྡོ་རྗེ་ཕག་མོར་བསྒོམ། །ལྕེ་འོག་མགྲོན་བུ་སྒྲམ་པ་གཞུག །ལྕེ་ནི་གོས་དཀར་མོ་རུ་བསམ། །ཕྱོགས་བཞིར་གོམ་པ་བཞི་བོར་ལ། །ཧ་རི་ནི་ས་ར་ཙ་ཧྲི་ཡ་པ་ཏི་ཀ་གྲྭ་ཧྭ། ཞེས་བཟླས་ན་གཞན་དང་རྩོད་པ་ལས་རྒྱལ་བར་འགྱུར་རོ། །ཧ་རི་ནི་ས་ར་ཙ་ཧྲི་ཡ་རང་ན་ཏ་མི་ན་གྲྭ་ཧྭ། ཀར་ཤ་པ་ཎ་ལ་བརྒྱ་རྩ་བརྒྱད་བཟླས། མཆན་དུ་བཅུག་གམ་བཏགས་ན་རྒྱན་ལས་རྒྱལ་བར་འགྱུར་རོ། །ཧ་རི་ནི་ས་ར་ཙ་ཧྲི་ཡ་པུ་་ཀུ་རུ་ཡ་ན་སྲུ་ཧྭ། ས་ལ་བཏབ་ལ་མདུན་ནས་གཏོར། །ཞལ་ཆེ་ལས་ནི་བདག་རྒྱལ་འགྱུར། །གཞན་དང་རྩོད་པ་ལས་རྒྱལ་བའི་ལེའུ་སྟེ་སོ་བརྒྱད་པའོ།། །།མཁའ་འགྲོས་རྟ་ཕྱུགས་ནོར་སྲུང་ན། །རས་སམ་གྲོ་ག་ཤོག་བུ་ལ། །ལྕེ་སྤྱང་ཁ་ཕྱི་ལོགས་སུ་ག༷ཟུགས་བྲིས་ལ། །ཁོང་པར་སྔགས་རྣམས་འཁོར་བར་བྲེ། །དཀྱིལ་དུ་གང་བསྲུང་མི་རྣམས་བྲི། །ཧ་རི་ནི་ས་ར་ཙ་ཧྲི་ཡ། ཨཱོཾ༷་ཨཱོཾ༷་ཆོམས་རྐུན་ཆིངས་ཙག་ཁྲུ་མུ་ཁ༷། བན་དྷ་བན་དྷ་གྲྭ་ཧྭ། ནོར་སྲུངས་ཤིག །གྲྭ་ཧྭ། ཨཱོཾ་ཨུ་ཧུ༷། དགྲ་བགེགས་འབྱུང་པོ་ཁ་ཐམ་ཁ་ཐ༷། ཞེས་ཁ་ལ་བྲིས། ཏིང་འཛིན་ལྕེ་སྤྱང་ཁོག་པ་སྲ །ནོར་རྣམས་ཆུད་པར་བསམ་པར་བྱ། །མཛོད་དང་ར་བར་གཟུགས་པར་བྱ། །སྟོར་རླག་རྐུན་མོ་རྒྱུན་ཡང་འཆད། །མལ་དུ་བཙུགས་ན་བུད་མེད་ཐུབ། །ལུས་ལ་བཅངས་ན་དགྲ་ཡང་ཐུབ། །རྟ་ཕྱུགས་ནོར་སྲུངས་ལེའུ་སྟེ་སོ་དགུ་པའོ།། །།ཐུན་མོང་གི་ལས་མཐའ་དགུའི་སྐབས་ཏེ་གསུམ་པའོ།། །།དེ་ནས་ཡང་དག་བཤད་བྱ་བ། །མཁའ་འགྲོའི་མཐུ་ཡི་བྱ་ཐབས་ལ། །དབེན་པའི་གནས་སུ་འདུག་ནས་ནི། །དཀྱིལ་འཁོར་མདའ་གང་གྲུ་བཞི་ལ། །དབུས་སུ་གྲུ་གསུམ་ཁྲུ་གང་བརྐོ། །གྲི་བོར་ཤི་བའི་ཐོད་པ་ལ། །འཁོར་ལོ་རྩིབས་བཞི་བྲིས་བྱས་ལ། །ར་ཙ་ཧྲི་ཡ་བྲི་བར་བྱ། །གྲི་མོར་ཤི་བའི་ཐོད་པ་ལ། །ཧ་རི་ནི་ས་ཞེས་པ་བྲི། །ནང་དུ་གྲི་བོ་གྲི་མོ་ཡི། །སྙིང་གཤགས་ནང་དུ་ལིང་ག་གཞུག །བདག་ཉིད་རྡོ་རྗེ་ཕག་མོར་བསྒོམ། །ཡུངས་ཀར་ཡུངས་ནག་དག་ལ་བསྔགས། །ཕོ་ཐོད་བསམ་ལ་ཐུན་གྱིས་བྲབ། །ཧ་རི་ནི་ས་ར་ཙ་ཧྲི་ཡ་དགྲ་བོ་ཆེ་གེ་མོ་མྱ་ར་ཡ་ཙིསྟ་སྙིང་ལ་རྦུད། ཅེས་པ་བཟླས། གྲུབ་རྟགས་ལིང་ག་འཚེག་པ་འོང་། །ལིང་ག་བཏོན་ལ་ཕུར་པས་གདབ། །སྤྱིན་སྲེག་བྱས་ལ་མནན་པ་བྱ། །ཚངས་པའི་ཚེ་དང་ལྡན་ཡང་འཆི། །མཐུའི་ལས་ཀྱི་ལེའུ་སྟེ་བཞི་བཅུ་པའོ།། །།མཁའ་འགྲོ་མའི་གཏད་ཁྲམ་ལ། གྲོ་ག་གཙང་མ་དག་ལ་ནི། །དགྲའི་ལིང་ག་མཚལ་དང་ཀླུ་སྨན་སྦྱར་ལ་བྲི། །དྲིལ་ལ་ལ་ཆའི་སྦལ་པར་གཞུག །ཡང་ན་གླང་རུའི་ནང་དུ་གཞག །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ་ན་ག་ར་ཙ་ས་མ་ཡ་དགྲ་བོའི་སྙིང་ལ་དམ་ཛ་ཛ། དགྲ་བོའི་ལུས་ལ་སྦྲུལ་གྱིས་ཟ་བར་བསྒོམ། །ཞག་གསུམ་བསྒྲུབས་ལ་ཀླུ་ལ་གཏད། །གང་ལ་བྱས་པ་མཛེ་ཡིས་འཁྱེར། །ཡང་ན་དགྲ་ཡི་ལིང་ག་དང་། །ཟག་པ་རྫས་དང་བཅས་པ་རྣམས། །ཐོད་པ་མཚན་ངན་ནང་དུ་གཞུག །ཧ་རི་ནི་ས་ར་ཙ་ཧྲི་ཡ། ཡ་མ་རག་ཤ་སྟམ་བྷ་ཡ་ནན། དུར་ཁྲོད་ལྷ་འདྲེ་འཚོགས་སར་མནན། །གང་ལ་བྱ་བ་མོད་ལ་འཆི། །གཏད་ཀྱི་ལེའུ་སྟེ་ཞེ་གཅིག་པའོ།། །།མཁའ་འགྲོའི་ཐོག་སེར་༷དབབ་པ་ནི། །ཡུངས་ཀར་ཡུངས་ནག་ཐུན་རྫས་ལ། །ཞག་གྲངས་ཉི་ཤུ་རྩ་གཅིག་བཟླས། །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། ཡ་མ་རྭ་ཛ་གིང་ཀ་ར་ནཱ་ག་རྭ་ཛ་ཤར་ཕོབ། རག་ཤ་ཧ་ལ་ཕྲོ་ཕོབ་ཡ།རག་མོ་རྩ་པ་ལ་ཧྲིལ་ཧྲིལ་ཕོབ་ཡ། དུ་པ་ཀ་རི་ཡ་མྱགས་མྱགས། ཕོབ་ཡ། ས་མ་ཡན་ཐུན་སྨྱོ།ཧྲི༷་ཛ། གྲུབ་རྟགས་སེར་བ་དངོས་སུ་འོང་། །གང་འདོད་ས་རུ་ཐུན་གཏོར་བས། །ཆུ་འབྱག་སེར་བ་གློ་བུར་༄༅ འབབ སེར་བའི་ལེའུ་སྟེ་ཞེ་གཉིས་པའོ།། །།མཁའ་འགྲོས་སྨྱོ་རུ་གཞུག་པ་ནི། །གྲོ་ག་ཤོག་བུ་དག་ལ་ནི། །རླུ་་གི་ཤ་བའི་ཁོག་པ་མྲ །འཁོར་ལོ་བྲིས་ལ་མིང་རུས་བྲི། །སྨྱོ་འབོགས་ཐོད་པར་འཁོར་ལོ་གཞུག །བདག་ཉིད་རྡོ་རྗེ་ཕག་མོར་བསྒོམ། །ཐང་ཕྲོམ་ཐུན་གྱིས་བྲབ་པར་བྱ། །ཧ་རི་ནི་ས་ར་ཙ་ཧྲི་ཡ་ཆེ་གེ་མོ་ཨུན་མ་ཏ་ཡ་ཕཊ། སྨྱོ་བའི་ཤ་ལ་སྦྱིན་སྲེག་བྱ། །དགྲ་དེ་སྨྱོ་ཞིང་འབོག་ཅིང་འཆི། །སྨྱོ་རུ་གཞུག་བའི་ལེའུ་སྟེ་ཞེ་གསུམ་པའོ།། །།མཁའ་འགྲོ་མ་ཡི་ཉེ་འབྱེད་ལ། །བྱ་རོག་འུག་པའི་ལྟོ་བ་སྲ །སྔགས་ཀྱི་འཁོར་ལོ་བྲིས་བྱས་ལ། །དགྲ་བོའི་མིང་རུས་དབུས་སུ་བཞག །བྱ་རོག་འུག་པ་འི་གུང་རུ་དང་། །ཚོན་སྐུད་སྔོན་པོས་བཅིངས་བྱས་ནས། །ལྷ་དང་འབྱེད་ན་ལྷ་རྟེན་འོག །དགྲ་བོ་ནང་འབྱེད་རྒྱུ་སྲང་འོག །བཟའ་མི་ནང་འབྱེད་ཐེམ་པའི་འོག །ཡུལ་ཁམས་འབྱེད་ན་རླུད་ལ་ཕྱར། །ཧ་རི་ནི་ས་ར་ཙ་ཧྲི་ཡ་ཨ་ནི་་ག་ཤག་ཕྱེ། ཤ་ཏྲུ༷་མྱ་ར་ཡ་ཕྱེ། ནི་ཆེ་གེ་མོའི་ཙིསྟ་དཀྲུགས་དཀྲུགས། ཤག་ཕྱེ་ཤག་ཕྱེ། ཞེས་བཟླས་ལ་སྦྱར། གང་འདོད་ངེས་པར་འགྲུབ་པར་འགྱུར། །ཉེ་འབྱེད་ཀྱི་ལེའུ་སྟེ་ཞེ་བཞི་པའོ།། །།མཁའ་འགྲོ་མའི་ཟོར་གྱི་བྱ་ཐབས་ནི། །ཐོད་པ་མཚན་ངན་ནང་དུ་ནི། །དམར་གྱི་གཏོར་མ་ཆེན་པོ་བཤམས། །གང་ལ་བྱ་བའི་ལིང་ག་གཞུག །དམར་གྱི་གཏོར་མས་མཁའ་འགྲོ་མཆོད། །ལིང་ག་དགྲ་བོ་དངོས་སུ་བསམ། །མཁའ་འགྲོས་དངོས་སུ་བསྒྲལ་བར་བསམ། །ཡུངས་ཀར་ཡུངས་ནག་ཟངས་ཕྱེ་ལ། །དྲག་པོས་ཐུན་རྫས་བྱས་ལ་བརྡེག །བདག་ཉིད་རྡོ་རྗེ་ཕག་མོར་བསྒོམ། །ཐུན་རྫས་མཚོན་ཆའི་ཚོགས་སུ་བསྒོམ། །སྔགས་ནི་མཁའ་འགྲོའི་དམོད་པར་ཡིན། །ཧ་རི་ནི་ས་ར་ཙ་ཧྲི་ཡ་ཌའ་ཀི་ནི་རག་མོ་ཁ་ལ་ཁ་ཙེ་དགྲ་བོ་མ་ར་ཡ་ཐུན་སྨྱོ། དགྲ་བོའི་སྙིང་ཁྲག་ཚལ་པ་ཐུན་སྨྱོ། དགྲ་བོའི་སྙིང་ཁྲག་བ༷་རིལ་ཐུན་སྨྱོ། དགྲ་བོའི་སྙིང་ཁྲག་ཧུར་བུ་ཐུན་སྨྱོ།ཞེས་བརྡེག་གོ །གཏོར་མ་ཁོལ་དང་ལིང་ག་འཚེག །རྟགས་བྱུང་གཏོར་ཐུན་དགྲ་ཕྱོགས་འཕངས། །ཉེ་ན་ཁང་པ་མཁར་ལ་བདེག །མྱུར་དུ་ཕུང་བར་གདོན་མི་ཟ། །ཟོར་ཐུན་གྱི་ལེའུ་སྟེ་ཞེ་ལྔ་པའོ།། །།མཁའ་འགྲོ་མའི་ལྟས་ངན་བཏང་བ་ནི། བདག་ཉིད་རྡོ་རྗེ་ཕག་མོར་བསྒོམ། །རྫས་ནི་ཆུ་གཙང་ཟངས་གཞོང་གང་། །བ་བླ་གླ་བའི་ཀླད་པ་དང་། །སྙིང་དང་རྐང་དང་སྐྲུ་དང་ནི། །འུག་པ་ཝ་སྤྲེའུ་ཁྱི་ནག་གི །ཀླད་པ་སྙིང་དང་རྐང་དང་སྐྲུ། །བསྲེས་ལ་ཆུ་ཡི་ནང་དུ་གདབ། །སྔགས་འདི་ཁྲི་རུ་བཟླས་བྱས་ན། །ཆུ་ཡི་ནང་གི་རྫས་ལ་གདབ། །དགྲ་ཡི་ཁང་ཟུར་ནང་དུ་གཏོར། །ཧ་རི་ནི་ས་ར་ཙ་ཧྲི་ཡ། ཧོ་ལ་ཀང་ཤེའུ་རེའུ་ཧུ༷། ཏྲ་ཏོ་ཡ་ཤིའུ་རེའུ་ཧུ༷།གོ་རི་ཤིའུ་རེའུ་ཧུ༷། ཙི་ཏ་ཤིའུ་རེའུ་ཧུ༷། ཀས་ཏེ་ཤིའུ་རེའུ་ཧུ༷། ཞེས་པའི་སྔགས། བ་བླ་ལས་ནི་འོད་དུ་སྣང་། །གླ་བ་འུག་པ་ཝ་སྤྲེའུ་ཁྱི། །སེམས་ཅན་ལྔ་པོ་ཁྱིམ་དུ་འོང་། །གང་ལ་བྱ་བ་བྲེད་ཅིང་སྔངས། །ལྟས་ངན་གྱི་ལེའུ་སྟེ་ཞེ་དྲུག་པའོ།། །།མཁའ་འགྲོ་་མའི་བྱ་དམག་དབབ་པ་ནི། བདག་ཉིད་རྡོ་རྗེ་ཕག་མོར་བསྒོམ། །བྱ་རོག་སྙིང་ནི་སྙོམ་པར་གཞུག །ཉི་མའི་ཟེར་ལ་ཤར་དུ་ཁ་བལྟས་ལ། །ཧ་རི་ནི་ས་ར་ཙ་ཧྲེ་ཡ། བྱ་ལྷུ་ལྡི་མ་ཏི་དུན། ཁ་ཁ་གུ་ལིང་མ་ཏི་ཆུམ། ཁ་ཁ་གུ་ལ་མ་ཏི་ཀྟམ། བྱ་གུ་ལིང་མ་ཏི་ཤལ། ཁ་ཁ་སྙིང་དུན་དུན། ཁ་ཁ་མ། སྙིང་དུན་དུན། བྱ་གུ་ལིང་མ་ཏི་ཆུམ། ཞེས་བཟླས། རྫས་ནི་མདའ་ཕོ་རོག་མ། གླ་རྩི་ཁྱི་ཤ་ཁྱི་ཁྲག་དང་། །རྟ་ཁྲག་མུ་ཟི་ཚི་བ་དང་། །ཡུངས་ཀར་སྦྱར་ལ་མདའ་ལ་བྱུག །དགྲ་ཡི་ཁྱིམ་གྱི་ཐོག་ཏུ་གཏོར། །སྔགས་ནི་ཁྲི་ཙམ་བཟླས་པ་དང་། །བྱ་ནི་སྔོ་ན་དུ་ཁུགས་པ་དང་། །ཆང་ཕུད་གཙང་མའི་ནང་དུ་ནི། །བྱ་སྙིང་བདར་ལ་གཏོར་བར་བྱ། །དགྲ་ལ་བྱ་དམག་ཕོབ་ཅིག་ཅེས་བརྗོད། དགྲ་བོའི་སྟེང་དུ་བྱ་དམག་འབེབས། །བྱ་དམག་དབབ་པའི་ལེའུ་སྙེ་ཞེ་བདུན་པའོ།། །།མཁའ་འགྲོ་་མའི་ཁྱི་དམག་དྲང་པ་ལ།ཝ་ཡི་ཤ་ཁྲག་སྤྱང་ཁུའི་ཚིལ། །ཁྱི་ཤ་ཁྱིའི་ཚིལ་ཁྲག་མི་ཤ་དང་ཁྲག་ཚིལ། རྟ་ཤ་རྟ་ཁྲག་རྟའི་ཚིལ། །སྦུར་པ་བྱང་བ་གླ་རྩི་རྣམས། །སྦྱར་ལ་སྔགས་ཀྱིས་གདབ་པར་བྱ། །ཧ་རི་ནི་ས་ར་ཙ་ཧྲི་ཡ་ཀུ་ཀུར་ཙ་ཁ་ཁ་ཁང་ཁང་ཀང་ཀང་ཀྱེང་ཀྱེང་ཟུགས་ཟུགས་དགྲ་བོ་ཆེ་གེ་མོ་ལ་ཁྱི་དམག་ཕོབ། ཅེས་རྡོ་རྗེ་ཕག་མོར་བསྒོམས་ལ་བཟླས་སོ། །རྫས་དེ་དགྲ་བོའི་སྒོ་་རེ་བ་ལ་བྱུགས་ལ། རེ་བཞི་ཡ་ཐེམ་ཁར་རྫས་ཀྱི་ཐུམ་པོ་སྦས་ལ་བཞག །ཁྱི་རྣམས་ཐམས་ཅད་འདུས་ནས་ནི། །སྒོ་ལ་ཁ་གཏད་ངུ་ཞིང་ཟའོ། །ཁྱི་དམག་དྲང་བའི་ལེའུ་སྟེ་ཞེ་བརྒྱད་པའོ།། །།མཁའ་འགྲོ་མའི་ཞིང་སེལ་ནི། །རབས་ཆད་ཐོད་པ་མཚན་ངན་དུ། །མཁའ་འགྲོའི་ཕོ་འཁོར་མོ་འཁོར་བྲི། །ལྷ་འདྲེ་རྣམས་ཀྱི་སྔགས་ཀྱིས་བསྐོར། །བཛྲ་སན་ཏི་ཡ། མ་ཏི་ཡ། ཁ་ཏ་ཡ། ཤན་ཀུ་རུ་ཡ། ཞུང་ཡང་། ཏྲི་ཤ་མེ་ཀ་ཡ། བཛྲ་ས་པ་ཡ བཛྲ་བོང་ཡ། བཛྲ་ར་ཏྲི་ཡ། བཛྲ་མ་ཞུང་ཡ། བཛྲ་ར་ཏྲི་ཡ།ཏྲེ་མ་ར་ཡ། ཙུ་ཏ་ནི་ཙ་ཏྲ་ཡ། བཱ་ར་ན་ཏྲི་ཙ་ཡ། ཏྲི་ལན་དུ་ཡ། རུ་ལ་ན་ཏྲི་ཡ། ཞེས་ལྷ་འདྲེའི་སྔགས་ཀྱིས་བསྐོར། །ཐོད་པའི་ནང་དུ་བྲ་བོ་དང་། །སྲེན་མ་ཚིགས་མ་སྦང་སྐམ་བླུག །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། ཆེ་གེ་མོའི་ཞིང་ལ་ཧབ་ཐོབ་ལེ་ཧོབ་ལེ། སྐམས་སྐམས་ཚིགས་ཚིགས་གྲྭ་ཧྭ། ཞེས་བཟླས་པར་བྱས་ལ། ཐོད་པ་རེ་བས་གྲིལ་ནས་ནི། །ཞིང་གི་དཀྱིལ་དུ་གཞུག་པར་བྱ། །ལོ་ཏོག་སྐྱེ་བའི་རྒྱུན་ཡང་འཆད། །མུ་ཟི་ཚུར་ནག་བུལ་ཏོག་དང་། །ཁྱི་ཡི་འོ་མ་སྦྱར་བྱས་ནས། །ཐག་པ་ལ་ནི་བྱུགས་ནས་སུ། །སྙེ་མའི་ཚིགས་ལ་བྱུགས་པ་ན། །མིག་མིའི་ཆགས་ཤིང་སྙེ་ལོར་འགྲོ། །མཚུར་ནག་དུད་པ་ཚིག་མ་དང་། །ཕ་བ་གོ་གོ་ལ་བོན་དུ་བསྲེ། །རྟ་དང་ཆུ་དང་སྦྱར་ནས་ནི། །ཐག་པ་ལ་ནི་རྫས་བྱུགས་ནས། །བཞར་ནས་སྙེ་མ་བོན་དུད་འགྲོ། །ཨ་ཅང་སྡིག་ཆེ་བྱ་བ་མེད། །ཞིང་སེལ་གྱི་ལེའུ་སྟེ་ཞེ་དགུ་པའོ།། །།མཁའ་འགྲོ་མའི་ཁང་སེལ་ནི། ཞིང་སེལ་བཞིན་དུ་འཁོར་ལོ་བྲི། །རབས་ཆད་ནག་པོའི་ཐོད་པ་སྲ །ལྷ་ཁང་རྙིང་པའི་སྐོར་རྫས་དང་། །རྒྱལ་པོ་ཆགས་པའི་རྟེན་རྫས་དང་། །ཕུང་ཤུལ་ཁང་པའི་ས་སྣ་དང་། །བཀྲ་མི་ཤིས་པའི་རྫས་སྣ་ཚོགས། །བླུག་ལ་རེ་བས་གྲིལ་ནས་ནི། །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། ཆེ་གེ་མོ་ཁ་ཕུང་གནམ་སྟིབ་སོད་སོད་རྦད་རྦད་དཀྲུགས་དཀྲུགས། ལིང་ལིང་ཆོམ་ཆོམ་རྦད། ཅེས་པ་ཞག་གསུམ་བྱ། ཐོད་པ་ཁང་ང།འི་རྔང་དུ་གཞུག །ཁང་པ་རྨད་ནས་འགྱེལ་བ་དང་། །ཁྱིམ་ཕུང་བརྡལ་ནག་འཆི་བར་འཀྱུར། །ཁང་སེལ་གྱི་ལེའུ་སྟེ་ལྔ་བཅུ་པའོ།། །།མཁའ་འགྲོ་མའི་དུར་སེལ་ནི། འཁོར་ལོ་ཞིང་སེལ་བཞིན་དུ་བྲི། །ཕང་སྲི་ཕག་ཐོད་ཁྱི་ཐོད་གཞུག །རུས་ཤེད་ཐོད་པ་མཚན་ངན་དུ། །དགྲ་བོའི་ཕ་མེས་བུ་ཚ་དང་། །མི་རབས་བདུན་རྒྱུད་མིང་བྲིས་གཞུག །རང་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ །ཆེ་གེ་མོ་རོ་ལ་ཁྱི་ཁྱེ། ཤུ་ཏྲུ༷་རོ་ལ་ཁྲག་འཐུངས། དུར་དཀྲུགས་ཕུང་སྲི་སློངས། །བདུན་རྒྱུད་རྩད་ཆོད་དྲུངས་ཕྱུང་། ཞེས་བཟླས། ཐོད་པ་དུར་དུ་ཁྱེར་ནས་ནི། །དུར་གྱི་དབུས་སུ་སྒྱེད་ཁར་གཞུག །དུརསྲིཕུངསྲིགཤིནསྲིལ། །གཏོར་མ་གཏང་ལ་འཕྲིན་ལས་བཅོལ། །ཕ་ཚན་རྩ་བ་འཆད་པར་འགྱུར། །དུར་སེལ་གྱི་ལེའུ་སྟེ་ང་གཅིག་པའོ།། །།མཁའ་འགྲོ་མའི་ལྐུགས་སུ་གཞུག་པ་ནི། ལྐུགས་པའ་ཐོད་པར་འཁོར་ལོ་བྲི། །དབུས་སུ་དགྲ་བོའི་ལིང་ག་ལ། །ལྕེ་ཡི་དབང་པོ་ཕྱིར་བཏོན་ལ། །ཆེ་གེ་མོ་ཨ་ཏི་པ་ར་ངག་ནན། ཨ་མུ་ཀམ་ལྐུགས་སུ་ཆུག །ཅེས་བྲི། མུ་ཟི་ནག་པོ་མ་་ནག་བྱུག །བདག་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། གོང་གི་སྔགས་ཀྱི་ཤམ་བུར་གདགས། །སེང་ལྡེང་ཕུར་པ་སོར་བཞི་ལ། །སྔགས་བཟླས་ལྕེ་ལ་གདབ་པར་བྱ། །ས་བདག་ལྐུགས་པ་ཡོད་སར་མནན། །ངེས་པར་དགྲ་བོ་ལྐུགས་པར་འགྱུར། །ལྐུགས་སུ་གཞུག་པའི་ལེའུ་སྟེ་ང་གཉིས་པའོ།། །།མཁའ་འགྲོས་རེངས་སུ་གཞུག་པ་ནི། །སུག་པ་མུ་ཟི་ལྡོང་རོས་དང་། །མཚུར་ནག་བཙན་དུག་དུད་པ་དང་། །བསྲེ་འབྲས་སྤྱང་དུག་སྦྱར་བར་བྱ། །སྦྱོར་ཚེ་རང་གི་སྣ་བུག་ཏུ། །ར་ཚིལ་བ་མར་བསྐུ་བར་བྱ། །རང་གི་ལུས་ལ་མི་འདུལ་བསྲེལ། །རང་ཉིད་རྡོ་རྗེ་ཕག་མོར་བསྒོམ། །ཧ་རི་ནི་ས་ར་ཙ་ཧྲི་ཡ། ཀྱིང་ཀྱིང་རིངས་རེངས། ཧ་ད་ཧ་ད་ཧེད་ཧེད། དུ་ན་མ་ཡ་མྱ་ར་ཡ་ཆིངས། ཞེས་རྫས་ལ་བཟླས་སོ། །རཇེ་གི་སྣ་བུག་རྫས་ཀྱིས་བསྲུང་། །དགྲ་ཡི་གདོང་དུ་སྲིབ་ཀྱིས་གདབ། །དགྲ་བོ་རེངས་པར་གདོན་མི་ཟ། །རེངས་སུ་གཞུག་པའི་ལེའུ་སྟེ་ང་གསུམ་པའོ།། །།མཁའ་འགྲོ་མས་རྨུགས་སུ་གཞུག་པ་ནི། གཏི་མུག་ཕག་གི་ཐོད་པ་སྲ །དགྲ་བོའི་ལིང་ག་བཅུག་ནས་ནི། །དུག་སྣ་ཁྲག་སྣ་གུ་གུལ་དང་། །ཡུངས་ཀར་ཡུངས་ནག་རྫས་རྣམས་ལ། །བདག་ཉིད་རྡོ་རྗེ་ཕག་མོར་བསྒོམ། །གཏི་མུག་ཕག་གི་ལྟོ་བ་ན། །དགྲ་བོ་རྨུགས་ཤིང་མྱོས་པར་བསམ། །སྔགས་ཀྱི་འཁོར་ལོ་དྲག་ཏུ་བསྐོར། །ཧ་རི་ནི་ས་ར་ཙ་ཧྲི་ཡ། ཆེ་གེ་མོ་མྱོས་མྱོས། བྱིང་བྱིང་མྱོག་མྱོག་ཐིབ་ཐིབ་ཐུལ་ཐུལ་རྨུགས་རྨུགས། ཞེས་ཐུན་གྱིས་བྲབ་ཅིང་འཁོར་ལོ་བསྐོར། བྲག་ནག་དམུ་ཡི་རྟེན་སར་མནན། །དགྲ་བོ་མྱོས་ཤིང་གཉིས་དུ་འབྱིང་། །མྱོས་སུ་གཞུག་པའི་ལེའུ་སྟེ་ང་བཞི་པའོ།། །།མཁའ་འགྲོའི་རྡེབ་པར་བྱ་བ་ནི། །རང་ཉིད་རྡོ་རྗེ་ཕག་མོར་བསྒོམ། །མགོ་ལོ་རྡོ་རྗེ་ཡོད་པར་བསྒོམ། །རླུད་གཟུང་། ཧ་རི་ནི་ས་ར་ཙ་ཧྲི་ཡ། ཞེས་བཟླས། མི་དང་སྲོག་ཆགས་ཐམས་ཅད་ལ། །མགོ་ཡི་རྡོ་རྗེས་རྡུངས་བ་ཡིས། །ཐམས་ཅད་བརྒྱལ་དང་རེངས་པར་འགྱུར། །རྡོ་ཤིང་བེམ་པོ་ཐམས་ཅད་ནི། །འོད་དང་ན་བུན་ལྟ་བུར་བསམ། །དེ་ལ་བརྡུངས་པས་ཐོག་མེད་བསམ། །བྲག་འགས་རྡོ་ཆག་ཐམས་ཅད་འཇོམས། །བགེགས་གནོད་ནད་པ་ཚབས་ཆེན་ལ། །ཕག་མོའི་ཏིང་འཛིན་གསལ་བ་ཡིས། །ཕག་སྐད་ངུར་ཅིང་བརྡུང་བར་བྱ། །རྒྱལ་འགོང་ལ་སོགས་གདོན་བགེགས་འདུལ། །དབུ་རྡེབ་ཀྱི་ལེའུ་སྟེ་ང་ལྔ་པའོ།། །།ཚར་བཅད་བགེགས་འདུལ་བའི་སྐབས་ཏེ་བཞི་པའོ།། །།དེ་ནས་ཡང་དག་བཤད་བྱ་བ། །ལྷ་འདྲེ་ཕོ་མོ་དཔུང་བསྐྱེད་པའི། །ཡི་གེ་ལ་ནི་ལས་བརྒྱད་དེ། །བརྟུལ་ཞུགས་དྲག་པོས་དཔུང་བསྐྱེད་པ། །རང་ཉིད་རྡོ་རྗེ་ཕག་མོར་བསྒོམ། །རྩལ་ཆེན་སེང་གེའི་བརྟུལ་ཞུགས་ཀྱིས། །རིག་པའི་རྩལ་བསྐྱེད་གདེང་དང་ལྡན། །ཉམ་ང་མེད་པའི་བརྟུལ་ཞུགས་བྱ། །དཔའ་བ་སྟག་གི་བརྟུལ་ཞུགས་ཀྱིས། །རིག་པ་དཔའ་བསྐྱེད་ང་རྒྱལ་གྱིས། །དཔའ་གསུམ་རིག་པའི་བརྟུལ་ཞུགས་བྱ། །ག་་པ་དོམ་གྱི་བརྟུལ་ཞུགས་ཀྱིས། །རིག་པ་ག་་ཁྲོས་ཐོགས་མེད་པས། །ཁྲོས་པའི་ཡིད་ཀྱིས་བརྟུལ་ཞུགས་བྱ། །ཟུག་པ་ཁྱི་ཡི་བརྟུལ་ཞུགས་ཀྱིས། །ཡེངས་མེད་རང་བྱུང་རང་ཤར་བས། །མ་ཡེངས་མེལ་ཚེའི་བརྟུལ་ཞུགས་བྱ། །གདུག་པ་སྦྲུལ་གྱི་བརྟུལ་ཞུགས་ཀྱིས། །ཞེ་སྡང་ཆེན་པོའི་ཡེ་ཤེས་ཀྱིས། །དགྲ་བགེགས་གདུལ་བའི་བརྟུལ་ཞུགས་བྱ། །བརྟུལ་ཞུགས་དྲག་པོས་སྤྱད་པ་ཡིས། །དགྲ་བགེགས་དུག་ལྔ་གདུལ་བར་བྱ། །བརྟུལ་ཞུགས་ཀྱི་ལེའུ་སྟེ་ང་དྲུག་པའོ།། །།མཁའ་འགྲོས་ལྷ་ཡི་དཔུང་བསྐྱེད་པ། །རང་ཉིད་རྡོ་རྗེ་ཕག་མོར་བསྒོམ། །ཡེ་ཤེས་མཁའ་འགྲོས་ནམ་མཁའ་གང་། །རྡོ་རྗེ་མཁའ་འགྲོ་དཔའ་བོའི་ཚོགས། །རིན་ཆེན་མཁའ་འགྲོ་དཔའ་བོ་དང་། །པདྨ་མཁའ་འགྲོ་དཔའ་བོ་དང་། །ལས་ཀྱི་མཁའ་འགྲོ་དཔའ་བོ་དང་། །སྤྲུལ་པའི་མཁའ་འགྲོ་དཔའ་བོས་བར་སྣང་གང་། །དམ་ཚིག་མཁའ་འགྲོ་དཔའ་བོ་དང་། །འཇིག་རྟེན་མཁའ་འགྲོ་དཔའ་བོ་དང་། །ཐམས་ཅད་མཁའ་འགྲོ་དཔའ་བོ་དང་། །ལོག་འདྲེན་མཁའ་འགྲོ་དཔའ་བོ་དང་། །ལས་ཀྱི་མཁའ་འགྲོས་ས་གཞི་གང་། །ཀུན་ཀྱང་མཁའ་འགྲོའི་རང་བཞིན་ལས། །དགྲ་བགེགས་བྱ་བའི་མིང་ཡང་མེད། །ལུས་ནི་ལྷ་ཡི་དཔུང་དང་ལྡན། །ངག་ནི་སྔགས་ཀྱི་དཔུང་དང་ལྡན། །ཡིད་ནི་ཆོས་ཉིད་དཔུང་དང་ལྡན། །དགྲ་བགེགས་ཉོན་མོངས་འཇོམས་པ་ཡིན། །ལྷའི་དཔུང་བསྐྱེད་པའི་ལེའུ་སྟེ་ལྔ་བཅུ་རྩ་བདུན་པའོ།། །།མཁའ་འགྲོས་གླུ་ཡི་དཔུང་བསྐྱེད་པ། །མཁའ༷་འགྲོ་མ་ཡི་གླུ་ཚིག་ནི། །ཧུ༷ །རང་བཞིན་མེད་པའི་རང་བཞིན་ལས། །སྐྱེས་ལ་མ་སྐྱེས་རྒྱས་བཏབ་པས། །འཁོར་བ་ཟིལ་གྱིས་ནོན་པ་ཉིད། །འདི་ནི་རྣལ་འབྱོར་དམ་པའི་ལམ། །རྡོ་རྗེ་རིགས་ཀྱི་མཁའ་འགྲོའི་གླུ། །ཨཱོཾ་བཛྲ་ཏི་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷ །གཉིས་མེད་ཡེ་ཤེས་བདེ་ཆེན་པོ། །ཉམས་སུ་མྱོང་བ་བྱས་པ་ཉིད། །རོ་རྣམས་སྤྱོད་པ་གསལ་བྱས་ནས། །རི་ཁྲོད་བུ་མོ་འབྱུང་བར་འགྱུར། །རིན་ཆེན་མཁའ་འགྲོ་མ་ཡི་གླུ། །རཏྣ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷ །ཐམས་ཅད་འཁོར་ལོས་བསྐོར་བྱས་ན། །ལོངས་སྤྱོད་བདེ་ཆེན་བླ་ན་མེད། །དེ་མཐོང་བ་ཡིས་བདག་རྒྱལ་ནས། །སྔོན་ཆད་འཕམ་བྱེད་དགྲ་ལས་རྒྱལ། །པདྨ་མཁའ་འགྲོ་མ་ཡི་གླུ། །པདྨ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷ །རྡོ་རྗེ་རིགས་ལ་སེམས་བསྐྱེད་ཅིང་། །རིན་ཆེན་རིགས་ལ་དབང་མཆོག་ཐོབ། །པདྨ་ཤེས་རབ་བླ་ན་མེད། །ལས་ཀྱི་ཆོས་དབྱིངས་དག་པར་འགྱུར། །ལསཀྱི་མཁའ་འགྲོ་མ་ཡི་གླུ། །ཧུ༷། ཀརྨ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷། ལས་ཀྱི་ཕྱག་རྒྱ་བདེ་བ་རྒྱས། །ཆོས་ཀྱི་ཕྱག་རྒྱ་སྟོང་པ་རྒྱས། །ཕྱག་རྒྱ་ཆེན་པོས་བདག་སངས་རྒྱས། །དམ་ཚིག་ཕྱ་རྒྱ་གཞན་དོན་འབྱུང་། །འདི་ནི་ཐམས་ཅད་མཁའ་འགྲོའི་གླུ། །སརྦ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷། དུར་ཁྲོད་ཆེན་པོའི་གནས་ཉིད་དུ། །དྲི་ཆེན་དྲི་ཆུ་ཁུ་བ་དང་། །ཁྲག་དང་ཤ་ལ་རབ་སྤྱད་ན། །འདི་ནི་དམ་ཚིག་རྒྱལ་པོར་འགྱུར། །དམ་ཚིག་མཁའ་འགྲོ་མ་ཡི་གླུ། །ས་མ་ཡ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷། རྣལ་འབྱོར་ཕོ་མོ་བདེ་སྤྱོད་ནི། །འཇིགས་མེད་ངོ་ཚ་མེད་པར་སྤྱོད། །རེ་དོགས་མེད་པར་སྤྱོད་པ་ནི། །ཏིང་འཛིན་ལས་ནི་འབྱུང་བར་འགྱུར། །འཇིག་རྟེན་མཁའ་འགྲོ་མ་ཡི་གླུ། །ལོ་ཀ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། ཧུ༷། ཤ་ཟ་ལྟ་བུའི་སྤྱོད་པས་འགྲོ། །གདོལ་པ་ལྟ་བུའི་ཟས་ཀྱིས་འཚོ། །རྟེན་མེད་སེམས་ནི་ནམ་མཁའ་འདྲ། །བླ་མ་བཟང་པོ་བརྟེན་ལས་བྱུང་། །ལོག་འདྲེན་མཁའ་འགྲོ་མ་ཡི་གླུ། །བི་ཤ་ཏེ་ཏེ་ཧུ༷། ཏེ་ན་ཏེ་ཧུ༷། ཧུ༷། གང་ལ་གང་གིས་རྒྱས་བཏབ་པ། །དེ་དང་དེ་ཡི་ངོ་བོས་གྲོལ། །རྒྱས་བཏབ་གསུམ་གྱི་བདེ་བ་ཆེ། །དབུགས་དབྱུང་བ་ཡི་མཆོག་ཏུ་གསུངས། །འདི་ནི་སངས་རྒྱས་མ༷ཁའ་འགྲོ་གླུ། །བུད་དྷ་ཏེ་ཏེ་ཧུ༷། ཏེ་ན་ཏེ་ཏེ་ཧུ༷། མཁའ་འགྲོ་མ་ཡི་གླུ་བླངས་པས། །མ་ལ་བུ་འབོདབཞིནདུའོང། །གླུའི་དཔུང་གི་ལེའུ་སྟེ་ང་བརྒྱད་པའོ།། །།མཁའ་འགྲོ་མའི་སྔགས་ཀྱི་དཔུང་བསྐྱེད་པ་ནི། ཨཱོཾ་སརྦ་བུད་དྷ་ཌའ་ཀི་ནི་ཡེ་ཧུ༷་ཕཊ། བཛྲ་ཌའ་ཀི་ནི་ཡེ་ཧུ༷་ཕཊ། རཏྣ་ཌའ་ཀི་ནི་ཡེ་ཧུ༷་ཕཊ། པདྨ་ཌའ་ཀི་ནི་ཡེ་ཧུ༷་ཕཊ། ཀརྨ་ཌའ་ནི་ཡེ་ཧུ༷་ཕཊ། ས་མ་ཡ་ཌའ་ཀི་ནི་ཡེ་ཧུ༷་ཕཊ། སརྦ་ཌའ་ཀི་ནི་ཡེ་ཧུ༷་ཕཊ། བི་ཤ་ཌའ་ཀི་ནི་ཡེ་ཧུ༷་ཕཊ། ལོ་ག་ཌ་ཀི་ནི་ཡེ་ཧྭ༷་ཕཊ། སངས་རྒྱས་མཁའ་འགྲོ་རྡོ་རྗེ་མཁའ་འགྲོ་དང་། །རིན་ཆེན་མཁའ་འགྲོ་པདྨ་མཁའ་འགྲོ་དང་། །ལས་ཀྱི་མཁའ་འགྲོ་དམ་ཚིག་མཁའ་འགྲོ་དང་། །ཐམས་ཅད་མཁའ་འགྲོ་ལོག་འདྲེན་མཁའ་འརྒྱོ་དང་། །འལྗོག་རྟེན་མཁའ་འགྲོ་རྣམས་ཀྱི་དཔུང་བསྐྱེད་ནས། །འཁའ་འགྲོ་ཐམས་ཅད་བཀའ་བཞིན་ལས་བྱེད་འགྱུར། །སྔགས་ཀྱི་དཔུང་བསྐྱེད་པའི་ལེའུ་སྟེ་ང་དགུ་པའོ།། །།མཁའ་འགྲོས་འབྱུང་བཞི་དཔུང་བསྐྱེད་པ། །ཧ་ནི་ས་སྟེ་སངས་རྒྱས་སྤྱན། །རི་ནི་མེ་སྟེ་གོས་དཀར་མོ། །ནི་ནི་ཆུ་སྟེ་མ་མ་ཀི། ས་ནི་རླུད་སྟེ་དམ་ཚིག་སྒྲོལ། །ནམ་མཁའ་ཀུན་ཏུ་བཟང་མོའི་དབྱིངས། །ཧ་ནི་རྡོ་རྗེ་མཁའ་འགྲོ་རླུད་། །རི་ནི་རིན་ཆེན་མཁའ་འགྲོ་མེ། །ནི་ནི་པདྨ་མཁའ་འགྲོ་ཆུ། །ས་ནི་ལས་ཀྱི་མཁའ་འགྲོ་ས། །ཧུ༷་ནི་དམ་ཚིག་མཁའ་འགྲོ་ཉི་མ། །ཕཊ་ནི་འཇིག་རྟེན་མཁའ་འགྲོ་ཟླ་བ། །ཨཱོཾ་ཧ་རི་ནི་ས་ཧུ༷་ཕཊ། ཡི་གེ་བདུན་པ་བཟླས་པ་ཡིས། །འབྱུང་ལྔ་ཡུམ་ལྔ་མཁའ་འགྲོ་རྣམས། །བདག་གི་དབང་འདུས་ལས་རྣམས་བྱེད། །འབྱུང་བ་བཞི་ཡི་དཔུང་ལ་བཞི། །གཟུགས་སྣང་ཀུན་ཏུ་འདེགས་པའི་ས། །མི་འགྱུར་ཡོངས་སུ་བརྟན་པའི་ས། །ཐམས་ཅད་བསྐྱེད་ཅིང་འབྱུང་བའི་ས། །སྐྱེ་ཤི་མེད་པས་ཅིས་ཀྱང་མི་ཚུགས་པ་འོ། །མངོན་པར་དག་པའི་ཆུ་དང་ནི། །དག་པ་ཆོས་ཉིད་ངང་གི་ཆུ། །རླན་པ་སྡུད་པ་གཟུགས་ཀྱི་ཆུ། །འཕོ་བ་སྤྲུལ་པ་ནམ་མཁའི་ཆུ། །ཐུགས་རྗེ་ཆེནཔ་ཡེ་ཤེས་མེ། །བྱམས་པ་ཆེན་པོ་དྲོད་འབེབས་མེ། །ཡེ་ཤེས་ཆེན་པོ་རླུད་གི་མེ། །སྲིད་པ་འཇིག་རྟེན་སྲེག་བྱེད་མེའོ། །མི་གཡོ་ཆོས་ཉིད་རླུད་དང་ནི། །གཡོ་བར་བྱེད་པ་ཉོན་མོངས་རླུང་། །འདེགས་པར་བྱེད་པ་ལས་ཀྱི་རླུང་། །འཛིན་པར་བྱེད་པ་སྐྱེ་གནས་རླུང་ངོ་། །འབྱུང་བཞི་དབང་དུ་འདུས་པ་ཡིས། །མཁའ་འགྲོ་སྡེ་བཞི་དབང་དུ་འདུས། །ས་ཆུ་མེ་རླུད་འབྱུང་བ་བཞིའི་དཔུང་བསྐྱེད་པའི་ལེའུ་སྟེ་དྲུག་ཅུ་པའོ།། །།མཁའ་འགྲོས་སྦྱིན་སྲེག་དཔུང་བསྐྱེད་ལ། །བསོད་ནམས་ཚོགས་བསྐྱེད་མེ་ཚོགས་བྱ། །མེ་ཚོགས་སྣོད་ཚོགས་གོས་ཚོགས་དང་། །ཟས་ཚོགས་གཏོང་ཚོགས་བྱ་བའོ། །མེ་ཚོགས་རྒྱ་ཤུག་ལ་སོགས་ལ། །གྲུ་བཞི་བརྩིགས་ལ་མེ་སྦར་རོ། །མེ་ཡི་ནང་དུ་རྡོ་རྗེ་ཕག་མོ་བསྒོམ། །མཁའ་འགྲོའི་ཚོགས་ཀྱིས་བསྐོར་བར་བསམ། །ཕྱེ་དང་མར་གྱིས་མཆོད་བྱའོ། །ཧ་རི་ནི་ས་ར་ཙ་ཧྲི་ཡ་ཛ་ལ་རམ་ཁ་ཧི། བུད་དྷ་ཌ་ཀི་ནི་ཛ་ལ་རམ་ཁ་ཧི། བཛྲ་ཌའ་ཀི་ནི་ཛ་ལ་རམ་ཁ་ཧི། རདན་ཌའ་ཀི་ནི་ཛ་ལ་རམ་ཁ་ཧི། པདྨ་ཌའ་ཀི་ནི་ཛ་ལ་རམ་ཁ་ཧི། ཀརྨ་ཌའ་ཀི་ནི་ཛ་ལ་རམ་ཁ་ཧི། ཞེས་པས་དབུལ་ལོ། །ཕྱེ་མར་འདོད་ཡོན་ཆར་དུ་བསམ། །་ས་ཚོགས་ཟས་སྣ་ཐམས་ཅད་བསྲེག །གོས་ཚོགས་གོས་དང་དར་ཟབ་བསྲེག །སྣོད་ཚོགས་འབོད་ཅོག་བརྡབས་ལ་བསྲེག །ནད་པ་ལ་སོགས་འདྲེ་གདོན་ལ། །དྲག་པོའི་ཤིང་ལ་མེ་སྤར་ལ། །བྲ་ཕྱེ་མུ་ཟི་ཚ་བ་གསུམ། །ལྕགས་ཕྱེ་སྦམ་སྐམ་ཚིག་ཕྱེ་དང་། །ནད་པའི་སྐྲ་ཡང་སྲེག་པར་བྱེད། །རྫས་ཀྱིས་མེ་དང་ནད་པ་ལ་བརྡེག །འདྲེ་ལ་གང་དམིགས་ལིང་ག་བསྲེག །ནད་དང་གདོན་ཡང་ཐུབ་པར་འགྱུར། །སྦྱིན་སྲེག་དཔུང་གི་ལེའུ་སྟེ་རེ་གཅིག་པའོ།། །།མཁའ་འགྲོའི་རྫས་དང་སྔགས་ཀྱི་མཆོད་པའི་དཔུང་ནི། ཐོད་པ་མཚན་ལྡན་ཀ་བཱ་ལར། །ང་་་རྔས་གཏོར་མ་བཤམས་ནས་ནི། །ཕྱི་ལྟར་སྤོས་དང་མེ་ཏོག་དང་། །དྲི་ཆབ་བཤོས་གཙང་མར་མེ་རྣམས། །མཁའ་འགྲོ་རྣམས་ལ་ལྷ་མོས་དབུལ། །ནང་ལྟར་ཚིལ་ཆེན་སྤོས་ཆེན་དང་། །དབང་པོ་ལྔ་ཡི་མེ་ཏོག་དང་། །རཀྟའི་ཨ་རྒ༷་དྲི་ཆུའི་ཆབ། །ཚིལ་ཆེན་མར་མེ་གཏོར་མར་འབུལ། །གསང་བ་དྲི་ཆེན་དྲི་ཆུ་དང་། །བྱང་སེམས་དཀར་དམར་ཤ་ཆེན་དང་། །བདུད་རྩི་རྣམ་ལྔས་མཁའ་འགྲོ་མཆོད། །སྦྲང་རྩི་ཀླད་པ་རཀྟ་སྦྱར། །ནི་མ་ཁྱི་ཡི་ཚིལ་བུ་དང་། །གླང་པོའི་མཁྲིས་པ་ལྕེ་སྤྱང༷་ཤ། །སྣ་ཚོགས་ཤ་སྐམ་གུ་གུལ་སྤོས། །མཁའ་འགྲོ་དམ་རྫས་རྣམས་ཀྱིས་མཆོད། །ཨཱོཾ་བྱུད་དྷ་ཌའ་ཀི་ནི། བཛྲ་ཌའ་ཀི་ནི། རད་ན་ཌའ་ཀི་ནི། པདྨ་ཌའ་ཀི་ནི། ཀརྨ་ཌའ་ཀི་ནི། ཧ་རི་ནི་ས་ར་ཙ་ཧྲི་ཡ། མ་ཧྭ་པྲུ་ཙ་ས་མ་ཡ། ཨཱོཾ་ཨ༷༷ཧུ༷ ཁ་ཧི་ཁ་ཧི། ཞེས་ཕུལ་བ་ཡིས། མཁའ་འགྲོ་མཉེས་ཅིང་དངོས་གྲུབ་ཐོབ། །རྫས་དང་སྔགས་ཀྱི་མཆོད་པའི་དཔུང་བསྐྱེད་པའི་ལེའུ་སྟེ་དྲུག་ཅུ་རྩ་གཉིས་པའོ།། །།མཁའ་འགྲོ་མའི་རིག་པ་ཡེ་ཤེས་ཀྱི་དཔུང་བསྐྱེད་པ་ནི། རིག་པ་རང་བྱུང་རང་གནས་པ། །ཆོས་ཀྱི་དབྱིངས་ཀྱི་ཡེ་ཤེས་ཏེ། །སངས་རྒྱས་མཁའ་འགྲོའི་ངོ་བོར་གནས། །རིག་པ་གསལ་ལ་མ་འགགས་པ། །མེ་ལོང་ལྟ་བུའི་ཡེ་ཤེས་ཏེ། །རྡོ་རྗེ་མཁའ་འགྲོའི་ངོ་བོར་གནས། །རིག་པ་མཉམ་ལ་མ་འདྲེས་པ། །མཉམ་པ་ཉིད་ཀྱི་ཡེ་ཤེས་ཏེ། །རིན་ཆེན་མཁའ་འགྲོའི་ངོ་བོར་གནས། །རིག་པ་གསལ་ལ་མ་འདྲེས་པ། །སོ་སོར་རྟོགས་པའི་ཡེ་ཤེས་ཏེ། །པདྨ་མཁའ་འགྲོའི་ངོ་བོར་གནས། །རིག་པ་རང་ལ་ཡེ་ཤེས་གནས། །བྱ་བ་ནན་ཏན་ཡེ་ཤེས་ཏེ། །ལས་ཀྱི་མཁའ་འགྲོའི་ངོ་བོར་གནས། །རིག་པ་ཡེ་ཤེས་རྣམ་པ་ལྔ། །མཁའ་འགྲོའི་ངོ་བོར་རྩོ་ས་ཙམ་ན། །ཉོན་མོངས་རྣམ་དག་ཀ་ནས་དག །རིག་པ་ཡེ་ཤེས་དཔུང་གི་ལེའུ་སྟེ་རེ་གསུམ་པའོ།། །།ལྷ་འདྲེ་ཕོ་མོ་དཔུང་བསྐྱེད་པའི་སྐབས་ཏེ་ལྔ་པའོ།། །།དེ་ནས་ཡང་དག་བཤད་བྱ་བ། །མཁའ་འགྲོས་འབྱུང་བཞིའ་རོ་སྙོམས་པ། །དེ་ལ་དྲུག་གིས་བསྟན་པ་ལ། །འཁོར་ལོ་བཞི་ལ་བརྟེན་པའི་ཡི་གེ་བཞི། །སྤྱི་གཙུག་བདེ་བའི་འཁོར་ལོ་ན། །རྩ་འདབ་སུམ་ཅུ་རྩ་གཉིས་ན། །ཧ་ནི་རླུང་གི་རང་བཞིན་གནས། །མགྲིན་པ་ལོངས་སྤྱོད་འཁོར་ལོ་ན། །རྩ་འདབ་བཅུ་དྲུག་ཡོད་པ་ན། །རི་ནི་མེ་ཡི་རང་བཞིན་ཡིན། །སྙིང་ཁ་ཆོས་ཀྱི་འཁོར་ལོ་ན། །རྩ་འདབ་བརྒྱད་ནི་ཡོད་པ་ན། །ནི་ནི་ཆུ་ཡི་ངོ་བོར་གནས། །ལྟེ་བ་སྤྲུལ་པའི་འཁོར་ལོ་ན། །རྩ་འདབ་དྲུག་ཅུ་རྩ་བཞི་ཡོད། །ས་ནི་ས་ཡི་ངོ་བོར་གནས། །ཡི་གེ་བཞི་ལ་འབྱུང་བཞུ་གནས་། །ལུས་ཀྱི་འབྱུང་བ་ཆ་སྙོམས་བྱེད། །འཁོར་ལོ་བཞི་ལ་བརྟེན་པའི་ཡི་གེ་བཞིའི་ལེའུ་སྟེ་རེ་བཞི་པའོ།། །།ལྷ་མོ་བསྐྱེད་པའི་ཡི་གེ་བཞི། །རང་ཉིད་རྡོ་རྗེ་ཕག་མོར་བསྒོམ། །སྤྱི་གཙུག་བདེ་ཆེན་འཁོར་ལོ་ན། །རྡོ་རྗེ་མཁའ་འགྲོ་སྐུ་མདོག་མཐིང་། །མགྲིན་པ་ལོངས་སྤྱོད་འཁོར་ལོ་ན། །རིན་ཆེན་མཁའ་འགྲོ་སྐུ་མདོག་སེར། །སྙིང་ཁ་ཆོས་ཀྱི་འཁོར་ལོ་ན། །པདྨ་མཁའ་འགྲོ་སྐུ་མདོག་དམར། །ལྟེ་བ་སྤྲུལ་བའི་འཁོར་ལོ་ན། །ལས་ཀྱི་མཁའ་འགྲོ་སྐུ་མདོག་ལྗང་། །ཕྱག་མཚན་རིགས་ཀྱི་ཕྱག་རྒྱ་འཛིན། །སྣང་ལ་རང་བཞིན་མེད་པར་བསྒོམ། །ལྷ་མོ་བསྐྱེད་པའི་ཡི་གེ་བཞིའི་ལེའུ་སྟེ་རེ་ལྔ་པའོ།། །།ལྟ་སྒོམ་བཞི་ཡི་ཡི་གེ་བཞི། །ཧ་ནི་ཕྱད་པོ་ལྟ་བའོ། །རི་ནི་འགྱུར་མེད་སྒོམ་པའོ། །ནི་ནི་དབང་སྡུད་སྤྱོད་པ་ལ། །ས་ནི་སྲ་བརྟན་འབྲས་བུ་འོ། །ལྟ་བ་བལྟར་མེད་བྱ་འཕུར་རྗེས་མེད་འདྲ། །སྒོམ་པ་ཡེངས་མེད་ཆུ་བོ་རྒྱུན་པ་འདྲ། །སྤྱོད་པ་ཉམས་མྱོང་ཕྱིར་ཤོག་མཚོ་རྡོལ་འདྲ། །འབྲས་བུ་སྤྱད་པས་མི་འཛད་ས་དང་འདྲ། །ལྟ་བ་གསེར་ཕུར་བཏབ་པ་འདྲ། །སྒོམ་པ་གླང་ཆེན་སྨྱོན་པ་འདྲ། །སྤྱོད་པ་གསེར་འགྱུར་རྩི་དང་འདྲ། །འབྲས་བུ་གསེར་ཁུང་རྡོལ་བ་འདྲ། །ལྟ་བ་ཕུབ་དང་གོ་ཆ་འདྲ། །སྒོམ་པ་མདའ་མོ་འཕེན་པ་འདྲ། །སྤྱོད་པ་འཁྲུག་པ་བྱེད་པའི་དཔའ་བོ་འདྲ། །འབྲས་བུ་མཐར་ཕྱིན་པ་རལ་གྲི་བཏབ་པ་འདྲའོ། །ལྟ་བ་རྡོ་རྗེ་ཕ་ལམ་འདྲ། །སྒོམ་པ་བུ་རམ་རོ་དང་འདྲ། །སྤྱོད་པ་གླུ་བླངས་པ་དང་འདྲ། །འབྲས་བུ་སྨན་གྱི་སྡོང་པོ་འདྲ། །ལྟ་སྒོམ་བཞི་ཡི་ལེའུ་སྟེ་རེ་དྲུག་པའོ།། །།ཡི་གེ་འགྲོ་ལྡོག་གི་ཡི་གེ་བཞི་ནི། རང་ཉིད་རྡོ་རྗེ་ཕག་མོར་བསྒོམ། །སྤྱི་བོར་ཧ། མགྲིན་པར་རི། སྙིང་ཁར་ནི། ལྟེ་བར་ས།རྐང་མཐིལ་དུ་ཡ༷་ལས་རླུད་གི་དཀྱིལ་འཁོར། གསང་བར་མེའི་དཀྱིལ་འཁོར། རླུད་གིས་མེ་བོར། མེ་ཡི་ཡི་གེ་བཞི་པོ་ལས། འོད་ཟེར་མེ་ལྟ་བུ་ཕྱིར་ཕོག་པས་གང་ལ་བྱ་བའི་ལུས་སེམས་འདར་ཕྲི་ལི་ལི་འདུག་པར་བསམ། འོད་ཟེར་ཚུར་འདུས་པས། ལྷ་འདྲེ་མི་གསུམ་གྱི་ལུས་ངག་ཡིད་གསུམ་དབང་དུ་འདུས་པར་བསམ་མོ། །ཡི་གེ་འགྲོ་ལྡོག་གི་ལེའུ་སྟེ་རེ་བདུན་པའོ།། །།འབྱུང་བ་རོ་སྙོམས་པའི་ཡི་གེ་བཞི་ནི། སྤྱི་བོར་ཧ་ནི་རླུད་ཡང་སྙོམས། །མགྲིན་པར་རི་ནི་མེ་ཡང་སྙོམས། །སྙིང་ཁར་ནི་ནི་ཆུ་ཡང་སྙོམས། །ལྟེ་བར་ས་ནི་ས་ཡང་སྙོམས། །ཡི་གེ་བཞི་ལ་སེམས་གཏད་ལ། །ངག་ཏུ་ཡི་གེ་བཞི་པ་བགྲང་། །འབྱུང་བཞི་སྟོད་ལ་ནོན་པ་ཡིན། །ཕྱི་ཡི་གནོད་སྦྱིན་ཕོ་མོ་ཞི། །བར་ན་ཚ་གྲང་སྡུག་བསྔལ་ཞི། །ནང་ན་དུག་ལྔ་རྣམ་རྟོག་ཞི། །འབྱུང་བ་རོ་སྙོམས་ཀྱི་ལེའུ་སྟེ་རེ་བརྒྱད་པའོ།། །།མངོན་ཤེས་འཆར་བའི་ཡི་གེ་བཞི་ནི། །རང་ཉིད་རྡོ་རྗེ་ཕག་མོར་བསྒོམ། །སྙིང་ནི་ཁོག་སྟོད་འོད་གསལ་ན། །མདུན་དུ་ཧ་ནི་དཀར་པོར་བསམ། །གཡས་སུ་རི་ནི་སེར་པོར་བསྒོམ། །གཡོན་དུ་ནི་ནི་དམར་པོར་བསྒོམ། །རྒྱབ་ཏུ་ས་ནི་ལྗང་ཁུར་བསྒོམ། །ལུས་ནི་མི་དལ་བསྒུལ་བསྐྱོད་བྱ། །ངག་ནི་ཡི་གེ་བཞི་པ་བཟླས། །སེམས་ནི་གསལ་སྟོང་ངང་ལ་བཞག །མངོན་པར་ཤེས་པ་སེམས་ལ་འཆར། །ཉིན་མོ་མི་ཡི་ཚོགས་རྣམས་འདུ། །མཚན་མོ་མཁའ་འགྲོའི་ཚོགས་རྣམས་འདུ། །ནང་ནུབ་ཟས་དང་ལོངས་སྤྱོད་འདུ། །ལུས་ལ་བྱིན་རླབས་ཞུགས་པས་དྲོད་སྐྱེ། ངག་ལ་བྱིན་རླབས་ཞུགས་པས་ནུས་པ་ཐོན། སེམས་ལ་བྱིན་རླབས་ཞུགས་པས་བདེ་གསལ་འཆར་རོ། །མངོན་ཤེས་འཆར་བའི་ལེའུ་སྟེ་རེ་དགུ་པའོ།། །།འབྱུང་བ་རོ་སྙོམས་པའི་སྐབས་ཏེ་དྲུག་པའོ།། །།དེ་ནས་ཡང་དག་བཤད་བྱ་བ། །ཚེ་རིང་བར་བྱེད་བའི་ཡི་གེ་བཞི། །ཕྱི་ནང་གསང་བའི་བཅུད་ལེན་ལ། །དང་པོ་ཕྱི་ཡི་བཅུད་ལེན་བཤད། །བདུད་རྩི་ཅོང་ཞི་ཞེས་བྱ་བ། །སྲིད་པ་ཕོ་ཡི་ས་བོན་ཡིན། །དེ་ཡི་མཚན་ཉིད་བསྟན་པ་ནི། །རབ་ནི་དུང་དང་ཤེལ་ལྟར་མཁྲེགས། །འབྲིང་ནི་བ་སོའི་མདོག་འདྲ་ལ། །འབྲི་ཡི་ནུ་མའི་ཚུལ་དུ་ཡོད། །ཐ་མ་ཁ་དོག་གཟི་བ་འདྲ། །ས་འཚམས་དག་ཏུ་བརྡལ་ནས་སྐྱེས། །དེ་ནི་བཅུད་ལེན་རྒྱུ་རུ་བཤད། །ཅོང་ཞི་ལེགས་པར་བརྡུངས་ནས་ནི། །ཨ་རུ་ར་ནི་གསེར་མདོག་དང་། །ཚ་བ་གསུམ་གྱི་ཞད་རེ་བཏང་། །སྦྲང་དང་བུ་རམ་སྦྱར་བྱས་ནས། །ལྕགས་ལ་བྱས་པའི་སྣོད་དུ་བླུག །ཡང་ན་རྫ་ཡི་ནང་དུ་བླུག །དཀྱིལ་འཁོར་པདྨ་འདབ་བཞི་བྲི། །དེ་ཡི་དབུས་སུ་བདུད་རྩི་བཞག །རང་ཉིད་རྡོ་རྗེ་ཕག་མོར་བསྒོམ། །ཐུགས་ཁར་མགོན་པོ་ཚེ་དཔག་མེད། །ཕྱག་ན་ཚེ་ཡི་བུམ་པ་འཛིན། །སྐུ་མདོག་དཀར་པོ་བསྒོམ་པར་བྱ། །བྱིན་གྱི་བརླབས་པའི་སྔགས་འདི་བཟླས། །ཧ་རི་ནི་ས་ར་ཙ་ཧྲི་ཡ་བཛྲ་སི་དྷི་ཨ་མྲི་ཏ་སི་དྷི་པེ་ལ་ལི། ཙན་དྷ་ལི་གྲྭ་ཧྭ། ཨ་མྲི་ཏ་སི་དྷི་ཙུར་སྣ་ཡ་གྲྭ་ཧྭ། སུ་ལ་ཧ་ཀ་ན། ཞེས་བཟླས་པས། ཚེ་དཔག་མེད་ཀྱི་བུམ་པ་ནས། །བདུད་རྩི་བབས་ནས་འཁྱིལ་བར་བསམ། ཁྲུབ་རྟགས་རོ་མཆོག་སྣ་ཚོགས་ལྡན། །ཟོས་བས་ཚེ་ཡི་རིགས་འཛིན་ཐོབ། །སྟོབས་ནི་གླང་ཆེན་འདྲ་བ་དང་། །བུད་མེད་སྟོང་ལ་སྦྱོར་ནུས་དང་། །ཟག་པ་ཟད་པས་ནམ་མཁའ་འཕུར། །ནད་དང་གདོན་ལས་ཐར་པར་འགྱུར། །ཅོང་ཞིའི་བཅུད་ལེན་གྱི་ལེའུ་སྟེ་བདུན་ཅུ་པའོ།། །།དེ་ནས་བྲག་ཞུན་བཅུད་ལེན་བསྟན། །བདུད་རྩི་བྲག་ཞུན་ཅེས་བྱ་བ། །སྲིད་པ་མོ་ཡི་ས་བོན་ཡིན། །བྲག་ཞུན་མཚན་ཉིད་བསྟན་པ་ལ། །བྲག་ལ་ཁུ་བྲག་བཞིན་དུ་འབབ། །ཟླ་སྨད་ལ་ནི་མང་བར་འཛག །སྦྱོར་བའི་རྩི་ནི་སྦྲང་རྩི་འདྲ། །མདོག་ནི་དམར་ལ་སྨུག་པར་འབབ། །བྲག་བྱི་མཇུག་སྡུམ་རྟག་ཏུ་ཟ། །དེ་ཡི་བཅུད་ལེན་བསྟན་པ་ནི། །བྲག་ཞུན་ཞུན་མ་རྙེད་ན་ལེགས། །དེ་ཡང་རབ་ཏུ་དཀོན་པ་ཡིན། །ཕལ་ཆེར་བྲག་བྱིའི་བྲུན་དང་འདྲེས། །དེ་ལ་དབྱེ་བའི་མན་ངག་ནི། །བྲག་ཞུན་རྙེད་ཚད་ཆུ་ནང་བསྲིང་། །དངས་མ་ཡང་ཡང་བཞུར་ནས་ནི། །ཆུ་དེ་བསྡུས་ལ་གར་སླ་ནི། །ལུག་ཞོ་ཙམ་དུ་རེད་པ་དང་། །བུ་རམ་འོ་མ་སྦྲང་རྩི་དང་། །ཨ་རུ་ར་ནི་ནག་པོ་དང་། །བུད་མེད་མཚན་ལྡན་པདྨའི་ཁྲག །དེ་རྣམས་སྦྱར་ལ་ཀ་བཱ་ལ། །མཚན་ལྡན་དག་ཏུ་བླུག་༷པར་བྱ། །མཎྜལ་པདྨ་འདབ་བཞི་བྲི། །མཎྜལ་དབུས་སུ་བཞག་ནས་ཀྱང་། །རང་ཉིད་རྡོ་རྗེ་ཕག་མོ་ནི། །སྐུ་མདོག་དམར་མོ་བསྒོམ་པར་བྱ། །སྔགས་འདིས་བདུད་རྩིར་བྱིན་གྱིས་བརླབས། །ཧ་རི་ནི་ས་ར་ཙ་ཧྲི་ཡ་ཨཱོཾ་ཨུ༷༷ཧུ༷ ། ཨ་མྲི་ཏ་ཨི་ཧུ༷་ཤུར་དྷི་སརྦ་ཤོ་དྷ་ཡ། ཨ་མྲི་ཏ་སིདྷི་ཧུ༷། ཉི་ཤུ་རྩ་གཅིག་རབ་ཏུ་བསྒྲུབ། །དུ་བ་རླངས་པ་ཐོན་པ་དང་། །ལྷ་མོའི་གཟུགས་ནི་མཐོང་བ་དང་། །མང་དུ་འཕེལ་ན་འགྲུབ་པ་ཡིན། །དེ་ཟོས་ཡོན་ཏན་བསམ་ལས་འདས། །ཚེ་རིང་ནད་མེད་བདེ་བ་རྒྱས། །མཁའ་འགྲོ་དབང་དུ་འདུ་བ་དང་། །འགྲོ་བ་བུད་མེད་དབང་དུ་འདུས། །བཀྲག་མདང་གཟི་མདངས་རྒྱས་པ་དང་། །མཁའ་སྤྱོད་དག་ནི་འགྲུབ་པ་དང་། །ཚེ་ཡི་རིགས་འཛིན་ཐོབ་པར་འགྱུར། །བྲག་ཞུན་བཅུད་ལེན་གྱི་ལེའུ་སྟེ་བདུན་ཅུ་རྩ་གཅིག་པའོ།། །།བདུད་རྩི་ཆུ་ཡི་བཅུད་ལེན་བསྟན། །བདུད་རྩི་ཆུ་ཞེས་བྱ་པ་ནི། །སེམས་ཅན་ཀུན་གྱི་གསོས་ཡིན་ཏེ། །འབྱུང་བ་ཕོ་ཡི་བཅུད་ཀྱི་ས་བོན་ཡིན། །ཆུ་ལ་དབྱེ་ན་རྣམ་པ་གསུམ། །སྨན་ཆུ་རྡོ་ཆུ་ཆུ་རང་གསུམ། །སྨན་ཆུ་ཆུ་ཚན་ཡིན་པས་ཏེ། །རྡོ་སོལ་ཁ་རུ་ཚ་ཡི་ཆུ། །དེ་རྟགས་ཚན་མོ་ཀོ་རུལ་བྲོ། །རྡོ་ཆུ་ཅོང་ཞིའི་ཆུ་ཡིན་ཏེ། །དེ་རྟགས་རྡོ་ལ་ཅོང་ཞི་ཆགས། །གྲང་ལ་མངར་བའི་རོ་མཆོག་བྲོ། །ཆུ་རང་གང་ས་གཡའ་ཆུ་ཡིན། ཁེང་ཆུ་མཚུར་ཆུ་ལུ་མ་ཆུ། །གཙང་ཆུ་ཁྲོན་པའི་ཆུ་ལ་སོགས། །ཆུ་ངན་ཡིན་པས་སྤང་བར་བྱ། །ཆུ་སྣ་མང་པོ་བསྡུས་ནས་ནི། །ལྕགས་ཀྱི་སྣོད་དམ་རྫ་ཡང་ཤིས། །ཆུ་ནི་བསྐོལ་ལ་བ་༷་བར་བྱ། །རྩམ་པ་བཅད་ནས་ཆུ་ལ་བརྟེན། །ནས་འགའ་ཙམ་ནི་བསྡུས་ཤིང་བཏང་། །རང་ཉིད་རྡོ་རྗེ་ཕག་མོ་ནི། །སྔོན་མོའི་སྐུ་རུ་བསྒོམ་པར་བྱ། །ཆུ་ནི་སྔགས་འདིས་བྱིན་གྱིས་བརླབས། །ཧ་རི་ནི་ས་ར་ཙ་ཧྲི་ཡ། ཨཱོཾ་ཨ༷༷ཧུ༷་སརྦ་ཨི་ཧོ་ཤུད་དྷི་ཤོ་དྷ་ཡ། ཨ་མྲི་ཏ་བི་ཤོ་དྷི་སིད་དྷི་ཧུ༷། ཞེས་བརྒྱ་རྩ་བརྒྱད་བཟླས་ལ་བ་་། །རུས་པ་ཚོན་པོ་སྐབས་སུ་མུར། །འབྲི་མར་བུ་རམ་སྦྱར་ལ་བཟའ། །ཆུ་ཡི་དཀའ་ཐུབ་ཡོན་ཏན་ནི། །གཟུང་འཛིན་གཉིས་ལས་གྲོལ་བ་དང་། །ཕྱི་ནང་སྲིན་བུ་དག་པ་དང་། །ལུས་ནི་ཡང་ལ་རྟ་བས་མགྱོགས། །གཉིད་ཆུང་འབྱུང་བ་སྙོམས་པ་དང་། །ཤ་དཀར་གཉེར་མ་མི་ཡོང་དང་། །མུ་གེའི་བསྐལ་པ་མི་འབྱུང་དང་། །དུག་གསུམ་རྩ་བ་འཆད་པ་དང་། །ཏིང་འཛིན་ལས་སུ་རུང་བ་དང་། །ཚེ་ནི་ཉི་ཟླ་དག་དང་མཉམ། །ཆུའི་བཅུད་ལེན་གྱི་ལེའུ་སྟེ་དོན་གཉིས་པའོ།། །།ནོར་འཛིན་ས་ཡི་བབ་ལེན་བསྟན། །ས་ལ་རིགས་ནི་རྣམ་པ་གསུམ། །ས་ཡི་ཞག་དང་ས་ཡི་ཚིལ། །ས་ཡི་ཤ་དང་རྣམ་པ་གསུམ། །ས་ནི་སྲིད་པ་མོ་ཡི་གཞི། །ཐམས་ཅད་ས་ལས་སྐྱེད་པར་བྱེད། །ས་ཞག་མངར་ལ་ས་མདོག་དཀར། །ལྕེ་ཡི་སྟེང་དུ་བཞག་པས་འཇུ། །ས་ཚིལ་སེར་པོ་རོ་མཆོག་བསྐ། །ས་ཡི་ཤ་ནི་སྔོ་ལ་འཕྱག །དེ་རྣམས་རབ་འབྲིང་ཐ་མ་ཡིན། །ཐོག་མར་ས་ནི་ལེན་པའི་ཚེ། །ས་ཡི་བདག་པོ་གཏོར་མས་མཆོད། །ས་དེ་སྐྱོ་མར་བྱས་པ་ལ། །རྫ་སོགས་སྣོད་དུ་བླུག་ནས་ནི། །ཚ་བ་གསུམ་པོ་ཞད་རེ་གདབ། །ནས་ཀྱི་ཕྱེ་ཡང་ཟི་བཅིབ་་་བ། །མང་བར༷་གྱུར་ཀྱང་སྐྱོན་མེད་འགྱུར། །དེ་རྣམས་མཆོད་པར་དཀྲུགས་པ་དང་། །བདག་ཉིད་རྡོ་རྗེ་ཕག་མོ་ནི། །སེར་མོའི་སྐུ་རུ་གསལ་བར་བསྒོམ། །སྔགས་འདིས་ས་ཡང་གདུལ་བར་བྱ། །ཧ་རི་ནི་ས་རཙ་ཧྲི་ཡ། ཨོ་ཨུ༷༷ཧུ༷ །རུ་ཧ་རི་ཡ། ཙུ་ཆུ་སྐུམ་པ་ཀེའུ་རི། བྷ་རི་མ༷། རྙོ་བ་སྟོ། ཧ་རི་ཡ། ཀ༷་ག་རི་མ་ག །བ་རི་བ་ཎྜ། ཀྟ་ཏི་བྷ་ཏི། ཡེ་དམ་མ་དྷི། སིད་དྷི་སིད་རྙུ། ཀུ་རུ་བ་ས་ན། ཞེས་ལན་བདུན་བཟླས། དེ་ནས་ས་དེ་བདུན་རྩིར་བསམ། །ཟོས་རྗེས་ལུས་ནི་ཙོག་པུར་བསྡད། །སྟེང་རླུད་འོག་རླུད་མནན་ནས་ནི། །ཕོ་བ་རྡེབ་ཐེར་རྡེབ་ཐེར་བྱ། །དྲི་མ་གདོན་པ་དཀའ་བ་ན། །ཆུ་གྲང་བཏང་བས་གདོན་པ་སླ། །འདི་ཡི་ཡོན་ཏན་བསྟན་པ་ནི། །ལུས་པོ་མཁྲང་ཞིང་ལྟོགས་པ་སེལ། །ལྷོགས་པ་མེད་ཅིང་ནད་རྣམས་སེལ། །གདོན་གྱིས་མི་ཚུགས་བར་ཆད་མེད། །ཤ་དཀར་གཉེར་མ་མེད་པ་དང་། །ཚེ་རིང་དགེ་སྦྱོར་གྲོགས་སུ་འགྲོ། །རིགས་འཛིན་ས་ལ་འགྲོ་བར་འགྱུར། །སའི་བཅུར་ལེན་གྱི་ལེའུ་སྟེ་དོན་གསུམ་པའོ།། །།དེ་ནས་ནང་གི་བཅུད་ལེན་བསྟན། །རྣལ་འབྱོར་རིག་པ་སྟོབས་ལྡན་པས། །སྙིང་པོ་ལྔ་ལ་རྟག་སྤྱད་ན། །མཁའ་འགྲོ་སྐུ་ལྔའི་བདག་གཉིད་ཐོབ། །སྙིང་པོ་ལྔ་ནི་བདུད་རྩིའི་གཏེར། །དྲི་ཆེན་དྲི་ཆུ་ཤ་ཆེན་དང་། །བྱང་སེམས་དཀར་དམར་རྩ་བ་ལྔ། །ཅུ་གང་གླ་རྩི་གུར་ཀུམ་དང་། ཁེང་ཀུན་གོ་སྙོད་སྤོས་ཆེན་པོ། །བདུད་རྩི་ལྔ་ཡི་སྐྱོབས་ལྔ་ཡིན། །གཞི་ནི་དཀར་གསུམ་མངར་གསུམ་དང་། །ཡང་ན་སྨན་མར་སྦྱར་བའོ། །དུར་ཁྲོད་ལྟ་བུའི་དབེན་གནས་སུ་། །མཎྜལ་པདྨ་འདབ་བཞིར་བྲི༷ ། །བདུད་རྩི་རྣམ་ལྔ་ཐོད་པ་བླུག །མཎྜལ་དབུས་སུ་བཞག་ནས་ནི། །རང་ཉིད་རྡོ་རྗེ་ཕག་མོར་བསྒོམ། །དཔའ་བོ་དཔའ་མོ་འཁོར་དུ་བསྐྱེད། །གསང་སྔགས་འདི་ཡིས་བྱིན་གྱིས་བརླབ། །ཧ་རི་ནི་ས་ར་ཙ་ཧྲི་ཡ། ཨོ་ཨུ༷༷ཧུ༷། སརྦ་པརྩི་ཨ་མྲི་ཏ་ཧུ༷་ཧྲི་སྒྱུ། ཞེས་བཟླས་པ་ཡིས། །དམ་རྫས་བདུད་རྩ་འོད་དུ་ཞུ། །འོ་མ་ཟངས་སུ་ལུད་པ་ལྟར། །ཁོལ་ནས་དཀར་ནི་ལྷུད་ལྷུང་བསམ། །གང་ཟོས་ཐོགས་མེད་མཐུ་དང་ལྡན། །དེས་ནི་གྲོལ་བའི་ལམ་ཐོབ་ནས། །ཚེ་འདིར་བདེ་བ་ཕུན་སུམ་ཚོགས། །རྐང་མགྱོགས་རྟ་དང་འདྲ་བ་དང་། །ཚེ་ནི་ཉི་ཟླ་གནས་དང་མཉམ། །བདེ་གཤེགས་རྣམས་ཀྱིས་བྱིན་གྱིས་རློབ། །མཁའ་འགྲོ་རྣམས་ཀྱིས་རྟག་ཏུ་མཆོད། །མཁའ་འགྲོ་སྐུ་ལྔ་ལྷུན་གྲུབ་པའི། །ཕྱག་རྒྱ་ཆེན་པོ་ཐོབ་པར་འགྱུར། །ནང་བདུད་རྩི་ལྔའི་བཅུད་ལེན་གྱི་ལེའུ་སྟེ་དོན་བཞི་པའོ།། །།གསང་བའི་བཅུད་ལེན་བསྟན་པ་ནི། །མཚན་ལྡན་མི་མོ་བཀྲ་ཤིས་མ། །སྨིན་དཀྱུས་རིང་ལ་ལག་སོར་ཕྲ། །ཚིགས་མིག་ཟླུམ་ལ་འགྱིང་ཞིང་སྤྱོད། །ཁ་ནས་ཨུཏུལ་ངད་བསྣམ་པ། །ལུས་ལ་ཙན་དན་ག་པུར་དྲི། །རོ་སྟོད་རོ་སྨད་སྐེད་སྐབས་ཕྱེད། །སྐྲ་འཇམ་མཐོན་མཐིང་གཡས་སུ་འཁྱིལ། །སོ་དཀར་ཚགས་དམ་སྙིང་ཐུང་དམར། །སྨིན་དཀྱུས་རིང་ཞིང་ཟར་མའི་མེ་ཏོག་འདྲ། །དཔྲལ་བའི་དབྱེས་ཆེ་སྐྲ་མཚམས་ཟླ་གམ་འདྲ། །སྣ་བཟུར་མདོག་ག༷སལ་པདྨའི་མདོག་འདྲ་མ། །ལུས་དང་སྐྱེ་རིང་བྱང་ཆུབ་སེམས་དང་ལྡན། །འདི་ནི་མི་མོ་མཚན་ལྡན་བཀྲ་ཤིས་ཡིན། །དེ་ལྟ་བུ་ཡི་མི་མོ་ལ། །རྡོ་རྗེ་ཕག་མོར་བྱིན་བརླབས་ལ། །བདེ་གཤེགས་ལྔ་ཡི་ས་བོན་དགོད། །ཨཱོཾ་ཨུ༷༷ཧུ༷་གྲྭ་ཧྭ། སྤྱི་གཙུག་མགྲིན་པ་སྙིང་ཁ་དང་། །ལྟེ་བ་གསང་བར་རིམ་པར་དགོད། །རིགས་ལྔ་ཡབ་ཡུམ་རྒྱས་བཏབ་སྟེ། །བདག་ཉིད་ལྷ་ཡི་སྐུར་གསལ་ཏེ། །མཚན་ལྡན་པདྨ་རྡོ་རྗེ་གཞུག །བྱང་ཆུབ་སེམས་ནི་དབབ་ཅིང་བསྐྱིལ། །སྟེང་རླུད་མནན་ཅིང་འོག་རླུད་འཐེན། །ཆུ་མིག་གྱེན་ལ་ལོག་པ་དང་། །རྒྱ་མཚོ་རི་རབ་དག་ལ་བརྡབ། །གསང་བ་རྡོ་རྗེའི་རྩེ་མོ་མྲ །བྱང་སེམས་ཕེབས་པར་གྱུརཔདང། །ཧིགདངཧུ༷ གིསདྲག་ཏུ་འཐེན། །དེ་ལ་གོམས་པར་གྱུར་པ་དང་། །པདྨའི་ནང་ནས་བཅུད་བླངས་ཏེ། །བྱང་སེམས་དཀར་དམར་མ་ཤར་བླང་། །བདག་ཉིད་རྩ་ལ་དགྲམ་ཅིང་དགང་། །ལུས་ནི་སྤྲུག་ཅིང་གསིག་པར་བྱ། །དེ་ལྟར་བཅུད་ལེན་བྱས་པ་ན། །ཚེ་རིང་བཀྲ་ཤིས་ཕུན་སུམ་ཚོགས། །མདོགལོག་སྐྲ་དཀར་གཉེར་མ་མེད། །ཆགས་པ་སྤྱད་པས་ཐར་པ་ཐོབ། །འདི་ནི་ཤིན་ཏུ་གསང་བར་བྱ། །གསང་བའི་བཅུད་ལེན་བསྟན་པའི་ལེའུ་སྟེ་དོན་ལྔ་པའོ།། །།དེ་ཁོ་ན་ཉིད་ཀྱི་བཅུད་ལེན་ནི། འདི་ལྟར་ཉམས་སུ་བླང་བར་བྱ། ལྟ་བ་ཆོས་ཉིད་རང་ལུགས་ཆེན་པོ། མ་བཅོས་ཐ་མལ་གྱི་ཡེ་ཤེས་ཆེན་པོ་ངོ་ཤེས། སྒོམ་པ་རྩོམ་བྲལ་བདེ་བ་ཆེན་པོ་རང་བྱུང་ལྷུག་པར་གནས། སྤྱོད་པ་མ་བཅོས་མཉམ་པ་ཆེན་པོ། རང་ཤེས་དང་རང་གྲོལ་རྩོལ་བ་དང་བྲལ་བར་སྤྱོད། འབྲས་བུ་རང་གནས་ཆོས་སྐུ་ཆེན་པོ། མ་གྲུབ་ཡེ་གནས་སུ་གྲུབ། འདས་པའི་རྗེས་མ་རྗེས་མ་བཅད། སྔར་ཞེན་གྱི་བག་ཆགས་དང་བྲལ། མ་འོངས་པའི་སྔོན་མི་བསུ། ཕྱིས་ཞེན་གྱིས་བག་ཆགས་སོགས་མི་ནུས། ད་ལྟར་བ་རྐྱེན་ཁར་མ་ཤོར། སྡུག་བསྔལ་ཆོས་ཉིད་དུ་གྲོལ། རང་གི་སོ་རུ་བཞག་པས། དགག་སྒྲུབ་དབྱེ་བསམ་མེད། ཤེས་མེད་གསལ་དངས་ངོ་བོ་རྩིས་བཏབ་མེད་པར་རྟོགས།ཕྱོགས་རིས་རྩིས་གདབ་མེད་པས། ཞེན་འདོད་མེད་པའི་དགོངས་པ། གང་ནས་ཀྱང་མི་སྐྱེ་བར་རིག་པ་སྐྱེ་མེད། ཡིད་ལ་བྱས་པ་ཉམས་མྱོང་མེད་པས། བློའི་ཉམས་དང་བྲལ། ལྟ་བ་ཞེན་འདོད་དང་བྲལ་བས། དེས་ཞབྲུལ་པ་ཆོས་སྐུར་ཤེས། ཞབྲུལ་པ་ལོག་པས་ལྷ་བ་རྒྱུད་ལ་ཤར། གཞི་ངོ་ཤེས་པས་ཆོས་ཉིད་མ་དང་ཕྲད་། ཕྱིས་མི་ཞབྲུལ་པས་ཡེ་ཤེས་རང་ས་ཟིན། སྙིང་པོ་རིག་པ། ཆོས་ཉིད་ཀློང་ནས་འཆར། ཡེ་ཤེས་ངོ་ཤེས་ཤིང་གཏི་མུག་སངས་པས། བར་དོར་བག་ཆགས་ཀྱི་གནས་ཆོད། ཕྱིས་ལུས་མི་ལེན་པས། སྐྱེ་ཤི་མེད་པའི་གདེངས་རྙེད། རྨི་ལམ་གྱི་སྤྲོས་པ་ཆོད་དེ་ལམ་ལུགས་ཐེབས། ཕྱི་རོལ་གྱི་སྣང་བ་སེམས་སུ་ཤེས་པས། བདེ་བར་གཤེགས་པའི་ཞིང་ཁམས་དང་གཞལ་ཡས་ཁང་དི་འཆར། ཕྱི་དགྲ་དང་ནང་དགྲ། ཉོན་མོངས་པ་དུག་ལྔ་དང་། གསང་བ་གཟུང་འཛིན་ལས་གྲོལ་བས་གསང་བའི་དགྲ་གསུམ་གསོད། ཕུང་པོ་ལ་རྒས་པ་མེད་པས་ཕུང་པོའི་བདུད་བཅོམ། ཉོན་མོངས་པའི་རོ་མོ་ལྡང་བས་ཉོན་མོངས་པའི་བདུད་བཅོམ། བར་ཆོད་རྐྱེན་ངན་གྲོགས་སུ་ཤར་བས་ལྷའི་བདུད་བཅོམ། སེམས་སྐྱེ་འཆི་མེད་པའི་དོན་སྐྱེ་མེད་རྟོགས་པས། འཆི་བདག་གི་བདུད་བཅོམ། འཇིགས་པའི་བདུད་བཞི་བཅོམ། སེམས་ལ་རང་དབང་ཐོབ། སྐྱེ་མེད་ཆོས་སྐུ་རྟོགས་པས། འགྲོ་དྲུག་གཡང་ས་ཆོད། སེམས་སངས་རྒྱས་སུ་ཤེས་པས། གཞན་ལ་རེ་མི་ཆེ རང་བྱུང་ཡེ་ཤེས་གདེང་རྙེད་པས། འཁོར་བ་ལ་དོགས་མི་ཚ། རེ་དོགས་བདུད་ལས་གྲོལ་བས། སྒྲིབ་པ་རྣམ་གཉིས་མ་སྤངས་པར་དག །ཚོགས་གཉིས་མ་བསགས་པར་རྫོགས། ས་རྣམས་མ་བགྲོད་པར་ནོན་ཏོ། །དེ་ཁོ་ན་ཉིད་ཀྱི་བཅུད་ལེན་གྱི་ལེའུ་སྟེ་དོན་དྲུག་པའོ།། །།བཅུད་ལེན་ཕྱི་ནང་གསང་བ་དེ། ཁོ་ན་ཉིད་ཀྱི་སྐབས་ཏེ་བདུན་པའོ།། །།དེ་ནས་ཌའ་ཀི་རྡོ་རྗེ་ཕག་མོས། བྲམ་ཟེ་བློ་ལྡན་མཆོག་སྲེད་ལ་རྒྱུད་གཏད་དེ། ཨེ་མ་ཧོ། རིགས་འཛིན་དཔའ་བོ་གྲུབ་ཐོབ་ཁྱེད། མཁའ་འགྲོ་མའི་རང་སྲོག །ཡིད་བཞིན་ནོར་བུ་དགོས་འདོད་འབྱུང་བའི་རྒྱུད་འདི་ཆོངས་ཤིག །སྒྲུབས་ཤིག །གང་བསམས་པ་འགྲུབ་པར་འགྱུར་རོ། །ཞེས་གསུངས་ནས་མི་སྣང་བ་ཆོས་ཀྱི་དབྱིངས་སུ་ཐིམ་མོ། །རྒྱུད་ཡོངས་སུ་གཏད་པའི་ལེའུ་སྟེ་བདུན་ཅུ་རྩ་བདུན་པའོ།། །ཁུད་གཏད་པའི་སྐབས་ཏེ་བརྒྱད་པའོ།། །།མཁའ་འགྲོ་མ་ནོར་བུ་འཕྲེང་བའི་བཤད་པའི་རྒྱུད་ཕྱི་མ་ལེའུ་བདུན་ཅུ་རྩ་བདུན་པ་སྐབས་བརྒྱད་པ་རྫོགས་སཧོ།། །།སློབ་དཔོན་པདྨས་ཇོ་མོ་མཚོ་རྒྱལ་ལ། མཁའ་འགྲོ་དཔང་དུ་བཙུགས་ནས་གཏད་དོ། གཏེར་རྒྱ། སྦས་རྒྱ། གཏད་རྒྱ།། །།