Ngb-pt-0618-vol-07-text
Front
Body
རྒྱ་གར་སྐད་དུ། བཛྲ་ཀི་ལྭ་ཡ་ཨསྣེ་ཀལྤ་ཛྲ་ལ་ཏནྟྲ་ནཱ་མ། བོད་སྐད་དུ། རྡོ་རྗེ་ཕུར་པ་བསྐལ་པ་མེ་ལྟར་འབར་བའི་རྒྱུད་ཅེས་བྱ་བ་བཅོམ་ལྡན་འདས་དཔལ་སྒྲོལ་བྱེད་ཀྱི་རྒྱལ་པོ་ལ་ཕྱག་འཚལ་ལོ།དཀྱིལ་འཁོར་གསུམ་གྱི་བདག་ཉིད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དཔལ་ངོ་བོ་ཀུན་གྱི་རྒྱལ་པོར་གནས་པ་དེ། རང་བཞིན་དབྱེར་མི་ཕྱེད་པའི་རྒྱལ་པོ་དེ་ནི།སྐུ་མདུན་དང་རྒྱབ་མེད་པར་ཐམས་ཅད་དུ་ཞལ་ཐལ་ལེ་བར་གསལ་བ། དེ་ཡུམ་དང་གཉིས་སུ་མེད་པར་བརྐྱང་བསྐུམ་གྱི་ཚུལ་དུ་བཞུགས་ཏེ། དྲག་པོ་མཐིང་ནག་འབར་བའི་གཞལ་ཡས་ཁང་། རྒྱ་ཕྱོགས་བཅུར་ཡོངས་སུ་མ་ཆད་པ། ཐོད་པ་འབར་བའི་རྩིག་པ་སྣ་ཚོགས་ཀྱིས་བརྩིགས་པ། ཐོད་པའི་རྒྱུ་ཞགས་དང་། རས་རོས་ཞིང་གི་དམ་དུམ་དང་། ཁྲོ་བག་གི་ལྷ་མོས་རབ་ཏུ་བརྒྱན་པ། སེར་དམར་གྱི་ཁྱམས་གཉིས་ཀྱིས་བསྐོར་བ། ཀུན་ནས་སྒོ་བཞིར་གྱུར་པ། སྙན་པའི་སྒྲ་སྒྲོགས་པའི་རྟགས་སུ་དྲིལ་བུ་གཡེར་ཁ་དང་། ཁྲག་གི་ཞམ་ཆུ་འབབ་པ་ན། བཛྲ་འདུས་པ་དང་། བུད་དྷ་འདུས་པ་དང་། ར་དན་འདུས་པ་དང་། པདྨ་འདུས་པ་དང་། ཀརྨ་འདུས་པ་དང་། དེ་ཡང་རང་རང་གི་འཁོར་སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ་མོ་དང་། སྤྲུལ་པ་དང་། ཡང་སྤྲུལ་ལ་སོགས་པ། དབང་ཕྱུག་མ་དང་། མ་བདུན་སྲིང་བཞི་དང་།བསེའི་སྐྱེས་བུ་གདུག་པ་ཅན་དང་། མོན་པ་ཕོ་མོ་དང་། ཤྭ་ན་མ་དང་། ས་བདག་ཆེན་མོ་དང་། བདག་ཉིད་ཆེན་མོ་ལ་སོགས་ཏེ། བདུད་ཕོ་མོ་དང་། སྲིན་པོ་དང་། ཡག་ཤ་དང་། དྲི་ཟ་དང་། དྲེད་མོ་ལག་རྡེབས་དང་། འཕར་བ་རྐང་ལྡིག་དང་། བཞད་དང་འུག་པ་ལ་སོགས་པ་བསམ་གྱིས་མི་ཁྱབ་པའི་འཁོར་དང་ཐབས་གཅིག་གོ །དེ་ནས་རང་བཞིན་གཟུགས་བརྙན་དཀྱིལ་འཁོར་ཀུན། །བདེ་གཤེགས་རྒྱལ་བ་ཐུགས་ཀྱི་གཏེར། །འཁོར་ཚོགས་མ་ལུས་བསམ་ཡས་ཀུན། །རང་བཞིན་ཉིད་དེ་ཀུན་ཏུ་གཅིག །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་སྒྲོལ་བྱེད་ཀྱི་རྒྱལ་པོ་དེས། མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་ནས། །ཡུམ་གྱིས་འདི་སྐད་ཅེས་གསུངས་སོ། །ཕྱོགས་བཅུ་རྒྱས་པ་ཐམས་ཅད་ཀུན། །རང་བཞིན་གཅིག་ལས་མི་གཉིས་ཀྱང་། །བྱང་ཆུབ་སེམས་ཀྱིས་རོལ་པ་ལས། །མོས་དབང་ཕྱག་རྒྱ་སྣ་ཚོགས་སྣང་། །གསང་ཆེན་གསང་བ་གསང་བའི་མཆོག །ཀུན་ནས་དམ་བ་མ་ལུས་ཀུན། །འཁོར་ཚོགས་ཀུན་ལ་རབ་ཏུ་བསྐུར། །ཞེས་གསུངས་ནས་གཉིས་སུ་མེད་པར་གྱུར་ཏོ། །དེ་ནས་ཡང་ཡབ་ཀྱིས་འདི་སྐད་ཅེས་གསུངས་སོ། །རྒྱལ་བ་ཀུན་ནས་རབ་བརྒྱུད་པའི། །དབང་མཆོག་མ་ལུས་ཐམས་ཅད་ཀུན། །ཀུན་ནས་ཁྱེད་ལ་རབ་ཏུ་སྤྱིན། །ཕྱི་དང་ནང་དང་གསང་བ་ཡི། །རྒྱལ་བ་མ་ལུས་ཐམས་ཅད་ལ། །དགོངས་པའི་བཅུད་འདུས་འདི་ལས་མེད། །རྟོགས་ནས་གཞན་ལ་སྨྲ་བྱེད་པ། །དེ་ཉིད་ང་ཡང་ཡིན་ཏེ་དབང་རྣམས་ཀྱི་མཆོག །ཅེས་གསུངས་ནས། གཉིས་སུ་མེད་པར་གྱུར་ཏོ། །དེ་ནས་འཁོར་གྱི་གཙོ་བོ་རྡོ་རྗེ་སེམས་དཔའ་སྟན་ལས་ལངས་ནས། འདི་སྐད་ཅེས་ཞུས་སོ། །ཨེ་མ་ཧོ་སྒྲོལ་བྱེད་ཀྱི་རྒྱལ་པོ། །བདེ་གཤེགས་ཀུན་གྱི་རྒྱུད་ཆེན་འདི། །ཞལ་བཞེས་དབང་བསྐུར་གནང་བ་ཆེ། །དབང་བསྐུར་བྱིན་བརླབས་ངོ་མཚར་རོ། །དུས་གསུམ་རྒྱལ་བ་ཀུན་གྱིས་ཀྱང་། །འབྱུང་བའི་ངེས་དོན་འདི་ལས་མེད། །ཐམས་ཅད་མ་ལུས་འབྱུང་བའི་གཏེར། །དབང་མཆོག་དམ་པ་ཨ་ལ་ལ། །ཀུན་འབྱུང་དཀྱིལ་འཁོར་ཨ་ལ་ལ། མ་དག་ལོག་ལྟ་ཇི་ལྟར་བསྒྲལ། །འཕྲིན་ལས་རོལ་པ་ཇི་ལྟར་འབྱུང་། །རྣལ་འབྱོར་གྲོལ་ལམ་ཇི་ལྟར་བསྒྲུབ། །བསྙེན་བསྒྲུབ་རྣམ་པ་ཇི་ལྟར་ལགས། །སྔགས་དྲུག་རྣམ་པ་དུ་རུ་འགྱུར། །ཉོན་མོངས་བདུད་ནི་གང་གིས་གཞོམ། །མི་ཤིགས་གཡུང་དྲུང་ཇི་ལྟར་བསྟེན། །རྒྱལ་པོའི་དགོངས་པ་མ་ལུས་ཀུན། །གང་དུ་ངེས་པར་འབྱུང་བར་འགྱུར། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། གླེང་བླང་བའི་ལེའུ་སྟེ་གཉིས་པའོ།། །།དེ་ནས་བཅོམ་ལྡན་འདས་སྒྲོལ་བྱེད་ཀྱི་རྒྱལ་པོས་བཀའ་སྩལ་པ། ཉོན་ཅིག་རྡོ་རྗེ་སེམས་དཔའ་ཁྱོད། །ངས་གསུངས་པ་ལ་གདོན་མི་ཟ། །འདས་པའི་དུས་ན་སྔོན་བྱུང་ལྟར། །ང་འདས་གང་གིས་བསྟན་པ་ལ། །མ་དག་དུ་ཏྲ་བྱུང་གནས་པས། །དུས་གསུམ་བདེ་གཤེགས་མ་ལུས་ཀུན། །བསྐུལ་བའི་ས་ལ་རབ་བཞེངས་ནས། །བཀའ་བགྲོས་རྒྱལ་བས་འདི་ལྷར་བགྲོས། །བཅོམ་ལྡན་འདས་ཁྲག་འཐུང་གི་སྙིང་པོས་བགྲོས་པ། ཀྱེ་འདུས་པའི་ཚོགས་ཆེན་དག །འདས་པའི་དུས་ན་སྔོན་བྱུང་ལྟར། །ད་ལྟར་དུས་འདིར་འབྱུང་བ་སྟེ། །དེ་བཞིན་གཤེགས་པའི་གསུང་རབ་ལས། །བདག་ཉིད་ཆེན་པོ་རྟབ་པ་ཡི། །ཁྲོ་བོ་ཆེན་པོའི་ཚུལ་དུ་སྔོན་བྱུང་བས། །དེ་ཚེ་སེམས་ཅན་ཐམས་ཅད་ཀུན། ཁེན་ཏུ་ཁྲོས་དྲག་ག་་པར་འགྱུར། ཤེན་ཏུ་ཁྲོས་དྲག་གཏུམ་པ་ཡིས། །འོ་དོད་འབོད་བར་ལྟུང་བར་འགྱུར། །མི་བཟད་ཆེན་པོའི་སྡུག་བསྔལ་ཏེ། །དུག་གསུམ་མཐའ་ལ་མངོན་ཞེན་པའི། །ཇི་ལྟ་བུ་ཡི་ཐབས་ཀྱིས་འདུལ། །ཅེས་བསྒྲགས་སོ། །བཅོམ་ལྡན་འདས་གཏི་མུག་ཆེན་པོའི་ཚོགས་ཀྱིས་བགྲོས་པ། ཤིན་ཏུ་དུག་བའི་སེམས་ཅན་དེ། །ཇི་ལྟར་དེ་དག་གཞིག་འགྱུར་ན། །བག་ཆགས་ངན་པའི་ཆུ་རླབས་ཀྱིས། །བདུད་ཀྱི་ཚོགས་རྣམས་མངོན་འཕེལ་ནས། །རིག་པ་འཛིན་པའི་རྒྱུན་གཅོད་ཅིང་། །བསྟན་པའི་གསུང་རབ་འཇིག་པར་འགྱུར། །དེ་ཚེ་ལས་ཀྱིས་བསྒྲུབས་པ་ཡིས། །འགྲོ་བ་མ་རིག་མུན་པར་འ་ས། །དུག་ནད་རིམས་ནད་འཕྲ་མེན་མ། །གནོད་སྤྱིན་གདོན་དང་ལོག་འདྲེན་ཉིད། །སྲིད་པ་གསུམ་པོ་འཇིག་བྱེད་ཅིང་། །དམ་ཚིག་གཉན་པོ་འདྲལ་བྱེད་པ། །ཇི་ལྟ་བུ་ཡི་ཐབས་ཀྱིས་འདུལ། །ཅེས་བགྲོས་སོ། །བཅོམ་ལྡན་འདས་ང་རྒྱལ་ཆེན་པོའི་ཚོགས་ཀྱིས་བགྲོས་པ། འདས་པའི་དུས་ན་སྔོན་བྱུང་བ། །ལས་ཀྱིས་འདུལ་བའི་རུ་དྲ་དེ། །རྒྱལ་བ་འདས་པའི་སྦྱོར་བ་ཡིས། །ཇི་ལྟར་ཁྲོ་དྲག་གཏུམ་པ་ལྟར། །ད་ལྟ་འདི་ཚེ་བྱུང་བ་ཡིན། །དུག་གསུམ་བརྩེགས་པའི་རི་བོ་འདི། །འབར་འཕྲོ་ཞབྲུག་པའི་སྦྱོར་བ་ཡིས། །ཇི་ལྟར་འཚམ་པ་བཞིན་དུ་འོས། །སངས་རྒྱས་ཐམས་ཅད་འདུས་ནས་ཀྱང་། །ཁྲོས་བའི་སྤྲིན་ནག་གཏིབས་པ་ཡི། །འཐུན་སྦྱོད་རོལ་པའི་སྟོབས་ཆེན་གྱིས། །འཁོར་བ་བསྒྲལ་བའི་དུས་ལ་བབ། །ཅེས་བགྲོས་སོ། །བཅོམ་ལྡན་འདས་ཆགས་པ་ཆེན་པོའི་ཚོགས་ཀྱིས་བགྲོས་པ། །ཤིན་ཏུ་གདུག་ཅིང་ག་་པ་ལས། །ཞི་བས་ཕན་པར་མི་འགྱུར་ཏེ། ཁེས་རབ་ཐབས་ཀྱི་ངོ་བོ་ལས། །ཁྲོ་བོ་དེ་བཞིན་གཤེགས་ཀུན་མཛད། །ཁྲོ་བོའི་ཚུལ་ཅན་ཁྲོས་པས་ཀྱང་། །འཇིག་རྟེན་གསུམ་དག་སྲེག་བྱེད་ན། །སངས་རྒྱས་ཐུགས་རྗེ་ཁྲོས་པ་ཡིས། ཁམས་གསུམ་མ་ལུས་སྨོས་ཅི་དགོས། །ཞེས་བགྲོས་སོ། །བཅོམ་ལྡན་འདས་ཕྲག་དོག་ཆེན་པོའི་ཚོགས་ཀྱིས་བགྲོས་པ། །རང་བཞིན་དག་པའི་ངོ་བོ་ལས། །ལོག་རྟོག་ཕྱིན་ཅི་ལོག་གིས་བཅིངས། །དངོས་པོ་རང་ཁར་ཞེན་པ་ཡིས། །འདུལ་དཀའ་མ་ལུས་འདུལ་པ་དང་། །དམ་ཚིག་ལ་སྡང་རྣམ་སྦྱང་ཕྱིར། །དུར་ཁྲོད་གར་གྱི་ཕྱག་རྒྱར་མཛོད། །ཅེས་བགྲོས་སོ། །ཕུར་བ་བསྐལ་པ་མེ་ལྟར་འབར་བའི་རྒྱུད་ལས། ཐུགས་རྗེ་ཆེན་པོའི་འཕྲིན་ལས་ཀྱིས་བཀའི་མོལ་བ་མཛད་པའི་ལེའུ་སྟེ་གསུམ་པའོ།། །།དེ་ནས་ཡང་ཀར་མ་ཧེ་རུ་ཀས། །སྒྲོལ་བྱེད་ཀྱི་རྒྱལ་པོ་ལ་འདི་སྐད་ཅེས་ཞུས་སོ། །རུ་དྲའི་རྒྱུ་ནི་ཅི་ལས་བྱུང་། །རུ་དྲ་རྣམ་པ་དུ་ཞིག་མཆིས། །བསྒྲལ་བའི་ཐབས་ནི་ཇི་ལྟ་ལགས། །ཞེས་ཞུས་པས། ཀི་ལ་ཡ་ཡིས་བཀའ་སྩལ་པ། །རྒྱུ་ནི་འཛིན་རྟོག་གཉིས་ལས་བྱུང་། །གྲངས་ནི་རྣམ་པ་གསུམ་ཡིན་ཏེ། །ཕྱི་ཡི་ཡུལ་དུ་སྣང་བ་སྟེ། །མཚན་མར་འཛིན་ཅིང་དངོས་པོར་འཛིན། །འགྱུར་མེད་འདོད་ཁམས་དག་ན་རྟག་ཏུ་གནས། །དྲང་སྲོང་ཆེན་པོ་རྣམས་ལ་རྟག་བར་བར་དུ་གཅོད། །འདི་ནི་མ་ཏང་ཀའི་རུ་དྲར་བཤད། །ནང་གི་སེམས་དང་གཟུང་འཛིན་གཉིས་སུ་མེད་པ་ལས། །གཟུང་འཛིན་རྣམ་རྟོག་དག་ལས་གྱེས་པ་སྟེ། །བཅུད་ཀྱི་སེམས་ཅན་འཇིག་རྟེན་སྲིད་ལ་གནས། །གཟུགས་ཁམས་ཀུན་ལ་གནས་པ་སྟེ། །ལྷ་རྣམས་ཀུན་ལ་བར་ཆོད་བྱེད། །འདི་ནི་ཁ་ཊ་ཀའི་རུ་དྲར་བཤད། །ཆོས་རྣམས་ཐམས་ཅད་རྒྱུ་འབྲས་ལེན་མེད་ཅིང་། །འདི་ནི་ནམ་མཁའ་ཁྱབ་བར་གནས། །འདི་ནི་ཨ་ཀར་ཤ་ཡི་རུ་དྲར་བཤད། །འདི་ནི་དབང་ཕྱུག་ཀུན་ལ་གནོད་པར་བྱེད། །དེ་ཉིད་བསྒྲལ་བའི་ཐབས་བསྟན་པ། །ཕྱག་རྒྱ་ཆེན་པོ་བཞི་དང་ལྡན་བྱས་ནས། །མ་ཏང་ཙིསྟ་འདྲེན་པ་སྟེ། །ཨོ་བཛྲ་ཀི་ལི་ཀི་ལྭ་ཡ། ཀྲོ་དྷི་ཤྭ་རི་སྟུ༷། མ་ཏྲ་ཀ་རུ་ཏྲ་ཧ་ན་ཧ་ན་ཧཱུཾ༷་ཕཊ། མ་ཏྲ༷་ཀའི་རུ་དྲའི་ཁོག་པའི་ནང་དུ་ནི། །སྔ་མའི་གཞལ་ཡས་ཁང་བསྐྱེད་དེ། །སྒྲོལ་བྱེད་ཡབ་ཡུམ་བསྒོམས་ནས་ཀྱང་། །རྡོ་རྗེ་ལུ་གུ་རྒྱུད་བསམས་ནས། །ཕྱོགས་བཞི་མཚམས་བཞིར་བསྐོར་ནས་ཀྱང་། །རྟོག་ཚོགས་དཀྱིལ་འཁོར་ལྷ་རུ་གསལ། །ཏ་ཐ་མ་ཐ་ཧ་ཧ༷་དབྱེ་བ་ནི་ཏྲ་ཏྲ་བཤད་བགད་ཅེས་བཀའ་སྩལ་ཏོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། །རུ་ཏྲ་བསྒྲལ་བའི་ལེའུ་སྟེ་བཞི་པའོ།། །།དེ་ནས་ཡང་ཀར་མ་ཧེ་རུ་ཀས། སྒྲོལ་བྱེད་ཀྱི་རྒྱལ་པོ་ལ་འདི་སྐད་ཅེས་ཞུས་སོ། །རིགས་ཀྱི་བསྒྲུབ་པ་ཇི་ལྟར་ལགས། །ཀི་ལ་ཡ་ལ་བདག་ཉན་འཚལ། །སྐྲོལ་བྱེད་རྒྱལ་པོས་བཀའ་སྩལ་པ། །དཀྱིལ་འཁོར་འཁོར་ལོ་རྩིབས་བཞི་ལ། །དབུས་སུ་གྲུ་གསུམ་ཨེ་ཡི་གནས། །ཟླ་ཁམ་མུ་ཁྱུད་ཐོད་པས་བསྐྱོར། །དབུས་སུ་སྒྲོལ་བྱེད་རྒྱལ་པོ་ཉིད། །ཤར་དུ་བུརྙ་ཧེ་རུ་ཀ །ལྷོ་རུ་རད་ན་ཧེ་རུ་ཀ །ནུབ་ཏུ་པདྨ་ཧེ་རུ་ཀ །བྱང་དུ་ཀར་མ་ཧེ་རུ་ཀ །དབུ་གསུམ་ཕྱག་ཀྱང་དྲུག་པ་སྟེ། །ཞབས་ནི་རྣམ་པ་བཞི་རུ་བགྲད། །ཁྱུ་མཆོག་མ་ཧེ་སྟག་དང་གཟིག །གཏུམ་དོམ་དབང་ཕྱུག་ལྷ་ཆེན་གདན་ལ་བཞུགས། །དུར་ཁྲོད་ཆས་རྣམས་ཀུན་གྱིས་བརྒྱན། །དཔའ་དང་སྒེག་དང་འཇིགས་སུ་རུང་། །རང་རེ་ལག་ཆ་སྣ་ཚོགས་དང་། །རལ་གྲི་དགྲ་སྟ་གཤོལ་ལ་སོགས། །སྟོང་གི་ཁོར་ཡུག་འཇིག་རྟེན་བཅས། །ཞི་རྒྱས་དབང་དང་དྲག་པོ་ཡི། །རང་རང་མདོག་གིས་རྣམ་པར་བརྒྱན། །རིགས་ནི་རྣམ་པ་ལྔ་ཉིད་དེ། །རིགས་ཀྱི་བསྒྲུབས་པ་དེ་འགྱུར་རོ། །ཨོ་བཛྲ་ཤི་ཧེ་རུ་ཀ །ཨོ༷་བུརྙ་ཤི་ཧེ་རུ་ཀ །ཨོ་རད་ན་ཤི་ཧེ་རུ་ཀ ཨོ་སྨདཤི་ཧེ་རུ་ཀ །ཨོ་ཀར་མ་ཤི་ཧེ་རུ་ཀ །སྐུ་བསྐྱེད་རྩ་བའི་སྔགས་ཉིད་དོ། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། རིགས་ཀྱི་བསྒྲུབ་པའི་ལེའུ་སྟེ་ལྔ་པའོ།། །།དེ་ནས་བཅོམ་ལྡན་འདས་དཔལ་སྒྲོལ་བྱེད་རྒྱལ་པོ་དེས་འཕྲིན་ལས་རྣམ་པར་རོལ་བའི་ཏིང་ངེ་འཛིན་ལ་ཞུགས་ནས། འདི་དག་བཀའ་སྩལ་ཏོ། །རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །སྙིང་གི་དཀྱིལ་དུ་བསྒོམ་པར་བྱ། །སྙིང་རྗེས་བསྒྲལ་བའི་དམ་ཚིག་ནི། །གསད་ཅིང་བཅད་པ་མ་ཡིན་ཏེ། །ཕུང་པོ་རྡོ་རྗེ་གཏམས་བྱས་ནས། །རྣམ་པར་ཤེས་པ་རྡོ་རྗེ་བསྒོམ། །ཨོ་བཛྲ་ཀི་ལི་ཀི་ལྭ་ཡ། སརྦ་བིབྷ་ནན་བ༷་ཧཱུཾ༷་ཕཊ། ཨོ་བཛྲ་ཀྲོ་དྷ་ཧཱུཾ༷་ཀྭ་ར་ཧཱུཾ༷་ཕཊ། ཀྲོ་དྷི་ཤྭ་རི་ཤ་ཡ་ཏི་ཧཱུཾ༷་ཕཊ། ཨོ་བཛྲ་ཨུ་ཀ་ར་མུ་ཀ་ཧཱུཾ༷་ཕཊ། ཨོ་བཛྲ་ཧ་མུ་ཀ་མུ་ཁ་ཧཱུཾ༷་ཕཊ། ཨོ༷་བཛྲ་ཀྲོ་དྷ་བི་ཛ་ཡ་ཧཱུཾ༷་ཕཊ། ཀྲོ་དྷི་ཤྭ་རི་ལྭ་སེ་ཀི་ཧཱུཾ༷་ཕཊ། ཨོ༷་བཛྲ་བྱ་གྲི་མུ་ཁ་ཧཱུཾ༷། ཨོ་བཛྲ་ཀྲི་ཏ་མུ་ཁ་ཧཱུཾ༷། ཨོ་བཛྲ་ཀྲོ་དྷ་ནི་ལ་དན་ཌ་ཧཱུཾ༷་ཕཊ། ཀྲོ་དྷི་ཤྭ་རི་བྲ་ཏི་ཛ་ཡ་ཧཱུཾ༷་ཕཊ། ཨོ་བཛྲ་ཙ་སར་མུ་ཁ་ཧཱུཾ༷། ཨོ་བཛྲ་ཁ་ཀ་མུ་ཁ་ཧཱུཾ༷། ཨོ་བཛྲ་ཀྲོ་དྷ་ཡ་མན་ཏ་ཀ་ཧཱུཾ༷་ཕཊ། ཀྲོ་དྷི་ཤྭ་རི་ཏ་ན་པ་ཏི་ཧཱུཾ༷་ཕཊ། ཨོ་བཛྲ་ཧ་རི་མུ་ཁ་ཧཱུཾ༷། ཨོ་བཛྲ་ཧཱུཾ༷་ལུ་ཀུ་མུ་ཁ་ཧཱུཾ༷། ཨོ་བཛྲ་ཀྲོ་དྷ་ཨུབྱ་ཨ་ཙ་ལ་ཧཱུཾ༷། ཀྲོ་དྷི་ཤཱ་རི་མུ་ཧ་ལ་ཧཱུཾ༷་ཕཊ། ཨོ་བཛྲ་བྱ་ཀྲི་མུ་ཀ་ཧཱུཾ༷། ཨོ་བཛྲ་པ་ཡ་ཏི་མུ་ཀ་ཧཱུཾ༷། ཨོ༷་བཛྲ་ཀྲོ་དྷ་ཧ་ཡ་༷གྲི་བ་ཧཱུཾ༷་ཕཊ། ཀྲོ་དྷི་ཤྭ་རི་ཙན་དྷ་རེ་བ་ཡ་ཏི་ཧཱུཾ༷་ཕཊ། ཨོ་བཛྲ་ཙན་ཌ་ལི་༷མུ་ཁ་ཧཱུཾ༷། ཨོ་བག་ཤ་ཀ་མུ༷་ཁ་ཧཱུཾ༷། ཨོ་བཛྲ་ཀྲོ་དྷ་ཨ་བ་ར་ཛི་ཏ་ཧཱུཾ༷། ཀྲོ་དྷི་ཤཱ་རི་ཤ་ཡ་བྱ་ཧཱུཾ༷་ཕཊ། ཨོ༷་བཛྲ་ཤྭ་ན་མུ་ཁ་ཧཱུཾ༷། ཨོ་བཛྲ་སུ་ཀ་མུ་ཀ་ཧཱུཾ༷། ཨོ་བཛྲ་ཀྲོ་དྷ་ཨ་མྲི་ཏ་ཀུ་ཎྜལི་ཧུ༷་ཕཊ། ཀྲོ་དྷི་ཤྭ་རི་བ་ཡ་མ་ཧི་ཧུ༷་ཕཊ། ཨོ་བཛྲ་སིང་ཧ་མུ་ཁ་ཧྭ༷། ཨོ་བཛྲ་ཏི་ཏི་ལ་མུ་ཁ་ཧུ༷། ཨོ་བཛྲ་ཀྲོ་དྷ་ཏི་ལོ་ཀྱ་བི་ཛ་ཡ་ཧུ༷་ཕཊ། ཨོ་བཛྲ་ཀྲོ་དྷ་ཤ་རི་མ་ར་ན་ཧཱུཾ༷་ཕཊ། ཨོ༷་བཛྲ་ངག་ཤི་མུ་ཁ་ཧཱུཾ༷། ཨོ་བཛྲ་ནི་ཀུ་ལ་མུ་ཁ་ཧཱུཾ༷། ཨོ་བཛྲ་ཀྲོ་དྷ་མ་ཧྭ་བ་ལ་ཧཱུཾ༷་ཕཊ། ཀྲོ་དྷི་ཤྭ་རི་ཙུན་དྷ་མུ་ནེ་ཧཱུཾ་ཕཊ། ཨོ་བཛྲ་རིག་ཤ་མུ་ཀ་ཧཱུཾ༷།ཨོ་བཛྲ་ཀ་སི་ཀ་མུ་ཁ་ཧཱུཾ༷། ཨོ༷་བཛྲ་བག་ཤི་མུ་ཁ་ཧཱུཾ༷་ཕཊ། ཨོ་བཛྲ་བར་བེ་ཧཱུཾ༷་ཕཊ། ཨོ༷་བཛྲ་ཨ་མྲི་ཏ་ཧཱུཾ༷་ཕཊ། ཨོ་བཛྲ་མུ་ར་ན་ཧཱུཾ༷་ཕཊ། རྡོ་རྗེ་གཤོན་ནུའི་རིགས་འཛིན་རྣམས། །སྲིད་པ་རྡོ་རྗེ་སྒྲུབས་མཛོད་ཅིག །སྲིད་པ་རྡོ་རྗེ་ཕུར་བའི་ལྷ། །ཡེ་ཤེས་ཁྲོ་བོ་གྲུབ་བར་མཛོད། །སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་ཟད་པ། །སྐུ་ཡི་དབྱིག་ཏུ་བདག་སྐྱེད་ཅིག །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་འཕྲིན་ལས་རྫོགས་མཛད་ནས། །དབང་དང་དངོས་གྲུབ་བདག་སྩོལ་ཅིག །སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས། །སྐྱེ་བའི་ཆོ་འཕྲུལ་འབར་བའི་སྐུར་སྟོན་པ། །ཕྱོགས་བཅུའི་རྒྱལ་བ་ཡབ་ཡུམ་ཐམས་ཅད་ཀུན། །གཉིས་མེད་རོལ་བའི་སྲས་མཆོག་ཀི་ལྭ་ཀ་ཡ། །བདུད་འདུལ་མཐུ་ཆེན་ཁྲོ་རྒྱལ་ཡབ་ཡུམ་བཅུ། །ཕོ་ཉ་ཡང་སྤྲུལ་ཕྲ་ཐབས་འཁོར་དང་བཅས། །རྡོ་རྗེ་ཕུར་བུའི་འཕྲིན་ལས་བསྒྲུབ་པའི་ཕྱིར། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །ཨོ༷་བཛྲ་ས་མ་ཡ་ཛ། སྲིད་པའི་ཕུར་བུ་བསྒྲུབ་པ་དང་། །དབང་དང་དངོས་གྲུབ་བླང་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང་། །རྟགས་དང་མཚན་མ་བསྟན་པ་དང་། །ཀི་ལ་ཡ་ཡི་དངོས་གྲུབ་གསོལ། །ཨེ་རྒྱེ་ཧི་བྷ་ག་བན་མ་ཧྭ་ཀ་རུ་ནི་ཏྲི་ཤ་ཧོ། ཛ་ཧོ༷་བེ་ཧོ། བཛྲ་ཨ༷་ཀུ་ཤ་ཛ། བཛྲ་བཱ་ཤ་ཧཱུཾ༷། བཛྲ་སྤྲོ་ཊ་བ༷། བཛྲ་བྷ་ཎྜ་ཧོ། ཀྭ་ཡ་བཱཀ་ཙིལྟི་ཏིཛི་བཛྲ། སྲིད་གསུམ་གདུག་པ་འདུལ་བ་དང་། །ང་རྒྱལ་དྲེགས་པ་གཞོམ་པའི་ཕྱིར། །རྡོ་རྗེ་སྲིན་པོ་འཁོར་བཅས་ལ། །སྣྲི་གཅིག་ཡིད་ཀྱིས་ཕྱག་འཚལ་ལོ། །ཨ་ཏི་པུ་ཧོ། ཨོ༷་སརྦ་ཏ་ཐུ་ག་ཏ་ད་བན་ད་ནང་ཀ་རོ་མི། མ་ཧྭ་ཡོ་གི་ནི། ཨ་ཏི་པུ་ཧོ། པྲ་ཏི་ཛ་ཧོ། རྒྱལ་བ་ཀུན་ལ་མཉེས་བྱའི་ཕྱིར། །མཆོད་པ་མ་ལུས་ཀུན་སྒྲོའོ། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། འཕྲིན་ལས་རོལ་བའི་ལེའུ་སྟེ་དྲུག་པའོ།། །།དེ་ནས་ཡང་སྒྲོལ་བྱེད་རྒྱལ་པོས། བདུད་རྩི་ངེས་པར་འཛིན་པའི་ས་མུ་དྷི་ལ་སྙོམས་པར་ཞུགས་ནས། འདི་དག་བཀའ་སྩལ་ཏོ། །བདུད་རྩི་འབྱུང་བའི་རྒྱུ་ནི་ཡབ་ཡུམ་མཁའ། །བདུད་རྩི་བསྒྲུབ་པའི་སྣོད་ནི་ཀ་བཱ་ལ། །བདུད་རྩི་ལས་ནི་རྣམ་རྟོག་སྤང་། །བདུད་རྩི་དོན་ནི་སྐྱེ་ཤི་མེད། །ཆོས་ཀྱི་དབྱིངས་ཀྱི་དོན་རྟོགས་ན། །བདུད་རྩི་ཆེ་བའི་རང་རྟགས་དྲུག །འདི་དྲུག་རྟོགས་ན་མངོན་སངས་རྒྱས། །ལྟ་བ་ངོ་མཚར་རྨད་ཀྱི་ཆོས། །རང་བྱུང་མངོན་པར་འདུས་མ་བྱས། །མེ་ལོང་ལྟ་བུའི་ཡེ་ཤེས་ཀྱིས། །ཞེ་སྡང་འཁོར་བ་རྩད་ནས་གཅོད། །མ་སྤངས་འབྲས་བུ་རྡོ་རྗེ་སེམས། །མཉམ་པ་ཉིད་ཀྱི་ཡེ་ཤེས་ཀྱིས། །ཉོན་མོངས་ང་རྒྱལ་གཏན་ནས་འཇོམས། །སོ་སོར་རྟོག་པའི་ཡེ་ཤེས་ཀྱིས། །འདོད་ཆགས་འཁོར་བ་རྩད་ནས་གཅོད། །མ་སྤངས་འབྲས་བུ་སྣང་མཐའ་ཡས། །བྱ་བ་ནན་ཏན་ཡེ་ཤེས་ཀྱིས། །ཉོན་མོངས་ཕྲག་དོག་རྩད་ནས་གཅོད། །མ་སྤངས་འབྲས་བུ་དོན་ཡོད་གྲུབ། །ཆོས་ཀྱི་དབྱིངས་ཀྱི་ཡེ་ཤེས་ཀྱིས། གཏི་མུག་འཁོར་བ་རྩད་ནས་གཅོད། །མ་སྤངས་འབྲས་བུ་རྣམ་སྣང་མཛད། །རང་བྱུང་ཆེ་བའི་ཡེ་ཤེས་ཀྱིས། །རྒྱུན་གྱི་ཉོན་མོངས་རྩད་ནས་གཅོད། །མ་སྤངས་འབྲས་བུ་ཧེ་རུ་ཀ །ཡེ་ཤེས་དབུ་ནི་ཉི་ཤུ་གཅིག །འབར་བའི་ཕྱག་ནི་བཞི་བཅུ་གཉིས། །བསྟན་པའི་ཞབས་ཀྱང་རྣམ་པ་བརྒྱད། །སྦྱོར་བའི་དཀྱིལ་འཁོར་རྣམ་པ་བདུན། །དེ་རྣམས་འགྲོ་བའི་དོན་ལ་སྤྱོད། །ཅེས་གསུངས་སོ། །བརྟག་བཙག་ལས་ནི་ཟིན་པ་དང་། །ནང་དང་ཕྱི་ཡི་དངོས་པོ་ཀུན། །བདུད་རྩི་ལུས་ཀྱི་རང་བཞིན་ཏེ། །ཐམས་ཅད་སྦྱོར་བའི་དབུས་ཉིད་དུ། །ཞོ་ཤ་གསུམ་གྱི་ཕྱེ་མ་གཞག །དེ་ཡི་ནང་གི་རྣམ་པ་ལ། །སྐད་དང་མི་མཐུན་རྣམ་པ་སྟེ། །ཕྱི་ཡི་ཡོད་ནི་ཐམས་ཅད་གཞག །དེ་ཡི་ནང་གི་རྣམ་པ་ལ། །ཚ་བ་གསུམ་ཉིད་སྦྱར་ལ་གཞག །དེ་ཡི་ནང་གི་རྣམ་པ་ལ། །གུར་ཀུམ་པ་སྦོ་རྣམ་པ་ལྔ། །དེ་ཡི་ནང་གི་རྣམ་པ་ལ། །འཛའ་ཏི་ཕ་ལ་བཏགས་བག་ཞག །དེ་ཡི་ནང་དུ་ག་པུར་ཏེ། །དྲི་ཡི་རྒྱལ་པོའི་ནང་ནས་དགེ །འོད་དང་དྲི་དང་དུ་བ་སྒྲ་དང་ནི། །ཕུན་སུམ་ཚོགས་པ་འབྱུང་བར་འགྱུར། །ཞེས་གསུངས་སོ། །དེ་ནས་ཡང་འདི་སྐད་གསུངས་སོ། །ཞལ་བུ་ཀ་བཱ་ལའི་མཚན་གསོལ་པ། །ཡེ་ཤེས་ལྔ་ལྡན་རྡོ་རྗེ་ཀ་བཱ་ལ། །འབར་བའི་བུ་ག་གཉིས་དང་ལྡན།མཐའ་གཉིས་མདོར་ཕྱིར་ན་དབུས། །སྐུ་གསུང་ལྷུན་གྲུབ་རྡོ་རྗེ་ཀ་བཱ་ལ། །འབར་བའི་སྐུད་པ་ཚད་པའི་དཀྱིལ་ན་གནས། །ལྷག་གནས་སྣ་རྩེར་ཡོངས་སུ་བརྟོལ། །ཞེ་སྡང་མ་སྤགས་ཕྱིར་ན་ཤར་དུ་འདོར་བར་བྱ། །ཡིད་བཞིན་གཏེར་ལྡན་རྡོ་རྗེ་ཀ་བཱ་ལ། །རིན་ཆེན་དབྱིངས་ལས་དགོས་འདོད་འབྱུང་བ་སྟེ། །དཔག་བསམ་ཤིང་དང་འབྲུ་བཅུད་གཉིས་དང་ལྡན། །ང་རྒྱལ་མ་སྤངས་ལྷོ་ཡི་ཕྱོགས་སུ་གཞག །ཁམས་གསུམ་ཡོངས་སྒྲོལ་རྡོ་རྗེ་ཀ་བཱ་ལ། །ཐམས་ཅད་དབང་དུ་སྡུད་པ་དུམ་བུ་གཅིག་པ་སྟེ། །དབྱིངས་དང་ཡེ་ཤེས་ཐ་དད་མེད་པའི་ཕྱིར། །འདོད་ཆགས་མ་སྤངས་ནུབ་ཀྱི་ཕྱོགས་སུ་གཞག །ཆོ་འཕྲུལ་རྟགས་འཛིན་རྡོ་རྗེ་ཀ་བཱ་ལ། །ལས་ཀྱི་མཐའ་རུ་ཕྱིན་པས་བན་དྷ་སུལ་བཞི་པ། །དྲག་པོ་ལས་ལ་ཤིས་པས་རྒྱ་གྲམ་བཞི་རུ་བསྟན། །ཕྲག་དོག་མ་སྤངས་བྱང་གི་ཕྱོགས་སུ་གཞག །ཡེ་ཤེས་ལྔ་དང་ལྡན་པས་ཕྱོགས་བཞི་དབུས་དང་ལྔ། །བདེ་གཤེགས་རིགས་ལྔའི་ཕོ་བྲང་ཡིན་པར་བཤད། །དེ་རུ་མ༷་ས་བཤད་གཅི་ཁུ་བ་རག་ཏ་ཁྲག །སྐྱོབས་དང་རྩ་བར་སྦྱར་ཏེ་གཞག་པར་བྱ། །དེ་ནས་ཡང་བན་དྷའི་སྐྱོབས་འདི་གསུངས་སོ། །མི་འགྱུར་གཡུང་དྲུང་རྡོ་རྗེ་ཀ་བཱ་ལ། །མཆོད་རྟེན་དབྱིབས་སུ་འདུག་པས་བཀྲ་ཤིས་སྒོ་མངས་ཏེ། །མཚན་དང་ལྡན་པས་བན་དྷ་ཡེ་ཤེས་སྐྱོབས། །མི་ཤིགས་མརྫོད་ལྡན་རྡོ་རྗེ་ཀ་བཱ་ལ། །རྩལ་གསུམ་རྫོགས་པས་སེང་གེའི་ཐོད་པ་སྟེ། །ཐམས་ཅད་མ་ལུས་ཟིལ་གྱིས་གནོན་པ་ཡི། །སྟོབས་ལྔ་ཡེ་ཤེས་ཤར་ལྷོ་མཚམས་སུ་གཞག །སྲིད་པ་ཡོངས་སྒྲོལ་རྡོ་རྗེ་ཀ་བཱ་ལ། །སྲིན་པོ་མདའ་ཤ་གྲི་བས་མ་བ་་གླང་པོ་ཆེ། །དམག་དཔུང་འཁོར་བྱེད་ཁྱུང་མཆོག་རིན་པོ་ཆེ། །སྟོབས་ལྡན་ཡེ་ཤེས་ལྷོ་ནུབ་མཚམས་སུ་གཞག །དུས་གསུམ་གཏན་སུངས་ཞལ་བུ་ཀ་བཱ་ལ། །ལྷ་ཆེན་མ་ཧྭ་དེ་བ་བསྒྲལ་བའི་ཐོད་པ་སྟེ། །འཇིག་རྟེན་རང་ན་ཆེ་བཙན་གསང་བ་སྟེ། །འཇིག་རྟེན་ཡེ་ཤེས་ཆེན་པོ་བྱང་ནུབ་མཚམས་སུ་གཞག །མཚན་མ་སྤྲོས་བྲལ་ཞལ་བུ་ཀ་བཱ་ལ། །ཚིལ་ཆེན་ལང་ལིང་གཟུགས་ཀྱི་ཕུང་པོ་སྟེ། །ལི་ཙ་ཀུ་རི་ཐོང་བ་དངོས་གྲུབ་རྫས། །ག་་པ་ཡེ་ཤེས་ཐོད་པ་བྱང་ཤར་མཚམས་སུ་གཞག །གཞན་ཡང་དེ་བཞིན་གྲུ་ཆད་ལ། །བསྒྲུབ་པ་ཡི་ནི་བཀྲ་ཤིས་རྫས། །ཡོངས་སུ་རྫོགས་ལྡན་རྡོ་རྗེ་ཀ་བཱ་ལ། །ལྕུག་འཕྲན་འཕེལ་བྱེད་ཡེ་ཤེས་གསུམ་གྱི་རྫས། །ཤར་གྱི་གྲུ་ལ་དེ་བཞིན་གཞག་པར་བྱ། །བཀྲ་ཤིས་མཚན་ལྡན་རྡོ་རྗེ་ཀ་བཱ་ལ། །ག་བུར་གངས་ཞུན་དཀར་པ་འཛག་པའོ། །མིང་དུ་མ་ཕྱེ་རིགས་སུ་གཞོན་པ་ཡི། །ཡེ་ཤེས་གསང་བའི་ཐོད་པ་ལྷོ་ཡི་གྲུ་ལ་གཞག །མི་འགྱུར་སྲ་མཁྲེགས་རྡོ་རྗེ་ཀ་བཱ་ལ། །མ་སྨྲ་མ་ཤིག་ལྕུག་ཕྲན་སྡོང་པོ་འདྲ། །དེ་ཡི་བན་ད་ཡང་དག་བཀྲ་ཤིས་པ། །ཡེ་ཤེས་གསང་བའི་ཐོད་པ་ནུབ་ཀྱི་གྲུ་ལ་གཞག །ཨུ་ཡུ་དཔལ་ལྡན་རྡོ་རྗེ་ཀ་བཱ་ལ། །མཁས་པ་མང་པོའི་གཟུངས་མ་བྱས་པ་དེ། །དབང་བསྐུར་དབང་དང་ལྡན་པའི་ཐོད་པ་སྟེ། །ཡེ་ཤེས་གསང་ལྡན་ཐོད་པ་བྱང་གི་གྲུ་ལ་གཞག །གཞན་ཡང་ཡེ་ཤེས་ཐོད་པ་བཞི། །སྒོ་བཞི་དག་ཏུ་གཞག་པར་བྱ། །ཞེས་གསུངས་སོ། །ཕྱི་དང་ནང་དང་གསང་བ་དང་། །དེ་བཞིན་རང་བཞིན་བདུད་རྩི་རྣམས། །བཤད་ཀྱིས་ཀར་མ་ཧེ་རུས་ཉོན། །ར་ས་ཡ་ན་ཕྱི་ཡི་སྨན། །དམ་རྫས་ལྔ་པོ་ནང་གི་སྨན། །རླུད་ལྔ་རྣམ་དག་གསང་བའི་སྨན། །སྐུ་ལྔ་རྣམ་དག་མཐར་ཐུག་སྨན། །བསམ་གྱིས་མི་ཁྱབ་བརྗོད་ལས་འདས། །རྩ་བ་བརྒྱད་དང་ཡན་ལག་སྟོང་། །ཐམས་ཅད་མ་འདུས་གཅིག་ཀྱང་མེད། །དེ་ཡི་ཕྱིར་ན་བདུད་རྩི་ཞེས། །བསམ་གྱིས་མི་ཁྱབ་པས་ན་དེ་སྐད་གསུངས། །རྒྱུ་དང་ལས་དང་སྣོད་དང་ནི། །དོན་དང་ལུས་དང་འབྲས་བུ་ཡིན། །ཐམས་ཅད་ཀུན་ལ་ངེས་པར་ཁྱབ། །ཅེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། །བདུད་རྩི་ཐིག་ལེའི་ལེའུ་སྟེ་བདུན་པའོ།། །།དེ་ནས་ཡང་ཀར་མ་ཧེ་རུ་ཀས། སྒྲོལ་བྱེད་ཀྱི་རྒྱལ་པོ་ལ། ཕྱག་རྒྱ་ཆེན་པོ་བདག་ཉན་འཚལ། །སྒྲོལ་བྱེད་ཆེན་པོས་བཀའ་སྩལ་པ། །སེམས་ཉིད་མྱ་ངན་འདའ་བ་དང་། །སྐུ་མདོག་ཕྱག་མཚན་མཚོན་བའི་ཕྱིར། །ཕྱག་རྒྱ་ཆེན་པོ་ངས་བཤད་ཀྱིས། །ཉོན་ཅིག་ཀར་མ་ཧེ་རུ་ཀ །སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས། །སྐྱེ་བའི་ཆོ་འཕྲུལ་འཇིགས་པའི་སྐུར་སྟོན་པ། །ཀི་ལ་ཡ་ཡི་ཏན་ཏྲ་དང་། །རྣམ་པར་གྲོལ་བ་མཚོན་བའི་ཕྱིར། །ཨེ་ཡི་དཀྱིལ་འཁོར་ལ་གནས་པའི། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ནི། །དབུ་གསུམ་ཕྱག་དྲུག་ཞབས་བཞི་བགྲད། །གཡས་དཀར་གཡོན་དམར་དབུས་མཐིང་ཞལ། །གཡས་གཡོན་དང་པོ་རྩེ་དགུ་མེ་དཔུང་བསྣམས། །བར་གཉིས་རྩེ་ལྔ་ཁ་ཊ༷་ཁ། །ཐ་གཉིས་རི་རབ་ཕུར་པ་འདྲིལ། །བརྐྱང་དང་བསྐུམ་དང་དོར་སྟབས་དང་། །རྡོ་རྗེ་གཞོན་ནུ་ཐབས་ཀྱི་རྒྱ། །འཁོར་ལོ་རྒྱུས་འདེབས་ཕྱག་རྒྱ་ནི། །ཆ་ལུགས་གཙོ་དང་མཐུན་པ་ལ། །ཞལ་གཅིག་ཕྱག་གཉིས་སྐུ་མདོག་མཐིང་། །གཡས་པ་ཤེས་རབ་ཐབས་ལ་བརྟེན། །གཡོན་པ་དུང་དམར་གཙོ་ལ་སྟོབ། །ཀྲོ་དྷི་ཤྭ་རི་དབྱིངས་ཀྱི་རྒྱ། །འབར་བའི་གདན་ལ་བཞེངས་ནས་ཀྱང་། །ཀི་ལ་ཡ་ཡི་དངོས་གྲུབ་གསོལ། །བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུ་དང་། །ཡུམ་ཆེན་འཁོར་ལོ་རྒྱས་འདེབས་མ། །ཁྲོ་བོའི་ཚོགས་ཀྱིས་བསྐོར་བ་ནི། །ཧཱུཾ༷་མཛད་མཐིང་སྐྱ་སྟི་ར་མདའ་གཞུ་འགེངས། །རྣམ་རྒྱལ་དཀར་སྔོ་འཁོར་ལོ་ཏྲི་ཤུལ། །དབྱུག་སྔོན་སྔོ་སྐྱ་བེ་ཅོན་མེ་དབལ་བསྣམས། །གཤེད་པོ་མཐིང་ནག་རལ་གྲི་དབྱུག་ཐོ་འཕྱར། །མི་གཡོ་སྨུག་ནག་དགྲ་སྟ་ཞགས་པ་བསྣམས། །རྟ་མགྲིན་དམར་པོ་སྤུ་གྲི་ཞགས་པ་འཛིན། །འདོད་རྒྱལ་དམར་སྐྱ་བ་དན་རྔ་ཡབ་འཕྱར། །འཁྱིལ་པ་ལྗང་ནག་རྒྱ་གྲམ་རིན་དབྱུག་འཕྱུར། །བགེགས་འདུལ་སེར་པོ་ཏྲི་ཤུལ་མདའ་གཞུ་འགེངས། །སྟོབས་ཆེན་དུང་ཁ་གཤོལ་དང་ཐོ་བ་བསྣམས། །འབར་བའི་གདན་ལ་བཞེངས་ནས་ཀྱང་། །ཀི་ལ་ཡ་ཡི་དངོས་གྲུབ་གསོལ། །བཀའ་འཁོར་དེ་ཡི་ཕྱི་རིམ་ནས། །ཕོ་ཉ་ཚོགས་ཀྱིས་བསྐོར་བ་ནི། །ཡབ་ཀྱི་ཕོ་ཉ་མཆེ་བ་ཅན། །ཡུམ་གྱི་ཕོ་ཉ་གཤོག་པ་ཅན། །མཆེ་གཤོག་རབ་འབྱམས་ཕོ་ཉ་ཁྲ་ཐབས་ཚོགས། །ཕྱག་ན་དབང་དྲག་ཕུར་པ་འདྲིལ། །འབར་བའི་གདན་ལ་བཞེངས་ནས་ཀྱང་། །ཀི་ལ་ཡ་ཡི་དངོས་གྲུབ་གསོལ། །བཀའ་འཁོར་དེ་ཡི་ཕྱི་རིམ་ནས། །སྒོམ་ཚོགས་ཀྱིས་བསྐོར་བ་ནི། །ཕུ་ཤུད་མགོ་ཅན་ལག་ན་ལྕགས་ཀྱུ་ཕུར་པ་བསྣམས། །སྐྱ་ཀའི་མགོ་ཅན་ལག་ན་ཞགས་པ་ཕུར་པ་འདྲིལ། །སྲིན་བྱའི་མགོ་ཅན་ལག་ན་ལྕགས་སྒྲོག་ཕུར་པ་འདྲིལ། ཁྲ་ཡི་མགོ་ཅན་ལག་ན་དྲིལ་བུ་ཕུར་པ་བསྣམས། །འབར་བའི་གདན་ལ་བཞེངས་ནས་ཀྱང་། །ཀི་ལ་ཡ་ཡི་དངོས་གྲུབ་གསོལ། །བདེ་བ་མ་བཅོས་རྒྱལ་བ་རྒྱ་མཚོའི་སྐུ། །དུས་གསུམ་རྒྱལ་བ་སངས་རྒྱས་ཀུན་གྱི་དབྱིངས། །སྲིད་གསུམ་མ་ལུས་དམིགས་སུ་མེད་པ་རྣམས། །ཀུན་བཟང་མཆོད་སྤྲིན་མཆོག་ཏུ་རོལ། །ཨོ་ན་མ་སརྦ་ཏ་ཐུ་ག་ཏེ་སྒྱ། །བི་ཤྭ་མུ་ཁེ་བྷ་སརྦ་ཏད་ཁ༷་ཨུད་ག་ཏེ་སྤར་ན་ཧི་མ༷་ག་གན་ཁ༷་གྲྭཧྭ། འགྲོ་བའི་དོན་དུ་ཕྱག་ཞབས་སྐུ་བསིལ་ནས། །རྡོ་རྗེའི་གདན་ལ་བཞུགས་སུ་གསོལ། །ཨ་ཧ་རི་ཨ་ཧ་ར་བུདྷ་ཙིསྟ་གྲྭཧྭ། ཨོ་བཛྲ་ཀི་ལི་ཀི་ལྭ་བ༷། བཛྲ་རྙུ་བེ། པྲསྤྲོ ཨ་ལོ་ཀེ །གན་དྷི། བདེ་ཆེན་དབྱིངས་ནས་དཔལ་ཆེན་སྐུར་བཞེངས་ནས། །དཔལ་ཆེན་རྡོ་རྗེ་གཞོན་ནུའི་ཐུགས་ནི་རིན་པོ་ཆེ། །ཀི་ལི་ཀི་ལ་ཡ་ཡི་འཁོར་གྱི་འཕྲེང་བས་བསྐོར། །བདེ་ཆེན་དབྱིངས་ནས་དངོས་གྲུབ་སྩལ་དུ་གསོལ། །ཨོ་ཨུ་ཧཱུཾ༷། བཤང་གཅི་ཤ་དང་ཉི་ཟླ་དང་། །གླང་རྟ་བ་གླང་ཁྱི་ཤ་དང་། །མེ་ཏོག་ལ་སོགས་གཏོར་མར་བཅས། །དཀྱིལ་འཁོར་ལྷ་ཚོགས་རྣམས་ལ་དབུལ། །ཐུགས་དམ་བཞིན་དུ་བཞེས་ནས་ཀྱང་། །ཀི་ལ་ཡ་ཡི་དངོས་གྲུབ་གསོལ། །རྒྱ་ཕོར་མཚན་ལྡན་སྲུབ་མེད་དུ། །མུ་ཏིག་དཀར་པོ་དྲི་མེད་གཅིག །ཙན་དན་སྨུག་པོ་རྨ་མེད་གཉིས། ཁམས་གསུམ་བསྒྲལ་བའི་ཤ་ཆེན་གསུམ། །དངོས་གྲུབ་བཅུད་ལྡན་དྲི་ཆེན་བཞི། །དག་བྱེད་རྡོ་རྗེ་དྲི་ཆུ་ལྔ། །ཡེ་ཤེས་ལྔ་ཡི་ངང་ཉིད་དུ། །གཉིས་སུ་མེད་པར་མཉམ་སྦྱར་ནས། །རྒྱལ་བ་འཁོར་བཅས་རྣམས་ལ་འབུལ། །ཐུགས་དམ་བཞིན་དུ་བཞེས་ནས་ཀྱང་། །ཀི་ལ་ཡ་ཡི་དངོས་གྲུབ་གསོལ། །ཛ་ཧཱུཾ༷་བ༷་ཧོ། ཤི་ཧེ་རུ་ཀ་མ་ཧྭ་བཛྲ་སརྦ་དུ་་ས་མ་ཡ་མུ་ཏྲ་ཁ་ར༷་ཁྭ་ཧི་ཏྲི་ཏ་ཡས་པི་ཧཱུཾ༷་ཕཊ། ཁམས་གསུམ་མ་ལུས་བསྒྲལ་བའི་ཞིང་། །རང་བྱུང་མ་བཅོས་ཐིག་ལེ་ནི། །རིག་པ་དག་གི་གློང་རྟོགས་ཏེ། །ཐམས་ཅད་མ་ལུས་གཉིས་མེད་དང་། །རང་བྱུང་དབྱིངས་སུ་གཉིས་མེད་བསྒྲལ། །ར༷། ཐོག་མར་གཉིས་མེད་རྒྱལ་བའི་ཀློང་། །དག་པའི་མཁའ་ནས་གཞོན་ནུའི་སྐུ། །ཧོ༷་ཆེན་ལ་སོགས་སྐུར་བཞེངས་ནས། །དུག་གསུམ་ལྗོན་ཤིང་གཅོད་པའི་ཕྱིར། །གཉིས་མེད་སྒོར་བའི་མཆོད་པ་འབུལ། །ས་མ་ཡ་སྟོ། ས་མ་ཡ་སྟུ༷། ཨ་ནུ་རྭ་ག་ཡུ་མི། ཨུ་ནུ་རྭ་ག་ཡུ་ཧ༷། བོ་དྷི་ཙལྟི་ཏི་ཥ་བཛྲ། ཞེས་གཛུངས་སོ། །བསྐུལ་བསྐྱོད་ཐམས་ཅད་ཕྱག་རྒྱ་སྟེ། །གང་བྱས་གཉིས་མེད་དོན་དུ་ཤེས། །འདིནི་ ་རྒྱལ་བ་ཀུན་གྱི་རྒྱལ། །འགྲེས་ལོག་སྤྱི་ཚུགས་གར་འགྲེས་ཀྱང་། །སྙིང་པོའི་དོན་ལས་ཡོངས་མི་འདའ། །འཛིན་ཆགས་མེད་པར་རྒྱལ་པས་གསུངས། །སྣང་སྲིད་ཐམས་ཅད་མཆོད་པའི་རྫས། །ཕུལ་ཙམ་ཉིད་ན་ཕུལ་བ་མེད། །རོལ་བའི་ཆོ་འཕྲུལ་མ་འགགས་པས། །གང་ལྟར་སྤྱད་ཀྱང་མེ་ཏོག་སྐྱེ། །རྒྱལ་བ་ཀུན་དང་མཉམ་སྦྱོར་བའི། །ཁྱད་པར་གསུངས་པ་ཆེན་པོར་འགྱུར། །ཞེས་པར་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། ངེས་འབྱུང་མཆོད་པའི་ལེའུ་སྟེ་བརྒྱད་པའོ།། །།དེ་ནས་ཡང་ཀར་མ་ཧེ་རུ་ཀས། སྒྲོལ་བྱེད་ཀྱི་རྒྱལ་པོ་ལ། རྣལ་འབྱོར་གྲོལ་ལམ་བསྒྲུབ་ན་ཇི་ལྟར་བསྒྲུབ། །ཀི་ལ་ཡ་ཡིས་བཀའ་སྩལ་པ། །རྣལ་འབྱོར་གྲོལ་བའི་ལམ་འཇུག་པས། །གནས་མལ་བདེ་ཞིང་འཚོལ་བ་བསོག །བསྲུང་བའི་འཁོར་ལོ་བསམས་ནས་སུ། །བསོད་ནམས་ཡན་ལག་བསོགས་བྱས་ནས། །སྟོང་པའི་སྙིང་རྗེ་ཡི་གེ་ལས། །མཁས་པས་སྐུར་སོགས་གདན་བཤམས་ལ། །དགུག་གཞུག་ཕྱག་རྒྱས་ཐབས་མཆོད་ནས། །བསྙེན་བསྒྲུབ་ཡན་ལག་རྫོགས་པ་ནི། །ཚོགས་ལམ་པ་ཞེས་རྒྱལ་བས་སྦྱར། །ངང་ཉིད་ཆོས་དབྱིངས་རྣལ་འབྱོར་པས། །གནས་པ་རྩ་ཡི་འཁོར་ལོ་ལས། །མེ་རླུང་ལས་ཀྱིས་འཁོར་ལོ་བསྐོར། །དེ་ལ་ཟབ་མོའི་སྔགས་བཀོད་བས། །ཨུ་ལི་ཀྭ་ལི་འབྲུ་དགུར་སྦྱར། །དེ་ནི་སྦྱོར་ལམ་རྣལ་འབྱོར་ཡིན། །དེ་ཡང་འཕོ་བའི་རླུད་གིས་བསྐྱོད། །འཇུ་བའི་མེས་བཞུ་ཐིག་ལེ་གཞིར་གསལ་ཏེ། །ས་གཞི་དགའ་བཞི་དྲོད་མཐོང་བ། །མཐོང་བ་ལམ་གྱི་རྣལ་འབྱོར་པ། །དེ་ཡང་མེ་རླུང་གིས་སྦྱོར་བས། །རིམས་ཀྱི་ཆོས་ཀྱི་ཐིག་ལེར་གསལ། །འཇུག་དང་གནས་དང་ལྡང་བའི་ཚུལ་དུ་བསྒོམ། །དེ་ནི་བསྒོམ་ལམ་རྣལ་འབྱོར་རོ། །སྣང་བ་གསུམ་གྱི་ངོ་བོ་ཡིས། །འོད་གསལ་ཟུང་འཇུག་ཆོས་ཀྱི་སྐུར་འགྱུར་ཏེ། །སྐུ་དང་ཡེ་ཤེས་དང་། ཕ་རོལ་ཕྱིན་པར་འགྱུར། །མཐར་ཐུག་ལམ་དེ་རྫོགས་པའི་རིམ་པ་ཡིན། །མ་རིག་པ་དང་ཡེ་ཤེས་གཉིས། །ཀུན་གཞི་རྒྱུད་ལ་ཡེ་ཤེས་གནས། །གང་གི་ཡེ་ཤེས་རྒྱས་ཐེབས་ནས། །ལྷ་དང་ཕྲལ་ཞེས་དེ་ལ་བཤད། །དེ་ཉིད་མ་བཅོས་དོན་ཤེས་ཤིང་། །གང་གི་རྒྱུད་ལ་རབ་གནས་པ། །གཟུགས་ལ་དབབ་ཅེས་དེ་ལ་བཤད། །འབྲས་བུ་ཡེ་ཤེས་ནར་སོན་ཅིང་། །གང་ལ་དེ་ཡིས་སྦྱོར་བྱེད་པ། །ཡན་ལག་བཅིངས་པར་དེ་འགྱུར་རོ། །ས་ནས་ས་རུ་འཕར་བ་དང་། །སྒྲིབ་གནོན་ཡེ་ཤེས་སྐྱེ་བ་དང་། །སྨྱོ་རུ་གཞུག་ཅེས་དེ་ལ་གསུངས། །གང་ལ་བག་ཆགས་རྒྱུད་གནས་ཀུན། །མ་ལུས་ཀུན་ནས་རྩད་འབྱིན་བས། །རྡུལ་དུ་བརླག་ཅེས་དེ་ལ་བྱེད། ཁེས་བྱ་ཀུན་ལ་ཐོགས་མེད་པའི། །འབྲས་བུ་ཐམས་ཅད་ལྷུན་གྱིས་གྲུབ། །ཐམས་ཅད་མ་ལུས་འུབྲ་ཆུབ་པས། །ཞལ་དུ་བསྟབ་ཅེས་དེ་ལ་བྱ། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། །དོན་ངེས་པར་གཏན་ལ་དབབ་པའི་ལེའུ་སྟེ་དགུ་པའོ།། །།དེ་ནས་ཡང་ཀར་མ་ཧེ་རུ་ཀས། །སྒྲོལ་བྱེད་ཀྱི་རྒྱལ་པོ་ལ་འདི་སྐད་ཅེས་གསོལ་ཏོ། །བསྒྲུབ་པས་སྒྲོལ་བའི་འཕྲིན་ལས་དག །ཀི་ལ་ཡ་ལ་བདག་ཉན་འཚལ། །སྒྲོལ་བྱེད་རྒྱལ་པོས་བཀའ་སྩལ་པ། །སྒྲོལ་བ་ལས་ཀྱི་འཕྲིན་ལས་རྣམས། །ཡང་དག་ཉིད་དུ་ངས་བཤད་ཀྱིས། །ཉོན་ཅིག་ཀར་མ་ཧེ་རུ་ཀ །དམ་ཚིག་ཆེན་པོའི་དུས་ལ་བབ། སྤྲུལ་པ་ཆེན་པོའི་དུས་ལ་བབ། ཕྱག་གཉེན་ཆེན་མོའི་དུས་ལ་བབ། ཁྲ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་མོའི་དུས་ལ་བབ། །ས་བདག་ཆེན་མོའི་དུས་ལ་བབ། །ཁྱེད་ཀྱི་ཐུགས་དམ་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་གདུང་འཚོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིག་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་རྣམས། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་བརླབས་ཀྱིས། །ཡུད་ཙམ་གྱིས་ནི་འདིར་བཀུག་ནས། །མངོན་སྤྱོད་ཚུལ་བཞིན་བསྒྲལ་པ་དང་། །ལུས་ངག་རྡུལ་དུ་བཤིག་ནས་ཀྱང་། །སྡུག་བསྔལ་ཉམས་སུ་མྱོང་བར་མཛོད། །ཨོ་ལ༷་ཧཱུཾ༷་ལ༷་སྟ༷་བྷ་ནན། མོ་ཧ་ཀྟ་ཡ་བྷ་ག་བན། ཤི་ཏྲི་ཏ་བ་ཀི་ཀྲི་བཛྲ་ཧཱུཾ༷། ཧཱུཾ༷་ཀར་ཧཱུཾ༷་ཧཱུཾ༷་ཕཊ་ཕཊ། ཨོ་བཛྲ་ཀི་ལི་ཀི་ལྭ་ཡ། ཛ་ཧཱུཾ༷་བ༷་ཧོ། སརྦ་བིག་ནན་བ༷་ཧཱུཾ༷་ཕཊ། བཛྲ་ཀི་ལི་ཀི་ལྭ་ཡ། ཧཱུཾ༷་ཧཱུཾ༷་ཧཱུཾ༷་ཕཊ་ཕཊ་ཕཊ། བཛྲ་ཧཱུཾ༷་ཀ་ར་ཧཱུཾ༷་ཨ། ཞེས་ཀུན་གཞིའི་བག་ཆགས་དང་བཅས་ནས་ཕུལ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུང་ཞིག་སྡོམས་ཤིག་རྣམ་པར་ཆིངས། །རྟོགས་ཤིག་གྲོགས་དང་བྲལ་བར་གྱིས། །རིངས་པར་ཁུག་ལ་སྨྲ་རུ་ཆུག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང་། །བསྒོ་བའི་བཀའ་རྣམས་ཉན་པར་གྱིས། །ཧཱུཾ༷་པར་བྷ་དྷི། སྣྲིནྟྲ་སྦྱིནྟྲ་ཛ་ལ་པ་ཧུ༷་ཕཊ། སྟི་ན་ད་སྟིན་ད་ཧུ༷་ཕཊ། གྲིཏྣ་གྲིཏྣ་ཧུ༷་ཕཊ། ཧ་ན་ཧ་ན་ཧཱུཾ་ཕཊ། བན་དྷ་བན་དྷ་ཧུ༷་ཕཊ། ཏ་ཐ་ཡ་ཧ་ཨ་ཧུ༷་ཕཊ། ཧ་ས་ཡ་ར་ཧ་ཏ་ཡ་ན་ཧུ༷་ཕཊ། ཥ་ཀྲིན་ཨུ་ན་ཡ་ཧཱུཾ་ཕཊ།ཡ་ཛ་ལ་པ་ཡ་ཧོ༷་ཕཊ། ཨུ་བེ་ཤ་ཡ་ཨུ་བེ་ཤ་ཡ་ཧཱུཾ༷་ཕཊ། བིན་དྷ་ཡ་བིན་དྷ་ཡ་ཧཱུཾ༷་ཕཊ། ཅེས་ལས་ཉོན་མོངས་པ་སྐྱེ་བའི་བག་ཆགས་སྒོ་ལྔའི་རྣམ་པར་ཤེས་པ་ཕུལ་འོ།། །བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་དམ་ཚིག་དུས་ཟླེ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་འཕྲིན་ལས་མྱུར་དུ་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ མ་ཐ་མ་ཐ་བཛྲ ཛ་ལ་ཛ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་ཏང་ཀ་ཏེ། ཛ་ཡེ་བི་ཛ་ཡེ། ཨ་ཙི་ཏེ། ཨ་པ་ར་རྫི་ཏ། མ་ར་ས་ན་པྲ་མ་ཏ་ན་ཡེ་ཧཱུཾ༷་ཕཊ། ཅེས་པས་རྣམ་པར་ཤེས་པ་ཚོགས་བརྒྱད་ཕུལ་འོ་། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་འོ།ག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཨོ༷་མ་མ་པ་ཤི་ཀུ་རུ། མ་ཏ༷་ཉ་ཀ་ར་ཨིན་ཎ། ད་ཏི་མ་མ་ཀར་མ། ཤི་ཏྲ༷་ཀ་ར་ཡེ་ཧཱུཾ༷་ཕཊ། ཅེས་པས་རྣམ་པར་ཤེས་པའི་རྟེན་མགོ་བོ་བག་ཆགས་དང་བཅས་བ་ཕུལ་འོ།། །གདུག་ཅིང་སྡང་སེམས་ལྡན་པ་ཡི། །ལྷའམ་གནོད་སྒྱིན་བདུད་ཀྱང་རུང་། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །སརྦ་ཨ་ན་ཡ་ཧཱུཾ༷་ཕཊ། ཏ་ཐ་ཡ། ཏ་ཐ་ཡ་ཧཱུཾ༷་ཕཊ། ཅེས་མཐུད་རྫུ་འཕྲུལ་ཕྲོགས་སོ། །རྡུངས་ཤིག་རྡོ་རྗེ་འབར་བའི་ག་། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་ལྷོགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་རླག་པར་བྱེད། ཁ་ཐ༷། ཁ་ཐ༷། ཁ་ཐ༷།ཡུམ་གྱི་མཁའ་དབྱིངས་སུ། ཁམས་གསུམ་དུས་གཅིག་ཏུ་བསྒྲལ་ཏེ། བྱང་ཆུབ་སེམས་ཀྱིས་མ་ཉེས་པར་གྱུར་ཏོ། །ཉི་ཤུ་རྩ་གཅིག་བཟླས། ཧཱུཾ་ཧཱུཾ་ཧཱུཾ༷། ཕཊ་ཕཊ་ཕཊ། བཛྲ་ཡཀྟ་ཀྲོ་དྨ། ཁའ་ཧི་ཁུ་ཧི་ཁའ་ཧི། ཧ་ཧ་ཧ། ཧཱུཾ༷་ཧཱུཾ༷་ཧཱུཾ༷། ཕཊ་ཕཊ་ཕཊ། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་བརླབས་སོ། །སངས་རྒྱས་ཀྱི་མཐུའོ། །ཨསྙི་ཙརུའི་དུས་ལ་བབ་བ་རྣོམ༄ས་ཀྱི་བརྣག་པའོ། །ཨོ་བཛྲ་ཀི་རླ་ཀི་ལ་ཡ། བརྒྱ་རྩ་བརྒྱད་བཟླས།ཐྲོརྣག་པ་དེ་ཁོ་ན་ལའོ། །ཀི་ལི་ཀི་ལ་ཡ་བཅོ་བརྒྱད་དོ། །དཀར་ནག་གི་མཚམས་སུའོ། །ཧཱུཾ་ཧཱུཾ༷་ཧཱུཾ། ཕཊ་ཕཊ་ཕཊ། དགྱེས་དང་། གསོ་དང་། རྒྱུན་གནས་སོ། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། །སྨད་ལས་ངེས་པར་བསྟན་པའི་ལེའུ་སྟེ་བཅུ་པའོ་།། །།དེ་ནས་ཡང་ཀར་མ་ཧེ་རུ་ཀས། སྒྲོལ་བྱེད་རྒྱལ་པོ་ལ་འདི་སྐད་ཅེས་གསོལ་ཏོ། །བསྒྲལ་བའི་ལས་རྣམས་གཏན་ཚིགས་ཀུན། །ཀི་ལ་ཡ་ལ་བདག་ཉན། འཚལ། སྒྲོལ་བྱེད་རྒྱལ་པོའ་བཀའ་སྩལ་པ། །སྔགས་དྲུག་ལས་རྣམས་གཏན་ཚིགས་ངས་བཤད་ཀྱིས། །ཉོན་ཅིག་ཀར་མ་ཧེ་རུ་ཀ། །གསང་བའི་ལས་དང་དོན་ཀུན་ལ། །གདབ་པའི་ལས་ཀུན་གང་བྱེད་ཀྱང་། །ངན་སྔགས་ལས་རྣམས་མགོ་ལ་རྫོགས། །གཉིས་ཀྱིས་བསྙེན་པ་བཞི་ཡིས་བསྒྲུབ། །འཕྲིན་ལས་སྡེགས་སུ་རྣམ་པར་བཤད། །གཅིག་ལ་གཅིག་སྟེ་རྟགས་རྣམས་འབྱིན། །གང་གིས་གསད་པའི་ལས་སྦྱོར་བ། །ངན་སྔགས་སྲོག་གི་འཁོར་ལོའོ། །རྒྱལ་བ་ཀུན་དང་དགོངས་པ་གཅིག །དེ་ཉིད་སྨད་ལས་རྫོགས་པར་བྱ། །མ་ལུས་ཀུན་ལ་གང་སྦྱོར་བ། །དགུག་གཞུག་དྲག་པོའི་ལས་ལ་སྦྱོར། ཤེན་ཏུ་ག་་ཁྲོད་རོས་ཀྱང་། །བུ་དང་བུ་ལ་གདམས་པར་བྱ། །བསྙེན་བསྒྲུབ་ལས་རྣམས་ཐམས་ཅད། །ཀུན་གྱི་ལས་ལ་གང་མཐའ་སྡུད་ལས་ཀྱི་རྒྱལ་པོར་འགྱུར། །དུས་བ་དྲུག་དང་སྔགས་དྲུག་ལ། །གོ་རིམས་ཇི་བཞིན་སྦྱར་བྱས་ལ། །རྦད་པའི་སྔགས་སུ་དེ་འགྱུར་རོ། །བྱང་ཆུབ་ཨོ་ལས་གྲུབ་པའི་མཐའ། །སྙིང་ལ་གཟིར་བར་རབ་ཏུ་བཤད། །གནད་ལ་དབབ་པའི་ཕོ་ཉ་བརྒྱད་པོ་དང་། །དཀྱུས་ཀྱིས་གཉིས་པ་རབ་བསྒུལ་ལ། །བདུན་དང་རྩད་གཅོད་སྙིང་པོ་ལ། །དྲུག་པའི་སྔགས་ཀྱིས་རབ་ཏུ་གསད། །དེ་བཞིན་གོ་རིམས་ཀུན་དུ་འགྱུར། །དངོས་གསུམ་པ་དང་གཉིས་པ་དང་། །དེ་བཞིན་གསུམ་པའི་གསུམ་པ་ལ། །བདུན་པས་མགོ་མནན་བརྒྱད་པ་བླང་། །དྲུག་པ་ཡོངས་སུ་རྫོགས་པར་བརྟག །གསད་པའི་ཐབས་སུ་དེ་འགྱུར་རོ། །སྟོད་ཀྱི་གློད་དང་བར་གྱི་སྐལ། །ཐ་མས་མཐོང་དང་སྔགས་ཀྱིས་གསོད། ཁོང་བཀྲ་ལུང་དུ་དེ་འགྱུར་རོ། །ལས་ལ་ཤིས་ཕྱིར་ཀུན་གྱི་མགོ་ལ་དག་ལ། །ལས་གཞུག་བརྟུལ་ཕྱིར་ཀུན་གྱིས་གཞུག་ལ་གདགས། །འཕྲིན་ལས་སྡེབས་ཕྱིར་འཕྲིན་ལས་རྡེགས་སུ་གཏང་། །མན་ངག་རྩང་ཕྱིན་ཕྱིར་ནི་ཁོང་ཁྲོར་གཏང་། །ལྷ་རྣམས་ལས་ལ་གཟུད་ཕྱིར་ཕོ་ཉར་གཏང་། །བསྙེན་བསྒྲུབ་མདོར་ཕྱིར་སྲོག་ལ་འཁོར་ལོ་བསྐོར། །ཉུང་བར་གསང་ཕྱིར་སྔགས་སུ་གཏང་། །མི་འུར་ཕྱིར་ནས་སྦད་བའི་སྔགས་སུ་གཏང་། །གདུལ་བྱ་ཚར་གཅོད་ཕྱིར་ནི་ཕོ་ཉར་གཏད། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། །མན་ངག་སྡེར་སྤྱིན་པའི་ལེའུ་སྟེ་བཅུ་གཅིག་པའོ།། །།དེ་ནས་ཡང་ཀར་མ་ཧེ་རུ་ཀས། འདི་སྐད་ཅེས་གསོལ་ཏོ། །མི་ཤིགས་རྡོ་རྗེ་གང་ལགས་པ། །ཀི་ལ་ཡ་ལ་བདག་ཉན་འཚལ། །མི་ཤིགས་དོན་རྣམ་གཉིས་སྟེ། །བསྐྱེད་དང་དགུག་དང་བཟླས་པ་དང་། །བསྟིམ་དང་བསྲུང་དང་སྦ་བའོ། །གཞལ་ཡས་འཁོར་དང་གཙོ་བོ་དང་། །ཕོ་ཉ་ཏིང་འཛིན་ཕྱག་རྒྱས་དང་། །འཕྲོ་འདུ་འོད་ཟེར་འདུ་འཕྲོ་དང་། །རིགས་ལྔ་འི་སྔགས་ཀྱིས་རབ་ཏུ་བསྲུང་། །གཞལཡསཙིསྟའིདཀྱིལའཁོར་དུ། །བསྐྱེད་པའི་དཀྱིལ་འཁོར་གཉིས་མེད་བསྟིམ། །མི་འགྱུར་ཡེ་ཤེས་དངོས་པོ་ལ། །རང་བྱུང་ཡེ་ཤེས་རྒྱ་ཡིས་གདབ། །རྒྱུ་ལས་མ་བྱུང་རྐྱེན་གྱིས་མ་བསྐྱེད་པས། །མི་འགྱུར་ཡེ་ཤེས་གཡུང་དྲུང་ཚེ། །དངོས་པོ་གང་ལ་བདེན་མེད་པས། །རང་བཞིན་འགྱུར་མེད་སྐྱེ་མེད་ཚེ། །སེམས་ཉིད་གང་དུ་མ་བཙལ་བས། །གཡོ་ལྡང་མེད་པར་སེམས་ཀྱི་ཚེ། །བདག་དང་གཞན་དུ་མི་འབྱེད་པས། །གཉིས་མེད་བྱང་ཆུབ་སེམས་ཀྱི་ཚེ། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། །རྡོ་རྗེ་ཚེའི་ལེའུ་སྟེ་བཅུ་གཉིས་པའོ།། །།དེ་ནས་ཡང་ཀར་མ་ཧེ་རུ་ཀས། སྒྲོལ་བྱེད་ཀྱི་རྒྱལ་པོ་ལ་འདི་སྐད་ཅེས་ཞུས་སོ། །བསྙེན་དང་བསྒྲུབ་པ་གང་ལགས་པ། །ཀི་ལ་ཡ་ལ་བདག་ཉན་འཚལ། །ཉོན་ཅིག་ཀར་མ་ཧེ་རུ་ཀ །བསྙེན་བསྒྲུབ་དོན་རྣམས་ངས་བཤད་ཀྱིས། །རྩེ་གཅིག་པ་ཡི་ཡིད་ཀྱིས་ཉོན། །དུར་ཁྲོད་བྲོག་གླིང་རྐང་གཅིག་དྲུང་། །དབེན་ལ་ཉམས་དགའི་གནས་དག་ཏུ། །རྫས་དང་ཡོ་བྱད་ཀུན་སོགས་ལ། །ལྷུན་འགྱུར་ཞེ་སྡང་ཆེ་བའི་འཁོར། །ཤིན་ཏུ་དྲུག་པོའི་དུས་ལ་འཇུག །བསོད་ནམས་དབུང་དང་ཕྱིན་བཤགས་བྱ། །སྟག་དང་གླང་པོ་ལ་སོགས་ཏེ། །ཆོ་ག་ཡན་ལག་རྫོགས་པར་བྱ། །བསྙེན་པ་ཞེས་སུ་རྒྱལ་བས་གསུངས། །ཏིང་འཛིན་རིམ་པ་རབ་གསལ་ཞིང་། །རིག་པའི་ཡེ་ཤེས་གྲངས་བསྟིམ་པས། །ལས་མཐར་ཕྱིན་པ་བསྒྲུབ་ཆེན་པོ། །ཀར་མ་ཧེ་རུ་ཀས་ཡང་གསོལ་པ། དེ་དོན་རྒྱལ་བས་བཤད་དུ་གསོལ། །ཉོན་ཅིག་ཀར་མ་ཧེ་རུ་ཀ །ངས་གསུངས་པ་༄༅ ལ་ཐེ་ཚོམ་མེད། །ལྔ་ཡིས་དོན་གྱིས་གཞི་བཟུང་ལ། །བཞི་ཡིས་དེ་ཉིད་ལས་བསྡེབས་ལ། གསུམ་གྱིས་དོན་གྱི་ཁོག་ཕུབ་སྟེ། །གཉིས་ཀྱི་དོན་གྱི་སྤྱིས་རྣམས་འབྱིན། །མཐར་ཕྱིན་ལས་ཀྱིས་རྒྱལ་པོར་བཤད། །གཅིག་ལ་གསུམ་སྟེ་རབ་ཏུ་དབྱེ། །དང་པོ་རྣམས་པ་གཉིས་སུ་འཀྱུར། །གཉིས་ལ་རྣམ་པ་དགུ་རུ་བཤད། །གསུམ་ལ་ཡན་ལག་རབ་ཏུ་དབྱེ། །གཉིས་ལ་གཉིས་ཏེ་གཉིས་སོ་ཏྲ། །གསུམ་ལ་རྣམ་དྲུག་ཉིད་དོ། །བཞི་ལ་གསུམ་གྱིས་ཡོངས་སུ་རྫོགས། །ཞེས་གསུངས་པས། འཁོར་གྱིས་བསྟོད་དོ། །སྒེག་པོ་དཔའ་བོ་འཇིགས་སུ་རུང་བ་དང་། །རྒོད་དང་གཤེ་དང་འཇིགས་པར་ཁྲོ་བ་དང་། །སྙིང་རྗེ་རྔམ་དང་ཞི་བ་ལ་སོགས་ཏེ། །སྐུ་ཡི་དངོས་པོ་ཤིན་ཏུ་ཀླས་པ་ཡིན། །རྒྱན་དང་ཆ་ལུགས་ལྡན་པས་སྒེག་སྒེག་འདྲ། །བདུད་བཞི་གདན་དུ་བཏིང་བས་དཔའ་དབའ་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །ཞལ་གཡས་དཀར་ལ་འཛུམ་པས་རྒོད་རྒོད་འདྲ། །ཞལ་གཡོན་དམར་ལ་གདང་བས་གཤེ་གཤེ་འདྲ། །ཞལ་དབུས་མཐིང་ལ་རྔམ་པས་ཁྲོ་ཁྲོ་འདྲ། །རྒྱུད་དྲུག་ལ་སོགས་འདྲེན་པས་ཐུགས་རྗེ་ཆེ་ཆེ་འདྲ། །གདུག་པ་ཞལ་དུ་གསོལ་བས་རྔམ་རྔམ་འདྲ། །ཆོས་སྐུ་མཚན་མ་མེད་བས་ཞི་ཞི་འདྲ། །དེ་འདྲའི་ཁྲོ་བོ་ཆ་ལུགས་འཇིགས་པར་བསྟན་པ་ནི། །རྡོ་རྗེ་རྩེ་དགུས་ས་དགུའི་རྟོག་པ་འཇོམས། །རྡོ་རྗེ་རྩེ་ལྔས་རྒྱུད་ལྔ་རབ་ཏུ་འཇོམས། །མེ་དཔུང་འབར་བས་ཁམས་གསུམ་ཉོན་མོངས་བསྲེག །ཁ་ཊ༷་རྩེ་གསུམ་དུག་གསུམ་རྩད་ནས་གཅོད། །རི་རབ་ཕུར་པས་ཁམས་གསུམ་ཟིལ་གྱིས་གནོན་མཛད་པ། །སྐུ་སྨད་དཔལ་དང་ཆས་པས་གདུག་པ་སྒྲོལ། །གཉིས་མེད་ཐུགས་ལས་སྐྱེད་པའི་ཡུམ་ཆེན་དང་། །ཡབ་ཡུམ་གཉིས་མེད་སྐུ་གསུང་ཐུགས་དང་ལྡན། །དྲག་པོ་ལས་ཀྱིས་གདུག་པ་སྒྲོལ་མཛད་པ། །ཀི་ལ་ཡ་ཡི་དངོས་གྲུབ་སྩལ་དུ་གསོལ། །དེ་ནས་ཡང་རང་བཞིན་གྱི་འཁོར་གྱི་གཙོ་འཁོར་ལ་བསྟོད་དོ། །བསྐལ་པ་མེ་ལྟར་འབར་བའི་དཀྱིལ་འཁོར་ནས། །གདུག་པ་འདུལ་ཕྱིར་དུས་ལས་མི་འདའ་བའི། །ཁྲོ་རྒྱལ་འདུས་པའི་སྲས་མཆོག་ཀི་ལ་ཡ། །རྡོ་རྗེ་གཞོན་ནུའི་སྐུ་ལ་ཕྱག་འཚལ་བསྟོད། །དུས་གསུམ་རྒྱལ་བ་ཐམས་ཅད་བསྐྱེད་པའི་ཡུམ། །བདེ་ཆེན་དབྱིངས་ལས་སྐྱེད་པའི་འབྱུང་གནས་གཙོ། །མཛེས་པའི་སྐུ་མཆོག་སེམས་ཅན་སྒྲོལ་ལ་མཁས། །འཁོར་ལོ་རྒྱས་འདེབས་ཡུམ་ལ་ཕྱག་འཚལ་ལོ། །ཕྱོགས་བཅུ་དྲེག་པ་བསྣོལ་བའི། །གདན་སྟེངས་ནས། །བདུད་འདུལ་ཆེན་པོ་ཡེ་ཤེས་ཁྲོ་རྒྱལ་བཅུ། །ཧཱུཾ༷་དང་ཕཊ་ཀྱིས་སྲིད་གསུམ་འཁོར་བ་འཇོམས། །ཁྲོ་བོ་ཆེན་པོ་བཅུ་ལ་ཕྱག་འཚལ་བསྟོད། །བདེ་ཆེན་དབྱིངས་ལས་སྐྱེད་པའི་ཁྲོ་རྒྱལ་ཡུམ། །ཁྲོ་བའི་སྐུ་ལ་དགྱེས་པར་སོ་སོ་འཁྲིལ། །སྲིན་པོའི་ཆ་ལུགས་ཤིན་ཏུ་བརྗིད་བར་སྟོན། །ཡེ་ཤེས་ཁྲོ་མོ་བཅུ་ལ་ཕྱག་འཚལ་བསྟོད། ཁམས་གསུམ་དབང་སྡུད་ཡེ་ཤེས་ཕྱག་སྙན་ཚོགས། །ཆེ་མཆོག་ག་་ཁྲོ་ཕོ་ཉ་འབར་བའི་སྐུ། །རྔམ་པའི་སྟབས་ཀྱིས་སྲིད་གསུམ་འགུགས་མཛད་མ། །མགོ་བརྙན་ཉི་ཤུའི་ཚོགས་ལ་ཕྱག་འཚལ་ལོ། །ཚད་མེད་བཞི་རྫོགས་གསང་བ་ཡུམ་གྱི་དང་། །འཕྲིན་ལས་རྣམ་བཞིས་འགྲོ་བའི་དོན་ལ་བརྩོན། །ཕྱག་རྒྱ་རྣམ་བཞིས་གདུག་པ་འདུལ་མཛད་མ། །སྒོ་སྐྱོང་འགུག་འདྲེན་ཚོགས་ལ་ཕྱག་འཚལ་བསྟོད། །ཕུར་བ་བསྐལ་པ་མེ་ལྟར་འབར་བའིརྒྱུད་ལས། བསྙེན་བསྒྲུབ་དང་དགྱེས་ཏེ་བསྟོད་པའི་ལེའུ་སྟེ་བཅུ་གསུམ་པའོ།། །།དེ་ནས་ཡང་ཀར་མ་ཧེ་རུ་ཀས། སྒྲོལ་བྱེད་ཀྱི་རྒྱལ་པོ་ལ་གསོལ་བ། ངེས་འབྱུང་སྙིང་པོ་གང་ལགས་པ། །ཀི་ལ་ཡ་ལ་བདག་ཉན་འཚལ། །ཉོན་ཅིག་ཀར་མ་ཧེ་རུ་ཀ །ངས་གསུངས་པ་ལ་གདོན་མི་ཟ། །རང་བྱུང་ཡེ་ཤེས་རྒྱལ་པོ་ལས། །འཁོར་འདས་ཐམས་ཅད་འབྱུང་གནས་ཆོས། །སྣ་ཚོགས་ངོ་བོ་འབྲས་བུར་སྨིན། །ཀར་མ་ཧེ་རུས་ཡང་གསོལ་པ། །ཨེ་མ་ཧོ་ངོ་མཚར་རྨད་ཀྱི་ཆོས། །རང་བཞིན་གསང་བའི་དངོས་པོ་རྣམས། །སྤྱོད་ཡུལ་མ་ཡིན་ངོ་མཚར་ཆེ། །ཀུན་ལ་སྣང་བ་རྒྱལ་བའི་ཞིང་། །ངོ་མཚར་རྨད་བྱུང་རྒྱལ་བའི་ཐུགས། །ངོ་མཚར་རྒྱལ་བ་ཀུན་དང་མཉམ། །སྒྲོལ་བྱེད་རྒྱལ་པོས་བཀའ་སྩལ་པ། །ཨེ་མ་ཧོ་ངོ་མཚར་རྨད་ཀྱི་ཆོས། །ཀུན་འབྱུང་ཡེ་ཤེས་རྒྱལ་པོ་འདི། །སྟོན་པ་རྡོ་རྗེའི་ཐུགས་ལ་གནས། །མ་བཙལ་བདེ་བའི་སེམས་ཉིད་ལས། །སྣ་ཚོགས་སྣང་བ་ངོ་མཚར་ཆེ། །བདེ་གཤེགས་ཟབ་མོའི་སྤྱོད་ཡུལ་ལས། །གང་ལྟར་སྣང་བ་ངོ་མཚར་ཆེ ཨེ་མ་ངོ་མཚར་རྨད་ཀྱི་ཆོས། །ཀུན་བརྗོད་གསུང་གི་རྒྱལ་པོ་འདི། །ཇི་སྙེད་ཐ་སྙད་ཀུན་བརྗོད་ཀྱང་། །འབྲས་བུ་བྱེ་བྲག་སོ་སོར་སྣང་། །ཐ་སྙད་བྲག་ཆ་ཇི་བཞིན་ཏེ། །མ་བརྗོད་སྒྲ་ཡི་ངང་དུ་གནས། །སྒྲ་དེ་མ་བརྗོད་ཐ་སྙད་ལས། །དཔེར་ན་བཅོམ་ལྡན་སྦྲིད་སངས་བཞིན། །སྟོན་པ་རྡོ་རྗེའི་གསུང་ལས་འབྱུང་། །ཨེ་མ་ཧོ་ངོ་མཚར་རྨད་ཀྱི་ཆོས། །ཀུན་ནས་ཐུགས་ཀྱི་རྒྱལ་པོར་གནས། །ཟླ་བ་ལྟ་བུར་དངས་པ་ལས། །ཉི་མ་ལྟ་བུར་ཀུན་ལ་ཁྱབ། །མ་གཡོས་རྒྱ་མཚོ་ལྟ་བུ་ལས། །ཤུགས་ལས་འབྱུང་བ་རོལ་པར་སྣང་། །རང་བཞིན་དངོས་པོ་དངོས་མེད་དང་། །མེ་ལོང་དངས་པའི་ཚུལ་བཞིན་ནོ། །སྟོན་པ་རྡོ་རྗེའི་ཐུགས་ལ་གནས། །ཨེ་མ་ཧོ་ངོ་མཚར་རྨད་ཀྱི་ཆོས། །འཕྲིན་ལས་སྣ་ཚོགས་ཅིར་སྣང་ཡང་། །ཞི་རྒྱས་དབང་དང་དྲག་པོ་དང་། །མངོན་སྤྱོད་འཕྲིན་ལས་བསམ་ཡས་ཀུན། །ལས་རྣམས་བྱ་བ་མ་ལུས་ཀུན། །གཅིག་མ་ལུས་པར་ཐམས་ཅད་གྲུབ། །བྱས་སོ་ཅོག་རྣམས་ལས་སུ་འགྱུར། །བྱས་དང་གང་ལས་གཡོས་པ་མེད། །ཨེ་མ་ངོ་མཚར་རྨད་ཀྱི་ཆོས། །ཡོན་ཏན་བསམ་ཡས་གསང་བར་གནས། །ཞིང་ཁམས་རྒྱན་ལ་སོགས་པ་རྣམས། །གང་ཡིན་དེ་ལས་མི་ཞན་པ། །རྒྱལ་བའི་ཡོན་ཏན་བརྗོད་ལས་འདས། །དེ་ཕྱིར་ཡོན་ཏན་ཀུན་ལ་སྣང་། །ཨེ་མ་ཧོ་ཡང་དག་རྫོགས་ལུང་རྒྱལ། །ཆོས་རྣམས་བསྟན་པའི་རྒྱལ་པོར་འབྱུང་བའི་རྒྱུ། །མདོ་སྡེ་འདུལ་བ་མངོན་པ་ཡང་། །བསྟན་པའི་རྒྱལ་པོ་ང་ལས་འབྱུང་། །དམ་ཚིག་བསྒྲུབ་དང་བསྒྲུབ་པ་དང་། །བསྟན་པའི་རྒྱལ་པོ་འདི་ལས་བྱུང་། །སྐུ་དང་གསུང་དང་ཐུགས་རྒྱུད་དང་། །བསྟན་པའི་རྒྱལ་པོ་འདི་ལས་བྱུང་། །ས་དང་ལམ་རྣམས་བརྒྱུད་པ་ཡང་། །བསྟན་པའི་རྒྱལ་པོ་འདི་ལས་བྱུང་། །སྟོན་པ་སྒྲོལ་བྱེད་རྒྱལ་པོ་ངས། །ང་ཡིས་མ་བྱས་གང་ཡང་མེད། །སྟོན་པ་དག་པ་མཐའ་དག་ང་ཡི་འཁོར། །ཐ་སྙད་གྲགས་པ་ཐམས་ཅད་ཀུན། །དེ་དག་ཐམས་ཅད་དང་ལས་བྱུང་། །ང་ལས་མ་བྱུང་གང་ཡང་མེད། །ཆོས་སོ་ཅོག་ཏུ་གྲགས་པ་ཀུན། །ཀུན་ཀྱང་ང་ཡི་དངོས་གཞི་ཡིན། །བསྟན་པའི་རྒྱལ་པོ་མཐའ་དག་ཀུན། །དོན་གྱི་ངོ་བོ་ང་ལས་བྱུང་། །ཞེས་གསུངས་པས། ཀར་མ་ཧེ་རུ་ཀས་གསོལ་པ། ཨེ་མ་ཧོ་སྒྲོལ་བྱེད་རྒྱལ་པོ་ལགས། ཀུན་གྱི་གཞིར་གྱུར་དེ་ལྟར་ན། གང་ལྟར་གང་བྱུང་གང་དུ་སྨིན། །རྫོགས་སངས་རྒྱས་ལ་བདག་ཉན་འཚལ། །དོན་གྱི་སྙིང་པོ་ཀུན་འབྱུང་གཞི་ཉིད་དེ། །འོག་མིན་གནས་མཆོག་དམ་པ་སྲ །སྐུ་ཡང་སྒྲོལ་བྱེད་རྒྱལ་པོ་འདིས། །འཁོར་ཡང་ཀུན་ཁྲོ་འཁོར་རྣམས་ལ། །ཚིག་གཅིག་གསུངས་པ་མེད་མོད་ཀྱང་། །རང་བཞིན་དོན་གྱིས་གོ་བར་སྟོན། །འོག་མིན་གྲགས་པ་དེ་ལྟར་གྱིས། །གོང་དབྱེ་བ་ཡི་གདུལ་བྱ་ལ། །སྒྲོགས་པ་ཀར་མ་ཧེ་རུ་ཀ །དེ་ཡང་ང་སྣང་མྱ་ངན་འདས་འོག་ཏུ། །བསྟན་པ་ཀུན་འབྱུང་རྒྱལ་པོ་འདི། །རིག་པ་འཛིན་པའི་གནད་གསུམ་ལ། །ངེས་ཏེ་ངེས་པར་འབྱུང་བ་ཡིན། །ངེས་པར་འབྱུང་བར་གདོན་མི་ཟ། །རྒྱལ་བའི་དགོངས་པའི་བཅུད་གནས་འདི། །དེ་ཡང་གང་ཟག་མོས་དབང་ལས། །རྟོག་པའི་བྱེ་བྲག་ཐམས་ཅད་ལས། །ཆོས་དང་བྱེ་བྲག་བརྗོད་ལས་འདས། །དེ་བསྡུས་རྣམ་པར་གསུམ་ཉིད་དེ། །འདོད་ཆགས་ཞེ་སྡང་གཏི་མུག་སྟེ། །གཉེན་པོ་གང་ལྟར་འཚལ་བས་ན། །སྣོད་དང་སྦྱར་ལ་གཏད་པར་གསུངས། །དེ་ཡང་སྣོད་ཀྱི་བྱེ་བྲག་ལས། །དུག་ཅན་རྣམས་དང་ཕྲད་མི་འགྱུར། ཁ་སྦུབ་ཞབས་རྡོལ་སྤོང་བའི་རྒྱུ། །དད་ལྡན་བརྩོན་འགྲུས་ཆེ་བ་དང་། །དཀའ་ཐུབ་དམ་ལ་གནས་པ་དང་། །བརྟུལ་ཞུགས་ཆེ་ཞིང་སྒྲོལ་ལ་བརྩོན། །སྐད་གདངས་ཆེ་ལ་ལས་ཁྲིགས་མཁས། །དེ་ལྟར་ཚངས་པའི་སྣོད་ལ་གདམས། །ཞེས་གསུངས་སོ། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། གང་ལྟར་བྱུང་བ་དང་ལུང་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་སྒྲོལ་བྱེད་རྒྱལ་པོས་འདི་སྐད་ཅེས་བཀའ་སྩལ་ཏོ། །འཁོར་གནས་ཁྲོ་རྒྱལ་ཐམས་ཅད་ཀྱིས། །འབྱུང་གནས་བསྟན་བའི་རྒྱལ་པོ་འདི། །ཀུན་ལ་སྤེལ་ཞིང་རྒྱས་པ་དང་། །ཡོངས་སུ་དང་ཞིང་སྨིན་པ་དང་། །མི་ནུབ་རྒྱལ་མཚན་ཆེན་པོ་སྟེ། །ཀུན་ལ་མཐུན་པར་ཡང་དག་ཟུང་། །ཕོ་ཉ་འཁོར་ཚོགས་ཐམས་ཅད་དང་། །མཁའ་འགྲོ་ཕོ་རྒྱུད་མོ་རྒྱུད་ཀྱིས། །ངས་གསུངས་རྒྱུད་ཀྱི་རྒྱལ་པོ་འདི། །སྣོད་ལྡན་གང་ལ་གནས་བྱེད་པ། །དེ་ལ་སྐྱོབ་ཅིང་བརྩེ་བར་ཟུང་། །ཕུར་པ་བསྐལ་པ་མེ་ལྟར་འབར་བའི་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་བཅོ་ལྔ་བའོ།། །།རྡོ་རྗེ་ཕུར་པ་བསྐལ་པ་མེ་ལྟར་འབར་བའི་རྒྱུད་ཅེས་བྱ་བ་རྒྱུད་ཀྱི་རྒྱལ་པོ་རྫོགས་སོ།། །།ཨུ་རྒྱན་གྱི་མཁས་པ་ཆེན་པོ་པདྨ་འབྱུང་གནས་དང་། བོད་ཀྱི་ལོསྣྲོ་བ་བྲང་ཏི་ཛུ་ཡ་རཁྱི་ཏ་དང་། ལྕེ་ཀུ་ཀུ་ར་ཙ་དང་། སྣུབས་ནམ་མཁའི་སྙིང་པོས། བསམ་ཡས་བྲག་དམར་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། བུ་ཏྲ་ཏན་ཏྲ་ཀ་པ་ན་མ་པྲ་ཏ་པ། ཀ་རུ་ན་ས་ཏ་ནཱ་མ།