Ngb-pt-0503-vol-06-text
Front
Body
ན། །དུས་གསུམ་འདུ་འབྲལ་མེད་པར་བཞུགས་པ་ལ། །གནས་དབྱེན་པ་དང་མི་དབྱེན་པ་གཉིས་སུ་མེད། །ཆོས་ཀྱི་སྐུ་བདེ་བ་ཆེན་པོའི་ངང་ནས། །ཡེ་ཤེས་ཀྱི་རྩལ་མ་འདྲེས་པས་སོ་སོར་གསལ་བས་ནི། །རྒྱ་མཚོ་ལ་གཟའ་སྐར་ཤར་བ་ལྟ་བུའོ། །ཞེས་སྟོན་པ་བཅོམ་ལྡན་འདས་ཀྱིས་གསུངས་ནས་མི་སྣང་བར་གཤེགས་སོ། །འཕགས་པ་གསང་སྔགས་ཆེན་པོ་བསམ་གྱིས་མི་ཁྱབ་པར་བསྟན་པའི་མདོ་ལས། །རྒྱ་མཚོ་ལ་གཟའ་སྐར་ཤར་བའི་ལེའུ་སྟེ་དྲུག་པའོ། །བྱང་ཆུབ་ཀྱི་སེམས་ཏིང་ངེ་འཛིན་དྲུག་པ་ཞེས་ཀྱང་བྱ། །མན་ངག་གི་དགོངས་པ་ལ་བཟླ་ཞེས་ཀྱང་བྱའོ། །འཕགས་པ་གསང་སྔགས་ཆེན་པོ་བསམ་གྱིས་མི་ཁྱབ་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ། །རྒྱ་གར་གྱི་མཁན་པོ་བི་མ་ལ་མི་ཏྲ་དང་། །བོད་ཀྱི་ལོ་སྣྲོ་བ་གཉགས་ཙྭ་ན་ཀུ་མ་རས་བསྒྱུར་ཅིང་ཞུས་ཏེ་གཏན་ལ་ཕབ། སླད་ཀྱིས་ཨ་ཙབྱ་བི་རོ་ཙ་ན་དང་། སྣུབས་སངས་རྒྱས་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ། ༣།། །་་རྩོསྩ་ལྒ། །སངས་རྒྱས་འདུས་པ་མན་ངག་གི་རྒྱུད་ཅེས་བྱ་བ། ཎ་མོཏ་བྷ་རི། དཔག་བསམ་གྱི་ལྗོན་ཤིང་ལ། གཡུ་ཡི་བྱ་ཁུ་བྱུག་སྒྲ་སྒྲོག་པའི་མན་ངག །བཅོམ་ལྡན་འདས་བདུད་རྩི་ཡེ་ཤེས་ཀྱི་སྙིང་པོ་ལ་ཕྱག་འཚལ་ལོ། །བདག་མེད་ཤེས་རབ་འོད་གསལ་བ། །མཁའ་ལྟར་དངོས་མེད་ཡེ་ཤེས་སྐུ། །མི་བསྐྱོད་རྡོ་རྗེ་བྱང་ཆུབ་སེམས། །འགྲོ་མགོན་རྡོ་རྗེ་སེམས་དཔར་བཤད། །རྡོ་རྗེ་སེམས་དཔས་ཡེ་ཤེས་རང་བྱུང་དུ་བསྟན་པའི་ལེའུ་སྟེ་དང་པོའོ། །མྱསྟཡརྒྱཎར། བཛྲ་ཨཎ་རྙོ་སུ་ཟྭ་རྟི། རང་སྣང་གི་ནམ་མཁའ་ལ་གསེར་གྱི་བྱ་ཁྱུང་ལྡིང་བའི་མན་ངག །སྤྲོས་མེད་རང་བཞིན་འོད་གསལ་བ། །སངཤཱ་རྒྱས་ཀུན་གྱི་འབྱུང་གནས་ཏེ། །ནམ་མཁའ་ལ་ནི་སྒྲོན་མ་བཞིན། །གཅིག་ཏུ་རབ་ཏུ་ཆེ་བའི་ལྷ། །རྨོངས་པའི་མུན་པ་སེལ་བའི་འོང་། །བདག་ཉིད་ཀུན་ཏུ་གྲགས་པའི་སྐུ། །རྒྱ་མཚོ་གཏིང་གི་ལྷོས་འགྲོ་བ། གང་ལ་ཡིད་ཀྱིས་རྒྱུག་པ་བཞིན། ཁྲེ་རབ་ཡིད་ཀྱི་རྡུང་གཅོད་པ། །མ་བསྐྱོད་མཁའ་ལ་དེ་བཞིན་གཤེགས། །གནས་མེད་གནས་ལ་འོང་གསལ་བ། ཡེ་ཤེས་སྐུ་དེ་རང་སྣང་ངོ་། །དོན་ལ་ངེས་པའི་ལུང་བསྟན་པ། །རྟོག་པའི་སྨྲ་བསམ་ཡུལ་ལས་འདས། །ཟག་པ་མེད་པའི་ཡེ་ཤེས་རང་སྣང་བའི་ལེའུ་སྟེ་གཉིས་པའོ། །ཨཧུ་ས་སྨཧི་རྟི་བཱ་ར་རྡི། ལྷུན་པོའི་རྩེ་ནས་རིན་པོ་ཆེ་གསེར་གྱི་ཉི་མ་སྟོང་འཕྲོ་བའི་མན་ངག །རྣམ་དག་རྡོ་རྗེའི་རྩེ་མོ་ལ། །རང་བྱུང་ཡེ་ཤེས་འོད་གསལ་བ། །དགའ་བོ་གཙུག་གི་ནོར་བུ་ལྟར། །ཡོན་ཏན་ཐམས་ཅད་འབྱུང་བ་ནི། །ནམ་མཁའི་སྤྲིན་དང་ཆར་གྱི་ཆུ། །གཞལ་ཡས་རིན་ཆེན་རྩེ་མོ་ནས། །མི་བསྐྱོད་རྡོ་རྗེ་སེམས་དཔའི་སྐུ། །བགྲོད་མེད་རྣམ་པར་གྲོལ་བའི་ལམ་སྟོན་པ། །སྣང་བ་མཐའ་ཡས་སྤྲུལ་སྐུ་བྱང་ཆུབ་སེམས། །ཉི་མ་འབུམ་གྱིས་འོད་ཟེར་རབ་སྣང་ལྟར། །འཇིག་རྟེན་དྲུག་གི་ཕྱོགས་བཅུར་སྣང་བར་འགྱུར། །ཉག་གཅིག་ཀུན་ཏུ་གྲགས་པའི་ལེའུ་སྟེ་གསུམ་པའོ། །གྱརླཡང་སྐོཡན་རྭ། སྭང་བྷ། ཏྲ༷་ཇོ་ཎྜ། བསམ་རྟུགས་ཀྱི་ལྷ་ཁང་ན། རྫ་མཁན་གྱི་བུ་མོ། རྒྱལ་མཚན་གྱི་རྩེ་ལ་གསལ་ཤིང་གི་སྒྲོན་མེད་འཇུག་པའི་མན་ངག །རྣམ་དག་བྱང་ཆུབ་སེམས་ལ་བཀོད་མེད་ཡེ་ཤེས་གསལ། །མ་རིག་སྒོ་ངའི་སྦུབས་ཕྱེ་གསལ་བར་བསྟན། །རྟོག་པའི་དྲུ་བ་གཅོད་པའི་ཤེས་རབ་མཚོན། །རྡོ་རྗེའི་རྩེ་ལ་ཡེ་ཤེས་རང་གསལ་བ། །ནང་མེད་ནང་ནང་རང་བྱུང་ཉག་གཅིག་པོ། །ཐོབ་རྒྱུ་མེད་པའི་འབྲས་བུ་ཉག་གཅིག་པོ། །ཤེས་རབ་ཕ་རོལ་ཕྱིན་པའི་གོམ་གཅིག་པོ། །བཙལ་དུ་མེད་པའི་དགོངས་པ་ཉག་གཅིག་པོ། །སྟོབས་ཀྱི་ཕ་རོལ་ཕྱིན་པའི་གོམ་གཅིག་པོ། །དྲི་མེད་ཀློང་དུ་གྱུར་པའི་བདག་མེད་ཡེ་ཤེས་སྐུ། །དྲི་མེད་ཤེས་རབ་ཀློང་ན་རབ་་གསལ་བའི། །ཆོས་སྐུ་ཤེས་དགོངས་རང་བཞིན་རྣམ་པར་དག །རིག་པ་རང་གི་ངོ་བོ་བསྟན་པའི་ལེའུ་སྟེ་བཞི་པའོ། །སྨཡ་སཧ་ཨལ། ཁྲ༷་ཀྟར་བྷ་ཡ་བྷ་བྱུ། ལྕགས་ཀྱི་ཀ་རྒུ་སྒྲིལ་ལ། །གྱང་ཆེན་པོ་ལྔ་ཕོང་འགྲན་པའི་མན་ངག །ཡེ་ཤེས་ཡོངས་སུ་གཅོད་པའི་ལ། །བྱང་ཆུབ་སེམས་ཀྱི་རྣམ་པར་གཅོད་པ། །མཚོན་པའི་ཡེ་གེ་བརྡ་སྦྱོང་ནི། །རྒྱལ་བའི་ཞལ་ནས་གསུངས་པ་ཡིན། །མེ་ཏོག་པདྨའི་སྙིང་པོ་ལ། །ཉི་མའི་འོད་ཟེར་ཤར་བ་ལྟར། །དྲི་མེད་དག་པའི་ཆོས་སྐུ་ལ། །དྲི་མེད་དག་པའི་ཚིག་བརྗོད་པས། །དོན་དམ་ཉིད་དུ་སྤྲོས་དང་བྲལ། །ཡང་དག་དོན་གྱི་མེ་ལོང་ལ། །ཡང་དག་དོན་གྱི་བདག་སྣང་བ། །བདག་གི་བདག་ཉིད་དེ་མཐོང་འགྱུར། །བདག་ཉིད་ཆེན་པོའི་དོན་བརྗོད་ན། ཁྲེས་རབ་ཉིད་ཀྱིས་ཤེས་རབ་ལྷོས། ཁྲེས་རབ་བདག་མེད་མྱ་ངན་འདས། །རང་བྱུང་གི་ཡེ་ཤེས་ཆོས་ལས་གྲོལ་བར་བསྟན་པའི་ལེའུ་སྟེ་ལྔ་བའོ། །ཡཀཅ་ཨལརྒྱ། མྱ་ནཱ་ཨཧ། ཤུང་ལྷ། རྭམཧ། ལྭཎ། ཆུ་བོ་བྷ་བྷ་ལ། རྐྱལ་ཆེན་པོ་གཉིས་སྟོབས་འགྲན་པའི་མན་ངག །ནམ་མཁའི་མཐོངས་ནས་སྣང་གསལ་གྱི་ཉི་ཟླ་ཤར་བས། ཉིན་མོ་དང་མཚན་མོ་གཉིས་མེད་དོ། །ཆོས་ཉིད་ཀྱི་ཀློང་ནས་མན་ངག་གི་ཏི་ཀ་ཤར་བས། དགོངས་པ་ལ་མཚམས་མེད་དེ། །སྒོམ་དུ་མེད་པའི་ལྟ་བ་ཉིད་ཞི་གནས་དང་ལྷག་མཐོང་ཟུང་དུ་འབྲེལ་བའི་དུས་སུ། སངས་རྒྱས་ཀྱི་དགོངས་པ་མཐར་ཕྱིན་པའོ། །བྱང་ཆུབ་སེམས་དཔའ་ཆོས་ལ་གནས་ཤིང་བློ་ཡུལ་དུ་བྱེད་པ་རྣམས་ནི། ཡིད་ཀྱི་འདུ་ཤེས་ཡུལ་ལ་བསྡུས་ཏེ་བཙལ་བ་མེད་པ་ལ་བཙལ་བའི་འདུ་ཤེས་ཀྱིས་ཚིག་གི་སྒྲོན་མ་ངེས་པའི་ཚད་བཞག་སྟེ། སེམས་དང་ཡེ་ཤེས་ཁམ་པ་དང་བུམ་པའི་ཚུལ་དུ་གནས་པས། བདེན་པ་ལ་རེས་འཇོག་འབྱུང་སྟེ། མོས་པ་སྤྱོད་པའི་ས་སྟེ། དོན་དམ་པའི་ད་གོངས་པ་ནི་མ་ཡིན་ནོ། །ཞེས་རྡོ་རྗེ་སེམས་དཔའ་ཉིད་ཀྱིས་གསུངས་སོ། །སངས་རྒྱས་དང་བྱང་ཆུབ་སེམས་དཔའི་དགོངས་པ་ཤན་དབྱེ་བའི་ལེའུ་སྟེ་དྲུག་པའོ། །ཟྭ་སྭ་རྭ་མ་ཧྭ་པྲ་སྭ་རྭ་དྷར་མ་ཙྭ་ན། རྫི་གསེར་གྱི་རླུ་་ལ། རྫུ་འཕྲུལ་གྱི་ལྷ་མོ་ཞགས་པས་འགུགས་པའི་མན་ངག །ཡིད་རང་བྱུང་གི་ཡེ་ཤེས་རླུད་གི་ལྷ་མོ་མིག་གཅིག་མ་ལ་ཞོན་ཏེ། དྲང་སྲོང་སྐར་མདའི་བུ་མོ་བདེ་བ་ཟག་མེད་ཀྱི་ལམ་དུ་བྱུང་ནས། ཡེ་ཤེས་ཀྱི་ལྷ་མོ་རྒྱན་གྱི་ཉི་མའི་འོད་ཀྱི་འཁོར་ལོས་བཟུང་བའི་དུས་ན། རྣམ་དག་ཡེ་ཤེས་ཀྱི་ལུས་ཅན་ཞེས་བྱ་སྟེ། མངོན་པར་རྫོགས་པར་སངས་རྒྱས་སོ། །དེའི་ཚེ་དེ་དུས་སུ་དེ་ཉིད་ལ་ཆོས་ཐམས་ཅད་ཀྱི་དེ་བཞིན་ཉིད་འཆར་ཏེ། ཡང་དེའི་ཚེ་དེའི་དུས་སུ་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱིས། གྲོལ་བས་གྲོལ་བའི་ལམ་སྟོན་པར་འགྱུར་རོ། །སངས་རྒྱས་པའི་ཐབས་མཆོག་ཏུ་གྱུར་པ་བསྟན་པའི་ལེའུ་སྟེ་བདུན་པའོ། །དྭར་བྱུ་བྱ་བུ་བཱ་ཎའ་སྐྱོ་ཁིའ། ཨ་པྲ་ཏི་ནཱ་མ། གཡུའི་ལུ་མ་ལ་བྲམ་ཟེའི་བུ་མོ་དངུལ་གྱི་བུམ་པ་འགེངས་པའི་མན་ངག །བྱང་ཆུབ་སེམས་དཔའ་སེམས་དཔའ་ཆེན་པོ། རྒྱལ་མཚན་གྱི་རྩེ་མོ་ལ་ནོར་བུ་རིན་པོ་ཆེ་བཏགས་ཏེ། མི་དེས་ཡོངས་སུ་མཆོད་པ་ཆེར་བྱས་ན། དོན་འཐུན་པ་རྗེས་སུ་གྲུབ་པ་ལྟར། སྙིང་པོ་བྱང་ཆུབ་མཆོག་གི་ཐིག་ལེ། བཀའ་ལུང་གི་ཕྱི་མོར་ཤེས་ཤིང་རིག་ན། ཆོས་ཐམས་ཅད་ཀྱི་མདོ་དང་རྒྱས་པར་ཤེས་པར་འགྱུར་རོ། །ལུང་ཐམས་ཅད་ལས་གྲོལ་བར་འགྱུར་ཏེ། སེམས་ཅན་གྱི་དོན་འཇོལ་ཉོག་ཏུ་སྤྱད་ཀྱང་། རང་གི་ངོ་བོ་མི་འགྱུར་བའི་དཔེ་རྒྱ་མཚོ་དང་ཆུ་བྲན་གྱི་ཚུལ་ལོ། །བྱང་ཆུབ་ཀྱི་སྙིང་ལ་བྱང་ཆུབ་ཀྱི་མྱུ་གུ་སྨིན་པའི་དུས་སུ། །མཚན་མ་ཐམས་ཅད་རང་གྲོལ་དུ་རང་ཤར་བའོ། །དོགས་པའི་འདུ་ཤེས་ཐམས་ཅད་རབ་ཏུ་ཉེ་བར་ཞི་ནས་མེ་ལོང་གི་ངོ་ལ་ཉི་མ་ཤར་བ་ལྟ་བུའོ། །ཐུགས་རྗེ་ལ་དབྲི་དཀྲོལ་མེད་པའི་ལེའུ་སྟེ་བརྒྱད་པའོ། །ཝ་ཁྲ་རྭ་གླུརྒྱ། བཱ་རྙ་ཀྭ་སྐྱུ་དྷ་ཥའ་སྨུ། གཅན་གཙན་གྱི་རྒྱལ་པོ་སེང་གེ་ལ། ཏི་པ་རིལ་བུ་ལྕགས་ཐག་འདོགས་པའི་མན་ངག །བྱང་ཆུབ་སེམས་དཔའ་རྣམས་རབ་ཏུ་ཉོན་ཅིག །ཐུགས་རྗེ་ཆེན་པོ་ནམ་མཁའ་ཀློང་ཡངས་ཀྱི་རྒྱུད་ནི་དཔངས་མཐོ། རྡོ་རྗེ་བརྗེད་གནོད་ཀྱི་རྒྱུད་ནི་གཏིང་ཟབ། ཐིག་ལེ་དུམ་དུམ་ཁྲིགས་ཀྱི་ཕྱོགས་ནི་བརྟག་དཀའ། །གང་ཟག་རྣམས་ཀྱི་ཆོས་ནི་དཔེ་ཐོག་ཏུ་ལུས་པས། །རྣམ་པར་གྲོལ་བའི་ཡེ་ཤེས་ཐོབ་པ་ནི་ཤིན་ཏུ་དཀའ་ན། གཟུགས་ཀྱི་ཕུང་པོ་ཕྱི་སྣོད་ཀྱི་འཇིག་རྟེན་ཡེ་ཤེས་ཀྱི་གཞལ་མེད་ཁང་རྒྱན་མ་བཀོད་པར་བས། །བརྟེན་པའི་ཡེ་ཤེས་རང་རྫོགས་ཏེ། །སངས་རྒྱས་ཀྱི་ས་ནས་སངས་རྒྱས་ཀྱི་ཞིང་དུ་བགྲོད་དུ་མེད་པའི་ལམ་ལ་དབུགས་ཀྱི་རྟ་ལ་སྐད་ཅིག་མ་ལ་སེང་གེ་མཆོད་སྟབས་ལྟ་བུའོ། །ནང་བཅུད་ཀྱི་འཇིག་རྟེན་ཉོན་མོངས་པ་ལྔ་རང་བྱུང་གི་སངས་རྒྱས་ལྔ། །སྐུ་མདོག་དང་ཕྱག་མཚན་རྒྱན་དང་ཆ་ལུགས་མཚན་དང་དཔེ་བྱད་དུ་མངོན་པར་སངས་རྒྱས་ཏེ། ཐུགས་རྗེ་ཐམས་ཅད་ཀྱི་འབྱུང་གནས་ཚད་མེད་པ་བཞིའི་སྒོ་རང་བྱུང་དུ་བསྟན་པའོ། །སྣོད་བཅུད་གཉིས་སུ་མེད་པའི་ངང་ནས། རང་བྱུང་གི་འབྱུང་བ་ཆེན་པོ་ཡེ་ཤེས་རང་ཆས་སུ་གནས་པས། །སྒྱུ་མ་ལྟ་བུའི་སྐུ་རང་སྣང་གི་འོད་གསལ་བས། །བདེ་བ་ཆེན་པོ་ཆོས་ཀྱི་སྐུས་ཁྱད་དུ་འཕགས་སོ། །སྐྱེས་བུ་སྙིང་སྟོབས་དང་ལྡན་པས་རྟོགས་པ་ཁྱད་པར་ཅན་ལ་སྤྱོད་པ་ནི། ནམ་མཁའ་སྒྲ་ནམ་མཁའ་ལ་ཐིམ་པ་བཞིན་ནོ། །ཐིག་ལེ་ཉག་གཅིག་རྟོག་གེ་བའི་སྤྱོད་ཡུལ་མིན་པར་བསྟན་པའི་ལེའུ་སྟེ་དགུ་པའོ། །ཨུ་མྱ་ཧ་ཧུ་ཝ། མ་ཧྭ་ཙྭ་ཡ་ཧྭ་ཀྟའ་ཀྭ་ཡ། རྒྱལ་བུ་རྩིབས་ཀྱི་མུ་ཁྱུད། ནམ་མཁའི་འཇའ་ཐུར་དུ་འཇུག་པའི་མན་ངག་བྱང་ཆུབ་སེམས་དཔའ་སེམས་དཔའ་ཆེན་པོ། ཆོས་ཐམས་ཅད་ལ་སྤྱོད་པའི་མཐའ་མ་སྐྱེས་པར། རྟོག་པའི་མཐའ་མི་ཆོད་དོ། །གང་ཡོངས་སུ་མ་ཤེས་པར་གང་གིས་ཡོངས་སུ་སྒྲིབ་བོ། །གང་ཡོངས་སུ་མ་བླངས་པས། གང་གི་མཐར་མི་ལྟུང་ངོ་། །གང་གི་མཐར་མ་ལྟུང་བས། ཀུན་གྱི་བདག་ཉིད་ཆེན་པོ་ཞེས་བྱའོ། །འདོད་