Ngb-pt-0650-vol-07-text
Front
Body
མཆོག་སྲེད་ཟླ་བ་་༷ སྐྲི་ཏོཛེ་སྐད་ལས། བོད་ཀྱི་ལོ་ཙ་ཨུ་ནན་དགའ་བ་བསྒྱུར་ཏེ་གཏན་ལ་ཕབ་པའོ།། །། རྒྱ་གར་སྐད་དུ། ཨེ་མ་མན་ཏྲ་ཀྲ་དྷ་ན་པྲ༷་ཀྲ༷་ཏྲ༷་ཏྲ་རྭ་ཛ། བོད་སྐད་དུ། དྲག་པོ་སྔགས་རྒོད་དེ་ཁོ་ན་ཉིད་རྒྱ་སྡེབས་རྒྱུད་ཀྱི་རྒྱལ་པོ། དཔལ་ཆེན་ཁྲོ་བོ་འཇིགས་བྱེད་འབར་བ་ལ་ཕྱག་འཚལ་ལོ། །འདི་སྐད་བཤད་པའི་དུས་ན། བཅོམ་ལྡན་འདས་ཁྲོ་བོ་རྔམ་པའི་རྒྱལ་པོ་འཇིགས་བྱེད་ཆེན་པོ་དེ།ཡུམ་དང་གཉིས་སུ་མེད་པ་བདེ་བ་ཆེན་པོའི་ངང་ལ། འོག་མིན་གྱི་གནས་སེམས་ཉིད་ཀྱི་མཁའ་རབ་ཏུ་འཇིགས་པའི་གཞལ་ཡས་ཁང་ན། ལྔ་ཉིད་ཞི་ཁྲོར་སྣང་བའི་སྐུ་དང་། བཅུ་གསུམ་གཅིག་ཏུ་རྫོགས་པའི་སྐུ་དང་། རང་སེམས་སྟོབས་སུ་གྱུར་པའི་སྐུ་དང་། སྣ་ཚོགས་ཕོ་མོར་སྤྲུལ་པའི་སྐུ་དང་ཐབས་ཅིག་ཏུ་བཞུགས་སོ། །དེ་ནས་ཁྲོ་བོའི་རྒྱལ་པོ་དེས། ཆོས་ཐམས་ཅད་རང་རིག་བྱང་ཆུབ་ཀྱི་སེམས་ཐིག་ལེ་ཆེན་པོའི་བདག་ཉིད་དུ་བསྡུས་ཏེ། དེ་ཉིད་ཀྱི་རོལ་པ་སྣ་ཚོགས་སུ་སྣང་སྟེ། གསང་སྔགས་ཀྱི་སྒྲ་དུ་མ་གྲག་པར་མཛད་དོ། །དེའི་བྱིན་གྱི་བརླབས་ཀྱིས་ཁྲོ་བོ་ཁྲོ་མོའི་ཚོགས་ཐམས་ཅད་དང་། འཇིག་རྟེན་ལས་འདས་པ་དང་། འཇིག་རྟེན་པའི་དྲེགས་པ་ཅན་ཕོ་མོ་ཐམས་ཅད་ཀྱི་མཐུ་དང་། རྫུ་འཕྲུལ་དང་། སྟོབས་དང་། སྲོག་སྙིང་དང་། ལས་དང་། ནུས་མཐུ་ཐམས་ཅད་གཅིག་ཏུ་དྲིལ་ཏེ་སྣ་ཚོགས་སྡེབས་པར་གྱུར་ཏོ། །དེའི་ཚེ་འཁོར་འདུས་པ་དེ་དག་གིས་ངག་མཐུན་པར་འདི་སྐད་ཅེས་གསོལ་ཏོ། །ཨེ་མའོ་དཔལ་ཆེན་ཁྲོ་རྒྱལ་གཙོ། །བདག་ཅག་རྣམས་ཀྱི་སྲོག་སྙིང་ལས། །དཔལ་བོ་ཆེན་པོའི་སྤྱན་སྔར་འབུལ། །བདེ་ཆེན་ཐུགས་ཀྱི་བྱིན་སྟོབས་ཀྱིས། །ནུས་མཐུ་ངར་དང་མི་གདུག་གཅོད། །རིམ་པ་དུ་མར་བྱིན་པས་ན། །རྒྱ་སྡེབས་ཐུགས་སྡེབས་གསང་བའི་སྡེབས། །རང་རང་རྐྱང་སྡེབས་བཤད་དུ་གསོལ། །ཅེས་གསོལ་ཏོ། །གླེང་གཞི་དང་ཞུསླ་པའི་སྐབས་དང་པོའོ།། །།དེ་ནས་ཁྲོ་བོའི་རྒྱལ་པོ་དེས་འདི་སྐད་ཅེས་གསུངས་སོ། །དྲག་པོ་སྔགས་ཀྱི་མཚན་ཉིད་དེ། །ངོ་བོ་བྱང་ཆུབ་སེམས་ཉིད་དང་། །ལྷུན་གྲུབ་གཏིང་ཟབ་རྒྱ་ཆེར་རོལ། །རྣམ་པ་ཡི་གེའི་བདག་ཉིད་ལས། །སྒྲ་དང་ཐ་སྙད་མིང་དུ་ཤར། །རང་བཞིན་ཞི་དང་ཁྲོ་བོ་དང་། །མ་མོ་མཁའ་འགྲོ་འཇིག་རྟེན་གྱི། །དྲེགས་པ་ཅན་གྱི་ལྷ་ཡིན་ཏེ། །ནུས་པ་མཚོནཆསྣཚོགསལ། །དུག་གི་ངར་དང་པ་དང་འདྲ། །ལས་ནི་ཕན་གནོད་གཉིས་འགྲུབ་སྟེ། །དེ་ལྟར་སྔགས་ཀྱི་བདག་ཉིད་ལ། །ངོ་བོ་རང་བཞིན་རྣམ་པ་དང་། །ནུས་པ་ལས་དང་དོན་ལྔའོ། །ཡི་གེ་སྔགས་ཀྱི་མཚན་ཉིད་ལས། །སྣ་ཚོགས་སྤྲོས་པའི་ཚིག་བྱུང་ཡང་། །དོན་ཉིད་རྩ་བ་ཡན་ལག་དང་། །འདོགས་དང་འཕུལ་དང་འདྲེན་དང་ལྔའོ། །དེ་དག་འདི་ལ་འདའ་མི་སྲིད། །ཀ་ཁ་ག་བྷ་ང་། ཙ་ཚ་ཛ་རྙོ་ཉ། ཊ་ཋ་ཌ་བྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྟ། ཨ་ཨུ། ཨི་སྙི།ཨུ་ཨུ། ཨེ་ཨེ། ཨོ་ཨོ། རི་རྡི། ལི་སྙི། ཨ༷་ཨ། ཡི་གེ་དེ་དག་ཐ་སྙད་དུ། །ཀྭ་ལི་སུམ་ཅུ་རྩ་བཞི་ལ། །སྒྲ་དང་ཐབས་དང་ལུས་དང་རྒྱུ། །རྡོ་རྗེ་གདགས་ཀྱི་ཡི་གེའོ། །ཨུ་ལི་བརྒྱད་གཉིས་དེ་ཉིད་ལས། །དབྱངས་དང་ཤེས་རབ་ཡན་ལག་དང་། །རྐྱེན་དང་པདྨ་སྲིབས་ཞེས་བྱ། །དོན་དང་ནུས་པ་སྣ་ཚོགས་འབྱུང་། །ལན་དང་ཡི་གེ་དབྱེ་བའི་སྐབས་ཏེ་གཉིས་པའོ།། །།དེ་ནས་ཁྲོ་བོ་འཇིགས་བྱེད་ཆེན་པོ་དེས་འདི་སྐད་ཅེས་གསུངས་སོ། །དྲག་པོ་སྔགས་ཀྱི་མཚན་ཉིད་ལ། །རྣམ་པ་མང་དུ་བཤད་མོད་ཀྱང་། །དོན་ནི་གསུམ་དུ་བསྡུས་པ་ཡིན། །རྩ་བ་ལྔ་ཡི་སྲོག་སྙིང་དང་། །ཡན་ལག་ལས་གྲུབ་སྙིང་པོ་དང་། །བར་དུ་བརྡ་སྦྱར་སྙིང་པོ་དང་། །དེ་དག་རྒྱས་པར་དབྱེ་བ་ཡང་། །ཡ་ཐ་རྒྱལ་བ་ཞི་ཁྲོ་ནས། །མ་ཐ་ཐེ་བྲང་ཕོ་མོ་ཡི། །བར་གྱི་སྙིང་སྔགས་ཐམས་ཅད་ལ། །འདི་ལྟར་ཡང་དག་ཤེས་པར་བྱ། །གང་ཡིན་སྒྲུབ་པའི་དུས་དེ་མྲ །གནད་ནས་བོད་ཅིང་འགུགས་པར་བྱེད། །གཉིས་མེད་རང་ལ་བཅད་ནས་ཀྱང་། །མཉམ་ཉིད་ངང་དུ་བྱེད་པ་སྟེ། །ལྷ་ཡི་སྲོག་སྙིང་ཞེས་སུ་བཤད། །དེ་ནས་གང་ཡིན་ལས་ལ་འཛུད། །ཕན་གནོད་གང་ཡིན་སྒྲུབ་བྱེད་ཅིང་། །ཐ་མར་དོན་རྣམས་གྲུབ་པ་སྟེ། །ཡན་ལག་ལས་གྲུབ་ཅེས་སུ་བཤད། །བསྒྲུབ་བྱའི་དམིགས་པ་རྣམ་ཤེས་སྲོག །བར་དུ་གར་སྤྱིན་སྦྱོར་བ་སྟེ། །བར་དུ་བརྡ་སྦྱར་སྙིང་པོར་བཤད། །དྲག་པོ་སྔགས་རྒོད་གནམ་ཐོག་ལ། །རང་རང་སྟོབས་ཀྱི་བྱིན་བརླབས་ལྡན། །ངར་དང་དཔལ་བཅས་གང་ཡང་འགྲུབ། །གདུལ་བྱ་དགོས་པའི་དོན་དང་སྦྱར། །དེ་དག་དོན་གྱིས་རྒྱལ་བཤད་པ། །ཀ་ནི་སྟོབས་ཆེན་ལས་གྲུབ་ཡིན། ཁ་ནི་དྲག་པོ་སྔགས་བདག་འདུལ། །ག་ཞེས་བཀྲ་ཤིས་མཆོག་ལྡན་བདེ། །ང་ཞེས་དབང་སྡུད་ལྷུན་བྱིན་འབར། །ཙ་ཞེས་མཚན་མའི་ཆོ་འཕྲུལ་མྱུར། །ཚ་ཞེས་འཇོམས་བྱེད་སྲེག་དང་ལྡན། །ཛ་ཞེས་རྣམ་ཤེས་མཐུ་སྟོབས་འགུགས། །ཉ་ཞེས་གསལ་བའི་ཐིག་ལེ་འདུས། །ཏ་ཞེས་དགོས་འདོད་འཕེལ་ཆེན་བདེ། །ཐ་ཞེས་མིང་བརྡ་རྣམ་ཤེས་སྙིང་། །ད་ཞེས་ཐབས་ལྡན་འདུས་བའི་བ་། །ན་ཞེས་ཐབས་ཀྱིས་འདུལ་བྱེད་འགུགས། །བཟློག་པ་མྱུར་དྲག་འདུས་