Ngb-pt-0588-vol-06-text
Front[edit]
Body[edit]
རྒྱ་གར་སྐད་དུ། རྒྱ་སྙོ་ས་བྷ། བོད་སྐད་དུ། རིགས་འཛིན་གྱི་འདས་རྗེས། བཅོམ་ལྡན་འདས་ཀུན་སྣང་བཅོས་བསྡུད་དང་བྲལ་ལ་ཕྱག་འཚལ་ལོ། །ཀུན་བཟང་ཆོས་སྐུའི་གློང་ལས་ནི། །འགག་མེད་ཞི་ཁྲོ་རྡོར་འཆང་སྤྲུལ། །སྐུ་ཡི་མཛད་པ་བཅུ་གཉིས་དང་། །ཕྱི་ནང་གི་མཛད་པ་བཅུ་གཉིས་དང་། །ཐུགས་ཀྱིས་མཛད་པ་བཅུ་གཉིས་དང་། །མཛད་པ་སུམ་ཅུ་སོ་དྲུག་རྣམས། །སྟོན་པའི་བྱ་བ་རྫོགས་པའི་དུས། །རིགས་འཛིན་དགའ་རབ་རྡོ་རྗེ་ཉིད། །འཁོར་གྱི་དམ་པར་སྐུ་འཁྲུངས་ཏེ། །མཛད་པའི་ཆོས་རྣམས་ཐུགས་སུ་ཆུད། །དེ་ལྟ་བུ་ཡི་རིགས་འཛིན་བདག །ཆོས་ཀྱི་བདེ་བའི་ལྷུམས་སུ་ཞུགས། །པྲད་རྙོ་བྷ་བྷ་ཞེས་སུ་གྲགས། །རི་བོ་ཉི་མ་སྣང་བྱེད་དུ། །ལོ་ནི་ཉི་ཤུ་སྒོམ་ཚུལ་བསྟན། །ལོ་ནི་སུམ་ཅུ་རྩ་གཉིས་ནས། །སངས་རྒྱས་བསྟན་པའི་ཆོས་རྣམས་ནི། །མ་ལ་ཡ་ཡི་རྩེ་མོ་མྲ །རྡོ་རྗེ་དབྱིངས་ཀྱི་མཁའ་འགྲོ་མ། །འཛིན་མེད་བདེ་བའི་རོལ་ཆེན་དང་། །བདེ་བྱེད་སེར་མོ་ཞེས་བྱ་དང་། །རིག་འཛིན་བརྒྱ་དང་གསུམ་པོ་ཡིས། །རང་བཞིན་རྫོགས་པ་ཆེན་པོ་ནི། ་༑་ལོ་ཁ་ནི་འབུམ་ཕྲག་དྲུག །བཅུ་ཕྲག་རྩ་བཞི་ཡི་གེར་བཏབ། །བསིལ་བ་ཚལ་གྱི་དུར་ཁྲོད་དུ། ཁེས་རབ་གདུལ་བྱར་གྱུར་པ་ཡི། །མཁའ་འགྲོ་དྲངས་ལས་འདས་པ་ལ། །གུ་ལང་བདུན་བུར་ཆོས་བཤད་དོ། །བསྟན་པ་དམ་པ་རྒྱས་པར་བྱས། །དེ་ནས་ཆུ་བོ་དན་ཏི་སྙོར། །ཟག་བཅས་ཕུང་པོ་མི་སྣང་བར། །ཟག་མེད་སྒྱུ་མ་གཟུགས་ཀྱི་སྐུ། །ནམ་མཁའི་འོད་ཀྱི་བཀང་ནས་གཤེགས། །དེ་དུས་འཇམ་དཔལ་བཤེས་གཉེན་གྱིས། །གདུང་བའི་སྨྲེ་སྔགས་མཆི་མ་ཕྱུང་། །དེ་ཚེ་ནམ་མཁའི་དབྱིངས་རུམ་ནས། །རང་བྱུང་རང་ཤར་ཚིག་འདི་གྲགས། །ཞལ་ཆེམ་ཚིག་གསུམ་གནད་རིག་ཞེས། །འཇམ་དཔལ་བཤེས་གཉེན་ཉིད་ལ་བབ། །དེ་ཡི་ཞལ་ཚིག་འདི་ལྟར་རོ། །ཅོ།ལྷ། རང་རིག་རྟོགས་པའི་གདེང་ལ་ཕྱག་འཚལ་ལོ། །ཡིན་པ་གྲུབ་པ་མེད་པའི་རིག་པ་འདི། །རང་སྣང་ཤར་ཚུལ་ཅིར་ཡང་མ་འགག་པས། །སྣང་སྲིད་ཐམས་ཅད་ཆོས་སྐུའི་ཞིང་དུ་ཤར། ཁྲར་བ་དེ་ཉིད་རང་གིས་ཐོག་ཏུ་གྲོལ། །གྲོལ་ཙམ་ཉིད་ནས་སྐྱེ་འགག་གཉིས་སུ་མེད། །གཉིས་མེད་མཐའ་གྲོལ་སྐུ་གསུམ་རང་ཆས་སོ ཨ་ཨ་ཨ། ངོ་རང་ཐོགས་སུ་སྤྲད། ཐག་ཅིག་ཐོག་ཏུ་ཆོད། གདེངས་གྲོལ་ཐོག་ཏུ་བཅའ། དེ་ལྟར་ཚིག་གསུམ་གནད་གདེགས་ལ། །དགོངས་པ་རྣམ་པ་དུ་མ་ཤར། །འཇམ་དཔལ་ཉིད་ཀྱིས་གསོལ་བཏབ་པས། །ཞལ་ཆེམས་པ་ནི་འདི་ལྟར་གྲགས། །ངོ་ནི་རང་ཐོག་སྤྲད་པ་ཡི། །ཆོས་ཉིད་ངོ་བོ་རྗེན་པར་མཐོང་། །ཡིད་སྤྱོད་བློ་ཡི་ཐེ་ཚོམ་ཁྲོལ། །ཐག་རྣམས་གཅིག་ཐོག་བཅད་པ་ཡིས། །དངོས་པོའི་ཆོས་རྣམས་ཌ་ཧྲོ། །སྣང་ཉམས་ཤེས་ཉམས་གོང་དུ་འཕེལ། །རང་སྣང་གཅིག་ཆོད་ཉིད་དུ་གྲོལ། །གདེང་བཞི་གྲོལ་ཐག་བཅད་པ་ཡིན། །ཞབྲུལ་སྣང་ཞིང་ཁམས་ཉིད་དུ་རྒྱས། །རིག་པ་རྣམས་ཀྱང་སྲང་ལ་ཐེབས། །ཚད་མེད་ཆོས་ཉིད་རང་སར་གྲོལ། །ཚིག་གསུམ་འབྲེལ་པ་དོན་འབྲེལ་དགུ །རྣལ་འབྱོར་རྣམས་ཀྱིས་ཐུགས་ལ་སྦོས། །ས་མ་ཡ། དྷ་ཐིམ། ཞལ་ཆེམས་གསུམ་པའི་འདི་ལྟརགྲགས། །ངོ་བོའི་ཆོས་རྣམས་སྟོང་པར་ཤེས་པར་གྱིས་ཤིག །ཐུགས་རྗེའི་ཆོས་རྣམས་མ་འགག་པར་ཤེས་པར་གྱིས་ཤིག །རང་བཞིན་གྱི་ཆོས་རྣམས་གསལ་བར་ཤེས་པར་གྱིས་ཤིག །ལྟ་བའི་ཆོས་རྣམས་ཐག་ཆོད་ཅིག །སྒོམ་པའི་ཆོས་རྣམས་ཕུར་ཚུག་གཅིག །མེད་པའི་ཆོས་རྣམས་ལ་ཟློས་ཅིག །གཞི་ཡི་ཆོས་རྣམས་དམིགས་གཏད་དང་ཕྲོལ་ཅིག །ལམ་གྱི་ཆོས་རྣམས་བློ་འཛིན་དང་ཕྲོལ་ཅིག །འབྲུའི་ཆོས་རྣམས་རེ་དོག་དང་ཕྲོལ་ཅིག །སྣང་བའི་ཆོས་རྣམས་གཏད་མེད་དུ་ཐོང་ཞིག །བདེན་པའི་ཆོས་རྣམས་བདེན་མེད་དུ་ཐོང་ཞིག །ང་བདག་གི་ཆོས་རྣམས་སྣང་མེད་དུ་ཐོང་ཞིག །ང་སོད། བདག་སློགས། འཁོར་འདས་ཐམས་ཅད་