Front[edit]

Body[edit]

ཨོ་རྒྱན་ཌ་ཀི་བརྡའི་སྐད་དུ། རྒྱ་གར་སྐད་དུ། སརྦ་ཏ་ཐུ་ག་ཏ་བཱག་ཙིསྟ་གསྟེ་ཏ་ད་ཡ་ཏི་རྙོ་ཨ་ལ་ཧ་ཏན་ཏྲ་གུ་རྒྱ་སམ་སན་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་སྙིང་པོ་དེ་ཁོ་ན་ཉིད་ངེས་པ་ཡེ་ཤེས་མཆོག་གི་རྒྱུད་ཆེན་གསང་བ་ཡོངས་རྫོགས་ཞེས་བྱ་བ། བཅོམ་ལྡན་འདས་རིག་པ་འདུས་མ་བྱས་པའི་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་ཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཆེན་པོ། །ཆོས་ཀྱི་དབྱིངས་བྷ་ག་ཡངས་པའི་ཀློང་ནས། །སྐུ་གསུམ་གྱི་ངོ་བོ་ཐམས་ཅད་ལྡན་པའི་འཁོར་རྣམས་དང་ལྷན་ཅིག་ཏུ་བཞུགས་སོ། །དེའི་ཚེ་ཆོས་སྐུའི་ངང་ལས་མ་གཡོས་བཞིན་དུ། གཟུགས་སྐུའི་ཡེ་ཤེས་འཆད་པ་པོ་དང་། །ཞུ་བ་པོ་གཉིས་ཀ་རང་ལས་བྱུང་སྟེ། །རང་འབྱུང་སྤྲུལ་པའི་རྡོ་རྗེ་སྙིང་པོ་ལ་འདི་སྐད་ཅེས་གསོལ་ཏོ། །ཨེ་མ་ཧོ། ཐམས་ཅད་མཁྱེན་པའི་བཅོམ་ལྡན་འདས་དཔལ་ཀུན་ཏུ་བཟང་པོ་དེ་བཞིན་ཉིད་ཀྱི་ཆོས་ཉིད། ཀུན་ལ་ཁྱབ་པ་བྱང་ཆུབ་ཀྱི་སེམས་རང་རིག་པའི་ཡེ་ཤེས། སྐུ་གསུམ་གྱི་རང་བཞིན་ཕུན་སུམ་ཚོགས་པའི་སངས་རྒྱས་དེ་གང་ལགས། ཐམས་ཅད་དང་ལྡན་པའི་འཁོར་རྣམས་ལ་བཤད་དུ་གསོལ། །བཅོམ་ལྡན་འདས་རང་རིག་པའི་རྒྱལ་པོས་བཀའ་སྩལ་པ། ལེགས་སོ་དཔལ་ལྡན་རྡོ་རྗེ་འཆང་། །རྡོ་རྗེ་སྙིང་པོ་ཁྱོད་ཞུས་པས། །ང་ཡིས་བཤད་ཀྱིས་ཐམས་ཅད་མཁྱེན་པའི་ཡེ་ཤེས་དེ། །མ་རྟོགས་གདུལ་བྱ་སྣང་བ་མྲ །གཅིག་དང་དུ་མ་བྲལ་བ་ཡི། །བྱེ་བྲག་རྣམ་པ་གསུམ་དུ་བྱུང་། །ཆོས་སྐུ་ལོངས་སྐུ་སྤྲུལ་སྐུའོ། །ཆོས་སྐུའི་སྟོན་པས་ཀུན་ལ་ཁྱབ། །ཆོས་སྐུའི་གནས་ནི་ཆོས་ཀྱི་དབྱིངས། །ཆོས་སྐུའི་འཁོར་ནི་ཐམས་ཅད་ཀུན། །ཆོས་སྐུའི་ཆོས་ནི་དེ་བཞིན་ཉིད། །བྱིན་གྱིས་རླབས་ཀྱིས་ངོ་བོ་བཤད། །སྨྲ་བསམ་བརྗོད་མེད་རྒྱུན་མི་འཆད། །ཆོས་སྐུའི་ངང་ལས་ལོངས་སྤྱོད་རྫོགས། །ལོངས་སྐུའི་སྟོན་པ་ཀུན་ཏུ་སྣང་། །ལོངས་སྐུའི་གནས་ནི་ཀུན་ཏུ་གསལ། །ལོངས་སྐུའི་འཁོར་ནི་དག་པའི་སེམས། །ལོངས་སྐུའི་ཆོས་ནི་འོད་ཟེར་ཚུལ། །རང་གི་ངོ་བོའི་བརྡ་ཡིས་བཤད། །དག་སྣང་ཤར་བའི་དུས་སུ་རྟོགས། །ལོངས་སྐུའི་མཛད་པ་སྤྲུལ་པའི་སྐུ། །སྤྲུལ་སྐུའི་སྟོན་པ་གང་འདུལ་སྐུ། །སྤྲུལ་སྐུའི་གནས་ནི་འཁོར་བའི་གནས། །སྤྲུལ་སྐུའི་འཁོར་ནི་མོས་པ་ཅན། །སྤྲུལ་སྐུའི་ཆོས་ནི་མ་ངེས་པ། །གང་འདོད་ཚིག་དོན་སྡེབས་ནས་བཤད། །དུས་གསུམ་དུས་མེད་དུས་ཀུན་སྟོན། །ཆོས་སྐུའི་ཞིང་ཁམས་ནམ་མཁའི་ཁམས། །ལོངས་སྐུའི་ཞིང་ཁམས་འདོད་ཡོན་ལྔ། །སྤྲུལ་སྐུའི་ཞིང་ཁམས་རིགས་དྲུག་གནས། །སྐུ་གསུམ་འདུལ་བའི་ཞིང་ཁམས་ཡིན། །སྐུ་གསུམ་ཐམས་ཅད་མཁྱེན་པ་ཡི། །རང་འབྱུང་རིག་པའི་བྱང་ཆུབ་སེམས། །འཁོར་བ་མྱང་འདས་གཉིས་སུ་མེད། །ཆོས་ཀྱི་དབྱིངས་དང་དབྱེར་མེད་དུ། །མ་བཅོམ་ལྷུན་གྲུབ་ཀུན་ཏུ་བཟང་། །གང་ལ་གང་དགོས་ཚོགས་པ་ནི། །བདེ་ཆེན་ཕུན་སུམ་ཚོགས་པར་བཞུགས། །ཅེས་གསུངས་སོ། །གླེང་གཞིའི་ལེའུ་སྟེ་དང་པོའོ།། །།ཀྱེ་ཐམས་ཅད་འདུས་པའི་ཚོགས་ཆེན་ད་ཡང་ཉོན། །སྐུ་གསུམ་གྱིས་བསྡུས་པའི་ཆོས་ཐམས་ཅད་ཀྱི་རང་བཞིན་རྩ་བ་འདི་ལྟ་སྟེ། །དང་པོ་ཆོས་ཉིད་རིག་པ་བྱང་ཆུབ་སེམས། །ཐམས་ཅད་ཀུན་མཁྱེན་རྒྱལ་པོ་ང་ཡིན་ཏེ། །ང་ཡི་རང་བཞིན་ལས་ནི་གཞན་མ་མཆིས། །སྟོན་པ་གསུམ་ཡང་ང་ཡི་རང་བཞིན་ཡིན། །དུས་གསུམ་སངས་རྒྱས་ང་ཡི་རང་བཞིན་ཡིན། །བྱང་ཆུབ་སེམས་དཔའ་ང་ཡི་རང་བཞིན་ཡིན། །ཉན་ཐོས་རང་རྒྱལ་ང་ཡིརངབཞིན་ཡིན། །ཡོན་ཏན་ཡེ་ཤེས་ང་ཡི་རང་བཞིན་ཡིན། །འཁོར་གནས་ཆོས་བསྟན་ང་ཡི་རང་བཞིན་ཡིན། །འཇིག་རྟེན་འཇིག་རྟེན་འདས་པ་ང་། ཁམས་གསུམ་སེམས་ཅན་བདེ་སྡུག་ང་། །ལུས་ངག་ཡིད་གསུམ་ཕྱི་ནང་ང་། །སྐྱེ་ཤི་བར་དོ་ང་ཡི་རང་བཞིན་ཡིན། །རྟག་དང་མི་རྟག་ཐམས་ཅད་གཅིག །འབྱུང་བ་ལྔ་ཡང་ང་ཡི་རང་བཞིན་ཡིན། །སྒོ་ལྔ་ཡུལ་ལྔ་ཉོན་མོངས་ལྔ་ཡང་ང་། །སྣོད་བཅུད་གཏན་གཡོ་ཐམས་ཅད་ང་ཡི་རང་བཞིན་ཡིན། །མ་རིག་གཟུང་འཛིན་འཁྲུལ་པ་ཐམས་ཅད་དང་། །སྲིད་དང་ཞི་བ་ཐམས་ཅད་དང་། །དགེ་སྡིག་རྒྱུ་འབྲས་བདེ་སྡུག་ང་ཡི་རང་བཞིན་ཡིན། །སྐྱོན་ཡོན་ལེགས་ཉེས་ཐམས་ཅད་ང་། །དགག་སྒྲུབ་སྤང་བླང་ཐམས་ཅད་ང་ཡི་རང་བཞིན་ཡིན། །སྣང་སྟོང་བདེན་རྫུན་ཐམས་ཅད་ང་། །དུག་གསུམ་སྔ་ཕྱི་ཐམས་ཅད་ང་ཡི་རང་བཞིན་ཡིན། །ཐེག་པ་གཅིག་དང་དུ་མ་ཐམས་ཅད་ང་། །ཐམས་ཅད་མ་ལུས་ང་ཡི་རང་བཞིན་ཡིན། །ཆོས་རྣམས་ཀུན་གྱི་རྩ་བ་ང་ལ་འདུས། །ཆོས་རྣམས་ཀུན་གྱི་མཚན་ཉིད་ང་ལ་རྫོགས། །ང་ལ་འཛིན་པ་མེད་པས་སྐྱེ་མེད་ཡིན། །ང་ལ་མི་འཛིན་མེད་པས་འགག་མེད་ཡིན། །ང་ལ་གཅིག་ཏུ་མེད་པས་གནས་མེད་ཡིན། །ང་ལ་དུ་མ་བྲལ་བས་གནས་མེད་ཡིན། །ངས་ནི་ཀུན་ལ་ཁྱབ་པས་ཆོས་ཉིད་དབྱིངས། །ཀུན་ཏུ་འཆར་བས་སྙིང་པོའི་ཡེ་ཤེས་ཏེ། །གཉིས་སུ་མེད་པས་རིག་པ་བྱང་ཆུབ་ཡིན། །བྱང་ཆུབ་སེམས་ཀྱི་ཆོས་ཉིད་དེ། །སྐུ་དང་ཡེ་ཤེས་མ་གྱུར་ཅིང་། །ཡུལ་དང་ཡུལ་ཅན་མ་འཁྲུལ་པའི། །རྣམ་པར་མ་རྟོག་བཏང་སྙོམས་ན། །སྣང་མན་མུན་མན་ན་བུན་བཞན། །གནས་པ་བག་ལ་ཉལ་གྱི་སེམས། །སོ་སོར་རྟོག་མིན་འགོག་པ་ཡིན། །གཟུང་དང་འཛིན་པའི་ཡུལ་གཉིས་སུ། །བདག་དང་གཞན་དུ་རྟོག་པ་མི། །ཆགས་གདངས་ཀུན་རྫོབ་འཁྲུལ་པའི་སེམས། །སེམས་ཅན་འཁོར་བར་འ་ས་པ་ཡིན། །རིག་པའི་དོན་ཅིག་མ་རྟོགས་ན། །མ་རིག་ལས་རྐྱེན་ཚོགས་པ་ཡི། །འཁྲུལ་པའི་མཐའ་ལ་ཟད་པ་མེད། །རང་རིག་ཡེ་ཤེས་མངོན་གྱུར་ན། །དོན་དམ་འགྱུར་མེད་བྱང་ཆུབ་སེམས། །རྣམ་པར་མི་རྟོག་དོན་ཀུན་ལྡན། །སྤྲོས་པ་མེད་པའི་ཆོས་ཉིད་དེ། །འདུས་མ་བྱས་ཤིང་ལྷུན་གྲུབ་འགྱུར། །མ་རིག་ལས་དང་ཉོན་མོངས་སེམས། །རིག་དང་སྟོང་དང་ཡེ་ཤེས་སེམས། །སེམས་ཀྱི་དེ་ཉིད་རྟོགས་པའི་ཕྱིར། །ཐེག་པ་སྣ་ཚོགས་ཐམས་ཚུལ་གྱིས། །ལམ་གྱི་འཇུག་སྒོ་དུ་མ་རྣམས། །ཐེག་པ་གཅིག་གི་འབྲས་བུ་སྲ །བྱང་ཆུབ་ཆེན་པོའི་ལམ་ལ་བཞུགས། །བྱང་ཆུབ་ཕྱིར་མི་ལྡོག་པ་ཡི། །བྱང་ཆུབ་སེམས་ལ་ལྟ་སྤྱོད་པའི། །སེམས་བསྒོམས་པས་ནི་སངས་རྒྱས་སོ། །བྱང་ཆུབ་སེམས་ལས་མ་གཏོགས་པའི། །སངས་རྒྱས་མེད་ཅིང་སེམས་ཅན་མེད། །རྟོག་དང་མི་རྟོག་ལ་སོགས་པའི། །གཟུང་འཛིན་གཉིས་མེད་གང་ཡང་མེད། །ཐམས་ཅད་ཆོས་ཉིད་རིག་པའི་ཀློང་། །སྐུ་གསུམ་ཐམས་ཅད་མཁྱེན་པ་ཡིན། །མ་ཡིན་ཡུལ་ནི་རྡུལ་ཙམ་མེད། །སྐད་ཅིག་ཙམ་ཡང་ཡོད་མ་ཡིན། །ཆོས་ཐམས་ཅད་ཀྱི་རྩ་བ་བྱང་ཆུབ་སེམས་ཀྱི་གླེང་བསླང་བའི་ལེའུ་སྟེ་གཉིས་པའོ།། །།མ་བཅོས་ལྷུན་གྱིས་གྲུབ་པ་ཡི། །བྱང་ཆུབ་སེམས་ཀྱི་ཆོས་ཉིད་དེ། །ངོ་བོ་རང་བཞིན་མཚན་ཉིད་གསུམ། །ཐོག་མཐའ་མེད་པར་མཉམ་པ་ཉིད། །གནས་ལུགས་སྐུ་གསུམ་རྒྱུད་མི་འཆད། །ནམ་མཁའ་བཞིན་དུ་ཀུན་ལ་ཁྱབ། །ཡིན་ཀྱང་རང་ངོ་མ་ཤེས་པའི། །སེམས་ཅན་དབུས་ན་བཞུགས་ཙམ་ན། །རང་གིས་རང་ཉིད་བསྒྲིབས་པ་ཡིན། །སྒྲིབ་བཅས་ཆོས་ཀྱི་སྐུ་རུ་སྣང་། །མིང་ཡང་ཀུན་གཞི་བྱང་ཆུབ་སེམས། །འཁོར་འདས་ཐམས་ཅད་བསྐྱེད་པ་ཡིན། །རང་ངོ་རང་གིས་རིག་པ་ཡིས། །བྱང་སེམས་དབུས་ན་བཞུགས་ཙམ་ན། །རང་གི་རང་ཉིད་དག་པ་ཡིན། །སྒྲིབ་སྦྱོང་ཆོས་ཀྱིས་སྐུ་རུ་སྣང་། །མིང་ཡང་ལྷག་མཐོང་ཡེ་ཤེས་ཟེར། །ཡོན་ཏན་ཐམས་ཅད་རྩལ་རྫོགས་བྱེད། །གཉིས་མེད་ལྷུན་གྲུབ་རྩལ་རྫོགས་པའི། །སངས་རྒྱས་དབུས་ན་བཞུགས་ཙམ་ན། །ལྷུན་གྲུབ་ཡེ་ཤེས་འགྱུར་མེད་པས། །སྒྲིབ་མེད་ཆོས་ཀྱི་སྐུ་རུ་སྣང་། །རྣམ་དག་དེ་བཞིན་གཤེགས་པ་ལ། །ཀུན་གཞིའི་མིང་ཡང་མི་གྲགས་ཏེ། །ཀུན་གཞི་ཀུན་གྱི་གཞི་ཡིན་ཡང་། །རྣམ་པར་བྱང་བའི་གཞི་མ་ཡིན། །འབྲས་བུ་གཞི་རུ་མི་ལྡོག་སྟེ། །མར་ཉིད་འོ་མར་མི་བཟློག་མཚུངས། །གཞི་ལས་ཕགས་པའི་ལམ་བྱུང་སྟེ། །འབྲས་བུ་ལམ་གྱིས་མི་འཆིང་བ། །ནམ་ལངས་པ་ཡི་ཉི་མ་ལ། །མུན་པས་སྒྲིབ་པར་མི་ནུས་བཞིན། །ཐམས་ཅད་མཁྱེན་པའི་ཡེ་ཤེས་ལ། །འཁྲུལ་པ་བྱ་བའི་མིང་མེད་དོ། །ཐམས་ཅད་སངས་རྒྱས་དེ་ཉིད་ཡིན། །སྔར་ཡང་དེ་བཞིན་ཕྱིས་དེ་བཞིན། །ཡིན་ཡང་གཞི་ལས་འདས་པ་ནི། །ཐུན་མོང་ཐེག་པ་ལྟར་དུ་ན། །རྩོལ་བས་གྲོལ་བ་མ་ཡིན་ཏེ། །རང་བྱུང་རང་དག་རང་གྲོལ་དུ། །ལྷུན་གྲུབ་རྩལ་རྫོགས་འགྱུར་མེད་སྐུ། །མ་དག་དག་པ་རྣམ་དག་ཏུ། །སེམས་ཅན་བྱང་སེམས་སངས་རྒྱས་ལ། །གོ་རིམས་བཞིན་དུ་ངོ་བོ་ཉིད། །ཡོན་ཏན་རྩལ་ནི་རྫོགས་པ་ཡིས། །རྫོགས་པའི་སངས་རྒྱས་དེར་སངས་རྒྱས། །ཀུན་རྟོག་མ་ཡིན་ཡང་དག་ཏུ། །ཐོག་མེད་འགྱུར་ཀྱང་ཐ་མ་མྲ །མ་འོངས་སྔོན་འདི་སུས་རྟོགས་པས། །ཕྱིར་མི་ལྡོག་པ་རྡོ་རྗེའི་སྐུ། །མཁྱེན་བརྩེའི་བདག་ཉིད་བཅོམ་ལྡན་འདས། །མངོན་པར་རྫོགས་སངས་རྒྱས་ལ་འདུད། །སྐུ་གསུམ་གྱི་མདོ་བྱང་བསྡུས་པའི་ལེའུ་སྟེ་གསུམ་པའོ།། །།འཁོར་བ་དང་ནི་མྱ་ངན་འདས། །གཉིས་སུ་མེད་པ་ཆོས་ཀྱི་དབྱིངས། །གང་དུ་མི་གནས་མཉམ་པ་ཉིད། །ངོ་བོ་སྤྲོས་མེད་ལྷན་ཅིག་སྐྱེས། །ཐམས་ཅད་མ་ལུས་བསྐྱེད་པའི་གཞི། །ཡེ་ཐོག་གཞི་ཡི་གནས་ལུགས་ནི། །ཀ་དག་ལྷུན་གྲུབ་ཀུན་ཁྱབ་པའི། །ངོ་བོ་སྟོང་པ་སྤྲོས་དང་བྲལ། །མ་རིག་པ་ཞེས་སྒྲིབ་པ་མེད། །མ་བཅོས་པའི་ཆོས་ཉིད་ལ། །ཡེ་ཤེས་ཙམ་དུ་གྲུབ་མེད་པའི། །རང་བཞིན་ལྷུན་གྲུབ་འོད་གསལ་བ། །མི་སྐྱེ་མི་འགག་ཅིར་མི་དགོངས། །གཉིས་འཛིན་མཚན་མ་མེད་པའི་ས། །རང་རྩལ་འགག་མེད་སྣང་བ་ལ། །ཕྱོགས་རིགས་མེད་པས་ཀུན་ལ་ཁྱབ། །ཐོག་མཐའ་མེད་པར་རྒྱུན་མི་འཆད། །མ་བཅོམུ་སྣ་ཚོགས་ཀུན་ཏུ་ཆར། །ཕྱི་ནང་ཕྱོགས་རིགས་དུས་ཚོད་མེད། །རྟག་པ་མ་ཡིན་ངོ་བོ་སྟོང་། །སྐྱེ་བ་མེད་པའི་ཆོས་ཉིད་དབྱིངས། །ཆད་པ་མ་ཡིན་རང་བཞིན་གསལ། །འགག་པ་མེད་པ་རིག་པའི་དོན། །གཉིས་སུ་མེད་པས་མཐའ་དང་བྲལ། །དངོས་པོའི་ཆོས་སུ་སྐྱེ་མ་མྱོང་། །སྟོང་པའི་ཆོས་སུ་འགག་མི་འགྱུར། །ཅིར་ཡང་མ་གྲུབ་ཅིར་ཡང་བྱུང་། །སྣང་ལ་གཟུགས་སུ་མ་གྲུབ་པ། །སྟོང་ལ་མཚན་ཉིད་མི་སྒྲིབ་པ། །སྟོང་གསལ་རིག་པའི་སྙིང་པོ་ཅན། །ཡོད་མེད་སྒྲོས་སྐུར་བྲལ་བ་ཡིས། །རྒྱ་རུ་མ་ཆད་ཀུན་ལ་ཁྱབ། །ཕྱོགས་སུ་མ་ལྷུང་མཉམ་པ་ཉིད། །སེམས་ཅན་མ་ཡིན་ཞབྲུལ་རྟོག་མེད། །སངས་རྒྱས་མ་ཡིན་རྩལ་མ་རྫོགས། །མ་དམིགས་ནམ་མཁའ་ལྟ་བུའི་དབྱིངས། །འགྲིབ་མེད་ཉི་མའི་སྙིང་པོ་བཞིན། །གནས་ལུགས་རང་གསལ་བློ་འདས་དེ། །སེམས་ཅན་བླུན་པོ་བསླད་པ་མེད། །སངས་རྒྱས་མཁས་ནས་བཅོས་པ་མེད། །འཁོར་འདས་གང་དུ་མ་གྲུབ་པའི། །ཡིན་ལ་གྲུབ་པ་མེད་པའི་དབྱིངས། །འགྱུར་མེད་ཐམས་ཅད་འབྱུང་བའི་ཀློང་། །གཅིག་དང་དུ་མབྲལབའིགཤིས། །ལྷུན་གྲུབ་འགྱུར་མེད་ངོ་བོ་དེ། །བསམ་གྱིས་མི་ཁྱབ་བརྗོད་ལས་འདས། །ཆོས་ཀྱི་སྐུ་ཡི་གནས་ལུགས་ཡིན། །རང་བཞིན་གསལ་ལ་རྟོག་མེད་པའི། །སོ་སོར་མ་འདྲེས་ངོ་བོ་ཉིད། །ཀུན་ཏུ་གསལ་བས་ལོངས་སྦྱོད་རྫོགས། །མ་བྱས་རང་བྱུང་རྩོལ་བྲལ་དུ། །ཅིར་ཡང་མ་ངེས་ཅིར་ཡང་སྣང་། །སྣང་ཙམ་ཉིད་ན་སྤྲོས་བྲལ་མཁའ། །སྣ་ཚོགས་སྒྱུ་མ་བཞིན་དུ་འབྱུང་། །སྤྲུལ་པ་སྐུ་ཡི་གནས་ལུགས་ཡིན། །དབྱེར་མེད་ངོ་བོ་ཉིད་ཀྱི་སྐུ། །ཀུན་གཞིའི་ཆོས་དབྱིངས་སྙིང་པོ་ཡི། །ཆོས་ཉིད་ཀུན་ལ་ཁྱབ་པའི་དབྱིངས། །རིག་པ་འགག་པ་མེད་པའི་རྩལ། །གཉིས་མེད་ཀུན་བྱེད་བྱང་ཆུབ་སེམས། །འཁོར་འདས་མ་ལུས་ཀུན་བརྟེན་པས། །གཞིའི་གནས་ལུགས་ཞེས་སུ་བརྗོད། །མ་རྟོགས་རྣམ་ཤེས་ཚོགས་བསྐྱེད་པས། །མ་དག་འཁོར་བ་ཀུན་གྱི་གཞི། །རིག་པའི་ཡེ་ཤེས་ཀུན་བསྐྱེད་པའི། །དག་པ་མྱ་ངན་འདས་པའི་གཞི། །ཆོས་སྐུ་ཁྱབ་པ་ཅིག་པ་ཡི། །གནས་ལུགས་གཞི་ཡི་སངས་རྒྱས་ཞེས། །ཀུན་ལ་ཁྱབ་པས་ནམ་མཁའ་འདྲ། །ཐམས་ཅད་བསྐྱེད་པས་ས་གཞི་བཞིན། །གསལ་ལ་མི་འགག་ཉི་ཟླའི་དཔེ། །རྒྱུན་ཆད་མེད་པ་ཆུ་བོའི་རྒྱུན། །དོན་ལ་མི་འགྱུར་རྡོ་རྗེའི་རི། །མ་འདྲེས་ཡོངས་རྫོགས་ཟ་འུག་དཔེ། །དུ་མ་གཅིག་འདུས་རྒྱ་མཚོའི་ཆུ། །གཅིག་པོ་མང་སྣང་ཆུ་ཟླའི་གཟུགས། །སྐྱོན་མེད་ཤེལ་སྒོང་ལྷ་བུ་ཡིས། །བྱང་ཆུབ་སེམས་ཀྱི་དཀྱིལ་འཁོར་འདི། །ཐམས་ཅད་མཁྱེན་པའི་གཞིའི་རྩ། །གཟུང་དང་འཛིན་པ་འཁོར་བ་སྟེ། །གཟུང་འཛིན་བྲལ་ན་མྱ་ངན་འདས། །གཉིས་མེད་རྟོགས་པ་སངས་རྒྱས་སོ། །ཀུན་གཞི་ང་མེད་གོང་རོལ་ན། །སེམས་ཅན་བྱ་བའི་མིང་ཡང་མེད། །འབྱུང་བ་བྱ་བའི་ཡུལ་མ་གྲུབ། །སེམས་ཅན་མེད་པའི་གོང་རོལ་ན། །སངས་རྒྱས་བྱ་བ་བཤད་མཁན་མེད། །ཡེ་ཤེས་བྱ་བ་ངོས་མ་ཟིན། །རྣམ་ཤེས་རྟོག་པས་ཡེ་ཤེས་ཡིན། །ཡེ་ཤེས་འཁྲུལ་པས་རྣམ་ཤེས་བྱུང་། །གང་ཡང་མེད་པས་བག་ལ་ཉལ། །གཉིས་མེད་གཅིག་གི་ངོ་བོ་ལ། །དཔེར་ན་ལག་པའི་ལྟོ་རྒྱབ་བཞིན། །མ་རིག་འཁྲུལ་པའི་སྣང་བ་ལ། །གནས་སྐབས་འཁོར་འདས་གཉིས་སུ་གྱེས། །ཡེ་འཁྲུལ་མིན་ཏེ་བློ་བུར་ཡིན། །འཁྲུལ་པ་སངས་ཚེ་གཉིས་མེད་དུ། །གདོད་ནས་དག་པའི་ཆོས་ཀྱི་སྐུ། །གཞི་ལས་གྲོལ་བའི་ལྷུན་གྲུབ་དང་། །དབྱེར་མེད་ཆུ་ལ་ཆུ་བཞག་བཞིན། །མི་གནས་མྱ་ངན་འདས་པ་པོ། །སངས་རྒྱས་ཀུན་གྱི་སྤྱི་མེས་ཡིན། །རང་བཞིན་གཞིའི་གནས་ལུགས་བསྟན་པའི་ལེའུ་སྟེ་བཞི་པའོ།། །།གནས་ལུགས་སྐྱེ་བ་མེད་པའི་ངང་། །རང་བཞིན་འཁྲུལ་ནི་མ་མྱོང་བར། །རང་རྩལ་རིག་པ་འགག་མེད་དེ། །ཀུན་ཏུ་གསལ་ལ་འཛིན་པ་མེད། །ནམ་མཁའ་ལྟ་བུའི་ངང་ཉིད་ནས། །རང་གསལ་ཉི་མ་འོད་བཞིན་ལས། །མ་རིག་འཁྲུལ་བས་མ་བསྒྲིབས་པར། །རང་ཉིད་ཉི་ཟླའི་སྙིང་པོ་བཞིན། །རང་རིག་ཡེ་ཤེས་ཕྱོགས་མེད་དུ། །གཞན་སྣང་མ་ཡིན་རང་སྣང་ལ། །རང་ངོ་ཤེས་བཞིན་གཞན་འཛིན་མེད། །ལྷན་ཅིག་སྐྱེས་པའི་ཡེ་ཤེས་ཤར། །ཤས་བྱའི་ཡུལ་མེད་དེར་ཤེས་ཀྱི། །རིག་པ་དངོས་མེད་ངོ་བོ་ཉིད། །སྒྲོ་སྐུར་བྲལ་བའི་ཐམས་ཅད་མཁྱེན། །ལྷུན་གྲུབ་འགྱུར་བ་མེད་པར་རྟོགས། །གཞི་ནི་འཁྲུལ་དང་གྲོལ་མིན་ལ། །རང་ངོ་ཤེས་པས་གཞི་ལས་གྲོལ། །འགྱུར་མེད་རྟོགས་པས་ཕྱིར་མི་ལྡོག །གསལ་འགྲིབ་མེད་པས་འོད་ཀྱི་སྐུ། །བརྗོད་མི་དགོས་པས་དོན་གྱི་གསུང་། །རྟོག་མེད་ཐམས་ཅད་མཁྱེན་པའི་ཐུགས། །ཀུན་ལ་ཁྱབ་པས་ཆོས་ཀྱི་སྐུ། །སངས་རྒྱས་ཀུན་ཏུ་བཟང་པོ་ཡིན། །རང་བཞིན་གསལ་བས་ལོངས་སྤྱོད་རྫོགས། །ཆོས་སྐུའི་ངང་ལས་གཟུགས་ཀྱི་སྐུ། །མེ་ལོང་ནང་དུ་བཞིན་ཤར་བཞིན། །རང་དང་བཞིན་ལ་གསལ་བ་ཡིན། །རྩོལ་བ་མེད་པར་གཞན་གྱི་དོན། །ནོར་བུ་རིན་ཆེན་བཞིན་དུ་འབྱུང་། །ཐོག་མའི་སངས་རྒྱས་གཞི་ཐོག་གྲོལ། །ཡེ་ཤེས་རང་རྩལ་རྒྱས་པ་ཡིས། །བར་སྐབས་གཟུང་འཛིན་འཁྲུལ་པའི་བློ། །གདོད་མ་ཉིད་ནས་མ་གྲུབ་པས། །སངས་རྒྱས་ཆོས་ལས་ཡོངས་མི་འདའ། །སྡུག་བསྔལ་ཀུན་འབྱུང་འགོག་པ་ཡི། །བསག་སྦྱང་ལམ་གྱི་དགེ་བ་ནི། །བ་སྤུ་ཙམ་ཅིག་མ་བྱས་པར། །འབྲས་བུ་སྐུ་གསུམ་ལྷུན་གྱིས་གྲུབ། །རྒྱུ་ལས་མ་བྱུང་འབྲས་བུ་ནི། །དང་པོའི་སངས་རྒྱས་རྒྱུ་མེད་པ། །གདོད་ནས་རང་བཞིན་ལྷུན་གྲུབ་ཡིན། །རྐྱེན་གྱིས་མ་བཅོས་རང་ཤར་ལ། །རང་འབྱུང་རྩོལ་མེད་ཀུན་ཤེས་པ། །རང་བྱུང་ཡེ་ཤེས་སངས་རྒྱས་ཡིན། །མ་བསྒྲུབས་པ་རུ་ལྷུན་གྲུབ་པས། །ལམ་མ་བགྲོད་པར་རྩལ་རྫོགས་པའི། །རིག་པ་འདུས་མ་བྱས་པའི་སྐུ། །འཁྲུལ་མ་མྱོང་བར་གྲོལ་བ་ཡི། །དེ་བཞིན་གཤེགས་པ་ཆོས་ཀྱི་སྐུ། །དང་པོའི་སངས་རྒྱས་བཅོམ་ལྡན་འདས། །སངས་རྒྱས་རྣམ་པར་སྣང་མཛད་ཆེ། །ཐུབ་པ་ཆེན་པོ་ཐུབ་ཆེན་ལྡན། །སྐུ་ནི་མི་འགྱུར་ཀུན་ཏུ་བཟང་། །གསུང་ནི་མི་འགག་སྨྲ་བརྗོད་བྲལ། །ཐུགས་ནི་མི་གཡོས་མཉམ་པ་ཉིད། །སྐུ་གསུང་ཐུགས་ལྡན་རང་གསལ་གྱི། །ཐམས་ཅད་མཁྱེན་པའི་ཡོན་ཏན་མཚོ། །དཀྱིལ་འཁོར་མ་ལུས་ཀུན་གྱི་བདག །རང་བཞིན་དོན་གཉིས་སྒྲིབ་མེད་གསལ། །སངས་རྒྱས་ཉི་མ་དེ་ལ་འདུད། །དང་པོའི་སངས་རྒྱས་གཞི་ཐོག་ནས་གྲོལ་བར་བསྟན་པའི་ལེའུ་སྟེ་ལྔ་པའོ།། །།མ་བཅོས་གཞིའི་གནས་ལུགས་ཀྱི། །གདོད་ནས་དག་པའི་ཆོས་སྐུ་དེ། །དག་པ་ནམ་མཁའ་ལྟ་བུ་ལ། །དེ་ཉིད་རབ་རིབ་མིག་བཞིན་དུ། །རང་ངོ་ཡིན་པར་མ་ཤེས་པས། །འདི་ནི་འཁོར་བར་ཐོག་མེད། །ངོ་བོ་རང་བཞིན་མཚན་ཉིད་གསུམ། །དཔེར་ན་མུན་པའི་གཟུགས་བརྙན་བཞིན། །གཞན་གྱི་བྱེད་པོ་མ་ཡིན་པར། །རང་གི་རྒྱུ་རྐྱེན་འབྲས་བུ་ཡིན། །ཆོས་དབྱིངས་གཏི་མུག་མ་རིག་པས། །ཡུལ་དུ་ཡུལ་ཅན་མ་ཡིན་པའི། །ཀུན་གཞི་མུན་པའི་སེམས་ཞེས་པ། །མཚན་མོའི་ནམ་མཁའ་ལྟ་བུ་འབྱུང་། །དེ་ནི་ཆོས་སྐུའི་ངོ་བོ་སྟེ། །དོན་ལ་དུས་གསུམ་འགྱུར་མེད་ཀྱང་། །དེ་ཉིད་མ་རིག་གཞིའི་སེམས། །ཀུན་ལ་ཁྱབ་པའི་ཆོས་ཉིད་དེ། །རང་གིས་རང་ཉིད་མ་ཤེས་པ། །ལྷན་ཅིག་སྐྱེས་པའི་མ་རིག་པ། །རང་གི་རང་ཉིད་མ་མཐོང་བ། །མིག་གིས་མིག་ནི་མི་མཐོང་འདྲ། །གཞན་གྱི་ཡུལ་ཡང་མིམཐོང་བ། །རྒན་ལོང་ཐང་ལས་འབྱམས་པ་འདྲ། །བདེ་གཤེགས་སྙིང་པོས་ཀུན་ཁྱབ་ཅིང་། ཁམས་གསུམ་སེམས་ཅན་ཐམས་ཅད་ཀྱིས། །སྡིག་པ་སྤུ་ཙམ་མ་བྱས་ཀྱང་། །རྒྱལ་བུ་རྐང་འ་ས་ལྟ་བུ་སྲ །བློ་བུར་འཁྲུལ་པ་མ་ཤེས་པ། །འཁོར་བར་འཁྱམ་པའི་རྩ་བ་ནི། །བདག་ཉིད་ཅིག་པའི་མ་རིག་པ། །ཀུན་ལ་ཁྱབ་པའི་སེམས་ཅིག་པོ། །ནམ་མཁའ་གར་ཁྱབ་སེམས་ཅན་ཁྱབ། །སེམས་ཅན་གར་ཁྱབ་མ་རིག་ཁྱབ། །མ་རིག་གར་ཁྱབ་ཆོས་སྐུས་ཁྱབ། །རིག་པའི་དོན་ཡང་དེ་ཙམ་མོ། །ངོ་བོ་སྟོང་པའི་རང་རྩལ་དེས། །རང་བཞིན་འགོག་པ་མེད་པ་ཡི། །འོད་དང་མདངས་སུ་ཤར་བ་ལས། །མ་རིག་འཆར་སྒོ་མ་འགགས་པས། །འདུ་བྱེད་གཡོ་བ་ལས་ཀྱི་རླུད་། །བདག་དང་གཞན་དུ་རྟོག་པ་ཡི། །གཟུང་འཛིན་གཉིས་ཀྱི་འཁྲུལ་པ་ཤར། །རང་གི་རྒྱུ་རྐྱེན་ལས་བྱུང་བའི། །ཀུན་ཏུ་བརྟགས་པའི་མ་རིག་པའི། །དེ་མ་ཐག་ཏུ་རང་ལས་སུ། །གཞན་དུ་གཉིས་འཛིན་འཁྲུལ་པ་ནི། །མེད་པ་ཡོད་འཛིན་རི་དྭགས་ཀྱིས། །སྨིག་སྒྱུའི་ཆུ་ལ་སྙོག་པའམ། །ཡོད་ལ་མེད་མཐོང་ཐག་པ་སྦྲུལ། །མཐོང་ཡང་ཐག་པ་སྦྲུལ་མ་ཡིན། །ཐག་པ་སྤང་ནས་སྦྲུལ་ཡོད་མིན། །དེབཞིན འཁྲུལཔའི་ཚེ་ན་ཡང་། །མ་འཁྲུལ་ལོགས་ནས་ཡོད་མ་ཡིན། །ངོ་བོ་གཅིག་ལ་རྣམ་པ་གཉིས། །ཐ་དད་བཟུང་བ་འཁྲུལ་པ་སྟེ། །འཁྲུལ་པའི་རྣམ་ཤེས་སྣ་ཚོགས་ལ། །མིང་མེད་པ་ལ་མིང་དུ་རྟགས། །དེ་ལ་ཨ་འཐས་བདག་ཏུ་བཟུང་། །གཟུང་འཛིན་གཉིས་ལས་སྤྲོས་པ་ཡིས། །ཀུན་རྫོབ་དོན་དམ་འཁོར་འདས་དང་། །འཁྲུལ་དང་མ་འཁྲུལ་ལྟོས་པའི་ཆོས། །བདེ་སྡུག་སྣ་ཚོགས་དེ་རུ་བྱུང་། །རང་ངོ་མ་ཤེས་འཁྲུལ་པ་སྟེ། །འཁྲུལ་སྨྱུང་རང་སེམས་འཁྲུལ་བ་ལ། །འཁྲུལ་པ་རང་ལ་ལོངས་སྤྱད་པས། །རང་སེམས་ལོངས་སྤྱོད་རྫོགས་སྐུ་སྲ །འཁྲུལ་པའི་ཆོས་ལ་འགག་པ་མེད། །འགག་མེད་རྟོགས་ན་སངས་རྒྱས་ཡིན། །མ་རིག་དར་གྱི་སྲན་བུ་བཞིན། །རང་གིས་རང་ཉིད་བཅིངས་པ་ཡིན། །གཞན་གྱིས་འཆིང་བྱེད་མ་མཆིས་པས། །འཇུར་བུས་བཅིངས་པའི་སེམས་ཉིད་འདི། །དཔེར་ན་སྦྲུལ་གྱི་མདུད་པ་བཞིན། །གློད་ན་རང་གྲོལ་ཐེ་ཚོམ་མེད། །ཐམས་ཅད་གསལ་ལ་འགག་མེད་པའི། །ཐུགས་རྗེས་ཅི་ཡང་འཆར་བ་འདི། །མ་ཤེས་རྣམ་ཤེས་སྣ་ཚོགས་པའི། །མིང་གཟུགས་ཕྱི་ནང་རྟེན་འབྲེལ་ཚོགས། །ཆགས་སྡང་རྨོངས་གསུམ་རྟོག་ཚོགས་ཀྱི། །མ་རིག་པའི་སྦྲུལ་ཏེ། །དེ་ཡི་ལས་དང་བག་ཆགས་རྣམས། །མ་དག་འཁོར་བར་རྒྱུན་དུ་ལུ་ས། །དེ་ཉིད་ཁོ་ན་ལ་རྨོངས་པའི། །མ་རིག་འཁྲུལ་པའི་འབྲས་བུ་སྟེ། །ཉོན་མོངས་པ་ནི་འཁོར་བ་ལ། །ལས་ཀྱིས་རྒྱུ་འབྲས་སྣང་བ་ཡིས། །སྨྱོན་པ་ལྷ་མཐོང་འདྲེ་མཐོང་བཞིན། །བདེ་སྡུག་སྣ་ཚོགས་ཅི་ཡང་བྱུང་། །སེམས་ཉིད་གཅིག་གི་སྤྲུལ་པ་སྟེ། །རང་ལ་རང་འཁོར་འཁོར་བ་ཞེས། །རང་བཞིན་ཤེས་ན་མྱ་ངན་འདས། །འཁོར་འདས་ལག་པའི་ལྟོ་རྒྱབ་འདྲ། །དེ་ལྟར་ཀུན་གཞི་གཅིག་ཉིད་ལས། །རང་བྱུང་མ་རིག་གསུམ་དུ་བྱུང་། །ངོ་བོ་སྟོང་པར་མ་རིག་པས། །ལྷན་ཅིག་སྐྱེས་པའི་མ་རིག་པ། །རྒྱུ་བྱས་འཁོར་བ་དེ་ལས་བྱུང་། །དཔེར་ན་སྐྱེས་བུ་གཉིད་ལོག་འདྲ། །རང་བཞིན་གསལ་བར་མ་རིག་པས། །ང་དང་བདག་ཏུ་འཛིན་པ་ཡིས། །ཀུན་ཏུ་བརྟགས་པའི་མ་རིག་པས། །རྐྱེན་བྱས་འཁྲུལ་སྣང་ཆགས་སྡང་བྱུང་། །དཔེར་ན་གཉིད་ཀྱིས་རྨི་ལམ་འདྲ། །ཐུགས་རྗེས་ཀུན་ཁྱབ་མ་རིག་པས། །སྣ་ཚོགས་རྟོགས་པ་སོ་སོར་བཟུང་། །དེ་ཉིད་ཁོ་ན་མ་རིག་པས། །ལས་ཀྱིས་བག་ཆགས་རྣམ་སྨིན་བྱུང་། །དེ་ཉིད་སེམས་སུ་མ་རིག་པས། །རྒྱུ་འབྲས་རྨོངས་པའི་མ་རིག་པ། །ཐུགས་རྗེའི་མཚན་ཉིད་སྣ་ཚོགས་ཏེ། །རྨི་ལམ་སྣ་ཚོགས་རྨིས་པ་བཞིན། །འཁྲུལ་པའི་འབྲས་བུ་འཁོར་བ་སྟེ། །འཁོར་བ་སྤངས་ནས་གཞན་དུ་ནི། །མྱ་ངན་འདས་པ་ཡོད་མིན་པ། །ཡང་དག་དོན་ལ་འཁྲུལ་པ་མེད། །འཁྲུལ་པའི་རྟོག་པ་བློ་བུར་བ། །གནས་སྐབས་ཙམ་ལས་རྟག་ཏུ་མིན། །དཔེར་ན་སྐྱེས་བུ་གཉིད་སད་བཞིན། །ཆོས་སྐུ་རྣམ་གཉིས་ཤེས་བྱ་སྟེ། །མེ་ཉིད་དུ་བས་མི་གསལ་བཞིན། །གཞི་ཡི་ཆོས་སྐུ་ཉོན་མོངས་བསྒྲིབས། །སེམས་ཅན་ཉོན་མོངས་རང་དགར་སྤྱོད། །ཤེལ་ཉིད་ཤེལ་གྱིས་སྒྲིབ་པ་བཞིན། །ལམ་གྱི་ཆོས་སྐུ་ཤེས་བྱས་བསྒྲིབས། །འཕགས་པའི་གཉེན་པོའི་ཆོས་ཀྱིས་འཁྲུལ། །སྤང་བླང་གཉེན་པོ་གྲོལ་ཙམ་ན། །དྲི་མ་མེད་པའི་ཆོས་སྐུ་ནི། །ནམ་ལངས་ཉི་མ་ཤར་བ་བཞིན། །ཐམས་ཅད་སྒྲིབ་མེད་རྩོལ་མེད་གསལ། །བདེ་གསལ་བར་ནི་རྒྱུན་པར་གནས། །བར་དོའི་གྲོང་ཁྱེར་དེ་ལ་མེད། །ཆོས་དབྱིངས་ཤིན་ཏུ་དྲི་མ་མེད། །དེ་ཡི་རྒྱུ་ནི་གསལ་བ་ཡི། །སྣ་ཚོགས་ཚུལ་སྟོན་རོ་གཅིག་པས། །འཁོར་འདས་ཀུན་མཁྱེན་སྐུ་གསུམ་གྱི། །དེར་འཛིན་བག་ཆགས་དག་ཙམ་ན། །སེམས་ཅན་ཐམས་ཅད་སངས་རྒྱས་ཉིད། །སངས་རྒྱས་སེམས་ལ་མ་གཏོགས་པར། །གཞན་ནས་འཚོལ་བ་འཁྲུལ་པའི་བློ། །ཕྱིན་ཅི་ལོག་སྟེ་ཐར་པ་བྲལ། །འཁོར་བ་འདི་ནི་མུ་མཐའ་མེད། །སྐུ་གསུམ་ངང་ལས་མ་འདས་ཀྱང་། །རང་སྣང་འཁྲུལ་པའི་གླེན་པ་བཞིན། །རང་ལ་རང་ལ་སྡུག་བསྔལ་བསྐྱེད། །རང་ལས་རང་བྱུང་ཟད་མེད་པ། །རང་སྣང་འཁོར་བ་སྤྱི་ཙམ་ལ། །མ་རིག་འཁྲུལ་པ་ཟད་པ་མེད། །རང་རིག་རྟོགས་ན་སྐད་ཅིག་མ། །ཟད་པར་སྐྱོལ་ཏེ་འཁོར་དོང་སྤྲུགས། །འགྲོ་ཀུན་ཡེ་སངས་རྒྱས་ནས་གདའ། །མ་རིག་འཁྲུལ་པའི་དུས་འདིར་ཡང་། །མ་རིག་ངོས་སུ་བཟུང་མེད་དེ། །ངོ་བོ་སྟོང་པས་ཆོས་སྐུ་ཡིན། །དེ་ལ་བདག་འཛིན་ཡེ་རེ་བ། །མངོན་སུམ་གསལ་བ་རིག་པ་དེ། །རངབཞིནལོངསསྤྱོདརྫོགས་སྐུ་ཡིན། །རང་བཞིན་སྣ་ཚོགས་སྣང་བ་སྟེ། །མཚན་ཉིད་ཐུགས་རྗེས་སྤྲུལ་སྐུ་ཡིན། །དེ་ལྷར་མ་རིག་འཁྲུལ་དུས་ན། །སྐུ་གསུམ་མ་བཅོས་ལྷུན་གྲུབ་པས། །སྣང་སྲིད་ཐམས་ཅད་སངས་རྒྱས་ཞིང་། །རང་བྱུང་རྣམ་ཤེས་ཡེ་ཤེས་ཡིན། །ཡེ་ཤེས་ཡེ་ཤེས་ཁྱད་པར་ཆེ། །རྣམ་མཁྱེན་ཡེ་ཤེས་ཀུན་མཁྱེན་བདག །ཀུན་ཏུ་བཟང་པོའི་དགོངས་པའོ། །ཀུན་གཞི་གསལ་སྟོང་རྣམ་ཤེས་ཏེ། །རང་གདངས་འོད་ལྔར་གསལ་བ་ལ། །དེར་འཛིན་གཟུང་འཛིན་གཉིས་འཁྲུལ་པས། །ཕྱི་ནང་འབྱུང་བ་ལྔ་བྱུང་ཞིང་། །ཉོན་མོངས་ལྔ་སྐྱེས་ཨ་འཐས་པས། །རྒྱུད་ལྔའི་ལམ་ལས་འགྲོ་ལྔ་བྱུང་། །འབྱུང་བ་ལྔ་པོ་དངོས་སུ་གྲུབ། །སྣོད་བཅུད་ཕྱི་ནང་རྣམ་ཤེས་གསུམ། །ལྷན་ཅིག་སྐྱེས་པར་ཉམས་དུ་སྣང་། །ཀུན་བརྟགས་སེམས་ཀྱི་བཟུང་བའི་ཡུལ། །མཁའ་ལ་རླུད་རྟེན་དེ་ལ་ཆུ། །དེ་ལ་ས་རྟེན་དྲོད་ཀྱིས་སྨིན། །རྩི་ཤིང་མེ་ཏོག་འབྲས་བཅུད་ལྡན། ཁ་དོག་དབྱིབས་བཅས་བེབས་སྣང་སེམས། །རི་རབ་རི་བདུན་རོལ་མཚོ་བདུན། །གླིང་བཅས་ཉི་ཟླ་སྟོང་གསུམ་སོགས། །སྣོད་ཀྱི་འཇིག་རྟེན་ཁམས་གསུམ་ཆགས། །ཆགས་ལས་འགྱུར་མེད་རྟོག་མེད་ནི། །འབྱུང་བ་ཆོས་སྐུའི་ངོ་བོ་ཡིན། །རྣམ་པར་རྟོགས་མེད་ལྷུན་གྱིས་གྲུབ། །མི་གཡོ་མི་འགག་སྐྱེ་བ་མེད། །འབྱུང་བའི་སྣོད་ལས་འདས་པ་མེད། །ནམ་མཁའ་ཀུན་ལ་ཁྱབ་པའི་སྐུ། །སྣང་སྟོང་ཀུན་བཟང་ཡབ་ཡུམ་ཡིན། །འབྱུང་ལྔ་སོ་སོར་མ་འདྲེས་པར། །ཀུན་གྱི་རང་རང་སྤྱོད་ཡུལ་དུ། །ཆོས་ཀྱི་དབྱིངས་ན་ལོངས་སྤྱོད་པ། །སྐུ་ལྔ་ཡེ་ཤེས་དར་ཤར་བའི། །རིགས་ལྔ་ལོངས་སྤྱོད་རྫོགས་སྐུ་ཡིན། །འབྱུང་བ་ལྔ་པོ་རེ་རེ་བཞིན། །འགྲོ་བ་རང་རང་འདོད་པ་བཞིན། །དེ་དང་དེ་ཡི་དོན་གྲུབ་པར། །སྣང་བ་སྤྲུལ་པའི་སྐུ་ཡིན་ཏེ། །འགྲོ་དོན་མི་གྲུབ་གཅིག་ཀྱང་མེད། །ཐམས་ཅད་སངས་རྒྱས་སྤྲུལ་པའི་མཆོག །འབྱུང་བ་ཆེན་པོ་བཅོམ་ལྡན་འདས། །ལོངས་སྤྱོད་རྫོགས་སྐུ་ཀུན་གྱི་རྒྱལ། །ཆོས་ཀྱི་དབྱིངས་དང་དབྱེ་བ་མེད། །གཉིས་མེད་ཡེ་ཤེས་ཆོས་ཀྱི་སྐུ། །སྣོད་ཀྱི་འཇིག་རྟེན་རང་སྣང་ཡིན། །ཆགས་འཇིག་སྟོངས་གནས་ལ་སོགས་པ། །ངེས་མེད་རྣམ་པ་སྣ་ཚོགས་ཀུན། །རང་སྣང་འགྱུར་བའི་ཆགས་འཇིག་ཡིན། །རང་སྣང་འཛིན་པ་མ་གྱུར་ན། །སྣོད་ཀྱི་འཇིག་རྟེན་ཆགས་འཇིག་མེད། །དཔེར་ན་ཉི་མའི་ཉི་འོད་ཀྱང་། །ཉི་མ་གར་སྣང་ཉི་འོད་འདུ། །གཉིས་མེད་གཉིས་སུ་བརྟགས་པ་བཞིན། །རང་གཞན་སྣོད་བཅུད་དེ་དང་འདྲ། །འཁྲུལ་རྟོགས་གཉིས་སུ་ཕྱེ་བ་ལས། །དོན་ལ་དབྱེར་མེད་དངོས་སུ་སྣང་། །རྣམ་པར་སྣང་མཛད་གང་ཆེན་མཚོ། །སངས་རྒྱས་ཀུན་གྱི་ཞིང་ཁམས་ཏེ། །སངས་རྒྱས་ཀུན་གྱི་སྐུ་ཡང་ཡིན། །སེམས་ཅན་ཁམས་ཀུན་དག་པའི་ཕྱིར། །སངས་རྒྱས་ཞེས་སུ་མིང་དུ་བཏགས། །སྣོད་ལ་བརྟེན་ནས་ནང་གི་བཅུད། །གཟུང་འཛིན་ཉོན་མོངས་འདོད་པའི་ཁམས། །ཡུལལ་ཉོན་མོངས་གཟུགས་ཁམས་པ། །འཛིན་པའི་ཉོན་མོངས་གཟུགས་མེད་ཁམས། ཁམས་གསུམ་གནས་པའི་སེམས་ཅན་རྣམས། །རྒྱུ་ནི་མ་རིག་ལས་དབང་གིས། །རྐྱེན་ནི་ཆགས་སྡང་རྨོངས་པ་ཡི། །རྒྱུད་ལྔ་ལམ་ལ་འཚོགས་པ་ཡིས། །དེ་ཡི་རང་སྣང་རང་གཟུགས་སུ། ་།ལ་དང་འདྲ་བའི་སེམས་ཉིད་དེ། །དེ་དང་དེ་ཡི་རྒྱུ་མཐུན་དུ། །འགྲོ་རིགས་ལྔའམ་དྲུག་ཏུ་སྣང་། །སོ་སོའི་ལས་དང་བག་ཆགས་ཀྱིས། །ལུས་དང་ངག་དང་ཡིད་དུ་གྲུབ། །དེ་དང་དེ་ཡི་སྤྱོད་པར་སྣང་། །སྣང་བ་སྣ་ཚོགས་ཐ་དད་ཅིང་། །གནས་ལུགས་ཅིག་ལ་སྤྱོད་པ་ཡི། །སེམས་ཅན་ཐམས་ཅད་སེམས་གཅིག་སྟེ། །རང་སྣང་དགེ་བ་ཀུན་ཡང་དགེ །རང་སྣང་མི་དགེ་ཀུན་མི་དགེ །ངན་སོང་བདེ་འགྲོ་དེ་ཡི་ཁྱད། །སྟོང་པ་ཉིད་ཀྱིས་ཆོས་ཉིད་ལ། ཁུ།་འབྲས་བདེན་པ་དེ་ཡི་གནད། །རྒྱུ་འབྲས་བདེན་མེད་རྟོགས་པ་ན། །གཟུང་འཛིན་བྲལ་བས་ཆོས་སྐུ་ཡིན། །ཆོས་སྐུ་ཀུན་ལ་ཁྱབ་པ་ལ། །བྲལ་དང་མ་བྲལ་གཉིས་སུ་མེད། །ཕྱི་ནང་གཟུང་འཛིན་ཡུལ་གཉིས་ལ། །འདོད་ཡོན་ལྔ་རུ་ལོངས་སྤྱོད་པས། །ལོངས་སྐུའི་རོལ་པ་དེ་ཉིད་ཡིན། །དེ་ཡང་མ་ཟད་རྣམ་ཤེས་ནི། །སྣ་ཚོགས་འགག་མེད་སྤྲུལ་པའི་སྐུ། །སེམས་ཅན་རྣམས་ཀྱི་ཆོ་འཕྲུལ་ཏེ། །སངས་རྒྱས་སྤྲུལ་པའི་སྐུ་འཆང་བ། །སེམས་ཅན་སེམས་ཅན་དོན་གཉིས་འགྲུབ། །འོ་མའི་ནང་ནས་མར་བཞིན་དུ། །སེམས་ཅན་རྣམས་ཀྱི་སྙིང་དཀྱིལ་ན། །ཐམས་ཅད་མཁྱེན་པའི་སངས་རྒྱས་བཞུགས། །སངས་རྒྱས་མ་ཡིན་སེམས་ཅན་ནི། །གཅིག་ཀྱང་ཡོད་པ་མ་ཡིན་པས། །གསེར་ནི་རང་གཡས་བསྒྲིབས་པ་བཞིན། །རང་གི་ཤེས་བྱའི་སྒྲིབ་པ་ཡིས། །སེམས་ཅན་ལམ་དུ་འཁྲུལ་པ་ཡིན། །འཁྲུལ་སྣང་མཐར་ཐུག་དམྱལ་བ་སྟེ། །སྐུ་གསུམ་ངང་ལ་འདས་པ་མེད། །ངོ་མ་ཤེས་པ་དམྱལ་བར་བཟུང་། །ངོ་ཤེས་དམྱལ་བའི་རིག་པ་དེ། །སྤངས་ནས་གཞན་ན་སྐུ་གསུམ་མེད། །དམྱལ་སྣང་དེ་ཀ་སྐུ་གསུམ་ཡིན། །མ་རིག་པ་དང་རིག་པ་གཉིས། །རང་གི་ལུས་དང་ལོངས་སྤྱོད་རྣམས། །མུན་པའི་ཡུལ་དང་སྣང་ཡུལ་བཞིན། །ཁྱད་པར་མེད་ལ་ཁྱད་པར་ཆེ། །དེ་བཞིན་ཉིད་དུ་ཤེས་པར་བྱོས། །རང་གཞན་ཆ་ཡི་རྣམ་རྟོག་གི །ཕྱི་ནང་སྣོད་བཅུད་གཟུང་འཛིན་སེམས། །ཕུང་པོ་ལྔ་དང་འབྱུང་བ་ལྔ། །སྒོ་ལྔ་དང་ནི་ཡུལ་ལྔ་དང་། །ཉོན་མོངས་ལྔ་དང་ཡེ་ཤེས་ལྔ། ་སྣྲུད་ལྔ་དང་ནི་སྐུ་ལྔ་སོགས། །གཟུང་འཛིན་དག་གིས་བཟུང་ནས་ནི། ཁམས་གསུམ་པའི་ཁང་པ་སྲ །མིང་དང་གཟུགས་ཀྱིས་བཙོན་རར་ཚུད། །མ་རིགས་ཉོན་མོངས་ལྕགས་སྒྲོག་བསྡམས། །ཕྱིན་ཅི་ལོག་སྣང་དམག་གིས་བསྐོར། །བག་ཆགས་སྔ་ཕྱིའི་དུག་རོ་ལངས། །རྣམ་སྨིན་ལས་དང་ལག་པ་སྦྲེལ། །ལས་ཀྱི་རྒྱུ་འབྲས་འཚམས་སྦྱར་ནས། །ཉིན་པར་རྨི་ལམ་གཉིད་ལོག་སད། །འདི་ཕྱི་བར་དོ་ཐམས་ཅད་དུ། །གཅིགནསགཅིགཏུཟོ་ཆུ་བཞིན། །བཟང་ངན་རིམ་པའི་ལུས་བླངས་ནས། །དེ་དང་དེ་རུ་སྣང་བ་ནི། །རྟོག་པ་ཐམས་ཅད་ཆོས་སྐུ་ཡིན། །ཆོས་ཉིད་མ་ཁྱབ་རྟོག་པ་མེད། །ཐད་ཀའི་རྟོག་པ་ལོངས་སྐུ་ཡིན། །དེ་དང་དེ་ཡི་སྣང་བ་སྦྱོད། །གནས་ལུགས་སེམས་ཀྱི་རྒྱུད་གཅིག་ཀྱང་། །ལམ་རྒྱུད་རྟོག་པ་ཐ་དད་པས། །ངེས་པ་མེད་པ་སྤྲུལ་པའི་སྐུ། །སོ་སོར་རིགས་ཀྱིས་རྟོག་པའི་གཟུགས། །མི་ལ་བདེ་སྡུག་བཏང་སྙོམས་དང་། །ལྷ་ལ་འདོད་པའི་ཡོན་ཏན་དང་། །ལྷ་མིན་གོ་མཚོན་འཁྲུག་པ་དང་། །བྱོལ་སོང་བླུན་ཅིང་གནོད་འཇིགས་དང་། །ཡི་དྭགས་བཀྲེས་སྐོམ་སྡུག་བསྔལ་དང་། །དམྱལ་བ་མེ་ཆུ་ལ་སོགས་པའི། །སྡུག་བསྔལ་རྣམ་པ་སྣ་ཚོགས་པ། །སྣང་བ་མི་གཅིག་སོ་སོར་བྱུང་། །རང་རྟོག་རང་གི་སྤྲུལ་པ་ཡིན། །གཞན་གྱི་བྱེད་ཡུལ་བྱེད་མཁན་མེད། །རྒྱལ་པོ་གདན་ལས་མ་གཡོས་ཀྱང་། །སྒྱུ་མ་མཁན་གྱིས་བསླུས་པ་བཞིན། །ཆོས་སྐུ་ངང་ལ་མ་གཡོས་བཞིན། །བདེ་སྡུག་སྣ་ཚོགས་ཤར་བ་ཡིན། ཁྲར་ཡང་ངོ་བོ་ཉིད་ཀྱིས་དག །སེམས་ཅན་སྐུ་གསུམ་རང་བཞིན་ལ། ཁྲེས་ན་ཐམས་ཅད་དེ་ཡིན་ཏེ། །དེ་ལས་གཞན་པ་སངས་རྒྱས་ཀྱིས། །བཙལ་ཡང་རྙེད་པར་མི་འགྱུར་བས། །རྟོག་པ་ཉིད་ནི་ཆོས་ཀྱི་སྐུ། །སེམས་ཅན་ཐམས་ཅད་སངས་རྒྱས་ཉིད། །འཁྲུལ་པ་རྣམས་ནི་ཡེ་ཤེས་དངོས། །མ་རིག་པ་ནི་ཆོས་ཀྱི་དབྱིངས། །སྣང་གྲགས་འཛིན་གསུམ་སྐུ་གསུང་ཐུགས། །ཐམས་ཅད་རང་འབྱུང་ཡེ་ཤེས་ཡིན། །རང་འབྱུང་རྩོལ་བའི་ཁར་མ་ལུས། །རྩོལ་སྒྲུབ་འདས་པའི་བྱང་ཆུབ་སེམས། །ཐམས་ཅད་མཁྱེན་པ་ཁྱོད་ཡིན་ནོ། །ངོ་བོ་སྟོང་པའི་རང་བཞིན་ཏེ། །གསལ་བ་འགག་མེད་ཐུགས་རྗེའི་འོད། །དོན་དམ་ཀུན་རྫོབ་གཟུགས་ཅན་ནོ། །ཀུན་རྫོབ་འཁོར་བའི་རང་བཞིན་ལ། །དོན་དམ་མྱ་ངན་འདས་པའོ། །གཉིས་སུ་མེད་པ་ཕྱག་རྒྱ་ཆེ། །རྫོགས་པའི་སངས་རྒྱས་དེ་ལས་བྱུང་། །རང་འབྱུང་རྫོགས་པ་ཆེན་པོའོ། །མ་རིག་ལུབྲུལ་པའི་བྱུང་ཁུངས་བསྟན་པའི་ལེའུ་སྟེ་དྲུག་པའོ།། །།ཆོས་ཉིད་སྐྱེ་མེད་དབྱིངས་ཀྱི་ཀློང་། །རིག་པ་འགག་མེད་རང་གདང་དེ། །གཉིས་མེད་བྱང་ཆུབ་སེམས་ཀྱི་རྩལ། །ཡེ་ཤེས་འོད་ལྔའི་གདངས་སུ་ཤར། །མ་རིག་འབྱུང་ལྔ་གཟུང་འཛིན་གྱིས། །བག་ཆགས་སྔ་ཕྱི་འདས་པ་ཡི། །བར་དོར་ཡིད་ཀྱི་ལུས་ཞེས་པ། ཁྲེས་པ་ཕྱད་ཕྱོད་ཡལ་ཡོལ་གྱིས། །འདོད་ཞེན་སྲེད་པའི་སྣང་བ་ཡི། ཁམས་གསུམ་རྟོགས་པའི་སྐྱེ་གནས་བཞི། །རྨི་ལམ་ལྟ་བུའི་གཟུང་འཛིན་བྱེད། །ཁྱད་པར་འཛམ་གླིང་མངལ་གནས་རྣམས། །ཕ་མ་འཁྲིགས་པ་གནས་སུ་མཐོང་། །སྔོན་གྱི་ལས་ཀྱིས་འབྲེལ་པ་རྣམས། ཁྲ་རུལ་ལ་ནི་སྦྲང་འདུ་བཞིན། །ལུས་མཐུན་གང་དག་རྒྱུ་མཐུན་ཏེ། །དུག་གསུམ་དུག་ལྔས་རྐྱེན་བྱས་ནས། །རླུ་་སེམས་ཕ་མའི་རྒྱུ་རྐྱེན་ལྔ། །དབྱེར་མེད་འདྲེས་པ་རྟོག་པའི་གཟུགས། །ཀུན་རྫོབ་འབྱུང་བ་དངོས་སུ་བྱུང་། །ས་ཡིས་གཟུགས་ལ་རླུད་གིས་གཡོ། །མེ་ཡིས་དྲོད་ལ་ཆུ་ཡིས་ཁྲག །ནམ་མཁའ་གོ་འབྱེད་འདུ་འཕྲོ་ཡིས། །མེར་མེར་ནུར་ནུར་ལྷར་ལྟར་པོ། །གོར་གོར་འཁྲང་འགྱུར་ཁྱབ་འཇུག་དང་། །སྦལ་པ་མི་ཐུང་ངང་པ་ཅན། ཁྲ་རུས་ཁྲག་གི་ལུས་གྲུབ་ནས། །རྩ་རླུད་ཐིག་ལེ་ལུས་ངག་ཡིད། །ཆུ་ལས་ཆབ་རོམ་བཞིན་དུ་ནི། །དངོས་མེད་དངོས་པོ་ཅན་དུ་གྲུབ། །དེ་དང་དོན་དམ་བྱང་ཆུབ་སེམས། །ཏིལ་དང་མར་བཞིན་དབྱེར་མེད་གནས། །དངོས་པོར་མ་གྲུབ་རིག་པ་ནི། །ཆོས་སྐུ་གསང་བ་སྦུབས་ཀྱི་སྐུའི། །རྩ་ཚང་ལུས་རྫོགས་དངས་མ་རླུད་། །སྟོབས་བསྐྱེད་ནུས་པ་འཁམས་རྒྱས་པས། །ཕུང་པོ་ལྔ་དང་དབང་པོ་ལྔ། །ཡན་ལག་ལྔ་དང་དོན་སྙིང་ལྔ། །ཡུལ་ལྔ་ཉོན་མོངས་ཕྱི་ནང་ལྔ། །སེམས་ལྔ་རྟེན་འབྲེལ་འཚོགས་བསྡུས་པས། །མི་རྟག་རྣམ་སྨིན་རྒྱུ་ལུས་གྲུབ། །འོད་གསལ་དངོས་པོར་ལོངས་སྤྱོད་ཅིང་། །དངོས་པོ་མི་རྟག་དངོས་མེད་དུ། །སྐྱེ་འགག་མེད་པའི་ཆོས་ཉིད་ལ། །སྐྱེ་འགག་གཉིས་སུ་ལོངས་སྤྱོད་པ། །ལོངས་སྐུ་སྒྱུ་མའི་སྐུ་ཡིན་པས། །ཟག་བཅས་ཉིད་ཀྱང་ཟག་མེད་དུ། །ཡེ་ཤེས་ཆེན་པོའི་གློང་ན་བཞུགས། །ཆོས་ཀྱི་སྐུ་ལས་འགྱུར་བ་མེད། །མངལ་ཞུགས་བྱང་ཆུབ་རྣམ་ལྔ་སྟེ། །ཟླ་བ་བཅུ་ནི་ས་བཅུའི་ཚུལ། །སྐྱེས་པ་རང་བཞིན་སྤྲུལ་པའི་སྐུ། །བྱ་བ་སྣ་ཚོགས་མཛད་པ་དེ། །སྐུ་གསུམ་བདག་ཉིད་ལྷུན་གྲུབ་ལུས། །འོད་གསལ་ལས་ནི་རྣམ་སྨིན་ལུས། །སྒྱུ་ལུས་ཡིད་ལུས་འོད་ཀྱི་ལུས། །མ་རིག་འཁྲུལ་པ་དེ་ཉིད་འཁོར། །དུས་གསུམ་རྒྱལ་བའི་སྐུ་ཉིད་དུ། །མ་རིག་གྲོལ་ཚེ་འབྱུང་བའི་ལུས། །ལྷག་མེད་ཡེ་ཤེས་ངང་དུ་བཟློག །ཡེ་ཤེས་ལུས་ཅན་དེ་བཞིན་གཤེགས། །ཐོག་མའི་རིག་རྩལ་ཡེ་ཤེས་ལྔ། །འོད་ལྔ་མ་རིག་འབྱུང་ལུས་གྲུབ། །ལུས་ལ་ཡེ་ཤེས་ཆེན་པོ་གནས། །ལུས་ཅན་ཀུན་ལ་བཟང་ངན་མེད། །ཐམས་ཅད་རྒྱལ་བའི་སྙིང་པོ་ཅན། །སེམས་ཅན་ལུས་ངག་ཡིད་གསུམ་པོ། །སངས་རྒྱས་སྐུ་གསུམ་ཐུགས་ཉིད་དངོས། །རང་ལུས་རྡོ་རྗེའི་སངས་རྒྱས་ནི། །དངོས་པོ་ཀུན་ལ་ཁྱབ་པ་པོ། །གཞན་ནས་སངས་རྒྱས་བསྟན་དུ་མེད། །ངག་ཏུ་བརྗོད་པའི་རྣམ་པ་ཀུན། །གསང་སྔགས་རྡོ་རྗེའི་བཟླས་པས་ཏེ། །ཆོས་ཉིད་གསུང་ལ་རྒྱུན་ཆད་མེད། །ཡིད་ཀྱི་དྲན་རྟོག་གང་དྲན་པ། །དེ་ཉིད་ཡེ་ཤེས་རིག་པའི་ཐུགས། །སེམས་ཅན་རང་རྒྱུད་རྟོག་ཚོགས་ན། །ཕུང་པོ་སངས་རྒྱས་མངའ་བདག་མཆོག །ཕུང་པོ་འབྱུང་བ་ཡབ་ཡུམ་ལྔ། །ཚོགས་བརྒྱད་སེམས་དཔའ་ཡབ་ཡུམ་བརྒྱད། །དུག་ལྔ་སེར་སྣ་ཐུབ་པ་དྲུག །དབང་པོ་སྒོ་བཞི་སྒོ་མ་བཞི། །གཡས་གཡོན་ཉི་ཟླ་ཡིད་ཆོས་ཉིད། །ཆོས་ཉིད་རང་གནས་ཞི་བའི་སྐུ། །རིག་རྩལ་ངར་ལྡན་ཁྲོ་ཚོགས་ཏེ། །རྩ་ཁམས་སྐྱེད་བྱེད་ལྷ་སྐུའི་ཚོགས། །རང་ལུས་དཀྱིལ་འཁོར་ཆེན་པོར་རྫོགས། །སེམས་ཅན་ཀུན་ལ་དབྱེར་མེད་ཁྱབ། །ལུས་ངག་ཡིད་ལས་མ་གཏོགས་པ། །སྐུ་གསུམ་གཞན་ནས་བཙལ་མི་དགོས། །རང་ལ་ལྷུན་གྱིས་གྲུབ་པ་ལ། །གཞན་ནས་འཚོལ་འདོད་འཁྲུལ་པའི་བློ། །གཉེན་པོའི་ཆོས་རྣམས་རང་གིས་བསྒྲིབས། །རང་འབྱུང་ཡེ་ཤེས་ཀུན་ལ་ཁྱབ། །དེ་ངོ་ཤེས་པ་རིག་པ་ཡིན། །བདག་རིག་གཞན་རིག་སངས་རྒྱས་ལ། །དངོས་པོའི་གནས་ལུགས་ལམ་དང་ནི། །འབྲས་བུ་ཡེ་ཤེས་ངོ་འཕྲད་པ། །རིག་པ་ཡེ་ཤེས་སྐུ་ལྔ་སྟེ། །རང་འབྱུང་རིག་པའི་རང་རྩལ་ལས། །རྣམ་པ་ཐམས་ཅད་ཀུན་སྣང་བས། །རྣམ་པར་སྣང་མཛད་རང་ཉིད་སྐུ། །དེར་གསལ་འཛིན་མེད་ཡེ་ཤེས་ལམ། །འབྲས་བུ་དེ་ཀ་སངས་རྒྱས་ཡིན། །དེ་ཉིད་གཞན་ནས་བཙལ་མི་དགོས། །མི་འགྱུར་རིག་པའི་ཡེ་ཤེས་དེ། །རྟོག་པའི་རླུད་གིས་་མི་བསྐྱོད་པས། །མི་བསྐྱོད་རྡོ་རྗེ་རང་རིག་ཉིད། །དེར་གསལ་འཛིན་མེད་ཡེ་ཤེས་ལམ། །འབྲས་བུ་དེ་ངོ་སངས་རྒྱས་སོ། །རིག་པ་སྟོང་གསལ་འགག་མེད་པས། །ཉམས་སྣང་ཡོན་ཏན་དཔག་མེད་འཕེལ། །རིན་ཆེན་འབྱུང་ལྡན་རང་འབྱུང་སྐུ། །རིག་པ་རང་གདངས་རང་འོད་ནི། །སྟོང་གསལ་མ་འདྲེས་ཀུན་གསལ་བས། །སྣང་བ་མཐའ་ཡས་འོད་དཔག་མེད། །རིག་པ་ཀུན་དོན་ཀུན་གྲུབ་པས། །རིག་རྩལ་དོན་ཡོད་གྲུབ་པའི་སྐུ། །དེར་འཛིན་དྲི་མ་བྲལ་བ་ལམ། །དེ་དོན་མྱང་འདས་ཡེ་ཤེས་ཏེ། །འབྲས་བུ་ཡིན་ཏེ་ཀུན་ལ་སྦྱར། །རིག་པ་སྐྱེ་མེད་དབྱིངས་ཀྱི་ངང་། །འགག་མེད་གཤེགས་ཤིང་ཐིམ་པ་ན། །དེ་བཞིན་གཤེགས་པའི་རིགས་ཡིན་ནོ། །གཞིའི་རིག་པ་མི་འགྱུར་བས། །གསལ་སྟོང་རྡོ་རྗེ་རིགས་ཡིན་ཞིང་། །ཡོན་ཏན་ལྷུན་གྲུབ་རང་བྱུང་བས། །རིན་པོ་ཆེ་ཡི་རིགས་ཡིན་ལ། །དེ་ལ་སྐྱོན་གྱིས་མ་གོས་པས། །དྲི་མ་མེད་པ་པདྨའི་རིགས། །རིག་པ་དེ་ཉིད་མ་གཏོགས་པ། །གཞན་ནས་སངས་རྒྱས་མི་འབྱུང་ཞིང་། །ཐམས་ཅད་རིག་པའི་ཆོ་འཕྲུལ་བས། །ལས་ཀྱི་རིགས་ནི་ཐམས་ཅད་ཡིན། །རིག་པ་ཡེ་ཤེས་ལྔ་གནས་ཏེ། །ཆོས་སྤྱི་རང་གི་མཚན་ཉིད་རྣམས། །རིག་པའི་ངང་ལས་ཀུན་གསལ་བས། །མེ་ལོང་ལྟ་བུའི་ཡེ་ཤེས་ཡིན། །ཆོས་ཅན་རྣམ་པ་སྣ་ཚོགས་པས། །ཆོས་ཉིད་ངང་དུ་དབྱེར་མེད་པས། །མཉམ་པ་ཉིད་ཀྱི་ཡེ་ཤེས་ཡིན། །དེ་ཉིད་ངང་ལས་ཡོན་ཏན་ཆ། །བྱེ་བྲག་སོ་སོར་གསལ་བ་ཡིས། །སོ་སོར་རྟོག་པའི་ཡེ་ཤེས་ཡིན། །གང་ལྟར་ཤར་བ་དེ་ཉིད་ལས། །ལོགས་ནས་འབད་རྩོལ་བསྒྲུབ་མི་དགོས། །ཡེ་ནས་རང་ལ་ལྷུན་གྲུབ་པས། །བྱ་བ་གྲུབ་པའི་ཡེ་ཤེས་སོ། །དེ་རྣམས་ཐམས་ཅད་ཐ་དད་དུ། །མ་ཡིན་ཆོས་ཉིད་སྟོང་པའི་རྩལ། །རོ་གཅིག་ཆོས་དབྱིངས་ཡེ་ཤེས་སོ། །རིག་པའི་ཡེ་ཤེས་འོད་ལྔ་གསལ། །རིག་པ་ཉིད་ལས་གཞན་མ་ཡིན། །ཉོན་མོངས་དྲི་མས་མ་གོས་པས། །དཀར་པོའི་འོད་དུ་སྣང་བའོ། །དེ་ལས་ཡོན་ཏན་ཀུན་མདངས་ཤར། །སེར་པོ་ཉིད་དུ་ཤར་བའོ། །མ་བཅོས་མ་བཙལ་ངང་དེ་མྲ །ཐམས་ཅད་རིག་པ་དབང་སྡུད་སེམས། །དམར་པོའི་ཁ་དོག་ལྟར་ཡང་སྣང་། །རྩོལ་སྒྲུབ་འདས་པ་ལྗང་ཁུའོ། །སྣ་ཚོགས་ཤར་ཡང་ངོ་མི་འགྱུར། །ཀུན་ལ་ཁྱབ་པས་མཐིང་ཀའོ། །གདོད་ནས་རིག་པའི་རང་གདངས་ལས། །འོད་ལྔའི་མདངས་ཀྱི་ཁ་དོག་བྱུང་། ཁ་དོག་ལྔ་ལྡན་གསལ་བ་དེ། །ཡེ་ཤེས་ལྔ་ཡི་རང་གདངས་ཡིན། །རིག་པ་འབྱུང་བ་ལྔ་རུ་བྱུང་། །ཅི་ཡང་མ་གྲུབ་སྟོང་གསལ་བས། །འབྱུང་བ་ནམ་མཁའི་དབྱིངས་སུ་བྱུང་། །གསལ་ཆ་སྣ་ཚོགས་གཡོས་པ་རླུད་། །དེ་ལ་རང་བཞིན་མདངས་ཡོད་མེ། །གདངས་ལས་ཡུལ་དུ་འཛིན་པས་ས། །ཡེ་ཤེས་བརླན་དང་མ་བྲལ་ཆུ། །སེམས་ལས་བྱུང་བ་འབྱུང་བ་ཡིན། །རིག་པ་དངས་མ་ལྔར་སྣང་སྟེ། །རིག་པ་འཛིན་བྱེད་ནམ་མཁའི་དངས། །འཛིན་བྱེད་དེ་ཡི་དངས་མ་རླུང་། །རླུང་གི་དངས་མ་དྲོད་བྱུང་མེ། །མེ་ཡི་དངས་ལས་རླུ་་བྱུང་ཆུ། །ཆུ་ཡི་དངས་མ་གཟུགས་བྱུང་བ། །འབྱུང་དངས་རྒྱུ་ཡི་ཐིག་ལེ་འབྱུང་། །དེ་ལ་དངས་སྙིགས་ལུས་སེམས་གྲུབ། །ཡེ་ཤེས་ངང་ལས་མ་འདས་སོ། །རིག་པའི་ཡེ་ཤེས་ཡུལ་ལྔ་ཤར། །སྣང་ལ་རང་བཞིན་མ་གྲུབ་པའི། །དམིགས་ཡུལ་གསལ་ལ་མ་འགགས་སྣང་། །སྒྲ་ཡི་མཚན་ཉིད་གྲག་སྟོང་དུ། །རྣ་བའི་ཡུལ་དུ་མ་འགགས་གྲག །ཚོར་ལ་དངོས་མེད་སྣང་ཡུལ་དྲི། །རང་བཞིན་མ་གྲུབ་ལྕེ་ཡུལ་རོ། །ལུས་ལ་རེག་བྱ་འཇམ་རྩུབ་གང་། །སྣང་ཡང་འཛིན་བྱེད་རང་བཞིན་སྟོང་། །ཡིད་ལ་བདེ་སྡུག་གང་སྣང་ཡང་། །རང་ཤར་རང་གྲོལ་དུས་མཉམ་ཡུལ། །ཡུལ་སེམས་གཉིས་མེད་གཅིག་པ་ཉིད། །རིག་པ་ཉིད་ནི་རླུད་ལྔ་བྱུང་། །རིག་པའི་ཡེ་ཤེས་དྲོད་འབར་ཕྱིར། །མེ་དང་མཉམ་པའི་རླུད་ཞེས་བྱ། །རིག་པ་འཁོར་འདས་སྲོག་ཡིན་པས། །ཚེ་སྲོག་འཛིན་པའི་རླུད་ཞེས་བྱ། །ཡུལ་དང་དབང་པོ་བྱེ་བྲག་གང་། །འཁོར་འདས་ལ་སོགས་ཤན་འབྱེད་པ། །དངས་སྙིགས་འབྱེད་པའི་རླུད་ཞེས་བྱ། །རིག་པས་ཀུན་ལ་ཁྱབ་པའི་རྩལ། །ཀུན་ལ་ཁྱབ་བྱེད་རླུད་ཞེས་བྱ། །གནས་སྐབས་འཁོར་བར་འ་ས་གྱུར་ཀྱང་། །འཁོར་བའི་སྲོག་རྩ་མ་རིག་བཅད། །མྱ་ངན་འདས་པའི་སར་སྐྱེལ་བས། །སྙིང་རྗེ་མེད་པས་ལས་ཀྱི་རླུད་། །རླུཎྜ་ཞེས་བྱ་བས་ལས་ཀུན་བྱེད། །རིག་པའི་སེམས་ལ་མིང་དུ་བརྟགས། །ཆོས་ཉིད་རིག་པའི་ཤེས་རབ་ལྔ། །འཁོར་གནས་ཀུན་འབྱུང་གཞི་གྱུར་པས། །འབྱེད་པ་མེད་པའི་ཤེས་རབ་ཡིན། །ཐམས་ཅད་རིག་པར་རང་གསལ་བས། །མ་འདས་བསྡུས་པའི་ཤེས་རབ་སྟེ། །ཐམས་ཅད་དེ་ཡི་ངོ་བོར་གྱུར། ཁྱབ་པར་བྱེད་པའི་ཤེས་རབ་ཡིན། །དེ་ཉིད་གསལ་ཆའི་ཡེ་ཤེས་རླུད་། །ཀུན་ཏུ་བསྐྱོད་པས་སྐྱོད་བྱེད་རླུང་། །འཁོར་འདས་གཞི་རྩ་དེས་བཅད་ནས། །གྲོལ་བ་སྒྲོལ་བྱེད་ཤེས་རབ་བོ། །དེ་ལྟར་ཤེས་རབ་ལྔ་ལྡན་ཡང་། །ཐམས་ཅད་རང་འབྱུང་ཡེ་ཤེས་སོ། །རིག་པ་ས་ལམ་ཡེ་ཤེས་ལྔ། །རང་གིས་རིག་པའི་མོས་གུས་ལ། །བྱིན་བརླབས་འཇུག་པ་ཚོགས་ཀྱི་ལམ། །གཞི་གནས་རིགས་པའི་ཡེ་ཤེས་ཏེ། །གཞན་རྐྱེན་བླ་མས་ངོར་སྤྲད་པས། །གཉིས་མེད་རྟོགས་པས་སྦྱོར་བའི་ལམ། །རིག་པ་དྲི་མེད་ཀུན་གསལ་དེ། །འགྱུར་མེད་གསལ་ཆ་མཐོང་བའི་ལམ། །འཕོ་འགྱུར་མེད་པའི་ཡེ་ཤེས་ལ། །གསལ་འགྲིབ་མེད་པ་བསྒོམས་པའི་ལམ། །ལྷུན་གྱིས་གྲུབ་པའི་རིག་པ་ལ། །རྩོལ་གྲུབ་བྲལ་བ་མཐར་ཕྱིན་ལམ། །ས་དང་ལམ་དུ་བསྒྲངས་ན་ཡང་། །རིག་པ་གཅིག་གི་སྤྱོད་ཡུལ་ལས། །ས་ལམ་རྩི་བ་འཁྲུལ་པ་ཡིན། །དཔེར་ན་ནམ་མཁའ་བསྒྲངས་དང་མཅོས། །གཞི་ནི་མ་རིག་ལུས་གྲུབ་ནས། །དཔེར་ན་མུན་ལ་འཁྱམས་པ་བཞིན། ཁམས་གསུམ་འཁོར་བར་འཁྱམས་གྱུར་ཀྱང་། །སྐུ་གསུམ་ངང་ལས་འདས་པ་མེད། །རིག་པ་སྟོང་ངས་ཆོས་ཀྱི་སྐུ། །རང་ཆས་གསལ་བ་ལོངས་སྒོད་རྫོགས། །ཅི་ཡང་བྱུང་བས་སྤྲུལ་པའི་སྐུ། །མ་རིག་པ་ཡི་དུས་ཉིད་ན། །དབྱེར་མེད་ངོ་བོ་ཉིད་ཀྱི་སྐུ། །སྐུ་གསུམ་ངང་ན་སྐྲོང་ངེ་ཡོད། །ལམ་དུ་བླངས་པས་ངོ་སྤྲད་ཀྱང་། །ལུས་ཅན་སེམས་ཀྱིས་ཁྱབ་ཚད་ལ།་།སྐུ་གསུམ་ངང་ན་ལམ་མེ་ཡོད། །འབྲས་བུ་འདི་ཉིད་རིག་པ་ན། །སྔོན་དུ་འཚམས་མེད་ལྔ་བྱས་ཀྱང་། །སྐུ་གསུམ་ངང་དུ་ལྷག་གིས་རྟོགས། །བདེ་ཆེན་ངང་དུ་ལྷུན་གྱིས་གྲུབ། །ལས་དང་བག་ཆགས་གྲོལ་བ་ན། །ཕྱིན་ཆད་སྡིག་པ་བྱེད་དོན་མེད། །བྱ་རྒྱུ་འདུག་ན་དེར་སྣང་འཆར། །རིག་པ་དགེ་སྡིག་འདས་པ་དོན། །རིག་པ་དྲི་མ་མེད་པ་ལ། །གང་གི་ལམ་དུ་ཉམས་ལེན་པ། །མཉམ་པར་བཞག་པ་ཆོས་སྐུ་སྟེ། །མཉམ་རྗེས་གཉིས་སྤྱོད་ལོངས་སྤྱོད་རྫོགས། །རྗེས་ཀྱི་དུས་སུ་སྤྲུལ་སྐུའོ། །མཉམ་རྗེས་བྲལ་བ་དེ་བཞིན་གཤེགས། །གཞི་རིག་ཀ་དག་ཆོས་ཀྱི་སྐུ། །ལམ་རིག་ལུག་རྒྱུད་ལོངས་སྤྱོད་རྫོགས། །འབྲས་བུ་ཐུགས་རྗེས་སྤྲུལ་པའི་སྐུ། །སྙིང་པོའི་ཡེ་ཤེས་གསུམ་བརྩེགས་ཏེ། །དབྱེར་མེད་རྫོགས་པས་སངས་རྒྱས་པས། །རིག་པ་ཐོག་མཐའ་མེད་པ་མྲ །འཁྲུལ་དང་མ་ཞབྲུལ་གང་ཡིན་ཡང་། །སངས་རྒྱས་དགོངས་པ་འབྲལ་མེད་ནས། །གནས་མེད་གནས་ཡིན་རྒྱལ་བས་གསུངས། །རང་སེམས་ཡེ་ནས་སངས་རྒྱས་སོ། །ཡང་དག་སངས་རྒྱས་དགོངས་པ་ནི། །སེམས་ཅན་ཀུན་གྱི་རང་རྒྱུད་ལ། །སྐུ་དང་ཡེ་ཤེས་ཚུལ་དུ་གནས། །འོ་ན་སྐུ་དང་ཡེ་ཤེས་ནི། །སྟོང་གསལ་ཅི་ཡང་མ་གྲུབ་པས། །འཇིག་རྟེན་སྐྱེ་ཤི་བྲལ་བ་ལ། །སྣོད་བཅུད་ཕུང་པོ་འཇིག་པ་ནི། །སེམས་ཅན་སངས་རྒྱས་གཅིག་པ་འགལ། །མཉམ་བྱེད་དེ་ལྟར་མ་ཡིན་ཏེ། །སྣོད་ནི་ནམ་མཁའ་འཇིག་མེད་ལ། །འརྒྱུང་གཞི་འཇིག་པ་རྟེན་པ་ནི། །ནམ་མཁའི་ངང་ལས་འདས་པ་མེད། །བཅུད་ནི་སེམས་ཉིད་འཇིག་མེད་པ། །སྒ་ལུས་འཇིག་པས་རྟེན་པ་ནི། །དབྱིངས་རིག་གཉིས་མེད་ཆོ་འཕྲུལ་ལ། །མ་རིག་ལྟོས་པའི་ཆོས་ཀྱི་རྟགས་། །ཆོས་ཉིད་རིག་་པ་སྐུ་གསུམ་ལས། །གང་དུ་ཡང་ནི་འཕོ་འགྱུར་མེད། །འགྱུར་བ་མེད་པ་དོན།་དེ་ལ། །འརྒོག་མེད་རོལ་པ་སྣ་་ཚོགས་ཤར། །ཆུ་དང་ཆུ་ཡི་ཆུ་རླབས་བཞིན། །རང་ཤར་རང་ལ་གྲོལ་བྱའི་ཕྱིར། །འཇིག་རྟེན་ཞེས་སུ་བརྟག་པ་དེ། །དེ་ཡི་གཟུང་འཛིན་གྲོལ་མ་གྲོལ། །འཇིག་རྟེན་འདས་དང་མ་འདས་ཞེས། །རིག་པ་ཅིག་ལ་བརྟགས་པ་ལས། །ལུས་སེམས་ཕྱི་ནང་གཉིས་མེད་དོ། །རིག་སྟོང་གསལ་བའི་འོད་ལྔ་སྟེ། །དེར་འཛིན་མ་རིག་འབྱུང་ལྔ་བྱུང་། །ཕྱི་ནང་རྟོག་པའི་གཟུང་འཛིན་གྱིས། །ཆགས་སྡང་ཕ་མའི་རྒྱུ་རྐྱེན་ལས། །ཀུན་རྫོབ་རྒྱུ་ཡི་ཐིག་ལེ་དང་། །དོན་དམ་ལྷན་སྐྱེས་ཐིག་ལེ་དང་། །རྐྱེན་ནི་ལས་ཀྱི་ཐིག་ལེ་གསུམ། །དབྱེར་མེད་ལྷན་ཅིག་སྐྱེས་པ་ལུས། །དངོས་སུ་རྩ་ལ་དངོས་མེད་རླུད་། །ཐིག་ལེ་འོད་ཀྱི་ཚུལ་དུ་གྲུབ། །ལུས་དང་ངག་ཡིད་སེམས་ཀྱི་སྐུ། །སྙིགས་མ་འབྱུང་བ་ལྔ་ཡི་གཟུགས། །དངས་མ་དབང་པོའི་སྒོ་ལྔ་བྱུང་། །དེ་ལ་ཡུལ་ལྔ་འཛིན་པ་ལྔ། །ཡེ་ཤེས་ལྔ་ནི་དངོས་ཡིན་ཀྱང་། །ལོང་བས་རང་ཡུལ་མ་མཐོང་བཞིན། །མ་རིག་འཁྲུལ་པས་དེ་མ་རྟོགས། །བེམ་རིག་གཉིས་སུ་ལྟས་པས་ནོར། །དེ་ལ་འཇིག་རྟེན་འཁྲུལ་པ་ཟེར། །གསེར་དང་ཁ་དོག་ཇི་བཞིན་དུ། །ལུས་སེམས་གཉིས་ནི་དབྱེར་མེད་པས། །འཛམ་གླིང་མངལ་བྱུང་རྡོ་རྗེའི་ལུས། །འབྱུང་བའི་དངས་མས་ལུས་གྲུབ་ཅིང་། །ལུས་ཀྱི་དངས་མ་རྩ་གནས་པས། །ལུས་ལ་བདེ་བ་འབྱུང་བ་ཡིན། །ལོག་པ་རྣམས་ལ་སྡུག་བསྔལ་འབྱུང་། །རྩ་ཡི་དངས་མ་རླུང་ཡོད་པས། །ངག་ལ་ཆོས་ཚིག་ནུས་པ་འབྱུང་། །སངས་རྒྱས་བསྟན་པའི་སྙིང་པོར་གྱུར། །རླུད་གི་དངས་མ་ཐིག་ལེའི་གནས། །སེམས་ལ་བདེ་བའི་རིག་རྩལ་ཆེ། །ཆོས་དང་ཆོས་མིན་བྱེ་བྲག་མཁས། །བག་ལ་མ་ཉལ་རྣམ་རྟོག་རགས། །ཉོན་མོངས་རགས་པས་ཡེ་ཤེས་རགས། །ཟག་བཅས་ལུས་དེ་མ་སྤངས་པར། །ཟག་མེད་ཉིད་དུ་ཚེ་གཅིག་ལ། །སངས་རྒྱས་པ་ནི་རྡོ་རྗེའི་ལུས། །ལུས་ལ་ཡེ་ཤེས་ཆེན་པོ་ཁྱབ། །དེ་ཡི་འོད་ཀྱིས་སྟོང་གསུམ་གང་། །གདངས་ནི་འོད་ལ་རང་བཞིན་སྐུ། །ས་བོན་ཐིག་ལེ་བཅུད་དུ་འདྲིལ། །རང་ལུས་མ་རིག་སྒོ་ངའི་སྦུབས། །དངས་མ་རྩ་ཡི་གཞལ་ཡས་ན། །རིག་པ་རླུ་་གི་སྟོབས་དང་བཅས། །ཐིག་ལེ་བདེ་བའི་མདངས་དང་བཅས། །ལུས་དཀྱིལ་རྩ་ནང་ཕོ་བྲང་དབུས། །ཡེ་ཤེས་སྐུ་ནི་ཞི་ཁྲེའི་ཚུལ། །ཕྲ་སྟེ་རྡུལ་གྱི་ཆ་ཙམ་ལ། །རགས་ཏེ་ནམ་མཁའ་ཁྱབ་པ་ཡིས། །རང་ཤེས་རིག་པའི་རྒྱལ་པོ་སྟེ། །རང་གིས་རང་ཉིད་སྒྲིབ་པའི་དུས། །དཔེར་ན་བུམ་སྐུ་ལྟ་བུ་ལ། །རང་འོད་བུམ་ནང་མར་མེ་དེ། ཁ་ལ་གསལ་ཡང་གཞན་དུ་མིན། །བུམ་པ་བཅག་ན་ཀུན་གསལ་བཞིན། །རིག་པ་དབང་པོར་སྒོ་གསལ་ཡང་། །ཕྱོགས་མེད་ཀུན་ཏུ་མི་གསལ་བ། །ལུས་ཀྱི་གཟུང་འཛིན་གྲོལ་ཙམ་ན། །མ་རིག་ལས་ཀྱི་རླུད་དག་པས། །རང་རིག་ཕྱོགས་མེད་ཀུན་ཏུ་གསལ། །རྣམ་པར་སྣང་མཛད་ཀུན་ཏུ་ཞལ། །རྡོ་རྗེ་སེམས་དཔའ་དེ་ཉིད་ཡིན། །རྡུལ་གཅིག་རྡུལ་སྙེད་སངས་རྒྱས་ཞེས། །ངོས་མ་ཟིན་ཏེ་རྟོགས་དཀའ་བས། །ཕྲ་བའི་སྐུ་རུ་བསྟན་པ་ཡིན། །རྣམ་པ་གྲངས་ཀྱིས་མི་༄༅ ལངས་པས། །བསམ་གྱིས་མི་ཁྱབ་རྒྱལ་བའི་སྐུ། །ཀུན་ལ་ཁྱབ་པས་དཔག་པར་དཀའ། །ཀུན་ཏུ་བཟང་པོ་ཀུན་བདག་ཉིད། །མ་དག་དག་དང་རྣམ་དག་དང་། །འོད་དང་ཐིག་ལེ་སྐུ་རུ་སྣང་། །ཀུན་ཁྱབ་ནམ་མཁའ་ལྟ་བུ་ལ། །རང་གསལ་ཉི་མའི་སྙིང་པོ་བཞིན། །གསལ་བྱེད་གཞན་ལ་མ་ལྟོས་པའི། །ལུས་དང་སེམས་ལ་ཐོགས་མེད་རྫོགས། །རྫོགས་པའི་སངས་རྒྱས་རྐང་གཉིས་གཙོ། །རྡོ་རྗེའི་ལུས་ལ་བརྟེན་ནས་སུ། །རྡོ་རྗེའི་སྐུ་རུ་རྫོགས་སངས་རྒྱས། །རང་ལ་གནས་པའི་ཡེ་ཤེས་དེ། །བླ་མའི་དྲིན་གྱིས་རྟོགས་བྱ་བ། །འཇིག་རྟེན་ཞེན་པའི་བྱ་བ་བཏང་། ཁྲེས་རབ་གསུམ་ལ་ནན་ཏན་བསྐྱེད། །ཕྱི་ནང་གསང་གསུམ་སྒྲོ་འདོགས་བཅད། །ཆོས་དང་གང་ཟག་གཉིས་མེད་དུ། །རིག་པའི་རྣལ་འབྱོར་ཆེན་པོ་ལ། །མཚོན་བྱ་དོན་གྱི་གནས་ལུགས་དེ། །མཚོན་བྱེད་ཚིག་གིས་མ་བསྟན་ན། །བློ་དམན་རྣམས་ཀྱིས་མ་རྟོགས་པས། །ཀུན་ཏུ་བཟང་པོའི་དགོངས་པ་དེ། །རྡོ་རྗེ་སེམས་དཔས་བྱིན་བརླབས་ནས། །རང་བྱུང་ཚིག་དོན་ལྷུན་གྲུབ་དེ། ཁྲེས་རབ་ཀྱིས་ནི་རྟོགས་བྱེད་པ། །མ་ཡེངས་དད་པའི་བློ་གྲོས་ཀྱིས། །ཐོས་པས་ཚིག་ལ་ཉན་པར་བྱ། །ཚིག་ཟིན་དོན་དུ་གོ་བ་ཡི། །མདོ་རྒྱུད་དགོངས་པ་ལོན་པ་ན། །ཐེ་ཚོམ་ཡིད་གཉིས་བྲལ་བ་ཡིས། །ཚིག་གིས་སྤྲོས་པའི་མཐའ་ཆོད་པའི། །ཚིག་དང་ཡི་གེའི་སྒྲ་དོན་ལ། །སྒྲོ་འདོགས་ཆོད་པས་སྤྲུལ་སྐུའོ། །བསམ་པས་ཆོས་དང་ཆོས་མིན་རྣམས། །བྱེ་བྲག་ཕྱེད་ཅིང་མཉམ་ཉིད་དུ། །ཉམས་སུ་མྱོང་ཞིང་ཡིད་ཆེས་པས། །བསམ་པའི་ཤེས་པ་རྫོགས་པ་ཡི། །ཐེག་པ་རྣམ་པ་སྣ་ཚོགས་ཀྱང་། །ཀུན་ལ་རྟོགས་སྤྱོད་ཚུད་པ་དང་། །འགྱུར་མེད་ཡིད་ཆེས་གཅིག་ཏུ་འདྲེས། །ཐེ་ཚོམ་མེད་པའི་ཉམས་མྱོང་ནི། །ལྟོས་དང་བྲལ་བའི་ལོངས་སྐུ་ཡིན། །ཇི་སྲིད་གཉིས་སྣང་གཟུང་འཛིན་གྱིས། །རྟོག་པ་ཡོད་རིན་དོན་དེ་ལ། །མ་ཡེངས་དྲན་པ་བསྒོམ་པའི་ལམ ཚིག་ཕྱིར་མ་་་ར་དོན་ཐོག་ན། །ཆོས་དང་ཆོས་མིན་དབྱེར་མེད་འདྲེས། །ཉོན་མོངས་རྣམ་རྟོག་ཟད་ཙམ་ན། །བསྒོམ་པའི་ཤེས་རབ་རྫོགས་པ་ཡིན། །རྣམ་པ་གླ་གློག་གྱུར་ཀྱང་ནི། །མཉམ་བཞག་རྗེས་ཐོབ་ཁྱད་མེད་ཅིང་། །ཉོན་མོངས་གྲོལ་བའི་ཡེ་ཤེས་ལ། །དྲོད་རྟགས་རྫོགས་པའི་ཆོས་ཉིད་དང་། །བསྒོམ་དུ་མེད་པ་སྒྲོ་འདོགས་ཆོད། །ལྷུན་གྱིས་གྲུབ་པར་གཏན་ལ་ཕེབས། །ཤེས་རབ་ཆེན་པོའི་སྐད་ཅིག་ལ། །ཆོས་ཀུན་ཁོང་དུ་ཆུད་པ་ནི། །བསྒོམ་པའི་ཤེས་རབ་ཆོས་སྐུ་ཐོབ། །ཕྱི་ནང་སྣང་སྲིད་སྣོད་བཅུད་ཀྱིས། །ཕྱིས་ལྟས་ཡུལ་གྱི་འཁྲུལ་པ་རྣམས། །ལྟས་པས་ཡུལ་མེད་རང་གསལ་དུ། །མཐོང་བ་ཕྱི་ཡི་ལྟ་བ་དང་། །མཐོང་བྱེད་ནང་གི་སེམས་ལ་ལྟོས། །སེམས་ནི་ཀུན་ཁྱབ་སྤྲོས་དང་བྲལ། །ཐེག་པ་སྣ་ཚོགས་རང་གི་སེམས། །སེམས་ལས་མ་གཏོགས་སྣང་སྲིད་མེད། །སྣང་སྲིད་གཟུང་འཛིན་འཁྲུལ་པའི་བློ། །གནས་ལུགས་གཅིག་ཏུ་རྟོགས་པ་ཡིས། །འཁྲུལ་དང་མ་འཁྲུལ་གཉིས་སུ་མེད། །གཉིས་མེད་ཆོས་སྐུའི་སྣང་བ་འདི། །ཕྱོགས་སུ་མ་ལྷུང་རྒྱར་མ་ཆད། །ཀུན་ལ་ཁྱབ་པ་ནམ་མཁའ་བཞིན། །ཅི་ཡང་འབྱུང་བ་ཐམས་ཅད་ཡིན། །ངོ་བོ་གཅིག་པས་བཟང་ངན་མེད། །རྒྱུན་ཆད་མེད་པས་འཕེལ་འགྲིབ་བྲལ། །སྐྱེ་མེད་དབྱིངས་ལ་མཐོང་དུ་མེད། །མ་མཐོང་བ་དེ་དངོས་ན་གསལ། །ཐམས་ཅད་དེ་ཡི་ངང་ལ་ལྟ། །ལྟས་པས་མ་མཐོང་བཞག་པས་གསལ། །རིག་པ་རང་གསལ་ཀུན་སྣང་ལ། །བལྟ་བྱ་ལྟ་བྱེད་འདོད་པ་ཀུན། །དམུས་ལོང་ཐང་ལ་འཁྱམ་པ་འདྲ། །ང་དང་བདག་ཏུ་འཛིན་པ་ཡིན། །ཕྱོགས་ཆའི་ལྟ་བའི་འཁོར་བ་ཡིན། །ཕྱོགས་མེད་རྟོགས་པས་མྱ་ངན་འདས། །སྐྱེ་མེད་སྤྲོས་དང་བྲལ་བ་ཡིན། །ཡུལ་མེད་རིག་པ་ལྟ་བའི་མཆོག །གདོད་ནས་ལྷུན་གྲུབ་ཆོས་སྐུ་ཡིན། །འདི་ལ་གསལ་འགྲིབ་ཅི་ཡང་མེད། །མ་སྐྱེས་མ་འགག་ངོ་བོ་ཉིད། །སོ་སོར་རང་རིག་སྤྱོད་ཡུལ་དུ། །གང་གང་མཐོང་བའི་ཆོས་ཉིད་དུ། །རང་འབྱུང་ཡེ་ཤེས་ལྟ་བ་ཡིན། །འདི་ལས་མ་གཏོགས་ལྟ་བུ་ནི། །སངས་རྒྱས་རྣམས་ཀྱིས་བསྟན་པ་མེད། །སེམས་ཅན་ཀུན་གྱིས་མཐོང་བ་མེད། །མ་བཅོས་མ་བསླད་མ་བསྒྱུར་བ། །རྣལ་མའི་ལྟ་བ་དེ་ཉིད་ཡིན། །ཁྱད་པར་རང་གི་རིག་པ་འདི། །ཀུན་རྟོག་མ་ཡིན་ཡང་དག་ཏུ། །དུས་གསུམ་ཀུན་ཏུ་འགྱུར་མེད་པའི། །ཕྱི་ནང་མེད་པར་ཀུན་ཏུ་གསལ། །ཕྱོགས་རིས་མེད་པར་ཐམས་ཅད་བྱེད། །མ་བཅོས་བཞག་ན་ཀུན་ལ་ཁྱབ། །བཅོས་མའི་རྐྱེན་གྱིས་ཕྱོགས་དེར་ཞབྲུལ། །མ་རྟོགས་པས་ནི་གྲིབ་མའི་འདྲེ། །རྟོགས་ན་མེ་ལོང་བྱད་བཞིན་འདྲ། །རང་གིས་རང་ཉིད་མཚོན་དེ་ཤེས། །ཀྱེ་ཧོ་འདི་ནི་རང་རིག་ལ། །སུས་ཀྱང་མ་བྱས་རང་འབྱུང་ཡིན། །རང་འབྱུང་ཡེ་ཤེས་སྐད་གཅིག་ལས། །བསྐལ་པར་བསྒྲུབ་པའི་ལྟ་བ་ནོར། །དྲུང་ན་འབེན་བཞག་རྒྱང་འཕེན་མདའ། །ཐོག་ཏུ་མི་ཕེབས་ཇི་བཞིན་དུ། །སངས་རྒྱས་རིག་པའི་སེམས་ཡིན་པ། །དེ་ཉིད་མ་རྟོགས་དེ་ཉིད་ཀྱི། །ཡོན་ཏན་ལྡན་པའི་བཟང་པོ་གཅིག །ས་དང་ལམ་གྱིས་སྒྲུབ་འདོད་འགྱངས། །རྫིངས་ནས་འཕུར་བའི་བྱ་རོག་དང་། །ཇི་ཙམ་སྐོར་ཡང་རྫིང་ཐོག་འབབས། །དེ་བཞིན་སྣ་ཚོགས་ཐག་རིངས་ལམ། །སྤྱད་ཀྱང་འབྲས་བུ་རིག་ཐོག་ཐོབ། །རིག་པ་མངོན་སུམ་ལྟ་བ་འདི། །མ་རྟོགས་ཡིད་དཔྱོད་ལྟ་བ་ཀུན། །བར་སྣང་མུན་པའི་དབྱུག་སྐོར་ཡིན། །ཐེག་པའི་ཁྱད་པར་ལྟ་བས་བསྟན། །རིག་པ་ཀུན་མཁྱེན་ལྟ་བ་ལ། །རང་གིས་རང་ལྟ་ངོ་མཚར་ཆེ། །ལྟ་བྱེད་རྟོག་པར་རང་སར་གྲོལ། །གཟུང་འཛིན་བྲལ་བའི་སེམས་ལ་ལྟོས། །མ་བཅོས་པ་ཡི་ངང་ལ་ཞོག །ཕྱི་རོལ་ཡུལ་ལྔའི་སྣང་བ་ཀུན། །ལྷམ་མེ་ལྷན་ནེ་ལྷང་ངེ་བ། །དེར་འཛིན་མེད་པའི་སྣང་སྟོང་བསྒོམ། །ཕྱི་ཡི་དྲན་པ་རྒྱུན་ཟད་པས། །བེམ་སྣང་གྲོལ་བའི་རིག་པ་ལ། །ནང་གི་གང་འགྱུ་ཁུངས་གཅོད་པ། །རབ་ཀྱིས་དྲན་པའི་གཞི་རྩ་བཅད། །ཡེ་ནས་སྐྱེ་མེད་ངང་ལ་གནས། །འབྲིང་གིས་བསམ་པ་རང་དག་ཏུ། །མ་ཡེངས་གློད་ནས་བཞག་པས་གྲོལ། །ཐ་མ་གང་དྲན་གཉེན་པོ་ཡིས། །དེ་དང་དེ་ཡི་རྟོག་པ་འཇོམས། །རིག་པ་རང་གསལ་ལྟ་བ་ལ། །དོན་མ་འཁྲུལ་བ་བསྒོམ་ཡིན་ཏེ། །དམིགས་པ་མེད་པ་འོད་གསལ་མཆོག །མ་ཡེངས་པ་ཡི་ངང་བསྒོམ་དེ། །ནམ་ཟླ་དྲོས་པའི་ཆབ་རོམ་བཞིན། །སྣང་བའི་གཟུང་ཛིན་རང་ས་སྲ །མ་བཅོས་ཤུགས་ལས་གྲོལ་བའི་ཕྱིར། །བསྒོམ་དུ་མེད་པའི་སྒོ་མཐར་ཕྱིན། །བསྒོམ་བྱ་སྒོམ་བྱེད་བྲལ་ཙམ་ན། །སྣང་སྲིད་གཞི་བཞེངས་ལྟ་བའི་ངང་། ཁམས་གསུམ་ཡོངས་གྲོལ་བསྒོམ་པའི་མཆོག །ཇི་སྟེ་མཚན་མ་འདོད་པ་ན། །བྱང་ཆུབ་འདོད་པའི་བསྒོམ་མ་ཡིན། །མཚན་མེད་ཕྱག་རྒྱ་ཆེན་པོ་འདི། །བསྒོམ་པ་མ་ཡིན་གོམས་པ་ཡིན། །ཡེངས་སུ་མེད་ལ་བསྒོམ་དུ་མེད། །དཔེར་ན་ནམ་མཁའི་དཀྱིལ་དང་འདྲ། །བསྒོམས་ཀྱང་དེ་ལས་གསལ་མི་འགྲོ། །མ་བསྒོམས་བཞག་ཀྱང་འགྲིབ་རྒྱུ་མེད། །མེད་བཞིན་རང་གི་རང་རིག་རྣམས། །གསལ་ཕྱིར་རང་ལ་གསལ་ཅིག་འདེབས། །དེ་བཞིན་ཉིད་ཀྱི་ཏིང་ངེ་འཛིན། །ཡེ་ནས་མ་སྐྱེས་སྟོང་པའི་ངང་། །ཀུན་ལ་ཁྱབ་པའི་བྱང་ཆུབ་སེམས། །རང་རིག་ཐིག་ལེའི་འོད་ཟེར་ལས། །ཐམས་ཅད་རྒྱལ་བའི་དཀྱིལ་འཁོར་དུ། །སྐུ་དང་ཞིང་ཁམས་རང་བཞིན་གནས། །གནས་པ་དེ་ཉིད་སྤྲོས་དང་བྲལ། །དེ བཞིན ཉིད ལལོངས་སྤྱད་པས། །བསྒོམ་པ་ལོངས་སྤྱོད་རྫོགས་པའི་སྐུ། །རང་སྣང་ལྷ་སྐུར་གཏན་ལ་ཕེབས། །ཡེངས་མེད་རྩེ་གཅིག་མཉམ་བཞག་ལ། །རང་བཞིན་ཤེས་པ་རྗེས་ཤེས་ཏེ། །དབྱེར་མེད་གྱུར་པ་མཉམ་རྗེས་འདྲེས། །བསྒོམ་དུ་མེད་པ་ཆོས་སྐུར་གྲོལ། །ཆོས་སྐུ་མཉམ་རྗེས་མི་མངའ་ཡང་། །བསྒོམ་དུ་བརྟགས་པ་ལོངས་སྐུ་ཡིན། །བསྒོམ་དུ་འདོད་པ་ཞབྲུལ་པའི་བློ། །བློ་དང་བྲལ་ན་རིག་པ་དངོས། །མཚན་དཔེ་ལྡན་པའི་ལོངས་སྐུ་དང་། །ཆོས་སྐུ་མངོན་སངས་རྒྱས་པའོ། །རིག་པ་མངོན་སུམ་ལྟ་བ་ལ། །རེ་འཇོག་མེད་པ་འོད་གསལ་བསྒོམ། །དེ་ཉིད་ངང་ལ་རྒྱུན་པ་མྲ །བྲལ་འཕྲད་མེད་པའི་ཆོས་ཉིད་ལ། །གཟུང་འཛིན་རྟོག་པ་སྡིག་ཆེ་བ། །མི་དགེ་གཞན་ན་མ་མཆིས་པས། །རང་རིག་ཡེ་ཤེས་རང་ལ་སྤྱད། །གཟུང་འཛིན་སྦྲུལ་མདུད་བཞིན་དུ་གྲོལ། །རང་སྣང་ཉི་མ་བཞིན་དུ་གསལ། །རིན་ཆེན་གསེར་གླིང་ས་རྡོ་བཞིན། །དོན་ཅིག་ཉིད་ལས་མ་འདས་པས། །སྤང་བླངས་དགག་སྒྲུབ་ཀུན་དང་བྲལ། །ཐམས་ཅད་རང་ཤར་རང་གྲོལ་དུ། ་།གས་འབྱུང་སྤྱོད་པ་བདེ་ཆེན་ཀློང་། །མཁའ་ལ་བྱ་འཕུར་བཞིན་དུ་སྤྱོད། །སྐྱེ་མེད་སྒྲིབ་པ་མེད་པའི་ངང་། །འགག་མེད་རོལ་པ་བླང་དོར་བྲལ། །འདོད་ཡོན་དགེ་བའི་རང་བཞིན་ལ། །ཆགས་ཞེན་མེད་པར་ཀུན་བྲལ་བའི། །བརྟུལ་ཞུགས་དབང་བསྒྱུར་རང་དགའ་ཡིན། །སྣ་ཚོགས་སྤྱོད་པ་སྤྲུལ་པའི་སྐུ། །འབད་པ་མེད་པར་ཀུན་ལ་སྤྱོད། །སྣ་ཚོགས་སྤྱོད་པས་དོན་ཅིག་འུགྲུབ། །དོན་ཅིག་དེའི་ཀུན་བྱེད་པའི། །དུ་མའི་ཉམས་ཀྱི་གར་མཛད་པ། །ཀུན་ཏུ་བཟང་པོའི་སྤྱོད་པ་ཡིན། །ཕྱོགས་མེད་ཀུན་ལས་རྣམ་པར་རྒྱལ། །སྤྱོད་པས་ཕ་རོལ་ཕྱིན་མཆོག་ཉིད། །སངས་རྒྱས་ཀུན་གྱི་མཛད་པ་ཡིན། །མདོར་ན་ཕྱི་རོལ་སྣོད་བཅུད་དང་། །ནང་ན་ཆོས་དང་ཆོས་མིན་གྱིས། །གཉིས་མེད་འཁོར་བ་མྱ་ངན་འདས། །སངས་རྒྱས་སེམས་ཅན་ཐམས་ཅད་ཀུན། །ཀུན་ལ་ཁྱབ་པས་སྐྱེ་མེད་དབྱིངས། །ཀུན་གསལ་འགག་མེད་རིག་པ་འདི། །ནམ་དུའང་ནི་སྒྲིབ་པ་མེད། །དཔེར་ན་ཉི་མའི་སྙིང་པོ་དེ། །ས་ཡིས་དབྱིབས་ཀྱང་མི་འགྲིབ་བཞིན། །སྒྲིབ་པ་མེད་དེ་མ་ཤེས་པས། །མ་རིག་པ་ཞེས་རྟགས་པ་ལས། །དོན་ལ་རིག་པ་འགྲིབ་པ་མེད། །གདོད་ནས་གསལ་བས་འོད་གསལ་ཏེ། །མ་བཅོས་པ་ཡིས་ཆོས་ཉིད་ཡིན། །འདུས་མ་བྱས་པས་ལྷུན་གྲུབ་ལ། །ཕྱོགས་ལྷུང་མེད་པས་མཐའ་དང་བྲལ། །རང་བཞིན་ཤེས་པས་ཡེ་ཤེས་ཏེ། །ཐམས་ཅད་མཁྱེན་པའི་ལྟ་བ་འདི། །ནམ་མཁའི་ཀློང་ཡངས་ལྟ་བུ་ལ། །སྙིང་པོ་བྱང་ཆུབ་སེམས་ཀྱི་དོན། །ཀུན་ལ་ཁྱབ་པའི་རིག་པ་འདི། །བསྟན་དུ་མཚར་མའི་དངོས་པོ་མེད། །སྒོམ་དུ་དམིགས་པའི་ཡུལ་ལས་འདས། །བསྒྲང་དུ་རང་གཞན་གཉིས་མ་གྲུབ། །སྨྲ་བསམ་བརྗོད་པའི་ཡུལ་ལས་འདས། །སྤང་དུ་གང་ཡང་འགག་པ་མེད། །སྒྲུབ་ཏུ་ཅི་ཡང་འཕེལ་བ་མེད། །བཅོས་བསླད་བྲལ་བའི་གནས་ལུགས་འདི། །མ་བསྒོམ་བཞག་པས་བསྒོམ་དང་ཕྲད། །དོན་ལ་བསྒོམ་མེད་དཔེ་དོན་རྟགས། །དཔེ་ཡིས་བསྒོམ་དུ་མེད་པ་ནི། །ཆོས་སྐུའི་དཔེ་ནི་ནམ་མཁའ་སྟེ། །ནམ་མཁའ་སྟོང་ཞིང་བདག་ཏུ་མེད། །དཔེ་ཡི་མཚོན་པའི་བསྒོམ་དུ་མེད། །ཆོས་སྐུའི་དོན་ནི་སྐྱེ་བ་མེད། །སྐྱེ་མེད་བསྒོམ་པའི་ཡུལ་དང་བྲལ། །རྟགས་ལ་སྒོམ་དུ་མེད་པ་ནི། །རང་འབྱུང་ཡེ་ཤེས་འགག་མེད་དེ། །ཡེ་ཤེས་ཐམས་ཅད་རང་གསལ་བ། །མཚན་མའི་ཡུལ་ན་མི་གནས་པས། །བསྒོམ་མེད་བསྒོམ་པ་པོ་ཡང་མེད། །ལྷ་མེད་སྔགས་ཀྱང་ཡོད་མ་ཡིན། །སྤྲོས་པ་མེད་པའི་རང་བཞིན་ལས། །ལྷ་དང་སྔགས་ནི་ཡང་དག་གནས། །མ་བསྒོམས་པ་རུ་ལྷུན་གྱིས་གྲུབ། །དེ་ནི་རང་འབྱུང་བསྒོམ་གྱི་མཆོག །རྣལ་འབྱོར་བསྒོམ་གྱིས་མ་བཅིངས་ན། །གཞན་གྱིས་གནས་ལུགས་འཆིང་མི་འགྱུར། །མ་བཅིངས་མ་གྲོལ་བསྒོམ་པའི་ལམ། །གཉིས་མེད་རྟོགས་ན་འབྲས་བུ་ཡིན།ཁམས་གསུམ་གནས་པའི་སེམས་ཅན་གྱི། །ལུས་དང་བག་ཆགས་གཟུང་འཛིན་གྱིས། །དུས་གསུམ་བཞུགས་པའི་སངས་རྒྱས་ཀྱིས། །སྐུ་དང་ཞིང་ཁམས་ཡེ་ཤེས་ཚོགས། །སྣང་སྲིད་ཆོས་སྐུའི་རོལ་པ་ལ། །བླང་དོར་མེད་པ་མཉམ་པ་ཉིད། །བྱང་ཆུབ་སེམས་ཀྱི་ནམ་མཁའ་ཅིག །སེམས་ཅན་འཁྲུལ་པའི་སྡུག་བསྔལ་དང་། །སངས་རྒྱས་ཡེ་ཤེས་ཐུགས་རྗེ་གཉིས། །རྟོགས་དང་མ་རྟོགས་ཁྱད་པར་ལས སེམས་མཆོག་རྒྱལ་བའི་སྐུ་རུ་གཅིག །གཅིག་ལ་གཉིས་སུ་བྱར་མེད་ལ། །སྤྱོད་པ་སྤང་བླང་བྱེད་པ་འཁྲུལ། །སྤང་བླང་མེད་པའི་ཆོས་ཉིད་ལ། །ཡེ་ཤེས་རིགས་པས་སྤྱོད་པ་དེ། །སངས་རྒྱས་མཛད་པའི་སྤྱོད་པ་ཡིན། །དེ་ལྟ་སྙིང་པོ་བྱང་ཆུབ་སེམས། །རིག་པ་ཀུན་བྱེད་རྒྱལ་པོ་འདི། །དམ་ཆོས་རྫོགས་པ་ཆེན་པོ་ཟེར། །བསྟན་པའི་སྒྲོན་མེར་གྱུར་པས་ན། །སངས་རྒྱས་ཀུན་གྱིས་རབ་ཏུ་བསྔགས། །དམ་ཆོས་དཀོན་མཆོག་ཀུན་གྱི་མཆོག །དགེ་འདུན་ལམ་ལ་ཞུགས་པ་རྣམས། །ཚོགས་ནི་མ་བསགས་རང་རྫོགས་དང་། །བསགས་ཤིང་བསོད་ནམས་ལྡན་པ་རྣམས། །བློ་མཆོག་བླ་མ་མཆོག་དང་མཇལ། །ཡང་ན་རང་རིག་བླ་མར་བྱོན། །རིག་པ་འཛིན་པ་སྔགས་ཀྱི་ལམ། །ཅིག་ཆར་རྟོགས་པ་མངོན་གྱུར་དུ། །སྐད་ཅིག་མ་ལ་རྒྱུད་གྲོལ་ནས། །རང་འབྱུང་ཐམས་ཅད་མཁྱེན་པ་དེ། །ཀུན་རྟགས་ལམ་ལ་མ་བགྲོད་པར། །ཡོངས་གྲུབ་སྐུ་གསུམ་སངས་རྒྱས་ལ། །གཞན་དབང་རྐྱེན་དང་བྲལ་བའི་ངང་། །བྱ་བྱེད་རྩོལ་གྲུབ་མི་མངའ་བར། །བདེ་ཆེན་ཀློང་ན་ལྟ་སྤྱོད་ཀུན། །ཇི་བཞིན་ཉིད་ལ་སྤྱོད་པ་ཡིས། །ལམ་ལ་བགྲོད་མི་དགོས་པར་ནི། །སྤང་བླང་སྒྲོས་སྐུར་བྲལ་བ་ཡི། །ཅི་ཡང་མི་དགོངས་ཐབས་ཀྱིས་རོལ། །ཀུན་དང་མི་མཐུན་སྤངས་པའི་ཆོས། །རྟེན་ཡང་གང་ཟག་ཉོན་མོངས་ཅན། །འཚམས་མེད་ལྔ་བྱས་སྡིག་ཅན་དང་། །བུད་མེད་ལ་སོགས་ཆགས་པའི་གནས། །གདོལ་པ་རིགས་ངན་ལ་སོགས་པ། །འདི་ཉིད་དོན་ལ་ཞུགས་པ་རྣམས། །སྡིག་སྒྲིབ་འཁོར་བའི་བག་ཆགས་དང་། །ཚུལ་ཁྲིམས་སྡོམ་པ་དམ་ཚིག་དང་། །སྤང་སྒྲུབ་སྤྱོད་པ་སྣ་ཚོགས་པས། །ཇི་སྲིད་རྣམ་པར་གྲོལ་བའི་ལམ། །དེ་ནི་བདེ་བར་གཤེགས་པའི་ཡུམ། །སྐད་ཅིག་རྫོགས་སངས་རྒྱས་པ་ཡིས། །ཕྱོགས་བཅུའི་སངས་རྒྱས་སྲས་བཅས་རྣམས། །ཐམས་ཅད་དེ་ཡི་སྤྲུལ་པ་ཡིན། །རིག་པ་རྩལ་མེད་བསོད་ནམས་དམན། །བློ་དམན་སློབ་དཔོན་དམན་ལ་དད། །རྟོག་བཅས་རིམས་ཀྱིས་ཆོས་ལ་སྤྲོ། །དངོས་པོ་མཚན་མའི་རྟགས་ལ་རེ། །ཉན་ཐོས་རང་རྒྱལ་འདོད་དམན་པ། །སྤང་བླང་ཆོས་ཀྱིས་འབྲས་བུ་བསྒྲུབ། །བློ་ལྡན་བྱང་ཆུབ་སེམས་དཔའ་ཡང་། །དང་པོའི་ས་ལས་མ་གཡོས་བཞིན། །ས་བཅུ་ཀུན་རྟགས་མཚན་མ་ཡིས། །སྤངས་ཐོབ་ཡོན་ཏན་ལམ་གྱི་བཅིངས། །རྟེན་ཡང་བྲམ་ཟེ་རྒྱལ་རིགས་སོགས། །གཙང་མའི་ལུས་དག་མ་གཏོགས་པ། །ཀུན་གྱིས་སྤྱོད་པར་མི་ནུས་པས། །ལྟ་བ་མཐའ་བྲལ་མཐའ་རུ་ལྷུང་། །བསྒོམ་པ་དམིགས་མེད་དམིགས་པ་སྒྲིབ། །སྦྱོད་པ་སྤང་བླང་སྒྲོག་ཏུ་ཚུད། །འབྲས་བུ་ཕྱི་དུས་སྒྲུབ་པས་འགྱངས། །བྱར་མེད་དོན་ལ་བྱས་བཅོས་ནས། །མཛད་པ་མཐར་འདོན་རིམས་ཀྱིས་སུ། །བསྐལ་པར་བསྒྲུངས་ནས་སངས་རྒྱས་འདོད། །གཉེན་པོའི་ཆོས་ཀྱི་འཁྲུལ་པ་ལ། །བཟང་རྟོག་བསླུས་པའི་ལམ་རིངས་ཡིན། །ང་བདག་མེད་པ་སྙིང་པོའི་དོན། །མ་ཤེས་ཉོན་མོངས་སྐྲིབས་པ་ལ། །ཉོན་མོངས་གཉེན་པོའི་ཆོས་རྣམས་ཀུན། །ཤེས་བྱའི་སྒྲིབ་པ་ཡིན་པའི་ཕྱིར། །དེ་ཡི་དྲི་མ་མ་དག་ཚེ། །སངས་རྒྱས་ས་ལ་ཐག་མི་ཉེ། །མིག་གིས་གཟུགས་ནི་ཀུན་མཐོང་ཡང་། །རང་གི་བྱད་ནི་མ་མཐོང་བཞིན། །ཤེས་བྱའི་ཆོས་རྣམས་ཀུན་ཤེས་ཀྱང་། །དེ་དོན་མ་མཐོང་སྒྲིབས་པ་ཡིན། །སྒྲིབ་པ་དག་ན་མངོན་སངས་རྒྱས། །འབྲས་བུ་ལམ་བྱེད་རིགས་འཛིན་རྣམས། །མཁས་པས་མེ་ལོང་དཀྱིལ་འཁོར་དུ། །རང་གི་བྱད་བཞིན་མཐོང་བ་བཞིན། །གདོད་མ་ཉིད་ནས་རང་རིག་འདི། །སྣང་རིག་སེམས་གསུམ་དབྱེར་མེད་དུ། །སྐད་ཅིག་རྟོགས་གྲོལ་ལྷུན་གྲུབ་དོན། །རྟོགས་ཕྱིར་བླ་མེད་ཐེག་པ་དགོས། །གཞན་རྣམས་བྱས་བཅོས་ལམ་གྱི་ཆོས། །འདི་ནི་བྱར་མེད་དོན་གྱི་རྒྱུད། །སངས་རྒྱས་ཀུན་གྱི་སྙིང་པོ་ཡིན། །རང་མདངས་རིག་པའི་འོད་ལྔ་ལས། །བྷ་ག་བདེ་བའི་ཕོ་བྲང་དུ། །རྒྱུ་གཉིས་རྐྱེན་གསུམ་འཚོགས་པའི་སྐུ། །གཟུང་འཛིན་འབྱུང་བའི་ལུས་གྲུབ་སྟེ། །ལུས་ཀྱི་རྩ་བ་སྐུ་གསུམ་རྩ། །རྐྱང་མ་རོ་མ་ཀུན་འདར་མ། །དེ་ལ་བརྟེན་ནས་ལུས་ཀུན་བསྐྱེད། །ལུས་ཀུན་རྩ་ཡི་དྲ་བ་ལས། །འབྱུང་བཞིའི་དངས་མ་རྩ་ཡི་གཙོ། །རྐྱང་མ་རླུད་གི་དངས་མས་བསྐྱེད། །གཡོན་ན་གནས་ཏེ་མྱང་འདས་རྩ། །ཟླ་བའི་ཆ་ལས་སྟོང་ཉིད་འཆར། །རོ་མ་ཆུ་ཡི་དངསམས་་སྐྱེ། །གཡས་ན་གནས་ཏེ་འཁོར་བ་རྩ། །ཉི་མའི་ཆ་འབབ་བདེ་བ་སྐྱེ། །ཀུན་དྷར་ས་ཡི་དངས་མས་བསྐྱེད། །དབུས་ན་གནས་ཏེ་ཡེ་ཤེས་རྩ། །བྱང་ཆུབ་སེམས་འབབ་འོད་གསལ་རྩ། །འབྱུང་བཞིའི་དངས་མ་མེ་ལས་སྐྱེད། ་ལ་སྦུགས་ཅན་ནི་ཀུན་ལ་ཁྱབ། །དབང་པོའི་སྒོ་གསལ་རིག་པས་འཆར། །བདེ་ཆེན་རྩ་འདབ་སོ་གཉིས་གྱེས། །རོ་འདུས་བཅུ་དྲུག་དྲན་པ་བརྒྱད། །སྐྱེ་མཆེད་དྲུག་ཅུ་རྩ་བཞི་གྱེས། །གསང་འདུས་ཉི་ཤུ་བརྒྱད་རྣམས་ཀྱིས། །ལྟེ་བའི་རྩ་མདུད་ལྔ་པ་ལ། །རླུད་སེམས་འདུས་པའི་ཐིག་ལེ་ནི། །ཀུན་རྫོབ་རྒྱུ་ཡི་ཐིག་ལེ་རྣམས། །རྩ་མདུད་ཡི་གེའི་གཟུགས་ཅན་ལ། །དོན་དམ་བདེ་བའི་རང་བཞིན་གྱིས། །ཡེ་ཤེས་རླུད་དང་ལས་ཀྱི་རླུད་། །ཡར་ལྟ་རྒྱལ་བའི་ས་བོན་ལ། །མར་ལྟ་རྒྱུད་ལྔའི་ས་བོན་དུ། །རང་བཞིན་སྐུ་ལ་ཐུགས་རྗེའི་འོད། །དབང་པོ་ལྔ་ཡི་ལོངས་སྤྱོད་ལྡན། །ཡེ་ཤེས་ལྔ་ཡི་འོད་ཟེར་འཕྲོ། །ལུས་སེམས་དབྱེར་མེད་ཆོས་སྐུའི་ངང་། །ལུས་ནི་གཟུགས་སྐུའི་སངས་རྒྱས་ཏེ། །ཆོས་སྐུ་གསང་བའི་མཛོད་ཡིན་ནོ། །ལུས་གནས་རྩ་ཡི་ཕོ་བྲང་ན། །སེམས་ཀྱི་རྣམ་རྟོག་ལས་ཀྱི་རླུད་། །དྲན་པར་བྱེད་པས་སེམས་ཞེས་ཟེར། །ཡེ་ཤེས་རླུད་ནི་ཀུན་ལ་ཁྱབ། །རླུད་དང་སེམས་ལུས་དབྱེར་མེད་པས། །འགྱུར་བས་རླུ་་ཞེས་བརྟགས་པ་ལས། །དོན་ལ་རླུད་སེམས་གཉིས་མེད་པས། །རླུད་བསྒོམས་སེམས་གྲོལ་དེ་ཡི་གནད། །གནད་དེ་མ་གཏོགས་རྩ་རླུད་བསྒོམ། །འཁྲུལ་པའི་ཆོས་ཡིན་གྲོལ་མི་འགྱུར། །རྩ་ལ་བརྟེན་ནས་གྲོལ་བྱེད་པ། །དབུགས་སུ་འགྱུ་བའི་རླུད་དག་ནི། །ཉི་ཁྲི་ཆིག་སྟོང་དྲུག་བརྒྱ་འགྱུ། །རྐྱེན་རྣམས་འཚོགས་པས་ལས་རླུད་ཡིན། །གཟུང་འཛིན་དག་ན་ལས་རླུད་དག །ཡེ་ཤེས་རླུད་ནི་རིག་པ་ཡིན། །ནམ་དུའང་ནི་འགྱུར་བ་མེད། །རླུད་གི་དངས་མ་ཐིག་ལེའི་འོད། །རྒྱུ་ཡི་ཐིག་ལེ་ཡི་གེའི་དབྱིབས། །བསྐྱེད་པའི་ས་བོན་ལྟ་བུ་ལ། །དོན་གྱི་ཐིག་ལེ་འཁོར་འདས་ཀྱི། །བདེ་སྡུག་ཐམས་ཅད་དེ་ཡི་རྩལ། །མ་རིག་ཉམས་ན་འཁོར་བར་ལྟུང་། །རིག་ཅིང་འཕེལ་བས་མྱ་ངན་འདས། །བདེ་བའི་ངོ་བོ་སྟོང་པ་ལ། །སྟོང་པའི་མཚན་ཉིད་བདེ་བ་སྟེ། །བདེ་སྟོང་གཉིས་མེད་རིག་པ་དེ། །རང་ལུས་རྒྱལ་བའི་དཀྱིལ་འཁོར་དུ། །ངོ་བོ་སྟོང་ལ་རང་བཞིན་གསལ། །རྣམ་པ་ལྷ་དང་ལྷ་མོ་མྲ །མ་དག་པ་ཡི་དུས་ཉིད་དུ། །ཟག་བཅས་ཟག་མེད་ཚུལ་དུ་བཞུགས། །ཟག་བཅས་ལུས་ལ་ཟག་མེད་སེམས། །གཉིས་མེད་ཡེ་ཤེས་ཆོས་སྐུ་ལ། །བདེ་སྟོང་ལོངས་སྤྱོད་རྫོགས་སྐུ་སྟེ། །ཐིག་ལེ་མཐའ་བྲལ་བདེ་སྟོང་དེ། །འཇིག་རྟེན་འདས་དང་མ་འདས་པའི། །ཐམས་ཅད་ཀུན་གྱི་སྲོག་ཡིན་པས། །ཕྱི་ལྟར་མ་རྟོགས་འབྱུང་བ་ལྔ། །ནང་ལྟར་རྟོགས་པས་སྐུ་ལྔ་ཡིན། །གསང་བ་ཡེ་ཤེས་ལྔ་ཉིད་དངོས། །ཐམས་ཅད་སངས་རྒྱས་རང་བཞིན་གྱིས། །རྩ་ཁམས་དཔའ་བོ་མཁའ་འགྲོ་ལ། །རྒྱུ་ཡི་ཐིག་ལེ་དངས་མ་ནི། །ཏིལ་འབྲུ་ཙམ་ཅིག་ཉམས་གྱུར་ན། །བདེ་སྟོང་ཡེ་ཤེས་ཡོན་ཏན་གྱི། །མྱ་ངན་འདས་པའི་སྲོག་བཅད་པས། །མཁའ་འགྲོ་ཁྲི་འབུམ་དུ་དིར་འོང་། །དངོས་གྲུབ་དམ་པ་ཉམས་པར་འགྱུར། །དེ་ཉིད་མ་ཉམས་ལོངས་སྤྱོད་ན། །བདེ་སྟོང་ཡེ་ཤེས་ཡོན་ཏན་འཕེལ། །རང་རིག་བདེ་བ་ཆེན་པོའི་ངང་། །མཁའ་འགྲོ་ཐམས་ཅད་དགྱེས་གྱུར་ནས། །འཁོར་འདས་ཐམས་ཅད་དབང་དུ་སྡུད། །ཀུན་གྱི་སྲོག་ཡིན་གྲོགས་བྱེད་དེ། །དབང་པོའི་ཡུལ་དུ་གྱུར་ཚད་ཀུན། །འདོད་ཡོན་བདེ་བ་ཆེན་པོ་སྲ །ཕྱི་རུ་མི་སྤོང་ནང་དུ་ནི། །རང་ལུས་རྒྱལ་བའི་དཀྱིལ་འཁོར་དུ། །གསལ་བཏབ་མཆོད་པའི་བསོད་ནམས་ཀྱིས། །དཔག་ཅིང་བསྒྲང་བར་མི་ནུས་ཏེ། །ལོངས་སྤྱོད་རྫོགས་སྐུ་དངོས་ཉིད་ཡིན། །དེ་ལྟར་མི་ཤེས་ཐིག་ལེ་སྤངས། །ཡི་དམ་ཕྱི་ནས་བསྒོམ་པ་དང་། །ཚོགས་དང་མཆོད་པ་ཕྱིར་འབུལ་ཞིང་། །ཡེ་ཤེས་སྡོད་ཀྱིས་ཐོབ་འདོད་རྣམས། །གྲངས་མེད་གསུམ་དུ་ཚོགས་བསགས་ཀྱང་། །ཡེ་ཤེས་རང་ལ་རང་གསལ་དུ། །ཡོད་བཞིན་གནད་དེ་མ་རིག་པས། །འཁོར་བའི་བག་ཆགས་གྲོལ་མི་འགྱུར། །ཐབས་ལ་མཁས་པའི་རིག་པ་ཡིས། །མཚན་ལྡན་བདེ་བ་བསྐུལ་བ་ནི། །རྩ་ནས་ཐིག་ལེ་མ་ཉམས་གཡོས། །མཁའ་འགྲོ་བརྡ་བསྐུལ་རྒྱལ་བ་རྣམས། །བདེ་བ་ཆེན་པོར་མཉེས་པ་ཡིས། །བསོད་ནམས་ཚོགས་རྫོགས་ཡེ་ཤེས་ཚོགས། །རང་རིག་བདེ་བ་ཆེན་པོ་དངོས། །དཔག་ཏུ་མེད་པའི་བྱིན་རླབས་འབྱུང་། །སངས་རྒྱས་སྟོང་དང་གྲངས་འདས་པ། །བླ་མ་ཡི་དམ་མཁའ་འགྲོ་ཡིས། །ཞལ་མཐོང་དབང་བསྐུར་དུས་གཅིག་ཐོབ། །རིག་པའི་རྩལ་དབང་དེར་ཐོབ་པ། །ལུས་ནི་རྒྱལ་བ་སྐུ་ཉིད་དངོས། །ངག་ནི་ཅི་སྨྲས་སྔགས་ཡིན་ལ། །སྣང་བ་ལྷ་ཡི་དཀྱིལ་འཁོར་དུ། །ཉོན་མོངས་ཐམས་ཅད་ཡེ་ཤེས་འཆར། །ཟག་བཅས་མི་སྣང་འཇའ་འོད་དུ། །གཞན་སྣང་རང་སྣང་བདེ་བར་ཡལ། །འདི་ལ་ཐེ་ཚོམ་མ་མཆིས་ན། །སངས་རྒྱས་ཉིད་དུ་གདོན་མི་ཟ། །ཡིད་གཉིས་ཟོས་ན་རྒྱབ་ཀྱིས་ཕྱོགས། །ཐབས་མང་དཀའ་མེད་ལྷུན་གྲུབ་པའི། །རྩ་དང་རླུ་་དང་ཐིག་ལེ་ཡི། །སྣ་ཚོགས་བདེ་བ་སྤྲུལ་པའི་སྐུ། །གཞི་བདེ་ལམ་བདེ་འབྲས་བུ་བདེ། །བདེ་བའི་དོན་ཅིག་རྟོགས་པས་ན། །ཐམས་ཅད་བདེ་བའི་རང་བཞིན་ལ། །དཀའ་ཐུབ་སྡུག་བསྔལ་མི་དགོས་པས། །ལམ་མཆོག་མཐར་ཕྱིན་འབྲས་བུའི་ལམ། །ཕྲད་མཆོག་དོན་གྱི་རྒྱལ་པོ་འདི། །སྔ་ཕྱི་གཉིས་སུ་འབྱུང་བ་དཀའ། །ད་ལྟར་བྱུང་བ་རྫོགས་སངས་རྒྱས། །མདོར་བསྡུས་རྩ་རླུང་ཐིག་ལེ་གསུམ། །སྐུ་གསུམ་རིག་པ་གཅིག་ཏུ་འདུས། །ཀུན་རྫོབ་སྤྲུལ་སྐུའི་རྩ་ནི་ལུས། །དོན་དམ་ལོངས་སྐུའི་རྩ་དེ་བསྒོམ། །རང་བཞིན་ཆོས་སྐུ་དབུ་མའི་རྩ། །ལུས་ངག་ཡིད་གསུམ་དབྱེར་མེད་པའི། །རྩ་ཡི་དངས་མ་རླུང་བཅུད་ནི། །སྤྲུལ་སྐུ་ལས་བྱེད་རླུང་ནི་འགྱུར། །ལོངས་སྐུ་ཡེ་ཤེས་རླུང་ནི་གནས། །ཆོས་སྐུ་ཁྱབ་བྱེད་མི་རྟོག་རླུང་། །སེམས་དང་གཉིས་མེད་གཅིག་པའི་རྩལ། །ཐིག་ལེ་ཉག་གཅིག་ཆོས་ཀྱི་སྐུ། །ངོ་བོ་ཀ་དག་ཉིད་དུ་གནས། །དོན་དམ་ལོངས་སྐུའི་ཐིག་ལེ་ནི། །རང་བཞིན་ལྷུན་གྲུབ་འོད་དུ་གསལ། །ཀུན་རྫོབ་རྒྱུ་ཡི་ཐིག་ལེ་ནི། །དཀར་དམར་འཕེལ་ཟད་སྣ་ཚོགས་པ། །སྤྲུལ་སྐུའི་ས་བོན་ཐིག་ལེ་སྟེ། །དེ་རྣམས་དབྱེར་མེད་བདེ་སྟོང་གིས། །སྤྲོས་བྲལ་ཐིག་ལེ་ཆེན་པོ་ནི། །སྐྱེ་འགག་མེད་པའི་ཆོས་ཉིད་དེ། །རིག་པ་བྱང་ཆུབ་སེམས་ཡིན་ནོ། །མ་རིག་རིག་པ་ཀུན་ཤེས་པའི། ཁྲེས་རབ་ཆེན་པོའི་སྐད་ཅིག་གིས། །ཆོས་ཀུན་མངོན་པར་རྟོགས་པ་ནི། །ཐོག་མེད་གཞིའི་རིག་པ་དེ། །རང་བཞིན་ལྷུན་གྱིས་གྲུབ་པ་ལ། །མ་རིག་ངོ་བོ་ཀ་དག་བྱུང་། །ཐུགས་རྗེའི་མཚན་ཉིད་ཀུན་ལ་ཁྱབ། །འགྲོ་ཀུན་བདེ་གཤེགས་སྙིང་པོ་ཅན། །ཐམས་ཅད་ངོ་བོ་ཉིད་སྐུ་ལ། །མ་རིག་ཞབྲུལ་པའི་དེར་འཛིན་གྱིས། །འོད་ཀྱིས་སྒ་མའི་ལུས་གྲུབ་ཅིང་། །དེ་འཛན་ཤེས་པའི་ལུས་སེམས་ལ། །གང་གིས་དྲན་དུ་སྙིང་ཡིན་པས། །རྩ་རླུད་ཐིག་ལེ་འདུས་པའི་སྐུ། །ལུས་ཀུན་མཉམ་གནས་སྙིང་གི་དཀྱིལ། །རང་རིག་དང་པོའི་སངས་རྒྱས་བཞུགས།་།རང་བཞིན་འོད་དང་ཐིག་ལེ་སྐུ། །སྟོང་གསལ་དུས་གསུམ་འགྱུར་མེད་ཀྱང་། །རང་གིས་རང་གི་རྟོག་ཚོགས་བཅོམ། །རྟོག་མེད་ལྷུན་གྲུབ་དོན་རྟོགས་པས། །རྡོ་རྗེ་གདན་དུ་བྱང་ཆུབ་མཛད། །བྱང་ཆུབ་ཆེན་པོའི་སྐུ་དེ་ཡིས། །ཆེ་བས་ནམ་མཁའི་མཐའ་དང་མཉམ། །ཀུན་ལ་དབྱེར་མེད་ཁྱབ་པར་གནས། །ཆུང་བ་རྟ་རྔ་བརྒྱ་གཤགས་ཙམ། །ཀུན་ལ་བྱེ་བྲག་ཕྱེད་པར་གསལ། །གསལ་བའི་ཚད་ནི་ཉི་ཟླ་འདྲ། །ནམ་ཡང་མ་འགྲིབས་ས་ལེ་བ། །གཟི་བརྗིད་ལྷུན་སྡུག་གང་ཡང་གྲུབ། །འཕོ་འགྱུར་མེད་པའི་འགྲོ་འོང་ཅིང་། །མཉམ་པ་ཉིད་ལ་སོ་སོར་སྟོན། །སྟོན་པ་དེ་བཞིན་གཤེགས་པའི་སྐུ། །སྤྱན་དང་ཞལ་དང་སྙན་ཤངས་ལྡན། །ཐམས་ཅད་མཁྱེན་པའི་ཡེ་ཤེས་མངའ། །སེམས་ཅན་ཀུན་གྱི་ལུས་ལ་གནས། །སྐུ་དེ་གདོས་བཅས་ཤ་ཁྲག་མིན། །སེམས་ཅན་འཁྲུལ་བས་ཁམས་ཀྱི་གཟུགས། །རིགས་བྱེད་འོད་ཀྱི་ལུས་ཁྱད་མེད། །སྙམ་བྱེད་རྟོག་པའི་སྐུ་མ་ཡིན། །སྐུ་ནི་འོད་གསལ་སྟོང་པའི་སྐུ། །རྟག་པ་མ་ཡིན་དངོས་པོ་མེད། །ཆད་པ་མ་ཡིན་རང་འོད་གསལ། །ཐ་དད་མ་ཡིན་ཕྱི་ནང་མེད། །སྣང་བ་ཡོད་ལ་རེག་པ་མེད། །སྐྱེ་ཤི་འཕོ་འགྱུར་མེད་པའི་སྐུ། །རང་གཞན་གཉིས་ཀྱི་སྣང་བ་སྲ །མཁའ་ཟླ་ཆུ་ཟླ་བཞིན་དུ་ཡོད། །གསུང་ནི་སྐྱེ་མེད་དོན་གྱི་གསུང་། །ཚིག་ཏུ་མི་གསུང་དོན་དུ་གསུང་། །ཐུགས་ནི་གཟུང་འཛིན་མཁའ་ལྟར་དག །ཡིད་མེད་སེམས་སུ་གསལ་བ་མེད། །ཚོར་བ་མེད་ཅིང་མྱོང་བ་མེད། །འདུ་ཤེས་མེད་པས་ངར་འཛིན་མེད། །སྟོང་ཉིད་ཡེ་ཤེས་སྙིང་པོ་ཅན། །ཡེ་ཤེས་སྐུ་སྟེ་རང་འབྱུང་བ། །ཞི་ཁྲོ་མ་ངེས་སེམས་དཔའ་ཚུལ། །རང་བཞིན་གནས་པའི་ཡེ་ཤེས་དེ། །རྐྱེན་གྱིས་ཉམས་སུ་བླངས་པ་ན། །ལྷག་མེད་དག་ཏུ་མྱ་ངན་འདའ་འོ། །གང་གི་རང་རྐྱེན་རང་འབྱུང་བ། །རང་འབྱུང་ཡེ་ཤེས་ལྟ་སྒོམ་གྱིས། །ཉམས་སུ་བླངས་པས་གཟུང་འཛིན་གྱི། །རྣམ་སྨིན་རྣམ་ཤེས་འཁྲུལ་རྟོག་རྣམས། །རང་ཞི་རང་དག་རང་ཡལ་དུ། །རང་སར་གྲོལ་ནས་གཞི་ཐོག་ཏུ། །གཞི་གྲོལ་ལམ་ལས་འདས་པ་ཡིས། །སྐུ་གསུང་འབྲས་བུ་ཐོབ་པར་འགྱུར། །སྣང་སྲིད་རང་སྒྲིབས་ལུས་སུ་འཁྲུལ། །ཀུན་ལ་ཁྱབ་ཀྱང་རིག་པ་དེ། །ལུས་དང་ཡིད་ཀྱིས་གཟུང་འཛིན་བཅིངས། །དཔེར་ན་ཁང་པའི་ཕྱི་ནང་ན། །ནམ་མཁའ་མཉམ་པ་རིས་མེད་ཀྱང་། །ནང་ནས་ཕྱི་རུ་ལྟས་པའི་ཚེ། །བུ་ག་ཕྲ་མོ་རྣམས་ལ་ནི། །ནམ་མཁའ་སྐར་མའི་ཟེར་ཙམ་སྣང་། །འབྲིང་པོ་རྣམས་ལ་ཉི་ཟླ་ཙམ། །ཕྱི་རོལ་མཐོང་ན་ཕྱོགས་བཅུ་ཡི། །མཐའ་དབུས་མེད་པར་སྣང་བ་བཞིན། །ལུས་སེམས་ཕྱི་ནང་མེད་པ་ལ། །ལུས་སུ་བཟུང་ནས་སེམས་བཅིངས་པས། །རིག་པ་སྲོག་རྩ་སྙིང་ལ་གནས། །སྙིང་ནས་དབང་པོའི་རྩ་སྒོ་ནི། །ཕྲ་མོ་ཁོང་སྟོང་ཟང་ཐལ་ལ། །ཕྱི་ནས་ཡུལ་ལྔའི་སྣང་བ་ནི། །དེར་སྣང་འཕྲ་མོའི་ཡེ་ཤེས་འཆར། །དབང་པོའི་དྭངས་མ་མིག་ལ་ནི། །རྩ་ནི་འཕྲ་ཡང་འདངས་ལ་གསལ། །རིག་པའི་ཡེ་ཤེས་སྟོང་གསལ་དེ། །སྐར་ཁུང་ནང་གི་ཉི་ཞུར་བཞིན། །གསལ་སྟོང་ཐིག་ལེའི་སྐུ་རུ་གསལ། །ཆུང་ཡང་འོད་ཀྱི་དཀྱིལ་འཁོར་ཅན། །དེ་ཉིད་མཁའ་དང་མཉམ་གྱུར་ཀྱང་། །རང་གི་གཟུང་འཛིན་ལུས་རྒྱས་འཐུམས། །སྒྲིབ་པ་དེ་ཉིད་གསལ་བའི་གནད། །ལུས་གནད་དངས་མའི་རྩ་གཅུན་ཅིང་། །རྩ་རླུང་དངས་མའི་ཐིག་ལེ་ཡི། །རིག་པ་ལྷ་སྟངས་དབྱིངས་ལ་གཅུན། །དབྱིངས་རིག་གཉིས་མེད་རིག་པ་དེ། །རྒྱ་མཐོངས་སྟེང་གི་ནམ་མཁའ་བཞིན། །ཇེ་ཆེ་ཇེ་གསལ་ནམ་ཞིག་ན། །གཟུང་འཛིན་འཇའ་ལུས་མཁའ་ལྟར་དག །རིག་པ་ཡེ་ཤེས་འོད་གསལ་སྐུ། ཁོ།ལ་སྒོང་དག་པ་ཤུབས་མེད་བཞིན། །ཕྱོགས་བཅུ་ཀུན་ཏུ་རང་གསལ་བའི། །རང་གིས་ཇི་ལྟར་ལྟས་བཞིན་གྱིས། །ངོ་བོ་སྟོང་ཞིང་དངོས་པོ་མེད། །རང་བཞིན་གསལ་ཞིང་ཆད་པ་མེད། །དངོས་པོའི་ཆོས་སུ་སྐྱེ་མ་མྱོང་། །དངོས་མེད་ཆོས་སུ་འགག་མ་མྱོང་། །གཉིས་མེད་གཅིག་གི་མཐའ་དང་བྲལ། །ཅིར་ཡང་མ་གྲུབ་ཅིར་ཡང་རུང་། །མ་བྱས་པ་རུ་ལྷུན་གྱིས་གྲུབ། །ཕྱོགས་རིས་མེད་དེ་མཐའ་དང་བྲལ། །ནམ་མཁའ་དངས་པའི་དཀྱིལ་བཞིན་དུ། །ཐམས་ཅད་རྒྱལ་བའི་སྐུ་རུ་སྣང་། །ཇི་ལྟ་བ་ཡི་ངང་ཉིད་ནས། །མདངས་ཀྱིས་སྐུ་ནི་རྣམ་པ་ལྔ། །སོ་སོ་རིགས་ཀྱི་མཚན་ཉིད་འཛིན། །ཡེ་ཤེས་འོད་ལྔའི་ཀློང་ན་བཞུགས། །ཆོས་སྐུའི་ངང་ལས་མ་གཡོས་བཞིན། །གསལ་ལ་འགག་མེད་ལོངས་སྤྱོད་པས། །ཆོས་ཉིད་དབྱིངས་ཀྱི་ཡེ་ཤེས་སྐུ། །ཡེ་ནས་ངོ་བོ་ཀུན་གསལ་བས། །གསལ་དག་མེ་ལོང་ཡེ་ཤེས་སྐུ། །གནས་ལུགས་གཅིག་ལས་མ་འདས་པས། །མཉམ་པ་ཉིད་ཀྱི་ཡེ་ཤེས་སྐུ། །ཆགས་པ་མེད་པར་ཀུན་ཤེས་པས། །སོ་སོར་རྟོག་པའི་ཡེ་ཤེས་སྐུ། །རྩོལ་བ་མེད་པར་ལྷུན་གྲུབ་པས། །བྱ་བ་གྲུབ་པའི་ཡེ་ཤེས་སྐུ། །ཡེ་ནས་ཇི་བཞིན་དེ་ཉིད་ལ། ཁུསྣྲུ་ལས་མ་བསྐྱེད་རྐྱེན་མི་ཤིགས། །འགྲོ་འོང་བྲལ་ཏེ་དུས་ཐམས་ཅད། །རྟག་པར་བཞུགས་པའི་ཡེ་ཤེས་སྐུ། །འདི་ནི་ཞིང་ཁམས་ཆེན་པོ་མྲ །ཕྱོགས་མེད་རྒྱུན་གྱི་ཐུགས་རྗེ་ནི། །རང་སྣང་ཡེ་ཤེས་གཞན་སྣང་དུ། །སྐུ་ལྔའི་འགྲོ་དོན་འཕྲིན་ལས་ནི། །ཐོག་མ་མེད་པའི་དང་པོ་འདི། །གནད་ལ་བརྟེན་ནས་གྲོལ་བའི་ལམ། །བགྲོད་མི་དགོས་པ་ཅིག་ཆར་གནད། །རྟོགས་པ་མངོན་གྱུར་སངས་རྒྱས་སོ། །ཐ་མལ་དང་པོའི་ལས་ཅན་གྱིས། །གནད་འདི་ཉམས་བླངས་གྲོལ་བ་ཡི། །རིག་པ་སྐུ་རུ་གྲོལ་བའི་རྟགས། །ཐིག་ལེ་སྟོང་པའི་སྒྲོན་མར་འཆར། །སྐུ་དང་ཡེ་ཤེས་ཤར་བའི་རྟགས། །རང་བཞིན་གསལ་མདངས་འོད་དུ་འཆར། །འོད་དེ་ཞིང་ཁམས་གསལ་བའི་རྟགས། །རིག་པ་དབྱིངས་ཀྱི་སྒྲོན་མ་འཆར། །དེ་རྣམས་ཆོས་སྐུར་གྲོལ་བའི་རྟགས། ཁེས་རབ་རང་འབྱུང་སྒྲོན་མ་འཆར། །དོན་གྱིས་རྟགས་སུ་བརྡ་ཤར་བས། །རྒྱང་ཞག་ཆུ་ཡི་སྒྲོན་མ་འོ། །སྒྲོན་མ་རྣམ་བཞིའི་རྟགས་མཐོང་ནས། །བདེན་པ་མཐོང་བས་ཕྱིར་མི་ལྡོག །དཔེར་ན་སྦྲུལ་གྱི་རྐང་ལག་དེ། །བཅུས་པས་གསལ་བ་བཞིན་དུ་ནི། །ལུས་གནད་རྩ་ཡི་ཕོ་བྲང་དུ། །རྡོ་རྗེའི་ལུས་སེམས་གནད་བཅུན་པས། །རང་ལ་གནས་པའི་ཡེ་ཤེས་དེ། །གནས་པ་ཙིཉིའི་དཀྱིལ་ན་གནས། །གསལ་བ་ནམ་མཁའི་དབྱིངས་ན་གསལ། །ཁྱབ་པ་འཁོར་འདས་ཡོངས་ལ་ཁྱབ། །ཡིན་པ་ཐམས་ཅད་རང་རིག་ཡིན། །རང་རིག་རྟོག་པས་མངོན་སངས་རྒྱས། །སངས་རྒྱས་གཞན་ནས་བརྩལ་དུ་མེད། །རང་ངོ་ཤེས་ན་དེ་རང་དངོས། །མ་བཙལ་བཞག་པས་རང་བཙལ་རྫོགས། །འཁོར་བ་མ་སྤངས་རང་སར་གྲོལ། །མངོན་སུམ་རྟོགས་པའི་སྐལ་ལྡན་ལ། ཁམས་གསུམ་འཁོར་བའི་མིང་མེད་པས། །སངས་རྒྱས་མེད་པ་མ་མཆིས་སོ། །ཐོག་མེད་དང་པོའི་རིག་པ་འདི། །གཞན་གྱི་བྱེད་མཁན་མ་ཡིན་པར། །མེ་ཉིད་དུ་བས་རང་བསྒྲིབས་བཞིན། །རང་གི་རང་རྩལ་མ་རིག་པའི། །སྒྲིབ་བཅས་གཞིའི་སྐུ་གསུམ་སྟེ། །དྲི་མས་དྲི་མ་འཁྲུ་བ་བཞིན། །རང་གི་གཉེན་པོར་རང་ཉིད་ཀྱི། །རྟོག་པས་རྟོག་པ་བཅོམ་པ་ཡི། །རྟོག་གཉིས་རང་སར་དག་ཙམ་ན། །དྲི་མ་མེད་པའི་ནོར་བུ་བཞིན། །སངས་རྒྱས་སེམས་ཅན་གཉིས་མེད་པ། །ལམ་གྱིས་བཅོས་སུ་ག་ལ་ཡོད། །ཐམས་ཅད་རང་ཤར་རང་གྲོལ་གྱིས། །རང་གསལ་རིག་པའི་ཡེ་ཤེས་ལ། །གཟུང་འཛིན་སྦྲུལ་མདུད་བཞིན་དུ་གྲོལ། །རང་སྣང་ཉི་ཟླའི་འོད་བཞིན་གསལ། །རང་ངོ་སྔར་འདྲིས་མི་བཞིན་ཤེས། །ཐེ་ཚོམ་མེ་ལོང་བྱད་བཞིན་ཆོད། །རང་དབང་རྒྱལ་པོ་བཞིན་དུ་ཐོབ། །རྟོགས་པའི་ཡེ་ཤེས་སྐད་གཅིག་ལ། །ཕྱིར་མི་ལྡོག་པ་བདེན་པའི་དོན། །མངོན་སུམ་མཐོང་བས་ས་རྣམས་ནི། །ཀུན་རྫོབ་ཙམ་དུ་བསྟན་པ་ལས། །ཡང་དག་དོན་དུ་རབ་ལས་ནི། །ས་ཞེས་བྱ་བ་གུད་ན་མེད། །སྒྲོད་དུ་མེད་དེ་རང་རིག་ལ། །མུན་པའི་དཀྱིལ་དུ་ཉི་ཤར་བཞིན། །ཐམས་ཅད་མ་ལུས་དུས་གཅིག་རྫོགས། །ལམ་པ་རྣམས་དང་སྒོ་བསྟུན་ན། །སྡུག་བསྔལ་བདེ་བར་མཐོང་བ་ཡིས། །ས་ནི་དང་པོ་རབ་ཏུ་དགའ། །ཐེ་ཚོམ་དྲི་མ་མ་མཆིས་པས། །གཉིས་པ་དྲེ་མ་མེད་པའི་ས། །རང་སྣང་གསལ་འགྲིབ་མེད་པ་ཡིས། །གསུམ་པ་འོད་བྱེད་ས་ཐོབ་བོ། །འོད་སྣང་ཕྱོགས་བཅུར་ཁྱབ་པ་ཡི། །ས་ནི་བཞི་པ་འོད་འཕྲོ་བ། །ཉོན་མོངས་སྣང་བ་དག་པ་ཡིས། །ས་ནི་ལྔ་པ་སྦྱང་དཀའ་བ། །རང་རིག་ཐིག་ལེའི་སྐུ་གསལ་པ། །དྲུག་པ་མངོན་དུ་གྱུར་པའི་ས། །དེ་ལ་གོམས་པས་འཁོར་བ་དག །བདུན་པ་རིང་དུ་སོང་བའོ། །སྐུ་ཡི་འོད་དང་ཞིང་ཁམས་རྒྱས། །བརྒྱད་པ་མི་གཡོའི་ས་ནོན་པ། །དེ་ཉིད་མི་གཡོ་བསྟན་པར་གནས། །དགུ་པ་ལེགས་པའི་བློ་གྲོས་ས། །ཡེ་ཤེས་སྣང་བ་ལམ་མེ་བའི། །ཆོས་ཉིད་རང་གསལ་ལྷུག་པར་ཤར། །བཅུ་པ་ཆོས་ཀྱི་སྤྲིན་གྱི་ས། །བདེན་པ་མཐོང་བའི་གང་ཟག་གིས། །དབུགས་འདི་མ་བོར་ས་དེ་ནོན། །གཟུང་འཛིན་ལུས་རྒྱ་གྲོལ་བའི་ཚེ། །སྣང་སྲིད་ཆོས་སྐུའི་དཀྱིལ་འཁོར་དུ། །ཡེ་ཤེས་སྐུ་ཡི་འོད་ཀྱིས་བརྒྱན། །བཅུ་གཅིག་ཀུན་ཏུ་འོད་ཀྱི་ས། །དེ་ལ་ཞེན་ཆགས་མེད་པ་ཡིས། །བཅུ་གཉིས་མ་ཆགས་པདྨ་སྤྱན། །སྐུ་དང་ཞིང་ཁམས་འཁོར་གྱི་ཚོགས། །གསལ་ལ་འཛིན་མེད་འོད་ཀྱི་ཚུལ། །བཅུ་གསུམ་འཁོར་ལོ་ཚོགས་ཆེན་ས། །ཡེ་ཤེས་སྣང་བ་འགྱུར་མེད་གནས། །བཅུ་བཞི་བདེ་བ་ཆེན་པོའི་ས། །ལྷུན་གྲུབ་འགྱུར་མེད་རྩལ་རྫོགས་པས། །བཅོ་ལྔ་རྡོ་རྗེ་འཛིན་པ་ཡིས། །རྣམ་པར་མི་རྟོག་ཡེ་ཤེས་ལྡན། །ས་རྣམས་མ་ལུས་ས་གཅིག་སྟེ། །ལྷག་བཅས་ཚུལ་དུ་མངོན་སངས་རྒྱས། །དེ་ཡི་རྟགས་ཀྱིས་བྱུང་ཚུལ་ནི། །རང་སྣང་སྐུ་དང་ཡེ་ཤེས་ཀྱི། །ཞིང་ཁམས་འོད་གསལ་དཀྱིལ་འཁོར་ལ། །གཞན་གྱི་སྣང་བར་རྟགས་འདི་འབྱུང་། །སྐུ་ལ་གོམས་པས་འཇའ་ཚོན་དང་། །ལྷ་ཡི་སྐུ་དང་ས་གཡོས་འབྱུང་། །གསུང་ལ་གོམས་པས་ཡི་གེ་དང་། །ཆོས་ཀྱི་སྒྲ་དང་རོལ་མོ་འབྱུང་། །ཐུགས་ལ་གོམས་པས་གདུང་དང་ནི། །རིང་བསྲེལ་ནམ་མཁའ་དངས་པ་འབྱུང་། །ཡང་དག་རྫོགས་པའི་སངས་རྒྱས་ནི། །ལྷག་མ་མེད་པར་མྱ་ངན་འདས། །རང་གཞན་འཁོར་འདས་ཐམས་ཅད་ཀུན། །ཆོས་སྐུ་བདེ་བ་ཆེན་པོ་སྲ །ཐམས་ཅད་མཁྱེན་པར་སངས་རྒྱས་པས། །གདུལ་བྱ་སྐོར་ཚེའི་སྣང་བ་སྲ །སྐུ་གདུང་འཇའ་འོད་ལ་སོགས་པས། །གང་གི་རྟགས་ཡང་མི་འབྱུང་སྟེ། །རྒྱལ་བ་ནམ་མཁའི་སྐུ་ཅན་ལ། ཁྲ་རུས་ཁྲག་ནི་མེད་པ་མྲ །རིང་བསྲེལ་འབྱུང་བར་ག་ལ་འགྱུར། །འོན་ཀྱང་གདུལ་བྱའི་མོས་སྣང་གིས། །ཐབས་ཀྱི་རིང་བསྲེལ་འབྱུང་བ་སྲིད། །འགྲོ་ལ་ཕན་པའི་ཐབས་ཙམ་ལས། །རྡོ་རྗེ་སྐུ་གསུང་ཐུགས་ཉིད་དུ། །སངས་རྒྱས་པ་ལ་རིང་བསྲེལ་མེད། །བྱེ་མ་ལ་ནི་མར་བྱུང་ངམ། །འབྲས་བཏབ་ཏིལ་འབྲུ་སྨིན་པ་ནི། །དེ་ཚེ་རིང་བསྲེལ་ཡོད་པར་འགྱུར། ཁྲ་ཁྲག་རུས་པའི་དངས་མ་རྣམས། །ཏིང་ངེ་འཛིན་ནམ་ཤུགས་ཀྱིས་འདུས། །བཅུད་དུ་དྲིལ་བའི་གཟུགས་བརྙན་ཡིན། །བྱུང་དང་མ་བྱུང་དོན་ལ་འདྲ། །རྒྱལ་བ་མྱ་ངན་འདས་ཀྱང་ནི། །རིང་བསྲེལ་མཆོད་པས་འགྲོ་དོན་བྱེད། །ལམ་དྲི་མ་གྲོལ་བྱེད་ཀྱི་ལེའུ་སྟེ་བདུན་པའོ།། །།གདོད་ནས་རང་ངམ་སྐུ་གསུམ་འདི། །ཡིན་མིན་རྟགས་པ་བྱིས་པ་ཡིན། །མཁས་པ་རྣམས་ནི་ཐེ་ཚོམ་བྲལ། །སྒྲ་དང་ཚད་མ་ལ་སོགས་པའི། །རང་ཕྱོགས་འཛིན་པའི་སྒྲུབ་མཐའ་ཡིས། །འདི་ཉིད་གཏན་ལ་ཕེབས་པ་མེད། །རིག་པ་རང་བྱུང་རང་གྲོལ་གྱིས། །དོན་འདི་རྟོགས་ན་སྔོན་སངས་རྒྱས། །གཞི་དང་ལམ་གྱི་སྐྱོན་དག་པས། །འབྲས་བུ་མིང་དུ་བརྟགས་པ་ལ། །སྐུ་གསུམ་གཞི་ལ་གནས་གྱུར་ཀྱང་། །རང་ངོ་མ་ཤེས་འཁྲུལ་པ་ཡིན། །སེམས་ཅན་ཉོན་མོངས་འབྱུང་བ་ལས། །འཁྲུལ་པ་སངས་པས་སེམས་ཅན་གྲོལ། །སེམས་ཉིད་སྤངས་བྱ་ཐོབ་བྱེད་ཀྱིས། །གཉེན་པོ་ལམ་གྱིས་བསྒྲིབས་པ་ལ། །སྤངས་ཐོབ་མེད་པའི་ཡེ་ཤེས་ལ། །གཉིས་འཛིན་བག་ཆགས་ཟད་ཙམ་ན། །ལམ་གྱི་མཐའ་རུ་ཕྱིན་པ་ཡིས། །སྐུ་གསུམ་ཡེ་ཤེས་མངོན་འགྱུར་དུ། །ཡོན་ཏན་ཕྱོགས་མེད་རྒྱས་པ་ལ། །སངས་རྒྱས་སྐུ་གསུམ་དཔལ་དུ་འབར། །སྐུ་གསུམ་ངོ་བོ་གཅིག་པ་ལ། །འཁོར་བ་དང་ནི་མྱ་ངན་འདས། །རིག་དང་མ་རིག་ཁྱད་པར་གྱིས། །སངས་རྒྱས་སེམས་ཅན་ལྡོག་ཆ་ཡིན། །སྐྱེ་འགག་མེད་པའི་འོད་གསལ་དེ། །མ་རིག་འོད་ལས་བྱུང་བར་འཁྲུལ། །རིག་ན་འབྱུང་བ་འོད་དུ་ལྡོག །དང་པོ་སྐུ་ལས་ལུས་སུ་འཁྲུལ། །ད་ནི་ལུས་ལས་སྐུ་རུ་ལྡོག །དང་པོ་ཀ་དག་སེམས་སུ་ཞབྲུལ། །རྟོགས་ན་སེམས་ཉིད་རིག་པར་ལྡོག །དང་པོ་ཡེ་ཤེས་རིག་པར་ཤར། །ཤེས་ནས་ཅི་ཤར་ཡེ་ཤེས་དངོས། །ངོ་བོ་གཅིག་ལ་རྣམ་པ་གཉིས། །ཟློག་ཆ་ཐ་དད་བྱུང་གྱུར་ཀྱང་། །དཔེར་ན་མུན་པས་བསྒྲིབས་ཙམ་ན། །རང་གཞན་ཡོད་ཀྱང་མི་སྣང་ལ། །འོད་ཀྱི་སྒྲོན་མས་མུན་བསལ་ན། །རང་གཞན་ཐམས་ཅད་སྣང་བ་བཞིན། །མ་རིག་པ་ཡིས་ཀུན་བསྒྲིབས་ལ། །སྒྲིབ་པ་གསལ་བས་ཐམས་ཅད་དུ། །རང་རིག་སྐུ་གསུམ་མངོན་སུམ་རྟོགས། །ངོ་བོ་རང་བཞིན་ཐུགས་རྗེ་གསུམ། །ངོ་བོ་སྟོང་པར་མ་ཤེས་པས། །མ་དག་ཉོན་མོངས་འཁྲུལ་སྣང་བྱུང་། །རིག་པ་བཟུང་ཡུལ་ངོ་བོ་སྟོང་། །དམིགས་མེད་འོད་གསལ་རྒྱས་པ་ཡིས། །སྤྱིན་མེད་ནམ་མཁའི་དབྱིངས་བཞིན་དུ། །ངོ་བོ་ཉིད་ཀྱི་སངས་རྒྱས་ཡིན། །དེ་ཡི་རང་བཞིན་འགག་མེད་འདི། །མ་ཤེས་རང་གི་སྐྲིབ་པ་གཡོགས། །བརྟན་གཡོས་སྣོད་བཅུད་གཟུགས་བརྙན་ཀུན། །སོ་སོར་རྟོགས་པའི་གཟུང་འཛིན་འཁྲུལ། །རིག་པ་དངོས་པོ་མཚན་མ་ཡི། །དེར་འཛིན་སངས་ནས་སྣང་བ་ཀུན། །ནམ་ལངས་ཉི་མའིའོདབཞིནདུ། །ཞིངཁམས་འོད་དང་རིག་པ་སྐུ། །གཉིས་མེད་ཡེ་ཤེས་རྒྱས་པ་ཡི། །རངབཞིནལྷུནགྲུབསངས་རྒྱས་ཡིན། །དེ་ཡི་ཐུགས་རྗེ་ཀུན་ཁྱབ་ནི། །མ་ཤེས་རང་བཞིན་གཉིས་འཛིན་ལ། །ཨ་འཐས་ཉེ་རིང་ཕྱོགས་ཆ་ཡི། །ཞེན་ཆགས་འཁོར་བའི་བག་ཆགས་འཁྲུལ། །དེ་ཉིད་ངོ་ཤེས་ཐམས་ཅད་ཀུན། །རང་འབྱུང་ཡེ་ཤེས་རང་རིག་པས། །ཐུགས་རྗེས་གང་ལ་གང་འདུལ་དུ། །བསམ་གྱིས་མི་ཁྱབ་སྤྲུལ་པས་ཏེ། །རྒྱུ་རྐྱེན་འཚོགས་པའི་ས་གཞི་ལ། །དགོས་འདོད་སྣ་ཚོགས་སྐྱེ་བ་བཞིན། །མཁྱེན་པའི་ཡེ་ཤེས་རྒྱས་པ་ཡི། །ཐུགས་རྗེས་ཀུན་ཁྱབ་སངས་རྒྱས་ཡིན། །ཀུན་གཞི་ཀུན་ལ་ཁྱབ་པ་དེ། །མ་ཤེས་ཀུན་གཞིའི་རྣམ་ཤེས་འཁྲུལ། །ཤེས་པ་རྣམ་མཁྱེན་ཡེ་ཤེས་སུ། །ཐམས་ཅད་མཁྱེན་པའི་སངས་རྒྱས་བྱུང་། །གཞི་ནི་མ་རིག་འཁྲུལ་པའི་དུས། །ཚོགས་དྲུག་སྣང་བ་འཁྲུལ་པ་ལ། །རང་ངོ་ཤེས་པ་སྤྲུལ་སྐུ་ཡིན། །སྒོ་ལྔའི་ཡིད་བྱེད་འཁྲུལ་པ་ལ། །རང་བཞིན་ཤེས་ན་གྲོལ་བ་སྟེ། །ཀུན་གཞི་རྣམ་ཤེས་ཞབྲུལ་པ་ལ། །རྡོ་རྗེ་ལྟ་བུའི་ཏིང་ངེ་འཛིན། །མི་རྟོགས་ཀུན་ཤེས་སངས་རྒྱས་ཡིན། །དེ་ལ་ལམ་གྱི་འཁྲུལ་གྲོལ་གཉིས། །ཆོས་དང་ཆོས་མིན་མི་ཤེས་ལུབྲུལ། །སྤང་བླང་ཤེས་པ་སྤྲུལ་སྐུ་ལ། །ཉོན་མོངས་གཉེན་པོ་བརྟེན་པས་འཁྲུལ། །སྤང་གཉེན་གཉིས་མེད་ལོངས་སྐུ་སྟེ། །དེ་བཞིན་ཤེས་བྱའི་སྒྲིབ་པ་ལ། །བག་ཆགས་དག་པ་ཆོས་ཀྱི་སྐུ། །དེ་དོན་མཐར་ཕྱིན་འབྲས་བུ་ལ། །ད་རུང་རེ་དོགས་འཁོར་བའི་ཆ། །ཐེ་ཚོམ་ཆོད་པ་སྤྲུལ་སྐུ་ཡིན། །ཐེ་ཚོམ་མེད་ཀྱང་སྤང་ཐོབ་ཀྱིས། །སྦྱང་སྒྲོད་དགོས་པ་འཁོར་བའི་ཆ། །གནས་ལུགས་སྤྱོད་པ་ལོངས་སྐུ་ཡིན། །ཟད་པ་སྐྱོལ་བས་འཁོར་བ་དག །ལྷུན་གྱིས་གྲུབ་པས་ཆོས་ཀྱི་སྐུ། །ཟད་མེད་དབྱིངས་ནས་དོན་ཀུན་མཛད། །ངོ་བོ་རང་བཞིན་མཚན་ཉིད་ཀྱིས། །ཀ་དག་ལྷུན་གྲུབ་ཀུན་ཁྱབ་སྟེ། །གཞི་དང་འབྲས་བུ་དབྱེར་མེད་པའི། །ངོ་བོ་ཉིད་དུ་གཅིག་གྱུར་ཀྱང་། །བག་ལ་ཉལ་གཞི་མ་རིག་ལམ། །འབྲས་བུ་དེ་ཉིད་མཐར་ཕྱིན་པས། །ཐོག་མ་ཉིད་ནི་གྲོལ་བ་སྟེ། །དཔེར་ན་གསེར་གྱི་སེར་པོ་བཞིན། །འབྲས་བུ་གཞི་ཐོག་རང་གྲོལ་ཀྱང་། །འབྲས་བུ་རྒྱུ་རུ་མི་ལྡོག་སྟེ། །ཏིལ་མར་ཏིལ་དུ་མི་ལྡོག་བཞིན། །སངས་རྒྱས་སེམས་ཅན་ལྡོག་མི་སྲིད། །མཁྱེན་པ་བག་ལ་ཉལ་མི་འགྱུར། །འོད་གསལ་བ་ལ་སྒྲིབ་པ་བྲལ། །རྡོ་རྗེའི་སྐུ་ལ་འཕོ་འགྱུར་མེད། །རྡོ་རྗེ་གདན་དུ་བྱང་ཆུབ་པས། །དུས་གསུམ་སངས་རྒྱས་དེར་སངས་རྒྱས། །ཐོག་མ་མེད་ནས་ཐ་མའི་བར། །རིག་པ་གདོད་ནས་སྐུ་གསུམ་དུ། །ངོ་བོ་བཞི་ཡི་སྐུ་གསུམ་ལ། །རང་བཞིན་ལམ་ལ་མཐར་ཕྱིན་པས། །མཚན་ཉིད་ཤེས་པ་འབྲས་བུ་སྟེ། །རང་སེམས་ཅི་ཡང་མ་གྲུབ་པ། །སྤྲོས་དང་བྲལ་བའི་ཆོས་སྐུ་ཡིན། །བེམ་སྟོང་ཧད་སྟོང་མ་ཡིན་པ། །རང་རིག་རང་རྩལ་ལོངས་སྐུ་ལ། །གསལ་དངས་འགག་མེད་སྣ་ཚོགས་སུ། །ངེས་མེད་འཆར་བ་སྤྲུལ་པའི་སྐུ། །དེ་ཉིད་མ་རིག་རིག་ཐོག་ཏུ། །བླ་མས་རང་ངོ་སྤྲད་པ་ཡིས། །ཡིན་ལུགས་ཤེས་པས་ཆོས་ཀྱི་སྐུ། །གོ་བའི་ཡུལ་དུ་མ་ལུས་པར། །རྒྱུད་ཐོག་ཉམས་མྱོང་ལོངས་སྤྱོད་དང་། །རེ་དོགས་དུམ་བུར་མ་ཆད་པར། །སྣ་ཚོགས་གཅིག་ཤེས་སྤྲུལ་པའི་སྐུ། །དབྱེར་མེད་རྟོགས་པ་འབྲས་བུའི་དོན། །འཁོར་འདས་གཉིས་མེད་གཅིག་ཏུ་འདྲེས། །མཁའ་ལ་སྤྲིན་ཕུང་ཡལ་བ་བཞིན། །ཐམས་ཅད་དེ་ཡི་ངོ་བོར་གྲོལ། །སྤྲོས་བྲལ་ཀུན་ཁྱབ་ཆོས་ཀྱི་སྐུ། །འཁོར་བ་བྱ་བའི་ཡུལ་མེད་པས། །མྱ་ངན་འདས་པའི་མིང་ཡང་མེད། །སེམས་ཅན་རྟོགས་པའི་རྒྱུད་ཟད་པས། །སངས་རྒྱས་ཡིན་པའི་རྟོག་པ་མེད། །རྣམ་པར་རྟོག་མེད་ལྷུན་གྱིས་གྲུབ། །སྤྲོས་དང་བྲལ་བའི་ཡེ་ཤེས་དེ། །ཡུལ་མེད་རངས་གསལ་བདེ་བ་ལ། །རང་སར་སྤྱོད་པ་ལོངས་སྐུ་ལ། །འགག་པ་མེད་པའི་སྨོན་ལམ་དང་། །རྩོལ་བ་མེད་པའི་ཐུགས་རྗེ་ཡིས། །རང་བཞིན་རང་སྣང་སྤྲུལ་པའི་སྐུ། །སྐུ་གསུམ་དབྱེར་མེད་གཅིག་པ་དེ། །དོན་གཉིས་ལྡན་པའི་སངས་རྒྱས་ཡིན། །གདོད་ནས་ལྷུན་གྲུབ་ཆོས་ཀྱི་དབྱིངས། །སྤྲོས་དང་བྲལ་བའི་རིག་པ་ལ། །རྣམ་པར་མི་རྟོག་ཡེ་ཤེས་ཀྱིས། །འཁོར་བའི་མཐའ་ལ་མི་གནས་ཤིང་། །སྟོང་པ་ཉིད་ལ་ཞེན་པ་ཡིས། །མྱ་ངན་འདས་པའི་སྐྱོན་མ་གོས། །དམིགས་པ་མེད་པའི་ཐུགས་རྗེས་ནི། །ཡུལ་མེད་ཀུན་ལ་ཁྱབ་པ་ཡི། །རྩོལ་མེད་འགྲོ་དོན་མཐའ་མེད་མཛད། །སེམས་ཅན་རྣམས་ཀྱིས་དོན་ཀུན་འགྲུབ། །མྱ་ངན་འདས་པའི་མཐའ་མི་གནས། །འཁོར་བའི་སྐྱོན་གྱིས་གོས་པ་མེད། །ཆོས་ཉིད་ངང་ལས་མ་གཡོས་པར། །རྣམ་རྟོག་མི་མངའ་ཅིར་ཡང་དུ། །ས་ལོ་ཐམས་ཅད་མཁྱེན་པར་སྣང་། །དང་པོའི་ལམ་ལ་ཞུགས་ནས་སུ། །ཐེག་པ་བསམ་གྱིས་འཛེག་པ་ཡི། །ལམ་རྣམས་རིམས་ཀྱིས་བསྒྲོད་པ་དེ། །མཛད་པ་མཐར་འདོན་སངས་རྒྱས་ཡིན། །གདོད་ནས་འབྲས་བུ་གཞི་ཐོག་ནས། །སྐུ་གསུམ་རིག་པ་གཅེར་བུ་སྲ །ཅིག་ཆར་རྒྱུད་ལ་རྟོག་པ་དེ། །ལྟ་བ་ཡས་ནས་འབུབས་པ་ཡིན། །རྟོགས་པ་མངོན་འགྱུར་སངས་རྒྱས་ཡིན། །རང་བཞིན་ལྷུན་གྲུབ་དཀྱིལ་འཁོར་དུ། །ཐམས་ཅད་མཁྱེན་པར་སངས་རྒྱས་པའོ། །དབང་ཐོབ་དུས་ན་ཁྱད་པར་མེད། །གཉིས་མེད་ཆོས་སྐུ་རྫོགས་སངས་རྒྱས། །གཟུགས་སྐུ་འགྲོ་དོན་རྒྱུན་མི་འཆད། །སྐུ་གསུམ་ཞེས་བརྗོད་ཚིག་དོན་ནི། །བློ་འདས་ངོ་བོ་ཆོས་ཉིད་དུ། །ཆོས་སུ་གནས་པས་ཆོས་སྐུ་ལ། །ཟག་པ་མེད་པའི་བདེ་ཆེན་ལ། །ལོངས་སྤྱོད་པ་ནི་ལོངས་སྐུ་སྟེ། །དེ་ཡིས་གང་ལ་གང་འདུལ་དུ། །སྣ་ཚོགས་འབྱུང་ཕྱིར་སྤྲུལ་པའི་སྐུ། །དེ་རྣམས་ཐ་དད་མ་མཆིས་པས། །སྐུ་གསུམ་རོ་གཅིག་ཅེས་སུ་བརྗོད། །ཆོས་སྐུའི་ངོ་བོ་ཀུན་ལ་ཁྱབ། །དབྱེར་མེད་ཀ་དག་ཡེ་ཤེས་ཡིན། །ལོངས་སྐུའི་ངོ་བོ་མཚན་ཉིད་འཛིན། །རང་བཞིན་ལྷུན་གྲུབ་ཡེ་ཤེས་ཡིན། །སྤྲུལ་སྐུ་ངོ་བོ་ཅི་ཡང་འཆར། །དུ་མ་རོ་གཅིག་ཡེ་ཤེས་ཡིན། །སྐུ་གསུམ་ངོ་བོ་ཁྱབ་བརྡལ་གློང་། །ཐམས་ཅད་མཁྱེན་པའི་ཡེ་ཤེས་ཡིན། །ཆོས་སྐུ་དཔེ་ནི་ནམ་མཁའ་འདྲ། །ཐམས་ཅད་དེ་ཡི་ངང་ལས་བྱུང་། །ལོངས་སྐུའི་དཔེ་ནི་ཉི་ཟླ་འདྲ། །ཐམས་ཅད་དེ་ཡིས་གསལ་བར་སྟོན། །སྤྲུལ་སྐུའི་དཔེ་ནི་འོད་ཟེར་འདྲ། །གཅིག་གིས་དུ་མ་འབྱེད་པར་བྱེད། །འབྱེད་མེད་དཔེ་ནི་བར་སྣང་འདྲ། །ཐམས་ཅད་མ་ལུས་སྟོན་པར་བྱེད། །སྐུ་གསུམ་ལྷན་ཅིག་སྐྱེས་པ་ལ། །སེམས་ཅན་རྣམས་ནི་དབང་པོ་ཡི། །རྟོག་པའི་རང་བཞིན་གསུམ་དུ་རྒྱུ། །ཆོས་སྐུ་ས་བཅུ་རྒྱུན་མཐའ་དང་། །རྣལ་འབྱོར་དབང་ཕྱུག་སངས་རྒྱས་མཐོང་། །ས་བཅུ་ལ་གནས་སེམས་དཔའ་ཡིས། །ཆོས་སྐུ་ལོངས་སྐུ་སྤྲུལ་སྐུ་མཐོང་། །གང་ཟག་མོས་སྤྱོད་ལ་སོགས་རྣམས། །ཆོས་སྐུ་སྤྲུལ་པའི་སྐུ་རུ་མཐོང་། །བཏང་སྙོམས་ལོག་སྲེད་ཅན་རྣམས་ལ། །དམུས་ལོང་ཉི་མ་མི་མཐོང་བཞིན། །སངས་རྒྱས་སྣང་བར་མི་འགྱུར་རོ། །ཆོས་སྐུའི་ཡེ་ཤེས་རྣམ་གསུམ་སྟེ། །ངོ་བོ་འགྱུར་བ་མེད་པ་ཡིས། །ངོས་བཟུང་ཀ་དག་ཡེ་ཤེས་ཡིན། །དེ་ཉིད་འགག་མེད་རང་གསལ་དུ། །རང་བཞིན་ལྷུན་གྲུབ་ཡེ་ཤེས་ཡིན། །དེ་ཉིད་ཀུན་དང་དབྱེར་མེད་དུ། །དེ་དང་དེ་རུ་ཀུན་ཤེས་པས། །ཐུགས་རྗེས་ཀུན་ཁྱབ་ཡེ་ཤེས་ཡིན། །ཡེ་ནས་ཐམས་ཅད་ཇི་བཞིན་དུ། །ཡུལ་མེད་རང་རིག་ཤེས་པ་འདི། །ཐམས་ཅད་མཁྱེན་པའི་ཡེ་ཤེས་ཡིན། །ཡུལ་ཅན་རྣམ་པ་ཤེས་པ་འཁྲུལ། །གཉིས་མེད་རྟོགས་པ་སངས་རྒྱས་ཡིན། །ལོངས་སྐུ་ཡེ་ཤེས་རྣམ་ལྔ་སྟེ། །དེ་ཡི་རང་གཟུགས་སྐུ་ལྔ་ཡིན། །འཁོར་འདས་གཉིས་མེད་ཡེ་ཤེས་སུ། །གསལ་བ་མེ་ལོང་ཡེ་ཤེས་ལ། །གཉིས་བསྡུས་ཆོས་རྣམས་དབྱེར་མེད་དང་། །གཅིག་གྱུར་མཉམ་ཉིད་ཡེ་ཤེས་ལ། །ཐམས་ཅད་མ་འདྲེས་ཡོངས་རྫོགས་སུ། །དངོས་གསལ་སོར་རྟོགས་ཡེ་ཤེས་ཏེ། །མ་བཅོས་བཟོ་མེད་ལྷུན་གྲུབ་པས། །བྱ་བ་གྲུབ་པའི་ཡེ་ཤེས་ཡིན། །ཆོས་མེད་མཚན་མ་མེད་པའི་དབྱིངས། །འགག་མེད་ཆོས་དབྱིངས་ཡེ་ཤེས་ཏེ། །ཐ་དད་མིང་ལ་དོན་གཅིག་གོ །སྤྲུལ་སྐུའི་ཡེ་ཤེས་རྣམ་པ་གཉིས། །འཁོར་འདས་མ་ལུས་ཐམས་ཅད་ཀུན། །ཆོས་ཉིད་རང་གི་རིག་པ་དེ། །སྒྲིབ་པ་མེད་པར་མངོན་སུམ་དུ། །རང་ངོ་ཤེས་ལ་འཛིན་མེད་དོ། །ཇི་ལྟ་མཁྱེན་པའི་ཡེ་ཤེས་ཡིན། །དེ་ཉིད་རང་སྣང་གཞན་སྣང་གི །ཤེས་བྱའི་ཆོས་ཅན་ཇི་སྙེད་རྣམས། །བྱེ་བྲག་མ་ལུས་ཐམས་ཅད་ཀུན། །ས་ལ་གསལ་བར་མཁྱེན་པ་དེ། །ཇི་སྙེད་པའི་ཡེ་ཤེས་ཏེ། །རང་སྣང་གཞན་སྣང་ཡེ་ཤེས་གཉིས། །ལྷན་ཅིག་སྐྱེས་པ་ཀུན་མཁྱེན་ཡིན། །ལམ་པའི་དུས་ན་ཏིང་འཛིན་ལ། །སེམས་ཅན་དུས་ལ་རྣམ་རྟོག་ཚོགས། །སངས་རྒྱས་མཁྱེན་པའི་ཡེ་ཤེས་སོ། །ཐམས་ཅད་རྒྱལ་བའི་སྐུ་ལས་ནི། །ཆོས་སྐུ་དབྱིངས་རིག་གཉིས་མེད་སྐུ། །ནམ་མཁའི་སྐུ་ཅན་ཀུན་ལ་ཁྱབ། །འོད་གསལ་བདེ་ཆེན་འགྱུར་བ་མེད། །འཁོར་འདས་ཀུན་གྱི་རྟེན་བྱེད་པའོ། །ལོངས་སྐུ་སྣང་ལ་རང་བཞིན་མེད། །མཚན་དང་དཔེ་བྱད་འོད་ཀྱི་སྐུ། །སྤྲུལ་སྐུ་གང་ལ་གང་འདུལ་བ། །སེམས་ཅན་རྣམས་ཀྱི་བག་ཆགས་སྐུ། །སངས་རྒྱས་ཐམས་ཅད་སྐུ་གཅིག་སྟེ། །བདེ་བར་གཤེགས་པ་ཆོས་ཀྱི་སྐུ། །སེམས་ཅན་མོས་པ་ཐ་དད་པས། །འདུལ་བྱེད་སྐུ་ཡང་ཐ་དད་སྣང་། །སངས་རྒྱས་མཚན་ཡང་ཐ་དད་རྟགས། །ཐེག་པ་སྣ་ཚོགས་ཐབས་ཚུལ་གྱིས། །སངས་རྒྱས་གསུང་ཡང་ཐ་དད་བྱུང་། །མ་ཧྭ་ཨ་ནུ་ཨ་ཏི་གསུམ། །ཆོས་སྐུ་གསུང་གི་ཐེག་པ་ཡིན། །དགོངས་པ་ཚེ་གཅིག་ཆོས་སྐུ་སྒྲུབ། །ཀྲི་ཡ་ཨུ་པ་ཡོ་ག་གསུམ། །ལོངས་སྐུ་གསུང་གི་ཐེག་པ་ཡིན། །འབྲས་བུ་ཚ་བདུན་ལོངས་སྐུ་སྒྲུབ། །ཉན་ཐོས་རང་རྒྱལ་བྱང་ཆུབ་སེམས། །སྤྲུལ་སྐུ་གསུང་གི་ཐེག་པ་ཡིན། །བསྐལ་པར་འཕྲོ་འཐུད་སྤྲུལ་སྐུ་སྒྲུབ། །རྒྱལ་བའི་གསུང་དབྱངས་གཅིག་ལས་སུ། །ཐེག་པ་སྣ་ཚོགས་བྱུང་བ་སྟེ། །དོན་ལ་ཐེག་པ་གཅིག་ལས་མེད། །འབྲས་བུ་ཐིག་ལེ་གཅིག་ཏུ་རྒྱས། །ཐུགས་དགོངས་ཐམས་ཅད་མཁྱེན་པ་ལ། །གདུལ་བྱའི་རྟོག་པ་གསུམ་དུ་ཕྱེ། །ཆོས་སྐུའི་ཐུགས་ནི་སྤྲོས་བྲལ་དང་། །བསམ་པ་ཡོངས་རྫོགས་ཀུན་མཁྱེན་ནོ། །ལོངས་སྐུའི་ཐུགས་ནི་ཀུན་ཁྱབ་ལ། །གསལ་ལ་འཛིན་མེད་མཁྱེན་པའོ། །སྤྲུལ་སྐུའི་ཐུགས་རྗེ་ཕྱོགས་རིགས་མེད། །སེམས་ཅན་བསམ་པ་མཁྱེན་པའོ། །སེམས་ཅན་རྣམས་ཀྱི་རང་སྣང་དེ། །སྤྲུལ་པ་སྐུ་ཡི་བདེན་པ་ཡིན། །ཐམས་ཅད་རྒྱལ་བའི་ཞིང་ཁམས་ལ། །ཆོས་སྐུའི་གནས་ནི་ཆོས་ཀྱི་དབྱིངས། །བསམ་གྱིས་མི་ཁྱབ་ཚད་ལས་འདས། །ལོངས་སྐུའི་གནས་ནི་འོག་མིན་གྱི། །མཛེས་ལྡན་འོད་ཀྱི་གཞལ་ཡས་ཁང་། །འཐུག་པོ་བཀོད་པའི་ཞིང་ཁམས་སོ། །སྤྲུལ་སྐུའི་གནས་ནི་གང་འདུལ་ཞིང་། །བྱ་རྒོད་ཕུང་པོའི་རི་ལ་སོགས། །འཁོར་ཡང་དེ་དང་མཐུན་པ་སྟེ། །རྡུལ་གཅིག་རྡུལ་སྙེད་སངས་རྒྱས་ཀྱི། །རིགས་ལྔ་བདེ་བར་གཤེགས་པའི་ཚོགས། །བསམ་གྱིས་མི་ཁྱབ་ཆོས་སྐུའི་འཁོར། །རིགས་ལྔ་ཞི་ཁྲེའི་ཚོགས་རྣམས་དང་། །བྱང་ཆུབ་སེམས་དཔའ་ལོངས་སྐུའི་འཁོར། །རྒྱལ་སྲས་རྣམས་དང་འཕགས་པའི་ཚོགས། །འཁོར་སྡེ་བཞི་དང་སྡེ་བརྒྱད་སོགས། །ལས་ལྡན་སྤྲུལ་པའི་སྐུ་ཡི་འཁོར། །ཐམས་ཅད་རྒྱལ་བའི་དཀྱིལ་འཁོར་ཡིན། །ཆོས་སྐུའི་གདུལ་བྱ་རྒྱ་འཆད་དང་། །འཇིག་རྟེན་བཀོད་པ་མེད་པ་ཡིས། །ནམ་མཁའ་གར་ཁྱབ་ཆོས་སྐུའི་ཞིང་། །ལོངས་སྐུ་འཐུག་པོ་བཀོད་པའི་ཞིང་། །མེ་ཏོག་སྙིང་པོས་བརྒྱན་པའོ། །སྤྲུལ་སྐུ་སྟོང་གསུམ་མི་མཇེད་ཞིང་། །བྱེ་བ་ཕྲག་བརྒྱ་ལ་སོགས་སོ། །ཉི་མའི་འོད་དང་འོད་ཟེར་བཞིན། །སྐུ་གསུམ་གདུལ་བྱའི་འཕྲིན་ལས་ནི། །ཆོས་སྐུ་གཅིག་གི་མཛད་པ་ཡིན། །གནས་ལུགས་མཉམ་པ་ཉིད་ཡིན་ཀྱང་། །བྱེ་བྲག་མ་ཕྱེ་བཏང་སྙོམས་པས། །ཆོས་སྐུ་མེད་ན་ཆོས་དང་ནི། །ཆོས་མིན་བྱེ་བྲག་མི་ཕྱེད་པས། །ཆོས་ཀྱི་སྐུ་ཡི་འཐད་པ་ཡིན། །ལོངས་སྐུ་མེད་ན་ཡེ་ཤེས་ལྔ། །རང་བཞིན་མཚན་ཉིད་མི་ཤེས་ལ། །སྤྲུལ་སྐུ་མེད་ན་གཞན་དོན་གྱིས། །འཕྲིན་ལས་མཛད་པ་མི་ཤེས་པས། །ཆོས་ཉིད་ལས་གྲུབ་ཆོས་སྐུ་འཐད། །དེ་ཉིད་ལོངས་སྤྱོད་ལོངས་སྐུ་འཐད། །དེ་ལས་སྤྲུལ་ལ་སྤྲུལ་སྐུ་འཐད། །དབྱེར་མེད་ངོ་བོ་ཉིད་ཀྱི་སྐུ། །གསེར་དང་ཁ་དོག་གཟུགས་བཞིན་དུ། །ལྷན་ཅིག་སྐྱེས་པའི་བྱང་ཆུབ་སྐུ། །འགྱུར་བ་མེད་པས་རྡོ་རྗེའི་སྐུ། །མཆོག་གི་དང་པོ་སྐུ་གསུམ་འཆང་། །སངས་རྒྱས་སྐུ་ལྔའི་བདག་ཉིད་ཅན། །ཡེ་ཤེས་སྐུ་མཆོག་རང་འབྱུང་ཅིག །དེ་ཡི་བྱེ་བྲག་མཚན་ཉིད་ལ། །ཆོས་སྐུ་སྤྲོས་པའི་མཐའ་དང་བྲལ། །ངོ་བོ་སྐྱེ་བ་མེད་པ་ལ། །ལོངས་སྐུ་རང་བཞིན་མེད་བཞིན་དུ། །འགག་པ་མེད་པར་མཁྱེན་པ་ཡིས། །སྤྲུལ་སྐུ་མཚན་ཉིད་ངོས་མེད་དུ། །སྣ་ཚོགས་ཅི་ཡང་སྟོན་པ་ལ། །རྟག་པ་མ་ཡིན་ངེས་པ་མེད། །འཁྲུལ་རྟོག་མི་མངའ་མངའ་བའི་ཚུལ། །དཔེར་ན་ནམ་མཁའི་ཁ་དོག་འདྲ། །ཆོས་སྐུ་ལྷུན་གྱིས་འགྲུབ་པ་དང་། །སྤྲོས་པ་མེད་པར་གཅིག་པ་དང་། །ཀུན་ལ་ཁྱབ་པའི་ཡན་ལག་གོ །ལོངས་སྐུ་མཚན་དཔེ་འོད་ཀྱི་ངང་། །ཡབ་ཡུམ་འཁོར་དང་ཞིང་ཁམས་ལ། །བདེ་བས་གང་བའི་ཡན་ལག་གོ །སྤྲུལ་སྐུ་དམིགས་མེད་ཀུན་ཁྱབ་ལ། །འགག་པ་མེད་པའི་སྙིང་རྗེ་འདི། །རྒྱུན་ཆད་མེད་པའི་ཡན་ལག་གོ །ངོ་བོ་མཉམ་པ་རིས་མེད་ལ། །དབྱེ་བ་ཡོན་ཏན་སྒོ་ནས་ཕྱེ། །རྒྱལ་བའི་སྐུ་ལ་དཔག་མེད་ཀྱང་། །སེམས་ཅན་བློ་ཡིས་བཅད་པའི་ཡུལ། །ཆོས་སྐུ་ཀུན་ལ་ཁྱབ་པ་ལ། །འདི་ཞེས་ངེས་པའི་མཚན་མ་མེད། །གནས་ལ་ངེས་མེད་ཆོས་ཀྱི་དབྱིངས། །འཁོར་ལ་ངེས་མེད་འཁོར་འདས་རྣམས། །ཆོས་ལ་ངེས་མེད་སྲིད་ཞི་ཀུན། །དུས་ལ་ངེས་མེད་མཉམ་པ་ཉིད། །ཆོས་སྐུ་བསམ་གྱིས་མི་ཁྱབ་པས། །སངས་རྒྱས་རྣམས་ལ་སྣང་བའོ། །ལོངས་སྐུ་རིགས་ལྔའི་སངས་རྒྱས་ལ། །གནས་ངེས་འཐུག་པོ་བཀོད་པ་དང་། །འཁོར་ངེས་དག་པའི་ས་པ་ཡིས། །བྱང་ཆུབ་སེམས་དཔའ་རིགས་གསུམ་དང་། །ཆོས་ནི་ཐེག་ཆེན་བརྡ་ཡིས་སྟོན། །དུས་ནི་སྒྲིབ་གཉིས་དག་དུས་དེར། །འཁོར་གྱི་སྣང་བ་དག་པ་ཡིས། །ལོངས་སྐུ་སྐྱེ་འགག་མི་སྣང་ངོ་། །སྤྲུལ་པའི་སྐུ་ནི་མ་ངེས་ཏེ། །སྟོན་པ་གང་ལ་གང་འདུལ་བ། །རིགས་དྲུག་དོན་དུ་ཐུབ་པ་དྲུག །དེའང་མཛད་པ་བཅུ་གཉིས་ཚུལ། །གནས་ནི་འཛམ་གླིང་བྱེ་ཕྲག་བརྒྱ། །དེ་ཡང་མ་ངེས་སྣ་ཚོགས་གནས། །འཇིག་རྟེན་འདས་དང་མ་འདས་པའི། །འཁོར་ནི་རིགས་ཚོགས་བསམ་མི་ཁྱབ། །ཆོས་ཀྱང་ཐེག་པ་དུ་མ་སྟོན། །དུས་ལ་ངེས་མེད་གསུམ་དུ་བསྒྲང་། །སེམས་ཅན་སྣང་བ་མ་དག་པས། །རྒྱལ་བའི་སྐུ་ཡང་དེར་སྣང་སྟོན། །སྟོན་པ་མྱ་ངན་འདས་ཚུལ་སྟོན། །དམ་པའི་ཆོས་ཀྱང་ནུབ་པར་འགྱུར། །འོན་ཀྱང་སངས་རྒྱས་མི་འདའ་ཞིང་། །དམ་པའི་ཆོས་ཀྱང་ནུབ་མི་འགྱུར། །སེམས་ཅན་རྣམས་ལ་ཕན་པའི་ཕྱིར། །སངས་རྒྱས་མཛད་པ་གང་ཡང་སྟོན། །དོན་དམ་དབྱིངས་ལས་གཡོས་པ་མེད། །ཐུབ་པ་ཆོས་ཀྱི་སྐུ་ཅན་ཡིན། །གནས་ལུགས་སྟོང་པ་ཆོས་ཀྱི་དབྱིངས། །ཡིན་པར་གྲུབ་མེད་རང་རིག་འདི། །རང་སྣང་འཆར་ཚུལ་མ་འགགས་པས། །སྣང་སྲིད་ཆོས་སྐུའི་ཞིང་དུ་ཤར། །རང་ཤར་རང་གྲོལ་ཆོས་ཀྱི་སྐུ། །སྟོང་ཉིད་སྤྲོས་དང་བྲལ་བ་ཡིས། །ནམ་མཁའ་ལྟ་བུའི་གཤིས་དེ་ཡིན། །དེ་ཉིད་ཡེ་ཤེས་རིག་པའི་སྐུ། །རྟག་པ་མ་ཡིན་མཚན་མ་མེད། །ཆད་མེད་འོད་གསལ་སྟོང་པའི་སྐུ། །གསལ་ལ་ཧྲིག་ཆགས་ཕྱི་ནང་མེད། །ཕྱོགས་བཅུར་ཡེ་ཤེས་སྤྱན་གྱིས་གཟིགས། །སྣང་ཆ་ཡོད་ལ་འཛིན་ཆ་མེད། །དུས་གསུམ་བདེ་གཤེགས་ཆོས་ཀྱི་སྐུ། །ནམ་མཁའ་ལྟ་བུའི་སྐུ་མངའ་བའི ཐམས་ཅད་རྒྱལ་བའི་སྐུ་རྡོ་རྗེ། །བདེ་ཆེན་འོད་གསལ་དཔལ་དུ་འབར། །གསུང་ནི་ཚིག་ཏུ་མ་བརྗོད་པར། །དོན་གྱིས་གསུང་ནི་རྒྱུན་མི་འཆད། །ཐམས་ཅད་རྒྱལ་བའི་གསུང་རྡོ་རྗེ། །ཚངས་པ་གསུང་གིས་དོན་ཀུན་འགྲུབ། །ཐུགས་ནི་སྒྲིབ་གཉིས་མི་མངའ་བར། །སྣང་སྲིད་རྒྱལ་བའི་དཀྱིལ་འཁོར་དུ། །དཔེར་ན་ཉི་མའི་དཀྱིལ་འཁོར་བཞིན། །རང་སྣང་འོད་ཀྱི་ཞིང་ཁམས་ན། །བདེ་ཆེན་འཁོར་གྱིས་ཚོགས་ཀྱིས་བསྐོར། །ཟག་མེད་ངང་ལས་འགྱུར་མེད་དུ། །རང་སྣང་ལོངས་སྤྱོད་ཡེ་ཤེས་ནི། །ཆོས་ཉིད་ཇི་ལྟ་ཐམས་ཅད་མཁྱེན། །གཞན་སྣང་གཟུགས་སྐུའི་ཡེ་ཤེས་ནི། །ཆོས་ཅན་ཇི་སྙེད་མཁྱེན་པ་དེ། །རྣམ་རྟོག་མི་མངའ་རྩོལ་མེད་འབྱུང་། །སྐུ་གསུང་ཐུགས་དང་ཞིང་ཁམས་འཁོར། །རང་ཉིད་མིན་པ་གཞན་མེད་པས། །གཉིས་སུ་མ་མཆིས་འཁོར་འདས་ཀུན། །ནོར་བུ་དྲི་མ་མེད་པ་བཞིན། །རང་སྣང་ཆོས་སྐུའི་སངས་རྒྱས་ཡིན། །གང་དག་ང་ལ་གཟུགས་སུ་མཐོང་། །སྒྲ་ཐོས་མཚན་མར་འཛིན་པ་ཀུན། །ལོག་པར་རྟོག་པ་ཞུགས་པ་སྟེ། །རྨོངས་པ་དེ་དག་ང་མི་མཐོང་། །ང་ནི་རང་འབྱུང་ཆོས་ཀྱི་སྐུ། །འདུས་མ་བྱས་ཤིང་ལྷུན་གྱིས་གྲུབ། །མཁྱེན་དང་བརྩེ་བའི་བདག་ཉིད་ཅན། །ཆོས་ཉིད་རིག་པའི་སྐུ་རུ་ལྟོས། །ཐམས་ཅད་ང་ཡི་རང་བཞིན་ལ། །ལོགས་ན་ལྟ་རྒྱུ་ཅི་ཡང་མེད། །སངས་རྒྱས་སེམས་ཅན་གཉིས་མེད་དུ། །ཐམས་ཅད་བདེ་གསལ་ཆོས་ཀྱི་སྐུ། །གཅིག་ཏུ་རྟོགས་ན་ང་མཐོང་ཡིན། །ང་ལས་འཁོར་བ་མྱང་འདས་མེད། །འཁོར་བ་མྱང་འདས་སུ་ཡི་ཆོས། །ང་ལ་བཟང་ངན་གཉིས་སུ་མེད། །བཟང་ངན་གཉིས་འཛིན་སུ་ཡི་ཆོས། །ང་ལ་ཕྱི་ནང་ཕྱོགས་རིགས་མེད། །ཕྱི་ནང་ཕྱོགས་རིགས་སུ་ཡི་ཆོས། །ང་ལ་སྔ་ཕྱི་འཕོ་འགྱུར་མེད། །དུས་དང་འཕོ་འགྱུར་སུ་ཡི་ཆོས། །ང་ལ་བདག་དང་གཞན་དུ་མེད། །བདག་གཞན་འཛིན་པ་སུ་ཡི་ཆོས། །ང་ལ་གསལ་འགྲིབ་སྐྱེ་འགག་མེད། །སྐྱེ་འགག་འཕེལ་འགྲིབ་སུ་ཡི་ཆོས། །ང་ལ་ཆེ་ཆུང་འདུ་འབྲལ་མེད། །འདུ་འབྲལ་དུས་ཚོད་སུ་ཡི་ཆོས། །ང་ལ་རིག་དང་མ་རིག་མེད། །འཁྲུལ་གྲོལ་གཉིས་པོ་སུ་ཡི་ཆོས། །ང་ལ་རྒྱུ་རྐྱེན་འབྲས་བུ་མེད། །རྒྱུ་འབྲས་གཉེན་པོ་སུ་ཡི་ཆོས། །ཐམས་ཅད་རང་ལས་མ་འདས་པར། །རང་གི་རང་ཉིད་གཉིས་འཛིན་བསྒྲིབས། །ལྟད་མོ་སྣ་ཚོགས་ཡུལ་ཡོད་ཀྱང་། །མིག་གཅིག་བཀབ་པས་ཐམས་ཅད་འགག །དེ་བཞིན་ཐམས་ཅད་མཁྱེན་པ་ཡང་། །རང་སེམས་མ་རིག་ཅིག་གིས་འགགས། །མ་རིག་ལིང་ཐོག་བསལ་ཙམ་ན། །ཡེ་ཤེས་མིག་གཅིག་དྲི་མེད་དེ། །ཐམས་ཅད་གཟིགས་ཤིང་ཐམས་ཅད་མཁྱེན། །དེ་བཞིན་གཤེགས་ལ་ཕྱག་འཚལ་ལོ། །དབྱིངས་གསལ་དྲི་མེད་ཆོས་ཀྱི་སྐུ། །བརྟན་གཡོའི་གཟུགས་བརྙན་ཁ་དོག་ཀུན། །རྣམ་སྣང་གང་ཆེན་ཡེ་ཤེས་སྐུ། །སྐུ་ལ་ཞིང་ཁམས་ཐམས་ཅད་སྣང་། །ཞིང་ཁམས་ཐམས་ཅད་སྐུས་ཁྱབ་པས། །ལོངས་སྤྱོད་རྫོགས་སྐུའི་རང་བཞིན་ཡིན། །རང་རང་ནུས་པས་གཞན་དོན་མཛད། །སྤྲུལ་པའི་སྐུར་ཡང་དེ་ཉིད་བརྗོད། །དེ་ལས་དག་སྣང་ཅན་རྣམས་ལ། །བྱང་ཆུབ་སྙིང་པོའི་ཞིང་ཁམས་ན། །སེམས་ཉིད་སྣ་ཚོགས་མཛས་པ་བརྒྱན། །ཆོས་དབྱིངས་འོད་ཀྱི་རི་བོ་ལ། །སྟོན་པ་རྣམ་པར་སྣང་མཛད་ལ། །རྡོ་རྗེ་འཛིན་པའི་སྐྱེས་བུ་ཡིས། །བྱང་ཆུབ་སེམས་དཔའ་བསམ་འདས་བསྐོར། །སེམས་ཀྱི་རང་བཞིན་འོད་གསལ་བའི། །གསང་སྔགས་དོན་གྱི་ངོ་བོས་ཏེ། །རང་གི་སྟོན་པ་ལ་ཉན་ཅིང་། །རང་གི་འཁོར་ལ་ཆོས་དབྱིངས་ཀྱིས། །དེ་ཉིད་ཁོ་ན་ངེས་པའི་སྒོ། །ཡེ་ཤེས་ཆེན་པོ་སྟོན་པར་བྱེད། །སངས་རྒྱས་མི་བསྐྱོད་པ་ཡིན་ཞིང་། །མངོན་པར་དགའ་བ་ཞེས་བྱ་བ། །རྡོ་རྗེ་ཕུང་པོའི་རི་བོ་ལ། །རྡོ་རྗེའི་འོད་ཟེར་རྣམ་པར་བརྒྱན། །རྣམ་པར་སྣང་མཛད་དེ་ཉིད་ལས། །སྟོན་པ་རྡོ་རྗེ་མི་བསྐྱོད་པ། །སྐྱེས་བུ་སེམས་དཔའ་རྡོ་རྗེའི་རིགས། །བྱང་སེམས་བྱེ་བ་མཐའ་ཡས་བསྐོར། །སེམས་ཀྱི་དཀྱིལ་འཁོར་འོད་གསལ་བའི། །གསང་སྔགས་ངོ་བོ་དེ་ཉིད་ནི། །ཉན་ཅིང་རང་གི་སྟོན་པ་ཡི། །ཇི་བཞིན་ཉིད་ཀྱི་སྒོ་ནས་སུ། །མེ་ལོང་ལྟ་བུ་ཡེ་ཤེས་སྟོན། །སངས་རྒྱས་རིན་ཆེན་འབྱུང་ལྡན་ཞིང་། །དཔལ་དང་ལྡན་པ་ཞེས་བྱ་བ། །རིན་ཆེན་གསེར་འོད་རི་བོ་ལ། །རིན་ཆེན་ཕུང་པོ་རྣམ་པར་བཀོད། །སྟོན་པ་རིན་ཆེན་འབྱུང་ལྡན་ལ། །སྐྱེས་བུ་རིན་ཆེན་རྡོ་རྗེའི་རིགས། །བྱང་ཆུབ་སེམས་དཔའ་མཐའ་ཡས་བསྐོར། །སེམས་ཉིད་རང་བཞིན་འོད་གསལ་བའི། །གསང་སྔགས་དོན་གྱི་ངོ་བོ་སྟེ། །ཉན་ཅིང་རང་གི་འཁོར་རྣམས་ལ། །མ་བཅོས་པ་ཡི་སྒོ་ནས་སུ། །མཉམ་ཉིད་ཡེ་ཤེས་གསལ་བར་སྟོན། །སངས་རྒྱས་འོད་དཔག་མེད་ཀྱི་ཞིང་། །བདེ་བ་ཅན་ཞེས་བྱ་བ་ན། །པདྨ་འོད་ཀྱི་རི་བོ་ལ། །པརློ་བཀོད་པས་མཛེས་པར་བརྒྱན། །སྟོན་པ་སྣང་བ་མཐའ་ཡས་ལ། །སྐྱེས་བུ་པདྨ་རྡོ་རྗེའི་རིགས། །བྱང་ཆུབ་སེམས་དཔའ་དཔག་མེད་བསྐོར། །སེམས་ཉིད་རང་བཞིན་འོད་གསལ་བའི། །གསང་སྔགས་དོན་གྱི་ངོ་བོ་དེ། །ཉན་ཅིང་རང་གི་འཁོར་རྣམས་ལ། །ཇི་ལྟ་བའི་སྒོ་ནས་སུ། །སོ་སོར་རྟོགས་པའི་ཡེ་ཤེས་སྟོན། །སངས་རྒྱས་དོན་ཡོད་གྲུབ་པའི་ཞིང་། །རྣམ་པར་དག་པ་ཞེས་བྱ་བ། །རིན་ཆེན་སྣ་ཚོགས་རི་བོ་ལ། །ཨིན་དྲ་ནི་ལའི་དྲ་བས་བརྒྱན། །སྟོན་པ་གདོན་མི་ཟ་བར་གྲུབ། །སྐྱེས་བུ་རྡོ་རྗེ་ལས་ཀྱི་རིགས། །བྱང་ཆུབ་སེམས་དཔའ་མཐའ་ཡས་བསྐོར། །སེམས་ཉིད་རང་བཞིན་འོད་གསལ་བའི། །གསང་སྔགས་དོན་གྱི་ངོ་བོ་དེ། །འཁོར་གྱིས་ཉན་ཅིང་སྟོན་པ་ཡི། །ནོར་པ་མེད་པའི་སྒོ་ནས་སུ། །བྱ་གྲུབ་ཡེ་ཤེས་སྟོན་པར་བྱེད། །འཁོར་དང་རངགི་གདུལ་བྱ་རྣམས། །རང་རང་གི་ནི་སྟོན་པ་ལ། །རང་གི་ཆོས་སུ་གོ་བ་ཡི། །ཞིང་ཁམས་དེ་རུ་སྣང་བ་ལས། །སྐྱེ་ཤི་མེད་པར་ལོངས་སྤྱོད་པའི། །རང་གཞན་འདོད་དགུའི་སངས་རྒྱས་ནི། །སངས་རྒྱས་རྣམ་པར་སྣང་མཛད་ཆེ། །ཆོས་སྐུའི་ངོ་བོ་ཉིདལོངས་སྤྱོད། །ཐུགས་རྗེ་ཆེན་པོ་འཇིག་རྟེན་གཟུགས། །མི་འབྱེད་ལ་སོགས་འཇིག་རྟེན་དུ། །བཅོམ་ལྡན་ཐུབ་པའི་དབང་པོ་ནི། །ཆོས་ཀྱི་སྐུ་ལས་མ་གཡོས་པར། །འོག་མིན་ལོངས་སྐུའི་རོལ་པ་དེ། །རྩོལ་བ་མེད་པར་འགྲོ་བའི་དོན། །གང་ལ་གང་འདུལ་དེར་བྱོན་ཞིང་། །མོས་པ་སྦྱོད་པའི་ལྷ་མི་ལ། །བྱང་ཆུབ་ལམ་ལ་རྒྱུད་པའི། །ཚོགས་བསགས་པ་དང་སྒྲིབ་སྦྱང་ཚུལ། །སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ཡུམ་གྱི་ལྷུམ་འཇུག་བལྟམས་པ་དང་། །བཟོ་གནས་རིག་པ་མཁས་པ་དང་། །རྒྱལ་སྲིད་བཙུན་མོ་དགྱེས་རོལ་དང་། །ངེས་འབྱུང་དཀའ་བ་སྤྱད་པ་དང་། །བྱང་ཆུབ་སྙིང་པོར་གཤེགས་པ་དང་། །བདུད་སྡེ་འཇོམས་དང་བྱང་ཆུབ་དང་། །རྫོགས་པའི་སངས་རྒྱས་ཆོས་འཁོར་བསྐོར། །མྱ་ངན་འདས་པར་གཤེགས་པ་རྣམས། །མ་དག་གཉིས་འཛིན་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །དེའང་གཅིག་ཏུ་མ་ངེས་ཏེ། །མི་མཇེད་འདི་ལ་མ་འཕོས་པར། །འཇིག་རྟེན་འདི་ཡང་ཆགས་འཇིག་སྟོན། །ལ་ལ་དག་ལ་སྟོང་གནས་སྟོན། །རྒས་དང་ན་དང་འཆི་མེད་ཀྱང་། །སེམས་ཅན་སྣང་བར་སྐྱེ་ཤི་སྟོན། །དམ་པའི་དོན་ལ་མི་འདའ་ཡང་། །སྲིད་གསུམ་སྐྱོ་བ་བསྐྱེད་པའི་ཕྱིར། །སྟོན་པ་མྱ་ངན་འདས་ཚུལ་སྟོན། །ལ་ལར་ལྷུམས་ཞུགས་བལྟམས་པའི་ཚུལ། །ལ་ལར་ཆོས་འཁོར་བསྐོར་ལ་སོགས། །མཛད་པ་རྣམ་པ་སྣ་ཚོགས་སྟོན། །སྡིག་ལས་ངེས་པར་བཟློག་པའི་ཕྱིར། །བདུད་སྲིན་དམྱལ་བའི་འཇིགས་པ་སྟོན། །ཚོགས་གཉིས་དགེ་ལ་འཇུག་པའི་དོན། །ལྷ་དབང་མི་ཡི་དབང་ཕྱུག་སྟོན། །ཕྱིན་ཅི་ལོག་ལས་བློ་ཟློག་སྟེ། །ངེས་པའི་ལམ་ལ་འཇུག་དོན་དུ། །བདུད་སྡེ་འཇོམས་དང་ཆོ་འཕྲུལ་སྟོན། །ཀུན་ཏུ་རྒྱལ་བར་གྱུར་ནས་ཀྱང་། །ད་དུང་མཆོད་པའི་འདུ་ཤེས་དང་། །ཐུབ་པ་བྱང་ཆུབ་ལམ་ལ་སྤྱོད། །དྲི་མ་མེད་པའི་ཆུ་ཤེལ་དེ། ཁ་དོག་རྐྱེན་གྱིས་བསྒྱུར་བ་བཞིན། །ཐུབ་པ་ཆོས་ཀྱི་སྐུ་ཅན་ཡང་། །གདུལ་བྱ་རང་གི་བསམ་པ་དང་། །མཐུན་འཇུག་དེ་ཡི་སྐུ་བྱོན་པས། །སེམས་ཅན་ནམ་མཁའ་མཉམ་པ་ལས། །སྤྲུལ་པའི་སྐུ་ཡང་དེ་དང་མཉམ། །འགྲོ་ཀུན་རྟོག་པ་ཐ་དད་ལ། །སངས་རྒྱས་མཛད་པ་ཐ་དད་བྱུང་། །མཁའལཉིམགཅིགཤརབས། །ཆུ་སྣོད་གྲངས་ལས་འདས་པ་སྲ །ཉི་མ་རེ་རེ་སྣངབབཞིན། །ཆོསསྐུ་གཅིག་གི་མཛད་པ་ཡིས། །གཟུགས་སྐུ་སེམས་ཅན་རེ་རེའི་མདུན། །སྣ་ཚོགས་སྐུ་རེ་སྟོན་པར་བྱེད། །དེ་བཞིན་གསུང་དང་བརྡ་ཚིག་ཡང་། །རང་རང་སོ་སོའི་སྐད་དག་ཏུ། །དཔེར་ན་ལྷ་ཡི་རྔ་སྒྲ་ཡི། །ལྷ་རྣམས་ཀུན་གྱིས་དོན་གོ་ལྟར། །རང་རང་འདོད་དོན་གསུང་དུ་གོ །དེ་བཞིན་ཐུགས་ཀྱི་དགོངས་པ་ཡང་། །མཁྱེན་པའི་ཡེ་ཤེས་གཅིག་ཉིད་ལ། །སོ་སོ་རང་རང་ཐེག་པའི་དོན། །འཇུག་པ་དེ་ཡི་འབྲས་བུ་གོ །སྐུ་གསུང་ཐུགས་ཀྱི་མཛད་པ་རྣམས། །སེམས་ཅན་ལུས་ངག་ཡིད་གསུམ་དང་། །རིགས་དང་མཐུན་པའི་ཐུགས་རྗེ་ནི། །གཙང་དང་མི་གཙང་ལྗན་ལྗིན་ལ། །ཉི་མ་མཉམ་པར་ཤར་བ་བཞིན། །སེམས་ཅན་ཐ་མ་འབྲིང་འགྱུར་ལ། །མཉམ་པ་རིགས་མེད་ཀུན་ཁྱབ་ཀྱང་། །ཇི་ལྟར་ཆུ་ཡི་སྣོད་ཆག་ན། །ཉི་མའི་གཟུགས་ནི་མི་སྣང་བཞིན། །ལོག་སྲེད་ཅན་གྱི་རིགས་རྣམས་ལ། །སངས་རྒྱས་གཟུགས་ནི་སྣང་མི་འགྱུར། །གཉིས་མེད་འབྲེལ་ཡང་སོ་སོར་མཐོང་། །མོས་སྤྱོད་འདོད་པ་སྣ་ཚོགས་ལ། །སངས་རྒྱས་རྣམ་པར་མི་རྟོག་པ། །ནམ་མཁའ་བཞིན་དུ་གཡོ་མེད་པའི། །མཉམ་པ་ཉིད་དུ་བཞུགས་གྱུར་ཀྱང་། །སངས་རྒྱས་བྱོན་དང་བཞུད་པ་དང་། །བཞུགས་དང་བཞེངས་པ་མཉེས་མི་མཉེས། །རྣམ་པ་མི་གཅིག་དུ་མ་ནི། །ཞལ་ནི་སྟོན་དང་མི་སྟོན་དང་། །མཐོང་རྒྱུ་ཅན་དང་མཐོང་རྒྱུ་མིན། །དངོས་སུ་ཡོད་དང་དངོས་མེད་དང་། །གཞན་ནི་མ་བཞུགས་བདག་དྲུང་ཡོད། །འདི་རུ་མེད་ཅིང་གཞན་ན་བཞུགས། །ལ་ལ་སངས་རྒྱས་རྨི་ལམ་དུ། །མཐོང་ཞིང་སད་ནས་མི་མཐོང་དང་། །གཉིས་ལོག་མི་མཐོང་སད་དུས་མཐོང་། །ཉེ་བར་མི་མཐོང་རྒྱང་དུ་མཐོང་། །རྒྱང་དུ་མཐོང་ཞིང་ཉེ་མི་མཐོང་། །མཉམ་བཞག་མཐོང་ཡང་ཡེངས་མི་མཐོང་ ཡེངས་པས་མི་མཐོང་མཉམ་བཞག་མཐོང་། །དེ་བཞིན་སྐུ་གཟུགས་ཁ་དོག་རྟགས། །སོ་སོ་རིགས་ཀྱི་རྟོག་པ་བཞིན། །སྐུ་ཡི་བཀོད་པ་སྣ་ཚོགས་སྣང་། །ཆོས་ཚིག་གཅིག་ཀྱང་མ་གསུངས་ཀྱང་། །སེམས་ཅན་རྣམས་ནི་འདི་སྙམ་སྟེ། །ལ་ལ་ཆོས་གསུང་མི་བརྗོད་སྙམ། །ལ་ལར་གསུངས་པ་མཛད་པར་སྣང་། །ལ་ལར་གསུངས་པར་འགྱུར་རོ་སྙམ། །ལ་ལས་ཞལ་ནས་གསུངས་སོ་སྙམ། །ལ་ལས་ཡི་གེ་བྱུང་བ་དང་། །ལ་ལས་སྒྲ་དང་དབྱངས་སུ་ཐོས། །ལ་ལས་བརྡ་དང་འོད་ལས་བྱུང་། །ལ་ལས་ནམ་མཁའ་དབྱིངས་ནས་བྱུང་། །འདི་རྣམས་དེ་བཞིན་གཤེགས་པའི་གསུང་། །བདག་ཅག་རྣམས་ཀྱིས་ཐོས་སོ་སྙམ། །ཆོས་རྣམས་སྟོན་པ་བདག་གིས་ཤེས། །གོ་བོ་རྟོགས་སོ་རིག་གོ་སྙམ། །གསུང་དབྱངས་མཐའ་ཡས་དོན་གཅིག་འབྱུང་། །མི་རྟོག་ཡེ་ཤེས་ཐུགས་ལ་ནི། །འགའ་ཞིག་རྟོག་པ་ཡོད་དོ་སེམས། །འགའ་ཞིག་རྟོག་པ་མེད་པར་འདོད། །འགའ་ཞིག་ཡེ་མེད་སྟོང་པར་འདོད། །འགའ་ཞིག་མངོན་པར་ཤེས་པར་འདོད། །འགའ་ཞིག་རྟོག་བྲལ་སྒྱུ་མར་འདོད། །འགའ་ཞིག་ཉན་རང་ཡེ་ཤེས་འདོད། །འགའ་ཞིག་བྱང་ཆུབ་སེམས་དཔར་འདོད། །འགའ་ཞིག་སངས་རྒྱས་མཁྱེན་པ་ནི། །རྩོལ་མེད་ལྷུན་གྱིས་གྲུབ་པར་འདོད། །འགའ་ཞིག་རྩལ་རྟོག་ཐུགས་རྗེར་འདོད། །འཛམ་གླིང་བྱེ་བ་ཕྲག་བརྒྱ་ན། ཁྲཀ་ཐུབ་བྱེ་བ་ཕྲག་བརྒྱ་བཞུགས། །སྐུ་གསུང་ཐུགས་ཀྱི་མཛད་པ་ནི། །རྒྱལ་བས་ཅི་ཡང་མ་མཛད་ཀྱང་། །རང་བཞིན་ཐུགས་རྗེའི་ཉི་འོད་ཀྱིས། །སེམས་ཅན་བསམས་པ་ཚིམ་མཛད་པའི། །གང་ལ་གང་འདུལ་ཞིང་ཁམས་ན། །དེ་དང་དེ་ཡི་སྟོན་པར་བཞུགས། །སྐུ་ཡི་འདུལ་བ་དངོས་དང་གཟུགས། །མིག་གི་མཐོང་བས་དོན་ཐོབ་བོ། །གསུང་གི་ཡི་གེ་དབྱངས་དང་ཚིག །རྣ་བས་ཐོས་པས་དོན་གྲུབ་བོ། །ཐུགས་ཀྱིས་ཏིང་འཛིན་འདུལ་བྱེད་པ། །ཡིད་ལ་དྲན་པས་འབྲས་བུ་ཐོབ། །རང་བཞིན་སྤྲུལ་པ་མཆོག་ཡིན་པས། །བྱང་ཆུབ་ལམ་ལ་འཁོད་པར་འགྱུར། །གདུལ་བྱ་བུང་བ་ལྟ་བུ་ལ། །འདུལ་བྱེད་མེ་ཏོག་ལྟ་བུ་ཡི། །སོ་སོའི་འདོད་པ་ཚིམ་བྱེད་པའི། །གང་ལ་གང་འདུལ་དེར་སྟོན་པའི། །ལ་ལར་རབ་བྱུང་ཆ་བྱད་དང་། །སྐྱེས་པ་བུད་མེད་མི་ཡི་གཟུགས། །བརྒྱ་བྱིན་སྲིན་པོའི་ཆ་ལུགས་དང་། །བདུད་དང་དམག་དཔོན་རྒྱལ་པོའི་རིགས། །བྲམ་ཟེ་གཙང་གནས་མུ་སྟེགས་དང་། །དུད་འགྲོའི་ཆ་བྱད་སྣ་ཚོགས་པའི། །སྐྱེ་བའི་སྤྲུལ་པ་སྣ་ཚོགས་ཀྱིས། །གནས་སྐབས་འདོད་པའི་བློ་ཚིམ་ནས། །ཡང་དག་ལམ་ལ་དད་བྱེད་འགྱུར། །འདོད་པའི་ཡུལཅན་འགྲོ་བ་ལ། །མེད་པ་དག་ལས་ཡོད་བྱེད་པའི། །རྒྱུར་བྱེད་བཟོ་ཡི་གནས་རྣམས་དང་། །རང་བཞིན་འབྱུང་བ་ལྔ་རྣམས་ལས། །རྫས་དང་ཡོ་བྱད་དངོས་པོ་འདོད། །ཕྱི་ནང་ལོངས་སྤྱོད་འདོད་ཡོན་ལྔ། །མ་བཅོས་རང་སྤྲུལ་རང་འབྱུང་གིས། །རང་རང་ཐད་ཀའི་དོན་འབྱུང་བས། །ཐམས་ཅད་སངས་རྒྱས་སྤྲུལ་པ་སྟེ། །གང་གིས་གང་གི་དན་བྱེད་པ། །དོན་ལྡན་སྤྲུལ་སྐུའི་འགྲོ་དོན་ནི། །སེམས་ཅན་ཀུན་གྱི་རྒྱུད་ལ་ཡོད། །ཏིང་འཛིན་རིག་དང་རྒྱུད་རིག་པ། །དེ་ནི་དོན་གྱི་འབྲས་བུའོ། །འཁོར་བར་སྣང་བ་གཟུགས་ཀྱི་སྐུ། །ཡང་དག་སྣང་བ་ཆོས་ཀྱི་སྐུ། །གཉིས་སུ་མེད་པའི་ཡེ་ཤེས་ཏེ། །སྔར་འདས་སངས་རྒྱས་དེ་བཞིན་ལ། །མ་འོངས་འབྱུང་བ་དེ་བཞིན་ཏེ། །དེ་ལྟར་བྱུང་བ་རྫོགས་སངས་རྒྱས། །དུས་གསུམ་སངས་རྒྱས་ངོ་བོ་གཅིག །དེ་ཡི་རང་བཞིན་རང་གི་སེམས། །ལྷུན་གྲུབ་འགྱུར་མེད་རྩལ་རྫོགས་པས། །རྫོགས་པའི་སངས་རྒྱས་ཞེས་པ་ནི། །མ་རིག་འཁྲུལ་པའི་རྟོག་ཚོགས་ཀྱིས། །འབྱུང་ལུས་དངོས་པོའི་སྡོས་བཅས་རྣམས། །རང་སར་སངས་ནས་ངོ་བོ་དེ། །སྐུར་རྒྱས་སྐུ་གསུམ་འདུ་འབྲལ་མེད། །རང་བཞིན་མཁྱེན་པའི་ཡེ་ཤེས་སུ། །རྒྱས་པས་ཆོས་སྐུ་ཐམས་ཅད་མཁྱེན། །སྐུ་ནི་དངོས་པོ་མཚན་མ་མེད། །མེད་པ་མ་ཡིན་སྟོང་གསལ་དབྱིངས། །འགག་མེད་རིག་པ་འགྱུར་མེད་སྐུ། །སྨྲ་བརྗོད་བྲལ་བའི་བརྗོད་བྱ་དོན། །བསམ་གྱིས་མི་ཁྱབ་རྒྱུན་མི་འཆད། །འཁྲུལ་དང་ཅ་ཅོ་ལ་སོགས་པའི། །དྲན་ཉམས་རྣམ་རྟོག་འདུ་ཤེས་དང་། །མ་རྟོགས་བཏང་སྙོམས་མི་མངའ་ཞིང་། །རྣམ་པར་མི་རྟོག་ཡེ་ཤེས་སུ། །སྒྲིབ་པ་མེད་པར་ཀུན་གསལ་དུ། །ཐམས་ཅད་མཁྱེན་པའི་ཐུགས་རྗེ་ཅན། །འཇིག་རྟེན་འཇིག་རྟེན་འདས་པའི། །བདུད་བཞི་རང་བཅོམ་སྐུ་གསུམ་ལྡན། །སྐུ་དང་ཞིང་ཁམས་ཡེ་ཤེས་ཚོགས། །ནོར་བུ་རིན་ཆེན་རང་འོད་མདོག །དབྱེར་མེད་བཞིན་དུ་གཉིས་སུ་མེད། །གཉིས་མེད་ཆོས་སྐུའི་གཟུགས་སྐུ་དེ། །ཆུ་ནང་ནམ་མཁའ་ཟླ་ཤར་བཞིན། །གདུལ་བྱ་ཀུན་ལས་མཉམ་པར་སྟོན། །སྟོན་པས་འགྲོ་དོན་བྱེད་པ་ནི། །སྒྱུ་མཁན་སྒྱུ་མ་སྟོན་པ་བཞིན། །རྟོག་པ་མེད་པར་གཞན་ལ་སྟོན། །མཁྱེན་བརྩེ་དམིགས་མེད་ནུས་པ་ཡིས། །ནོར་བུ་རིན་ཆེན་དགོས་འདོད་བཞིན། །རྩོལ་བ་མེད་པར་འགྲོ་རྣམས་ལ། །གང་ལ་གང་འདོད་དགོས་འདོད་འབྱུང་། །རང་བཞིན་དག་དང་སྨོན་ལམ་གྱིས། །གང་ཞིག་རྫོགས་པར་སངས་རྒྱས་ཚེ། །སེམས་ཅན་འདུ་ཤེས་མེད་ཕྱི་མྲ །མ་རྟོགས་འཁྲུལ་པའི་འགྲོ་བ་ལ། །ཉི་མའི་དཀྱིལ་འཁོར་འོད་ཤར་བས། །པད་ཚལ་མེ་ཏོག་ཁ་བྱེ་ལྟར། །རང་གི་བསོད་ནམས་བདེ་བ་འབྱུང་། །སེམས་ཅན་ཁམས་རྣམས་ཆོས་ཉིད་དེར། །སངས་རྒྱས་ཐུགས་རྗེའི་གཏེར་ཁ་འབྱེད། །ཡོན་ཏན་མི་ཟད་རྒྱ་མཚོ་སྲ །འགྲོ་རྣམས་ཕུན་ཚོགས་རང་ལ་སྤྱོད། །མ་རིག་ཤེས་སྒྲིབ་སྤྲིན་འདྲ་ལ། །ཐུགས་རྗེའི་རླུང་གིས་རབ་གཏོར་བས། །འགྲོ་ཀུན་རང་འབྱུང་ཡེ་ཤེས་རྟོགས། །སེམས་ཅན་སྐྱབས་མེད་ནུས་པ་ལ། །ཐུགས་རྗེའི་ཕ་མས་བསྐྱངས་པ་ན། །རང་གིས་རྩལ་རྫོགས་གཞན་དོན་འབྱུང་། །ས་བོན་གྱུར་པའི་འགྲོ་བ་ལ། །ཐུགས་རྗེའི་དྲོད་གཤེར་བསྐྱེད་པ་ཡིན། །དགེ་ཚོགས་ཡོན་ཏན་གོང་དུ་འཕེལ། །གནས་སྐབས་མཐར་ཐུག་འབྲས་བུ་སྨིན། །ཉོན་མོངས་ནད་ཀྱི་སྡུག་བསྔལ་རྣམས། །ཐུགས་རྗེ་བདེན་པའི་བདུད་རྩི་སྨན། །གང་གིས་འཐུངས་པ་བདེ་བར་གྲོལ། །འགྲོ་རྣམས་ལས་ཀྱི་བྱེད་བཞིན་དེ། །ཐུགས་རྗེའི་མེ་ལོང་གཟུགས་བརྙན་གསལ། །ལས་ཀྱི་དྲི་མ་ཕྱིས་པ་ཡིས། །རང་རིག་སྐུ་གསུམ་ཞལ་ངོ་མཐོང་། །ཐམས་ཅད་མཁྱེན་པའི་སངས་རྒྱས་དེ། །འཁོར་འདས་གཉིས་ལ་དབྱེར་མེད་པས། །ཉི་མས་རང་ལ་མུན་མེད་འོད། །གཞན་གྱིས་མུན་པ་སེལ་བ་བཞིན། །རང་ལ་འཁོར་བའི་བག་ཆགས་མེད། །ཐམས་ཅད་རྒྱལ་བའི་ཞིང་ཁམས་ལ། །སྲིད་པར་གནས་པའི་འགྲོ་རྣམས་ལ། །ཐུགས་རྗེའི་སྤྲུལ་སྐུ་རྒྱུན་དུ་འབྱུང་། །དོན་གཉིས་ཐམས་ཅད་མཁྱེན་གྲུབ་སྟེ། །གནས་ལུགས་གཅིག་གི་རང་ངོ་ཡིན། །སངས་རྒྱས་ཐམས་ཅད་སྐུ་གཅིག་མཆོག །སྐུ་གཅིག་ཐམས་ཅད་མཁྱེན་པ་ཡིན། །དེ་ཡི་ཆེ་བའི་ཡོན་ཏན་ནི། །རེ་རེ་ནས་སུ་བརྗོད་གྱུར་ན། །ནམ་མཁའ་མ་ཟད་པར་མི་འཛད། །མདོར་བསྡུས་སྐུ་གསུང་ཐུགས་ལ་འདུས། །སྐུ་ནི་ནམ་མཁའི་མཐའ་དང་མཉམ། །མཚན་དཔེ་འོད་ཀྱི་རང་བཞིན་ལ། །བསམ་གྱིས་མི་ཁྱབ་དཔག་མི་ནུས། །ཐམས་ཅད་རྒྱལ་བའི་སྐུ་རྡོ་རྗེ། །གསུང་ནི་སྐྱེ་མེད་དོན་གྱི་སྒྲ། །གསུང་དབྱངས་ཡན་ལག་དྲུག་ཅུ་ཡིས། །ཚངས་པའི་གསུང་ན་བསམ་མི་ཁྱབ། །ཐམས་ཅད་རྒྱལ་བའི་གསུང་རྡོ་རྗེ། །ཐུགས་ཀྱིས་མཁྱེན་བརྩེ་ཡུལ་མེད་དུ། །རང་སྣང་ཆོས་ཉིད་ཇི་ལྟ་བའི། །གསལ་འགྲིབ་མེད་པའི་ངང་ནས་སུ། །རང་གཞན་གཉིས་སུ་མེད་པ་ལ། ཁམས་གསུམ་འཁོར་བ་སྲིད་ཚད་ཀྱིས། །རྒྱུ་རྐྱེན་འབྲས་བུའི་ཚོགས་རྣམས་ཀྱིས། །སོ་སོར་མ་འདྲེས་ཐ་མི་དད། །ཇི་སྙེད་མངོན་སུམ་མཁྱེན་པ་ཡི། །ཆོས་ཉིད་ངང་ལས་མ་གཡོས་བཞིན། །གསལ་དང་བཟློག་དང་སྤྲུལ་མཁྱེན་ནས། །སེམས་ཅན་སྨིན་གྲོལ་རྒྱུན་མཛད་པས། །དེ་ཉིད་བསམ་མི་ཁྱབ་པའི་དོན། །བྱང་ཆུབ་སེམས་དཔའ་མ་རྟོགས་ན། །ཉན་ཐོས་རང་རྒྱལ་ཅི་ལ་རྟོགས། །མུ་སྟེགས་བྱེད་ཀུན་ལོག་པའི་ལམ། །ཆ་ཙམ་རྟོགས་ནས་ཡང་དག་གི །ལམ་སྣ་ཟིན་པ་བདེ་འགྲོ་བས། །རིགས་དང་ཅིག་ཆར་གོང་བཞིན་ཐོབ། །སངས་རྒྱས་སེམས་ཅན་གཉིས་པོ་ནི། །རིག་དང་མ་རིག་ཁྱད་པ་ལས། །གནས་ལུགས་སྐུ་གསུང་ལྷན་ཅིག་སྐྱེས། །རྟོགས་པའི་ཡེ་ཤེས་ཐུགས་རྗེ་ཅན། །འགྲོ་བ་ཀུན་ལ་འབྲལ་མེད་དུ། །རྟོགས་པ་རྒྱུན་གྱི་ཐུགས་རྗེ་ནི། །ཆུ་དངརླནབཞིནརྒྱུནཆདམེད། །རངབཞིནཤུགསཀྱིཐུགས་རྗེ་ནི། །ཉི་མའིའོདབཞིནཤུགསལའབྱུང་། །ཡུལ་དང་ཕྲད་པའི་ཐུགས་རྗེ་ནི། །འགྲོ་བ་བཟང་མོ་ལྟ་བུ་ལ། །བསྐུལ་ཞིང་གསོལ་བཏབ་ཐུགས་རྗེ་ནི། །ཡིད་བཞིན་ནོར་བུའི་དགོས་འདོད་བཞིན། །རྟོག་པ་མེད་པའི་སངས་རྒྱས་ལ། །གདུལ་བྱས་གསོལ་བ་བཏབ་པ་ཡིས། །ཐུགས་རྗེས་ལྷུན་གྲུབ་ཡོད་པ་འབྱུང་། །ཆོས་སྐུ་སྐྱེ་མེད་རང་གདང་གིས། །གཉིས་མེད་དག་པའི་ཐུགས་རྗེ་གཞི། །ལམ་དུས་སྨོན་ལམ་མཐར་ཕྱིན་རྒྱུས། །འདོད་མདུན་མོས་པའི་གདུལ་བྱ་རྣམས། །ཚོགས་པ་གཅིག་ཏུ་གྱུར་པ་ལས། །འཕྲིན་ལས་རྩོལ་མེད་ལྷུན་གྲུབ་ཏུ། །རྒྱུན་མི་འཆད་པར་འགྲོ་དོན་དུ། །སྐུ་གསུང་ཐུགས་ཀྱི་གདུལ་བྱ་འདུལ། །སྐུ་ཡི་འདུལ་བ་ལོངས་སྐུ་དང་། །བླ་མ་ཡི་དམ་མཁའ་འགྲོ་ཡི། །ཞི་ཁྲོ་དཀྱིལ་འཁོར་ལྷ་ཚོགས་དང་། །བྱང་སེམས་རང་རྒྱལ་ཉན་ཐོས་དང་། །ལྷ་མི་སོ་སོའི་སྐྱེ་བོ་ནི། །རྒྱལ་པོ་བྲམ་ཟེ་དེད་དཔོན་དང་། ཁྲན་པ་སྨད་འཚོང་ཀུན་ཏུ་རྒྱུ། །སྟག་དང་རི་བོང་གླང་ཆེན་སོགས། །རིགས་དྲུག་སོ་སོའི་གཟུགས་ཅན་དུ། །སེམས་ཅན་ཚུལ་གྱིས་དོན་མཛད་སྣང་། །རི་མོ་ལུགས་མ་འབུར་ལ་སོགས། །སྐུ་གསུང་ཐུགས་ཀྱི་གཟུགས་བརྙན་གྱིས། །མཆོད་རྟེན་ལས་དང་བྱ་བ་དང་། །འབྱུང་བ་ལྔ་དང་ཕྱི་ནང་གི །ལོངས་སྤྱོད་འབེབས་པའི་རྫས་རྣམས་ཀྱིས། །རྟོག་པ་མེད་པར་འགྲོ་དོན་འབྱུང་། །སངས་རྒྱས་སྐུ་ཡི་འཕྲིན་ལས་ཡིན། །གསུང་གི་འདུལ་བ་ཆོས་ཉིད་སྒྲ། །དབྱངས་དང་ཚིག་དང་དོན་གྱི་གསུང་། །སྔགས་དང་ཐེག་པ་ཆེ་ཆུང་གསུང་། །ཚིག་བཤད་ལྷུག་པ་སྙན་ངག་དང་། །ལྷ་མི་དུད་འགྲོ་ལ་སོགས་པའི། །འདོད་པའི་གཏམ་སོགས་བརྗོད་འདས་ཀྱིས། །ཚུལ་གྱི་ཁྱབ་པར་ཀུན་དོན་འབྱུང་། །ཡི་གེའི་གཟུགས་དང་རོལ་མོའི་སྒྲ། །འབྱུང་བ་སོ་སོའི་རྒྱུ་རྐྱེན་གྱིས། །བེམ་པོའི་སྒྲ་ཡི་དོན་རྣམས་འབྱུང་། །རྡོ་རྗེ་གསུང་གི་འཕྲིན་ལས་ཏེ། །ཐུགས་ཀྱི་འདུལ་བ་རང་འབྱུང་གིས། །ཡེ་ཤེས་ཉམས་རྟོགས་ཤེས་རབ་དང་། །ཏིང་ངེ་འཛིན་དང་སྤོབས་པ་དང་། །དད་མོས་སྙིང་རྗེ་སྐྱོ་ཤས་ཀྱིས། །ངེས་འབྱུང་བསམ་པ་ལེགས་པོ་ཡི། །རྒྱུད་ལ་སྐྱེས་པའི་ཚུལ་གྱིས་འབྱུང་། །བརྡ་བསྟན་རྟགས་མཐོང་བསླབ་པ་དང་། །གང་གི་ཡིད་བྱེད་མཐར་ཕྱིན་པས། །སེམས་ཅན་རྣམས་ཀྱི་ཡིད་ཚིམ་དང་། །བྱང་ཆུབ་ས་ལམ་ཡོན་ཏན་དང་། །རིགས་འཛིན་ཉམས་རྟགས་བརྟུལ་ཞུགས་དང་། །སྐུ་གསུམ་མངོན་གྱུར་སངས་རྒྱས་པ། །རྒྱལ་བ་ཐུགས་ཀྱི་འཕྲིན་ལས་ཡིན། །དོན་དམ་ཀུན་རྫོབ་འཁོར་འདས་ཀྱི། །དགེ་སྡིག་རྒྱུ་འབྲས་བདེ་སྡུག་དང་། །འཁྲུལ་གྲོལ་གཞི་ལམ་འབྲས་གསུམ་རྣམས། །མ་འདྲེས་ཐ་དད་མ་ཡིན་པར། །ཐམས་ཅད་མཁྱེན་པའི་ཡེ་ཤེས་ཀྱིས། །ཐམས་ཅད་ཀུན་གྱི་དོན་འགྲུབ་པས། །རྣམ་མཁྱེན་སངས་རྒྱས་འཕྲིན་ལས་ལ། །ཐོགས་པ་མ་མཆིས་རྩོལ་སྒྲུབ་བྲལ། །ལྷུན་གྲུབ་འགྱུར་མེད་ཀུན་ཏུ་བཟང་། །ཐམས་ཅད་ཐམས་ཅད་ཁྱོད་ལ་འདུད། །འབྲས་བུ་དྲི་མེད་ཐམས་ཅད་མཁྱེན་པའི་ལེའུ་སྟེ་བརྒྱད་པའོ།། །།ཐོགས་མེད་དངོས་པོའི་ཆོས་ཉིད་དེ། །སྤྲིན་མེད་ནམ་མཁའི་དབྱིངས་བཞིན་དུ། །སྟོང་གསལ་ཅི་ཡང་གྲུབ་མེད་ལ། །རང་མདངས་འགག་པ་མེད་པའི་འོད། །རང་ངོ་མ་ཤེས་སྤྲིན་བཞིན་བྱུང་། །དེ་ལ་གཟུང་འཛིན་གཉིས་སྣང་སྐྱེས། །བར་སྣང་བུ་ཡུག་ཚུབ་མ་བཞིན། །ཉོན་མོངས་སྣ་ཚོགས་སེམས་དཀྲུགས་ནས། །མ་རིག་འཁོར་བར་འཁྱམས་པ་ཡིན། །སེམས་ཅན་སངས་རྒྱས་ཡིན་གྱུར་ཀྱང་། །རང་ངོ་མ་ཤེས་བུ་ཆུང་བཞིན། །རང་བཞིན་གཉིས་ཀ་མི་རིགས་ལ། །ཕ་མས་བསྐྱངས་པས་སེམས་རྙེད་བཞིན། །བླ་མའི་དྲིན་གྱིས་རང་སེམས་རྟོགས། །ཐབས་ཤེས་ཚོགས་གཉིས་ཡོན་ཏན་སྐྱེད། །བུ་ཆུང་ཆེ་མིར་རྩལ་རྫོགས་ནས། །རང་དང་གཞན་གཉིས་སྐྱོང་བ་བཞིན། །ཆོས་ཉིད་བདེན་པའི་རང་རྩལ་རྫོགས། །རིག་པ་སྐུ་གསུམ་ལྕེར་བུར་འགྱུར། །འགྱུར་མེད་ཡེ་ཤེས་རང་ས་ཡིན། །ཆོས་སྐུ་དྲི་མེད་རྣམ་དག་དེ། །དཔེར་ན་ནོར་བུ་རང་གསལ་བཞིན། །རང་སྣང་བདེ་བར་རང་ལོངས་སྤྱོད། །ནོར་བུ་འོད་ཆེར་གཞན་ལ་ཕོག །གཞན་གྱི་ཁ་དོག་རྐྱེན་གྱིས་འགྱུར། །དེ་བཞིན་རང་སྣང་འགག་མེད་ཀྱིས། །ཐུགས་རྗེ་གཞན་དང་འབྲལ་མེད་པ། །སྤྲུལ་པའི་སྐུ་ནི་འགྲོ་དོན་འབྱུང་། །འགྲོ་བ་རང་རང་རྟོག་པ་དང་། །མཐུན་པའི་ཆོས་སྐུ་སྤྲུལ་སྐུ་སྲ །སྣ་ཚོགས་དེར་འབྱོན་དོན་མཛད་ཀྱང་། །དྲི་མེད་ཆོས་ཀྱི་དབྱིངས་དཀྱིལ་ན། །སྐད་ཅིག་མི་གཡོ་ནམ་མཁའ་བཞིན། །ཀུན་ལ་ཁྱབ་པའི་སངས་རྒྱས་དེ། །དཔེར་ན་རྒྱལ་བུ་རྒྱལ་རིགས་བཞིན། །གདོད་ནས་སངས་རྒྱས་ཡིན་གྱུར་ཀྱང་། །རྒྱལ་རིགས་རྒྱལ་པོ་རྐང་འཁྱམས་བཞིན། །སངས་རྒྱས་མ་རིག་སེམས་ཅན་ལྒབྲུལ། །རྒྱལ་པོར་ངོ་ཤེས་རྒྱལ་སར་སྟོན། །རང་རིག་རྟོགས་པས་རྫོགས་སངས་རྒྱས། །རྒྱལ་བུ་རྒྱལ་རིགས་དབང་བྱེད་ལྟ། །སྐུ་གསུམ་ཐམས་ཅད་མཁྱེན་པ་ཡིས། །བདག་གཞན་དོན་གཉིས་འཕྲིན་ལས་མཛད། །དེ་ཉིད་རྩོལ་མེད་ལྷུན་གྲུབ་དེ། །གསེར་དང་སེར་པོ་གཟུགས་དང་གསུམ། །དབྱེ་ཡང་དོན་ལ་གསེར་དུ་གཅིག །དེ་བཞིན་ངོ་བོ་ཆོས་སྐུ་དང་། །རང་བཞིན་བདེ་ཆེན་ལོངས་སྤྱོད་རྫོགས། །ཐུགས་རྗེས་སྤྲུལ་པའི་སྐུ་དང་གསུམ། །མིང་ལ་སོ་སོར་བརྟགས་གྱུར་ཀྱང་། །སྐད་ཅིག་དབྱེར་མེད་ལྷན་ཅིག་སྐྱེས། །ཡང་དག་ཡེ་ཤེས་འགྱུར་མེད་པར། །ཐམས་ཅད་ཀུན་མཁྱེན་ལྷུན་གྱིས་གྲུབ། །ཀུན་ཏུ་བཟང་པོ་ཀུན་བདག་ཉིད། །རྣམ་པར་སྣང་མཛད་གང་ཆེན་མཚོ། །ཐུབ་པ་ཆེན་པོ་ཆོས་ཀྱི་རྒྱལ། །རྫོགས་སངས་རྒྱས་དང་དེ་ཡི་སྲས། །ཐམས་ཅད་མཁྱེན་ལ་ཕྱག་འཚལ་བསྟོད། །འཇུག་བསྡུས་དཔེའི་དོན་གྱི་ལེའུ་སྟེ་དགུ་པའོ།། །།གནས་ལུགས་འོད་གསལ་ཆོས་ཀྱི་དབྱིངས། །ཇིབཞིནརིགཔསྐུགསུམ་ལ། །མ་རིག་ལྒབྲུལ་པས་གོལ་བ་སྟེ། །རང་ངོ་མ་ཤེས་སྒྲིབ་པ་ཡིན། །རང་ཤེས་འདོད་པའི་ཐེག་པ་ཀུན། །འོག་མས་གོང་མའི་ཡོན་ཏན་དེ། །མ་མཐོང་རྩོད་པ་སྒྲིབ་པ་དེ། །གོང་མས་འོག་མའི་ཐེག་པ་ཡི། །གནས་ལུགས་མི་ཤེས་སྣན་ན་གོལ། །གོལ་སྒྲིབ་མ་དག་འཁོར་བ་ལས། །མྱ་ངན་འདས་པ་མི་རྟོགས་པས། །རིག་པ་དྲེ་མེད་གཏན་ལ་ཕོབ། །ཆོས་ཉིད་རིག་པ་ཁྱབ་བརྡལ་ཡང་། །ང་དང་བདག་ཏུ་བཟུང་བ་ཡིས། །བཟུང་བའི་ཡུལ་ལ་འཛིན་པའི་སེམས། །གཉིས་འཛིན་རྟོག་པས་སེམས་ཅན་ཞབྲུལ། །རང་སེམས་རྟོགས་ན་འཁོར་མཐའ་ཆོད། །ཞབྲུལ་པ་མེད་ན་སངས་རྒྱས་ཡིན། །སྐྱེ་འགག་མེད་པའི་ཆོས་ཉིད་དེ། །རྟག་ཆད་ཕྱོགས་ཆར་བཟུང་བ་ཡིས། །ཕྱིན་ཅི་ལོག་ཏུ་རང་སྣང་འཁྲུལ། །ཡང་དག་དོན་ལ་གོལ་ཞིང་སྒྲིབ། །ལྟ་སྤྱོད་ནོར་པས་མནར་མེད་ལྟུང་། །གནས་ལུགས་རྟོགས་ན་འཇིག་རྟེན་འདས། །སྣང་བ་སེམས་ཀྱི་རང་གཟུགས་ལ། །གཟུང་ཡུལ་སྤོང་བའི་འཛིན་སེམས་འཁྲུལ། །སྟོང་ཉིད་བསྒོམ་པས་འོད་གསལ་བསྒྲིབས། །ཉོན་མོངས་སྤོང་བའི་ཡེ་ཤེས་མེད། །གཟུང་འཛིན་གྲོལ་ན་ཐེག་ཆེན་ཡིན། །སྣང་སྟོང་གཉིས་མེད་ཡེ་ཤེས་ལ། །གཟུང་ཡུལ་མི་དམིགས་འཛིན་སེམས་དང་། །རྣམ་རྟོག་བཀག་པའི་མི་རྟོག་ཞབྲུལ། །རང་རིག་སེམས་སུ་མ་མཐོང་བསྒྲིབས། །གཉིས་མེད་རྟོགས་ན་ཡེ་ཤེས་འཆར། །རིག་པ་ཕྱོགས་མེད་ཐང་ཡན་ལ། ཁམས་གསུམ་སེམས་སུ་འདོད་པ་འཁྲུལ། །སེམས་དང་སེམས་བྱུང་གཉིས་མེད་གསུམ། །མཐའ་དང་བྲལ་བ་མ་མཐོང་བསྒྲིབས། །བདེན་གཉིས་རྟོགས་ན་གོལ་ས་ཆོད། །ཆོས་ཉིད་རིག་པ་མངོན་སུམ་ལ། །ཀུན་རྫོབ་དོན་དམ་མི་དམིགས་པའི། །སྟོང་ཉིད་བསྒོམས་པའི་དབུ་མ་འཁྲུལ། །སྔོན་སུམ་དོན་གྱི་གནས་ལུགས་བསྒྲིབས། །ཐབས་ཀྱིས་ཟིན་ན་སྔོན་སངས་རྒྱས། །དོན་དམ་མཚན་མ་མེད་པ་ལ། །མཚན་བཅས་ལྷ་རུ་ལྟས་པས་འཁྲུལ། །དམིགས་མེད་རང་གསལ་མ་མཐོང་བསྒྲིབས། །རང་སྣང་དག་ནི་སྐུ་རུ་འགྱུར། །རིག་པ་སྐྱེ་མེད་སྤྲོས་བྲལ་ལ། །སྤྲོས་པའི་གཟུགས་བརྙན་སྣ་ཚོགས་ཀུན། །བསྐྱེད་རིམ་བསྒོམ་པ་ རྣལ་འབྱོར་འཁྲུལ། །རང་སྣང་སྐུ་རུ་མ་མཐོང་བསྒྲིབས། །གཉིས་ཀའི་ལྟ་སྤྱོད་གོལ་སྒྲིབ་ཅན། །གཉིས་འཛིན་བྲལ་བའི་སེམས་ལ་ལྟོས། །ཡེ་ཤེས་རིག་པ་ངོ་མཚར་ཆེ། །མི་གནས་ཟུང་འཇུག་ཆོས་སྐུ་ལ། །ཐབས་ཤེས་སྦྱོར་པོའི་བསྐྱེད་རིམ་འཁྲུལ། །ལྷན་སྐྱེས་ཡེ་ཤེས་མ་མཐོང་བསྒྲིབས། །མ་བསྐྱེད་རྫོགས་པ་ཆེན་པོ་དེ། །རྟོགས་པར་འདོད་ན་ཇི་བཞིན་ཞོག །དབྱིངས་དང་རིག་པ་གཉིས་མེད་ལ། །བསྐྱེད་རྫོགས་སྒོམ་པའི་རྣལ་འབྱོར་འཁྲུལ། །མ་བཅོས་ལྷུན་གྲུབ་མ་མཐོང་བསྒྲིབས། །རང་འབྱུང་ཡེ་ཤེས་མ་རྟོགས་གོལ། །འཁོར་འདས་མ་ལུས་རྫོགས་པ་ཆེ། །རིན་ཆེན་གླིང་ན་རྡོ་མེད་བཞིན། །ཐམས་ཅད་སངས་རྒྱས་མ་ཡིན་པ། །གཅིག་ཀྱང་ཡོད་པར་ངས་མ་མཐོང་། །གོལ་ས་གོལ་རྒྱུའི་སྒྲིབ་པ་ཡང་། །ཆོས་ཉིད་ངང་ལས་མ་འདས་པས། །ཆོས་སྐུའི་རོལ་པ་ཆེན་པོ་ཡིན། །དེ་ཉིད་མ་རྟོགས་རྡུལ་ཙམ་མེད། །ཐམས་ཅད་རང་འབྱུང་ལྷུན་གྲུབ་ལ། །བཅོས་མ་མེད་པའི་ངང་ལ་ཞོག །གཉིས་སུ་མེད་པའི་དོན་ལ་ལྟོས། །རྩོལ་བ་མེད་པའི་ཡེ་ཤེས་སྒོད། །རྣམ་པར་དག་པའི་འབྲས་བུའོ། །གོལ་སྒྲིབ་མཐའ་གཅོད་ཀྱི་ལེའུ་སྟེ་བཅུ་པའོ།། །།རྒྱལ་བ་ཐམས་ཅད་མཁྱེན་པ་ཡི། །ཇི་ལྟར་མོས་པ་ཐ་དད་ལ། །འཁྲིད་པར་བྱ་བའི་ཐབས་ཙམ་དུ། །ཐེག་པ་དཔག་་མེད་བསྟན་པ་ཡང་། །ལམ་ལ་འཁྲིད་པའི་ཐབས་སུ་ཟད། །རྡོ་རྗེའི་ཐེག་པ་ངེས་པའི་དོན། །ནམ་མཁའ་ལྟ་བུར་ཁྱབ་པ་ལ། །ཕྱོགས་བཅུའི་སངས་རྒྱས་ཀུན་འདུས་ནས། །བཀའ་སྒྲོས་སྙིང་པོའི་རྒྱུད་འདི་གསུངས། །གསཇེ་བའི་བདག་པོ་ཉིད་ལ་གཏད། །རྒྱུད་ཆེན་གསང་བ་ཡོངས་རྫོགས་འདི། །འཁོར་བ་དང་ནི་མྱ་ངན་འདས། །གཉིས་སུ་མ་ཡིན་ཐ་དད་མིན། །དེ་བཞིན་ཉིད་དུ་ངེས་པའི་དོན། །ཐེག་པ་མ་ལུས་འདིར་འདུས་ཤིང་། །རྒྱལ་བའི་དགོངས་པ་འདུས་པའི་བཅུད། །ཡིད་བཞིན་ནོར་བུ་ཆེན་པོ་འདི། །གང་ཞིག་ཉི་མའི་དཀྱིལ་འཁོར་དེས། །མུན་པ་མ་ལུས་སེལ་བ་དང་། །སྣང་གསལ་འོད་ཀྱིས་ཀུན་གསལ་བཞིན། །ཡང་དག་རྒྱུད་འདི་སུས་མཐོང་བ། །ཞབྲུལ་དང་མ་འཁྲུལ་རྣམ་རྟོག་གི །སྒྲིབ་པའི་ཚོགས་རྣམས་རང་སར་དག །དུས་གསུམ་ཀུན་མཁྱེན་ཡེ་ཤེས་ནི། །ཕྱི་དུས་མ་ཡིན་ད་ལྟར་དུ། །མཐོང་བས་གྲོལ་ཏེ་མངོན་སངས་རྒྱས། །སེམས་ཅན་རྟོག་པ་ཐ་དད་ལ། །རྒྱལ་བའི་གསུང་ཡང་དེ་བཞིན་ཏེ། །ཚིག་གི་རྒྱ་མཚོ་མཐའ་ཡས་ཀྱང་། །ཚིག་འབྲུ་ཐ་དད་དོན་གཅིག་སྟེ། །ཚིག་གཅིག་རྣམ་པར་རྟོགས་ན་ནི། །དེ་དག་ཐམས་ཅད་རྟོགས་དང་འདྲ། །རྒྱལ་བའི་གསུང་དབྱངས་གཅིག་ལས་སུ། །ཆོས་ཀྱི་སྒོ་མོ་ཐམས་ཅད་བྱུང་། །དེ་རྣམས་འདི་ཉིད་དོན་ལ་འདུས། །ཐོས་པས་གྲོལ་ཏེ་བྱང་ཆུབ་ཐོབ། །ཐོས་པ་རང་རིག་ཡེ་ཤེས་ཡིན། །དཔག་བསམ་ཤིང་གི་ཡལ་ག་དེ། །གཅིག་ཤེས་སྡོང་པོ་ཀུན་ཤེས་བཞིན། །རྒྱུ་འདིའི་དོན་ཤེས་གང་དྲན་ཀུན། །དག་པ་ཡེ་ཤེས་བདེ་ཆེན་གྱིས། །དྲི་མེད་ཆོས་སྐུ་མ་རྟོགས་པ། །གཞན་མེད་རང་བྱུང་ལྷུན་གྲུབ་ལ། །སྐུ་གསུམ་འབྲས་བུ་རྩོལ་མེད་འབྱུང་། །དྲན་པས་འཁོར་འདས་ཀུན་དོན་འགྲུབ། །རི་རྒྱལ་ལྷུན་པོའི་རྩེ་ནོན་ན། །རི་བོ་རི་ཕྲན་གླིང་ཀུན་ནོན། །དེ་བཞིན་ཡེ་ཤེས་བླ་མའི་ས། །རིག་པ་སྐུ་གསུམ་ལྷུན་གྲུབ་ཀྱིས། །རྒྱུད་འདིའི་དོན་དང་སུ་འཕྲད་པ། །ཐེག་པ་ཀུན་དོན་ཆོས་ཀྱིས་དོན། །ས་ལམ་མ་ལུས་དུས་གཅིག་ཏུ། །བགྲོད་མི་དགོས་པར་ཀུན་ཏུ་ནོན། །རྫོགས་པའི་སངས་རྒྱས་ས་གཅིག་ལ། །མང་པོར་བགྲོད་ཀྱང་དོན་གཅིག་འབབས། །ཆུ་བྲན་རྒྱ་མཚོར་བསླེབ་དང་མཚུངས། །རྒྱལ་པོ་རང་གི་ཡུལ་ནས་སུ། །མ་འཕགས་ཕྱོགས་ཀུན་དབང་བསྒྱུར་ལྟར། །དེབཞིནསངསརྒྱསཐམས་ཅད་ཀྱིས། ཁུད་ཀྱི་དགོངས་པ་ངེས་དོན་འདི། །གདོད་ནས་སྐུ་གསུམ་ལྷུན་གྲུབ་ཀྱིས། །ས་ལམ་མ་གཡས་འཁར་འདས་ཡས། །དན་ཀུན་མཉམ་པ་ཉད་དུ་བྱད། །ཕྱགས་ ད་རྣམ་པར་རྒྱལ་བ་ཡ། །ཐམས་ཅད་སངས་རྒྱས་མཛད་པ་ཡན། །དེ་ཕྱར་གསང་བའི་རྒྱུད་ཆེན་འདི། །མཐོང་ཐོས་དྲན་རེག་འགྲོ་བ་ཀུན། །དམན་པའི་ལུས་ལ་རྒྱལ་བའི་སྐུ། །དབང་བསྐུར་དམ་པ་སྔོན་དུ་འགྱུར། །དུས་གསུམ་སངས་རྒྱས་ཀུན་སྒྲོས་པས། །འདི་ལས་ལྷག་པའི་དོན་མ་རྙེད། །མ་བྱུང་མི་འབྱུང་འབྱུང་མི་འགྱུར། །འདི་ཡོད་འགྲོ་བ་སངས་རྒྱས་ཡིན། །སྟོན་པས་ཆོས་འདི་ལུང་བསྟན་པ། །དཔེར་ན་ཉི་མས་ཀུན་སྣང་ཡང་། །དམུས་ལོང་མིག་གིས་མི་མཐོང་བ། །མིག་ལྡན་ཐམས་ཅད་མཐོང་འགྱུར་ཞིང་། །རྒྱུད་འདི་འཇིག་རྟེན་ཀུན་ཁྱབ་ཀྱང་། །བློ་དམན་རྣམས་ཀྱིས་མ་རྟོགས་པས། །ཀུན་གྱིས་རྟོགས་ཕྱིར་གསང་བའི་རྒྱུད། །རྡོ་རྗེ་སྙིང་པོ་ཁྱོད་ཀྱིས་ཟུང་། །ནམ་མཁའ་ལྟ་བུའི་ཆོས་ཉིད་ལས། །ཉི་མའི་སྙིང་པོ་བཞིན་དུ་བསྡུས། །འོད་ཀྱིས་ཀུན་ལ་ཁྱབ་པ་ཡི། །རྩེ་གཅིག་མ་རིག་མུན་ཚོགས་སེལ། །དག་པའི་ཡེ་ཤེས་འོད་གསལ་བ། །མངོན་པར་རྟོགས་ཕྱིར་དགའ་ལྡན་དང་། །འཛམ་གླིང་ཨོ་རྒྱན་ཡུལ་དུ་དར། །བྱས་བཅོས་ཆོས་ཉིད་ཉམས་པའི་དུས། ཁྱག་པ་ཆུ་འཁྱགས་ཡུལ་དུ་འབྱུང་། །ཚེ་ལོ་བཅུ་པའི་བར་དུ་གནས། །ཡི་གེ་འདི་ཡི་ཕྱི་མོ་རྣམས། །ཨོ་རྒྱན་མཁའ་འགྲོའི་གནས་སུ་འཛིན། །ལན་ཅིག་དུས་ཀྱི་ཐ་མ་ལ། །སྐལ་པ་ལྡན་པས་མཐོང་བ་སྲིད། །ནམ་མཁའི་དབྱིངས་ལ་ཡལ་ཡང་འགྲོ། །རྒྱལ་སྲས་ཕྱི་རབས་རྗེས་འཇུག་གོ །དམན་པས་རྒྱལ་བའི་དོན་འདོད་རྣམས། །སྐལ་བ་ལྡན་པས་ལས་འཕྲོ་འཐུད། །བྱང་ཆུབ་དོན་དུ་གཉེར་བ་ཡི། །བླ་མ་ལ་གུས་སྙིང་རྗེ་ཆེ། །དམ་ཚིག་ལ་གནས་ཤེས་རྒྱུད་དག ཁྲེས་རབ་རིག་རྩལ་ལྡན་ལ་གཏད། །མི་ཤེས་རྨོངས་པ་ཕྱིན་ཅི་ལོག །སྐལ་མེད་ལོག་ལྟའི་སྒྲིབ་པ་བཅིངས། །བསྟན་པའི་རུ་དྲ་ཉམས་པའི་རིགས། །ཆོས་སྐལ་ཆད་ལ་གསང་རྒྱས་གདབ། །འདི་ནི་གསང་ཆེན་ངེས་པའི་བཀའ། །ཞེས་ནི་སྟོན་པས་བཀའ་སྩལ་པས། །དེ་འཁོར་རིགས་ཅན་རང་གི་ཚོགས། །རྗེས་སུ་ཡི་རང་ཆོས་ཉིད་དང་། །མཚོ་ལ་ཁ་བ་བབས་པ་བཞིན། །རང་རང་ཐད་ཁར་རང་བབས་སུ། །དབྱེར་མེད་བདེ་བ་ཆེན་པོར་གྲོལ། །སྟོན་པའི་གསུང་ལ་མངོན་པར་བསྟོད། །ཨེ་མ་ཐམས་ཅད་མཁྱེན་པའི་རྗེ། །དེ་བཞིན་གཤེགས་པ་ཀུན་གྱི་གནས། །སངས་རྒྱས་མ་ལུས་སྐྱེད་པའི་སྐུ། །ཚངས་པའི་གསུང་མཆོག་སེང་གེ་སྒྲ། །མ་ལུས་ཀུན་མཁྱེན་དེ་བཞིན་ཐུགས། །ཆེ་མཆོག་ཡོན་ཏན་ཀུན་གྱི་དཔལ། །འཕྲིན་ལས་ཐོགས་མེད་མེ་ལོང་གསལ། །འཁོར་འདས་ཐེག་ཀུན་གསལ་བར་སྟོན། །ཟབ་དང་རྒྱ་ཆེ་ཀུན་གྱི་བཅུད། །རྨད་བྱུང་ངོ་མཚར་སྙིང་པོ་རྒྱུད། །སངས་རྒྱས་བསྟན་པའི་སྤྱི་མེས་པོ། །ཀུན་ཏུ་བཟང་པོ་ཁྱོད་ལ་བསྟོད། །ཅེས་ངེས་པ་དམ་པར་བསྟོད་དོ། །ཡོངས་སུ་གཏད་པ་རྗེས་སུ་ཡི་རང་བའི་ལེའུ་སྟེ་བཅུ་གཅིག་པའོ།། །།དེ་ནས་འཁོར་ཐམས་ཅད་ཅི་ལ་ཡང་མི་དམིགས་པའི་ངང་ནས། ཀུན་ཏུ་གསལ་བར་བསྟན་ཏེ། ཁྱད་པར་ལྷའི་འཇིག་རྟེན་དུ་གྲགས་ཤིང་། །ཨོ་རྒྱན་གནས་ནས་ཀུན་སྨིན་ཅིང་གྲོལ་བར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་སྙིང་པོ་དེ་ཁོ་ན་ཉིད་ངེས་པ། ཡེ་ཤེས་མཆོག་གི་རྒྱུད་ཆེན་པོ། གསང་བ་ཡོངས་རྫོགས་ཞེས་བྱ་བ་རྫོགས་སོ།། །།ཨོ་རྒྱན་གྱི་པན་ཞི་ཏ་ཆེན་པོ་པདྨ་འབྱུང་གནས་ཀྱིས། ཨོ་རྒྱན་དང་། རྒྱ་གར་དབུས་ཀྱི་སྐད་ལས། རྡོ་རྗེ་གདན་དུ་རང་འགྱུར་མཛད། དེ་ནས་བོད་ཡུལ་ལྷ་ས་འཕྲུལ་སྣང་གི་གཙུག་ལག་ཁང་དུ། མངའ་བདག་རྗེ་བློན་གསུམ་ལ་དོན་རྒྱུད་གནང་ནས། ཚིག་བརྒྱུད་དོན་གྱི་དཔེའི་ཡི་གེ་ཕྱི་མོ། །དྷ་ཀིའི་གནས་ནས་བླངས་ཏེ་བྲིས་ནས། ཕྱི་རབས་དོན་དུ་གཙུག་ལག་ཁང་དེ་ཉིད་དུ་གཏེར་དུ་སྦས་སོ། །སྐལ་ལྡན་ལས་ཅན་ཅིག་དང་ཕྲད་པར་ཤོག ཆ།སླཡིདྷདྭཏྲ། ཏྲ། ཏ་མ་ད་ན་གྱ། ས་མ་ཡ། རྒྱ་རྒྱ་རྒྱ། ཨེ་མ་ཆོས་དབྱིངས་ནམ་མཁའི་དཀྱིལ་འཁོར་ནས། །རྒྱུད་སྡེ་སྐར་ཚོགས་རྣམས་ཀྱི་མཆོག །སྙིང་པོ་ཉི་ཟླ་ལྟ་བུ་འདི། །བདག་འདྲ་པདྨ་འབྱུང་གནས་ཀྱིས། །ཕྱི་རབས་དུས་ཀྱི་ལྔ་བརྒྱ་ལ། །མཚན་ཉིད་སྡེ་ཆོས་སྔགས་སྡེ་དར་དུས་སུ། །ཚིག་ལ་དྲེད་ཅིང་དོན་ལ་རྨོངས་པ་ཡི། །དར་ལ་མ་སྨིན་གྲོང་བསྙེན་བྱེད་དུས་སུ། །ཕན་པར་བྱ་ཕྱིར་རྒྱལ་བས་ལུང་བསྟན་ནས། །དྷ་ཀིའི་ལག་ནས་དཔེ་བླངས་གཏེར་དུ་སྦས། །དོན་གྱི་ཤེས་རབ་བློ་ལྡན་སྙིང་རྗེ་ཅན། །ཆོས་སམ་རད་ནའི་མིང་ཅན་ལས་ལྡན་དང་། །རྒྱལ་བའི་དགོངས་པ་འདི་ཉིད་འཔྲད་པར་ཤོག །དཔེ་རྙིང་མི་ལ་མ་བསྟན་གཏེར་དུ་སྦས། །དམ་ཅན་ཚོགས་ཀྱིས་བཀའ་འདི་ཐུབ་པར་སྲུངས། །གཏད་རྒྱ། ཊ་རྒྱ་རྒཀྟ། གཏེར་རྒྱ། རྡ། ཌ། ཆ་ཉ། སྦས་རྒྱ། ཤགྱེ། ཐད། གསང་རྒྱ། དྷ་ལ་ཌཥ་དབང་རྒྱ། ཊ་ཉྭ་གྭ་ཊ་ཥ་ཐ་ཁྲ ཁ་ཐ༷། ཥཐ། ཨེ་མ་བདག་ང ཆེ ང ང ང ་ མེ སྡེང སྙི ་འི་ ་ ཏེ ་ ང ་ སེ ་ སེ ་ ་ ་འདྲ་རན་ ན་གླང་པ་ཡས། །རྒྱལ་བའ་དགངས་པ་བླ་ན་ ད། །རྒྱུད་ འ་མཐར་ཐུག་ ང་པ ་དན། །ཨ་རྒྱན་ལུང་བསྟན་ག ར་ནས་བཏན། །མ་ཡག་ཤག་ ར་དངས་ལ་བཤུས། ། མས་ཅན་དན་དུ་དགངས་པལ། །གཞན་གྱིས་རང་འདོད་མ་ཡིན་པས། །བླ་མ་དྷ་ཀིའི་ཚོགས་རྣམས་ཀྱིས། །བཀའ་ཆད་མ་མཛད་བྱིན་གྱིས་རློབས། །འདི་ཉིད་ཉམས་ལེན་རིགས་འཛིན་གྱིས། །གཙོ་བྱས་མཁའ་མཉམ་འགྲོ་བ་ཀུན། །མཁྱེན་གཉིས་ཡོན་ཏན་མྱུར་ཐོབ་ཤོག །ས་མ་ཡ། པ་ཐུ། རྒྱ་རྒྱ་རྒྱ། སྒྱུ་རྒྱ། ཤོག་སེར་ཚའོ།། །།

Ngb-pt-0572-vol-06-text

Front[edit]

Body[edit]

Navigation menu

Search