པའི་སྒྲ། །པ་ཞེས་མ་ཆགས་ཤེས་རབ་ཐབས། །ཕ་ཞེས་ཐབས་རྣམས་རྩ་བར་འདུས། །བ་ཞེས་ལོག་རྟོག་རྒྱུ་སྒྲོལ་འཇོམས། །མ་ཞེས་དབྱིངས་ལྡན་ཡིད་འདུས་ཡུམ། །ཡ་ཞེས་བསྐྱོད་བྱེད་ནུས་སྟོབས་སྒྲོལ། །ཝ་ཞེས་ཀུན་འདུས་ཐབས་འདྲེན་གསལ། །ར་ཞེས་ཀླད་བྱེད་སྲེག་ཅིང་སྨིན། །ལ་ཞེས་རྗེས་སུ་དཀར་ཞིང་འབོད། ཁྲ་ཞེས་མྱོས་བྱེད་ག་་ཞིང་བྱམས། །ས་ཞེས་བརྟན་བྱེད་སྲོག་བཅས་ལེན། །ཧ་ཞེས་སྟོབས་དྲག་མྱུར་གྲུབ་སྨིན། །ཨ་ཞེས་རྩ་བའི་སྟོབས་ཆེན་བརྟན། །ཨི་ཞེས་སྟོབས་བརྟན་གཞན་འཇོམས་སོ། །ཨུ་ཞེས་འགུགས་འདྲེན་འཕུལ་ཞིང་བསྟིམ། །ཨེ་ཞེས་དྲག་པོ་མྱུར་སྒྲོལ་གསོད། །ཨོ་ཞེས་རང་དབང་མེད་འཕྲོག་སྡུད། །ཡ་བཏགས་གང་ཡང་མཐུན་པར་བསྐྱེད། །ཧ་བཏགས་རིང་ལ་དྲག་པར་སྒྲོལ། །འ་བཏགས་རིང་ལ་འཇམ་པར་འདུས། །ཡི་གེ་དོན་བཤད་ཚད་མ་འདི། །ཀུན་ལའང་སྦྱར་ཞིང་གདགས་ཞེས་བཤད། །ཡི་གེ་འབྲུའི་ནུས་པའི་སྐབས་ཏེ་གསུམ་པའོ།། །།དེ་ནས་རྔམ་ཆེན་འབར་བ་དེས་འདི་སྐད་ཅེས་བཀའ་སྩལ་ཏོ། །ཡི་གེ་དང་བཅས་དྲག་སྔགས་ལ། །མཚོན་ཆི་རིམ་པ་མང་ཡོད་ཀྱང་། །རྩ་བའི་དོན་བསྡུས་འདི་ལྟ་སྟེ། །ཡ་དང་རྒྱལ་མཚན་གང་འཕྲད་པ། །འདི་ཡི་ནུས་པ་ཡོན་ཏན་དགུ། །དྲག་པོ་བྱེད་ཀྱང་མྱུར་བར་འགྲུབ། །སྒྲོལ་བྱེད་གསོད་བྱེད་གཟིར་དང་འཇོམས། །གང་ཡང་དགོས་མེད་རྟག་ཏུ་སྲུང་། །རྒྱས་པར་ཀུན་ཁྱབ་ཡོན་ཏན་དགུ། །ན་དང་རྒྱལ་མཚན་འབྲེལ་པ་ལ། །ཡོན་ཏན་ནུས་པ་རྣམ་པ་བདུན། །འགུགས་དང་སྡུད་དང་དབང་དུ་བྱེད། །དྲག་ཏུ་འབོད་དང་་བུ་དབང་མེད། །སྟོབས་བསྐྱེད་ངར་བླུད་བདུན་དང་ལྡན། །ཨ་ལས་འབྱུང་བའི་སྟོབས་དང་ལྡན། །ལ་དང་གློག་འགྱུ་འབྲེལ་པ་སྟེ། །རང་དབང་མེད་པར་འཇམ་དུ་འགུགས། །བརྟན་པའི་ཚན་ཆེ་ཞི་བར་སྤུད། །ར་དང་གློག་འགྱུ་འབྲེལ་པ་དེས། །དྲག་ཏུ་འགུགས་དང་མཐུ་རུ་སྲེག །ཡིད་མི་བདེ་བྱེད་སྡུག་བསྔལ་མྱོང་། །ཨ་དང་ནེ་རུ་འབྲེལ་བ་ནི། །སྐྱེ་མེད་མི་འགྱུར་སྟོབས་ཆེན་ལྷུན། །ཨེ་དང་ནེ་རུ་འབྲེལ་པ་ནི། །རོལ་པ་དྲག་པོས་གཏུམ་པོ་སྒྲོལ། །ཨུ་དང་ནེ་རུ་འབྲེལ་པ་ནི། །རང་གི་གནད་ནས་ཁུབ་མེད་འཇོམས། །དུ་དང་ནེ་རུ་འབྲེལ་པ་དེས། །ཐུགས་རྗེའི་སྟོབས་འདུས་འགུགས་ཤིག་དྲག །ཨོ་ནི་ཡོན་ཏན་བདུན་ལྡན་ཏེ། །སྐྱེ་མེད་འབྲས་བུ་ཤུགས་ཀྱིས་བགྲོད། །ཡེ་ཤེས་ལྷུན་རྫོགས་བྱིན་སྟོབས་ལྡན། །ཚན་ཆེ་མི་ལྡོག་ལུབུབ་མེད་ཅིང་། །མཐུ་རྩལ་རིང་དུ་འབྱིན་པ་ཡིན། །ཧཱུཾ༷་ནི་དེ་ལས་མྱུར་དྲག་འགྲུབ། །ཨེ་ཡི་དོན་དུ་ནུས་པ་དགུ། །སྟོང་པ་ཉིད་ཀྱི་ཡེ་ཤེས་སེམས། །ནམ་མཁའ་ལྟ་བུར་གནས་པ་ལས། །རོལ་པ་ཁྲོ་བདག་ཆེན་པོ་ཤར། །དེ་ལས་མཚོན་ཆ་དུག་ངན་ཅན། །ནུབ་པ་སྟོབས་ཆེན་དཔག་ཏུ་མེད། །གདུལ་བྱ་དྲག་པོ་སྒྲོལ་ཞིང་འཇོམས། ཁུ་དང་རྐྱེན་ལ་མཐུ་མ་ལྟོས། །ལས་གང་མྱུར་པུ་འགྲུབ་པ་ཡིན། །ཡི་གེ་ཕྲད་ཀྱི་སྐབས་ཏེ་བཞི་པའོ།། །།དེ་ནས་བཅོམ་ལྡན་འདས་ཁྲོ་ཆེན་འབར་བས་འདི་སྐད་ཅེས་གསུངས་སོ། །བདེ་གཤེགས་ཐུགས་ལས་སྤྲོས་པ་ཡི། །དྲག་པོ་སྔགས་རྒོད་གནམ་ཐོག་འདྲ། །དེ་ཡི་དོན་བཤད་འདི་ལྟ་སྟེ། །ཀ་དང་བ་རུ་འབྲེལ་པའི་དོན། །སྐུ་དང་འཕྲིན་ལས་སྣ་ཚོགས་ཉིད། །མྱུར་དུ་འགྲུབ་དང་ཆགས་མེད་ལྷུན། །ཨ་དང་བ་རུ་འབྲེལ་བའི་དོན། །སྟོང་པ་ཉིད་ཀྱི་བྱིན་བརླབས་ལས། །སྣ་ཚོགས་སྤྲོས་བཅས་མ་གོས་འགྲུབ། །མུ་དང་ཀ་རུ་འབྲེལ་པའི་དོན། །གསུང་ཉིད་ཆགས་བྲལ་དྲག་པོ་ཡི། །ལས་ཀྱི་མཐུ་བསྟོབས་མྱུར་དུ་འབྱིན། །ཙི་དང་ཏ་རུ་འབྲེལ་བའི་དོན། །ཐུགས་ཉིད་མི་འགྱུར་སྙིང་པོ་ཡིས། །ག་་རྔམ་འབར་བ་སྒྲོལ་བ་ཡིན། །སི་དང་ང་རུ་འབྲེལ་པ་དེས། །སེང་གེ་ལྟ་བུའི་བྱིན་སྟོབས་ཀྱིས། །གང་ཡང་འཇོམས་བྱེད་འཁུབ་མེད་སྡུད། །བྱ་དང་ཙ་རུ་འབྲེལ་པ་དེས། །རྒྱལ་པོ་ལྟ་བུའི་ནུས་པ་དེས། །རྔམ་པར་ལས་བྱེད་ཀུན་གྲུབ་སྒྲོལ། །དུ་དང་རུ་ཞེས་འབྲེལ་པ་དེས། །གཤེད་བྱེད་ལྟ་བུའི་བྱིན་རླབས་ཀྱིས། །རང་བཞིན་དྲག་པོས་གསོད་ཅིང་རླག །ཧྲི་དང་ཏ་ཞེས་འབྲེལ་བའི་དོན། །ལྕགས་སྡུད་ཇི་བཞིན་སྲོག་སྙིང་ལས། །རང་དབང་མེད་པར་གནད་འགུགས་བསྒྲོལ། །དྲི་དང་ཏ་རུ་འབྲེལ་པ་དེས། །རྒྱ་མཚོ་ལྟ་བུའི་རླབས་སྣང་བས། །གང་གི་ལས་རྣམས་ཤུགས་ཀྱིས་མྱུར། །ཧ་དང་ལ་ཞེས་འབྲེལ་པ་དེ། །བཙན་དུག་ལྟ་བུར་གང་རེག་པ། །ཀུན་སྒྲོལ་དཔལ་དང་ངར་གྱིས་འཇོམས། །ད་དང་ལ་རུ་འབྲེལ་པ་དེ། །རལ་གྲི་ལྟ་བུའི་རྣོ་དབལ་གྱིས། །གདུལ་བྱ་གང་སྒྲོལ་ཤུགསཀྱིསགཅོད། །མ་དང་ལ་རུ་འབྲེལ་པ་དེ། །ཉི་མ་ལྟ་བུར་འོད་ཟེར་སྣང་། །ཡིད་ཀྱི་ཉོན་མོངས་རང་གནད་སྲེག །ཀྱི་དང་པོ་རུ་འབྲེལ་པ་དེ། །ལྕགས་ཀྱུ་ལྟ་བུའི་ཐུགས་རྗེས་ཁྲོས། །རང་དབང་མེད་པར་འདྲེན་གཟིར་གསོད། །ཡ་དང་མ་རུ་འབྲེལ་པ་དེ། །དགུ་ཐོག་ལྟ་བུའི་ནུས་པ་ཡིས། །མནན་ཅིང་ནུས་པས་ཡུལ་དབང་འཇོམས། །མུ་དང་ཀ་རུ་འབྲེལ་བ་དེ། །རི་རབ་ཇི་བཞིན་གཟས་པའི་ཡུལ། །ཕྱིར་མི་ལྡོག་པར་གཟིར་གནོན་མྱོས། །ཙ་དང་ཀྲ་རུ་འབྲེལ་བ་དེ། །འབྱུང་བ་བཞི་ཡི་ནུས་པ་བཞིན། །གང་ཡང་འགྲུབ་ཅིང་སྲོག་རྒྱུན་གཅོད། །དྲག་པོ་རྒོད་ཡིག་སྣ་ཚོགས་འདི། །ཐུགས་རྗེ་ཡེ་ཤེས་རོལ་པ་ཡིན། །སྔགས་རྒོད་དོན་གྱི་སྐབས་ཏེ་ལྔ་པའོ།། །།དེ་ནས་ཡང་བདེ་ཆེན་གཏུམ་པོ་འབར་བས་འདི་སྐད་ཅེས་བཀའ་སྩལ་ཏོ། །རྣམ་པར་ཤེས་པའི་སྲོག་སྙིང་ལ། །བླ་མེད་འཇིག་རྟེན་འདས་པ་གསུམ། །བརྡ་ཞེས་བྱ་བ་མིང་དུ་གྲགས། །རྣམ་ཤེས་ཞེས་བྱ་སྲོག་ཏུ་གྲགས། །དྭངས་མ་ཡེ་ཤེས་འབྲས་བུར་གྲགས། །སྙིགས་མ་བག་ཆགས་འཕེན་རྒྱུར་གྲགས། །འགུགས་པ་རང་དབང་མེད་པར་གྲགས། །དྭངས་མ་སྙིགས་མ་རང་གསུམ་འདྲེས། །ལས་ལ་སྦྱར་ཞིང་སྙིང་པོ་རྒྱས། །དེ་ཡང་ཆུ་ཟླ་ལྟ་བུར་གནས། །བརྡ་ཡི་སྙིང་པོ་སྤྲིན་ཆགས་ཚུལ། །འགུགས་བྱེད་སེང་གེའི་སྦར་ཁྱིམ་འདྲ། །འདི་དང་ཕྱི་མ་ཀུན་གྱི་སྟོབས། །མ་ལུས་འདི་ཡིས་བྱེད་པའི་ཕྱིར། །སྲོག་གི་སྙིང་པོ་ཞེས་སུ་གྲགས། །ཤི་ཤམཏི་ཨོ། ཧེ་རུ་ཀ་ཀྲོདྷ་ཧཱུཾ༷། བཛྲ་ཀྲི་ལ་ཡ་ཏ། ཡ་མ་ཡེ་ཨ་ཡ། ཀརྨ་ཡ་མ་ཙི་ཤམ་ཡ། མ་མ་རུ་ལུ་མ། བཛྲ་བཱ་ཁི་ཧི། ཨ་ཏི་པ་ཏ་ཡེ་ཏ༷། ཀ་རུ་ཀྲོ༷་ཀྲོ༷་ཀྲོ༷། ནཱ་ག་རྭ་ཛ་ཐ། རྭ་ཙ་ཙ། རྭ་ཙ་ཙ་ཏྲི། ཙི་ཤ༷་ཏྲི་ཙ། རུ་ཐུམ་རུ་་། བྷ་སྟི་ད་དུན་ཏིང་དུ་མེ་མེ། ཏྲག་རཀ་ཤམ། ཏིར་སྟི་ཀ་ཐ། དྷི་ལི་ཛོ་ལི་ན་དུ། མུན་ཐིབས་པ། རག་ཤ་རག་ར། རག་མོ་མ་མ༷། ཤུ་ལ་ཛ་ཡ༷། ཡ༷་ཏི། ར་ཙ་ཤམ་ཏི་ཛ། དེ་བ་སུ་ཨ། ཡག་ཤ །ཡཀ་མོ་ཀྟ། སྟེ་ཏི་སྟེ། བཛྲ་སྭ་དུ་ཏྲི། གིང་ཀར་ཧྲི། སྙ་ན་བྷ་ཏི་དུན། ར་ཧུ་ལ་པ་ཀྟ༷ །རུ་སྟ༷་ནི། རྦཐོ་རུ་ག་དུ་མ། ག་དུན་ན། ས་ཏྲུ༷་མ༷། བེ་ས་བས༷་ས། ག་ཏྲ༷་ཡ་ག །ནཱ་ག་རྭ་ཙ། ན་དུ་སྲ ནཱ་ག་ར་བ་ག །ནཱ་ག་བ་ཧི་ནཱ་ཕུ། ཧོབ་ཤ༷་ཏྲི། རོ་ནི་ཡི་དུ་སྟ་སྟ།པྲ་ཏི་སྟི་ཡ་སྟི། ར་སྟི་ར། ཨུ་ཏི་ཨུ། དེ་དག་སྲོག་གི་སྙིང་པོས་ཏེ། །ཕན་གནོད་ལས་རྣམས་ཀུན་ལ་སྦྱར། །ཨཱོཾ་དང་ཧཱུཾ༷་དང་ཕཊ་དང་གསུམ། །ལྷ་བསྒྲུབ་ཡེ་ཤེས་གནས་སྐབས་ཡིན། །གང་ཡིན་ཡིག་འབྲུ་དྲག་པོ་དང་། །གཉིས་གསུམ་བཞི་རུ་མནན་པ་ཡིས། །རིམ་པ་བཞིན་དུ་སྟོབས་ཆེན་ལྡན། །སྲོག་སྙིང་གི་སྐབས་ཏེ་དྲུག་པའོ།། །།དེ་ནས་ཡང་ཁྲོ་རྒྱལ་ག་་པོ་བདེ་གཤེགས་ཀྱིས་འདི་སྐད་ཅེས་གསུངས་སོ། །དྲག་པོ་སྔགས་རྒོད་རྒྱ་སྡེབས་དང་། །ཐུགས་ཐིགས་གསང་སྡེབས་རྐྱང་པའི་སྡེབས། །དེ་དག་བཤད་པ་འདི་ལྟ་སྟེ། །བསྙེན་བསྒྲུབ་ལས་ཀྱི་སྔགས་སྡེབས་པ། །རྒྱ་ཡི་སྡེབས་ཞེས་བཤད་པ་ཡིན། །དྲག་པོ་སྔགས་རྒོད་སྟོབས་སྡེབས་པ། །ཐུགས་ཀྱི་ཐིགས་པའི་སྡེབས་ཞེས་བཤད། །བཟློག་དང་གསད་དང་དབབ་པ་སྡེབ། །གསང་བའི་སྡེབས་ཞེས་དེ་ལ་བཤད། །ལས་ཀ་ཕྲ་རུ་སྡེབས་པ་ནི། །རང་རང་རྐྱང་པའི་སྡེབས་ཞེས་བཤད། །དེ་ལྟར་སྡེབས་ཀྱི་དོན་བཞིར་གསུངས། །དང་པོ་གང་ཡིན་བསྙེན་པ་ཡི། །སྔོན་དུ་སྡེབ་དང་ཐད་ཀར་སྡེབ། །སྔོན་དུ་གང་ཡིན་ཁུགས་སུ་གཞུག །དེ་ནས་གང་ཡིན་བསྙེན་པ་བྱ། །བསྙེན་ནས་གྲུབ་པ་ཐོབ་པར་བྱ། །དེ་ནས་དབང་དུ་བསྡུ་བར་བྱ། །དེ་ནས་དམ་བསྲེ་དངོས་གྲུབ་བླང་། །དེ་ནས་རང་རང་གཉིས་མེད་གཟུང། །དེ་ནས་ལས་ལ་བྲན་བཞིན་བཀོལ། །དོན་དྲུག་བསྙེན་པའི་རྒྱ་སྡེབས་ཡིན། །འདི་དྲུག་མི་ལྡན་སྒྲུབ་བྱེད་པ། །དོན་མི་འགྲུབ་ཅིང་འཁུ་བཟློག་བྱེད། །མཐའ་རུ་རངཉིད་རླག་པར་འགྱུར། །དེ་ཡི་སྔགས་སྡེབས་རྒྱས་བཤད་པ། །དང་པོ་ཁུགས་སུ་གཞུག་པ་ཡང་། །གང་ཡིན་སྔགས་བསྙེན་སྲོག་སྙིང་གི །ཨ་ནི་སུམ་བརྩེགས་ཨ་ཀ་དང་། །ས་མ་ཡ་ལི་ཞེས་མགོ་བོར་སྦྱར། །མཇུག་ཏུ་མུ་ཀ་ཡེ་ནན་ཛ། །ཧྲི་གཉིས་སྦྱར་ལ་ཁུགས་སུ་གཞུག །དེ་ནས་བསྙེན་པ་དངོས་ཉིད་ཀྱིས། །མཇུག་ཏུ་ཛ་ལ་ཛ་བསྐྱོན་བསྙེན། །སྲོག་སྙིང་དེ་ཡི་ཀླད་གནོན་དུ། །ཨ་དང་ཧྲི་དང་བཛྲ་བཞག །མཇུག་ཏུ་ཨུ་ནེ་སིརྙི་ཨ། །དེ་ནས་ཀ་པ་ཡ་ཛ་གཉིས། །སྡེབས་པས་གྲུབ་པ་ཐོབ་པར་ངེས། །མགོ་རུ་ཨ་ནི་གསུམ་བརྩེག་དང་། །ཨུ་ནི་སུམ་བརྩེག་ཀླད་གོན་གཏང་། །མཇུག་ཏུ་ས་མ་ཡ་ཞེས་དང་། །ཨུ་རྐྱང་སུམ་བརྩེག་ཇ་སུམ་བརྩེགས། །མཐང་བསྒྱུར་བསྡེབས་པས་རང་དབང་འདུ། །དེས་ཀྱང་དབང་དུ་འདུས་བྱུང་ན། །དམ་ཚིག་ཀླད་དུ་ཧ་ར་གཉིས། །ཛ་ཡི་འོག་ཏུ་རི་རི་བཞི། །བར་དེར་རང་སྲོག་འབྲུ་གཅིག་སྡེབས། །རང་དབང་མེད་པར་དབང་དུ་ངེས། །སྲོག་སྔགས་རྐྱང་པའི་མཐའ་རྒྱ་སྲ །ས་མ་ཡ་བཛྲ་ཨ་མྲི་ཏ། ཨུ་ཙི་ཏི་སིརྙ་ཁེད་ཕྲོམ་ནན། བི་ཛ་ཡ་ཧཱུཾ་ཨ་ཞེས་སྦྱར། །དམ་བསྲེས་དངོས་གྲུབ་ཐོབ་པར་འགྱུར། །དེ་ནས་སྲོག་སྙིང་ཀླད་གནོན་དུ། །ཨ་ནི་སུམ་བརྩེགས་ཧྲི་སྟི་ཨ། །མཐའ་རུ་ཨུདྨ་ཀྲོ་བཛྲ། ཧེ་ཞེས་སྦྱར་བས་གཉིས་མེད་བསྟིམ། །སྔོན་དུ་འགྲོ་བའི་རྒྱ་སྡེབས་འདི། །གང་ཡིན་བསྒྲུབས་པའི་ལྷ་མཆོག་དེ། །རང་དང་མཉམ་པར་མངོན་དུ་འགྱུར། །གལ་ཏེ་མངོན་དུ་མ་གྱུར་ན། །རང་ལ་དམ་ཉམས་གྲིབ་ཡོད་པས། །དེ་དག་ཀླད་དུ་ས་མ་ཡ། །སྦྱར་ཞིང་གཤེགས་པའི་རྒྱལ་པོ་གདོན། །འདུས་བྱས་ཚོགས་ནི་ཅི་ནུས་བསག །ལྡན་ན་སེམས་ཀྱི་ཆོས་ཉིད་བསྒོམ། །དེ་ནི་ཐེ་ཚོམ་མེད་པར་འགྱུར། །དཔེར་ན་རྐྱེན་ཚང་འབྲས་བུ་འདྲ། །ལས་ཀྱི་དབང་མི་ལྡན་ཡང་འགྲུབ། །དེ་ནས་ལས་ལ་བཀོལ་བའི་ཐབས། །རྣམ་པ་གསུམ་དང་ལྡན་པར་བཤད། །ལས་མི་བྱེད་ཅིང་ལུབུ་བཟློག་ན། །སྲོག་སྔགས་ཀླད་དུ་དབང་བསྡུ་སྦྱིན། །མཐའབསྒྱུརཏྲིགནནདུནདུན་ནན། །དེ་ནས་དབངབསྡུབཞིནདུསྦྱིན། །སོཔར་ཨ་ཏྲི་བཛྲ་བཏང་། །དེས་ནི་རྒྱལ་༄༅ པོར་འབངས་བཀོལ་བཞིན། །རང་དབང་མེད་བཅུན་ལས་ལག་སྟོང་། །ལས་རྣམས་བྱེད་ཀྱང་ཚན་ཆུང་ན། །སྲོག་སྔགས་ཀླད་དུ་ཧཱུཾ༷་སུམ་རྩེག །དེ་ནས་དབང་བསྡུ་བཞིན་དུ་དྲུག །དེ་འོག་སྟ༷་པ་ཡ་ཞེས་བརྡེབ། །མཇུག་ཏུ་རཀ་ཤ་ཀ་པ་ཡེ། །ས་ལ་མྱགས་དང་ཀ་པོ་ཡེ། །དེ་ནས་གསང་སྔགས་གང་རུ་སྦྱར། །སྲུང་དབབ་ལ་སོགས་དེ་བཞིན་ནོ། །ལས་ཀྱང་བྱེད་ལ་ཚན་ཆེ་ཡང་། །ལས་དེ་རྡུལ་ཞིང་རྣོ་ཆུང་ནང་། །ཀླད་གནོན་ཨེ་ནེ་སུམ་བརྩེགས་ལ། །དེ་འོག་ཨུ་ནེ་སུམ་རྩེག་སྡེབ། །རྗེས་སུ་བཛྲ་ཏྲི་ཏ་ཀ་པ་ཡེ། །དེ་ལ་སྲོག་སྔགས་རྩ་བ་སྦྱར། །དེ་རྗེས་རི་གསུམ་ཏི་ཀྟཎ་རྦད། ཁྲག་ཏི་རྦད་ཅེས་སྐྲུ་གྲིའི་ཀླད། །མཐའ་རུ་ཐུ༷་རིལ་མུ་ར་ཡ། །རྦད་ཅེས་སྦྱར་ན་རྣོ་བར་འགྱུར། །ཚད་ན་རིལ་གྲི་བཞིན་དུ་གཅོད། །ཐོག་དང་གློག་བཞིན་མྱུར་བར་བྱེད། །རྦད་དང་ཟོར་བསྐུལ་སྐབས་དག་ཏུ། །ཀླད་ནོན་ཐུམ་རི་ལི་ལི་དང་སྦྱར། །མཐའ་བསྒྱུར་ཏྲིག་ཤག་སྲོག་ཁྱེར་སྨྱོ། །ཀྲིན་མྱགས་ཀ་པ་ཡེ་སྡེབས་པས། །གང་ལ་བརྒྱབ་ཀྱང་འཇོམས་པར་བྱེད། །རྒྱ་སྡེབས་སྐབས་ཏེ་བདུན་པའོ།། །།དེ་ནས་ཡང་ཐུགས་རྗེ་ཁྲོས་པའི་རྒྱལ་པོ་དེས་འདི་སྐད་ཅེས་གསུངས་སོ། །སྔགས་ཀྱི་ཕྲ་མེན་དུམ་དུམ་འབྲེལ། །རིན་ཆེན་དབང་གི་འཕྲེང་བ་འདྲ། །དགོས་འདོད་ཐམས་ཅདཡིདབཞིནའབྱུང། །ཕྲམེན་རྐྱང་སྡེབས་འདི་ལྟ་སྟེ། །དང་པོ་རང་རང་ནུས་པ་ཅན། །ཆོལ་བུར་ཀུན་ལ་བཏུ་བ་ནི། །ཞི་བ་ལྷ་ཡི་ནང་ནས་ཀྱང་། །ཨོ་དང་ཧྲི་ཨ་ནུས་པ་ཆེ། །ཁྲོ་བོ་འཇིགས་བྱེད་ནང་ནས་ཀྱང་། །ཧཱུཾ༷་དང་ཀྲོ་དྷ་ནུས་པ་ཆེ། །རྡོ་རྗེ་ཕུར་པའི་ནང་ནས་ཀྱང་། །ཏ་དང་ཀི་ལི་ཀི་ལ་ཡ། །འཇམ་དཔལ་གཤིན་རྗེའི་ནང་ནས་ཀྱང་། །ཨ་ཀྲོ་ཧྲི་ཏི་ཡ་མ་ཡེ། །ཕྱག་ན་རྡོ་རྗེའི་ནང་ནས་ཀྱང་། །བཛྲ་ཧྲིལ་མྱགས་ཧྲི་ཏ་ཡ། །པདྨ་དབང་ཆེན་ནང་ནས་ཀྱང་། །ཙན་དྷི་ར་ག་ཧྲི་བི་དྷ་ཡ། །དབྱིངས་ཀྱི་ཡེ་ཤེས་མ་མོ་ནས། །རུ་ལུ་ཧྲི་ཤི་དེ་མ་ཀྲོ་དྷི་ཤྭ་རི། །སྣང་སྲིད་མཁའ་འགྲོའི་ནང་ནས་ཀྱང་། །མ་མོ་ནཱ་ཀི་བཛྲ་ཁ་རག །འདོད་ཁམས་དབང་ཕྱུག་ནག་མོ་ལས། །མ་མ་ཏྲ་ཀྲ་རག་ཤ་མ་ཧི། །ལྷ་གདོན་དྲག་པོའི་ནང་ནས་ཀྱང་། །དེ་བ་ཨ་སུ་ར་ཧྲི་ཤ །བདུད་སྡེ་འབུམ་གྱི་ནང་ནས་ཀྱང་། །རུ་ཏྲ་བྷ་ཏི་ད་ར་ཁྲག །གཟའ་རྒོད་དྲག་པོའི་ནང་ནས་ཀྱང་། །ར་ཧུ་ལ་སྙིང་ཁྲག་བཛྲ་ཡག་ཤ །བཙན་རིགས་སྟོང་གི་ནང་ནས་ཀྱང་། །ཙ་རི་ཏྲ་ཤ་ཨ་བེ་ཤུ་ཛ། །རྒྱལ་པོ་སྡེ་ཡི་ནང་ནས་ཀྱང་། །མ་ཧྭ་རྭ་ཛ་ཏྲི་པ་ཙི་ཏ་ཤ༷ །སྲིན་པོ་ཤན་པའི་ནང་ནས་ཀྱང་། །རག་ཤ་རུ་སྟི་ཁ་རག་ཤ །གནོད་སྤྱིན་སྡེ་ཡི་ནང་ནས་ཀྱང་། །བྷ་ཧུ་རི་ཏ་ཁྲེ་གིང་ཀ་ར། །གདུག་པ་གསུམ་གྱི་ནང་ནས་ཀྱང་། །ནཱ་ག་རྭ་ཛ་ཕུ་ཏ་ཧཱུཾ༷་ཡ་ཁ་ས་ཁ།འཇིག་རྟེན་སྨན་སྡེའི་ནང་ནས་ཀྱང་། །ར༷་ནི་ཀེ་རུ་ཙིཏི་ཧྲི། །འདི་ནི་དྲག་སྔགས་རྒོད་ཆེན་ཏེ། །གང་ཡིན་ལས་ལ་ཐོགས་མེད་སྡེབས། །འབྲུ་རེ་དྲིལ་བསྔོནབཞིནལ། །བརྡཡིམིང་བཅསདེབཞིནགཟིར། །ལས་ལ་གཏང་བ་སྲོག་དང་འདིའོ། །གཞན་ཡང་སྔགས་ཀྱི་སྦྱོར་བ་ལ། །ཡི་གེ་འབྲུ་དེ་གང་མང་བ། །རང་རང་ནུས་པ་བཤད་བཞིན་འབྱུང་། །ཡན་ལག་རྐྱང་ནི་དེ་ལྟར་བཤད། །དེ་ལ་ཤིས་པའི་ཡི་གེ་ཡང་། །ཞི་དལ་ཚན་ཆེ་ཤིས་འདོད་ན། །ཨ་ཡིས་གསང་སྔགས་དྲང་བར་བྱ། །ཆོས་ཉིད་དྲག་པོ་སྒྲུབ་འདོད་ན། །ཨེ་ཡིས་གསང་སྔགས་དྲང་བར་བྱ། །མྱུར་གྲུབ་རྣོ་མྱུར་ཐོབ་འདོད་ན། །ཡ༷་གིས་གསང་སྔགས་དྲང་བར་བྱའོ། །འབྲས་བུ་མྱུར་དུ་སྲེག་འདོད་ན། །ར༷་གྱིས་སྙིང་པོ་དྲང་བར་བྱ། །ཡོན་ཏན་ཀུན་ལྡན་སྒྲུབ་འདོད་ན། །སུམ་གྱིས་བསྙེན་པ་བྲང་བར་བྱ། །ཚན་ཆེ་བརྟན་མི་གཡོ་འདོད་ན། །ལ༷་གི་སྙིང་སྔགས་དྲང་བར་བྱའོ། །འཇིངས་ཆེན་གཏིང་འགྲུབ་བསླབས་འདོད་ན། །བ༷་གྱི་སྲོག་སྙིང་དྲང་བར་བྱ། །འདི་རྣམས་གཅིག་ལ་གང་བྱས་ཀྱང་། །འགྲུབ་པར་ཐེ་ཚོམ་གདོན་མི་ཟ། །གཞན་ཡང་སྲོག་སྙིང་མཐའ་བསྒྱུར་དུ། །འདི་དག་ཀུན་ཀྱང་བརྟགས་པར་བཤད། །གང་ཡིན་བསྒྲུབ་པའི་ལྷ་སྲིན་དེ། །འཇམས་དང་འགྲུངས་དང་ཚན་ཆེ་བས། །བཀྲ་ཤིས་འཁོར་ལ་བྱམས་བདེ་དང་། །དགྲ་དང་གནོད་བྱེད་ཞི་བར་བྱེད། །གཞན་ཡང་བྱམས་དང་རིང་འདོད་ན། །ཤན་ཏིང་ཨ་ནུ་པྲ་ཡ་སྟེ། །ཨ་པ་ན་ཡ་གྲྭཧྭ་སྡེབ། །བྱིངས་ཆེ་སྟོབས་ལྡན་འཁོར་འདུས་པས། །ཚེ་རིང་དཔལ་བསྐྱེད་རིགས་བརྒྱུད་འཕེལ། །ལོངས་སྤྱོད་འཁོར་གཡོག་རྒྱས་འདོད་ན། །པྲརྨྱི་ཨ་སུ་རང་ན་རྣི་པ། །པུ་ཏྲ་བཛྲ་པར་ཡ་ཨ་བྲུ༷་སྡེབ། །དབང་ཆེན་འབབ་པའི་བྱིན་སྟོབས་ཀྱིས། །སྐྱེ་འགྲོ་ཐམས་ཅད་རང་དབང་འདུ། །ལྷ་སྲིན་སྟོབས་ཅན་ལོངས་སྤྱོད་གཞན། །བདག་གི་དབང་དུ་བྲན་འདོད་ན། །བ༷་ཤ༷་ཀུ་རུ་ཨ༷་བྷ་ཤ །ཨུ་ལི་ཨུ་ལི་ཧྲི་ཧྲི་ཛི། །ཛ་ཐུ༷་རི་ལི་ལི་ཞེས་སྡེབ། །ག་་ཆེན་དྲག་པོ་མཐུ་ཆེན་གྱིས། །མྱུར་འགྲུབ་མི་བགྲུངས་རྣོ་དབལ་ངར། །མ་ལུས་ཚ་ར་གཅོད་གསད་འདོད་ན། །རག་ཤ་ཁ་རག་བཱ་ར་ཡ། །ཨུ་ཀ་བཱ་ཡ་ཐུམ་རྦད་ཧྲིལ་སྡེབ། །དེ་དག་བཞི་ཡི་ཞབས་ཉིད་དུ། །ཨུ་ནེ་ཨུ་ནེ་སིརྙི་ཨ། །སྡེབས་པས་ལས་རྣམས་དེ་དག་གིས། །དྲག་པོ་མཐུ་ཆེན་ཞི་བར་འགྱུར། །སྡོང་ཅིག་ལས་ཀྱང་དུ་མར་འཕེལ། །སྲོད་མེད་བུ་ཡང་དབང་དུ་འགྱུར། །སྤྲུལ་སྐུ་ཉིད་ཀྱང་འཆི་བར་ངེས། །གཞན་དག་ཀུན་ལ་སྨོས་ཅི་དགོས། །གཞན་ཡང་ལས་ཀྱི་སྡེབས་བཤད་པ། །རང་གི་ཚེ་ནི་རིང་འདོད་ན། །དྲི་བྲུ༷་བཛྲ་ཨུ་ཡུ་ཁེ་ཨུ་ཡུ་ཙྭ་ན་སིརྙ་ཨི་ཧཱུཾ༷། ནོར་གྱི་ལོངས་སྤྱོད་འཕེལ་འདོད་ན། །རཏྣ་སིརྙི་སྤ་ར་ཡ་ཧཱུཾ༷་ཨ། ས་ནད་གྲང་ནད་གཞོམ་འདོད་ན། །ཨ་ས་ར་ན་ཡབ་ས་མནན། །ཙི་ལི་སོད་ས་ནཱ་ག་ས་གསོད། །ར་བ༷་ར༷། དུས་མིན་འཆི་བ་བཟློག་འདོད་ན། །མོ་ཧ་ཡ་སྟ༷་པ་ཡ་ཀ་མ༷། ཡ་མི་རྙུས་ནི་ཤ༷་ཀུ་རུ་བཱ་ར་ཡ་བཟློག་ཧྲིང་སྨྱོ། གླང་ཐབས་མི་བཟད་ནད་འཇོམས་ན། ཨ་པ་ས་མ་ར་ནན་བི་ཏྲི་གི་ཨ་པ་ན་ཡ་ཏྲ༷་ཧེ་དུ་སྤོ་ཏེ་ཨེ་རུ་ཏེ་ལེ་དྷི་སར་ཀ་ལ་ལེ་ཕཊ། བུད་མེད་སྦྲུམ་ནད་སྦྱང་འདོད་ན། །པུ་ཏྲ་དྲི་ས་ཏྲི་ཕྱུང་ཨ་ཤག་པུ་ཏྲ་ཤག་པུ་ཏྲ་ཙན་ཙར་པ་ཡ། གནོད་བྱེད་གདོན་རྣམས་ཚ་བསྐྲད་འདོད་ན། །ཏྲི་ས་མ་ཡ་ཤག་ཀ་པ་ཡེ་མ་ཤ་སྟ༷། བི་ར་ཙཀྲ་ཕཊ་ཡ༷་སྨྱོ། གནོད་དེ་སྲེག་ཅིང་བཟློག་འདོད་ན། །ཏྲི་རི་རི་ཛ་ལ་ཨག་ནེ་ར༷་ར༷་ཨུ་ཙ་ཏ་ཡ་ཧལ་ཐང་མུགས་རྦད། དགྲ་བོ་ལྷ་དང་དབྲལ་འདོད་ན། །ནི་ར་དེ་བ་ཤག་པྲ་བི་ཤ་ཤག་ཨ་ནི་ཙིརྟི་མ་མ་ནུ་ཁམ་ཤག་བི་དེ་ཤ་ཡ་ཕཊ་ཕཊ། དགྲ་བོ་བྱད་དུ་གཞུག་འདོད་ན། །དྲི་ར་ཤ་དྲུ༷་ཙ་ར་ཐུ༷་རིལ་རྣིར་པྲ་མ་ཤུ་དོ་སྡོམ་ན་ཁུག་ཨུ་ཏ་ཡ་ཐུ༷་རིལ་ད༷། དགྲ་བོ་ཁྲག་ཏུ་སྒྱུག་འདོད་ན། །མུ་ཁ་རཀ་ཏ་ཙར་བ་ཡ་དྲི་ཤ་ར་ཏྲུ༷་ཤ་དྲུམ་སྙིང་ཁྲག་ཁ་ནས་ཕྱུང་སི་ར་རྦད། དགྲ་ལ་ལྟས་ངན་དབབ་འདོད་ན། །ཁུ་ཙ་ཧེ་ཀ་པ་ཏི་རྒྱ་ལི་ནི་ག་རུ་པི་པུ་ཧས་ཕོབ་སྨྱོ། ལས་སྔགས་སྣ་ཚོགས་སྡེབས་པ་སྟེ། །གཞན་ནི་རང་རང་མཚན་ཉིད་དོ། །སྔགས་སྡེབས་ཕྲ་མེན་བསྒྱུར་བར་བཤད། །རྐྱང་སྡེབས་ཕྲ་མེན་གྱི་སྐབས་ཏེ་བརྒྱད་པའོ།། །།དེ་ནས་དཔལ་ཆེན་ཁྲོ་བོའི་རྒྱལ་པོ་དེས་འདི་སྐད་ཅེས་བཀའ་སྩལ་ཏོ། །ལྔ་བརྒྱ་དུས་ཀྱི་སྙིགས་མ་ལ། །ཡེ་ཤེས་དཔལ་གྱི་དངོས་གྲུབ་ཡལ། །མཚམས་མེད་ལྔ་ལ་འབའ་ཞིག་སྤྱོད། །དམ་ཚིག་བདེན་པ་ཁྱད་དུ་གསོད། །བསྟན་པ་ནང་རྨེ་རང་གི་བཤིག །དམ་ཆོས་བདེན་པའི་དགེ་བཅུ་ནུབ། །འབྲས་བུརྫོགསཆེནསྙིངཔོལ། །རིགས་མེད་ཀུན་རྟེན་ལོག་ཆོས་སྤྱོད། །གསང་སྔགས་འབྲས་བུ་བོན་དུ་ཁྱེར། །དར་བ་ཉིད་ཀྱིས་ནུས་པའི་དུས། །ཡང་དག་རྫོགས་པའི་ལུས་བཟུང་ནས། །དོན་གྱི་གདེང་མེད་ཚིག་ལ་ཁྱེར། །ཕྱི་དཀར་ནང་ནག་མཚམས་མེད་སྤྱོད། །རྣམ་སྨིན་སྲོག་ལ་མཛེམ་མི་བྱེད། །དེ་ལྟ་བུ་ཡི་རྣམ་སྨིན་གྱིས། །མ་མོ་མཁའ་འགྲོ་གཏིང་ནས་འཁྲུགས། །འཇིག་རྟེན་དྲེགས་པ་མཐུ་རྩལ་འགྲན། །ས་ཡི་གདུག་པ་མ་ལུས་ལྡང་། །དེ་ལྟར་བྱུང་བའི་ནུས་མཐུ་ཡིས། །དཔེར་ན་མེ་ཡོད་ཚ་བ་བཞིན། །མི་ནད་ཕྱུགས་ནད་སྣ་ཚོགས་འོང་། །ལོ་ནད་སེར་བ་སད་སྔགས་འབྱུང་། །རྨེ་འཁྲུགས་ཡུལ་ཁམས་རྨེ་བར་འགྱུར། །ལྟས་ངན་མུ་གེའི་བསྐལ་པ་འབྱུང་། །སེམས་ཅན་རང་སྲོག་མྱུར་དུ་ཟད། །ཕལ་ཆེར་འཕྲལ་རྐྱེན་སྲོག་ཀྱང་འཆད། །ས་ནད་མེ་བཞིན་འབར་བའི་དུས། །དེ་ཚེ་ཞི་བས་མི་འདུལ་ཏེ། །དྲག་པོ་སྔགས་རྒོད་ནུས་པ་འབྱུང་། །ངན་སྔགས་མཐུ་སྟོབས་བསམ་དཔག་དཀའ། །བདེ་གཤེགས་ཐུགས་ཀྱི་ཡེ་ཤེས་ལས། །རོལ་པ་གདུལ་དཀའ་འདུལ་བའི་ཕྱིར། །ཁྲོས་ཆེན་དྲག་པོའི་ཕྱག་རྒྱར་གསལ། །དྲག་པོ་སྔགས་རྒོད་རྣོ་མྱུར་འཕྲོ། །མཐུ་སྟོབས་ཚད་ལྡན་རྨད་དུ་བྱུང་། །དྲག་པོ་རྒོད་ཀྱི་འབྲུ་སྡེབས་པས། །གང་ལ་བརྒྱབ་ཀྱང་གདུག་མེད་འཇོམས། །མཁས་ལས་བྱུང་བའི་ཐོག་བབས་ནས། །ལྡོག་མི་སྲིད་དེ་འབབ་པར་ངེས། །གང་ལ་བརྒྱབ་ཀྱང་གདུལ་དུ་རློག །གལ་ཏེ་ལོག་ན་སྲིད་པ་འཇིག །དེ་བཞིན་སྔགས་རྒོད་མཐུ་སྟོབས་འདི། །གལ་ཏེ་དཀྱུསབཞིནམབྱུངན། །རྣལ་འབྱོར་གཞི་ཟད་མྱུར་དུ་འཆི། །དགྲ་ལ་རྟེན་དྲུག་ལྡན་པ་གཅེས། །གདོན་ལ་ངོས་ནི་ཟིན་པ་གཅེས། །སྤྱི་རུ་དམ་སྲུང་སྟོབས་ལྡན་གཅེས། །འདི་དེ་བདེ་དང་སྨིན་པའི་ལས། །མ་ལུས་འདུས་པའི་རྩ་བ་ཡིན། །དྲག་པོ་འབྱུང་བའི་དུས་བསྟན་པའི་སྐབས་ཏེ་དགུ་པའོ།། །།དེ་ནས་རྔམ་ཆེན་ཁྲོ་བོའི་རྒྱལ་པོ་དེས་འདི་སྐད་ཅེས་བཤད་དོ། །ཐུགས་ཀྱི་ཐིགས་པའི་སྡེབས་འདི་ལ། །རྣམ་པ་དགུ་དང་ལྡན་པ་ཡིན། །དེ་ཡང་ཇི་ལྟ་བུ་ཞེ་ན། །སྔགས་ཀྱི་སོ་པ་བཏང་བ་དང་། །ཀླད་གནོན་རྒྱལ་པོའི་དྲག་སྔགས་དང་། །བློན་པོ་སྐྱེས་བུ་ལྟ་བུ་དང་། །རྒྱབ་རི་དམག་མི་ལྟ་བུ་དང་། །སྲ་བྱེད་གོ་ཆ་ལྟ་བུ་དང་། །རྣོ་བའི་མཚོན་ཆ་ལྟ་བུ་དང་། །དེ་ལང་ངར་བླུད་ཐར་བྱ་དང་། །མཐའ་རུ་དབང་མེད་སྐོས་འདེབས་དང་། །དཔའ་བོ་ལོག་ཐེན་མནན་དང་དགུ། །འདི་ནི་སྡེབས་ཀྱི་ངན་སྔགས་ཡིན། །དེ་དག་དོན་གྱིས་ངོས་བཟུང་བ། །སྔགས་ཀྱི་སོ་པ་གང་ཞེ་ན། །ཧཱུཾ༷་ཧཱུཾ༷་ཧཱུཾ༷། ཨུ་ནེ་ཨུ་ནེ་ཨུ་ནེ། ཨུ་ཨུ་ཨུ། ཨེ་ཨེ་ཨེ་ཡ་ཨ་ཧྲི། མ་ཨེ་སྟེ། སྐབས་ཀྱི་འདི་དག་འགྱུར་ཞིང་སྡེབས། །ཀླད་གནོན་རྒྱལ་པོ་གང་ཞེ་ན། །ཨ་ཀྲོ་ཏེ་ཀ་ཡ་མྱརྙ་ཀ་ཨ་པ་ཡེ། ཧྲི་སྟི་ཀྭ་ལ་རུ་པ་ཀ་པ་ཡེ། བིཏྲིཏམཉུཤིམུ་ཀ་ཡེ། བཛྲ་ཀྲོ་དྷ་བྷ་ག་བག་སྟོ། བཛྲ་ཙ་ར་མ་ཧྭ་ཙཎྜ་ཀྲོ་དྷ་ཡ་མ་ཡེ། སྐབས་ཀྱིས་འགྱུར་དང་ལྷུན་གྲུབ་སྡེབ། །བློན་པོ་སྐྱེས་བུ་གང་ཞེ་ན། །ཡ་ཚོགས་བཅུ་བདུན་ལ་སོགས་པ། །ཕྱི་ནང་གསང་དགུར་སྡེབས་པའམ རང་རང་རྩ་བའི་དྲག་སྔགས་སམ། །ཡང་ན་གོང་ཕྲ་མེན་ནོ། །དེ་ཡང་གང་བྱེད་སྐབས་ཀྱིས་བསྒྱུར། །རྒྱབ་རི་དམག་མི་གང་ཞེ་ན། །སིང་ང་ཡེ། བྱ་ཙ་ཡེ། དུ་རུ་ཡེ། ཙི་ཏ་ཡེ། ཏྲི་ཏ་ཡེ། ཧ་ལ་ཡེ། ང་ལ་ཡེམ་ལ་ཡེ། ཀྱི་པོ་ཡེ། ཧྲི་ཏ་ཡེ། མུ་ཀ་ཡེ། ཙ་ཏྲ་ཡེ། ཨ་ཡ་མ་དུ་རུ་ཙ་ཤན་ལ། ཡ་མ་ཡེ་དུན་ཙ་མུན་ཏྲི་ཤག །ཨེ་རག་རྡེ་ཝ་ཤ་མོ་ཧ་མ་ན་ཨ་རེ་ཤ །སྐབས་ཀྱི་དབྲི་གཞུག་འཁྲུགས་དང་སྡེབ། །ཨ་ཨ་ཨ། ཨ་ནེ་ཨ་ནེ་ཨ་ནེ། དུ་ནེ་དུ་ནེ་དུ་ནེ། ལི་ལི་ལི། སྲ་བྱེད་གོ་ཆ་ལྟ་བུ་འདི། །འགྱུར་དང་ཀུན་སྡེབ་ཕྲལ་ལ་སྡེབ། །ཨི་ཨི་ཨི། དེ་བཞིན་ཀ་ལི་རྣམས་དང་ནི། །སྲ་བྱེད་གོ་ཆའི་སྔགས་ཡིན་ཏེ། །ལས་ཀྱི་སྐབས་དང་སྦྱར་བྱས་ལ། །ནུས་པ་ཅན་ཀུན་སྡེབ་པར་བྱ། །རྣོ་བ་མཚོན་ཆ་གང་ཞེ་ན། །རང་རང་དྲག་སྔགས་སྤུ་གྲིའམ། །པྲ་མ་ཡ་ཚོགས་རྣམ་བཞི་ལ། །རང་གཤེད་དབབ་པའི་སྔགས་བཞི་བཏགས། །བར་དུ་བསྒྲུབ་བྱའི་མཚམས་སྦྱོར་བ། །དེ་བཞིན་ཆུ་རྒོད་སྐྲུ་གྲིའོ། །ངར་བླུད་ཐར་བྱ་གང་ཞེ་ན། །མྱ་ར་ཡ་རྦད་མྱགས་ཐུམ་རིལ་རྦད། རཀ་ཏ་ཐིབས་ཙིསྟ་ཁས་ཀྲིན་མྱགས་རྦད་སོད། གང་རུང་དྲག་སྔགས་མཐའ་བསྒྱུར་སྡེབས། །མཐའ་རུ་སྐོས་འདེབས་གང་ཞེ་ན། །ཨུ་ནན་ཨུ་ནན་ཨུ་ནན། སྟམ་པ་ཡེ་ཀ་པ་ཡེ། བཛྲ་རག་ཤ་ཡག་ཤ །ཨུ་།་ཨུ་དུན་དུན། ཧྲི་ཧྲི་སི་ཧ་ས་རུ་མུན་ས་མ་ཡེ་ཐུམ་རིལ། དཔའ་བོ་ལོག་ཐེན་གང་ཞེ་ན། །ཤི་ཧེ་རུ་ཀ་བཛྲ་མ་ཧ་ཀྲོ་དྷ་ཙཎྜ་རོ་ཥ་ཎ། བཛྲ་ཀྲོ་དྷ་ཡ་མརྙ་ཀ་ཨ་ཀྲོ་ཧྲི་སྟི་རག་ཤ་བཛྲ། ས་མ་ཡ་མརྙ་ཀི་ལི། ཐུ༷་ཐུ༷་ཐུ༷། ཨེ་ཨེ་ཨེ། རྡི་རྡི་རྡི། ཛུ་ཛུ་ཛུ། ཀླད་གནོན་རྒྱལ་པོ་བཟློག་པ་དང་། །དེ་ཉིད་གནས་དང་བཟློག་པ་སྟེ། །འདི་གསུམ་གང་རུང་སྐབས་ལ་སྡེབ། །ནན་ནན་ནན། རྣམ་གསུམ་ཐུན་གསུམ་མཐའ་རུ་སྡེབས། །སྡེ་བརྒྱད་དྲེགས་པའི་སྔགས་རྒོད་ལ། །ཐུན་མོང་ཁྱད་པར་རྣམ་པ་གཉིས། །རང་བཞིན་འབེབས་པའི་སྐབས་དག་ཏུ། །རྣམ་པར་ཤེས་པའི་ཚོགས་བརྒྱད་དང་། །ཉོན་མོངས་དྲུག་དང་གཟུང་འཛིན་གཉིས། །དེ་ལས་དྲེགས་པ་བརྒྱད་ལངས་ཏེ། །དངོས་དང་བག་ཆགས་ཚུལ་གཉིས་ཀྱིས། །འབྱུང་བ་བཞི་ཡང་དབུགས་ཀྱིས་བརྒྱན། །ལུས་ངག་ཡིད་ཀྱི་རྩ་རྣམས་གཅོད། །ཀུན་གཞིའི་རྣམ་པར་ཤེས་པ་ལ། །ཞེ་སྡང་ལས་གྲུབ་གཤིན་རྗེ་ལངས། །ཡ་ལས་གྲུབ་སྟེ་ས་དང་ཤ །མ་ཡི་མཚོན་ཆས་རྩ་སྲོག་གཅོད། །ཡིད་ཀྱི་རྣམ་པར་ཤེས་པ་ལ། །ང་རྒྱལ་ལས་གྲུབ་བཙན་དུ་ལངས། །ར་ཏྲི་ལས་གྲུབ་དབུགས་ཀྱི་རྩ། །མྱགས་ཀྱི་མཚོན་ཆས་གཅོད་པར་བྱེད། །ལུས་ཀྱི་རྣམ་པར་ཤེས་པ་ལས། །འདོད་ཆགས་ལས་གྲུབ་མ་མོ་ལངས། །མ་ལས་གྲུབ་སྟེ་ཁྲག་དང་ཆུ། །ར་ཡི་མཚོན་ཆས་རྩ་སྲོག་གཅོད། །མིག་གི་རྣམ་པར་ཤེས་པ་ལས། །གཏི་མུག་རང་གྲུབ་བདུད་དུ་ལངས། །ན་དུན་ལས་གྲུབ་མེ་དང་དྲོད། །ཐུམགྱིམཚོནཆསརྩསྲོགགཅོད། །རྣ་བའི་རྣམ་པར་ཤེས་པ་ལས། །ཕྲག་དོག་རང་གྲུབ་རྒྱལ་པོ་ལངས། །ཙ་ལས་གྲུབ་སྟེ་དབུགས་དང་རླུད་། །རིལ་གྱི་མཚོན་ཆས་རྩ་སྲོག་གཅོད། །སྣ་ཡི་རྣམ་པར་ཤེས་པ་ལས། །ཐེ་ཚོམ་ལས་གྲུབ་སྲིན་པོ་ལངས། ཁྲ་ཤག་ལས་གྲུབ་ལུས་ཀྱི་རྩ། །རྦད་ཀྱིས་མཚོན་ཆས་གཅོད་པར་བྱེད། །ཉོན་མོངས་ཅན་གྱི་ཡིད་ལས་ཀྱང་། །འཛིན་པ་ལས་གྲུབ་རྨུ་རྒོད་ལངས། །ལ་ཏྲི་ལས་གྲུབ་ངག་གི་རྩ། །ཡ་ཡིས་མཚོན་ཆ་རྩ་སྲོག་གཅོད། །ལྕེ་ཡི་རྣམ་པར་ཤེས་པ་ལས བཟུང་བ་ལས་གྲུབ་ས་བདག་ལངས། །ན་བུན་ལས་གྲུབ་ཡིད་ཀྱི་རྩ། །རྦད་ཀྱིས་མཚོན་ཆས་རྩ་སྲོག་གཅོད། །དུག་ལྔ་ལ་སོགས་སྲོག་གཟུངས་ལ། །སྡེ་བརྒྱད་གཤེད་དུ་དབབ་པ་ཡིན། །གཞན་ཡང་ལུས་ཀྱི་གནད་བཞི་སྲ །འཐོམ་པ་གཤེད་ཆེན་བཞི་དབབ་སྟེ། །ཀླད་པ་གཏི་མུག་རྨོངས་པའི་གནས། །བྱོལ་སོང་རྒྱལ་པོ་འཐོམ་པའི་གཤེད། །རང་གཤེད་རང་ལ་ཕབ་པ་ཡིས། །ཀླད་རྩ་ཀུན་གཅང་མྱོས་རླམས་རྒྱལ། །མུན་ཁས་ཐིབས་ཧུབ་ལིང་དུན་རུ་ཏྲ་ཁྲག །ཀླད་ཁྲག་མྱོགས་བཱ་རྭ་ཡ་རྦད། མགྲིན་པ་ང་རྒྱལ་དྲེགས་པའི་གནས། །ལྷ་མིན་དབང་པོ་གསོད་པའི་གཤེད། །རང་གཤེད་རང་ལ་ཕབ་པ་ཡིས། །མགྲིན་རྩ་ངག་རྒྱུན་དབུགས་ལམ་གཅོད། ཁྲན་ཏྲི་ཨ་དེ་བྷ་ཧྲི་ཧེ་དུན་ཁྲག །མགྲིན་ཁྲག་མྱོགས་མུ་ར་ཡ་རྦད། སྙིང་ཁ་ཞེ་སྡང་ག་་པའི་གནས། །མི་རྒོད་ཤན་པ་སྲོག་གི་གཤེད། །རང་གཤེད་རང་ལ་ཕབ་པ་ཡིས། །དྭངས་མའི་རྩ་དང་སྲོག་རྟེན་བཅད། །ཙན་དྷ་རག་མ་ཧྭ་ཧ་ཡ་ཏི་ཁྲག །སྙིང་ཁྲག་བཱ་ར་ཡ་མྱོགས་རྦད། ལྟ་བ་འདོད་ཆགས་ཞེན་པའི་གནས། །དམྱལ་བའི་རྒྱལ་པོ་གསོད་པའི་བདུད། །རང་གཤེད་རང་ལ་ཕབ་པ་ཡིས། །སྲིད་པའི་རྟེན་རྩ་བཅད་ནས་ཀྱང་། །འཁོར་བ་རླུད་གི་ཀ་བ་བསྒྱེལ། །ར་ག་ཧུ་སྟི་མོན་ཏ་ཧབ་ཁྲབ། ལྟེ་ཁྲག་མྱོགས་མྱ་ར་ཡ་རྦད། དེ་དག་གདོད་ནས་རང་རང་ལ། །གནས་པ་རང་གྲུབ་རང་གཤེད་ཡིན། །གཞན་ཡང་སྲུང་གཟིར་སྡེབས་ཐུགས་ཐིགས། །གནོད་སྦྱིན་དབང་བསྡུ་འགུགས་པ་ཡིན། །ཨེ་ཨུ་ཀཁོ་ཡ༷་ཛ་ཡ༷་ཛ ཨེ་ཙ་ཙ་ཨ་ཡ༷་ཙ་ཙ་ཨ་ཏྲི་ཛ། གང་ཡིན་གནད་ནས་འགུགས་པར་བྱེད། །གནན་དང་བསྟིམ་པའི་དྲག་སྔགས་ནི། །སྟ༷་པ་ཡ་ནན་ཨུ་ནན་ཏ་ཨ། ཨ་ནན་ཏ་ཨ། རི་རབ་འོག་ཏུ་ཆུད་བཞིན་ནོ། །སྨྲ་བར་འདོད་པའི་དྲག་སྔགས་ནི། །བི་ཏ་ཡ་ཧ་ཧ་པྲ་མ་ཀ་ར་ས་ཏ་ཨ། སེམས་ལ་གང་ཡོད་མངོན་དུ་སྨྲ། །སྡོང་ཟླ་དབྱེ་བར་འདོད་པ་ན། །ཨེ་ཛ་ལ་ཕྱེ་ཨ་ཤག་ཕྱེ་ཁ༷་ཤག་ཕྱེ་པྲ་བེ་ཤེ་ཕྱེ། པྲ་ཙ་ལི་ཕཊ། སྡོང་ཟླ་སྣ་ཚོགས་འབྱེད་པར་ངེས། །དེ་ནས་གཟིར་བའི་སྡེབས་ཆེན་ནི། །གཟིར་དང་སྲོད་དབྲོག་སྦྱོར་བ་གཅད། །མཐའ་རུ་བསྒྲལ་བས་མིག་བཟློག་པའོ། །གཟིར་བ་ལ་ཡང་རྣམ་པ་བདུན། །གཟིར་བ་ཉིད་དང་གནན་པ་དང་། །མྱོས་དང་བརླམས་དང་བརྒྱལ་བ་དང་། །སྡུག་བསྔལ་མྱོང་དང་ཡིད་འཁྲུག་པའོ། །དེ་ནས་སྲོག་དབྲོག་དྲག་སྔགས་ལ། །རྣམ་པ་གསུམ་དང་ལྡན་པ་སྟེ། །རྣམ་ཤེས་དབྲོག་དང་བདའ་དབྲོག་དང་། །རང་གི་མཐུ་སྟོབས་དབྲོག་པའོ། །མཐའ་རུ་ལ་སྦྱོར་བཅད་པ་ལ། །རྣམ་པ་ལྔ་དང་ལྡན་པ་སྟེ། །ལས་བཅད་པ་དང་སྦྱོར་བ་བཅད། །དུག་གཅད་པ་དང་བསམ་རྒྱུད་གཅད། །རྣམ་པར་ཤེས་པའི་རྒྱུན་གཅད་པའོ། །ལོག་ནོན་བསྒྲལ་བས་ཕྱིས་མི་གདོན། །དེ་ཡང་གཉེན་པོས་གཟིར་བ་དང་། །རང་གནད་དྲག་པོས་གཟིར་བ་ཡིས། །ཙིསྟ་སྦུར་ནན། སྟ༷་པ་ཡ་ནན། མྱགས་ཐིབས་རོ་མྱགས་ནན། ཨུ་ནན་ཨེ་ནན་རི་རི་གཟིར། ཏྲིག་ནན་བིག་ནན། དུན་དུན་ཙིསྟ་དུན་སྙིང་ཁྲག་རྦད། ཤག་ཏི་ཁས་སྙིང་ལ་ཐིབས། དྷི་ཨུ་ཨུ་རི་རི། ཧ་ར་ཧ་ཛ་ཡ༷། ཧུར་ཐུམས་ཛ། ས་མ་ཡ་ཧྲི་སྟི་གསྟོ་ཁུག་དྲོངས་དུན་ཛ་ཧྲི། ཐུམ་རིལ་སྙིང་ལ་ཤག་རྦད། །རོ་མྱགས་ཨུ་ཤག་རྦད། རག་ཤག་ཙིསྟ་ཁྲག་རྦད། ཁམ་ཤག་རྦད། མ་ནུ་ཧ་ལ་ར༷་རྦད། ཐུམས་མྱགས་ཏྲིག་ཤག་མུ་ར་ཡ་རྦད་ཨེ། གོང་བཞིན་དྲག་སྔགས་བཞི་བརྒྱད་ཀྱིས། རང་གི་རྒྱུད་ལ་བསླང་བ་དང་། །བག་ཆགས་དྲག་སྔགས་མཚོན་ཆ་འདི། །རང་ལས་བྱུང་ཞིང་རང་ལས་གཅོད། །འདི་ཤེས་རང་གནད་གཟིར་བ་ཡིན། །དེ་མ་ཡིན་ན་གཉེན་པོས་གཟིར། །རང་གནད་གཉེན་པོའི་སྡེབས་སུ་བཤད། །གཞན་ཡང་གཟིར་བའི་སྔགས་སྡེབས་ནི། །དྲེགས་པ་རང་རང་སྡེས་འདུས་པ། །ཅིག་ལ་ཐམས་ཅད་ལྡོག་པར་འགྱུར། །དེ་ཡི་སྔགས་སྡེབས་འདི་ལྟ་སྟེ། །དང་པོ་གོ་ཆ་ཡན་ཆད་སྦྱར། །དེ་ནས་ཀྭ་ལིའི་ཚོགས་སྔགས་གཏང་། །རྗེས་སུ་གང་གནོན་མིང་དང་བརྡ། །དེ་འོག་དྲེགས་པ་ཕོ་མོ་ཡི། །རང་གི་རུས་རིགས་དྲག་སྔགས་སྦྱར། །དེ་མཐར་སྲོག་སྙིང་འབྲུ་ཏེ་བསྒྲང་། །ཨུ་ནན་ཐུམ་རིལ་ཛ་སྦུར་གཟིར་མྱགས་ཤག་སྙིང་ཁྲག་རྦད་རེ་བོ། འབྲུ་རེའི་བར་དུ་བརྟེམ་པར་བྱ། །དེ་འོག་དྲེགས་པ་རང་རང་སྔགས། །རྗེས་སུ་གང་ཡིན་ཐམས་ཅད་ཀྱི། །སྔགས་ཀྱི་རིགས་རྣམས་ཀུན་ཀྱང་བརྟགས། །མཐའ་རུ་ས་མ་ཡ་ཧྲི་སྟེ། །མུ་ར་ཡ་ཐུན་རྨུགས་ལིང་ཤག་དུམ་རྦད་ཛ། ཀུན་གྱི་མིང་ནས་གཏོན་ནས་ཀྱང་། །འདི་ཡིས་གཤེགས་མ་གྱིས་ལ་སྒྲོལ། །རང་ལ་གནོད་པའི་མིང་ནས་དབྱུང་། །བྱ་ནག་གཟན་ལ་འདུ་བཞིན་དུ། །རང་གི་རིགས་རྣམས་ཀུན་འདུལ་ཏེ། །གང་ཡིན་དེ་ཉིད་བརླག་པར་བྱེད། །དྲེགས་པ་རང་སྡེས་འདུལ་བ་ཡིན། །ཐུགས་སྡེབས་ཀྱི་སྐབས་ཏེ་བཅུ་པའོ།། །།དེ་ནས་དཔལ་ཆེན་རྒྱལ་པོ་དེས་འདི་སྐད་ཅེས་གསུངས་སོ། །གཞན་ཡང་དྲག་པོའི་གསང་སྡེབས་ནི། །རྣམ་པ་དྲུག་དང་ལྡན་པ་སྟེ། །དང་པོ་འཆི་མེད་དུས་ཀྱི་སྦྱོར་བ་བཟློག །རང་གི་གནོད་བྱེད་མཐའ་དག་གཟིར། །བར་དུ་མཁའ་འགྲོ་གཟན་ལ་དབབ། །སྔགས་ཀྱི་དུག་མདའ་ཁོང་དུ་བསྐྱལ། །ཐ་མ་རང་གཤེད་རྒྱུད་ལ་སླང་། །ལུས་སྲོག་རྩ་ཡི་ལམ་རྒྱུད་གཅད། །དེ་དག་སྡེབས་ཐབས་སྤྱིར་བསྟན་པ། །གང་ཡིན་གྲུང་གཟིར་དང་ལ་བཟླས། །བར་དུ་རྦད་སྔགས་ཟོར་ཐུན་སྔགས། །མཐའ་མར་གསད་པའི་དྲག་སྔགས་གསུམ། །ལྟོ་སྡེབས་སུམ་སྦྲེལ་བཟླས་པ་ཡིན། །ཁྱད་པར་འདི་ཉིད་སྡེབ་པའི་ཐབས། །སྔགས་ཀྱི་ཕྲ་ལྔ་རྫོགས་མཇུག་ཏུ། །བདག་ཉིད་གཟིར་བའི་དྲག་སྔགས་བཟླས། །དེ་ཡི་རྗེས་སུ་ཨུ་ཨེ་དྲུག །ཤི་མཉུ་བཛྲ་ཙཎྜ་མ་ཧ་ཀྲོ་དྷ་ཨ་ཀྲོ་ཏེ་ཀ་ཡ་མརྙ་ཀ་ཧྲི་ཏི་ཀྭ་ལ་རྭ་པ་བཛྲ་རག་ཤ་མ་ཧྭ་ཏྲི་ཏ་ཡ་མ་ཏྲི་མྱགས། དེ་རྗེས་བཅུ་བདུན་ལུབྲུལ་འཁོར་ལ། །ཀླང་གནོན་ཕོ་མོ་སྐུ་གསུང་ཐུགས། །ཡ་ཨ་ཧྲི། མ་ཧི་སྟི། མོན་ཏ་ནག་མོ་ཨརུ་རཀ་ཤ་རུ་ཐུམ། དེ་རྗེས་ད་ལ་ཡེ་ལ་སོགས། །ཡང་སྙིང་རྣམ་དྲུག་དེ་ལ་སྦྱར། །རྗེས་སུ་སྡེ་བརྒྱད་དྲག་སྔགས་ལ། །ཀྲོ་དྷི་ཤཱ་རི་ཡ། རག་མོ་མ་མ་དུ༷་ཤམ་དུ་མན། སྙིང་ཁ་རག་ཧྲིམ་ཤི་དེ་མ་་ག་རག་ཤ་རུ་ལུ་སྨྱོ། ལྷ་སྲིན་དྲག་སྔགས་ཟབ་མོས་སྦྱར། །དེ་རྗེས་འདོད་པའི་ཨ་མུ་ཀ །ཐུམ་རི་ལི་སྨྱོ། ཧྲིལྟི་ཁ་ལོང་ཉ་སྨྱོ། ཀ་ཡ་ཧྲི་ཏྲིན་མྱགས་སྣྲོ། བག་ཤ་ཐུམ་རིལ་སྲོག་ཁྱེར། ཙིསྟ་ཧབ་ཧབ་ཧྲི་ཤག་སྨྱོ། མརྙ་ཧ་ལ་ཙ་མ་ར། སྲོག་ཁྱེར་མྱ་ར་ཡ་སྦྱོ།ཧུབ་ལྡི་ས་མ་ཡ་སྨྱོ་ཡ། དེ་རྫས་རྩ་བར་སྡེབ་པ་ནི། །ཨེ་གསུམ་ཨུ་ནེ་དྲུག་ཨ་གསུམ། །སྐུ་གསུང་ཐུགས་ཀྱི་འབྲུ་དྲུག་དང་། །ཨ་ཀྲོ་ཏེ་ཀ་ཨེ་ཡརྙཀཨི། མཉུཤིཡེ། བཛྲརཀ་ཀ་ཤ་ཙཎྜཨེ། མ་ཧྭ་ཤི་ཏ་ཨེ། ཧྲི་སྟི་ཀྭ་ལ་རྭ་པ་ཨེ། ཧྲི་སྙི་ཀྭ་ལ་དུ་པ་ཨེ། ཡང་ན་རྣམ་གསུམ་རྩ་བ་མྲ །དོན་ལྔ་པ་ནི་སྡེབ་པར་བྱ། །དེ་ཡི་རྗེས་སུ་འདི་ཡང་སྡེག །མ་མ་ཤ་ཅུ༷་ཤ་སྙིང་རོ་བ༷་ཐུན་ཁ་རག་ཧྲི་ཤི་ཨ། ཨེ་ཀ་ཛ་ཏི་མ་མ་ཏྲཀ་རག་ཤ་སྙིང་ཁ་རག་ཨེ། མ་ཧི་ནག་མོ་རཀ་ཤ་ཙིཏཱ་སྲོག་ཐུམ་རིལ་ཨེ། མ་སྒག་སྲོག་ལ་ཧ༷་ཤམ། དེ་རྗེས་བཅུ་བདུན་གསང་སྐོར་སྡེབ། །དེ་འོག་སྡེ་བརྒྱད་དེ་བཞིན་སྡེབ། །བཛྲ་ཏྲག་ཤ་ཡ་མ་ཀར་མ་རོ་ཤ་ན། མོན་ཏ་ཀ་ལི་སྟི་ཤ་ཙན་དྷ། ཧྲི་སྟི་ཨ་པ་ཡེ། ཀ་པ་ཡེ། མུ་ཀ་ཡེ། ཀྭ་ལ་རྭ་པ་ནི་ཤ༷་ཀུ་སྲ ཨ་མུ་ཀ༷ །དེ་རྗེས་དྲེགས་པ་སྔགས་རྒོད་སྡེབ། །པྲ་མ་ཡ། མུར་ཙ་ཡ། རག་ཏ་ཙ་ར་ཡ། མུ་ར་ཡ། སིང་ང་ཡེ། བྱ་ཙ་ཡེ། ཙི་ཏྲ་ཡེ། བྲི་ཏ་ཡེ།ཧ་ལ་ཡེ། ཡ་མ་ཧུར་ཤག་སྙིང་ཁྲག་རྦུད། ཡ་མ་དུན་ཡ་མ་སྙིང་ལ་ཐིབས། །ཡ་མ་ཁ་ཁྲ༷་སྲོག་ཁུགས་དྲོངས། ཡ་མ་ཧྲི་ཧ་ས་མུན་ཁས་ཐུམས། །དེ་རྗེས་འཐོམ་པའི་པན་སྔགས་བཞི། །མཇུག་ཏུ་དྲི་ཧུར་ཐུམས་ཛ།སྲོག་ཐུམ་རིལ་རྩ་ཁྲག་རྨུགས་ཙིཀྟ་བྲེང་ཤག་མུ་ར་ཡ་རྦད། དྲི་ཧ་ར་ཧ་ར་དུན་ཁྲམ་རྦད་སོད། མཐའ་རུ་ལོག་ནོན་དྲག་སྔགས་སྦྱར། །འདི་ལ་བསྡེབ་ཐབས་མང་ཡོད་ཀྱང་། །འདི་བཞིན་དྲིལ་ལ་བརྡེག་པ་དང་། །ཉི་མ་བཞི་རུ་བསྐོར་བ་དང་། །སྤུ་གྲིས་ཁོང་དུ་གཅད་པ་དང་། །ཡེ་ཤེས་ལས་ལ་མངག་པ་དང་། །ཕྱི་ནང་གསང་བ་དགུ་ཕྱུགས་དང་། །གང་རུང་ང༷ན་སྔགས་འདི་ལ་སྡེབ། །སེར་བ་འབེབས་པའི་ལས་བྱེད་ན། །སྤྱི་དང་ཁྱད་པར་གཉིས་སུ་བཤད། །སྤྱི་ནི་སྔར་གྱི་སྡེབས་བཞིན་ལས། །རང་རང་གང་ཡིན་དྲག་སྔགས་ཀྱི། །འཇུག་ཏུ་འབྱུང་བ་ཆུ་རླུད་སྡེབ། །ཡ༷་ཧྲིལ་ཕྲོ་ཤར་དུ་ཕོབ། ཀུན་ལ་སྦྱར་བར་ཤེས་པར་བྱ། །ཁྱད་པར་འདི་ཉིད་སྡེབ་པ་ནི། །སྐྲུ་གྲིའི་དྲ༷ག་སྔགས་བསྒྱུར་བྱས་ལ། །སིང་ང་ཡེ། བྱ་ཙ་ཡེ། དུ་རུ་ཡེ། ཙི་ཏ་ཡེ། བྲི་ཏ་ཡེ། ཧ་ལ་ཡ། ཡ་མ་ཧུར་ཤག་ཐིབས་ཕྲོ༷་ཡམ་ཤ༷ར། ཡ་མ་དུན། ཧབ་དུད་ཁྲོ༷་ཡ༷་ཤར། ཡ་མ་ཁ་ཁྲ༷་ཀར་ཕྲོ༷་ཡམ་ཤར། ཡམཧྲེ་ཧྲི་ས་ཤུ་ཏི་ཕྲོ་ཡ༷་ཤར། ཆུ་དྲིལ་དག་གི་གནས་སྐབས་ཡིན། །ད་ལ་ཡེ། མ་ལེ་ཡེ། ཀྱི་ཕོ་ཡེ། ཧྲི་ཏ་ཡེ། མུ་ག་ཡེ། ཙཏྲ་ཡེ། ཐིབས་ཐིབས་ཕྲོ་ཧྲིལ་ཡམ་ཤར་ཕོབ། ཡུལ་འདིར་ཨུ་ནན་དྲག་ཏུ་ཕོབ། བཛྲ་ཡ་ག་ཤར་ཧུ་ལ་སི་སི་སྙིང་ཁྲག་ཧྲིལ་ཤར་དྲག་ཏུ་ཕོབ། དེ་བ་ར་ཙ་ཏྲི་སེར་བ་དུམ་ཧྲིལ་དྲག་ཏུ་ཕོབ་ཕོབ། ཐུག་ཕྲད་ཙན་ཐབས་དབབ་པ་ཡིན། །དེ་ཉིད་བཟློག་ཅིང་སྲུང་བ་ནི། །ས་མ་ཡ་བིག་ནན་སེར་བ་ཐུ༷་རིལ་ཏོ་ས་བ་ཏི་ཤ་ཡ།མོ་ཧ་ཀྟ་ཡ་ཡ་སྟ༷་པ་ཡ། ཤོ་ཤ་ཡ། ཤ་ཏྲུ༷་ནཱ་ཤ་ཡ་ཧཱུཾ༷་ཕཊ་ཧཱུཾ༷་ཕཊ། དྲག་པོ་སྔགས་རྒོད་སྡེབས་ཆེན་འདིས། །གང་ཡང་འགྲུབ་པར་གདོན་མི་ཟ། །སྔོན་དུ་དཔའ་བོ་སུམ་འབུམ་གདོན། །དེ་ནས་གསད་དབབ་ལས་ལ་སྦྱར། །སྲུང་དང་གཟིར་ལ་ཐུག་ཕྲད་ཡིན། །སྔགས་ཀྱི་ཀ་བ་བཞི་ཡང་གཟུགས། །འདི་ལ་སྟོང་ཚོ་གཉིས་བཞག་པ་ཡི། །སྐུ་གསུང་ཐུགས་དང་བཅུ་བདུན་པའོ། །སྐུ་དང་སྡེ་བརྒྱད་སྡེབས་པ་གསུམ། །འདི་ཡང་སྔགས་རྒོད་གྲོགས་སུ་འགྱུར། །དམ་ཚིག་སྡོམ་པ་འདི་ལྟར་སྲུང་། །ལྟ་བའི་དོན་རྟོགས་ཉམས་སྙིད་བསྒོ། །ཡི་དམ་ཕྱག་རྒྱ་གཏན་མི་སྤང་། །མཆོད་བསྟོད་འཕྲིན་ལས་རྒྱུན་མི་བཅད། །འདུས་བྱས་དགེ་རྩ་ཅི་ནུས་བྱ། །ལུང་ཉིད་འབོགས་པའི་དཔོན་ཉིད་ལ། །བཞེད་ན་སྙིང་ཡང་འབུལ་བར་བྱ། །དད་པ་སྐྱོ་ངས་མེད་པར་བསྐུར། །དབང་གི་རིམ་པ་བསྒྲོད་པར་བྱ། །གཏམ་མི་བྱ་ཞིང་ལམ་མི་གཟུར། །ཕྱག་མི་འཚལ་ཞིང་ཕྱག་རྒྱ་བསྟན། །འདི་དག་སྔགས་རྒོད་གྲོགས་སུ་འགྲོ། །ཁྱད་པར་གསང་བའི་སྡོམ་པ་ནི། །མར་གྱི་བརྒྱད་དང་བཅུ་གཉིས་དང་། །ཚེ་གཅིག་ཉ་དང་བཞི་པ་ལ། །རྣལ་འབྱོར་དྲི་ཆུས་ལུས་རྣམས་བཀྲུ། །དེ་ནས་ཚིལ་ཆེན་ཞེན་པར་བྱུག །མི་རྟ་ཁྱི་དང་མོན་པ་ཡི། །རཀྟའི་ཐིག་ལེ་ལུས་ལ་གདབ། །ཐལ་ཆེན་དག་གིས་དེ་བཞིན་བྱུག །བཞི་ཡི་སྙིང་གིས་འགུར་ཆུ་བྱ། །དབུ་སྐྲ་སྤྱི་གཙུག་སྦྲུལ་གྱིས་བརྒྱན། །སྐུ་ལ་ཞིང་ཆེན་གཡང་གཞི་གསོལ། །ཕྱག་གཡས་དུང་ཆེན་དམར་བཀང་བསྣམས། །གཡོན་པ་རཀ་ཤའི་འཕྲེང་བ་བགྲང་། །ཞལ་དུ་མི་ཤ་ཁྱི་ཤ་མུར། །དུར་ཁྲོད་གནས་སམ་དགོན་པའམ། །མཁའ་འགྲོ་གནོད་སྦྱིན་འདུ་སར་ཕྱིན། །ཚིལ་སྣ་བཅུ་གསུམ་གསུང་བཏང་ལ། །མཚན་ཕྱེད་ཁོར་ནར་སྔགས་བཟླས་ན། །དངོས་གྲུབ་སྣ་ཆོགས་དེ་ལས་འབྱུང་། །མཁའ་འགྲོ་འཇིག་རྟེན་དྲེགས་པ་ཡིས། །བདག་ཁུར་སྲུང་ཞིང་ཅི་བསྒོ་ཉན། །དྲག་སྔགས་ནུས་པ་སྣ་ཚོགས་འབུལ། །ཚེ་རིང་བདེ་བ་ཕུན་སུམ་ཚོགས། །མཐུ་སྟོབས་རྡོ་རྗེ་ཉིད་དང་མཉམ། །བརྟུལ་ཞུགས་ཅན་ལ་མཁའ་འགྲོ་མ། །ནམ་མཁའ་ས་འོག་གནས་པ་ཀུན། །སྦྱོར་བ་བདེ་བའི་མཆོད་པ་འབུལ། །སྒྲིབ་སྒྲོང་ཡོན་ཏན་བསམ་མི་ཁྱབ། །འཁོར་འདུས་བླ་མེད་འདས་པའི་འཇིག་རྟེན་པ། །ཕོ་དང་མོ་ཡི་ཆ་བཟུང་རྣམས། །གསང་སྡེབས་སྔགས་རྒོད་རྒྱུད་རྒྱལ་བསྟན། །མི་ནུབ་རྒྱལ་མཚན་ཚུགས་ལ་ཟུང་། །རང་གི་སྙིང་བཞིན་བརྣག་པར་གྱིས། །ནམ་ཞིག་དར་ན་འཇིག་རྟེན་ཕུང་། །ཡོན་ཏན་འབྱུང་བའི་གཏེར་ཆེན་ཡིན། །གསང་སྡེབས་དང་དམ་ཚིག་གཏད་པའི་སྐབས་ཏེ་བཅུ་གཅིག་པའོ།། །།རྫོགས་སོ།། །། རྒྱ་གར་སྐད་དུ། ཤི་ཡ་མརྙ་ཀ་ཨེ་མརྙ་ཙཀྲ་གུ་རྒྱ་ཀྲ་ཏྲ༷་ཏན་ཏྲ་ནཱ་མ། བོད་སྐད་དུ། དཔལ་གཤིན་རྗེ་དྲག་སྔགས་འཁོར་ལོ་གསང་བ་སྡེབས་ཀྱི་རྒྱུད་ཅེས་བྱ་བ། དཔལ་ཁྲོ་བོའི་