Ngb-pt-0595-vol-06-text
Front
Body
བིཐ༷། རྒྱ་རྒྱ་རྒྱ་རྒྱ་རྒྱ། གཏད་རྒྱ། གཏེར་རྒྱ། སྦས་རྒྱ། གསང་རྒྱ།། །། དྲམཅ་རྔ༔ ཆམྱ ༔ཡང་དག་གསངབའི་སྐད་དུ། ཡང་སྡིག་བྷ་ཏུང་པ་ཡ། བོད་སྐད་དུ། དགོངས་དོན་འགྲོ་བ་ཀུན་གྲོལ་གྱི་རྒྱུད་ཅེས་བྱ་བ། འདི་སྐད་བདག་གིས་ཐོས་པའི་དུས་གཅིག་ན། ཆོས་དབྱིངས་ཀ་དག་ཁྱབ་བརྡལ་ཀློང་ཡངས་གིས་གནས་སུ། །སྟོན་པ་ཀུན་བཟང་སྣང་བ་མཐའ་ཡས་ཆོས་ཀྱི་སྐུ་ལ། འཁོར་རང་བྱུང་ཡེ་ཤེས་ལྔའི་འཁོར་གྱིས་བསྐོར་ནས། ངོ་བོ་ཉིད་ཀྱིས་བསྟན་པ་སྨྲ་བསམ་བརྗོད་དུ་མེད་པ་ལས། གཟུགས་བརྙན་གྱིས་བསྟན་པ་སྐྱེ་བ་མེད་པ་ལས། སྐྱེ་བའི་ཆོ་འཕྲུལ་ཡི་གེ་དྲུག་གི་འཁོར་ལོ་རང་འབྱུང་དུ་ཤར་བ་ལ་ཕྱག་འཚལ་ལོ། །འདི་སྐད་བདག་གིས་བསྟན་པའི་དུས་གཅིག་ན། ཡེ་ཤེས་ལྷུན་གྲུབ་འོད་ལྔའི་ཞིང་ཁམས་སུ། །སྟོན་པ་པདྨ་རྒྱལ་པོ་ལོངས་སྤྱོད་རྫོགས་པའི་སྐུ་ལ། འཁོར་སངས་རྒྱས་དང་བྱང་ཆུབ་སེམས་དཔའ་མང་པོས་བསྐོར་ནས། རང་ཤར་གྱིས་བསྟན་པ་ཉོན་མོངས་པའི་གཉེན་པོ་ཡེ་ཤེས་ཀྱི་དགོངས་་པ་ལ། གཟུགས་ཅན་གྱིས་བསྟན་པ། འགགས་པ་མེད་པ་ལ་རང་ཤར་བར་གསང་རྒྱུད་འདི་དག་བཤད་ཀྱི་ཉོན་ཅིག འདི་སྐད་བདག་གིས་ཐོས་པའི་དུས་གཅིག་ན། །ཐུགས་རྗེ་ཀུན་ཁྱབ་འཇིག་རྟེན་གྱི་གནས་སུ། །སྟོན་པ་གང་ལ་གང་འདུལ་སྤྲུལ་པའི་སྐུ་ལ། འཁོར་དུ་སྐལ་ལྡན་གདུལ་ཚོགས་ཀྱིས་བསྐོར་ནས།རང་གྲོལ་བསྟན་པ་འགྲོ་བ་ཀུན་གྲོལ་ལས། གཟུགས་ཅན་གྱིས་བསྟན་པ་ཚིག་དང་ཡི་གེར་གནས་པ་ལ་འདུན་པར་གྱུར་ཏོ། །དེའི་ཚེ་སྤྲུལ་པ་སྐུའི་ཞིང་ཁམས་འདིར། སངས་རྒྱས་འདུས་པ་སྟུ་རུ་པདྨ་རྒྱལ་པོ་ཡིས། སྐུ་གསུང་ཐུགས་ཀྱི་འོད་དེ་ལས་སྤྲུལ་པ་སྐུའི་ཞིང་ཁམས་ཆེན་པོ་གསལ་བར་གྱུར་ཏོ། །དེའི་ཚེ་གསང་བའི་མཁའ་འགྲོ་གསོལ། ཀྱི། བསྟན་པའི་བདག་པོ་ཐུགས་རྗེ་ཆེ། །ཆོས་རྣམས་སྟོན་པ་པདྨའི་རྒྱལ། །རྒྱུད་རྒྱལ་སངས་རྒྱས་དགོངས་པའི་དོན། །འགྲོ་བ་ཀུན་གྲོལ་གསུང་དུ་གསོལ། །དེ་སྐད་ཞུས་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ། ཨེ་མ་ཨེ་མ། སྐུ་གསུམ་སྐུ་ལྔ་སྟོན་པའི་བཅུད། །སྨིན་གྲོལ་གེགས་གསལ་པོ་གསད་བྱུང་ནས། །བློ་འདས་དོན་ལ་སྦྱོར་བའི་རྒྱུད། །བཤད་ཀྱིས་མ་ཡེངས་ཡིད་ཀྱིས་ཉོན། །ཅེས་གསུངས་སོ། །དགོངས་དོན་འགྲོ་བ་ཀུན་གྲོལ་གྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །།ཡང་དེའི་ཚེ་བདེ་ཆེན་སངས་རྒྱས་སྙིང་པོ་བཀོད་པ་ཞེས་བྱ་བ་ན། སྟོན་པ་སངས་རྒྱས་གངས་ཆེན་མཚོ་ཞེས་བྱ་བའི་དྲུང་དུ། ཆོས་དབྱིངས་ཡེ་ཤེས་མཁའ་འགྲོ་ཞེས་བྱ་བས་འདི་སྐད་ཅེས་གསོལ་ཏོ། །ཀྱི། ཆོས་ཀྱི་དབང་ཕྱུག་ཐུགས་རྗེ་ཆེ། །བདེ་སྟོང་ཟག་མེད་པདྨའི་རྒྱལ། །རྒྱུད་རྒྱལ་སྨིན་བྱེད་དབང་གི་ལྷ། །བདག་ཅག་འཁོར་ལ་བཀའ་སྩལ་ཞུ། །དེ་སྐད་ཞུསླ་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ། ཧྲི། ཐམས་ཅད་རྒྱལ་བའི་དཀྱིལ་འཁོར་དུ། །རང་སེམས་རིག་པའི་དབང་ཐོབ་ནས། །ཐེག་པ་རིམ་དགུ་ལ་སོགས་པའི། །ཆོས་སྒོ་མ་ལུས་འདིས་ཕྱེད་འགྱུར། །བླ་མ་སངས་རྒྱས་འདུས་པ་ཡིས། །ཐབས་ཤེས་བདུད་རྩི་ཐོབ་པ་ན། །རླུང་སེམས་ཀུན་ལ་དབང་ཐོབ་ནས། །སྟོང་ཉིད་ཆེན་པོར་རྣམ་པར་གྲོལ། །སྟོང་པའི་ངང་ལས་བདེ་ཆེན་སྐུ། །ཤེས་རབ་མཁའ་འགྲོ་དང་སྦྱར་ན། །བདེ་བ་སེམས་བཟུང་སྟོང་ལ་སྦྱར། །གཉིས་མེད་ངང་དུ་ཡེ་ཤེས་སྐྱེ། །ཆོས་ཀྱི་དགོངས་པའི་རང་སེམས་ནི། །སྟོང་ཉིད་བདེ་ཆེན་བློ་ལས་འདས། །རྒྱལ་བུ་རྒྱལ་ས་ཟིན་པ་ལྟར། །དོན་མཐོང་ཙམ་གྱིས་སྨིན་པར་འགྱུར། །དེ་ལྟར་དབང་བཞིའི་གདམས་པ་ཡིས། །ཐེག་པ་རིམས་ཀྱི་འཇུག་པར་བྱ། །དེ་ལྟར་ཡོངས་སུ་སྨིན་པ་ལ། །གྲོལ་བར་བྱེད་པའི་གདམས་པ་བསྟན། །ཧུ༷་མེ་པད་ཁི་མ་ཨོ། ཨོ༷་ཨུ་ཧུ༷་ཧྲི། ཞེས་གསུངས་སོ། །དགོངས་དོན་འགྲོ་བ་ཀུན་གྲོལ་གྱི་རྒྱུད་ལས། སྨིན་བྱེད་དབང་གི་ལེའུ་སྟེ་གཉིས་པའོ།། །།ཀྲཤུདྭ་ཀོཧ་ཧ༔ ཆ་ན་རྟངདུག ༔སླནིརགཎཉལྟོ༔ མཏགྭརྟཤཱཧུཏ། ཡང་དེའི་ཚེ་བདེ་ཆེན་རྡོ་རྗེ་སྙིང་པོ་བཀོད་པའི་རྒྱན་ཅེས་བྱ་བ་ན། སྟོན་པ་རྡོ་རྗེ་གངས་ཆེན་མཚོ་ཞེས་བྱ་བའི་དྲུང་དུ། མེ་ལོང་ཡེ་ཤེས་མཁའ་འགྲོ་མ་ཞེས་བྱ་བས་འདི་སྐད་ཅེས་གསོལ་ཏོ། །ཀྱེ། ཐར་པའི་ལམ་སྟོན་ཐུགས་རྗེ་ཆེ། །མཚོ་རྒྱལ་ཆེན་པོ་ལྷུན་རྫོགས་པདྨ་རྒྱལ། །རྒྱུད་རྒྱལ་ཆོས་ཀྱི་ཕྱག་རྒྱའི་དོན། །བདག་ཅག་འཁོར་ལ་བཀའ་སྩལ་གསོལ། །འདི་སྐད་ཞུས་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ། །ཧྲི། ཐོག་མར་སངས་རྒྱས་ཀུན་གྱི་གཙོ། །བླ་མ་སྒོམ་ཞིང་གསོལ་བ་གདབ། །ཏིང་ངེ་འཛིན་གྱི་དབང་ཡང་བླང་། །རྒྱུན་དུ་འབྲེལ་མེད་རྗེས་སུ་བཞུགས། །བླ་མ་རྡོ་རྗེ་སེམས་དཔའ་ལ། །མཎྜལ་འབུལ་ཞིང་ཡིག་བརྒྱ་བཟླས། །ཐབས་ཀྱི་ཡན་ལག་དེ་དག་གིས། །སྒྲིབ་པ་གཉིས་སྦྱངས་ཚོགས་གཉིས་རྫོགས། །བླ་མ་དཀོན་མཆོག་སྐྱབས་གནས་ལ། །བྱང་ཆུབ་བར་དུ་སྐྱབས་སོང་ནས། །སྨོན་པ་དང་ནི་འཇུག་པ་ཡིས། །འགྲོ་བའི་དོན་དུ་སེམས་བསྐྱེད་དོ། །དེ་ལྟར་གསོལ་འདེབས་སྤེལ་སྦྱངས་དང་། །སྐྱབས་འགྲོ་སྨོན་འཇུག་སེམས་སྐྱེད་དང་། །ཕྱི་ནང་གསང་བའི་སྡོམ་པ་གཟུང་། །དམ་བཅའ་སྨོན་ལམ་རྒྱས་པར་གདབ། །ཕྱི་ནང་རྟོགས་པའི་མཚམས་བཅད་ལ། །སྐྲིབ་གཉིས་མ་ལུས་རྣམ་དག་ཅིང་། །ཡེ་ཤེས་དག་ནི་གཉིས་མེད་པའི། །དཀྱིལ་འཁོར་བསྐྱེད་ཅིང་བསྒྲུབ་པར་བྱ། །བདག་གི་ཡེ་ཤེས་ལྟ་ལས་ནི། །རང་བྱུང་རང་གྲོལ་བདེ་བ་ཆེ། །འདོད་ཡོན་མ་སྤངས་རོལ་པའི་རྒྱན། །བསོད་ནམས་ཡེ་ཤེས་ཚོགས་ཀྱི་མཆོག །ཏིང་ནི་གསུམ་ལས་བྱུང་བ་ཡིས། །བསོད་ནམས་ཐམས་ཅད་དཀྱིལ་འཁོར་ནི། །ཅི་བཞིན་རྣལ་འབྱོར་རང་ལུས་ལ། །དེ་བཞིན་དབང་རླུད་ཐིག་ལེ་གནས། །སྒོ་གསུམ་རྣམ་དག་ངང་དུ་གསལ། །དེ་བཞིན་རང་གི་སེམས་ལ་ཡང་། །འཁོར་བ་དང་ནི་མྱ་ངན་འདས། །ཐམས་ཅད་འབྱུང་ཞིང་ཐམས་ཅད་གནས། །ཐམས་ཅད་གྲོལ་བར་བྱེད་པའོ། །དེ་ལྟར་བསྐྱེད་རྫོགས་རྫོགས་པ་ཆེ། །ཕྱི་ནང་གསང་བའི་དཀྱིལ་འཁོར་དུ། །ཟུང་འཇུག་གཏོར་མའི་རྣལ་འབྱོར་གྱིས། །ཐུན་མོང་མཆོག་གི་དངོས་གྲུབ་འབྱུང་། །རྒྱལ་བའི་དཀྱིལ་འཁོར་མ་ལུས་ཀྱང་། །ཆོས་དབྱིངས་དོན་དུ་རོ་གཅིག་པ། །བསྟོད་པ་གླུ་ཡི་དོན་གསོལ་འདེབས། །ཨེ་མ་དབྱིངས་ཀྱི་རོལ་པ་འདིས། །རྟོག་པ་མེད་ལས་ཀུན་མཁྱེན་པ། །སྐུ་བཞིའི་འཕྲིན་ལས་ལྷུན་གྱིས་གྲུབ། །མ་འགགས་ཡེ་ཤེས་སྒྱུ་མའི་ལྷ། །འགྲོ་བ་གྲོལ་བའི་དོན་དུ་བསྐུལ། །ཡེ་ཤེས་ལྷ་དང་ནམ་དུ་ཡང་། །མི་འབྲལ་རྩེ་གཅིག་བསྒྲུབ་པ་ལ། །ཟ་འདུག་འགྲོ་ཉལ་ཐམས་ཅད་དུ། །ཡེངས་ན་ཡེ་ཤེས་ལྷ་སྤང་འགྱུར། །ཉོན་མོངས་འཁྲུལ་རྟོག་སྐྱེས་པ་ན། །བར་ཆད་འབྱུང་པོ་ལ་སོགས་པས། །ལུས་ལ་ནད་རྣམས་གཏོང་བ་དང་། །འཆི་བའི་རྟགས་རྣམས་སྟོན་པར་འགྱུར། །དེ་ན་ཤེས་བཞིན་དྲན་པ་བསྟན། །འཆི་བ་སླུ་ཕྱིར་ཚོགས་གཉིས་བསགས། ཁ་སྦྱོར་རླུང་གི་ཚེ་ཡང་སྲིང་། །བློ་འདས་སྒོམ་ན་སྐྱེ་ཤི་མེད། །དེ་ལྟར་བར་ཆད་ཡོང་སྤངས་ནས། །ཚེ་འདིར་རང་གཞན་དོན་ལ་སྦྱར། །ཚོགས་བསག་སྒྲིབ་པ་སྦྱང་བའི་ཕྱིར། །ཆོས་སྤྱོད་བཅུ་ལ་རྣམ་པར་བསླབས། །འགྲོ་བ་རྣམས་ལ་ཕན་དོན་དུ། །མཆོག་དང་ཐུན་མོང་གྲུབ་ཆེན་བརྒྱད། །འབྱུང་བ་ལྔ་ཡི་འཕྲིན་ལས་བཞི། །ཡི་གེ་བཅུ་པ་བཟུང་བས་གྲུབ། །དེ་ལྟར་སྣ་ཚོགས་འཕྲིན་ལས་རྣམས། །བསྐྱེད་རིམ་ཡན་ལག་རྫོགས་པས་འགྲུབ། །དེ་ཡང་དངོས་པོ་རྣམ་པ་བཅུ། །རྒྱུད་རྣམས་ཀུན་གྱི་དགོངས་པ་རྫོགས། །ཨོ་ཨུ་ཧུ༷་ཧྲི་ཨོ་མ་ཁི་པཏྲེ་ཧུ༷། ཞེས་གསུངས་སོ། །དགོངས་པ་ཀུན་གྲོལ་གྱི་རྒྱུད་ལས། ཆོས་ཀྱི་ཕྱག་རྒྱ་དང་སྦྱོར་བའི་བསྐྱེད་རིམ་གྱི་ལེའུ་སྟེ་གསུམ་པའོ།། །།ཐཏཊཀསཀསྐ༷༷ཨརྟཎྜཊགླཐརྟ། ཡ་ཏྲ། ཁས་ཞོར། ཉཉསབྱཅཧ། །ཡང་དེའི་ཚེ་བདེ་ཆེན་རིན་ཆེན་བཀོད་པའི་རྒྱན་ཅེས་བྱ་བ་ན། སྟོན་པ་རིན་ཆེན་གངས་ཆེན་མཚོ་ཞེས་བྱ་བའི་དྲུང་དུ། མཉམ་ཉིད་ཡེ་ཤེས་མཁའ་འགྲོ་ཞེས་བྱ་བས་འདི་སྐད་ཅེས་གསོལ་ཏོ། །ཀྱེ། རླུད་སེམས་རང་གྲོལ་ཐུགས་རྗེ་ཆེ། །ཐིག་ལེ་ཆེན་པོ་པདྨ་རྒྱལ། །རྒྱུད་རྒྱལ་དམ་ཚིག་ཕྱག་རྒྱའི་དོན། །བདག་ཅག་འཁོར་ལ་བཀའ་སྩལ་ཞུ། །དེ་སྐད་ཞུས་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ། །ཧྲི། རྡོ་རྗེ་ལུས་ཀྱི་སྲོག་པ་ལས། །རྩ་རླུང་ཐིག་ལེའི་གར་གསལ་ནས། །འབར་བའི་རྩ་མདུད་གྲོལ་རྟགས་འཆར། །འཛག་པས་དགའ་བདེའེ་ཉམས་མྱོང་འཆར། །ཡི་དམ་ལྷ་དང་བདག་ཉིད་དང་། །སྣང་སྲིད་ཐམས་ཅད་བདེ་བ་ཆེ། །ཡེ་ཤེས་སྒྱུ་མར་རྩལ་སྦྱངས་ནས། །གང་ལྟར་སྤྱད་ཀྱང་རོལ་པའི་ཀློང་། །རྨི་ལམ་དུ་ཡང་དྲན་པས་ཟིན། །སྦྱངས་སྤེལ་བསྒྱུར་ལ་གནས་སུ་འཕངས། །ཐམས་ཅད་སེམས་ཀྱི་ཆོ་འཕྲུལ་ལ། །རྨི་ལམ་སྒྱུ་མ་ལྟ་བུར་བཞག །གཉིད་དང་མངོན་སུམ་ཁྱད་མེད་པར། །གསལ་སྟོང་བདེ་བ་ཆེན་པོ་དང་། །ཉོན་མོངས་རྟོག་པ་རང་ཡལ་ནས། །འོད་གསལ་ལམ་དུ་སློངས་པར་འགྱུར། །རླུད་སེམས་གནད་དུ་འབྱོང་པའི་ཚེ། །འབྱུང་བ་དངོས་གྲུབ་རོ་ལ་སོགས། །དམིགས་པ་གང་དང་གར་གཏད་ཀྱང་། །ལུས་ཀྱི་དོར་ལེན་རང་དབང་ཐོབ། །རླུད་སེམས་ཏིང་འཛིན་རྣམ་གསུམ་གྱིས། །འོད་ལམ་ངང་ནས་ཆོས་སྐུར་འཕོ། །སྒྱུ་མ་ལྟ་བུར་ལོངས་སྐུར་འཕོ། །བསྐྱེད་རིམ་གསལ་བས་སྤྲུལ་སྐུར་འཕོ། །ཨ་ཧ༷། ཧྲི་ཧྲི་ཧྲི། ཞེས་གསུངས་སོ། །དགོངས་དོན་འགྲོ་བ་ཀུན་གྲོལ་གྱི་རྒྱུད་ལས། དམ་ཚིག་གི་ཕྱག་རྒྱ་དང་སྦྱོར་བའི་སྟེང་སྒོ་རྣམ་པར་གྲོལ་བའི་ལེའུ་སྟེ་བཞི་པའོ།། །ཁྲར་ཡ༷་བརྡ་ཏ༷། ༷༷ཧསཊསགཏ༔ རབྱརྦུ༔ ཙབཏ༷། སསྐྱོནཊརྡ༔ ཡང་དེའི་ཚེ་བདེ་ཆེན་པདྨ་སྙིང་གི་བཀོད་པའི་རྒྱན་ཅེས་བྱ་བ་ན། སྟོན་པ་པདྨ་གངས་ཆེན་མཚོ་ཞེས་བྱ་བའི་དྲུང་དུ། སོར་རྟོག་ཡེ་ཤེས་མཁའ་འགྲོ་ཞེས་བྱ་བས། འདི་སྐད་ཅེས་གསོལ་ཏོ། །ཀྱེ། ཐབས་ཤེས་ཟུང་འཇུག་ཐུགས་རྗེ་ཆེ། །ཟག་མེད་བདེ་ཆེན་པདྨ་རྒྱལ། །རྒྱུད་རྒྱལ་ལས་ཕྱག་རྒྱའི་དོན། །བདག་ཅག་འཁོར་ལ་བཀའ་སྩལ་ཞུ། །དེ་སྐད་ཞུས་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ། །ཧྲི། སྟེང་སྒོ་རྣམ་གྲོལ་རྩལ་འབྱོངས་ནས། །འོག་སྒོ་བདེ་བ་ཆེ་ལ་བསླབས། །བདེ་ཆེན་གྲོགས་སུ་མི་མོ་ནི། །མཚན་ལྡན་ཌའ་སྐི་རིགས་ཅན་བརྟེན། །དེ་ཡང་གསང་བ་ཡེ་ཤེས་ལྷ། །རྩེ་གཅིག་བསྒྲུབ་པའི་ཏིང་འཛིན་གྱིས། །དབང་དུ་བསྡུས་ཤིང་འགུག་པར་བྱ། །མོས་པས་འདུས་ན་སངས་རྒྱས་ཞིང་། །གཞན་གྱིས་སྒྲོ་སྐུར་གསལ་བ་དང་། །གསང་སྤྱོད་གནད་དུ་འགྱུར་བའི་པྱིར། །བདག་དང་ཕྱག་རྒྱ་བཅས་པ་ཡང་། །མི་སྣང་སྒྲིབ་པའི་སྦྱོར་བ་བྱ། །དེ་ནས་མཚན་ལྡན་སྨིན་བྱས་ལ། །ཡབ་ཡུམ་ལྷར་བསྐྱེད་སྦྱོར་བྱས་ཏེ། །དབབ་བཟུང་ཀློག་དགྲམ་བདེ་ངོས་བཟུང་། །མ་བཅོས་ངང་དུ་གློད་པར་བྱ། །རྡོ་རྗེ་སྦུབས་སུ་ནུབ་པ་དང་། །རྡོ་རྗེ་བླང་ཞིང་བདེ་བ་བསྐྱེད། །ཡུམ་གྱི་རྩ་སྣ་ཚུར་ལ་ཞུགས། །དངས་མའི་ཐིག་ལེ་བླང་བར་བྱ། །དེ་ལྟར་རྩལ་འབྱོངས་རྣལ་འབྱོར་པ། །ཐེག་ཆེན་བྱང་ཆུབ་སེམས་དཔའ་ཡིས། །གཞན་དོན་སྤྲུལ་སྐུ་གཞག་པའི་ཕྱིར། །བྱང་སེམས་སྤྲོས་ལ་ཉེས་པ་མེད། །ཨོ་ཧུ་མ་བྷ་ཡེ་ན་མ་གྲྭཧྭ། ཞེས་གསུངས་སོ། །དགོངས་དོན་འགྲོ་བ་ཀུན་གྲོལ་གྱི་རྒྱུད་ལས། ལས་ཀྱི་ཕྱག་རྒྱ་དང་སྦྱོར་བ་འོག་སྒོ་བདེ་ཆེན་གྱི་ལེའུ་སྟེ་ལྔ་པའོ།། །།ཝབསརསྔ། ནརྡབཊསཁོ། ཤཱཙསབྱུརྟཏཊ། རྐབས་ལེག