པ་མེད་པར་ཉེ་བར་ལེན་པ། ཡེ་ཤེས་ཀྱི་ཕུང་པོ་དང་། འཇུག་པ་མེད་པ་རྡོ་རྗེའི་སྙིང་པོའི་ལམ་དུ་འཇུག་པ། གནས་པ་མེད་པ་ཀུན་ཏུ་བཟང་མོ། སྤྲོས་པ་ཐམས་ཅད་ཉེ་བར་ཞི་བ། བདག་ཉིད་མེད་པའི་བདག་ཉིད་ཆེན་པོ། སྙིང་པོ་བྱང་ཆུབ་ལ་མངོན་པར་བཞུགས་པའོ། ཁེས་བཞིན་དུ་མི་གནས་པར་བསྟན་པའི་ལེའུ་སྟེ་བཅུ་བའོ། །ཏ་ཁ་ལ་ཨཀ་པ། སརྦ་ཏྭ་ཐུ་ཀྟ་ཌའ་བ་ཛྲཧ་ཨ་ཨུ། རྡོལ་བ་ལག་ཤ་ནའི་བུ་མོ་སྨ་ཤ་གྲོང་རྒྱུན་མ། ལྷའི་དབང་པོ་བརྒྱ་བྱིན་ལ་བག་མར་འགྲོ་བའི་མན་ངག །ཐོག་མ་རང་བཞིན་ལྷུན་གྱིས་གྲུབ་པའི་སངས་རྒྱས། རྒྱུ་དང་རྐྱེན་ལ་རག་མ་ལུས་པས། ཐ་མ་རྐྱེན་དབང་མི་འགྲོ་སྟེ། ཆོས་ཐམས་ཅད་ཀྱི་ཐུག་ས་བོ། རྟོག་པ་མངོན་དུ་གྱུར་པའི་སངས་རྒྱས་ཆོས་ཀྱི་སྐུ་ཞེས་བྱ་བ་མ་བཅོས་པ། རང་བྱུང་དང་རང་སྣང་དུས་མཚུངས་པ། རྩོལ་བའི་ནད་ཐམས་ཅད་སྤངསཔ། ཤེས་བྱ་ལ་ཐོགསཔ་མེདཔ། གཞི་དེ་ཁོ་ན་ཉིད་རང་གི་ཡུལ་དུ་བྱེད་པས། རང་བྱུང་དང་རང་བྱུང་གི་ཡེ་ཤེས་གཉིསཆུ་དང་ལནཚྭའི་རོ་ལྟ་བུའོ། མ་རིག་པ་རིག་པར་ཤར་བའི་ལེའུསྟེ་བཅུ་གཅིག་པའོ། །སྣ་ཏུ་ཏ༷མྱ། ཙྭ་ཚྭ་ཛ་སྒྲོ སྨན་གྱི་ཆུ་མིག་མགོ་གསུམ་ལ། བྱེ་བྲག་ཐམས་ཅད་འདུ་བའིམན་ངག །ལུང་ཏི་ཀ་ཆེན་པོ་བཞི་དགོངས་པ་ཐམས་ཅད་ཀྱི་ཕུག་བསྟིམ་པས། སངས་རྒྱས་ཐམས་ཅད་དང་མཉམ་པར་སྦྱོར་བའི་མན་ངག་ལ། རྒྱུད་ཐམས་ཅད་ཀྱི་སྙིང་པོ་སངས་རྒྱས་འདུས་པ་མན་ངག་གི་རྒྱུད་དང་། ལུང་ཐམས་ཅད་ཀྱི་མདོ་ལུང་བམ་པོ་གསུམ་པ་དང་། མན་ངག་ཐམས་ཅད་ཀྱི་དེ་མས་ཏི་ཀ་ཆེན་པོ་བཞིའི་བོན་པོའོ། དཔེར་ན་སྦྲ་པའི་གུང་ཤིང་ལྟ་བུསྟེ། ཆོས་ཐམས་ཅད་ཀྱི་སྙིང་པོ་རྡོ་རྗེསེམས་དཔའ་ཐུགས་ཀྱི་གསངབ། དོན་གྱི་ཡེ་ཤེས་ཤེས་རབ་རང་བྱུང་དུ་བསྟན་པའོ། །ཕྱི་ནང་སྣོད་བཅུད་སྡེ་སྣོད་ཐམས་ཅད་འདི་ཡི་ཁོངས་སུ་མ་འདུས་པ་མེད་པས། བཀའ་རྫོགས་པ་ཆེན་པོ་ཞེས་བྱ། བྱེ་བྲག་ཆུ་ལ་འདུ་བ་ལྟ་བུ་སྟེ། བརྡ་དང་དོན་དུ་འབྱོར་བའོ། ཆོས་ཐམས་ཅད་ཀྱི་བདག་ཉིད་གཅིག་པར་བསྟན་པའི་ལེའུ་སྟེ་བཅུ་གཉིས་པའོ། །ཨུ་ས་ཨཁ། བཛུ་བཱ་ནི་ཟྭ་སྭ་རྭ་ཏྭ་ཎའ་ཏྭ་འདུ་པྲ་ཡུ་ནཱ་མཧི། གཡུང་དྲུང་གི་ཀ་བ་བཞི་སྟེང་ན། རིན་པོ་ཆེ་སྣ་ལྔའི་མཆོད་རྟེན་རང་བྱུང་སྟེ། མུ་ཏིག་གི་འཁོར་ལོ་ལ། རིན་པོ་ཆེ་བྱུར་བུའི་རྒྱལ་མཆན་བཙུགས་ནས། གཡུའི་བྱ་ཁུ་བྱུག་སྐད་ལན་གསུམ་སྒྲོགས་པའི་མན་ངག །ཐུན་མོང་མ་ཡིན་པའི་དགོངས་པ་ཁྱད་པར་དུ་འཕགས་པའི་རྒྱུད་བཞི་ལ། མན་ངག་གི་རྒྱན་ལྔས་སྤས་ཏེ། བཤད་རྒྱུད་གསུམ་གྱིས་ཤེས་པའི་མཐའ་བཀྲོལ་ནས། སངས་རྒྱས་ཡེ་ཤེས་ཀྱི་ལུས་ཅན་དུ་རྣམ་པར་གྲོལ་བའི་དུས་ན། ཆོས་ཐམས་ཅད་ལ་མ་རྨོངས་པའི་ཤེས་རབ་ལྷག་པ་རང་བྱུང་དུ་སྐྱེ་བར་འགྱུར་ཏེ། བརྡ་དང་སྒྲ་དང་ལུང་སྟོན་པ་བདེ་བ་ཅན་ལས་ཀྱང་གསུང་རིག་པའི་ཁུ་བྱུག་སྒྲ་སྒྲོགས་པར་འགྱུར་རོ། །ཆོས་ཅན་དང་ཆོས་ཉིད་མི་འགལ་བར་བསྟན་པའི་ལེའུ་སྟེ་བཅུ་གསུམ་པའོ། །རྟསྩགྲྭ། སྨ་དྷ་ལ༷འཧ༷་ས་འདུ་སྣྲི་སྙི་སྭ༷་བྷ་ས༷་བྷ། མ་ཕམ་གི་མཚོ་ལ། གསེར་གྱི་ཉ་མོ་འགྱུ་བའི་མན་ངག ཁྲེས་རབ་ཀྱི་བདག་ཉིད་ཏིང་ངེ་འཛིན་གྱི་དབང་དུ་གྱུར་ཏེ། ཐབས་དང་ཤེས་རབ་གཉིས་སུ་མེད་པ་ལས། ཆོས་ཀྱི་དབྱིངས་ཀྱི་ཡེ་ཤེསརངབཞིནགྱིསགསལབའི་དུས་ན། ངང་ཀུན་ཏུ་བཟང་མོ་མཁའ་ཀློང་། རྣམ་པར་དག་པའི་ཀློང་ན། ཡིད་རང་བྱུང་གི་ཡེ་ཤེས་ཆེན་པོ། ནམ་མཁའི་མཐོངས་ནས་་གསལ་བའི་སྒྲོན་མ་དྲག་པོ་ཤར་བའི་ཚུལ་ཏེ།དེ་ཉིད་རང་བྱུང་རང་ཞི་བར་སྣང་གི་མཐོངས་ན་འབྱུང་བའི་རླུ་་བྱུང་བའི་དུས་སུ། འབྱུང་བའི་དང་སྙིགས་དབྱེ་བའི་ཚུལ་དུ་སེམས་དང་ཡེ་ཤེས་འབྱེད་པའི་དུས་སུ། བག་མོ་དང་རེག་པའི་ཚུལ་ཏེ། རྐྱེན་འཇུག་པའི་མཚན་ཉིད་མཁས་པས་བརྟག་གོ །རྟོགས་པའི་ངང་ལ་བཞག་པའི་ལེའུ་སྟེ་བཅུ་བཞི་པའོ། །སྟུང་བྷ་འདུ་མཧ་བྷ་སྙི་སྭ་འདུ་དྷར་མྱ་ཙཎྜ་སྙི་དྷརྨ་ལྷུ་ཡ་ཤི་ཉྭ་སུ་བཱ་རྙི་ཨུ་ཨཧ། གངས་ཏི་སེའི་ཁ་ནས་ཆུ་བོ་ཆེན་པོ་བཞི་འབབ་པའི་མན་ངག །མན་ངག་གི་བཀའ་ཆེན་པོ་བཞིས་ཆོས་ཐམས་ཅད་ཀྱི་དེ་བཞིན་ཉིད་གཏན་ལ་དབབ་པ་ནི། རིག་པའི་ཆོས་ཀྱི་སྐུ་རྡོ་རྗེ་ཚིག་གསུམ་གྱིས་གཏན་ལ་ཕབ་སྟེ། དཔེ་དོན་རྟགས་དང་གསུམ་གྱིས་མན་ངག་ཐམས་ཅད་ཀྱི་མཐའ་གཅད་ལ། རང་གི་མཚན་ཉིད་ཀྱི་ཡུལ་དུ་གཞག་པ་དང་། ཆོས་ཐམས་ཅད་བློའི་ཡུལ་དུ་ཤེས་པར་བྱས་ཏེ། བསྒོམ་བྱའི་ཡུལ་དུ་མི་གནས་པར་བྱ་བ་དང་། དགོངས་པ་ཉག་གཅིག་ཡུལ་དུ་སྣང་བའི་དུས་སུ། ཆོས་ཐམས་ཅད་ཀྱིས་མ་བཅིངས་མ་བཀྲོལ་བ་དང་། རང་བྱུང་གི་ཡེ་ཤེས་དང་རྟོགས་པའི་ཡེ་ཤེས་མི་ཕྱེད་པའི་དུས་ན། བདག་ཉིད་ཆེན་པོ་མི་གནས་པའི་ཡེ་ཤེས་སུ་མ་སྐྱོལ་དང་། །སངས་རྒྱས་ཀྱི་བདེན་པ་མཐོང་བའི་དུས་སུ་ཕྱིར་ལྡོག་པའི་མཐའ་ཡོད་དེ། བདག་གི་དེ་ཁོ་ན་ཉིད་བརྟག་པའི་ཤེས་རབ་ཁོ་ནས་བརྟག་གོ །ལྟ་བ་ཐམས་ཅད་ཀྱི་མདོ། རྒྱུད་ཐམས་ཅད་ཀྱི་ཕྱོགས། སྒྲ་གཅིག་གི་བརྡ་བཅོ་ལྔ་བསྟན་པའི་མན་ངག །རིན་ཆེན་སྐྲུངས་པའི་མདོ། ཡང་ནས་ཡང་དུ་སྦས་པའི་གཏེར། རྗེའི་བླ་དཔེ་པོ་ཏི་སྨུ་གུ་བསེ་ཁོང་ནག་གི་གླེགས་བམ། དགའ་རབ་རྡོ་རྗེ་རྒྱའི་བཀྲ་ཤིས་ཁྲི་སྒོ་ནས་སྟོན་ནས་ཉིད་ཀྱི་ཐུགས་དམ་དུ་བཅངས་ནས། བརྙི་ཏ་རིམ་པར་བརྒྱུད་པའི་གཞུང་། བི་མ་ལས་རྗེའི་ཕྱག་ཏུ་གཏད་དེ་མཁའ་འགྲོ་མའི་རྒྱས་བཏབ་བོ། །རྗེས་རྟ་ངང་པ་གསེར་སྒོང་ལ། ཟ་ཕུག་སྟན་ཕབ་དངུལ་གྱི་སྒོ་གསེར་གྱི་པ་ཏྲ་ཅན་བཏད་ནས། ཁ་གསེར་དང་ཁ་གཡུ་དར་ཟབ་དང་། ཕྲ་མེན་གྱི་སྐྱོགས་སུ་དཀྲུགས་པ་ཕུལ་ཏེ། ཡང་ནས་ཡང་དུ་ཞུས་པ་ལགས་སོ། །སངས་རྒྱས་འདུས་པ་མན་ངག་གི་རྒྱུད་ལེའུ་བཅོ་ལྔ་པ་རྫོགས་སོརྒྱ་གར་སྐད་དུ། ཤི་མཉུ་ཏན་ཏྲ་དུ། བོད་སྐད་དུ། འཇམ་དཔལ་འདུས་པའི་རྒྱུད། འཇམ་དཔལ་ཡེ་ཤེས་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོ་པའི་དུས་གཅིག་ན། འོག་མིན་དུ་