Ngb-pt-0659-vol-07-text
Front
Body
སྔགས་གཅོད་པའི་རྒྱུད་ལས། །དྲག་སྔག་ཐམས་ཅད་གཅོད་པའི་རྒྱུད་ཅེས་བྱ་བ་རྫོག་སོ།། །། རྒྱ་གར་སྐད་དུ། ཨེ་སྐྲུ་གྲི་ཡ་མན་ཏ་ཀ་ཙཀྲ་བཛྲ་ཀརྨུ་ཡ་ར་མ་ནི་རྦད་རྦད་ཨ། ཨ་ཏན་ཏྲ་ཡ། གུ་རྒྱ་ཙསྟི་སིརྙི། བོད་སྐད་དུ། རྣམ་གསུམ་དྲག་པོ་གཤིན་རྗེ་དྲག་སྔགས་གཅོད་པའི་རྒྱུད། རྣམ་གསུམ་རྒྱུད་ཀྱི་མན་ངག་འདུས་པ་ཞེས་བྱ་བ། བཅོམ་ལྡན་འདས་དྲག་པོ་གཅོད་བྱེད་ཀྱི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དུར་ཁྲོད་ཆེན་པོའི་གནས་ཤིན་ཏུ་འཇིགས་ཤིང་སྐྱི་བུང་བ་ན་འཁོར་རྣམ་པ་བཞི་ཡིས་བསྐོར་ཏེ། དྲེགས་པ་ཅན་ཐམས་ཅད་ཀྱི་བདག་པོ་ཡོངས་སུ་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེའི་མཐུས་ཕྱག་ན་རྡོ་རྗེ་དང་། ཡ་མན་ཏ་ཀ་དང་། རྡོ་རྗེ་གཞོན་ནུ་ལ་སོགས་པ་རྣམས་ཀྱིས། དྲག་པོའི་སྔགས་ཐམས་ཅད་ཀྱི་སྦྱོར་བ་གཅོད་པར་བྱེད་པ་དང་། འཇིགས་པར་བྱེད་པའི་དོན་རྣམ་པར་ཡོངས་སུ་རྟོགས་ནས། མི་འཇིགས་རང་བྱུང་གི་ཡི་གེ་དང་། མི་འགྱུར་བའི་ཡི་གེ་དང་། ཡི་གེ་བཅུ་གཉིས་ནི་ཡང་དག་པའི་ཐུགས་ནས་བཏོན་ནས། དྲེགས་པ་ཕོ་མོ་ལ་སོགས་ཏེ། འཁོར་རྣམས་ལ་དགོངས་པས་བཀའ་སྩལ་བ། འཁོར་རྣམས་ཀྱི་སྲོག་དང་། མཚོན་ངར་དང་། ཚ་ལ་ལ་སོགས་པ་ནི། བསྙེན་དང་། བསྒྲུབ་དང་། སྦྱོར་བའི་མན་ངག་གོ །དྲེགས་པ་ཕོ་མོ་ལ་སོགས་ཀྱིས། །བསྙེན་དང་བསྒྲུབ་པའི་སྐལ་ལྡན་ལ། །དངོས་གྲུབ་སོ་སོར་སྩོལ་བ་དང་། །འཕྲིན་ལས་སོ་སོར་བཅོལ་བཞིན་གྱིས། །དཀར་པོ་ཡོངས་སུ་བསྐྱང་བ་དང་། །ནག་པོ་མ་ལུས་རླག་པར་གྱིས། །རིགས་ཀྱི་གཙོ་བོ་ཁྱེད་གསུམ་ཡང་། །སྔགས་ཀྱི་སྦྱོར་བའི་མན་ངག་དང་། །ཡང་དག་ཉིད་དུ་ལྡན་པར་གྱིས། །སྦྱོར་བ་འདི་བཞིན་ལྡན་གྱུར་ན། །བསྒྲུབས་ན་རང་དབང་མེད་པར་འགྲུབ། །བསྙེན་དང་བསྒྲུབ་དང་སྦྱོར་བ་རྣམས། །ནང་གི་ཕྱི་རུ་འགྲོ་བ་སྟེ། །རྣལ་འབྱོར་ཀུན་གྱིས་བྱ་བ་ཡིན། །ཕྱི་བསྒྲུབ་དམ་ཚིག་ཉམས་ཤིང་ཉེ་བར་མ་གྱུར་ན། །རྩ་སྔགས་མགོ་བའི་འོག་ཏུ་ས་མ་ཡ་ཞེས་གདགས། །དེས་ནི་མྱུར་དུ་མཚན་མ་སྟོན། །ལས་རྣམས་དུས་སུ་མ་གྲུབ་ན། །དང་པོ་རང་དབང་མེད་པར་དྲེགས་པ་དགུག །གཟིར་ཞིང་སྙིང་ཁར་ཕྲོགས་ལ་གསད་ནས་སུ། །གསོ་ཞིང་དམ་རྫས་བདུད་རྩི་བྱིན་ནས་སུ། །ཆེ་བའི་ང་རྒྱལ་བསྐྱེད་ཅིང་གཉེན་པོའི་ལྷ་བསྒོམ་ནས། །ཞབས་འོག་མནན་པས་ལས་རྣམས་བསྒྲུབ་པར་བསམ། །རྣལ་ཐང་རྦད་འབྱུང་བསྒྲུབ་པ་སྟེ། །གོང་འོག་མིང་གི་ཡི་གེ་དང་པོལ། །ཏྲིགནནགདགས་ཤིང་སྙིང་པོའི་མཐའ་གཞུག་ཏུ། །ལས་སྔགས་འབྱུང་བ་དྲག་པོའི་བསྒྲུབ་པ་སྟེ། །ལས་རྣམས་མ་ལུས་མྱུར་དུ་འགྲུབ་པར་བྱེད། །དྲེགས་པ་མས་ལུས་ཐམས་ཅད་ལ། །མ་འོངས་སྐལ་ལྡན་རྣམས་ཀྱིས་ཀྱང་། །ལས་མི་ཉུར་ན་སྦྱར་བར་བྱའོ། །ཞི་བས་སྤོགས་པ་བསྒྲུབ་པ་དང་། །རང་དབང་མེད་པར་སྤོགས་པ་ནི། །མགོ་དང་མཇུག་གི་རྣལ་ཐང་ལ། །ལུས་ཀྱི་གོ་རིམས་བཟློག་ཅིང་ལས་ལ་སྦྱར། །སྲིད་པའི་འཕྲོད་ཉལ་དམ་ཚིག་རྗེས་དྲན་ཞིང་། །རྣམ་སྨིན་འབྱུང་བར་ཡོངས་སུ་རྟོགས་ནས་ནི། །འདི་དང་འདྲ་བའི་དྲག་སྔགས་ནུས་པ་ཡིས། །ཕྱག་རྡོར་མཐུ་འཕྲོག་ལས་རྣམས་མྱུར་དུ་འགྲུབ། །གསང་བར་སྤོགས་པའི་ཆོ་ག་ནི། ཁྲེ་སའི་མཐའ་རུ་འགྲོ་བ་སྟེ། །མགོ་དང་མཇུག་གི་རྣལ་ཐང་ལ། །ཡི་གེ་འབྲུ་ཟློག་ལས་ལ་སྦྱོར་བས་ནི། །དྲེགས་པའི་ལས་རྣམས་མྱུར་དུ་འགྲུབ། །སྤྱི་ཚུགས་ཞབས་འོག་མནན་པར་བསམས་པ་ཡིས། །ནད་ཐུན་དགྲ་ལ་ཕབ་པར་བསམས་བྱས་པས། །སྲིད་པའི་སྤྱི་ཚུགས་དམ་ཚིག་རྗེས་དྲན་ནས། །རྣམ་སྨིན་རང་ལ་འབྱུང་བར་རྟོགས་ཤིང་འབྲས་བུ་མྱུར་འགྲུབ་བྱེད། །མགོ་ལ་ངར་ཏེ་མཇུག་ལ་གྲི། །ངར་དང་གྲི་ཡི་མཚན་ཉིད་ནི། །འཇིག་རྟེན་བཟླས་པའི་སྔགས་ནི་ངར་ཡིན་ནོ། །དེའི་ལས་དང་མཚོན་ཆའི་སྔགས་ནི་གྲི་ཡིན་ནོ། །གཟས་པ་ཕོ་མོ་མ་ལུས་སྲོག་ན་ཚལ་ཡིན། །ངར་དང་གྲི་ནི་ཚལ་ལའོ། །དམག་དང་གོ་དང་མཚོན་ཆ་ནི། །གཙོ་འཁོར་སྔགས་ནི་དམག་ཡིན་ཏེ། །དེ་ཡི་འཁོར་སྔགས་མ་ལུས་གོ་ཡིན་ནོ། །གཅོད་པའི་ཡི་གེ་མཚོན་ཡིན་ནོ། །ཕོ་སྣ་མོ་ཡིས་དྲངས་པ་དང་། །གིང་སྣང་གཙོ་ཡིས་དྲངས་པ་དང་། །གཙོ་སྣ་གིང་གིས་དྲངས་པ་དང་། །མོ་སྣ་ཕོ་ཡིས་དྲངས་པ་དང་། །སྔགས་ཀྱི་དྲང་ཐབས་འདི་རྣམས་ནི། །རབ་སྟེ་གདམས་ངག་དམ་པའོ། །ཚེ་ཟད་ལས་ཟད་འཁོར་ལོ་དང་། །ལས་རྣམས་དཀྲུག་ཅིང་གསོད་པ་དང་། །ཚེ་རྣམས་དཀྲུག་ཅིང་གསོད་པ་དང་། །མན་ངག་དམ་པ་འདི་རྣམས་ནི། །མཐའ་བཏུལ་བ་ཡི་མན་ངག་སྟེ། །སྔགས་ཀྱི་མཐའ་རུ་ཤེས་པར་བྱའོ། །འདི་འདྲའི་དྲག་སྔགས་སྦྱོར་བ་ཡིས། །སྒྲ་མི་སྙན་པའི་མི་རྣམས་ཀྱང་། །དུས་མ་ཡིན་པར་འཆི་བར་ནུས། །ལུས་འཕགས་པོ་ཡི་མི་རྣམས་ཀྱང་། །ལུས་པོ་སྔོན་བས་ཆུང་བར་འགྱུར། །བ་གླང་སྤྱོད་ཀྱི་མི་རྣམས་ཀྱང་། །ལོངས་སྤྱོད་སྔོན་བས་ཆུང་བར་འགྱུར། །འཛམ་བུ་གླིང་པའི་མི་རྣམས་ཀྱང་། །སྐད་ཅིག་ཡུད་ཀྱིས་བརླག་པར་ནུས། །འདི་འདྲའི་དྲག་སྔགས་ནུས་མཐུ་ཅན། །ཐམས་ཅད་མཐའ་ལ་མ་ཡིན་པར། །དུས་མ་ཡིན་པར་སྦྱར་བྱས་ན། །འབྲས་བུ་མེད་ཅིང་བརླག་པར་འགྱུར། །ཡི་གེ་འབྲུ་ཟློག་མན་ངག་འདིས། །མཧྭ་དེ་བ་འཇིག་པར་ནུས། །ལས་ལ་སྦྱར་ན་འབྲས་བུ་འགྲུབ། །འཇིག་རྟེན་པ་དང་འདས་པ་ཡིས། །བསྒྲུབ་པ་མི་ཡིས་སྒྲུབ་པ་ཡིས། །དབང་མེད་འགྲུབ་པར་བྱ་བའི་ཕྱིར། །སྔགས་ཀྱི་སྦྱོར་བ་འདི་རྣམས་ཀྱིས། །མྱུར་དུ་འགྲུབ་པར་ཐེ་ཙོམ་མེད། །དེ་སྐད་ཅེས་བཀའ་སྩལ་པ་དང་། །བཅོམ་ལྡན་འདས་འཇམ་དཔལ་གཤིན་རྗེ་གཤེད་སྟན་ལས་ལངས་ཏེ། འདི་སྐད་ཅེས་གསོལ་ཏོ། །མ་ལུས་ཀུན་གྱི་སྔོན་དུ་ཡང་། །བསྒྲུབས་ན་ལས་རྣམས་མི་འགྲུབ་ཅིང་། །བསྙེན་པས་ཉེ་བར་མ་གྱུར་ན། །ཁྱོད་ཀྱི་བསྟན་པ་བསྲུང་བྱའི་ཕྱིར། །དུས་གསུམ་དག་གི་ཐ་མ་ལ། །དགེ་སྡིག་འཆོལ་བར་སྤྱོད་པ་དང་། །རྣལ་འབྱོར་གྲོང་བསྙེན་དར་བ་དང་། །ཟས་ངན་ལྕི་བ་ཟ་བ་དང་། །གོས་ངན་རེ་བ་གོན་པ་དང་། །དེ་ཚེ་དྲེགས་པ་ཕོ་མོ་འཁྲུག །འཁུ་ལྡོག་ཆེ་ལ་ལས་མི་བྱེད། །དྲེགས་པ་ཕོ་མོ་རྣམས་ཀྱིས་ནི། །ཉིད་ཀྱིས་ཉིད་ལས་རྨེ་བ་དང་། །རང་མཚོན་རང་ལ་དབབ་པ་དང་། །གཉེན་པོའི་མཚོན་ཆ་དྲེགས་པ་རྣམས་ལ་དབབ་པ་དང་། །རང་ཉིད་མཚོན་ཆ་རང་ལ་དབབ་པའི་ནུས་པ་ནི། །མ་ཧྭ་དེ་བ་ཉིད་ཀྱང་རྐང་མཐིལ་ནས། །སྤྱི་བོའི་གཙུག་ཏུ་འགས་པར་འགྱུར། །ཡ་མན་ཏ་ཀའི་སྙིང་ཁྲག་ས་ལ་ལྷུག་གིས་འོང་། །རྡོ་རྗེ་སེམས་དཔའ་ཉིད་ཀྱང་ལྷག་གིས་འོང་། །འབྲུ་བཟློག་མཚོན་ཆ་རང་ལ་ཕབ་པའི་ནུས་པ་ཡིན། །དུས་མ་ཡིན་པར་སྦྱར་མི་བྱ། །གཉེན་པོའི་མཚོན་ཆ་རང་ལ་ཕབ་པའི་ནུས་པ་ནི། །དྲེགས་པ་ཕོ་མོ་མ་ལུས་རང་དབང་མེད་པར་འཇིག་པར་བྱེད། །དྲེགས་པའི་དྲག་སྔགས་མ་ལུས་ཀྱིས། །འཇིག་རྟེན་བརླག་པར་འགྱུར་བའི་ཕྱིར། །དྲག་སྔགས་རིག་སྔགས་ཇི་ལྟར་གཅད། །དྲག་པོའི་སྔགས་འདི་ཇི་ལྟ་བུ། །གནས་ལུགས་རིམ་པ་ཇི་ལྟར་གནས། །བཤིག་ཅིང་གཅོད་པ་ཇི་ལྟ་བུ། །གཅད་ཐབས་རྣམ་པ་དུ་ཞིག་མཆིས། །གཅད་པའི་ནུས་པ་གང་དང་ལྡན། །མ་བཅད་རྣམ་སྨིན་ཇི་ལྟར་འབྱུང་། །སྲོག་དང་ལས་སྔགས་དྲག་པོར་འགྲོ་བ་ཇི་ལྟ་བུ། །སྙིང་པོའི་རྣམ་པ་ཇི་ལྟ་བུ། །སྙིང་པོ་ལ་ནི་ཇི་ལྟར་གཅད། །སྔགས་ཀྱི་སྒྲ་འགྱུར་ཇི་ལྟར་འགྲོ། །ཡང་དག་བཞི་ཡིས་བཀའ་སྩོལ་ཅིག །བདག་ཅག་སྙིང་གི་དཀྱིལ་དག་ན། །བདག་རང་གསོད་པའི་སྔགས་ཀྱང་བདོག །གཞན་དག་གསོད་པའི་སྔགས་ཀྱང་བདོག །སྔགས་ཀྱི་སྒྲ་འགྱུར་གནས་ལུགས་རྣམས། །བདག་གིས་མ་འཚལ་བཤད་དུ་གསོལ། །དེ་སྐད་ཅེས་གསོལ་པ་དང་། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་རིགས་ཀྱི་གཙོ་བོ་ཁྱོད། །སྔགས་ཀྱི་སྒྲ་འགྱུར་གནས་གནས་ལུགས་ནི། །སྲོག་གི་སྙིང་པོ་སྦྲུལ་འཁྲིལ་ལྟ་བུར་གནས། །དྲག་སྔགས་མ་ལུས་མཚོན་ཆ་ལྟ་བུར་གནས། །སྔགས་ཀྱི་གནས་ལུགས་དེ་གཉིས་སོ། །སྔགས་ཀྱི་སྒྲ་འགྱུར་བཤད་པ་ནི། །མོ་སྔགས་མཐའ་ལ་སྨྱོ་བྱུང་བས། །ཞི་བ་ཉིད་དུ་རྦད་པའི་སྒྲ། །ཛ་བྱུང་ཞི་བར་བོད་པའོ། །བ༷་རག་ཤའི་སྒྲ་བྱུང་རྫས་ལ་བོད་པའོ། །མཐའ་ལ་ཛ་ཧཱུཾ༷་བ༷་ཧོ་བྱུང་བ་ནི། །དབང་མེད་བོད་ཅིང་ཕྱག་རྒྱས་གདམས་པའོ། །ཙ་ཙ་ཧཱུཾ༷་ནི་དྲག་པོ་བོད་པའོ། །སྨྱོ་དང་ཛ་དང་ཧྲི་དང་ནི། །ཙ་ཙ་ལ་སོགས་སྔགས་རྣམས་ནི། །བོད་པར་འགྲོ་བའི་སྔགས་ཀྱི་སྒྲ་ཡིན་ནོ། །གསད་པའི་སྔགས་ཀྱི་སྒྲ་ནི་མུ་ར་ཡ་རུ་གཅད། །གཟིར་བ་སྔགས་ཀྱི་སྒྲ་ནི་མྱགས་ཐུམས་རིལ་རྦད་དུ་གཅད། །ནད་ཀྱི་སྔགས་ཀྱི་སྒྲ་ནི་ཐུན་ཡ་རུ་གཅད། །དེ་ལ་འབྱུང་ལྔའི་ཡི་གེ་དབུགས་བྱུང་བས། །འབྱུང་བ་ལྔ་ནི་ནད་ཀྱི་ཐུན་དུ་གཅད། །ནཱ་ཤ་ཡ་ཡི་སྒྲ་བྱུང་བ། །ཐུབ་པ་སྔགས་ཀྱི་སྒྲ་རུ་བཤད། །དེ་གོང་མཚོན་ཆའི་སྒྲ་བྱུང་བ། །མཚོན་ཆ་ཉིད་ཀྱིས་ཐུབ་པའོ། །རྦད་དང་འབྲེལ་པས་གཅད་པ་སྟེ། །དྲི་ཡང་འབྱུང་བ་དགྲ་ལ་རྟེན། །ཏྲི་ཡང་འབྱུང་བ་བགེགས་ལ་རྟེན། །སྨྱོ་བྱུང་མོ་ལ་རྦད་པ་སྟེ། །ཕོ་མོས་རྦད་པ་སྔགས་ཀྱི་སྒྲའོ། །མྱགས་དང་མྱོགས། ཐུ༷་ལ༷་ཐུམ་རིལ། །པྲ་མ་ཡ་དང་། རཀྟ་ཡ་མྱོས་དང་། རྦད་དང་མུགས་ལ་སོགས་པ་ནི། །ཐུན་གྱི་སྔགས་ཀྱི་སྒྲ་ཡིན་པས། །དེ་མ་ཡིན་པར་གཟིར་བ་མིན། །མཐའ་མ་རྦད་དང་འབྲེལ་པ་ནི། །གཟིར་ཅིང་གཅད་པའི་མན་ངག་གོ །ཨེ་དང་ཧུར་དང་ཐུམས་དང་ཛ༷༷ ཙ་ཙ་ཨ་ལ་སོགས་པ་ནི། །པུར་ནི་ཛ་དང་ཙིསྟ་ཁ་རག་ཛ། །སྙིང་ཁྲག་དབྲོག་པའི་སྔགས་སུ་གཅད། །འཕྲོག་བྱེད་སྔགས་ནི་འདི་ལས་མེད། །མུ་ར་ཡ་དང་མ་ར་ན། །གསོད་པའི་དྲག་སྔགས་དུས་ལས་མི་འདའ་བ། །འདི་གཉིས་མ་ཡིན་གསོད་པའི་དྲག་སྔགས་མེད། །རྦད་དང་འབྲེལ་པ་མཚོན་གྱིས་སོ། །ནཱ་ཤ་ཡ་དང་ཏྲ་ཐ་དང་། །ཧ་ན་དང་ནི་ད་ཧ་སྟེ། །བརྡེག་ཅིང་ག་་པའི་དྲག་སྔགས་དེ་ལས་མེད། །ཨུ་ནེ་གཉིས་དང་ནི་ལྡན་ཏེ། །ཨ༷་གུ་ཤ་དང་ཛ༷༷བཏགས་པ། །དགུག་པའི་དྲག་སྔགས་དེ་ལས་མེད། །རཀྟ་དང་ནི་ཁ་སྟི་ར། །སྲུངས་སྐྱོབ་དྲག་སྔགས་དེ་ལས་མེད། །ཙི་ཙི་ཛ་ལ་ཀོས་ཏ་ནི། །མཛེ་ཡི་དྲག་སྔགས་དེ་ལས་མེད། །བརྡེག་ཅིང་དྲག་སྔགས་རྣམ་པ་ནི། །ག་རྫ་དང་ནི་སྤོ་ཏ་དང་། །བི་སྤོ་ཊ་དང་བིན་དྷ་དང་། །ཚིནྟྲ་དང་ནི་ཙ་ར་ཡ། །ཧ་ལ་དང་ནི་ཏྲ་ཐ་ཡ། །བརྡེག་པའི་དྲག་སྔགས་དེ་ལས་མེད། །མཚོན་ཆའི་དྲག་སྔགས་བཤད་བྱ་བ། །ཏིག་སྣ་དང་ནི་སྐྲུ་གྲི་དང་། །ཙཀྲ་དང་ནི་བཛྲ་དང་། །ཀི་ལ་ཡ་དང་ཏྲི་ཤུ་ལ། །ཨུད་མ་ཡ་དང་ཙནྟྲ་ཡ། །འདི་རྣམས་མཚོན་གྱི་སྔགས་ཡིན་ཏེ། །མཚོན་ཆའི་སྔགས་ལ་དེ་ལས་མེད། །འབྱུང་ལྔ་སྔགས་ཀྱི་ཡི་གེ་ནི། །ཨེ་ཁ༷་ལ༷་ཡེ་རེ་སོགས་ལྔ། །འབྱུང་ལྔའི་ཡི་གེ་དེ་ལས་མེད། །སྦྱུ༷་ཨེ་ཨ་ཀེ་བི་ཤུདྷི། །གཞལ་ཡས་ཡི་གེ་དེ་ལས་མེད། །ཨོ་ཨུ༷༷ཧཱུཾ༷་སྲུཧྭ་ལྔ་པོ་ནི། །རིགས་ལྔའི་ཡི་གེ་དེ་ལས་མེད། །བསྙེན་པ་དང་ནི་ཉེ་བསྙེན་དང་། །བསྒྲུབ་པ་དང་ནི་བསྒྲུབ་ཆེན་དང་། །སྒྲོར་བ་དང་ནི་སྦྱོར་ཆེན་པོ། །བསྙེན་བསྒྲུབ་མན་ངག་དེ་ལས་མེད། །སྤོགས་པའི་སྦྱོར་སྔགས་མན་ངག་མི་ལྡན་ན། །ཉེ་ཀྱང་འགྲུབ་པ་དཀའ་ཞིང་འབྲས་བུ་མྱུར་དུ་འགྲུབ་མི་འགྱུར། །གཅད་པའི་དྲག་སྔགས་ལྡན་པ་ཡིས། །འཇིག་རྟེན་དྲེགས་པ་ལངས་པ་འགྱུར་བ་དང་། །གཅད་ན་གང་ཡང་ཆོད་པརའགྱུར། །གཤིགཔའིདྲག་སྔགས་ལྡནཔཡིས། །གཤིགནགངཡང་འཇིག་པར་འགྱུར། །གཅད་དུ་འདོད་ཕྱིར་གཅད་དུ་མི་འདོད་དྲག་སྔགས་ཤ་དང་ནི་ཤ་ཀྲོ་དང་། །མི་གཅིག་སྒྲ་ཡི་ཡི་གེར་ཤེས་པར་བྱའོ། །ཨ་བཞི་འབྱུང་བ་བཞི་རྣམས་ནི། །སྙིང་པོ་ཉེ་སྙིང་རང་འབྱུང་བཞི་བཞི་འབྱུང་། །རང་འབྱུང་སྔགས་ནི་འཇིག་ཏུ་མི་བ་་པའོ། །ལས་ཀྱི་སྔགས་ཀྱི་བར་དག་ཏུ། །མི་འགྱུར་ཡི་གེ་བཞི་བྱུང་བ། །ལས་རྣམས་བཤིག་ཏུ་མི་བ་་པ་བཀའི་ཡི་གེའོ། །བར་མཚམས་བཞི་རུ་གཞུག་པར་བྱའོ། །ལས་རྣམས་བཀའ་ལ་ལུས་པའི་ཕྱིར། །ཡིག་འབྲུ་ཀ་བཞིར་ཤེས་པར་བྱའོ། །གཟིར་ཐུན་སྔགས་ཀྱི་གོང་དུའོ། །གཅད་པ་རྦད་ཀྱི་གོང་དུའོ། །བསད་པ་མུ་ར་ཡའི་གོང་དུའོ། །དགུག་པ་ཨ༷་གུ་ཤའི་གོང་དུའོ། །ཨ་བཞི་ཀ་བཞི་ཡིག་འབྲུ་བརྒྱད། །རང་འབྱུང་ཡི་གེ་ཡིན་པས་ན། །ཀ་དང་བཛྲ་སྤོས་བྱས་ནས། །མི་འགྱུར་རྡོ་རྗེ་ལས་ཀྱི་ཡི་གེར་ཤེས་པར་བྱའོ། །དགུག་དང་གཟིར་བ་ལ་སོགས་ལ། །ཅིར་ཀྱང་མི་བ་་མེད་པའི་ཕྱིར། །རང་བྱུང་ཡི་གེ་གཞུག་བྱ་ཞིང་། །བསྲུང་བྱ་དག་ལ་བརྩོན་བྱས་ནས། །མི་འགྱུར་རྡོ་རྗེའི་སྐུ་དང་མཉམ། །དྲག་སྔགས་གཅོད་པའི་གླེང་གཞི་འདི། །ཡང་དག་ཉིད་དུ་ཡིད་ལ་ཆོངས། །གཤིན་རྗེ་དྲག་སྔགས་གཅོད་པའི་རྒྱུད་ལས། གླེང་གཞིའི་ལེའུ་སྟེ་དང་པའོ།། །།དེ་ནས་ཡང་དག་བཤད་བྱ་བ། །དྲེགས་པ་དུག་གི་རང་བཞིན་པས། །དུག་ཉིད་ཀྱིས་ནི་འཇིག་པར་འགྱུར། །དྲེགས་པ་མཚོན་གྱི་རང་བཞིན་པས། །མཚོནི་ཉིད་ཀྱིས་ནི་འཇིག་པར་འགྱུར། །དྲེགས་པ་ནད་ཀྱི་རང་བཞིན་པས། །ནད་ཉིད་ཀྱིས་ནི་འཇིག་པར་འགྱུར། །དྲེགས་པ་སྔགས་ཀྱི་རང་བཞིན་པས། །སྔགས་ཉིད་ཀྱིས་ནི་འཇིག་པར་འགྱུར། །ཇི་ལྟར་འདོད་པ་འབྱུང་འགྱུར་ནོར་བུ་རིན་ཆེན་སྔགས། །དུག་དང་མཚོན་དང་ནད་རྣམས་ནི། །སྔགས་ཀྱིས་གཞན་ལ་ཕབ་པས་ན། །སྐད་ཅིག་ཡུད་ཀྱི་རླགཔར་བྱེད། །དྲེགས་པ་ཉིད་ལ་ཕབ་པས་ནི། །ལས་རྣམས་མྱུར་དུ་འགྲུབ་པར་བྱེད། །རྣོམ་གྲིའི་སྣོད་དམ་མོན་ཐོད་དུ། །ཐུན་གྱི་སྙིང་པོ་བྲིས་ནས་སུ། །ར་ཁྱི་མི་ཡི་ཁྲག་དང་ནི། །ཚ་བ་རྣམ་བཞི་སོགས་བྱས་ཏེ། །སྤྲོས་པསཚ་བ་བཞི་བཅུ་དྲུག་གོ །སྒྱེད་བུ་ཐོད་པ་གསུམ་ལྡན་དང་། །དབུས་སུ་མེ་དཔུང་བསྐྱེད་ནས་སུ། །ལྕགས་ཕྱེ་ཟངས་ཕྱེ་རྡོ་ཕྱེ་གསུམ། །དུག་གསུམ་རྩད་གཅོད་ཐུན་གྱི་རྫས། །མཚོན་ཆའི་རང་བཞིན་ཤེས་པར་བྱའོ། །ཁྲག་དང་ཚ་བ་ནད་ཀྱི་རང་བཞིན་ཏེ། །དུག་ལྔས་དྲེག་པ་དུག་གི་རང་བཞིན་ནོ། །སྙིང་པོ་ཐིག་ལེ་དཀར་ནག་ཁྲོ་བོའི་རང་བཞིན་ཅན། །ཁྲི་ཚོ་བརྒྱད་སོགས་ཐུན་རྫས་ལྔ་བསྔགས་པས། །ཉུངས་ཀར་དུག་དང་ལྕགས་ཟངས་རྡོ་ཕྱེ་ལ། །འཕར་འོད་འཚེག་པ་བྱུང་ན་དངོས་གྲུབ་རྟགས། །མཚོན་ཆ་བརྡུངས་ཀྱི་རྨིན་ཐུན་རྣམས་གྲུབ་པའི་རྟགས། །ཐུན་བསྒྲུབ་དག་ལ་འཇུག་པར་བྱའོ། །ཁྲག་སྣ་གསུམ་དང་ཚ་བ་བཅུ་དྲུག་སྦྱར་བྱས་ཤིང་། །བརྒྱ་བརྒྱ་དག་ཏུ་བཀུག་བྱས་ནས། །ངར་དང་གོ་ཆ་དྲན་བྱེད་ང་རྒྱལ་ལྡན། །ལྕགས་ཕྱེ་ཟངས་ཕྱེ་རྡོ་ཕྱེ་དང་། །དུག་དང་ཉུངས་ཀར་བསྡགས་ཤིང་ཁྲག་གི་ནང་འཕངས་པ་ཡིས། །དུག་གི་འོད་ཟེར་འཕྲོ་བ་དང་། །མཚོན་ཆ་ཉིད་དུ་འཕྲོ་བ་དང་། །ཁྲོ་ཆུང་ཉིད་དུ་འཕྲོ་བ་དང་། །དེ་ཡི་འོད་ཟེར་བྱིན་བརླབས་ཀྱིས། །དུག་དང་ཁྲག་གི་རྒྱ་མཚོ་ཁོལ་ནས་ནི། །དུག་དང་འབྱུང་བའི་རྐྱེན་གྱིས་འཇིག་པར་བསམ། །རྒྱུ་དྲུག་བག་ཅན་ཡི་གེར་ལྡན་པའི་ལིང་ག་ལ། །དཀར་ནག་ཕྱིན་ཀ་ལོག་གིས་དཀྲིས་ལ་བཞག །སྙིང་ཁར་གྲུ་གསུམ་དགུག་སྔགས་བཞུགས་པ་དང་། །དཔུང་ཁ་གཉིས་དང་ལྟེ་བར་དབང་མེད་ཀྱི། །སྲོག་ལ་ཀི་ལ་ཡ་ཞེས་བཞུགས་པ་དང་། །འདི་ནི་ལིང་ག་ཐུན་གྱི་བཅའ་ཐབས་ཏེ། །འཁོར་ལོ་ལ་རྟེན་ཐུན་གྱི་བཅའ་ཐབས་དང་། །ལིང་ག་ལ་རྟེན་ཐུན་གྱི་བཅའ་ཐབས་སོ། །ཡབ་ཡུམ་འཁོར་ལོ་སྟེང་འོག་ལ། །བར་ནས་གཟས་པ་འཁྲུལ་ཞིང་བཞག །ཨེ་དང་ཀ་དང་བྲུ༷་དང་ལས། །ཐོད་པ་གཞལ་ཡས་བྱིན་གྱིས་བརླབ། །ལྷ་བསྐྱེད་ཁྲག་དང་ཚ་ནད་བྱིན་གྱིས་བརླབས། །ར༷་ཐུན་ཐུན། བ༷་ཐུན་ཐུན། ཁ༷་རཀྟ་ཐུན་ཐུན། ཡ་ཐུན་ཐུན། ལ༷་ཐུན་ཐུན། ནད་ཀྱི་རྣམ་པར་བྱིན་གྱིས་བརླབ་ལ་བཞག །ཐུན་བསྙེན་རྫོགས་པའི་རྫས་རྣམས་ནི། །གཡོན་པ་རྡོ་རྗེ་ཁྲོ་མོས་གྲུབ་ནས་ནི། །གཡས་པ་རྡོ་རྗེ་ཁྲོ་བོས་བྲབ་པར་བྱ། །དེ་ཡི་རྟགས་མཆོག་བསྟན་པ་ནི། །དགུག་པ་རྒྱ་མཚོ་བཞི་རྣམས་དང་། །ཐུན་ནི་ཁྲི་ཚོ་བཞི་རུ་བཤད། །གྲངས་ཀྱིས་གྲུབ་པའི་ཚད་ཡིན་ནོ། །དཀར་ལ་དངས་ན་ཞི་བ་གྲུབ། །སེར་ལ་དངས་ན་རྒྱས་པ་གྲུབ། །དམར་ལ་དངས་ན་དབང་མཆོག་ཉིད། །མཐིང་ནག་ཆོས་སྐུའི་དངོས་གྲུབ་ཡིན། ཁོལ་ཞིང་རླངས་བྱུང་དྲག་པོ་ཡིན། །སོ་སོའི་སྔགས་དང་ཏིང་འཛིན་དངོས་གྲུབ་བླང་། །ཞི་རྒྱས་དབང་དྲག་སྔགས་རྣམས་ལ། །སིརྙི་གདགས་ཤིང་དངོས་གྲུབ་བླང་། །དེ་ནས་ཐུན་ཡང་མི་འགྱུར་བྱིན་གྱིས་བརླབ། །ཨ༷༷བཛྲ་ནག་པོ་ཧ་ལ་ཐུན་ནི། །ཨ་བཛྲ་བྲུ་ཏི་ཐུན། ཨ་བཛྲ་བྷ་ལི་ཏ་ཐུན། ཨ་བཛྲ་རཀྟ་ཙ་ར་ཡ་ཐུན། ཙཀྲ་སྤུ་གྲི། ཏིག་སྣ་ཏྲི་ཤུལ། ཀི་ལ་ཡ། ཨ་ཀོ་ཏ་ཡ་མུད་ཀ་ར། ཙཀྲ་བཛྲ་ནི་ཐུན། ཨོ་བཛྲ་ན་ཐུན། ཨ་བཛྲ་ནི་ཐུན། ཧཱུཾ༷་བཛྲ་ནི་ཐུན། སྭ་བཛྲ་ནི་ཐུན། ཧྭ་བཛྲ་ནི་ཐུན། ཐུན་བསྙེན་ཐུན་བསྒྲུབ་རྫོགས་གྱུར་ནས། །ཐུན་སྦྱོར་དག་ལ་འཇུག་པའི་ཕྱིར། །རྨི་ལམ་མཚན་མ་བརྟག་པ་ནི། །གོ་མཚོན་བརྡར་གྱི་རྨི་བ་དང་། །མཚོན་ཐོགས་དག་ལ་གཡུལ་འགྱེད་དང་། །མེ་སྦར་ཁྲག་ཆེན་བསྐོལ་རྨི་ན། །ཐུན་བསྒྲུབ་གྲུབ་པའི་རྟགས་ཡིན་ནོ། །གཤིན་རྗེ་དྲག་སྔགས་གཅོད་པའི་རྒྱུད་ལས། །ཐུན་བསྙེན་དང་ཐུན་བསྒྲུབ་བསྟན་པའི་ལེའུ་སྟེ་གཉིས་པའོ།། །།དེ་ནས་ཡང་དག་བཤད་བྱ་བ། །ཐུན་གྱི་སྦྱོར་བའི་མན་ངག་ནི། །རྟགས་ཐོན་ཐུན་གྱི་རྫས་རྣམས་ནི། །སུམ་ཆ་རྟ་རུ་གཟུང་བར་བྱ། །སུམ་ཆ་རྟེན་ལ་བརྡེག་པར་བྱ། །གཡག་རུ་གཡས་སམ་འབྲི་རུ་གཡོན། །དེ་ཉིད་ཀྱིས་ནི་བརྡེག་པར་བྱ། །སུམ་ཆ་ལིང་ག་ཉིད་ལ་བྲབ། །སྔགས་རྣམས་མ་ལུས་སྦྱར་ནས་སུ། །ཉི་ཤུ་རྩ་གཅིག་ལོ་ཚད་དང་། །ཡང་དག་ཉིད་དུ་བྲབ་པར་བྱའོ། །འདིས་ནི་བརླག་པར་ཐེ་ཚོམ་མེད། །དེ་ནས་ཐུན་དྲིལ་མན་ངག་ནི། །སུམ་ཆ་མནན་ལ་སུམ་ཆ་བསྲེག །གཤིན་རྗེ་དྲག་སྔགས་གཅོད་པའི་རྒྱུད་ལས། ཐུན་སྦྱོར་བསྟན་པའི་ལེའུ་སྟེ་གསུམ་པའོ།། །།གཤིན་རྗེ་གཤེད་ཀྱིས་ཡང་གསོལ་པ། །ཀྱེ་ཀྱེ་བཅོམ་ལྡན་ཐུགས་རྗེ་ཅན། །ཡེ་ཤེས་གཤིན་རྗེའི་གཤེད་སོགས་ཀྱི། །སྐུ་ཡི་སྙིང་པོ་ཇི་ལྟ་བུ། །གསུང་གི་སྙིང་པོ་ཇི་ལྟ་བུ། །ཐུགས་ཀྱི་སྙིང་པོ་ཇི་ལྟ་བུ། །ཡོན་ཏན་འཕྲིན་ལས་སྙིང་པོ་གང་། །ཨ་ཀྲོ་ཡིག་འབྲུ་བཅུ་བདུན་པ། །སྐུ་ཡི་སྙིང་པོ་དམ་པ་ཡིན། །ཧཱུཾ༷་གིས་དྲངས་ན་དྲག་སྔགས་སོ། །ཧྲིཁྱི་ཡིག་འབྲུ་བཅུ་གཅིག་པ། །གསུང་གི་སྙིང་པོ་ཡིན་པས་ན། །ཧཱུཾ༷་ཡིས་དྲངས་ན་དྲག་སྔགས་སོ། །ཀྭ་ལ་དུ་པ་ཡིག་འབྲུ་བདུན། །ཐུགས་ཀྱི་སྙིང་པོ་དམ་པ་ཡིན། །ཧཱུཾ༷་གིས་དྲངས་ན་དྲག་སྔགས་སོ། །ཡོན་ཏན་འཕྲིན་ལས་སྔགས་ཀྱང་དེ་བཞིན་ནོ། །ཨོ་ཨ་ཀྲོ་ཏེ་ཀ་ཡ་མརྙ་ཀ་ཧ་ན་མ་ཐ་བྷརྫི་ཧཱུཾ༷་ཧཱུཾ༷། ཨོ་ཧྲིསྐྱི༷༷ཝི་ཀི་ཏྭ་ན་ན་ཧཱུཾ༷་ཧཱུཾ༷། ཨོ་ཀྭ་ལ་དུ་པ་ཡ་ཧཱུཾ༷། ཡ་མ་རྭ་ཛ་ས་དོ་མེ་ཡ། ཡ་མེ་དོ་མྲ ཎ་ཡོ་ཏ་ཡ། ཡ་ཏ་ཡོ་ནི།ར་ཡཁྲེ་ཡ། ཡསྟེ་ཡསྒོ ནི་ར་མ་ཡ། ཡ་མེ་ཏོ་ས། ཙ་ར་མ་ཡ། ཨ་མོ་ཤ་ཀྲོ་ནན། ནི་པྲ་མ་ཡ། ནི་རཀྟ་ཡ། ནི་ཙ་ར་ཡ། རྣམ་མྱ་ར་ཡ། འདིབཞིནདྲགསྔགསའཁོར་ལོ་ནི། །ཕོ་སྔགས་བཟློག་པ་མོ་རུ་འགྲོ། །མོ་སྔགས་བཟློག་པས་ཕོ་རུ་འགྲོ། །ཕོ་མོ་གཉིས་ཀྱི་བཟླས་ཐབས་ཀྱིས། །དྲག་པོ་རུ་ནི་ཤེས་པར་བྱ། །འབྲུ་བཟློག་ལས་ལ་སྦྱར་བ་ནི། །བཙན་ཐབས་སུ་ནི་ཤེས་པར་བྱ། །ཨོ་ཧཱུཾ༷་ཨ་ཀྲོ་ཏེ་ཀ་ཡ་མརྙ་ཀ་ཧ་ན་མ་ཐ་བྷརྫི་ཧཱུཾ༷། ཡ་མ་རྭ་ཛ་ས་ཏོ་མེ་ཡ། ཨ་མུ་ཀ་དྲི་ཤ་ཏྲུ༷། ཨུ་ནེ་ཨུ་ནེ་ཨ༷་གུ་ཤ་ཛ་ཛ། ཧཱུཾ༷་ཨ་ཀྲོ་ཏེ་ཀ་ཡ་མརྙ་ཀ་ཧ་ན་མ་ཐ་བྷརྫི་ཧཱུཾ༷། ཡ་མེ་ཏོ་རུ་ཎ་ཡོ་ད་ཡ། ཧཱུཾ༷་ཨ་ཀྲོ་ཏེ་ཀ་ཡ་མརྙ་ཀ་ཧ་ན་མ་ཐ་བྷརྫི་ཧཱུཾ༷། ཡ་ཏ་ཡོ་ནི་ར་ཡ་སྟེ་ཡ། ཧཱུཾ༷་ཨ་ཀྲོ་ཏེ་ཀ་ཡ་མརྙ་ཀ་ཧ་ན་མ་ཐ་བྷརྫི་ཧཱུཾ༷། ཡསྟེ་ཡ་ཙ་ནི་ར་མ་ཡ། ཨ་མུ་ཀ་དྲི་ཤ་ཧཱུཾ་ཨུ་ནེ་ཨུ་ནེ་ཨ༷་གུ་ཤ་ཛ་ཛ་། འདི་ནི་རྣལ་ཐང་འཁོར་ལོ་སྟེ། ཆེ་གེ་མོ་པྲ་མ་ཡ། ཨ་མུ་ཀ་རཀྟ་ཡ་ནི་ཙ་ར་ཡ་ཤ་ཏྲུ༷་མྱ་ར་ཡ།ཨོ་ཛ་བྷན་དྷ་མ་ན་ཧྭ་ཀ་ཏ་ནམ་ཡ་ཀ་ཏེ་ཀྲོ་ཨ་ཧཱུཾ༷། ཡ་མེ་ཏོ་ས་ཙར་མ་ཡ། ཨ་མུ་ཀ་ཤ་ཏྲུ༷་ཨུ་ནེ་ཨུ་ནེ་ཨོ་གུ་ཤ་ཛ་ཛ། འབྲུ་བཟློག་སྔགས་དང་དེ་བཞིན་མཚན་མོ་བཞི་རུ་བཟླས། ལས་ཀྱི་ཁ་ཚར་དེ་བཞིན་ཤེས་པར་བྱའོ། །མ་མ་ཛ་ར་ཡ་སྟེ་ཡ། ཨ་མུ་ཀ་ར་ཀ་ཏེ་ཡ། ཡ་སྟེ་ཡ་ར་ནི་ཡ་ད་ཡ། དྲི་ཙ་ར་ཡ། ཡ་ཏ་ཡོ་ན་རུ་ཏོ་མེ་ཡ། ཤ་ཏྲུ༷་སྨྱུར་ཡ་ན། ཨོ༷་ཡ་མརྙ་ཀ་ཧཱུཾ༷། ཡ་མ་རྭ་ཛ་ས་ཏོ་མེ་ཡ། ཨུ་ནི་ཨུ་ནི། ཨ༷་ཁི་ཀུ་ཤ་སྒྲོ མ་ཡ་མེ་ཏོ་རུ་ཁེ་ཡོ་ཏ་ཡ། ཨུ་ནི་ཨུ་ནི། ཡ་ཏ་ཡོ་ནི་ར་ཡ་སྟེ་ཡ། ཨུ་ནི་ཨུ་ནི་ཨ༷་གུ་ཤ་ཛ་ཛ། འདིབཞིནཉིམབཞིཔཡི། །གཡས་གཅོད་དང་ནི་གཡོན་གཅོད་དོ། །སྲོག་བཞི་འབྲུབ་ཁུང་བཞི་ལྡན་ནས། །གསོད་ཅིང་གཅོད་པའི་མན་ངག་གིས། །སྦྱང་མོ་དག་གིས་བཀུག་བྱས་ནས། །སྲོག་བཞིས་སོ་སོར་གསད་པ་དང་། །སྤྱིར་དྲིལ་གཤེད་ལ་གཏད་པ་དང་། །འཁོར་ལོ་གནད་ཀྱི་མན་ངག་གིས། །བཀའ་ཡི་འཁོར་ལོ་བསྐོར་ནས་སུ། །འཇིག་རྟེན་ལས་ཀྱི་གཤིན་རྗེ་དག་ལ་གཏད། །བསྙེན་པ་ཡ་མན་ཏ་ཀ་སྟེ། །བྱེ་བ་ཚར་གསུམ་བསྐུལ་བར་བྱ། །མོན་པ་མོན་ནག་འོང་བ་དང་། །ཞིབ་ཅན་ཕོ་མོར་འོང་གྱུར་ན། །བསྙེན་པ་གྲུབ་པའི་རྟགས་ཡིན་ནོ། །ཉེ་བསྙེན་དག་ལ་འཇུག་པར་བྱ། །ཉེ་བསྙེན་ཨ་ཀྲོའི་སྔགས་ཡིན་ཏེ། །བྱེ་བ་ཉིས་འབུམ་བསྐྱལ་བར་བྱ། །ལུས་ལ་གོ་མཚོན་གོན་པ་དང་། །དམགས་དཔོན་བྱས་པར་རྨི་བ་དང་། །མོན་པ་མངོན་དུ་འབྱུང་བ་དང་། །ཉི་ཟླ་ཤར་བ་རྨི་བ་དང་། །མངོན་སུམ་གཟུགས་ལ་བྱོན་པ་འོང་། །དེ་ལྟར་བྱུང་བའི་དངོས་གྲུབ་རྣམས། །སྐུ་གསུང་ཐུགས་ཀྱི་བརྡ་ཡིས་བརྟག །དངོས་གྲུབ་བླངས་ལ་བསྒྲུབ་པ་བརྩམ། །དྲག་སྔགས་གཅོད་པའི་རྒྱུད་ལས།སྐུ་གསུང་ཐུགས་ཀྱི་སྔགས་དང་། བསྙེན་པ་དང་། ཉེ་བའི་བསྙེན་པ་བསྟན་པའི་ལེའུ་སྟེ་བཞི་པའོ།། །།དྲག་སྔགས་གཅོད་པའི་རྒྱུད་དག་ལས། །གཤིན་རྗེ་བསྒྲུབ་པའི་མན་ངག་ནི། །གྲུ་གསུམ་འཁོར་ལོའི་གཞལཡསསུ། །ཡ་མན་ཏ་ཀའི་སྔགས་ལ་གཟས་པ་ཡི། །སྲོག་བཞི་ལྡན་བྱས་ཨུ་ནེ་གཉིས་ཀྱིས་དགུག །སྟོང་པ་ལྕགས་དང་ལྕགས་ཀྱུའི་སྔགས་ཀྱིས་དགུག །ཨ་ཀྲོ་སྔགས་དང་གོང་མ་གཉིས་ཀྱིས་དགུག །ལས་ཀྱི་འཁོར་ལོའི་སྔགས་ཀྱིས་དགུག་པ་དང་། །ཛ་ཡ་ར་ནི་བཅུ་བདུན་དག་གིས་དགུག་པ་དང་། །ཕོ་མོའི་སྔགས་ཀྱི་འཁོར་ལོ་དག་གིས་དགུག་པ་དང་། །དགུག་པ་སྔགས་ཀྱི་སྦྱོར་བ་འདི་རྣམས་སོ། །ཨོ་ཡ་མརྙ་ཀ་ཧཱུཾ༷། ཨ་མུ་ཀ་དྲི་ཤ་ཏྲུ༷། ཨུ་ནེ་ཨུ་ནེ་ཨ༷་གུ་ཤ་ཛ་ཛ། འདི་བཞིན་ཀུན་ལ་བཏགས་བཀུག་ནས་སུ། །འཁོར་ལོ་བསྐོར་ཞིང་གིང་གིས་བཀུག་ནས་སུ། །གཤེད་པོ་ཡབ་ཡུམ་ལག་ཏུ་གཏད་པར་བྱ། །ཐུན་གྱིས་ཐུན་མ་མོ་འབུམ་གྱི་ལག་ཏུ་གཏང་། །གསད་གཟིར་སྙིང་ཁྲག་དབྲོག་པ་འདི། །གཤིན་རྗེ་དྲག་པོར་བསྒྲུབ་པའི་མཐའ་བཏུལ་བའོ། །དགུག་ཅིང་འཁོར་ལོ་བསྐོར་བས་ནི། །དྲག་པོའི་འཁོར་ལོའི་མཐའ་བཏུལ་ལོ། །མགོ་མཇུག་རྐང་གསུམ་ལྡན་པ་ལ། །ངར་དང་གྲི་དང་ཚ་ལ་བསྟན། །གོ་དང་མཚོན་གྱིས་བརྒྱན་པར་བྱ། །སྔགས་ཀྱི་སྡེབས་ཀྱི་མན་ངག་སྟེ། །ཡང་དག་ཉིད་དུ་ཤེས་པར་བྱ། །དྲག་སྔགས་གཅོད་པའི་རྒྱུད་ལས། གཤིན་རྗེ་དྲག་པོར་བསྒྲུབ་པའི་དགུག་དང་། གསད་དང་། གཟིར་བའི་མཐའ་བཏུལ་བའི་ལེའུ་སྟེ་ལྔ་པའོ།། །།གཤིན་རྗེ་གཤེད་ཀྱིས་ཡང་གསོལ་པ། །འཁོར་ལོ་རྣམ་པ་དུ་ཞིག་མཆིས། །བདག་གིས་མ་འཚལ་བཤད་དུ་གསོལ། །ཉོན ཅིག གཤིན རྗེའི གཤེད་ཕོ་ཁྱོད། །འཁོར་ལོའི་རྣམ་གྲངས་བསྐོར་ཐབས་རྣམས། །བཤད་ཀྱིས་རྩེ་གཅིག་ཡིད་ཀྱིས་ཉོན། །འཁོར་ལོ་རྣམ་པ་གཉིས་ཡིན་ཏེ། །ཡེ་ཤེས་བཀའ་ཡི་འཁོར་ལོ་དང་། །འཇིག་རྟེན་ལས་ཀྱི་འཁོར་ལོའོ། །བསྐོར་ལུགས་རྣམ་པ་བརྒྱད་ཡིན་ཏེ། །རྣལ་ཐང་འཁོར་ལོས་དང་ངོ་བོ་ལྡན་པ་ནི། །ཡང་དག་གྲུབ་པར་བྱེད་པའི་ཙཀྲ་འོ། །ཕོ་བསྐོར་གཡས་ལ་མོ་བསྐོར་གཡོན། །རྩ་བའི་སྔགས་དང་འཁོར་ལོའི་བར་དུ་ནི། །གཟས་པའི་སྲོག་བཞི་ལྡན་བྱས་ནས། །འཁོར་ལོའི་མཐའ་ལ་གནས་པའི་ཡིག་འབྲུ་ལ། །མི་འགྱུར་བ་ཡི་མཚན་གནས་སུ། །ས་གཞི་དང་སྦྱར་ཉིན་མཚན་བརྒྱད་དུ་བཟླས། །ཕོ་སྣ་མོ་ཡིས་དྲངས་པའི་ཙཀྲ་དང་། །མོ་སྣ་ཕོ་ཡིས་དྲངས་པའི་འཁོར་ལོ་སྟེ། །གཞན་ཡང་གཉན་དགུ་སྲོག་དང་སྦྱར་ལ་མནན་པར་བྱའོ། །གཤིན་རྗེ་དྲག་སྔགས་གཅོད་པའི་རྒྱུད་ལས། འཁོར་ལོའི་རྣམ་གྲངས་དང་།བསྐོར་ཐབས་བསྟན་པ་དང་། འཁོར་ལོ་སྡོང་པོ་ལྟ་བུའི་སྦྱོར་བ་བསྟན་པའི་ལེའུ་སྟེ་དྲུག་པའོ།། །།གཤིན་རྗེ་གཤེད་ཀྱིས་ཡང་གསོལ་པ། །བསྐོར་ཐབས་རྣམ་བརྒྱད་ལ་སོགས་ཀྱི། །གྲངས་ཀྱི་རྣམ་པ་ཇི་ལྟ་བུ། །བསྲུང་བྱ་མི་འགྱུར་ཚེ་འཛིན་སྲོག་གི་འཁོར་ལོ་ལ། །བསྐོར་ཐབས་རྣམ་པ་ལྔ་རུ་བསྟན། །བསྲུང་བ་དང་ནི་ཞི་བ་དང་། །རྒྱས་པ་དང་ནི་དྲག་པོའོ། །དྲག་པོའི་བསྐོར་ཐབས་རྣམ་པ་གསུམ་པོ་ཡིན། །རང་བཞིན་དྲག་པོ་བཙན་ཐབས་གསུམ་ཡིན་ནོ། །རང་བཞིན་བསྐོར་བའི་འཁོར་ལོ་འདིས། །འབྲུས་བུ་གྲུབ་པར་མ་གྱུར་ན། །གོ་རིམས་བཟློག་པའི་འཁོར་ལོ་འདིས། །འབྲས་བུ་རང་དབང་མེད་པར་འགྲུབ། །ཡི་གེ་འབྲུ་བཟློག་འཁོར་ལོ་འདིས། །དྲེགས་པ་ཉིད་ཀྱང་གནད་ལ་འབེབས། །བསྐོར་བས་མ་ལུས་འཇིག་པར་འགྱུར། །འཁོར་ལོ་མཚོན་ཆའི་མན་ངག་འདི། །དྲེགས་པ་ཉིད་ལ་དབབ་པ་དང་། །དགྲ་བགེགས་ཡོངས་ལ་དབབ་པའི་ཕྱིར། །སྔགས་དང་འཁོར་ལོའི་མཐའ་རྣམས་ནི། །བཟློག་དང་དཀྲུག་པའི་མན་ངག་གིས། །མེད་དཔུང་ལྟ་བུའི་སྦྱོར་བ་ཡིས། །དཀྲུག་པའི་སྦྱོར་བ་མེ་དཔུང་འདྲ། །མེ་དཔུང་དུག་ནི་ཀུན་ལ་ཡོད། །དེ་ཕྱིར་མེ་དཔུང་སྦྱོར་བའོ། །འདི་ནི་སྔགས་དང་འཁོར་ལོ་ཀུན་གྱི་མཐའ་འོ། །འབྲུ་བཟློག་མཚོན་ཆའི་འཁོར་ལོ་འདི། །སྡོང་པོ་ལྟ་བུའི་སྦྱོར་བ་སྟེ། །གཡས་བརྡེག་གཡོན་བརྡེག་ཡིན་པས་ན། །འཇིག་པའི་ཡི་གེ་བཅུག་པ་ཡིས། །ཐམས་ཅད་ཀུན་ཀྱང་འཇིག་པར་ནུས། །རང་འབྱུང་ཡི་གེ་ཆུད་པ་ཡིས། །མི་འཇིགས་པ་རུ་ཐེ་ཚོམ་མེད། །འཁོར་ལོ་ལྡིངས་དང་འཁྱམས་དང་བཟློག་པ་ལ། །མི་འཀྱུར་ཡིགེ་བཅུག་པ་ཡི། །ལྡིངས་དང་འ་ས་དང་ལྡོག་པའི་ཐེ་ཚོམ་མེད། །དེ་ཕྱིར་མི་འགྱུར་ཡི་གེའོ། །སྔགས་ཀྱི་སྦྱོར་བ་གང་བྱེད་ཀྱང་། །མི་འགྱུར་ཡི་གེ་ཤེས་པར་བྱའོ། །འདི་དང་མི་ལྡན་སྔགས་ཀྱི་སྦྱོར་འགྱེད་པ། །འ་་ལྡོག་ལྡངས་དང་རྣམ་སྨིན་རང་ལ་འོང་། །བསྐོར་ཐབས་བརྒྱད་ཀྱི་མཐའ་ལ་ནི། །མེ་དཔུང་སྦྱོར་བ་ཤེས་པར་བྱའོ། །དྲག་སྔགས་གཅོད་པའི་རྒྱུད་ལས། འཁོར་ལོ་བསྐོར་ཐབས་དང་རྣམ་གྲངས་བསྟན་པའི་ལེའུ་སྟེ་བདུན་པའོ།། །།དེ་ནས་ཡང་གཤིན་རྗེ་མཆོག་གིས་སྟན་ལས་ལངས་ཏེ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཐུགས་རྗེ་ཅན། །རང་བཞིན་དྲག་པོ་བཙན་ཐབས་ལ། །རང་བཞིན་བགྱི་བ་ཇི་ལྟ་བུ། །དྲག་པོ་བགྱི་བ་ཇི་ལྟ་བུ། །བཙན་ཐབས་བགྱི་བ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །ཚུལ་བཞིན་ལ་ནི་རང་བཞིན་ཏེ། །འཇིག་རྟེན་ལས་ཀྱི་གཤིན་རྗེ་རྣམས། །གཙོ་བོའི་སྔགས་ཀྱི་མཐའ་དག་ལ། །སྲོག་སྙིང་དག་ལ་ཨུ་ནེ་གཉིས་དང་ཨ༷་གུ་ཤ་ཛ་བཏགས་པས། །བགུག་ནས་གཟིར་ཞིང་སྙིང་ཁྲག་ཕྲོགས་ནས་སུ། །གསད་ཅིང་གསོལ་ཏེ་དམ་ལ་གདགས་བྱ་ཞིང་། །མིང་གི་ཡི་གེ་དང་པོ་ལ། །ཏྲིག་ནན་གཞུག་ཅིང་ལས་ལ་སྦྱར་བ་ཡིས། །ལྷ་རྣམས་མ་ལུས་བཀུག་ནས་སུ། །ཨོ་ཡ་མརྙ་ཀ་ཧཱུཾ༷། ཡ་མ་རྭ་ཛ་ས་ཏོ་མེ་ཡ་ཏྲིག་ཏན། །ཡ་ཏྲི་མྱགས་ཐུམས་རིལ་རྦད་ཡ་ཏྲི་ཨེ་ཧུར་ཐུམས་ཛ། ཨེ་ཙ་ཙ་ཨ། ཡ་ཏྲི་མུ་ར་ཡ་རྦད་ཧཱུཾ༷་ཡ་མརྙ་ཧཱུཾ༷། ཡ་མ་རྭ་ཛ་ས་ཏོ་མེ་ཡ། ཨ་མྲི་ཏ་ཨོ་ཨ་ས་མ་ཡ་ཨ་མྲི་ཏ་ཨོ། ཨ་མྲི་ཏ་ཧཱུཾ༷། ཨ་མྲི་སྭ། ཨ་མྲི་ཏ་ཏྭ། ང་ནི་བཅོམ་ལྡན་དཔལ་ཆེན་ཁྲག་འཐུང་གཤིན་རྗེའི་གཤེད། །ཉོན་ཅིག་དྲེགས་པ་གཤིན་རྗེ་རྣམས། །ཁྱོད་ཀྱི་སྙིང་ཁྲག་ང་ལ་ཡོད། །ང་ཡི་ལས་བཅོལ་ཁྱོད་ཀྱིས་བསྒྲུབས། །ཧཱུཾ༷་ཡ་མན་ཏ་ཀ་ཧཱུཾ༷། ཡ་མ་རྭ་ཛ་ཏྲིག་ནན། ས་ཏོ་མེ་ཡ་ཨ་མུ་ཀ༷་དྲི་ཤ་ཏྲུ༷་ཨུ་ནི་ཨ༷་གུ་ཤ་ཛ་ཛ། ཡ་མ་རྭ་ཛ་ཏྲིག་ནན། ས་ཏོ་མེ་ཡ་ཙ་ཀྲ་ཆེ་གེ་མོ་པྲ་མ་ཡ། ཡ་མེ་ཏོ་རུ་བི་ནན། ཎ་ཡོ་ཏ་ཡ་ཙཀྲ་ཨ་མུ་ཀ༷་རཀྟ་ཡ། ཡ་ཏ་ཡོ་ནི་ཏྲིག་ནན། ར་ཡ་སྟེ་ཡ། ཙཀྲ་རྣི་ཙ་རི་ཡ། ཡ་སྟེ་ཡ་ཙ་ཏྲིག་ནན། ནི་མ་ར་ཡ། ཤ་ཙ་ཀྲ་ཤ་ཧཱུཾ༷་མྱ་ར་ཡ་རྦད། འདི་བཞིན་འཁོར་ལོ་དྲག་པོའི་མན་ངག་སྟེ། །དྲེགས་པ་མ་ལུས་ཀུན་ལ་དེ་བཞིན་ཤེས་པར་བྱ། །ལྷ་ལ་གཟིར་ནི་རྣམ་གཉིས་ཏེ། །རང་བཞིན་གཟིར་དང་དྲག་པོས་གཟིར། །བཙན་ཐབས་གཟིར་ན་སྤྱི་ཁྱབ་བོ། །ལྷ་སྔགས་འབྲུ་བཟློག་ཨོ་ལ་ཏྲིག་ནན་གདགས་ཤིང་། །ས་ཚོན་དག་ལ་མཚོན་ཆ་གང་ཕབ། །བཙན་ཐབས་དག་ཏུ་གཟིར་བ་སྟེ། །ལྷ་གཟིར་རྣམས་ཀྱི་མཐའ་ཡིན་ནོ། །རྣལ་ཐང་སྔགས་ཀྱིས་དགུག་ཅིང་གཟིར་བ་ནི། །ཨོ་དང་ཧཱུཾ༷་དང་ཕཊ་བཏོན་ནས། །ལུས་སྔགས་དག་ལ་ཏྲོག་ནན་གདགས། །ས་བོན་དག་ལ་མཚོན་ཆ་ཕབ་པ་ཡིས། །རང་བཞིན་གཟིར་བའི་མན་ངག་གོ །གོ་རིམས་བཟློག་ནས་གཟིར་བ་ཡང་། །དེ་ཉིད་ཇི་བཞིན་ཤེས་པར་བྱའོ། །སྔགས་མཐར་ཙཀྲ་གདགས་ཤིང་ལས་སྦྱོར་ནི། །འཁོར་ལོས་གནད་ལ་དབབ་པའི་མན་ངག་གོ །དྲག་སྔགས་གཅོད་པའི་རྒྱུད་ལས། རང་བཞིན་དྲག་པོ་བཙན་ཐབས་ཀྱིས་ལྷ་དང་གཞན་གནད་ལ་དབབ་པ་བསྟན་པའི་ལེའུ་སྟེ་བརྒྱད་པའོ།། །།གཤིན་རྗེ་གཤེད་ཀྱིས་ཡང་གསོལ་པ། །མ་གྲུབ་སྤོགས་པའི་ཆོ་ག་དང་། །སྔགས་ཀྱི་བཟླས་ཐབས་ཇི་ལྟ་བུ། །མ་འོངས་སྐལ་ལྡན་རྣམས་ཀྱིས་ནི། །ལྷ་ལ་འཇིགས་ནི་ཇི་ལྟར་བསྐུར། །ཉོནཅིག གཤིན རྗེའིགཤེད་པོ་ཁྱོད། །མ་འོངས་སྐལ་ལྡན་རྣམས་ཀྱིས་ནི། །མ་གྲུབ་སྤོགས་པའི་ཆོ་ག་ཡི། །གོ་རིམས་བཟློག་པས་སྤོགས་པ་དང་། །ཡི་གེ་འབྲུ་བཟློག་སྤོགས་པ་ཡིས། །མ་གྲུབ་མཐའ་ཡི་སྦྱོར་བ་ནི། །ཚེ་ཟད་ལས་ཟད་འཁོར་ལོའོ། །དམྱལ་བ་ཡང་སོས་རྣམ་སྨིན་ཏེ། །དོན་ཉིད་རྟོགས་ན་འཇིག་པར་འགྱུར། །ལྷ་དང་གཟས་པ་དུས་གཅིག་བརླག །ཚེ་ཟད་ལས་ཟད་དུས་གཅིག་པའོ། །བཏགས་པའི་སྲོག་ལ་ཁྲི་བཟླས་ཏེ། །རང་དབང་མེད་བ་གནས་པའི་སྲོག །མི་འགྱུར་སྲོག་དང་བཞི་པོ་ལ། །དེ་བཞིན་ཁྲི་དང་ཁྲི་ཚོ་བཞི། །མཛད་པའི་མཛད་ལུགས་རྣམ་གཉིས་ཏེ། །སྤྱི་བོའི་གཙུག་ནས་ཟད་པ་ཡིས། །དེས་ཀྱང་གྲུབ་པར་མ་གྱུར་ན། །རྐང་པའི་མཐིལ་ནས་མཛད་པར་བྱའོ། །དེ་ནས་ཡང་དག་བཤད་བྱ་བ། །ལྷ་ལ་འཇིགས་ནི་འདི་ལྟར་བསྐུར། །སྒྲིབ་མེད་སྤྱན་གྱིས་བདག་ལ་མི་གཟིགས་སམ། །སྐྱོན་མེད་ཐུགས་ཀྱིས་བདག་ལ་མི་དགོངས་སམ། །མཉམ་ཉིད་གསུང་གིས་བདག་བྱིན་མི་རློབ་བམ། །བདག་འདྲ་ཉོན་མོངས་ཞེ་སྡང་འདི་འདྲ་ན། །ཁྱེད་ཀྱི་ཐུགས་རྗེས་བདག་ལ་མི་དགོངས་སམ། །སྔོན་གྱི་ཐུགས་རྗེ་རྗེས་སུ་མི་དྲན་ནམ། །བདེ་གཤེགས་བཀའ་བཞིན་དོན་ལས་མ་འགལ་ལམ། །རང་རིག་ཡེ་ཤེས་བདག་ལ་སྔོན་དུ་ཤར་ཙམ་ན། །ཁྱེད་ཀྱི་ཐུགས་རྗེས་བདག་ལ་ཅི་བགྱིར་མཆིས། །ཕྱི་ནང་དགྲ་བགེགས་རྡུལ་དུ་མ་མཆིས་ན། །ཁྱེད་ཀྱི་དགོས་པས་བདག་ལ་ཅི་བགྱིར་མཆིས། །སྤྱི་ཚུགས་འཕྲེད་ཉལ་རྣམ་སྨིན་མི་ཡོང་ངམ ཡང་སོས་ལྟ་བུའི་རྣམ་སྨིན་ཁྱེད་ལ་མི་ཡོང་ངམ བཅོལ་བའི་འཕྲིན་ལས་མྱུར་དུ་མ་བསྒྲུབས་ན། །ཉིད་ཀྱི་མཚོན་ཆ་ཉིད་ལ་མི་འབབ་བམ། །ཁྱེད་ཀྱིས་ཕྱི་ནང་དགྲ་བགེགས་མྱུར་དུ་མ་བ་་ན། །བདག་གིས་ཕུང་པོ་རྡུལ་དུ་བརླགས་པས་ཅི་ལ་སྨན། །སྤྱི་ཚུགས་རྐང་མཐིལ་གཉིས་ནས་ཁྱེད་རང་མ་མཛད་དམ། །ཚེ་ཟད་ལས་ཟད་དམྱལ་བར་མི་ལྟུང་ངམ། །དེ་བས་བཅོལ་བའི་ལས་འདི་མྱུར་དུ་སྒྲུབས། །དྲག་སྔགས་གཅོད་པའི་རྒྱུད་ལས། །སྤོགས་ཐབས་མཐའི་འཁོར་ལོ་དང་། ལྷ་ལ་འཇིགས་བསྐུར་བསྟན་པའི་ལེའུ་སྟེ་དགུ་པའོ།། །།གཤིན་རྗེ་གཤེད་ཀྱིས་ཡང་གསོལ་པ། །གོ་རིམས་བཟློག་པའི་སྔགས་ནི་ཇི་ལྟར་ལགས། །ཚེ་ཟད་ལས་ཟད་སྔགས་ནི་ཇི་ལྟར་ལགས། །བདག་གིས་མ་འཚལ་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་གཤིན་རྗེ་གཤེད་པོ་ཁྱོད། །གོ་རིམས་བཟློག་པའི་སྔགས་དང་ནི། །ཚེ་ཟད་ལས་ཟད་སྔགས་རྣམས་ནི། །བཤད་ཀྱིས་རྩེ་གཅིག་ཡིད་ཀྱིས་ཉོན། །གོ་རིམས་བཟློག་པའི་བཟླས་ཐབས་ནི། །ཨོ་དང་ཧཱུཾ༷་ནི་རྣལ་ཐང་ལ། །ལུས་ཀྱི་ཡི་གེའི་འདུག་ས་གོང་འོག་ཡས་མར་སྤོས་ཤིང་ལས་ལ་སྦྱར། དེས་ཀྱང་གྲུབ་པར་མ་གྱུར་ན། །ཨོ་དང་ཧཱུཾ༷་གི་འདུག་ས་བརྗེས་ནས་སུ། །ཡི་གེ་འབྲུ་བཟློག་གོ་རིམས་མས་ཡར་ལ། །བརྗེས་ཤིང་ལས་སྦྱར་འགྲུབ་པར་ཐེ་ཚོམ་མེད། །དུས་མ་ཡིན་པར་སྦྱར་མི་བྱ། །འཁོར་ལོ་ལ་རྟེན་ཚེ་ཟད་ལས་ཟད་དང་། །ཐུན་ལ་རྟེན་པའི་ཚེ་ཟད་ལས་ཟད་གཉིས། །ལུས་ཀྱི་ཡན་ལག་ཡིག་འབྲུ་རེ། །ཨོ་གྱི་འོག་ཏུ་སྤོས་ཤིང་གྲངས་བྱས་ན། །སྔགས་རྣམས་ལུས་ཀྱི་མཐར་བསྐྱལ་ལྷ་ཡི་ཚེ་ཟད་དོ། །དེ་ནས་དགྲ་བོའི་ཚེ་ཟད་ནི། །ཆེ་གེ་མོ་ནས་གྲངས་ཤིང་ཤ་ཏོར་བསྐྱལ་བ་དང་། །ཨ་མུ་ཀ་ནས་ཤ་ཏོར་བསྐྱལ་བ་དང་། །དྲི་ནས་ཤི་ཀྲོར་བསྐྱལ་བ་དང་། ཁྲ་ཧྲོ་ནས་དྲི་རུ་བསྐྱལ་བ་དང་། །འདི་ནི་ཡས་མར་དགྲ་བགེགས་ཚེ་ཟད་དོ། །ཡས་མར་འདྲེན་པའི་ཆེ་གེ་མོ། །མས་ཡར་འདྲེན་པ་ཤ་ཏོ་སྟེ། །ཐུན་ནམ་འཁོར་ལོའི་སྔགས་རྣམས་ནི། །མས་ཡར་ཟད་པས་ཡིག་འབྲུ་རེ། །ལས་ཀྱི་སྔགས་ཀྱི་དབུ་རུ་གདོན། །མས་ཡར་ཟད་པས་ཡིག་འབྲུ་རེ། །ལས་ཀྱི་སྔགས་ཀྱི་དབུ་རུ་གདོན། །ཡིག་འབྲུ་ཟད་པར་སྟོན་པས་ནི། །ཚེ་ཟད་ལས་ཟད་ཡིན་པའི་ཕྱིར། །ལྷ་ཡི་ཚེ་དང་དགྲ་བགེགས་ཚེ། །ལས་དང་གསུམ་ཅར་ཟད་པའི་ཚེ། །ཁྲི་ཚོ་བཞི་ཡིས་ཟད་པ་དང་། །སྟོང་ཕྲག་བཞི་ཡིས་ཟད་པ་དང་། །བརྒྱ་ཕྲག་བཞི་ཡིས་ཟད་པའོ། །ཚེ་ཟད་ལས་ཟད་འཁོར་ལོ་འདི། །གསུམ་ཆར་སྦྲུལ་ན་བརླག་འགྱུར་ཞིང་། །སོ་སོར་སོང་ན་འབྲས་མི་འབྱིན། །དགུག་དང་ཐུན་དང་གསད་པ་དང་། །བསྲེག་དང་གནན་པ་ལ་སོགས་པ། །ལས་རྣམས་མ་ལུས་ཡིན་པས་ན། །ལོ་ཚད་རེ་ནི་སྤོས་བྱས་ཤིང་། །གྲངས་ཀྱི་ཚད་ཀྱིས་བརྒྱལ་བ་ཡིས། །རབ་པའི་སྦྱོར་བ་ཡེ་ཤེས་དང་། །འཇིག་རྟེན་དྲེགས་པ་གཉིས་ཅར་ལ། །ཚུལ་བཞིན་བསྙེན་སྒྲུབ་ཚད་བསྐྱལ་ནས། ཁུབ་པར་མ་གྱུར་པ་དེ་ལ། །ཞི་བའི་སྔགས་ཀྱིས་སྤོགས་པ་དང་། །རྩ་བརྒྱད་ཚོགས་ཀྱིས་སྤོགས་པ་དང་། །འབུམ་གཏེར་ཚ་ཚས་སྤོགས་པ་དང་། །ངག་བརྗོད་ཚིག་གི་སྤོགས་པ་དང་། །སྤྱིན་སྲེག་གཏོར་མས་སྤོགས་པ་དང་། །ཉེའུ་འདོན་ཆོས་ཀྱི་སྒྲ་སྒྲོགས་ཤིང་། །བསྙེན་པའི་དབུ་རུ་ས་མ་ཡ་གཞུག་ཅིང་། །ཉེ་བསྙེན་བསྐྱར་བས་མ་གྲུབ་ན། །དེར་ནི་སྤོགས་པའི་ཆོ་ག་བྱའོ། །ཏྲིག་ནན་གདགས་ཤིང་སྤོགས་པ་ཁྲི་ཚོ་གཅིག །གོ་རིམས་བཟློག་པ་སྟོང་ཚོ་གཅིག །འབྲུ་བཟློག་པས་ནི་དུས་དུས་བརྒྱ། །ཚེ་ཟད་ལས་ཟད་སྟོང་ཚོ་བཞི། །མཚོན་ཆ་དབབ་པ་རྒྱ་མཚོ་བཞི། །ཉིད་ཀྱིས་དབབ་པ་བརྒྱ་ཚོ་གཅིག །ཕོ་སྣ་མོ་ཡིས་དྲངས་པ་དང་། །མོ་སྣ་ཕོ་ཡིས་དྲངས་པ་དང་། །གཙོ་སྣ་གིང་གིས་དྲང་བ་དང་། །གིང་སྣ་གཙོ་ཡིས་དྲང་བ་ནི། །བརྒྱ་ཚན་རེ་རེས་འགྲུབ་པ་ཡིན། །བརྒྱ་ཚན་རེ་རེས་ཀུན་ལ་སྦྱར། །གིང་གི་སྔགས་ཀྱིས་གཙོ་དྲངས་པ། །གཙོ་སྣ་གིང་གིས་དྲངས་པ་ཡིན། །འདི་བཞིན་ཀུན་ལ་དྲང་བར་བྱ། །གོང་གི་སྤོགས་པས་མ་སྤོགས་པར། །དྲག་པོས་སྤོགས་ལ་འཇུག་པ་ནི། །སྤྱི་ཚུགས་དང་ནི་འཕྲེད་ཉལ་དང་། །དམྱལ་བ་ཡང་སོས་རྣམ་སྨིན་འབྱུང། །གོངབཞིནསྤོགསཔསམ་གྲུབ་ན། །ལྷ་ལ་རྣམ་སྨིན་ཕབ་པ་ཡིས། །དེས་ནི་མྱུར་དུ་འགྲུབ་པ་ཡིན། །སྦྱོར་༄༅ བ་ཐམས་ཅད་བཤིག་འཇིག་སྟེ། །ཚེ་ཟད་ལས་ཟད་བཤིག་མི་འཇིག །སྦྱོར་བ་ཐམས་ཅད་བཅད་ཆོད་དེ། །རང་འབྱུང་སྔགས་ཀྱི་སྦྱོར་བ་བཅད་མི་ཆོད། །འདི་འདྲའི་སྔགས་ཀྱི་སྦྱོར་བ་འདི། །མི་བྱ་བ་ཡི་དམ་ཚིག་འདི་རྣམས་སོ། །སློབ་དཔོན་སྐུ་ལ་བསྔོ་བ་དང་། །ཆོས་བྱེད་རྣམས་ལ་འཚེ་བ་དང་། །རྣལ་འབྱོར་བསམ་གཏན་དཀྲུག་བྱེད་དང་། །ལུ་གུ་རྒྱུད་ལ་འགལ་བྱེད་དང་། །བསྟན་པ་གཉན་པོ་འཇིག་འགྱུར་བས། །བསྟན་པ་བསྲུང་ཕྱིར་ལས་འདི་སྦྱོར་བྱེད་པ། །འབྲས་བུ་སྐུ་གསུམ་དབྱེར་མེད་ཐོབ། །དེ་ལྟར་མ་ཡིན་ལྷོམ་ཆོལ་དག་ཏུ་ལས་སྦྱོར་བ། །ནད་མང་ཚེ་ཐུང་རྣམ་སྨིན་རང་ལ་འབྱུང་། །འདི་འདྲའི་སྔགས་ཀྱི་དམ་ཚིག་ནི། །རྒྱུན་གྱི་སྙིང་པོ་དག་དང་མི་འབྲལ་ཞིང་། །སྦྱོར་བ་ཚད་དང་ལྡན་པ་ཤེས་པར་བྱ། །འདི་ནི་ཡིད་ལ་བཅང་ཞིང་བསྟན་པ་བསྲུང་ཕྱིར་མ་ཡིན་པ། །ཉེས་པ་མེད་པར་སྤྱད་ན་སྐྲུ་གྲི་ལྟ་བུར་ཕར་གཅོད་ཚུར་གཅོད་འོང་། །དེ་ཕྱིར་དམ་ཚིག་བསྲུངས་བྱས་ནས། །སྐུ་གསུམ་ཡེ་ཤེས་ལྔ་ལྡན་འབྲས་བུ་ཏོག་གིས་ལེན། །ཡེ་ཤེས་ལྔ་ཞེས་བྱ་བ་ནི། མེ་ལོང་ལྟ་བུའི་ཡེ་ཤེས་ཀྱིས། སྣང་ཞིང་སྲིད་པའི་ཆོས་ཐམས་ཅད་སྐད་ཅིག་ལ་སྣང་ལ་རང་བཞིན་མེད་པར་ཤེས། །སོ་སོར་རྟོག་པའི་ཡེ་ཤེས་ཀྱིས། ཆོས་ཐམས་ཅད་མ་འདྲེས་ཡོངས་སུ་རྫོགས་པ་ཆུའི་གཉེར་མ་ལྷ་བུར་ཤེས། བྱ་བ་གྲུབ་པའི་ཡེ་ཤེས་ཀྱིས། ཆོས་ཐམས་ཅད་བྱ་བ་རང་བཞིན་སོ་སོར་གྲུབ་པར་ཤེས། མཉམ་པ་ཉིད་ཀྱི་ཡེ་ཤེས་ཀྱིས། ཆོས་ཐམས་ཅད་རང་བཞིན་གྱིས་འོད་གསལ་བར་ཤེས། ལྷུན་གྱིས་གྲུབ་པའི་ཡེ་ཤེས་ཀྱིས་ཆོས་ཐམས་ཅད་ང་དང་རང་བཞིན་གྱི་བདག་ཉིད་དུ་ལྷུན་གྱིས་གྲུབ་པར་ཤེས། དེ་ལྟར་ཡེ་ཤེས་ལྔར་ཤར་ཙམ་ན། ཐམས་ཅད་འགག་པ་མེད་པར་འབྱུང་བའི་ཆོས་ཀྱི་སྐུའོ། །དེར་མ་རྫོགས་པ་མེད་པས་ན་ལོངས་སྤྱོད་རྫོགས་པའི་སྐུའོ། །དེར་མ་ཁྱམ་པ་མེད་པས་ན་ལོག་ཏོག་འདུལ་བ་ལ་མཁས་པ་སྤྲུལ་པའི་སྐུའོ། །དེ་ལྟར་མཚན་ཉིད་ལྔ་དང་ལྡན་པའི་རྡོ་རྗེ་འཆང་གི་སྐུའོ། །དྲག་སྔགས་གཅོད་པའི་རྒྱུད་ལས། དམ་ཚིག་བསྲུང་ཐབས་མ་བསྲུངས་པའི་སྐྱོན་བསྲུངས་པའི་འབྲས་བུ་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་བཅོམ་ལྡན་འདས་རྡོ་རྗེ་གཞོན་ནུ་ཞེས་བྱ་བ་སྤྲུལ་པའི་སྐུར་ལངས་སྣང་བ་དེས། ཉིད་ལ་གཉིས་ཀྱི་སྐུར་སྤྲུལ་ནས་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཐུགས་རྗེ་ཅན། །འདྲེན་པ་གནད་ལ་དབབ་པའི་ཕྱིར། །ཡེ་ཤེས་ཁྲོ་བོ་ཕ་བཅུ་དང་། །ཡེ་ཤེས་ཁྲོ་མོ་མ་བཅུ་དང་། །དེ་རྣམས་དྲེགས་པ་ཕོ་མོ་ཡིས། །གདུག་པ་རྩོམ་པ་ཚར་བཅད་ཅིང་། །དུག་གསུམ་རྩད་ནས་བཅད་པའི་ཕྱིར། །ཁྲོ་བོ་བཅུ་ཡི་མཚོན་ཆ་རྣམས། །དབབ་དང་མི་དབབ་ཇི་ལྟ་བུ། །བཅོམ་ལྡན་འདས་ཀྱིས་བཀའ་སྩལ་པ། །ཉོན་ཅིག་ཁྲོ་བོ་ཆེན་པོ་ཁྱོད། །མངག་པའི་མཐའ་རྣམས་མ་ལུས་ནི། །ཁྱོད་ཀྱིས་བསྡུས་པ་ཡིན་པས་ན། །ཁྲོ་བོ་བཅུ་ཡི་མཚོན་ཆ་དེ། ཁྲུབ་པར་གྱུར་ན་གཟས་པ་ཉིད་ལ་དབབ། །མ་གྲུབ་ཁྲོ་བོ་ཉིད་ལ་དབབ། །དེས་ནི་གྲུབ་པར་འགྱུར་བ་ཡིན། །དེ་ནས་གཟས་པ་ཉིད་ལ་གདབ། །ཁྱོད་ཀྱི་དྲག་སྔགས་མི་བཟད་འདི། །བཏབ་ན་གང་ཡང་བརླག་པར་འཀྱུར། །ཨོ་བཛྲ་ཀི་ལི་ཀི་ལ་ཡ་སརྦ་བིསྒྱུན། བི་ཏྲི་མྱགས་ཐུམས་རིལ་རྦད། ཧཱུཾ༷་བཛྲ་ཀི་ལི་ཀི་ལ་ཡ་ཧཱུཾ༷་ཏི་པ་ཏ་ཙཀྲ་ཧཱུཾ༷། ཁྲོ་བོ་བཅུའི་དྲག་སྔགས་བཅུ། ག་རྫ་ག་རྫ་ཧཱུཾ༷་ཕཊ། ཧ་ན་ཧ་ན་ཧཱུཾ༷་ཕཊ། ད་ཧ་ད་ཧ་ཧཱུཾ༷་ཕཊ། པ་ཙ་པ་ཙ་ཧཱུཾ༷་ཕཊ། ཏིཛི་ཏིཛི་ཧཱུཾ༷་ཕཊ། ཧུ་ལུ་ཧུ་ལུ་ཧཱུཾ༷་ཕཊ། བརྙ་བནྟྲ་ཧཱུཾ༷་ཕཊ། ཧ་ན་ཧ་ན་ཧཱུཾ༷་ཕཊ། སྟིན་དྷ་སྟིན་དྷ་ཧཱུཾ༷་ཕཊ། སྤྲོ་ཊ་ཡ་སྤྲོ་ཊ་ཡ་ཧཱུཾ༷་ཕཊ། འདི་རྣམས་ཁྲོ་བཕྲི་དྲག་པོའི་མཚོན་ཆ་ནི། །རྡོ་རྗེ་གཤོན་ནུ་དྲག་པོའི་མཚོན་ཆ་ནི། །ནན་དང་བ༷་དང་མྱ་ར་ཡ། །འཁོར་ལོ་རྒྱས་འདེབས་མཚོན་ཆ་ནི། །ཙཀྲ་ཧ་ན་ཧ་ནཱ་ཧཱུཾ༷་ཕཊ། གཞན་ཀུན་མཚོན་ཆ་དྲེགས་པ་གཞན་དང་མཐུན། །དྲག་སྔགས་གཅོད་པའི་རྒྱུད་ལས། མཚོན་ཆ་བསྟན་པའི་ལེའུ་སྟེ་བཅུ་གཉིས་པའོ།། །།དེ་ནས་ཡང་དག་བཤད་བྱ་བ། །མཚོན་ཆའི་འབྲུ་བཟློག་ཏིག་ནན་གདགས་བྱ་ཞིང་། །འབྲུ་རེ་དག་ལ་བཱ་ར་ཡ་དང་ཕཊ། །གཏང་བ་མཚོན་ཆས་གཅད་པའི་མན་ངག་གོ །རྡོ་རྗེ་གཞོན་ནུའི་དྲག་སྔགས་ཀྱིས། །ཁྲོ་བོ་ཕ་བཅུ་མན་ཆད་ཀྱིས་དྲེགས་པ་ཕོ་མོ་མ་ལུས་ནི། །རང་བཞིན་དྲག་པོ་བཙན་ཐབས་ཀྱིས། །ལས་རྣམས་མ་ལུས་འགྲུབ་པར་འགྱུར། །ཨོ་བཛྲ་ཀི་ལི་ཀི་ལ་ཡ། བཛྲ་ཀྲོ་དྷ་ཧཱུཾ༷་ཀྭ་ར། ཨུ་ནི་ཨུ་ནི་ཧཱུཾ༷་ཨ༷་ཀུ་ཤ་ཛ་ཛ༷༷ བཛྲ་ཀི་ལི་ཀི་ལ་ཡ་ཧཱུཾ༷། བཛྲ་ཀྲོ་དྷ་ཧཱུཾ༷་ཀ་ར་ཏྲིག་ནན་ཧཱུཾ༷་ཏྲི་མྱགས་ཐུམ་རིལ་རྦད། ཧཱུཾ༷་ཏྲི་ཨེ་ཧུར་ཐུམས་ཛ་ཨེ་ཙ་ཙ་ཨ། ཧཱུཾ༷་ཏྲི་མུ་ར་ཡ་རྦད། ཧཱུཾ༷་བཛྲ་ཀི་ལི་ཀི་ལི་ཡ་ཧཱུཾ༷། ཨོ་བཛྲ་ཀྲོ་དྷ་ཧཱུཾ༷་ཀ་ར། ཨ་ས་མ་ཡ་ཨ་ཕྲི་ཏ་ཨོ། ཨ་ཧཱུཾ༷་གྲྭཧྭ། ཧཱུཾ༷་བཛྲ་ཀི་ལི་ཀི་ལི་ཡ་ཧཱུཾ༷། ཨོ་བཛྲ་ཀྲོ་དྷ་ཧཱུཾ༷་ཀྭ་ར་ཏྲིག་ནན། ཧཱུཾ༷་ཀྭ་ར་ཨ་མུ་ཀ༷་ཤ་ཀྲོ་ནན། ག་རྫ་ག་རྫ་ཧཱུཾ༷་ཕཊ། འདི་ནི་དྲག་པོའི་གཟེར་བསྒྲུབ་སྟེ། །འབྲུ་བཟློག་ལས་ལ་སྦྱར་བ་སྟེ། །བཙན་ཐབས་སུ་ཡང་ཤེས་པར་བྱའོ། །ཚུལ་བཞིན་ཟང་མར་བསྐྲུབ་པ་ནི། །རང་བཞིན་དུ་ཡང་ཤེས་པར་བྱའོ། །མ་གྲུབ་སྤོགས་པའི་ཆོ་ག་དང་། །ཚེ་ཟད་ལས་ཟད་སྦྱོར་བ་ནི། །གཞན་བཞིན་དུ་ཡང་ཤེས་པར་བྱའོ། །མི་འགྱུར་བཀའ་ཡི་ཡི་གེ་ཡང་། །གཞན་རྣམས་བཞིན་དུ་ཤེས་པར་བྱའོ། །ཕུར་བུས་གདབ་པའི་དྲག་སྔགས་ཀྱིས། །བཏབ་ན་ལྷ་ཡང་བརླག་པར་འགྱུར། །དྲག་སྔགས་གཅོད་པའི་རྒྱུད་ལས། ཕུར་པའི་མན་ངག་བསྟན་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་བཅོམ་ལྡན་འདས་ཀྱི་ཏིང་ངེ་འཛིན་དེའི་མཐུས། ཕྱག་ན་རྡོ་རྗེ་སྟན་ལས་ལངས་ཏེ་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཐུགས་རྗེ་ཅན། །དྲེགས་པ་མ་ལུས་ཐམས་ཅད་ཀྱི། །དྲག་སྔགས་གཅོད་པའི་རྒྱུད་དག་གིས། །འཇིག་པར་བྱེད་པའི་རྒྱུ་དང་ནི། །བཅད་པའི་ངོ་བོ་ངེས་ཚིག་དང་། །འཇིག་པའི་ངོ་བོ་ངེས་ཚིག་གི །དབང་དང་ལྟ་བ་ཇི་ལྟ་བུ། །མ་འོངས་སྐལ་ལྡན་དོན་ཆེད་དུ། །སྟོན་པ་ཁྱོད་ཀྱིས་བཀའ་སྩོལ་ཅིག །ཉོན་ཅིག་གསང་མཆོག་རིགས་ཀྱི་བུ། །བཅད་པའི་རྒྱུ་དང་ངོ་བོ་ངེས་ཚིག་དང་། །འཇིག་པའི་རྒྱུ་དང་ངོ་བོ་ངེས་ཚིག་དང་། །དབང་དང་ལྟ་བའི་མན་ངག་འདི། །བཤད་ཀྱིས་རྩེ་གཅིག་ཡིད་ཀྱིས་ཉོན། །འཇིག་རྟེན་དྲེགས་པའི་ངང་ཚུལ་གྱིས། །བསྒྲུབ་དང་བསྙེན་དང་སྦྱོར་བ་ཡིས། །བསྟན་པ་བསྲུང་དང་བསྟན་པ་འཇིག །དགུག་དང་བསྐྲད་དང་གཟིར་བ་དང་། །བསད་གནན་བཏབ་དང་བསྲེག་པ་དང་། །འཕང་དང་གདབ་པའི་སྦྱོར་བ་ཡོད། །འདི་རྣམས་མ་ལུས་ཐམས་ཅད་ཀྱང་། །འཇིག་རྟེན་དྲེགས་པའི་འདུག་ཚུལ་གྱིས། །བསྟན་པ་བསྲུང་ཕྱིར་མ་བཅད་ན། །མཚོན་དང་དུག་དང་ནད་སོགས་ཀྱིས། །རྣལ་འབྱོར་བསམ་གཏན་གཅོད་པར་བྱེད། །འཇིག་པའི་མན་ངག་མི་ལྡན་ན། །བཀའ་འཁོར་ལས་ཀྱི་འཁོར་ལོ་ཡིས། །རྣལ་འབྱོར་བསམ་གཏན་འཇིག་པར་བྱེད། །འཇིག་པའི་ངོ་བོ་ངེས་ཚིག་ནི། །བྱས་པ་ཡོད་ཕྱིར་འཇིག་པ་ཡོད། །གཅད་པའི་ངོ་བོ་ངེས་ཚིག་ནི། །བཅད་པ་ཡོད་ཕྱིར་གཅོད་བའང་ཡོད། །བསྙེན་བསྒྲུབ་དྲེགས་པའི་འདུག་ཚུལ་གྱིས། །མ་འབྲེལ་ན་ཡང་མི་ཆོད་ཕྱིར། །མ་བཅད་ཡང་ལྡོག་པ་ཡིན། །དེ་ལ་གཅོད་པའི་དྲག་སྔགས་ནི། །གང་ལྟར་གྲུབ་ཀྱང་གཅོད་ན་ཆོད། །བསྲུང་བྱ་མན་ངག་དམ་པ་སྟེ། །ཉོན་མོངས་དྲེགས་པའི་འདུག་ཚུལ་དང་། །འཁྲུལ་པའི་དབང་གིས་ཐམས་ཅད་ཡོད། །རང་བཞིན་ངོ་བོ་ཐམས་ཅད་གང་ཡང་མེད། །རང་བྱུང་ཨ་ཡི་ངོ་བོར་ན། །དྲག་སྔགས་མན་ངག་གང་ཡང་མེད། །ལས་སྔགས་བཛྲའི་ངོ་བོར་ན། །ལས་ཀྱི་དྲག་སྔགས་གང་ཡང་མེད། །མེད་ཕྱིར་བསྒྱུར་དུ་མི་བཏུབ་པའོ། །མེད་ཕྱིར་བཅད་དུ་མི་བ་་པའོ། །འཇིག་ཅིང་བཅད་དུ་མེད་པ་རང་འབྱུང་ཡིན། །རང་གནས་རག་མ་ལུས་ཕྱིར་དབང་ཡང་ཡིན། །ཐམས་ཅད་ངོས་བཟུང་མེད་ཕྱིར་ལྟ་བ་ཡིན། །བསྲུང་བཟློག་བསད་སོགས་ཐམས་ཅད་ནི། །ཡིག་འབྲུ་བཅུ་གཉིས་ནང་དུ་འདུས་ཕྱིར་མན་ངག་ཡིན། །དྲག་སྔགས་གཅོད་པའི་རྒྱུད་ལས་དབང་དང་ལྟ་བ་བསྟན་པའི་ལེའུ་སྟེ་བཅུ་བཞི་པའོ།། །།ཕྱག་རྡོ་རྗེ་ས་ཡང་གསོལ་པ། །ཀྱེ་ཀྱེ་བཅོམ་ལྡན་ཐུགས་རྗེ་ཅན། །དྲག་སྔགས་གཅོད་པའི་མན་ངག་གིས། །བཅད་ཐབས་རྣམ་པ་དུ་ཞིག་མཆིས། །བཅད་པའི་སྔགས་ནི་ཇི་ལྟ་བུ། །ཉོན་ཅིག་གསང་མཆོག་རིགས་ཀྱི་བུ། །དྲག་སྔགས་བཅད་ཐབས་རྣམ་གཉིས་ལ། །བཅད་པའི་རྒྱུ་ནི་གཉིས་ཡིན་ཏེ། །རྩ་སྔགས་བཅད་དང་ལས་སྔགས་བཅད། །དེ་ལ་བཅད་ཐབས་གཉིས་ཡིན་ཏེ། །ཁྱད་པར་བཅད་དང་ཐུན་མོང་བཅད། །ཡས་མར་བཟླས་ཤིང་རྫོགས་པར་བཅད་པ་དང་། །མས་བཟློག་བཟླས་ཤིང་ཡིག་འབྲུ་རྫོགས་པར་བཅད་པ་དང་། །བཅད་ཐབས་རྣམ་པ་འདི་གཉིས་ལ། །གཞན་གྱི་རིག་སྔགས་ཟུག་གྱུར་རམ། །རང་གི་རིག་སྔགས་ལོག་གྱུར་ན། །རིག་སྔགས་གཅད་ཅིང་ཕུར་བུས་གདབ། །རང་འབྱུང་རྡོ་རྗེ་འཁོར་ལོ་ཡིས། །རིག་སྔགས་མཚོན་ཆ་མ་ལུས་གཅོད། །གཅོད་ཕྱིར་ཡི་དམ་ལྷར་གསལ་ནས། །དྲེགས་པ་ཞབས་འོག་མནན་བསམས་ཏེ། །ཐུན་མོང་ཁྱད་པར་ཏིང་འཛིན་བསྒོམ། །རང་འབྱུང་རྡོ་རྗེ་འཁོར་ལོ་ཡིས། །ནམ་མཁའི་དཀྱིལ་ནས་ཐོག་ལྟར་འབབ། །རིག་སྔགས་མཚོན་ཆ་གཅོད་པ་བསམ། །སྔགས་ཀྱི་སྦྱོར་བའི་བཟླས་ཐབས་ནི། །དྲེགས་པ་རིག་སྔགས་མཚོན་ཆ་གཉིས། །བར་དུ་གཅོད་ན་སྣེལ་ལ་བཅད། །སོ་སོར་གཅོད་ན་རང་དང་ཕྲལ་ལ་བཅད། །ཧཱུཾ༷་ནི་ལ༷་བཛྲ་དྷ་ར་བཛྲ་པ་ནི་རྭ་ཙྭ་པ་ཡ་ཏི་ཧཱུཾ༷། ཨོ་མ་ཧྭ་ཀྭ་ལ་གུ་ན་ཧྲི་ད་ཧཱུཾ༷། ཨ༷་ཀུ་ཤ་ཛ། ཏྲིག་ནན་ཛ། ཏྲི་བཛྲ་ཙཀྲ་མྱགས་ཐུམ་རིལ་རྦད་ཡ། མྱ་ར་ཡ་རྦད། ནཱ་ཤ་ཡ་རྦད། ཨུ་ཀཁོ་ཡ་ཧཱུཾ༷་ཕཊ། འདི་བཞིན་ཡིག་འབྲུ་དེ་རྣམས་མས་ཡར་བཅད། ཛ་ཏྲིག་ནན་ཛ་ཏྲེ་བཛྲ་ཙཀྲ་མྱགས་ཐུམ་རིལ་རྦད། མུ་ར་ཡ་རྦད། ནཱ་ཤ་ཡ་རྦད། ཨུ་ཀཁོ་ཡ་ཧཱུཾ༷་ཕཊ། རྟེན་ལ་ཕུར་བུས་གདབ་ཅིང་དྲེགས་པའི་ཡིག་འབྲུ་ཨོ་ལ་ལྷན་གྱིས་བཅད་པ་ནི། དགུག་པའི་རྩ་སྔགས་རིག་སྔགས་བཅད་པའོ། །ཧཱུཾ༷་ནི་ལ༷་བཛྲ་དྷ་ར་བཛྲ་བཱ་ནི་རྭ་ཙྭ་པ་ཡ་ཏི་ཧཱུཾ༷། ཛྲ་ཤ་ཀུ་ཨ༷། ཧཱུཾ༷་ཡ་ཏ་ཧྲི་ནི་གུ་ལ་ཀ་ཧྭ་ཡི་་ ་ནན་ཨོ་ཏྲི་བཛྲ་ཙཀྲ་མྱགས་ཐུམ་རིལ་རྦད། །མྱ་ར་ཡ་རྦད། ནཱ་ཤ་ཡ་རྦད། ཨུ་ཀཁོ་ཡ་ཧཱུཾ༷་ཕཊ། ཛ་ལ་ལྷན་གྱིས་ཡིག་འབྲུ་རེ་རེ་སྤོས་ཤིང་གཅད་པ་ནི། དགུག་པའི་རིག་སྔགས་མས་ཡར་བཅད་པའོ། །ཡས་མར་བཅད་པའོ། །འདི་བཞིན་བཅད་པའི་དྲག་སྔགས་ནུས་པ་ཡིས། །མི་འགྱུར་རྡོ་རྗེའི་སྐུ་ཡང་སྐྱེད་པར་རྦད་ཀྱིས་ཆད། །ཕྱག་རྡོར་སྙིང་ཁྲག་ས་ལ་ལྕུག་གི་འོང་ནུས་ན། །དྲེགས་པ་མཚོན་ཆ་རིག་སྔགས་གཞན་དག་སྨོས་ཅི་དགོས། །ཡིག་འབྲུ་ཟད་པར་བཅད་པས་ཆོད་པར་འགྱུར། །རྩ་སྔགས་རིག་སྔགས་སོ་སོར་གཅོད་པ་ན། །ཡི་དམ་སྔགས་ལ་རང་འབྱུང་ཡི་གེ་བཅུག་ནས་ནི། །ཨ་ཧཱུཾ༷་ནི་ལ༷། ཨ་བཛྲ་དྷ་ར། ཨ་བཛྲ་པ་ཁེ། ཨུ་ཙྭ་པ་ཡ་ཏི་ཧཱུཾ༷། ཛ་རག་ཁ་ཏ་ཙ་ཏོ་ཤ་རྦད་རིལ་ཐུམ་ཤ་རག །ཏྲག་ཡ་ལ་ཏ་ཙ་ཛ། ནི་སུ་རྦད། རིལ་ཐུམས་ལ། ཐུ༷་ནི་ལ་ཀ་ཧྭ་མ། ཧྭ་མ་ཏྲིག་ནན། མ་ཏྲི་བཛྲ་ཙཀྲ་མྱགས་ཐུམས་རིལ་རྦད། མུ་ར་ཡ་རྦད། ནཱ་ཤ་ཡ་རྦད། ཨུ་ཀཁོ་ཡ་ཧཱུཾ༷་ཕཊ། ཁ་རག་ཛ་ལ་ལྷན་གྱིས་བཅད་པའོ། །ཡི་དམ་སྔགས་དང་རིག་སྔགས་བར་དུ་ནི། །གཟས་པའི་མིང་དང་རིག་སྔགས་གང་ཡིན་མིང་ཡང་གཞུག །ཨ་ཧཱུཾ༷་ནི་ལམ་ཨུ་བཛྲ་བཱ་ཁི་ཨུ་ཙྭ་པ་ཡ་ཏི་ཧཱུཾ༷། ཆེ་གེ་མོའི་གསང་སྔགས་རྦད་མུ་ར་ཡ་རྦད་ཏྲིག་ནན་མརྟ་བཛྲ་ཙཀྲ་མྱགས་ཐུམས་རིལ་རྦད། མུ་ར་ཡ་རྦད། ནཱ་ཤ་ཡ་རྦད། ཨུ་ཀཁོ་ཡ་ཧཱུཾ༷་ཕཊ། རྦད་ལ་ལྷན་གྱིས་སྤོས་ཤིང་བཅད། །རྩ་སྔགས་མ་ལུས་ཐམས་ཅད་ནི། །ཨོ་ལ་ཏྲིག་ནན་ཡིག་འབྲུ་སྤོས་ཤིང་བཅད། །ཡིག་འབྲུ་ཐམས་ཅད་བཟློགལཏྲིཀནནསྤོསཤིང་བཅད། །ངོས་མ་ཟིན་པའི་དྲེགས་པ་ཡང་། །རིག་སྔགས་མཚོན་ཆ་མ་ལུས་ནི། །མ་བཅད་ཡི་གེར་འདུས་པ་ནི། །བཅད་ན་ཆོད་ཅིང་རིག་སྔགས་མཚོན་ཆ་འཇུག་མི་འགྱུར། །དེ་ཕྱིར་དྲག་སྔགས་གཅོད་པའི་རྒྱལ་པོ་འདི། །སྔགས་རྣམས་མ་ལུས་ཐམས་ཅད་ནི། །བཟློག་ཅིང་ཡིས་འབྲུ་རྫོགས་པར་བཅད་པ་ཡིས། །རིག་སྔགས་དུག་མཚོན་ནད་ཀྱིས་འཇིག་མི་འགྱུར། །དེ་ཕྱིར་དྲག་སྔགས་གཅོད་པའི་རྒྱུད་ཀྱི་རྒྱལ་པོ་ཡིན། །རྟགས་ཐོན་ཐུན་དང་གདབ་སོ་ལ་སོགས་བཅད་ན་ཆོད། །གྲུབ་པའི་ཚད་ནི་ཡིག་འབྲུའི་གྲངས་ལས་མེད། །དྲག་སྔགས་མ་ལུས་ཐམས་ཅད་ནི། །གཞན་གྱི་དྲག་སྔགས་མས་བཟློག་ཏྲིག་ནན་ལ། །རང་ཉིད་དྲག་སྔགས་བར་དུ་གཞན་ཉིད་ཀྱིས། །དྲག་སྔགས་ཡིག་འབྲུ་སྤོས་ཤིང་རྫོགས་གསལ་བ། །བདག་གིས་གཞན་གྱི་རིག་སྔགས་བཅད་པའོ། །གཅོད་བྱེད་རྡོ་རྗེ་འཁོར་ལོ་ཡིག་འབྲུ་གསུམ། །གཟིར་ཞིང་གཅོད་པའི་ཡིག་འབྲུ་བཞི། །བསད་ན་སོད་པའི་ཡིག་འབྲུ་བཞི། །ག་ས་ན་གཅོད་པའི་ཡིག་འབྲུ་བཞི། །རླག་པར་བྱེད་པའི་ཡིག་འབྲུ་དྲུག །མཚོན་ཆའི་སྔགས་རྣམས་མ་ལུས་ནི། །མཚོན་ཆ་གོང་མའི་ཡིག་འབྲུ་གོང་མས་བཅད། །གནས་པ་འཇིག་པར་བྱེད་པ་ནི། །རླུད་གིས་རླུད་ནི་འཇིག་པར་བྱེད། །འབྱུང་བ་ཐམས་ཅད་དེ་བཞིན་ནོ། །སྔགས་ནི་སྔགས་ཀྱིས་འཇིག་འཀྱུར་ལ། །བསམ་གཏན་བསམ་གཏན་ཉིད་ཀྱིས་འཇིག །བྱས་པས་འཇིག་པ་ཐ་དད་མིན། །དྲག་སྔགས་གཅོད་པའི་རྒྱུད་ལས། དྲེགས་པ་དང་དྲེགས་པའི་དྲག་སྔགས་བཅད་ཐབས་བསྟན་པ་དང་སྔགས་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་ཡང་དག་བཤད་བྱ་བ། །ཐུན་བསྙེན་བསྒྲུབ་པའི་དུས་དག་ཏུ། །དྲེགས་པ་དུག་ཏུ་བཏང་བ་དང་། །མཚོན་ཆ་དུག་ཏུ་བཏང་བ་དང་། །དྲེགས་པ་ཁྲོ་བོར་བཏང་བ་དང་། །མཚོན་ཆ་ཁྲོ་བོར་བཏང་བ་དང་། །དྲེགས་པ་འཁོར་ལོའི་རང་བཞིན་པས། །མཚོན་ཆ་ནད་ཀྱི་རང་བཞིན་ནོ། །འགྲུབ་འགྱུར་སྔགས་ཀྱིས་ཤེས་པར་བྱའོ། །ནག་པོ་ཧ་ལ་ཧ་ལ་མྱོས་མྱོས། འབྲུ་ཏི་ས་མ་ཡ་མུགས་རྦད། ཙཀྲ་ར༷་ཐུན། ཡ༷་ཐུན། ཁ༷་ཐུན། བ༷་ཐུན། ཁ༷། ཀོས་ཏ་ཙི་ཙི་ཛ་ལ་ཐུན། འདི་རྣམས་གོ་རིམས་དྲེགས་པ་རྣམས། །དུག་གི་རང་བཞིན་གཏོང་ན་ཧཱུཾ༷་གི་འོག་ཏུའོ། །མཚོན་ཆ་དུག་ཏུ་གཏོང་ན་རྦད་ཀྱི་འོག་ཏུའོ། །དེ་བཞིན་བཏང་ཐབས་ཀུན་ལ་ཤེས་པར་བྱའོ། །མྱགས་ཐུམ་རིལ་རྦད་ནི། ཐུན་སྔགས་ཀྱི་མཐའ་བཏུལ་བའོ། །མུ་ར་ཡ་དང་རྦད་བྱུང་བ། །བསད་པ་ཀུན་གྱི་མཐའ་བཏུལ་ལོ། །མཚོན་དང་རྩ་སྔགས་གོང་དུ་བཏོན་པ་ནི། །མགོ་ལ་དྲིལ་ཏེ་མཇུག་ངར་རོ། །ངར་དང་གྲི་ཡི་མཚན་ཉིད་ནི། །མཆོད་གཅོད་བྱེད་ངར་ཡིན་ཏེ། །ཆོད་པར་བྱེད་པ་གྲི་ཡིན་ནོ། །གཞན་ཡང་སྤྱོད་པའི་འཕྲིན་ལས་བསྟན་པ་ནི། །སྤྱོད་པའི་འཕྲིན་ལས་ལྟ་བ་བཞི་ཡིན་ཏེ། །མི་འགྱུར་གླང་ཆེན་ལྟ་བུའི་སྤྱོད་པ་དང་། །དྲེགས་ག་་གཡག་རྒོད་ལྟ་བུའི་སྤྱོད་པ་དང་། །རྩལ་འབྲོག་བུང་བ་ལྟ་བུའི་སྤྱོད་པ་དང་། །ཐམས་ཅད་ཞབྲུང་ཞིང་འབྱོར་བྱེད་པས་ན། །ས་གཞི་ལྟ་བུའི་སྤྱོད་པ་དང་། །སྤྱོད་པའི་ལྟ་བ་འདི་རྣམས་ནི། །ཡང་དག་ཉིད་དུ་ཤེས་པར་གྱིས། ་རྐོང་ལས་གྱེས་པ་ཤིང་གི་ཚ་བ་བཞི། །རྩ་ལས་གྱེས་པ་རྩ་ཡི་ཚ་བ་བཞི། །ས་ལས་གྱེས་པ་ས་ཡི་ཚ་བ་བཞི། །ཆུ་ལས་གྱེས་པ་ཆུ་ཡི་ཚ་བ་བཞི། །བསྲུང་བའི་ཚ་བ་བཞི་ནི་སྔགས་ཀྱི་དུག་ཡིན་ནོ། །སྨན་གྱི་ཚ་བ་བཞི་ནི་ལིང་ཉིད་ལའོ། །ཁྱི་ནག་ལུག་ནག་ཕག་གི་ཐོད་པའི་སྒེད་བུ་འོ། །རི་རབ་ཚུལ་དུ་བསྒོམ་པའོ། །རྟེན་གྱི་ཚུལ་དུ་བསྒོམ་པའོ། །འདི་དག་ཐུན་གྱི་བཅའ་གཞི་སྟེ། །ཀུན་ཀྱང་རྟགས་ནི་གཏན་ལ་མ་ཕེབས་ན། །སོ་སོར་སྤོགས་ཤིང་གཏན་ལ་དབབ། །རྟགས་བྱུང་ཐུན་ནི་བྲབ་བྱ་བ། །གཡོན་པས་བླངས་ཤིང་གཡས་པས་བྲབ། །སྔགས་རྣམས་དྲིལ་ཏེ་ཚད་དང་ལྡན་པར་བརྡེག །ཚེ་རྣམས་ཐམས་ཅད་ཨེ་ནང་ཡུམ་གྱི་བྷ་གར་རོ། །ལས་རྣམས་ཐམས་ཅད་བཀའ་ནི་ཡེ་ཤེས་ཁྱད་པར་རོ། །ཨོ་མ་ཧྭ་ཀྭ་ལ་གུ་ནལྷུ་ད་ཡ་ཧཱུཾ༷། ཆེ་གེ་མོ་ཀ་དྲི་ཤ་ཏྲུ༷་ནན། ཀ་བཛྲ་མ་ཧྭ་ཀ་ལ་དྲི་ཐུམ་ལམ་ཐུ༷་རིལ་རྦད། ཀ་བཛྲ་པུསྣོ་ཛ། ཀ་བཛྲ་སྙིང་ལ་ཡ། ཀ་བཛྲ་སྒག་རག་ཤ་ཐུམ་རིལ་རྦད། ཀ་བཛྲ་ཤ་ཀྲོ་ཙིཉི་ཁ་རག་ཀ་བཛྲ་ཛ། རྙི་དྲི་མྱགས་ཐུམ་རིལ་རྦད་ཡ། ལས་དང་རྩ་སྔགས་མི་འགྱུར་ཡི་གེར་ཨ་མུ་ཀ༷་ཡ་བཱ་ར་རྦད། ཨོ་ཏ་ཡ་མ་ཀ་ཧཱུཾ༷་ཤ་ཏྲུ༷་ཆེ་གེ་མོ་རྗི་ནན། ཤ་ཏྲུ༷་མྱ་ར་ཡ། ཨོ་ཀ་ཡ་མ་དྷ་ཧཱུཾ༷། ཨ་མུ་ཀ་ཤ་སྐྲུ༷་ནན། ཆེ་གེ་མོ་མྱ་ར་ཡ་རྦད། འདི་བཞིན་དྲེགས་པའི་སྔགས་རྣམས་དང་། །ཐམས་ཅད་ཀུན་གྱི་འབྲུ་འགྱུར་དང་། །སྦོས་ཤིང་བརྡེག་པའི་དྲག་སྔགས་ཏེ། །ཐམས་ཅད་ཀུན་ལ་ཤེས་པར་བྱའོ། །པྲ་མ་ཡ་དང་རཀྟ་ཡ། །ཙ་ར་ཡ་དང་མ་ར་ཡ། །འདི་བཞིན་འཁོར་ལོའི་ས་ཡིན་ཏེ། །ཙཀྲ་སྤོས་ཤིང་ཟད་པར་བརྡེག །ཨོ་ཧཱུཾ༷་ཡ་མརྙ་ཀ་ཆེ་གེ་མོ་དྲི་ཤ་ཏྲུ༷་ནན། ཨ་མུ་ཀ་མྱ་ར་ཡ་རྦད། འདི་འདྲའི་སྔགས་ཀྱི་བརྡེག་ཐབས་འདི། །སྦྱོར་བ་མེ་དཔུང་འདྲ་སྟེ་དུག་ནི་ཀུན་ལ་ཡོད། །དེ་ཕྱིར་ཚེ་ཟད་ལས་ཟད་འཁོར་ལེའོ། །སྦྱོར་བ་སྔགས་ཀྱི་འཁོར་ལོ་རྣམས། །བློ་ལ་གཟུད་པ་མ་ཡིན་གྱི། །ཡིག་ཤིང་དག་ལ་བྲིས་ཤིང་གདོན། །ལྕགས་ཕུར་བཅུ་བདུན་མན་ངག་ལས། །ཀ་བ་བཞི་དང་མ་ལྡན་ནུས་མི་འབྱིན། །ཆོད་པའི་མཚན་མ་བསྟན་པ་ནི། །སེམས་ཅན་གང་ཡང་བསད་རྨིན། །རྩ་སྔགས་ཆོད་པའི་རྟགས་ཡིན་ནོ། །མཚོན་ཆ་གང་ཡིན་བཅག་རྨིན། །དྲག་སྔགས་གཅོད་པའི་རྟགས་ཡིན་ནོ། །དྲག་སྔགས་གཅོད་པའི་རྟེན་ནི་མཚོན་ཆའོ། །སྦྱོར་བ་མན་ངག་ལྡན་པས་ལྷ་དང་འཇིག་རྟེན་པ་རྣམས་ལས་ལ་བཅུག་ནས་སུ། །གང་ཡང་བཀའ་ཡི་རྡོ་རྗེ་ལས་རྣམས་འགྲུབ། །དྲག་སྔགས་གཅོད་པའི་རྒྱུད་ལས། །སྤྱོད་པའི་འཕྲིན་ལས་དང་། །རྩ་སྔགས་མི་འགྱུར་བར་བསྟན་པའི་ལེའུ་སྟེ་བཅུ་དྲུག་པའོ།། །།དེནསཡངགཤིནརྗེགཤེད་ཀྱིས་སྟན་ལས་ལངས་ནས་འདི་སྐད་ཅེས་གསོལ་ཏོ། །ཀྱེ་ཀྱེ་བཅོམ་ལྡན་ཐུགས་རྗེ་ཅན། །ཉི་ཟེར་ཆུ་བོ་སྡོང་པོ་དང་། །སྦྲུལ་འཁྲིལ་བདུད་དང་སྤུ་གྲི་དང་། །སྙིང་པོའི་གནས་ལུགས་རལ་གྲི་དང་། །མེ་དཔུང་སྔགས་ཀྱི་སྦྱོར་བའི་རྣམ་པ་འདི། །གཅིག་དང་གཉིས་ཀྱི་སྦྱོར་བ་ལས ཐམས་ཅད་ཀུན་གྱི་སྦྱོར་བར་འབྱུང་། །སྦྱོར་བ་འདི་རྣམས་རྟ་ནི་ཇི་ལྟ་བུ། །ལས་འཁྲུགས་འཁོར་ལོའི་སྔགས་ནི་ཇི་ལྟ་བུ། །རྒྱུད་འདི་གཏད་དང་གདམས་པ་ཇི་ལྟ་བུ། །བདག་གིས་མ་འཚལ་བཤད་དུ་གསོལ། །སྦྱོར་བའི་རྣམ་པ་འདི་བརྒྱད་ནི། །ཐམས་ཅད་ཀུན་གྱི་སྦྱོར་བ་སྟེ། །རྩ་སྔགས་ཡོད་ན་ས་ནི་ཇི་ལྟར་བརྟགས་ཀྱང་བཏུབ། །གཏོད་ན་ལྷ་དྲེགས་གང་ཡིན་ལྟ། །མི་གཏོད་གཟས་པ་ཉིད་ལ་བསྐྱོན། །འཁོར་ལོའི་རྟེན་གཟས་པ་ཉིད་ལའོ། །ལས་འཁྲུགས་འཁོར་ལོའི་སྔགས་ནི་འདི་ལྟར་རོ། །ཨོ་ཡ་མྱན་ཏ་ཀ་ཧཱུཾ༷། ཨ་མུ་ཀ༷་ཤ་ཏྲུ༷་ནན། དྲི་མུ་ར་ཡ་རྦད། ཡ་ཨོ་མ་རྟ་ཀ་ཧཱུཾ༷། ཨ་མུ་ཀ༷་དྲི་ཤ་སྒྱུ༷།ཆེ་གེ་མོ་མྱ་ར་ཡ་རྦད། ཨོ་ཡ་མྱན་ཏ་ཀ་ཧཱུཾ༷། ནི་ཨ་མུ་ཀ་ཨ་གྲི༷་ནན། མྱུར་དུ་འགྲུབ་པའི་སྦྱོར་བའོ། །རང་ལ་བསྐོར་བའི་འཁོར་ལོ་ནི། །ཉོན་མོངས་རྒྱུད་རྣམས་བརླག་བྱ་དང་། །བླ་མེད་འབྲས་བུ་ཐོབ་བྱའི་ཕྱིར། །རང་འབྱུང་བསམ་གཏན་རང་འབྱུང་སྔགས་ནང་དུ། །སྐྱེ་གནས་བེཞི་དང་འགྲོ་དྲུག་རྒྱུད་དང་རང་རྒྱུད་སྡིག་པ་བསྒྲལ། །གཟས་པ་དགྲ་ཡི་ཤེས་པ་དྲི་ཡིན་ཏེ། །རང་རྒྱུད་སྡིག་པའི་ཤེས་ཀ་མ་ཡིན་ནོ། །རང་རྒྱུད་དགྲ་ཡི་ཤེས་པ་ཨ་མོ་ཀ །རང་རྒྱུད་སྡིག་པའི་ཤེས་པ་རང་དབང་མེད། །སུ་ཀ་མ་པྲེ་ཏི་དུ་ཞེས་ཡིན་ནོ། །འདི་ལ་ལས་རྣམས་སྦྱར་བ་ཡིས། །སྡིག་པ་མ་ལུས་ཞི་ཞིང་ངར་རྒྱུད་གཅོད་པའི་སེམས། །འདིས་ཀྱང་རིམས་ཀྱི་ཡེ་ཤེསསྐྱེ། །ཡེ་ཤེས་སྐྱེས་པས་ཐོགས་མེད་མཐུའི་རྫུ་འཕྲུལ་ཐོག །རི་ཁམས་ཆུ་ལ་སོགས་པ་ལ། །ཐོགས་མེད་རྒྱུ་བ་འབྱུང་བ་དང་། །སྣང་སྲིད་ཆོས་ལ་ཐོགས་མེད་འབྱུང་བ་སྟེ། །དེ་བཞིན་གཤེགས་པའི་དང་པོར་ནི། །སྨིག་སྒྱུ་ལྟ་བུར་འབྱུང་བ་དང་། །དུ་བ་ལྟ་བུར་འབྱུང་བ་དང་། ཁ་བ་བབས་པ་ལྟ་བུར་འབྱུང་བ་སྟེ། །དེ་བཞིན་འབྱུང་བ་རང་བཞིན་མེད་པར་རྟོགས་ནས་ཀྱང་། །སྣང་སྲིད་ཆོས་རྣམས་སྐད་ཅིག་ཡུད་ཀྱིས་ཤེས་པར་འགྱུར། །ཉི་མ་ཤར་བ་ལྟ་བུར་དོན་འདི་རྟོགས་བྱའི་ཕྱིར། །རང་གི་དུག་ལྔ་རང་དབང་མེད་ཞི་བས། །འཇིག་ཅིང་བཅད་དེ་མེད་པར་བྱའོ། །ཞི་བས་འཇིག་པར་མ་གྱུར་ན། །རང་དབང་མེད་པར་འཇིག་ཅིང་བརླག་པར་བྱའོ། །དེས་ནི་རིམས་ཀྱིས་ཡེ་ཤེས་སྐྱེ། །སྡིག་པ་མི་འགྱུར་སྲོག་ནི་ཡང་། །དུར་ཀ་ཏི་ཞེས་ཤེས་པར་བྱའོ། །ཐམས་ཅད་ལ་ཡང་སརྦ་གཞུག །གདགས་པའི་སྲོག་ནི་གཞན་དང་མཐུན། །སྲོག་གསུམ་བསྒྱུར་ཞིང་ལས་ལ་སྦྱར་བ་ཡིས། །འབྲས་བུ་སྐུ་ལྔ་ཡེ་ཤེས་ལྔ་རྒྱུ་ཡིས། །འབྲས་བུ་སྐུ་གསུམ་དབྱེར་མེད་ཐོབ། །རྡོ་རྗེ་འཆང་བ་ཆེན་པོར་ངེས། །མན་ངག་ཐམས་ཅད་འདུས་པ་ཡིས། །རིན་ཆེན་གཏེར་འདྲ་དྲག་སྔགས་གཅོད་པའི་རྒྱུད། །སྡོམ་ཆོལ་ཀུན་གྱིས་སྤྱད་ན་བསྟན་པ་འཇིག་འཀྱུར་བས། །ཡང་དག་དོན་ལྡན་རྣལ་འབྱོར་རྣམས་ལ་ཡོངས་སུ་གཏད་པ་ཡིན། །རྣལ་འབྱོར་སྣོད་གཅིག་གམ་གཉིས་མིན་