བཡཏྲཀས། ཡང་དེའི་ཚེ་བདེ་ཆེན་ཀརྨ་བཀོད་པའི་རྒྱན་ཅེས་བྱ་བ་ན། སྟོན་པ་ཀརྨ་གངས་ཆེན་མཚོ་ཞེས་བྱ་བའི་དྲུང་དུ། བྱ་གྲུབ་ཡེ་ཤེས་མཁའ་འགྲོ་ཞེས་བྱ་བས་འདི་སྐད་ཅེས་གསོལ་ཏོ། །ཀྱི། འཁྲུལ་པ་ཀ་དག་ཐུགས་རྗེ་ཆེ། །ཡེ་ཤེས་ལྷུན་གྲུབ་པདྨའི་རྒྱལ། །རྒྱུད་རྒྱལ་ཕྱག་རྒྱ་ཆེན་པོའི་དོན། །བདག་ཅག་འཁོར་ལ་བཀའ་སྩལ་ཞུ། །དེ་སྐད་ཞུས་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ། །ཧྲི། བདེན་པ་གཉིས་ལྡན་རང་གི་སེམས། །མ་བྱུང་མི་གནས་མི་འགྲོ་བ། །འཁོར་འདས་གང་དུའང་གྱུར་པ་མེད། །དོན་དམ་བློ་འདས་དགོངས་པ་ལ། །ཐམས་ཅད་ཡོད་ཅིང་ཐམས་ཅད་མེད། །འགྱུར་བ་མེད་ཅིང་བརྗོད་དུ་མེད། །གཅིག་དང་འདུ་འབྲལ་གྲུབ་མཐའ་གཏོར། །ཆོས་རྣམས་ཀུན་གྱི་སྙིང་པོ་ཡིན། །ཐམས་ཅད་བདེན་པ་གཉིས་ཀྱི་ཚུལ། །སྐྱེ་བ་མེད་ལས་ཐམས་ཅད་སྐྱེ། །སྐྱེས་ཙམ་ཉིད་ནས་སྐྱེ་བ་མེད། །གང་ཡང་མ་གྲུབ་བླང་དོར་བྲལ། །དེ་ལས་ཁྱོད་ཀྱི་འཁྲུལ་པ་དེ། །དང་པོ་རྒྱུ་མེད་བྱུང་བ་མེད། །བར་དུ་རྐྱེན་མེད་གནས་པ་མེད། །ཐ་མ་གཉེན་པོ་འགྲོ་ས་མེད། །ཡིད་ལ་བྱེད་པ་མེད་པ་སྟེ། །ཡེ་ཤེས་མེད་ཅིང་འཁྲུལ་པ་མེད། །ཞི་བ་མེད་ཅིང་སྲིད་པ་མེད། །ཟག་པ་མེད་ཅིང་འགྱུར་བ་མེད། །ཡོན་ཏན་ཀུན་ལ་དགའ་སྤྲོ་མེད། །སངས་རྒྱས་རྣམས་ལ་རེ་བ་མེད། །སྡུག་བསྔལ་ཀུན་ལ་འཇིགས་པ་མེད། །འཁོར་བ་འཁྱམས་ཀྱིས་དོགས་པ་མེད། །དེ་ལྷར་བརྗོད་དུ་མེད་པ་ལ། །ཆོས་ཀྱི་གླུ་བླངས་གསང་བའི་སྐད། །རྒྱལ་བའི་དགོངས་དོན་མ་བཅོས་པ། །ཕྱག་རྒྱ་ཆེན་པོ་གཉིས་མེད་དོན། །དེ་ཉིད་དུས་གསུམ་རྩ་བ་བཅད། །སྒོ་གསུམ་མ་བཅོས་གློད་ལ་སྒྲིམས། །གཞི་ཆ་གསུམ་བྲལ་གཉུག་མ་དེ། །ཞི་གནས་ངང་ནས་ལྷག་མཐོང་སྦྱངས། །ཞི་བར་གནས་པ་ངོས་བཟུང་ལ། །ཡུལ་དྲུག་རྟོག་པ་ཟིལ་གྱིས་མནན། །ནམ་མཁའ་ཉིད་ལ་རྣམ་པར་བསླབས། །ལྷག་མཐོང་ཡེ་ཤེས་རྒྱུད་ལ་སྐྱེ། །རྒྱུད་དུ་ལྷོད་ཀྱིས་གློད་པ་ལ། །སྐྱེ་འགག་གནས་གསུམ་མཐའ་དང་བྲལ། །ཡེངས་པ་མེད་པའི་ཤེས་བཞིན་རྟེན། །གློད་ཅིང་སྒྲིམས་པར་བྱེད་པ་ཡིན། །དཔེར་ན་རྫིང་གི་བྱ་ལྟར་འཕུར། །དང་པོ་ཡེངས་མེད་སྐྱོང་བ་གཅེས། །བར་དུ་ཡན་པར་བཏང་ཡང་ལྡོག །ཐ་མ་བཏང་ཡང་འགྲོ་མི་བཏུབ། །མ་བཅོས་བཞག་པས་ཕྱག་རྒྱ་ཆེ། །ཉམས་ལ་མ་ཞེན་མཉམ་བཞག་ལ། །རྗེས་ཐོབ་སྤྱོད་པའི་རྣལ་འབྱོར་བྱ། །ལྷ་ཡི་བུ་ཡིས་བདུད་བཅོམ་ཕྱིར། །ཉམ་ང་ཐོག་རྫིས་བྱེད་པ་དང་། །རྐྱེན་སྣང་གྲོགས་སུ་ཁྱེར་བ་དང་། །བར་ཆད་ལམ་དུ་ལོངས་པར་བྱ། །ཕུང་པོའི་བདུད་ནི་ལུས་འདི་ཡིས། །འཁོར་བའི་སྡུག་བསྔལ་སྣ་ཚོགས་བསྐྱེད། །མི་གཙང་རྫས་ཀྱིས་ཡོངས་སུ་གང་། །དེ་ཕྱིར་མི་ཆགས་ལིངས་ཀྱི་སྐུར། །དེ་ལ་ཆགས་ན་ཆགས་མཁན་སུ། །དམོད་ཅིང་དོར་ན་དོར་མཁན་གང་། །བཏང་སྙོམས་རྨོངས་པར་སུ་ཡིས་བཞག །ཅེར་ལྟས་རང་བཞག་སྟོང་པར་གྲོལ། །རང་སེམས་རིག་པའི་དཔལ་སྦྱངས་པས། །སྲིད་པའི་འཁོར་ལོ་ལས་གྲོལ་ཏེ། །འཆི་བདག་བདུད་ལས་མི་འཇིགས་པ། །སྐྱེ་མེད་འཆི་བ་མེད་པར་འགྱུར། །དེ་བས་བདུད་ཀྱི་དཔུང་རྣམས་ཀུན། །རིག་པའི་དཔལ་གྱིས་བརྟུལ་ནས་ཀྱང་། །ཐར་པའི་གྲོགས་སུ་ཆོད་པ་ནི། །རྣལ་འབྱོར་ཆེན་པོའི་ལམ་དུ་ཁྱེར། །ཆོས་ཉིད་དོན་གྱི་སྙིང་པོ་སྟེ། །རང་ལ་ཡོད་ཀྱང་མ་ཤེས་པས། །འཁྲུལ་སྣང་རྣམ་པ་སྣ་ཚོགས་པ། །ཞེ་བྱེད་གདམས་པ་འདི་ལྟ་སྟེ། །རང་གི་འཁྲུལ་སྣང་གནོད་བྱེད་ལ། །སྙིང་པོའི་སྟོབས་ཀྱིས་ལུས་སྦྱིན་ཅིང་། །རྗེས་སུ་འཛིན་ཞིང་དོན་ལ་ལྟ། །འབྱུང་པོ་འདུལ་བའི་ཞི་བྱེད་ཡིན། །འབྱུང་བ་བག་ཆགས་ནད་རྣམས་ལ། །རྫས་དང་རྟེན་འབྲེལ་སྣ་ཚོགས་ཀྱིས། །བྱིན་གྱིས་བརླབ་ཅིང་ཏིང་འཛིན་སྒོམ། །ནད་རྣམས་འཇོམས་པའི་ཞི་བྱེད་ཡིན། །ཉོན་མོངས་གཉེན་པོ་བསྟེན་པ་དང་། །གནས་བསྒྱུར་ཡེ་ཤེས་བསྟེན་པ་དང་། །རང་གྲོལ་ཆོས་ཉིད་ཤར་བ་ཡིས། །ཉོན་མོངས་ཞི་བར་བྱེད་པའོ། །བག་ཆགས་འཁྲུལ་པའི་སྣང་བ་འདི། །གཟུང་འཛིན་མེད་པར་རྒྱ་ཡིས་གདབ། །ཉིན་མཚན་འདྲེས་པའི་སྒོམ་པ་འཆར། །ངན་རྟོག་བཟང་རྟོག་གཉིས་མེད་གྲོལ། །གདོན་དང་ནད་དང་ཉོན་མོངས་དང་། །བག་ཆགས་ཕྱི་ནང་རྩད་བཅད་དེ། །སྟོང་ཉིད་ངང་དུ་རང་གྲོལ་ན། །འདི་ཕྱི་བར་དོ་སྡུག་བསྔལ་ཞིང་། །ལུས་གནད་རྩ་རླུང་ཐེག་ལེའི་ཉམས། །མུན་པའི་ནང་ན་སྣང་བ་གསལ། །སྲོག་ཆགས་འཆི་མེད་རྡོ་རྗེ་འགྱུར། །བདེ་ཉམས་སྟོང་ན་སྡུག་བསྔལ་མེད། །སྒོ་ཡུལ་རླུང་རིག་གནད་ཀྱིས་ནི། །ཆོས་ཉིད་སྟོང་པ་དངོས་སུ་སྣང་། །ཉམས་སྣང་འཕེལ་ཅིང་འགྲིབ་པ་མེད། །ཆོས་ཟད་དུས་སུ་སངས་རྒྱས་སོ། །ཐིག་ལེ་གནས་པ་ལམ་དང་སྒོ། །དབང་པོ་བཀག་པས་འདོད་ཡོན་གསལ། །ཕྱོགས་བཞིར་འཕངས་ཤིང་སླར་ལ་ཟློག །ངལ་བསོའི་དུས་ན་ལམ་ཀུན་བྱེད། །སྒྲོན་མ་ཕྱི་ནང་འཛོམས་པའི་དུས། །མགོ་བོ་གཏུམས་ན་རྒྱང་མི་གསལ། །མཐའ་ནས་དབུས་སུ་རྣམ་པར་ལྟ། །ཡེ་ཤེས་འོད་ལུས་ངང་དུ་ཡལ། །དེ་ལྟར་འོད་གསལ་ཉམས་ཀྱི་རྟེན། །རྒྱང་ཞག་ཆུ་ཡི་སྒྲོན་མ་གཅེས། །ཆུ་ལ་ཆུ་ཡིས་གསོས་པ་ན། །སྐྱོན་དག་ཡེ་ཤེས་སྣང་བ་འཕེལ། །ཡེ་ཤེས་མར་མེའི་འོད་ཟེར་ལས། །ཐུགས་རྗེའི་སྣང་བ་རབ་ཏུ་གསལ། །རྟོག་མེད་མཁྱེན་པའི་རྩལ་རྫོགས་ནས། །སྲིད་ལས་རྣམ་གྲོལ་ཞི་བ་ཐོབ། །ཐོག་མ་མེད་པའི་སྤེ་བཞི་ལས། །ང་བདག་དབང་གི་ཞབྲུལ་གྱུར་ཏེ། །མཐའ་མ་སངས་རྒྱས་མ་ཐོབ་པར། །རང་བཞིན་བར་དོ་ཆེན་པོར་གནས། །ཐོག་མའི་གཞི་ལས་ལུབྲུལ་པ་ཡང་། །སྐྱེ་གནས་བར་དོའི་དུས་འདིར་ནི། །སྨིན་གྲོལ་རང་ངོ་ཤེས་པ་ན། །རྒྱལ་བུ་རྒྱལ་ས་ཟིན་པ་འདྲ། །དེ་ཚེ་བག་ཆགས་རང་གྲོལ་ནས། །རྨི་ལམ་བར་དོ་ཤར་བའི་ཚེ། །ལུབྲུལ་སྣང་དབྱིངས་སུ་ཡལ་བ་ནི། །སྒྱུ་མ་མཁན་གྱི་མིག་འཕྲུལ་འདྲ། །འབྱུང་བ་ཐེམས་ནས་འཆི་ཀ་ཡང་། །རླུད་སེམས་སྤྱི་བོར་སྟོན་ནས་ཀྱང་། །རིག་པའི་རྩལ་ཁ་སྟོད་པ་ནི། །རྒྱལ་པོའི་བཀའ་ཐེན་བསྐུར་བ་འདྲ། །བར་དོ་དང་པོ་ཆོས་ཉིད་ཉམས། །བར་དོ་གཉིས་པ་ལྷུན་གྲུབ་ཉམས། །བར་དོ་གསུམ་པ་སྒྲ་འོད་ཟེར། །སྔར་འགྲིས་མི་དང་འཕྲད་པ་འདྲ། །དེ་དག་ཀུན་ལ་མ་གྲོལ་ན། །འཁོར་བ་རྒྱུ་ཟློག་མངལ་སྒོ་དགགས། །སངས་རྒྱས་སྲས་སུ་བསྐྱེད་པར་བྱ། །ངལ་བ་དབུགས་ཕྱུང་བསྐྱེད་པ་འདྲ། །ཨ་ཨ་ཨ། ཨམཤ།ཨུ༷་ཕྱ་ཧཱུཾ། ཞེས་གསུངས། དགོངས་དོན་འགྲོ་བ་ཀུན་གྲོལ་གྱི་རྒྱུད་ལས། ཕྱག་རྒྱ་ལེན་དང་སྦྱོར་བ་བསྟན་པ་སྙིང་པའི་ལེའུ་སྟེ་དྲུག་པའོ།། །།ཀསྔབ་འབཔཊར༔སཀཏྲ། ངའཉིབཀརྐས། ཡང་དེའི་ཚེ་འཁོར་ཡོངས་གྲོལ་གྱིས་དུར་ཁྲོད་ཅེས་བྱ་བ་ན། སྟོན་པ་རིགས་ལྔ་འདུས་པའི་རྒྱལ་པོ་ཐོད་པའི་འཕྲེང་བ་ཞེས་བྱ་བའི་དྲུང་དུ། སེམས་ཀྱི་མཁའ་འགྲོ་དབང་ཕྱུག་མ་ཞེས་བྱ་བས་འདི་སྐད་ཅེས་གསོལ་ཏོ། །ཀྱི། རང་ཤར་རང་གྲོལ་ཐུགས་རྗེ་ཆེ། །དྲེག་པ་འདུལ་མཛད་པདྨ་རྒྱལ། །རྒྱུད་རྒྱལ་ཡོངས་སུ་གཏད་པའི་དོན། །བདག་ཅག་འཁོར་ལ་བཀའ་སྩལ་ཞུ། །དེ་སྐད་ཞུས་པའི་དོན་དགོངས་ནས། །སྟོན་པ་ཉིད་ཀྱིས་བཀའ་སྩལ་པ།ཧེ༔དགོངས་དོན་འགྲོ་བ་ཀུན་གྲོལ་རྒྱུད། །ཕུན་ཚོགས་གསུམ་བདུན་དགུས་བཤད་ལ་རང་ཅད་ཅིང་། །སངས་རྒྱས་སྐུ་གསུམ་བསྟན་པ་ཡིས། །སྙིང་པོའི་བཅུད་དུ་རྒྱུད་འདི་བཞུགས། །འགྲོ་བ་བློ་དམན་དོན་དུ་ནི། །ཚིགདན་དབྱེ་བར་མི་བྱ་ཞིང་། །སྟག་མོའི་མཆོང་སྟངས་ལྟ་བུ་ཡིས། །བསྡུས་དོན་ས་རྣམས་བཅད་དེ་བཤད། །སྐུ་གསུམ་སྟོན་པའི་བཀའ་རྣམས་ཀྱིས། །དགོངས་པ་གཅིག་ཏུ་བསྡུས་ནས་ཀྱང་། །བུང་བ་རྩི་ཐོག་ལྟ་བུ་ཡིས། །ངོ་བོ་ཀུན་བཅུད་བསྡུས་ནས་བཤད། །ཚིག་དོན་མགོ་ལུས་ཐམས་ཅད་ཀྱང་། །གང་ཟག་རྣམས་ཀྱིས་གོ་བྱའི་ཕྱིར། །རང་བཞིན་དེ་ཡི་སྟུན་བུ་ལྟར། །ལེ་ཚིག་འབྲུ་རྣམས་བཅོས་ནས་བཤད། །རྒྱུད་དང་གདམས་པའི་ཁྲིད་རྣམས་ཀྱང་། །མ་ནོར་རིམ་བཞིན་བསྟན་པ་ནི། །མུ་ཏིག་ཙར་བསྒྱུས་ལྟ་བུ་ཡི། །དབྱེ་བ་སྔོན་དུ་བསྡེབས་ཏེ་བཤད། །གཞན་གྱི་བསྒོམ་པ་ཚར་གཅད་ཕྱིར། །རང་གིས་སྒྲུབ་མཐའ་རྣམ་པར་བསྐྱངས། །སེང་གེ་ངར་སྐདལྟ་བུ་ཡིས། །ལོག་ལྷ་སུན་རྣམས་ཕྱུང་ནས་བཤད། །ཨེ་མ། ཡེ་ཤེས་སྐུ་མཆོག་ཐུགས་རྗེ་ཅན། །འདི་ཉིད་མཐོང་བ་ཙམ་གྱིས་ནི། །ཉོན་མོངས་རྣམས་མེད་དོན་མཐོང་ཞིང་། །མ་བསྒོམས་པར་ཡང་མཐོང་གྲོལ་ལོ། །ཆོས་ཉིད་གསུང་མཆོག་ཟབ་མོའི་དོན། །འདི་ཉིད་ཐོས་པ་ཙམ་གྱིས་ནི། །ཡེ་ཤེས་འགག་མེད་དོན་རྟོགས་ཤིང་། །མ་བསྒོམས་པར་ཡང་ཐོས་གྲོལ་ལོ། །རིག་པའི་ཐུགས་མཆོགའདུས་མབྱས། །འདི་ཉིད་བཏགས་པ་ཙམ་གྱིས་ནི། །རང་སེམས་འཁྲུལ་མེད་དོན་རྟོགསཤིང་། །མ་བསྒོམས་པར་ཡང་བཏགས་གྲོལ་ལོ། །དགོངས་པ་དོན་མཐོང་བདེ་བ་ཆེ། །འདི་