Ngb-pt-0585-vol-06-text
Front[edit]
Body[edit]
རྒྱ་གར་སྐད་དུ། ས་ཐ་ཏ་ཐུ་བྷ་བྷ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དགོངས་པའི་བཅུད། ཚེ་ལོ་ལྔ་བརྒྱ་པ་ཡི་ཚེ། །བྱ་རྒོད་སྐྲུངས་པའི་རི་བོ་མྲ །སྟོན་པ་འོད་སྲུངས་བགྲེས་པོ་ལ། །འཁོར་དུ་དགྲ་བཅོམ་བདུན་གྱིས་བསྐོར། །ཐོག་མའི་སངས་རྒྱས་རབ་བདུན་དང་། །དཀྱིལ་འཁོར་གཅིག་བསྡུས་འཁོར་ཡིན་པས། །ལ་བྱ་ཉོན་མོངས་གཅད་བྱའི་ཕྱིར། །ངེས་པ་དོན་གྱིས་ཆོས་རྣམས་གསུང་། །འདས་པའི་ཚུལ་ཡང་བསྟན་པའི་ཚེ། །གདུལ་བྱ་དགྲ་བཅོམ་འཁོར་རྣམས་ལ། །གདུང་བ་བཅད་ཚིག་འདི་གསུངས་སོ། །ཨེ་མ་ཆོས་སྒོ་བསམ་ཡས་ཀུན། །འདི་ལ་མ་འདུས་གང་ཡང་མེད། །འཇིག་རྟེན་འཁྲུལ་པའི་བློ་རིངས་སྟུངས། །ཀུན་ཀྱང་མི་རྟག་འགྱུར་འཆི་བསམ། །རྒྱུས་པས་ལས་ཀྱིས་རྣམ་དབྱེ་གསལ། །གདུངས་པས་གསོལ་པ་དྲག་ཏུ་བཏབ། །ལུས་ངག་ཡིད་གསུམ་རུ་ཤན་དབྱེ། །མི་འགྱུར་ལྷུན་གྲུབ་མ་ཞེན་ཞོག ཁེས་རབ་རང་བྱུང་སྒྲོན་མ་ཡིས། །ཆོས་སྐུ་ངོ་བོ་གཅིག་ཏུ་བསྡུད། །རྒྱང་ཞགས་ཆུ་ཡི་སྒྲོན་མ་ཡིས། །རིག་པ་ཡེ་ཤེས་འཆར་སྒོ་བྱེད། །དག་པ་དབྱིངས་ཀྱི་སྒྲོན་མ་ཡིས། །རིག་པ་འོད་སྐུ་འཆར་གཞི་བྱེད། །ཐིག་ལེ་སྟོང་པའི་སྒྲོན་མ་ཡིས། །སྣ་ཚོགས་འོད་ལྔ་རང་གིས་མདངས། །རྩལ་རྫོགས་ཆོས་ཚིག་ཟད་པར་བྱེད། །དབྱིངས་འདི་རིག་པའི་ཡུལ་ཡིན་ནོ། །སྣང་བ་མི་འགག་ལྷུག་པར་