ལ་རེག་པ་ཙམ་གྱིས་ནི། །བདེ་ཆེན་ཟག་མེད་དོན་རྟོགས་ཤིང་། །མ་བསྒོམས་པར་ཡང་རེག་གྲོལ་ལོ། །འདོད་པའི་ཡོན་ཏན་རང་གྲོལ་བ། །འདི་ཉིད་ཚོར་བ་ཙམ་གྱིས་ནི། །ཚིག་གི་རོལ་པའི་དོན་རྟོགས་ནས། །སྒོམ་མི་དགོས་ཏེ་ཚོར་གྲལ་ལོ། །ཐུགས་རྗེ་འཕྲིན་ལས་ཤུགས་འབྱུང་བ། །འདི་ཉིད་མྱོང་པ་ཙམ་གྱིས་ནི། །བློ་དང་བྲལ་བའི་དོན་རྟོགས་ནས། །སྒོམ་མི་དགོས་ཏེ་མྱོང་གྲོལ་ལོ། །རྒྱུད་འདིའི་མན་ངག་གབ་པ་རྣམས། །སྤྲུལ་པ་རིགས་འཛིན་ཞལ་ནས་འབྱུང་། །ཆ་རྐྱེན་དགོས་པ་ཚང་བར་ནི། །ཕྱི་རབས་སྐལ་ལྡན་འཁོར་ལ་སྟོན། །མ་ཚང་ཁ་སྐོང་ཐེག་པ་རྣམས། །བསྟན་པ་གཞན་ནས་ལེགས་བསྡུས་ཏེ། །ཆོས་རྣམས་དགོངས་དོན་གཅིག་པའི་ཕྱིར། །རྒྱུད་རྒྱལ་འདི་ཡི་གྲོགས་སུ་བསྡེབས། །བསྟན་པ་ལ་ནི་ཞུགས་པ་དེས། །ཕྱི་ནང་གསང་བ་རྩ་ལག་གིས། །རང་གཞན་དོན་དུ་དམ་ཚིག་ནི། །མི་ཉམས་རང་གི་ཟློག་བཞིན་སྲུངས། །ང་ཡི་སྤྲུལ་པ་ཕྱག་དྲུག་པ། ཁུད་འདི་ཁྱོད་ལ་ཡོངས་སུ་གཏད། །སངས་རྒྱས་བསྟན་པ་ཁྱོད་ཀྱིས་བཟུང་། །ཕྱི་རབས་རྣལ་འབྱོར་སྟོང་གྲོགས་ཀྱིས། །གསང་བ་ཡེ་ཤེས་ཁྲོས་པའི་སྐུ། །ལྷ་མོ་ཙིརྟི་དུག་མཐུར་མ། ཁུད་འདི་ཁྱོད་ལ་ཡོངས་སུ་གཏད། །སངས་རྒྱས་བསྟན་པ་ཁྱོད་ཀྱིས་སྐྱོངས། །བཀའ་གཉན་ལས་བྱེད་མེ་སྤུ་གྲི། །འཇིག་རྟེན་དྲེགས་པ་མང་པོར་བཅས། །རྒྱུད་འདི་ཁྱོད་ལ་ཡོངས་སུ་གཏད། །སངས་རྒྱས་བསྟན་པ་ཁྱོད་ཀྱིས་སྲུངས། །བཛྲ་ས་མ་ཡ། ཧུ༷་ཧྲི། ཧ་ཧ་ཧ་ཧ། ཧེ་ཧེ། ཨ་ཨ། ཞེས་བཀའ་སྩལ་ནས། །འཁོར་བ་སྒྲོལ་བར་མཛད་དོ། །དགོངས་དོན་འགྲོ་བ་ཀུན་གྲོལ་གྱི་རྒྱུད་ལས། །འདུས་དོན་ཡོངས་སུ་གཏད་པའི་ལེའུ་སྟེ་བདུན་པའོ།། །ཁུད་འདི་གང་དུ་གནས་པ་དེ་ཉིད་བདེ་བ་ཅན་ལྟར་གནས་སོ། །རྒྱུད་འདི་ཁ་ཏོན་དུ་བྱེད་པ་ལ་སོགས་པའི་ཆོས་སྤྱོད་ལ་འཇུག་པ་དེ་ནི། །ཀུན་བཟང་སྣང་བ་མཐའ་ཡས་ལྟར་གནས་སོ། ཁུད་འདི་མཐོང་བ་དང་། ཐོས་པ་དང་། དྲན་པ་དང་། རེག་པ་དང་། རླུད་དང་། རྡུལ་གྱིས་ཕོག་པ་རྣམས་ཀྱང་ངན་སོང་དུ་མི་ལྟུང་ཞིང་། །མཚམས་མེད་པ་ལྔ་བྱས་པའི་འགྲོ་བ་ཡང་། འདི་ཐོས་ནས་ངན་སོང་ལས་སྐྱོབ་པར་མ་གྱུར་ན།ངམེང་ང་་་་ངཅེ་་་ཤེ་སྙིརྗེབདག་པདྨ་འབྱུང་གནས་ཀྱ་མཚམས་ ད་པ་ལྔ་བྱས་པ་ཡན་ན། །བསྟན་༷པ་ཐམས་ཅད་ཀྱ་དགངས་དན་འགྲ་བ་ཀུན་གྲལ་གྱ་རྒྱུད་ ས་བྱ་བ་རྫགས་ས།། །།སྐལ་ལྡན་དད་བརྩན་ ས་རབ་བླ་ལྡན་ ང་ ་ཅན་དང་འཕྲད་པར་ཤོག །གཏེར་རྒྱ། སྦས་རྒྱ། ཟབ་རྒྱ། གཉན་རྒྱ། གྲུརྒྱ། མོས་མརྒྱ། བདག་འདྲ་མཁའ་ཆེན་བཟང་ཡིས་ཡི་གེར་བྲིས་པའོ། །རུ་ན་མ་ཊ། དྷནམ། ཨོ་རྒྱན་དྲི་མེད་ལྷུན་གྲུབ་ཀྱིས་ཙྭརི་སྤྲུལ་འཁོར་གྱི་ཤར་སྒོ། རྡོ་རྗེ་སྒོམ་ཕུག་ཅེས་བྱ་བ་ནས་གདན་དྲངས་སོ། །ལྕགས་ཕོ་སྤྲེལ་ལོ་སྤྲེའུ་ཟླ་ལ། ཙ་གོངས་ཆོས་ཀྱི་ཕོ་བྲང་དུ་བྲིས་པའོ།། །།